Psalms (Xhosa)

1

1:1b.PSA.001.001 Hayi, uyolo lomntu ongahambiyo ngecebo labangendawo, Ongemiyo endleleni yaboni, Ongahlaliyo embuthweni yabagxeki!

1:2b.PSA.001.002 Yena unonelela umyalelo kaYehova; Ucamanga ngomyalelo wakhe imini nobusuku:

1:3b.PSA.001.003 Unjengomthi omiliselwe phezu kwemijelo yamanzi, Onika isiqhamo sawo ngexesha lawo, Ogqabi lawo lingabuniyo; Konke akwenzayo kophumelela.

1:4b.PSA.001.004 Abanjalo abangendawo; Bona banjengomququ ophetshethwa ngumoya.

1:5b.PSA.001.005 Ngenxa yoko abangendawo abanakuma emgwebeni, Naboni ebandleni lamalungisa.

1:6b.PSA.001.006 Ngokuba uYehova uyayazi indlela yamalungisa; Ke yona indlela yabangendawo iya kudaka.

2

2:1b.PSA.002.001 Yini na ukuba iintlanga zenze imbuthumbuthu, Izizwe zicamange into engeyakonto?

2:2b.PSA.002.002 Ookumkani behlabathi bazimisile, Izidwangube zabhunga NgoYehova nangoMthanjiswa wakhe;

2:3b.PSA.002.003 Besithi, Masiziqhawule iimbophelelo zabo, Sizilahle izintya zabo kuthi.

2:4b.PSA.002.004 Ohleli emazulwini uyahleka, INkosi iyabagculela.

2:5b.PSA.002.005 Iya kwandula ithethe kubo ngomsindo wayo, Ibakhwankqise ngokuvutha kwayo.

2:6b.PSA.002.006 Ithi, Mna ke ndimmisile ukumkani wam Phezu kweZiyon, intaba yam engcwele.

2:7b.PSA.002.007 Athi yena, Ndiya kuwuvakalisa ummiselo: UYehova uthe kum, UnguNyana wam wena; Mna namhla ndikuzele.

2:8b.PSA.002.008 Cela kum, ndikunike iintlanga zibe lilifa lakho, Iziphelo zehlabathi zibe zezakho.

2:9b.PSA.002.009 Uya kuzivikiva ngentonga yentsimbi, Uzihlekeze, zinge zizitya zodongwe.

2:10b.PSA.002.010 Ngoko ke, nina bokumkani, qiqani; Bagwebi basehlabathini, yalekani.

2:11b.PSA.002.011 Mkhonzeni uYehova nisoyika, Gcobani nithuthumela.

2:12b.PSA.002.012 Mangeni uNyana, hleze aqumbe, nitshabalale endleleni, Ngokuba ungahle uvuthe umsindo wakhe. Hayi, uyolo lwabo bonke abazimela ngaye!

3

3:1b.PSA.003.001 Umhobe kaDavide, ekubalekeni kwakhe kuAbhisalom unyana wakhe. Yehova, hayi, ukuba baninzi kwabandibandezelayo! Baninzi abasukela phezulu kum.

3:2b.PSA.003.002 Baninzi abathi kumphefumlo wam, Akunalusindiso kuThixo. (Phakamisani.)

3:3b.PSA.003.003 Ke wena, Yehova, uyingweletshetshe kum, Uluzuko lwam, umphakamisi wentloko yam.

3:4b.PSA.003.004 Ndidanduluka kuYehova ngezwi lam, Andiphendule entabeni yakhe engcwele. (Phakamisani.)

3:5b.PSA.003.005 Ndalala phantsi, ndalala ubuthongo; Ndavuka, ngokuba uYehova endixhasa.

3:6b.PSA.003.006 Andizoyiki izigidi zabantu Abakhe uluhlu lokulwa ngeenxa zonke kum.

3:7b.PSA.003.007 Khawusuk’ ume, Yehova; ndisindise, Thixo wam; Ngokuba uzibetha zonke iintshaba zam emhlathini; Amazinyo abangendawo uyawaphula.

3:8b.PSA.003.008 Usindiso lolukaYehova: Mayibe phezu kwabantu bakho intsikelelo yakho. (Phakamisani.)

4

4:1b.PSA.004.001 Kumongameli wokubethelwa izinto ezineentambo. Umhobe kaDavide. Ekudandulukeni kwam ndiphendule, Thixo wobulungisa bam; Embandezelweni yam wandenzela indawo ebanzi; Ndibabale, uwuve umthandazo wam.

4:2b.PSA.004.002 Nina, nyana babantu, kunini na uzuko lwam niluhlazisa, Ningxamele into engeyakonto, nithanda amanga? (Phakamisani.)

4:3b.PSA.004.003 Yazini ke ukuba uYehova uzibalulele owenceba; UYehova uyaphulaphula ndakudanduluka kuye.

4:4b.PSA.004.004 Qumbani, ningoni; Thethani neentliziyo zenu ezinkukweni zenu, nithi cwaka. (Phakamisani.)

4:5b.PSA.004.005 Bingelelani imibingelelo yobulungisa, Nikholose ngoYehova.

4:6b.PSA.004.006 Baninzi abathi, Ngubani na owosibonisa okulungileyo? Siphakamisele ukukhanya kobuso bakho, Yehova.

4:7b.PSA.004.007 Uyivuyisile intliziyo yam, Kunexesha lobuninzi bengqolowa yabo, newayini yabo entsha.

4:8b.PSA.004.008 Ndiya kulala phantsi, ndilale ubuthongo kwangoku, ndixolile, Ngokuba wena, Yehova, undihlalisa ndikholosile, noko ndindedwa.

5

5:1b.PSA.005.001 Kumongameli: ngogwali. Umhobe kaDavide. Wabekele indlebe amazwi am, Yehova, Kuqonde ukucamanga kwam.

5:2b.PSA.005.002 Libazele indlebe izwi lokuzibika kwam, Kumkani wam, Thixo wam; Ngokuba ndithandaza kuwe.

5:3b.PSA.005.003 Yehova, uya kuliva izwi lam kwakusasa, Kwakusasa ndiya kuwusingisa kuwe umthandazo wam, ndibonisele.

5:4b.PSA.005.004 Ngokuba wena akunguThixo onanze okungendawo, Akanakuphambukela kuwe onobubi.

5:5b.PSA.005.005 Abanakuma abaqhayisi phambi kwamehlo akho; Uyabathiya bonke abasebenzi bobutshinga.

5:6b.PSA.005.006 Uyabatshabalalisa abathetha amanga; Indoda enegazi nenkohliso ilisikizi kuYehova.

5:7b.PSA.005.007 Ke mna, ndinokungena endlwini yakho ngenceba yakho eninzi, Ndiqubude, ndibhekise etempileni yakho engcwele ngokukoyika.

5:8b.PSA.005.008 Yehova, ndikhaphe ngobulungisa bakho ngenxa yabandilaleleyo; Yilungelelanise indlela yakho phambi kwam.

5:9b.PSA.005.009 Ngokuba emlonyeni wabo akukho nto imiyo, Umbilini wabo ngumeyeliselo; Lingcwaba elivuliweyo umqala wabo; Bathetha okugudileyo ngolwimi lwabo.

5:10b.PSA.005.010 Bathwalise ityala, Thixo; Makatshitshe amaqhinga abo; Elukreqweni lwabo oluninzi batyhale, Ngokuba bakuphikisile.

5:11b.PSA.005.011 Mabavuye bonke abazimela ngawe, Bamemelele ngonaphakade, ubakhusele; Badlamke ngawe abalithandayo igama lakho.

5:12b.PSA.005.012 Ngokuba wena uyalisikelela ilungisa, Yehova, Ulihlanganisele ngenkoliseko njengekhaka.

6

6:1b.PSA.006.001 Kumongameli wokubethelwa izinto ezineentambo: ngelamadoda ilizwi. Umhobe kaDavide. Yehova, musa ukundohlwaya unomsindo, Ungandithethisi unobushushu.

6:2b.PSA.006.002 Ndibabale, Yehova, ngokuba ndintshwenyile; Ndiphilise, Yehova, ngokuba ekhwankqisiwe amathambo am.

6:3b.PSA.006.003 Umphefumlo wam ukhwankqiswe kakhulu; Ke wena, Yehova, koda kube nini na?

6:4b.PSA.006.004 Buya, Yehova, uwuhlangule umphefumlo wam; Ndisindise ngenxa yenceba yakho.

6:5b.PSA.006.005 Ngokuba ekufeni akusekho kukukhumbula; Kwelabafileyo ngubani na osenokubulela kuwe?

6:6b.PSA.006.006 Ndidiniwe kukugcuma kwam; Ndiludadisa ubusuku bonke ukhuko lwam, Ndiwenza manzi umandlalo wam ngeenyembezi zam.

6:7b.PSA.006.007 Lonakele kukukhathazeka iliso lam; Laluphele ngenxa yababandezeli bam bonke.

6:8b.PSA.006.008 Sukani kum, nina nonke basebenzi bobutshinga; Ngokuba uYehova ulivile ilizwi lokulila kwam.

6:9b.PSA.006.009 Ukuvile uYehova ukutarhuzisa kwam; UYehova umthandazo wam uyawamkela.

6:10b.PSA.006.010 Ziya kudana, zikhwankqe kakhulu, zonke iintshaba zam; Ziya kubuyiswa zidanile ngephanyazo.

7

7:1b.PSA.007.001 Ishigayon kaDavide, awayivumayo kuYehova ngenxa yamazwi kaKushi, umBhenjamin. Yehova, Thixo wam, ndizimela ngawe; Ndisindise kubo bonke abandisukelayo, undihlangule,

7:2b.PSA.007.002 Hleze bawuqwenge njengengonyama umphefumlo wam, Bawudlavule, kungekho mhlanguli.

7:3b.PSA.007.003 Yehova, Thixo wam, ukuba ndithe ndenza oku, Ukuba kukho ubugqwetha ezandleni zam,

7:4b.PSA.007.004 Ukuba ndimphethe kakubi obexolelene nam, Ndambhunyula ondibandezele kungekho sizathu:

7:5b.PSA.007.005 Maluwusukele utshaba umphefumlo wam, luwufumane, Lubunyashele phantsi ubomi bam, Uzuko lwam lululalise eluthulini. (Phakamisani.)

7:6b.PSA.007.006 Khawusuk’ ume, Yehova, unomsindo, Kuphakamele ukuphuphuma komsindo wabandibandezelayo; Uvuke, undikhawulele; wena umise umgwebo.

7:7b.PSA.007.007 Ibandla lezizwe malikungqonge; Ubuyele phezulu phezu kwalo.

7:8b.PSA.007.008 UYehova uya kugweba phakathi kwezizwe. Lithethe ityala lam, Yehova, ngobulungisa bam, nangokugqibelela kwam okukum.

7:9b.PSA.007.009 Mabuphele ububi babangendawo, ulizimase ilungisa; Ungumcikidi weentliziyo nezintso, Thixo wobulungisa.

7:10b.PSA.007.010 Ingweletshetshe yam inoThixo, Umsindisi wabantliziyo zithe tye.

7:11b.PSA.007.011 UThixo ngumgwebi olilungisa; UnguThixo obhavuma yonke imihla.

7:12b.PSA.007.012 Ukuba ongendawo uthe akabuya, ulilolile ikrele lakhe; Usityedile isaphetha sakhe, wasilungisa.

7:13b.PSA.007.013 Uzibhekise kuye izixhobo zokufa, Uzenze zanomlilo iintolo zakhe.

7:14b.PSA.007.014 Yabona, yena unenimba yobutshinga; Ukhawule ububi, wazala ubuxoki;

7:15b.PSA.007.015 Umbe umhadi, wawugomba; Weyela esihogweni awasisebenzayo.

7:16b.PSA.007.016 Ububi bakhe bobuyela entlokweni yakhe, Naselukakayini lwakhe kufike ukugonyamela kwakhe.

7:17b.PSA.007.017 Ndiya kubulela kuYehova ngokobulungisa bakhe, Ndivume ngendumiso kwigama likaYehova ophezu konke.

8

8:1b.PSA.008.001 Kumongameli: ngolwaseGati. Umhobe kaDavide. Yehova, Nkosi yethu, Hayi, ubungangamsha begama lakho ehlabathini lonke! Wena uwambathise amazulu ngendili yakho.

8:2b.PSA.008.002 Emlonyeni wabantwana nabanyayo useke amandla, Ngenxa yababandezeli bakho, Ukuze udambise utshaba nophindezelayo.

8:3b.PSA.008.003 Xa ndilikhangelayo izulu lakho, umsebenzi weminwe yakho, Inyanga neenkwenkwezi ozimisileyo:

8:4b.PSA.008.004 Uyintoni na umntu lo, le nto umkhumbulelayo? Unyana womntu, le nto umvelelayo?

8:5b.PSA.008.005 Umsilelise kancinane ebuThixweni, Wamthi jize ngobuqaqawuli nangobungangamela.

8:6b.PSA.008.006 Umphathise ubukhosi phezu kwemisebenzi yezandla zakho, Zonke izinto uzibeke phantsi kweenyawo zakhe:

8:7b.PSA.008.007 Impahla emfutshane, neenkomo zonke ziphelele, Kwaneenyamakazi zonke;

8:8b.PSA.008.008 Iintaka zezulu, neentlanzi zolwandle, Into ehamba ngeendlela zolwandle.

8:9b.PSA.008.009 Yehova, Nkosi yethu, Hayi, ubungangamsha begama lakho ehlabathini lonke!

9

9:1b.PSA.009.001 Kumongameli: ngemute-labhen, Umhobe kaDavide. Ndiya kubulela kuYehova ngentliziyo yam yonke; Ndiya kuyibalisa yonke imisebenzi yakho ebalulekileyo.

9:2b.PSA.009.002 Ndiya kuvuya ndidlamke ngawe; Ndiya kulibethela uhadi igama lakho, Wena usenyangweni.

9:3b.PSA.009.003 Ekubuyeni kweentshaba zam umva, Ziyawa, zibhubhe ebusweni bakho.

9:4b.PSA.009.004 Ngokuba ulifezile ityala lam nebango lam: Uhleli etroneni ungumgwebi olilungisa.

9:5b.PSA.009.005 Uzikhalimele iintlanga, wabatshabalalisa abangendawo; Igama lazo ulicimile ngonaphakade kanaphakade.

9:6b.PSA.009.006 Iintshaba zona zigqibele, yangamanxuwa kwaphela; Imizi uyinyothule, Yadaka inkumbulo yayo yona.

9:7b.PSA.009.007 Ke yena uYehova uhleli ngonaphakade, Uyizinzisele ugwebo itrone yakhe.

9:8b.PSA.009.008 Uya kugweba yena kwelimiweyo ngobulungisa, Agwebe phakathi kwezizwe ngokuthe tye.

9:9b.PSA.009.009 UYehova makabe yingxonde kotyunyuziweyo, Ingxonde ngamaxesha engxingongo;

9:10b.PSA.009.010 Bakholose ngawe abalaziyo igama lakho; Ngokuba akubashiyanga abakuquqelayo wena, Yehova.

9:11b.PSA.009.011 Vumani ngendumiso kuYehova ohlala eZiyon; Xelani ezizweni izenzo zakhe ezincamisileyo;

9:12b.PSA.009.012 Ukuba umphindezeli wamagazi ubakhumbule, Akakulibalanga ukukhala kwabalulamileyo.

9:13b.PSA.009.013 Ndibabale, Yehova; Zibone iintsizi zam ezikhoyo ngabandithiyayo, Mphakamisi wam emasangweni okufa;

9:14b.PSA.009.014 Ukuze ndibalise yonke indumiso yakho, Emasangweni entombi uZiyon, Ndigcobe ngosindiso lwakho.

9:15b.PSA.009.015 Iintlanga zitshone esihogweni ezasenzayo, Emnatheni ezawugqumelayo kubanjiswe kwaolwazo unyawo.

9:16b.PSA.009.016 Uzazisile uYehova; wenza umgwebo, Emthiyela ngomsebenzi wezandla zakhe ongendawo. (Bethani uhadi ngofefe. Phakamisani.)

9:17b.PSA.009.017 Baya kubuyela kwelabafileyo abangendawo, Kwaiintlanga zonke ezimlibalayo uThixo;

9:18b.PSA.009.018 Ngokuba aliyi kuhlala lilityalwa ihlwempu, Ithemba leentsizana aliyi kudaka ngonaphakade.

9:19b.PSA.009.019 Khawusuk’ ume, Yehova; malungangcwangushi uluntu, Mazigwetywe iintlanga phambi kwakho,

9:20b.PSA.009.020 Zimisele ukoyika, Yehova, Zazi iintlanga ukuba ziluluntu kuphela. (Phakamisani.)

10

10:1b.PSA.010.001 Yini na ukuba umele mgama, Yehova, Uzifihle ngamaxesha engxingongo?

10:2b.PSA.010.002 Ngokukratsha kwabangendawo bayatsha abaziintsizana; Babanjiswa ngamayelenqe abawacingileyo.

10:3b.PSA.010.003 Ngokuba ongendawo uyaqhayisa ngeminqweno yomphefumlo wakhe. Nolibawa wahlukene noYehova, wamgiba.

10:4b.PSA.010.004 Ongendawo ngobuchi bakhe uthi, Akasayi kubuza. Yonke iminkqangiyelo yakhe ithi, Akukho Thixo.

10:5b.PSA.010.005 Ziqinile iindlela zakhe ngamaxesha onke; Ziphakamile izigwebo zakho, zikude kuye; Bonke ababandezeli bakhe uyabafuthela.

10:6b.PSA.010.006 Uthi entliziyweni yakhe, Andisayi kushukunyiswa; Izizukulwana ngezizukulwana, ndingongayi kuba sebubini.

10:7b.PSA.010.007 Umlomo wakhe uzele kukushwabula nokukhohlisa nokuxinezela. Ngaphantsi kolwimi lwakhe bububi nobutshinga.

10:8b.PSA.010.008 Uhlala emilaleleni yeengqili, Agwinte omsulwa entsithelweni; Amehlo akhe azonda oludwayi.

10:9b.PSA.010.009 Ulalela entsithelweni njengengonyama eludadeni wayo; Ulalela ukuba axwile emke nosizana; Uxwila emke nolusizana, elutsala ngomnatha wakhe.

10:10b.PSA.010.010 Uyabuthuma, uyabunguzela, Bawele ezinzitsheni zakhe abaziindwayi.

10:11b.PSA.010.011 Uthi entliziyweni yakhe, UThixo ulibele, Ubusithelisile ubuso bakhe, akabonanga nento.

10:12b.PSA.010.012 Khawusuk’ ume, Yehova, phakamisa isandla sakho, Thixo. Musa ukubalibala abalulamileyo.

10:13b.PSA.010.013 Kungenxa yani na ukuba ongendawo amgibe uThixo, Athi entliziyweni yakhe, Akuyi kubuza?

10:14b.PSA.010.014 Ubonile wena; ngokuba uyabubona ububi nenkathazo, ububeke esandleni sakho; Uzinikela kuwe oludwayi; Ungumncedi weenkedama wena.

10:15b.PSA.010.015 Yaphula ingalo yongendawo; Onobubi, mbuze okungendawo kwakhe, kungasali nento.

10:16b.PSA.010.016 UYehova nguKumkani ngonaphakade kanaphakade; Zitshabalele iintlanga, azabakho ehlabathini lakhe.

10:17b.PSA.010.017 Umnqweno wabalulamileyo uwuvile, Yehova; Wazizimasa iintliziyo zabo, wayibaza indlebe yakho,

10:18b.PSA.010.018 Ukuba ugwebe ityala lenkedama noxinzelelweyo, Angabi sabangcangcazelisa umntu wasehlabathini.

11

11:1b.PSA.011.001 Kumongameli. EkaDavide. Ndizimela ngoYehova; Ningathini na ukuthi kumphefumlo wam, Balekela entabeni yakho njengentaka?

11:2b.PSA.011.002 Ngokuba nabo abangendawo begoba isaphetha, Bezilungisile iintolo zabo entanjeni, Ukuba batole besithele kwabantliziyo zithe tye.

11:3b.PSA.011.003 Xa iziseko zithe zagungxulwa, Ilungisa linokuthini na?

11:4b.PSA.011.004 UYehova, ulotempile yakhe iyingcwele, UYehova, ulotrone yakhe isemazulwini, Amehlo akhe ayababona, iinkophe zakhe ziyabacikida oonyana babantu.

11:5b.PSA.011.005 UYehova uyalicikida ilungisa; Ke yena ongendawo nothanda ukugonyamela, umthiyile umphefumlo wakhe.

11:6b.PSA.011.006 Uya kubanisela abangendawo imigibe; Umlilo, nesulfure, nomoya olulophu, yindebe yabo abayabelweyo;

11:7b.PSA.011.007 Ngokuba lilungisa uYehova; uthanda imisebenzi yobulungisa; Othe tye uya kububona ubuso bakhe.

12

12:1b.PSA.012.001 Kumongameli: ngelamadoda ilizwi. Umhobe kaDavide. Sindisa, Yehova, ngokuba uphelile owenceba, Ngokuba bathe shwaka abanyanisileyo koonyana babantu.

12:2b.PSA.012.002 Bathetha inkohlakalo omnye nomnye; Bathetha ngomlomo ogudileyo, nangentliziyo embaxa.

12:3b.PSA.012.003 Ngamana uYehova angayinqumla yonke imilebe yomlomo ogudileyo, Ulwimi oluthetha izinto ezinkulu;

12:4b.PSA.012.004 Abathe, Ulwimi lwethu siyalupheza; Imilomo yethu yeyethu; ngubani na oyinkosi kuthi?

12:5b.PSA.012.005 Ngenxa yokubhuqwa kweentsizana, ngenxa yokuncwina kwamahlwempu, Ndiya kusuka ndime ngoku, utsho uYehova; Ndiya kumbeka elusindisweni lowo ululangazelelayo.

12:6b.PSA.012.006 Amazwi kaYehova ngamazwi acocekileyo, Yisilivere enyibilikiselwe eziko, yela emhlabeni, Ehluzwe kasixhenxe.

12:7b.PSA.012.007 Wena, Yehova, uya kubagcina, Uya kubalondoloza kwesi sizukulwana ngonaphakade.

12:8b.PSA.012.008 Abangendawo bahambahamba ngeenxa zonke, Xa kuphakanyiswe abangeni phakathi koonyana babantu.

13

13:1b.PSA.013.001 Kumongameli. Umhobe kaDavide. Kunini na, Yehova, undilibele kwaphela? Kunini na ubusithelisa ubuso bakho kum?

13:2b.PSA.013.002 Kunini na ndicebacebisana nomphefumlo wam, Ndinesingqala entliziyweni yam imini le? Kunini na lundiphakamele utshaba lwam?

13:3b.PSA.013.003 Bheka undiphendule, Yehova, Thixo wam; Khanyisa amehlo am, hleze ndilale ukufa;

13:4b.PSA.013.004 Hleze utshaba lwam luthi, Ndimeyisile; Bagcobe abandibandezelayo, xa ndithe ndashukunyiswa.

13:5b.PSA.013.005 Mna ndikholose ngenceba yakho, Mayigcobe intliziyo yam ngosindiso lwakho.

13:6b.PSA.013.006 Ndiya kuvuma kuYehova, Ngokuba endiphethe kakuhle.

14

14:1b.PSA.014.001 Kumongameli. EkaDavide. Sithi isidenge entliziyweni yaso, Akukho Thixo. Bonakalisile, balisikizi ngeentlondi zabo; Akukho wenza okulungileyo.

14:2b.PSA.014.002 UYehova esemazulwini uqondele koonyana babantu, Ukubona ukuba ukho na oqiqayo, Oquqela kuThixo.

14:3b.PSA.014.003 Bonke batyekile, bayimbozisa bephelele; Akukho wenza okulungileyo, Akukho nokuba abe mnye.

14:4b.PSA.014.004 Abanakwazi na bonke abasebenzi bobutshinga, Abathi, bebadla abantu bam, bathi badla isonka, Bangamnquli uYehova?

14:5b.PSA.014.005 Apho bankwantya benkwantyile; Ngokuba uThixo usesizukulwaneni samalungisa.

14:6b.PSA.014.006 Icebo losizana ningalidanisa, Kodwa uYehova ulihlathi lalo.

14:7b.PSA.014.007 Akwaba bekuvela eZiyon ukusindiswa kwamaSirayeli! Ekubabuyiseni kukaYehova abantu bakhe ekuthinjweni, Wogcoba uYakobi, avuye uSirayeli.

15

15:1b.PSA.015.001 Umhobe kaDavide. Yehova, ngubani na owophambukela ententeni yakho? Ngubani na owohlala entabeni yakho engcwele?

15:2b.PSA.015.002 Ngohamba ngokugqibeleleyo, esenza ubulungisa, Othetha inyaniso ngentliziyo yakhe.

15:3b.PSA.015.003 Ngongahlebiyo ngolwimi lwakhe, Ongamenziyo into embi uwabo, Ongamngcikiviyo ummelwane wakhe;

15:4b.PSA.015.004 Odelekileyo, ecekiseka, kwawakhe amehlo, Obazukisayo ke bona abamoyikayo uYehova; Ofunga, angajiki, nokuba kubi kuye,

15:5b.PSA.015.005 Ongayinikeliyo imali yakhe ukuba adle abantu ngayo, Ongenakugaqelwa ngaye omsulwa. Okwenzayo oko akayi kuza ashukunyiswe naphakade.

16

16:1b.PSA.016.001 Eyona iligugu likaDavide. Ndigcine, Thixo, ngokuba ndizimela ngawe.

16:2b.PSA.016.002 Ndithe kuYehova, UyiNkosi yam, Andinanto indilungeleyo ngaphezu kwakho.

16:3b.PSA.016.003 Ndithe kwabangcwele abasehlabathini, Bona bazizinhanha apho, kukhona konke endikunanzileyo.

16:4b.PSA.016.004 Ziya kwanda iimbulaleko zabo bamananisa ngathixo wumbi uYehova. Andiyi kuyithulula iminikelo yabo ethululwayo yegazi; Andiyi kuwaphatha amagama abo ngomlomo wam.

16:5b.PSA.016.005 NguYehova isahlulo endasabelwayo, nendebe endayabelwayo; Ulenze banzi ilifa lam.

16:6b.PSA.016.006 Amacandelo andiwele ezindaweni ezimnandi; Hee! Ndide ndaba nelifa elihle.

16:7b.PSA.016.007 Ndiya kumbonga uYehova ondinike icebo; Nasebusuku ziyandithethisa izintso zam.

16:8b.PSA.016.008 Ndimmisile uYehova phambi kwam amaxesha onke; Ngokuba esekunene kum nje, andiyi kushukunyiswa.

16:9b.PSA.016.009 Ngako oko iyavuya intliziyo yam, luyagcoba uzuko lwam: Nenyama yam iya kuhlala ikholosile.

16:10b.PSA.016.010 Ngokuba akuyi kuwushiya umphefumlo wam kwelabafileyo; Akuyi kumyekela owakho wenceba ukuba abonane nesihogo.

16:11b.PSA.016.011 Uya kundazisa umendo wobomi; Ebusweni bakho yinzaliseko yemivuyo; Ekunene kwakho yimihlali ngonaphakade.

17

17:1b.PSA.017.001 Umthandazo kaDavide. Buve, Yehova, ubulungisa; kubazele indlebe ukuhlahlamba kwam; Wubekele indlebe umthandazo wam, ongengamlomo ukhohlisayo.

17:2b.PSA.017.002 Ibango lam malivele ebusweni bakho, Amehlo akho akhangele ngokuthe tye.

17:3b.PSA.017.003 Uyicikidile intliziyo yam; undivelele ebusuku; Undinyibilikisile, akwafumana nto; Ndiyinkqangiyele into embi, ayiyi kuwugqitha umlomo wam.

17:4b.PSA.017.004 Malunga nemisebenzi yabantu, ngelizwi lomlomo wakho, Mna ndizigcinile, andangena kwiindlela zamanyangaza.

17:5b.PSA.017.005 Imikhondo yam ibambe iindlela zakho, Azashukuma iinyawo zam.

17:6b.PSA.017.006 Mna ndinqula wena, ngokuba undiphendula, Thixo; Ndithobele indlebe yakho, kuve ukuthetha kwam.

17:7b.PSA.017.007 Zibalule iinceba zakho, wena wabasindisayo abazimela ngawe, Ngesandla sakho sokunene, ngenxa yabasukela phezulu kubo.

17:8b.PSA.017.008 Ndigcine njengeliso, njengokhozo lwalo, Ndisithelise ngesithunzi samaphiko akho,

17:9b.PSA.017.009 Phambi kwabangendawo abandibhuqayo, Phambi kweentshaba zam ngokwasemphefumlweni ezindingungelayo.

17:10b.PSA.017.010 Zithe fithi kukutyeba; Ngomlomo wazo zithetha ngekratshi.

17:11b.PSA.017.011 Zindijikelezile ngoku ekuhambeni kwam; Amehlo azo ziwamisele ukundinqumela emhlabeni.

17:12b.PSA.017.012 Ukufana kwazo kunjengengonyama engxamele ukuqwenga, Kunjengengonyama entsha ihleli entsithelweni.

17:13b.PSA.017.013 Khawusuk’ ume, Yehova, Uyihlangabeze, uyiwise yona; Wusindise umphefumlo wam kongendawo ngekrele lakho;

17:14b.PSA.017.014 Kubafo, ngesandla sakho, Yehova, Kubafo beli phakade, abasahlulo sikobu bomi; Osizalisileyo isisu sabo ngeengqwebo zakho; Bakholisile ngoonyana, Ukuphuphuma kwabo bakushiya neentsapho zabo.

17:15b.PSA.017.015 Mna ndiya kububona ubuso bakho ndisebulungiseni; Ndiya kwaneliswa sisithomo sakho ekuvukeni kwam.

18

18:1b.PSA.018.001 Kumongameli. Eyomkhonzi kaYehova. EkaDavide, owawathethayo kuYehova amazwi ale ngoma, mhlenikweni uYehova wamhlangulayo esandleni seentshaba zakhe zonke nasesandleni sikaSawule; wathi: Ndikuthanda ngembilini yam, Yehova, lomelelo lwam.

18:2b.PSA.018.002 Yehova, ngxondorha yam, mboniselo yam, msindisi wam, Thixo wam, liwa lam endizimela ngalo, Ngweletshetshe yam, luphondo losindiso lwam, ngxonde yam!

18:3b.PSA.018.003 Ndinqula uYehova ongowokudunyiswa, Ndiyasindiswa ezintshabeni zam.

18:4b.PSA.018.004 Izintya zokufa zandijikela; Imilambo yobutshijolo yandidandathekisa.

18:5b.PSA.018.005 Izintya zelabafileyo zandibhijela; Izirhintyelo zokufa zabetha kum.

18:6b.PSA.018.006 Ekubandezelekeni kwam ndanqula uYehova, Ndazibika kuThixo wam; Waliva etempileni yakhe izwi lam, Ukuzibika kwam kwafika phambi kwakhe ezindlebeni zakhe.

18:7b.PSA.018.007 Lahexa ke lanyikima ihlabathi, Iziseko zeentaba zagungqa, Zahexa, ngokuba enomsindo.

18:8b.PSA.018.008 Kwathi thaphu umsi emathatheni akhe, Wadla umlilo, uphuma emlonyeni wakhe, Kwavutha amalahle ephuma kuwo.

18:9b.PSA.018.009 Wawathoba amazulu, wehla, Yangamafu amnyama phantsi kweenyawo zakhe.

18:10b.PSA.018.010 Wakhwela ekerubhini, waphaphazela, Wee tshwebelele ngamaphiko omoya.

18:11b.PSA.018.011 Wamisa ubumnyama baba lisithe lakhe, umnquba wakhe ngeenxa zonke kuye; Ubumnyama bamanzi, iingqimba zamafu.

18:12b.PSA.018.012 Ekukhanyeni okuphambi kwakhe, kwatyhoboza emafini akhe Isiphango samatye, namalahle omlilo.

18:13b.PSA.018.013 Wadudumisa ezulwini uYehova, Ophezu konke walikhupha ilizwi lakhe. Yasisiphango samatye namalahle omlilo.

18:14b.PSA.018.014 Wathuma iintolo zakhe, wabaphangalalisa; Yamininzi imibane, wabadubaduba.

18:15b.PSA.018.015 Imiphantsi yamanzi yabonakala, Kwatyhileka iziseko zelimiweyo Ngokukhalima kwakho, Yehova, Ngokufutha komoya womsindo wakho.

18:16b.PSA.018.016 Wolula isandla ephezulu, wandibamba, Wandirhola emanzini amaninzi.

18:17b.PSA.018.017 Wandihlangula elutshabeni lwam olunamandla, Kwabandithiyileyo, ngokuba bebomelele kunam.

18:18b.PSA.018.018 Bandifikela ngemini yokusindeka kwam, UYehova wandixhasa.

18:19b.PSA.018.019 Wandikhuphela endaweni ebanzi, Wandihlangula, ngokuba endithandile.

18:20b.PSA.018.020 UYehova wandiphatha kakuhle ngokobulungisa bam, Wandibuyisela ngokobunyulu bezandla zam.

18:21b.PSA.018.021 Ngokuba ndizigcina iindlela zikaYehova, Andemka ngokungendawo kuThixo wam.

18:22b.PSA.018.022 Ngokuba onke amasiko akhe aphambi kwam, Nemimiselo yakhe andiyisusi kum;

18:23b.PSA.018.023 Ndaye ndingogqibeleleyo kuye, Ndazigcina, andaba nabugwenxa,

18:24b.PSA.018.024 Wandibuyisela ke uYehova ngokobulungisa bam, Ngokobunyulu bezandla zam phambi kwamehlo akhe.

18:25b.PSA.018.025 Kowenceba uzenza owenceba, Kwigorha eligqibeleleyo uzenza ogqibeleleyo;

18:26b.PSA.018.026 Kozenze nyulu uzenza onyulu, Kojibilizayo uzenza onobuqhokolo.

18:27b.PSA.018.027 Ngokuba wena uyabasindisa abantu ababandezelekileyo, Uwathobe amehlo aqwayingileyo.

18:28b.PSA.018.028 Ngokuba uyasilumeka isibane sam wena; UYehova uThixo wam uyabukhanyisela ubumnyama bam.

18:29b.PSA.018.029 Ngokuba ngawe ndigila amajarha, NgoThixo wam ndiqabela ezindongeni.

18:30b.PSA.018.030 UThixo yena, igqibelele indlela yakhe; Ilizwi likaYehova linyibilikisiwe, Uyingweletshetshe kubo bonke abazimela ngaye.

18:31b.PSA.018.031 Ngokuba ngubani na onguThixo, ingenguye uYehova? Ngubani na oliliwa, ingenguThixo wethu?

18:32b.PSA.018.032 UloThixo undibhinqise ubukroti, Uyigqibelelisileyo indlela yam;

18:33b.PSA.018.033 Uzifanisayo iinyawo zam nezamaxhamakazi, Undimisayo emimangweni yam:

18:34b.PSA.018.034 Uzifundisayo ukulwa izandla zam, Zityede isaphetha sobhedu iingalo zam.

18:35b.PSA.018.035 Undinikileyo ingweletshetshe yosindiso lwakho: Sandixhasa isandla sakho sokunene; Ululamo lwakho lwandikhulisa.

18:36b.PSA.018.036 Wawenzela indawo ebanzi amanyathela am phantsi kwam, Amaxhwele am akahexa.

18:37b.PSA.018.037 Ndazisukela iintshaba zam, ndazifumana; Andabuya zada zaphela.

18:38b.PSA.018.038 Ndaziqoba; azaba nakuvuka, Zawa phantsi kweenyawo zam.

18:39b.PSA.018.039 Wandibhinqisa ubukroti ekulweni, Wabaguqisa phantsi kwam abasukela phezulu kum;

18:40b.PSA.018.040 Wandinika ikhosi leentshaba zam, Abandithiyayo ndababhangisa.

18:41b.PSA.018.041 Bazibika, akwabakho msindisi; Bazibika kuYehova, akabaphendula.

18:42b.PSA.018.042 Ndabacola, banjengothuli phambi komoya, Ndabaphalaza njengodaka lwezitrato.

18:43b.PSA.018.043 Wandisiza ekubambaneni kwabantu, Wandimisa ndayintloko yeentlanga; Abantu ebe ndingabazi bandikhonza.

18:44b.PSA.018.044 Besave ngeendlebe, bandithobela, Oonyana bolunye uhlanga bahanahanisa kum;

18:45b.PSA.018.045 Oonyana bolunye uhlanga bantshwenya, Baphuma bengcangcazela ekuvingcelweni kwabo.

18:46b.PSA.018.046 UYehova uhleli; lelokubongwa iliwa lam, Aphakanyiswe uThixo ondisindisayo.

18:47b.PSA.018.047 UloThixo wandinika impindezelo, Uzikhandaniselayo izizwe phantsi kwam;

18:48b.PSA.018.048 Undisiza ezintshabeni zam; Ewe, wena undiphakamisayo kwabasukela phezulu kum, Undihlangule kumfo ogonyamelayo.

18:49b.PSA.018.049 Ngenxa yoko ndiya kubulela kuwe, Yehova, phakathi kweentlanga, Ndivume kwigama lakho.

18:50b.PSA.018.050 Ulokhulisa iintsindiso zokumkani wakhe: Wenzayo inceba kumthanjiswa wakhe, KuDavide, nakwimbewu yakhe kude kuse ephakadeni.

19

19:1b.PSA.019.001 Kumongameli. Umhobe kaDavide. Izulu libalisa uzuko lukaThixo, Saye isibhakabhaka sixela umsebenzi wezandla zakhe.

19:2b.PSA.019.002 Imini impompozelela imini intetho, Ubusuku buxelela ubusuku ukwazi.

19:3b.PSA.019.003 Akukho ntetho, akukho mazwi, Apho singavakaliyo isandi sawo.

19:4b.PSA.019.004 Intambo yawo yokulinganisa iphume yaya ehlabathini lonke, Kwaba seziphelweni zelimiweyo ukukhuluma kwawo. Ilanga ulimisele intente kuwo,

19:5b.PSA.019.005 Lona linjengomyeni ke ephuma egumbini lakhe; Linemihlali njengegorha, ukugidima ngomendo walo.

19:6b.PSA.019.006 Kusesiphelweni sezulu ukuphuma kwalo, Ukujikeleza kwalo kusa eziphelweni zalo; Akukho nto inokusithela ebushushwini balo.

19:7b.PSA.019.007 Umyalelo kaYehova ugqibelele, ubuyisa umphefumlo; Isingqino sikaYehova sinyanisekile, sinika isiyatha ubulumko.

19:8b.PSA.019.008 Izimiselo zikaYehova zithe tye, zivuyisa intliziyo; Umthetho kaYehova unyulu, ukhanyisela amehlo.

19:9b.PSA.019.009 Ukoyika uYehova kucocekile, kumi ngonaphakade; Izigwebo zikaYehova ziyinyaniso, zibubulungisa kwaphela.

19:10b.PSA.019.010 Zinokunqweneleka kunegolide zona, nakunengcwengiweyo eninzi; Zimnandi kunobusi, kunencindi yobusi.

19:11b.PSA.019.011 Zikwamkhanyisela umkhonzi wakho; Ekuzigcineni mkhulu umvuzo.

19:12b.PSA.019.012 Ukulahleka, ngubani na okuqondayo? Ndenze msulwa kokusitheleyo.

19:13b.PSA.019.013 Kwanasekukhukhumaleni mnqande umkhonzi wakho; Makungandilawuli; ukuze ndandule ukuba ngogqibeleleyo, Ndibe msulwa ekukreqeni okukhulu.

19:14b.PSA.019.014 Makakholeke amazwi omlomo wam, nezicamango zentliziyo yam, Phambi kwakho, Yehova, liwa lam, mkhululi wam.

20

20:1b.PSA.020.001 Kumongameli. Umhobe kaDavide. Ngamana wakuphendula uYehova ngemini yembandezelo, Ngamana lakusa engxondeni igama likaThixo kaYakobi!

20:2b.PSA.020.002 Wakuthumela uncedo lwasengcweleni, Wakuxhasa eseZiyon!

20:3b.PSA.020.003 Wayikhumbula yonke iminikelo yakho yokudla, Wawafumana etyebile amadini akho anyukayo! (Phakamisani.)

20:4b.PSA.020.004 Wakunika ngokwentliziyo yakho, Walizalisa lonke icebo lakho!

20:5b.PSA.020.005 Singamemelela ngosindiso lwakho, Siphakamise iibhanile zethu egameni loThixo wethu; Azizalise uYehova zonke izicelo zakho.

20:6b.PSA.020.006 Ndiyazi ngoku ukuba uYehova ngumsindisi womthanjiswa wakhe; Uya kumphendula emazulwini akhe angcwele Ngobugorha obusindisayo besandla sakhe sokunene.

20:7b.PSA.020.007 Abanye bakhankanya iinqwelo zokulwa, abanye bakhankanye amahashe, Ke thina sikhankanya igama likaYehova uThixo wethu.

20:8b.PSA.020.008 Bona baguqile bawa; Thina siphakamile sema.

20:9b.PSA.020.009 Yehova, sindisa; Ukumkani asiphendule ngemini yokubiza kwethu.

21

21:1b.PSA.021.001 Kumongameli. Umhobe kaDavide. Yehova, uvuyile ngamandla akho ukumkani, Asikuko nokuba uyagcoba ngosindiso lwakho!

21:2b.PSA.021.002 Umnike umnqweno wentliziyo yakhe Akwasilandula isicelo somlomo wakhe. (Phakamisani.)

21:3b.PSA.021.003 Ngokuba umkhawulela ngeentsikelelo zokulungileyo, Umthwesa isithsaba segolide engcwengekileyo.

21:4b.PSA.021.004 Wacela ubomi kuwe, wampha, Wamnika imihla emide ngonaphakade kanaphakade.

21:5b.PSA.021.005 Lukhulu uzuko lwakhe ngosindiso lwakho; Ubeka phezu kwakhe indili nobungangamela.

21:6b.PSA.021.006 Ngokuba umenze waba yintsikelelo ngonaphakade, Umvuyisa ngovuyo ebusweni bakho.

21:7b.PSA.021.007 Ngokuba ukumkani ukholose ngoYehova, Ngenceba yOsenyangweni akayi kushukunyiswa.

21:8b.PSA.021.008 Isandla sakho siya kuzifumana zonke iintshaba zakho, Esokunene sakho siya kubafumana abakuthiyayo.

21:9b.PSA.021.009 Uya kubenza babe njengeziko lomlilo, wakubonakala. UYehova uya kubaginya ngomsindo wakhe, Nomlilo ubadle.

21:10b.PSA.021.010 Uya kusitshabalalisa isiqhamo sabo emhlabeni, Imbewu yabo koonyana babantu.

21:11b.PSA.021.011 Ngokuba bakuthobela ububi, Bacinga iyelenqe; abayi kufeza nto.

21:12b.PSA.021.012 Ngokuba uya kubenza bakunikele umhlana; Ngesaphetha sakho uya kuxuna iintolo zakho ebusweni babo.

21:13b.PSA.021.013 Phakama, Yehova, ngamandla akho; Siya kuvuma sibethe uhadi ngobugorha bakho.

22

22:1b.PSA.022.001 Kumongameli: ngeyelexhama lesifingo. Umhobe kaDavide. Thixo wam, Thixo wam, undilahleleni na? Ukude ngani na ekusindisweni kwam, nasemazwini okubonga kwam?

22:2b.PSA.022.002 Thixo wam, ndiyabiza emini, ungaphenduli; Nasebusuku ndiyabiza, andithozanyiswa noko.

22:3b.PSA.022.003 Ungcwele ke wena, Ungulohlala ezindumisweni zakwaSirayeli.

22:4b.PSA.022.004 Oobawo bakholosa ngawe, Bakholosa, wabasiza;

22:5b.PSA.022.005 Bakhala kuwe, basinda; Bakholosa ngawe, abadana.

22:6b.PSA.022.006 Ke mna ndingumbungu, andimntu; Ndisisingcikivo soluntu, into edelekileyo ebantwini.

22:7b.PSA.022.007 Bonke abandibonayo bayandigculela; Bayasineka, bahlunguzela intloko;

22:8b.PSA.022.008 Bathi, Makazilahlele kuYehova, amsize, Amhlangule kaloku, ngokuba emthandile.

22:9b.PSA.022.009 Ewe, nguwe umtyhobozisi wam esizalweni, Inkolosisi yam ndisemabeleni kama.

22:10b.PSA.022.010 Ndalahlelwa kuwe kwasesizalweni; Kwasembilinini kama ubunguThixo wam.

22:11b.PSA.022.011 Musa ukuba kude nam, ngokuba isondele imbandezelo, Ngokuba akukho mncedi.

22:12b.PSA.022.012 Ndingqongwe ziinkunzi ezininzi, Ndihlanganyelwe zeziziimbalasane zaseBhashan.

22:13b.PSA.022.013 Zindakhamele umlomo wazo, Njengengonyama eqwengayo, egqumayo.

22:14b.PSA.022.014 Ndiphalele njengamanzi, Ahlukene onke amathambo am; Yanjengomthwebeba intliziyo yam, Inyibilikile phakathi kwezibilini zam.

22:15b.PSA.022.015 Omile njengegophe amandla am, Ulwimi lwam lunamathele ekhuhlangubeni lam; Undibeka eluthulini lokufa.

22:16b.PSA.022.016 Ngokuba izinja zindirhawule, Ibandla labenzi bokubi lindingungele; Bagqobhoza izandla zam neenyawo zam.

22:17b.PSA.022.017 Ndinokuwabala onke amathambo am; Bona bayandijonga, bayandibonela,

22:18b.PSA.022.018 Babelana ngeengubo zam, Isambatho sam basenzela amaqashiso.

22:19b.PSA.022.019 Ke wena, Yehova, musa ukuba kude; Mandla am, khawuleza undincede.

22:20b.PSA.022.020 Wuhlangule ekreleni umphefumlo wam, Okuphela kwawo, ethupheni lenja.

22:21b.PSA.022.021 Ndisindise emlonyeni wengonyama, Nasezimpondweni zenqu uya kundiphendula.

22:22b.PSA.022.022 Ndiya kulazisa igama lakho kubazalwana bam, Ndikudumise phakathi kwebandla, ndithi,

22:23b.PSA.022.023 Nina nimoyikayo uYehova, mdumiseni; Nonke, mbewu kaYakobi, mzukiseni, Nimhlonele nina, mbewu yonke kaSirayeli.

22:24b.PSA.022.024 Kuba azidelekanga, azibanga nazothe kuye iintsizi zolusizana; Akabusithelisanga ubuso bakhe kuye; Ekuzibikeni kwakhe kuye waphulaphula.

22:25b.PSA.022.025 Ivela kuwe indumiso yam ebandleni elikhulu; Nezibhambathiso zam ndiya kuzizalisa phambi kwabamoyikayo.

22:26b.PSA.022.026 Baya kudla abalulamileyo, bahluthe; Baya kudumisa uYehova abamngxamelayo. Ngamana yaphila intliziyo yenu ngonaphakade!

22:27b.PSA.022.027 Ziya kukhumbula zibuyele kuYehova zonke iziphelo zehlabathi, Iqubude phambi kwakhe yonke imizalwane yeentlanga:

22:28b.PSA.022.028 Ngokuba bobukaYehova ubukumkani, Nguye umlawuli ezintlangeni.

22:29b.PSA.022.029 Baya kudla, baqubude, bonke abatyebileyo behlabathi; Baya kuguqa phambi kwakhe bonke abatshona eluthulini, Abangawugciniyo umphefumlo wabo.

22:30b.PSA.022.030 Imbewu iya kumkhonza; Kuya kubaliselwa isizukulwana ngayo iNkosi.

22:31b.PSA.022.031 Baya kuza baxele ubulungisa bayo Kubantu abaza kuzalwa, ukuba oko ukwenzile.

23

23:1b.PSA.023.001 Umhobe kaDavide. UYehova ngumalusi wam, andisweli lutho.

23:2b.PSA.023.002 Wenza ukuba mandibuthe emakriweni aluhlaza; Undithundezela emanzini angawokuphumla.

23:3b.PSA.023.003 Uyawubuyisa umphefumlo wam; Undikhaphela ezindleleni zobulungisa ngenxa yegama lakhe.

23:4b.PSA.023.004 Nokuba ndihamba emfuleni wethunzi lokufa, Andiyi koyika bubi, ngokuba unam wena; Intonga yakho, umsimelelo wakho, uyandithuthuzela.

23:5b.PSA.023.005 Undilungisela isithebe phambi kwababandezeli bam, Uyithambisa ngeoli intloko yam, Indebe yam iyaphalala.

23:6b.PSA.023.006 Inene, ndiya kulandelwa kokulungileyo nenceba Yonke imihla yobomi bam, Ndihlale endlwini kaYehova Imihla emide.

24

24:1b.PSA.024.001 Umhobe kaDavide. LelikaYehova ihlabathi nenzaliseko yalo, Elimiweyo, nabahleli kulo;

24:2b.PSA.024.002 Ngokuba yena waliseka phezu kweelwandle, Walizinzisa phezu kwemilambo.

24:3b.PSA.024.003 Ngubani na onokunyuka aye entabeni kaYehova? Ngubani na onokuma endaweni yakhe engcwele?

24:4b.PSA.024.004 Ngozandla zimsulwa, ontliziyo inyulu, Ongawuphakamiseli kwinkohlakalo umphefumlo wakhe, Ongafungiyo ngenkohliso.

24:5b.PSA.024.005 Uya kwamkela intsikelelo kuYehova, Nobulungisa kuThixo ongumsindisi wakhe.

24:6b.PSA.024.006 Siso eso isizukulwana sabamngxameleyo, Sababufunayo ubuso bakho, Thixo kaYakobi.(phakamisani.)

24:7b.PSA.024.007 Phakamisani iintloko zenu, masango; Niziphakamise, minyango yaphakade, Angene uKumkani wozuko.

24:8b.PSA.024.008 Ngubani na ke lo Kumkani wozuko? NguYehova onamandla, oligorha; NguYehova, igorha emfazweni.

24:9b.PSA.024.009 Phakamisani iintloko zenu, masango, Niziphakamise, minyango yaphakade, Angene lo Kumkani wozuko.

24:10b.PSA.024.010 Ngubani na ke yena uKumkani wozuko? NguYehova wemikhosi, Nguye lo Kumkani wozuko. (Phakamisani.)

25

25:1b.PSA.025.001 EkaDavide. Ndiwuphakamisela kuwe, Yehova, umphefumlo wam.

25:2b.PSA.025.002 Thixo wam, ndikholose ngawe, Mandingadani; Mazingandivuyeleli iintshaba zam.

25:3b.PSA.025.003 Ewe, bonke abo bakuthembayo abayi kudana; Kuya kudana abo banginiza ngelize.

25:4b.PSA.025.004 Ndazise iindlela zakho, Yehova, Ndifundise umendo wakho.

25:5b.PSA.025.005 Ndinyathelise enyanisweni yakho, undifundise; Ngokuba unguThixo ongumsindisi wam; Ndithembe wena yonke imihla.

25:6b.PSA.025.006 Khumbula iimfesane zakho, Yehova, neenceba zakho; Ngokuba kususela kwaphakade zikho.

25:7b.PSA.025.007 Musa ukuzikhumbula izono zobutsha bam, nokreqo lwam; Ndikhumbule ngokwenceba yakho wena, Ngenxa yokulunga kwakho, Yehova.

25:8b.PSA.025.008 Ulungile, uthe tye uYehova; Ngenxa yoko uyabayalela indlela aboni.

25:9b.PSA.025.009 Uyabanyathelisa abalulamileyo emasikweni akhe, Abafundise abalulamileyo indlela yakhe.

25:10b.PSA.025.010 Zonke iindlela zikaYehova ziyinceba nenyaniso, Kwabagcina umnqophiso wakhe nezingqino zakhe.

25:11b.PSA.025.011 Ngenxa yegama lakho, Yehova, xolela ubugwenxa bam, Ngokuba bukhulu bona.

25:12b.PSA.025.012 Ngubani na ke umntu omoyikayo uYehova? Womyalela indlela aya kuyinyula.

25:13b.PSA.025.013 Umphefumlo wakhe wohlala wonwabile, Imbewu yakhe ilidle ilifa ilizwe.

25:14b.PSA.025.014 Ukucweya kukaYehova kunabamoyikayo; Ubazisa umnqophiso wakhe.

25:15b.PSA.025.015 Amehlo am ahlala emi kuYehova, Ngokuba nguye ozirholayo eluthanjeni iinyawo zam.

25:16b.PSA.025.016 Ndibheke, undibabale, Ngokuba ndindodwa, ndibandezelekile.

25:17b.PSA.025.017 Iimbandezelo zentliziyo yam ziphangalalisiwe; Ndikhuphe ekucuthekeni kwam.

25:18b.PSA.025.018 Khangela ukucinezeleka kwam nokwaphuka kwam, Uxolele zonke izono zam.

25:19b.PSA.025.019 Zikhangele iintshaba zam, ngokuba zininzi; Zindithiye ngentiyo egonyamelayo.

25:20b.PSA.025.020 Wugcine umphefumlo wam, undihlangule; Mandingadani, ngokuba ndizimela ngawe.

25:21b.PSA.025.021 Ukugqibelela nokuthi tye makundilondoloze, Ngokuba ndithembele kuwe.

25:22b.PSA.025.022 Khulula uSirayeli, Thixo, Ezimbandezelweni zakhe zonke.

26

26:1b.PSA.026.001 EkaDavide. Lithethe ityala lam, Yehova, ngokuba mna ndihambe engqibelelweni yam, Ndakholosa ngoYehova, andahexa.

26:2b.PSA.026.002 Ndicikide, Yehova, undilinge; Nyibilikisa izintso zam nentliziyo yam.

26:3b.PSA.026.003 Ngokuba inceba yakho iphambi kwamehlo am, Ndihamba enyanisweni yakho.

26:4b.PSA.026.004 Andihlali namadoda akhohlakeleyo, Andihambi nabanyhwalazi.

26:5b.PSA.026.005 Ndilithiyile ibandla labenzi bobubi, Andihlali nabangendawo.

26:6b.PSA.026.006 Ndizihlamba kokumsulwa izandla zam, Ndisiphahle isibingelelo sakho, Yehova,

26:7b.PSA.026.007 Ukuba ndivakalise izwi lokubulela, Ndibalise ngayo yonke imisebenzi yakho ebalulekileyo.

26:8b.PSA.026.008 Yehova, ndiyalithanda ikhaya eliyindlu yakho, Nendawo yokuhlala kozuko lwakho.

26:9b.PSA.026.009 Musa ukuwubuthela umphefumlo wam ndawonye naboni, Ubomi bam ndawonye namadoda anamagazi;

26:10b.PSA.026.010 Wona azandla zinamanyala, Wona ezokunene zawo zizeleyo zizicengo.

26:11b.PSA.026.011 Mna ke okwam ndihamba engqibelelweni yam; Ndikhulule, undibabale.

26:12b.PSA.026.012 Unyawo lwam lumi endaweni ebanzi; Ndimbonga uYehova ndisemabandleni.

27

27:1b.PSA.027.001 EkaDavide. NguYehova umkhanyiseli wam nomsindisi wam, ndiya koyika bani na? NguYehova inqaba yobomi bam, ndiya kunkwantya ngabani na?

27:2b.PSA.027.002 Bakusondela kum abenzi bobubi ukuba badle inyama yam, Bakuza ababandezeli bam neentshaba zam kum, bakhubeka bawa bona.

27:3b.PSA.027.003 Bendingafanelana ndirhawulwe ngumkhosi isuka ingoyiki intliziyo yam; Bendingafanelana ndiphakanyelwe yimfazwe, ndisuka ndithembe noko.

27:4b.PSA.027.004 Ndicele nto-nye kuYehova, ndifuna yona: Ukuba ndihlale endlwini kaYehova yonke imihla yobomi bam, Ndibone ubuhle bukaYehova, ndiphicothe etempileni yakhe.

27:5b.PSA.027.005 Ngokuba undigusha emnqubeni wakhe ngemini yobubi, Undisithelisa esitheni lentente yakhe, Undimisa eweni.

27:6b.PSA.027.006 Ngoku ke iya kuphakama intloko yam phezu kweentshaba zam ezindijikelezayo, Ndibingelele ententeni yakhe imibingelelo yokuduma, Ndivume, ndibethe uhadi kuYehova.

27:7b.PSA.027.007 Yiva, Yehova, ndakubiza ngezwi lam; Ndibabale, undiphendule.

27:8b.PSA.027.008 Intliziyo yam ithi kuwe, kweli uthi, Funani ubuso bam, Ubuso bakho, Yehova, ndiya kubufuna.

27:9b.PSA.027.009 Musa ukubusithelisa ubuso bakho kum; Musa ukumgila umkhonzi wakho ngomsindo; Uluncedo lwam, musa ukundilahla; Musa ukundishiya, Thixo ondisindisayo.

27:10b.PSA.027.010 Ngokuba ubawo noma bandishiyile, Wesuka uYehova wandichola.

27:11b.PSA.027.011 Ndiyalele, Yehova, indlela yakho, Ndikhaphe emendweni othe tye, ngenxa yabandilaleleyo.

27:12b.PSA.027.012 Musa ukundinikela elitheni labandibandezelayo, Ngokuba ndiphakanyelwe ngamangqina axokayo, nabafutha ukugonyamela.

27:13b.PSA.027.013 Ndinge ndiphelelwe, koko bendikholwa kukuba ndokubona ukulunga kukaYehova Ezweni lobu bomi.

27:14b.PSA.027.014 Thembela kuYehova; Yomelela, ikhaliphe intliziyo yakho, Uthembele kuYehova.

28

28:1b.PSA.028.001 EkaDavide. Ndidanduluka kuwe, Yehova; Liwa lam, musa ukuzenza isithulu; Hleze, wakuthi cwaka kum, Ndifane nabahla baye emhadini.

28:2b.PSA.028.002 Yiva izwi lokukhunga kwam ekuzibikeni kwam kuwe, Ekuziphakamiseleni kwam izandla zam kwingcwele kangcwele.

28:3b.PSA.028.003 Musa ukundiqweqwedisa nabangendawo, Nabenzi bobutshinga; Abathetha uxolo kummelwane wabo, Benobubi ezintliziyweni zabo.

28:4b.PSA.028.004 Banike ngokwemisebenzi yabo, ngokobubi beentlondi zabo; Banike ngokwezenzo zezandla zabo; Babuyisele ngokwempatho yabo.

28:5b.PSA.028.005 Ekubeni bengayiqondi imisebenzi kaYehova, Nezenzo zezandla zakhe, Uya kubagungxula, angabakhi.

28:6b.PSA.028.006 Makabongwe uYehova, Kuba elivile ilizwi lokukhunga kwam.

28:7b.PSA.028.007 NguYehova amandla am nengweletshetshe yam; Yakholosa ngaye intliziyo yam, ndancedeka. Iyadlamka ke intliziyo yam, Ndiyamdumisa ngengoma yam.

28:8b.PSA.028.008 UYehova ungamandla kubo; Uligwiba losindiso kumthanjiswa wakhe yena.

28:9b.PSA.028.009 Sindisa abantu bakho, Usikelele ilifa lakho, Ubaluse, ubathwale kude kuse ephakadeni.

29

29:1b.PSA.029.001 Umhobe kaDavide. Mnikeni uYehova, nina nyana bakaThixo, Mnikeni uYehova uzuko namandla.

29:2b.PSA.029.002 Mnikeni uYehova uzuko lwegama lakhe; Qubudani kuYehova nivethe ezingcwele.

29:3b.PSA.029.003 Izwi likaYehova liphezu kwamanzi; UThixo wozuko uyadudumisa, KwauYehova phezu kwamanzi amaninzi.

29:4b.PSA.029.004 Izwi likaYehova linamandla, Izwi likaYehova linobungangamela;

29:5b.PSA.029.005 Izwi likaYehova laphula imisedare, UYehova waphula imisedare yaseLebhanon.

29:6b.PSA.029.006 Uyidlobisa njengenkonyana, ILebhanon neSiriyon njengethole lenqu.

29:7b.PSA.029.007 Izwi likaYehova lilenyise okwamalangatye omlilo,

29:8b.PSA.029.008 Izwi likaYehova liyenza isaqhwithi intlango, UYehova uyenza isaqhwithi intlango yaseKadeshe.

29:9b.PSA.029.009 Izwi likaYehova lizuzisa amaxhamakazi, Lihlube amahlathi; Etempileni yakhe into yonke iphela ithi, Luzuko!

29:10b.PSA.029.010 UYehova wahlala kunogumbe, UYehova uhleli enguKumkani ngonaphakade.

29:11b.PSA.029.011 UYehova uya kubanika abantu bakhe amandla; UYehova uya kubasikelela abantu bakhe ngoxolo.

30

30:1b.PSA.030.001 Umhobe: ingoma yokusungulwa kwayo indlu. EkaDavide. Ndiya kukuphakamisa, Yehova, kuba undirholile wandinyusa, Akwazivuyisa iintshaba zam ngam.

30:2b.PSA.030.002 Yehova, Thixo wam, Ndazibika kuwe, wandiphilisa;

30:3b.PSA.030.003 Yehova, uwunyusile kwelabafileyo umphefumlo wam, Wandidlisa ubomi, ukuba ndingehli ndiye emhadini.

30:4b.PSA.030.004 Mbetheleni uhadi uYehova, nina bakhe benceba, Nibulele isikhumbuzo sakhe esingcwele,

30:5b.PSA.030.005 Ngokuba yinto yephanyazo umsindo wakhe, Itarhu lakhe liyinto yobomi; Ngokuhlwa kulalisa ukulila, Kusasa kubakho ukumemelela.

30:6b.PSA.030.006 Ke mna ndathi ebunqobeni bam, Andiyi kushukunyiswa naphakade.

30:7b.PSA.030.007 Yehova, enkolosekweni yakho ubuyiqinisile intaba yam; Ubusithelisile ubuso bakho, ndakhwankqiswa.

30:8b.PSA.030.008 Ndadanduluka kuwe, Yehova, Ndakhunga kuYehova:

30:9b.PSA.030.009 Ndathi, Kukho nzuzo yani na egazini lam, ekuhleni kwam ndiye esihogweni? Lokudumisa na uthuli? loyixela na inyaniso yakho?

30:10b.PSA.030.010 Yiva, Yehova, undibabale; Yehova, yiba ngumncedi wam.

30:11b.PSA.030.011 Wakuguqula ukulila kwam, kwaba kukuqamba; Wandikhulula ezirhwexayo, wandibhinqisa uvuyo,

30:12b.PSA.030.012 Ukuze uzuko lwam luvume ngawe, lungathi cwaka. Yehova, Thixo wam, ndiya kubulela kuwe ngonaphakade.

31

31:1b.PSA.031.001 Kumongameli. Umhobe kaDavide. Ndizimela ngawe, Yehova, mandingaze ndidaniswe; Ndisize ngobulungisa bakho.

31:2b.PSA.031.002 Ndithobele indlebe yakho, ungxame undihlangule; Yiba liliwa eliligwiba kum, Indlu yemboniselo yokundisindisa.

31:3b.PSA.031.003 Ngokuba ingxondorha yam nemboniselo yam nguwe; Ngenxa yegama lakho uya kundikhapha undithundeze.

31:4b.PSA.031.004 Uya kundirhola esibatheni ababesigqumele mna, Ngokuba uyinqaba yam.

31:5b.PSA.031.005 Ndiwuyaleza umoya wam esandleni sakho; Uyandikhulula, Yehova, Thixo wenyaniso.

31:6b.PSA.031.006 Ndibathiyile abagcine amampunge angento yanto. Ndikholose ngoYehova mna.

31:7b.PSA.031.007 Ndiya kugcoba ndivuye ngenceba yakho, Ngenxa enokuba uzibonile iintsizi zam, Wazazi iingxingongo zomphefumlo wam;

31:8b.PSA.031.008 Akwandivingcela ngesandla seentshaba, Wazimisa endaweni ebanzi iinyawo zam.

31:9b.PSA.031.009 Ndibabale, Yehova, ngokuba ndibandezelekile; Lonakele kukukhathazeka iliso lam, nomphefumlo wam, nesisu sam;

31:10b.PSA.031.010 Ngokuba buphelile sisingqala ubomi bam, Neminyaka yam kukuncwina; Ayagexa amandla am ngobugwenxa bam, Namathambo am aluphele.

31:11b.PSA.031.011 Ngenxa yababandezeli bam bonke ndaba sisingcikivo, Ngokukodwa kubamelwane bam; ndaba yinto yokunkwantyisa kwabandaziyo; Abandibonayo ngaphandle baya ndibaleka.

31:12b.PSA.031.012 Ndilityelwe njengomfi ongasakhunjulwayo; Ndinjengesitya esiza kulahlwa.

31:13b.PSA.031.013 Ngokuba ndive intlebendwane yabaninzi, Ukunxunguphala ngeenxa zonke. Ekugquguleni kwabo ngam, Bankqangiyela ukuthabatha umphefumlo wam.

31:14b.PSA.031.014 Ke mna ndikholose ngawe, Yehova; Ndithi, UnguThixo wam wena.

31:15b.PSA.031.015 Asesandleni sakho amaxesha am; Ndihlangule esandleni seentshaba zam nakwabandisukelayo.

31:16b.PSA.031.016 Khanyisa ubuso bakho phezu komkhonzi wakho; Ndisindise ngenceba yakho.

31:17b.PSA.031.017 Yehova, andiyi kudana, ngokuba ndinqula wena; Makudane abangendawo, bathi cwaka kwelabafileyo.

31:18b.PSA.031.018 Mawubotshwe umlomo wobuxoki, Othetha ngelungisa ngokusa, Unekratshi, udela.

31:19b.PSA.031.019 Hayi, ubukhulu bokulunga kwakho, obuqwebele abakoyikayo, Obenzela abazimela ngawe, ebusweni boonyana babantu!

31:20b.PSA.031.020 Ubasithelisa esitheni lobuso bakho kumayelenqe abantu; Uyabagusha emnqubeni ekubambaneni kweelwimi.

31:21b.PSA.031.021 Makabongwe uYehova, Ngokuba endenzele inceba ebalulekileyo emzini onqabileyo.

31:22b.PSA.031.022 Ke mna ndathi ekuphakuzeleni kwam, Ndinqanyulwe andabakho emehlweni akho. Waliva noko izwi lokukhunga kwam ekuzibikeni kwam kuwe.

31:23b.PSA.031.023 Thandani uYehova, nonke nina bakhe benceba; NguYehova umlondolozi wabanyanisileyo, Umphindezeli ngokukhulu kowenza ngekratshi.

31:24b.PSA.031.024 Yomelelani, ikhaliphe intliziyo yenu Nonke nina nithembele kuYehova.

32

32:1b.PSA.032.001 EkaDavide. Eyokuqiqa. Hayi, uyolo lwakhe olukreqo luxolelweyo, osono siselelweyo!

32:2b.PSA.032.002 Hayi, uyolo lomntu angabubaleliyo uYehova kuye ubugwenxa, Ekungekho kukhohlisa emoyeni wakhe!

32:3b.PSA.032.003 Ndithi ndakuthi cwaka, aluphale amathambo am Ngokubhonga kwam imihla yonke.

32:4b.PSA.032.004 Ngokuba imini nobusuku, besinzima phezu kwam isandla sakho, Baguquka ubumanzi bam, baba kukubalela kwasehlotyeni. (Phakamisani.)

32:5b.PSA.032.005 Ndikwazisile isono sam, ubugwenxa bam andabugquma; Ndathi, Ndoluvuma ukreqo lwam kuYehova; Wabuxolela ke wena ubugwenxa besono sam. (Phakamisani.)

32:6b.PSA.032.006 Ngenxa yoko mabathandaze kuwe bonke abenceba ngexesha lokukufumana; Inene, ekukhukuleni kwamanzi amaninzi Akayi kufika kubo.

32:7b.PSA.032.007 Wena uyindawo yokuzimela kwam; uyandilondoloza embandezelweni, Undingqonge ngomemelelo lokusiza. (Phakamisani.)

32:8b.PSA.032.008 Ndiya kukuqiqisa ndikuyalele indlela owohamba ngayo: Ndiya kukucebisa, iliso lam likuwe.

32:9b.PSA.032.009 Musani ukuba njengamahashe, njengoondlebende, ukungabi nangqondo; Abazivatho zingumkhala, neentambo zokubabopha umlomo; Bengenazo abasayi kusondela kuwe.

32:10b.PSA.032.010 Mkhulu umvandedwa wongendawo; Ke okholosa ngoYehova, yena uya kumjikela ngenceba.

32:11b.PSA.032.011 Vuyani kuYehova, nigcobe, nina malungisa, Nimemelele, nina nonke bantliziyo zithe tye.

33

33:1b.PSA.033.001 Memelelani kuYehova, nina malungisa; Ibafanele abathe tye indumiso.

33:2b.PSA.033.002 Bulelani kuYehova ngohadi, Mbetheleni umrhubhe ontambo zilishumi.

33:3b.PSA.033.003 Mvumeleni ingoma entsha, Nilungise ukubetha ngelokuduma;

33:4b.PSA.033.004 Nokuba lithe tye ilizwi likaYehova, Konke akwenzayo kuthembekile.

33:5b.PSA.033.005 Ngumthandi wobulungisa nokusesikweni, Lizele ihlabathi yinceba kaYehova.

33:6b.PSA.033.006 Lenzeka ngelizwi likaYehova izulu, Umkhosi walo lonke ngomoya womlomo wakhe.

33:7b.PSA.033.007 Ulobutha njengemfumba amanzi olwandle, Ulobeka koovimba amanzi enzonzobila.

33:8b.PSA.033.008 Malimoyike uYehova lonke ihlabathi, Bamhlonele bonke abemi belimiweyo;

33:9b.PSA.033.009 Ngokuba wathetha, kwabakho; Wawisa umthetho yena, kwema.

33:10b.PSA.033.010 UYehova ulitshitshisile icebo leentlanga; Uzalele iingcinga zezizwe.

33:11b.PSA.033.011 Icebo likaYehova limi ngonaphakade, Iingcinga zentliziyo yakhe kwizizukulwana ngezizukulwana.

33:12b.PSA.033.012 Hayi, uyolo lohlanga oluThixo walo unguYehova; Lwabantu abanyulileyo, baba lilifa kuye.

33:13b.PSA.033.013 Uqondele esemazulwini uYehova; Uyababona bonke oonyana babantu;

33:14b.PSA.033.014 Esendaweni yakhe yokuhlala, wondele Kubemi bonke behlabathi:

33:15b.PSA.033.015 Ulobumba ngakunye intliziyo yabo, Uloqonda zonke izenzo zabo.

33:16b.PSA.033.016 Akukho kumkani osindiswa yimpi enkulu; Igorha alihlangulwa ngamandla alo amakhulu.

33:17b.PSA.033.017 Liyaxoka ihashe ukuba lingasindisa, Nangamandla alo amakhulu alinakusiza.

33:18b.PSA.033.018 Yabona, iliso likaYehova likubo abamoyikayo, Abalindele inceba yakhe,

33:19b.PSA.033.019 Ukuba awuhlangule ekufeni umphefumlo wabo, Abagcine ngexesha lendlala.

33:20b.PSA.033.020 Umphefumlo wethu ulindele kuYehova; Nguye uncedo lwethu, nengweletshetshe yethu.

33:21b.PSA.033.021 Ngokuba iya kuvuya ngaye intliziyo yethu, Sikholosile nje ngegama lakhe elingcwele.

33:22b.PSA.033.022 Inceba yakho mayibe phezu kwethu, Yehova, Njengoko sikulindeleyo kuwe.

34

34:1b.PSA.034.001 EkaDavide; oko wazenza ophambene ingqondo phambi koAbhimeleki, waza yena wamgxotha, wahamba. Ndiya kumbonga uYehova ngamaxesha onke, Ihlale isemlonyeni wam indumiso yakhe.

34:2b.PSA.034.002 Uya kuqhayisa umphefumlo wam ngoYehova; Bova abalulamileyo, bavuye.

34:3b.PSA.034.003 Menzeni mkhulu kunye nam uYehova, Siliphakamise kunye igama lakhe.

34:4b.PSA.034.004 Ndamfuna uYehova, wandiphendula; Wandihlangula kwiinto zonke endinxunguphala zizo.

34:5b.PSA.034.005 Babheka kuye, bakhazimla; Ubuso babo ababa nazintloni.

34:6b.PSA.034.006 Usizana lwadanduluka, weva uYehova, Walusindisa ezimbandezelweni zalo zonke.

34:7b.PSA.034.007 Isithunywa sikaYehova sibangqinga ngeenxa zonke abamoyikayo, Sibahlangule.

34:8b.PSA.034.008 Yivani, nibone ukuba ulungile uYehova. Hayi, uyolo lomfo ozimela ngaye!

34:9b.PSA.034.009 Moyikeni uYehova, nina bangcwele bakhe, Ngokuba abanakuswela abamoyikayo.

34:10b.PSA.034.010 Iingonyama ezintsha ziyaswela, zilambe; Ke bona abamfunayo uYehova abasweli nanye into elungileyo.

34:11b.PSA.034.011 Yizani, bonyana, phulaphulani kum; Ndonifundisa ukoyika uYehova.

34:12b.PSA.034.012 Ngubani na umntu obungxameleyo ubomi, Othanda imihla yokubona okulungileyo?

34:13b.PSA.034.013 Gcina ulwimi lwakho ebubini, Umlomo wakho ungathethi nkohliso.

34:14b.PSA.034.014 Suka ebubini, wenze okulungileyo; Funa uxolo, uluphuthume.

34:15b.PSA.034.015 Amehlo kaYehova akumalungisa, Iindlebe zakhe zisekuzibikeni kwawo.

34:16b.PSA.034.016 Ubuso bukaYehova bujonge abenzi bokubi, Ukuba akunqumle ehlabathini ukukhunjulwa kwabo.

34:17b.PSA.034.017 Akhala, weva uYehova; Wawahlangula ezimbandezelweni zawo zonke.

34:18b.PSA.034.018 Usondele uYehova kwabantliziyo zaphukileyo, Abasindise abamoya utyumkileyo.

34:19b.PSA.034.019 Buninzi ububi obulihlelayo ilungisa, Ke uYehova ulihlangula kubo bonke.

34:20b.PSA.034.020 Uyawagcina onke amathambo alo, Akwaphuki nalinye kuwo.

34:21b.PSA.034.021 Ububi buyambulala ongendawo; Abathiyi belungisa bayalithwala ityala.

34:22b.PSA.034.022 UYehova uyawukhulula umphefumlo wabakhonzi bakhe, Bangathwali tyala bonke abazimela ngaye.

35

35:1b.PSA.035.001 EkaDavide. Bambana, Yehova, nababambana nam. Yilwa nabalwa nam.

35:2b.PSA.035.002 Qubula ikhaka nengweletshetshe, Usuk’ume undincede.

35:3b.PSA.035.003 Rhola umkhonto, uvingce indlela yabandisukelayo; Yithi kumphefumlo wam, Ndilusindiso lwakho.

35:4b.PSA.035.004 Mabadane, bahlazeke, abazungula umphefumlo wam; Mababuye umva babe neentloni abacinga ububi ngam.

35:5b.PSA.035.005 Mababe njengomququ phambi komoya, Sibatyhale isithunywa sikaYehova, bawe.

35:6b.PSA.035.006 Indlela yabo mayibe mnyama, ibe buthelezi, Sibasukele isithunywa sikaYehova.

35:7b.PSA.035.007 Ngokuba basigqumele mna isibatha sabo ngelize; Bawumbela isihogo umphefumlo wam ngelize.

35:8b.PSA.035.008 Mayimfikele intshabalalo engazi; Sibambise yena isibatha sakhe awasigqumayo, Eyele kuso ngesithonga.

35:9b.PSA.035.009 Wogcoba ke umphefumlo wam kuYehova, Ube nemihlali ngosindiso lwakhe.

35:10b.PSA.035.010 Onke amathambo am aya kuthi, Yehova, ngubani na onjengawe, Mhlanguli wosizana kowomeleleyo kunalo, Kwausizana nehlwempu kumxhakamfuli walo?

35:11b.PSA.035.011 Kusuke kwema amangqina angenakulungisa, Andibuza into endingayaziyo,

35:12b.PSA.035.012 Bandibuyekeza ngobubi esikhundleni sokulungileyo; Uxhwalekile umphefumlo wam.

35:13b.PSA.035.013 Ke mna, xa babesifa, iingubo zam bezizezirhwexayo; Ndawucinezela umphefumlo wam ngokuzila ukudla; Umthandazo wam wabuyela esifubeni sam.

35:14b.PSA.035.014 Ndaziphatha njengokungathi unguwethu, njengokungathi ungumzalwana kum, ukuhamba-hamba kwam; Ndanga ndingombambazelela unina, ukuthobeka kwam, ndinezimnyama zokuzila.

35:15b.PSA.035.015 Ke ekuqhwaleleni kwam avuya, ahlangana, Ahlangana ngam amagxidolo, nendingabaziyo, Bandihlalela ngentlamba, abayeka.

35:16b.PSA.035.016 Ngokweentshembenxa ezizihiba ngenxa yesonka, Banditshixizela amazinyo.

35:17b.PSA.035.017 Nkosi, kunini na ubonela? Buyisa umphefumlo wam kwiintshabalaliso zabo, Okuphela kwawo ezingonyameni.

35:18b.PSA.035.018 Ndiya kubulela kuwe ebandleni elikhulu, Ebantwini abaninzi ndiya kukudumisa.

35:19b.PSA.035.019 Mazingandivuyeleli iintshaba zam ngobuxoki, Bangatyandelani ngoshiyi abandithiyayo ngelize:

35:20b.PSA.035.020 Ngokuba abathethi luxolo; Bacinga amazwi enkohliso ngabanyhamnyhekileyo belizwe.

35:21b.PSA.035.021 Bayandisinekela, Bathi, Tshotsho! Tshotsho! Abonile amehlo ethu.

35:22b.PSA.035.022 Ubonile, Yehova; musa ukuba sisithulu; Nkosi, musa ukuba kude kum.

35:23b.PSA.035.023 Zivuse, uphaphe ngenxa yebango lam, Thixo wam, Nkosi yam, ngenxa yento esibambene ngayo.

35:24b.PSA.035.024 Lithethe ityala lam ngokobulungisa bakho, Yehova Thixo wam; Mabangandivuyeleli;

35:25b.PSA.035.025 Mabangathi entliziyweni yabo, Tshotsho! Nantso into ebe siyfuna! Mabangathi, Simginyile.

35:26b.PSA.035.026 Mabadane, babe neentloni kunye Abavuyela ububi bam; Bambathe ukudana nehlazo Abazikhulisayo kunam.

35:27b.PSA.035.027 Mabamemelele, bavuye, abananze ubulungisa bam, Bahlale besithi, Makabe mkhulu uYehova, Ulonanze uxolo lomkhonzi wakhe.

35:28b.PSA.035.028 Ulwimi lwam luya kuxela ubulungisa bakho Nendumiso yakho, imihla yonke.

36

36:1b.PSA.036.001 Kumongameli. Eyomkhonzi kaYehova. EkaDavide. Ongendawo unezihlabo zokreqo entliziyweni yakhe ngaphakathi, ezithi, Akukho koyika Thixo emehlweni akhe,

36:2b.PSA.036.002 Ngokuba zithetha kuye ngokugudileyo emehlweni akhe, Zide zimfumanise ubugwenxa bakhe, zimthiye.

36:3b.PSA.036.003 Amazwi omlomo wakhe abubutshinga nenkohliso; Uyekile ukwenza ngokuqiqa nangokulungisa.

36:4b.PSA.036.004 Ucinga ubutshinga elukhukweni lwakhe; Uzimisa endleleni engalungileyo; Akabucekisi ububi.

36:5b.PSA.036.005 Yehova, inceba yakho ifikelela ezulwini, Ukuthembeka kwakho esibhakabhakeni.

36:6b.PSA.036.006 Ubulungisa bakho bunjengeentaba zikaThixo; Izigwebo zakho zingamanzi enzonzobila; Usindisa umntu neenkomo, Yehova.

36:7b.PSA.036.007 Hayi, ixabiso lenceba yakho, Thixo! Oonyana babantu bazimela ngethunzi lamaphiko akho.

36:8b.PSA.036.008 Bayahluthiswa kukutyeba kwendlu yakho; Ubaseza emlanjeni weziyolo zakho.

36:9b.PSA.036.009 Ngokuba likuwe ithende lobomi; Ekukhanyeni kwakho sibona ukukhanya.

36:10b.PSA.036.010 Bolulele inceba yakho abakwaziyo, Ubolulele ubulungisa bakho abantliziyo zithe tye.

36:11b.PSA.036.011 Malungandinyatheli unyawo lonekratshi. Singandiphekuzi isandla sabangendawo.

36:12b.PSA.036.012 Nabo bewile abasebenzi bobutshinga; Batyhalwe bawa, ababa nakuvuka.

37

37:1b.PSA.037.001 EkaDavide. Musa ukuzivuthisa ngomsindo ngabenzi bobubi; Musa ukubamonela abenzi bobugqwetha.

37:2b.PSA.037.002 Ngokuba baya kusikwa kamsinyane njengengca, Babune njengohlaza oluphumayo.

37:3b.PSA.037.003 Kholosa ngoYehova, wenze okulungileyo; Lime ilizwe, ulandelane nokuthembeka.

37:4b.PSA.037.004 Ziyolise ngoYehova; Wokunika okunqwenelwa yintliziyo yakho.

37:5b.PSA.037.005 Yiyekele kuYehova indlela yakho, Ukholose ngaye; wokwenzela,

37:6b.PSA.037.006 Abuvelise njengokukhanya ubulungisa bakho, Nebango lakho njengemini enkulu.

37:7b.PSA.037.007 Yithi cwaka kuYehova, ulindele kuye; Musa ukuzivuthisa ngomsindo ngonempumelelo ngendlela yakhe, Ngomntu ofeza amayelenqe.

37:8b.PSA.037.008 Lahla umsindo, ushiye ubushushu; Musa ukuzivuthisa ngomsindo, kuba oko kusingisa ekwenzeni ububi kuphela.

37:9b.PSA.037.009 Ngokuba abenzi bobubi baya kunqunyulwa; Ke bona abamthembayo uYehova, baya kulidla ilifa ilizwe.

37:10b.PSA.037.010 Kusaya kuba mzuzwana, angabikho ongendawo; Uthi wakuyikhangela indawo yakhe, angabikho.

37:11b.PSA.037.011 Ke bona abalulamileyo baya kulidla ilifa ilizwe, Baziyolise ngobuninzi boxolo.

37:12b.PSA.037.012 Ongendawo ulenzela amayelenqe ilungisa, Ulitshixizela amazinyo akhe.

37:13b.PSA.037.013 INkosi iyamhleka, Ngokuba ibona ukuba iyeza imini yakhe.

37:14b.PSA.037.014 Barhole ikrele abangendawo, bagobe isaphetha sabo, Ukuba bawise usizana nehlwempu, Basike abandlela zithe tye.

37:15b.PSA.037.015 Ikrele labo liya kungena kwakweyabo intliziyo, Zaphuke izaphetha zabo.

37:16b.PSA.037.016 Ilungile intwana elinayo ilungisa, Kunentabalala abanayo abangendawo abaninzi:

37:17b.PSA.037.017 Ngokuba iingalo zabangendawo ziya kwaphulwa; NguYehova umxhasi wamalungisa.

37:18b.PSA.037.018 NguYehova umazi wemihla yabagqibeleleyo, Nelifa labo liya kuba ngunaphakade.

37:19b.PSA.037.019 Abayi kudana ngexesha lobubi; Baya kuhlutha ngeemini zendlala:

37:20b.PSA.037.020 Ngokuba abangendawo bayatshabalala; Iintshaba zikaYehova zinjengobuhle bamadlelo; Ziya kuphela njengomsi, ziphele.

37:21b.PSA.037.021 Uyaboleka ongendawo, angabuyisi; Ke lona ilungisa liyababala, liphe.

37:22b.PSA.037.022 Ngokuba abasikelelweyo nguye baya kulidla ilifa ilizwe, Banqanyulwe abatshabhisiweyo nguye.

37:23b.PSA.037.023 Amanyathela omfo aqiniswa nguYehova, Ayithande indlela yakhe.

37:24b.PSA.037.024 Ewile, akayi kuqungquluza, Ngokuba nguYehova umxhasi wesandla sakhe.

37:25b.PSA.037.025 Ndaka ndamtsha, kungokunje ndimdala; Ukanti andizanga ndilibone ilungisa lishiywa, Nembewu yalo ivukela ukutya.

37:26b.PSA.037.026 Imihla yonke liyababala, liboleke abanye; Nembewu yalo iyintsikelelo.

37:27b.PSA.037.027 Suka ebubini, wenze okulungileyo, Uhlale ngonaphakade.

37:28b.PSA.037.028 Ngokuba uYehova uthanda okusesikweni, Angabashiyi abenceba bakhe; Bagciniwe ngonaphakade: Ke yona imbewu yongendawo iyanqanyulwa.

37:29b.PSA.037.029 Amalungisa aya kulidla ilifa ilizwe, Ahlale kulo ngonaphakade.

37:30b.PSA.037.030 Umlomo welungisa uxela ubulumko, Nolwimi lwalo luthetha okusesikweni.

37:31b.PSA.037.031 Umyalelo woThixo walo usentliziyweni yalo; Akayi kuhexa amanyathela alo.

37:32b.PSA.037.032 Ongendawo uyalilalela ilungisa, Ufuna ukulibulala.

37:33b.PSA.037.033 UYehova akalinikeli esandleni sakhe, Angaligwebi ekuthethweni kwetyala lalo.

37:34b.PSA.037.034 Thembela kuYehova, ugcine indlela yakhe; Wokuphakamisa, ulidle ilifa ilizwe; Ekunqanyulweni kongendawo wobonela.

37:35b.PSA.037.035 Ndimbonile ongendawo, oyingqwangangqwili, Exanda njengomthi omilileyo, uluhlaza;

37:36b.PSA.037.036 Kwadlula umntu, nanko engasekho; Ndamfuna, akafumaneka.

37:37b.PSA.037.037 Gcina ogqibeleleyo, ukhangele othe tye; Ngokuba izivela-mva zezomntu woxolo.

37:38b.PSA.037.038 Ke bona abangendawo batshatyalaliswa kuphele; Izivela-mva zongendawo ziyanqanyulwa.

37:39b.PSA.037.039 Usindiso lwamalungisa luphuma kuYehova; Uligwiba lawo ngexesha lembandezelo.

37:40b.PSA.037.040 UYehova uyawanceda, awasindise, Awasindise kongendawo, awasindise, Ngokuba azimela ngaye.

38

38:1b.PSA.038.001 Umhobe kaDavide: eyokukhumbuza. Yehova, musa ukundohlwaya unoburhalarhume, Ungandithethisi unobushushu:

38:2b.PSA.038.002 Ngokuba iintolo zakho zitshone kum, Sehla kanzima kum isandla sakho.

38:3b.PSA.038.003 Akukho ndawo iphilileyo enyameni yam, ngenxa yokubhavuma kwakho; Akukho kuphila emathanjeni am, ngenxa yezono zam.

38:4b.PSA.038.004 Ngokuba ubugwenxa bam bugqithile entlokweni yam, Bundisinda njengomthwalo onzima.

38:5b.PSA.038.005 Iyanuka, iyabhiqiza imivumbo yam, Ngenxa yokumatha kwam.

38:6b.PSA.038.006 Ndiyapenapena, ndisibekeke kakhulu; Yonke imini ndihamba-hamba ngezimnyama zokuzila.

38:7b.PSA.038.007 Ngokuba kuyatshisa emihlubulweni yam, Akukho ndawo iphilileyo enyameni yam.

38:8b.PSA.038.008 Ndiqobekile, ndityumkile kakhulu; Ndibhongiswa kukugcuma kwentliziyo yam.

38:9b.PSA.038.009 Nkosi yam, uphambi kwakho wonke umnqweno wam, Nokuncwina kwam akusithele kuwe.

38:10b.PSA.038.010 Iphaphu lam liyabetha, ndiphelelwe ngamandla; Ukukhanya kwamehlo am, nako oko, akukho kum.

38:11b.PSA.038.011 Abandithandayo nowethu bamele mgama ekubethweni kwam, Nezalamane zam zimi kude.

38:12b.PSA.038.012 Bandithiyele abafuna umphefumlo wam; Abangxamele ukuba ndihlelwe bububi bathetha izinto zokweyelisela, Bacamanga inkohliso imini yonke.

38:13b.PSA.038.013 Ke mna ndinjengesithulu, andiva; Njengesidenge esingawuvuliyo umlomo waso.

38:14b.PSA.038.014 Ndinjengomntu ongeva nto, Omlomo ungenakuthethisa.

38:15b.PSA.038.015 Ngokuba ndilindele kuwe, Yehova; Kuya kuphendula wena, Nkosi yam, Thixo wam,

38:16b.PSA.038.016 Ngokuba ndithi, Hleze bandivuyelele Bona abo bangazikhulisayo kum ekutyibilikeni konyawo lwam.

38:17b.PSA.038.017 Ngokuba ndihlalele ukujingxela, Umvandedwa wam uphambi kwam amaxesha onke.

38:18b.PSA.038.018 Ngokuba ndiya kubuxela ubugwenxa bam; Ndinesithukuthezi ngenxa yesono sam.

38:19b.PSA.038.019 Ke zona iintshaba zam ziphilile, ziziimfidi; Baninzi abandithiyileyo bexoka;

38:20b.PSA.038.020 Abandibuyekeza ngobubi esikhundleni sokulungileyo Bayandichasa, ngenxa yokuphuthuma kwam okulungileyo.

38:21b.PSA.038.021 Musa ukundishiya, Yehova; Thixo wam, musa ukuba kude nam.

38:22b.PSA.038.022 Khawuleza undincede, Nkosi yam, Msindisi wam.

39

39:1b.PSA.039.001 Kumongameli, kuYedutun. Umhobe kaDavide. Ndathi, Ndiya kuzigcina iindlela zam, Ndingoni ngolwimi lwam; Ndiya kuwugcina ngokuwubopha umlomo wam, Xa ongendawo asephambi kwam.

39:2b.PSA.039.002 Ndaba sisidenge, ndathozama, Ndazisulungisa nakokulungileyo; Wagxobha-gxobheka umvandedwa wam.

39:3b.PSA.039.003 Yaba nobushushu intliziyo yam phakathi kwam, Ekucamangeni kwam wavutha umlilo. Ndathetha ke ngolwimi lwam,

39:4b.PSA.039.004 Ndathi, Ndazise, Yehova, isiphelo sam, Nomlinganiso wemihla yam, into oyiyo; Mandikwazi ukunqamka kwam, into okuyiyo.

39:5b.PSA.039.005 Yabona, uyenze imihla yam yangangobubanzi besandla; Nobomi bam bunjengento engento phambi kwakho; Ngumphunga nje bonke abantu, nakuba bemi. (Phakamisani.)

39:6b.PSA.039.006 Uhamba-hamba umntu enjengesithunzi nje kodwa; Baxokozela ngomphunga nje kodwa; Bafumba, bengazi ukuba ngubani na oya kukuhlanganisa.

39:7b.PSA.039.007 Ngoku ndiya kuthembela kwintoni na, Nkosi yam? Ukulinda kwam kukuwe.

39:8b.PSA.039.008 Ndihlangule elukreqweni lwam lonke; Musa ukundimisela ingcikivo yesidenge.

39:9b.PSA.039.009 Ndisisidenge, umlomo wam andiwuvuli, Ngokuba oko kwenziwe nguwe.

39:10b.PSA.039.010 Sisuse kum isibetho sakho; Mna ndiyaphela kukutyundyutha kwesandla sakho.

39:11b.PSA.039.011 Wakumthethisa umntu ngezohlwayo ngenxa yobugwenxa, Uyasonakalisa njengenundu isoya sakhe; Bangumphunga nje kodwa bonke abantu. (Phakamisani.)

39:12b.PSA.039.012 Yiva umthandazo wam, Yehova, Kubekele indlebe ukuzibika kwam. Musa ukuthi tu ezinyembezini zam; Ngokuba ndingumphambukeli kuwe, Undwendwe, njengoobawo bonke.

39:13b.PSA.039.013 Bheka phaya, ungandikhangeli, khendincumeze, Ndingekemki ndingabi sabakho.

40

40:1b.PSA.040.001 Kumongameli. Umhobe kaDavide. Ndathembela, ndithembele kuYehova, Wathoba, wakuva ukuzibika kwam.

40:2b.PSA.040.002 Wandirhola emhadini wentshabalalo, naseludakeni lomgxobhozo, Wazimisa eliweni iinyawo zam, wakuqinisa ukunyathela kwam.

40:3b.PSA.040.003 Wabeka emlonyeni wam ingoma entsha, indumiso kuThixo wethu; Abaninzi bayabona, boyike, Bakholose ngoYehova.

40:4b.PSA.040.004 Hayi, uyolo lwendoda emenze uYehova inkoloseko yayo, Ingabheki kwabagwagwisayo, nakubanxaxhi abanamanga!

40:5b.PSA.040.005 Yehova, Thixo wam, wena wenze okuninzi ngemisebenzi yakho ebalulekileyo, Nangeengcinga zakho kuthi; Akukho nto inokulinganiswa nawe; Okanye bendiya kuyixela, ndithethe ngayo; Ke ziyinkohla engenakubalwa.

40:6b.PSA.040.006 Akunanze mbingelelo namnikelo wakudla; Iindlebe zam uzivulile; Akubizi dini linyukayo nadini lasono.

40:7b.PSA.040.007 Ndaza ndathi, Yabona, Ndiyeza; encwadini esongwayo kubhaliwe ngam.

40:8b.PSA.040.008 Ukwenza okulikholo kuwe, Thixo wam, ndikunanzile; Nomyalelo wakho usezibilinini zam ngaphakathi.

40:9b.PSA.040.009 Ndashumayela iindaba ezilungileyo zobulungisa ebandleni elikhulu; Yabona, andiwuthintelanga umlomo wam; Yehova, wena uyazi.

40:10b.PSA.040.010 Ubulungisa bakho andibugqumanga phakathi kwentliziyo yam; Ndakukhankanya ukuthembeka kwakho nosindiso lwakho; Andiyikhanyelanga inceba yakho nenyaniso yakho ebandleni elikhulu.

40:11b.PSA.040.011 Wena, Yehova, akuyi kuzithintela iimfesane zakho kum; Inceba yakho nenyaniso yakho iya kuhlala indilondoloza.

40:12b.PSA.040.012 Ngokuba zindijikele izinto ezimbi, ezide azaba nakubalwa; Bundifikele ubugwenxa bam, andinakubukhangela; Buninzi kuneenwele zentloko yam; Ndimkelwe yintliziyo.

40:13b.PSA.040.013 Ngamana, Yehova, wandihlangula; Yehova, wakhawuleza wandinceda!

40:14b.PSA.040.014 Mabadane babe neentloni kuphele Abazungula umphefumlo wam ukuze bawuphephethe; Mababuye muva bahlazeke

40:15b.PSA.040.015 Mabamangaliswe ngumvuzo wehlazo labo Abathi kum, Tshotsho! Tshotsho!

40:16b.PSA.040.016 Mababe nemihlali bavuye ngawe bonke abakufunayo, Abaluthandayo usindiso lwakho bahlale besithi, Makenziwe mkhulu uYehova.

40:17b.PSA.040.017 Mna ke ndilusizana, ndilihlwempu; INkosi iya kundikhumbulela. Umncedi wam nomsindisi wam nguwe; Thixo wam, musa ukulibala.

41

41:1b.PSA.041.001 Kumongameli. Umhobe kaDavide. Hayi, uyolo lwalowo unyamekela ihlwempu! Ngomhla wobubi uYehova uya kumhlangula.

41:2b.PSA.041.002 UYehova uya kumlondoloza amgcine, aphile. Kuya kuthiwa unoyolo yena ehlabathini; Ungamnikeli elitheni leentshaba zakhe.

41:3b.PSA.041.003 UYehova uya kumxhasa elukhukweni lobulwelwe; Uya kuluguqula ukhuko lwakhe lonke esifeni sakhe.

41:4b.PSA.041.004 Ndithi mna, Yehova, tarhu; Philisa umphefumlo wam, ngokuba ndonile kuwe.

41:5b.PSA.041.005 Iintshaba zam zithetha kakubi ngam; Zithi, Uya kufa nini na, lidake igama lakhe?

41:6b.PSA.041.006 Nothe weza kundilunguza, uthetha into ekhohlakeleyo; Intliziyo yakhe ibutha ubutshinga; Uphuma phandle, abuthethe.

41:7b.PSA.041.007 Basebezelana ngam bonke abandithiyayo; Bacinga ububi ngam.

41:8b.PSA.041.008 Bathi, Unanyekwe bubutshijolo, Engoleleyo nje, akayi kubuya avuke.

41:9b.PSA.041.009 Kwanendoda ebixolelene nam, ebe ndikholose ngayo, Ebisidla isonka sam, indiphakamisele isithende sayo.

41:10b.PSA.041.010 Wena Yehova, ndibabale, undiphakamise, Ndibabuyekeze.

41:11b.PSA.041.011 Ndazi ngale nto, ukuba undinonelele, Yokokuba lungenakundidumela utshaba lwam.

41:12b.PSA.041.012 Mna ekugqibeleleni kwam uyandixhasa, Undimisa phambi kwakho ngonaphakade.

41:13b.PSA.041.013 Makabongwe uYehova, uThixo kaSirayeli, kususela kwaphakade kude kuse ephakadeni. Amen, amen.

42

42:1b.PSA.042.001 Kumongameli: eyokuqiqa; eyoonyana bakaKora. Njengexhama elitsalela emifuleni yamanzi, Wenjenjalo ukutsalela kuwe, Thixo, umphefumlo wam.

42:2b.PSA.042.002 Umphefumlo wam unxanela uThixo, uThixo ophilileyo; Ndiya kufika nini na, ndibonakale ebusweni bukaThixo?

42:3b.PSA.042.003 Iinyembezi zam zaba kukudla kwam imini nobusuku, Bakuthi kum imihla yonke, Uphi na uThixo wakho?

42:4b.PSA.042.004 Ndikhumbula oku, ndiwuphalazela kum umphefumlo wam, Ukuhamba kwam nezihlwele ndisiya endlwini kaThixo, Sinezwi lokumemelela nokubulela, siyingxokolo evuyayo.

42:5b.PSA.042.005 Kungani na ukuba usibekeke, mphefumlo wam; Kungani na ukuba ugule ngaphakathi kwam? Lindela kuThixo, ngokuba ndisaya kubuya ndibulele kuye, Olusindiso lobuso bam, noThixo wam.

42:6b.PSA.042.006 Thixo wam, umphefumlo wam usibekekile kum; ngenxa yoko ndikhumbula wena Ezweni laseYordan, nakweleHermon, entabeni yeMitsare.

42:7b.PSA.042.007 Amanzi anzongonzongo abiza amanzi anzongonzongo ngesandi seengxangxasi zakho; Onke amaza akho alwayo, amaza akho agugumayo, adlule phezu kwam.

42:8b.PSA.042.008 Emini uYehova uya kuyiwisela umthetho inceba yakhe, Nasebusuku ukuvuma ngaye kunam, Ukuthandaza kuThixo wobomi bam.

42:9b.PSA.042.009 Ndithi ke kuThixo oyingxondorha yam, Undilibele ngani na? Ndihambelani na ngezimnyama zokuzila ngokuxina kotshaba?

42:10b.PSA.042.010 Ngento ephehlayo emathanjeni am, bayandingcikiva abandibandezelayo, Ngokuthi kwabo kum imihla yonke, Uphi na uThixo wakho?

42:11b.PSA.042.011 Kungani na ukuba usibekeke, mphefumlo wam; Kungani na ukuba ugule ngaphakathi kwam? Lindela kuThixo, ngokuba ndisaya kubuya ndibulele kuye, Olusindiso lobuso bam, noThixo wam.

43

43:1b.PSA.043.001 Lithethe ityala lam, Thixo, ubambane ngenxa yam nohlanga olungenanceba; Ndisindise endodeni ekhohlisayo, enobugqwetha.

43:2b.PSA.043.002 Ngokuba unguThixo oyinqaba yam; undihlambelani na? Ndihambelani na ngezimnyama zokuzila, ngokuxina kotshaba?

43:3b.PSA.043.003 Thuma ukukhanya kwakho nenyaniso yakho, zindikhaphe, Zindise entabeni yakho engcwele, Naseminqubeni yakho.

43:4b.PSA.043.004 Ndoya ke esibingelelweni sikaThixo, KuThixo wovuyo lwam olugcobayo, Ndibulele kuwe ngohadi, Thixo onguThixo wam.

43:5b.PSA.043.005 Kungani na ukuba usibekeke, mphefumlo wam? Kungani na ukuba ugule ngaphakathi kwam? Lindela kuThixo, ngokuba ndisaya kubuya ndibulele kuye, Olusindiso lobuso bam, noThixo wam.

44

44:1b.PSA.044.001 Kumongameli: eyoonyana bakaKora: eyokuqiqa. Thixo, sivile ngeendlebe zethu, oobawo basibalisela, Ngomsebenzi owawenza ngemihla yabo, ngemihla yamandulo:

44:2b.PSA.044.002 Okokuba isandla sakho sagqogqa iintlanga, sabatyala bona; Saviva izizwe, sabanabisa bona.

44:3b.PSA.044.003 Ngokuba abalihluthanga ilizwe ngekrele labo, Abazisindisanga ngengalo yabo; Sisandla sakho sokunene, nengalo yakho, nokukhanya kobuso bakho; Ngokuba wawunesisa kubo.

44:4b.PSA.044.004 Wena unguKumkani wam, Thixo; Yitsho lubekho usindiso kuYakobi.

44:5b.PSA.044.005 Ngawe sobangqula abasibandezelayo; Egameni lakho sobagqusha abasukela phezulu kuthi.

44:6b.PSA.044.006 Ngokuba andikholose ngasaphetha sam; Andisindiswa ngakrele lam.

44:7b.PSA.044.007 Hayi! Nguwe osisindisayo kwabasibandezelayo, Ubadanise abasithiyileyo.

44:8b.PSA.044.008 NgoThixo sidumisa imihla yonke, Sibulele kwigama lakho ngonaphakade. (Phakamisani.)

44:9b.PSA.044.009 Noko ke usihlambile, usihlazile, Akwaphuma nemikhosi yethu.

44:10b.PSA.044.010 Usibuyise umva phambi kombandezeli; Abasithiyileyo basiphangile okwabo.

44:11b.PSA.044.011 Wasinikela njengeegusha ezidliwayo; Wasichitha-chitha ezintlangeni;

44:12b.PSA.044.012 Wathengisa ngabantu bakho, akwazuza, Akwalinyusa ixabiso labo.

44:13b.PSA.044.013 Wasenza isingcikivo kubamelwane bethu, Isigculelo nesicukucezo kwabasijikelezileyo.

44:14b.PSA.044.014 Wasenza umzekelo ezintlangeni, Abokuhlunguzelelwa intloko ezizweni.

44:15b.PSA.044.015 Yonke imihla ihlazo lam liphambi kwam, Nokudana kobuso bam kundigubungele,

44:16b.PSA.044.016 Ngenxa yezwi lomngcikivi nomnyelisi, Ngenxa yokukhangela kotshaba nomphindezeli.

44:17b.PSA.044.017 Oko konke kusifikele, asikulibalanga wena, Asixokanga emnqophisweni wakho;

44:18b.PSA.044.018 Ayibuyanga umva intliziyo yethu, Ukunyathela kwethu akuthanga gu bucala emendweni wakho;

44:19b.PSA.044.019 Ukuba usityumze endaweni yeempungutye, Usigubungele ngethunzi lokufa.

44:20b.PSA.044.020 Ukuba besililibele igama loThixo wethu, Sazolulela kuthixo wasemzini izandla zethu,

44:21b.PSA.044.021 Ubengayi kuyigoca-goca na uThixo loo nto, Ngokuba ezazi iindawo ezifihlakeleyo zentliziyo?

44:22b.PSA.044.022 Hayi, Ngenxa yakho sibulawa imihla yonke; Kuthiwa siziigusha zokuxhelwa.

44:23b.PSA.044.023 Vuka, ulaleleni na, Nkosi yam? Qabuka, ungasihlambi kuphele.

44:24b.PSA.044.024 Ubusitheliselani na ubuso bakho, Ukulibale ukucinezelwa kwethu, nokuxinwa kwethu?

44:25b.PSA.044.025 Ngokuba usibekeke eluthulini umphefumlo wethu, Sanamathela emhlabeni isisu sethu.

44:26b.PSA.044.026 Khawusuk’ ume usincede, Usikhulule ngenxa yenceba yakho.

45

45:1b.PSA.045.001 Kumongameli: ngeyeenyibiba. Eyoonyana bakaKora; eyokuqiqa. Ingoma yeentanda. Intliziyo yam iphuphuma ilizwi elihle, Ndisithi, Into endiyenzayo isingise kukumkani; Ulwimi lwam lusiba lombhali okhawulezayo.

45:2b.PSA.045.002 Umhle wamhle ngaphezu koonyana babantu; Kugalelwe ubumnandi emlonyeni wakho; Ngenxa yoko ukusikelele uThixo wakho ngonaphakade.

45:3b.PSA.045.003 Bhinqa ikrele lakho ethangeni, gorha, Bhinqa indili yakho nobungangamela bakho.

45:4b.PSA.045.004 Tyhudisa, ukhwele uhambe, unobungangamela bakho, Ngenxa yenyaniso, nolulamo olunobulungisa. Sikuyale ngezinto ezoyikekayo isandla sakho sokunene.

45:5b.PSA.045.005 Iintolo zakho zitsolile; Kuya kuwa izizwe phantsi kwakho; Zitsolile entliziyweni yeentshaba zokumkani.

45:6b.PSA.045.006 Itrone yakho, itrone kaThixo, ingunaphakade kanaphakade; Yintonga ethe tye intonga yobukumkani bakho.

45:7b.PSA.045.007 Uthanda ubulungisa, uthiye okungendawo; Ngenxa yoko ukuthambisile uThixo, uThixo wakho, Ngeoli yemihlali ngaphezu kwabalingane bakho.

45:8b.PSA.045.008 Ziyimore nehaloti nekasiya iingubo zakho zonke; Emabhotweni eempondo zeendlovu uhadi lukuvuyisile.

45:9b.PSA.045.009 Kukho iintombi zokumkani phakathi kwabathandekayo bakho; Ukumkanikazi umi ngasekunene kwakho, Enxibe igolide ecikizekileyo yakwaOfire.

45:10b.PSA.045.010 Yiva, ntombi, ubone, uthobe indlebe yakho, Ubalibale abantu bakowenu, nendlu kayihlo;

45:11b.PSA.045.011 Akubunqwenela ubunzwakazi bakho ukumkani, Woqubuda kuye, ngokuba eyinkosi yakho.

45:12b.PSA.045.012 Intombi enguTire, izityebi zabantu, Ziya kukuncekelela ngomnikelo.

45:13b.PSA.045.013 Bubuyokoyoko bodwa intombi yokumkani kweliphakathi igumbi. Isambatho sayo sesilukwe igolide.

45:14b.PSA.045.014 Isiwa kukumkani ineengubo ezimfakamfele; Ziyilandela iintombi ezingowayo, Zisiwa kuwe,

45:15b.PSA.045.015 Zisiwa ngovuyo nangomgcobo, Zingene ebhotweni lokumkani.

45:16b.PSA.045.016 Endaweni yooyihlo iya kuba ngoonyana bakho; Uya kubamisa babe ngabathetheli ehlabathini lonke.

45:17b.PSA.045.017 Ndiya kulikhankanya igama lakho kwizizukulwana ngezizukulwana zonke; Ngenxa yoko izizwe ziya kubulela kuwe ngonaphakade kanaphakade.

46

46:1b.PSA.046.001 Kumongameli: eyoonyana bakaKora; ngeyeentombi. Ingoma. UThixo ulihlathi, uligwiba kuthi; Ezimbandezelweni ufumaneke eluncedo kunene.

46:2b.PSA.046.002 Ngenxa yoko asoyiki ekuphendukeni kwehlabathi, Ekudilikeleni kweentaba esazulwini solwandle.

46:3b.PSA.046.003 Makagqume alephuze amanzi alo, Iintaba zinyikime ngokukratsha kwalo. (Phakamisani.)

46:4b.PSA.046.004 Kukho umlambo ozibhaxa zivuyisa umzi kaThixo, Ingcwele yeminquba yOsenyangweni.

46:5b.PSA.046.005 UThixo uphakathi kwawo, awushukunyiswa; UThixo uyawunceda kwasekuzeni kokusa.

46:6b.PSA.046.006 Ziyaxokozela iintlanga, ziyashukuma izikumkani: Ukhupha izwi lakhe, linyibilike ihlabathi.

46:7b.PSA.046.007 UYehova wemikhosi unathi, Ingxonde yethu nguThixo kaYakobi. (Phakamisani.)

46:8b.PSA.046.008 Yizani nikhangele imisebenzi kaYehova: Owenze iziphanziso ehlabathini;

46:9b.PSA.046.009 Ulophelisa iimfazwe kude kuse eziphelweni zehlabathi; Waphula isaphetha, angqumze umkhonto, Atshise iinqwelo zokulwa ngomlilo.

46:10b.PSA.046.010 Yekani, nazi ukuba ndinguThixo mna. Ndiya kuphakanyiswa ezintlangeni, ndiya kuphakanyiswa ehlabathini.

46:11b.PSA.046.011 UYehova wemikhosi unathi, Ingxonde yethu nguThixo kaYakobi. (Phakamisani.)

47

47:1b.PSA.047.001 Kumongameli; eyoonyana bakaKora. Umhobe. Nonke zizwe, bethani izandla, Dumani kuThixo ngezwi lokumemelela.

47:2b.PSA.047.002 Ngokuba uYehova Osenyangweni uyoyikeka; Ngukumkani omkhulu ehlabathini lonke.

47:3b.PSA.047.003 Uzikhandanisela phantsi kwethu izizwe, Izizwe phantsi kweenyawo zethu.

47:4b.PSA.047.004 Usinyulela ilifa lethu, Iqhayiya likaYakobi awamthandayo. (Phakamisani.)

47:5b.PSA.047.005 UThixo unyukile, kudunywa; Unyukile uYehova, kuhlokoma isigodlo.

47:6b.PSA.047.006 Mbetheleni uhadi uThixo, mbetheleni, Mbetheleni uhadi uKumkani wethu, mbetheleni!

47:7b.PSA.047.007 Ngokuba uKumkani wehlabathi lonke nguThixo; Mbetheleni ngeyokuqiqa.

47:8b.PSA.047.008 UThixo nguKumkani weentlanga; UThixo uhleli etroneni yakhe engcwele.

47:9b.PSA.047.009 Amanene ezizwe ahlanganisene, Abantu boThixo ka-Abraham; Ngokuba iingweletshetshe zehlabathi zezikaThixo; Unyusiwe kakhulu yena.

48

48:1b.PSA.048.001 Ingoma. Umhobe. Eyoonyana babaKora. Mkhulu uYehova, engowokudunyiswa kunene Emzini kaThixo wethu, entabeni yakhe engcwele.

48:2b.PSA.048.002 Intle ukuphakama kwayo, yimihlali yehla bathi lonke Intaba yaseZiyon, intlomo yasentla, Umzi woKumkani omkhulu.

48:3b.PSA.048.003 UThixo, ezingxandeni zawo ezinde, Wazelwa ukuba yingxonde.

48:4b.PSA.048.004 Kuba nabo ookumkani babenqophisene, Bawela beza kunye;

48:5b.PSA.048.005 Bakuthi ukubona, abakhuluma; Bakhwankqa, babaleka buphuthuphuthu;

48:6b.PSA.048.006 Babanjwa khona kukuthuthumela, Kukuzibhijabhija njengozalayo.

48:7b.PSA.048.007 Ngomoya wasempumalanga Uyazivitha iinqanawa zaseTarshishe.

48:8b.PSA.048.008 Njengoko sikuvileyo, sibone kunjalo Emzini kaYehova wemikhosi, emzini kaThixo wethu: UThixo uyawuzinzisa ngonaphakade. (Phakamisani.)

48:9b.PSA.048.009 Sayikhumbula, Thixo, inceba yakho Phakathi kwetempile yakho.

48:10b.PSA.048.010 Njengoko linjalo igama lakho, Thixo, Lunjalo udumiso lwakho, Kwesa eziphelweni zehlabathi; Isandla sakho sokunene sizele bubulungisa.

48:11b.PSA.048.011 Mayivuye intaba yaseZiyon, Agcobe amagxamesi akwaYuda, Ngenxa yezigwebo zakho.

48:12b.PSA.048.012 Yijikelezeni iZiyon, niyizunguleze; Zibaleni iinqaba zayo ezinde.

48:13b.PSA.048.013 Gqalani ungqameko lomsele wayo; Candani ezingxandeni zayo ezinde; Ukuze nibalisele isizukulwana esizayo,

48:14b.PSA.048.014 Ukuba lo Thixo nguThixo wethu ngonaphakade kanaphakade, Yena uya kusikhapha kude kuse ekufeni.

49

49:1b.PSA.049.001 Kumongameli: eyoonyana bakaKora. Umhobe. Yivani oku, nina nonke zizwe; Bekani indlebe, nina nonke, bemi beli phakade,

49:2b.PSA.049.002 Nina nyana boluntu, nani nyana bamadoda, Nina zityebi, nani mahlwempu kunye.

49:3b.PSA.049.003 Umlomo wam uza kuthetha ubulumko; Nokucamanga kwentliziyo yam kukuqonda.

49:4b.PSA.049.004 Ndiya kuyithobela emzekelisweni indlebe yam, Ndiya kuyivulela ngohadi intsonkotha yam.

49:5b.PSA.049.005 Ndoyikelani na emihleni yobubi, Xa ubugwenxa babandibambisayo bundijikelayo?

49:6b.PSA.049.006 Abo bakholose ngemfuyo yabo, Baqhayisa ngobuninzi bobutyebi babo.

49:7b.PSA.049.007 Akukho bani unokukhulula umzalwana; Akanakumnika uThixo isicamagusho ngaye

49:8b.PSA.049.008 (Sinqabile isikhululo somphefumlo wabo, Masincanywe ngonaphakade),

49:9b.PSA.049.009 Sokuba ahlale esidla ubomi ngamaxesha onke, Angasiboni isihogo.

49:10b.PSA.049.010 Ngokuba ubona izilumko zibhubha, Bedaka kunye abanyabileyo nezityhakala, Bayishiye nabanye imfuyo yabo.

49:11b.PSA.049.011 Imbilini yabo ithi izindlu zabo zingunaphakade. Iminquba yabo ikwizizukulwana ngezizukulwana; Bayithiya imihlaba yabo ngamagama abo.

49:12b.PSA.049.012 Ke umntu enobuhandiba akanakuhlala, Ufana neenkomo ezi zitshabalalayo.

49:13b.PSA.049.013 Yiyo le indlela yabanyabileyo, Neyabo babalandelayo, bekholiswa ngumlomo wabo. (Phakamisani.)

49:14b.PSA.049.014 Babuthe ngokweegusha kwelabafileyo; Ukufa kuyabalusa; Abathe tye bayabanyathela kwakusa; Isithomo sabo abo siyonakala kwelabafileyo, singabi nandawo yakuhlala.

49:15b.PSA.049.015 Kodwa uThixo uya kuwukhulula umphefumlo wam esandleni selabafileyo, Ngokuba eya kundithabatha. (Phakamisani.)

49:16b.PSA.049.016 Musa ukoyika, yakuba sisityebi indoda, Bakwanda ubuqaqawuli bendlu yayo:

49:17b.PSA.049.017 Ngokuba ekufeni kwayo ayiyi kuthabatha nento, Aluyi kuhla emva kwayo uzuko lwayo.

49:18b.PSA.049.018 Nakuba umntu ekudleni kwakhe ubomi ebewusikelela umphefumlo wakhe, Bekudumisa ngokuzichwayithisa kwakho,

49:19b.PSA.049.019 Uya kuya noko esizukulwaneni sooyise; Abayikukubona ukukhanya naphakade.

49:20b.PSA.049.020 Ke umntu onobuhandiba, abe engaqondi, Ufana neenkomo ezi zitshabalalayo.

50

50:1b.PSA.050.001 Umhobe ka-Asafu. UThixo, uThixo uYehova uyathetha; Uyalibiza ihlabathi, ethabathela ekuphumeni kwelanga esisa ekutshoneni kwalo.

50:2b.PSA.050.002 EZiyon, ukuphela kweenzwana, Uyakhazimla uThixo.

50:3b.PSA.050.003 Uyeza uThixo wethu, akayi kuthi cwaka. Kudla umlilo phambi kwakhe, Ngeenxa zonke kuye sisaqhwithi esikhulu.

50:4b.PSA.050.004 Ubiza izulu phezulu, Nehlabathi, ukuba agwebe phakathi kwabantu bakhe.

50:5b.PSA.050.005 Uthi, Bahlanganiseleni kum abam benceba, Abenze umnqophiso nam ngombingelelo.

50:6b.PSA.050.006 Izulu lixela ubulungisa bakhe, Ngokuba uThixo eza kugweba yena. (Phakamisani.)

50:7b.PSA.050.007 Yivani, bantu bam, ndithethe; Sirayeli, ndiqononondise kuwe; NdinguThixo, uThixo wakho.

50:8b.PSA.050.008 Andikohlwayi ngenxa yemibingelelo yakho, Namadini akho anyukayo aphambi kwam amaxesha onke.

50:9b.PSA.050.009 Andiyi kuthabatha zinkunzi zankomo endlwini yakho, Nazinkunzi zabhokhwe esibayeni sakho.

50:10b.PSA.050.010 Ngokuba zezam zonke iinyamakazi zehlathi, Neenkomo ezisezintabeni eziliwaka.

50:11b.PSA.050.011 Iintaka zonke zasezintabeni ndiyazazi, Nento edakasa endle inam.

50:12b.PSA.050.012 Ukuba bendilambile, ndibe ndingayi kukuxelela; Ngokuba lelam elimiweyo nenzaliseko yalo.

50:13b.PSA.050.013 Ndidle inyama yeenkunzi eziziimbalasane na? Ndisele igazi leenkunzi zeebhokhwe na?

50:14b.PSA.050.014 Bingelela kuYehova umbulelo, Uzizalise kOsenyangweni izibhambathiso zakho;

50:15b.PSA.050.015 Ubize mna ngemini yembandezelo, Ndikuhlangule, undizukise.

50:16b.PSA.050.016 Ke kongendawo uthi uThixo, Useke phi na wena ukuxela ummiselo wam, Uwuphathe ngomlomo wakho umnqophiso wam,

50:17b.PSA.050.017 Uyithiyile nje intethiso wena, Uwaphose nje amazwi am emva kwakho?

50:18b.PSA.050.018 Xa ubona isela, ukholana nalo, Wabelane nabakrexezi.

50:19b.PSA.050.019 Umlomo wakho uwuyekela ebubini; Ulwimi lwakho luthungela inkohliso;

50:20b.PSA.050.020 Uthi uhlale uthethe ngomzalwana wakho, Uhlaze umntwana kanyoko.

50:21b.PSA.050.021 Uzenzile ezo nto, ndathi tu, Waba ndinjengawe. Ndiya kukohlwaya ndizicwangcise emehlweni akho.

50:22b.PSA.050.022 Khaniqonde ke oko, nina bamlibalayo uThixo, Hleze ndiqwenge, kungabikho uhlangulayo.

50:23b.PSA.050.023 Obingelela umbulelo uyandizukisa, Alungise indlela, Endombonisa kuyo usindiso lukaThixo.

51

51:1b.PSA.051.001 Kumongameli. Umhobe kaDavide: ekuzeni kukaNatan umprofeti kuye, emveni kokuba ebengene uBhatshebha. Tarhu, Thixo, ngokwenceba yakho! Ngokobuninzi benceba yakho, cima ukreqo lwam!

51:2b.PSA.051.002 Nd’ixovule kunene, busuke ubugwenxa bam, Undihlambulule esonweni sam.

51:3b.PSA.051.003 Ngokuba ndiyalwazi mna ukreqo lwam, Nesono sam siphambi kwam ngamaxesha onke.

51:4b.PSA.051.004 Ndonile kuwe, kuwe wedwa, Ndenza okubi emehlweni akho; Ukuze ube lilungisa ekuthetheni kwakho, Ucace ekugwebeni kwakho.

51:5b.PSA.051.005 Uyabona, ndizalelwe ebugwenxeni, Ndakhawulwa nguma esonweni.

51:6b.PSA.051.006 Uyabona, ufuna inyaniso ezintsweni, Esitheni undazisa ubulumko.

51:7b.PSA.051.007 Ndihlambulule isono ngehisope, ndihlambuluke; Ndixovule, ndibe mhlophe kunekhephu;

51:8b.PSA.051.008 Ndivise imihlali nemivuyo, Agcobe amathambo owacolileyo.

51:9b.PSA.051.009 Sithelisa ubuso bakho ezonweni zam, Ubucime bonke ubugwenxa bam.

51:10b.PSA.051.010 Dala phakathi kwam, Thixo, intliziyo ehlambulukileyo, Uhlaziye umoya oqinisekileyo phakathi kwam.

51:11b.PSA.051.011 Musa ukundilahla ebusweni bakho, UMoya wakho oyiNgcwele ungamsusi kum.

51:12b.PSA.051.012 Buyisela kum imihlali yosindiso lwakho, Undixhase ngomoya wentumekelelo.

51:13b.PSA.051.013 Ndobafundisa abangendawo iindlela zakho, Babuyele kuwe aboni.

51:14b.PSA.051.014 Ndihlangule emagazini, Thixo, Thixo ondisindisayo; Lomemelela ngobulungisa bakho ulwimi lwam.

51:15b.PSA.051.015 Nkosi yam, vula imilebe yomlomo wam, Uyixele indumiso yakho umlomo wam.

51:16b.PSA.051.016 Ngokuba akunanze mibingelelo, bendiya kukunika; Akalikholo kuwe amadini anyukayo.

51:17b.PSA.051.017 Imibingelelo kaThixo ngumoya owaphukileyo, Intliziyo eyaphukileyo, etyumkileyo, Thixo, akuyi kuyidela.

51:18b.PSA.051.018 Yenzele okulungileyo iZiyon ngokukholekileyo kuwe; Yakha iindonga zeYerusalem.

51:19b.PSA.051.019 Kuya kwandula ukuba mnandi kuwe imibingelelo yobulungisa, amadini apheleleyo; Ziya kwandula ukunyuswa iinkunzi ezintsha zeenkomo esibingelelweni sakho.

52

52:1b.PSA.052.001 Kumongameli. Eyokuqiqa: ekaDavide: oko uDowegi umEdom waya waxelela uSawule, wathi kuye, UDavide ungene endlwini ka-Ahimeleki. Uqhayiselani na ngobubi, wena gorha? Inceba kaThixo ikho imihla yonke.

52:2b.PSA.052.002 Ulwimi lwakho lucinga ukweyelisela, Njengesitshetshe sokuguya iindevu esiloliweyo, wena mkhohlisi.

52:3b.PSA.052.003 Uthanda okubi kunokulungileyo; Ubuxoki, kunokuthetha ubulungisa. (Phakamisani.)

52:4b.PSA.052.004 Uthanda onke amazwi aginyayo, Lulwimindini lukhohlisayo.

52:5b.PSA.052.005 Naye uThixo uya kukudiliza kuphele; Uva kukuxwila, akuncothule ententeni, Akudonyule ezweni labaphilileyo. (Phakamisani.)

52:6b.PSA.052.006 Obona amalungisa, oyike, Amhleke, athi,

52:7b.PSA.052.007 Nanko umfo ongamenzanga igwiba lakhe uThixo, Owakholosa ngobuninzi bobutyebi bakhe, Waba nengcwangu ekweyeliseleni kwakhe.

52:8b.PSA.052.008 Ke mna ndinjengomnquma oluhlaza endlwini kaThixo; Ndikholose ngenceba kaThixo ngonaphakade kanaphakade.

52:9b.PSA.052.009 Ndiya kubulela kuwe ngonaphakade, kuba ukwenzile oku; Ndiya kuthemba igama lakho, ngokuba lilungile, phambi kwabenceba bakho.

53

53:1b.PSA.053.001 Kumongameli: ngeyokhuzo. Eyokuqiqa; ekaDavide. Sithi isidenge entliziyweni yaso, Akukho Thixo. Bonakalisile, balisikizi ngobugqwetha babo; Akukho wenza okulungileyo.

53:2b.PSA.053.002 UThixo esemazulwini uqondele koonyana babantu, Ukubona ukuba ukho na oqiqayo, Ofuna uThixo.

53:3b.PSA.053.003 Bonke babuye umva, bayimbozisa bephelele; Akukho wenza okulungileyo, Akukho nokuba abe mnye.

53:4b.PSA.053.004 Abanakwazi na abasebenzi bobutshinga, Abathi, bebadla abantu bam, bathi badla isonka, Bangamnquli uThixo?

53:5b.PSA.053.005 Apho bankwantya benkwantyile, phofu kungekho nto inkwantyisayo; Ngokuba uThixo wawathi saa amathambo omngqingi wakho; Wabadanisa, ngokuba uThixo ebebacekisile.

53:6b.PSA.053.006 Akwaba bekuvela eZiyon ukusindiswa kwamaSirayeli! Ekubuyiseni kukaThixo abantu bakhe ekuthinjweni, Wogcoba uYakobi, avuye uSirayeli.

54

54:1b.PSA.054.001 Eyokubethelwa ngezinto ezineentambo. Kumongameli. Eyokuqiqa. EkaDavide: ekufikeni kwabaseZifi, bathi kuSawule, UDavide akazimele phakathi kwethu na? Thixo, ndisindise ngegama lakho, Uligwebe ityala lam ngobugorha bakho.

54:2b.PSA.054.002 Thixo, yiva umthandazo wam; Wabekele indlebe amazwi omlomo wam.

54:3b.PSA.054.003 Ngokuba abasemzini basukela phezulu kum, Nabanobungqwangangqwili bafuna umphefumlo wam; Abammisi uThixo phambi kwabo. (Phakamisani.)

54:4b.PSA.054.004 Yabona, uThixo ngumncedi wam; INkosi yam ikwabasekela umphefumlo wam.

54:5b.PSA.054.005 Uya kubuyisela ububi kwabandilalelayo; Ngenyaniso yakho babhangise.

54:6b.PSA.054.006 Ndiya kubingelela kuwe ngokuqhutywa yintliziyo; Ndiya kubulela kwigama lakho, Yehova, kuba lilungile.

54:7b.PSA.054.007 Ngokuba lindihlangule embandezelweni yonke; Iliso lam libonela iintshaba zam.

55

55:1b.PSA.055.001 Kumongameli. Eyokubethelwa ngezinto ezineentambo. Eyokuqiqa: ekaDavide. Wubekele indlebe umthandazo wam, Thixo, Musa ukuzifihla esikhungweni sam.

55:2b.PSA.055.002 Ndibazele indlebe undiphendule. Ndiyaphaphatheka ekucamngceni kwam, ndincwine,

55:3b.PSA.055.003 Ngenxa yelizwi lotshaba, Ngenxa yokuxinzelelwa phantsi ngabangendawo; Ngokuba zindiqengqela ubutshinga, Ziyandisukela ngomsindo.

55:4b.PSA.055.004 Intliziyo yam iyazibhija-bhija phakathi kwam; Izothuso zokufa zindiwele.

55:5b.PSA.055.005 Ukoyika nokuthuthumela kundingene; Ndigutyungelwe kukududuzela.

55:6b.PSA.055.006 Ndathi, Andaba bendinamaphiko njengehobe! Bendiya kubaleka ndiye ndihlale!

55:7b.PSA.055.007 Nanko ndibalekela kude, Ndilalise entlango. (Phakamisani.)

55:8b.PSA.055.008 Bendiya kukhawuleza, ndisinde Emoyeni ovuthuzayo naseluqhwitheleni.

55:9b.PSA.055.009 Tshabalalisa, Nkosi yam, yahlula ulwimi lwazo; Ngokuba ndibone ukugonyamela nokubambana phakathi komzi.

55:10b.PSA.055.010 Imini nobusuku bajikeleza ezindongeni zawo; Ubutshinga nokwaphula kuphakathi kwawo;

55:11b.PSA.055.011 Ukweyelisela kuphakathi kwawo; Endaweni yembutho yawo akusuki ukuxinezela nokukhohlisa.

55:12b.PSA.055.012 Ngokuba asilutshaba olu lundingcikivayo; Bendiya kukuthwala oko. Asingondithiyileyo lo uzikhulisayo kum; Bendiya kusithela kuye.

55:13b.PSA.055.013 Nguwe, mntu ubungumlingane wam, Ikholwane lam endazana nalo,

55:14b.PSA.055.014 Ebesicweya kamnandi, Siye endlwini kaThixo silihlokondiba eligcobayo.

55:15b.PSA.055.015 Ukufa makubaqubule, Mabehle baye kwelabafileyo besaphilile; Ngokuba ububi busemizini yabo phakathi kwabo.

55:16b.PSA.055.016 Mna ndinqula uThixo; UYehova uya kundisindisa.

55:17b.PSA.055.017 Ngokuhlwa, nakusasa, nasemini enkulu ndiya kucamngca, ndincwine; Uya kuliva izwi lam.

55:18b.PSA.055.018 Uwukhulula umphefumlo wam unoxolo, ukuze bangasondeli kum, Ngokuba baninzi abandichasayo.

55:19b.PSA.055.019 UThixo uya kuva, abaphendule, Uselokwamandulo ehleli, (Phakamisani.) Abo bangenanguquko, Bangamoyikiyo uThixo.

55:20b.PSA.055.020 Babasa isandla abaxolelene nabo; Bahlambela umnqophiso wabo;

55:21b.PSA.055.021 Ubuthelezi njengamasi umlomo wabo, Ke yimfazwe intliziyo yabo. Athambile amazwi abongaphezu kweoli, Kanti aziintlangothi zekrele.

55:22b.PSA.055.022 Umthwalo wakho wulahlele kuYehova; yena wokuzimasa; Akayi kuliyekela ilungisa lishukunyiswe naphakade.

55:23b.PSA.055.023 Wena ke, Thixo, uya kubahlisela emngxunyeni wesihogo. Abantu bamagazi nenkohliso abayi kuyiqingathisa imihla yabo; Ke mna ndikholose ngawe.

56

56:1b.PSA.056.001 Kumongameli; ngeyehobe elithe cwaka phakathi kwabakude. EkaDavide. Eliligugu. Ukubanjwa kwakhe ngamaFilisti eGati. Ndibabale, Thixo, ngokuba abantu bendizonda; Bandixinile, besilwa yonke imini;

56:2b.PSA.056.002 Abandilalelayo bandizonda yonke imini, Ngokuba baninzi abalwa nam beziphakamisile.

56:3b.PSA.056.003 Mhlana ndinxunguphalayo mna, Ndokholosa ngawe.

56:4b.PSA.056.004 Ndiya kulidumisa ngoThixo ilizwi lakhe, Ndikholose ngoThixo, ndingoyiki; Inokundenza ntoni na inyama?

56:5b.PSA.056.005 Yonke imini bayawaphambanisa amazwi am; Zingam zonke iingcinga zabo zobubi.

56:6b.PSA.056.006 Baqukene, babonisele, Bona bagcine izithende zam, Ngokokuba belinde umphefumlo wam.

56:7b.PSA.056.007 Bengamatshinga nje, bosinda na? Zihlise ngomsindo izizwe, Thixo.

56:8b.PSA.056.008 Ukuphalaphala kwam ukubhalile wena; Yitha iinyembezi zam entsubeni yakho; Azisencwadini yakho na?

56:9b.PSA.056.009 Ziya kubuya umva ke iintshaba zam, mhlana ndibizayo; Ndiyakwazi oku, ukuba uThixo unam.

56:10b.PSA.056.010 Ndilidumisa ngoThixo ilizwi, Ndilidumisa ngoYehova ilizwi.

56:11b.PSA.056.011 Ndikholose ngoThixo, ndingoyiki; Unokundenza ntoni na umntu?

56:12b.PSA.056.012 Ziphezu kwam, Thixo, izibhambathiso zakho; Ndiya kuyizalisa kuwe imibingelelo yombulelo.

56:13b.PSA.056.013 Ngokuba uwuhlangule ekufeni umphefumlo wam, Iinyawo zam ekukhubekeni, Ukuba ndihambe phambi koThixo Ekukhanyeni kobomi.

57

57:1b.PSA.057.001 Kumongameli; ngethi, Ungonakalisi. EkaDavide. Eliligugu: ekumbalekeni kwakhe uSawule emqolombeni. Ndibabale, Thixo, ndibabale; Ngokuba uzimela ngawe umphefumlo wam; Ndizimela esithunzini samaphiko akho, Kude kudlule inkxwaleko.

57:2b.PSA.057.002 Ndinqula uThixo Osenyangweni, UThixo ondifezelayo.

57:3b.PSA.057.003 Uya kuthuma esemazulwini andisindise, Emngcikiva nje ondizondayo; (Phakamisani.) UThixo uya kuthuma inceba yakhe nenyaniso yakhe.

57:4b.PSA.057.004 Umphefumlo wam uphakathi kweengonyama; Ndiya kulala phantsi nabafutha umlilo, Oonyana babantu abamazinyo aziintshuntshe neentolo, Ulwimi lwabo lulikrele elibukhali.

57:5b.PSA.057.005 Ziphakamisele ngaphezu kwamazulu, Thixo, Lube phezu kwehlabathi lonke uzuko lwakho.

57:6b.PSA.057.006 Isibatha basilungisele iinyawo zam; Bawugobile umphefumlo wam; Bandimbela isihogo, Beyela kuso ngokwabo. (Phakamisani.)

57:7b.PSA.057.007 Izimasekile intliziyo yam, Thixo, izimasekile intliziyo yam; Ndiya kuvuma, ndiya kubetha uhadi.

57:8b.PSA.057.008 Vuka, luzuko lwam! Vukani, mrhubhe nohadi! Ndiya kusiphangela isifingo.

57:9b.PSA.057.009 Ndiya kubulela kuwe phakathi kwezizwe, Nkosi yam; Ndiya kukubethela uhadi phakathi kwezizwe.

57:10b.PSA.057.010 Ngokuba inkulu, yada yaya ezulwini, inceba yakho; Yada yesa esibhakabhakeni inyaniso yakho.

57:11b.PSA.057.011 Ziphakamisele ngaphezu kwezulu, Thixo, Lube phezu kwehlabathi lonke uzuko lwakho.

58

58:1b.PSA.058.001 Kumongameli; ngethi, Ungonakalisi. EkaDavide. Eliligugu. Yinene na kodwa ukuba nithetha ubulungisa, nina bothixo? Nigweba oonyana babantu ngokuthe tye?

58:2b.PSA.058.002 Hayi, entliziyweni nenza ngobugqwetha; Ezweni nilinganisela ukugonyamela kwezandla zenu.

58:3b.PSA.058.003 Abangendawo baphambukile kwasesizalweni; Bandwendwile kwasesiswini abathethi bamanga.

58:4b.PSA.058.004 Banobuhlungu obunjengobuhlungu benyoka, Njengephimpi elizenza isithulu, elivingca indlebe yalo;

58:5b.PSA.058.005 Ukuze lingaliva izwi labanyangi, Lababopha ngomabophe, beziingcibi.

58:6b.PSA.058.006 Thixo, yaphula amazinyo abo emlonyeni wabo; Amabamba eengonyama ezintsha wavithe, Yehova.

58:7b.PSA.058.007 Mabaphalale njengamanzi equkuqela; Akuxuna iintolo zakhe, mazinge zicutshiwe.

58:8b.PSA.058.008 Mababe njengenkumba ehamba inyibilika, Njengemva-mbilini yomfazi, engalibonanga ilanga.

58:9b.PSA.058.009 Zingekaziva iintsasa iimbiza zenu, Nokuba ikrwada inyama, nokuba iza kuvuthwa, uyayiqweqwedisa.

58:10b.PSA.058.010 Liya kuvuya ilungisa, lakuyibona impindezelo; Liya kuzihlamba iinyawo zalo egazini longendawo,

58:11b.PSA.058.011 Athi umntu, Inene, ilungisa linesiqhamo; Inene, ukho uThixo ogwebayo ehlabathini.

59

59:1b.PSA.059.001 Kumongameli; ngethi, Ungonakalisi. EkaDavide. Eliligugu: ekuthumeleni kukaSawule, bayilinda indlu ukuba bambulale. Ndihlangule ezintshabeni zam, Thixo wam, Ndise engxondeni kwabasukela phezulu kum.

59:2b.PSA.059.002 Ndihlangule kubasebenzi bobutshinga; Ndisindise ebantwini abanamagazi.

59:3b.PSA.059.003 Ngokuba nabo bewulalela umphefumlo wam; Baqukana ngam abanamandla, Kungekho lukreqo kum, kungekho sono kum, Yehova.

59:4b.PSA.059.004 Ndingenabugwenxa nje, bagidime baxhoba. Vuka, undikhawulele, ubone.

59:5b.PSA.059.005 Wena Yehova, Thixo wemikhosi, Thixo kaSirayeli, Phapha, uzivelele zonke iintlanga; Musa ukubayeka bonke abanginizayo bengabagqithi. (Phakamisani.)

59:6b.PSA.059.006 Bayabuya ngokuhlwa, bayavungama njengezinja, Bawuhamba-hambe umzi.

59:7b.PSA.059.007 Nabo belephuza amagwebu ngomlomo; Ngamakrele emlonyeni wabo; Ngokuba bathi, Kuva bani na?

59:8b.PSA.059.008 Wena, Yehova, uyabahleka, Uyazigculela zonke iintlanga.

59:9b.PSA.059.009 Mandla am, ndiva kulindela kuwe; Ngokuba uThixo uyingxonde yam.

59:10b.PSA.059.010 UThixo wam uya kundikhawulela ngenceba yakhe; UThixo uya kundibonisa abandilaleleyo.

59:11b.PSA.059.011 Musa ukubabulala, hleze balibale abantu bakowethu; Babhadulise ngamandla akho, ubawise, Ngweletshetshe yethu, Nkosi yethu.

59:12b.PSA.059.012 Isono somlomo wabo lilizwi lemilebe yomlomo wabo; Mababanjiswe likratshi labo, Nangenxa yokushwabula nokuhanahanisa abakuthethayo.

59:13b.PSA.059.013 Bagqibe ngobushushu; gqiba, bangabi sabakho; Baqonde ukuba uThixo ngumlawuli kwaYakobi, Wesa eziphelweni zehlabathi. (Phakamisani.)

59:14b.PSA.059.014 Bayabuya ngokuhlwa, bayavungama njengezinja, Bawuhamba-hambe umzi.

59:15b.PSA.059.015 Bona babhadulela ukudla; Ukuba bathe abahlutha, balala apho.

59:16b.PSA.059.016 Ke mna, ndiya kuvuma ngamandla akho, Ndimemelele kwakusasa ngenceba yakho, Kuba ubuyingxonde kum, Nendawo endisabela kuyo ngemini yokubandezelwa kwam.

59:17b.PSA.059.017 Mandla am, ndiya kukubethela uhadi; Ngokuba uThixo yingxonde yam, nguThixo wam onenceba.

60

60:1b.PSA.060.001 Kumongameli; ngeyenyibiba yesingqino. Eliligugu. EkaDavide. Eyokufundisa: ekulweni kwakhe nama-Aram phakathi kweMilambo nama-Aram aseTsobha; wabuya uYowabhi, wawabulala amaEdom emfuleni wetyuwa, amawaka alishumi elinamabini. Thixo, usihlambile, wasichitha, Waqumba; ngamana wasibuyisa.

60:2b.PSA.060.002 Ulinyikimisile ilizwe, ulikrazule; Philisa iintanda zalo ngokuba lishukuma.

60:3b.PSA.060.003 Ubabonisile abantu bakho into elukhuni, Usiseze iwayini ehexisayo.

60:4b.PSA.060.004 Ubanike ibhanile abakoyikayo, Ukuba bayiphakamise ngenxa yenyaniso. (Phakamisani.)

60:5b.PSA.060.005 Ukuze zihlangulwe iintanda zakho, Sindisa ngesandla sakho sokunene, undiphendule.

60:6b.PSA.060.006 UThixo uthethe engcwele: mandivuyelele, Ndimabe uShekem, ndiyilinganisele intili yaseSukoti.

60:7b.PSA.060.007 Ngowam uGiliyadi, ngowam uManase, UEfrayim sisigcina-ntloko sam, UYuda yintonga yam yommiselo;

60:8b.PSA.060.008 UMowabhi sisitya sam sokuhlambela, Ndiyiphosa kuEdom imbadada yam; Filisti, nkqangaza wena ngam.

60:9b.PSA.060.009 Ngubani na owondisa emzini wamandla? Ngubani na owondikhaphela kwaEdom?

60:10b.PSA.060.010 Asinguwe na, kwawena Thixo, osihlambileyo? Akwaphuma, Thixo, nemikhosi yethu.

60:11b.PSA.060.011 Sincede kumbandezeli wethu; Alunto yanto usindiso lomntu.

60:12b.PSA.060.012 NgoThixo siya kweyisa, Wobagqusha yena ababandezeli bethu.

61

61:1b.PSA.061.001 Kumongameli; eyokubethelwa ngezinto ezineentambo. EkaDavide. Kuve, Thixo, ukuhlahlamba kwam; Wubazele indlebe umthandazo wam.

61:2b.PSA.061.002 Ndidanduluka kuwe ndisesiphelweni sehlabathi, ekutyhafeni kwentliziyo yam; Ndikhaphele eweni elisemalengalengeni kum.

61:3b.PSA.061.003 Ngokuba ulihlathi lam, Uyinqaba ende eliqele phambi kotshaba.

61:4b.PSA.061.004 Ndiya kuphambukela ententeni yakho ngonaphakade, Ndiya kuzimela ngesithe lamaphiko akho. (Phakamisani.)

61:5b.PSA.061.005 Ngokuba wena, Thixo, uzivile izibhambathiso zam; Ubanike ilifa abaloyikayo igama lakho.

61:6b.PSA.061.006 Uya kongeza imihla emihleni yokumkani; Iminyaka yakhe iya kuba njengezizukulwana ngezizukulwana;

61:7b.PSA.061.007 Uya kuhlala ngonaphakade phambi koThixo; Mmisele inceba nenyaniso, ukuba zimlondoloze.

61:8b.PSA.061.008 Kukhona ndiya kulibethela uhadi igama lakho ngonaphakade, Ndizizalise izibhambathiso zam imihla ngemihla.

62

62:1b.PSA.062.001 Kumongameli. KuYedutun. Umhobe kaDavide. Uthozamele kuThixo kwaphela umphefumlo wam; Kuvela kuye ukusindiswa kwam.

62:2b.PSA.062.002 Nguye kwaphela iliwa lam, umsindisi wam, Ingxonde yam; andiyi kushukunyiswa kakhulu.

62:3b.PSA.062.003 Kunini na nisuka indulumbane emntwini? Kunini na nimncinitha nonke niphela, enjengodonga oluzimkayo, enjengothango oluwayo?

62:4b.PSA.062.004 Bagqibe kwelokuba bamtyhale bamsuse ekuphakameni kwakhe kuphele; Bakholene namanga; Basikelela elowo ngomlomo, embilinini yabo bayatshabhisa. (Phakamisani.)

62:5b.PSA.062.005 Thozamela kuThixo yedwa, mphefumlo wam, Ngokuba livela kuye ithemba lam.

62:6b.PSA.062.006 Nguye kwaphela iliwa lam, umsindisi wam, Ingxonde yam; andiyi kushukunyiswa.

62:7b.PSA.062.007 KunoThixo ukusindiswa kwam nozuko lwam; Iliwa lokunqaba kwam nehlathi lam likuThixo.

62:8b.PSA.062.008 Kholosani ngaye ngamaxesha onke, nina bantu; Phalazani intliziyo yenu phambi kwakhe. UThixo ulihlathi kuthi. (Phakamisani.)

62:9b.PSA.062.009 Bangumphunga kwaphela onyana boluntu, ngamanga oonyana bamadoda; Esikalini bangenyuka, Bangumphunga bephelele.

62:10b.PSA.062.010 Musani ukukholosa ngokudla abantu, Ningazenzi into engeyanto ngento exhakamfuliweyo. Yakwanda imfuyo, musani ukuyinyamekela.

62:11b.PSA.062.011 Uthethe nto-nye uThixo, Ezi zinto zimbini ndizivile: Ukuba amandla ngakaThixo,

62:12b.PSA.062.012 Nenceba yeyakho, Nkosi yam; Ngokuba uyababuyekeza, elowo ngokwezenzo zakhe.

63

63:1b.PSA.063.001 Umhobe kaDavide: oko ebesentlango yakwaYuda. Thixo, unguThixo wam, ndiya kukuquqela kwakusasa, Umphefumlo wam unxanele wena; inyama yam iyakulangazelela Ezweni elingumqwebedu, elibharhileyo, eligenamanzi.

63:2b.PSA.063.002 Ndenjenjalo ukukhangela kuwe engcweleni, Ukuba ndibone amandla akho nobuqaqawuli bakho.

63:3b.PSA.063.003 Ngokuba inceba yakho ilungile ngaphezu kobomi, Umlomo wam uya kukuncoma.

63:4b.PSA.063.004 Ndiya kwenjenjalo ukukubonga lo gama ndihleliyo, Ndiphakamise izandla zam egameni lakho.

63:5b.PSA.063.005 Umphefumlo wam uhluthi umongo namanqatha; Ngemilebe yomlomo wam omemelelayo uya kukudumisa umlomo wam,

63:6b.PSA.063.006 Ndakukukhumbula emandlalweni wam, Emilindweni yobusuku ndicamanga ngawe.

63:7b.PSA.063.007 Ngokuba uluncedo kum, Ndinokumemelela esithunzini samaphiko akho.

63:8b.PSA.063.008 Umphefumlo wam uthene mbende nawe; Isandla sakho sokunene sindibambile.

63:9b.PSA.063.009 Ke bona bafuna umphefumlo wam ukuze batshabalale, Baya kutshona kwezisezantsi iindawo zehlabathi.

63:10b.PSA.063.010 Baphalazelwa emandleni ekrele; Baba sisabelo seempungutye.

63:11b.PSA.063.011 Ke yena ukumkani uya kuvuya ngoThixo; Baya kuqhayisa abo bonke bafunga yena; Ngokuba uya kuvingcwa umlomo wabathetha ubuxoki.

64

64:1b.PSA.064.001 Kumongameli. Umhobe kaDavide. Live, Thixo, izwi lam ekukhalazeni kwam; Ekunkwantyiseni kotshaba bulondoloze ubomi bam.

64:2b.PSA.064.002 Ndisithelise egquguleni labanobubi, Ehlokondibeni labasebenzi bobutshinga;

64:3b.PSA.064.003 Abalulola njengekrele ulwimi lwabo, Abaxuna iintolo zabo, amazwi akrakra,

64:4b.PSA.064.004 Bamtole ogqibeleleyo besentsithelweni; Bamtola ngesiquphe, bangoyiki.

64:5b.PSA.064.005 Bazomelezela ilizwi elibi, Bagqiba kwelokuba bafihle izirhintyelo, Bathi, Singabonwa ngubani na?

64:6b.PSA.064.006 Baceba ubugqwetha; Baligqibile icebo abalicebileyo; Imbilini yendoda nentliziyo yayo yinzulu.

64:7b.PSA.064.007 Ke uThixo uyabatola ngotolo; Amanxeba abo abakho ngesiquphe.

64:8b.PSA.064.008 Baya kukhutyekiswa, lufikele kwabona ulwimi lwabo; Bayahlunguzela intloko bonke abababonayo.

64:9b.PSA.064.009 Basuka boyike bonke abantu, Bawuxele umsebenzi kaThixo, Basiqiqe isenzo sakhe.

64:10b.PSA.064.010 Liya kuvuya ilungisa ngoYehova, lizimele ngaye, Baqhayise bonke abantliziyo zithe tye.

65

65:1b.PSA.065.001 Kumongameli. Umhobe kaDavide. Ingoma. Ukuthozama kuyindumiso kuwe, Thixo, eZiyon; Sizaliswa kuwe isibhambathiso.

65:2b.PSA.065.002 Wena mphulaphuli wemithandazo, Iza kuwe inyama yonke.

65:3b.PSA.065.003 Zindoyisile nje iindawo zobugwenxa, Ukreqo lwethu uyaluxolela wena ngocamagushelo.

65:4b.PSA.065.004 Hayi, uyolo lomnyulayo, umsondeze Ukuba ahlale ezintendelezweni zakho! Siya kuzihluthisa ngokulunga kwendlu yakho, Kwetempile yakho engcwele.

65:5b.PSA.065.005 Usiphendula ngezenzo ezoyikekayo zobulungisa, Thixo osisindisayo; Nkoloseko yeziphelo zonke zehlabathi, neyolwandle olukude;

65:6b.PSA.065.006 Ulozinzisa iintaba ngamandla akhe, Ebhinqe ubugorha;

65:7b.PSA.065.007 Ulodambisa ukugquma kweelwandle, ukugquma kwamaza azo, Nokuxokozela kwezizwe.

65:8b.PSA.065.008 Bayayoyika imiqondiso yakho abemi beziphelo zehlabathi. Umemelelisa ukuvela kokusa nokuhlwa.

65:9b.PSA.065.009 Uwuvelele umhlaba, wawunyela, Wawutyebisa kakhulu. Umjelo kaThixo uzele ngamanzi: Walungisa ingqolowa yabo, ngokuba uwenjenje ukuwulungisa.

65:10b.PSA.065.010 Useza ihluthe imisele yawo; Unyakamisa imiqela yawo. Uthambisa ngeziphango; Usikelela izilimo zawo.

65:11b.PSA.065.011 Uwuthwesile umnyaka wokulunga kwakho, Imikhondo yakho itsitsa ukutyeba.

65:12b.PSA.065.012 Ayatsitsa amakriwa entlango, Iinduli zizibhinqise umgcobo.

65:13b.PSA.065.013 Amadlelo anxibe imihlambi yeenkomo; Iintili zambethe ingqolowa. Yonke into iyaduma, yonke into iyavuma.

66

66:1b.PSA.066.001 Kumongameli. Ingoma. Umhobe. Dumani kuThixo, nonke hlabathi,

66:2b.PSA.066.002 Lubetheleni uhadi uzuko lwegama lakhe, Mzukiseni, mdumiseni.

66:3b.PSA.066.003 Yithini kuThixo, Hayi, ukoyikeka kwemisebenzi yakho! Ngenxa yobuninzi bamandla akho ziya kuhanahanisa kuwe iintshaba zakho.

66:4b.PSA.066.004 Lonke ihlabathi liya kukunqula, Bakubethele uhadi; Balibethele uhadi igama lakho. (Phakamisani.)

66:5b.PSA.066.005 Yizani, nibone imisebenzi emikhulu kaThixo, Engowoyikekayo ekwenzeni kwakhe koonyana babantu.

66:6b.PSA.066.006 Waluguqula ulwandle lwayinto eyomileyo; Bawuwela umlambo ngeenyawo; Apho savuya ngaye.

66:7b.PSA.066.007 Ulolawula ngobugorha bakhe ngonaphakade; Amehlo akhe ayabonisela ezintlangeni; Abaziinjubaqa mabangaziphakamisi. (Phakamisani.)

66:8b.PSA.066.008 Mbongeni, zizwe, uThixo wethu, Nivakalise ilizwi lendumiso yakhe.

66:9b.PSA.066.009 Ulomisa umphefumlo wethu ebomini, Akalunikela unyawo lwethu ekutyibilikeni.

66:10b.PSA.066.010 Ngokuba usicikidile, Thixo; Usinyibilikisile njengokunyibilikiswa kwesilivere;

66:11b.PSA.066.011 Usingenise emboniselweni; Ubeke uxinzelelo esinqeni sethu;

66:12b.PSA.066.012 Ukhwelise abantu entlokweni yethu; Singene emlilweni nasemanzini; Waza wasikhuphela endaweni enendyebo.

66:13b.PSA.066.013 Ndiya kungena endlwini yakho ndinamadini anyukayo; Ndiya kuzizalisa kuwe izibhambathiso zam,

66:14b.PSA.066.014 Eyazivulelayo imilebe yomlomo wam, Owazithethayo umlomo wam ekubandezelweni kwam.

66:15b.PSA.066.015 Ndiya kunyusela kuwe amadini anyukayo eemvana ezityebileyo, Ndawonye nesiqhumiso seenkunzi zeegusha; Ndiya kwenza aweenkomo ndawonye naweenkunzi zeebhokhwe. (Phakamisani.)

66:16b.PSA.066.016 Yizani, nive, ndinixelele, nonke nina bamoyikayo uThixo, Oko akwenzele umphefumlo wam.

66:17b.PSA.066.017 Ndadanduluka kuye ngomlomo wam; Kwaye ukubonga kuphantsi kolwimi lwam.

66:18b.PSA.066.018 Ukuba bendisekeleze ubutshinga ngentliziyo yam, INkosi yam ibingayi kuphulaphula.

66:19b.PSA.066.019 Hayi ke, uThixo uphulaphule, Ulibazele indlebe ilizwi lomthandazo wam.

66:20b.PSA.066.020 Makabongwe uThixo, Yena ungawugxothanga umthandazo wam, Nobubele bakhe kum.

67

67:1b.PSA.067.001 Kumongameli; eyokubethelwa ngezinto ezineentambo. Umhobe. Ingoma. Ngamana uThixo wasibabala, wasisikelela, Wabukhanyisa ubuso bakhe kuthi; (Phakamisani.)

67:2b.PSA.067.002 Ukuze yaziwe ehlabathini indlela yakho, Usindiso lwakho ezintlangeni zonke.

67:3b.PSA.067.003 Ngamana zabulela izizwe kuwe, Thixo, Zabulela izizwe kuwe zonke ziphela;

67:4b.PSA.067.004 Zavuya zamemelela izizwe: Ngokuba uya kugweba phakathi kwezizwe ngokuthe tye, Uzikhaphe izizwe ehlabathini. (Phakamisani.)

67:5b.PSA.067.005 Ngamana zabulela izizwe kuwe, Thixo, Zabulela izizwe kuwe zonke ziphela.

67:6b.PSA.067.006 Umhlaba uyivelisile indyebo yawo; Uya kusisikelela uThixo, uThixo wethu;

67:7b.PSA.067.007 Uya kusisikelela uThixo, Zimoyike zonke iziphelo zehlabathi.

68

68:1b.PSA.068.001 Kumongameli; ekaDavide. Umhobe. Ingoma. Makasuk’ eme uThixo, zibe ziintsali iintshaba zakhe, Basabe ebusweni bakhe abamthiyayo.

68:2b.PSA.068.002 Njengokuphetshethwa komsi, baphephethe; Njengokunyibilika komthwebeba phambi komlilo, Mabadake ngokunjalo abangendawo ebusweni bukaThixo.

68:3b.PSA.068.003 Ke wona amalungisa makavuye, adlamke phambi koThixo, Abe nemihlali, enemivuyo.

68:4b.PSA.068.004 Vumani kuThixo, libetheleni uhadi igama lakhe; Menzeleni umendo ophakamileyo, ulokhwela ecanda ezinkqantosini, Ogama lakhe linguYehova; nidlamke phambi kwakhe.

68:5b.PSA.068.005 Uyise weenkedama, umthetheleli wabahlolokazi, NguThixo ekhayeni lakhe elingcwele.

68:6b.PSA.068.006 UThixo nguhlalisa endlwini ababebodwa, Ngukhuphela enywebeni ababanjiweyo; Ngabaziinjubaqa bodwa abahlala kwelibalelelweyo.

68:7b.PSA.068.007 Thixo, ekuphumeni kwakho uphambi kwabantu bakho, Ekunyatheleni kwakho enkangala, (Phakamisani.)

68:8b.PSA.068.008 Lanyikima ihlabathi, Lavuza izulu ebusweni bukaThixo, ISinayi leya ebusweni bukaThixo, uThixo kaSirayeli.

68:9b.PSA.068.009 Walitshiza ngemvula eninzi yesisa sakho, Thixo, ilifa lakho; Lakubharha, walizimasa wena.

68:10b.PSA.068.010 Wahlala khona umhlambi wakho, Wamlungisela olusizana ngokulunga kwakho, Thixo.

68:11b.PSA.068.011 INkosi iya kukhupha izwi elinamandla, Ube mkhulu umkhosi weentokazi ezishumayela iindaba ezilungileyo.

68:12b.PSA.068.012 Ookumkani bemikhosi baya kusaba besabile; Intokazi esele ekhaya iya kuwaba amaxhoba.

68:13b.PSA.068.013 Nakulala phantsi phakathi kweentlanti, Noxelisa amaphiko evukuthu alekwe ngesilivere, Neentsiba zalo ezalekwe ngegolide ebengezelayo.

68:14b.PSA.068.014 Ekubadubadubeni kukaSomandla ookumkani kulo, Koba mhlophe ngowekhephu eTsalimon.

68:15b.PSA.068.015 Yintaba kaThixo intaba yaseBhashan, Yintaba encopho zininzi intaba yaseBhashan.

68:16b.PSA.068.016 Niyigxeleshelani na, zintaba zincopho zininzi, Intaba ayinqweneleyo uThixo ukuba ahlale kuyo? Ewe, uYehova uya kuhlala kuyo ngonaphakade.

68:17b.PSA.068.017 Iinqwelo zokulwa zikaThixo zizigidi, ngamawaka-waka; INkosi ikuzo; yiSinayi ebungcweleni,

68:18b.PSA.068.018 Unyuke waya phezulu, uthimbe abathinjwa, Uthabathe izipho phakathi kwabantu, Naphakathi kwabaziinjubaqa, ukuba ahlale uYehova uThixo khona.

68:19b.PSA.068.019 Mayibongwe iNkosi; Ithwala imithwalo yethu imihla ngemihla; NguThixo umsindisi wethu. (Phakamisani.

68:20b.PSA.068.020 Yena uThixo kuthi nguThixo wosindiso, KokukaYehova, iNkosi yethu, ukukhupha ekufeni.

68:21b.PSA.068.021 Kodwa uThixo uya kuyiphalusa intloko yeentshaba zakhe, Nentloko enesihlwitha yohambayo kwizigqitho zakhe.

68:22b.PSA.068.022 Yathi iNkosi, Ndiya kuzibuyisa eBhashan, Ndiya kuzibuyisa iintshaba zakho ezinzulwini zolwandle;

68:23b.PSA.068.023 Ukuze uziphaluse, unyawo lwakho lusegazini, Nolwimi lwezinja zakho lube nesabelo salo ezintshabeni.

68:24b.PSA.068.024 Bakubona ukunyathela kwakho, Thixo, Ukunyathela koThixo wam, koKumkani wam, esebungcweleni.

68:25b.PSA.068.025 Phambili ziimvumi, ngasemva ngababethi bohadi, Emacaleni ziintombi ezibetha iingqongqo.

68:26b.PSA.068.026 Emabandleni bongani uThixo, INkosi, nina basemthonjeni wakwaSirayeli.

68:27b.PSA.068.027 Balapho ooBhenjamin, inci yabo, umphathi wabo, Abathetheli bakwaYuda, ihlokondiba labo; Abathetheli bakwaZebhulon, abathetheli bakwaNafetali.

68:28b.PSA.068.028 UThixo wakho wakuwisela umthetho wokuba uqine; Kuqinise, Thixo, oko usenzeleyo.

68:29b.PSA.068.029 Bevela etempileni yakho eyongamele iYerusalem, Ookumkani mabeze nezithabathaba kuwe.

68:30b.PSA.068.030 Khalimela amarhamncwa asengcongolweni, Umhlambi weenkunzi eziziimbalasane, kunye namathole ezizwe, Ukuze baziwise benezijungqe zesilivere. Wazibhangisa izizwe eziyithandayo imfazwe.

68:31b.PSA.068.031 Kovela amanono eYiputa; UKushi wozolulela msinya izandla zakhe kuThixo.

68:32b.PSA.068.032 Zikumkani zehlabathi, vumani kuThixo, Niyibethele uhadi iNkosi; (Phakamisani.)

68:33b.PSA.068.033 Ekhwela ecanda emazulwini awo amazulu amandulo; Nanko elikhupha ilizwi lakhe, ilizwi elinamandla.

68:34b.PSA.068.034 Mnikeni amandla uThixo; Buphezu koSirayeli ubungangamsha bakhe; Asesibhakabhakeni amandla akhe.

68:35b.PSA.068.035 UloThixo woyikekayo ezingcweleni zakho. UloThixo kaSirayeli, ubanikayo amandla nokomelela abantu. Makabongwe uThixo.

69

69:1b.PSA.069.001 Kumongameli; ngeyeenyibiba. EkaDavide. Ndisindise, Thixo; Ngokuba amanzi andifikele, ada eza emphefumlweni.

69:2b.PSA.069.002 Nditshonile eludakeni olunzulu, akukho kuma; Ndingene emmbithini onamanzi, umsinga uyandintywilisela.

69:3b.PSA.069.003 Ndidiniwe kukudanduluka; womile umqala wam; Aphelile amehlo am; mna ndilindele kuThixo.

69:4b.PSA.069.004 Abandithiyayo ngelize baninzi ngaphezu kweenwele zentloko yam; Baninzi abandibangisayo, abaziintshaba zam bexoka; Into endingayiphanganga bathi mandiyibuyise.

69:5b.PSA.069.005 Thixo, wena uyakwazi ukumatha kwam; Namatyala am akanakugushwa kuwe.

69:6b.PSA.069.006 Mabangadani ngam abakuthembayo, Nkosi yam, Yehova wemikhosi; Mabangangcikivwa ngam abakufunayo, Thixo kaSirayeli.

69:7b.PSA.069.007 Ngokuba ndithwele ingcikivo ngenxa yakho; Ihlazo libugqubuthele ubuso bam;

69:8b.PSA.069.008 Ndingowasemzini kubazalwana bam; Ndingowolunye uhlanga kubantwana bakama:

69:9b.PSA.069.009 Ngokuba lindidlile ikhwele ngenxa yendlu yakho: Iingcikivo zabakungcikivayo ziwe phezu kwam.

69:10b.PSA.069.010 Mna, umphefumlo wam walila, uzila ukudla; Oko kwaba yingcikivo kum.

69:11b.PSA.069.011 Iingubo zam zaba zezirhwexayo, Ndaba yinto yokuzekelisa kubo.

69:12b.PSA.069.012 Bathetha ngam abahleli esangweni; Ndiyingoma yamanxila.

69:13b.PSA.069.013 Ke mna ndithandaza kuwe, Yehova, ngexesha elikholekileyo: Thixo, ngobuninzi benceba yakho, Ndiphendule ngenyaniso yosindiso lwakho.

69:14b.PSA.069.014 Ndihlangule eludakeni, ndingatshoni; Mandihlangulwe kwabandithiyayo nasemimbithini enamanzi.

69:15b.PSA.069.015 Mawungandintywiliseli umsinga wamanzi; Ingandiginyi inzulu; Iqula malingandivingceli ngomlomo walo

69:16b.PSA.069.016 Ndiphendule, Yehova, ngokuba ilungile inceba yakho, Ngangobuninzi bemfesane yakho ndibheke.

69:17b.PSA.069.017 Musa ukubusithelisa ubuso bakho kumkhonzi wakho, Ngokuba ndibandezelekile; khawuleza undiphendule.

69:18b.PSA.069.018 Sondela emphefumlweni wam, uwukhulule; Ngenxa yeentshaba zam ndikhulule.

69:19b.PSA.069.019 Wena uyakwazi ukungcikivwa kwam, nokudaniswa kwam, nokuhlazwa kwam; Baphambi kwakho bonke abandibandezelayo.

69:20b.PSA.069.020 Ingcikivo yaphula intliziyo yam, ndaphantsa ukufa; Ndathemba ukukhuzwa, akwabakho; Nokuthuthuzelwa, andakufumana.

69:21b.PSA.069.021 Ukudla bandinika inyongo; Ekunxanweni kwam bandiseza iviniga.

69:22b.PSA.069.022 Isithebe sabo phambi kwabo masibe ngumgibe; Sibe sisirhintyelo kwabanemasi.

69:23b.PSA.069.023 Makabe mnyama amehlo abo, bangaboni, Usigxadazelise isinqe sabo amaxesha onke.

69:24b.PSA.069.024 Baphalazele ngobhavumo lwakho, Kubafikele ukuvutha komsindo wakho.

69:25b.PSA.069.025 Ingqili yabo mayibe senkangala, Ezintenteni zabo kungahlali mntu;

69:26b.PSA.069.026 Ngokuba bayamsukela obethwe nguwe, Bancokole ngomvandedwa wobahlabileyo wena.

69:27b.PSA.069.027 Yongeza ubugwenxa ebugwenxeni babo, Bangangeni ebulungi senibakho.

69:28b.PSA.069.028 Mabacinywe encwadini yobomi, Bangabhalwa namalungisa.

69:29b.PSA.069.029 Ke mna ndilusizana, ndinomvandedwa; Usindiso lwakho, Thixo, malundise engxondeni.

69:30b.PSA.069.030 Ndiya kulidumisa igama likaThixo ngokuvuma, Ndilenze likhulu ngokubulela.

69:31b.PSA.069.031 Oko kuya kukholeka kuYehova ngaphezu kweenkunzi ezintsha, Ezineempondo neempuphu.

69:32b.PSA.069.032 Bebona abalulamileyo, bovuya; Nina bamquqelayo uThixo, intliziyo yenu mayiphile.

69:33b.PSA.069.033 Ngokuba uYehova uyaweva amahlwempu, Akabadeli ababanjiweyo bakhe.

69:34b.PSA.069.034 Malimdumise izulu nomhlaba, Ulwandle nento yonke enambuzelayo kulo.

69:35b.PSA.069.035 Ngokuba uThixo uya kuyisindisa iZiyon, ayakhe imizi yakwaYuda, Bahlale khona, bayime;

69:36b.PSA.069.036 Ilidle ilifa imbewu yabakhonzi bakhe; Bahlale kuyo abalithandayo igama lakhe.

70

70:1b.PSA.070.001 Kumongameli; ekaDavide; eyokukhumbuza. Thixo, khawuleza undihlangule; Yehova, khawuleza undincede.

70:2b.PSA.070.002 Mabadane babe neentloni abawufunayo umphefumlo wam; Mababuye umva bahlazeke abananze ukuba ndihlelwe bububi;

70:3b.PSA.070.003 Mababuye ngenxa yomvuzo wedano labo Abathi, Tshotsho! Tshotsho!

70:4b.PSA.070.004 Mababe nemihlali bavuye ngawe bonke abakuquqelayo; Abaluthandayo usindiso lwakho Mabahlale besithi, Makenziwe mkhulu uThixo.

70:5b.PSA.070.005 Ke mna ndilusizana, ndilihlwempu; Thixo, khawuleza uze kum. Umncedi wam nomsindisi wam nguwe; Yehova, musa ukulibala.

71

71:1b.PSA.071.001 Ndizimela ngawe, Yehova, Mandingaze ndidane naphakade:

71:2b.PSA.071.002 Ngobulungisa bakho ndihlangule, ndisize; Ndithobele indlebe yakho, undisindise.

71:3b.PSA.071.003 Yiba liliwa elilikhaya kum, ndize kulo ngamaxesha onke. Uwise umthetho wokuba ndisindiswe, Ngokuba ingxondorha yam nemboniselo yam nguwe.

71:4b.PSA.071.004 Thixo wam, ndisize esandleni songendawo, Esandleni sogqwethayo nosisibhovubhovu.

71:5b.PSA.071.005 Ngokuba ulithemba lam, Nkosi yam, Yehova, Inkoloseko yam kwasebuncinaneni bam.

71:6b.PSA.071.006 Ndixhaswe nguwe kwasesizalweni; Nguwe owandityhobozisayo ezibilinini zikama. Indumiso yam ingawe ngamaxesha onke.

71:7b.PSA.071.007 Ndinjengesimanga kwabaninzi; Ke wena ulihlathi lam elinqabileyo.

71:8b.PSA.071.008 Umlomo wam uya kuzala yindumiso yakho, Sisihombo sakho imini yonke.

71:9b.PSA.071.009 Musa ukundilahla ngexesha lobuxhego; Musa ukundishiya akuphela amandla am.

71:10b.PSA.071.010 Ngokuba zithetha ngam iintshaba zam; Abawulindayo umphefumlo wam bayacebisana,

71:11b.PSA.071.011 Besithi, UThixo umlahlile; Msukeleni nimbambe, ngokuba akukho mhlanguli.

71:12b.PSA.071.012 Thixo, musa ukuba kude kum; Thixo wam, khawuleza undincede.

71:13b.PSA.071.013 Mabadane, bagqitywe, abawuchasayo umphefumlo wam, Bathiwe wambu yingcikivo nehlazo abafuna ukuba ndihlelwe bububi.

71:14b.PSA.071.014 Ke mna ndiya kuhlala ndilindile, Ndongeze endumisweni yakho yonke.

71:15b.PSA.071.015 Umlomo wam uya kubalisa ngemisebenzi yobulungisa bakho, Neyosindiso lwakho imini yonke, ngokuba ndingawazi amanani ayo.

71:16b.PSA.071.016 Ndiya kuza nemisebenzi yobugorha beNkosi uYehova; Ndiya kukhankanya ubulungisa bakho, bakho wedwa.

71:17b.PSA.071.017 Thixo, undifundisile kwasebuncinaneni bam; Unangoku ndiyayixela imisebenzi yakho ebalulekileyo.

71:18b.PSA.071.018 Thixo, musa ukundishiya kude kuye ebuxhegweni nasezimvini; Ndide ndiyixele ingalo yakho kwisizukulwana esitsha, Nobugorha bakho kubo bonke abaya kuza.

71:19b.PSA.071.019 Thixo, ubulungisa bakho buye bafika phezulu; Wena uzenzayo izinto ezinkulu, Thixo, ngubani na onjengawe?

71:20b.PSA.071.020 Wena, usibonisileyo iimbandezelo ezininzi ezinobubi, Uya kubuya usiphilise, Ubuye usirhole ezinzonzobileni zamanzi ehlabathi;

71:21b.PSA.071.021 Uya kubandisa ubukhulu bam, Ubuye wena undithuthuzele.

71:22b.PSA.071.022 Ndiya kuyibulela nokuyibulela kuwe ngomrhubhe Inyaniso yakho, Thixo wam; Ndiya kukubethela uhadi, Ngcwele kaSirayeli.

71:23b.PSA.071.023 Uya kumemelela umlomo wam, ndakukubethela uhadi, Nomphefumlo wam owukhululeyo;

71:24b.PSA.071.024 Nolwimi lwam luya kuxela ubulungisa bakho imini yonke, Ngokuba bedanile beneentloni abafuna ukuba ndihlelwe bububi.

72

72:1b.PSA.072.001 EkaSolomon. Thixo, mnike ukumkani imigwebo yakho, Mnike unyana wokumkani ubulungisa bakho.

72:2b.PSA.072.002 Makagwebe ebantwini bakho ngobulungisa, Nakwabaziintsizana zakho ngokwesiko.

72:3b.PSA.072.003 Iintaba mazibathwalele uxolo abantu, Kwaneenduli zibathwalele ebulungiseni.

72:4b.PSA.072.004 Makagwebe ityala labaziintsizana ebantwini, Asindise oonyana bamahlwempu, Abatyumze abacudisi.

72:5b.PSA.072.005 Mabakoyike, ukuhlala elihleliyo ilanga Kwanenyanga, izizukulwana ngezizukulwana.

72:6b.PSA.072.006 Makehle njengemvula ehla phezu kotyani obusikwayo, Njengeziphango, njengemvula emathontsi makhulu, emhlabeni.

72:7b.PSA.072.007 Malityatyambe ngemihla yakhe ilungisa, Nobuninzi boxolo, ide ingabi sabakho inyanga.

72:8b.PSA.072.008 Makaphathe ubukhosi ethabathela elwandle ase elwandle, Ethabathela kuwo uMlambo ase eziphelweni zehlabathi.

72:9b.PSA.072.009 Baya kuguqa phambi kwakhe abemi bomqwebedu, Zikhothe uthuli iintshaba zakhe.

72:10b.PSA.072.010 Ookumkani baseTarshishe nabeziqithi baya kunika iminikelo; Ookumkani bakwaShebha nabakwaSebha baya kusondeza isithabathaba;

72:11b.PSA.072.011 Baqubude kuye bonke ookumkani, Zimkhonze sonke iintlanga.

72:12b.PSA.072.012 Ngokuba uya kulihlangula ihlwempu elizibikayo, Nabaziintsizana abangenaluncedo;

72:13b.PSA.072.013 Abenzele inceba abasweleyo nabangamahlwempu; Asindise imiphefumlo yamahlwempu;

72:14b.PSA.072.014 Akhulule imiphefumlo yawo ekuxinezelweni nasekugonyamelweni; Linqabile emehlweni akhe igazi lawo.

72:15b.PSA.072.015 Uya kuphila anikwe igolide yakwaShebha, Bahlale bemthandazela, Bamsikelele imini yonke.

72:16b.PSA.072.016 Makubekho intabalala yengqolowa ezweni, ise encotsheni yeentaba; Ukuqhama kwayo makurhashaze njengeLebhanon; Mabatyatyambe emizini yabo njengemifuno yomhlaba.

72:17b.PSA.072.017 Malibe ngunaphakade igama lakhe; Malivelise amagatya igama lakhe phambi kwelanga, Bazisikelele ngaye; Mazithi zonke iintlanga ungonoyolo.

72:18b.PSA.072.018 Makabongwe uYehova uThixo, uThixo kaSirayeli. Ulomenzi wemisebenzi ebalulekileyo yena yedwa.

72:19b.PSA.072.019 Malisikelelwe igama lakhe elizukileyo ngonaphakade, Lizale lonke ihlabathi luzuko lwakhe. Amen, amen.

72:20b.PSA.072.020 Iphelile imithandazo kaDavide unyana kaYese.

73

73:1b.PSA.073.001 Umhobe ka-Asafu. Ulungile kwaphela uThixo kuSirayeli, Kwabantliziyo zinyulu.

73:2b.PSA.073.002 Ke mna, beziphantse ukumka iinyawo zam; Gcwizi ukutyibilika ukunyathela kwam;

73:3b.PSA.073.003 Ngokuba bendibamonela abaqhayisayo, Ndakukubona ukuphumelela kwabangendawo.

73:4b.PSA.073.004 Ngokuba abanazintlungu ekufeni kwabo; Baphilile, batyebile umzimba wabo;

73:5b.PSA.073.005 Ebubini babantu abakho bona; Abakhathazwa njengabanye abantu.

73:6b.PSA.073.006 Ngako oko intamo yabo inxitywe ikratshi; Ukugonyamela kubathe wambu ngokwengubo.

73:7b.PSA.073.007 Amehlo abo avelile kukutyeba; Amabhongo eentliziyo zabo aphumela phandle.

73:8b.PSA.073.008 Bahlalela ngentlamba, bathetha ngokubandezela, benobubi; Bathetha iindumbisa zamazwi.

73:9b.PSA.073.009 Bawubeka ezulwini umlomo wabo, Ulwimi lwabo luhamba emhlabeni wonke.

73:10b.PSA.073.010 Ngako oko abantu babo babuyela apha; Bafinca amanzi amaninzi.

73:11b.PSA.073.011 Bathi, Unokuthini na ukwazi uThixo? Kukho ukwazi na kOsenyangweni?

73:12b.PSA.073.012 Yabona abangendawo abaya Banokuchulumacha ngonaphakade, bandile ngokutyeba.

73:13b.PSA.073.013 Sifumane sayiqaqambisa intliziyo yethu kanti, Sazihlamba izandla zethu ngokuba msulwa;

73:14b.PSA.073.014 Ndakhathazeka imini yonke, Ukohlwaywa kwethu kwaba kokwemiso yonke.

73:15b.PSA.073.015 Ukuba bendithe, Ndiya kwenjenjalo ukuthetha, Yabona, ngendinginizile kwisizukulwana soonyana bakho.

73:16b.PSA.073.016 Ndathi ke ndakucinga ukuba ndikwazi oko, Kwayinkohla emehlweni am;

73:17b.PSA.073.017 Ndada ndaya kungena ezingcweleni zikaThixo, Ndakugqala ke ukuphela kwabo.

73:18b.PSA.073.018 Inene, ubamise ezindaweni ezibuthelezi, Wabawisa baba yintshabalala.

73:19b.PSA.073.019 Hayi, ukuphanziswa kwabo ngephanyazo; Baphelile, bagqityiwe kukukhwankqa.

73:20b.PSA.073.020 Njengephupha ekuqabukeni komntu, Ekuvukeni kwakho, Nkosi, wowudela umfanekiso wabo.

73:21b.PSA.073.021 Ukuba ndithe ndabindeka intliziyo, Ndahlabeka ezintsweni,

73:22b.PSA.073.022 Ndoba ke ndisisityhakala, ndingenakwazi; Ndoba ke ndisisilo kuwe.

73:23b.PSA.073.023 Mna ke ndihlala ndinawe; Undibambile ngesandla sam sokunene;

73:24b.PSA.073.024 Uya kundikhapha ngecebo lakho. Undithabathe emveni koku, ndibe nozuko.

73:25b.PSA.073.025 Ndinabani na emazulwini? Ukuba wena ungowam, andilinanze nganto ihlabathi.

73:26b.PSA.073.026 Ingaphela inyama yam nentliziyo yam: Iliwa lentliziyo yam, nesabelo sam, nguThixo ngonaphakade.

73:27b.PSA.073.027 Ngokuba, yabona, abanyawukileyo kuwe baya kudaka; Uyababhangisa bonke abahenyuzayo, bemke kuwe.

73:28b.PSA.073.028 Mna ke, ukusondela kuThixo kulungile kum, Ndiyenza ihlathi lam iNkosi uYehova, Ukuze ndiyibalise yonke imisebenzi yakhe.

74

74:1b.PSA.074.001 Eyokuqiqa; eka-Asafu. Yini na Thixo, ukuba uhlale usihlambile, Uqhume umsindo wakho kwizimvu zedlelo lakho?

74:2b.PSA.074.002 Likhumbule ibandla lakho olithengileyo kwakudala, Olikhululeyo, laba sisizwe selifa lakho; Intaba yaseZiyon, ohleli kuyo.

74:3b.PSA.074.003 Phakamisa ukunyathela kwakho, ukuya kumanxuwa ahlala ehleli: Utshaba luvive into yonke engcweleni.

74:4b.PSA.074.004 Babharhula ababandezeli bakho endaweni yokuhlangana phakathi; Bamisa eyabo imiqondiso, yaba yiyo eyimiqondiso.

74:5b.PSA.074.005 Kwanga kungenelwe Intshinyela yemithi ngezixengxe.

74:6b.PSA.074.006 Kungoku, uqoqo lwayo lonke Balucanda ngamazembe neengxobonga.

74:7b.PSA.074.007 Bayifaka umlilo ingcwele yakho; Bawuhlambela ngokuwuwisela emhlabeni umnquba wegama lakho.

74:8b.PSA.074.008 Bathi ezintliziyweni zabo, Siya kubanyanzelela phantsi kuphele; Bazitshisile zonke iindawo zikaThixo zokuhlangana ezweni apha.

74:9b.PSA.074.009 Imiqondiso yethu asiyiboni, Akusekho mprofeti; Kuthi akukho waziyo ukuba koda kuse phi na kunjalo.

74:10b.PSA.074.010 Kunini na, Thixo, umbandezeli engcikiva? Utshaba luhleli luligiba igama lakho?

74:11b.PSA.074.011 Usifinyezeleni na isandla sakho, nesokunene sakho? Sirhole esifubeni sakho, ulugqibe.

74:12b.PSA.074.012 Ke uThixo nguKumkani wam kwakumandulo, Ulosebenza usindiso phakathi kwehlabathi lonke.

74:13b.PSA.074.013 Nguwe owahlula ulwandle ngamandla akho, Owaphula iintloko zeengwenya emanzini.

74:14b.PSA.074.014 Nguwe owaxhaxha iintloko zeleviyatan, Wazinika zakukudla kubantu, kubemi bomqwebedu.

74:15b.PSA.074.015 Nguwe owagqobhoza yayimithombo, yayimilanjana; Nguwe owomisa imilambo engomiyo.

74:16b.PSA.074.016 Yeyakho imini, bobakho nobusuku; Nguwe owalungisa ukukhanya nelanga.

74:17b.PSA.074.017 Nguwe owamisa yonke imida yehlabathi; Ihlobo, nobusika, nguwe owazibumbayo ezo zinto.

74:18b.PSA.074.018 Khumbula oku; utshaba lungcikiva uYehova, Abantu abanobudenge baligibile igama lakho.

74:19b.PSA.074.019 Musa ukuwunikela erhamncweni umphefumlo wehobe lakho; Ungahlali uwulibele umhlambi wakho oziintsizana.

74:20b.PSA.074.020 Bheka emnqophisweni, Ngokuba iindawo ezimnyama zelizwe zizele zizindlu zogonyamelo.

74:21b.PSA.074.021 Makangabuyi otyumkileyo ehlazisiwe; Makalidumise igama lakho olusizana nolihlwempu.

74:22b.PSA.074.022 Khawusuk’ ume, Thixo, ubambane nababambene nawe; Khumbula ukukungcikiva kwesidenge yonke imini.

74:23b.PSA.074.023 Musa ukulilibala izwi lababandezeli bakho, Ukungxola kwabasukela phezulu kuwe, okuhlala kunyuka.

75

75:1b.PSA.075.001 Kumongameli; ngethi, Ungonakalisi. Umhobe ka-Asafu. Ingoma. Siyabulela kuwe, Thixo, siyabulela; Lisondele igama lakho; Babalisa imisebenzi yakho ebalulekileyo.

75:2b.PSA.075.002 Ngokuba uthi, Ndiya kwenza ngexesha elimisiweyo, Mna ndiya kugweba ngokuthe tye.

75:3b.PSA.075.003 Liyetha amandla ihlabathi, nabemi balo; Ke mna, ndizizinzisile iintsika zalo. (Phakamisani.)

75:4b.PSA.075.004 Ndithi kubaqhayisi, Musani ukuqhayisa; Nakwabangendawo, Musani ukuphakamisa uphondo;

75:5b.PSA.075.005 Musani ukuluphakamisela phezulu uphondo lwenu, Ningathethi ngokusa, nolule intamo.

75:6b.PSA.075.006 Ngokuba ugwebo aluveli empumalanga nasentshonalanga, Nasentlango yeentaba.

75:7b.PSA.075.007 Hayi, nguThixo ogwebayo; Uyamthoba lo, amphakamise lowa.

75:8b.PSA.075.008 Ngokuba indebe isesandleni sikaYehova, Iphuphuma igwebu lewayini, izele yephithikeziweyo. Uthulula kuyo; ewe, iintlenga zayo Ziya kuselwa zifincwe ngabangendawo bonke behlabathi.

75:9b.PSA.075.009 Ke mna ndiya kushumayela ngonaphakade, Ndiya kuvuma kuThixo kaYakobi;

75:10b.PSA.075.010 Zonke iimpondo zabangendawo ndiya kuzixakaxa, Iimpondo zelungisa ziya kuphakanyiswa.

76

76:1b.PSA.076.001 Kumongameli; eyokubethelwa ngezinto ezineentambo. Umhobe ka-Asafu. Ingoma. Waziwa kwaYuda uThixo, Likhulu kwaSirayeli igama lakhe.

76:2b.PSA.076.002 Umnquba wakhe waba seSalem, Nekhaya lakhe eZiyon.

76:3b.PSA.076.003 Wayaphula apho imibane yesaphetha, Ingweletshetshe, nekrele, nezixhobo zemfazwe. (Phakamisani.)

76:4b.PSA.076.004 Ukhanyile, uyingangamsha ngaphezu kweentaba zokuqwenga.

76:5b.PSA.076.005 Babhunyulwe abantliziyo iyimbalasane, Balala umlala kanye, Akazifumana izandla zawo onke amakroti.

76:6b.PSA.076.006 Ekukhalimeni kwakho, Thixo kaYakobi, Kwasindwa bubuthongo iinqwelo zokulwa namahashe.

76:7b.PSA.076.007 Unguwena wena woyikekayo; Ngubani na onokuma phambi kwakho, wakuba nomsindo?

76:8b.PSA.076.008 Emazulwini usivakalisile isigwebo; Loyika ihlabathi, lazola,

76:9b.PSA.076.009 Ekusukeni kukaThixo ukuba agwebe, Abasindise bonke abalulamileyo behlabathi. (Phakamisani.)

76:10b.PSA.076.010 Ngokuba ubushushu bomntu buya kuba ngumbulelo kuwe; Uya kuwabhinqa amasalela obushushu.

76:11b.PSA.076.011 Bhambathisani, nisizalise isibhambathiso kuYehova uThixo wenu; Bonke abamngqongileyo mabeze nezithabathaba kofanele kukoyikwa.

76:12b.PSA.076.012 Uya kunqumla ukufutha kweenganga, Uyoyikeka kookumkani behlabathi.

77

77:1b.PSA.077.001 Kumongameli. KuYedutun. Eka-Asafu. Umhobe. Izwi lam lisingisa kuThixo, ndikhala; Izwi lam lisingisa kuThixo, ukuba andibekele indlebe.

77:2b.PSA.077.002 Ngemini yokubandezelwa kwam ndiquqela eNkosini yam; Isandla sam solukile ebusuku, asaqoba; Awavuma ukuthuthuzeleka umphefumlo wam.

77:3b.PSA.077.003 Ndikhumbula uThixo, ndincwine; Ndithelekelele, utyhafe umoya wam. (Phakamisani.)

77:4b.PSA.077.004 Uzibambile iinkophe zamehlo am, Ndikhandiwe, andaba nakuthetha.

77:5b.PSA.077.005 Ndicinga ngemihla yamandulo, Iminyaka yasephakadeni;

77:6b.PSA.077.006 Ndiya kukhumbula ebusuku ukubetha kwam uhadi; Ndithetha nentliziyo yam, uphengulula umoya wam.

77:7b.PSA.077.007 Ndithi, Iya kundihlamba ngonaphakade na iNkosi yam, Ingabi saphinda iphathe ngetarhu na?

77:8b.PSA.077.008 Iphele yaphela na inceba yayo? Sigqibele na isithembiso sayo kwisizukulwana ngesizukulwana?

77:9b.PSA.077.009 UThixo ukulibele na ukubabala? Uyivingcele ngomsindo kusini na imfesane yakhe? (Phakamisani.)

77:10b.PSA.077.010 Ndide ndithi ke, Sisifo sam esi; Yiminyaka yesandla sokunene sOsenyangweni.

77:11b.PSA.077.011 Ndikhankanya izenzo ezincamisayo zikaYehova; Ngokuba ndikhumbula imisebenzi yakho ebalulekileyo yamandulo.

77:12b.PSA.077.012 Ndicamanga ngako konke ukusebenza kwakho, Ndithelekelele ngezenzo zakho zonke ezincamisayo.

77:13b.PSA.077.013 Thixo, isebungcweleni indlela yakho; Ngubani na onguthixo omkhulu njengoThixo wethu?

77:14b.PSA.077.014 UnguloThixo, wenza ngokubalulekileyo; Wawazisa amandla akho ezizweni,

77:15b.PSA.077.015 Wabakhulula ngengalo abantu bakho, Oonyana bakaYakobi noYosefu. (Phakamisani.)

77:16b.PSA.077.016 Akubona amanzi, Thixo, Akubona amanzi, azibhija-bhija, Ewe, agungqa amanzi enzonzobila;

77:17b.PSA.077.017 Amafu engqingqwa aphalaza amanzi, Isibhakabhaka savakalisa isandi; Ewe, iintolo zakho zahamba-hamba.

77:18b.PSA.077.018 Izwi lendudumo yakho laba sesaqhwithini, Imibane yalikhanyisa elimiweyo, Lagungqa lanyikima ihlabathi.

77:19b.PSA.077.019 Yaba selwandle indlela yakho, Nomendo wakho waba semanzini amaninzi; Awaziwa umkhondo wakho.

77:20b.PSA.077.020 Wabakhokela njengezimvu abantu bakho, Ngesandla sooMoses noAron.

78

78:1b.PSA.078.001 Eyokuqiqa ka-Asafu. Wubekeleni indlebe umyalelo wam, bantu bakowethu, Wathobeleni indlebe amazwi omlomo wam.

78:2b.PSA.078.002 Ndiya kuwuvula umlomo wam ngomzekeliso; Ndiya kumpompozisa iintsonkotha zamandulo;

78:3b.PSA.078.003 Esakuvayo sakwazi, Abasibaliselayo oobawo.

78:4b.PSA.078.004 Asiyi kukugusha koonyana babo; Sobalisela isizukulwana esizayo iindumiso zikaYehova, Namandla akhe, nemisebenzi yakhe ebalulekileyo awayenzayo.

78:5b.PSA.078.005 Wamisa isingqiniso kwaYakobi, Wabeka umyalelo kwaSirayeli, Awawumisela oobawo, Ukuba bawazise oonyana babo;

78:6b.PSA.078.006 Ukuze siwazi isizukulwana esizayo, oonyana abaza kuzalwa, Basuke babalisele ababo oonyana;

78:7b.PSA.078.007 Bayame ngoThixo, Bangazilibali izenzo ezincamisayo zikaThixo, Bayilondoloze imithetho yakhe:

78:8b.PSA.078.008 Bangabi njengooyise, Isizukulwana esiyinjubaqa, esineenkani, Isizukulwana esingayilungisanga intliziyo yaso, Esimoya unganyanisanga kuThixo.

78:9b.PSA.078.009 Oonyana bakaEfrayim, bexhobile, beziintoli ezinezaphetha, Bajika ngemini yemfazwe.

78:10b.PSA.078.010 Abawugcinanga umnqophiso kaThixo, Abavumanga ukuhamba ngomyalelo wakhe;

78:11b.PSA.078.011 Bazilibala izenzo zakhe ezincamisayo, Nezibalulekileyo zakhe awababonisayo.

78:12b.PSA.078.012 Phambi kooyise wenza ngokubalulekileyo Ezweni lamaYiputa, emhlabeni waseTsohan.

78:13b.PSA.078.013 Waludabula ulwandle, wabaweza, Wawamisa amanzi njengemfumba.

78:14b.PSA.078.014 Wabakhapha ngelifu emini, Ngokukhanya komlilo ubusuku bonke,

78:15b.PSA.078.015 Walicanda iliwa entlango, Wabaseza amanzi anzongonzongo kakhulu;

78:16b.PSA.078.016 Wavelisa imiqukuqela yamanzi engxondorheni, Wahlisa amanzi njengemilambo.

78:17b.PSA.078.017 Baqokela noko ukona kuye, Nokumphikisa Osenyangweni emqwebedwini.

78:18b.PSA.078.018 Bamlinga uThixo ngentliziyo yabo, Ngokuwubizela umphefumlo wabo ukudla.

78:19b.PSA.078.019 Bathetha ngoThixo, bathi, Unako na uThixo ukulungisa isithebe entlango?

78:20b.PSA.078.020 Yabona, walibetha iliwa, abaleka amanzi, Yakhukula nemilanjana; Woba nako na nokubanika ukutya, Nokubalungiselela inyama abantu bakhe?

78:21b.PSA.078.021 Weva ke uThixo, waphuphuma umsindo wakhe, Watsha umlilo kwaYakobi, Kwenyuka kwaya umsindo kwaSirayeli;

78:22b.PSA.078.022 Ngokuba bengakholwanga kuThixo, Bengakholosanga ngosindiso lwakhe.

78:23b.PSA.078.023 Waziwisela ke umthetho iingqimba zamafu ngaphezulu, Wazivula iingcango zezulu;

78:24b.PSA.078.024 Wabanisela ngemana ukuze badle, Wabanika ingqolowa yasezulwini.

78:25b.PSA.078.025 Umntu wadla isonka sOnamandla; Wabathumela umphako bada badikwa.

78:26b.PSA.078.026 Wandulula umoya wasempumalanga ezulwini, Wawuqhuba ngamandla akhe umoya wasezantsi;

78:27b.PSA.078.027 Wabanisela inyama njengothuli, Neentaka ezinamaphiko njengentlabathi yolwandle;

78:28b.PSA.078.028 Yawa phakathi kweminquba yabo, Ngeenxa zonke emakhayeni abo.

78:29b.PSA.078.029 Badla, bahlutha kakhulu, Wabazisela ke inkanuko yabo.

78:30b.PSA.078.030 Bengekashenxi enkanukweni yabo, Kusekho ukudla kwabo emlonyeni wabo:

78:31b.PSA.078.031 Kwenyuka umsindo kaThixo waya kubo, Wabulala phakathi kwabatyebileyo babo, Wawawisa amadodana akwaSirayeli.

78:32b.PSA.078.032 Kuyo yonke loo nto bahambisa ngokona, Abakholwa yimisebenzi yakhe ebalulekileyo.

78:33b.PSA.078.033 Wayiphelisa ke imihla yabo njengomphunga, Neminyaka yabo ngokukhwankqisa.

78:34b.PSA.078.034 Xa wathi wababulala, bamquqela; Babuya bamquqela uThixo ngenyameko,

78:35b.PSA.078.035 Bakhumbula ukuba uThixo uliliwa labo, UThixo Osenyangweni ungumkhululi wabo.

78:36b.PSA.078.036 Ke bamthomalalisa ngomlomo wabo, Bamxokisa ngolwimi lwabo;

78:37b.PSA.078.037 Intliziyo yabo ayaqina kuye, Abanyaniseka emnqophisweni wakhe.

78:38b.PSA.078.038 Ke yena unemfesane, Uxolela ubugwenxa ngocamagushelo, akonakalisi; Wawubuyisa futhi umsindo wakhe, Akabuxhoxha bonke ubushushu bakhe.

78:39b.PSA.078.039 Wakhumbula ukuba bayinyama, Bangumoya omkayo, ongabuyiyo.

78:40b.PSA.078.040 Kukangaphi bemphikisa entlango, Bemenza buhlungu enkangala!

78:41b.PSA.078.041 Babuya bamlinga uThixo, Bamenzakalisa oyiNgcwele wakwaSirayeli.

78:42b.PSA.078.042 Abasikhumbula isandla sakhe, Imini awabakhulula ngayo embandezelweni;

78:43b.PSA.078.043 Awamisa ngayo imiqondiso yakhe eYiputa, Nezimanga zakhe emhlabeni waseTsohan.

78:44b.PSA.078.044 Wayiguqula imijelo yabo, yaba ligazi, Ababa nakuyisela imiqukuqela yabo yamanzi.

78:45b.PSA.078.045 Wathumela kubo iingcongconi, zabadla; Namasele, abatshabalalisa.

78:46b.PSA.078.046 Izilimo zabo wazinika iinkumbi ezinqunquthayo, Ukuxelenga kwabo wakunika iinkumbi ezandayo.

78:47b.PSA.078.047 Wawubulala ngesichotho umdiliya wabo, Nemithombe yabo ngomkhenkce.

78:48b.PSA.078.048 Wayinikela kwisichotho imfuyo yabo, Nemihlambi yabo ngemibane.

78:49b.PSA.078.049 Wathumela kubo ukuvutha komsindo wakhe, Ukuphuphuma kwawo, nokubhavuma, nembandezelo, Ibutho lezithunywa zobubi.

78:50b.PSA.078.050 Wawulungelelanisela umendo umsindo wakhe, Akawunqanda ekufeni umphefumlo wabo, Wabunikela ubomi babo kwindyikitya yokufa.

78:51b.PSA.078.051 Wababulala bonke abamazibulo eYiputa, Iintlahlela zamandla obudoda ezintenteni zakwaHam.

78:52b.PSA.078.052 Abantu bakhe wabafudusa njengezimvu, Wabaqhuba njengomhlambi entlango;

78:53b.PSA.078.053 Wabakhapha bekholosile, bengankwantyi; Ke zona iintshaba zabo lwazigubungela ulwandle

78:54b.PSA.078.054 Wabazisa emdeni wakhe ongcwele, Kule ntaba sayizuzayo isandla sakhe sokunene.

78:55b.PSA.078.055 Wagxotha iintlanga ebusweni babo, Wazenzela amaqashiso zalilifa elicandiweyo; Izizwe zakwaSirayeli wazihlalisa ezintenteni zazo.

78:56b.PSA.078.056 Kodwa bamlinga, bamphikisa uThixo Osenyangweni, Abazigcina izingqiniso zakhe,

78:57b.PSA.078.057 Babuya unuva, banginiza njengooyise. Bajika njengesaphetha esikhohlisayo.

78:58b.PSA.078.058 Bamqumbisa ngeziganga zabo, Bamkhweletisa ngemifanekiso yabo eqingqiweyo.

78:59b.PSA.078.059 Weva uThixo, waphuphuma umsindo, Wawacekisa kakhulu amaSirayeli;

78:60b.PSA.078.060 Wawulahla umnquba waseShilo, Intente abeyimise esintwini;

78:61b.PSA.078.061 Wawanikela ekuthinjweni amandla akhe, Isihombo sakhe esandleni sombandezeli.

78:62b.PSA.078.062 Wabanikela abantu bakhe kwikrele, Umsindo wakhe waphuphumela ilifa lakhe.

78:63b.PSA.078.063 Amadodana abo adliwa ngumlilo, Iintombi zabo azagcotyelwa.

78:64b.PSA.078.064 Ababingeleli babo bawa likrele, Abahlolokazi babo abalila.

78:65b.PSA.078.065 Yaza yavuka njengobelele iNkosi, Njengegorha elimemeleliswa yiwayini.

78:66b.PSA.078.066 Yababetha ngasemva ababandezeli bayo, Yabenza ingcikivo engunaphakade.

78:67b.PSA.078.067 Yayicekisa intente yakwaYosefu, Ayasinyula isizwe sakwaEfrayim.

78:68b.PSA.078.068 Yanyula isizwe sakwaYuda, Intaba yaseZiyon eyayithandayo.

78:69b.PSA.078.069 Yayakha njengokuphakama kwezulu ingcwele yakhe, Njengomhlaba lo awusekileyo ngonaphakade.

78:70b.PSA.078.070 Yanyula uDavide umkhonzi wayo, Yamthabatha ezibayeni zezimvu;

78:71b.PSA.078.071 Yamthabatha elandela izimvu ezanyisayo, Yamzisa ukuba aluse kwaYakobi abantu bayo, KwaSirayeli ilifa layo.

78:72b.PSA.078.072 Wabalusa ke ngengqibelelo yentliziyo yakhe, Wabakhapha ngokwazi kwezandla zakhe.

79

79:1b.PSA.079.001 Umhobe ka-Asafu. Thixo, iintlanga zingene elifeni lakho, Ziyenze inqambi itempile yakho engcwele; Ziyenze yayimiwewe iYerusalem.

79:2b.PSA.079.002 Izidumbu zabakhonzi bakho zizinike iintaka zezulu ukuba zizidle, Nenyama yabakho benceba ziyinike amarhamncwa elizwe.

79:3b.PSA.079.003 Ziliphalazile igazi labo njengamanzi ngeenxa zonke eYerusalem; Akwabakho mngcwabi.

79:4b.PSA.079.004 Senziwe ingcikivo kubamelwane bethu, Isigculelo nesicukucezo kwabasingqongileyo.

79:5b.PSA.079.005 Kunini na, Yehova, uhleli uqumbile? Liya kuvutha njengomlilo na ikhwele lakho?

79:6b.PSA.079.006 Phalaza ubushushu bakho ezintlangeni ezingakwaziyo, Ezikumkanini ezingalinquliyo igama lakho.

79:7b.PSA.079.007 Ngokuba zimdlile uYakobi, Zalenza inxuwa ikhaya lakhe.

79:8b.PSA.079.008 Musa ukubukhumbula kuthi ubugwenxa bamanyange ethu, Mayingxame isikhawulele imfesane yakho: Ngokuba siswele kakhulu.

79:9b.PSA.079.009 Sincede, Thixo ongumsindisi wethu, ngenxa yozuko lwegama lakho, Usihlangule, uzixolele ngocamagushelo izono zethu ngenxa yegama lakho.

79:10b.PSA.079.010 Yini na ukuba iintlanga zithi kuthi, Uphi na uThixo wabo? Makwazeke ezintlangeni, emehlweni ethu, Ukuphindezelwa kwegazi labakhonzi bakho eliphalaziweyo.

79:11b.PSA.079.011 Makuze phambi kwakho ukugcuma kwamakhonkxwa; Ngokobukhulu bengalo yakho basalise oonyana bokufa.

79:12b.PSA.079.012 Yibuyisele kubamelwane bethu kasixhenxe esondweni lengubo yabo Ingcikivo yabo, abakungcikive ngayo, Nkosi.

79:13b.PSA.079.013 Ke thina bantu bakho, zimvu zaluswa nguwe, Siya kubulela kuwe ngonaphakade, Sibalise ngendumiso yakho kwizizukulwana ngezizukulwana.

80

80:1b.PSA.080.001 Kumongameli; ngeyeenyibiba ezingqinisayo. Ka-Asafu. Umhobe. Ulomalusi kaSirayeli, beka indlebe! Uloqhuba uYosefu njengezimvu, Ulohlala ezikerubhini, bengezela!

80:2b.PSA.080.002 Phambi koEfrayim noBhenjamin noManase, Vusa ubugorha bakho, Uze kusisindisa.

80:3b.PSA.080.003 Thixo, sibuyise, Ukhanyise ubuso bakho, sisindiswe.

80:4b.PSA.080.004 Yehova, Thixo wemikhosi, Kunini na uqhuma umsindo wakho ekuthandazeni kwabantu bakho?

80:5b.PSA.080.005 Ubadlisa isonka seenyembezi, Wabaseza iinyembezi ngemilinganiso.

80:6b.PSA.080.006 Usenze into abaxabana ngayo abamelwane bethu; Iintshaba zethu ziyasigculela.

80:7b.PSA.080.007 Thixo wemikhosi, sibuyise, Ukhanyise ubuso bakho, sisindiswe.

80:8b.PSA.080.008 Wanyothula umdiliya eYiputa, Wagxotha iintlanga, wawutyala;

80:9b.PSA.080.009 Wahlahla phambi kwawo, Wendelisa iingcambu, wazalisa ilizwe.

80:10b.PSA.080.010 Zagutyungelwa iintaba ngumthunzi wawo, Nemisedare kaThixo ngamasebe awo.

80:11b.PSA.080.011 Wasa amasebe awo elwandle, Namagatya awo kuwo uMlambo.

80:12b.PSA.080.012 Uzityhobozeleni na iintango zawo, Ukuze bawukhe bonke abadlula ngendlela?

80:13b.PSA.080.013 Ingulube yasehlathini iyawubhuqa, Nento edakasa endle iyawudla.

80:14b.PSA.080.014 Thixo wemikhosi, khawubuye, Uqondele usemazulwini, ubone, Uwuvelele lo mdiliya.

80:15b.PSA.080.015 Yikhusele into esiyityeleyo isandla sakho sokunene, Unyana lo uzizimaseleyo ngokwakho.

80:16b.PSA.080.016 Utshisiwe ngumlilo, uhlahliwe; Bayadaka ngokusongela kobuso bakho.

80:17b.PSA.080.017 Isandla sakho masibe phezu komfo wesandla sakho sokunene, Phezu koonyana babantu, ozizimaseleyo ngokwakho.

80:18b.PSA.080.018 Asiyi kumka kuwe; Siphilise, silinqule igama lakho.

80:19b.PSA.080.019 Yehova, Thixo wemikhosi, sibuyise, Ukhanyise ubuso bakho, sisindiswe.

81

81:1b.PSA.081.001 Kumongameli; ngolwaseGati. Ka-Asafu. Memelelani kuThixo, igwiba lethu, Dumani kuThixo kaYakobi.

81:2b.PSA.081.002 Hlabani ingoma, nibethe ingqongqo, Uhadi olumnandi, kunye nomrhubhe.

81:3b.PSA.081.003 Vuthelani isigodlo ukuthwasa kwenyanga, Nokuhlangana kwenyanga, ngemini yomthendeleko wethu.

81:4b.PSA.081.004 Ngokuba ngummiselo lowo kuSirayeli, Lisiko likaThixo kaYakobi.

81:5b.PSA.081.005 Sisingqiniso awasimisayo kwaYosefu, Ekucandeni kwakhe ezweni laseYiputa; Ndeva intetho endingayaziyo.

81:6b.PSA.081.006 Ndawususa umthwalo egxalabeni lakhe; Izandla zakhe zasuka ezingobozini zokuthwala.

81:7b.PSA.081.007 Embandezelweni wadanduluka wena, ndakuhlangula; Ndakuphendula esitheni leendudumo, Ndakuvavanya emanzini aseMeribha. (Phakamisani.)

81:8b.PSA.081.008 Ndathi, Yivani, bantu bam, ndiqononondise kuni; Sirayeli, ukuba unokuphulaphula kum!

81:9b.PSA.081.009 Makungabikho thixo wasemzini kuwe; Unganquli thixo wolunye uhlanga.

81:10b.PSA.081.010 Ndim uYehova uThixo wakho, Okunyusileyo elizweni laseYiputa. Yakhamisa, ndiwuzalise umlomo wakho.

81:11b.PSA.081.011 Ke abantu bam abaliva izwi lam, USirayeli akandivumanga.

81:12b.PSA.081.012 Ndabanikela ebungqoleni beentliziyo zabo; Bahamba ngawabo amaqhinga.

81:13b.PSA.081.013 Akwaba abantu bam bebendiva, Akwaba uSirayeli ubehamba ngendlela yam!

81:14b.PSA.081.014 Bendiya kuzithoba kamsinya iintshaba zabo, Ndisibuyisele phezu kwababandezeli babo isandla sam.

81:15b.PSA.081.015 Abamthiyayo uYehova bebeya kuhanahanisa kuye, Libe ngunaphakade ixesha labo.

81:16b.PSA.081.016 Bendiya kubadlisa ingqolowa etyebileyo, Ndibahluthise ngobusi etsilini.

82

82:1b.PSA.082.001 Umhobe ka-Asafu. UThixo umi ebandleni likaThixo, Ugweba phakathi koothixo; uthi,

82:2b.PSA.082.002 Kunini na nigweba ngobugqwetha, Nibanonelela abangendawo? (Phakamisani.)

82:3b.PSA.082.003 Thethani ityala losweleyo nelenkedama, Gwebelani olusizana nolihlwempu.

82:4b.PSA.082.004 Sizani osweleyo nolihlwempu, Bahlanguleni esandleni sabangendawo.

82:5b.PSA.082.005 Abazi, abaqondi, Bahamba-hamba emnyameni; Ziyashukuma zonke iziseko zehlabathi.

82:6b.PSA.082.006 Ndithe mna, Ningoothixo, Ningoonyana bOsenyangweni nonke niphela.

82:7b.PSA.082.007 Noko niya kufa njengomntu, Niwe njengomnye kubathetheli.

82:8b.PSA.082.008 Khawusuk’ ume, Thixo, gweba ehlabathini; Ngokuba uya kuzidla ilifa wena zonke iintlanga.

83

83:1b.PSA.083.001 Ingoma. Umhobe ka-Asafu. Thixo, musa ukuthi cwaka, Musa ukuthi tu, musa ukuzola, Thixo.

83:2b.PSA.083.002 Ngokuba nanzo iintshaba zakho zixokozela; Abakuthiyayo baphakamisa intloko.

83:3b.PSA.083.003 Bagqugula igqugula elinobuqhophololo ngabantu bakho, Bacebisane ngabagushiweyo nguwe.

83:4b.PSA.083.004 Bathi, Yizani sibethe bee shwaka, bangabi luhlanga, Lingabi sakhunjulwa igama likaSirayeli.

83:5b.PSA.083.005 Ngokuba bacebisana ngantliziyo-nye, Benza umnqophiso ngawe:

83:6b.PSA.083.006 Iintente zakwaEdom nezakwaIshmayeli, AmaMowabhi namaHagari,

83:7b.PSA.083.007 AmaGebhali nama-Amon nama-Amaleki, AmaFilisti kunye nabemi baseTire;

83:8b.PSA.083.008 Nama-Asiriya athelele kubo, Baba yingalo koonyana bakaLote. (Phakamisani.)

83:9b.PSA.083.009 Yenza kubo njengoko wenza ngako kumaMidiyan, NakuSisera, nakuYabhin esihlanjeni seKishon.

83:10b.PSA.083.010 Batshabalala e-Endore, Baba ngumgquba wokugalelwa emhlabeni.

83:11b.PSA.083.011 Benze bona, amanene abo ke, babe njengo-Orebhe nanjengoZebhe; Zonke iinkosi zabo zibe njengoZebha nanjengoTsalimuna;

83:12b.PSA.083.012 Bona bathi, Masiwahluthe abe ngawethu amakhaya kaThixo.

83:13b.PSA.083.013 Thixo wam, benze babe njengesaqhwithi, Njengomququ phambi komoya.

83:14b.PSA.083.014 Njengomlilo odla ihlathi, Njengedangatye lilenya intaba,

83:15b.PSA.083.015 Yenjenjalo ukubasukela ngoqhwithela lwakho, Ubakhwankqise ngomoya wakho ovuthuzayo.

83:16b.PSA.083.016 Buzalise ubuso babo ngehlazo, Balifune igama lakho, Yehova.

83:17b.PSA.083.017 Mabadane bakhwankqiswe ngonaphakade, Babe neentloni, badake;

83:18b.PSA.083.018 Bazi ukuba wena, ugama linguYehova, unguwe wedwa Osenyangweni phezu kwehlabathi lonke.

84

84:1b.PSA.084.001 Kumongameli; ngolwaseGati. Eyoonyana bakaKora. Umhobe. Hayi, ukuthandeka kweminquba yakho, Yehova wemikhosi!

84:2b.PSA.084.002 Umphefumlo wam ulangazelela, uyaphela kukuzilangazelela, iintendelezo zikaYehova; Intliziyo yam nenyama yam imemelela kuThixo ophilileyo.

84:3b.PSA.084.003 Intakana le ifumene ikhaya; Inkonjane izifumanele indlu, Apho izalela khona amathole ayo: Izibingelelo zakho, Yehova wemikhosi, Kumkani wam, Thixo wam.

84:4b.PSA.084.004 Hayi, uyolo lwabahlala endlwini yakho! Basaya kukudumisa. (Phakamisani.)

84:5b.PSA.084.005 Hayi, uyolo lwabantu abamandla akuwe, Abakhumbula umendo oya eZiyon!

84:6b.PSA.084.006 Bephumela entilini yemithi yeBhaka, Bayenza ibe nemithombo; Ewe, imvula iyithi wambu ngentsikelelo.

84:7b.PSA.084.007 Baya besomelela ngokomelela; Babonakala phambi koThixo eZiyon, bathi,

84:8b.PSA.084.008 Yehova, Thixo wemikhosi, Wuve umthandazo wam, Wubekele indlebe, Thixo kaYakobi. (Phakamisani.)

84:9b.PSA.084.009 Khangela, Thixo, ngweletshetshe yethu, Ubukhangele ubuso bomthanjiswa wakho.

84:10b.PSA.084.010 Ngokuba imini enye ezintendelezweni zakho ilungile kunewaka; Ndinyule ukuba semnyango endlwini kaThixo wam, Kunokuhlala ngaphakathi kweentente zokungendawo.

84:11b.PSA.084.011 Ngokuba ulilanga, uyingweletshetshe uYehova uThixo, UYehova uyababala azukise; Abahamba ngokugqibeleleyo akabavimbi nto ilungileyo.

84:12b.PSA.084.012 Yehova wemikhosi, Hayi, uyolo lomntu okholose ngawe!

85

85:1b.PSA.085.001 Kumongameli; eyoonyana bakaKora. Umhobe. Yehova, wabe unetarhu kwilizwe lakho. Ububabuyisa abathinjwa bakaYakobi;

85:2b.PSA.085.002 Ububuxolela ubugwenxa babantu bakho, Ubuziselela zonke izono zabo. (Phakamisani.)

85:3b.PSA.085.003 Ubuwufinyeza umsindo wakho ophuphumayo, Ububuya ekuvutheni komsindo wakho.

85:4b.PSA.085.004 Sibuyise, Thixo ongumsindisi wethu, Uyisuse ingqumbo yakho kuthi.

85:5b.PSA.085.005 Uya kusiqumbela ngonaphakade na? Umsindo wakho uya kuwolulela kwizizukulwana ngezizukulwana na?

85:6b.PSA.085.006 Akuyi kubuya usiphilise na, Abantu bakho bavuye ngawe?

85:7b.PSA.085.007 Sibonise inceba yakho, Yehova, Siphe usindiso lwakho.

85:8b.PSA.085.008 Mandive oko aya kukuthetha uThixo, uYehova; Hayi, uthetha uxolo kubantu bakhe nakwabakhe benceba; Mabangabuyeli ke ekunyabeni kwabo.

85:9b.PSA.085.009 Inene, usindiso lwakhe lusondele kwabamoyikayo, Ukuze luhlale uzuko ezweni lakowethu.

85:10b.PSA.085.010 Kuya kuqubisana inceba nenyaniso, Kuya kwangana ubulungisa noxolo.

85:11b.PSA.085.011 Inyaniso iya kuntshula emhlabeni, Ubulungisa buqondele busemazulwini.

85:12b.PSA.085.012 Kananjalo uYehova uya kusinika okulungileyo, Ilizwe lethu lisinike indyebo yalo.

85:13b.PSA.085.013 Ubulungisa buya kuhamba phambi kwakhe, Buyigqale ngentliziyo indlela yokunyathela kwakhe.

86

86:1b.PSA.086.001 Umthandazo kaDavide. Thoba indlebe yakho, Yehova, ndiphendule, Ngokuba ndilusizana, ndilihlwempu.

86:2b.PSA.086.002 Wugcine umphefumlo wam, ngokuba ndingowenceba; Msindise, wena Thixo wam, umkhonzi wakho, Lo ukholose ngawe.

86:3b.PSA.086.003 Ndibabale, Nkosi yam, Ngokuba ndidanduluka kuwe yonke imini.

86:4b.PSA.086.004 Wuvuyise umphefumlo womkhonzi wakho, Ngokuba umphefumlo wam ndiwuphakamisela kuwe, Nkosi yam;

86:5b.PSA.086.005 Ngokuba ulungile wena, Nkosi yam, uxolela; Umkhulu ngenceba kubo bonke abakunqulayo.

86:6b.PSA.086.006 Wubekele indlebe umthandazo wam, Yehova, Ulibazele indlebe izwi lokutarhuzisa kwam.

86:7b.PSA.086.007 Ngemini yokubandezelwa kwam ndinqula wena, Ngokuba uya kundiphendula.

86:8b.PSA.086.008 Akukho unjengawe, Nkosi yam, phakathi koothixo; Akukho zenzo zinjengezakho.

86:9b.PSA.086.009 Zonke iintlanga owazenzayo ziya kuza ziqubude phambi kwakho, Nkosi yam, Zizukise igama lakho.

86:10b.PSA.086.010 Ngokuba umkhulu, wenza imisebenzi ebalulekileyo, UnguThixo wena wedwa.

86:11b.PSA.086.011 Ndiyalele, Yehova, indlela yakho, Ndihambe ngenyaniso yakho; Yibandakanye intliziyo yam ukuba ndiloyike igama lakho.

86:12b.PSA.086.012 Ndiya kubulela kuwe, Nkosi yam, Thixo wam, ngentliziyo yonke, Ndilizukise igama lakho ngonaphakade:

86:13b.PSA.086.013 Ngokuba inceba yakho ibe inkulu kum; Wawuhlangula umphefumlo wam kwelingaphantsi labafileyo.

86:14b.PSA.086.014 Thixo, abakhukhumali basukele phezulu kum; Ibandla labanobungqwangangqwili lifuna umphefumlo wam; Abakumisi wena phambi kwabo.

86:15b.PSA.086.015 Ke wena, Nkosi yam, unguThixo onemfesane, onobabalo, Ozeka kade umsindo, omkhulu ngenceba nenyaniso.

86:16b.PSA.086.016 Ndibheke, undibabale; Mphe amandla akho umkhonzi wakho, Umsindise unyana womkhonzazana wakho.

86:17b.PSA.086.017 Ndenzele umqondiso wokulungileyo, Bawubone abandithiyayo, badane, Kuba wena, Yehova, undincedile, wandithuthuzela.

87

87:1b.PSA.087.001 Eyoonyana bakaKora. Umhobe. Ingoma. Useko alusekileyo lusezintabeni ezingcwele;

87:2b.PSA.087.002 Amasango eZiyon uYehova uwathanda Ngaphezu kweminquba yonke kaYakobi.

87:3b.PSA.087.003 Kuthethwa iinto ezizukileyo ngawe, Mzi kaThixo. (Phakamisani.)

87:4b.PSA.087.004 ORahabhi noBhabheli ndiya kubakhankanyela kwabandaziyo; Nalo elamaFilisti nelaseTire, kunye nelakwaKushi, Aba bazalelwe khona.

87:5b.PSA.087.005 Ngokusingisele kwiZiyon, kuya kuthiwa, Lo, nalo, uzalelwe kuyo, Abe yena Osenyangweni eyizinzisa.

87:6b.PSA.087.006 UYehova uya kubala, ekuzibhaleni izizwi, athi, Abaya bazalelwe khona: (Phakamisani.)

87:7b.PSA.087.007 Baze, bevuma beqamba, bathi, Yonke imithombo yam ikuwe.

88

88:1b.PSA.088.001 Ingoma; umhobe woonyana bakaKora; kumongameli; ngosizi, ngelidambileyo. Owokuqiqa kaHeman umEzra. Yehova, Thixo ongumsindisi wam, Mhlenikweni ndikhalayo ebusuku phambi kwakho,

88:2b.PSA.088.002 Mawuze phambi kwakho umthandazo wam; Thoba indlebe yakho ekuhlahlambeni kwam.

88:3b.PSA.088.003 Ngokuba umphefumlo wam uhluthi zizinto ezimbi, Ubomi bam bufike kwelabafileyo.

88:4b.PSA.088.004 Ndibalelwe kwabahla baye emhadini, Ndisuke ndanjengomfo ongenamandla

88:5b.PSA.088.005 Ndingumkhululwa phakathi kwabafileyo, Njengababuleweyo, belele engcwabeni, Ongasabakhumbuliyo; Bona banqunyulweyo esandleni sakho.

88:6b.PSA.088.006 Undibeke emhadini ongaphantsi, Ezindaweni ezimnyama, ezinzulwini.

88:7b.PSA.088.007 Ubushushu bakho bundishicilele, Undithobele onke amaza akho alwayo. (Phakamisani.)

88:8b.PSA.088.008 Ubashenxisele kude kum abo ndazana nabo, Undenze isikizi kubo; Ndivalelwe, andinakuphuma.

88:9b.PSA.088.009 Iliso lam liyaphela yingcinezelo. Ndidanduluka kuwe, Yehova, yonke imini, Ndizolulela kuwe izandla zam.

88:10b.PSA.088.010 Uya kuyenzela abafileyo na imisebenzi ebalulekileyo? Kuya kuvuka abangasekhoyo, kusini na, babulele kuwe? (Phakamisani.)

88:11b.PSA.088.011 Ibaliswa engcwabeni na inceba yakho? Enzonzobileni na, ukunyanisa kwakho?

88:12b.PSA.088.012 Yaziswa emnyameni na imisebenzi yakho ebalulekileyo? Baziswa ezweni lokulibala na ubulungisa bakho?

88:13b.PSA.088.013 Ke mna, Yehova, ndizibika kuwe, Kwakusasa umthandazo wam wokuhlangabeza.

88:14b.PSA.088.014 Uwuhlambelani na, Yehova, umphefumlo wam? Ubusitheliselani na ubuso bakho kum?

88:15b.PSA.088.015 Ndilusizana, ndiyinto efayo kwasebuncinaneni bam, Ndithwele izothuso zakho, lindikhohlile.

88:16b.PSA.088.016 Kugqithe phezu kwamukuvutha kwakho, Izidandathekiso zakho zindibhangisile;

88:17b.PSA.088.017 Zindijikelezile njengamanzi imini yonke, Zindizungulezile kwaphela.

88:18b.PSA.088.018 Umsusile kum ondithandayo nonguwethu; Abo ndazana nabo babubumnyama.

89

89:1b.PSA.089.001 Eyokuqiqa kaEtan, umEzra. Iinceba zikaYehova ndiya kuvuma ngazo ngonaphakade, Kwizizukulwana ngezizukulwana ndiya kwazisa ukuthembeka kwakho ngomlomo wam.

89:2b.PSA.089.002 Ngokuba ndithi, Yakheka ngonaphakade inceba; Amazulu, uya kukuzinzisa kuwo ukuthembeka kwakho.

89:3b.PSA.089.003 Wathi, Ndenze umnqophiso nomnyulwa wam, Ndifungile kuDavide umkhonzi wam:

89:4b.PSA.089.004 Ndiya kuyizimasa ngonaphakade imbewu yakho, Ndiyakhe itrone yakho kwisizukulwana ngesizukulwana. (Phakamisani.)

89:5b.PSA.089.005 Amazulu abulela imisebenzi yakho ebalulekileyo, Yehova, Nokuthembeka kwakho ebandleni labangcwele.

89:6b.PSA.089.006 Ngokuba ngubani na esibhakabhakeni olingana noYehova? Ngubani na ofana noYehova phakathi koonyana bakaThixo.

89:7b.PSA.089.007 UThixo ongowokungcangcazelelwa ebhungeni elikhulu labangcwele, Ongofanelwe kukoyikwa ngaphezu kwabo bonke abamngqongileyo?

89:8b.PSA.089.008 Yehova, Thixo wemikhosi, Ngubani na onjengawe, oluqilima, Yehova? Ukuthembeka kwakho kukungqongile.

89:9b.PSA.089.009 Nguwena mlawuli wekratshi lolwandle; Ekuphakameni kwamaza alo uyawadambisa.

89:10b.PSA.089.010 Nguwena mtyumzi kaRahabhi njengongxwelerhiweyo, Wazithi saa iintshaba zakho ngengalo yakho eqinileyo.

89:11b.PSA.089.011 Lelakho izulu, likwalelakho ihlabathi; Elimiweyo nenzaliseko yalo lasekwa nguwe.

89:12b.PSA.089.012 Umntla nomzantsi wadalwa nguwe; ITabhore neHermon zimemelela ngegama lakho.

89:13b.PSA.089.013 Yeyakho ingalo enobugorha; Sithe nkqi isandla sakho, siphakamile esokunene sakho.

89:14b.PSA.089.014 Ummiso wetrone yakho bubulungisa nokusesikweni; Inceba nenyaniso ilungiselela phambi kwakho.

89:15b.PSA.089.015 Hayi, uyolo lwabantu abakwaziyo ukuduma! Baya kuhamba ekukhanyeni kobuso bakho, Yehova.

89:16b.PSA.089.016 Baya kugcoba egameni lakho imini yonke, Baphakame ngobulungisa bakho.

89:17b.PSA.089.017 Ngokuba isihombo samandla abo nguwe; Ekuthandeni kwakho, uphondo lwethu luphakamile.

89:18b.PSA.089.018 Ngokuba ikuYehova ingweletshetshe yethu, UkoyiNgcwele kaSirayeli ukumkani wethu.

89:19b.PSA.089.019 Wakha wathetha ngombono kowenceba wakho, wathi, Ndibeke uncedo egorheni, Ndiphakamise indodana ebantwini.

89:20b.PSA.089.020 Ndifumene uDavide umkhonzi wam; Ndimthambisile ngeoli yam engcwele,

89:21b.PSA.089.021 Esiya kuqinisela kuye isandla sam, Nengalo yam imkhaliphise.

89:22b.PSA.089.022 Utshaba aluyi kumqubula; Nonyana wobugqwetha akayi kumcinezela.

89:23b.PSA.089.023 Ndiya kubaqoba phambi kwakhe ababandezeli bakhe, Ndibaxabele abamthiyayo.

89:24b.PSA.089.024 Inyaniso yam nenceba yam inaye; Luya kuphakama uphondo lwakhe egameni lam.

89:25b.PSA.089.025 Ndiya kusisa elwandle isandla sakhe, EMilanjeni esokunene sakhe.

89:26b.PSA.089.026 Yena ukundibiza wothi, UnguBawo, UnguThixo wam, neliwa lokundisindisa.

89:27b.PSA.089.027 Kananjalo mna ndiya kumenza owamazibulo, Osenyangweni kookumkani behlabathi.

89:28b.PSA.089.028 Ndiya kumgcinela inceba yam ngonaphakade, Umnqophiso wam unyanise kuye;

89:29b.PSA.089.029 Ndiyimise ngonaphakade imbewu yakhe, Netrone yakhe ibe njengemihla yamazulu.

89:30b.PSA.089.030 Ukuba bathe oonyana bakhe bawulahla umyalelo wam, Abahamba ngamasiko am;

89:31b.PSA.089.031 Ukuba bathe bayihlambela imimiselo yam, Abayigcina imithetho yam:

89:32b.PSA.089.032 Ndoluvelela ukreqo lwabo ngentonga, Nobugwenxa babo ngemivumbo.

89:33b.PSA.089.033 Ke yona inceba yam andiyi kuyaphula kuye, Ndingaxoki ekuthembekeni kwam.

89:34b.PSA.089.034 Andiyi kuwuhlambela umnqophiso wam, Ndiyijike into ephume emlonyeni wam.

89:35b.PSA.089.035 Ndibufunge kwakanye ubungcwele bam, ndathi, Inene, andiyi kumxokisa uDavide;

89:36b.PSA.089.036 Imbewu yakhe iya kubakho ngonaphakade, Netrone yakhe njengelanga phambi kwam.

89:37b.PSA.089.037 Iya kuqiniseka njengenyanga ngonaphakade; Ingqina lasesibhakabhakeni lithembekile. (Phakamisani.)

89:38b.PSA.089.038 Kwawena umhlambile, umcekisile, Umphuphumele ngomsindo umthanjiswa wakho;

89:39b.PSA.089.039 Uthe nethe ngumnqophiso womkhonzi wakho; Usidyobhile emhlabeni isithsaba sakhe.

89:40b.PSA.089.040 Uzityhobozile zonke iintango zakhe, Uzenze inxuwa iinqaba zakhe.

89:41b.PSA.089.041 Bayamphanga bonke abadlula ngendlela, Waba yingcikivo kubamelwane bakhe.

89:42b.PSA.089.042 Usiphakamisile isandla sokunene sabambandezelayo, Uzivuyisile zonke iintshaba zakhe.

89:43b.PSA.089.043 Wabuyisa nokubuyisa uhlangothi lwekrele lakhe, Akwammisa emfazweni.

89:44b.PSA.089.044 Umsusile enkazimlweni yakhe, Uyikhahlele emhlabeni itrone yakhe,

89:45b.PSA.089.045 Uyinqumle imihla yobutsha bakhe, Wamthi wambu ngokudana. (Phakamisani.)

89:46b.PSA.089.046 Kunini na, Yehova, uhleli uzisithelisile, Busitsha njengomlilo ubushushu bakho?

89:47b.PSA.089.047 Khumbula ukunqamka kwam, into okuyiyo! Ubadaleleni na, baba yinto engento bonke oonyana babantu?

89:48b.PSA.089.048 Yiyiphi na indoda ehleliyo, engayi kukubona ukufa, Enokuwusindisa umphefumlo wayo esandleni selabafileyo? (Phakamisani.)

89:49b.PSA.089.049 Ziphi na iinceba zakho zangaphambili, Nkosi yam, Owamfungela zona uDavide ngokuthembeka kwakho?

89:50b.PSA.089.050 Khumbula, Nkosi yam, ukungcikiveka kwabakhonzi bakho; Ndithwele esifubeni sam zonke izizwe ezininzi,

89:51b.PSA.089.051 Ezingcikivayo, ziziintshaba zakho, Yehova; Ezingcikiva amanyathela omthanjiswa wakho.

89:52b.PSA.089.052 Makabongwe uYehova ngonaphakade. Amen, amen.

90

90:1b.PSA.090.001 Umthandazo kaMoses, umfo wakwaThixo. Nkosi yam, ulikhaya wena kuthi, Isizukulwana ngesizukulwana.

90:2b.PSA.090.002 Kungekazalwa zintaba, Ungekavelisi mhlaba, nazwe limiweyo, Kususela kwaphakade kude kuse ephakadeni, wena unguThixo.

90:3b.PSA.090.003 Umbuyisela umntu eluthulini, Uthi, Buyani, nyana babantu.

90:4b.PSA.090.004 Ngokuba iwaka leminyaka emehlweni akho Linjengemini yezolo, xa idluleyo, Linjengomlindo wasebusuku.

90:5b.PSA.090.005 Uyabakhukulisa, balale; Ngengomso babuya bahlume njengotyani.

90:6b.PSA.090.006 Ngomso butyatyamba, bubuye buhlume; Ngokuhlwa buyasikwa bome.

90:7b.PSA.090.007 Ngokuba siyaphela ngumsindo wakho, Sikhwankqiswe bubushushu bakho.

90:8b.PSA.090.008 Ububeke ubugwenxa bethu phambi kwakho, Nesibufihlileyo ububeka ekukhanyiseleni kobuso bakho.

90:9b.PSA.090.009 Ngokuba yonke imihla yethu isangene ngokuphuphuma komsindo wakho, Siyiphelisile iminyaka yethu njengentsebezo.

90:10b.PSA.090.010 Imihla yeminyaka yethu iseminyakeni engamashumi asixhenxe; Ukuba ithe yaba mininzi kakhulu, iba yiminyaka emashumi asibhozo, Libe ke iqhayiya layo likukwaphuka nokungabi nto yanto, Ngokuba ithe phe yakhawuleza, saphaphazela semka.

90:11b.PSA.090.011 Ngubani na owaziyo amandla omsindo wakho, Nokuphuphuma kwawo, ngoko ufanele ukoyikwa ngako?

90:12b.PSA.090.012 Sazise kanye ukuyibala imihla yethu, Ukuze sizuze intliziyo elumkileyo.

90:13b.PSA.090.013 Buya, Yehova, kunini na? Uzohlwaye ngenxa yabakhonzi bakho.

90:14b.PSA.090.014 Sihluthise kwakusasa ngenceba yakho, Simemelele, sivuye yonke imihla yethu.

90:15b.PSA.090.015 Sivuyise ngangemihla owasicinezela ngayo. Ngangeminyaka esabona ububi ngayo.

90:16b.PSA.090.016 Mayibonakale kubakhonzi bakho imisebenzi yakho, Nobungangamela bakho koonyana babo.

90:17b.PSA.090.017 Ubumnandi bukaYehova mabube phezu kwethu. Zimasa isenzo sezandla zethu phezu kwethu, Isenzo sezandla zethu usizimase sona.

91

91:1b.PSA.091.001 Ohleli esitheni lOsenyangweni, Azilalise emthunzini kaSomandla,

91:2b.PSA.091.002 Uthi kuYehova, Hlathi lam, Mboniselo yam, Thixo wam, endikholose ngaye!

91:3b.PSA.091.003 Ngokuba ngokwakhe uya kukuhlangula emgibeni womthiyeli, Endyikityeni yokufa eyeyelisayo.

91:4b.PSA.091.004 Wokugubungela ngeentsiba zakhe, Uzimele phantsi kwamaphiko akhe. Likhaka, yingweletshetshe inyaniso yakhe.

91:5b.PSA.091.005 Akuyi koyikiswa zizothuso ebusuku, Nalutolo lubaleka emini;

91:6b.PSA.091.006 Nandyikitya yakufa ihamba esithokothokweni, Nasifo sibhubhisayo, sibhuqa emini enkulu.

91:7b.PSA.091.007 Kungawa iwaka ecaleni kwakho, Isigidi ngasekunene kwakho, Kodwa kungasondeli nto kuwe.

91:8b.PSA.091.008 Wokhangela ngamehlo akho odwa, Ukubonele ukubuyekezwa kwabangendawo.

91:9b.PSA.091.009 Ngokuba nguwe, Yehova, ihlathi lam. Umenze Osenyangweni ikhaya lakho.

91:10b.PSA.091.010 Akuyi kuqubisana bubi nawe. Kungafiki sibetho ententeni yakho.

91:11b.PSA.091.011 Ngokuba izithunywa zakhe uziwisele umthetho ngawe, Ukuba zikugcine ezindleleni zakho zonke.

91:12b.PSA.091.012 Zokuthwala wena ngezandla zozibini, Hleze ubetheke ngonyawo lwakho etyeni.

91:13b.PSA.091.013 Wonyathela phezu kwengonyama nephimpi, Uyinyashe ingonyama entsha nenamba ngeenyawo.

91:14b.PSA.091.014 Ngokuba enamathele kum, ndomsiza; Ndimse engxondeni, ngokuba elazi igama lam.

91:15b.PSA.091.015 Wondibiza, ndiphendule, Ndoba naye embandezelweni; Ndomhlangula, ndimzukise;

91:16b.PSA.091.016 Ndimanelise ngemihla emide, Ndimbonise ukusindisa kwam.

92

92:1b.PSA.092.001 Umhobe; ingoma, ngemini yesabatha. Kulungile ukubulela kuYehova, Nokulibethela uhadi igama lakho, Wena usenyangweni;

92:2b.PSA.092.002 Ukuyixela kwakusasa inceba yakho, Nokunyanisa kwakho ebusuku,

92:3b.PSA.092.003 Ngoweentambo ezilishumi nangomrhubhe, Ngokulubetha uhadi ngofefe.

92:4b.PSA.092.004 Ngokuba uyandivuyisa, Yehova, ngomsebenzi wakho, Ngezenzo zezandla zakho ndinokumemelela.

92:5b.PSA.092.005 Azizikhulu izenzo zakho, Yehova! Zinzulu kakhulu iingcinga zakho.

92:6b.PSA.092.006 Isityhakala asinakwazi; Isinyabi asikuqondi oko.

92:7b.PSA.092.007 Ekudubuleni kongendawo njengomfuno, Ekutyatyambeni kwabasebenzi bonke bobutshinga, Kukuze batshabalale ngonaphakade.

92:8b.PSA.092.008 Ke wena, Yehova, ungophezulu ngonaphakade.

92:9b.PSA.092.009 Ngokuba uyabona, iintshaba zakho, Yehova, Ngokuba uyabona, iintshaba zakho ziva kutshabalala; Baya kuchithwa-chithwa bonke abasebenzi bobutshinga.

92:10b.PSA.092.010 Uyaluphakamisa uphondo lwam njengolwenqu; Ndigalelwe ioli entsha.

92:11b.PSA.092.011 Iliso lam liyababonela abandilalelayo, Indlebe yam iyabeva abasukela phezulu kum benobubi.

92:12b.PSA.092.012 Amalungisa aya kudubula njengesundu, Aya kukhula njengomsedare weLebhanon.

92:13b.PSA.092.013 Etyelwe nje endlwini kaYehova, Aya kutyatyamba ezintendelezweni zoThixo wethu.

92:14b.PSA.092.014 Aya kuhluma eselenezimvi, Aya kuba etyebile, eluhlaza;

92:15b.PSA.092.015 Ukuze axele ukuba uthe tye uYehova, Uliwa lam, kungekho bugqwetha kuye.

93

93:1b.PSA.093.001 UYehova ungukumkani, uzambathise ubungangamsha; UYehova uzambathise, ubhinqe, amandla; Lizinzile ke elimiweyo, alinakushukunyiswa.

93:2b.PSA.093.002 Kususela koko, izinzile itrone yakho; Kususela kwaphakade, ukho wena.

93:3b.PSA.093.003 Imilambo iphakamisile, Yehova, Imilambo iphakamise isandi sayo, Imilambo iphakamise ingxolo yayo.

93:4b.PSA.093.004 Ngaphezu kwezandi zamanzi amaninzi Angangamsha, ngaphezu kwamaza alwayo olwandle, Unobungangamsha phezulu uYehova.

93:5b.PSA.093.005 Izingqiniso zakho zinyanise kunene, Ubungcwele buyifanele indlu yakho, Yehova, imihla emide.

94

94:1b.PSA.094.001 Thixo wempindezelo, Yehova, Thixo wempindezelo, bengezela!

94:2b.PSA.094.002 Phakama, Mgwebi wehlabathi! Babuyisele impatho yabo abanekratshi.

94:3b.PSA.094.003 Kunini na abangendawo, Yehova, Kunini na abangendawo bevuyelela?

94:4b.PSA.094.004 Balephuza amagwebu, bathetha ngokusa, Bayandolosa bonke abasebenzi bobutshinga.

94:5b.PSA.094.005 Batyumza abantu bakho, Yehova, Bacinezela ilifa lakho.

94:6b.PSA.094.006 Babulala umhlolokazi nowasemzini, Bancinitha inkedama.

94:7b.PSA.094.007 Bathi ke, Akaboni uYehova, Akagqali uThixo kaYakobi.

94:8b.PSA.094.008 Qondani, nina bazizityhakala ebantwini; Nina zinyabi, niya kuqiqa nini na?

94:9b.PSA.094.009 Omilisele indlebe, akayi kuva na? Obumbe iliso, akayi kukhangela na?

94:10b.PSA.094.010 Umthethisi weentlanga akayi kohlwaya na, Ulofundisa abantu ukwazi?

94:11b.PSA.094.011 UYehova ngumazi weengcinga zabantu, Ukuba zingumphunga.

94:12b.PSA.094.012 Hayi, uyolo lwendoda oyithethisayo, Yehova, Oyifundisayo ngomyalelo wakho;

94:13b.PSA.094.013 Ukuba uyizolise eziminini zobubi, Ade ambelwe isihogo ongendawo.

94:14b.PSA.094.014 Ngokuba uYehova akabalahli abantu bakhe, Akalishiyi ilifa lakhe.

94:15b.PSA.094.015 Ngokuba isiko liya kubuyela ebulungiseni, Balilandele bonke abantliziyo zithe tye.

94:16b.PSA.094.016 Ngubani na oya kusukela phezulu kubo abanobubi, ngenxa yam? Ngubani na oya kumelana nabasebenzi bobutshinga, ngenxa yam?

94:17b.PSA.094.017 Koko uYehova abe luncedo lwam, Umphefumlo wam unge uhle msinya, waya apho kuthiwa cwaka khona.

94:18b.PSA.094.018 Ukuba ndithi, Lwatyibilika unyawo lwam, Isuka inceba yakho, Yehova, indixhase.

94:19b.PSA.094.019 Ebuninzini beengcinga-ngcinga zam ngaphakathi kwam, Iintuthuzelo zakho ziyawuyolisa umphefumlo wam.

94:20b.PSA.094.020 Ingaqhelana nawe na itrone yolweyeliselo, Ebumba ububi ngommiselo?

94:21b.PSA.094.021 Bahlanganyela umphefumlo welungisa, Baligwebe igazi elimsulwa.

94:22b.PSA.094.022 Kanti ke uYehova uyingxonde kum, UThixo wam liliwa endizimela ngalo.

94:23b.PSA.094.023 Ububuyisela phezu kwabo ubutshinga babo, Uba bhangisa ngobubi babo; Uya kubabhangisa uYehova, uThixo wethu.

95

95:1b.PSA.095.001 Yizani simemelele kuYehova, Sidume kwiliwa lokusindiswa kwethu.

95:2b.PSA.095.002 Masize phambi kobuso bakhe sinombulelo, Masidume kuye ngeengoma.

95:3b.PSA.095.003 Ngokuba uThixo omkhulu nguYehova, NguKumkani omkhulu ngaphezu koothixo bonke.

95:4b.PSA.095.004 Uzisesandleni sakhe iingontsingontsi zehlabathi, Neencopho zeentaba zezakhe.

95:5b.PSA.095.005 Ulolwakhe ulwandle, nguyena walwenzayo; Nomhlaba owomileyo zawubumba izandla zakhe.

95:6b.PSA.095.006 Yizani, masiqubude, siguqe, Sithobe phambi koYehova umenzi wethu.

95:7b.PSA.095.007 Ngokuba nguThixo wethu yena, Thina ke singabantu bokwaluswa nguye, nezimvu zesandla sakhe. Namhla, ukuba ninokuliva izwi lakhe,

95:8b.PSA.095.008 Musani ukuyenza lukhuni intliziyo yenu, njengaseMeribha, Njengemini yaseMasa entlango;

95:9b.PSA.095.009 Oko bandilingayo ooyihlo. Bandicikida, bewubona umsebenzi wam.

95:10b.PSA.095.010 Iminyaka yaba ngamashumi amane ndikruqukile sesi sizukulwana, Ndathi, Ngabantu abantliziyo zindwendwayo, Abazazi iindlela zam bona;

95:11b.PSA.095.011 Endada ndafunga ndinomsindo, ukuthi, Inene, abasayi kungena ekuphumleni kwam.

96

96:1b.PSA.096.001 Vumani kuYehova ingoma entsha, Vumani kuYehova, nonke hlabathi.

96:2b.PSA.096.002 Vumani kuYehova, bongani igama lakhe, Shumayelani iimini ngeemini iindaba ezilungileyo zosindiso lwakhe.

96:3b.PSA.096.003 Balisani ezintlangeni uzuko lwakhe, Balisani ezizweni zonke imisebenzi yakhe ebalulekileyo;

96:4b.PSA.096.004 Ngokuba mkhulu uYehova, engowokudunyiswa kunene; Uyoyikeka yena ngaphezu koothixo bonke.

96:5b.PSA.096.005 Ngokuba bonke oothixo bezizwe abanto zanto; UYehova yena wenza amazulu.

96:6b.PSA.096.006 Yindili nobungangamela phambi kwakhe, Ngamandla nokuhomba engcweleni yakhe.

96:7b.PSA.096.007 Mnikeni uYehova, nina mizalwane yezizwe, Mnikeni uYehova uzuko namandla;

96:8b.PSA.096.008 Mnikeni uYehova uzuko lwegama lakhe; Thwalani umnikelo, nize ezintendelezweni zakhe.

96:9b.PSA.096.009 Mnquleni uYehova, nivethe ezingcwele, Thuthumelani phambi kwakhe, nonke hlabathi.

96:10b.PSA.096.010 Yithini ezintlangeni, UYehova ngukumkani, Liya kuzinza ngoko elimiweyo, lingashukumi, Uya kugweba phakathi kwezizwe ngokuthe tye.

96:11b.PSA.096.011 Liya kuvuya izulu, Ligcobe ihlabathi; Luya kugquma ulwandle, nenzaliseko yalo.

96:12b.PSA.096.012 Liya kudlamka ilizwe, nento yonke ekulo, Ize imemelele yonke imithi yehlathi

96:13b.PSA.096.013 Phambi koYehova, ngokuba esiza, Ngokuba esiza kugweba ihlabathi. Uya kuligweba elimiweyo ngobulungisa, Nezizwe ngokunyanisa kwakhe.

97

97:1b.PSA.097.001 UYehova ngukumkani; liyagcoba ihlabathi, Ziyavuya iziqithi ezininzi.

97:2b.PSA.097.002 Ngamafu nesithokothoko ngeenxa zonke kuye, Bubulungisa nokusesikweni ummiso wetrone yakhe.

97:3b.PSA.097.003 Kuhamba umlilo phambi kwakhe; Ulenya ababandezeli bakhe ngeenxa zonke.

97:4b.PSA.097.004 Ikhanyisa elimiweyo imibane yakhe; Uyabona umhlaba, uzibhija-bhije.

97:5b.PSA.097.005 Iintaba zinyibilika njengomthwebeba phambi koYehova, Phambi kweNkosi yehlabathi lonke.

97:6b.PSA.097.006 Izulu lixela ubulungisa bakhe, Zilubone uzuko lwakhe zonke izizwe.

97:7b.PSA.097.007 Badanile bonke abakhonza umfanekiso oqingqiweyo, Abaqhayisa ngeento ezingento; Bayamnqula bonke oothixo.

97:8b.PSA.097.008 Iyeva, iyavuya iZiyon, Ziyagcoba iintombi zakwaYuda, Ngenxa yemigwebo yakho, Yehova.

97:9b.PSA.097.009 Ngokuba nguwe, Yehova, Osenyangweni phezu kwehlabathi lonke; Unyukile kunene ngaphezu koothixo bonke.

97:10b.PSA.097.010 Bathandi bakaYehova, kuthiyeni okubi. Umgcini wemiphefumlo yabenceba bakhe Uya kubahlangula esandleni sabangendawo.

97:11b.PSA.097.011 Ukukhanya likuhlwayelelwe ilungisa, Novuyo baluhlwayelelwe abantliziyo zithe tye.

97:12b.PSA.097.012 Vuyani ngoYehova, malungisa, Nibulele isikhumbuzo sakhe esingcwele.

98

98:1b.PSA.098.001 Umhobe. Vumani kuYehova ingoma entsha, Ngokuba wenze imisebenzi ebalulekileyo; Simzuzele uloyiso isandla sakhe sokunene, nengalo yakhe engcwele.

98:2b.PSA.098.002 Ulwazisile uYehova usindiso lwakhe, Ubutyhilile emehlweni eentlanga ubulungisa bakhe.

98:3b.PSA.098.003 Ukhumbule inceba yakhe nokunyanisa kwakhe kwindlu kaSirayeli; Zilubonile zonke iziphelo zehlabathi usindiso loThixo wethu.

98:4b.PSA.098.004 Dumani kuYehova, nonke hlabathi, Gqobhokelani ekumemeleleni, nibethe uhadi.

98:5b.PSA.098.005 Mbetheleni uhadi uYehova, Uhadi nelizwi lengoma;

98:6b.PSA.098.006 Ngamaxilongo nezwi lesigodlo Dumani phambi koKumkani uYehova.

98:7b.PSA.098.007 Malugqume ulwandle nenzaliseko yalo, Elimiweyo nabemi balo.

98:8b.PSA.098.008 Imilambo mayibethe izandla, Zimemelele kunye iintaba

98:9b.PSA.098.009 Phambi koYehova, ngokuba esiza kugweba ihlabathi. Uya kuligweba elimiweyo ngobulungisa, Izizwe ngokuthe tye.

99

99:1b.PSA.099.001 UYehova nguKumkani, ziyagungqa izizwe; Ulohlala ekerubhini, liyashukuma ihlabathi.

99:2b.PSA.099.002 UYehova mkhulu eZiyon; Uphakamile ngaphezu kwezizwe zonke.

99:3b.PSA.099.003 Baya kulibulela igama lakho elikhulu eloyikekayo; Ngokuba ungcwele yena.

99:4b.PSA.099.004 Amandla okumkani athanda okusesikweni; Uwazimasile wena ngokuthe tye; Wenze okusesikweni nobulungisa kwaYakobi wena.

99:5b.PSA.099.005 Mphakamiseni uYehova, uThixo wethu, Niqubude esitulweni seenyawo zakhe; Ngokuba ungcwele yena.

99:6b.PSA.099.006 OoMoses noAron phakathi kwababingeleli bakhe, NoSamuweli phakathi kwabalinqulayo igama lakhe, Baye bebiza kuYehova, wabaphendula yena.

99:7b.PSA.099.007 Wathetha kubo esemqulwini welifu; Bazigcina izingqino zakhe, Nommiselo awabanika wona.

99:8b.PSA.099.008 Yehova, Thixo wethu, wabaphendula wena, Waba nguThixo oxolelayo kubo, Ongoziphindezelayo iintlondi zabo.

99:9b.PSA.099.009 Mphakamiseni uYehova, uThixo wethu, Niqubude entabeni yakhe engcwele; Ngokuba ungcwele uYehova uThixo wethu.

100

100:1b.PSA.100.001 Umhobe wombingelelo wokubulela. Dumani kuYehova, nonke hlabathi.

100:2b.PSA.100.002 Mkhonzeni uYehova nivuya; Yizani phambi kwakhe nimemelela.

100:3b.PSA.100.003 Yazini ukuba uYehova nguThixo yena; Wasenza yena, asisithi; Singabantu bakhe nezimvu ezaluswa nguye.

100:4b.PSA.100.004 Ngenani emasangweni akhe nibulela, Ezintendelezweni zakhe nidumisa; Bulelani kuye, bongani igama lakhe.

100:5b.PSA.100.005 Ngokuba uYehova ulungile, Inceba yakhe ingunaphakade, Ukunyaniseka kwakhe kukwizizukulwana ngezizukulwana.

101

101:1b.PSA.101.001 EkaDavide. Umhobe. Ndiya kuvuma ngenceba nangomgwebo; Ndiya kukubethela uhadi, Yehova.

101:2b.PSA.101.002 Ndiya kuqiqa indlela yengqibelelo; Uya kuza nini na kum? Ndiya kuhamba ngengqibelelo yentliziyo yam Phakathi kwendlu yam.

101:3b.PSA.101.003 Andiyi kubeka phambi kwamehlo am Nto inobutshijolo. Ukwenza ngokunxaxha ndikuthiyile, Akuyi kunamathela kum.

101:4b.PSA.101.004 Intliziyo ejibilizayo iya kukhwelela kude kum; Into embi andiyi kuyazi.

101:5b.PSA.101.005 Omhlebayo ummelwane wakhe ngasese, Lowo ndiya kumbhangisa. Omehlo aqwayingileyo, ontliziyo igungubeleyo, Lowo andinakumthwala.

101:6b.PSA.101.006 Amehlo am akwabanyanisayo ezweni, Ukuba bandiphahle; Ohamba ngendlela yengqibelelo, Lowo makandilungiselele.

101:7b.PSA.101.007 Akayi kuhlala phakathi kwendlu yam Owenza inkohliso; Othetha ubuxoki akayi kuqina Phambi kwamehlo am.

101:8b.PSA.101.008 Imiso ngemiso, ndiya kubabhangisa Bonke abangendawo belizwe, Ukuze ndibanqumle emzini kaYehova Bonke abasebenzi bobutshinga.

102

102:1b.PSA.102.001 Umthandazo wolusizana xa atyhafileyo, ephalaza iinkalazo zakhe phambi koYehova. Yehova, wuve umthandazo wam, Kufike kuwe ukuzibika kwam.

102:2b.PSA.102.002 Musa ukubusithelisa ubuso bakho kum ngemini yokubandezelwa kwam, Ndithobele indlebe yakho; Ngemini endidanduluka ngayo khawuleza undiphendule.

102:3b.PSA.102.003 Ngokuba iyaphela imihla yam njengomsi; Amathambo am avutha njengeziko.

102:4b.PSA.102.004 Ibethwe yoma njengomfuno intliziyo yam, Ngokuba ndilibele nokudla ukudla kwam.

102:5b.PSA.102.005 Ngenxa yezwi lokugcuma kwam Amathambo am atshele enyameni yam.

102:6b.PSA.102.006 Ndifana nengcwangube yentlango, Ndinjengesikhova sasemanxoweni.

102:7b.PSA.102.007 Andilali; Ndinjengentaka eyodwa phezu kwendlu.

102:8b.PSA.102.008 Imini yonke ziyandingcikiva iintshaba zam, Abandigezelayo bathuka ngam.

102:9b.PSA.102.009 Ngokuba ndidle uthuthu njengesonka, Into endiyiselayo ndiyiphithikeze nezililo,

102:10b.PSA.102.010 Ngenxa yokubhabhama kwakho noburhalarhume bakho; Ngokuba undifunqule wandilahla.

102:11b.PSA.102.011 Imihla yam injengokoluka kwamathunzi; Mna ndomile njengomfuno.

102:12b.PSA.102.012 Ke wena, Yehova, uhleli ngonaphakade, Inkumbuzo yakho ikwizizukulwana ngezizukulwana.

102:13b.PSA.102.013 Uya kusuk’ ume, uyiphathe iZiyon ngemfesane; Ngokuba lixesha lokuyibabala eli, ngokuba lifikile ixesha elimisiweyo.

102:14b.PSA.102.014 Ngokuba abakhonzi bakho bakholiswe ngamatye ayo, Uthuli lwayo banofefe ngalo.

102:15b.PSA.102.015 Ziya kuloyika iintlanga igama likaYehova, Nookumkani bonke behlabathi ubuqaqawuli bakho;

102:16b.PSA.102.016 Ngokuba eyakhile iZiyon uYehova, Wabonakala ebuqaqawulini bakhe.

102:17b.PSA.102.017 Uwubhekile umthandazo wabachushuluzayo, Akawudela umthandazo wabo.

102:18b.PSA.102.018 Oko kuya kubhalelwa isizukulwana esizayo, Abantu abaza kudalwa badumise uYehova.

102:19b.PSA.102.019 Ngokuba uqondele, esendaweni yakhe ephezulu engcwele; Wondela ehlabathini esemazulwini uYehova,

102:20b.PSA.102.020 Ukuba akuve ukugcuma kwabakhonkxiweyo, Abakhulule oonyana bokufa;

102:21b.PSA.102.021 Bancokole eZiyon ngegama likaYehova, Ngendumiso yakhe eYerusalem;

102:22b.PSA.102.022 Ekubuthelaneni kwezizwe ndawonye, Nezikumkani, ukuba zikhonze uYehova.

102:23b.PSA.102.023 Uwathobile endleleni amandla am, Uyinqamle imihla yam.

102:24b.PSA.102.024 Ndithi, Thixo wam, musa ukundisusa phakathi kwemihla yam. Ikwizizukulwana ngezizukulwana iminyaka yakho.

102:25b.PSA.102.025 Waliseka kudala ihlabathi; Lisisenzo sezandla zakho izulu.

102:26b.PSA.102.026 Ezo zinto ziya kudaka, wena ke ume; Zona zonke ziya konakala njengengubo, Wozigugisa njengesambatho, ziguge;

102:27b.PSA.102.027 Ke wena uhleli unguwe, Iminyaka yakho ayinakuphela.

102:28b.PSA.102.028 Oonyana babakhonzi bakho baya kuhlala, Imbewu yabo izimaseke phambi kwakho.

103

103:1b.PSA.103.001 EkaDavide. Mbonge uYehova, mphefumlo wam, Ilibonge igama lakhe elingcwele into yonke engaphakathi kwam.

103:2b.PSA.103.002 Mbonge uYehova, mphefumlo wam, Ungayilibali yonke impatho yakhe entle:

103:3b.PSA.103.003 Uloxolela bonke ubugwenxa bakho; Ulophilisa zonke izifo zakho;

103:4b.PSA.103.004 Ulokhulula ubomi bakho esihogweni, Akuthi jize ngenceba nemfesane;

103:5b.PSA.103.005 Lo uwuzalisayo umlomo wakho ngento elungileyo, Buhlaziyeke ubutsha bakho njengobokhozi.

103:6b.PSA.103.006 NguYehova umenzi wemisebenzi yobulungisa, Nezigwebo ngenxa yabacudisiweyo bonke;

103:7b.PSA.103.007 Umazisi weendlela zakhe kuMoses, Wezenzo zakhe ezincamisayo koonyana bakaSirayeli.

103:8b.PSA.103.008 Unemfesane enobabalo uYehova, Uzeka kade umsindo, mkhulu ngenceba.

103:9b.PSA.103.009 Akaphiki kuphele, Akawugcini umsindo ngonaphakade.

103:10b.PSA.103.010 Akenzi kuthi ngokwezono zethu, Akasiphathi ngokobugwenxa bethu;

103:11b.PSA.103.011 Ngokuba injengokuphakama kwezulu phezu komhlaba, Ukuba namandla, inceba yakhe kwabamoyikayo;

103:12b.PSA.103.012 Kunjengokuba kude kwempumalanga entshonalanga, Ukulukhwelelisa kwakhe kuthi ukreqo lwethu;

103:13b.PSA.103.013 Kunjengokusikwa yimfesane koyise kubantwana, Ukusikwa yimfesane kukaYehova kwabamoyikayo.

103:14b.PSA.103.014 Ngokuba uyakwazi yena ukubunjwa kwethu, Ekhumbula ukuba siluthuli.

103:15b.PSA.103.015 Hayi, umntu! Injengotyani imihla yakhe; Njengentyantyambo yasendle, kunjalo ukutyatyamba kwakhe.

103:16b.PSA.103.016 Xa uthe umoya wadlula kuyo, ayibikho, Ingabi sazana nayo indawo yayo.

103:17b.PSA.103.017 Ke yona inceba kaYehova ikwabamoyikayo, kususela kwaphakade kude kuse ephakadeni, Nobulungisa bakhe bukoonyana boonyana;

103:18b.PSA.103.018 Kwabawugcinileyo umnqophiso wakhe, Kwabazikhumbulayo iziyalezo zakhe ukuba bazenze.

103:19b.PSA.103.019 UYehova uyizinzisile emazulwini itrone yakhe, Ubukumkani bakhe bulawula into yonke.

103:20b.PSA.103.020 Mbongeni uYehova, nina zithunywa zakhe, Magorha omeleleyo, alenzayo ilizwi lakhe, Ephulaphula isandi selizwi lakhe.

103:21b.PSA.103.021 Mbongeni uYehova, nonke mikhosi yakhe, Balungiseleli bakhe, benzi bokuthanda kwakhe.

103:22b.PSA.103.022 Mbongeni uYehova, nonke zenzo zakhe, Ezindaweni zonke zobukumkani bakhe. Mbonge uYehova, mphefumlo wam.

104

104:1b.PSA.104.001 Mbonge uYehova, mphefumlo wam. Yehova, Thixo wam, umkhulu kakhulu; Wambethe indili nobungangamela.

104:2b.PSA.104.002 Ulothi wambu ukukhanya njengengubo. Ulolaneka izulu njengelengalenga lentente;

104:3b.PSA.104.003 Ulohlanganisa emanzini imiqadi yamagumbi akhe aphezulu; Ulowenza amafu inqwelo yakhe, Ulohamba ngamaphiko omoya;

104:4b.PSA.104.004 Ulowenza izithunywa zakhe imimoya, Abalungiseleli bakhe umlilo olenyayo.

104:5b.PSA.104.005 Waliseka ihlabathi phezu kwemimiso yalo, Ukuba lingashukunyiswa naphakade kanaphakade.

104:6b.PSA.104.006 Waligubungela ngamanzi anzongonzongo njengesambatho, Ema amanzi phezu kweentaba.

104:7b.PSA.104.007 Ekukhalimeni kwakho asaba, Ezwini lendudumo yakho abaleka buphuthuphuthu;

104:8b.PSA.104.008 Kwenyuka iintaba, kwehla izihlambo, Aya kuloo ndawo ubuwasekele yona.

104:9b.PSA.104.009 Wamisa umda ukuba angegqithi, Angabuye awugubungele umhlaba.

104:10b.PSA.104.010 Ulothuma imithombo iye ezihlanjeni; Ihamba phakathi kweentaba;

104:11b.PSA.104.011 Iseza zonke iinyamakazi zasendle; Amaesile asendle aqabula inxano lawo.

104:12b.PSA.104.012 Kuhlala phezu kwayo iintaka zezulu, Zitsholoza phakathi kwamasebe;

104:13b.PSA.104.013 Uloseza iintaba kumagumbi akhe aphezulu; Uyahlutha umhlaba ziziqhamo zezenzo zakho.

104:14b.PSA.104.014 Ulontshulisela iinkomo utyani, Nomfuno wokunceda umntu; Ukuze kuphume isonka emhlabeni.

104:15b.PSA.104.015 Iwayini iyivuyise intliziyo yomntu; Bukhazimle ubuso ngeoli, Isonka siyixhase intliziyo yomntu.

104:16b.PSA.104.016 Iyahlutha imithi kaYehova, Imisedare yaseLebhanon awayityalayo,

104:17b.PSA.104.017 Apho zakhela khona iintaka; Ingwamza, isemisipresini indlu yayo.

104:18b.PSA.104.018 Iintaba zona ezo ziphakamileyo zezamagogo, Amawa azimela iimbila.

104:19b.PSA.104.019 Inyanga wayenzela amaxesha ayo, Ilanga liyakwazi ukutshona kwalo.

104:20b.PSA.104.020 Wenza ubumnyama wena, kube sebusuku, Ashukume ngabo onke amarhamncwa ehlathi.

104:21b.PSA.104.021 Iingonyama ezintsha zigqumela ukuqwenga, Zifuna ukudla kwazo kuThixo.

104:22b.PSA.104.022 Lakuthi chapha ilanga, ziyahlanganisana, Zibuthume ezikhundleni zazo.

104:23b.PSA.104.023 Uyaphuma umntu aye emsebenzini wakhe Nasenkonzweni yakhe, ahlwise.

104:24b.PSA.104.024 Hayi, ukuba zininzi izenzo zakho, Yehova! Zonke ziphela uzenze ngobululumko; Uzele umhlaba zizidalwa zakho.

104:25b.PSA.104.025 Nalo ulwandle lulukhulu, lubanzi ngeenxa zombini; Kulapho kuzinambuzane zingenakubalwa, Ezincinane kwanezikhulu izinto eziphilileyo.

104:26b.PSA.104.026 Kulapho kuhamba iinqanawa; Nango umnenga owawubumbela ukudlala kulo.

104:27b.PSA.104.027 Zonke ezo nto ziphela zikhangele kuwe, Ukuba uzinike ukudla kwazo ngexesha elililo.

104:28b.PSA.104.028 Uyazinika, ziyachola; Uyasivula isandla sakho, ziyahlutha kokulungileyo.

104:29b.PSA.104.029 Uyabusithelisa ubuso bakho, ziyakhwankqiswa; Uyawuhlanganisa umoya wazo, ziphume umphefumlo, Zibuyele eluthulini lwazo.

104:30b.PSA.104.030 Uthuma umoya wakho, ziyadalwa, Ubuhlaziye ubuso bomhlaba.

104:31b.PSA.104.031 Ubuqaqawuli bukaYehova mabube ngunaphakade; UYehova makavuye ngezenzo zakhe;

104:32b.PSA.104.032 Ulobheka emhlabeni, uzamazame; Uchukumisa iintaba, ziqhume.

104:33b.PSA.104.033 Ndiya kuvuma kuYehova lo gama ndidla ubomi, Ndiya kumbethela uhadi uThixo wam ekubeni ndingokhoyo.

104:34b.PSA.104.034 Makube nencasa kuye ukucamngca kwam; Mna ndiya kuvuya ngoYehova.

104:35b.PSA.104.035 Mabagqitywe ehlabathini aboni, Bangabi sabakho abangendawo. Mbonge uYehova, mphefumlo wam, Haleluya!

105

105:1b.PSA.105.001 Bulelani kuYehova, nqulani igama lakhe; Yazisani ezizweni izenzo zakhe ezincamisileyo.

105:2b.PSA.105.002 Vumani kuye, mbetheleni uhadi; Xoxani ngemisebenzi yakhe yonke ebalulekileyo.

105:3b.PSA.105.003 Qhayisani ngegama lakhe elingcwele; Mayivuye intliziyo yabamquqelayo uYehova.

105:4b.PSA.105.004 Ngxamelani uYehova namandla akhe; Funani ubuso bakhe ngamaxesha onke.

105:5b.PSA.105.005 Khumbulani imisebenzi yakhe ebalulekileyo awayenzayo, Izimanga zakhe, nezigwebo zomlomo wakhe,

105:6b.PSA.105.006 Mbewu ka-Abraham, yomkhonzi wakhe, Nyana bakaYakobi, banyulwa bakhe.

105:7b.PSA.105.007 NguYehova uThixo wethu yena; Zisehlabathini lonke izigwebo zakhe.

105:8b.PSA.105.008 Uwukhumbula ngonaphakade umnqophiso wakhe, Ilizwi awalimisela iwaka lezizukulwana;

105:9b.PSA.105.009 Awanqophisana ngalo noAbraham, Awalifungela uIsake;

105:10b.PSA.105.010 Awalimisayo ukuba libe ngummiselo kuYakobi, Libe ngumnqophiso ongunaphakade kuSirayeli;

105:11b.PSA.105.011 Esithi, Ndikunika ilizwe lakwaKanan, Libe licandelo lelifa lenu;

105:12b.PSA.105.012 Besengamadoda ambalwa, Bebancinane, bengabaphambukeli kulo.

105:13b.PSA.105.013 Babehamba besuka kolunye uhlanga, baye kolunye uhlanga, Besuka kobunye ubukumkani, baye kwabanye abantu.

105:14b.PSA.105.014 Akavumelanga mntu ukuba abacudise, Wohlwaya ookumkani ngenxa yabo;

105:15b.PSA.105.015 Esithi, Musani ukubachukumisa abathanjiswa bam, Musani ukubaphatha kakubi abaprofeti bam.

105:16b.PSA.105.016 Wabiza indlala, yeza phezu kwelizwe, Wawaphula wonke umsimelelo osisonka.

105:17b.PSA.105.017 Wathuma indoda phambi kwabo; Kwathengiswa ngoYosefu, waba likhoboka.

105:18b.PSA.105.018 Bazicinezela iinyawo zakhe ngamakhamandela, Wafika umphefumlo wakhe esinyithini;

105:19b.PSA.105.019 Kwada kwalixesha lokufika kwelizwi lakhe, Intetho kaYehova yamnyibilikisa.

105:20b.PSA.105.020 Ukumkani wathuma, wamkhulula, Umlawuli wezizwe wamvulela;

105:21b.PSA.105.021 Wamenza inkosi yendlu yakhe, Umlawuli wemfuyo yakhe yonke,

105:22b.PSA.105.022 Ukuba abakhonkxe abathetheli bakhe ngokuzithandela kwakhe, Amadoda akhe amakhulu awafundise ubulumko.

105:23b.PSA.105.023 Waza uSirayeli waya eYiputa, UYakobi waphambukela ezweni lakwaHam.

105:24b.PSA.105.024 Wabaqhamisa kakhulu abantu bakhe, Wabomeleza ngaphezu kwababandezeli babo.

105:25b.PSA.105.025 Wazijika iintliziyo zabo, ukuba babathiye abantu bakhe, Babaqhathanisele abakhonzi bakhe.

105:26b.PSA.105.026 Wathuma uMoses, umkhonzi wakhe, NoAron awamnyulayo.

105:27b.PSA.105.027 Bazenza kubo iindawo zemiqondiso yakhe, Nezimanga zakhe ezweni lakwaHam.

105:28b.PSA.105.028 Wathumela ubumnyama, kwaba mnyama; Ababa nakuwaphikisa amazwi akhe.

105:29b.PSA.105.029 Wawaguqula amanzi abo, aba ligazi, Wazibulala iintlanzi zabo.

105:30b.PSA.105.030 Ilizwe labo lanyakazela amasele Ezingontsini zookumkani babo.

105:31b.PSA.105.031 Wathetha, zafika izibawu, Iingcongconi, emideni yabo yonke.

105:32b.PSA.105.032 Wabanika isichotho, saba yimvula; Umlilo walenya ezweni labo.

105:33b.PSA.105.033 Wayibetha imidiliya yabo nemikhiwane yabo, Wayishwaqa imithi yemida yabo.

105:34b.PSA.105.034 Wathetha, kwafika iinkumbi ezandayo, Nezikhothululayo, into engenakubalwa;

105:35b.PSA.105.035 Zayidla imifuno yonke ezweni labo, Zazidla iziqhamo zomhlaba wabo.

105:36b.PSA.105.036 Waza wababulala bonke abamazibulo ezweni labo, Intlahlela yamandla abo onke.

105:37b.PSA.105.037 Wabakhupha ke abakhe benesilivere negolide, Akwabakho ukhubekayo ezizweni zakhe.

105:38b.PSA.105.038 Lavuya iYiputa ekuphumeni kwabo, Ngokuba lifikelwe kukunkwantyisa kwabo.

105:39b.PSA.105.039 Waneka ilifu lokubasitha, Nomlilo wokukhanyisa ebusuku.

105:40b.PSA.105.040 Babiza, wazisa izagwityi, Wabahluthisa nangesonka sasezulwini.

105:41b.PSA.105.041 Wavula iliwa, abaleka amanzi, Ahamba engumlambo emqwebedwini.

105:42b.PSA.105.042 Ngokuba wakhumbula ilizwi lakhe elingcwele, Wakhumbula uAbraham umkhonzi wakhe.

105:43b.PSA.105.043 Wabakhupha abantu bakhe benemihlali, Abanyulwa bakhe bememelela.

105:44b.PSA.105.044 Wabanika amazwe eentlanga, Bayihlutha inzuzo yokwaphuka kwezizwe,

105:45b.PSA.105.045 Ukuze bayigcine imimiselo yakhe, Bayibambe imiyalelo yakhe. Haleluya!

106

106:1b.PSA.106.001 Haleluya! Bulelani kuYehova, ngokuba elungile, Ngokuba ingunaphakade inceba yakhe.

106:2b.PSA.106.002 Ngubani na onokuzixela izenzo zobugorha bukaYehova, Onokuyivakalisa yonke indumiso yakhe?

106:3b.PSA.106.003 Hayi, uyolo lwabaligcinayo isiko, Lwabenza ubulungisa ngamaxesha onke!

106:4b.PSA.106.004 Ndikhumbule, Yehova, ekwenzeni kwakho isisa kubantu bakho; Ndiyelele ngosindiso lwakho,

106:5b.PSA.106.005 Ukuze ndibone inyhweba yabanyulwa bakho, Ndivuye ekuvuyeni kohlanga lwakho, Ndiqhayise kunye nelifa lakho.

106:6b.PSA.106.006 Sonile, thina noobawo; Senze ubugwenxa, senze okungendawo.

106:7b.PSA.106.007 Oobawo abayiqiqanga eYiputa imisebenzi yakho ebalulekileyo; Ababukhumbulanga ubuninzi beenceba zakho; Baphika elwandle, eLwandle oluBomvu.

106:8b.PSA.106.008 Wabasindisa ngenxa yegama lakhe, Ukuze abazise ubugorha bakhe.

106:9b.PSA.106.009 Walukhalimela uLwandle oluBomvu, loma, Wabahambisa emanzini anzongonzongo kwanga kusentlango.

106:10b.PSA.106.010 Wabasindisa esandleni sobathiyayo, Wabakhulula esandleni sotshaba.

106:11b.PSA.106.011 Amanzi abagubungela ababandezeli babo, Akwasala namnye kubo.

106:12b.PSA.106.012 Bakholwa ke ngamazwi akhe, Bayivuma indumiso yakhe.

106:13b.PSA.106.013 Kanti bahle bazilibala izenzo zakhe, Abalilinda icebo lakhe.

106:14b.PSA.106.014 Bakhanukile entlango, Bamlinga uThixo enkangala.

106:15b.PSA.106.015 Wabanika abakubizayo; Wathumela ukungcumbeka emphefumlweni wabo.

106:16b.PSA.106.016 Bamenzela umona uMoses eminqubeni, NoAron ongcwele kaYehova.

106:17b.PSA.106.017 Wavuleka umhlaba, wamginya uDatan, Waliselela ibandla lika-Abhiram;

106:18b.PSA.106.018 Umlilo walitshisa ibandla labo, Amalangatye abalenya abangendawo.

106:19b.PSA.106.019 Benza ithole eHorebhe, Baqubuda emfanekisweni otyhidiweyo.

106:20b.PSA.106.020 Balwananisa uzuko lwabo Ngento emilise okwenkomo edla utyani.

106:21b.PSA.106.021 Bamlibala uThixo, umsindisi wabo, Owenza imisebenzi emikhulu eYiputa;

106:22b.PSA.106.022 Imisebenzi ebalulekileyo ezweni lakwaHam, Imisebenzi eyoyikekayo eLwandle oluBomvu.

106:23b.PSA.106.023 Wathi uya kubatshabalalisa, Koko wesukayo uMoses, umnyulwa wakhe, Wema ethubeni phambi kwakhe, Ebuyisa ubushushu bakhe, ukuba angatshabalalisi.

106:24b.PSA.106.024 Balicekisa ilizwe elinqwenelekayo, Abakholwa lilizwi lakhe,

106:25b.PSA.106.025 Bakrokra ezintenteni zabo, Abaliphulaphula izwi likaYehova.

106:26b.PSA.106.026 Wabaphakamisela isandla sakhe, Wafungela ukuba abawise entlango;

106:27b.PSA.106.027 Ayiwise imbewu yabo phakathi kweentlanga, Abachithachithe emazweni.

106:28b.PSA.106.028 Bazibandakanya noBhahali-pehore, Badla imibingelelo yabafileyo,

106:29b.PSA.106.029 Bamqumbisa ngeentlondi zabo; Sagaleleka phakathi kwabo isibetho.

106:30b.PSA.106.030 Wesuka wema uPinehasi, walamla; Sathintelwa isibetho.

106:31b.PSA.106.031 Oko kwabalelwa kuye ekuthini bubulungisa Izizukulwana ngezizukulwana kude kuse ephakadeni.

106:32b.PSA.106.032 Bamqumbisa emanzini aseMeribha, Kwehla ububi kuMoses ngenxa yabo;

106:33b.PSA.106.033 Ngokuba bawuphikisa umoya wakhe, Waphololoza ke ngomlomo wakhe.

106:34b.PSA.106.034 Abazitshabalalisa izizwe, Awayethethe ngazo kubo uYehova;

106:35b.PSA.106.035 Baxubana neentlanga ezo, Bafunda izenzo zazo;

106:36b.PSA.106.036 Bakhonza izithixo zazo, Yaba sisirhintyelo kubo.

106:37b.PSA.106.037 Babingelela ngoonyana babo nangeentombi zabo kwiidemon;

106:38b.PSA.106.038 Baphalaza igazi elimsulwa, Igazi loonyana babo neleentombi zabo, Ababingelela ngabo kwizithixo zakwaKanan; Lahlanjelwa ilizwe ngamagazi.

106:39b.PSA.106.039 Baba ziinqambi ngezenzo zabo, Bahenyuza ngeentlondi zabo.

106:40b.PSA.106.040 Wavutha ke umsindo kaYehova kubantu bakhe, Laba lisikizi kuye ilifa lakhe.

106:41b.PSA.106.041 Wabanikela ezandleni zeentlanga, Balawulwa ngababathiyileyo.

106:42b.PSA.106.042 Zabaxina iintshaba zabo, Bathotyelwa phantsi kwezandla zazo.

106:43b.PSA.106.043 Zibe zininzi izihlandlo ebahlangula; Ke bona bamphikisa ngamaqhinga abo, Bonakala bubugwenxa babo.

106:44b.PSA.106.044 Noko ke wakunonelela ukubandezelwa kwabo, Akuva ukuhlahlamba kwabo.

106:45b.PSA.106.045 Wawukhumbula ngenxa yabo umnqophiso wakhe, Wazohlwaya ngenxa yobuninzi beenceba zakhe.

106:46b.PSA.106.046 Wabafumanisa imfesane Phambi kwabo bonke abaye bebathimbile.

106:47b.PSA.106.047 Sisindise, Yehova, Thixo wethu, Sibuthe ezintlangeni, Ukuze sibulele kwigama lakho elingcwele, Sizingce ngendumiso yakho.

106:48b.PSA.106.048 Makabongwe uYehova, uThixo kaSirayeli, Kususela kwaphakade kude kuse ephakadeni. Mabathi bonke abantu, Amen. Haleluya!

107

107:1b.PSA.107.001 Bulelani kuYehova, ngokuba elungile, Ngokuba ingunaphakade inceba yakhe.

107:2b.PSA.107.002 Mabatsho abakhululwa bakaYehova, Awabakhululayo esandleni sombandezeli;

107:3b.PSA.107.003 Wababutha emazweni, Empumalanga nasentshonalanga, Entla naselwandle.

107:4b.PSA.107.004 Badinga entlango, endleleni esenkanga, la, Abafumana mzi wakuhlala.

107:5b.PSA.107.005 Belambile, benxaniwe, Watyhafa phakathi kwabo umphefumlo wabo.

107:6b.PSA.107.006 Bakhala ke kuYehova embandezelweni yabo, Wabahlangula ekucuthekeni kwabo;

107:7b.PSA.107.007 Wabanyathelisa endleleni ethe tye, Ukuba baye kumzi wokuhlala.

107:8b.PSA.107.008 Mabayibulele kuYehova inceba yakhe, Nemisebenzi yakhe ebalulekileyo koonyana babantu!

107:9b.PSA.107.009 Kuba ewuhluthisile umphefumlo otshobayo, Wawuzalisa ngokulungileyo umphefumlo olambileyo.

107:10b.PSA.107.010 Behleli emnyameni nasethunzini lokufa, Bekhonkxwe yimbandezelo nasisinyithi,

107:11b.PSA.107.011 Ngokuba bephikise amazwi kaThixo, Belitshitshisa icebo lOsenyangweni:

107:12b.PSA.107.012 Wayithoba intliziyo yabo ngokubasebenzisa kanzima; Bakhubeka, akwabakho mncedi.

107:13b.PSA.107.013 Bakhala ke kuYehova embandezelweni yabo; Wabasindisa ekucuthekeni kwabo.

107:14b.PSA.107.014 Wabakhupha emnyameni nasethunzini lokufa, Waziqhawula iimbophelelo zabo.

107:15b.PSA.107.015 Mabayibulele kuYehova inceba yakhe, Nemisebenzi yakhe ebalulekileyo koonyana babantu!

107:16b.PSA.107.016 Kuba ezaphule iingcango zobhedu, Wayixakaxa imivalo yesinyithi.

107:17b.PSA.107.017 Abamathileyo, ngenxa yendlela yokukreqa kwabo, Nangenxa yobugwenxa babo, bacinezelwa;

107:18b.PSA.107.018 Konke ukudla kwaba lisikizi kumphefumlo wabo, Bafika emasangweni okufa.

107:19b.PSA.107.019 Bakhala ke kuYehova embandezelweni yabo, Wabasindisa ekucuthekeni kwabo.

107:20b.PSA.107.020 Wathumela ilizwi lakhe, wabaphilisa, Wabasiza ezihogweni zabo.

107:21b.PSA.107.021 Mabayibulele kuYehova inceba yakhe, Nemisebenzi yakhe ebalulekileyo koonyana babantu!

107:22b.PSA.107.022 Mababingelele imibingelelo yombulelo, Bancokole ngezenzo zakhe bememelela.

107:23b.PSA.107.023 Abaya elwandle ngeenqanawa, Benze ishishini emanzini amaninzi,

107:24b.PSA.107.024 Bazibona bona izenzo zikaYehova, Nemisebenzi yakhe ebalulekileyo enzulwini.

107:25b.PSA.107.025 Watsho, wavusa umoya ovuthuzayo, Waphakamisa amaza ayo.

107:26b.PSA.107.026 Banyuka basinga ezulwini, behla basinga emanzini enzonzobila; Umphefumlo wabo uthe amandla bububi.

107:27b.PSA.107.027 Bathendeleka, bahexa njengenxila, Butshone bonke ubulumko babo.

107:28b.PSA.107.028 Bakhala ke kuYehova embandezelweni yabo Wabakhupha ekucuthekeni kwabo.

107:29b.PSA.107.029 Ukumisile ukuvuthuza, kwathi cwaka, Amaza ayo azola;

107:30b.PSA.107.030 Bavuya ke, kuba edambile; Wabafikisa echwebeni abalilangazelelayo.

107:31b.PSA.107.031 Mabayibulele kuYehova inceba yakhe, Nemisebenzi yakhe ebalulekileyo koonyana babantu!

107:32b.PSA.107.032 Mabamphakamise ebandleni labantu, Bamdumise embuthweni yamadoda amakhulu.

107:33b.PSA.107.033 Uyenze imilambo yaba yintlango, Namathende amanzi aba ngumhlaba onxaniweyo;

107:34b.PSA.107.034 Ilizwe elineziqhamo laba leletyuwa, Ngenxa yezinto ezimbi zabemi balo.

107:35b.PSA.107.035 Uyenze intlango yaba lidike elinamanzi, Ilizwe elingumqwebedu laba ngamathende amanzi.

107:36b.PSA.107.036 Wabahlalisa khona abalambileyo, Bamisa umzi wokuhlala.

107:37b.PSA.107.037 Bahlwayela amasimi, batyala izidiliya, Bavelisa iziqhamo, baba nongeniselo.

107:38b.PSA.107.038 Wabasikelela, banda kunene, Iinkomo zabo akazinciphisa.

107:39b.PSA.107.039 Bancipha, basibekeka Ngokukhanyangwa bububi nesingqala.

107:40b.PSA.107.040 Uwagalele ngendelo amanene, Wawadingisa enyanyeni, kungekho ndlela.

107:41b.PSA.107.041 Walisa engxondeni ihlwempu, kude nengcinezelo, Walenzela imizalwana yanjengomhlambi.

107:42b.PSA.107.042 Baya kubona abathe tye, bavuye, Bonke ubugqwetha buvale umlomo.

107:43b.PSA.107.043 Lowo ulumkileyo makazigcine ezi ndawo, Azigqale iinceba zikaYehova.

108

108:1b.PSA.108.001 Ingoma. Umhobe kaDavide. Izimasekile intliziyo yam, Thixo, Ndiya kuvuma, ndibethe uhadi, Kwanozuko lwam.

108:2b.PSA.108.002 Vukani, mrhubhe nohadi; Ndiya kusiphangela isifingo.

108:3b.PSA.108.003 Ndiya kubulela kuwe phakathi kwezizwe, Yehova, Ndikubethele uhadi phakathi kwezizwe.

108:4b.PSA.108.004 Ngokuba inkulu ngaphezu kwezulu inceba yakho, Yada yesa esibhakabhakeni inyaniso yakho.

108:5b.PSA.108.005 Ziphakamise ngaphezu kwezulu, Thixo, Bube phezu kwehlabathi lonke ubuqaqawuli bakho.

108:6b.PSA.108.006 Ukuze zihlangulwe iintanda zakho, Sindisa ngesandla sakho sokunene, undiphendule.

108:7b.PSA.108.007 UThixo uthethe engcwele; mandivuyelele, Ndimabe uShekem, ndiyilinganisele intili yaseSukoti.

108:8b.PSA.108.008 Ngowam uGiliyadi, ngowam uManase, UEfrayim sisigcina-ntloko sam, UYuda yintonga yam yommiselo;

108:9b.PSA.108.009 UMowabhi sisitya sam sokuhlambela, Ndiyiphosa kuEdom imbadada yam; Ndiduma ngelamaFilisti.

108:10b.PSA.108.010 Ngubani na owondisa emzini onqatyisiweyo, Ngubani na owondikhaphela kwaEdom?

108:11b.PSA.108.011 Asinguwe na, Thixo, lo usihlambileyo? Akwaphuma, Thixo, nemikhosi yethu.

108:12b.PSA.108.012 Sincede kumbandezeli wethu; Alunto yanto usindiso lomntu.

108:13b.PSA.108.013 NgoThixo siya kweyisa, Abagqushe yena ababandezeli bethu.

109

109:1b.PSA.109.001 Kumongameli; ekaDavide. Umhobe. Thixo wendumiso yam, musa ukuthi tu;

109:2b.PSA.109.002 Ngokuba bandakhamisele umlomo ongendawo, nomlomo onenkohliso; Bathetha ngam ngolwimi lobuxoki.

109:3b.PSA.109.003 Bandijikele ngeentetho zentiyo; Balwa nam ngelize.

109:4b.PSA.109.004 Ekubeni mna ndibathanda, bona bayandichasa, Ndibe mna ndithandaza.

109:5b.PSA.109.005 Endaweni yobulungisa bandibuyekeza ngobubi; Ekubeni mna ndibathanda, bona bayandithiya.

109:6b.PSA.109.006 Misa ongendawo, abe ngumveleli wakhe, Eme uSathana ngasekunene kwakhe.

109:7b.PSA.109.007 Ekuthethweni kwetyala makaphume engongendawo, Nomthandazo wakhe ube sisono.

109:8b.PSA.109.008 Imihla yakhe mayibe mbalwa, Mabuthatyathwe ngomnye ubuveleli bakhe.

109:9b.PSA.109.009 Oonyana bakhe mababe ziinkedama, Nomkakhe abe ngumhlolokazi;

109:10b.PSA.109.010 Babhadule bebhadula oonyana bakhe, becela, Bengqiba, bekude namanxuwa akowabo.

109:11b.PSA.109.011 Umboleki-mali makakushwankathele konke anako, Abasemzini baphange ukuxelenga kwakhe.

109:12b.PSA.109.012 Makungabikho wolulela nceba kuye, Kungabikho uzibabalayo iinkedama zakhe.

109:13b.PSA.109.013 Izivela-mva zakhe mazibe zezokunqunyulwa, Igama lazo licinywe esizukulwaneni esizayo.

109:14b.PSA.109.014 Mabukhunjulwe nguYehova ubugwenxa booyise, Singacinywa isono sonina.

109:15b.PSA.109.015 Masibe phambi koYehova ngamaxesha onke, Akunqumle ehlabathini ukukhunjulwa kwabo;

109:16b.PSA.109.016 Ngenxa enokuba engakukhumbulanga ukwenza inceba, Etshutshise indoda elusizana, Elihlwempu, enentliziyo eyothukileyo, ukuba ayibulale.

109:17b.PSA.109.017 Ewe, wathanda ukuqalekisa, kwamfikela; Akakufuna ukusikelela, kwakhwelela kude kuye.

109:18b.PSA.109.018 Wambatha ukuqalekisa kwanga yingubo yakhe, Kwangena embilinini wakhe njengamanzi, Nanjengeoli emathanjeni akhe.

109:19b.PSA.109.019 Makube njengengubo kuye, azithe wambu ngayo, Kube luqhwemesha, alunxibe amaxesha onke.

109:20b.PSA.109.020 Nguwo lowo umvuzo wabandichasayo, ophuma kuYehova, Wabathetha okubi ngomphefumlo wam.

109:21b.PSA.109.021 Ke wena Yehova, Nkosi, ndenzele ngenxa yegama lakho; Ngokokuba ilungile inceba yakho; ndihlangule.

109:22b.PSA.109.022 Ngokuba ndilusizana, ndilihlwempu, Intliziyo yam ihlatyiwe phakathi kwam.

109:23b.PSA.109.023 Ndinjengethunzi xa lolukayo, ndiyemka; Ndiphetshethwa njengenkumbi.

109:24b.PSA.109.024 Amadolo am ayagexa kukuzila ukudla, Nenyama yam ibhityile, tu ukutyeba.

109:25b.PSA.109.025 Ndithe ndasisingcikivo kubo; Bendibona, bahlunguzela intloko.

109:26b.PSA.109.026 Ndincede, Yehova, Thixo wam, Ndisindise ngokwenceba yakho;

109:27b.PSA.109.027 Bazi ukuba sisandla sakho eso, Ukuba kukwenza kwakho, Yehova.

109:28b.PSA.109.028 Bayaqalekisa aba, uyasikelela wena; Besukile bema, baya kudana; uya kubuya yena umkhonzi wakho.

109:29b.PSA.109.029 Abandichasayo baya kwambatha ihlazo, Bazithi wambu ukudana njengengubo yokwaleka.

109:30b.PSA.109.030 Ndiya kubulela kakhulu kuYehova ngomlomo wam, Ndimdumise phakathi kwabaninzi;

109:31b.PSA.109.031 Kuba emi ekunene kolihlwempu, Ukuba amsindise kwabawugwebayo umphefumlo wakhe.

110

110:1b.PSA.110.001 EkaDavide. Umhobe. Utsho uYehova eNkosini yam ukuthi, Hlala ngasekunene kwam, Ndide iintshaba zakho ndizenze Isitulo seenyawo zakho.

110:2b.PSA.110.002 Intonga yamandla akho uya kuyithumela uYehova, ivela eZiyon, esithi, Yiba nobukhosi phakathi kweentshaba zakho.

110:3b.PSA.110.003 Abantu bakho baya kuzinikela ngeentliziyo, ngemini yakho yokuphuma umkhosi; Bebethe ezingcwele, ekuphumeni kwesifingo, Uza kuwe umbethe womlisela wakho.

110:4b.PSA.110.004 Ufungile uYehova, akayi kuzohlwaya; uthe, Ungumbingeleli ngonaphakade wena Ngokohlobo lukaMelkitsedeke.

110:5b.PSA.110.005 INkosi ngasekunene kwakho Iya kuphalusa ookumkani ngemini yomsindo wayo.

110:6b.PSA.110.006 Iya kugweba phakathi kweentlanga, kuzale zizidumbu; Iphaluse intloko ezweni elibanzi.

110:7b.PSA.110.007 Endleleni iya kusela emlanjaneni; Ngenxa yoko iya kuphakamisa intloko.

111

111:1b.PSA.111.001 Haleluya! Ndiya kubulela kuYehova ngentliziyo yonke, Elucweyweni lwabathe tye nasebandleni.

111:2b.PSA.111.002 Zikhulu izenzo zikaYehova, Zezokungxokwa iintsingiselo zazo zonke.

111:3b.PSA.111.003 Unendili nobungangamela umsebenzi wakhe, Ubulungisa bakhe bumi ngonaphakade.

111:4b.PSA.111.004 Uyenzele ukuze ikhunjulwe imisebenzi yakhe ebalulekileyo; Unobabalo nemfesane uYehova.

111:5b.PSA.111.005 Ubaphe ukudla abamoyikayo; Uwukhumbule ngonaphakade umnqophiso wakhe.

111:6b.PSA.111.006 Ubabonise abantu bakhe amandla ezenzo zakhe, Ebanika ilifa leentlanga.

111:7b.PSA.111.007 Izenzo zezandla zakhe ziyinyaniso nesiko; Zithembekile zonke iziyalezo zakhe.

111:8b.PSA.111.008 Zizimasekile nanini nangonaphakade; Zenziwe ngenyaniso, zithe tye.

111:9b.PSA.111.009 Ubathumele abantu bakhe inkululeko; Uwumisele ngonaphakade umnqophiso wakhe; Lingcwele, liyoyikeka, igama lakhe.

111:10b.PSA.111.010 Ingqalo yobulumko kukoyika uYehova, Banengqiqo elungileyo bonke abenza ngako; Indumiso yakhe ihlala imi.

112

112:1b.PSA.112.001 Haleluya! Hayi, uyolo lomntu omoyikayo uYehova, Oyinoneleleyo kunene imithetho yakhe!

112:2b.PSA.112.002 Iya kuba nobugorha ehlabathini imbewu yakhe; Isizukulwana sabathe tye sisikelelwe.

112:3b.PSA.112.003 Bubuncwane nobutyebi endlwini yakhe; Ubulungisa bakhe buhlala bumi.

112:4b.PSA.112.004 Baphunyelwa kukukhanya ebumnyameni abathe tye, Benobabalo, nemfesane, nobulungisa.

112:5b.PSA.112.005 Unoyolo umntu obabalayo, aboleke; Uya kuyimisa intetho yakhe ematyaleni.

112:6b.PSA.112.006 Ngokuba akayi kushukunyiswa naphakade; Uya kuba lilungisa elikhunjulwa ngonaphakade.

112:7b.PSA.112.007 Akoyikiswa ziindaba ezimbi; Iqinisekile intliziyo yakhe, ikholose ngoYehova.

112:8b.PSA.112.008 Izimasekile intliziyo yakhe, akoyiki; Uya kuda ababonele ababandezeli bakhe.

112:9b.PSA.112.009 Uyahlakaza, upha amahlwempu; Ubulungisa bakhe buhlala bumi, Uphondo lwakhe luphakamile, lunozuko.

112:10b.PSA.112.010 Ongendawo yena uya kukubona, aqumbe, Atshixize amazinyo, anyibilike; Umnqweno wongendawo uyadaka.

113

113:1b.PSA.113.001 Haleluya! Dumisani, bakhonzi bakaYehova, Dumisani igama likaYehova.

113:2b.PSA.113.002 Malibongwe igama likaYehova, Kususela ngokunje, kude kuse ephakadeni.

113:3b.PSA.113.003 Kwasekuphumeni kwelanga kuse ekutshoneni kwalo, Malidunyiswe igama likaYehova.

113:4b.PSA.113.004 Uphakamile ngaphezu kweentlanga zonke uYehova, Bungaphezulu kwamazulu ubuqaqawuli bakhe.

113:5b.PSA.113.005 Ngubani na onjengoYehova, uThixo wethu? Ulohlala phezulu;

113:6b.PSA.113.006 Uloqondela phantsi; Ezulwini nasemhlabeni?

113:7b.PSA.113.007 Ulomvusa eluthulini osweleyo, Ulomphakamisa ezaleni olihlwempu,

113:8b.PSA.113.008 Ukuba amhlalise namanene, Amanene abantu bakhe;

113:9b.PSA.113.009 Ulohlalisa endlwini umfazi ongazaliyo, Abe ngunobantwana ovuyayo. Haleluya!

114

114:1b.PSA.114.001 Ekuphumeni kukaSirayeli eYiputa, Kwendlu kaYakobi ebantwini abantetho ingaziwayo,

114:2b.PSA.114.002 UYuda waba yingcwele yakhe, USirayeli waba sisikumkani sakhe.

114:3b.PSA.114.003 Ulwandle lwabona, lwasaba, IYordan yabuya umva.

114:4b.PSA.114.004 Iintaba zadloba njengeenkunzi zeegusha; Iinduli, njengamatakane omhlambi.

114:5b.PSA.114.005 Ubunani na, lulwandlendini, ukuba usabe? Wena Yordan, ukuba ubuye umva?

114:6b.PSA.114.006 Nina zintaba, ukuba nidlobe njengeenkunzi zeegusha? Nina zinduli, njengamatakane omhlambi?

114:7b.PSA.114.007 Wena hlabathi, zibhijabhije ebusweni beNkosi, Ebusweni boThixo kaYakobi;

114:8b.PSA.114.008 Uloguqula iliwa libe lidike lamanzi, Iqhwitha libe yimithombo yamanzi.

115

115:1b.PSA.115.001 Ungazukisi thina, Yehova, ungazukisi thina; Zukisa igama lakho, Ngenxa yenceba yakho, ngenxa yenyaniso yakho.

115:2b.PSA.115.002 Yini na ukuba zithi iintlanga, Uphi na kaloku uThixo wabo?

115:3b.PSA.115.003 UThixo wethu ke usemazulwini, Konke akuthandileyo uyakwenza.

115:4b.PSA.115.004 Izithixo zazo yisilivere negolide, Zizenzo zezandla zabantu.

115:5b.PSA.115.005 Zinomlomo nje, azithethi; Zinamehlo nje aziboni;

115:6b.PSA.115.006 Zineendlebe nje, aziva; Zineempumlo nje, azisezeli.

115:7b.PSA.115.007 Izandla zazo aziphathi, Iinyawo zazo azihambi; Azidumzeli ngomqala wazo.

115:8b.PSA.115.008 Boba njengazo abenzi bazo, Bonke abasukuba bekholose ngazo.

115:9b.PSA.115.009 Wena Sirayeli, kholosa ngoYehova; Uncedo lwabo nengweletshetshe yabo nguye.

115:10b.PSA.115.010 Nani bendlu ka-Aron, kholosani ngoYehova; Uncedo lwabo nengweletshetshe yabo nguye.

115:11b.PSA.115.011 Nina boyiki bakaYehova, kholosani ngoYehova; Uncedo lwabo nengweletshetshe yabo nguye.

115:12b.PSA.115.012 UYehova usikhumbule, wosisikelela; Woyisikelela indlu kaSirayeli, Woyisikelela indlu ka-Aron;

115:13b.PSA.115.013 Wobasikelela aboyiki bakaYehova, Abancinane kwanabakhulu.

115:14b.PSA.115.014 UYehova wonandisa nina ngakumbi nangakumbi, Abandise oonyana benu.

115:15b.PSA.115.015 Nisikelelekile kuYehova, UMenzi wamazulu nowehlabathi.

115:16b.PSA.115.016 Amazulu ngamazulu kaYehova, Ihlabathi ulinike oonyana babantu.

115:17b.PSA.115.017 Asingabafileyo abamdumisayo uYehova, Asingabo bonke abehlayo baye kwelokuzola.

115:18b.PSA.115.018 Thina ke siya kumbonga uYehova, Kususela koku kude kuse ephakadeni. Haleluya!

116

116:1b.PSA.116.001 Ndiyamthanda, ngokuba uYehova eliva Ilizwi lam, ukutarhuzisa kwam.

116:2b.PSA.116.002 Ngokuba endithobele indlebe yakhe, Ndiya kumnqula ngemihla yam yonke.

116:3b.PSA.116.003 Izintya zokufa zandijikela, Iingxingongo zelabafileyo zandifumana, Ndafunyanwa ziimbandezelo nesingqa la.

116:4b.PSA.116.004 Ndanqula ke igama likaYehova, ndathi, Yehova, ndiya kukhunga, siza umphefumlo wam.

116:5b.PSA.116.005 UYehova unobabalo, ulilungisa, UThixo wethu unemfesane.

116:6b.PSA.116.006 Ngumgcini wabazizidenge uYehova; Ndandiswele, wandisindisa.

116:7b.PSA.116.007 Buyela ekuphumleni kwakho, mphefumlo wam, Ngokuba uYehova ukuphatha kakuhle;

116:8b.PSA.116.008 Ngokuba ewuhlangule umphefumlo wam ekufeni, Iliso lam ezinyembezini, Unyawo lwam ekungqulekeni.

116:9b.PSA.116.009 Ndiya kuhamba-hamba phambi koYehova Emazweni abaphilileyo.

116:10b.PSA.116.010 Ndiyakholwa, xa ndithethayo; Mna ndicinezelekile kunene.

116:11b.PSA.116.011 Ndathi mna ekuphakuzeleni kwam, Bonke abantu ngamaxoki.

116:12b.PSA.116.012 Ndingambuyisela ngantoni na uYehova Konke ukundiphatha kwakhe kakuhle?

116:13b.PSA.116.013 Ndophakamisa indebe yosindiso, Ndinqule igama likaYehova.

116:14b.PSA.116.014 Ewe, ndozizalisa izibhambathiso zam kuYehova, Phambi kwabantu bakhe bonke kalokunje.

116:15b.PSA.116.015 Kunqabile emehlweni kaYehova Ukufa kwakhakhe benceba.

116:16b.PSA.116.016 Okunene, Yehova, ndingumkhonzi wakho, Ndingumkhonzi wakho, unyana womkhonzazana wakho; Uzicombulule iimbophelelo zam.

116:17b.PSA.116.017 Ndiya kubingelela kuwe umbingelelo wombulelo, Ndinqule igama likaYehova.

116:18b.PSA.116.018 Ewe, ndiya kuzizalisa izibhambathiso zam kuYehova, Phambi kwabantu bakhe bonke,

116:19b.PSA.116.019 Ezintendelezweni zendlu kaYehova, Esazulwini sakho, Yerusalem. Haleluya!

117

117:1b.PSA.117.001 Mdumiseni uYehova, nonke zintlanga, Mncomeni, nonke zizwe.

117:2b.PSA.117.002 Ngokuba inamandla kuthi inceba yakhe, Inyaniso kaYehova ingunaphakade. Haleluya!

118

118:1b.PSA.118.001 Bulelani kuYehova, ngokuba elungile, Ngokuba ingunaphakade inceba yakhe.

118:2b.PSA.118.002 Makathi uSirayeli, Ingunaphakade inceba yakhe.