1 Corinthians (Shona)

1

1:1b.1CO.001.001 Pauro, wakadanwa nokuda kwaMwari, kuti ave muapostora waKristu Jesu, naSostene, hama yedu,

1:2b.1CO.001.002 kukereke yaMwari iri paKorinte, kunavakaitwa vatsvene munaKristu Jesu, vakadanwa kuti vave vatsvene pamwe chete navose vanodana pose-pose zita raJesu Kristu, Ishe wedu, wavo nowedu:

1:3b.1CO.001.003 Nyasha ngadzive nemi, norugare runobva kunaMwari, baba vedu, naShe Jesu Kristu.

1:4b.1CO.001.004 Ndinogara ndichivonga Mwari nguva dzose nokuda kwenyu, pamusoro penyasha dzaMwari dzamakapiwa munaKristu Jesu;

1:5b.1CO.001.005 kuti makafumiswa pazvose maari, pakutaura kwose, napakuziva kwose;

1:6b.1CO.001.006 nokudaro vuchapupu bwaKristu bwakasimbiswa mamuri;

1:7b.1CO.001.007 kuti hamushaiwi chipo chimwe; muchimirira kuratidzwa kwaShe wedu, Jesu Kristu;

1:8b.1CO.001.008 uchakusimbisai kusvikira pakuguma, muve vasingapomerwi pazuva raShe Jesu Kristu.

1:9b.1CO.001.009 Mwari ndiye wakatendeka, wamakadanwa naye kuyanana noMwanakomana wake, Jesu Kristu, Ishe wedu. Kupesana pakereke paKorinte

1:10b.1CO.001.010 Zvino ndinokumbira zvikuru kwamuri, hama dzangu, nezita raShe wedu, Jesu Kristu, kuti imi mose mutaure chinhu chimwe, kuti pakati penyu kurege kuva nokupesana; asi kuti musonganiswe zvakanaka pamurangariro mumwe nokufunga kumwe.

1:11b.1CO.001.011 Nokuti ndakavudzwa pamusoro penyu, hama dzangu, navari vokwaKroe, kuti kunegakava pakati penyu.

1:12b.1CO.001.012 Zvandinoreva ndizvo, kuti mumwe nomumwe wenyu unoti: Ini ndiri waPauro, ini waAporo, ini waKefasi, ini waKristu.

1:13b.1CO.001.013 Ko Pauro wakaroverwa pamuchinjikwa nokuda kwenyu here? Ko makabhabhatidzwa muzita raPauro here?

1:14b.1CO.001.014 Ndinovonga Mwari, kuti handina kubhabhatidza mumwe wenyu, asi Krispo naGayo;

1:15b.1CO.001.015 kuti kurege kuva nomunhu ungati, makabhabhatidzwa muzita rangu.

1:16b.1CO.001.016 Ndakabhabhatidza vo veimba yaStefana; asi vamwe, handizivi kana ndakabhabhatidza mumwe.

1:17b.1CO.001.017 Nokuti Kristu haana kundituma kubhabhatidza, asi kuti ndiparidze Evhangeri; ndisingaiti nenjere dzamashoko, kuti muchinjikwa waKrsitu urege kukoneswa. Vuchenjeri bwaMwari novuchenjeri bwenyika

1:18b.1CO.001.018 Nokuti shoko romuchinjikwa vupenzi kunavanoparadzwa; asi kwatiri., isu tinoponeswa, isimba raMwari.

1:19b.1CO.001.019 Nokuti kwakanyorwa kuchinzi: Ndichaparadza vuchenjeri bwavakachenjera, Ndichakonesa kuziva kwavanoziva.

1:20b.1CO.001.020 Wakachenjera uripiko? Munyori uripiko? Muiti wenharo wenyika ino uripiko? Mwari haana kuita vuchenjeri bwenyika bwuve vupenzi here?

1:21b.1CO.001.021 Nokuti pashure muvuchenjeri bwaMwari, nyika novuchenjeri bwayo haina kuziva Mwari, nokuti zvakafadza Mwari novupenzi bwokuparidza kuponesa vanotenda.

1:22b.1CO.001.022 Nokuti vaJudha vanokumbira chiratidzo, navaGiriki vanotsvaka vuchenjeri;

1:23b.1CO.001.023 asi isu tinoparidza Kristu, wakaroverwa pamuchinjikwa, chigumbuso kuvaJudha, novupenzi kuvahedheni;

1:24b.1CO.001.024 asi kunavakadanwa, vaJudha navaGiriki Kristu isimba raMwari novuchenjeri hwaMwari.

1:25b.1CO.001.025 Nokuti vupenzi bwaMwari bwakachenjera kupfuvura vanhu; novutera bwaMwari bwakasimba kupfuvura vanhu.

1:26b.1CO.001.026 Nokuti tarirai kudanwa kwenyu, hama dzangu, kuti havazi vazhinji vakachenjera panyama vakadanwa; havazi vazhinji vanesimba, havazi vazhinji vanokudzwa;

1:27b.1CO.001.027 asi Mwari wakatsaura zvinhu zvovupenzi zvenyika, kuti anyadzise vakachenjera; Mwari wakatsaura zvinhu zvinozvidzwa zvenyika, kuti anyadzise izvo zvinesimba;

1:28b.1CO.001.028 Mwari wakatsaura zvinhu zvinozidzwa zvenyika, nezvinoshovorwa, nezvinhu zvisipo, kuti ashaise zviripo simba razvo,

1:29b.1CO.001.029 kuti kurege kuva nenyama ingazvikudza pamberi paMwari.

1:30b.1CO.001.030 Asi naye muri munaKristu Jesu, iye wakatiitirwa isu vuchenjeri bwunobva kunaMwari, nokururama, nokuitwa vatsvene, norudzikinuro.

1:31b.1CO.001.031 Kuti unozvirumbidza, ngaazvirumbidze munaShe, sezvazvakanyorwa.

2

2:1b.1CO.002.001 Zvino ini, hama dzangu, pakuvuya kwangu kwamuri, handina kuvuya ndichikuparidzirai vuchapupu bwaMwari nokunaka kwamashoko, kana kwovuchenjeri.

2:2b.1CO.002.002 Nokuti ndakati, handingazivi chinhu pakati penyu, asi Jesu Kristu, iye wakaroverwa pamuchinjikwa.

2:3b.1CO.002.003 Ndakanga ndiri pakati penyu novutera, nokutya, nokudedera kukuru,

2:4b.1CO.002.004 neshoko rangu nokuparidza kwangu hazvizaiva namashoko okugombedzera ovuchenjeri; hwavanhu asi nokuratidza kwoMweya nokwesimba;

2:5b.1CO.002.005 kuti kutenda kwenyu kurege kuva muvuchenjeri bwavanhu, asi musimba raMwari.

2:6b.1CO.002.006 Zvino tinotaura vuchenjeri pakati pavakakwana; asi vuchenjeri bwusati bwuri bwenyika ino, kana bwavabati venyika ino vanoshaiswa simba.

2:7b.1CO.002.007 Asi tinotaura vuchenjeri bwaMwari bwakavanzika, bwakafukidzwa, bwakatemerwa kubwinya kwedu naMwari, nyika isati yavapo;

2:8b.1CO.002.008 bwusina kuzivikanwa nomumwe wavabati venyika ino; nokuti dai vaibwuziva, vangadai vaisarovera Ishe wokubwinya pamuchinjikwa.

2:9b.1CO.002.009 Asi sezvazvakanyorwa, zvichinzi: Izvo zvisina kuvonekwa neziso, kana kunzwika nenzeve, Nezvisina kupinda mumoyo womunhu, Ndizvo Mwari zvaakagadzirira vanomuda.

2:10b.1CO.002.010 Nokuti Mwari wakazviratidza izvo kwatiri isu noMweya; nokuti Mweya unonzvera zvose, nezvakadzika zvaMwari.

2:11b.1CO.002.011 Nokuti munhu ndoupiko unoziva zvomunhu, asi mweya womunhu, uri maari? Saizvozvo hakunomunhu unoziva zvaMwari, asi Mweya waMwari.

2:12b.1CO.002.012 Zvino isu hatina kugamuchira mweya wenyika, asi Mweya unobva kunaMwari; kuti tizive izvo zvatakangopiwa hedu naMwari.

2:13b.1CO.002.013 Ndizvo zvatinotauravo, tisingatauri namashoko atinodzidziswa novuchenjeri bwomunhu, asi anodzidziswa noMweya mutsvene; tichidudzira zvinhu zvoMweya kuvanhu voMweya.

2:14b.1CO.002.014 Zvino munhu sezvaakaberekwa haagamuchiri zvinhu zvoMweya waMwari; nokuti vupenzi kwaari; haazvinzwisisi, nokuti zvinonzwisiswa noMweya.

2:15b.1CO.002.015 Asi uri woMweya unonzwisisa zvose, asi iye amene haanzwisiswi nomunhu.

2:16b.1CO.002.016 Nokuti ndianiko wakaziva murangariro waShe, kuti amudzidzise? Asi isu tinomurangariro waKristu.

3

3:1b.1CO.003.001 Ini, hama dzangu, ndakanga ndisingagoni kutaura nemi sokunavoMweya, asi sokunavenyama, sokunavacheche munaKristu.

3:2b.1CO.003.002 Ndakakupai mukaka mumwe, handina kukupai zvokudya; nokuti makanga musingagoni kudya, nazvino hamugoni.

3:3b.1CO.003.003 Nokuti muchiri venyama; nokuti zvapachinegodo pakati penyu, negakava, ko hamuzi venyama, muchifamba nomutovo wavanhu here?

3:4b.1CO.003.004 Nokuti kana mumwe achiti: Ini ndiri waPauro; mumwe; Ini ndiri waAporo; ko hamuzi venyama here?

3:5b.1CO.003.005 Zvino Pauro ndiani? Aporo ndiani? Asi vabati vamakatenda navo.

3:6b.1CO.003.006 Ini ndakasima, Aporo wakadiridza; asi Mwari wakameresa.

3:7b.1CO.003.007 Naizvozvo unosima haazi chinhu, kana unodiridza asi Mwari unomeresa.

3:8b.1CO.003.008 Zvino unosima nounodiridza ndavamwe; asi mumwe nomumwe uchapiwa mubairo wake, sezvaakabata.

3:9b.1CO.003.009 Nokuti tiri vabati pamwe chete naMwari; muri munda waMwari, muri imba yaMwari. Tembere yaMwari

3:10b.1CO.003.010 Nenyasha dzaMwari dzandakapiwa, ndakaronga nheyo somuvaki wakachenjera; mumwe unovaka pamusoro padzo. Zvino mumwe nomumwe ngaachenjere kuti unovaka sei pamusoro padzo.

3:11b.1CO.003.011 Nokuti hakunomumwe ungaronga dzimwe nheyo, asi idzo dzakarongwa kare, ndiye Jesu Kristu.

3:12b.1CO.003.012 Zvino kana munhu achivaka pamusoro penheyo idzi, ndarama, kana siravheri, kana mabwe anokosha, kana matanda, kana uswa, kana mashanga;

3:13b.1CO.003.013 basa romumwe nomumwe richavonekwa; nokuti zuva iro richazvibudisa pachena, nokuti zvicharatidzwa nomoto; moto uchaidza basa romumwe nomumwe kuti rakadini.

3:14b.1CO.003.014 Kana basa romunhu raakavaka pamusoro padzo, richigara, uchapiwa mubairo.

3:15b.1CO.003.015 Kana basa romunhu rikapiswa, ucharashikirwa, asi iye amene uchaponeswa, asi sowakabuda pamoto.

3:16b.1CO.003.016 Ko hamuzivi kuti muri tembere yaMwari, vuye kuti Mweya waMwari unogara mukati menyu here?

3:17b.1CO.003.017 Kana munhu achitadzira tembere yaMwari Mwari uchamutadzira vo; nokuti tembere yaMwari itsvene, ndimi iyo.

3:18b.1CO.003.018 Kurege kuva nomunhu unozvinyengera. Kana munhu achiti ndakachenjera pakati penyu panyika ino, ngaave benzi, kuti ave wakachenjera.

3:19b.1CO.003.019 Nokuti vuchenjeri bwenyika ino vupenzi kunaMwari. Nokuti kwakanyorwa kuchinzi: Unobata vakachenjera, pamano avo.

3:20b.1CO.003.020 Vuye zve: Ishe unoziva ndangariro dzavakachenjera, kuti hadzinamaturo.

3:21b.1CO.003.021 Naizvozvongakurege kuva nomunhu unovimba navanhu. Nokuti zvinhu zvose ndezvenyu;

3:22b.1CO.003.022 kana Pauro, kana Aporo, kana Kefasi, kana nyika, kana vupenyu; kana rufu, kana zvazvino, kana zvinovuya; zvose ndezvenyu;

3:23b.1CO.003.023 imi muri vaKristu; naKristu ndowaMwari.

4

4:1b.1CO.004.001 Munhu upi noupi ngaarangarire saizvozvo kuti tiri varanda vaKristu.vachengeti vezvakavanzika zvaMwari.

4:2b.1CO.004.002 Zvino, pazvinhu izvi, pavatariri panotsvakwa, kuti munhu awanikwe akatendeka.

4:3b.1CO.004.003 Zvino chinhu chiduku-duku kwandiri, kuti nditongwe nemi, kana nokutonga kwomunhu; handizvitongi ini ndimene.

4:4b.1CO.004.004 Nokuti handizivi mhosva yandinayo; asi handiruramiswi naizvozvo; asi unonditonga ndiyeShe.

4:5b.1CO.004.005 Saka regai kutonga chinhu nguva isati yasvika, kusvikira Ishe avuya, iye uchabudisa pachena zvinhu zvakavanzika zverima, nokuratidza mifungo yomoyo; apo munhu mumwe nomumwe ucharumbidzwa naMwari. Kusazvikudza kwavaapostora

4:6b.1CO.004.006 Zvino, hama dzangu, zvinhu izvi ndakanyora ndichizvifananidzira ini naAporo, nokuda kwenyu; kuti mudzidze kwatiri kusapfuvura izvo zvakanyorwa, kuti mumwe arege kuzvikudza, achitsaura mumwe kunomumwe.

4:7b.1CO.004.007 Nokuti ndianiko wakakutsaura iwe? Chinyiko chaunacho chausina kupiwa? Zvino kana wakapiwa, unozvikudzireiko sousina kupiwa?

4:8b.1CO.004.008 Matoguta, matofuma, mabata vushe kunze kwedu; dai maibata vushe henyu, kuti isu tibate vo pamwe chete nemi.

4:9b.1CO.004.009 Nokuti ndinoti Mwari wakatigadza isu vaapostora pakupedzisira, savanhu vakatongerwa rufu; nokuti takaitwa chinhu chinoshamisa nyika, navatumwa navanhu.

4:10b.1CO.004.010 Isu tiri mapenzi nokuda kwaKristu, asi imi makachenjera munaKristu; isu tinoshaiwa simba, asi imi munesimba; imi munokudzwa, asi isu tinozvidzwa.

4:11b.1CO.004.011 Kusikira nguva ino isu tinenzara, tinenyota, hatina chatingafuka, tinorobwa netsiva, hatinenzvimbo kwayo yokugara;

4:12b.1CO.004.012 tinotambudzika, tichibata namavoko edu; kana tichitukwa, tinoropafadza, kana tichitambudzwa, tinotsunga moyo;

4:13b.1CO.004.013 kana tichipomerwa, tinovaraidza; takaitwa setsvina yenyika, marara avose kusvikira zvino.

4:14b.1CO.004.014 Handikunyoreriyi zvinhu izvi, kuti ndikunyadzisei, asi kuti ndikurairei savana vangu vanodikanwa.

4:15b.1CO.004.015 Nokuti kunyange maiva navadzidzisi vanezvuru zvinegumi munaKristu, hamuna madzibaba mazhinji; nokuti munaJesu Kristu ini ndakakuberekai neEvhangeri.

4:16b.1CO.004.016 Naizvozvo ndinokumbira zvikuru kwamuri, kuti muve vateveri vangu.

4:17b.1CO.004.017 Nemhaka iyi ndakatuma Timotio kwamuri, mwana wangu unodikanwa, wakatendeka munaShe; iye uchakuyevudzai, mitovo yangu iri munaKristu Jesu, se zvandinodzidzisa kwose pakereke dzose.

4:18b.1CO.004.018 Zvino vamwe vanozvikudza, vachiti sokuti handingavuyi kwamuri.

4:19b.1CO.004.019 Ndichakurumidza kuvuya kwamuri, kana Ishe achida; handingazivi shoko raivavo vanozvikudza, asi simba ravo.

4:20b.1CO.004.020 Nokuti vushe bwaMwari habwuzi pamashoko, asi pasimba.

4:21b.1CO.004.021 Munotsvakeiko? Ndivuye kwamuri neshamhu, kana norudo nomweya wovuyoro here?

5

5:1b.1CO.005.001 Vanhu vose vanoti vupombwe bwuripo pakati penyu, vupombwe bwakadaro bwusingazikanwi kunyange pakati pavahedheni, bwokuti mumwe unogara nomukadzi wababa vake.

5:2b.1CO.005.002 Munozvikudza, hazvizaiva nani here kuti dai makachema, kuti uyo wakabate basa iri abviswe pakati penyu?

5:3b.1CO.005.003 Nokuti ini, zvirokwazvo, kunyange ndisipo nomuviri, asi ndiripo hangu nomweya, ndatotongesa uyo wakaita chinhu ichi, sendinenge ndiripo,

5:4b.1CO.005.004 nemi, makavungana pamwe chete nomweya wangu nezita raShe Jesu Kristu, nesimba raShe wedu Jesu Kristu.

5:5b.1CO.005.005 kuti munhu wakadai aiswe kunaSatani, nyama iparadzwe, kuti mweya uponeswe pazuva raShe Jesu.

5:6b.1CO.005.006 Kuzvirumbidza kwenyu hakuna kunaka. Ko hamuzivi kuti mbiriso shoma inovirisa bundu rose here?

5:7b.1CO.005.007 Bvisai mbiriso yekare, kuti muve bundu idzva, sezvamusina kuviriswa. Nokuti paseka yedu, yakatibayirwa isu, ndiKristu;

5:8b.1CO.005.008 saka ngatiite mutambo, tisingaiti nembiriso yekare, kana nembiriso yokushata nokuipa; asi nechingwa chisina kuviriswa chokururama nezvokwadi.

5:9b.1CO.005.009 Ndakakunyorerai nemwadhi yangu, kuti murege kufambidzana nemhombwe;

5:10b.1CO.005.010 handiti nemhobwe dzose dzenyika ino, kana vanoruchiva, kana makororo, kana vanonamata zvifananidzo, nokuti kana zvakadaro maifanira kubva panyika.

5:11b.1CO.005.011 Asi zvino ndinokunyorerai, kuti murege kufambidzana nomunhu unoidzwa hama, kana achinamata zvifananidzo, kana mutuki, kana unosinwa doro, kana gororo; musadya nowakadai.

5:12b.1CO.005.012 Nokuti ini ndichatongereiko vari kunze? Ko imi hamutongi vari pakati penyu here?

5:13b.1CO.005.013 Asi avo vari kunze. Mwari unovatonga. Bvisai pakati penyu munhu uyo wakaipa.

6

6:1b.1CO.006.001 Ko kana mumwe wenyu anemhosva nomumwe, ungatsunga kumukwirira kunavasakarurama, akasamukwirira kunavatsvene here?

6:2b.1CO.006.002 Hamuzivi here kuti vatsvene vachatonga nyika? Zvino kana nyika ichitongwa nemi, ko imi hamufaniri kutonga mhosva duku-duku here?

6:3b.1CO.006.003 Hamuzivi here kuti tichatonga vatumwa? Zvikuru sei izvo zvovupenyu bwuno!

6:4b.1CO.006.004 Zvino kana munemhosva dzovupenyu bwuno dzinofanira kutongwa, munogadza seiko avo vanozvidzwa pakereke, kuti ivo vatonge?

6:5b.1CO.006.005 Ndinodaro kuti munyadziswe. Ko hakuna wakachenejera pakati pwenyu ungagona kutonga pakati pehama nehama yake here?

6:6b.1CO.006.006 Asi hama inokwirira hama, achizviita pamberi pavasingatendi here?

6:7b.1CO.006.007 Zvino matova nemosva kwazvo pakati penyu, zvamunokwirirana. Munoregereiko kutenda kuitirwa zvisakarurama? Munoregereiko kutenda kubirwa?

6:8b.1CO.006.008 Asi imi munoita zvisakarurama, munonyengetera, muchizviitira hama.

6:9b.1CO.006.009 Ko hamuzivi kuti vasakarama havangagari nhaka yovushe bwaMwari here? Musarashika; nokuti mhombwe, kana vanonamata zvifananidzo, kana vanofeva, kana vakapata, kana vanoita zvakaipa navarume,

6:10b.1CO.006.010 kana mbavha, kana vanoruchiva, kana vanosinwa doro, kana vatuki, kana makororo, havangagari nhaka yovushe bwaMwari.

6:11b.1CO.006.011 Vamwe venyu vakanga vakadaro; asi makashambidzwa, asi makaitwa vatsvene. Asi mukaruramiswa nezita raShe Jesu Kristu, noMweya waMwari wedu. Miviri yedu mitezo yaJesu Kristu

6:12b.1CO.006.012 Ndakatenderwa zvinhu zvose; asi zvinhu zvose hazvindibatsiri. Ndakatenderwa zvinhu zvose, asi handidi kukundwa nechinhu chimwe.

6:13b.1CO.006.013 Zvokudya ndezvedumbu, nedumbu nderezvokudya; asi Mwari uchaparadza iro naizvo, zvose. Asi muviri hauzi wovupombwe, asi ndowaShe; naShe ndowomuviri;

6:14b.1CO.006.014 Mwari wakamutsa Ishe, vuye uchatimutsa isu nesimba rake.

6:15b.1CO.006.015 Hamuzivi kuti miviri yenyu mitezo yaKristu, ndichatora mitezo yaKristu ndikaiita mitezo yechifeve here

6:16b.1CO.006.016 hamuzivi kuti wakasonganiswa nemhombwe wava muviri mumwe naye here? Nokuti iye unoti: Ava vaviri vachava nyama imwe.

6:17b.1CO.006.017 Asi wakasonganiswa naShe, wava mweya mumwe naye.

6:18b.1CO.006.018 Tizai vupombwe. Zvivi zvose, zvinoitwa nomunhu, zviri kunze kwomuviri; asi unoita vupombwe, unotadzira muviri wake.

6:19b.1CO.006.019 Hamuzivi here kuti muviri wenyu itembere yoMweya Mutsvene, uri mukati menyu, wamakapiwa naMwari? Hamuzi venyu;

6:20b.1CO.006.020 nokuti makatengwa nomutengo; naizvozvo kudzai Mwari mumuviri wenyu vuye mumweya yenyu iri yaMwari.

7

7:1b.1CO.007.001 Zvino kana zviri zvamakandinyorera, ndinoti: Zvakanaka kuti munhu arege kubata mukadzi.

7:2b.1CO.007.002 Asi nokuda kwovupombwe, murume mumwe nomumwe ngaave nomukadzi wake, nomukadzi mumwe nomumwe ngaave nomurume wake.

7:3b.1CO.007.003 Murume ngaape mukadzi zvakafanira; nomukadzi ngaadaro vo kumurume.

7:4b.1CO.007.004 Mukadzi haanesimba pamusoro pomuviri wake, asi murume; saizvozvo vo murume haanesimba pamusoro pomuviri wake, asi mukadzi.

7:5b.1CO.007.005 Musanyimana, asi muchiita nguva duku, mumbotenderana, kuti muve nenguva yokuzvinyima zvokudya nokunyengetera, ndokusonganazve, kuti Satani arege kukuidzai pakusagona kwenyu kuzvidzora.

7:6b.1CO.007.006 Asi ndinotaura izvi, ndichikutenderai, ndisingarairi.

7:7b.1CO.007.007 Nokuti ndinoda kuti vanhu vose vave seni. Asi munhu mumwe nomumwe unechipiwa chake, chinobva kunaMwari, mumwe chorudzi urwu, mumwe chorumwe rudzi.

7:8b.1CO.007.008 Asi ndinoti kunavasina kuwana,, nokuchirikadzi: Zvakanaka kuti vagare seni.

7:9b.1CO.007.009 Asi kana vasingagoni kuzvidzora, ngavawane; nokuti zvirinani kuti vawane pakutsva.

7:10b.1CO.007.010 Zvino vakawana ndinovaraira, asi handizini, ndiShe, kuti mukadzi arege kubva kumurume wake,

7:11b.1CO.007.011 (kana achibva, ngaagare asingawanikwi, kana ayanane nomumrume wake)

7:12b.1CO.007.012 Zvino kunavamwe ndinoti ini, haazi Ishe; Kana hama inomukadzi usingatendi, kana iye achida hake kugara naye, ngaarege kumurasha.

7:13b.1CO.007.013 Nomukadzi unomurume usingatendi, kana iye achida hake kugara naye, ngaarege kurasha murume wake,

7:14b.1CO.007.014 nokuti murume usingatendi unoitwa mutsvene nomukadzi wake, nomukadzi usingatendi unoitwa mutsvene nomurume; kana zvisina kudaro, vana venyu vaiva netsvina; asi zvino vatsvene.

7:15b.1CO.007.015 Zvino kana usingatendi achienda, ngaaende hake. Hama, kana ari murume kana mukadzi, haisungwi nezvakadaro; asi Mwari wakakudanai kuti muve norugare.

7:16b.1CO.007.016 Nokuti iwe mukadzi unoziva seiko kuti uchaponesa murume wako?Kana iwe murume, unoziva seiko kuti uchaponesa mukadzi wako?

7:17b.1CO.007.017 Asi, mumwe nomumwe sezvaakagoverwa naShe, mumwe nomumwe sezvaakadanwa naMwari, ngaafambe saizvozvo. Ndizvo zvandinoraira pakereke dzose.

7:18b.1CO.007.018 Kana mumwe achinge akadanwa akadzingiswa, ngaarege kuitwa usakadzingiswa; kana mumwe achinge akadanwa asakadzingiswa, ngaaarege kudzingiswa.

7:19b.1CO.007.019 Kudzingiswa hachizi chinhu, nokusadzingiswa hachizi chinhu, asi kuchengeta mirairo yaMwari.

7:20b.1CO.007.020 Mumwe nomumwe ngaagare pakudanwa kwaakadanwa nako.

7:21b.1CO.007.021 Wakadanwa uri muranda here? Usazvidya moyo; asi kana ungasunungurwa, zvirinani kuti udaro hako.

7:22b.1CO.007.022 Nokuti wakadanwa munaShe, ari muranda, wava musunungurwa waShe; saizvozvo vo, wakadanwa akasununguka, wava muranda waKristu.

7:23b.1CO.007.023 Makatengwa nomutengo; regai kuva varanda vavanhu.

7:24b.1CO.007.024 Hama dzangu, mumwe nomumwe ngaagare pamberi paMwari ipapo paakadanwa napo.

7:25b.1CO.007.025 Zvino, pamusoro pemhandara, handinomurairo waShe; asi ndinotaura somunhu wakapiwa ngoni naShe kuti ave wakatendeka.

7:26b.1CO.007.026 Naizvozvo ndinoti nokuda kwenhamo ino, zvakanaka kuti munhu agare akadaro.

7:27b.1CO.007.027 Wakabatanidzwa nomukadzi here? Usatsvaka kusunungurwa. Wakasunungurwa pamukadzi here?.

7:28b.1CO.007.028 Zvino kana wawana, hauna kutadza; nemhandara kana yawanikwa, haina kutadza. Asi vakadaro vachava nedambudziko panyama; asi ini ndinoda kukutavirirai.

7:29b.1CO.007.029 Zvino ndinozvitaura izvi, hama dzangu, nokuti nguva ipfupi; kuti kubva zvino vanavakadzi vave savasina;

7:30b.1CO.007.030 navanochema vave savasingachemi; navanofara savasingafari; navanotenga savasinechinhu;

7:31b.1CO.007.031 navanobata nezvenyika, savasingabatisisi nazvo; nokuti mugariro wenyika ino unopfuvura.

7:32b.1CO.007.032 Zvino ndinoda kuti murege kuva nokufunganya. Usina kuwana, unofunga zvaShe, kuti ungafadza Ishe wake sei.

7:33b.1CO.007.033 Asi wakawana, unofunga zvenyika, kuti ungafadza mukadzi wake sei.

7:34b.1CO.007.034 Panomusiyano pakati pomukadzi nemhandara usina kuwanikwa unofunga zvaShe, kuti ave mutsvene pamuviri napamweya; asi wakawanikwa unofunga zvenyika, kuti ungafadza murume wake sei.

7:35b.1CO.007.035 Izvi ndinotaura kuti mubatsirwe imi; ndisingadi kukusungai nomusungo, asi nokuda kwezvakafanira, vuye kuti munamatire Ishe, musingakanganiswi.

7:36b.1CO.007.036 Asi kana mumwe achifunga kuti haaitiri mukunda wake, yava mhandara, zvakafanira, iye zvaatokura kwazvo hake, kana zvirinani kuti zviitwe, ngaaite nokuda kwake, haatadzi; ngavawaniswe havo.

7:37b.1CO.007.037 Asi uyo unomira akasimba pamoyo pake, asingamanikidzwi nechinhu, asi anesimba pamusoro pokuda kwake, akatema mumoyo make chinhu ichi, kuti uchachengeta mhandara yake, iye unoita zvakanaka.

7:38b.1CO.007.038 Naizvozvo, unomuwanisa unoita zvakanaka; nosingamuwanisi, unoita zvinopfuvura nokunaka.

7:39b.1CO.007.039 Mukadzi wakasungwa nomurairo murume wake achiri mupenyu; zvino kana murume wake afa, wasununguka, kuti awanikwe nowaanoda; asi ngazviitwe munaShe.

7:40b.1CO.007.040 Asi unganyanya kufara kana achigara akadaro, pakufunga kwangu ini; zvino ndinoti neni vo ndinoMweya waMwari.

8

8:1b.1CO.008.001 Zvino, pamusoro pezvakabayirwa zvifananidzo, tinoziva kuti tose tinako kuziva. Kuziva kunovuyisa kuzvikudza, asi rudo runosimbisa.

8:2b.1CO.008.002 Kana munhu achiti, ndinoziva chinhu, ugere kutongoziva sezvaakafanira kuziva.

8:3b.1CO.008.003 Asi kana munhu achida Mwari, iye unozikanwa naye.

8:4b.1CO.008.004 Zvino kana kuri kudya zvinhu zvakabayirwa zvifananidzo, tinoziva kuti chifananidzo hachizi chinhu panyika, vuye kuti hakunaMwari, asi iye mumwe chete.

8:5b.1CO.008.005 Nokuti kunyange varipo vanonzi vamwari, kana kudenga kana panyika; se zvavaripo vamwari vazhinji, namadzishe mazhinji;

8:6b.1CO.008.006 asi isu tinongova naMwari mumwe bedzi, ndivo Baba; zvinhu zvose zvinobva kwaari, nesu tiri,po nokuda kwake; vuye Ishe mumwe, Jesu Kristu;zvinhu zvose zviripo naye, nesu tiripo naye.

8:7b.1CO.008.007 Asi vose havana kuziva ikoko; nokuti vamwe, vakarovera chifananidzo kusvikira zvino, vanodya vachiti zvakabayirwa zvifananidzo; hana yavo zvaisinesimba, inoshatiswa.

8:8b.1CO.008.008 Zvino zvokudya hazvingatisvitsi kunaMwari; nokuti kana tisingadyi, hatiipiswi; kana tichidya, hatinatswi.

8:9b.1CO.008.009 Asi chenjerai, kuti simba renyu iri rirege kuva chigumbuso kunavasinesimba.

8:10b.1CO.008.010 Nokuti kana mumwe achikuvona iwe, unako kuziva, ugere pakudya mutembere yechifananidzo, ko hana yaiyeye usinesimba haingatsungiswi, kuti adye izvo zvakabayirwa zvifananidzo here?

8:11b.1CO.008.011 Nokuti nokuziva kwako uyo usinesimba unoparadzwa, iri hama yakafirwa vo naKrsitu.

8:12b.1CO.008.012 Zvino kana muchitadzira hama saizvozvo, muchirwadzisa hana yavo isinesimba, munotadzira Kristu.

8:13b.1CO.008.013 Saka kana zvokudya zvichigumbusa hama yangu, handingatongodyi nyama nokusingaperi, kuti ndirege kugumbusa hama yangu.

9

9:1b.1CO.009.001 Handizi wakasununguka here? Handizi muapostora here? Handina kuvona Jesu Kristu, Ishe wedu here? Imi hamuzi basa rangu munaShe here?

9:2b.1CO.009.002 Kana ndisati ndiri muapostora kuna vamwe, kunyange zvakadaro zvirokwazo ndiri muapostora kwamuri hangu; nokuti imi muri chisimbiso chovuapostora bwangu munaShe.

9:3b.1CO.009.003 Kuzvidavirira kwangu kunaivo vanonditonga ndikoku:

9:4b.1CO.009.004 Hatine simba rokudya nokunwa here?

9:5b.1CO.009.005 Hatine simba rokufamba nomukadzi iri hama, savamwe vaapostora navanununa vaShe, naKefasi here?

9:6b.1CO.009.006 Ko ini ndoga naBharnabhasi hatine simba rokurega kubata basa here?

9:7b.1CO.009.007 Ndianiko ungandorwa achizviripira mubairo? Ndianiko unorima munda wemizambiringa, akasadya zvibereko zvawo? Ndianiko unofudza boka, akasadya mukaka weboka?

9:8b.1CO.009.008 Izvi ndinozvitaura nokutaura kwavanhu here?

9:9b.1CO.009.009 Nokuti pamurairo waMosesi pakanyorwa, pachiti: Usasunga muromo wenzombe inopura zviyo. Ko Mwari unehanya nenzombe here?

9:10b.1CO.009.010 Kana unoreva saizvozvo nokuda kwedu kwoga here? Zvirokwazvo, zvakanyorwa nokuda kwedu, nokuti unorima unofanira kurima netariro; nounopura, achitarira kuti uchagoverwa vo.

9:11b.1CO.009.011 Kana isu takakudzvarirai zvinhu zvomweya, chingava chinhu chikuru here kana tichicheka zvinhu zvenyu zvenyama?

9:12b.1CO.009.012 Kana vamwe vachipiwa simba pamusoro penyu, ko isu hatipiwi iro zvikuru here? Asi hatina kuzvibatira nesimba; asi tinotambudzika pazvose, kuti tirege kudzivisa Evhangeri yaKristu..

9:13b.1CO.009.013 Hamuzivi here kuti vanoshumira pazvinhu zvitsvene vanorarama nezvinhu zvetembere? Vuye kuti vanobata basa paaritari, vanogovana nearitari here?

9:14b.1CO.009.014 Saizvozvo vo Ishe wakaraira kuti vanoparidza Evhangeri, vararame neEvhangeri.

9:15b.1CO.009.015 Asi ini handina kuzvibatira nechimwe chezvinhu izvo. Handinyori izvi kuti ndiitirwe saizvozvo ini; nokuti zvirinani kuti ndife, pakuti mumwe akonese icho chandinozvirumbidza nacho.

9:16b.1CO.009.016 Nokuti kana ndichiparidza evhangeri, handina chandingazvirumbidza nacho, nokuti ndinoroveverwa; ndinenhamo, kana ndisingaparidzi Evhangeri.

9:17b.1CO.009.017 Nokuti kana ndichizviita ndichida ini, ndinomubairo; asi kana ndichizviita ndisingadi, ndakapiwa hangu vutariri.

9:18b.1CO.009.018 Zvino mubairo wangu ndoweiko? Ndiwo, kuti kana ndichiparidza Evhangeri, ndivigire vanhu Evhangeri yaKristu vasingaripi, kuti ndirege kuzvibatira pandaigona napo nesimba randinaro reEvhangeri.

9:19b.1CO.009.019 Nokuti kunyange ndakasununguka kunavose, ndakazviita muranda wavose, kuti ndiwane vazhinji kwazvo.

9:20b.1CO.009.020 KuvaJudha ndakava somuJudha, kuti ndiwane vaJudha; kunavari pasi pomurairo, ndakava somunhu uri pasi pomurairo, kunyange ndisati ndiri pasi pomurairo hangu, kuti ndiwane vari pasi pomurairo;

9:21b.1CO.009.021 kunavasinomurairo, ndakava somunhu usinomurairo, kunyange ndisati ndiri munhu usinomurairo waMwari, asi pasi pomurairo waKristu, kuti ndiwane vasinomurairo.

9:22b.1CO.009.022 Kuna vasinesimba ndakava sousinesimba, kuti ndiwane vasinesimba; ndakava zvose kuvanhu vose, kuti ndiponese vamwe nemitovo yose.

9:23b.1CO.009.023 Zvinhu zvose ndinozviita nokuda kweEvhangeri, kuti ndigoverwe iyo pamwe chete navamwe.

9:24b.1CO.009.024 Hamuzivi here kuti avo vanoita nhangemutange, vanomhanya vose, asi mumwe chete unopiwa mubairo? Mhanyai saizvozvo, kuti muwane.

9:25b.1CO.009.025 Mumwe nomumwe, unoshingaira pakutamba, unozvidzora pazvose. Zvino ivo vanozviita kuti vawane korona inovora, asi isu kuti tiwane isingavori.

9:26b.1CO.009.026 Zvino ini handirwi somunhu unorova mhepo;

9:27b.1CO.009.027 asi ndinorwadzisa muviri wangu, ndichiuita muranda; kuti zvimwe ini, ndamboparidzira vamwe, ndirege kuva wakarashwa ndimene.

10

10:1b.1CO.010.001 Nokuti handidi, hama dzangu, kuti murege kuziva kuti madzibaba edu ose akanga ari pasi pegore, vuye kuti vose vakayambuka gungwa;

10:2b.1CO.010.002 vose vakabhabhatidzwa munaMosesi mugore nomugungwa;

10:3b.1CO.010.003 vose vakadya zvokudya zvimwe zomweya;

10:4b.1CO.010.004 vose vakanwa zvokunwa padombo romweya rakavatevera; dombo iro rakanga riri Kristu.

10:5b.1CO.010.005 Asi Mwari haana kufadzwa navazhinji vavo; nokuti vakaparadzwa murenje.

10:6b.1CO.010.006 Zvino, zvinhu izvi zvakanga zviri zviratidzo kwatiri, kuti isu tirege kuchiva zvakaipa, sezvavakachiva ivo.

10:7b.1CO.010.007 imi regai kunamata zvifananidzo, savamwe vavo; sezvazvakanyorwa, zvichinzi: Vanhu vakagara pasi pakudya nokunwa, vakasimuka kuti vatambe.

10:8b.1CO.010.008 Zvino ngatirege kuita vupombwe, savamwe vavo vakaita vupombwe, vakafa nezuva rimwe venezvuru zvinamakumi maviri nezvitatu.

10:9b.1CO.010.009 Ngatirege kuidza Kristu, savamwe vavo vakamuidza, vakaparadzwa nenyoka.

10:10b.1CO.010.010 Murege kunununa savamwe vavo vakanununa, vakaparadzwa nomuparadzi.

10:11b.1CO.010.011 Zvino, zvinhu izvi zvose zvakavawira, kuti vave zviratidzo; zvakanyorwa kuti tinyeverwe isu, takasvikirwa nokuguma kwenyika.

10:12b.1CO.010.012 Naizvozvo, unoti ndinomira, ngaachenjere kuti arege kuwa.

10:13b.1CO.010.013 Hakunomuidzo wakakubatai imi, asi wavanhu vose; asi Mwari, wakatendeka, haangatenderi kuti muidzwe kupfuvura pamunogona napo; asi pamwe chete nomuidzo, iye uchakupai vo nzira yokubuda nayo, muve nesimba rokutsunga. Nzvengai zvifananidzo

10:14b.1CO.010.014 Naizvozvo, vadikanwa vangu, tizai kunamata zvifananidzo.

10:15b.1CO.010.015 Ndinotaura sokunavakachenjera; fungai zvandinotaura.

10:16b.1CO.010.016 Mukombe wokuvonga watinovonga, hakuzi kusongana neropa raKristu here? Chingwa chatinomedura, hakuzi kusongana nomuviri waKristu here?

10:17b.1CO.010.017 Zvachiri chingwa chimwe chete, isu vazhinji tiri muviri mumwe; nokuti tinogovana tose pachingwa chimwe.

10:18b.1CO.010.018 Tarirai vaIsraeri panyama; avo vanodya zvibayiro havagovani nearitari here?

10:19b.1CO.010.019 Zvino ndotiyiko? Kuti chakabayirwa chifananidzo chinhu here? kana chifananidzo chinhu here?

10:20b.1CO.010.020 Kwete, asi ndinoti izvo zvinobayirwa navahedheni, havazvibayirwi Mwari, asi mweya yakaipa; zvino handidi kuti muyanane nemweya yakaipa.

10:21b.1CO.010.021 Hamunganwiri pamukombe waShe, napamukombe wemweya yakaipa; hamungadyiri patafura yaShe napatafura yemweya yakaipa.

10:22b.1CO.010.022 Ko tinoda kumutsa godo raShe here? Tinomukunda nesimba here? Mukristu ngaarege kugumbusa vamwe

10:23b.1CO.010.023 Ndakatenderwa zvinhu zvose; asi zvose hazvindibatsiri. Ndakatenderwa zvinhu zvose; asi zvose hazvisimbisi.

10:24b.1CO.010.024 Munhu ngaarege kuzvitsvakira zvake, asi zvomumwe.

10:25b.1CO.010.025 Idyai zvose zvinotengwa panotengeswa nyama, musingabvunzi chinhu nokuda kwehana;

10:26b.1CO.010.026 nokuti nyika ndeyaShe nokuzara kwayo.

10:27b.1CO.010.027 Kana mumwe wavasingatendi akakukokerai kuzodya, kana mukada kuenda, idyai zvose zvinoiswa pamberi penyu, musingabvunzi chinhu nokuda kwehana.

10:28b.1CO.010.028 Asi kana mumwe akati kwamuri: Ichi chakabayirwa zvifananidzo, regai kudya nokuda kwaiye wakakuratidzai, vuye nokuda kwehana;

10:29b.1CO.010.029 handirevi hana yako, asi yomumwe;nokuti kusununguka kwangu kunotongerweiko nehana yomumwe?

10:30b.1CO.010.030 Kana ini ndichidya ndichivonga, ndingagotukirweiko nokuda kwechinhu chandinovonga pamusoro pacho?

10:31b.1CO.010.031 Naizvozvo, kana muchidya, kana muchinwa, kana muchiita chinhu chipi nechipi, itai zvose kuti Mwari akudzwe.

10:32b.1CO.010.032 Regai kugumbusa kana vaJudha, kana vaGiriki, kana kereke yaMwari.

10:33b.1CO.010.033 Seni vo ndinofadza vanhu vose pazvinhu zvose, ndisingatsvaki zvingandibatsira ini, asi zvingabatsira vazhinji, kuti vaponeswe.

11

11:1b.1CO.011.001 Ivai vateveri vangu, seni ndiri muteveri waKristu. Vakadzi pavungano dzekereke

11:2b.1CO.011.002 Zvino, ndinokurumbidzai, nokuti munondirangarira pazvinhu zvose, muchichengeta tsika, sezvandakakupai idzo.

11:3b.1CO.011.003 Asi ndinoda kuti muzive kuti musoro womumwe nomumwe ndiye Kristu;vuye musoro womukadzi ndiye murume; vuye musoro waKristu ndiye Mwari.

11:4b.1CO.011.004 Murume mumwe nomumwe, unonyengetera kana kuporofita musoro wake wakafukidzwa, unoninipisa musoro wake.

11:5b.1CO.011.005 Asi mukadzi mumwe nomumwe, unonyengetera kana kuporofita musoro wake usina kufukidzwa, unoninipisa musoro wake; nokuti ndizvo zvimwe nokuvevurwa.

11:6b.1CO.011.006 Nokuti kana mukadzi asingafukidzwi, ngaachekerwe vhudzi rake vo; asi kana zvisingafaniri kuti mukadzi achekerwe vhudzi, kana avevurwe, ngaafukidzwe.

11:7b.1CO.011.007 Nokuti murume haafaniri kufukidza musoro, zvaari mufananidzo nokubwinya kwaMwari; asi mukadzi ndiye kubwinya kwomurume.

11:8b.1CO.011.008 Nokuti murume haabvi kumukadzi; asi mukadzi unobva kumurume;

11:9b.1CO.011.009 vuye murume haana kusikirwa mukadzi, asi mukadzi wakasikirwa murume;

11:10b.1CO.011.010 nokuda kweizvozvo mukadzi unofanira kuva nechiratidzo chesimba pamusoro wake, nokuda kwavatumwa.

11:11b.1CO.011.011 Kunyange zvakadaro munaShe mukadzi haazi kunze kwomurume,, nomurume haazi kunze kwomukadzi.

11:12b.1CO.011.012 Nokuti mukadzi sezvaanobva kumurume, nokudaro vo murume unoberekwa nomukadzi; asi zvose zvinobva kunaMwari.

11:13b.1CO.011.013 Tongai imi mumene: Zvakafanira kuti mukadzi anyengetere kunaMwari asina kufukidzwa here?

11:14b.1CO.011.014 Ko hamudzidziswi naiwo musikirwe wavanhu kuti kana murume anevhudzi refu, unonyadziswa nazvo here?

11:15b.1CO.011.015 Asi kana mukadzi anevhudzi refu, ndiko kubwinya kwake; nokuti wakapiwa vhudzi rake, chive chifukidzo.

11:16b.1CO.011.016 Zvino kana mumwe anenge achida kuita gakava, hatinetsika yakadaro isu, kunyange kereke dzaMwari. Tsika dzakafanira patafura yaShe

11:17b.1CO.011.017 Zvino kana ndichikuvudzai izvi, handikurumbidziyi, nokuti hamuvunganiri zvinopfuvura nokunaka, asi zvakaipa.

11:18b.1CO.011.018 Nokuti shoko rokutanga, kana muchivungana mukereke, ndinonzwa kuti kupesana kuripo pakati penyu; pamwe ndinotenda kuti ndizvo.

11:19b.1CO.011.019 Nokuti dzidziso dzakatsauka dzinofanira kuva pakati penyu, kuti avo vakatendeka vavonekwe pakati penyu.

11:20b.1CO.011.020 Zvino kana muchivungana pamwe chete, hakuzi kuti mudye chirayiro chaShe;

11:21b.1CO.011.021 nokuti kana modya, mumwe nomumwe unotangira vamwe kudya chirayiro chake; mumwe unenzara, mumwe wakabatwa.

11:22b.1CO.011.022 Ko hamunedzimba kwamungadyira nokunwira here? Munozvidza kereke yaMwari, muchinyadzisa avo vasinechinhu here? Ndichaiteiko kwamuri? Ndingakurumbidzai here? Handingakurumbidziyi.

11:23b.1CO.011.023 Nokuti ini ndakagamuchira kunaShe icho chandakakupai vo, kuti Ishe Jesu novusiku bwaakapandukirwa, wakatora chingwa;

11:24b.1CO.011.024 akati avonga, akachimedura, akati: torai mudye. Ichi ndiwo muviri wangu unomedurirwa imi; itai izvi muchindirangarira.

11:25b.1CO.011.025 Saizvozvo vo, vakati vapedza kurayira, akatora mukombe, akati: Mukombe uyu ndiyo sungano itsva muropa rangu;itai izvi, nguva dzose kana muchinwa, muchindirangarira.

11:26b.1CO.011.026 Nokuti nguva dzose, kana muchidya chingwa ichi, kana kunwa mukombe uyu, munoparidza rufu rwaShe, kusvikira achivuya.

11:27b.1CO.011.027 Naizvozvo mumwe nomumwe unodya chingwa ichi, kana kunwa mukombe waShe, nomutovo usina kufanira, uchava nemhosva yomuviri neropa raShe.

11:28b.1CO.011.028 Zvino munhu ngaazviidze, kuti adye chingwa ichi achidaro, nokunwa mukombe uyu.

11:29b.1CO.011.029 Nokuti unodya nokunwa, nomutovo usina kufanira unozvidyira nokuzvimwira kurobwa zvaasinganatso nzwisisa muviri waShe.

11:30b.1CO.011.030 Nemhaka iyi vazhinji varipo pakati penyu vasinesimba, vanorwara; vazhinji vavete.

11:31b.1CO.011.031 Nokuti dai taizviidza isu timene, hatizairobwa.

11:32b.1CO.011.032 Zvino kana tichitongwa, tinorangwa naShe, kuti tirege kutongerwa kurohwa pamwe chete nenyika.

11:33b.1CO.011.033 Naizvozvo, hama dzangu, kana muchivunganira pakudya, miriranai.

11:34b.1CO.011.034 Kana munhu anenzara, ngaadye kumusha kwake; kuti murege kuvunganira kutongwa. Zvimwe zvakasara ndichazvigadzira kana ndichisvika.

12

12:1b.1CO.012.001 Zvino, kana zviri zvipo zvoMweya, hama dzangu, handidi kuti muve vasingazivi.

12:2b.1CO.012.002 Munoziva kuti panguva yamaiva vahedheni, makanga muchikweverwa kuzvifananidzo, zvisingagoni kutaura, sezvamaitungamirirwa.

12:3b.1CO.012.003 Saka ndinokuzivisai kuti hakunomunhu unotaura noMweya waMwari, ungati: Jesu ngaatukwe! Vuye, hakunomunhu ungati: Jesu ndiye Ishe, asi noMweya Mutsvene.

12:4b.1CO.012.004 Zvino marudzi mazhinji ezvipo aripo, asi Mweya ndomumwe.

12:5b.1CO.012.005 Marudzi mazhinji okushumira aripo, vuye Ishe mumwe.

12:6b.1CO.012.006 Marudzi mazhinji amabasa aripo, asi Mwari mumwe, iye unobata zvose munavose.

12:7b.1CO.012.007 Asi mumwe nomumwe unopiwa kuratidzwa kwoMweya, kuti vose vabatsirwe.

12:8b.1CO.012.008 Nokuti mumwe unopiwa noMweya shoko rovuchenjeri, mumwe shoko rokuziva noMweya iwoyu;

12:9b.1CO.012.009 mumwe, kutende muMweya iwoyu; mumwe iwoyu; mumwe zipo zokuporesa muMweya iwoyu;

12:10b.1CO.012.010 mumwe, kuita mabasa esimba; mumwe, kuporofita; mumwe, kuzivisisa mweya; mumwe, marudzi endimi; mumwe, kududzira ndimi;

12:11b.1CO.012.011 asi izvi zvose zvinoitwa noMweya iwoyu mumwe chete, unogovera mumwe nomumwe sezvaanoda. Mitezo mizhinji asi muviri mumwe

12:12b.1CO.012.012 Nokuti somuviri uri mumwe, unemitezo mizhinji, nemitezo yose yomuviri, kunyange iri mizhinji, muviri ndomumwe chete; wakadaro vo Kristu.

12:13b.1CO.012.013 Nokuti muMweya mumwe isu tose takabhabhatidzirwa mumuviri mumwe; kana tiri vaJudha, kana vaGiraiki, kana varanda, kana vakasununguka; isu tose takanwiswa paMweya mumwe.

12:14b.1CO.012.014 Nokuti muviri hauzi mutezo mumwe, asi mizhinji.

12:15b.1CO.012.015 Kana rutsoka rukati: Zvandisati ndiri ruvoko, handizi womuviri; ko haruzi rwomuviri, zvarwadaro here?

12:16b.1CO.012.016 Nenzeve kana ikati: Zvandisati ndiri ziso, handizi womuviri; ko haizi yomuviri here?

12:17b.1CO.012.017 Kana muviri wose raiva ziso, kunzwa kwaivepiko? Kana wose kwaiva kunzwa, kunhuwidza kwaivepiko?

12:18b.1CO.012.018 Asi zvino Mwari wakaisa mutezo mumwe nomumwe pamuviri sezvaakada.

12:19b.1CO.012.019 Kana yose waiva mutezo mumwe, muviri waive piko?

12:20b.1CO.012.020 Asi zvino kune mitezo mizhinji, asi muviri mumwe.

12:21b.1CO.012.021 Ziso haringati kuruvoko: Handikudi; kana musoro vo kutsoka; Handikudiyi imi.

12:22b.1CO.012.022 Kwete, zvikuru mitezo iyo yomuviri inenge isinesimba, ndiyo inodikanwa;

12:23b.1CO.012.023 nemitezo iyo yomuviri yatinoti haikudzwi, ndiyo yatinokudza kwazvo; nemitezo iyo yedu isina kunaka, ndiyo yova nokunaka kunopfuvurisa;

12:24b.1CO.012.024 asi mitezo yedu yakanaka, haishaiwi kukudzwa. Asi Mwari wakabatanidza muviri wose, akakudza anokupfuvurisa mitezo inoshaiwa kunaka;

12:25b.1CO.012.025 kuti pamuviri parege kuva nokupesana; asi kuti mitezo ichengetane zvakaenzana.

12:26b.1CO.012.026 Kana mutezo mumwe uchitambudzika, mitezo yose inotambudzika pamwe chete nawo; kana mutezo mumwe uchikudzwa, mitezo yose inofara pamwe chete nawo.

12:27b.1CO.012.027 Zvino, imi muri muviri waKristu, nomumwe, nomumwe mitezo yawo.

12:28b.1CO.012.028 Mwari wakaisa vamwe pakereke, pakutanga vaapostora, rwechipiri vaporofita, rwechitatu vadzidzisi, tevere vaiti vamabasa esimba, tevere zvipo zvokuporesa, navabatsiri navabati, namarudzi mazhinji endimi.

12:29b.1CO.012.029 Vose vaapostora here? Vose vaporofita here? Vose vadzidzisi here? Vose vaiti vamabasa esimba here?

12:30b.1CO.012.030 Vose vanezvipo zvokuporesa here? Vose vanotaura nendimi here? Vose vanodudzira here?

12:31b.1CO.012.031 Asi shingairirai zvipo zvikuru. Ndinokuratidzai vo nzira yakaisvonaka inopfuvura dzose.

13

13:1b.1CO.013.001 Kunyange ndikataura nendimi dzavanhu nedzavatumwa, ndisinorudo, ndava sendarira dzinorira, nedare rinongoti: Ngwere-ngwere!

13:2b.1CO.013.002 Kunyange ndinechipo chokuporofita, ndichinzwisisa zvakavanzika zvose, nokuziva kwose; kunyange ndinokutenda kwose, kuti ndibvise makomo, ndisinorudo, handizi chinhu.

13:3b.1CO.013.003 Kunyange ndagovera varombo zvose zvandinazvo, kunyange ndikaisa muviri wangu kuti ndipiswe, ndisinorudo, handibatsirwi chinhu.

13:4b.1CO.013.004 Rudo runomoyo murefu, runomoyo munyoro; rudo harunegodo; rudo harunamanyawi, haruzvikudzi;

13:5b.1CO.013.005 haruiti zvisingafaniri, haruzvitsvakiri zvarwo; harutsamwi, harunezvishura;

13:6b.1CO.013.006 harufariri zvisakarurama, asi runofarira zvokwadi;

13:7b.1CO.013.007 runofukidza zvose, runotenda zvose, runetariro pazvose, runotsungirira pazvose.

13:8b.1CO.013.008 Rudo harutongoperi; zvino kana kuri kuporofita, kuchapera; kana dziri ndimi, dzichaguma; kana kuri kuziva, kuchabviswa.

13:9b.1CO.013.009 Nokuti tinoziva zvisakakwana, tinoporofita zvisakakwana;

13:10b.1CO.013.010 asi kana zvakakwana zvasvika, izvo zvisakakwana zvichabiswa.

13:11b.1CO.013.011 Ini ndichiri mwana, ndaitaura somwana, ndaifunga somwana, ndairangarira somwana; zvino zvandava murume, ndabvisa zvinhu zvomwana.

13:12b.1CO.013.012 Nokuti zvino tinovona pachivoni-voni, tisingavoni kwazvo; asi nenguva iyo tichavona nezviso zvakatarisana; zvino ndinoziva zvisakakwana, asi nenguva iyo ndichaziva sezvandakazikanwa neni vo.

13:13b.1CO.013.013 Zvino kutenda, netariro, norudo, zvitatu izvi, ndizvo zvinogara; asi chikuru pakati pazvo ndirwo rudo.

14

14:1b.1CO.014.001 Teverai rudo, shingairirai zvipo zvoMweya, asi zvikuru kuti muprofite.

14:2b.1CO.014.002 Nokuti unotaura norumwe rurimi haatauri kuvanhu, asi kunaMwari; nokuti hakuna unomunzwa; asi noMweya unotaura zvakavanzika.

14:3b.1CO.014.003 Asi unoporofita, unotaura kuvanhu, kuti vasimbiswe nokurairwa, nokunyaradzwa.

14:4b.1CO.014.004 Unotaura norurimi, unozvisimbisa iye; asi unoporofita, unosimbisa kereke.

14:5b.1CO.014.005 Zvino ndinoda kuti imi mose mutaure nendimi, asi zvikuru kuti muprofite; unoporofita mukuru kunounotaura nendimi, asi kana achidudzira, kuti kereke isimbiswe.

14:6b.1CO.014.006 Asi zvino, hama dzangu, kana ndichivuya kwamuri, ndichitaura nendimi, ndingakubatsirai neiko, kana ndisingatauri nokuzarurirwa, kana nokuziva, kana nokuporofita, kana nokudzidzisa?

14:7b.1CO.014.007 Kunyange zvinhu zvisinovupenyu, zvinorira kana iri nyere, kana rudimbwa kana zvisingasiyani pakurira kwazvo, zvingazikanwa seiko chinoridzwa nenyere kana rudimbwa?

14:8b.1CO.014.008 Nokuti kana hwamanda isingariri kwazvo, ndianiko ungazvigadzira kundorwa?

14:9b.1CO.014.009 Zvakadaro vo nemi, kana musingatauri norurimi mashoko anonatso-zikanwa, zvinotaurwa zvichazikanwa seiko? Nokuti muchangotaura henyu mumhepo.

14:10b.1CO.014.010 Manzwi anamarudzi mazhinji panyika, hakunechinhu chisinenzwi racho.

14:11b.1CO.014.011 Zvino kana ndisingazivi kuti inzwi rinorevei, ini ndichava somunhu worumwe rurimi kuno unotaura, nounotaura uchava kwandiri somunhu worumwe rurimi.

14:12b.1CO.014.012 Saizvozvovo imi, zvamunoshingairira zvinhu zvoMweya, tsvakai zvikuru kuti musimbise kereke.

14:13b.1CO.014.013 Saka unotaura norumwe rurimi,ngaanyengetere kuti adudzirevo

14:14b.1CO.014.014 Nokuti kana ndichinyengetera norumwe rurimi,mweya wangu unonyengetera asi kufunga kwangu kunoshaiwa zvibereko.

14:15b.1CO.014.015 Zvino chinyiko? Ndichanyengetera nomweya wangu vuye ndichanyengetera nokufunga kwangu vo; ndichaimba nomweya wangu, vuye ndichaimba nokufunga kwangu vo.

14:16b.1CO.014.016 Kana zvisakadaro, kana iwe uchivonga nomweya, ko uyo ugere pachigaro chavasina kudzidza, uchati Ameni seiko pakuvonga kwako, zvaasingazivi chaunotaura iwe?

14:17b.1CO.014.017 Nokuti iwe unovonga hako zvakanaka, asi mumwe haasimbiswi.

14:18b.1CO.014.018 Ndinovonga Mwari, kuti ini ndinotaura nendimi zhinji kukunda imi mose;

14:19b.1CO.014.019 asi pakereke ndinoda zvikuru kutaura mashoko mashoma nokufunga kwangu, kuti ndidzidzise vamwe vo, pakutaura norumwe rurimi mashoko anezvuru zvinegumi.

14:20b.1CO.014.020 Hama dzangu, musava vana pakuziva, asi muve vacheche pazvakaipa, asi pakuziva muve vakuru.

14:21b.1CO.014.021 Pamurairo pakanyorwa, pachiti: Ndichataura kuvanhu ava, ndichireva navanhu vedzimwe ndimi nemimwe miromo; kunyange zvakadaro, havanganditereri ndizvo zvinoreva Ishe.

14:22b.1CO.014.022 Saka ndimi hadzizi chiratidzo kunavanotenda, asi kunavasingatendi; asi kunavanotenda.

14:23b.1CO.014.023 Naizvozvo, kana kereke yose yavungana, vose vakataura nendimi, vasinakudzidza kana vasina kutenda vakapinda, havati munopenga here?

14:24b.1CO.014.024 Asi kana vose vakaporofita, mumwe usingatendi kana usina kudzidza akapinda, uchatendiswa; navose, uchatongwa navose;

14:25b.1CO.014.025 nenzira iyi zvakavanzika zvomoyo wake zvinoratidzwa; naizvozvo uchawira pasi nechiso chake, achinamata Ishe, nokupupura kuti Mwari uri pakati penyu zvirokwazvo. Zvose ngazviitwe nomutovo wakanaka mukereke

14:26b.1CO.014.026 Zvino tichatiyiko, hama dzangu? Kana muchivungana, mumwe nomumwe unepisarema, unechokudzidzisa, unechaakazarurirwa, unorumwe rurimi, unechokududzira. Ngazviitwe zvose, kuti musimbiswe.

14:27b.1CO.014.027 Kana mumwe achitaura norurimi, ngazviitwe navaviri, kana varege kupfuvura vatatu, vachiravana; nomumwe ngaadudzire.

14:28b.1CO.014.028 Asi kana pasina unodudzira, ngaanyarare mukereke; ngaazvitaurire iye, nokunaMwari.

14:29b.1CO.014.029 Vaporofita ngavataure vaviri, kana vatatu, navamwe ngavaidze.

14:30b.1CO.014.030 Zvino kana chimwe chinhu chikazarurirwa mumwe ugerepo, wokutanga ngaanyarare.

14:31b.1CO.014.031 Nokuti mungaporofita mose, muchiita mumwe-mumwe, kuti vose vadzidze, vose vanyaradzwe.

14:32b.1CO.014.032 Mweya yavaporofita inozviisa pasi pavaporofita;

14:33b.1CO.014.033 nokuti Mwari haazi Mwari wenyonganiso, asi worugare, sapakereke dzose dzavatsvene.

14:34b.1CO.014.034 Vanhukadzi venyu ngavanyarare mukereke; nokuti havatenderwi kutaura; asi vanorairwa kuti vazviise pasi, sezvinoreva vo murairo.

14:35b.1CO.014.035 Kana vachida kudzidza chinhu, ngavabvunze varume vavo kumusha; nokuti chinhu chinonyadzisa kuti vanhukadzi vataure mukereke.

14:36b.1CO.014.036 Ko shoko raMwari rakabva kwamuri here?

14:37b.1CO.014.037 Kana munhu achiti, ndiri muporofita, kana ndiri womweya, ngaatende kuti izvo zvandinokunyorerai, murairo waShe,

14:38b.1CO.014.038 Asi kana munhu asingazivi, ngaave usingazivi hake.

14:39b.1CO.014.039 Saka, hama dzangu, shingairirai kuporofita, musingadzivisi mumwe kutaura nendimi.

14:40b.1CO.014.040 Asi zinhu zvose ngazviitwe nomutovo wakafanira zvinemirairo yazvo.

15

15:1b.1CO.015.001 Zvino, hama dzangu, ndinokuzivisai Evhangeri yandakakuparidzirai, iyo yamagamuchira vo, neyamunomira vo mairi;

15:2b.1CO.015.002 iyo yamunoponeswa vo nayo, kana muchiibatisa nomutovo wandakaiparidza kwamuri, kana musina kutenda pasina.

15:3b.1CO.015.003 Nokuti pakutanga ndakakupai izvo zvandakagamuchira vo, kuti Kristu wakafira zvivi zvedu, sezvakanyorwa paMagwaro;

15:4b.1CO.015.004 vuye kuti wakavigwa, akamutswa nezuva retatu, sezvakanyorwa paMagwaro;

15:5b.1CO.015.005 akazviratidza kunaKefasi, ipapo kunavanegumi navaviri;

15:6b.1CO.015.006 ipapo akazviratidza kuhama dzinopfuvura mazana mashanu kamwe-vazhinji vavo vapenyu kusvikira zvino, asi vamwe vavata.

15:7b.1CO.015.007 Ipapo akazviratidza kunaJakobho; ipapo kunavaapostora vose.

15:8b.1CO.015.008 pakupedzisira akazviratidza kwandiri vo, sokunowakazvarwa nguva isati yasvika.

15:9b.1CO.015.009 Nokuti ini ndiri muduku kuvapostora vose, handifaniri kuti ndinzi muapostora, nokuti ndakatambudza kereke yaMwari.

15:10b.1CO.015.010 Asi nenyasha dzaMwari ndiri munhu wakadai zvino: nenyasha dzake kwandiri hadzina kuva pasina; asi ndakabata zvikuru kupfuvura vose; handizini, asi inyasha dzaMwari dzaiva neni.

15:11b.1CO.015.011 Naizvozvo, kana ndirini kana vari ivo, tinoparidza kudai, nemi makatenda kudai.

15:12b.1CO.015.012 Zvino kana Kristu achiparidzwa, kuti wakamutswa kuvakafa, vamwe pakati penyu vanoreva seiko, kuti hakuna kumuka kwavakafa?

15:13b.1CO.015.013 Zvino, dai pasina kumuka kwavakafa, naKristu ungadai asina kumutswa vo;

15:14b.1CO.015.014 vuye, dai Kristu asina kumutswa, kuparidza kwedu kungadai kuchiva pasina, nokutenda kwenyu kungadai kuchiva vo pasina.

15:15b.1CO.015.015 Nesu taiwanikwa tiri zvapupu zvaMwari zvenhema; nokuti takapupura kuti Mwari wakamutsa Kristu, iye waasina kumutsa, kana zviri izvo kuti vakafa havamutswi.

15:16b.1CO.015.016 Nokuti kana vakafa vasingamutswi, naKristu, haana kumutswa vo;

15:17b.1CO.015.017 kana Kristu asinakumutswa, kutenda kwenyu hakuna maturo; muchiri muzvivi zvenyu.

15:18b.1CO.015.018 Zvino naivo vakafa munaKristu vakarashika vo.

15:19b.1CO.015.019 Kana tinetariro kunaKristu pavupenyu bwuno bedzi, tinonzwisa vurombo kukunda vanhu vose.

15:20b.1CO.015.020 Nokuti zvino Kristu wakamutswa kuvakafa, akava chibereko chokutanga chavavata.

15:21b.1CO.015.021 Nokuti rufu zvarwakavuya nomunhu, kumuka kwavakafa kwakavuya nomunhu vo.

15:22b.1CO.015.022 Nokuti vose sezvavanofa munaAdhama, saizvozvo vo vose vachararamiswa munaKristu.

15:23b.1CO.015.023 Asi mumumwe nomumwe padzoro rake: Kristu chibereko chokutanga; tevere, avo vari vaKristu pakuvuya kwake.

15:24b.1CO.015.024 Ipapo kuguma kunosvika, panguva yaachazopa Mwari, Baba, vushe panguva yaachaparadza kubata kwose, novushe bwose, nesimba.

15:25b.1CO.015.025 Nokuti unofanira kubata vushe, kusvikira aisa vavengi vake vose pasi petsoka dzake.

15:26b.1CO.015.026 Muvengi wokupedzisira, uchaparadzwa, ndirworufu.

15:27b.1CO.015.027 Nokuti wakaisa zvinhu zvose pasi petsoka dzake. Zvino kana achiti: Zvose zvakaiswa pasi pake, zvinovonekwa pachena kuti iye, wakaisa zvose pasi pake, haana kuiswapo.

15:28b.1CO.015.028 Zvino kana zvose zvaiswa pasi pake, ipapo noMwanakomana vo amene uchaiswa pasi paiye wakaisa zvose pasi pake, kuti Mwari ave zvose kunavose.

15:29b.1CO.015.029 Kana zvisina kudaro, ko avo vanobhabhatidzwirwa vakafa, vachagoita seiko? Kana vakafa vasingatongomutswi, vakagobhabhatidzirweiko ivo vakafa?

15:30b.1CO.015.030 Nesu tiri panjodzi nguva dzose neiko?

15:31b.1CO.015.031 Ndinopika, hama dzangu, nokuzvirumbidza kwandinako pamusoro penyu munaKristu Jesu, Ishe wedu, kuti ndinofa zuva rimwe nerimwe.

15:32b.1CO.015.032 Kana ndakarwa nezvikara paEfeso somunhu zvaindibatsireiko? Kana vakafa vasingamutswi, ngatidye, ngatinwe, nokuti mangwana tinofa.

15:33b.1CO.015.033 Musanyengerwa; vushamwari bwakaipa bwunovodza tsika dzakanaka.

15:34b.1CO.015.034 Pengenukai kune zvakarurama, murege kutadza, nokuti vamwe havazivi Mwari; ndinotaura izvi kutimunyadziswe.

15:35b.1CO.015.035 Asi mumwe ungati: Vachavuya nomuviri wakaita sei?

15:36b.1CO.015.036 Iwe benzi, icho chaunodzwara hachimeri, kana chisingafi.

15:37b.1CO.015.037 Chaunodzwara, haudzwari muviri uchavapo, asi tsanga bedzi, kana yamapfunde, kana yezvimwe;

15:38b.1CO.015.038 asi Mwari unoipa muviri paanoda napo, nembeu imwe neimwe muviri wayo.

15:39b.1CO.015.039 Nyama yose haizi nyama imwe; asi imwe ndeyavanhu, imwe inyama yemhuka, imwe inyama yeshiri, imwe; ndeyehove.

15:40b.1CO.015.040 Kune miviri yokudenga, nemiviri yenyika; asi kubwinya kweyokudenga ndokumwe, nokwenyika ndokumwe.

15:41b.1CO.015.041 Kunokubwinya kwezuva, ndokumwe, nkubwinya kwomwedzi, ndokumwe kubwinya kwenyeredzi, ndokumwe nokuti imwe nyeredzi inosiyana neimwe pakubwinya.

15:42b.1CO.015.042 Ndizvo zvakaita vo kumuka kwavakafa. Muviri unodzvarwa pakuvora; unomutswa pakusavora;

15:43b.1CO.015.043 unodzwarwa pakuzvidzwa, unomutswa pakubwinya; unodzwarwa pavutera, unomutswa pasimba.

15:44b.1CO.015.044 Unodzwarwa uri muviri wokuberekwa, unomutswa uri muviri womweya. Muviri wokuberekwa uripo, nomuviri womweya uripo.

15:45b.1CO.015.045 Zvakanyorwa vo saizvozvo, zvichinzi: Munhu wokutanga, Adhama, wakaitwa munhu mupenyu; Adhama wokupedzisira wakaitwa mweya, unopa vupenyu.

15:46b.1CO.015.046 Asi zvomweya hazvizi zvokutanga, asi zvokuberekwa; tevere zvomweya.

15:47b.1CO.015.047 Munhu wokutanga ndowenyika, ivhu; munhu wechipiri ndiIshe akabva kudenga.

15:48b.1CO.015.048 Saiye wevhu, ndizvo zvakaita vo avo vevhu; saiye okudenga, ndizvo zvakaita vo ivo vokudenga.

15:49b.1CO.015.049 Vuye, sezvatakanga tinomufananidzo womunhu wevhu, tichava vo nomufananidzo waiye wokudenga.

15:50b.1CO.015.050 Zvino, hama dzangu, ndinoreva ndichiti, nyama neropa hazvingagari nhaka yovushe bwaMwari; nokuvora hakungagari nhaka yokusavora.

15:51b.1CO.015.051 Tarirai, ndinokuvudzai chakavanzika: Hatingavati tose, asi tichashandurwa tose;

15:52b.1CO.015.052 pakarepo, nokubwaira kweziso, nehwamanda yokupedzisira; nokuti hwamanda icharira, ipapo vakafa vachamutswa mukusavora; nesu tichashandurwa;

15:53b.1CO.015.053 nokuti ichi chinovora chinofanira kufuka kusavora; nechichi chinofa chinofanira kufuka kusafa.

15:54b.1CO.015.054 Zvino kana ichi chinovora chafuka kusavora; nechichi chinofa chafuka kusafa, ipapo shoko rakanyorwa richaitika, rinoti: Rufu rwakamedzwa mukukunda.

15:55b.1CO.015.055 Iwe rufu rumborera rwako ruripiko? Iwe bwiro kukunda kwako kuripiko?

15:56b.1CO.015.056 Rumborera gorufu chivi, nesimba rechivi murairo.

15:57b.1CO.015.057 Zvino Mwari ngaavongwe, unotipa kukunda munaKristu Jesu.

15:58b.1CO.015.058 Saka, hama dzangu dzinodikanwa, mirai makasimba, murege kuzununguswa, mubatire Ishe zvikuru nguva dzose muchiziva kuti kubata kwenyu hakungavi pasina munaShe.

16

16:1b.1CO.016.001 Zvino, kana zviri zvipo zakavunganidzirwa vatsvene, se zvandakaraira kereke dzeGaratia, itai nemi vo seizvozvo.

16:2b.1CO.016.002 Nomusi wokutanga wevhiki, mumwe nomumwe wenyu ngaakamure zvimwe kumba kwake, avunganidze, paakawana napo, kuti zvipo zvirege kuvunganidzwa, kana ndichisvika.

16:3b.1CO.016.003 Kana ndasvika, ndichatuma avo vamunotenda nemwadhi, vagondoisa zvipo zvenyu Jerusarema.

16:4b.1CO.016.004 Kana zvakafanira kuti ini ndiende vo, vangaenda neni.

16:5b.1CO.016.005 Zvino ndichavuya kwamuri, kana ndagura neMakedhonia; nokuti ndinogura neMakedhonia.

16:6b.1CO.016.006 Zvimwe ndichagara nemi, kunyange ndipedze chando, kuti mugondiperekedza pose pandinoenda.

16:7b.1CO.016.007 Nokuti handidi kukuvonai zvino ndiri parwendo; nokuti ndinoti ndichazogara nemi chinguva, kana Ishe achinditendera.

16:8b.1CO.016.008 Asi ndichagara paEfeso kusvikira paPentekosta.

16:9b.1CO.016.009 Nokuti ndazarurirwa mukova mukuru unebasa guru; navadzivisi vazhinji varipo.

16:10b.1CO.016.010 Zvino kana Timotio achisvika, chenjerai kuti agare nemi asingatyi; nokuti unobata basa raShe, sezvandinoita ini.

16:11b.1CO.016.011 Naizvozvo ngakurege kuva nomunhu unomuzvidza. Asi mumuperekedze norugare, kuti avuye kwandiri; nokuti ndakamutarira pamwe chete nehama.

16:12b.1CO.016.012 Zvino kana ari Aporo, hama yedu, ndakakumbira kwaari zvikuru, kuti avuye kwamuri pamwe chete nedzimwe hama; asi wakanga asingatongodi kuvuya zvino, uchavuya hake kana awana nguva yakanaka.

16:13b.1CO.016.013 Rindai, mirai nesimba pakutenda, itai savarume, musimbiswe.

16:14b.1CO.016.014 Zvose zvamunoita ngazviitwe norudo.

16:15b.1CO.016.015 Ndinokumbira zvikuru kwamuri, hama dzangu, munoziva mhuri yaStefana, kuti ndicho chibereko chokutanga paAkaya, vakazviisa kuti vashumire vatsvene

16:16b.1CO.016.016 Kuti nemi vo muzviise pasi pavakadaro, napasi pavose vanotibatsira navanobata.

16:17b.1CO.016.017 Ndinofara nokuvuya kwaStefana, naFortunato, naAkaiako; nokuti ivo vakandiitira zvamakanga musingagoni kuita imi.

16:18b.1CO.016.018 Nokuti vakazorodza mweya wangu nowenyu; naizvozvo kudzai vakadaro.

16:19b.1CO.016.019 Kereke dzapaAsia dzinokukwazisai. Akwira naPrisira vanokukwazisai zvikuru munaShe, pamwe chete nekereke iri mumba mavo.

16:20b.1CO.016.020 Hama dzose dzinokukwazisai. Kwazisanai nokusveta kutsvene.

16:21b.1CO.016.021 Ndiko kukwazisa kwangu, ini Pauro, noruvoko rwangu.

16:22b.1CO.016.022 Kana munhu asingadi Ishe Jesu Kristu, ngaave wakatukwa. Ishe unovuya!

16:23b.1CO.016.023 Nyasha dzaShe Jesu Kristu ngadzive nemi.

16:24b.1CO.016.024 Rudo rwangu ngaruve nemi mose munaKristu Jesu. Ameni.