Song of Solomon (Paite)

1

1:1b.SON.001.001 Late la, Solomon-a.

1:2b.SON.001.002 Na kam tawpnatein hontawp lechin aw! na itna lah uain sangin a hoihzo ngala.

1:3b.SON.001.003 Na kinuhten gimlim hoihtak a neia; na min kinuh butkhiak bang ahia; huaijiakin nungaksiangthouten nang honit uh.

1:4b.SON.001.004 Honkaiin; nang kon deih ding uh: kumpipan a dantante sungah a hongpitaa: nang ah ka kipak un nuam ka sa ding uh, uain sangin na itna ka genkhe mun zo ding ua: diktakin nang a honit uh.

1:5b.SON.001.005 Ka voma, himahleh ka mel a hoih, Aw nou Jerusalem tanute, Kedar puaninte bang, Solomon puankhaite bang.

1:6b.SON.001.006 Ka vomjiakin hon en ken, niin a honhai jiakin. Ka nu tapate ka tungah a thangpai ua, grephuante kemin a honbawl ua; himahleh kei mah grephuan leng ka kem kei.

1:7b.SON.001.007 Hon hilh ve, Aw nang ka khain a it, na gan honvakna mun, sunlaia na khawlsakna mun: bang dinga na kithuahpihte laka ganhon kianga maituam banga kei om ding ka hia?

1:8b.SON.001.008 Na theih kei leh, Aw nang numeite laka kilawmpen, ganhonte khapte juiin kuan khia inla, belamchingte puanin kiangah na kelnoute vakin.

1:9b.SON.001.009 Aw ka it, Pharo kangtalaite laka sakol toh ka honteha.

1:10b.SON.001.010 Na biangte samphekte toh a kilawm a, na ngawng suangmantam khite toh.

1:11b.SON.001.011 Dangkaeng samphekte dangka siatte toh ka honbawl sak ding uh.

1:12b.SON.001.012 Kumpipa a dohkana a tut laiin, ka spiknardi gimlimin a namtuina a sawl khia.

1:13b.SON.001.013 Ka ngaihnou kei dingin murra gimlim bang ahia, ka nawite kikal a om.

1:14b.SON.001.014 Ka ngaihnou kei dingin En-gedi grephuante a henna-pak hom bang ahi.

1:15b.SON.001.015 Ngaiin, na kilawm, ka it; ngaiin, na kilawm; na mitte vahui bang ahi uh.

1:16b.SON.001.016 Ngaiin, na kilawm ka ngaihnou, ahi, a nuam: i tutnanem leng a hing.I in inkamte sidar ahia, i insunte meilah ahi.

1:17b.SON.001.017 I in inkamte sidar ahia, i insunte meilah ahi.

2

2:1b.SON.002.001 Saron pak ka hia, phaijang lilipak.

2:2b.SON.002.002 Ling laka lili pak bangin, huchibangin tanute lakah ka it a om hi.

2:3b.SON.002.003 Gamlak singte laka apul kung bangin, huchibangin tapate lakah ka ngaihnou a om hi. Nakpia kipahna toh a lim nuaiah ka tua, a gah tuh ka chepin a khum hi.

2:4b.SON.002.004 Annek khawmna inah a honpia, ka tunga a puanlap itna ahi.

2:5b.SON.002.005 Grepgimin honkhou unla, apul theiin honnem un: jawlngaiin ka chi a na ngala.

2:6b.SON.002.006 A khut veilam ka lu nuaiah a om, a khut taklamin a honpom.

2:7b.SON.002.007 Zuktal leh gama zukpite ka hon ngen hi, Aw Jerusalem tanute, ka it hihbuai kei unla, phawng kei un, a lungkim matan.

2:8b.SON.002.008 Ka ngaihnou aw! ngai un, a hong hi, mual tungahte a tawma, tang tungahte a diang hi.

2:9b.SON.002.009 Ka ngaihnou jaw zuktal hiam sakhi tuaiilai bang ahi: Ngaiin, ka kulhbang nung lam uah a dinga, tohlette ah a ena, a nannate ah amah a kimu sak.

2:10b.SON.002.010 Ka ngaihnouin thu a gena, ka kiangah Thou in, ka it, ka kilawmnou, hongpai mangin, a chi a.

2:11b.SON.002.011 Ngaiin, phalbi lah a beita ngala, vuah a theutaa, a paimang ta hi;

2:12b.SON.002.012 Lei tungah pakte hongkilanga; vasate lasak hun a hongtunga, i gam uah khumin aw a kizata hi;

2:13b.SON.002.013 Theipi kungin a gah hingte a min saka, grepguite a pak lun uh, a gimlimte uh a suaksak uhi. Thou ve, ka it, ka kilawmnou hongpai mangin.

2:14b.SON.002.014 Suangpi heng khawng, mun sang munbu khawnga om, Aw ka vakhu, na mel honmusak inla, na aw lah a khm a, na mel lah a hoih ngala.

2:15b.SON.002.015 Sehalte, grephuan hihsia, sehal neute honmatsak ve; ka grephuan uh lah a paklun ngala.

2:16b.SON.002.016 Ka ngaihnou kei ahi, kei amah a ka hi: lili pak lakah a gan a vaka.Ni a nongnema, limliapte a man matan, ka ngaihnou aw, kihei inla Bether mual tunga zuktal hiam sakhi tuailai bangin omin.

2:17b.SON.002.017 Ni a nongnema, limliapte a man matan, ka ngaihnou aw, kihei inla Bether mual tunga zuktal hiam sakhi tuailai bangin omin.

3

3:1b.SON.003.001 Janin ka lupna tungah amah ka khain a it ka zonga: ka zong a, himahleh amah ka mu kei.

3:2b.SON.003.002 Ka thou dia, khopi kimah ka pai dinga, kongzingte leh lam liante ah, amah ka khain a it ka zong ding, ka chi a ka zonga, himahleh amah ka mu kei.

3:3b.SON.003.003 Khopia vialpai vengmiten a honmu ua: akiang uah, Amah ka khain a it na mu uhia? ka chi a.

3:4b.SON.003.004 Amaute ka paisan sawt lou chik ahi, huan amah ka khain a it ka muta: ka pai sak kei, ka nu in sunga, kei honpai nu dantansunga amah ka pi lut ma siah.

3:5b.SON.003.005 Zuktal leh gama zukpitein ka hon ngen hi, Aw Jerusalem tanute, ka it hihbuai kei unla, phawng kei un, a lungkim matan.

3:6b.SON.003.006 Gamdaia kipana meikhu kitung banga hongpai hiai kua ahia, murra leh begaw kinuha, sumsinmi nuhngou vui toh?

3:7b.SON.003.007 Ngaiin, Solomon lupna ahi; a kimah mi hat sawmguk, Israel mi hatte a kipan a om uh.

3:8b.SON.003.008 Namsau a tawi chiat ua, kidounaa kivan ahi uh: Mi chihin a pheipi tngah a namsau a tawi chiat ua, jana launa jiakin.

3:9b.SON.003.009 Kumpipa Solomonin Lebanon singin kangtalai a kibawla.

3:10b.SON.003.010 Huaia khuamte dangkain a bawla, huai a nuai dangkaeng, a tutphah a sandup, huai a laizang, Jerusalem tanute akipana itnain phah ahi.Aw nou Zion tanute, pawt khia unla, kumpipa Solomon en un, a zineih ni leh a lungtang kipahna nia, a nun amah lallukhu a khuksak toh.

3:11b.SON.003.011 Aw nou Zion tanute, pawt khia unla, kumpipa Solomon en un, a zineih ni leh a lungtang kipahna nia, a nun amah lallukhu a khuksak toh.

4

4:1b.SON.004.001 Ngaiin, na kilawm hi, ka it; ngaiin, na kilawm hi; na maituamna liah ah na mitte vahui bang ahi ua: na sam kel honbang ahi, Gilead mual pang khawnga kualte.

4:2b.SON.004.002 Na hate mulmet thak belamnu hon bang ahi ua, sil khit pheta hongpai tou te; huaiah amaute chiatin phik a nei ua, alak ua kuamah misisun a om kei uh.

4:3b.SON.004.003 Na mukte khausan au bang ahi ua, na kam a kilawma: na mit laivomte pomgranet them bang ahi na maituamna liah ah.

4:4b.SON.004.004 Na ngawng Davidin galvan koihna a lam insang bang ahi, lumbem neute sang khat kikhaina mun, mi hatte lum tengteng omna.

4:5b.SON.004.005 Na nawite zuktal nou nih phikte a bang ua, lili pak laka tate.

4:6b.SON.004.006 Ni a nema limliap a man mateng murra mualah leh, begaw tangah ka hoh ding.

4:7b.SON.004.007 Na kilawm hi, ka it; nangah ninbang a om kei.

4:8b.SON.004.008 Ka mou, Lebanon akipan hon juiin, Lebanon akipan kei toh: Aman a vuma kipan dakin, Senir leh Hermon Hermon vum a kipan, hompinelkaite kua akipan, gialbemte mual akipan.

4:9b.SON.004.009 Ka lungtang na tuahmangta, ka sanggamnu, ka mou; na mitte laka khatin ka lungtang na tuahmangta hi, na ngawnga khainiang khatin.

4:10b.SON.004.010 Na itna kilawm natele, ka sanggamnu, ka mou! Na itna uain sangin nakpiin a hoihjaw! Na kinuh gim, gimlim chiteng sangin a hoihjaw.

4:11b.SON.004.011 Na mukte, Aw ka mou, khuaikhak bangin a takkhiaa: na lei nuaiah khuaiju leh nawitui aom; na puansilh gim Lebanon gim a bang hi.

4:12b.SON.004.012 Huan um bing ka sanggamnu, ka mou ahi; tuinak huk, tuikhuk vuh.

4:13b.SON.004.013 Na tuaite pomgranet huan, gah manphate toh ahi; spiknardi singsuan toh henna-pak.

4:14b.SON.004.014 Spiknardi leh pak gimlim, kepbuk leh singnamtui begaw sing tengteng toh; murra leh aloe, gimlim pipen teng toh.

4:15b.SON.004.015 Huana tuikhuk na hia, tuihing lui, Lebanon akipana lui luangte.Khanglouin, Aw mallam hoih; huan hongin, nang simlam; ka huan tungah nungin, huchia huaia gimnamtuite a luankhiak theihna dingin. Ka ngaihnou a huan sungah hongpai henla, a theigah manphate ne hen.

4:16b.SON.004.016 Khanglouin, Aw mallam hoih; huan hongin, nang simlam; ka huan tungah nungin, huchia huaia gimnamtuite a luankhiak theihna dingin. Ka ngaihnou a huan sungah hongpai henla, a theigah manphate ne hen.

5

5:1b.SON.005.001 Ka huan sungah ka hongpai hi, ka sanggamnu, ka mou: ka murra ka gimnamtui toh ka lakhawmta: ka khuaikhak ka khuaiju tohka netaa; ka uain ka nawitui toh ka dawnta. Aw lawmte, ne un; dawn un, ahi, tampi dawn un, Aw ka ngaihnou.

5:2b.SON.005.002 Ka ihmua, himahleh ka lungtang a hak: a kiu ka ngaihnou aw ahi, honhon in, ka sanggamnu, ka it, ka vahui, ka ninbanglou: ka lutang lah daituiin a dima, ka samtum lah jana tuitakin.

5:3b.SON.005.003 Ka puannak tung ka suahtaa: bang chiin ka silh nawn dia? ka khepekte ka siltaa; bangchiin ka hihnin dia?

5:4b.SON.005.004 Ka ngaihnouin kongkhak awngah a khut ahon golh luta, amah jiakin ka lungtang hihlinin a om hi.

5:5b.SON.005.005 Ka ngaihnou hon dingin ka thou taa; ka khutte murrain a taka, ka khutzungte murra tuiin, kalhna hekna tungah.

5:6b.SON.005.006 Ka ngaihnou ka hontaa; himahleh ka ngaihnou a nakik nawna a na omta kei hi. Thu a gen laiin ka khain a honjuausana: amah ka zonga, himahleh hondawng kei hi.

5:7b.SON.005.007 Khopia vialvak vengmiten a honmu ua, a honkhen ua, a honliam sak uh; kulhbang ngakten ka puannak a honlak mang sak uh.

5:8b.SON.005.008 Ka honngen ahi, Aw Jerusalem tanute, ka ngaihnou na muh uleh, jawlngaiin ka chi a na chih, amah hilh un.

5:9b.SON.005.009 Na ngaihnou, ngaihnou dangsanga a tuansemna bang ahia Aw nang numeite lak a kilawmpen? na ngaihnou ngaihnou dang sanga a tuansemna bang ahia, huchibang na honnget?

5:10b.SON.005.010 Ka ngaihnou jaw a a san hiuhiaua, sang sawm laka pipen ahi.

5:11b.SON.005.011 A lutang dangkaeng hoih penpen bang ahi a, a samtumte a liana, vaak bangin a vom hi.

5:12b.SON.005.012 A mitta lah luita tui kianga vahui bang ahi a; nawituia sil, kituak taka bulh.

5:13b.SON.005.013 A biangte gimnamtui omna bang ahi a, loupa gimlim bil bang: a mukte lah lili pak bang ahia, murra tui takkhe sakin.

5:14b.SON.005.014 A khutte dangkaeng zungbuh beril suangmantam siatna bang ahi: a pumpi saihaa bawl saphir suangmantama luan bang ahi.

5:15b.SON.005.015 A khete suangpak khuam, dangkaeng hoihte kuaka kitung bang ahi: a kilatdan Lebanon bang, sidar banga thupi ahi.A kam a khum penpen a: ahi, a ngaihhuai tuntun hi. Hiai ka ngaihnou ahi a, hiai ka lawm ahi. Aw Jerusalem tanute.

5:16b.SON.005.016 A kam a khum penpen a: ahi, a ngaihhuai tuntun hi. Hiai ka ngaihnou ahi a, hiai ka lawm ahi. Aw Jerusalem tanute.

6

6:1b.SON.006.001 Na ngaihnou koilama pai ahia, Aw nang numeite laka kilawm penpen? amah na ngaihnou koilama kiheita ahia, amah ka honzon pih theihna ding un?

6:2b.SON.006.002 Ka ngaihnou a huan ah a hoh suka, gimnamtui mun ah, huan sunga vak ding leh, lili pak lakawm ding in.

6:3b.SON.006.003 Ka ngaihnoua ka hi a, ka ngaihnou keia ahi: lili pak lakah a ganhon a vak hi.

6:4b.SON.006.004 Na kilawm hi, Aw ka it, Tirza bangin, Jerusalem bangin na deihhuaia, sepaihpawl puanlapte to bangin na kitakhuai hi.

6:5b.SON.006.005 Na mitte keia kipan la kikin, amau lah a honzouta ngal ua. Na sam kel hon bang ahi a, Gilead pang khawnga kualte.

6:6b.SON.006.006 Na hate belamnu hon bang ahi ua, sil khit pheta hongpaitou te; huaiah amaute chiatin phik a nei ua, a lak uah kuamah misisun a om kei uh.

6:7b.SON.006.007 Na mitlaivomte pomgranet them bang ahi na maituamna liah ah.

6:8b.SON.006.008 Kumpinu sawmguk a om ua, mei sawm giat, huan nungaksiangthou sim seng louh.

6:9b.SON.006.009 Ka vahui, ka ninbanglou, khat kia ahi; a nu laka amah kia ahi; amah suang laka a hoihpenpen ahi. Tanuten amah a mu ua, nuamsa amah a chi uh; ahi, kumpinuten leh meiten amau amah a phat uh.

6:10b.SON.006.010 Jingsang banga dak khia amah kua ahia, khapi banga kilawm, ni banga siang, sepaihhon puanlap tobanga lauhuai?

6:11b.SON.006.011 Makhatang huanah ka pai suaka, guama singsuan hingte en dingin, grep a pakmumta hiam chih leh pomgranet a pakpalhta hiam chih en dingin.

6:12b.SON.006.012 Ahihkeileh ka thei ngeita hia, ka khain ka lunglutna ka mipite kangtalai lakah a hon koihta hi.Hongkik in, hongkik in, Aw Salam mi; hongkik in, hongkik in, ka honna et theihna ding un. Bangdia Salam mi en ding na hi ua, Mahanaim mite lam banga?

6:13b.SON.006.013 Hongkik in, hongkik in, Aw Salam mi; hongkik in, hongkik in, ka honna et theihna ding un. Bangdia Salam mi en ding na hi ua, Mahanaim mite lam banga?

7

7:1b.SON.007.001 Khedap tungneilou ah na khepekte kilawm hina mahmah e, Aw lal tanu: Na pheipi guhtuahte suangmantam bang ahi ua, nasemmi pil khut nasep bang.

7:2b.SON.007.002 Na lai nou bem bang ahi, huaiah uain hel a kitasam ngei keia: na gilpi huit-buh bum lili pak siat dim a bang hi.

7:3b.SON.007.003 Na nawite zuktal nou nih phikte a bang ua.

7:4b.SON.007.004 Na ngawng saiha insang a bang; na mitte Barthrabbim kongpi kianga, Hesbona om tuilite a bang uh; na nak Lebenona insang a banga Damaska lam muhsukna.

7:5b.SON.007.005 Na tunga na lutang karmel a banga, na lua sam sandup a bang; huai sampha lakah kumpipa sala matin a om hi.

7:6b.SON.007.006 Aw it, kipahna dingin nak kilawmin nak nop hina mahmah chia!

7:7b.SON.007.007 Hiai na san dan tum sing bang ahia, na nawite grep gah bomte bang.

7:8b.SON.007.008 Tum singah ka kal tou dinga, huai ahiangte ka len ding, ka chi a: na nawite grepgui gahbom bang hi henla, huan na nawi gim apul bang;

7:9b.SON.007.009 Huan na kam uain hoihpenpen bang, ka ngaihnou adia nemtaka pai suk, ihmute muka tolh paisuak.

7:10b.SON.007.010 Ka ngaihnoua ka hi a, a deihlam kei lam ah a om.

7:11b.SON.007.011 Hong in, ka ngaihnou, gamah i pai khe dinga; kho neute ah i giak ding.

7:12b.SON.007.012 Grephuan lamah jingkhangin i thou khe dinga; grepgui a pakmumta hia, apakpalh a kihongta hia i va en ding, huan pomgranet a pak kheta hia: huailaiah ka itna ka honpe ding hi.Jawlzongpakin gimnamtui a suak saka, ka kongkhak uah thei manpha chi chih, athak leh a lui a om, nanga dingin ka nakhol khawm, aw ka ngaihnou.

7:13b.SON.007.013 Jawlzongpakin gimnamtui a suak saka, ka kongkhak uah thei manpha chi chih, athak leh a lui a om, nanga dingin ka nakhol khawm, aw ka ngaihnou.

8

8:1b.SON.008.001 Aw ka nu nawi ne, ka unaupa bang hile chin maw! po lamah nang kon muh leh, ka hontawp ding; ahi, kuamahin a honmusit kei ding uh.

8:2b.SON.008.002 Nang ka hon pi dinga, ka nu in sungah kon la lut dinga, aman kei a honhilh ding; uain namtui ka hondawn sak dinga, ka pomgranet tuining.

8:3b.SON.008.003 A khut veilam ka lutang nuaiah a om dinga, huan a khut taklamin a hon pom ding.

8:4b.SON.008.004 Ka honngen ahi, Aw Jerusalem tanute aw, hihbuai kei unla, it phawng kei un, a lungkim masiah.

8:5b.SON.008.005 Gamdai akipana hong tou hiai kua ahia, a ngaihnou tunga kingai? Apul kung nuaiah ka honphawnga: huailaiah na nun nang a honveia, huailaiah nang hon piangsak amah nauveiin a om hi.

8:6b.SON.008.006 Na lungtanga suai bangin, na bana suai bangin kei hon koihin: itna lah sihna bangin a hat ngala; han bangin a gilou a: huaia kuangte mei kuangte bang ahi uh, TOUPA meikuang mahmah.

8:7b.SON.008.007 Tui tampiin itna a phelh theikeia, tuikhangten a tum thei sam kei ding hi: itna jiakin min a ina van tengteng pe ding hita leh, nakpitaka muhsitin a om ding hi.

8:8b.SON.008.008 Sanggamnu neu ka nei ua, nawi a neikei: amah adia thu a kigen ni chiangin ka sanggamnu uh adingin bang ka hih ding ua?

8:9b.SON.008.009 Kulhbang hi le bel, amah tungah dangka insang neu khat ka lam ding ua: huan kongkhak hita leh, amah sidar singpekin ka sungkhum ding uh.

8:10b.SON.008.010 Kulhbang ka hi a, ka nawite huaia insang bang ahi uh: huchihlaiin mi muanna musa bangin a mit ah ka om hi.

8:11b.SON.008.011 Baal-hanmon ah Solomonin grephuan a neia; kemmite kiangah grephuan a khel saka; huaia a gah adingin mi chihin dangka sang khat nen a hontawi ding uh ahi.

8:12b.SON.008.012 Ka grephuan, keia ahi a, ka maah a om: nang, Aw Solomon, sang na nei ding, huan huaia theigah kemten za nih.

8:13b.SON.008.013 Nang huante suanga teng, kithuahpihte na aw a ngai ua, huai honza sakin.Kin mengin, ka ngaihnou, gimlim mual tunga zuktal hiam sakhi tuailai hiam bangin om in.

8:14b.SON.008.014 Kin mengin, ka ngaihnou, gimlim mual tunga zuktal hiam sakhi tuailai hiam bangin om in.