Romans (Shona)

1

1:1b.ROM.001.001 Pauro, muranda waKristu Jesu, wakadanwa kuti ave muapostora, wakatsaurirwa Evhangeri yaMwari,

1:2b.ROM.001.002 yaakapikira kare navaporofita vake muMagwaro matsvene,

1:3b.ROM.001.003 zvoMwanakomana wake, wakabva kurudzi rwaDhavhidhi panyama,

1:4b.ROM.001.004 wakaratidzwa nesimba paMweya wovutsvene, kuti ndiye Mwanakomana waMwari, nokumuka kwake kuvakafa; ndiye Jesu Kristu, Ishe wedu,

1:5b.ROM.001.005 watakagamuchira naye nyasha novuapostora, kuti pakati pavahedheni vose, pave nokuterera kwokutenda nokuda kwezita rake;

1:6b.ROM.001.006 nemi vo muri pakati pavo, makadanwa kuti muve vaJesu Kristu;

1:7b.ROM.001.007 kunavose vari muRoma, vadikanwa vaMwari, vakadanwa kuti vave vatsvene: Nyasha ngadzive nemi norugare, zvinobva kunaMwari, baba vedu, nokunaShe Jesu Kristu. Rudo rwaPauro kuvaRoma

1:8b.ROM.001.008 Pakutanga, ndinovonga Mwari wangu munaJesu Kristu, pamusoro penyu mose, nokuti kutenda kwenyu kunoparidzirwa panyika yose.

1:9b.ROM.001.009 Nokuti Mwari chapupu changu, iye wandinoshumira mumweya wangu muEvhengeri yoMwanakomana wake, kuti handiregi kukurangarirai,

1:10b.ROM.001.010 ndichikumbira nguva dzose pakunyengetera kwangu, kuti zvimwe ndifambiswe hangu zvakanaka ndivuye kwamuri nokuda kwaMwari.

1:11b.ROM.001.011 Nokuti ndinoda zvikuru kukuvonai, kuti ndikupei chimwe chipo chomweya, kuti musimbiswe.

1:12b.ROM.001.012 Ndokuti ini ndinyaradzwe pamwe chete nemi pakati penyu, mumwe nomumwe nokutenda kwomumwe, kwenyu nokwangu.

1:13b.ROM.001.013 Handidi kuti musaziva, hama dzangu, kuti kazhinji ndaida kuvuya kwamuri, (ndikadziviswa kusvikira zvino), kuti ndive nezvibereko kwamuri vo, sapakati pavamwe vahedheni.

1:14b.ROM.001.014 Ndinengava kuvaGiriki nokuvatorwa, nokuvakachenjera navasina kuchenjera.

1:15b.ROM.001.015 Naizvozvo, kana ndirini, ndakazvigadzira kukuparidzirai vo Evhangeri, imi muri paRoma.

1:16b.ROM.001.016 Nokuti handinyari pamusoro peEvhangeri; nokuti isimba raMwari rokuponesa mumwe nomumwe unotenda, kutanga muJudha, vuye muGiriki vo.

1:17b.ROM.001.017 Nokuti mairi kururama kwaMwari kunoratidzwa kunobva pakutenda kuchienda kukutenda; sezvazvakanyorwa, zvichinzi: Wakarurama uchararama nokutenda. Kurashika kwavahedheni.

1:18b.ROM.001.018 Nokuti kutsamwa kwaMwari kunoratidzwa, kuchibva kudenga, pamusoro pokusada Mwari kwose nokusarurama kwavanhu, vanodzivisa zvokwadi nokusarurama;

1:19b.ROM.001.019 nokuti izvo zvingazikanwa zvaMwari zvinovonekwa mukati mavo; nokuti Mwari wakazviratidza izvo kwavari.

1:20b.ROM.001.020 Nokuti kubvira pakusikwa kwenyika, izvo zvake zvisingavonekwi, iro simba rake risingaperi novuMwari bwake, zvinovonekwa kwazvo, zvichizikanwa pazvinhu zvakaitwa; kuti varege kuva nepembedzo;

1:21b.ROM.001.021 nokuti vaiziva Mwari, asi havana kumukudza saMwari, kana kumuvonga; asi vakafunga zvisinamaturo, nemoyo yavo isinezivo, ikasvibiswa.

1:22b.ROM.001.022 Vachiti, takachenjera, vakava mapenzi;

1:23b.ROM.001.023 vakashandura kubwinya kwaMwari usingafi, vakakuita mufananidzo wakafanana nomunhu unofa, neshiri, nemhuka dzinamakumbo mana, nezvinokambaira.

1:24b.ROM.001.024 Saka Mwari, mukuchiva kwemoyo yavo, akavaisa kutsvina, kuti vanyadzise miviri yavo pakati pavo.

1:25b.ROM.001.025 Avo vakatsinhanha zvokwadi yaMwari nenhema, vakanamata nokushumira chisikwa kupfuvura musiki, iye unokudzwa nokusingaperi. Ameni.

1:26b.ROM.001.026 Mwari wakavaisa pakuchiva kunonyadzisa; nokuti vanhukadzi vavo vakashandura basa ravakasikirwa, rive basa ravasina kusikirwa;

1:27b.ROM.001.027 saizvozvo vanhurume vo vakasiya basa rakasikirwa munhukadzi, vakakundwa nokuchiva pakati pavo, vanhurume vachiita zvinonyadza navanhurume, vakapiwa mukati mavo mubairo wakafanira wokurashika kwavo.

1:28b.ROM.001.028 Sezvavakanga vasingadi kugara vachiziva Mwari, Mwari akavaisa kumurangariro wakarashika, kuti vaite zvisakafanira;

1:29b.ROM.001.029 vakazadzwa nokusarururama kwose, nokuipa, noruchiva, nokuvenga; vakazara negodo, nokuvuraya, norukave, nokunyengera, nechinya; vanhu vanoita zeve-zeve,

1:30b.ROM.001.030 navacheri, navanovenga Mwari, navanodada, navanozvikudza, navanozvirumbidza, navavambi vezvakaipa, navasingatereri vabereki,

1:31b.ROM.001.031 namapenzi, navanoputsa sungano, navasinorudo kwarwo, vasinengoni.

1:32b.ROM.001.032 Avo, kunyange vachiziva havo chirevo chaMwari, kuti vanoita zvakadai vakafanirwa norufu, havaiti izvo bedzi, asi vanotenderana navanozviita.

2

2:1b.ROM.002.001 Saka haunepembedzo iwe munhu, upi noupi, unotonga vamwe; nokuti pachinhu icho chaunotonga mumwe nacho, unozvipa mhosva iwe, nokuti iwe, unotonga unoita zvinhu izvozvo.

2:2b.ROM.002.002 Tinoziva kuti kutonga kwaMwari ndokwazvokwadi kunavanoita zvinhu zvakadai.

2:3b.ROM.002.003 Iwe munhu, unotonga vamwe vanoita zvinhu zvakadai, iwe uchizviita vo, ko unoti ungatiza kutonga kwaMwari here?

2:4b.ROM.002.004 Unozvidza kanhi fuma yovunyoro bwake, nomoyo wake munyoro, nomoyo wake murefu, usingazivi here kuti vunyoro bwaMwari bwunokuisa pakutendevuka?

2:5b.ROM.002.005 Asi novukukutu bwako, nomoyo usingadi kutendevuka, unozvivunganidzira kutsamwa nezuva rokutsamwa, nokuratidzwa kwokutonga kwakarurama kwaMwari;

2:6b.ROM.002.006 iye uchapa mumwe nomumwe paakaita napo:

2:7b.ROM.002.007 Vanotsvaka kubwinya, nokukudzwa, nokusafa, vachitsungirira pakuita zvakanaka, uchavapa vupenyu hwusingaperi.

2:8b.ROM.002.008 Asi kunavanenharo, vasingatereri zvokwadi, vanoterera zvisakarurama, kuchavapo kutsamwa nehasha.

2:9b.ROM.002.009 nokutambudzika nenhamo kumweya mumwe nomumwe womunhu kunoita zvakaipa, pakutanga womuJudha, nowomuGiriki;

2:10b.ROM.002.010 asi kubwinya, nokukudzwa, norugare kunomumwe nomumwe unoita zvakanaka, ku muJudha pakutanga, muGiriki vo.

2:11b.ROM.002.011 Nokuti Mwari haatendi zvinovonekwa zvomunhu.

2:12b.ROM.002.012 Nokuti vose vakatadza vasinomurairo; vachaparadzwavo vasinomurairo; vose vakatadza vanomurairo, vachatongwa nomurairo;

2:13b.ROM.002.013 nokuti vanzwi vomurairo havazi ivo vakarurama pamberi paMwari, asi vaiti vomurairo ndivo vanoruramiswa;

2:14b.ROM.002.014 (nokuti kana vahedheni vasinomurairo vachiita pachavo zvinhu zvomurairo, vachava murairo wavo vamene;

2:15b.ROM.002.015 nokuti vanoratidza basa romurairo wakanyorwa mumoyo yavo, hana yavo ichipupura pamwe chete nazvo, nezvavanofunga pakati pavo zvichivapa mhosva kana kuvapembedza;)

2:16b.ROM.002.016 nezuva iro, Mwari raanozotonga naro zvakavanzika zvavanhu, naJesu Kristu, sezvinoreva Evhangeri yangu. VaJudha havanepembedzo.

2:17b.ROM.002.017 Zvino kana iwe unonzi muJudha, unovimba nomurairo, unozvirumbidza munaMwari,

2:18b.ROM.002.018 unoziva kuda kwake, nokutsaura kuti zvakanaka ndezvipi, uchidzidziswa nomurairo,

2:19b.ROM.002.019 unozviti iwe uri mutungamiriri wamapofu, nechiedza chavari murima,

2:20b.ROM.002.020 nomurairi wamapenzi, nomudzidzisi wavacheche, zvaunomufananidzo wokuziva nowezvokwadi pamurairo;

2:21b.ROM.002.021 zvino iwe unodzidzisa mumwe, unoregereiko kuzvidzidzisa? Iwe unoparidza kuti munhu arege kuba, unobireiko iwe?

2:22b.ROM.002.022 Iwe unoti munhu arege kuita vupombwe, unoitireiko vupombwe iwe? Iwe unosema zvifananidzo, unobireiko iwe tembere dzavo?

2:23b.ROM.002.023 Iwe unozvirumbidza nomurairo, unoshovora Mwari nokudarika murairo neiko?

2:24b.ROM.002.024 Nokuti, sezvazvakanyorwa zita raMwari rinomhurwa pakati pavahedheni nokuda kwenyu.

2:25b.ROM.002.025 Nokuti kudzingiswa kunobatsira, kana iwe uri muiti womurairo; asi kana uri mudariki womurairo, kudzingiswa kwako kwava kusadzingiswa.

2:26b.ROM.002.026 Zvino. Kana iye usina kudzingiswa achichengeta zvirevo zvomurairo, ko kusadzingiswa kwake hakunganzi kudzingiswa here?

2:27b.ROM.002.027 Nousina kudzingiswa kubva pakuzvarwa kwake, kana achichengeta murairo, haangakutongi here iwe unodarika murairo, iwe unomurairo wakanyorwa, vuye vo kudzingiswa?

2:28b.ROM.002.028 Nokuti uyo haazi muJudha, uri muJudha pakuvonekwa chete; nokudzingiswa hakuzi iko kunovonekwa, kuri panyama;

2:29b.ROM.002.029 asi muJudha ndiye uri muJudha nechomukati; nokudzingiswa ndiko kwomoyo, mumweya, kusati kuri kwezvakanyorwa; iye haarumbidzwi navanhu, asi naMwari.

3

3:1b.ROM.003.001 Ko muJudha unopfuvura vamwe neiko? Kana kudzingiswa kunobatsireiko?

3:2b.ROM.003.002 Zvizhinji, nemitovo yose: Pakutanga, kuti ndivo vakapiwa mashoko aMwari.

3:3b.ROM.003.003 Nokuti zvinodiniko kana vamwe vasinokutenda? Ko kusatenda kwavo kuchakonesa kutendeka kwaMwari here?

3:4b.ROM.003.004 Haiswa! Mwari ngaave wazvokwadi, asi vanhu vose vave venhema; sezvazvakanyorwa. Zvichinzi: Kuti mururamiswe pamashoko enyu, Mukunde pakutonga kwenyu.

3:5b.ROM.003.005 Asi kana kusarurama kwedu kuchiratidza kururama kwaMwari, tichatiiko? Kuti Mwari haana kururama here, zvaanoita nehasha?(Ndinotaura nokutaura kwomunhu.)

3:6b.ROM.003.006 Haisva! Mwari ungagozotonga nyika seiko?

3:7b.ROM.003.007 Zvino kana zvokwadi yaMwari yawanzwa nenhema dzangu, iye akakudzwa nazvo ko neni vo ndichatongerwei somutadzi?

3:8b.ROM.003.008 Ticharegereiko kutaura (sezvatinopomerwa, vuye sezvinoreva vamwe vachiti tinodaro), tichiti: Ngatiite zvakaipa, kuti zvakanaka zvibudepo? Kutongwa kwavo kwakarurama. Vanhu vose vanezvivi, asi vanoruramiswa munaJesu Kristu.

3:9b.ROM.003.009 Zvino todiniko? Tinovapfuvura here? Kwete napaduku; nokuti tambopa vose mhosva, vaJudha navaGiriki, tichiti vose vakasungwa nezvivi;

3:10b.ROM.003.010 sezvazvakanyorwa, zvichinzi: Hakuna wakarurama, kunyange nomumwe.

3:11b.ROM.003.011 Hakuna unonzwisisa.Hakuna unotsvaka Mwari;

3:12b.ROM.003.012 Vakatsauka vose, vakava vanhu vasinamaturo, Hakuna unoita zvakanaka, kunyange nomumwe chete;

3:13b.ROM.003.013 Huro dzavo bwiro bwakashama; Vakanyengera nendimi dzavo;Vuturu bwenyoka bwuri mumiromo yavo;

3:14b.ROM.003.014 Muromo wavo uzere nokutuka nokuvava;

3:15b.ROM.003.015 Tsoka dzavo dzinokurumidza kutevura ropa;

3:16b.ROM.003.016 Kuparadza nenhamo zviri munzira dzavo;

3:17b.ROM.003.017 Nenzira yorugare havana kuiziva.

3:18b.ROM.003.018 Kutya Mwari hakupo pamberi pavo,

3:19b.ROM.003.019 Zvino tinoziva kuti zvose zvinorebwa nomurairo, unozvireva kunavose vari pasi pomurairo; kuti miromo yose idzivirwe, nenyika yose ive nemhosva pamberi paMwari.

3:20b.ROM.003.020 Nokuti hakunenyama ingaruramiswa pamberi pake namabasa omurairo; nokuti zvivi zvinoziviswa nomurairo.

3:21b.ROM.003.021 Asi zvino kururama kwaMwari kwakaratidzwa kunze kwomurairo, kuchipupurirwa nomurairo navaporofita;

3:22b.ROM.003.022 ndiko kururama kwaMwari kunovuya nokutenda kunaJesu Kristu kunavose vanotenda; nokuti havasiyani,

3:23b.ROM.003.023 nokuti vose vakatadza vakasasvika pakubwinya kwaMwari.

3:24b.ROM.003.024 Vanongoruramiswa nenyasha dzake nokudzikinura kuri munaKristu Jesu.

3:25b.ROM.003.025 Iye wakagadzwa naMwari, kuti ave muyananiso nokutenda muropa rake, kuti kururama kwake kuratidzwe, nokuti zvivi zvakaitwa kare zvakaregerwa, Mwari achivaitira moyo murefu;

3:26b.ROM.003.026 kuti kururama kwake kuratidzwe, nenguva ino, kuti arurame iye amene, vuye aruramise uyo unotenda kunaJesu.

3:27b.ROM.003.027 Zvino kuzvikudza kuripiko? Kwabviswa, Nomurairo upiko? Wamabasa here? Kwete, asi nomurairo wokutenda.

3:28b.ROM.003.028 Naizvozvo tinoti, munhu unoruramiswa nokutenda kunze kwamabasa omurairo.

3:29b.ROM.003.029 Ko Mwari ndiye wavaJudha voga here? Haazi wavahedheni vo here? Hongu, wavahedheni vo.

3:30b.ROM.003.030 Mwari zvaari mumwe chete, ucharuramisa vakadzingiswa pamsoro pokutenda, navasina kudzingiswa nokutenda.

3:31b.ROM.003.031 Zvino tinokonesa murairo nokutenda here? Haiswa! Asi tinosimbisa murairo.

4

4:1b.ROM.004.001 Zvino tichatiiko? Abhurahamu, teteguru vedu panyama, wakawaneiko?

4:2b.ROM.004.002 Nokuti dai Abhurahamu akaruramiswa namabasa ake, ungadai anechinhu chaangazvirumbidza nacho; asi haana pamberi paMwari.

4:3b.ROM.004.003 Nokuti Rugwaro runoti kudiniko? Runoti: Abhurahamu wakatenda Mwari, kukanzi kwaari ndiko kururama.

4:4b.ROM.004.004 Zvino kunounobate-basa, mubairo haunzi ndowenyasha, asi ndowengava.

4:5b.ROM.004.005 Kunousingabati, asi unotenda kunaiye unoruramisa munhu usingadi Mwari, kutenda kwake kunonzi kwaari ndiko kururama.

4:6b.ROM.004.006 Sezvinoreva vo Dhavhidhi, kuti wakaropafadzwa munhu unonzi naMwari wakarurama, kunze kwamabasa,

4:7b.ROM.004.007 achiti: Vakaropafadzwa vakakanganwirwa zvisakarurama zvavo, Navakafukidzirwa zvivi zvavo;

4:8b.ROM.004.008 Wakaropafadzwa munhu usinganzi naShe unezvivi.

4:9b.ROM.004.009 Zvino kuropafadzwa uku ndokwavakadzingiswa, kana kwavasina kudzingiswa here? Nokuti tinoti, kunaAbhurahamu kutenda kwake kwakanzi ndiko kururama.

4:10b.ROM.004.010 Zvino zvakanzarwo seiko? Atodzingiswa, kana asinakudzingiswa here? Hazvina kunzarwo adzingiswa, asi asina kudzingiswa;

4:11b.ROM.004.011 wakapiwa chiratidzo chokudzingiswa, kuti chive chisimbiso chokururama kwokutenda, kwaakanga anako asati adzingiswa; kuti ave baba vavose vanotenda, kunyange vasina kudzingiswa, kuti vagonzi vakarurama;

4:12b.ROM.004.012 ave baba vokudzingiswa kunaivo vasina kudzingiswa bedzi, asi vanofamba vo mumakwara okutenda kwababa vedu Abhurahamu, kwavaiva nako vasati vadzingiswa.

4:13b.ROM.004.013 Nokuti chipikirwa chokuti uchava mugari wenhaka yenyika hachina kupiwa Abhurahamu kana rudzi rwake nomurairo, asi nokururama kwokutenda.

4:14b.ROM.004.014 Nokuti dai vomurairo vari vagari venhaka, kutenda hakunamaturo, nechipikirwa chinokoneswa;

4:15b.ROM.004.015 nokuti murairo unovuyisa kutsamwa; asinomurairo hapana kudarika vo.

4:16b.ROM.004.016 Saka ndezvokutenda, kuti, zvive zvenyasha; kuti chipikirwa chive nesimba kurudzi rwose; rusati ruri rwomurairo bedzi, asi norwokutenda kwaAbhurahamu vo, iye baba vedu tose,

4:17b.ROM.004.017 (sezvazvakanyorwa, zvichinzi: Ndakakuita baba vamarudzi mazhinji) pamberi paiye waakatenda, iye Mwari unopa vakafa vupenyu, nokudana zvisipo sezvinenge zviripo.

4:18b.ROM.004.018 Wakatenda netariro pasinetariro, kuti ave baba vamarudzi mazhinji,sezvazvakanga zvataurwa Rudzi rwako ruchadaro

4:19b.ROM.004.019 Haana kushaiwa simba pakutenda, achifunga muviri wake wakanga watofa hawo(zvaiva namakore anenge zana), nokufa kwechizvaro chaSara;

4:20b.ROM.004.020 akatarira chipikirwa chaMwari, haana kunyunyuta nokusatenda, asi wakasimbiswa pakutenda, akakudza Mwari,

4:21b.ROM.004.021 achiziva kwazvo, kuti icho chaakapikira, wakanga anesimba rokuchiita vo.

4:22b.ROM.004.022 Saka zvakanzi kwaari ndiko kururama.

4:23b.ROM.004.023 Zvino hazvina kunyorwa nokuda kwake bedzi, kuti zvakanzarwo kwaari;

4:24b.ROM.004.024 asi nokuda kwedu vo; nesu tichanzarwo, iyesu, tinotenda kunowakamutsa Jesu Ishe wedu, kuvakafa.

4:25b.ROM.004.025 iye wakaiswa kurufu nokuda kwokudarika kwedu, akamutswa nokuda kwokururamiswa kwedu.

5

5:1b.ROM.005.001 Naizvozvo zvitinoruramiswa nokutenda ngative norugare kunaMwari naShe wedu, Jesu Kristu;

5:2b.ROM.005.002 watakawana naye mapindire nokutenda munyasha idzi, dzatinomira madziri; ngatifare netariro yokuvona kubwinya kwaMwari.

5:3b.ROM.005.003 Zvisati zviri izvo bedzi, asi ngatifare vo mumadambudziko, tichiziva kuti kutambudzika kunovuyisa kutsungirira;

5:4b.ROM.005.004 kutsungirira kunovuyisa kuidzwa; kuidzwa kunovuyisa tariro;

5:5b.ROM.005.005 tariro hainyadzisi; nokuti rudo rwaMwari rwakadirwa mumoyo yedu noMweya Mutsvene watakapiwa.

5:6b.ROM.005.006 Nokuti tichiri pakushaiwa simba, Kristu panguva yakafanira wakafira vasingadi Mwari.

5:7b.ROM.005.007 Nokuti zvinorema kuti munhu afire wakarurama; nokuti zvimwe mumwe ungatsunga kufira wakanaka.

5:8b.ROM.005.008 Asi Mwari unoratidza rudo rwake kwatiri pakuti Kristu wakatifira, tichiri vatadzi.

5:9b.ROM.005.009 Zvino, zvatakaruramiswa muropa rake, tichaponeswa zvikuru sei naye pakutsamwa.

5:10b.ROM.005.010 Nokuti zvatakayananiswa naMwari nokufa kwoMwanakomana wake, tichiri vavengi vake, zvikuru tichaponeswa kana tayananiswa novupenyu bwake;

5:11b.ROM.005.011 zvisati zviri izvo bedzi, asi tinofara zvikuru vo munaMwari naShe wedu Jesu Kristu, watakapiwa zvino naye iko kuyananiswa. Adhama naKristu vanofananidzwa.

5:12b.ROM.005.012 Saka, zvivi sezvazvakapinda munyika nomunhu mumwe, norufu rukapinda nezvivi; saizvozvo rufu rwakasvika kuvanhu vose, nokuti vose vakatadza;

5:13b.ROM.005.013 nokuti murairo usati wavapo, zvivi zvakanga zviri panyika; asi zvivi hazviverengerwi munhu, kana kusinomurairo.

5:14b.ROM.005.014 Asi rufu rwakabata vushe kubva kunaAdhama kusvikira kunaMosesi, kunyange napakati vo pavasina kutadza nokudarika kwaAdhama, waiva mufananidzo wowakanga achizovuya.

5:15b.ROM.005.015 Asi chipo chokungopiwa hachifanani nokudarika. Nokuti kana vazhinji vakafa nokudarika kwomumwe, zvikuru nyasha dzaMwari nechipo chakavuya nenyasha dzomunhu mumwe, Jesu Kristu, zvakawandira vazhinji.

5:16b.ROM.005.016 Vuye chipo hachifanani nezvivi zvomunhu mumwe wakatadza; nokuti kutonga kwakavuya nomunhu mumwe kuti vapiwe mhosva; asi chipo chokungopiwa chakavuya nokudarika kuzhinji, kuti varuramisirwe.

5:17b.ROM.005.017 Nokuti kana nokudarika kwomumwe rufu rwakabata vushe nomunhu uyu mumwe; zvikuru avo, vakapiwa kuwanda kwenyasha nokwechipo chokururama, vachabata vushe pavupenyu nomumwe, iye Jesu Kristu.

5:18b.ROM.005.018 Naizvozvo, kutonga sezvakwakavuya kuvanhu vose nokudarika kumwe, kuti vapiwe mhosva; saizvozvo nokururamisa kumwe chipo chokungopiwa chakavuya kuvanhu vose, kururamisirwa kwovupenyu kukavapo.

5:19b.ROM.005.019 Nokuti vazhinji sezvavakaitwa vatadzi nokusateerera kwomumwe, saizvozvo vazhinji vachaitwa vakarurama nokuterera kwomumwe.

5:20b.ROM.005.020 Murairo wakapinda vo kuti kudarika kuwande; zvino zvivi pazvakawanda, nyasha dzakawanda nokupfuvurisa;

5:21b.ROM.005.021 kuti zvivi sezvazvakabata vushe parufu, saizvozvo nyasha dzibate vushe nokururama, zviise kuvupenyu bwusingaperi naJesu Kristu Ishe wedu.

6

6:1b.ROM.006.001 Zvino tichatiyiko? Torambira muzvivi kuti nyasha dziwande here?

6:2b.ROM.006.002 Haiswa! Isu takafa kuzvivi, tichagara seiko mukati mazvo?

6:3b.ROM.006.003 Ko hamuzivi here kuti isu takabhabhatidzwa muna Kristu Jesu, takabhabhatidzwa murufu rwake?

6:4b.ROM.006.004 Naizvozvo pakubhabhatidzwa takavigwa pamwe chete naye murufu; kuti saiye Kristu akamutswa kuvakafa nokubwinya kwaBaba, saizvozvo nesu vo tifambe novupenyu bwutsva.

6:5b.ROM.006.005 Nokuti kana takava vamwe naye pakufanana naye, parufu rwake, tichadaro vo pakumuka kwake;

6:6b.ROM.006.006 tichiziva izvi, kuti munhu wedu wekare wakaroverwa pamuchinjikwa pamwe chete naye, kuti muviri wezvivi ushaiswe simba, tirege kuzova varanda vezvivi;

6:7b.ROM.006.007 nokuti wakafa, waruramiswa pazvivi.

6:8b.ROM.006.008 Zvino kana takafa pamwe chete naKristu, tinotenda kuti tichararamavo pamwe chete naye;

6:9b.ROM.006.009 tichiziva kuti Kristu amutswa kuvakafa, haachazofi; rufu haruchavi nesimba pamsoro pake.

6:10b.ROM.006.010 Nokuti pakufa kwake, wakafa kamwe kwazvo kuzvivi; zvino pakurarama kwake, unorarama kunaMwari.

6:11b.ROM.006.011 Saizvozvo nemi vo muzviti makafa kuzvivi, asi kuti muri vapenyu kunaMwari, munaKristu Jesu, Ishe wedu.

6:12b.ROM.006.012 Naizvozvo zvivi ngazvirege kubata vushe mumuviri wenyu unofa, kuti muterere kuchiva kwawo;

6:13b.ROM.006.013 vuye musapa zvivi mitezo yenyu, kuti dzive nhumbi dzokuita zvisakarurama; asi muzvipei imi kunaMwari, savanhu vakararama kuvakafa, nemitezo yenyu kuti dzive nhumbi dzokururama kunaMwari.

6:14b.ROM.006.014 Nokuti zvivi hazvingavi nesimba pamusoro penyu; nokuti hamuzi pasi pomurairo asi pasi penyasha.

6:15b.ROM.006.015 Zvino tichatiyiko? Titadze, nokuti hatizi pasi pomurairo here, asi pasi penyasha? Haiswa!

6:16b.ROM.006.016 Hamuzivi here, kuti uyo wamunozvipa kwaari kuti muve varanda vake kumuterera, kuti muri varanda vaiye wamunoterera; kana vezvivi zvinoisa kurufu, kana vokuterera kunoisa kukururama?

6:17b.ROM.006.017 Asi Mwari ngaavongwe, nokuti imi maiva varanda vezvivi, mukazoterera nomoyo rudzi urwu rwedzidziso yamakaiswa kwairi.

6:18b.ROM.006.018 Makasunungurwa pazvivi, mukava varanda vokururama.

6:19b.ROM.006.019 Ndinotaura nokutaura kwavanhu, nokuda kwokushaiwa simba kwenyama yenyu; nokuti sezvamakapa mitezo yenyu kuti ive varanda vetsvina, navezvisakarurama zvinoisa kunezvisakarurama, saizvozvo ipai mitezo yenyu zvino ive varanda vekururama kunoisa kuvutsvene.

6:20b.ROM.006.020 Nokuti panguva iyo muchiri varanda vezvivi, makanga makasununguka pakururama.

6:21b.ROM.006.021 Zvino maiva nezvibereko zveiko panguva iyo pazvinhu izvo zvamunonyadziswa nazvo zvino? Nokuti kuguma kwazvo ndirwo rufu.

6:22b.ROM.006.022 Asi zvino makasunungurwa pazvivi, mava varanda vaMwari, munezvibereko zvenyu zvinoisa kuvutsvene, vuye kuguma kwazvo ndibwo vupenyu bwusingaperi.

6:23b.ROM.006.023 Nokuti mubairo wezvivi ndirwo rufu; asi chipo chokungopiwa chaMwari ndibwo vupenyu bwusingaperi munaKristu Jesu, Ishe wedu.

7

7:1b.ROM.007.001 Hamuzivi here, hama dzangu, (nokuti ndinotaura navanhu vanoziva murairo), kuti murairo unobata munhu nguva yose yovupenyu bwake?

7:2b.ROM.007.002 Nokuti mukadzi, unomurume, wakasungwa nomurairo kumurume wake, iye achiri mupenyu; asi kana murume afa, wasunungurwa pamurairo womurume.

7:3b.ROM.007.003 Naizvozvo zvino kana akawanikwa nomumwe murume, murume wake achiri mupenyu, uchanzi chifeve asi kana murume wake afa,wasununguka pamurairo, zvino haazi chifeve kunyange akawanikwa nomumwe murume.

7:4b.ROM.007.004 Saka, hama dzangu nemi vo makaitwa vakafa kumurairo nomuviri waKristu; kuti muve womumwe, iye wakamutswa pavakafa, kuti tiberekere Mwari zvibereko.

7:5b.ROM.007.005 Nokuti panguva iyo tichiri munyama, kuchiva kwezvivi, kwakamutswa nomurairo, kwakabata mumitezo yedu kuti kubereke zvibereko zvinoisa kurufu.

7:6b.ROM.007.006 Asi zvino takasunungurwa pamurairo, takafa kunaizvozvo zvatakanga takasungwa nazvo; naizvozvo tinobatira Mwari nomweya mutsva, tisingabatiri nezvakanyorwa zvakare.

7:7b.ROM.007.007 Zvino tichatiyiko? Murairo zvivi here? Haiswa! Asi handizaiziva zvivi kana murairo usipo; nokuti handizaiziva kuchiva, kana murairo usina kuti: Usachiva;

7:8b.ROM.007.008 zvino zvivi zvakawana nzira nomurairo, zvikaita mandiri mitovo yose yokuchiva; nokuti kunze kwomurairo zvivi zvakafa.

7:9b.ROM.007.009 Ini ndaiva mupenyu kare kunze kwomurairo, asi mutemo uchizosvika, zvivi zvakamuka, ini ndikafa;

7:10b.ROM.007.010 nomutemo iwo waifanira kuisa muvupenyu, ndakauwana uchiisa kurufu;

7:11b.ROM.007.011 nokuti zvivi zvakawana nzira nomutemo, zvikandinyengera zvikandivuraya nawo.

7:12b.ROM.007.012 Naizvozvo murairo mutsvene, nomutemo mutsvene, wakarurama, wakanaka.

7:13b.ROM.007.013 Ko zvino zvakanaka zvakazova rufu kwandiri here? Haiswa! Asi ndizvo zvivi, kuti zviratidzwe kuti zvivi, zvakandiitira rufu nezvakanaka; kuti nomutemo zvivi zvive zvakaipa kwazvokwazvo.

7:14b.ROM.007.014 Nokuti tinoziva kuti murairo ndowomweya; asi ini ndiri wenyama, ndakatengeswa pasi pezvivi.

7:15b.ROM.007.015 Nokuti zvandinoita handizvizivi; nokuti zvandinoita hazvizi izvo zvandinoda; zvandinoda; handizvo zvandinoita; asi zvandinovenga ndizvo zvandinoita..

7:16b.ROM.007.016 Zvino kana ndichiita izvo zvandisingadi, ndinobvumira kuti murairo wakanaka.

7:17b.ROM.007.017 Zvino handizati ndichiri ini ndinozviita, asi zvivi zvinogara mandiri.

7:18b.ROM.007.018 Nokuti ndinoziva kuti mukati mangu, imo munyama yangu, hamugari chinhu chakanaka; nokuti kuda kuripo kwandiri, asi kuita zvakanaka hakupo.

7:19b.ROM.007.019 Nokuti zvakanaka, zvandinoda, handizviiti; asi zvakaipa, zvandisingadi, ndizvo zvandinoita.

7:20b.ROM.007.020 Zvino kana ndichiita zvandisingadi, handisini ndinozviita, asi zvivi zvinogara mandiri.

7:21b.ROM.007.021 Naizvozvo ndinowana murairo uyu kuti kana ndichida kuita zvakanaka, zvakaipa zviripo kwandiri.

7:22b.ROM.007.022 Nokuti ndinofarira murairo waMwari nomunhu womukati;

7:23b.ROM.007.023 asi ndinovona mumwe murairo pamitezo yangu, unorwa nomurairo womurangariro wangu, unonditapira kumurairo wezvivi uri pamitezo yangu.

7:24b.ROM.007.024 Ndiri munhu uri pakutambudzika! Ndianiko uchandisunungura pamuviri worufu urwu?

7:25b.ROM.007.025 Mwari ngaavongwe, naJesu Kristu, Ishe wedu. Naizvozvo nomurangariro ndinobatira Mwari, asi nenyama murairo wezvivi.

8

8:1b.ROM.008.001 Naizvozvo hakuchina kupiwa mhosva kunavari munaKristu Jesu vasingafambi nenyama asi nomweya.

8:2b.ROM.008.002 Nokuti murairo woMweya wovupenyu munaKristu Jesu wakandisunungura pamurairo wezvivi noworufu.

8:3b.ROM.008.003 Nokuti, zvakanga zvisingakwaniswi nomurairo, pakushaiwa kwawo simba nokuda kwenyama, Mwari pakutuma kwake Mwanakomana, wake nomufananidzo wenyama yezvivi, nokuda kwezvivi, wakapa mhosva zvivi zviri munyama;

8:4b.ROM.008.004 kuti zvakarebwa nomurairo zviitike matiri, isu tisingafambi nenyama, asi nomweya.

8:5b.ROM.008.005 Nokuti vari vomweya, vanofunga zvomweya.

8:6b.ROM.008.006 Nokuti kufunga kwenyama ndirwo rufu; asi kufunga kwomweya ndibwo vupenyu norugare;

8:7b.ROM.008.007 nokuti kufunga kwenyama kunovengana naMwari; nokuti hakuzviisi pasi pomurairo waMwari; hakugoni vo;

8:8b.ROM.008.008 zvino vari munyama havagoni kufadza Mwari.

8:9b.ROM.008.009 Asi imi hamuzi munyama, asi mumweya, kana Mweya waMwari achigara zvirokwazvo mukati menyu. Asi kana munhu asinoMweya waKristu, haazi wake.

8:10b.ROM.008.010 Kana Kristu ari mukati menyu, muviri wakafa nokuda kwezvivi, asi mweya mupenyu nokuda kwokururama.

8:11b.ROM.008.011 Zvino kana Mweya waiyeyo wakamutsa Jesu kuvakafa achigara mukati menyu, iye wakamutsa Kristu Jesu kuvakafa, uchaponesa miviri yenyu inofa noMweya wake, unogara mukati menyu.

8:12b.ROM.008.012 Naizvozvo, hama dzangu, hatinengava nenyama, kuti tirarame netsika dzenyama.

8:13b.ROM.008.013 Nokuti kana muchifamba netsika dzenyama, muchafa; asi kana muchivuraya mabasa omuviri noMweya, muchararama;

8:14b.ROM.008.014 nokuti vose vanotungamirirwa noMweya waMwari, ndivo vana vaMwari.

8:15b.ROM.008.015 Nokuti hamuna kupiwa mweya wovuranda kuti mutye zve, asi makapiwa mweya wokuitwa vana, watinodana nawo, tichiti: Aba, baba.

8:16b.ROM.008.016 Mweya amene unopupurirana nomweya wedu, kuti tiri vana vaMwari;

8:17b.ROM.008.017 zvino kana tiri vana, tiri vadyi venhaka; vadyi venhaka yaMwari, vadyi venhaka pamwe chete naKristu; kana tichitambudzika pamwe chete naye, tichakudzwa vo pamwe chete naye.

8:18b.ROM.008.018 Nokuti ndinoti madambudziko enguva ino haana kufanira kuenzaniswa nokubwinya kuchazoratidzwa kwatiri.

8:19b.ROM.008.019 Nokuti zvisikwa zvinotarisisa zvikuru zvichimirira kuratidzwa kwavanakomana vaMwari.

8:20b.ROM.008.020 Nokuti zvisikwa zvakaiswa pasi pezvisingagari, zvisingadi hazvo, asi nokuda kwaiye wakazviisa pasi pazvo.

8:21b.ROM.008.021 zvichitarira kuti zvisikwa zvimene zvisunungurwe vo pavuranda bwokuvora, zviiswe pakusunungurwa kwokubwinya kwavana vaMwari.

8:22b.ROM.008.022 Nokuti tinoziva kuti zvisikwa zvose zvinogomera nokurwadziwa pamwe chete kusvikira zvino.

8:23b.ROM.008.023 Zvisati zviri izvo bedzi, asi nesu vo, kunyange tinezvibereko zvokutanga zvoMweya, nesu timene tinogomera mukati medu, tichimirira kuitwa kwedu vana, ndiko kudzikinurwa kwomuviri wedu.

8:24b.ROM.008.024 Nokuti takaponeswa netariro; nokuti ndiani unotarira chaanovona?

8:25b.ROM.008.025 Asi kana tichitarira chatisingavoni, tinochimirira nokutsungirira.

8:26b.ROM.008.026 Saizvozvo Mweya unobatirana vo nokusava nesimba kwedu; nokuti hatizivi kunyengetera zvakafanira; asi Mweya amene unotinyengeterera nokugomera kusingataurwi;

8:27b.ROM.008.027 uyo unonzera moyo, ndiye unoziva kufunga kwoMweya, nokuti unonyengeterera vatsvene sezvinoda Mwari.

8:28b.ROM.008.028 Tinoziva kuti zvinhu zvose zvinobata pamwechete kuti zviitire zvakanaka avo vanoda Mwari, avo vakadanwa sezvaakafunga.

8:29b.ROM.008.029 Nokuti vaakaziva kare, ndivo vaakatemera vo kare, kuti vafanane nomufananidzo woMwanakomana wake, kuti ave dangwe pakati pehama zhinji;

8:30b.ROM.008.030 avo vaakatemera kare, ndivo vaakadana vo; vaakadana, ndivo vaakaruramisa vo; vaakaruramisa, ndivo vaakakudza vo.

8:31b.ROM.008.031 Zvino tichatiyiko pa zvinhu izvi? Kana Mwari achitirwira, ndianiko uchatirwisa?

8:32b.ROM.008.032 Iye usina kuramba kunyange noMwanakomana wake, asi wakamupa chose nokuda kwedu tose, ungarega seiko kutipa vo zvose pamwe chete naye?

8:33b.ROM.008.033 Ndianiko uchakwirira vasanangurwa vaMwari? Mwari ndiye unoruramisa;

8:34b.ROM.008.034 ndianiko uchavapa mhosva? Kristu Jesu ndiye wakafa, zvikuru ndiye wakamutswa kuvakafa, uri kurudyi rwaMwari, unotinyengeterera vo.

8:35b.ROM.008.035 Ndianiko uchatiparadzanisa norudo rwaKristu? Kutambudzika, kana nhamo, kana kuvengwa, kana nzara, kana kushaiwa zvokufuka, kana njodzi, kana munondo here?

8:36b.ROM.008.036 Sezvazvakanyorwa, zvichinzi: Nokuda kwenyu tinovurawa zuva rose; Takanzi tiri makwai anobayiwa.

8:37b.ROM.008.037 Kwete, pazvinhu izvi zvose tiri vakundi nokupfuvurisa naiye wakatida.

8:38b.ROM.008.038 Nokuti ndinoziva kwazvo kuti kunyange rufu, kana vupenyu, kana vatumwa, kana vanesimba, kana zvazvino, kana zvinovuya kana masimba.

8:39b.ROM.008.039 kana kwakakwirira, kana kwakadzika, kana chinhu chimwe chakasikwa, hazvingagoni kutiparadzanisa norudo rwaMwari, ruri munaKristu Jesu, Ishe wedu.

9

9:1b.ROM.009.001 Ndinotaura zvirokwazvo munaKristu, handirevi nhema, hana yangu ichindipupurira muMweya Mutsvene,

9:2b.ROM.009.002 kuti ndineshungu kwazvo nokuchema kusingaperi mumoyo mangu.

9:3b.ROM.009.003 Nokuti ndaida kuti ini ndimene ndive munhu wakatukwa, wakaparadzaniswa naKristu nokuda kwehama dzangu, ivo vorudzi rwangu panyama;

9:4b.ROM.009.004 ndivo vaIsraeri; kuitwa vana, nokubwinya, nesungano, nokupiwa murairo, nokunamata Mwari, nezvipikirwa, ndezvavo;

9:5b.ROM.009.005 madzibaba ndaavo, naKristu wakabva kwavari panyama, uri pamusoro pavose, Mwari unokudzwa nokusingaperi. Ameni.

9:6b.ROM.009.006 Asi handiti shoko raMwari rakakona. Nokuti vakabva kuvaIsraeri havazi vaIsraeri vose;

9:7b.ROM.009.007 navari vorudzi rwaAbhurahamu havazi vana vake vose; asi zvinonzi: KunaIsaka ndiko kuchatumidzwa rudzi rwako.

9:8b.ROM.009.008 Ndokuti havazi vana venyama vari vana vaMwari; asi vana vokupikirwa, ndivo vanonzi rudzi.

9:9b.ROM.009.009 Nokuti shoko rakapikirwa ndirori: Nenguva yakaita seino ndichavuya, Sara uchava nomwanakomana.

9:10b.ROM.009.010 Hazvizi izvozvo bedzi; asi Rebeka vo, wakati ava nemimba kunomumwe, iye Isaka, baba vedu

9:11b.ROM.009.011 nokuti vana vasati vaberekwa, vasati vaita zvakanaka kana zvakaipa, kuti kufunga kwaMwari pakusanangura kwake kusimbiswe, kusingabvi pamabasa, asi kunaiye unodana,

9:12b.ROM.009.012 zvakanzi kwaari: Mukuru uchashumira mudoko.

9:13b.ROM.009.013 Sezvazvakanyorwa, zvichinzi: Jakobho ndakamuda, asi Esau ndakamuvenga.

9:14b.ROM.009.014 Zvino tichatiyiko? Kusarurama kuripo kunaMwari here? Haiswa!

9:15b.ROM.009.015 Nokuti unoti kunaMosesi: Ndichanzwira ngoni wandinonzwira ngoni, ndichanzwira tsitsi wandinonzwira tsitsi.

9:16b.ROM.009.016 Naizvozvo hazvibvi kunounoda, kana kunounomhanya, asi kunaMwari, munzwiri wengoni.

9:17b.ROM.009.017 Nokuti Rugwaro runoti kunaFarao: Ndizvo zvandakakumutsira, kuti zita rangu riparidzwe panyika yose.

9:18b.ROM.009.018 Naizvozvo unonzwira ngoni waanoda; vuye unowomesera moyo waanoda.

9:19b.ROM.009.019 Zvino iwe ungati kwandiri: Iye uchapireiko mhosva? Nokuti ndianiko unoramba kuda kwake?

9:20b.ROM.009.020 Ko zvino iwe munhu, ndiwe aniko, unopindura Mwari? Ko chakavumbwa chingati kunowakachivumba: Wandiitireiko kudai?

9:21b.ROM.009.021 Ko muvumbi wehari haanesimba pamusoro pevhu here, kuti nebundu rimwe aite mudziyo mumwe wakakudzwa, nomumwe usina kukudzwa?

9:22b.ROM.009.022 Zvino tichatiyiko kana Mwari, kana akanga achida kuratidza kutsamwa kwake, nokuzivisa simba rake, akaita nomoyo murefu zvikuru pamusoro pemidziyo yokutsamwirwa, yakagadzirirwa kuparadzwa,

9:23b.ROM.009.023 kuti azivise kufuma kwokubwinya kwake pamusoro pemidziyo yengoni, yaakanga agadzirira kubwinya,

9:24b.ROM.009.024 iyesu vakadanwa vo naye, tisingabvi kuvaJudha bedzi, asi kuvahedheni vo?

9:25b.ROM.009.025 Sezvaanoreva vo pabhuku yaHosea, achiti: Avo vakanga vasi vanhu vangu; Ndichavaidza vanhu vangu; Naiye wakanga asi mudikanwa, ndichamuidza mudikanwa.

9:26b.ROM.009.026 Zvichaitika kuti paya pakanga parebwa kwavari: Hamuzi vanhu vangu, Ipapo vachaidzwa vanakomana vaMwari mupenyu.

9:27b.ROM.009.027 NaIsaya unodana pamusoro pavaIsraeri achiti kunyange kuwanda kwavana vaIsraeri kwakaita sejecha regungwa, vakasara vachaponeswa;

9:28b.ROM.009.028 nokuti Ishe uchaita panyika shoko rake, nokuripedzisa, nokukurumidza nokururama.

9:29b.ROM.009.029 Sezvaakamboreva Isaya vo, achiti: Dai Ishe wehondo asina kutisiyira rudzi, Tingadai takava seSodhoma, takaitwa seGomora.

9:30b.ROM.009.030 Zvino tichatiyiko? Tichati, vahedheni vasina kutsvaka kururama, ndivo vakawana kururama, iko kururama kwokutenda;

9:31b.ROM.009.031 asi vaIsraeri vakati vachitsvaka murairo wokururama havana kusvika pamurairo wokururama.

9:32b.ROM.009.032 Neiko? Nokuti havana kutsvaka nokutenda, asi zvinenge namabasa omurairo. Vakagumburwa nebwe rinogumbusa.

9:33b.ROM.009.033 Sezvazvakanyorwa, zvichinzi: Tarira, ndinoisa paZiyoni ibwe rokugumbusa, nedombo rokupinganidza; Unotenda kwaari, haanganyadziswi.

10

10:1b.ROM.010.001 Hama dzangu, kuda kwomoyo wangu nokukumbira kwangu kunaMwari pamusoro paIsraeri ndiko, kuti vaponeswe.

10:2b.ROM.010.002 Nokuti ndinovapupurira kuti vanoshingairira Mwari, asi havaiti nokuziva.

10:3b.ROM.010.003 Nokuti, zvavakanga vasingazivi kururama kwaMwari, vakatsvaka kumisa kururama kwavo vamene, vakasazviisa pasi pokururama kwaMwari.

10:4b.ROM.010.004 Nokuti Kristu ndimugumo womurairo pakutsvaka kururama, kuno mumwe nomumwe unotenda.

10:5b.ROM.010.005 Nokuti Mosesi unonyora, achiti, munhu, unoita kururama, kunorebwa nomurairo, uchararama nazvo.

10:6b.ROM.010.006 Asi kururama kunobva pakutenda, kunoreva kudai: Usati mumoyo mako: Ndianiko uchakwira kudenga? (ndiko kuburusa Kristu;)

10:7b.ROM.010.007 kana, ndianiko uchaburukira kwakadzikadzika? (ndiko kubudisa Kristu kuvakafa.)

10:8b.ROM.010.008 Asi kunoreveiko? Shoko riri pedo newe, mumuromo mako, nomumoyo mako; ndiro shoko rokutenda ratinoparidza;

10:9b.ROM.010.009 kuti, kana uchipupura nomuromo wako kuti Jesu ndiye Ishe, nokutenda mumoyo mako, kuti Mwari wakamumutsa kuvakafa, uchaponeswa;

10:10b.ROM.010.010 nokuti munhu unotenda nomoyo, ndokururamiswa; unopupura nomuromo, ndokuponeswa.

10:11b.ROM.010.011 Nokuti Rugwaro runoti: Aninani unotenda kwaari, haanganyadziswi,

10:12b.ROM.010.012 Nokuti muJudha nomuGiriki havasiyani; nokuti mumwe ndiye Ishe wavose, wakafuma kunavose vanodana kwaari;

10:13b.ROM.010.013 nokuti aninani unodana kuzita raShe, uchaponeswa.

10:14b.ROM.010.014 Zvino vachagodana seiko kunaiye, wavasina kutenda kwaari? Vachatenda seiko kunaiye, wavasina kunzwa? Vachanzwa seiko kana kusinomuparidzi?

10:15b.ROM.010.015 Vachaparidza seiko, kana vasingatumwi? Sezvazvakanyorwa, zvichinzi: Dzakanaka sei tsoka dzavanoparidza Evhangeri yorugare, namashoko omufaro ezvinhu zvakanaka?

10:16b.ROM.010.016 Asi vose havana kuterera mashoko omufaro. Nokuti Isaya unoti: Ishe, ndianiko wakatenda zvatakaparidza?

10:17b.ROM.010.017 Naizvozvo kutenda kunovuya nokunzwa, nokunzwa kunovuya neshoko raMwari.

10:18b.ROM.010.018 Asi ndinoti: Havana kunzwa here? Hongu, zvirokwazvo, Inzwi ravo rakabuda kunyika yose, Namashoko avo kumigumo yenyika.

10:19b.ROM.010.019 Asi ndinoti: VaIsraeri havanakuziva here? Pakutanga Mosesi unoti: Ndichamutsa kutsamwa kwenyu norudzi rusinganzwisisi.

10:20b.ROM.010.020 NaIsaya, asingatyi, unoti: Ndakavonekwa navasina kundibvunza.

10:21b.ROM.010.021 Asi kuvaIsraeri unoti: Ndakatambunudzira mavoko angu zuva rose kuvanhu vasingatereri, navanokakavara.

11

11:1b.ROM.011.001 Zvino ndinoti: Ko Mwari wakarasha vanhu vake here? Haiswa! Nokuti neni vo ndiri muIsraeri, worudzi rwaAbhurahamu, weimba yaBenjanimi.

11:2b.ROM.011.002 Mwari haana kurasha vanhu vake vaakaziva pakutanga. Ko hamuzivi kuti Rugwaro runoti kudini pamashoko aEria here? Kuti unokumbira kunaMwari pamusoro pavaIsraeri, achiti:

11:3b.ROM.011.003 Ishe, vakavuraya vaporofita venyu, vakaputsa aritari dzenyu, ini ndakasiyiwa ndoga, zvino vanotsvaka kundivuraya.

11:4b.ROM.011.004 Asi Mwari unomupindureiko? Unoti: Ndakazvisiyira varume vanezvuru zvinomwe, vasina kufugamira Baari.

11:5b.ROM.011.005 Zvino saizvozvo nenguva inovo variko vakasara, vakasanangurwa nenyasha.

11:6b.ROM.011.006 Zvino kana kusanangura kuri kwenyasha, hakuzati kuchiri kwamabasa; kana zvisakadaro, nyasha hadzichiri nyasha. Asi kana kuri kwamabasa hakuzati kuchiri kwenyasha. Kana zvisakadaro basa harizati richibasa.

11:7b.ROM.011.007 Zvino tichatiyiko? VaIsraeri havana kuwana zvavakanga vachitsvaka, asi vakasanangurwa ndivo vakazviwana; vamwe vakawomeswa,

11:8b.ROM.011.008 sezvazvakanyorwa, zvichinzi: Mwari wakavapa mweya wehope; meso, kuti varege kuvona, nenzeve, kuti varege kunzwa, kusvikira zuva ranhasi.

11:9b.ROM.011.009 NaDhavhidhi vo unoti: Tafura yavo ngaiitwe musungo, neriva,

11:10b.ROM.011.010 Meso avo ngaasvibirwe, varege kuvona; Mukotamise musana yavo misi yose.

11:11b.ROM.011.011 Zvino ndinoti: Vakagumbuswa kuti vawe here? Haisva! Asi nokuwa kwavo ruponeso rwakasvika kuvahedheni, kuti vamutsirwe godo.

11:12b.ROM.011.012 Zvino kana kuwa kwavo kwakafumisa nyika, nokutapudzwa kwavo kwakafumisa vahedheni, zvikuru sei kuzara kwavo?

11:13b.ROM.011.013 Ndinotaura kwamuri, imi vahedheni. Zvandiri muapostora wavahedheni, ndinokudza basa rangu.

11:14b.ROM.011.014 Zvimwe ndingamutsa godo kunavenyama yangu, ndiponese vamwe vavo.

11:15b.ROM.011.015 Nokuti kana kurashwa kwavo kuri kuyananiswa kwenyika, kugamuchirwa kwavo kuchagoveiko, asi vupenyu pakufa?

11:16b.ROM.011.016 Zvino kana chibereko chokutanga chiri chitsvene, bundu rose rakadaro vo; kana mudzi uri mutsvene, matavi akadaro vo;

11:17b.ROM.011.017 Zvino, kana mamwe matavi akavhuniwa, iwe, muorivhi wokudondo ukabatanidzwa pakati pawo, ukava nomugove pamwe chete nawo pamudzi napamafuta omuorivhi;

11:18b.ROM.011.018 usazvikudza kumatavi; kana uchizvikudza, hauzi iwe unotakura mudzi, asi mudzi ndiwo unokutakura iwe.

11:19b.ROM.011.019 Zvino iwe uchati, matavi akavhuniwa, kuti ini ndibatanidzwe.

11:20b.ROM.011.020 Ndizvozvo; vakavhuniwa nokusatenda kwavo, iwe unomira nokutenda kwako. Usazvikudza, asi utye;

11:21b.ROM.011.021 nokuti kana Mwari asina kurega matavi awo, haangakuregi newe vo.

11:22b.ROM.011.022 Zvino tarira vunyoro nokukasharara kunavakawa, asi kwauri vunyoro bwaMwari, kana uchigara pavunyoro bwake;kana zvisakadaro, newe uchatemwa vo.

11:23b.ROM.011.023 Naivo vo, kana vasingagari pakusatenda kwavo, vachabatanidzwa; nokuti Mwari unogona kuvabatanidza zve.

11:24b.ROM.011.024 Nokuti kana iwe wakatemwa kumuorivhi, uri wokudondo pakusikwa kwawo, ukabatanidzwa pamuorivhi wakanaka, zvichipesana nokusikwa kwazvo zvikuru sei ava vari matavi awo,vangabatanidzwa pamuorivhi wavo!

11:25b.ROM.011.025 Nokuti hama dzangu, handidi kuti musaziva chakavanzika ichi, kuti murege kuva namanyawi; kuti kuwomeswa kwomoyo kwakavuya pamusoro pavamwe vavaIsraeri kusvikira kuzara kwavahedheni kwapinda;

11:26b.ROM.011.026 naizvozvo rudzi rwose rwavaIsraeri ruchaponeswa; sezvazvakanyorwa zvichinzi: PaZiyoni pachabuda Musununguri; Uchabvisa kusada Mwari kunaJakobho;

11:27b.ROM.011.027 Iyi ndiyo sungano yangu navo, Musi wandichabvisa zvivi zvavo.

11:28b.ROM.011.028 Kana iri Evhangeri, ivo vavengi vaMwari nokuda kwenyu; asi kana kuri kusanangurwa, vadikanwa nokuda kwamadzibaba.

11:29b.ROM.011.029 Nokuti zvipo zvaMwari nokudana kwake hazvishandurwi.

11:30b.ROM.011.030 Nokuti semi kare makanga musingatereri Mwari, asi zvino makanzwirwa ngoni nokusaterera kwavo,

11:31b.ROM.011.031 saizvozvo naivo zvino havana kuterera, kuti nengoni dzakaitirwa imi naivo vanzwirwe vo ngoni.

11:32b.ROM.011.032 Nokuti Mwari wakavapfigira vose pakusaterera kwavo, kuti avanzwire ngoni vose.

11:33b.ROM.011.033 Haiwa kufuma kwokuchenjera nokuziva kwaMwari kwakadzika sei! Kutonga kwake hakunganzverwi, nenzira dzake hadzingarondwi!

11:34b.ROM.011.034 Nokuti ndianiko wakanga ari murairi wake?

11:35b.ROM.011.035 Ndianiko wakatanga kumupa, kuti aripirwe zve?

11:36b.ROM.011.036 Nokuti zvose zvinobva kwaari, zviripo naye, zviripo nokuda kwake. Ngaave nokubwinya nokusingaperi. Ameni.

12

12:1b.ROM.012.001 Naizvozvo ndinokumbira zvikuru kwamuri, hama dzangu, netsitsi dzaMwari, kuti muise miviri yenyu, chive chibayiro chipenyu, chitsvene, chinofadza Mwari, ndiko kunamata kwenyu kwomoyo.

12:2b.ROM.012.002 Musaenzaniswa nenyika ino; asi mushandurwe murangariro wenyu uchivandudzwa, kuti muidze muzive kuda kwaMwari kwakanaka, kunofadza, kwakakwana. Zvipo zvaMwari, noRudo kunavamwe.

12:3b.ROM.012.003 Nokuti nenyasha dzandakapiwa, ndinovudza mumwe nomumwe uri pakati penyu, kuti arege kuzvifunga kuti mukuru kupfuvura paanofanira kufunga napo; asi afunge nokufunga kwakachenjera, mumwe nomumwe nechiyero chokutenda, sezvaakagoverwa naMwari.

12:4b.ROM.012.004 Nokuti sezvatinemitezo mizhinji pamuviri mumwe, asi mitezo yose hainebasa rimwe chete;

12:5b.ROM.012.005 saizvozvo isu, tiri vazhinji, tiri muviri mumwe chete munaKristu, mumwe nomumwe ari mutezo wavamwe.

12:6b.ROM.012.006 Tinezvipo zvakasiyana, patakapiwa nyasha napo; kana kuri kuporofita, ngatiprofite zvakaenzana nokutenda kwedu;

12:7b.ROM.012.007 kana kuri kushumira, ngazvivonekwe pakushumira kwedu; kana kuri kudzidzisa, pakudzidzisa kwedu;

12:8b.ROM.012.008 kana kuri kuraira, pakuraira kwedu; unopa, ngaape nomoyo wose; uri mukuru, ngaabate nokushingaira; unoitira ngoni, ngaaite nomufaro.

12:9b.ROM.012.009 Rudo ngarurege kuva nokunyengera. Vengai zvakaipa; namatirai zvakanaka.

12:10b.ROM.012.010 Kana ruri rudo pakati pavatendi, danai norudo rukuru; pakukudzana tungamiriranai.

12:11b.ROM.012.011 Regai kuva novusimbe pakushingaira; pisai pamweya; batirai Ishe;

12:12b.ROM.012.012 farai patariro; tsungirirai pakutambudzika; rambai muchinyengetera;

12:13b.ROM.012.013 govanai navatsvene pakushaiwa kwavo; itirai vaeni rudo.

12:14b.ROM.012.014 Ropafadzai vanokutambudzai; ropafadzai, musatuka.

12:15b.ROM.012.015 Farai navanofara; chemai navanochema.

12:16b.ROM.012.016 Ivai nomoyo mumwe pakati penyu. Musatsvaka zvinorumbidzwa, asi mufambidzane navanozvininipisa. Musati pamoyo yenyu makachenjera.

12:17b.ROM.012.017 Musatsiva munhu chakaipa kana akakuitirai chakaipa. Tsvakai zvakarurama pamberi pavanhu vose.

12:18b.ROM.012.018 Kana zvichibvira, pamunogona napo, ivai norugare navanhu vose.

12:19b.ROM.012.019 Musatsiva, vadikanwa, asi munzvenge kutsamwa; nokuti kwakanyorwa, kuchinzi: kutsiva ndokwangu, ini ndicharipira ndizvo zvinoreva Ishe.

12:20b.ROM.012.020 Asi kana muvengi wako aziya, umupe kudya; kana afa nenyota, umupe kunwa; nokuti kana uchiita izvozvo, uchatutira mazimbe omoto pamusoro wake.

12:21b.ROM.012.021 Usakundwa nezvakaipa, asi ukunde zvakaipa nezvakanaka.

13

13:1b.ROM.013.001 Munhu mumwe nomumwe ngaazviise pasi pamasimba makuru; nokuti hakunesimba risina kubva kunaMwari; iwo aripo akaiswapo naMwari.

13:2b.ROM.013.002 Saka unoramba simba, unodzivisa zvakaiswapo naMwari; zvino ivo vanodzivisa, vanozvitorera mhosva.

13:3b.ROM.013.003 Nokuti vabati havatyisi unobata basa rakanaka, asi rakaipa. Unoda kusatya simba here? Ita zvakanaka, ugorumbidzwa navo;

13:4b.ROM.013.004 nokuti ndiye mushumiri waMwari kwauri, kuti akuiitire zvakanaka. Asi kana uchiita zvakaipa, chitya; nokuti iye haabati munondo pasina; nokuti ndiye mushumiri waMwari, mutsivi wokutsamwa kunounoita zvakaipa.

13:5b.ROM.013.005 Naizvozvo munofanira kuzviisa pasi pavo, musingadaro nokuda kwokutsamwa bedzi, asi nokuda kwehana vo.

13:6b.ROM.013.006 Nokuti nemhaka iyo munoripa vo mutero; nokuti ndivo varanda vaMwari vanoramba vachingobatira chinhu icho.

13:7b.ROM.013.007 Ripirai vose zvavanofanira kuripirwa: Mutero kunavanofanira kutererwa; muripo kunavanofanira kuripirwa; kutya kunavanofanira kutyiwa; kukudza kunavanofanira kukudzwa. Rudo runozadzisa murairo.

13:8b.ROM.013.008 Musava nechikwerete nomunhu, asi chokudana; nokuti unoda mumwe, wazadzisa murairo.

13:9b.ROM.013.009 Nokuti izvo zvokuti: Usaita vupombwe, usavuraya, usaba, usapupurira wokwako nhema, usachiva; kana murairo upi noupi, zvakavunganidzwa pashoko rokuti: Ude wokwako sezvaunozvida iwe.

13:10b.ROM.013.010 Rudo haruitiri wokwako zvakaipa; naizvozvo rudo runozadzisa murairo. Tinofanira kurinda.

13:11b.ROM.013.011 Zvikuru ndinoreva izvozvi, zvatinoziva nguva, kuti zvino yatova nguva yokumuka kwenyu pahope; nokuti zvino kuponeswa kwedu kwava pedo kupfuvura zuva ratakatanga kutenda naro.

13:12b.ROM.013.012 Vusiku bwapfuvura, kwoedza; naizvozvo ngatirashe mabasa erima, ngatishonge nhumbi dzokurwa dzechiedza.

13:13b.ROM.013.013 Ngatifambe nenzira yakafanira sapamasikati; tisingafambi nokutamba kwakaipa, nokubatwa, kana novupombwe, novutere, kana negakava, negodo.

13:14b.ROM.013.014 Asi pfekai Ishe Jesu Kristu, musatsvaka kufadza nyama pakuchiva kwayo.

14

14:1b.ROM.014.001 Zvino gamuchirai usinesimba pakutenda kwake musingaiti gakava naye pamusoro pokufunga kwake.

14:2b.ROM.014.002 Mumwe munhu unokutenda kuti ungadya zvose; asi usinesimba unodya mirivo.

14:3b.ROM.014.003 Unodya ngaarege kuzvidza usingadyi; usingadyi ngaarege kupa mhosva unodya; nokuti Mwari wakamugamuchira.

14:4b.ROM.014.004 Iwe ndiwe aniko unopa muranda womumwe munhu mhosva? Iye unomira kana unowa pamberi paShe wake. Uchamiswa hake, nokuti Ishe unesimba rokumumisa.

14:5b.ROM.014.005 Mumwe munhu unoti zuva rimwe rinopfuvura rimwe; mumwe unoti mazuva ose akafanana. Mumwe nomumwe ngaazive kwazvo mumoyo make.

14:6b.ROM.014.006 Uyo unochengeta zuva, unorichengeta nokuda kwaShe; uyo usingachengeti zuva haarichengeti kunaShe, uyo unodya, unodya nokuda kwaShe, nokuti unovonga Mwari. Uyo usingadyi kunaShe haadyi asi unovonga Mwari.

14:7b.ROM.014.007 Nokuti hakunomumwe wedu unozviraramira iye oga, hakuna unozvifira iye oga.

14:8b.ROM.014.008 Nokuti kana tichirarama tinoraramira Ishe; kana tichifa, tinofira Ishe; zvino kana tichirarama, kana tichifa tiri vaShe.

14:9b.ROM.014.009 Nokuti Kristu wakafira izvezvi, akamukira vo izvezvi akararama kuti ave Ishe wavapenyu navakafa.

14:10b.ROM.014.010 Zvino iwe, unopireiko hama yako mhosva? Kana newe vo, unozvidzireiko hama yako? Nokuti isu tose tichamira pachigaro chokutonga chaKristu.

14:11b.ROM.014.011 Nokuti kwakanyorwa, kuchinzi: Novupenyu bwangu ndizvo zvinoreva Ishe ibvi rimwe nerimwe richandifugamira, Rurimi rumwe norumwe ruchakudza Mwari.

14:12b.ROM.014.012 Naizvozvo mumwe nomumwe we du uchazvidavirira kunaMwari.

14:13b.ROM.014.013 Naizvozvo ngatirege kuramba tichitongana; asi zvirinani kuti mutonge, kuti munhu arege kuisa chigumbuso kana chinopinganidza pamberi pehama yake.

14:14b.ROM.014.014 Ndinoziva, nokuzivisisa kwazvo munaShe Jesu, kuti hakunechinhu chinetsvina chimene; asi uyo unoti, chinetsvina, kwaari chinetsvina.

14:15b.ROM.014.015 Nokuti kana hama yako ichisvibiswa moyo nokuda kwezvokudya, iwe hauchafambi norudo. Usaparadza nezvokudya zvako uyo wakafirwa naKristu.

14:16b.ROM.014.016 Naizvozvo kunaka kwenyu ngakurege kuzvidzwa.

14:17b.ROM.014.017 Nokuti vushe bwaMwari hazvizi zvokudya kana zvokunwa, asi kururama, norugare, nomufaro muMweya Mutsvene.

14:18b.ROM.014.018 Nokuti unobatira Kristu pazvinhu izvi, unofadza Mwari, vuye unotendwa navanhu.

14:19b.ROM.014.019 Naizvozvo ngatitsvake izvo zvinovuyisa rugare nezvatingasimbisana nazvo.

14:20b.ROM.014.020 Regai kuparadza basa raMwari nokuda kwezvokudya. Zvinhu zvose zvakanaka hazvo: asi zvakaipa kunounodya akagumbuka.

14:21b.ROM.014.021 Zvakanaka kusadya nyama, kana kusanwa waini, kana kusaita chimwe chinhu chingagumbusa hama yako, kana kuipa vutera.

14:22b.ROM.014.022 Unokutenda here? Iva nako kuve kwako pamberi paMwari, wakaropafadzwa usingazvipi mhosva pachinhu chaanotendera.

14:23b.ROM.014.023 Asi uyo unonyunyuta wava nemhosva kana achidya, nokuti haadyi nokutenda; zvose zvisingabvi pakutenda zvivi.

15

15:1b.ROM.015.001 Zvino isu, tinesimba, tinofanira kutakura vutera bwavasinesimba, tisingazvifadzi.

15:2b.ROM.015.002 Mumwe nomumwe wedu ngaafadze wokwake pane zvakanaka zvinosimbisa.

15:3b.ROM.015.003 Nokuti Kristu vo haana kuzvifadza; asi sezvazvakanyorwa, zvichinzi: Kuzvidza kwavakakuzvidza nako kwakawira pamusoro pangu.

15:4b.ROM.015.004 Nokuti zvose zvakanyorwa kare, zakanyorwa kuti isu tidzidze kuti tive netariro inobva pakutsungirira napakunyaradza kwaMagwaro.

15:5b.ROM.015.005 Zvino Mwari wokutsungirira nowokunyaradza ngaakupei moyo mumwe pakati penyu, sezvinoda Kristu Jesu;

15:6b.ROM.015.006 kuti mukudze Mwari, baba vaShe wedu Jesu Kristu, nomoyo mumwe vuye nomuromo mumwe.

15:7b.ROM.015.007 Saka gamuchirai, Kristu sezvaakatigamuchira, kuti Mwari akudzwe.

15:8b.ROM.015.008 Nokuti ndinoti: Jesu Kristu wakaitwa mushumiri wokudzingiswa kuratidza zvokwadi yaMwari, kuti asimbise zvakapikirwa madzibaba.

15:9b.ROM.015.009 Vuye, kuti vahedheni vakudze Mwari nokuda kwengoni dzake; sezvazvakanyorwa, zvichinzi: Naizvozvo ndichakurumbidzai pakati pavahedheni, Nokukuimbirai zita renyu.

15:10b.ROM.015.010 Vuye zve unoti: Farai imi vahedheni, navanhu vake.

15:11b.ROM.015.011 Vuye zve: Rumbidzai Ishe, imi vahedheni vose; Marudzi ose ngaamukudze.

15:12b.ROM.015.012 Vuye zve, Isaya unoti: Mudzi waJese uchavapo, Naiye unomuka, kuti abate vahedheni; Vahedheni vachamutarira iye;

15:13b.ROM.015.013 Zvino Mwari wetariro ngaakuzadzei nomufaro wose norugare pakutenda kwenyu, kuti muve netariro yakawandisa, nesimba roMweya Mutsvene. Vuapostora bwaPauro.

15:14b.ROM.015.014 Zvino, hama dzangu, ini ndimene, ndinoziva kwazvo pamusoro penyu, kuti imi mumene muzere nokunaka, makazadzwa nokuziva kwose, munogona vo kurairana.

15:15b.ROM.015.015 Asi ndinokunyorerai zvimwe ndichinyanya kutsunga, ndichiita sendinokunyevudzai nenyasha dzandakapiwa naMwari,

15:16b.ROM.015.016 kuti ndive muranda waKristu Jesu kuvahedheni, ndichiita basa rovuPirisita paEvhangeri yaMwari, kuti chibayiro chavahedheni chifadze Mwari, chakaitwa chitsvene noMweya Mutsvene.

15:17b.ROM.015.017 Naizvozvo ndingazvirumbidza munaKristu Jesu pazvinhu zvaMwari.

15:18b.ROM.015.018 Nokuti ndingatya kutaura zvimwe zvinhu, asi izvo Kristu zvaakaita neni, kuti vahedheni vateereswe neshoko namabasa,

15:19b.ROM.015.019 nesimba re zviratidzo nezvinoshamisa, nesimba roMweya Mutsvene; nokudaro kubva Jerusarema nenyika yakapoteredza, kusvikira Iriko, ndakaparidza kwazvo Evhangeri yaKristu;

15:20b.ROM.015.020 ndichishingarira chinhu ichi kuti ndiparidze Evhangeri, apo pasina kumborebwa zita raKristu, kuti ndirege kuvaka pamusoro penheyo dzomumwe munhu;

15:21b.ROM.015.021 asi, sezvazvakanyorwa, zvichinzi: Avo, vasina kuvudzwa zvake; vachavona; Naivo vasina kunzwa vachanzwisisa.

15:22b.ROM.015.022 Naizvozvo ndakadziviswa vo kazhinji kuvuya kwamuri;

15:23b.ROM.015.023 zvino zvandisina pokubata panyika idzi, vuye zvaava makore mazhinji ndichida zvikuru kuvuya kwamuri,

15:24b.ROM.015.024 kana ndichienda Spania, ndichavuya kwamuri; (nokuti ndinotarira kukuvonai parwendo rwangu, ndiperekedzwe nemi ikoko, kana ndamboguta zvishoma nemi.)

15:25b.ROM.015.025 Asi zvino ndomboenda Jerusarema kundoshumira vatsvene.

15:26b.ROM.015.026 Nokuti veMakedhonia naveAkaya vakati zvakanaka kuti vagovane navarombo pavatsvene vari paJerusarema.

15:27b.ROM.015.027 Nokuti vakatiira zvakanaka; vanengava navo. Nokuti kana vahedheni vakaitwa vagovani navo pazvinhu zvoMweya, vanengava vo rokuvashumira pa zvinhu zvenyama.

15:28b.ROM.015.028 Naizvozvo kana ndapedza chinhu ichi, ndikavavigira chibereko ichi, ndichaenda Spania nokwenyu.

15:29b.ROM.015.029 Ndinoziva kuti kana ndichivuya kwenyu, ndichavuya nokuropafadza kwakazara kweEvhangeri yaKristu.

15:30b.ROM.015.030 Zvino ndinokumbira zvikuru, hama dzangu, naShe wedu, Jesu Kristu, vuye norudo rwoMweya, kuti murwe pamwe chete neni pakunyengetera kwenyu kunaMwari pamusoro pangu;

15:31b.ROM.015.031 kuti ndisunungurwe kuna vasingatereri muJudhea, vuye kuti kushumira kwangu kunaveJerusarema kufadze vatsvene;

15:32b.ROM.015.032 kuti ndivuye kwamuri nomufaro nokuda kwaMwari, ndiwane zororo pamwe chete nemi.

15:33b.ROM.015.033 Zvino Mwari worugare ngaave nemi mose. Ameni.

16

16:1b.ROM.016.001 Ndinoreverera kwamuri Fibi, hanzvadzi yedu, mushandiri wekereke iri paKenkrea.

16:2b.ROM.016.002 Kuti mumugamuchire munaShe, sezvinofanira vatsvene, nokumubatsira pazvinhu zvose, zvaangashaiwa; nokuti iye amene wakabatsira vazhinji, neni vo ndimene.

16:3b.ROM.016.003 Ndikwazisirei Priska naAkwira, vanobata neni munaKristu Jesu.

16:4b.ROM.016.004 vakaisa mitsipa yavo kurwira vupenyu bwangu, vandisingavongi ini ndoga asi nekereke dzose dzavahedheni.

16:5b.ROM.016.005 Ndikwazisirei vo kereke iri paimba yavo. Ndikwazisirei Epeneto, mudikanwa wangu, ndiye chibereko chokutanga munaKristu paAsia.

16:6b.ROM.016.006 Ndikwazisirei Maria, wakakubatsirai zvikuru.

16:7b.ROM.016.007 Ndikwazisirei Andoroniko naJunia, worudzi rwangu, vakasungwa pamwe chete neni, vakakurumbira pakati pavaapostora, vakanditangira vo kuva munaKristu.

16:8b.ROM.016.008 Ndikwazisirei Ampriato, mudikanwa wangu munaShe.

16:9b.ROM.016.009 Ndikwazisirei Urbano, unobata nesu munaKristu, naStako, mudikanwa wangu.

16:10b.ROM.016.010 Ndikwazisirei Apere, wakatendwa munaKristu. Ndikwazisirei vokwaAristoburo.

16:11b.ROM.016.011 Ndikwazisirei Herodio worudzi rwangu. Ndikwazisirei vo kwaNarkiso, vari munaShe.

16:12b.ROM.016.012 Ndikwazisirei Trifania naTrifosa, vanobata munaShe. Ndikwazisirei Persisi, mudikanwa, wakabata zvikuru munaShe.

16:13b.ROM.016.013 Ndikwazisirei Rufosi, musanangurwa munaShe, namai vake, navangu.

16:14b.ROM.016.014 Ndikwazisirei Asinkrito, naFregoni, naHermesi, naPatrobasi, naHeramasi, nehama dziri kwavari.

16:15b.ROM.016.015 Ndikwazisrei Firorogosi, naJuria, naNerea, nehanzvadzi yake, naOraimpasi, navatsvene vose vari kwavari.

16:16b.ROM.016.016 Kwazisanai nokusveta kutsvene. Kereke dzose dzaKristu ndinokukwazisai.

16:17b.ROM.016.017 Zvino ndinokumbira zvikuru kwamuri, hama dzangu, kuti mucherekedze avo vanopesanisa, navanogumbusa, vachiita zvinopesana nedzidziso yamakadzidziswa imi; muvanzvenge.

16:18b.ROM.016.018 Nokuti vakadaro havabatiri Ishe wedu Jesu Kristu, asi dumbu ravo; vanonyengera moyo yavasina mano namashoko avo akanaka, nokubata kumeso.

16:19b.ROM.016.019 Nokuti kuterera kwenyu kwakasvika kuvanhu vose. Naizvozvo ndinofara pamusoro penyu; asi ndinoda kuti muve vakachenjera kunezvakanaka, asi vasinenjere kunezvakaipa.

16:20b.ROM.016.020 Zvino Mwari worugare uchakurumidza kupwanya Satani pasi petsoka dzenyu. Nyasha dzaShe wedu Jesu Kristu ngadzive nemi.

16:21b.ROM.016.021 Timotio, unobata neni, unokukwazisai; naRukio, naJasoni, naSosipatrosi, vorudzi rwangu.

16:22b.ROM.016.022 Ini Tertiosi, unonyora mwadhi iyi, ndinokukwazisai munaShe.

16:23b.ROM.016.023 Gaiosi,wakandigamuchira ini nekereke yose, unokukwazisai. Erastosi, muchengeti wemariyeguta, unokukwazisai, naKwaritosi vo, hama.

16:24b.ROM.016.024 Nyasha dzaShe wedu Jesu Kristu, ngadzive nemi mose. Ameni.

16:25b.ROM.016.025 Zvino iye, unogona kukusimbisai, sezvinoreva Evhangeri yangu, nokuparidzwa kwaJesu Kristu, nokuzarurwa kwezvakavanzika, zvisina kurebwa nguva dzisingaperi.

16:26b.ROM.016.026 asi zvino zvinoratidzwa nokuziviswa kumarudzi ose, naMagwaro avaporofita, sezvakarairwa naMwari usingaperi, kuti vaterere nokutenda.;

16:27b.ROM.016.027 iye Mwari wakachenjera oga, ngaave nokubwinya naJesu Kristu nokusingaperi. Ameni.