James (Shona)

1

1:1b.JAM.001.001 Jakobho, muranda waMwari nowaShe Jesu Kristu, kumarudzi anegumi namaviri akapararira: Farai! Kutambudzika nemiidzo

1:2b.JAM.001.002 Hama dzangu,zvitorei somufaro bedzi kana muchiwira mumiidzo mizhinji;

1:3b.JAM.001.003 muchiziva kuti kuidzwa kwokutenda kwenyu kunobereka kutsungirira.

1:4b.JAM.001.004 Asi kutsungirira ngakuve nebasa rakakwaniswa, kuti mukwane, mururame kwazvo, musingashaiwi chinhu.

1:5b.JAM.001.005 Zvino kana mumwe wenyu achishaiwa kuchenjera ngaakumbire kunaMwari, unongopa vose asingazotuki; uchapiwa hake.

1:6b.JAM.001.006 Asi ngaakumbire nokutenda, asinganyunyuti napaduku; nokuti munhu unonyunyuta wakaita sefungu regungwa rinosundwa nemhepo richimutswa-mutswa.

1:7b.JAM.001.007 Munhu uyu arege kufunga kuti uchazowana chinhu kunaShe;

1:8b.JAM.001.008 munhu, unemoyo miviri, unoshanduka-shanduka panzira dzake dzose.

1:9b.JAM.001.009 Asi hama iri muduku ngaafare nokukudzwa kwake;

1:10b.JAM.001.010 nomufumi nokuninipiswa kwake, nokuti uchapfuvura seruva rovuswa.

1:11b.JAM.001.011 Nokuti zuva rinobuda pamwe chete nemhepo inopisa, ndokuwomesa vuswa; ruva rabwo rinowira pasi, nokunaka kwabwo kwakanga kwavonekwa kunopera; saizvozvo vo mufumi uchasvava panzira dzake.

1:12b.JAM.001.012 Wakaropafadzwa munhu uyo unotsungirira pakuidzwa; nokuti kana atendwa, uchapiwa korona yovupenyu yakapikirwa avo vanomuda.

1:13b.JAM.001.013 Kana munhu achiidzwa, ngaarege kuti ndinoidzwa naMwari; nokuti Mwari haangaidzwi nezvakaipa, naiye amene haangaidzi munhu.

1:14b.JAM.001.014 Asi munhu mumwe nomumwe unoidzwa kana achikwebwa nokuchiva kwake achinyengerwa.

1:15b.JAM.001.015 Zvino kuchiva, kana kwarema, kunozvara zvivi; nezvivi, kana zvakura, zvinobereka rufu.

1:16b.JAM.001.016 Musanyengerwa, hama dzangu dzinodikanwa.

1:17b.JAM.001.017 Zvipo zvose zvakanaka nezvipiwa zvose zvakakwana zvinobva kumusoro, zvichiburuka kunaBaba vezviedza, uyo usina kupinduka kana mumvuri wokushanduka.

1:18b.JAM.001.018 Nokuda kwake wakatibereka neshoko rezvokwadi, kuti isu tiite sechibereko chokutanga chezvisikwa zvake. Ivai vaiti veshoko

1:19b.JAM.001.019 Munoziva henyu izvozvo hama dzangu dzinodikanwa. Asi munhu mumwe nomumwe ngaakurumidze kunzwa, anonoke kutaura, anonoke kutsamwa;

1:20b.JAM.001.020 nokuti kutsamwa kwomunhu hakuiti kururama kwaMwari.

1:21b.JAM.001.021 Saka bvisai tsvina yose nokuipa kwakawanda, mugamuchire nomoyo munyoro shoko rakasimwa mukati menyu, rinogona kuponesa mweya yenyu.

1:22b.JAM.001.022 Asi ivai vaiti veshoko, musava vanzwi voga, muchizvinyengera.

1:23b.JAM.001.023 Nokuti kana ari munzwi weshoko, asati ari muiti waro, wakafanana nomunhu unovona chiso chake, chaakaberekwa nacho, muchivonivoni.

1:24b.JAM.001.024 Nokuti unozvivona, ndokuenda, ndokukanganwa pakarepo kuti wakadini iye.

1:25b.JAM.001.025 Asi munhu unocherekedza murairo wakakwana, iwo murairo wokusunungurwa, akaramba achidaro, asati ari munzwi, unokanganwa, asi muiti webasa, iye ucharopafadzwa panezvaanoita.

1:26b.JAM.001.026 Kana munhu pakati penyu achiti ndinonamata Mwari, asingadzori rurimi rwake, asi achinyengera moyo wake, kutenda kwaiyeyo munhu hakunamaturo.

1:27b.JAM.001.027 Kunamata, kwakarurama, kusine mhosva pamberi paMwari wedu naBaba, ndiko kufambira nherera nechirikadzi pakutambudzika kwavo, nokuzvichengeta, kuti arege kusvibiswa nenyika.

2

2:1b.JAM.002.001 Hama dzangu, kutenda kwenyu kunaShe wedu Jesu Kristu, iye wokubwinya, ngakurege kuva nokutenda zvinovonekwa zvomunhu.

2:2b.JAM.002.002 Nokuti kana musinagoge renyu mukapinda munhu unemhete yendarama, akapfeka nguvo dzakanaka, mukapinda vo murombo, wakapfeka nguvo dzakaipa;

2:3b.JAM.002.003 mukatarira uyo wakapfeka nguvo dzakanaka, mukati: Gara pano pakanaka; mukati kumurombo: Mira ipapo, kana: Gara pasi pachitsiko chetsoka dzangu;

2:4b.JAM.002.004 ko hamuna kutsaura mumoyo yenyu, mukava vatongi vanemifungo yakaipa here?

2:5b.JAM.002.005 Inzwai, hama dzangu dzinodikanwa: Ko Mwari haana kusanangura varombo venyika here kuti vave vafumi pakutenda, navadyi venhaka yovushe bwakapikira vanomuda?

2:6b.JAM.002.006 Asi imi makazvidza murombo. Ko havazi vafumi vanokuremedzai, naivo vanokukwirirai kuzvigaro zvokutonga here?

2:7b.JAM.002.007 Ko havazi ivo vanomhura zita rakanaka ramunotumidzwa naro here?

2:8b.JAM.002.008 Asi zvino kana muchizadzisa murairo wovushe, sezvazvakanyorwa, zvichinzi: Ida wokwako sezvaunozvida iwe, munoita zvakanaka.

2:9b.JAM.002.009 Asi kana muchitenda zvinovonekwa zvomunhu, munoita zvivi, munopiwa mhosva nomurairo muchinzi vadariki.

2:10b.JAM.002.010 Nokuti munhu unochengeta murairo wose, akagumburwa kunechinhu chimwe chete, wava nemhosva kunezvose.

2:11b.JAM.002.011 Nokuti iye, wakati: usaita vupobwe, ndiyevo: wakati usavuraya. Zvino kana usingaiti vupobwe, asi uchivuraya, wava mudariki womurairo.

2:12b.JAM.002.012 Taurai, vuye itai savanhu vanozotongwa nomurairo wokusunungurwa.

2:13b.JAM.002.013 Nokuti kutonga hakungavi nengoni kunousina kuitira vamwe ngoni; ngoni dzinozvirumbidza dzichikunda kutonga. Kutenda kusinamabasa kwakafa

2:14b.JAM.002.014 Zvinobatsirei hama dzangu, kana munhu achiti: Ndinokutenda, asi asinamabasa? Ko kutenda uko kungamuponesa here?

2:15b.JAM.002.015 Kana kunehama, murume kana mukadzi, asina zvokufuka, unoshaiwa zvokudya zuva rimwe nerimwe,

2:16b.JAM.002.016 mumwe wenyu akati kwavari: Endai henyu nomufaro, mudziyirwe, mugute, musingavapi izvo zvinodikanwa nomuviri, zvinogobatsirei?

2:17b.JAM.002.017 Saizvozvo, vo, nokutenda kana kusinamabasa, kwakafa hako.

2:18b.JAM.002.018 Asi mumwe ungati: iwe unokutenda, neni ndinamabasa; ndiratidze kutenda kwako kusina mabasa,neni ndigokuratidza namabasa angu kutenda kwangu.

2:19b.JAM.002.019 Iwe unotenda kuti Mwari ndiye mumwe chete; unoita zvakanaka; mweya yakaipa inotenda vo izvozvo, ichidedera.

2:20b.JAM.002.020 Zvino iwe munhu wovupenzi, unoda kuziva here kuti kutenda kusinamabasa kwakafa?

2:21b.JAM.002.021 Ko Abhurahamu, baba vedu, haana kururamiswa namabasa here, nguva yaakabayira mwanakomana wake Isaka paaritari?

2:22b.JAM.002.022 Unovona kuti kutenda kwake kwakabata pamwe chete namabasa ake, vuye kuti kutenda kwake kwakakwaniswa namabasa;

2:23b.JAM.002.023 rugwaro rukaitika, runoti: Abhurahamu wakatenda Mwari, kukanzi kwaari ndiko kururama; akanzi hama yaMwari.

2:24b.JAM.002.024 Munovona kuti munhu unoruramiswa namabasa, haaruramiswi nokutenda bedzi.

2:25b.JAM.002.025 Saizvozvo vo, Rakabhi, chifeve, haana kururamiswa here namabasa, nguva yaakachingamidza nhume, nokuvaendisa neimwe nzira?

2:26b.JAM.002.026 Nokuti somuviri usinomweya wakafa, saizvozvo kutenda kusinamabasa kwakafa vo.

3

3:1b.JAM.003.001 Hama dzangu, musava vadzidzisi vazhinji, zvamunoziva kuti tichatongwa nokupfuvurisa.

3:2b.JAM.003.002 Nokuti tinogumburwa tose pazvinhu zvizhinji. Kana munhu asingagumburwi pakutaura, iye munhu wakakwana, unogona kudzora muviri wose vo.

3:3b.JAM.003.003 Zvino kana tichiisa matare amabhiza mumiromo yawo, kuti atiterere, tinodzora vo muviri wawo wose.

3:4b.JAM.003.004 Tarirai magwa makuru, kunyange ari makuru akadai, achidzingwa nemhepo dzinesimba guru, anodzorwa nechidzoreso chiduku duku kwose-kwose nokuda kwomoyo womufambisi wawo.

3:5b.JAM.003.005 Saizvozvo vo rurimi mutezo muduku, runozvirumbidza zvikuru. Tarirai, moto muduku unotungidza huni zhinji sei!

3:6b.JAM.003.006 Rurimi moto, rwakaita senyika izere nezvisakarurama; ndizvo zvakaita rurimi pakati pemitezo yedu, runosvibisa muviri wose, runotungidza nzira yose yovupenyu, runotungidzwa irwo neGehena.

3:7b.JAM.003.007 Nokuti marudzi ose emhuka, neshiri, nezvinokambaira, nezviri mugungwa angapingudzwa, vuye akambopingudzwa navanhu;

3:8b.JAM.003.008 asi hakunomunhu ungapingudza rurimi; ndicho chinhu chakaipa chinoshanduka-shanduka, chizere nomuti unovuraya.

3:9b.JAM.003.009 Narwo tinorumbidza Ishe Baba; narwo tinotuka vanhu, vakaitwa nomufananidzo waMwari;

3:10b.JAM.003.010 mumuromo mumwe munobva kurumbidza nokutuka. Hama dzangu, hatifaniri kudaro.

3:11b.JAM.003.011 Tsime rinobudisa pachitubu chimwe mvura inonaka neinovava here?

3:12b.JAM.003.012 Hama dzangu, muvonde ungabereka maorivhi, kana muzambiringa mavonde here? Kunyange nemvura inovava haingabudisi inonaka. Kuchenjera kunobva kumusoro

3:13b.JAM.003.013 Ndiani pakati penyu wakachenjera, wakangwara? Ngaaratidze nomufambire wake wakanaka mabasa ake novunyoro bwovuchenjeri.

3:14b.JAM.003.014 Asi kana munegodo rinovava norukave mumoyo menyu, musazvirumbidza nokurevera zvokwadi nhema.

3:15b.JAM.003.015 Kuchenjera uku hakuburuki kuchibva kumsoro, asi ndokwenyika, kwatakamuka nako, kwomweya wakaipa.

3:16b.JAM.003.016 Nokuti panegodo norukave, ndipo panenyonganiso namabasa ose akaipa.

3:17b.JAM.003.017 Asi kuchenjera, kunobva kumusoro, zvikuru kwakachena, vuye kunorugare, kunyoro, kunoterera, kuzere nengoni nezvibereko zvakanaka, kusingatsauri kusinganyengeri.

3:18b.JAM.003.018 Chibereko chokururama chinodzwarwa parugare navanoita rugare.

4

4:1b.JAM.004.001 Kurwa nokukakavara pakati penyu zvinobvepiko? Hazvibvi pakuchiva kwenyu, kunorwa pamitezo yenyu here?

4:2b.JAM.004.002 Munochiva, Munorwa asi hamune chinhu; munovuraya, munogodorana, musingagoni kuwana chinhu; munokakavara, muchirwa; hamunechinhu nokuti hamukumbiri..

4:3b.JAM.004.003 Munokumbira, musingapiwi; nokuti munokumbira zvakaipa, kuti muzviparadze pakuchiva kwenyu.

4:4b.JAM.004.004 Imi vovutere,hamuzivi here kuti vushamwari bwenyika bwunovengana naMwari? Naizvozvo mumwe nomumwe, unoda kuva shamwari yenyika, unozviita muvengi waMwari.

4:5b.JAM.004.005 Munofunga kuti Rugwaro runotaura pasina here, ruchiti: Mweya, wakagarisa mukati medu unotishuva negodo?

4:6b.JAM.004.006 Asi unopa nyasha dzakapfuvura. Saka Rugwaro runoti: Mwari unodzivisa vanozvikudza, asi unopa nyasha vanozvininipisa.

4:7b.JAM.004.007 Naizvozvo muzviise pasi paMwari: dzivisai Dhiabhorosi, agokutizai.

4:8b.JAM.004.008 Swederai kunaMwari, iye agoswedera kwamuri. Shambai mavoko enyu, imi vatadzi; natsai moyo yenyu, imi munemoyo miviri.

4:9b.JAM.004.009 Shuwai, mucheme, muraire; kuseka kwenyu ngakushandurwe kuve kuchema, nokufara kwenyu dzive shungu.

4:10b.JAM.004.010 Muzvininipise pamberi paShe, agokukudzai. Musatongana nokutonga vamwe

4:11b.JAM.004.011 Hama dzangu, musareverana zvakaipa. Unorevera hama yake zvakaipa, kana kutonga hama yake, unorevera murairo zvakaipa nokutonga murairo; zvino kana uchitonga murairo, hauzi muiti womurairo, asi mutongi.

4:12b.JAM.004.012 Mumwe chete ndiye mutemi womurairo nomutongi, iye unogona kuponesa nokuparadza; asi iwe ndiwe aniko unotonga wokwako? Zvamangwana hazvizikanwi

4:13b.JAM.004.013 Nhai imi, munoti: Nhasi, kana mangwana tichaenda kuguta rokuti, tigogara ko gore, tichishambadzira, tifume

4:14b.JAM.004.014 imi musingazivi zvamangwana. Vupenyu bwenyu chinyiko? Nokuti muri mhute, inovonekwa nguva duku, ndokunyangarika.

4:15b.JAM.004.015 Mungadai muchiti: Kana Ishe achida, tichararama tiite zvokuti nezvokuti.

4:16b.JAM.004.016 Asi zvino munozvirumbidza pakuzvikudza kwenyu; kuzvirumbidza kwose kwakadai kwakaipa.

4:17b.JAM.004.017 Naizvozvo uyo, unoziva kuita zvakanaka, akasazviita, iye unezvivi.

5

5:1b.JAM.005.001 Tambirai, imi vafumi, chemai muridze mhere nokuda kwamadambudziko achakuwirai.

5:2b.JAM.005.002 Fuma yenyu yakavora, nguvo dzenyu dzapera nezvivundudzi.

5:3b.JAM.005.003 Ndarama yenyu nesirivheri yenyu zvinengura; ngura yazvo ichakupupurirai zvakaipa, ichapedza nyama yenyu somoto. Makazvichengetera fuma pamazuva okupedzisira.

5:4b.JAM.005.004 Tarirai, mubairo wavaranda venyu vakacheka minda yenyu, wamakaramba nawo nokunyengera, unodanidzira; nokudana kwavacheki kwakasvika kunzeve dzaShe wehondo.

5:5b.JAM.005.005 Makagara mumufaro panyika muchikarira zvinofadza; makakodza moyo yenyu sapazuva rokubaya.

5:6b.JAM.005.006 Makatongera wakarurama, mukamuvuraya; haakudzivisiyi. Tsungirirai kusvikira Ishe achivuya

5:7b.JAM.005.007 Naizvozvo hama dzangu, tsungirirai kusvikira pakuvuya kwaShe. Tarirai, murimi unomirira chibereko chenyika chinokosha, achitsungirira pamsoro pazvo kusvikira zvapiwa mvura yokutanga neyokuguma.

5:8b.JAM.005.008 Nemi vo tsungirirai; simbisai moyo yenyu, nokuti kuvuya kwaShe kwava pedo,

5:9b.JAM.005.009 Hama dzangu, musanyunyutirana kuti murege kutongwa; tarirai, mutongi umire pamukova.

5:10b.JAM.005.010 Hama dzangu, pakutambudzika nokutsungirira teverai makwara avaporofita vakataura nezita raShe.

5:11b.JAM.005.011 Tarirai, vakatsunga moyo tinoti vakaropafadzwa; makanzwa zvokutsungirira kwaJobho, makavona Ishe zvaakavavarira naye, kuti Ishe unomoyo munyoro kwazvo, unetsitsi. Musapika

5:12b.JAM.005.012 Asi, hama dzangu, kupfuvura zvinhu zvose, musapika, kunyange nedenga, kana nenyika, kana nokupika kumwe kwose; asi hongu yenyu ngaive hongu, kwete yenyu ngaive kwete; kuti murege kuwira mukutongwa. Kunyengetera kunesimba

5:13b.JAM.005.013 Kunomumwe unotambudzika pakati penyu here? Ngaanyengetere. Kunomumwe unofara here? Ngaaimbe mapisarema.

5:14b.JAM.005.014 Kunomumwe unorwara pakati penyu here? Ngaadane vakuru vekereke; ngavamunyengeterere, vamuzodze namafuta nezita raShe.

5:15b.JAM.005.015 Kunyengetera kwokutenda kuchaponesa unorwara, Ishe uchamumutsa; kana akaita zvivi, uchazvikanganwirwa.

5:16b.JAM.005.016 Naizvozvo revururanai zvivi zvenyu munyengetererane kuti muporeswe. Kukumbira kwomunhu wakarurama kune simba guru pakubata kwako.

5:17b.JAM.005.017 Eria wakanga ari munhu wakaita sesu, akanyengetera nomunyengetero kuti mvura irege kunaya; ikasanaya panyika makore matatu nemwedzi mitanhatu.

5:18b.JAM.005.018 Akanyengetera zve; denga rikanisa mvura, nyika ikabereka zvibereko zvayo.

5:19b.JAM.005.019 Hama dzangu, kana kunomunhu pakati penyu wakatsauka pazvokwadi, mumwe akamudzora,

5:20b.JAM.005.020 ngaazive kuti unodzora mutadzi panzira yokutsauka kwake, uchaponesa mweya parufu nokufukidza zvivi zvizhinji.