Lamentations (Paite)

1

1:1b.LAM.001.001 Khopi mitea dim sek, bangchidana lungjuanga tu maimah ahia: bangchidana meithai banga hongom maimah ahia! namte laka thupi seka, bialte laka lalnu sek, bangchidana a mengsawm honghi ahia!

1:2b.LAM.001.002 Janin nakpi takin a kapa, a khituite a biangah a om: a itte tengteng lakah amah nem ding kuamah a neikeia: a lawmte tengteng a tungah lepchiahtakin a gamta ua, a melmate a honghi uhi.

1:3b.LAM.001.003 Gimthuakna jiak leh, saltanna thupi jiakin. Juda saltannaah a paita hi; khovelmite lakah a tenga, tawldamna a mu kei: munkochik ahte amah sawite tengtengin a pha uh.

1:4b.LAM.001.004 Kikhopna thupia kuamah a hongpai louh jiak un. Zion lampiten a sun ua; a kongpite tengteng loihin a oma, a siampute a thum huthut uh: a nungak siangthoute gimthuakin a om ua, amah mah haksa thuakin a om hi.

1:5b.LAM.001.005 A melmate lupen a hong hi a galte a lohching uh; a tatlekna tam luat jiakin Toupan lah amah gim a thuak sak ngala: gal maah a ta tuailaite saitanna ah a pai uh.

1:6b.LAM.001.006 Huan Zion tate akipanin a letna tengteng a pai mangta; a lalte loupa hing mu lou zuktalte bang ahi ua, a delhmi maah hatna neilouin a pai uh.

1:7b.LAM.001.007 A gimthuak ni leh a haksatniin Jerusalemin ni dang laia kipana om khinsa a thil nuamte tengteng a theigige: gal khuta a mite a puk lai un, amah kuamahin a panpih kei, galten amah a mu ua, a siatnaah a nuihsan uhi.

1:8b.LAM.001.008 Nakpitakin Jerusalemin thil a hihkhiala; huaijiakin thil nin bangin a hongom hi: a vuaktanna a muh jiak un, amah zahtak sakten a musit ta uhi: ahi, a nak huthuta, nunglamah a kiheita hi.

1:9b.LAM.001.009 A nitna a nik ah a oma; a beina na nung a theigige kei; huaijiakin lamdangtakin a hong kuma; lungmuang mi a neikei hi: ngaiin, Aw TOUPA, ka gimthuakna; melmapa lah kiliansak ngala.

1:10b.LAM.001.010 Galin amahnu thil nuamte tengteng tungah a khut a jaka: a munsiangthou sungah khovelmi a honglut chih a mu ngala, huai tungtunga na kikhopna uah amau a honglut louh ding uh ahi chia thu na piak.

1:11b.LAM.001.011 A mite tengteng a nak huthut ua, tanghou a zong ua; kha hihhalh dingin a thil nuamte uh sa khenna dingin a pia ua: Thei inla, Aw TOUPA, enin ka hong buah jiakin.

1:12b.LAM.001.012 Nou dinga bangmah lou hi maw, nou honpai suaksante teng teng? Ngai unla, en un, ka tunga hiha om ka lungkhamna bang lungkhamna himhim a om hiam? a heh mahmah laia TOUPAN a honhihgimna bang.

1:13b.LAM.001.013 Tung sanga kipanin ka guhte ah mei a honsawla, amaute a zou a: ka khe adingin len a jaka, a honkinung lehheisan; segawp leh ni tuma bahin a honbawl ta hi.

1:14b.LAM.001.014 Ka tatleknate hakkol a khuta khihin a om a; phial khawmin a om ua, ka ngawng jangah a hongtung ua; ka hatna a vuaksuak sak: amau ka dou zoh louhte, a khut uah TOUPAN kei a honpia a.

1:15b.LAM.001.015 Ka laka ka mi hatte TOUPAN bangmahlouin a om sak; ka tangvalte mekgawpna dingin ka siatna dingin aman kikhoppi poimoh a sama: uain sukna bangin TOUPAN Juda tanu siangthou a sikdenta hi.

1:16b.LAM.001.016 Hiai thilte jiakin ka kapa; ka mit, tuiin a tumaa; lungmuanding ka kha hihhalh ding lah keia kipan a gam la ngala; melma a vualzoh jiakin, ka tate lah amau kiaa nutsiatin a om uhi.

1:17b.LAM.001.017 Zionin a khutte a jak khiaa; amah lungmuan ding kuamah a om kei uh; TOUPAN Jakob tungthu ah thu a piaa, huchia a kim vela omte a galte a honghihna ding un: Jerusalem a lak uah thil nin bangin a om hi.

1:18b.LAM.001.018 Toupa a diktata: a thupiak lah ka helsan ngala; Ja un, ka hon ngen hi, nou mite tengteng, ka lungkhamna en un: ka nungaksiangthoute leh ka Tangvalte saltanna ah a pai uhi.

1:19b.LAM.001.019 Ka itte ka sama, himahleh a honkhem uh: ka siampute leh ka upaten khopi sungah kha a khah uh, amau khate hihhalh dinga sa amau kizon ngalin.

1:20b.LAM.001.020 Aw TOUPA, ngaiin; ka dah ngala; ka lungsim a mangbanga; ka sungah ka lungtang a kilumleta; nakpitakin lah ka helta ngala: polamah namsauin a thata, in ah sihna bang a om.

1:21b.LAM.001.021 Ka thum aja ua: kuamah hongkhamuan ding a om kei uh; ka mangbatna ka melmate tengtengin aja ua, ahihjiakin a kipak uh: na phuan khiaksa ni na tun dinga, kei bang ahi ding uh.A gitlouhna tengtenguh na maah hongtung hen: ka tatlekna tengteng jiaka ka tung na hih bangin amau tungah leng hihin: ka thumna lah a tama, ka lungtang lah a bah ngala.

1:22b.LAM.001.022 A gitlouhna tengtenguh na maah hongtung hen: ka tatlekna tengteng jiaka ka tung na hih bangin amau tungah leng hihin: ka thumna lah a tama, ka lungtang lah a bah ngala.

2

2:1b.LAM.002.001 Bangchidana a hehna a TOUPAN Zion tanu meipia tuam ahia: Israel kilawmna van akipan leiah a paikhe ta a, a heh niin a khengakna a theigige kei hi.

2:2b.LAM.002.002 Jakob tenna tengteng Toupana nawmvalha, a hehpih kei; a hehna ah Juda tanu kulh hatte a lai chima, lei toh a kilual in a koih hi; gam leh huaia lalte a hihninta.

2:3b.LAM.002.003 A heh mahmah naah Israel ki tengteng a sat tan; melma maa kipan a khut taklam a la kikta: mei kuang, kimvel hul bei bangin Jakob a kang beita.

2:4b.LAM.002.004 Melma bangin a thalpeu a laia, gal bangin a khut taklam toh a ding, mita dinga etnop huaite tengteng a that: Zion tanu puanin ah mei bangin a thangpaihna a sung bua hi.

2:5b.LAM.002.005 TOUPA melma bang a hong hi, Israel a nawmvalh ta; a inpite tengteng a nawmvalh veka, a kulh muanhuaite a hihseta: Juda tanu ah sunna leh kahna a pungsak.

2:6b.LAM.002.006 Huan hileh kilawm bangin, a biakbuk hiamgamtakin a la manga; a kikhopna mun a suseta: TOUPAN kikhawm thupi leh khawlni Zion ah mangngilhin a omsaka, a hehna thangpaihna in kumpipa leh siampu a musit hi.

2:7b.LAM.002.007 TOUPAN a maitam a paimanga, a munsiangthou a kiha, ainpi kulhbangte melmate khutah a peta hi: kikhop thupi ni bangin TOUPA in sungah belam a bawl uh.

2:8b.LAM.002.008 Zion tau kulhbang TOUPAN suksiat a tumta; khau a zana, suse lou dingin a khut ala kei hi: himahleh leichian leh kulhbang a kap saka; a kigawp tuaktuak uh.

2:9b.LAM.002.009 A kongpite leiah a tum ua; a kalhna chiangte a hihsia a a kuaitan hi: dan om louhna namte lakah a kumpipa leh a lalte a om uh; ahi, a jawlneiten Toupa akipan meng a mu kei uh.

2:10b.LAM.002.010 Zion tanu upate leitungah a tu ua, a pau kei uh; a lu jang ua leivui a khi ua; saiippuan a silh uhi: Jerusalem nungaksiangthouten lei lamah a lu uh a kun uh.

2:11b.LAM.002.011 Khituiin a ka mitte a juaua, ka lungsim a mangbang, leitungah ka sin puak khiakin a oma, ka mite tanu siatna jiakin; khopi kongzingtea naupang tuailaite leh nawinelaite a sihbub jiak un.

2:12b.LAM.002.012 A nute uh kiangah, Buhlehbal leh uain kaw om ahia? a chi ua. Khopi kongzingte miliamte banga a sihbub lai un, a nute uh ang sunga a kha uh sun buaka a om laiin.

2:13b.LAM.002.013 Na kiangah bang ka theisak dia? Nang toh bang ka teh dia, Aw Jeursalem tanu? Aw Zion tanu siangthou, kon lungmuang theihna ding in, nang toh bang ka kikim sak dia? na siatna lah tuipi bangin a thupi ngala: kuan nang a honhih dam thei dia?

2:14b.LAM.002.014 Na jawlneiten bangmahlou leh haina nanga dingin mengmuhin a mu ua; na koltanna pi nawn dingin, na gitlouhna a mukhe kei uh: himahleh bangmahlou puakgik leh pimanga omna jiakte nang honmuh sak uh.

2:15b.LAM.002.015 Honpai kheng tengtengin nang a khut a uh a honbet khum ua; Jerusalem tanu a tek khum ua; a lu uh a kun khum uh, hiai khopi miten kilawmna buching, lei tengtenga nuamsakna, a chih uh ahi maw? chiin.

2:16b.LAM.002.016 Nang siatna dingin na melmate tengtengin a kam uh lianpiin a ka ua: hiai ni I ngakngak uh a himahmah hi; I mukhetaa, I muta uh.

2:17b.LAM.002.017 TOUPAN a lunggel a hihtangtungta nidang laia a thu a piak a hihtangtunga; a paita, a hehpih kei: na tunga melma a kipak saka, na galte ki a tawisangta a.

2:18b.LAM.002.018 TOUPA kiangah a lungtang a kikou a: Aw Zion tanu kulhbang, sun leh janin khitui luipi bangin luang suk sakin; khawl kipe kenla; na mit tang khawl sak ken.

2:19b.LAM.002.019 Thou in, janin ki kouin, vente kipatnaah; TOUPA mai maah tui bangin na lungtang sung khiain; na ta tuailaite hinna adingin amah lamah na khutte lik touin. kong chiteng tunga gilkial jiak-a bah.

2:20b.LAM.002.020 Aw TOUPA, en inla, ngaiin, hichibanga na hihna; numeiten a gah uh a ne ding uam, khuta oiha om naupangte? TOUPA munsiangthou sungah siampu leh jawlnei thaha om ding uh hia?

2:21b.LAM.002.021 Kongzingte ah leitungah tuailaite leh putek a um ua; namsauin ka nungaksiangthoute leh ka Tangvalte a puk uh: na heh niin amaute na thata; na thata, na hehpih kei.Kikhawmpi thupi lai bangin, mun cihah ka launate na sama, TOUPA heh niin kuamah suakta hiam, om hiam a om kei uh: huai ka donteia ka khoilette lah ka melmain a gaita hi.

2:22b.LAM.002.022 Kikhawmpi thupi lai bangin, mun cihah ka launate na sama, TOUPA heh niin kuamah suakta hiam, om hiam a om kei uh: huai ka donteia ka khoilette lah ka melmain a gaita hi.

3

3:1b.LAM.003.001 A hehna chianga gimthuakna mu mipa ka hi.

3:2b.LAM.003.002 Khovak ah hilouin khovela aman a honpi a, a honvak sak.

3:3b.LAM.003.003 Ni tumtumin ka siatna dingin a khut a hei ahei petmah hi.

3:4b.LAM.003.004 Ka sa leh ka vun a upa saka; ka guhte a kitansak.

3:5b.LAM.003.005 Ka siatna dingin a lama, khatna leh nauveinain a honum suak hia.

3:6b.LAM.003.006 Sawtpia sisate bangin, mun mialte ah a honteng saka.

3:7b.LAM.003.007 Ka pawt khiak theihlouhna dingin, ka kimvelin dai a kaia, ka khainiang a gik hi.

3:8b.LAM.003.008 A hi, ka kaha, panpihna ka nget laiin, ka thumna a daltan.

3:9b.LAM.003.009 Suang sekin ka lampite dai a kaitou peka, ka lam zuihte a kawisak hi.

3:10b.LAM.003.010 Kei dingin amah vompi mibuk bang, mun guka humpinelkai bang ahi.

3:11b.LAM.003.011 Ka lampite a kaiheia, a honbot nena; a hon bawlgawp hi.

3:12b.LAM.003.012 A thalpeu a laia, a thal adia ngimding bangin kei a honbawl.

3:13b.LAM.003.013 A thalbawma thalte ka sisan guijamah a lut saka.

3:14b.LAM.003.014 Ka mite tengteng nuihsat ka honghia; ni tumtuma a la uh.

3:15b.LAM.003.015 Hehnain a hondim sak ua, gamsaiin a honvak.

3:16b.LAM.003.016 Suang tangin ka hate leng a kitamsak a, vutin a hontuam hi.

3:17b.LAM.003.017 Muanna akipan gamla piah ka kha na suana; hauhsakna ka mangngilhta.

3:18b.LAM.003.018 Ka hatna a manga, TOUPA akipan ka lametna, ka chi a.

3:19b.LAM.003.019 Ka gimthuakna leh ka haksatna, gamsai leh khatna theigigein.

3:20b.LAM.003.020 Ka khain amaute a theigige lailaia ka sungah a kun ngiungiau hi.

3:21b.LAM.003.021 Hiai ka thei thaka, huaijiakin lametna ka nei.

3:22b.LAM.003.022 TOUPA chitnate jiak ahi hihmanga i om louhna uh, lainatnate a juau ngei louh jiakin.

3:23b.LAM.003.023 Jingsang tengin a thak jel ua; na ginomna a thupi.

3:24b.LAM.003.024 TOUPA ka tantuan ahi, ka khain a chi; huaijiakin amah lametna ka nei ding.

3:25b.LAM.003.025 Amah ngakte kiangah TOUPA a hoih, amah zong mi tungah.

3:26b.LAM.003.026 Min TOUPA hotdamna a lameta a ngak vengveng a hoih hi.

3:27b.LAM.003.027 Min a tuailaia hakkol a puak amaha dingin a hoih ahi.

3:28b.LAM.003.028 Amah tunga a ngaktak jiakin, tangtut henla, dai sipsip hen.

3:29b.LAM.003.029 Leivui ah a kam koih hen; huchia lametna a om theihna dingin.

3:30b.LAM.003.030 Amah bengpa kiangah a biang doh hen; kounain amah dim vum hen.

3:31b.LAM.003.031 TOUPAN lah khantawnin a delh kei dinga.

3:32b.LAM.003.032 Dahna suak sak mahleh, a chitna tamdan dungjuiin lainatna a nei ding ahi ngala.

3:33b.LAM.003.033 Kilawptakin mite tate a hihgim hiam a lungkham sak lah ahi ngal kei a.

3:34b.LAM.003.034 Leia suangkulh tangte tengteng khenuai sik kham ding.

3:35b.LAM.003.035 Tungnung Pen mai maa mihing thuneihna kai hei ding.

3:36b.LAM.003.036 A thu mihing bawlsiat, TOUPAN pha a sa kei.

3:37b.LAM.003.037 TOUPAN thu a piak louhin, hichi a honghi, chi kua ahia?

3:38b.LAM.003.038 Tungnung Pen kama kipanin hoih lou leh hoih a hongpai kei maw/

3:39b.LAM.003.039 Bangdinga mihing, a khelhna gawtna a dinga mi, phun ahia?

3:40b.LAM.003.040 I lampite zongin enchain ni, TOUPA lamah kik nawn ni.

3:41b.LAM.003.041 Vantea Pathian kiangah I lungtang uh I khutte uh lik tou ni:

3:42b.LAM.003.042 Ka tatlek ua ka hel uh; na ngaidam kei hi.

3:43b.LAM.003.043 Hehnain na khuha kou non delha; na thata, na hehpih kei.

3:44b.LAM.003.044 Meipiin na kituama, huchia ka thumnain a pailet louhna dingin.

3:45b.LAM.003.045 Mite lakah deihlouh leh ninneng bangin na honbawla.

3:46b.LAM.003.046 Ka siatna dingin ka melmate tengteng un a kam uh lianpiin a ka uh.

3:47b.LAM.003.047 Launa leh kokhuk ka tunguah a hongtunga, siatgawpna leh siatna.

3:48b.LAM.003.048 Ka mite tanu suksiatna jiakin, ka mit tuiin a tum hi.

3:49b.LAM.003.049 Khawllouin, ka mitin a buaka, a khawl kei hi.

3:50b.LAM.003.050 Vana kipana TOUPAN a et suka, muh ma tan

3:51b.LAM.003.051 Ka khopi tanute tengteng jiakin ka mitin ka kha a dah sak.

3:52b.LAM.003.052 Vasa bangin hondelh bah ua, ajiak beia ka melma hiten.

3:53b.LAM.003.053 Leikohawm sungah ka hinna a sat tat ua, ka tungah suang a khia uh.

3:54b.LAM.003.054 Ka lutung ah tuite a luanga; sat khiakin ka om, ka chi hi.

3:55b.LAM.003.055 Aw TOUPA, leikohawm niampen akipanin, na min ka sam hi.

3:56b.LAM.003.056 Ka aw na jaa; ka kahna ah, ka nakna ah na bil sel ken.

3:57b.LAM.003.057 Nang ka honsap niin nong pai naia: Lau ken, na chi hi.

3:58b.LAM.003.058 Aw TOUPA, ka kha thu na hon gen saka; ka hinna na tanta.

3:59b.LAM.003.059 Aw TOUPA, ka diklouhna na mu a, ka thu ngaihtuahin.

3:60b.LAM.003.060 Ka tunga a phulakna tengteng uh leh a thusawm tengteng uh na muta hi.

3:61b.LAM.003.061 A kouna uh na jaa, Aw TOUPA, ka siatna dinga a thusawm tengteng uh;

3:62b.LAM.003.062 Ka siatna dinga ding te mukte leh, ni tumtuma ka siatna dinga a ngaihtuahna uh.

3:63b.LAM.003.063 a tu uh leh a din touh uh nang enin; a la uh ka hi.

3:64b.LAM.003.064 Aw TOUPA, a khut nasep uh dungjuiin, amau tungah thukna na pe ding hi.

3:65b.LAM.003.065 Lungtang sakna amau na pe ding a, a tung ua na hamsia.Hehin amau na delh dinga TOUPA vante nuaia kipan amaute na hihgawp ding.

3:66b.LAM.003.066 Hehin amau na delh dinga TOUPA vante nuaia kipan amaute na hihgawp ding.

4

4:1b.LAM.004.001 Bangchidana dangkaeng mial ahia! bangchidana dangkaeng siangthou penpen lamdangta ahia! Kongzing chiteng tungah munsiangthou suangte sunkhiak ahi.

4:2b.LAM.004.002 Zion tapa manphate, dangkaeng hoih toh tehpih theih, bangchidana leibel, belvelmi khutnasepbanga ngaih hita ahia!

4:3b.LAM.004.003 Sehalte nasanin a nawi uh a suah ua, ata tuailaite uh a tepsak uh: ka mite tanu jaw honggiloua, gamdai vasa mulneilou bangin.

4:4b.LAM.004.004 Nawitep lai naupang lai dangtak jiakin a kam dangtawngah a belha: naupang tuailaiten tanghou a ngen ua, amah dingin kuamahin a balkham kei uh.

4:5b.LAM.004.005 Nuam taka nete kongzing khawngah a mangthang uh: puansandupa khanglianten ekvut a kawi uh.

4:6b.LAM.004.006 Ka mite tanu gitlouhna lah Sodom khelhna sangin a thupizo ngala, huai bel mitphiat kallouin a kizoua, amah tungah khut a kinga kei hi.

4:7b.LAM.004.007 A miliante vuk sangin a siangthou jaw ua, nawitui sangin a ngou jaw uh, suangmantam sandup sangin a pumpi uah a sandup jaw ua, a tetna uh a saphir suangmantam bang ahi:

4:8b.LAM.004.008 A mel uh suangkuangthei sangin a vom jaw a: kongzingtea theihin a om kei uh: a vun uh a guh uah a belh bikbeka; a keua, chiangkang a bang.

4:9b.LAM.004.009 Namsaua thaha om dingte kiala thaha om dingte sangina hoihjaw uh; gama gahte duh jiakin hiaite lah a gawng gawp un, nakpiin a se khin uh.

4:10b.LAM.004.010 Hehpihthei numei khutten amau tate a huan ua, ka mite tanu hihsiatna ah a an uh ahi.

4:11b.LAM.004.011 TOUPAN a thangpaihna a hihpichingta, a hehna mahmah a sung khiaa; Zion ah mei a toha, huaiin huaia suangphumte a suse vek hi.

4:12b.LAM.004.012 Leia kumpipaten a um kei ua, khovel a tengtengin leng, Jerusalem kongpi sungah gal leh melma a lut ding uh chih.

4:13b.LAM.004.013 A jawlneite khelhna jiak leh a siampute ginatlouhna jiak ahi, huchibanga a lak taka midikte sisan suah a a om.

4:14b.LAM.004.014 Mitto mite bangin kongzing khawngah a vakvai ua, sisana suknitin a om ua, huchiin miten a puante uh a lawng kei uh.

4:15b.LAM.004.015 Pai mang un, Nin! pai mang un, pai mang un, lawng kei un, chiin amau a kikou khum ua: a tai mang ua, a vialvak lai un, miten namte lakah, hiai ah a om nawn kei ding uh, a chi uh.

4:16b.LAM.004.016 TOUPA hehnain amaute a hawmjaka; amaute a limsak nawnta kei ding: siampute mina a zahtak kei ua, upate a deihsak kei uh.

4:17b.LAM.004.017 I mitte I panpihna juau sosan lametna ah a vaikhina: I ngakna uah nam hondam theilou ding I na ngak ta ua.

4:18b.LAM.004.018 I kongzingte ua i pai theih louhna dingin, I kalsuante a zong ua: I tawp uh a naia, I nite a kimta: I tawp uh lah a hongtungta.

4:19b.LAM.004.019 Vana muvanlaite sangin ei hondelhte a man-gangjaw uh: mual tungahte a hon delh ua, gamdaiah a honna buak uh.

4:20b.LAM.004.020 I nakvangte hu, TOUPA thaunilh, a kokhuk ua lakin a om ua; amah thu genin. Alim nuaia namte lakah hing ding, I chi ua.

4:21b.LAM.004.021 Nuamsa inla kipakin Aw Edom tanu. Uz gama teng: nou lah nang phain leng a hongpai suak ding; na kham dinga vuaktangin na kibawl ding.Aw zion tanu, na thulimlouhna gawtna zoh a hita; saltanna ah nang a honpi mang nawnta kei ding: na thulimlouhna a hongveh ding, Aw Edom tanu; na khelhnate a mukhe dinghi

4:22b.LAM.004.022 Aw zion tanu, na thulimlouhna gawtna zoh a hita; saltanna ah nang a honpi mang nawnta kei ding: na thulimlouhna a hongveh ding, Aw Edom tanu; na khelhnate a mukhe dinghi

5

5:1b.LAM.005.001 Theigigein, Aw TOUPA, ka tung ua hongtung: a honkouna uh en inla, muin.

5:2b.LAM.005.002 Ka gouluah uh mikhualte lama heiiin a oma, ka inte uh gamdangmite lamah.

5:3b.LAM.005.003 Tagah leh pabei ka hi ua, ka nute uh meithaite bang ahi uh.

5:4b.LAM.005.004 sum jiakin ka tui uh kadawnkhin ua; ka singte uh kou laka juakin a om hi.

5:5b.LAM.005.005 A hondelhte ka ngawng jang uah a om ua, ka bah ua, khawlna ka neikei uh.

5:6b.LAM.005.006 Aiguptate kiang leh, Assuriate kiangah, Tanghoua lungkimna dingin ka kipia uh.

5:7b.LAM.005.007 Ka pipute uh a nakhial ua, aom kei uh; a gitlouhna uh kou ka pua uh.

5:8b.LAM.005.008 Sikhaten ka tunguah vai a hawm ua: a khut ua kipana kou hon tankhe ding kuamah a om kei uh.

5:9b.LAM.005.009 Ka hinna uh lauthawnna toh ka tanghou uh ka mu ua gamdai namsau jiakin.

5:10b.LAM.005.010 Thuk bangin ka vun uh a voma nakpitaka kialna jiakin.

5:11b.LAM.005.011 Ziona numeite a sual ua, Juda khopitea nungakte.

5:12b.LAM.005.012 A khut un lalte khailupin a om ua, upate maite zahtakin a om kei hi.

5:13b.LAM.005.013 Tangvalten khawl a pua ua, naupang te singnuaiah a kisui uh.

5:14b.LAM.005.014 Kongpi akipan upate a khawl ua, a lasakna ua kipanin Tangvalte a khawl uh.

5:15b.LAM.005.015 Ka lungtang kipahna uh a tawpa; ka lamnauh dahna a suak hi.

5:16b.LAM.005.016 Ka lu ua kipan ka lallukhu uh a kiaa, ka tung uh a gik hi! ka khelh jiakun.

5:17b.LAM.005.017 Hiai jiakin ka lungtang uh a baha; hiai thilte jiakin ka mitte uh a miala;

5:18b.LAM.005.018 Suksiatna om, Zion mual jiakin; sehalte a tungah a vak uh.

5:19b.LAM.005.019 Aw TOUPA, nang khantawnin na om gige; na laltutphah khang khata kipanin khang khat tanin a om hi.

5:20b.LAM.005.020 Bangdinga khantawna kou honmanngilha, hichi tantan honnungngatsan na hia?

5:21b.LAM.005.021 Nang lam hon ngasakin, Aw TOUPA huchiin bawlhoih nawnin ka om ding uh; nidang lai bangin ka nite uh thaksakin.Ahihkeileh non nialkhe hilhiala hia? Ka tunguah na heh lomahmaha hia?

5:22b.LAM.005.022 Ahihkeileh non nialkhe hilhiala hia? Ka tunguah na heh lomahmaha hia?