James (Shuar)

1

1:1b.JAM.001.001 Wi Sántiak Uunt Yúsan tura Núnisan ii Uuntri Jesukrístun umirin asan ju papin aajai. Ashí Yus-shuartirmin Ashí nunkanam tsakinmakarum matsatrumna nuna amikmaajrume.

1:2b.JAM.001.002 Yatsuru, Ashí itiurchat Wáinkiurmesha tuke warastarum.

1:3b.JAM.001.003 Iis, itiurchatnum pujakrum nekas Yus Enentáimtaitkiurmeka katsuntratin unuimiartatrume.

1:4b.JAM.001.004 Tura tuke Páchiachkuram, tuke katsunteakrum, nuikia Yúsjai ti penker katsuartatrume. Penké atsumashtatrume.

1:5b.JAM.001.005 Atum Nánkamsarmek nekaatin tujintiakrumka Yusa nekatairi seata. Shuar seakui Yuska kajetsuk tura ementutsuk antsu patatas Súawai. Tuma asamtai seakminkia suramsattawai.

1:6b.JAM.001.006 Túrasha Yus nekas Enentáimtusam, "Túratpiash" Tútsuk seata. "Cha, nékatsjai surustimpiash" tu seakmeka ántram seame. Nayaantsa tsukaturi Juní taa, Atúu waketki ajatsuk. Amesha aintsamek Túmame.

1:7b.JAM.001.007 Enentáimiin Núnisketkuinkia, seamna nuna Yus penké suramsashtatui.

1:8b.JAM.001.008 Shuar Jimiará Enentáimna nuka shiir wekasatniun tujintiawai.

1:9b.JAM.001.009 Yus-shuar, ju nunkanam Kuítrincha ainia nu, Yus shiir awajsamu nujai warasti.

1:11b.JAM.001.011 Tura Yus-shuar Kuítrinniuitkuisha péejchach Enentáimtikramsha warasti. Iis, nupa Kuánkam tura nantu ti sukuam kaar miniatsuk. Kuítrinniuka ántsankete. Tuke Súrutnak pujurkusha itiurchat Wáiniuk Wárik amuukattawai.

1:12b.JAM.001.012 Shíiraiti shuar ni Itiurchatríin nekas katsunteana nuka. Nekapsam Jíinkiunka akinkiatniun Wáinkiattawai. Iwiaaku átinian, tawasap achiktinia Núnisan, Wáinkiattawai Yus ni aneam tsankatka nuna.

1:13b.JAM.001.013 Shuar Tunáa Túramnia nekapeakka "Yus nuna útsutrutui" tu Enentáimprashtiniaiti. Yuska yajauch Túramnia Enentáimtsui Túrasha Niisha penké chikichkinkesha tunaanum útsuchuiti.

1:14b.JAM.001.014 Antsu ni wakeramurijiain aents tunaan ninki ikiatmamkaiti yajauch Túratniun. Nújainkia tunaanum útsukmaiti.

1:15b.JAM.001.015 Nu yajauch wakeramunmaya Tunáa akiiniui. Tura nu Tunáa mash amuukamtai Jákatin akiiniui.

1:16b.JAM.001.016 Yatsuru, aneakun Tájarme, ananmamawairap.

1:17b.JAM.001.017 Ashí pénker ana nu, Ashí shiir ana nusha nayaimpinmaya Yusak amasuiti. Yus Ashí Tsáapninia nuna najanaiti. Tura Niin kiritin atsain Yapajítsuk tuke Tsáapniiti.

1:18b.JAM.001.018 Nii wakera asa ni nekas chichamea nujai ni uchiri najatmamji. Tura Ashí ukunam átatna nujai ii émkaitji.

1:19b.JAM.001.019 Tuma asamtai aneamu yatsuru, Wárik chichastin Enentáimprairap antsu antuktin emka Enentáimprata. Núnisan Wárik kajekaip.

1:20b.JAM.001.020 Kajena nuka Yus pénker wakeramun Túratsui.

1:21b.JAM.001.021 Nu asamtai, Ashí pénkercha nu tura Ashí yajauch írunna nusha iniaisata. Tura tuke Enentáijiai Yus-Chicham ame Enentáimin araamu anturkata. Tura nu Chicham kakarmaiti uwemtikrampratniun.

1:22b.JAM.001.022 Yus-Chicham umikta. Aya ántukaip. Aya ántakmeka amek ananmamattame.

1:24b.JAM.001.024 Shuar íspikia iimiak ni yapin wapikian Wáiniak tura Nuyá Jáupmitsuk we, ni urukuit nuna Wárik kajinmatkishtimpiash. Shuar Yus-Chicham umitsuk aya ántana nuka nujai métekete.

1:25b.JAM.001.025 Yus tana nujai ankant ajasminiaiti. Shuar iispikia iimia aintsan nekas Yus pénker Táman tuke iniaitsuk Enentáimtus, nu shuar kajinmattsuk aya antukchattawai antsu tuke umiktatui. Tura ti shiir waras pujustatui.

1:26b.JAM.001.026 "Nekas Yúsan shiir umirjai" tana nu tura eseer chichaachkunka imia ninki ananmamui tura "Yúsan shiir umirjai" tana nuna ántar tawai.

1:27b.JAM.001.027 Nekas Yus Apa awajitsuk shiir umirkatin Júiti: mitiaikiasha wajesha itiurchatnum pujuiniakuisha Yáintiniaiti tura ju nunkanam Ashí Tunáa ana Nújaisha Máatrashtiniaiti.

2

2:1b.JAM.002.001 Yatsuru, ii Uuntri Jesukrístu ti shiir nankaamantua nu enentaimtatirmeka shuar akantratin Enentáimsairap. Shuara Enentái Enentáimtsuk antsu aya Pátatke Wáinmena nujai aents akantram Niisháa Enentáimturairap.

2:2b.JAM.002.002 Iis, iruntrumna nui shuar Kuítrintin Kurí aniyu aweera tura pénker iwiarmampra wayashtimpiash. Tura Núnisan Chíkich Kuítrincha aruta entsaru wayashtimpiash.

2:3b.JAM.002.003 Tura Kuítrinniua nu "Pénkera jui pujusta" Tíchatameash. Tura Kuítrinchaka "Atu wajauta, Túrachkumsha jui nunkansha pujusta" Tíchatameash.

2:4b.JAM.002.004 Nu Tákumka yajauch Enentáimpram Jimiará Enentáijiai aents Enentáimtame.

2:5b.JAM.002.005 Aneamu yatsuru, antuktarum. Ju nunkanam Kuítrincha ainia nuna Yus achikiuiti Ní shuar ajasar Niin nekas enentaimtin ajasartinian. Tura Ashí nayaimpiniam írunna nunasha Yus niin tsankatkattawai. Ashí shuar Yúsan aneena nuna anajmatra asa niin tsankatkattawai.

2:6b.JAM.002.006 Atum antsu Kuítrincha natsant awajearme. Iista, Kuítrinniua nuka Timiá itiurchat awajtamainiatsuk. ṡNuikia Níichuk ainia achirmak Kapitiánnium japiki Júramprumna nu?

2:7b.JAM.002.007 ṡNínkichuk ainia Kristu naari shiira nuna ántar pachikiar penké yajauch áujmatainia nu? Tura átumka nuna naari tuke shiir awajkurmin, Ashí shuar "Kristu shuari" Túramainiawai.

2:8b.JAM.002.008 Yus-Chichamnum ju akupeamu nekas pénkeraiti: "Ame ayashim aneamna Núnismek ame írutramuram aneeta." Nu nekas umirniuitkiurmeka maak.

2:9b.JAM.002.009 Nú enentaijiai Kuítrinniujai chichasminiaiti. Tura Nuyá Kuítrinchajai shiir chichaachkumka, Niisháa Enentáimta asam, nu akupkamu umirkachuitme. Tunáa Túrame. Núnismek Yusa akupeamurijiai amek sumamame.

2:10b.JAM.002.010 Chíkich akupkamu írunna nu Ashí umikiam tura aya chikichik akupkamu umikchamka nuikia Ashí akupkamu umircha ajasume.

2:11b.JAM.002.011 Iis, Ninki Yúsak chichaak Tíchamka "tsanirmawaip." Tura chikichnasha "mankartuawaip" Tímiayi. Nu asamtai, shuar tsanirmatsuk Túrasha mankartakka ni wakeramun umirtsui.

2:12b.JAM.002.012 Kristu ankant awajtamsamtai ii Yamái ni akupeamuri Yúpichuch umirkamniaitji. Nu asamtai nu akupkamujai métek wekakurninkia Yus "pénker Túraitme" turamtatji. Tura umikchakrinkia "pénker umikchaitme" turamtatji. Tura nu Enentáimsar pénker chichasar takasar wekasatniuitji.

2:13b.JAM.002.013 Chikichan waitnentachkunka waitnennatsuk Asutniáttawai. Tura waitnenkratniuitkiurninkia tsawant jeamtai Yus iin waitnentramprattaji.

2:14b.JAM.002.014 Yatsuru, shuar "Yusan shiir Enentáimtajai" Táyat tura pénker Túrachkuinkia pénkerashit. Nujai uwemprattawak.

2:15b.JAM.002.015 Wátskea, Yus-shuar, aishmansha nuwasha, Entsátáirin tura yurumken atsumashtimpiash.

2:16b.JAM.002.016 Tura ame nékayatmek ayashi atsumana nu Sútsuk Tíchatapash "Pénker Wetá, entsatai entsaram Túram pénker Yurumáta." ṡNu Sútsuk Tákum pénkerkait?

2:17b.JAM.002.017 Núnisan takatsuk Yus Enentáimtustin ántraiti.

2:18b.JAM.002.018 Tura shuar Tíchanpiash, "Chíkich takaawai tura chikichcha Yúsan shiir Enentáimtawai. Mai pénkerchakait" tichanpiash. Wats, ame Yus Enentáimtamu takatsuk paant inaktusminiashitiam. Tura wi antsu pénker takatrujai Yus Enentáimtamun paant inaktustatjai.

2:19b.JAM.002.019 Nekas Yus chikichkiiti tu Enentáimtame. Nuka pénker Túrame. Túrasha iwianchcha nunasha nékainiawai. Tura umircha ásar ashamainiawai.

2:20b.JAM.002.020 Netse Enentáimpraip. Ashí Yus wakera nu takaachkumka, Yus Enentáimtustin ántraiti. ṡNu nekaatin wakeramek? Iista.

2:21b.JAM.002.021 Apraáman Yus chicharuk "Winia ti shiir awajtusat tusam ame uchiram Isak maam surusta" tutai suritkiachmiayi. Máachiat suritkiachmiayi. Tura suritkiacham Yus "Pénkeraitme" Tímiayi Apraáman.

2:22b.JAM.002.022 Páantchakait. Apraám Yusa shiir Enentáimtak umirkamiayi. Umirtsuk Yúsan Enentáimtakka nuikia ántar Enentáimtiaayi. Tura umirak Yus Enentáimtamun umikmiayi.

2:23b.JAM.002.023 Nujai Yus-Chicham aarma nu uminkiamiayi. Juiti: Apraám Yúsan shiir Enentáimtusmiayi tura Yus chicharuk Tímiayi "Máakete. Nújainkia tuke pénker Túraitme Wijiai" Tímiayi. Apraámsha nekas "Yusa Amikri" tu Náamkamiayi.

2:24b.JAM.002.024 Páantchakait. Shuar aya Yúsan shiir Enentáimtamujainchuk tura pénker takasmajaisha Yus niin shiir Enentáimtawai.

2:25b.JAM.002.025 Núnisan Raap tsanirmataiyayi. Túmaitiat Israeran suntarin mamikmauta tusar akupkamun ni jeen itiaawar tura úukar Chíkich Jíntianam akupak uwemtikrarmiayi. Nuna Túramtai Yus "pénkeraitme" Tímiayi nincha.

2:26b.JAM.002.026 Ayash wakantichuka Jákachukait. Núnisan Yus Enentáimtustin tura ni wakeramu takaachkurkia, jaka aintsan ántraitji.

3

3:1b.JAM.003.001 Atum Untsurí jintinkiartin ajastin wakerukairap. Yus iin, jintinkiartin ájinia Núnaka, nankaamas neka asar, awajiakrin nankaamas Yus Asutiámattaji.

3:2b.JAM.003.002 Iis, Ashí mash ti awajiatsjik. Tura shuar chichaak, aya pénkernak chichaakka, nu shuar tuke eseer Enentáimniuiti. Tura Ayashíisha tuke pénker ana nuna Túriniaiti.

3:3b.JAM.003.003 Kawaisha Enentáimpratai. Jiru wenuchiniam ikiursam ni ayashi Ashí ayantaatsuk.

3:4b.JAM.003.004 Kanusha ti uuntaitiat tura kakaram wéayat ishitiapach wiantaijiai shuar wakera nui ayantarminiaiti.

3:5b.JAM.003.005 Núniskete ii iniai. Timiá ishitiapchitiat awakmaktinia Tímianu chichaatsuk. Ji ishichik kapaajai Ashí numi tsaruaku ekeemakchamniakait.

3:6b.JAM.003.006 Ii iniaisha jijiai métekete. Ashí Tunáa Piákuiti. Tura ii Ayashíin Tunáa Túratniun útsutmaji. Túnkuruanmaya jijiai Ikiapármaiti tura Ashí ii wekajnia nui émeseawai.

3:7b.JAM.003.007 Shuar Ashí yajasman nawamkamin ainiawai. Ashí kajen írunna nunasha, nanamtincha, napincha, tura entsayancha Ashí nawamkaruiti.

3:8b.JAM.003.008 Tura iniaikia penké nawamkachminiaiti. Ti yajauch asa penké nupetkachminiaiti. Iniaikia ti Taráa tseasaiti.

3:9b.JAM.003.009 Nu iniaijiai Yus Apa shiir awajeaji tura nu iniaijiain aentsti yajauch Chichárnaiyaji. Aentsun Yus Niijiai métek-taku najanamaitiatar yajauch chicharnaiyaji.

3:10b.JAM.003.010 Nu iniaijiain pénkersha tura yajauchisha chichaaji. Yatsuru, nuka penké atsutniuiti.

3:11b.JAM.003.011 ṡPúkuninmaya entsa Sáawijiai kusuku Jíinkimniakait?

3:12b.JAM.003.012 Yatsuru, ṡKushinkiap shuinian nereawak. Munchisha kushinkiapen nerektatuak? Núnisan Púkuninmaya entsa Sáawijiai kusuku Jíinkichminiaiti. Ii iniaijiai Núnisan aya pénkera nu chichastiniaitji.

3:13b.JAM.003.013 Shuar ti neka Enentái takakna nu, pénker Túrattawai. Nekas nékaitkiunka péejchachia Núnis tuke pénker ana nuna Túrattawai.

3:14b.JAM.003.014 Antsu Atumí Enentáijiai penké yajauch Enentáimtunairum tura atumek pénker pujustin Enentáimtumarum, nékaitiatam pénker Túrachiatam "pénkeraitjai" tiip. Nuka Wáitrame. Nekaska Núchaiti.

3:15b.JAM.003.015 Nú enentaikia Yúsaiyanchuiti. Antsu ju nunkanmayaiti, shuara Enentáiyaiti, Núnisan iwianchnumiaiti Nú enentaikia.

3:16b.JAM.003.016 Shuarsha yajauch Enentáimtunairar tura ninki Enentáimtumainiakui, nujai Ashí meseawai tura Ashí yajauch ti awai.

3:17b.JAM.003.017 Antsu Yusaiya Enentái takakua nu Júnisaiti: Ashí nankaamas emka eseeratin, Nuyá nawamkartin, shiir Ajá, pénker anturnain, waitnenkratin, Ashí pénker Takáa tura anantsuk naka chichamtin.

3:18b.JAM.003.018 Eseera Enentáimsatniusha shiir takawai Ashí shuar pénker ana nuna Túrawarti tusa.

4

4:1b.JAM.004.001 ṡUrukamtaitsuk tuke kajernaikiarum ti Máanaisrum pujarum. Mesetnumsha urukamtai wéarum? Júnisaiti: Atumin yajauch Enentái katsuntrachmin útsutmakrumin tuke Máaniarme.

4:2b.JAM.004.002 Wakerarmena nu takustin wakerarme tura nu wakeramu takustin jeachkuram nérentin maarme juruktiaj tusam. Chíkich takakna nujai itit Enentáimtuniarme tura ataitin tujinkiam Máanaitrume. Wakerarmena nusha Yus seachu asarum Wáintsurme.

4:3b.JAM.004.003 Tura seakrumsha yajauch searme. Atumí pénkerijiai warastin Enentáimiu asarum searmena nusha Wáintsurme.

4:4b.JAM.004.004 Jú nunkanmaya wakerakum Yusa nemasrijiai tsanirma aintsanketrume. Nékatsrumek atumsha. Ju nunkanmayan wakerakrikia Yusa nemasrintji. Shuar ju nunkanmayan wakerakka Yusa nemasri ajawai.

4:5b.JAM.004.005 Yus-Chicham juna tawai: Yus ni Wakaní ii Enentáin apujturmasuitji. Nu Wakan iin anenma asa ti akasmatramaji, Táwai. Tura nuna ṡántrankeash ta?

4:6b.JAM.004.006 Tura anenma asa ti Yáinmaji. Tuma asamtai Yus-Chicham tawai: Kajemtinian Yus iistatui tura péejchachin Yus niin aneak ti shiir Yáintatui, tawai.

4:7b.JAM.004.007 Yusai ikiumastarum, tura íwianch taritratarum. Túrakrumin íwianch ikiurmaktiatui.

4:8b.JAM.004.008 Yúsainí weamkata tura Nii atumin wearmaktatrume. Tunáa shuartiram Kristu numpejai nijiamartarum. Tura átum, Yussha tura ju nunkanmayasha mai métek wakerarmena nu, Atumí Enentái naka eseeratarum.

4:9b.JAM.004.009 Atumí tunaari Enentáimsarum Kúntuts Enentáimpratarum. Nu Kúntutsjai ti uuttiarum. Nuik shiir Enentáimprarum wishikmiarumna nuka iniaisarum Kúntuts Enentáimprarum uuttiarum.

4:10b.JAM.004.010 Yusjai péejchach ajasta, Túrakmin shiir awajtamsattawai.

4:11b.JAM.004.011 Yatsuru, yajauch áujmatnaisairap. Yus-shuar ni yachin yajauch áujmatas tura Yachí tunaari tuke áujmatuk Yus "aneniatarum" tana nuna umichuiti. Antsu umichu asa "nu akupkamu ántraiti, umirkashtiniaiti" tawai nu shuar. Nujai nu shuar umirtsuk Yus akupkamu nankaamas Enentáimtumawai.

4:12b.JAM.004.012 Yus Ninki akupkamu najana asa Ninki nu akupkamu umirkamun nekas nekaamniaiti tunaashit tusa. Nínkiti uwemtikratniun tura emesratniunam akupkatin jea nu. Amesha Yáitiam chikicha tunaari iistincha.

4:13b.JAM.004.013 Watsek, átum áujmateakrum "Arumsha kashincha nu péprunam weri nui chikichik Uwí takasar kuit achiktatji" Tíchattarpash.

4:14b.JAM.004.014 Ishichkisha penké nékatsrume kashin átatna nu. Ju nunkanam ii iwiaakmari Wárik Amúatsuk. Yurankim utsanar tura nantu sukuam mash Wárik menkaatsuk. Núnisketji.

4:15b.JAM.004.015 Antsu Júnis Tíminiaitrume: "Yus wakerakuinkia iwiaaku pujakrikia nusha Túrattaji" titiarum.

4:16b.JAM.004.016 Túrachkurmeka átumka Yusjai nankaamantu Enentáimprume. Tura Ashí nu Enentáikia yajauchiiti.

4:17b.JAM.004.017 Shuar pénker Túratniun nékayat, Túrachkuinkia, nuka tunaiti.

5

5:1b.JAM.005.001 Kuítrinniutiram ju antuktarum. Ti uuttiarum. Ti Wáitsatin asarum ti kakantra uuttiarum.

5:2b.JAM.005.002 Kuítrum mash mamukarai tura iwiarmampramurmesha mash tinkishap Yúkayi.

5:3b.JAM.005.003 Kurirmesha tura Kuítrumsha Ashí ijiakmamkarai. Ijiakmampramurisha ame pénkercha Túram nuna paant iniakmawai. Tura jinium aesamua aintsan ame Kuítrum yajauch awajtamsattawai ayashmiin. Amuukatin tsawant jeamunam anearchamame antsu ame Kuítrum ikiaunkamame.

5:4b.JAM.005.004 Ame takat iniararam ementushim akirarmamna nu "akirkati" turamainiawai. Anearta. Yakiyá Yus, nayaimpinmaya suntara uuntri, nu takartamniu chichamen antukai.

5:5b.JAM.005.005 Ashí ju nunkanam írunna nu wararsaruitrume. Tuma asarum kapunka nuke machararme tura yamaikia Máatin tsawant jeayi.

5:6b.JAM.005.006 "Nu shuar tunaiti" Tíirum tunaachu tsanumprurum Máamarme, tura ninkia surimiakcharmai.

5:7b.JAM.005.007 Nu asamtai, yatsuru, nu Páchitsuk ii Uuntri Kristu tatin Nákastarum. Arakmausha ni arakri pénker tsapaiti tusa yumi yutuktinian shiir enentaijiai Nákatsuk. Yútasua umirmatai esatrurmatai Júuktatjai tusa Nákatsuk. Tura Júurmaksha ti waraatsuk.

5:8b.JAM.005.008 Núnisan atumsha katsuntsatarum tura yawekiirap. Kristu tatin yuntumtemayi.

5:9b.JAM.005.009 Yatsuru, Nuámtak "ju yajauch Túrutui" tunainirap. Tákurminkia Yus iirmastatrume. Nínkichukait nuna iistin tura anearta nu Yúsak Tíjiuch wajatramui.

5:10b.JAM.005.010 Yatsuru, yaunchu Yúsnan etserin Enentáimpratarum. Tuke ii Uuntri Yus timia nuna shiir etserkarmiayi. Túmaitiat Wáitsarmiayi Túrasha pachischarmiayi. Núnisrumek Enentáimsatarum.

5:11b.JAM.005.011 Itiurchatan katsuntainia nuka nekas Shíiraiti, tu Enentáimji. Shuar itiurchatan ti katsuntin ámiayi, ni naari Jup. Tura ni itiurchatri nankaamasmatai Yus ti Núkap Kuítrin susamiayi. Nu nékatsrumek. Ii Uuntri Yus ti waitnenkratchakait.

5:12b.JAM.005.012 Ju Ashí nankaamas Enentáimtustiniaiti, yatsuru. Ame "ee" Tákumka nekas Titiá. Tura "Atsá" Tákumka nusha nekas Titiá. Nekas chicham chichaachkumninkia Yus iirmastatui. Nu asamtai nayaimsha nunkasha Ashí írunna nusha Páchitsuk, aya Támena nu tuke nekas Atí.

5:13b.JAM.005.013 Wáitakmeka Yus áujsata. Waraakmeka, warasam Kantamám Yus shiir awajsata.

5:14b.JAM.005.014 Yus-shuartiram, shuar Jáakka, Yus-shuara uuntrin untsukti. Tura niisha taarti. Tura Jesusa naari pachikiar asuitijiai jaa shuaran ishichik kuerarti. Túrawar Yúsan áujtusarti nu shuaran.

5:15b.JAM.005.015 Tura "Yus nuna nekas anturtamkattaji" tu Enentáimsar áujsarti. Túrawarmatai jaa shuar pénker ajastatui. Yus niin Tsuártatui. Tura tunaan tura asa Jáakuinkia Yus nu tunaan tsankurattawai.

5:16b.JAM.005.016 Nu asamtai, Atumí Tunaarí paant etsertunaiktarum. Túrarum Yus áujtunaistarum Atumí tunaari tsankurnarat tusarum. Pénker shuar Yúsan tuke Enentáijiai áujeamurinkia ti kakarmaiti.

5:17b.JAM.005.017 Yaunchu Yus-Chichaman etserin ámiayi, ni naari Erías. Niisha iijiai méteketiat yumi yutukai tusa Yusa áujsamtai menaintiu Uwí Nuyá nankaamas yutukchamiayi.

5:18b.JAM.005.018 Ataksha yutukti tu áujsamtai ataksha yutukmiayi tura araksha ataksha tsapainiarmiayi.

5:19b.JAM.005.019 Yatsuru, shuar eseera wekatainmaya kanaakuinkia Chíkich niin waketkitniun yainti.

5:20b.JAM.005.020 Shuar Tunáa shuaran yajauch wekaan awakeakka Jákatniunmaya uwemtikrattawai tura ti Untsurí tunaari tsankurnartatui.