Mark (Shuar)

1

1:1b.MAR.001.001 Jui Jesukrístunu shiir chicham Nánkameawai. Jesukrístu Yusa Uchirínti.

1:2b.MAR.001.002 Yuska imiakratin Juankan pachis ni etserniurin Isayasan ti yaunchu ni Papiriin juna aamtikramiayi: "Iisiana, ame wéamurmin emka Wetí tusan winia akatramurun akupeajai. Niisha ame jintimin iwiarattawai.

1:3b.MAR.001.003 Niisha aents atsamunam untsumuk juna Títiatui: "Uunta jinti iwiarturtarum; naka awajsatarum." Nuke aarmaiti.

1:4b.MAR.001.004 Wats, aents atsamunam imiakratin Juan imiaittsa pujus étseruk, ""tunaarun Yus asakatrurat" tusarum, Enentáim Yapajiárum imiantiarum" Tímiayi.

1:5b.MAR.001.005 Anturkatai tusar Ashí Jutía nunkanmaya shuar tura Jerusarén peprunmaya shuarsha Niin tariarmiayi. Taar, ni tunaarin ujakarmatai, Juan Jurtan entsanam imiainiarmiayi.

1:6b.MAR.001.006 Juansha kamiriu ure najantramun entsauyayi. Emenmamkesha nuapeyayi. Tura chinijiai yutai-Títikriatsnasha yuuyayi.

1:7b.MAR.001.007 Niisha aentsun ujaak Tímiayi "Wíjiainkia nankaamas ana nu winia ukurui winittiawai. Niisha nekas ii Uuntri asamtai, wikia tsuntsumpruan ni sapatri jinkiamurinkisha atitrachminiaitjai.

1:8b.MAR.001.008 Wikia entsajain aya ayashmin imiaajrume, antsu Ninkia imiantinia aanis Yusa Wakani atumi Enentáin enketramprattarme" Tímiayi.

1:9b.MAR.001.009 Juan aentsun imiak pujurainiai, Jesuska Nasarét pepru Kariréa nunkanam ana Nuyá jiinki Juankan tarimiayi. Tura Juan Jurtan entsanam Jesusan imiaimiayi.

1:10b.MAR.001.010 Nuin, Jesus entsaya jiiniuk, nayaimpin uranniun Wáinkiamiayi. Tura Yusa Wakanín Yámpitsa Núnin najanar Niin taarun Wáinkiamiayi.

1:11b.MAR.001.011 Tura nayaimpinmaya chichaamun juna antukmiayi, "Ameka winia aneamu Uchiruitme. Amin shiir Enentáimtajme."

1:12b.MAR.001.012 Nuyá Wárik Yusa Wakaní Jesusan atsamunam jukimiayi.

1:13b.MAR.001.013 Tura nui, yajasma yujamunam, kuarenta tsawant pujumiayi. Nui pujai uunt iwianch Satanás naartin Jesusan nekapsataj tusa pujurmiayi. Túramtai Jesusan Wáinkiatai tusar nayaimpinmaya suntar tariarmiayi.

1:14b.MAR.001.014 Ukunam, Juankan sepunam enkeawarmatai, Jesuska Kariréa nunkanam Yusa akupeamurin pachis shiir chichaman etserki Támiayi.

1:15b.MAR.001.015 "Tsawant jeayi. Shuarnum Yusa akupeamuri jeatemai. Tuma asamtai, yaunchu Enentáimsamuram Yapajiárum, Uwempratin Chicham umirkatarum" tu etserkamiayi.

1:16b.MAR.001.016 Jesus Kariréa antumianka Kánmatkariin wekas, namakan achinian Semunnasha ni yachi Antresnasha nekan ajuntuk pujuinian Wáinkiamiayi.

1:17b.MAR.001.017 Wáiniak "Nemartustarum, Tímiayi. Namak achiarmena Nútiksanak aentsun-eau Yusna arti tusan awajsatjarme" Tímiayi.

1:18b.MAR.001.018 Tura nuyanka ni nekarin ajapa ikiuiniak Jesusan nemarsarmiayi.

1:19b.MAR.001.019 Nuyasha Jesus ishichik arantach wesa, Sepetéu Uchirín Jakupun ni yachin Juánnasha kanunam ni nekarin Apáa pujuinian Wáinkiarmiayi.

1:20b.MAR.001.020 Wáiniak, nemartusta tusa untsukarmiayi. Tutai ni Aparíncha, ni apari takarniurincha kanunam ikiuiniak Jesusan nemarsarmiayi.

1:21b.MAR.001.021 Nuyá Kapernáum péprunam jeawarmiayi. Nui Israer-shuara ayampratin tsawantri jeakui Jesus Israer-shuar iruntainiam Wayá Yus-Chichaman unuiniamiayi.

1:22b.MAR.001.022 Tura ni jintinniuri jintintiarmia nuna iniankas uunt chichamjai Jesus Jintíakui ni chichamen anturkar ti Enentáimprarmiayi.

1:23b.MAR.001.023 Nuisha nu iruntainiam aishman iwianchruku ámiayi. Niisha untsumuk

1:24b.MAR.001.024 "ṡWarí itiurtamkattsamea incha taum, Nasarétnumia Jesusa? Wikia nékajme. Ametme Tunaartichu Yúsaiya winiamna nu. Iin emestamprataj tusam Táchamek" Tímiayi.

1:25b.MAR.001.025 Tutai, Jesus kakantar chicharuk "Takamátsatá. Ni Enentáiya Jíinkitia, Tájame" Tímiayi.

1:26b.MAR.001.026 Tutai íwianch aishmankan ukurak ajakninkiar untsumak kakaar aa Jíinkimiayi.

1:27b.MAR.001.027 Nuna Wáinkiar, ashamkar Nuámtak aniniaisarmiayi. "ṡAusha warinkit. Yamaram chicham Warí chichamait? Ju Jesuska Timiá kakaram asa ímia iwianchin akupeatsuk. Iisiana umirainiatsuk" tiarmiayi.

1:28b.MAR.001.028 Tura ti Wárik nu Túrunamu Ashí Kariréa nunkanam antunkamiayi.

1:29b.MAR.001.029 Nuyá Israer-shuara iruntai jeenia jiinki Jesuska Jakupujai Juanjaisha we, Semun ni yachi Antresjai pujuarmia nui jeawarmiayi.

1:30b.MAR.001.030 Semunka tsatsari tsuer peaknum jaa tepemiayi. Núnaka Wárik Jesusan ujakarmiayi.

1:31b.MAR.001.031 Nuinkia Jesus Werí uwejnum achik iniantkimiayi. Tura nu chichamaik michatramiayi. Michatar, pénker ajas, Jesusnasha ni nemarniurincha ayurawarmiayi.

1:32b.MAR.001.032 Nu tsawantai kiarai, Ashí Jáinian, iwianchrukuncha Jesusan itiariarmiayi.

1:33b.MAR.001.033 Tura Ashí Nú péprunmaya shuar taar Wáitiniam Jesusan Káutkarmiayi.

1:34b.MAR.001.034 Untsurí Shuáran Chíkich sunkuraim Jáinian Jesus tsuararmiayi. Tura iwianchruku armia nuna Enentáiyan iwianchin Jíirkiarmiayi. Jesuska íwianch nékamu asa, winia Náarun ántar pachisarain tusa suritkiarmiayi.

1:35b.MAR.001.035 Nuyá kashin Káshik tsawaatsain Jesus nantaki Yúsan áujsataj tusa jiinki atsamunam wémiayi.

1:36b.MAR.001.036 Tura Semun ni amikrijiai Jesus wemaanum wéarmiayi.

1:37b.MAR.001.037 Niin Wáinkiar "Ashi shuar Amin eatmainiawai" tiarmiayi.

1:38b.MAR.001.038 Tutai Jesus chichaak "Chíkich péprunmasha arantach wetai. Nui Yusa chichame etserkatai; nuna Túrattsan Táwitjai" Tímiayi.

1:39b.MAR.001.039 Nuna ti Ashí Kariréa nunkanam Israer-shuar iruntai jeanam etseras wekaimiayi; tura Núnisan iwianchniasha jiiki akupkini wekaimiayi.

1:40b.MAR.001.040 Túramtai, ti tunamaru shuar Jesusan seatajtsa tarimiayi. Taa tikishmatar Tímiayi "Wakerutakmeka tsuaratin tujintratsme."

1:41b.MAR.001.041 Jesus niin waitnentak uwejejai antinmiayi. Antin "Wakerajme. Pénker ajasta" Tímiayi.

1:42b.MAR.001.042 Nu chichamaik, Jesus chichakmatai, ni sunkuri menkakamiayi. Tura pénker ajasmiayi.

1:43b.MAR.001.043 Túrunamtai Jesus kakantar chicharuk

1:44b.MAR.001.044 akupeak "Wáinkiatá, Nánkamsam etseraip, Tímiayi. Antsu weme, Israer-patrirmin iniakmamsata. Túram Ashí aents ame pénker ajasmarumin nekaawarat tusam, Muisais aar akupkamiania nu umikiam Súsatin ana nu susata" Tímiayi.

1:45b.MAR.001.045 Tura etserkaip Támaitiat, jiinki ni Túrunamurin mash etseramiayi. Tura nuna etserka asamtai, péprunam, aents írunmanum wétinian Jesus nakitramiayi, antsu aa atsamunam pujumiayi. Tura Ashí nunkanmaya Jesusan tariarmiayi.

2

2:1b.MAR.002.001 Kapernáum péprunam Jesus ukunam ataksha wémiayi. Jeamtai, ni jeen pujan nekaawarmiayi.

2:2b.MAR.002.002 Tuma asamtai shuar Wárik ti Untsurí Káutkarmiayi. Ti Untsurí asamtai, jea piakmiayi; Wáitinmasha ankantchauyayi. Jesuska Yus-Chichaman nu aentsun ujaak pujurmiayi.

2:3b.MAR.002.003 Nuinkia ni amikrin emearun kuatru shuar tampumpruawar Júkiar Jesusan itiariarmiayi.

2:4b.MAR.002.004 Tura jeawar, Untsurí shuar írunu ásamtai Jeá wayatniun tujinkiarmiayi. Tuma ásar, yakinini wakar jea urakar, aankawar, tampunam ni amikrin Jesus pujamunam awaintiuawar itiararmiayi.

2:5b.MAR.002.005 Tura niisha Jesus nekas Tsuártatui tu Enentáimmiarin Jesus Nekáa emearun chicharuk, "Uchirú, ame tunaarumka tsankuramuiti" Tímiayi.

2:6b.MAR.002.006 Israer-shuara jintinniurisha nuna Antúu pujuarmiayi. Tura ni Enentáijiai Enentáimsar,

2:7b.MAR.002.007 "ṡJusha urukamtai emearun tu chichara? Yúsan Imiá yajauch chicharui. Warí, yaki tunaan asakarminiait; aya Yúsak tunaan asakarchamniakait" tu Enentáimsarmiayi.

2:8b.MAR.002.008 Jesuska ni Enentáimmiarin nekarawar "ṡUrukamtia átum tu Enentáimprum? Tímiayi.

2:9b.MAR.002.009 Emearu, tunaarum tsankuramuiti Títinjai, emearu, wajakim tampuram entsakim wekasata Títinjai ṡTuá Imiá Yúpichuchit?

2:10b.MAR.002.010 Wats wi, Aents Ajasu asan Yusa kakarmarijiai shuara tunaari tsankuramniaitjiana nuna paant iwiaintiuktajrume" Tímiayi. Nuna tinia emearun chicharuk

2:11b.MAR.002.011 "Wajaktia, Tájame; Túram tampuram jukim jéemiin Wetá" Tímiayi.

2:12b.MAR.002.012 Nu chichamaik emearu wajaki, tampurin Jukí, Ashí íimiainiain Jíinkimiayi. Nuna Túrunamtai Ashí ashamkarmiayi. Tura "Jútikiamu penké Wáinchaitji" tiar Yusa Náarin uunt awajsarmiayi.

2:13b.MAR.002.013 Nuyá ukunam Jesus antumiannum waketkimiayi. Tura Ashí shuar Káunkarmatai jintintiawarmiayi.

2:14b.MAR.002.014 Tura jintintiawar amuk, akupin akitiai jeanam nankaamak, Arpeu uchirin Riwin pujan Wáinkiamiayi. Wáiniak "Nemartusta" Tímiayi. Tutai Riwí wajaki Jesusan nemarsamiayi.

2:15b.MAR.002.015 Chíkich tsawant, Riwisha Jesusan ni jeen itiaamiayi. Tura Untsurí Kuítian-juu shuarsha, yajauch shuarsha Jesusjai ni unuiniamurijiaisha ashi nuim misanam pujuarmiai.

2:16b.MAR.002.016 Tura Kuítian-juu shuarsha yajauch shuarsha Jesusjai irunar Yurumáinian Wáinkiar, Pariséu jintinniurisha Israer-shuara jintinniurisha Jesusa unuiniamurin aniasarmiayi. "ṡUrukamtai ame uuntrum Jesus, Kuítian-juu shuarjai tura yajauch shuarjaisha yuruma?" tiarmiayi.

2:17b.MAR.002.017 Jesus nuna antuk Tímiayi "Jaachu shuar Tsuákratniun atsumainiatsui. Antsu jaa ana nu Tsuákratniun atsumainiawai. Wats, "pénkeraitjai" tuinia Nú shuaran untsuktajtsan Táchaitjai; antsu "tunaitjai" tuinia Nú shuaran Winia ajasat tusan untsuktajtsan Táwitjai" Tímiayi.

2:18b.MAR.002.018 Juanka unuiniamurisha Pariséu unuiniamurisha yurumtsuk Yúsan áujiarmiayi. Túmakui Chíkich shuar Jesusan tariar chicharainiak, "Juanka unuiniamurisha, Pariséu unuiniamurisha yurumtsuk Yúsan áujainiatsuk; ṡame unuiniamurmeka urukamtai yurumtsuk áujainiatsu?" tiarmiayi.

2:19b.MAR.002.019 Tutai Jesus chichaak, "ṡNuatma nampernum ipiaamu ainia nu ijiarmawartiniak ainia? Yama nuatu pujakui ni amikri warainiak ijiarmachartin ainiawai. Núnisan winia unuiniamur, Wi pujakui, warainiak yurumtsuk pujuschartin ainiawai.

2:20b.MAR.002.020 Tura tsawant jeattawai, Winia jurukiartin. Nuinkia winia unuiniamur ijiarmawartatui' Tímiayi Jesus.

2:21b.MAR.002.021 Tura Nuyá juna Tímiayi `Mamuru Pushí jaanakmatai yamaram tarach anujtukchatniuiti. Túramka nijiam yamaram tarach sumpeak mamushan Chinkiá nuna nankaamas Jáaktatui.

2:22b.MAR.002.022 Nijiamanch Yamái nawar nuap najanamu arutnum yaraachminiaiti. Túramka wakaprua Karíak nuap najanamu ijiakratniuiti. Tura nijiamanch ukarattawai. Nuap najanamu yajauch ajastatui. Antsu yamaram nijiamanch yamaram nuap najanamunam yaraatniuiti" Tímiayi.

2:23b.MAR.002.023 Chíkich ayampratin tsawantai Jesus ajanman ajapén nankaamarmiayi. Tura ni unuiniamuri trikiu neren majukiar wearmiayi.

2:24b.MAR.002.024 Nuna Wáinkiar Pariséu Jesusan chicharainiak "ṡWarí, urukamtai ame unuiniamuram ayampratin tsawant takastin surimkiamu aisha takainia?" tiarmiayi.

2:25b.MAR.002.025 Tutai Jesus Tímiayi "Ii uuntri Tawitia Túramuri Yús-Papinium áujsachukaitrum. Niisha ni nemarniurisha tsukamainiak, ni yurumkari atsakui, Túrawarmia nu áujsachukaitrum.

2:26b.MAR.002.026 Apiatár Yusnan pujurniu uuntri pujai Uunt Tawit Yusa Jeen wayamiayi. Tura Tawitkia, patri nankaamas uunt asa, Pátrichuitiat, iniaktusma tantan, aya patri Yútainiak, yuamiayi; tura ni nemarniurincha ajamsamiayi. Nu áujsachukaitrum, Tímiayi.

2:27b.MAR.002.027 Ayampratin tsawantai Túrashtinian umirkashtimpiash tusa Yuska aentsun najanachmiayi. Antsu aents ayamprarat tusa Yus ayampratin tsawantan tesamiayi.

2:28b.MAR.002.028 Wisha, Aents Ajasu asan imia ayampratin tsawantan Nerenniurintjai" Tímiayi.

3

3:1b.MAR.003.001 Ataksha Chíkich tsawantai Israer-shuar iruntainiam Jesus wayamiayi. Nui shuar ámiayi, ni uweje jaka.

3:2b.MAR.003.002 Tura Tunáan Túrayi titiai tusar wakeruiniak "ayampratin tsawantai Tsuártimpiash" tusar, Pariséu shuarsha Jesusan ii pujuriarmiayi.

3:3b.MAR.003.003 Nuinkia Jesus uweje jaka shuaran chicharuk "Ajapén wajasta" Tímiayi.

3:4b.MAR.003.004 Nuinkia mamikmaun chicharuk "ṡAyampratin tsawantai pénker Túratin yajauch Túratniujai Tuá Imiá pénkerait. Shuar uwemtikratin Máatniujai Tuá Imiá pénkerait?" Tímiayi. Nuna takui niisha pachischarmiayi.

3:5b.MAR.003.005 Tura Jesus kajek niin iiyarmiayi; tura ni Enentáin Kátsuram ásarmatai Kúntuts Enentáimsamiayi. Tura Shuáran chicharuk "Uwejem iniakmasta" Tímiayi. Iniakmasmatai ni uweje jaruku ataksha pénker ajatsamiayi.

3:6b.MAR.003.006 Nuyá Pariséu shuar Jíinkiar, Jesus maami tusar Erutis shuarjai áujmatsarmiayi.

3:7b.MAR.003.007 Nuyá Jesus ni unuiniamurijiai antumiannum wémiayi. Kariréa nunkanmaya Untsurí shuarsha Jesusan nemariarmiayi.

3:8b.MAR.003.008 Untsurí nunkanmayasha Káunkarmiayi. Jutía nunkanmayasha, Jerusarén péprunmayasha, Itiumía nunkanmayasha, Jurtan entsa amainiasha, Tiru tura Setun pepru pujuinia Nú nunkanmayasha, Untsurí shuar ni Túramurin nekaawar, Jesusan Káutkarmiayi.

3:9b.MAR.003.009 Untsurí Káunkar chanuntawarain tusa Jesus ni unuiniamurin kanuram Inianáastarum tusa seamiayi.

3:10b.MAR.003.010 Kame Untsurí shuaran Jesus nuik tsuaru asamtai, jaa shuar nui Káunkarmiania nu Jesusan antintaj tusar shitianainiakui nuna seamiayi.

3:11b.MAR.003.011 Tura iwianchrukusha Jesusan Wáinkiar tikishmatrarmiayi. Untsumainiak "Ame nekas Yusa Uchirínme" tiarmiayi.

3:12b.MAR.003.012 Tura nuna etserkairap tusa Jesuska kakantramiayi.

3:13b.MAR.003.013 Nuyá Jesus Náinnium wakamiayi. Tura anaikiatniun wakerimia Nú shuaran untsukmiayi. Tura niisha Jesusan weriarmiayi.

3:14b.MAR.003.014 Tura Niijiai wekasar Yus-Chichaman unuiniartinian tuse Shuáran anaikiarmiayi.

3:15b.MAR.003.015 Tura sunkur Tsuártinian, iwianchcha jiiki akupkatniun ni kakarmarin Súsarmiayi Nú shuaran.

3:16b.MAR.003.016 Ju Shuáran anaikiamu ármiayi: Semun, Jesus Chíkich naarin Pítiur apujtusmiania nu;

3:17b.MAR.003.017 Sepetéu uchiri Jakupu, ni patai Juánsha; ipiamtajai métek kakaram ásarmatai nuna mai "Puanérjis" naari susamiayi. Nusha shuar chichamjainkia "ipiamta nuke" tawai.

3:18b.MAR.003.018 Nuyá Antressha, Jiripi, Parturumí, Mateu, Tumas, Arpeu Uchirí Jakupu, Tateu, ásump Semun,

3:19b.MAR.003.019 Jútas Iskariúti. Jesusan ukunam surukmia Nú Jútasauyayi. Anaik amukmatai Jeá waketrarmiayi.

3:20b.MAR.003.020 Waketkiarmatai, ti Untsurí shuar taarmatai takatri ti akui, Yurumátniun jeacharmiayi.

3:21b.MAR.003.021 Jesusa Shuárisha nuna nekaawar Jesus ti itiurchat pujus Wáurtsuash tu Enentáimsar jukitiai tusar nu jeanam jeariarmiayi.

3:22b.MAR.003.022 Nuyá Israer-shuara jintinniuri Jerusarénnumia Táarmiania nu, Jesusan áujmatainiak "Pirsepú enkea asa iwianchrukuiti. Tuma asa uunt iwianchi kakarmarijiai iwianchin jiiki akupeawai" tiarmiayi.

3:23b.MAR.003.023 Tutai Jesus winitiarum tusa niin untsukmiayi. Tura Enentáimtikrataj tusa juna Tímiayi: "ṡIwianch Satanáskesha itiur ajapmamatin~ki?

3:24b.MAR.003.024 Chikichik Nú nunkanmaya shuar Nuámtak kajernaiyakuinkia, nu nunka wari meserchattawak.

3:25b.MAR.003.025 Nuámtak shuar ni shuarijiai kajernaiyakuinkia nu shuarsha amunaikchartatuak.

3:26b.MAR.003.026 Núnisan ṡSatanáskesha ni suntarijiai Máaniakka itiurak tuke pujusarat? Amunaikiartatui.

3:27b.MAR.003.027 Nánkamas shuar kakaram shuara jeen Wayá, nérenniun jinkiatsuk ni Kuítrin kasarkachminiaiti. Antsu nérenniun Jinkiá ni Kuítrin kasarkamniaiti.

3:28b.MAR.003.028 Nekas Tájarme, shuar Tunáa Ashí Túruiniana nuka tsankuramniaiti. Winiasha winia Aparnasha yajauch áujmatusha tsankuramniaiti.

3:29b.MAR.003.029 Antsu Yusa Wakanín yajauch áujmatna nuka tsankurachminiaiti; antsu nu shuar ninki tuke sumamattawai."

3:30b.MAR.003.030 "Jesuska iwianchrukuiti" Tuíniakui Jesus Nuní Tímiayi.

3:31b.MAR.003.031 Nuyá ni yachi ni Nukuríjiai taar aa wajasar, Jesusan untsukat tusa akupkarmiayi.

3:32b.MAR.003.032 Shuar Jesusan téntak pujuarmia nu tiarmiayi "Iis, nukusha, yatsumsha aa wajasar untsurmainiawai."

3:33b.MAR.003.033 Tutai Jesus chichaak "Ya ainia winia nukursha yatsursha" Tímiayi.

3:34b.MAR.003.034 Niin téntakar pujuarmia nuna iis "Júiti winia nukurka, yatsurka, Tímiayi.

3:35b.MAR.003.035 Shuar Yusa wakeramurin uminiana nu winia yatsuruiti, winia umaruiti, winia nukuruiti" Tímiayi.

4

4:1b.MAR.004.001 Nuyá jiinki antumianka yantamen Jesus ataksha unuiniartinian juarkimiayi. Tura Untsurí shuar iruntrarmatai, kanunam enkempramiayi. Shuarsha antumianka Káanmatkarin pujuarmiayi.

4:2b.MAR.004.002 Jesuska métek-taku chichamjai ti Jintintiármiayi. Jintintiuk juna Tímiayi:

4:3b.MAR.004.003 "Antuktarum. Atsaamin atsaamprataj tusa Jíinkimiai.

4:4b.MAR.004.004 Atsaamkui ni arakri Jintiá iniararmai. Chinki yakiya Káutkar yuawarmai.

4:5b.MAR.004.005 Chikichcha kaya írunmanum iniararmai, nunka ishichik ámanum. Tura nunka ishichik asamtai Wárik tsapainiarmai.

4:6b.MAR.004.006 Tura etsa etsantar Sukuám kankape Atsá asamtai Káararmai.

4:7b.MAR.004.007 Chikichcha Jankí nupanam iniararmai. Jankisha tsapainiar kankar ajakrarmai; Túram nerekcharmai.

4:8b.MAR.004.008 Chikichcha pénker nunkanam iniararmai. Tura tsapainiar nerekarmai, Chíkich trainta, Chíkich sesenta, Chíkich sian nerekarmai.

4:9b.MAR.004.009 Kuíshim ákuinkia antuktarum" Tímiayi.

4:10b.MAR.004.010 Untsurí wearmatai, ishichik Niijiai juakarmiania nu, ni tuse unuiniamurijiai aniasarmiayi "ṡAme jintintiamna nusha warimpiait?" tiarmiayi.

4:11b.MAR.004.011 Tutai Jesus chichaak "Yuska ni akupeamurin atumin paant nekamtikramattsa wakerutmarme. Antsu Chíkich shuarka aya métek-taku chichamjai Jintintiáwartatui.

4:12b.MAR.004.012 Iiniayatan Wáinkiacharat tusa, antukarsha nekaacharat tusa, umirtsuk ni tunaari tsankurnacharat tusa Túrattawai' Tímiayi.

4:13b.MAR.004.013 Tura Tímiayi `Wi jintintiajrumna Nú métek-taku chicham nekaachurmek. Nu nékachkurmeka ṡitiurak Chíkich métek-taku chichamsha nekaatarum?

4:14b.MAR.004.014 Atsaamniua nuka Yus-Chichaman étserna nuna nakumui.

4:15b.MAR.004.015 Jinkiái Jintiá iniaarua nuna Chíkich shuar ántuiniamun nakumui. Nu shuar chichaman ántuiniawai. Tura antukarmatai Satanás Wárik Tarí ni Enentáin atsaampramun jurawai.

4:16b.MAR.004.016 Chíkich shuar ántuiniamu kayanam atsaampramua Núniskete. Niisha chichaman antukar Wárik warainiak umiktasa wakeruiniawai.

4:17b.MAR.004.017 Tura ni kankape atsakui, aya ishichik katsuiniawai. Tura ukunam, Yus-Chichaman wakeruiniakui shuar kajeram tura Chíkich itiurchatan Wáinkiar Yúsaiya kanainiawai.

4:18b.MAR.004.018 Chíkich ántuiniamuka Jankí nupanam atsaampramua Núniskete. Nu shuar Yus-Chichaman ántuiniawai.

4:19b.MAR.004.019 Antuiniayat ju nunkanam ana nuna ti Páchiniawai. Tuma ásar Kuítian tura shiirmachin ti takustinian wakeruiniawai. Nú wakeramu ni Enentáin Yus-Chicham ana nuna kankar emenkatui. Tuma asamtai nerektinian tujintiainiawai.

4:20b.MAR.004.020 Tura Chíkich ántuiniamusha pénker Núnkanam atsaampramua Núniskete. Nú shuarsha Yus-Chichaman antukar umiiniawai. Tura nerenawai, Chíkich shuar trainta, Chíkich shuar sesenta Chíkich shuar siansha nerenawai.'

4:21b.MAR.004.021 Nuyá Jesus juna Tímiayi `ṡShuar shiripkin ekeemak Itiá pitiaknum enkeattawak. Peaknum wakenam ikiustatuak? Atsá. Antsu misanam ekentsashtinkiait.

4:22b.MAR.004.022 Núnisan Ashí uukma ana nu ukunam paant nekanattawai. Tura Núnisan Yamái ishishmasa chichasmasha ukunam paant nekanattawai.

4:23b.MAR.004.023 Kuíshim ákuinkia antuktarum.'

4:24b.MAR.004.024 Tura Nuyá Tímiayi `Antarmena nu esetrarum Enentáimsarum antuktarum. Urutá pénkerak Enentáimsatarum, Núnisan Yuska ámin nekaatniun suramsattarme, tura Nú Núkap patatramsattarme.

4:25b.MAR.004.025 Tuma asamtai shuar Núkap takakna nu patatnastatui. Antsu Chíkich shuar ishichik takakuk jurunkittiawai.'

4:26b.MAR.004.026 Nuyá Jesus chichaak juna Tímiayi `Yusa akupeamuri Júnisaiti. Shuar jinkiain atsaampratniua Núniskete.

4:27b.MAR.004.027 Jinkiáin atsaamar, Untsurí kanar, tsawar, uruksanpi tusa Nákawai. Tura itiura tsapainia Núnaka nékatsui.

4:28b.MAR.004.028 Kame Jinkiái nunkanam init aku ninki tsapaatsuk; emka nukareawai, Nuyá tuyureawai tura nujamar katsuawai.

4:29b.MAR.004.029 Túruna Káakmatai Júuktin tsawant jeayi tusar Juíniawai.'

4:30b.MAR.004.030 Ataksha Jesus Tímiayi `ṡYusa akupeamuri warijiaink~i nakumkataj. Warijiaink~i métek-takuit?

4:31b.MAR.004.031 Mustasa Jinkiaí araamua nujai métek-takuiti. Nu jinkiaisha Ashí nankaamas ishitiupchichiti.

4:32b.MAR.004.032 Tura araam Tsapái Ashí nankaamas uunt ajawai; tura tsenkeakmarisha Kámpuram asamtai nui mikintranam chinkisha shiir ayamainiawai."

4:33b.MAR.004.033 Núnisan Jesus Untsurí métek-taku chichamjai Yus-Chichaman ujaamiayi. Nii nekaatniun jearmia nunak ujaamiayi.

4:34b.MAR.004.034 Chíkich shuaran aya métek-taku chichamjai ujaamiayi; antsu ni unuiniamurijiai Ninki pujus Ashí paant jintintrarmiayi.

4:35b.MAR.004.035 Nu tsawantai etsa akaikimtai Jesus ni unuiniamurin chicharainiak "Entsa amain katintai" Tímiayi.

4:36b.MAR.004.036 Tutai kanunam enkemprarmiayi. Chíkich shuarnaka Káanmatkanam ikiukiar Jesusan kanunam pujan Júkiarmiayi. Chíkich kanunmayasha atampriarmiayi.

4:37b.MAR.004.037 Tura nasesha ti nasenkatasa nankammiayi; Chíchimi kanunam Yaráná Piáktasa ajamiayi.

4:38b.MAR.004.038 Jesuska Kanú senkarin atamprus Kanúu tepemiayi. Tura, ni unuiniamuri Jesusan ishintiak chicharuk "Uunta ii wayajnia juka pachitmatsmek" tiarmiayi.

4:39b.MAR.004.039 Tutai Jesus nantaki nasen kakantramiayi. Entsancha chicharuk "Takamatsata. Miaku ajasta" Tímiayi. Tutai nasesha menkakamiayi, entsasha miaaku ajasmiayi.

4:40b.MAR.004.040 Túrunamtai Jesus ni unuiniamurin chicharainiak "ṡUrukamtai ashamarum? Itiura Yus nekas Enentáimtatsrum" Tímiayi.

4:41b.MAR.004.041 Tura Imiá ashamainiak "ṡMaa jusha yait? Nasesha entsasha niin umirainiatsuk" tunaiyarmiayi.

5

5:1b.MAR.005.001 Nuyá antumian amaini Jatara nunkanam jeawarmiayi.

5:2b.MAR.005.002 Jesus kanunmaya jiinkimtai aishman iwianchruku, shuar Jakáa iwiartainiumia Wárik taa Jesusan inkiunmiayi.

5:3b.MAR.005.003 Nu shuar iwiartainium tuke pujuyayi. Tura jirujainkia niin jinkiaatniun tujinkiarmiayi.

5:4b.MAR.005.004 Jirujai nawenmasha, uwejnumsha tuke jinkiau ármiayi. Túramaitiat jinkiaarman tsuriar tepet-tepet awajmiayi. Tura ti kakaram asamtai niin nupetkachminiuyayi.

5:5b.MAR.005.005 Tuke tsawaisha Káshisha, iwiartainiumsha murasha kayajai ijiumak untsumuu wekainiuyayi.

5:6b.MAR.005.006 Tura yajayan Wáiniak Jesusan tseke tarimiayi; tura tikishmatramiayi.

5:8b.MAR.005.008 Túrunamtai Jesus chicharuk "Iwianchiá, ni Enentáiya jiinkitia, Tájame" Tímiayi. Takui íwianch kakantar chichaak "ṡWiniasha urukamtai tarutnium, Uunt Nankaamaku Yusa Uchiri Jesusá? Yus iirmanum Wáitkiarsaip, Tájame" Tímiayi.

5:9b.MAR.005.009 Takui Jesus Tímiayi "ṡAme Náarmesha yait?" Tutai niisha ayak "Untsurí ásar wikia Untsurí-suntar tu anaikiamuitjai" Tímiayi.

5:10b.MAR.005.010 Nuna ti amik, nu nunkanmaya akuptukain tusa Jesusan ti seamiayi.

5:11b.MAR.005.011 Nuisha nainnium nuntumas Untsurí kuchi shushunmak matsamarmiayi.

5:12b.MAR.005.012 Tuma asamtai, kuchiniam Enkemátin tsankatrukta tusar Jesusan seawarmiayi.

5:13b.MAR.005.013 Tuiniakui Jesus "ayu" Tímiayi. Takui íwianch aishmankainia Jíinkiar kuchiniam Enkemáwarmiayi. Kuchisha ti Untsurí, Jimiará mir (2.000) áchiawash. Ashí mash Nánatanam iniaawar antumiannum iniankarmiayi. Nuisha Entsá kiakar jakerarmiayi.

5:14b.MAR.005.014 Túrunamtai kuchin Wáinin pisarar péprunmasha shuarnumsha nuna etserarmiayi. Tuma asamtai iyutai tusar ashintiukarmiayi.

5:15b.MAR.005.015 Túrawar Jesusai jeawarmiayi. Jeawar aishman yaunchu iwianchrukun yamaikia pénker ajasun pushirin entsar pujan Wáinkiarmiayi. Wáinkiar ashamkarmiayi.

5:16b.MAR.005.016 Tura waketkiar kuchi Túrunamuncha iwianchruku pénker ajasmancha mash etserkarmiayi.

5:17b.MAR.005.017 Tuma asamtai ni nunkeya jiinki Wetá tusa seawarmiayi. Jesus kanunam enkemamtai aishman nuik iwianchruku amia nu Jesusan chicharuk

5:18b.MAR.005.018 "Wi Amijiai tuke tsaninkian wekasatjai" Tímiayi.

5:19b.MAR.005.019 Tura Núnaka Jesus suritkiamiayi. "Antsu ame jeemiin, áminiurmiin weme, Ashí Uunt Yus Túrutma nu tura waitnentrampra nusha ujakarta" Tímiayi.

5:20b.MAR.005.020 Tutai aishmansha wémiayi. Tura antsu Tekapuris nunkanam Jesus niin pénker awajsamia nuna Ashí shuaran ujakmiayi. Nu nunkanmaya shuarka nuna antukar ti Enentáimprarmiayi.

5:21b.MAR.005.021 Ataksha Jesus kanujai katinmatai, aents Untsurí Niin irunturarmiayi. Jesuska antumianka Káanmatkari wajamiayi.

5:22b.MAR.005.022 Tura Israer-shuar iruntai jea Náampruku, ni naari Jairu, Támiayi. Taa, Jesusan Wáiniak, piniakum tepersamiayi.

5:23b.MAR.005.023 Piniakumar ti seak, "Winia nawantur jarutui. Winitiá, Túram pénker ajasat tusam uwejmijiai antintrukta. Nuinkia jarutkashtatui" Tímiayi.

5:24b.MAR.005.024 Tu Tímiatai Jesus niijiai wémiayi. Tura Untsurí shuar wena ásar Niin Chánuarmiayi.

5:25b.MAR.005.025 Nui pachitkia nuwa ti jaa wémiayi. Niisha tuse Uwí numpan ajapeak Wáitias pujuyayi.

5:26b.MAR.005.026 Ti Untsurí tsuakratin nincha iisu armiayi. Tura iyamsha ti Wáitias pujuyayi. Tura ni Kuítrincha Ashí ajapaitiat Tsuámarchauyayi; antsu tsuamsha nu arant ajauyayi.

5:27b.MAR.005.027 Nu nuwasha, Jesus Túramun antuku asa, ni ukuurini amainian ni pushirin antinmiayi.

5:28b.MAR.005.028 "Wi aya ni pushirin antinnaka pénkerapi ajasaintjia" tu Enentáimiar Túramiayi.

5:29b.MAR.005.029 Tura Jesusa pushirin antin Nú chichamaik numpa ájapman menkakamiayi. Pénker ajasman ayashiin nekapramiayi.

5:30b.MAR.005.030 Tura nuin Jesuska, ni kakarmarijiai tsuarman nekapmampramiayi. Tura nuna Nekáa, ayantar chichaak "ṡYaki winia pushirun antintruka?" Tímiayi.

5:31b.MAR.005.031 Tutai ni unuiniamuri tiarmiayi, "Untsurí Amin antinmainiasha ṡurukamtai "yaki winia antintkia" tame?"

5:32b.MAR.005.032 Tura Jesus, yaki Túruta tusa ashi iimpramiayi.

5:33b.MAR.005.033 Nuinkia nuwasha, ni ayashin Túruna nuna Nekáa, ti ashamak kuraimiayi. Tura Jesusan jeari tikishmatramiayi. Tura ni Túrunamurin Ashí paant ujakmiayi.

5:34b.MAR.005.034 Takui Jesus niin chicharuk "Nawantru, Winia nekas Enentáimtursa asakmin, pénker awajtamsaitme. Shiir Wetá, tura tuke pénker pujusta" Tímiayi.

5:35b.MAR.005.035 Tura Jesus nuna tuke chichas pujai, iruntai jea uuntri jeenia tariarmiayi. Tariar chicharainiak "Ame nawantrum jakayi. ṡUrukamtai Unuikiartin tuke itit awajsatam?" tiarmiayi.

5:36b.MAR.005.036 Tura Jesuska, nii tiarmia nuna ántayat, Núnaka pachitsuk, iruntai jea uuntrin chicharuk "Ashamkaip; áyatik nekas Enentáimtursata' Tímiayi.

5:37b.MAR.005.037 Tura Niijiai wétinian aya Pítruncha, Jakupuncha ni yachi Juanjai tsankatkarmiayi.

5:38b.MAR.005.038 Iruntai jea uuntri jeen jeawar, aentsun charaatum ajainian, uutainian untsumuk ajainiancha Jesus Wáinkiamiayi.

5:39b.MAR.005.039 Tura nuwach penké jakan nékayat, Wayá niin chicharuk "ṡUrukamtai Timiá uutrum, tura wa wa ajarum? Nuwach Jákachai, antsu kanarai" Tímiayi.

5:40b.MAR.005.040 Nuna takui wishikrarmiayi. Tura Jesus Ashí jiir akupkarmiayi. Ayatik nuwachi Aparín, Nukuríncha tura Niijiai Táaruncha nuwachi tepamurin jukimiayi.

5:41b.MAR.005.041 Tura wayawar Jesuska nuwachi uwejen achik Tímiayi "Taritia kumi." Nusha shuar chichamjainkia "Nawantrú Nantáktiá" tawai.

5:42b.MAR.005.042 Nuwach tuse Uwí takakuya nu, Nú chichamaik nantaki wekasamiayi. Túramtai nui pujuarmiania nu ti Enentáimprarmiayi.

5:43b.MAR.005.043 Jesuska chichaak "Atumsha penké etserkairap" Tímiayi. Tura "nuwach ayuratarum" Tímiayi.

6

6:1b.MAR.006.001 Jesus Nuyá jiinki ni nunken waketkimiayi. Ni unuiniamurisha nemariarmiayi.

6:2b.MAR.006.002 Nuisha ayampratin tsawant jeamtai Israer-shuar iruntainiam Wayá unuiniamiayi. Tura Jesusan anturkarmiania nu ti Enentáimsarmiayi. "ṡJusha tui unuimiaruit. Ni nekaatniurincha yaki susait. Tura aentsti tujintiajnia nuna Niisha itiurak tura?

6:3b.MAR.006.003 Jusha Karpintíruchukait; Maríi Uchirínchukait. Ni yachisha Jakupusha, Jusesha, Jútassha, Semunsha nékatsjik. Tura ni umaisha jui iijiai pujuiniatsuk" tiarmiayi. Túrawar Niin nekas Enentáimtustinian tujinkiarmiayi.

6:4b.MAR.006.004 Túrasha Jesus niin chicharuk "Yúsnan etserniun Chíkich nunkanmayanka shiir anturainiawai. Antsu Ní nunkeyanka, Ní shuarsha anturainiatsui" Tímiayi.

6:5b.MAR.006.005 Tura nuisha, ni nunkenkikia aentsti tujintiamun Túratniun tujinkiamiayi. Antsu jaancha aya ishichik ni uwejejai antin Tsuármiayi.

6:6b.MAR.006.006 Tura nekas Enentáimtacham "ṡurukamtai nusha?" tu Enentáimsamiayi. Nuyasha Chíkich péprunam Wayá, Chíkich péprunam Wayá Yus-Chichaman Unuíniakní wekaimiayi.

6:7b.MAR.006.007 Tuse unuiniamurin untsuk Jímiarchik Jímiarchik werum Yus-Chicham etserkatarum tusa akupkarmiayi. Tura iwianchin nupetkarat tusa ni kakarmarin Súsarmiayi.

6:8b.MAR.006.008 Tura chicharuk "Jintiá Yurumátniusha jukiirap, uyuntrumiincha kuitcha enkearum jukiirap. Antsu aya aanik mashtun jukiirum wetarum.

6:9b.MAR.006.009 Sapat uwekatarum, tura entsartincha Jímiar jukiirap, Tímiayi.

6:10b.MAR.006.010 Tura jea wayarmena nuin pujustarum; Pujá-pujakuarum Nuyá Chíkich peprunmasha wetarum.

6:11b.MAR.006.011 Tura Nánkamas aents atumin awaintiamainiachkuisha, anturtamainiachkuisha, Nuyá Jíinkirum, nu shuar yajauch ainiawai tusarum, Atumí nawe nunka akakekrum ikiuktiarum. Kame Yus aentsun nekapsattana Nú tsawant jeamtai, nu shuarnaka asutiattawai. Sutuma péprunmaya shuarjai tura Kumura péprunmaya shuarjai nankaamas niin asutiattawai" Tímiayi Jesus.

6:12b.MAR.006.012 Nuyá Jesusa unuiniamuri Jíinkiar Enentái yapajiar Yúsai Enentáimtumartinian etserkarmiayi.

6:13b.MAR.006.013 Tura iwianchruku Enentáiya iwianchin jiirki akupkarmiayi, tura asuitijiai yakarar Untsurí Jáinian tsuararmiayi.

6:14b.MAR.006.014 Jesusa Náarin tura ni Túramurin Ashí aents áujmatin ásarmatai, uunt akupin Erutis nuna antukmiayi. Erutiska "Imiakratin Juan jakamunmaya nantakni. Tuma asa ti kakaram takaawai" Tímiayi.

6:15b.MAR.006.015 Tura Chíkich shuar "Eríasaiti" tiarmiayi. Chikichcha "Yúsnan etserniuiti, yaunchu etserniuya Núkete" tiarmiayi.

6:16b.MAR.006.016 Erutis nuna antuk "Nekas Juánkaiti. Ni muuken tsupiktinian akupkamiaj nu, jakamunmaya nantakniuiti" Tímiayi.

6:19b.MAR.006.019 Kame Uunt akupin Erutis, ni yachi Jiripi nuarin nuatkamiayi. Nu nuwa naari Jirutíasaiti. Juansha uunt akupniun Erutisan chicharuk "Yatsumi Nuarí akintrukchatniuitme" Tímiayi. Tutai nuwa Jirutías Juánkan ti kajerkamiayi. Tura Juánkan Máataj tusa wakerimiayi. Túrasha uunt akupin Erutis nuna surimkiamiayi. Antsu Juan achikrum sepunam enkeatarum tusa akupkamiayi.

6:20b.MAR.006.020 Juansha tuke Enentáijiai Yusa jintin wekainiuyayi. Erutis, ni esetar Enentáimniun neka asa Juánkan ashamak Jirutías wakeramurin Túrawain tusa suritkiamiayi. Kame Erutis Juan étserman nékachuitiat antuktinian wakerimiayi.

6:21b.MAR.006.021 Jirutías, itiurak Máawaj tu pujai, uunt akupin Erutis, ni akiiniamu tsawantri jeamtai, ni suntarincha, Kariréa nunkanmaya uuntrincha, Kuítrintin armia nunasha untsukar, namperan najanamiayi.

6:22b.MAR.006.022 Nuisha Jirutíasa nawantri Wayá Jantsemámtai Erutis tura niijiai nampernum matsamarmia nusha shiir Enentáimsarmiayi. Túramtai uunt akupin nuwachin chicharuk "Ame wakeram nu seattia. Wi amastatjai.

6:23b.MAR.006.023 Nekas Tájame, Ashí ame seatmena Núnaka amastatjai. Wats, seatkumninkia takakjana nuna Jímiapetek nakakan, amastatjai" Tímiayi.

6:24b.MAR.006.024 Tutai nuwach jiinki ni Nukurín Jirutíasan chicharuk "ṡWariniak seattaj?" Tímiayi. Tutai "Imiakratin Juanka muuke seata" Tímiayi.

6:25b.MAR.006.025 Nu chichamaik nuwach wari Wayá Erutisan chicharuk "Yamaikia uunt amamkunam Juanka muuken wakerajai" Tímiayi.

6:26b.MAR.006.026 Nuna takui uunt akupin ti kuntuts Enentáimpramiayi. Tura nii tiniu asa ni amikri matsatainia nu antukaru ásarmatai surimkiatniun tujinkiamiayi.

6:27b.MAR.006.027 Tuma asa uunt akupin Juanka muuke itiata tusa ni suntarin Wárikmas akupkamiayi.

6:28b.MAR.006.028 Túramtai suntar wari we, sepunam Juanka muuken tsupikmiayi. Tsupik, amamkunam Itiá, nuwan susamiayi. Túram achik ni Nukurín susamiayi.

6:29b.MAR.006.029 Juan maamun antukar ni unuiniamuri ni ayashin iwiarsatai tusar Júkiarmiayi.

6:30b.MAR.006.030 Tura Jesusa unuiniamuri Nii akupkarma nu, ataksha waketki Káunak irunturarmiayi. Ashí nii Túrawarmia nuna, unuiniararmia nunasha ujakarmiayi.

6:31b.MAR.006.031 Tura Untsurí shuar Táiniakui, niisha ankant ajastinniasha Yurumátniuncha tujinkiarmiayi. Tuma asamtai Jesus chichaak "Iijiai Wemí aents atsuiniamunam; nui ishichik ayamprarmi" Tímiayi.

6:32b.MAR.006.032 Nuyá Jesus ni unuiniamurijiai kanunam enkemprar, aents atsuiniamunam jeatai tusar Jíinkiarmiayi.

6:33b.MAR.006.033 Túrasha shuar ni wéenan Wáinkiarmiayi. Tura "Jesusaiti" tiarmiayi. Tuma ásar Ashí péprunmaya Untsurí shuar tseke ashintiukar, ni jeatniunam Nákakarmiayi.

6:34b.MAR.006.034 Jesus kanunmaya jiinki ti Untsurí aents iruntrar matsatun Wáinkiamiayi. Murik pénker Wáinchataiya Núnisan matsatu ásarmatai Jesus niin Wáitnentrarmiayi. Tura Núkap unuiniararmiayi.

6:35b.MAR.006.035 Nuyá kiakui ni unuiniamuri Jesusan tariar chicharainiak "Atsamunam pujatsjik; tura Yamái Kíatsuk.

6:36b.MAR.006.036 Shuar wari akupkarta. Tíjiuch péprunmasha, shuarnumsha wearti, ni yurumkari sumarmakarat~i" tiarmiayi.

6:37b.MAR.006.037 Tutai Jesus chichaak "Atumek ayuratarum" Tímiayi. Tutai "Iisha ju shuar ayuratai tusar, ṡJimiará sian kuitjai yurumak sumaktai tusar wétinkiaitiaj~i?" tiarmiayi.

6:38b.MAR.006.038 Tura Jesus ni unuiniamurin chicharainiak "Tanta takakrum nu iistarum ṡurutmak aa?" Tímiayi. Tutai nekapmarar chichainiak "Tántaka sénkuchikiiti, tura namaksha Jímiarchikiiti" tiarmiayi.

6:39b.MAR.006.039 Tutai Jesus Tímiayi "Ju shuar Chírichriniam pujusarti tusar akupkatarum."

6:40b.MAR.006.040 Ankant ankant sian siansha, senkuenta senkuenta iruntrar matsamsarmiayi.

6:41b.MAR.006.041 Jesuska senku tantancha, Jímiar namaknasha jusa, Yakí nayaimpinmaani iimias Yúsan yuminsamiayi. Tura yurumkan Púurmiayi. Puur ni unuiniamurin Súsarmiayi. Namaknasha puur Súsarmiayi, Ashí Shuáran ajamsarat tusa.

6:42b.MAR.006.042 Ashí Yurumáwar ejemararmatai,

6:43b.MAR.006.043 puunaruncha, namak ampirmancha achikiar, tuse chankinian aimkiar Júkiarmiayi.

6:44b.MAR.006.044 Nu yurumkan ti Untsurí Yurumáwarmiayi. Aya aishmankak senku mir (5.000) ármiayi.

6:45b.MAR.006.045 Nuyá Jesus ni unuiniamurin chicharainiak "Kanunam enkemprarum, katinkrum amain émaa ajatarum, Petsaitia péprunam. Wisha ju shuaran áujsan ikiuktiatjai" Tímiayi.

6:46b.MAR.006.046 Shuáran áujas ikiuki Yusjai chichastaj tusa Náinnium wémiayi.

6:47b.MAR.006.047 Tura kirit ajasmanum Kánuka antumiannum ajapén nanammiayi. Jesuska ninki juakmiayi.

6:48b.MAR.006.048 Jesusa unuiniamurisha wia-wiantainiakua ti pimpikiarmiayi, nase tukumma ásar. Nuna Jesus Wáiniak tsawartin ishichik ajasmatai Entsá Pátatek wekas niin jeariarmiayi. Tura nankaamaktiasa wea Núnisan wémiayi.

6:49b.MAR.006.049 Jesus Entsá wekaan ni unuiniamuri Wáinkiar, wakanchashit, tu Enentáimprarmiayi. Túrawar ti untsumkarmiayi.

6:50b.MAR.006.050 Ashí Wáinkiar ti ashamkarmiayi. Tura Jesus Wárik niin chicharuk "Kakaram ajastarum, Wíitjai Jesus; ashamprukairap" Tímiayi.

6:52b.MAR.006.052 Nuinkia entsaya kanunam waka enkempramiayi. Túramtai nasesha majaantmiayi. Ni unuiniamurinkia Enentái kiritia aintsan ásarmatai Jesus yurumkan Núkap awajsamia nuna paant nekaatniun tuke tujinkiarmiayi. Tuma ásar Yamái Túrunamu itiurak aankia tusar ti Enentáimprar sapijmiakarmiayi.

6:53b.MAR.006.053 Nuyanka katinkiar, Jinisarít Núnkanam jeawarmiayi. Jeawar kanun ajuiniarmiayi.

6:54b.MAR.006.054 Kanunmaya Jíintrarmatai, nu nunkanmaya shuar Jesusan nekaawarmiayi.

6:55b.MAR.006.055 Tura "Jesus pujawai" Táman antukar, Ashí jeanmaya jaan ni peakrintiuk Jesus pujamunam itiaarmiayi.

6:56b.MAR.006.056 Tura Jesus wekaak wémia nuisha, péprunmasha, shuar matsatmanumsha, ishichik matsatkamunmasha jaan itiariar Jintiá aeprusarmiayi. Túmainiak Jesusan pushirmin antintaj tusar seawarmiayi. Tura Ashí antinkiarmia nuka pénker ajasarmiayi.

7

7:1b.MAR.007.001 Pariséusha, Israer-shuara jintinniurisha Jerusarénnumia Jesusan tariarmiayi.

7:2b.MAR.007.002 Tura Jesusa unuiniamurin ikijmiatsuk yurumun Wáinkiar "Israer-shuara Túrutairin Túruiniatsui" tiarmiayi.

7:3b.MAR.007.003 (Kame Pariséusha, tura Ashí Israer-shuarsha, ni uuntri jintintiamurin umikiar ti Núkap ikijmiarar yurumin ármiayi.

7:4b.MAR.007.004 Péprunmaya tari "ikijmiatsuk Yurumáshtiniaiti" tiniu ármiayi. Tura ti Untsurí ni uuntri Túrutairi Núnisan ármiayi. "Tsapancha, ichinnasha, jiruncha, peaknasha nijiakartiniaiti" tiniu ármiayi.)

7:5b.MAR.007.005 Tuma asamtai Pariséusha, Israer-shuara jintinniurisha Jesusan chicharainiak "ṡUrukamtai ame unuiniamuram ii uuntri jintintramniuitiaj nuna Túruiniatsu. Urukamtai ikijmiatskesha Yurumáinia?" tiarmiayi.

7:6b.MAR.007.006 Tutai Jesus Tímiayi "Antar chichamtiniaitrume. Isayas yaunchu nekas atumin aartampramiayi juna: Ju aents ni wenejai Winia "ti pénkeraiti" turutainiawai, Tímiayi Yus, tura ni Enentáinkia jeachat pujuiniawai.

7:7b.MAR.007.007 Tura tukeneas Winia shiir awajtuiniawai. Aentsu chichame jintiainiayat, "Yus-Chichamaiti" Tuíniawai." Tu aarmaiti.

7:8b.MAR.007.008 Tura átum Yusa chichame iniaisarum, aentsu jintintiamuri umirkarum, ichinnasha, tsapancha nijiaktin, tura Chíkich Túrutaisha aintsarmek Untsurí Túrarme.

7:9b.MAR.007.009 Túrákrum Yus-Chichamka tsukintiaani ikiusurme Atumí uuntri chichame umirkatai tusarum.

7:10b.MAR.007.010 Kame Muisais yaunchu aar juna Tíchamka: Ame apa nukusha shiir Enentáimtustarum. Tura ataksha aarmiayi: Shuarsha ni Aparín, Nukuríncha yajauch chichareakka, nu shuar Jákatniuiti.

7:12b.MAR.007.012 Túrasha átumka Pariséutirmeka, antsu ju Tárume: "Shuar ni Aparín ni Nukurín chicharuk "Wi Yáintinian takakjana nu Kurpanaiti" takuinkia, atumsha pénkeraiti, aparincha nukurincha Yáinchatí" tarume. (Kurpan tana nuka, Yus susamu, tawai.)

7:13b.MAR.007.013 Nekaatarum, Pariséutiram. "Ií yaunchu uuntri chichame tuke umiki wétiniaitji" Tákurum, Yus-Chicham penké ántar chichama Núnin awajearme. Núnisrumek chikichcha Untsurí Túrarme." Tu timiayi Jesus.

7:14b.MAR.007.014 Nuyá ataksha Jesus Ashí Shuáran untsukar "Mash anturtuktarum, Ashí nekaatarum, Tímiayi.

7:15b.MAR.007.015 Aaya ayashnium wayaana nu, Shuáran yajauch awajsachminiaiti; tura antsu ni Enentáinia jiinia nu, yajauch awajsattawai.

7:16b.MAR.007.016 Shuar nuna ántakka Enentáimprati" Tímiayi.

7:17b.MAR.007.017 Nuyá aentsun ikuiak, jea wayamtai, ni unuiniamuri aniasarmiayi "ṡNu métek-taku chicham warintiua?" tiarmiayi.

7:18b.MAR.007.018 Tutai Jesus Tímiayi "Atumsha nékatsrumek. Páantchakait; yurumak Yúajnia nu, Enentáiniam wayachu asa, Shuáran yajauch awajsachminiaiti.

7:19b.MAR.007.019 Antsu wakenam Wayá, nankaamas menkaatsuk" Tímiayi. Nuna taku, Ashí yurumak Páchitsuk yuamniaiti, Tímiayi.

7:20b.MAR.007.020 Nuyá Tímiayi "Shuara Enentáinia jiinia nu, yajauch awajsamniaiti.

7:21b.MAR.007.021 Shuara Enentáinia, initia, yajauch Enentáimsatniusha, tsanirmatniusha, natsa tsanirmatniusha, shuar Máatniusha,

7:22b.MAR.007.022 kasamkatniusha, chikichna wakeruktincha, pénkercha Túratniusha, anankatniusha, natsantain átincha, yajauch Enentáimtustincha, tsanumpratniusha, waantu Enentáimtumastincha, netse Túratniusha, Ashí nuka initia wininiatsuk.

7:23b.MAR.007.023 Ashí nu Tunáa ainia nu, shuara Enentáinia Jíiniu asa, Shuáran yajauch awajainiawai" Tímiayi.

7:24b.MAR.007.024 Tiru pepru, Setún péprusha Serupinísia nunkanam ámiayi. Nuka Israer-shuara nunkenchauyayi. Nu nunkanam Jesus wémiayi. Tura Jeá, Jeá Wayáa pujusmiayi. Tura nui pujamun nu nunkanmaya shuar nekarawarain tusa nakitmiayi; Túrasha uumkatniun tujinkiamiayi.

7:25b.MAR.007.025 Wárik nu nunkanmaya nuwa Jesus pujan nekaamiayi. Nu Núwaka nawantri iwianchrukuyayi. Tuma asa Jesusan Tarí ni nawen piniakum tepersamiayi.

7:26b.MAR.007.026 Nu nuwa Israer-shuarcha, Serupinísianmayauyayi. Túmaitiat, nawantru Enentáiya iwianchin jiirturkitia tusa Jesusan seamiayi.

7:27b.MAR.007.027 Tutai Jesus nuwan chicharuk "Uchi emka Ejemarartí. Uchi apatkuri atankir yawach Súsatin pénkerchaiti" Tímiayi.

7:28b.MAR.007.028 Tutai nuwa ayak "Nekas, Uunta, tame. Tura yawachisha misanam wakenam pujuinia nu, uchi apatkun yurumuk juyumak Kákeamun Yuíniatsuk" Tímiayi.

7:29b.MAR.007.029 Tutai Jesus Tímiayi "Pénker tame. Tuma asam, shiir Wetá; ame nawantrumi Enentáiya iwianch Jíinkiyi" Tímiayi.

7:30b.MAR.007.030 Takui niisha wémiayi. Tura ni jeen Jeá, ni nawantrin íwianch Jíinkimtai pénker ajas peaknum tepan Wáinkiamiayi.

7:31b.MAR.007.031 Jesus Tirunmaya jiinki Setún péprunam nankaamarkutak, Tekapuris nunkanmaani nankaamaki, Kariréa antumiannum ataksha jeamiayi.

7:32b.MAR.007.032 Nui chichachu ámiayi, kuishin empeku. Nu Shuáran Jesusan itiariar, ni uwejejai antinkiat tusar seawarmiayi.

7:33b.MAR.007.033 Shuar matsatmanumia Jesus niin akanki Jukí kuishin tsara uwejejai tsutsukruamiayi. Tura usukia, nu shuara iniain antintkiamiayi.

7:34b.MAR.007.034 Tura nayaimpinmaani iimias Súkaska mayati "Epata" Tímiayi. Nuka, shuar chichamnumka "Chinkiatí" tawai.

7:35b.MAR.007.035 Nu chichamaik ni kuishisha chinkiamiayi, iniaisha séermiayi. Tura paant chichasmiayi.

7:36b.MAR.007.036 Tura Jesus chicharainiak "Penké etserkairap" Tímiayi. Jesuska Surí-suritiamaitiat, nu nankaamas etseriarmiayi.

7:37b.MAR.007.037 Tura ti Enentáimprarmiayi. Enentáimprar, "Ju Jesus aya pénkeran Túrawai. Empekuncha ántumtikniaiti, tura chichachun chichamtikniaiti" tiarmiayi.

8

8:1b.MAR.008.001 Nu Tsawantái shuar Timiá Untsurí iruntrarmiayi. Yurumkari atsakui Jesus ni unuiniamurin untsukar juna Tímiayi:

8:2b.MAR.008.002 "Ju Shuáran waitnentajai. Menaintiú tsawant Wijiai pujuinia ásarmatai ni yurumkari amuukachaik.

8:3b.MAR.008.003 Tura ni jeen ayurtsuk akupeamka, tsukariin Jintiá pimpikiartatui, yajaya Káunkaru ásar" Tímiayi.

8:4b.MAR.008.004 Tutai ni unuiniamuri chichainiak "Túrasha jui atsamunam, ju aents ejemararat tusar ṡTuyá yurumkak Wáinkiattaj~i?" tiarmiayi.

8:5b.MAR.008.005 Tutai Jesus niin aniasmiayi "ṡUrutmá tanta aa?" Tutai "siati awai" tiarmiayi.

8:6b.MAR.008.006 Nuinkia Ashí aentsun "Nunká pujustarum" tiarmiayi. Tura tantan achik, Yúsan yuminsamiayi. Tura puuk, aentsun ajamsatarum tusa ni unuiniamurin susamiayi.

8:7b.MAR.008.007 Tura uchich namaksha ishichik aan achik, Yúsan yuminkias, ni unuiniamurin chicharuk "Jusha shuar ajamsatarum" Tímiayi.

8:8b.MAR.008.008 Turam Ashí Yurumáwar ejemararmiayi. Ampirma Púunaruncha siati chankinnium aimkiarmiayi.

8:9b.MAR.008.009 Kuatru mir (4.000) shuar Yurumáwarmiayi. Yurumáwar amikiarmatai, Jesus niin áujas akupkarmiayi.

8:10b.MAR.008.010 Tura ni unuiniamurijiai kanunam enkemprar Tarmanúta nunkanam wearmiayi.

8:11b.MAR.008.011 Pariséu Jesusjai áujmatsatai tusar tariarmiayi. Nekapsatai tusar wakeruiniak Niin chicharuk "Nayaimpinmaya kakaram iniakmasta" tiarmiayi.

8:12b.MAR.008.012 Tuíniakui Jesus Kúntuts Enentáimias, Súkaska mayati "ṡUrukamtai, yamaiya aentstiram, nayaimpinmaya kakarman iniakmasat tusarum wakerarum? Nuka penké sunaschattarme, paant Tájarme" Tímiayi.

8:13b.MAR.008.013 Nuyá niin ikiukiar ataksha kanunam enkemar amain katinmiayi.

8:14b.MAR.008.014 Tura ni unuiniamuri yurumak jukitiai Tukamá kajinmatkiarmiayi. Kanunmanka aya chikichik tantanak takaku ármiayi.

8:15b.MAR.008.015 Jesussha ni unuiniamurin Enentáimtikiuk Tímiayi "Wáinkiatarum; Pariséusha Erutissha wakaprutain takakainia Nújaisha aneartarum" Tímiayi.

8:16b.MAR.008.016 Tutai ni unuiniamurisha tunaiyarmiayi "Tanta kajinmatkin asakrin nuna Túramtsujiash" tiarmiayi.

8:17b.MAR.008.017 Tura Jesus nuna Nekáa chichaak "ṡUrukamtai aya yurumkak Enentáimtarum? Tuke nékatsrumek. Penké Enentáimtsurmek. Atumí Enentái tuke kiritkiait? Tímiayi.

8:18b.MAR.008.018 Jimi aisha itiura Wáintsurmea. Kuíshim aisha itiura ántatsrum. Ashí kajinmatkintrumek.

8:19b.MAR.008.019 Nekaatarum, nuik, senku tantan Púuran senku mir aishmankan ayurachmakaj. ṡTura ampirma Urutmá chankinnium chumpiamarum?" Tímiayi. Niisha tiarmiayi "Tuse chankinnium chumpiamji."

8:20b.MAR.008.020 Ataksha Jesus Tímiayi "Tura siati tantajai kuatru mir shuaran ayuramtai, ṡampirmasha Urutmá chankinnium chumpiamarum?" Niisha "siati" tiarmiayi.

8:21b.MAR.008.021 Tuma asamtai Jesus Tímiayi "ṡItiura Imiá nékatsrum?"

8:22b.MAR.008.022 Nuyá Petsaitia péprunam jeawarmiayi. Jeawarmatai, aishman jii kusurun Jesusan itiariarmiayi. Túrawar antinta tusar seawarmiayi.

8:23b.MAR.008.023 Tuma asamtai Jesus uwejnum achik péprunam aani enkeki Jukí jiin usukijiai kuérmiayi. Tura uwejéjai antin "ṡíimmek?" Tímiayi.

8:24b.MAR.008.024 Tutai kusuru iimi Tímiayi "Aentsun iiyajai, Túrasha paantcha. Numi wekainian aaniun iiyajai" Tímiayi.

8:25b.MAR.008.025 Nuyá ataksha Jesus ni uwejéjai kusuru jiin antinmiayi. Tura kusurusha úmamkes iis, pénker ajas, Ashí paant iimpramiayi.

8:26b.MAR.008.026 Jesus chichaak "Jeemiin weakum péprunam wayawaip tura shuar ujakaip" Tímiayi.

8:27b.MAR.008.027 Jesus ni unuiniamurijiai uunt pepru Sesaria-jiripiunam jeatsuk, Tíjiuch uchich péprunam irasarmiayi. Jintiá wésar Jesus ni unuiniamurin chicharainiak, "ṡYaiti turutainiawa Winia?" Tímiayi.

8:28b.MAR.008.028 Tutai niisha aimkiarmiayi "Chíkich chichainiak, imiakratin Juankaiti, turamainiawai. Chíkichcha, Eríasaiti, tura Chíkichkia, yaunchu Yúsnan etserin nantakniua Núiti, turamainiawai" tiarmiayi.

8:29b.MAR.008.029 Tutai Jesus Tímiayi "Atumsha, ṡwaritrume. Yáitiaj?" Tímiayi. Tutai Pítiur Tímiayi "Ameka Krístuitme; Yúsaiya akupkamuitme."

8:30b.MAR.008.030 Tutai Jesus chichaak "Penké etserkairap" Tímiayi.

8:31b.MAR.008.031 Unuiniak: "Wi Aents Ajasuitjiana ju ti Wáitsatniuitjai. Israer-shuarti ii uuntrisha, Patri uuntrisha, ii jintinniurisha Winia nakitrurar mantuawartatui. Túrasha menaintiu tsawant nankaamasmatai nantaktiniaitjai" Tímiayi.

8:32b.MAR.008.032 Nunasha paant ujakmiayi. Tura Pítrusha Jesusan arantach Jukí kakantramiayi. "Tu chichasaip" Tímiayi.

8:33b.MAR.008.033 Tutai Jesus ayantmatar, ni Unuiniamurín iis, Pítrun kakantar chicharuk "Satanása, werumta. Ameka Yusna ana nu Enentáimtatsme, antsu aya aentsnak Enentáimtame" Tímiayi.

8:34b.MAR.008.034 Nuna tuasua amik tura nui matsamarmia nunasha, ni unuiniamurincha untsuk Tímiayi, "Shuar Winia nekas nemartustasa wakerakka ni wakeramurinkia iniaisati; tura ni krusri yanaki Nemartustí.

8:35b.MAR.008.035 Kame shuar ju nunkanam aya ninki anenmamkunka nu shuar ni iwiaakmarin emenkaktatui. Antsu Winia anentu asa tura winia chichamprun anea asa, shuar aya pénker pujustinniak Enentáimtsuna nu, nekas iwiaakman Wáinkiattawai.

8:36b.MAR.008.036 Nekaata, shuar Ashí ju nunkanam írunna nuna sumaksha Túrasha ni wakani jinium wéakuisha, ṡitiurak pénker pujusaint?

8:37b.MAR.008.037 Shuarka wakanin uwemtikrataj tusa wakerak ṡurutmak akikmakaint?

8:38b.MAR.008.038 Antuktarum. Yamaiya aents Yúsan nakitiar ajapawaru yajauch ainia nu iimiainiamunam shuar Winia natsantrakuinkia tura winia chichampruncha natsantakuinkia, wi, Aents Ajasuitjiana ju, winia Aparu kakarmarijiai tura nayaimpinmaya pénker suntarjai atak taakun, Nú shuaran natsantrattajai Wisha.' Tu Tímiayi Jesus.

9

9:1b.MAR.009.001 Ataksha Jesus niin chicharuk, `Nekas Tájarme, shuar Játsuk Yus ni kakarmarijiai aentsu Enentáin akupkattana Nú tsawantan Wáinkiartatna nu jui iijiai pujuiniawai" Tímiayi.

9:2b.MAR.009.002 Nuyá sais tsawant nankaamasmatai, Jesus Pítruncha, Jakupuncha, Juánnasha uunt Náinnium Júkiarmiayi. Nuisha Jesus Nushá iira ajasmiayi.

9:3b.MAR.009.003 Ni pushirisha ti puju Jíitsumir ajattsarmiayi. Nujai métek puju awajsatin ju nunkanam atsawai.

9:4b.MAR.009.004 Túruna nui Erías, Muisaisjai wantinkiar Jesusjai chichainian Wáinkiarmiayi.

9:5b.MAR.009.005 Nuyasha Pítiur Jesusan chicharuk "Uuntá, ii jui pujustin ti pénkeraiti. Menaintiú aakmaktai, Aminiu chikichik, Muisaisna chikichik, Eríasnasha chikichik" Tímiayi.

9:6b.MAR.009.006 Jesusa unuiniamuri sapijmainiak, Pítiur wariniak titi nekaachmiayi. Nékachu asa nuna Tímiayi.

9:7b.MAR.009.007 Tura yurankim tara mikintiu awajsamiayi. Yuranminmaya chichaak "Júiti winia aneamu Uchir. Nii anturkatarum" Tímiayi.

9:8b.MAR.009.008 Nuyanka ni unuiniamuri ayantmar iiyaj tukamar aya Jesusnak Wáinkiarmiayi. Chíkichkia atsuarmiayi.

9:9b.MAR.009.009 Nuyá Náinniumia akainiak Jesus niin chicharuk "Wáinkiarumna nu etserkairap. Wi, Aents Ajasuitjiana ju jakamunmaya nantaatsain nu etserkairap" Tímiayi.

9:10b.MAR.009.010 Tutai ni Tímian ímiatrusan úukarmiayi. Tura "jakamunmaya nantaatsain tana nu, ṡwariniak ta?" nuamtak tunainiarmiayi.

9:11b.MAR.009.011 Tura Jesusan aniasarmiayi "ṡUrukamtai Israerti ii jintinniurisha, Erías emka Tátiniaiti, tuinia?" tiarmiayi.

9:12b.MAR.009.012 Tutai Jesus Tímiayi "Nekas Erías Ashí iwiarattsa emka Tátiniaiti. ṡTura Aents Ajasunun Yus-Papinium warintiua? "Ti Wáitsattawai; Niin nakitrartatui." Tu aarmaiti.

9:13b.MAR.009.013 Wi Tájarme, Erías nekas Táwiti. Támatai, shuar Ashí ni wakeriarmia nuna niin Túrawarmiayi. Yusa Papiriin Eríasa Túrunatniuri aarma amia Tímiatrusan Túrawarmiayi" Tímiayi Jesus.

9:14b.MAR.009.014 Tura ni unuiniamuri matsatmanum atak Wáketuk, ti Untsurí aents Káutkar Israer-shuara jintinniurisha niijiai tunai pujuinian Wáinkiamiayi.

9:15b.MAR.009.015 Tura aencha, Jesusan Wáinkiar warainiak, tsékenki weriar, áujsarmiayi.

9:16b.MAR.009.016 Túrunawarmatai, Jesus chicharainiak, "Warí tunaiyarum?" Tímiayi.

9:17b.MAR.009.017 Tutai chikichik ayak "Uuntá, winia uchirun Amin itiarjame. Iwianchruku asa chichachuiti.

9:18b.MAR.009.018 Túmakui íwianch enkemtakun paat ajiar aepeawai; Túram uchisha saun kaput apak nain Kátetete awajeawai. Túram kakaakcha ame unuiniamurmin seamjai, Jíirtukti tusan, Túrasha tujintrutkarai" Tímiayi.

9:19b.MAR.009.019 Tutai Jesus Tímiayi "Yúsan Enentáimtichutirmea Urutmá tsawantak pujustaj atumjai. Urutmá katsuntrataj! Uchi itiatarum" Tímiayi.

9:20b.MAR.009.020 Takui uchin Jesusan itiariarmiayi. Tura íwianch uchin enkemta Jesusan Wáiniak uchin ajakramiayi. Uchisha chichiptur Nunká iniaan péper-péper ajakin wenunam saun apakmiayi.

9:21b.MAR.009.021 Túrunamtai Jesus ni Aparín aniasmiayi "ṡUrutá yaunchu ainkiait?" Tutai ni apari Tímiayi "úchichik ainkiaiti.

9:22b.MAR.009.022 Tuma asa tuke Jutikiú pujurniuiti; jiniumsha apeawai, Entsá maataj tusa ajuaawai. Yaintrukminiaitkiumka waitneasam yaintrukta" Tímiayi.

9:23b.MAR.009.023 Tutai Jesus chicharuk "ṡUrukamtai, yaintrukminiaitkiumka, tame? Nekaata, shuar Winia nekas Enentáimturna nu Ashí Túramniaiti" Tímiayi.

9:24b.MAR.009.024 Tutai uchi apari kakantar chichaak, "Uuntá, nekas Enentáimtajme. Nekas Enentáimtustinian Táasjana nu Yáintkiata" Tímiayi.

9:25b.MAR.009.025 Tura shuar Untsurí Káunainian Jesus Wáiniak kakantuk "Empeku chichachu awajin iwianchi Jíinkitia, Tájame. Jíinkim ataksha wayawaipia" Tímiayi.

9:26b.MAR.009.026 Tura íwianch jiiniuk untsumak uchin we-werkasa ajakar chichichiptu aepkimiayi. Túram uchi jaka ímianis tepemiayi. Túrunamtai Untsurí shuar "jakayi" tiarmiayi.

9:27b.MAR.009.027 Támanak Jesus uwejen achik awajkimiayi, tura uchi nantaki wajakmiayi.

9:28b.MAR.009.028 Tura Jesus Jeá wayamtai, ninki pujusar, ni unuiniamuri aniasar "ṡUrukamtai iisha Jíiktin tujinkiamaj~i?" tiarmiayi.

9:29b.MAR.009.029 Tutai Jesus Tímiayi "Ju iwianchkia ijiarmar Yus áujkur jiikminiaiti" Tímiayi.

9:30b.MAR.009.030 Nuyá Jíinkiar Kariréa nunkanmaani nankaamakarmiayi. Ni unuiniamurin unuinia asa nu nankaamamun nekaawarain tusa Jesus nakitmiayi.

9:31b.MAR.009.031 Unuiniak juna Tímiayi: "Wi Aents Ajasuitiaj juna mantamnati tusar achirkar surutkartatui. Tura Máamuitiatnak, iwiarsamunmayan Menaintiú tsawantai nantaktiatjai" Tímiayi.

9:32b.MAR.009.032 Tura nu chichaman nekaacharmiayi. Nékainiachiat, anintrustinian arantukarmiayi.

9:33b.MAR.009.033 Nuyá Kapernáum péprunam jeawarmiayi. Tura Jesus Jeá pujus ni unuiniamurin aniniak, "ṡAtumsha Jintiá winisrum Warí áujmatmiarum?" Tímiayi.

9:34b.MAR.009.034 Tura natsarar pachischarmiayi. Kame Jintiá wésar "iijiai ṡyaki Imiá nankaamantu ajasat?" tunainiarmiayi.

9:35b.MAR.009.035 Ni unuiniamuri pachischarmatai, Jesus pujus Ashí tuse unuiniamurin irur chichaak "Shuar nekas nankaamantu ajastajtsa wakerakka, peejchachia nuke Enentáimtumar shuara Yáintri Atí" Tímiayi.

9:36b.MAR.009.036 Tura uchin Itiáa miniakas chichaak:

9:37b.MAR.009.037 "Shuar uchin winia naarui shiir awajeakka Winia shiir awajtawai. Tura Winia akuptukua nunasha shiir awajeawai" Tímiayi.

9:38b.MAR.009.038 Nuyá Juan Jesusan chicharuk "Uuntá, shuar ame Náarmin pachis iwianchin akupea wainkiamji. Tura iijiai írutkachu asamtai nu Túratin suritkiamji" Tímiayi.

9:39b.MAR.009.039 Tutai Jesus Tímiayi "Antsu suritkiairap. Shuar winia Náarun pachis tujinkiamun Túrakka, nu shuar wari tsanumprutratniun tujinkiattawai.

9:40b.MAR.009.040 Shuar iin nakitramachkunka, iin Páchitkiawai, Tímiayi.

9:41b.MAR.009.041 Winia nemarka asakrumin shuar yumiichinkesha ajampramkuka ántar Túratsui; akikma átatui' Tímiayi.

9:42b.MAR.009.042 `Tura shuar ju uchin Winia umirtuinia nuna yajauchin Túrumtikiamtainkia, ti asutniattawai. Tuma asamtai uchin yajauchin Túrumtiktsain kuntujen kayajai jinkiar nayaantsanam ajunmaka maak ainti.

9:43b.MAR.009.043 Ame uwejmek yajauchin Túrumtikkramamniaitkuinkia tsupikta. Mai uwejtuk Wáitsatniunam jeatniujainkia Chikichík uwejjai ju nunkanam pujusar tuke iwiaaku pujustinnium jeatin ti shiiraiti. Warí, Wáitsatniunmanka ji kajinkiashtin awai,

9:44b.MAR.009.044 Jákaru akarisha Jáiniatsui tura jisha tuke kapaawai.

9:45b.MAR.009.045 Nawemsha yajauchin Túrumtikkramamniaitkuinkia nusha tsupikta. Mai nawentuk Wáitsatniunam jeatniujainkia Chikichík nawejai ju nunkanam pujusar tuke iwiaaku pujustinnium jeatin ti shiiraiti. Wáitsatniunmanka ji kajinkiashtin awai,

9:46b.MAR.009.046 Jákaru akarisha Jáiniatsui tura jisha tuke kapaawai.

9:47b.MAR.009.047 Jimisha yajauchin Túrumtikkramamniaitkuinkia ukuinkiata. Mai jiintiuk Wáitsatniunam jeatniujainkia Chikichík jiijiai ju nunkanam pujusar Yus akupeana nui jeatin ti shiiraiti;

9:48b.MAR.009.048 Wáitsatniunmanka Jákaru akarisha Jáiniatsui tura jisha tuke kapaawai.

9:49b.MAR.009.049 Naman Yus susamu weaktinia aintsan aentstirmesha jijiai nekapnastatrume.

9:50b.MAR.009.050 Weesha ti penkeraitiat michumarka, ṡitiurak jea-jeat átin~ki? Wats, wee jeakua aintsarmek atumek shiir Enentáimtunaistarum" Tímiayi Jesus.

10

10:1b.MAR.010.001 Jesus Kapernáumnumia jiinki, Jutía nunkanam nankaamaki, Jurtan entsa amain jeamiayi. Nui pujai, aents ataksha Niin irunturarmiayi. Iruntrarmatai tuke Túrin asa ataksha unuiniamiayi.

10:2b.MAR.010.002 Tura Pariséu Jesusan nekapsatai tusar wakeruiniak, Niin chicharainiak "ṡAishman ni Nuarí ajapatin tsankamkamukait?" tiarmiayi.

10:3b.MAR.010.003 Tutai Jesus Tímiayi "ṡMuisais wariniak timia?"

10:4b.MAR.010.004 Tutai "Papíjiai iin ajapatniun tsankatramkamiaji" tiarmiayi.

10:5b.MAR.010.005 Tutai Jesus Tímiayi "Atumí enentai Kátsuram asamtai nu chichaman atumin tsankatramkamiarme.

10:6b.MAR.010.006 Tura Yus Yámankamtaik Ashí najanamia nui, aishmannasha nuwancha najanamiayi.

10:7b.MAR.010.007 Tuma asamtai aishman ni Aparíncha Nukuríncha kanaki ikiuki, ni nuarijiain~ki tsanintiniaiti.

10:8b.MAR.010.008 Warí, aishman nuarijiai Jímiaraitiat chikichik ajasartatui. Tuma asamtai Yamái Jímiarchaiti, antsu chikichik ajasuiti.

10:9b.MAR.010.009 Tuma asa, Yus atsankiania nuna, aents akankashtiniaiti" Tímiayi.

10:10b.MAR.010.010 Tura urum Jeá wayawar, Jesusa unuiniamuri nu chichaman ataksha aniasarmiayi.

10:11b.MAR.010.011 Tuiniakui Jesus Tímiayi "Shuar ni nuarin ajapa ikiuak chikichan Nuátkanka, emka nuarin yajauch awajas, ikiuak, tsanirmayi.

10:12b.MAR.010.012 Nuwasha ni aishri ajapa ikiuak, chikichjai niiniurtukka, niisha tsanirmayi" Tímiayi.

10:13b.MAR.010.013 Antinkiarat tusar uchin Jesusan itiariarmiayi. Túruiniakui Jesusa unuiniamuri "itiairap" tiarmiayi.

10:14b.MAR.010.014 Tura Jesus nuna Wáiniak, kajek juna Tímiayi "Uchi Winí winitin tsankatruktarum. Suritkiairap. Iis, shuar ju uchia Núnisan peejchach Enentáimtumainia nu Yusa akupeamurin pachiinkiamniaiti.

10:15b.MAR.010.015 Nuní asamtai Tájarme, uchi umiana Núnisan Yusa akupkamurin shuar Umíachkunka nuna pachiinkiachminiaiti.

10:16b.MAR.010.016 Nuyá uchin miniakas, "Yus Yáinmakarti" Tímiayi.

10:17b.MAR.010.017 Ukunam, Jesus Nuyá weai, shuar tseke Niin tarimiayi. Tarí tikishmatar chicharuk "ṡUuntá, Amesha ti pénkeraitme. Tuma asam, turuttia, ṡwarinia Túrakna tuke iwiaaku átataj?" Tímiayi.

10:18b.MAR.010.018 Tutai Jesus Tímiayi, "ṡUrukamtai Winia, pénkeraitme, Túrutam? Shuarka chikichkisha pénkerka atsawai. Aya Yúsak pénkeraiti.

10:19b.MAR.010.019 Yus akupkamu nékatsmek. Ju ainiawai: tsanirmawairap, mankartuawairap, kasamkairap, Chíkich shuar tsanumprurairap, anankartuawairap, apasha nukusha umirkatarum. Nu ainiawai" Tímiayi.

10:20b.MAR.010.020 Tutai Kuítrintin chichaak "Uunta, Núnaka úchichik mash umiki tsakaruitjai" Tímiayi.

10:21b.MAR.010.021 Tutai Jesus iis waitnenmai Tímiayi "Chikichik Táasume. Weme Ashí áminiu ana nu surukta. Túram nu kuit Kuítrincha susarta. Túrakum nayaimpiniam Kuítrum ikiaunkattme. Túram winitia, krus yanaktinia aintsamek itiurchatrum ain nemartusta" Tímiayi.

10:22b.MAR.010.022 Tura Kuítrintin nu chichaman antuk, wake mesek, Kúntuts Enentáimiar wémiayi, ti kuitrintin asa.

10:23b.MAR.010.023 Nii wématai, Jesus Ashí ni téntakmarin iis, ni unuiniamurin chicharuk, "Kuítrintin ainia nu Yusa akupeamurin pachiinkiatin ti itiurchataiti" Tímiayi.

10:24b.MAR.010.024 Takui ni unuiniamuri nuna antukar Niisháa Enentáimprarmiayi. Túramtai Jesus Tímiayi "Uchiru antuktarum. Shuar Kuítriniak Enentáimtuinia nuka, Yusa akupeamurin pachiinkiatin penké itiurchataiti.

10:25b.MAR.010.025 Uunt kamiriu auja jiin wayatin ana Nú nankaamas, Kuítrintin Yusa akupeamurin pachiinkiatin itiurchataiti" Tímiayi.

10:26b.MAR.010.026 Nuna antukar Nú arant Niisháa Enentáimprarmiayi. "ṡNuinkia yaki uwempramniait?" tunaiyarmiayi.

10:27b.MAR.010.027 Tura Jesus niin iisar chichainiak "Aents ninki Túrachminiaiti, antsu Yus Túramniaiti. Yuska Ashí Túramniaiti" Tímiayi.

10:28b.MAR.010.028 Nuyá Pítiur Niin chicharuk "Iis, iikia Ashí ikiukir némartsujik" Tímiayi.

10:29b.MAR.010.029 Tutai Jesussha Tímiayi, "Nekas Tájarme, shuar Winia nemartak Yus-Chichamnasha ipiampartasa wakerak ni jeencha, yachincha, umaincha, Aparíncha, Nukuríncha, nuarincha, Uchiríncha, nunkencha uyumatsuk ikiuakka,

10:30b.MAR.010.030 nu shuar ju nunkanam sian patatnas jeencha, yachincha, umaincha, Nukuríncha, Uchiríncha, nunkencha, ju nunkanam Wáitiayat sunastatui. Tura ukunam, nunka amuukamtai, nu shuarsha Jáchatainium tuke pénker pujustatui.

10:31b.MAR.010.031 Tura Untsurí shuar Yamái penkeri ainia nu, ukunam ukunmaani pujusartatui, tura iiksan Untsurí shuar Yamái ukunmaya ainia nu, ukunam eem pujusartatui" Tímiayi Jesus.

10:32b.MAR.010.032 Nuyá arak Jerusarénnum wéenak, jintiak wearmiayi. Jesuska émak wémiayi. Ni unuiniamurisha Niisháa Enentáimprarmiayi. Ashamainiayatan Jesusan nemarsarmiayi. Túmainiai atak ni nekas unuiniamurin akankiar, ni Túrunatniurin ujakmiayi.

10:33b.MAR.010.033 Ujaak Tímiayi "Antuktarum, arak Jerusarénnum wéaji. Nui Winia, Aents Ajasuitjiana juna, Patri uuntriincha, jintinniunmasha surutkartatui. Niisha apachnium mantamnati tusar surutkartatui.

10:34b.MAR.010.034 Nusha Winia wishikrurar, katsumprukar, usukruawar mantuawartatui. Túramaitiatnak Menaintiú tsawantai nantaktiatjai" Tímiayi.

10:35b.MAR.010.035 Sepetéu Uchirí Jakupusha Juansha Jesusan taruntarmiayi. Taruntar "Uuntá, ii seattajnia nu Túrak tusar wakeraji" tiarmiayi.

10:36b.MAR.010.036 Tutai Jesus Tímiayi "ṡWarí itiurtukat tusam wakerutam?"

10:37b.MAR.010.037 Tutai "Ame nupetmaktin tsawantrum jeamtai, iisha Amijiai pujustaitsar wakeraji, wi untsuurumini, winia yatsursha menaarmini. Nu tsankatrukta" Tíarmiayi.

10:38b.MAR.010.038 Tura Jesus Tímiayi "Atum seatrumna nu nékatsrume. Wi umartatjana nu umarminkaitrum. Tura Wi imiantiatjana Núnisrum imianminkaitrum" Tímiayi.

10:39b.MAR.010.039 Niisha tiarmiayi, "Túramniaitji, Páchitskea." Tuíniakui Jesus Tímiayi "Wats, Wi umartatjana nu umartatrume, tura Wi imiantiatjana Núnisrumek imiantiatrume.

10:40b.MAR.010.040 Túrasha winia untsuuruini, menaruinisha átum pujustinian Wikia Súsashtiniaitjarme, antsu Yus wakerana nu nuin apujsattawai" Tímiayi.

10:41b.MAR.010.041 Tura Chíkich tias unuiniamuri nuna anturkar Jakupuncha, Juánnasha ti kajerkarmiayi.

10:42b.MAR.010.042 Tura Jesus ni unuiniamurin irur Tímiayi "Ju nékarme; Yus-shuarchanum akupniuitjai tuinia nu, waantu Enentáimtumas, ni Shuárin ti akupeawai; tura uunt ainia nusha Ashí shuar ti takamtikiainiawai.

10:43b.MAR.010.043 Antsu atumjai Núnisan atsutniuiti. Atumka, wi unuiniamutiram, uunt ajastaj tusarum wakerakrumka, Ashí Yáimin ajastiniaitrume.

10:44b.MAR.010.044 Shuar Atumí penkeri ajastajtsa wakerakka, takarniua nuke ajas, Umirtamkatí.

10:45b.MAR.010.045 Wisha, Aents Ajasuitjiana ju, shuar takartusarat tusan Táchamjai, antsu Ashí Shuáran Yáintaj tusan Táwitjai. Wisha jarukan Shuáran uwemtikratajtsan Táwitjai" Tímiayi.

10:46b.MAR.010.046 Jesus ni unuiniamurijiai, tura Chíkich Untsurí aentsjai Jirikiú péprunam jeawarmiayi. Nuyá Jirikiúnmayasha Jíinkiar weenai, Timiasa Uchirí Partimiás, kusuru amia nu, Jintiá yantam Kuítian seamu pujumiayi.

10:47b.MAR.010.047 Niisha, Nasarétnumia Jesusaiti Táman antuk, untsumuk "Uunt Jesusa, amesha Uunt Akupin Tawit weeachukaitiam, Yus anaikiachmakaitiam. Winiaja waitnentrurta" Tímiayi.

10:48b.MAR.010.048 Tura Untsurí nui matsamarmia nu niin chicharainiak "Takamatsata" tiarmiayi. Niisha Nú nankaamas untsummiayi "Tawit Weeá Jesusá, winia waitnentrurta."

10:49b.MAR.010.049 Nuna antuk Jesus wajatas, chichaak "Untsuktarum" Tímiayi. Takui shuar kusurun untsuiniak "Kakaram ajasta. Wajaktia; untsurmawai" tiarmiayi.

10:50b.MAR.010.050 Tuiniakui niisha esekmatairin ajapa ikiuak wajaki Jesusan tseke tarimiayi.

10:51b.MAR.010.051 Tura Jesus niin chicharuk "ṡWinia itiurtukat tusamea wakerutam?" Tímiayi. Tutai kusuru chicharuk "Uunta, iimtiasan wakerajai" Tímiayi.

10:52b.MAR.010.052 Tutai Jesus chichaak "Shiir Wetá. Winia nekas Enentáimtursa asam pénker ajasume" Tímiayi. Tura nu chichamaik iimpramiayi. Tura Jesusan nemarki wémiayi.

11

11:1b.MAR.011.001 Wésar Jerusarénnum tura Petpajái péprusha Petania péprusha Uriwiu naint ínkiuasmak ámanum jeawar, Jesus Jimiará unuiniamurin ujuikimiayi.

11:2b.MAR.011.002 Ujuiak Tímiayi "Aatunini pépruchiniam werum nuin umpuuru uchich jinkiamu Wáinkiattarme. Nu umpuuruka tuke entsamprukchamuiti. Nu atiarum utitiarum.

11:3b.MAR.011.003 Tura "ṡUrukamtia aitkiarum?" turamainiakuisha, "ii Uuntri wakerawai" titiarum" Tímiayi.

11:4b.MAR.011.004 Tutai wearmiayi. Tura umpuurun Wáitiniam aani jinkiamun, Jintiá yantamnum wajan Wáinkiar atiawarmiayi.

11:5b.MAR.011.005 Nui pujuarmia nu "ṡWarí aitkiarum. Urukamtai umpuuru Atíarum?" tiarmiayi.

11:6b.MAR.011.006 Takui, niisha Jesus timia nu ujakam suritkiacharmiayi.

11:7b.MAR.011.007 Tura umpuurun Jesusan itiariar pushirin umpuurunam awantkarmiayi. Túram Jesus entsamkamiayi.

11:8b.MAR.011.008 Tura Untsurí shuarsha pushirin jintianam ayapar ainkiarmiayi. Chíkichcha Jintiá yantamnumian nukan juuk jintianam aintrarmiayi.

11:9b.MAR.011.009 Eem wearmia nusha, uku winiarmia nusha warainiak "Jusanna" untsumkarmiayi. "Yusa Náaríin winiana nu Imiá pénkeraiti.

11:10b.MAR.011.010 Ii uuntri Tawitia akupeamuri Tátatna nu Imiá penker Atí. Ii Yusri naari shiir ati." Tu untsumki wearmiayi.

11:11b.MAR.011.011 Tura Jesus Jerusarénnum jeamiayi. Jeá, Yusa Uunt Jeen wayamiayi. Tura Ashí iiyasua amik, kintiampraij tusa ni tuse unuiniamurijiai Tíjiuch Petania péprunam wearmiayi.

11:12b.MAR.011.012 Kashin tsawar, Petanianmaya jintia wesa, Jesus tsukammiayi.

11:13b.MAR.011.013 Tura arant wajan iikiu numirin Núkenniun Wáiniak, nereatsuash tusa iyumiayi. Tura nereshtairin asamtai neren penké Wáinkiachmiayi.

11:14b.MAR.011.014 Nuyá iikiu numin yuminkeak: "Ame nerem penké yunaashti" Tímiayi. Ni unuiniamurisha nuna Táman antukarmiayi.

11:15b.MAR.011.015 Nuyá atak Jerusarénnum jeawarmiayi. Nui Jesus Yusa Uunt Jeen Wayá suruktai tusar pujuarmia nuna jiiki akupkatasa nankammiayi. Kuítian yapajin armia nuna misarin tura yampitsan Súrin armia nuna kutankrincha ayanturmiayi.

11:16b.MAR.011.016 Tura Káarak entsaki Yusa Uunt Jeen nankaamaktinian suritkiarmiayi.

11:17b.MAR.011.017 Nuyá "Yus áujsatai tusar Ashí shuar Yusa jeen wayamnia átatui" Tú aarchamukait Yusa Papiriin. Antsu átumka Yusa jee kasa matsamtaiya Nútikiarme" Tímiayi.

11:18b.MAR.011.018 Aents nui matsamarmia nu Jesusa chichamen antukar ti Enentáimprarmiayi. Tuma asamtai Israer-patri uuntrisha, Israer-shuara jintinniurisha, nuna nekaawar, Jesusan ashamainiak mantamnati tusar chichaman jurusarmiayi.

11:19b.MAR.011.019 Nuyá kiakui Jesus Jerusarénnumia jiinkimiayi.

11:20b.MAR.011.020 Kashin Káshik nankaamainiak iikiu numin kankaptuk jaka wajan Wáinkiarmiayi.

11:21b.MAR.011.021 Tura Pítiur Enentáimias Jesusan Tímiayi "Uunta, iista, iikiu Ame yuminkramam nu kankaptuk Káarchaik."

11:22b.MAR.011.022 Tutai Jesus Tímiayi "Yus nekas Enentáimtustarum.

11:23b.MAR.011.023 Iis, nekas Tátsujrumek, shuar "Yus nekas Túratpiash" Tútsuk, tura "wi Tájana nuna Yus nekas Túrattawai" tu Enentáimsar, ju Náintian "jiinki nayaantsanam Iniántí" Tákuinkia, Páchitsuk iniantatui, Tímiayi.

11:24b.MAR.011.024 Tuma asamtai Tájarme, Ashí Yus áujkuram searmena nuna suramsattarme. "Wi seajna nuna Yamái takakjai" tu Enentáimkiurmeka, Wáinkiáttarme.

11:25b.MAR.011.025 Tura Yus áujkuram pujarmena nu, kajernaiyamuram ákuinkia Tsankurnáiratarum. Atumí Aparí nayaimpiniam pujana nu Atumí tunaarin tsankurturti tusarum Túratarum.

11:26b.MAR.011.026 Atumsha Tsankurnáiyachkurminkia, Núnisan Atumí Aparí nayaimpiniam pujana nu Atumí tunaarin Tsankurtámprashtatrume" Tímiayi Jesus.

11:27b.MAR.011.027 Ataksha Jerusarénnum waketkiarmiayi. Jesus Yusa Uunt Jeen wekai, Israer-patri uuntrisha, Israer-shuara jintinniurisha, Israer-shuara iruntai-jee uuntrisha Niin Káutkarmiayi.

11:28b.MAR.011.028 Káutkar Jesusan tiarmiayi "ṡYana kakarmarijiai ju Túram. Ame Túramna nuna ya tsankatrama?" tiarmiayi.

11:29b.MAR.011.029 Tuiniakui Jesus Tímiayi, "Chikichkiniak aniastatjarme. Airkatarum. Túrakrumninkia Wisha winia takastinian tsankatrukmia nuna ujaktatjarme.

11:30b.MAR.011.030 Wats, turutiarum, ṡya Juan imiaitniun tsankatkama? ṡShuar tsankatkamka? ṡYus tsankatkamka? Airkatarum" Tímiayi.

11:31b.MAR.011.031 Tura niisha Enentáimprar "Yus akupkaiti" Tákurninkia, "ṡurukamtia umirkachuram?" turamchattajik.

11:32b.MAR.011.032 Antsu "shuar tsankatkaiti" Tákurkia, Ashí shuar ashamaji" tunainiarmiayi. Ashí aents Juan nekas Yúsnan etserniuiti, tu Enentáimainiakui ashammiarmiayi.

11:33b.MAR.011.033 Nuyá Jesusan tiarmiayi "Iikia nékatsji." Tutai Jesus Tímiayi "Wisha Núnisnak yana kakarmarijiai takaaj nuna ujakchattajrume."

12

12:1b.MAR.012.001 Jesus ju métek-taku chichaman unuiniamiayi: "Shuar uwa ajan ajam wenuimiai. Nuyá uwa nekeetain najanamai. Tura kumpin jean najanamai. Najana takartusti tusa Shuáran ikiuak ninkia jeachat wémai.

12:2b.MAR.012.002 Neretai tsawant jeamtai, ni takarniurin Júukman akankat tusa akupkamai.

12:3b.MAR.012.003 Tura ajanam takau arma nu, nu takarniun achik, katsumkar, áyatik awainkiarmai.

12:4b.MAR.012.004 Ataksha Chíkich takarniun akupkamai, tura nunasha kayajai tukurar, Múuknum katsumkar, katsekar awainkiarmai.

12:5b.MAR.012.005 Tuma ain ataksha Chíkichan akupkamai, tura nunasha Máawarmai. Ti Untsurín akupramai. Chikichnasha katsumkarmai, chikichan Máawarmai.

12:6b.MAR.012.006 Tura niijiai chikichik tuke ámiayi, nuka ni aneamu uchiri. Nu uchincha ukunam akupkamai. Akupeak "Winia uchirnaka shiir awajsartatui" Tímiai.

12:7b.MAR.012.007 Tura ni uchiri winian Wáinkiar, takau shuar Nuámtak chichainiak "Juka Ajá nérenniu Uchirínti. Wátsek, maatai; Túramka ájaka iiniu átatui" tiarmai.

12:8b.MAR.012.008 Túsar achikiar Máawarmai. Ayashincha ajanmaya ajapawarmai" Tímiayi.

12:9b.MAR.012.009 Tura Nuyá aniasmiayi, "ṡWats, Warí Enentáimsarum; Ajá nérenniuri itiurkattawa? Jeashtanmayá taa, Ajá takainia Nú shuaran amuktatui. Ni Ajaríncha chikichan ikiastatui.

12:10b.MAR.012.010 Ju, Yus-Papinium aarma ana nu áujsachukaitrum: Kaya pénkernak, jeammin "yajauchiiti" tusar ajapawarmia nu Ashí kayajai nankaamas pénker apujsamuiti.

12:11b.MAR.012.011 Nusha Yus Túramuiti. Iisha iisar ti Enentáimtaji. Nuke aarmaiti" Tímiayi.

12:12b.MAR.012.012 Tura Nú metek-taku chichamjai niin áujmatma asa achiktai tusar chichaman jurusarmiayi. Túmainiayat Shuáran ashamainiak Jesusan ikiuiniak wearmiayi.

12:13b.MAR.012.013 Tura wear, imiaamtikiar Yajá chichakmatai Nújai yajauch Títiai tusar Pariséu shuarnasha, Erutisa nemarin shuarnasha akatar Jesusan akuptukarmiayi.

12:14b.MAR.012.014 Túram Niin jeariar chicharainiak: "Uuntá, aents nakitiainiain tuke nekas chicham Páchitsuk chichaame, nu nékaji. Aents Pátatek iiyatsme, antsu nekas Yusa jinti unuiniame. ṡWaritia Enentáimiam, ii kuitri uunt Sesar Súsatin pénkerkait. Susattajik. Suritkiattajik? Nu nekaatai tusar wakeraji" tiarmiayi.

12:15b.MAR.012.015 Tura Jesus ni yajauch Enentáimmiarin nekara "ṡUrukamtai Winia yajauch titi tusarum wakerutarum? Kuit itiatarum, Wi iistaj" Tímiayi.

12:16b.MAR.012.016 Tutai Kuítian itiariarmiayi. Jesus nuna iis Tímiayi, "ṡJuisha yana yapi tura yana naari aarmait?" Tímiayi. Tutai "Uunt Sésarna" tiarmiayi.

12:17b.MAR.012.017 Nuyá Jesus Tímiayi "Uunt Sésarna ana nu susatarum; Túrarum Yúsnaka Yus susatarum" Tímiayi. Tura ni aimkiamurin antukar ti Enentáimprarmiayi.

12:18b.MAR.012.018 Nuisha Satuséu aents, jakamunmaya nantaktin penké atsawai tiniu armia nu, Jesusan tariarmiayi. Taar Jesusan chicharainiak:

12:19b.MAR.012.019 "Uuntá, Muisais juna aatrampramiaji: "Aishman ni nuari Júreatsain jakamtainkia, yachin yajutmatrattsa, ni yachi nu wajen Nuátkatniuiti."

12:20b.MAR.012.020 Wats, siati yachi ármiayi. Iwiairi nuwan nuatak yajutmatsuk jakamiayi.

12:21b.MAR.012.021 Ni yachi wajen akinkiamiayi. Nusha Núnisan yajutmatsuk jakamiayi. Nuna yachisha Núnisan tura nuna yachisha Núnisan Túramiayi.

12:22b.MAR.012.022 Tura Ashí siati patainman, patainman nu nuwan Nuátkarmiayi. Yajutmatsuk, yajutmatsuk Jíiniawarmiayi. Tura ukunam nuwasha jakamiayi.

12:23b.MAR.012.023 Nuinkia nantaktin tsawantai, nantakiarmatai, ṡyana nuarin ati? Ashí siati Nuátkacharmaka" tiarmiayi.

12:24b.MAR.012.024 Tutai Jesus Tímiayi ""Jakamunmaya nantaktin atsawai" Tátsurmek. Yusa chichame tura Yusa kakarmari nékachu asarum awajiarme, Tímiayi.

12:25b.MAR.012.025 Iimiatarum, aents jakamunmaya nantakiarmatai, nuatnaikiatin atsuttawai, antsu nayaimpinmaya suntara Núnisaran pujusartatui.

12:26b.MAR.012.026 Tura jakamunmaya nantaktiniapitia tusarum nu nekaatin nekas wakerakrumka Muisais aarmia nu Enentáimtustarum. Yuska numichinmaya Muisaisan chicharuk "Wikia Apraáma Isaaka tura Jakupu Yúsrintjai" Yus Tímiayi.

12:27b.MAR.012.027 Yaunchu Jákaru ain, Yus nuna taku, ayashnium jakayat iwiaaku pujuinia nuna Yusrintjai, tawai. Nekas jaka ainia nuna Yusrinchuiti. Nantaktin atsawai tau asarum awajirurme" Tímiayi Jesus.

12:28b.MAR.012.028 Jesussha Satuséusha áujmatnainian Israer-shuara jintinniuri taa anturkamiayi. Anturak, Jesus ti penker aimkiui, niisha Jesusan juna aniasmiayi: "ṡYus akupkamu Tuá Imiá pénkerait?" Tímiayi.

12:29b.MAR.012.029 Tutai Jesus Tímiayi "Júiti Yus akupkamu Imiá pénker: Antukta Israer Shuará. Ii Yusri uuntaiti, tura Ninki nekas Yúsaiti.

12:30b.MAR.012.030 Tuma asamtai, tuke Enentáimjai ti Enentáimsam Uunt Yus aneeta. Túram ame iwiaakmarmesha, kakarmarmesha Yus iiktusta. Núiti nekas pénker akupkamu" Tímiayi.

12:31b.MAR.012.031 Nuyasha chikichcha awai, "ame ayashim aneamna Tímiatrusmek ame írutramurmesha aneeta." Chíkich nu nankaamas pénker akupkamu atsawai' Tímiayi.

12:32b.MAR.012.032 Tutai jintintin Tímiayi "Ee, pénkeraiti, Uunta. Nékasmek tame. Chikichík Yus awai, Chíkichkia atsawai.

12:33b.MAR.012.033 Tura tuke Enentáijiai ti Enentáimsar, ii kakarmarisha Yus iiktusar Niin aneakrikia, ii ayashi aneajnia Núnik ii írutramurisha aneatniuitji. Nusha Ashí Yus sutai ana nujai nankaamas pénkeraiti' Tímiayi.

12:34b.MAR.012.034 Nuna tiniu asamtai Jesus ni pénker aimkian Nekáa "Ameja Yus akupeamunam pachiinkiatin ishichik Táasume" Tímiayi. Tura Nuyá Chíkich shuar Jesusan aniastinian arantukarmiayi.

12:35b.MAR.012.035 Jesus Yusa Uunt Jeen unuiniak pujumiayi. Tura chichaak "ṡUrukamtai ii jintinniuri "Yus anaikiamu Krístun Tawitia shuari" tuinia?"

12:36b.MAR.012.036 Tawit, antsu, Yusa Wakaní aarta tutai, Yus-Papinium juna aarmiayi: Uunt winia uuntrun Tímiayi "Ame nemasrumin nupetkatin amuatsain winia untsuuruinini pujusta".

12:37b.MAR.012.037 Kame Tawitkia, Krístun áujmatuk, "winia Uuntru" taisha, ṡitiura Ní shuarisha átin~ki?" Tímiayi Jesus. Tuma asamtai Untsurí shuar nui matsamarmia nu ti shiir antukarmiayi.

12:38b.MAR.012.038 Jesus unuiniak Tímiayi, "Israer-shuara jintinniuri ainia nujai aneartarum. Niisha waantu Enentáimtumasar, esaram pushin entsarar wekasatajtsar wakeruiniawai. Péprunmasha shuar shiir áujtusarat tusa wakeruiniawai.

12:39b.MAR.012.039 Israer-shuar iruntainiam penkeri pujutainium pujustinian wakeruiniawai. Nampernumsha penkeri pujutainium pujustinniasha wakeruiniawai.

12:40b.MAR.012.040 Tura wajé jeencha atantainiawai. Túrawar aents nekaracharat tusar ti esaram chichamjai Yúsan áujainiawai. Nincha chikichjai nankaamas Yus asutiawartatui" Tímiayi.

12:41b.MAR.012.041 Jesus Yusa Uunt Jeen kuit enketainiam naka pujus aents Kuítrin chumpian Wáinkiamiayi. Untsurí Kúitrintin Núkap enkeawarmiayi.

12:42b.MAR.012.042 Nuyá waje Kuítrincha taa Jimiará uchich Kuítian, reara aantsan, enkeamiayi.

12:43b.MAR.012.043 Jesuska unuiniamurin untsuk "Nekas Tájarme, ju waje Kuítrinchaitiat, Ashí enkeena Nú nankaamas Núkap enkeayi.

12:44b.MAR.012.044 Iis, Kuítrinniusha nii ampirma nuna enkeenawai, tura antsu ju nuwa Kuítrinchaitiat, ampirmatsuk ni yurumatniurin takurmakman Ashí enkeayi" Tímiayi.

13

13:1b.MAR.013.001 Yusa Uunt Jeenia Jesus jiinkimtai, unuiniamuri Niin Tímiayi "Iisia, Uunta, kayasha ti shiir ainiawai. Jeasha Imiá uuntchakait."

13:2b.MAR.013.002 Tutai Jesus Tímiayi "Ju Imiá uunt jea Wáinmek. Kaya ekentramu au Ashí mash yumpuntrartatui" Tímiayi.

13:3b.MAR.013.003 Nuyá Uriwiu Náinnium wakar, Yusa Uunt Jee naka pujusar, Pítrusha, Jakupusha, Juansha, Antressha, Nínkimias Jesusan aniiniak

13:4b.MAR.013.004 "Uuntá, Tímiam nu, ṡUrutiá Túrunatta. Nu Túrunatin jeakuisha itiura nekaattajia? Paant ujatmakta" tiarmiayi.

13:5b.MAR.013.005 Tutai Jesus Tímiayi "Aneartarum, anankramawairap.

13:6b.MAR.013.006 Nekaatarum, Untsurí winia naarun pachisar winiartatui. Chíkich Chíkich "Wiitjai Kristu" taku, Untsurín anankawartatui.

13:7b.MAR.013.007 Tura meset chicham ántakrumka, yajaya meset chicham ántakrumsha sapijmiakairap. Nekas Túrunashtinkiait. Nujaisha amuukatin tsawantka tuke jeatsui, Tímiayi.

13:8b.MAR.013.008 Shuar Chíkich shuarjai mesetan najanawartatui; apachcha Chíkich apachjai Núnisaran mesetan najanawartatui. Untsurí nunkanam úurkattawai. Tsukasha ártatui, charaatum ajamusha Núnisan átatui. Tura nujai itiurchatka aya yama nankamui.'

13:9b.MAR.013.009 `Túmaitkui atumsha aneartarum. Akupin iruntainiumsha surutmakartatrume, tura ii shuar iruntainmasha katsumpramkartatrume. Wíi shuar asakrumin, Kapitiánnium, akupniunmasha juramkittiarme. Nui jearum, Winia chichastatrume.

13:10b.MAR.013.010 Nu Túruntsain Ashí aentsnum Yus-Chicham etsernaktiniaiti.

13:11b.MAR.013.011 Atumin surutmaktasar juramainiakuisha, warintiajak tusarum ti Enentáimsairap. Chichastin jeamtai, Yusa Wakaní jintintramattarmena nu titiarum. Iis, Atumí Enentáijiai Tíchattarme, antsu Yusa Wakaní jintintiam Títiatrume.

13:12b.MAR.013.012 Nu tsawantin shuarsha ni yachin mantamnati tusa suruktatui. Apasha ni Uchirín suruktatui. Uchisha Aparíncha Nukuríncha kajerak, jakati tusa suruktatui. Núnisan Untsurí shuar Túrawartatui.

13:13b.MAR.013.013 Nuinkia Wíi shuar asakrumin Ashí nakitramprartatui. Tura shuar yawetsuk katsuntranka uwemprattawai" Tímiayi.

13:14b.MAR.013.014 Nuyá Jesus Tímiayi "Shuar juna áujeana nu nekaati. Yúsnan etserin, ni naari Taniar, ti yajauch tuke emesin ana nuna yaunchu aar etserkamiayi. Nuka pujushtainiam pujan Wáinkiurmesha, Ashí Jutía nunkanam pujarmena nu, Náinnium pisartarum.

13:15b.MAR.013.015 Jea yakiini pujana nu akaiki wariri achiktajtsa, jeen wayashti.

13:16b.MAR.013.016 Ajanam pujana nusha ni pushirin jukitiajtsa waketkishti.

13:17b.MAR.013.017 Tura ajamtin ainiana nusha, Kuírchin umuntsainia nusha, nu tsawantin Timiá itiurchatan Wáinkiartatui.

13:18b.MAR.013.018 Tuma asamtai átum pisaarmena nui yumitin achati tusarum Yus seatarum.

13:19b.MAR.013.019 Nu tsawantinkia ti Wáitsatin átatui. Yama nankamtaik Yus nunkan najanama nuisha, yamaisha ukunmasha timiu Wáitsatin penké atsuttawai.

13:20b.MAR.013.020 Tura Uunt Yus Wáitsatin tsawantan ishichik awajsattajai Tíchaitkuinkia, uwempratin penké atsuinti. Tura ni shuarin anaikiamia nuna Yáintajtsa wakerak, nu tsawantan ishichik awajsattawai.

13:21b.MAR.013.021 Nu tsawantai "Júiti Kristu" Túramkuinkia anturkairap.

13:22b.MAR.013.022 Kame "Krístuitjai" ántar tuinia nu, tura "Yúsnan etserniuitjai" ántar tuinia nusha wantinkiartatui. Wantinkiar Yus anaikiamu Shuárnasha anankatai tusar wakeruiniak, ni kakarmarin iniakmainiak aentsti tujintiamun Túrartatui.

13:23b.MAR.013.023 Tura átum aneartarum. Aetak, Túruntsain ujakchajrumek' Tímiayi Jesus.

13:24b.MAR.013.024 Jesus tuke unuiniak juna Tímiayi: `Tura nu Wáitsatin nankaamasmatai, etsaasha nantusha etsantrashtatui.

13:25b.MAR.013.025 Yaasha nayaimpinmaya kakekartatui, tura nayaimpiniam kakaram ainia nu muchitrartatui.

13:26b.MAR.013.026 Nuyasha Ashí aents Winia Wáitkiartatui. Wi, Aents Ajasuitjiana ju, ti kakaran, ti wincha ajasan, yuranminiam Winiái Wáitkiartatui.

13:27b.MAR.013.027 Nui nayaimpinmaya suntarun akupkattajai, Wíi shuaran Ashí nunkanmayan irurarat tusan. Arakaaniya, nunkaaniya, Ashí nunka Nánkatkamunmayan Wíi shuaran irurartatui.'

13:28b.MAR.013.028 `Iikiu numi nakumea nu nekaatarum. Ni chinkimpri punkak nuke jeakui, "ju nunkanam esat jeatemai" Tátsurmek.

13:29b.MAR.013.029 Núnisrumek Wi Tájarmena nu Wáinkiurmeka, ni tatintri jeatemai tu nekaattarme.

13:30b.MAR.013.030 Nekas Tájarme, Yamaí aents pujuinia nu kajin amuiniatsain, Ashí Wi Tájana nu Túrunatniuiti.

13:31b.MAR.013.031 Nayaimpisha nunkasha amuukatniuiti. Tura winia chichampruka amuukashtiniaiti.

13:32b.MAR.013.032 Tura tsawantcha nekanachminiaiti. Nayaimpinmaya suntarsha nékainiatsui; Wisha Yusa Uchiríntiatan nékatsjai. Aya winia Aparuk nékawai.

13:33b.MAR.013.033 Atumsha anearum Enentáimprarum Yus aujsa pujustarum, tsawant nékachu asarum.'

13:34b.MAR.013.034 `Tura Wikia ju shuarjai méteketjai. Ju shuarsha jeachat weak, ni jeen ikiuawai. Ikiuak ni shuarin Wáitrukartí tusa apujas ikiuak Ashí shuaran takatrin Súawai. Tura Wáitin Wáinniun, "ameja pénker Wáinkiata" Tímiai.

13:35b.MAR.013.035 Wikia nu jea nérenniua Núnisnak, urutai Tátataj nékachu asarum anearum pujustarum. Kíaraimpiash, tura ajapkeash, atash shiniukaimpiash, Káshikiash Tátatjai.

13:36b.MAR.013.036 Nérentin aya aneachmak taa, Kanúu tepai Wáitkiai tusarum aneartarum.

13:37b.MAR.013.037 Wi atumin Tájana nu, Ashí Shuáran tajai, anearum pujustarum" Tímiayi Jesus.

14

14:1b.MAR.014.001 Jímiarchikí tsawant ajasmiayi paskua tutai Námper jeatin. Paskua Námpertincha wakapruachu tantan yuatin Námpernasha métek najanin ármiayi. Israer-patri uuntrisha, Israer-shuara jintinniurisha Jesusan anankar achikiar maatai tusar wakeriarmiayi.

14:2b.MAR.014.002 Túrasha "Jista tsawantin Túrachmi, aents charaatum ajarain tusar" tiarmiayi.

14:3b.MAR.014.003 Jesussha Petania péprunam tunamaru Semunka jeen misanam pujan, nuwa tarimiayi. Nartu kunkuinian Arapástru tutai kaya najanamunam piakun itiamiayi. Nu kunkuin ti kuitiaiti. Mutí chuchuke kupik Jesusa muuken kunkuinian ukatramiayi.

14:4b.MAR.014.004 Tura nui pujuarmia nu, kajerar tunaiyarmiayi "ṡUrukamtai ju kunkuinian ántar wasurea?

14:5b.MAR.014.005 Junasha Súrakka, Menaintiú sian Kuítnium surukminiuyi. Nu kuitcha Kuítrinchan Súsanka maak" tiarmiayi. Tusa nuwan kajerkarmiayi.

14:6b.MAR.014.006 Antsu Jesus chicharainiak "Iniaisatarum. ṡUrukamtai au kajerarum? Winia shiir Túrutayi, Tímiayi.

14:7b.MAR.014.007 Kuítrincha atumjai tuke íruntsuk. Wakerakrumka tuke pénker awajsatniuitrume. Antsu Wikia atumjai tuke pujushtatjai.

14:8b.MAR.014.008 Ju nuwa Ashí nii Túramnia Núnaka umikiai. Wi Jákatin jeatsain, iwiarsatin kunkuinian shiir ukatrurai.

14:9b.MAR.014.009 Nekas Tájarme, Ashí nunkanam Yus-Chicham etsernaktatna nui, ju nuwa Túramurisha etsernaktatui, niin kajinmatkiarain tusa" Tímiayi.

14:10b.MAR.014.010 Nuyá Jútas Iskariúti, Jesusa unuiniamurintiat, Israer-patri uuntrin werimiayi, Jesusan suruktaj tusa.

14:11b.MAR.014.011 Niisha nuna antukar, warasar "Kuit amastatji" tiarmiayi. Jútassha Jesusan itiurak Yúpichuch tsankamkattaj tusa Enentáimias wekaimiayi.

14:12b.MAR.014.012 Wakapruachu tantan yuatin Jísat nankama tsawant tsawarmatai, paskua Námpertin Yúatin murik Máatin jeamtai, Jesusa unuiniamuri iniasarmiayi "Paskuatin murikiu Yúatin iwiaratai tusar ṡtui wétataj~i. Tui yurumattam?" tiarmiayi.

14:13b.MAR.014.013 Tutai Niisha Jimiará unuiniamurin akatar akupeak "Péprunam wetarum. Nui aishman yumin Jukí wéa Wáinkiattarme. Nu aishman nemarsatarum.

14:14b.MAR.014.014 Wayana nui Jeá nérenniuri Títiarum "Uunt Túramui, ṡwisha, unuiniamurjai tui Yurumáttaj?"

14:15b.MAR.014.015 Nu nérentin, Yakí Písunam uunt tesamunam Ashí iwiaramun iniakturmastatrume. Nui Jísat ii najanatin iwiaratarum" Tímiayi.

14:16b.MAR.014.016 Ni unuiniamuri wear, péprunam jeawar, Jesus timia Núnisan Wáinkiarmiayi. Tuma ásar paskua Námperan iwiararmiayi.

14:17b.MAR.014.017 Nuyá Kíakui Jesus ni tuse unuiniamurijiai wayawarmiayi.

14:18b.MAR.014.018 Niisha misanam pekaamak, Yurumáiniak pujusar, Jesus Tímiayi. "Nekas Tájarme, Chikichík shuar Wijiai yurumna nu, surutkattawai."

14:19b.MAR.014.019 Nujai Kúntuts Enentáimprarmiayi. Chíkich Chíkich Jesusan aniasar "Wíashitiaj" tiarmiayi.

14:20b.MAR.014.020 Jesus Tímiayi "Ju misanam tuse irunar yurumprum nu, chikichik surutkattawai. Wijiai pininnum yurumkan ayak yuana Núiti.

14:21b.MAR.014.021 Nekas Wi, Aents Ajasuitjiana ju, Jákatniunam wéajai, aarturma aintsanak. Tura aishman Súrutna nu ti Wáitsattawai. Niisha akiinmainchu ajakuiti" Tímiayi.

14:22b.MAR.014.022 Yurumainiak Jesus Yúsan yuminkias, yurumkan achik, puuk, chicharainiak "Achiktarum, jusha winia ayashruiti" Tímiayi.

14:23b.MAR.014.023 Pininnasha achik, Yúsan yuminkias, ni unuiniamurin Súsarmiayi. Ashí umararmiayi.

14:24b.MAR.014.024 Umararmatai Jesus Tímiayi "Júiti winia numpar, Untsurín Yáintajtsa Puártinia nu. Nujai Yamaram Chichaman Yus najanaiti.

14:25b.MAR.014.025 Nekas Tájarme, uwa yumiri ataksha jui umarchattajai. Tura tsawant jeamtai, ukunmasha, Yus akupeana nui yamarman umartatjai" Tímiayi.

14:26b.MAR.014.026 Yus-kantan Kantámawar, Jíinkiar, Uriwiu Náinnium wearmiayi.

14:27b.MAR.014.027 Nuinkia Jesus niin Tíarmiayi "Ju kashi átum natsantrurtatrume. "Murikiu Wáinniun Máattajai, Túramtai murik tsakinmakartatui" tu aarchamukait.

14:28b.MAR.014.028 Tura ukunam Wi nantakin atumin Kariréanam émtuktiajrume" Tímiayi.

14:29b.MAR.014.029 Tutai Pítiur chicharuk "Amin Ashí natsantramainiakuisha, wikia natsantrashtatjame" Tímiayi.

14:30b.MAR.014.030 Tutai Jesus Tímiayi "Nekas Tájame, ju kashi atash Jimiará shiniatsain, natsantrurtatme. "Núnaka nékatsjai" Menaintiú turuttiatme" Tímiayi.

14:31b.MAR.014.031 Tutai Pítiur kakaram chichaak "Amijiai métek Máantuiniakuisha, Núnaka penké Tíchattajai" Tímiayi. Ashí ni unuiniamuri Núnisan tiarmiayi.

14:32b.MAR.014.032 Nuyá Jitsemaní ajanam wearmiayi. Jeawar Jesus ni unuiniamurin Tímiayi "Jui pujustarum, Yúsan áujsatasa pujai".

14:33b.MAR.014.033 Pítrun, Jakupuncha, Juánnasha jukimiayi. Tura Jesuska ti kuntuts Enentáimiar wake mesek nekapsatasa nankammiayi.

14:34b.MAR.014.034 Tura niin chicharuk "Wi ti kuntuts Enentáimjai, tura jakamnia nekapeajai. Jui iimia pujutarum" Tímiayi.

14:35b.MAR.014.035 Jesussha ishichik arantach we, Nunká piniakumar tepes Yúsan aujmiayi. "Ju Wáitsatin átatna nu, Túrutatniuitkuinkia iniaitiusta" tu seamiayi.

14:36b.MAR.014.036 Tuke áujuk Tímiayi "Apawá, Ashí tujinchaitme. Pininnumia Ashí umartinia aantsan ti nekapsatajna Nú Wáitsatniun, jurutkitia. Antsu Wi wakeraj nucha, ame wakeramuram Túrunati."

14:37b.MAR.014.037 Tura ni unuiniamurin tarin, Kanúu tepenan Wáinkiamiayi. Pítrun Tímiayi "ṡSemunka Kánamek. Kanutsuk ishichkisha iimia pujustin tujinkiamek?

14:38b.MAR.014.038 Anearum Yus áujsatarum, tunaanum iniaaraij tusarum. Atumí wakaniin kakarmaitrume, antsu Atumí ayashiin kakarmachuitrume" Tímiayi.

14:39b.MAR.014.039 Ataksha we, nuik Yúsan áujsama Núnisan áujsamiayi.

14:40b.MAR.014.040 Ataksha waketruki, ni unuiniamurin Kanúu tepenan tarimiayi. Kari ti Pujá asamtai, Jesusan áujsatniun tujinkiarmiayi.

14:41b.MAR.014.041 Jesus ataksha we, Tarí Tímiayi "Kanarum ayampratarum. Máakete. Jeayi. Wi, Aents Ajasuitjiana ju, Tunáa shuarnum surukmaitjai.

14:42b.MAR.014.042 Nantáktiárum, Wemí. Iis, Winia Súrutna nu nuntumsai" Tímiayi Jesus.

14:43b.MAR.014.043 Jesus nuna Chicháa Pujá unuiniamuri Jútas tarimiayi. Niijiai Untsurí aents Puniá takaku, tura numincha takaku Káutarmiayi. Israer-patri uuntri, Israer-shuara jintinniuri, tura Israer-shuara uuntri akupkarma asa Káutkarmiayi.

14:44b.MAR.014.044 Káuntsain Jútas chicharainiak, "Wi mukunattaj áujkin Núiti Jesus. Achiirum, pénker emetarum jukitiarum" Tímiayi.

14:45b.MAR.014.045 Tura Jesusan Tarí, mukunuk áujas "Uuntá, Uuntá" Tímiayi.

14:46b.MAR.014.046 Túramtai aencha Jesusan achikiar emetawarmiayi.

14:47b.MAR.014.047 Túruiniakui nui wajatusha puniari úkuitsan, patri uuntri takarniurin awati ni kuishin tsupirkamiayi.

14:48b.MAR.014.048 Túram Jesus aentsun Tímiayi "Kasakaitiaj. Puniajai numijiai, Kasá Nútiksarmek achirkatai tusarum tarutniurme.

14:49b.MAR.014.049 Ashí tsawant atumjai Yusa Uunt Jeen wayan unuiniakun pujuchmakaj. Túmai nui achirkachmarme. Tura Yus timia nu uminkiat tusa ju Túrunayi."

14:50b.MAR.014.050 Nuinkia ni unuiniamuri Niniak ikiuiniak pisararmiayi.

14:51b.MAR.014.051 Tura aishman Nátsaach aya tarachin penumas Jesusan atamprimiayi. Tura natsaach suntar achikiam

14:52b.MAR.014.052 tarachrin ajapa ikiuak Misú tsékenkimiayi.

14:53b.MAR.014.053 Patri uuntriin Jesusan ejeniarmiayi. Nui Patri uuntrisha, Israer-shuara jintinniurisha, Israer-shuara uuntrisha irunturarmiayi.

14:54b.MAR.014.054 Tura Pítiur iikian nemarki Patri jeen aach Jeá, Patri suntarijiai jinia anamuk pujumiayi.

14:55b.MAR.014.055 Patri uuntri Ashí naamka uunt armia nujai iruntrar maatai tusar wakeruiniak shuar Jesusan tsanumprurat tusar eatkarmiayi. Nu chichamjai mantamnati, tiarmiayi. Túrasha Wáinkiacharmiayi.

14:56b.MAR.014.056 Túrasha Untsurí shuar Jesusan tsanumpruiniayatan Yapajiá Yapajiá chichainia ásarmatai Wáinkiacharmiayi.

14:57b.MAR.014.057 Nuyá Chíkich wajakiar Wáitruiniak juna tiarmiayi

14:58b.MAR.014.058 "Yusa Uunt Jeen, aents jeamarmia nuna yumpuntiatjai. Túran Menaintiú tsawantai, chikichan, aents jeamchamun jeamtatjai" tau antukmaji" tiarmiayi.

14:59b.MAR.014.059 Tura tuke Yapajiáwar tiarmiayi.

14:60b.MAR.014.060 Nuisha Patri uuntri ajapén wajaki Jesusan chicharuk "ṡAimsatin penké tujintiamek. Warinia turamainia?" Tímiayi.

14:61b.MAR.014.061 Tura Jesus takamtak aimtsuk pujumiayi. Patri uuntri atak chicharuk "ṡAme nekas Yusa Anaikiamurinkaitiam. Ii Yusri Uunt tajinia nuna Uchirinkaitiam?"

14:62b.MAR.014.062 Tutai Jesus Tímiayi "Ee, Núitjai. Winia, Aents Ajasu tutaintiajna nu Kakaram Yusa untsuurini pujai Wáitkiattarme. Tura nayaimpinmaya yuranminiam winiai Wáitkiattarme" Tímiayi.

14:63b.MAR.014.063 Tutai Patri uuntri kajek, ni pushirin jaak Tímiayi "ṡChíkich Títincha Warí atsumaj~i?

14:64b.MAR.014.064 Nii tana nujai Yúsan Kátsekeamu antukurme. ṡWarintia Enentáimprum?" Tímiayi. Takui "jakamniaiti" Ashí tiarmiayi.

14:65b.MAR.014.065 Chíkich Chíkich Jesusan Usukiáwarmiayi. Jiin epetkar awatiar "ṡYa aitkiarma? etserkata" tiarmiayi. Patri suntarisha yapiniam awatiarmiayi.

14:66b.MAR.014.066 Núnaka Túruiniai Pítru Nunká, jea aani pujan, nuwa Patri uuntri takarniuriya nu tarimiayi.

14:67b.MAR.014.067 Niisha Pitrun jinia anamu pujan Wáinkiamiayi. Wáiniak, "Amesha Nasaretnumia Jesusjai wekaichukaitiam" Tímiayi.

14:68b.MAR.014.068 Tutai Pítiur chicharuk, "Nékatsjai. Ame Támena nuna nékatsjai" Tímiayi. Tura aa Wáitiainiam jiinkimiayi. Tumai atash shiniukmiayi.

14:69b.MAR.014.069 Nu Núwasha Pitrun ataksha Wáiniak, Shuáran nui pujuinian Tímiayi "Júiti ni shuari."

14:70b.MAR.014.070 Tura Ataksha"atsá" Tímiayi. Ishichik árusan, shuar nui pujuarmia nu ataksha Pitrun chicharuk "Nekas ni shuarinme. Kariréanmaya Shuárchakaitiam. Auya shuara Nuní chichaame" tiarmiayi.

14:71b.MAR.014.071 Tutai Pítrusha kakantar chichaak, "Ju aishmannaka átum Tárumna Núnaka nékatsjai. Wáitrakuinkia Yus iirsati" Tímiayi.

14:72b.MAR.014.072 Nuya ataksha atash shiniukmiayi. Pítrusha, Jesus nuik timian Enentáimmiayi. Iis, Jesus nuik Tíchamka "Atash jimiar shiniatsain, ame, Núnaka nékatsjai, menaintiu turuttiatme" Tíchamka. Pítru nuna Enentáimias ti uutmiayi.

15

15:1b.MAR.015.001 Tura kashin Káshik Patri uuntri, Israer-shuara uuntrijiai, Israer-shuara jintinniurijiai, Ashí naamka armia nujai irunturar, chichaman jurusarmiayi. Túrawar Jesusan jinkiamun apach Kapitián Piratuiin ejeniarmiayi.

15:2b.MAR.015.002 Ejeniarmatai Piratu aniasmiayi "ṡAmesha Israer-shuara Uuntrinkáitiam?" Tutai Jesussha "Amek tame" Tímiayi.

15:3b.MAR.015.003 Nuyá Patri uuntri ti tsanumprurarmiayi.

15:4b.MAR.015.004 Ataksha Piratu aniasmiayi "ṡAimsatin penké tujintiamek? Ti Untsurí etserturmainiatsuk."

15:5b.MAR.015.005 Tura Jesus nunasha aikchamiayi. Túmakui Piratu ti Enentáimpramiayi.

15:7b.MAR.015.007 Shuar ámiayi, ni naari Parapás. Niisha ni shuarijiai meset ámanum, shuaran maa asamtai sepunam enkeamuyayi. Tura Námper tsawantai Piratu sepunmaya Chikichík shuarnak Jíiki akupniuyayi, aents seawarmia nuna.

15:8b.MAR.015.008 Nuisha Untsurí shuar Piratun Káutkar tiarmiayi "Ame ju Námpertin tuke Túramna nu Túratá.

15:10b.MAR.015.010 Patri uuntri Jesusan kajeraru ásar surukarmiayi. Piratusha, nuna Nekáa chicharainiak "Israer-shuartiram ṡAtumí akupniurin jiiki akupkattajak? ṡNu wakerarmek?" Tímiayi.

15:11b.MAR.015.011 Tutai Patri uuntri aentsun chichainiak ""Antsu Parapás Jíikim Akúpkatá" titiarum" tiarmiayi.

15:12b.MAR.015.012 Tutai Parapásan seawarmatai Piratu ataksha chicharainiak "Jesusnasha, átum ii akupniuri tarumna nuna, ṡitiurkattaja?" Tímiayi.

15:13b.MAR.015.013 Ataksha ni kakantar tiarmiayi "Krúsnum mantamnati."

15:14b.MAR.015.014 Piratusha niin tiarmiayi "ṡWarí tunaana Túriniait?" Tímiayi. Takui niisha Nú nankaamas kakantar Tíarmiayi "Krúsnum mantamnati."

15:15b.MAR.015.015 Tuma asamtai, aents shiir Enentáimprartí tusa, Piratu Tunáa shuaran, Parapásan jiiki akupkamiayi. Tura Jesusnasha katsumkarum krusnum ajintrurtarum tusa suntaran tsankatkamiayi.

15:16b.MAR.015.016 Tiniu asamtai suntar Jesusan jukiar, Kapitiáni jeen awayawarmiayi. Nu jea naari Piritiúriuiti. Túrawar Untsurí suntaran untsukarmiayi.

15:17b.MAR.015.017 Ashí Káunkar, pushin kapaanniun Jesusan aentsrarmiayi. Tawasap janki najanamun etsenkrumtikiarmiayi.

15:18b.MAR.015.018 Nuisha Jesusan áujsar "Shíiraitme, Jesusá, Israer-shuara akupniuriya" wishikiainiak tiarmiayi.

15:19b.MAR.015.019 Muuknumsha sapapjai awatiarmiayi; Nuyá usukiawarmiayi, Túrawar ántar tikishmatrarmiayi.

15:20b.MAR.015.020 Tura Jesusan wishikrar amukar, kapaantin pushin aitkiar, ni pushirin aentsrarmiayi. Túrawar Krúsnum ajintrurtai tusar Jíikiarmiayi.

15:21b.MAR.015.021 Semun Serini Núnkanmaya Shuárauyayi. Arijantruncha, Rupuncha Aparíyayi. Semunkan takatnumia winian suntar emetawarmiayi, Jesusa krusrin yanaki jukiti tusar.

15:22b.MAR.015.022 Jesusnasha Kúrkuta Náinnium Júkiarmiayi. Kúrkuta, shuar chichamjainkia, muuka ukunch naint, tutainti.

15:23b.MAR.015.023 Jeawarmatai, Karía, mira kunkuinjai pachimprar aartaj tusa susarmiayi Jesusan. Túrasha umarchamiayi.

15:25b.MAR.015.025 Nantu Yakí jatemsamtai Krúsnum ayapar ajintrurar ikiusarmiayi. Túrawar suntar yaki jukit tusar nakurutaijiai nakurusar Jesusa pushirin yaruakarmiayi.

15:26b.MAR.015.026 Urukamtai Máamuit, Ashí aents nuna nekaawarat tusa, ni Krúsrin ju aarmauyayi: ISRAER SHUARA AKUPNIURI

15:27b.MAR.015.027 Nu Náinnium Jimiará kasa shuaran Niijiai Máawarmiayi. Chikichik Jesusa untsuurini Krúsnum, chikichik ni menaarini Krúsnum Máawarmiayi.

15:28b.MAR.015.028 Yus-Papinium aarma ana nujai uminkiauyayi. Nui "Tunáa shuarjai nekapmarmauyayi" tu aarmaiti.

15:29b.MAR.015.029 Shuar nankaamainiak, muuke pearar, Jesusan katsekainiak tiarmiayi "Iisia, amesha, "Yusa Uunt Jeen yumpuntiatjai, tura Menaintiú tsawantai ataksha jeamkattajai" Tíchakaitiam, tiarmiayi.

15:30b.MAR.015.030 Amek Krúsnumia akaikim uwemprata."

15:31b.MAR.015.031 Núnisan Patri uuntrisha, Israer-shuara jintinniurisha Jesusan wishikrar chicharnaisarmiayi "Chikichan uwemtikraitiat, Ninki uwempratniun tujintiawai.

15:32b.MAR.015.032 Yusa anaikiamuri Krístuashit, ii akupniuriniashit, tiarmiayi. Wats, Yamái Krúsnumia Akáikití, iisha nu iisar Yus-shuar ajastai" wishikiainiak ántar nuna tiarmiayi. Jesusjai Krúsnum ajintruamusha Niin wishikiarmiayi.

15:33b.MAR.015.033 Tutupin jeamtai ti kiritin ajasmiayi Ashí nunkanam. Tura, nantu nunkaach ajasmatai ataksha tsaapnirmiayi.

15:34b.MAR.015.034 Nuin Jesus kakantar untsumuk Tímiayi "Iruí, Iruí, rama sapaktani." Nuka shuar chichamjainkia, "Yusrú, Yusrú, ṡurukamtai ajapa ikiurkiniam?" tawai.

15:35b.MAR.015.035 Shuar nui pujuarmia nu, nu chichaman nékachu ásar, nuna antukar "Eríasan Untsúawai" Tíarmiayi.

15:36b.MAR.015.036 Chikichik shuar churuinian uruchjai ajamper, sapapjai Ijiú mukunati tusa susamiayi. Tura Tímiayi "Wajastarum, Erías Niin jukitiaj tusa winishtimpiash. Iistai" Tímiayi.

15:37b.MAR.015.037 Nuinkia Jesus kakaram untsumak jakamiayi.

15:38b.MAR.015.038 Túramtai Yusa Uunt Jeen ejamu ninki jaanakmiayi, Yakíya Nunká.

15:39b.MAR.015.039 Suntara Kapitiántrisha Jesusan ayamtus wajamia nu, Jesus kakaram untsumak jaamun iis Tímiayi "Nuka ti nekas Yusa Uchiriyayi."

15:40b.MAR.015.040 Nuwasha arant ii pujuarmiayi. Nu nuwajai Máktara péprunmaya Marí, Chíkich Marisha, Sarumáisha pujuarmiayi. Chíkich Marisha uchich Jakupuncha Jusencha Nukuríyayi.

15:41b.MAR.015.041 Nu Núwaka, Kariréa nunkanam Jesus wekaimia nui, Niin nemarsar Yáintaitsar wekasarmiayi. Untsurí Chíkich nuwasha Jesusjai Jerusarénnum wear, nu nuwajai arant ii pujuarmiayi.

15:42b.MAR.015.042 Kiatemamtai, ayampratin tsawant jeatsain, Námper iwiaratin tsawant asamtai,

15:43b.MAR.015.043 Arimiatíanmaya Jusé arantutsuk, kakaram ajas, Piratuí Jeá Jesusa ayashin seatajtsa utuamiayi. Nu Jusencha Ashí irunin ainia nu anturin ármiayi. Niisha Yus ju nunkanam akupin ajasat tusa Nákasmiayi.

15:44b.MAR.015.044 Tura Jesusa ayashin seam, Piratusha "Wárik jaka" Tímiayi. Tuma asa suntara Kapitiántrin untsurak "ṡNekas jakayik?" Tímiayi.

15:45b.MAR.015.045 Tutai Kapitián "Ee" takui, Jesusa ayashin Jusen tsankatkamiayi.

15:46b.MAR.015.046 Jusesha puju tarachin pénkeran sumarak, Jesusa ayashin itiar aepas penuarmiayi. Tura yamaram kaya Táurmanum ikiusmiayi. Ikius Wáitiniam kayan átutmiayi.

15:47b.MAR.015.047 Tura Máktaranmaya Marí, Jusé Nukurí Marijiai ni ikiuamun ii wajarmiayi.

16

16:1b.MAR.016.001 Tura ayampratin tsawant nankaamasmatai, Máktaranmaya Marisha, Jakupu Nukurí Marisha, Sarumáisha, kunkuinian Jesusa ayashin kuertai tusar sumakarmiayi.

16:2b.MAR.016.002 Tura kashin Tumintin, ti Káshik, nantu Yáma jiiniai, iwiarsamunam jeariarmiayi.

16:3b.MAR.016.003 Wésar chichainiak "Iwiarsamu Wáitiri kayancha ṡyaki akanketramkattaj~i?" tiarmiayi.

16:4b.MAR.016.004 Jear uunt kaya akankekman Wáinkiarmiayi.

16:5b.MAR.016.005 Iwiarsamunam wayawar, natsan esaram puju pushin entsar, untsuurnumaani pujan Wáinkiar ti ashamkarmiayi.

16:6b.MAR.016.006 Túmainiakui natsa Tímiayi "Ashamkairap. Nasarétnumia Jesus Krúsnum jakama nu éarme. Iniantkimiuiti. Jui pujatsui. Wátsek, ju ikiusmanum iistarum.

16:7b.MAR.016.007 Túrarum werum Pítrusha, Chíkich unuiniamurisha ju ujaktarum. Kariréanam atumin émkiyi. Turammarumna Núnisan Túruna Wáinkiattarme" Tímiayi.

16:8b.MAR.016.008 Niisha ti ashamainiak purushniarar iwiarsamunmaya tseke wearmiayi. Ti ashamainia ásar, chikichkinkesha ujakcharmiayi.

16:9b.MAR.016.009 émkaka Tumintin ti Káshik Jesus nantaki, Máktaranmaya Marin Wantintiúkmiayi. Nu María Enentáiya siati iwianchin Jesus yaunchu ajapruyayi.

16:11b.MAR.016.011 Marisha Jesusa nemari Kúntuts uutu matsatainian Werí, "Jesus iwiaakui, imia wi wainkiajai" Tímiayi. Támaitiat anturkacharmiayi.

16:12b.MAR.016.012 Tura urum jimiara shuar Jerusarénnumia tsanin weenan, Jesus Nusháa iira ajas tarimiayi.

16:13b.MAR.016.013 Niisha Jesusan Wáinkiar waketkiar, unuiniamurin ujakarmiayi, tura ni chichamencha anturkacharmiayi.

16:14b.MAR.016.014 Nuyasha Jesusa auntse unuiniamuri misanam pekaamkar pujuinian Jesus tarimiayi. "ṡAtumí Enentái urukamtai Kátsuram ainia, urukamtai Winia nekas Enentáimtursachuram?" Tímiayi. Ni nantakmiarin Wáinkiaru chichamen anturkacharu ásarmatai kakantramiayi.

16:15b.MAR.016.015 Nuyá chichaak "Ashí nunkanam wetarum. Túrarum Ashí shuarnum Yusa shiir chichame etserkatarum.

16:16b.MAR.016.016 Shuar anturak imiani uwemprartatui. Shuar antukcharka, tuke sumamawartatui.

16:17b.MAR.016.017 Shuar winia Náarun pachis, Yúsan nekas Enentáimtakka, juna Túrawartatui, Yusa kakarmarin iniakmastaj tusa: iwianchin jiiki akupkartatui; Chíkich chichamjai chichasartatui;

16:18b.MAR.016.018 napincha achiksha, tseasnasha úmaksha, jaa ajaschartatui. Jaa shuaran ni uwejejai antin, nu shuaran pénker awajsartatui." Tu Tímiayi.

16:19b.MAR.016.019 Jesus chichas amukmatai, Yus nayaimpiniam jukimiayi. Túruna Yusa untsuurini pujusmiayi.

16:20b.MAR.016.020 Ni unuiniamurisha Jíinkiar, Ashí nunkanam Yus-Chichaman etserkarmiayi. Tura Uunt Yus niin Yáinmiayi. Tura etserainiakui, Ashí aents ni kakarmarin nekaawarat tusa, aentsti tujintiamun Túratniun susamiayi. Nuke Atí.