1 Chronicles (Zarma)

1

1:1b.1CH.001.001 Adamu, Sita, Enosu,

1:2b.1CH.001.002 Kenan, Mahalalel, Yaredu,

1:3b.1CH.001.003 Annuhu, Metusala, Lameku,

1:4b.1CH.001.004 Nuhu: Sem, Ham, da Zafetu.

1:5b.1CH.001.005 Zafetu izey neeya: Gomer, Magog, Maday, Yaban, Tubal, Mesek da Tiras.

1:6b.1CH.001.006 Gomer izey neeya: Askenazu, Rifat da Togarma.

1:7b.1CH.001.007 Yaban izey neeya: Elisa, Tarsis, Cittancey da Dodanancey.

1:8b.1CH.001.008 Ham izey neeya: Kus, Mizrayim, Put, da Kanaana.

1:9b.1CH.001.009 Kus izey neeya: Seba, Habila, Sabta, Ra-Amma, da Sabteka. Ra-Amma izey neeya: Seba da Dedan.

1:10b.1CH.001.010 Kus mo na Nimrudu hay; nga no ka sintin ka te bonkooni ndunnya ra.

1:11b.1CH.001.011 Mizrayim mo na Ludancey hay, da Anamancey, da Lehabancey, da Naftuhancey,

1:12b.1CH.001.012 da Patrusancey, da Kasluhancey (i gaa no Filistancey fun), da Kaftorancey.

1:13b.1CH.001.013 Kanaana mo na Zidon hay, a hay-jine nooya, da Hetu,

1:14b.1CH.001.014 da Yebusancey, da Amorancey, da Jirgasancey,

1:15b.1CH.001.015 da Hibancey, da Arkancey, da Sinancey,

1:16b.1CH.001.016 da Arbadancey, da Zemarancey, da Hamatancey.

1:17b.1CH.001.017 Sem izey neeya: Elam, Assur, Arpaksadu, Ludu, Aram, Uz, Hul, Geter, Mesek.

1:18b.1CH.001.018 Arpaksadu na Sela hay, Sela mo na Heber hay.

1:19b.1CH.001.019 Heber mo, i na ize aru hinka hay a se. Afo maa ga ti Peleg, zama a jirbey ra no i na ndunnya fay-fay, a kayno mo maa Yoktan.

1:20b.1CH.001.020 Yoktan mo na Almodadu hay, da Selef, Hazar-Mabet, Yera,

1:21b.1CH.001.021 Hadoram, Uzal, Dikla,

1:22b.1CH.001.022 Obal, Abimayel, Seba,

1:23b.1CH.001.023 Ofir, Habila, da Yobab. Woodin yaŋ kulu Yoktan izeyaŋ no.

1:24b.1CH.001.024 Sem, Arpaksadu, Sela,

1:25b.1CH.001.025 Heber, Peleg, Rehu,

1:26b.1CH.001.026 Serug, Nahor, Tera,

1:27b.1CH.001.027 Abram (kaŋ ga ti Ibrahim.)

1:28b.1CH.001.028 Ibrahim izey neeya: Isaka da Isumeyla.

1:29b.1CH.001.029 I hay-hayyaŋey mo neeya: Isumeyla hay-jina maa Nebayot; gaa no Kedar, Adbeyel, Mibson,

1:30b.1CH.001.030 Misma, Duma, Massa, Hadad, Tema,

1:31b.1CH.001.031 Yetur, Nafis, Kedma; Isumeyla izey nooya.

1:32b.1CH.001.032 Ibrahim wahayo Ketura izey neeya: A na Zimran hay, da Yoksan, Medan, Midiyan, Isbak, da Suwa. Yoksan izey mo neeya: Seba da Dedan.

1:33b.1CH.001.033 Midiyan izey mo neeya: Efa, Efer, Hanoku, Abida, da Elda. Woodin yaŋ kulu Ketura izeyaŋ no.

1:34b.1CH.001.034 Ibrahim na Isaka hay. Isaka izey neeya: Isuwa da Israyla*.

1:35b.1CH.001.035 Isuwa izey mo neeya: Elifaz, Reyul, Yeyus, Yalam, da Kora.

1:36b.1CH.001.036 Elifaz izey neeya: Teman, Omar, Zafi, Gatam, Kenaz, Timna, da Amalek.

1:37b.1CH.001.037 Reyul izey neeya: Nahat, Zera, Samma, da Miza.

1:38b.1CH.001.038 Seyir izey neeya: Lotan, Zobal, Zibeyon, Ana, Dison, Ezer, da Disan.

1:39b.1CH.001.039 Lotan izey mo neeya: Hori da Homam; Timna mo Lotan wayme no.

1:40b.1CH.001.040 Zobal izey neeya: Alban, Menahat, Ebal, Sefo, da Onam. Zibeyon izey neeya: Aya da Ana.

1:41b.1CH.001.041 Ana ize neeya: Dison. Dison izey mo neeya: Hamran, Esban, Itran, da Keran.

1:42b.1CH.001.042 Ezer izey neeya: Bilhan, Zaaban, da Yaakan. Disan izey neeya: Uz da Aran.

1:43b.1CH.001.043 Bonkooney kaŋ yaŋ na mayray ŋwa Edom laabo ra, za bonkooni kulu mana Israyla izey may neeya: Bila Beyor ize. A kwaara maa ga ti Dinaba.

1:44b.1CH.001.044 Waato kaŋ Bela bu, Yobab Zera ize Bozra bora may a nango ra.

1:45b.1CH.001.045 Waato kaŋ Yobab bu, Husam Teman laabu bora may a nango ra.

1:46b.1CH.001.046 Waato kaŋ Husam bu, Hadad, Bedad ize, nga kaŋ na Madiyancey kar Mowab saajo ra may a nango ra. A kwaara maa ga ti Abita.

1:47b.1CH.001.047 Waato kaŋ Hadad bu, Samla Masreka bora may a nango ra.

1:48b.1CH.001.048 Waato kaŋ Samla bu, Sawul Rehobot kaŋ go isa jarga bora may a nango ra.

1:49b.1CH.001.049 Waato kaŋ Sawul bu, Baal-Hanan Akbor ize may a nango ra.

1:50b.1CH.001.050 Waato kaŋ Baal-Hanan bu, Hadad may a nango ra. A kwaara maa ga ti Paw, a wando maa Mehetabel, Matared ize way no, nga mo Mezahab ize way no.

1:51b.1CH.001.051 Gaa no Hadad mo bu. Edom jine borey mo neeya: Amiru Timna, Amiru Alba, Amiru Yetet,

1:52b.1CH.001.052 Amiru Oholibama, Amiru Ela, Amiru Pinon,

1:53b.1CH.001.053 Amiru Kenaz, Amiru Teman, Amiru Mibazar,

1:54b.1CH.001.054 Amiru Magadeyel, da Amiru Iram. Edom laabo amirey nooya.

2

2:1b.1CH.002.001 Israyla ize arey neeya: Ruben, Simeyon, Lawi, Yahuda, Isakar, Zabluna,

2:2b.1CH.002.002 Dan, Yusufu, Benyamin, Naftali, Gad, da Aser.

2:3b.1CH.002.003 Yahuda ize arey neeya: Er, Onan, da Sela. Kanaananca Suwa ize way no ka ihinza din hay a se. Yahuda izey hay-jina Er wo, boro laalo no Rabbi jine, hala Rabbi n'a wi.

2:4b.1CH.002.004 Yahuda izo wande Tamar mo na Farisa da Zera hay Yahuda se. A ize arey kulu igu no.

2:5b.1CH.002.005 Farisa ize arey neeya: Hezron da Hamul.

2:6b.1CH.002.006 Zera ize arey mo neeya: Zimri, Etan, Heman, Kalkol, Dara -- i boro gu no.

2:7b.1CH.002.007 Karmi ize aro mo neeya: Akar. Israyla taabandikwa nooya, nga kaŋ na Irikoy sanno daaru jinay kaŋ i ciya laalante din gaa.

2:8b.1CH.002.008 Etan ize aro mo, Azariya no.

2:9b.1CH.002.009 Hezron ize arey mo kaŋ i hay a se neeya: Yerameyel, Ram, da Selubay.

2:10b.1CH.002.010 Ram mo na Aminadab hay, Aminadab na Nason Yahuda kunda jine bora hay.

2:11b.1CH.002.011 Nason na Salma hay, Salma na Buwaza hay,

2:12b.1CH.002.012 Buwaza na Obida hay, Obida na Yasse hay.

2:13b.1CH.002.013 Yasse na nga hay-jina Eliyab hay, da nga ize hinkanta Abinadab, ihinzanta Simeya,

2:14b.1CH.002.014 itaacanta Netanel, iguwanta Radday,

2:15b.1CH.002.015 iddanta Ozem, iyyanta Dawda.

2:16b.1CH.002.016 I waymey mo maa Zeruwiya da Abigayil. Zeruwiya ize arey mo neeya: Abisay, Yowab, da Asahel, i boro hinza.

2:17b.1CH.002.017 Abigayil mo na Amasa hay, Amasa din baabo ga ti Yeter, Isumeylance.

2:18b.1CH.002.018 Hezron ize Kaleb na izeyaŋ hay nga wando Azuba gaa, da Yeriyot gaa mo. A ize arey neeya: Yeser, Sobab, da Ardon.

2:19b.1CH.002.019 Waato kaŋ Azuba bu, Kaleb ye ka Efrata hiiji, nga kaŋ na Hur hay a se.

2:20b.1CH.002.020 Hur mo na Uri hay, Uri mo na Bezaleyel hay.

2:21b.1CH.002.021 Woodin banda, waato kaŋ Hezron gonda jiiri waydu a na Macir Jileyad baaba ize way fo hiiji. Hezron margu nd'a, a na Segub mo hay a se.

2:22b.1CH.002.022 Segub mo na Yayir hay, boro kaŋ gonda kwaara waranka cindi hinza Jileyad laabo ra.

2:23b.1CH.002.023 Amma Gesur da Aram na Yayir kwaarey ta i gaa, ngey nda Kena kwaara nd'i kawyey mo, kwaara waydu nooya. Woodin yaŋ kulu Macir Jileyad baaba izey no.

2:24b.1CH.002.024 Hezron mo bu Kaleb Efrata ra. A buuyaŋo banda mo a wando Abiya na Assur Tekowa baaba hay a se.

2:25b.1CH.002.025 Hezron hay-jina Yerameyel izey mo neeya: a hay-jina Ram, Buna, Oran, Ozem, da Ahiya.

2:26b.1CH.002.026 Yerameyel mo gonda wande fo kaŋ se i ga ne Atara, nga no ka Onam hay.

2:27b.1CH.002.027 Yerameyel hay-jina Ram izey mo neeya: Maaz, Yamin, da Eker.

2:28b.1CH.002.028 Onam izey mo neeya: Sammay da Yada. Sammay izey mo neeya: Nadab da Abisur.

2:29b.1CH.002.029 Abisur wande maa ga ti Abihayel. A na Aban da Molid hay a se.

2:30b.1CH.002.030 Nadab izey neeya: Seled da Appayim, amma Seled bu ize aru si.

2:31b.1CH.002.031 Appayim ize mo neeya: Isi. Isi ize: Sesan. Sesan ize mo: Alay.

2:32b.1CH.002.032 Sammay nya-ize Yada izey mo neeya: Yeter da Yonata, amma Yeter bu ize aru si.

2:33b.1CH.002.033 Yonata izey neeya: Pelet da Zaza. Woodin yaŋ Yerameyel banda nooya.

2:34b.1CH.002.034 Sesan binde sinda ize aruyaŋ, kala ize wayyaŋ. Sesan gonda Misirance bannya fo kaŋ se i ga ne Yara.

2:35b.1CH.002.035 A na nga ize way fo no nga bannya Yara se, kaŋ na Attay hay a se.

2:36b.1CH.002.036 Attay wo na Natan hay, Natan na Zabad hay,

2:37b.1CH.002.037 Zabad na Eflal hay, Eflal na Obed hay,

2:38b.1CH.002.038 Obed na Yehu hay, Yehu na Azariya hay,

2:39b.1CH.002.039 Azariya na Helez hay, Helez na Eleyasa hay,

2:40b.1CH.002.040 Eleyasa na Sismay hay, Sismay na Sallum hay,

2:41b.1CH.002.041 Sallum na Yekamiya hay, Yekamiya na Elisama hay.

2:42b.1CH.002.042 Yerameyel nya-ize Kaleb, a izey mo neeya: a hay-jina Mesa, Zif baaba. A ize mo Maresa no, Hebron baaba no.

2:43b.1CH.002.043 Hebron izey mo neeya: Kora, Tappuwa, Rekam, da Sema.

2:44b.1CH.002.044 Sema na Raham Yorkeyam baaba hay, Rekam mo na Sammay hay.

2:45b.1CH.002.045 Sammay ize mo, Mawon. Mawon na Bayt-Zur hay.

2:46b.1CH.002.046 Kaleb wahay Efa na Haran hay, da Moza da Gazez. Haran no ga ti Gazez baaba.

2:47b.1CH.002.047 Yaday izey neeya: Regam, Yotam, Gesan, Pelet, Efa, da Saafa.

2:48b.1CH.002.048 Kaleb wahay fo Maaka na Seber hay, da Tirhana.

2:49b.1CH.002.049 A na Saafa Madmanna baaba mo hay, da Seba Makbena baaba, da Jibeya mo. Kaleb ize wayo maa ga ti Aksa.

2:50b.1CH.002.050 Kaleb banda neeya: Efrata hay-jina Hur, a izey neeya: Zobal Ciriyat-Yeyarim baaba,

2:51b.1CH.002.051 da Salma Baytlahami baaba, da Haref Bayt-Gader baaba.

2:52b.1CH.002.052 Zobal Ciriyat-Yeyarim baaba mo du izeyaŋ: Harowe, da Menahat jara,

2:53b.1CH.002.053 da Ciriyat-Yeyarim almayaaley, sanda Itri gorokoy, da Put waney, da Sumat waney, da Misra waney nooya. Borey din gaa no Zorat gorokoy fun, da Estayol waney.

2:54b.1CH.002.054 Salma banda neeya: Baytlahami borey, da Netofa waney, da Atrot-Bayt-Yowab waney, da Menahat jara waney, da Zor waney.

2:55b.1CH.002.055 Tira hantumkoy almayaaley mo kaŋ yaŋ goro Yabez, danga Tira borey da Simeyat waney, da Suka waney, ngey mo Keni boroyaŋ no kaŋ yaŋ fun Hammat Rekab dumo baabo gaa.

3

3:1b.1CH.003.001 Dawda ize arey kaŋ yaŋ i hay a se Hebron kwaara neeya: a hay-jina Amnon, kaŋ Yezreyel waybora Ahinowam hay a se; ihinkanta, Daniyel kaŋ Karmel waybora Abigayil hay;

3:2b.1CH.003.002 ihinzanta Absalom, kaŋ Gesur koyo Talmay ize wayo Maaka hay; itaacanta Adoniya, Haggit ize;

3:3b.1CH.003.003 iguwanta Sefatiya, kaŋ a hay Abital gaa; iddanta Itreyam, kaŋ a hay a wande Egla gaa.

3:4b.1CH.003.004 Ize iddo din no i hay a se Hebron kwaara, noodin mo a may jiiri iyye da handu iddu. A may Urusalima* ra mo jiiri waranza cindi hinza.

3:5b.1CH.003.005 Noodin, Urusalima no i na woone yaŋ hay a se: Simeya, Sobab, Natan, Suleymanu, i boro taaci kaŋ Bat-Seba Ammiyel ize wayo hay a se.

3:6b.1CH.003.006 A du Ibhar mo, da Elisama, da Elifelet,

3:7b.1CH.003.007 da Noga, da Nefeg, da Yafiya,

3:8b.1CH.003.008 da Elisama, da Eliyada, da Elifelet, i boro yagga.

3:9b.1CH.003.009 Woodin yaŋ kulu Dawda ize aruyaŋ no, kaŋ waana a wahayey ize arey. I waymo mo ga ti Tamar.

3:10b.1CH.003.010 Suleymanu ize Rehobowam Rehobowam ize Abiya, Abiya ize Asa, Asa ize Yehosafat,

3:11b.1CH.003.011 Yehosafat ize Yoram, Yoram ize Ahaziya, Ahaziya ize Yowas,

3:12b.1CH.003.012 Yowas ize Amaziya, Amaziya ize Azariya, Azariya ize Yotam,

3:13b.1CH.003.013 Yotam ize Ahaz, Ahaz ize Hezeciya, Hezeciya ize Manasse,

3:14b.1CH.003.014 Manasse ize Amon, Amon ize Yosiya.

3:15b.1CH.003.015 Yosiya izey mo neeya: a hay-jina Yohanan, ihinkanta Yehoyacim, ihinzanta Zedeciya, itaacanta Sallum.

3:16b.1CH.003.016 Yehoyacim izey mo neeya: a ize fo Yekoniya, nga mo ize Zedeciya.

3:17b.1CH.003.017 Yekoniya izey kaŋ a du tamtaray laabo ra neeya: A ize fo Seyaltiyel,

3:18b.1CH.003.018 da Malciram, Pedaya, Senazar, Yekamiya, Hosama, Nedabiya.

3:19b.1CH.003.019 Pedaya izey mo, ngey neeya: Zerubabel da Simeyi. Zerubabel mo du Mesullam da Hananiya; Selomit no ga ti i wayme.

3:20b.1CH.003.020 A du ize gu fooyaŋ mo: Hasuba, Ohel, Bereciya, Hasadiya, Yesab-Hesed.

3:21b.1CH.003.021 Hananiya izey mo, ngey neeya: Petlatiya da Yesaya. Refaya izey go no, da Arnan izey, da Obadiya ize, da Sakaniya izey.

3:22b.1CH.003.022 Sakaniya ize neeya: Semaniya. Semaniya izey mo neeya: Hattus, Igal, Bariya, Neyariya, da Safat, i boro iddu.

3:23b.1CH.003.023 Neyariya izey neeya: Eliyowenay, Hezeciya, da Azrikam, i boro hinza.

3:24b.1CH.003.024 Eliyowenay izey mo neeya: Hodiya, Eliyasib, Pelaya, Akkub, Yohanan, Dalaya, da Anani, i boro iyye.

4

4:1b.1CH.004.001 Yahuda izey neeya: Farisa, Hezron, Karmi, Hur, da Zobal.

4:2b.1CH.004.002 Zobal ize Reyaya na Yahat hay. Yahat mo na Ahumay da Lahad hay. Woodin yaŋ Zora almayaaley no.

4:3b.1CH.004.003 Etam baaba izey mo neeya: Yezreyel, Isma, da Idbas; i wayme maa mo ga ti Hazzalel-Poni.

4:4b.1CH.004.004 Penuwel na Gedor hay. Ezer na Husa hay. Woodin yaŋ ga ti Efrata hay-jina Hur kaŋ na Baytlahami cina izey.

4:5b.1CH.004.005 Tekowa baaba Assur te wande hinka, Hela da Naarat nooya.

4:6b.1CH.004.006 Naarat na Ahuzzam, Hefer, Temeni da Haasatari hay a se; Naarat izey no.

4:7b.1CH.004.007 Hela izey mo ga ti Zeret, Zohar, Etnan,

4:8b.1CH.004.008 da Hakkoz mo kaŋ na Anub hay, da Zobeba, da Arahel Harum ize almayaaley mo.

4:9b.1CH.004.009 Yabez mo gonda beeray ka bisa nga nya-izey. A nyaŋo n'a maa daŋ Yabez ka ne: «Zama ay n'a hay taabi boobo ra.»

4:10b.1CH.004.010 Yabez na Israyla Irikoyo ŋwaaray ka ne: «Doŋ day ni m'ay albarkandi nda cimi, ni m'ay hirro feeri. Ni kambe ma goro ay banda, ni m'ay wa da laala teeyaŋ mo, zama woodin g'ay bina sara.» Irikoy na ŋwaaray kaŋ a te din ta k'a goy mo.

4:11b.1CH.004.011 Selub, Suwa nya-ize mo na Mehir hay, Eston baaba no.

4:12b.1CH.004.012 Eston mo na Bayt-Rafa hay, da Paseya, da Tehinna, Nahas kwaara baaba; Rekab alborey nooya.

4:13b.1CH.004.013 Kenaz izey mo neeya: Otniyel da Seraya. Otniyel izey mo Hatata no.

4:14b.1CH.004.014 Mayonotay na Ofra hay, Seraya mo na Yowab hay, Ge-Harasim kwaara baabo nooya, zama kambe goy-teeriyaŋ no.

4:15b.1CH.004.015 Yefunna ize Kaleb mo, a izey neeya: Iru, Ela, Naam. Ela ize mo Kenaz.

4:16b.1CH.004.016 Yehallelel izey mo neeya: Zif, Zifa, Tiriya, da Azarel.

4:17b.1CH.004.017 Ezra izey mo neeya: Yeter, Mered, Efer, da Yalon. (Firawna* ize way fo kaŋ maa Bitiya, wo kaŋ Mered hiiji, a izey neeya:) a te gunde ka Miriyam hay a se, da Sammay, da Isba, Estemowa kwaara baaba. A Yahudance wande fo mo na Yered Gedor kwaara baabo hay Mered se, da Heber Soko kwaara baabo, da Yekutiyel Zanowa kwaara baabo.

4:19b.1CH.004.019 Naham wayme, Hodiya wande mo, a izey ga ti Keyla Garmi kwaara baabo, da Estemowa Maaka kwaara baabo.

4:20b.1CH.004.020 Simon izey mo neeya: Amnon, Rinna, Ben-Hanan, da Tilon. Isi izey mo neeya: Zohat da Ben-Zehet.

4:21b.1CH.004.021 Yahuda izo Sela izey ga ti Er, kaŋ na Leka kwaara sinji, da Laada kaŋ na Maresa kwaara sinji, da mo almayaaley kaŋ yaŋ go Bayt-Asbeya kaŋ yaŋ ga lin* taafe goy te.

4:22b.1CH.004.022 Yokam mo fun a gaa, da Kozeba borey, da Yowas da Saraf, kaŋ gonda mayray Mowab da Yasubi-Lehem laabey ra. Baarey din tirey mo zeen gumo.

4:23b.1CH.004.023 Woodin yaŋ ga ti kusu cinakoy da Netayim da Gedara gorokoy. I goro noodin bonkoono banda zama ngey ma goy a se.

4:24b.1CH.004.024 Simeyon izey mo neeya: Nemuwel, Yamin, Yarib, Zera, da Sawul,

4:25b.1CH.004.025 nga mo ize Sallum, Sallum ize Mibsam, Mibsam ize Misma.

4:26b.1CH.004.026 Misma ize mo Hammuwel, Hammuwel ize Zakkur, Zakkur ize Simey.

4:27b.1CH.004.027 Simey mo na ize aru way cindi iddu da ize way iddu hay. Amma a nya-izey mana du ize boobo. I almayaaley mo mana baa danga Yahuda kunda cine.

4:28b.1CH.004.028 I goray nangey mo neeya: Beyer-Seba, Molada, Hazur-Suwal,

4:29b.1CH.004.029 Bilha, Ezem, Tolad,

4:30b.1CH.004.030 Baytuwel, Horma, Ziklag,

4:31b.1CH.004.031 Bayt-Markabot, Hazar-Susim, Bayt-Biri, Saarayim. Woodin yaŋ ga ti i kwaarey ka koy to hala Dawda zamana ra.

4:32b.1CH.004.032 I kawyey mo ga ti Etam, Ayin, Rimmon, Tokan, da Asan, kawye gu nooya,

4:33b.1CH.004.033 ka margu nd'i kawyey kulu kaŋ yaŋ g'i kwaarey windi ka koy to hala Baalat. Woodin yaŋ i goray nangey no. I gonda ngey asuli lasaabuyaŋ tirey mo:

4:34b.1CH.004.034 Misobab, Yamlek, Yosa Amaziya ize,

4:35b.1CH.004.035 Yowel, Yehu Yosibaya ize, Seraya ize, Asiyel ize.

4:36b.1CH.004.036 Eliyowenay, Yaakoba, Yesohaya, Asaya, Adiyel, Yesimiyel, da Benaya,

4:37b.1CH.004.037 Ziza Sifi ize, Allon ize, Yedaya ize, Simri ize, Semaya ize.

4:38b.1CH.004.038 Woodin yaŋ kulu kaŋ i n'i maayey hantum, i goro ka te jine boroyaŋ no i almayaaley game ra. I kaayey windey mo tonton nda yulwa.

4:39b.1CH.004.039 I koy hala naŋ kaŋ boro ga furo Gedor, hal a gooro wayna funay haray kambo gaa, zama ngey ma kuray do ceeci ngey almaney se.

4:40b.1CH.004.040 I du subu hanno boobo mo noodin, laabo mo itafay no. Hala mo baani goray ra no i go da laakal kanay, zama borey kaŋ goro noodin waato Ham dumiyaŋ no.

4:41b.1CH.004.041 Alborey din mo, kaŋ yaŋ i maayey go hantumante, i konda Hamancey gaa wongu Yahuda bonkoono Hezeciya zamana ra, ka konda wongu i fuwey gaa, ngey nda Menuwancey mo kaŋ yaŋ go noodin. I n'i halaci parkatak, hala ka kaa sohõ. I goro mo i nangey ra, zama noodin gonda kuray do i almaney se.

4:42b.1CH.004.042 Boro zangu gu fun i do, sanda Simeyon kunda boroyaŋ no, ka koy Seyir tondo do. I jine borey neeya: Pelatiya, Neyariya, Refaya, da Uzziyel, Isi izey no.

4:43b.1CH.004.043 Noodin mo i na Amalekance cindey kaŋ yana din kar ka halaci. I goro noodin mo ka kaa hala sohõ.

5

5:1b.1CH.005.001 Israyla hay-jina Ruben izey neeya: (amma baa kaŋ hay-jine no, kulu nda yaadin, zama a na nga baabo daaro ziibandi, i n'a hay-jine beera no Israyla izo Yusufu izey se. Woodin sabbay se no i mana Ruben hantum asuli lasaabuyaŋ tira ra a hayyaŋ darza boŋ.

5:2b.1CH.005.002 Baa kaŋ Yahuda te zaama nga nya-izey boŋ hala bonkooni fun a gaa, kulu nda yaadin hay-jine darza ya Yusufu wane no.)

5:3b.1CH.005.003 Israyla hay-jina Ruben izey din neeya: Hanoku, Pallu, Hezron, da Karmi.

5:4b.1CH.005.004 Yowel mo banda neeya: a ize Semaya, Semaya ize Gog, Gog ize Simey,

5:5b.1CH.005.005 Simey ize Mika, Mika ize Reyaya, Reyaya ize Baal,

5:6b.1CH.005.006 Baal ize Beyera, bora kaŋ Assiriya koyo Tiglat-Pileser konda tamtaray ra. Nga no ga ti Ruben kunda jine bora.

5:7b.1CH.005.007 A dumey mo, ngey kaŋ yaŋ i hantum asuli lasaabuyaŋ tira ra i almayaaley boŋ d'i zamaney boŋ, ngey neeya: i jine bora Yeyel, boro kaŋ ga dak'a gaa Zakariya,

5:8b.1CH.005.008 da Bela Azaz ize, Sema ize, Yowel ize, kaŋ goro Arower gooro ra ka to hala Nebo nda Baal-Meyon tondi kuuko gaa.

5:9b.1CH.005.009 I soobay ka kawyeyaŋ cina wayna funay haray ka to hala Ufratis isa saajo me gaa, zama i almaney yulwa ka tonton Jileyad laabo ra.

5:10b.1CH.005.010 Sawulu zamana ra mo Ruben kunda konda wongu Hagarancey gaa k'i zeeri, hal i goro i windey ra Jileyad laabo se wayna funay haray.

5:11b.1CH.005.011 Gad kunda izey binde goro Basan laabo ra ka tanji nda Ruben kunda ka to hala Saleka.

5:12b.1CH.005.012 Yowel ga ti i jine bora. Safam mo ga dak'a ga, gaa no Yanay da Safat Basan ra.

5:13b.1CH.005.013 I nya-izey mo i kaayey almayaaley boŋ neeya: Munkayla, Mesullam, Seba, Yoray, Yakan, Ziya, da Heber -- i boro iyye.

5:14b.1CH.005.014 Woodin yaŋ Abihayel izeyaŋ no, Huri ize, Yarowa ize, Jileyad ize, Munkayla ize, Yesisay ize, Yado ize, Buzu ize.

5:15b.1CH.005.015 Ahi Abdiyel ize, Guni ize, nga no ga ti i kaayey almayaaley jine bora.

5:16b.1CH.005.016 I nangorayey ga ti Jileyad da Basan da nga kawyey, da Saruna kuray nangey kulu ka koy hal i birney meyey gaa.

5:17b.1CH.005.017 Woodin yaŋ kulu, i n'i gar hantumante asuli lasaabuyaŋ tirey ra, Yahuda bonkoono Yotam da Israyla bonkoono Yerobowam zamana ra.

5:18b.1CH.005.018 Ruben da Gad izey, da Manasse kunda jara izey yaarukomyaŋ no. I ga koray da takuba koto, i ga hay da hangaw mo. I ga waani wongu gumo. I soojey mo zambar waytaaci cindi taaci da zangu iyye da waydu no.

5:19b.1CH.005.019 I konda wongu Hagarancey gaa, Yetur, da Nafisu, da Nodab.

5:20b.1CH.005.020 I na Irikoy ce k'a ŋwaaray wongo ra, nga mo maa ka ta i se, zama i de a gaa. A n'i gaakasinay mo ngey ibarey gaa, hal i na Hagarancey nda borey kaŋ yaŋ go i banda daŋ i kambey ra.

5:21b.1CH.005.021 Israyla mo n'i almaney ku ka kond'ey: yo zambar waygu, da feeji zambar zangu hinka nda waygu, da farkay zambar hinka. I na boro zambar zangu mo di.

5:22b.1CH.005.022 Zama boro boobo kaŋ buukoyaŋ, zama wongo din, Irikoy no k'a miila. Israyla borey binde goro i nango ra hala zamana kaŋ mebarawey kond'ey tamtaray.

5:23b.1CH.005.023 Manasse kunda jara binde goro laabo ra. I ciya iboobo za Basan ka koy Baal-Hermon ka koy Senir ka koy Hermon tondi kuuko gaa.

5:24b.1CH.005.024 I kaayey almayaaley jine borey mo neeya: Efer, Izi, Eliyel, Azriyel, Irimiya, Hodabiya, nda Yadiyel. I kulu soojeyaŋ no, boroyaŋ kaŋ te maa, i kaayey almayaaley jine borey no.

5:25b.1CH.005.025 Amma i na amaana ŋwaari te ngey kaayey Irikoyo jine. I ciya zina-teeriyaŋ* ka laabo din borey toorey gana, dumey kaŋ yaŋ Irikoy halaci i jine.

5:26b.1CH.005.026 Woodin sabbay se no Israyla Irikoyo mo na Assiriya bonkoono Pul bina zuku, sanda Assiriya bonkoono Tiglat-Pileser no. Nga mo n'i ku ka kond'ey tamtaray, sanda Ruben kunda, da Gad wano, da Manasse kunda jara. A kond'ey hala Haala kwaara, da Habor, da Hala, da hala Gozan isa me gaa mo. I go noodin ka kaa hala hunkuna.

6

6:1b.1CH.006.001 Lawi izey neeya: Gerson, Kohat, da Merari.

6:2b.1CH.006.002 Kohat izey neeya: Amram, Izhar, Hebron, da Uzziyel.

6:3b.1CH.006.003 Amram izey mo neeya: Haruna, Musa, da Maryama. Haruna izey mo neeya: Nadab, Abihu, Eliyezar, da Itamar.

6:4b.1CH.006.004 Eliyezar na Fineyas hay, Fineyas na Abisuwa hay,

6:5b.1CH.006.005 Abisuwa na Bukki hay, Bukki na Uzzi hay,

6:6b.1CH.006.006 Uzzi na Zeraya hay, Zeraya na Merayot hay,

6:7b.1CH.006.007 Merayot na Amariya hay, Amariya na Ahitub hay,

6:8b.1CH.006.008 Ahitub na Zadok hay, Zadok na Ahimaz hay,

6:9b.1CH.006.009 Ahimaz na Azariya hay, Azariya na Yohanan hay,

6:10b.1CH.006.010 Yohanan na Azariya hay (nga no ka alfagataray goy te windo kaŋ Suleymanu cina Urusalima kwaara din ra.)

6:11b.1CH.006.011 Azariya na Amariya hay, Amariya na Ahitub hay,

6:12b.1CH.006.012 Ahitub na Zadok hay, Zadok na Sallum hay,

6:13b.1CH.006.013 Sallum na Hilciya hay, Hilciya na Azariya hay,

6:14b.1CH.006.014 Azariya na Seraya hay, Seraya na Yehozadak hay.

6:15b.1CH.006.015 Yehozadak wo no ka koy i banda waato kaŋ Rabbi konda Yahuda laabo da Urusalima kwaara borey tamtaray Nebukadnezzar kamba ra.

6:16b.1CH.006.016 Lawi izey neeya: Gerson, Kohat, da Merari.

6:17b.1CH.006.017 Gerson izey maayey neeya: Libni da Simey.

6:18b.1CH.006.018 Kohat izey mo neeya: Amram, Izhar, Hebron, da Uzziyel.

6:19b.1CH.006.019 Merari izey mo neeya: Mali da Musi. Lawitey almayaaley mo, i kaayey windey boŋ neeya:

6:20b.1CH.006.020 Gerson waney neeya: a ize Libni, Libni ize Yahat, Yahat ize Zimma,

6:21b.1CH.006.021 Zimma ize Yowa, Yowa ize Iddo, Iddo ize Zera, Zera ize Yeyateray.

6:22b.1CH.006.022 Kohat waney neeya: a ize Aminadab, Aminadab ize Kora, Kora ize Assir,

6:23b.1CH.006.023 Assir ize Elkana, Elkana ize Ebiyasaf, Ebiyasaf ize Assir,

6:24b.1CH.006.024 Assir ize Tahat, Tahat ize Uriyel, Uriyel ize Uzziya, Uzziya ize Sawulu.

6:25b.1CH.006.025 Elkana izey mo neeya: Amasay da Ahimot.

6:26b.1CH.006.026 Elkana sanni binde, a ize ga ti Zofay da Nahat.

6:27b.1CH.006.027 Nahat ize Eliyab, Eliyab ize Yeroham, Yeroham ize Elkana.

6:28b.1CH.006.028 Samuwila izey mo neeya: a hay-jina Yowel, ihinkanta Abiya.

6:29b.1CH.006.029 Merari izey neeya: Mahli, Mahli ize Libni, Libni ize Simey, Simey ize Uzza,

6:30b.1CH.006.030 Uzza ize Simeya, Simeya ize Haggaya, Haggaya ize Asaya.

6:31b.1CH.006.031 Borey kaŋ yaŋ Dawda daŋ i ma baytu candi Rabbi windo ra binde, waato kaŋ i jin ka konda Rabbi sundurko k'a jisi noodin, ngey neeya:

6:32b.1CH.006.032 I goyo ga ti i ma baytuyaŋ te Irikoy nangora kaŋ go kubayyaŋ hukumo ra jine. I na woodin te mo hala waato kaŋ Suleymanu na Rabbi windo cina Urusalima ra. I kay noodin mo ngey sasareyaŋey ra ka ngey goyo toonandi.

6:33b.1CH.006.033 Borey kaŋ yaŋ furo goy woodin dumi ra, ngey nda ngey izey neeya: Kohat izey ra: doonko Heman, Yowel ize, Samuwila ize,

6:34b.1CH.006.034 Elkana ize, Yeroham ize, Eliyel ize, Towa ize,

6:35b.1CH.006.035 Zuf ize, Elkana ize, Mahat ize, Amasay ize,

6:36b.1CH.006.036 Elkana ize, Yowel ize, Azariya ize, Zafaniya ize,

6:37b.1CH.006.037 Tahat ize, Assir ize, Ebiyasaf ize, Kora ize,

6:38b.1CH.006.038 Izhar ize, Kohat ize, Lawi ize, Israyla ize.

6:39b.1CH.006.039 Heman nya-ize Asaf mo kay a kambe ŋwaari haray, sanda Asaf, Bereciya ize, Simeya ize,

6:40b.1CH.006.040 Munkayla ize, Baasaya ize, Malciya ize,

6:41b.1CH.006.041 Etni ize, Zera ize, Adaya ize,

6:42b.1CH.006.042 Etan ize, Zimma ize, Simey ize,

6:43b.1CH.006.043 Yahat ize, Gerson ize, Lawi ize.

6:44b.1CH.006.044 Heman kambe wow gaa haray mo i nya-ize Merari do haray wane no: Etan Cisi ize, Abdi ize, Malluk ize,

6:45b.1CH.006.045 Hasabiya ize, Amaziya ize, Hilciya ize,

6:46b.1CH.006.046 Amzi ize, Bani ize, Semer ize,

6:47b.1CH.006.047 Mali ize, Musi ize, Merari ize, Lawi ize.

6:48b.1CH.006.048 I nya-izey Lawitey mo, i n'i daŋ i ma goy kulu dumi te Irikoy nangora se, Irikoy windo ra.

6:49b.1CH.006.049 Amma Haruna nda nga izey, ngey no ga sargay* goy te feema kaŋ boŋ i ga sargay ton se, da dugu tonyaŋ feema mo se. Goy kulu kaŋ i ga te Nangoray Hanna ra mo, ngey no g'a te, zama i ma sasabandiyaŋ te Israyla se, sanni kulu kaŋ Irikoy tamo Musa n'i lordi nd'a.

6:50b.1CH.006.050 Haruna asulo neeya: A ize Eliyezar, Eliyezar ize Fineyas, Fineyas ize Abisuwa,

6:51b.1CH.006.051 Abisuwa ize Bukki, Bukki ize Uzzi, Uzzi ize Zeraya,

6:52b.1CH.006.052 Zeraya ize Merayot, Merayot ize Amariya, Amariya ize Ahitub,

6:53b.1CH.006.053 Ahitub ize Zadok, Zadok ize Ahimaz.

6:54b.1CH.006.054 I kwaarey neeya i zumbuyaŋey boŋ Israyla laabo ra: i na baa sintina no Haruna banda kaŋ yaŋ go Kohat sata almayaaley do haray se.

6:55b.1CH.006.055 I du Hebron kwaara Yahuda laabo ra, d'a kuray batamey, kwaara windanta.

6:56b.1CH.006.056 Amma birno farey d'a kawyey, i n'i no Kaleb Yefunna ize se.

6:57b.1CH.006.057 Haruna banda se mo i na kwaarayaŋ no kaŋ ga te tuguyaŋ birni yaŋ. Ngey neeya: Hebron da Libna nda nga kuray nangey, da Yattir da Estemowa nda nga kuray nangey,

6:58b.1CH.006.058 da Hilen da nga kuray nangey, da Debir da nga kuray nangey,

6:59b.1CH.006.059 da Ayin da nga kuray nangey, da Bayt-Semes da nga kuray nangey.

6:60b.1CH.006.060 Benyamin kunda ra mo i du: Geba nda nga kuray nangey, da Alemet da nga kuray nangey, da Anatot da nga kuray nangey. Kwaarey kaŋ i du i almayaaley kulu se, i to kwaara way cindi hinza.

6:61b.1CH.006.061 Kohat ize cindey mo, i n'i no ngey baa kurne boŋ. I n'a kaa kunda jara ra, Manasse almayaaley wano ra nooya, k'i no kwaara way.

6:62b.1CH.006.062 Gerson banda borey se mo, i almayaaley boŋ, i n'i no kwaara way cindi hinza, k'i kaa Isakar da Aser da Naftali da Manasse kundey ra. Basan haray no i go.

6:63b.1CH.006.063 Merari banda borey se mo i almayaaley boŋ, i n'i no kwaara way cindi hinka kurne boŋ, k'i kaa Ruben da Gad da Zabluna kundey ra.

6:64b.1CH.006.064 Yaadin no Israyla na kwaarey da ngey kuray nangey no Lawitey se d'a.

6:65b.1CH.006.065 Kwaarey din binde kaŋ yaŋ i n'i maayey ci, i n'i kaa Yahuda izey kunda ra, da Simeyon izey kunda ra, da Benyamin izey kunda ra, k'i no kurne boŋ.

6:66b.1CH.006.066 Kohat izey almayaali fooyaŋ mo du ngey goray kwaarey Ifraymu kunda ra.

6:67b.1CH.006.067 I n'i no kwaarey wo tuguyaŋ se: Sekem kaŋ go Ifraymu tondey laabo ra, da nga kuray nangey, da Gezer mo da nga kuray nangey.

6:68b.1CH.006.068 I du Yokmeyam da nga kuray nangey da Bayt-Horon da nga kuray nangey,

6:69b.1CH.006.069 da Ayyalon da nga kuray nangey, da Gat-Rimmon da nga kuray nangey.

6:70b.1CH.006.070 Manasse kunda jare fa ra mo i du Aner da nga kuray nangey, da Bileyam da nga kuray nangey Kohat ize cindey da ngey almayaaley se.

6:71b.1CH.006.071 Gerson izey du ngey baa Manasse jare fa ra: Golan kaŋ go Basan laabo ra nda nga kuray nangey, da Astarot da nga kuray nangey.

6:72b.1CH.006.072 Isakar kunda ra i du: Kedes da nga kuray nangey, da Daberat da nga kuray nangey,

6:73b.1CH.006.073 da Yarmut da nga kuray nangey, da En-Ganem da nga kuray nangey.

6:74b.1CH.006.074 Aser kunda ra mo i du: Misal da nga kuray nangey, da Abdon da nga kuray nangey,

6:75b.1CH.006.075 da Hukkok da nga kuray nangey, da Rehob da nga kuray nangey.

6:76b.1CH.006.076 Naftali kunda ra mo i du: Kedes Galili laabo ra da nga kuray nangey, da Hammon da nga kuray nangey, da Kartom da nga kuray nangey.

6:77b.1CH.006.077 Lawiti cindey se, danga Merari izey se, i du Zabluna kunda ra Rimmon da nga kuray nangey, da Tabor da nga kuray nangey.

6:78b.1CH.006.078 Urdun* isa se ya-haray, naŋ kaŋ go Yeriko jine, danga Urdun wayna funay jabo gaa, i du Ruben kunda ra: Bezer da nga kuray nangey, kaŋ go hala saaji fimbo ra, da Yahaz da nga kuray nangey,

6:79b.1CH.006.079 da Kedemot da nga kuray nangey da Mefaat da nga kuray nangey.

6:80b.1CH.006.080 Gad kunda ra mo i du: Ramot da nga kuray nangey kaŋ go Jileyad, da Mahanayim da nga kuray nangey,

6:81b.1CH.006.081 da Hesbon da nga kuray nangey, da Yazer da nga kuray nangey.

7

7:1b.1CH.007.001 Isakar du ize aru taaci, ngey neeya: Tola, Puwa, Ayuba nda Simron.

7:2b.1CH.007.002 Tola izey neeya: Uzzi, Refaya, Yeriyel, Yamay, Ibsam, da Samuwila, kaay almayaali koyey no. Tola izey mo sooje beeri yaŋ no ngey zamaney ra. Dawda jirbey ra i boro zambar waranka cindi hinka nda zangu iddu no.

7:3b.1CH.007.003 Uzzi izo mo maa Izrahaya. Izrahaya izey mo neeya: Munkayla, Obadiya, Yowel, da Issaya. I boro gu wo kulu jine boroyaŋ no.

7:4b.1CH.007.004 I do haray gonda sooje zambar waranza cindi iddu, sata-sata, kaŋ yaŋ soola wongu se, i zamaney ra d'i kaayey almayaaley boŋ, zama i te wande boobo ka du ize aru boobo.

7:5b.1CH.007.005 I dumey mo Isakar kunda almayaaley wo, soojeyaŋ no, kaŋ yaŋ i hantum asuli lasaabuyaŋ tira ra. I borey kulu margante, zambar wahakku cindi iyye no.

7:6b.1CH.007.006 Benyamin gonda ize aru hinza, ngey neeya: Bela, Beker, Yedayel.

7:7b.1CH.007.007 Bela gonda ize aru gu, ngey neeya: Ezbon, Uzzi, Uzziyel, Yeremot, Irii. I ciya kaayey windey jine boroyaŋ, soojeyaŋ kaŋ ga yaaru no. I boro zambar waranka cindi hinka nda waranza cindi taaci no kaŋ go hantumante asuli tira ra.

7:8b.1CH.007.008 Beker izey mo, ngey neeya: Zemira Yowas, Eliyezar, Eliyowenay, Omri, Yeremot, Abiya, Anatot, Alemet. Woodin yaŋ kulu Beker izeyaŋ no.

7:9b.1CH.007.009 I n'i hantum asuli tira ra mo i zamaney boŋ, i kaayey windey jine borey banda. I boro zambar waranka da zangu hinka, soojey kaŋ yaŋ ga yaaru no.

7:10b.1CH.007.010 Yedayel ize aro mo maa Bilhan. Nga mo izey neeya: Yeyus, Benyamin, Ehud, Kenaana, Zetan, Tarsis, da Ahisahar.

7:11b.1CH.007.011 Woodin yaŋ kulu Yedayel dumey no i kaayey windey jine borey boŋ. I boro zambar way cindi iyye da zangu hinka no, i kulu soojeyaŋ no kaŋ ga yaaru, soolanteyaŋ no i ma koy wongu do se.

7:12b.1CH.007.012 Suppim da Huppim ga ti Iri izeyaŋ, Husim mo Aher ize no.

7:13b.1CH.007.013 Naftali kunda borey neeya: Bila izey: Yazeyel, Guni, Yezer, da Sallum.

7:14b.1CH.007.014 Manasse izey neeya: Asriyel kaŋ a Aramance wahayo hay a se. A na Macir Jileyad baaba mo hay.

7:15b.1CH.007.015 Macir na wande ceeci Huppim da Suppim do, i wayme maa ga ti Maaka. Ize hinkanta mo maa Zelofehad, nga mo gonda ize wayboroyaŋ.

7:16b.1CH.007.016 Macir wande Maaka na ize aru hay kaŋ se i ga ne Peres. A kayno mo maa Seres, kaŋ a ize arey ga ti Ulam da Rekam.

7:17b.1CH.007.017 Ulam mo, a ize ga ti Bedan. Woodin yaŋ no ga ti Jileyad dumey, Macir ize, Manasse ize.

7:18b.1CH.007.018 A wayme Hammoleket mo na Isihod hay, da Abiyezer da Maala.

7:19b.1CH.007.019 Semida ize arey mo, ngey ga ti Ahiyan da Sekem, da Likki da Aniyam.

7:20b.1CH.007.020 Ifraymu banda mo neeya: Sutela, nga mo a ize Bered, Bered ize Tahat, Tahat ize Eliyada, Eliyada ize Tahat,

7:21b.1CH.007.021 Tahat ize Zabad, Zabad ize Sutela, da Ezer, da Eliyad. Woodin yaŋ Gat borey kaŋ ti laabo din izey, i n'i wi, zama i zumbu i do k'i almaney kom.

7:22b.1CH.007.022 I baabo Ifraymu n'i hẽ jirbi boobo, hal a almayaaley kaa k'a yaamar.

7:23b.1CH.007.023 Gaa no a margu nda nga wando. Nga mo te gunde ka ize aru hay a se kaŋ a n'a maa daŋ Beriya, zama hasaraw te a dumo se.

7:24b.1CH.007.024 A ize wayo mo maa Seera, kaŋ na Bayt-Horon cina, kwaara beene nd'a ganda ce kulu. A na Uzzen-Seera mo cina.

7:25b.1CH.007.025 A ize fo mo maa Refa, da Resef, da nga ize Tela, Tela ize Tahan,

7:26b.1CH.007.026 Tahan ize Ladan, Ladan ize Amihud, Amihud ize Elisama,

7:27b.1CH.007.027 Elisama ize Nun, Nun ize Yasuwa.

7:28b.1CH.007.028 I mayray harey d'i goray do ga ti Betel da nga kawyey, da Naaran kaŋ go wayna funay haray, da Gezer da nga kawyey kaŋ go wayna kaŋay haray, da Sekem da nga kawyey ka to hala Ayya nda nga kawyey.

7:29b.1CH.007.029 Manasse izey hirro gaa mo i du Bayt-Seyan da nga kawyey, da Taanak da nga kawyey, da Mejiddo da nga kawyey, da Dor da nga kawyey. Woodin yaŋ ra no Yusufu Israyla ize kunda go da goray.

7:30b.1CH.007.030 Aser izey mo neeya: Imna, Isuwa, Isuwi, Beriya, d'i wayme Sera.

7:31b.1CH.007.031 Beriya izey mo maayey Heber da Malciyel, Birzayt baaba.

7:32b.1CH.007.032 Heber mo na Yaflet hay, da Somer, da Hotam, da ngey wayme Suwa.

7:33b.1CH.007.033 Yaflet izey mo maayey Pasak, Bimhal, da Asbat; Yaflet izey nooya.

7:34b.1CH.007.034 Samer izey mo, ngey ga ti: Ahi, Roga, Yehubba, da Aram.

7:35b.1CH.007.035 A kayne Helem izey mo, ngey ga ti: Zofa, Imni, Seles, da Amal.

7:36b.1CH.007.036 Zofa izey mo, ngey ga ti: Suwa, Harnefer, Suwal, Beri, Imra,

7:37b.1CH.007.037 Bezer, Hod, Samma, Silsa, Itran, da Beera.

7:38b.1CH.007.038 Yeter izey mo, ngey neeya: Yefunna, Pispa, da Ara.

7:39b.1CH.007.039 Ulla izey mo, ngey neeya: Ara, Hanniyel, da Riziya.

7:40b.1CH.007.040 Woodin yaŋ kulu Aser kunda boroyaŋ no, kaayey almayaaley jine boroyaŋ, suubananteyaŋ da soojeyaŋ kaŋ ga yaaru; laabu koyey jine boroyaŋ no. I boro kulu kaŋ ga hin ka koy wongu mo, kaŋ yaŋ i hantum asuli tira ra, boro zambar waranka cindi iddu no.

8

8:1b.1CH.008.001 Benyamin mo na nga hay-jine Bela hay. Ize kaŋ dake a gaa ga ti Asbela, ihinzanta Ahara,

8:2b.1CH.008.002 itaacanta Noha, iguwanta Rafa.

8:3b.1CH.008.003 Bela mo du izeyaŋ: Addar, Gera, Abihud,

8:4b.1CH.008.004 Abisuwa, Naaman, Ahowa,

8:5b.1CH.008.005 Gera, Sefufan, da Hiram.

8:6b.1CH.008.006 Ehud izey mo, sanda ngey kaŋ yaŋ te kaayey almayaaley jine boroyaŋ Geba gorokoy se, hala mo i kond'ey yawtaray ka koy Menahat,

8:7b.1CH.008.007 ngey neeya: Naaman, Ahiya, da Gera kaŋ kond'ey yawtaray ka goro. A na Uzza da Alihud hay mo.

8:8b.1CH.008.008 Saharayim mo du ize fooyaŋ Mowab laabo ra, waato kaŋ a na nga wandey Husim da Baara fay.

8:9b.1CH.008.009 A wande Hodes mo na Yobab hay a se, da Zibiya, Meesa, Milkom,

8:10b.1CH.008.010 Yeyuz, Saciya, da Mirma. Woodin yaŋ no ga ti a izey kaŋ yaŋ te windikoyyaŋ.

8:11b.1CH.008.011 Husim mo na Abitub da Elpaal hay a se.

8:12b.1CH.008.012 Elpaal izey mo neeya: Eber, Misam, da Semer kaŋ na Ono da Lod da nga kawyey cina.

8:13b.1CH.008.013 A na Beriya da Sema mo hay, kaŋ yaŋ ciya windikoyyaŋ Ayyalon gorokoy se, kaŋ yaŋ na Gat gorokoy gaaray hal i zuru.

8:14b.1CH.008.014 Ahiyo mo go no, da Sasak, Yeremot,

8:15b.1CH.008.015 Zebadiya, Arad, Ader,

8:16b.1CH.008.016 Munkayla, Ispa, da Yoha; Beriya banda nooya.

8:17b.1CH.008.017 Zebadiya, Mesullam, Hizci, Heber,

8:18b.1CH.008.018 Ismeray, Izlaya, da Yobab. Woodin yaŋ Elpaal banda no.

8:19b.1CH.008.019 Yacim, Zikri, Zabdi,

8:20b.1CH.008.020 Elenay, Zilletay, Eliyel,

8:21b.1CH.008.021 Adaya, Beraya, da Simrat. Woodin yaŋ Sema izey no.

8:22b.1CH.008.022 Ispan, Eber, Eliyel,

8:23b.1CH.008.023 Abdon, Zikri, Hanan,

8:24b.1CH.008.024 Hananiya, Elam, Antotiya,

8:25b.1CH.008.025 Ifdiyaya, da Penuwel. Woodin yaŋ Sasak izey no.

8:26b.1CH.008.026 Samseray, Seharaya, Ataliya,

8:27b.1CH.008.027 Yaaresaya, Iliya, da Zikri. Woodin yaŋ Yeroham izey no.

8:28b.1CH.008.028 Woodin yaŋ kulu no ka te windikoyyaŋ ngey zamaney ra, boro beeri yaŋ no. I goro Urusalima ra.

8:29b.1CH.008.029 Yeyel Jibeyon baaba binde goro Jibeyon kwaara, a wando maa Maaka.

8:30b.1CH.008.030 A ize aru hay-jina ga ti Abdon, gaa no Zur, Cis, Baal, Nadab,

8:31b.1CH.008.031 Gedor, Ahiyo, da Zeker.

8:32b.1CH.008.032 Miklot mo na Simeya hay. I goro ngey nya-izey banda Urusalima ra, i dumi fooyaŋ jarga.

8:33b.1CH.008.033 Ner na Cis hay, Cis mo na Sawulu hay, Sawulu mo na Yonata hay, da Malci-Suwa, Abinadab, da Es-Baal.

8:34b.1CH.008.034 Yonata ize aro maa Merib-Baal. Merib-Baal mo na Mika hay.

8:35b.1CH.008.035 Mika izey mo maayey neeya: Piton, Melek, Tareya, da Ahaz.

8:36b.1CH.008.036 Ahaz mo na Yehowada hay, Yehowada na Alemet hay, da Azmabet, da Zimri. Zimri mo na Moza hay.

8:37b.1CH.008.037 Moza mo na Bineya hay. A izo ga ti Rafa, Rafa ize Eleyasa, Eleyasa ize Azel.

8:38b.1CH.008.038 Azel mo gonda ize aru iddu. I maayey neeya: Azrikam, Bokeru, Isumeyla, Seyaraya, Obadiya, da Hanan. Woodin yaŋ kulu Azel izeyaŋ no.

8:39b.1CH.008.039 A kayno Esek izey mo neeya: a hay-jina Ulam, ihinkanta Yeyus, ihinzanta Elifelet.

8:40b.1CH.008.040 Ulam izey mo soojeyaŋ no kaŋ ga yaaru, tongokoyyaŋ no. A du ize da haama boobo, i boro zangu nda waygu. Woodin yaŋ kulu Benyamin kunda izeyaŋ no.

9

9:1b.1CH.009.001 Yaadin cine no i na Israyla kulu hantum d'a ngey asuley boŋ. Guna i kulu go hantumante Israyla Bonkooney Tira ra. I na Yahuda mo ku ka kond'ey hala Babila ka daŋ tamtaray ra, i naanay feeriyaŋo sabbay se.

9:2b.1CH.009.002 Waato kaŋ i ye ka kaa mo, i borey kaŋ yaŋ jin ka kaa ka goro ngey mayray harey ra i kwaarey ra, ngey ga ti: Israyla borey, da alfagey*, da Lawitey da Netiney (kaŋ yaŋ ga ti Rabbi windo bannyey).

9:3b.1CH.009.003 Yahuda boro fooyaŋ, da Benyamin wane fooyaŋ, da Ifraymu wane fooyaŋ, da Manasse wane fooyaŋ mo, i goro Urusalima ra.

9:4b.1CH.009.004 Utay Amihud ize, Omri ize, Imri ize, Bani ize, Farisa izey do haray, Yahuda ize.

9:5b.1CH.009.005 Silo kwaara borey do haray, a hay-jina Asaya nda nga izey go no.

9:6b.1CH.009.006 Zera do haray i gonda Yuwel nda nga dumey, i boro zangu iddu nda wayga.

9:7b.1CH.009.007 Benyamin kunda ra i gonda Sallu Mesullam ize, Hodabiya ize, Hassenuwa ize.

9:8b.1CH.009.008 I gonda mo Ibnaya Yeroham ize, da Ela Uzzi ize, Mikri ize, da Mesullam Sefatiya ize, Reyul ize, Ibniya ize,

9:9b.1CH.009.009 d'i dumey mo ngey zamaney boŋ. I boro zangu yagga nda waygu cindi iddu no. Woodin yaŋ kulu no ka te windikoyyaŋ ngey kaayey almayaaley boŋ.

9:10b.1CH.009.010 Alfagey do haray i gonda Yedaya, da Yehoyarib, da Yacin.

9:11b.1CH.009.011 da Azariya Hilciya ize, Mesullam ize, Zadok ize, Merayot ize, Ahitub ize, nga kaŋ goro ka te jine boro Rabbi windo ra.

9:12b.1CH.009.012 I gonda mo Adaya Yeroham ize, Pasur ize, Malciya ize. I gonda Maasay Adiyel ize, Yazera ize, Mesullam ize, Mesillemit ize, Immer ize.

9:13b.1CH.009.013 I dumey go no mo, i boro zambar fo da zangu iyye da waydu, borey no kaŋ yaŋ ga waani Irikoy windo ra goy gumo.

9:14b.1CH.009.014 Lawitey ra mo i gonda Semaya Hassub ize, Azrikam ize, Hasabiya ize, Merari izey do haray.

9:15b.1CH.009.015 I gonda mo Bakbakar, Heres, Galal, da Mattaniya Mika ize, Zikri ize, Asa ize,

9:16b.1CH.009.016 da Obadiya Semaya ize, Galal ize, Yedutun ize, nda Bereciya Asa ize mo, Elkana ize, kaŋ yaŋ goro Netofa sata kawyey ra.

9:17b.1CH.009.017 Windi me batukoy mo, Sallum, Akkub, Talmon, da Ahiman da ngey dumey. (I jine bora ga ti Sallum,

9:18b.1CH.009.018 kaŋ doŋ a goro ka goy koyo windi meyo gaa, wayna funay haray.) Woodin yaŋ ga ti windi me batukoy Lawitey kunda ra.

9:19b.1CH.009.019 Sallum Kore ize, Ebiyasaf ize, Kora ize, da nga dumey, sanda a baaba almayaaley nooya, Kora dumo no ga haggoy da saajaw goyo. I ga windi meyey batu mo sanda mate kaŋ cine i kaayey goro ka te Rabbi hukumo se, ka windi meyo batu.

9:20b.1CH.009.020 Eliyezar Fineyas ize mo goro ka te i jine boro doŋ, Rabbi go a banda mo.

9:21b.1CH.009.021 Zakariya Meselemiya ize no ga ti kubayyaŋ hukumo meyo batukwa.

9:22b.1CH.009.022 Woodin yaŋ kulu kaŋ i suuban mo, i ma te windi me batukoyaŋ, i boro zangu hinka da iway cindi hinka no. I na woodin yaŋ hantum asuli tira ra i kawyey ra, ngey kaŋ yaŋ Dawda nda Samuwila kaŋ ga fonnay daŋ i naanay goyo ra.

9:23b.1CH.009.023 Ngey nda ngey izey mo ga Rabbi windo meyey dabari, danga Irikoy nangora nooya, sata-sata, batukoyaŋ no.

9:24b.1CH.009.024 Kambu taaca kulu gaa no batukoy din ga zumbu: wayna funay haray, da wayna kaŋay haray, da azawa kambe, da dandi kambe.

9:25b.1CH.009.025 I dumey mo kaŋ yaŋ go ngey kawyey ra ga goro, i doona ka kaa jirbi iyye kulu ka zumbu i banda alwaati ka kaa alwaati.

9:26b.1CH.009.026 Zama me batuko taaca din kaŋ yaŋ ga cindey may, Lawitiyaŋ no, i na naanay goy talfi i gaa. I ga haggoy da fu-izey da arzaka jisiyaŋey do kaŋ yaŋ go Irikoy windo ra.

9:27b.1CH.009.027 I ga hanna Irikoy windo windanta cin kulu, zama i n'a batuyaŋ talfi i gaa. I ga laakal da windi meyey fitiyaŋ mo susubay kulu.

9:28b.1CH.009.028 I boro fooyaŋ mo ga haggoy da windo ra goy jinayey, zama waati kaŋ i ga furo nd'ey da waati kaŋ i ga fatta nd'ey, ngey no g'i kabu.

9:29b.1CH.009.029 I boro fooyaŋ mo ga haggoy da nangu hananta ra jinayey, d'a goy jinay kulu. I ga haggoy da hamni baano, da duvan*, da ji, da dugu, da yaaziyaŋ mo.

9:30b.1CH.009.030 Alfagey ize fooyaŋ mo ga haggoy da yaazey diibiyaŋ.

9:31b.1CH.009.031 Mattitiya mo, Lawiti boro fo no, Sallum Kora dumo ra hay-jine no, nga no ga haggoy da buuru kaŋ i ga ton guuru tafoyaŋ boŋ.

9:32b.1CH.009.032 I dumi fooyaŋ mo Kohat kunda ra wane yaŋ, i gonda jisiyaŋ buuro muraadu, i m'a soola asibti* kulu hane.

9:33b.1CH.009.033 Sohõ woone yaŋ baytu teekoy no: windikoyyaŋ no Lawitey ra. Rabbi windo fu-izey ra no i ga goro. I sinda goy fo kulu kala baytu teeyaŋ, zama i go woodin gaa cin da zaari.

9:34b.1CH.009.034 Woodin yaŋ ga ti Lawitey windikoyey ngey zamaney ra, boro beeriyaŋ no, kaŋ yaŋ goro Urusalima.

9:35b.1CH.009.035 Jibeyon baaba Yeyel goro Jibeyon ra, a wando mo maa Maaka.

9:36b.1CH.009.036 A hay-jina ga ti Abdon, gaa no Zur, Cis, Baal, Ner, Nadab,

9:37b.1CH.009.037 Gedor, Ahiyo, Zakariya, da Miklot.

9:38b.1CH.009.038 Miklot mo no ka Simeyam hay. I goro mo Urusalima ra, ngey nda ngey dumey, i nya-izey jarga.

9:39b.1CH.009.039 Ner mo na Cis hay, Cis na Sawulu hay, Sawulu na Yonata hay, da Malci-Suwa, da Abinadab, da Es-Baal.

9:40b.1CH.009.040 Yonata ize no ga ti Merib-Baal, Merib-Baal mo na Mika hay.

9:41b.1CH.009.041 Mika ize arey mo: Piton, Melek, Tareya, da Ahaz.

9:42b.1CH.009.042 Ahaz mo na Yara hay, Yara na Alemet hay, da Azmabet, da Zimri. Zimri mo na Moza hay.

9:43b.1CH.009.043 Moza mo na Bineya hay, Bineya ize Refaya, Refaya ize Eleyasa, Eleyasa ize Azel.

9:44b.1CH.009.044 Azel mo gonda ize aru iddu. I maayey neeya: Azrikam, Bokeru, Isumeyla, Seyaraya, Obadiya, da Hanan. Azel izey nooya, woodin yaŋ.

10

10:1b.1CH.010.001 Filistancey kande wongu Israyla gaa, Israyla borey mo zuru Filistancey jine. I maray wongo ra hal i kaŋ ka bu Jilbowa tondo boŋ.

10:2b.1CH.010.002 Filistancey na Sawulu nda nga izey ce kondo ŋwa hal i na Yonata kar ka wi, da Abinadab, da Malci-Suwa, Sawulu izey nooya.

10:3b.1CH.010.003 Tangamo sara Sawulu gaa, tongokoyey mo n'a hamnay k'a maray.

10:4b.1CH.010.004 Gaa no Sawulu ne nga jinay jarekwa se: «Ma ni takuba foobu k'ay zorme nd'a, zama borey kaŋ si dambangu* wo ma si kaa k'ay taabandi.» Amma a jinay jarekwa wangu ka woodin te, zama a ga humburu gumo. Woodin sabbay se no Sawulu na nga takuba sambu ka kaŋ a boŋ.

10:5b.1CH.010.005 Waato kaŋ jinay jarekwa di kaŋ Sawulu bu, kala nga bumbo kaŋ nga takuba boŋ ka bu.

10:6b.1CH.010.006 Yaadin cine no Sawulu nda nga ize hinza nda nga windi borey kulu bu d'a care banda.

10:7b.1CH.010.007 Waato kaŋ Israyla borey kulu kaŋ go gooro jabo gaa di woodin, i zuru. I di mo kaŋ Sawulu nda nga izey bu, kal i na ngey kwaarey naŋ ka zuru. Filistancey mo kaa ka goro i ra.

10:8b.1CH.010.008 A ciya mo, a wane suba, waato kaŋ Filistancey kaa zama ngey ma borey kaŋ yaŋ i wi din jinayey ku, kal i na Sawulu nda nga izey gar buukoyaŋ Jilbowa tondo boŋ.

10:9b.1CH.010.009 I n'a kaa koonu mo, k'a boŋo d'a wongu guuru bankaarayey ku, ka diyayaŋ donton i ma windi Filistancey laabo ra, i ma konda baaro i toorey d'i laab'izey se.

10:10b.1CH.010.010 I n'a wongu jinayey mo jisi ngey toorey windo ra, k'a boŋo kanji tooro Dagon windo ra.

10:11b.1CH.010.011 Waato kaŋ Yabes-Jileyad kulu maa hay kulu kaŋ Filistancey te Sawulu se,

10:12b.1CH.010.012 kal i soojey kulu tun ka koy ka Sawulu nda nga izey gaahamey sambu ka kand'ey Yabes. I n'i biriyey fiji noodin Yabes, shen* nya fo cire. I mehaw mo kala jirbi iyye.

10:13b.1CH.010.013 Sawulu bu mo nga taalo kaŋ a te Rabbi se din sabbay se, zama a mana Rabbi sanno gana, zama mo a koy ka guna wayboro ziima do, ka ceeci.

10:14b.1CH.010.014 Amma a mana ceeci Rabbi gaa. Woodin sabbay se no Rabbi n'a wi ka koytara ye Dawda Yasse izo kambe ra.

11

11:1b.1CH.011.001 Kala Israyla kulu margu Dawda do Hebron ra ka ne: «Guna, iri ya ni biri nda ni basi no.

11:2b.1CH.011.002 Baa waato jirbey kaŋ ra Sawulu go bonkooni, nin no ka Israyla candi ka kond'a ka ye ka kand'a mo. Rabbi ni Irikoyo mo ne ni se: ‹Nin no g'ay jama Israyla kuru. Nin no ga ciya jine boro ay jama Israyla boŋ.› »

11:3b.1CH.011.003 Israyla arkusey kulu mo kaa bonkoono do Hebron ra. Dawda mo sappe nd'ey Rabbi jine, noodin Hebron ra. I na ji soogu Dawda boŋ k'a didiji bonkooni Israyla boŋ, sanda mate kaŋ Rabbi ci Samuwila me ra.

11:4b.1CH.011.004 Gaa no Dawda nda Israyla kulu koy Urusalima (danga Yebus nooya). Yebusancey, kaŋ ga ti laabo din izey mo go noodin waato.

11:5b.1CH.011.005 Kala Yebusancey ne Dawda se: «Ni si furo ne!» Kulu nda yaadin Dawda na Sihiyona wongu fuwo di (kaŋ ga ti Dawda kwaara).

11:6b.1CH.011.006 Dawda jin ka ne: «Boro kulu kaŋ ga jin ka Yebusance fo kar ka zeeri, nga no ga ciya jine boro nda wongu marga mayko mo.» Yowab Zeruwiya izo binde jin ka ziji, nga mo ciya wongu marga jine bora.

11:7b.1CH.011.007 Gaa no Dawda furo wongu fuwo ra ka goro noodin, woodin se no i ga ne a se Dawda kwaara.

11:8b.1CH.011.008 A na kwaara cina mo a windanta kulu, za Millo ka koy batama kaŋ g'a windi. Yowab mo ye ka kwaara cindo cina.

11:9b.1CH.011.009 Dawda soobay ka du gaabi ka tonton ka koy jina, zama Rabbi Kundeykoyo go a banda.

11:10b.1CH.011.010 Sohõ woone yaŋ no ga ti soojey jine borey kaŋ yaŋ go Dawda banda. I n'a kambey gaabandi mo a koytara ra, ngey nda Israyla kulu care banda, zama i m'a didiji bonkooni, Rabbi sanno kulu boŋ kaŋ a ci Israyla boŋ.

11:11b.1CH.011.011 Woone yaŋ binde ga ti soojey maayey lasaabo, wo kaŋ yaŋ go Dawda banda: Yasobeyam, Hasmon dumi boro, ga ti waranza din jine bora. Han fo a na nga yaajo sambu boro zangu hinza boŋ k'i kulu wi zaari folloŋ.

11:12b.1CH.011.012 Bora kaŋ dak'a gaa mo ga ti Eliyezar Dodo ize, Ahohi dumi boro. A te afo sooje hinza ra kaŋ yaŋ ga cindey jin.

11:13b.1CH.011.013 A go Dawda banda Pasdammin haray waato kaŋ Filistancey margu noodin wongu se, naŋ kaŋ sayir* fari fo go no. Jama mo zuru Filistancey se.

11:14b.1CH.011.014 Amma ngey wo kay faro bindo ra k'a batu, ka Filistancey kar ka zeeri. Rabbi mo n'i faaba da faaba bambata mo.

11:15b.1CH.011.015 Wongaari waranza din ra mo i boro hinza zumbu ka koy Dawda do tondo ra, Adullam guuso ra, saaya fo kaŋ Filistancey na ngey gata sinji Refayim* gooro ra.

11:16b.1CH.011.016 Dawda go wongu fu gaabikooni ra waato din. Filistancey sata fo mo go Baytlahami kwaara ra ga zumbu.

11:17b.1CH.011.017 Kala Dawda te laami ka ne: «Doŋ day boro fo ma kand'ey se Baytlahami dayo ra hari ay ma haŋ, dayo din kaŋ go kwaara meyo jarga!»

11:18b.1CH.011.018 I boro hinza binde na Filistancey batukoy barsi ka hari kaa dayo gaa kaŋ go Baytlahami meyo jarga, ka kand'a Dawda do. Kulu nda yaadin, Dawda wangu k'a haŋ, amma a n'a dooru sargay Rabbi jine

11:19b.1CH.011.019 ka ne: «Woodin ma mooru ay, ay Irikoyo jine, ay ma woodin te. Ay ma borey wo kuro haŋ, wala? Ngey kaŋ yaŋ koy ka ngey fundey daŋ kataru ra. Zama i kand'a nda ngey fundey kataru.» A sabbay se no Dawda wangu k'a haŋ. Haŋ kaŋ sooje hinza din te nooya.

11:20b.1CH.011.020 Abisay Yowab kayno mo ciya waranza din se jine boro. A na nga yaajo sambu boro zangu hinza gaa k'i kulu wi. A te maa mo ihinza din banda.

11:21b.1CH.011.021 Sata hinkanta boro hinza din ra, Abisay du beeray ka bis'ey, hal a ciya i wongu nya, amma a mana to ijina wane hinza din gaa.

11:22b.1CH.011.022 Benaya Yehoyda izo, Kabseyel kwaara sooje fo ize, nga mo na hin goy fooyaŋ te. A na Mowabanca Ariyel ize hinka wi. Han fo mo kaŋ neezu* go ga kaŋ, a furo guusu fo ra ka muusu beeri wi.

11:23b.1CH.011.023 A na Misirance doogo fo mo wi, kaŋ a kuuyaŋo to kambe kar gu. Misiranca din mo gonda yaaji fo nga kambe ra kaŋ kasuyaŋo ga to kaymi bundu. Amma Benaya zumbu a do nda goobu fo ka Misiranca yaajo hamay ka kaa a gaa, k'a wi nda nga bumbo yaajo.

11:24b.1CH.011.024 Hayey kaŋ Benaya Yehoyda izo te nooya, a te maa mo sooje hinza din game ra.

11:25b.1CH.011.025 A gonda beeray mo waranza din game ra, amma a mana to ihinza din maa. Dawda mo n'a daŋ nga doogarey jine boro.

11:26b.1CH.011.026 Wongu margey soojey neeya: Asahel Yowab kayne, El-Hanan Dodo ize, Baytlahami kwaara boro no,

11:27b.1CH.011.027 Samma Haror kwaara boro, Helez Pelon boro,

11:28b.1CH.011.028 Ira Ikkes ize, Tekowa boro, Abiyezer Anatot boro,

11:29b.1CH.011.029 Sibbekay Husad boro, Ilay Ahohi boro,

11:30b.1CH.011.030 Maharay Netofa boro, Heleb Baana ize, Netofa boro,

11:31b.1CH.011.031 Ittay Ribay ize, Jibeya boro, Benyamin kunda ra, Benaya Firaton boro,

11:32b.1CH.011.032 Huray kaŋ fun Gaas goorey gaa haray, Abi-Albon Urdun gooro boro,

11:33b.1CH.011.033 Azmabet Ba-Hurim boro, Eliyaba Saalbon boro,

11:34b.1CH.011.034 Hasem Jizon bora izey, Yonata Sagee ize, Hara boro,

11:35b.1CH.011.035 Ahiyam Sarar ize, Hara boro, Elifal Ur ize,

11:36b.1CH.011.036 Hefer Mekerar boro, Ahiya Palon boro,

11:37b.1CH.011.037 Hezro Karmel boro, Naari Ezbay ize,

11:38b.1CH.011.038 Yowel Natan kayne, Mibhar Hagarance,

11:39b.1CH.011.039 Zelek Amonance, Naharay Berot boro, kaŋ ga Yowab Zeruwiya ize wongu jinayey jare,

11:40b.1CH.011.040 Ira Itri boro, Gareb, Itri boro,

11:41b.1CH.011.041 Uriya Hittance, Zabad Alay ize

11:42b.1CH.011.042 Adina Size ize, Ruben kunda boro, Ruben borey jine boro fo no; a gonda boro waranza nga banda,

11:43b.1CH.011.043 Hanan Maaka ize, Yehosafat Mitna boro,

11:44b.1CH.011.044 Uzziya Asterot boro, Sama da Yeyel Hotam izeyaŋ, Arower boro,

11:45b.1CH.011.045 Yedayel Simri ize, da nga kayne Yoha, Tizi boroyaŋ,

11:46b.1CH.011.046 Eliyel Mahabi boro, Yeribay da Yosabiya, Elnaam izeyaŋ, Itma Mowabance,

11:47b.1CH.011.047 Eliyel, Obed, Yaasiyel, Mezoba dumi boro.

12

12:1b.1CH.012.001 Sohõ borey kaŋ yaŋ kaa Dawda do Ziklag waato kaŋ a go kankami ra jina, Sawulu Cis izo sabbay se, ngey neeya: Woone yaŋ mo go soojey ra kaŋ yaŋ n'a gaa wongu ra.

12:2b.1CH.012.002 I gonda biraw, i ga waani tondi catuyaŋ da finga-finga, kambe ŋwaari da kambe wow kulu, yaadin mo no hangaw gaa. Sawulu dumiyaŋ no, Benyamin kunda do haray.

12:3b.1CH.012.003 I jine bora ga ti Ahiyezer. Boro kaŋ ga dak'a gaa mo Yowas Semaa ize, Jibeya boro. Yeziyel mo go no, da Pelet Asmabet izeyaŋ, da Beraka, da Yehu Anatot boro,

12:4b.1CH.012.004 da Ismaya Jibeyon boro kaŋ sooje beeri no waranza din ra, hala mo a ciya i jine boro. Woodin banda Yeremiya, da Yahaziyel, da Yohanan, da Yozabad Gedara boro,

12:5b.1CH.012.005 da Eluzay, da Yeremot, da Beyaliya, da Semariya, da Sefatiya Harif boro,

12:6b.1CH.012.006 da Elkana, da Issaya, da Azarel, da Yowezer da Yasobeyam kaŋ Kora dumo boroyaŋ no,

12:7b.1CH.012.007 da Yowela da Zebadiya kaŋ Yeroham izeyaŋ no, Gedor kwaara boro.

12:8b.1CH.012.008 Gad kunda borey kaŋ yaŋ ye Dawda do haray ka koy wongu fuwo do ganjo ra, soojeyaŋ kaŋ ga yaaru, kaŋ na wongu dondon, i ga waani koray da yaaji goy, kaŋ yaŋ ga boŋzaaray te mo danga muusu beeri yaŋ, i ga zuru nda waasi mo danga tondi kuukey boŋ jeeriyaŋ, ngey neeya:

12:9b.1CH.012.009 Ezer ga ti i jine bora, ihinkanta Obadiya, ihinzanta Eliyab,

12:10b.1CH.012.010 itaacanta Mismanna, iguwanta Irimiya,

12:11b.1CH.012.011 iddanta Attay, iyyanta Eliyel,

12:12b.1CH.012.012 ahakkanta Yohanan, yagganta Elzabad,

12:13b.1CH.012.013 iwayanta Irimiya, iway cindi fa Makbannay.

12:14b.1CH.012.014 Gad kunda izey din ciya wongu nyayaŋ marga ra. I ra boro kayna ga te boro zangu jine boro. I boro kaŋ ga beeri nd'i kulu ga te boro zambar jine boro.

12:15b.1CH.012.015 Woodin yaŋ no ka Urdun isa daŋandi handu sintina ra, alwaati kaŋ isa ga to k'a jabey kulu daabu. I na goorey ra gorokoy kulu gaaray hal i zuru, wayna funay haray nda wayna kaŋay haray waney kulu.

12:16b.1CH.012.016 Waato din gaa Benyamin kunda nda Yahuda kunda ize fooyaŋ kaa Dawda do wongu fuwo ra.

12:17b.1CH.012.017 Dawda mo fatta zama nga m'i kubay se. A ne i se: «Da baani se no araŋ kaa k'ay gaakasinay, kulu ay bina ga dabu araŋ waney gaa. Amma da day zama araŋ m'ay zamba k'ay nooyandi ay yanjekaarey se no, baa kaŋ toonye kulu si ay kambe ra, kulu iri kaayey Irikoyo ma woodin guna ka ciiti dumbu.»

12:18b.1CH.012.018 Gaa no Irikoy Biya zumbu Amasay boŋ, (waranza din jine bora nooya), hal a ne: «Ya Dawda, iri ya ni wane yaŋ no! Ya Yasse izo, iri go ni banda! Baani ma bara ni gaa, baani no! Baani ma bara boro kaŋ ga ni gaakasinay gaa mo! Daahir, ni Irikoyo no ga ni gaakasinay!» Gaa no Dawda n'i kubayni k'i daŋ wongu nyaŋey jama ra.

12:19b.1CH.012.019 Manasse kunda ize fooyaŋ mo kaa ka ye Dawda do haray, waato kaŋ a ga ba ka koy Filistancey banda ka Sawulu wongu. Amma i mana du ka Filistancey gaa, zama i laabukoyey na saaware te Dawda yaŋ boŋ k'i sallama ka ne: «Hambara a ga konda iri boŋey ka ye Sawulu do haray.»

12:20b.1CH.012.020 Waato kaŋ Dawda go ga koy Ziklag, Manasse kunda ize fooyaŋ na Sawulu naŋ ka ye a banda. Ngey neeya: Adna, Yozabad, Yedayel, Munkayla, Yozabad, Elihu, da Zilletay, zambarey jine boroyaŋ no Manasse ra.

12:21b.1CH.012.021 I na Dawda gaakasinay mo waato kaŋ a koy zurandi izey banda, zama i kulu soojeyaŋ kaŋ ga yaaru no, wongu nyayaŋ no marga ra.

12:22b.1CH.012.022 Zaari ka koy zaari mo borey soobay ka ye Dawda do haray zama ngey m'a gaakasinay, hal i to wongu marga bambata, danga Irikoy kunda no.

12:23b.1CH.012.023 Woone yaŋ no ga ti wongu marga sata-satey kaŋ go soolante yaŋ wongu se. I kaa Dawda do Hebron da miila ngey ma Sawulu koytara bare ka ye Dawda do, Rabbi sanno boŋ:

12:24b.1CH.012.024 Yahuda izey kaŋ yaŋ ga koray da yaaji jare, soolante yaŋ wongu se, i boro zambar iddu nda zangu ahakku no.

12:25b.1CH.012.025 Simeyon izey, soojey kaŋ ga yaaru wongu ra, i boro zambar iyye da zangu fo no.

12:26b.1CH.012.026 Lawi izey, i boro zambar taaci nda zangu iddu no.

12:27b.1CH.012.027 Yehoyda mo, nga ga ti Haruna windo jine boro. A gonda boro zambar hinza da zangu iyye.

12:28b.1CH.012.028 Zadok mo, arwasu fo no kaŋ sooje no. A kande wongu nya waranka cindi hinka, a baaba windo waneyaŋ.

12:29b.1CH.012.029 Benyamin izey, Sawulu dumey, i boro zambar hinza kaa, amma hala hõ i baa yaŋ go ga lamba Sawulu windo gaa jina.

12:30b.1CH.012.030 Ifraymu izey ra boro zambar waranka da zangu ahakku kaa, soojeyaŋ kaŋ ga yaaru, kaŋ yaŋ te maa ngey kaayey almayaaley ra.

12:31b.1CH.012.031 Manasse kunda jara ra mo, boro zambar way cindi ahakku kaa, suubananteyaŋ kaŋ i donton ka Dawda didiji bonkooni.

12:32b.1CH.012.032 Isakar izey ra, i jine boro zangu hinka kaa, boroyaŋ kaŋ ga faham da zamaney, kaŋ yaŋ gonda bayray mo mate kaŋ Israyla ga hima ka te. i nya-izey kulu mo g'i sanney gana.

12:33b.1CH.012.033 Zabluna ra, i gonda boro zambar waygu kaŋ yaŋ fatta wongu marga ra, soolanteyaŋ i ma daaga sinji nda wongu jinay kulu dumi. I na Dawda gaa mo da bine folloŋ.

12:34b.1CH.012.034 Naftali ra, i du wongu nya zambar fo. I banda mo gonda boro zambar waranza cindi iyye kaŋ yaŋ ga koray da yaaji jare.

12:35b.1CH.012.035 Dan kunda ra mo i gonda boro zambar waranka cindi ahakku da zangu iddu kaŋ yaŋ ga waani ka daaga sinji.

12:36b.1CH.012.036 Aser ra mo i gonda boro zambar waytaaci kaŋ yaŋ ga fatta wongu marga banda, ka daaga sinji.

12:37b.1CH.012.037 Urdun se ya-haray mo, Ruben kunda da Gad kunda da Manasse kunda jara ra, i boro zambar zangu da zambar waranka kaa, kaŋ i kulu gonda wongu jinay kulu dumi wongu se.

12:38b.1CH.012.038 Woodin yaŋ kulu soojeyaŋ no, kaŋ yaŋ ga waani daaga sinjiyaŋ. I kaa Hebron da bine folloŋ zama ngey ma Dawda didiji bonkooni Israyla kulu boŋ. Israyla cindo kulu mo, nga nd'ey laakal folloŋ no, zama ngey ma Dawda ciya bonkooni.

12:39b.1CH.012.039 I go noodin a banda jirbi hinza ga ŋwa ka haŋ mo, zama i nya-izey soola i se.

12:40b.1CH.012.040 Borey kaŋ yaŋ ga maan i do mo, ka koy hala Isakar da Zabluna da Naftali, i kande ŋwaari farkay da yo da alambaana nda yeeji yaŋ boŋ. I kande buuru kunkuni boobo, da jeejay* takulayaŋ, da reyzin* fafayaŋ, da duvan*, da ji, da hawyaŋ, da feejiyaŋ, iboobo. Farhã go no mo gumo nda cimi Israyla ra.

13

13:1b.1CH.013.001 Gaa no Dawda saaware nda zambarey da zangey jine borey, sanda jine borey kulu nooya.

13:2b.1CH.013.002 Dawda ne Israyla marga kulu se mo: «Da hayo boori araŋ diyaŋ gaa, d'araŋ di sanno fun Rabbi iri Irikoyo do mo, naŋ iri ma donton nangu kulu iri nya-izey gaa kaŋ yaŋ cindi Israyla laabo kulu ra. Iri ma donton mo alfagey da Lawitey gaa kaŋ yaŋ go ngey birney nda ngey kuray nangey ra, hal i ma margu iri do.

13:3b.1CH.013.003 Iri mo, iri ma ye ka kande iri Irikoyo sundurko iri do koyne, zama iri man'a ceeci Sawulu zamana ra.»

13:4b.1CH.013.004 Kala borey kulu ne ngey ga te yaadin, zama sanno saba jama kulu diyaŋ gaa.

13:5b.1CH.013.005 Dawda binde na Israyla kulu margu care banda, za Sihor kaŋ go Misira tanjay ka koy hala Hamat furoyaŋo me, zama i ma kande Irikoy sundurko ka fun d'a Ciriyat-Yeyarim.

13:6b.1CH.013.006 Dawda mo, da Israyla kulu ziji ka koy Baala, kaŋ ga ti Ciriyat-Yeyarim, kaŋ Yahuda kunda kwaara no. I ga ba ngey ma kande Rabbi Irikoy sundurko, nga kaŋ go nga karga boŋ ciiti malaykey se beene, naŋ kaŋ i g'a maa ce.

13:7b.1CH.013.007 I go ga Irikoy sundurko jare torko taji fo boŋ ka fun Abinadab windo ra. Uzza da Ahiyo no ga ti torkokoyey.

13:8b.1CH.013.008 Dawda nda Israyla kulu go ga farhã cabe Irikoy jine da ngey hina me. I go ga doon, i go ga moolo kayney da moolo beerey kar, da can-caŋey, da guurey kaŋ i ga kar, da hilliyaŋ mo.

13:9b.1CH.013.009 Waato kaŋ i kaa ka to Cidon karayaŋ gangano do, gaa no Uzza na nga kambe salle ka sundurko di, zama hawey kati.

13:10b.1CH.013.010 Amma Rabbi futa koroŋ Uzza gaa, kal a n'a kar ka zeeri, zama a na nga kambe salle ka sundurko ham. A bu mo noodin Irikoy jine.

13:11b.1CH.013.011 Kala Dawda mo te bine zama Rabbi bangay ka Uzza kortu. Dawda na noodin maa daŋ Perez-Uzza, mate kaŋ a maa go hala ka kaa sohõ.

13:12b.1CH.013.012 Dawda mo humburu Irikoy han din hane ka ne: «Mate no ay ga te hal ay ma kande Irikoy sundurko ay do fu?»

13:13b.1CH.013.013 Woodin se no Dawda mana konda sundurko nga banda ka furo Dawda kwaara ra, amma a kamba nd'a k'a daŋ Gat kwaara bora Obed-Edom windo ra.

13:14b.1CH.013.014 Yaadin mo no Irikoy sundurko goro nd'a Obed-Edom dumey banda a windo ra hala handu hinza kubay. Rabbi na albarka daŋ Obed-Edom dumo gaa, da hay kulu kaŋ go a se mo gaa.

14

14:1b.1CH.014.001 Tir bonkoono Hiram na diyayaŋ donton Dawda do. I kande sedre bunduyaŋ, da garu cinakoyaŋ, da saceyaŋ, zama ngey ma windi cina a se.

14:2b.1CH.014.002 Dawda faham mo ka bay kaŋ Rabbi na nga tabbatandi bonkooni Israyla boŋ. A koytara mo du beeray gumo da cimi Rabbi jama Israyla sabbay se.

14:3b.1CH.014.003 Dawda ye ka wande fooyaŋ hiiji koyne Urusalima ra. Dawda ye ka ize aru da ize wayyaŋ hay koyne.

14:4b.1CH.014.004 A ize arey kaŋ a hay Urusalima ra, i maayey neeya: Sammuwa, Sobab, Natan, Suleymanu,

14:5b.1CH.014.005 Ibhar, Elisuwa, Elpelet,

14:6b.1CH.014.006 Noga, Nefeg, Yafiya,

14:7b.1CH.014.007 Elisama, Beeliyada, da Elifelet.

14:8b.1CH.014.008 Waato kaŋ Filistancey maa baaru kaŋ i na ji soogu Dawda boŋ k'a ciya bonkooni Israyla kulu boŋ, kala Filistancey kulu ziji ka kaa zama ngey ma Dawda ceeci. Dawda mo maa woodin baaru ka fatta i gaa.

14:9b.1CH.014.009 Filistancey binde jin ka kaa ka wongu arzaka ku Refayim gooro ra.

14:10b.1CH.014.010 Dawda na Irikoy hã ka ne: «Ay ma ziji Filistancey gaa, wala? Ni g'i daŋ ay kambe ra no?» Rabbi ne: «Ma ziji ka koy, zama ay g'i daŋ ni kambe ra.»

14:11b.1CH.014.011 Kal i ziji ka kaa Baal-Perazim haray. Dawda n'i zeeri mo noodin. Dawda ne mo: «Irikoy na kortimi te ay ibarey boŋ ay kamba ra, danga saaya kaŋ hari kosaray baguyaŋ ga te!» Woodin sabbay se no i na noodin maa daŋ Baal-Perazim.

14:12b.1CH.014.012 Filistancey mo na ngey toorey furu noodin. Dawda lordi ka ne i m'i ton danji ra.

14:13b.1CH.014.013 Filistancey ye ka kande wurrandi zama ngey ma arzaka ku gooro ra se.

14:14b.1CH.014.014 Dawda mo ye ka Irikoy hã koyne. Amma Irikoy ne a se: «Ni ma si ziji k'i ceeci. Ni ma windi ka kaa i gaa balsam nyaŋey jine.

14:15b.1CH.014.015 A ga ciya mo, waati kaŋ ni ga maa danga diraw yooje go balsam* nyaŋey boŋ bindey ra, kala ni ma fatta ka koy tangamo do, zama Irikoy fatta ni jine. Zama nga ma Filistancey wongu marga kar.»

14:16b.1CH.014.016 Dawda binde te danga mate kaŋ cine Irikoy n'a lordi nd'a. A na Filistancey marga kar ka zeeri mo za Jibeyon kal a koy ka to hala Gezer.

14:17b.1CH.014.017 Gaa no Dawda maa darza koy laabey kulu ra. Rabbi n'a humburkuma daŋ mo dumey kulu gaa.

15

15:1b.1CH.015.001 Dawda na garuyaŋ cina nga boŋ se nga kwaara ra. A na nangu soola mo Irikoy sundurko se, ka hukum sinji a se noodin.

15:2b.1CH.015.002 Gaa no Dawda ne: «Boro kulu mana hima ka Irikoy sundurko jare kala Lawitey, zama Rabbi n'i suuban i ma Irikoy sundurko jare, i ma goy nga se mo hal abada.»

15:3b.1CH.015.003 Dawda na Israyla kulu margu Urusalima ra, zama ngey ma Rabbi sundurko zijandi k'a jisi a nango kaŋ a soola a se din ra.

15:4b.1CH.015.004 Dawda na Haruna izey da Lawitey mo margu.

15:5b.1CH.015.005 Kohat dumo ra Uriyel ga ti jine bora, a dumi zangu nda waranka mo go a banda.

15:6b.1CH.015.006 Merari dumo ra Asaya ga ti jine bora, a dumi zangu hinka nda waranka go a banda.

15:7b.1CH.015.007 Gerson dumo ra Yowel ga ti jine bora, a dumi zangu nda waranza go a banda.

15:8b.1CH.015.008 Elizafan dumo ra Semaya ga ti jine bora, a dumi zangu hinka go a banda.

15:9b.1CH.015.009 Hebron dumo ra Eliyel ga ti jine bora, a dumi wahakku go a banda.

15:10b.1CH.015.010 Uzziyel dumo ra Aminadab ga ti jine bora, a dumi zangu nda iway cindi hinka go a banda.

15:11b.1CH.015.011 Gaa no Dawda na alfagey ce, Zadok da Abiyatar, ngey da Lawitey jine borey Uriyel, da Asaya, da Yowel, da Semaya, da Eliyel, da Aminadab.

15:12b.1CH.015.012 A ne i se: «Araŋ no ga ti kaayey almayaaley jine borey Lawitey se. Kal araŋ ma araŋ boŋ hanandi, araŋ d'araŋ almayaaley, zama araŋ ma kande Rabbi, Israyla Irikoyo sundurko ka kond'a hala nango kaŋ ay soola a se din ra.

15:13b.1CH.015.013 Zama doŋ jina araŋ man'a jare. A se no Rabbi na kortimi te iri gaa, zama iri mana Rabbi ceeci farilla boŋ.»

15:14b.1CH.015.014 Kala alfagey da Lawitey izey na ngey boŋ hanandi zama ngey ma du ka kande Rabbi, Israyla Irikoyo sundurko.

15:15b.1CH.015.015 Lawitey izey binde na Irikoy sundurko jare ngey jasey gaa da bundey, mate kaŋ Musa n'i lordi nd'a Rabbi sanno boŋ.

15:16b.1CH.015.016 Woodin banda Dawda salaŋ Lawitey jine borey se ka ne i ma ngey dumi baytukoy daŋ i ma doon, i ma farhã kosongu te mo da dooni teeyaŋ jinayyaŋ, sanda moolo beeriyaŋ da moolo kaynayaŋ da guuru kaŋ i ga kar care gaa.

15:17b.1CH.015.017 Lawitey mo na Heman Yowel ize daŋ, nga nda nga nya-ize Asaf Bereciya izo. I suuban mo Merari dumo ra i nya-ize Etan Kusaya izo.

15:18b.1CH.015.018 I banda mo i nya-ize sasare hinkanta ra Zakariya, Ben, Yaaziyel, Semiramot, Yehiyel, Unni, Eliyab, Benaya, Maaseya, Mattitiya, Elifelehu, Mikneya, Obed-Edom, da Yeyel; woodin yaŋ kulu windi me batukoyaŋ no.

15:19b.1CH.015.019 Kala baytukoy Heman, da Asaf, da Etan, i n'i daŋ i ma guuru-say jinay kar ka te kosongu.

15:20b.1CH.015.020 Zakariya, Aziyel, Semiramot, Yehiyel, Unni, Eliyab, Maaseya, da Benaya mo gonda moolo beeriyaŋ kaŋ i kosongo ga hima wandiyoyaŋ jinde.

15:21b.1CH.015.021 Mattitiya, Elifelehu, Mikneya, Obed-Edom, Yeyel, da Azaziya mo ga jinde candi nda mooloyaŋ kaŋ i kosongo go ganda haray.

15:22b.1CH.015.022 Kenaniya mo, Lawitey jine boro fo gonda baytukoy sanni. A ga baytu teeyaŋ dondonandi mo, zama a ga waani.

15:23b.1CH.015.023 Bereciya nda Elkana mo, windi me batukoyaŋ no sundurko se.

15:24b.1CH.015.024 Alfagey mo, Sabaniya, Yosafat, Netanel, Amasay, Zakariya, Benaya, da Eliyezar ga kaakaacey kar Irikoy sundurko jine. Obed-Edom da Yehaya, ngey no ga ti fu me batukoy sundurko se.

15:25b.1CH.015.025 Yaadin cine no Dawda nda Israyla arkusey, da zambarey jine borey koy d'a zama ngey ma ziji nda Rabbi sappa sundurko, ka kand'a a ma fun Obed-Edom windo ra da farhã.

15:26b.1CH.015.026 A ciya mo, zama Irikoy go ga Lawitey kaŋ yaŋ ga Rabbi sappa sundurko jare gaakasinay, kal i na yeeji iyye da feeji gaaru iyye sarga.

15:27b.1CH.015.027 Dawda bumbo go ga daabu nda lin* baano kwaay, danga Lawitey kulu kaŋ yaŋ goono ga sundurko jare cine, ngey nda baytu teekoy kaŋ gonda Kenaniya i jine boro kaŋ go ga baytu te baytukoy banda. Dawda go ga daabu mo nda lin kwaay.

15:28b.1CH.015.028 Yaadin cine no Israyla ziji nda Rabbi sappa sundurko. I go ga kuuwa, i go ga hilliyaŋ kar, da kaakaaciyaŋ, da guuruyaŋ kaŋ i ga kar care gaa ka te kosongu, da moolo beeriyaŋ da ikaynayaŋ.

15:29b.1CH.015.029 A te ka ciya mo, waato kaŋ Rabbi sappa sundurko to ka furo Dawda kwaara ra, kala Sawulu ize wayo Mikal niigaw finetaro gaa ka di Bonkoono Dawda, a go ga sar ka zimbi ka farhã cabe. Mikal dond'a mo nga bina ra.

16

16:1b.1CH.016.001 I kande Irikoy sundurko mo k'a jisi hukumo kaŋ Dawda sinji a se din ra. A na sargay kaŋ i ga ton da saabuyaŋ sargayyaŋ mo salle Irikoy jine.

16:2b.1CH.016.002 Waato kaŋ Dawda na sargayey kaŋ i ga ton da saabuyaŋ sargayey mo salle ka ban, kal a na albarka gaara jama se Rabbi maa ra.

16:3b.1CH.016.003 Israyla boro fo kulu mo, alboro nda wayboro, a na buuru kunkuni fo da ham dumbari fo da reyzin* takula fo zaban i se.

16:4b.1CH.016.004 Lawiti fooyaŋ mo, a n'i daŋ i ma goy te Rabbi sundurko jine, sanda i ma Rabbi, Israyla Irikoyo beerandi, k'a saabu, k'a sifa mo.

16:5b.1CH.016.005 Ngey neeya: Asaf ga ti i jine bora, bora kaŋ ga dak'a gaa mo Zakariya, gaa no Yeyel, Semiramot, Yehiyel, Mattitiya, Eliyab, Benaya, Obed-Edom, da Yeyel. A g'a te da dooni jinay, moolo beeriyaŋ da ikaynayaŋ. Asaf mo ga guuru say kar ka te kosongu beeri.

16:6b.1CH.016.006 Alfagey mo, Benaya nda Yahaziyel ga kaakaaciyaŋ kar duumi Irikoy sappa sundurko jine.

16:7b.1CH.016.007 Han din hane no Dawda sintin ka Kasaf nda nga nya-izey daŋ i ma saabuyaŋ te Rabbi se, ka ne:

16:8b.1CH.016.008 Wa Rabbi saabu k'a maa ce! W'a te-goyey bayrandi dumey game ra!

16:9b.1CH.016.009 Wa doon a se! wa sifayaŋ baytu te a se! W'a dambara goyey kulu deda te.

16:10b.1CH.016.010 Wa araŋ fooma te a maa hanna sabbay se. Borey kaŋ yaŋ ga Rabbi ceeci, biney ma kaan.

16:11b.1CH.016.011 Wa Rabbi nda nga hino ceeci, W'a ceeci duumi.

16:12b.1CH.016.012 Ya araŋ, a tamo Israyla dumo, Ya Yakuba izey, a wane suubanantey!

16:13b.1CH.016.013 Wa fongu nda dambara goyey kaŋ a te. Wa fongu a dabari goyey d'a meyo ciiti sanney mo.

16:14b.1CH.016.014 Nga no ga ti Rabbi iri Irikoyo. A ciitey go ndunnya kulu ra.

16:15b.1CH.016.015 Wa fongu a alkawlo gaa hal abada, Kaŋ ga ti sanno kaŋ a lordi zamana zambar se,

16:16b.1CH.016.016 Wa fongu alkawlo kaŋ a sambu Ibrahim se, Da zeyaŋo kaŋ a ze d'a Isaka se.

16:17b.1CH.016.017 A n'a tabbatandi Yakuba se a ma ciya hin sanni, Sanda Israyla se nooya a ma ciya alkawli kaŋ ga duumi.

16:18b.1CH.016.018 A goono ga ne: «Ni se no ay ga Kanaana laabo no, Ni tubo baa nooya..»

16:19b.1CH.016.019 Waato kaŋ i go boro ciraariyaŋ, Oho, ikayna fooyaŋ no, yawyaŋ mo no laabo ra,

16:20b.1CH.016.020 I di ka bar-bare kunda ka koy kunda, Koytaray fo ka koy jama fo do mo,

16:21b.1CH.016.021 A mana naŋ boro fo kulu m'i kankam. A deeni bonkooniyaŋ gaa i sabbay se ka ne:

16:22b.1CH.016.022 «Araŋ ma s'ay wane suubanantey ham, Wa si hasaraw te ay annabey* se mo.»

16:23b.1CH.016.023 Ya araŋ ndunnya kulu, wa baytu te Rabbi se. W'a faaba baaru hanna fe zaari ka koy zaari.

16:24b.1CH.016.024 W'a darza dede dumi cindey game ra, A dambara goyey mo dumey kulu game ra.

16:25b.1CH.016.025 Zama Rabbi ya Beeraykoy no, A to sifayaŋ beeri gumo, A to i ma humbur'a mo ka bisa koyey kulu.

16:26b.1CH.016.026 Zama dumi cindey toorey kulu ya hari yaamoyaŋ day no, Amma Rabbi no ka beeney te.

16:27b.1CH.016.027 Beeray da koytaray darza go a jine, Gaabi nda farhã mo go a do.

16:28b.1CH.016.028 Ya araŋ dumey kulu almayaaley, wa Rabbi seeda! Wa Rabbi darza nd'a gaabo seeda!

16:29b.1CH.016.029 Wa Rabbi darza kaŋ ga saba nd'a maa seeda. Wa kande ŋwaari sargay ka bangay a jine. Wa sududu Rabbi se zama a gonda darza hanno.

16:30b.1CH.016.030 Ya araŋ ndunnya kulu, wa jijiri a jine. Daahir no ndunnya sinji hala mate kaŋ a si zinji.

16:31b.1CH.016.031 Beeney ma maa kaani, ganda mo ma farhã. Dumi cindey ra i ma ne: «Rabbi no ga may!»

16:32b.1CH.016.032 Teeko ma dundu, nga nda nga tooyaŋo. Saajo mo ma zamu, nga nda hay kulu kaŋ go a ra.

16:33b.1CH.016.033 Gaa no saaji tuuri-nyaŋey mo ga doon Rabbi jine farhã sabbay se, Zama a goono ga kaa ka ndunnya ciiti.

16:34b.1CH.016.034 Wa saabu Rabbi se, zama nga ya booriyaŋ koy no, Zama a baakasinay suujo ga tondo hal abada.

16:35b.1CH.016.035 Araŋ ma ne: «Ya iri Irikoyo kaŋ ga faaba, m'iri faaba. M'iri margu, m'iri kaa mo dumi cindey kambe ra. Zama iri ma saabu ni maa hanna se, Iri ma fooma te mo ni sifawo ra.»

16:36b.1CH.016.036 Wa Rabbi, Israyla Irikoyo sifa, Za doŋ-doŋ kaŋ sinda me ka koy hal abada abadin. Gaa no jama kulu mo tu ka ne «Amin!!» I na Rabbi kuuku mo.

16:37b.1CH.016.037 Kal a na Asaf da nga nya-izey naŋ noodin Rabbi sappa sundurko jine, zama i ma goy sundurko jine alwaati kulu, mate kaŋ cine han kulu goyo ga ba.

16:38b.1CH.016.038 Obed-Edom da nga nya-ize waydu cindi ahakko mo go noodin. Obed-Edom wo, Yedutun ize no, nga nda Hosa mo, windi me batukoyaŋ no.

16:39b.1CH.016.039 Alfa Zadok da nga nya-izey mo go noodin Rabbi nangora jine, nga kaŋ go Jibeyon tudo boŋ.

16:40b.1CH.016.040 I goyo ga ti i ma sargay kaŋ i ga ton salle Rabbi se tonyaŋ sargay feema ra waati kulu, susubay nda wiciri kambu. I m'a te sanno kulu kaŋ i hantum Rabbi asariya ra din boŋ, haya kaŋ a na Israyla lordi nd'a.

16:41b.1CH.016.041 Heman da Yedutun mo go i banda, ngey nda cindey kulu kaŋ yaŋ i suuban, k'i ce da ngey maayey. I goyo ga ti i ma saabu Rabbi se, «zama a baakasinay suujo ga tondo hal abada.»

16:42b.1CH.016.042 Heman da Yedutun mo go i banda, kaŋ yaŋ gonda kaakaaciyaŋ da guuru kaŋ i ga kar care gaa, borey kaŋ yaŋ g'i kar se. I gonda dooni jinayyaŋ mo Irikoy baytey se. Yedutun izey mo go windo me gaa.

16:43b.1CH.016.043 Gaa no borey kulu dira, boro kulu koy fu. Dawda mo ye fu ka albarka gaara nga almayaaley se.

17

17:1b.1CH.017.001 A ciya mo, waato kaŋ Dawda go nga windo ra ga goro, kala Dawda ne annabi Natan se: «Guna, ay go sedre fu ra da goray, amma Rabbi sappa sundurko go daabuleyaŋ ra.»

17:2b.1CH.017.002 Natan mo ne Dawda se: «Hay kulu kaŋ go ni bina ra, ni m'a te, zama Irikoy go ni banda.»

17:3b.1CH.017.003 A ciya mo, hano din cino ra, Irikoy sanno kaa Natan do ka ne:

17:4b.1CH.017.004 «Ma koy ka salaŋ ay tamo Dawda se ka ne: Yaa no Rabbi go ga ci: Ni si fu cina hal ay ma goro a ra,

17:5b.1CH.017.005 zama za hano kaŋ hane ay kande Israyla ka kaa hala hunkuna, ay mana goro fu kulu ra. Amma hukum ka koy hukum ra, da nangoray ka koy nangoray ra no ay go.

17:6b.1CH.017.006 Nangey kulu kaŋ ay dira Israyla kulu banda mo, mate no, ay na sanni fo salaŋ Israyla jine borey kulu se, kaŋ yaŋ se ay lordi ka ne i m'ay borey kuru, k'i hã haŋ kaŋ se i mana sedre bundu fu cina ay se?»

17:7b.1CH.017.007 Sohõ haŋ kaŋ ni ga ci ay tamo Dawda se neeya: Haŋ kaŋ Rabbi Kundeykoyo ci neeya: «Ay na ni kaa kuruyaŋo do, feeji ganayaŋ ra, zama ni ma ciya jine boro ay jama Israyla boŋ.

17:8b.1CH.017.008 Ay goro ni banda mo nangu kulu kaŋ ni gana. Ay na ni ibarey kulu halaci ni jine. Ay ga maa te ni se, danga boro beerey kaŋ yaŋ go ndunnya ra maa cine.

17:9b.1CH.017.009 Ay ga nangu daŋ mo ay jama Israyla sabbay se, ay m'i tilam zama i ma goro ngey bumbo nango ra, boro kulu ma si ye k'i sosorandi koyne. Boro laaley mo si ye k'i halaci koyne, danga mate kaŋ i doona ka te waato,

17:10b.1CH.017.010 za han din kaŋ ay na jine boroyaŋ lordi ka ne i m'ay jama Israyla may. Ay ga ni ibarey kulu ye ni mayra ra mo. Woodin banda, ay go ga woone ci ni se: Rabbi ga dumi te ni se.

17:11b.1CH.017.011 A ga ciya mo, waato kaŋ ni na ni aloomaro toonandi, kaŋ ni ga kani ni kaayey banda, gaa no ay ga ni dumi fo sinji ni banda, danga ni ize aru fo nooya, ay g'a koytara tabbatandi mo.

17:12b.1CH.017.012 Nga no ga windi cina ay se, ay g'a karga mo tabbatandi hal abada.

17:13b.1CH.017.013 Ay ga ciya a se baaba, nga mo ga ciya ay ize. Ay baakasinay suujo mo, ay s'a ta a gaa, danga mate kaŋ ay n'a ta bora kaŋ na ni jin din gaa.

17:14b.1CH.017.014 Amma ay g'a gorandi ay windo nd'ay koytara ra hal abada, a karga mo ga tabbat hal abada.»

17:15b.1CH.017.015 Sanney din kulu, da bangando kulu boŋ mo, yaadin no Natan salaŋ d'a Dawda se.

17:16b.1CH.017.016 Kala Bonkoono Dawda furo ka koy ka goro Rabbi jine ka ne: «May ci ay, ya Rabbi Irikoy? May ci ay dumo mo, kaŋ ni to da ay hala neewo?

17:17b.1CH.017.017 Ya Irikoy, danga haya din mo hari kayna no ni diyaŋ gaa, amma ni ye ka salaŋ ni tamo dumo boŋ alwaati kuuku kaŋ ga kaa ra, ya Rabbi Irikoy. Ni n'ay himandi danga boro kaŋ a dumo gonda beeray.

17:18b.1CH.017.018 Ifo no ay, Dawda, ay ga du ka ci ni se koyne, darza beero kaŋ ni na ni tamo no boŋ? Zama ni ga ay, ni tamo bay.

17:19b.1CH.017.019 Ya Rabbi, ay, ni tamo sabbay se no, ni bumbo bine ibaay boŋ mo no, ni na hari beeriyaŋ wo kulu te, zama ni ma muraadu bambatey din bayrandi.

17:20b.1CH.017.020 Ya Rabbi, ni cine fo si no. Irikoy fo mo si no, kala nin, hay kulu kaŋ iri maa da iri hangey boŋ.

17:21b.1CH.017.021 Dumi woofo no ka go no mo ndunnya ra, danga ni jama Israyla cine kaŋ Irikoy koy ka fansa hal i ma ciya nga bumbo jama, zama ni ma du ni boŋ se maa beeri, kaŋ ga humburandi? Ni na dumiyaŋ gaaray ka kaa ni jama jine, ngey kaŋ ni fansa ka kaa Misira ra.

17:22b.1CH.017.022 Zama ni na ni jama Israyla ciya ni bumbo jama hal abada. Ni mo, ya Rabbi, ni ciya i Irikoyo.

17:23b.1CH.017.023 Sohõ mo, ya Rabbi, naŋ sanno kaŋ ni ci ay, ni tamo nda nga dumo boŋ ma tabbat hal abada. Ma te mo mate kaŋ ni salaŋ ka ci din.

17:24b.1CH.017.024 Naŋ ni maa mo ma tabbat, a ma du darza hal abada. I ma ne: ‹Rabbi Kundeykoyo ya Israyla Irikoy no; Irikoy no Israyla se.› Ay, ni tamo Dawda dumo mo ma tabbat ni jine.

17:25b.1CH.017.025 Zama nin, ya ay Irikoyo, ni na woodin bangandi ay, ni tamo se ka cabe kaŋ ni ga dumi te ay se. Woodin sabbay se no ay, ni tamo du bine-gaabi ay ma adduwa te ni jine.

17:26b.1CH.017.026 Sohõ mo, ya Rabbi, ni ga ti Irikoy. Ni na alkawli hanno wo sambu ay, ni tamo se.

17:27b.1CH.017.027 Sohõ mo a kaan ni se ni ma ay, ni tamo dumo albarkandi hal a ma goro ni jine duumi, zama nin, ya Rabbi, nin no ka albarka daŋ. Oho, a go mo albarkante hal abada.»

18

18:1b.1CH.018.001 A go mo, woodin banda Dawda na Filistancey kar ka zeeri k'i kaynandi. A na Gat kwaara nda nga kawyey ta Filistancey kambe ra.

18:2b.1CH.018.002 A na Mowab mo zeeri. Mowabancey ciya Dawda bannyayaŋ, ka kande _a se|_ jangal.

18:3b.1CH.018.003 Dawda na Zoba bonkoono Hadad-Ezer mo zeeri ka to hala Hamat gaa. A mayra to mo hala Ufratis isa me gaa.

18:4b.1CH.018.004 Dawda na wongu torko zambar fo ta a gaa, da bari-kari zambar iyye, da ce-koy zambar waranka. Dawda na torko bariyey kulu tanje kaajey beeri ka pati, amma a fay da wo kaŋ yaŋ ga wasa torko zangu se.

18:5b.1CH.018.005 Waato kaŋ Damaskos Suriyancey kaa ka kande Zoba bonkoono Hadad-Ezer se gaakasinay, Dawda na boro zambar waranka cindi hinka wi Suriyancey do haray.

18:6b.1CH.018.006 Gaa no Dawda na wongu batandikoyaŋ daŋ Damaskos kwaara, Suriya laabo ra. Suriyancey mo ciya Dawda tamyaŋ, ka kande _a se|_ jangal. Rabbi na Dawda gaa nangu kulu kaŋ a ga koy.

18:7b.1CH.018.007 Wura korayey mo kaŋ yaŋ Hadad-Ezer tamey ga jare doŋ, Dawda n'i ku ka kand'ey Urusalima.

18:8b.1CH.018.008 Hadad-Ezer kwaarey Tibnat da Kun ra mo, Dawda na guuru-say boobo sambu. Suleymanu goy d'a ka guuru-say bango, da muuley da guuru-say goy jinayey te d'a.

18:9b.1CH.018.009 Waato kaŋ Hamat bonkoono Toy maa baaru kaŋ Dawda na Zoba bonkoono Hadad-Ezer wongu marga kulu kar,

18:10b.1CH.018.010 kal a na nga ize Hadoram donton Bonkoono Dawda do. A kaa k'a baani hã, k'a saabu mo, zama a wongu nda Hadad-Ezer k'a kar mo. Zama Hadad-Ezer doona ka kande wongu Toy gaa. Hadoram mo kande wura nda nzarfu nda guuru-say jinay kulu dumi.

18:11b.1CH.018.011 Bonkoono Dawda na woodin yaŋ mo fay waani Rabbi se, ka margu nda nzarfu nda wura kaŋ a ku ka fun d'ey Edom, da Mowab, da Amon izey, da Filistancey, da Amalek laabey kulu ra.

18:12b.1CH.018.012 Zeruwiya ize Abisay mo na Edomance zambar way cindi ahakku kar Ciiri Gooro ra.

18:13b.1CH.018.013 A na wongu batandikoyaŋ daŋ Edom laabo ra mo hala Edomancey kulu ciya Dawda se tamyaŋ. Rabbi na Dawda gaa mo nangu kulu kaŋ a ga koy.

18:14b.1CH.018.014 Yaadin no Dawda na Israyla kulu may d'a. A go ga cimi ciiti nda adilitaray te nga jama kulu se.

18:15b.1CH.018.015 Zeruwiya izo Yowab ga ti wongu marga jine bora. Yehosafat Ahilud izo ga ti laabo baaru hantumkwa.

18:16b.1CH.018.016 Ahitub izo Zadok da Abiyatar izo Abimelek mo ga ti alfagey. Sabsa ga ti bonkoono se hantumkwa.

18:17b.1CH.018.017 Yehoyda izo Benaya go bonkoono doogarey boŋ, kaŋ ga ti Keretey da Peletey. Dawda izey mo ga ti koy kayna yaŋ ka bonkoono gaakasinay.

19

19:1b.1CH.019.001 A ciya mo, hayey din banda, Amon izey bonkoono Nahas bu, a izo mo ciya bonkooni a nango ra.

19:2b.1CH.019.002 Gaa no Dawda ne: «Ay ga gomni cabe Nahas izo Hanun se, zama a baabo na gomni cabe ay se.» Kala Dawda na diyayaŋ donton i m'a fonda tilas a baabo se. Dawda tamey binde kaa Hanun do Amon izey laabo ra, zama ngey m'a fonda tilas.

19:3b.1CH.019.003 Amma Amonancey koyey ne Hanun se: «Ni ga tammahã Dawda go ga ni baaba beerandi no, za kaŋ a na kunfakoyaŋ donton ni do? Manti a tamey kaa no zama ngey ma laabo tugari, i m'a windi ka ŋwa mo?»

19:4b.1CH.019.004 Woodin se no Hanun na Dawda tamey di k'i cabu, k'i bankaarayey dumbu bindo ra hal i cantey gaa, k'i sallama.

19:5b.1CH.019.005 Boro fooyaŋ koy mo ka borey din baaru ci Dawda se. Nga mo donton k'i kubay, zama haawi n'i di gumo. Bonkoono mo ne: «Wa goro Yeriko kwaara hala waati kaŋ araŋ kaabey zay jina, gaa no araŋ ga kaa.»

19:6b.1CH.019.006 Waato kaŋ Amon izey di kaŋ ngey na ngey boŋ ciya fanta hariyaŋ Dawda se, kala Hanun da Amon izey na nzarfu ton waytaaci cindi gu cine samba Mesopotamiya, da Aram-Maaka, da Zoba do,

19:7b.1CH.019.007 zama ngey ma wongu torkoyaŋ da bari kaariyaŋ sufuray ngey boŋ se. I na torko zambar waranza cindi hinka da Maaka bonkoono da nga jama sufuray ngey boŋ se. Ngey mo kaa ka gata sinji Medeba jine. Amon izey mo margu ka fun ngey kwaarey ra ka kaa wongu se.

19:8b.1CH.019.008 Waato kaŋ Dawda maa woodin baaru, kal a na Yowab da wongu marga da soojey kulu donton.

19:9b.1CH.019.009 Amon izey mo fatta ka kaa ka daaga sinji kwaara furoyaŋ fonda gaa. Bonkooney kaŋ yaŋ kaa i banda mo go ngey hinne nangu fo waani batama ra.

19:10b.1CH.019.010 Yowab binde, waato kaŋ a di i na daaga sinji nga se jina nda banda, kal a na Israyla sooje hanney kulu suuban i ma soola ka kubay da Suriyancey.

19:11b.1CH.019.011 Amma jama cindo, a n'i daŋ nga kayne Abisay kambe ra. Ngey mo na daaga sinji ka guna Amon izey do haray.

19:12b.1CH.019.012 Yowab mo ne: «Da Suriyancey bisa ay gaabi, kala ni ma te ay se gaako. Da mo Amon izey bisa ni gaabi, kal ay ma kaa ka ni faaba.

19:13b.1CH.019.013 Wa te gaabi, iri m'iri boŋ cabe bine-gaabi-koyyaŋ mo, iri borey da iri Irikoyo kwaarey sabbay se. Rabbi mo ma goy ka te mate kaŋ ga boori nga diyaŋ gaa.»

19:14b.1CH.019.014 Yaadin cine no Yowab da borey kaŋ yaŋ go a banda maan Suriyancey wongu se. Ngey mo zuru Yowabyaŋ jine.

19:15b.1CH.019.015 Saaya kaŋ Amon izey di kaŋ Suriyancey go ga zuru, kala ngey mo zuru Yowab kayno Abisay jine, ka koy ka furo birno ra. Gaa no Yowab ye Urusalima.

19:16b.1CH.019.016 Waato kaŋ Suriyancey di kaŋ ngey na goobu haŋ Israyla kambe ra, kal i na diyayaŋ donton ka Suriyancey kaŋ yaŋ go isa beero banda ceeci. Hadad-Ezer wonkoyo Sofak no k'i candi.

19:17b.1CH.019.017 Waato kaŋ i na baaro din ci Dawda se, kal a na Israyla kulu margu ka Urdun* daŋandi. A kaa ka daaga sinji i se. Waato kaŋ Dawda na daaga sinji Suriyancey se, ngey mo n'a wongu.

19:18b.1CH.019.018 Suriyancey mo zuru Israyla jine. Dawda na Suriyancey wongu torkey gaarayko zambar iyye wi, da sooje ce-koy zambar waytaaci. A n'i wonkoyo Sofak mo wi.

19:19b.1CH.019.019 Hadad-Ezer tamey binde, waato kaŋ i di ngey na goobu haŋ Israyla kambe ra, kal i na Dawda te coro, ka ye a mayra cire. Suriyancey mana yadda ngey ma ye ka Amon izey faaba koyne.

20

20:1b.1CH.020.001 Waato kaŋ jiiro bare, alwaato kaŋ bonkooney doona ka fatta ka koy wongu, kaŋ Yowab na wongu marga candi i ma konda wurrandiyaŋ Amon izey laabo ra, kal i kaa ka Rabba kwaara windi nda wongu. Amma Dawda wo goro Urusalima. Yowab na Rabba kar ka zeeri.

20:2b.1CH.020.002 Dawda n'i bonkoono koytaray fuula kaa a boŋo gaa. I gar a tiŋa to danga kilo waytaaci cindi gu cine, wura no. A gonda taalam tondiyaŋ a gaa mo. I na fuula daŋ Dawda boŋo gaa. A fatta birno ra da wongu arzaka boobo mo, gumo-gumo.

20:3b.1CH.020.003 A na borey kaŋ yaŋ go kwaara ra fattandi k'i daŋ i ma goy da garzeyaŋ, da guuru-bi zaamayaŋ, da deesiyaŋ mo. Yaadin cine no Dawda te Amon izey kwaarey kulu se. Gaa no Dawda nda jama kulu ye Urusalima.

20:4b.1CH.020.004 A ciya, woodin banda, tangami fo te ngey nda Filistancey game ra Gezer kwaara haray. Waato din no Sibbekay Husat boro na Sippay, Refayim boro fo kar ka wi. I na Filistancey kaynandi mo.

20:5b.1CH.020.005 Tangami fo ye ka te ngey nda Filistancey game ra koyne. El-Hanan Yayir ize na Lakmi, Goliyat kayne, Gat boro, kar ka wi. Bora din yaaji bundo ga hima danga kaymi bundu.

20:6b.1CH.020.006 Tangami fo ye ka te koyne Gat haray. Noodin mo boro kuuku fo go no kaŋ gonda kambayze da ce-ize margante waranka cindi taaci, danga iddu kambe kulu nda ce kulu gaa nooya. Bora din mo Refayim dumi no.

20:7b.1CH.020.007 Waato kaŋ a na donda-caray sanni salaŋ Israyla se, kala Dawda beere Simeya izo Yonata n'a kar ka wi.

20:8b.1CH.020.008 Woodin yaŋ kulu Gat kwaara Refayim dumiyaŋ no. I bu mo Dawda nda nga tamey kambe ra.

21

21:1b.1CH.021.001 Gaa no Saytan* tun ka kay ka gaaba nda Israyla ka Dawda zuku a ma Israyla kabu.

21:2b.1CH.021.002 Kala Dawda ne Yowab da jama jine borey se: «Wa koy ka Israyla kabu za Beyer-Seba gaa ka koy hala Dan gaa, ka kand'ay se baaru hal ay m'i lasaabo bay.»

21:3b.1CH.021.003 Yowab mo ne: «Rabbi ma nga jama tonton hala sorro zangu ka bisa sohõ waney cine! Amma, ya koyo ay bonkoono, manti i kulu ay koyo tamyaŋ no? Ifo se no ay koyo ga woodin ceeci? Ifo se no a ga ciya taali beeri sabaabu Israyla se?»

21:4b.1CH.021.004 Kulu nda yaadin, bonkoono sanno hin Yowab wano. Woodin sabbay se no Yowab dira ka Israyla kulu gana ka ye ka kaa Urusalima.

21:5b.1CH.021.005 Yowab mo na borey kulu kabuyaŋ lasaabo no Dawda se. Israyla kulu ra i gar alboro zambar hala zambar fo da zambar zangu, kaŋ yaŋ ga waani takuba. Yahuda mo gonda zambar zangu taaci nda wayye kaŋ yaŋ ga waani takuba.

21:6b.1CH.021.006 Amma a mana Lawitey da Benyamin kundey kabu i ra, zama Yowab go ga koyo lordo fanta.

21:7b.1CH.021.007 Haya din mo ga laala no Irikoy diyaŋ gaa, hal a na Israyla kar.

21:8b.1CH.021.008 Dawda mo ne Irikoy se: «Ay na zunubi te gumo, za kaŋ ay na hayo wo te. Amma sohõ, ay ga ni ŋwaaray, ma ay, ni tamo laala tuusu ka kaa, zama ay na saamotaray te gumo.»

21:9b.1CH.021.009 Rabbi mo salaŋ Dawda wane annabo Gad se ka ne:

21:10b.1CH.021.010 «Ma koy ka salaŋ Dawda se ka ne yaa no Rabbi ci: Ay ga hari hinza salle ni se: kala ni ma afo suuban i ra ni boŋ se, kaŋ ay ga te ni se.»

21:11b.1CH.021.011 Kala Gad kaa Dawda do ka ne a se: «Rabbi ne ni ma suuban ni boŋ se:

21:12b.1CH.021.012 hala jiiri hinza haray, wala handu hinza kaŋ ni ibarey ga ni gaaray, i takuba mo ma ni to, wala mo Rabbi takuba hala jirbi hinza, sanda balaaw ma laabo ŋwa, Rabbi malayka go ga halaciyaŋ te Israyla laabo me-a-me ra. Sohõ kay, ma fongu ka lasaabu tuyaŋ kaŋ dumi no ay ga ye d'a nga kaŋ n'ay donton din do.»

21:13b.1CH.021.013 Kala Dawda ne Gad se: «Ay furo kambe da cimi! Ay ga ni ŋwaaray, naŋ ya furo Rabbi kambe ra, zama a suujo ga beeri gumo. Amma ay ma si furo boro kambe ra.»

21:14b.1CH.021.014 Kala Rabbi na balaaw samba Israyla gaa, Israyla alboro zambar wayye bu mo.

21:15b.1CH.021.015 Irikoy na malayka donton Urusalima mo gaa zama a m'a halaci se. Waato kaŋ a ga ba k'a halaci, kala Rabbi di Urusalima masiiba. A bakaraw n'a bina di mo, hal a ne halaciyaŋ malayka se: «A wasa. Ma ni kamba ye sohõ.» Alwaato din mo Rabbi malayka go ga kay Arawna Yebusanca karayaŋ gangano jarga.

21:16b.1CH.021.016 Dawda mo na nga boŋ sambu ka guna. Rabbi malayka go ga kay beene nda ganda game ra, takuba foobante go a kambe ra ga salle Urusalima boŋ do. Gaa no Dawda nda arkusey, kaŋ go daabante nda bufu zaarayaŋ, i kaŋ ganda birante.

21:17b.1CH.021.017 Kala Dawda ne Irikoy se: «Manti ay no ka ne i ma jama kabu, wala? Oho, cimi no, ay no ka zunubi te, ay na laala te mo gumo. Amma feejey wo, ifo no i te? Ya Rabbi ay Irikoyo, ay ga ni ŋwaaray no, naŋ ni kamba ma in d'ay baaba windo kar, day manti ni jama wo, hala balaawo m'i ŋwa!»

21:18b.1CH.021.018 Gaa no Rabbi malayka ne Gad se a ma ci Dawda se ka ne Dawda ma ziji ka koy ka sargay feema cina Rabbi se Arawna Yebusanca karayaŋ gangano ra.

21:19b.1CH.021.019 Kala Dawda ziji nd'a Gad sanno boŋ kaŋ a salaŋ Rabbi maa ra din boŋ.

21:20b.1CH.021.020 Arawna binde zagu ka di malayka. A ize aru taaca kaŋ go a banda mo na ngey boŋ tugu. Arawna go alkama safayaŋ gaa.

21:21b.1CH.021.021 Kaŋ Dawda go ga kaa Arawna do, Arawna guna kal a di Dawda. A fun mo karayaŋ gangano ra ka koy ka sombu Dawda jine, a moyduma to hala ganda laabo gaa.

21:22b.1CH.021.022 Dawda mo ne Arawna se: «M'ay no karayaŋ gangano wo zama ay ma sargay feema cina Rabbi se a ra. A nooro timmanta me no ni g'a no ay se, zama i ma balaawo gaay k'a bare a ma fun jama banda.»

21:23b.1CH.021.023 Kala Arawna ne Dawda se: «Soobay k'a sambu ni boŋ se. Koyo ay bonkoono ma te haŋ kaŋ ga boori ni diyaŋ gaa. Guna, ay ga hawey no i m'i te sargay kaŋ i ga ton, karayaŋ bundey mo ma te tuuri, alkama ma te ŋwaari sarga. Ay g'i kulu no yaamo.»

21:24b.1CH.021.024 Amma Bonkoono Dawda ne Arawna se: «Abada. Zama daahir ay g'a day a nooro timmanta me, zama ay si ni haya sarga Rabbi se, ay si sargay kaŋ i ga ton salle da hay fo kaŋ ay du yaamo.»

21:25b.1CH.021.025 Dawda binde na wura sekel* zangu iddu (danga kilo iyye cine) neesi ka no Arawna se ka du nango.

21:26b.1CH.021.026 Dawda mo na sargay feema cina noodin Rabbi se ka sargay kaŋ i ga ton yaŋ da saabuyaŋ sargayyaŋ salle a ra. A hẽ Rabbi gaa. Nga mo tu a se da danji kaŋ fun beene ka kaŋ ganda feema ra ka sargay kaŋ i ga ton ŋwa.

21:27b.1CH.021.027 Rabbi mo salaŋ malayka se, nga mo na nga takuba yeti nyaŋo ra.

21:28b.1CH.021.028 Saaya din ra, kaŋ Dawda di kaŋ Rabbi tu nga se Arawna Yebusanca karayaŋ gangano ra, kal a soobay ka sargayyaŋ salle noodin.

21:29b.1CH.021.029 Zama waato din Rabbi hukumo kaŋ Musa te saajo ra, nga nda sargay kaŋ i ga ton feema, i go Jibeyon tudo boŋ sududuyaŋ nango ra.

21:30b.1CH.021.030 Amma Dawda mana du ka koy noodin ka hã Irikoy gaa, zama Rabbi malayka takuba n'a humburandi gumo.

22

22:1b.1CH.022.001 Gaa no Dawda ne: «Woone wo Rabbi Irikoy windi no. Neewo mo no Israyla sargay kaŋ i ga ton yaŋ feema go.»

22:2b.1CH.022.002 Kala Dawda donton ka ne i ma mebarawey kulu kaŋ yaŋ go Israyla laabo ra margu. A na tondi jabukoyaŋ daŋ i ma tondiyaŋ jabu zama i ma Irikoy windo cina nd'ey.

22:3b.1CH.022.003 Dawda na guuru-bi boobo soola mo kaŋ ga kuusayaŋ te fu me da windi me daabirjey se, d'i hawyaŋ harey mo se. A na guuru-say soola kaŋ baa da neesiyaŋ.

22:4b.1CH.022.004 A na sedre* dubiyaŋ mo soola kaŋ baa da kabuyaŋ zama Zidon da Tir borey kande sedre bundu boobo Dawda do.

22:5b.1CH.022.005 Dawda ne mo: «Ay izo Suleymanu ya zanka no, a si waani muraadey jina. Windo mo kaŋ i ga cina Rabbi se ga ciya darzakoy gumo nda cimi. A ga te maa ka du beeray laabey kulu me-a-me ra. Woodin sabbay se no ay mo ga soolayaŋ te a se.» Dawda binde na soola boobo te hal a ga bu.

22:6b.1CH.022.006 Gaa no a na nga izo Suleymanu ce k'a lordi ka ne a ma windi cina Rabbi, Israyla Irikoyo se.

22:7b.1CH.022.007 Dawda ne Suleymanu se: «Ay izo, ay wo kay, a go ay bina ra ay ma windi cina Rabbi ay Irikoyo maa se.

22:8b.1CH.022.008 Amma Rabbi sanno kaa ay do ka ne: ‹Ni na kuri boobo mun, ni na wongu beeriyaŋ te mo. Ni si windi cina ay maa se, za kaŋ ni na kuri boobo mun laabo ra ay jine.

22:9b.1CH.022.009 Guna, i ga ize aru fo hay ni se, kaŋ ga ciya laakal kanay boro. A se no ay ga fulanzamay no nga ibarey gaa kuray kulu, zama i g'a maa daŋ Suleymanu. Ay ga baani nda laakal kanay no Israyla se mo a zamana ra.

22:10b.1CH.022.010 Nga no ga windi cina ay maa se. A ga ciya ay se ize, ay mo ga ciya a se baaba. Ay g'a koytaray karga tabbatandi mo Israyla boŋ hal abada.›

22:11b.1CH.022.011 Yaadin gaa, sohõ, ay izo, Rabbi ma goro ni banda hala ni ma te albarka, ni ma windi cina mo Rabbi ni Irikoyo se, danga mate kaŋ cine a salaŋ ka ci ni boŋ.

22:12b.1CH.022.012 Kala day, Rabbi ma ni no laakal nda fahamay. A ma ni no Israyla boŋ mayray mo, zama ni ma Rabbi ni Irikoyo asariya haggoy k'a te.

22:13b.1CH.022.013 Mate kaŋ ni ga te albarka nd'a, nga neeya: ni ma haggoy ka hin sanney da farilley kaŋ yaŋ Rabbi na Musa lordi nd'ey Israyla boŋ din te. Ma te gaabi nda bine-gaabi, ma si humburu, ma si joote mo.

22:14b.1CH.022.014 Guna, taabi boobo no ay na wura ton zambar taaci nda zangu gu, da nzarfu ton zambar waytaaci cindi gu soola nd'a Rabbi windo cinayaŋ se. Guuru-say nda guuru-bi mo go no kaŋ baa da neesiyaŋ, zama iboobo no. Ay na bundu nda tondiyaŋ mo soola. Ni mo ga du ka tonton i gaa.

22:15b.1CH.022.015 Woodin banda, ni gonda goy-ize boobo, danga tondi jabukoyaŋ da tondi fu cinakoyaŋ, da saceyaŋ, da borey kulu kaŋ gonda gonitaray, goy kulu dumi ra.

22:16b.1CH.022.016 Wura, da nzarfu, da guuru-say, da guuru-bi -- i sinda me. Kala ni ma tun ka goy! Rabbi mo ga goro ni banda.»

22:17b.1CH.022.017 Dawda na Israyla jine borey kulu lordi mo ka ne i ma nga izo Suleymanu gaakasinay. A ne:

22:18b.1CH.022.018 «Manti Rabbi araŋ Irikoyo go araŋ banda? Manti a n'araŋ no fulanzamay kuray kulu gaa? Zama a na laabo ra gorokoy daŋ ay kambe ra. Laabo go Rabbi mayray ra nd'a jama mayray ra mo.

22:19b.1CH.022.019 Sohõ, kal araŋ m'araŋ biney d'araŋ fundey daŋ i ma Rabbi araŋ Irikoyo ceeci. Wa tun fa, ka Rabbi Irikoy sududuyaŋ nango cina, zama araŋ ma kande Rabbi sappa sundurko, nga nda Irikoy jinay hanantey, i ma furo fuwo kaŋ i ga ba ka cina Rabbi maa se din ra.»

23

23:1b.1CH.023.001 Waato kaŋ Dawda zeen, a kungu nda ndunnya mo, a na nga izo Suleymanu daŋ a ma ciya bonkooni Israyla boŋ.

23:2b.1CH.023.002 A na Israyla jine borey kulu, da alfagey, da Lawitey margu.

23:3b.1CH.023.003 I na Lawitey kabu, za jiiri waranza izey ka koy beene. I lasaabo mo, alboro kulu nda nga maa, i boro zambar waranza cindi ahakku no.

23:4b.1CH.023.004 I ra boro zambar waranka cindi taaci no ga haggoy da Rabbi windo ra goyo, boro zambar iddu ga ti jine boro nda ciitiko yaŋ.

23:5b.1CH.023.005 I boro zambar taaci ga ti windi me batukoyaŋ, i boro zambar taaci mo ga Rabbi saabuyaŋ te nda dooni jinay kaŋ yaŋ ay wo, Dawda te zama i ma saabu nd'ey.

23:6b.1CH.023.006 Dawda n'i fay mo sata-sata Lawi izey maayey boŋ, danga Gerson da Kohat da Merari nooya.

23:7b.1CH.023.007 Gerson izey: Ladan da Simey.

23:8b.1CH.023.008 Ladan izey neeya: a hay-jina Yehiyel, da Zetam da Yowel, i boro hinza.

23:9b.1CH.023.009 Simey izey neeya: Selomot, Haziyel, da Haran, i boro hinza. Woodin yaŋ ga ti Ladan kaayey almayaaley windikoyey.

23:10b.1CH.023.010 Simey izey mo ga ti: Yahat, Ziza, Yeyus da Beriya, i boro taaci Simey izey nooya.

23:11b.1CH.023.011 Yahat ga ti hay-jina, Ziza ihinkanta. Yeyus da Beriya mo mana du ize aru boobo, woodin se no i ciya kaayey almayaaley sata folloŋ.

23:12b.1CH.023.012 Kohat mo gonda ize aru taaci: Amram, Izhar, Hebron, da Uzziyel.

23:13b.1CH.023.013 Amram izey Haruna nda Musa no. I na Haruna mo fay waani k'a hanandi a ma ciya hanante gumo, nga nda nga izey hal abada. I ma dugu ton Rabbi jine, i ma goy a se k'a maa beera sifa hal abada.

23:14b.1CH.023.014 Amma Musa Irikoy bora ciina ra, i n'a izey maayey ce Lawi kunda ra.

23:15b.1CH.023.015 Musa izey neeya: Gersom da Eliyezar.

23:16b.1CH.023.016 Gersom izey mo, Sebuwel ga ti ibeero.

23:17b.1CH.023.017 Eliyezar izo mo koyo Rehabiya no. Eliyezar sinda ize aru fo woodin banda, amma Rehabiya du ize aru boobo nda cimi.

23:18b.1CH.023.018 Izhar izey mo, Selomit ga ti i jine bora.

23:19b.1CH.023.019 Hebron izey neeya: a hay jina Yeraya, ihinkanta Amariya, ihinzanta Yahaziyel, itaacanta Yekameyam.

23:20b.1CH.023.020 Uzziyel izey neeya: a hay jina Mika, ihinkanta Issaya.

23:21b.1CH.023.021 Merari izey ga ti Mali da Musi. Mali izey, Eliyezar da Cis no.

23:22b.1CH.023.022 Eliyezar bu, a sinda ize aruyaŋ, kala day ize wayyaŋ. Ngey mo, i nya-ka-fo-siney n'i hiiji, Cis ize arey nooya.

23:23b.1CH.023.023 Musi izey ihinza no: Mali, Eder, da Yeremot.

23:24b.1CH.023.024 Woodin yaŋ ga ti Lawi dumey i kaayey almayaaley boŋ, sanda i kaayey windikoyey nooya. Borey kaŋ yaŋ i kabu din ra, i maayey lasaabuyaŋ boŋ, i boro fo kulu gonda nga goy kaŋ a ga te Rabbi windo goyo ra, za jiiri waranka izey ka koy beene.

23:25b.1CH.023.025 Zama Dawda ne: «Rabbi, Israyla Irikoyo na nga jama no fulanzamay. Rabbi go Urusalima ra da goray mo hal abada.

23:26b.1CH.023.026 Woodin banda, a sinda laami koyne Lawitey ma Irikoy nangora nda nga goy jinayey kulu jare.»

23:27b.1CH.023.027 Zama Dawda sanni kokorantey boŋ i na Lawi kunda borey kabu za jiiri waranka izey ka koy beene.

23:28b.1CH.023.028 I n'i daŋ i ma Haruna izey gaa Rabbi windo ra goy kulu ra, windi batamey ra da fu-ize-fu-izey ra, da hay kulu kaŋ i ga fay waani hanandiyaŋ, danga Irikoy windo ra saajaw goy kulu nooya.

23:29b.1CH.023.029 I m'i gaa mo da buuru jisante, da hamni baano ŋwaari sargay se, da maasa kaŋ sinda dalbu* wala buuru kaŋ i ga ton, da mooto diibiyaŋ, da muudu wala kuuyaŋ neesiyaŋ sanni kulu.

23:30b.1CH.023.030 I ma kay mo susubay kulu ka Rabbi saabu k'a sifa mo. Yaadin cine mo no wiciri kambu,

23:31b.1CH.023.031 waato kaŋ i go ga sargay kaŋ i ga ton kulu salle Rabbi se, da fulanzamay haney, da handu taji kayyaŋ, da batey* kaŋ yaŋ i sijiri i lasaabo boŋ, i farilla sanno boŋ. I ma goy woodin te mo duumi Rabbi jine.

23:32b.1CH.023.032 Yaadin cine no i ga kubayyaŋ hukumo talfo haggoy d'a, da Nangu Hanna talfo, da Haruna izey d'i dumey wano, Rabbi windo goyo ra.

24

24:1b.1CH.024.001 Haruna izey sata-satey neeya: Haruna izey ga ti Nadab, da Abihu, da Eliyezar, da Itamar.

24:2b.1CH.024.002 Amma Nadab da Abihu jin ka bu ngey baabo se, i sinda ize mo. Gaa no Eliyezar da Itamar na alfagataray goy te.

24:3b.1CH.024.003 Dawda mo, da Zadok (Eliyezar banda boro no) da Ahimelek (Itamar kunda boro no), i na Haruna dumo fay-fay ka boro kulu no nga goy kaŋ a ga te.

24:4b.1CH.024.004 Za kaŋ i gar boro beeriyaŋ baa Eliyezar dumo ra ka bisa Itamar dumo ra, a se no i n'i fay-fay ya-cine: Kaayey almayaaley windikoy way cindi iddu go no Eliyezar dumo ra, Itamar dumo ra mo ahakku, i kaayey windey boŋ.

24:5b.1CH.024.005 Yaadin no i n'i fay-fay d'a kurne boŋ, woone yaŋ nda yongo waney, zama i ciya jine boroyaŋ Nangu Hananta nda Irikoy se, Eliyezar dumo nda Itamar dumo kulu ra.

24:6b.1CH.024.006 Semaya mo, hantumkwa Netanel izo, Lawi kunda boro n'i maayey hantum ka jisi bonkoono jine, da koy-izey, da Alfa Zadok da Ahimelek Abiyatar izo, da alfagey da Lawitey kaayey windikoyey mo. I ga baa fo suuban ka sambu Eliyezar se, waato din gaa no Itamar mo se afo.

24:7b.1CH.024.007 Kurne na baa sintina no Yehoyarib se, ihinkanta Yedaya se,

24:8b.1CH.024.008 ihinzanta Harim se, itaacanta Seyorim se,

24:9b.1CH.024.009 iguwanta Malciya se, iddanta Miyamin se,

24:10b.1CH.024.010 iyyanta Hakkoz se, ahakkanta Abiya se,

24:11b.1CH.024.011 yagganta Yasuwa se, iwayanta Sekaniya se.

24:12b.1CH.024.012 iway cindi fa Eliyasib se, iway cindi hinkanta Yacim se.

24:13b.1CH.024.013 iway cindi hinzanta Huppa se, iway cindi taacanta Yesebeya se,

24:14b.1CH.024.014 iway cindi guwanta Bilga se, iway cindi iddanta Immer se,

24:15b.1CH.024.015 iway cindi iyyanta Hezir se, iway cindi ahakkanta Happizez se,

24:16b.1CH.024.016 iway cindi yagganta Petahiya se, warankanta Yehezkel se,

24:17b.1CH.024.017 waranka cindi fa Yacin se, waranka cindi hinkanta Gamul se,

24:18b.1CH.024.018 waranka cindi hinzanta Delaya se, waranka cindi taacanta Maaziya se.

24:19b.1CH.024.019 Yaadin cine no i n'i goyo daŋ i kambe ra d'a, waato kaŋ i ga furo Rabbi fuwo ra farilla kaŋ i du ngey kaayo Haruna do din boŋ, danga mate kaŋ cine Rabbi, Israyla Irikoyo n'a lordi nd'a.

24:20b.1CH.024.020 Lawi ize cindey sanni mo: Amram izey ra Subayel, Subayel izey ra Yedaya.

24:21b.1CH.024.021 Rehabiya dumo ra, danga Rehabiya izey nooya, sintina ga ti Issaya.

24:22b.1CH.024.022 Izhar izey ra, Selomot; Selomot izey ra mo Yahat.

24:23b.1CH.024.023 Hebron izey ra mo Yeraya ga ti ijina, ihinkanta Amariya, ihinzanta Yahaziyel, itaacanta Yekameyam.

24:24b.1CH.024.024 Uzziyel izey ra Mika; Mika izey ra Samir.

24:25b.1CH.024.025 Mika kayne ga ti Issaya; Issaya izey ra Zakariya.

24:26b.1CH.024.026 Merari izey ga ti Mali da Musi; Yaaziya ize Beno.

24:27b.1CH.024.027 Merari dumi Yaaziya do haray ga ti Beno da Soham da Zakkur da Ibri.

24:28b.1CH.024.028 Mali do haray: Eliyezar kaŋ sinda ize aru.

24:29b.1CH.024.029 Cis do haray: Cis ize Yerameyel.

24:30b.1CH.024.030 Musi izey mo neeya: Mali, Eder, Yeremot. Woodin yaŋ kulu ga ti Lawi kunda izey i kaayey almayaaley windey boŋ.

24:31b.1CH.024.031 Woodin yaŋ mo na kurne te danga mate kaŋ i nya-izey Haruna dumo te bonkoono Dawda jine, da Zadok, da Ahimelek, da alfagey da Lawitey kaayey almayaaley windikoyey, windikoy kulu nda nga kayne.

25

25:1b.1CH.025.001 Dawda nda wongu nyaŋey mo na Asaf da Heman da Yedutun ize fooyaŋ fay waani goy fo se: i ma annabitaray te nda moolo kayna da moolo beeri yaŋ da can-caŋ kaŋ i ga kar mo. Borey kaŋ yaŋ na goy wo dumi te mo, i lasaabo neeya:

25:2b.1CH.025.002 Asaf izey ra: Zakkur, Yusufu, Netaniya, Asarela. Asaf izey go Asaf kambe ra, nga mo ga annabitaray te bonkoono sanno boŋ.

25:3b.1CH.025.003 Yedutun do haray: Yedutun izey Gedaliya, Zeri, Yesaya, Simey, Hasabiya, da Mattitiya, i boro iddu no. I go ngey baabo Yedutun ganayaŋ ra ka goy nda moolo beeri, i ma annabitaray te ka Rabbi saabu k'a kuuku mo.

25:4b.1CH.025.004 Heman do haray: Heman izey: Bukkaya, Mattaniya, Uzziyel, Sebuwel, Yeremot, Hananiya, Hanani, Eliyata, Jiddalti, Romamti-Ezer, Yosbekasa, Malloti, Hotir, da Mahaziyot.

25:5b.1CH.025.005 Woodin yaŋ kulu bonkoono bora Heman kaŋ ga fonnay Irikoy sanno boŋ, a izeyaŋ no. Zama Irikoy na Heman beerandi kaŋ a n'a no ize aru way cindi taaci da ize way hinza.

25:6b.1CH.025.006 Woodin yaŋ kulu go ngey baabo ganayaŋ ra, zama i ma baytu te Rabbi windo ra, i ma can-caŋ da moolo beeri da moolo kayna yaŋ kar Irikoy windo goyo sabbay se. Asaf da Yedutun da Heman mo ga bonkoono sanno gana.

25:7b.1CH.025.007 Borey kaŋ yaŋ i dondonandi baytu teeyaŋ Rabbi se, d'i nya-izey, i kulu kaŋ ga waani, i lasaabo ga ti boro zangu hinka da wahakku cindi ahakku.

25:8b.1CH.025.008 I na kurne te mo i goyo se, i kulu ga saba, ikayna nda ibeeri, borey kaŋ ga dondonandi nda ngey kaŋ go ga dondon kulu.

25:9b.1CH.025.009 Baa sintina mo fatta Asaf se ka Yusufu di. Baa hinkanta Gedaliya se, nga da nga nya-izey da nga izey, i boro way cindi hinka no.

25:10b.1CH.025.010 Baa hinzanta na Zakkur di, da nga izey da nga nya-izey, i boro way cindi hinka no.

25:11b.1CH.025.011 Itaacanta na Izri di, da nga izey da nga nya-izey, i boro way cindi hinka no.

25:12b.1CH.025.012 Iguwanta na Netaniya di, da nga izey da nga nya-izey, i boro way cindi hinka no.

25:13b.1CH.025.013 Iddanta na Bukkaya di, da nga izey da nga nya-izey, i boro way cindi hinka no.

25:14b.1CH.025.014 Iyyanta na Yesarela di, da nga izey da nga nya-izey, i boro way cindi hinka no.

25:15b.1CH.025.015 Ahakkanta na Yesaya di, da nga izey da nga nya-izey, i boro way cindi hinka no.

25:16b.1CH.025.016 Yagganta na Mattaniya di, da nga izey da nga nya-izey, i boro way cindi hinka no.

25:17b.1CH.025.017 Iwayanta na Simey di, da nga izey da nga nya-izey, i boro way cindi hinka no.

25:18b.1CH.025.018 Iway cindi fa na Azarel di, da nga izey da nga nya-izey, i boro way cindi hinka no.

25:19b.1CH.025.019 Iway cindi hinkanta na Hasabiya di, da nga izey da nga nya-izey, i boro way cindi hinka no.

25:20b.1CH.025.020 Iway cindi hinzanta na Subayel di, da nga izey da nga nya-izey, i boro way cindi hinka no.

25:21b.1CH.025.021 Iway cindi taacanta na Mattitiya di, da nga izey da nga nya-izey, i boro way cindi hinka no.

25:22b.1CH.025.022 Iway cindi guwanta na Yeremot di, da nga izey da nga nya-izey, i boro way cindi hinka no.

25:23b.1CH.025.023 Iway cindi iddanta na Hananiya di, da nga izey da nga nya-izey, i boro way cindi hinka no.

25:24b.1CH.025.024 Iway cindi iyyanta na Yosbekasa di, da nga izey da nga nya-izey, i boro way cindi hinka no.

25:25b.1CH.025.025 Iway cindi ahakkanta na Hanani di, da nga izey da nga nya-izey, i boro way cindi hinka no.

25:26b.1CH.025.026 Iway cindi yagganta na Malloti di, da nga izey da nga nya-izey, i boro way cindi hinka no.

25:27b.1CH.025.027 Warankanta na Eliyata di, da nga izey da nga nya-izey, i boro way cindi hinka no.

25:28b.1CH.025.028 Waranka cindi fa na Hotir di, da nga izey da nga nya-izey, i boro way cindi hinka no.

25:29b.1CH.025.029 Waranka cindi hinkanta na Jiddalti di, da nga izey da nga nya-izey, i boro way cindi hinka no.

25:30b.1CH.025.030 Waranka cindi hinzanta na Mahaziyot di, da nga izey da nga nya-izey, i boro way cindi hinka no.

25:31b.1CH.025.031 Waranka cindi taacanta na Romamti-Ezer di, da nga izey da nga nya-izey, i boro way cindi hinka no.

26

26:1b.1CH.026.001 Windi me batukoy satey neeya: Kora izey do haray: Meselemiya, Kore ize, Asaf ize fo.

26:2b.1CH.026.002 Meselemiya mo gonda ize aruyaŋ. A hay-jina ga ti Zakariya, ihinkanta Yedayel, ihinzanta Zebadiya, itaacanta Yatniyel,

26:3b.1CH.026.003 iguwanta Elam, iddanta Yohanan, iyyanta Eliyowenay.

26:4b.1CH.026.004 Obed-Edom mo gonda ize aruyaŋ. A hay-jina ga ti Semaya, ihinkanta Yehozabad, ihinzanta Yowa, itaacanta Sakar, iguwanta Netanel,

26:5b.1CH.026.005 iddanta Amiyel, iyyanta Isakar, ahakkanta Payulletay. Irikoy n'a albarkandi nda cimi.

26:6b.1CH.026.006 A ize Samaya mo na ize aruyaŋ hay kaŋ yaŋ na ngey baabo windo may, zama i ciya sooje beeri yaŋ.

26:7b.1CH.026.007 Semaya ize arey ga ti: Otni, Refayel, Obed, da Elzabad. I nya-izey Elihu da Samaciya mo soojeyaŋ no.

26:8b.1CH.026.008 Woodin yaŋ kulu Obed-Edom banda no, ngey nda ngey izey da ngey nya-izey, borey kaŋ yaŋ gonda laakal, i gonda gaabi mo goyo se. I boro waydu cindi hinka no, Obed-Edom wane yaŋ.

26:9b.1CH.026.009 Meselemiya mo gonda izeyaŋ da nya-izeyaŋ, sooje way cindi ahakku.

26:10b.1CH.026.010 Hosa mo, Merari ize fo gonda ize aruyaŋ: sintina Simri (baa kaŋ manti hay-jine no, a baabo n'a ciya ibeeri),

26:11b.1CH.026.011 ihinkanta Hilciya, ihinzanta Tebaliya, itaacanta Zakariya. Hosa izey d'a nya-izey kulu margante, i boro way cindi hinza no.

26:12b.1CH.026.012 Woodin yaŋ ra no i na windi me batukoy satey jine borey suuban. I gonda muraadu danga ngey nya-izey cine, i ma goy Rabbi windo ra.

26:13b.1CH.026.013 I na kurne te mo windi me kulu se, ikayna gaa, ibeeri gaa, ikulu afo, i baabey almayaaley boŋ.

26:14b.1CH.026.014 Wayna funay haray se kurna na Selemiya di. Gaa no i na kurne te a izo Zakariya se, saawarekoy kaŋ gonda laakal. A du azawa kambe haray kurne boŋ.

26:15b.1CH.026.015 Obed-Edom mo du dandi kamba. A izey mo du jisiyaŋ fu-izey.

26:16b.1CH.026.016 Suppim da Hosa mo du wayna kaŋay haray, Salleka meyo do, fonda kaŋ ga ziji boŋ. Batukoy ga care guna.

26:17b.1CH.026.017 Wayna funay haray i gonda Lawiti iddu, azawa kambe haray boro taaci no han kulu, dandi kamba mo itaaci han kulu, jisiro do haray ihinka-hinka.

26:18b.1CH.026.018 Parbar meyo jarga wayna kaŋay haray boro taaci go fonda boŋ, ihinka mo Parbar gaa haray.

26:19b.1CH.026.019 Woodin yaŋ ga ti batukoy satey, Kora nda Merari izey ra borey.

26:20b.1CH.026.020 I nya-ize Lawitey mo, Ahiya gonda Irikoy fuwo arzakey haggoyyaŋ, da sarti boŋ nooyaŋey arzakey wane mo.

26:21b.1CH.026.021 Ladan izey, sanda Gerson kunda ra kaŋ yaŋ fun Ladan do haray nooya, Yehiyeli izey nooya, kaayey almayaaley windikoyyaŋ no. I fun Gerson kunda Ladan gaa.

26:22b.1CH.026.022 Yehiyeli izey, Zetam da nga kayne Yowel no ga haggoy nda Rabbi fuwo arzakey.

26:23b.1CH.026.023 Amram izey, da Izra izey, da Hebron izey, da Uzziyel izey sanni mo,

26:24b.1CH.026.024 Gersom kunda boro Sebuwel, Musa ize, nga no ga ti jine boro arzaka jisantey boŋ.

26:25b.1CH.026.025 A nya-izey Eliyezar do haray mo ga ti a ize Rebaya, Rebaya ize Yesaya, Yesaya ize Yoram, Yoram ize Zikri, Zikri ize Selomot.

26:26b.1CH.026.026 Selomot wo nda nga nya-izey no ga haggoy da sarti nooyaŋ arzakey kulu, wo kaŋ yaŋ bonkoono Dawda, da kaayey windey jine borey, da zambaryaŋ jine borey, da zanguyaŋ jine borey, da wongu nyaŋey fay waani Rabbi se.

26:27b.1CH.026.027 Wongu arzakey kaŋ i du tangamey ra, i na baa kaa i ra ka fay waani zama i ma Rabbi windo hanse nd'a.

26:28b.1CH.026.028 Hay kulu kaŋ Samuwila kaŋ ga fonnay fay waani, da Sawulu Cis ize, da Abner Ner ize, da Yowab Zeruwiya ize waney -- boro kulu kaŋ na hay fo fay waani, a kulu go Selomot da nga nya-izey kambey ra.

26:29b.1CH.026.029 Izhar izey sanni mo, i na Kenaniya nda nga izey daŋ i ma taray haray goy te Israyla se, danga jine borey nda ciitikoy nooya.

26:30b.1CH.026.030 Hebron izey sanni mo, Hasabiya nda nga nya-izey, i boro zambar fo da zangu iyye kaŋ yaŋ ga waani muraadey, i ga haggoy nda Israyla muraadey Urdun se wayna kaŋay haray, zama i ma goy Rabbi nda bonkoono se.

26:31b.1CH.026.031 Hebron izey din, Yeraya no ga ti i jine bora. (Hebron kunda wo, Dawda koytara jiiri waytaacanta ra i na fintalyaŋ te i asulo nd'i kaayey almayaaley boŋ. I na boroyaŋ gar i game ra Yazer kwaara, Jileyad laabu, kaŋ yaŋ sooje beeriyaŋ no.)

26:32b.1CH.026.032 Yeraya wo nda nga nya-izey, alboro timmanteyaŋ no. I to boro zambar hinza nda zangu iyye, kaayey almayaaley jine boroyaŋ no. Bonkoono Dawda mo n'i daŋ Ruben kunda, da Gad kunda, da Manasse kunda jara mo boŋ, Irikoy da bonkoono muraadey kulu ra.

27

27:1b.1CH.027.001 Israyla izey lasaabo neeya: i kaayey almayaaley windikoyey, da zambaryaŋ da zanguyaŋ koyey, d'i jine borey kaŋ ga goy bonkoono sata-satey muraadey kulu ra, ngey kaŋ yaŋ ga furo da ngey kaŋ yaŋ ga zumbu goy handu ka kaa handu, jiiro handey kulu se. Sata kulu gonda boro zambar waranka cindi taaci.

27:2b.1CH.027.002 Zabdiyel ize Yasobeyam ga sata sintina may handu sintina ra. A sata mo gonda boro zambar waranka cindi taaci.

27:3b.1CH.027.003 Bora din Farisa izey ra boro no, wongu marga jine borey kulu koyo nooya jiiri handu sintinay kulu.

27:4b.1CH.027.004 Ahohi kunda boro Doday no ga handu hinkanta sata dabari. Miklot go a banda jine boro. A sata mo gonda boro zambar waranka cindi taaci.

27:5b.1CH.027.005 Handu hinzanta ra wongu marga jine boro hinzanta mo, Benaya, Alfa Yehoyda ize no, jine boro mo no. A sata mo gonda boro zambar waranka cindi taaci.

27:6b.1CH.027.006 Benaya wo ga ti waranza din boro beero, a ga waranza dabari mo. A izo Amizabad ga dak'a gaa.

27:7b.1CH.027.007 Handu taacanta ra boro taacanta mo, Asahel Yowab kayne no. A izo Zebadiya ga dak'a gaa. A sata gonda boro zambar waranka cindi taaci.

27:8b.1CH.027.008 Handu guwanta ra boro guwante mo, wongu nya Samhut Izra boro no. A sata mo gonda boro zambar waranka cindi taaci.

27:9b.1CH.027.009 Handu iddanta ra boro iddanta mo, Ikkes izo Ira, Tekowa boro no. A sata mo gonda boro zambar waranka cindi taaci.

27:10b.1CH.027.010 Handu iyyanta ra boro iyyanta mo, Helez Pelon boro, Ifraymu kunda boro no. A sata mo gonda boro zambar waranka cindi taaci.

27:11b.1CH.027.011 Handu ahakkanta ra boro ahakkanta mo, Sibbekay Husati boro, Zera almayaaley do haray no. A sata mo gonda boro zambar waranka cindi taaci.

27:12b.1CH.027.012 Handu yagganta ra boro yagganta mo, Abiyezer Anatot boro, Benyamin kunda boro no. A sata mo gonda boro zambar waranka cindi taaci.

27:13b.1CH.027.013 Handu wayanta ra boro wayanta mo, Maharay Netofa boro, Zera almayaaley do haray no. A sata mo gonda boro zambar waranka cindi taaci.

27:14b.1CH.027.014 Handu way cindi fa ra boro way cindi fa mo, Benaya Piraton boro, Ifraymu kunda boro no. A sata mo gonda boro zambar waranka cindi taaci.

27:15b.1CH.027.015 Handu way cindi hinkanta ra boro way cindi hinkanta mo, Helday Netofa boro, Otniyel almayaaley do haray no. A sata mo gonda boro zambar waranka cindi taaci.

27:16b.1CH.027.016 Israyla kundey jine borey mo neeya: Ruben kunda jine bora, Zikri izo Eliyezar no. Simeyon wane, Maaka izo Sefatiya no.

27:17b.1CH.027.017 Lawi wane, Kemuwel izo Hasabiya no. Haruna se mo, Zadok no.

27:18b.1CH.027.018 Yahuda wane, Elihu, Dawda beere fo no. Isakar wane, Omri Munkayla ize no.

27:19b.1CH.027.019 Zabluna wane, Obadiya izo Ismaya no. Naftali wane, Azriyel izo Yeremot no.

27:20b.1CH.027.020 Ifraymu izey wane, Azaziya izo Hoseya no. Manasse kunda jare wane, Pedaya izo Yowel no.

27:21b.1CH.027.021 Manasse kunda jare fa kaŋ go Jileyad wane, Zakariya izo Iddo no. Benyamin wane, Abner izo Yaasiyel no.

27:22b.1CH.027.022 Dan wane, Yeroham izo Azarel no. Woodin yaŋ no ga ti Israyla kundey jine borey.

27:23b.1CH.027.023 Amma Dawda mana jiiri waranka koyey d'i zankey kabu, zama Rabbi ne nga ga Israyla tonton hal i ma baa danga beena ra handariyayzey cine.

27:24b.1CH.027.024 Zeruwiya izo Yowab no ka sintin k'i kabu, amma a man'a ban. Woodin se no dukuri kaa Israyla gaa, i man'i lasaabo hantum mo bonkoono Dawda baaru tira ra.

27:25b.1CH.027.025 Adiyel izo Azmabet no ga haggoy da bonkoono jisirey. Uzziya izo Yonatan mo ga haggoy da jisirey kaŋ yaŋ go laabo ra, danga kwaarey ra da kawyey ra da wongu fuwey ra waney nooya.

27:26b.1CH.027.026 Kelub izo Ezri mo ga haggoy da alfarey kaŋ yaŋ ga laabo far sanni.

27:27b.1CH.027.027 Simey Rama kwaara bora no ga haggoy da reyzin* kaley. Zabdi Sifmi bora mo ga haggoy da reyzin kaley nafa jisirey.

27:28b.1CH.027.028 Baal-Hanan Geder bora ga haggoy da zeytun* nyaŋey da durmi nyaŋey kaŋ yaŋ go Safela* ra. Yowas mo ga haggoy da ji jisirey.

27:29b.1CH.027.029 Sitray Saruna bora ga haggoy da hawey kaŋ i ga kuru Saruna batamey ra. Adlay izo Safat mo ga haggoy da hawey kaŋ go goorey ra.

27:30b.1CH.027.030 Obil Isumeylance ga haggoy da yoy. Yedaya Merona bora ga haggoy da farkayey.

27:31b.1CH.027.031 Yaziz Hagarance mo ga haggoy da feeji nda hincin kurey. Woodin yaŋ kulu gonda bonkoono Dawda arzakey haggoyyaŋ goy.

27:32b.1CH.027.032 Dawda baaba nya-ize Yonatan mo, saawarekoy no, boro no kaŋ gonda fahamay, tira hantumko mo no. Hasmon izo Yehiyel bonkoono izey saawarekasin.

27:33b.1CH.027.033 Ahitofel no ga ti bonkoono saawarekasina. Husay Arcita bora mo ga ti bonkoono cora.

27:34b.1CH.027.034 Benaya izey Yehoyda da Abiyatar na Ahitofel gana. Yowab ga ti wonkoyo se bonkoono.

28

28:1b.1CH.028.001 Kala Dawda na Israyla koy kayney kulu margu, danga kundey jine borey, da wongu marga satey koyey kaŋ yaŋ ga goy bonkoono se, da zambarey da zangey koyey, da borey kulu kaŋ yaŋ ga haggoy da bonkoono arzakey d'a almaney, d'a izey waney, da goy jine borey, da soojey -- danga alboro timmantey kulu nooya. A ne i ma kaa Urusalima.

28:2b.1CH.028.002 Gaa no bonkoono Dawda tun ka kay ka ne: «Ya ay nya-izey d'ay jama, wa maa ay se: A go ay bina ra ay ma fulanzamyaŋ do cina Rabbi sappa sundurko se, d'iri Irikoyo ce dakeyaŋ tita mo se, kal ay na soola te ay m'a cina.

28:3b.1CH.028.003 Amma Irikoy ne ay se: ‹Nin wo, ni si windi cina ay maa sabbay se, zama ni ciya wongu boro, ni na kuri mun mo.›

28:4b.1CH.028.004 Kulu nda yaadin, Rabbi, Israyla Irikoyo n'ay suuban ay baaba windo kulu ra ay ma ciya bonkooni Israyla kulu boŋ hal abada. Zama a na Yahuda suuban a ma ciya jine boro. Yahuda kunda ra mo a n'ay baaba windo suuban. Ay baaba izey ra mo, a maa ay kaani hal a n'ay ciya bonkooni Israyla kulu boŋ.

28:5b.1CH.028.005 Ay ize arey kulu ra mo, (zama Rabbi n'ay no ize aru boobo) a n'ay izo Suleymanu suuban a ma goro karga boŋ ka may da Rabbi koytara Israyla boŋ mayra.

28:6b.1CH.028.006 A ne ay se mo: ‹Ni izo Suleymanu no g'ay fuwo d'ay windo cina, zama ay n'a suuban no a ma ciya ay se ize, ay mo ma ciya a se baaba.

28:7b.1CH.028.007 Ay g'a koytara tabbatandi mo hal abada, da day a ga haggoy k'ay lordey d'ay farilley te, mate kaŋ i go ga te hunkuna.›

28:8b.1CH.028.008 Woodin sabbay se no sohõ, Israyla kulu jine, sanda Rabbi jama nooya, da mo Irikoy hanga ra, ay g'araŋ yaamar araŋ ma haggoy. Araŋ ma Rabbi araŋ Irikoyo lordey ceeci, zama araŋ ma du laabu hanno wo mayra, araŋ m'a no a ma ciya tubu araŋ izey se araŋ banda hal abada.

28:9b.1CH.028.009 Nin mo, ay izo Suleymanu, ni ma ni baaba Irikoyo bay. Ni ma may a se da bine folloŋ da laakal kaŋ ga yadda mo, zama Rabbi ga biney kulu neesi, a ga faham da fonguyaŋ kulu miila mo. Da ni n'a ceeci, a ga naŋ ni ma du nga, amma da ni n'a furu ka kamba, nga mo ga ni furu hal abada.

28:10b.1CH.028.010 Ma te laakal sohõ, zama Rabbi na ni suuban ni ma fu cina, a nangoray hananta nooya. Ma te bine-gaabi ka goy.»

28:11b.1CH.028.011 Gaa no Dawda na nga izo Suleymanu no fu beero meyo gaa batama deedando jeeriyaŋ, d'a cinarey wane, d'a jisiri fuwey wane, d'a soorey wane, d'a ra fuwo wane, da fuwo kaŋ ra i ga sasabandiyaŋo do daŋ wane.

28:12b.1CH.028.012 Danga a na hay kulu kaŋ _Irikoy|_ Biya daŋ a bina ra deedando cabe -- Rabbi windo batamey, da fu-izey kaŋ yaŋ g'i windi kulu, da Irikoy windo jisirey, da sarti boŋ nooyaŋ jisirey.

28:13b.1CH.028.013 A na alfagey da Lawitey sata-satey, da Rabbi windo muraadu goyey kulu mo cabe. A n'a no mo Rabbi windo ra goy jinay kulu deedando,

28:14b.1CH.028.014 wura jinay se wura tiŋay kaŋ i ga jinayey kulu te d'a, goy dumi kulu ra, da nzarfu jinay se, nzarfu tiŋay kaŋ i ga jinayey kulu te d'a, goy dumi kulu ra;

28:15b.1CH.028.015 da wura tiŋay kaŋ i ga wura fitilla suntuley da ngey deeney te d'a, kaŋ ga cabe fitilla suntulo kulu tiŋay da nga deeney; da mo nzarfu tiŋay nzarfu fitilla suntuley se, kaŋ ga cabe fitilla suntulu kulu tiŋay da ngey deeney, mate kaŋ i ga goy d'a ka fitilla kulu te.

28:16b.1CH.028.016 A n'a cabe mo wura tiŋay jisiyaŋ buuru taabaley se, taabal fo kulu se, da nzarfu mo nzarfu taabaley se.

28:17b.1CH.028.017 A n'a cabe mo ham gotey, da taasey, da sintiley, wura hanno waney; da wura taasa guusey, i afo kulu tiŋay boŋ, da nzarfu taasa guusey, i afo kulu tiŋay boŋ.

28:18b.1CH.028.018 A n'a cabe mo wura hanno tiŋay kaŋ i ga dugu tonyaŋ feema te d'a, da mo wura kaŋ i ga torko te d'a, d'a deedandi, danga ciiti malaykey nooya kaŋ yaŋ ga ngey fatey salle ka Rabbi sappa sundurko daabu nd'ey.

28:19b.1CH.028.019 Dawda ne: «Woodin yaŋ kulu Rabbi naŋ ay ma faham d'ey k'i hantum, zama a kambe go ay gaa, danga deedando jeeriyaŋ goyey kulu nooya.»

28:20b.1CH.028.020 Gaa no Dawda ne nga izo Suleymanu se: «Ma te gaabi da bine-gaabi ka goy. Ma si humburu, ni bina ma si pati mo, zama Rabbi Irikoy, kaŋ ga ti ay Irikoyo, a go ni banda. A si ni naŋ, a si ni furu mo kala ni ma Rabbi windo ra muraadey goy kulu te ka ban.

28:21b.1CH.028.021 Guna mo, sohõ alfagey da Lawitey sata-satey go no Irikoy windo goy kulu sabbay se. Boro kulu mo kaŋ a bina ga yadda, kaŋ gonda gonitaray dumi-dumi, i ga goy ni banda goyo kulu ra, muraadey kulu se. Jine borey da jama kulu ni wane yaŋ no, i ga ni lordey gana hay kulu ra.»

29

29:1b.1CH.029.001 Gaa no bonkoono Dawda salaŋ jama kulu se ka ne: «Ay izo Suleymanu, kaŋ nga fo no Irikoy suuban, nga wo zanka no jina. A mana doona mayray, goyo mo ga beeri gumo, zama windo wo, manti boro se no i g'a te, amma Rabbi Irikoy se no.

29:2b.1CH.029.002 A go, ay na soola te d'ay hina kulu ay Irikoyo windo se. Wura go no wura jinay sabbay se. Nzarfu go no nzarfu waney sabbay se. Guuru-say go no guuru-say waney sabbay se. Guuru-bi go no guuru-bi waney sabbay se. Bundu go no bundu waney sabbay se. Tondi biyaŋ, da tondi taalamanteyaŋ da tondiyaŋ kaŋ ga nyalaw, da tondi dumi-dumi yaŋ, da tondi kaŋ ga caada yaŋ, da tondi kwaaray yaŋ go no, iboobo.

29:3b.1CH.029.003 Woodin banda, zama ay bina ga ba ay Irikoyo windo gumo, ay g'ay arzakey no, wura nda nzarfu, ay Irikoyo windo se, ka tonton haŋ kaŋ ay jin ka soola fu hananta se gaa.

29:4b.1CH.029.004 Haŋ kaŋ ay ga tonton neeya: Wura danga ton zangu nda waranza cindi gu cine, Ofir wura no woodin; da mo nzarfu hanno danga ton zangu hinza da iway cindi gu cine, zama i ma fu-izey kulu daabu nd'a i ra haray.

29:5b.1CH.029.005 Wura go no nangu kaŋ i ga hima ka wura daŋ se. Nzarfu mo go no nangu kaŋ i ga hima ka nzarfu daŋ se, danga kambe goy-teerey muraadey kulu nooya. To, may ka bara ne kaŋ gonda bine yadda nga ma hay fo no Rabbi se hunkuna?»

29:6b.1CH.029.006 Kala kaayey almayaaley windi koyey da Israyla kundey jine borey, da zambaryaŋ da zanguyaŋ jine borey, da borey kaŋ yaŋ ga haggoy da koyo goyey, i na nooyaŋ no da bine yadda.

29:7b.1CH.029.007 Irikoy windo goyo se i na wura ton zangu hinka da waranka cindi gu cine no. I na nzarfu ton zangu taaci nda waygu da guuru-say ton zambar fo da zangu hinza da waydu mo no, da guuru-bi ton zambar taaci da zangu gu.

29:8b.1CH.029.008 Boro kulu mo kaŋ gonda tondi caadante yaŋ n'i no Rabbi windo arzakey jisiro ra, Yehiyel Gerson kunda boro kambe ra.

29:9b.1CH.029.009 Gaa no borey farhã zama i na nooyaŋ salle nda bine yadda, zama i na ngey nooyaŋey no Rabbi se da bine folloŋ. Bonkoono Dawda mo farhã gumo-gumo.

29:10b.1CH.029.010 Dawda na Rabbi beera sifa mo jama kulu jine ka ne: «Albarkakoy no nin, ya Rabbi, Iri kaayo Israyla Irikoyo, hal abada abadin!

29:11b.1CH.029.011 Ya Rabbi, ni wane no beeray da dabari da darza da zaama teeyaŋ da koytaray, Oho, hala nda hay kulu kaŋ go beeney ra da ndunnya ra. Ya Rabbi, ni wane no mayray. Ni gonda darza mo ka bisa hay kulu.

29:12b.1CH.029.012 Arzaka da darza kulu, ni do no i ga fun. Ni go ga hay kulu may, gaabi da dabari go ni kambe ra. A go ni kambe ra mo ni ma boro beerandi, Wala ni ma boro kulu gaabandi.

29:13b.1CH.029.013 Sohõ binde, ya iri Irikoyo, iri ga ni saabu, Iri ga ni maa darzakoyo sifa.

29:14b.1CH.029.014 Amma may ci ay? Wala may ci ay jama wo, hal iri ma du gaabi ka nooyaŋ no ya-cine gumo-gumo? Zama haya din kulu, ni do n'a fun. Ni kambe ra no iri du haŋ kaŋ iri ga ye ka no ni se.

29:15b.1CH.029.015 Zama iri go ni jine danga ce-yawyaŋ da sufurayzeyaŋ, mate kaŋ cine iri kaayey kulu goro. Iri jirbey ndunnya ra si hima kala bi, beeje kulu si no.

29:16b.1CH.029.016 Ya Rabbi iri Irikoyo, yulwa wo kulu kaŋ iri soola zama i ma windi cina ni maa hanna se. Ni kambe ra no a fun, a kulu ni wane mo no.

29:17b.1CH.029.017 Ya ay Irikoyo, za kaŋ ay bay ni ga boro bine neesi, ni ga farhã mo nda adilitaray, woodin se no ay mo, ay kay ka ni gana nda bine folloŋ, ay na ni no hayey din kulu bine yadda boŋ mo. Sohõ mo ay go ga farhã ka di ni jama, kaŋ go neewo ni jine. Ngey mo go ga nooyaŋ salle ni se da bine yadda.

29:18b.1CH.029.018 Ya Rabbi, iri kaayey Ibrahim da Isaka da Israyla Irikoyo, ma ni jama biney hallasi da miila wo dumi hal abada. M'i biney tabbatandi mo ni do haray.

29:19b.1CH.029.019 M'ay izo wo Suleymanu mo no bine timmante, zama a ma ni lordey, da ni seedey, da ni hin sanney gana, k'i kulu gaay mo. A ma ni windo cina mo, kaŋ se ay na soola te.»

29:20b.1CH.029.020 Gaa no Dawda ne marga kulu se: «Sohõ wa Rabbi araŋ Irikoyo kuku!» Jama mo na Rabbi i kaayey Irikoyo kuku. I sombu ka sududu Rabbi da bonkoono mo se.

29:21b.1CH.029.021 A wane suba mo i na sargayyaŋ te Rabbi se, ka sargayyaŋ ton mo Rabbi jine: yeeji zambar fo, da feeji gaaru zambar fo, da feej'ize zambar fo, ka margu nda ngey haŋyaŋ sargayey, da sargay fooyaŋ mo, iboobo, Israyla kulu se.

29:22b.1CH.029.022 Kala han din hane i ŋwa ka haŋ Rabbi jine da farhã gumo-gumo. I ye ka Suleymanu Dawda ize didiji bonkooni sorro hinkanta nooya. I n'a tuusu nda ji mo a ma ciya mayko Rabbi se, i na Zadok mo tuusu nda ji a ma ciya alfaga.

29:23b.1CH.029.023 Suleymanu goro Rabbi karga boŋ mo ka may nga baaba Dawda nango ra, a te albarka mo. Israyla kulu go g'a gana.

29:24b.1CH.029.024 Koy kayney kulu mo, da soojey, da bonkoono Dawda izey kulu, i na kambe sambu ka sappa da bonkoono Suleymanu.

29:25b.1CH.029.025 Rabbi na Suleymanu beerandi gumo, Israyla kulu go ga di woodin. A n'a no koytaray da darza kaŋ dumi koy kulu kaŋ n'a jin Israyla ra mana du a cine.

29:26b.1CH.029.026 Yasse ize Dawda na Israyla kulu may.

29:27b.1CH.029.027 Jirbey kaŋ a na Israyla may jiiri waytaaci no. Hebron ra a may jiiri iyye, Urusalima ra mo a may jiiri waranza cindi hinza.

29:28b.1CH.029.028 Gaa no a bu zeenay hanno ra. A kungu nda ndunnya da arzaka da beeray mo. A izo Suleymanu mo may a nango ra.

29:29b.1CH.029.029 Bonkoono Dawda teerey binde, za sintina ka koy kokor banda, guna, i n'i hantum bora kaŋ ga fonnay Samuwila baaru tirey ra, da annabi Natan baaru tirey ra, da bora kaŋ ga fonnay Gad baaru tirey ra --

29:30b.1CH.029.030 a koytara kulu baaru d'a dabaro wane, da hay kulu kaŋ du a, da Israyla, d'i windanta koytaray kulu laabey mo go tirey din ra.