Matthew (Quichua)

1

1:1b.MAT.001.001 Jesucristo aillu quillca, Davidmanda mirai, David Abrahanmanda mirai.

1:2b.MAT.001.002 Abrahamba churi Isac aca, Isacpa churi Jacob aca, Jacobpa churiuna Judá aca paihua uquiunandi.

1:3b.MAT.001.003 Judá churiuna Fares Zarandi aca, Tamarmanda llucshijguna, Farespa churi Esrom aca, Esromba churi Aram aca.

1:4b.MAT.001.004 Aramba churi Aminadab aca, Aminadabpa churi Naason aca, Naasomba churi Salmón aca.

1:5b.MAT.001.005 Salmomba churi Booz aca, Rahabmanda llucshij, Boozpa churi Obed aca, Rutmanda llucshij, Obedpa churi Isai aca.

1:6b.MAT.001.006 Isaihua churi rey apu David aca, rey apu Davidpa churi Salomón aca, Uriaspa huarmimanda llucshij.

1:7b.MAT.001.007 Salomomba churi Roboam aca, Roboamba churi Abías aca, Abíaspa churi Asa aca.

1:8b.MAT.001.008 Asajpa churi Josafat aca, Josafatpa churi Joram aca, Joramba churi Uzías aca.

1:9b.MAT.001.009 Uzíaspa churi Jotam aca, Jotamba churi Acaz aca, Acazpa churi Ezequías aca.

1:10b.MAT.001.010 Ezequíaspa churi Manases aca, Manasespa churi Amón aca, Amomba churi Josías aca.

1:11b.MAT.001.011 Josíaspa churiuna Jeconías aca paihua uquiunandi, Babilonia llactama apashca horas.

1:12b.MAT.001.012 Babiloniama apashca huasha, Jeconíaspa churi Salatiel aca, Salatielba churi Zorobabel aca.

1:13b.MAT.001.013 Zorobabelba churiuna Abiud aca, Eliaquindi, Eliaquimba churi Azor aca.

1:14b.MAT.001.014 Azorba churi Sadoc aca, Sadocpa churi Aquim aca, Aquimba churi Eliud aca.

1:15b.MAT.001.015 Eliudpa churi Eleazar aca, Eleazarba churi Matan aca, Matamba churi Jacob aca.

1:16b.MAT.001.016 Jacobpa churi José aca, Josega María cari aca. Maríamanda Cristo nishca Jesús pagarimuca. Cristo Dios ajllashca nin.

1:17b.MAT.001.017 Shinajpi, Abrahanmanda Davidgama chunga chuscu cuti mirashcauna tianauca. Davidmanda Babiloniama apanagama chunga chuscu miraiguna tiaca. Babiloniama apashcamanda Cristogama chunga chuscu miraiguna aca.

1:18b.MAT.001.018 Jesucristo pagarina casnami aca. Paihua mama María, Josehua pactachishca asha, manaraj llutarijllaira, huahuara tupaca icsai, Santo Espiritumanda.

1:19b.MAT.001.019 Paihua cari José, ali shungu runa asha, huarmi ama manali rimashca achu nisha, pacalla pacalla paita saquinara iyaca.

1:20b.MAT.001.020 Casna iyasha tiaushcai, shu Diosmanda ángel paita ricurimuca, pai puñusha nuspaushcai. Angel paita nica: José, Davidpa Churi, ama manzhaichu camba huarmi Mariara apingaj. Paihua icsai tupashca huahuaga Santo Espiritumandami.

1:21b.MAT.001.021 Shu churira pagarichinga, paita shutichingui Jesús, paihua runaunara quishpichinga paiguna uchaunamanda.

1:22b.MAT.001.022 Cai tucui tucuca, Señorba rimashca shimiuna pactaringaj, profeta nishca Diosmanda rimaj rimashcasna.

1:23b.MAT.001.023 Shu huanra huarmi huahuara taringami, shu churira pagarichingami. Paita Emanuel nishca shutichingui. Cai shuti nin: Dios ñucanchihuami.

1:24b.MAT.001.024 José pai nuspashcamanda lliccharisha Señorba ángel rimashcasna rasha, paihua huarmira apica.

1:25b.MAT.001.025 Shinasha, paihua mana llutaricachu ñaupa churi pagarina huashagama. Paita shutichica JESÚS.

2

2:1b.MAT.002.001 Jesús Judea partii tiaj Belén llactai pagarimushca horas, Herodes rey apu tiashcai, indi llucshina partimanda huaquin yachajguna Jerusalenma shamunauca.

2:2b.MAT.002.002 ¿Maibira pagarishcai judioguna rey apu? ninauca. Paihua estrellasta ricushcanchi indi llucshina partii. Paita adorangaj shamushcanchi.

2:3b.MAT.002.003 Herodes rey apuga caita uyasha turbarica, tucui Jerusalen llactandi.

2:4b.MAT.002.004 Herodes tucui sacerdote apuunara, runaunamanda yachaira yachachijgunaras cayasha, paigunara tapuca: ¿Cristoga maibira pagarina acai? nisha.

2:5b.MAT.002.005 Paiguna ninauca: Judeamanda Belembi; Diosmanda rimaj casnami quillcashca:

2:6b.MAT.002.006 Can Belén, Judea partii tiaj, Judá apuunamanda mana yali ichillachu angui. Canmanda shu pushaj runa llucshinga, ñuca aillu Israelda cuirangaj.

2:7b.MAT.002.007 Shinajpi Herodes chi yachajgunara pacalla pacalla cayasha, paigunamanda ali tapucami estrellas ricurishca tiempora.

2:8b.MAT.002.008 Paigunara cachaca Belén llactama, Chima richi, nisha, huahuamanda sumajlla tapuichi. Paita tarishaga cuentahuaichi, ñuca shinallara shamusha huahuara adorangaj.

2:9b.MAT.002.009 Paiguna rey apura uyashca huasha rinaucami. Indi llucshina partii ricushca estrellas paiguna ñaupajpi rica pactai ringama, shinajpi huahua tiaushca huasi ahuai shayarica.

2:10b.MAT.002.010 Estrellasta ricusha cushiyanauca ashcara.

2:11b.MAT.002.011 Huasii icusha huahuara ricunauca paihua mama Mariandi. Tuama urmasha, huahuara adoranauca. Paiguna valijgunara pascasha, huahuara cunauca curiras, incienso nishca gusto asnaj ambiras, mirra nishca asnaj iraras.

2:12b.MAT.002.012 Astaun, nuspashcaunai rimashca aca ama tigrangaj Herodesma, paiguna rinauca shu nambira.

2:13b.MAT.002.013 Paiguna rishca huasha, shu Señormanda ángel ricurimuca Josema pai nuspashcaunai, paita nisha: Atari, huahuara paihua mamandi pushari, Egipto nishca llactama miticuiri. Chihui chapai ñuca canda rimanagama. Herodes huahuara mascangami huañuchingaj.

2:14b.MAT.002.014 Pai lliccharisha, tuta huahuara paihua mamandi pushasha, Egipto llactama rinauca.

2:15b.MAT.002.015 Chihui tianauca Herodes huañunagama, Señor rimashcara pactachingaj, Diosmanda rimaj rimashcasna: Egiptomanda ñuca Churira cayacani.

2:16b.MAT.002.016 Shinajpi Herodes yachajguna paita umachinaupi ricusha, ashcara piñarisha, huahuaunara huañuchingaj cachaca, tucui ichilla cari huahuanara, ishqui huata tupumanda pishiunara, Belembi tiajgunara, chi rayai tiajgunaras, yachajguna rimashca tiempomanda yupasha.

2:17b.MAT.002.017 Chi horasllai Jeremías nishca Diosmanda rimaj rimashca shimi pactarica, pai nishca:

2:18b.MAT.002.018 Rama nishca llactai shimi uyarica, Atun caparina, atun huacai, atun llaquirina, Raquel paihua churiunamanda huacasha. Cariyanara mana munacachu paiguna huañushcamanda.

2:19b.MAT.002.019 Shinashas, Herodes huañushca huasha, Señorba ángel cuti ricurimuca Josera pai nuspashcaunai, Egipto llactai.

2:20b.MAT.002.020 Atari, nica, huahuara paihua mamandi pushari, Israel llactara ri. Huahuara huañuchingaj niuguna ña huañunaushcami.

2:21b.MAT.002.021 Shinajpi atarica, huahuara paihua mamandi pushaca. Israel llactama shamuca.

2:22b.MAT.002.022 Josega, Arquelao nishca Judea partii rey apu tucushcara uyashaga, paihua yaya Herodes randimanda, chima rinara manzhacami. Astaun nuspashcaunai uyasha, pai Galilea partima rica.

2:23b.MAT.002.023 Nazaret nishca llactama pactamuca chihui tiangaj, Diosmanda rimajguna rimashcara pactachingaj, casna nisha: Pai Nazaret runa nishca anga.

3

3:1b.MAT.003.001 Chi punzhaunai Bautisaj Juan Judeai tiaj runa illashca partima rimaj shamuca.

3:2b.MAT.003.002 Arrepentirichi, nica, ahua pacha mandana mayanllayashcami.

3:3b.MAT.003.003 Caimi Isaías nishca Diosmanda rimaj rimaushca, nisha: Caparij shimi, runa illashca partii caparisha: Señor purina nambira alichichi, paihua ñambiunara dirichuichi.

3:4b.MAT.003.004 Juan camello nishca illmahua ahuashcara churarishca aca, cara chumbillinahua chumbillishca aca. Atun ijiunara sacha mishquiras micuj aca.

3:5b.MAT.003.005 Paihuajma shamunauca Jerusalenmanda tucui Judeamanda, tucui Jordan rayai tiaj partiunamanda.

3:6b.MAT.003.006 Juan paigunara bautisaca Jordan yacui, paiguna ucharashcaunara cuentajpi.

3:7b.MAT.003.007 Ashca fariseo nishcauna saduceo nishcaunandi paihuajma shamujta ricusha, Juan paigunara nica: Machacuimanda miraiguna, ¿pi cangunara yachachica shamuj piñarishcamanda miticungaj?

3:8b.MAT.003.008 Arrepentirina tonora raichi.

3:9b.MAT.003.009 Ama iyaichichu canguna quiquin shungüi ningaj: Abrahanga ñucanchi yaya, nisha. Cangunara nini, Dios cai quiquin rumiunamanda churiunara Abrahambajta sicachinara ushanmi.

3:10b.MAT.003.010 Maspas, cunallara hachara churashcami yura sapii. Chimanda maican yura mana ali muyura aparijpi cuchushca anga, ninai shitashca anga.

3:11b.MAT.003.011 Ñuca cierto pacha cangunara bautisauni yacui, arrepentirishcamanda. Astaun ñuca huashai shamuj cangunara Santo Espiritui ninais bautisangami. Ñucaga mana valijchu ani paihua zapatosllas apangaj. Pai ñucamanda yali ushajmi.

3:12b.MAT.003.012 Paihua maquii huairachinara chariun, llushtina pambara pichangami, trigo muyura apingami huacachina huasii, carara rupachingami mana tucurij ninai.

3:13b.MAT.003.013 Shinajpi Galilea partimanda Jesús Jordanma shamuca Juanbajma, pai bautisai tucungaj.

3:14b.MAT.003.014 Juanga mana munacachu. Canmi ñucara bautisana angui, nica. ¿Astaun canzhu ñucajma shamungui?

3:15b.MAT.003.015 Jesús paita cutipaca: Saquilla, ministirinmi ñucanchi tucui aliranara pactachingaj. Shinajpi Juan lugarda cuca.

3:16b.MAT.003.016 Bautisashca huasha, Jesús yacumanda sicaca, shinajpi anua pacha pascarica. Diospa Espiritura palomasna irgumujta ricuca, paihua ahuai shamucami.

3:17b.MAT.003.017 Shu shimi anua pachamanda uyarimuca nisha: Caimi ñuca llaquishca Churi, paihuajpi yapa cushi ani.

4

4:1b.MAT.004.001 Shinajpi Santo Espíritu Jesusta pushaca runa illashca partima, Supai Apu paita tentangaj.

4:2b.MAT.004.002 Chuscu chunga punzhara, tutandi punzhandi sasishca huasha, mana micusha, Jesús yarcachica.

4:3b.MAT.004.003 Supai paihuajma tentangaj shamusha, paita nica: Can Diospa Churi ashaga, cai rumiunara rimai: Tanda tucui, nisha.

4:4b.MAT.004.004 Jesús cutipasha nica: Quillcashcami tian: Mana tandallahua runa causangachu, astaun Dios tucui rimashca shimimandas.

4:5b.MAT.004.005 Shinajpi Supai Apu paita Dios ajllashca llactama pushaca, templo nishca Diospa huasi ahua pundai paita shayachica.

4:6b.MAT.004.006 Paita nica: Can Diospa Churi ashaga, allpama urmai; casna quillcashcami tian: Paihua angelgunara cambajma cachangami. Shinallara, Canda apinaungami paiguna maquiunai, ama camba chaqui nijtaringaj rumii.

4:7b.MAT.004.007 Jesús paita cutipaca: Shinallara quillcashcami tian: Señorda camba Diosta ama tentanguichu.

4:8b.MAT.004.008 Cutillara, Supai Apu paita shu yapa ahua urcuma pushaca, chimanda tucui mundu llactaunara ricuchica paiguna sumajndi.

4:9b.MAT.004.009 Supai paita nica: Cai tucuira canda cushami can tuama urmasha ñucara adorajpi.

4:10b.MAT.004.010 Shinajpi Jesús paita nica: Ri, Satanás, quillcashcami tian: Señorda camba Diosta adorana mangui, paulara sirvina mangui.

4:11b.MAT.004.011 Shinajpi Supai Apu paita saquica. Angelguna shamunauca, paita sirvinauca.

4:12b.MAT.004.012 Jesús Juan chonda cularbi ishcashcara uyasha, Galileama tigraca.

4:13b.MAT.004.013 Nazaret llactara saquisha, Capernaum nishca lamar patai tiaj llactama shamuca, chihui causauca. Capernaum llacta Zabulón Neftalí nishca partiunai tian.

4:14b.MAT.004.014 Jesús caima shamuca Isaías nishca Diosmanda rimaj rimashcara pactachingaj, casna nisha:

4:15b.MAT.004.015 Zabulón llactas, Neftalí llactas, lamar ñambii, Jordan huashai, gentil nishcauna Galilea partii;

4:16b.MAT.004.016 Llandu tutai tiarij runauna atun velara ricunauca. Huañuna llandui tiarijgunara vela punzhayachicami.

4:17b.MAT.004.017 Chi horasmanda pacha, Jesús yachachingaj callarica. Rimai callarica: Arrepentirichi, nisha, ahua pacha mandana mayanllayashcami.

4:18b.MAT.004.018 Jesús, Galilea lamar rayai puriusha, ishquindi uquira ricuca, Pedro nishca Simón aca, paihua uqui Andresndi, licarinauca lamarbi. Aichahuara apijguna anauca.

4:19b.MAT.004.019 Paigunara nica: Ñucara catihuaichi, cangunara runara licajgunara rasha.

4:20b.MAT.004.020 Paiguna licaunara dsas saquisha, paita catinauca.

4:21b.MAT.004.021 Chimanda rijpi, shu ishquindi uquira ricuca, Jacobo Zebedeo churi paihua uqui Juandi. Paiguna yaya Zebedeohua canoai tianauca licaunara sirasha. Jesús paigunara cayaca: Shamichi, nisha.

4:22b.MAT.004.022 Paiguna dsaslla canoara yayaras saquisha, paita catinauca.

4:23b.MAT.004.023 Jesús tucui Galilea partiunama risha, paiguna tandarina huasiunai yachachisha, Dios mandana pacha ali shimira camachisha, tucui ungüigunaras tucui nanaigunaras alichisha purica.

4:24b.MAT.004.024 Paihua shuti uyarica tucui Siria nishca partiunai. Paihuajma pushamunauca nanachijgunara, imahua ungusha tormendarishcaunaras, supai apishcaunaras, loco tucushcaunaras, suchu nishca mana purina ushajgunaras. Paigunara alichica.

4:25b.MAT.004.025 Ashca runauna paita catimunauca, Galileamandas Decápolis nishca partimandas, Jerusalenmandas, Judeamandas, Jordan yacu chimbamandas.

5

5:1b.MAT.005.001 Jesús chi ashca runaunara ricusha, urcuma sicaca; pai tiarijpi pai yachachishca runauna paihuajma shamunauca.

5:2b.MAT.005.002 Jesús rimasha paigunara yachachica nisha:

5:3b.MAT.005.003 Cushiunami almai pugri anchi nijguna. Paigunajmi ahua pacha mandana.

5:4b.MAT.005.004 Cushiunami huacajguna, paiguna cushi tucunaungami.

5:5b.MAT.005.005 Cushiunami mansouna, paiguna cai pachara cui tucunaungami.

5:6b.MAT.005.006 Cushiunami alirangaj yarcachijguna upinaichijguna, sajsachisca anaunga.

5:7b.MAT.005.007 Cushiunami llaquij shunguyujguna, paiguna llaquishca tucunaungami.

5:8b.MAT.005.008 Cushiunami chuyaj shunguuna, paiguna Diosta ricunaungami.

5:9b.MAT.005.009 Cushiunami macanaujpurara alichijguna, Diospa churiuna nishca anaunga.

5:10b.MAT.005.010 Cushiunami aliranamanda tormendachishcauna, paigunajmi ahua pacha mandana.

5:11b.MAT.005.011 Cushiunami anguichi imahoras ñucamanda chijnishca tormendachishca asha, ima manaliras cangunamanda llullasha rimanaupi.

5:12b.MAT.005.012 Cushiyaichi, cariyaichi, cangunara pagana atunmi ahua pachai. Shinallarami tormendachinauca cangunamanda ñaupa tiaj Diosmanda rimajgunara.

5:13b.MAT.005.013 Canguna cai pacha cachi cuenta anguichi. Cachiga paihua mishqui upa tucujpi, ¿imahuara mishquiyachingairi? Imajpas mana sirvin. Canzhama ichuna anga, runauna aitangaj.

5:14b.MAT.005.014 Caguna cai pacha vela cuenta anguichi. Shu urcu pundai tiaj llacta mana pacaihuajchu.

5:15b.MAT.005.015 Shinallara shu velara mana sindichinaunzhu tasa ucui churangaj, astaun ahuai churangaj, huasii tiajgunara punzhay achingaj.

5:16b.MAT.005.016 Shina sindichu canguna vela cuenta runauna ñaupajpi, paiguna can ali rashcaunara ricungaj, ricusha camba ahua pachai tiaj Yayara ahuayachingaj.

5:17b.MAT.005.017 Ama iyaichichu ñuca shamucani ley nishca camachishca shimira Diosmanda rimajguna rimashcaras chingachingaj. Mana chingachingajchu shamucani, astaun pactachingaj.

5:18b.MAT.005.018 Cierto pacha cangunara nini, ahua pachas cai pachas pasaringagama, ley shimimanda mana shu shimihuallas shu pundahuallas pasaringami tucui pactaringagama.

5:19b.MAT.005.019 Shinajpi pi runas shu ichilla mandashcara mana casujpi, shinallara runaunara yachachijpis, ichillami nishca anga ahua pacha mandanai, astaun mandashcara raj runa shinara yachachishas atunmi nishca anga ahua pacha mandanai.

5:20b.MAT.005.020 Cangunara nini, canguna alirashcauna mana y ali ajpiga yachaira yachachijguna, fariseoguna alirashcaunamanda, canguna ahua pacha mandanai mana icunguichichu.

5:21b.MAT.005.021 Uyashcanguichimi imasna nishca aca ñaupa tiempounai: Ama huañuchinguichu, pis huañuchijpi tarípashca anga.

5:22b.MAT.005.022 Astaun cangunara nini pis paihua uquihua piñaríjpi tarípashca anga. Pis, Upa, nijpi paihua uquira, rucuuna tandarishcamanda causayachisca anga. Pis, Mana valij, paita nijpi, ucu pachai urmanalla tucunga.

5:23b.MAT.005.023 Shina ashas, can can Diosma cuyanara altar nishca sacrificio rana mesama apamusha, chihuis iyariungui imasna camba uqui canda causachiupi imamandas,

5:24b.MAT.005.024 Can cushca ofrendara chihui saqui altar ñaupajpi; rí, camba uquihua ñaupara alichingaj, chihuasha shami camba ofrendara cungaj.

5:25b.MAT.005.025 Uctalla alichingui canda chijnijwa, chara paihua pariju ñambii tiaushaliara. Mana shina rajpiga, pai canda taripaj maquii cunga, taripajga canda guarda maquii, canga chonda cularbi ishcai tucungui.

5:26b.MAT.005.026 Cierto pacha canda nini, chimanda mana llucshinguichu puchucai mediohuara pagangagama.

5:27b.MAT.005.027 Uyashcanguichi imasna rimashca aca: Ama shujhua tacar inguichu.

5:28b.MAT.005.028 Astaun ñuca cangunara nini: Pi runas shu huarmira ricusha munajpi, ña paihua shungüi ucharashcami paihua.

5:29b.MAT.005.029 Shinasha, camba ali ñahui canda uchai urmachisha nijpi, ñahuira llucchisha ichui. Astaun alimi camba aichamanda shu partira pirdingaj, camba entero aicha ucu pachai ama shitai tucungaj.

5:30b.MAT.005.030 Camba ali maqui canda uchai urmachisha nijpi, pitisha ichui. Astaun alimi camba aichamanda shu partira pirdingaj, entero aicha ucu pachai ama shitai tucungaj.

5:31b.MAT.005.031 Shinallara rimashcami aca: Pi runas paihua huarmira ichusha nijpi, maqui llushpichina quillcara cuchu.

5:32b.MAT.005.032 Astaun ñuca cangunara nini, pi runas paihua huarmira ichusha, mana shujhua tacarishca raigumanda ajpi, huarmira shujhua tacarichin, shinallara pihuas ichushca huarmira casarasha, shujhua tacarij tucun.

5:33b.MAT.005.033 Shinallara uyashcanguichimi imasna ñaupa horas rimashca aca: Diospa shutii rimashcara ama paquinguichu, astaun can Diospa shutü rimashca cushca shimiunara Señorma pactachina angui.

5:34b.MAT.005.034 Astaun ñuca cangunara nini: Ama Diospa shutii rimasha shimira cunguichi, mana ahua pacha shutii, caimi Diospa tiarina,

5:35b.MAT.005.035 shinallara mana cai pacha shutiis, caimi Diospa aitarina, shinallara mana Jerusalen shutüs, caimi atun Rey Apu llacta.

5:36b.MAT.005.036 Shinallara mana camba uma shutüs shimira cuichu, camba aechara mana yanaras mana yurajtas turcanara ushanguichu.

5:37b.MAT.005.037 Canguna rimana casna achu: Ari, nisha; Mana, nisha. Mas ajpiga, manalimanda shamun.

5:38b.MAT.005.038 Uyashcanguichimi imasna rimashca aca: Ñahui muyupura, ñahui muyupura; shinallara quirupura quirupura.

5:39b.MAT.005.039 Ñucaga cangunara nini: Manali runa canda sajmajpi, ama arcaichichu. Astaun camba ñahui ali partira sajmajpi, shu partira richuchi sajmangaj.

5:40b.MAT.005.040 Runa camba camisetara mañajpi apu ñaupajpi, shinallara camba camisara cui.

5:41b.MAT.005.041 Pi runas paihua carga canda apangaj mandajpi shu samai tupura, ishqui samaira aparisha ri.

5:42b.MAT.005.042 Maicans mañajpi cui. Maicans mafíachisha nijpi, ama mitsaichu.

5:43b.MAT.005.043 Uyashcanguichimi imasna ñaupa horas rimashca aca: Camba mayanpura causajta llaquingui, canda piñajta chijningui.

5:44b.MAT.005.044 Ñucaga cangunara nini: Cangunara piñajgunara llaquichi, maldiciajgunara bendiciaichi, cangunara chijnijgunara yanapaichi, cangunara huajlichijgunamanda tormendachijgunamandas mañaichi.

5:45b.MAT.005.045 Shina rasha canguna ahua pachai tiaj Yaya churiuna tucunguichimi. Paiga paihua indira aitachin manalhma ahuai aliuna ahuais. Shinallara tamiachin aliuna ahuai manaliuna ahuais.

5:46b.MAT.005.046 Canguna liaquijgunallara llaquijpi, ¿Ima paganarara charinguichiri? ¿Manzhu shinallara ranaun cullquira tandachijgunas?

5:47b.MAT.005.047 Canguna uquiunallara salurajpi, ¿ima alira raunguichiri? ¿Manzhu shinallara ranaun gentilguna?

5:48b.MAT.005.048 Gusto ali sumaj aichi, imasna canguna ahua pachai tiaj Yaya ali gusto sumaj ashcasna.

6

6:1b.MAT.006.001 Cuiraichi canguna ali rashcaunara ama runauna ñaupajpi rangaj, paiguna ricunauchu nisha. Casna rasha paganara mana charinguichichu camba ahua pachai tiaj Yayamanda.

6:2b.MAT.006.002 Canguna limosna nishca cullquira cusha, ama cormetara tucachichu camba ñaupajpi, ishqui shimiyujguna rashca cuenta tandarina huasiunais ñambiunais, runauna paigunara alabangaj. Cierto pacha cangunara nini, paganara ña apinaushcami.

6:3b.MAT.006.003 Canga limosna nishcara cusha, camba lluqui maqui ali maqui rashcara ama yachachu.

6:4b.MAT.006.004 Camba limosna pacalla pacalla cushca achu. Camba Yaya, pacallai ricuj, canda pagangami tucui runauna ricushcai.

6:5b.MAT.006.005 Can Diosta mañasha, ama ishqui shimiyujguna cuenta aichi. Paiguna shayarisha mañanara gustanaun tandarina huasiunais ñambi turcarishcais, runauna paigunara ricungaj. Cierto pacha cangunara nini, ña pagai tucunaushcami.

6:6b.MAT.006.006 Canga Diosta mañasha nisha, camba ucui icungui, pungura ishcangui, camba pacallai tiaj Yayara mañangui. Camba pacallai ricuj Yaya tucui runa ricushcai canda pagangami.

6:7b.MAT.006.007 Canguna mañashaga, ama cali cali cuenta yanga rimasha mañanguichi gentilguna cuenta. Paiguna ashca cuti rimashcamanda uyashca anga iyanaun.

6:8b.MAT.006.008 Paiguna rashcasna ama raichichu. Camba Yaya canguna ministishcara ña yachan, canguna manara mañajllaira.

6:9b.MAT.006.009 Casna mañaichi: Ñucanchi ahua pachai tiaj Yaya, camba shuti sumacyachishca achu.

6:10b.MAT.006.010 Shamuchu camba mandana pacha. Can munashca rashca achu, imasna ahua pachai, shinallara cai pachais.

6:11b.MAT.006.011 Ñucanchi caran punzha micunara cuhuai cuna punzha.

6:12b.MAT.006.012 Ñucanchi manali rashcaunara perdonahuai, imasna shinallara ñucanchira manalira rajgunara perdonaunchi.

6:13b.MAT.006.013 Ama tentacionma pushahuaichu ñucanchira, astaun manalimanda quishpichihuai. Cambajmi mandana, ushanas, sumajpas, huiñai huiñaigama. Amen.

6:14b.MAT.006.014 Canguna runaunara paiguna manali rashcaunara perdonajpi, shinallarami camba ahua pachai tiaj Yaya cangunara perdonanga.

6:15b.MAT.006.015 Astaun canguna runaunara paiguna manali rashcaunara mana perdonajpi, shinallarami canguna Yaya canguna rashca manaliunara mana perdonangachu.

6:16b.MAT.006.016 Canguna sasisha, ama llaquirínguichichu, ishqui shimiyujgunasna. Paiguna ñahuiunara turcanaun, runaunara paiguna sasishcara ricuchingaj. Cierto pacha cangunara nini, paiguna ña pagai tucunaushcami.

6:17b.MAT.006.017 Can sasishaga, aceitera talingui umai, ñahuiras maillangui,

6:18b.MAT.006.018 can sasishcara runaunara ama ricuchingaj, astaun camba pacallai tiaj Yayama ricuchingaj. Camba pacallai ricuj Yaya tucui runauna ricushcai canda pagangami.

6:19b.MAT.006.019 Cai pachai ama charij tucuichi, maibi susu huacarinas ismuchinaun, maibi shuhuajguna uctusha shuhuanaun.

6:20b.MAT.006.020 Astaun ahua pachaiga charij tucuichi, maibi susu huacarinas mana ismuchinaun, maibi shuhuajguna mana uctunaun, mana shuhuanaun.

6:21b.MAT.006.021 Maibi canguna valijta charijpi, chillai camba shungu tiaun.

6:22b.MAT.006.022 Ñahui muyu aicha velami. Camba ñahui muyu ali ajpi, entero aicha punzhayachishcami anga.

6:23b.MAT.006.023 Camba ñahui muyu manali ricuj ajpi camba aicha llandu tutaimi tian. Shinajpiga can ucui charíshca vela llandu tuta cuenta ajpi, llandu asha mas llandunmi.

6:24b.MAT.006.024 Pi runas ishqui patronda sirvina mana ushan; shujta chijninga, chishujta llaquingami; shujta ahuayachingami chishujta pishiyachingami. Mana ushanguichichu Diostas cullquiras sirvina.

6:25b.MAT.006.025 Chiraigumanda cangunara nini: Ama turbarichichu canguna causanamanda ¿imara micuna angai? ¿imara upina angai? nisha. Shinallara ama turbarichichu canguna aichamanda, ¿imara churarina angai? nisha. ¿Manzhu causana micunamanda, aichas churanamandas yali valin?

6:26b.MAT.006.026 Pishcuunara ricuichi, mana tarpunaun, mana pallanaun, mana huacachinaun huasiunai. Canguna ahua pachai tiaj Yaya paigunara caran. ¿Manzhu canguna paigunamanda yali valinguichi?

6:27b.MAT.006.027 ¿Cangunamanda maicanda ushan masna munaushas shu palmora yapangaj, mas ahua tucungaj?

6:28b.MAT.006.028 ¿Churanamanda imarasha turbaringuichu? Ricupaichi sacha sisaunara imasnara iñanaun, mana tarabanaun, mana cauchunaun;

6:29b.MAT.006.029 cangunara nini, Salomón tucui paihua sumajhua mana caigunasna churarijchu aca.

6:30b.MAT.006.030 Shinallara allpamanda quihua, cuna punzha tian, cayandi punzha rupachishcami, Diosmi casna churachin. ¿Manzhu pai mas alira ranga cangunajhua, ansalla quirij runauna?

6:31b.MAT.006.031 Ama turbarichichu, ¿Imara micushun imara upishun, imara churachishun? nisha.

6:32b.MAT.006.032 Gentilguna tucui caigunara mascanaun, astaun canguna ahua pachai tiaj Yaya yachan imasnara cai tucuira ministinguichimi.

6:33b.MAT.006.033 Astaun, ñaupa punda Dios mandana pachara pai ali causanaras mascaichi, cai tucuira cangunajta yapashca anga.

6:34b.MAT.006.034 Shinasha, ama turbarichichu cayandi punzhamanda. Cayandi punzha paihua quiquin turbarínara apamungami. Ña basta caran punzhai paihua turbarinallara.

7

7:1b.MAT.007.001 Ama taripaichichu mana taripashca tucungaj.

7:2b.MAT.007.002 Ima taripanahua canguna taripanguichi, shina tupui taripai tucunguichimi. Ima tupuhua canguna tupunguichi, shina tupullaira canguna tupui tucunguichimi.

7:3b.MAT.007.003 ¿Imarasha camba uqui ñahuii tiaj polvohuara ricungui, camba quiquin ñahuii tiaj cullura mana ricusha?

7:4b.MAT.007.004 ¿Imarasha uquira ningui: Lugarda cuhuai camba ñahuimanda polvohuara ichungaj, camba quiquin ñahuii atun vigas tiaullaira?

7:5b.MAT.007.005 ¡Ishqui shimiyuj! Ñaupa camba quiquin ñahuimanda vigasta ichui, chi huasha alimi ricungui ichilla polvohuara llucchingaj camba uqui ñahuimanda.

7:6b.MAT.007.006 Sumaj ajta ama cuichi allcuunama, shinallara canguna perlas nishca chuya rumiunara cuchiunama ama shitaichichu, cuchiuna ama aitangaj, chihuasha cangunara chugrichingaj.

7:7b.MAT.007.007 Mañaichi, cui tucunguichimi. Mascaichi, taringuichimi. Cayaichi, pascai tucunguichimi.

7:8b.MAT.007.008 Tucui mañaj apin, mascaj tarin, cayajta pascanaun.

7:9b.MAT.007.009 ¿Maican runa cangunamanda paihua churi: Tandara cuhuai, nijpi, shu rumira paita cungai?

7:10b.MAT.007.010 ¿Churi, aichahuara cuhuai, nijpi, shu machacuira cungai?

7:11b.MAT.007.011 Cangunaga manaliuna ashallara, ali cuyashcaunara churiunama cuyanara yachanguichi, ¿manzhu mas canguna ahua pachai tiaj Yaya aliunara cunga paita mañajgunama?

7:12b.MAT.007.012 Shinasha tucui imaras canguna munanguichi runauna cangunahua rangaj, shinallara raichi paigunahua. Caimi ley nishca shimi Diosmanda rimajguna shimimi.

7:13b.MAT.007.013 Quishqui pungura icuichi. Anzhu punguga atun ñambiga ucu pachama rin chingachingaj, ashcaunami chita icunaun. 14 Quishqui pungumi, ichilla ñambimi causanama pushan, ansallami tarinaun cai nambira.

7:15b.MAT.007.015 Llullasha rimajgunamanda huacachichi, cangunama borregouna cuenta churarishcauna shamunaun, churarishca ucui micuj pumaunami.

7:16b.MAT.007.016 Paiguna rashcaunamanda paigunara ricsinguichimi. ¿Uvillas muyura cashamandachu pallanaun? ¿Higo muyuras chini yuramandachu pallanaun?

7:17b.MAT.007.017 Shinajpi tucui ali yura ali muyura cun, manali yuraga manalira cun.

7:18b.MAT.007.018 Ali yura manali muyura cungaj mana ushanzhu, shinallara manali yura ali muyura cungaj mana ushanzhu.

7:19b.MAT.007.019 Tucui yura mana ali muyura aparijpi, cuchusbca anga, ninai shitashca anga.

7:20b.MAT.007.020 Shinajpi, paiguna aparishca muyumanda ricsinguichimi.

7:21b.MAT.007.021 Mana tucui ñucara: Señor, señor, nij runa ahua pacha mandanai icungachu, astaun ñuca munaira rajlla.

7:22b.MAT.007.022 Ashcauna chi punzhai ñucara ninaunga: Señor, señor, ¿manzhu camba shutii yachachicanchi, camba shutii supaigunara ichucanchi, camba shutii ashca munanaita ranaunara rarcanchi?

7:23b.MAT.007.023 Shinajpi ñuca paigunara rimasha: Imahoraspas cangunara mana ricsicanichu, anzhurichi ñucamanda, manalira rajguna.

7:24b.MAT.007.024 Maicans cai ñuca shimira uyasha, shinallara rasha, casna sabiro runa cuentami tucun: Paihua huasira rumii sicachica.

7:25b.MAT.007.025 Shinzhira tamiaca, yacuuna undamunauca, shinzhira huairaca, huasira huactanauca. Randi huasi mana urmacachu, shinzhi rumii sicachishcaraigu.

7:26b.MAT.007.026 Astaumbas maicans cai shimiunara uyasha mana pactachijpi, casna upa runa cuentami tucun: Paihua huasira tiyui sicachica.

7:27b.MAT.007.027 Tamiaca, yacuuna undamunacua, shinzhira huairaca, huasira huactanauca. Huasiga urmaca, illajta tulashca aca.

7:28b.MAT.007.028 Jesús cai shimiunara rimai pasajpi, runauna pai yachachishcamanda manzharinauca;

7:29b.MAT.007.029 mandaj cuenta yachachishcaraigu, mana yachaira yachachijguna cuenta.

8

8:1b.MAT.008.001 Jesús urcumanda irgumujpi, ashca runauna paita catimunauca.

8:2b.MAT.008.002 Shu ismushca aicha llagayuj runa shamusha, Jesuspa ñaupajpi tuama urmasha nica: Señor, can munasha ñucara alichingaj ushangui.

8:3b.MAT.008.003 Jesús maquira chutasha paita llangaca: Munanimi, nisha, alichishcangui. Chi ratollai, llaga chinganea.

8:4b.MAT.008.004 Shinajpi Jesús paita nica: Ricui, pitas ama cuentaichu, astaun ri, camba aichara sacerdotera ricuchingaj. Moisés rimashca sacrificiora cui, paiguna can alichishcara ricuchingaj.

8:5b.MAT.008.005 Jesús Capernaum llactai icujpi, shu soldaro capitán paihuajma shamuca, paita rugaca:

8:6b.MAT.008.006 Señor, nica, ñucara sirvij runa caitui ichushca sirin ñuca huasii, suchu tucushca, ashcara tormendarisha.

8:7b.MAT.008.007 Jesús paita nica: Rishami, paita alichishami.

8:8b.MAT.008.008 Capitanga cutipasha nica: Señor, ñuca mana valijchu ani can ñuca huasii icungaj. Rimailla, ñucara sirvij aliyangami.

8:9b.MAT.008.009 Ñucas mandashca runa ani, shinallara soldarounara charini mandangaj. Shujta nini: Ri, paimi rin; shujta: Shami, nini, paimi shamun. Ñucara sirvijta nini: Caita rai, pai chita ran.

8:10b.MAT.008.010 Caita uyasha Jesús manzharica. Paita catijgunara nica: Cierto pacha cangunara nini, Israelbi casna quirinara mana tupashcanichu.

8:11b.MAT.008.011 Cangunara nini, ashcauna shamunaunga indi llucshina partimanda, indi icuna partimandas, Abrahamhuas Isachuas Jacobhuas tiaringaj ahua pachai.

8:12b.MAT.008.012 Astaun ahua pacha mandanai tiana runauna canzhai tiaj llandui shitai tucunaunga. Chihui atun huacai quiru mucunas.

8:13b.MAT.008.013 Shinajpi Jesús capitanda rimaca: Ri, nisha, can quirishcasna rashca achu. Paita sirvij chi horasllaira aliyashca aca.

8:15b.MAT.008.015 Paihua maquira llangaca, calentura paita saquica. Huarmi atarisha paigunara sirvica.

8:16b.MAT.008.016 Tutayaupi paihuajma ashca supai apishcaunara pushamunauca. Rimashcallahua supaigunara ichuca, tucui ungushcaunaras alichica,

8:17b.MAT.008.017 Diosmanda rimaj Isaías rimashca pactarichu, casna nisha: Paulara ñucanchi ungüigunaras apica, ñucanchi nanaigunaras apaca.

8:18b.MAT.008.018 Jesús paita muyujta runauna tandarishcara ricusha, chimbama pasangaj mandaca.

8:19b.MAT.008.019 Shu yachaira yachachij runa paima shamusha nica: Yachachij, canda catimusha maita rijpis.

8:20b.MAT.008.020 Jesús paita nica: Chajauna paiguna uctuunara charínaun, pisheuunas paiguna tasindas charinaun; astaun ñuca, Runa Churi nishca, maibis umara samachingaj mana charinichu.

8:21b.MAT.008.021 Shuj pai yachachishca runaunamanda paita nica: Señor, lugarda cuhuai ñaupa punda yayara pambangaj risha.

8:22b.MAT.008.022 Jesús paita nica: Catihuai. Huañushca samiunallara saqui paiguna quiquin huañushcaunara pambangaj.

8:23b.MAT.008.023 Jesús canoai icujpi, pai yachachishca runauna catimunauca.

8:24b.MAT.008.024 Lamarbi shinzhira huairaca. Tsajlas atarisha ñaca ñaca canoara pambachinauca, astaun Jesús puñuriaica.

8:25b.MAT.008.025 Yachachishca runauna paihuajma shamusha paita llicchachinauca: Señor, nisha uctalla quishpichihuapai, huañuunchimi.

8:26b.MAT.008.026 Jesusga cutipaca: ¿Imarasha manzhanguichi, ansalla quirij runauna? Shinajpi atarisha, Jesús huairaras lamardas piñaca. Tucui casilla, chunlla tucuca.

8:27b.MAT.008.027 Runauna manzharisha ninauca: ¿Ima sami runa cai? Huairas lamarbas paita uyanaun.

8:28b.MAT.008.028 Chimba partima, Gadara runauna llactama pactajpi, ishqui supai apishca runauna tupaj shamunauca. Pambana huasiunamanda llucshinauca, yapa milli anauca. Pis chi nambira pasanara mana ushacachu.

8:29b.MAT.008.029 Caparisha ninauca Jesusta: ¿Imara munangui ñucanchihua, Jesús, Diospa Churi? ¿Caima shamushcanguichu ñucanchira tormendachingaj tiempo manara pactamujllaira?

8:30b.MAT.008.030 Carullai shu atun cuchi monton micusha tianauca.

8:31b.MAT.008.031 Supaiguna paita ruganauca: Ñucanchira ichushaga, bigarda cuhuapai chi monton cuchiunai icungaj.

8:32b.MAT.008.032 Jesús paigunara: Richi, nica. Llucshinauca, cuchi montonma rinauca. Tucui cuchi monton peñasmanda saltasha urmanauca lamarbi, yacui chucasha huañunauca.

8:33b.MAT.008.033 Cuchira carajgunaga miticusha rinauca. Llactama shamusha imas tucushcaunara cuentanauca, ima tucushcaras supaiguna apishcaunahua.

8:34b.MAT.008.034 Tucui llacta runauna Jesusta tupangaj shamunauca. Paita ricusha, rugasha ninauca: Anzhuripai ñucanchi llactamanda.

9

9:1b.MAT.009.001 Shinajpi, Jesús canoai icuca, chimbama pasaca, paihua quiquin llactama shamuca.

9:2b.MAT.009.002 Paihuajma shu suchu runara pushamunauca, caitui huandusha. Jesús huanduj runauna quirishcara ricusha, suchuma nica: Cariyai, churi, can ucharashcaunara perdonashcangui.

9:3b.MAT.009.003 Shinajpi huaquin yachaira yachachijguna, shungu ucui ninauca: Irusta riman, Diosta camisha.

9:4b.MAT.009.004 Jesús paiguna iyashcara yachasha nica: ¿Imarasha manalira iyaunguichiri canguna shungüi?

9:5b.MAT.009.005 ¿Imara mas rimailla anga: Can ucharashcara perdonashcangui, mana ashaga, Atari, puri, nisha rimangaj?

9:6b.MAT.009.006 Canguna yachanauchu ñuca, Runa Churi nishca, ushaira charini cai pachai uchara perdonangaj nisha, Jesús suchura riman: Atari, camba caitura apasha ri camba huasima.

9:7b.MAT.009.007 Shinajpi runa atarica, paihua huasima rica.

9:8b.MAT.009.008 Runauna caita ricusha manzharinauca Diosta alabanauca, casna ushaira runaunama cushcamanda.

9:9b.MAT.009.009 Jesús chimanda pasasha, Mateo nishca runara ricuca, gobierno cullquira tandachina huasii tiajta. Paita nica: Catihuai. Mateo atarisha paita catica.

9:10b.MAT.009.010 Jesús mesai tiarijpi Mateo huasii, ashca cullquira tandachijguna, ashca uchayujgunas shamusha mesai tiarinauca Jesushua, pai yachachishca runaunandi.

9:11b.MAT.009.011 Fariseoguna caita ricusha, yachachishca runaunama ninauca: ¿Imarasha cangunara Yachachij cullquira tandachijgunahua uchayujgunahuas micun?

9:12b.MAT.009.012 Jesús caita uyasha paigunara nica: Aliuna doctorda mana ministinaun, astaun ungushcauna ministinaunmi.

9:13b.MAT.009.013 Richi, yachaichi imara nin cai shimi: Sacrificio nishcamanda yali shu ali llaquij shungura munani. Ali causajgunara cayangaj mana shamucanichu, astaun uchayujgunara, paiguna arrepentiringaj.

9:14b.MAT.009.014 Shinajpi Juan yachachishca runauna Jesusbajma shamusha paita ninauca: ¿Imaraigumanda ñucanchis fariseogunas sasisha causaunchi, astaun can yachachishca runauna mana sasinaun?

9:15b.MAT.009.015 Jesús cutipasha nica: ¿Borara rajguna llaquirina ushanaunzhu cari paigunahua tiaushca horaspi? Astaun punzhauna shamunaunga imahoras cari quichushca anga. Chi horaspi sasinaungami.

9:16b.MAT.009.016 Manapis rucu churanara remendanzhu mushuj llachapa pitihua. Shina rashaga churanara mas lliquin.

9:17b.MAT.009.017 Shinallara mushuj vinora rucu cara puruunai mana churanaunzhu. Shina rajpi, cara puru lliquirin, vino talirin, cara puru pirdirin. Astaun mushuj vino mushuj cara purui churajpi, shina rajpi ishquindi duranaun.

9:18b.MAT.009.018 Jesús casna rimauscallai, shu valij runa shumuca, paihua ñaupajpi tuama urmasha nica: Ñuca ushushi ñancartalla huañun. Shamupai, camba maquira paihua ahuai churajpi causaringami.

9:19b.MAT.009.019 Jesús atarisha paita catisha rica, pai yachachishca runaunandi.

9:20b.MAT.009.020 Ñambii shu ungushca huarmi, yahuar ricurina mana saquirijpi chunga ishqui huatara, huashamanda shamuca. Jesuspa churana pundara llangaca.

9:21b.MAT.009.021 Huarmi paihua shungüi nica: Ñuca paihua churana pundahuallara llangasha aüyashami.

9:22b.MAT.009.022 Jesusga voltiarisha, huarmira ricusha, nica: Cariyai, ushushi, can quirishca canda alichishcami. Chi ratomanda pacha huarmi aliyashca aca.

9:23b.MAT.009.023 Jesús valij runa huasii icushaga, llautara tucajgunara huacajgunaras ricuca.

9:24b.MAT.009.024 Paigunara nica: Anzhurichi. Huahua mana huañushcachu, puñunllami. Paita burlasha asinauca.

9:25b.MAT.009.025 Runaunara huasimanda llucchishca huasha, Jesús icuca, huahuara maquimanda apica, huahua atarica.

9:26b.MAT.009.026 Cai rashca uyarica tucui chi partü.

9:27b.MAT.009.027 Chimanda pasajpi, ishqui ñausa runa paita catimunauca. Caparisha ninauca: Llaquihuapi ñucanchira, Davidpa Churi.

9:28b.MAT.009.028 Jesús huasima pactamujpi, ñausauna paihuajma shamunauca. Paigunara nica: ¿Ñuca caita rangaj ushajta quiringuichichu? Ari, Señor, quirinchimi, ninauca.

9:29b.MAT.009.029 Shinapi Jesús paiguna ñahui muyura llangaca. Canguna quirishcasna rashca achu, nica.

9:30b.MAT.009.030 Paiguna ñahui muyuuna pascarinauca. Jesús paigunara shinzhira rimasha nica: Ricuichi ama pihuas caita yachanauchu.

9:31b.MAT.009.031 Randi, paiguna llucshisha, Jesusmanda cuentanauca tucui chi partii.

9:32b.MAT.009.032 Paiguna rinaupi, runauna shu upa shimi runara apamunauca, supai apíshcami aca.

9:33b.MAT.009.033 Supaira ichushca huasha, upa shimi runa rimaca. Runauna manzharínauca, nisha: Imahoraspas cai samira mana ricushcanchichu Israelbi.

9:34b.MAT.009.034 Fariseogunaga: Supai apumanda supaigunara ichun, ninauca.

9:35b.MAT.009.035 Jesús tucui atun tucui ichilla llactaunara purica, tandarina huasiunai yachachisha, Dios mandana pacha ali shimira rimasha, tucui ungüira tucui nanairas alichisha.

9:36b.MAT.009.036 Jesús ashca taucarimushca runaunara ricusha llaquirica. Ichushca cuenta, chausishca cuenta anauca, cuiraj illaj borregounasna.

9:37b.MAT.009.037 Pai yachachishca runaunara nica: Cierto pacha pallana ashcami, astaun tarabajgunaga ansallami.

9:38b.MAT.009.038 Pallana Señorda rugaichi pallajgunara cachangaj paihua pallanama.

10

10:1b.MAT.010.001 Shinajpi Jesús pai yachachishca runaunara cayasha, ushaira paigunara cuca irus supaigunara ichungaj, tucui ungüira tucui nanairas alichingaj.

10:2b.MAT.010.002 Pai chunga ishqui cachashca runauna shutiuna casnami: Ñaupa Pedro nishca Simón, paihua uqui Andrespas: Zebedeo churi Jacobo, paihua uqui Juambas;

10:3b.MAT.010.003 Felipe, Bartolomé, Tomás, cullquira tandachij Mateo, Alfeo churi Jacobo, Tadeo nishca Lebeo.

10:4b.MAT.010.004 Cananista Simón, Judas Iscariote, Jesusta entregaj runa.

10:5b.MAT.010.005 Cai chunga ishquira Jesús cachaca, paigunara yachachisha nica: Gentilguna ñambii ama ringuichichu. Samaría runauna llactai ama icunguichichu.

10:6b.MAT.010.006 Astaun Israel aillumanda borregouna cuenta chingarishcaunamalla richi.

10:7b.MAT.010.007 Rishaga yachachichi, casna nisha: Ahua pacha mandana mayanllayamushcami.

10:8b.MAT.010.008 Ungushcaunara alichichi, ismushca aicha llagayujgunara pichaichi, supaigunara ichuichi. Yanga llaquishcamanda apishcanguichimi, yanga llaquishcamanda cuichi.

10:9b.MAT.010.009 Ama apaichichu curira, cullquira, ñutu cullquiras canguna chumbillina carai.

10:10b.MAT.010.010 Boísaras, ishqui ucu churanaras, zapatostas, taunaras ama apaichichu. Tarabaj runa paihua micunara apingaj valin.

10:11b.MAT.010.011 Maican atun llactai, maican ichilla llactais canguna icusha, mascaichi shu chihui tiaj ali runara, paihuajpi pasiaichi llucshinagama.

10:12b.MAT.010.012 Huasii icusha, saluraichi.

10:13b.MAT.010.013 Ali huasi ajpi, canguna salurashca chihui shamunga. Astaun mana ali ajpi, canguna salurashca cangunajmallara tigramunga.

10:14b.MAT.010.014 Pi runas mana cangunara chasquijpi, canguna shimiunara mana uyajpi, llucshichi chi huasimanda chi llactamandas, canguna chaquimanda polvora chausichi.

10:15b.MAT.010.015 Cierto pacha cangunara nini, taripana punzhai Sodoma Gomorra llactauna castigana yali ahuantaihuaj anga chi llacta castigai tucunamanda.

10:16b.MAT.010.016 Uyaichi. Cangunara borregounasna ajta pumauna chaupi shungüi cachauni. Machacui cuenta sabirouna aichi, astaun palomauna cuenta manso shunguyujguna aichi.

10:17b.MAT.010.017 Runaunamanda cuiraichi. Cangunara rucuuna tandarinaunama entreganaunga, paiguna tandarina huasiunai cangunara livachinaunga.

10:18b.MAT.010.018 Gobernadorguna ñaupajpi, rey apuuna ñaupajpi apashca anguichimi ñucaraigumanda, paigunas gentügunas ñuca shimira uyangaj.

10:19b.MAT.010.019 Cangunara entregashca horas, ama turbarichichu, imara rimana anga nisha. Chi horasllaira imara rimanara cangunama cushca anga.

10:20b.MAT.010.020 Mana cangunachu rimanguichi, astaun canguna Yaya Espíritu canguna shungu ucui rimanga.

10:21b.MAT.010.021 Uqui paihua uquira entregangami huañungaj, yaya churiras. Churiuna yayaunahua contra atarinaunga, paigunara huañuchinaunga.

10:22b.MAT.010.022 Tucui runauna cangunara chijninaunga ñuca shutiraigumanda. Astaun, puchucaigama ahuantaj runa quishpichi tucungami.

10:23b.MAT.010.023 Cangunara tormendachijpi cai llactai, shu llactama miticuichi. Cierto pacha cangunara nini, tucui Israelbi tiaj llac1 taunama rinara mana tucuchinguichichu Runa Churi manara shamujllaira.

10:24b.MAT.010.024 Shu yachachishca runa paita yachachijta mana yalinzhu, sirvij runas paihua patronda mana yalinzhu.

10:25b.MAT.010.025 Yachachishca runama bastami paita yachachijsna tucujpi, shu sirvij runa paihua patronsna. Runauna huasiyuj dueñora Beelzebú nisha, ¿manzhu mas shinallara ninaunga paihua huasii tiajgunaras?

10:26b.MAT.010.026 Shinajllaira, ama manzhaichichu paigunara. Ima quillpashcaras ricuchishca anga, ima pacashcaras yachashca anga.

10:27b.MAT.010.027 Ñuca cangunara llandui rimashcara punzhai rimaichi. Rinrii uyashcaras huasi pundamanda caparichi.

10:28b.MAT.010.028 Ama manzhaichichu aichara huañuchijgunara, randi almara mana ushanaunzhu huañuchinara. Astaun manzhaichi almara aichandi ucu pachai chingachijta.

10:29b.MAT.010.029 ¿Manzhu ishqui ichilla pisheura ishqui realhua catunaun? Shinajllaira paigunamanda mana shujpas allpama urman, canguna Yaya mana yachajpi.

10:30b.MAT.010.030 Canguna umamanda acchauna tucui yupashcami.

10:31b.MAT.010.031 Shinajpi ama manzhaichichu. Canguna ashca pisheuunamanda yali valijguna anguichi.

10:32b.MAT.010.032 Maican runa ñuca shutira rimajpi runauna ñaupajpi, ñuca shinallara paihua shutira rimasha ñuca ahua pachai tiaj Yaya ñaupajpi.

10:33b.MAT.010.033 Maican runa ñucamanda: Paita mana ricsinichu nijpi runauna ñaupajpi, ñuca paimanda shinallara: Mana ricsinichu, nisha, ñuca ahua pachai tiaj Yaya ñaupajpi.

10:34b.MAT.010.034 Ama iyaichichu ñuca ganas causanara cai pachama apamungaj shamucani; mana ganas causanarachu, astaun shu esparara apamungaj shamucani.

10:35b.MAT.010.035 Ñuca shamucani piñanauna tiangaj churi paihua yayahua, ushushi paihua mamahua, cachun paihua cari mamahua.

10:36b.MAT.010.036 Shu runahua piñanaujguna paihua quiquin huasimandauna anaunga.

10:37b.MAT.010.037 Maicans yayara mamara ñucamanda yalijta llaquijpi, mana ñucamanda valijchu an. Maicans churira ushushira ñucamanda yalijta llaquijpi, mana ñucamanda valijchu an.

10:38b.MAT.010.038 Maicans paihua cruzta mana aparijpi ñucara mana catijpis, mana ñucamanda valijchu an.

10:39b.MAT.010.039 Maicans causaira tarisha, chita pirdingami; maicans paihua causaira pirdíshaga ñucamanda, causaira tupangami.

10:40b.MAT.010.040 Maicans cangunara chasquisha, ñucara chasquin; maicans ñucara chasquisha, ñucara cachamujta chasquin.

10:41b.MAT.010.041 Maicans shu Diosmanda rimajta chasquisha pai Diosmanda rimaj ashcaraigu, shu Diosmanda rimaj tupu paganara apinga; maicans shu ali runara chasquisha pai ali runa ashcaraigu, shu ali runa tupu paganara apingami.

10:42b.MAT.010.042 Maicans shu cai ichilla huahuaunama shu chiri yacu vasora cusha, pai ñuca yachachishca asha, cierto pacha paima paganara mana pirdingachu.

11

11:1b.MAT.011.001 Jesús pai chunga ishqui yachachishca runaunara camachishca huasha, chi partimanda rica, paiguna llactaunai yachachingaj camachingajpas.

11:2b.MAT.011.002 Juanga, chonda cularbi tiausha, Cristo rashcaunara uyasha, ishqui pai yachachishca runaunara paihuajma cachaca.

11:3b.MAT.011.003 Shamunauca paita tapungaj: ¿Can shamuna ajchu angui? ¿Shujtachu chapashun? nisha.

11:4b.MAT.011.004 Jesús paigunara cutipasha: Richi, nica Juanda cuentaichi canguna ricushcaunaras uyashcaunaras.

11:5b.MAT.011.005 Ñausauna ricunaun, anga changauna purinaun, ismushca aichayujguna pichashcami anaun, upa rinriuna uyanaun, huañushcauna causachishcami anaun, pugriunama evangelio shimira rimashcami.

11:6b.MAT.011.006 Cushiyuj maican runa mana ñucahua piñarisha.

11:7b.MAT.011.007 Paiguna riushcai, Jesús runaunama rimai callarica Juanmanda: ¿Imara ricungaj llucshicanguichi, nisha, runa illashca partima? ¿Shu huaira cuyuchishca pindujta?

11:8b.MAT.011.008 ¿Imara ricungaj llucshicanguichi? ¿Shu gusto churanahua churachishca runara? Gusto churanahua churachishcauna rey apu huasiunai tianaun.

11:9b.MAT.011.009 Astaun, ¿Imara ricungaj llucshicanguichi? ¿Shu Diosmanda rimajta? Ari, nini cangunara, shu Diosmanda rimajta yali.

11:10b.MAT.011.010 Cai runamandami quillcashca tian: Riqui, nisha, ñuca rimajta camba ñaupajma cachani. Pai camba nambira puruntungami camba ñaupajpi.

11:11b.MAT.011.011 Cierto pacha cangunara nini: Huarmi pagarichishcaunamanda, Bautisaj Juanmanda shu yali runa mana atarishcachu. Shinajllaira ahua pacha mandanai ima mas ichilla runas paimanda yalimi.

11:12b.MAT.011.012 Bautisaj Juamba punzhamanda cuna horasgama, ahua pacha mandanara tormendachishcami, shinzhiunaga vencisha apinaun.

11:13b.MAT.011.013 Tucui Diosmanda rimajgunas ley camachishca shimis Juan tiashca horasgama Diosmanda rimanauca.

11:14b.MAT.011.014 Canguna chi shimira chasquisha nijpi, cangunara nini: Chimi shamuna aj Elias.

11:15b.MAT.011.015 Uyana rinriyuj uyachu.

11:16b.MAT.011.016 ¿Imahuara ricuchishairi cuna horas causaj miraigunara? Pujllaj huahuauna cuentami, pulazaunai tiarisha, compañerounama caparinaun, nisha:

11:17b.MAT.011.017 Llautara tucacanchi, astaun mana bailacanguichichu. Cangunama huacasha cantacanchi, cangunaga mana huacacanguichichu.

11:18b.MAT.011.018 Juan shamuca, mana micuj, mana upij. Supaiyujmi, ninaun.

11:19b.MAT.011.019 Ñucaga, Runa Churi nishca, micuj upij shamucani. Shinajpi ninaun: Caibi shu micuisiqui runa, vinora upisiqui, cullquira tandachijguna amigo, uchayujguna amigo. Shinajllaira, Yachana ali nishcami paihua churiunamanda.

11:20b.MAT.011.020 Shinajpi Jesús chi llactaunara piñangaj callarica maibi ashca pai munanaita rashcauna rashca aca, paiguna mana arrepentirishcaraigu, casna nisha:

11:21b.MAT.011.021 ¡Upamanda, Corazín! ¡Upamanda Betsaida! Cambajpi rashca munanaita rashcauna Tiro llactai Sidón llactais rashca ajpiga, ña unaira arrepentirinaunmaca, costalda churarisha, ushpais tiarisha.

11:22b.MAT.011.022 Chiraigumanda cangunara nini: Taripana punzhai Tiro llacta Sidón llactas pishi castigai tucunaungami, randi canguna yali castigai tucunguichimi.

11:23b.MAT.011.023 Cambas, Capernaum llacta, ahua pachagama ahuayachishca acangui, astaun huañushcauna tiashcagama irguchishca angui. Cambajpi munanaita rashcauna Sodoma llactai rashca ajpiga, cuna punzhagama duranmaca.

11:24b.MAT.011.024 Chiraigumanda cangunara nini: Taripana punzhai Sodoma llacta pishi castigai tucungami, randi canga yali castigai tucunguimi.

11:25b.MAT.011.025 Cai horas Jesús cutipasha nica: Yaya, ahua pachamanda cai pachamandas Señor, canda alabauni. Can tucui caigunara yachajgunamanda intindijgunamandas pacacangui, astaun huahuaunara ricuchicangui.

11:26b.MAT.011.026 Ari, Yaya, casnami munacangui.

11:27b.MAT.011.027 Tucuira ñuca Yaya ñucama entregahuacami. Pis mana ricsin Churira, Yayalla paita ricsinmi. Pis Yayara mana ricsin, Churilla paita ricsinmi, shinallara Churi ricuchisha nishca runa Yayara ricsingami.

11:28b.MAT.011.028 Ñucama shamichi tucui canguna tarabashcauna aparishcaunas. Ñuca cangunara samachishami.

11:29b.MAT.011.029 Ñuca huanduna caspira cuenta apaichi. Ñucamanda yachaichi, manso shunguyuj, ali shunguyuj ani. Alma samanara tupanguichimi.

11:30b.MAT.011.030 Ñuca huanduna caspi cuenta aparinallami, ñuca carga pangallami.

12

12:1b.MAT.012.001 Chi punzhaunai Jesús chagraunara pasauca, shu samana punzha. Pai yachachishca runauna yarcachisha papajta aisasha, micungaj callarinauca.

12:2b.MAT.012.002 Fariseoguna caita ricusha ninauca: Riqui, can yachachishca runauna mana raihuajta ranaun samana punzhai.

12:3b.MAT.012.003 Jesús paigunara nica: ¿Manzhu Quillcai ricushcanguichi David rashcara, shu cuti pai paihua tiajgunandi yarcachishca horaspi;

12:4b.MAT.012.004 imasna Diospa huasii icuca, ricuchina tandara micuca. Pai, paihua compañajgunandi mana micuna aca, sacerdoteunalla micuna ajpi?

12:5b.MAT.012.005 Shinallara, ¿manzhu ricushcanguichi ley camachishca shimii imasna templo huasii tiaj sacerdoteuna quiquin samana punzhai tarabanaun sacrificiora rangaj, shina rashas mana causaiyuj tucunaun?

12:6b.MAT.012.006 Astaun, cangunara nini, shu templomanda yali valij caibimi tiaun.

12:7b.MAT.012.007 Canguna cai shimira intindishaga, Sacrificio ranamanda shu llaquij shungura yali munanimi, nisha, shinajpi causai illajgunara mana causayachinguichima.

12:8b.MAT.012.008 Ñuca, Runa Churi nishca, samana punzhahua Señor mani.

12:9b.MAT.012.009 Chimanda ri pasasha, paiguna tandarina huasima shamucami.

12:10b.MAT.012.010 Chihui shu chaquirishca maquiyuj tiauca. Jesusta tapunauca, paita culpayachingaj: ¿Raihuajchu, nisha, paita alichingaj samana punzhai?

12:11b.MAT.012.011 Jesús paigunara nica: Maican runa cangunamanda shu borregora charij, paihua borrego shu uctui urmajpi samana punzhai, ¿manzhu maquira chutachinga llucchingaj?

12:12b.MAT.012.012 Shinasha runaga ¿imasna borregomanda yali valingairi? Chiraigumanda raihuajmi alira rana samana punzhai.

12:13b.MAT.012.013 Shinajpi chi runara nica: Maquira chutai. Maquira chutaca, aliyashca aca chishu maqui cuenta.

12:14b.MAT.012.014 Fariseoguna llucshishaga, rimananauca Jesusta huañuchingaj.

12:15b.MAT.012.015 Jesús caita yachasha, chi partimanda llucshica. Ashca runa paita catinauca. Tucui ungushcaunara alichica.

12:16b.MAT.012.016 Runaunara rimaca: Ama rimanguichichu ñuca maibi ajtas;

12:17b.MAT.012.017 Diosmanda rimaj Isaías rimashcara pactachingaj, pai casna nijpi:

12:18b.MAT.012.018 Caibimi ñucara sirvij, ñuca ajllashcami, ñuca llaquishcami; paihuajpi ñuca alma cushiyan. Paihua ahuai ñuca Espiritura churashami, gentilgunama ali taripanara rimangaj.

12:19b.MAT.012.019 Mana macanungachu, mana caparingachu. Pihaus ñambiunai paihua shimira mana uyangachu.

12:20b.MAT.012.020 Shu taula taula rishca pindujta mana paquingachu, shu cushniu espelma pushcara mana huañuchingachu, pai ali taripana vencichingagama.

12:21b.MAT.012.021 Paihua shutüs gentilguna chapanaungami.

12:22b.MAT.012.022 Shinajpi shu supai apishca runara Jesusma pushamunauca, ñausa, mana rimaj aca. Jesús paita alichica, shinajpi ñausa aj ricuca, upa shimi aj rimaca.

12:23b.MAT.012.023 Tucui runauna manzharinauca, nisha: ¿Manzhu cai runa chi Davidpa Churi angairi?

12:24b.MAT.012.024 Fariseogunaga caita uyasha ninauca: Cai runa supaigunara supai apu Beelzebú shutii ichun.

12:25b.MAT.012.025 Jesús paiguna iyaushcara ricsisha, paigunara nica: Tucui llacta paigunapuralla chaupirisha tularingami; tucui llacta, tucui huasi paigunapuralla chaupirisha, mana shayangachu.

12:26b.MAT.012.026 Satanás quiquin Satanasta canzhama ichusha, paulara chaupirishca tucun; ¿imarashara durangai paihua mandana?

12:27b.MAT.012.027 Ñuca supaigunara canzhama ichujpi Beelzebumanda, ¿pimanda canguna churiuna supaigunara ichunaun? Shinajpi paiguna cangunara tarípajguna tucunaungami.

12:28b.MAT.012.028 Astaumbas ñuca Diospa Espirituhua supaigunara ichujpi, cierto pacha Dios mandana pacha cangunajma pactamushcami.

12:29b.MAT.012.029 ¿Ima rashara shu shinzhi runa huasii icungairi pai charishcara shuhuangaj, mana ñaupara dueñora huatasha? Shina rashaga huasii tiajta shuhuanara ushangami.

12:30b.MAT.012.030 Maican runas mana ñuca partimanda ajpi, ñucahua contrami tucun. Maicans mana ñucahua pallaj talinmi.

12:31b.MAT.012.031 Chiraigumanda cangunara nini: Tucui ucha tucui piñasha rimashca runaunara perdonashca anga, astaun Espiritura piñasha rimashca mana perdonashcachu anga.

12:32b.MAT.012.032 Maicans Runa Churimanda manali shimira rimajpi, perdonashca anga. Astaun maicans Santo Espiritumanda manalira rimajpi, mana perdonashcachu anga, cuna tiempoi, huasha tiempois.

12:33b.MAT.012.033 Ali yura ali muyura cun, manali yuraga manali muyura. Muyura ricusha yurara ricsinaun.

12:34b.MAT.012.034 ¡Machacuigunamanda mirajguna cuenta! ¿Ima rashara alira rimana ushanguichima manaliuna ashallara? Shungu yalijta undashcamanda shimi riman.

12:35b.MAT.012.035 Ali runaga, pai shungu ucui ali charishcamanda alira llucchin, manali runaga manali charishcamanda manalira llucchin.

12:36b.MAT.012.036 Maspas cangunara nini, runauna paiguna yanga rimashca shimimanda taripashca anaunga taripana punzhai.

12:37b.MAT.012.037 Can rimashca shimiunamandallara ali nishca tucungui, can rimashca shimiunamandallara causáyachishca tucungui.

12:38b.MAT.012.038 Shinajpi huaquin yachaira yachachijguna fariseogunandi cutipasha ninauca: Yachachij, shu can rashca munanaita ricurinara ricusha ninchi.

12:39b.MAT.012.039 Jesús cutipaca: Manali shujhua tacarisiqui miraiguna munanaita ricurinara mañanaun. Chita mana ricuchishca anga, astaun Diosmanda rimaj Jonasmanda ricurinara ricuchishca anga.

12:40b.MAT.012.040 Imasnara Jonás atun aichahua icsai tiauca quinsa punzhara quinsa tutara, shinallarami ñuca, Runa Churi nishca, allpa ucui tiashami quinsa punzhara quinsa tutara.

12:41b.MAT.012.041 Nínive nishca llactamanda runauna taripana punzhai atarinaunga cuna horas miraigunahua, paigunara causayachinaungami. Paiguna Jonás camachishcamanda arrepentirinauca. Shinajllaira Jonasmanda yali caibimi tiaun.

12:42b.MAT.012.042 Sur nishca quinri partimanda shamuj reina huarmi apu cuna horas miraigunahua ataringami, paigunara causayachingami. Paiga mundu puchucai partimanda shamuca Salomón yachashca shimiunara uyangaj. Shinajllaira Salomonmanda yali caibimi tiaun.

12:43b.MAT.012.043 Imahoras irus supai shu runamanda llucshin, chaquishca partiunai purin, samasha nisha, astaun samanara mana tupanzhu.

12:44b.MAT.012.044 Shinajpi nin: Ñuca llucshishca huasima tigrasha. Pactamujpi huasira chushajta pichashcara sumacyachishcara tupan.

12:45b.MAT.012.045 Shinajpi rin, shu canzhis supaigunara paimanda yali manaliunara apisha apamun, icusha chihui causanaun. Chi runa huasha tucushca causana ñaupa causanamanda yali mana valij tucun. Shinallarami tucunga cuna horas manali miraigunahua.

12:46b.MAT.012.046 Jesús runaunahua rirnaushcallai, paihua mama, paihua uquiuna canzhai shamunauca, paihua rimasha nisha.

12:47b.MAT.012.047 Shu runa paita nica: Camba mama, camba uquiuna canzhai shayanaun, canhua rimasha ninaun.

12:48b.MAT.012.048 Jesús casna rimaj runara cutipasha: ¿Pitangai ñuca mama, pitangai ñuca uquiuna? nica.

12:49b.MAT.012.049 Pai yachachishca runaunama maquira ricuchisha: Caimi ñuca mama, ñuca uquiuna, nica.

12:50b.MAT.012.050 Tucui runa ñuca ahua pachai tiaj Yaya munaira rau, paimi ñuca uqui, ñuca pañi, ñuca mama, nica.

13

13:1b.MAT.013.001 Chi punzha Jesús huasimanda llucshisha, lamar patai tiarica.

13:2b.MAT.013.002 Ashca runauna tandarimunauca. Jesús canoai icusha tiarica. Tucui runauna pulayai tianauca.

13:3b.MAT.013.003 Ashca shimiunara Jesús paigunara rimaca yachachingaj cuentanaunahua, casna nisha: Shu tarpuj runa tarpungaj llucshica.

13:4b.MAT.013.004 Tarpujpiga, huaquin muyuuna ñambi rayai urmanauca, Pishcuuna shamusha micunauca.

13:5b.MAT.013.005 Huaquin muyuunaga rumi pambai urmanauca, mana yapa aupa tiashcai. Uctalla iñamuca, aupa mana ashca tiajpi.

13:6b.MAT.013.006 Indi llucshishaga rupachica. Augura mana charishcaraigu chaquirica.

13:7b.MAT.013.007 Huaquin muyuuna cashai urmanauca. Casha itayasha, muyura huañuchica.

13:8b.MAT.013.008 Astaumbas huaquin muyuuna ali allpai urmanauca, aparinauca, patsaegama, socta chungagama, quinsa chungagama, caran muyumanda mirarisha.

13:9b.MAT.013.009 Uyaj rinriyuj uyachu.

13:10b.MAT.013.010 Shinajpi Jesús yachachishca runauna shamusha, paita ninauca: ¿Imarasha yachachingaj cuentanaunahua rimaungui paigunahua?

13:11b.MAT.013.011 Jesús cutipasha nica: Cangunama cushcami ahua pacha mandana pacashca shimiunara y achangaj, astaun chigunama mana cushcachu aca.

13:12b.MAT.013.012 Charij runama cushca anga, mas charingaj. Randi mana charijmandaga pai charishcahuaras quichushca anga.

13:13b.MAT.013.013 Chiraigumanda yachachingaj cuentanaunahua rimashcani, ricusha ama ricunauchu, uyasha ama uyanauchu, ama intindinauchu.

13:14b.MAT.013.014 Shinarasha Diosmanda rimaj Isaías rimashca shimi paihuajpi pactarinmi: Rinrihua uyashas mana intindinguichichu, ñahuihua ricushas mana ricsinguichichu.

13:15b.MAT.013.015 Cai llacta runauna shungu llashajyashcami. Rinriuna tun tucushca mana ali uyanaun. Ñahuiunara ishcanaushca ama ñahuiunahua ricungaj, ama rinrihua uyangaj, ama shunguhua intindingaj, paiguna ama ñucajma voltiarinauchu, ñuca paigunara alichingaj.

13:16b.MAT.013.016 Astaun cushiunami canguna ñahuiuna, ricunaunmi. Cushiunami canguna rinriuna, uyanaunmi.

13:17b.MAT.013.017 Cierto pacha cangunara nini, ashca Diosmanda rimajguna, ashca ali runaunas canguna ricushcara ricunara munanaucami, randi mana ricunaucachu; canguna uyashcaras uyanara munanaucami, randi mana uyanaucachu.

13:18b.MAT.013.018 Uyaichi, nica Jesús, imara nin tarpuj runamanda yachachingaj cuentashca.

13:19b.MAT.013.019 Shu runa ahua pacha mandana shimira uyasha, mana intindijpi, manali Supai shamun, paihua shungüi tarpushcara quíchun. Caimi ñambi rayai tarpushca.

13:20b.MAT.013.020 Rumi pambaunai tarpushca caimi: shimira uyasha uctalla cushihua chasquica;

13:21b.MAT.013.021 paihuajpi augura mana charin, mana duranzhu; tormendarina tormendachinas shamujpi Diospa shimimanda, shinajpi uctalla nijtasha urman.

13:22b.MAT.013.022 Casha tiashcai tarpushca caimi: shimira uyan, astaun cai mundu munai, charij tucungaj umachishcas shimira huañuchinaun. Chiraigu muyura mana cun.

13:23b.MAT.013.023 Astaunga, ali allpai tarpushca caimi: shimira uyasha intindin, aparin: patsaj, socta chunga, quinsa chunga, caran muyu aparin.

13:24b.MAT.013.024 Cuti shu yachachingaj cuentanara rimaca. Ahua pacha mandana casna ricurijmi: Shu runa ali muyura paihua allpai tarpuca.

13:25b.MAT.013.025 Astaun runauna puñurishcai, shu paita chijnij runa shamuca, trigo muyu tarpushcai manali quihua muyura tarpuca, chibuasha rica.

13:26b.MAT.013.026 Trigo llucshisha, aparisha, shinallara manali quihuas ricurica.

13:27b.MAT.013.027 Shinajpi dueñora sirvijguna shamusha ninauca: Señor, ¿Manzhu ali muyuunara camba allpai tarpuchicangui? ¿Maimandara cai manali quihua iñashca?

13:28b.MAT.013.028 Paigunara nica: Shu ñucara chijnij caita rashcami. Sirvijgunaga ninauca: ¿Munanguichu ñucanchi aisai ringaj?

13:29b.MAT.013.029 Dueñoga: Mana, nica, manali quihuara aisasha, paihua pariju trigora aisanguichima.

13:30b.MAT.013.030 Ishquindira saquichi pariju iñangaj pallanagama. Pallana horas, pallajgunara nisha: Ñaupa punda manali quihuara pallaichi, huangüichi, rupachingaj. Randi trigora pallasha, ñuca huacachina huasii huacachichi.

13:31b.MAT.013.031 Cuti shu yachachingaj cuentanara paigunara rimaca. Ahua pacha mandana shu mostaza nishca muyu cuenta ricurijmi. Shu runa muyura apisha, tarpuca paihua allpai.

13:32b.MAT.013.032 Cierto pacha cai muyu tucui muyumanda yali ichilla muyumi, randi iñasha micuna muyu aparij yuraunamanda yali ) tucun, atun yura tucun. Shinasha pisheuuna shamunaun huasichingaj paihua pallcaunai.

13:33b.MAT.013.033 Cuti shu yachachingaj cuentanara paigunara rimaca. Ahua pacha mandana tandara punguichina polvo cuenta ricurijmi, shu huarmi caita apisha, quinsa tasita tupu harina polvoi churaca, tucui punguiringagama.

13:34b.MAT.013.034 Cai tucuira Jesús runaunara rimaca yachachingaj cuentanaunahua. Mana casna cuentasha, mana rimacachu; 35 Diosmanda rimaj shimira pactachingaj, casna nisha: Shimira pascasha yachachingaj cuentanaunahua, mundu callarishca horasmanda pacashcaunara yachachisha.

13:36b.MAT.013.036 Shinajpi runaunara cachashca huasha, Jesús huasii icuca. Yachachishca runauna shamusha paita ninauca: Manali quihua muyumanda cuentashcara intindichihuapai.

13:37b.MAT.013.037 Jesús cutipasha nica: Ali muyura tarpuj, ñuca mani, Runa Churi nishca.

13:38b.MAT.013.038 Allpaga cai pachami. Ali muyuuna ahua pacha mandana churiunami. Manali quihua muyuuna, manali Supai churiunami.

13:39b.MAT.013.039 Chijnisha tarpujga Supai Apumi. Pallanaga cuna tiempouna tucurinami. Pallajgunaga angelgunami.

13:40b.MAT.013.040 Shinasha, imasnara manali quihuara aisanaun ninai rupachingaj, shinallara tucungami cai tiempouna tucurinai.

13:41b.MAT.013.041 Ñucaga, Runa Churi, ñuca angelgunara cachamushami ñuca mandana pachamanda tucui nijtachijgunara, manalira rajgunaras apingaj.

13:42b.MAT.013.042 Paigunara atun nina uctui shitanaunga. Chihui atun huacai, quiru mucunas tianga.

13:43b.MAT.013.043 Chi horaspi aliuna indi cuenta chiujlla ricurinaunga paiguna Yaya mandana pachai. Uyaj rinriyuj uyachu.

13:44b.MAT.013.044 Maspas, ahua pacha mandana shu allpai pacashca yapa valij curi cuenta ricurijmi. Shu runa tupan, tupasha cuti pacanlla. Caimanda cushiyasha, pai tucui charishcara catun, chi allpara randingaj.

13:45b.MAT.013.045 Shinallara ahua pacha mandana shu catuj runa cuenta ricurijmi, gusto sumaj chuya perla nishca valij rumiunara mascaj.

13:46b.MAT.013.046 Shu yapa ali valijta tarisha, tucui pai charishcara catun, chi valij perla nishca rumira randingaj.

13:47b.MAT.013.047 Shinallara ahua pacha mandana shu lica cuenta ricurijmi. Licara lamarbi shitajpi, tucui tono aichahuara apin.

13:48b.MAT.013.048 Lica ña undarishca ajpi, pulayama aisanaun. Runauna tiarisha, ali aichahuara ashangai churanaun, manaliunara canzhama shitanaunmi.

13:49b.MAT.013.049 Shinallarami tucunga cai tiempouna tucurinai. Angelguna llucshinaunga manaliunara aiiunamanda chicanyachinaunga.

13:50b.MAT.013.050 Manaliunara nina uctui shitanaunga. Chihuimi atun huacai, quiru mucunas.

13:51b.MAT.013.051 Jesús paigunara nica: ¿Intindishcanguichichu tucui caigunara? Cutipanauca: Ari, Señor, nisha.

13:52b.MAT.013.052 Paigunara nica: Chiraigumanda tucui yachaira yachachij ahua pacha mandana shimii yachachishca asha, shu yaya cuenta ricurijmi, paihua charishcaunamanda rucuunaras mushujgunaras llucchin.

13:53b.MAT.013.053 Jesús cai yachachingaj cuentanaunara rimai pasashca huasha, chi partimanda rica.

13:54b.MAT.013.054 Paihua quiquin llactama pactamusha, runaunara yachachica paiguna tandarina huasii. Shinasha runauna manzharinauca, casna nisha: ¿Maimandachu charin cai runa casna yachanara, cai munanaita ranaunandi?

13:55b.MAT.013.055 ¿Manzhu cai runa carpintero churi? ¿Manzhu paihua mama María, paihua uquiuna Jacobo, José, Simón, Judas?

13:56b.MAT.013.056 ¿Manzhu tucui paihua paniuna ñucanchihua tianaun? ¿Maimandachu charin tucui caigunara?

13:57b.MAT.013.057 Paimanda turbarinauca. Astaun Jesús paigunara nica: Shu Diosmanda rimaj llaquishcami, astaun paihua quiquin allpais quiquin huasiis mana llaquishcachu. 58 Chi llactai mana ashca munanaita ranaunara rarcachu, runauna mana quirishcaraigu.

14

14:1b.MAT.014.001 Chi punzhaunai, Herodes rey apu Jesuspa shutira rimashcara uyaca.

14:2b.MAT.014.002 Paita sirvijgunara nica: Caimi Bautisaj Juan, huañushcaunamanda causarishcami. Caimanda cai ushanauna ricurínaun paihuajpi.

14:3b.MAT.014.003 Herodes ñaupa horas Juanda apica, cadenahua huataca, chonda cularbi ishcasha, paihua uqui Felipe huarmi Herodías raigumanda;

14:4b.MAT.014.004 Juan paita: Chi huarmira mana charínachu angui, nishcamanda.

14:5b.MAT.014.005 Herodes paita huañuchisha nica, astaun runaunara manzhaca, runauna Juanda Diosmanda rimajmi iyashcaraigumanda.

14:6b.MAT.014.006 Astaunga, Herodes pagarishca punzha pactarijpi, Herodíaspa ushushi runauna chaupi shungüi bailaca, Herodesta cushiy achica.

14:7b.MAT.014.007 Chiraigu shimira cuca imara mañashcaras paita cungaj.

14:8b.MAT.014.008 Ushushiga, paihua mama ñaupa rimashcasna, Bautisaj Juamba umara pulatoi cuhuai, nica.

14:9b.MAT.014.009 Shinajpi rey apu llaquirica. Astaun shimira cushcamanda, mesai tiaj runaunamandas, umara cungaj mandaca.

14:10b.MAT.014.010 Juamba cungara pitingaj mandaca chonda cularbi.

14:11b.MAT.014.011 Paihua umara pulatoi apamunauca, ushushima cushca aca, ushushi mamama cuca.

14:12b.MAT.014.012 Shinajpi pai yachachishca runauna shamunauca, ayara apasha pambanauca. Rinauca Jesusta cuentangaj.

14:13b.MAT.014.013 Jesús caita uyasha, chi llactamanda rica, runa illashca partima. Runauna pai shamushcara uyasha, llactaunamanda chaquillahua paita catinauca.

14:14b.MAT.014.014 Jesús ilucshisha, ashca runauna taucarimushcara ricuca; ricusha, paigunamanda llaquirica. Paigunamanda ungushca ajgunara alichica.

14:15b.MAT.014.015 Tutayaupi, pai yachachishca runauna paima shamunauca: Cai parti runa illajmi, nisha. Horas ña pasashcami. Runaunara dispiri, ichilla llactaunama ringaj, micunara randingaj.

14:16b.MAT.014.016 Jesús paigunara nica: Mana ministirinzhu paiguna ringaj. Cangunallara caraichi.

14:17b.MAT.014.017 Paiguna cutipanauca: Caibi pichca tandallara ishqui aichahuallaras charinchi, nisha.

14:18b.MAT.014.018 Jesús nica: Ñucajma apamichi.

14:19b.MAT.014.019 Shinajpi runaunara quihuai tiaringaj mandaca. Pichca tandara ishqui aichahuaras apisha, ahuama ricusha, bendidiasha particami. Yachachishca runaunama tandara cuca, paigunaga runaunama caranauca.

14:20b.MAT.014.020 Tucui sajsajta micunauca. Puchujgunara tandachinauca, chunga ishqui suru tasa tupura.

14:21b.MAT.014.021 Micujguna pichca huaranga tupu cariuna anauca, huarmiunara huahuaunaras mana yupashca.

14:22b.MAT.014.022 Chi huashalla, Jesús pai yachachishca runaunara canoai icuchica, paimanda ñaupa chimbama ringaj. Paiga saquirica tandarishcaunara dispiringaj.

14:23b.MAT.014.023 Runauna dispirishca huasha, Jesús urcuma sicaca sapallai Diosta mañangaj. Tutayaushcai pai chihui sapalla tiauca.

14:24b.MAT.014.024 Canoa chaupi lamarbi tiausha, tsajlaspi api tucuca, huaira ñahuipuramanda shamujpi.

14:25b.MAT.014.025 Punzhayanara Jesús paigunajma shamuca, yacu ahuara purisha.

14:26b.MAT.014.026 Yachachishca runaunaga Jesusta yacu ahuara puriushcara ricusha turbarinauca. ¡Ayami! ninauca. Manzhasha caparinauca.

14:27b.MAT.014.027 Chi ratollai Jesús paigunara rimaca: ¡Cariyaichi, nisha, ñuca maní! ¡Ama manzhaichichu!

14:28b.MAT.014.028 Shinajpi Pedro paita: Señor, nica, can ashaga, mandangui ñuca cambajma shamungaj yacu ahuara purisha.

14:29b.MAT.014.029 Jesús: Shami, nica. Pedro canoamanda irgusha, yacu ahuara purica Jesusbajma ringaj.

14:30b.MAT.014.030 Astaumbas Pedro shinzhi huairara ricusha, manzhaca. Yacui pambaringaj callarica. Caparisha: Señor, quishpichihuapai, nica.

14:31b.MAT.014.031 Chi ratollai Jesús maquira chutachisha paita apica, nisha: Ansalla quirij runa, ¿Imarasha mana quiricangui?

14:32b.MAT.014.032 Paiguna canoai icushcallahua, huaira saquirica.

14:33b.MAT.014.033 Shinajpi canoai tiajguna Jesusma shamusha adoranauca, nisha: Cierto pacha can Diospa Churimi angui.

14:34b.MAT.014.034 Yacura chimbashca huasha, Genesaret nishca llactama shamunauca.

14:35b.MAT.014.035 Chihui tiaj runauna Jesusta ricsisha, shimira cachanauca tucui rayai tiaj partiunama, paihuajma tucui ungushcaunara pushamunauca.

14:36b.MAT.014.036 Paita ruganauca paihua churana pundahuallara llangangaj. Tucui llangajguna aliyanauca.

15

15:1b.MAT.015.001 Huaquin Jerusalenmanda shamuj yachaira yachachijguna fariseogunandi Jesusma shamunauca.

15:2b.MAT.015.002 Paita ninauca: ¿Imarasha can yachachishca runauna rucuuna yachachishcaunara mana casunaun? Maquira mana maillanaun tandara micungaraushallara.

15:3b.MAT.015.003 Jesús cutipasha paigunara nica: ¿Imarasha canguna Dios mandashcara mana casunguichi canguna yachachishcaunara rasha?

15:4b.MAT.015.004 Dios mandasha nica: Yayaras mamaras llaquina mangui. Yayara mamara maldiciajpi, runa shu rai huañuchu.

15:5b.MAT.015.005 Astaun canguna ninguichi: Maican runa yayara mamara rimasha: Ñuca canda yanapana cullquira Diosta cushcami, nisha,

15:6b.MAT.015.006 ña yayara mamara yanapanara mana ministirin. Shina rasha Dios mandashca shimira mana valichishcanguichi canguna yachachishcamanda.

15:7b.MAT.015.007 Ishqui shimiyujguna, Diosmanda rimaj Isaías cangunamanda alirami rimaca, casna nisha:

15:8b.MAT.015.008 Cai runauna shimi carahua ñucara ahuayachinaun, astaun paiguna shungu ñucamanda carui tiaun.

15:9b.MAT.015.009 Yangamanda ñucara ahuayachinaun, ali yachanauna cuenta runauna mandashcaunara yachachisha.

15:10b.MAT.015.010 Taucariai runaunara paihuajma cayausha, Jesús: Uyaichi, nica, intindichi.

15:11b.MAT.015.011 Mana shimii icuj runara irusyachinzhu, astaun shimi ucumanda llucshij caimi irusyachin.

15:12b.MAT.015.012 Shinajpi yachachishca runauna shamusha, paita ninauca: ¿Yachanguichu imasna fariseoguna pinarinauca cai shimira uyasha?

15:13b.MAT.015.013 Jesusga cutipaca: Tucui yura, mana ñuca ahua pacha Yaya tarpushca ajpi, pilashcami anga.

15:14b.MAT.015.014 Saquichilla^ paigunara, nica, ñausauna asha ñausaunara pushanaun. Ñausa runaga shu ñausara pushasha, ishquindi uctui urmanaunga.

15:15b.MAT.015.015 Pedro cutipasha paita nica: Yachachihuai ñucanchira cai yachachingaj cuentanara.

15:16b.MAT.015.016 Jesús nica: ¿Cangunas charajchu mana intindinguichi?

15:17b.MAT.015.017 ¿Manzhu intindinguichi imasna tucui imaras shimii icusha icsama pasan, chimanda ismana huasii ichushcami?

15:18b.MAT.015.018 Astaun shimimanda llucshijga shungu ucumanda llucshin. Caiga runara irusyachin.

15:19b.MAT.015.019 Shungumanda llucshinaun: manali iyaiguna, runara huañuchinauna, shujhua tacarinauna, uchalinauna, shuhuanauna, llulla shimiuna, Diosta camisha rimanauna.

15:20b.MAT.015.020 Caigunami runara irusyachinaun. Astaun maquira mana maillasha micusha, caiga runara mana irusyachinzhu.

15:21b.MAT.015.021 Jesús chi llactamanda llucshisha, Tiro Sidón partiunama rica.

15:22b.MAT.015.022 Chihui shu Canaan huarmi, chi partimanda llucshij, caparisha Jesusta nica: Señor, Davidpa Churi, llaquihuapai. Ñuca ushushira supai ashcarami tormendachin.

15:23b.MAT.015.023 Astaun Jesús paita mana imaras cutipacachu. Shinajpi pai yachachishca runauna llutarisha ruganauca: Cachai cai huarmira, ninauca, ñucanchi huashai yapa caparisha shamun.

15:24b.MAT.015.024 Pai cutipasha nica: Israel aillumanda borregouna cuenta chingarishcaunamalla cachashcami ani.

15:25b.MAT.015.025 Shinajpi huarmi Jesuspa ñaupajma shamusha, tuama urmasha, nica; Señor, yanapahuapai ñucara.

15:26b.MAT.015.026 Jesús cutipasha nica: Mana valinzhu churiuna tandara ichilla allcuunama shitangaj.

15:27b.MAT.015.027 Huarmiga: Ari, Señor, nica, shinajllaira ichilla allcuuna mesamanda urmaj puchuunara micunaun.

15:28b.MAT.015.028 Shinajpi Jesús cutipaca: Huarmi, nisha, shinzhirami quiriungui. Can munashcasna rashca tucuchu. Chi horasmanda ushushi aliyashca aca.

15:29b.MAT.015.029 Chimanda pasasha, Jesús Galilea lamar rayama shamuca. Urcuma sicasha chihui tiarica.

15:30b.MAT.015.030 Ashca runauna paihuajma shamunauca, paigunahua anga changaunara, ñausaunara, shimi upaunara, pullu maquiunara, ashca shu ungushcaunaras pushamunauca.

15:31b.MAT.015.031 Shinasha, taucariai runauna manzharinauca, shimi upauna rimashcara, pullu maquiunara alichishcaxa, anga changauna purishcara, ñausauna ricushcaras ricusha. Israelba Diosta alabanauca.

15:32b.MAT.015.032 Jesús pai yachachishca runaunara cayasha nica: Runaunamanda llaquirini. Ña quinsa punzha ñucahua tianaushca. Micuna illan. Paigunara mana micujta cachañara mana munanichu, ama yarcaihua huañunauchu ñambii.

15:33b.MAT.015.033 Shinajpi yachachishca runauna paita ninauca: ¿Maimanda cai tupu tandaunara charishun casna runa illashca partii, cai tucui runaunara sajsajta carangaj?

15:34b.MAT.015.034 Jesús paigunara nica: ¿Masna tandara charinguichi? Canzhista, ninauca, ansalla aichahuaunandi.

15:35b.MAT.015.035 Runaunara allpai tiaringaj mandaca.

15:36b.MAT.015.036 Chi canzhis tandara aichahuaras apisha, Diosta agrasicami, tandara particami. Yachachishca runaunama cuca, paigunas runaunama caranauca.

15:37b.MAT.015.037 Tucui sajsajta micunauca. Puchujgunara canzhis atun tasa undajta tandachinauca.

15:38b.MAT.015.038 Micujguna chuscu huaranga cariuna anauca, huarmiras huahuaras mana yupashca anauca.

15:39b.MAT.015.039 Shinajpi runaunara dispirishca huasha, Jesús canoai icusha, Magdala nishca partima shamuca.

16

16:1b.MAT.016.001 Fariseoguna saduceogunandi shamunauca Jesusta tentangaj. Ricuchihuai, ninauca, shu ahua pachamanda munanaita ricurinara.

16:2b.MAT.016.002 Jesusga cutipasha nica: Tutayaupi ninguichi: Cielo pucayaun, ali punzha tucungami.

16:3b.MAT.016.003 Tutamandaga: Tamiangami raun, ninguichi, puyu pucayajpi. ¡Ishqui shimiyujguna! Cieloi ricurishcara ricsinguichi, astaun cai tiempoi tucushcaunara mana ricsinguichichu.

16:4b.MAT.016.004 Manali shujhua tacarisiqui miraiguna, munaita ricurinara ricuchihuai, ninaun; shinajllaira ricurinara mana ricuchishcachu anga. Diosmanda rimaj Jonasmanda ricurinallara ricuchishca anga. Paigunara saquisha rica.

16:5b.MAT.016.005 Lamar chimba partima pai yachachishca runauna pactai rishaga, tandara apamunara cungarinaushca aca.

16:6b.MAT.016.006 Jesús paigunara nica: Cuiraichi, fariseoguna saduceoguna tandara rana punguichina polvomanda.

16:7b.MAT.016.007 Yachachishca runaunaga paigunapura iyasha ninauca: Ñucanchi tandara mana apamushcamandami casna rimaun.

16:8b.MAT.016.008 Jesús caita intindiusha, paigunara nica: Ansalla quirij runauna, ¿imarasha canguna shungüi iyaunguichi, tandara mana charinchichu? nisha.

16:9b.MAT.016.009 ¿Manzhu intindinguichi? ¿Manzhu iyaringuichi pichca tandahuara, pichca huarangapura micushcara, imasna suru tasara puchujta tandachicanguichi?

16:10b.MAT.016.010 ¿Manzhu iyaringuichi chi canzhis tandahuara, chuscu huaranga runapura micushcara? ¿Shinajpi, masna atun tasara puchujta tandachicanguichi?

16:11b.MAT.016.011 ¿Imarashara mana intindihuacanguichi ñuca rimashcara? Mana tandamandachu aca ñuca cangunara rimashca: fariseoguna saduceoguna tandara rana punguichina polvomanda cuiraichi, nicani.

16:12b.MAT.016.012 Shinajpi intindinauca, pai mana rimacachu micuna tandara rana polvomanda cuiranara, astaun fariseoguna saduceoguna yachachishca shimiunamanda cuiranara.

16:13b.MAT.016.013 Jesús Filipo Cesárea nishca partima shamusha, pai yachachishca runaunara tapuca: Runauna ¿pimi nisha ninaundai Runa Churira?

16:14b.MAT.016.014 Paiguna cutipanauca: Huaquinguna Bautisaj Juanmi ninaun, shujgunaga Elíasmi, chishujguna Jeremíasmi, shu Diosmanda rimaj chari, ninaun.

16:15b.MAT.016.015 Jesús paigunara nica: Cangunaga, ¿pimi nishara iyanguichi ñucara?

16:16b.MAT.016.016 Simón Pedro cutipasha: Can Cristomi angui, causaj Diospa Churi, nica.

16:17b.MAT.016.017 Shinajpi Jesús paita cutipasha nica: Cushimi angui can, Jonaspa churi Simón. Mana aichachu, mana yahuarchu caita canda ricuchishca, astaun ñuca ahua pachai tiaj Yaya, paimi canda ricuchica.

16:18b.MAT.016.018 Ñucas canda nini: Can Pedro nishca angui. Cai peñas ahuai ñuca iglesiara sicachishami. Ucu pacha ushaiguna paita mana vencinaungachu.

16:19b.MAT.016.019 Ahua pacha mandana llaveunara cuenta canda ctishami. Tucui imaras cai pachai can huatajpi, ahua pachais huatashca anga. Tucui imaras cai pachai can pascajpi, ahua pachais pascashca anga.

16:20b.MAT.016.020 Shinajpi Jesús pai yachachishca runaunara mandaca: Pitas ama cuentaichichu ñuca Jesús Cristomi ani nishcara.

16:21b.MAT.016.021 Chi horasmanda Jesús pai yachachishca runaunara cuentangaj callarica: Ministirinmi, nisha, ñuca Jerusalenma ringaj. Chihui rucuuna, sacerdote atun apuuna, yachaira yachachijgunas ñucara ashcara tormendachinaunga, ñucara huañuchinaunga; quinsa punzhaiga causarisha.

16:22b.MAT.016.022 Shinajpi Pedro paita shujma pushasha, paita camachingaj callarica: Señor, nisha, canllarara llaquipai, ama canhua casna tucuchu.

16:23b.MAT.016.023 Jesusga voltiarisha Pedrora nica: ¡Ñuca ñaupajmanda anzhuri, Satanás! Ñucara nijtachisha iyaungui, Diospajgunara mana ricusha, astaumbas runajgunallara ricungui.

16:24b.MAT.016.024 Shinajpi Jesús pai yachachishca runaunara nica: Pihuas ñucallara catisha nisha, Mana imaschu ani, nichu, paihua cruzta aparisha, ñucara catimuchu.

16:25b.MAT.016.025 Maicans paihua causaira quishpichisha nisha, causaira pirdingami. Maicambas paihua causaira pirdisha ñucaraigumanda, causaira taringami.

16:26b.MAT.016.026 ¿Imajta valingai runara entero mundura ganashas, paihua almara pirdijpi? ¿Ima paganarara cungai shu runa paihua almamanda?

16:27b.MAT.016.027 Ñuca, Runa Churi nishca, ñuca Yaya sumajhua paihua angelgunahua pariju shamushami. Chi horasllaira caran dueñora pagashami, caran dueño rashca tupura.

16:28b.MAT.016.028 Cierto pacha cangunara nini, huaquinguna caibi tiajguna huañunara mana gustanaungachu Runa Churira paihua mandana pachai shamujta ricunagama.

17

17:1b.MAT.017.001 Socta punzha huasha, Jesús Pedrora, Santiagora, paihua uqui Juandas pushaca shu atun urcu pundama.

17:2b.MAT.017.002 Chihui, paiguna ñaupajpi, Jesús shu tono ricurij tucuca. Paihua ñahui indisna chiujlla ricurica. Paihua churana rasu cuenta yurajlla tucuca.

17:3b.MAT.017.003 Paigunajma ricurimunauca Moisés Elíaspas, Jesushua rimasha.

17:4b.MAT.017.004 Shinajpi Pedro Jesusta: Señor, nica, alirami ñucanchi caibi tiangaj. Can munajpi, caibi quinsa huasihuara rashun: cambajta shuj, Moisespajta shuj, Elíaspajtas shuj.

17:5b.MAT.017.005 Pai rimaushcallai, shu chiujlla puyu paigunara quillpaca. Puyu ucumanda shu shimi uyarica: Caimi ñuca llaquishca Churi, paihuajpimi cushi ani, paita uyaichi, nisha.

17:6b.MAT.017.006 Yachachishca runauna caita uyasha tuama urmanauca, ashcara manzharinauca.

17:7b.MAT.017.007 Shinajpi Jesús llutarimusha, paigunara llangaca, Atarichi, nisha, ama manzhaichichu.

17:8b.MAT.017.008 Paiguna muyujta ricusha, pitas mana ricunaucachu, Jesusllara ricunauca.

17:9b.MAT.017.009 Urcumanda irgumusha, Jesús paigunara mandaca: Pitas ama rimaichichu cai ricushcara ñuca, Runa Churi nishca, huañushcaunamanda causarishca huashagama, nisha.

17:10b.MAT.017.010 Shinajpi yachachishca runauna paita tapunauca: ¿Imarasha ninaun yachaira yachachijguna, Elias ñaupa punda shamuna ministirin? nisha.

17:11b.MAT.017.011 Jesús cutipasha, paigunara nica: Cierto pacha Elias ñaupa punda shamungami tucuira alichingaj.

17:12b.MAT.017.012 Astaun cangunara nini, ña shamucami Elias. Paitaga mana ricsinaucachu, astaumbas runauna paiguna munaira paihua ranaucami. Shinallarami paiguna ñucara, Runa Churi nishcara, tormendachihuanaunga.

17:13b.MAT.017.013 Shinajpi yachachishca runauna Jesús Bautisaj Juanmanda paigunama rimashca ajta intindinauca.

17:14b.MAT.017.014 Runauna montonma pactamujpi, Jesuspajma shu runa shamusha, paihua ñaupajpi cungurica, paita nica:

17:15b.MAT.017.015 Señor, llaquipai ñuca churihuara, ura paita apin, ashcara tormendarin. Ashca cuti ninai urman, ashca cuti yacuis.

17:16b.MAT.017.016 Paita pushamucani can yachachishca runaunajma, randi paita alichinara mana ushanaucachu.

17:17b.MAT.017.017 Jesús cutipasha nica: ¡Mana pacha, mana quirij istu shungumanda miraiguna! ¿Imahorasgamara cangunahua tiaushairi? ¿Imahorasgamara cangunara ahuantashairi? Huahuara caima pushamichi.

17:18b.MAT.017.018 Jesús supaira piñaca. Supaiga huahuamanda llucshica. Huahua chi horasmanda pacha aliyashca aca.

17:19b.MAT.017.019 Yachachishca runauna Jesusma sapallai shamusha, paita ninauca: ¿Imaraigu mana ushacanchi chi supaira ichungaj?

17:20b.MAT.017.020 Jesús paigunara: Canguna ansalla quirishcamandami, nica. Cierto pacha cangunara nini, canguna quirina tupu shu ichilla tarpuna muyu tupu ajpi, canguna cai urcura: Caimanda chima pasai, ninguima; pasanmami aca. Imas cangunaj rai huajllami anga.

17:21b.MAT.017.021 Cai samiuna Diosta mañajllai sasijllai llucshinaun.

17:22b.MAT.017.022 Paiguna Galilea partii tiaushcai, Jesús paigunara nica: Runa Churi runauna maquii entregashcami anga.

17:23b.MAT.017.023 Paita huañuchinaungami, astaumbas quinsa punzha huasha causarimungami. Paiguna llaquirinauca ashcara.

17:24b.MAT.017.024 Paiguna Capernaum llactama pactamujpi, Pedrojma chi ishqui cullquira mañajguna shamunauca, paita ninauca: ¿Cangunara Yachachij cai ishqui cullquira manzhu pagangái?

17:25b.MAT.017.025 Paiga, Ari, nica. Huasii icujpi, Jesús ñaupa punda paita rimaca, nisha: ¿Imasnara iyangui, Simón? Cai pacha rey apuuna, ¿pimandara impuesto nishca cullquira apinaun? ¿Churiunamandachu, carumanda shamujgunamandachu apinaun?

17:26b.MAT.017.026 Pedroga paita: Carumandaunamandami, nisha cutipaca. Jesús paita: Shinajpi, churiuna mana paganachu, nica.

17:27b.MAT.017.027 Shinajllaira, paigunara ama piñachingaj, ri lamarma. Ansílui. Ñaupa apirij aichahuara api, paihua shimira pascai, shimi ucui ishquimanda pagana cullquira tupanguimi. Cullquira api, cuiri, ñucamandas canmandas.

18

18:1b.MAT.018.001 Chi horas, Jesús yachachishca runauna paihuajma shamunauca, ¿Pitai mas atun, ahua pacha mandanai? ninauca.

18:2b.MAT.018.002 Jesusga shu ichilla huahuara cayasha, Shami, nisha, paita paiguna chaupi shungüi shayachica.

18:3b.MAT.018.003 Cierto pacha cangunara nini, nica, canguna mana turcarisha, huahuaunasna tucusha, ahua pacha mandanai mana icunguichichu.

18:4b.MAT.018.004 Shinajpi, pi runas cai huahuasna mansoyasha, pai yali atunmi ahua pacha mandanai.

18:5b.MAT.018.005 Pis shu casna huahuara ñuca shutü chasquisha, ñucarami chasquin.

18:6b.MAT.018.006 Pis shu cai ñucajpi quirij ichilla huahuaunara uchai urmachijpi, astaun alimi anmaca shu atun cutana rumira paihua cungai huatasha, paita lamarbi pambachingaj.

18:7b.MAT.018.007 ¡Ayailla mundu urmachishcaunamanda! Urmachinauna shamungaj ministirin. Randi, ¡ayailla urmachij runa!

18:8b.MAT.018.008 Chiraigumanda camba maqui, camba chaqui canda urmachijpi, piti, ichui canmanda. Yali valin causaibi pullu maqui, pullu chaqui icungaj, astaun mana valin ishqui maquiyuj, ishqui chaquiyuj huiñaigama sindij ninai shitai tucungaj.

18:9b.MAT.018.009 Shinallara camba ñahui canda urmachijpi, llucchi, ichui canmanda, yali valin causaibi icungaj shu ñahuillahua, astaun mana valin ishqui ñahuihua ucu pacha ninai shitai tucungaj.

18:10b.MAT.018.010 Ricuichi ama pishü churaichichu shuj cai ichilla huahuaunamanda. Cangunara nini, paiguna ahua pachai tiaj ángelguna tucui horas ñuca ahua pachai tiaj Yaya ñahuira ricunaun.

18:11b.MAT.018.011 Runa Churiga chingarishcara quishpichingaj shamuca.

18:12b.MAT.018.012 ¿Imara iyanguichi? Shu runa patsaj borregora charisha, shuj pirdirijpi, ¿manzhu chishu iscun chunga iscunda saquisha, urcuma ringa chingarishcara mascangaj?

18:13b.MAT.018.013 Borregora tarisha, cierto pacha cangunara nini, mas cushiyanga chi borregoraigumanda, chishu iscun chunga iscun mana chingarishcaunamanda yali.

18:14b.MAT.018.014 Shinami, camba ahua pachai tiaj Yaya mana munanzhu shujllas cai ichilla huahuaunamanda pirdiringaj.

18:15b.MAT.018.015 Shinasha, camba uqui canhua ucharajpi, ri, paita rimangui sapalla ashcai. Pai canda uyajpiga, camba uquira ganashcanguimi.

18:16b.MAT.018.016 Astaun pai canda mana uyajpiga, canhua pariju shujta ishquiras pushai, ishqui quinsa ricujguna shimimanda tucui rimashca shimi uyaringaj.

18:17b.MAT.018.017 Pai cangunara mana uyasha nijpiga, iglesiara cuentai. Pai iglesiara mana uyajpiga, paita ña shu yanga mana valij runa cuenta iyashca achu.

18:18b.MAT.018.018 Cierto pacha cangunara nini, tucui imaras canguna cai pachai huatajpi, ahua pachais huatashca anga; tucui imaras cai pachai pascajpis, ahua pachais pascashca anga.

18:19b.MAT.018.019 Cutillara cangunara nini, cangunamanda ishquindi cai pachai shinallara iyajpi, pariju imaras Diosta mañangaj, ñuca ahua pachai tiaj Yaya chita rangami.

18:20b.MAT.018.020 Maibís ishquipura asha, quinsapura ashas, ñuca shutii tandarimujpi, chihui tiasha ñuca paiguna chaupi shungüi.

18:21b.MAT.018.021 Shinajpi Pedro llutarímusha nica: Señor, ¿masna cuti ñuca uquira perdonashachu pai ñucahua ucharashcara? ¿Canzhis cutigama?

18:22b.MAT.018.022 Jesús paita nica: Mana ninichu canzhis cutigamalla, astaun canzhis chunga cuti canzhis cutigama.

18:23b.MAT.018.023 Chiraigumanda, ahua pacha mandana shu rey apu cuenta tucun, paita dibishcaunara alichisha nica paita sirvijgunahua.

18:24b.MAT.018.024 Dibira alichingaj callarijpi, shu runa shamuca chunga huaranga cullquira dibij.

18:25b.MAT.018.025 Cai runaraga, pagangaj mana ushajpí, paihua patrón paita catungaj mandaca, huarmindi churiunandi charishcaunandi, pai dibishcara pagangaj.

18:26b.MAT.018.026 Shinajpi chi sirvij runa, patromba ñaupajpi tuama urmasha, rugasha nica: Señor, chapahuapai ansallara, tucuira canda pagashami.

18:27b.MAT.018.027 Chi sirvijpa patrón, paita llaquisha, paita cacharica, tucuira paita perdonacami.

18:28b.MAT.018.028 Chi sirvij runa llucshishaga, shu paihua pariju sirvij runara tupaca, paita shu patsaj sucreshuara dibica. Paita shinzhira apica, cungara quihuichisha nisha raulla, Pagahuai, nica, dibishcara.

18:29b.MAT.018.029 Shinajpi chi paihua pariju sirvij, paihua chaquii tuama urmasha, rugasha nica: Chapahuapai ansallara, tucuira canda pagashami.

18:30b.MAT.018.030 Paiga mana munacachu, astaun runara chonda cularbi shitaca dibishcara pagangagama.

18:31b.MAT.018.031 Chishu paihua pariju sirvijguna shina tucushcara ricusha, ashcara llaquirisha, patrombajma cuentaj rinauca tucui tucushcara cuentangaj.

18:32b.MAT.018.032 Shinajpi patrón runara cayasha nica: Manali sirvij, tucui can dibishcara perdonacani, can ñucara rugashcaraigu.

18:33b.MAT.018.033 ¿Manzhu can shinallara canhua pariju sirvij runara llaquina macangui imasnara ñuca canda llaquicani?

18:34b.MAT.018.034 Shinajpi patrón piñarisha, chi runara entregaca livachijgunama, tucui pai dibishcara pagangagama.

18:35b.MAT.018.035 Shinallarami ranga ñuca ahua pachai tiaj Yaya cangunahua, canguna mana tucui shunguhua canguna uquiunara paiguna manali rashcaunara perdonajpi.

19

19:1b.MAT.019.001 Jesús cai shimiunara tucuchishca huasha anzhuricami Galilea partimanda; Judea partima rica, Jordan yacu chimbama.

19:2b.MAT.019.002 Ashca runauna paita catimunauca, tucuira alichicami.

19:3b.MAT.019.003 Shinajpi fariseoguna paihuajma shamusha, paita tentanauca, nisha: ¿Raihuajchu shu cari imaraigumandas paihua huarmira ichungaj?

19:4b.MAT.019.004 Jesús cutipasha nica: ¿Manzhu ricushcanguichi imasna runaunara ñaupa punda Rau paigunara cariras huarmiras rashcami.

19:5b.MAT.019.005 Paigunara nisha: Shu cari paihua yayara mamaras saquingami, paihua huarmihua llutaringami, ishquindi shu aichalla tucunaungami?

19:6b.MAT.019.006 Shinajpi ña mana ishquichu tucunaun astaun shu aichalla. Chimanda, Dios llutachishcara runa ama llushpichichu.

19:7b.MAT.019.007 Paita ninauca: Shinasha, ¿Imaraigu Moisés mandaca maqui llushpichina quillcara cungaj, huarmira ichungaj?

19:8b.MAT.019.008 Jesús nica: Canguna shungu shinzhi ashcaraigu Moisés lugarda cuca canguna huarmiunara ichungaj, astaun callari horaspi mana shinachu aca.

19:9b.MAT.019.009 Maspas cangunara nini, maican runa paihua huarmira ichusha, mana shujhua tacarishca raigumanda ajpi, shu huarmihua casarasha, shujhua tacarij runa tucun, shinallara ichushca huarmihua casaraj runa shujhua tacarij tucun.

19:10b.MAT.019.010 Yachachishca runauna Jesusta ninauca: Shu cari paihua huarmihua shina ajpi, mana valinzhu casarangaj.

19:11b.MAT.019.011 Shinajpi Jesús paigunara nica: Mana tucui runa cai shimira chasquinara ushan, astaun cushcaunamalla.

19:12b.MAT.019.012 Eunucos nishca mana casarana ushaj runauna tianaun, huaquinguna casnami pagarinaushca mama icsamanda pacha, shujguna casnami anaun runa rashcamanda, shujgunaga casnami tucunaun paiguna quiquin munaimandallara, ahua pacha mandanaraigumanda. Caita chasquinara ushaj runa chasquichu.

19:13b.MAT.019.013 Shinajpi paihuajma pushamunauca ichilla huahuaunara, Jesús paihua maquira paiguna ahuai churangaj, Diosta manangajpas. Yachachishca runaunaga paigunara piñanauca. 14 Jesusga: Huahuaunara lugarda cuichi ñucama shamungaj, nica, ama arcaichichu paigunara. Casna huahuaunajmi ahua pacha mandana.

19:15b.MAT.019.015 Paihua maquiunara huahuauna ahuai churashca huasha, ricami chi llactamanda.

19:16b.MAT.019.016 Shinajpi shu runa Jesusma shamuca, paita nica: Ali Yachachij, ¿Ima alirara rashairi huiñai causaira charingaj?

19:17b.MAT.019.017 Jesús paita nica: ¿Ima rasha ñucara ali nisha rimahuangui? Pihuas mana alichu, Diosllami ali. Randi, causaima icusha nijpi, mandamientos nishca camachishca shimiunara huacachi.

19:18b.MAT.019.018 Runaga paita: ¿Maicangunaraga? nica. Jesús cutipaca: Ama huañuchichu, ama shujhua tacarichu, ama shuhuaichu, ama llullaichu shujgunamanda.

19:19b.MAT.019.019 Yayaras mamaras llaquina mangui, camba rayai tiaj runara can quiquindasna llaquina mangui.

19:20b.MAT.019.020 Malta runa paita nica: Cai tucuira rashcani huahuamanda pacha. ¿Imara chara pishin?

19:21b.MAT.019.021 Jesús paita nica: Can cierto ali sumaj tucusha nijpi, ri, charishcara catui, tsuntsuunama cuyai, maspas valijgunara ahua pachai charinguimi. Shami, catihuai ñucara.

19:22b.MAT.019.022 Maltaga cai shimira uyasha, llaquirisha rica, ashca charij asha.

19:23b.MAT.019.023 Shinajpi Jesús pai yachachishca runaunara nica: Cierto pacha cangunara nini, tormendosmi shu charij runa ahua pacha mandanai icungaj.

19:24b.MAT.019.024 Cutillara cangunara nini: Shu camello nishca tormendariushas shu tupulli uctura pasangallami, randi shu charijga astaun yali tormendoshua Dios mandana pachama icungami.

19:25b.MAT.019.025 Pai yachachishca runauna caita uyasha, ashcara manzharinauca, casna nisha: ¿Pita quishpinara ushangairi?

19:26b.MAT.019.026 Jesús paigunara ricusha nica: Runaunahua mana raihuajchu yachin, astaun Dioshua tucui raihuajllami.

19:27b.MAT.019.027 Shinajpi Pedro paita nica: Ñucanchiga tucuira saquisha, canda catimushcanchi, ¿imarara charishun ñucanchi?

19:28b.MAT.019.028 Jesús paigunara nica: Cierto pacha cangunara nini; tucuira alichina punzhai, ñuca, Runa Churi nishca, ñuca sumaj tiarinai tiarishca horas, canguna ñucara catimujguna shinallara chunga ishqui rey apu tiarinai tiarisha, Israel chunga ishqui aillura taripanguichimi.

19:29b.MAT.019.029 Maicambas huasiunara, uquiunara, paniunara, yayara, mamara, huarmira, churiunara, allpaunara saquishca ajpi ñuca shutimanda, patsaj cuti mas apingami, maspas huiñai causaira charingami.

19:30b.MAT.019.030 Randi, ashca ñaupa punda ajguna puchucaiguna tucunaungami, ashca puchucaiguna ñaupajgunami tucunaunga.

20

20:1b.MAT.020.001 Ahua pacha mandana shu runa cuentami. Tutamandara llucshica tarabajgunara apingaj, paihua uvillas chagrai tarabangaj.

20:2b.MAT.020.002 Tarabajgunahua shimira cushca ajpi chunga sucresta pagangaj caran punzha, runaunara uvillas chagrama cachaca.

20:3b.MAT.020.003 Las nueve tupui llucshisha, shujguna lugar ajgunara ricuca pulasai.

20:4b.MAT.020.004 Paigunara nica: Richi cangunas ñuca uvillas chagrama, cangunara ali tupura pagashami. Runauna rinauca.

20:5b.MAT.020.005 Cuti llucshica doce chaupi punzhai, shinallara las tres tupuis.

20:6b.MAT.020.006 Cutillara las cinco tupui llucshica. Chara huaquinguna lugar ajgunara tupaca. Paigunara nica: ¿Imaraigu caibi entero punzha lugar tiaunguichi?

20:7b.MAT.020.007 Paita ninauca: Pihuas mana tarabachishcaraigu, nisha. Runa paigunara: Richi cangunas chagrama, nica. Ali tupura pagashca anguichimi.

20:8b.MAT.020.008 Tutayaupi, las seis tucujpi, uvillas chagra dueño paihua mayordomora nica: Tarabajgunara cayai, paigunara shu punzha tarabashcara pagai, puchucai shamujgunahua callarijpi, ñaupa shamujgunagama.

20:9b.MAT.020.009 Shinajpi las cinco tupui shamujguna pactamujpi, caran dueño paihua chunga sucresta apica.

20:10b.MAT.020.010 Ñaupa shamujguna pactamujpi, mas cullquira apishunmi nisha iyanauca, astaun paigunas shinallara caran dueño chunga sucresta apinauca.

20:11b.MAT.020.011 Chillara apishaga, dueñora piñanauca.

20:12b.MAT.020.012 Ninauca: Cai puchucai horas shamujguna shu horasllara tarabanauca, shinajllaira ñucanchira pagashcasna pagashcangui. Ñucanchiga entero punzha rupaibi tarabashcanchi.

20:13b.MAT.020.013 Dueñoga paigunamanda shujta cutipasha nica: Amigo, ñuca canda manalira mana raunichu, ¿manzhu shimira cucani canda chunga sucresta pagangaj?

20:14b.MAT.020.014 Canga can ganashcara apisha ri. Ñuca cai huasha shamujta canda cushcasna cusha nini.

20:15b.MAT.020.015 ¿Manzhu raihuaj ñuca munashcara ñucajhua? ¿Canga chijnihuanguichu ñuca shungu ali ashcaraigu?

20:16b.MAT.020.016 Shinami, ñaupa ajguna puchucaiguna tucunaungami, puchucaiguna ñaupa ajgunami tucunaunga. Ashcami cayashcauna, randi ansallami ajliashcauna anga.

20:17b.MAT.020.017 Jesús Jerusalenma sicasha, ñambii pai chunga ishqui yachachishca runaunara sapallama pushasha, paigunara nica:

20:18b.MAT.020.018 Ña Jerusalenma sicanchi. Ñucara, Runa Churi nishcara, entregahuanaunga sacerdote apuunama yachaira yachachijgunamas. Huañuchihuanaungami.

20:19b.MAT.020.019 Ñucara gentilgunama entreganaungami burlangaj, azutingaj, chacatangaj. Astaumbas quinsa punzhai causarishami.

20:20b.MAT.020.020 Shinajpi Zebedeo churiuna mama llutarimuca, churiunandi, Jesuspa ñaupajpi tuama urmasha paita imaras mañangaj.

20:21b.MAT.020.021 Jesús paita: ¿Imara ningui? nisha tapuca. Paiga: Mandangui, nica, can mandana pachai cai ñuca ishqui churiuna canhua tiarinauchu, shuj ali partima shujga lluqui maqui partima,

20:22b.MAT.020.022 Shinajpi Jesús cutipasha nica: Canguna mañashcara mana yachanguichichu. ¿Ushanguichichu ñucara cushca vasora cuenta upingaj? ¿Ushanguichichu ñucara cushca bautisanahua cuenta bautisaringaj? Paiguna: Ushanchimi, ninauca.

20:23b.MAT.020.023 Jesús paigunara: Cierto pacha, nica, canguna ñuca vasora cuenta upinguichimi, ñuca bautisanahua cuenta bautisaringuichimi, randi ñuca ali partima ñuca lluqui partima tiarinara mana ñuca cunachu, astaun ñuca Yaya cunga pai ajllashcaunama.

20:24b.MAT.020.024 Chishu chungauna caita uyasha piñarinauca chi ishquiunahua.

20:25b.MAT.020.025 Shinajpi Jesús paigunara cayasha nica: Yachanguichi imasna llactauna gobernadorguna chi llactaunara mandanaun, atunguna shinallara mandanaun.

20:26b.MAT.020.026 Cangunahua mana shina tucungachu, astaun maicans atun tucusha nisha cangunara sirvij tucunga.

20:27b.MAT.020.027 Maicans cangunamanda ñaupa aj tucusha nisha, cangunara sirvij tucungami.

20:28b.MAT.020.028 Imasna ñuca, Runa Churi nishca, mana shamucanichu sirvi tucungaj, astaumbas sirvingaj shamucani, shinallara ñuca causaira cungaj ashcaunara randingaj.

20:29b.MAT.020.029 Paiguna Jericó llactamanda llucshijpi, ashca runauna catimunauca.

20:30b.MAT.020.030 Ishqui ñausa runauna, nambí rayai tiajguna, Jesús pasangaraushcara uyasha, caparisha ninauca: ¡Señor, Davidpa Churi, llaquihuapai ñucanchira!

20:31b.MAT.020.031 Runaunaga paigunara piñanauca, chunlla tucungaj nisha. Astaun paiguna mas caparinauca: ¡Señor, nisha, Davidpa Churi, llaquihuapai!

20:32b.MAT.020.032 Jesusga shayarisha, paigunara cayasha nica: ¿Imara raí ninguichira cangunahua?

20:33b.MAT.020.033 Paiguna: Señor, ñahuira pascahuapai, ninauca.

20:34b.MAT.020.034 Shinajpi, Jesús llaquirisha, ñahuira llangaca; chi ratollaira ricunauca, paita catimunauca.

21

21:1b.MAT.021.001 Paiguna ña Jerusalenda mayanllayausha, Betfagé nishca ichilla llactama pactamunauca, Olivos nishca urcu rayai, Jesús shu ishqui pai yachachishca runaunara cachaca.

21:2b.MAT.021.002 Paigunara nica: Richi chimbai tiaj ichilla llactama. Chihui shu burro huatashcara tupanguichimi, paihua huahuandi. Pascaichi burrora, ishquindira pushamichi.

21:3b.MAT.021.003 Pihuas cangunara rimajpi, Señor ministinmi, ninguichi; shina nijpi uctalla cachamungami.

21:4b.MAT.021.004 Cai tucui tucuca Diosmanda rimaj rimashcara pactachingaj, pai casna nishca:

21:5b.MAT.021.005 Sion llactara rimaichi, Riqui, nisha, camba Rey Apu cambajma shamun, manso, burroi tiarisha, malta burro ahuai, shu cargara astaj burro huahuai.

21:6b.MAT.021.006 Yachachishca runauna rinauca, Jesús mandashcasna ranauca.

21:7b.MAT.021.007 Burrora paihua huahuandi pushamunauca, paiguna llachapaunara burro ahuai churanauca. Jesús chi ahuai tiarica.

21:8b.MAT.021.008 Ashca taucarimuj runauna paiguna llachapaunara mandanauca ñambii. Shujguna pangaunara yuraunamanda pitinauca, chigunaras ñambii mandanauca.

21:9b.MAT.021.009 Ñaupara rijguna huasha shamujgunas caparinauca: ¡Alabashca angui, Davidpa Churi! ¡Bendiciashcami Señorba shutii shamujta! ¡Alabashca angui ahua pachais!

21:10b.MAT.021.010 Jesús Jerusalembi icujpi, entero llacta turbarica, Caiga, ¿pitangai? nisha.

21:11b.MAT.021.011 Runauna ninauca: Caimi Diosmanda rimaj Jesús, Galileai tiaj Nazaretmanda.

21:12b.MAT.021.012 Jesús Diospa templo huasii icuca. Tucui temploi tiaj catujgunara randijgunaras canzhama ichuca, cullquira turcajguna mesaunara voltiachica, shinallara urpira catujguna tiarinara voltiachica.

21:13b.MAT.021.013 Paigunara nica: Quillcashcami tian: Ñuca huasi Diosta mañana huasi nishcami anga. Astaun cangunaga shuhuajguna uctura rashcanguichi.

21:14b.MAT.021.014 Paihuajma, templo huasima, ñausauna anga changaunas shamunaucami. Jesús paigunara alichica.

21:15b.MAT.021.015 Astaumbas sacerdote apuuna yachaira yachachijgunas Jesús munanaita rashcaunara ricusha, huahuauna templo huasii caparishcara uyashas, ¡Alabashca angui, Davidpa Churi! nisha, piñarinauca.

21:16b.MAT.021.016 Paiguna Jesusta ninauca: ¿Uyanguichu paiguna nishcara? Jesús paigunara: Ari, nica, ¿manzhu imahoraspas ricushcanguichi: Huahuauna shimimanda, chuchujguna shimimandas alabanara alichishcangui?

21:17b.MAT.021.017 Jesús paigunara saquisha, llactamanda llucshica, Betania llactama risha, chihui tiauca.

21:18b.MAT.021.018 Cayandi tutamanda, Jesús llactama tigrasha yarcachica.

21:19b.MAT.021.019 Shu higo yurara ñambi rayai ricusha, yurama shamuca. Randi mana imaras tupacachu yurai, pangayujlla aca. Jesús yurara nica: Imahoraspas ama aparichu muyura. Chi ratollai higo yura chaquirica.

21:20b.MAT.021.020 Yachachishca runauna chita ricusha, manzharisha ninauca: ¿Ima rashara uctalla chaquirica higo yura?

21:21b.MAT.021.021 Jesús cutipasha nica: Cierto pacha cangunara nini, canguna quirisha, mana manzhashas, mana higo yurahua rashcasnallara ranguichima, astaun cai urcura: Anzhuri, lamarbi urmairi, nijpi, shina tucunmami.

21:22b.MAT.021.022 Imaras Diosta rugasha mañajpi, quirisha chasqumguichimi.

21:23b.MAT.021.023 Jesús templo huasima shamujpiga, sacerdote apuuna rucuunandi paihuajma shamunauca pai yachachiushca ratollai. Paita ninauca: ¿Pi mandajpira cai rashcaunara rangui? ¿Pita canda casna rangaj mandaca?

21:24b.MAT.021.024 Jesús paigunara cutipasha nica: Ñuca shinallara shu tapunara charini. Canguna ñucara cutipajpi, ñucas shinallara cangunara cuentashami pi mandajpira cai ranaunara rauni.

21:25b.MAT.021.025 Juamba bautisanaga, ¿maimandara acai? ¿Ahua pachamandachu aca, runaunamandachu aca? Shinajpi paigunapura rimananauca, casna nisha: Ñucanchi ahua pachamandami aca nijpiga, paimi ñinga: ¿Imarasha mana quiricanguichi?

21:26b.MAT.021.026 Ñucanchi, runaunamandami nijpiga runaunara manzhanchi, tucui runauna, Juan Diosmanda rimajmi ninaun.

21:27b.MAT.021.027 Jesusta cutipasha ninauca: Mana yachanchichu. Jesusga paigunara: Ñucas cangunara mana nishachu pi mandajpira ñuca cai rashcaunara rauni.

21:28b.MAT.021.028 Shinajllaira, ¿imasnara iyanguichi? Shu runa ishqui churiyuj aca. Yaya paihua ñaupa punda churima shamusha, paita nica: Churi, cuna punzha ri ñuca uvillas chagrai tarabangaj.

21:29b.MAT.021.029 Churiga: Mana munanichu, nica. Randi huasha arrepentirisha ricami.

21:30b.MAT.021.030 Yaya chishu churima shamusha, paita shinallara rimaca. Churi cutipasha paita nica: Ariu, señor, riunimi. Randi, mana ricachu.

21:31b.MAT.021.031 Cai ishqui churimanda, ¿maicanda paihua yaya munashcara pactachica? Cutipanauca, Ñaupa aj churi. Jesús paigunara nica: Cierto pacha cangunara nini, cullquira tandachij runauna shujhua tacarij huarmiunas cangunamanda ñaupara rinaun Dios mandana pachama.

21:32b.MAT.021.032 Cangunajma shamuca Juan, ali causanara yachachisha, paitaga mana quiricanguichi, astaumbas cullquira tandachij runauna shujhua tacarij huarmiunandi paita quirinaucami. Cangunaga caita ricusha, mana huasha arrepentiricanguichi paita quiringaj.

21:33b.MAT.021.033 Shu yachachingaj cuentanara uyaichi. Shu runa tiauca, uvillas chagrara tarpuca. Quinzhaca. Uvillasta chahuanara allaca. Huasira sicachica. Shu tarabajgunara pagara mañasha, chagrara mañachica. Caru llactama rica.

21:34b.MAT.021.034 Muyura pallana horas pactarijpi, sirvijgunara cachaca tarabajgunama, muyura apingaj.

21:35b.MAT.021.035 Tarabajgunaga sirvijgunara apisha, shujta sajmanauca, shujtaga huañuchinauca, shujtaga rumihua shitanauca.

21:36b.MAT.021.036 Cutillara sirvijgunara cachaca, ñaupa cachashcamanda yalira. Shinallara ranauca chigunaras.

21:37b.MAT.021.037 Puchucaibi, paihua churira cachaca, Ñuca churira manzhanaunga chari, nisha.

21:38b.MAT.021.038 Tarabajgunaga churira ricusha, paigunapura rimananauca: Caimi chagrara apiña churi. Acuichi, paita huañuchishunchi, paihua allpara apishunchi.

21:39b.MAT.021.039 Paita apisha, chagra canzhama ichunauca, huañuchinauca.

21:40b.MAT.021.040 Uvillas chagra dueño shamushaga, ¿Imara rangai chi tarabajgunahua?

21:41b.MAT.021.041 Paita ninauca: Manali rajgunara mana ansas llaquisha tucuchingami. Paihua uvillas chagrara shu tarabajgunama pagara mañasha mañachingami, pallana horaspi aparishcara cujgunama.

21:42b.MAT.021.042 Jesús paigunara: ¿Imahoraspas manzhu ricushcanguichi, nica, Quillcaunai: Sicachijguna mana munashca rumi ña istandi siqui rumi tucushcami. Caiga Señor rashcami, ñucanchi ñahuii manzhanaitami ricurin?

21:43b.MAT.021.043 Chiraigumanda cangunara nini, Dios mandana pacha cangunamanda quichushca anga, randi cushcami anga pai aparishcara aparíj runaunama.

21:44b.MAT.021.044 Maicans cai rumi ahuai urmasha, paquirishca anga; maican ahuais cai rumi urmasha, cuta cuta urmangami.

21:45b.MAT.021.045 Sacerdote apuuna fariseogunandi Jesús yachachingaj cuentanaunara uyasha, ñucanchimanda uyachishami riman nisha intindinauca.

21:46b.MAT.021.046 Randi, paita apishun nishallara, runaunara manzhanauca, paiguna Jesusta Diosmanda rimajmi, iyasha.

22

22:1b.MAT.022.001 Jesús paigunara cutipasha, cuti yachachingaj cuentanahua rimaca, nisha:

22:2b.MAT.022.002 Ahua pacha mandana shu rey apu cuentami ricurin, paihua churira istasha boraca.

22:3b.MAT.022.003 Paita sirvijgunara cachaca borama convirashcaunara cayangaj. Convirashcaunaga mana munanauca shamungaj.

22:4b.MAT.022.004 Shu sirvijgunara cuti cachaca: Convirashcaunara rimaichi, micuna ña puruntushcami, nisha; ñuca irayashca huagraunara, animalgunaras huañuchishcanchi, tucui ña alichishcami tucun, borama shamichi, nisha.

22:5b.MAT.022.005 Paigunaga mana uyasha ri pasanauca, shuj paihua hacindama, shujga paihua tiendama.

22:6b.MAT.022.006 Shujgunaga sirvijgunara apisha, piñasha huañuchinauca.

22:7b.MAT.022.007 Rey apu uyashaga piñarica, paihua soldarounara cachaca, huañuchijgunara huañuchinauca, paiguna llactara rupachinauca.

22:8b.MAT.022.008 Shinajpi sirvijgunara nica: Cierto pacha bora puruntushcami, astaun convirashcauna mana valijguna anaushca.

22:9b.MAT.022.009 Richi ñambiuna llucshinaunama, tucui chihui tiajgunara cayaichi.

22:10b.MAT.022.010 Sirvijguna ñambiunara rishaga, tucui tiajgunara tandachinauca, manaliunaras aliunaras. Bora huasi undajtami aca, ashca convirashcauna shamushcaraigu.

22:11b.MAT.022.011 Rey apu icucami convirashcaunara ricungaj. Chihui shu runara ricuca bora churanara mana churarishcara.

22:12b.MAT.022.012 Paita nica: Amigo, ¿imarasha caibi bora churana illaj icucangui? Runaga mana ansas cutipaca.

22:13b.MAT.022.013 Shinajpi rey apu sirvijgunara nica: Paita huataichi chaquiras maquiras. Canzhai llandu tutai shitaichi. Chihui llaqui huacana quiri mucunas tian.

22:14b.MAT.022.014 Ashcaunami cayai tucunaushca, ansallami ajllashcauna.

22:15b.MAT.022.015 Shinajpi fariseoguna rimanangaj rinauca, Jesusta ima shimiis apingaj, nisha.

22:16b.MAT.022.016 Paiguna yachachishca runaunara Herodianos nishcaunandi Jesuspajma cachanauca, paita nisha: Yachachij, can cierto shimira llaquij ajta ricsinchi, can Diospa nambira cierto pacha yachachingui, pi runaras mana manzhangui, runauna ricurinaras mana ricungui.

22:17b.MAT.022.017 Ñucanchira rimahuai, ¿Imara ningui? ¿Raihuajchu manzhu raihuaj impuesto nishca gobierno cullquira César apuma pagangaj?

22:18b.MAT.022.018 Jesusga paiguna manali iyaira yachasha nica: ¿Imaraigu tentahuanguichi, ishqui shimiyujguna?

22:19b.MAT.022.019 Shu impuesto pagana cullquira ricuchihuaichi. Paiguna shu denario nishca cullquira ricuchinauca.

22:20b.MAT.022.020 Shinajpi Jesús paigunara: ¿Pihuajtai cai ñahui, cai quillcashca? nica.

22:21b.MAT.022.021 Cesarbaj, ninauca. Jesusga paigunara: Cesarbajta Cesarma cuichi, Diospajta Diosma cuichi, nica.

22:22b.MAT.022.022 Caita uyasha manzharinauca, paita saquisha rinaucami.

22:23b.MAT.022.023 Chi punzha saduceo runauna Jesusma shamunauca. Paiguna causarina illanmi nijguna. Paita tapunauca:

22:24b.MAT.022.024 Yachachij, nisha, Moisés nica: Shu runa churi illaj huañujpi, paihua uqui huañuj runa huarmira casarachu, miraigunara sicachingaj uquijta.

22:25b.MAT.022.025 Ñucanchijpi canzhis uquipura tianauca. Ñaupa punda ajga casaraca, chi huasha churi illaj huañuca. Paihua huarmira uquima saquica.

22:26b.MAT.022.026 Shinallarami ishqui quinsa uquiuna, canzhis uqutgama, huarmira apinauca.

22:27b.MAT.022.027 Puchucaibi huarmis huañuca.

22:28b.MAT.022.028 Causarínaiga, ¿chi canzhismanda maicanda apingai caí huarmira, tucui uquiuna paita charishcaraigu?

22:29b.MAT.022.029 Shinajpi Jesús paigunara cutipasha nica: Pandaunguichi, Quillcashcaunara Diospa ushanaras mana yachasha.

22:30b.MAT.022.030 Causarinai mana casaranaungachu, shinallara mana casarachinaungachu, astaun Diospa ahua pachai tiaj angelguna cuenta tucunaungami.

22:31b.MAT.022.031 Randi, huañushcauna causarinamanda, ¿manzhu ricushcanguichi Quillcai Dios cangunama rimashcara, casna nisha:

22:32b.MAT.022.032 Ñuca Abrahamba Dios, Isacpa Dios, Jacobpa Dios ani? Diosga mana huañushcauna Dioschu an, astaun causajgunajmi.

22:33b.MAT.022.033 Runauna caita uyasha manzharinauca pai yachachishcamanda.

22:34b.MAT.022.034 Shinajpi fariseoguna, Jesús saduceogunara vencishcara uyasha, pariju tandarinauca.

22:35b.MAT.022.035 Paigunamanda shujga, ley shimira yachaj, paita tentasha tapuca:

22:36b.MAT.022.036 Yachachij, nica, ¿ley shimii, maicanda tucuimanda yali atun mandashca shimi?

22:37b.MAT.022.037 Jesús paita nica: Camba Señor Diosta llaquina mangui, entero shunguhua, entero almahua, entero iyaihua.

22:38b.MAT.022.038 Caimi ñaupa punda atun mandashca shimi.

22:39b.MAT.022.039 Chimanda huashalla mandashca shimi ñaupaj cuentallarami: Camba rayai tiaj runara canda llaquishcasna llaquinami angui.

22:40b.MAT.022.040 Cai ishqui mandashca shimiunamandami tucui camachishca shimiuna tucui Diosmanda rimajguna yachachishcaunas tucunaun.

22:41b.MAT.022.041 Jesús fariseogunahua pariju tiausha, paigunara tapuca:

22:42b.MAT.022.042 Cristomanda, ¿imara iyanguichi? nica. ¿Pihua churirai? Paiguna, Davidpa churimi, ninauca.

22:43b.MAT.022.043 Jesús paigunara nica: ¿Imasnara David Espiritui rimasha paita: Señor, nisha rimanzhu, casna nisha:

22:44b.MAT.022.044 Señor ñuca Señorda nica, ñuca ali maqui partii tiari, canda chijnijgunara camba chaqui ucui churanagama?

22:45b.MAT.022.045 David paita, Señor, nisha rimasha, ¿imasnajpira paihua churi tucun?

22:46b.MAT.022.046 Pihuas paita imaras cutipanara mana ushacachu. Chi punzhamanda pacha, pihuas paita imaras tapungaj mana iyaricachu.

23

23:1b.MAT.023.001 Shinajpi Jesús runaunaras pai yachachishca runaunaras rimaca, casna nisha:

23:2b.MAT.023.002 Yachaira yachachijguna fariseogunandi Moisés camachishcaunara yachachinaun.

23:3b.MAT.023.003 Shinajpi tucui paiguna pactachingaj rimashcaunara pactachichi, shinallara raichi, astaumbas paiguna rashcaunara ama raichichu. Paigunaga rimanaun, astaun mana ranaunzhu.

23:4b.MAT.023.004 Paigunaga llashaj tormendos cargaunara runauna huasha tullui huatanaun, randi paiguna ichilla rerollahuas mana munanaunzhu llangangaj.

23:5b.MAT.023.005 Astaun paiguna tucui rashcaunara runauna ricungajlla ranaunmi. Paiguna quillca churana cajitaunara atunyachinaun, paiguna churana punda tsiraspa tucushcara anzhuyachinaun.

23:6b.MAT.023.006 Micunaunai ali tiarinaunara munanaun, tandarina huasiunais ñaupa pundai tiarinaunara munanaun.

23:7b.MAT.023.007 Shinallara pulasaunai salurai tucunaunara munanaun, runauna paigunara: Yachachij, yachachij, rimai tucunara munanaun.

23:8b.MAT.023.008 Cangunaga ama munaichichu runauna cangunara, Yachachij, nii tucungaj. Shujllami cangunara Yachachij, pai Cristomi. Cangunaga uquipura anguichi.

23:9b.MAT.023.009 Ama pihuas, Ñuca yaya, nisha rimachu cai pachai. Shujllami canguna Yaya, paiga ahua pachaimi tiaun.

23:10b.MAT.023.010 Cangunaraga runauna ama, Yachachij, ninauchu. Shujllami cangunara Yachachij, paiga Cristomi.

23:11b.MAT.023.011 Cangunamanda yali runa, paiga cangunara sirvij achu.

23:12b.MAT.023.012 Maican runas paillarara ahuayachijpi, pishiyachishca anga. Maicambas paillarara pishiyachijpi ahuayachishca anga.

23:13b.MAT.023.013 Astaumbas, ¡Ayailla cangunamanda, yachaira yachachijguna, fariseoguna, ishqui shimiyujguna! Ahua pacha mandanara runaunajta ishcanguichi. Cangunas mana icunguichi, shinallara mana lugardas cunguichi icushun nijgunara.

23:14b.MAT.023.014 ¡Ayailla cangunamanda, yachaira yachachijguna, fariseoguna, ishqui shimiyujguna! Huaccha huarmiuna huasiunara tucuchinguichi, runauna uyangajlla unaira mañanguichi. Caimanda mas shinzhi causayachishca tucunguichimi.

23:15b.MAT.023.015 ¡Ayailla cangunamanda, yachaira yachachijguna, fariseoguna, ishqui shimiyujguna! Lamarda auparas puringuichimi shu runara cangunara catijta rangaj. Ña catijpi, paita huajlichinguichi cangunamanda ishqui cuti yali ucu pachama rijta ranguichi.

23:16b.MAT.023.016 ¡Ayailla cangunamanda, ñausa pushajguna! Shu runa templo huasi shutii shimira cujpi, yangami ran, ninguichi. Shu runaga templo huasii tiaj curimanda shimira cujpi, dibijmi tucun, ninguichi.

23:17b.MAT.023.017 ¡Upauna, ñausauna! ¿Imara yali valin, curichu, curira valichij templo huasichu?

23:18b.MAT.023.018 Shinallara: Pis altar shutii shimira cujpi, Yangami ran, ninguichi. Astaun pis altarbi tiaj sacrificio shutii shimira cujpi, dibijmi tucun, ninguichi.

23:19b.MAT.023.019 ¡Upauna, ñausauna! ¿Imara yali valin, sacrificiochu, sacrificiora valichij altarchu?

23:20b.MAT.023.020 Altar shutii shimira cujga, altarmandas tucui chihui ahuai tiajmandas shimira cunmi.

23:21b.MAT.023.021 Templo huasi shutii shimira cujga, templo shutüs, templo huasü Causaujpa shutüs shimira cunmi.

23:22b.MAT.023.022 Ahua pacha shutii shimira cujga, Diospa tiarina shutii tiarinai Tiarijpa shutüs shimira cunmi.

23:23b.MAT.023.023 ¡Ayailla cangunamanda, yachaira yachachijguna, fariseoguna, ishqui shimiyujguna! Shu chunga partira cunguichi micunai churana pangaunamanda, astaun ley shimimanda atun ranaunara saquinguichimi: alirana, llaquina, quirina. Caigunara rana aca, chishujgunara mana saquisha.

23:24b.MAT.023.024 ¡Ñausa pushajguna. Challunda shushunguichi, astaumbas camello nishcara nillpunguichi!

23:25b.MAT.023.025 ¡Ayailla cangunamanda, yachaira yachachijguna, fariseoguna, ishqui shimiyujguna! Vaso pulato huasha partira maillanguichi, astaumbas ucu shungüi shuhuanahua manali ranahuas undajtami anguichi.

23:26b.MAT.023.026 ¡Ñausa fariseo runa! Ñaupa punda vasomanda pulatomanda ucu partira pichairi, huasha partis shinallara pichairi, huasha partís shinallara pichashca achu.

23:27b.MAT.023.027 ¡Ayailla cangunamanda, yachaira yachachijguna, fariseoguna, ishqui shimiyujguna! Yurajlla pintashca pambana uctuuna cuenta anguichi. Cierto pacha canzhamanda sumajlla ricurinaun, astaun ucui huañushcauna tulluhua ima ismushcahuas undashcami anaun.

23:28b.MAT.023.028 Shinallarami canguna, canzhamanda ricujpi, ali runaunasna ricuringuichi, astaun shungu ucui manalihua, manali iyaihuas undarishcami anguichi.

23:29b.MAT.023.029 ¡Ayailla cangunamanda, yachaira yachachijguna, fariseo guna, ishqui shimiyujguna! Diosmanda rimajguna pambana huasiunara sicachinguichi, ali runaunara iyarichina rumiunaras sumacyachinguichi.

23:30b.MAT.023.030 Shinallara ninguichi: Ñucanchiga ñucanchi yayauna causaushca tiempoi causaushca ashaga, mana rai macanchi paiguna rashcaunara, Diosmanda rimajguna yahuarda talisha. 3! Shina rimasha ricuchinguichi canguna quiquingunamanda, canguna chi Diosmanda rimajgunara huañuchijguna quiquin churiuna anguichimi.

23:32b.MAT.023.032 ¡Cangunas canguna yayauna rashca tupura undachichi!

23:33b.MAT.023.033 ¡Machacuiguna, pitalalamanda miraiguna! ¿Imara rashara ucu pachama rinamanda quishpinguichi?

23:34b.MAT.023.034 Chiraigumanda ñuca cangunama Diosmanda rimajgunara, yachajgunara, yachaira yachachijgunara cachauni. Paigunamanda huaquingunara huañuchinguichimi, huaquingunara chacatanguichimi, shujgunara azutinguichimi canguna tandarina huasiunai, shu llactamanda shu llactagama cachanguichimi.

23:35b.MAT.023.035 Casna ranguichimi canguna ahuai tucui ali runa yahuar urmangaj ali causaj Abel yahuarmanda Berequías churi Zacarías yahuargama, paita templo huasihua altarhua chaupi shungüi huañuchishcanguichimi.

23:36b.MAT.023.036 Cierto pacha cangunara nini, cai tucui shamungami cai miraigunama.

23:37b.MAT.023.037 ¡Jerusalén, Jerusalén, Diosmanda rimajgunara huañuchij, canma cachashca runaunara rumihua shitaj! ¡Masna cuti canguna churiunara tandachisha nicani, imasna shu atallba paihua huahuaunara rigra panga ucui tandachin, randi mana munacangui!

23:38b.MAT.023.038 Camba huasi ña chunlla saquishcami.

23:39b.MAT.023.039 Cuna horasmanda ñucara mana ricuhuanguichichu canguna casna rimanagama: Bendiciashcami Señorba shutii shamujta, nisha.

24

24:1b.MAT.024.001 Jesús templo huasímanda llucshisha riupi, pai yachachishca nmauna paihuajma shamunauca, templo huasiunara paita ricuchingaj.

24:2b.MAT.024.002 Jesús cutipasha nica: ¿Cai tucuira ricunguichichu? Cierto pacha cangunara nini, caibi mana shu rumis shuj ahuai saquiringachu, tucui tulashcami anga.

24:3b.MAT.024.003 Jesús Olivos nishca urcui tiarisha, pai yachachishca runauna paihuajma shamunauca sapallai. Paita ninauca: Cuentahuai, nisha, ¿imahoras caiguna tucunaungairi? ¿Imara ricuringairi can shamunai, cai tiempouna tucurinais?

24:4b.MAT.024.004 Jesús cutipasha nica: Cuiraichi pihuas cangunara ama umachingaj.

24:5b.MAT.024.005 Ashcauna ñuca shutii shamunaungami, Ñucami Cristo ani, nisha. Shina nisha rimasha, ashcaunara umachinaungami.

24:6b.MAT.024.006 Guerraunara, guerra shimiunaras uyanguichimi. Pacta turbaringuichimara. Ministirinmi casna tucungaj. Shina ajllaira charajmi tucurina horas.

24:7b.MAT.024.007 Shu llacta shu llactahua ataringa, shu rey apu shu rey apuhua. Llaqui ungüiguna, yarcaiguna, allpa cuyunauna huaquin partiunai tiangami.

24:8b.MAT.024.008 Tucui caigunahua tormendarinauna callarinaungami.

24:9b.MAT.024.009 Chi horas cangunara tormendachingaj entreganaungami, huañuchinaungami, tucui runauna cangunara chijninaungami, ñuca shutimanda.

24:10b.MAT.024.010 Chi tiempounai ashcauna nijtasha urmanaungami, shujguna shujgunara entreganaungami, shujguna shujgunara chijninaungami.

24:11b.MAT.024.011 Ashca llullasha rimajguna atarinaungami, ashcaunara urmachinaungami.

24:12b.MAT.024.012 Manalirana mirarishcamanda, ashca runauna llaquij shungu chiriyangami.

24:13b.MAT.024.013 Randi, puchucaigama ahuantaj runa quishpichi tucungami.

24:14b.MAT.024.014 Cai Dios mandana pacha evangelio nishca ali shimi entero mundui camachishca anga, tucui llactaunama. Chihuasha tucurina horas pactamunga.

24:15b.MAT.024.015 Chiraigumanda, imahoras Lugar Santo nishcai Dios chijnishcara ricunguichimi, Diosmanda rimaj Daniel quillcashcasna, (ricuj runa intindichu),

24:16b.MAT.024.016 shinajpi chi horasllai, Judeai tiajguna urcuunama miticunauchu.

24:17b.MAT.024.017 Huasi ahuai tiajga ama irguchu huasimanda imaras apingaj.

24:18b.MAT.024.018 Chagrai tiajga ama tigrachu llachapara apingaj.

24:19b.MAT.024.019 ¡Ayailla, icsayujguna, chuchuchijgunas, chi punzhaunai!

24:20b.MAT.024.020 Rugaichi canguna miticuna horas ama tamiai tucungaj, ama samana punzhais.

24:21b.MAT.024.021 Chi horas atun tormendarina tiempo tiangami, callari horasmanda pacha mana casna tucushca aca, cuna horasgamas, huiñaigamas.

24:22b.MAT.024.022 Chi punzhauna mana curuyashca ajpiga, pihuas mana quishpinmaca. Astaun ajllashcauna raigumanda chi punzhauna curuyashca anaunga.

24:23b.MAT.024.023 Shinajpi maicans canda: Ricuichi, caibimi Cristo; ricuichi, chihuimi Cristo, ninaupi, ama quiringuichichu.

24:24b.MAT.024.024 Llulla Cristo nishcauna, llullasha rimajgunas atarinaungami. Atun ricurinaunara, munanaita ranaunaras ranaungami. Ajllashcaunaras shinallara umachi tucunaungami usharijpiga.

24:25b.MAT.024.025 Ña, ñaupa horasmanda cangunara rimashcani.

24:26b.MAT.024.026 Shinajpi runauna cangunara: Ricuichi, pai runa illashca partii tiaun, nijpi, ama llucshichichu. Runauna: Ricuichi, pacalla ucuunaimi tiaun, nijpis, ama quirichichu.

24:27b.MAT.024.027 Imasna rayo indi llucshinamanda llucshisha, indi icunagama ricurin, shinallarami tucunga Runa Churi shamunai.

24:28b.MAT.024.028 Maibi huañushca aicha sirijpi, chihui illahuangauna tandarimunaungami.

24:29b.MAT.024.029 Chi tormendarina punzhauna pasashcallai, indi llanduyangami, quillas mana punzhayachingachu. Estrellasguna ahuamanda urmanaungami. Ahua pachai tiau ushanauna cuyuchishca anaungami.

24:30b.MAT.024.030 Chi horas, Runa Churi ricurina ahua pachai ricuringami. Tucui cai pacha ailluuna huacanaungami; ñuca, Runa Churi nishca, ahua pacha puyuunai shamujta shinzhi ushanahua atun sumajhuas ricunaungami.

24:31b.MAT.024.031 Paihua angelgunara atun cormeta shinzhi uyaríshcahua cachamungami. Pai ajllashcaunara tandachingami chuscu huaira shamuna partimanda, ahua pacha caru pundamanda chishu caru pundagama.

24:32b.MAT.024.032 Higo yuramanda yachachingaj cuentanara yachaichi: Imahoras paihua pallca ña llulluyaupi, pangaunas llucshinaupi, yachanguichi rupai tiempo ña mayanllayaunmi.

24:33b.MAT.024.033 Shinallara cangunas imahoras cai tucui pactariupi ricusha, ña yachaichi pai mayanllaimi tiaun, pungu rayallai.

24:34b.MAT.024.034 Cierto pacha cangunara nini, cuna horas miraiguna manara pasajllaira, cai tucui pactaringami.

24:35b.MAT.024.035 Ahua pachas cai pachas pasanaungami, astaun ñuca rimashca shimiuna mana pasanaungachu.

24:36b.MAT.024.036 Randi, chi punzharaga, chi horastaga, pi runas pi ahuamanda angelgunas mana yachanaunzhu, ñuca Yayallami yachan.

24:37b.MAT.024.037 Astaun imasna tucuca Noé causaushca punzhaunai, shinallarami tucunga Runa Churi shamunai.

24:38b.MAT.024.038 Imasna aca yacu izhu manara shamujllaira, runauna micunauca, upinauca, casaranauca, casarachinauca, Noé barcoi icuna punzhagama,

24:39b.MAT.024.039 imasna mana intindinauca yacu izhu shamunagama, tucuira apaca; shinallarami anga Runa Churi shamunai.

24:40b.MAT.024.040 Chi horasllaira ishqui runa chagrai tianaunga, shuj apashca anga, shujga saquishca anga.

24:41b.MAT.024.041 Ishqui huarmi cutanaunga cutana rumii, shuj apashca anga, shujga saquishca anga.

24:42b.MAT.024.042 Ricusha chapaichi, mana yachanguichichu canguna Señor shamuna horasta.

24:43b.MAT.024.043 Astaun caita yachaichi, shu huasi dueño shuhuaj runa shamuna horasta yachasha, chapanma chi runa ama icungaj huasii.

24:44b.MAT.024.044 Chiraigumanda cangunas puruntuichi, Ñuca, Runa Churi nishca, canguna mana iyaushca horaspi shamushallami.

24:45b.MAT.024.045 ¿Pitangai ali llaquij iyaiyuj sirvijga, paihua patrón huasira cuirangaj churaca, chihui ajgunara ali horaspi carangaj?

24:46b.MAT.024.046 Cushimi casna sirvij, patrón shamusha paita shina rauta tupanma.

24:47b.MAT.024.047 Cierto pacha cangunara nini, pai tucui charishcara cuirangaj paita cungami.

24:48b.MAT.024.048 Randi, chi manali sirvij runa paihua shungüi: Ñuca patrón unaiyaunmi tigrangaj, nisha,

24:49b.MAT.024.049 paihua pariju sirvijgunara sajmangaj callarijpi, machajgunahua micungaj upingajpas callarijpi,

24:50b.MAT.024.050 chi sirvijpa patrón shamungami pai mana chapaushca punzhai, pai mana yachashca horaspi.

24:51b.MAT.024.051 Paita shinzhira livachingami, ishqui shimiyujgunajma cachangami; chihuimi llaqui huacana quiru mucunas tian.

25

25:1b.MAT.025.001 Shinajpi ahua pacha mandana chunga huanra huarmiuna cuenta ricurijmi anga. Huarmiuna paiguna vela puruunara apisha, carira tupangaj llucshinauca.

25:2b.MAT.025.002 Paigunamanda, pichca iyaiyujguna anauca, chishu pichcaga upauna.

25:3b.MAT.025.003 Upauna paiguna vela purura yacu illajta apanauca.

25:4b.MAT.025.004 Iyaiyujgunaga sindina yacura butii apanauca velahua pariju.

25:5b.MAT.025.005 Cari unaiyajpi, tucui puñunaipi puñunauca.

25:6b.MAT.025.006 Chaupi tutai shu shimi caparishca uyarica: ¡Cari shamuun, nisha, llucshichi paita tupangaj!

25:7b.MAT.025.007 Shinajpi tucui chi huanra huarmiuna lliccharinauca, vela puruunara alichinauca.

25:8b.MAT.025.008 Upaunaga iyaiyujgunara ninauca: Yacura cuhuai ñucanchi vela puruuna huañurinaunmi.

25:9b.MAT.025.009 Iyaiyujgunaga cutipasha ninauca: Ñucanchi yacu mana durangachu ñucanchijtas cangunajtas. Richi catujgunara randingaj canguna quiquimbajta.

25:10b.MAT.025.010 Paiguna randingaj riushcallai, cari shamuca. Puruntushcauna paihua pariju borai icunauca. Pungura ishcanauca.

25:11b.MAT.025.011 Huasha chishuj huanra huarmiunas shamunauca, Señor, Señor, pungura pascapai, nisha.

25:12b.MAT.025.012 Paiga cutipasha nica: Cierto pacha cangunara nini, Mana ansas ricsinichu cangunara.

25:13b.MAT.025.013 Ricusha chapaichi, Runa Churi shamuna punzhara pai shamuna horastas mana yachanguichichu.

25:14b.MAT.025.014 Ahua pacha gobierno shu runa cuentami. Pai carama ringarausha, sirvijgunara cayausha, pai charishcaunara paiguna maquiunai saquica.

25:15b.MAT.025.015 Shujma pichca talento nishca cullquira cuca, shujma ishquira, shujmas shujllara, caran dueño ushana tupura cusha. Chihuasha caru llactama rica.

25:16b.MAT.025.016 Pichca talento cullquira apijga, chi cullquihua tarabasha shu pichca talento cullquira mas ganaca.

25:17b.MAT.025.017 Shinallara ishquira apijga, ishquira mas ganaca.

25:18b.MAT.025.018 Shujllara apijga, allpara allasha, paihua patromba cullquira pacaca allpa ucui.

25:19b.MAT.025.019 Unai tiempo huasha, chi sirvijguna patrón tigramuca, paigunahua cullquimanda alichingaj.

25:20b.MAT.025.020 Pichca talentos cullquira apij runa shamusha, shu pichcara apamuca, casna nisha: Señor, pichca talentos cullquira cuhuacangui, pichcara mas ganashcani.

25:21b.MAT.025.021 Patrón paita nica: Alimi, ali mana pishisha sirvij runa. Ansallahua alira rashcangui, ashcara cuirangaj canda churasha. Camba señorba cushii icui.

25:22b.MAT.025.022 Ishqui talentos cullquira apij runa shamusha; Señor, nica, ishqui talentos cullquira cuhuacangui, ishquira mas ganashcani.

25:23b.MAT.025.023 Patrón paita nica: Alimi, ali mana pishisha sirvij runa. Ansallahua alira rashcangui, ashcara cuirangaj canda churasha. Icui camba señorba cushii.

25:24b.MAT.025.024 Randi, shuj talento cullquillara apij runa shamushaga: Señor, nica, can shinzhi shungu runa ajta ricsicani, can mana tarpushcais pallaj, mana can ichashca muyumanda tandachij;

25:25b.MAT.025.025 Chimanda manzhacani. Camba talento cullquira pacacani allpa ucui.

25:26b.MAT.025.026 Paihua patrón cutipasha nica: Mana valij, quilla sirvij runa, ñuca mana tarpushcai pallashcara, ñuca mana ichashca muyumanda tandachishcaras yachacangui.

25:27b.MAT.025.027 Chiraigumanda ñuca cullquira bancoi churana macangui, ñuca tigrajpi ñucajta apingaj pai ganashcandi.

25:28b.MAT.025.028 Quichuichi paimanda chi talento cullquira, chungara charijma cuichi.

25:29b.MAT.025.029 Charijga mas charingami, yalira charingaj; mana charijmandaga pai charishcahuaras quichushca anga.

25:30b.MAT.025.030 Mana valij sirvij runaraga, canzha llandu tutai shitaichi. Chihuimi llaqui huacana quiru mucunas tiangami.

25:31b.MAT.025.031 Runa Churi paihua sumajhua shamushcai, tucui chuyaj angelgunahua pariju, paihua gusto sumaj rey apu tiarinai tiaringami.

25:32b.MAT.025.032 Paihua ñaupajpi tucui llactauna tandarinaungami. Chicanyachingami shujgunara chishujgunamanda, imasna shu cuiraj runa borregounara chivounamanda chicanyachin.

25:33b.MAT.025.033 Borregounara paihua ali maqui partima churanga, chivounáraga paihua lluqui partima.

25:34b.MAT.025.034 Shinajpi Rey Apu ali maqui partima tiajgunama ñinga: Shamichi, ñuca Yaya bendiciashcauna, mundu callarinamanda cangunajta puruntushca mandana pachara apichi.

25:35b.MAT.025.035 Yarcachihuaca, carahuacanguichi; upinaichihuaca, upichihuacanguichi; carumanda purij acani, apihuacanguichi.

25:36b.MAT.025.036 Llatan acani, churachihuacanguichi. Ungushca acani, ñucajma shamucanguichi ricungaj. Chonda cularbi tiaucani, ñucajma shamucanguichi ricungaj.

25:37b.MAT.025.037 Shinajpi ali runauna cutipasha ninaunga: Señor, ¿imahorasta canda yarcachijta ricucanchi carangaj, upinaichijta upichingaj?

25:38b.MAT.025.038 ¿Imahorasta canda carumanda shamujta ricucanchi canda apingaj? ¿Imahorasta canda llatanda ricucanchi churachingaj?

25:39b.MAT.025.039 ¿Imahorasta canda ungushcara, chonda cularbi tiajtas ricucanchi, cambajma shamucanchi ricungaj?

25:40b.MAT.025.040 Rey Apu cutipasha ñinga: Cierto pacha cangunara nini, imasnara casna rarcanguichi shu ñuca ichilla uquiunama, ñucarami rarcanguichi.

25:41b.MAT.025.041 Shinajpi shinallara lluqui partima tiajgunamas ñinga: Anzhurichi ñucajmanda, maldiciashcauna, huiñaigama duraj ninama; supai apujta paihua angelgunajta puruntushcama.

25:42b.MAT.025.042 Ñuca yarcachicani, mana carahuacanguichi. Upinaichicani, mana upichihuacanguichi.

25:43b.MAT.025.043 Carumanda shamuj acani, mana apihuacanguichi; llatan acani, mana churachihuacanguichi; ungushca acani, chonda cularbi tiaucani, ñucajma mana shamucanguichi ricungaj.

25:44b.MAT.025.044 Shinajpi paiguna shinallara cutipasha ninaungami: Señor, ¿imahorasta canda yarcachijta, upinaichijta, carumanda shamu jta, llatanda, ungushcara, chonda cularbi tiauta ricushcanchi, canda mana sirvicanchi?

25:45b.MAT.025.045 Shinajpi cutipasha ñinga: Cierto pacha cangunara nini; imasnara caita mana rarcanguichi shu cai ichillaunahua, ñucara mana rarcanguichi.

25:46b.MAT.025.046 Caigunaga huiñaigama duraj tormendarinama rinaungami, randi aliuna huiñai causaima rinaungami.

26

26:1b.MAT.026.001 Jesús cai tucuira rimai pasashca huasha, pai yachachishca runaunama nica:

26:2b.MAT.026.002 Yachanguichi imasna ishqui punzha pasashca huasha, Pascua nishca ista shamun. Ñuca, Runa Churi nishca, entregai tucusha chacatangaj.

26:3b.MAT.026.003 Shinajpi sacerdote apuuna yachaira yachachijguna, rucuunandi tandarinauca, sacerdote atun apu Caifas nishca huasi pungüi.

26:4b.MAT.026.004 Pariju rimananauca Jesusta umachishcahua apingaj, paita huañuchingaj.

26:5b.MAT.026.005 Ninauca: Mana rashun ista punzhaunai, runaunara ama nuspachingaj.

26:6b.MAT.026.006 Jesús Betania llactai tiauca, llagayuj Simomba huasii.

26:7b.MAT.026.007 Paihuajma shu huarmi shamuca, valij rumi puru ashca valij asnaj ambihua undachishcara apamuca. Cai ambira Jesuspa umai talica, pai mesai tiashcai.

26:8b.MAT.026.008 Yachachishca runauna caita ricusha piñarinauca: ¿Imarasha caita yanga baratun? ninauca.

26:9b.MAT.026.009 Caita catuna usharica ashca cullquihua, cullquira tsuntsuunama cungaj.

26:10b.MAT.026.010 Jesús caita intindisha, paigunara nica: ¿Imaraigu cai huarmira tormendachiunguichi? Shu ali ranara rashcami ñucahua.

26:11b.MAT.026.011 Tsuntsuunara tucui horas cangunahua charinguichimi, ñucáraga mana tucui horasgama.

26:12b.MAT.026.012 Huarmi cai mishqui asnaj ambira ñuca aichai talisha, ñucara pambangaj puruntusha rashcami.

26:13b.MAT.026.013 Cierto pacha cangunara nini, maibis cai evangelio ali shimi uyarichu entero mundui, shinallara cai huarmi rashcara cuentashca angami paita iyaringaj.

26:14b.MAT.026.014 Shinajpi chunga ishquimanda shuj, Judas Iscariote nishca, sacerdote apuunajma rica.

26:15b.MAT.026.015 ¿Masnara cuhuanguichi, nica, ñuca Jesusta cangunama entregangaj? Paiguna quinsa chunga cullquira cushun, ninauca.

26:16b.MAT.026.016 Chi horasmanda pacha Judas ima tonois mascauca paita entregangaj.

26:17b.MAT.026.017 Puscu illaj tanda ista ñaupa punda punzhai, yachachishca runauna Jesusma shamunauca, paita nisha: ¿Maibira puruntunara munangui Pascua nishca micunara micungaj?

26:18b.MAT.026.018 Jesús nica: Jllactama richi shu runajma. Paita nichi: Yachachij nin, Ñuca punzha ña pactamunmi. Camba huasii Pascua nishca micunara micusha, ñuca yachachishca runaunahua.

26:19b.MAT.026.019 Paiguna Jesús mandashcasna ranauca. Pascua istara puruntunauca.

26:20b.MAT.026.020 Tutayaupi, chunga ishquihua pariju mesai tiarica.

26:21b.MAT.026.021 Paiguna micuushca ratoi, Jesús nica: Cierto pacha cangunara nini, cangunamanda shuj ñucara entregangami.

26:22b.MAT.026.022 Ashcara llaquirisha, caran runa Jesusta rimangaj callarica: ¿Ñucachu ani, Señor? nisha.

26:23b.MAT.026.023 Shinajpi Jesús cutipasha nica: Ñucahua pariju maquira pulatoi satiu, paimi ñucara entreganga.

26:24b.MAT.026.024 Cierto pacha ñuca, Runa Churi nishca, riunimi, ñucamanda quillcashcasna; astaun, ¡Ayailla Runa Churira entregaj runa! Astaun alimi anmaca pai mana pagaringaj.

26:25b.MAT.026.025 Shinajpi Judas, paita entregana runa, cutipasha nica: ¿Ñucachu ani, Señor? Jesús nica: Canda shina ninguiga.

26:26b.MAT.026.026 Paiguna micuushcai, Jesús tandara apica, bendiciaca, paquica, pai yachachishca runaunama cuca: Apichi, micuichi, nisha, caimi ñuca aicha.

26:27b.MAT.026.027 Vasoras apisha, agrasishca huasha, paigunara cuca: Upichi tucui canguna, nica.

26:28b.MAT.026.028 Caimi ñuca mushuj pactachina shimira alichina yahuar. Ashcaunamanda talishcami, uchaunara perdonangaj.

26:29b.MAT.026.029 Cangunara nini, cuna horasmanda pacha, cai uvillas muyumanda mana cuti upishachu shamuna punzhagama imahoras mushujta upisha cangunahua ñuca Yaya mandana pachai.

26:30b.MAT.026.030 Cantashca huasha, llucshisha, Olivos nishca urcuma rinauca.

26:31b.MAT.026.031 Shinajpi Jesús paigunara nica: Cuna tuta canguna tucui ñucamanda manzharinguichimi. Quillcashca tian, Cuirajta chugrichisha, borrego montonga chausirinaungami.

26:32b.MAT.026.032 Ñuca causarishca huashaga, canguna ñaupara Galileama rishami.

26:33b.MAT.026.033 Pedro cutipasha paita nica: Tucuiunaga canmanda manzharinaupis, ñuca imahoraspas mana manzharishachu.

26:34b.MAT.026.034 Jesús paita nica: Cierto pacha canda nini, cuna tuta gallo manara cantajllaira, can ñucamanda quinsa cuti, Paita mana ricsinichu, ninguimi.

26:35b.MAT.026.035 Pedro paita nica: Canhua pariju huañuna ashas, canmanda mana nishachu, Mana ricsinichu. Shinallarami tucui yachachishca runauna ninauca.

26:36b.MAT.026.036 Shinajpi Jesús paigunandi shu Getsemaní nishca sisa pambama pactamuca. Pai yachachishca runaunara nica: Tiarichi caibi, ñucaga chihuama risha, Diosta mañangaj.

26:37b.MAT.026.037 Pedrora Zebedeo ishqui churiras pushasha, Jesús llaquiringaj ashcara tormendaringajpas callarica.

26:38b.MAT.026.038 Shinajpi Jesús paigunara nica: Ñuca alma ashcara llaquirin, huañuna tupura. Caillai saquirichi, ñucahua ripararos chapaichi.

26:39b.MAT.026.039 Cuti chihuama risha, tuamalla urmasha, Diosta mañasha: Ñuca Yaya, nica, usharijpiga cai tormendarina vaso cuenta ñucamanda pasachu. Shinajllaira mana ñuca munashcasna, astaun can munashcasna.

26:40b.MAT.026.040 Ña pai yachachishca runaunama shamusha, paigunara puñuriaita tupaca, Pedrora nica: ¿Mana ushacangui ñucahua chapanara shu horas tupullas?

26:41b.MAT.026.041 Chapaichi, mañaichi, tentaciombi ama icungaj. Espíritu munanmi, aichaga irquimi.

26:42b.MAT.026.042 Cuti rica, cuti Diosta mañaca, Ñuca Yaya, nisha, cai vaso cuenta ñucamanda mana pasana usharijpi ñuca mana upisha, camba munai rashca achu.

26:43b.MAT.026.043 Cuti shamuca, paiguna puñuriaita tarica, puñunaimanda huañuugunara tupaca.

26:44b.MAT.026.044 Paigunara saquisha, cuti rica, ña quinsa cuti Diosta mañaca, ñaupasnallara rimasha.

26:45b.MAT.026.045 Shinajpi pai yachachishca runaunajma shamusha, nica: Ña puñuichi, samaichi. Horas pactamushcami. Ñuca, Runa Churi nishca uchayujguna maquiunai entregai tucunimi.

26:46b.MAT.026.046 Atarichi, acuichi, nica. Ricuichi ñucara entregaj runa ña mayanllayaunmi.

26:47b.MAT.026.047 Jesús chara rimaullaira, Judas shamuca, chunga ishquimanda shuj, paihua pariju ashca runauna shamunauca esparaunahua, caspiunahua; sacerdote apuunamanda, runauna rucuunamandas shamunauca.

26:48b.MAT.026.048 Entregaj runa paigunara rimashca aca: Ñuca muchashca runa chimi. Paita apinguichi, nisha.

26:49b.MAT.026.049 Chi ratollai Judas Jesusma shamusha, ¿Alillachu angui, Yachachij? nisha, paita muchaca.

26:50b.MAT.026.050 Jesús paita: Amigo, nica, ¿imara rangajta shamucangui? Shinajpi, llutarimusha, runauna Jesusta apinauca.

26:51b.MAT.026.051 Astaun, shu Jesushua tiau runa, paihua esparara apisha, shu sacerdote atun apura sirvijta chugríchica, paihua rinrira pitica.

26:52b.MAT.026.052 Shinajpi Jesús paita nica: Camba esparara cuti sati cara ucui. Tucui esparara apijguna esparahua huañunaungami.

26:53b.MAT.026.053 ¿Manzhu iyangui amallara ñuca Yayara ushani mañangaj, pai ashca huaranga angelgunara cachamunma ñucajta?

26:54b.MAT.026.054 Shina rajpiga, ¿imasnara Quillcashcauna pactarinaunma, casnami tucuna anga nisha?

26:55b.MAT.026.055 Chi ratollai Jesús runaunara nica: ¿Imarasha shu shuhuajma cuenta llucshimucanguichi esparahua caspihua ñucara apingaj? Caran punzha cangunahua tiaricani templo huasii yachachisha, ñucara mana apihuacanguichi.

26:56b.MAT.026.056 Astaun cai tucui tucun Diosmanda rimajguna Quillcashcauna pactaringaj. Shinajpi tucui pai yachachishca runauna Jesusta saquisha miticunauca.

26:57b.MAT.026.057 Jesusta apijguna paita pushanauca Caifasbajma, pai sacerdote atun apu ajpi. Chihui yachaira yachachijguna rucuunandi tandarimushca aca.

26:58b.MAT.026.058 Pedroga carullai paita catimuca sacerdote atun apu huasi pungugama. Soldarounahua tiarica ima paihua tucushcaras ricungaj.

26:59b.MAT.026.059 Sacerdote apuuna rucuunandi tucui ajllashca apuunandi llulla shimiunara mascanauca Jesusta causayachingaj, paita huañuchingaj.

26:60b.MAT.026.060 Mana tupanaucachu, ashca llullasha rimaj ricujguna shamunaullaira. Huashaga ishqui llullasha rimajguna shamunauca.

26:61b.MAT.026.061 Paiguna ninauca: Cai runa nica: Diospa huasira tulanara ushanimi, quinsa punzhai cuti sicachingaj.

26:62b.MAT.026.062 Sacerdote atun apu atarisha nica: ¿Manzhu cutipangui imaras? ¿Imara ninaun canmanda caiguna?

26:63b.MAT.026.063 Jesusga chunlla tiauca, mana cutipacachu. Shinajpi sacerdote atun apu paita nica: Causaj Diospa shutii rimahuai, ¿Cristo nishca Diospa Churichu angui?

26:64b.MAT.026.064 Jesús paita nica: Canda casna ninguiga, maspas canda nini, huasha horas can Runa Churira Diospa ushana ali maqui partima tiarishcara, ahua pacha puyuunai shamunaras ricunguichúni.

26:65b.MAT.026.065 Shinajpi sacerdote atun apu paihua churanara lliquisha nica: ¡Diosmanda irusta rimashcangui! Shu rimajgunara mana ministinchichu. Cunallara pai manali rimashcara uyashcanguichi.

26:66b.MAT.026.066 ¿Imara ninguichi? Cutipasha ninauca: Huañunami anga.

26:67b.MAT.026.067 Shinajpi paihua ñahuii tiucanauca, paita sajmanauca, shujguna maqui palahua huactanauca.

26:68b.MAT.026.068 Rimai, Cristo, ¿pita sajmacai canda? ninauca.

26:69b.MAT.026.069 Pedroga canzhai tiauca huasi pungüi. Shu sirvij huarmi llutarisha: Can shinallara Galileamanda Jesushua tiaucangui, nica.

26:70b.MAT.026.070 Astaun pai tucui runauna ñaupajpi nica: Can rimashcara mana yachanichu.

26:71b.MAT.026.071 Paiga canzha punguma llucshisha, shu sirvij huarmi paita ricuca. Chihuajgunara nica: Cai runas shinallara Nazaretmanda Jesushua tiauca.

26:72b.MAT.026.072 Cutillara pai Diospa shutii rimasha: Cai runara mana ricsinichu, nica.

26:73b.MAT.026.073 Unáillahuai, chihui tiajguna llutarimusha, Pedrora ninauca: Cierto pacha chigunamandami angui, can rimana tono canda ricsichin.

26:74b.MAT.026.074 Shinajpi Pedro maldiciangaj Diospa shutii rimangajpas callarisha: Cai runara mana ricsinichu, nica. Chi ratollai gallo cantaca.

26:75b.MAT.026.075 Shinajpi Pedro Jesús paita rimashca shimiunara iyarica: Gallo manara cantajllaira, can quinsa cuti: Paita mana ricsinichu, ninguimi, nisha. Canzhama llucshisha llaquira huacaca.

27

27:1b.MAT.027.001 Punzhayajpi tucui sacerdote apuuna, runauna rucuunandi pariju rimananauca Jesusta huañuchingaj.

27:2b.MAT.027.002 Paita huatashcara pushanauca, Poncio Pilato nishca gobernadorba maquii entreganauca.

27:3b.MAT.027.003 Shinajpi Judas, paita entregaj runa, Jesús causayachishcara ricusha, arrepentirisha, quinsa chunga cullquira cutichica sacerdote apuunama, rucuunamas.

27:4b.MAT.027.004 Paigunara nica: Ucharashcanimi, ucha illaj yahuarda entregasha cangunama. Paigunaga: Cai, ¿imajta valin ñucanchijta? Canmi yachangui, ninauca.

27:5b.MAT.027.005 Cullquira allpama shitasha templo huasii, llucshisha rica. Paulara cungai sipirisha huañuca.

27:6b.MAT.027.006 Sacerdote apuuna, cullquira apisha: Mana usharinzhu, ninauca, Diosma cushca cullqui cajombi churangaj, yahuarmanda pagashca ajpi.

27:7b.MAT.027.007 Parijumanda rimanausha, shu allpara randinauca, mangara rajpa allpara, chihui carumanda shamujgunara huañujpi pambangaj.

27:8b.MAT.027.008 Chi raigumanda cuna horasgama chi allpa, Yahuarmanda allpa, nishcami.

27:9b.MAT.027.009 Shinarasha Diosmanda rimaj Jeremías rimashca shimi pactarica: Quinsa chunga cullquira apinauca, valichishca runa valij tupura, Israel churiuna valichishcasna, nisha.

27:10b.MAT.027.010 Cullquira cuca mangara raj runa allpamanda, imasna Señor ñucara mandashcasna.

27:11b.MAT.027.011 Jesusga gobernadorba ñaupajpi shayaca. Pai Jesusta tapuca: ¿Canzhu judioguna Rey Apu angui? Jesús paita: Canda shina nínguiga, nica.

27:12b.MAT.027.012 Sacerdote apuuna rucuunandi paita culpachijpi, Jesús imaras mana cutipacachu.

27:13b.MAT.027.013 Pilato paita, ¿Manzhu uyangui imasnara canmanda contra rimanaun? nica.

27:14b.MAT.027.014 Jesusga imaras mana cutipacachu. Chimanda gobernador paimanda ashcara manzharica.

27:15b.MAT.027.015 Ista punzhai gobernadorba yachaibi shu ishcashca runara cacharina aca, runauna munashcara.

27:16b.MAT.027.016 Chi horas shu ashca rimashca runa ishcarishcara charica, Barrabás nishcara.

27:17b.MAT.027.017 Runauna tandaríjpi, Pilato paigunara nica: ¿Maicanda munanguichichu ñuca cacharingaj, Barrasbasta, Cristo nishca Jesustachu cacharisha?

27:18b.MAT.027.018 Pilato yachaca imasna Jesusta chijnishcamanda entregashca aca.

27:19b.MAT.027.019 Pilatoga taripana tiarinai tiarishcai, paihua huarmi paita rimangaj cachamuca: Ama imaras ranguichu cai ali runahua, nisha. Cuna ashcara tormendarishcani paimanda ñuca puñusha nuspaushcaunai.

27:20b.MAT.027.020 Sacerdote apuuna rucuunandi runaunara iyachinauca Barrabasta mañangaj cacharingaj, Jesustaga huañuchingaj.

27:21b.MAT.027.021 Gobernador paigunara cutipasha: ¿Cai ishquimanda maicandara munanguichichu ñuca cacharingaj? Paiguna: Barrabasta, ninauca.

27:22b.MAT.027.022 Pilato paigunara nica: ¿Imara rashairi Cristo nishca Jesushua? Tucui ninauca: ¡Chacatashca achu!

27:23b.MAT.027.023 Gobernador paigunara nica: ¿Imaraigu? ¿Ima manalira rashcachu? Runaunaga maspas caparisha ninauca: ¡Chacatashca achu!

27:24b.MAT.027.024 Pilato imara ranaras mana ushasha ricusha, astaun runauna mas mas nusparinaupi, yacura apisha, paihua maquira maillaca runauna ñaupajpi, nisha: Ñuca mana causayujchu ani cai ali runamanda.

27:25b.MAT.027.025 Tucui runauna cutipasha ninauca: Paihua yahuar ñucanchi ahuai, ñucanchi churiuna ahuais achu.

27:26b.MAT.027.026 Shinajpi Barrabasta cacharica. Jesústaga azutishca huasha, chacatangaj cuca.

27:27b.MAT.027.027 Shinajpi gobernadorba soldarouna Jesusta cuartelma pushanauca, pai muyujta entero soldaro montonda tandachinauca.

27:28b.MAT.027.028 Paita llatanasha, paihua ahuai shu puca llachapara churanauca.

27:29b.MAT.027.029 Paihua umai shu casha llaitura churanauca, shu taunara paihua ali maquii. Paihua ñaupajpi cungurisha paita burlanauca, ¡Ee, nisha, Judioguna Rey Apu!

27:30b.MAT.027.030 Paihua ñahuii tiucasha, caspira apisha, umai huajtanauca.

27:31b.MAT.027.031 Burlashca huasha, llachapara quichunauca, paihua churanara churachinauca, paita chacatangaj pushanauca.

27:32b.MAT.027.032 Llucshishaga, shu Cirenemanda runara tupanauca, Simón nishcara, paita cruzta apachinauca.

27:33b.MAT.027.033 Golgota nishca pambama pactamunauca, caiga Uma Tullu Pambami, nin.

27:34b.MAT.027.034 Chihui, ayaj vinora shu ayajhua masashcara paita ricuchinauca: caita camashca huashaga mana munacachu upinara.

27:35b.MAT.027.035 Jesusta chacatashca huashaga, soldarouna paigunapura paihua churanara chaupichinauca, maicanda lichayuj anga nisha camanauca, paima cungaj, Diosmanda rimajpa shimi pactaringaj, casna nishca: Ñuca churanara paigunapura chaupichinauca, ñuca llachapamanda Uchayujta anga nisha camanauca.

27:36b.MAT.027.036 Soldarouna chihui tiarisha paita ricunauca.

27:37b.MAT.027.037 Paihua uma ahuai quillcashcara churanauca: Caimi Jesús, Judioguna Rey Apu, nisha.

27:38b.MAT.027.038 Shinajpi, paihua pariju ishqui shuhuaj runaunara chacatanauca, shujta ali maquima, shujta lluquima.

27:39b.MAT.027.039 Chi mayanda pasauguna Jesusta camisha rimanauca, paiguna umaunara cuyuchisha.

27:40b.MAT.027.040 Ninauca: Canga, templo huasira tulaj, quinsa punzhai cuti sicachij, canllara quishpi. Can Diospa Churi ashaga, cruzmanda irgüi.

27:41b.MAT.027.041 Shinallarami ninauca sacerdote apuuna, paita burlasha, yachaira yachachijgunahua pariju, fariseogunandi, rucuunandi, casna nisha:

27:42b.MAT.027.042 Shujgunaraga quishpichicami, paulara mana ushanzhu quishpinara. Israelba Rey Apu ashaga, cunallara cruzmanda irguchu, shina rajpi paihuajpi quirishun.

27:43b.MAT.027.043 Pai Diospi quiricami. Dios paita cacharichu, munajpi. Ñuca Diospa Churimi ani, nica.

27:44b.MAT.027.044 Shinallarami paihua pariju chacatashca shuhuaj runauna paita camisha rimanauca.

27:45b.MAT.027.045 Chaupi punzhamanda pacha las tres tupugama tun llandu tucuca tucui partii.

27:46b.MAT.027.046 Las tres mayambi, Jesús shinzhira caparisha nica: Eli, eli, ¿lama sabactani? Casnami nin: Ñuca Dios, ñuca Dios, ¿imarashara ñucara saquihuashcangui?

27:47b.MAT.027.047 Huaquin chihui ajguna caita uyasha ninauca: Elíastami cayaun.

27:48b.MAT.027.048 Chi ratollai shu runa callpamusha, shu tsungarina putusta ayaj vinohua tsungachisha, paita cuca upingaj.

27:49b.MAT.027.049 Shujgunaga ninauca: Saqui, ricushunchi Elias shamunga chari paita llushpichingaj.

27:50b.MAT.027.050 Jesusga cuti shinzhi shimihua caparisha, paihua espiritura cuca.

27:51b.MAT.027.051 Chi ratollai, templo huasii huayuriai llachapa ishqui partii lliquirica ahuamanda. Allpas cuyuca, peñasgunas partirinauca.

27:52b.MAT.027.052 Pambashca uctuunas pascarinauca, ashca puñuriai quirijguna atarinauca.

27:53b.MAT.027.053 Pambashca uctuunamanda llucshisha, Jesús causarishca huasha, santo llactama shamunauca, ashcaunahua ricurinauca.

27:54b.MAT.027.054 Capitánga paihua pariju tiaj Jesusta ricujgunandi, allpa cuyushcara ricusha, ashcara manzharinauca, casna nisha: Cierto pacha cai Diospa Churimi aca.

27:55b.MAT.027.055 Ashca huarmiuna chihui tianauca, carumandalla ricusha. Caiguna Jesusta catimunauca Galiieamanda pacha paita sirvisha.

27:56b.MAT.027.056 Paigunahua tianauca María Magdalena, Jacobo José mama Mariandi, Zebedeo churiuna mamandi.

27:57b.MAT.027.057 Tutayaupi shu José nishca charij runa, Arimatea llactamanda shamuj, shu Jesús yachachishca runa asha,

27:58b.MAT.027.058 Pilatojma risha, Jesuspa aichara mañaca. Shinajpi Pilato shimira cachaca aichara paima cungaj.

27:59b.MAT.027.059 José Jesuspa aichara apisha, shu ali llachpahua pilluca,

27:60b.MAT.027.060 Paihua quiquin mushuj pambana uctui churaca, peñas ucui allashca. Shu atun rumira muyuchisha uctu pungüi churaca, chihuasha rica.

27:61b.MAT.027.061 Chihui tiauca María Magdalena, chishu Mariandi, pambashca uctu ñaupajpi tiarisha.

27:62b.MAT.027.062 Cayandi punzha, Alichina nishca punzha huasha, sacerdote apuuna, fariseogunandi tandarinauca Pilato ñaupajpi.

27:63b.MAT.027.063 Ninauca: Apu, iyariunchi imasnara cai umachij runa nica, pai chara causaushcallaira: Quinsa punzha huasha causarishami.

27:64b.MAT.027.064 Mandai pambashca uctura huacachingaj quinsa punzhagama, pai yachachishca runauna tutai shamusha aichara shuhuanaunga chari. Chihuasha ninaunga runaunama: Huañushcaunamanda causarishcami. Shinajpi huasha pandashca ñaupa ajta yalinga.

27:65b.MAT.027.065 Pilato paigunara nica: Caibi soldarounara charinguichi. Richi pambashcara ali ishcasha cuirangaj canguna yachashcasna.

27:66b.MAT.027.066 Shinajpi rinauca, pambashcara ali ishcangaj, rumira sello nishcahua pigasha, soldarounara churanauca ricungaj.

28

28:1b.MAT.028.001 Samana punzha pasashca huasha, semana ñaupa punzha ña punzhayaupi, María Magdalena, chishu Marías pambashcara ricungaj shamunauca.

28:2b.MAT.028.002 Allpa cuyuca shinzhira. Shu Señorba ángel, ahuamanda irgumusha, rumira anzhuchica, chi ahuai tiarica.

28:3b.MAT.028.003 Angelga rayu cuenta ricurij aca, paihua churana rasu cuenta yuraj aca.

28:4b.MAT.028.004 Soldarouna angelda manzhashcamanda chucchunauca, huañushcaunasna tucunauca.

28:5b.MAT.028.005 Randi ángel huarmiunara rimasha nica: Cangunaga ama manzhaichichu Ñuca yachani canguna chacatashca Jesusta mascangaj shamushcanguichimi.

28:6b.MAT.028.006 Mana caibichu tiaun, nica, causarishcami, pai rimashcasna. Shamichi, ricuichi pai siriushcara.

28:7b.MAT.028.007 Uctalla richi, pai yachachishca runaunara cuentaichi, Señor huañushcaunamanda causarimushcami, nisha. Cangunamanda ñaupara Galileama rin. Chihui paita ricunguichimi. Ñucaga cangunara ña rimashcani.

28:8b.MAT.028.008 Shinajpi paiguna manzhaihua pambana uctumanda llucshisha, ashca cushihua callpasha rinauca pai yachachishca runaunara cuentangaj. Paiguna yachachishca runaunara rimangaj riushcallai,

28:9b.MAT.028.009 Jesús paigunara tan tupasha, Cushiyaichi, nica. Paiguna llutarísha paihua chaquira ujllarisha, paita adoranauca.

28:10b.MAT.028.010 Shinajpi Jesús paigunara nica: Ama manzhaichichu. Richi, ñuca uquiunara cuentaichi, Galileama rinauchu. Chihui ricuhuanaungami.

28:11b.MAT.028.011 Paiguna riushcallai, huaquinguna soldarounamanda llactama rinauca, sacerdote apuunara cuentangaj tucui ima tucushcaunaras.

28:12b.MAT.028.012 Rucuunahua tandarisha rimananausha, ashca cullquira cunauca soldarounama,

28:13b.MAT.028.013 Rimaichi, ninauca, Pai yachachishca runauna shamunauca tuta, aichara shuhuasha apanauca ñucanchi puñuriaishcallai.

28:14b.MAT.028.014 Gobernadorga caita uyajpi, ñucanchi paihua rimashun cangunara quishpichingaj.

28:15b.MAT.028.015 Soldarouna cullquira apisha, paiguna yachachishcasna rimanauca. Cai shimiga uyarica Judiogunahua cuna punzhagama.

28:16b.MAT.028.016 Chunga shuj yachachishca runaunaga Galileama rinauca Jesús rimashca urcuma.

28:17b.MAT.028.017 Paita ricushaga adoranauca, astaun huaquinguna mana quirinaucachu.

28:18b.MAT.028.018 Jesús mayanllayamusha, paigunara rimasha nica: Tucui ushanara ñucama cuhuashcami ahua pachai cai pachais,

28:19b.MAT.028.019 Chiraigumanda richi, runaunara yachachichi tucui llactaunai, paigunara bautisaichi Yaya shutii, Churi shutii, Santo Espíritu shutiis.

28:20b.MAT.028.020 Paigunara tucui ñuca cangunara mandashcaunara huacachingaj yachachichi. Ñucaga cangunahua pariju tiaushami tucui punzhaunai, mundu tucurinagama. Amen.