1 John (Shuar)

11

11:1b.1JO.011.001 Ashí nankamamia Nú yaunchu Yusa Uchiri tuke pujuuyayi. Nusha iisha anturkaitji. Nekas ii jiijiai Wáinkiaitji. Wáinkiarsha ii uwejéjaisha antinkiuitji. Niisha Yúsan ti paant awajeak~u, Chícham Tíminiaiti. Tura tuke iwiaaku átinia nérennuiti. Nuna aateajrume.

11:2b.1JO.011.002 Iwiaaku átinia nérenniusha paant nekanamiayi, nusha Jesukrístuiti. Iisha Nii Wáinkia asar nu étsereaji. Tura tuke iwiaaku átinia nérenniuri asa tuke Yus Apajai pujuyayi. Tura yamaikia iini paant ajatramsakrin atumniasha ujaajrume.

11:3b.1JO.011.003 Ii Yus Apajaisha ni Uchiri Jesukrístujaisha tsaninkiar nekas Chikichík ajaji. Tura atumsha Núnisrumek iijiai Chikichík ajasuk tusar Wáinkiamajnia nuna anturkamajnia nunasha ujaajrume.

11:4b.1JO.011.004 Ti shiir warastarum tusan juna aatjarme.

11:5b.1JO.011.005 Yus Imiá Tsáapnin asamtai kiritin Niinkia penké atsawai. Nu chichaman Jesukrístu iin unuitiamprakrin nuna atumniasha ujaajrume.

11:6b.1JO.011.006 "Niijiai tsaninkia pujaji" Táyatar kiritniunam pujustinia aintsar tunaanum pujakrikia Wáitraji tura nekas pénker ana nu Túratsji.

11:7b.1JO.011.007 Yuska tuke Tsáapninium pujuwiti. Iisha Núnisrik tuke Tsáapninium pujakrikia Nuámtak nawamnaikiar pujuiniaji. Túrakrin Yus ni Uchiri Jesukrístu numpéjai Ashí ii tunaari japirtamji.

11:8b.1JO.011.008 "Wi tunaan Túrichuitjai" Tákurkia ímia iik ananmamaji. Nekas ana nu nékatsji.

11:9b.1JO.011.009 Antsu ii Tunáari Yus paant ujakrinkia Yuska tsankurtamprattaji. Tura ii tunaarin Asakátramprattaji. Yuska ti penker asa Nii tana nuna Tímiatrusan umikmin asa Túrattawai.

11:10b.1JO.011.010 Kame "Tunaan Túrichuitjai" Tákurkia nujai "Yus Wáitriniaiti" taji. Ni chichamesha ii Enentáin pujurtamtsuji.

12

12:1b.1JO.012.001 Yus-shuartiram, tunaanum iniaarairum tusan ju Papí aateajrume. Túrasha Yus-shuar Tunáa Túramtainkia Apa Yusan ii áujturmau awai. Nuka Jesukrístuiti. Niisha ti penkeraiti. Niisha Yúsan áujturmakui Yusjai ataksha iwiaarar pujustatji.

12:2b.1JO.012.002 Jesukrístu ii tunaarin Asakártaj tusa jarutramkamiaji. Túrasha aya iiniunkechu antsu Ashí shuara tunaarin Asakártaj tusa jarukmiayi.

12:3b.1JO.012.003 Yus tana nu umirkurkia nuikia Yus nekas nékaitji.

12:4b.1JO.012.004 Tura shuar "Yúsan nékaitjai" tayat Yus tana nuna umirchakka Wáitrawai. Nekasa nuka ni Enentáin atsawai.

12:5b.1JO.012.005 Antsu shuar Yus tana nuna umireakka Yúsan ti shiir aneawai. Túrakur Niijiai tsaninkiar pujamu nékaji.

12:6b.1JO.012.006 "Yusjai tsaninkia wekaajai" tana Nú shuar Jesukrístu wekasamia Núnisan wekasatniuiti.

12:7b.1JO.012.007 Yatsuru, yamaram akupkamun aattsujrume. Ayatik Yámankamtaiknumia antukmiarum nunak Tájarme. Ashí atumin jintintiamu yaunchu akupkamuiti.

12:8b.1JO.012.008 Túmaitiat nekas yamarma aitkiasnak aateajrume. Nu akupkamun Kristusha nekas iniakmasmai. Atumiincha nu akupkamu nekas paant awajsamuiti. Nujai kiritin menkaatemka asamtai tura nekas tsaapninkia paant tsaapnirtasa pujakui nu akupkamun Ataksháa aateajrume.

12:9b.1JO.012.009 Shuar "Tsáapninium pujajai" Táyat Chíkich Yus-shuaran nakitiakka tuke kiritniunam wekaawai.

12:10b.1JO.012.010 Yus-shuaran aneana nu nekas Tsáapninium pujawai. Niisha iniaatsuk chikichnasha tunaanum ajuarchamniaiti.

12:11b.1JO.012.011 Tura shuar Chíkich Yus-shuaran nakitiakka kiritniunam tuke wekaawai. Tura kiritniunam iimiu asa itiuraani wea nuna nékatsui.

12:12b.1JO.012.012 Uchitirmincha, Jesukrístu jakamujai Atumí tunaari tsankurnaru asakrumin juna aateajrume.

12:13b.1JO.012.013 Uuntirmincha Yámankamtaiknumia tuke pujuuya nu Nekáa asakrumin juna aateajrume. Uunmarutirmincha uunt iwianch nupetka asakrumin juna aateajrume. Uchitirmincha, Yus Apa Nekáa asakrumin aateajrume.

12:14b.1JO.012.014 Uuntirmincha Yámankamtaiknumia tuke pujuuya nu Nekáa asakrumin juna aatjarme. Uunmarutirmincha Atumí Enentáijiai Yus-Chicham umirkarum kakaram asarum íwianch nupetka asakrumin juna aatjarme.

12:17b.1JO.012.017 Aya aentsnumia ana nu yakiyanchuiti. Apa Yus Súsachuiti. ṡWarimpiait nu? Júiti: ame ayashim wakerana nusha, ame iisam takustaj Támena nusha, tura nankaamantu ajastin. Nuka ju nunkanmaya ainiawai. Shuar aya nunak wakerak Yúsnaka aneatsui. Kame ju nunkasha amuukattawai. Ashí nu wakeruktincha ti nekas amuukattawai. Túrasha shuar Yusa wakeramurin Umíana nu tuke iwiaaku pujustatui Yusjai. Nu asamtai atumsha ju nunkanam ana nu pachikiairap. Tura aya Juyá ana nu aya Tákustin Enentáimsáip.

12:18b.1JO.012.018 Uchirú, amuukatin tsawant jeatemayi. Atumsha Kristu nemasri Tátin antukuitrume. Yamaikia Untsurí Kristu nemasri wantinkiarmatai amuukatin tsawant jeatemayi.

12:19b.1JO.012.019 Nusha ii weeak ármayi. Túmaitiat nekas Yus-shuar ácharmayi. Nekas Yus-shuar ainiakka tuke iijiai irunar pujuaraayi. Tura Jíinkiarmatai nekas Yus-shuarcha ainia nu paant nekanamniaiti.

12:20b.1JO.012.020 Antsu atumniaka Yusa Shiir Wakanin Kristu suramsamtai Ashí paant nékarme.

12:21b.1JO.012.021 Nékachuitrume tu Enentáimkiun aattsujrume. Antsu nekas chicham ana nu neka asakrumin paant aatjarme. Wáit-chichamsha nekas-chichamsha penké nushaachuk ainia.

12:22b.1JO.012.022 Wáitrin Júiti: Jesusan "Yus anaikiamuka Krístuchuiti" tana Núiti. Núiti nekas Kristu nemasri. Yus Apancha ni Uchirincha nakitia asa Kristu nemasrinti.

12:23b.1JO.012.023 Yusa Uchirin nakitiainia nu Yus Apajaisha tsanin pujatsui. Tura Yusa Uchirin shiir awajea nu, Yus Apajaisha tsanin pujawai.

12:24b.1JO.012.024 Yámankamtaiknumia antukmiarum nu Atumí Enentáin pujurtamsati. Nu Túrakrum atumsha Yusa Uchirijiaisha Yus Apajaisha tuke tsaninkrum pujustatrume.

12:25b.1JO.012.025 Jesukrístusha Niijiai tuke iwiaaku pujustinian tsankatramkaitji.

12:26b.1JO.012.026 Anankartin írunkui juna aatjarme.

12:27b.1JO.012.027 Atumniasha Jesukrístu Yusa Shiir Wakanin suramsakrumin, nu Wakan tuke pujurtamkurmin shuar jintintramatin atsumatsrume. Antsu Yusa Wakani Ashí jintintramprume. Ni jintintrammasha Imiá nekas asa Wáitchaiti. Tuma asamtai Nii jintintramna aintsarum Krístujai tuke tsaninkrum pujustarum.

12:28b.1JO.012.028 Yamaikia, uchiru, Krístujai tuke tsaninkrum wekasatarum. Nu Túrakrikia Nii Támatai natsamtsuk ti shiir inkiunaiktatji.

12:29b.1JO.012.029 Atumsha Jesukrístu ti penkera nu nékarme. Núnisan Ashí shuar pénkeran Túruinia nuka Yusa uchiri ainiawai. Nusha nekaatarum.

13

13:1b.1JO.013.001 Maa, shiir Enentáimpratarum. Yus Apa ti anenma asa "winia uchir" tu anaitiamkaitji. Kame nekas ni uchirintji. Tuma asakrin Jú nunkanmaya Yús-shuarcha nekarmainiatsji. Kame Yusnasha nékainiatsui.

13:2b.1JO.013.002 Aneamu yatsurtirmea, juna Tájarme: nekas Yusa uchiri ajasuitji. Kame ukunam urukuk átaj~i nusha nékatsji. Túrasha ju paant nékaji: Jesukrístu Támatai imia Nii paant Wáinkiar Niijiai métek ajastatji.

13:3b.1JO.013.003 Tura shuar shiir Enentáijiai nuna Nákakka imia ninki shiir awajmamui Jesukrístujai métek shiir atajai tusa.

13:4b.1JO.013.004 Shuar Tunáa Túrakka Yus akupkamu umirkachuiti. Kame Núiti tunaaka Yus akupkamu umirkashtin.

13:5b.1JO.013.005 Jesukrístu ii tunaari Asakártaj tusa ju nunkanam Támia nu nékarme. Tura Ninkia tunaan Túrichuyayi.

13:6b.1JO.013.006 Tuma asamtai shuar Niijiai tsanin Wekáa nuka tunaanum wekaatsui. Antsu shuar tunaanum wekaakka nu shuar Krístun Wáinchaiti, Núnisan nékachuiti.

13:7b.1JO.013.007 Uchiru, shuar anankramawairap. Pénker Túrinkia Kristu ti penker asamtai niisha pénkeraiti.

13:8b.1JO.013.008 Antsu shuar tunaanum wekaana nu iwianchnaiti íwianch tuke tunaan Túrin asamtai. Yusa Uchiri ju nunkanam Táwiti Ashí íwianch Túramun emesrataj tusa.

13:9b.1JO.013.009 Shuar nekas Yusjai akiinia nu tunaanum wekaatsui. Yusa uchiri asa Yusa iwiaakmarijiai wekaawai. Tuma asa tunaanum tuke wekaatsui.

13:10b.1JO.013.010 Shuar pénker Túratsna nuka tura Yus-shuaran kajera nuka Yus-shuarchaiti. Nujai Yusa uchiri ainia nusha tura iwianchi uchiri ainia nusha paant nekaamniaiti.

13:11b.1JO.013.011 Atumsha Yámankamtaikniumia chicham antukmiarum nu Júiti: mai anenai ajartin.

13:12b.1JO.013.012 Iisha Kaínkia aanin áchatniuitji. Iwianch-shuar asa ni yachin Máamiayi. Tura ṡurukamtai maamia? Enentaimprata. Nii yajauch asa tura ni yachi pénker asamtai Máamiayi.

13:13b.1JO.013.013 Yatsurtiram, ju nunkanmaya shuar nakitramainiakui ti Enentáimsairap.

13:14b.1JO.013.014 Iikia Jákatniunmaya uwempra asar~i nekas iwiaaku pujaji. Túmakur Yus-shuar ainia nu aneaji. Nujai yamaram iwiaakma takakjinia nu Imiá Páantaiti. Shuar Yus-shuaran aneachkunka tuke Jákatniunam wekaawai.

13:15b.1JO.013.015 Shuar Yus-shuaran nakitiakka mankartinia Núnisaiti. Tura mankartinkia tuke amuicha iwiaakmanum pujuiniatsui. Nuka nékaji.

13:16b.1JO.013.016 Jesukrístu iin jarutramka asakrin nujai nekas iin anenmaj nu nékaji. Iisha Núnisrik Yus-shuar ainia nu ti aneakur ni yaintai tusar jarukmin átiniaitji.

13:17b.1JO.013.017 Túrasha shuar Chíkich Yus-shuar atsumana nuna takakiat waitnentachkunka nekas ni Enentáijiai Yúsan aneawash.

13:18b.1JO.013.018 Uchiru, aya Chíchamjain anenain áchatniuitji antsu nekas aneniakur pénker Túrar Yáiniaiktiniaitji.

13:19b.1JO.013.019 Jujai ii Yúsai sapijmiatsuk jeatniusha tura nekas Yus-shuaraitji nu nekaatniusha nekapmampramniaitji.

13:20b.1JO.013.020 Ii Enentái yajauch Túramun Enentáimtikramkurnisha Yus iijiai nankaamas Ashí mash nékatsuk.

13:21b.1JO.013.021 Tura, aneamu yatsurtiram, ii Enentái yajauch Túramun Enentáimtikramchakrinkia Yúsai sapijmiatsuk jeamniaitji.

13:22b.1JO.013.022 Tura ni wakeramu Túrakrikia tura ni chichamesha umiru asakrin Ashí ii seaj nuna suramsattaji.

13:23b.1JO.013.023 Júiti Yus akupkamu: ni Uchiri Jesukrístu nekas Enentáimtustin tura Kristu timia aintsarik shuartisha mai anenai ajartin.

13:24b.1JO.013.024 Shuar ni chichamen Umía nuka Yusjai tsanin wekaawai tura Yus niijiai tsanin wekaawai. Mai chikichik ajasu ainiawai. Tura Yusa Wakani ii Enentáin Pujá asamtai nujai Yus iijiai tsanin wekaana nu nékaji.

14

14:1b.1JO.014.001 Aneamu yatsuru, Untsurí shuar Wáitruiniak "wi Yúsnan etserniuitjai" tuiniawai. Tuma asamtai Ashí shuar "wi Yusa Wakanin takakkun chichaajai" tuinia nu pénker nekaptsuk Enentáimtusairap. Antsu iisrum nekas Yusa Wakanímpiashit tura Chíkich wakaniashit nu nekaatarum.

14:2b.1JO.014.002 Jujai nekapsarum ya nekas Yusa Wakanin takaka nu nekaattarme: Shuar "Jesus Yusa Uchiri Krístuitiat nekas aents ajas ayashimkiamiayi" tana nu Yusa Wakanin nekas takakui.

14:3b.1JO.014.003 Tura Jesusan tu Enentáimtatsna nuka Yusa Wakanin takaktsui antsu Kristu Nemasrí wakanin takakui. Kame Kristu nemasri wakan Tátin tama ántichukaitrum. Nu wakan yamaikia ju nunkanam Táwiti.

14:4b.1JO.014.004 Uchiru, átumka Yusna asarum Yus Atumí Enentáin pujawai. Tura ju nunkanmaya shuara Enentáin íwianch pujawai. Atumiin pujana nuka niijiai nankaamas kakaram asamtai Wáitrin ainia nu nupetkaitrume.

14:5b.1JO.014.005 Niisha ju nunkanmaya ásar aya ju nunkanmayan áujmatainiawai. Túmainiakui ju nunkanmaya shuar ti penker anturainiawai.

14:6b.1JO.014.006 Antsu iikia Yúsnaitji. Tuma asakrin Yúsan nékainia nu anturtamainiaji. Tura Yúsnachu ainia nu anturtamainiatsji. Nujai nekas Wakanin takakusha tura Wáitrin wakanin takakusha nekaamniaiti.

14:7b.1JO.014.007 Aneamu yatsuru, anenaitin Yúsnumia asamtai mai anenai ajartai. Shuar anenkratniua nuka Yusa uchiri asa Yúsnancha nékawai.

14:8b.1JO.014.008 Shuar anenkratcha nuka Yúsnanka nékatsui. Kame Yuska tuke anenkratniuiti.

14:9b.1JO.014.009 Tuma asa ni Uchiri chikichkiniak ju nunkanam akupturmakmiaji. Iisha ni Túrunamujai nekas iwiaaku pujaji. Nujai Yus iin Yáinmak ni anenkrattain paant iniakturmasmiaji.

14:10b.1JO.014.010 Jujai nekas anenkrattainkia paant nekanamniaiti: ii Yus aneaj Núchaiti. Antsu ii ti Tunáa árinin Nii aneachmaitiatan Yuska ti anenma asa ni Uchirin ii tunaarin Asakárat tusa akupturmakmiaj nujai nekas nekanamnaiti.

14:11b.1JO.014.011 Aneamu yatsuru, Yus Núnis anenma asakrin iisha Núnisrik mai anenai ajartai.

14:12b.1JO.014.012 Chikichkisha Yúsan Wáinkiachuiti. Túmaitiat mai anenai ajakrikia Yus ii Enentáin pujurtamkui Niijiai métek anenkratin ajaji.

14:13b.1JO.014.013 Yus ni Wakanin suramsa asakrin Yus iijiai tsanin wekaana nusha tura ii Niijiai tsaninkia wekaajnia nusha, nujai nékaji.

14:14b.1JO.014.014 Yus Apa ni Uchirin Ashí shuaran uwemtikrarat tusa ju nunkanam akupkamia nu Wáinkia asar~i étsereaji.

14:15b.1JO.014.015 "Jesus Yusa Uchirinti" tana nu shuarjai Yus tsanin wekaawai tura niisha Yusjai tsanin wekaawai. Mai chikichik ajasu ainiawai.

14:16b.1JO.014.016 Yus iin anenmajnia nu ti nekas nékaji. Yus tuke anenkratniuiti. Tuma asamtai shuar anenkartakka Yusjai tsanin wekaawai tura Yussha niijiai tsanin wekaawai. Mai chikichik ajasu ainiawai.

14:17b.1JO.014.017 Núnisar ti penker anenkartin ajaji. Túrar~i Súmamtikiatin tsawantai natsamtsuk wajastatji. Kame ju nunkanam pujayatrik Jesukrístujai méteketji.

14:18b.1JO.014.018 Nekas anenaiyamunam Sápij atsawai. Antsu nekas anenaiyamunam Sápij menkaawai. Aya Asutiátin akui sapijmiaktinaiti. Tuma asamtai ántar sapijmiana nu nekas anenkratchaiti.

14:19b.1JO.014.019 Yus emka iin anenma asakrin iisha Nii aneaji.

14:20b.1JO.014.020 Tura shuar "wi Yúsan aneajai" Táyat Chíkich Yus-shuaran nakitiakka nuka Wáitriniaiti. Kame Yus-shuaran tuke wainnia nuna aneachkunka ṡitiurak Yusan Wáinchasha aneat?

14:21b.1JO.014.021 Yus incha juna turammiaji: Yúsan anea nu shuar Chíkich Yus-shuarnasha aneatniuiti.

15

15:1b.1JO.015.001 Ashí "Jesus Yusa Uchiri Krístuiti" tu Enentáimtana Nú shuar Yusa uchirinti. Tura apari aneakrikia ni Uchirísha aneattaji.

15:2b.1JO.015.002 Yus Apa aneakur tura Nii wakera nu umirkur Yusa uchirisha Ashí aneattaji.

15:4b.1JO.015.004 Yus aneakur Nii tana nu umiktatji. Ashí Yusa uchiriya nu Yúsan nekas Enentáimta asa, Ashí ju nunkanmaya írunna nuna Núpeteawai. Nu asamtai Yus tana nu umirkatin itiurchatchaiti.

15:5b.1JO.015.005 Aya "Jesus Yusa Uchirinti" tu Enentáimtana Nú shuar ju nunkanmaya ana nuna awakkamniaiti.

15:6b.1JO.015.006 Jesukristu Jú nunkanam taa entsajai imiankui Yus nayaimpinmaya chichaak "Juka winia aneamu Uchiruiti" Tímiayi. Tura Nuyá Jesus jakamtai ni numpé puarmiayi. Entsajai imianin ni takatrin nankamamiayi Túrasha iin jarutramak ni takatrin amukmiayi ju nunkanam. Chikichkinkia Túrutsuk mai metek Túra asamtai Yusa Uchiriya nu paant nekanamniaiti. Yusa Wakanisha tuke nekas tiniua nu métek tawai.

15:8b.1JO.015.008 Nu asamtai menaint "Yusa Uchirinti" Jesusan tuiniawai: Nayaimpiniam Yus Apa tura Jesukristu, Chícham aa nu, tura Yus Wakancha; nunkanmasha Yus Wakancha, entsasha tura numpasha. Mash métekrak tuiniawai.

15:9b.1JO.015.009 Aents étserainiakui ántureaji. Nuna nankaamas Yus ni Uchirin tana nu nekas anturkatniuitji.

15:10b.1JO.015.010 Yusa Uchirin Enentáimtana Nú shuar ni Enentáincha nékawai. Antsu Yus ni Uchirin timian Enentáimtatsna Nú shuar Yúsan Enentáimtachu asa Yúsan "Wáitriniaiti" tawai.

15:11b.1JO.015.011 Yus ni Uchirín timia Júiti: Tuke iwiaaku pujutai nérenniuiti tura nu iwiaakmancha iin suramsaitji.

15:12b.1JO.015.012 Yusa Uchirijiai tsanin wekaana Nú shuar, nu iwiaakmajai iwiaaku pujuiniawai. Tura Yusa Uchirijiai tsanin wekaatsna Nú shuar, nu iwiaaku átinnium pujatsui.

15:13b.1JO.015.013 Yusa Uchiri nekas Enentáimtakrum tuke amuicha iwiaakmajai iwiaaku pujarme. Nu nekaatarum tusan juna aatjarme.

15:15b.1JO.015.015 Yus wakeramujai métek seakrinkia anturtamji. Tura anturtamkurin ii seamaj nu nekas takusua nu Enentáimpramniaitji. Nu neka asar Yus ti shiir Enentáimtaji.

15:16b.1JO.015.016 Tunáa awai Jákatniunam Júana nu. Shuar nu tunaan Túramtainkia Yus áujtustin ántraiti. Tura shuar Chíkich tunaan Túrakuinkia nuka nekas Yus áujtustiniaiti. Nekas Jákatniunam Júatsna Nú tunaan Túraitkiuinkia iwiaaku átinian Yus susattawai.

15:17b.1JO.015.017 Ashí yajauch~i ana nuka tunaiti. Tura Jákatniunam Júatsna Nú tunaasha awai.

15:18b.1JO.015.018 Nekas Yusjai akiinia Nú shuar tunaanum tuke wekaatsui. Antsu Yusa Uchiri niin ti penker wainkiui íwianch antinkiachminiaiti.

15:19b.1JO.015.019 Iikia nekas Yúsnaitji tura Ashí ju nunkanmaya shuar iwianchnia ainiawai.

15:20b.1JO.015.020 Yusa Uchiri ju nunkanam taa nekas-Yus aa nuna paant jintintramji. Yusa Uchiri Jesukrístujai tsaninkia wekaakur nekas-Yusa nujaisha tsaninkiar wekaaji. Nekas-Yus asa tuke iwiaaku átinia nuna nérenniuiti.

15:21b.1JO.015.021 Uchirú, ántar-yus írunna Nuí pachiinkiairap. Antsu nujai aneartarum. Nuke Atí.