1 Corinthians (Romani)

1

1:1b.1CO.001.001 O Pavlo, akhardo te avel apostle le Jesus Kristosko katar e voia le Devleski, ai o phral Sostenes.

1:2b.1CO.001.002 La khangeriaki le Devleski kai si ande Corinth, kodolenge kai sas swuntsome ando Jesus Kristo, akharde te aven Swuntse, ai sa kodola kai si ande swako than ande vari savo than, phenen o anav amaro Devlesko Jesus Kristo, lengo Del si ai amare Del si.

1:3b.1CO.001.003 Te avel tumenge dino o mishtimos, ai e pacha, katar O Del amaro Dat, ai katar O Del Jesus Kristo.

1:4b.1CO.001.004 Bi te terdiuav naisiv le Devleske anda tumende, anda mishtimos le Devlesko kai si tumenge dino ando Jesus Kristo;

1:5b.1CO.001.005 Ke ande leste pherdilian sa le barvalimata kai si ande vorba ai ando divinimos, ai ando zhanglimos;

1:6b.1CO.001.006 O zakono le Kristosko thodiape zurales mashkar tumende;

1:7b.1CO.001.007 Anda kodia chi mai trobul tume chi iek zhanglimos zhi kai azhukeren te sikadiol amaro Del O Jesus Kristo.

1:8b.1CO.001.008 Vi zurarel tume zhando gor, kashte te aven bi doshako o dies amaro Devlesko Jesus Kristo.

1:9b.1CO.001.009 Phrala le, sicharav tume pa anav amare Devlesko O Jesus Kristo.

1:10b.1CO.001.010 Te avel tume savorhen iek divano ai te na avel mashkar tumende xuliamata, numa te aven mishto, chidine ande iek gindo ai iek zakono.

1:11b.1CO.001.011 Ke murhe phral ashundem pa tumende katar le manush anda Chole, ke si mashkar tumende chingara.

1:12b.1CO.001.012 Mangav te phenav ke swako anda tumende del duma kadia, me sim katar o Pavlo, ai me katar Apollos, ai me katar o Cephas, ai me katar O Kristo.

1:13b.1CO.001.013 O Kristo xulado lo, o Pavlo sas karfomesas po trushul anda tumende? Vai ando anav o Pavlo sanas bolde?

1:14b.1CO.001.014 Naisiv le Devleske ke chi boldem chi iekes anda tumende, ferdi Crispus ai o Gaius.

1:15b.1CO.001.015 Kashte khonik te na phenel ke sanas bolde ande murho anav.

1:16b.1CO.001.016 Mai boldem la familia le Stephanoske; chi zhanav te mai boldem avre manushes.

1:17b.1CO.001.017 O Kristo chi tradia ma te bolav, numa te phenav e lashi viasta; ai kodia bi te avel gojaver divano, kashte te na xasavol o trushul le Kristoske.

1:18b.1CO.001.018 Ke o divinimos le trushulesko dilimos si kodolenge kai xaiin; numa amenge kai sam skepime, wo si e putiera le Devleski.

1:19b.1CO.001.019 Vi ramome si, phagava o zhanglimos kodolengo kai zhanen, ai bi lava e goji le gojavrenge.

1:20b.1CO.001.020 Kai lo o gojarver? Kai lo kai ramon? Kai lo o chingaras kadala vriamako? O Del sikadia kai o zhanglimos la lumiako si prosto.

1:21b.1CO.001.021 Ke fin e lumia peske zhanglimasa chi prinzhardia le Devles ando zhanglimos le Devles, drago sas le Devleske te skepil kodolen kai pachanpe pa dilo divano.

1:22b.1CO.001.022 Le Zhiduvuria mangen ek semno, ai le Grekuria roden zhanglimos.

1:23b.1CO.001.023 Ame das duma pa Kristo karfome, lazhav le Zhidovonge, dilimos le Grekonge.

1:24b.1CO.001.024 Numa putiera le Devleski, ai goji le Devleski kodolenge kai si akharde, kadia le Zhidovonge sar le Grekonge.

1:25b.1CO.001.025 Ke o dilimos le Devlesko mai gojaver lo sar le manush; ai slabomos le Devlesko mai zuralo lo sar le manush.

1:26b.1CO.001.026 Le sama, phrala le, ke mashkar tumende kai san akharde nai but gojaver po manushenge, nai chi but zurale, chi but andai vari vitsa:

1:27b.1CO.001.027 Numa O Del alosardia le dile dieli la lumiake te sikavel e dosh le gojavrenge, O Del alosardia le slabi dieli la lumiake te rimol zurales.

1:28b.1CO.001.028 Ai O Del alosardia le zhungale dieli la lumiake, ai kodola kai si gratsia, ai kodola kai nai le geton kodolen kai si kashte.

1:29b.1CO.001.029 Chi iek stato te na luvudilpe angla Del.

1:30b.1CO.001.030 No anda leste tume san ando Jesus Kristo, kodo kai anda Del sas kerdo amenge goji, vortamos, swuntsomos, ai chinimos.

1:31b.1CO.001.031 Kachte sar si ramome, ke kodo kai luvudilpe, te luvudilpe ando Del.

2

2:1b.1CO.002.001 Mange, phrale, kana gelem tumende, na bare divanosa vai gojasa, avilem te phenav tumenge pa Del.

2:2b.1CO.002.002 Te nas ma gindo te zhanav mashkar tumende aver diela, ferdi O Jesus Kristo, ai lesko merimos po trushul.

2:3b.1CO.002.003 Me korkorho simas tumende slabo, ai daras, ai izdramasa.

2:4b.1CO.002.004 Ai murhi vorba ai murho divano nas bare vorbi kai parhuven la gojasa, numa sas dino ande putiera le Swuntsone Duxoski.

2:5b.1CO.002.005 Kashte tumaro pachamos te na avel kerdo pe goji le manushenge, numa ande putiera le Devleski.

2:6b.1CO.002.006 Numa iek goji si kai phenas mashkar le shave le Devleske kai barile ando Del, kadala zhanglimos nai katar e lumia, vai katar le bare kai poronchin adies. Won meren ai vi lengo zhanglimos merel lensa.

2:7b.1CO.002.007 Ame phenas e goji le Devleski, shodo ai garadi, kai O Del mai anglal sar le bersh shinadisas pe amaro barimos.

2:8b.1CO.002.008 Goji kai chi iek baro anda kadala bersh chi zhanglia, ke te zhanglino la nashti karfon le Devles le bares.

2:9b.1CO.002.009 Numa sar si ramome, kai e iakh chi dikhlia, kai o khan chi ashundia, ai kai chi avile ando ilo le manushesko, dieli kai O Del lashardia kodolenge kai si lenge drago.

2:10b.1CO.002.010 O Del sikadia lenge pa Duxo; ke o Duxo zumavel swako fielo vi o garavimos le Devleske.

2:11b.1CO.002.011 Savo andal manush chaches zhanen le dieli le manusheske, te na avela o Duxo le Manushesko kai san ande leste? Saikfielo khonik chi zhanel le dieli le Devleske, de ferdi O Duxo le Devlesko.

2:12b.1CO.002.012 Akana chi liam o duxo la lumiako, numa o Duxo kai avel katar O Del; kashte te zhanas le dieli kadia sas O Del ande pesko mishtimos.

2:13b.1CO.002.013 Ai ame das duma, na divanonsa kai sicharel e goji la manushenge, numa kodola sas kai sicharel O Swunto Duxo; phenas divano duxosko pel dieluria le duxoske.

2:14b.1CO.002.014 Numa o manush zhigania (manush kai chi pachalpa ando Del), chi lel le dieli anda Duxo le Devlesko; ke leske si dilimos, ai nashte zhanel le, ke ferdi Duxosa sai haliarel.

2:15b.1CO.002.015 O manush duxosko aver fielo kerel kris pe sa le dieli, ai pe leste korkorho chi kerel kris khonik.

2:16b.1CO.002.016 Ke kon zhanelas o gindo le Devlesko, te sicharel les? Numa si ame o gindo le Kristosko.

3

3:1b.1CO.003.001 Me, phrala le, chi dem tumensa duma sar manush duxosko, numa sar manush la lumiake, sar shave ando Kristo.

3:2b.1CO.003.002 Dem tume thud, na xamos zuralo; ke nashti rhevdina les, ai chi akana, inker nashti rhevdina les.

3:3b.1CO.003.003 Ke inker san manush la lumiake: chaches kai si mashkar tumende zhaluzia, ai chingara, chi san manush ai chi phiren sar o manush la lumiake?

3:4b.1CO.003.004 Kana iek phenel, me sim katar o Paul; o kaver, me katar o Apollos, chi san o manush la lumiake?

3:5b.1CO.003.005 So si o Pavlos? So si o Apollos, slugi kai lendar pachaian, sar dia O Del swakones?

3:6b.1CO.003.006 Me thodem ande phuv, o Apollos shudia pai: numa O Del kerdia te bariarel.

3:7b.1CO.003.007 Kadia nai, kodo kai thol ande phuv ke si vari so, chi kodo kai shordia pai; numa O Del kai kerel te bariarel.

3:8b.1CO.003.008 Kodo kai thol ande phuv ai kodo kai shorel pai iek fielo le: ai swako lela peski podarka pala peske buchi.

3:9b.1CO.003.009 Ke ame keras buchi andek than le Devlesa: tume san o kimpo le Devlesko, ai vi san o kher le Devlesko.

3:10b.1CO.003.010 Sar o mishtimos le Devlesko kai sas mange dino, thodem o fundo sar o gojaver, ai aver vazdia opral. Numa swako te arakhelpe sar vazdel opral.

3:11b.1CO.003.011 Ke khonik nashti thol aver fundo, ke ferdi kodo kai sas thodino, O Jesus Kristo.

3:12b.1CO.003.012 Akana te vari kon vazdela pe kodo fundo sumnakasa, rupesa, kuchi baxensa, khashtensa, sulumensa, kasesa,

3:13b.1CO.003.013 swakoneski buchi dichola; ke o dies kerel te dichol: ke sikadiola ande iag, ai iag zumavel so si swakoneski buchi.

3:14b.1CO.003.014 Vari kaske buchi vazdini po fundo rhevdila, lela e podarka.

3:15b.1CO.003.015 Te e buchi vari kaske phabola, xasarela peski podarka; numa wo avela skepime: numa sar te skepisardia sas andai e iag.

3:16b.1CO.003.016 Chi zhanen ke tume san e khangeri le Devleski, ai kai Duxo le Devlesko beshel ande tumende?

3:17b.1CO.003.017 Te vari kon phagela e khangeri le Devleski, O Del phagavel les; ke e khangeri le Devleski swuntsola, ai kadia san tume.

3:18b.1CO.003.018 Khonik te na diliarel pe korkorho. Te vari kon mashkar tumende rhevdilpe ke gojaver lo ande kodia lumia, te kerdiol dilo, kashte te kerdiol gojaver.

3:19b.1CO.003.019 Ke e goji kadale lumiaki dilimos si angla Del. Ke ramome si, O Del astarel le gojavren ande lengo chorhimos.

3:20b.1CO.003.020 Ai mai, O Del zhanel le ginduria le gojavrenge, ai zhanel ke intaino si.

3:21b.1CO.003.021 Khonik, te na thol pesko barimos andel manush, ke sa tumenge si.

3:22b.1CO.003.022 Te avel Pavlo, vai Apollos, vai Cephas, vai e lumia, vai o traio, vai e martia, vai le dieli kai si akana, vai le dieli kai si te aven; sa tumaro si;

3:23b.1CO.003.023 ai tume san le Kristoske; ai O Kristo si le Devlesko.

4

4:1b.1CO.004.001 Kadia te dikhen pe ame, sar slugi ke Kristoske, kai das o shodimos le Devlesko.

4:2b.1CO.004.002 So mangelpe katar kodola kai den, te arakhadiol swako chacho.

4:3b.1CO.004.003 Mange xantsi, tume te keren pe mande kris, vai manushenge kris; ai chi me chi kerav pe mande kris, ke chi haliarav ma doshalo pe kanch.

4:4b.1CO.004.004 Numa nai anda kodia ke sim chacho, kodo kai kerel pe mande kris si O Del.

4:5b.1CO.004.005 Anda kodia na keren kris pe kanchi mai anglal sar e vriama, zhi kai avel O Del, kai thola anda sveto so godi si garado ando tuniariko, ai sikavela le ginduria le ilenge. Antunchi swako lela katar O Del o luvudimos kai si lesko dino.

4:6b.1CO.004.006 Anda tumende, phrala le, kerdem kadala dieluria mange ai le Apollos, kashte te sichon pa amende te na zhan mai angle anda so si ramome, ai khonik anda tumende te na kerel bariarel iekes po kaver.

4:7b.1CO.004.007 Ke so si kai sikavel? So si tu kai chi lian, ai te lian sostar bariares tu sar te na lianas le?

4:8b.1CO.004.008 Vunzhe chaile san! Vunzhe barvale san! Tume traiin sar amperaturia bi amensa, ai te dashtinas te aven bare, kashte te lia ame avas bare tumensa.

4:9b.1CO.004.009 Ke O Del miazol mange kerdia anda amenge apostluria le palune andal manush, sar shinade ka martia: anda kadia dikhlia ame e lumia le angeluria, ai le manush.

4:10b.1CO.004.010 Dile sam pala Kristo, numa tume san gojaver ando Kristo! Ame sam slabe, numa tume san zurales! Tume san respektome, ai ame sam shudine.

4:11b.1CO.004.011 Zhi ka kado chaso bokhale sam, trushale sam, nange sam, marde sam, ai phiravas ame than thanestar.

4:12b.1CO.004.012 Ai keras buchi amare vastesa: stramime sam, rhugisaras lenge; chinuime sam, rhevdisaras: xoxaven pe amende, dem duma lashimasa;

4:13b.1CO.004.013 kerdiliam sar o gunoi la lumiake, ai ame sam o shudimos la savorhenge zhi akana.

4:14b.1CO.004.014 Chi ramon kadala dieli te kerav tumenge lazhav, numa te phenav tumenge sar murhe drazhi shavorhe.

4:15b.1CO.004.015 Ke marka te avela tume desh mi xazhaino ando Kristo, nai tume but dada, tume avilian shave le Devleske, kana phendem tumenge e lashi viasta.

4:16b.1CO.004.016 No mangav ma tumende, keren sar mande.

4:17b.1CO.004.017 Anda kodia tradem tumenge o Timote, kai si murho drago shav, ai chacho ando Del, phenela tumenge save si murhe droma ando Kristo, ai chi fiela sicharav kai godi ande sa le khangeria.

4:18b.1CO.004.018 Uni puchi le ande barimata, sar akana te na si te avav tumende.

4:19b.1CO.004.019 Numa sigo zhava tumende, te si voia le Devleski, ai zhanava so le puchile keren, ai na ferdi so won phenen.

4:20b.1CO.004.020 Ke o rhaio le Devlesko nai andel vorbi, numa ande putiera.

4:21b.1CO.004.021 So mangen? Te zhav tumende le ka rovliasa, vai dragomasa, ai iek duxo guglo?

5

5:1b.1CO.005.001 Ashundiol ke si mashkar tumende kurvimos, kasavestar zhungalimos kai chi arakhadiol mashkar le manush kai chi pachanpe ando Del, ieke si les leski dadeski rhomni sar leski rhomni.

5:2b.1CO.005.002 Ai pherde barimata san, ai chi san ando nekazo? Mai mishto te shudel kodoles mashkar tumende kai kerdia kodia diela.

5:3b.1CO.005.003 Me chi sim tumensa le statosa, numa murhe ginduria tumensa, vunzhe kerdem e kris, sar kana avilemas mashkar tumende, pala kodo kai kerdia kodia diela.

5:4b.1CO.005.004 Anda anav le Devlesko O Jesus Kristo, tume ai murho gindo andek than ai e putiera le Devleski O Jesus Kristo.

5:5b.1CO.005.005 Ka savo manush trobul e den les ka beng te phagel lesko stato, kaste te skepil lesko gindo ai te avel skepime ando dies le Devlesko.

5:6b.1CO.005.006 Nai mishto te keren barimata, chi zhanen ke xantsi drozhda kai thon ando arho vushtel zurales opre?

5:7b.1CO.005.007 Keren te xasavol o phurano drozhda kai vazdel arho, kashte te kerdion nevo arho, ke tume san bi drozhda. Ke amaro Dies O Baro le Zhidovongo si gata, kadia si O Kristo, amaro prazniko bakro, mulo po trushul amenge.

5:8b.1CO.005.008 Keras kadia kado prazniko, na phurane drozhde, na zhungalimasa, ai bengimasa; numa neve manrhensa le vuzhomasko rharchistonar ai chachimos.

5:9b.1CO.005.009 Ramosardem tumenge ande murho lil te na avel tume brokalia le marimenensa:

5:10b.1CO.005.010 Na savsem le marimenensa anda kadia lumia, vai chi le chorensa, vai le xozharensa, vai kodolensa kai den le changa angla le ikoni, ai kai si lenge anda gindo le dieluria kai chi trobul, ke te kerel anda kodia tobulsardino te anklen avri andai lumia.

5:11b.1CO.005.011 Akana ramosardem tumenge te na avel tume brokalia le manushensa, te vari kon kai phenel peske phral keren zhungalimos, vai mangel so si nai leske, vai si le dieluria chorhe, vai zhungale, vai macharde le, vai chor, vai rhugis tu kal ikoni, te na chi xa kasave manushestar.

5:12b.1CO.005.012 So trobul te kerav kris pe kodola kai si avrial?

5:13b.1CO.005.013 Ande kodola te trobul te kerav kai si andre? Kodola avrial kerela O Del te le pe kris. Shude le chorhe mashkar tumende.

6

6:1b.1CO.006.001 Te si tume kris mashkar tumende, na kerel la mashkar le manush kai nai chache.

6:2b.1CO.006.002 Chi zhanen ke tume si te keren e kris pe lumia? Ai ke pa tume si te keren e kris la lumiake, chi san kasave bi lashe te keren kris?

6:3b.1CO.006.003 Chi zhanen ke vi pa le angeluria si te keras kris? Ai mai but si te keras kris pel dieluria kadale traioske?

6:4b.1CO.006.004 Kana si tume vari so kai nai mishto mashkar tumende pe kado traio, ai kai san le manush la khangeriake na vi le manushen te keren tumenge kodia kris.

6:5b.1CO.006.005 Phenav tumaro lazharial. Si mashkar tumende iek manush kai nai gojaver te phenel kadala divanuria mashkar le phral?

6:6b.1CO.006.006 Te phral kerela kris pe aver phral, ai kodia anglal manush kai chi pachanpe ando Del.

6:7b.1CO.006.007 Vunzhe bari dosh si tume, ke si tume mashkar iek kavreste. Sostar chi rhevdin mai binen te keren tumenge slabar?

6:8b.1CO.006.008 Numa tume keren so nai vorta. Tume len katar le manush, ai kana xasar len, xasar che phral.

6:9b.1CO.006.009 Kana keren kadia chi zhanen kai won nai vorta angla Del, chi zhana ando rhaio le Devlesko. Na shubin tume; kodola kai keren zhungalimata, vai kodola kai keren marimenen, vai kodola kai keren kurvimos, vai kodola kai rhuginpe kal ikoni,

6:10b.1CO.006.010 vai kodola kai choren, vai kodola kai mangen mai but sar trobul le, vai kodola kai si macharne, vai kodola kai keren pupuimos, vai le chor, chi zhana ando rhaio le Devlesko.

6:11b.1CO.006.011 Uni anda tumende kerdia kodia, numa xalade sanas katar che bezex, chistime sanas, vuzharde sanas ando anav le Devlesko O Jesus, ando O Duxo amare Devlesko.

6:12b.1CO.006.012 Swako fielo slobodo mange, numa swako fielo chi trobul: swako fielo sai kerav, numa chi mekav vari so te kerel mandar ek sluga,

6:13b.1CO.006.013 numa chi mangav te kerav vari so pala o xaben kai zhal ando ji, ai o ji si le xabeneske, numa O Del phagela iekes ai le kolaver. O stato nai kerdo te kerel o zhungalimos, o stato si le Devlesko; ai O Del si le statosko.

6:14b.1CO.006.014 O Del kai zhuvindisardia amare Devles, zhuvindila vi amende peski putiera.

6:15b.1CO.006.015 Chi zhanen ke tumaro stato si le kotora le Kristosko? Si te lav ek kotor le Kristosko te ningerav les kal rhas. Nichi!

6:16b.1CO.006.016 Vov si! Dur kotsar! Chi zhanen! Ke kodo kai tholpe le punrhensa kerdiol iek stato rhas? Ke phendo, le dui kerdionas iek stato.

6:17b.1CO.006.017 Numa kodo kai astardiol ka Del wo si les iek duxo.

6:18b.1CO.006.018 Duriol katar e kurvia. Le kaver bezexa kai kerel le manush avri si anda stato; numa kodo kai kerel e kurvia kerel bezex pe pesko korkorho stato.

6:19b.1CO.006.019 Chi zhanen tume! Ke tumaro stato si e khangeri le Swuntone Duxoski kai si ande tumende, kai lia les katar O Del, ai kai chi mai san tumare korkorho?

6:20b.1CO.006.020 Ke chinde sanas pel baro pretso: luvudis le Devles ande tumaro stato, ai ande tumaro duxo, kai si le Devlesko.

7

7:1b.1CO.007.001 Andal dieluria kai ramosardian mange, gindiv ke mai mishto le mursheske te na azbal ek zhuvlia.

7:2b.1CO.007.002 Numa te na kerdiol kurvimos, te avel swakones leske rhomni, ai swakona rhomni swako rhom.

7:3b.1CO.007.003 Mekel o rhom peska rhomnia so trobul: ai te kerel vi rhomni saikfielo peske rhomesa.

7:4b.1CO.007.004 E rhomni chi poronchil pe pesko stato, ke lako rhom si. Ai saikfielo o rhom nai chi poronchil pe pesko stato, ke leski rhomni si.

7:5b.1CO.007.005 Na len tume iek kavrestar, de ferdi te avena dakordo pek vriama, ai den tume te postin ai rhuginpe; ai porme pale thon tume andek than daraltar ke o beng mangel te zumavel tumen.

7:6b.1CO.007.006 Te na kodia mishtimata chi kerav anda late zakonuria.

7:7b.1CO.007.007 Mangavas te aven sa manush sar mande. Numa swakones si les leski podarka katar O Del, iekes te phirav, ai iek kavres aver fielo.

7:8b.1CO.007.008 Kodola kai nai ansurime ai le phivlia, phenav lenge, ke mishto lenge te beshen sar mande.

7:9b.1CO.007.009 Numa te na avela le dosta zor pe kodia te ansurinpe: ke mai mishto te ansurinpe de sar te phabol.

7:10b.1CO.007.010 Kodola kai si ansurime, phenav lenge, na me, numa O Del, e rhomni te na vulardiol katar pesko rhom.

7:11b.1CO.007.011 Ai te suvliardi, te beshel bi te ansurilpe, vai te pochil pe pesko rhomesa. Ai vi o rhom te na shudel peska rhomnia.

7:12b.1CO.007.012 Le kavrenge chi phenel O Del, me phenav: te si iek phral kai si les rhomni kai chi pachalpe, ai te mangela te beshel lesa, te na shudel la.

7:13b.1CO.007.013 Ai e zhuvli kai si la iek rhom kai chi pachalpe ando Del, ai te mangela te beshel lasa, te na zhaltar katar pesko rhom.

7:14b.1CO.007.014 Ke o rhom kai chi pachalpe ando Del sai avel swuntsome peski rhomni, ai e rhomni kai chi pachalpe ando Del sai avel swuntsome katar pesko rhom. Te na, tumare glate sas te aven bi vuzhe; numa akana swuntsele.

7:15b.1CO.007.015 Kodo kai chi pachalpe te vulardiola katar peski zhuvli, mek te vular lake o phral vi e phei kai nai astarde: O Del phendia lenge te traiisaras pachasa.

7:16b.1CO.007.016 Sar zhanes tu, Rhomnio, kai chi skepis cho rhom? Vai sar zhanes tu, rhoma, kai chi skepis chi rhomni?

7:17b.1CO.007.017 Ferdi swako te phirel, sar e partia le Devleske kai kerdia lesko Del, sar akhardia les O Del, kadia phenav ka sa le khangeria.

7:18b.1CO.007.018 Vari kon akhardo sas sar Zhidovo, te beshel sar Zhidovo. Vari kon akhardo sas sar Nas Zhidovo, te na kerdiol Zhidovo.

7:19b.1CO.007.019 O semno le Zhidovongo nai kanchi, ai bi o semno nai kanch, numa o zakono le Devlesko si sa.

7:20b.1CO.007.020 Swako te beshel sar kai si kana akhardia les O Del.

7:21b.1CO.007.021 Akhardia tu kana sanas sluga? Na gindi sa: numa te sai lebirisas tu, libiris (ivia) sa.

7:22b.1CO.007.022 Ke wo si akhardo katar O Del, ai i kako kai nai sluga le Devlesko; kadia o manush kai si ivia, ai si akhardo kerdiol sluga le Kristosko.

7:23b.1CO.007.023 Ke chinde sanas pek bari semna; na kerdion slugi le manushenge.

7:24b.1CO.007.024 Swako phral, beshel angla Del sar kai akhardia les.

7:25b.1CO.007.025 Andal sheia baria nai ma kris katar O Del: numa dav murho gindo, sar kai len katar O Del mishtimos te avav chacho lestar.

7:26b.1CO.007.026 Vi ta miazol mange andai vriama kai si trutno kai pashol mishto peske mursheske te avel kadia.

7:27b.1CO.007.027 Astardo san ka rhomni? Na roden te shuden la. Chi san astardo ka rhomni? Na roden ek rhomni.

7:28b.1CO.007.028 Numa te san ansurin, chi kerdian bezex; ai shei bari te ansurilpe, nai bezex. Numa kodola manush avela le baiuria mashkar lende.

7:29b.1CO.007.029 Phrala le, so phenav, e vriama skurto la, ai mai angle kodola kai si le rhomnia te keren kashte te na aven le.

7:30b.1CO.007.030 Kodola kai roven, sar kana te na roven; ai kodola kai veselinpe, sar kana te na veselinpe; kodola kai chinen, sar kana te na avel les;

7:31b.1CO.007.031 ai kodola rhusgin anda e lumia, sar kana te na rhusgin; ke o semno kadala lumiako nakhel.

7:32b.1CO.007.032 Manglemas te aven bi darako. Kodo kai nai ansurime rodel le dieluria le Devleske, sar te avel drago le Devleske.

7:33b.1CO.007.033 Ai kodo kai si ansurime rodel le dieluria la lumiake, sar te avel drago peska rhomnia.

7:34b.1CO.007.034 Ai vi keren si mashkar e rhomni ai e shei bari. Kucha kai nai ansurime rodel le dieluria le Devleske, kashte te avel swunto vi lako stato ai vi lake duxo: numa kucha kai sas ansurime rodel le dieluria la lumiake, sar si te avel drago peske rhomeske.

7:35b.1CO.007.035 Phenav kodia te av tumenge mishto, te na dzilarav tume, te mangav te ingerav tume ka so si mishto, so serel ke astardion ke amaro Del.

7:36b.1CO.007.036 Vari kon te na daral leske te lazhal, te na ansuril peska sha kai gindil peske trobul te ansuril la, sai kerel sar wo mangel, chi kerel bezex te ansurilpe.

7:37b.1CO.007.037 Numa kodo kai thodia gindo bi zorako te kerel peski putiera, ai kai phendia ande lesko ilo te garavel peska sha, shei bari kodo kerel mishto.

7:38b.1CO.007.038 Antunchi kodo kai ansurilpe peska sha mishto kerel; ai kodo kai chi ansuril la mai mishto kerel.

7:39b.1CO.007.039 E rhomni kai si astarde ka pesko rhom so godi traiila; numa te merela lako rhom, libirila te ansurilpe kasa kana, numa te avel ando anav le Devlesko.

7:40b.1CO.007.040 Mai raduime haliarav te beshela sar kai si, sar me gindiv: ai me gindiv ke i me si ma O Duxo le Devlesko.

8

8:1b.1CO.008.001 Mangav te ramov pa xamos kai sas dino sar e podarka ka ek xoxamno dela/ikoni. Ame zhanas ke savorhen si le zhanglimos, ai o zhanglimos keren barimata, numa e dragostia vazdel le manushes.

8:2b.1CO.008.002 Te si vari kon kai gindil ke zhanel vari so, chi zhanel inker sar trobul.

8:3b.1CO.008.003 Numa te si vari kon kai si leske drago O Del, kodo zhanel le O Del.

8:4b.1CO.008.004 Anda xamos kai trobul te xan le masa shinade le devlenge, zhanas ke iek xoxamno del ande lumia, nai kanch, Iek korkorho Del si!

8:5b.1CO.008.005 Ke te si manush kai phenen peske xoxamle dela, vai pe phuv, vai ande cheri, vai kai si chaches kodolendar diela.

8:6b.1CO.008.006 Numa amenge zhanas ke ferdi iek Del si, O Dat, anda kaste aven sa le dieli, ai ande soste ame sam; ai ferdi iek Del O Jesus Kristo, anda kaste si sa le dieluria, ai anda kaste ame sam.

8:7b.1CO.008.007 Numa kado zhanglimos nai savorhende, uni palai furma kai gindin le devlen xan kodolendar masa kai si shinde le devlenge, ai lenge goji slabo la ai rimonme la.

8:8b.1CO.008.008 Ke nai xamos ke pasharel ka Del: te xasa, nai ame kanchi mai but; ai te na xasa, nai ame kanchi mai xantsi.

8:9b.1CO.008.009 Arakhen tume te na avel tumaro iviamos kai si tume te na kerdiol vari so kai rimol le slabon.

8:10b.1CO.008.010 Ke te si vari kon kai dikhel tu kai zhanes ai beshes palai skafidi ande khangeri kai si ikoni, leski goji kai si slabo chi ningerela les te xal kodolendar masa kai shinade le devlenge, ai kadia o slabo xaiil,

8:11b.1CO.008.011 ke tu zhanes but o phral xasavo la, pala leske mulo O Kristo.

8:12b.1CO.008.012 Ai kana kerel bezex kadia kal kaver manush rimosarel lenge goji. Sostar keren bezex karing O Kristo?

8:13b.1CO.008.013 Anda kodia te si xamos kai rimol murho phrales, mai bini chi xal kodolestar mas, kaste te na kerav baio murhe phraleske.

9

9:1b.1CO.009.001 Chi sim me ivia? Chi sim apostle? Chi dikhlem O Jesus Kristo amaro Del? Chi san tume kerde anda murhi buchi ando Del?

9:2b.1CO.009.002 Te chi sim apostle ka kaver, sim tumenge; ke tume dikhlian murhi buchi ando Del.

9:3b.1CO.009.003 Kotse si murho divano kodolenge kai phenen;

9:4b.1CO.009.004 ke nai amenge slobodo te xas ai te piias.

9:5b.1CO.009.005 Nai ame te ningeras amensa ek phei, ek rhomni, sar si le kavre apostluria, ai le phral le Devleske, ai o Cephas?

9:6b.1CO.009.006 Vai ferdi mange ai o Barnabas, nai ame voia te keras buchi? Kon kerel e buchi ande ketania pe pesko choxxokuria?

9:7b.1CO.009.007 Kodo kai thol te bariol e rez, ai chi xal anda late? Kodo kai pravarel le bakriorhan, ai chi del o thud katar le zhigeni.

9:8b.1CO.009.008 Kadala dieluria phenav sar ek manush? Vai chi phenel o zakono sakadia?

9:9b.1CO.009.009 Ke ramome si ando zakono le Mosesoske, te na phandavel o mui le gurumli kana phirel pa jiv. O Del lel sama andal gurumli?

9:10b.1CO.009.010 Vai del duma ferdi pa amende? E, anda amende del duma, ke ramome si: Kodo kai pharhavel e phuv, pharhavel te azhukerel vari so; ai kodo kai licharel o jiv, kerel les te azhukerel vari so anda kodia partia.

9:11b.1CO.009.011 Te chidisardian le mishtimata mashkar tumende, bari dieli si te chidasa tumendar so si le statoske.

9:12b.1CO.009.012 Te aver si le kodo mishtimos pe tumende, kodia phrala? Na mai binen amen te avav kodia phral, chi mangliam tumendar so trobulas, numa chinuisardiam te na keras te proril tume vari kon katar E Vorba le Devleski.

9:13b.1CO.009.013 Chi zhanen ke kodola kai keren buchi le Devleski la tamploske trobul te aven pravarde katar e tamplo? Kodola kai keren buchi le Devleske te avel le e partia katar e altari.

9:14b.1CO.009.014 Sar iek fielo O Del phendia kodola kai den duma pai Vorba le Devleski te traiin ande Vorba le Devleski.

9:15b.1CO.009.015 Me chi manglem chi iek anda kodola dieli, ai chi ramov akana te mangav mange; kaste mai drago mange te merav, de sar te mekav te len pa mande e putiera Devleski.

9:16b.1CO.009.016 Te dava duma pai E Vorba le Devleski, nai mange diela, te rhugiv ma ke trobul te kerav, o nasulimos te avel pe mande te na mai dava duma pai Vorba Devleski!

9:17b.1CO.009.017 Te kerava les dragostimasa, ai avela ma mishtimos: numa te kerava leske musai mange, antunchi sar kana te aven thona ma pe zor te kerav kodia.

9:18b.1CO.009.018 Savi si antunchi murho mishtimos? Si te phenav ivia pai Vorba le Devleski, bi te mangav so trobul te den.

9:19b.1CO.009.019 Ke marka ke ivia sim karing vari kaste, kerdilem me sluga savorhenge, kaste te aven mai but narodo.

9:20b.1CO.009.020 Le Zhidovonsa kerdem sar le Zhiduvuria, kaste te niriv le Zhidovon; kodola kai sas telai zakono, kerdem sar telai zakono, marka ke me chi sim telai zakono kaste te niriv kodolen kai si telai zakono;

9:21b.1CO.009.021 Ai kodola kai si bi zakono, marka ke me chi sim bi zakonosko le Devlesko, ke sim telai zakono le Devlesko, kaste te niriv kodolen kai si bi zakonosko.

9:22b.1CO.009.022 Slabo simas le slabosonsa, kashte te niriv le slabon: kerdilem savorhenge sar lende, kashte vari sar te niriv unen.

9:23b.1CO.009.023 Sar kerdem kadala andai Vorba Devleski, kaste te del ma kodia partia.

9:24b.1CO.009.024 Chi zhanen ke kodola kai nashen ando stato nashen te niril o pretso? Nashen, kadia kai niril les.

9:25b.1CO.009.025 Sa kodola kai zumaven keren but dieluria, chinuin, keren sakadia kashte te nirin le konona kai rimolpe; numa ame keras kodia le konona kai chi rimolpe.

9:26b.1CO.009.026 No me nashav, na chi zhanav kai chi marav le vastensa, sar kana te marav ando duxo.

9:27b.1CO.009.027 Numa chinuiv murho stato, ai ninkerav les zurales: daratar te na avav shudinome pala e lashi viasta kai phendem savorhenge.

10

10:1b.1CO.010.001 Phrala le, chi mangav te na zhanen, ke sa amare dada sas tela nuvero, ai savorhe nakhle andai maria.

10:2b.1CO.010.002 Savorhe sas bolde ando Moses tela o nuvero ai ande maria.

10:3b.1CO.010.003 Kai savorhe xale iek fielo xamos Devleske.

10:4b.1CO.010.004 Kai pile savorhe iek pai anda Swunto Duxo; ke penas ka stana baxreske kai avela pala lende: ai kadia stana baxreske sas O Kristo.

10:5b.1CO.010.005 Numa mai but anda lende nai drago le Devleske: ke but xasaile ande pusta.

10:6b.1CO.010.006 Akana kodola dieluria kerdile ame kashte te podain amenge te zhanas so kerdilia, kaste te na aven ame chorhe ginduria sar sa le len.

10:7b.1CO.010.007 Na kerdion kodolendar kai lenpe pala ikoni, sar uni anda lende kai si ramome, le manush beshle tele te xan ai te pen, porme wushtilo opre veselisaile.

10:8b.1CO.010.008 Na ingeras amaro stato kai kurvia, sar uni anda lende kerde, ai mule anda lende ande iek dies bishtai trin mi.

10:9b.1CO.010.009 Na zumaven O Krisro sar kerde uni anda lende, ai le sapa xale le.

10:10b.1CO.010.010 Na divinin kontra O Del sar divinisarde won, ai mule anda lende but.

10:11b.1CO.010.011 Kodola dieluria kerdile lenge kaste te podain amenge: ai ramome le kaste te sicharen amen, ame kai sam aresliam kai getolpe e lumia,

10:12b.1CO.010.012 anda kodia kodo kai gindilpe ande punrhende te arakhelpe te na perel.

10:13b.1CO.010.013 Chi iek zumaimos chi kerdiol tumenge te na sai rhevdila: numa O Del kai si chacho, chi mekel te aven zumade mai but sar sode si e zor, numa kana kerdilia amenge vari so, wo lasharel le dieluria te anklia avri anda kodo nasulimos, kashte te sai rhevdisaras les.

10:14b.1CO.010.014 Anda kodia murhe drazhe, nashen katar le dela chorhe.

10:15b.1CO.010.015 Dav duma sar le manushensa le gojavrensa; keren tume kris so phenav.

10:16b.1CO.010.016 Kana das o rhugimos pala o daxtai ai piias e mol kai skafidi le Devleski, nai kodia o rat le Kristosko? O manrho kai xas kai skafidi le Devleski nai kodia andek than ando stato le Kristosko?

10:17b.1CO.010.017 Ke si iek manrho ame kai sam but, kerdilia iek stato lestar: ke keras kodia diela ieke manrhesa.

10:18b.1CO.010.018 Dikhen le Zhiduvuria kodola kai xan le masa le zhigeni kai mudaren le, vov si andek than le altariosa.

10:19b.1CO.010.019 So phenav? Ke kodola masa kai shinavel le le devlenge si vari so, vai ke kokola dela lenge si vari so?

10:20b.1CO.010.020 Kanchi nai. Phenav ka kodo kai shinavel les, na le devlenge numa le bengeske, me chi mangav te aven andek than le bengensa.

10:21b.1CO.010.021 Nashti pen anda daxtai le Devlesko, ai anda daxtai le bengenge: nashti zhan kai skafidi le Devleski, ai kai skafidi le bengenge.

10:22b.1CO.010.022 Manges te xoliaras le Devles? Sam ame mai zurales lestar?

10:23b.1CO.010.023 Swako fielo slobodo mange, numa swako fielo chi trobul; swako fielo slobodo, numa swako fielo chi maladiol le manushes.

10:24b.1CO.010.024 Porme te na rodel peske mishtimos korkorho, numa savorhe te roden kodo le kavrenge.

10:25b.1CO.010.025 Xan swako fielo, so godi bichindiol po bazari, bi te phushen so si katar avel.

10:26b.1CO.010.026 Ke e phuv si le Devleski, ai so godi si pe late.

10:27b.1CO.010.027 Te si vari kon kai chi pachalpe ai akharel tume, ai te mangena te xan. Xan so godi anena tume, bi te phushen te dar si vari so kai chi trobul.

10:28b.1CO.010.028 Numa te phenela tumenge vari kon, kako sas shinado andal le devlenge, na xan, na anda kodo kai shinadia les, ke e phuv si le Devleski, ai so godi si pe phuv.

10:29b.1CO.010.029 Kai del duma, na anda tumende, numa anda kodo kai phenel: ande soste keren kris pe murhi ivia anda aver vari kon?

10:30b.1CO.010.030 Te xala ai naisiv le Devleske, sostar lav sama?

10:31b.1CO.010.031 Vai xana, vai pena, so godi keren, keren les te bariaren o anav le Devlesko.

10:32b.1CO.010.032 Numa na len vorbi kai nai lashe, chi le Grekonge, chi le Zhidovonge, vai chi la khangeriake le Devleski.

10:33b.1CO.010.033 Sar kai chi sim me, mangav te kerav so godi vorta, chi rodav so si mange mishto, numa so si o mishtimos savorhen.

11

11:1b.1CO.011.001 Le tu pala mande, vi sar me lav pala Kristo.

11:2b.1CO.011.002 Luvudiv tume, phrala, kai den dume goji pa mande ande soste godi, ai garaven so sichardem tume, sar kai sichardem tu.

11:3b.1CO.011.003 Numa mangav te zhanen, ke Kristo si o shero swakones murshesko, ai o mursh si o shero la zhuvliako; ai O Del si o shero le Kristosko.

11:4b.1CO.011.004 Swako manush kai rhugilpe vai kai divinil, o shero vusharado, chi del luvudimos ka Kristo.

11:5b.1CO.011.005 Swako zhuvli kai rhugilpe vai divinil, o shero bi vusharado, chi respektil peske shero. Si saikfielo sar te rhandel lake bal.

11:6b.1CO.011.006 Te ek zhuvli chi vusharel lako shero, sai shinel vi peske bal; ai lazhav sikadiol lake te aven lake bal shinde vai rhangle, te vusharavelpe.

11:7b.1CO.011.007 O mursh chi trobul te vusharavel pesko shero, ke wo si o patreto ai o barimos le Devlesko: numa e zhuvli si o barimos le murshesko.

11:8b.1CO.011.008 Ke chaches o manush nas ankalado andai e zhuvli, numa e zhuvli sas ankaladi anda mursh.

11:9b.1CO.011.009 O mursh nas kerdo pala e zhuvli; numa e zhuvli sas kerdi pala mursh.

11:10b.1CO.011.010 Anda kodia e zhuvli trobul te avel lako shero vusharado, te dichol kai woi respektil o mursh, kadia si vi te dichol le angelonge.

11:11b.1CO.011.011 Numa ando Del e zhuvli nai bi le murshesko ai o mursh nai bi la zhuvliako.

11:12b.1CO.011.012 Ke e zhuvli sas ankaladi andal mursh, saikfielo o mursh ankadalo pala e zhuvli; ai swako fielo avela katar O Del.

11:13b.1CO.011.013 Keren kris tume: vorta pek zhuvli te rhugilpe ka Del bi te avel vusharadi? Chi sikavel tumenge ke lazhal le mursheske te avel les bal lungo?

11:15b.1CO.011.015 Numa e zhuvli te avel la lunzhi bal si ek barimos lake. Ke lako bal si dia la pala ek vusharimos.

11:16b.1CO.011.016 Te si vari kon te xalpe anda kadala dieluria, amende nai kado zakono, chi le khangeria le Devleske.

11:17b.1CO.011.017 Kado divano kai phendem tumenge, chi luvudiv tume, ke chi chiden tume te aven mai lashe, numa te aven mai chorhe.

11:18b.1CO.011.018 Ai mai anglal, ashundem ke kana chiden tume andek than si mashkar tumende xuxaiimata, ai pachav ma.

11:19b.1CO.011.019 Ke trobul te avel kodolendar dieluria mashkar tumende, kaste kodola kai si cchache te aven te dichon sakadia mashkar tumende.

11:20b.1CO.011.020 Kana chiden tume, chi chiden tume te xan o xamos le Devlesko.

11:21b.1CO.011.021 Ke uni kai skafidi xan pesko xabe: iek bokhalo lo, ai kaver mato lo.

11:22b.1CO.011.022 Nai tume khera te xan ai te pen? Vai griatsa tumenge e khangeri le Devleski, ai keren lazhav kodolenge kai nai le kanchi? So phenava tumenge? Luvudiv tume pe kadia? Chi luvudiv tume.

11:23b.1CO.011.023 Ke phendia mange O Del so sichardem tume, o dies kana O Jesus Kristo ande riat kai line les, lia manrho,

11:24b.1CO.011.024 ai kana rhudisailo, phaglia les, ai phendia, "Len, xan, kako si murho stato kai si phaglo anda tumende: keren kadia te den goji mande.

11:25b.1CO.011.025 Ai pale kana xalia, lia o daxtai ai phendia, kado daxtai si e nevi kontrakto ande murho rat. Keren kadia ai den tume goji mande swako data kai pena.

11:26b.1CO.011.026 Ke swako data ke xan kado manrho, ai ke pen anda kado daxtai, phenenke mulo O Jesus, zhi kai avela palpale.

11:27b.1CO.011.027 Anda kodia kodo kai xala manrho, vai pela anda daxtai le Devlesko, bi te avel vorta, avela doshalo karing o stato le Devlesko ai lesko rat.

11:28b.1CO.011.028 No swako te dikhelpe vo korkorho, ai kadia te xal o manrho, ai te pel anda daxtai.

11:29b.1CO.011.029 Ke kodo kai xal ai pel bi te dikhel o stato le Devlesko, xal ai pel e kris pe peste korkorho.

11:30b.1CO.011.030 Anda kadia si mashkar tumende but kovle ai but naswale, ai kai but mule.

11:31b.1CO.011.031 Ke te kerasas kris pe ame korkorho pe amende, chi aviliamas dine kris.

11:32b.1CO.011.032 Numa kana sam doshale, O Del chinuil ame, kaste te na avas doshale la lumias.

11:33b.1CO.011.033 Anda kodia, murhe phral, kana chiden tume te xan, azhukeren tume iek kavres.

11:34b.1CO.011.034 Te si vari kon bokhalo, te xal khere, kaste te na chiden tume andek than te aven pe tumende kris. Getova le kaver dieluria kana aresavas.

12

12:1b.1CO.012.001 Andal podarki le Duxoske chi mangav phrala le te na zhanen.

12:2b.1CO.012.002 Zhanen ke kana chi pachanas pe ando Del, zhanas pala ikoni ke si mute, sar kai sanas ingerde.

12:3b.1CO.012.003 Anda kodia phenav tumenge, ke khonik te dela duma pa Duxo le Devlesko chi phenel ke O Jesus si prokletsime, ai khonik nashti phenel ke O Jesus si O Del, de ferdi pa Swunto Duxo.

12:4b.1CO.012.004 But fialuria bucha, numa iek Del.

12:6b.1CO.012.006 But fialuria dieluria, numa iek Del kai kerel sa savorhende.

12:7b.1CO.012.007 Swakoneske o dikhimos le Duxosko dino lo po mishtimos savorhenge.

12:8b.1CO.012.008 Chaches iekes del o Duxo iek vorba gojaver, avres iek vorba zhanglimata pa iek Duxo.

12:9b.1CO.012.009 Avres pachamos pa sa iek Duxo, avres del les e podarka le sastiarimasko pa swako Duxo.

12:10b.1CO.012.010 Avres kerel mirakluria, avres del profesia, avres te haliarel le duxuria; avres te zhanel but shiba; avres te haliarel but shiba.

12:11b.1CO.012.011 Sa iek duxo kerel sa kadala dieluria del swakones sar wo mangel.

12:12b.1CO.012.012 Ke sar o stato si iek, si les but kotora, ai sa le but kotora kerdion ferdi iek stato. Kadia si ka Kristo.

12:13b.1CO.012.013 Chaches savorhe samas bolde ande iek Duxo te kerdiuas iek stato, te avena Zhiduvuria vai Grekuria, vai slugi vai sloboji, savorhe piliam iek Duxo.

12:14b.1CO.012.014 Kadia o stato nai iek kotor, numa kerdiol anda but kotora.

12:15b.1CO.012.015 Te phendino o punrho, ke chi sim o vas, chi sim anda stato, anda kodia nai wo anda stato?

12:16b.1CO.012.016 Ai te phendino o khan, ke chi sim o iakh, chi sim anda stato, nai wo anda kodia stato?

12:17b.1CO.012.017 Te avilino sa o stato iakh, kai avilino o ashunimos? Te avilino sa ashunimos, kai avilino o sungaimos?

12:18b.1CO.012.018 Akana O Del thodia sa le kotora ando stato sar manglia, te savorhe avilino.

12:19b.1CO.012.019 Iek kotor, kai avilino o stato?

12:20b.1CO.012.020 No akana but kotora si, ai iek stato?

12:21b.1CO.012.021 E iakh nashti phenel le vasteske, chi trobul ma; chi o shero le punrhenge, chi trobul ma.

12:22b.1CO.012.022 Numa le kotora anda stato, kai si le mai slabe trobula le.

12:23b.1CO.012.023 Ai kodola kai nai anda rhindo, na lendar sama zurales. Kadia le kotora le mai bi lashe, sa mai len anda rhindo.

12:24b.1CO.012.024 Ke kodola mai chache chi las lendar sama. O Del kerdia o stato, kadia te sas mai anda rhindo kodolen mai trobul le.

12:25b.1CO.012.025 Kaste te na avel xulaimos ando stato, numa le kotora te len sama anda kolavers.

12:26b.1CO.012.026 Ai te lava iek kotor, sa kotora dukhal les, lesa andek than ke iek kotor si ando rhindo, vi le kaver kotora raduin pe lesa.

12:27b.1CO.012.027 Tume san o stato le Kristoske, ai tume san leske kotora swako pe peski parta.

12:28b.1CO.012.028 Ai O Del thodia uni ande khangeri mai anglal le apostluria, duito le profeturia, trito le manush kai sicharen, porme kodola kai si le e podarka le miraklonge, porme kodola kai si le podarka te sastiaren, te zhutin, te poronchin, te den duma but shiba.

12:29b.1CO.012.029 Savorhe apostluria? Savorhe profeturia? Savorhe sicharen le? Savorhe si le e podarka kai kerel le mirakluria?

12:30b.1CO.012.030 Savorhe si le e podarka la sastiarimaske? Savorhe den duma pal shiba? Savorhe haliaren le shiba?

12:31b.1CO.012.031 Mangen le podarki si mai lashe ai sikavav tumenge iek drom o mai lasho.

13

13:1b.1CO.013.001 Kana sai dava duma sa le shiba le manushenge ai le angelonge, ai te nai ma e dragimos, murhe vorbe si sar iek shumo kai mares ande duba.

13:2b.1CO.013.002 Ai vi te avela ma e podarka te zhanas so si te avel katar O Del, ai vi te avela ma sa e goji, ai te haliarav sa le shodeni, ai vi sa o pachamos kai sai te mishtiv le plaia, numa te nai ma e dragostia, chi sim kanchi.

13:3b.1CO.013.003 Ai kana dava ma murhe mishtimos po xabe le chorenge, kana dava vi murho stato te phabol, ai te nai ma e dragostia, kodo chi zhutil ma kanchi.

13:4b.1CO.013.004 E dragostia si la rhavda, ai pher lashimos; e dragostia nai zhaluzo. E dragostia chi bariarelpe, chi luvudilpe ai chi kerel barimata.

13:5b.1CO.013.005 E dragostia chi kerel kanchi kai nai barimasko, chi rodel peske mishtimos, chi xoliavol, chi del pe goji ka bi lashimos.

13:6b.1CO.013.006 E dragostia chi raduilpe ka bezex, numa raduilpe ka chachimos.

13:7b.1CO.013.007 E dragostia iertil sa, pachal sa, azhukerel sa, ai rhevdil sa.

13:8b.1CO.013.008 E dragostia shoxar chi xasavol: profesi getolape; le shiba ai o zhanglimos xasavona.

13:9b.1CO.013.009 Ke ame zhanas xantsi, ai xantsi phenas so si te avel.

13:10b.1CO.013.010 Numa kana so si vorta avela, so si dopash xasavola.

13:11b.1CO.013.011 Kana simas glata, davas duma sar iek glata, haliaravas sar iek glata, gindivas sar iek glata; kana barilem kerdilem baro manush, kerdem te xasavol so sas la glatako.

13:12b.1CO.013.012 Akana dikhas ande glinda, sar tuniariko, numa dikhasa mui moste. Akana chi zhanav sa, antunchi zhanava sa sar O Del zhanel ma.

13:13b.1CO.013.013 Ai akana kadala trin dieli beshen, o pachamos, o azhukerimos, e dragostia, numa e mai bari anda kadala dieli si e dragostia.

14

14:1b.1CO.014.001 Le tu pala e dragostia, ai roden le podarki le Devleske, mai but kucha le profesia, chaches.

14:2b.1CO.014.002 Kodo kai del duma pel shiba chi del duma le manushensa, numa le Devlesa; ke khonik chi haliarel leske; ai ando duxo phenel shodenia.

14:3b.1CO.014.003 Kodo kai del profesia aver fial del duma le manushensa, zuralel le, zhutil le, pechil le.

14:4b.1CO.014.004 Kodo kai del duma pel shiba vazdel pek korkorho, kodo kai profetil vazdel e khangeri.

14:5b.1CO.014.005 Mangav te den duma savorhe pel shiba, numa mai but te profetis, kodo kai profetil mai baro lo sar kodo kai del duma pel shiba. De ferdi kodo vi te haliarela le shiba. Kashte te vazdel e khangeri.

14:6b.1CO.014.006 Akana, phrala le, che mishtimos kerava tumenge te avavas tumende te dav duma pel shiba, ai te na dav duma katar O Del, vai pa zhanglimos, vai pa profesia, vai pai zakono.

14:7b.1CO.014.007 Le dieluria kai chi mishkin, ai kai bashen sar iek fishtoko vai iek tsitura, chi bashen but fialuri, sar haliarasa so diilaben po flishtoko vai pe tsitura?

14:8b.1CO.014.008 Ai e tutraza te bashela bi goresko, kon lashardiol po marimos?

14:9b.1CO.014.009 Vi tume, iek fialo la shibasa te na den iek vorba vorta sar zhangliape, so phenen? Dena duma pe barval.

14:10b.1CO.014.010 Makar ke but shiba si ande lumia, chi iek nai te na avel iek shib.

14:11b.1CO.014.011 No te na haliarava kodia shib, sim iek sirbatiko kodo leske kai del duma, ai kodo kai del duma si mange sirbatiko.

14:12b.1CO.014.012 Saikfialo tume, roden le podarki le Devleske te vazden e khangeri.

14:13b.1CO.014.013 Kodo kai del duma pa shiba, rhugilpe te mothol so phendia.

14:14b.1CO.014.014 Te rhugiva ma pel shiba, murho duxo rhugilpe, numa murhi goji chi kerel kanchi.

14:15b.1CO.014.015 So te kerav? Rhugiv ma le duxosa, ai rhugiv ma vi la gojako, jilabav le duxosa, ai jilabav vi la gojasa.

14:16b.1CO.014.016 Te na nichi, te naisisaras le Devles, pa le duxosa sar phenela o manush and narodo, Amen, kai naisardia, ke chi zhanel so phenes?

14:17b.1CO.014.017 Chaches mishto naisis, numa kaver nai vazdino.

14:18b.1CO.014.018 Naisiv le Devleske, ke dav duma pel shiba mai but sar tume savorhe.

14:19b.1CO.014.019 Numa ande khangeri mai drago mange te phenav panzh vorbi murhe gojasa, kashte te sicharav vi le kavren, de sar desh mi vorbi pel shiba.

14:20b.1CO.014.020 Phrala le, te na aven shavorhe po haliarimos, aven manush numa keren sar le shavorhe kai chi zhanen sar te keren bezex.

14:21b.1CO.014.021 Ramome ande zakono, katar manush avre shibake ai andal mursh streino dava duma kadale narodos, ai chi kadia chi ashunena mande, phenel O Del.

14:22b.1CO.014.022 Anda kadia le shiba si semno, na kodolenge kai pachanpe, numa kodolenge kai chi pachanpe. E profesia aver fialo semno si, na kodolenge kai chi pachanpe, numa kodolenge ka pachanpe.

14:23b.1CO.014.023 Te ande khangeri kana si chidine savorhe, den duma pel shiba, ai te avena manush anda narodo, vai kai chi pachanpe, chi phenena ke dile san?

14:24b.1CO.014.024 Numa savorhe te profetina, ai te avela iek manush kai chi pachanpe, vai iek manush anda narodo, savorhe keren les te haliarel, ai savorhe keren kris pe leste.

14:25b.1CO.014.025 O garaimata anda lesko ilo sikadiol, kadia ke perela tele mosa te rhugilape ka Del, ai vestila ke O Del chaches mashkar tumende lo.

14:26b.1CO.014.026 So te keras phralen? Kana chiden tume, iek vai avres si tume iek kantik, vai iek sicharimos, vai iek sikaimos, iek shib, iek parhuimos te kerdiol sa po vazdimos.

14:27b.1CO.014.027 Si kai den duma pa shib, dui vai trin, vai mai but den duma swako te pesko rhindo, vai vari kon te parhuvel.

14:28b.1CO.014.028 Te na avela vari kon kai parhuvel, te na den duma ande khangeri, ai swako te del duma pe sa, ai le Devles.

14:29b.1CO.014.029 Andal profeturia dui vai trin te den duma, ai kaver te keren kris.

14:30b.1CO.014.030 Te avres kai beshel tele avel sikaimos, o pervo te na mai del duma.

14:31b.1CO.014.031 Ke savorhe sai profetin pala iek kavreske, kashte te aven sicharde. Ai savorhe te aven raduime.

14:32b.1CO.014.032 O duxo le profetongo ninkeren le profeturia.

14:33b.1CO.014.033 Ke O Del nai iek Del bi gorasko, numa pacha, sar ande sa le khangeria le Swuntonge.

14:34b.1CO.014.034 Le zhuvlia te na den duma kana si chidine ande khangeri, ke nai lenge slobodo te den duma, o zakono Zhidovisko phenel kodia.

14:35b.1CO.014.035 Te mangena te sichon pe vari soste te beshen penge rhomen khere. Ke zhungales ieka zhuvliake te del duma ande khangeri.

14:36b.1CO.014.036 Tumendar ankliste le Vorba le Devleski vai ferdi tumende avili?

14:37b.1CO.014.037 Te gindilpe vari kon profeto, vai ke zhanel te dikhel, ke so ramov tumenge, zakono si katar O Del.

14:38b.1CO.014.038 Ai te na zhanel vari kon, mek te na zhanel.

14:39b.1CO.014.039 Kadia, phrala le, roden e podarka le profesiaki, ai chi aterdion le te den duma pel shiba.

14:40b.1CO.014.040 Numa swako fialo te kerdiol mishto ai vorta.

15

15:1b.1CO.015.001 Dav tume goji phrale, mangav te phenav tumenge e lashi viasta mai iek data sar phendem tumenge mai anglal, tume lian les, ai cho pachamos zuriarde.

15:2b.1CO.015.002 Ai pa kodo san skepime, te ninkerena les sar phendem les tumenge.

15:3b.1CO.015.003 Sichardem tume mai anglal sa sar vi me sichilem, ke O Kristo mulo anda amare bezexa. Sar phenel o ramomos.

15:4b.1CO.015.004 Ke sas gropome, ai zhuvindisailo o trito dies sar phenel o ramomos.

15:5b.1CO.015.005 Ai ke sikadilo ka Cephas, porme le desh u donge.

15:6b.1CO.015.006 Porme sikadilo mai but de pansh shela phralen iek data, ai mai but anda lende inker zhuvinde le, ai uni mule.

15:7b.1CO.015.007 Porme sikadilo ka Iakov, ai sa le apostluria.

15:8b.1CO.015.008 Pala lende savorhe vi mange sikadilo, sar le bi vriamako.

15:9b.1CO.015.009 Ke sim o mai tsigno andal apostluria, chi trobul te akharen ma apostle, ke chinuisardem e khangeri le Devleski.

15:10b.1CO.015.010 Katar o mishtimos le Devlesko sim so sim: ai o mishtimos le Devlesko karing mande nas intaino, dur kotsar, kerdem mai but buchi lendar savorhe, na me, numa o mishtimos le Devlesko kai si mansa.

15:11b.1CO.015.011 No kadia te avela me vai te aven won, eta, so das duma pa Del, ai pachaie tume.

15:12b.1CO.015.012 Fin phenas ke Kristo zhuvindisailo andal mulen. Sar uni anda tumende phenen ke nai zhuvindimos le mulen?

15:13b.1CO.015.013 Te na avela zhuvindimos le mulengo, chi O Kristo chi zhuvindisailo.

15:14b.1CO.015.014 Ai te Kristo nai zhuvindime, amaro divano antunchi intaino, ai vi tumaro pachamos intaino le.

15:15b.1CO.015.015 Antunchi vi sam xoxamne marturia ke phendiam ke O Del zhuvindisardia le Kristos: numa O Del chi zhuvindisardia les anda le mule te na wushten le mule andai martia.

15:16b.1CO.015.016 Te na zhuvindila le mule chi O Kristo nai zhuvindime.

15:17b.1CO.015.017 Ai te O Kristo nai zhuvindime, tumaro pachamos intainalo, inker san ande tumare bezex.

15:18b.1CO.015.018 Ai vi kodola kai mule ando Kristo, xasarde le.

15:19b.1CO.015.019 Te si ferdi ande kado traio ke jinas po Kristo, sam le mai nekezhime andal sa manush.

15:20b.1CO.015.020 Numa akana O Kristo zhuvindime lo andal mule, ai angluno lo anda kodola kai mule.

15:21b.1CO.015.021 Ke te avili e martia katar iek manush, vi katar iek manush avilo o zhuvindimos le mulenge.

15:22b.1CO.015.022 Ai sar savorhe meren ando Adam, savorhe zhuvindina ando Kristo.

15:23b.1CO.015.023 Numa swako pe pesko rhindo, O Kristo sar le anglune, porme kodola kai si le Kristoske kana avela, porme avela o getomos.

15:24b.1CO.015.024 Kana dela amperetsia ka kado kai si Del, ai Dat; pala kodia kai peravela swako barimos, swako poronchimos ai swako zor.

15:25b.1CO.015.025 Ke trobul te poronchil, zhi kai thola sa le duzhmanon telai leske punrhe.

15:26b.1CO.015.026 O paluno duzhmano kai avela perado si e martia.

15:27b.1CO.015.027 O Del chaches sa thodia tela leske punrhe. Numa kana phenel, ke swako fialo si tela leste, chaches ke kodo kai thodiape pala leste swako fialo wo nai.

15:28b.1CO.015.028 Ai kana swako fialo avena tela leste, porme O Shav vi wo avela tela kodo kai thodai tela leste, kashte te avel O Del sa ando swako fialo.

15:29b.1CO.015.029 Te na, nichi, so keren kodola ke bolenpe le mulenge, te na zhuvindila vov si le mule? Sostar bolenpe anda lende?

15:30b.1CO.015.030 Ai ame sostar sam swako chaso ande dar?

15:31b.1CO.015.031 Ke swako dies sai merav, phenav phrala le pala putiera ke sam mange ando Jesus Kristo amaro Del.

15:32b.1CO.015.032 Te si sar manushenge dikhimos ke marde ma le zhigeniensa ando Ephesus, che mishtimos lav anda kodia, te na zhuvindin le mulen? Xas, piias, ke terhara meras.

15:33b.1CO.015.033 Na shubin tume, le chorhe ginduria rimon vi lasho zakono.

15:34b.1CO.015.034 Ambolden palpale tumende so si mishto, ai na keren bezex, ke uni chi zhanen le Devles: phenav tumaro lazhav.

15:35b.1CO.015.035 No vari kon phenela, sar le mule zhuvindin? Ai che statosa ambolden?

15:36b.1CO.015.036 Dilia, e sumuntsa kai thos chi zhuvindil, te na merel.

15:37b.1CO.015.037 Soste bariol, nai o stato kai bariol, ferdi iek sumuntsa jiveske amborim, vai aver sumuntsa.

15:38b.1CO.015.038 Porme O Del del les iek stato sar mangel, ai swako sumuntsa del iek stato kai si leske.

15:39b.1CO.015.039 Swako mas nai iek mas, numa aver si o mas le manushenge, aver si le shtare punrhenge, aver le chirikliange, aver le masenge.

15:40b.1CO.015.040 Si vi staturia chereske, ai staturia phuviake: numa aver si o strefiamos le staturia le chereske, aver si le staturia la phuviake.

15:41b.1CO.015.041 Aver si o strefiamos la khamesko, aver si o strefiamos le shunutosko, ai aver si o strefiamos le cherhaiengo. Iek chererhai strefial aver fialo katar aver chererhai.

15:42b.1CO.015.042 Kadia si anda zhuvindimos le mulenge, o stato bariardo kai rimolpe, zhuvindil kai chi mai rimol.

15:43b.1CO.015.043 Bariol gratsia, zhuvindil vuzho: bariol kovlo, zhuvindil pherdo zor.

15:44b.1CO.015.044 Bariol zhigania, zhuvindil swuntsome stato. Si iek stato zhigania, si vi iek stato swuntso.

15:45b.1CO.015.045 Anda kodia ramome, si o angluno manush Adam kerdilo stato zhuvindo, o paluno Adam kerdilo iek duxo kai zhuvindil.

15:46b.1CO.015.046 Numa so si swunto nai o angluno so si zhigania, ai so si swunto avela mai palal.

15:47b.1CO.015.047 O angluno manush ankalado andai phuv, phuviako lo, o duito manush si andai rhaio.

15:48b.1CO.015.048 Kadia si la phuviako, kadia si vi le phuviako, ai kadia si le cheresko.

15:49b.1CO.015.049 Ai sar savorhe ningerdiam o patreto la phuviakoresko, vi kadia ningerasa le cheresko.

15:50b.1CO.015.050 So phenav, phrala le, ke o mas ai o rat nashtil len o rhaio le Devlesko, ai ke o rimome nashti lel kai chi mai rimolpe.

15:51b.1CO.015.051 Eta, phenav tumenge iek shodenia, chi meras sa, numa savorhe parhuenas sa.

15:52b.1CO.015.052 Ande ek tsikon (momento), ai ande dikhimos iakhako, kai palui tuturaza, ke e tuturaza bashela ai le mule zhuvindila, ke chi mai rimonpe ai ame savorhe avasa parhuenasa.

15:53b.1CO.015.053 Ke trobul kado stato kai rimolpe te vuriarelpe so chi mai rimolpe, ai kado stato kai merel lelpe peste kai chi mai merel.

15:54b.1CO.015.054 Kana kado stato kai rimolpe vuriarelpe kai chi mai rimolpe, ai kado stato kai merel kana vuriarelape kai chi mai merel, antunchi kerdiol e vorba kai si ramome.

15:55b.1CO.015.055 E martia sas tasadi ando nirimos. Martio, kai cho nirimos? Martio, kai chi kanrho?

15:56b.1CO.015.056 O kanrho la martiako si o bezex, ai e zor le bezexesko si o zakono.

15:57b.1CO.015.057 Numa nais le Devleske kai dia ame o nirimos katar amaro Del, O Jesus Kristo.

15:58b.1CO.015.058 Kadia, murhe drazhe phral, aven zurale, na parhudion, keren buchi mai mishto, ai mai mishto ande diela le Devleske, te zhanen ke tumari buchi chi avela intaino ando Del.

16

16:1b.1CO.016.001 Anda so si o chidimos karing le swuntsi, keren vi tume sar phendem le khangeriange andai Galatia.

16:2b.1CO.016.002 Ke swako andal tumende, o angluno dies le kurkesko, thol rigate peste so dashtila pala pesko barvalimos.

16:3b.1CO.016.003 Kashte te na azhkeren murho areslimos te chiden le podarki, ai kana avava tradav lila te ningeren tumaro mishtimos ando Jerusalem.

16:4b.1CO.016.004 Te sai zhav, won sai zhan mansa.

16:5b.1CO.016.005 Zhava tumende kana nakhava e Macedonia, ke nakhava e Macedonia.

16:6b.1CO.016.006 Amborim beshava tumende, vai amborim nakhav po ivend. Kashte te ninkeren ma compania kotse kai zhava.

16:7b.1CO.016.007 Chi mangav kadia data te dikhav tume ando nakhimos, numa mangavas te beshav iek vriama pasha tumende te mangela O Del.

16:8b.1CO.016.008 Beshava ando Ephesus zhi ka Pentecost.

16:9b.1CO.016.009 Ke iek bari vurota kai vushoro zhav andre phuterdile manush, ai le duzhmaia but si.

16:10b.1CO.016.010 Te aresela o Timote, keren kadia te avel mashkar tumende bi darako, ke vi wo kerel buchi sar mande anda diela le Devleske.

16:11b.1CO.016.011 Khonik te na shudel les, ningeren les pachasa, kashte te avel karing mande, ke azhukerav les le phralensa.

16:12b.1CO.016.012 So si anda phral o Apollos, thodem but zor pe leste te zhal tumende le phralensa: numa chaches na leske voia te kerel kadia akana. Te avela kana moladiola.

16:13b.1CO.016.013 Len sama, beshen zurales anda pachamos, aven rhom, zuraven tume.

16:14b.1CO.016.014 So godi keren, te kerdiol dragostimasa.

16:15b.1CO.016.015 Mai phenav tumenge mai iek diela phrala le, zhanen ke familia le Stephenas, ai le anglune andai Achaia, kerdiape te podail le swuntson.

16:16b.1CO.016.016 Phushav tumendar te ashunen, ai aven vi tume karing kasavendar manush ai karing savorhe kai keren buchi amensa.

16:17b.1CO.016.017 Raduiva ma kotse ka o Stephonas, ai o Fortunates, ai o Achaicus: thodepe ande tumaro than kana chi sanas katse.

16:18b.1CO.016.018 Ke pechisarde vi man, ai vi tumen te zhanen te thon te luvudin kasavendar manushen.

16:19b.1CO.016.019 Le khangeria ande Asia den tume dies lasho. E Aquila ai e Priscilla la khangeriasa kai si ande lengo kher den tume dies lasho ando Del.

16:20b.1CO.016.020 Sa le phral den tume dies lasho, den tume iekavres dies lasho ieke Swunto chumidimasa.

16:21b.1CO.016.021 Dav tume dies lasho me o Pavlo murhe vastesa.

16:22b.1CO.016.022 Te vari kaske nai drago Del Jesus Kristo – ek armaia pe leste, Maranatha, amaro Del, aves!

16:23b.1CO.016.023 O mishtimos le Devlesko O Jesus Kristo, te avel tumensa.

16:24b.1CO.016.024 Murhi dragostia ando Del tumensa lo. Amen.