Luke (Paite)

1

1:1b.LUK.001.001 Huai thilte i lak ua takpetpeta gina om, mi tampiin a thu gelh ana tup uh,

1:2b.LUK.001.002 A tunga pata a mute leh thu nasemten honhilh bang un,

1:3b.LUK.001.003 Theophil aw, a bul apat bangkim chiantakin ka suia, kizom jelin nanga dingin kigelh leh a hoih ding, ka chi ahi;

1:4b.LUK.001.004 tumaa thu nang honhilh uh a dik ngelngel hi chih na theihna dingin.

1:5b.LUK.001.005 Judia gam kumpipa Herod a dam laiin, Abija pawla mi a min Zakaria khat a om a; huaiin Aron tanute laka khat jiin a neia, a min tuh Elizabet ahi.

1:6b.LUK.001.006 A nih un Pathian mitmuhin diktatin a om ua, gensiat beiin Toupa thupiak leh a dan tengteng juiin a omjel ua.

1:7b.LUK.001.007 Himahleh Elizabet a chin jiakin ta a neikei ua, a nih un upa pitak ahi tuak ngal ua.

1:8b.LUK.001.008 Huan, hichibang ahi a, a pawlte hihdan bang jela Pathian maa siampua a gamtat laiin,

1:9b.LUK.001.009 siampu dan bangin Toupa biakina lut leh gimlim hal tuh a tan ahi a.

1:10b.LUK.001.010 Huan, gimlim hal hun laiin mipite a vek un inpua ah a na thum ua.

1:11b.LUK.001.011 Huan, Toupa angel khat gimlim halna maitam taklama dingin a kiangah a kilak a.

1:12b.LUK.001.012 Huan, Zakariain a muh takin a lungjinga, lau leng a lau a.

1:13b.LUK.001.013 Himahleh angelin a kiangah, Zakaria, lau ken, na nget jaka a om jiakin, na ji Elizabet in tapa a honneihsak dia, a min Johan na sak ding ahi.

1:14b.LUK.001.014 Huan, nang na nuamin na kipak dinga; amah a suahin mi tampi a kipak ding uh.

1:15b.LUK.001.015 Toupa ngaihin mi lian ahi dia, uain leh ju himhim a dawn kei ding; a nu sung apat himin Kha Siangthouin a hongdim ding.

1:16b.LUK.001.016 Israel suante tampi Toupa a Pathian lam uh a ngasak nawn ding a.

1:17b.LUK.001.017 Huan, pate lungtang tate lam ngasak ding, mi chihmohte mi diktat pilna lam ngasak ding, Toupa dinga mi pite mansaa om sak dinga na bawl khol dingin Elija lungsim leh thilhihtheihna puin Toupa ma ah a pai ding. a chi hi.

1:18b.LUK.001.018 Huan, Zakariain angel kiangah, Huai bangchin ka thei dia? kei putek hi inga, ka ji leng pitek ahi ngala, a chi a.

1:19b.LUK.001.019 Huan, angelin a dawnga, a kiangah, Gabriel, Pathian maa ding jel ka hia; nang houpih ding leh, huai thu hoih honhilh dinga sawl ka hi.

1:20b.LUK.001.020 Ngaiin, ka thugente a huntaka hongtung ding, na gintak louh jiakin huai thilte a hongtun masiah na dai dide dia, pau leng na pau theikei ding, a chi a.

1:21b.LUK.001.021 Huan, vantang in Zakaria a nangak ua, Pathian biakin sunga a om sawt jiakin lamdang a sa mahmah ua.

1:22b.LUK.001.022 Huan, a hongpawtin a kiang uah thu a gen theita kei a; huchiin, biakin ah kha kilak a mu ahi chih a theita ua; huan, a kiang uah chiamtehna te a bawl a, pau theilouin a om lailai hi.

1:23b.LUK.001.023 Huan, hichi ahi a, a nasepna ni a kim takin a in ah a paita a.

1:24b.LUK.001.024 Huan, tua nite nungin, a ji Elizabet tuh a honggaita a, kha nga a buta a,

1:25b.LUK.001.025 Mi laka ka min se khuhna dingin, Toupan a honmuhin, hichibangin ka tungah a hihta, chiin.

1:26b.LUK.001.026 Huan, a kha gukna ah Pathianin angel Gabriel, Galili gama khua khat Nazaret a chih uah,

1:27b.LUK.001.027 nungak siangthou khat kiangah a sawla, huai nungak tuh David suan mikhat a min Joseph toh ki kham ahi ua; nungak min tuh Mari ahi.

1:28b.LUK.001.028 Huan, angel tuh a kiangah a luta, Chibai, nang nakpitaka deihtuam: Toupa na kiangah a om, a chi a.

1:29b.LUK.001.029 Huan, huai thu jiakin a lunghimoh mahmaha, Bangchidana chibai honbuk a diam aw? chiin, a kingaihtuaha.

1:30b.LUK.001.030 Huan, angelin a kiangah, Mari, lau ken; Pathian lakah deihsakna na tang hi.

1:31b.LUK.001.031 Ngai in, na gai dia, tapa na nei dia, a min din Jesu na sa ding ahi.

1:32b.LUK.001.032 Amah mi lian a honghi dinga, Tungnungpen Tapa a chi ding uh; Toupa Pathianin a kiangah a pu David tutphah a pe dia.

1:33b.LUK.001.033 Jakob suante tungah khantawnin a lal dia, a gam in bei ni a neikei ding hi, a chi a.

1:34b.LUK.001.034 Huan, Mariin angel kiangah, Hiai bangchin ahi dia? pasal lah neilou inga, a chi a.

1:35b.LUK.001.035 Huan, angelin a dawnga, a kiang ah, Kha Siangthou na tungah a hongtung dinga, Tungnungpen thilhihtheihnain a honliah khum ding, huai jiakin misiangthou hongpiang ding leng, siangthou Pathian Tapa, chihin a om ding, a chi a.

1:36b.LUK.001.036 Huan, ngaiin, na sanggamnu Elizabetin leng a tek nungin tapa a paita; a ching a chihchih uh, tu kha a kha gukna a hita.

1:37b.LUK.001.037 Pathian thu pawt himhim thil hih theilouin a om kei ding, a chi a.

1:38b.LUK.001.038 Huan, Mariin, Ngai in, Toupa sikhanu ka hi, na thu bang jelin ka tungah tung hen, a chi a. Huan, angelin a paisanta.

1:39b.LUK.001.039 Huai laiin Mari a thou a, singtangah, Judia gama khua khat ah a hoh paha;

1:40b.LUK.001.040 Huan, Zakaria in ah a luta, Elizabet chibai a buk a.

1:41b.LUK.001.041 Huan, hichi ahia, Elizabetin Mari chibai buk a jak takin, a sung a naungek a tanga; huan, Elizabet tuh Kha Siangthouin a hongdimta; huan, aw ngaihtakin a kikou a,

1:42b.LUK.001.042 Nang numei sapsap din na hampha hi, na gil gah leng a hampha hi.

1:43b.LUK.001.043 Ka Toupa nu ka kianga na hong bangchidan ahia oi?

1:44b.LUK.001.044 Ngai in, non chibai buk husa ka bila a lut takin, a kipah jiakin naungek ka sungah a tang ahi.

1:45b.LUK.001.045 A gingnu a hampha hi, a kianga Toupan thu a gen tuh tung ding a hih jiakin, a chi a.

1:46b.LUK.001.046 Huan, Mariin, Ka nuntaknain Toupa a pahtawi e,

1:47b.LUK.001.047 Ka kha leng ka Hondampa Pathian tungah a kipak mahmaha.

1:48b.LUK.001.048 A sikhanu nam tom dan a mu a, a hehpiha; ngai in, tu nung siah khangthak tengtengin hampha honchi ding uh.

1:49b.LUK.001.049 Amah Mi hatin ka tungah thil thupi tak honhih saka, a min leng a siangthou hi.

1:50b.LUK.001.050 A laudansiamte tuh khangthak tanin a hehpih jeljel.

1:51b.LUK.001.051 A banin a tha hatdan a ensaka, mi kisatheite tuh a lungtang gelna a hihdalhta.

1:52b.LUK.001.052 A laltutphah ua lal tute a kai khia a, nam tomte tuh a pahtawita a.

1:53b.LUK.001.053 Gilkial te thil hoihin a hihvah a, mihaute khut vuakin a pai mang sakta hi.

1:54b.LUK.001.054 A sikha Israel taksap awng tuh a huta, a zahngaihna theihgigena dingin.

1:55b.LUK.001.055 I pipute kianga a gen bangin khantawin Abraham leh a suante lamah.

1:56b.LUK.001.056 Huan, Mari kha thum khawng a kiang ah a oma, huan, a in lamah a pai nawnta.

1:57b.LUK.001.057 Huan, Elizabet nau suah a honghunta a; huchiin tapa a honneita a.

1:58b.LUK.001.058 Huan, a vengte leh a sanggamten Toupan a hehpih mahmah chih a na ja ua, a kipahpih uh.

1:59b.LUK.001.059 Huan, hichi ahia, a ni giat nin naungek zeksum dingin a hong ua; a min din a pa min mah Zakaria sak a tum ua.

1:60b.LUK.001.060 Huan, a nun, Hi lou e, amah jaw Johan sak jawk ding ahi, a chi a, a dawng a.

1:61b.LUK.001.061 Huan, a nu kiangah, Na sanggamte lakah hiai min pu kuamah a om sam ua, a chi ua.

1:62b.LUK.001.062 Huan, a pa kiangah chiamtehnate bawlin, A min din bang sa lehang na deih a? a chi ua.

1:63b.LUK.001.063 Huan, lai gelhnapek a ngena, A min Johan ahi, chiin a gelh a.

1:64b.LUK.001.064 Huan, a vek un lamdang a sa mahmah uh. Huan, thakhatin a kam hongkihongin a lei a hongkiphel a, Pathian phatin a hongpau kheta a.

1:65b.LUK.001.065 Huan, a kim ua omte tengtengin a lau ta ua; Huchiin, huai thute tuh Judia gam singtang tengtengah a thang ta a.

1:66b.LUK.001.066 Huan, a za peuhmahin, a lungtang un a vei chiat ua, Huai naungek bangchi phet a honghi de aw? chiin. Huan, Toupa khutin amah a panpih ngala.

1:67b.LUK.001.067 Huan, a pa Zakaria tuh, Kha Siangthouin a hongdima, a genkhol a,

1:68b.LUK.001.068 Toupa, Israel Pathian, phatin om hen, a mite a honveha, tatna a siamsak a.

1:69b.LUK.001.069 A sikha David inkuanpihte lakah hotdamna ki a honbawlsaktak jiakin;

1:70b.LUK.001.070 Tang laia kipan a jawlnei siangthoute kama, a gen bangin.

1:71b.LUK.001.071 I doute lakah leh honhote tengteng laka hotdam-a i om ding thu,

1:72b.LUK.001.072 I pipute kianga achiam zahngaihna tangtungsak dingin leh a thukhun siangthou theigige dingin.

1:73b.LUK.001.073 I pu Abraham kianga a kichiam a.

1:74b.LUK.001.074 I doute laka a honbit saka, lau loua a na i sepna ding.

1:75b.LUK.001.075 I dam sung teng a mit muha siangthou leh diktat taka omna dingin.

1:76b.LUK.001.076 A hi, Bawi, nang jaw Tungnungpen jawlnei a honchi ding ua; a lampi khawng bawl dingin Toupa maah na pai ding ahi ngala.

1:77b.LUK.001.077 A khelhnate uh ngaihdamna dia a mite kianga hotdamna theihna pe ding in.

1:78b.LUK.001.078 I Pathian lungtanga hehpihna jiakin, huchia tunglam akipan i tunga ni a tan chianga.

1:79b.LUK.001.079 Mial laka leh sihna lima tute tanvak ding leh khamuanna lampia i khete kalsuan sak dingin, a chi a.Huan, naungek tuh a hongkhang lian deuhdeuha, a kha lam a honghat hiaihiai a, Israelte kianga a hongkilak masiah gamdai ah a om gige.

1:80b.LUK.001.080 Huan, naungek tuh a hongkhang lian deuhdeuha, a kha lam a honghat hiaihiai a, Israelte kianga a hongkilak masiah gamdai ah a om gige.

2

2:1b.LUK.002.001 Huan, huai laiin hichi ahia, Kaisar Augusta in khovel tengteng min khum ding thu a pia a.

2:2b.LUK.002.002 Huai tuh Suria gama Kurinia gam ukpa a hih laia min khumna masapen ahi.

2:3b.LUK.002.003 Huchiin, mi tengteng a min uh khum dingin amau khua chiat uah a hoh ua.

2:4b.LUK.002.004 Huan, Joseph leng, David inkuante leh a suan a hih manin Galili gama Nazaret khua akipanin, Judia gama David khua Bethlehem kichi ah a hoh ta a.

2:5b.LUK.002.005 Mari a zikham gai san lai toh, min khum dingin.

2:6b.LUK.002.006 Huan, hichi ahia, huai laia a om lai un, a nauneih a honghunta a.

2:7b.LUK.002.007 Huan, a ta masain pasal a nei khe ta a; huan, puanin a tuama, khualbuka a tak louh jiak un gan an piakna ah a sial hi.

2:8b.LUK.002.008 Huan, huai gam mah ah belam chingmite a om ua, gamlak ah janin a belam uh a ching ua.

2:9b.LUK.002.009 Huan, Toupa angel khat a kiang uah a hongding a, Toupa thupinain a kim uh a tanvak a; huchiin a lauta mahmah ua.

2:10b.LUK.002.010 Huan, angelin a kiang uah, Lau kei unla, ngai un, mi chih adingin tanchin hoih kipahhuai mahmah ka hontut ahi.

2:11b.LUK.002.011 Tuniin nou adingin David khua ah Hondampa a piangta, amah Kris Toupa ahi.

2:12b.LUK.002.012 Huan, hiai nou adingin chiamtehna ding ahi; naungek puana tuam, gan an piakna kuanga lum na mu ding uh, a chi a.

2:13b.LUK.002.013 Huan, angel kiangah vana mipi hon a hongom khawm guih ua, Pathian a phat ua.

2:14b.LUK.002.014 Tungnungpen ah Pathian thupi henla, leitunga a kipahpih mahmah mihingte lakah lemthu leng hen, a chi uhi.

2:15b.LUK.002.015 Huan, hichi ahia, angelten vana a paisan tak un, belam chingmiten, Tun ah Bethlehem kho phain pai lehang, Toupan thu a honhilh hongtung tuh i en ding uh, a kichi ua.

2:16b.LUK.002.016 Huchiin, a pai mengmeng ua, Mari toh, Joseph toh, gan an piakna kuanga naungek lum toh a vamu ua.

2:17b.LUK.002.017 Huan, a vamuh un a naungek tanchin angelin a hilh tuh a gen thangta uh.

2:18b.LUK.002.018 Huan, a za peuhmahin belam chingmite thugen lamdang a sa mahmah uh.

2:19b.LUK.002.019 Mariin bel thugen tengteng a lungtangin a ngaihtuah a, a vom gige a.

2:20b.LUK.002.020 Huan, belam chingmiten angel hilh bang ngeia bangkim a muh ua a jak jiak un, Pathian pahtawi leh phat kawm jelin a kik nawnta ua.

2:21b.LUK.002.021 Huan, a zek sumna ding ni giat a hongchinin, a min din, sula a om ma hima angelin a saksa, Jesu a sa uh.

2:22b.LUK.002.022 Huan, Mosi dan banga a kisiansakna ni uh a hongtunin, Jerusalem khua ah amah a vatonpih tou ua, Toupa kianga amah lan dingin.

2:23b.LUK.002.023 (Toupa thu a, ta pasal sul hong peuhmah Toupa adinga seh a chi ding uh, chia gelh bangin),

2:24b.LUK.002.024 Toupa Dan thua gen banga vakhu kop khat hiam vapal nou nih hiam kithoihna lan dingin.

2:25b.LUK.002.025 Huan, ngai in, Jerusalem khua ah mi khat a min Sumeon a om a; huai mi tuh mi diktat tak leh Pathian limsak tak ahia, Israelte khamuanpa ding a ngak ngitnget a, a tungah Kha Siangthou a om hi.

2:26b.LUK.002.026 Huan, Toupa Kris a muh masiah jaw a si kei ding chih Kha Siangthouin a na thei sak him ahi.

2:27b.LUK.002.027 Huan, Kha theihsakin Pathian biakin ah a valuta; naungek Jesu tuh a nu leh a pan Dan ngeina banga a tunga hihsak dinga a honpi lut lai un,

2:28b.LUK.002.028 aman a na-angpoma, Pathian a phata,

2:29b.LUK.002.029 Toupa, tun ah na thu bang jelin, na sikha khamuang takin na pai sak dinga:

2:30b.LUK.002.030 Na hotdamna ka mitin a muhtak jiakin,

2:31b.LUK.002.031 Huai mi chih muha na bawltak tuh;

2:32b.LUK.002.032 Jentelte kianga kilakna vak leh na mi Israelte thupina ding, a chi hi.

2:33b.LUK.002.033 Huan, naungek thu a gen tuh a nu leh a pan lamdang a sa mahmah ua.

2:34b.LUK.002.034 Huan, Sumeonin amau a vual jawla, a nu Mari kiangah, Ngai in, hiai naupang Israel laka mi tampi pukna ding leh dinkhiakna dinga seh ahi, gensiata om chiamtehna hi dingin leng.

2:35b.LUK.002.035 (A hi, nang lungtang leng temsauin a dawt pailet ding a) huchia mi tampiin a lungtang ua a ngaihtuahte uh a latna dingin, a chi hi.

2:36b.LUK.002.036 Huan, mi khat, a min, Anna, jawlnei, Phanuel Tanu, Asher nama mi a oma; amah tuh tek tak ahi a, a nungak tawp nung siah a pasal kiangah kum sagih a oma,

2:37b.LUK.002.037 huan, kum sawmgiat leh kum li hial a methaia, aman tuh Pathian biakin pai san louin a sun a janin anngawl kawma thumin Pathian a be jel.

2:38b.LUK.002.038 Huan, huchihlaitakin amah a hongpaia, Pathian kiangah kipahthu a gena, Jerusalem tatna lamen peuhmahte kiangah Jesu tanchin a gen hi.

2:39b.LUK.002.039 Huan, Toupa dan jela thil tengteng a hih zoh un, Galili gama, amau khua Nazaret ah a kik nawnta uh.

2:40b.LUK.002.040 Huan, naungek a hongkhang lian deuhdeuha, a honghat hiaihiaia, pilnain a dimtaa, Pathian deihsakna tuh a tungah a omta hi.

2:41b.LUK.002.041 Huan, kum tengin, Paikan Ankuanglui hunin, a nu leh a pa Jerusalem khuaah a hoh jel ua.

2:42b.LUK.002.042 Huan, amah tuh kum sawm leh kum nih a hihin dan ngeinain a hoh tou ua.

2:43b.LUK.002.043 Huan, ankuanglui akikhita a kik nawn lai un, naupang Jesun Jerusalem khuaah a om san a. A nu leh pan a theikei ua,

2:44b.LUK.002.044 huchiin a pawl lak ua om hi nanteh a chi ua, ni khat lam a pai khin ua, a sanggamte uh leh a meltheihte uh lakah a zong uh.

2:45b.LUK.002.045 Huan, a muh louh jiak un zong kawmkawmin Jerusalem khuaah a kik nawnta ua.

2:46b.LUK.002.046 Huan, hichi ahi a, ni thum nungin, Pathian biakin ah, sinsakmite laka tu a, a thu uh na ngaikhiaa, amau thu dongin, a vamuta ua.

2:47b.LUK.002.047 Huan, a thu za peuhin a theihdan leh a dawndan lamdang a sa mahmah uh.

2:48b.LUK.002.048 Huan, a nu leh a pan amah a muh un, lamdang a sa mahmah ua: huan, a nun, a kiangah, Ta aw, bangdia hichibanga honhih na hia? Ngai in, na pa leh ken lungkham takin kon zong uh, a chi a.

2:49b.LUK.002.049 Huan, aman a kiang uah, Bangdia honzong na hi ua? ka Pa ina ka om ding na theikei ua hia? a chi a.

2:50b.LUK.002.050 Huan, a kiang ua a thugen tuh a theisiam kei uhi.

2:51b.LUK.002.051 Huan, amau a jui suka, Nazaret khua a hongtung a, a thu uh mangin a oma. Huan, a nun huai thil tengteng tuh a lungtang ah a vom gige a.Huan, Jesu tuh a pil deuhdeuha, a honglian hiaihiaia, Pathian leh mihing deihsakin a om deuhdeuhta.

2:52b.LUK.002.052 Huan, Jesu tuh a pil deuhdeuha, a honglian hiaihiaia, Pathian leh mihing deihsakin a om deuhdeuhta.

3

3:1b.LUK.003.001 Huan, Tiberia Kaisar a vaihawm kum sawm leh kum nga kumin, Pontia Pilat Judia gamukpa ahi a, Herod Galili gam kumpipa ahi a, a unau Philip Ituria leh Trakoniti gam kumpipa ahi a, Lusania Abiline gam kumpipa ahi a.

3:2b.LUK.003.002 Ana leh Kaiapha siampu Lianpen ahi ua, huailaiin Gamdai ah Zakaria tapa Johan kiangah Pathian thu hongtunga.

3:3b.LUK.003.003 Huan, amah bel Jordan lui gei kim gam tengteng ah a hoha, thil hihkhial ngaihdamna dingin kisikna baptisma thu a gen jela.

3:4b.LUK.003.004 Jawlnei Isai thu bu ah, Gamdaia mi kikou aw gingin, Toupa lamlian sial unla, a lampite tangsak un,

3:5b.LUK.003.005 Guam chih sun dim ahi dinga, tang chih, mual chih, hihniam ahi ding; lampi kawite tansak ahi dinga, lampi phokte mamsak ahi ding;

3:6b.LUK.003.006 Huan, mi tengtengin Pathian hotdamna a mu ding uh, a chi, chih gelh bangin.

3:7b.LUK.003.007 Huan aman, baptisma tang ding a kianga mipi hongsukte kiangah, Gul suante aw, thangpaihna hongtung ding taisan dinga kua ahia honvauhilh?

3:8b.LUK.003.008 Huchiin kisik minpu takin gah un, Abraham ei honsuangpa ahi aka, na lungsim un chi kei un; Pathianin hiai suang khawng Abraham suante din a dingsak thei chih ka honhilh ahi.

3:9b.LUK.003.009 Tu mahmah inzong heipi sing bul tengah koih ahita; huchiin, sing chih gah hoiha gah lou peuhmah phukin a oma, mei ah paihin a om, a chi a.

3:10b.LUK.003.010 Huan, mipiten a kiangah, Bang ka hih ding ua leh? a chi ua, a dong ua.

3:11b.LUK.003.011 Huan, aman, a kiang uah, Kuapeuh puannak nih neiin a neilou kiang ah hawm hen; kuapeuh an neiin huchibangmahin hih hen, a chi a, a dawnga.

3:12b.LUK.003.012 Huan, siahkhonmite leng baptisma tang dingin a hong ua, a kiangah, Sinsakpa, bang ka hih ding ua? a chi ua.

3:13b.LUK.003.013 Huan, aman a kiang uah, Honseh sak val uh vakhon kei un, a chi a.

3:14b.LUK.003.014 Huan, sepaihten leng a kiang ah, Kou leng bang ka hih ding ua? a chi ua, a dong ua. Huan aman a kiang uah, Kuamah hiamgamin hih kei unla, diklou piin kuamah hek kei unla, na loh uah lungkim un, a chi a.

3:15b.LUK.003.015 Huan, miten a lamet ua, mi tengtengin Johan tung thu a lungtang ua, Kris ahi kha zenzen de aw? chia a ngaihtuah laiun,

3:16b.LUK.003.016 Johanin a dawnga, a vek ua kiangah, Ken jaw tuiin ka hon baptis a, himahleh keimah sanga mi thupijaw a hong pai ding, a khedap khau phel tak leng ka hi kei; aman tuh Kha Siangthou leh meiin nou a honbaptis ding.

3:17b.LUK.003.017 A khutin a phazah a tawia, a phual a jap siang vilvelna ding leh a buhpanga buh sunna dingin; a si tuh mei mit theilouin a hal mang ding, a chi hi.

3:18b.LUK.003.018 Huan, hasotna thu dang tampiin mite kiangah Tanchin Hoih a hilh jela.

3:19b.LUK.003.019 Himahleh, kumpipa Herod-in bel a nau ji Herodia tungthu ah leh a thil hihkhelh tunga Johanin a taihilh jiakin,

3:20b.LUK.003.020 a thil hihkhelh tengteng behlapin amah tuh suangkulh ah a khumta hi.

3:21b.LUK.003.021 Huan, hichi ahia, mi tengtengin baptisma a tan khit un, Jesun leng baptisma a tankhitin, a thum a, van a hongkihonga,

3:22b.LUK.003.022 Kha Siangthou tuh sa puin vakhu bangin a hongsuk a, a tungah a tuta a; huan, van akipanin aw a hongpawt a, Nang ka Tapa deihtak na hi; na tungah ka kipak mahmah, a chi a.

3:23b.LUK.003.023 Huan, Jesun thu a hilh pat tung laiin amah tuh kum sawm thum khawng a hita, mi ngaihin jaw Joseph tapa ahi a, huai tuh Heli tapa ahi a,

3:24b.LUK.003.024 huai tuh Matthat tapa ahi a, huai tuh Levi tapa ahi a, huai tuh Melki tapa ahi a, huai tuh Janna tapa ahi a, huai tuh Joseph tapa ahi a,

3:25b.LUK.003.025 huai tuh Matthathi tapa ahia, huai huai tuh Amos tapa ahi a, huai tuh Nahum tapa ahia, huai tuh Esli tapa ahi a, huai tuh Naggai tapa ahi a,

3:26b.LUK.003.026 huai tuh Maathi tapa ahi a, huai tuh Matthathi tapa ahi a, huai tuh Semmei tapa ahi a, huai tuh Josek tapa ahi a, huai tuh Joda tapa ahi a,

3:27b.LUK.003.027 huai tuh Joanan tapa ahi a, huai tuh Rhesa tapa ahi a, huai tuh Zerubbabel tapa ahia, huai tuh Salathiel tapa ahi a, huai tuh Neri tapa ahi a,

3:28b.LUK.003.028 huai tuh Melki tapa ahi a, huai tuh Addi tapa ahi a, huai tuh Kosam tapa ahi a, huai tuh Elmadam tapa ahi a, huai tuh Er tapa ahi a,

3:29b.LUK.003.029 huai tuh Jose tapa ahi a, huai tuh Eliazer tapa ahi a, huai tuh Jorim tapa ahi a, huai tuh Matthat tapa ahi a,

3:30b.LUK.003.030 huai tuh Levi tapa ahi a; huai tuh Simeon tapa ahi a, huai tuh Juda tapa ahi a, huai tuh Joseph tapa ahi a, huai tuh Jonam tapa ahi a, huai tuh Eliakim tapa ahi a,

3:31b.LUK.003.031 huai tuh Melia tapa ahia, huai tuh Menna tapa hia, huai tuh Mattatha tapa ahi a, huai tuh Nathan tapa ahia, huai tuh David tapa ahi a,

3:32b.LUK.003.032 huai tuh Jesai tapa ahi a, huai tuh Obed tapa ahi a, huai tuh Boaz tapa ahi a, huai tuh Salmon tapa ahi a, huai tuh Nahson tapa ahi a,

3:33b.LUK.003.033 huai tuh Aminadab tapa ahi a, huai tuh Aram tapa ahi a, huai tuh Esrom tapa ahi a, huai tuh Perezi tapa ahi a, huai tuh Juda tapa ahi a,

3:34b.LUK.003.034 huai tuh Jakob tapa ahia, huai tuh Isaak tapa ahi a, huai tuh Abraham tapa ahi a, huai tuh Tera tapa ahi a, huai tuh Nahor tapa ahi.

3:35b.LUK.003.035 Huai tuh Seruk tapa ahi a, huai tuh Reu tapa ahi a, huai tuh Peleg tapa ahi a, huai tuh Eber tapa ahi a, huai tuh Selah tapa ahi a,

3:36b.LUK.003.036 huai tuh Kainan tapa ahi a, huai tuh Arphaksad tapa ahi a, huai tuh Sem tapa ahi a, huai tuh Noa tapa ahi a, huai tuh Lamek tapa ahi a,

3:37b.LUK.003.037 huai tuh Matthusel tapa ahi a, huai tuh Enok tapa ahi a, huai tuh Jared tapa ahi a, huai tuh Mahalalil tapa ahi a, huai tuh Kainan tapa ahi a,huai tuh Enos tapa ahi a, huai tuh Set tapa ahi a, huai tuh Adam tapa ahi a, huai tuh Pathian tapa ahi.

3:38b.LUK.003.038 huai tuh Enos tapa ahi a, huai tuh Set tapa ahi a, huai tuh Adam tapa ahi a, huai tuh Pathian tapa ahi.

4

4:1b.LUK.004.001 Huan, Jesu tuh Kha Siangthouin a dima, Jordan lui akipan a kik nawna, diabol khem kawmin gamdai ah ni sawm li Kha piin a om a.

4:2b.LUK.004.002 Huan, huai ni khawngin bangmah a ne kei a;

4:3b.LUK.004.003 Huan, a tawpin a gil a hongkialta a. Huan, diabolin a kiangah, Pathian Tapa na hih leh hiai suang tanghou suak dingin thupia in, a chi a.

4:4b.LUK.004.004 Huan, Jesun a kiangah, Mihing tanghou kiain a hing kei ding, chih gelh ahi, a chi a, a dawng a.

4:5b.LUK.004.005 Huan, a pi tou a, mit phiat kallouin khovel gam tengteng a ensaka.

4:6b.LUK.004.006 Huan, a kiangah, Hiai tengteng tunga thuneihna leh a thupina ka honpe ding; ka kianga piak a hita ngala, ka ut peuh kiangah leng ka pe jel a.

4:7b.LUK.004.007 Huchiin, honbia inla, a vekin nanga ahi ding, a chi a.

4:8b.LUK.004.008 Huan, Jesun a kiangah, Toupa na Pathian na biak dinga amah kia na na sep ding ahi, chih gelh ahi, a chi a, a dawng a.

4:9b.LUK.004.009 Huan, diabolin Jerusalem khua ah a pi a, Pathian biakin tungzum ah a koiha, huan, a kiangah, Pathian Tapa na hih leh, hiai akipanin ke khe sukin;

4:10b.LUK.004.010 Nangmah honhumbit dingin na tungthu ah jaw a angelte thu a pe ding,

4:11b.LUK.004.011 chih leh, a khut un hondom ding ua, huchilou injaw na khein suang na sui khading, chih gelh ahi ngala, a chi a.

4:12b.LUK.004.012 Huan, Jesun a kiangah, Toupa na Pathian zeet ken, chih ahi, chiin a dawnga.

4:13b.LUK.004.013 Huan, diabolin a khemna ding tenga a khem khitin a lemtan hun chiang dingin a paisanta hi.

4:14b.LUK.004.014 Huan, Jesu tuh Kha thilhihtheihnain Galili gamah a pai nawnta a; huan, a tanchin huai kim gam tengah a thangta.

4:15b.LUK.004.015 Huan, a kikhopna in uah thu a hilh jela, mi tengteng phatin a om hi.

4:16b.LUK.004.016 Huan, a khanletna khua Nazaret a hongtunga; huan Khawlnia a hihdan ngeina bangin kikhopna in ah a luta; sim dingin a dinga.

4:17b.LUK.004.017 Huan, jawlnei Isai laibu a kiangah a pia ua. Huan, laibu jial tuh a phel a, hiai thu kigelhna lai tak a sim a,

4:18b.LUK.004.018 Liangvaite kiangah Tanchin Hoih hilh dinga non seh jiakin Toupa Kha tuh ka tungah a om; Aman a honsawl, salte kiangah pawtna thu leh, mittote kianga mit vak neih nawnna thu gen ding, simmoh thuakte pawt sakna ding.

4:19b.LUK.004.019 Toupa lungkim kum thu gen dingin, chih.

4:20b.LUK.004.020 Huan, laibu tuh a jiala, nasepsakpa a pe nawna, a tuta a. Huan, kikhopna ina mi tengteng mit tuh a tungah a tu a.

4:21b.LUK.004.021 Huan, a kiang uah, Hiai Laisiangthou thu tuniin na jak un a tangtungta, chiin a genpan a.

4:22b.LUK.004.022 Huan, a vek un amah a phat ua, a kam suak hehpihna thute lamdang a sa mahmah uh. Huan, Hiai Joseph tapa ahi ka hia? a chi uh.

4:23b.LUK.004.023 Huan, aman a kiang uah, Nou hiai gentehna thu, Daktor, nang leh nang kihihdamin, Kapernaum khuaa na thilhih ka najak peuh uh, hiai ah nangmah kholam ah leng hih in, chiin, honchi khongkhong ding jaw neive ua, a chi a.

4:24b.LUK.004.024 Huan, amahmahin, Chihtaktakin, ka honhilh ahi, Jawlnei kuamah amah kholamah min a kipahpih ngei kei.

4:25b.LUK.004.025 Huchiin, diktakin ka honchi ahi, Elija dam laia, kum thum leh kha guk van a bina, khovela kial nakpitaka a hongtunin, Israel gamah meithai tampi a om ua;

4:26b.LUK.004.026 Himahleh a lak ua kuamah kiangah Elija sawl ahi kei, Sidon gam lama Sarepta khuaa numei khat meithai kiangah kia sawl a hijaw.

4:27b.LUK.004.027 Huan, jawlnei Elisa dam laiin leng Israel gamah phak tampi a om ua; himahleh a lak uah kuamah hihsiangthouin a om kei, Naaman, Suria mi kia hihsiangthouin a om zota ve, a chi a.

4:28b.LUK.004.028 Huan, kikhopna ina mi tengtengin, huai thute a jak tak un, a heh mahmah ua,

4:29b.LUK.004.029 a ding suausuau ua, khua akipanin a sawn khia ua, paih khiak dingin a kho omna kawlkhou uah a pita ua.

4:30b.LUK.004.030 Himahleh, amah tuh a kikal uah a pai suaka, a paimangta.

4:31b.LUK.004.031 Huan, Galili gama khua khat, Kapernaum ah vahoh suk a. Huan, Khawlniin mite thu a hilha;

4:32b.LUK.004.032 huan, thunei taka a gen jiakin a thu hilh tuh lamdang a sa mahmah uh.

4:33b.LUK.004.033 Huan, kikhopnain ah dawi nin kha pai mi khat a na om a;

4:34b.LUK.004.034 amah tuh aw ngaihtakin a kikoua, Ei! Nazaret Jesu, kou leh nang bang ahia i kizolhna om? honhihmangthang dingin na hong maw? Nang kon thei, Pathian Mi Siangthou na hi, a chi a.

4:35b.LUK.004.035 Huan, Jesun a taia, Dai inla, a sung akipan hongpawt in, a chi a. Huan, dawiin a laiah a hihpuk phota, hihna louin a sunga kipan a hongpawtta a.

4:36b.LUK.004.036 Huan, a vek un lamdang a sa mahmah ua, Hiai bang thu ahia le? Thu neitak leh thilhihthei takin dawi ninte thu a pia a, a pawt uh, chiin, a kihou ua.

4:37b.LUK.004.037 Huan, huai kim gam kho tengah a tanchin a thangta.

4:38b.LUK.004.038 Huan, a thou a, kikhopna in akipan a pawta, Simon in ah a lut a. Huan, Simon ji nu nakpitakin a khua a nasik a, huchiin amah adingin a nachial sak ua.

4:39b.LUK.004.039 Huan, a kiangah a dinga, khosik tuh a tai a, a daita hi; huan, a thou pahta a, a na uh a sep sakta.

4:40b.LUK.004.040 Huan, ni tum kuanin nat tuamtuam a na, damlou nei peuhmahin a kiangah a honpi ua; huan, a vek un a tunguah a khut a koih chiata, a nahihdam jel.

4:41b.LUK.004.041 Huan, dawite leng, Pathian Tapa na hi, chia kikouin, mi tampi sunga kipanin hongpawt uh. Huan, amau a tai a, Kris tuh ahi chih a theih jiak un a pau uh a phal kei hi.

4:42b.LUK.004.042 Huan, khovak takin a pawta, kuamah omlouhna mun ah a hoha; huan mipiten a zong ua, a kiangah a hong ua, amau a pai san louhna dingin let a tum ua.

4:43b.LUK.004.043 Himahleh, aman, a kiang uah, Kho dang khawngah leng Pathian gam tanchin Hoih ka hilh ding ahi,huai dinga sawl ka hi ngala, a chi a; huchiin, Galili gama kikhopna in khawngah thu a hilhta.

4:44b.LUK.004.044 huai dinga sawl ka hi ngala, a chi a; huchiin, Galili gama kikhopna in khawngah thu a hilhta.

5

5:1b.LUK.005.001 Huan, hichi ahia, mipiin Pathian thu a ngaihkhiak ua, amah a boh huthut lai un, amah tuh Gennesaret dil gei ah a dinga.

5:2b.LUK.005.002 Huan, dil geia long nih om a mua, himahleh nga manmite lah a pawt khia ua, a lente uh a sawp ua.

5:3b.LUK.005.003 Huchiin, long khat Simon-a pen ah a tuanga, a kiangah luigei akipan neukha tolh lut sak deuh a ngena. Huan, a tu a, long akipanin mipite thu a hilhta.

5:4b.LUK.005.004 Huan, thugen a tawpin, Simon kiangah, Li thuk lam naih unla, nga man dingin, na lente uh pai un, a chi a.

5:5b.LUK.005.005 Huan, Simonin a kiangah, Heutupa, gimtakin jankhuain ka pang ua, bangmah ka man kei ua, himahleh na thuin lente ka pai nawn ding leh, a chi a, a dawnga.

5:6b.LUK.005.006 Huan, a paih uleh nga tampi tak a khuh ua, a lente uh tuh a kek iakkiaka.

5:7b.LUK.005.007 Huan, long danga om a lawmte uh amau honghuh dingin a khutvan ua. Huan, a hongpai ua, long nih tum phialphialin a sung dim tuaktuak uh.

5:8b.LUK.005.008 Huan, Simon Peterin huai a muhin, Jesu khuk kiangah khupbohin, Toupa, honpai sanin, mikhial ka hi, a chi a.

5:9b.LUK.005.009 A nga mat u tuh amah leh a lawmten lamdang a sa mahmah ngal ua;

5:10b.LUK.005.010 Simon pawlte mah Zebedai Tapa Jakob leh Johanin leng lamdanga sa mahmah sam uh. Huan, Jesun, Simon kiangah, Lau ken, tuban siah mihing na manta ding, a chi a.

5:11b.LUK.005.011 Huan, a longte uh luigei ah a tolh galkai ua, bangkim pai sanin amah tuh a juita uh.

5:12b.LUK.005.012 Huan, hichi ahia, khua khata a omlaiin ngai dih, mi khat phak bop a oma, aman Jesu a na mu a, khupbohin Toupa, na ut leh non hihsiangthou thei, a chi a, a ngen ngutngut a.

5:13b.LUK.005.013 Huan, aman a sawka, a khoiha, Ka ut, nanasiangthoutain, a chi a. Huan, thakhatin a phak tuh a hongbei pah hi.

5:14b.LUK.005.014 Huan, a kiangah, Kuamah hilh ken, a hihhangin siampu kiangah vakiensak inla, na sianhonna ding Mosi seh bangin lan in, mite theihchetna dingin, a chi a.

5:15b.LUK.005.015 Himahleh, a tanchin thu tuh a thang sansan a; mipi thupitak a thu za nuam leh a natnate uh hihdam utin a hongkikhawm kheukhou ua.

5:16b.LUK.005.016 Himahleh, amah tuh gamdaiah a tuam pai a, a thum hi.

5:17b.LUK.005.017 Huan, hichi ahia, huai lain, ni khat tuh, thu a hilh a. Huan, akiangah Pharisaite leh dan siam te tuin a om ua, huaite tuh, Galili leh Judia gam kho teng akipana hongpai ahi ua; huan mi hihdamna dingin Toupa thilhihtheihna a kiangah a om.

5:18b.LUK.005.018 Huan, ngai dih, lupna toh mijaw khat a honjawng ua; a maa koih dingin jawn lut a tum ua.

5:19b.LUK.005.019 Huan, mipi jiakin jawn lutna dan a mu theikei ua, in tunga kipan, a lai takah, Jesu ma ah a lupna toh a khai khe suk ua.

5:20b.LUK.005.020 Huan, a gindan uh a namuh in, a kiang ah, Mihing, na khelhnate ngaihdam a hita, a chi a.

5:21b.LUK.005.021 Huan, laigelh mite leh Pharisaiten, Pathian gensia hiai mi kua ahia? Pathian kia louin kuan ahia khelhnate ngaidam thei? chiin a ngaihtuah ua.

5:22b.LUK.005.022 Huchiin, Jesun a ngaihtuah uh a theia, a kiang uah, na lungtang uah bang na ngaihtuah ua?

5:23b.LUK.005.023 Na khelhnate ngaihdam a hita, chih leh, Thou inla, khein paita in, chih, a koipen a gen nuam jaw a?

5:24b.LUK.005.024 Abang abang hitaleh, khovelah Mihing Tapain khelhnate ngaihdam theihna a nei chih na theihna ding un a chi a, (Jaw kiangah) Thou inla, na lupna la inla, na in ah paiin, ka honchi, a chi a.

5:25b.LUK.005.025 Huchiin, a mit muh un a thou paha, a lupna a la a, Pathian phat kawmkawmin a in ah a paita.

5:26b.LUK.005.026 Huan, a vek un lamdang a sa mahmah ua, Pathian a phat ua. Tuniin thillamdang pitak i mu hi, a chi ua, a lau mahmah uh.

5:27b.LUK.005.027 Huan, huaite khitin a pawta, siahpiakna muna tu, siahkhonmi khat a min Levi a mu a; huan, a kiangah, Honjui in, a chi a.

5:28b.LUK.005.028 Huchiin, bangkim a paisana, a thou a, a juita.

5:29b.LUK.005.029 Huan, Leviin a in ah Jesu adingin ankuang thupitak a luia; huchiin, siahkhonmi midangte toh mi tampiin amau a umpih chiat ua.

5:30b.LUK.005.030 Huan, Pharisaite, a laigelhmite utoh a nungjuite tungah a phun ua, Bang dia siahkhonmite leh khialte kianga ne-a dawn na hi ua? a chi ua.

5:31b.LUK.005.031 Huan, Jesun, a kiang uah, Mi damtheiten daktor a kiphamoh kei ua, mi damtheilouten a kiphamoh jaw uh.

5:32b.LUK.005.032 Mi diktatte sam dinga hongpai ka hi keia, mi khialte kisik dinga sam din hongpai ka hijaw, chi in a dawng hi.

5:33b.LUK.005.033 Huan, amau a kiangah, Johan nungjuiten an a ngawl jel ua, a thum jel uh: Pharisai nungjuiten leng huchibang mahin a hih jel uh: himahleh, na nungjuiten a ne un a dawn gige uh, a chi ua.

5:34b.LUK.005.034 Jesun a kiang uah, Mou pimite kianga a pasal ding a om lai siah mou pimite na ngawl sak thei ngei ua hia?

5:35b.LUK.005.035 Himahleh apasal ding amau akipana pimang nite a hongtung dinga, huai ni chiangin jaw a ngawl ding uh, a chi a.

5:36b.LUK.005.036 Huan, a kiang uah gentehna thu leng a gena: Kuamahin puan thak eu khiain puan lui a thuap ngei kei, thuap him taleh, a thakin a kaikek dia, a thak them leh a lui tuh a kituak tuan kei ding.

5:37b.LUK.005.037 Huan, kuamahin uain thak savun uain thawl lui ah a thun ngei kei uh, thunta him le uleng, uain thakin savun thawlte a phukek dia, a bo dia, savun thawlte leng a se ding uh.

5:38b.LUK.005.038 Uain thak tuh savun uain thawl thakah a thun zo ding uh ahi.Huan, kuamah, uain lui na dawn khinin leng, a thak a duh pah kei hi; a lui a hoihjaw, a chi ngala, a chi hi.

5:39b.LUK.005.039 Huan, kuamah, uain lui na dawn khinin leng, a thak a duh pah kei hi; a lui a hoihjaw, a chi ngala, a chi hi.

6

6:1b.LUK.006.001 Huan, hichi ahi a, Khawlni khatin buh lei khawngah a pai suaka, a nungjuiten buh vuite a khiak ua, a khutpek un a nuai siang ua, a ne ua.

6:2b.LUK.006.002 Huan, Pharisai kuate hiamin, Bangdia Khawlnia hih sianglou hih na hi ua? a chi ua.

6:3b.LUK.006.003 Huan, Jesun a dawnga, David a gilkial laia a lawmte toh a thil hih uh huai bangte leng na sim kei ua hia?

6:4b.LUK.006.004 Huchia Pathian ina a luta, siampute loungalin a nek siang louh tanghou koih a laka, a lawmte kianga a piak sam thu, a chi a.

6:5b.LUK.006.005 Huan, amahmahin, a kiang uah, Mihing Tapa jaw Khawlni Toupa ahi, a chi hi.

6:6b.LUK.006.006 Huan, hichi ahi a, Khawlni dangin kikhopna in ah a luta, thu a hilha; huan, huai ah mi khat khut taklam jaw a na oma.

6:7b.LUK.006.007 Huan, laigelhmite leh Pharisaiten a hekna ding a muh theihna ding un, Khawlniin hihdam dingin a kisa hia kisa lou a simet ua.

6:8b.LUK.006.008 Himahleh, aman, a lungsim uh a theia, khutjaw kiang ah, Thou inla, a laiah ding khia in, a chi a. Huan a thou a, a ding khetaa.

6:9b.LUK.006.009 Huan, Jesun a kiang uah, Khawlniin hihhoih a sianga, hih siat? hotdam a sianga, hihlup? ka hondong ahi, a chi a.

6:10b.LUK.006.010 Huan, a vek un a en velvela, a kiangah, Na khut zan khia in, a chi a. Huan, a zan khiaa, a khut tuh a damta.

6:11b.LUK.006.011 Huchiin a heh lo mahmah ua, Jesu tunga hihdingdan a kihouta uh.

6:12b.LUK.006.012 Huan, hichi ahi a, huailaiin, a pawta, thum dingin tang ah a kuana, Pathian kiangah jan khuain a thum a.

6:13b.LUK.006.013 Huan, khovak takin a nungjuite a sama; a lak uah nih a tela, a min uh leng sawltak a sa hi:

6:14b.LUK.006.014 Huaite tuh Simon Peter a chih leh a unaupa Andru, Jakob leh Johan, Philip leh Bartholomai,

6:15b.LUK.006.015 Matthai leh Thoma, Alphai tapa Jakob,

6:16b.LUK.006.016 Simon, Zelot kichi leh Jakob tapa Juda leh a mansakpa Juda Iskariot ahi uh.

6:17b.LUK.006.017 Huan, amau toh a pai khia a, mun jangah a dinga, a nungjuite mipite toh, Judia gam tengteng akipan leh, Jerusalem khua akipan leh, Tura leh Sidon kho lama tuipi gei akipan mipi tampitak a thu ngai nuam leh a damlouhnate uh hihdam utin a hongpai ua;

6:18b.LUK.006.018 Huchiin, dawi nin bawlgawpte leng damsakin omta uh.

6:19b.LUK.006.019 Huan, a kianga kipan thilhihtheihna pawtkhiaa, mi chih a hidam jel jiakin mipi tengtengin amah khoih a tum ua.

6:20b.LUK.006.020 Huan, a dak khia a, a nungjuite enin a gena: Nou gentheite aw, na hampha uhi; Pathian gam noua ahi ngala.

6:21b.LUK.006.021 Nou tua gilkialte aw, na hampha uhi, tai ding na hi ngal ua. Nou tua kapte aw, na hampha uhi, nui ding na hi ngal ua.

6:22b.LUK.006.022 Mihing Tapa jiaka miten a honhuat ua, honpampaih ua, hontai ua, na min uh a hoih kei chia a honpaih mang chiang un, na hampha ding uh.

6:23b.LUK.006.023 Huai niin kipak unla, nuamin tawm un, ngai un, van ah na kipahman uh a om kikeih ngal a; huchi bangmahin a pipute un jawlneite tungah a hih uhi.

6:24b.LUK.006.024 A hihhangin, nou mi haute aw, na tung uh a gik e; na khamuanna uh na mu khinta ngal ua:

6:25b.LUK.006.025 Nou tua vahte aw, na tung uh a gik e; na gil uh hongkial ding ahi ngal a. Nou tua nuite aw; na tung uh a gik e; lungkhama kap ding na hi ngal ua;

6:26b.LUK.006.026 Mi tengtengin a honphat chiang un na tung uh a gik ding hi; huchimahbangin a pipute un jawlnei takloute tungah a hih uhi.

6:27b.LUK.006.027 Ka thu ngaikhete aw, konhilh ahi, Na melmate uh it unla, a honhote a hoihna ding uh hih un,

6:28b.LUK.006.028 Hamsia honlohte vualjawl unla, a honsimmohte thum sak un.

6:29b.LUK.006.029 Biang langkhata honbengpa tuh a lehlam leng dohin; huan, na puan honlaksakpa kiangah na puannak leng it ken.

6:30b.LUK.006.030 A honngen peuh kiangah pia un; huan, na van honlaksakpa kiangah ngen nawn ken.

6:31b.LUK.006.031 Huan, min na tung ua a hih uh na deih ding bang jel un mi tungah leng hih sam un.

6:32b.LUK.006.032 Huan, a honitte kia na it un, pahtak bang na loh ding ua? mikhialten leng amau itte a it sam ve ua oi.

6:33b.LUK.006.033 Huan, na tung ua hoihte tung kiaa na hoih un, pahtak bang na loh ding ua? mikhialten leng huchibangmahin a hih jel ve ua oi.

6:34b.LUK.006.034 Huan, muh nawn lametnate kiang kiaa thil na leitawi sak un, pahtak bang na loh ding ua? mikhialten leng a ngeingei mu nawn dingin mikhialte kiangah a leitawisak sam ngal ua.

6:35b.LUK.006.035 A hihhangin na melmate uh it unla, a hoihna ding un hih unla, leitawi sak un, lunglel het lou in; huchiin na kipah man uh a tam dia, Tungnungpen tate na hi ding uh; aman mi kipahnadantheiloute leh migiloute a hehpih naknak hi.

6:36b.LUK.006.036 Na Pa un mi a hehpih bangin mi hehpih sam un.

6:37b.LUK.006.037 Hawmsak kei un, huchiin hawmsakin na om kei ding uh; kuamah siamlouin sep dah un, huchiin siamlouhin na om kei ding uh; ngaidam un, huchiin ngaihdamin na om ding uh;

6:38b.LUK.006.038 Pia un, huchiin, piakin na om ding uh, hoihtaka teha, hen gaka, sin gaka, let nawinawiin na angsung uah piakin na om ding uh. Noumau tehna ngei maha tehsaka piak hi ding na hi ngal ua, a chi a.

6:39b.LUK.006.039 Huan, a kiang uah, gentehnain a gen a, Mittawin mittaw mah a pi thei diam? a nih un kokhuk ah a ke khawm kei ding ua hia?

6:40b.LUK.006.040 Nungjui tuh a heutupa tungah a om kei; himahleh mi chih a siamkim chiang un a heutupa bangin a om ding uh.

6:41b.LUK.006.041 Huan, bangdia, na mita singtum om limsak loua, na unau mita ninneng neuchik om mu na hia?

6:42b.LUK.006.042 Nangmah mita singtum om mu lou piin, na unau kianga, Unau, na mita ninneng neuchik om honla khesak ve, bangchia chi thei na hia? Mi lepchiah: na mit apat singtum la khe masa in, huchiin na unau mita ninneng neuchik lak khiak ding tuh chiantakin na mu thei ding.

6:43b.LUK.006.043 Sing hoih himhim gah siaa gah a om ngei kei; sing sia lah gah hoiha gah a om ngei sam kei.

6:44b.LUK.006.044 Sing chih amau gah chiatah a kithei hi. Min khau lingnei kungah theipi a lou ngei kei uh, lingnok lakah grep gah a loungei sam kei uh.

6:45b.LUK.006.045 Mi hoihin a lungtang gou bawm hoih akipan thil hoihte a honla khe jela; mi gilouin a lungtang gou bawm sia akipan thil hoihloute a honla khe jel hi; a lungtanga dim val tuh a kamin a gen jel ngala.

6:46b.LUK.006.046 Huan, nou bang dinga, ka gente hih loupi a, Toupa, Toupa, honchi nahi ua?

6:47b.LUK.006.047 Mi chih ka kianga honga, ka thu jaa mang peuhmah kua bang ahi ua, ka honen sak ding:

6:48b.LUK.006.048 In lammi, thukpia tou a, suangpi tou a, suangpi tunga suangphum lemmi bang ahi uh; huan, tui a hongkhanin, tui khauhin huai in tuha khoh a, a hihling theikeia, hoihtaka lam a hih jiakin.A hihhangin, jaa mang lou tuh, suangphum lou a, leitung maimaha in lammi ahi; huan, tui khauhin huai tuh a khoh a, a chim paha; huai in siatna tuh thupi tak ahi, a chi a.

6:49b.LUK.006.049 A hihhangin, jaa mang lou tuh, suangphum lou a, leitung maimaha in lammi ahi; huan, tui khauhin huai tuh a khoh a, a chim paha; huai in siatna tuh thupi tak ahi, a chi a.

7

7:1b.LUK.007.001 Huan, mite jaka a thu gen tengteng a khitin Kapernaum khuaah a luta,

7:2b.LUK.007.002 Huan, sepaih zaheutu kuahiam a sikha deihtak a chi a na a, a si dekdeka.

7:3b.LUK.007.003 Huchiin, Jesu tanchin a jak takin a sikha honghihdam dinga ngen dingin a kiangah Juda upate a sawla.

7:4b.LUK.007.004 Huan, amau tuh Jesu kiang a vatung ua, limtakin a ngen ua,

7:5b.LUK.007.005 Amah jaw hiai na hihsak tak ahi; ka nam uh a it a, ka kikhopna in uh leng amah honlamsak ahi, a chi ua.

7:6b.LUK.007.006 Huchiin, Jesu tuh amau toh a hongpai a. Huan, in a tun dekdekin sepaih zaheutun a kiangah, a lawmte a sawla, ka in sung na lutna tak ahi kei,

7:7b.LUK.007.007 Huaijiakin na kianga hong tak hiin leng ka kisimkei, thu leltak gen lechin, ka naupang a dam mai ding.

7:8b.LUK.007.008 Kei leng mi thua om ka hi a, ka nuaiah sepaihte a om ua; huai mipa, hiai mipa, Pai in, ka chih leh a paia, mi dang kiangah leng, hongpai in, ka chih leh, a hongpai a; ka sikha kiangah leng, Hiai hih in, ka chih leh a hih jel, a chi a.

7:9b.LUK.007.009 Huan, Jesun huai thu a jakin amah tuh lamdang a sa mahmah a, a kihei a, mipi amah juite kiangah, Ka honhilh ahi, Israelte lakah leng hichi tela ginna thupi ka mu kha mahmah kei, a chi a.

7:10b.LUK.007.010 Huan, a misawlte in ah a painawn ua, sikha tuh damin a muta uh.

7:11b.LUK.007.011 Huan, sawtlou chikin khua khat Nain kichi ah a hoha; a nungjuite leh mipi tampitak a kiang ah a hoh sam ua.

7:12b.LUK.007.012 Huan, khopi kongkhak kiang a tunin, ngai in, misi a honjawng khia ua, a nu tapa neihsun ahi a, amah lah meithai ahi ngala; a khuate tampi a kiangah a om uh.

7:13b.LUK.007.013 Huan, Toupan meithainu a muh takin, a hehpih mahmaha, Kap ken, a chi a.

7:14b.LUK.007.014 Huan, a vanaiha, lang a khoiha; huchiin, a jawngte a khawlta ua. Huan, Tangval, thou in, ka honchi, a chi a.

7:15b.LUK.007.015 Huan, misi tuh a tu khia a, a hongpauta a. Huan, Jesun a nu kiangah a peta.

7:16b.LUK.007.016 Huan, mi tengtengin a lau ua, Pathian a phat ua, I lak ah jawlnei thupi tak a hongsuakta, a chi ua, Pathianin a mite hongvehta ahi, a chi uh.

7:17b.LUK.007.017 Huan, huai mi tungtang thu tuh Judia gam tengtengah leh a kiang vel gam tengah a thang kheta a.

7:18b.LUK.007.018 Huan, Johan nungjuiten huai thu tengteng Johan a hilh ua.

7:19b.LUK.007.019 Huchiin, Johanin a nungjuite nih a sama, Toupa kiangah a sawla, Hongpai dingpa na hi hia, mi dang hungaih lailai ding ka hi uhia? chiin.

7:20b.LUK.007.020 Huan, mite tuh a kiang a hongtun un, Baptispa Johanin, Hongpai dingpa na hi hia, mi dang hungaihlailai ding ka hi uhia? chiin, na kiangah kou a honsawl, a chi ua.

7:21b.LUK.007.021 Huan, huailai takin Jesun chinate, hipi veite, dawi matte tampi a hihdama, mittaw tampite leng a mit uh a hihvaka.

7:22b.LUK.007.022 Huan, a kiang uah, Pai nawnta unla, thil na muh uleh na jak uh Johan vahilh un; mittawte a mit uh a hongvakta, khebaite khein a hongpaita ua, phakte a hongsiangthouta uh, bengngongte leng a bil uh a hongvakta, misite kaihthohin a omta uh, ajawngten Tanchin Hoih hilh a tangta uh.

7:23b.LUK.007.023 Huan, kuapeuh ka tunga lunghihlouhna mu loutuh a hampha hi, a chi a, a dawnga.

7:24b.LUK.007.024 Huan, Johan sawltakte a pai nung un Jesun mipite kiangah Johan thu a genta a, Bang en dinga gamdaia pai khia neita ua? Sialluang huih mut ling maw?

7:25b.LUK.007.025 A hihkeileh, bang en dingpena pai khia neita ua? Puan nem silhmi maw? Ngai un, puan thupi silh leh mi nuamsate kumpipate in khawngah eive a om uh.

7:26b.LUK.007.026 Ahihkeileh, bang en ding penin ahia na pai khiak uh? Jawlnei maw? A hi tawk vo oi, ka honchi ahi, jawlnei sanga leng thupijaw.

7:27b.LUK.007.027 En dih, ka thangkou na ma ah ka sawl ahi, aman na ma ah na lam a bawl ding, chi-a, a tanchin kigelh, hiai mipa ahi.

7:28b.LUK.007.028 Numei suan lakah Johan sanga thupi jaw a om kei; himahleh, Pathian gama mi neu pen leng amah sangin a thupi jaw, ka honchi a chi a.

7:29b.LUK.007.029 Huan, mi tengtengin a jak un, siahkhonmite toh, Johan baptisma natangsa ahi ua, Pathian siam a tangsak uhi.

7:30b.LUK.007.030 Pharisaite leh dan theimiten bel a kianga baptisma natangsa ahi kei ua, amaua dinga Pathianin a hoih dia a sehsak tuh a deih kei uh.

7:31b.LUK.007.031 Huchiin Jesu mahin, Tulai khangthakte bang toh ka teh de aw? bangtobang ahi ua?

7:32b.LUK.007.032 Naupang dawlmuna tua, Tamngai hon tumsak unga, lam lou uchina; kap huphup unga, nou lah kaptuan lou uchina, chia, kichi tuah bang ahi uh.

7:33b.LUK.007.033 Baptispa Johan a hongpaia, tanghou a ne keia, uain leng a dawn kei a, nou ten, Dawi jawl ei ve, na chi ua.

7:34b.LUK.007.034 Mihing Tapa a hongpaia, a nein a dawna, nouten, En dih uh, anhaipa, uain haipa, siahkhonmite leh mi khialte lawm: na chi ngal ua.

7:35b.LUK.007.035 Himahleh, pilna tuh a ta tengtengin siam a tan uh.

7:36b.LUK.007.036 Huan, Pharisaite laka mi khatin a kianga an ne din a deih a. Huan, huai Pharisai in ah a luta, an a um a.

7:37b.LUK.007.037 Huan, ngai dih, huai khuaa numei khat omin Pharisai in ah an umin a tu chih a theih takin alabasta bawmin thau namtui a hontawi a,

7:38b.LUK.007.038 A nungah a khepek bul ah kap kawmin a dinga, a khituiin a khepek a sukawt a, a samin a nula, a khepek tuh a tawp a, thau namtuiin a nuh.

7:39b.LUK.007.039 Huan, a sampa Pharisaiin huai a muhin, a lungsimin, Hiai mi jawlnei a hih leh akhoihnu numei kua ahia, mi bangchi ahia, theih tuaktak hi a, mi khial ahi ngala, a chi a.

7:40b.LUK.007.040 Huan, Jesun, a kiangah, Simon, na kiangah thu kamkhat gen ding ka nei, a chi a, a dawnga, Huan, aman, Bang ahia, Sinsakpa? a chi a.

7:41b.LUK.007.041 Huan, Jesun, Dangka leitawi sak kuahiamin leibami nih a neia: khatin makhai za nga a ba a, khatin sawm nga.

7:42b.LUK.007.042 Huan, a ditna ding a neikei a, a ngaidam tuaktuak ta. Huchiin, huai mite a kuain ahia amah it zo ding? a chi a.

7:43b.LUK.007.043 Simonin, A ngaihdam diak penin hiin ka gingta, a chi a, a dawnga. Huan, aman, a kiangah, Na chi dik, a chi a.

7:44b.LUK.007.044 Huan, numei lam a nga a, Simon kiangah, Hiai numei na mu hia? Na in ah ka honglutta, nang ka khepek silna ding tui nahon pe keia, aman tuh a khituiin ka khepek a sukawta, a samin a nula.

7:45b.LUK.007.045 Nang tawp himhim non tawp kei; aman tuh ka honglut nungsiah ka khepek tawp a tawlnga kei.

7:46b.LUK.007.046 Nang ka lutang ah thau non nilh kei; aman tuh ka khepek thau namtui a nilh.

7:47b.LUK.007.047 Huaijiakin ka honchi ahi, A khelhna tampi ngaihdamin a omta; aman nakpitakin a it hi; a hihhangin, ngaihdam tawmin, neuchikin a it nak, a chi a.

7:48b.LUK.007.048 Huan, numei kiangah, Na khelhnate ngaihdam ahi ta, a chi a.

7:49b.LUK.007.049 Huan, a an umpihten, Mi khialte nangawn ngaidam kua ahia eita? a kichi ua.Huan, aman, numei kiangah, Na ginna hotdam na hih loh ahi, khamuang takin pai in, a chi hi.

7:50b.LUK.007.050 Huan, aman, numei kiangah, Na ginna hotdam na hih loh ahi, khamuang takin pai in, a chi hi.

8

8:1b.LUK.008.001 Anungin Jesu a paipaha, thu hilh leh Pathian gam Tanchin Hoih tun kawmin kho lian leh kho neute a tawn vialviala; a kiangah sawm leh nihte a om ua,

8:2b.LUK.008.002 Numei kuate hiam dawi jawl dam nawnte leh china dam nawnte toh. Huai numeite tuh Mari a sunga pat dawi sagih pawtna Magdalini a chih uh,

8:3b.LUK.008.003 Herod sumkempa Chuza ji Jonna, Sussana leh mi dang tampite toh ahi uh; huaiten amau neihsain amah a khotuah jel uh.

8:4b.LUK.008.004 Huan, mipi tampitak a hongkikhawm ua, kho chiha mi a kianga a hong un, gentehnain thu a gena:

8:5b.LUK.008.005 Buhchithehpa a buh chi theh din a kuana; huan, a theh lain a khen lampi sikah a kia a, min a sik ua, tungleng vasaten a ne zouta uh.

8:6b.LUK.008.006 Huan, a khen suang tungah a kia a; huan a pout akin a kawt louh jiakin a vuai pah a.

8:7b.LUK.008.007 Huan, a khen loulingnei lakah a kia a, louin a pou tonpiha, a dep mangta.

8:8b.LUK.008.008 Huan, a khen lei hoih ah a kia a, a hongpou a, a leh jain a gahta a, a chi a. Huan, huai thu a gen lain a kikou a, Kuapeuh jakna dinga bilneiin ja uheh, a chi hi.

8:9b.LUK.008.009 Huan, a nungjuiten a kiang ah, Hiai gentehna thu bang chihna ahia? chiin, a dong ua.

8:10b.LUK.008.010 Huan, Pathian gam thugukte nou theih dia piak ahia, mi dang kiangah bel gentehna kiaa gen ahi; mu napia a muh theihlouhna ding uleh za napi-a a theihsiam louhna ding un.

8:11b.LUK.008.011 Huai gentehna thu hiai ahi: Buh chi tuh Pathian thu ahi.

8:12b.LUK.008.012 Huan, lampi sika te tuh thu zasate ahi uh; huan, diabol a hongpaia, a gin louh ua, hotdam a hih theih louhna ding un a lungtang ua kipan thu tuh a lak mangsak jel.

8:13b.LUK.008.013 Huan, suang tunga te tuh a jak tak ua thu kipak taka pom pahte ahi ua; himahleh zung himhim a neikei ua, sawtlou chik kia a ging ua, khem hunin a tawp san nak uh.

8:14b.LUK.008.014 Huan, loulingnei laka kiate tuh thu zate ahi ua; himahleh a khosak jelna uah damsung khosak ngaihtuahnate, hauhsaknate, nuamsaknaten a depa, a gah piching kei nak uh.

8:15b.LUK.008.015 Lei hoih ate bel thu jaa lungtang kizen leh hoih a kem kinken a, kuhkaltaka gah suahte ahi uh.

8:16b.LUK.008.016 Kuamahin khawnvak dein belin a khuh kei uh, lupna nuaiah leng a koih kei uh; a lut peuhmahin a vak a muh theihna dingun a koihna ah a koih jaw uh.

8:17b.LUK.008.017 Thang lou ding a im bangmah a om ngal kei a, theih louh ding leh lang lou dinga selguk bangmah a om sam kei.

8:18b.LUK.008.018 Huchiin, bangchibangin ahia na jak uh pilvang un; kuapeuh a nei tuh piak behlap ahi ding a, kuapeuh a neilou tuh, nei a kichih sun leng lak sak ahi ding, a chi hi.

8:19b.LUK.008.019 Huan, a nu leh a unauten Jesu lam a honnaih ua, himahleh mipi jiakin a kiang a hongtung theikei ua.

8:20b.LUK.008.020 Huan, Na nu leh na unaute nangmah muh tumin inpua ah ding nilouh ve uh, chiin, a hilh ua.

8:21b.LUK.008.021 Huan, aman a kiang uah, Hiai Pathian thu jaa gingtate ka nu leh ka unaute ahi uh, a chi a, a dawnga.

8:22b.LUK.008.022 Huan, hichi ahi a, huailaiin ni khat tuh longah a tuanga, a nungjuite toh; huan, a kiang uah, Dil gal khat lamah I kai ding, a chi a. Huchiin long a phel ua, a paita ua.

8:23b.LUK.008.023 Huan, a pai lai un Jesu a ihmutaa; huan, dilah huihpi a hongnung suka, a long uh tuiin a dim dekdeka, lauhuai piin a omta uh.

8:24b.LUK.008.024 Huan, a kiangah a vahoh ua, a phawng ua, Heutupa, Heutupa, mangthang ding ka kei umaw, a chi ua. Huan amah a khanglou-a huih leh tuikihot a taita a; huan, a tawp ua, a daita mai uhi.

8:25b.LUK.008.025 Huan, a kiang uah, Na ginna uh kaw om ahia? a chi a. Huan, a lau ua, lamdang a sa mahmah ua, Hiai mi kua ahia leh? huih leh tui nangawn thu a piaka, a thu a man uh? a kichi uhi.

8:26b.LUK.008.026 Huan, Gaili gam jawn Gerasinte gam a tung ua.

8:27b.LUK.008.027 Huan, gama a pai khiakin, khuaa mi dawi mat kuahiamin a nadawna; huai mi tuh sawtpi puan himhim silh louin a oma, in himhim ah leng a om keia, han khawng ngen ah a om jaw a.

8:28b.LUK.008.028 Huan, Jesu a muh takin a kikou a, a maah a khupboha, aw ngaih piin, Jesu, Pathian Tungnungpen Tapa, kei leh nang bang i kizolhna a om a? honhihgim mahmah lou dingin ka honngen ahi, a chi a.

8:29b.LUK.008.029 Jesun dawi nin tuh huai mi sunga kipana pawt dingin thu a nape khin ngala. Huai mi tuh dawiin a man gige ahi; min khainiang leh kol a bun sak ua, a ching ngitnget ua; himahleh a gakna uh a hihtata, dawiin gamkeu khawngah a delhkhe jel hi.

8:30b.LUK.008.030 Huan, Jesun, Na min bang ahia? chiin, a donga. Huan, aman, Nuai, a chi a, a sunga dawi tampi a lut jiakin.

8:31b.LUK.008.031 Huan, kokhuk toneiloua pai thu a kiang ua pe lou dingin Jesu kiangah a ngen uh.

8:32b.LUK.008.032 Huan, huailaiah tangah vok hon tampi a ta ua; huan, vok sunga lut theihna thu a kiangah a ngen ua. Huan, aman thu a pia a.

8:33b.LUK.008.033 Huan, Dawite tuh huai mi sung akipan a pawt ua, vok sungah a lut ua; huan, vok hon tuh tuigei ken ah a tai suk duamduam ua, dil ah a tai lut ua, tuihakin a sita uh.

8:34b.LUK.008.034 Huan, a vulten huai thil omdan a mu ua, a tai ua, khuaah leh gamahte khawng a gen ua.

8:35b.LUK.008.035 Huan, Bang a hita a? chia, en dingin a pawt chiat ua; huan, Jesu kiang a hongtun un, dawi pawtsan nung puan silha, lungsim ngeingei puin, Jesu khe bula tu a hongmu ua, huchiin a lauta ua.

8:36b.LUK.008.036 Huan, a theiten dawi mat a hihdamdan thu a maute a na hilh ua.

8:37b.LUK.008.037 Huan a kim Gerasinte gama mi tengtengin, a lau mahmah jiak un, amah tuh a kiang ua kipan pai mang dingin a ngen ua; huan, longah a tuanga, a kik nawnta.

8:38b.LUK.008.038 Huan, dawi pawtsan miin Jesu kianga om den a ngena.

8:39b.LUK.008.039 Himahleh, Jesun, Na in ah pai inla, Pathianin nang dia thil a honhihsak a thupidan vahilh in, chiin a sawl khia hi. Huchiin, a paia, khopi sung tengteng ah Jesun amah adia thil a hihsak thupidan a tangkou pihta hi.

8:40b.LUK.008.040 Huan, Jesu a hongkik nawnin Mipiin amah a kipahpih ua; amah a nangak nilouh ngal ua.

8:41b.LUK.008.041 Huan, ngai dih, mi khat a min Jaira kikhopna in vaihawmpa a hongpaia, Jesu khebul ah a khupboha, a ina hoh dingin a ngen ngutnguta.

8:42b.LUK.008.042 Tanu tangkhat kum sawm leh kum nih hiam phial ding a neia, huai tuh laitatin a lum ngala. Huan Jesu a pai laiin mipi honin a boh lutlut ua.

8:43b.LUK.008.043 Huan, numei khat kum sawm leh kum nih si pawt a china a sum neih tengteng daktorte lakah zang khintaa, kuamahin a hihdam theih tuan;

8:44b.LUK.008.044 louh uh a nungah a hongpaia, a puan mong a khoiha; thakhatin a si pawt tuh a hongkam guiha.

8:45b.LUK.008.045 Huan, Jesun, Honkhoih kua ahia? a chi a. Huan, Kei jaw ka hi kei, a nachi chiat ua. Peter leh a lawmten, Heutupa, mipi honin a honboh lutlut ua, honvel vengvung ve ua oi, a chi ua.

8:46b.LUK.008.046 Himahleh, Jesun, Kua hiam in jaw honkhoih ve aw, thilhihtheihna ka sung akipan a pawt chih ka theih jiakin, a chi a.

8:47b.LUK.008.047 Huan, numeiin a kisel theih louh a theihin, ling kawmin a hongpaia, a maah khupbohin a khoih san leh thakhata a damtak dan mi tengteng maah a genkhe ta.

8:48b.LUK.008.048 Huan, aman, a kiangah, Tanu, na ginna dampih hi chia, khamuangtakin pai in, a chi a.

8:49b.LUK.008.049 A pau laitakin kikhopna in vaihawmpa in akipan mi khat a hongpaia, Na tanu a sita, Heutupa hihgim nuamdahin, a chi a.

8:50b.LUK.008.050 Jesun huai thu a jakin, Lau ken, gingta mai in, huchiin a dam nawn ding, a chi a, a dawnga.

8:51b.LUK.008.051 Huan, in a vatunin, Peter, Johan, Jakob leh naupang nu leh pate kia chih louhngal kuamah lut a phal keia.

8:52b.LUK.008.052 Huan, a vek un a nakap kheukhou ua, a kah vengvung ua, himahleh, aman, kap kei un, a si kei, a ihmu ahi jaw, a chi a.

8:53b.LUK.008.053 Huan, sikhina a theih jiak un a nuihsan maimah ua.

8:54b.LUK.008.054 Jesun bel a khut a lena, Nungak, thou ve, a chi a, a sam a.

8:55b.LUK.008.055 Huan, a kha tuh a hongkik nawna, a thou paha.Huan, Banghiam nek ding piak ding thu a piaa. Huan, a nu leh a pan lamdang a sa mahmah ua. Himahleh, aman a thilhih tuh kuamah hilh lou dingin a chi bikbek hi.

8:56b.LUK.008.056 Huan, Banghiam nek ding piak ding thu a piaa. Huan, a nu leh a pan lamdang a sa mahmah ua. Himahleh, aman a thilhih tuh kuamah hilh lou dingin a chi bikbek hi.

9

9:1b.LUK.009.001 Huan, Jesun sawm leh nihte a sam khawma, dawi tengteng tunga thilhihtheihna leh thuneihna leh natnate hihdam theihna a pia a.

9:2b.LUK.009.002 Huchiin, Pathian gam thugen ding leh dam loute hihdam dingin a sawlkhetaa.

9:3b.LUK.009.003 Huan, a kiang uah, Zinna adingin chiang khun hiam, kawljal hiam, tanghou hiam, dangka hiam, bangmah keng kei un; puannak nih leng neikei un.

9:4b.LUK.009.004 Huan, na tunna in peuh uah tung kinken jel un, huai in akipanin paikhia un.

9:5b.LUK.009.005 Huan, a honkipahpih lou peuhmah tuh huai khua akipan na paikhiak chiang un amau mohpaihna dingin na khepek ua leivui tatkhia unla, a chi a.

9:6b.LUK.009.006 Huchiin, a kuanta ua, khua a tawn vialvial ua. Gam chihah Tanchiin Hoih a hilh ua, mi a hihdam jel uh.

9:7b.LUK.009.007 Huan, kumpipa Herodin a thilhih tengteng uh a nazataa; khenkhatin Johan hing nawnta ei ve a chi ua, khenkhatin,

9:8b.LUK.009.008 Elija hongkilakta ei ve a chi ua, khenkhatin, Nidang laia jawlnei kuahiam thou nawnta ei ve, a chih jiak un, a lungjingtaa.

9:9b.LUK.009.009 Huan, Herodin, Johan a lu ka tanta a; himahleh hichi lawmlawma a thu ka jakjak kua ahia? a chi a. Huan, amah tuh muh a tumta hi.

9:10b.LUK.009.010 Huan, sawltakte a hongkik nawn un, a kiangah a thilhihte uh a hilh ua. Huan, aman amau piin khopi Bethsaida kichi ah a pai tuamta a.

9:11b.LUK.009.011 Himahleh mipin a thei ua, a jui jel uh; huan, aman amau a nakipahpiha, Pathian gam thu a hilha, hihdam kiphamoh peuhmah a hihdama.

9:12b.LUK.009.012 Huan, nitaklam a honghi dektaa; huan, sawm leh nihte a hongpai ua, a kiangah, khuate leh a kim gam khawnga giahna leh annektuidawn zong dingin mipite paisak tanla; tua, gamkeu muna om hi ngal hang a, a chi ua.

9:13b.LUK.009.013 Aman bel a kiang uah, Nou nek ding pia un, a chi a. Huan, amau, Mi hiai zahzah adia nek ding I valei sak keileh, tanghou phel nga leh nga nih kia loungal bangmah I neikei uh, a chi ua.

9:14b.LUK.009.014 Piching ngen leng sang nga hiam phial ahi ngal ua. Huan, a nungjuite kiangah, A pawlpawlin tu sak un, sawm nga khawng jelin, a chi a.

9:15b.LUK.009.015 Huchiin a hih ua, a tu sak vekta ua.

9:16b.LUK.009.016 Huan, tanghou phel nga leh ngasa nih tuh a laa, van lam enin vual a jawla a balkhama, mipi maa lui dingin a nungjuite kiang ah a piaa.

9:17b.LUK.009.017 Huan, a ne ua, a vah vekta ua, huan, a khamval nengte uh bawm sawm leh nih a luak dim uh.

9:18b.LUK.009.018 Huan, hi chi ahi a, Jesu amah kiaa a thum lain a nungjuite a kiangah a om ua; a kiang uah, Mipiten kua ka hi a honchi ua? chiin a donga.

9:19b.LUK.009.019 Huan, amau, Baptispa Johan ahi, honchi uh; himahleh khenkhatin, Nidang laia jawlnei kuahiam a thou nawnta ahi, a honchi uh, chiin, a dawng ua.

9:20b.LUK.009.020 Huan, aman a kiang uah, Ahihleh, nou kua ka hi non chi ua? a chi a. Peterin, Pathian kris mah, chiin, a dawnga.

9:21b.LUK.009.021 Huan, huai thu kuamah hilh louh ding chi bikbekin, thu a piaa:

9:22b.LUK.009.022 Mihing Tapain thil tampi a thuak dia, upate, siampu liante, laigelhmite deih louhin a om dia, thahin a om dia, ni thum niin kaihthohin a om ding ahi, a chi a.

9:23b.LUK.009.023 Huan, amahmahin, mi tengteng kiangah, kuapeuhin honzuih a ut leh, amah kingaihsak louin, niteng a kros puin honjui hen.

9:24b.LUK.009.024 Kuapeuh a hin humbit utin a tan ding; kuapeuh keimah jiaka a hin tanin, huai mi mahin a humbit ding.

9:25b.LUK.009.025 Min khovel a pumin nei henla, amah kimangsak hiam, ahihkeileh kimanloh leh, amah adingin bang a phatuam dia?

9:26b.LUK.009.026 Kuapeuh keimah leh ka thu zahpih mi jaw Mihing Tapain, amah thupina toh, a Pa thupina toh, a angel siangthoute thupina toh a hongpai chiangin a honzahpih ding.

9:27b.LUK.009.027 Diktakin ka honhilh ahi, Hiaia dingte akhen, Pathian gam a muh masiah uh sihna chiam lou hial ding a om uh, a chi a.

9:28b.LUK.009.028 Huan, hichi ahi a, huai thugen nung ni giat hiam khawngin, Jesun Peter, Johan leh Jakob a pi a, thum dingin tangah a hohtou a.

9:29b.LUK.009.029 Huan, a thum laiin a mel omdan a honglamdanga, a puansilhte mi leng theiin a hongngoutaa.

9:30b.LUK.009.030 Huan, ngai in, mi nih amah toh a kihou ua, huai mite tuh Mosi leh Elija ahi uh.

9:31b.LUK.009.031 Thupinaa kithuamin a kilak ua, Jerusalem khuaa sihna a hihkim ding thu a gen uh.

9:32b.LUK.009.032 Peter leh a lawmte bel a ihmut uh a suaka, himahleh a hak teitei ua a thupina leh a kianga mi nih ding a mu uh.

9:33b.LUK.009.033 Huan, huai miten Jesu a paisan dek lai un, Peterin, Jesu kiangah, Heutupa, ei din hiaia om hoih veh, aidakbuk thum i khoh dia, nang din khat, Mosi din khat, Elija din khat, a chi a-a thugen lengthei louin.

9:34b.LUK.009.034 Huan huai thute a gen laiin mei a hongkaia, amau tuh a liahta; mei laka a lut laiun a lau ua.

9:35b.LUK.009.035 Huan mei akipan aw a hongsuaka, Hiai ka Tapa, ka tel ahi, amah thu ngai un, a chi a.

9:36b.LUK.009.036 Huan aw a daih takin Jesu amah kiain a muta uh. Huan, a dai dide ua, huailai khawngin a thil muh uh kuamah bangmah a hilh kei uh.

9:37b.LUK.009.037 Huan, hichi ahi a, a jingin tang akipana a paisuk nung un, mipi thupi takin amah a nadawn ua.

9:38b.LUK.009.038 Huan, ngaiin, mipi lakah mi khat a kikoua, Sinsakpa, ka tapa en dingin ka honngen ahi, ka tapa neihsun ahi ngala.

9:39b.LUK.009.039 Ngai in, dawiin a mana, a kikou khe guih jela; huchiin, a chilphuan bang ke hialin a gimbawla, nakpitaka hihsidupin a pai san phet jela.

9:40b.LUK.009.040 Huan na nungjuite kiangah delhkhe dingin ka ngena, a hih theikei uh, a chi a.

9:41b.LUK.009.041 Huan, Jesun, Khangthak ginna neilou leh lampialte aw, bangtan ahia ka honthuak theih ding? Na tapa tuh hiaiah honpi in, a chi a, a dawng a.

9:42b.LUK.009.042 Huan, a honglaiin dawiin a hihpuk eka, nakpitakin a gimbawltaa, himahleh, Jesun dawi nin tuh a taia, naupang tuh a hihdama, a pa kiangah a paisak nawnta.

9:43b.LUK.009.043 Huan, mi tengtengin Pathian thupidan lamdang a sa mahmah uh. Huchiin mi tengtengin a thilhih tengteng lamdang a sak lai un, Jesun a nungjuite kiangah,

9:44b.LUK.009.044 Hiai thute na bil uah lut heh. Mihing Tapa mihingte khuta mat saka om ding ahi ngala, a chi a

9:45b.LUK.009.045 Himahleh, a thugen tuh a theisiam kei uh, a theihtheih louhna ding un a kisel ahi, huai thugen tanchin tuh amah a dong ngam ngal kei ua.

9:46b.LUK.009.046 Huan, a lak uah kua a thupipen dia? Chih thuin a nakisel ua.

9:47b.LUK.009.047 Huchiin, Jesun a lungtang ua a ngaihtuah uh a theia, naupang neu khat a kaia, a sik ah a omsaka, a kiang uah,

9:48b.LUK.009.048 Kuapeuh ka min jiaka hiai naupang neu kipahpih tuh keimah honkipahpih ahi ding uh; na vek ua laka neupen ahi, a thupipen, a chi a.

9:49b.LUK.009.049 Huan, Johanin, Heutupa, kuahiam na mina dawite delkhia ka mu ua, kon zuihna ua a pan sam louh jiakin ka khamta ve ua, a chi a, dawnga.

9:50b.LUK.009.050 Jesun bel a kiang ah, Kham nawn kei un, kuapeuh nou hondal loutuh nou lama pang ahi uh, a chi a.

9:51b.LUK.009.051 Huan, hichi ahi a, amah pi touh a hun dingin, Jerusalem khuaa hoh a tum chiltela, a maah mi a matai saka;

9:52b.LUK.009.052 Huan, a pai ua, amah adia nakimansak dingin Samari mite kho khatah a lut ua.

9:53b.LUK.009.053 Huan, a mai tuh Jerusalem kho lam naiha a lat jiakin amah a nakipahpih kei uh.

9:54b.LUK.009.054 Huchiin a nungjui Jakob leh Johanin huai a theih takun, Toupa, amaute kangmang dingin van akipan mei sam khe leng hoih na sa hia? a chi ua.

9:55b.LUK.009.055 Amah tuh a kiheia, amau a taitaa.

9:56b.LUK.009.056 Huan, kho dangah a paita uh.

9:57b.LUK.009.057 Huan, lampia a pai lai un, kuahiamin a kiangah, Na paina peuhah kon jui ding, a chi a.

9:58b.LUK.009.058 Huan, Jesun a kiangah, Sehalten kua a nei ua, tungleng vasaten leng bu a nei uh, ahihhangin Mihing Tapain jaw a lu ngakna ding mun a neikei, a chi a.

9:59b.LUK.009.059 Huan, Jesun mi dang kiangah, Honjui in, a chi a. Himahleh aman, Toupa, ka pa honvui sak phot in, a chi a.

9:60b.LUK.009.060 Jesun tuh a kiangah, Misiin a misi uh vui uheh; nang Pathian gam thu vahilh jak jaw in, a chi a.

9:61b.LUK.009.061 Huan, mi dangin leng, Toupa, kon jui ding, a hihhangin ka ina mite kamphain honkha sak photin, a chi a.Huan, Jesun a kiangah, Kuapeuh leilehna lena, nunglam nga tuh, Pathian gam mi hitak ahi kei, a chi.

9:62b.LUK.009.062 Huan, Jesun a kiangah, Kuapeuh leilehna lena, nunglam nga tuh, Pathian gam mi hitak ahi kei, a chi.

10

10:1b.LUK.010.001 Huan, huai khitin Toupan mi dang sawmsagih a sepa, a paina ding kho tengah leh mun tengah, a maah nihnihin a sawla,

10:2b.LUK.010.002 Huan, a kiang uah, Buh lak ding a tam mahmaha, himahleh a semte a tawm uh, huchiin a buh la dinga sem dingte sawl dingin buh Neipa kiangah ngen un.

10:3b.LUK.010.003 Pai un; ngai un nge laka belamnou om bangin ka honsawl ahi.

10:4b.LUK.010.004 Dangka ip khawng, kawljal khawng, khedap khawng tawi kei unla, lampi ah kuamah chibai buk kei un.

10:5b.LUK.010.005 Huan, in na lutna peuh uah a masapen, Hiai in ah khamuanna tung hen, chi unla.

10:6b.LUK.010.006 Huan, huaiah khamuanna ta a om leh na khamuanna thu uh a tungah a om dinga; a omkei leh na ang uah a hongkik nawn ding.

10:7b.LUK.010.007 Huai in ngen ah om nilouh unla, a honpiak peuh uh nein dawn un; nasemmi tuh loh mu tak ahi. In tengah banhoh kei un.

10:8b.LUK.010.008 Huan, khua na lutna peuh uah honkipahpih uleh, honlui peuh uh na ne ding ua; huaia damlou omte leng na hihdam ding ua;

10:9b.LUK.010.009 a kiang uah, Pathian gam na kiang nai uah hongtungta, na chi ding uh.

10:10b.LUK.010.010 Khua na lutna peuh uah honkipahpih kei uleh a kongzing uah pai khia unla,

10:11b.LUK.010.011 Na kho leivui uh ka khepek ua bang leng na tunguah tat siang ung e; himahleh Pathian gam hongnaita chih thei un, na chi ding uh

10:12b.LUK.010.012 Ka honhilh ahi, huai ni chiangin huai khuate thuak sangin Sodom kho thuak ding adan a om zo ding,

10:13b.LUK.010.013 Korazin, na tung a gik e; Bethsaida, na tung a gik e; Noumaua thil lamdangpi kihihte Tura leh Sidon khuaa hih hileh, saiip puan silhin, vut laka tuin a kisik khin thamta ding uh.

10:14b.LUK.010.014 Himahleh thukhenni chiangin nou thuak sangin Tura leh Sidon kho thuak ding a dan a om zo ding.

10:15b.LUK.010.015 Huan, nang Kapernaum, van tana pahtawi na hi dia hia? misi kho tana sawn khiak eive na hih ding.

10:16b.LUK.010.016 Kuapeuh na thu uh ngai khia, keimah thungaikhia ahi a; kuapeuh nou hodeih lou tuh, kei hondeih lou ahi a; kuapeuh nou honngai lou tuh kei honngai lou ahi a, kuapeuh kei honngai lou tuh, honsawlpa ngai lou ahi, a chi.

10:17b.LUK.010.017 Huan, sawmsagihte tuh kipak takin a hongkik nawn ua, TOUPA, dawite leng na min jiakin ka thuthu un a om uh, a chi a.

10:18b.LUK.010.018 Huan, aman, a kiang uah, Khophia bangin Setan Van akipan a hong kia ka mu.

10:19b.LUK.010.019 Ngai un, gulte, aikamte sikdenna thu leh, melma thilhihtheihna tengteng tunga thu neihna ka hon pia ahi; bangmahin a honhihna kei hial ding,

10:20b.LUK.010.020 Himahleh, dawite na thuthu ua a omjiak un kipak kei un; vana na min uh gelh ahih jiakin kipak jaw un, a chi a.

10:21b.LUK.010.021 Huan, huailaitakin Jesu tuh Kha Siangthouin a kipak mahmaha, Pa aw, lei leh van Toupa, nang mi pil leh mi bengvakte kiangah hiai thu na ima, naungekte kianga na than jiakin ka honphat ahi; ahi, Pa, huchibang hih nang ngaihin a hoih ahi.

10:22b.LUK.010.022 Ka Pan bang kim honkem saka, Tapa kua ahia, Pa loungal kuamahin a theikei, Pa leng kua ahia, Tapa leh a kiang ua Tapain a theihsak nopnate kia loungal kuamah in a theikei, a chi a.

10:23b.LUK.010.023 Huan, nungjuite lam a ngaa, a simin, Na thil muhte uh a mu mitte a hampha e:

10:24b.LUK.010.024 Ka honchi ahi, jawlnei tampi leh kumpipa tampiten leng na thil muhte uh muh a kilawp gige ua, himahleh a mu kei uh, bila na jakte uh leng jak a kilawp thei mahmah ua, himahleh a za kei uh, achia.

10:25b.LUK.010.025 Huan, ngai un, dantheimi kuahiam a dinga, amah zeetna din, Sinsakpa, khantawna hinna neihna dingin bang ka hih ding? A chi a.

10:26b.LUK.010.026 Huan aman, a kiangah, Dan laibu ah bang gelh ahia? bang na sim jela ahia? a chi a.

10:27b.LUK.010.027 Huan aman, Toupa, na Pathian tuh na lungtang tengtengin, na kha tengtengin, na hatna tengtengin, na lungsim tengtengin na it ding ahi; nangmah na kiit bangin na vengte leng na it ding ahi. chih, achi a, a dawng a.

10:28b.LUK.010.028 Huan, aman, a kiangah, Na dawng dik ngial e; huchiin hih lechin na hing ding a chi a.

10:29b.LUK.010.029 Aman bel kisiamtansak utin, Jesu kiangah, A hihleh, ka innveng kua ahia? a chi a.

10:30b.LUK.010.030 Jesun a dawnga, Kuahiam Jerusalem khua akipanin Jeriko khuaah a hoh suk deka, suam hatte a tuak zenzena, huaiten a puansilh a phel sak vek ua, a vo ek ua, si dekdekin a pai santa uh.

10:31b.LUK.010.031 Huan, siampu kuahiam huai lampi ah a vapai suk zenzena, a muh takin lampi sik lehlam ah a pel maimaha.

10:32b.LUK.010.032 Huan, huchibang mahin Levi chi mi khat leng huai mun a hongtunga, a muh takin lampi sik lehlam ah a pel maimaha.

10:33b.LUK.010.033 Ahihhangin, Samari gama mi kuahiam a zin pailai a omna a hongtunga, a muh takin a hehpih mahmaha, a kiangah a vahoha,

10:34b.LUK.010.034 a liamnate thau leh uain a buaka, a tuama, amah gan tungah a tuang saka, khualbuk ah a paipiha, a kemta.

10:35b.LUK.010.035 Huan, a jingin makhai nih a suahkhiaa, khualbuk kempa kiangah a piaa, Amah na kem inlan, hiai ban a na zat teng, ka hongkik nawn chiangin ka hondin ding, a chi a.

10:36b.LUK.010.036 Huai mi thumte lakah, suamhatte tuakpa adin, inveng hipen kua hiin na gingtaa? a chi a.

10:37b.LUK.010.037 Huan, aman, a hehpihpa, a chi a. Huan, Jesun a kiangah, Nang leng huai bangmahin vahih in, a chi a.

10:38b.LUK.010.038 Huan, a zin kawm un khua khat ah a luta; huan, numei khat a min Marthain a na zintun a.

10:39b.LUK.010.039 Huai nun sanggam numei khat a neia a, a min Mari ahi, huai minu tuh Toupa khe bulah a tu a, a thu a ngaikhia a.

10:40b.LUK.010.040 Marthain bel na mah semin a buai mahmah a; huchiin a kiangah, a hongpaia, Toupa, ka sanggamnun kei kia na sem dinga honkhiat khawksa lou na hi maw? Honhuh dingin chi dih ve, a chi a.

10:41b.LUK.010.041 Huan, Toupan, Martha, Martha, thil tampi na ngaihtuah a, buai nei ve; thil khat kia a kul ahi;Mariin tan hoih a tel a, huai tuh lak sak ding ahi kei, a chi a, a dawng a.

10:42b.LUK.010.042 Mariin tan hoih a tel a, huai tuh lak sak ding ahi kei, a chi a, a dawng a.

11

11:1b.LUK.011.001 Huan, hichi ahi a, Jesu koilai mun hiamah a thum a, a thum khitin a nungzui mi khatin a kiangah, Toupa, thumdan Johanin a nungjuite a hilh bangin honhilh sam ve, a chi a.

11:2b.LUK.011.002 Huan, aman a kiang uah, Na thum chiang un hichi bangin na chi ding uh, achia: Ka Pa uh, vana om, na min kizahtak hen, Na gam hongtung hen.

11:3b.LUK.011.003 Ni tengin ka nek khop uh an honpia in.

11:4b.LUK.011.004 Ka khelhte uh hongaidam in, kou leng kuapeuh bat honneite tengteng ka ngaidam uhi; huan, khemna ah honpilut ken.

11:5b.LUK.011.005 Huan, amahmahin, akiang uah, Na lak ua kua ahi hiamin lawm nei henla, jan laiin a kianga hohin, Lawm, tanghou phel thum honleitawi sak ve;

11:6b.LUK.011.006 ka lawm zinin a hontawna, a maa lui ding bangmah ka nei ngak kei a, chi henla;

11:7b.LUK.011.007 in sung a pan tuh, Hon hihbuai ken; tun jaw kong khak ahi, ka tate leng ka kiangah lupnaah a ihmuta uh; thouin ka hongpe theikei, chiin, dawng leh, ka honhilh ahi,

11:8b.LUK.011.008 A lawm a hih jiakin thouin a vape kei na a, a nget ngutngut jiakin thouin a deihzahzah a vape ding.

11:9b.LUK.011.009 Huchiin, ka honhilh ahi, Ngen un, huan, piakin na om ding uh; zong un, huan na mu ding uh; kiu un, huan, honsakin na om ding uh.

11:10b.LUK.011.010 Kuapeuh a ngenin a mu nak a, kuapeuh a zongin a mu nak a, kuapeuh a kiu tuh honsakin a om ding.

11:11b.LUK.011.011 Nou laka pa pen, a tain tanghou phel ngen leh, kuan ahia suang pe ding? A hihleh, nga ngen leh, kuan ahia nga sika gul pe ding?

11:12b.LUK.011.012 A hihleh, aktui ngen leh, aikam a pe dia hia?

11:13b.LUK.011.013 Huchiin, nou migilouin bawn noumau tate thil hoih piakna dan na theih uleh, na Pa uh vana omin a ngente Kha Siangthou pe natel in chia: a chi a.

11:14b.LUK.011.014 Huan, Jesun dawi pau theilou khat a delh khia a. Huan, hichi ahi a, dawi tuh a pawt takin pautheilou tuh a hongpauta; huchiin mipiin lamdang a sa mahmah uh.

11:15b.LUK.011.015 Himahleh, a khenin, Dawi lal Beelzibul jiakin eive dawite a delh khiak jel, a chi ua.

11:16b.LUK.011.016 Huan, a khenin, amah zeetna dingin, vana kipan chiamtehna a ngen ua.

11:17b.LUK.011.017 Aman tuh a ngaituah uh ana thei a, a kiang uah, Koi gam leng amah kidou peuh a mangthang nak; inkuan khat leng amah kidou tuh a mangthang nak.

11:18b.LUK.011.018 Setan leng amah a kidou leh, a gam bangchin a dingkhe dia? -Beelzibul jiakin dawite a delh khia, non chi ngal ua.

11:19b.LUK.011.019 Huan, kei Beelzibul jiaka dawite delh khia ka na hih leh, na tate un kua jiakin ahia a na delh khiak jel uh? Huaijiakin amau noute honvaihawmsak dingte ahi ding uh.

11:20b.LUK.011.020 A hihhangin, kei Pathian khut zung jiaka dawite delh khe jel ka hih leh, Pathian gam na kiang uah hongtung khin ahi vele.

11:21b.LUK.011.021 Mi hatin hiamzat kim tawia a in a ven sung teng, a sum bit takin a om gige a;

11:22b.LUK.011.022 himahleh, a sanga hatjawin a honsuala, a zoh chiangin, a muan a galvan kim tuh a sut a, sum a lak sak tuh a hawmjak jel hi.

11:23b.LUK.011.023 Kuapeuh ka lama panglou tuh, hondou ahi a, kuapeuh honlak khawm pih louin a hihjak ahi.

11:24b.LUK.011.024 Dawi nin mi sung akipana apawtin, khawlna zongin tui om louhna mun peuhah a vak vak a; huan, khawlna himhim a mu kei a, ka pawtna in ah ka kik nawn mai ding, a chi a.

11:25b.LUK.011.025 Huan, a va tunin phiat sianga zephoihin a mu a.

11:26b.LUK.011.026 Huai takin a vapaia, amah sanga gilou jaw dawi dang sagih a honpi a, huaiah a lut ua, a om gige uh; huai mihing tuh a omdan nanung a masa sangin a honghoih keizo tham hi, a chi a.

11:27b.LUK.011.027 Huan, hichi ahi a, huai thute a genlaiin, mipi lakah numei khat a kikou khia a, a kiangah, Nang honpai gil a hampha e, na nawi tep toh, a chi a.

11:28b.LUK.011.028 Aman bel, A hi, himahleh Pathian thu jaa juite mi hampha ahi jaw uh a chi a.

11:29b.LUK.011.029 Huan, mipite a kiangah hongkikhop lai un, Jesun, Tulai khangthakte jaw khangthak gilou ahi uh; chiamtehna a zong ua; himahleh Jona chiamtehna chih louh a kiang uah chiamtehna himhim piak ahi kei ding.

11:30b.LUK.011.030 Jona tuh Ninevi khuaa mite adia chiamtehna a na hih bangin, Mihing Tapa leng tulai khangthakte din chiamtehna a honghi ding.

11:31b.LUK.011.031 Thukhenni chiangin, Simlam kumpinu tulai khangthakte kiangah a ding sam dia, siamlouh a tang sak ding; Solomon pilna ngaikhe dingin bawn kawl mong a kipan a hong ngala; ngai un, Solomon sanga thupi jaw hiai ah a om ahi.

11:32b.LUK.011.032 Thukhenni chiangin, Ninevi khuaa mite tulai khangthakte kiangah a ding sam ding ua, siamlouh a tang sak ding uh, Jona thu hilh jiakin a kisik ngal ua; ngai un, Jona sanga thupijaw hiai ah a om ahi.

11:33b.LUK.011.033 Kuamahin khawnvak a det un in nuai tawngah a koih ngei kei uh, loh nuaiah a koih ngei sam kei uh, alut miten a vak a muh theihna ding uah a koihna ah a koih jel uh.

11:34b.LUK.011.034 Na sapum khawnvak tuh na mit ahi; na mit a chim leh na sapum leng a vekin a vak suak nak hi; a chim keileh bel na sapum leng a mial vek nak hi.

11:35b.LUK.011.035 Huchiin, na sunga vak om tuh mial a nahi kha ding e pilvangin.

11:36b.LUK.011.036 Huchiin, na sapum koi laipeuh mial lou a a veka a vak khiak leh, khawnvak vak petpetin a tatvak bangin a vak khe vek ding, a chi a.

11:37b.LUK.011.037 Huan, a gen laiin Pharisai khatin amah a kianga an ne dingin achiala; huchiin, a luta an a ne a.

11:38b.LUK.011.038 Huan, Pharisaiin a an um a muhin, an nek maa a sil louh tuh lamdang a sa mahmah a.

11:39b.LUK.011.039 Huan, Toupan, akiangah, Nou Pharisaiten nou leh kuang po lam na silsiang ngeitak ua; na sung lam ulah lepgukna leh gilouin a dim ngala.

11:40b.LUK.011.040 Mi haite aw, polam bawlpan sung lam leng a bawl ka hia?

11:41b.LUK.011.041 Himahleh, a sunga thil om tuh mi genthei kianga piak dingin zang un; huchiin, ngai un, nou adin bangkim siangthou khin ahi.

11:42b.LUK.011.042 Nou Pharisaite aw, na tung uh a gik e: pudina, pardi leh anteh-louhing teng sawma khat na pia ua, diktatna leh Pathian itna na limsak ngal kei ua; himahleh huaite eive na hih ding uh, a dangte hih lou tuan lou in.

11:43b.LUK.011.043 Nou Pharisaite aw, na tung uh a gik e: kikhopna in ah tutphah hoihpente leh dawl muna chibai bukte na ngaisang uh.

11:44b.LUK.011.044 Na tung uh a gik hi: Han chih kithei lou, a tunga theiloua mi apai jelna bang uh, na hi uh, a chi a.

11:45b.LUK.011.045 Huan, dantheimi khatin, a kiangah, Sinsakpa, hiai thu na gen tuh kou leng hontai na hi, a chi a, a dawng a.

11:46b.LUK.011.046 Huan, aman, Dantheimite aw, nou leng na tung uh a gik: Puakgik, puak haksapipi mite na suan ua, nou lah tua puakgikte na khut zung khat un leng na khoih ngei ngal kei ua.

11:47b.LUK.011.047 Na tung uh a gik: Jawlneite han in khawng na lam ua, na pipute uh thah ahi ngal ua.

11:48b.LUK.011.048 Huchiin na pipute uh thilhihte na theihpih un na hoihsakpih uh ahi; amau a that ua, nou a han inte uh na lam ngal ua.

11:49b.LUK.011.049 Huaijiakin, Pathian pilna inleng, A kiang uah jawlneite leh sawltakte ka sawl dia, a khen a that ding ua, a khen a sawi ding uh;

11:50b.LUK.011.050 jawlnei tengteng sisan, leilung piantung akipan a suah, tulai khangthakte tungah phu a lak theih ding a chih;

11:51b.LUK.011.051 Abel sisan suah akipan, Zakaria, maitam leh biakin kikala si sisan suah tannin; ahi, ka honhilh ahi, tulai khangthakte tungah phu a akila ding.

11:52b.LUK.011.052 Nou dantheite aw, na tung uh a gik e: Pilna tabi na paimang pih ua; nou lah na lut ngal kei ua, mi lut ding lah na dal ngal ua, a chi a.

11:53b.LUK.011.053 Huan, huaia kipan apawtin, laigelhmite leh Pharisaiten amah a tawng ua, thu chiteng gen sak teitei tumin leh,a pau khelh zenzena mat tumin a tang gige uh.

11:54b.LUK.011.054 a pau khelh zenzena mat tumin a tang gige uh.

12

12:1b.LUK.012.001 Huchih laia mipi sang tampi kiphumuimui zou hiala hongkikhop un, Jesun a masapenin a nungjuite kiangah, Pharisaite silngou, lepchiahna lakah pilvang un,

12:2b.LUK.012.002 Lang lou dinga selguk bangmah a om ngal keia; theih louh dinga im leng bangmah a om sam kei.

12:3b.LUK.012.003 Huaijiakin miala na gen peuh uh vaka jakin a om ding; dantan sunggila bil bula na thu gen uh intungvuma tangkoupihin a om ding.

12:4b.LUK.012.004 Huan, ka lawmte aw, ka honhilh ahi, Sapum hihlum a, huai nunga bangmah dang hihnawn theiloute jaw, kihta kei un,

12:5b.LUK.012.005 Ahihhangin kua ahia na kihtak ding uh ka honhilh khol ahi; a hihlup nunga leng Gihennaa paih theihna thu neipa kihta un.

12:6b.LUK.012.006 Kawlgit nga dal dangka nihin a juak sek kei ua hia? Himahleh, a lak ua khat leng Pathianin a mangngilh ngei ngal keia.

12:7b.LUK.012.007 Na lu ua samzangte nangawn leng sim vek ahi uh. Lau kei un; kawlgit tampi sangin na manpha jaw uhi.

12:8b.LUK.012.008 Huan ka honhilh ahi, Mite maa hon gum peuhmah Pathian angelte maah Mihing Tapain a gum sam ding a.

12:9b.LUK.012.009 Himahleh mite maa honkitheihmoh bawl peuhmah Pathian angelte maah kitheihmoh bawl a hisam ding.

12:10b.LUK.012.010 Huan, Mihing Tapa kalha thugen peuhmah a genkalhna uh ngaihdam sak ahi ding a; himahleh Kha Siangthou hilhial gensia tuh a gensiatna ngaihdam sak ahi kei ding.

12:11b.LUK.012.011 Huan, kikhopna in a mite, vaihawmte, heutute maa a honpi hun chiangun, Bang chiin, bang thuin ka dawng dia, bang thu ka gen dia chiin lungkham kei un;

12:12b.LUK.012.012 huchih huntakin, bang ahia na gen ding uh, Kha Siangthouin a honhilh ding hi, a chi a.

12:13b.LUK.012.013 Mipi laka khatin, Jesu kiangah, Sinsakpa, ka u kiangah gou honhawm sam dingin hilh in, a chi a.

12:14b.LUK.012.014 Himahleh, aman, a kiangah, Mihing, noumau tungah kuan ahia kei thukhenpa hiam tanseppa hiam a honbawl? a chi a.

12:15b.LUK.012.015 Huan, a kiang uah, Pilvang unla, enna himhim lakah kiveng un; hauhna mihing dam san ahi kei hi, a chi a.

12:16b.LUK.012.016 Huan, a kiang uah gentehna thu a gen a, Mi hau kuahiam a hongpung mahmah a,

12:17b.LUK.012.017 huchiin a kingaihtuah a, Bangchi bangin ka hih de aw? Ka buh leh bal koih khawmna ka nei ngal kei a.

12:18b.LUK.012.018 Huan, Hichi bang in ka hih ding e; ka buhin te ka phel dinga, a sanga lianin ka lam dia, huai ah tuh ka buh leh ka van tengteng ka koih khawm ding.

12:19b.LUK.012.019 Huan, ka kha kiangah, Kha, kum tampi sunga ding tampi na khol a; khawl inla, nein dawn inla, nuam takin omin, ka chi ding, a chi a.

12:20b.LUK.012.020 A hihhangin, Pathianin a kiangah, Nang mihai, tu jan chiah na kha a honlak sak ding uh, huai nalam khiakte, kuaa ahi ta dia?

12:21b.LUK.012.021 Amau adinga gou khola, Pathian lama haulou tuh huchi ahi nak uh, a chi a.

12:22b.LUK.012.022 Huan, a nungjuite kiangah, Huaijiakin ka honhilh ahi, Bang ka ne diam aw? Chiin, na hinna thu uh leh, Bang ka silhin ka teng diam aw? Chiin, na sapum thu uh lunghimoh kei un.

12:23b.LUK.012.023 Nek ding sangin hinna a thupi jaw hi, puansilh sangin leng sapum a thupi jaw ahi.

12:24b.LUK.012.024 Vaakte khawng ngaihtuah dih uh, buh a tuh kei ua, a at samkei uh; pang bang, buh in bang leng a neikei uh; himahleh Pathianin amau a vak ngala; nou tuh vasate sanga na manphat jawk dan uh.

12:25b.LUK.012.025 Huan, nou lakah lunghimoh jiaka kuain ahia amah dunglam tong khata hihsang thei tuan?

12:26b.LUK.012.026 Hiai lel leng hih theiloute bangin, bang dia thil dang lunghimoh nak na hi ua?

12:27b.LUK.012.027 Lilite khandan ngaihtuah dih uh; na a sem kei ua, khau leng a khek kei uh; himahleh, ka honhilh ahi, Solomon hial leng a thupina tengtenga a kizepin, hiai lilite laka khat banga zepin a om kei.

12:28b.LUK.012.028 Huchiin, gama loupa, tuni banga hinga, a jinga thuka khul nawn mai ding bawn, Pathianin hichi tela a zep leh, aw, nou mi gin tawmte aw, huai sangin puansilh honpe zo natel inchia:

12:29b.LUK.012.029 Huan, na nek ding uh, na dawn ding uh, zong kei un; ginlahna lungsim neiin leng om sam kei un.

12:30b.LUK.012.030 Khovela namten huai thil tengteng a zong uh; huai bang na kiphamoh uh chih na Pa un a thei gige ngala.

12:31b.LUK.012.031 Amah gam zong jaw un, huchiin huai thilte leng a honpiak behlap ding ahi.

12:32b.LUK.012.032 Pawl tawmte aw, lau kei un; nou kianga gam piak ding tuh na Pa uh kipah lamtak ahi.

12:33b.LUK.012.033 Na neih peuh uh juak unla, mi gentheite kiangah pia un; vanah guta hohlouhna ah, leikha neksiat louh na ah, dangka ip lui theiloute, gou bei theiloute kibawl un.

12:34b.LUK.012.034 Na gou omna peuh ua na lungtang uleng a om ding jiakin.

12:35b.LUK.012.035 Na kawng uh gak unla, na khawnvak uh leng de sain om un;

12:36b.LUK.012.036 min a pu uh kitenna ankuang luina akipana a hongpai chianga, kongkhak a honkiuh taka, na nahonthei pah dinga a na ngak nilouh bangun, om un.

12:37b.LUK.012.037 A pu uh a hongpai chiangin sikha na ngak nilouha a muhte a hampha uhi; chihtaktakin ka honhilh ahi, Aman a kawng a gak dia, amau tuh an um dingin a tu sakdinga, ana uh a sep sakding.

12:38b.LUK.012.038 Jan laiin hiam, thoh hunin hiam a honga, huchi banga a honmuh, huai sikhate tuh a hampha uh.

12:39b.LUK.012.039 A hihhangin, hiai thei un, guta a hongpai ding inneipan thei leh, a vengdia, a in a phen vang sak kei ding.

12:40b.LUK.012.040 Nou leng mansa in om un, na gintak louhlai tak un Mihing Tapa hongpai ding ahi ngala, a chi a.

12:41b.LUK.012.041 Huan, Peterin, Toupa, hiai gentehna thu koumau kia hia non hilh, mi tengteng? achi a.

12:42b.LUK.012.042 Huan, Toupan, sumkempa ginom, piltak, a puin a hun teng a a tan ding uh hawm sak dinga a inkuanpihte tunga heutua a bawl ding tuh kuapen ahi dia le?

12:43b.LUK.012.043 A pu a hongpai chiangin sikha huchibanga hih a hon muhdingpa tuh a hampha.

12:44b.LUK.012.044 Diktakin ka honhilh ahi, a neih tengteng tunga heutu dingin a bawl ding.

12:45b.LUK.012.045 Ahihhangin huai sikhain, a lungtangin, Ka pu a hong zok kei ding e, chiin, a sikhanu, a sikhapa, na vo ta leh, nein dawnin na nakham leh.

12:46b.LUK.012.046 huai sikha pu tuh, a gin louh niin, a theih louh laiin, a hong dinga, tum nih a honsuah dinga, mi ginom loute tan bang a tangsak ding hi.

12:47b.LUK.012.047 Sikha a pu deihlam theigige na pia na nakiging tuan lou-a, a pu deihlama leng gamta loupan nakpitaka vuak a tuak ding.

12:48b.LUK.012.048 A hihhangin, theiloupi-a vuakna thama gamtapan awlchika vuak a tuak ding. Tampi piaka ommi peuhmah kiangah tampi phutin om ding; tampi a kepsakpa uh kiangah a tamsem a phut ding uh.

12:49b.LUK.012.049 Khovela mei khe suk dinga hongpai ka hi; tu inleng kang pah leh china tel ing e!

12:50b.LUK.012.050 Himahleh, baptisma tan ding ka nei, huai hihtangtun mateng tuh ka om nuam lou hina mahmah tel e:

12:51b.LUK.012.051 Khovela lem leng sak dinga hongpai hiam honsa nahi umaw? Hi dek lou, ka honhilh ahi, kidou leng sak dinga hongpai ka hi jaw.

12:52b.LUK.012.052 Tunung chiangin inkuan khat ah mi nga a kidou ding uh, thumin nih, nihin thum.

12:53b.LUK.012.053 A kidou dingua, pain a tapa, a tapain a pa; a nuin a tanu, a tanuin a nu; a piin a mou, a mouin a pi, a chi a.

12:54b.LUK.012.054 Huan, mipi kiangah leng, Tumlama mei kai na muh uleh, vuah a zu ding, na chi pahngal ua; huan a hongzu ngei jela.

12:55b.LUK.012.055 Huan, sim huih nung na muh chiang un, Khua lum ding ei ve, na chi uh, huan, a honglum ngei jela.

12:56b.LUK.012.056 Nou lepchiah te aw, khovel leh van omdan leng na genchian thei ngal ua, bangchia tulai hun gen chian siam lou na hi ua?

12:57b.LUK.012.057 Bang achia noumauin thu adik kikhen lou na hi ua?

12:58b.LUK.012.058 Honhekpa toh thukhenpa kiang na zot laiun, lampi ah kilep theihna khat zong teitei in; huchilouin jaw thukhenpa mai ah honkai lut dinga, thukhenpan miman heutu honmansak dinga. Miman heutupan suangkulh ah honkhum kha ding.Ka honhilh ahi, paihsasan khat nangawn na piak kim masiah, huai akipan na pawt kei hilhial ding, a chi a.

12:59b.LUK.012.059 Ka honhilh ahi, paihsasan khat nangawn na piak kim masiah, huai akipan na pawt kei hilhial ding, a chi a.

13

13:1b.LUK.013.001 Huan, huchih lai takin, kuate hiam a na-om ua, huaiten, Galili gama Pilatin a sisan uh a Pathian biakna sa gohte laka a hel sakte tungtang Jesu a hilh ua.

13:2b.LUK.013.002 Huan, aman a kiang uah, Huai Galili gamete huchibang thil a thuak jiak un Galili gama tengteng sangin mi gilou tuan hi un na gingta ua hia?

13:3b.LUK.013.003 Hi lou e, ka honhilh ahi, nou leng na kisik kei uleh huchi bangmahin na mangthang vek dinguh.

13:4b.LUK.013.004 Huan, Siloam insangin mi sawm leh giat a delhlupte leng, Jerusalem khuaa omte tengteng sangin mi gilou tuan hi un na gingta ua hia?

13:5b.LUK.013.005 Hilou e, ka hon hilh ahi, nou leng na kisik kei uleh huchibang mahin na mangthang vek ding uh, a chi a, a dawnga.

13:6b.LUK.013.006 Huan, hiai gentehna thu a gena; Kuahiamin a grep huanah theipi suan khat anei a: huan, a kungah a gah a hongzonga, khat leng amu kei a.

13:7b.LUK.013.007 Huchiin, grep gui kemmi kiangah, Ngai in, kum thum sung hiai thei kung ah a gah ka va zong jela, khatleng ka mu kei; phuk in; bangdia mun dala om nilouh ahia? a chi a.

13:8b.LUK.013.008 Huan, aman, a kiangah, Toupa, tukum bek om henla, a kimin ka tou dinga, ekin ka phungvuh tadih dia;

13:9b.LUK.013.009 huainunga a gah leh ahoih ding, a gah kei leh phuk mai in, achia.

13:10b.LUK.013.010 Huan khawl niin aman kikhopnain khat ah thu a hilh a.

13:11b.LUK.013.011 Huan, ngai in, kum sawm leh kum giat hatlouhna dawi mat numei khat a oma; huai mi tuh a kun kheukheu a, amah thuin a ding tang theikei hiala.

13:12b.LUK.013.012 Huan, Jesun amah a muh takin a sama, akiangah, Numei, na hatlouhnain a honkhahta, a chi a.

13:13b.LUK.013.013 Huan, atungah a khut a koiha; huchiin, thakhatin a tangpah ngala, Pathian a phatta a.

13:14b.LUK.013.014 Huan, Jesun Khawlnia mi a hihdam jiakin kikhopna in heutu a heha, mipi a houpiha, a kiang uah, Mihing na sepna ding ni guk a om vo oi; huai sungin, kihihdam un, Khawlniin hi louin, a chi a.

13:15b.LUK.013.015 Toupan a kiangah, Nou lepchiahte aw, Khawlniin na bawng u hiam na sabengtung uhiam a an neknaa kipan phelin, tui dawndingin na pi khe chiat jel uh hi lou hia?

13:16b.LUK.013.016 Hiai numei, Abraham tanu ahi ngala, ngai un, Setanin kum sawm leh kum giat a mana, Khawlniin leng hiai gak tuh phel sak louh dan ahia hia? a chi a, a donga.

13:17b.LUK.013.017 Huai thute a gen laiin a melmate tengteng a zum ua; mipi bel a thil thupi hih tengteng jiakin a kipak uh.

13:18b.LUK.013.018 Huchiin, aman, Pathian gam bang ahia? bang toh leng ka teh dia?

13:19b.LUK.013.019 Ankam chi tangkhat min a laka, a huana a theh bang ahi, huai tuh a hongpou a, sing a honghi a, tungleng vasate khawng ahiangah a giak uh, a chi a.

13:20b.LUK.013.020 Huan, Pathian gam bang toh ka the dia? a chi nawna.

13:21b.LUK.013.021 Silngou numeiin a laka, anbuang tehna thum laka a veka a thoh mateng a phumbang ahi, a chi a.

13:22b.LUK.013.022 Huan, aman thuhilh kawm jelin, Jerusalem kho lam naihin kholian leh kho neute a tawn jela.

13:23b.LUK.013.023 Huan, kuahiamin, a kiangah, Hotdamte tawm chik ahi ding u maw? a chi a.

13:24b.LUK.013.024 Huan, aman, a kiang uah, kong kochik ah lut tum teitei un; ka honhilh ahi, mi tampiin lut a tum ding ua, a lut thei ngal kei ding uh.

13:25b.LUK.013.025 In neipa a thoha, kong a khak nungin, nou a puaa dingin, Toupa, kong honhonsak in, chiin kongkhak non kiuh chiang un, aman, Koi lam mi na hi ua, honthei lou ka hi, chiin, nou a hondawng dinga;

13:26b.LUK.013.026 huai hun chiangin, nou, Na muhin kane ua, ka dawn ve ua oi, ka kongzing uah leng thu na hilh jel vo oi, na chi ding uh.

13:27b.LUK.013.027 Huan, aman, Ka honhilh ahi, Koi lam mi na hi ua, ka hon theikei; nou thil gilou hihtengtengte aw, ka kianga pat pai mang vek un, a honchi ding.

13:28b.LUK.013.028 Abraham, Isaak, Jakob leh jawlnei tengteng Pathian gam, sunga om na muh ua, nou po lama delhkhiak na hih uh na kitheih chiangun, na kap ding ua, ha na gawi ding uh.

13:29b.LUK.013.029 Huan, suahlam leh tumlam, sim leh mal akipanin mite hongpai ding ua, Pathian gamah nein a dawn ding uh.

13:30b.LUK.013.030 Huan, ngai un, nanungpente leng masapena om ding a om ua, masapente leng nanungpena om ding a om uh, a chi a.

13:31b.LUK.013.031 Huai laitakin Pharisai kuate hiam a hongpai ua, a kiangah, Pawt inla, hiaia kipan pai mang in: Herodin honhihlup ut mahmah ahi, a chi ua.

13:32b.LUK.013.032 Huan, aman, a kiang uah, Huai sehal kiangah hiai thu vagen un: Ngai in, tuni toh, jingchiang toh dawite ka delhkhe dia, natnate leng ka hihdam dia a ni thum niin ka zou ding.

13:33b.LUK.013.033 Abangabang hitaleh, tuni toh, jingchiang toh, a ni thumni toh ka pai jel ding ahi; Jerusalem kho po lamah jawlnei sih theih hilou ahi.

13:34b.LUK.013.034 Aw Jerusalem, Jerusalem: jawlneite that, na kianga honsawlte uh suanga na deng lum: akpiin a noute a kha nuaia a op khawmbangin na tate bangzah vei op khawm ka tum a? Himahleh na ut kei.En in, na in a vuaka taisanin a om. Huan, Ka honhilh ahi, Toupa mina hongpai a hampha, na chih ma siah non mu kei ding, a chi a.

13:35b.LUK.013.035 En in, na in a vuaka taisanin a om. Huan, Ka honhilh ahi, Toupa mina hongpai a hampha, na chih ma siah non mu kei ding, a chi a.

14

14:1b.LUK.014.001 Huan, hichi ahi a, Khawlniin Pharisai vaihawmmi khat ina an ne dinga hoh in, a en khia ua.

14:2b.LUK.014.002 Huan, ngai in, a ma ah damlou chibawk mi kua hiam a oma.

14:3b.LUK.014.003 Huchiin, Jesun dan theimi leh Pharisaite a houpiha, a kiang uah, Khawlniin hihdam asiang hia, siang lou? a chi a.

14:4b.LUK.014.004 Amau bel a dai dide ua, huan, aman damlou tuh a len a, a hihdama, a paisakta a.

14:5b.LUK.014.005 Huan, a kianguah, Na lak uah na sabengtung u hiam, bawng hiam tuitohkhiakkhuk ah nake taleh, Khawlniin leng kua ahia kai khepah lou ding? a chi a.

14:6b.LUK.014.006 Huai thu tuh a dawng theikei uh.

14:7b.LUK.014.007 Huan, a mi sapte un tutnamun hoihpen a tel jel dan uh a mu a, a kiang uah gentehna thu a genta a:

14:8b.LUK.014.008 Kitenna an ne dinga kuapeuhin a honsap chiangin tutnamun hoihpen ah tu kei un; huchilou injaw, na sang ua mi phajaw a na sam kha dia, huchiin, a honsampan,

14:9b.LUK.014.009 Hiai mi tutna ding awn in, a hon chi dia; huan nang zumpiin tutnamun niam pen ah natu nawn phing ding ahi.

14:10b.LUK.014.010 A honsap chiangin tutnamun niam pen ah na vatu zo ding a; huchiin a honsampa a hong chiangin, na kiangah, Lawm, tutnamum hoih deuh ah tu in, a honchi theiding. Huchiin na anumpihte mitmuhin pahtawiin na om ding.

14:11b.LUK.014.011 Kingaipha peuh a neu ding ua: kingaineu tuh pahtawiin a om ding uh, a kiang uah a chi a.

14:12b.LUK.014.012 Huan, a sampa kiangah leng, Sunin hiam, janin hiam ankuang na lui chiangin, na lawmte, na unaute, na sanggamte, na inveng mihaute na sam kei ding; huchilou injaw a honsam thuk ding ua, a honthuk chitchiat kha ding uh.

14:13b.LUK.014.013 Ankuang na lui chiangin, tagahte, piangsualte, khebaite, mittawte, na sam zo ding;

14:14b.LUK.014.014 huchiin, huai bangten thukna ding a neih louh jiak un, na hampha ding; mi dikte thoh nawn chiangin thuk nawn na hih ding jiakin, a chi a.

14:15b.LUK.014.015 Huan, a anumpih kuahiamin huai thu tuh a ja a, a kiangah, Pathian gama an ne ding tuh a hampha, a chi a.

14:16b.LUK.014.016 Huan, aman, a kiangah, Mi kuahiamin janin ankuang thupi luina a bawla, mi tampi a sama;

14:17b.LUK.014.017 huan, anek hunin, ami sapte kiangah, Hong ua, tuin bangkim manta, chi dingin a sikha a sawla.

14:18b.LUK.014.018 Huan, a vek un thu khat satin paulam a nei chiat ua. A masapenin, a kiangah, Lou ka leita a, a en dia ka hoh kipha moh hi; honhehpih inla, hon na ngai siam heh, a chi a.

14:19b.LUK.014.019 Huan, midangin, Bawng tuak nga ka leita a, a siat a phat chiandingin ka kuan dinga, honhehpih inla hon na ngai siam heh, a chi a.

14:20b.LUK.014.020 Huan, mi dangin, ji ka neita a, huaijiakin ka hoh theikei, a chi a.

14:21b.LUK.014.021 Huan, sikhain, a pu kiangah, huai thute tuh a vahilh ta a. Huan, inneipa tuh a heh a, a sikha kiangah, Pawt inla, kongzing khawngah, kawmkal khawngah pai mengmeng inla, tagahte, piangsualte, mittawte, khebaite hiai laiah honpilut in, a chi a.

14:22b.LUK.014.022 Huan, a sikhain, Pu, non thupiak bangin ka hihkhina, himahleh mun awng lailaive aw, a chi a.

14:23b.LUK.014.023 Huan, a puin, sikha kiangah, Pawt inla, lamlian khawng ah, dai khawng ah pai inla, ka in dimna dingin mi hon sawl lut teitei in.

14:24b.LUK.014.024 Ka honhilh ahi, Mi ka sapte khatin leng ka ankuang lui achiam kei hial ding, a chi a, a chi a.

14:25b.LUK.014.025 Huan, mipi thupi takte a kiangah a hoh sam ua; huchiin amah a kiheia, a kianguah,

14:26b.LUK.014.026 Kuapeuh ka kianga hongin, a pa, a nu, a ji, a tate, a unau a sanggamnu, leh amah hinna nangawn toh a huat keileh ka nungjui ahi theikei ding.

14:27b.LUK.014.027 Kuapeuh a kros pua honjui lou tuh ka nungjui ahi theikei ding.

14:28b.LUK.014.028 Nou laka kuapeuhin in sang lam tum le uchin, amasain tuin, lam zohna khop sum na neih uleh neih louh thei dingin, aman ding dan kuaa hia sut lou ding.

14:29b.LUK.014.029 Huchilou injaw, suang phum khin phota, a lam zoh theih kei leh, a en peuhin,

14:30b.LUK.014.030 Hiai min a gel na a, a lam zou thei ngal keia chiin, a nuihsan kha ding uh.

14:31b.LUK.014.031 Huan, kumpipa kuain ahia kumpipa dang dou dinga a kuan dingin, a masaa tu a, mi sing nih toh amah dou ding a hong tuh, mi sing khat toh a tuah ngam ding leh ding louh, mi dong lou ding?

14:32b.LUK.014.032 Huchi a hihkei vanglakleh, kumpipa dang tuh gamla pia a om laiin, kituahna lam thuchiam ngen dingin palai a sawl ding.

14:33b.LUK.014.033 Huchi bangmahin, nou lakah kuapeuh a neih tengteng paisan lou tuh ka nungjui ahi theikei ding.

14:34b.LUK.014.034 Chi a hoiha, himahleh, chi leng a pen khitin, bangin a hih-al nawn ding ua?Leia dingin a hoih kei; ekvum dingin leng a hoih sam kei; min a pai khia uh. Kuapeuh jakna dinga bil neiin ja hen, a chi a.

14:35b.LUK.014.035 Leia dingin a hoih kei; ekvum dingin leng a hoih sam kei; min a pai khia uh. Kuapeuh jakna dinga bil neiin ja hen, a chi a.

15

15:1b.LUK.015.001 Huan, siahkhonmite leh mi khialte tengtengin a thu za dingin a kiang a honjuan ua.

15:2b.LUK.015.002 Huan, Pharisaite leh laigelhmiten, Hiai miin mi khialte a khawla, a kianguah an a ne chiin, a phun tuaktuak ua.

15:3b.LUK.015.003 Huchiin, aman a kianguah hiai gentehna a gen a:

15:4b.LUK.015.004 Nou lakah kuapeuhin belam ja nei unla, a lak ua khat mangsak le-uchin, gamdai ah sawmkua leh kuate nusiain, amang pen na muh nawn ma siah uh kua ahia zong lou ding?

15:5b.LUK.015.005 Huan, na muh nawn un tuh kipaktakin na liangjang uah na pua ua.

15:6b.LUK.015.006 Huan, in natun tak un, na lawmte uleh na vengte uh na sam khawm ua, a kiang uah, Hon kipahpih un, ka belam mang ka mu nawnta, na chi uh.

15:7b.LUK.015.007 Ka honhilh ahi, huchi bangmahin, mi dik sawm kua leh kua kisik tuanding neiloute tungah sangin mi khial khat kisik tungah vana mi a kipak zo ding uh.

15:8b.LUK.015.008 Huan, numei kuapeuhin makhai sawm neiin khat mang sak leh, khawnvak dein, in phiatin a muh nawn masiah kua ahia hoihtaka zong lou ding?

15:9b.LUK.015.009 Huan, a muh nawn intuh, a lawmte leh a vengte a sam khawma, Honkipahpih un, ka makhai mansak ka mu nawn ta, a chi a.

15:10b.LUK.015.010 Ka honhilh ahi, huchi bangmahin, Pathian angelte maah, mi khial khat kisik tungah, kipahna om nak.

15:11b.LUK.015.011 Mi kua hiamin tapa nih a nei a;

15:12b.LUK.015.012 huan, a naupang zopenin, a pa kiangah, Pa, gou ka tansik honpia in, a chi a. Huchiin, a sum tuh a kianguah a hawmta a.

15:13b.LUK.015.013 Huan, ni sawt lou nungin a tapa naupang zopenin a tansik tengteng a la khawm veka, gam gamlapi ah a zinta a, huai ah nuam tat luain a sum a mawk zat mangta a.

15:14b.LUK.015.014 Huan, a zat bei zoh vek takin, huai gamah kial thupitak a hongtunga; nek ding a hong kitasamta a.

15:15b.LUK.015.015 Huchiin, huai gam mi khat a vabela; huaiin vok an pe dingin a lou lamah a sawla.

15:16b.LUK.015.016 Huan, bangkhat hawng vokin a nekte ua kihihvah a ut mahmaha; kuamahin lah bangmah a pe ngal kei ua.

15:17b.LUK.015.017 Huan, amah leh amah hongkiphawk khiak takin, Ka pa kianga kilohte an nek zoh louha nei a tamtam utoh, kei lah hiai ah gilkiala si ding hi mai vengin;

15:18b.LUK.015.018 Ka thou dinga, ka pa kiangah ka pai dinga, a kiangah, Pa, vana tungah leh nangmah mitmuhin thil ka hihkhial; na tapaa seh tak ka hitakei hi;

15:19b.LUK.015.019 na kianga kiloh khat bangin hon bawl samin, ka chi ding, a chi a.

15:20b.LUK.015.020 Huchiin, a thou a, a pa kiangah a paita a. Huan, gamlapia a omlaiin, a pan a namu a, a lainat mahmaha, a taia, a vapoma a tawp tonton a.

15:21b.LUK.015.021 Huan, a kiangah a tapain, Pa, vana tungah leh nangmah mitmuhin thil ka hihkhial; na tapaa seh tak ka hita kei, a chi a.

15:22b.LUK.015.022 Himahleh, a pan, a sikhate kiangah, Puan hoihpen honla khepah unla, silh sak un; a khutah zungbuh a khepekah khedap bun sak un;

15:23b.LUK.015.023 bawngnou thau tak honla unla; gou un, i ne ding ua, nopbawlin i om ding uh;

15:24b.LUK.015.024 hiai ka tapa a sia, a honghing nawnta ahi; a manga, i mu nawnta uhi, a chi a. Huchiin kipaktakin a om panta ua.

15:25b.LUK.015.025 Huan, a tapa upa jaw lou ah a oma; huan, in a hong tun kuanin bangpeuh tum ging leh lam husa a zata a.

15:26b.LUK.015.026 Huchiin, a sikha khat a sama, Tuabang ahia? chiin, a donga.

15:27b.LUK.015.027 Huan, aman, a kiangah, Na nau a hongtunga, dam takin a muh nawn jiakin na pan bawng nou thau tak a gou, a chi a.

15:28b.LUK.015.028 Huan, a heha, a lut nuamta keia; huchiin, a pa hongpawt khia a, a khema.

15:29b.LUK.015.029 Himahleh, aman, a pa kiangah, Ngai in, kum hichi zah na na sem inga, na thua lah talek ngei lou inga; ka lawmte toh kipahna ka bawlna dingin kelnou leng non pe ngei ngal keia.

15:30b.LUK.015.030 Himahleh, hiai na tapa kijuakte kianga na sum ne mang vekpa a hongtun takin amah adingin bawngnou thau tak na nagoh sak viala, a chi a, a dawng a.

15:31b.LUK.015.031 Huan, aman a kiangah, Ka tapa, ka kianga om gige hi china, ka neih tengteng leng nanga hi a.Kipak leh nuamtaka om ding ahi vo oi; hiai na nau a sia; a honghing nawna; a manga, i mu nawnta ahi ngala, a chi a, a chi a.

15:32b.LUK.015.032 Kipak leh nuamtaka om ding ahi vo oi; hiai na nau a sia; a honghing nawna; a manga, i mu nawnta ahi ngala, a chi a, a chi a.

16

16:1b.LUK.016.001 Huan, Jesun a nungjuite kiangah hiai thu leng a gena: Mi sumhau kuahiamin sumkemmi a neia; huai min tuh a sum a zat bei sak mawkmawk thu ah a kiangah a hek ua

16:2b.LUK.016.002 Huchiin, aman amah a sama, a kiangah, Na tungtang thu ka jak bangchi ahia? Na sum kepthu hon pelut in; tuban siah sum kem in na pang thei nawn kei ding, a chi a.

16:3b.LUK.016.003 Huan, sumkempan, a lungsimin, Ka Toupan ka sumkep hontawp ding hi a, bangchin ka hih dia leh? lei toh lah ka ngap kei a, khutdoh lah ka zum ngala.

16:4b.LUK.016.004 Sumkep a hontawp hun chiangin a in ua honom sak dingin ka hihdingdan ka theita, a chi a.

16:5b.LUK.016.005 Huchiin, a Toupa sum bate a sam chiata, masapen kiangah, Ka Toupa lakah bangzah na ba a? achia a.

16:6b.LUK.016.006 Aman, Thau tehnadan za khat, achia a. Huan, aman, a kiangah, Na lai la inla tu meng inla, sawmnga gelh in, a chi a.

16:7b.LUK.016.007 Huan mi dang kiangah, Nang bangzah na ba a? a chi a. Aman. Buh tehna dan za khat, a chi a. Huan, aman, a kiangah, Na lai la inla, sawmgiat gelhin, a chi a.

16:8b.LUK.016.008 Huan, a Toupan sumkempa diklou tuh a lemtheih jiakin a phat a; vak tate sangin hiai khovel tate a tulai thu ua a piljawk jiakun.

16:9b.LUK.016.009 Ka honhilh ahi, Sum lemin nou din lawmte bawl un, sum a bei hun chianga khantawna omnaa nou a honom sak na ding un.

16:10b.LUK.016.010 Kuapeuh tawmchik tunga ginom lou tuh tampi tungah leng a ginom kei nak uhi.

16:11b.LUK.016.011 Sum lem tunga bawn na ginom kei uleh, kuan ahia sum tak nou honkemsak ding?

16:12b.LUK.016.012 Mi danga tunga bawn na ginom kei un, noumaua kuain ahia honpe ding?

16:13b.LUK.016.013 Sikha kuamahin heutu nih na a sem kop theikei, khat huain khat a deih ding, a hihkeileh, khat gumin khat a musit ding, Pathian leh sum na na sem kop theikei ding uh a chi a.

16:14b.LUK.016.014 Huan, Pharisai sum deihmiten huai thu tengteng a ja ua, a nuih san uh.

16:15b.LUK.016.015 Huchiin, aman, a kianguah, Mi mitmuha kisiam tangsak na hi uh, himahleh, Pathianin na lungtang uh a thei a; mihing laka a pahtawi uh Pathian mitmuhin kihhuaipi ahi ngala.

16:16b.LUK.016.016 Dan leh jawlneite thu Johan hong om tannin a oma; huainung siah Pathian gam Tanchin Hoih a gen ua, michih a pawnglut uhi.

16:17b.LUK.016.017 Himahleh, dan thu sut vom neu chik leng a man sangin van leh khovel amanthat a baihlamjaw ahi.

16:18b.LUK.016.018 Kuapeuh ji maa, zi dang nei tuh, angkawm ahi; kuapeuh mi ji maksa nei tuh angkawm ahi.

16:19b.LUK.016.019 Huan, misumhau kuahiam a oma, puan sandup leh puan mal ngat a silha, nitengin nuamsa takin a om a.

16:20b.LUK.016.020 Huan, a min Lazar, khutdoh khat meimaa pumdim, a kongkhak bulah a lum a,

16:21b.LUK.016.021 mi sumhau dohkana khatehnen kia khawng nek a lunggulh a; ui khawngten lah a meima a liah sak sak uh.

16:22b.LUK.016.022 Huan, hichi ahia, khutdoh tuh a si a, angelten a paipih ua, Abraham angsungah a koih ua. Mi sumhau leng a sia, vuiin a omta a.

16:23b.LUK.016.023 Huan, misi khua ah gim thuakin a oma, a dak tou a, gamla pia Abraham leh a angsunga Lazar om toh, a muta a.

16:24b.LUK.016.024 Huan, a kikou a, Pa Abraham, ka tungah zahngai inla, Lazar hon sawl in, a khut zungmuk tui ah diah henla, ka lei hihvotna din; hiai mei kuangah ka gim mahmah ahi, a chi a.

16:25b.LUK.016.025 Himahleh, Abrahamin, Ka tapa, nang na damlaiin, na thil hoih na mu a, huchi mahbangin Lazarin thil hoihlou a muh thei tanla; himahlah tunah amah jaw hiai ah khamuang takin a oma, nang jaw gim nei ve.

16:26b.LUK.016.026 Tua louleng, hiai akipana noukianga pai tumte tuh a pai theih louhna dingun leh, kuamah huaia kipana koukianga a hongkai theih louhna dingun, kou leh nou kikal ah guam thupi tak koihdenin a om hi, a chi a.

16:27b.LUK.016.027 Huan, aman, A hihleh, pa, amah ka pa in ah paisak ding bekin, ka honngen ahi;

16:28b.LUK.016.028 sanggam pasal nga ka nei ngala; hiai gimna mun ah a hongpai kha ding uh, phatuamngaitakin vahilh leh, a chi a.

16:29b.LUK.016.029 Abrahamin bel, Mosi leh jawlneite a neive ua oi; huai mite thu ngai le uh ake, a chi a

16:30b.LUK.016.030 Huan, aman, Pa Abraham, hilou e; misi laka mi hilhial a kiang uah hoh zo leh a kisik ding uh, a chi a.Huan, aman, a kiangah, Mosi leh jawlneite thu a ngaih kei un jaw, misi laka mi thou nawn mahlehleng a taksang tuankei ding uh, a chi a, a chi a.

16:31b.LUK.016.031 Huan, aman, a kiangah, Mosi leh jawlneite thu a ngaih kei un jaw, misi laka mi thou nawn mahlehleng a taksang tuankei ding uh, a chi a, a chi a.

17

17:1b.LUK.017.001 Huan, Jesun, a nungjuite kiangah, Puknate omlou thei ahi kei; himahleh, pukna omsakpa tung a gik hi:

17:2b.LUK.017.002 Hiai mi neute laka khat leng hihpuk sangin, a hihpuk ding ngawngah buh gawi janna suang ok sakin, tuipi ah khiakin omleh, amah a dingin a hoihzo ding.

17:3b.LUK.017.003 Pilvang un, na unauin thil a hih khelh leh taihilh in; a kisik leh, ngaidam in.

17:4b.LUK.017.004 Ni khatin na tungah sagih vei thil hihkhialin sagih vei, ka kisik, chia, nang lama a hongkihei nawn leh, na ngaidam ding ahi, a chi a.

17:5b.LUK.017.005 Huan, sawltakten, Toupa kiangah, Ka ginna uh khangsak in, a chi ua.

17:6b.LUK.017.006 Huan, Toupan, Ankam tangkhat bang ginna na neih uleh, hiai singtheimukung kiangah, Na kibot inla, tuipi ah na kisuan in, na chi ding ua, na thu uh a mang mai ding.

17:7b.LUK.017.007 Himahleh, nou lakah kuapeuhin lei letin hiam, belam chingin hiam sikha nei le uchinla, a hongvaipai takin, An honum pah aw, kua ahia nou lakah na chi ding?

17:8b.LUK.017.008 Ka nek ding honbawl sak inla, puan teng inla, ka neka ka dawn zoh masiah ka nek bawl in; huai khit chiangin nang na nein na dawn nake, na lak ua kua ahia na chi zo lou ding?

17:9b.LUK.017.009 Na thu bang ua a hih jiakin na sikha kiang uah kipah thu na gen ngei u hia?

17:10b.LUK.017.010 Huchi mahbangin nouleng na kiang ua thupiak tengteng banga na hih nung un, Sikha phatuam lou ka hi uh; kahih ding him uh ahi ka hih uh, chi un, a chi a.

17:11b.LUK.017.011 Huan, hichi ahia, Jerusalem khuaa a pai sin lai in, Samari leh Galili gam a kheng a.

17:12b.LUK.017.012 Huan, koikhua hiama a lut dingin, mi phak ngenta, sawmin a nadawn ua, huaite tuh gamla takah a ding ua, huan, aw ngaihtakin,

17:13b.LUK.017.013 Jesu, Heutupa, ka tunguah zahngai in, a chi ua.

17:14b.LUK.017.014 Huan, aman amau a muhin, a kiang uah, Siampute kiangah vakilak un, a chi a. Huan, hichi ahia, a pai lai un a hongsiangthou chiat ua.

17:15b.LUK.017.015 Huan, a lak ua khatin dam chih a kitheih takin, aw ngaihtaka Pathian phat kawmin a kik nawnta a;

17:16b.LUK.017.016 huan, a khebul ah a khupboha, a kipahthu a gena; huai mi tuh Samari mi ahi a.

17:17b.LUK.017.017 Huchiin, Jesun a dawnga, Mi sawm hong siangta hilou na hi umaw? kuate koi ah?

17:18b.LUK.017.018 Pathian phat dinga kik nawn, hiai theihlouhmi kia loungal kuamah muha om lou uhia? a chi a.

17:19b.LUK.017.019 Huan, a kiangah, Thou inla, pai in; na ginna na dampih ahi, a chi a.

17:20b.LUK.017.020 Huan, Pharisaiten Pathian gam hongtun hun ding a dot jiak un, a kiang uah, Pathian gam muh theihin a hongtung kei;

17:21b.LUK.017.021 En un, hiai ah: hiam, Pam ah: hiam, a chi kei ding uh; ngai un, Pathian gam tuh na lak uah a om, a chi a, a dawnga.

17:22b.LUK.017.022 Huan, nungjuite kiangah, Mihing Tapa damlai ni khawng ni khat bek na muh nop ni uh a hong om ding, himahleh na mu kei ding uh.

17:23b.LUK.017.023 Huan, na kiang uah, En un, pam ah: En un, hiai ah: a honchi ding ua; pai khe kei unla, amau leng jui kei un;

17:24b.LUK.017.024 vannuai lehlama khua aphiata, vannuai lehlam tanphaa a vak zel bangin Mihing Tapa a hong niin a om ding ahi ngala.

17:25b.LUK.017.025 Himahleh, huai main thil tamtak a thuak ding a, tulai khangthakte deihlouhin a omding ahi.

17:26b.LUK.017.026 Noa dam laia thil omdan bangin, Mihing Tapa a hongpai nawn hun chiangin a om sam ding.

17:27b.LUK.017.027 Noa longa a luta, tui a hongleta, a vekua a hihlup khit ni a tun masiah, a ne un a dawn ua, ji leh tain a kinei uh.

17:28b.LUK.017.028 Huchi mahbangin Lota dam laiin a hongom a; a ne un a dawn ua, a lei un a juak ua, a suan un a lam uh;

17:29b.LUK.017.029 himahleh, Sodom khua a kipan Lota a pawt niin vana kipanin mei leh kat a zu a, a vek un a hihlumta.

17:30b.LUK.017.030 Huchi mahbangin Mihing Tapa a hongkilak niin a om ding.

17:31b.LUK.017.031 Huai niin kuamah a sum in sunga oma, amah in tunga om, vala dingin kum kei heh; loua om leng pai kei hen.

17:32b.LUK.017.032 Lota ji theigige un.

17:33b.LUK.017.033 Kuapeuh a hin humbitna zongin a tan dinga kuapeuh a hin tanin a humbit ding.

17:34b.LUK.017.034 Ka hon hilh ahi, huai janin lupna khatah mi nih a om ding ua, khat lakin a om dinga, khat nutsiatin a om ding.

17:35b.LUK.017.035 Numei nih buh gawi janin a om ding ua, khat lakin a om dia, khat nutsiatin a om ding.

17:36b.LUK.017.036 Pasal nih lou ah a om ding ua; khat lakin a om dia; khat nutsiatin a om ding, a chi a.Huan, amau, a kiangah, Toupa, koiah eita? a chi ua, a dong ua. Huan, aman a kiang uah, Saluang omna peuhah musane leng a kikhawm ding uh, a chi a.

17:37b.LUK.017.037 Huan, amau, a kiangah, Toupa, koiah eita? a chi ua, a dong ua. Huan, aman a kiang uah, Saluang omna peuhah musane leng a kikhawm ding uh, a chi a.

18

18:1b.LUK.018.001 Huan, lungke louin a thum gige ding uh ahi chih theihna dingin akiang uah gentehna a gen a:

18:2b.LUK.018.002 Koilai khua hiamah thukhenmi khat a oma, huai min Pathian a lau keia, mihing leng a khawksa kei;

18:3b.LUK.018.003 huan, huai khuaah meithai khat a oma; aman, Ka lang tungah phu honlaksak in, chiin, a kiangah a hoh zihzeh a.

18:4b.LUK.018.004 Huan, amah tuh sawt khop a ut keia; himahleh, a nungin a lungsimin, Pathian lau louin mihing khawksa kei mah leng;

18:5b.LUK.018.005 hiai meithaiin honhihbuai jiakin a phu ka lak sak mai ding, huchilouin jaw, a hong zihzeh leh a honhih gim ek kha ding, a chi a.

18:6b.LUK.018.006 Huan, Toupa mahin, Thukhenmi diktatlou thugen ja un.

18:7b.LUK.018.007 A tunguah dohzou tadih mahleh leng a mitel, a sun a jana amah samte phu tuh Pathianin a lak sak kei dia hia?

18:8b.LUK.018.008 Ka honhilh ahi, a phu uh a lak sak pah ding. Himahleh Mihing Tapa a hongpai hun chiangin leitungah tuabang ginna a honmu nadiam? a chi a.

18:9b.LUK.018.009 Huan, mi diktat hih kigingta a, mi dang tengteng musit kuate hiam kiangah hiai gentehna thu leng a gen a:

18:10b.LUK.018.010 Mi nih Pathian biakin ah thum dingin a hoh tou ua; khat tuh Pharisai ahi a, khat tuh siahkhonmi ahi.

18:11b.LUK.018.011 Pharisai tuh a dinga, amah kiain hichibangin a thum a: Pathian, mi dang, a negute, dikloute, angkawmte bang ka hih louh jiak leh, hiai siahkhonmi bang leng ka hih louh jiakin na tungah ka kipak hi.

18:12b.LUK.018.012 Nipikal khat tengin nihvei an ka ngawl jel; ka neih teng sawm ah khat ka pe jela, a chi a.

18:13b.LUK.018.013 Siahkhonmin bel gamla taka dingin, van lam leng a dak ngam keia, Pathian, kei mi khial, ka tungah zahngai in, chiin, a awm a kitum a.

18:14b.LUK.018.014 Ka honhilh ahi, a masa sangin huai mipen tuh siam tangin a in ah a pai kheta. Kingaithupi peuh a niam ding ua, kingainiam tuh pahtawiin a om ding, a chi a.

18:15b.LUK.018.015 Huan, a khoih dingin a kiangah a naungekte uh a honpi ua; nungjuiten bel huai a muh tak un a natai ua.

18:16b.LUK.018.016 Himahleh, Jesun amau a sama, Naupang neute ka kiangah honpai sak unla, kham kei un, Pathian gam huchibang mite a ahi ngala.

18:17b.LUK.018.017 Chihtaktakin ka honhilh ahi, Kuapeuh Pathian gam naupang neuin a kipahpih banga kipahpih lou tuh a sungah alut keihial ding, a chi a.

18:18b.LUK.018.018 Huan, vaihawmmi kuahiamin, a kiangah, Sinsakpa hoih, khantawn hinna tanna dingin bang ka hih dia? chiin, a donga.

18:19b.LUK.018.019 Huan, Jesun a kiangah, Bangdia hoih honchi? mi khat kia ngallou kuamah hoih a om kei, huai tuh Pathian ahi.

18:20b.LUK.018.020 Thupiakte na thei vo oi, Angkawm ken, Tualthat ken, Gu ken, Hek ken, Na nu leh pa pahtawi in, chihte, a chi a.

18:21b.LUK.018.021 Huan, aman, Huai thu tengteng ka naupan chik a kipan ka jui jel, achia.

18:22b.LUK.018.022 Huan, Jesun huai a jakin a kiangah, Tuin leng thil khat na sam hi; na neih tengteng juak inla, tagahte kiangah hawm in, huchiin vanah gou na nei ding; huan, hongpai inla, honjui in, a chi a.

18:23b.LUK.018.023 Aman bel, huai thute a jakin a lungkham mahmah a, a hauh mahmah jiakin.

18:24b.LUK.018.024 Huchiin, Jesun amah tuh a ena, Sum haute Pathian gama lut haksa na e:

18:25b.LUK.018.025 Mi sumhau Pathian gama lut sangin sangawngsau phim bila lut suak a nuam jaw ahi, a chi a.

18:26b.LUK.018.026 Huan, huai thu zaten, Huchi a hihin kua hotdamin a om thei dia? a chi ua.

18:27b.LUK.018.027 Aman tuh, Mihing hih vual louh Pathian hih theih ahi, a chi a.

18:28b.LUK.018.028 Huan, Peterin, ngai in, kou ka in uh leh lou pai sanin kon jui ua, a chi a.

18:29b.LUK.018.029 Huan, aman, a kiang uah, Chih taktakin ka honhilh ahi, Kuapeuh Pathian gam jiaka, in hiam, ji hiam, unaute hiam, nu le pa hiam, tate hiam paisan photphot,

18:30b.LUK.018.030 tu dam sung mahmahin a sanga tam jaw mu lou ding kuamah a om kei, hun hongtung lai dinga khantawna hinna toh, a chi a.

18:31b.LUK.018.031 Huan, sawm leh nihte a kiangah api tuama, a kiang uah, Ngai un, Jerusalem khua a hoh tou ding i hi ua; jawlneite thu gelh tengteng Mihing Tapa tungah a tung ding.

18:32b.LUK.018.032 Jentelte kiangah piakin a om ding a, nuihzabawlna din a zang ding uh, zumhuai takin a bawl ding ua, chil a siat ding uh;

18:33b.LUK.018.033 Huan, a vo ding ua, a hihlum ding uh; huan, ni thum niin a thou nawn ding, a chi a.

18:34b.LUK.018.034 Huan, huai thute himhim a theisiam kei ua, a thu gen tuh a lak uah selin a oma, bang gen ahia chih leng a theikei uh.

18:35b.LUK.018.035 Huan, hichi ahi a, Jeriko khua a tun kuanin, mittaw kuahiam lam geiah khut dohin a na tu a;

18:36b.LUK.018.036 huai min tuh mipi pai ging a ja a, bangchi thu a hitaa chih a donga.

18:37b.LUK.018.037 Huan amau, Nazaret Jesu a pai ahi chih a hilh ua.

18:38b.LUK.018.038 Huchiin, aman, Jesu, David Tapa, ka tungah zahngai in, chiin, a kikou a.

18:39b.LUK.018.039 Huan, a masaten dai dingin a tai ua, himahleh, David Tapa, honhehpih in, chiin, a kinak kou semsem a.

18:40b.LUK.018.040 Huchiin, Jesu a dinga, a kianga honpi dingin thu a pia a;

18:41b.LUK.018.041 huan, a kiang a hongtun in, Na tungah bangchia ka hih ahia na deih? a chi a, a na donga. Huan, aman, Toupa, muh theih ka ut, a chi a.

18:42b.LUK.018.042 Huan, Jesun a kiangah, Mu thei ta in, na ginna na dampih ahi, a chi a.Huan, thakhatin a mu thei pahtaa, Pathian phat kawm jelin amah a juita a; huan, mi tengtengin, huai a muh un, Pathian a phat uh.

18:43b.LUK.018.043 Huan, thakhatin a mu thei pahtaa, Pathian phat kawm jelin amah a juita a; huan, mi tengtengin, huai a muh un, Pathian a phat uh.

19

19:1b.LUK.019.001 Huan, Jesu Jeriko khua ah a luta, pai suak din a kisa a.

19:2b.LUK.019.002 Huan, ngai in, mi khat a min Zakai a om a; huai mi tuh siahkhon heutu ahi a, amah leng a hau ngiala.

19:3b.LUK.019.003 Huan, Jesu mi bangchi bang hiam chih, muh a tuma; amah lah a niam ngala, mipi jiakin, a mu theikei a.

19:4b.LUK.019.004 Huchiin, a matai a, a en dingin theipi kung ah a kaha; huai lampi tuh a hontot ding ahi ngala.

19:5b.LUK.019.005 Huan, Jesu huai mun a tunin a daka, a kiangah, Zakai, hongkum meng in; tuniin na ina tung ding ka hi, a chi a.

19:6b.LUK.019.006 Huan kintakin a kuma, kipaktakin amah tuh a zintuntaa.

19:7b.LUK.019.007 Huan huai amuh tak un, a vek un, Mi khialte kianga tung dingin a lutta ve, a chi ua, a phun ua.

19:8b.LUK.019.008 Huan, Zakai a dinga, Toupa kiang ah, Ngai in, Toupa, ka sum kimkhat tagahte kiangah kape dinga; huan, kua lakah leng thil bangpeuh na negu taleng, a leh liin ka din ding, a chi a.

19:9b.LUK.019.009 Huan, Jesun, akiangah, Tuniin hiai in ah hotdamna a hongtungta, amah leng Abraham tapa ahi ngala.

19:10b.LUK.019.010 Mangthangte zonga hotdam dingin Mihing Tapa a hongpai, ahi him hi, a chi a.

19:11b.LUK.019.011 Huan, huai thute a ngaihkhiak lai un, Jerusalem khua a naih tak jiak leh Pathian gam honglang pah ding hia a gin jiak un gentehna thu a gen tela.

19:12b.LUK.019.012 Huchiin hiai thu khawng a gena; Mi Hoih kuahiam gam ukna thu laa hongkik nawn dingin kho gamla takah a hoha.

19:13b.LUK.019.013 A hoh dingin a sikhate sawm a sama, a kiang uah dangkaeng sawm a pia a, a kianguah, Ka hongtun nawn masiah hiaiin sum na sin un, achia.

19:14b.LUK.019.014 Himahleh, a khuaten a hua ua, Hiai mi katung ua vaihawm dingin ka deih kei uh, chiin a nungah thu akha ua.

19:15b.LUK.019.015 Huan, hichi ahia, gam ukna thu tuh a laka, a hong kik nawn in, a sikha sum a piakte, a hekpung dan uh theihna din, a sam saka.

19:16b.LUK.019.016 Huan, a masapen a hongpaia, Toupa, na dangka sawmin a pung, a chi a.

19:17b.LUK.019.017 Huan aman, a kiangah, Sikha hoih, nahih hoih e; tawm chik tunga na ginom jiakin kho sawm tungah heutuin om in, a chi a.

19:18b.LUK.019.018 Huan, a zom a hongpaia, Toupa, na dangka ngain a pung e, a chi a.

19:19b.LUK.019.019 Huan, aman, amah kiangah leng, Nang leng kho nga tungah heutuin omin, a chi a.

19:20b.LUK.019.020 Huan, mi dang a hongpaia, Toupa, en in, hiai na dangka: khoulnulna puanin ka kem kinken ahi;

19:21b.LUK.019.021 Mi mawktak na hih jiakin kon kihta ahi; na koih louh leng na la naka, na tuh louh leng na at nak ngala, a chi a.

19:22b.LUK.019.022 Huan, aman, a kiangah, sikha gilou, na paukam suak ngeiin kon siam louh ding. Mi mawktat ka hiha, ka koih louh leng ka lak naka, ka tuh louh leng ka at nak na thei maw?

19:23b.LUK.019.023 Huchi a hih leh, bang dia ka sum sumina na koih lou? huchiin ka hongpaiin a pung toh ka lak ding ahi, a chi a.

19:24b.LUK.019.024 Huan, a kianga dingte kiangah, A dangka lak sak unla, dangka sawm neipa kiangah pia un, a chi a.

19:25b.LUK.019.025 Huan, amau, a kiangah, Toupa, aman jaw dangka sawm a nei a ka, a chi ua.

19:26b.LUK.019.026 Ka honchi ahi, a nei peuh piakbehlap ahi ding a, a neilou tuh a neih sun leng lak sak ahi ding hi.

19:27b.LUK.019.027 Himahleh, hiai ka galte a tung ua vaihawm dia hondeih lou, honpi unla, ka maah that un, a chi a, a chi a.

19:28b.LUK.019.028 Huan, huchibang thu agen khitin Jerusalem kho lam naih tou in ma a kaia.

19:29b.LUK.019.029 Huan hichi ahia, Bethphage leh Bethani kho kiang, Oliv tang kichi a tunin, nungjuite laka mi nih a sawla.

19:30b.LUK.019.030 Na ma jawn khua uah vahohta unla; huaiah na lut tung un sabengtung nou khih, kuamah tuanna ngei nai louh, na vamu ding ua, huai honphel unla, honkai un.

19:31b.LUK.019.031 Huan, kuapeuhin, Bangdia phel? chia a hondot uleh, hichin na gen ding uh, Toupan a deih ahi, chiin.

19:32b.LUK.019.032 Huan, asawlte tuh a paita ua, a kiang ua a gen bang ngeiin a vamu ua.

19:33b.LUK.019.033 Huan, sabengtung nou tuh a phel lai un, a neiten a kiang uah, Sabengtung nou bangdia phel? a chi ua.

19:34b.LUK.019.034 Huan, amau, Toupan a deih ahi, a chi ua.

19:35b.LUK.019.035 Huchiin, Jesu kiangah a honkai ua; huan, sabengtung nou tungah a puante uh aphah ua, a tungah Jesu a tuang sak uhi.

19:36b.LUK.019.036 Huan, a paina ding lampi ah a puante uh a phah jel ua.

19:37b.LUK.019.037 Huan, a tun ding kuan in, Oliv tang kumsukna ding takah, nungjui mipi tengtengin a thilthupi hih tengteng a muh jiak un a kipak ua, aw ngaihtakin Pathian tuh a phat uhi;

19:38b.LUK.019.038 Toupa mina kumpipa hongpai tuh a hampha e; vanah lem thu leng henla, tungnungpen ah thupina om hen, chiin.

19:39b.LUK.019.039 Huan, mipi laka Pharisai khenkhatin a kiangah, Sinsakpa, na nungjuite taiin, a chi ua.

19:40b.LUK.019.040 Aman bel, Ka honhilh ahi, Hiaite a daih uleh suangte bek a kikou ding uh, a chi a, a dawnga.

19:41b.LUK.019.041 Huan, a tun kuanin, khua a mu a, a kahkhuma;

19:42b.LUK.019.042 Aw nang telin tu sungin khamuanna ding thu honthei leteh aw: Himahleh tun jaw na muh louhna dingin a kisel ta ngala.

19:43b.LUK.019.043 Na galten na kimin lei kulh a khoh ding ua, a honum ding ua, na kimin pawt theih louhin a honom khum ding ua, huchibang nite tuh na tungah a hong tung ding;

19:44b.LUK.019.044 na sunga na ta na naute, nangmah toh leiah hon pai ek ding ua; na sungah suang kichiang himhim a hawi kei ding uh; veha na om ni na theihlouh jiakin, chiin.

19:45b.LUK.019.045 Huan, Pathian biakin ah a va luta, bangpeuh juakte a delhkhia a, a kiang uah,

19:46b.LUK.019.046 Ka in thumna in ahi ding, chih gelh ahi; nou bel suamhatte khukin na bawl jaw uh, a chi a.

19:47b.LUK.019.047 Huan, nitengin Pathian biakin ah thu a hilh jela. Huan, siampu liante leh, laigelhmite leh, vantang laka heutu deuhten, amah hihmang atum ua;Himahleh, min phatuam ngai taka a thu a ngaihkhiak jiak un, a hihna dingdan a thei tuan kei uhi.

19:48b.LUK.019.048 Himahleh, min phatuam ngai taka a thu a ngaihkhiak jiak un, a hihna dingdan a thei tuan kei uhi.

20

20:1b.LUK.020.001 Huan, ni khat tuh Pathian biakina mite thu a hilh a, Tanchin Hoih a genlaiin, siampu liante, laigelhmite, upate toh, a kiangah ahongpai guih ua;

20:2b.LUK.020.002 huan, a kiangah, Kua thuin ahia hiai thil na hih? Kuan ahia thu honpia? honhilh in, chiin, a gen ua.

20:3b.LUK.020.003 Huan, aman, a kiang uah, Ken leng thu kam khat kon dong sam ding; honhilh un,

20:4b.LUK.020.004 Johan baptisma vana kipan hia, mihinga kipan? a chi a, a dawnga.

20:5b.LUK.020.005 Huan, a kingaihtuah ua, Vana kipan, chi lehang, Bangdia amah ginglou? honchi thepthup ding.

20:6b.LUK.020.006 Huan, Mihinga kipan, chi lehang, mi tengtengin suangin a hondeng ding uh; Johan jawlnei a hih a thei ngal ua, a chi ua.

20:7b.LUK.020.007 Huchiin, a dawng ua, Koia kipan ahia ka theikei uh, a chi ua.

20:8b.LUK.020.008 Huan, Jesun a kianguah, Ken leng kua thuin ahia hiai thil ka hih, ka honhilh sam kei ding, a chi a.

20:9b.LUK.020.009 Huan, mipite kiangah hiai gentehna agen a; Kua hiamin grep huan a bawla, a loukemte kiangah khohloh dingin a pia a, sawtpi tam dingin gam dangah a hohta a.

20:10b.LUK.020.010 Huan, a loh hunin huana gah tanding a na piak ding un loukemte kiangah sikha khat a sawl a; himahleh, loukemten a na vua ua.

20:11b.LUK.020.011 Huan, sikha dang a sawl nawna; huai leng a na von awn jel ua, zumhuai piin a na bawl ua, khutvuakin a paisak nawnta uh.

20:12b.LUK.020.012 Huan, a thumna a sawl nawn a; huai leng a na hihliam ua a pai kheta uhi.

20:13b.LUK.020.013 Huan, grep huan neipan, Bang chin ka hih dia? Ka tapa deihtak ka sawl mai ding; amah a nazah khamoh kei ding uh, a chi a.

20:14b.LUK.020.014 Himahleh loukemten amah a namuh tak un, Hiai gouluah dingpa tuh ahi, that ni, huchiin, a gou ei ading ahi ding, chiin, a kihou ua.

20:15b.LUK.020.015 Huchiin, grep huan apat a pai khia ua, a hihlumta uh. Huan, grep huan neipan amau bang a lohta dia le?

20:16b.LUK.020.016 Loukemten a honghihmang dia, huan grephuan tuh mi dangte a pe ding, a chi a. Huan, huai ajak un, huai tel jaw tungkei leh: a chi ua.

20:17b.LUK.020.017 Humahleh, aman amaute a en a, Ahihleh hiai thu a gelh uh bang ahia? In lamte suang deih louhpen, huai mahmah a ninga suang phatuampen a honghita, chih.

20:18b.LUK.020.018 Kuapeuh huai suang tunga puk tuh a kitat gawp ding; a delh khak houh a gawi jan ding, a chi a.

20:19b.LUK.020.019 Huan, huchih lai takin laigelhmite leh siampu lalten mat a tum ua; himahleh, mipi a lau ua; huai a genteh thu amau demin a gen chih a thei ngal ua.

20:20b.LUK.020.020 Huan, gam ukpa vaihawmna leh thuneihnaa a piak theihna dingun, a thu gen khelh la dingin, amah a tang gige ua, enkhia, mi hoih banga omkhempeuhte asawl ua.

20:21b.LUK.020.021 Amau, a kiangah, Sinsakpa, diktakin thu na genin nahilh jela, kuamah khentuam louin chih taktakin Pathian lam thu na hilh jel ka thei uh.

20:22b.LUK.020.022 Kaisar kianga siah ka piak uh siang hia sianglou? chiin, a dong ua.

20:23b.LUK.020.023 Himahleh aman a zekhem uh a thei a, a kiang uah,

20:24b.LUK.020.024 Makhai honlak un, Kua lim leh kuamin ahia tuang? a chi a. Huan, amau, Kaisar-a, a chi ua.

20:25b.LUK.020.025 Huan, aman, a kiang uah, A hih nung, Kaisar thilte Kaisar kiangah pia unla, Pathian thilte Pathian kiangah peta unla, a chi a.

20:26b.LUK.020.026 Huchiin, mipi maa a thu gen khelh lak ding amu kei ua; a dawnna tuh lamdang a sa mahmah ua, a dai dide uh.

20:27b.LUK.020.027 Huan, Saddukai, thohnawnna a om kei chite laka mi kuate hiam a kiangah a hong ua; a kiangah,

20:28b.LUK.020.028 Sinsakpa, Mosiin, kuapeuh a unaupanin ji nei henla, ta neilouin si leh, a ji luahin, a unaupa dingin chi a suah sakding ahi chih, hon gelh sak ahi.

20:29b.LUK.020.029 A hi, sal sagih a om ua; upapenin ji a nei a, ta neilouin a si a.

20:30b.LUK.020.030 A nihnain a luah a; tunmnain a luah nawna;

20:31b.LUK.020.031 huchi chiatin sagihte ta neilouin a si jel uh.

20:32b.LUK.020.032 Huai zohin, numei leng a sita a.

20:33b.LUK.020.033 Tua chiangin, thohnawn hun chiah a kuapen ji ahi dia? amau sagihten jiin a nei chiat ngal ua, chiin a dong ua.

20:34b.LUK.020.034 Huan, Jesun a kiang uah, Tulai mite ji leh tain a kinei jel ua;

20:35b.LUK.020.035 himahleh, huai hun chia tel tak ding leh, misi laka pat thohnawnna tang taka seh peuhte, ji leh tain a kinei nawn ta kei ding uh;

20:36b.LUK.020.036 sih leng a si nawn theita kei dinguh, angelte banga om ding ahi ngal ua; thohnawnna tate a hih jiak un, Pathian tate ahi ding uh.

20:37b.LUK.020.037 Misi kaihthohin a om ding uh chih Mosiin leng, Loubuk thu a, Toupa tuh Abraham Pathian, Isaak Pathian, Jakob Pathian, a chih laiin, a thei sak hi.

20:38b.LUK.020.038 Amah misi Pathian ahi keia, mihing Pathian ahi jaw; amah ngaihin mi tengteng a hing vek ngal ua, a chi a.

20:39b.LUK.020.039 Huan, laigelhmite khenkhatin, Sinsakpa, na gen dik ngei e, a chi ua, a dawng ua.

20:40b.LUK.020.040 Thu dang a dong ngam nawn ngal kei ua.

20:41b.LUK.020.041 Huan, aman, a kiang uah, Kris David tapa ahi chih bangchidana chi thei uh ahia?

20:42b.LUK.020.042 Sam laibu ah David mahmahin, Toupan, ka Toupa kiangah, ka taklam a tu in,

20:43b.LUK.020.043 Na melmate na khepek ngakna dia ka bawl masiah, a chi, a chi a.

20:44b.LUK.020.044 Huchiin Davidin amah Toupa a chi ngala, bang chin ahia a tapa a hih theih? a chi a.

20:45b.LUK.020.045 Huan, mi tengteng theihin a nungjuite kiangah, Laigelhmite lakah pilvang un;

20:46b.LUK.020.046 amau puannak tual silha vak a ut uh, dawl mun ah chibai buk bang, kikhopna inah tutphah hoihpente bang ankuang luina ah mun hoihpente bang a deihtuam nak uh hi;meithaite inte a negai ua, mi khemna dingin sawt pipi a thum uh. Huaiten siam louh anak tan semding uhi, a chi a.

20:47b.LUK.020.047 meithaite inte a negai ua, mi khemna dingin sawt pipi a thum uh. Huaiten siam louh anak tan semding uhi, a chi a.

21

21:1b.LUK.021.001 Huan, A dak khia a, mi hauten sumkholnaa sum a khiak lai uh a mu a.

21:2b.LUK.021.002 Huan, meithai tagah tak kuahiamin dal dangka muja nih hongkhia leng a mu a.

21:3b.LUK.021.003 Huchiin, Chih taktakin ka honhilh ahi, Hiai tengteng sangin tua meithai tagah takin a khe tam jaw;

21:4b.LUK.021.004 hiai tengtengin a neih let uh a khia uh; aman bel a kitunhingna dinga a neih sunsun a khe vek ahi, achia.

21:5b.LUK.021.005 Huan, kuate hiamin Pathian biakin thu, suang hoihtak leh thil piak khawma a zep kilawm dan uh, a gen lai un, aman,

21:6b.LUK.021.006 Hiai na thil muh uh, hihchip louha suang kichiang himhim hiaiah a om kei ding; tuabangni a hongtung ding, achia.

21:7b.LUK.021.007 Huan, amau, a kiang ah, Sinsakpa, huaite chik chiah a hongom ding ua? huaite a hongtun ding chiangin chiamtehna bang a om dia? chiin, a dong ua.

21:8b.LUK.021.008 Huan, aman, Pimanga na om louhna ding un pilvang un. Mi tampiin, Kris tuh ka hi, a hun a tungding a hita, chiin, keimah min sial in a hong ding uh; huaite jui kei un.

21:9b.LUK.021.009 Huan, kidou thu leh buai thu na jak hun chiang un lau kei un; huaite a tung masa ding a, tawpna bel hi pah lou ding ahi ngala, a chi a.

21:10b.LUK.021.010 Huan, a kianguah, Nam tuam leh nam tuam a kidou ding ua, gam tuam leh gam tuam a kidou ding uh;

21:11b.LUK.021.011 jin nakpi takin a ling dinga, mun tuamtuam ah kial khawng a ke ding a, hi bang a lenglai dinga; van a kipanin thil lauhuai leh chiamtehna thupitak bang a hongom ding hi.

21:12b.LUK.021.012 Himahleh, huai thil tengteng a tun main, nou a honman ding ua, kikhopnaina leh suangkulha-te kiangah piin a honhihgim ding uh, keimah min jiakin kumpipate leh gam ukte ma ah a honpi ding uh.

21:13b.LUK.021.013 Hiai noute-a din theihpihna hun lemtang ahi ding.

21:14b.LUK.021.014 Huchiin, dawnna ding ngaihtuah khol lou dingin na lungtang uah kihihkip un;

21:15b.LUK.021.015 na melma tengteng un hondou ua honsel theihlouhna ding un kam leh pilna honpe ding ka hi ngala.

21:16b.LUK.021.016 Huan, na nu u leh na pate, na unaute, na sanggamte, na lawmte un leng honmansak ding uh; a khen a honhihlum ding uh;

21:17b.LUK.021.017 keimah min jiakin mi tengteng huat na hi ding uh.

21:18b.LUK.021.018 Himahleh, na samzang khat uh leng a mangthang kei ding.

21:19b.LUK.021.019 Na kuhkalna uah na hin uh nahumbit ding uhi.

21:20b.LUK.021.020 Himahleh, sepaihten Jerusalem khua a um uh na muh chiang un, a mangthang dek chih thei un.

21:21b.LUK.021.021 Huai hun chiangin Judia gama omten tangah taimang san u heh; a sunga omten pawt san u heh, gama omte tuh a sungah lut kei u heh.

21:22b.LUK.021.022 Huai nite tuh phu lakna ahi, thu a gelh tengteng uh a hongtun theihna ding in.

21:23b.LUK.021.023 Huai nitein gaite leh naunou pomte tung a gik ding, khovel ah haksatna thupitak a tun ding jiakin leh hiai chite tunga hehna a tun ding jiakin.

21:24b.LUK.021.024 Huan, temsau in a si ding ua, nam chih kiangah sala piin a om ding uh; huan, jentelte ni a tawp mateng Jerusalem khua Jentelte sikdenin a om ding hi.

21:25b.LUK.021.025 Huan, ni ah bang, kha ah bang, aksi ah bang, chiamtehna a om dinga; tuipi mau leh a kihoh jiakin lei ah leng nam chih haksatna leh mangbatna a tung ding;

21:26b.LUK.021.026 mite, launa jiak leh khovela thil hongtung ding ngaihtuah jiakin, a sibup ding uhi; van thilhihtheihnate ling ding ahi ngala.

21:27b.LUK.021.027 Huai hun chiangin Mihing Tapa thilhihtheihna leh thupina thupi toh mei laka hong a mu ding uh.

21:28b.LUK.021.028 Huan, huai thilte a hongtun kipat chiangin en tou unla, dak khia un; na tatna uh hongnaita ahihmanin, achia.

21:29b.LUK.021.029 Huan, a kiang uah gentehna thu a gen a: Theipi kung leh sing tengteng en un;

21:30b.LUK.021.030 a hongsel nou takin huai tuh na mu ua, nipi hongtung ding ahi chih noumauin na thei uhi.

21:31b.LUK.021.031 Huchi mahbangin nou leng huai bangte a hongtung na muh hun chiang un, Pathian Gam a hongnaita chih thei un.

21:32b.LUK.021.032 Chihtaktakin ka hon hilh ahi, thil tengteng a tun kim masiah tulai khangthakte a mang kei ding uh.

21:33b.LUK.021.033 Lei leh van a mang dia, ka thute jaw a mang kei ding.

21:34b.LUK.021.034 Ahihhangin pilvang un, huchilou injaw nek vah luat toh, zu kham toh dam sung khosak ngaihtuah toh, na lungtang uh a dim lokha ding a, huai niin thang awk bangin thakhatin na tunguah a hongtung guih kha ding.

21:35b.LUK.021.035 Tuabang takin leitung tengteng a omte tungah a tung chiat ding ahi ngala.

21:36b.LUK.021.036 Huchiin, huai thil hongtung ding tengteng pel ding leh Mihing Tapa maa dingtak dinga seh na hih theihna ding uleh thahatna na neihna dingun chiklai peuhin leng thum kawmin limsak gige un, a chi a.

21:37b.LUK.021.037 Huan, ni tengin Pathian biakin ah thu hilh jel a; jan tengin a pawta, Oliv tang a chih uah a giak jel hi.Huan, jingin a thu ngaikhe dingin mi tengteng Pathian biakin ah a kiangah a hong jel uh.

21:38b.LUK.021.038 Huan, jingin a thu ngaikhe dingin mi tengteng Pathian biakin ah a kiangah a hong jel uh.

22

22:1b.LUK.022.001 Huan, tanghou silngou sohlouh ankuanglui, Paikan Ankuanglui kichi a naita a.

22:2b.LUK.022.002 Huan, siampu liante leh laigelhmiten a hihlupna dan a zong ua, vantang lah a kihta ngal ua.

22:3b.LUK.022.003 Huan, sawm leh nihte lak a pang, Juda, Iskariot kichi sungah Setan a lut a.

22:4b.LUK.022.004 Huchiin, amah a vapaia, a kiang ua juausana mat sak theihna dingdan siampu liante leh heutute a vakihoupih a.

22:5b.LUK.022.005 Huan, amau a kipak mahmah ua, a kiangah dangka piak achiamta uhi.

22:6b.LUK.022.006 Huan, aman lem a sa a, mipi om louh kala juausana matsakna lemtang a zongta a.

22:7b.LUK.022.007 Huan, tanghou silngou soh louh ni, Paikan Ankuangluina belamnou gohna ding ni, a hongtungta a.

22:8b.LUK.022.008 Huchiin, Jesun, Peter leh Johan a sawla, Paikan Ankuang lui i nek dingin hon va hih sak un, chiin.

22:9b.LUK.022.009 Huan, amau, a kiangah, Koiah vahih le ung na ut a? a chi ua.

22:10b.LUK.022.010 Huan, aman, a kiang uah, Ngai un, khopia na lut un, pasal, bela tui puain hontuak dinga, a lutna in ah juilut un.

22:11b.LUK.022.011 Huan, inneipa kiangah, Sinsakpan, Ka nungjuite toh paikan ankuang ka nekna dinguh, mikhual indan koilai ahia? honchi hi, nachi ding uh.

22:12b.LUK.022.012 Huchiin, aman indan tungnung za pi, van omsa, a honensak ding; huaiah hih un, achi a.

22:13b.LUK.022.013 Huan, a hohta ua, a kiangua a gen bang takin a muta ua; huan, Paikan Ankuang avabawl uh.

22:14b.LUK.022.014 Huan, a nek a honghunin, aman an a um a, a sawltakten a umpih sam uhi.

22:15b.LUK.022.015 Huan, a kiang uah, Ka thuak ding ka thuak main hiai Paikan Ankuang honnek pih ka ut mahmah ahi.

22:16b.LUK.022.016 Ka honhilh ahi, hiai tuh Pathian gama a taktak a hih ma siah, ka ne nawnta kei ding hi, a chi a.

22:17b.LUK.022.017 Huan, nou a la a, kipah thu a gen khitin, Hiai la unla, kihawm un;

22:18b.LUK.022.018 ka honhilh ahi, tuban Pathian gam a hongtun masiah grep gui gah tui ka dawn nawnta kei ding, a chi a.

22:19b.LUK.022.019 Huan, tanghou a laa, kipahthu a gen khitin a balkhama, a kiang uah a piaa, Hiai ka sapum ahi, na sik ua piakding tuh ahi; keimah theihgigena in hiai hihjel un, achi a.

22:20b.LUK.022.020 Huan, nitakan nek zohin huchi mahbangin nou a laa, Hiai nou ka sisana thukhun thak tuh ahi, na sik ua pawt ding tuh.

22:21b.LUK.022.021 Himahleh, ngai un, juausana honmansak dingpa khut ka kiangah dohkan tungah a om ngala.

22:22b.LUK.022.022 Mihing Tapa seh bang in a pai ding ahi himahleh, juausana mansakdingpa mihing tung a gik hi! a chi a.

22:23b.LUK.022.023 Huan, amau lak uah huchibang thil hih ding kua ahi dia le? chiin, a kidongta ua.

22:24b.LUK.022.024 Huan, a lak uah kuapen ahia thupipena a seh, chih thu ah, kiselna a hongpawt a.

22:25b.LUK.022.025 Huan, aman, akiang uah, Jentel kumpipate a tunguah a lal gige uh a, a tungua thuneite Nu leh Pa, a chi gige uh.

22:26b.LUK.022.026 Himahleh, nou jaw huchibang na hi kei ding uh; na lak ua thupipen nau jaw bangin om henla, makai pen na sempen bangin om jaw heh.

22:27b.LUK.022.027 Kua ahia thupi jaw, an um hia, anpepa? An um hi lou hia? Himahleh kei jaw na lak uah nasempa bangin ka om hi.

22:28b.LUK.022.028 Zeetna ka tuah sung noute kei honom pihte na hi uh;

22:29b.LUK.022.029 huchiin, kei ka Pan gam a honseh sak bangin gam ka honseh sak ahi.

22:30b.LUK.022.030 Ka gama ka dohkana na nek ua na dawn theihna ding un; huchiin, Israel nam sawm leh nam nih vaihawm sakin laltutphah ah na hongtu ding uhi.

22:31b.LUK.022.031 Simon, Simon, ngaiin, Setanin buh sep banga a honsep theihna dingin, noute honngen eive;

22:32b.LUK.022.032 himahleh, na ginna a man louhna din ka honthum sak ahi; na kihei nawn chiangin nang na unaute hihkipin, a chi a.

22:33b.LUK.022.033 Huan, aman, a kiangah, Toupa, na kiangah suangkulh ah leh sihna ah leng pai sam ngap ka hi, a chi a.

22:34b.LUK.022.034 Huan, aman, Peter, ka honhilh ahi, na hontheihna ah thum vei non kitheihmohbawl masiah tuniin ak a khuang kei ding, a chi a.

22:35b.LUK.022.035 Huan, a kiang uah, Dangka ip lou a, kawljal loua, khedap loua ka honsawl khiakin bang na tasam ua? a chi a. Huan, amau, Bangmah, a chi ua.

22:36b.LUK.022.036 Huan, aman, a kiang uah, Tun jaw dangka ip neiin keng henla, kawljal toh, kuapeuh temsau neilouin a puan juak henla, lei hen.

22:37b.LUK.022.037 Ka honhilh ahi, Amah talekte lakah sim tel ahi, chih gelh ka tungah a hongtung ahi; ka tungtang hiai thu tungkim ngei ding ahi ngala, a chi a.

22:38b.LUK.022.038 Huan, amau, Toupa, en dih, hiah temsau nih a om, a chi ua. Aman, a kiang uah, A hun, a chi a.

22:39b.LUK.022.039 Huan, amah a pawta, a ngeina danin Oliv tangah a hohta a; nungjuiten leng a jui uh.

22:40b.LUK.022.040 Huan, a mun a vatun un, a kianguah, khemnaa nalut louhna dingun, thum un, a chi a.

22:41b.LUK.022.041 Huan, suanga den phak tan khawngah a vapai tuamta a;

22:42b.LUK.022.042 Huan, a khukdin a, a thum a, Pa, hoih na sak leh hiai nou ka kianga pan la suan in; himahleh kei thu hi lou in, nangmah thuthu hi jaw hen, a chi a.

22:43b.LUK.022.043 Huan, van a kipanin angel khat a hihhat dingin a kiangah a hongkilaka.

22:44b.LUK.022.044 Huan, a gim mahmaha, phatuamngai nawnsemin a thum a; a kho-ul tuh, si bangin mal liantak takin lei ah a tak khe ta a.

22:45b.LUK.022.045 Huan, a thum khita a thohin, nungjuite kiangah a honga, a lungkham jiakun a na ihmu uh a mu a;

22:46b.LUK.022.046 huan, a kiang uah, Bangdia ihmu na hi ua? Khemnaa na lutlouhna dingun thou unla, thum un, a chi a.

22:47b.LUK.022.047 Huan, a gen laitakin, ngai dih, mipi a hong ua, sawm leh nihte laka tel Juda a chih un a ma uh a kaia; huan, tawp tumin Jesu a honjuan a.

22:48b.LUK.022.048 Himahleh, Jesun, a kiang ah, Juda, Mihing Tapa tawpa mansak ding na hi maw? achia a.

22:49b.LUK.022.049 Huan, a kima miten thil hongtung ding a theih un, Toupa, temsauin ka sat ding uam? a chi ua.

22:50b.LUK.022.050 Huan, a lakua kuahiamin Siampu Lianpen sikha a sata, a bil taklam a sat khiak saka.

22:51b.LUK.022.051 Huan, Jesun, Hih nawn ken, a chi a. Huan, a bil tuh a khoiha, a hihdamta hi.

22:52b.LUK.022.052 Huan, Jesun, a kianga hong siampu liante Pathian biakin heutute leh upate kiangah, Temsau khawng, khetbuk khawng keng in, suamhat man ding bang hialin na hong pawt uh ahi maw?

22:53b.LUK.022.053 Pathian biakina na kiang ua ni tenga ka om lai khawnga honmat tumin non sawk ngal kei ua; himahleh tu na tat hun uh ahi, mial thuneihna toh, a chi a.

22:54b.LUK.022.054 Huan, a man ua, a pi ua, Siampu Lianpen in ah a pi lut tau a.

22:55b.LUK.022.055 Huan, Peterin gamlapia kipanin a juia. Huan, in huangsung intual ah mei a chih ua, a tu khawm ua, Peter a lak uah a vatu sam hi.

22:56b.LUK.022.056 Huan, mei vaka a tutlaiin nungak kuahiamin a mu a, a en nilouh a, Hiai mi leng a kianga om ahi, a chi a.

22:57b.LUK.022.057 Aman bel, Numei, amah ka theikei, chiin a kitheihmohbawla.

22:58b.LUK.022.058 Huan, a denchiang deuhin midangin a hongmu nawna, Nang leng a lak ua mi na hi ve, a chi a. Peterin bel, Mihing aw, ka hi kei, a chi a.

22:59b.LUK.022.059 Huan, dak kal khat phial nungin, mi dangin, hiai mi leng a kianga om ahi tham ve; Galili gama mi ahi vo oi, a chi chiltela.

22:60b.LUK.022.060 Huan, Peterin, Mihing aw, na thu gen ka theikei, a chi a. Huan, thakhatin, a pau lai takin ak a khuangta hi.

22:61b.LUK.022.061 Huan, Toupa a kihei a, Peter a ena. Huan, Peterin, Toupan, Tuniin ak a khuang main thum vei na honkitheihmohbawl ding, a kianga a chih thu a honthei khe nawnta a.

22:62b.LUK.022.062 Huan, a pawta, a kap huphup.

22:63b.LUK.022.063 Huan, Jesu Lenten nuihzabawlnan a zang ua, a sat ua,

22:64b.LUK.022.064 Huan, a mit a tuam ua, Gen in, kua ahia honsat? chiin, a dong uh.

22:65b.LUK.022.065 Huan, thu dang tam piin leng a gensia un a kou uh.

22:66b.LUK.022.066 Huan, khovak takin upahon, siampu liante leh laigelhmite, a hongkikhawmua, a vaihawm na uah a pi ua.

22:67b.LUK.022.067 Kris na hih leh honhilh in, a chi ua. Huan, aman, a kiang uah: Honhilh mahleng na ging kei ding uh;

22:68b.LUK.022.068 hondong lengleng, non dawng kei ding uh.

22:69b.LUK.022.069 Himahleh, tuban siah Mihing Tapa Pathian thilhihtheihna taklamah a tu ta ding, a chi a.

22:70b.LUK.022.070 Huan, a vek un, Nang Pathian Tapa na hi maw leh? a chi ua. Huan, aman, a kianguah, Hi e, non chih bang un, a chi a.Huan, amau, Bang theihna dang i deih lai dia? ei mah mahin amah kamsuak i zata ve le, a chi ua.

22:71b.LUK.022.071 Huan, amau, Bang theihna dang i deih lai dia? ei mah mahin amah kamsuak i zata ve le, a chi ua.

23

23:1b.LUK.023.001 Huan, mipi khempeuh a ding ua, Jesu Pilat kiangah a pita ua.

23:2b.LUK.023.002 Huan, Hiai miin ka chite uh a pimanga, Kaisar kiangah siah liau a kham, Kris, Kumpipa, a kichih, ka ja uh, chiin, a hekta ua.

23:3b.LUK.023.003 Huan, Pilatin, a kiangah, Judate kumpipa na hi hia? chiin, a donga. Hi e, chiin, a dawng a.

23:4b.LUK.023.004 Huan, Pilatin siampu liante leh mipite kiangah, Hiai mi tungah bangmah khelhna ka mu kei, a chi a.

23:5b.LUK.023.005 Himahleh, amau, Galili gamah a pana, hiai mun phain, Judia gam kho tengah thuhilhin, mi tengteng a toknok gige ahi, chiin, a pang semsem ua.

23:6b.LUK.023.006 Huan, Pilatin huai a jakin, huai mi tuh Galili gama mi a hih leh hih louh a donga.

23:7b.LUK.023.007 Huchiin, Herod uka mi ahi chih a theih takin Herod kiangah a sawlta a; huai laiin amah leng Jerusalem khua ah a om a.

23:8b.LUK.023.008 Herodin Jesu a muhin a kipak mahmah a; a tanchin a jak jiakin, tumasiah a pat muh a ut him ahi a, a thillamdang hih banghiam bek muh leng a lamen ahi.

23:9b.LUK.023.009 Huan thu tampi a donga; himahleh bangmahin a dawng tuan kei hi.

23:10b.LUK.023.010 Huan, siampu liante leh laigelhmiten dingin nakpi takin a hek ua.

23:11b.LUK.023.011 Huan, Herod leh a sepaihten Jesu a simmoh ua, nuihza bawlnan a zang uh, huan, puan thupi tak silh sakin Pilat kiangah a sawl nawnta hi.

23:12b.LUK.023.012 Huan, huai ni takin Herod leh Pilat a kihouthei ta uh; huai masiah jaw kihouthei lou hi ua.

23:13b.LUK.023.013 Huan, Pilatin siampu liante, heutute, mi tengteng a sam khawm a, a kiang uah,

23:14b.LUK.023.014 Mite a pimang, chiin, hiai mi ka kiangah na honpi uh ahi a; huan, ngai un, na ma ua ka etchet nungin na hekna thu uah hiai mi tungah bangmah khelhna ka mu kei ahi;

23:15b.LUK.023.015 Herodin leng a mu sam kei; i kiang uah a honsawl nawnta ahi; ngai un, sihna khop hial bangmah a hih kei hi.

23:16b.LUK.023.016 Huchiin ka vo dinga, ka pawt sak mai ding, a chi a.

23:17b.LUK.023.017 (Ankuanglui nia mikhat amau laka a pawt sak teitei ding ahi ngala. )

23:18b.LUK.023.018 Himahleh, kituaktakin a kikou ua, Hiai mi hihmangthang inla, Barabba pen honpawt sak jawin, a chi ua.

23:19b.LUK.023.019 Huai mi tuh khopia helna bang ahi hiam jiak leh, tual a thah jiaka suangkulha tang ahi.

23:20b.LUK.023.020 Pilatin bel, Jesu khah a uta, a kiang uah thu a gen nawna.

23:21b.LUK.023.021 Himahleh, a kikou ua, Kros ah kilhden in, kros ah kilhden in, a chi ua.

23:22b.LUK.023.022 Huan, aman, a thum veina ah a kiang uah, Bang dingin maw? hiai min bang ahia ahihkhelh? sihna khop hial a tungah bangmah ka mu kei; huchiin ka vo dinga, ka khah mai ding, a chi a.

23:23b.LUK.023.023 Amau bel aw ngaihtakin kros a kilhden dingin a ngen teitei uh. Huan, a aw un a vau daita hi.

23:24b.LUK.023.024 Huan, Pilatin a nget bang ua hih dingin thu a hihpukta a.

23:25b.LUK.023.025 Helna leh tualthah jiaka suangkulha tang a nget uh a khaha; Jesu bel a ut ut ua lohdingin a peta hi.

23:26b.LUK.023.026 Huan, a pi mang lai un, Simon Kurini khua a mi, gam lam a kipana hong a man ua, Jesu nunglama po dingin a tungah kros tuh a nga ta uhi.

23:27b.LUK.023.027 Huan, mi nazong leh numei amah kaha mau jeljul, mipi tampitakin a jui ua.

23:28b.LUK.023.028 Jesu bel amau lam a nga a, Jerusalem tanute aw, honkah kei un, noumau leh na tate uh dingin kap jaw un.

23:29b.LUK.023.029 Ngai un, a ni a hongtung dinga, huai niin, numei chingte, naupai ngei louhna gilte, naunek ngei louh nawite a hampha uh, a honchi ding uh.

23:30b.LUK.023.030 Huai hun chiangin, miten, tangte kiangah, Hondelh un, a chi ding uh, mualte kiangah, Honkhuh un, a chi ding uhi.

23:31b.LUK.023.031 Sing a hinlaia bawn hichi banga a hih u leh; a keu chiangin bang a kilohta phet dia? a chi a.

23:32b.LUK.023.032 Huan, a kiangah mi dang nih, mi gilou, hihlup dingin a pi sam ua.

23:33b.LUK.023.033 Huan, Lu Guh, a chih mun uh a tun un, huaiah kros ah a kilhden ua, mi giloute toh, a taklam ah khat, a vei lam ah khat.

23:34b.LUK.023.034 Huan, Jesun, Pa, amau ngaidam in; a thil hih uh a theikei ua hi, a chi a. Huan a puansilhte kihawmin, ai a san uh.

23:35b.LUK.023.035 Huan, vantang honin dingin a en ua. Huchiin vaihawmmiten bel Midang bawn a hihdam jel aka; Pathian tel kris tuh a hih taktak leh amah leng kihihdam leh ake, chiin, a enghou ua.

23:36b.LUK.023.036 Huan, sepaihten leng amah nuihza bawlnan a nei ua, a kiangah a hong ua, zu thuk a pia ua,

23:37b.LUK.023.037 Judate kumpipa na hih taktak leh, kihihdam in, a chi ua.

23:38b.LUK.023.038 Huan, a tung lamah, HIAI MI JUDATE KUMPIPA A HI, chiin, lai a kisuang hi.

23:39b.LUK.023.039 Huan, a mi gilou kilh khat un Jesu a taia, Kris na hi ka hia? kihihdam inla, kou leng honhihdam tanla, a chi a.

23:40b.LUK.023.040 Himahleh, khatpan tuh dawn kawmin, a taihilh a, Pathian na ngawn leng na kihta ka hia? kibang sapa hongawt uh.

23:41b.LUK.023.041 Ei jaw gawttuak him i hi; i thil hih man lel mu i hi a; hiai miin bel bangmah a hihkhial ngal keia, a chi a.

23:42b.LUK.023.042 Huan, aman, Jesu, thuneihna toh Kumpipa-a na hongpai chiangin hontheigige in, a chi a.

23:43b.LUK.023.043 Huan, aman, a kiangah, Chihtaktakin ka honhilh ahi, Tuniin ka kiangah Paradis ah na om sam ding, achia.

23:44b.LUK.023.044 Huan, dak gukna ding khawng ahi a, huai nungsiah dak kuana hun tanin gam pumpi a hongmial vekta a, ni vak a beita hi;

23:45b.LUK.023.045 huan, Pathian biakin puanjak a lai ah a hong kekta hi.

23:46b.LUK.023.046 Huan, Jesu aw ngaihtakin a kikou a, Pa, na khutah ka kha ka honkem sak hi a chi a. Huan, huai a chih khitin a kha a khahta hi.

23:47b.LUK.023.047 Huan, sepaih zaheupan thil omdan a muh in, Hiai mi pel louin mi dik ahi ngeingei, chiin, Pathian a phatta.

23:48b.LUK.023.048 Huan, huai etnop tuh en dinga mipi hongkikhawm tengteng ten thil omdante a muh un a awm uh tumtumin a kik nawnta uhi.

23:49b.LUK.023.049 Huan, amel theihte tengteng leh, numei Galili gama kipana honjuite, huai thilte enin gamla takah a ding uh.

23:50b.LUK.023.050 Huan, ngai un, mi khat amin Joseph, vaihawmmi, mi hoih tak, diktak, Judate khua khat Arimathai a kipan a oma,

23:51b.LUK.023.051 A vaihawm uah leh a thil hih uah leng a kiawi kei him a. Pathian gam a lamen gige a.

23:52b.LUK.023.052 Huai mi tuh Pilat kiangah a hoha, Jesu luang a ngen a.

23:53b.LUK.023.053 Huan a la khia a, puan mal ngatin a tuama, han, suang khuakkuak, kuamah sial ngei nai louhna ah, a siala.

23:54b.LUK.023.054 Huan, huai ni tuh kiginni ahi a, Khawlni a honghi sinsinta hi.

23:55b.LUK.023.055 Huan, numei, Galili gam akipana a kianga hongten a jui jel ua, han leh a luang sialdan a mu uh hi.Huan, a pai nawn ua, banghiam gim namtui khawng leh thau namtui khawng a bawl uhi.

23:56b.LUK.023.056 Huan, a pai nawn ua, banghiam gim namtui khawng leh thau namtui khawng a bawl uhi.

24

24:1b.LUK.024.001 Huan, Khawlniin thupiak bangin a khawlta ua; ni sagih ni masapenin; phalvakin, bang hiam gim namtui a bawlte uh tawiin, han ah a vahoh ua.

24:2b.LUK.024.002 Huan, han a kipan suang tum khuk suanin a mu ua;

24:3b.LUK.024.003 huan, a lut ua, Toupa Jesu luang lah a mu ngal kei ua.

24:4b.LUK.024.004 Huan, hichi ahia, tua jiaka a mangbat laiun, ngai in, mi nih puan mileng thei silh a kiangah a hongding ua;

24:5b.LUK.024.005 huan, a lau ua a khupboh lai un, amau a kianguah, Bang dia misi laka mi hing zong?

24:6b.LUK.024.006 Hiai ah a omta kei hi, a thou nawnta; Galili gama a om laia na kiang ua a thu gen thei un,

24:7b.LUK.024.007 Mihing Tapa mikhialte khuta mat sakin a om dinga, kros ah a kilhden ding uh, ni thum niin a thou nawn ding ahi, a chih, a chi ua.

24:8b.LUK.024.008 Huan, a thu a honthei nawnta ua,

24:9b.LUK.024.009 han akipan a pai nawnun, sawm leh khatte leh mi dang tengtengte kiangah huai thil tengteng a hilh uh.

24:10b.LUK.024.010 Mari Magdalini te, Mari te, Joanna te, Jakob nu Mari te leh a kiang ua numei dangte ahi uh, sawltakte kiangah huai thu hilh te.

24:11b.LUK.024.011 Himahleh, huai thu tuh thu maimai bangin a sep ua, a taksan sak kei uhi.

24:12b.LUK.024.012 Himahleh Peter a thou a, han ah a taita a; huan, a kun a, a en a, puan mal ngat omte kia a mu a, huchiin, thil omdan tuh lamdang sa takin a in lamah a paita hi.

24:13b.LUK.024.013 Huan, ngai in, huai ni mahmahin a lak ua mi nih khua khat Emmau a chi uah a hoh dek ua, huai khua tuh Jerusalem khua a patin ching sawmguk ahi a.

24:14b.LUK.024.014 Huan, thil hongtung tengteng a gen khawm jel ua.

24:15b.LUK.024.015 Huan, agen ua, a kisel lai un, Jesu ngeiin a honjuana, a kianguah a pai samta a.

24:16b.LUK.024.016 Himahleh, amah a theihtheihlouhna ding un, a mit uh hihvaihin a om hi.

24:17b.LUK.024.017 Huan, a kiang uah, Pai kawma na gen khawm uh, bang thu ahia? a chi a. Huan, dah takin a ding kinken ta ua.

24:18b.LUK.024.018 Huan, a min Kleopa penin, a kiangah, Jerusalem khua ah nangmah kiain hia na ten, tulaia thil omdan na theih louh? a chi a, a dawng a.

24:19b.LUK.024.019 Huan, aman, a kiang uah, Bang thil eita? a chi a. Huan, amau a kiangah, Nazaret Jesu, Pathian leh mi tengteng mitmuha a thu leh a thilhiha jawlnei minthangtak tanchin thu:

24:20b.LUK.024.020 Siampu liante leh ka heutute un thah thu piak dingin a pi ua, krosa a kilhden thute khawng uh.

24:21b.LUK.024.021 Kou Israelte tanpading a hih ka lametet utoh, Abangabang hita leh, huai thil tunnung siah tuni toh ni thum a hita.

24:22b.LUK.024.022 Huailou leng kapawlte uh numei kuate hiam jingsangin, a hanah a vahoh ua, honghihmangbang uh;

24:23b.LUK.024.023 a luang mu lou piin, Pathian angelte kilak ka mu uh, huai miten a hing nawnta chih a gen uh, a hongchi ua.

24:24b.LUK.024.024 Huan, ka ompih lak ua kuate hiam hanah a hoh ua, numeite genbang ngeiin a mu ua; himahleh, amah a mu sam kei uh, a chi ua.

24:25b.LUK.024.025 Huan, aman, a kianguah, Mi haite aw: jawlneite thu gen tengteng gintak thu-a ngongte aw:

24:26b.LUK.024.026 Krisin huai thil thuakin a thupinaa a lut ding him ahi ka hia? a chi a.

24:27b.LUK.024.027 Huan, Mosi leh jawlneite tengteng a panin, laisiangthou tengtenga amah tanchin gelh peuhmah, amau a hilhchian jel hi.

24:28b.LUK.024.028 Huan, a hohna ding khua uh atung dek ta ua; huan, amah gam la deuha hoh tum bangin a om a.

24:29b.LUK.024.029 Huan, kamin a khou ua, Ka kiang uah tam tanla; nitaklam leng hi ding hita a, ni leng tum dekta aka, chiin. Huan a kiang ua tam dingin a lutta hi.

24:30b.LUK.024.030 Huan, hichi ahi a, a kiang ua an uma a tutin tanghou a la a, a vualzawla, a balkhama, a kiang uah a pia a.

24:31b.LUK.024.031 Huan, a mit uh a hongvakta a, a mel a hontheita uh. Huan, amah a mangta mai hi.

24:32b.LUK.024.032 Huan, amau, Lampi a honhoupih laia laisiangthou thute honhilhchet lai in i lungtang a vak huai him hilou hia? a kichi ua.

24:33b.LUK.024.033 Huan, huai laitakin, a thou ua, Jerusalem khua ah a kik nawn ua, sawm leh khatte leh a lawmte om khawm a mu ua,

24:34b.LUK.024.034 Toupa a na thou nawn taktak ahi, Simon kiangah leng a kilakta, a na chi ua.

24:35b.LUK.024.035 Huan, amau leng lampia thil hongtung leh, tanghou a balkhapa, a mel a natheih takdante uh a hilh sam uh.

24:36b.LUK.024.036 Huan, huai thu a gen lai un amah mah a lak uah a hongdinga, a kiang uah, Na tunguah khamuanna om heh, a chi a.

24:37b.LUK.024.037 Himahleh, mulkimhuai a sa mahmah ua, a lau ua, sikha mu hiin a kingaihtuah ua.

24:38b.LUK.024.038 Huan, aman, a kiang uah, Bang achia mangbang na hi ua? Bangdia na lungsim ua ginlahna hongom ahia?

24:39b.LUK.024.039 Ka khutte ka khepekte en un, kei mahmah ka hi a keihiam! honkhoih unla, thei un; sa leh guh neia non muh bang un khain jaw sa leh guh a nei ngal keia, a chi a.

24:40b.LUK.024.040 Huan, huai a gen khitin a khutte a khepekte amau a laka.

24:41b.LUK.024.041 Huan, a kipah luat jiak ua a gin ngam louh a, lamdang a sak lai un, a kiang uah, Hiai ah banghiam nek ding na nei uhia? a chi a.

24:42b.LUK.024.042 Huan, nga hou, bak khat a pia ua.

24:43b.LUK.024.043 Huan, a la a, a ma uah a neta hi.

24:44b.LUK.024.044 Huan, a kiang uah, Hiaite ka thu ahi, Mosi Dan khawngah, Jawlnei Laibu khawngah ka tanchin gelh peuhmah a hongtun dingdan na kiang ua ka om laia ka honhilhhilhte, a chi a.

24:45b.LUK.024.045 Huchiin, laisiangthou thu theihna din a lungtang uh a vaksakta hi;

24:46b.LUK.024.046 huan, a kiang uah, Hichibanga gelh ahi, Krisin gim a thuak dinga, ni thum niin misi lak a kipan a thou nawn ding a,

24:47b.LUK.024.047 Amah minin lungsim kikhekna thu leh khelh ngaihdamna thu Jerusalem khua apatin, nam chih kiangah hilh ahi ding, chiin.

24:48b.LUK.024.048 Huai thil tengteng a theihpihte na hi uh.

24:49b.LUK.024.049 Huan, ngai un, ka Pa thil chiam na tunguah ka honsawl dinga; himahleh, tunglam akipan thilhihtheihnaa silhsaka naom masiah uh khopi ah om kinken un, a chi a.

24:50b.LUK.024.050 Huan, Bethani phain a mau a pi khia a; huan, a ban a jak a, a vualjawl a,

24:51b.LUK.024.051 Huan, hichi ahi a, a vualjawl lai takin amau a paisanta a, van ah pi touhin a omta hi.

24:52b.LUK.024.052 Huan, amah a bia ua, kipak petpetin Jerusalem khua ah a kik nawnta uh;huan, Pathian biakin ah Pathian phatin a omom uhi.

24:53b.LUK.024.053 huan, Pathian biakin ah Pathian phatin a omom uhi.