Matthew (Shuar)

1

1:1b.MAT.001.001 Jesukrístu Weatrí ju ainiawai. Tura Ashí nankaamas ti uunt weat Tawitcha Apraámsha ainiawai.

1:2b.MAT.001.002 Apraáma Uchirí Isak. Tura Isaka Uchirí Jakup. Jakupa Uchirísha Jutá ni yachijiai.

1:3b.MAT.001.003 Tura Jutá uchirin Páresan tura Sarancha Tamar jurermiayi. Páresa Uchirísha Esrum, nuna Uchirísha Aram.

1:4b.MAT.001.004 Nuna Uchirísha Aminiatáp. Nuna Uchirísha Nasun. Nuna Uchirísha Sarmun.

1:5b.MAT.001.005 Sarmunka Uchiríncha Púusan Raap jurermiayi. Puusa Uchirín Uwitian Ruut jurermiayi. Uwitia Uchirísha Isaí.

1:6b.MAT.001.006 Nuna Uchirísha uunt akupin Tawit. Uunt akupin Tawitia Uchiríncha Sarumúnkan Patsepa jurermiayi. Patsepasha emka Uríasa nuweeyayi.

1:7b.MAT.001.007 Sarumúnka Uchirí Rupuam. Nuna Uchirísha Apías. Nuna Uchirísha Asa.

1:8b.MAT.001.008 Asa Uchirísha Jusapát. Nuna Uchirísha Juram. Nuna Uchirí Usías.

1:9b.MAT.001.009 Usíasa Uchirí Jutam. Nuna Uchirí Akas. Nuna Uchirí Esekías.

1:10b.MAT.001.010 Esekíasa Uchirí Manasés. Nuna Uchirí Amun. Nuna Uchirí Jusías.

1:11b.MAT.001.011 Jusíasa Uchirí Jekunías ni yachi armia nujai. Nui Papirúnianmaya shuar Israer shuaran mesetjai nupetkar Papirúnia nunkanam achirar Júkiarmiayi.

1:12b.MAT.001.012 Nu ukunmanka Jekuníasa Uchirí Saratiár akiiniamiayi. Tura nuna Uchirí Surupapír.

1:13b.MAT.001.013 Surupapíra Uchirí Awiut. Nuna Uchirí Iriakím. Nuna Uchirí Asur.

1:14b.MAT.001.014 Asura Uchirí Satuk. Nuna Uchirí Akim. Nuna Uchirí Eriut.

1:15b.MAT.001.015 Eriuta Uchirí Ereasár. Nuna Uchirí Matan. Nuna Uchirí Jakup.

1:16b.MAT.001.016 Jakupa Uchirí Jusé Marí aishriya nu. Marisha Jesusan jurermiayi. Nu Jesuska Shuáran uwemtikiartin asa Kristu tu anaikiamuiti.

1:17b.MAT.001.017 Tuma asamtai Apraámnumia Tawitnium Jesusa Weatrí katurse (14) ainiawai. Tawitniumiasha Papirúnianam jukimiunma nuisha katurse weat ainiawai. Papirúnianam jukimiunmayasha Krístunam ataksha katurse ainiawai.

1:18b.MAT.001.018 Jesukrístu akiiniamu Júnis ámiayi. Ni Nukurí Marí Jusejai anajmanairuyayi. Tura Tsaníatsain Yusa Wakaní ajaprumtikiamiayi.

1:19b.MAT.001.019 Ajaprukmataisha Jusé Marin iniatsaatsuk niin ajapatniun Enentáimpramiayi. Tura ti pénker asa aya iniaisatniun wakerimiayi aents nékainiatsain.

1:20b.MAT.001.020 Nuna tu Enentáimia Pujái, mesekranam Yusa suntari Tarí chicharuk Tímiayi "Juséá, ame weatrum Tawitchakait. Tuma asam Marijiai nuatnaikiatin ashamkaip. Uchin jurertatna nuka Yusa Wakaníniuiti.

1:21b.MAT.001.021 Uchin aishmankan takustatui tura nuna naari JESUS anaikiattame. Ashí ni Shuárin ni tunaariya uwemtikkiartin asa Jesus anaikiatniuiti" Tímiayi.

1:22b.MAT.001.022 Yus ni etserniurijiai yaunchu timia nu uminkiati tusa nu Túrunamiayi. Juna aamtikramiayi:

1:23b.MAT.001.023 "Nuwa natsa ajapruktatui tura uchin takustatui. Nuna Náarisha Emanuér anainiaktatui." Tu aarmaiti. Emanuérsha nu chichamnum "Yus iijiai pujuwiti" tawai.

1:24b.MAT.001.024 Jusesha mesekranmaya shintiar Yusa suntari timia Núnisan Marin nuatkamiayi.

1:25b.MAT.001.025 Tura uchin Júreatsain tsaninchamiayi. Tura jurermatai uchin Jesus anaikiamiayi.

2

2:1b.MAT.002.001 Jutía nunkanam Pirin pépru ana nui Jesus akiiniamiayi. Nuisha Nú nunka akupniuri Irutisauyayi. Akiiniamtai ti neka apach nantu Tátainmaaniya Jerusarén péprunam Táarmiayi.

2:2b.MAT.002.002 Taar inintruiniak "ṡIsraer shuara uunt akupniuri tui akiiniait? tiarmiayi. Nantu Tátainmaani pujaati ni yaari Wáinkiamji. Tura tikishmatratai tusar winiaji" tiarmiayi.

2:3b.MAT.002.003 Irutis nuna antuk Nusháa Enentáimpramiayi. Tuma asamtai Ashí Jerusarénnumia shuarsha antukar Nusháa Enentáimprarmiayi.

2:4b.MAT.002.004 Irutis nuikia Ashí Israer-patri uuntrincha tura yaunchu akupkamun jintinniuncha untsukarmiayi. Tura Kristu akiiniatniurin inintrusmiayi.

2:5b.MAT.002.005 Tutai chichainiak "Jutía nunkanam Pirin pepru ana nui akiiniatniuiti, tiarmiayi. Yaunchu Yúsnan etserin tu aaruiti:

2:6b.MAT.002.006 "Jutía nunkanam, Pirin pepru, Ishitiápchich ana Nuyá nekas uunt akupin winittiawai. Nii Ashí Israer shuaran, Wíi shuar ásarmatai, pénker Wáinkiattawai," tawai Yus." Tu tiarmiayi.

2:7b.MAT.002.007 Nuna Tuíniakui Irutis ti neka apachin úusan, Urutía yaa emka Wáinkiamarum tusa aniasarmiayi.

2:8b.MAT.002.008 Nuyá Pirinnum akupeak "Nui werum uchi pénker inintrusrum Wáinkiatarum. Tura Wáinkiarum ujatkatarum. Wisha werin Tikishmátuutaj" Tímiayi.

2:10b.MAT.002.010 Tutai ti neka apach wearmiayi. Tura yaa, yajaya Wáinkiarmiania nu, tuke eem wémiayi. Tura yaan Wáinkiar ti wararsarmiayi. Tura Nú yaa uchi pujumia nui ejeniarmiayi.

2:11b.MAT.002.011 Jeá wayawar uchincha ni Nukurí Marijiai Wáinkiarmiayi. Tura uchin tikishmatrarmiayi. Nuyá ni Kajuntríyan kurincha, Mirá kunkuinniasha, Chíkich kunkuinniasha Súsarmiayi.

2:12b.MAT.002.012 Nuyá mesekranam Yus "Irutisaini weerap" tutai Chíkich jintianam waketkiarmiayi.

2:13b.MAT.002.013 Ti neka apach waketramtai Yusa suntari mesekranam Jusen ujakmiayi. "Nantakim uchi ni Nukuríjiai Ejiptu nunkanam jukim nui Pujustá. Irutis uchin Máataj tusa eaktatui. Tura ukunam ankant ajasmatai ujaktajme" Tímiayi.

2:14b.MAT.002.014 Tutai Jusé kurat shintiar Nú Káshik uchincha Nukuríjiai Ejiptunam jukimiayi.

2:15b.MAT.002.015 Irutis Jáatsain nui pujusarmiayi. Ejiptunam pujusmatai Yus yaunchu timia nu uminkiamiayi. Iis, Yúsnan etserin aak Tímiayi: "Ejiptunmayan winia Uchirun untsukmajai." Tu aarmiayi.

2:16b.MAT.002.016 Irutissha ti neka apach niin ananka Yajá waketran Nekáa ti kajekmiayi. Ti kajek Ashí aishmanchin Pirinnumsha tura yantamach pujuarmia nunasha maawaarat tusa akupkamiayi. Ti neka apach ujakmia nuna Enentáimias Ashí Jimiará uwin takakun tura Nú uchichin Máawarat tusa akupkamiayi.

2:17b.MAT.002.017 Nuka Yusnan etserin Jeremías aarmia nu uminkiamiayi. Juna aarmiayi:

2:18b.MAT.002.018 "Ramá nunkanam ti uutainiak uur ajainiawai. Raker ti uutu asa atsankrachminiaiti ni Uchirí Jákarmatai." Tu aarmiayi.

2:19b.MAT.002.019 Tura Irutis jakamtai Yusa suntari mesekranam Jusen ujakmiayi.

2:20b.MAT.002.020 "Uchin Máataj tiarmia nuka Jákarai. Yamaikia ataksha uchi ni Nukuríjiai jukim Israer nunkanam waketkitia" Tímiayi.

2:21b.MAT.002.021 Tutai Jusé nantaki uchincha Nukuríjiai jukin Ejiptunmaya Israer nunkanam waketkimiayi.

2:22b.MAT.002.022 Túrasha Irutisa Uchirí Arkiráu Jutía nunkanam uunt akupin ajasun Nekáa nui wétinian Aránkámiayi. Mesekranmasha ujakma asa nui pujutsuk Kariréa nunkanam wémiayi.

2:23b.MAT.002.023 Nui Jeá Nasarét péprunam pujusmiayi. "Nasarétnumia átatui" Yusnan etserin yaunchu tu etserkamu nujai uminkiamiayi.

3

3:1b.MAT.003.001 Nuyá imiakratin Juan Jutía nunkanam aents atsamunam etserki Támiayi.

3:2b.MAT.003.002 "Enentáim Yapajiátarum. Tsawant ishichik ajasai Yus jui akupin ajastin." Tu etserkamiayi.

3:3b.MAT.003.003 Nú Juankan yaunchu Yúsnan etserin Isayas juna aarmiayi: "Shuar atsamunam aents untsumui. Untsumuk "Atumí Enentái Uunta jinti iwiarturtarum tura naka awajsatarum" tawai." Tu aarmiayi.

3:4b.MAT.003.004 Nu Juansha kamiyu ure najantramun entsauyayi. Emenmamkesha nuapeyayi. Tura yutai-Títikriátsnasha chinijiai Yúuyayi.

3:5b.MAT.003.005 Tura Jerusarén péprunmaya shuarsha tura Ashí Jutía nunkanmaya shuarsha Jurtan entsanam matsamiarmia Nú shuarsha mash Juánkan tariarmiayi ni chichamen anturkatai tusar.

3:6b.MAT.003.006 Tura ni tunaarin paant etserkarmatai Juan Jurtan entsanam imiainiarmiayi.

3:7b.MAT.003.007 Juansha Pariséuncha Satuséuncha imiatti tusa wininian Wáiniak Tímiayi "Napia aaniutirmincha, ṡya atumniasha ti Asutniátniunmaya uwempratniuncha ujatmakmarum? Tímiayi. Asutiátin tsawant ishichik ajasai.

3:8b.MAT.003.008 Tuma asamtai Enentáim Yapajiámuitkiuinkia pénker wekaamurmijiai paant iniakmastarum.

3:9b.MAT.003.009 Atumsha "Iikia Apraám weeaitji" tu Enentáimtumasairap. Nujai uwemprashtatrume. Yus wakerakka ju kayan Apraáman tiranki najankainti, Tímiayi.

3:10b.MAT.003.010 Numi ajaktinia aintsan Kampuwárin jacha atuttsamuiti. Tura numi pénker nereatsna nuka tsupikia jinium apeamu ártatui.

3:11b.MAT.003.011 Wikia aya entsajain imiajrume atumi Enentái Yapajiáwakrumin. Antsu winia ukurui winiana nuka pénker awajtamsataj tusa imiantinia aanis tura Jía aanis Yusa Wakanin enketramprattarme. Wijiai nankaamantu asamtai wikia tsuntsumpruan ni Sapatrínkisha atitrachminiaitjai.

3:12b.MAT.003.012 Aruusa nerejai Túruinia aintsan átatui. Awajtiutairin achikiuiti tura nujai saepen awajtittiawai. Tura neren pénker ikiustatui, antsu saepenka jinium apeattawai. Nu jisha tuke kajinchaiti." Tu Tímiayi Juan.

3:13b.MAT.003.013 Nuyá Jesus Kariréa nunkanmaya winis Jurtan entsanam Támiayi Juan imiatti tusa.

3:14b.MAT.003.014 Juansha emka nakitiak Jesusan Tímiayi "Ame winia imiatminiaitme. Túrutamniaitiatmesha ṡurukamtai winia tarutnium?" Tímiayi.

3:15b.MAT.003.015 Tura Jesus Tímiayi "Antsan asati yamaikia. Núnisrik Ashí Yus akupkamu umirkatniuitji." Tutai Juan iniaisamiayi.

3:16b.MAT.003.016 Tura Jesus imiani entsaya Jíinkímtai nayaimp~i uranmiayi. Tura Yusa Wakaní Yámpitsa aintsan Jesusan tarimiayi. Niisha Wáinkiámiayi.

3:17b.MAT.003.017 Túramtai nayaimpinmaya Yus chichaak "Juka winia Uchiruiti. Ti aneamuiti. Ti shiir Enentáimtajai" Tímiayi.

4

4:1b.MAT.004.001 Nu Túrunamtai Yusa Wakaní Jesusan iwianchjai nekapmamtiksattsa aents atsamunam jukimiayi.

4:2b.MAT.004.002 Nui kuarenta (40) tsawant, Káshisha tsawaisha yurumtsuk pujak tsukarmiayi.

4:3b.MAT.004.003 Nui uunt iwianch Jesusan nekapsataj tusa Tarí Tímiayi "Nekas Yusa Uchirinkiumka ju kaya apatuk najanata."

4:4b.MAT.004.004 Tutai Jesus Tímiayi "Yus-Papinium aarmaiti: "Aents aya apatkujain iwiaaku pujuschamniaiti. Antsu Yus Táman Enentáimtuiniak nekas iwiaaku pujusartatui" tawai" Tímiayi.

4:5b.MAT.004.005 Tutai uunt iwianch Jerusarén péprunam Jukí Yusa Uunt Jee Cháikin iwiak

4:6b.MAT.004.006 Tímiayi "Nekas Yusa Uchirínkiumka juya akaikim iniaata. Kame Yus-Papinium aarmaiti: "Yus ni suntarin akatar Akúptúrmaktatui. Nawemin kayanam ajiintsumnin wenkurmaktatui" tawai" Tímiayi.

4:7b.MAT.004.007 Tutai Jesus Tímiayi "Núnisan Yus-Papinium aarmaiti: "Ame uuntrum Yus "Nekapsataj" tiip" tawai" Tímiayi.

4:8b.MAT.004.008 Ataksha uunt iwianch naint Yakí Wájakmanum iwiakmiayi tura Nuyá Ashí nunkanmaya péprun shiira nuna iniaktusmiayi.

4:9b.MAT.004.009 Tura Tímiayi "Winia tikishmatrurakminkia juna mash amastatjai."

4:10b.MAT.004.010 Tutai Jesus Tímiayi "Werumta, uunt iwianchi. Yus-Papinium aarma awai: "Ame uuntrum Yúsak tikishmatrata tura Ninki shiir awajsata" tawai" Tímiayi.

4:11b.MAT.004.011 Tutai uunt iwianch Jesusan ikiuak wémiayi. Túramtai Yusa suntari tariar atsumamurin Súsarmiayi.

4:12b.MAT.004.012 Juan sepunam enketui taman antuk Jesus Kariréa nunkanam wémiayi.

4:13b.MAT.004.013 Tura Nasarét péprunam pujutsuk Kapernáum péprunam we pujusmiayi. Kapernáumsha Kariréa antumianka Kánmatkariin pujumiayi. Ti yaunchusha Jakupu uchiri Sapurúnsha tura Niptarísha nu nunkanak nui pujustaitsar achikiaruyayi.

4:14b.MAT.004.014 Jesus nuna Túramtai yaunchu Yúsnan etserin Isayas aarmia nu uminkiamiayi. Juna aarmiayi:

4:15b.MAT.004.015 "Sapurúnsha Niptarísha nayaantsanam Tíjiuch Jurtan entsa amainini nunkan achikiarmiayi. Nuka Kariréaiti Israer-shuarcha matsatainia nui.

4:16b.MAT.004.016 Nu aents kiritniunam pujuiniayatan ti Tsáapninian Wáinkiarmiayi. Jákatniunam pujuiniai Tsáapin Tsáapnirmiayi." Tu aarmaiti.

4:17b.MAT.004.017 Nuyá Jesus étseruk Tímiayi "Tunaarum Enentáimturum Enentáim Yapajiátarum. Ju nunkanam Yus akupkatin tsawant ishichik ajasai."

4:18b.MAT.004.018 Jesus Kariréa antumianka Kánmatkarin wesa Jimiará aentsun Nuámtak Yáchinniun Wáinkiámiayi. Chikichik Antresauyayi, chikichcha Semunkauyayi. Nu Semun Núnisan Pitru Náartiniuyayi. Namakan achin ásar namakan nekajai Nankíak yujaarmiayi.

4:19b.MAT.004.019 Nuna Jesus Wáinkiar tiarmiayi "Nemartustarum. Túrakrumin shuarsha Yusna arti tusan Yamái namak Achíarmena Núnisan shuaran-eau awajsatjarme."

4:20b.MAT.004.020 Tutai ni nekarin ikiukiar Niin nemariarmiayi.

4:21b.MAT.004.021 Nuyá ishichik wésan ataksha Nuámtak yachinniun Wáinkiámiayi. Jakupu Juanjai mai Sepetéu Uchirí ármiayi. Niisha kanunam enkemsar ni nekarin ni Aparíjiai iwiarainiak pujuriarmiayi. Tura Jesus "Nemartusta" tutai

4:22b.MAT.004.022 nu chichamaik kanuncha tura Aparíncha ikiukiar Jesusan nemariarmiayi.

4:23b.MAT.004.023 Ashí Kariréa nunkanam Jesus Israer-shuar iruntainiam etserki wémiayi. Yus ju nunkanam akupkatin chichaman etserkamiayi. Tura Untsurí sunkurjai Jáinian Ashí Tsuármiayi.

4:24b.MAT.004.024 Ashí Siria nunkanam Jesus Tsuákratman nekaawar Ashí Nánkamas sunkurjai Wáitin armia nuna Jesusan tsuarti tusa itiariarmiayi. Ashí jaancha, najaimiancha, yajauch wakantrukuncha, Wáuruncha, tampemaruncha Jesus Tsuármiayi.

4:25b.MAT.004.025 Tura Untsurí shuar Jesusan nemariarmiayi. Kariréa nunkanmayasha, Tekapurisnumiasha, Jerusarén péprunmayasha, Jutía nunkanmayasha, Jurtan entsa amainiyasha Jesusan nemariarmiayi.

5

5:1b.MAT.005.001 Jesus Untsurí shuar Káunkarun Wáiniak Náinnium waka nui pujusmiayi. Tura ni unuiniamurisha taar pujusarmiayi.

5:2b.MAT.005.002 Nuyá Jesus Júnis unuiniamiayi.

5:3b.MAT.005.003 `Ame wakanim atsumamu nekamarum kakaram ajasrum warastarum. Tuma asarum Yus akupeamunam pachiinniuitrume.

5:4b.MAT.005.004 Kúntuts pujarum nu warastarum. Yus atsantamprattarme.

5:5b.MAT.005.005 Péejchach Enentáimtumarmena nu warastarum. Yus Ashí nunkan amastatrume.

5:6b.MAT.005.006 Eseer wekasataj tusa aya kitiamarum nu warastarum. Yus imiktamprattarme.

5:7b.MAT.005.007 Waitnenkratniutiram warastarum. Yus waitnentramprattarme.

5:8b.MAT.005.008 Pénker Enentáimniutiram warastarum. Yus Wáinkiáttarme.

5:9b.MAT.005.009 Chicham iwiarin árum nu warastarum. Yusa uchiri turamartatui.

5:10b.MAT.005.010 Pénker Túrakrumin yajauch awajtamainiakui warastarum. Yus akupeamunam pachiiniuitrume.

5:11b.MAT.005.011 Wíi shuar asakrumin katsekramainiakuisha, itit awajtamainiakuisha, tura Ashí tsanumprutmainiakuisha warastarum.

5:12b.MAT.005.012 Núnisan yaunchu Yúsnan etserin armia nunasha Túrawarmiayi. Túramtai shiir Enentáimkiuram warastarum. Nayaimpiniam ti pénker akinkiattarme' Tímiayi.

5:13b.MAT.005.013 `átumka ju nunkanam wee ana aintsanketrume. Tura wéeaitiat jeakchaitkiunka Míchuiti. ṡNusha itiur Yuámniak ati? Antsu ántraiti. Tuma asamtai aa najatai tepet tusar ajapashtinkiait' Tímiayi.

5:14b.MAT.005.014 `átumka ju nunkanam shiripkia aintsanketrume. Náinniumka pepru úumkachminiaiti.

5:15b.MAT.005.015 Núnisan shiripik ekeemakam kajunnum enkeatsme. Antsu Yakí Sukúatsmek Ashí jeanam ana nu paant Atí tusam.

5:16b.MAT.005.016 Núnisan atumsha Yusjai pénker Túramu paant Atí. Tura Ashí aents nuna iisar niisha Yus Apan shiir awajsartatui' Tímiayi.

5:17b.MAT.005.017 `Muisais akupkamuncha tura yaunchu Yúsnan etserin etserkarmia nuna ántar awajsattawai" turutiirap. Antsu nuna Wikia umiktaj tusan Táwitjai.

5:18b.MAT.005.018 Nekasan Tájarme. Ashí Túrunatniua nu Amúatsain nu akupkamu ishichkisha Yapajniáshtatui. Nayaimpisha tura nunkasha tuke Amúatsain nu akupkamusha amuukashtatui.

5:19b.MAT.005.019 Nu asamtai shuar chikichik akupkamun, Yúpichuch ana nunaksha, umirchakka tura Chíkich shuaran umirkashtinian unuiniakka Yus nekas akupin paant ajastatna nui Nú shuar uunt áchattawai. Antsu Ashí shuar akupkamun Umíana nu tura Chíkich shuaran umirkatniun unuiniana nusha Yus nekas akupin paant ajastatna nui, nu shuarka uunt átatui.

5:20b.MAT.005.020 Tuma asamtai Yus akupeamunam pachiinkiataj Tákumka Pariséujai nankaamas tura akupkamu jintinniujai nankaamas eseera wekasatniuitrume' Tímiayi.

5:21b.MAT.005.021 `Yaunchu tiniu armia nu ántichukaitrum: "Mankartuawairap. Mankartana nuka Asutniátniuiti" tiniu ármiayi.

5:22b.MAT.005.022 Tura Wisha Tájarme: Shuar ni yachin aya kajerakka nusha Asutniátniuiti. Ni yachin Kátsekea nuka akupniunam junaktiniaiti. Tura ni yachin "netsé" Tákunka jinium akupnakminiaiti.'

5:23b.MAT.005.023 `Tuma asamtai Yus susataj tusam wakerakum tura ame yatsum ámin itit Enentáimturman Enentáimpramka,

5:24b.MAT.005.024 suamu nui ikiuakum emka ame yatsum werim niijiai iwiarata. Turam waketkim Yus suam nu susata.'

5:25b.MAT.005.025 `Shuar uuntnum Júramkuinkia jintian wesam niijiai iwiarata uuntnum ejetamtsain. Túrachakminkia uuntnum surutmaktatui tura niisha suntarnum surutmaktatui tura sepunam enketmattawai.

5:26b.MAT.005.026 Tura nekas tajai, nui enkemamka Ashí rearchisha akikmachkumka Jíinkishtatme' Tímiayi.

5:27b.MAT.005.027 `Yaunchu tiniu armia nu ántichukaitrum: "Tsanirmawaip."

5:28b.MAT.005.028 Tura Wisha Tájarme: Shuar nuwan tsanirmataj tu iiska nuikia ni Enentáin tsanirmayi.'

5:29b.MAT.005.029 `Tuma asamtai ame jiimi tunaanum yajauch awajtamkuinkia ukuinkiam Yajá ajapata. Ashí ame ayashim jinium esaatsain aya chikichik ayashmi muchitmari emesratin pénkeraiti.

5:30b.MAT.005.030 Ame ewejmesha untsuurmetiat tunaanum ajunmakuinkia tsupikiam Yajá ajapata. Ashí ame ayashim jinium esaatsain aya chikichik ayashmi muchitmari emesratin pénkeraiti.'

5:31b.MAT.005.031 `Núnisan yaunchu tiniu ármiayi: "Shuar ni nuarin ajapatniun wakera nuka Papí najana susati."

5:32b.MAT.005.032 Tura Wisha Tájarme: Shuar ni nuarin tsanirmachun ájapeakka nuwan tsanirmamtikiaiti. Tura ajapamujai nuatnaiyakka nuka tsanirmaiti.'

5:33b.MAT.005.033 `Núnisan yaunchu tiniu ármiayi: "Yusa naari pachisan turattajai" Tákumka nekas takamtsuk umiktiniaitme."

5:37b.MAT.005.037 Tura Wisha Tájarme: Ayatik "Ee" Tákumka tura "Atsá" Tákumka Wáitrutsuk nuke Titiá. Támena nu nekas umiktaj takum ame Nú arant pachistiniaitkiumka nuka yajauchiiti, iwianchnumiaiti. Ti nekas tajai tusam nayaim pachischatniuitme. Nuka Uunt Yus pujutainti. Nunkasha pachischatniuiti Yusa tarimtairi asamtai. Jerusaren péprusha pachischatniuiti Uunt Akupin pujutai nui asamtai. Múukmesha pachischatniuitme. Chikichik intiashkesha Pújusha mukusasha awajsachminiaitme. Ayatik nekasa nu Páchitsuk Titiá.'

5:38b.MAT.005.038 `Yaunchu tiniu armia nu ántichukaitrum: "Shuar Máanikiar jii apujtukka niisha apujtuktiniaiti. Tura nai akarkasha ni naisha akarkatniuiti."

5:39b.MAT.005.039 Tura Wisha Tájarme: Yajauch shuar taritrairap. Antsu ame yapimin ijiutmamtai Aatú yapimsha tsankatkata.

5:40b.MAT.005.040 Tura pushirmin jurutramkitiaj Tákuisha sakurmesha susata.

5:41b.MAT.005.041 Tura Káarkancha chikichik kirumitruk jurutkitia Túramkui ámeka Jimiará kirumitru ejeeta.

5:42b.MAT.005.042 Seatmana nu susata. Ikiatmakuisha Páchitsuk ikiasta.'

5:43b.MAT.005.043 `Núnisan tiniu armia nu ántichukaitrum: "Ame shuarum aneeta tura nemasrumka kajerkata."

5:44b.MAT.005.044 Tura Wisha Tájarme: Nemasrum aneetarum. Yajauch chichartamna nusha shiir awajsata. Nakitramana nusha nawamkata. Tura katsekramainiana nu tura yajauch awajtamainiana nusha Yus áujtusarta.

5:45b.MAT.005.045 Atumsha nu Túrakrum Atumí Apari nayaimpiniam pujana nu Túrana aitkiasrumek Túrarme. Iista, Yus yajauch shuarnumsha pénker shuarnumsha Tsáapin awajmatkiatsuk. Núnisan yumincha yajauch shuar pujuiniamunmasha pénker shuar pujuiniamunmasha Yútumtiktsuk.

5:46b.MAT.005.046 Aya atumin anenmainia nuke aneakmesha ṡyaki akirmakat? Yajauch shuarsha nuna Túrin ainiawai.

5:47b.MAT.005.047 Aya ame yatsumek shiir chichaakmeka ṡWarí pénkerak Túram? Yus-shuarchasha nuna Túrin ainiawai.

5:48b.MAT.005.048 Nu asamtai Atumí Aparí Yus nayaimpiniam pujana nujai métek ti pénker átiniaitrume.'

6

6:1b.MAT.006.001 `Ashí iimiainiain aya shuar iirsarti tusarum Yusna nu takasairap. Tu takaakrumninkia Yus Apa nayaimpiniam pujana nu penké akirmakchattarme.

6:2b.MAT.006.002 Nu asamtai shuar atsuma nu yaiyakmeka Ashí shuar ujakairap. Anankartin ainia nuka iruntainmasha tura pepru Jintí wekasasha Ashí iimiainiain shiir Túrajai tusar nuna Túrin ainiawai. Junasha "pénker Túrawai" tu Enentáimturarti tiniu ásar Yus Akíatsain aya tu Enentáimturmajain akinkiaruiti, nekas tajai.

6:3b.MAT.006.003 Antsu átumka atsumainia nu yaiyakmeka penké úukam Túrata. Chikichkisha nu Yáinman nekaashti.

6:4b.MAT.006.004 Uukam Túrakminkia ame Apa Yus uukman wainia nu, nuna akirmaktatui.'

6:5b.MAT.006.005 `Atumsha Yus áujeakrumsha ántar chichamtin ainia Núnis áujsairap. Nu shuarka iruntainmasha tura pepru Jintísha shuar iirsarti tusa wajakiar Yúsan áujin ainiawai. Nekasan Tájarme, Yus Akíatsain aya nu iismajain akinkiaruiti.

6:6b.MAT.006.006 Tura ame Yus áujeakmeka ame Kuárturmin wayam waiti epenim nui amek ame Apa Yus áujsata. Nuna ame Apa Yus uuka Túramu waitma asa akirmaktatui.'

6:7b.MAT.006.007 `Yus áujeakmesha ántram esaram áujsaip. Yúsan nékainiatsna nuka "Esaram áujeakuinkia Yus anturtuktatui" tu Enentáimainiawai.

6:8b.MAT.006.008 Niijiai métek ajasairap. Atumka seatsrumnin Yus Apa átum atsumamun nékawai.

6:9b.MAT.006.009 Nu asamtai Yus áujkuram Júnis Títiniaitrume: `Aparu Yus, nayaimpiniam pujamna nu, ii Aparínme. Ame Náarmincha shuar ántar pachischarti.

6:10b.MAT.006.010 Ashí aentsnum ame akupkatin tsawantrum wari jeati. Ame wakeramuram nayaimpiniam umikma ana Núnisan ju nunkanmasha Uminkiatí.

6:11b.MAT.006.011 Aparu, ii yurumkari Ashí tsawant amasta.

6:12b.MAT.006.012 Tura winia nemasrun tsankurajna Núnismek, Aparu, winia tunaaru tumashrisha tsankurturta.

6:13b.MAT.006.013 Tunáa wakeruktin tsankatrukaip. Antsu Ashí tunaanumia uwemtikrurta. Tuke Ashí aents akupkamniaitme. Núnisam Amesha tuke ti kakarmaitme. Tura ti Shíiraitme. Tuma asakmin seajme. Nuke Atí.'

6:14b.MAT.006.014 `Amesha Chíkich shuar yajauch awajtamka nu tsankureakminkia Yus Apa nayaimpiniam pujana nu amincha tsankurtamprattawai.

6:15b.MAT.006.015 Tura Chíkich tsankureachkumninkia Yus Apasha ame tunaarmincha tsankurtamprashtatui.'

6:16b.MAT.006.016 `Ijiarmarum Yus áujkurmesha wake mesekrum susuntrairap. Anankartin shuar Chíkich shuar "ijiarmaiti" tu Enentáimtursarti tusa tuma ainiawai. Nekasan Tájame, Yúska Akíatsain aya nujai akikma ainiawai.

6:17b.MAT.006.017 Antsu ámeka ijiarmamsha pénker temashmaram pénker jaupmitia.

6:18b.MAT.006.018 Shuar ijiarmaiti tu Enentáimturmasarain. Aya Yus Apak nekaattawai. Tura asa akirmaktatui.'

6:20b.MAT.006.020 `Ju nunkanmaya kuit ikiaunkatniujai nankaamas nayaimpiniam kuit ikiaunkata. Juinkia kayaa Yúchakait tura mash meseatsuk. Tura kasasha Wayá kasamtsuk. Antsu nayaimpinmanka kayaasha yuatsui tura mash meseatsui tura kasasha Wayá kasamtsui.

6:21b.MAT.006.021 Kuítrum ana nui Enentáimtustatme. Tuma asam nayaimpiniam ikiaunkata.'

6:22b.MAT.006.022 `Ame Jímijiai Tsáapin amiin wayamniaiti. Tuma asamtai ame jiimi pénkeraitkiuinkia amiin Tsáapin Wayá tuke Tsáapniiti.

6:23b.MAT.006.023 Antsu ame jiimi yajauchitkiuinkia Tsáapin amiin wayachmin asamtai tuke kiritin átatui. Núnisan yajauchia nu wakerakmeka pénkera nu ame Enentáimiin wayachmin asamtai tuke kirit ajastatui. Nu kiritcha Imiá yajauchiti.'

6:24b.MAT.006.024 `Shuar Jimiará uuntrin umirkatniun tujintiawai. Chikichan wakerak chikichnaka nakitrattawai. Chikichan umiruk chikichnaka umirkashtatui. Núnisan átumka Yussha kuitcha Máimtek Enentáimtustin tujinkiattarme.'

6:25b.MAT.006.025 `Tuma asamtai Tájarme: Wariniak yuataj wariniak umartaj tura wariniak entsartaj tusarum nuke Enentáimsairap. Yus iwiaaku átinian amasu asa yurumkancha amaschamniakait. Tura ju ayashniasha najana asa entsataincha amaschamniakait.

6:26b.MAT.006.026 Chinkisha Enentáimpratarum. Yakí nanamainiak yurumkan arakmainiatsui. Tura juuk yurumkan ikiuiniatsui. Tuma ain Yus Apa nayaimpiniam pujana Nú Yusak áyureatsuk. Atumsha chinkia Nú nankaamaschakaitrum.

6:27b.MAT.006.027 Nu arantcha ti Enentáimkiumsha ṡnujai tsakartatmek?'

6:28b.MAT.006.028 `Nuikia ṡurukamtai entsartincha Timiá Enentáimprum? Iistá, kukujsha takachuitiat tura najanchaitiat

6:29b.MAT.006.029 ti Shíirmach ainiawai. Yaunchu uunt akupin Sarumún ti shiir iwiarmamniuitiat kukujia Tímianchauyayi.

6:30b.MAT.006.030 Iis, nupa Yamái tsakaawai tura kashin aents tsupikiar jinium epeenawai. Tuma ain Yus ti shiir aentseatsuk. Nuna tura asa atumniasha Nú pénker waitmakchattawak. ṡUrukamtai Yus nekas Enentáimtatsrum?

6:32b.MAT.006.032 Ju nunkanam ana nu pachikiairap. Chíkich shuar, Yúsan nékainiatsna nu, warin yuattaj~i warin umartataj~i warin entsartataj~i nuna ti pachiiniawai. Tura atumsha tu Enentáimsarum weerap. Ame Apa nayaimpiniam pujana nu ame atsumamurmin nékawai.

6:33b.MAT.006.033 Tuma asamtai Yusjai shiir wekasatin tura Yus akupkamu ana nu umiktin emka Enentáimsatarum. Túrakrumninkia atsumamurmin Yus suramsattawai.

6:34b.MAT.006.034 Kashin átatna nujai itiurchat Enentáimsairap. Kashinkia Nusháa itiurchatrijiai tsawarchattawak. Yamái tsawanta jujai Máakchakait.'

7

7:1b.MAT.007.001 `Chikicha tunaari ti Enentáimtusairap. Núnisan Yus Atumí tunaari iirtamsashtatui.

7:2b.MAT.007.002 Chíkich Wárik sumamtikiatin Enentáimkiumninkia Yus Núnisan sumamtikramattawai. Tura ame chikicha Túramuri nekapmarmena Nú nekapkajain amincha nekapmarmattawai.

7:3b.MAT.007.003 Tuma asamtai ṡitiurtsuk atumi jiin numi enketna auk iitskesha atumi Yachí jiin tsuat enketusha iyarum?

7:4b.MAT.007.004 Ame jiimiin numi tuke enketaisha ṡitiurtsuk ame yatsumi jiiya Tsuátan jurustajme tame?

7:5b.MAT.007.005 Antar Shuará, ame Yáintaj Tákumka emka ame jiimiin numi enketna nu jusata. Nuyá paant iistatme yatsumi jiin tsuat enketna nu jurustin.'

7:6b.MAT.007.006 `Ti shiira nuka Yawá Súsashtiniaiti. Nuna nakitrar amincha esatmichartimpiash. Kuítrumsha kuchi Súsashtiniaiti. Aya najatrachartatuak.'

7:7b.MAT.007.007 `Yus seakrumin suramsattawai. Eakrumka wainkiattarme. "Winiajai" Tákurmin awaintiamattarme.

7:8b.MAT.007.008 Seana Núnaka Suíniawai. Eana nuka Wáiniui. "Winiajai" tuinia Núnaka awainiawai.'

7:9b.MAT.007.009 `Ame uchiram apatkun seatmakui ṡkayaash Súsaintiam?

7:10b.MAT.007.010 Tura namakan seatmakui ṡNapíash Súsaintiam?

7:11b.MAT.007.011 Nuikia átum yajauchitirmesha atumi Uchirí pénker ana nu tuke Súuchakaitrum. Nuna nankaamas nuikia seakrumninkia atumi Aparí nayaimpiniam pujana nu pénker ana nuna suramsashtatuak.'

7:12b.MAT.007.012 `Júnaka Muisaissha Yúsnan etserniusha akupenawai: "Chíkich ámin Túrutatí tusa wakerakmeka amesha Núnismek Túratá." Tu akupenawai.'

7:14b.MAT.007.014 `Wankaram jintia awai. Wayatniusha Yúpichuchiiti. Nuisha Untsurí Wáiniawai. Tura nusha menkakatniunam jeawai. Túrasha Chíkich jintia awai. Nusha yupikiach asa itiurchataiti. Wayatniurisha yupikchiiti. Nui ishichik Wáiniawai. Tura nusha iwiaaku pujustinnium jeawai. Tuma asamtai tuke iwiaaku pujustaj Tákurmeka yupipitin jintia achiktarum.'

7:15b.MAT.007.015 `Aneartarum. Wáitruiniak "Wi Yúsnan étserjai" tuinia nu írunui. Pátatek murikiua ainis Yúpichuch ainiawai tura ni Enentáin nekas uunt-yawa ainis ainiawai. Pátatek shiir chichainiawai tura ni Enentáin yajauch piakuiti.

7:16b.MAT.007.016 Atumsha Túramujai niin nekaatniuitrume. Naranmaya shuiya Júukchamniaiti. ṡTsachiksha kushinkiapen nerektatuak?

7:17b.MAT.007.017 Núnisan pénker numia nu tuke pénkeran nereatsuk. Tura yajauch numia nu yajauchin nereatsuk.

7:18b.MAT.007.018 Pénker numi yajauchin nereatsui. Núnisan yajauch numi pénkeran nereatsui.

7:19b.MAT.007.019 Yajauch numi ajakar tsupirar jinium apeashtinkiait.

7:20b.MAT.007.020 Tuma asamtai Wáitrin ainia nuka Túramujai nekanattawai.'

7:21b.MAT.007.021 `Aya winia Apar nayaimpiniam pujana nuna wakeramurin umirin ainia nuke Yus akupeamunam pachiinkiartatui. Chíkichka "Uuntá, Uuntá" turutainiayat nayaimpiniam jeachartatui.

7:22b.MAT.007.022 Amuukatin tsawant jeamtai Untsurí turutiartatui "Maaj, Uuntá, ame Náaram pachisar Ashí nunkanam etserkachmakaj~i. Ame Náarmesha pachisar yajauch wakancha jiiki akupkamji. Tura ame Náaram pachisar aentsti tujintiamu Túramji" turutiartatui.

7:23b.MAT.007.023 Nui chichainiakui "Werumtarum. Penke nékachuitjiarme. Aya yajauchitrume" Títiatjai.'

7:24b.MAT.007.024 `Shuar winia chichamprun antuk umirkanka nu shuar ti pénker Enentáimniuiti. Niisha ju shuarjai métekete. Jea jeamuk kayanam ukurmai.

7:25b.MAT.007.025 Tura yumi ti yutuk entsa nujankruamai tura nase ti kakaram umpuimiai. Túmain pukukachmai ni ukurmari kayanam ukuamu asamtai.

7:26b.MAT.007.026 Tura shuar winia chichamprun antuk umirtukchanka ju shuara Núnisan Enentáimchaiti. Jea jeamuk Náikminiam ukurmai.

7:27b.MAT.007.027 Tura yumi yutuk entsa nujankruamai tura nase ti kakaram umpuimiai. Túmakui jea mash saanaki iniaamai" Tímiayi Jesus.

7:28b.MAT.007.028 Jesus nuna tinia amukmatai Ashí shuar ti Enentáimprarmiayi.

7:29b.MAT.007.029 "Yusa kakarmarijiai unuitiamtsujik. Israer-shuara jintinniurinkia Núnis unuiniainiatsui" tiarmiayi.

8

8:1b.MAT.008.001 Jesus muraya Támatai Untsurí shuar Niin nemariarmiayi.

8:2b.MAT.008.002 Nui shuar tunamaru Jesusan jearin tikishmatramiayi. Tura Tímiayi "Uuntá, wakerakmeka Tsuáramniaitme."

8:3b.MAT.008.003 Tutai Jesus uwejéjai antin "Wakerajai. Pénker ajasta" Tímiayi. Tutai tunamaru ni tunamarmari pénker ajasmiayi.

8:4b.MAT.008.004 Tura Jesus Tímiayi "Pai, penké etserkaip. Ayatik Israer-patri iniakmamsam Muisais timia nu susata Ashí shuar nekaawarti tusam."

8:5b.MAT.008.005 Jesus Kapernáum péprunam wayamtai apachi suntara Kapitiántri Niin tarimiayi.

8:6b.MAT.008.006 "Uuntá, Tímiayi. Winia uchir tampemaru Jeá tepes ti wait Ajáa tepawai" Tímiayi.

8:7b.MAT.008.007 Jesussha "Ayu, winin tsuartajai" Tímiayi.

8:8b.MAT.008.008 Tutai Kapitián Tímiayi "Uuntá, Ame ti nankaamaku asam winia Jearuí wayachminiaitme. Ayatik "Pénker Ajástí" Tákumin winia uchir pénker ajatrustatui.

8:9b.MAT.008.009 Iista, winiasha akuptuiniatsuk tura wisha suntaran akupenatsjak. Juna "Wetá" takui wéawai. Tura chikichnasha "Winitiá" tutai winiawai. Tura takartinian "Ju Túratá" tutai Umíawai."

8:10b.MAT.008.010 Kapitián nuna tutai Jesus ti Enentáimiuk Niin nemarainian Tímiayi "Nekasan Tájarme, Israer-shuar Yúsan Tímiatrus Enentáimtin atsawai.

8:11b.MAT.008.011 Maa, yajaya Untsurí shuar Yus akupeana nui jeawar Apraámjaisha Isakjaisha Jakupjaisha iruntrar Yurumáwartatui.

8:12b.MAT.008.012 Tura Israer-shuar Yúsnum jeamnia ainiayat aa kiritniunam ajapnawartatui. Nui ti uutin tura ti Wáitsatin átatui."

8:13b.MAT.008.013 Nuyá Jesus Kapitiánin chicharuk "Jeemiin waketkitia. Nekas Enentáimtusu asakmin uchiram pénker ajatramsattawai" Tímiayi. Túramtai ni Uchirí nu chichamtaik pénker ajatsamiayi.

8:14b.MAT.008.014 Jesus Pitru jeen we Pitru tsatsarin tsuemujai jaa tepan Wáinkiamiayi.

8:15b.MAT.008.015 Tura ni uwején antinmatai tsuemun michatramiayi. Tura nuwa nantakin Ashí ajamsarmiayi.

8:16b.MAT.008.016 Kashi ajasmatai yajauch wakantrukarun Jesusan itiariarmiayi. Tura nu yajauch wakanin Chikichík chichamjai chicharas jiiki akupiarmiayi. Ashí Jáiniancha Tsuárarmiayi.

8:17b.MAT.008.017 Yúsnan etserin Isayas "Ii pimpirmarincha ii sunkurincha jurutramkimiaji" yaunchu timia nu uminkiati tusa nu Túrunamiayi.

8:18b.MAT.008.018 Shuar Untsurí Jesusan Káutkarmatai "Entsa amain katintai" Tímiayi.

8:19b.MAT.008.019 Nui Israer-shuara jintinniuri Jesusan Tarí Tímiayi "Uuntá, Amin Páchitsuk nemarsatniun wakerajme."

8:20b.MAT.008.020 Tutai Jesus Tímiayi "Kujanchmasha ni waarin takaktsuk. Chinkisha pasunken takaktsuk. Tura Wi Yúsnumiaitiatan tepestiniur atsawai."

8:21b.MAT.008.021 Niin nemarniusha Tímiayi "Uunta, emka winia aparun iwiarsan ikiuuttajai."

8:22b.MAT.008.022 Tura Jesus "Nemartusta, Tímiayi. Wakannium jaka ainia nu jakan iwiarsarti" Tímiayi.

8:23b.MAT.008.023 Nuyá Jesus ni unuiniamurijiai uunt kanunam Enkemámiayi.

8:24b.MAT.008.024 Nui nase ti kakaram umpuimtai antumian ti tamparintin ajasmiayi. Tura entsa kanunam Yaráná Piákmiayi. Tuma ain Jesus kanunam kanar tepemiayi.

8:25b.MAT.008.025 Nuyá ni unuiniamuri kurashim Jesusan ishintiarar tiarmiayi "Uuntá, wayaji. Kakaram ajachkumninkia jakattaji."

8:26b.MAT.008.026 Jesus Tímiayi "ṡUrukamtai Timiá ashamarum, Yus Enentáimtutskesha?" Nuyá wajaki nasencha entsancha chicharkamiayi. Tutai mash miaaku ajasmiayi.

8:27b.MAT.008.027 Nuna iisar ni unuiniamuri ti Enentáimsarmiayi. Tura tiarmiayi "Jusha ṡWarí aentsuit? Nasesha entsasha Niin umirainiatsuk" tiarmiayi.

8:28b.MAT.008.028 Nuyá Jesus Entsá amaini katin Jatara nunkanam jeamiayi. Nui Jimiará shuar yajauch wakantruku tuke iwiartainium Pujú Jesusan tariarmiayi. Mai yajauch wakantruku ásar ti kajen ármiayi. Tuma asamtai shuar nu jintianam nankaamachu ármiayi.

8:29b.MAT.008.029 Niisha Jesusan Wáinkiar kakantar tiarmiayi "ṡWarí pujuram iijiai, Jesusá, Yusa Uchiría. Tsawant jeatsain iin amukratkataj tusamek taum?" tiarmiayi.

8:30b.MAT.008.030 Nui arant kuchi Untsurí shushunmak yujaarmiayi.

8:31b.MAT.008.031 Yajauch wakancha Jesusan seainiak "Jiiki akupkartakmeka Kuchíniam wayatin tsankatkartukta" tiarmiayi.

8:32b.MAT.008.032 Tutai Jesus "Pai, wetarum" Tímiayi. Yajauch wakancha shuara Enentáiya Jíinkiar kuchiniam Enkemáwarmiayi. Túramtai kuchi Wáurkiar arau utsanamiayi. Nuyá Entsá iniankar jakerarmiayi.

8:33b.MAT.008.033 Kuchí Wáinniusha nuna ashamkar péprunam tseke wéarmiayi. Nui jeawar Ashí Túrunamun etserkarmiayi. Yajauch wakantrukun pénker ajasmancha etserkarmiayi.

8:34b.MAT.008.034 Nuyá Ashí Nú peprunmaya shuar Jesusan inkiuntai tusar ashinkiarmiayi. Tura inkiunkar ni nunkeya waketkiti tusar seawarmiayi.

9

9:1b.MAT.009.001 Nuyá Jesus kanunam enkemar antumian amaini katinmiayi. Tura nui ni péprurin Kapernáumnum jeamiayi.

9:2b.MAT.009.002 Nui jeamtai shuar emearu jaan patak yanakin ejeetiarmiayi. "Tsuártatui" nekas tu Enentáimtuinia ásarmatai Jesus jaan Tímiayi "Uchirú, kakaram ajasta. Ashí ame tunaarum tsankuramuiti."

9:3b.MAT.009.003 Takui Israer-shuara jintinniuri yajauch Enentáimprar "Juka Yúsan ti yajauch chicharui" tiarmiayi.

9:4b.MAT.009.004 Tu Enentáimainian Jesus Nekáa tiarmiayi "ṡUrukamtai Imiá yajauch Enentáimprum.

9:5b.MAT.009.005 Tua Imiá Yúpichuchit. Shuara tunaarin tsankuratin Yúpichuchikiait. Tura emearun "Nantakim wekasata" Títin Yúpichuchikiait?

9:6b.MAT.009.006 Wi Aents Ajasua Núchakaitiaj. Ju nunkanam Wi tunaan Asakátratniuitjai. Wátsek, nu nekaatarum tusan juna iniakmastatjai." Nuna tinia emearun "Wajaktia, tepetairam jukim jeemiin Wetá" Tímiayi.

9:7b.MAT.009.007 Tutai emearu Tsuámar nantaki ni jeen wémiayi.

9:8b.MAT.009.008 Tura nuna Ashí aents Wáinkiar Yus kakarman Shuáran susa asamtai ashamkar Yúsan shiir Enentáimtusarmiayi.

9:9b.MAT.009.009 Nuyá Jesus wémiayi. Nui wesa Mateun kuit Júutainium pujan Wáiniak "Nemartusta" Tímiayi. Tutai Mateu nuna ikiuak Jesusan nemarmiayi.

9:10b.MAT.009.010 Nú ukunmasha Mateu jeen yurumuk pujai yajauch armia nu Israer-shuar Untsurí Káunkar Jesusa unuiniamurijiai irunar yurumiarmiayi.

9:11b.MAT.009.011 Pariséusha nuna iisar Jesusa unuiniamurin aniasarmiayi "ṡUrukamtia Atumí Uuntri kuitia achinjaisha tunaarinniujaisha irunar yuruma?"

9:12b.MAT.009.012 Tura Jesus nuna antuk Tímiayi "Pénker ainia nuka Tsuákratniun atsumainiatsui. Antsu jainia nu Tsuákratniun atsumainiawai.

9:13b.MAT.009.013 Werum ju aarma unuimiutarum: "Murik maam Winia surusum nujai "Máakete" Tátsujai. Antsu waitnenkartutain wakerajai," Yus-Papinium tu aarmaiti. Wikia "pénkeraitjai" Tuínian untsuktaj tusan Táchaitjai. Antsu Tunáa shuar ni Enentáin Yapajiáwarat tusan Táwitjai" Tímiayi.

9:14b.MAT.009.014 Nuyá imiakratin Juanka unuiniamuri Jesusan tariar aniasarmiayi. "ṡUrukamtai iikia tura Pariséusha ijiarmaj~i tura ame unuiniamurmeka ijiarmainiatsu?" tiarmiayi.

9:15b.MAT.009.015 Jesus ayak Tímiayi "Nuatma nampernum ipiaamu ainia nu ṡajakra uutu wayamniakait? Yamái-nuatu pujakui uutchamin ainiawai. Núnisan Wi pujakui ijiarmashtin ainiawai. Tura tsawant jeattawai nuatua aintsan Wi junaktatjai. Antsu nuikia ijiarmawartatui' Tímiayi.

9:16b.MAT.009.016 `Mamuru Pushí jaanakmatai yamaram tarach anujtukchatniuiti. Túramka nijiam yamaram tarach sumpeak mamushan Chinkiá nuna nankaamas jaaktatui.

9:17b.MAT.009.017 Nijiamanch Yamái nawar nuap najanamu arutnum yaraachminiaiti. Túramka Karíak nuap najanamun ijiakratniuiti, nijiamchisha ukaratniuiti, tura nuap najanamusha yajauch ajastiniaiti. Antsu yamaram nijiamanch yamaram nuap najanamunam yaraatniuiti. Nu Túramka nijiamchisha nuap najanamusha mai pénker ártatui."

9:18b.MAT.009.018 Jesus nuna tai Israer-shuara uuntri Jesusan Tarí tikishmatar Tímiayi "Winia nawantur jarutkayi, tura Ame winim ewejmijiai antintrukakminkia ataksha nantaktiatui."

9:19b.MAT.009.019 Tutai Jesus ni unuiniamurijiai wajakiar niijiai wearmiayi.

9:20b.MAT.009.020 Tura Jintiá weenai nuwa tuse (12) uwitin Numpá ájapeak Wáitias Pujú asa Jesusa ukurini amainian ni pushirin antinmiayi.

9:21b.MAT.009.021 "Ayatik ni pushirin antinnaka pénker ajastatjai" tu enentaimpramiayi.

9:22b.MAT.009.022 Nuna Nekáa Jesus ayantar nuwan Tímiayi "Shiir Enentáimprata, nawantru. Yus shiir Enentáimtusu asam pénker ajasume." Nu chichamtaik ni Jáamuri pénker ajasmiayi.

9:23b.MAT.009.023 Nuyá Jesus uunta jeen jeamiayi. Tura nui charaatum ajainiancha tura jakan iwiarsatai tusar péeman umpuiniancha Wáiniak

9:24b.MAT.009.024 Tímiayi "Aa Jíintratarum. Nuwachikia Jákachai antsu aya kanarai." Penké jakan nékayat Túratta nuna neka asa "aya kanarai" Tímiayi. Takui aents Niin wishikrarmiayi.

9:25b.MAT.009.025 Tura nuna Ashí jiir Jesus Jeá Wayá nuwachin uwejnum achik iniantkimiayi. Túram nantakmiayi.

9:26b.MAT.009.026 Nu Túramu Ashí nu nunkanam etsernarmiayi.

9:27b.MAT.009.027 Nuyá Jesus wéakui Jimiará shuar jii kusuru untsumki weriarmiayi. "Uuntá, ii Uuntri Tawit ame weatrum asamtai iin waitnenkarturta" tiarmiayi.

9:28b.MAT.009.028 Jesus Jeá wayamtai jii kusuru tariarmiayi. Tura Jesus aniasar "ṡJuna Túramniaiti Túrutrumek?" Tímiayi. Niisha "Ee, Uunta" tiarmiayi.

9:29b.MAT.009.029 Tuíniakui Jesus ni jiin antinkiar Tímiayi "Atum nekas Enentáimtarmena Núnisan Túrunati."

9:30b.MAT.009.030 Nujai jii pénker ajasarmiayi. Nuyá Jesus "Etserkairap. Shuar penké Nekáwarain" Tímiayi.

9:31b.MAT.009.031 Támaitiat Jíinkiar Jesus Túramun Ashí nu nunkanam etserkarmiayi.

9:32b.MAT.009.032 Nuyá wenai shuar yajauch wakantruku chichachun Jesusan itiariarmiayi.

9:33b.MAT.009.033 Tura Jesus yajauch wakanin jiiki awemamtai nu chichachu chichakmiayi. Ashí nuna iisar ti Enentáimprarmiayi. Tura tiarmiayi "Yáunchusha Israer nunkanam jujai métek Túramu penké atsuwiti."

9:34b.MAT.009.034 Antsu Pariséuka yajauch Enentáimtuiniak tiarmiayi "Nu shuar iwianchi uuntri kakarmarijiai yajauch wakanin jiiki akupeawai."

9:35b.MAT.009.035 Jesus Ashí péprunam we ni iruntairin Wayá "Yus akupeana nui Enkemátarum" tu etsermiayi. Tura Ashí Nánkamas sunkurjai Jáiniancha Tsuármiayi.

9:36b.MAT.009.036 Shuaran iisar murik Wáinchatia Núnis pimpikiar tura Kúntuts pujuinia asamtai waitnentrarmiayi.

9:38b.MAT.009.038 Nuyá ni unuiniamurin Tímiayi "Ju aents Yus-Chicham ujaktiniaitji Yus-shuar ajasarat tusar. Nu takat ti Núkap awai tura takarin ishichik ainiawai. Nu takatka Júuktinia aintsankete. Júuktin tsawant jeamtai takau Táasmatai takamtikin ujaktin átsuk takaun akupkat tusa. Atumsha Núnisrumek Yus seatarum ni shuarin akupak aentsun Júukarat tusarum."

10

10:1b.MAT.010.001 Nuyá Jesus tuse (12) unuiniamurin achik Yusa kakarmarin Súsarmiayi yajauch wakanin shuara Enentáiya jiiki akupkatniun. Núnisan Ashí sunkurjai Jáinian Tsuárartinian susamiayi.

10:2b.MAT.010.002 Ju ainiawai Jesus tuse (12) unuiniamurin achikiarmia nu: Emka Semun Núnisan Pitru Náartiniuyayi. Nuyá ni yachi Antres. Nuyá Nuámtak Yáchintin Jakupusha Juansha, Sepetéu Uchirí armia nu.

10:3b.MAT.010.003 Nuyá Jiripi, Parturumí, Tumas, Mateu. Mateusha Kuítian achiniuyayi. Arpeu Uchirí Jakupusha. Ripíu Núnisan Tateu Náartiniuyayi.

10:4b.MAT.010.004 Asump~i Semunsha Nuyá Jútas Iskariúti Jesusan ukunam surukmia nu. Nu tuse (12) achikma ármiayi.

10:5b.MAT.010.005 Nu tuse (12) unuiniamurin Jesus Júnis chicharak akupkarmiayi. "Israer-shuarcha matsatmanum weerap. Samaria nunkanam péprunam weerap.

10:6b.MAT.010.006 Antsu Israer-shuar murikiua ainis Yusaiya Wáakaru ainia nu weritiarum.

10:7b.MAT.010.007 "Tsawant ishichik ajasai Yus Jú nunkanam akupin ajastin" tu etserki wetarum.

10:8b.MAT.010.008 Tunamarusha Chíkich sunkurjai jainia nusha tsuartarum. Jakasha iniantkitiarum. Yajauch wakancha shuara Enentáiya jiiki awematarum. Nu Túratin Kuítchajai kakaram susamuitrume, tuma asamtai atumsha Ashí ántrarmek Túratarum.'

10:9b.MAT.010.009 `Kurisha Ashí kuitcha jukiirap.

10:10b.MAT.010.010 Uyuncha jukiirap. Sapatcha tura ushukrustincha jukiirap. Antsu chikichik Pushí jukitiarum. Takau asakrumin yurumkan ajampramsartin ainiawai.'

10:11b.MAT.010.011 `Péprunam jearmesha pénker shuar Wáinkiarum nui wayarum tuke nuin pujustarum.

10:12b.MAT.010.012 Nu jeanam wayamsha "Ju jea shiir Atí" Titiá.

10:13b.MAT.010.013 Nekas pénker shuaraitkiunka shiir ajasarti. Antsu nu shuar pénker itiarmachkunka shiir ajascharti.

10:14b.MAT.010.014 Tura Nánkamsan atumin awaintiamainiachkuinkia anturtamainiachkuinkia Nuyá Jíinkitiarum. Nu shuar yajauch ásarmatai Jíinkirum Atumí naweya nunka japimiarum ikiuktiarum. Ni tunaari aents nekaawarat tusarum Túratarum.

10:15b.MAT.010.015 Nu shuaran nekapsatin tsawant jeamtai Yus Asutiáshtatuak. Sutum péprunmaya shuara nankaamas Kumura péprunmaya shuarnasha nankaamas Yus Asutiáttawai nu shuaran' Tímiayi.

10:16b.MAT.010.016 `Aneartarum. Wisha murik yawanum akupkatniua aintsanak akupeajrume. Tuma asamtai shiir nawamkartin áyatrum aneartarum.

10:17b.MAT.010.017 Yajauch shuarjai aneartarum. Akupniunam juramkiartatui. Israer-shuar iruntainiam asutiamawartatui.

10:18b.MAT.010.018 Wíi shuar asakrumin uuntnumsha tura Nuyá akupniunmasha juramkiartatui. Núnisrum akupniuncha tura Israer-shuarchancha winia chichamur ujaktatrume.

10:19b.MAT.010.019 Tura akupniunam surutmakakrumnisha wariniak Títiaj tu Enentáimprairap. Nui uuntjai chichaakrumin Yus Títinian jintintramattarme.

10:20b.MAT.010.020 Nuinkia átum Enentáimmiajai chichaschattarme antsu Atumí Apari Yusa Wakaní atumin chichamtikramsattarme.'

10:21b.MAT.010.021 `Shuar ni yachincha Máawarti tusa suruktatui. Apasha ni Uchirín surukartatui. Uchisha ni Aparín Máawarti tusa surukartatui.

10:22b.MAT.010.022 Tura Wíi shuar asakrumin mash Muíjramkartatui. Tura tuke katsuntea nu uwemprattawai.

10:23b.MAT.010.023 Chikichik péprunam yajauch awajtamainiakui Chíkich péprunam pisartarum. Wi Aents Ajasuitjai. Tuma asan nekasan Tájarme, átum Israer-shuar mashi ujatsrumnin wantinkiattajai.'

10:24b.MAT.010.024 `Unuiniamuka niin unuiniana nuna nankaamaschaiti. Takarniusha ni uuntri nankaamaschaiti.

10:25b.MAT.010.025 Unuiniamuka niin unuinia nujai métek ajaska maak. Takarniusha ni uuntrijiai métek ajaska maak. Wátsek, Winia Atumí uuntrin "Iwianchi uuntri" Túrutainiakui atumniasha nuna nankaamas yajauch turamtatui.'

10:26b.MAT.010.026 `Tuma asamtai aentska ashamkairap. Ashí uukma nu paant nekanattawai.

10:27b.MAT.010.027 Ishishmasan kiritniunam ujaajrumna nu, Tsawái kakantrarum etserkatarum.

10:28b.MAT.010.028 Aya ayashin main ainia nu ashamkairap. Wakanin Máachmin ainiawai. Antsu wakanniasha ayashniasha mai jinium emesramnia asamtai Yus ashamkatarum.'

10:29b.MAT.010.029 `Jimiará chinki penké ishichik kuitjai surukmin ainiawai. Túmaitiat Yus tsankateachkuinkia Nunká jaka iniainiatsui.

10:30b.MAT.010.030 Ame intiashmisha mash nekapmarmaiti.

10:31b.MAT.010.031 Nu asamtai Jákatin ashamkairap. Yusjai átumka ti Untsurí chinkijiai nankaamas pénkerchakaitrum.'

10:32b.MAT.010.032 `Ashí shuar Ashí iimiainiain Winia natsantruiniatsna Núnaka Winia Apar Yakí nayaimpiniam pujana nui natsantrashtatjai.

10:33b.MAT.010.033 Antsu shuar iimiainiain Winia natsantra Núnaka Wisha Yakí nayaimpiniam winia Apar pujana nui natsantrattajai.'

10:34b.MAT.010.034 `Ashí shuar nawamnaikiar shiir pujusarat tusan ju nunkanam Táchaitjai. Nuna Túrat tusarum Enentáimturairap. Antsu wi tamaajai shuar pénker ajasarmatai yajauch shuar niin nakitrartatui.

10:35b.MAT.010.035 Shuar ni Aparín nakitrattawai. Nuwasha Nukurín nakitrattawai. Najatísha Tsatsarín nakitrattawai.

10:36b.MAT.010.036 Tuma asa shuar ni shuarijiai nemasrintin ártatui.'

10:37b.MAT.010.037 `Shuar ni Aparíncha Nukuríncha Wijiai nankaamas aneakka Wíi shuar áchamniaiti. Núnisan ni Uchiríncha nawantrincha nankaamas aneakka Wíi shuar áchamniaiti.

10:38b.MAT.010.038 Tura Ashí Wáitsatniun surimiatsuk ni Krúsrin yanaki Jukí nemartachkunka Wíi shuar áchamniaiti.

10:39b.MAT.010.039 Aya Jú nunkanam pénker pujustaj tana nu ni iwiaakmarin emesrattawai. Tura Winia anentu asa ju nunkanam pénker pujustinian Páchiatsna nu tuke shiir pujustatui.'

10:40b.MAT.010.040 `Atumin itiaarma nuka Winia itiaarui. Tura itiaarea nuka Winia akuptukmia nunasha itiaawai.

10:41b.MAT.010.041 Yúsnan etserniuncha Yúsnumia Winiá asamtai itiaakka etserin Akínkiáttana nujai métek Akínkiáttawai. Pénker Shuárnasha pénker asamtai itiaakka pénker shuar Akínkiáttana nujai métek Akínkiáttawai niisha.

10:42b.MAT.010.042 Uchincha Wíi shuar asamtai Entsá michan shikirak Súsanka Imiá nekas nusha Akínkiáttawai." Tu Tímiayi Jesus.

11

11:1b.MAT.011.001 Tura tuse (12) unuiniamurin Jesus tinia akupkar Niisha Nú nunka péprunam we Yus-Chichaman Jintíak etserkamiayi.

11:2b.MAT.011.002 Tura Juan sepunam enkemas Kristu Túramun antukmiayi. Antuk ni unuiniamurin Jímiaran Jesusai akupkamiayi.

11:3b.MAT.011.003 Tura Jesusan aniasarmiayi "ṡNekas ame Kristu Yus akupkamu Tátinia nukaitiam. Kame chikichak Nákastataj~i?"

11:4b.MAT.011.004 Tutai Jesus Tímiayi "Waketkirum Ashí ántarmena nusha Wáintrumna nusha Juan ujaktarum.

11:5b.MAT.011.005 Kusurusha Wáinmainiawai. Shutuapsha wekainiawai. Tunamarusha pénker ajainiawai. Empekarusha ántuiniawai. Jákarusha nantainiawai. Tura Kuítrinchanmasha uwempratin chicham ujakmaiti. Nu ujaktarum.

11:6b.MAT.011.006 Túrasha yawetsuk Winia tuke shiir Enentáimturna Nú shuar shiir átatui." Jesus nuna tutai waketkiarmiayi.

11:7b.MAT.011.007 Waketkiarmatai shuar Káunkarun Jesus Juánkan pachis áujmatmiayi. "Shuar atsamunmasha ṡWarí werimiarum? Pintiu nase Umpúam Atúu we Juní we ajana nuka ṡiistai tusarumek wémarum? Kame Juankka Nú shuarchaiti.

11:8b.MAT.011.008 Nuikia ṡWarí werimiarum. Shuar pénker iwiarmampra iistai tusarmek wémarum? Warí, pénker iwiarmampraka uunta jeen pujuiniatsuk.

11:9b.MAT.011.009 Nuikia ṡWarí werimiarum. Yúsnan etserniuk werimiarum? Maa, Túrachmashiuram. Túrasha Juankka yaunchu etserniu nankaamas Enentáimtustiniaiti.

11:10b.MAT.011.010 Yaunchu Yus-Papinium aarmaiti: "Winia akatramurun amiini emka akupeajai ame jintimin iwiarat tusa." Juan nu akatramuiti.

11:11b.MAT.011.011 Nekasan Tájarme, shuar imiakratin Juanjai nankaamas uunt atsuwiti. Tuma ain Yus akupeamunam pachiinia nu shuarnaka, nekasmianchancha, Juanjai nankaamas shiir Enentáimtustiniaiti. Tuma asamtai nui pachiinkiatin Enentáimpratarum.'

11:12b.MAT.011.012 `Kakaram shuarka imiakratin Juan Támia Nú tsawantnumia Yus akupeamunam ti pachiinkiatniun wakeruiniak kakarmajai pachiinkiatniun Enentáimiainiawai.

11:13b.MAT.011.013 Juan pujumia Nú yaunchu Ashí Yúsnan etserin armia nusha tura Muisais akupkamusha Yus akupin ajastinian etserkarmiayi.

11:14b.MAT.011.014 Yaunchu Yúsnan etserin "Kristu Táatsain Erías Tátiniaiti" Tímiayi. Tura nekaatin wakerakrumka Juan nu Eríasaiti.

11:15b.MAT.011.015 Antuktin jeakrumka nekaatarum.'

11:16b.MAT.011.016 `Ju aentsnasha ṡwarijiai métek nakumkataj? Uchijiai métek ainiawai. Ni aijiai iruntrar nakurustaj Táyatan Tuíniawai

11:17b.MAT.011.017 "Námpera ainis nakurustaitsar peem umpuarji Túrasha Jantsemáchurme. Nuyá iwiarsatniua ainis nakurustaitsar íwiareakur kantamtai Kantamáji Túrasha átum uutcharme."

11:18b.MAT.011.018 Atumsha Núnisaitrume. Kame Juan Núkap yurumtsuk nijiamchincha úmutsuk wekaimiayi. Túmakui átumka "Yajauch wakantrukuiti" Tímiarme.

11:19b.MAT.011.019 Nuyá Wisha Aents Ajasu Támajai. Tura yurumeakui tura úmakui "Ti yurumin ti nampenaiti. Ashí yajauch shuaran amikrinti" Túrutrume. Wátsek, wi Túramujai Yus nekas nékamu nekanattawai."

11:20b.MAT.011.020 Nuyá tujintiamun Túramiania Nú peprunmaya shuaran pachis Jesus chicharkamiayi. Tuma ain Nuyá shuar ni Enentáin Yapajiácharu asamtai juna chicharkamiayi.

11:21b.MAT.011.021 "Wáinkiatá, Kurasín péprunmayatiram, Petsaitia péprunmayatirmesha. Nui aents tujintiamun ti Túraitjai. Tiru péprunmasha Setun péprunmasha nu tujintiamu Túramuitkiuinkia yaunchu ni Enentáin Yapajiáwaraayi. Túrawar Kúntuts pujutai Pushín entsarar yunkunim ajakiaraayi.

11:22b.MAT.011.022 Tura Wisha Tájarme, nekapsatin tsawant jeamtai Yus atumin Tí asuttiamattarme. Tirunmaya shuaran nankaamas tura Setunnumia shuaran nankaamas asuttiamattarme.'

11:23b.MAT.011.023 `Tura atumsha Kapernáum péprunmayatirmesha, Ashí nankaamas nankaamantu ajastin Enentáimtumarme. Antsu Ashí emestamprartatui. Atumiin aents tujintiamun ti Túraitjai. Sutuma péprunam nu tujintiamu Túramuitkiuinkia nu pepru yamaisha tuke aayi.

11:24b.MAT.011.024 Tura Wisha Tájarme, nekapsatin tsawant jeamtai Yus Sutumanmaya shuar nankaamas atumin asuttiamattarme."

11:25b.MAT.011.025 Nuyá Jesus Tímiayi "Shiir Enentáimtajme, Aparu, Ashí nayaimpisha nunkasha uuntrinme. Tuma asam Ame Túram nu ti unuimiaru Enentáimtumainia Nuyá úukuitme antsu uchichia ainis nankaamantu Enentáimtumainiatsna Nú shuar paant awajtusuitme.

11:26b.MAT.011.026 Ame, Aparu, Núnis wakera asam Túraitme.'

11:27b.MAT.011.027 `Winia Apar Ashí surusuiti. Wisha ni Uchirí asamtai Winia nékarui. Tura Chíkich Winia nekas nekarainiatsui. Yus Apancha Wiki nékajai. Tura Wi wakeraj Nú shuaran winia Aparun paant awajtajai. Nu shuarsha winia Aparun nékainiawai.

11:28b.MAT.011.028 Ashí pimpikniutirmesha itiurchat pujarmena nusha Winí winitiarum. Túrakrumninkia ayamtikrattajrume.

11:29b.MAT.011.029 Wi kajechu asan tura péejchach Enentáimin asamtai Winí winirum unuimiartarum. Winia chichamur ántakrum Umíakrumninka Atumí Wakaní ayamprattawai.

11:30b.MAT.011.030 Atumin akuptaj Nú Túratin Yúpichuchiiti. Káarkasha Wi Súajrumna nu wampuchiiti" Tímiayi Jesus.

12

12:1b.MAT.012.001 Nuyá Jesus ayampratin tsawantai ajanman ajapenin nankaamamiayi. Ni unuiniamurisha tsukarar trikiu neren majusar Yukí wekasarmiayi.

12:2b.MAT.012.002 Pariséu shuarsha nuna Wáinkiar Jesusan aniasarmiayi "Iista, ame unuiniamuram ayampratin tsawantai Túratin surimkiamua nuna Túruiniawai."

12:3b.MAT.012.003 Tutai Jesus Tímiayi "Yaunchu uunt akupin Tawitcha tura nemarniusha tsukamainiak Túrawarmia nu ántichukaitrum.

12:4b.MAT.012.004 Yusa Uunt Jeen Wayá Yus iniaktusma tantan Yuámiayi. Nu tantasha aya Israer-patrik Yúatin asamtai Tawitniasha tura ni nemarin ana nunasha suritkiamuyayi. Túmain Yúawarmiayi.

12:5b.MAT.012.005 Muisais akupkamunam aarma nu áujsachukaitrum. Israer-patrikia ayampratin tsawantai takainiayatan nusha tunaachuiti.

12:6b.MAT.012.006 Nekas Tájarme, Yamái Yusa Jeen Enentáimtustinia nuna nankaamas Wíniaka Aents Ajasuitjiana nu, nekas Enentáimtursatniuitrume.

12:7b.MAT.012.007 Yus-Papinium tawai: "Murik maam Winia surusum nujai "maakete" Tátsujai. Antsu waitnenkartutain wakerajai." Nu chicham nekas nékaitkiurmeka Yamái Túrarmena Núnisrum Tunáa Túrachu ántrarum Súmamtikiachaintrume.

12:8b.MAT.012.008 Wi Aents Ajasu asan ayampratin tsawantan uuntrintjai."

12:9b.MAT.012.009 Jesus Nuyá wé Israer-shuar iruntainiam wayamiayi.

12:10b.MAT.012.010 Nui shuar ámiayi ni uwejé jaka. Tura Jesusan ántar nekapsatai tusa wakeruinia ásar aniiniak "ṡAyampratin tsawantai jaa shuar tsuarminkiait?" tiarmiayi.

12:11b.MAT.012.011 Tutai Jesus Tímiayi "Atumsha Atumí Murikrí ayampratin tsawantai waanam akaiki iniamtai jusatai tusarum wéchaintrupash.

12:12b.MAT.012.012 Antsu shuarka murikjai nankaamaschakait. Tuma asamtai ayampratin tsawantaisha pénker ana nu Túramniaiti."

12:13b.MAT.012.013 Tinia iniais aishmankan uwejé jakan Tímiayi "Uwejém takuitia." Tutai uwejé Takuí Chíkich uwejéjai métek pénker ajasmiayi.

12:14b.MAT.012.014 Nuna Túramtai Pariséu shuarsha aa Jíinkiar Jesus itiurak Máawaintiaj~i tusar chichaman najatiarmiayi.

12:15b.MAT.012.015 Jesus niin Máatniun nekaama Nuyá Jíinkimiayi tura wéakui Untsurí shuar nemariarmiayi. Untsurí Jáiniancha Tsuámiayi.

12:16b.MAT.012.016 Tsuar "etserkairap" tinia akupiarmiayi.

12:17b.MAT.012.017 Yaunchu Yúsnan etserin Isayas Tímia nu uminkiati tusa Túrunamiayi. Niisha juna aarmiayi:

12:18b.MAT.012.018 "Júiti Wi achikmaj nu. Niisha Wi Tájana nuna umin asamtai ti aneakun Niijiai waraajai. Winia Wakantru kakarmarin takamtsuk susattajai. Túramtai winia uwempratin chichamprun Ashí Israercha nunkanmasha etserkattawai.

12:19b.MAT.012.019 Jiakchattawai tura kakaram chichaschattawai. Winia anturtukarat tusa péprunam weak untsukchartatui.

12:20b.MAT.012.020 Akupin ajatsuk shuar pintiu punua Núnis pimpiru ainia nuna Kúpitsuk Yáintatui. Núnisan shuar ji yama Ikiapámu ainis kakarmachu ainia nuna ikiajniatsuk Ikiakártatui. Tura Ashí nupetak ti pénker kakaram akupin ajastatui.

12:21b.MAT.012.021 Tura Israer-shuarchasha Niin nekas Enentáimtusartatui."

12:22b.MAT.012.022 Nuyá Jesusan shuar yajauch wakantrukun itiariarmiayi. Nu shuar jii kusurusha chichachusha ámiayi. Tura Jesus Tsuármatai paant iimsamiayi tura chichakmiayi.

12:23b.MAT.012.023 Nuna Wáinkiar shuar shiir Enentáimprar tiarmiayi "ṡTawitia Uchirí pampanku iniannamu uwemtikkiartin Tátinia Nuáshit?"

12:24b.MAT.012.024 Tura Pariséu shuarsha nuna antukar yajauch Enentáimtuiniak tiarmiayi "Juka iwianchi Kapitiántrin Pirsepún umirniuiti. Tuma asa nuna kakarmarijiai yajauch wakanin jiiki akupeawai."

12:25b.MAT.012.025 Jesus tu Enentáimainian neka asa Tímiayi "Nú nunkanmaya shuar nuamtak kajernaiyakuinkia Nú nunka wari meserchattawak. Núnisan nuamtak shuar Ní shuarjai Mánainiakka amunaikchartatuak.

12:26b.MAT.012.026 Núnisan íwianch nuamtak jiiki akupnainiakka Máanaikiar Wárik amuukashtatuak.

12:27b.MAT.012.027 Kame Wi Pirsepú iwianchi kakarmarijiai iwianchin jiiki akupeakuinkia Atumí Uchirísha ṡyana kakarmarijiain jiiki akupena? Ni Túramurijiai átum awajirma nekamatarum.

12:28b.MAT.012.028 Wi Yusa Wakaní kakarmarijiai yajauch wakanin jiiki akupea asamtai atumsha Yusa akupeamuri atumiin jeartamarmena nu nekaatniuitrume."

12:29b.MAT.012.029 `Iista. Shuar kakaram shuara Kuítrin kasarkatin wakerakka emka kakarman Jinkiá aya Túran ni jeen Wayá kasarkamniaiti. Wi iwianchin Jíikmiajai uunt iwianch nupetkamua nu nekaamniaiti.'

12:30b.MAT.012.030 `Wijiai tsanin pujatsna nuka winia nemasruiti. Núnisan Winia Yáintsuna nu aya itiurchat Nájateawai.'

12:31b.MAT.012.031 `Tuma asamtai Tájarme, Ashí shuar Tunáa Túruinia nusha yajauch chichainia nusha tsankuratin awai. Antsu Yusa Wakanin yajauch chicharin ainia nuka tsankurashtiniaiti.

12:32b.MAT.012.032 Winiasha Aents Ajasuitjiana nuna yajauch chichartuinia Nú shuarsha tsankuramniaiti. Tura Yusa Wakanin yajauch áujmatainia nuka penké tsankurachminiaiti. Ju nunkanmasha tura ukunmasha tsankurnarchattawai' Tímiayi.

12:33b.MAT.012.033 `Yutai numi pénkeran nereawai. Tseas numisha yajauchin nereawai. Ni nerejai numi nekaamniaiti. Núniskete atumjai.

12:34b.MAT.012.034 Tseas wenunniutirmesha, ṡatumsha itiurak Imiá yajauchitirmesha pénker chichamsha chichastarum? Shuar ni Enentáin Enentáimna nuna chichaawiti.

12:35b.MAT.012.035 Pénker shuar pénker Enentáimiu asa shiir chichaawiti. Tura yajauch shuar yajauch Enentáimiu asa yajauch chichaawiti.

12:36b.MAT.012.036 Tura Wisha Tájarme, nekapsatin tsawant jeamtai Ashí Enentáimtsuk chichakma nuna Yúsan paant ujakartatui.

12:37b.MAT.012.037 Iis, ame chichammijiai nekanattarme. Pénker chichakuitkiumka sumamashtatme. Tura pénker chichakchaitkiumka sumamattame."

12:38b.MAT.012.038 Pariséu shuarsha Israer-shuara jintinniurisha Jesusan chicharuk "Uuntá, ame Yúsaiyaitjai tusam nayaimpinmaya kakarmajai iniakmamu Túrata, iisha Wáinkiatai" tiarmiayi.

12:39b.MAT.012.039 Tutai Jesus Tímiayi "Shuar yajauch tura Yúsan Enentáimtachu ásar nayaimpinmaya iniakmamun seainiawai. Tuma asamtai, áyatik yaunchu Junas Túrunamu iniakmastiniaiti.

12:40b.MAT.012.040 Junas menaintiu kashi menaintiu tsawantcha namaka ampujen enkemsamiayi. Núnisnak Wi, Aents Ajasu asan, menaintiu kashi menaintiu tsawantcha Nunká jakan tepestatjai.

12:41b.MAT.012.041 Junás Níniwi péprunmaya shuaran Yus-Chichaman etserkamtai nu shuar ni tunaarin Enentáimtusar ni Enentáin Yapajiáwarmiayi. Tura jui Yamái Junasa nankaamas etserin Pujawai.wiitjai nusha, tura anturkachuitrume. Tuma asamtai nekapsatin tsawant jeamtai Níniwinmaya shuar Juyá shuaran Súmamtikiawartatui.'

12:42b.MAT.012.042 `Yaunchu nuwa yajaya shuaran uunt akupniuriyayi. Nu nuwa Sarumún ti neka asamtai niin anturkataj tusa tarimiayi. Tura jui Yamái Sarumúnjai nankaamas anturkamnia pujawai. Nusha Wiitjai. Tuma asamtai nekapsatin tsawant jeamtai nu nuwa Juyá shuaran Súmamtikiawartatui' Tímiayi.

12:43b.MAT.012.043 `Shuara Enentáiya yajauch wakan Jíinkin yumi penké Yútatsna nui wéawai. Tura nui pénker pujustinian Wáinkiach ataksha waketkitniun Enentáimiui.

12:44b.MAT.012.044 "Wi Jíinkimiaj nui waketkittiajai" tawai. Tura waketki shuara Enentáin pénker iwiaramu tura ankantan Wáiniak

12:45b.MAT.012.045 ni ain siati (7) iwianchin niijiai nankaamas yajauchin Itiá shuara Enentáin Enkemáwartatui. Túrunamtai nu shuar nuiki Núna nankaamas yajauch ajastatui. Núnisan Juyá shuar Túrunawartatui" Tímiayi Jesus.

12:46b.MAT.012.046 Jesus nu shuarjai tuke chichaak pujai ni Nukurísha ni Yachísha tariarmiayi. Tura aa wajasar Niijiai chichastaj tiarmiayi.

12:47b.MAT.012.047 Túramtai Jesusan ujakar "Ame nukusha yatsumsha aa wajasar chichastaj turamainiawai" tiarmiayi.

12:48b.MAT.012.048 Chichaman ujakmia nuna Jesus Tímiayi "ṡYa ainia winia nukursha winia yatsursha?"

12:49b.MAT.012.049 Nuyá ni unuiniamurin iniakmas Tímiayi "Ju ainiawai winia nukur tura winia yatsursha.

12:50b.MAT.012.050 Ashí shuar winia Apar nayaimpiniam pujana nu wakeramun umiiniana nu winia yatsur winia umar winia nukur ainiawai" Tímiayi.

13

13:1b.MAT.013.001 Nu tsawantai Jesus ni jeeya Jíinkin antumianka Kánmatkarin pujusmiayi.

13:2b.MAT.013.002 Tura ti Untsurí shuar Káunkarmatai kanunam enkemar nui pujusmiayi. Shuarsha antumianka Kánmatkarin pujusarmiayi.

13:3b.MAT.013.003 Túrunawarmatai Untsurí métek-taku chichamjai unuiniamiayi. "Atsaamin atsaamprataj tusa Jíinkimiai, Tímiayi.

13:4b.MAT.013.004 Atsaamki wesa arakri jintia Písunmasha iniaarmai. Tura chinki tariar yuawarmai.

13:5b.MAT.013.005 Chikichcha kaya írunmanum iniaarmai. Nunka ishichik asamtai Wárik tsapainiarmai.

13:6b.MAT.013.006 Tura nantu etsantramtai pénker Kankáprúrcharu asa sukuam Káararmai.

13:7b.MAT.013.007 Chikichcha Jankí nupanam iniaarmai. Tura janki Wárik tsakar nupetak ajakramai.

13:8b.MAT.013.008 Chikichcha pénker nunkanam iniaarmai. Nusha pénker nerekar Chíkich siansha (100) nerekarmai. Tura chikichcha sesenta (60) nerekarmai. Tura chikichcha trainta (30) nerekarmai.

13:9b.MAT.013.009 Kuishim ákuinkia antuktarum" Tímiayi.

13:10b.MAT.013.010 Nuyá ni unuiniamurin Jesusan taruntar aniiniak "ṡUrukamtai aya métek-taku chichamjai ju shuar unuiniam?" tiarmiayi.

13:11b.MAT.013.011 Tutai Jesus Tímiayi "Urukuk ju nunkanam Yus akupin ati, nuka yaunchu nekanachmiayi. Tura yamaikia Yus Ashí nuna atumin paant iniakturmawai. Antsu Chíkich nuna nekaachmin ainiawai.

13:12b.MAT.013.012 Kame Núkap takakna nu shuar Nú nukap patatnaktatui tura ti Núkap takustatui. Antsu ishichik takakna nuka ishichik takakuk juruktiniaiti. Núnisan Yusna ti nekarum Nú Núkapka Yúpichuch nekaattarme. Tura ishichik nékarum Wárik kajinmatkittiarme.

13:13b.MAT.013.013 Tuma asamtai aya métek-taku chichamjai unuiniajai. Nú shuarka iiniayatan Wáiniáiniatsui. Antuiniayatan ántachua Núnis nékainiatsui. Túmainiak Winia nekarainiatsui.

13:14b.MAT.013.014 Nujai yaunchu Yúsnan etserin Isayas timia nu uminkiaiti. Juna Tímiayi: "Ti ántayatrum anturkashtatrume. Wáiniatrumsha nekaashtatrume.

13:15b.MAT.013.015 Ju shuara Enentái Kátsuram ásar pénkera nuna nakitiainiawai. Nu asamtai pénker ántuiniatsui, jiisha Pusá ainis ainiawai. Túrachkunka paant nekaawarainti, tura nekas antukarainti, tura Enentáijiai Enentáimias Winia tsuarat tusa tarutiarainti."

13:16b.MAT.013.016 Tura átumka paant wainkia asarum pénker anta asarum Shíiraitrume.

13:17b.MAT.013.017 Nekasan Tájarme, Untsurí Yúsnan etserniusha tura pénker shuarsha átum Yamái Wáintrum nuna Wáinkiatniun wakeruiniayatan Wáinkiacharmiayi. Tura átum Yamái ántarme nuna antuktinian wakeruiniayatan antukcharmiayi' Tímiayi.

13:18b.MAT.013.018 `Ayu, antuktarum. Atsaampramu chichaman paant jintintiatjarme.

13:19b.MAT.013.019 Arak jintia Písunam iniaararma nuka shuar Yus-Chichaman ántayatan ni Enentáin ikiuiniatsna Núiti. Tura íwianch nu Yus-Chicham ni Enentáin atsaampramu ainis antukman kajinmatkiawai.

13:20b.MAT.013.020 Arak kaya írunmanum iniaarma nuka shuar Yus-Chichaman antuk waras umirainia Núiti.

13:21b.MAT.013.021 Tura Núkap kankaprurcharu ásar katsuiniatsui. Antsu itiurchatan ínkiuiniak tura Yus-Chichaman wakeruinia ásarmatai Chíkich yajauch áujmatam Wárik iniaisar ikiuiniawai.

13:22b.MAT.013.022 Arak Jankí nupanam iniaarma nuka shuar Yus-Chichaman antuk emka umirniua Núiti. Tura ju nunkanam írunna nuna tuke Páchiniak ni Kuítrincha ti Enentáimtuinia ásarmatai Ashí Yus-Chichaman Enentáimtamun Núpeteawai. Tuma asamtai nu aentsnum Yus-Chicham atsaampramu nereatsui. Yus-Chicham ni Enentáin takasma atsawai.

13:23b.MAT.013.023 Tura árak pénker nunkanam iniaarma nuka shuar Yus-Chichaman antuk pénker umirainia Núiti. Tura pénker nerenawai. Chíkich sian (100) nerekarma Núnis chikichcha sesenta (60) nerekarma Núnis chikichcha trainta (30) nerekarma Núnis ainiawai" Tímiayi Jesus.

13:24b.MAT.013.024 Jesus ataksha ju métek-taku chichaman áujmatsamiayi. "Shuar Yus akupeamunam pachiinkiartin Júnisaiti. Shuar pénker arakan, Tríkiun ni nunken araamai.

13:25b.MAT.013.025 Tura Ashí kanararmatai nemasri kashi taa trikiu arakmanum yajauch nupan aratak ikiukmiai.

13:26b.MAT.013.026 Trikiu tsapakar nereakui Nuyá yajauch nupasha Nusháa nereku asa ti paant ajasmai.

13:27b.MAT.013.027 Nuna iisar takainia nu ni uuntrin Werí tiarmai "Uunta, ṡpénker arak araachmakam. Itiura jusha yajauch nupasha tsapakuit?"'

13:28b.MAT.013.028 `Tutai nérentin timiai "Winia nemasur arakuiti." '`Takui ni takarniuri tiarmai "ṡYajauch nupan uwerat tusam wakeramek?" '

13:29b.MAT.013.029 `Tutai timiai "Atsá, uwerairap. Yajauch nupa uweaj tukamarum trikiu uweniirum.

13:30b.MAT.013.030 Iniaisatarum. Antsu métek tsakakti. Júuktin tsawant jeamtai winia takartinian emka yajauch nupan uwer irumar jinkiawarat tusan akupkartatjai. Tura aesawartatui. Tura trikiu neren Júukar pénker ikiusarat tusan akupkartatjai" timiai" Tímiayi Jesus.

13:31b.MAT.013.031 Jesus ataksha métek-taku chichaman áujmatsamiayi. "Shuar Yus akupeamunam pachiinkiartin mustasa jinkiaiya aintsankete. Shuar pénker nunken araamai.

13:32b.MAT.013.032 Mustasa Jinkiáikia Imiá uchichiitiat Tsapái tsakaakka Ashí numichijiai nankaamas uunt ajawai. Ti uunt asamtai chinki ni kanawen pasunmainiawai" Tímiayi Jesus.

13:33b.MAT.013.033 Núnisan Chíkich métek-taku chichaman áujmatsamiayi. "Shuar Yus akupeamunam pachiinkiartin karinia aintsankete. Nuwa nijiamchiniam karinia enkea mashi Páchimiawai. Tura nu mash karimtikiawai" Tímiayi.

13:35b.MAT.013.035 Ashí nuna Jesus métek-taku chichamjai áujmatsamiayi. Yaunchu Yúsnan etserin timia nu uminkiati tusa Túramiayi. Etserin juna aarmiayi: "Métek-taku chichamjai áujmattiatjai. Yámankamtaiknumia nékashtain etserkattajai" tu aarmiayi. Nu asamtai aya métek-taku chichamjain áujmatmiayi Jesus.

13:36b.MAT.013.036 Nuyá shuaran ikiukin Jesus Jeá Támiayi. Túramtai ni unuiniamuri tariar "Yajauch nupa áujmatmena nu paant awajsata" tiarmiayi.

13:37b.MAT.013.037 Tutai Jesus Tímiayi "Wi Aents Ajasuitjai. Wi pénker arakan atsaamkaitjai.

13:38b.MAT.013.038 Ashí nunka aja aintsaiti. Pénker Jinkiái Yus-shuaran Yus akupea nuna nakumeawai. Yajauch nupa iwianchna ainia nuna nakumeawai.

13:39b.MAT.013.039 Tura íwianch ii nemasri asa yajauch nupan arakuiti. Tura nunka Amúamunam Yusa suntari arakan Júuktinia aintsan shuaran yaruaktatui.

13:40b.MAT.013.040 Yajauch nupa irur jinium aesatniua aanis nunka Amúamunam Túrunattawai.

13:42b.MAT.013.042 Nui Wi Aents Ajasu asan winia suntarun akupkattajai. Tura Ashí tunaan Túruinia nunasha tura chikichan tunaanum útsuinia nunasha mash irurar jinium apeawartatui. Nuisha ti uutin ti Wáitsatniusha átatui.

13:43b.MAT.013.043 Antsu pénker Túruinia nuka ti shiir wincha ajasar ni Aparí akupeana nui etsa Núnis Tsáapnin ajasartatui. Wats, kuishim átsuk. Antukta.'

13:44b.MAT.013.044 `Shuar Yus akupeamunam pachiinkiatin kuit Nunká uukma aintsankete. Shuar nu Kuítian Wáiniak nuin ataksha uukmai. Tura ti waras waketki nu kuit niiniu Atí tusa Ashí ni takakman suruk nu nunkan sumakmai.'

13:45b.MAT.013.045 `Shuar Yus akupeamunam pachiinkiatin Júnisaiti. Shuar kayachin ti Shíirman eak wekaana aintsankete.

13:46b.MAT.013.046 Tura kayan Ashí nankaamas kuit jeean Wáiniak waketki Ashí takakna nuna suruk nu kayan niiniu Atí tusa Súmawai.'

13:47b.MAT.013.047 `Shuar Yus akupeamunam pachiinkiartin Júnisaiti. Shuar nekajai namakan Achía aintsankete. Nekan nayaantsanam ajuntak Niisháa namakaim Achíawai.

13:48b.MAT.013.048 Tura nekanam nemarmatai kukar jiiki, nui pénker namaknasha chankinnium chumpiniawai. Tura yajauch namaknaka ajapenawai.

13:49b.MAT.013.049 Núnisan átatui nunka Amúamunam. Yusa suntari taar Yus-shuaran tura íwianch shuaran akantrattawai.

13:50b.MAT.013.050 Tura íwianch shuarnaka uunt jinium apeattawai. Nuisha ti uutin ti Wáitsatin átatui." Nuna Ashí ni unuiniamurijiai áujmatsamiayi Jesus.

13:51b.MAT.013.051 Jesus nuna tinia amuk "ṡJu mash antukurmek?' Tímiayi. Tutai ni unuiniamuri "Ee, Uunta, Ashí antukji" tiarmiayi.

13:52b.MAT.013.052 Tuiniakui Jesus Tímiayi "Shuar Ashí Yúsnan pénker unuimiaruka aents Kuítriniua aintsankete. Ni ikiutairiya yamarmancha yaunchu sumakmancha jusamniaiti. Núnisan nu shuar Yamái nékamujaisha tura yaunchu nékamujaisha Yus-shuaran Yáintiniaiti."

13:53b.MAT.013.053 Jesus nu métek-taku chichaman áujmatas amuk Nuyá wémiayi.

13:54b.MAT.013.054 Tura ni péprurin Nasarétnum Jeá Israer-shuar iruntainiam Wayá unuiniamiayi. Tura Nuyá shuar antukar Tí enentaimprarmiayi. Tura "ṡJusha tui Imiá unuimiaruit, tiarmiayi. Itiurak aents tujintiamun Túramniait?

13:55b.MAT.013.055 Juka Karpintíru uchirinchukait. Nukurísha Marichukait. Tura ni yachisha Jakupu, Jusé, Semun, Jútas ainiatsuk.

13:56b.MAT.013.056 Tura ni umaisha iijiai írutra pujuiniatsuk. ṡNuikia itiura mash neka?" tiarmiayi.

13:57b.MAT.013.057 Túrawar Jesusan itiurchat Enentáimturarmiayi. Túramtai Jesus chicharuk "Yúsnan etserniun Ashí shuar pénker anturainiawai, antsu aya nuna nunkeyanka ni shuarinkia niin anturainiatsui" Tímiayi.

13:58b.MAT.013.058 Tura Nú shuar Jesusan Enentáimtuiniachu asamtai aentsti tujintiamun aya ishichik Túramiayi.

14

14:1b.MAT.014.001 Kariréa nunkanam Erutis akupniuyayi. Tura Jesus Túramuncha antukmiayi.

14:2b.MAT.014.002 Tura ni írutramurin Tímiayi "Nuka imiakratin Juan jakamunmaya nantaki Túrawai auka. Tuma asa aents tujintiamun Túrawai" Tímiayi. Kame Erutis Juankan maa asa Tímiayi.

14:4b.MAT.014.004 Akupin Erutis ni Yachí Jiripi nuwen Jirutíasan akintrukmatai Juan Erutisan "Ame yatsumi nuwé akintrukchatniuitme" Tímiayi. Tutai Erutis Juankan achik jirujai Jinkiá sepunam enkeatarum tusa akupkamiayi.

14:5b.MAT.014.005 Niisha Juankan Máataj Tukamá aentsun ashamiarmiayi. Ashí aents "Juan Yúsnan etserniuiti" Enentáimtuiniakui ashammiayi.

14:6b.MAT.014.006 Tura akupin Erutis akiiniamu tsawantri jeamtai Nú Námpertin Jirutíasa nawantri Ashí ipiaamu pujuiniamunam jantsemamiayi. Túramtai Erutis shiir Enentáimtak

14:7b.MAT.014.007 "Ame Ashí wakeram nu seattia, Tímiayi. Nekasan amastatjai, Yussha iirui" Tímiayi.

14:8b.MAT.014.008 Tutai nu nuwach emka ni nukuri akatramu asa Erutisan chicharuk "Imiakratin Juanka muuké tsupikiam amamkunam enkeram Surústá" Tímiayi.

14:9b.MAT.014.009 Tutai Erutis wake mesekmiayi. Túrasha "nekas Yus iirui" tiniu asa tura ni amikrisha antukaru asamtai umikmiayi.

14:10b.MAT.014.010 Ni suntarin sepunmayan Juanka muuken tsupik itiarti tusa akupkamiayi.

14:11b.MAT.014.011 Tura amamkunam itiar nuwachin Súsarmiayi. Tura niisha ni Nukurí susamiayi.

14:12b.MAT.014.012 Nuyá Juanka írutramuri tariar Ayashí jukiar iwiarsarmiayi. Túrawar Jesusan ujauwearmiayi.

14:13b.MAT.014.013 Jesus nuna antuk Ninki ni unuiniamurijiain kanunam enkemar arant aents atsamunam wémiayi. Túrasha nuna aents nekaawar kukarak weriarmiayi Jesusan.

14:14b.MAT.014.014 Kanunmaya Jíiniaj Tukamá Untsurí aentsun Wáinkiamiayi. Tura Wáiniak waitnentrarmiayi. Tura Jáiniancha Tsuárarmiayi.

14:15b.MAT.014.015 Kíakui ni unuiniamuri Niin tariar tiarmiayi "Kíawai, Uunta. Tura shuar Tíjiuch pujaaka atsawai. Ju aents akupkarta. Péprunam wear sumak yuuwearti" tiarmiayi.

14:16b.MAT.014.016 Tutai Jesus Tímiayi "ṡUrukamtaik wearat? Antsu atumek ayuratarum."

14:17b.MAT.014.017 Tutai tiarmiayi "Iikia takaktsuji. Aya senku (5) tantachik jimiarchik namakchijiain takakji."

14:18b.MAT.014.018 Tuíniakui Jesus "Wats, nu itiartitiarum" Tímiayi.

14:19b.MAT.014.019 Tinia aents Chírichriniam pujusarti tusa akupkamiayi. Nuyá senku (5) tantancha Jímiar namaknasha achik nayaimpiniam iimias Yúsan yuminsamiayi. Tura puur ni unuiniamurin aents ayuratarum tusa Súsarmiayi.

14:20b.MAT.014.020 Ashí Yurumáwar jémararmiayi. Tura nuyasha puunaruka tuse (12) chankin Tiármiayi.

14:21b.MAT.014.021 Nui Yurumáwarmia nusha nuwasha uchisha nekapmatsuk senku mir (5000) aya aishman ármiayi.

14:22b.MAT.014.022 Nuyá Jesus ni unuiniamurin kanunam enkemprarum amain émaa ajatarum tusa akupkarmiayi. Niisha aentsun akupkarmiayi.

14:23b.MAT.014.023 Akupkarsha naint waka Yúsan áujumiayi. Káshisha nui Ninki tuke pujumiayi.

14:24b.MAT.014.024 Tura antumian Tí wankaram asamtai kanu ajapén ajasmatai nase tukumma entsa tamparukmiayi.

14:25b.MAT.014.025 Tsawaana ai nii tuke wenai Jesus Entsá Pátatek wekas pujuiniamunam jeamiayi.

14:26b.MAT.014.026 Tura ni unuiniamuri Entsá Pátatek wekaan Wáinkiar ti sapijmiakarmiayi. Tura ashamainiak "wakanchashit" tiarmiayi.

14:27b.MAT.014.027 Tuíniakui Jesus tiarmiayi "Kakaram ajastarum. Wiitjai. Ashamprukairap."

14:28b.MAT.014.028 Takui Pítiur chicharuk Tímiayi "Uunta, Ametkumka nui wekasa jeatin untsurkata."

14:29b.MAT.014.029 Takui Jesus Tímiayi "Wats, Winitiá." Tutai Pítiur kanunmaya akaikin Jesus wajana nui jeataj tusa Entsá Pátatek wekasamiayi.

14:30b.MAT.014.030 Tura ti nasen Násentun Nekáa ashamkamiayi. Ashama asa Entsá wayamiayi. Tura "Uuntá, achirkata" tu untsummiayi.

14:31b.MAT.014.031 Nu chichamtaik Jesus uwejnum achik Júak "Maa, Yus Imiá ishichik Enentáimtuschamek" Tímiayi.

14:32b.MAT.014.032 Tura kanunam Enkemáwarmatai nasesha menkakamiayi.

14:33b.MAT.014.033 Túramtai kanunam enkemarmia nusha Jesusan tikishmatar chicharuk "Nekas ame Yusa Uchirínme" tiarmiayi.

14:34b.MAT.014.034 Tura amaini katinkiar Jinisarít nunkanam jearmiayi.

14:35b.MAT.014.035 Tura Nuyá aents Jesusan nekaawar nu nunkanam Ashí ujanairarmiayi. Túrawar jaancha ni pujamunam itiariarmiayi.

14:36b.MAT.014.036 Ni pushirinkisha antintai tusar seawarmiayi. Tura antinkiarmia nuka pénker ajarmiayi.

15

15:1b.MAT.015.001 Nuyá Jerusarén péprunmaya Pariséusha yaunchu akupkamu jintinniurisha Jesusan tariar aniasarmiayi

15:2b.MAT.015.002 "ṡUrukamtai ame unuiniamuram ii uuntri yaunchu jintintrarmia nuna uminiatsu? Iis, ikijmiatskesha Yurumáiniawai" tiarmiayi.

15:3b.MAT.015.003 Tuíniakui Jesus aniasarmiayi "ṡUrukamtai atumsha Yus akupkamu umirtsuk aya aents akupkamu umiirum?

15:4b.MAT.015.004 Iis, Yus Tíchamkia: "Ame apa, nukusha shiir Enentáimtustarum." Tura "Shuarsha ni Aparíncha Nukuríncha katsekka nu shuar jakati" Tíchamkia.

15:6b.MAT.015.006 Antsu átumka Tárume "Shuar Ashí niiniu írunna nuna mash "Yúsnaiti" takui nuikia nujai ni Aparíncha Nukuríncha Yáinchamniaiti, Tárume. Niin Yáintinian nakitiak ayatik "Ashí winia ainiana nu Yusna asamtai Yáinchamniaitjame" Títiniaiti" Tárume. Núnisrum Tákuram Yus akupkamu iniaisarum aya aents akupkamu umiirume, Tímiayi.

15:7b.MAT.015.007 Antra chichamtiniaitrume. Yúsnan etserin Isayas yaunchu nekas atumin aartampramiayi juna:

15:8b.MAT.015.008 "Ju aents ni wenejai shiir awajtuiniawai, tura ni Enentái jeachat pujuiniawai.

15:9b.MAT.015.009 Tura tukeneasan shiir awajtuiniawai. Aentsu chichamen jintintiainiayat "Yusa chichamente" tuiniawai." Tu aarmiayi" Tímiayi Jesus.

15:10b.MAT.015.010 Tinia shuaran untsuk tiarmiayi "Ju antukrum pénker nekaatarum.

15:11b.MAT.015.011 Aents Yúana nuka Shuáran yajauch awajsashtatui. Antsu wenunmaya jiinia nuka Shuáran yajauch awajeawai" Tímiayi.

15:12b.MAT.015.012 Nuyá ni unuiniamuri Jesusan tariar "Maa, Pariséu ame chichammin antukar ti itiurchat Enentáimprarai" tiarmiayi.

15:14b.MAT.015.014 Tuíniakui Jesus Tímiayi "Ikiuktiarum. Kusuru aintsan ainiawai. Tura kusuruncha jintintiainiawai. Mai kusuru ásar mai Wáanam akaiki iniaawartatui. Wats, ajanam Nupá aintsan ainiawai. Tura Ashí winia Apar nayaimpiniam pujana nu araachmaka takamtsuk uwé ajapamu átatui" Tímiayi Jesus.

15:15b.MAT.015.015 Takui Pítiur Jesusan Tímiayi "Nu métek-taku chicham paant awajsata."

15:16b.MAT.015.016 Tutai Jesus Tímiayi "ṡAtumsha nekaachurmek.

15:17b.MAT.015.017 Enentáimprachurmek? Ashí wenunam wayaana nu wakenam wéatsuk. Tura Nuyá iniankastiniaiti.

15:18b.MAT.015.018 Antsu wenunmaya jiinia nu Enentáinmaya jiiniu asa aentsun yajauch awajeawai.

15:19b.MAT.015.019 Enentáinmaya Ashí yajauch Enentáimsatin Jíiniainiawai. Mankartuatniusha, chikicha nuwé kasamkatniusha, tsanirmatniusha, kasamkatniusha, Wáitruatniusha, yajauch áujmatsatniusha

15:20b.MAT.015.020 Ashí nu ainiawai nekaska Shuáran yajauch awajeana nu. Tura ikijmiatsuk Yurumátniuka Shuáran ni Enentáin yajauch awajeatsui" Tímiayi.

15:21b.MAT.015.021 Jesus Nuyá jiinki Tiru péprunmasha Sitiun péprunmasha wémiayi.

15:22b.MAT.015.022 Tura nu nunkanmaya nuwa Jesusan Tarí Tímiayi "Uunta, uunt akupin Tawit ame weatrum asamtai winia waitnentrurta. Nawantur yajauch wakantruku asa ti Wáitrutawai" Tímiayi.

15:23b.MAT.015.023 Tura Jesus áikchamiayi. Tura ni unuiniamuri tariar "Awemata, tiarmiayi. Tuke untsumki apapétmaji" tiarmiayi.

15:24b.MAT.015.024 Nuyá Jesus Tímiayi "Aya Israer-shuarnum menkakaru ainia nuna eaktinian Yus akuptukuiti."

15:25b.MAT.015.025 Túrasha nuwa tikishmatar Tímiayi "Uunta, waitnentrurta."

15:26b.MAT.015.026 Tutai Jesus Tímiayi "ṡUchí apatkuri jurukir Yawá susamniakait?" Tímiayi.

15:27b.MAT.015.027 Tutai nuwa Tímiayi "Nekas, Uunta, tame. Tura yawasha ni aentsri yurumainiakui Nunká iniaarun Yuíniatsuk."

15:28b.MAT.015.028 Takui Jesus Tímiayi "Maku, nekas Winia Enentáimtursaitme. Ame wakeram Núnisan Atí" Tímiayi. Tura nu chichamaik ni nawantri pénker ajasmiayi.

15:29b.MAT.015.029 Jesus Nuyá jiinki Kariréa antumianka Káanmatkarin waketkimiayi. Tura naint waka nui pujusmiayi.

15:30b.MAT.015.030 Nui Untsurí aents Niin tariar shutuapnasha kusuruncha chichachuncha tsupirkamuncha Chíkich Jáiniancha itiariarmiayi. Túrawar nawenam aeprusarmiayi. Túram tsuararmiayi.

15:31b.MAT.015.031 Nuna iisar chichachusha chichainiakui, tsupirkamusha pénker ajainiakui, shutuapsha pénker wekainiakui, kusurusha Wáinmainiakui, ti shiir Enentáimprarmiayi. Yus ni aentsrin Israeran Yáinmatai shiir yuminsarmiayi.

15:32b.MAT.015.032 Nuyá Jesus ni unuiniamurin untsukar tiarmiayi "Ju aentsun waitnentainiajai. Warí, menaintiu tsawant Wijiai yurumtsuk yujainiatsuk. Ayurtsuk ni jeen akupkachminiaitjai. Jintiá pimpiki Wáitsartatui."

15:33b.MAT.015.033 Ni unuiniamuri tiarmiayi "Túrasha, Uunta, ṡshuar atsaasha tuyan yurumak Imiá sumaktaj~i ju aents ayurawartincha?"

15:34b.MAT.015.034 Jesus aniasarmiayi "ṡUrutma tanta takakrum?" Tutai niisha "Siati (7) tanta Nuyá ishichik namak takakji" tiarmiayi.

15:35b.MAT.015.035 Nuyá aents Nunká pujusarti tusa akupkamiayi.

15:36b.MAT.015.036 Tura siati tantan achik namaknasha achik Nuyá Yúsan yuminsamiayi. Tura puur aents ayuratarum tusa ni unuiniamurin susamiayi.

15:37b.MAT.015.037 Ashí Yurumáwar jémararmiayi. Tura puunaru siati chankin Tiármiayi.

15:38b.MAT.015.038 Tura nui Yurumáwaruka nuwasha uchisha nekapmatsuk aya aishmankak kuatru mir (4000) ármiayi.

15:39b.MAT.015.039 Nuyá Jesus aentsun akupak kanunam enkemar Maktara nunkanam wémiayi.

16

16:1b.MAT.016.001 Pariséusha tura Satuséusha Jesusan nekapsatai tusar tariarmiayi. Túrawar "Ame Yúsaiyaitkiumka kakarmarmijiai nayaimpinnmaya iniakmasta, iisha Wáinkiatai," tiarmiayi.

16:2b.MAT.016.002 Tutai Jesus Tímiayi "Atumka "Kapaaku péetar Kíntiamkui kashin esatrurtatui" Tíniuitrume.

16:3b.MAT.016.003 Túrasha "Te ajas kapaaku péetar tsawaakui yumi yajauch átatui" Tíniuitrume. Tura nekasaiti. Maa, átumka nayaim iisrum ju nunkanam Túrunattana nu nékarme. Antsu Yus Yamái Jú nunkanam tura nuka nékatsrume. Antraitrume.

16:4b.MAT.016.004 Aents yajauch ásar tura Yusan Enentáimtachu ásar kakarmajai iniakmamun wakeruiniawai. Túrasha áyatik Junas Túrunamia nuke iniakmastiniaiti" Tímiayi. Tinia ikiuak wémiayi.

16:5b.MAT.016.005 Tura Entsá amaini katinkiar ni unuiniamuri tantan Júkitniun kajinmatkiarmiayi.

16:6b.MAT.016.006 Nuyá Jesus Tímiayi "Wáinkiatarum, Pariséusha Satuséusha wakaprutai takakainia Nújaisha aneartarum."

16:7b.MAT.016.007 Tutai ni unuiniamuri tiarmiayi "Ii tanta itiachakrin Tátsuk."

16:8b.MAT.016.008 Jesus nuna antuk Tímiayi "ṡUrukamtai tanta itiachji tunaiyarum. Yusa kakarmari kajinmatkintrumek.

16:9b.MAT.016.009 Senku tantajai Túramiaj nu kajinmatkintrumek. Senku mir (5000) aishmankan ayuramtai Untsurí chankin Tiármia nu Enentáimtsurmek.

16:10b.MAT.016.010 Tura siati tantajai kuatru mir (4000) aishmankan ayuramtai nuna ishichik chankin Tiármia nu kajinmatkintrumek.

16:11b.MAT.016.011 Itiurak Imiá nékatsrum? Wi Pariséu wakaprutairisha Satuséu wakaprutairisha aneartarum Tákun penké tantan Tátsujai" Tímiayi.

16:12b.MAT.016.012 Nuna Jesus takui ni unuiniamurisha nekaawarmiayi. Penké tantaa wakaprutairin Tíchamiayi antsu Pariséusha Satuséusha unuiniatairin Tímiayi.

16:13b.MAT.016.013 Tura Sesaria-jiripiunam jeawar Jesus ni unuiniamurin aniasarmiayi "Aents Ajasuitjiana juna ṡyaiti turutainiawa Winia?"

16:14b.MAT.016.014 Niisha ayak tiarmiayi "Chíkich, imiakratin Juánkaiti turamainiawai. Chíkichka, Eríasaiti turamainiawai. Chikichcha Jeremíasaiti, chikichcha Chíkich aents Yúsnan etserniuiti turamainiawai" tiarmiayi.

16:15b.MAT.016.015 Tutai nincha aniiniak "ṡAtumsha yaiti Túrutrum?" Tímiayi.

16:16b.MAT.016.016 Semun Pítrusha "Ametme Kristu, Yus Anaikiamu. Nekas iwiaaku Yusa Uchirínme" Tímiayi.

16:17b.MAT.016.017 Tutai Jesus Tímiayi "Shiiraitme Junasa Uchirí Semunka. Núnaka aents ujatmakchaiti antsu winia Apar nayaimpiniam pujana nu ujatmakmatai nekaam tame.

16:18b.MAT.016.018 Tura Wisha Tájame, ame Pítruitme, kayach Tútaim. Nu kayanam jea jeamtinia aintsan Yus-shuaran ekenin tsakatmartatjai. Túramtai Jákatniusha tura Yusa nemasrisha nu jeamman pukukchattawai.

16:19b.MAT.016.019 Yus akupeamu yawincha amastatjai. Ju nunkanam jinkiatniusha Atíatniusha amasmaiti. Tuma asamtai ame ju nunkanam suritiam nu nayaimpinmasha suritniaktatui. Tura ju nunkanam tsankateam nu nayaimpinmasha tsankatnaktatui" Tímiayi.

16:20b.MAT.016.020 Nuna tinia Jesus ni unuiniamurin Krístuitiaj nu etserkairap tinia akupkarmiayi.

16:21b.MAT.016.021 Nuyá Jesus juna unuiniatan nankammiayi. "Wi Jerusarénnum wétiniaitjai. Nui Israer-shuara uuntrisha, Israer-patri uuntrisha, Israer-shuara jintinniurisha ti Wáitkiarsartatui. Nuyá mantuawartatui Túrasha Menaintiú tsawantai nantaktiatjai."

16:22b.MAT.016.022 Takui Pítiur arantach Jukí chicharuk Tímiayi "Uunta, nuka penké áchatniuiti. Aminkia Túrutmacharminiaiti."

16:23b.MAT.016.023 Jesus ayanmatar Pítrun Tímiayi "Werumta, Satanása. Yajauch awajtame. Ameka Yus wakeramu Enentáimtsume. Antsu Jú nunkanam Enentáimainia ainis Enentáimme."

16:24b.MAT.016.024 Nuyá Jesus Ashí ni unuiniamurin Tímiayi "Shuar Winia nemartustaj tusa wakerakka ni wakeramurin iniais ni krusi yanaki Winia nemartusti.

16:25b.MAT.016.025 Shuar áyatik pénker pujustaj Tákunka nu shuar uwemtsuk jakattawai. Antsu Jákatniuitkuisha pénker pujustinian Enentáimtsuna Nú shuar nekas iwiaakman wainkiattawai.

16:26b.MAT.016.026 Wats, shuar Ashí Jú nunkanam írunna nuna sumakka tura nujai ni wakani émeseak ṡitiurak pénker pujustin? Shuara Wakaní emesramu ṡAshí Jú nunkanam írunna nujai iwiaramniakait?

16:27b.MAT.016.027 Wi Aents Ajasu asan, winia Aparu kakarmarijiai tura ni suntarijiai tana Ashí Shuáran ni takasmajai métek akiktatjai.

16:28b.MAT.016.028 Paant Tájarme, shuar jui wajainia ju Játsuk Wi akupin ajasmatai Wáitkiartatui" Tímiayi.

17

17:1b.MAT.017.001 Nuyá sais (6) tsawant nankaamasar Pítruncha, Jakupuncha, tura ni yachi Juannasha Níniak Júkiar Jesus Náinnium Yakí wakamiayi.

17:2b.MAT.017.002 Nui Jesus Nusháa iira ajattsarmiayi. Ni yapisha etsaya ainis wincha ajasmiayi. Ni pushirisha ti puju jiitsumir ajasmiayi.

17:3b.MAT.017.003 Nuisha Muisaisnasha Eríasnasha Jesusjai chichainian Wáinkiarmiayi.

17:4b.MAT.017.004 Nuyá Pítiur Jesusan Tímiayi "Uunta, ti shiir pujaji jui. Wakerakminkia menaint aakmaktai, Aminiu chikichik tura Chíkich Muisaisnasha, tura chikichcha Eríasna."

17:5b.MAT.017.005 Tura Pítiur tu auju Wajái yurankim ti puju amuamiayi. Tura nu yuranminmaya chichaman antukarmiayi. "Juka winia aneamu Uchiruiti, Tímiayi. Niin ti shiir Enentáimtajai. Nii pénker anturkatarum" Tímiayi. Tu chichasmiayi Yus.

17:6b.MAT.017.006 Nuna ni unuiniamuri antukar ti ashamkar Pákea ajakiarmiayi.

17:7b.MAT.017.007 Túrunawarmatai Jesus Táriar antin "Ashamkairap, nantaktiarum" tiarmiayi.

17:8b.MAT.017.008 Tura pankainiar iimiaj Tukamá aya Jesusan Wáinkiarmiayi.

17:9b.MAT.017.009 Nuyá Náinniumia akainiak Jesus tiarmiayi "Atum iisurmena nu penké etserkairap. Wi Aents Ajasu asan jakamunmaya nantaatsain etserkairap' Tímiayi.

17:10b.MAT.017.010 Nuyá ni unuiniamuri Jesusan aniiniak "ṡUrukamtai iin jintintramin "Kristu Táatsain Erías emka Tátiniaiti" tuinia?" tiarmiayi.

17:11b.MAT.017.011 Tuíniakui Jesus aikmiayi "Nekas Erías Tátiniaiti. Tura nii mash iwiarattawai.

17:12b.MAT.017.012 Kame nekas Erías Táwiti tura niin nekaacharmai. Antsu aents wakeriarmia nuna Túrawar yajauch awajsarmiayi. Núnisan Winiasha, Aents Ajasu ain, Wáitkiarsartatui."

17:13b.MAT.017.013 Nuna takui ni unuiniamuri imiakratin Juánkan áujmatui, tu Enentáimprarmiayi.

17:14b.MAT.017.014 Ataksha aents matsatmanum jeawarmatai shuar Jesusan Tarí tikishmatramiayi.

17:15b.MAT.017.015 Tura Tímiayi "Uuntá, winia uchir waitnentrutrata. Wainchi tukum ti Wáitniuiti. Jiniumsha patamniuiti. Entsasha iniainaiti.

17:16b.MAT.017.016 Ame unuiniamurmincha itiarjiai Túrasha tujinkiarai."

17:17b.MAT.017.017 Takui Jesus Ashí Tímiayi "Maa, Yus penké Enentáimtichuitrume. Imiá úmichuitrume. ṡWi atumin katsuntu ajatniukaitjiarum? Wats, uchi itiartitiarum" Tímiayi.

17:18b.MAT.017.018 Itiarim Jesus yajauch wakanin jiiki akupkamiayi Uchí Ayashínia. Túramtai nu chichamaik pénker ajasmiayi.

17:19b.MAT.017.019 Nuyá urum ni unuiniamuri Jesusjai ninki pujusar áujmatainiak "ṡUrukamtai yajauch wakan Jíiktin iikia tujinkiamaj~i?" tiarmiayi.

17:20b.MAT.017.020 Tuíniakui Jesus tiarmiayi "Yus nekas Enentáimtachu asarum tujinkiarme. Túmaitiat nekasaiti mustasa Jinkiái Timiá uchichitiat ti uunt tsakaatsuk. Núnisan Yus ishichkisha Enentáimtakrumka nu naint ékemkata tutai nu naint Túrunattawai. Penké tujinkiashtatrume Yus nekas Enentáimtakrumka.

17:21b.MAT.017.021 Kame nu yajauch wakan jiiki akupkatniuka ijiarmam Yus áujsatniuiti."

17:22b.MAT.017.022 Jesus ni unuiniamurijiai Kariréa nunkanam wekas juna ujakarmiayi. "Wi Aents Ajasu asan, aentsnum surunkattajai tura mantamnattajai.

17:23b.MAT.017.023 Túrutawarmatai Menaintiú tsawantai nantaktiatjai." Tura ni unuiniamuri nuna antukar ti Kúntuts Enentáimprarmiayi.

17:24b.MAT.017.024 Jesus ni unuiniamurijiai Kapernáum péprunam jeawarmiayi. Tura Kuítian achin Pítrun tariar aniasarmiayi "ṡAtumi uuntri Israer-patrin akiktinia nuna Akínkiait?"

17:25b.MAT.017.025 Tutai Pítiur "Ee" Tímiayi. Tura Pítiur Jeá Wayá chichaatsain Jesus emka Tímiayi "Chíkich nunkanmaya akupin ṡyana Kuítrijiain takainia. Ni Shuáriniunkek atantainia. Antsu yajaya Shuárnan atantainiatsuk. Nekaschak, Semunká?"

17:26b.MAT.017.026 Tutai Pítiur "Nekas yajaya Shuárnan atantainiawai" Tímiayi. Jesus Tímiayi "Nuikia ni shuari ankant ainiawai. Iisha Núnisrik nu akiktin ankantaitji.

17:27b.MAT.017.027 Túrasha itiurchat Enentáimprarain tusar akiktai. Ame tsau jukim Entsá Wetá. Túram emka namak japikim iwiankam nui kuit Wáinkiattame. Nu jukim Wíniasha áminiusha akikmakta."

18

18:1b.MAT.018.001 Nu tsawantai ni unuiniamuri tariar Jesusan aniasarmiayi "Yus akupeamunam pachiinia nu ṡya Imiá nankaamantu áminiait?"

18:2b.MAT.018.002 Nuna Tuíniakui Jesus uchin untsuk ajapen awajtusar

18:3b.MAT.018.003 Tímiayi "Tí nekasan Tájarme, Atumí Enentáimtairi yapajiarum uchia ainis ajachkurmeka Yus akupeamunam pachiinkiachminiaitrume.

18:4b.MAT.018.004 Nu asamtai ju uchia ainis péejchach Enentáimtumana nuka Yus akupeana nui nekas nankaamantu ajasminiaiti.

18:5b.MAT.018.005 Nú arantcha Winia anentuk uchin itiaana Nú shuar Winiasha itiaareawai' Tímiayi.

18:6b.MAT.018.006 `Shuar ju uchin Winia umirtana nuna tunaanum ajuarmatainkia nuna Túratsain niisha kuntujén kayajai jinkiar nayaantsanam ajapen kunanam ajunmaitkiunka maak ainti, Tímiayi.

18:7b.MAT.018.007 Ju nunkanam Tunáa iniaatai írunuk tuke itiurchataiti. Antsu shuar chikichan tunaanum ajuarka ti itiurchatan inkiuntatui' Tímiayi.

18:8b.MAT.018.008 `Nu asamtai ame uwejem tura nawem tunaanum ajunmatniuitkiuinkia tsupikiam ajapata. Kame muntuch pujustin tura ukunam nayaimpiniam wétin pénkeraiti. Antsu kajinkiashtin jinium takamtsuk jeatniuka Imiá yajauchiiti.

18:9b.MAT.018.009 Núnisan ame jiimi tunaanum ajunmatniuitkiuinkia ukuinkiam ajapata. Kame chikichik jiijiai pujusam nayaimpiniam wétin pénkeraiti. Antsu jinium mai Jíintiuk wétin Imiá yajauchiiti' Tímiayi.

18:10b.MAT.018.010 `Uchi ainia nu nakitrairap. Yusa suntari niin Wáinkiatniua nu winia Aparui Tíjiuch pujuiniawai.

18:11b.MAT.018.011 Kame wi Aents Ajasu asan, menkaakarun eaktajtsan Táwitjai.'

18:12b.MAT.018.012 `Enentáimpratarum. Shuar sian (100) murikiun takakuitiat chikichik menkakamtai Untsurí menkakacharun Náinnium matsaak~u menkakan eaushtatuak.

18:13b.MAT.018.013 Wáinkiasha Untsurí menkakacharua nujai nankaamas waraschattawak.

18:14b.MAT.018.014 Núnisan atumi Aparí nayaimpiniam pujana nu, nu uchi chikichkisha menkakacharti tawai' Tímiayi.

18:15b.MAT.018.015 `Chikich Yus-shuar ámin yajauch Túrutmakuinkia nii werim áujsata. Tura ámechik werim ame yatsumjai chichasta. Anturtamkuinkia ame Yátsum Yáinkiume.

18:16b.MAT.018.016 Tura anturtamchakuinkia Nuyá chikichik shuar Jimiará shuarsha jukim ataksha weritia. Túram ataksha áujnaisatarum, niisha paant nekaawarat tusam.

18:17b.MAT.018.017 Túrasha yatsum tuke ántachkuinkia Yus-shuar iruntainiam iwiainiakta. Túrasha yatsum tuke ántachkuinkia Yus-shuarcha Núnisan Enentáimtusta nu shuar.'

18:18b.MAT.018.018 `Nekasan Tájarme, ju nunkanam suritiam nu nayaimpinmasha suritniaktatui. Tura ju nunkanam tsankateam nu nayaimpinmasha tsankatnaktatui.'

18:19b.MAT.018.019 `Núnisnak Tájarme, ju nunkanam pujusrum Jimiará Yus-shuartiram métek Enentáimprarum winia Apar nayaimpiniam pujana nu seakrumninkia wakerarmena nuna suramsattarme.

18:20b.MAT.018.020 Jímiar menaintiusha Yus-shuar Winia Enentáimturuk iruntrarmatai Wisha nui niijiai pujajai" Tímiayi Jesus.

18:21b.MAT.018.021 Takui Pítiur Werí Jesusan aniasmiayi "Uuntá, winia yatsur yajauch awajtakui ṡurutma tsankuratniuitiaj. Siátikik tsankuratniuitiaj?"

18:22b.MAT.018.022 Jesus aiyak "Siátik Tátsujme, antsu iniannatsuk tsankuratniuitme" Tímiayi.

18:23b.MAT.018.023 Tuma asa Jesus Yus akupeamunam pachiinkiaru tsankurnairartiniaiti tusa ju métek-taku chichaman áujmatuk Tímiayi, "Uunt akupin takarin tumashin akirkarat tusa untsukarmai.

18:24b.MAT.018.024 Yama Nánkamuk Tí nukap tumashmakua nuna untsukmai. Akikmakchamnia ti tumashmakuyi.

18:25b.MAT.018.025 Tura nu takakmau kuitri atsakui uunt akupin "Yajasma aitkiasrum nuartiuk uchirtiuk Ashí waririntiuk suruktarum, timiai. Nu kuitjai akirkati" timiai.

18:26b.MAT.018.026 Tutai nu takakmau uunt akupniun tikishmatar seak timiai "Uunta, waitneasam Nákarsatá. Auka, mash akiktatjame."

18:27b.MAT.018.027 Uunt akupin waitnentar mash tsankur ankant akupkamai.

18:28b.MAT.018.028 Tura Nú chichamaik Nú takakmau jiinki ni ain inkiunmai. Nú aisha niin ishichik tumashiiyi. Tura tsékenki suwenam achik chicharuk timiai "Wari akirkata tumashitmena nu."

18:29b.MAT.018.029 Tura ni ai niin tikishmatar timiai "Waitneasam Nákarsatá. Auka, mash akiktatjame" timiai.

18:30b.MAT.018.030 Túrasha nakitramai. Antsu tsankurtsuk sepunam enkeamai Ashí Akírkatí tusa.

18:31b.MAT.018.031 Chíkich takakmau nuna Wáinkiar ti Kúntuts Enentáimtuiniak uunt akupniun Ashí etsertukarmai.

18:32b.MAT.018.032 Nuna antuk uunt akupin untsuk Itiá timiai "Yajauchiitme. ṡWinia "waitnentrurta" Túrutkumin tsankurachmakjam?

18:33b.MAT.018.033 Amesha Núnismek ame aim tsankuratniuitme" timiai.

18:34b.MAT.018.034 Tinia uunt akupin kajekmai. Tura Ashí tumashin akikmatsuk asutniati tusa suntarnum surukmai."

18:35b.MAT.018.035 Jesus nuna áujmatas Amúak Tímiayi "Núnisan winia Apar nayaimpiniam pujana nu atumin Túrutmattarme atumi yachi nekas Enentáijiai tsankureachkurminkia."

19

19:1b.MAT.019.001 Jesus nuna tinia ikiuak Kariréa nunkanmaya wémiayi. Tura Jurtan entsa amain Jutía nunkanam jeamiayi.

19:2b.MAT.019.002 Untsurí aents nemariarmiayi tura Jáiniancha pénker awajsamiayi.

19:3b.MAT.019.003 Nui Pariséu Jesusan nekapsataj tusar aniasarmiayi "ṡShuar ni nuwen itiurchat akui ajapamniakait?"

19:4b.MAT.019.004 Tutai Jesus Tímiayi "ṡAtumka Yus-Papí áujsachukaitrum? Yámankamtaik Yuska Shuáran aishmankan nuwancha najanamiayi tawai.

19:5b.MAT.019.005 Tuma asamtai aishman ni Aparín ni Nukurín ikiuki ni nuwejai tsanin chikichik ayashtinia ainis ajasartatui, tu aarmaiti, Tímiayi.

19:6b.MAT.019.006 Tuma asa Jímiarcha antsu chikichik ayash ainiawai. Tuma asamtai shuar Yus apatkamia nuna, aents akankashtiniaiti' Tímiayi.

19:7b.MAT.019.007 Takui tiarmiayi "Nuikia ṡurukamtai Papí aarar nuwa ajapatniun Muisais tsankatkamia?"

19:8b.MAT.019.008 Tutai Jesus tiarmiayi "Timiá ántichu asakrumin nuwa ajapatniun tsankatkamiayi. Túrasha émkaka Núnischauyayi.

19:9b.MAT.019.009 Wi Tájarme, shuar ni nuwen Chíkichjai pujuschan ajapeakka tura chikichan nuatkunka tsanirmayi. Chíkich aishmansha nuwa ajapamun Nuátkanka nusha tsanirmayi" Tímiayi.

19:10b.MAT.019.010 Takui ni unuiniamuri tiarmiayi "Nuikia aishman ni nuwé penké ikiukchamniaitkiuinkia Nuátkachminiaiti."

19:11b.MAT.019.011 Jesus tiarmiayi "Nu chichamnaka mash antukchamin ainiawai. Antsu Yus nuna umiktin susamua nuke antukmin ainiawai.

19:12b.MAT.019.012 Chíkich Chíkich nuatkachmin ainiawai. Chíkich Nuátkachmin akiiniawaru ainiawai. Chikichcha aentsjai Nuátkachmin najanaru ainiawai. Chikichcha Nuátainiatsui Yus akupeamu takatan takastinian. Juna antuktinian Jeáka antukti."

19:13b.MAT.019.013 Nuyá Jesusan uchin itiariarmiayi. Niin antin Yúsan áujtusarat tusar wakeriarmiayi. Túruiniakui ni unuiniamuri chicharkarmiayi.

19:14b.MAT.019.014 Túruiniakui Jesus Tímiayi "Uchi Winí winitin tsankatkatarum. Suritkiairap. Kame ju uchia aintsan péejchach ainian nunak Yus akupkamniaiti."

19:15b.MAT.019.015 Tinia uchin miniakas Nuyá wémiayi.

19:16b.MAT.019.016 Shuar natsa Jesusan tarin aniasmiayi "Uuntá, pénkeraitme. Tuma asam turuttia ṡwarinia Túrakna tuke iwiaaku átataj?' Tímiayi.

19:17b.MAT.019.017 Tutai Jesus niin Enentáimtikrataj tusa Tímiayi "ṡUrukamtai pénkeraitme Túrutam. Shuar pénkerka atsatsuk. Aya Yúskechukait? Wats, tuke iwiaaku pujustaj Tákumka akupkamu Umírkartá."

19:18b.MAT.019.018 Tutai shuar "ṡTuna nekas umirkatniuitiaj?" Tímiayi. Takui Jesus Tímiayi "Mankartuawaip, tsanirmawaip, Kasámkáip, Chíkich shuar tsanumpruraip,

19:19b.MAT.019.019 ame apa nukusha Umírkatá, ame Shuárum ame ayashim aneamna Nútiksamek aneeta."

19:20b.MAT.019.020 Tutai natsa Tímiayi "Núnaka úchichik mash umiki tsakaruitjai. Nuyasha ṡWarí Táatrusa?" Tímiayi.

19:21b.MAT.019.021 Takui Jesus Tímiayi "Nekas pénker átaj Tákumka, weme ame Kuítrum Kuítrincha ainia nu Súsartá. Tura nayaimpiniam Kuítrintin ajastatme. Nuyá Winia Nemártústá" Tímiayi Jesus.

19:22b.MAT.019.022 Tura natsa nuna antuk Kúntuts wémiayi ti Kuítrintin asa.

19:23b.MAT.019.023 Nuyá Jesus ni unuiniamurin tiarmiayi "Nekasan Tájarme, Kuítrintin Yus akupeamunam pachiinkiatin ti itiurchataiti.

19:24b.MAT.019.024 Ataksha Tájarme, kamiriuka Kawái nankaamas uunt asa auja jiin wayachminiaiti. Núnisan Kuítrintin Yus akupeamunam pachiinkiatin ti itiurchataiti."

19:25b.MAT.019.025 Ni unuiniamuri nuna antukar Antúu ajarmiayi. Túrawar aniniainiarmiayi "ṡNuikia yaki uwempramniait?"

19:26b.MAT.019.026 Tuíniakui Jesus Ashí iisar Tímiayi "Aents uwempratniun nekas tujintiainiawai antsu Yuska Ashí tujintiatsui."

19:27b.MAT.019.027 Nuyá Pítiur Tímiayi "Uuntá, iikia Ashí ikiukchajik Amin nemarsatai tusar. ṡWarin Wáinkiattaj~i iisha?"

19:28b.MAT.019.028 Jesus Tímiayi "Nekasan Tájame, ukunmanka ju nunka yamaram ajastatui. Aents Ajasu asan, Wisha nui, uunt akupin ajastatjai tura atumsha winia nemartusutirmeka Wijiai métek akupin ajastatrume Ashí Israer-shuar akupkatin.

19:29b.MAT.019.029 Tura shuar ni jeencha, yachincha, umaincha, Aparíncha, Nukuríncha, Nuaríncha, Uchiríncha, tura nunkencha Winia anentu asa ikiukin wekaakka, nu shuar nii ikiukmia Núnisan yamaisha ti Untsurí Wáinkiattawai tura ukunmasha tuke shiir pujustatui Yusjai.

19:30b.MAT.019.030 Untsurí Yamái penkeri ainiana nu ukunam ukunmaani pujusartatui, tura Yapajiáwar Yamái ukunmaya ainiana nu ukunam emka pujusartatui' Tímiayi Jesus.

20

20:1b.MAT.020.001 `Yus akupeamunam pachiinkiatin Júnisaiti. Nunka nérentin ni araamurin Júuktaj tusa Káshik iniartaj tusa Jíinkimiayi.

20:2b.MAT.020.002 Chikichík tenariu kuit jean tsawant takamtsuk akiktajrume tusa chichas ni araamun Júuktinian akupkarmiayi.

20:3b.MAT.020.003 Nantu takuntaisha ataksha jiinki shuar yujan Wáiniak

20:4b.MAT.020.004 timiai "Atumsha winia arakur Júuktin Yáintkiatarum. Shiir akiktajrume." Tutai wearmai.

20:5b.MAT.020.005 Ataksha tutupin ai Nuyá Aankúsha jiinki, Núnisan tinia akupkarmai.

20:6b.MAT.020.006 Ataksha nantu patamsai Jíinkimiai. Tura shuaran yujan Wáiniak "ṡUrukamtai takakmatskesha aani pujarum?" timiai.'

20:7b.MAT.020.007 "Warí, iincha iniatmainiatsji" tiarmai.' `Tuíniakui timiai "Atumsha winia nunkarui takautarum. Pénker akiktajrume."

20:8b.MAT.020.008 `Kirit Ajátekiái takatrin Wáinniun timiai "Takatan takasaru untsukam akikiarta. Kíarai nankamawaru emka akikiarta. Túram Káshik nankamawarujai Amuktá" timiai.

20:9b.MAT.020.009 Takui nantu patamsa ai nankamawaru wayawarmatai Chikichík tenariu kuit jean Ashí akikiarmai.

20:10b.MAT.020.010 Mash umintramtai Nuyá emka nankamawaru wayawar "nuna nankaamas achikchatjiash" tu Enentáimsarmai. Tura Chikichík tenariu kuit jean achikiarmai.

20:11b.MAT.020.011 Achikiar nérenniun itiurchat Enentáimturarmai.

20:12b.MAT.020.012 Tura tiarmai "Iikia Ashí tsawant nantujai Wáitsachjik. Ju shuarsha nantu patamsa ai nankamawaruka penké ishichik takasarai. Túrasha iijiai métek akikiarume" tiarmai.

20:13b.MAT.020.013 Tutai nérentin chikichkiniak iniakmas timiai "Umpá, penké kasartsujme. Káshik Chikichík tenariu kuit Jeá chichasar iijiai iwiarachjik, timiai.

20:14b.MAT.020.014 Pai, ame Kuítrum achikiume. Nantu patamsai takasuncha amijiai métek akiktinian wakerajai.

20:15b.MAT.020.015 Warí, winia Kuítrujai wi wakeramun Túrachminkaitiaj. Antsu wi tsanka asamtai ṡyajauch Enentáimturmek?" timiai.'

20:16b.MAT.020.016 `Núnisaiti Yus-shuarnum. émkaru ainia nu uku ártatui. Tura ukuya ainiana nu, emka ártatui. Untsurí ipiaamu ainiawai tura ishichik achikma ainiawai." Tu áujmatsamiayi Jesus.

20:17b.MAT.020.017 Jesus Jerusarénnum Jintiá wesa ni unuiniamurin akankin tiarmiayi

20:18b.MAT.020.018 "Iistarum, Jerusarénnum wéaji. Nuisha Israer-patri uuntrin tura ni jintinniurincha Winia surutkartatui. Nuisha, wi Aents Ajasu ain, "mantamnati" Túrutiartatui.

20:19b.MAT.020.019 Tura apachnium surutkartatui. Nui katsekrukar, awattiar Krúsnum Máawarti tusar Túrutawartatui. Túrasha jakayatan Menaintiú tsawantai nantaktiatjai" Tímiayi.

20:20b.MAT.020.020 Nuyá Jakupusha Juansha, mai Sepetéu Uchirí, Nukuríjiai tariar Jesusan tikishmatrarmiayi. Tura Nukurí Jesusan waitnentrutrarat tusa seamiayi.

20:21b.MAT.020.021 "ṡWarí wakeram?" Tímiayi Jesus. Tutai nuwa Tímiayi "Ame uunt akupin ajastatmena nui winia uchir chikichik untsuurnumaani chikichcha menaanmaani akupkarti tusam apujsarta."

20:22b.MAT.020.022 Takui Jesus tiarmiayi "Atum seatrumna nu nékatsrume. ṡWi Wáitsattajna nujai métek Túramniakaitrum? Wi Wáitsatniun Yapá umartinia ainis umartiniaitjai. Núnisan Wáitsatniujai imiaitniua aintsan imiantiniaitjai. ṡNú pininnumia umarminkiaitrum. Núnisan imianminkiaitrum?" Tutai "Páchitskea" tiarmiayi.

20:23b.MAT.020.023 Tuíniakui Jesus Tímiayi "Ayu. Winia pininkruiya umartatrume. Wi imiantiatjana nujai imiantiatrume. Antsu Wijiai tsaninkia pujustinniaka Wikia iischatniuitjai, antsu winia Apar iwiarturu ainia nuna nui apujsattawai" Tímiayi.

20:24b.MAT.020.024 Chíkich tias (10) unuiniamuri nuna antukar nu Jímiaran kajerkarmiayi.

20:25b.MAT.020.025 Túmainiakui Jesus untsukar tiarmiayi "Ju nékarme, apachniumka Kapitián ajasar ni shuarin nérenniua ainis ti akupenawai. Ni uuntrisha waantu Enentáimsar "Wíitjai akupniun" tu Enentáimtikiainiawai.

20:26b.MAT.020.026 Antsu atumjainkia Núnis áchatniuiti. Nankaamaku ajastaj Tákunka chikicha yaintri átiniaiti.

20:27b.MAT.020.027 Ame Kapitiántrum ajastaj Tákunka Ashí shuara yaintri Ajástí.

20:28b.MAT.020.028 Wisha Aents Ajasuitiatan, Winia Yáintkiarat tusan Táchaitjai antsu Shuáran Yáintaj tusan Táwitjai. Untsurí shuaran Tunáa tumashrin akikmatkataj tusan Jákatniuitjai. Nuna tarimjai" Tímiayi Jesus.

20:29b.MAT.020.029 Jirikiú péprunmaya wénakui Untsurí aents Niin nemariarmiayi.

20:30b.MAT.020.030 Nui Jintiá yantam Jímiar jii kusuru pujuarmiayi. Jesus wéawai taman antukar kakantar untsukarmiayi. "Uuntá, uunt akupin Tawitia Uchirínchukaitiam. Waitnentrurta" tiarmiayi.

20:31b.MAT.020.031 Tuíniakui "Takamatsatarum" tiarmiayi. Tútaisha Nú nankaamas untsumkarmiayi. "Uuntá, Tawitia Uchiriá, waitnentrurta" tiarmiayi.

20:32b.MAT.020.032 Tuíniakui Jesus wajas jii kusurun untsukar aniasarmiayi "ṡWarí itiurtukat tusarum wakerutarum?"

20:33b.MAT.020.033 "Uuntá, iimtiai tusar wakeraji" tiarmiayi.

20:34b.MAT.020.034 Tuíniakui Jesus niin waitnentrar ni jiin antinkiarmiayi. Nu chichamaik iimiar niisha Jesusan nemariarmiayi.

21

21:1b.MAT.021.001 Jerusarénnum nuntumsar Petpajái péprunam jeawarmiayi. Nusha Uriwiu Náinnium ayamchiiyayi. Nui jeawar Jesus ni unuiniamurin Jímiaran akupeak Tímiayi

21:2b.MAT.021.002 "Tíjiuch péprunam wérum umpuuru umpuuruchijiai jinkiamu Wáinkiattarme. Nu atiarum itartitiarum.

21:3b.MAT.021.003 Tura aents "Urukamtai aitkiarum" Túramkurminkia "Uunt wakerawai, tura Wárik awainkittiawai" titiarum" Tímiayi.

21:4b.MAT.021.004 Tura nusha yaunchu Yúsnan etserin aarmia nu Umínkiatí tusa Tímiayi. Júnis aarmiayi:

21:5b.MAT.021.005 "Ashí Israer-shuarnum ju etserkatarum: "Iistarum, atumi Akupniuri, péejchach ajas umpuuruchiniam ekeemak winitramprume. Péejchach asa Káarak aintstai umpuuru uchirin ekeemak Winitrámtatrume," titiarum." Tu aarmaiti.

21:6b.MAT.021.006 Tutai nu Jímiar unuiniamuri wear Jesus timia Núnisan Túrawarmiayi.

21:7b.MAT.021.007 Umpuuruchin nukurtiuk itiarmiayi. Tura ni pushirin aitkiaram Jesus entsamkamiayi.

21:8b.MAT.021.008 Shuar Untsurí ásar ni wéamunam pushirin aitkiarmiayi. Chikichcha Nuká jurukar ni wéamunam aeprurarmiayi.

21:9b.MAT.021.009 Shuar Untsurí eem wearmia nusha tura uku winiarmia nusha kakantar untsumiarmiayi. "Juna weatri uunt akupin Tawit asamtai nankaamakuiti. Yusa Náariin winiana ju ii Uuntrinti. Shiir Atí. Nayaimpinmasha Yus shiir awajsatai." Tu untsumiarmiayi.

21:10b.MAT.021.010 Jesus Jerusarénnum wayamtai Ashí shuar ti Enentáimainiak "ṡJusha yait?" tiarmiayi.

21:11b.MAT.021.011 Chikichcha "Yúsnan etserin Jesusaiti, tiarmiayi. Nasarét pepru Kariréa nunkanmayaiti" tiarmiayi.

21:12b.MAT.021.012 Nuyá Jesus Yusa Uunt Jeen Wayá Kuítian Súruiniak tura Súmainiak pujan Akúprámiayi. Kuítian yapajinia misarincha ayanturmiayi tura yampitsa Súruinia kutankrincha Núnisan ayanturmiayi.

21:13b.MAT.021.013 Nuyá Tímiayi "Yus-Papinium aarchamukait, "Yusa Jeenka Yus aujtai jéaiti." Antsu átumka kasa matsamtaiya Nútikiarme" Tímiayi.

21:14b.MAT.021.014 Nui Yusa Jeen jii kusurarusha shutuapsha Jesusan tariarmiayi. Túramtai Tsuárarmiayi.

21:15b.MAT.021.015 Tura Israer-shuar Pátrisha tura Israer-shuara jintinniurisha aents tujintiamun Jesus Túrakui iisar kajerkarmiayi. Nu arantcha uchi Yusa Jeen "Juna weatri uunt akupin Tawit asamtai nankaamakuiti" untsumainiakui Jesusan ti kajerkarmiayi.

21:16b.MAT.021.016 Tura tiarmiayi "ṡJu uchi tuinia nu ántamek?" Tutai Jesus "Ee, ántajai, Tímiayi. Atumka Yus-Papí juna tana juka áujsachukaitrum. Júnis tawai, "Uchisha Kuírchisha Yusa Náarin Imiá shiir awajtusarat tusa Yus tsankatkaiti." Tu aarmaiti.

21:17b.MAT.021.017 Nuna tinia ikiuiniak Jerusarénnumia jiinki Petania péprunam we nui kanarmiayi.

21:18b.MAT.021.018 Kashin tsawaar Jerusarénnum waketas Jesus tsukaarmiayi.

21:19b.MAT.021.019 Iikiu numi Jintiá yantam wajan Wáiniak akaktajtsa werimiayi. Tura Werí aya Núminiak Wáinkiamiayi. Túra numin Tímiayi "Atakka nerekchattame." Takui nu chichamaik Káarmiayi.

21:20b.MAT.021.020 Nuna Wáiniak ni unuiniamuri ti Enentáimprar aniasarmiayi "ṡUrukaku Imiá Wárik jaka?"

21:21b.MAT.021.021 Tuíniakui Jesus tiarmiayi "Nekasan Tájarme, Yus nekas Enentáimtakrumka, "nekaspash Túrat" Táchakrum iikiun Túrajna nusha Túramniaitrume. Tura nu arantcha nu naint "ékemtam nayaantsanam inianta" tutai Túrunattawai.

21:22b.MAT.021.022 Ashí Yus áujeakum seamna nu, Yus nekas Enentáimtakum seakmeka, Wáinkiáttame" Tímiayi.

21:23b.MAT.021.023 Yusa Uunt Jeen Jesus Wayá unuiniamiayi. Turai Israer-patri uuntri tura Israer-shuara uuntrisha Jesusan tariar aniasarmiayi "ṡYana chichamejai ju Túram. Ya ju Túratniuncha akuptamkait?" tiarmiayi.

21:24b.MAT.021.024 Tutai Jesus tiarmiayi "Wisha aniastaj tusan wakerajrume. Ju airkakrumninkia Wisha yana chichamejai Túraj nuna ujaktatjarme.

21:25b.MAT.021.025 Wats, ṡya imiakratin Juankan akupkamia. Yusak, aentsuk, ya akupkamia?" Tutai Nuámtak tunainiarmiayi. "Yus akupkamiayi" Tákurninkia "ṡurukamtai Enentáimtichuitrum?" Túramtatji.

21:26b.MAT.021.026 Kame "shuar akupkaiti" Tákurnisha Ashí aents mantamattaji. Warí, Ashí niisha Juan Yúsnan etserniuyi Tuíniatsuk" tiarmiayi.

21:27b.MAT.021.027 Nuyá Jesusan "Nékatsji" tiarmiayi. Tutai Jesussha Aíiniak "Wátsek, Wisha Núnisnak akuptukua nuna ujakchattajrume" Tímiayi.

21:28b.MAT.021.028 Jesus unuiniak tiarmiayi "Enentáimpratarum. Shuar uchin Jímiaran takakuuyi. Nuna chikichkin chicharuk timiai "Uchirú, arakur Júuktin Yamái Wetá."

21:29b.MAT.021.029 `Tutai uchi "Atsá, nakitiajai" timiai. Tayat urum Enentáimiar takaumai.'

21:30b.MAT.021.030 `Nuyá Aparí chikichnasha Werí Núnisan timiai.' `Tutai uchi "Apawa, Páchitsuk wetajai" timiai, Túrasha wéchamai.'

21:31b.MAT.021.031 `ṡTúa ni Aparí wakeramun umirkama?" Tímiayi Jesus. Tutai "Emkaa nu" tiarmiayi. Tuíniakui Jesus Tímiayi "Nekasan Tájarme, yajauch shuar ainia nu tura tsanirma ainia nusha átumka pachiintsrumnin nii emka Yus akupeamunam pachiinkiartatui.

21:32b.MAT.021.032 Iis, imiakratin Juan pénker wekasatniun etserkamiayi, Túrasha antukchamarme. Antsu yajauch shuar ainia nu tura tsanirma ainia nu umirkarmiayi. Nusha Wáinkiaitiatrum atumi tunaari Enentáimturchamarme' Tímiayi.

21:33b.MAT.021.033 `Ju Chíkich áujmatmasha antuktarum. Nunká nérentin uwa ajan ajammai. Tura wenuimiai. Uwa neketaincha najanamai. Kumpin jeancha najanamai. Tura mash pénker iwiar shuar Wáitrukarti tusa apujkimiai. Tura ninkia Yajá nunkanam wemai.

21:34b.MAT.021.034 Tura Júuktin tsawant jeamtai juuk nakak Akúptúrkartí tusa Chíkich takarniuri akupkamai.

21:35b.MAT.021.035 Tura nui pujuinia nu, akupkamun achikiar chikichnaka katsumkar, chikichnasha Máawar, chikichnasha kayajai tukurar Máawarmai.

21:36b.MAT.021.036 Túrawarmatai nérentin takarniun nuna nankaamas akupramai. Ataksha nui pujuarmia nu Núnisan Túrawarmai.

21:37b.MAT.021.037 Amúamunam ni Uchirín akupeak "Winia uchir asamtai umirkachartimpiash" timiai.

21:38b.MAT.021.038 Túrasha nu takau nérenniu Uchirín Wáinkiar "Nuna Aparí jakamtai juna mashi Júkishtatuak, tiarmai. Maatai, Túrar ii nérentin ajastai" tiarmai.

21:39b.MAT.021.039 Tiar achikiar arant Júkiar nui Máawarmai."

21:40b.MAT.021.040 Tinia Jesus aniasarmiayi "Nunká nérenniuri taa nu takaun ṡitiurkatin?" Tímiayi.

21:41b.MAT.021.041 Tutai tiarmiayi "Nu shuar ti yajauch ásarmatai waitnentsuk Máawartatui. Tura nu ajan Chíkich takaun neren akanak niin susamnia nuna apujsattawai" tiarmiayi.

21:42b.MAT.021.042 Tuíniakui Jesus Tímiayi "Atumka Yus-Papikia ṡpenkek áujchaitrum? Júnis aarmaiti: "Jea jeamin utsankarmia Nú kaya Ashí kayajai nankaamas apujsamuiti. Núnaka ii Uuntri Yus Túraiti. Iisha iisar ti Enentáimtaji." Tu aarmaiti.

21:43b.MAT.021.043 Tuma asamtai Tájarme, Yusna írunna nu Wáinkiatárum tusa suramsamuitiat Atumíya junas Chíkich aents Súnastatui. Niisha awantukiartatui.

21:44b.MAT.021.044 Tura shuar nu kayan tukumainia nuka kupintrartatui. Tura nu kaya shuarnum iniarka tsai tsai awajsattawai auka" Tímiayi Jesus.

21:45b.MAT.021.045 Israer-patri uuntrisha Pariséusha Jesus áujmatman antukar "iin Túramji" tusar achiktaj tiarmiayi.

21:46b.MAT.021.046 Tura Ashí aents "Jesus Yúsnan étserui" tuinia ásarmatai niin ashamkarmiayi.

22

22:1b.MAT.022.001 Jesus ataksha áujmatuk juna Tímiayi:

22:2b.MAT.022.002 "Yus akupeamunam pachiinkiartin Júnis Enentáimpramniaiti. Uunt akupin ni Uchirí Nuáteakui nampermamai.

22:3b.MAT.022.003 Túrak ni takarniurin ipiaamautarum tusa akupkarmai. Tura ipiaamusha nakitrarmai.

22:4b.MAT.022.004 Ataksha Chíkich takarniuncha ipiaamakrum ju titiarum tusa akupkarmai. ""Mash yurumkan iwiarajai, tawai, titiarum, timiai. "Waakasha Máatarum tusan akupkarjai, tawai. Ajaermancha Máatarum tusan akupkajai, tawai. Ashí nuatnaiyamunam winiarti," tawai" titiarum" timiai.

22:5b.MAT.022.005 Támaitiat Nú ipiaamusha nakitrarmai. Chikichik ni nunken wemai. Chikichcha Kuítian suruktinian wemai.

22:6b.MAT.022.006 Chikichcha ipiaakratniun achikiar yajauch awajsarmai, tura chikichnaka Máawarmai.

22:7b.MAT.022.007 Túramtai uunt akupin ti kajek, ni suntari mash Máatarum Túrarum ni jee mash Ekeemáktárum tusa akupkarmai.

22:8b.MAT.022.008 Nuyá ataksha ni takarniurin akupkamai. "Nuatnaikiatin Jísat mash iwiaramuiti, timiai. Tura nu ipiaamu winichmin armai.

22:9b.MAT.022.009 Tuma asamtai pepru Jintí werum Ashí shuar Nánkamas Wáintrum nu ipiaatarum" timiai.

22:10b.MAT.022.010 Takui takarniuri Jíinkiar pepru jintin wajainian, yajauch shuarnasha pénker shuarnasha, Ashí ipiaawarmai. Túramtai jea Piákmai.'

22:11b.MAT.022.011 `Nuyá uunt akupin ipiaamun iisartaj tusa wayamai. Nui shuaran pénker iwiarmamprachun Wáinkiamai.

22:12b.MAT.022.012 Tura timiai "Umpá, ṡurukamtai nuatnaiyamunam entsatai Pushí entsatsuk wayam?" Tutai nu aishman Tákamtak pujusmiayi.

22:13b.MAT.022.013 Nuyá uunt akupin yurumka ajaaman timiai "Achikrum nawenmasha uwejnumsha jinkiarum aa Jíikrum kiritniunam ajapatarum. Nuisha ti uutin ti Wáitsatin átatui" timiai.

22:14b.MAT.022.014 Kame Untsurí ipiaamu ainiawai antsu ishichik achikma ainiawai."

22:15b.MAT.022.015 Nuyá Pariséu chichaman najatawar uyumtikiatai tusar tiarmiayi.

22:16b.MAT.022.016 Túrawar ni shuarincha tura akupin Erutisa nemarniurisha Jesusan akuptukarmiayi. Kame akupin Erutis uunt akupin Sésara kuitri Wáinin asamtai nu apachniasha akupkarmiayi. Niisha jeariar Jesusan tiarmiayi "Uuntá, amesha nekas chicham chichaame. Nu nékaji. Chíkich shuar tuinia nu ántutsuk nekasam Yus-Chicham Jintíame. Shuar shiir Enentáimturarat tusam Jintíatsme, tiarmiayi.

22:17b.MAT.022.017 Tuma asamtai ju nekaatai tusar wakeraji. ṡUunt akupin Sésar akikminkiait?" tiarmiayi.

22:18b.MAT.022.018 Jesus ni yajauch Enentáijiai Aníam Nekáa tiarmiayi "Aya shiir chichamtiniaitrume. ṡUrukamtai uyumatkiarkatin wakerutarum? Tímiayi.

22:19b.MAT.022.019 Wats, Sésar akiktinia Nú kuit itiartitiarum." Takui chikichik Kuítian itiariarmiayi.

22:20b.MAT.022.020 Nuna iis Jesus aniasarmiayi "ṡJui yana yapimpiait tura yana naari aarmait?"

22:21b.MAT.022.021 Tutai "Uunt Sésarna" tiarmiayi. Tuiniakui Jesus chicharuk tiarmiayi "Nuikia uunt Sésarna nu, Sésar susatarum. Tura Yusna nusha Yus susatarum" Tímiayi.

22:22b.MAT.022.022 Tura nuna antukar ti Enentáimprarmiayi. Tura ikiuiniak wearmiayi.

22:23b.MAT.022.023 Nu tsawantaik Satuséusha Jesusan tariarmiayi. Satuséuka jakamunmaya nantakchatniuiti Tuíniawai. Nuna tiniu ásar juna Jesusjai áujmatsarmiayi.

22:24b.MAT.022.024 "Uuntá, Muisais juna aartampramiaji, "áishman uchin yajutmatsuk jakamtainkia ni yachi nu nuwan nuatak ni yachin Yajútmátrati," tu aarmiayi, tiarmiayi.

22:25b.MAT.022.025 Ayu, íi shuarnum siati (7) Yáchintin ármiayi. Iwiairi nuatak uchin yajutmatsuk jakamiayi. Tura wajen ni yachin ikiurkimiayi.

22:26b.MAT.022.026 Tura niisha nuatak uchin yajutmatsuk jakamiayi. Tura chikichcha Núnisan jakamiayi. Tura chikichcha siati armia nu Ashí nuatkar Jákarmiayi.

22:27b.MAT.022.027 Nuyá nuwasha jakamiayi.

22:28b.MAT.022.028 Jakamunmaya nantakiar ṡyaki nekas ni aishri ati? Ashí niin nuatkacharmakia" tiarmiayi.

22:29b.MAT.022.029 Tuíniakui Jesus Tímiayi "Yus-Chichamsha nékachkuram tura Yusa kakarmarisha nékachkuram nantaktin atsawai Tákuram ti awajiarme.

22:30b.MAT.022.030 Nekaatarum. Jakamunmaya nantakiaruka nuatkachartatui. Antsu Yusa suntari nayaimpiniam pujuinia Núnisar nuartichu pujusartatui.

22:31b.MAT.022.031 Túrasha jakamunmaya nantakiartatna nu nekaatajtsa wakerakrumka ju Enentáimsatarum. Muisais aarma nu áujsachukaitrum. Júnisan aarmiayi:

22:32b.MAT.022.032 "Wiitjai Apraáma Yúsrintjai, Isaka Yúsrintjai, Jakupu Yúsrintjai." Tu aarmiayi. Watsek, Yuska Jaká Yúsrinchuiti. Antsu iwiaaku ana nuna Yúsrinti, Tímiayi. Iis, nu shuar Imiá yaunchu Jákaruitiat Yusjai iwiaaku pujuiniak nantakmin ainiawai" Tímiayi.

22:33b.MAT.022.033 Ashí aents nuna antukar nu jintintiam ti Enentáimprarmiayi.

22:34b.MAT.022.034 Satuséu Jesusan aiktinian tujinkiarmatai Pariséu nuna antukar iruntrarmiayi.

22:35b.MAT.022.035 Tura chikichik Pariséu jintintin asa Jesusan uyumtikiataj tusa aniasmiayi

22:36b.MAT.022.036 "Uuntá, ṡTúa Yus akupkamu Imiá nankaamas Enentáimtustiniait?"

22:37b.MAT.022.037 Tutai Jesus Tímiayi "Júiti: "Ame Yúsrum Ashí Enentáimjai aneeta. Ashí ame wakanmijiaisha tura tuke Enentáimtusam aneeta." Tu aarmaiti, Tímiayi.

22:38b.MAT.022.038 Núiti emka Ashí akupkamu nankaamas Enentáimtustinia nu.

22:39b.MAT.022.039 Chikichcha jujai métek-taku awai. Nusha tawai: "Ame írutramuram ame ayashim aneamna Nútiksamek aneata."

22:40b.MAT.022.040 Nu Jímiar akupkamu umirkam Ashí Muisais akupkamia nusha tura Ashí Yúsnan etserin unuiniararmia nusha umirkattame" Tímiayi.

22:41b.MAT.022.041 Tura Pariséu tuke irunar pujuiniakui

22:42b.MAT.022.042 Jesussha aniasarmiayi "Kristu tutai ṡya Weeá átiniait. Warí Enentáimtarum atumsha?" Takui "Tawit Weeá átiniaiti" tiarmiayi.

22:43b.MAT.022.043 Tuíniakui Jesus tiarmiayi "Nuikia ṡurukamtai Tawit, Yusa Wakaní "titia" tutai, Krístun "winia uuntur" Tímia? Iis, Tawit juna Tímiayi:

22:44b.MAT.022.044 "Uunt Yus winia uuntrun juna Tímiayi: "Akupin pujutainium, winia untsuuruini, pujusam Nákarsata. Ashí ame nemasrumin nupetkan Amin umirtamkarti tusan amastatjai" Tímiayi Yus." Tu Tímiayi Tawit.

22:45b.MAT.022.045 Watsek, Tawit Krístun "winia uuntur" taisha ṡitiurak ni pampanmari áti?" Tímiayi Jesus.

22:46b.MAT.022.046 Nuna takui penkesha aikcharmiayi. Túrawar atakka uyumamtikiatai tusar aniascharmiayi Jesusan.

23

23:1b.MAT.023.001 Jesus ni unuiniamurincha tura Ashí Shuárnasha tiarmiayi

23:2b.MAT.023.002 "Israer-shuara jintinniurisha tura Pariséusha Muisais akupkamun paant ujatmainiawai.

23:3b.MAT.023.003 Tuma asamtai tuinia nu umirkatarum. Túrasha ni Túruinia nu jumamkiirap. Nu shuar shiir chichainiayat Nusháa Túrin ainiawai.

23:4b.MAT.023.004 Ti itiurchat ana nuna akupeenak ti emeram entsaktinia aintsan aentsun apujtuiniawai. Túrasha chikichik uwejéjaisha ishichkisha takuitniun nakitiainiawai.

23:5b.MAT.023.005 Aya shuar iirsarti tusar Ashí Túruiniawai. Ashí shuar pénker Enentáimturarti tusar Yus-Papin nijiaincha tura kunturincha ti wankaram awajsar anujak yujainiawai. Tura nu arantcha pushiri sasariarman Ashí shuarjai nankaamas esaram awajas wekainiawai.

23:6b.MAT.023.006 Nampernumsha pénker iwiaramunam pujustinian wakeruiniawai. Iruntainmasha nankaamantu ajasa pujustinian wakeruiniawai.

23:7b.MAT.023.007 Jintiá wekainiaksha Ashí aents áujtuiniak "Jintínkiartiniá" turutiarti tusa wakeruiniawai' Tímiayi.

23:8b.MAT.023.008 `Túrasha átumka Ashí shuar "Jintínkiartiniá" turutiarti tusa Enentáimsashtiniaitrume. Atumka Nuámtak Yáchintrume. Atumka chikichik jintinkiartin ni naari Kristu takakrume. Nu asamtai "Jintínkiartiniá" Túramcharmin ainiawai.

23:9b.MAT.023.009 Ju nunkanmasha shuar "Aparú" tiirap. Chikichik nayaimpiniam pujana nu Atumí Aparínti.

23:10b.MAT.023.010 Atumi uuntri aya Krístuk asamtai "Uuntrú" Túramcharmin ainiawai.

23:11b.MAT.023.011 Antsu átum írutkamunmaya uunta nuka peejchach átiniaiti.

23:12b.MAT.023.012 Shuar nankaamantu ajastaj Tákuinkia Yus niin péejchach awajsattawai. Antsu péejchach ana nuna Yus niin nankaamaku awajsattawai' Tímiayi.

23:13b.MAT.023.013 `Maa Wáinkiatárum jintinniutirmesha, Pariséutirmesha. Antrarum shiir chichamtiniaitrume. Yus akupeamunam wayatin waiti epenniuitrume. Atumsha wayatsuk chikichcha wayataj tuinia nusha suritniuitrume.'

23:14b.MAT.023.014 `Maa Wáinkiatárum jintinniutirmesha, Pariséutirmesha. Antrarum shiir chichamtiniaitrume. Wajé jee atankiirum aents Enentáimturarain tusarum ti esaram Yus áujtiniaitrume. Túrin asarum átum ti Asutniátniuitrume.'

23:15b.MAT.023.015 `Maa Wáinkiatárum jintinniutirmesha, Pariséutirmesha. Antrarum shiir chichamtiniaitrume. Nunkanmasha nayaantsanmasha Yajá wekainiuitrume Chikichík shuar Winí nemartusat tusarum. Tura atumi nemari ajasmatai atumjai nankaamas Tunáa sumamamnia awajearme.'

23:16b.MAT.023.016 `Wáinkiatárum átumka. Jintinkiartiniaitiatrum nékachu asarum kusurua ainiuitrume. Ju Jintíarme: "Shuar nekasan tajai tusa Yusa Jeen Páchiakka nii tana nuna umitsuk ikiukminiaiti. Antsu nekasan tajai tusa Yusa Jeen kuri ana nuna Páchiakka ti nekas umiktiniaiti" Tíniuitrume.

23:17b.MAT.023.017 Nétsetrume. Yúsjainkia Ashí kuri ántrachukait. Antsu Yusa Jeen írunna nuka aya nuin ikiusma asa Yusna ajasuiti. Tuma asamtai kurijiai nankaamas Yusa Jee Enentáimtustiniaiti. Enentáimcha asarum kusurua ainin Wáakuitrume.

23:18b.MAT.023.018 Nu arantcha Tíniuitrume: "Shuar nekasan tajai tusa naman-maar-Yus-Sútain Páchiakka nii tana nuna umitsuk ikiukminiaiti. Antsu Yús-sutainiam naman patasman Páchiakka ti nekas umiktiniaiti" Tíniuitrume.

23:19b.MAT.023.019 Nétsetrume. Penké naman Yusjai ántrachukait. Aya Yús-sutainiam patasma asa nu naman Enentáimtuschatniukait. Enentáimcha asarum kusurua ainin Wáakuitrume.

23:20b.MAT.023.020 Enentáimpratarum. Shuar nekasan tajai tusa Yús-sutain Páchiakka aya Sútainiak Páchiatsui antsu sutaincha tura nui patasmancha Mái-metek Páchiawai.

23:21b.MAT.023.021 Núnisan shuar Yusa Jeen Páchiakka aya nunak Páchiatsui antsu Yus nu jeanam Pujú asamtai nunasha Páchiawai.

23:22b.MAT.023.022 Núnisan shuar nayaimpin Páchiakka Yus pujutaincha tura Yus nui pujana nunasha Páchiawai.'

23:23b.MAT.023.023 `Maa Wáinkiatarum jintinniutirmesha, Pariséutirmesha. Antrarum shiir chichamtiniaitrume. Kumintsu nukesha, anisa nukesha, menta nukesha tias (10) akantram chikichik akankamu Yus Súwitrume. Nuka pénkeraiti, ikiukchatniuiti. Túramaitiat nekas pénker Túratniua nu Túrutsuk ikiuwitrume. Yus nekas Enentáimtustincha, Waitnentáimturtincha tura tuke pénker Túratniusha Enentáimtsuk ikiuwitrume.

23:24b.MAT.023.024 Atumka jintinkiartiniaitiatrum nékachu asarum kusuru ainiuitrume. Kutanam yajasmach enketu Wáinkiurmeka Júwitrume. Túrayatrum kamiriu Wáinkiurmeka kawai nankaamas uunt ain takamtsuk Kújawitrume.'

23:25b.MAT.023.025 `Maa Wáinkiatarum jintinniutirmesha, Pariséutirmesha. Antrarum shiir chichamtiniaitrume. Atumka tsapasha pininsha initiaani nijiatsuk aya Pátatek nijiawitrume. Núnisrum Pátatek shiir awajmamniuitrume tura Enentáiminkia kasamkatniusha tura Chíkichna wakeruktincha nujai Piákuitrume.

23:26b.MAT.023.026 Kusuru ainiuitrume, Pariséutirmeá. Antsu emka initiaani tsapasha pininsha nijiaktarum. Túrakrumninkia Pátatkesha mai pénker átatui. Núnisrum atumsha atumi Enentáin ana nu shiir awajsarum Pátatkesha shiir átatrume.'

23:27b.MAT.023.027 `Maa Wáinkiatarum jintinniutirmesha, Pariséutirmesha. Antrarum shiir chichamtiniaitrume. Iwiarsamu Pújujai yakarar shiir awajsamua ainiuitrume. Aani shiir ainiawai. Tura initkia Jaká ukunchijiai Piákuiti.

23:28b.MAT.023.028 Núnisaitrume atumsha. Chíkich shuar iismaka ti shiira ainiuitrume. Túrasha atumi Enentáinkia Ashí muijmiai Piákuiti.'

23:29b.MAT.023.029 `Maa Wáinkiatarum jintinniutirmesha, Pariséutirmesha. Antrarum shiir chichamtiniaitrume. Yaunchu Yúsnan etserin iwiarsamunam átumka shiir Enentáimtakrum jea jeamkaitrume. Tura pénker shuar yaunchu Jákarusha shiir Enentáimturtaj tusarum ni iwiarsamu shiir awajearme.

23:30b.MAT.023.030 Túrakrum ju Tíniuitrume: "Iikia yaunchu ii weatrijiai pujaitkiurkia Yúsnan etserin Máatin Yáimkiachaaji."

23:31b.MAT.023.031 Nujai ti paant chichaarme atumsha. "Ii weatri Yúsnan etserniun Máawar Tunáa Túrin ármiayi" Tárume. Tura "Yáimkiachaaji" Táyatrum, atumsha métek Túrin asarum "Niijiai méteketji" Tárume.

23:32b.MAT.023.032 Wats, atumi weatri nankamawarmia nu átum amuktatrume' Tímiayi Jesus.

23:33b.MAT.023.033 `Napia ainiuitrume. Shuar aya yajauch awajniuitrume. Túmatirmesha Yus Tunáa shuaran jinium akupkartatna nuya ṡitiurak uwempratarum?

23:34b.MAT.023.034 Untsurí shuaran akuptuktatjarme. Yúsnan etserniuncha, ti nekancha, jintinkiartinniasha akuptuktatjarme. Tura atumsha Chíkich Máattarme, chikichcha Krúsnum ajintruarum Máattarme, chikichcha iruntai jeanam Asutiáttarme, tura chikichcha Ashí nunkanam aintrattarme.

23:35b.MAT.023.035 Nu tura asarum pénker shuara numpé puarma nujai átum sumamattarme. Yámankamtaik Apir ti penker Shuáraitiat Máamuyayi. Tura ukunam Perekíasa Uchirí Sakarías atumi uuntri Yusa Jee ámanum naman-maar-Yús-sutai ajapén aténkamunam Máawarmiayi. Wats, Apir Máamunmaya Sakarías Máamunam Ashí pénker shuar ti Untsurí Máamujai sumamattarme.

23:36b.MAT.023.036 Nekasan Tájarme, Yamái pujuinia Nú shuar Ashí nujai sumamawartatui' Tímiayi Jesus.

23:37b.MAT.023.037 `Jerusarénnumiatirmeá, Yúsnan etserin Máiniaitrume. Yus akatar akupturmakmasha kayajai tukuram Máiniaitrume. Túrin árumnin waitnentajrume. Atash ni uchirin weaana aitkiasnak weartinian wakerimjarme, tura nakitramarme.

23:38b.MAT.023.038 Iistarum. Ame pépruram ajapamuiti.

23:39b.MAT.023.039 Tura "Yusa Náariin winiana nu, shiir Atí" Títiatrumna nu tsawant jeatsain penké Wáitkiashtatrume. Nuna Tájarme" Tímiayi Jesus.

24

24:1b.MAT.024.001 Jesus Yusa Uunt Jeenia jiinki weai ni unuiniamuri niin tariar Jean iniaktusar áujmatsarmiayi.

24:2b.MAT.024.002 Tura Jesus tiarmiayi "Nu mash Yamái Wáintrume. Tura nekasan Tájarme ukunmanka mash saanaktiatui. Chikichík kayaksha ekentramuri atsuttawai" Tímiayi.

24:3b.MAT.024.003 Nuyá Uriwiu Náinnium wear ninki nui pujusar ni unuiniamuri Jesusan aniasarmiayi "ṡNusha urutaik Túrunat~i. Tura ame Tátincha tura nunka amuukatin tsawant jeakuisha warijiain nekaattaj~i? Nu ujatkata" tiarmiayi.

24:4b.MAT.024.004 Tuíniakui Jesus Tímiayi "Aneartarum, anankramawairap.

24:5b.MAT.024.005 Untsurí shuar winia Náarun pachisar "wi Krístuitjai" tiar Untsurí shuaran anankawartatui.

24:6b.MAT.024.006 Ti Untsurí meset chicham antuktatrume Túrasha sapijmiakairap. Núnisan átiniaiti nunka Amúatsain.

24:7b.MAT.024.007 Apachcha Chíkich nunkanmaya apachjai Máaniawartatui. Tura ti tsukasha átatui. Sunkursha ti pampartatui. Uusha ti uurkartatui. Nuka Untsurí nunkanam Ashí Túrunawartatui.

24:8b.MAT.024.008 Nujai ti Wáitsatin aya yama nankamui' Tímiayi.

24:9b.MAT.024.009 `Nuyá atumniasha yajauch awajsarti tusa surutmakartatui. Tura mantamawartatui. Tura winia naar pachia asakrumin Ashí shuar Muíjramkartatui.

24:10b.MAT.024.010 Nu tsawantai Untsurí shuar Yúsan iniaisartatui. Túrawar nuamtak Muíjniainiak surunairartatui.

24:11b.MAT.024.011 Untsurí shuar Wáitruiniak "wi Yúsnan etserniuitjai" tiartatui. Túrawar Untsurí Shuáran Nusháa Enentáimtikrartatui.

24:12b.MAT.024.012 Tura Tunáa ti ákui nuamtak anenaichartatui.

24:13b.MAT.024.013 Tura shuar Ashí nuna tuke katsuntra nu uwemprattawai.

24:14b.MAT.024.014 Ashí aents nekaawarat tusa Yus-Chicham Ashí nunkanam etsernaktatui. Túramtai amuukatin tsawant jeattawai" Tímiayi.

24:15b.MAT.024.015 Shuar juna áujea nu Enentáimprati. Kame Jesus Tímiayi "Yúsnan etserin Taniar muijmiamtik tuke emesratin ana nuna yaunchu aar etserkamiayi. Nuka Yusa Jeen wantinkiamtai

24:16b.MAT.024.016 Ashí shuar Jutía nunkanam írunna nu, muranam pisararti.

24:18b.MAT.024.018 Ti Wárik pisartin asamtai shuar jea Yakí pujaksha tura shuar ajanam wekaakusha Jeá waketki wariri jukitiaj Tíchati. Antsu nuyan Wárik pisarti.

24:19b.MAT.024.019 Nu tsawantai nuwa ajamtincha tura Kuírchin takaku ainia nusha ti Wáitsartatui.

24:20b.MAT.024.020 Ayampratin tsawantaisha tura Michá Nántutincha nu pisartin tsawant áchati tusarum Yus seatarum.

24:21b.MAT.024.021 Maa, nu tsawantai ti Wáitsatin átatui. Ti Yáunchusha Núnisan Wáitsatin atsuuyayi. Ukunmasha atsuttawai.

24:22b.MAT.024.022 Nu Wáitsatin ti esarmaitkiuinkia Chikichkísha uwemprachainti. Tura Yus nu Wáitsatniun Wárik amumtikiattawai. Shuar Niiniu ajasarat tusa achikma ainia nu uwemprarat tusa Wárik amumtikiattawai' Tímiayi.

24:23b.MAT.024.023 `Tura atumin "Júiti Kristu," Tuíniakuisha tura "Nui pujawai" Tuíniakuisha anturkairap.

24:24b.MAT.024.024 Untsurí shuar Krístuitjai tusar wantinkiartatui. Untsurísha "Yúsnan etserniuitjai" tiartatui. Tura Shuáran anankataj tusar aents tujintiamun iniakmasartatui. Tura ti kakarman Túruiniak Yús-shuarnasha anankamin ainiakuinkia anankawarainti.

24:25b.MAT.024.025 Túrunatsain nuna emka ujaajrume.

24:26b.MAT.024.026 Tuma asamtai "Iis, Kristu nui aents atsamunam pujawai" Túramainiakuisha nui wéerap. "Jui úumak pujawai" Tuíniakuisha anturkairap.

24:27b.MAT.024.027 Núnisan úumkan Táchattajai. Peem péetuk ti Wárik Ashí nunkanam Wáinkiachminkiait. Núnisnak wi Aents Ajasuka winiakun paant wantinkiattajai.

24:28b.MAT.024.028 Wats, jaka tepaana nui chuan Káutkachartatuak' Tímiayi.

24:29b.MAT.024.029 `Ti Wáitsatin nankaamasmatai ti Wárik Tsawái nantu kajinkiattawai. Tura Kashí nantusha etsantrashtatui. Yaasha Ashí muchitrattawai. Nayaimpiniam kakaram ainia nusha peantrartatui.

24:30b.MAT.024.030 Nuikia Wi Aents Ajasuka, Tátiniur paant átatui. Tura Ashí nunkanmaya aents Wi Winiái Wáitkiar asuttiamattaji tusar uutiartatui. Wisha ti kakaram tura Yusa wincharijiai yuranminiam Winiái Wáitkiartatui.

24:31b.MAT.024.031 Yusa suntarin kachu kakaram umpuartarum tinia akupkamtai nu suntar Ashí nunkanmaya Ashí Yús-shuaran, Yus achikma ásarmatai, irurartatui' Tímiayi.

24:32b.MAT.024.032 `Iikiu numiri nakumea nu nekaatarum. Ni nuken eteakui "esat nantu jeatemayi" Tátsurmek.

24:33b.MAT.024.033 Núnisan Ashí ju Wáinkiurmeka "amuukatin tsawant nekas jeatemayi" Títiniaitrume.

24:34b.MAT.024.034 Nekasan Tájarme, Yamái aents pujuinia nu Amúatsain Ashí Túrunattawai.

24:35b.MAT.024.035 Nunkasha nayaimpisha amuukartatui antsu winia chichamur amuukashtatui' Tímiayi.

24:36b.MAT.024.036 `Tura nu Túrunatin tsawant nekanachminiaiti. Yusa suntarisha nékainiatsui. Wisha Yusa Uchiríntiatnak nékatsjai. Antsu aya winia Aparuk nékawai' Tímiayi.

24:37b.MAT.024.037 `Wi Tátiniur jeamtai yaunchu Nuai pujumia Nú tsawantin Túrunamia Núnisan átatui.

24:38b.MAT.024.038 Nu tsawantin, tuke amaartsain, aya Júnisan aa asamtai yurumuk umarar pujuarmiayi. Nuatnainiarmiayi. Ni nawantrincha nuatmamtikiarmiayi. Tura Tumá pujuiniai Nuai uunt kanunam enkemamtai

24:39b.MAT.024.039 nu aents tuke nékainiatsain ama amaarak mash amuukarmiayi. Núnisan átatui Wi Tátin jeamtai.

24:40b.MAT.024.040 Nu tswantaik Jimiará shuar ajanam pujuttawai. Chikichik junaktiatui tura Chíkichkia ikiunkittiawai.

24:41b.MAT.024.041 Núnisan Jimiará nuwa shana nekeak pujuttawai. Chikichik junaktiatui chikichcha ikiunkittiawai' Tímiayi.

24:42b.MAT.024.042 `Nu asamtai atumsha iwiarnarum pujustarum. Nekaachminiaiti uruk aintsuk taritjiarum.

24:44b.MAT.024.044 Tuma asamtai aneara pujustarum. Wi nekaachmanum Tátin Júnisan Enentáimpramniaiti. Shuar ju kashi kasa Tátinian nekaanka Kánutsuk kasa Táawai tusa iwiarnar Nákasainti. Núnisrum aneara pujutarum.'

24:45b.MAT.024.045 `Shuar pénker uminian tura pénker Enentáimniun áujmatsattajai. Nuna uuntri Yajá irauweak "Yurumátin jeamtai winia takartin ayuratarum" Tíchanpiash.

24:46b.MAT.024.046 Nu takamtikniuncha ni uuntri taa takatrin Tímiatrusan Túran tarinkia shiir Enentáimtusainti.

24:47b.MAT.024.047 Nekasan Tájame, umin asamtai ni uuntri Ashí ni waririn Wáitrúkat tusa takatan susattawai.

24:49b.MAT.024.049 Antsu uuntur wau Táchattawai tusa takamtikin ni uuntri Yáintrin yajauch awajeak tura takatsuk aya Yurumátniun tura nampektinian wararkunka nu takamtikin yajauchiiti.

24:50b.MAT.024.050 Turai ni uuntri aya aneachma taa nu takamtikniun, yajauch asamtai,

24:51b.MAT.024.051 ti kakaram asutiattawai. Yajauch shuar pujuinia nui akupkattawai. Nuisha ti Wáitiak ti uuttiatui' Tímiayi Jesus.

25

25:1b.MAT.025.001 `Yus akupeamunam pachiinkiatin Júnis átatui. Nuatnaikiatin Jísat akui tias nuwa natsa kantiran akaawar Nuátkattana nu aishmankan inkiun Jeá itiatai tusar wearmai.

25:2b.MAT.025.002 Senku nuwa Enentáimcha armai. Tura Chíkich senku nuwa Enentáimin armai.

25:3b.MAT.025.003 Enentáimcha arma Nú nuwa aya akaamunak Juíniak amuukamtai yaraatniun asuitin Júkicharmai.

25:4b.MAT.025.004 Antsu Chíkich senku Núwaka akaamuncha Juíniak tura ataksha amuukamtai yaraatniun asuitin Júkiarmai.

25:5b.MAT.025.005 Tura Jíinkiarmatai nuatkatin aishman wari taachkui kari pujakui kanararmai.

25:6b.MAT.025.006 Nuyá kashi ajapén shuar untsumuk "Pai nuatkatin winiawai. Werirum inkiuntarum" timiai.

25:7b.MAT.025.007 Tu untsumun antukar nantakiar kantiran akaatai tusar pujursarmai.

25:8b.MAT.025.008 Nuyá senku nuwa Enentáimcha arma nu, Chíkich nuwa Enentáimniun tiarmai "Incha atumi asuitiri ishichik ajamprusaitia. Ii kantirisha kajiniawai."

25:9b.MAT.025.009 `Tutai Chíkich senku nuwa tiarmai "Atsá, Warí íncha jeartamchattaji. Tura atumnia penké jeashtatui. Nekaska surutainium werum sumaka utumtarum" tiarmai.'

25:10b.MAT.025.010 `Tura Nuyá senku nuwa Enentáimcha arma nu, asuitian sumak utitiai tusar wéarai ukunam nuatkatin aishman tamai. Túramtai Enentáimin nuwa arma nuka nuatnaikiatin Námpernam nuatkatniujai wayawarmai. Túramtai Wáitin epeniarmai.

25:11b.MAT.025.011 Tura epeniarai Enentáimcha nu Táarmai. Tura tiarmai "Uuntá, waiti uratritia."

25:12b.MAT.025.012 `Tu untsumainiakui nu uunt kajerak chichak "Cha, ṡYátsukaitrum? Penké nékatsjarme" tiarmai."

25:13b.MAT.025.013 Jesus nuna áujmatas umik Tímiayi "Aents Ajasuitjai tura Tátin tsawantrusha tura uruk ain Tátaj nusha nékatsrume. Tuma asarum tuke iwiarnarum pujustarum' Tímiayi.

25:14b.MAT.025.014 `Núnisan Wi Tátin Júnisaiti. Shuar Chíkich nunkanam wéak~u ni takarniurin untsukar ni Kuítrin akanak Súsarmai.

25:15b.MAT.025.015 Chikichkiniak senku mir (5.000) Kuítian susamai. Chikichnasha Jimiará mir (2.000) Kuítian susamai. Tura chikichnasha chikichik mir (1.000) Kuítian susamai. Nii takastin jearma nujai métek Súsarmai. Tura ikiuak Yajá wemai.

25:16b.MAT.025.016 Takarin senku mir Kuítian achikmia nujai takakmas ataksha senku mir Kuítian patakmai.

25:17b.MAT.025.017 Chikichcha Núnisan Jimiará Míran achikmia nujai takakmas ataksha Jimiará Míran patakmai.

25:18b.MAT.025.018 Tura Chíkich shuar ni Uuntrí Kuítrin chikichik Míran achikmia nuna waa taur úukmai.'

25:19b.MAT.025.019 `Nuyá ukunam nu shuara uuntri Támai. Tura Kuítian Súkiarma nujai itiurkarmakit tusa untsukarmai.

25:20b.MAT.025.020 Emka senku mir Kuítian achikmia nu tamai. Nuyá ni uuntrin Chíkich senku mir patakman suak timiai "Uuntá, senku mir kuit surusmame. Pai, atak senku Míran patasmajai."

25:21b.MAT.025.021 `Takui ni uuntri timiai "Ti pénker takakmauwitme. Nekas uminiaitme. Ishichkijiaisha ti pénker takakma asakmin ti Núkap yamaikia amastatjai. Winí wayam wijiai ti shiir warasta" timiai.'

25:22b.MAT.025.022 `Nuyá Chíkich shuar Jimiará Míran achikmia nu Tarí timiai "Uuntá, Jimiará mir surusmame. Pai, ataksha Jimiará Míran patasmajai."

25:23b.MAT.025.023 `Takui ni uuntri timiai "Ti penker takakmauwitme. Nekas uminiaitme. Ishichkijiaisha ti pénker takakma asakmin ti Núkap yamaikia amastatjai. Winí wayam wijiai ti shiir warasta" timiai.'

25:24b.MAT.025.024 `Nuyá Chíkich shuar chikichik Míran achikmia nu Tarí timiai "Uuntá, ti kajen asakmin tura araachiatam tura atsaamprachiatam Júurtuktarum tiniu asakmin

25:25b.MAT.025.025 sapijmiakun ame Kuítrumniaka Nunká Táutran úukmajai. Pai, Juíiti ame surukmiam nu" timiai.'

25:26b.MAT.025.026 `Takui ni uuntri timiai "Ameka yajauchiitme. Aya Nákiitme. Wi araachiatan tura atsaamprachiatan Júurtuktarum Tíniuitme Túrutsumek.

25:27b.MAT.025.027 Tu Enentáimkiumka ṡurukamtai kuit-iruntainiam ikiurtuschamam? Nuikia wi Táakun patasan Achikiáajai" timiai.

25:28b.MAT.025.028 Nuna tinia nui wajainian tiarmai "Ju shuar Chikichík mir kuit atankirum tias mir Kuítian takaka nu susatarum.

25:29b.MAT.025.029 Kame Núkap takakna Nú shuar ataksha patatnastatui tura ampiniartatui. Antsu ishichik takakna nusha ishichik takakuitiat jurunkittiawai.

25:30b.MAT.025.030 Ju umichu shuarsha aa kiritniunam ajapatarum. Nui ti Wáitiak ti uuttiatui" timiai". Tu áujmatsamiayi Jesus.

25:31b.MAT.025.031 Jesus áujmatuk Tímiayi `Aents Ajasuitjiana nu Ashí akupin ajasan Yusa suntari énkekma winittiajai. Tura Uunt Akupin asan shiir pujutairui pujustatjai.

25:32b.MAT.025.032 Túramtai Ashí nunkanmaya aents Winia irunturartatui. Túrunawarmatai akantrartatjai. Murikiu Wáinin kachurtinian tura kachurtichujai akanea Nútisanak Shuáran akantrattajai.

25:33b.MAT.025.033 Tura kachurtichunka, pénkera nuna, untsuuruini awajsartatjai. Tura kachurtinniaka, yajauchia nuna, menaaruini awajsartatjai.

25:34b.MAT.025.034 Túran nekas Uunt Akupin asan untsuuruini wajainian Títiatjai "Atumniaka winia Apar shiir awajtamsaitrume. Wi akupeajna nui winitiarum. Yus nunkan najanamia Tímianaik átum nui warastinian tsankatramkamiarme.

25:35b.MAT.025.035 Kame Wi Tsukamá wekai ayurtuamiarme. Kitiama wekaisha umartin surusmiarme. Wait Ajá wekaisha itiaararum ajamprusmiarme.

25:36b.MAT.025.036 Pushir atsaisha átumka surusmiarme. Jaa tepaisha Iiráimiarme. Sepunam enketaisha tarum Iiráimiarme" Títiatjai.

25:37b.MAT.025.037 Tutai untsuuruini wajainia turutiartatui "Uuntá, ṡurutia Tsukamá wekaamnisha ayuramaj~i. Urutiá iisha kitiama Wekáa wainkiarsha umartincha amasmaj~i.

25:38b.MAT.025.038 Tura urutia wait Ajá wekaamnisha tura pushiram mamurmataisha iisha amasmaj~i.

25:39b.MAT.025.039 Urutia iisha jaa tepamin tura sepunam enketmin wainkiarsha winitir iimiaj~i?" turutiartatui.'

25:40b.MAT.025.040 `Turutainiakui Wi Uunt Akupin asan tiartatjai "Nekasan Tájarme, Ashí ju Wíi shuar péejchachisha waitnentramarum nu Winia anentakum Túraitrume" tiartatjai' Tímiayi.

25:41b.MAT.025.041 `Wi Uunt Akupin asan menaaruini wajainian tiartatjai "Atumsha Yajá wetarum. Yajauchijiai yuminkramuitrume. Yus uunt iwianchi ni suntarijiai tuke kajinkiashtin jinium apeatniua nui wétatrume atumsha.

25:42b.MAT.025.042 Atumka Wi tsukamai ayurtuachmarme. Kitiamaisha umartin suruschamarme.

25:43b.MAT.025.043 Wait Ajá wekaisha ikiatrachmarme. Pushirun imiampraisha entsartin suruschamarme. Jaa tepaisha tura sepunam enketaisha iiraichmarme" tiartatjai.'

25:44b.MAT.025.044 `Tutai niisha turutiartatui "ṡUrutia, Uuntá, tsukamakmesha, kitiamakmesha, wait Ajaknísha, pushiram imiampramsha, Jáakmesha, tura sepunam wait Ajá pujamnisha iisha winitir Yáinchamaj~i?" turutiartatui.'

25:45b.MAT.025.045 `Wi Uunt Akupin asan tiartatjai "Nekasan Tájarme, Ashí Wíi shuar, péejchachisha waitnentrachmarum nui Winiasha Túrutachuitrume" tiartatjai.

25:46b.MAT.025.046 Nu shuarka tuke Wáitsatniunam weartatui. Tura Yus achikma ainia nusha tuke iwiaaku Yusjai pujustinnium weartatui" Tímiayi Jesus.

26

26:1b.MAT.026.001 Jesus Ashí nuna tinia umik ni unuiniamurin tiarmiayi

26:2b.MAT.026.002 "Atumsha nékarme, Paskua jisat jeatin jimiarchik tsawant ajasai. Nui Wi Aents Ajasu asamtai Krúsnum Máawarti tusar surutkartatui" Tímiayi.

26:3b.MAT.026.003 Nuyá Israer-patri uuntrisha Israer-shuara jintinniurisha Israer-shuara uuntrisha Kaipiasa jeen áarin iruntrarmiayi. Kaipiassha Israer-patri uuntriyayi.

26:4b.MAT.026.004 Nui anankatin chichamjai Jesus achikiar maatai tusar chichaman jurusarmiayi.

26:5b.MAT.026.005 Tura tiarmiayi "Jístatin Túrachminiaiti aents téetet ajarain tusar."

26:6b.MAT.026.006 Jesus Petania péprunam pujus tunamaru Semunka jeen pujumiayi.

26:7b.MAT.026.007 Nui pujai nuwa ti kuit Jeá kunkuinian Arapástru tutai kaya najanamunam piakun itiamiayi. Tura Jesus misanam Yurumátaj tusa pujan Tarí nu kunkuinian ukatramiayi.

26:8b.MAT.026.008 Túramtai ni unuiniamuri nuna iisar kajerkar tiarmiayi "ṡUrukamtai au kunkuin Imiá Kuítniasha aantrasha wasurea?

26:9b.MAT.026.009 Antsu ti kuitjai suruk shuar Kuítrincha ainia nuna Yáitskesha" tiarmiayi.

26:10b.MAT.026.010 Jesus tuinian anturak tiarmiayi "ṡUrukamtai ju nuwa yajauch Enentáimtarum? Túrutana ju ti pénkeran Túrayi.

26:11b.MAT.026.011 Kuítrincha tuke atumjai pujushtatuak. Antsu Wikia atumjai tuke pujushtatjai.

26:12b.MAT.026.012 Ju nuwa kunkuinjai ukatrurai juka, Wi iwiarnastin asamtai aitkiarayi.

26:13b.MAT.026.013 Nekasan Tájarme, Ashí nunkanam uwempratin chicham etsernakui tuke ju nuwa pachinias etsernaktatui. Túramtai ni Túramuri kajinmankishtatui" Tímiayi.

26:14b.MAT.026.014 Nuyá Jesus tuse (12) unuiniamunmaya chikichik ni naari Jútas Iskariúti Jesusan suruktaj tusa Israer-patri uuntriin wémiayi.

26:15b.MAT.026.015 Tura jeari Tímiayi "Jesusan achikia amakui ṡUrutmá akirkaintrum?" Takui trainta (30) Kuítian akikiarmiayi.

26:16b.MAT.026.016 Nu akikiam Jútas itiurak Jesusan Súsaraintiaj tu Enentáimias wekaimiayi.

26:17b.MAT.026.017 Wakapruachu tantan Yurumáinia Nú Námper yama nankamkui Jesusa unuiniamuri tariar aniasarmiayi "ṡTui paskua Námper iwiaarakrin Yurumáttam?" tiarmiayi.

26:18b.MAT.026.018 Tuíniakui Jesus Tímiayi "Péprunam wetarum. Nui Chikichík shuara jeen jearum titiarum "Uunta chichaak "Winia tsawantur ishichik ajasai. Tuma asan paskua namperan winia unuiniamurjai ame jeemiin Yurumátjai" tawai" titiarum" Tímiayi.

26:19b.MAT.026.019 Tutai ni unuiniamuri wear Jesus timia nuna umikiar paskua nampertin Yurumátniun iwiararmiayi.

26:20b.MAT.026.020 Tura kashi Ajasái Jesus ni tuse (12) unuiniamurijiai misanam yurumuk pujumiayi.

26:21b.MAT.026.021 Nui Yurumáiniai Jesus tiarmiayi "Nekasan Tájarme, átum pujarmena Juyá chikichik Winia surutkattawai."

26:22b.MAT.026.022 Nuna takui ti Kúntuts Enentáimprar mai Aní awajiarmiayi "Uuntá, ṡWiáshitiaj?"

26:23b.MAT.026.023 Mai tu awajenam Jesus tiarmiayi "Wi Nú pininnuman jimiartukan yuajna ju Winia surutkattawai.

26:24b.MAT.026.024 Wi Aents Ajasu asan Yus Chicham tana nujai métek Túrunattajai. Túrasha shuar Winia surutkattana nuka ti Asutniátin asa akiinmainchu ajakuiti" Tímiayi.

26:25b.MAT.026.025 Nuyá Jútas suruktaj tana nu Niin Tímiayi "Uuntá nuikia ṡWiáshitiaj?" Takui Jesus Tímiayi "Ee, nekas ámetme."

26:26b.MAT.026.026 Tura yurumuk pujuiniai Jesus yurumkan achik Yúsan yuminsamiayi. Tura puur ni unuiniamurin suiniak Tímiayi "Ju yuatarum. Juka winia ayashruiti."

26:27b.MAT.026.027 Nuyá pininkian achik Yúsan yuminsamiayi. Tura suiniak tiarmiayi "Jusha Ashí umartarum.

26:28b.MAT.026.028 Juka winia numparuiti. Tura winia numpar Puármatai, yamaram chicham nekas uminkiattawai tawai. Tura Puármatai Untsurí shuara tunaarin tsankurattawai.

26:29b.MAT.026.029 Tura ataksha átum Yus akupea nui jeatsrumnin ju uwa yumirin umarchattajai. Tura tsawant jeamtai atumjai Yus akupeana nui yamarman umartatjai" Tímiayi Jesus.

26:30b.MAT.026.030 Yús-kantan Kantamáwar umikiar Uriwiu Náinnium wearmiayi.

26:31b.MAT.026.031 Nui Jesus Tímiayi "Ju kashi átum Winia Ashí natsantrurtatrume. Kame Yus-Papinium aarmaiti "Murikiu Wáinniun mantuattajai Túram murik pisarartatui." Tu aarmaiti.

26:32b.MAT.026.032 Tura nantakin Kariréa nunkanam Wi émkattajai átum wéatsrumin."

26:33b.MAT.026.033 Takui Pítiur Tímiayi "Chíkich natsantramainakuisha wikia Túrashtatjai."

26:34b.MAT.026.034 Tutai Jesus Tímiayi "Nekasan Tájame, ju kashi atash shiniatsain Menaintiú natsantrurtatme."

26:35b.MAT.026.035 Pítiur Tímiayi "Maa, Amijiai métek Mántuiniakuisha penkesha natsantrashtatjame." Ashí ni unuiniamuri Núnisan tiarmiayi.

26:36b.MAT.026.036 Nuyá Jesus ni unuiniamurijiai Jitsemaní Náartin ajanam Jeá Tímiayi "Juí pujusrum Nákarsatarum. Aranta ai wena Yúsan áujsatjai."

26:37b.MAT.026.037 Tinia Pítruncha tura mai Sepetéu Uchirí Jukí wémiayi. Nuisha ti Kúntuts Enentáimiuk wake mesekmiayi.

26:38b.MAT.026.038 Nuyá Jesus Tímiayi "Ti Kúntuts jakamnia Enentáimjai. Atumsha jui pujusrum Wijiai métek Iwiáa pujutarum."

26:39b.MAT.026.039 Tinia Jesus arantach we nui tikishmar tsuntsuma Yúsan áujeak Tímiayi "Winia Aparú, Wi Túrunatniua nu Nusháa iwiaramniaitkiuinkia ju Wáitsatniua nu tsankatrukaip. Tura Wi wakeraj Núniska áchati antsu Ame wakeram Núnis Atí" áujuk Tímiayi.

26:40b.MAT.026.040 Nuyá ni menaintiu unuiniamuri pujuiniamunam waketki Kanúu pujuinian jeariar Pítrun Tímiayi "Atumka chikichik úraksha Wijiai Iwiáa pujutin ṡtujinkiarmek?

26:41b.MAT.026.041 Iwiáa pujusrum Yus áujsatarum. Tunáa nupettamkairap. Enentáimin ti wakeriniaitrume Túrasha ayashim pimpiruiti."

26:42b.MAT.026.042 Tinia ataksha we Yúsan áujeak Tímiayi "Winia Aparú, Wi Imiá nekasan Wáitsatniuitkiuinkia nuikia Ame wakeramna nu Atí." Tu áujsamiayi.

26:43b.MAT.026.043 Nuyá ataksha taa ni menaintiu unuiniamuri tarimiayi. Tura kari ti nupeteam ataksha Kanúu pujuarmiayi.

26:44b.MAT.026.044 Túmainiakui niin ikiukin ataksha áujmia Núnisan Yúsan áujsataj tusa waketkimiayi.

26:45b.MAT.026.045 Aujas umik ni unuiniamuri pujamunman wémiayi. Tura tiarmiayi "Antsu yamaikia kanarum ayampratarum. Ura jeayi. Wi Aents Ajasu ain, tunaarintin shuarnum surunkatin jeayi.

26:46b.MAT.026.046 Wari nantaktiarum. Wéartai. Súrutna nu winiawai" Tímiayi.

26:47b.MAT.026.047 Jesus tu chichai Jútas Támiayi. Nusha ni unuiniamuriyayi. Nujaisha Untsurí shuar puniajaisha tura numijiaisha winiarmiayi. Nu shuaran Israer-patri uuntrisha Israer-shuara uuntrisha akupka ármiayi.

26:48b.MAT.026.048 Jútas, Jesusan sura, tuke Jesusai jeatsuk nu shuaran tiarmiayi "Wi miniakkan mukunattajna Núiti. Nu achiktarum."

26:49b.MAT.026.049 Nu asamtai Jesusan Tarí "Winiajai Uuntá" tinia mukunamiayi.

26:50b.MAT.026.050 Takui Jesus Tímiayi "Amikrú, ṡWarí winitiam?" Nuyá achikiar Jesusan Júkiarmiayi.

26:51b.MAT.026.051 Nui chikichik Jesusa Tsaníakmari ni puniarin ukuiniak shuara kuishin tsupirkamiayi. Nu shuarsha Israer-patri uuntri takarniuriyayi.

26:52b.MAT.026.052 Túramtai Jesus Tímiayi "Puniarum enkeata. Ashí puniajai Máanainia nusha puniajai mantamnashtatuak.

26:53b.MAT.026.053 Wi wakeraknaka winia Aparun Timiá Untsurí suntarin seakui Páchitsuk akupturkainti. ṡNu nékatsmek?

26:54b.MAT.026.054 Tura nuna Túramtainkia Yus-Chichamnum tana nu uminkiachainti" Tímiayi.

26:55b.MAT.026.055 Nuna tinia Jesus nu shuaran tiarmiayi "Atum Kasá achiktaj tawa Nútiksarum puniajaisha numijiaisha tarutniurme. Kame Ashí tsawantai Yusa Jeen atumjai pujusan Yus-Chichaman etsermiajai. Nuisha achirkachmarme.

26:56b.MAT.026.056 Antsu yamaikia yaunchu Yúsnan etserin aararmia nu Umínkiatí tusarum Jútikrarme." Tu Tímiayi Jesus. Nuyá ni unuiniamuri Jesusan Níniak ikiuiniak pisararmiayi.

26:57b.MAT.026.057 Shuar Jesusan achikiarmia nusha Kaipiasai Júkiarmiayi. Nusha Israer-patri Uuntríyayi. Nuisha Israer-shuara jintinniurisha Israer-shuara uuntri armia nusha irunar matsamarmiayi.

26:58b.MAT.026.058 Tura Pítiur árantak Jesusan nemarkin uuntri jeen aari jeamiayi. Tura suntarjai tsanin pujusmiayi Jesusan itiurkartin tusa.

26:59b.MAT.026.059 Tura Israer-patri uuntrisha Israer-shuara uuntrisha tura Ashí naamka uunt armia nusha Jesusan wait-chichamjai Súmamtikiatai tusar áujmatiarmiayi.

26:60b.MAT.026.060 Untsurí shuar ántar tsanumpruiniakuisha Máatin chichaman nekaracharmiayi. Nuyá Jimiará shuar tsanumpruiniak

26:61b.MAT.026.061 tiarmiayi "Ju aishman chichaak "Yusa Uunt Jeen yumpuaran ataksha Menaintiú tsawantin jeamminiaitjai," tu chichamai" tiarmiayi.

26:62b.MAT.026.062 Nuyá Israer-patri uuntri wajaki Jesusan Tímiayi "ṡAimtsumek. Turamainia nusha anturmammek?"

26:63b.MAT.026.063 Túrasha Jesus tuke aimchamiayi. Túmakui Israer-patri uuntri chicharuk "Nekas iwiaaku Yusa Náariin Tájame nekasa nu Táchakminkia Yus iirmastatui. ṡAme Krístukaitiam. Yusa Uchirínkaitiam? Paant Etsérkatá" Tímiayi.

26:64b.MAT.026.064 Tutai Jesus Tímiayi "Ee, ame Támena Núitjai. Tura ataksha atumin Tájarme, wi Aents Ajasu asan ti kakaram Yusa untsuurini pujai Wáitkiáttarme. Tura yuranminiam winiaisha Wáitkiáttarme" Tímiayi.

26:65b.MAT.026.065 Nuyá Patri uuntri nuna antuk ti kajek ni pushiri jaak Tímiayi "Ju aishman ni chichamejai Yúsan nekas yajauch chicharniuiti. Nuyásha ṡWarí atsumaj~i? Atumsha Yúsan yajauch chicharu antukcharumek.

26:66b.MAT.026.066 ṡWaritia Enentáimprum?" Tutai "Sumamayi. Mantamnati" tiarmiayi.

26:67b.MAT.026.067 Tiar usukiawarmiayi yapiniam. Tura awattiarmiayi. Chikichcha yapiniam awati wishikiainiak tiarmiayi

26:68b.MAT.026.068 "Ame Krístuchukaitiam. ṡYa awattama? iitsuk nekaata." Tu chichariarmiayi.

26:69b.MAT.026.069 Nu Túmain Pítiur aa pujai nuwa chikichik jeari Tímiayi "Amesha ju Kariréanmaya Jesus tutaijiai wekaichamkam."

26:70b.MAT.026.070 Tutai Pítiur Ashí ántuiniamunam Tímiayi "Nékatsjai. ṡWarittsuk chichaam?"

26:71b.MAT.026.071 Nuna tinia Jíinkitiaj tusa wéai Chíkich shuar Wáiniak nui pujuinian tiarmiayi "Au aishmansha Nasarétnumia Jesusjai wekainiuiti."

26:72b.MAT.026.072 Tutai Pítiur ataksha Tímiayi "Nekasan Tájarme, ju aishmankan penké nékatsjai."

26:73b.MAT.026.073 Arusan nui pujuarmia nu Pítrun tariar tiarmiayi "Nekas amesha aujai wekaimiame. Warí, chichammijiai Páantaiti."

26:74b.MAT.026.074 Tutai Pítiur "nekas Yus iirui" taku Tímiayi "Nu aishmankan penké nékatsjai." Nuna tai atash shiniukmiayi.

26:75b.MAT.026.075 Túramtai Pítiur Jesus nuik Tímia nuna Enentáimpramiayi. "Atash shiniatsain Menaintiú natsantrurtatme" Tímiayi Jesus. Pítiur nuna Enentáimiar jiinki we ti uutmiayi.

27

27:1b.MAT.027.001 Kashin tsawarmatai Israer-patri uuntrisha Israer-shuara uuntrisha Jesus maatai tiarmiayi.

27:2b.MAT.027.002 Tiar Jesusan jinkiawar apachi uuntrin Punsiu Piratui Júkiarmiayi.

27:3b.MAT.027.003 Jútas Jesusan suruk tura Máatai Tuínian antuk Enentáimiar trainta Kuítian Israer-patri uuntrincha Israer-shuara uuntrincha awantukiarmiayi.

27:4b.MAT.027.004 Tura Tímiayi "Nu aishman tunaarinchan Máatarum tusan surukan wi sumamajai." Takui tiarmiayi "Nusha iijiaisha Warí urukatin. Nuka amek iischatniukaitiam."

27:5b.MAT.027.005 Tinia Jútas nui Yusa Uunt Jee Kuítian utsan ikiuak Nuyá we kajempramiayi.

27:6b.MAT.027.006 Nuyá Israer-patri uuntri nu Kuítian Júukar tiarmiayi "Ju kuit shuar sumakma asamtai Yusa Kuítrijiai irurchamniaiti."

27:7b.MAT.027.007 Tura nuamtak áujmatsar "nunka sumaktai" tiar Nuwe Najantai nunkan sumakarmiayi yajaya shuar nui iwiarsatniun.

27:8b.MAT.027.008 Shuar sumakma kuitjai sumakma asamtai yamaisha Numpá Nunka tuke Tuíniawai.

27:10b.MAT.027.010 Nujai yaunchu Yúsnan etserin Jeremías timia nu uminkiamiayi: "Uunt Yus turutmia Núnisan Túrawarmiayi. Israer-shuar trainta Kuítian seawarmatai nuna akantrar nujai Nuwe Najantai nunkan sumakarmiayi." Tu aarmiayi.

27:11b.MAT.027.011 Jesusan apachi uuntriin ejeniarmatai nii aniasmiayi "ṡNekasmek Israer-shuara uunt Akupniuríntiam?" Tutai Jesus "Ame Támena Núitjai' Tímiayi.

27:12b.MAT.027.012 Nuyá Israer-patri uuntrisha Israer-shuara uuntrisha Súmamtikia Jesus pachischamiayi.

27:13b.MAT.027.013 Nuyá Piratu Tímiayi "Ashí yajauch chichartamainia nu ṡanturmammek?"

27:14b.MAT.027.014 Tútaisha Jesus penké aimkiachmiayi. Túmakui akupin ti Enentáimiar Títinian nekaachmiayi.

27:15b.MAT.027.015 Jísat tsawantin apachi uuntri Israer-shuar shiir Enentáimprarat tusa sepunam enketun shuar wakeramun jiiki ankant akupniuyayi.

27:16b.MAT.027.016 Nui sepunam Tunáa shuar Parapás Náartin pujumiayi. Ashí shuar nékarmiayi.

27:17b.MAT.027.017 Tuma asamtai Piratu Israer-shuar iruntrarun aniasmiayi "ṡYana ankant akupkat tusarum wakerarum. Parapásnak akupkattaj; Kristu tutai Jesusnak akupkattaj?" Tímiayi.

27:18b.MAT.027.018 Kame Israer-shuar ántar kajerainiak ni itiarmian nekaamiayi.

27:19b.MAT.027.019 Tura Piratu nuna inintrak pujai ni Nuarí chichaman akuptukmiayi. "Ju pénker aishman Súmamtikiatniujai pachiinkiaip. Mesekranam nii aitkiatniun nekaan Wáitsan tsawarjai" Tímiayi.

27:20b.MAT.027.020 Túrasha Israer-patri uuntrisha Israer-shuara uuntrisha "Parapás ankant Wetí, tura Jesus mantamnati" titiarum tusar Shuáran akatrarmiayi.

27:21b.MAT.027.021 Apachi akupniuri ataksha aniasarmiayi "Ju Jimiará aentsun ṡyana ankant akupkat tusarum wakerarum?" Tutai "Parapás" tiarmiayi.

27:22b.MAT.027.022 Tutai aniasarmiayi "Jesusnasha. Yusa Anaikiamuri Kristu tuinia nunasha, ṡItiúrkáttaja?" Tutai Ashí "Krúsnum Máatá" tiarmiayi.

27:23b.MAT.027.023 Tuíniakui Piratu tiarmiayi "ṡWarí yajauchinia Túrait?" Tutai kakantar untsumuk "Krúsnum Máatá" tiarmiayi.

27:24b.MAT.027.024 Tura Piratu Jesus uwemtikrachminiaitkiui antsu Ashí shuar charaatum ajainiakui entsa uturtitiarum tusa seamiayi. Tura Ashí iimiainiain ikijmiak Tímiayi "Ju pénker aishman Máatniunam wikia pachiintsujai. Antsu atumek iistarum."

27:25b.MAT.027.025 Tutai Ashí shuar tiarmiayi "Iik ii shuarijiai ju aishman Máatin iistaji."

27:26b.MAT.027.026 Nuyá Piratu Parapásan ankant akupkamiayi. Tura Jesus Asutiárum Krúsnum Máatárum tusa akupkamiayi.

27:27b.MAT.027.027 Nuyá akupin pujutai jeanam akupniu suntari Jesusan Júkiar Ashí suntaraim irunturarmiayi.

27:28b.MAT.027.028 Tura pushiri aitkiar akupin entsatain kapaaku pushin aentsrarmiayi.

27:29b.MAT.027.029 Múuknúmsha tawaspan janki najanamun etsemtikiarmiayi. Tura karisun akupniu numiria aaniun Untsuuríni ataksarmiayi. Túrawar wishikiainiak tikishmatrar tiarmiayi "Israer-shuara uunt akupniurinme."

27:30b.MAT.027.030 Tiar usukiarmiayi. Tura karisun jurukiar Múuknum awatiarmiayi.

27:31b.MAT.027.031 Tura Núkap wishikrar kapaaku pushin aitkiar ni pushirin aentsrarmiayi. Nuyá Krúsnum maatai tusar Júkiarmiayi.

27:32b.MAT.027.032 Jesusan Jukí wésar Serini nunkanmaya shuaran, ni naari Semun, Jesusa Krúsrin jurukit tusar achikiarmiayi.

27:33b.MAT.027.033 Nuyá Kúrkutanam ejeniarmiayi. Kúrkutaka, shuar chichamjainkia, muuka ukunch Tútainti.

27:34b.MAT.027.034 Nui Jesusan umutai Yapájai pachimpra najanamun aartaj tusar Súsarmiayi. Tura Jesus apas iis umarchamiayi.

27:35b.MAT.027.035 Krúsnum ajintrurar suntar Yáki Jesusa pushirin jukit tusar nakurusar awakmakua nuna Súsarmiayi. Nújainkia yaunchu Yúsnan etserin aarmia nu uminkiamiayi: "Winia entsarmarun akantrarmiayi tura nakurusar awakmakua nuna winia pushirun Súsarmiayi." Tu aarmiayi.

27:36b.MAT.027.036 Nuyá Wáinkiatai tusar pujursarmiayi.

27:37b.MAT.027.037 Tura urukamtai Máamuit Ashí aents nekaawarti tusa aarman muuknumaani anujtukarmiayi. JUITI JESUS, ISRAERA UUNT AKUPNIURI Tu aarmauyayi.

27:38b.MAT.027.038 Núnisan Niijiai métek Jimiará kasa chikichkin untsuurnumani tura chikichnasha menaanmani Krúsnum Máawarmiayi.

27:39b.MAT.027.039 Shuar nui nankaamainiak muuke peatar wishikiainiak

27:40b.MAT.027.040 tiarmiayi "Ame Yusa Uunt Jee Sáakim Menaintiú tsawantin jeamtatjai Tíchakaitiam. Nekas Yusa Uchirínkiumka Krúsnumia akaikim uwemprata" tiarmiayi.

27:41b.MAT.027.041 Núnisan Israer-patri uuntrisha, Israer-shuara jintinniurisha, Pariséusha, Israer-shuara uuntrisha, Jesusan wishikiainiak nuamtak tiarmiayi

27:42b.MAT.027.042 "Chikichnaka uwemtikraiti tura Nínkikia uwemtsui. Israera Uunt Akupniuríntkiunka Krúsnumia akaikimtai nekas Enentáimtustatji.

27:43b.MAT.027.043 "Yúsan nekas Enentáimtiniaitjai" tawai. Wátsek, Yus nekas Niin aneakka uwemtikrati. "Wi Yusa Uchiríntjai" turamchamkaj~i" tiarmiayi.

27:44b.MAT.027.044 Kasá shuarsha Niijiai ajintruamu armia nusha Niin wishikrarmiayi.

27:45b.MAT.027.045 Nuyá tutupin ai tee ajasmiayi. Túrunayat ataksha aanku Tsáapin ajasmiayi.

27:46b.MAT.027.046 Nuni ai Jesus kakantar untsumkamiayi. "Erí, Erí, rama sapaktani' Tímiayi. Nusha shuar chichamjainkia "Yusrú, Yusrú, ṡurukamtai ajapa ikiurkiniam?" tawai.

27:47b.MAT.027.047 Shuar nui wajarmia nusha nuna Enentáimtsuk antukar tiarmiayi "Yaunchu Yúsnan etserniun Eríasan untsuawai."

27:48b.MAT.027.048 Tura chikichik tsékenki we uruchin itiamiayi. Tura churuinian ajamper sapapjai Ijiú mukunati tusa susamiayi.

27:49b.MAT.027.049 Tura chikichcha Wíshikeak tiarmiayi "Iniáisatá, Erías Tarí uwemtikratpiash."

27:50b.MAT.027.050 Jesus ataksha kakantar untsumak Nuyá jakamiayi.

27:51b.MAT.027.051 Nu chichamaik Yusa Uunt Jee tarach ajamu yakiiniya achik nunkaani tseu jaanakmiayi. Nunkasha úurkamiayi. Kayasha jakukarmiayi.

27:52b.MAT.027.052 Núnisan iwiarsamusha uraniarmatai Untsurí Yus-shuar Jákarusha nantakiarmiayi.

27:53b.MAT.027.053 Nusha emka Jesus nantakmiatai niisha nantakiar iwiarsamun ikiukiar Yusa péprurin Jerusarénnum wayawarmatai Untsurí shuar Wáinkiarmiayi.

27:54b.MAT.027.054 Nuyá suntar Jesusan Wáinkiarmia nusha tura ni Kapitiántrisha nunka úurkamtai Nuyá chikichcha ashammai ajasmatai ti sapijmiakarmiayi. Tura tiarmiayi "Ju aishman nekas Yusa Uchirínti."

27:55b.MAT.027.055 Nuisha nuwa Jesusan nemariarmia nu, arant wajasar, ii wajaarmiayi. Nusha Kariréanmaya pataatukiar Jesusan yainki ejeniarmiayi.

27:56b.MAT.027.056 Nujai Máktaranmaya Marisha, Sepetéu nuwésha, tura Chíkich Marisha ármiayi. Chíkich Marikia Jakupuncha tura Jusencha Nukuríyayi.

27:57b.MAT.027.057 Kiarai shuar ti Kuítrintin Arimatéu péprunmaya ni naari Jusé Támiayi. Nusha Jesusan Enentáimtiniuyayi.

27:58b.MAT.027.058 Nii Piratui we Jesusa ayashin seamiayi. Niin Súsarat tusa Piratu akupkamiayi.

27:59b.MAT.027.059 Túram Jusé Jesusa ayashin krusnumia jusa ti pénker tarachjai penuarmiayi.

27:60b.MAT.027.060 Tura kaya waa Táurmanum yamaram amia nui iwiarsamiayi. Ni iwiarsatin Táumtikramunam Jusé iwiarsamiayi. Iwiaras kaya uuntjai etektuk ikiuak wémiayi.

27:61b.MAT.027.061 Nuisha Máktaranmaya Marísha tura Chíkich Marísha iwiarsamunam naka ii pujuarmiayi.

27:62b.MAT.027.062 Nú Kíarain ayampratin tsawantna mash iwiarnakui Israer-patri uuntrisha Pariséusha Piratui wearmiayi.

27:63b.MAT.027.063 Tura tiarmiayi "Uuntá, nu Wáitrin aishman iwiaaku pujus "Menaintiú tsawant jakan nantaktiatjai" Tíniuyi.

27:64b.MAT.027.064 Nu asamtai iwiarsamunam menaintiu tsawant suntar Wáinkiarat tusa akuptukta. Ni unuiniamuri kashi tariar tura ni ayashin kasamkar "Pai, nantakni" Shuáran tiarain. Jujainkia nuna nankaamas Shuáran anankawarainti" tiarmiayi.

27:65b.MAT.027.065 Tutai Piratu tiarmiayi "Nui suntar takakrume. Werum iwiarsamu urakchamnia pénker Wáinkiatárum."

27:66b.MAT.027.066 Tutai wear iwiarsamun urankashti tusar etektukma inkiunmanum serajai yakarar ni aarmarin anujtukarmiayi. Tura suntarnasha awajtukiarmiayi.

28

28:1b.MAT.028.001 Ayampratin tsawant nankaamasmatai tumintin yama tsawaana ai Máktaranmaya Marisha Chíkich Marijiai iwiarsamu iyutai tusar wearmiayi.

28:2b.MAT.028.002 Tumai Yusa suntari nayaimpinmaya iwiarsamun Tarí kaya atutkamun urak nui pujusmiayi. Túmakui nunka ti úurkamiayi.

28:3b.MAT.028.003 Yusa suntarisha peemia Tímiatrus Wínchauyayi. Pushirisha ti puju áuyayi.

28:4b.MAT.028.004 Tura iwiarsamun Wáiniarmia Nú suntarsha nuna Wáinkiar ashamainiak ti kurankarmiayi. Jaká ainis ajasarmiayi.

28:5b.MAT.028.005 Nuyá nayaimpinmaya suntar nuwan Tímiayi "Ashamkairap. Jesus Krúsnum Máawarmia nu eatsrumek.

28:6b.MAT.028.006 Juinkia pujatsui. Nii timia Núnisan nantakniuiti. Pai, aepsarma nu iitiarum.

28:7b.MAT.028.007 Wárik wérum ni unuiniamuri "Jesus jakamunmaya nantakni tura wari Kariréanam wétatui. Nui werirum Wáinkiáttarme" titiarum. Wats, nunak Tájai" Tímiayi.

28:8b.MAT.028.008 Tutai nu nuwa iwiarsamunmaya Wárik Jíinkiar ashamainiayat ti warasar tseke waketkiarmiayi ni unuiniamurin ujaktai tusar.

28:9b.MAT.028.009 Tumai Jesus wantintiukarmiayi. Tura "pujarmek" takui Jesusan tariar tikishmatrar nawencha miniakrusar shiir awajsarmiayi.

28:10b.MAT.028.010 Túram Jesus tiarmiayi "Ashamprukairap. Werum winia yatsur ujatruktarum. Kariréanam Weartí. Nui wear Wáitkiartatui. Tu ujaktarum" Tímiayi.

28:11b.MAT.028.011 Nuwa wéarmatai iwiarsamu Wáinin suntarsha péprunam wéar Israer-patri uuntrin Ashí Túrunamun ujakarmiayi.

28:12b.MAT.028.012 Niisha nuna antukar Israer-shuara uuntrijiai áujmatsatai tusar wearmiayi. Aujmatsar suntaran ti Kuít akikiar

28:13b.MAT.028.013 tiarmiayi "Atumsha étserkuram "Kashi kanararin ni unuiniamuri taar Jesusa ayashin kasamkarmai" titiarum.

28:14b.MAT.028.014 Tura akupin átum kanarman nekamtaisha niijiai ii iwiarattaji atumin yajauch awajtamsain tusar" tiarmiayi.

28:15b.MAT.028.015 Nuyá suntarsha Kuítian achikiar tiarmia nuna Tímiatrusan Titiái tusar wéarmiayi. Tura tuke yamaisha Israer-shuar tu Túrunaiti Tuíniawai.

28:16b.MAT.028.016 Nuyá ni auntse (11) unuiniamuri Kariréanam wéarmiayi. Tura Jesus timia Nú nainnium jeawar

28:17b.MAT.028.017 nui Jesusan Wáinkiar tikishmatrarmiayi. Kame Chíkichka Jesusashit Tuíniayat Niin Wáinkiar tikishmatrarmiayi.

28:18b.MAT.028.018 Nuyá Jesus Tíjiuch Tantá Tímiayi "Ashí nayaimpinmasha nunkasha akupkatniun kakarman surusuiti.

28:19b.MAT.028.019 Tuma asamtai Ashí nunkanam werum Ashí shuar jintintiarum Wíi shuar awajsatarum. Túrarum Yus Apa Náarijiai, Yus Uchi Náarijiai, tura Yus Wakani Náarijiai imiaitiarum.

28:20b.MAT.028.020 Ashí atumin Wi akatramajrum nu Nútiksarmek umiktin unuiniartarum. Tura ju nekaatarum: Tuke tsawantai ikiutsuk atumjai pujuttajai" Tímiayi Jesus.