Philemon (Quichua)

1

1:1b.PHM.001.001 Pablo, Jesucristora llaquishcamanda chonda cularbi ishcarij, Timoteo uquis, llaquishca Füemonda saluranchi, ñucanchira yanapaj amigo.

1:2b.PHM.001.002 Llaquishca Apia paniras saluranchi, Arquiporas, pai ñucanchihua pariju tarabaj, shinallara camba huasii tiaj iglesiaras.

1:3b.PHM.001.003 Gracia nishca ali iyairas cushi shunguras charichi ñucanchi Dios Yayamandas, Señor Jesucristomandas.

1:4b.PHM.001.004 Ñuca Diosta agrasini, tucui horas canda iyarisha ñuca mañaushcaunai.

1:5b.PHM.001.005 Camba llaquij shungura, can shinzhi quirinaras Señor Jesusma tucui quirijgunamas uyashcanimi.

1:6b.PHM.001.006 Diosta mañauni imasna can ñucanchihua pariju quirisha, astaun ali intindinguima tucui ñucanchi apishca bendiciongunara Cristo Jesusmanda.

1:7b.PHM.001.007 Can llaquishcamanda ashca cushira charinchi, cariyashca manchi, uqui, imasna can quirijguna shunguunara cariyachishcangui.

1:8b.PHM.001.008 Caimanda lugarda charishallara Cristoi canda mandangaj ima rana ashcaras,

1:9b.PHM.001.009 shinashas llaquishcamanda, canda rugauni, imasna ñuca rucu Pablo ashas, maspas Jesucristomanda chonda cularbi ishcaríj;

1:10b.PHM.001.010 ñuca churi Onesimomanda canda rugauni, ñuca ishcariashcai paihua yaya tucucani Cristoi.

1:11b.PHM.001.011 Paiga ñaupa horas canma mana valijchu aca, astaun cuna horas canmas ñucamas valijmi.

1:12b.PHM.001.012 Paitaga cuti cambajma cachauni. Canga paita ñucara cuenta apingui.

1:13b.PHM.001.013 Paita arcasha nicani ñucahua pariju, can randimanda ñucara sirvingaj ñuca evangeliomanda ishcariushcai.

1:14b.PHM.001.014 Shinashas, imara rangajpas mana munacanichu manara canda tapusha, camba yanapana ama ursamanda achu, astaun can munashcamanda.

1:15b.PHM.001.015 Caimanda chari, pai canmanda anzhurishca aca unaiílara, can paita huiñaigama charingaj;

1:16b.PHM.001.016 cuna mana sirvijchu, astaun sirvijmanda yali, llaquishca uquimi, cierto pacha ñucama, astaun maspas canma imasna aichais shinallara Señorbis.

1:17b.PHM.001.017 Shinasha can ñucara camba compañajsna iyasha, paita ñucarasna apingui.

1:18b.PHM.001.018 Paiga imais canda huajlichishca ajpi, canda dibijpis, chita churai ñuca cuentai.

1:19b.PHM.001.019 Ñuca, Pablo, quiquin maquihua canda quillcashcani, canda pagashami. Shinashas, mana ninichu imasna shinallara can quiquinllara ñucama dibihuangui.

1:20b.PHM.001.020 Ari, uqui, yanapahuapai ñucara Señorbi. Ñuca shungura cushiyachihuapai Cristoi.

1:21b.PHM.001.021 Ñuca canda quillcashcani, can casushcara yachasha, caitas yachasha: Can ñuca rimashcara yalijta pactachingui.

1:22b.PHM.001.022 Shinallara ñucajta shu tiana ucura alichingui. Canguna mañaushcaunamanda ñuca cachari tucungaj chapauni.

1:23b.PHM.001.023 Canda saluran Epafras, ñucahua pariju chonda cularbi tiaj, Cristo Jesusmanda.

1:24b.PHM.001.024 Shinallara Marcos, Aristarco, Demás, Lucas, ñucara yanapajguna, canda saluranaun.

1:25b.PHM.001.025 Ñucanchi Señor Jesucristo gracia nishca ali iyai camba espirituhua tiachu. Amen.