Luke (Shuar)

1

1:1b.LUK.001.001 Nekas Iiní Túramia nuna "ímiatrusan aartajai" Untsurí aents tiarmiayi.

1:2b.LUK.001.002 Yámankamtaikniumian iisarmia Nú shuar, tura Yus-Chichaman etserkatniun Yáinkiarmia nusha iin unuitiamprarmia Nútiksaran aartinian wakeriarmiayi.

1:3b.LUK.001.003 Wisha Núnisnak esetsaran Enentáimsan, Yámankamtaikniumia nuna nekaamjai. Tuma asan Túrunamia nuna ímiatrusnak amincha aatratajtsan wakerimjiame, winia uuntur Tiupiru.

1:4b.LUK.001.004 Jintintramawarma Nú nankaamas nekaata tusan wakerakun aatjame.

1:5b.LUK.001.005 Jutía nunkanam uunt akupin Erutis akupkamia Nú tsawantin Israer-shuar Yúsnan pujurin ámiayi, ni naari Sakarías. Niisha Aptías weeauyayi. Ni nuwesha Irisapít Arun weeauyayi. Irisapítia uuntrisha Israer-shuar Yúsnan pujurin ármiayi.

1:6b.LUK.001.006 Yúsjaisha Sakaríassha Irisapítcha Mái-metek pénker ármiayi. Yus akupkamia nunasha umirin ármiayi. Tuma asamtai penkesha Chíkich niin yajauch chicharkatin atsuarmiayi.

1:7b.LUK.001.007 Yusjai pénker wekainiayat Irisapít Júrechuyayi. Túrasha mai uuntach ármiayi.

1:9b.LUK.001.009 Israer-shuar Yúsnan pujurin Chíkich weeanmaya Nuyá Chíkich weeanam, ankant ankant Yusa jeen Takáu ármiayi. Chíkich tsawant, Sakarías Weeá takastin amia nui, Sakaríaska kunkuinian ekeemaktaj tusa init wayatniuyayi.

1:10b.LUK.001.010 Init kunkuinian ekeemai Untsurí aents aani matsamsar Yúsan áujtak pujuarmiayi.

1:11b.LUK.001.011 Sakarías init pujai kunkuin ekeematainiam untsuurnumaani aya aneachma nayaimpinmaya suntar wajamiayi.

1:12b.LUK.001.012 Nuna wajan Wáiniak Sakaríaska purushnairmiayi.

1:13b.LUK.001.013 Túrasha nayaimpinmaya suntar chicharuk Tímiayi "Sapijmiakaip Sakaríasa. Nekaata, Ame seamna nuna Yus Anturtamkayi.tura ame nuwem Irisapít uchin takustatui. Nii akiiniamtai, "Juan" anaikiat.

1:15b.LUK.001.015 Ame uchiram akiiniattana nuka Yusjaisha nankaamantu átatui. Tuma asamtai akiiniamtai, amesha shiir Enentáimsam warastatme. Tura Chíkich aents Untsurí warasartatui. Ame uchirmesha Karía ainia nuna umarchattawai. Tura aetak akiinchanak Yusa Wakaní pimiutkattawai, Tímiayi.

1:16b.LUK.001.016 Tura ni shuarin Israer-shuar ainiana nuna, ii Uuntri Yusjai ataksha nawamtikiartatui.

1:17b.LUK.001.017 Uunt Yúsaiya akatramu átatui. Yaunchu Yúsnan etserin Erías kakaram etserkamia Núnisan niisha etserkattawai. Nujai shuaran ni Uchiríjiai nawamtikiartatui. Tura umichu ainia nuna eseer Enentáimtikrartatui. Ni Uuntri taakui ni Enentái iwiaramu arti tusa etserkattawai" Tímiayi nayaimpinmaya suntar.

1:18b.LUK.001.018 Nuna takui Sakarías nayaimpinmaya suntaran Tímiayi "ṡNunasha warijiain paant nekaataj? Wisha nuarjai Mái-metek ti uuntchichukaitiaj" Tímiayi.

1:19b.LUK.001.019 Tutai nayaimpinmaya suntar Tímiayi "Wikia Kapriiraitjai, Yusa suntarintjai. Nii akatturmatai Chichastájam tusan tura nu shiir chichaman Ujaktájam tusan tarijme, Tímiayi.

1:20b.LUK.001.020 Túrasha wi Tájamna nu "nekasaiti" tu Enentáimprachume. Tura asam uchiram akiintsain muut ajastatme. Chichastin penké tujinkiattame. Tura wi tajana nu, tsawant jeamtai Túrunattawai."

1:21b.LUK.001.021 Nuna tumai Yusa jeen aani pujusar, Sakaríasan Nákas pujuarmiayi. "ṡUrukamtaik init we Imiá menkaka?" tu Enentáimprarmiayi.

1:22b.LUK.001.022 Nuyá Sakarías jiinkimtai, áujsartaj Tukamá tujinkiarmiayi. Sakaríaska, muut ajasu asa, aya úwijmiasan chichamiayi. Túmakui, Sakarías init pujus Yúsai Wáimiakun nekaawarmiayi.

1:23b.LUK.001.023 Yusa jeen takastin tsawantri amuukamtai Sakaríaska ni jeen waketkimiayi.

1:24b.LUK.001.024 Nuyá ukunam ni nuari Irisapít ajaprukmiayi. Tura senku nantutin aya jean pujusmiayi.

1:25b.LUK.001.025 Jeá pujus, "Aents wishikruiniakui natsantan jurutkitiaj tusa uchi takustinian Yus tsankatrukai" tu Enentáimpramiayi Irisapít.

1:26b.LUK.001.026 Nu senku nantu nankaamasmatai Yus ni suntarin Kapriiran Nasarét péprunam akupkamiayi. Nu pepru Kariréa nunkanam pujawai.

1:27b.LUK.001.027 Nasarétnumia nuwan, naari Marí, Iyutí tusa akuptukmiayi. Nu Núwaka aishmanjai pujuchuyayi. Niisha Jusejai nuatnaikiatsa anajmanair pujumiayi. Juseka uunt Tawit weeauyayi.

1:28b.LUK.001.028 Wats, nayaimpinmaya suntar Marí pujamunam Wayá Tímiayi "Yus pénker Enentáimturma asamtai, ámin winitjiame, Mariya. Yuska ámin nemartamuk Ashí nuwa nankaamas pénker awajtamui" Tímiayi.

1:29b.LUK.001.029 Tura Marisha nayaimpinmaya suntaran Wáiniak, chichaamun nékatsuk "Urukamtaik tu Chicháa" tu Enentáimpramiayi.

1:30b.LUK.001.030 Nuyá nayaimpinmaya suntar chicharuk Tímiayi "Mariya, sapijmiakaip. Yus shiir Enentáimturmawai.

1:31b.LUK.001.031 Antukta. Amesha ajapruktatme. Túram Uchi takustatme. Nusha "Jesus" anaikiata.

1:33b.LUK.001.033 Niisha uunt átatui. Nincha "Uunt Nankaamaku Yusa Uchiri" tiartatui. Tura Uunt Yuska yaunchu Tawitian uunt akupniuri awajsamia Núnisan ame Uchirmin ame Shuárumin Israer tutain Uunt akupin awajsattawai. Ni akupeamurisha Yus susamu asa penké amuukashtiniaiti" Tímiayi.

1:34b.LUK.001.034 Nayaimpinmaya suntar nuna tutai Marí Tímiayi "Nusha winia aishur atsaisha, ṡitiurak Túrunataj?"

1:35b.LUK.001.035 Tutai nayaimpinmaya suntar Marín Tímiayi "Yusa Wakaní tarutramtatui. Tura yuranmia Núnisan Uunt Yusa kakarmari ijirmattawai. Nu tuma asamtai Uchi akiiniattana nu Yúsaiya asamtai, "Yusa Uchirínti" tiartatui, Tímiayi.

1:36b.LUK.001.036 Tura Irisapít ame Kaná kaimia nusha Núnisan weamtanam ajaprukai. Iis, "Júrechuiti" tiarmia nu, yamaikia sais nantu pujawai ajamtin.

1:37b.LUK.001.037 Yúsjainkia itiurchatka penké atsawai" Tímiayi.

1:38b.LUK.001.038 Tutai Marí Tímiayi "Yus wakeramun Túriniaitjai wikia. Ame tame nuna Yus wakerana nuna Túrutati, tajai" Tímiayi. Nuna Tímiatai nayaimpinmaya suntarka wémiayi.

1:40b.LUK.001.040 Nu tsawant Marí Wárikmas muranam Jutía nunkanam ni Kaná kain Irisapítian iyutaj tusa wémiayi. Sakaríasai Jeá, ni jeen Wayá, Irisapítian áujsamiayi.

1:41b.LUK.001.041 Marí áujeamun antukmatai Irisapítia ampujén uchiri muchitkiamiayi. Tumai Yusa Wakaní ni Enentáin pimiutkamiayi.

1:42b.LUK.001.042 Nuinkia kakantar chichaak Marin Tímiayi "Yus amincha ti shiir awajtamsaiti. Tura Uchiram akiiniattana nusha Yus shiir awajsamuiti.

1:43b.LUK.001.043 Kairua, ame winia Uuntru Nukurí áminin, Yus winia ti waitnentra asa, áujsata tusa ámin akuptamkachaik, Tímiayi.

1:44b.LUK.001.044 Warí, wisha ame áujtamna nuna ántakui ampujrui uchi waras muchitrutkayi.

1:45b.LUK.001.045 Amesha Yus Turámiania nu umikiu asam shiir pujame. Yus Tímia nu Túrunattawai auka" Tímiayi.

1:46b.LUK.001.046 Nuna tinia iniaisamtai Marí juna Tímiayi: "Wikia tuke enentairjai "Yus Timiá uuntaiti" tajai.

1:47b.LUK.001.047 Tura Uunt Yuska winia Uwemtikruru asamtai ti waraajai.

1:49b.LUK.001.049 Wisha péejchach ain ni wakeramurin umiktajtsan wakerakui winia Enentáimturayi. Tuma asamtai Ashí aents, "Marincha Yus shiir awajsaiti" tuke turutiartatui. Yuska Imiá penker tura Imiá kakaram ana nu winia ti uuntan Túrutaiti. Tuma asamtai Ashí aents "Marincha Yus shiir awajsaiti" turutiartatui. Núnaka Yamái nankamamunak tuke Turutú ajartatui.

1:50b.LUK.001.050 Tura Niin umirkatniun wakerana nunasha Yus tuke waitnentrartatui.

1:51b.LUK.001.051 Ti itiurchatan Páchitsuk Túraiti Nii. "Nankaamantuitjai" tu Enentáimtumainia nuna nupetkaiti.

1:52b.LUK.001.052 Ashí akupin ainia nuna awakkaruiti. Tura íksan péejchach ainia nuna uunt awajsaruiti.

1:53b.LUK.001.053 Pénker ana nuna kitiamainiakui Yus pénkeran Súsaruiti. Tura antsu "Ashí takakjai" tuinia nuna aya Júnik awajsaruiti.

1:54b.LUK.001.054 Israer-shuar Niiniu ájinia Núnaka waitnentratniun kajinmattsuk Yáinmákuitji.

1:55b.LUK.001.055 Yaunchu ii Uuntri Apraáman tura Ní shuarnasha "Túrattajai" timia nuna ímiatrusan tuke Túraiti." Nuní Tímiayi Marí.

1:56b.LUK.001.056 Marikia Irisapítjai Menaintiú nantu pujus ni jeen waketkimiayi.

1:57b.LUK.001.057 Nuyasha ni jurertin tsawantri jeamtai Irisapítcha uchin aishmankan takusmiayi.

1:58b.LUK.001.058 Tura ni shuarisha, ni írutramurisha "Irisapítian Yus ti shiir Yáinmiayi" Tuíniak, niin iyuwearmiayi. Tura Mái-metek warasarmiayi.

1:59b.LUK.001.059 Israer-shuar Túrutai Júnisaiti: uchi akiiniamuri uchu tsawant jeamtai, shunichiri nuapen tsupiktin awai, Sirkunsisiún tutai. Yus nuna Tú tiniu asamtai tuke Túrin ármiayi. Wats, Irisapítia uchiri akiiniamurinia uchu tsawant jeamtai tsupirkatai tusar ni jeen jearmiayi. Nuinkia ni apari naari Sakarías anaikiataitsar wakeriarmiayi.

1:60b.LUK.001.060 Tura ni Nukurí Tímiayi "Atsá. Antsu ni naari Juan átatui."

1:61b.LUK.001.061 Tutai tiarmiayi "ṡNusha urukamtia? Amée shuarumsha nu Náartincha áwak" tiarmiayi.

1:62b.LUK.001.062 Nuinkia uchi Aparín "ṡWarí anaikiatajtsam wakeram?" tusar aya úwejejain iniasarmiayi.

1:63b.LUK.001.063 Tutai Uchí Aparísha "Nakash surusta; aartaj tusan wakerajai" tusa aya úwejejain iniakmamiayi. Takui nakash susam, ni naari Juánkaiti, tu aarmiayi. Nuna Wáinkiar "Ayawa urukakun ta" tu Enentáimprarmiayi.

1:64b.LUK.001.064 Nú chichamaik Sakarías chichatsuk pujamun chichakmiayi. Tura nuin Yusa Náarincha shiir awajsamiayi.

1:65b.LUK.001.065 Nuinkia ni írutramurisha ashamkarmiayi; tura Ashí Jutía nunka Murá amia nui nu Túrunamun ujakam Ashí nekaawarmiayi.

1:66b.LUK.001.066 Nu Túrunamun antukar ti Enentáimsarmiayi. Tura "ju uchin Yus nekas pujurtsuk. Tuma asamtai uunt ajas ṡurukuk ati?" tu Enentáimprarmiayi.

1:67b.LUK.001.067 Uchí Aparí Sakarías, Yusa Wakaní pimiutkam tura Yus jintintiam, juna Tímiayi:

1:68b.LUK.001.068 "Israer-Shuartí ii Yusri naari shiir awajsatniuitji. Ii Yúsrisha tarutmaitji. Tura uwemtikrampraitji.

1:69b.LUK.001.069 Yaunchu ii uuntri Tawit Yusa wakeramurijiai uunt akupin áchamkia. Tura ni ukurin ti kakaram Uwemtikkiartinian suramsaitji.

1:72b.LUK.001.072 Yuska ii nemasriya tura iin nakitramainiajnia Nuyá uwemtikrampratniun Enentáimsamia nuna, yaunchu ni etserniurin pénker armia nuna ujakmiayi. "Winia ti penker chichamprun Tájana nuna yapajitsuk umirkan tuke Wáitnentratajrume" yaunchu ii uuntrin Tímiania nunasha ni etserniurin ujakarmiayi. Yaunchu nu ujakma Yamái iisha wainji.

1:75b.LUK.001.075 Nu ujakman Yuska Yámankamtaik Imiá yaunchu ii uuntri Apraáman Tíchamkia. Apraáman ujakmia nu Júiti: "Wi wakeraj Nútiksaran, Winia umirtukar pénker wekainia nuna ni nemasriya uwemtikrattajai. Sapijmiatsuk winia tuke takartusarat tusan Túrattajai" Yus Tímiayi Apraáman. Iisha ni shuari asakrin, nuna taku incha Túramaji.

1:76b.LUK.001.076 Tura amincha, uchiru, "Uunt Yusna etserniuiti" turamartatui. Amesha ni Tátintri iwiarataj tusam Uuntai émkim wétatme.

1:77b.LUK.001.077 Ni shuari, ni tunaari tsankurnar uwemprarat tusam Túrattame.

1:79b.LUK.001.079 Yuska Ashí shuaran anea asa, incha Wáitnentramak ni pujamunmaya ni Tsáapnintrin suramsaitji. Ni Enentáin kiritniunam wekainia nuna, mesertinnium Jeatemá ásarmatai, ni Tsáapnintri jeat~i tusa Túraiti. Tura Ashí incha ii Enentáin imiatkinchanum Wekasarmí tusa Túraiti." Nuní Tímiayi Sakarías.

1:80b.LUK.001.080 Uchisha tsakarmiayi. Tura Yúsan nekaki-nekaki wémiayi. Israer shuarnum etserkatin tsawantri jeatsainkia atsamunam pujuyayi.

2

2:1b.LUK.002.001 Wats, Juan akiiniamia Nú uwitin uunt akupin Akustu Ashí nunkanam aentsun Nekapmarartí tu chichakmiayi.

2:2b.LUK.002.002 Nu nekapmartinian yaunchu Túrushtain Yamái Túriarmiayi. Siria nunkanam Seriniu akupin Pujái Túrawarmiayi.

2:3b.LUK.002.003 Ni naari aartaj tusa Ashí shuar ni nunkenin wétin ármiayi.

2:4b.LUK.002.004 Tuma asamtai Jusé Nasarét péprunmaya Kariréa nunkanam amia Nuyá jiinki Pirin péprunam Jutía nunkanam amia nui wémiayi. Juseka Tawit weeanam akiinia asa, ni nekas nunkenka Pirinkauyayi.

2:5b.LUK.002.005 Nu asamtai, ni Náarin aartaj tusa Jusé wémiayi Marijiai. Marisha Jusé Núweyayi. Tura tsanincharuyayi. Túmaitiat Marisha Yusa Wakaní kakarmarijiai ajamtiniuyayi.

2:6b.LUK.002.006 Tura nui Pirinnum pujuiniai Marí takustintri jeamiayi.

2:7b.LUK.002.007 Nui iwiairin uchin aishmankan takusmiayi. Tura uchi penutaijiai penuar, waaka yurumtainiam aepsamiayi. Irar kanutainiam pujustin ankant Atsá asamtai Túrawarmiayi.

2:8b.LUK.002.008 Tura Pirinnum Tíjiuch murikiun Wáinin kashi murikrin Wáiniuk pujuarmiayi.

2:9b.LUK.002.009 Túmainiai nayaimpinmaya suntar murikiun Wáinin matsatainian wantintiukmiayi. Tura Yúsnumia Tsáapnin ni matsatainiamunam etsantramiayi. Túrunamtai murikiun Wáinniuka ti ashamkarmiayi.

2:10b.LUK.002.010 Túrasha nayaimpinmaya suntar Tímiayi "Ashamprukairap. Ashí aentsnum ti warastin Atí tusan ti penker chichaman itiarjiarme.

2:11b.LUK.002.011 Júiti: Yamái tsawantai uunt Tawitia péprurin Pirinnum yaunchu Yus anaikiamu KRISTU tutai, uwemtikramprataj tusa akiintiurmarme. Nu Uchisha Ashí aentsun akupniuiti, Tímiayi.

2:12b.LUK.002.012 Tura jujai nekaattarme: uchi penutaijiai penuarma waaka yurumtainiam Tepá Wáinkiattarme. Nu Wáinkiarum nekas Júiti, tu nekaattarme."

2:13b.LUK.002.013 Nu chichamaik nayaimpinmaya suntar ti Untsurí, nayaimpinmaya Káunkarmiayi. Túrawar Yusa naarin shiir awajainiak juna tiarmiayi:

2:14b.LUK.002.014 "Nayaimpinmasha Yus nankaamantuiti tu Enentáimtusarti. Tura ju nunkanmasha Yusjai nawamnaikiaru ainia nu imiatkinchanum pujusarti." Tu tiarmiayi.

2:15b.LUK.002.015 Tura Yusa suntari nayaimpiniam waketkiarmatai murikiun Wáinin tiarmiayi "Wats, Pirinnum Wárik Wetái. Nu Túrunamu Yus turamajnia nu iyumi" tiarmiayi.

2:16b.LUK.002.016 Nuna tiar Wárik wearmiayi. Tura Marincha Jusencha Wáinkiarmiayi. Tura uchincha waaka yurumtainiam tepan Wáinkiarmiayi.

2:17b.LUK.002.017 Wear nuna Wáinkiar, nayaimpinmaya suntar uchi Túrunamurin timia nuna etserkarmiayi.

2:18b.LUK.002.018 Tura murikiun Wáinin tiarmia nuna antukaruka ti Enentáimtusarmiayi.

2:19b.LUK.002.019 Túrasha Marikia Ashí Túrunamia nuna ni Enentáijiainkia Enentáimtu pujumiayi.

2:20b.LUK.002.020 Tura murikiun Wáinniuka antukarmia nuna Enentáimtusar, tura iisarmia nunasha Enentáimtusar "Nayaimpinmaya suntar ujatmakmajnia Tímiatrusan Túrunayi" tiarmiayi. Tuma ásar Yusa Náarin shiir awajsar kantampruawar waketkiarmiayi.

2:21b.LUK.002.021 Tura uchi akiiniamu uchu tsawant jeamtai, ni Túrutairin Túrin ásar, ni shunichiri nuapen tsupirkarmiayi. Túrawar Marí ajapratsain nayaimpinmaya suntar Tímia Nútiksan "Jesus" anaikiarmiayi.

2:22b.LUK.002.022 Tura Muisais akiiniatniunam akupkamia Núnisan, tsawantri jeamtai, Yusa Uunt Jeen Jerusarénnum uchin Yus iiktustai tusar Júkiarmiayi.

2:23b.LUK.002.023 Kame Yus-Papinium ju aarma awai: "Ashí uchi iwiairi aishman akiinkiunka Yusna átatui."

2:24b.LUK.002.024 Tuma asamtai, Marí Yusa Uunt Jeen Wáitsuk pujamu wayatniuri jeamtai, uchin Yus Iistí tusa Yusa Uunt Jeen Jerusarénnum pujana nui itiarmiayi. Tura yampitsan Jímiaran Súsarmiayi. Muisáis akupkamun umiiniak nuna Túrawarmiayi.

2:25b.LUK.002.025 Nu Túmai Semeún naartin aishman Jerusarénnum pujumiayi. Semeúnsha Yusa Wakaní pujurma asa pénker aishmankauyayi. Yúsan nekas Enentáimtiniuyayi. Yusa anaikiamurijiai Israer-shuar ankant ajastin jeati tusa Nákauyayi.

2:26b.LUK.002.026 "Winia anaikiamur KRISTU tutai Wáintsuk Jákashtatme" uunt Yusa Wakaní tu jintintiamiayi.

2:27b.LUK.002.027 Nú Semeún Yusa Wakani "Wetá" tutai, Yusa Uunt Jeen wémiayi. Tura Nú tsawantai Muisáis Tímia Núnisan umirkatai tusar Marisha Jusesha uchin Jesusan Yusa Uunt Jeen itiariarmiayi.

2:28b.LUK.002.028 Itiariarmatai Semeún uchin jusa miniakas Yúsan áujuk juna Tímiayi:

2:29b.LUK.002.029 "Yamaikia, Uunta, Amiin wi jeatin ankant Atí. Turutmiamna nu ímiatrusmek umikiume.

2:31b.LUK.002.031 Ju Uchi Ashí aents Uwemtikrartá tusam susamna nuna Yamái imia winia jiirujai Wáinkiajai.

2:32b.LUK.002.032 Israer-shuarcha ainia nu Tsáapninium wekasarat tusa akuptukmaiti ju Uchi. Tura Israer-shuar Aminiuram ájinia nuna Ashí aents shiir Enentáimtikrartí tusam ju Uchi akuptukmaitji. Nuna Wáinkian shiir Enentáimsan Jákatniuitjai."

2:33b.LUK.002.033 Tura Semeún Uchiniun tu chicharkui Jusesha Jesusa Nukurísha ti Enentáimprarmiayi.

2:34b.LUK.002.034 Semeúnsha chichaak "Yus shiir Enentáimturmasartí" niin Tímiayi. Nuyasha Marin chicharuk Tímiayi "Nekaata. Ju Uchin Israer-shuartisha Untsurí nakitrar iniarartatji. Tura Chíkich Israer-shuartikia ju Uchin shiir Enentáimtusar ti wararsartatji. Tura Uchiram Yusa kakarmarin ti paant iniakmastatui. Tuma ain Untsurí Aun yajauch chichariartatui.

2:35b.LUK.002.035 Nujai shuar ni Enentáin warinia Enentáimia nu, paant átatui. Maaj, Ashí nu Túmakui, ijiumua Núnismek ame Enentáimin ti Wáitsattame, Mariya." Tu chichasmiayi Semeún.

2:36b.LUK.002.036 Nuwasha Ana naartin nui Yusa Uunt Jeen pujumiayi. Niisha Yúsnan etserniuyayi. Ni Aparísha Panuíruyayi tura Aser shuarauyayi nu nuwa. Niisha ti uuntchiyayi. Niisha yama nuatnaikiamujai siati uwi ni aishrijiai tsanin pujusarmiayi.

2:37b.LUK.002.037 Tura wajemamiayi. Tura uchenta kuatru uwi takakuyayi. Tura ninkia Yusa Uunt Jeenia Jíintsuk Káshisha tsawaisha tuke Yúsan áujniuyayi. Tura yurumtsuk Yúsan áujniuyayi.

2:38b.LUK.002.038 Semeún tuasua amikmatai Anasha taa, Uchin Wáiniak Yúsan yuminsamiayi. Tura Jerusarénnum Yus uwemtikrampratai tusa Nákarmia nuna áujkunka uchin áujmat wémiayi.

2:39b.LUK.002.039 Nuyá Yus Tímia nuna Ashí Túrawar amikiar Kariréa nunkanam, kame nii pujumia Nú peprunam Nasarétnum Jusesha Marisha Uchisha waketkiarmiayi.

2:40b.LUK.002.040 Uchi Jesus tsakaki, kakaram ajaki tura Nú nankaamas nekaki wémiayi. Tura Yus Niin ti shiir awajsamiayi.

2:41b.LUK.002.041 Jusesha, Jesusa Nukurísha tuke uwitin paskua Námper jeakui Jerusarénnum weu ármiayi.

2:42b.LUK.002.042 Ni Túrutairi Túruiniak, Jerusarénnum weak Jesusan tuse Uwí jeamtai Júkiarmiayi.

2:43b.LUK.002.043 Námper amuukamtai ni Nukurísha Jusesha nékachmanum Jesuska Jerusarénnum Juákmiayi.

2:44b.LUK.002.044 Marisha Jusesha "Wíi shuarjai winiawai" tusa, Núnaka eatsuk Chikichík tsawant wekasarmiayi. Nuyá Wáinkiataj Tukamá, ni shuariin tura ni nékamunam eakarsha,

2:45b.LUK.002.045 Wáinkiacharmiayi. Nuinkia Jerusarénnum ataksha waketrukiarmiayi, eaktai tusar.

2:46b.LUK.002.046 Tura Menaintiú tsawant eakar Yusa Uunt Jeen Yus akupkamun jintinnian anturak Anintrú pujan Wáinkiarmiayi.

2:47b.LUK.002.047 Tura nui Ashí Jesusan anturkarmiania nu, niisha ti nékakui tura aimtanash ti pénker aimkiui, ti Enentáimturarmiayi.

2:48b.LUK.002.048 Ni Aparísha Nukurísha Tumáa pujan Wáinkiar, ti Enentáimprarmiayi. Tura ni nukuri chichaak Tímiayi "Uchiru, ṡausha urukamtai itiurchat Enentáimtikrurmam? Ame apasha wisha urukayik tusar ti eakjame" Tímiayi.

2:49b.LUK.002.049 Tutai Jesus Tímiayi "ṡUrukamtai eatrum? Winia Aparnan Túratniuitjiana nuka nékatsrumek" Tímiayi.

2:50b.LUK.002.050 Tura timia Núnaka penké nekaacharmiayi.

2:51b.LUK.002.051 Nuyá Jesus niijiai Nasarétnum waketkimiayi. Ninkia tuke umiriarmiayi. Ashí nu Túrunamun Marikia tuke Enentáimtu pujumiayi.

2:52b.LUK.002.052 Jesuska tsakaki, tura nekaki wémiayi. Yussha tura aencha Niin shiir Enentáimtiarmiayi.

3

3:1b.LUK.003.001 Tipiriu uunt akupin pujamu kinse Uwí jeamtai, Jutía nunkanam Punseu Piratu akupin pujumiayi. Tura Kariréa nunkanam Erutis akupin pujumiayi. Itiurea nunkanmasha Trakuniti nunkanmasha ni yachi Jiripi akupin pujumiayi. Tura Apirinia nunkanam Risanias akupin pujumiayi.

3:2b.LUK.003.002 Tura nu uwitin Anassha Kaipiássha Israer-patri uuntri pujuarmiayi. Nu uwitin Sakaríasa Uchirí Juan atsamunam pujan Yúsaiya chichaman antukmiayi.

3:3b.LUK.003.003 Nuyá Jurtan entsanam supichik matsamarma nuna Juan wekaatusar juna Tímiayi "Winia tunaarun Yus tsankurturat tusarum, enentai Yapajiárum imiantiarum." Tu ujakmiayi.

3:4b.LUK.003.004 Nu ujakman Isayas yaunchu juna aarmiayi: Atsamunam wekaana nu untsumun ántuiniawai. Nii untsumuk juna tawai: Atumí Enentái Uunta jinti iwiarturtarum; naka awajsatarum.

3:5b.LUK.003.005 Jápaaka ainia nusha aimkiamu arti. Naint ainia nusha paka awajsamu arti. Jintia apijiaru ainia nusha naka jiikmia arti. Tura pujutrin ainia nusha métekrak paka awajsamu arti.

3:6b.LUK.003.006 Túrunamtai Ashí nunkanmaya aents Yúsaiya uwempratin aan nekaawartatui.

3:7b.LUK.003.007 Untsurí aents imiatit tusar tariarmia nuna Juan chicharainiak Tímiayi "Napia aaniutirmincha, ti Asutniátin Jeatemáttana Nuyá uwempratarum tusa ṡya ujatmakuram? Tímiayi.

3:8b.LUK.003.008 "Iikia Apraám weeaitji, tuma asakrin Yus shiir Enentáimturmaji" tu Enentáimtumasairap. Antsu Enentáim Yapajiámuitkiuinkia pénker wekaamurmijiai paant iniakmastarum. Warí, Yus wakerakka, ju kayan Apraáma shuarin Páchitsuk najankainti, Tímiayi.

3:9b.LUK.003.009 Aneartarum. Numi ajaktinian Kampuwárin jacha atuttsamuiti. Numi pénker nereatsna nuka ajakar jinium apeamu ártatui" Tímiayi.

3:10b.LUK.003.010 Tutai aentska Enentáimprar "ṡNuinkia itiurkatjik?" tiarmiayi.

3:11b.LUK.003.011 Tutai Juan Tímiayi "Jimiará pushin takakna nu, takaktsuna nuna chikichan Súsatniuiti. Yurumkan takakna nusha takaktsuna nuna ajamsatniuiti" Tímiayi.

3:12b.LUK.003.012 Uunt akupniu Kuítrin juu armia Nú shuar imiantiaj tusar Juánkan weriar aniasarmiayi. "Uunta, ṡiisha Warí itiurkatjik?" tiarmiayi.

3:13b.LUK.003.013 Tutai Juan Tímiayi "Kuit uunt akupin tana nu iniankasrum achikiairap."

3:14b.LUK.003.014 Suntarsha aniasarmiayi "Uunta, ṡiisha Warí itiurkatjik?" Juansha Tímiayi "Ame kakarmarmijiai chikichna jurukip. Tura niin tsanumpruraip. Tura uunt akupin akirmana Nújain warasta" Tímiayi.

3:15b.LUK.003.015 "Ju Juan Yusa anaikiamurinchuashit" tu Enentáimsar paant nekaataitsar Nákarmiayi.

3:16b.LUK.003.016 Tumai Juan Tímiayi "Wikia aya ayashmin entsanam imiajrume. Tura wijiai nankaamas ana nu Tátatui. Ni sapatri jinkiamurinkisha atitrachminiaitjai. Niisha taa, imiantinia aanis tura Jíiya aanis Yusa Wakanin enketramprattarme.

3:17b.LUK.003.017 Shuar aruusan awajtia Núnisan, nusha yajauch ana nuna ajapa aya pénkernak Júuktatui. Neren ikiustatui tura yajauchinkia ji tuke kajinchatainiam apeattawai" Tímiayi.

3:18b.LUK.003.018 Juan nu arant shiir chichaman aentsun ti Núkap ujakarmiayi.

3:19b.LUK.003.019 Tura nuyasha akupin Erutisan chicharkamiayi. Ni yachi Jiripi nuarin Jirutíasan kasarak nuatkui tura Chíkich yajauchincha Túrakui chicharkamiayi.

3:20b.LUK.003.020 Tura Erutis Núnaka ántutsuk Chíkich yajauchin Túramiayi. Juánkan achik sepunam enkeamiayi.

3:21b.LUK.003.021 Nu Túruntsain, Juansha Ashí Nú nunkanmaya aentsun imiak pujurainai Jesussha imianmiayi. Niisha Yúsan áujuk pujai nayaimpisha uranmiayi.

3:22b.LUK.003.022 Tura Yusa Wakaní Yámpits najanar paant tarurmiayi. Tura Yus nayaimpinmaya chicharuk "Amek winia aneamur Uchiruitme; Amin ti wararjame" Tímiayi.

3:23b.LUK.003.023 Jesus trainta (30) Uwí takaku asa ni takatrin nankamamiayi. "Jusé Uchirínti" tiniu armiayi. Jusésha Iría Uchiríyayi.

3:24b.LUK.003.024 Irísha Matata Uchiríyayi; Matat Riwí Uchiríyayi; Riwí Mirkía Uchiríyayi; Mirki Jana Uchiríyayi. Jana Jusé Uchiríyayi;

3:25b.LUK.003.025 Jusé Matatíasa Uchiríyayi; Matatías Amusa Uchiríyayi; Amus Najuma Uchiríyayi; Najum Esrí Uchiríyayi; Esri Nakaia Uchiríyayi;

3:26b.LUK.003.026 Nakai Maata Uchiríyayi; Maat Matatíasa Uchiríyayi; Matatías Semái Uchiríyayi; Semái Jusé Uchiríyayi; Jusé Jutáa Uchiríyayi;

3:27b.LUK.003.027 Jutá Juana Uchiríyayi; Juana Resa Uchiríyayi; Resa Surupapira Uchiríyayi; Surupapir Saratiira Uchiríyayi; Saratiir Nerí Uchiríyayi;

3:28b.LUK.003.028 Neri Mirkí Uchiríyayi; Mirki Atí Uchiríyayi; Atí Kusama Uchiríyayi; Kusam Irmutama Uchiríyayi; Irmutam Ira Uchiríyayi;

3:29b.LUK.003.029 Ir Jusué Uchiríyayi; Jusué Irieséra Uchiríyayi; Iriesér Jurema Uchiríyayi; Jurem Matata Uchiríyayi;

3:30b.LUK.003.030 Matat Riwi uchiriyayi; Riwí Semeúnka Uchiríyayi; Semeún Jutáa Uchiríyayi; Jutá Jusé Uchiríyayi; Jusé Junanka Uchiríyayi; Junan Iriakímia Uchiríyayi;

3:31b.LUK.003.031 Iriakím Mirea Uchiríyayi; Mirea Mainiánka Uchiríyayi; Mainián Matata Uchiríyayi; Matata Natanka Uchiríyayi;

3:32b.LUK.003.032 Natan Tawitia Uchiríyayi; Tawit Isaí Uchiríyayi; Isaí Upitia Uchiríyayi; Upit Puusa Uchiríyayi; Puus Saramúnka Uchiríyayi; Saramún Naasunka Uchiríyayi;

3:33b.LUK.003.033 Naasun Aminiatapa Uchiríyayi; Aminiatap Arama Uchiríyayi; Aram Esruma Uchiríyayi; Esrum Paresa Uchiríyayi; Páres Jutáa Uchiríyayi;

3:34b.LUK.003.034 Jutá Jakupa Uchiríyayi; Jakup Isaka Uchiríyayi; Isak Apraáma Uchiríyayi; Apraám Tarea Uchiríyayi; Taré Nakura Uchiríyayi;

3:35b.LUK.003.035 Nakur Seruka Uchiríyayi; Seruk Rakaua Uchiríyayi; Rakau Pirikia Uchiríyayi; Pirik Epera Uchiríyayi; Eper Sará Uchiríyayi;

3:36b.LUK.003.036 Sara Kainiánka Uchiríyayi; Kainián Arpaksata Uchiríyayi; Arpaksat Sema Uchiríyayi; Sem Nuaia Uchiríyayi; Nuai Ramikia Uchiríyayi;

3:37b.LUK.003.037 Ramik Matusarínkia Uchiríyayi; Matusarín Enuka Uchiríyayi; Enuk Jaritia Uchiríyayi; Jarit Maararíira Uchiríyayi; Maararíir Kainianka Uchiríyayi;

3:38b.LUK.003.038 Kainian Enusa Uchiríyayi; Enus Seta Uchiríyayi; Set Atanka Uchiríyayi; tura Atan Yus najanamuyayi.

4

4:1b.LUK.004.001 Jesusa Enentáin Yusa Wakaní pimiutkamiayi. Jesussha Jurtan entsanmaya waketkimtai Yusa Wakaní aents atsamunam jukimiayi.

4:2b.LUK.004.002 Tura nuisha kuarenta tsawant pujusmiayi. Tura íwianch Niin tunaanum ajuaraintiajtai tusa pujurmiayi. Nu kuarenta tsawantin Jesus yurumtsuk Pujá asa ti tsukammiayi.

4:3b.LUK.004.003 Nuinkia íwianch chicharuk "Amesha nekas Yusa Uchiríntkiumka ju kaya apatuk najanata" Tímiayi.

4:4b.LUK.004.004 Tutai Jesus Tímiayi "Yus-Papí tawai: "Aya apatkujain shuar iwiaaku pujuschamniaiti. Antsu Ashí Yus-Chicham tana nujai nekas iwiaaku pujusminiaiti," tawai" Tímiayi.

4:5b.LUK.004.005 Tura Nuyá íwianch naint Yakí Wájakmanum Jukí, Ashí nunka ainia nuna ju chichamaik iniaktusmiayi.

4:7b.LUK.004.007 Tura chicharuk Tímiayi "Ashí ju nunka Wáinmena nu Wíniaiti. Tura wi wakerajna Nú shuaran Súsatniuitjai. Tuma asamtai tikishmatrurakminkia ju nunkanam Ashí akupkatniun susattajme. Tura nui ni wariri ainia nusha áminiu átatui" Tímiayi.

4:8b.LUK.004.008 Tutai Jesus Tímiayi "Yus-Papí tawai: "Aya Ninki Yus ame Uuntrum tikishmatram Enentáimtustiniaitme." Tau asamtai, werumta, iwianchi" Tímiayi.

4:9b.LUK.004.009 Ataksha íwianch Jesusan Jerusarén péprunam jukimiayi. Tura Yusa Uunt Jee yakiini iwiak Tímiayi:

4:10b.LUK.004.010 "Yus-Papí tatsuk: "Yuska ni suntarin Wáinkiatá tusa akupturmaktatui.

4:11b.LUK.004.011 Kayanam ajintrain tusa wenkurmaktatui." Tuma asamtai nekas Yusa Uchirinkiumka Juyá akaikim iniaata" Tímiayi.

4:12b.LUK.004.012 Tutai Jesus aimiuk Tímiayi "Yus-Papí junasha tawai: Yus ame Uuntrum nekapsataj tiip."

4:13b.LUK.004.013 Tuma asamtai íwianch penké tujintiak ishichik tsawant Jesusan iniaisamiayi.

4:14b.LUK.004.014 Jesus ni Enentáin Yusa Wakaní kakarmari pimiutkamu ajas Kariréa nunkanam waketkimiayi. Nu nunkanam nankaamantu Túramurin áujmatiarmiayi.

4:15b.LUK.004.015 Nu nunkanam Ashí péprunam Israer-shuar iruntai jea armia nui unuiniarmiayi. Tura anturkarmia nuka ni Náarin shiir awajsarmiayi.

4:16b.LUK.004.016 Ni tsakarmariin Nasarétnum Jesus wémiayi. Tura Israer-shuar ayampratin tsawantin iruntai jeanam wayamiayi, tuke turin asa. Tura Wayá Yus-Papin áujsataj tusa wajakmiayi.

4:17b.LUK.004.017 Nuinkia Yúsnan etserin Isayasa aarmarin Súsarmiayi. Nuna urak, nui juna aarman Wáinkiamiayi:

4:18b.LUK.004.018 Yusa Wakaní Winí pujurtawai. Shuar warainiachun shiir chichaman ujaktinian anaitiukuiti. Kúntuts Enentáimiar wake mesek pujuinian Tsuártinian akuptukuiti. Tura jii kusuruncha iimtiktinian, tura yajauch awajsamu ainia nuna pénker awajsatniuncha,

4:19b.LUK.004.019 tura Uunt Yus, Shuáran yaintin tsawantri Jeán etserkatniuncha akuptukuiti.

4:20b.LUK.004.020 Nu aarman aujsua amik papin nukukmiayi. Tura iruntai jeanam Yáimin pujan susa iniais Ninkia etserkataj tusa pujusmiayi. Tura Ashí shuar pujuarmia nu émamkes ii pujuarmiayi.

4:21b.LUK.004.021 Jesussha chicharuk Tímiayi "Yus-Chicham Yamái antukurmena nu Yamái tsawantin Túrunayi."

4:22b.LUK.004.022 Jesusan Ashí pénker áujmatiarmiayi. Tura Jesus ti shiir chichaakui ti Enentáimprar "Juka Jusé Uchirínchukait" tiarmiayi.

4:23b.LUK.004.023 Tu Enentáimiainiakui, Jesus chicharuk "Atumsha shuar tuke tuinia Núnisrumek, "Tsuákratniuitkiumka amek Tsuámarta," turuttiatrume. Kapernáum péprunam aentsti Túrachmin Túramamna Núnismek juisha Túrata tusarum nu turuttiatrume.

4:24b.LUK.004.024 Túrasha nekas Tájarme, Yúsnan etserniun ni nunkenkikia nii tana nuna anturainiatsui.

4:25b.LUK.004.025 Nuyasha Tájarme, Irías pujumia Nú tsawantin, Menaintiú Uwí nankaamas yumi yutukcha asamtai Ashí Israer Núnkanam ti tsuka amia nui ti Untsurí waje irunmiayi.

4:26b.LUK.004.026 Tuma ain nu wajen yainti tusa Yus Iríasan akuptukchamiayi. Antsu Chíkich nunkanmaya wajen Sarepta péprunam pujumia nuna yainti tusa akuptukmiayi. Sarepta pepru Sitiún péprunam Tíjiuch pujawai.

4:27b.LUK.004.027 Núnisan ii nunkesha Iriséu pujumia nu tsawantin ti Untsurí tunamaru iruniarmiayi. Tura Núnaka Tsuárcharmiayi. Antsu Chíkich nunka, Sírianmaya Naamankan Tsuármiayi" Tímiayi Jesus.

4:28b.LUK.004.028 Israer-shuarsha iruntai jeen pujuarmia nu, nuna antukar ti kajerkarmiayi.

4:29b.LUK.004.029 Tura wajatkiar Jesusan jiiki péprunmaya akupkarmiayi. Tura pepru amia nui naint Yakí Nánkatkamunam, Nuyá akaki ajuatai tusar Júkiarmiayi.

4:30b.LUK.004.030 Túrasha Jesuska irunar matsatainiamunman etempraktak jiinki wémiayi.

4:31b.LUK.004.031 Nuyá Jesus Kariréa nunkanam Kapernáum pepru amia nui wémiayi. Tura Israer-shuara ayampratin tsawantriin tuke etserki wémiayi.

4:32b.LUK.004.032 Yusa kakarmarin takaku asa nujai etserkamiayi. Tuma asamtai "Yusa kakarmarijiai unuitiamtsujik" tiar ti Enentáimprarmiayi.

4:33b.LUK.004.033 Chíkich tsawantai aishman iwianchruku Israer-shuar iruntai jeanam pujumia nu untsumuk Tímiayi,

4:34b.LUK.004.034 "Inikiartusta. Iikia Aminkia pachistin nakitiaji. ṡWarí, incha amukratkataj tusam Táchamek? Wikia nékajme. Ameka ti penker Tunaarincha Núitme" Tímiayi.

4:35b.LUK.004.035 Tutai Jesus iwianchin kakantar chicharuk "Takamatsata. Ju aishman ikiuktia" Tímiayi. Tutai nu chichamaik íwianch aishmannumia jiinki weak Nunká ajuant ikiukmiayi. Túrasha nekas yajauch awajtsuk ikiukmiayi.

4:36b.LUK.004.036 Ashí pujuarmiania nu ti Enentáimiar mai tunai ajarmiayi. "ṡJusha Warí chichamait? Ju aishman Yusa kakarmarijiai iwianchin jiiki awematsuk" tiarmiayi.

4:37b.LUK.004.037 Tura Ashí Nú nunkanam Jesusa Túramurin áujmatiarmiayi.

4:38b.LUK.004.038 Jesussha Israer-shuara iruntai jeenia jiinki Semunka jeen wémiayi. Semunka tsatsari tsuer ti Jáamiayi. Ti jaakui Jesusan "Tsuárturtá" tiarmiayi.

4:39b.LUK.004.039 Jesussha jaa tepan tsuntsumprua tsuemun "michatrata" Tímiayi. Tutai Nú chichamaik nuwasha michatramiayi. Nú chichamaik nantaki nincha ayurawarmiayi.

4:40b.LUK.004.040 Etsa akaikin ai ni shuari Nánkamas sunkurjai jaarmia nuna Jesusan ikiaatkarmiayi. Jesussha Jáinian chikichkiniak chikichkiniak uwejéjai antinkiar Tsuárarmiayi.

4:41b.LUK.004.041 Ti Untsurí iwianchruku armia nunasha iwianchrin Jíirkiarmiayi. Jíinkiar íwianchkia untsumainiak "Ameka Yusa Uchirínme" Jesusan tiarmiayi. Tura niisha "Jesuska Yusa anaikiamurinti" tu nékainiakui Jesus kakantar chicharak itiatmamtikiarmiayi.

4:42b.LUK.004.042 Kashin Káshik tsawaak Jesus péprunmaya jiinki atsamunam Ninki wémiayi. Tura shuarsha eakiar ni pujamunam jeariarmiayi. Tura iijiai tuke pujusat tusar emetataitsar wakeriarmiayi.

4:43b.LUK.004.043 Túmain Jesus Tímiayi "Yus ii Enentáin akupkatajtsa wakera Nú shiir chichaman Chíkich péprunam matsatainia nunasha ujaktiniaitjai. Nu Túrata tusa akupkamuitjai" Tímiayi.

4:44b.LUK.004.044 Tuma asamtai Kariréa nunkanam Israer-shuar iruntai jeanam Jesus tuke etserki wémiayi.

5

5:1b.LUK.005.001 Chíkich tsawantai Jesus Jinisarít antumianka tutainium Káanmatkari pujai ti Untsurí shuar, Yusa chichamen antuktai tusar wakeruiniak Jesusai Káunkarmiayi. Antuktai tusar wakeruiniak kae ajattsarmiayi.

5:2b.LUK.005.002 Tura Jimiará kanun antumiankan Káanmatkariin tepan Wáinkiarmiayi. Ni nérenniurinkia Jíinkiar ni nekarin Nijiá pujuinia asamtai Kánuka ankant ármiayi.

5:3b.LUK.005.003 Tuma asamtai Jesus Semunka Kanuríin enkempramiayi. Tura Semunkan chicharuk "Ishichik ajapén Juruktía" Tímiayi. Nuinkia kanunam enkemas aentsun Káanmatkanam pujuinian unuiniamiayi.

5:4b.LUK.005.004 Unuiniasua amik Semunkan chicharuk "Kanu kunanam jukim neka ai ajunkatarum" Tímiayi.

5:5b.LUK.005.005 Tutai Semun Tímiayi "Túrasha, Uuntá, Káshisha tuke aju-junkuar tsawarji. Túrasha penké achikchaji. Kame aankisha Ame Támajai ajunkatjai" Tímiayi.

5:6b.LUK.005.006 Tura ajunkar namakan ti Untsurín achikiarmiayi. Túram nekasha jaanaki wémiayi.

5:7b.LUK.005.007 Tuma asamtai ni írutkamurin Chíkich kanunam pujuinian uwejéjai "winitia, Yáintkiamniuram" tusar untsukarmiayi. Niisha Táarmiayi. Túrawar Jimiará kanunam métej awajsarmiayi. Tura kanusha init wayastatuk ajamiayi.

5:8b.LUK.005.008 Nuna Túramtai Semun Pítiur Jesusan tikishmatar Tímiayi "Uuntá, wikia ti tunaitjai. ṡWíjiaisha itiurak pujustam?"

5:9b.LUK.005.009 Semunsha ni írutkamurijiai namakan Timiá Untsurín Wáinkiar ashamkarmiayi. Tuma asa Semunsha Nuní Tímiayi.

5:10b.LUK.005.010 Tura Sepetéu uchiri Jakupusha Juansha Semunjai pujuarmia nusha ashamkarmiayi. Tura Jesus Semunkan Tímiayi "Ashamkaip. Yamaikia namaka-achinia aintsamek aents-eau ajastatme."

5:11b.LUK.005.011 Nuyasha kanurin kukar Júkiar, Ashí takakmarincha ikiukiar Jesusan nemarki wearmiayi.

5:12b.LUK.005.012 Ukunam Jesus Chíkich péprunam pujai tunamaru aishman taa Jesusan Wáiniak tikishmatar Nunká shushuma Pankái Jesusan Tímiayi "Uuntá, wakerutakmeka Páchitsuk Tsuáramniaitme."

5:13b.LUK.005.013 Nuna tutai Jesus antin Tímiayi "Wakerajai. Tsuaajme." Tura Nú chichamaik tunamarusha pénker ajasmiayi.

5:14b.LUK.005.014 Túrasha Jesus chicharuk "Ameka nu etserkaip, Tímiayi. Antsu Israer-shuar Patrii werim ame pénker ajasmanum Muisáis akupkamia Núnismek susata. Nujai Ashí shuar ame pénker ajasmarmin nekaawartatui" Tímiayi.

5:15b.LUK.005.015 Tura Jesusa Túramuri ti etsernamiayi. Túmakui Untsurí aents anturkataj tusar Káutkarmiayi. Tura ni sunkurincha Tsuámartaj tusar Káutiarmiayi.

5:16b.LUK.005.016 Núnisan Jesuska aents atsuiniamunam we ni Aparin áujmiayi.

5:17b.LUK.005.017 Chíkich tsawantai Jesus unuiniak pujai Pariséu aents tura Israer-shuara jintinniurisha Kariréa péprunmayasha, Jutía péprunmayasha tura Jerusarénnumiasha Káunkarmia nu Antúu pujuarmiayi. Jaa Tsuártinian Yusa kakarmarin takakuyayi Jesus.

5:18b.LUK.005.018 Nuinkia emearun tampumprua kuatru shuar itiariarmiayi. Jesus pujamunam init awayattsar wakeriarmiayi.

5:19b.LUK.005.019 Tura shuar ti Untsurí piaku asamtai wayamnia atsumiayi. Túmaitkui yakiini wear jean urakar, aents kae ajas matsatmanum Jesus pujamunam emearun tampunam Nená itiararmiayi.

5:20b.LUK.005.020 Niin itiarmiania nu, Jesus Yusa kakarmarin takakui, Tú Enentáimtamun Jesus Nekáa emearun Tímiayi "Ame tunaarum tsankuramuitme."

5:21b.LUK.005.021 Nuinkia Israer-shuara jintinniurisha, Pariséusha ni Enentáin Enentáimsar "ṡJusha yait Yúsa Náarin yajauch awajtin? Warí, aya Yúsak tunaan tsankurachminkiait" tu Enentáimsarmiayi.

5:22b.LUK.005.022 Tura Jesus ni Enentáimsamurin Nekáa Tímiayi "ṡUrukamtai Tú Enentáimprarum átum?

5:23b.LUK.005.023 Nuinkia ṡWarí Imiá Yúpichuchit, Tsuártiniak, ni tunaari tsankuratniuk?

5:24b.LUK.005.024 Wats, Aents Ajasu tutai Wisha tunaan tsankuratniun Yusa kakarmarin takakjai. Jujai nekaatarum tusan wats itiurchat Tárumna nuna Túrattajai." Nuyá emearun chicharuk Tímiayi "Amesha wajakim, tampuram achikiam ame jeemiin Wetá."

5:25b.LUK.005.025 Nú chichamaik emearu niisha iimiainiamunman tampurin achik wajaki ni jeen Yúsan wararki wémiayi.

5:26b.LUK.005.026 Túmakui Ashí shuar ti Enentáimprar Yusa Náarin shiir awajsarmiayi. Tura ashamainiak "aentsti tujinkiamu Yamái Wáinkiaji" tiarmiayi.

5:27b.LUK.005.027 Ukunam Jesus wekas akupniu Kuítrin-juu, naari Riwí, ni Chíkich naari Mateu, akupin akitiai jeanam pujan Wáinkiamiayi. Wáiniak "nemartusta" Tímiayi.

5:28b.LUK.005.028 Tutai Riwí wajaki takakmarinkia ikiuak Jesusan nemarsamiayi.

5:29b.LUK.005.029 Nuyá ukunam Riwí namperan Jesusan najatamiayi. Tura Untsurí akupniu Kuítrin-juu tura Chíkich shuarsha Káunkar misanam pujuarmiayi.

5:30b.LUK.005.030 Tura Pariséusha Israer-shuara jintinniurisha Jesusan tsanumpruiniak Jesusa unuiniamurin tiarmiayi "ṡMaaj, urukamtai atumsha akupniu Kuítrin-juu ainia Nújaisha tura Chíkich yajauch shuarjaisha iruntrarum yurumprum?"

5:31b.LUK.005.031 Tutai Jesus aimkiamiayi "Shuar jaachu pénker ainiana nu ṡTsuákratniun atsumainiawak? Antsu jaa ainia nu Tsuákratniun atsumainiawai.

5:32b.LUK.005.032 "Wikia pénkeraitjai" tuinia nuna untsuktajtsan Táchaitjai. Antsu yajauch shuar ni Enentáin Yapajiá Winia ajasat tusan untsuajai" Tímiayi.

5:33b.LUK.005.033 Nuyá Jesusan Aníak tiarmiayi "Juanka unuiniamurisha, Pariséu unuiniamurisha yurumtsuk Yúsan áujainiatsuk. Tura ame unuiniamurmeka ṡurukamtai ijiarma Yúsan áujainiatsu?" tiarmiayi.

5:34b.LUK.005.034 Tutai Jesus Tímiayi "Nuatma nampernum, ṡipiaamu ainia nu ijiarmamniakait, Yamái-nuatu pujai?

5:35b.LUK.005.035 Atsá. Wats Wisha ukunam junaktiatjai; nuinkia ijiarmatin átatui" Tímiayi.

5:36b.LUK.005.036 Tura junasha nujai métek-taku unuiniamiayi: "ṡYamaram Pushí tsupikiar nujai arut pushiniam anujtukminkiait? Nu Túramka yamaram Pushí yajauch ajasaintiui; Túrasha shiir anujkamu arut pushijiai mai metek yamaram Wáinkiachminiaiti.

5:37b.LUK.005.037 Núnisan nijiamanch Yamái nawamu nuap najanamu arutnum yaraachminiaiti. Túramka nijiamanch Karíak ijiakratniuiti; Túmak nijiamchisha nuap najanamusha mai metek menkainiawai.

5:38b.LUK.005.038 Tuma asamtai nijiamanch Yamái nawamu yamaram nuap najanamunam yaraatniuiti. Nu Túramka mai metek pénker átiniaiti.

5:39b.LUK.005.039 Yaunchu nawamu úmana nuka yamarman nakitrattui. "Yaunchu nawamu Imiá penkeraiti" Tiártatui" Tímiayi Jesus.

6

6:1b.LUK.006.001 Ayampratin tsawantai Jesussha unuiniamurijiai araamunam wekasar, unuiniamurisha trikiu neren majurkutak wekainiarmiayi; tura tishisar neren yuawarmiayi.

6:2b.LUK.006.002 Nuna Túruiniakui Pariséu tiarmiayi "Maaj, atumsha ayampratin tsawantai takaschatniua nui, ṡurukamtai takaarum?"

6:3b.LUK.006.003 Takui Jesus ayak Tímiayi "Yaunchu uunt akupin Tawitcha tura nemarniusha tsukamainiak Túrawarmia nu ántichukaitrum.

6:4b.LUK.006.004 Tawit Yusa Jeen Wayá, Yus iniaktusma tantan Yuámiayi; tura nemarniuncha ajamsamiayi. Tura nu tantancha aya Israer-shuara Pátriri Yúatin ármiayi. Tuma ain Tawitcha yajauchin Túrutsuk achikmiayi, Tímiayi.

6:5b.LUK.006.005 Wisha Aents Ajasuitkiun ayampratin tsawantan Nérenniurintjai" Tímiayi Jesus.

6:6b.LUK.006.006 Chíkich ayampratin tsawantai Israer-shuar iruntai jeanam Jesus Wayá unuiniartasa nankamamiayi. Nui shuar uweje untsuuria nu jakaa pujumiayi.

6:7b.LUK.006.007 Tura Israer-shuara jintinniurisha, Pariséusha Jesusan "yajauch Túrayi" titiai tusar wakeruiniak, "ju ayampratin tsawantai nu shuaran tsuartimpiash" tusar ii pujuarmiayi.

6:8b.LUK.006.008 Túrasha Jesuska ni Enentáimmiarin nekariarmiayi. Túmayat uweje jakaan chicharuk "Jui ajapén wajasta" Tímiayi. Tutai aishman ajapén wajasmiayi.

6:9b.LUK.006.009 Nuinkia iruniarmiania nuna Jesus Tímiayi "Enentáimpratarum. Ayampratin tsawantai yajauch Túratin, pénker Túratniujai ṡTuá pénkerait? ṡUwemtikratin, Máatniujaisha Tuá pénkerait?" Tímiayi.

6:10b.LUK.006.010 Nuyá téntakarmia nuna iis aishmankan Tímiayi "Uwejem takuitia." Aishmansha uwején takuimtai Nú chichamaik pénker ajasmiayi.

6:11b.LUK.006.011 Tura Chíkichkia ti kajerkarmiayi. Túrawar "Jesus Warí itiurkamniakit" tusar aniniaisarmiayi.

6:12b.LUK.006.012 Nuyá Jesus Yúsan áujsataj tusa Náinnium wakamiayi. Tura nu kashi Yúsan au-aujkua tsawarmiayi.

6:13b.LUK.006.013 Tsawarmatai unuiniamurin ikiankar tuse anaikiamiayi. "Winia akatramuruitrume" Tímiayi.

6:14b.LUK.006.014 Ju ármiayi: Emka, Semun Chíkich naari Pítiur apujtusmia nu; tura Nuyá ni yachi Antres, Jakupusha, Juansha, Jiripisha, Parturumísha,

6:15b.LUK.006.015 Mateusha, Tumassha, Arpeu uchiri Jakupusha, Asump Semunsha,

6:16b.LUK.006.016 Jakupu yachi Jútassha, tura Jútas Iskariúti Jesusan ukunam surukmia nu. Nu tuse achikma ármiayi.

6:17b.LUK.006.017 Niijiai Jesus Náinniumia pakanam taawarmiayi. Nui pujusarmiayi. Nuisha Untsurí unuiniamurisha, tura Jutía nunkanmaya, tura Jerusarénnumia tura nayaantsanam ayamach Tiru, tura Setun péprunmaya ti Untsurí aents antuktaitsar pujuarmiayi. Jesus tsuarati tusar Káunkarmiayi.

6:18b.LUK.006.018 Iwianchrukusha Tsuámararmiayi.

6:19b.LUK.006.019 Jesus Tsuártinian tujinkiachu asamtai ashi shuar antintaj tusar wakeriarmiayi.

6:20b.LUK.006.020 Ni unuiniamurin Jesus iis juna Tímiayi: ""Yusan atsumajai" Tárumna nu, Yus akupeamunam Páchitkiaitrume; tuma asamtai warasminiaitrume.'

6:21b.LUK.006.021 `Yamái tsukamarmena nu ukunam ejemartatrume. Tuma asamtai warasminiaitrume. Yamái uutrumna nu, ukunmanka wishirtatrume. Tuma asamtai warasminiaitrume.'

6:22b.LUK.006.022 `Atumin nakitramprarmatai, ajapramawarmataisha, tura Winia Aents Ajasu tutaiya Nú shuar ajasuiti tusar tsanumprutmak katsekkramkarmataisha warasminiaitrume.'

6:23b.LUK.006.023 `Túramtai nayaimpiniam ti shiir ana nu Núkap sunastin átatui tu Enentáimsarum ti warastarum. Warí, ju shuara uuntri yaunchu Yúsnan etserniun Nútiksaran yajauch awajsacharmakia.'

6:24b.LUK.006.024 `Tura Kuítrinniutiram atumsha Atumí waratairi aya yamaik waintrume. Ukunmanka waraschattarme.'

6:25b.LUK.006.025 `Atsumatsjai, tu Enentáimprumna nu, ukunmanka atsumattarme. Nuinkia waraschattarme. Yamái Wishíarmena nu, ukunmanka Wáitiakrum uuttiatrume. Nuinkia waraschattarme.'

6:26b.LUK.006.026 `Ashí aents atumin shiir awajtamkurmin aneartarum. Nujai waraschatniuitrume. Warí nuna uuntri ántar-yusnan etserin armia nuna Nútiksaran yaunchu shiir awajsarmiayi.'

6:27b.LUK.006.027 `Winia anturtarmena nuna juna Tájarme: Ame nemasrum aneata, nakitramainia nusha shiir awajsata;

6:28b.LUK.006.028 yajauch chichartamainia nusha shiir Enentáimtusarta; katsekramainia nusha Yus áujtusarta.

6:29b.LUK.006.029 Ame yapimin ijiutmamtai Aatú yapiruisha ijiuti tusam iniaktusta; ame pushirmin jurutramkitiaj Tuíniakuisha Sákurmencha jukiti tusam iniaisata.

6:30b.LUK.006.030 Seatmana nu susata, tura áminiun jurutramainiakuisha ataksha awanturkitia tiip.

6:31b.LUK.006.031 Chíkich winia Túrutati tusam wakeramna Nútiksamek chikichcha Túrata.'

6:32b.LUK.006.032 `Iista, aya atumin anenmainia nuke aneakmesha, ṡnusha Warí pénkera Túrarum? Yajauch shuarsha nuna Túrin ainiawai.

6:33b.LUK.006.033 Tura atumniasha pénker awajtamainia nuke pénker awajkurmesha ṡnusha Warí pénkera Túrarum? Yajauch shuarsha nuna Túrin ainiawai.

6:34b.LUK.006.034 Awanturkimniaiti tu Enentáimtarum nuke íkiakrumsha ṡnusha Warí pénkera Túrarum? Yajauch shuar nuamtak yajauch shuarjai awanturkimniaiti tu Enentáimsar ikianainiawai.

6:35b.LUK.006.035 Tura atumsha nemasrum aneatniuitrume, tura pénker Túratniuitrume, tura awanturkittiawai tu Enentáimtsuk ikiastiniaitrume. Túrakrumninkia Uunt Yus pénker akirmaktatrume; tura ni Uchiríntjai tu iniakmastatrume. Yuska, "yuminsajme" ticha nunasha tura yajauch shuarnasha shiir awajeawai.

6:36b.LUK.006.036 Ii Aparí waitnentramniua Nútiksarmek atumsha waitnentratarum.'

6:37b.LUK.006.037 `Chikicha Túramuri ti Enentáimtusairap. Núnisan Yuska Atumí tunaarin iirtamsashtatui. Chikicha tunaarin "nuke asutniatniuiti" tiirap. Núnisan Yus atumin sumamtikramashtatrume. Tsankurnairatarum. Núnisan Yus tsankurtamprattawai.

6:38b.LUK.006.038 Chikichcha susata. Núnisan Yus atumin suramsattarme. Niisha pénker nekapma, tura Núkap ati tusa teeka awajas tura patas Núkap enkea emetsai amastatui. Atum Chíkich Túrarmena Nútiksan atumniasha Túrutmattarme."

6:39b.LUK.006.039 Tura nuyasha juna métek-taku chichaman ujakarmiayi: "Jii kusurusha ṡitiurak Chíkich kusuruncha jukimniait. Mai metek waanam iniaashtatuak?

6:40b.LUK.006.040 Unuiniamua nu unuiniana nuna nankaamas áchatniuiti. Túrasha niisha ti unuimiatar unuiniana nujai métek nekaamniaiti.'

6:41b.LUK.006.041 `ṡItiurtsuk atumi jiin numi enketna auk iitskesha Atumí Yachí jiin tsuat enketusha iiyarum?

6:42b.LUK.006.042 Ame jiimiin numi tuke enketaisha ṡitiurtsuk ame yatsumi jiiya Tsuátan jurustajme tame? ḂAntraitrume! Emka ame jiimiin numi enketna nu jusata. Nuinkia paant Wáinkiattame yatsumi jiin tsuat enketna nu jurustin.'

6:43b.LUK.006.043 `Pénker numi yajauchin nereatsui; tura yajauch numi pénkeran nereatsui.

6:44b.LUK.006.044 Numisha ni neren nékanui. Tsachikniumiasha kushinkiap Júukchamniaiti. Tura naranmaya shuinia Júukchamniaiti.

6:45b.LUK.006.045 Núnisan pénker shuar ni Enentái pénker asamtai pénkeran chichaawai; tura yajauch shuar, Enentái yajauch asamtai yajauchin chichaawai. Páantchakait. Enentáin pimiutkamu ana nuyan ni wenejai chichaawai.'

6:46b.LUK.006.046 `Wi Tájana nu Túrachiatrumsha ṡurukamtai Winia, Uunta, Túrutrum?

6:47b.LUK.006.047 Shuar winia chichamprun ántuinia nu jea jeammajai métekete. Winia anturtuk Umíana nu jujai métekete:

6:48b.LUK.006.048 Shuar jean jeamuk emka init taur kayanam ukurmai. Tura yumi ti yutuk, entsa nujankrua tukummaitiat pukukachmai kayanam ukuamu asa.

6:49b.LUK.006.049 Antsu Winia anturtukiat umiatsna nuka jujai métekete: Shuar jean jeamuk aya naikminiam jeammai. Tura entsa nujankrua tukumpram nu jeaka pukukamai. Tura mash Sáantramai." Tu unuiniamiayi Jesus.

7

7:1b.LUK.007.001 Jesus aentsun unuiniasua amik Kapernáum péprunam wémiayi.

7:2b.LUK.007.002 Nui Rúmanmaya suntara Kapitiántri pujumiayi. Nu Kapitiáni takarniuri, ti aneamuri, jakamnia jaamiayi.

7:3b.LUK.007.003 Tura Jesusan pachis áujmatainian antuk, ame shuarum Jesusan itiartiti tura winia takarniun Tsuárturti tusa Israer-shuara uuntrin akupkamiayi.

7:4b.LUK.007.004 Niisha Jesusan weriar, umirtukat tusa ti seainiak tiarmiayi "Ju Kapitián nekas Yáintin pénkeraiti.

7:5b.LUK.007.005 Niisha yajaya apachitiat iin shiir Enentáimturmaji. Tura iruntai jean jeamtinniasha ninki chicharkaiti, tura yayawai."

7:6b.LUK.007.006 Nuyá Jesus niijiai wémiayi. Tura ni jeen jeastatuk jatemsamtai Kapitiáncha ni amikrin akatar ju titiarum tusa Jesusan akuptukarmiayi. Niisha Jesusan chicharuk juna tiarmiayi "Uuntá, ántram wayataj tu Enentáimsaip. Ame ti nankaamaku asam winia jearui wayachminiaitme.

7:7b.LUK.007.007 Tuma asakmin imia wiki Amiin jeatniun arantukjame. Ayatik "pénker Ajastí" Tákumin winia takarniusha pénker ajatrustatui.

7:8b.LUK.007.008 Wi nékajai. Winia uuntur winia akuptuiniawai. Tura wisha suntaran akupenajai. Nunasha wi "Wetá" takui wéawai. Tura chikichnasha "Winitiá" tutai winiawai. Tura winia takartinian "ju Túratá" tutai Umíawai." Tu Tímiayi.

7:9b.LUK.007.009 Jesus nuna antuk ti Enentáimias ni nemarainian Tímiayi "Nekas Tájarme Israer-shuar Yúsan Tímiatrus Enentáimtinian Wáinchaitjai."

7:10b.LUK.007.010 Tura kapitiani akatramuri Jeá waketkiar, takarniuri pénker ajasun Wáinkiarmiayi.

7:11b.LUK.007.011 Nuyá ukunam Chíkich pepru Naín tutainium ni unuiniamurijiai tura Chíkich Untsurí aentsjai Jesus wémiayi.

7:12b.LUK.007.012 Tura péprunam nuntumas jakaan iwiarsatai tusar Juínian Wáinkiamiayi. Jakáa nukuri Wájeyayi, tura uchiri jakamia Núchikiiyayi. Tura ti Untsurí nu peprunmaya niin nemarsarmiayi.

7:13b.LUK.007.013 Jesus nu wajen Wáiniak tura waitnentar "úutip" Tímiayi.

7:14b.LUK.007.014 Nuinkia Jesus jakaa enkerman tarunt antinmiayi; nuna Juíniasha wajasarmiayi. Nuinkia Jesus jakaan chicharuk "Umpa nantaktia, Tájame" Tímiayi.

7:15b.LUK.007.015 Tutai niisha nantaki pujus chichaamiayi. Tura Jesus ni nukurin "Jujú uchiram" Tímiayi.

7:16b.LUK.007.016 Tura matsamiarmia nu, nuna Wáinkiar ashamkarmiayi. Tura Yusa Náarin shiir awajsarmiayi. Tura chichainiak, "Yúsnan etserniuchukait Niisha. Ataksha Yúsnan etserin uunt ana nu tarutramji" tiarmiayi. Tura "Israer-shuarti Niiniu ájinia nuna Yáinmaktai tusa Yus tarutramji" tiarmiayi.

7:17b.LUK.007.017 Tura Ashí Jutía nunkanmayasha tura ni írutkamu nunka ármia nuyasha Jesus Túramia nuna nekaawarmiayi.

7:18b.LUK.007.018 Juan ni írutkamuri ujakam Jesus Túramun nekaamiayi. Nekáa ni írutkamurín Jímiaran untsukmiayi.

7:19b.LUK.007.019 Tura Jesusai akupkarmiayi. "Atumsha Jesus aniastarum. ṡAmesha nekas Kristu Yus akupkamu Tátinia Núkaitiam. Kame chikichak Nákastataj~i? titiarum. Nu Nekáa ikiuutarum' Tímiayi.

7:20b.LUK.007.020 Tutai niisha Jesusan Werí jeariar tiarmiayi "Incha imiakratin Juan akatar akuptamkaji. ṡAmesha nekas Tátinia Núkaitiam. Chikichak Nákastataj~i? Nu nekaatai tusar wakeraji" tiarmiayi.

7:21b.LUK.007.021 Wats, nii jeawarmia nui Jesus Untsurí jaan Tsuártasa pujurmiayi. Iwianchrukuncha iwianchrin jiirki akupkatasa pujurmiayi. Tura kusuruncha iimtikmiayi.

7:22b.LUK.007.022 Tuma asa Jesus akatramun juna Tímiayi: "Waketkirum Ashí átum antukurmena nusha, Wáinkiarumna nusha ujaktarum. Kusurusha Wáinmainiawai; shutuap ainia nu pénker wekainiawai; tunamarusha Tsuámainiawai; empekusha ántuiniawai; jakaasha atak iwiaaku ajainiawai; tura Kuítrinchanumsha uwempratin chicham ujakmaiti. Juan nu ujaktarum.

7:23b.LUK.007.023 Yawetsuk Winia tuke shiir Enentáimturna Nú shuar shiir átatui" Tímiayi Jesus.

7:24b.LUK.007.024 Waketkiarmatai Jesus Juánkan pachis áujmatman antuk shuar matsamarmia nui juna Tímiayi: "Shuar atsamunmasha ṡWarí werimiarum. Pintiu nase Umpúam Atúu we Juní we ajana nu iistai tusarmek wémarum? Juan Núnischaiti.

7:25b.LUK.007.025 Nuikia ṡWarí werimiarum. Shuar pénker iwiarmampra iistai tusarmek wémarum? Warí, pénker iwiarmampraka uunt akupniu jeen pujuiniatsuk.

7:26b.LUK.007.026 Nuinkia ṡWarí werimiarum. Yúsnan etserniuk werimiarum? Maa, Nú nankaamas Wáinkiarme.

7:27b.LUK.007.027 Yaunchu Yus-Chichamnum ju aarmaiti: "Winia akatramurun amiini emka akupeajai ame jintimin iwiarat tusan." Juan nu akatramuiti.

7:28b.LUK.007.028 Nekasan Tájarme, Yúsnan etserin imiakratin Juanjai nankaamas uunt atsuwiti. Túmaitiat Yus akupeamunam Páchinia nu shuarka nekas imianchaitiat, Juanjai nankaamas átatui" Tímiayi.

7:29b.LUK.007.029 Penké shuarsha, Kuítian-juusha, Juan imiaimiujai imianiarmia nu, Jesus timian antukar Yusa Náarin shiir awajsarmiayi.

7:30b.LUK.007.030 Túrasha Pariséusha Israer-shuara jintinniurisha Yus Yáintaj Támaitiat Juan imiaamujai imiancha ásar nakitrarmiayi.

7:31b.LUK.007.031 Nuinkia Uunt Jesus Tímiayi "Yamaiya aentstiram, warijiain métek árum nuna paant Títiatjarme.

7:32b.LUK.007.032 Uchijiai métek árume. Ni aijiai iruntrar nakurustaj Tukamá Tuíniawai "Námpera ainis nakurustaitsar peem umpuarji, Túrasha Jantsemáchurme. Nuyá iwiarsatniua ainis nakurustaitsar íwiareakur kantamtai Kantamáaji, Túrasha átum uutcharme." Tu Tuíniawai.

7:33b.LUK.007.033 Atumsha Núnisaitrume. Kame Juan Núkap yurumtsuk úmutsuk wekaimiayi. Túmakui átumka "iwianchrukuiti" Tímiarme.

7:34b.LUK.007.034 Nuyá Wisha Aents Ajasan Támajai. Tura Yurumá úmakuisha "ti yurumin tura ti nampenaiti; kame Ashí yajauch shuaran tura Kuítian-juu amikrinti" Túrutrume.

7:35b.LUK.007.035 Wats, nekas neka ainia nu, Yusa nekatairin iniakmainiawai." Tu Tímiayi.

7:36b.LUK.007.036 "Winí Yurumáitia" tusa Pariséu Jesusan ipiaamiayi. Tutai Jesus ni jeen Werí misanam pujusmiayi.

7:37b.LUK.007.037 Nuinkia nu péprunmaya yajauch nuwa, Jesus Pariséu jeen Yurumáttsa weyi Táman antuk, Kayá mutinium kunkuin asuiti aimkiamun Takukí jearmiayi.

7:38b.LUK.007.038 Tura uutki Jesusa nawen pujuras neajkijiai nijiarmiayi. Tura intiashijiai japirmiayi; Nuyá nawenam mukuta kunkuinian ni nawen ukatramiayi.

7:39b.LUK.007.039 Pariséu Jesusan ipiaamia nu, nuna Wáiniak juna Enentáimsamiayi: "Ju nekas Yúsnan etserniuitkiunka, ju yajauch nuwa ántiana nuna nekaawainti. Warí, niisha netse nuwachukait" tu Enentáimsamiayi.

7:40b.LUK.007.040 Nuinkia Jesus Pariséun chicharuk Tímiayi "Semunká, ámin titiaj tusan wakerajai." Tutai Pariséu chichaak "Turuttiá, Uuntá" Tímiayi.

7:41b.LUK.007.041 Tutai Jesus Tímiayi "Kuítian ikiamniun Jimiará aishman tumashmakarmiayi. Chíkich kiniantus (500) tura Chíkichka aya senkuentak tumashmakmiayi.

7:42b.LUK.007.042 Akiktin tsawant jeamtai Mái-metek takakcha ármiayi. Tuma asamtai Kuítian ikiamin ni tumashrin Mái-metek Asakátrarmiayi. Wats, Turuttiá ṡTú aishmanka ikiamniun nekas aneamia?" Tímiayi.

7:43b.LUK.007.043 Tutai Semun Tímiayi "Enta, Núkap tumashrin tsankuramia nu."

7:44b.LUK.007.044 Tutai Jesus Tímiayi "Nekas tame." Nuinkia nu nuwan iis Semunkan Tímiayi "Ju nuwa Wáintsumek. Ame jeemiin wayamtai winia nawer nijiartin entsa suruschamame; antsu ju nuwaka nawerun neajkijiai nijiarturai, tura intiashijiai japirturai.

7:45b.LUK.007.045 Mukutam áujtuschamame; antsu ninkia nawerun tuke mukutui.

7:46b.LUK.007.046 Winia muukaruisha asuiti ikiurtuschamame; antsu ninkia nawerui kunkuin asuitin ukatrurai.

7:47b.LUK.007.047 Nu tuma asamtai Tájame, niisha Winia ti anentu asamtai ni tunaari Untsurí ana nu tsankuramuiti. Tura tunaar ishichik awai tau tsankuramu ana nuka ishichik anenkratniuiti." Tu Tímiayi Jesus.

7:48b.LUK.007.048 Nuinkia nuwan Tímiayi "Ame tunaarum tsankuramuitme."

7:49b.LUK.007.049 Tura Chíkich ipiaamu Jesusjai misanam pujuarmiania nu "ṡJusha ya asan tunaancha tsankurea?" nuamtak tunainiarmiayi.

7:50b.LUK.007.050 Tura Jesus nuwan chicharuk""Uwemtikiartiniaiti" tu Enentáimturu asam uwempraitme. Shiir Wetá" Tímiayi.

8

8:1b.LUK.008.001 Nuyá Untsurí péprunam Jesus Wekaráktak Yus akupeana nuna shiir chichaman etserkini wekaimiayi. Tura ni unuiniamuri tuse ármia nu nemarsarmiayi.

8:2b.LUK.008.002 Yaunchu Untsurí nuwa jaa armia nuna tura iwianchruku armia nunasha Jesus Tsuárarmiayi. Nu nuwasha Niin nemarsarmiayi. Nusha ju ármiayi: Maktaranmaya Marí, siati íwianch Jíirkimiuyania nusha

8:3b.LUK.008.003 tura uunt akupin Erutisa takarniuri Chusa nuwé Juancha, tura Susancha; tura Chíkich Untsurí ni takakmarin Súsar Jesusan Yáinkiarmiayi.

8:4b.LUK.008.004 Untsurí péprunmaya Jesusan iistai tusar Jíinkiarmiayi. Tura Untsurí Káunkarmatai ju métek-taku chichaman Jesus unuiniamiayi:

8:5b.LUK.008.005 "Atsaamin atsaamprataj tusa Jíinkimiayi. Atsaamki wesa Jinkiái Jintiá iniaararmiayi. Túrunamtai weenak najakarmiayi. Nuyá chinki tariar yuawarmiayi.

8:6b.LUK.008.006 Chíkich Jinkiái kaya írunmanum iniaararmiayi. Nu Jinkiái tsapainiar, Wárik nantu sukuam Kárarmiayi.

8:7b.LUK.008.007 Chíkich Jinkiái jankiniam iniaararmiayi. Tura jankisha Jinkiáisha Mái-metek tsapainiar, janki kankar ajakramiayi.

8:8b.LUK.008.008 Tura Chíkich Jinkiáisha pénker nunkanam iniaararmiayi. Tura tsapainiar, pénker nerekar Chíkichkia siansha (100) nerekarmiayi." Tuasua amik kakantar chichaak Jesus Tímiayi "Kuishim ákuinkia antuktarum."

8:9b.LUK.008.009 Nuyá ni unuiniamuri Jesusan aniak tiarmiayi "Ju métek-taku chicham tamena nu ṡwarintkumea tame?"

8:10b.LUK.008.010 Tutai Jesus Tímiayi "Atumnia Yus ni akuptairin nekaachma ana nuna nekamtikramprume. Tura chikichnaka, Wáiniainiayat kusurua Núnin ártí tusan, tura ántuiniayat nekaacharat tusan aya métek-taku chichamjai jintintiatjai," Tímiayi.

8:11b.LUK.008.011 `Wats, ju nekaatarum, Tímiayi. Jinkiáisha Yusa chichamen nakumui.

8:12b.LUK.008.012 Jintiá iniaaru tana nuka shuar aya ántana nuna nakumui. Yúsan nekas Enentáimtus uwempracharti tusa íwianch Wárik taa nu chichaman ni Enentáiyan Júawai.

8:13b.LUK.008.013 Kayanam iniaaru tana nuka shuar antuk waras umiana nuna nakumui. Tura Nú shuar kankape Atsá asamtai, ishichik tsawantinin umikiar itiurchatan Wáinkiar Wárik kanainiawai.

8:14b.LUK.008.014 Jankiniam iniaaru tana nuka tuke Enentáijiai Umíatsna nuna nakumui. Nu shuarsha ántuiniawai, Túrasha ni wakeramurijiai wekainiawai. Ju nunkanman ana nuna ti Páchiniakui, tura Kuítian ti wakeruiniakui, warastinniak Enentáimtuiniakui, Yus-Chicham ni Enentáin takaatsui. Nujai kankarma ásar nerektinian tujintiainiawai.

8:15b.LUK.008.015 Tura Jinkiái pénker nunkanam iniaaru tana nuka shuar antuk umiinia nuna nakumui. Niisha antukarmia nuna pénker Enentáimtusar, yawetsuk umirkar ti pénker nerenawai.'

8:16b.LUK.008.016 `ṡShiripkin ekeemak nukuktinkiait? Peaknum waaptak ikiuschatniuiti. Antsu jeanam Wáiniana nu paant Wáinkiarat tusa Yakí ekentsatniuiti.

8:17b.LUK.008.017 Núnisan Ashí nekaachma ana nu paant átatui. Tura úukma ana nu nekanattawai. Tura iwiainiakma átatui.

8:18b.LUK.008.018 Tuma asamtai anearum pénker antuktarum. Shuar takakna nu patatsamnia átatui. Túrasha takaktsuna nu, takakjai tu Enentáimtumana nuka Jurunkíttiawai." Tu timiayi.

8:19b.LUK.008.019 Jesus pujamunam Nukurí ni yachisha tariarmiayi.

8:20b.LUK.008.020 Turamtai Jesusan tiarmiayi "Ame nukusha yatsumsha aa wajasar untsurmainiawai."

8:21b.LUK.008.021 Tutai Jesus Tímiayi "Ee, nukuruiti, yatsuruiti, tura Yus tana nuna antuk Umíana nusha winia nukuruiti, winia yatsuruiti."

8:22b.LUK.008.022 Chíkich tsawantai Jesus ni unuiniamurijiai kanunam enkemprar "Antumian amaini wetai" Tímiayi.

8:23b.LUK.008.023 Entsanam wesar Jesus kanarmiayi. Tura aya aneachma nase ti kakaram Násentkui Chíchimi Tampá tukumar kanun init awayastatuk awajmiayi.

8:24b.LUK.008.024 Túram nuinkia Jesusan ishintiainiak "Uuntá, iisha Entsá wayaaji" tiarmiayi. Nuinkia Jesus nantaki nasencha entsancha chicharkamiayi. Nú chichamaik nasesha menkakamiayi, tura entsasha miaaku ajasmiayi.

8:25b.LUK.008.025 Nuyá ni unuiniamurin chicharuk "ṡUrukamtai Winia Enentáimtursachuram?" Tímiayi. Tura niisha ashamainiak, ti Enentáimprar "ṡAusha Warí aishmankait? Nasesha entsasha Nii chicharkam umirainiatsuk" tiarmiayi.

8:26b.LUK.008.026 Kariréa nunka amaini Jatara nunkanam jeawarmiayi.

8:27b.LUK.008.027 Kanunmaya Jesus jiinkimtai nu péprunmaya aishman Niin taruntamiayi. Nu aishmansha yaunchu iwianchrukuyayi. Misú wekas, Jeá pujutsuk aents iwiarsamunam pujuyayi.

8:29b.LUK.008.029 Iwianchkia nu aishmankan ti kakaram nupet wémiayi. Tura emetatai tusar uwejencha nawencha jirujai Jinkiá wearmiayi. Túrasha tujinkiarmiayi. Niisha jiruncha Tsurí wémiayi. Tura íwianch aents atsamunam útsuk awemamiayi. Nu aishman Jesusan Wáiniak tikishmatar kakantar chicharuk "ṡUrukamtai winiisha tarutnium, Uunt Nankaamaku Yusa Uchiri Jesusa? Winia Wáitkiarsaip tusan seajme" Tímiayi. Iwianch niin pujurun Jesus jiiki akupeam tu Tímiayi.

8:30b.LUK.008.030 Jesus nu aishmankan anias "ṡYáitiam?" Tímiayi. Tútai nii chichaak "Wikia Untsuríntjai" Tímiayi. Untsurí íwianch niin pujurma asa nuna Tímiayi.

8:31b.LUK.008.031 "Iin uunt Wáanam ii jiinkimiaj nuin akuptukam amutkaip" íwianch seawarmiayi Jesusan.

8:32b.LUK.008.032 Nui ishichik arantach Náinnium Untsurí kuchi shushunmak yujaarmiayi. Tura íwianch chichainiak, "Antsu kuchiniam wayatin tsankatrukta" tiarmiayi. Tutai Jesuska "Ayu, wetarum" Tímiayi.

8:33b.LUK.008.033 Nuna takui íwianch aishmannumia Jíinkiar kuchiniam wayawarmiayi. Túram kuchisha Nánatanam akaiki iniaawar entsanam utsanawarmiayi. Túrunawar jakekarmiayi.

8:34b.LUK.008.034 Kuchin Wáinniusha Túrunan Wáinkiar, ashamkar, péprunmasha tura arantcha etserkatai tusar tseke wearmiayi.

8:35b.LUK.008.035 Etserkarmatai, iyutai tusar Untsurí shuar wearmiayi. Tura Jesus pujamunam jeawar, íwianch Jíintiukiarmia Nú aishmankan pénker ajas Pushí entsar Jesusa nawen pujan Wáinkiarmiayi. Tura ashamkarmiayi.

8:36b.LUK.008.036 Iwianchruku aishman Tsuárman Wáinkiarmia nu yama taan ujakarmiayi.

8:37b.LUK.008.037 Tura ti ashamainiak Jatara nunkanmaya aents Ashí Jesusan "Wetá" tiarmiayi. Tutai Jesus kanunam enkemar wémiayi.

8:38b.LUK.008.038 Iwianch Jíintiukiarmia Nú aishman Jesusan, wisha ame wéamunam winitiaj tusa seamiayi. Tutai Jesus nuna suritiak,

8:39b.LUK.008.039 "Antsu ame jeemiin weme Yus ámin Túrutma nu Ashí etserkata" Tímiayi. Tutai aishman we Jesus niin Túramia nuna Ashí nu péprunam etserkamiayi.

8:40b.LUK.008.040 Tura Jesus katinki Kariréanam Tatí tusar Nákas pujuarmiayi. Tuma ásar Nii waketki katinki Támatai nu aencha warasar áujsarmiayi.

8:41b.LUK.008.041 Tumai Israer-shuara iruntai Jeá uuntri Jairu naartin Támiayi. Nii taa, Jesusa nawen tikishmatar "Winia jearui waitneasam Winítrítiá" Tímiayi.

8:42b.LUK.008.042 Ni nawantri chikichik amia nu, tuse Uwí takaku, jakatasa pujakui nuna Tímiayi. Jesus "ayu" tinia weakui ti Untsurí aents nemariarmiayi. Tura Untsurí shuar kae ajas weena ásar chanuawarmiayi.

8:43b.LUK.008.043 Nui nuwa Páchitkia wémiayi. Niisha tuse Uwí numpa ajapeak Wáitias pujuyayi. Tsuákratniua nuisha ni Kuítrin Ashí ajapaitiat Tsuámarchauyayi.

8:44b.LUK.008.044 Jesusa úkuriini Winiá weantuk ni Pushirí Nánkatramurin antinmiayi. Nuna tura Nú chichamaik numpé ájapeamuncha pénker ajasmiayi.

8:45b.LUK.008.045 Nuinkia Jesus chichaak "ṡYa Winia antintkia?" Tímiayi. Tura "penkesha antinchajme" Tuíniakui Pítiur ni tsaniakmarijiai Jesusan chicharuk "Uuntá, ti Untsurí antinmasha, tura ti Untsurí chanunmainiasha ṡitiura "ya Winia antintkia" tame?" Tíarmiayi.

8:46b.LUK.008.046 Tútaisha Jesus Tímiayi "Nekas Winia antintkiayi. Winia kakarmarjai Tsuárajna nuna nékajai" Tímiayi.

8:47b.LUK.008.047 Nuyá nu nuwasha, nekarayapi tusa kuranki taa Jesusa nawen tikishmatramiayi. Tura Ashí aents ántuiniamunam urukaku antinkia tura itiura Wárik pénker ajasmia nuna ujakmiayi.

8:48b.LUK.008.048 Nuinkia Jesus nuwan Tímiayi "Nawantrú, shiir Wetá. Winia nekas Enentáimtursa asam pénker ajasume."

8:49b.LUK.008.049 Jesus tuke chichas pujai uunt Jairu jeenia taa, Jáirun Tímiayi "Ame nawantrum jakayi. Unuikiartin tuke itit awajipia" Tímiayi.

8:50b.LUK.008.050 Tura Jesus nuna antuk Tímiayi "Ashamkaip. Ayatik Winia nekas Enentáimtursata. Túrakmin nawantrum pénker ajastatui" Tímiayi.

8:51b.LUK.008.051 Jeá jeawar Jesussha Niijiai Untsurí wayatniun surimkiamiayi. Antsu aya Pítrun, Jakupun, Juánnasha tura nuwachi Aparín Nukuríncha wayatniun tsankatkamiayi.

8:52b.LUK.008.052 Ashí uutainiak atakka Wáinkiashtatjapi tu uutiarmiayi. Túmainiakui Jesus penké jakaan nékayat Tímiayi "Uutirpa. Nuwachkia Jákachai, antsu kanarai" Tímiayi.

8:53b.LUK.008.053 Jakaancha urukaku ta tusar wishikrarmiayi.

8:54b.LUK.008.054 Nuyá Jesus nuwachi uwején achik, Kákantar chicharuk "Nawantru nantaktia" Tímiayi.

8:55b.LUK.008.055 Túram niisha jakayat atak iwiaaku ajasmiayi. Tura Nú chichamaik nantakmiayi; Túrunamtai Jesus "ayuratarum" Tímiayi.

8:56b.LUK.008.056 Nuwachi Aparí Nukurísha ti Enentáimprarmiayi. Tura Jesus "Ju Túramu penké etserkairap" Tímiayi.

9

9:1b.LUK.009.001 Ni tuse unuiniamurin ikiaanak ni chichamejai iwianchrukun Enentáiyan iwianchin jiirki akupkatniun tura sunkurjai jaa Tsuártinniasha ni kakarmarin Súsarmiayi.

9:2b.LUK.009.002 "Yus akupin ajastin ujaktarum, tura jaa Tsuártarum" tinia akupkarmiayi Jesus.

9:3b.LUK.009.003 Nuyá Tímiayi "Wéakrum áyatik wetarum. Ushukrustincha, uyuncha, yurumkasha, kuitcha penké jukiirap. Aya Chikichík Pushí jukitiarum.

9:4b.LUK.009.004 Nánkamas jeanam jearum wayarmeka nuin pujustarum. Nuin pujusrumek Chíkich péprunam wéakrum Jíinkitiarum, Tímiayi.

9:5b.LUK.009.005 Tura atumin awaintiamatniun nakitiana Nú péprunmaya jiinkirum nawemiya nunka akakekrum ikiuktiarum. Awaintiamachma paant ati tusarum nu Túratarum" Tímiayi.

9:6b.LUK.009.006 Nuyá Jíinkiar Ashí péprunam uwempratin chichaman ujakiar wearmiayi; tura Ashí péprunam Jáiniancha Tsuákiar wearmiayi.

9:8b.LUK.009.008 Uunt akupin Erutis Jesus Túramun antukmiayi. Nu Túramun Chíkich shuarka "Juan jakamunmaya nantaki Túrawai" tu wearmiayi. Chíkichkia, "yaunchu Yúsnan etserin Erías wantiniak Túrawai" tu wearmiayi. Chíkichkia, "Chíkich yaunchu etserin nantaki Túrawai" tiarmiayi. Tuma asamtai Erutis penké nekaachmiayi.

9:9b.LUK.009.009 Tura Tímiayi "Wiki, Juanka muuke tsupirkatarum, Tíchamkaj. Tuma aisha, ṡju shuar, ni Túramuri Ashí shuar chichainia nusha Yátsukait?" Tu Enentáimiuk "iistaj" Tímiayi.

9:10b.LUK.009.010 Atak Jesusa akatramuri waketki taar ni Túramurin Jesusan ujakarmiayi. Nuinkia aents atsamunam Petsaitia péprunam Tíjiuch weak nui Júkiarmiayi.

9:11b.LUK.009.011 Tura penké shuar nuna nekaawar nemariarmiayi. Túram Jesus niin shiir áujsamiayi. Tura Yusa akuptairi pachis unuiniamiayi. Tura jaa armia nuna Tsuárarmiayi.

9:12b.LUK.009.012 Tura Kíakui, tuse unuiniamu Jesusan wériar tiarmiayi "Uuntá, shuar akupkachminiashit. Tíjiuch péprunmasha, Shúarnumkesha wear ni Yurumátniurin sumarmakarti, tura kanartintrin Wáinkiarti. Jui pujajnia juinkia penké atsawai" tiarmiayi.

9:13b.LUK.009.013 Tutai Jesus Tímiayi "Atumsha ayuratarum." Tutai chichainiak "Iisha aya senku tanta tura namaksha Jímiarchik takakji. Ju shuar ayuratin sumaktai tusar wétiniaitji" tiarmiayi.

9:14b.LUK.009.014 Aishmansha ti Untsurí senku mir (5000) Jeeá ámiayi. Tura Jesus ni unuiniamurin chicharainak""senkuenta senkuenta kanaarum ankant ankant pujustarum," titiarum" Tímiayi.

9:15b.LUK.009.015 Túrawarmatai Ashí pujusarmiayi.

9:16b.LUK.009.016 Nuyá senku tantan tura Jimiará namaknasha Jesus achik, yakiini iimias Yúsan yuminsamiayi. Nuyá ajamsarat tusa ni unuiniamurin Súsarmiayi.

9:17b.LUK.009.017 Ashí Yurumáwar ejemararmiayi. Tura ampirman tuse chankinnium aimkiarmiayi.

9:18b.LUK.009.018 Jesus ni unuiniamurijiai aentsnumia kanaki pujuarmiayi. Jesus Yúsan aujsua umik ni unuiniamurin tiarmiayi "ṡYáiti turutainia Winia?"

9:19b.LUK.009.019 Niisha aimkiarmiayi, "Chíkich "Imiakratin Juánkaiti" turamainiawai; chikichcha "Iríasaiti" tura Chíkichkia "yaunchu Yúsnan etserin nantakniua Núiti" turamainiawai" tiarmiayi.

9:20b.LUK.009.020 Tutai "Tura atumsha ṡYáiti Túrutrum?" tiarmiayi. Takui Pítiur chichaak "Ameka Yusa Anaikiamuri, Kristu tutai, Núitme" Tímiayi.

9:21b.LUK.009.021 Tutai Jesus "Penké etserkairap" Tímiayi.

9:22b.LUK.009.022 Nuyá Jesus Tímiayi "Wi Aents Ajasuitjiana ju ti waitsatniuitjai. Wíi shuara uuntri, tura ni Pátriri uuntrisha tura ni jintinniurisha nakitrurar Maantuáwartatui. Túrasha iwiartusarmatai menaintiu tsawant jeamtai nantaktiatjai."

9:23b.LUK.009.023 Nuyá Ashí aentsun chicharuk juna Tímiayi "Shuar Winia nekas nemartustajtsa wakerakka ni wakeramurinkia iniaisati. Tuke tsawant ni krusri yanaki nemartusti.

9:24b.LUK.009.024 Kame shuar ju nunkanam aya pénker pujustaj Tákunka nu shuar uwemtsuk jakattawai. Antsu Winia anentu asa pénker pujustinniak Enentáimtsuna Nú shuarka nekas iwiaakman Wáinkiattawai.

9:25b.LUK.009.025 Iimiata, shuar Ashí ju nunkanam ana nuna Súmakui tura jinium wétin ákuisha ṡitiurak pénker pujusat?

9:26b.LUK.009.026 Wi Aents Ajasuitjiana ju Winiasha tura winia chichampruncha shuar natsantraitkuinkia, winia wincharujai, winia Aparu wincharijiai tura nayaimpinmaya pénker suntara wincharijiai atak Táakun shuar natsantrurmia nuna natsantrattajai Wi.

9:27b.LUK.009.027 Tura shuar Yusa akuptairin Wáintsuk Jákachartatna nu jui pujuiniawai. Nuna nekas Tájarme" Tímiayi.

9:28b.LUK.009.028 Nuna tuasua amik Nuyá Chíkich semanatin Yúsan áujsataj tusa Jesus Náinnium wakamiayi. Pítiur, Jakupu, Juanjai nemariarmiayi.

9:29b.LUK.009.029 Jesus auju pujus Nusháa iira ajattsarmiayi. Ni pushirisha ti puju Jíitsumir ajasmiayi.

9:30b.LUK.009.030 Nuinkia Jimiará aishman Niijiai Chicháa wajarmiayi. Nuka Muisáis Eríasjai ármiayi.

9:31b.LUK.009.031 Níincha wincha Jíitsumir téntakarmiayi. Tura Jesus Wáitias Jerusarénnum Jákatniurin amia nuna áujmatiarmiayi.

9:32b.LUK.009.032 Pítiur ni tsaniakmarijiai kari ti pujainiain Iwiáa pujuarmiayi. Tuma ásar Jesusan tura Jimiará aishmanjai Jíitsumir ajas wajainian Wáinkiarmiayi.

9:33b.LUK.009.033 Tura nu aishman Jesusan ikiuki weenai Pítiur Jesusan chicharuk "Uuntá, iisha ti shiir pujatsjik. Menaintiu aakmaktai, Aminiusha, Muisaisnasha, Eríasnasha aakmaktai" Tímiayi. Tura Pítrusha Enentáimtsuk nuna Tímiayi.

9:34b.LUK.009.034 Nuna Chicháa pujai yurankim Tarí kaput amuawarmiayi. Tura yurankim amuam ti ashamkarmiayi.

9:35b.LUK.009.035 Nuinkia yuranminmaya ju chichaamun antukarmiayi: "Juka winia aneamu Uchiruiti. Nii anturkatarum."

9:36b.LUK.009.036 Chichaamun antasua amikiar Jesus ninki wajan Wáinkiarmiayi. Nuinkia takamtak pujuarmiayi. Tura Wáinkiarmia nuna penké etserkacharmiayi.

9:37b.LUK.009.037 Kashin tsawantai, Náinniumia Táarmatai, ti Untsurí shuar Jesus inkiuntai tusar wearmiayi.

9:38b.LUK.009.038 Nu shuarnumia chikichik aishman Jesusan untsuak Tímiayi "Uuntá, waitneasam uchir Iirtústá. Uchirsha Júchikiiti.

9:39b.LUK.009.039 Iwianch achik Núpeteam niisha Nánkamas untsumui. Tura chichichiptu ajas wenunmasha saun kaput apaawai. Iwianch niin tuke yajauch awajas ankant awajsatniun nakitiawai.

9:40b.LUK.009.040 Túmakui ame unuiniamurmin iwianchin Jíirtukit tusan seamjai. Túrasha tujinkiarmai" Tímiayi.

9:41b.LUK.009.041 Tutai Jesus Tímiayi "Yus Enentáimtichutirmin, tutupnik wekaichatirmin ṡUrutmá tsawanttsuk atumjai pujustaj. Urutmá katsuntratjatsuk? Uchiram jui itiata" Tímiayi.

9:42b.LUK.009.042 Tura uchi winiai íwianch Nunká ajuant chichichiptu aepsamiayi. Tura Jesus iwianchin kakantar chicharkamiayi. Tura uchin pénker awajas ni aparin awantuki susamiayi.

9:43b.LUK.009.043 Tura Ashí pujuarmia nu ti Enentáimprar "Yuska Imiá uuntchakait" tiarmiayi. Jesus Túramun ti Enentáimtu pujuiniai Jesus ni unuiniamurin Tímiayi

9:44b.LUK.009.044 "Wi Tájarmena ju pénker antuktarum. Winia Aents Ajasu Tútain surutkartatui."

9:45b.LUK.009.045 Tura Nii timia nuna unuiniamuri nekaacharmiayi. Nekaawarain tusa paantcha awajsamuyayi. Tura warinkit tusa anintrustinniasha arantukarmiayi.

9:46b.LUK.009.046 Nuyá ni unuiniamuri, yaki Imiá nankaamaku ati tusa, nuamtak mai tunai ajarmiayi.

9:47b.LUK.009.047 Tura ni Enentáimsamurin Jesus nekaamiayi. Tuma asa uchin achik ni pujamunam itiamiayi.

9:48b.LUK.009.048 Itiá Tímiayi "Winia anentuk ju uchin shiir awajeana nuka Winiasha shiir awajtawai. Tura Winia shiir awajtana nuka Winia akuptana nunasha shiir awajeawai. Kame átum nankaamantuchu Tárumna nu ti nekas nankaamantuiti' Tímiayi.

9:49b.LUK.009.049 Nuyá Juan Tímiayi "Uuntá, shuar ame Náarmin pachis iwianchin jiiki akupea nu Wáinkiámji. Tura iin Páchitkiachu asamtai nuka suritkiamji."

9:50b.LUK.009.050 Tutai Jesus Tímiayi "Antsu suritkiairap. Shuar iin nakitramachkunka iin Páchitkiawai."

9:51b.LUK.009.051 Jesus, nayaimpiniam waketkitniuri jeatemamtai, Enentáimmia ímiatrusan Jerusarénnum we-wémiayi.

9:52b.LUK.009.052 Wesa, kanartinian Wáinkiarat tusa akatar émtikiarmiayi. Tura niisha Samaria péprunam jeawarmiayi.

9:53b.LUK.009.053 Tura Samarianmaya aentska, Jerusarénnum wéenan nekaawaru ásar itiaatniun nakitrarmiayi.

9:54b.LUK.009.054 Jesusa unuiniamuri Jakupusha Juansha nuna nekaawar, Jesusan tiarmiayi "ṡUuntá, Erías yaunchu Túramia Núnisrik iisha Túrat tusam wakeramek. Nayaimpinmaya ji tara Samarianmaya aentsun amukarti, Títiatjik?"

9:55b.LUK.009.055 Tutai Jesus niin iisar kakantar chicharuk Tímiayi "Atumsha atumi Enentái urukukit nuka nekamatsrume.

9:56b.LUK.009.056 Wi Aents Ajasu aentsun emesrattsan Táchaitjai. Antsu uwemtikratajtsan Táwitjai" Tímiayi. Nuyá Chíkich péprunam wearmiayi.

9:57b.LUK.009.057 Jintiá weenai, Chíkich aishman Jesusan chicharuk "Uuntá, Tuí wétatam nuisha nemarsatjame" Tímiayi.

9:58b.LUK.009.058 Tutai Jesus Tímiayi "Kujanchmasha ni Wáarin takaktsuk. Chinkisha pasunken takaktsuk. Tura Wi Yusa Uchiríntiatan tepesan ayampratniur atsawai."

9:59b.LUK.009.059 Chíkich aishmankan Jesus "Nemartusta" Tímiayi. Tutai nii chichaak "Antsu, Uuntá, winia apar jakamtai, iwiarsa ikiuakun nemarsatjame. Nu Tsankátrúktá" Tímiayi.

9:60b.LUK.009.060 Tutai Jesus Tímiayi "Jakaa ainia nu ni shuarin iwiarsatniunka Enentáimtusarti. Tura ámeka weme Yus-shuar átin urukukit nu etserkata" Tímiayi.

9:61b.LUK.009.061 Nuyá Chíkich Tímiayi "Uuntá, nemarsataj tusan wakerajme. Túrasha Wíi shuaran emka áujsan ikiuweartaj Tsankátrúktá" Tímiayi.

9:62b.LUK.009.062 Tutai Jesus Tímiayi "Shuar arayat ukunmaani apajas iimna nu, Yus akupeana nui takaschamniaiti."

10

10:1b.LUK.010.001 Nuyá ukunam Chíkich unuiniamurin setenta anaikiarmiayi Jesus. Tura Jímiar Jímiaran apatak émkitiarum tusa Ashí péprunam Ashí nunkanam ni wétin amia nui akupkamiayi.

10:2b.LUK.010.002 Akupeak Tímiayi "Nekas Tájarme, Yus-Chicham étserkum, Júuktinia Núnisan, aents Yus-shuar awajsatin ti awai. Tura ṡyaki Júukat, aya ishichik takainiasha? Tuma asamtai ni takarniuri akupkat tusarum Nerentin seatarum.

10:3b.LUK.010.003 Wetarum. Atumka murikiua Núninaitrume. Uunt yawa yujamua Núninnium tsuumai ámunam akupeajrume.

10:4b.LUK.010.004 Yurumkasha, kuitcha, sapatcha Júkiirap; shuarjai Jintiá áujmamsatai tusarum wajasairap.

10:5b.LUK.010.005 Jea wayakrum emka ju titiarum: "Ju jeanam pujuinia nuna Yus shiir awajsarti."

10:6b.LUK.010.006 Nérentin "Ee, nuna wakerajai" Tákuinkia Túrunattawai. Tura "Atsá, wakeratsjai" Tákuinkia, "nuinkia Túrunashti" titiarum.

10:7b.LUK.010.007 Jeá wayattarmena Nú jeanman pujustarum. Tura ajampramsattarmena nu yuatarum. Warí, takaana nu akinkiashtinkiait. Chíkich jeanam nui werum nui werum ajairap.

10:8b.LUK.010.008 Awaintiamawartatna Nú peprunam jearmeka ajampramsartatna nu yuatarum.

10:9b.LUK.010.009 Jaa ainia nu Tsuártarum. Túrarum "Yus ju nunkanam akupin ajastin ishichik ajatemsai" nu peprunmaya shuar titiarum.

10:10b.LUK.010.010 Iksarmek itiaarmachartatna Nú peprunam jearum, Jintiá wajasrum ju titiarum,

10:11b.LUK.010.011 "Yusna nakitra asakrumin, atumi péprurinia nunka ii nawen peema japirar akakekji. Túrasha ju paant nekaatarum: Yus ju nunkanam akupkatin ishichik ajatemsai."

10:12b.LUK.010.012 Yusa nekapsatin tsawantri jeamtai nu peprunmaya shuaran ti Asutiáttawai. Yaunchu Sutumanmaya shuaran Asutiámia nujai nankaamas Asutiáttawai. Núnaka paant Tájarme Tímiayi.

10:13b.LUK.010.013 `Wáinkiatá, Kurasín péprunmayatiram. Wáinkiatá Petsaitia péprunmayatirmesha. Atumí pépruriin aents tujintiamun ti Túraitjai. Warí, yaunchu Tiru péprunmasha, Setun péprunmasha nu tujintiamu Túramuitkuinkia yaunchu ni Enentáin Yapajiáwaraayi. Túrawar Kúntuts pujutai pushin entsarar yunkunim ajakiaraayi.

10:14b.LUK.010.014 Tura atumsha aents tujintiamu Túramu Wáiniatrum yapajiachu asakrumin Tirunmaya tura Setunnumia aentsjai nankaamas Asutniáttarme.

10:15b.LUK.010.015 Tura atumsha Kapernáumnumiatirmesha, "ti nankaamantu ajasar nayaimpiniam jeattaji" tu Enentáimtsurmek. Maaj, antsu jaka matsamtainium jeattarme, auka" Tímiayi.

10:16b.LUK.010.016 Tura Jesus ni unuiniamurin junasha Tímiayi: "Atumin anturtamainiakka Winiasha anturtuiniawai; atumin nakitramainiakka Winiasha nakitruiniawai; tura Nú arant, Winia nakitrakka Winia akuptukua nunasha nakitiawai." Tú áujas Jesus niin akupkarmiayi.

10:17b.LUK.010.017 Ukunam nu setenta unuiniamu warasar waketki Táarmiayi. Tura chichainiak "Uuntá, ame Náarmiin íwianch jiiki akupeam umirtamkamji" tiarmiayi.

10:18b.LUK.010.018 Tutai Jesus Tímiayi "Ee, Wisha nayaimpinmaya peem peetna Núnisan, uunt iwianch Satanásan akaiki iniaan Wáinkiamjai.

10:19b.LUK.010.019 Atumniaka winia kakarmarun susamjarme, napi najarmasha titin najarmasha yajauch awajtamsairum tusan; tura ii nemasri kakarmari nupetkatniuncha susamjarme.

10:20b.LUK.010.020 Túrasha íwianch umirtamkui nu Enentáimsam warasairap. Antsu Atumí naari nayaimpiniam aarma aa asamtai warastarum" Tímiayi Jesus.

10:21b.LUK.010.021 Nuinkia ni Enentáin Yusa Wakaní waramtiksam Jesus juna Tímiayi: "Aparú, Ashí nayaimpijiai nunka Uuntrinme; tuma asam ju Túrunamu ti unuimiaru Enentáimtumainia Nuyá úukuitme; antsu uchichia Núnis nankaamantuchu Enentáimtumainia Nú shuar paant awajtusuitme. Ee, Aparú, Núnik wakerichmakum. Tuma asamtai shiir Enentáimtajme, Aparú" Tímiayi.

10:22b.LUK.010.022 "Winia Apar Ashí surusuiti. Wisha ni Uchiri asamtai Winia nékarui. Tura Chíkich Winia nekas nekarainiatsui. Yus Apancha Wiki nékajai. Tura Wi wakeraj Nú shuaran winia Aparun paant awajtajai. Nú shuarsha winia Aparun nékainiawai." Tu Tímiayi Jesus.

10:24b.LUK.010.024 Nuyá ni unuiniamurin iis Tímiayi "Wi Tájarme, Untsurí Yúsnan etserniusha tura uunt akupniusha átum Yamái Wáintrum nuna Wáinkiatniun wakeruiniayatan Wáinkiacharmiayi. Tura átum Yamái ántarme nuna antuktinian wakeruiniayatan antukcharmiayi. Tura Yus achirmaku asakrumin, Wáintrumna nu ti pénkeraiti" Tímiayi.

10:25b.LUK.010.025 Nuyá akupkamun jintinkiartin Jesus warintiak chichakat tusa wajatki werimiayi. Werí iniimiayi "Uuntá, wi tuke iwiaaku átaj takun ṡwarinia Túratniuitiaj?" Tímiayi.

10:26b.LUK.010.026 Tutai Jesus ayak "ṡYús-Papinium Muisáis aarmanum waritia aarmait. Waritia Enentáimiam?" Tímiayi.

10:27b.LUK.010.027 Akupkamun jintinkiartin ayak Tímiayi "Juna tawai: Ti Enentáimsam, tuke Enentáimjai Uunt Yus aneeta. Ame kakarmaram, iwiaakmarmesha Yus iiktusta. Tura ame ayashim aneamna Núnismek ame írutramurmesha aneeta. Núchakait" Tímiayi.

10:28b.LUK.010.028 Tutai Jesus Tímiayi "Pénker aimsame. Nu Túrakmeka tuke iwiaaku átatme."

10:29b.LUK.010.029 Tutai akupkamun jintinkiartin ni anintramun Kíishtumaktajtsa wakerak "Winia írutramursha ṡya ainia?" Tímiayi.

10:30b.LUK.010.030 Takui Jesus Tímiayi "Jerusarénnumia jintia Jirikiú péprunam jeana Nú jintianam aishman wean, kasa aishman tariar ni waririn, pushirincha kasarkarmiayi. Tura katsumkar Mayái ashirak ajuantar ikiukiarmiayi.

10:31b.LUK.010.031 Tura Israer-shuar Patri ukunman winis nu aishmankan Wáiniak aya iikian iis ikiukmiayi.

10:32b.LUK.010.032 Nuyá ukunam Patri Yáintrisha nu jintianam wesa, nu aishmankan Wáiniak, áyatik iis ikiuak wémiayi.

10:33b.LUK.010.033 Tura Nuyá Samaria nunkanmaya aishmansha nu jintianman wesa, nu aishmankan Wáiniak Ní Shuárinchunak Wáitnéntramiayi.

10:34b.LUK.010.034 Nuyá nu aishmankan weantuk ni numpamnamurin asuitijiai tura Wíniujai tsuar jaanchjiai penuarmiayi. Tura ni kawairiin ekenak jukimiayi. Tura írar kanutainiam Jukí ejé nu aishmankan pénker Wáinkiamiayi.

10:35b.LUK.010.035 Tura kashin tsawarmatai Samarianmaya aishman weak Jimiará Kuítian jusa Jeá nérenniurin susamiayi. Susa Tímiayi "Ju aishman pénker Wáitrukta. Tura wi amaajna ju Táasmataisha wi Wáketkun akiktajme" Tímiayi.

10:36b.LUK.010.036 Ayu, ámijiaisha, nu menaintiu ainiana nu, ṡTuá Imiá nekas katsumkamun waitnentramia?" Tímiayi Jesus.

10:37b.LUK.010.037 Takui akupkamun jintinkiartin chichaak "Entá, katsumkamun Wáitnentramia Núa" Tímiayi. Tutai Jesus Tímiayi "Amesha weme Núnismek Túrata."

10:38b.LUK.010.038 Nuyá Jesus Jintiá wesa Chíkich péprunam jeamiayi. Nu péprunmaya nuwa naari Marta ni jeen itiaamiayi.

10:39b.LUK.010.039 Marta kai ámiayi ni naari Marí. Marisha unuiniamun anturkataj tusa Jesusa nawen pujursamiayi.

10:40b.LUK.010.040 Tura Mártaka ni takatrin ti Enentáimtak Jesusan weantuk Tímiayi "Uuntá Jesusá, ṡwinia kair takatan winiak iiktursainia nuka Enentáimtsumek? Winia Yáintá turuttia" Tímiayi.

10:41b.LUK.010.041 Tutai Jesus Tímiayi "Maaj Martá, Untsurí Túratin ana nu ti Enentáimsam itit awajtamui.

10:42b.LUK.010.042 Tura aya chikichik nekas Túratniuiti. Marikia nekas pénker ana nuna achikiai. Nusha penké jurunkishtatui" Tímiayi.

11

11:1b.LUK.011.001 Chíkich tsawantai Jesus Yúsan áujsataj tusa atsamunam pujumiayi. Aujsua amikmatai ni unuiniamuri chikichik Niin Tímiayi "Uuntá, imiakratin Juan ni unuiniamurin unuiniamia Núnismek Yus áujsatin unuitiurta."

11:2b.LUK.011.002 Tutai Jesus Tímiayi "Yus áujkuram ju titiarum: Aparu Yus, nayaimpiniam pujamna nu, ii Aparínme. Ame Náarmincha shuar ántar pachischarti. Ashí aentsnum ame akupkatin tsawantrum wari jeati. Ame wakeramuram nayaimpiniam umikma ana Núnisan ju nunkanmasha Uminkiatí.

11:3b.LUK.011.003 Aparú, ii yurumkari Ashí tsawant amasta.

11:4b.LUK.011.004 Tura winia nemasrun tsankurajna Núnismek, Aparú, winia tunaaru tumashrisha tsankurturta. Tunáa wakeruktin tsankatrukaip. Antsu Ashí tunaanumia uwemtikrurta."

11:6b.LUK.011.006 Nuyá Jesus juna Tímiayi. "Wats, ju Titiái. Kashi ajapén amikrum werishtameash. Tura "Winia amikiur yajaya winia jearui yama tayi. Tura ajamsatniun penké takaktsujai. Tuma asamtai amikru, menaintiu apatuk Ajamprustá" Tíchatameash.

11:7b.LUK.011.007 Tura nii init pujusan chichaak "Warí, Wáitisha epenmiaiti, tura winia uchirsha wijiai Ashí tepeenawai. Itiur nantakniak amastaj. Itit awajtipia" turamchanpiash.

11:8b.LUK.011.008 Wats, paant Tájarme, niisha amikrum asa, nantaki ikiatmastinian nakitiayat, itit awajtin tusa nantaki Ashí wakeramna nuna suramsattawai.

11:9b.LUK.011.009 Tuma asamtai Tájarme: Yus seatarum; Túrakrumin suramsattarme. Eakrumka Wáinkiattarme. "Winiajai" Tákurmin awaintiamattarme.

11:10b.LUK.011.010 Seana Núnaka Suíniatsuk. Eana nuka Wáintsuk. "Winiajai" tuinia Núnaka awainiatsuk.'

11:11b.LUK.011.011 `Wats, átum uchirtintiram, ame uchiram apatkun seatmakui ṡkayaash Súsaintiam? Namakan seatmakui ṡNapíash Súsaintiam?

11:12b.LUK.011.012 Nujintian seatmakuisha ṡtitinkiash Súsaintiam?

11:13b.LUK.011.013 Warí, átum Imiá yajauchitirmesha Atumí uchiri pénker ana nu tuke Súchakaitrum. Atumí Apari nayaimpiniam pujana nu, seakrumninkia Nú nankaamas ni Wakanin suramsattawai." Tu unuiniamiayi.

11:14b.LUK.011.014 Shuar iwianchruku asa chichachu ámiayi. Nuna Enentáiyan nu iwianchin Jesus jiiki akupkamiayi. Iwianch jiinkimtai chichachu chichasmiayi. Túramtai shuar nui pujuarmia nu ti Enentáimprarmiayi.

11:15b.LUK.011.015 Tura Chíkich tiarmiayi "Juka iwianchi Kapitiántri Satanásan, ni Chíkich naari Pirsepún umirniuiti. Tuma asa nuna kakarmarijiai iwianchin jiiki akupeawai."

11:16b.LUK.011.016 Tura Chíkichkia, nekas Yúsnumia taawashit tusar "Nayaimpinmaya kakaram ana nu iniakmasam aents tujintiamu Túrata" Jesusan tiarmiayi.

11:17b.LUK.011.017 Tura Jesus tu Enentáimiainian neka asa Tímiayi "Núu nunkanmayan shuar nuamtak kajernaiyakuinkia Nú nunka Wárik meserchattawak; nuamtak shuarsha ni shuarijiai kajernaiyaksha amunaikchartatuak.

11:18b.LUK.011.018 Wíniaka "Pirsepú iwianchi kakarmarijiai iwianchin jiiki akupeawai" Túruttsurmek. Tuma asamtai Tájarme, uunt iwianch Satanás naartin, ni suntarijiai kajernaiyaksha ṡitiur tuke kakaram átin~ki?

11:19b.LUK.011.019 Tura Wi Pirsepú kakarmarijiai iwianchin jiiki akupeakuinkia, atumi shuarisha ṡyana kakarmarijiain iwianchin jiiki akupena? Niisha "iwianchi kakarmarijiai Túrichuitji" tuiniaisha ṡitiura Winiasha, "iwianchi kakarmarijiai Túraiti" turutminiaitrum?

11:20b.LUK.011.020 Wikia Yusa kakarmarijiai iwianchin jiikin akupeajai. Nu nekaarum Yus atumi Enentáin akupin ajasuana nu nékarme.'

11:21b.LUK.011.021 `Kakaram aishman Kíishtumaktajtsa iwiarnar wajas jeen Wáinkiui, ni wariri init ana nusha Tímiatrusan ainiawai.

11:22b.LUK.011.022 Antsu niijiai nankaamas kakaram ana nu winiakka nupetkashtatuak. Tura Kíishtumaktinian iwiar takakman jurawai. Tura Kasamkámun ni amikrin Súawai. Kakaram aishman iwianchin nakumeawai. Tura nujai nankaamas kakaram aishman Winia nakumprawai.

11:23b.LUK.011.023 Iista. Winia nemartatsna nu winia nemasruiti. Núnisan Winia Yáintsuna nuka aya itiurchat Nájateawai.'

11:24b.LUK.011.024 Nuyá Jesus juna Tímiayi: `Shuara Enentáiya íwianch jiinki ayamprataj tusa yumi penké Yútatsna nui wéawai. Tura ayampratniun Wáincha asa ataksha waketkitniun Enentáimui. "Wi Jíinkimiaj nuin waketkitjai" tawai.

11:25b.LUK.011.025 Tura waketki pénker iwiaramun tura ankant aan Wáiniui.

11:26b.LUK.011.026 Nuna Wáiniak, ni ain siati iwianchin niijiai nankaamas yajaunchin Itiá Enkemáwartatui. Túrunamtai nu shuar nuiki nuna nankaamas yajauch ajastatui." Tu Tímiayi Jesus.

11:27b.LUK.011.027 Shuar iruniarmia nui Jesus nuna chichaa pujai, nuwa untsumuk "Ame nukun Yus ti Yáinkiai. Ni ampujén ame pujuschamkam. Amin amuntstamachmakam" Tímiayi.

11:28b.LUK.011.028 Tutai Jesus Tímiayi "Antsu ni chichamen antukar umirainia nuna, nukurjai nankaamas Yus ti Yáinkiaru ainiawai, tajai" Tímiayi.

11:29b.LUK.011.029 Shuar Untsurí Niin Káunkarmatai Jesus Tímiayi "Yamaiya shuarka yajauch ainiawai. Yajauch ásar, chichartuiniak "Nekas Yúsnumiaitkiumka aents tujintiamua nu Túram Yusa kakarmari iniakmasta" turutainiawai. Túrasha áyatik yaunchu Junas Túrunamujai iniakmasmia nujain nekaatin ainiawai.

11:30b.LUK.011.030 Kame Junas Túrunamujai Níniwi péprunmaya shuaran yaunchu Yus ni kakarmarin iniakmasmia Núnisan yamaisha Aents Ajasu tutainjiana nu Wi Túrunamujai Yuska ni kakarmarin iniakturmastatrume.

11:31b.LUK.011.031 Yaunchu Sarumún uunt akupin pujai Sepa Núnkanmaya nuwa akupin Sarumunka chichamen nekaataj tusa ti jeashtanmaya Támiayi. Tura yamaikia Sarumunjai nankaamas pujai átumka anturtatsrume. Tuma asamtai Wi Tájarme, Yus Ashí shuaran nekapsattana nu tsawant jeamtai nu nuwa, akupniun pénker anturka asamtai, Yus iimianum pénker átatui. Antsu atumsha Winia anturtukcha asakrumin Yus iimianum yajauch átatrume.

11:32b.LUK.011.032 Tura Yúsnan etserin Junas Níniwi péprunmaya shuarnum Yus Chichaman etserkamtai nu shuar ni tunaarin Enentáimtusar Enentáin Yapajiáwarmiayi. Tura jui Yamái Junasjai nankaamas etserin pujajai. ḂTuma asamtai nekapsatin tsawant jeamtai Níniwinmaya shuar yamaiya shuar árumna nuna sumamtikramattarme!'

11:33b.LUK.011.033 `ṡShirikip ekeemakar úuktinkiait? Pitiaknumsha enkeashtiniaiti. Antsu shuar Jeá wayana nu paant iimsat tusar Yakí ekensatniuiti.

11:34b.LUK.011.034 Ame Jíimijiai Wáinkiam nujai wekasatin nekaattame. Tuma asamtai ame jiimijiai pénker ana nu Wáinkiumka pénker wekasattame; antsu ame jiimijiai yajauch ana nu Wáinkiumka, kiritniunam wekasatniua Núnisan yajauchiniam wekasattame.

11:35b.LUK.011.035 Anearta. Enentáimin Tsáapin ana nu kiritin ajaschati tusam anearam wekasata.

11:36b.LUK.011.036 Ame ayashmiin kirit ajatsuk aya Tsáapniniaitkiuinkia, shirikip paant awajea Núnisan Ashí paant Wáinkiattame" Tímiayi.

11:37b.LUK.011.037 Jesus chichasua amikmatai Pariséu shuar, winia jearui Yurumáitia tusa untsukmiayi. Tutai Jesus Wayá misanam pujusmiayi.

11:38b.LUK.011.038 Tura Israer-shuar ikijmiartin ana nuna Túrutsuk aya pujakui Pariséusha nuna Wáiniak "maa ṡurukamtia tura?" tu Enentáimsamiayi.

11:39b.LUK.011.039 Tura Uunt Jesus Tímiayi "Pariséutirmeka Atumí yurumtairi aya Pátatek nijiaktin ti wakeriniaitrume. Atumsha nu yurumtaijiai méteketrume. Pátatek pénker Túrarme. Tura Atumí Enentáinkia kasamkatniusha tura yajauchia nusha piakuiti.

11:40b.LUK.011.040 ḂEnentáimcha! Warí, Ashí Pátatek Wáiniaj~i nuna Yus najanachmakia; tura init paantcha ana nunasha Yúsak najanachmakia.

11:42b.LUK.011.042 Aneartarum, Pariséutirmesha. Aya nuka méntasha, anissha tura aya apatkusha Yus Súsatin ti Enentáimprume. Nukasha tsuriasrum apatkusha tias ana Nuyá chikichik achikrum, Yúsnaiti Tátsurmek. Tura antsu nu Túratin iniaitsuk pénker wekasatniusha, Yus anenmarmena nusha pénker Enentáimsatniuitrume. Wats init, Enentáimin ana Nútiksarmek jusam susarta. Nuinkia Ashí chamir átatui.'

11:43b.LUK.011.043 `Tura aneartarum Pariséutirmesha. Yus áujtai jeanam penkeri pujutainium pujustin wakerarme. Tura Jintiá aents iimiainiamunam ti shiir áujtusarat tusarum wakerarme.'

11:44b.LUK.011.044 `Jintinniutirmesha, Pariséutirmesha Mái-metek aneartarum. ḂAntar shiir chichamtinia! Iwiarsamu paantcha Núniniaitrume. Shuar nu nankaamaksha Nájamiat nékatsui. Núnisan shuar atumi chichame antukar yajauchia nuna nekartamtsurme."

11:45b.LUK.011.045 Nuikia Israer-shuara jintinniuri chikichik Jesusan chicharuk Tímiayi "Uuntá, nu Tákum incha yajauch chichareame."

11:46b.LUK.011.046 Tutai Jesus Tímiayi "Atumsha jintinniutiram aneartarum. Atumi akupkamurijiai Káarak ti kijin entsakchamnia Súarme. Tura átumka Yáintaj tusarum Atumí uwejejaisha penké ántiatsrume.'

11:47b.LUK.011.047 `Aneartarum Tájarme. Yaunchu Atumí uuntri Yúsnan étserniun Máawarmia nuna iwiarsamuri átum jeamniuitrume nu etserin ti pénker ásarmatai kajinmatkishtin.

11:48b.LUK.011.048 Nu Túrakrum Atumí uuntri Túrawarmia nu, "yajauchichuiti" tarume. Warí, niisha Máawarmiayi, tura atumsha Máawarai Táyatrum niijiai méteketrume. Warí, Yúsnan etserniu iwiarsamurin jeamkuram atumek sumamarme.'

11:49b.LUK.011.049 `Atumí Túramurin Nekáa Yus juna yaunchu Tímiayi: "Winia etserturniun tura winia akatramurnasha niin akuptukartatjai. Túramtai chikichnaka Máawartatui, tura chikichnaka pataatukartatui."

11:50b.LUK.011.050 Tuma asamtai Ashí ni etserniurin maamu ainia nuna, yamaiya aentstirmin Yus sumamtikramattarme. Nunka najanamunmaya Jukí

11:51b.LUK.011.051 Yamái ímiajai maamu ainia nuna, kame Apir maamunmaya Jukí Yamái Sakarías maamua Tímiajai anintrustatui. Naman maar Yus sutai ámanum tura Yus-jea ámanum ajapén atenkamunam Máawarmia Nú Sakaríasan tajai. Nu tuma asamtai Tájarme, ni etserniuri maantamnawarmia nuna Yamái matsatrumna Nútirmin aninmasartatui.'

11:52b.LUK.011.052 `Jintinniutiram aneartarum. Waiti asakatniua Núnisrumek nekas nekaatin surimiarme. Atumkesha nékatsrume. Tura nekaataj tana nusha suritiarme" Tímiayi.

11:54b.LUK.011.054 Jesus nuna takui Pariséusha, jintinniusha ti kajerkarmiayi. Tura nii tana nujai "yajauch Túrame" titiai tusar wakeruiniak Untsurí anintriarmiayi.

12

12:1b.LUK.012.001 Nu tumai shuar ti Untsurí Káunkarmiayi. Ti kaunka ásar nawen mai-najatnai ajarmiayi. Tura Jesus ni unuiniamurin Tútan juarkimiayi. "Pariséu ántar chichamtin ainiawai. Nuka wakaprutaiya Núnisaiti. Wakaprutaikia nijiamanch yumirnium yama enkeam Páantchaiti. Tura ukunam nekaamniaiti.

12:2b.LUK.012.002 Núnisan Ashí paantcha ana nu iwiainiakma átatui. Uukma ana nusha nekaamu átatui.

12:3b.LUK.012.003 Nu tuma asamtai, kiritniunam Tímiarmena nusha Tsawái Tsáapin ajasmanum antunkattawai. Tura jea init pujusrum ishishmasrum Tímiarmena nusha áa ti paant etsernaktatui.'

12:4b.LUK.012.004 `Amikrutiram, aya ayashmin main ainia nu ashamkairap, Tájarme. Ayashmin maa Nú arantka Máashtatui.

12:5b.LUK.012.005 Tura ya nekas ashamkatniuitrum, nuna paant jintintiattajrume. Ame ayashmi maa, Nuyá ámin jinium akuptamkatniun tujintiatsna nu ashamkatarum. Ee, Yus ashamkatarum, Tájarme.'

12:6b.LUK.012.006 `Jimiará chinki Ishitiúpchich ishichik kuitjai surukchatniukait. Túrasha Yussha nu chinkin penké kajinmatkishtatui.

12:7b.LUK.012.007 Wats, ashamkairap. Untsurí chinkijiai nankaamas Yuska atumin Enentáimturmarme. Warí, ame intiashmin mash Yus nekapmaruiti.'

12:8b.LUK.012.008 `Ashí shuar Ashí iimiainiamunam Winia Aents Ajasu tutain, Winia natsantruiniatsna Núnaka, Wisha Yusa suntari iimiainiamunam natsantrashtatjai;

12:9b.LUK.012.009 antsu shuar iimiainiamunam Winia natsantrana Núnaka Wisha Yusa suntari iimiainiamunam natsantrattajai.'

12:10b.LUK.012.010 `Winia, Aents Ajasu tutain, shuar yajauch chichartakuinkia nusha tsankuramniaiti, tura Yusa Wakaníncha yajauch chicharkuinkia nuka penké tsankurachminiaiti.'

12:11b.LUK.012.011 `Wats, Israer-shuar iruntai jeanmasha, tura Israer-shuar Kapitiánniumsha, uuntnumsha juramainiakui, aninmainiakuisha warintiajak tusam ti Enentáimsáip.

12:12b.LUK.012.012 Ame aimkiatin jeamtai, Yusa Wakani ame Títiatmena nuna jintintramattawai," tu timiayi.

12:13b.LUK.012.013 Chíkich aishman Jesusan Tímiayi "Uuntá, ii Aparí ikiurtamkimiaj nuna yatsur winiasha nakak Surustí, titia" Tímiayi.

12:14b.LUK.012.014 Tutai Jesus Tímiayi "Aishmanka, atumin nu Túratin anaikiamukaitiaj."

12:15b.LUK.012.015 Nuyá Tímiayi "Pénker Enentáimsatarum. Nii takakna Nújain shuar iwiaaku áchatniuiti. Tuma asamtai Kuítrintin ajastin aya nuke Enentáimsaip."

12:16b.LUK.012.016 Nuyá juna métek-taku chichaman unuiniak Tímiayi: "Kuítrintin aishman ni ajariyan arakan ti nukap juukmai.

12:17b.LUK.012.017 Tura "ṡTi nukap asamtai tuin ikiustaj. Itiurkatjak?" tu Enentáimsamiai.

12:18b.LUK.012.018 Wats, wi nékajai. Winia Ikiutái-jearun ashiran Nú nankaamas uuntan najanatjai. Tura nui Ashí ikiustajai.

12:19b.LUK.012.019 Nuinkia Untsurí uwitin shiir pujustinian ikiusman takustatjai. Tuma asamtai, ayampran, Yurumán, umaran shiir pujustatjai" timiai.'

12:20b.LUK.012.020 `Tura Yus niin chicharuk timiai "Netse. Yamái kashi jakattame. Nuinkia Imiá Núkap ikiusumna nusha ṡyana átata?" timiai" Tímiayi.

12:21b.LUK.012.021 Nuyá Jesus Tímiayi "Shuar ninki Kuítrin ikiauntumna nu, Núnisaiti. Túrasha Yusjai iismaka Kuítrinchaiti."

12:22b.LUK.012.022 Nuyá ni unuiniamurin Jesus juna Tímiayi: "Warí yuarik pujustaj~i tura warin entsartaj~i tusarum nuke ti Enentáimsairap.

12:23b.LUK.012.023 Yus iwiaaku átinian amasu asa yurumkancha amastatui. Tura ju ayashniasha najana asa entsataincha amastatui.

12:24b.LUK.012.024 Chinkisha Enentáimsatarum. Niisha arakmainiatsui. Juuk yurumkan ikiuiniatsui. Tuma ain Yuska ni Yurumátniurin tuke Súawai. Atumsha chinkia Nú nankaamaschakaitrum.

12:25b.LUK.012.025 Tura ya shuarak, ti Enentáimtana nujai Nú naya ajasminiait.

12:26b.LUK.012.026 Kame Yúpichuch ana nusha Túrachminiaitiatrumsha, ṡurukamtai Chíkich ainia nusha ti Enentáimtarum?'

12:27b.LUK.012.027 `Iistá, kukujsha takaachitiat tura Nájanchitiat ti Shíirmach ainiawai. Yaunchu akupin Sarumún ti shiir iwiarmamniuitiat kukujia Tímianchauyayi.

12:28b.LUK.012.028 Iis, nupa Yamái tsakaawai tura kashin aents tsupikiar jinium Apeánáwai. Tuma ain Yus ti shiir awajeatsuk. Nuna tura asa atumniasha Nú pénker Wáitmakchattawak. ṡUrukamtai Yus nekas Enentáimtatsrum?

12:30b.LUK.012.030 Ju nunkanam ana nu ti pachiirap. Chíkich shuar, Yúsan nékainiatsna nu, warin yuataj~i, warin umartaj~i nuna ti pachiiniawai. Tura atumsha tu Enentáimsairap. Urukatjak, tiirap. Ame Apa nayaimpiniam pujana nu, Ashí atsumarmena nuna nékawai.

12:31b.LUK.012.031 Antsu emka Yusna nu Enentáimtustarum. Túrakrumninkia atsumamna nuna Yus suramsattawai.'

12:32b.LUK.012.032 `Winia murikrutiram ashamkairap. Untsuríchuitrume. Túrasha Atumí Apari ni akuptairiin pachitmaktasa ti wakerutmarme.

12:34b.LUK.012.034 Kuítrum tui aa, nui tuke Enentáimtittiarme. Tume asamtai takakrumna nu surukrum atsumainia nu susatarum. Nuka enketai arut ajatsna nui enkeatniua Núniskete. Túrakrum nayaimpinmaya kuit amuatsna nu íkiauwearme. Nuisha kasa nu kuitian kasamkataj tusa wayachminiaiti, tura kayaasha nu kuitian Yúatniun tujintiawai.'

12:36b.LUK.012.036 `Ju Enentáimsatarum. Ni uuntri nuatnaikiatin Námpernumia taa, "uraitia" takui, takarniuri jinia ekeemakar Wárik urattiai tusar Nakáa pujuiniawai. Atumsha Núnisrumek Wi atumi Uuntri Támatai, shiir itiaatai tusarum anearum wekasatarum.

12:37b.LUK.012.037 Ni uuntri taak Iwiáa pujuinian Wáinkiarai nuka shiir pujuiniawai. Nu uuntak iwiar, "misanam pujustarum" ni takarniurin Títiatui tura yurumkan Súsartatui.

12:38b.LUK.012.038 Kashi ajapén taaksha tura tsawaana ai taaksha ni takarniurin Iwiáa pujuinian Wáinkiuinka, nu takarin shiir pujuiniawai.

12:39b.LUK.012.039 Tura jusha nekaatarum. Jeenniua nu, kasa Tátinian nékaitkiunka, Iwiáa pujusaayi. Kasa Wayá kasamkatniun suritkiaayi.

12:40b.LUK.012.040 Atumsha Núnisrumek, anearum pujustarum. Wi Aents Ajasu tutai aya aneachmanum Tátatjai" Tímiayi.

12:41b.LUK.012.041 Nuyá Pítiur aniasmiayi "ṡAya ínkik unuiniartaj tusam nu métek-taku chicham Támek. Kame Ashí nekaawarat tusamek tame?' Tímiayi.

12:42b.LUK.012.042 Tutai Jesus Tímiayi "Atumsha pénker takatan Wáinniua Núnisketrume. Takatan Wáinin ni uuntri takatrin takainia nuna, Yurumátin jeamtai, ayurkamna Núiti ni uuntrin shiir umirna nu, tura pénker Enentáimtana nu.

12:43b.LUK.012.043 Ni uuntri taa, takatrin Tímiatrusan Túran Wáinkiuinkia nu Wáinniusha shiir Enentáimsamniaiti.

12:44b.LUK.012.044 Umirin asamtai, ni uuntri Ashí ni waririn Wáitrukat tusa apujsattawai. Nuna paant Tájarme.

12:45b.LUK.012.045 Tura nu takatan Wáinniusha "úuntur wau Táchattawai" tu Enentáimias, ni uuntri takarniurin yajauch awajeakuinkia tura ninki ti Yurumá, ti umar nampeakuinkia,

12:46b.LUK.012.046 nuinkia ni uuntri ni Nákachmanum aya aneachma taa ti Asutiáttawai. Umichu pujuinia nui akupkattawai.'

12:47b.LUK.012.047 `Takarin ni uuntri wakera nuna nékayat, iwiartsuk umitsuk pujakka ti awatramu átatui.

12:48b.LUK.012.048 Túrasha takarin nékachu asa, Asutniámnia Túrakka, ishichik awatnartatui. Núkap susamu ana Núnaka Núkap seawartatui. Núkap ataksamu ana Núnaka Núnisan nankaamas seawartatui.'

12:49b.LUK.012.049 `Jijiai nekapsatniua Nútiksanak nunkanam jinia ikiapartaj tusan tamajai. Tura Túrunat tusan ti wakerajai.

12:50b.LUK.012.050 Imiantinia Núnisan itiurchat ukatruktatui. Nusha Wárik amuukat tusan ti wakerajai.

12:51b.LUK.012.051 "Ashí shuar shiir pujusarat tusa Táwiti" tu Enentáimturumek. Núchaiti. Antsu shuar tesanairat tusan Táwitjai.

12:52b.LUK.012.052 Yamái jukimiutak Chikichík shuarnum senku ainia nu akannakartatui; menaintiu shuar ni shuarin Jímiaran nakitrartatui. Jímiarsha ni shuarin menaintiun nakitrartatui.

12:53b.LUK.012.053 Apasha ni Uchirín nakitrattawai. Núnisan uchisha ni Aparín nakitrattawai. Nukusha ni nawantrin nakitrattawai, nawantrisha Nukurín nakitrattawai. Tsatsarisha ni najatin nakitrattawai; najatisha tsatsarin nakitrattawai."

12:54b.LUK.012.054 Jesus aentsun chicharuk junasha Tímiayi "Atumsha nantu akaatainmaani kiarmatai "yutuktatui" Tátsurmek. Nusha nekas Tárume.

12:55b.LUK.012.055 Tura anaarania nase Násenkamtai "séejik átatui" Tárume. Tura nekas Tárume.

12:56b.LUK.012.056 Yuranminmasha nunkanmasha Túruna nu nékarme. Túmaitiatrumsha ju tsawantai Túrunattana nusha ṡitiura nékatsrum? ḂMaaj, ántraitrume!"

12:57b.LUK.012.057 `Túrasha pénker ana nusha ṡurukamtai atumek Enentáimsarum Wáintsuram?

12:58b.LUK.012.058 Irutramuram uuntnum Júramkuinkia jintia wésamek "nuamtak iwiarartai" Titiá. Túrachkumninkia akupniunam juramkittiame. Tura niisha suntarnum akuptamkattame. Tura niisha sepunam enketmattawai.

12:59b.LUK.012.059 Tura nekas tajai, nui enkemamka Ashí rearchisha akikmachkumka Jíinkishtatme" Tímiayi.

13

13:1b.LUK.013.001 Nu tsawantin Chícham ujaktai tusar Jesusan tariarmiayi. Kariréa nunkanam Israer-shuar ni waakarin Máawar Yus susatai tusar pujuiniai, Piratu niin maa, nuna numpen waaka numpejai pachimpramun ujakarmiayi.

13:2b.LUK.013.002 Tura Jesus Tímiayi "ṡWarí Enentáimsarum? Kariréanmaya aishman Tárumna nu, Chíkich Kariréanmaya aishmanjai nankaamas yajauch ásar Túrunawarai ṡtu Enentáimprumek?

13:3b.LUK.013.003 Atsá; Atumí Enentái Yapajiáchkurmeka Núnisrumek atumsha jakattarme. Nuna paant Tájarme, Tímiayi.

13:4b.LUK.013.004 Tura Tiasiúchu aishman Yakí jea Seruí kupiniak iniaak nekenkarmiania nu, ṡWarí Enentáimtarum? Chíkich Jerusarénnumia shuarjai nankaamas Tunáa ásar Túrunawarai ṡtu Enentáimprumek?

13:5b.LUK.013.005 Atsá, Tájarme. Atumí Enentái Yapajiáchkurmeka Núnisrumek atumsha jakattarme."

13:6b.LUK.013.006 Junasha Jesus métek-taku chichaman Tímiauyi. Júiti: Shuar ni ajariin iikiu numin araamun takakuyi. Nerekchiash tusa iyumai. Túrasha nere atsumai.

13:7b.LUK.013.007 Nuinkia ni ajarin Wáinniun timiai "Antukta, Menaintiú uwitin juna nere átai tusan Waketrú pujajai; Túrasha penké Wáinkiachjai. Ajakta. ṡUrukamtai ántrash wajastata?"

13:8b.LUK.013.008 Tutai Ajá Wáinin timiai "Atsá, Uuntá; ju uwitin Wajastí. Wajamurin takarsatjai tura pénker nunkan matsatkatjai.

13:9b.LUK.013.009 Nujai nerekchampiash. Tura tuke nereachkuinkia nuinkia ajakta" timiai", Tímiayi.

13:10b.LUK.013.010 Ayampratin tsawantai Israer-shuar iruntai jeanam Jesus unuiniak pujumiayi.

13:11b.LUK.013.011 Nuisha nuwa pujumiayi. Nu nuwasha Tiasiúchu uwitin tuke jaa pujumiayi. Iwianch niin yajauch awajas apuna tuke ikiaramiayi. Túramu asa Pankái nakuenkataj Tukamá penké tujinmiayi.

13:12b.LUK.013.012 Jesus nuna Wáiniak, chicharuk "Nawantrú, ame jaamurmiya ankant ajasume" Tímiayi.

13:13b.LUK.013.013 Nuna tinia ni uwejejai antinmiayi. Tura Nú chichamaik nuwasha Pankái nakuenkamiayi. Tura Yusa Náarin uunt awajsamiayi.

13:14b.LUK.013.014 Tura Jesus ayampratin tsawantai tsuaru asamtai, iruntai jea uuntri kajek iruntrarmia nuna Tímiayi "Sais tsawantin takaschatniukait; ayampratin tsawantai Tsuámartaj tusarum Táchatniuitrume. Sais tsawant ana nui Tátiniaitrume."

13:15b.LUK.013.015 Tura Jesus Tímiayi, "ḂAntar chichamtinia! ṡatumi waakarisha atumi umpuururisha yumi aartai tusarum ayampratin tsawantin Atíarum Júatsrumek?

13:16b.LUK.013.016 Tura ju nuwasha, atumi shuari Apraám shuarnumia akiiniaiti. Nii Tiasiúchu Uwí Satanás yajauch awajsamujai jinkiamuyayi. Nincha ayampratin tsawant ain yajauch awajsamunmaya Atíachminkiait" Tímiayi.

13:17b.LUK.013.017 Jesus nuna takui ni nemasrisha natsaararmiayi. Tura penké shuar ni pénker Túramurin Wáinkiar warasarmiayi.

13:18b.LUK.013.018 Nuyá Jesus Tímiayi "ṡYusa akupeamuri warijiain métek-takuit?

13:19b.LUK.013.019 Mustasa Jinkiáijiai métek-takuiti. Mustasa jinkiaincha shuar ni ajariin araamiayi. Tsapái, tsakaak, uunt numi ajasmiayi. Ti uunt asamtai chinki ni kanawen pasunmarmiayi."

13:20b.LUK.013.020 Tura junasha Tímiayi: "ṡYusa akupeamuri warijiain métek-takuit?

13:21b.LUK.013.021 Tanta wakaprutaia métek-takuiti. Arinia Núkap ana nui nuwa wakaprutain ishichik Enkeámiayi. Túram Ashí wakapruamiayi." Tu Tímiayi.

13:22b.LUK.013.022 Jesus Jerusarénnum jeattsa weak Untsurí peprunam Wayá unuiniarkutak wémiayi.

13:23b.LUK.013.023 Weai Chíkich shuar aniasmiayi "Uuntá, ṡuwemainia nu ishichkikiait?"

13:24b.LUK.013.024 Tutai Jesus Tímiayi "Yupikiach Wáitiniam wayataj tusam ti wakeritiarum. Kame Untsurí wayataj tusar wakeriartatui, Túrasha tujinkiartatui, Tájarme.

13:25b.LUK.013.025 Jeá nérenniuri Wáitin epenmiatai, atumsha aa wajarum nu, Wáitiniam wajasrum Untsúakrum "Uuntá, uratritia" Títiatrume. Túrasha "Nékatsjarme. ṡTuyantskaitrum?" turamtatrume.

13:26b.LUK.013.026 Nuyá átum Títiatrume "Túrasha, Uuntá, iisha ámijiai Yurumámji, ámijiai umarmaji. Tura ii péprurincha unuiniamame."

13:27b.LUK.013.027 Túrasha nii Títiatui "Tuyantskaitrum, nékatsjarme, Tátsujrumek. Yajauch Túrintirmeka winiyanka kanaktiarum." '

13:28b.LUK.013.028 `Nuyá Apraámsha, Isaksha, Jakupsha tura Ashí Yúsnan etserin Yus akupeana nui wayawaru Wáinkiarum tura aa ajapam pujusrum ti uutkuram naim Tásarara ajattarme.

13:29b.LUK.013.029 Tura Yus akupeana nui, nantu tatainmaaniyasha nantu akaatainmaaniyasha, arakiasha, nunkaaniasha taar, imia Israer-shuarchaitiat Yurumátai tusar pujusartatui. Tura atumsha, "Apraám Shuáraitjai" Táyatrum, wayashtatrume.

13:30b.LUK.013.030 Nuisha Yamái ukunmaani ainia nusha emka ártatui; tura Yamái emka ainia nusha nuisha ukunmaani ártatui."

13:31b.LUK.013.031 Nu tsawantai Pariséu aents Jesusan tariar tiarmiayi "Erutis mantamattsa wakerutmawai. Tuma asamtai juyanka Wetá."

13:32b.LUK.013.032 Tutai Jesus Tímiayi "Werum nu kujancham ju titiarum: "Iistá. Yamaisha ishichik tsawant iwianchin Jíikin akupkartajai; Túran jaancha Tsuárartajai. Tura ukunam amuktatjai."

13:33b.LUK.013.033 Tura Jerusarénnumaani ishichik tsawant tuke wétiniaitjai. Yúsnan etserin aya Jerusarénnuman Jákatniuiti.'

13:34b.LUK.013.034 `ḂJerusarénnumiatiram, Yúsnan etserin Máiniaitrume; tura Yus akatar akupturmakmania nusha kayajai tukurum Máiniaitrume! Tuma ain atash ni shiamprin etektana Núnisnak Wisha weaktasan wakerimjiarme, Túrasha nakitramarme.

13:35b.LUK.013.035 Iistarum. Atumniasha Yus ajapramaitrume. Tura "Yusa Náariin winiana nu, shiir Atí" Títiatrumna Nú tsawant jeatsain penké Wáitkiashtatrume. Nuna Tájarme" Tímiayi Jesus.

14

14:1b.LUK.014.001 Ayampratin tsawantai Pariséu uuntri jeen Jesus Yurumáttsa wémiayi. Tura Chíkich Pariséu wariniak Túrat tusar ii pujuarmiayi.

14:2b.LUK.014.002 Nui aishman eaak-jaa Jesus pujamunam naka pujumiayi.

14:3b.LUK.014.003 Jintinniuncha Pariséuncha Jesus aniasmiayi "ṡWarí Tárum? ṡAyampratin tsawantai jaa Tsuárminkiait. Tsuárchamniakait?" Tímiayi.

14:4b.LUK.014.004 Tura niisha aimtsuk pujuarmiayi. Nuinkia jaan antin Tsuármiayi. Tura "shiir Wetá" Tímiayi.

14:5b.LUK.014.005 Nuyá Pariséun chicharuk, "Atumí umpuurarisha, waakarisha waa Táurmanum akaiki iniamtai, ayampratin tsawant ain nu chichamaik Júatsrumek" Tímiayi.

14:6b.LUK.014.006 Takui aimkiatniun penké tujinkiarmiayi.

14:7b.LUK.014.007 Ipiaamusha penkeri pujutainium pujustaitsar ti wakeruiniakui, Jesus nuna Wáiniak juna jintintramiayi:

14:8b.LUK.014.008 "Nuátnaikiatin nampernum penkeri pujutainium pujusaip. Nui pujakminkia, Chíkich ámijiai nankaamas penkéri Táchatpiash.'

14:9b.LUK.014.009 `Tura ipiatmania nu chichartamuk "Chikich iiktusta" turamchatpiash. Nuinkia Chíkich Nánkatkamu pujutainium wéakum natsartatme.

14:10b.LUK.014.010 Antsu ipiatmakmin, Nánkatkamu pujutainium Pujustá. Nuinkia ipiatmamnia nu chichartamuk "Amikru, ámeka jui penkeri pujutainium Pujustá" turamtatui. Nujai Chíkich ipiaamu ainia nu, "nekas penkerinti" turamartatui.

14:11b.LUK.014.011 Iimiata, "penkerintjai" tu Enentáimtuma nuka péejchach awajnastatui. Tura ímianchach Enentáimtúmana nuka waantu ajastiniaiti."

14:12b.LUK.014.012 Nuyá Niin ipiaamua nuna chicharuk Tímiayi "Amesha Yurumáití tusam untsuktajtsam wakerakmeka, ame amikrumsha, yatsumsha, ame shuarumsha, írutramuram Kuítrintin ainia nusha ipiaawaip. Nii ipiaamka, ataksha íksan ámin ipiatmashtatuak. Nujai akikma átatme.

14:13b.LUK.014.013 Antsu Yurumáití tusam untsuktajtsam wakerakmeka, Kuítrincha, wekaicha, shutuapsha, kusurusha ipiaawarta.

14:14b.LUK.014.014 Niisha akirmaktinian tujintiainiawai. Pénker shuar nantakiartatna nui akinkiattame. Nu tuma asamtai warastatme" Tímiayi.

14:15b.LUK.014.015 Nu misanam pujuarmia nuya, chikichik Jesus chichaamun antuk, Jesusan Tímiayi "Yus akupeamunam pachiiniak, yurumkunka ti shiir ainti."

14:16b.LUK.014.016 Nuna takui Jesus juna jintintiamiayi: "Aishman namperan Nájanuk, Untsurí shuaran Taartí tusa akatar akupkamai.

14:17b.LUK.014.017 Yurumátin jeamtai "Winitiarum, Yurumátin jeayi" tu tiarta tusa ni takarniurin akupkamai.

14:18b.LUK.014.018 Tura winichminiaitji tusar Ashí ujakarmai. Chíkich timiai "Nunkan Yamái sumarmakjai. Iyutaj tusa wéakun winishtatjai. Tsankurturti" timiai.

14:19b.LUK.014.019 Tura Chíkich chichaak "Wisha tias waakan sumarmakjai. Nekapsatsan wakerajai. Tuma asan winishtatjai. Tsankurturti" timiai.

14:20b.LUK.014.020 Tura Chíkich chichaak "Yamái nuatnaikiajai. Tuma asan winishtatjai" timiai.

14:21b.LUK.014.021 Takarin waketki ni uuntrin Ashí nuna ujakmai. Nuna antuk niisha kajekmiayi. Tura ni takarniurin timiai "Ju péprunam pénker jintianmasha tura uchich jintiachinmasha weme, Kuítrincha tura wekaichasha, shutuapsha, kusurusha itiaarta."

14:22b.LUK.014.022 Nuyá ukunam ni takarniuri taa chicharuk "Uuntá, ame turutmiamna Nútiksanak Túramjai; Túrasha tuke ankant awai" timiai.'

14:23b.LUK.014.023 `Tutai ni uuntri chichaak "Jintianam weme, Chíkich jintiachiniam weme, Wáinmena nu Ashí awayawarta. Winia jearui piakat tusan wakerajai.

14:24b.LUK.014.024 Emka ipiaawarmajnia nuka penké Chikichkíksha wininkia Yurumáchartatui, tajarme' Tímiayi."

14:25b.LUK.014.025 Untsurí aents Jesusjai irunki wearmiayi. Niisha nuna apajas iis juna Tímiayi:

14:26b.LUK.014.026 "Shuar ni Aparíncha, ni Nukuríncha, Nuaríncha Uchiríncha, yachincha, umaincha Wijiai nankaamas Enentáimtakka, tura shiir pujustinian wakerak Winí winitniun nakitiakka winia unuiniamur ajaschamniaiti.

14:27b.LUK.014.027 Ni wakeramurin ajakeak ni krusri yanaki nemartatsna nu winia unuiniamur ajaschamniaiti.'

14:28b.LUK.014.028 `Jea Yakí jeamtaj tusam wakerakmeka, Kuítian urutmak ajapawaintiaj tusam tura urutmajain~ki amukaintiaj tusam emka Enentáimsashtatmek.

14:29b.LUK.014.029 Túrutsuk aya ukura iniaisam amuktin tujinkiakminkia, nuna Wáiniainia nu, wishikiainiak juna tiartatui:

14:30b.LUK.014.030 "Iiskua. Nu shuar jeamtinian nankamamiayi. Túrasha amuktinian tujinkiamiayi." '

14:31b.LUK.014.031 `Tura uunt Kapitián Chíkich Kapitiánjai mesetan najanatin áchatpiash. Emka, niisha pujus, tias mir (10.000) suntarjai painti mir (20.000) suntar winiana nuna nupetkaintjash tusa Enentáimsashtatuak.

14:32b.LUK.014.032 Tujintiakka, Chíkich Kapitián jeachat pujaanak, nawamnaikiatai tusa akatar akupkashtatuak.

14:33b.LUK.014.033 Wats, "Kristu unuiniamuri ajastinjai, wi takakjana juna Warí winia itiurtawa" tu Enentáimsatniuitrume. Túrachkurmeka winia unuiniamur ajastin tujinkiarme.'

14:34b.LUK.014.034 `Weeka jeaku pénkeraiti. Tura michumarka ṡitiurak atak pénker ati?

14:35b.LUK.014.035 Wee michumarka araakmatniunmasha yayaatsui. Tura tsuatnum ikiusmasha ántraiti. Aya ajapatniukete. Kuishim ákuinkia antuktarum" Tímiayi.

15

15:1b.LUK.015.001 Akupniu Kuítrin-juu tura yajauch shuarsha Jesusan anturkatai tusar Tarú wearmiayi.

15:2b.LUK.015.002 Tuma asamtai Pariséusha, Israer-shuara jintinniurisha Jesusan áujmatainiak "Jusha Tunáa shuaran itiaawai tura niijiai Yurumáiniawai" tiarmiayi.

15:3b.LUK.015.003 Nuna tuiniakui Jesus ju métek-taku chichaman jintintiawarmiayi:

15:4b.LUK.015.004 "Shuar sian (100) murikiun takuschampiash. Nu Siánnumia chikichik menkakamtai nuwintia Nuíwinkia ni matsatmariin ikiuak, menkaka nuna ti eakchattawak. Wáintsuk iniaisashtatui.

15:5b.LUK.015.005 Tura Wáiniak yakainium awankek waras jeen Wáketui.

15:6b.LUK.015.006 Tura jeen Jeá ni amikrin, írutramurincha ikiaanak "Wijiai warastarum. Murikiur menkaka nuna Wáinkiajai" tawai.

15:7b.LUK.015.007 Wats, nuwintia nuiwi pénker shuar akui nayaimpiniam warastin awai. Tura antsu Chikichík yajauch shuar ni Enentáin Yapajiámtainkia, Nú nankaamas warastin átatui, Tájarme' Tímiayi.

15:8b.LUK.015.008 `Nuyá Chíkich Enentáimsatai. Nuwa tias Kuítian takakna nuna chikichik menkakamtai, Wáinkiataj tusa jinia ekeemak, jean japimiak émamkes eakchattawak.

15:9b.LUK.015.009 Tura Wáiniak ni amikrin, írutramurincha ikiaanak, "Wijiai warastarum. Kuit menkakamia nuna Wáinkiajai" tawai.

15:10b.LUK.015.010 Núnisan yajauch shuar ni Enentáin Yapajiámtai, Yusa suntari matsatmanum ti warastin awai" Tímiayi.

15:11b.LUK.015.011 Nuyá Jesus juna unuiniamiayi: "Aishman Jimiará uchin takakuyi.

15:12b.LUK.015.012 Tura Pátatka uchi ni Aparín timiai "Apawá, surustiniaitmena nu Yamái surusta." '`Tutai ni Aparí ni Kuítrin Jímiapetek nakak mai uchin susamai.

15:13b.LUK.015.013 Ishichik tsawant nankaamasai Pátatka uchi ni waririn irur Jukí jeachat Chíkich Núnkanam wémai. Nuisha Nánkamas yajauchin Túrak Kuítrin Ashí ajapamai.

15:14b.LUK.015.014 Ni kuitri Ashí amuuka ain nu nunkanam ti tsuka ámai. Niisha Núnisan tsukariin Wáitsamai.

15:15b.LUK.015.015 Túmak takatan eaktajtsa nu nunkanmaya apachiin werimiai. Nu aishmansha kuchirin Wáitrukta tusa akupkamai.

15:16b.LUK.015.016 Uchi ti tsukamak kuchi ukatramun niisha Yuátajtsa ti wakerimiai. Túrasha penké Súcharmai.

15:17b.LUK.015.017 Tumáa pujus nuinkia Enentáimpramai. "Winia Aparuí takau shuar pénkeran ti Yurumáiniawai. Tura wikia jui tsukarui Wáitiajai.

15:18b.LUK.015.018 Wats, Aparuí waketkitjai. Tura aparun chicharkun "Apawá Yúsjaisha ámijiaisha tunaan Túrajai, titiajai.

15:19b.LUK.015.019 Ame uchiram áchamniaitjai yamaikia. Ame takarniurmea aantsanak átaj tusan wakerajai" titiajai" tu Enentáimsamai.

15:20b.LUK.015.020 Tura wajaki ni apariin waketkimiai' Tímiayi. `Tura ni Aparísha jeachat winian Wáiniak waitnentramai. Aparí tsékenki inkiun miniakak Mukunámai.

15:21b.LUK.015.021 Nuinkia Uchirísha timiai "Apawá, Yúsjaisha ámijiaisha Tunáan Túrajai. Ame uchiram áchamniaitjai." '

15:22b.LUK.015.022 `Túrasha ni Aparínkia ni takarniurin chicharuk "Ti penker Pushí itiarum aentsratarum, timiai. Tura uwejnum aweetaisha aweemtikiatarum. Tura sapatcha aweemtikiatarum.

15:23b.LUK.015.023 Túrarum waaka nueram ana nu maatarum. Námper Nájankur shiir Enentáimsar Yurumámi.

15:24b.LUK.015.024 Warí, ju winia uchir jakaapitia tu Enentáimsamjai. Túrasha iwiaakui. Menkakama nuna Wáinkiajai." Nuinkia ti warasarmai' Tímiayi.

15:25b.LUK.015.025 `Tumai Iwiái úchikia takatnum pujumai. Tura Wáketuk, Jeá nuntumas Jantsemáiniak Túntuiyamun antukmai.

15:26b.LUK.015.026 Nuinkia yaintri matsatun chikichkiniak untsuk "ṡWarimpait?" timiai.'

15:27b.LUK.015.027 `Tura nii chichaak "Ame Yátsum tayi. Túramtai ame apa waaka nueram maatai tawai, ame yatsum pénker tau asamtai" timiai.'

15:28b.LUK.015.028 `Tura iwiai uchi kajek wayatniun nakitramai.' `Tuma asamtai ni Aparí jiintiuki "wayata" timiai.'

15:29b.LUK.015.029 `Tura uchisha Aparín chicharuk "Wisha ámin umirkun Untsurí uwitin ame takatrumin Túraitjai. Nu nékame. Túrasha winia amikrujai Námper najanatin chiipiuksha penké surichuitme.

15:30b.LUK.015.030 Tura ju ame uchiram nuwajai yajauchin Túrak ame Kuítrumin wasurkania nu Támatai, waaka nueram Máachumek" timiai.'

15:31b.LUK.015.031 `Takui Aparí chicharuk "Uchirú, ámeka wijiai tuke pujame. Tura wi takakjana nusha Ashí áminuiti.

15:32b.LUK.015.032 Tura ame yatsum Jákaiti tu Enentáimsamiaj nu iwiaakuiti. Menkaka nu yamaikia Wáinkiaji. Tuma asamtai Námper najanar waraschatniukaitiaj~i" timiai" Tímiayi.

16

16:1b.LUK.016.001 Ju métek-taku chichamnasha Jesus ni unuiniamurin unuiniamiayi. "Kuítrintin aishmanka takatrin Wáinniuri ámai. Tura nérenniun ujainiak "Ame Wáinniuram ame Kuítrumin Nánkamas ajapeawai" tiarmai.'

16:2b.LUK.016.002 `Nuna antuk ni Wáinniurin untsuk "ṡWarinia jusha turamainia? timiai. Yamaikia winia Wáinniur áchattame. Tuma asamtai winia Kuítrujai itiurkamea nu iniaktursata" timiai.'

16:3b.LUK.016.003 `Tutai takatan Wáinin Enentáimsamai. "Maaj, wisha itiurkatjak, timiai. Nunka Táurtinniasha jeatsjai. "Kuit surusta" Títinniasha natsamajai.

16:4b.LUK.016.004 Winia takatur atsakui yurumkan ajamprusarat tusan Túratajna nuna nekajai" tu Enentáimsamai.

16:5b.LUK.016.005 Nuyá nérenniun tumashmaku armia nuna ankant ankant untsukarmai. Emka tamia nuna chicharuk "ṡWinia uuntur urutma tumashmakuitiam?" timiai.'

16:6b.LUK.016.006 `Niisha aimiuk "Asuitin sian taru tumashiitjai" timiai.' `Tutai takata Wáinin chicharuk "Pai. Papinium tumashrum ana nu Juá: Wárikmasmek pujusam, nu Papí jaakam, Chíkich papinium aya senkuentachik aarta" timiai.'

16:7b.LUK.016.007 `Nuyá Chíkich tumashmaku Támatai "ṡAmesha Urutmá tumashiitiam?" timiai.' `Tutai nii chichaak "Shana sian taru tumashiitjai" timiai.' `Tutai "Pai. Papinium tumashrum ana nu Júiti. Chíkich papinium aya uchentak aarta" timiai.'

16:8b.LUK.016.008 `Nuyá takata Wáinniu uuntri nuna Nekáa "Nii yajauch Túriniaitiat Imiá Enentáimniuiti" timiai' Tímiayi. Nuyá Jesus Tímiayi `Yus-shuarjai nankaamas Yus-shuarcha aijiai ni Túratniuriniak takainiak Imiá Enentáimkia ainiawai.'

16:9b.LUK.016.009 `Ju nunkanam anankatin átsuk. Tura kuitsha aya ju nunkanmayankete. Tuma asamtai atumsha kuitrumjai "shuaran yaintaj" tu Enentáimsatarum. Kuitjai yaintin amuukamtai atumsha amuicha jeanam ipiaamu átaj tusarum Túratarum."

16:10b.LUK.016.010 `Shuar ishichik takakna nujai pénker Túrakka, Núkap takakna nujaisha pénker Túrattawai. Tura ishichik takakna nujai pénker Túrachkunka, Núkap takakna nujaisha pénker Túrashtatui.

16:11b.LUK.016.011 Tuma asamtai ju nunkanmaya anankartin kuitjai pénker Túrachkurmeka, tuke átin ana nujai takastincha ṡitiur takastarumek?

16:12b.LUK.016.012 Takakme nuna Yus ikiatmasuiti. Nujai pénker Túrachkurminkia, atumnia átinia nuna ṡitiurak suramsat~i?'

16:13b.LUK.016.013 `Takarniuri Jimiará uuntrintin ajastinian tujintiawai. Warí, chikichnaka aneak chikichnaka nakitrashtatuak. Chikichan umiruk chikichnaka umirkashtatui. Yussha kuitcha Mái-metek Enentáimtuschamniaitrume" Tímiayi Jesus.

16:14b.LUK.016.014 Pariséusha Kuítian anen armia nu, Ashí ni Táman antukar Jesusan wishikrarmiayi.

16:15b.LUK.016.015 Túmakui Jesus niin Tímiayi "Atumsha aents iimmianum pénker awajmamprume. Túrasha Atumí Enentáincha Yus pénker nékawai. Kame winia "nankaamantuiti" turutit tusa wakera nuna Yuska nakitiawai.'

16:16b.LUK.016.016 `Juan étsertsain Muisáis aar akupkamia nunasha tura Yúsnan etserin unuiniarmia nunasha antuktin ármiayi. Tura yamaisha Tímianiai ti shiir chicham awai. Yus akupeana nui urukukit nuka paant etserkamuiti. Tura Ashí shuar nui pachiinkiataj tusar ni kakarmarijiain ti takainiawai.'

16:17b.LUK.016.017 `Túrasha yaunchu akupkamu Ashí chicham uminkiatniuiti. Nu chicham uminkiashtinkia nayaimpisha nunkasha amukatniujai nankaamas itiurchataiti.'

16:18b.LUK.016.018 `Aishman nuarin ajapa chikichan Nuátkunka tsanirmawai. Tura nuwa ajapamu niiniurtakka nusha Núnisan tsanirmawai.'

16:19b.LUK.016.019 `Aishman Kuítrintin ámai. Niisha Imiá shiir pushin ti kuit ainia nujai iwiarmamniuyi. Tura tuke tsawant yurumak ti kuit amia nujai namperan najanniuyi.

16:20b.LUK.016.020 Tura Kuítrincha ámai ni naari Rásaru. Niisha kuchapruku tunamaruyi. Tuke tsawant Kuítrinniu Wáitiriin pujuyi.

16:21b.LUK.016.021 Ti tsukamak Kuítrinniu misarinia kakekan yuattsa wakerimiai. Tura yawasha ni kuchaprin nukatiarmai.

16:22b.LUK.016.022 Kuítrincha jakamai. Jakamtai jaka shiir pujutainium, Apraám pujumia nui nayaimpinmaya suntar Júkiarmai. Kuítrinniusha jakamai. Jakamtai iwiarsarmai.

16:23b.LUK.016.023 Jaka pujutainium Wáitias pujus, Pankái iimias, Rásarun Apraámjai pujuinian Wáinkiamai.

16:24b.LUK.016.024 Wáiniak untsumuk "Apawá Apraamá Wáitnentrurta, timiai. Rásaruka tsara uwejejai entsan uchupir winia iniairun imichturat akupturkata. Wisha jui jinium pujusan ti waitiajai" timiai.'

16:25b.LUK.016.025 `Tutai Apraám timiai "Uchirú Enentáimpratá. Ame Nunká iwiaaku pujusam ti shiir pujumame. Antsu Rásaruka nui ti yajauch pujumai. Tura niisha yamaikia jui áyamui tura ámeka Wáitiame.

16:26b.LUK.016.026 Tura Nú arant Nánata ti uunt awai. Tuma asamtai Juyá ai wétinian wakeruiniayat tujintiainiawai. Tura aiya jui Tátinian wakeruinia nusha tujintiainiawai." '

16:27b.LUK.016.027 `Nuinkia Kuítrintin timiai "Nuinkia Apawá Apraamá, juna seajme. Winia aparu jeen Rasaru akupturkata.

16:28b.LUK.016.028 Nuisha winia yatsur senku matsatainiawai. Niisha ju Wáitsatniunam Tácharat tusa Ujákartí, Tájame" timiai.'

16:29b.LUK.016.029 `Tutai Apraám timiai "Muisáis aarman tura Yúsnan etserin aarman takakainiawai. Nuna umikiarti." '

16:30b.LUK.016.030 `Tutai Kuítrintin aimkiamai "Túrasha apawa Apraamá, antsu jakamunmaya nantaki, shuar we ujakam Enentáin Yapajiáwarainti." '

16:31b.LUK.016.031 `Tura Apraám timiai "Muisáis aarman tura Yúsnan etserin aarman anturainiachkunka jaka nantaki we ujakmasha antukchartatui" timiai." Tu áujmatsamiayi Jesus.

17

17:1b.LUK.017.001 Jesus ni unuiniamurin juna Tímiayi, "Aentsun yajauchin Túrumtikiattana nu tuke átatui. Tura shuar ni ain tunaan wakerumtikna nu Aneartí.

17:2b.LUK.017.002 Ju shuar uchich ainia nuna yajauchinium Túrumtikna nuna Yus Imiá Asutiáttawai. Tuma asamtai nuna Túratsain uunt kayajai kuntujnum Jinkiá nayaantsanam ajunkam maak ainti.

17:3b.LUK.017.003 Túrasha atumek iimiastarum. Ame yatsum ámin Tunáa Túrutmamtainkia chicharkata; tura niisha "tsankurturta" Túramkuinkia tsankurata.

17:4b.LUK.017.004 Chikichík tsawantinin siati Túrutmamtai, tura "tsankurturta, atakka Túrashtatjai," siati Túramkuinkia, tuke tsankurata."

17:5b.LUK.017.005 Jesusa unuiniamuri Niin chicharuk "Yus Enentáimtajnia Nú nankaamas Enentáimtustin Yáinmaktá" tiarmiayi.

17:6b.LUK.017.006 Tutai Jesus Tímiayi "Mustasa Jinkiái ti Ishitiúpchich ana Núnisan ishichkisha Yus Enentáimtaitkiurmeka, sikiumuru numi wajana nu, "Wajamurmiyanka ukuiniakam nayaantsanam wajasta" Tákurmin Nú numi umirtamkainti.'

17:7b.LUK.017.007 `Atumí takarniuri arakmasua amik, waakancha iis Támatai, ṡNú chichamaik amesha, "Winitiá, Yurumáitiá" Tíintmek?

17:8b.LUK.017.008 Atsá. Antsu, "yurumak iwiarturata. Wi Yurumátin tura umartincha surusminiam iwiarnarta. Nuyá ame Yurumátá." Nu Tíchaintmek.

17:9b.LUK.017.009 Nii Túratin ana nunak Túratsuk. Tuma asamtai yuminsashtatme.

17:10b.LUK.017.010 Atumsha Núnisrumek Yus Túramna nu Ashí umikiam "ti penker Túraitjai" Tíchatniuitme. Antsu "aya ii Túratniuri ana nuke tura asar iikia ántraitji" Títiniaitme." Tu Tímiayi Jesus.

17:11b.LUK.017.011 Jesus Jerusarénnum wesa Kariréa nunka ikiuki Samaria nunkanam nankaamakmiayi.

17:12b.LUK.017.012 Tura péprunam jeamtai, tias aishman ripra sunkurjai tunamaru armia nu, arant wajasarmiayi.

17:13b.LUK.017.013 Tura untsumainiak "Uunt Jesusá, waitnentrurta" tiarmiayi.

17:14b.LUK.017.014 Jesus niin Wáiniak, "Pátrii werirum iniaktumastarum" Tímiayi. Tura wésar pénker ajasarmiayi.

17:15b.LUK.017.015 Nuyá chikichik ni tsuamarman Nekáa kakantar chichaki Yusa Náarin uunt awajki waketki Jesusan tarimiayi.

17:16b.LUK.017.016 Yuminsataj tusa Jesusan tikishmatar piniakumar tepesmiayi. Nu aishmanka Samarianmayauyayi.

17:17b.LUK.017.017 Nuna Wáiniak Jesus Tímiayi "Tsuámaru Tiáschakait. ṡChíkich nuiwisha tui pujuinia?

17:18b.LUK.017.018 ṡJu yajaya aishman Nínkik Yusa naari uunt awajsataj tusa waketki tai?"

17:19b.LUK.017.019 Nuyá aishmankan Tímiayi, "Winia nekas Enentáimtursa asam pénker ajasume. Wajakim shiir weta" Tímiayi Jesus.

17:20b.LUK.017.020 Pariséu aents Jesusan Aníak "ṡYusa akupeamuri urutaik ati?" tiarmiayi. Tutai Jesus Tímiayi, "Yusa akupeamuri paant Wáinkiachminiaiti. "Yamaí nankamnayi" tichamniaiti.

17:21b.LUK.017.021 "Jui awai, nuisha awai" Tíchamniaiti. Warí, Yusa akupeamurinkia atumiin pujawai" Tímiayi.

17:22b.LUK.017.022 Nuyá ni unuiniamurin chicharuk juna Tímiayi: "Tsawant jeattawai atumsha Winia Aents Ajasu tutain "aya Chikichík tsawantkesha Nii Wáinkiarkia mak" turuttiatrume. Túrasha tujinkiattarme.

17:23b.LUK.017.023 Aents Ajasu tutai "jui pujawai, nuisha pujawai" Tuíniakui weriirap. Tana nu nemariirap.

17:24b.LUK.017.024 Wi, Aents Ajasuitjiana nu Tátinian tsawantur jeamtai paant Wáitkiattarme. Peem péetuk Ashí nayaimpin Tsáapnin awajna Núnisan wi taamu paant átatui.

17:25b.LUK.017.025 Tura nu Túruntsain yamai pujuinia nu Winia nakitruiniakui ti Wáitsatniuitjai.

17:26b.LUK.017.026 Winia atak Tátiniur jeamtai, yaunchu Nuái pujumia Nú tsawantin Túrunamia Núnisan Túrunattawai.

17:27b.LUK.017.027 Yurumáwarmiayi, umararmiayi, nuatnaikiarmiayi, ni nawantri nuatnakat tusa surukarmiayi. Tumáa pujuiniai Nuái uunt kanunam enkempramtai, amaarak nu aentsnasha mash amuukarmiayi.

17:28b.LUK.017.028 Tura Sutuma péprunmasha Rauta írutramurisha Núnisaran Yusa Asutiátniuri Enentáimtutsuk pujuarmiayi. Yurumáwarmiayi, umararmiayi, sumakarmiayi, surukarmiayi, ajancha ajamarmiayi, jeancha jeammarmiayi.

17:29b.LUK.017.029 Tura Raut Sutuma péprunmaya jiinkimtai asupri tutai kaya keek Yútana aintsan nayaimpinmaya kakeetuk nu aentsun mash Máawarmiayi.

17:30b.LUK.017.030 Núnisan winia atak Tátiniur jeamtai Enentáimtsuk pujusartatui.'

17:31b.LUK.017.031 `Nu tsawant jeamtai jea yakiini pujana Nú shuar ni waririn achiktaj tusa akaikishti. Jeá wayashti. Tura kampunniunam wekaana Nú shuar ni jeen waketkishti.

17:32b.LUK.017.032 Rauta Nuarí Túrunamu Enentáimpratarum.

17:33b.LUK.017.033 Aya ju nunkanmayan Enentáimias "iwiaaku átaj" tana nu ni iwiaakmarin Emenkáktatui. Tura ju nunkanam ni iwiaakmarin emenkana nu nekas iwiaakma ana nuna Wáinkiáttawai.

17:34b.LUK.017.034 Paant Tájarme. Nú Káshitin Jimiará aishman nuu peaknuman Kanúu tepeartatui. Chikichik junaktiatui, Chíkichkia ikiunkittiawai.

17:35b.LUK.017.035 Jimiará nuwa Mái-metek nekée pujuartatui. Chikichik junaktiatui, Chíkichkia ikiunkittiawai.

17:36b.LUK.017.036 Jimiará aishman kampuniunam wekainiartatui. Chikichik junaktiatui, Chíkichkia ikiunkittiawai." Tu Tímiayi.

17:37b.LUK.017.037 Nuna antukar "Uunta ṡtui Túrunatta?" tiarmiayi. Tutai ni chichaak "Jaka tepana nui chuan Káutkartatui."

18

18:1b.LUK.018.001 Shuar yawetsuk Yúsan tuke áujsatniua nuna unuiniartaj tusa Jesus ju métek-taku chichaman Tímiayi:

18:2b.LUK.018.002 "Chíkich péprunam shuaran akupin amai. Nú aishman Yúsnasha ashamchauyi; Shuárnasha pénker Enentáimtichuyi.

18:3b.LUK.018.003 Tura Nú péprunam waje amai. Niisha Shuáran akupniun chicharuk "Aishman winia yajauch awajtusmania nu iirtusta" tusa tuke Waketrú pujuyi.

18:4b.LUK.018.004 Yámankamtaikkia niin anturkatniun nakitmiai. Tura ukunam Enentáimias "Wisha Yúsan ashamachiatnak Shuárnasha pénker Enentáimtichuitiatnak ju waje tana nuna Túrattajai.

18:5b.LUK.018.005 Warí niisha tuke taa itit awajtatsuk. Tuma asamtai niin kajerkaij tusan Wárik Túrattajai" timiai" Tímiayi.

18:6b.LUK.018.006 Nuyá uunt Jesus Tímiayi "Shuaran akupin yajauchiitiat nuna timiai.

18:7b.LUK.018.007 Tura Yus ti pénker asa, ni achikmarin tsawaisha, Káshisha untsuamka Nú nankaamas anturkashtatuak. ṡYaitsuk menkakatuak?

18:8b.LUK.018.008 Atsá, Wárik Yáinkiartatui, Tájarme. Tura Wi Aents Ajasuitjiana ju atak Támatai, ṡshuaran tuke Winia nekas Enentáimturainia nuna Wáinkiatjash?" Tímiayi Jesus.

18:9b.LUK.018.009 "Pénkeraitjai" tu Enentáimtumainiak chikichnaka yajauch Enentáimtiarmia nuna Jesus Nekapmá chichasmiayi. Juna Tímiayi:

18:10b.LUK.018.010 "Jimiará aishman Yusa Uunt Jeen Yus áujsatai tusar wearmai. Chíkichkia Pariséuuyi, Chíkichkia Kuítian-juuyi.

18:11b.LUK.018.011 Pariséusha wajaki Yúsan áujuk Júnis Tímiayi: "Yusrú, Chíkich aishman kasa, yajauch, tsanirmau ainia nujai métekcha asan yuminsajme. Tura ju Kuítian-juu wajana Jújaisha métekchaitjai.

18:12b.LUK.018.012 Warí, Ame akupkamna nuna iniankasan wisha Chikichík semanatinin Jimiará tsawant ijiarman áujeajai; tura wi achiajna nuna Tiásnumia chikichkiniak Yúsnaiti tusan akankan Súajai." Tu Tímiai.'

18:13b.LUK.018.013 `Tura Kuítian-juusha arant wajas, nayaimpinmaani Pankái iimsatniunkesha natsaamak, tsuntsuma, ni netsepen Awatí "Yusá, ti tunaitjai. Waitnéntrurtá" timiai.'

18:14b.LUK.018.014 `Wats Tájarme, nu Kuítian-juu shuar Yus iimmianum ni Enentái pénker awajnas ni jeen waketkimiai. Tura Pariséuka tamia Núnisan waketkimiai. Nekaatarum. Shuar nankaamantu Enentáimtumana nuka péejchach awajnastatui. Tura antsu péejchach Enentáimtumana nu, nankaamantu awajnastatui" Tímiayi Jesus.

18:15b.LUK.018.015 Jesus antinkiarat tusar uchin itiariarmiayi. Tura Jesusa unuiniamurisha nuna Wáinkiar suritkiarmiayi.

18:16b.LUK.018.016 Tura Jesus niin untsukar Tímiayi "Uchi Winí winitin tsankamkatarum, surimkiairap. Enentáimsatarum. Uchichia aintsan Enentáimtumana Nú Shuárak Yus ni Enentáin akupin ajasminiaiti.

18:17b.LUK.018.017 Uchi ni uuntrin umira Núnisan shuar Yúsan Umíachkunka Yus ni Enentáin akupin ajaschamniaiti." Tu Tímiayi Jesus.

18:18b.LUK.018.018 Shuara uuntri Jesusan Tarí áujsamiayi. "Uuntá, amesha pénkeraitme. Tuma asam, turuttia, ṡwarinia Túrakna tuke iwiaaku átataj?" Tímiayi.

18:19b.LUK.018.019 Tutai Jesus, "ṡUrukamtia Winia, pénkeraitme, Túrutam? Aents pénkerka atsawai. Aya Yusak pénkeraiti.

18:20b.LUK.018.020 Tura Yus akupkamu ana nu pénker nékame. Tsanirmawairap, mankartuawairap, kasamkairap, tsanumprurairap, ame apasha, nukusha shiir Enentáimtustarum. Nusha nékame" Tímiayi.

18:21b.LUK.018.021 Tutai aishman Tímiayi "Uuntá, úchichik mash umiki tsakaruitjai."

18:22b.LUK.018.022 Jesus nuna antuk "Chikichik taatramsai, Tímiayi. Ame takakmena nu Ashí surukam Kuítrincha ainia nu susarta. Nuinkia nayaimpiniam Kuítrum átatui. Túram nemartustaj tusam winitia."

18:23b.LUK.018.023 Tura nuna antuk, nu aishman ti Kuítrintin asa ti kuntuts Enentáimpramiayi.

18:24b.LUK.018.024 Tura Kúntuts Enentáimpramtai Jesus nuna Nekáa "Kuítrintin ainia nu Yus akupeamunam pachiinkiatin ti iturchataiti, Tímiayi.

18:25b.LUK.018.025 Kamiriuka, uunt ana nu, auja jiin wayatin itiurchataiti. Tura shuar Kuítrin ti Enentáimtana nu Yus akupeamunam pachiinkiatin Nú nankaamas itiurchataiti." Tu Tímiayi.

18:26b.LUK.018.026 Tura nuna antukarmia nu tiarmiayi "ṡNuinkia yaki uwempramniait?"

18:27b.LUK.018.027 Tutai Jesus Tímiayi "Aents tujintiainia nuna Yuska Páchitsuk Túramniaiti."

18:28b.LUK.018.028 Nuyá Pítiur Niin chicharuk Tímiayi "Uuntá, iikia Amin nemarsataj tusar ii takakmaaka ikiukji."

18:30b.LUK.018.030 Tutai Jesus Tímiayi "Shuar Yus akupeana nuna Túrataj tusa ni jeen ikiuakka tura Núnisan ni Aparíncha, Nukuríncha, yachinkisha, nuwenkesha, Uchirínkisha ikiuakka ju nunkanmasha Núkap Wáinkiattawai nu shuar. Tura tuke iwiaaku pujustinniasha Wáinkiattawai."

18:31b.LUK.018.031 Jesus ni tuse unuiniamurin akanki ikiaanak juna Tímiayi: "Jerusarénnum jeatemaji. Juisha Jerusarénnum Winia, Aents Ajasu tutain, Túrunatniurun Yúsnan etserin yaunchu aatrurarmia nu uminkiattawai.

18:32b.LUK.018.032 Apachnium surutkartatui. Túrawar wishikrurar, katsekrukar usukruawartatui.

18:33b.LUK.018.033 Awatiar Mantuáwartatui. Túramaitiatnak Menaintiú tsawantai nantaktiatjai" Tímiayi.

18:34b.LUK.018.034 Tura Nii Tímiania nuna nekas Túrunattawai, Tícharmiayi. Wariniak ta tusar nekaacharmiayi.

18:35b.LUK.018.035 Jesus Jirikiú péprunam nuntumsai, nui aishman jii kusuru, Kuítian surusarat tusa Jintiá pujumiayi.

18:36b.LUK.018.036 Untsurí aents nankaamainian antuk "ṡwarinkit?" Tímiayi.

18:37b.LUK.018.037 Tutai, "Nasarétnumia Jesus nankaamawai" tiarmiayi.

18:38b.LUK.018.038 Kusurusha nuna antuk untsumuk "Jesusá, Uunt Kapitián Tawit weeachukaitiam. Tátiniuya Núchakaitiam. Winiaja waitnentrurta" Tímiayi.

18:39b.LUK.018.039 Eemak wearmiania nu chicharainiak "takamatsata" tiarmiayi. Tutaisha Nú arant untsumuk "Tawit weeachukaitiam; winiaja waitnentrurta" Tímiayi.

18:40b.LUK.018.040 Nuinkia Jesus wajas "itiatarum" Tímiayi. Tura nii Támatai,

18:41b.LUK.018.041 "ṡWarí itiurtukat tusamea wakerutam?" Tímiayi. Tutai kusuru aimiuk "Uuntá, iimtiasan wakerajai" Tímiayi.

18:42b.LUK.018.042 Tutai Jesus chichaak "Iimtia. Winia nekas Enentáimtursa asam pénker ajasume" Tímiayi.

18:43b.LUK.018.043 Nu chichamaik kusuru iimmiayi. Tura Yusa naari uunt awajki Jesusan nemarmiayi. Tura Ashí aents nuna Wáinkiarmia nusha Yusa Náarin uunt awajsarmiayi.

19

19:1b.LUK.019.001 Nuyá Jirikiú péprunam Wayá nui wekaikini ajamiayi.

19:2b.LUK.019.002 Nui Kuítrintin aishman ni naari Sakíu pujumiayi. Nu Sakíu Kuítian-juu uuntriyayi.

19:3b.LUK.019.003 Aents ti Káunkámtai, Sakíu ti Sútarach asa, Jesusan iistaj Tukamá tujinkiamiayi.

19:4b.LUK.019.004 Tuma asa Jesus nuke nankaamaktin asamtai, eemki tsékinki sikiumuru numi wajamunam wakamiayi iistaj tusa.

19:5b.LUK.019.005 Jesus nui nankaamak Pankái iimias chicharuk "Sakíu Wárik Akáikitiá. Ame jeemiin Yamái kanartiniaitjai" Tímiayi.

19:6b.LUK.019.006 Tutai Sakíusha Wárik akaiki, shiir Enentáimias Jesusan itiaamiayi.

19:7b.LUK.019.007 Ashí aents nuna Wáinkiar "Maaj, Jesus Tunáa aishmanka jeen pujawai" tusa mai tunaim ajarmiayi.

19:8b.LUK.019.008 Nuyá Sakíu wajaki Jesusan chicharuk "Iistá Uuntá, wi takakjana juna Jímiapetek nakakan Kuítrincha ainia nuna susartatjai. Tura Wáitruan chikichan kasarkaitkiuncha menaintiu patatsan awainkittiajai" Tímiayi.

19:9b.LUK.019.009 Tutai Jesus Tímiayi "Ju aishman Apraáma Shuárintiat Yamái niisha Níiniujai uwempra asa nekas Apraáma shuari ajasuiti.

19:10b.LUK.019.010 Wisha Aents Ajasu asan menkakaru ainia nuna eakan uwemtikrartaj tusan Táwitjai." Tu Tímiayi.

19:11b.LUK.019.011 Nu aents Jesusan anturkarmia nu "Jerusarénnum jeawakrin Nii, Yus anaikiamu asa, Wárik akupin ajastatui" tu Enentáimsarmiayi. Tuma asamtai wésar Jerusarénnum nuntumsarai, nuna Enentáimsaráin tusa Jesus juna métek-takun chichasmiayi:

19:12b.LUK.019.012 "Aishman penkeri amai. Nu aishmansha jeachat Chíkich Núnkanam Kapitián Náamkan Tátaj tusa wemai.

19:13b.LUK.019.013 Tura wétsuk ni takarniurin tias armia nuna untsukarmai. Tura ankant ankant kuit kurijiai nankaamas pénker armia nuna Suíniak "Ju kuitjai wi Táatsain Takakmá ajatarum" timiai.'

19:14b.LUK.019.014 `Tura ni nunkénia shuarka nakitiarmai. Túmainiak "nu aishman ii Kapitiántri ajasain tusar nakitiaji" nu Titiá tusar aishmankan akatrar akuptukarmai.'

19:15b.LUK.019.015 `Tuma ain Kapitián Náamak ni nunkén waketki tamai. Taa "winia Kuítrujai Warí Túrarum" Títiaj tusa ni takarniurin kuitia Súsarmia nuna untsukarmai.'

19:16b.LUK.019.016 `Ni takarniuri emka chikichik taa "ame Kuítrumjai takakmasan tias patasan achikmajai" timiai.'

19:17b.LUK.019.017 `Tutai Kapitián chichaak "Pénker Túrame. Ishichik susamjamna Nújaink~i wi Tímiajna Tímiatrusmek Túrame. Tuma asakmin tias péprun akupin awajsattajme" timiai.'

19:18b.LUK.019.018 `Chíkich taa "Iistá Uuntá, ame Kuítrumjai takakmasan senku patasan achikjai" timiai.'

19:19b.LUK.019.019 `Nunasha chicharuk "Amincha senku péprun akupin awajsattajme" timiai.'

19:20b.LUK.019.020 `Nuyá Chíkich taa "Uuntá, ame Kuítrumin paniijiai ijian ikiusmajai.

19:21b.LUK.019.021 Amesha kakaram chichau asakmin, ikiuschiatam achin asakmin tura arakmachiatam juu asakmin ashamkamjame" timiai.'

19:22b.LUK.019.022 `Tutai Kapitián timiai "Maaj, amesha ti yajauchiitme. Ame Támena nuke makurmawai. Wi kakaram chichau aisha, ikiuschiatan achin aisha tura araknasha arakmachiatan juu aisha,

19:23b.LUK.019.023 nuinkia ṡurukamtia kuit-ikiutainiam ikiuschamam? Nuinkia wi atak Táakun patasan achikiaajna" timiai.

19:24b.LUK.019.024 Tura nui wajarmia nuna chicharuk "Kuítian takakmari juruktiarum; Túrarum tias takakna Nú shuar susatarum" timiai.'

19:25b.LUK.019.025 `Tura niisha chichainiak "Túrasha Uuntá, tias takakja" tiarmai.'

19:26b.LUK.019.026 `Tutai Kapitián chichaak "Takakna nujai takaakuinkia patatnastatui Tájarme. Tura takakna nujai takaachkuinkia ishichik takakkuisha jurunkittiawai.

19:27b.LUK.019.027 Tura winia nemasur Kapitián ajasain tusar nakitrurarmania nu itiatarum. Tura wisha iimiain Máatárum" timiai." Tu Tímiayi Jesus.

19:28b.LUK.019.028 Nuna tuasua amik Jesus Jerusarénnumaani wémiayi.

19:29b.LUK.019.029 Petpajái pepru tura Petania péprusha Uriwiu Náinnium Tíjiuchiyi; nui jeastatuk ajatemas ni unuiniamurin Jímiaran chicharuk,

19:30b.LUK.019.030 "Tíjiuch péprunam wetarum. Túrarum nui umpuuruch ekemtukchamu jinkiamu Wajá Wáinkiattarme. Nu Atíarum itiatarum.

19:31b.LUK.019.031 Tura "ṡurukamtai Atíarum?" turamainiakuisha, "ii uuntri wakerawai" Títiarum" Tímiayi.

19:32b.LUK.019.032 Tutai unuiniamuri wear, Jesus timia ímiatrusan Wáinkiarmiayi

19:33b.LUK.019.033 Tura umpuuruchin Atíakui nérentin chichainiak "ṡUrukamtai umpuuruchsha Atíarum?" tiarmiayi.

19:34b.LUK.019.034 Tutai unuiniamusha "Ii uuntri wakerawai" tiarmiayi.

19:35b.LUK.019.035 Tura umpuuruchin Jesusan itiariarmiayi. Túrawar ni pushirin umpuuruchiniam awantkar Jesusan ekenkarmiayi.

19:36b.LUK.019.036 Tura Jesus wétinnium ni pushirin jintianam ayaparar aintrarmiayi.

19:37b.LUK.019.037 Tura Uriwiu naint awankénamunam Tíjiuch ajasarmatai Untsurí aents Jesusan nemariarmia nu warainiak kakantar untsumainiak aents tujintiamun Untsurí Túran Wáinkiaru ásar Yusa Náarin uunt awajsarmiayi.

19:38b.LUK.019.038 "Yusa Náaríin winiana ju ii uunt Akupniuiti. Nincha Yus shiir awajsati. Nayaimpiniam pujuinia nu shiir Enentáimsar Yusa Náarin uunt awajsarti" tiarmiayi.

19:39b.LUK.019.039 Tura Pariséu aents nui Páchitra pujuarmia nu Jesusan chicharainiak "Uuntá, nemartamainia nu "takamatsata" tiarta" tiarmiayi.

19:40b.LUK.019.040 Tutai Jesus Tímiayi "Nuinkia ju takamatsarmatainkia, kayasha untsumkarainti. Nuna paant Tájarme" Tímiayi.

19:41b.LUK.019.041 Jerusarénnum Tíjiuch ajatemas péprun Wáiniak uutuk Júnis Tímiayi:

19:42b.LUK.019.042 "Jerusarénnumia Shuártiram, ju tsawantinkesha shiir pujustintrum nekaarmeka maak. Túrasha yamaikia nekaatin nankaamasai.

19:43b.LUK.019.043 Kame ti itiurchat tsawant jeartamtatrume. Atumí nemasri nunkajai aa-tanishan tanishmarar téntatramkattarme. Mesetan najatramattarme, tura aatusha junisha mash árenmaktatrume.

19:44b.LUK.019.044 Túrutma Nunká ajunmartatrume. Tura atumiin pujuinia nuna Máawartatui. Tura Ashí emesrarmatai ishichkisha kaya irumpramusha penké atsuttawai. Wi Yusa anaikiamurin tarijrumna nu nekaachu asakrumin Túrutmattarme." Tu Tímiayi.

19:45b.LUK.019.045 Nuyá Jesus Yusa Uunt Jeen Wayá suruktasa pujuarmia nuna sumaktasa pujuarmia nunasha jiiki awemarmiayi.

19:46b.LUK.019.046 Túrak juna Tímiayi: "Yús-Papinium yaunchu aarma awai: "Winia jearka Yus áujsatin jeaiti" tu aarmaiti. Túrasha átumka Kasáa matsamtaiya Nútikiarme" Tímiayi.

19:47b.LUK.019.047 Tuke tsawantin Yusa Uunt Jeen Jesus uwempratin chichaman unuiniak pujai Israer-patri uuntrisha, Israer-shuara jintinniurisha, tura pepru uuntrisha, itiur Máamniakit tusar ti Enentáimsarmiayi.

19:48b.LUK.019.048 Túrasha Ashí aents émamkes anturainiakui Máatniun tujinkiarmiayi.

20

20:1b.LUK.020.001 Yusa Uunt Jeen Jesus uwempratin chichaman unuiniak pujai Israer-patri uuntrisha, Israer-shuara jintinniurisha, Israer-shuara uuntrisha Táarmiayi.

20:2b.LUK.020.002 Taar Jesusan chicharainiak "ṡYana chichamejai ju Túram? ṡYa ju Túratniuncha akuptamkait?" tiarmiayi.

20:3b.LUK.020.003 Tutai Jesus Tímiayi "Wisha aniastajrum tusan wakerajrume.

20:4b.LUK.020.004 ṡYa Juánnasha imiakrattia tusa akupkamia? ṡYusak? ṡAentsuk? Turuttiarum" Tímiayi.

20:5b.LUK.020.005 Tútaisha niisha nuamtak warintiajik mai tunai ajarmiayi. ""Yus akupkaiti" Tákurninkia, "ṡurukamtai Enentáimtuscharum?" turamtatji.

20:6b.LUK.020.006 Túrasha "aents akupkaiti" Tákurnisha Ashí aents kayajai tukurmar mantamattaji. Warí "Juan Yúsnan etserniuiti" Tuíniatsuk" tiarmiayi.

20:7b.LUK.020.007 Nuinkia Jesusan ainiak "Iisha nékatsji, Juan imiakratinniasha Yátsuk akupkamia" tiarmiayi.

20:8b.LUK.020.008 Tutai Jesus Tímiayi "Wisha Núnisnak winia akuptukua nuna Tíchattajrume" Tímiayi.

20:9b.LUK.020.009 Nuyá Jesus ju métek-taku chichamjai aentsun jintintiamiayi: "Aishman ni ajariin uwa araa amuk, shuaran takartusti tusa ikiukmiai. Tura ninkia wau Táchataj tusa jeachat wémai.

20:10b.LUK.020.010 Tura Júuktin tsawant jeamtai juukman akanak jurumkit tusa takarniurin takau shuariin akuptukmai. Tura takarniurincha katsumkar áyatik awainkiarmai.

20:11b.LUK.020.011 Nuyá nérentin Chíkich takarniurin akupkamai; tura nunasha Núnisan katsekkar, awatiar, Sútsuk akupkarmai.

20:12b.LUK.020.012 Nuyá ataksha chikichan akupkamai. Tura nunasha takau shuar katsumkar akupkarmai.'

20:13b.LUK.020.013 `Nuyá ukunam Ajá nérenniuri "Itiurkatjak, timiai. Winia aneamu uchirun akupkattajai. Niin Wáinkiar shiir Enentáimtuschartimpiash" timiai.'

20:14b.LUK.020.014 `Túrasha takau shuar nuna Wáinkiar, nuamtak chichainiak "Juka Ajá nérenniuri ajastatui. Maatai. Nuikia aja iiniu átatui" tiarmai.

20:15b.LUK.020.015 Nuna Tuíniak ajanmaya jiiki Máawarmai.' Nuyá Jesus aniasmiayi `Wats ṡWarí Enentáimsarum, Ajá nérenniuri itiurkattawa?

20:16b.LUK.020.016 Niisha taa, nu takau Shuáran Máawartatui. Tura Núnkanka chikichan susattawai" Tímiayi. Nuna anturkar "Yus Núnaka tsankatkashti" tiarmiayi.

20:17b.LUK.020.017 Tura Jesus niin émamkes iisar Tímiayi "ṡNuikia Yus-Papinium aarma nu warintiua? Ju aarmaiti: Kayan pénkernak jea jeamin "yajauchiiti" tusar ajapawarmia nu Ashí kayajai nankaamas pénker apujsamuiti.

20:18b.LUK.020.018 Nu kayan tukumainia nuka kupintrattawai. Tura nu kaya shuarnum iniarka nu shuaran tsai tsai awajsattawai. Tu aarmaiti.

20:19b.LUK.020.019 Israer-patri uuntri tura Israer-shuara jintinniurisha "nu métek-taku chichamjai iin Túramji" tu nekaawar nuik~i Jesusan achikiar emetatai tusar wakeriarmiayi. Tura Untsurí shuar Jesusan wakeruiniakui, ashamainiak Túracharmiayi.

20:20b.LUK.020.020 Tura Kapitiánnium suruktai tusar wakeruiniak mamikmau shuaran Jesusan akuptukarmiayi. Nu shuar pénker shuara Núnisan jeariar, Jesus nékatsuk yajauch chichakat tusar, aniastaj tusar wearmiayi. Ni chichakmarijiai uuntnum suruktai tusar Túrawarmiayi.

20:21b.LUK.020.021 Tu Enentáimsar Tíarmiayi "Uuntá, ame tuke nekas chicham chichaame, nu nékaji. Aents Pátatek iiyatsme, antsu nekas Yusa jinti jintintiame.

20:22b.LUK.020.022 Wats turuttia, ṡRúmanmaya uunt akupin ii kuitri akiktin pénkerkait? ṡAkiktinkiait? ṡSuritkiatniukait? Nu nekaatai tusar wakeraji" tiarmiayi.

20:23b.LUK.020.023 Tura Jesuska ni yajauch Enentáimsamurin Nekáa chicharainiak,

20:24b.LUK.020.024 "Kuit itiatarum. ṡYana yapi tura yana naari jui aarmait?" Tímiayi. Tutai nii tiarmiayi "uunt akupniunu."

20:25b.LUK.020.025 Tutai Jesus Tímiayi "uunt akupniunu átinia nu uunt akupin susatarum. Tura Yusna átinia nu, Yus susatarum."

20:26b.LUK.020.026 Aents ántamunam ni chichakmarijiai achiktinian penké tujinkiarmiayi. Antsu aya iimprarmiayi tura takamtak pujusarmiayi.

20:27b.LUK.020.027 Nuyá Satuséu "jakamunmaya penké nantakchamniaiti" tuinia nu, Jesusan aniastai tusar tariarmiayi.

20:28b.LUK.020.028 Aniiniak tiarmiayi "Uuntá, Muisáis juna aartampramiaji: "Aishman ni Nuarí Júreatsain jakamtainkia ni yachi nu wajen Nuátkatí, yachin yajutmatratsa." Tu aarmaiti, tiarmiayi.

20:29b.LUK.020.029 Wats, siati yachi ármai, tiarmiayi. Iwiairi nuwan nuatak yajutmatsuk jakamai.

20:30b.LUK.020.030 Ni yachi wajen akintiak, Nuátak, niisha yajutmatsuk jakamai.

20:31b.LUK.020.031 Nuna yachisha Núnisan nu wajen Nuátkamai; tura Núnisan Ashí siati nuna pataink~i Nuátkarmai. Yajutmatsuk yajutmatsuk kajinkiarmai.

20:32b.LUK.020.032 Tura ukunam nuwasha jakamai.

20:33b.LUK.020.033 Nantaktin tsawantai, nantakiarmatai, ṡyana nuarin ati? Ashí siati Nuátkacharmaka" tiarmiayi.

20:34b.LUK.020.034 Tutai Jesus Tímiayi "Ju nunkanman nuatnaikiatin awai.

20:35b.LUK.020.035 Tura nantakiar atak iwiaaku ámin ainia nuka nuatnaikiachartatui.

20:36b.LUK.020.036 Warí, Jákashtin ainiatsuk. Nayaimpinmaya suntara aintsan ajasartatui. Tura nantakiaru ásar Yusa uchiri ajasartatui.

20:37b.LUK.020.037 Tura Jákaru nantakiartin ainia nuna imia Muisáis Jintíamiayi. Warí, numichiniam ji Wajái keamunan Yus niijiai chichaamun, Yus-Papinium Muisaiska aarmiayi. Nú aarmanum Uunt Yus Apraáma, Isaka tura Jakupu Yúsrinti, Tímiayi. Nú aishman yaunchu Jákaru ain "ni Yúsrinti" Tímiayi. Nuna taku nantaktin awai tu Jintíamiayi.

20:38b.LUK.020.038 Kame jaka menkakatniunam pujuinia nuna Yúsrinchuiti. Tuma asamtai Jakáa Yúsrinti Tíchamniaiti. Antsu iwiaaku ainia nuna Yúsrinti. Ashi Niiniun iwiaarkainiawai" Tímiayi.

20:39b.LUK.020.039 Nuna antukar Israer-shuara jintinniuri "pénker tame, Uuntá" tiarmiayi.

20:40b.LUK.020.040 Tura Nuyánka aniastinian arantukarmiayi.

20:41b.LUK.020.041 Nuyá Jesus Tímiayi "Yus anaikiamu Kristu tutaisha, ṡitiura "Aya Tawit weeaiti" Tárum?

20:42b.LUK.020.042 Warí, Sarmu papinium Tawit ninki juna Tátsuk: "Uunt winia Uuntrun "Akupin pujutainium Winia untsuuruini Pujustá, Tímiayi.

20:43b.LUK.020.043 Ame nemasrumin Núpeteatsain nui Pujustá" Tímiayi." Tú aarmaiti.

20:44b.LUK.020.044 Kame Tawitkia, Krístun chicharuk, "winia Uuntur" taisha, ṡitiurak Kristu tutai Tawitia Pampanmarí átin~ki?" Tú Tímiayi Jesus.

20:45b.LUK.020.045 Ashí aents Niin anturkatasa pujuiniai ni unuiniamurin Jesus juna Tímiayi:

20:46b.LUK.020.046 "Israer-shuaran jintintin ainia Nuyá aneartarum. Niisha esaram pushin entsarar wekasataitsar wakeruiniawai. Tura Jintiá ti shiir áujtusarat tusar wakeruiniawai; tura iruntai jeanam penkeri pujutainium pujustinian wakeruiniawai. Tura nampernumsha uunt pujutainium pujustaj tusa wakeruiniawai.

20:47b.LUK.020.047 Túrasha wajé jeencha atantainiawai. Túrawar aents nekaracharat tusar ti esaram chichamjai Yúsan áujainiawai. Nincha Chíkichjai nankaamas Yus Asutiáwartatui."

21

21:1b.LUK.021.001 Yusa Uunt Jeen Kuítrintin kuit enketainiam Kuítian enkeenan Jesus Wáinkiamiayi.

21:2b.LUK.021.002 Tura waje Kuítrincha Jimiará uchich Kuítian, reara aaniun, enkean Wáinkiamiayi.

21:3b.LUK.021.003 Wáiniak Tímiayi "Nekas Tájarme, ju waje Kuítrinchaitiat, Ashí enkeena Nú nankaamas Núkap enkeayi.

21:4b.LUK.021.004 Warí, chikichcha ampirma nuna enkeenawai. Tura niisha aya Núchiniak takurmakman ampirmatsuk Ashí enkeayi."

21:5b.LUK.021.005 Yusa Uunt Jeen kaya Shíirmach armia nuna tura Chíkich Shíirmach susamu armia nunasha Chíkich shuar áujmatuk pujuarmiayi. Nuyá Jesus Tímiayi:

21:6b.LUK.021.006 "Atum Yamái shiir Wáintrumna nu Ashí emesnartatui. Kaya ekentramusha mash yumpuuntrartatui" Tímiayi.

21:7b.LUK.021.007 Nuyá Jesusan chicharainiak "Uuntá, nusha ṡurutaik Túrunat~i? ṡKame ju Túrunatin jeatemamtaisha warijiain nekaattaj~i?" tiarmiayi.

21:8b.LUK.021.008 Tutai Jesus Tímiayi "Aneartarum; anannawairap. Nekaatarum. Winia Náarun pachisar, "wi Krístuitjai" tau ti Untsurí Jíintrartatui. "Nunka amuukatin jeayi" tu etserkartatui. Tuíniakui anturkarum nemariirap.

21:9b.LUK.021.009 Tura meset chichamsha, Kapitián mesetan Nájanmasha antukrum sapijmiakairap. Nusha emka Túrunatniuiti. Túrasha Nú chichamaik amuukatin tsawant jeashtatui.'

21:10b.LUK.021.010 Nuyá tuke chicharuk Tímiayi `Shuar Chíkich nunkanmaya shuarjai mesetnum ti nekas maaniawartatui.

21:11b.LUK.021.011 Ti uurkattawai; Untsurí nunkanam tsukasha, sunkursha ti átatui. Nayaimpinmasha ti ashammai Nánkamas Túrunattawai. Nujai Yus ni kakarmarin iniakmastatui.'

21:12b.LUK.021.012 `Tura ju Túruntsain atumin pataaturmakar achirmakartatui. Iruntai jeanmasha makurmartai tusar juramkiartatui. Sepunmasha enketmattarme. Tura winia naar Páchia asakrumin, akupniunmasha, uuntnumsha juramkiartatui.

21:13b.LUK.021.013 Nuinkia atumin Túrutmakrumin wi Túramu etserkatin arutmattarme.

21:15b.LUK.021.015 Tura atumi nemasri nakitramainiak "Wáitiaiti" titinian tujinkiarat tusan, winia nekatairjai chichastinian amastatjarme. Tuma asamtai "Jurakuisha warinia tiniak Kíishtumaktaj tusan aetak Enentáimsashtatjai" titiarum.'

21:16b.LUK.021.016 `Tura imia Atumí aparisha surutmakartatui. Atumí yachisha, Atumí shuarisha amikrumsha Núnisaran surutmakartatui. Tura Máamunka Máawartatui.

21:17b.LUK.021.017 Tura Winia ajasaru asakrumin Ashí aents nakitramprartatui.

21:18b.LUK.021.018 Tura penké ishichkisha yajauch awajtamsachartatui.

21:19b.LUK.021.019 Katsuntrarmeka iwiaaku átin Wáinkiattarme.'

21:20b.LUK.021.020 `Ju pepru Jerusarénka aa tanishriin suntar téntakar matsatu Wáinkiurmeka, emesratin Jeá nekaattarme.

21:21b.LUK.021.021 Nuikia jui Jutía nunkanam pujuinia nu, Náinnium pisartin ainiawai; tura jui Jerusarénnum pujuinia nusha juyanka jiinki wétin ainiawai. Tura ajanam pujuinia nusha, péprunam waketkishtin ainiawai.

21:22b.LUK.021.022 Nu tsawantincha Yus Asutiámun Wáinkiartatui. Yús-Papinium nu Túrunatin yaunchu aarma nu uminkiattawai nu tsawantin.

21:23b.LUK.021.023 Nunkanam ti Wáitsatin átatui. Tura ju aents ti asutniawartatui. Tuma asamtai nuwa ajamtin ainia nusha, tura uchi Kuírchin takakainia nusha Imiá itiurchatan Wáinkiartatui.

21:24b.LUK.021.024 Tura Juyá aents mesetnum Jákartatui. Tura chikichnaka Ashí nunkanam misaawar Júkiartatui; tura yajaya apach, Yúsnan Enentáimtuiniatsna nu, jui Jerusarénnum wayawar najakartatui. Nu Túratniunka Yus tsankatkana nuin Túrawartatui.'

21:25b.LUK.021.025 `Nuinkia etsanmasha, nantunmasha, Yáanmasha Yuska ni kakarmarin iniakmak Nusháa Túrattawai. Nunkanmasha Ashí aents Páchim Enentáimprartatui. Tura nayaantsanam Chíchimi ti aku Tantáa ajakui ti ashamkartatui.

21:26b.LUK.021.026 Tura Túrunatin ana nuna Enentáimsar Mayái ashinkiartatui. Warí, nayaimpiniam kakaram ainia nusha peantrartatui.

21:27b.LUK.021.027 Nuyá Winia, Aents Ajasu tutain, yuranminiam ti shiir ajasan winiai Wáitkiartatui.

21:28b.LUK.021.028 Nu Túrunatin Nánkamkui uwempratin jeatemayi tusarum kakaarum shiir Enentáimsatarum.'

21:29b.LUK.021.029 Tura ju chichamnasha nekapmamiayi. `Ikiu numi tura Nánkamas numisha Enentáimsatarum.

21:30b.LUK.021.030 Ju nunkanam ni nuké yama punkakmatai "esat jeatemayi" Tátsurmek.

21:31b.LUK.021.031 Núnisan Wi Tájana nu Wáinkiurmeka, Wi ju nunkanam akupin ajastin jeatema nu nekaatarum.'

21:32b.LUK.021.032 `Tura aents Yamaí pujuinia nu Jáatsain nusha Ashí Túrunattawai. Núnaka paant Tájarme.

21:33b.LUK.021.033 Nayaimpisha nunkasha amuukartatui. Tura winia chichampruka amuukachminiaiti.

21:35b.LUK.021.035 Nu tsawant aya aneachma jeattawai. Ashí aents ju nunkanam pujuinia nu, nuna Enentáimtsuk pujuiniai jeattawai. Tuma asamtai atumsha anearum wekasatarum. Yajauchiniam emetnarum, aya Yurumátniuk, aya umartiniak Enentáimtusrum, ju nunkanam ana nu ti wakerakrumninkia pénker Enentáimsatin tujinkiattarme. Nu Atsutí tusarum tura nu tsawant aya áwaktamkaij tusarum pénker wekasatarum.

21:36b.LUK.021.036 Anearum wekasatarum. Túrunattana nui katsuntrataj tusarum Yus aujsa pujustarum. Túrarum Aents Ajasu tutai iimmianum pénker átaj tusarum Túratarum."

21:37b.LUK.021.037 Tuke tsawant tsawaisha Yusa Uunt Jeen Jesus unuiniamiayi. Tura Káshikia Uriwiu Náinnium we-wémiayi.

21:38b.LUK.021.038 Tura tuke tsawant Yusa Uunt Jeen Jesus chichaamun anturkatai tusar Káshik tariarmiayi.

22

22:1b.LUK.022.001 Wakaprutai enketaachma tanta yuatin Námper, paskua tutai, jeatemamiayi.

22:2b.LUK.022.002 Israer-shuara Pátririsha Israer-shuara jintinniurisha aentsun ashamainia ásar, itiurak Máawaintiaj~i tusar ti Enentáimsarmiayi.

22:3b.LUK.022.003 Nuinkia Iskariúti Jútasan Enentáin íwianch Wáintiamiayi. Nú Jútaska Jesusa unuiniamuriin Páchitkiauyayi.

22:4b.LUK.022.004 Israer-patri uuntrin tura Yusa Uunt Jee Kapitián pujuarmia nuna werimiayi. Tura Jesusan tu surukminiaiti tusa niijiai chichasarmiayi.

22:5b.LUK.022.005 Niisha nuna antukar warasar "kuit amastatji" Jútasan tiarmiayi.

22:6b.LUK.022.006 Niisha "ayu" tinia, aents nékachmanum suruktaj tu Enentáimsamiayi.

22:7b.LUK.022.007 Wats, wakaprutai enketaachma tanta Yúatin Námper jeamiayi. Paskua tutainium murikchin Máatin ármiayi.

22:8b.LUK.022.008 Tura Jesus Pitruncha, Juánnasha akupeak "Paskua tutai Námper iwiaratarum" Tímiayi.

22:9b.LUK.022.009 Tutai niisha chichainiak "ṡTuí iwiarat tusamea wakeram?" tiarmiayi.

22:10b.LUK.022.010 Tutai Jesus juna Tímiayi "Péprunam wetarum. Jearum aishman yumin takaku Wekáa Wáinkiattarme. Nú aishman nemarsatarum. Tura Jeá wayaakui,

22:11b.LUK.022.011 Nú jea nérenniuri chichareakrum "Uunt chichartamuk unuiniamurjai paskua Yurumátin ṡtui aa? turamui" titiarum, Tímiayi.

22:12b.LUK.022.012 Tákurmin nu nérentin Yakí Písunam uunt Kuártun Ashí iwiaramun iniakturmastatrume. Nui ii Yurumátin iwiaratarum" Tímiayi.

22:13b.LUK.022.013 Tutai niisha wear Jesus Tímiania Tímiatrusan Wáinkiarmiayi. Tura paskua namperan nui iwiararmiayi.

22:14b.LUK.022.014 Yurumátin jeamtai ni unuiniamurijiai Jesus misanam pujusarmiayi.

22:15b.LUK.022.015 Pujusarmatai, Jesus chichaak "Wisha Játsuk atumjai ju paskua najanatniun ti wakerimjai,

22:16b.LUK.022.016 atakka ju nunkanam atumjai najanashtin asan. Tura antsu Yus akupeana nui jear atak najanattaji" Tímiayi.

22:17b.LUK.022.017 Nuyá pininkian achik, Yúsan yuminkias, ni unuiniamurin Tímiayi "Ju pinin achikrum sunaisatarum.

22:18b.LUK.022.018 Atakka ju nunkanam uwa yumirin atumjai umarchattajai, tajarme. Tura antsu Yus akupin ajastin jeamtai atak iijiai umartatji" Tímiayi.

22:19b.LUK.022.019 Nuyasha yurumkan achik, Yúsan yuminkias puuk susarmiayi. Tura chicharainiak "Juka winia ayashruiti. Winia ayashur atum pénker pujustinnium surunkattana Núiti. Winia Enentáimtursarum yuatarum" Tímiayi.

22:20b.LUK.022.020 Tura yurumsua amikiarmatai pininkian achik, "Ju pinin winia numparun nakumea asa uwempratin yamaram chicham najanamun nakumeawai. Winia numpar atumnian puartamprattawai' Tímiayi.

22:21b.LUK.022.021 `Túrasha winia surutkattana nu Wijiai métek ju misanam pujawai.

22:22b.LUK.022.022 Kame Wi, Aents Ajasuitjiana ju, Yus iwiaramua Nútiksanak jakattajai. Túrasha Winia surutkana nu Nekaatí. Ti asutniattawai" Tímiayi.

22:23b.LUK.022.023 Nuna antukar "Wíashitiaj, Yákit" tunaim ajarmiayi.

22:24b.LUK.022.024 "ṡIijiai yaki Imiá nankaamantu aint?" tunaim ajarmiayi.

22:25b.LUK.022.025 Tura Jesus Tímiayi "Ju nunkanam akupin ainia nu, waantu Enentáimtumasar akupenawai. Tura akupenakui "pénker Túrin ainiawai" Tuíniawai.

22:26b.LUK.022.026 Tura atumjainkia nuka Atsutí. Antsu nankaamantu ana nu, uchichia Núnik ajastiniaiti; akupeana nusha takarniua Núnik ajastiniaiti.

22:27b.LUK.022.027 Enentáimsatarum. Misanam pujus yurumna nu, yurumkan ajamana nujai ṡTuá Imiá nekas nankaamantuit? ṡYurumna nu nekas nankaamantuchukait? Tura Wisha atumin yurumkan ajamna Núnisnak pujajai.'

22:28b.LUK.022.028 `Winia itiurchatrun Wáinmiaj nui atumsha Wijiai tuke pujumarme.

22:29b.LUK.022.029 Tuma asakrumin akupin ajastinian winia Apar surusu asamtai Wisha Nútiksanak akupkatniun Súajrume. Wi akupkatjana nui atumsha Wijiai Yurumáttarme, tura Wijiai umartatrume, Tájarme.

22:30b.LUK.022.030 Tura akupin pujutainium pujusrum, Israer-shuar tuse írutkamu akupkattarme tajai." Tu Tímiayi.

22:31b.LUK.022.031 Nuyá Uunt Jesus Tímiayi, "Nekaatá, Semunká. Trikiu neré Tsatsamátniua aintsan Satanás atumi Enentáin Páchim Enentáimtikramprataj tusa seayi.

22:32b.LUK.022.032 Tuma ain Yus Enentáimtustinian kajinmatkiin tusan Wisha Yúsan seamjai. Tura Yúsnum waketkim ame yatsum Ikiakárarta" Tímiayi.

22:33b.LUK.022.033 Tutai Semun Tímiayi "Uuntá, sepunam enketmainiakuisha wisha nemarsatajme. Tura mantamainiakuisha métek jakatjai" Tímiayi.

22:34b.LUK.022.034 Tutai Jesus Tímiayi "Pitrú, nekas Tájame, yamaik atash shiniatsain ame Menaintiú natsantrurtatme" Tímiayi.

22:35b.LUK.022.035 Nuyá Jesus Tímiayi "Wisha yurumkajainchu, Kuítjainchu, sapatjainchu akupkamjarmena nui ṡTáatramsamkarum?" Niisha "Atsá penké Táatramsachmaji" tiarmiayi.

22:36b.LUK.022.036 Tutai Nii Tímiayi "Antsu yamaikia yurumkan takakkunka Takustí, Kuítniasha Núnisan; tura puniancha takakchakka ni pushirin suruk punian sumakti.

22:37b.LUK.022.037 Nekaatarum. Yus-Papinium yaunchu aarma ana nu wi Túrunamujai uminkiattawai. Juiti aarma: Yajauch shuarnum pachikiarmiayi. Warí, Yus-Papinium Ashí Winia aarma ana nu uminkiatniuiti."

22:38b.LUK.022.038 Tutai ni unuiniamuri tiarmiayi "Uuntá, jui Jimiará Puniá awai." Tutai Niisha "Asati" Tímiayi.

22:39b.LUK.022.039 Nuyá Jesus Jíinkimiayi. Tura tuke Túrin asa Uriwiu Náinnium wémiayi. Ni unuiniamurisha nemariarmiayi.

22:40b.LUK.022.040 Ai Jeá niin chicharuk "Itiurchat winiakui iniaraij tusarum Yus áujsatarum" Tímiayi.

22:41b.LUK.022.041 Tuasua amik arantach, kaya nankimiam jeana Núnik Jesus wémiayi. Tura Yúsan áujsataj tusa tikishmarmiayi.

22:42b.LUK.022.042 Tikishmar juna Tímiayi "Apawá, pininnum Yapá umartinia ántsan Wi Wáitsattajna nu wakerakmeka jurutkitia. Tura Wi wakerajna nucha antsu Ame wakeramna nu Atí, tajai" Tímiayi.

22:43b.LUK.022.043 Nuyá, Ikiakártaj tusa Yusa suntari nayaimpinmaya tarimiayi.

22:44b.LUK.022.044 Tura Jesus Imiá Wáitias pujak Nú kakaram Yúsan áujsamiayi. Tura ni searmarisha Numpá ántsan Nunká kitiawarmiayi.

22:45b.LUK.022.045 Yúsan aujsua amik wajaki ni unuiniamurin werimiayi. Tura Kúntuts Enentáimmiarijiai ti pimpiki Kanúu tepenan tarimiayi.

22:46b.LUK.022.046 Nuinkia chicharainiak "ṡUrukamtai Kanúu teparum? Itiurchat winiakui iniaraij tusarum nantakrum Yus áujsatarum' Tímiayi.

22:47b.LUK.022.047 Jesus tuke chichaa pujai, Untsurí shuar Táarmiayi. Tura Nuní eemka Jesusa unuiniamuri Jútas naartin winimiayi. Tura Jesusan mukunatajtsa tarunmiayi.

22:48b.LUK.022.048 Támatai Jesus chicharuk "Jútasá, ṡAents Ajasu tutai mukunamek surutkattam?" Tímiayi.

22:49b.LUK.022.049 Jesusjai pujuarmia nu, Túmamun Wáinkiar "ṡUunt puniajai íjiuartatjik?" tiarmiayi.

22:50b.LUK.022.050 Tura chikichik Patri uuntri Takarniurí kuishin untsuurin tsupirkamiayi.

22:51b.LUK.022.051 Tura Jesus Tímiayi "Iniaisatarum." Nuna tinia ni kuishin antin Tsuármiayi.

22:52b.LUK.022.052 Nuyá Israer-patri uuntrin, Yus-jea uuntrincha, tura pepru uuntrincha, Niin achiktaj tusa tariarmia nuna chicharuk "ṡWisha kasakaitiaj. Urukamtai puniajaisha numijiaisha tarutniuram?

22:53b.LUK.022.053 Nuik Yusa Uunt Jeen tuke tsawant atumjai pujumaj nui achirkachmarme. Túrasha átum kiritniumia kakarmajai nupetkatin Yamái tsawantin tsankatkamuitrume" Tímiayi Jesus.

22:54b.LUK.022.054 Nuinkia Jesusan achikiar emetawar Israer-patri uuntri jeen Júkiarmiayi. Tura Pítrusha íkian nemarki wémiayi.

22:55b.LUK.022.055 Tura aach jinia Ikiapárarmiayi. Túrawar anamuk pujuarmiayi. Pítrusha niijiai pujusmiayi.

22:56b.LUK.022.056 Tura nuwa, Patri takarniuri amia nu, Pítiur jinia anamuk pujan Wáiniak "Ju aishmansha Niijiai pujumiayi" Tímiayi.

22:57b.LUK.022.057 Tutai Pítiur chichaak "Nuwá, Niin nékatsjai" Tímiayi.

22:58b.LUK.022.058 Tura árusan Chíkich niin Wáiniak "Amesha Niin Páchitkiaitme" Tímiayi. Tutai Pítiur Tímiayi "Atsá. Wikia ainkia Páchitkiatsjai" Tímiayi.

22:59b.LUK.022.059 Chikichik ura nankaamasmatai Chíkich apach chichaak "Nekas ju aishmansha Niijiai pujumiayi. Warí, niisha Kariréanmayanchakait" Tímiayi.

22:60b.LUK.022.060 Tutai Pítiur chichaak "Ame Támena Núnaka nékatsjai" Tímiayi. Nú chichamaik Pítiur Chicháa pujain~ki atash shiniukmiayi.

22:61b.LUK.022.061 Tura nuinkia Uunt Jesus Pítrun apajas iismiayi. Túra "atash shiniatsain ame menaintiu natsantrurtatme" Uunt Jesus timia nuna Enentáimpramiayi.

22:62b.LUK.022.062 Nuyá Pítiur jiinki ti uutmiayi.

22:63b.LUK.022.063 Aishman Jesusan Wáiniarmiania nu ti wishikiainiak awattiarmiayi.

22:64b.LUK.022.064 Jiin epetkar yapiniam awattiar chicharainiak "Nekamata, ya awatama" tiarmiayi.

22:65b.LUK.022.065 Tura katsekainiak ti Untsurí chikichnasha Nánkamas tiarmiayi.

22:66b.LUK.022.066 Tsawarmatai, Israer-shuara uuntrisha, Israer-patri uuntrisha, Israer-shuara jintinniurisha iruntrar ni iruntairiin ejeniarmiayi. Nui chicharainiak

22:67b.LUK.022.067 "Paant Titiá. ṡYus anaikiamu Kristu tutaia Núkaitiam?" tiarmiayi. Tutai Jesus Tímiayi "Wi "ee" Tákuisha, "nekasaiti" Tíchattarme.

22:68b.LUK.022.068 Tura Wi Aníamsha airkashtatrume, Túrasha akuptukchattarme.

22:69b.LUK.022.069 Tura Wárik Wisha Aents Ajasuitjiana nu, Ashí nankaamaku ajasan, Yusa untsuurini pujustatjai" Tímiayi.

22:70b.LUK.022.070 Tutai niisha tiarmiayi "ṡNuinkia amesha Yusa Uchirínkaitiam?" Tutai Jesus Tímiayi "Ee, Wíitjai, átum Winia Túrutrum Núnisnak."

22:71b.LUK.022.071 Tutai niisha tiarmiayi "Warí, ṡiisha Chíkich ujatkat tusar atsumajik? Imia ninki chichaamu antukchajik" tiarmiayi.

23

23:1b.LUK.023.001 Nuyá Ashí Uunt iruntrarmia nu wajatkiar Rúmanmaya akupin Piratuí Jesusan Júkiarmiayi.

23:2b.LUK.023.002 Nui jeawar, Piratun chicharainiak "Ju aishman ii shuaran awajimtikiar Enentáimtikiainia nu nekaamji. Rúmanmaya uunt akupin Sésaran kuit akiktinian suritramaji. Tura nu arant Ninki, akupin Kristu tutaintjai, tawai" tiarmiayi.

23:3b.LUK.023.003 Tutai Piratu Jesusan chicharuk "ṡAme Israer-shuara Akupniurinkáitiam?" Tímiayi. Tutai Jesus Tímiayi "Ee, Núitjai, ame Támena Núnisnak."

23:4b.LUK.023.004 Nuyá Israer-patri uuntrincha tura aents nui iruntrarmia nunasha Piratu chicharainiak "Ju aishman tunaan Túran penké Wáinkiachuitjai, tajai" Tímiayi.

23:5b.LUK.023.005 Túrasha niisha Nú kakantar chicharainiak "Antsu nekas Ashí Jutía nunkanmaya aentsun ni unuiniana nujai akajenawai. Kariréa nunkanmaya nankaamas ímiajaisha tayi" Tímiayi.

23:6b.LUK.023.006 Piratusha nuna antuk "Nu aishman ṡKariréanmayankáit?" Tímiayi.

23:7b.LUK.023.007 "Ee" tuiniakui, Erutisan akuptukarmiayi. Erutiska Kariréanmaya aentsun akupniuyayi. Túmaitiat nu tsawantin Jerusarénnum ishichik tsawant pujusmiayi.

23:8b.LUK.023.008 Erutiska Jesusan iistaj tusa ti wakerimiayi. Jesusa Túramurin áujmatman ti antukmiayi. Tuma asa, "Wi iimiai aents tujintiamun Túrashtimpiash" tusa Jesusan Wáiniak warasmiayi.

23:9b.LUK.023.009 Jesusan ti nukap aniasmiayi; Túramsha penké aimkiachmiayi.

23:10b.LUK.023.010 Nuisha Israer-patri uuntrisha, tura Israer-shuara jintinniurisha yajauchiiti tusar charaatum awajiarmiayi.

23:11b.LUK.023.011 Tura Erutissha ni suntarijiai Jesusan yajauch Enentáimtuiniak Niin wishikiainiak ti penker pushin, akupniu entsatairiya ánniun, aentsrarmiayi. Nuyasha Erutis ataksha Piratuíin akupkamiayi.

23:12b.LUK.023.012 Túram nu tsawant Piratu Erutisjai nawamnaikiarmiayi. Kame Yáunchuka nemasnaikiau ármiayi.

23:13b.LUK.023.013 Nuyá Israer-patri uuntrin aentsu uuntrijiai tura penké aentsjai Piratu ikiaanak Tímiayi

23:14b.LUK.023.014 "Ju aishman aentsu awajimtikiui tusarum itiartintrume. Túrasha átum iimprumnin anintrusan yajauch átum Tárumna nuna penké nekarachjai.

23:15b.LUK.023.015 Erutissha Núnisan yajauchin nekaachai. Warí, jui awainkichmaka. Nuikia Páantchakait Jú aishman jakamnia tunaanka Túrichuiti" Tímiayi.

23:17b.LUK.023.017 Túraitiat tuke Túrutai asamtai, Jísat jeakui sepunmaya Chikichík aishmankan Piratu ankant akupkatin ámiayi. Tuma asamtai, nii chichaak "juna Asutián awematjai" Tímiayi.

23:18b.LUK.023.018 Tura aencha iruntrar ti untsumainiak "Atsá; jucha. Ju nakitiaji. Antsu Parapás akupkata" tiarmiayi.

23:19b.LUK.023.019 Nu Parapássha akupniun nakitiak mesetan najana asa tura mankartin asa sepunam enkeamuyayi.

23:20b.LUK.023.020 Piratuka Jesusan akupkattsa wakerak ataksha aentsun áujsarmiayi.

23:21b.LUK.023.021 Túrasha Nú arant untsumainiak "Atsá. Krúsnum mantamnati" tiarmiayi.

23:22b.LUK.023.022 Tura ataksha Piratu chicharainiak "ṡUrukamtai. Warí tunaan Túrait? Jakamnia tunaan Túrachiash tusan, aniasan penké nekarachjai. Asutián akupkatjai" Tímiayi.

23:23b.LUK.023.023 Tura niisha kakaram untsumainiak "Jesus mantamnati" tiarmiayi. Kame aencha tura Patri uuntrisha ti untsumaina ásarmatai ni wakeramuri tsankatnakarmiayi.

23:24b.LUK.023.024 Nii wakeriarmia nuna Piratu "Túrattajai" Tímiayi.

23:25b.LUK.023.025 Tuma asa Parapásan, mesetan najanin tura mankartin amia nuna akupkamiayi. Tura Jesusnaka ni wakeramun Túrawarti tusa iiktusarmiayi.

23:26b.LUK.023.026 Jesusan jukitiasa pujuiniai Serini nunkanmaya Semun ni pépruriya Jerusarénnum yama jeamiayi. Niin achikiar, Jesusa krusri ayantkar "ni ukuri Wetá" tiarmiayi.

23:27b.LUK.023.027 Untsurí aents Jesusan nemariarmiayi. Tura Untsurí nuwasha ti kuntuts Enentáimiainiak uutkiar tura wa-wa ajakiar wearmiayi.

23:28b.LUK.023.028 Túmainiakui Jesus niin iis, "Jerusarénnumia nuwatiram Winia Enentáimtursarum uuttiirap. Antsu atumniak tura atumi uchiri Enentáimtusrum uuttiarum.

23:29b.LUK.023.029 Warí, ti iturchat tsawant jeawartatui. Tuma asamtai "Uchirtichu ainia nu, ajaprukchana nu tura amuntsachu ainia nu, Chíkich aentsjai nankaamas pénker pujuiniawai" tiartatui.

23:30b.LUK.023.030 Nu tsawantai aents chicharainiak "Náint iin nekentmak yuturmaartai" tiartatui.

23:31b.LUK.023.031 Warí, numi sameka ainis yajauch aya Nánkamna ainsha ju itiurchat átsuk. Tura numi kukaru ainkiamtai itiurak Nú yajauch Túrunachat~i." Tu timiayi Jesus.

23:32b.LUK.023.032 Tura Jesusjai Krúsnum maatai tusar Jímiar yajauch aishmankan Júkiarmiayi.

23:33b.LUK.023.033 Karawír nain tutainium jeawar Jesusan Krúsnum ajintrurarmiayi. Tura Jesusa untsuurini Chikichík yajauch aishmankan tura ni menaarini Chíkich yajauch aishmankan Núnisan Krúsnum ajintrurarmiayi.

23:34b.LUK.023.034 Tura Jesus Krúsnum ajintraku pujuram, chichaak "Apawá, tsankurarta. Nii aitkiainia nuna nékainiatsui" Tímiayi. Tura suntar pujuarmiania nu, yaki Jesusa pushiri jukit tusar nakurusarmiayi.

23:35b.LUK.023.035 Péprunmaya aents ii wajatiarmiayi. Tura uunt armia nusha Niin wishikiainiak "Chikichnaka uwemtikniuiti. Wats, Yamái nekas Yusa anaikiamuri Kristu Tútainkiunka imia Ninki Uwémpratí" tiarmiayi.

23:36b.LUK.023.036 Suntarsha Niin wishikrarmiayi. Tariar Churuínian aartai tusar awajiarmiayi.

23:37b.LUK.023.037 Tura chicharainiak "Amesha nekas Israer-shuara uunt akupniurinkiumka amek uwemprata" tiarmiayi.

23:38b.LUK.023.038 Tura muuknumaani, Kriaku chichamjai, Rúmanmaya apach chichamjaisha tura Israer chichamjaisha ju aarar anujkamu ámiayi: JUITI ISRAER-SHUARA UUNT AKUPIN

23:39b.LUK.023.039 Chikichík yajauch aishman nui ajintruamu amia nu Kátsekeak chicharuk "Amesha nekas Yusa anaikiamurintkiumka amek uwemprata tura incha uwemtikramprata" Tímiayi.

23:40b.LUK.023.040 Tura Chíkich ni tsaniakmarin kakantar chicharuk "ṡAmesha Niijiai métek Asutniátasa pujayatam, Yus ashamatsmek? Tímiayi.

23:41b.LUK.023.041 Iikia yajauch asar Wáitsatniuitji; ii tunaari akikmakur Wáitiaji. Antsu ju aishmanka yajauchin Túrichuiti" Tímiayi.

23:42b.LUK.023.042 Nuyá Jesusan chicharuk "Amesha akupin ajasam winiasha Enentáimtursata" Tímiayi.

23:43b.LUK.023.043 Tutai Jesus chicharuk "Nekas Tájame, jakar shiir pujutainium Yamái tsawant Wijiai pujustatme" Tímiayi.

23:44b.LUK.023.044 Tutupin ai Ashí nunkanam ti kirit ajasmiayi. Tura Menaintiú ura nankaamasu ain, nantu nunkaach ajassha tuke kirit ámiayi.

23:45b.LUK.023.045 Tsawái nantusha mushatmarmiayi. Tura Jerusarénnum Yusa Uunt Jeencha tarach ajamu aa Jímiapetek nakaakamiayi.

23:46b.LUK.023.046 Nuyá Jesus untsumuk "Apawá, winia wakantrun Amiin ikiuajai" Tímiayi. Nuna tinia jakamiayi.

23:47b.LUK.023.047 Suntara Kapitiántri nu Túrunamun Wáiniak, Yusa Náarin shiir awajeak "Jusha Imiá nekas pénker aishmankuyi" Tímiayi.

23:48b.LUK.023.048 Tura Untsurí aents pujuarmia nu, nu Túrunamun Wáinkiar ti kuntuts Enentáimiainiak ni netsepen paat awatiar waketkiarmiayi.

23:49b.LUK.023.049 Tura Jesusa amikrisha tura nuwa Kariréanmaya Niin nemariarmia nusha íkian wajasar ii wajarmiayi.

23:50b.LUK.023.050 Naka Enentáimin pénker aishman ámiayi ni naari Jusé. Arimatéa pepru Jutía Núnkanam ana nuyauyayi. Israer-shuara Uunt Iruntairin Páchitkiauyayi.

23:51b.LUK.023.051 Yus ju nunkanam akupin ajasat tusa Jusé nakas pujumiayi. Tuma asa Uunt Iruntainium Jesusan Túrawarmia nuna nakitmiayi.

23:52b.LUK.023.052 Tuma asamtai Piratui we Jesusa ayashin seamiayi.

23:53b.LUK.023.053 Piratu "ayu" takui, Jesusa ayashin Krúsnumia jusa tarachjai penuar kaya Táurmanum iwiarsamiayi. Nu Táurmanum Chíkich iwiarsachmauyayi.

23:54b.LUK.023.054 Iwiaratin tsawantai, ayampratin tsawant tsawastatuk ajasmatai Túrunamiayi.

23:55b.LUK.023.055 Tura nuwa Kariréanmaya jukiniutak Jesusan nemarsarmia nusha iwiarsamunam weriar, Jesusa ayashi itiur ikiusmait nuna iisarmiayi.

23:56b.LUK.023.056 Iisar ikiuak ni jeen waketkiarmiayi. Tura Jesusa ayashi mejeenin tusar kunkuinian iwiararmiayi. Tura ayampratin tsawantai, Israer-shuar akupkamun umikiar ayamprarmiayi.

24

24:1b.LUK.024.001 Tumintin Káshik kunkuinian iwiaramun Júkiar nu nuwa Jesus iwiarsamunam weriarmiayi. Tura Chíkich nuwasha atampriarmiayi.

24:2b.LUK.024.002 Tura iwiarsamu kaya atutkamu urani aan Wáinkiarmiayi.

24:3b.LUK.024.003 Tura wayawar uunt Jesusa ayashin Wáinkiacharmiayi.

24:4b.LUK.024.004 Wáinkiachu ásar ashamkarmiayi. Tura "itiurkatjik" tiarmiayi. Tumai Jimiará aishmankan pushin wincharpatniun entsaru niin ayaamach wajainian Wáinkiarmiayi.

24:5b.LUK.024.005 Nuna Wáinkiar ti sapijmiainiak tsuntsumawarmiayi. Túmakui nu aishman chicharainiak "ṡIwiaakusha urukamtai jakaanumsha earum? tiarmiayi.

24:6b.LUK.024.006 Jui pujatsui. Antsu nantakni. Nékatsrumek. Niisha Kariréanam tuke pujus

24:7b.LUK.024.007 "Wi, Aents Ajasuitjiana nu, yajauch aentsnum surunkattajai. Túran Krúsnum mantamnattajai. Tura Menaintiú tsawantai nantaktiatjai" turamchamkarum" Tímiayi.

24:8b.LUK.024.008 Nuna takui Jesus timian Enentáimprarmiayi.

24:9b.LUK.024.009 Tura iwiarsamunmaya waketki taar, Jesusa unuiniamurin auntse armia nuna tura chikichnasha Ashí nu Túrunamun ujakarmiayi.

24:10b.LUK.024.010 Jesusa unuiniamurin ujakarmia nu ju ainiawai: Maktaranmaya Marí, Juánasha, Jakupu Nukurí Marisha, tura Chíkich nuwajai.

24:11b.LUK.024.011 Tura Jesusa unuiniamurisha nuwa Tuíniakuisha nekasaiti tu Enentáimtsuk "Wáuruk Tuíniawai" tiarmiayi.

24:12b.LUK.024.012 Túrasha Pítrusha jiinki Jesus iwiarsamunam tsékenki werimiayi. Jeá, init iis, aya Tárachik tepenan Wáinkiamiayi. Tura Túrunamia nuna ti Enentáimiar ni jeen waketkimiayi.

24:13b.LUK.024.013 Nu tsawantaik Jesusa nemarniuri Jímiar Emaús péprunam wéarmiayi. Emaúska Jerusarénnumia auntse kirumitru Jeá pujawai.

24:14b.LUK.024.014 Túrunamia nuna chichaki wearmiayi.

24:15b.LUK.024.015 "Itiurkit" tu aujmatki weenai imia Jesus taa nui Páchiniak niijiai wearmiayi.

24:16b.LUK.024.016 Tura Wáinkiariat nekaashtin asamtai yait nekaacharmiayi.

24:17b.LUK.024.017 We-wénakua Jesus chicharainiak "Jintiasha ṡWarí áujmatkirum wéarum? ṡUrukamtai Kúntuts Enentáimprum?" Tímiayi.

24:18b.LUK.024.018 Chikichik, Kreupas Náartin chicharuk "Jerusarénnum Túruna nuna Ashí nékainiawai. ṡAmeka amekek Túrunamia nu nékachu Páchitkiam?" Tímiayi.

24:19b.LUK.024.019 Tutai Jesus Tímiayi "ṡWarí urukait?" Tutai tiarmiayi "Entá, Nasarétnumia Jesusa Túrunamuri taji. Niisha Yúsnan etserin asa Yusa kakarmarijiai chichasmiayi tura nuna kakarmarijiai takasmiayi. Núnaka Ashí aents nékainiawai.

24:20b.LUK.024.020 Tura ii Pátriri uuntri tura ii pépruri uuntri "Tunáa jakamnia Túrayi" tusar "Krúsnum mantamnati" tiarmiayi.

24:21b.LUK.024.021 Tura ii Israer-aentstin uwemtikrampratin tu Enentáimsamji. Tura ni maamusha Menaintiú tsawant nankaamasai.

24:23b.LUK.024.023 Túrasha ii nuwa ni iwiarsamunam Yamaí Káshik weriar ni ayashin Wáinkiacharmai. Tura "Yusa suntari Wáinkiaji tura "Jesus iwiaakuiti" Túramji" tiarmai. Nuna tu ujatmakakrin ti Enentáimpraji.

24:24b.LUK.024.024 Nuyá ii shuar iwiarsamun weriar, nuwa tiarmia Tímiatrusan Wáinkiarmiayi. Tura Jesusnaka Wáinkiacharmai." Tu ujakarmai Jesusan.

24:25b.LUK.024.025 Nuyá Jesus niin chicharainiak "Enentáimchaitrume. Ashí Yúsnan etserin tiarmia nu wau Enentáimtatsrume.

24:26b.LUK.024.026 ṡYusa anaikiamuri, Kristu tutai, shiir awajnatsuk ti Wáitsashtinkiait?" Tímiayi.

24:27b.LUK.024.027 Tura Nuyá Yus-Papinium Muisáis aarmia Nuyá jukin Ashí Yúsnan etserin ni Túrunatniurin aararmia nuna jintintiatasa nankamamiayi.

24:28b.LUK.024.028 Ayu, nii wearmia Nú peprunam jeawarmiayi. Tura Jesuska nui nankaamaki wétaj tau ajamiayi.

24:29b.LUK.024.029 Tura niisha chicharainiak "Weep. Iijiai Pujustá. Warí, nantu akaikiyi, kirit ajatemsai" tiarmiayi. Tutai Jesus niijiai pujustaj tusa wayamiayi.

24:30b.LUK.024.030 Tura niijiai irunar misanam pujus, yurumkan achik, Yúsan yuminkias nincha puuk Súsarmiayi.

24:31b.LUK.024.031 Nu chichamaik, ni jii uranniua Núnikiarmatai Jesusan nekaawarmiayi. Tura Niisha Nú chichamaik menkakamiayi.

24:32b.LUK.024.032 Tura nu shuarsha mai tunai ajainiak "Jintia winis Niisha Yus-Papin jintintramuk nekas ii Enentáin shiir Enentáimtikramprachmakaj~i" tiarmiayi.

24:33b.LUK.024.033 Nuyá, Emaúsnumia Wárik Jíinkiar Jerusarénnum waketkiarmiayi. Nui Jesusa unuiniamurin auntse armia nuna tura Chíkich shuar Jesusan nemariarmia nunasha iruntrar pujuinian Wáinkiarmiayi.

24:34b.LUK.024.034 Auntse armia nusha tiarmiayi "Uunt Jesus nekas nantakni. Semun Niin Wáinkiaiti."

24:35b.LUK.024.035 Tutai niisha Jintiá Túrunamun ujakarmiayi. "Jesus yurumkan ajaamakui nui nekaamji" tiarmiayi.

24:36b.LUK.024.036 Nuna áujmatuk pujuiniai Jesus aya aneachma ajapén wajas "Shiir Enentáimsatarum" Tímiayi.

24:37b.LUK.024.037 Nuna antukar, ti sapijmiakar, wakanchashit, Enentáimsarmiayi.

24:38b.LUK.024.038 Tura Jesus chicharainiak "ṡUrukamtai sapijmiakrum wakanchashit, tu Enentáimsarum?

24:39b.LUK.024.039 Winia uwejrusha, nawersha iirtustarum. Wíkiitjai. Takarsa iirsatarum. Warí, wakancha ayashtinkiait, ukunchtinkiait" Tímiayi.

24:40b.LUK.024.040 Nuna tinia ni uwejéncha nawencha iniaktusarmiayi.

24:41b.LUK.024.041 Warainiayat sapijmiainia ásar, Niimpiashit tu Enentáimtusarmiayi. Tuma asamtai, niin chicharainiak "ṡyurumak takakrumek?" Tímiayi.

24:42b.LUK.024.042 Takui, namaknasha, Míshkincha Súsarmiayi.

24:43b.LUK.024.043 Tura Jesus nuna achik niisha iimiainiamunman yuamiayi.

24:44b.LUK.024.044 Tura niin tiarmiayi "Winia Túrutawarma nuna, Wi atumjai nuik pujusan Tímiajrume. Nekas uminkiatniuyayi. Iis, wi Túrunatniurun Muisáis aarmia nusha, Yúsnan etserin aarmia nusha, tura Sarmu papinium aarma ana nusha Ashí uminkiatniuyayi" Tímiayi.

24:45b.LUK.024.045 Nuyá Yus-Papinium aarman jintintiawarmiayi.

24:46b.LUK.024.046 Jintintiuk juna Tímiayi: "Yusa anaikiamuri Kristu tutai jaka Menaintiú tsawantai jakamunmaya nantaktinia nu Yáunchuk áarmauyayi. Tura Wi Nú Krístuchukaitiaj.

24:47b.LUK.024.047 Winia Náarun pachisar, Jerusarénnumia nankama Ashí nunkanam nu chicham etsernaktinia nu aarmauyayi. Shuar ni tunaari tsankurnarat tusar Enentáin Yapajiátniuiti. Tura tu etserkatniua nusha yaunchu aarmauyayi.

24:48b.LUK.024.048 Tura wi Túrunamu neka asarum etserkatniuitrume, Tímiayi.

24:49b.LUK.024.049 Tura winia Apar, winia Wakantrun susartatjai, turammarumna nuna akuptuktatjarme. Tura nayaimpinmaya Táatsain jui Jerusarén péprunam Pujústárum. Taa ni kakarmarin suramsattarme." Tu Tímiayi.

24:50b.LUK.024.050 Nuyá Jesus Jerusarén péprunmaya Júkiar Petania péprunam ejeniarmiayi. Tura nui ni uweje Takuí, "Yus Yáinmakarti" Tímiayi.

24:51b.LUK.024.051 Nuna tu pujus, niiya kanakmiayi. Tura nayaimpiniam junakmiayi.

24:52b.LUK.024.052 Ni unuiniamurisha Niin Imiá shiir Enentáimtusarmiayi. Tura Nuyá ti warasar Jerusarénnum waketkiarmiayi.

24:53b.LUK.024.053 Tura Yusa Uunt Jeen pujusar Yusa Náarin shiir Awajú pujuarmiayi. Aukete.