2 John (Shuar)

21

21:1b.2JO.021.001 Wi Juan Yus-shuara uuntri asan ii umai Yus achikma nuna tura ni uchirincha ju papin aateajai. Wisha nekasan atumin aneajrume. Tura aya Wíkichu antsu Ashí Yus-shuar ainia nusha nekas chichaman nekaawaru ásar atumin anenmarme.

21:2b.2JO.021.002 Nekas-chicham tuke amuutsuk ii Enentáin Pujá asamtai aneajrume.

21:3b.2JO.021.003 Yus ii Aparisha tura ii Uuntri Jesukrístusha, Yus Apa Uchiri asa, atumin anenmak imiatkinchanum shiir pujustinian waitnentramak yainmakarti. Nujai nekas-chicham nekaarum anenaittiarme.

21:4b.2JO.021.004 Ame uchiram Yus Apa akupkamujai métek umiiniakui nuna nekaan ti shiir Enentáimprajai. Nekas-chichaman umin ainiawai.

21:5b.2JO.021.005 Yamaikia, umaru, Tájame: mai anenai ajartai. Yamaram akupkamun aattsujme antsu Yámankamtaik antukmiaj nunak Tájame.

21:6b.2JO.021.006 Nekas anenkartinia Nú shuar Yus akupkamun uminiaiti. Tura Yus akupkamuka "anenkartin tuke atarum" tawai. Nusha Yámankamtaiknumia antukuitrume.

21:7b.2JO.021.007 Ju nunkanam anankartincha ti írunui. Jesukrístu nekas aents ajas akiiniamia nuna Enentáimtuiniatsui. Nu shuar anankartin ásar Kristu nemasri ainiawai.

21:8b.2JO.021.008 Nu shuarjai aneartarum. Yajauch shuar ántar yayakrumin Yus átum takasman métek akirmakchamniaiti. Antsu aneara takasakrumin Yus métek akirmakarmi.

21:9b.2JO.021.009 Ashí shuar Kristu Jintíamun iniais "nankaamas nékajai" tana nu, Yúsnachuiti. Antsu Kristu Jintíamun Umíana nu shuar Yus Apajaisha tura ni Uchirijiaisha mai tsanin pujawai.

21:10b.2JO.021.010 Shuar Kristu chichamen Jintíachu Atumí jeen írmástaj tusa jeakui Awayáwairap tura "shiir taume" tiirap.

21:11b.2JO.021.011 Kame nu shuar "shiir taume" Tákumka nu shuar yajauch Jintíamu Jímiareame.

21:12b.2JO.021.012 Ti nukap atumjai áujmatsatniun wakerajai. Túrasha ju papinium mashi aatrashtatjarme. Antsu imia wiki atumin iyakun Jeátjái. Nuyá naka chichasar ti shiir warastatji.

21:13b.2JO.021.013 Ame kaim Yus achikma nuna uchiri amikmaatmainiawai. Nuke Atí.