Colossians (Shona)

1

1:1b.COL.001.001 Pauro, muapostora waKristu Jesu nokuda kwaMwari, naTimotio, hama yedu,

1:2b.COL.001.002 kuvatsvene nehama dzakatendeka munaKristu vari paKorose: Nyasha ngadzive nemi, norugare zvinobva kunaMwari, Baba vedu. Kuvonga kwaPauro pamusoro pavo

1:3b.COL.001.003 Tinovonga Mwari, Baba vaShe wedu Jesu Kristu, nguva dzose kana tichikunyengetererai,

1:4b.COL.001.004 zvatakanzwa zvokutenda kwenyu munaKristu Jesu, norudo rwamunarwo kuvatsvene vose,

1:5b.COL.001.005 pamusoro petariro yamakachengeterwa kudenga, yamakanzwa kare pashoko rezvokwadi reEvhangeri;

1:6b.COL.001.006 iyo yakasvika kwamuri, sezvayakasvika panyika yose vo; ichibereka zvibereko, ichikura, sezvainoita kwamuri vo, kubvira pazuva ramakanzwa nokuziva kwazvo nyasha dzaMwari muzvokwadi;

1:7b.COL.001.007 sezvamakadzidza kunaEpafrasi, muranda pamwe chete nesu, unodikanwa, mushumiri wakatendeka waKristu nokuda kwenyu,

1:8b.COL.001.008 iye wakativudza vo zvorudo rwenyu muMweya. Pauro unovanyengeterera

1:9b.COL.001.009 Saka nesu vo, kubvira pazuva ratakanzwa, hatiregi kukunyengetererai, nokukumbira kuti muzadziswe nokuziva kwazvo kuda kwake, pakuchenjera nokunzwisisa kwose kwomeya;

1:10b.COL.001.010 kuti mufambe sezvinofanira Ishe, muchimufadza pazvose, muchibereka zvibereko pamabasa ose akanaka, muchikura pakuziva Mwari kwazvo;

1:11b.COL.001.011 muchisimbiswa nesimba rose, nesimba rokubwinya kwake, muve nomoyo murefu, nomufaro;

1:12b.COL.001.012 muvonge Baba, vakatikwanisa kuti tipiwe nhaka yavatsvene muchiedza.

1:13b.COL.001.013 vakatisunungura pasimba rerima, vakatiisa muvushe bwoMwanakomana worudo rwavo;

1:14b.COL.001.014 watinedzikinuro maari, ndiko kukanganwirwa kwezvivi zvedu.

1:15b.COL.001.015 Ndiye mufananidzo waMwari usingavonekwi, dangwe rezvisikwa zvose;

1:16b.COL.001.016 nokuti maari zvinhu zvose zvakasikwa, zviri kudenga napanyika, zvinovonekwa nezvisingavonekwi, kana zviri zvigaro zvovushe kana vushe, kana vabati, kana masimba; zvinhu zvose zvakasikwa naye, zviripo nokuda kwake.

1:17b.COL.001.017 Ndiye unotangira zvose, zvose zvakabatana maari.

1:18b.COL.001.018 Ndiye musoro womuviri, ndiyo kereke; ndiye wokutanga, dangwe ravakamuka kuvakafa; kuti iye ave mukuru pazvinhu zvose.

1:19b.COL.001.019 Nokuti Baba vakafara nazvo, kuti kuzara kwose kugare maari,

1:20b.COL.001.020 kuti naye ayananise zvinhu zvose kwaari, amboita rugare neropa romuchinjikwa wake; naiye, kunyange zviri panyika, kunyange zviri kudenga.

1:21b.COL.001.021 Nemi vo, kare maiva vaeni navavengi pakufunga kwenyu pamabasa enyu akaipa,

1:22b.COL.001.022 asi zino wakakuyananisai pamuviri wenyama yake, nokufa kwake, kuti akuisei pamberi pake muri vatsene, musinemhosa, musingapomerwi,

1:23b.COL.001.023 kana muchingorambira pakutenda, makateyiwa, mumire makasimba, musingabviswi patariro yeEvhangeri yamakanzwa, yakaparidzirwa zvisikwa zvose pasi pokudenga; iyo Evhangeri yandakaitwa mushumiri wayo, ini Pauro. Kutambudzika kwaPauro pamusoro pavo

1:24b.COL.001.024 Zvino ndinofara pakutambudzika kwangu nokuda kwenyu, ndichizadzisa panyama yangu zvakasara pamadambudziko aKristu, nokuda kwomuviri wake, iyo kereke;

1:25b.COL.001.025 iyo yandakaitwa mushumiri wayo sezvandakagoverwa naMwari pamusoro penyu, kuti ndizadzise shoko raMwari;

1:26b.COL.001.026 ndicho chakavanzika, chakanga chakafukidzwa kubvira pakutanga kwenguva nendudzi, asi zvino chakaratidzwa vatsvene vake;

1:27b.COL.001.027 kunaivo Mwari waakada kuvazivisa vufumi bwokubwinya kwechakavanzika ichochi pakati pavahedheni, chokuti, Kristu mukati menyu, tariro yokubwinya;

1:28b.COL.001.028 iye watinoparidza isu, tichiraira munhu mumwe nomumwe, tichidzidzisa munhu mumwe nomumwe novuchenjeri bwose, kuti tiise munhu mumwe nomumwe akakwana munaKristu;

1:29b.COL.001.029 ndizvo zvandinobatiravo, ndichirwa, zvichiitwa nokubata kwake kunobata mukati mangu nesimba.

2

2:1b.COL.002.001 Nokuti ndinoda kuti muzive kurwa kukuru kwandinako pamusoro penyu, navari paRaodikia, navose vasina kumbovona chiso changu panyama;

2:2b.COL.002.002 kuti moyo yavo isimbiswe, vasunganidzwe murudo, vave nefuma yose yokunzwisisa kwakakwana, kuti vazive kwazvo chakavanzika chaMwari, iye Kristu;

2:3b.COL.002.003 maari fuma yose yovuchenjeri nokuziva yakachengetwa.

2:4b.COL.002.004 Ndinoreva izvi, kuti kurege kuva nomunhu unokurashai namashoko anonyengera.

2:5b.COL.002.005 Nokuti kunyange ndisipo panyama, ndiripo nemi pamweya, ndinofara ndichivona kunzwana kwenyu, nokusimba kwokutenda kwenyu munaKristu. Unovanyevera kuti varege kutsauswa

2:6b.COL.002.006 Naizvozvo sezvamakagamuchira Kristu Jesu, Ishe, fambai maari,

2:7b.COL.002.007 munemidzi yenyu nokuvakwa kwenyu maari, makasimbiswa pakutenda, sezvamakadzidziswa, muchinyanya kuvonga.

2:8b.COL.002.008 Chenjerai, kuti murege kutapwa nomunhu novuchenjeri, nokunyengera kusinamaturo, achitevera tsika dzavanhu nezvokuvamba zvenyika, asingateveri Kristu.

2:9b.COL.002.009 Nokuti kuzara kwovuMwari kunogara maari pamuviri.

2:10b.COL.002.010 Maari nemi vo makazadzwa, iye musoro wa vabati vose namasimba;

2:11b.COL.002.011 iye wamakadzingiswa vo maari nokudzingiswa kusingaitwi namavoko, muviri wenyama uchibviswa, nokudzingiswa kuri kwaKristu;;

2:12b.COL.002.012 maakavigwa pamwe chete naye pakubhabhatidzwa, pamakamutswa vo pamwe chete naye nokutenda kwenyu simba raMwari wakamumutsa kuvakafa.

2:13b.COL.002.013 Nemi, imi makanga makafa pakudarika kwenyu napakusa dzingiswa kwenyama yenyu, wakakupai vupenyu pamwe chete naye, akatikanganwira kudarika kwedu kwose,

2:14b.COL.002.014 akadzima rugwaro rwakanga ruchirwa nesu pazvirevo zvarwo, ruchipesana nesu; akarubvisa irwo pakati pedu, akarurovera pamuchinjikwa;

2:15b.COL.002.015 akaparadza vabati namasimba, akavabudisa pachena, akavakunda mauri.

2:16b.COL.002.016 Naizvozvo munhu ngaarege kuvapo unokutongai pazvokudya, kana zvokunwa, kana nokuda kwomusi womutambo, kana pakugara kwomwedzi, kana pasabata;

2:17b.COL.002.017 izvi mumvuri wezvichavuya; asi muviri ndowaKristu.

2:18b.COL.002.018 Munhu ngaarege kuvapo unokutorerai mubairo wenyu namavune, nokuzvininipisa nokunamata vatumwa, achivimba nezvaakavona, achizvikudza pasina nokufunga kwenyama,

2:19b.COL.002.019 asingabatisisi Musoro, uyo, maari muviri wose unosanganiswa nokusunganidzwa nezvisungo namarunda, ndokukura nokukurisa kwaMwari.

2:20b.COL.002.020 Zvino kana makafa pamwe chete naKristu kunezvokuvamba zvenyika, munozviisireiko pasi pemirairo, somugere munyika,

2:21b.COL.002.021 mirairo inoti: Usabata, usaravira, usagunzva,

2:22b.COL.002.022 (izvi zvose zvinofanira kuparadzwa kana zvobatwa nazvo); muchitevera mirairo nedzidziso dzavanhu?

2:23b.COL.002.023 Zvinhu zvakadai zvakaita sezvinovuchenjeri, pakunamata Mwari nokuda kwavo, nokuzvininipisa, nokutambudza muviri; asi hazvinesimba rokukunda kuchiva kwenyama.

3

3:1b.COL.003.001 Naizvozvo, kana makamutswa pamwe chete naKristu, tsvakai zviri kumusoro, uko kunaKristu, ugere kurudyi rwaMwari.

3:2b.COL.003.002 Fungai zviri kumusoro, musafunga zviri pasi.

3:3b.COL.003.003 Nokuti makafa, vupenyu bwenyu bwakavigwa pamwe chete naKristu munaMwari.

3:4b.COL.003.004 Kana Kristu, iye vupenyu bwedu, achivonekwa, nemi vo muchavonekwa pamwe chete naye pakubwinya.

3:5b.COL.003.005 Naizvozvo vurayai mitezo yenyu iri panyika, inoti: Vupombwe, netsvina, nokushumba, nokuda zvakaipa, nokuchiva, ndiko kunamata zvifananidzo.

3:6b.COL.003.006 Nokuda kwaizvozvi kutsamwa kwaMwari kunovuya pamusoro pavana vokusaterera;

3:7b.COL.003.007 nemi vo maifamba mazviri kare, maigara muzvinhu izvi.

3:8b.COL.003.008 Asi zvino, imi vo, bvisai izvi zvose, zvinoti: Hasha, nokutsamwa, nokuvenga, nokutuka, nokutaura zvinonyadzisa nomuromo wenyu.

3:9b.COL.003.009 Regai kureverana nhema, zvamakabvisa munhu wekare, namabasa ake,

3:10b.COL.003.010 mukafuka munhu mutsva, unovandudzwa pakuziva, afanane nowakamusika;

3:11b.COL.003.011 apo hapana muGiriki nemuJudha, kudzingiswa kana kusadzingiswa, mutorwa kana muSitia, musungwa kana wakasununguka;asi Kristu ndiye zvose, vuye uri munavose.

3:12b.COL.003.012 Naizvozvo, savasanangurwa vaMwari, vatsvene navanodikanwa, fukai moyo unetsitsi, nomoyo munyoro, nokusazvikudza, novunyoro, nomoyo murefu;

3:13b.COL.003.013 muitirane moyo murefu, muchikanganwirana, kana munhu anemhosva nomumwe; Kristu sezvaakakukanganwirai, muite saizvozvo nemi vo.

3:14b.COL.003.014 Zvino pamusoro pezvinhu izvi zvose fukai rudo, ndicho chisungo chinokwanisa.

3:15b.COL.003.015 Norugare rwaMwari ngaruteme zvirevo mumoyo yenyu, ndirwo rwamakadanirwa vo mumuviri mumwe; ivai nokuvonga.

3:16b.COL.003.016 Shoko raKristu ngarigare mukati menyu riwande; nokuchenjera kwose mudzidzisane, nokurairana namapisarema, nenziyo, nezviimbo zvomweya, muimbire Mwari nenyasha mumoyo menyu;

3:17b.COL.003.017 vuye zvose zvamunoita, kana zviri zveshoko kana basa, itai zvose nezita raShe Jesu, muchivonga Mwari Baba naye. Vakristu mumba mavo

3:18b.COL.003.018 Vakadzi muzviise pasi pavarume venyu, sezvazvakafanira munaShe.

3:19b.COL.003.019 Varume, idai vakadzi venyu, regai kuva nehasha navo.

3:20b.COL.003.020 Vana, tererai vabereki venyu pazvinhu zvose, nokuti ndizvo zvakanaka munaShe.

3:21b.COL.003.021 Madzibaba, regai kunetsa vana venyu, kuti varege kuvora moyo.

3:22b.COL.003.022 Varanda, tererai pazvinhu zvose vatenzi venyu panyama; regai kubata pamberi pameso avo, savafadzi vavanhu, asi nomoyo wakarurama muchitya Mwari.

3:23b.COL.003.023 Zvose zvamunoita, muzviitei nomoyo wose, sokunaShe, musingaitiri vanhu;

3:24b.COL.003.024 muchiziva kuti muchapiwa naShe mubairo wenhaka; nokuti munobatira Ishe Kristu.

3:25b.COL.003.025 Nokuti unoita zvisakarurama, uchapiwa zvisakarurama zvaakaita; hazvizi zvinovonekwa zvomunhu zvinotendwa.

4

4:1b.COL.004.001 Madzishe, itirai varanda venyu zvakarurama, zvakaringana; muzive kuti nemi vo munaShe kudenga. Nyengeterai, muchenjere pamufambire wenyu namashoko enyu

4:2b.COL.004.002 Tsungirirai pakunyengetera, murinde pakuri nokuvonga;

4:3b.COL.004.003 mutinyengeterere nesu vo, kuti Mwari atizarurire mukova weshoko, titaure chakavanzika chaKristu, chandakasungirwa icho;

4:4b.COL.004.004 kuti ndichiratidze, sezvandinofanira kutaura.

4:5b.COL.004.005 Fambai nokuchenjera kunavari kunze, muchingwarira nguva. yenyu

4:6b.COL.004.006 Kutaura kwenyu ngakuve nenyasha nguva dzose, kwakarungwa nomunyu, kuti muzive kupindura mumwe nomumwe sezvamunofanira kuita. Unotuma Tikiko naOnesimo

4:7b.COL.004.007 Muchaziviswa zvangu zvose naTikiko, hama inodikanwa, mushumiri wakatendeka, nomuranda pamwe chete neni munaShe.

4:8b.COL.004.008 Ndakamutuma iye kwamuri nemhaka iyi, kuti muzive zvedu, anyaradze moyo yenyu;

4:9b.COL.004.009 pamwe chete naOnesimo, hama yakatendeka, inodikanwa, mumwe wokwenyu. Ivo vachakuzivisai zvose zvapano. Kuwonekana

4:10b.COL.004.010 Aristarko, musungwa pamwe chete neni, unokukwazisai, naMarko, hama yaBharnabhasi, (makarairwa pamsoro pake; kana achisvika, mumugamuchirei);

4:11b.COL.004.011 naJesu, unonzi Justo, vari vokudzingiswa; ndivava bedzi vanobata neni pavushe bwaMwari, ivo vakandinyaradza.

4:12b.COL.004.012 Epafrasi, mumwe wokwenyu, muranda waKristu Jesu, unokukwazisai, achirwa nguva dzose pakunyengetera nokuda kwenyu, kuti mumire makakwana, muchiziva kwazvo kuda kwose kwaMwari.

4:13b.COL.004.013 Nokuti ndinomupupurira, kuti unotambudzika zvikuru nokuda kwenyu, naveRaodikia, naveHirapori.

4:14b.COL.004.014 Ruka, chiremba unodikanwa, naDhemasi, vanokukwazisai.

4:15b.COL.004.015 Ndikwazisirei hama dziri Raodikia, naNimfa, nekereke iri mumba mavo.

4:16b.COL.004.016 Kana mwadhi iyi yarabwa pakati penyu, ngairabwe vo mukereke yavaRaodikia; imi vo murave mwadhi inobva Raodikia.

4:17b.COL.004.017 Vudzai Arkipo, muti: Tarira basa rawakapiwa naShe, kuti uripedzise kwazvo.

4:18b.COL.004.018 Ndiko kukwazisa kwangu, ini Pauro, noruvoko rwangu. Rangarirai kusungwa kwangu. Nyasha ngadzive nemi.