Philemon (Shuar)

1

1:1b.PHM.001.001 Wi Papru ju papin aaran akuptajme ámin, Jirimiunká. Ii yachi Timiutéusha juna akupturmawai. Wi Jesukrístu takaru asan sepunam pujajai. Ame iijiai tsaninkia Takáa asakmin ju papin akuptajme.

1:2b.PHM.001.002 Núnisan ame jeemiin Yus-shuar irunainia nunasha tura ii umai Apiancha tura Arkipiuncha iijiai ti kakaram takasu asamtai ju papin akuptajrume.

1:3b.PHM.001.003 Yus ii Apari tura ii Uuntri Jesukrístu shiir Enentáimturma ásar yainmakarti imiatkinchanum tuke shiir pujustinian.

1:5b.PHM.001.005 Ame Uunt Jesus shiir Enentáimtakum Ashí Yus-shuar ainia nusha aneamun antukjai. Nuna antukan ámin ti shiir Enentáimtakun Yúsan áujeakun Yúminkiajai.

1:6b.PHM.001.006 Aujeakun Chíkich shuarsha ámijiai métek Yúsan nekas Enentáimtuiniak Ashí pénker ana nuna ti paant nekaawarat tusan seajai. Ashí pénker ana nuka Jesukrístu shiir awajsamujai takakji.

1:7b.PHM.001.007 Wisha ame anenkratmajai ti shiir Enentáimtakun waraajai. Yatsurú, ámijiai Ashí Yus-shuarsha shiir Enentáimiainiawai.

1:8b.PHM.001.008 Nu asamtai kakaram Tátsujme. Kame wakeraknaka Kristu akatramu asan "Ju Túrata" Tíminiaitjiame.

1:9b.PHM.001.009 Antsu aneakun aya Júnisan Tájame. Wi Papru uuntach asan tura Krístun takarkun sepunam pujakun

1:10b.PHM.001.010 Unisemu waitnentrai tusan seajme. Niisha wi ujakmajai Yus-shuar ajasu asa winia uchirua aintsankete. Sepunam pujayatan ni Aparíya aintsanak ajasjai.

1:11b.PHM.001.011 Nuikkia Unisemu ántrauyi antsu yamaikia aminiisha winiisha Yáimniuiti.

1:12b.PHM.001.012 Ataksha awantajme. Wi ti penker aneamu asamtai pénker itiaata.

1:13b.PHM.001.013 Wi Yus-Chichaman étserkun sepunam pujajai. Túmakun ame Yajá pujakum Yáintkiatin tujintiakmin nii antsu wijiai pujus Yáintkiat tusan wakerimjai.

1:14b.PHM.001.014 Túrasha ámin ujatsuk Túrachmin Enentáimpramjai. Kame ame wakerakum útsukchamujai "Pujustí" Tákumninkia maak.

1:15b.PHM.001.015 Júnissha Enentáimpramniaiti. Unisemu ishichik tsawant menkakamai tura yamaikia waketki ámijiai tuke pujustatui.

1:16b.PHM.001.016 Kame yamaikia emetachma antsu ame aneamu Yátsumea ainis átatui. Nuka ti pénkerchakait. Wisha niin ti aneajai. Tura yainmakmin asamtai tura Krístunam ame yatsum ajasu asamtai winia iniankattsam aneashtapash.

1:17b.PHM.001.017 Wisha ti penker amikrumchakaitiaj. Tuma asam winia itiaarua Nútiksam shiir Awayáta.

1:18b.PHM.001.018 Yajauch awajtamkaitkiuinkia tura ámijiai tumashitkiuisha wi akiktatjai.

1:19b.PHM.001.019 Wi Papru nekas winia uwejrujai juna aaran ti nekas akiktatjame Tájame. Túrasha winia tumashitmena nuna Páchittsujme. Kame wi ujakam Yus-shuar ajaschamkum.

1:20b.PHM.001.020 Wátsek, Yatsurú, amesha Yus-shuar asam wi seajme Jú Túrutata. Kristu Enentáimtakum shiir Enentáimtikrurta.

1:21b.PHM.001.021 Ti penker uminiaitme nuna nékakun Júnisan aatjame. Tura wi seajmena nuna nankaamas Túrattamna nuna nékajai.

1:22b.PHM.001.022 Ayu. Atum Yus áujturkurmin Yus winia tsankatruktatui atumiin iiraitniun. Tuma asamtai wi nui jean pujustin iwiarturata.

1:23b.PHM.001.023 Epaprassha niisha Jesukrístunu étseruk sepunam wijiai pujus amikmaatmarme.

1:24b.PHM.001.024 Núnisan Márkussha Aristárkusha Témassha tura Rúkassha Yus-Chichaman etserkatniun Yáintiainia nusha amikmaatmainiawai.

1:25b.PHM.001.025 Ii Uuntri Jesukrístu atumniasha ti shiir yainmakarti. Nuke Atí.