Mark (Romani)

1

1:1b.MAR.001.001 E lashi viasta le Jesus Kristoski, O Shav le Devlesko.

1:2b.MAR.001.002 Ande klishka le profetoski sar ramosardia o Isaiah, O Del phenelas pa Iovano. Ashun! Tradava murho sluga mai anglal tutar te lasharel o drom tumenge.

1:3b.MAR.001.003 Ek glaso kai del mui ande pusta, "Lashar o drom le Devlesko; keren leske vorta drom!"

1:4b.MAR.001.004 O Iovano o baptisto avilo ande pusta bolelas le manushen ai dia duma pa Del. Phenelas, "Kein tume anda tumare bezexa ai aven bolde.

1:5b.MAR.001.005 O Narodo avelas leste anda sa e Judea ai anda Jerusalem. Phende peske bezexale, ai o Iovano bolelas len ando pai Jordan.

1:6b.MAR.001.006 Le tsalia le Iovanoske sas kerde andal bal la gemulake, ai phiravelas prastia morchaki kruglom peske mashkar, xalas sarancha/grimptsuria ai avjin sirbatiko/divlo avjin.

1:7b.MAR.001.007 Wo dia duma pa Del, phenelas, "Kodo kai avela pala mande si mai baro mandar; chi sim dosta lasho te banjuav ai phutrav leske doria.

1:8b.MAR.001.008 Me bolav tume le paiesa, numa wo bolel tume le Swuntone Duxosa."

1:9b.MAR.001.009 Ande kodia vriama, O Jesus avilo andai foro Nazareth, kai si ando them Galilee, ai o Iovano boldia les ando pai Jordan.

1:10b.MAR.001.010 Kana O Jesus anklisto anda pai, strazo o cheri phuterdilo angla leste, ai O Duxo le Devlesko sar ek gulumbo xulelas ai avilo pe leste.

1:11b.MAR.001.011 Ai ek glaso anda rhaio phendia, "Tu san murho Shav kai si de sa mange drago. Kasa sim de sa raduime."

1:12b.MAR.001.012 Ai strazo O Jesus angerdosas katar O Swunto Duxo ande pusta.

1:13b.MAR.001.013 Ai sas kotse ande pusta shtarvardesh dies te avel zumado katar o beng. Ai sas kotse le chore zheganiasa, numa le angeluria le sama lestar.

1:14b.MAR.001.014 Pala kodia o Iovano sas thodino ande temnitsa, O Jesus avilo ande Galilee. Wo del duma e lashi viasta le Devleski katar O Del.

1:15b.MAR.001.015 Ai wo phenel, "E vriama te pherdiol, ai e amperetsia le rhaioski pashol: kein tume anda tumare bezexa ai pachan e lashi viasta."

1:16b.MAR.001.016 Sar phirelas O Jesus pasha maria Galilee, dikhlia o Simon ai lesko phral, o Andre shudenas sita ande maria ke won sas masharia.

1:17b.MAR.001.017 O Jesus phendia lenge, "Aven mansa ai kerava anda tumende masharia kai astaren manushen."

1:18b.MAR.001.018 Strazo mekle penge siti ai linepe pala lesta.

1:19b.MAR.001.019 O Jesus gelo mai angle ai dikhlia o Iakov ai o Iovano, le shave le Zebedeske. Won sas ando ek chuno lasharenas penge siti.

1:20b.MAR.001.020 Ai strazo O Jesus akhardia le; ai mekle peske dades, o Zebede ando chuno le slugensa kai kerenas buchi lenge, ai linepe pala Jesus.

1:21b.MAR.001.021 Gele ando foro Caperaum. Ai strazo po dies Savatosko O Jesus gelo ande synagogue te sicharel le manushen.

1:22b.MAR.001.022 Kodo narodo chudimesas sar sicharelas o zakono, ke O Jesus sicharelas le putierasa, nas sar le Gramnoturia.

1:23b.MAR.001.023 Ande synagogue sas iek manush kai sas ande leste o bi vuzho; ai tsipisardia zurales.

1:24b.MAR.001.024 "So manges amendar, O Jesus andai Nazareth? Avilian te mudares ame? Zhanav kon san. Tu san O Swunto Shav le Devlesko!"

1:25b.MAR.001.025 O Jesus dia les trad, ai phendia leske, "Chi mai des duma ai ankles avri anda leste!"

1:26b.MAR.001.026 O bi vuzho peradia kodole manushes pe phuv, tsipisardia zurales, ai anklisto avri anda leste.

1:27b.MAR.001.027 Savorhe chudisaile ai phushenas iek kavreske, "So kerdilia? Si nevo sicharimos? Kado manush del duma le putierasa ai zorasa ka le bengen ai anklen avri."

1:28b.MAR.001.028 Ai strazo katar godi o narodo delas duma po Jesus ande sa o them Galilee.

1:29b.MAR.001.029 Won geletar andai synagogue and strazo avile ando kher le Simonosko ai Andresko, o Iakov ai o Iovano gele lensa.

1:30b.MAR.001.030 E sakra le Petreski, sas ando than ke phabolas, ai strazo won phende leske pa late.

1:31b.MAR.001.031 Wo avilo late, lia lako vas ai vazdia la. Ai strazo o zharo mekia la, wushtili ai podaisardia les,

1:32b.MAR.001.032 Akana peli e riat, andine ka Jesus sa le manush kai sas naswale, ai kodolen kai sas beng ande lende.

1:33b.MAR.001.033 Sa le manush ande foro chidinesas angla o kher.

1:34b.MAR.001.034 O Jesus sastiardia but naswalen kai sas le but fialuria naswalimata, ai gonisardia le bengen; ai chi meklia le beng te mothon, ke won zhanenas les.

1:35b.MAR.001.035 Kana phuterdilo o dies O Jesus wushtilo, ai gelotar vari kai te avel korkorho, ai kotse rhugisailo.

1:36b.MAR.001.036 O Simon ai won kai sas lesa gele te roden les;

1:37b.MAR.001.037 Kana arakhle les, phende leske, "Savorhen roden tu."

1:38b.MAR.001.038 O Jesus phendia lenge, "Aventar, trobul te zhas ande aver gava kai si pashe te sicharav E Vorba le Devleski, ke sostar avilem."

1:39b.MAR.001.039 Ai wo dia duma pa Del ande synagoguria ande sa Galilee, ai gonisardia le bengen.

1:40b.MAR.001.040 Iek lepra avilo ka Jesus, thodiape ande changende angla leste, ai phendia leske, "Tu te mangesa, sai vuzhares ma."

1:41b.MAR.001.041 Ai O Jesus sas leske mila leste, lunzhardia o vas, azbadia les, ai phendia leske, "Mangav, av vuzho!"

1:42b.MAR.001.042 Strazo wuzhilo andai leprosi, sasto sas.

1:43b.MAR.001.043 Ai strazo O Jesus dia les trad te zhaltar, phenelas,

1:44b.MAR.001.044 "Arakh tu, te na phenes kanikaske, numa zha sikadiol kal baro rasha, porme de e podarka kai phendia o Moses te den, kashte te zhanen."

1:45b.MAR.001.045 Numa kado manush gelo ai dia duma pa so kerdia O Jesus, ai phendia e lashi viasta kai godi zhalas. Pala kodia O Jesus nashti zhal ando foro angla le manushen, numa sas ande pusta, ai le manush avile leste katar swako rig.

2

2:1b.MAR.002.001 O Jesus pale gelo ando Capernau, ai ashunenas e viasta ke wo sas ando kher.

2:2b.MAR.002.002 Ai strazo but manush chudinisaile andek than ando kher, ma nas than andre te beshen, ai vi avrial angla o wudar nas than. O Jesus sicharelas le E Vorba le Devleski.

2:3b.MAR.002.003 Shtar manush avile leste, ai andine leste ieke manushes kai sas bango, pashliolas po than.

2:4b.MAR.002.004 Numa chi zhanenas kai te zhan ando kher ke but narodo sas, ankliste po chardako, ai kerde ek gropa, ai vuliarde les le thanasa mashkar O narodo ai angla Jesus.

2:5b.MAR.002.005 Kana O Jesus dikhlia lengo pachamos, phendias le bangeske, "Shav che bezexa iertime le."

2:6b.MAR.002.006 Numa sas uni Gramnoturia beshenas tele kotse, ai phenenas peske,

2:7b.MAR.002.007 "Sar sai kado manush tromal te lel o than le Devlesko? Ke ferdi O Del sai iertil le bezexa?"

2:8b.MAR.002.008 Ai strazo O Jesus zhanglia lenge ginduria, ai phendia lenge, "Sostar si tume kasave chorhe ginduria ande tumaro ilo ?

2:9b.MAR.002.009 So si mai vushoro te phenes ka le banges, "Che bezexa iertime vai wushti opre ai phir?"

2:10b.MAR.002.010 Numa te zhanen ke ka O Shav le Manushesko si e putiera te iertil le bezexa." Ai phedia le bangeske,

2:11b.MAR.002.011 Phenav tuke, "Wushti, le cho than ai zha khere!"

2:12b.MAR.002.012 Ai strazo wushtilo, gelotar angla lende, sa narodo chudisailo, ai luvudinas le Devles, phenen, "Shoxar chi dikhlian ek diela sar dikhliam adies."

2:13b.MAR.002.013 Pala kodia O Jesus gelo palpale kai maria Galilee; ai sa narodo avelas leste, ai wo sichardia le.

2:14b.MAR.002.014 Sar phiravelaspe, dikhlia o Levi, o shav le Alphaeusosko beshelas tele kai skafidi kai pochinenas e taksa le themeske, ai phendia leske, "Av pala mande." O Levi wushtilo ai liape pala leste.

2:15b.MAR.002.015 Kana O Jesus xalas ando lesko kher, but manush kai chiden e taksa, ai le bezexale avile te beshen kai skafidi lesa ai leske disipluria.

2:16b.MAR.002.016 -Ai kana le Gramnoturia ai le Farizeanuria dikhle ke Jesus xalas le manushensa kai chiden e taksa ai kodolen kai si bezexale; phushle leske disipluria, "Sostar tumaro gazda xal le manushensa kai chiden e taksa ai kodolensa kai si bezerxale?"

2:17b.MAR.002.017 O Jesus ashundia le ai phendia lenge, "Le manush kai si saste chi trobul le dokxtoro, le naswalen trobul. Chi avilem te akharav kodolen kai gindinpe vorta angla Del, numa le bezexalen."

2:18b.MAR.002.018 Le disipluria le Iovanoske ai le Farizeanuria zholinas, ai aven ka Jesus ai phushen lestar, "Sostar, le disipluria le Iovanoske ai le Farizeanuria zholin butivar, ai che disipluria chi zholin?"

2:19b.MAR.002.019 O Jesus phendia lenge, "Sar sai zholin le manush kai si akharde ka abiav, kana o manush kai ansurilpe lensalo?

2:20b.MAR.002.020 Numa avela e vriama kai o manush kai ansurilpe avela lino lendar, antunchi zholina."

2:21b.MAR.002.021 "Khonik chi suvel nevo kotor poxtan te lasharel phurane tsalia, ke o nevo kotor tsigniol, ai kerdiol mai nasul o shinimos.

2:22b.MAR.002.022 Le manush chi thon nevi mol andel phurane morchia moliake, ke le morchia pharhadion, ai e mol shordiol, ai le morchia rimonpe. Numa thon e nevi mol andel neve morchia.

2:23b.MAR.002.023 Ande kodia vriama O Jesus nakhlia pe ek niva kai bariolas jiv po Sabat. Ai leske disipluria line anda jiv.

2:24b.MAR.002.024 Ai le Farizeanuria phende leske, "Eta, Sostar che disipluria keren so nai slobodo te keren po Sabat?"

2:25b.MAR.002.025 Wo phendia lenge, "Chi jindian so kerdia o David kana bokhailo, wo ai le manush kai sas lesa?

2:26b.MAR.002.026 Sar gelo ando kher le Devlesko kana o Abiathar sas o baro rasha, ai xalias andal halome manrhe kai nas leske slobodo te xal, vai kodolenge kai sas lesa, numa le rashange.

2:27b.MAR.002.027 Wo phendia lenge, "O Sabat kerdilo le manushenge; ai nai manush le Sabatoske.

2:28b.MAR.002.028 Ke O Shav le Manushesko si o gazda le Sabatosko."

3

3:1b.MAR.003.001 O Jesus gelo palpale ande synagogue, ai kotse sas iek manush kai sas les vas bango.

3:2b.MAR.003.002 Won lenas sama po Jesus, te sastiarela vari kas savatone; kashte te dosharen les.

3:3b.MAR.003.003 O Jesus phendia le manushesko kai sas les vas bango, "Wushti opre."

3:4b.MAR.003.004 Ai phushlia lenge, "Slobodo po Sabat te kerelpe mishtimos vai te kerelpe nasulimos? Te skepisar le manushes vai te mudar le manushes? Numa chi phende khanch.

3:5b.MAR.003.005 O Jesus xolailo sas kana dikhlia pe lende, nekezhilas ke nas le mila le manushenge, numa mila sas les pe lende. Phende le manusheske, "Lunzhar cho vas." Wo lunzhardia pesko vas ai sasto sas sar o kolaver.

3:6b.MAR.003.006 Le Farizeanuria geletar, ai strazo dinepe duma le slugensa le amperatosko o Herod, sar te mudaren les.

3:7b.MAR.003.007 O Jesus gelo kai maria leske disiplonsa, ai but narodo lenaspe pala leste andai Galilee, ai andai Judea,

3:8b.MAR.003.008 ai andai Jerusalem, ai andai Idumea, ai inchal o Jordan, ai andai le foruria Tire ai Sidon.

3:9b.MAR.003.009 Kana o narodo ashunde so kerdiasas, avile leste. Ai wo phendia leske disipluria kai mangel ek chuno te azhukerel les te trobul les, ke o baro narodo pashon pasha leste katar swako rig.

3:10b.MAR.003.010 Ke sastiardia but manushen, ai sa le naswale avenas leste te azban les.

3:11b.MAR.003.011 Kana le bi vuzhe dikhle les, pele tele angla leste, ai tsipisarde, phenen, "Tu san O Shav le Devlesko!"

3:12b.MAR.003.012 Ai strazo O Jesus dia le trad te na phenen kon sas wo.

3:13b.MAR.003.013 Antunchi O Jesus gelo po plai ai akhardia peste le manushen kai manglia. Won avile leste.

3:14b.MAR.003.014 Wo alosardia desh u dui, kai akhardia Apostles te beshen lesa, ai tradela le te den duma pa Del.

3:15b.MAR.003.015 Ai dia le e putiera te sastiaren le naswalimata, ai te gonin le bengen:

3:16b.MAR.003.016 Ai o Simon wo akhardo Petri.

3:17b.MAR.003.017 Ai o Iakov o shav le Zebedesko ai lesko phral o Iovano, wo akhardo le Boanerges kai si "Le shave rhunjitosko."

3:18b.MAR.003.018 Ai Andre, ai Philip, ai Bartholmew, ai Mate, ai Thomas, ai Iakov o shav le Alphaeusosko, ai Thaddaeus, ai o Simon o Canaanite,

3:19b.MAR.003.019 ai o Judas Iscariot, kai purhisardia les, ai gele ando kher.

3:20b.MAR.003.020 Kana O Jesus avilo ando kher, but narodo chidinisaile andek than angla leste, ai nas le vriama te xan.

3:21b.MAR.003.021 Kana leski familia ashundia kodia, roden te astaren les ke le manush phenenas, "Xasardo leski goji!"

3:22b.MAR.003.022 Ai le Gramnoturia avile andai Jerusalem phenenas, "Si les Beelzebub ande leste! Ai gonil le bengen ke o baro le bengengo, o Beelzebub del les e putiera."

3:23b.MAR.003.023 Ai O Jesus akhardia le manushen leste, ai phendia lenge paramichi, "Sar sai o beng gonil le bengen?

3:24b.MAR.003.024 Ek amperetsia kai si xuladi pe peste si te xaiil, chi ashela.

3:25b.MAR.003.025 Ek familia kai si xulade pe peste si te xaiil, chi ashela.

3:26b.MAR.003.026 Teala o beng gonil le bengen, won si xulade pe peste. Sar rhivdila ai ashela leske amperetsia?

3:27b.MAR.003.027 Vai sar sai del vari kon ando kher zurale manushesko, ai te lel so si lesko, bi te phandel le zurale manush, ai antunchi te lel so si lesko "

3:28b.MAR.003.028 Chachimasa phenav tumenge, "Sa le bezexa ai kai den duma nasul le manush sai iertilpe.

3:29b.MAR.003.029 Numa kon del duma nasul po Swunto Duxo, shoxar chi avela iertime. Chi ande kadia lumia vai e lumia kai si te avel."

3:30b.MAR.003.030 O Jesus phendia lenge kadala vorbi ke uni phenenas, "Si les iek beng ande leste."

3:31b.MAR.003.031 Antunchi leski dei ai leske phral avile, beshenas avri, ai mangenas te den duma lesa.

3:32b.MAR.003.032 But narodo beshenas tele pasha Jesus, ai phenen leske, "Dikh, chi dei ai che phral avri, ai mangen te dikhen tu."

3:33b.MAR.003.033 Wo dia lenge atweto, phenel, "Kon si murhi dei, vai murhe phral?"

3:34b.MAR.003.034 Ai wo dikhlia pe lende kai beshenas tele pasha leste ai phendia, "Eta, Murhi dei ai murhe phral!"

3:35b.MAR.003.035 Ke kon godi kerel e voia murho Dadeski kai si ando rhaio, si murho phral, murhi phei, ai murhi dei."

4

4:1b.MAR.004.001 Pale O Jesus gelo kai maria Galilee ai sicharelas. Kadia de but narodo chidinisailo kruglom lestar ta anklisto ando chuno ai beshlo tele, o chuno sas po pai, ai o narodo beshelas po berego.

4:2b.MAR.004.002 Ai sicharelas lenge paramichi pa but dieli, ai phendias lenge ande leske sicharimos,

4:3b.MAR.004.003 "Ashun! Eta, iek manush gelo te shudel sumuntsi pe phuv.

4:4b.MAR.004.004 Ai sar shudelas le sumuntsi pe phuv, uni pele pasha drom, ai le chiriklia avile ai xale le.

4:5b.MAR.004.005 Uni pele po than kai sas bax, kai nas but phuv. Le sumuntsi barile sigo ke nas but phuv.

4:6b.MAR.004.006 Kana anklisto o kham, phabardia le, ke nas vuni, shuchile.

4:7b.MAR.004.007 Ai uni pele mashkar le kanrhe, kodola kanrhe barile ai tasade le, ai chi dine fruiti.

4:8b.MAR.004.008 Numa aver pele pe lashi phuv, ai dine fruti, uni dine trenda, aver shovardesh ai aver iek shel.

4:9b.MAR.004.009 Ai wo phendia lenge, "Kudo kai si les khan te ashunel, mek te ashunel!"

4:10b.MAR.004.010 Kana O Jesus sas korkorho, uni manush kai ashunde les ai le desh u dui disipluria avile leste ai phushle les pa paramichi.

4:11b.MAR.004.011 Wo phendia lenge, "Ke tumenge sas shinado te zhanen so si garado pa e amperetsia le Devleski, numa lenge nas dino, le kolavrenge si phendo kadia buchi ande paramichi.

4:12b.MAR.004.012 Dikhen, numa chi dichol lenge: ai ashunen, numa chi haliaren; te haliaren, amboldenpe karing mande, ai lenge bezexa aven iertime."

4:13b.MAR.004.013 O Jesus phushlia lenge, "Chi haliaren kadia paramichi? Sar sai haliaren le kaver paramichi kai phenav tumenge?

4:14b.MAR.004.014 O manush kai shudel e sumuntsa si E Vorba le Devleski.

4:15b.MAR.004.015 Kodola kai si pasha drom, si kodola kai ashunen E Vorba le Devkeski; kana ashunen la, strazo avela o beng ai ankalavel so sas thodino ando ilo le manushesko.

4:16b.MAR.004.016 E sumuntsa kai sas shudine pe phuv kai sas bax, si sar le manush kai ashunen E Vorba, ai andak data lel E Vorba ai veselimelo.

4:17b.MAR.004.017 Numa chi gelo divano dur ande lengo ilo ai nas te ankerdiol, rhivdil xantsi vriama, ke kana avel zumaimos pe lende, vai dosharen le manush, vai maren mui lestar ke ashundias E Vorba ai pachaias, antunchi lenge dragostia xantsol duriol ai mekelpe.

4:18b.MAR.004.018 E sumuntsa kai sas shudini mashkar le kanrhe si sar le manush kai ashunde E Vorba le Devleski.

4:19b.MAR.004.019 Numa ande lengo ilo si le ginduria, o pharipe, o nekazo le traiosko ande kadia lumia, ai o dziliarimos barvalimasko, kadala tasaven E Vorba le Devleski, ai nashti del fruta.

4:20b.MAR.004.020 E sumuntsa kai sas shudini pe lashi phuv si sar le manush kai ashunen E Vorba le Devleski ai haliaren la, ai anen fruta ande lende ai kotsar avel mai but katar uni iek shel, katar uni shovardesh,ai katar uni trenda."

4:21b.MAR.004.021 Wo phendia lenge, "Khonik chi del iag iek memeli ai garavel les telai vadra vai telai pato? Numa thol les pe skafidi te del vediara savorhen kai si ando kher.

4:22b.MAR.004.022 Ke nai khanchi garado, kai trobul e avel sikado; khanchi garado, kai trobul te zhanen ai te dikhen savorhe. Ashun mishto, te si tume khan te ashunen!"

4:24b.MAR.004.024 O Jesus phendia lenge, "Len sama so ashunen. Ke so keren le kolavrenge, O Del kerela tumenge, ai vi mai but.

4:25b.MAR.004.025 Ke kodoles kai si les, avela dino; numa kodoles kai nai les, avela lino lestar."

4:26b.MAR.004.026 Wo phendia, "E amperetsia le Devleski, si sar iek manush kai shudel sumuntsa pe phuv;

4:27b.MAR.004.027 Sovel swako riat ai wushti swako diminiatsi. E sumuntsa bariol, numa chi zhanel sar.

4:28b.MAR.004.028 E phuv del fruta anda peste, mai anglal avel e patri, porme o jiv, ai gata ande korzha.

4:29b.MAR.004.029 Kana gata e fruta, shinel la, ke o chidimos avilo."

4:30b.MAR.004.030 O Jesus phendia, "Pe soste miazol e amperetsia le Devleski? Vai savi paramichi sai phenav tumenge te haliaren mishto?

4:31b.MAR.004.031 Si sar ek sumuntsa garchitsaki, kai sas shudini pe phuv.

4:32b.MAR.004.032 Makar ke si e mai tsinorhi andal sumuntsi: Kana bariol si mai bari andal patria, ai kerdiol krenga; ta le chiriklia anda cheri aven te beshen ande krenga."

4:33b.MAR.004.033 O Jesus sicharelas le manushen E Vorba le Devleski le paramichensa; wo sichardia le xantsi po xantsi sar dashtisarde te haliaren.

4:34b.MAR.004.034 Numa bi le paramichensa cii dia duma lenge: ai kana korkorho sas leske slugensa, wo sichardia le so znachil sa le paramichi.

4:35b.MAR.004.035 Ai wo saikfielo dies, kana e riat avili, phendia lenge, "Aven pe kaver rig le paieske."

4:36b.MAR.004.036 Ai kana mekle o narodo; le disipluria ankliste ando chuno kai sas O Jesus, ai ingerde les lensa. Ai sas aver chunuria.

4:37b.MAR.004.037 Bari barval avili pe maria, ta le talazuria vusharavenas o chuno, ai pherdiolas o chuno le paiesa.

4:38b.MAR.004.038 O Jesus sas palal ando chuno sovelas pe sheran. Wushtiarde les, ai phende leske, "Gazda, nai khanchi tuke ke xaiisavas?"

4:39b.MAR.004.039 O Jesus wushtilo ai dia mui pe barval, tsipisardia pe maria "Ash! Besh trankilo!" ai e barval kerdili bari hodina, ai o pai chi mai buntuilpe.

4:40b.MAR.004.040 Wo phendia lenge, "Sostar daran kadia zurales? Sarta nai tume khanchi pachamos?"

4:41b.MAR.004.041 Daraile, ai phenen iek kavreske, "Che fielo manush kado, vi e barval ai e maria pachan lesko mui!"

5

5:1b.MAR.005.001 Ai aresle pe kaver rig le paieske, ando them kai bushol Gadarenes.

5:2b.MAR.005.002 Ai kana anklisto avri anda chuno, strazo ek manush anklisto avri andal kaplitsi kai sas les ek bi vuzho ande leste.

5:3b.MAR.005.003 Kado manush beshelas andel kaplitsi; ai khonik nashti phandel les le lansuriansa.

5:4b.MAR.005.004 Ke butivar le manush phandesas les lantsonsa ai sastrensa pel punrhe, numa wo pharhadia le lantsuria ai le sastri kai sas pel punrhe ai vas. Khonik nashtil te aterdiol les ke sas les pra but zor.

5:5b.MAR.005.005 Swako riat ai swako dies phirelas andel kaplitsi ai po plaia, tsipilas, ai shinelaspe le baxensa.

5:6b.MAR.005.006 Kana o manush kai sas les ek bi vuzho ande leste dikhlian O Jesus dur lestar, nashlia ai dia le changa angle leste.

5:7b.MAR.005.007 Ai tsipisardia zurales, ai phendias, "So manges mandar, Jesus, tu, Shav le Devlesko? Phushav tut ando anav le Devlesko, na chinuisar ma."

5:8b.MAR.005.008 Ke O Jesus phenelas leske, "Tu, bi vuzho, ankles avri anda leste."

5:9b.MAR.005.009 O Jesus phushlia le bi vuzhesko, "Sar bushos?" Wo dia atweto, phenel, "Le Legion, ke but sam."

5:10b.MAR.005.010 Ai wo rhugilaspe ka Jesus te na tradel le bi vuzhe avri anda them.

5:11b.MAR.005.011 Nas dur but bale kai xanas.

5:12b.MAR.005.012 Le beng rhugisaile ka Jesus, "Te gonisa ame avri trade ame andel bale."

5:13b.MAR.005.013 O Jesus phendia lenge te zhan andel bale, ai le bi vuzhe ankliste avri ai gele andel bale. Ai sa le bale shudepe pai xar ande maria, ai tasule ando pai. Sas pashte dui mi bale.

5:14b.MAR.005.014 Le manush kai lenas sama katar le bale sigo gele ando foro ai avrial le gave, ai phende so kerdilia. Ai sa le manush avile te dikhen so kerdilia.

5:15b.MAR.005.015 Avile ka Jesus ai dikhle o manush kai sas les but beng ande leste, ai beshelas tele, ai vuriardo, ai leske goji vorta; ai daraile.

5:16b.MAR.005.016 Kudola kai dikhle les, phende le manush so kerdilia pa o manush kai sas le beng ande leste, ai vi pa le bale.

5:17b.MAR.005.017 Ai phushle les te zhaltar anda lengo them.

5:18b.MAR.005.018 Ai kana O Jesus anklisto ando chuno, o manush kai sas les le beng ande leste manglia te zhal lesa.

5:19b.MAR.005.019 Numa O Jesus chi meklia les te zhal, ai phendia leske, "Zha khere ai phenes lenge so godi kerdia tuke O Del, ai sar sas les mila pe tute."

5:20b.MAR.005.020 Kodo manush gelotar ai phendia sa le manush ande Decapolis so godi kerdia leske O Jesus; ai sa le manush chudisaile.

5:21b.MAR.005.021 Antunchi O Jesus gelo palpale inchal e maria ando chuno, ai but narodo chidinisaile angla leste: ai wo sas po berego.

5:22b.MAR.005.022 Ai, eta, iek baro andai synagogue avilo kai busholas Jairus, ai kana dikhlia O Jesus, shudiape kal punrhe,

5:23b.MAR.005.023 ai dia duma zurales leske, phenel, "Murhi shei merel akana; aidi ai tho cho vas pe late, te avela sasti ai woi traiila.

5:24b.MAR.005.024 O Jesus gelo lesa; ai but manush lenaspe pala leste, ai pashonas pasha leste katar swako rig.

5:25b.MAR.005.025 Sas ek zhuvli kai xasarelas pesko rat de desh u dui bersh,

5:26b.MAR.005.026 ai chinuisardia but. Geli ka but dokxturia, xaliasas sa peske love, numa chi iek chi sastiardia la, ai mai nasul sas.

5:27b.MAR.005.027 Kana ashundia pa Jesus, avili palal pala Jesus ai azbadia e tivala leske raxamaki.

5:28b.MAR.005.028 Ke phendiape, "Te sai azbava leske tsalia avava sasti."

5:29b.MAR.005.029 Ai strazo o rat kai xasarelas aterdilo; ai woi zhanglia ke sastilisas katar o naswalimos.

5:30b.MAR.005.030 Ai O Jesus, strazo zhanelaspe kai putiera ankliste avri anda leste, amboldiape ai phendia ka le manush, "Kon azbadia murhe tsalia?"

5:31b.MAR.005.031 Leske disipluria phende leske, "Tu dikhes but narodo pashon pasha tute katar swako rig, ai tu mothos, "Kon azbadia ma?"

5:32b.MAR.005.032 O Jesus amboldiape ai dikhlia pe late kai azbadia leske tsalia.

5:33b.MAR.005.033 Numa e zhuvli daralas ai izdralas, zhanelas so kerdia O Jesus lake, avili ai dia le changa angla leste, ai phendia leske sa o chachimos.

5:34b.MAR.005.034 Ai phendia lake, "Murhi shei, cho pachamos sastiardia tu; zha pachasa, sasti san katar cho naswalimos."

5:35b.MAR.005.035 Sar delas duma inker, avile manush katar o kher le baresko andai synagogue ai phende, "Chi sheiorhi muli. Sostar mai dziliares o gazda?"

5:36b.MAR.005.036 Kana O Jesus ashundia kadala vorbi, phendia le baresko andai synagogue, "Na dara, ferdi pacha tu."

5:37b.MAR.005.037 Ai O Jesus chi meklia khonik te zhal lesa, ferdi o Petri, ai Iakov, ai Iovano o phral le Iakovosko.

5:38b.MAR.005.038 Aresle ka kher le baresko andai synagogue, ai O Jesus dikhlia baro narodo buntuime, but mui kerenas, ai rovenas. Wo gelo andre ai phushlia le,

5:39b.MAR.005.039 "Sostar keren kadia, ai roven? E sheiorhi nai muli, numa sovel!"

5:40b.MAR.005.040 Won asaie lestar, kana gonisardia le narodos, wo angerdia o dat ai e dei la sheiake, ai won kai sas lesa, ai gele ande soba kai pashliolas.

5:41b.MAR.005.041 Ai lia la vastestar, ai phendia lake, "Talitha cumi" kai si "Sheiorhio, phenav tuke, Wushti opre."

5:42b.MAR.005.042 Ai strazo e sheiorhi wushtili, ai phiradia. Desh u dui bershengi sas. Ai chudisaile but!

5:43b.MAR.005.043 Wo dias le trad te na mothon kanikaske; ai phendia lenge, "De la vari so te xal."

6

6:1b.MAR.006.001 O Jesus gelotar kotsar, ai areslo ando foro kai barilo; ai leske disipluria linepe pala leste.

6:2b.MAR.006.002 Ai po dies Savato, sicharelas le narodos ande lengi synagogue, chudisaile, ai phenenas, "Katar lias kado manush kasavo haliarimos ai putiera te kerel mirakluria?

6:3b.MAR.006.003 Nai kado o stoliari, o shav le Mariako, o phral le Iakovosko, ai le Josesosko, ai le Judasosko, ai o Simonosko? Ai leske pheia nai sa mashkar amende? Xoliale pe leste.

6:4b.MAR.006.004 Numa O Jesus phendia lenge, "Ferdi ande lesko foro ai ande lesko kher chi preznain le profeturia."

6:5b.MAR.006.005 O Jesus chi kerdia but mirakluria kotse, numa thodia leske vas pe xantsi manush kai sas naswale, ai sastiardia len.

6:6b.MAR.006.006 Ai chudisailo ke nai lenge pachamos. Antunchi gelo kal gava kotse, sicharel le manushen.

6:7b.MAR.006.007 O Jesus akhardia peste, peske desh u do disipluria, ai tradia le dui po dui; ai dia le e putiera pe le bi vuzhe duxuria;

6:8b.MAR.006.008 Ai phendia lenge, "Na len khanchi tumensa po drom kai zhan, ferdi iek rovli; na len gono, vai manrho, vai love ande tumare posucha;

6:9b.MAR.006.009 Thos pe tute le papucha; numa chi thos pe tute dui gada.

6:10b.MAR.006.010 Ai phendia lenge, ande fersavo kher kai aresena, beshen ka lesko kher zhi kai tume zhanatar kotsar.

6:11b.MAR.006.011 Kodola manush te na primina tume vai te na ashunena tumende, kana zhantar anda kodo kher vai foro, chinon e pulberia pa tumare punrhe. Phenav tumenge, mai vushoro le narodoske anda Sodom ai Gomorrah po dies la krisako, ke sar kodole foroske!

6:12b.MAR.006.012 Ai geletar, denas duma pa Del, phenenas, "Trobul te keiin tume anda tumare bezexa!"

6:13b.MAR.006.013 Ai gonisarde but beng, ai thodia vuloi pe but naswalen, ai sastiarde le.

6:14b.MAR.006.014 Ai o amperato o Herod ashundias e viasta pa Jesus. Le manush phenenas, "Kado si o Iovano o baptisto, zhuvindisailo pai martia. Anda kodia si les e putiera te kerel mirakluria."

6:15b.MAR.006.015 Uni phenen, "Kado si o Elias." Ai aver phenen, "Kado si iek profeto, vai sar iek andal profeturia."

6:16b.MAR.006.016 Numa kana o Herod ashundia kadia, phendia, "Kado si o Iovano! Phendem te shinen o shero le Iovanosko; ai zhuvindisailo pai martia."

6:17b.MAR.006.017 O Herod astardias le Iovanos, ai phangle les lantsonsa ai thodia les ande temnitsa palai Herodias, e rhomni leske phraleski o Philip: ke wo ansurisailo lasa.

6:18b.MAR.006.018 Ke o Iovano phenelas ka Herod, "Nai tuke slobodo te les e rhomni cho phraleski."

6:19b.MAR.006.019 E Herodias xoliarikosas le Iovanosa, ai mangelas te mudarel le Iovanos, numa nashtisardia.

6:20b.MAR.006.020 O Herod daralas katar o Iovano. Wo zhanelas kai o Iovano sas ek lasho ai chacho manush. Wo lelas sama lestar ai chi meklia khonik te dukhavel les. Kana o Iovano dia duma pa Del wo ashundia les raduimasa, numa ando lesko ilo nai mishto sas.

6:21b.MAR.006.021 Antunchi e Herodias dikhlia sar dashtil te mudarel o Iovano. Po dies kai arakhadilo o Herod, dia ek pachiv le gazdaske, le bare kapitanuria, ai le mai bareske andai Galilee.

6:22b.MAR.006.022 Ai kana e shei la Herodiaki avili andre, woi kheldias lenge, ai de sa zurales plachalias le Herodos ai won kai sas lesa, o amperato phendia ka shei, "Phushes mandar so godi manges, ai dava tu so godi manges."

6:23b.MAR.006.023 Ai solaxadia lake, "So godi manges mandar, dava tu so manges, vi dava tu dopash murhi amperetsaki."

6:24b.MAR.006.024 Woi geli kai laki dei, ai phendia lake, "So sai phushav lestar?" Ai laki dei phendia, "O shero le Iovanosko o baptisto."

6:25b.MAR.006.025 Woi avili strazo ka amperato, ai phushlia lestar, phenel, "An mange pek charo o shero le Iovanosko o baptisto.

6:26b.MAR.006.026 O amperato nekezhisailo, numa ke solaxadias angla o narodo, phendias te den la so mangel.

6:27b.MAR.006.027 Strazo o amperato tradia iek andal ketani te shinen o shero le Iovanosko ande temnitsa, ai dia ordina te anel o shero le Iovanosko leste. Ek ketani gelo kai temnitsa ai shindia o shero le Iovanosko.

6:28b.MAR.006.028 Andine lesko shero pek charo ai dine les kai shei, ai woi angerdia les kai laki dei.

6:29b.MAR.006.029 Ai kana leske disipluria ashunde kadia, avile, line lesko stato, ai groposarde les.

6:30b.MAR.006.030 Le Apostluria avile palpale, ai phende ka Jesus so godi kerde, ai so sicharenas.

6:31b.MAR.006.031 Wo phendia lenge, "Aven tume korkorho ande pusta ai hodinin xantsi, ke sas but narodo kai avenas ai zhanas, ai vi nas le vriama te xan.

6:32b.MAR.006.032 Ai geletar pek chuno korkorho kai nas khonik.

6:33b.MAR.006.033 O narodo dikhle le kana geletar, ai but zhanenas les, ai nashle telal avri anda sa le foruria, ai aresle kotse mai anglal lendar, ai chidinisaile.

6:34b.MAR.006.034 Kana O Jesus anklisto avri anda chuno, dikhlias but narodo, pelias leske mila anda lende, ke won sas sar bakriorhe bi le pastuxosa, ai wo sicharelas le but kai trobulsardias te zhanen.

6:35b.MAR.006.035 Kana avili e riat leske disipluria avile leste, ai phende leske, "Si pusta katse ai vunzhe pozno.

6:36b.MAR.006.036 Trade le narodos te zhan andel gava ai avrial le gave te chinen peske manrho, ke nai le khanchi te xan."

6:37b.MAR.006.037 Wo dia atweto ai phendia lenge, "Den le te xan." Ai won phende leske, "Tu manges ame te zhas ai chinas manrhe kai anklel dui shela teliara te pravarel sa le manush?"

6:38b.MAR.006.038 Phendia lenge, "Sode manrhe si tume? Zha ai dikh." Ai kana zhanenas, phenen, "Panzh manrhe, ai dui mashe."

6:39b.MAR.006.039 O Jesus phendias le narodoske te beshen tele pel zeleno char.

6:40b.MAR.006.040 Ai beshle tele andek than po panvardesh zhene ai po iek shel zhene.

6:41b.MAR.006.041 O Jesus lias le panzh manrhe ai le dui mashe, vazdia le iakha karing o rhaio, ai naisisardia, ai phaglias le manrhe, dias le kal disiplonge, ai le disipluria dine le ka narodo; ai xulade le dui mashe mashkar lende.

6:42b.MAR.006.042 Savorhe xale ai chailile.

6:43b.MAR.006.043 Antunchi le disipluria chide le kotora le manrheske ai le masheske kai ashshile, desh u dui kozhnitsi pherde sas.

6:44b.MAR.006.044 Kodola kai xale le manrheske sas panzh mi mursh.

6:45b.MAR.006.045 Strazo O Jesus kerdias le disipluria te zhan ando chuno te zhan mai anglal lestar pe kaver rig le paieske ka foro Bethsaida, zhi pon wo tradias le narodos te zhantar.

6:46b.MAR.006.046 Kana tradia le narodos te zhantar, gelo opre po plai te rhugilpe.

6:47b.MAR.006.047 Kana peli e riat, o chuno sas mashkaral e maria, ai O Jesus sas kotse korkorho pe phuv.

6:48b.MAR.006.048 Dikhlia kai sas le but chino te visilin o chuno; ke barval phurdelas zurales pe lende, mashkar le trin ai le shov chasuria diminiatsake, O Jesus avilo karing lende, phirelas po pai, ai wo nakhelas pasha lende.

6:49b.MAR.006.049 Kana le disipluria dikhle les phirel po pai, tsipisarde daratar; "Choxano si!"

6:50b.MAR.006.050 Ke savorhe dikhle les, ai chudisaile daratar. Strazo dia duma lensa, ai phendia lenge, "Aven veselo, ke me sim, na daran!"

6:51b.MAR.006.051 Ai Wo avilo karing lende ai anklisto ande chuno; ai e barval aterdili: ai but chudisaile ai gindinaspe pa so kerdilia.

6:52b.MAR.006.052 Ke chi haliarde so znachil o miraklo le manrhengo; ke lengo ilo zuralo sas.

6:53b.MAR.006.053 Ai kana nakhle inchal o pai, aresle kai phuv ando them kai bushol Gennersaret, ai gele karing e berego.

6:54b.MAR.006.054 Ai kana ankliste avri anda chuno, strazo le manush kotsar prinzharde les.

6:55b.MAR.006.055 Trade divano ande sa o them, ai le manush andine sa penge naswalen leste.

6:56b.MAR.006.056 Ai kai godi gelo andel gava, andel foruria, vai avrial le gava; andel bazaria ai pel vulitsi, won thode kodola kai sas naswale, ai phende leske, te ferdi dashtin le naswalen te pashon pasha leste te azban e tivala leske raxamaki, ai kon godi azbadias leski raxami sastile.

7

7:1b.MAR.007.001 Antunchi le Farizeanuria ai uni Gramnoturia avile andai Jerusalem, ai chidinisaile pasha Jesus.

7:2b.MAR.007.002 Dikhle uni andal leske disipluria xanas bi te xalaven penge vas,

7:3b.MAR.007.003 ke le Farizeanuria ai sa le Zhiduvuria shoxar chi xan bi te xalaven penge vas. Won keren o zakono le phurenge.

7:4b.MAR.007.004 Ai kana aven andal bazari, won shoxar chi xan bi te xalaven penge vas. Ai si le mai but aver zakonuria kai won keren. Uni xalaven le daxtai, le kruzhki, ai le phiria le xarkune.

7:5b.MAR.007.005 Antunchi le Farizeanuria ai le Gramnoturia phushen les, "Sostar che disipluria chi keren o zakono le phurenge, numa xan bi te xalaven penge vas?"

7:6b.MAR.007.006 O Jesus dia atweto, ai phendia lenge, "Tume manush kai ankerdion so chi san, O Isaiah dias mishto profesi po tumende kana ramosardia, "Kado narodo preznain ma peska mosa, numa lengo ilo dur mandar.

7:7b.MAR.007.007 Intaino preznain ma, ke won sicharen manushenge zakonuria sar te aviline le Devleske."

7:8b.MAR.007.008 Tume chi keren o zakono le Devlesko, numa keren o zakono le manushenge."

7:9b.MAR.007.009 O Jesus phendia lenge, "Tume thon rigate o zakono le Devlesko numa keren tumaro zakono.

7:10b.MAR.007.010 Ke o Moses phendia, "Preznaisar che dades ai cha da," ai kodo kai del duma nasul pa peske dades ai peska da, musai merel.

7:11b.MAR.007.011 Numa tume phenen "Kon godi phenela peske dadeske vai peska dake, so sai demas tume te zhutiv tume, dem ka Del."

7:12b.MAR.007.012 Ai tume chi mai meken les e zhutil peske dades vai peska da.

7:13b.MAR.007.013 Tume thon rigate E Vorba le Devleski te keren tumaro zakono, ai tume keren but aver dieli sa kadia."

7:14b.MAR.007.014 Pala kodia akhardia le narodos peste, ai phendia lenge, "Savorhen, ashunen mande.

7:15b.MAR.007.015 Nai so thol o manush ando mui kai maril les, numa so anklel anda lesko mui kai maril les.

7:16b.MAR.007.016 Si tume khan, antunchi ashun!"

7:17b.MAR.007.017 Wo meklia le narodos ai gelo ando kher. Antunchi leske disipluria phushle les pa paramichi.

7:18b.MAR.007.018 Ai phendia lenge, "Chi tume sa chi haliaren? Chi haliaren, ke so thol ando lesko mui nashti maril les.

7:19b.MAR.007.019 Ke kadia chi zhal ando lesko ilo, numa ando ji, porme anklel avri, (phenelas kai sa o xabe si lasho).

7:20b.MAR.007.020 Mai phendia lenge, so anklel andal manush kodia si kai kerel andal manush marime angla Del.

7:21b.MAR.007.021 Ke anda ilo anklel le nasul ginduria, kurvisia, mudarimos,

7:22b.MAR.007.022 chorimos, te manges zurales so si nai chiro, te keres vai so kai si defial nasul, atsimos, manges te dikhes po zhuvli le chorhe gindosa, zhaluzile, te des duma nasul pa Del, barimata, dzilimos.

7:23b.MAR.007.023 Sa kadala nasul dieli anklen andal manush, ai kodia si kai kerel andal manush marime angla Del.

7:24b.MAR.007.024 O Jesus gelotar kotsar ai gelo karing o Tire ai Sidon, gelo ando kher, chi mangelas khonik te zhanel kai wo sas kotse, numa nashti garavel les.

7:25b.MAR.007.025 Strazo ek zhuvli avili leste ke ashundia kai wo sas kotse. Sas la ek sheiorhi kai sas la ek bi vuzho ande late. Avili leste, ai peli kal punrhe (shudiape ka leske punrhe).

7:26b.MAR.007.026 E zhuvli sas Grekaika, biandilia ando them Phoenicia, woi manglia les te gonil le benges avri anda laki shei.

7:27b.MAR.007.027 Numa O Jesus phendia lake, "Nai vorta te les o manrho le glatengo ai te shudes les kal zhukel.

7:28b.MAR.007.028 Woi dia atweto, ai phendia leske, "E, Gazda, numa le zhukel telai skafidi xan le prushuka le glatenge."

7:29b.MAR.007.029 Antunchi O Jesus phendia lake, "Ke tu phendian kadala vorbi, zha khere, o beng anklisto avri anda chi shei."

7:30b.MAR.007.030 Woi geli khere, ai dikhlia laki sheiorhi pashliol po than; o beng anklisto avri anda late.

7:31b.MAR.007.031 Antunchi O Jesus gelotar andai foruria o Tire ai o Sidon, avilo palpale kai maria Galilee, nakhelas pasha o them Decapolis.

7:32b.MAR.007.032 Won andine leste ieke kashukes, ai nashti delas duma mishto; ai mangle lestar te thol lesko vas pe leste.

7:33b.MAR.007.033 O Jesus lia les rigate katar o narodo, ai thodia leske naia andel khan, chungarde, ai azbadia leski shib,

7:34b.MAR.007.034 ai vazdia le iakha kal rhaio, rhugisailo ande peste ai phendia, "Ephphatha," kodia si, phuterdiol.

7:35b.MAR.007.035 Strazo leske khan phuterdile, ai leski shib nas phangli, ai dino duma savsem/desea mishto,

7:36b.MAR.007.036 O Jesus phendia lenge te na phenen kanikaske; numa mai but wo phenelas lenge te na phenen kanikaske, mai but won denas duma pa so kerdia O Jesus.

7:37b.MAR.007.037 Ta o narodo chudisailo, phenelas, "So godi kerel si desea mishto. Wo kerel le kashuke te ashunen, ai kerel le muto te den duma savsem mishto.

8

8:1b.MAR.008.001 Pala kodia aver narodo avile, ai nai le so te xan. O Jesus akhardia peske disiplon peste, ai phendia lenge.

8:2b.MAR.008.002 "Mila mange anda narodo, ke de trin dies mansa le, ai nai ke so te xan,

8:3b.MAR.008.003 Chi mangav le te zhan khere bokhale, ke kam zaline po drom; ke dur sas o drom but manushenge."

8:4b.MAR.008.004 Leske disipluria phendia leske, "Kai te las dosta manrho ande kadia pusta te pravaras len?"

8:5b.MAR.008.005 O Jesus phushlia le, "Sode manrhe si tume?" Won phende, "Efta manrhe."

8:6b.MAR.008.006 O Jesus phendia le narodoske te beshen tele pe phuv. Lia le efta manrhe, ai dias naisimos, phaglias le, ai dias le kal disipluria. Le disipluria dine le kal narodo.

8:7b.MAR.008.007 Sas le xantsi tsinorhe mashe: ai O Jesus dias naisimos, ai phendia le disipluria te thon le mashe angla lende te xan.

8:8b.MAR.008.008 Savorhe xale ai chailile. Le disipluria chide le kotora kai ashshile efta kozhnitsi, pherde sas.

8:9b.MAR.008.009 Kodola kai xale sas shtar mi mursh, Antunchi O Jesus tradia le narodos te zhantar.

8:10b.MAR.008.010 Ai strazo O Jesus anklisto andek chuno peske disiplonsa, ai avilo ando them Dalmanutha.

8:11b.MAR.008.011 Ai le Farizeanuria avile ka Jesus, ai mangle lestar te sikavel lenge ek semno kai si te avel anda rhaio.

8:12b.MAR.008.012 Ai nekezhisailo ande pesko duxo, ai phendia lenge, "Sostar kadia vitsa adies roden ek semno Chachimasa, phenav tumenge, chi iek semno chi avela dino len."

8:13b.MAR.008.013 Antunchi meklia le, ai anklisto ando chuno, ai geletar inchal o pai.

8:14b.MAR.008.014 Le disipluria bustarde te len manrho pesa, ai sas le ferdi iek manrho lensa ando chuno.

8:15b.MAR.008.015 Ai O Jesus phendia lenge, "Arakhen tume katar e drozhda kai avel katar le Farizeanuria, ai le Herodoske.

8:16b.MAR.008.016 Le disipluria denaspe duma mashkar pende, ai phenenas, "Ke chi liam amensa manrho phenel kadia."

8:17b.MAR.008.017 O Jesus zhanglias, ai phendias lenge, "Sostar phenen mashkar tumende, ke chi andian manrho? Chi haliaren? Ai chi den goji?

8:18b.MAR.008.018 Si tumen iakha ai chi dikhen? Ai si tumen khan ai chi ashunen? Ai chi seren tume?

8:19b.MAR.008.019 Kana phaglem le panzh manrhe ai tume dine kal panzh mi manushen? Sode kozhnitsi pherdo kotora chide?" Won phende leske, "Desh u dui.

8:20b.MAR.008.020 Ai kana sas efta manrhe kai tume dine kal shtar mi manushen, sode kozhnitsi pherdo kotora chide?" Ai phende leske, "Efta".

8:21b.MAR.008.021 Ai O Jesus phendia lenge, "Sostar sa chi haliaren?"

8:22b.MAR.008.022 Antunchi wo avilo ande Bethsaida, ai andine ek korho manush ka Jesus, ai mangle les te azbal les.

8:23b.MAR.008.023 Lia le korhes vastestar, ai ningardia les avri andai gav. Antunchi chungarde pe leske iakha, ai thodia leske vas pe leste, ai phushlia les, "Sai dikhes vari so?"

8:24b.MAR.008.024 Ai wo vazdia le iakha, ai phendia leske, "E, dichol mange le manush, numa miazon le khash phirenas."

8:25b.MAR.008.025 O Jesus pale thodia leske vas pe leske iakha, ai phendia leske te vazdel le iakha, sastilo ai dikhlia swako fielo mishto.

8:26b.MAR.008.026 Antunchi O Jesus tradia les te zhaltar ka lesko kher, ai phendia leske, "Nai zhal palpale ando gav, vai phenes kanikaske ando gav."

8:27b.MAR.008.027 O Jesus ai leske disipluria geletar andel gava ando them Caesarea Philippe: ai sar zhanas phushlias katar peske disipluria, "Kon mothon le manush ke sim?"

8:28b.MAR.008.028 Phende leske, "O Iovano o baptisto, numa uni phenen ke san o Elias; ai aver phenen, iek andal profeturia."

8:29b.MAR.008.029 Wo phendia lenge, "Ai tume kon mothon ke sim?" Ai o Petri phendia, "Tu san O Kristo."

8:30b.MAR.008.030 Antunchi O Jesus dias le trad, te na phenen kanikaske pa leste.

8:31b.MAR.008.031 De katar kodia vriama O Jesus sikavelas peske disiplon, ke O Shav le Manushesko musai chinuil but, ai avela shudino lendar katar le phurane ai katar le bare le rashange, ai le Gramnoturia, ai avela mudardo ai zhuvindila pala trin dies.

8:32b.MAR.008.032 Wo phendia kadala vorbi angla lende. Antunchi o Petri lia les rigate ai phendias leske.

8:33b.MAR.008.033 Numa kana O Jesus amboldinisailo, dikhlia pe peske disipluria, ai phenel le Petresko, "Le tu angla mande, Satano!(Beng!) Ke che ginduria na le Devleske, nume le manusheske."

8:34b.MAR.008.034 Ai kana O Jesus akhardia o narodo ai peske disiplon leste, wo phendia lenge, "Te si vari kon kai mangel te avel pala mande, musai te bustrel pa peste, te lel pesko trushul, ai te avel pala mande.

8:35b.MAR.008.035 Ke o manush kai mangela te garavel pesko traio xasarela les; numa kodo kai dela pesko traio pala mande ai pala e lashi viasta, arakhela traio.

8:36b.MAR.008.036 So lela o manush te niril sa e lumia ai te xasarela pesko duxos?

8:37b.MAR.008.037 So sai del o manush te chinel palpale pesko duxo?

8:38b.MAR.008.038 Ke kon godi lazhala mandar ai katar murhe vorbi mashkar le bezexalenge adies, O Shav le Manushesko avela lestar lazhal, kana avela ando pesko barimos le dadesko le Swuntsi angelonsa."

9

9:1b.MAR.009.001 O Jesus phendia lenge, "Chachimasa, phenav tumenge, "Uni andal kadala kai si katse chi merena zhi pon dikhena e amperetsia le Devleski avela le putierasa."

9:2b.MAR.009.002 Shov dies pala kodia O Jesus lias pesa o Petri, ai o Iakov ai o Iovano, ai ningerdias le pek bari plaiing, ferdi won sas kotse: ai wo parhudilo angla lenge.

9:3b.MAR.009.003 Leske tsalia parnile sar e vediara. Khonik pe phuv nashti xalavel le sakadia.

9:4b.MAR.009.004 Ai avisaile angla lende Elias ai o Moses denas duma le Kristosa.

9:5b.MAR.009.005 O Petri phendia ka Jesus, "Gazda, mishto ke sam katse! Anzaras trin tseri, iek tuke, iek le Mososke, ai iek le Eliasoske."

9:6b.MAR.009.006 O Petri chi zhanelas so te phenel: ke daraile zurales.

9:7b.MAR.009.007 Sas iek nuvero kai avilo ai vusharadia le, ai anda nuvero iek glaso phendias, phenel, "Kado si murho Shav kai si mange de sa drago:

9:8b.MAR.009.008 Ai strazo, kana won dikhenas kruglom pende, chi mai dikhle kanikas, ferdi O Jesus sas lensa.

9:9b.MAR.009.009 Sar avenas tele pai plaiing O Jesus dia le trad, "Na phenen kanikaske so dikhlian zhi kai O Shav le Manushesko zhuvindila andai martia."

9:10b.MAR.009.010 Ai le disipluria chi phende kanikaske so dikhle, numa denas duma mashkar pende. "So znachil 'O zhuvindimos pala peske martia.'"

9:11b.MAR.009.011 Ai phushle katar O Jesus, phenen, "Sostar le Gramnoturia phenen ke o Elias trobul te avel mai anglal?"

9:12b.MAR.009.012 O Jesus phendia lenge, "Chaches trobul te avel o Elias, ai te anel palpale swako fielo sar kai sas; sar si ramosardia ke O Shav le Manushesko musai chinuil but, ai avela shudino lendar.

9:13b.MAR.009.013 Numa phenav tumenge, "Ke o Elias vunzhe avilo, ai kerde lesa so godi mangle, sar sas ramosardia lestar."

9:14b.MAR.009.014 Kana avilo karing leske disipluria, dikhlia o baro narodo, ai le Gramnoturia phushenas lendar.

9:15b.MAR.009.015 Ai strazo sa o narodo, kana dikhle les, chudinisaile but, ai nashle karing leste te phenen les, "Droboi tu."

9:16b.MAR.009.016 O Jesus phushlia katar le Gramnoturia, "Pa soste den mui lendar?"

9:17b.MAR.009.017 Iek andal narodo dia atweto ai phendia, "Gazda, andem tute murho shav, ke si beng ande leste ai nashti del duma.

9:18b.MAR.009.018 Ai kai godi o beng lel les, shudel les pe phuv, ai zhala leske spuma anda mui, ai chidel dandendar, ai chinuilas les: ai phushlem che disipluria te gonin le benges avri anda leste; ai nashtisarde."

9:19b.MAR.009.019 O Jesus dias atweto ai phendia leske, "Tume kai nai tume pachamos, zhi kana trobula te avav tumensa? Zhi kana trobul te rhevdiv tumen? Anen le shavorhes mande!"

9:20b.MAR.009.020 Ai andine les ka Jesus: ai kana dikhlia les, strazo o beng drechinil les; ai pelo pe phuv, ai zhala leske spuma anda mui.

9:21b.MAR.009.021 O Jesus phushlia katar lesko dat, "De sode vriama sas les beng ande leste?" O dat phendia, "De sar sas iek glata.

9:22b.MAR.009.022 Ai butivar perel ande iag, ai ando pai te mudarel les: numa te sai keres vari so, av mila pe amende, ai zhutis ame.

9:23b.MAR.009.023 O Jesus phendia leske, "Te sai pachasa tu, le Devlesa vari so sai kerdiol kodoleske kai pachalpe.

9:24b.MAR.009.024 Ai strazo o dat le glatasko tsipisardia, ai phendia le asuasa, "Devla, me pachav; zhutis ma te mai pachav."

9:25b.MAR.009.025 Kana O Jesus dikhlia o narodo avelas mai sigo karing leste, O Jesus dias duma zurales ka o bi vuzho, phendia leske, "Kashuko ai muto duxo, dav tu trad, ankles avri anda leste, ai chi mai zha ande leste."

9:26b.MAR.009.026 Ai o bi vuzho tsipisardia, ai shudia les pe phuv, ai anklisto avri anda leste: ai sas sar iek mulo; ai savorhe phende, "Mulo si!"

9:27b.MAR.009.027 Numa O Jesus lia les vastestar, ai vazdia les; ai wushtilo.

9:28b.MAR.009.028 Ai kana O Jesus avilo ando kher, leske disipluria line les rigate, ai phushle les, "Sostar nashti gonisardiam les ame?"

9:29b.MAR.009.029 O Jesus phendia lenge, "Kodolestar anklel avri ferdi kana rhugis tu ai zhonis.

9:30b.MAR.009.030 O Jesus ai leske disipluria gele kotsar, ai nakhle pasha Galilee; O Jesus chi mangelas vari kon te zhanel kai sas wo,

9:31b.MAR.009.031 Ke sicharelas leske disiplon, ai phendia lenge, "O Shav le Manushesko si te avel dino andel vas le manushenge, ai won mudarena les, ai pala kadia mudardo si, o trito dies zhuvindila.

9:32b.MAR.009.032 Numa chi haliarde so phendia, ai daranas te phushen les.

9:33b.MAR.009.033 Ai O Jesus areslo ando Capernaum: ai kana sas ando kher wo phushlia len, "Sostar marenas mui mashkar tumende po drom?"

9:34b.MAR.009.034 Numa won chi phende khanch leske; ke sas po drom marenaspe mui pa, "Kon si o mai baro."

9:35b.MAR.009.035 Ai O Jesus beshlo tele, ai akhardia le desh u di disipluria, ai phendia lenge, "Vari kon kai mangel te avel pervo, musai avela paluno, ai avela tumaro podaitori(servitori)."

9:36b.MAR.009.036 O Jesus akhardia peste iek tsinorho glata, ai thodia les angla lende: kana lia les ande peske vas, phendia lenge,

9:37b.MAR.009.037 "Kon godi primila iek tsinorho glata ando murho anav, primil man, ai kon godi primila ma, chi primil ma, numa wo kai tradia ma."

9:38b.MAR.009.038 O Iovano phendia leske, phenel, "Gazda, dikhliam ieke manushes kai gonil le bengen ando cho anav, ai wo chi liape pala amende: ai ame aterdiardem les, ke chi liape pala amende.

9:39b.MAR.009.039 Numa O Jesus phendia leske, "Na aterdios les: ke nas iek manush kai kerel iek miraklo ande murho anav, kai sai del duma nasul pa mande."

9:40b.MAR.009.040 Ke kon chi rimol tumaro zakono si tumensalo.

9:41b.MAR.009.041 Ke kon godi dela tu ek porharho le paieske te pel ande murho anav, ke tu san O Shav le Devlesko, chi xasarela lesko pochinimos."

9:42b.MAR.009.042 "Ai kon godi kerela iek anda kadala tsinorhe kai pachanpe ande mande te peren ando bezex, mai bini te avel ek baro bax phanglo ka leski kox, ai te avel shudino ande bari maria.

9:43b.MAR.009.043 Te si cho vas kai kerel tu te peres ando bezex, shin les, ai shude les dur tutar. Mai bini te zhas ando chacho traio ieka vastesa, de sar te aven tu dui vas ai te aves shudino ande iado, ande iag kai chi getolpe.

9:44b.MAR.009.044 Kai lenge rhimi chi merel, ai nashti mudarel e iag. Te si cho punrho kai kerel tu te peres ando bezex, shin les, mai bini te zhas ando chacho traio ieke punrhesa, de sar te aven tu dui punrhe ai te aves shudino ande iado.

9:46b.MAR.009.046 Kai lenge rhimi cii merel, ai nashti mudarel e iag.

9:47b.MAR.009.047 Ai te si chi iakh ke kerel tu te peres ando bezex, le la avri ai shude la dur tutar. Ke mai bini te zhas ande amperetsia le Devleski ieka iakhasa, de sar te aven tut dui iakha ai te shudino ande iag le iadoski.

9:48b.MAR.009.048 Kai lenge rhimi chi merel, ai nashti mudarel e iag.

9:49b.MAR.009.049 Savorhe avela londo iagasa, ai swako sakrifis avela londo lonensa.

9:50b.MAR.009.050 Lasho si o lon; numa o lon te xasarela pesko skusno, sar kerena anda leste pale londo? Si tume lon ande tumende ai avela pacha iek kavresa.

10

10:1b.MAR.010.001 O Jesus gelotar andai Capernaum, ai avilo ande them Judea ai gelo inchal o pai Jordon: ai bare naroduria gele pala leste, ai sichardia len sar kerelas sa data.

10:2b.MAR.010.002 Ai le Farizeanuria avile leste, ai phushle les, "Dar vorta ai slobodo ando zakono te mekel o manush peska rhomnia anda vari soste godi?" te zumaven les.

10:3b.MAR.010.003 O Jesus phendia lenge, "So phendiasas o Moses tumenge?"

10:4b.MAR.010.004 Phende leske, "O Moses meklias ke sai mekel o manush peska rhomnia te dela la lil anda vas."

10:5b.MAR.010.005 O Jesus phendia lenge, "O Moses ramosardia o zakono tumenge, ke zuradian tumaro ilo.

10:6b.MAR.010.006 Numa de anda gor la lumiaki, O Del kerdias le mursh ai zhuvli.

10:7b.MAR.010.007 Anda kodia o mursh si te mekel peske dades ai peska da, ai avela astardo ka peski rhomni,

10:8b.MAR.010.008 ai le dui avena iek stato: pala kadia na mai dui numa iek stato.

10:9b.MAR.010.009 So Del thodias andek than o manush te na hulavel.

10:10b.MAR.010.010 Kana gele palpale ando kher, le disipluria phushle katar O Jesus pa leske vorbi.

10:11b.MAR.010.011 Ai phendia lenge, "Kon godi mekela peska rhomnia, ai te lela avria kerdias kurvimos.

10:12b.MAR.010.012 Ai sakadia ek zhuvli mekela pesko rhom, ai te lela avria kerdias kurvimos."

10:13b.MAR.010.013 Ai andine tsinorhe glaten ka Jesus te thol peske vas pe lende: numa peske disipluria dine trad kodolenge kai andine le.

10:14b.MAR.010.014 Kana O Jesus ashundia kadia, xoliariko sas ai phendia peske displonge, "Mek te aven le glate mande, ai na aterdion le, ke e amperetsia le Devleski kodolenge si kai si sar lende."

10:15b.MAR.010.015 Chachimasa phenav tumenge, "Kon godi kai chi primil e amperetsia le Devleski sar ek glata, nashti dela ando rhaio."

10:16b.MAR.010.016 Ai wo lia le glate ande leske vas, thodia leske vas pe lende, ai rhugisardia lenge.

10:17b.MAR.010.017 Ai kana O Jesus phirelas pel drom, iek manush nashelas karing leste ai dia le changa angla leste, ai phushlia les, "Lasho Gazda, che lashimos trobul te kerav te avel ma o traio kai chi mai getolpe?"

10:18b.MAR.010.018 O Jesus phendia leske, "Sostar mothos mange lasho? Ke nai khonik lasho, O Del ferdi si lasho.

10:19b.MAR.010.019 Zhanes le zakonuria, na ker kurvimos, na mudar, na phen xoxaimos pa vari kon, na chor, na atsaimos, na pupuiimos, preznaisar che dades ai cha da."

10:20b.MAR.010.020 O manush phendia leske, "Gazda, sa kadala zakonuria ankerdem de sar simas terno."

10:21b.MAR.010.021 O Jesus dikhlia pe leste, drago leske les, ai phendia leske, "Mai trobul te keres vari so, zha bichin so si tu, de kal chorhe, ai avela tu manjin ando rhaio: antunchi aidi pala mande."

10:22b.MAR.010.022 Kana o terno manush ashundia kodia tristosailo ai gelotar, ke but barvalimos sas les.

10:23b.MAR.010.023 O Jesus dikhlia le ai phendia peske disiplononge, "Ke trutno kodolenge kai si le barvalimos te zhan ande amperetsia le Devleski."

10:24b.MAR.010.024 Ai le disipluria chudisaile kana ashunde kadia. Ai O Jesus pale phendia lenge, "Shave, ke trutno kodolenge kai pachanpe ande barvalimos te zhan ande amperetsia le Devleski."

10:25b.MAR.010.025 Mai vushoro te nakhel iek gemula andai iakh suviaki, de sar iek barvalo manush te zhal ande amperetsia le Devleski."

10:26b.MAR.010.026 Ai chudisailo de sa shodo sas lenge, ai phenenas mashkar pende, "Apo, kon sai avela skepime?"

10:27b.MAR.010.027 O Jesus dikhlias pe lende, ai phendia lenge, "Le manush anda pende nashtin, numa le Devlesa vari so sai kerdiol.

10:28b.MAR.010.028 Antunchi o Petri phendia leske, "Ashun, ame mekliam swako fielo ai liam ame pala tute."

10:29b.MAR.010.029 O Jesus phendia lenge, "Chachimasa, phenav tumenge, kon godi meklia khera, vai phralen, vai pheian, vai dades, vai da, vai rhomni, vai glaten, vai phuvia pala mande, ai pala e lashi viasta,

10:30b.MAR.010.030 lela iek shelvar mai but akana pe kadia phuv, khera, ai phralen, ai pheian, ai deian, ai glaten, ai phuvia, ai but chinuimos, ai avela le o traio kai chi mai getolpe ande lumia kai si te avel.

10:31b.MAR.010.031 Numa but anda le perve avena le palune, ai but kai sas le palune aven le perve."

10:32b.MAR.010.032 Sar le desh u dui disipluria zhanas ando Jerusalem, O Jesus gelo angla lende: chudisaile, ai sar lenas pe pala leste, daraile. Ai lia le desh u dui disiplon pa drom ai phendia lenge so musai avel leste.

10:33b.MAR.010.033 Phenel, "Ashun, zhas ande Jerusalem kai O Shav le Manushesko avela dino ando vas le bare rasha ai le Gramnoturia, ai won kerena leski kris te mudaren les, ai dena les kal manush kai Nai Zhiduvuria.

10:34b.MAR.010.034 Ai won maren mui lestar, ai maren les le bichosa, ai chungaren pe leste, ai karfon les po trushul: ai o trito dies si te zhuvindil."

10:35b.MAR.010.035 O Iakov ai o Iovano, le shave le Zebedeske, avile peste, phenenas, "Gazda, ame mangas tu te keres amenge so mangas."

10:36b.MAR.010.036 Ai wo phendia lenge, "So mangen te kerav tumennge?"

10:37b.MAR.010.037 Won phende leske, "Mek te beshel iek ka cho chacho vas, ai iek ka cho stingo vas ande chiri amperetsia."

10:38b.MAR.010.038 Numa O Jesus phendia lenge, "Chi zhanen so mangen, amboldiaspe ka Iakov ai o Iovano ai phushlia le, "Sai pen andai kuchi kai me si te piiav?"

10:39b.MAR.010.039 Ai won phende leske, "Sai". Ai O Jesus phendia lenge, "Si te phen anda murhi kuchi:

10:40b.MAR.010.040 Numa te beshen ka murho chacho vas ai ka murho stingo, nai mandar te dav. Kodo than avela dino ka kodola kaske getosardias le murho Dat.

10:41b.MAR.010.041 Kana le kolaver desh disipluria ashunde kodia, xoliale le Iakovosa ai le Iovanosa.

10:42b.MAR.010.042 O Jesus akhardia le peste, ai phendia, "Tume zhanen ke le bare le manushenge kai Nai Zhiduvuria gazdin len, ai keren lensa so mange.

10:43b.MAR.010.043 Nai kadia mashkar tumende, numa savo godi mangel te avel baro mashkar tumende, avela tumaro podaitori.

10:44b.MAR.010.044 Ai savo godi mangel te avel o mai baro mashkar tumende, avela tumari sluga.

10:45b.MAR.010.045 Sakadia O Shav le Manushesko, chi avilo te podail pes, numa avilo te podail ai te del pesko traio te pochinel anda but te skepil les."

10:46b.MAR.010.046 Ai aresle ando Jericho; kana zhanas avri anda Jericho le disiplonsa ai but manushensa, iek korho kai bushol Bartimaeus, o shav le Timaeusosko, beshelas tele pasha drom, ai mangelas xabe vai love.

10:47b.MAR.010.047 Wo ashundia ke O Jesus andai Nazareth nakhelas, ai tsipisardia, phenel, "Jesus, tu Shav le Davidosko, al tuke mila anda mande!"

10:48b.MAR.010.048 Ai but manush tsipinas pe leste ai phenenas leske te ashel: numa wo tsipilas mai zurales, "Tu Shav le Davidosko, al tuke mila anda mande."

10:49b.MAR.010.049 Ai O Jesus aterdilo, ai phendia lenge te akharen les. Won akharen o korho manush, ai phenen leske, "Aves veselo, wushti, O Jesus akharel tu."

10:50b.MAR.010.050 Ai wo lia tele leske bunda, wushtilo, ai avilo karing O Jesus.

10:51b.MAR.010.051 O Jesus phendia leske, "So manges te kerav tuke?" O korho manush phendia leske, "Devla, phuter murhe iakha te dikhav."

10:52b.MAR.010.052 O Jesus phendia leske, "Zha, cho pachamos sastilia tu." Ai strazo dikhlia, ai liape pala Jesus.

11

11:1b.MAR.011.001 Kana pashilo karing Jerusalem, aresle ando Bethphage ai Bethani, karing o plai le maslinengo, O Jesus tradia dui anda leske disiplon

11:2b.MAR.011.002 ai phendia lenge, "Zhan ando gav mai angle, ai kana aresena, akharena ieke magares phanglo kai shoxar chi iek manush beshlo opral; phutren les, ai anen les.

11:3b.MAR.011.003 Te phenela tumen vari kon, "Sostar keren kadia? Phenen leske, "Trobul le Devles; ai strazo si te tradel les."

11:4b.MAR.011.004 Le dui disipluria geletar, ai arakhle ieke magares kai sas phanglo pasha o wudar kai le dui droma avile andek than: ai phutrenas le.

11:5b.MAR.011.005 Le manush phushle, "Sostar phutren le magares?"

11:6b.MAR.011.006 Le disipluria phende lenge so phendia lenge O Jesus, "Ke trobul le Devles." Ai le manush mekle le te zhan.

11:7b.MAR.011.007 Angerde le magares ka Jesus, ai thode penge gada pe leste, ai O Jesus beshlo opral le magares.

11:8b.MAR.011.008 But anda narodo shudenas penge raxamia po drom angla leste, kaver shinde patria pai le khash, ai thode le po drom angla leste.

11:9b.MAR.011.009 Le manush kai zhanas anglal angla leste, ai kodola kai avenas palal pala leste, tsipinas, Hosana! Raduime kodo kai aven ando anav le Devlesko:

11:10b.MAR.011.010 Raduime si e amperetsia amari dadeski o David, kai avel ando anav le Devlesko: "Hosana zhi ando rhaio!"

11:11b.MAR.011.011 Ai O Jesus areslo ando Jerusalem, ai gelo ande tampla, wo dikhlia pe sa le dieli, antunchi O Jesus ai le desh u dui disipluria gele ande Bethani ke pozno sas.

11:12b.MAR.011.012 Pe terharin diminiatsi, sar avenas anda Bethani, O Jesus bokhailo;

11:13b.MAR.011.013 Pasha drom dur angla leste, O Jesus dikhlias ek pruing figengi kai sas la patria ferdi, gelo late te rodel fruti, ai arakhlias patria ferdi, ke e vriama le figengi nas inker.

11:14b.MAR.011.014 Antunchi O Jesus phendia la pruingake, "Chi iek manush xal fruti anda tute na mai." Ai leske disipluria ashunde kadala vorbi.

11:15b.MAR.011.015 Ai won aresle ando Jerusalem: ai O Jesus avilo ande tampla le Devlesko, ai gonisardia sa kodolen kai bichinenas ai chinenas ande tampla, dia muial le skafidia kodolenge kai parhuvenas le love, ai le skamina kodolenge kai bichinenas le golumburia;

11:16b.MAR.011.016 Ai chi meklia khonik te angerel vari phiria ande bar le tamploski.

11:17b.MAR.011.017 Ai sicharelas le, phenel lenge, "Ramome, murho kher avela akhardo rhugimasko: ande sa le thema. Numa tume keren anda leste shtala chorengi."

11:18b.MAR.011.018 Le Gramnoturia ai le bare rasha ashunde kadala vorbi, ai rodenas sar te mudaren les; daraile lestar, ke sa le manush chudisaile pa lesko sicharimos.

11:19b.MAR.011.019 Kana e telairiat avili, O Jesus ai leske disipluria gele avri anda foro.

11:20b.MAR.011.020 Pe terharin diminiatsi, sar nakhenas po drom, dikhle ek pruing figengi shuchili zhi kai vuni.

11:21b.MAR.011.021 Antunchi o Petri serelaspe so phendia O Jesus arachi, ai phendia ka Jesus, "Gazda, Dikh! E pruing le figengi ke tu dian armaia muli."

11:22b.MAR.011.022 O Jesus phendia; lenge, "Si tume pachamos ando Del." Chachimasa, phenav tumenge,

11:23b.MAR.011.023 ke kon godi phenel plaiake, "Le tu katkar, ai av shudini ande maria"; ai te na avela les gindo ke chi kerdiol, numa pachal kai so phenel avela dino.

11:24b.MAR.011.024 Pala kadia phenav tuke, "So godi manges, kana rhugis tu, pachas kai avela so manges an avela dino."

11:25b.MAR.011.025 "Ai kana beshen ande punrhende te rhugin, te si tu vari so pe kanikaske; iertin, antunchi cho Dat ando rhaio iertil che bezexa.

11:26b.MAR.011.026 Numa te na iertin le, cho Dat ando rhaio chi iertila che bezexa."

11:27b.MAR.011.027 Ai avile palpale ando Jerusalem: ai sar O Jesus phirelas ande tamplo, le bare rasha, ai le Gramnoturia, ai le phure kai poronchinas avile leste,

11:28b.MAR.011.028 ai phenen leske, "Kon phendias tuke ke sai keres so tu keres, ai kon dias tu kadia putiera?"

11:29b.MAR.011.029 O Jesus phendia lenge, "Vi me akana phushav tumendar ek divano, ai phenen mange, antunchi me phenav tumenge katar che putiera kerav so kerav.

11:30b.MAR.011.030 O bolimos le Iovanosko katar sas, anda rhaio vai manushendar?" Phenen mange.

11:31b.MAR.011.031 Ai dinepe duma mashkar pende, ai phenenas, "Te phenasa anda rhaio si te phushel ame, "Sostar chi pachaian les?"

11:32b.MAR.011.032 Numa te phenasa, manushendar. Dar katar le manush, ke savorhe ankeren le Iovanos profeto."

11:33b.MAR.011.033 Antunchi phende ka Jesus, "Chi zhanas." Ai wo phendia lenge, "Chi me, chi phenav tumenge katar che putiera so kerav."

12

12:1b.MAR.012.001 Antunchi O Jesus sichardia len le paramichensa, "Sas iek gazda kheresko kai thodia te bariol ek rez, ai thodia ek zido kruglom latar, ai kerdia ai lashardias iek than te strangon o struguro, vazdias iek wucho than te len sama kotsar. Ai dias e rez ka rabocha rezaria (po wundilepe manushende) ai gelotar andek dur them.

12:2b.MAR.012.002 Kana pashili e vriama te chidenpe struguro, tradias ek sluga kal manush kai bariarenaspe leski rez, te len struguro kai avelas leske.

12:3b.MAR.012.003 Ai astarde les, ai marde les, ai tradia les bi kanchesko.

12:4b.MAR.012.004 Magdata tradias lende aver sluges; ai shude bax pe leste, ai dukhade lesko shero, ai chinuisarde les, ai tradias les.

12:5b.MAR.012.005 Magdata tradia aver sluges; ai mudarde les, ai tradias mai but, marde uni, ai mudarde uni.

12:6b.MAR.012.006 Ta ando gor sas les ieke shaves, kai sas leske de sa drago, ai wo tradia lende peske shaves, ai phenelas, "Si te preznain murhe shaves."

12:7b.MAR.012.007 Numa le rezaria phende iek avreske, "O Shav le Manushesko kai bariarelaspe rez; Aven mudaras les, ai lias ame so si lesko."

12:8b.MAR.012.008 Ai line les, ai mudarde les, ai gonisarde les avri andai rez.

12:9b.MAR.012.009 Kana o gazda le rezako avela, so kerela kodole manushenge? Avela ai mudarel kodole nasul manushen, ai dela e rez ka kaver.

12:10b.MAR.012.010 "Ai chi jindian ando ramomos? O bax kai le manush kai vazden o kher shude kerdilo o bax kai si sa e zor le kheresko.

12:11b.MAR.012.011 O Del kerdias kadia, ai che mundro ande amare iakha!"

12:12b.MAR.012.012 Mangenas te thon o vas pe leste, numa daraile katar o narodo: ke won zhanenas kai wo dia duma iek paramichi pala lende, mekle les, ai geletar.

12:13b.MAR.012.013 Won trade leste uni andal Farizeanonge ai uni andal Herodianonge te astaren les ande lesko divano.

12:14b.MAR.012.014 Ai kana aresle, phenenas leske "Gazda, zhanas ke chachimasa san, bi te daras vari kastar, ke chi thos partia kanikaske, numa sikaves o chachimos pa Del si amenge slobodo vai nai, te pochinas taksa ka Caesar?"

12:15b.MAR.012.015 "Pochinasa vai chi pochinasa?" Numa O Jesus haliardias lenge nasul ginduria, ai phendias lenge, "Sostar tume zumaven ma? Sikaven mange le love, te sai dikhav les.

12:16b.MAR.012.016 Ai andine leske iek pena. Ai O Jesus phendia lenge, "Kaski fatsa ai ramomos si kado?" Ai phenen leske, "O Caesar."

12:17b.MAR.012.017 Antunchi O Jesus phendias lenge, "Den ka Caesar so si lesko, ai den ka Del so si le Devlesko." Kana ashunde, chudisaile.

12:18b.MAR.012.018 Antunchi uni andal Saduseanonge avile ka Jesus, kai mothon ke nai traio pala e martia: ai phushle les, phenenas,

12:19b.MAR.012.019 "Gazda, o Moses ramosardia amende, "Te merela vari kasko phral, ai sas ansurime, ai nas les glate, lesko phral trobul te lel leska rhomnia, ai te vazdel familia peske phraleske."

12:20b.MAR.012.020 Sar mashkar amende efta phral. O pervo ansurisailo, ai mulo, ai nas les glate.

12:21b.MAR.012.021 Ai o duito ansurisailo leska rhomniasa, ai mulo, ai nas les glate ai sakadia o trito.

12:22b.MAR.012.022 Ai sakadia zhi ka o eftato, ai nas les glate: antunchi vi e zhuvli muli.

12:23b.MAR.012.023 Kana avela te zhuvindin le mule te zhan ando rhaio saveski andal efta phral avela e rhomnia?"

12:24b.MAR.012.024 O Jesus phendia lenge, "Shubin tume zurales! Ke tume chi haliaren E Vorba le Devleski, ai chi e putiera le Devleski."

12:25b.MAR.012.025 Ke kana zhuvindin le mule te zhan ando rhaio, le mursh chi lena rhomnia, ai le zhuvlia chi lena rhom, numa aven sar le angeluria le Devleske kai si ando rhaio.

12:26b.MAR.012.026 Numa anda kodia kai zhuvindin le mule te zhan ando rhaio, chi jindian ande klishka le Mosesoski, sar ande krenzha O Del phendia leske, phenelas, "Me sim O Del le Abramosko, ai O Del le Isakosko, ai O Del le Iakovosko?

12:27b.MAR.012.027 O Del nai O Del le mulengo, numa le zhuvindengo, shubin tume zurales."

12:28b.MAR.012.028 Ai iek andal Gramnoturia avilo, ai ashundia le Saduseanuria marenas mui pende, vo haliardia ke phandadias o mui le Saduseanonge, phushlia les, "Savo si o mai baro andal zakonuria?"

12:29b.MAR.012.029 Ai O Jesus phendia leske, "O pervo andal zakonuria si, Ashun, O Israel; O Del, amaro Del, si ferdi iek Del.

12:30b.MAR.012.030 Te avel tuke drago O Del sa che ilesa, sa che duxosa, ai sa che gojasa, ai sa che zorasa: kado si o pervo zakono.

12:31b.MAR.012.031 Ai o duito si saikfielo, te avel tuke drago le manush sode san tu tuke. Nai aver zakono o mai baro sar kadala."

12:32b.MAR.012.032 Ai o Gramnoto phendia leske, "Gazda, tu phendian o chachimos; ferdi iek Del si, ai nai aver, ferdi wo si.

12:33b.MAR.012.033 Ai te avel leske drago O Del sa peske ilesa, ai sa peske haliarimos, ai sa peske duxosa, ai sa peske zorasa, ai te avel leske drago le manush sar si les leske, mai mishto si te keren le dui zakonuria sar te thon zhegeni ai aver podarki po altari ande tampla pala e sakrifis."

12:34b.MAR.012.034 Ai kana O Jesus zhanelas ke wo haliardia, phendia leske, "Tu san nai dur katar e amperetsia le Devleski. Pala kodia khonik chi tromalas te phushel lestar vari so.

12:35b.MAR.012.035 Kana O Jesus sicharelas ande tampla, phushlia le, "Sar sai phenen le Gramnoturia ke O Kristo si O Shav le Davidosko?

12:36b.MAR.012.036 O Swunto Duxo phendia ka David te phenel, "O gazda phendia murhe gazdaske, 'Besh ka murho chacho vas, zhi pon thav che duzhmanon tela che punrhe.'"

12:37b.MAR.012.037 Teala o David akharel les Gazda, sar si lesko shav? Ai o baro narodo ashunelas les raduimasa.

12:38b.MAR.012.038 Sar O Jesus sicharelas le, phendia lenge, "Arakhen tume katar le Gramnoturia, ke lenge drago te phiravenpe andel raxamia lunzhi, ai mangen savorhe te den le lasho dies pel wulitsi.

12:39b.MAR.012.039 Ai mangena le mai lashe skamina ande synagogue, ai te beshen ka shero le skafidiako kal pachiva.

12:40b.MAR.012.040 Ai won len khera le phivlia, ai te na dichol lenge nasulimos but, pe lende avela kris mai bari.

12:41b.MAR.012.041 O Jesus beshlo pasha o than kai le manush thon le love ande tamplo, ai dikhlia sar thonas penge love ande tamplo, ai but andal barvale dine but.

12:42b.MAR.012.042 Ai ek phivli chorhi avili ai tholas dui xarkune kotora, anklen iek sent.

12:43b.MAR.012.043 Ai wo akhardia leste peske disiplon, ai phendia lenge, "Chachimasa, phenav tumenge, kacha chorhi phivli thodia mai but de sar savorhe:

12:44b.MAR.012.044 Ke le barvale dine katar le but love kai sas le, numa woi dia so godi sas la te traiil."

13

13:1b.MAR.013.001 Sar O Jesus anklisto avri andai tampla, iek andal leske disipluria phendia leske, "Dikh, Gazda, che shukar bax ai shukar khera!"

13:2b.MAR.013.002 Ai O Jesus phendia leske, "Dikhes sa kadala bare khera? Chi mai ashela iek bax po kaver, sa so dikhes avela pherado."

13:3b.MAR.013.003 Sar O Jesus beshlo po plai le maslinenge, beshelas po than kai dikhlia o tampla, o Petri, o Iakov, o Iovano ai o Andre avile leste korkorho, ai phushle les,

13:4b.MAR.013.004 "Phen amenge, kana kerdiolape kadia? Ai so avela o semno kai aves kana kerdiona kodola buchi?"

13:5b.MAR.013.005 O Jesus phendia lenge, "Len tume sama, te na atsavel tumen khonik.

13:6b.MAR.013.006 Ke but avena ande murho anav, ai phenena, "Me sim o Kristo"ai atsavena buten.

13:7b.MAR.013.007 Ai kana ashunena ke marenpe ai viasta kai marenpe, na daran: ke kodia musai te kerdiol, numa nai inker o gor.

13:8b.MAR.013.008 Iek them marelape aver themesa, iek amperetsia marelape avria amperetsia: ai ande but thana izdrala e phuv, ai ande thana chi avela dosta te xan, avela but baiuria: kadala avela le semnuria ta anda gor le chinosko, ai o nekazo kai si te avel.

13:9b.MAR.013.009 Numa len sama tumendar: kai dena tume manush ando vas te aven chinuime, ai marena tume andel synagogue: ai tume avena line angla le bare le foroske ai le amperetoske pala murho anav. Phenen lenge pa mande.

13:10b.MAR.013.010 Ai kadia le viasta lashi pai amperetsia avela phendi ande sa e lumia.

13:11b.MAR.013.011 Ai akana astaren tume, ai lena tume kal le bare la krisako. Na daran mai anglal pa so te phenen, kana avela e vriama dava tume le vorbi. Ke tume chi den duma numa O Swunto Duxo.

13:12b.MAR.013.012 Akana o phral si te purhila lesko phral te avela mudardo, ai o dat purhila peske shaven; ai le shave purhina penge daden ai deian te avena mudarde.

13:13b.MAR.013.013 Savorhe vurhitsina tu pala murho anav: numa kodo kai rhivdila ai ankerela zhando gor avela skepime.

13:14b.MAR.013.014 Kana dikhena kodia kai si griatsa le Devleske ke si ando swunto than sar sas phendo katar o profeto Daniel (kodo kai jinel mek te haliarel). Antunchi kodola kai si ande Judea trobula te nashen andel plaia.

13:15b.MAR.013.015 Ai kodo kai avela opral pa kher te na zhal te lel vari so anda pesko kher.

13:16b.MAR.013.016 Ai kodo kai si ande niva te na zhal palpale te lel peske tsalia.

13:17b.MAR.013.017 Nasul la zhuvliake kai si phari glatasa, ai kodola kai si le glate pe chuchi ande kodola dies.

13:18b.MAR.013.018 Rhugin tume te na avel ivend kana trobul te nashen.

13:19b.MAR.013.019 Ke ande kodia vriama si te avel ka savo chino ai nekazo, de sar e lumia shoxar chi dikhlias zhi akana ai shoxar chi mai dikhela.

13:20b.MAR.013.020 Ai te na avino kodola dies skurtiarde, sa le manush kamas te xaiin: numa pala e sama le manushenge kai si alome katar O Del kodola diesa si te aven skurtiarde.

13:21b.MAR.013.021 Antunchi te avela vari kon te mothol tuke, "O Kristo avilo!" "Katka lo" vai "Kote lo" Na pacha.

13:22b.MAR.013.022 Ke si te vazdenpe xoxamne profeturia, kai kerena kasave semnuria ai mirakluria, ta te sai atsaven vi kodolen kai si alome katar O Del.

13:23b.MAR.013.023 Ashunen! So phendem tumenge mai anglal.

13:24b.MAR.013.024 "Strazo pala o chino ai o nekazo kodole diesengo o kham si te avel tuniariko, o shunuto chi dela vediara,

13:25b.MAR.013.025 le chererhaia perena anda cheri, ai e putiera kai si ando cheri avena drenchinime.

13:26b.MAR.013.026 Antunchi dikhena O Shav le Manushesko avela pel nuveria ande putiera ai ando barimos.

13:27b.MAR.013.027 Ai tradela peske angelon, ai si te chiden leske alome andal shtar barvalia, ai de anda iek gor la lumiako ai le cheresko zhando kaver gor."

13:28b.MAR.013.028 Akana sichon ek paramichi pai pruing le figenge. Kana si terne le krenzhitsi, ai anklen patria, zhanes ke o milai pashe.

13:29b.MAR.013.029 Sakadia tume kana dikhena sa kadale dieli zhanen ke pashelo, ke wudarlo.

13:30b.MAR.013.030 Chachimasa phenav tumenge, kadia vitsa chi nakhela, zhi pon chi kerdion kadala dieli.

13:31b.MAR.013.031 O rhaio ai e lumia nakhena, numa murhi vorba shoxar chi nakhela.

13:32b.MAR.013.032 Khonik chi zhanel kana avela kodo dies vai kodo chaso, chi le angeluria ando rhaio, chi O Shav, ferdi O Dat zhanel.

13:33b.MAR.013.033 "Arakhen tume, le sama ai rhugin tume, ke chi zhanen kana kerdiola.

13:34b.MAR.013.034 Ke O Shav le Manushesko si sar ek manush kai phiravelas dur ando aver them, ai phendia lesko sluga te lel sama le kheresko, swako sluga sas les buchi te kerel. Wo dia trad kal wudartari te lel sama.

13:35b.MAR.013.035 Le sama tume: ke chi zhanen kana o gazda le kheresko avela palpale, kana perel o kham, vai e riat, vai kana wushtel o kham, vai diminiatsi.

13:36b.MAR.013.036 Wo sai avela strazo kana tume chi azhukeren les ai arakhel tume soven.

13:37b.MAR.013.037 Ai so phenav tumenge, phenav savorhenge: Le sama!"

14

14:1b.MAR.014.001 Zhanen pa dui dies si O Dies O Baro le Zhidovongo, ai le manrhe bi drozhdenge: ai le bare rasha, ai le Gramnoturia, denaspe duma sar te atsaven O Jesus ai te thon o vas pe leste, ai te mudaren les.

14:2b.MAR.014.002 Numa phende, "Nashti avel po dies o baro ka kam buntuilpe o them."

14:3b.MAR.014.003 O Jesus sas ando foro Bethani ando kher ka Simon o lepra, iek zhuvli avili leste, ai andias e mai kuchi duxi, sar beshelas ka e skafidi, pharhadia e botela, ai shordias kodola duxuria pe lesko shero.

14:4b.MAR.014.004 Uni xoliale mashkar pende, ai phende, "Sostar kerdias kasavi zida?

14:5b.MAR.014.005 "Sai avilino bichindo mai but sar trin shela teliara, ai le love dine kal chorhe!" Ai denas duma nasul pa late.

14:6b.MAR.014.006 O Jesus phendia, "Mek la trankilo; Sostar dosharen kadala zhuvlia? Ke so woi kerdias mange si de sa shukar diela.

14:7b.MAR.014.007 Ke le chorhe sagda avena tumensa, ai vari kana kai mangen sai zhutin le: numa me chi avava tumensa sagda.

14:8b.MAR.014.008 Kana shordias kado duxi pe murho stato, woi kerdias kodia te getol ma pe murho gropomos.

14:9b.MAR.014.009 Chachimos me phenav tumenge, kai godi kadia viasta lashi avela phendi ande sa e lumia, so woi kerdias mange si te avel phendo te denpe goji late."

14:10b.MAR.014.010 Antunchi iek andal desh u dui disipluria kai besholas Judas Iscariot, gelo kal le bare rasha, te purhila les lenge.

14:11b.MAR.014.011 Ai kana ashunde kadala vorbi, raduisaile, ai shinade te den les love. De katar kodia vriama o Judas rodias sar te del les ando vas.

14:12b.MAR.014.012 Po pervo andal diesa le bare kai xanas manrho kai nai puchardo, le disipluria avile ka Jesus, ai phushle les, "Kai manges te getosaras tuke te xas O Dies O Baro le Zhidovongo?"

14:13b.MAR.014.013 O Jesus tradia dui andal peske disiplonge, ai phendia lenge, "Zhan ando foro, kotse arakhena ieke manushes kai si les iek vaza paiesko; len tume pala leste.

14:14b.MAR.014.014 Kana wo zhal ando kher, phenen leske, "O gazda phenel, 'Kai e soba te kerav O Dies O Baro le Zhidovongo ka chiro kher murhe disiplonsa?'"

14:15b.MAR.014.015 Wo sikavela tumenge iek bari soba opre kai si swako fielo andre kotse, lasharen O Dies O Baro le Zhidovongo.

14:16b.MAR.014.016 Ai peske disipluria geletar, ai aresle ando foro, ai arakhle sa sar wo phendiasas lenge: ai won lasharde O Dies O Baro le Zhidovongo.

14:17b.MAR.014.017 Kana pele e riat O Jesus beshlo kai skafidi le desh u dui disiponsa.

14:18b.MAR.014.018 Ai sar xanas, O Jesus phendia, "Chachimasa, phenav tumenge, iek anda tumende si te purhin ma."

14:19b.MAR.014.019 Nekezhisaile zurales, ai iek pala avreste phushenas, "Sim me?" ai aver phendia, "Sim me?" ai aver phendia, "Sim me?"

14:20b.MAR.014.020 O Jesus phendia lenge, "Si iek andal desh u dui, kodo kai xal mansa anda tiari.

14:21b.MAR.014.021 O Shav le Manushesko avela kerdo lesa sar sas o ramome pa leste, numa nasul avela kodoleske ka purhila le Shaves le Manushesko! Mai mishto avilino leske te na arakhadilo sas!"

14:22b.MAR.014.022 Sar xanas, O Jesus lia manrho, ai dias naisimos, phaglia les, ai dia lende te xan, ai phendia lenge, "Len, xan, kado si murho stato."

14:23b.MAR.014.023 Porme lias e kuchi, ai kana dia naisimos, ai dia lende; ai savorhe pile.

14:24b.MAR.014.024 Phendia lenge, "Kado si murho rat, o nevo kontrakto, shordo te pochinel anda bezex, (rat kai chacharel e vortechia le Devleske).

14:25b.MAR.014.025 Chachimos phenav tumenge, chi mai piiava andai fruta le struguroski, de akana ai zhi po dies piiava andai e nevi fruta tumensa ande murhi Dadeski amperetsia.

14:26b.MAR.014.026 Ai kana jilabade ek jeli, geletar pe plai le maslinenge.

14:27b.MAR.014.027 Ai O Jesus phendia lenge, "Ariat sa si te meken ma pala so kerdiolape mange, ke ramome; "Dava dab le pastuxos, ai le bakre si te rhispinpe."

14:28b.MAR.014.028 Kana zhuvindiva andai martia, si te zhav mai anglal tumendar ande Galilee."

14:29b.MAR.014.029 Numa o Petri phendia leske, "Vi te meken tu sa pala so kerdiolape, me shoxar chi mekava tut!"

14:30b.MAR.014.030 Ai O Jesus phendia leske, "Chachimasa phenav tuke, ke kadia dies, e riat mai anglal sar o kurkorsho te bashel duvar, tu si te mothos trivar ke chi zhanes ma.

14:31b.MAR.014.031 Numa o Petri dias mui, "Vi te trobula te merav tusa, me shoxar chi phenava ke chi zhanav tut." Ai sa le disipluria phende sakadia.

14:32b.MAR.014.032 Ai aresle ka o than kai bushol Gethsemane: ai phendia peske disiplonge, "Beshen katse zhi pon rhugiv ma."

14:33b.MAR.014.033 Porme lia pesa o Petri, o Iakov ai o Iovano, ai kote avilo pe leste pharipe nekazo ai chinuilas.

14:34b.MAR.014.034 Ai O Jesus phendia lenge, "Haliarav ande murho duxo de sa pharo nekazo, zhi kai martia, beshen katka, ai len sama."

14:35b.MAR.014.035 Ai O Jesus tsirha mai angle, ai shudiaspe tele mosa pe phuv, ai rhugisailo. "Te dashtilpe, o chaso sai nakhel mandar."

14:36b.MAR.014.036 Ai phendia, "Abba Murho Dat, te sai mek te nakhel kadia kuchi mandar, numa na murhi, chiri voia te avel kerdi."

14:37b.MAR.014.037 Ai avilo, ai arakhlia le sovenas, ai phendia ka Petri, "O Simon, soves? So nashtisardian te le sama mansa iek chaso?"

14:38b.MAR.014.038 Le sama ai rhugis tu, te na peres ando zumaimos. O duxo mangel, numa o stato kovlo."

14:39b.MAR.014.039 Gelotar e duito data ai rhugisailo, phenelas sa kodola vorbi.

14:40b.MAR.014.040 Ai kana areslo palpale, arakhlias le sovenas, ke nashti ankerenas peske iakha phuterde. Ai chi zhanen so te phenen leske.

14:41b.MAR.014.041 Ai wo avilo o trito data, ai phendia lenge, "Akana soven ai hodinin: si dosta, o chaso avilo, ashun, O Shav le Manushesko avela dino ando vas le bezexale manushengo.

14:42b.MAR.014.042 Wushten, aventar, Dikhen, avel kodo kai dias ma ando vas."

14:43b.MAR.014.043 Ai strazo, sar O Jesus delas duma, o Judas, iek andal desh u dui avilo, ai lesa avilo baro narodo sabiensa ai khashtensa. Tradine sas katar le bare rasha, le Gramnoturia, ai katar le phure ka pronchinas.

14:44b.MAR.014.044 Kodo kai dias les ando vas dias len ek semno, phendia, "Kodolen kai chumidava si o manush, astaren les ai len les."

14:45b.MAR.014.045 Andak data gelo ka Jesus ai phendia leske, "Gazda, Gazda," ai chumidia les.

14:46b.MAR.014.046 Ai thode vas po Jesus ai phangle les.

14:47b.MAR.014.047 Ai iek anda kodola kai sas le Kristosa, anzilo ai lias peski sabia, ai shindias tele o khan kodoleske kai sas sluga ka rashai o baro.

14:48b.MAR.014.048 Ai O Jesus phendia le narodosko, "Dar chor sim te avilian pala mande sabiensa ai khashtensa te astaren ma?

14:49b.MAR.014.049 Swako dies simas tumensa ande tamplo te sicharav, ai chi thodian vas pe mande, numa sa kado kerdiilo kashte o ramomos le profetongo te pherdiol."

14:50b.MAR.014.050 Antunchi sa le disipluria mekle les, ai rhispisaile.

14:51b.MAR.014.051 Ek terno manush lia pe pala leste, sas ferdi iek kotor poxtan pe leste. Won thode vas pe terno manush,

14:52b.MAR.014.052 ai meklia o kotor poxtan, ai rhispisailo sa nango.

14:53b.MAR.014.053 Ai ningerde O Jesus ka o baro rashai: kai sa le bare rasha, ai le phure kai poronchinas, ai le Gramnoturia chidinisaile.

14:54b.MAR.014.054 O Petri liape pala leste de dural, zhi ka e bar la bare rashake; ai beshlo tele le slugensa, ai tacholas pashai iag.

14:55b.MAR.014.055 Le bare le rasha ai sa e Sanhedren (e kris e bare) rodenas te thon beda xoxamni po Jesus te shinen kris pe leste te mudaren les, ai chi arakhle.

14:56b.MAR.014.056 Ke but manush avile angle te xoxavan pa leste, numa lenge vorbi nai iek fielo.

14:57b.MAR.014.057 Uni wushtile opre te xoxaven pa leste, phende,

14:58b.MAR.014.058 "Ashundiam kado manush phenel, 'Man si e putiera te xaiin o tampla le Devleski kai le manush kerde le vastensa, ai ande trin dies vazdav aver le vastensa."'

14:59b.MAR.014.059 Swako manush phendia vari so aver fielo pa leste.

14:60b.MAR.014.060 Ai o baro rashai wushtilo opre angla lende, ai phushlia katar O Jesus, phenelas, "Nai tu so te phenes pa kadia." So phenen kadala manush pa tute?"

14:61b.MAR.014.061 Numa O Jesus chi phendia khanchi, mai iek data o baro rashai phushlia les, "Tu san O Kristo, O Shav le Swunto Devlesko?"

14:62b.MAR.014.062 Ai O Jesus phendia leske, "Me sim: ai mai angle si te dikhen O Shav le Manushesko ka o vas o chacho putierako, ai sar avel pel nuveria le rhaioski."

14:63b.MAR.014.063 Antunchi o baro rashai shindia peske tsalia, ai phendia, "So mai trobul ame marturia?

14:64b.MAR.014.064 Vi tume ashundian leske nasul vorbi: So haliaren tume? Phende, 'Doshalolo ai trobul mudardo.'" Ai uni chungarde pe leste, ai te wusharen lesko mui, ai dine les dab dukhamensa, ai phenen leske, "Kon mardia tu?" Le ketani marde les le vastensa.

14:66b.MAR.014.066 O Petri beshelas avri ande bar, iek sluga andal le bare rashaske avili,

14:67b.MAR.014.067 ai kana woi dikhlia o Petri tachol pasha iag, dikhelas pe leste, ai phendia, "Ai vi tu sanas lesa, O Jesus andai Nazareth."

14:68b.MAR.014.068 Wo phendias, "Nai chaches" angla savorhende, "Chi zhanav pa soste des duma." Ai gelo karing e wurota, ai o kurkorsho bashlo.

14:69b.MAR.014.069 E sluga dikhlia les, ai phendia kodolenge kai sas kotse, "Kodo si iek anda lende."

14:70b.MAR.014.070 Mai iek data phendias, "Nai chaches, ai tsirha vriama, kodola kai sas pashai iag avile ka Petri ai phende leske, "Chaches tu san iek anda lende, ke tu san andai Galilee, ai cho divano purhil tut."

14:71b.MAR.014.071 Numa o Petri dias pe armaia ai solaxadias lenge, "Me chi zhanav kadale manushes."

14:72b.MAR.014.072 Ai o duito data o kurkorsho bashlo. Ai o Petri diape goji ka le vorbi kai phendiasas leske O Jesus, "Mai anglal sar te bashel duvar o kurkorsho, tu trivar phenesa ke chi zhanes ma." Ai kana serelas kadia, ruia zurales.

15

15:1b.MAR.015.001 Kana phuterdilo o dies sa le bare rasha, ai le phure kai poronchinas, ai le Gramnoturia avile andek than te den duma pa O Jesus. Ashshile te phanden les, ai ningerde les ka Pilate.

15:2b.MAR.015.002 Ai o Pilato phushlia les, "Tu san O Amperato le Zhidovongo?" O Jesus phendia leske, "Sar tu phendian."

15:3b.MAR.015.003 Ai le bare le rasha dosharde les, numa O Jesus chi phendia khanchi.

15:4b.MAR.015.004 Ai o Pilato mai phushlia les, "Chi phenes khanchi? Chi ashunes sa le dosha kai phenen pa tute?"

15:5b.MAR.015.005 Numa O Jesus chi phendia khanchi; anda kadia o Pilato chudisailo.

15:6b.MAR.015.006 Sas ek zakono ka o guvernori Pilate po Dies O Baro le Zhidovongo te mekel avri iekes ande temnitsa savo godi mangel o narodo.

15:7b.MAR.015.007 Sas phandado antunchi iek kai zhanglo liaspe ke de sa nasul lo, ai mudardia vari kas, lesko anav sas Barabbas. (Ande temnitsa sas iek kai busholas o Barabbas, peske dosha lensa anda iek mudarimos kai kerde ande bunto.)

15:8b.MAR.015.008 Sa o narodo gelo ka Pilate ai mangel lestar te kerel o zakono sar kerdia swako bersh.

15:9b.MAR.015.009 Numa o Pilato phendia lenge, "Mangen te mekav tumenge O Amperato le Zhidovongo?"

15:10b.MAR.015.010 Ke wo zhanglias sostar dine les ando vas, ke le rashan sas inetsia (zhaluzo) pe leste.

15:11b.MAR.015.011 Numa le bare le rasha dziliarde le manushen, ke won mangen o Pilato te mekel Barabbas lenge.

15:12b.MAR.015.012 Ai o Pilato magdata phendia lenge, "So mangen te kerav kadalesa O Jesus kai mothon leske O Amperato le Zhidovongo?"

15:13b.MAR.015.013 Ai savorhe phende, "Tho les po trushul!"

15:14b.MAR.015.014 Porme o Pilato phendia lenge, "Sostar, che nasulimos kerdia?" Numa won mai zurales dine mui, "Tho les po trushul!"

15:15b.MAR.015.015 O Pilato manglia te raduin le manushen, meklia lenge o Barabbas, ai marde O Jesusosa le bichosa, antunchi dias les te karfon les po trushul.

15:16b.MAR.015.016 Le ketani ningerde les ando kher, kai bushol Praetorium; ai chidinisaile kruglom lestar ek antrego kompania ketani.

15:17b.MAR.015.017 Ai dine pe leste ek brazba raxami, ai kerde korona andal lunzhe kanrhe, ai thode la po lesko shero,

15:18b.MAR.015.018 ai phendias leske, "Lungo traio ka O Amperato le Zhidovongo!"

15:19b.MAR.015.019 Ai line e rhai ai marde les pa shero lasa, ai chungarde pe leste, ai dine changa angla leste, ai luvudisarde les.

15:20b.MAR.015.020 Kana getosarde te maren mui lestar, line pa leste e brazba raxami, ai dine leske tsalia pe leste, ai ningerde les te karfon les po trushul.

15:21b.MAR.015.021 Po drom kai zhanas arakhle ieke manushes anda Cirene kai busholas Simon, o dat le Alexanderosko ai Rufusosko, ai thode les te ningerel o trushul.

15:22b.MAR.015.022 Ai andine les ka kodo than kai bushol Golgatha. "O than kai miazol kokalo sheresko"

15:23b.MAR.015.023 Dine les mol hamime drabensa te pel: chi pelias.

15:24b.MAR.015.024 Ai kana karfosarde les po trushul, hulade leske tsalia mashkar pende, ai thodepe te dikhen kon niril peski raxami.

15:25b.MAR.015.025 Ai sas inia chasuria diminiatsi, ai karfosarde les.

15:26b.MAR.015.026 Opral pa lesko shero amblade ek ramomos kai phenelas che dosh ankerdesas pe leste, "O AMPERATO LE ZHIDOVONGO."

15:27b.MAR.015.027 Ai lesa won karfosarde dui chor, iek ka lesko chacho vas, ai iek ka lesko stingo.

15:28b.MAR.015.028 Kadia kerdilia sar o ramomos phendia, won gindisarde pa leste sar iek manush kai phaglo o zakono.

15:29b.MAR.015.029 Le manush kai nakhenas kotsar, kerenas anda shero ai mishkirinas les, ai phenenas, "Tu kai sas te xaiis o tampla, ai ande trin dies te vazdes kadia tampla,

15:30b.MAR.015.030 Skepisar tut, ai aidi tele pa trushul."

15:31b.MAR.015.031 Sakadia le bare le rasha ai le Gramnoturia marde mui lestar mashkar pende, "Skepisardias avren, numa nashti skepil pes."

15:32b.MAR.015.032 Mek O Kristo, O Amperato anda Israel, te avel tele pa trushul, ke mangas te dikhas ai pachas ame ande leste. Ai vi le dui kai sas thodine po trushul lesa marde mui lestar sakadia.

15:33b.MAR.015.033 Kal desh u dui po mashkar le diesesko avilo, tuniariko sas pe sa e lumia zhi kai trin chasuria.

15:34b.MAR.015.034 Karing le trin chasuria O Jesus dias mui andek baro glaso, "Eloi, Eloi, lema Sabachthani?" Kadia si, "Murho Del, Murho Del, Sostar meklian ma?"

15:35b.MAR.015.035 Uni anda kodola kai sas kotse ashunde les, ai phende, "Eta, akharel o Elias."

15:36b.MAR.015.036 Strazo iek anda lende grebisailo, lias ek kotor, thodias les ando lolo shut, thodias po khash ai zumadias te del ka Jesus te pel, phenel, "Mek les: Aven te dikhas te avela o Elias te skepil les."

15:37b.MAR.015.037 Antunchi O Jesus dias mui ando baro glaso ai dias pesko duxo opre, ai mulo.

15:38b.MAR.015.038 Ai e zanaveski ande tampla ande donde de opral zhi tele (kai sas amblado opre ande tampla shindilo de opral zhi tele).

15:39b.MAR.015.039 O fitsiri o Romano kai beshlo angla leste, dikhlia sar O Jesus dias mui ando baro glaso ai dias pesko duxo opre, ai mulo. Phendia "Chaches kado sas O Shav le Devlesko."

15:40b.MAR.015.040 Ai vi sas zhuvlia kotse kai dikhenas de dural: mashkar lende sas e Maria Magdalena, ai e Maria e dei le Iakovoski ai le Josefoski, ai Salomeski.

15:41b.MAR.015.041 Kana wo sas ande Galilee, won linepe pala leste, ai podaisarde les; ai but kaver zhuvlia avile ka Jerusalem lesa.

15:42b.MAR.015.042 Kana peli e riata, ke sas o dies mai anglal o lasharimos le Sabatosko.

15:43b.MAR.015.043 O Josef andai Arimathaea areslo, wo sas ek baro manush ande bar, ai vi wo azhukerelas e amperetsia le Devleski, ai tromailo te zhal ka o Pilato, te mangel le Jesusosko stato.

15:44b.MAR.015.044 O Pilato chudisailo ke mulo kadia sigo, akhardia o kapitano anda le ketani, ai phushlia les, "Mulo kadia sigo?" Kana o Pilato ashundia so phendia o kapitano, o Pilato dias ordina te den les leste.

15:46b.MAR.015.046 O Josef lias o stato, ai vuluisardias les andek vuzho poxtan, ai thodias les ando nevo greposhevo kai sas shindo ando bax, ai spidias ek baro bax angla greposhevo.

15:47b.MAR.015.047 Ai e Maria Magdalena, ai e Maria e dei le Josesosko dikhle kai thodia O Jesus.

16

16:1b.MAR.016.001 Ai kana nakhlo Sabat, e Maria Magdalena, ai e Maria e dei le Iakovoski ai le Salomeski, chinde le parfumuria te zhan ai thon le parfumuria po le Jesusosko stato.

16:2b.MAR.016.002 Ai kana phuterdilo o dies o pervo dies le kurkosko, avile ka greposhevo kana wushtel o kham.

16:3b.MAR.016.003 Phenenas mashkar pende, "Kon spidela palpale o bax katar e wurota le greposhevosko amenge?"

16:4b.MAR.016.004 Ai kana dikhenas, dikhle ke o bax kai sas angla o greposhevo sas spidias palpale: sas o baro bax.

16:5b.MAR.016.005 Avile ando greposhevo, dikhle ek terno manush beshelas pe chachi rig, vuriardo ande ek lunzhi parni raxami, ai daraile.

16:6b.MAR.016.006 Phendia lenge, "Na daran. Tume roden O Jesus andai Nazareth, kai sas karfosardo po trushul; zhuvindisailo; nai katse: Dikh! O than kai sas.

16:7b.MAR.016.007 Numa zhan sigo, ai phenen leske disiplonge ai o Petri, ke wo zhal mai anglal tumendar ande Galilee: kotse si te dikhen les, sar phendias tumenge.

16:8b.MAR.016.008 Grebisaile te zhantar katar o greposhevo ande dar, izdraile ai chudisaile, won chi phende khanch kanikaske ke daranas.

16:9b.MAR.016.009 O Jesus zhuvindisailo anda martia kana phuterdilo o dies, o pervo dies le kurkosko. E Maria Magdalena sas iekto te dikhel les. O Jesus gonisardiasas avri anda late efta bengen.

16:10b.MAR.016.010 Geli ai phendia leske disiplonge, won nekezhinas ai rovenas.

16:11b.MAR.016.011 Kana ashunde kai wo traiil, ai kai e Maria dikhlia les, won chi pachanaspe.

16:12b.MAR.016.012 Pala kodia, wo avilo sar aver manush kal dui anda lende kai zhanas po drom avrial anda foro.

16:13b.MAR.016.013 Gele ai phende le kolavrenge. Le kolaver chi pachanas.

16:14b.MAR.016.014 Pala kodia avilo ka le desh u iekenge sar xanas andek than, ai dino le trad, phendia lenge zurale vorbi ke chi pachanpe ai zurade lengo ilo, ke chi pachaie kodolen kai dikhle les pala o zhuvindimos.

16:15b.MAR.016.015 Ai phendia lenge, zhan pe sa e lumia, ai phenen e lashi viasta savorhenge.

16:16b.MAR.016.016 Kodo kai pachala ai avela boldo avela skepime; numa kado kai chi pachala avela kris pe leste.

16:17b.MAR.016.017 Ai kadala mirakluria zhana kodolensa kai pachanape. Ando murho anav gonina bengen; denas duma neve shibasa.

16:18b.MAR.016.018 Astaren le sapen; te won pen vari so kai mudarel o manush, chi mudarela len; thona le vas pe naswalen, ai avena saste.

16:19b.MAR.016.019 Pala O Jesus dias duma lenge, sas lino opre ando rhaio, ai beshlo po chacho vas le Devlesko.

16:20b.MAR.016.020 Ai won geletar, ai dine duma po Del pe swako rig, ai O Del kerelas buchi lensa, O Del sikadias kai E Vorba le Devleski sas chachi pala le mirakluria kai kerdionas.