Philemon (Zulu)

1

1:1b.PHM.001.001 UPawulu, isiboshwa sikaKristu Jesu, noThimothewu umzalwane kuFilemoni, isithandwa sethu nesisebenzi kanye nathi,

1:2b.PHM.001.002 naku-Apifiya udadewethu, naku-Arkiphu, ibutho kanye nathi, nakulo ibandla elisendlini yakho:

1:3b.PHM.001.003 Makube kini umusa nokuthula okuvela kuNkulunkulu uBaba wethu naseNkosini uJesu Kristu.

1:4b.PHM.001.004 Ngibonga uNkulunkulu wami njalo ngikukhumbula emikhulekweni yami,

1:5b.PHM.001.005 uma ngizwa ngothando lwakho nokukholwa onakho eNkosini uJesu nakubo bonke abangcwele,

1:6b.PHM.001.006 ukuze ukuhlanganyela kokukholwa kwakho kube nomsebenzi ekwazini konke okuhle okukithi kuKristu,

1:7b.PHM.001.007 ngokuba nginokuthokoza okukhulu nenduduzo ngothando lwakho, ngokuba izinhliziyo zabangcwele zihlunyelelwe ngawe mzalwane.

1:8b.PHM.001.008 Ngalokho noma nginesibindi esikhulu kuKristu sokuba ngikuyale ngakho okufaneleyo,

1:9b.PHM.001.009 nokho ngenxa yothando okungcono ngiyancenga, njengokuba nginje mina Pawulu osemdala, manje futhi ngiyisiboshwa sikaKristu Jesu,

1:10b.PHM.001.010 ngikuncenga ngomntanami engimzeleyo ekuboshweni kwami, u-Onesimu;

1:11b.PHM.001.011 okade engenalusizo kuwe, kepha kalokhu unosizo nakuwe nakimi,

1:12b.PHM.001.012 engimbuyisele kuwe, yena oyinhliziyo yami,

1:13b.PHM.001.013 ebengifuna ukumbamba ahlale kimi, ukuze angikhonze esikhundleni sakho ngisekuboshweni ngenxa yevangeli;

1:14b.PHM.001.014 kepha ngaphandle kokubona kwakho ngangingathandi ukwenza lutho, ukuze umusa wakho ungabi ngokucindezelwa, kodwa ube ngesihle.

1:15b.PHM.001.015 Ngokuba mhlawumbe kungenxa yalokho ukuba ahlukaniswe nawe isikhashana, ukuze abe ngowakho kuze kube phakade,

1:16b.PHM.001.016 angabi esaba njengesigqila, kodwa abe ngaphezu kwesigqila, engumzalwane othandekayo, kakhulu kimi kepha kakhulu kangakanani kuwe, nasenyameni naseNkosini.

1:17b.PHM.001.017 Ngakho uma uthi ngingumhlanganyeli nawe, mamukele ngokungathi yimi.

1:18b.PHM.001.018 Kodwa uma ekonile ngento, noma enecala kuwe, lokho kubalele kimi;

1:19b.PHM.001.019 mina Pawulu ngikuloba ngesandla sami, ngiyakukukhokha ukuba ngingaze ngisho kuwe ukuthi nawe unecala kimi elinguwe uqobo.

1:20b.PHM.001.020 Yebo, mzalwane, mangithokoziswe nguwe eNkosini, uyihlumelele inhliziyo yami kuKristu.

1:21b.PHM.001.021 Ngikulobele ngokwethemba ukulalela kwakho, ngazi ukuthi uzakwenza nokungaphezu kwengikushoyo.

1:22b.PHM.001.022 Futhi-ke wongilungisela nami indawo; ngokuba ngiyethemba ukuthi ngemikhuleko yenu ngizakuphiwa nina.

1:23b.PHM.001.023 Uyakhonza kuwe u-Ephafra oyisiboshwa kanye nami kuKristu Jesu,

1:24b.PHM.001.024 noMarku, no-Aristarku, noDema, noLuka, izisebenzi kanye nami.

1:25b.PHM.001.025 Umusa weNkosi yethu uJesu Kristu mawube nomoya wenu.