Psalms (Paite)

1

1:1b.PSA.001.001 Pathian limsakloute hoihsak banga om ngeilou-a, mi khialte lampi a leng ding lou-a, musitte tutphah a leng tu ngeilou mi tuh a hampha hi;

1:2b.PSA.001.002 A kipahna tuh TOUPA danah ahi jawa; a dan thu tuh sun leh janin a ngaihtuah ngitnget hi;

1:3b.PSA.001.003 Amah jaw tui luang kianga sing suan, a huna gah jel, a nah leng kai ngeilou bang ahi a; a thilhih peuhmah tuh a lamzang jel ding hi.

1:4b.PSA.001.004 Pathian limsakloute bel huchibang ahi kei ua; buhsi huihin a mutleng mang bang ahi jaw uhi;

1:5b.PSA.001.005 Huaijiakin mi Pathian limsakloute jaw vaihawmna maah a ding theikei ding uh, mi khialte leng mi diktatte kikhopna ah a ding thei sam kei ding uhi;TOUPAN mi diktatte lampi tuh a thei naknak ngala; mi khialte lampi bel a mangthang ding hi.

1:6b.PSA.001.006 TOUPAN mi diktatte lampi tuh a thei naknak ngala; mi khialte lampi bel a mangthang ding hi.

2

2:1b.PSA.002.001 Bangachia nam chih heh uh ahia, bangchia mi chihin thil phatuam lou ngaihtuah uh ahia?

2:2b.PSA.002.002 Lei tunga kumpipate a kisa duamduam ua, heututen leng TOUPA leh a thaunilh tuh a sawm chiat ua,

2:3b.PSA.002.003 A gaknate uh hihtat in, a khauhualte uh ei akipan I pai mang ding uh, chiin.

2:4b.PSA.002.004 Van a tupa a nui dia: TOUPAN amaute a nuihsan ding;

2:5b.PSA.002.005 Huai khit chiangin hehin a kianguah tuh a gen dinga, thangpai takin amau tuh a hih mangbangta ding hi:

2:6b.PSA.002.006 Keimah mahin ka tang siangthou Zion ah ka kumpipa ka tusakta ahi, a chi a.

2:7b.PSA.002.007 Thusehsa ka gen ding hi: TOUPAN ka kiangah, Nang jaw ka tapa na hi; a; tuniin ka honnei khia ahi;

2:8b.PSA.002.008 Hon ngenin, huchiin na gouluah dingin nam chih ka honpe dia, kawlmong tawp tanin na gou dingin leng ka honpe ding;

2:9b.PSA.002.009 Amaute tuh sik chiangin na hihkham dia; belvelten bel a paih khap bang un na pai kham dinga. A chi-a.

2:10b.PSA.002.010 Huchiin kumpipate aw, pilta unla: leitunga vaihawmte aw, thuzohin omta un;

2:11b.PSA.002.011 Laudan siamin TOUPA na sem unla, ling khawmin kipan un;TOUPA tuh tawp unla, huchi keileh a heh dia, lam lakah na mangthang kha ding uh, a thangpai zok ding hi. Amah a a ginna uh koihte tengteng a hampha uhi.

2:12b.PSA.002.012 TOUPA tuh tawp unla, huchi keileh a heh dia, lam lakah na mangthang kha ding uh, a thangpai zok ding hi. Amah a a ginna uh koihte tengteng a hampha uhi.

3

3:1b.PSA.003.001 TOUPA, kei hondoute pung hina mahmah u e! Kei honsualte tampi ahi uhi;

3:2b.PSA.003.002 Amaha dingin Pathian ah panpihna himhim a om kei, chi-a, ka hinna tungtang thu gente tampi a om uhi. Selah.

3:3b.PSA.003.003 Himahleh, TOUPA aw, nang tuh ka kim ka velin ka phaw na hi a; ka lu dom kangpa na hi hi;

3:4b.PSA.003.004 Ka awin TOUPA tuh ka sama, a tang siangthou akipanin a hondawng jel hi. Selah.

3:5b.PSA.003.005 Kei ka lum tuh ka na ihmuta a; ka khanglou nawna; TOUPAN a honna len gige ahi;

3:6b.PSA.003.006 Hondou a, hon um suakte, mi sing khat nangawn ka kihta kei ding.

3:7b.PSA.003.007 TOUPA aw, thou inla; ka Pathian aw honhondamin: kei a hondoute tengteng tuh a biang guh uah na khen pahpaha; Pathian limsaklou mite ha tuh na kikhong saka;Hotdamna tuh TOUPA-a ahi: Na vualjawlna tuh na mite tungah om hen. Selah.

3:8b.PSA.003.008 Hotdamna tuh TOUPA-a ahi: Na vualjawlna tuh na mite tungah om hen. Selah.

4

4:1b.PSA.004.001 Ka diktanna Pathian aw, ka honsap chiangin hondawngin; ka mangbat chiangin nang na honhihnavak jela: honhehpih inla, ka thumna honngaihkhiak sakin.

4:2b.PSA.004.002 Mihing tate aw, ka thupina bang tan ahia zahlaknaa na suahsak ding uh? Bangtan ahia thil bangmahlou tuh na thupi sak ding ua, juauthu na zon ding uh? Selah

4:3b.PSA.004.003 TOUPAN Pathian limsak mi amaha dingin a koih tuam chih thei jaw un: Amah ka sap peuhmah chiangin, TOUPAN a honngaikhe ding hi.

4:4b.PSA.004.004 Kihta unla, thil hihkhial kei un: na lupna tunguah na lungtang uah na lungtang un ngaihtuah unla, dia sipsip un. Selah

4:5b.PSA.004.005 Diktatna kithoihna lan unla, TOUPA tuh gingtan un.

4:6b.PSA.004.006 Hoihna himhim kuan ahia honmusak ding? chite tampi a om uhi. TOUPA, nangmah mahin na mel vakin honsun vakin;

4:7b.PSA.004.007 A buh leh a uain uh a hongkhan chianga a kipahna sang ua, kipahna thupijaw ka lungtang ah na omsak hi.Khamuang takin ka lum dia, ih leng ka ihmu ding: TOUPA, nangmah mah ahi kei kia a leng bit taka honom sak gige.

4:8b.PSA.004.008 Khamuang takin ka lum dia, ih leng ka ihmu ding: TOUPA, nangmah mah ahi kei kia a leng bit taka honom sak gige.

5

5:1b.PSA.005.001 TOUPA aw, ka thute ah na bil hondoh inla, ka ngaihtuahna ngaihtuah in;

5:2b.PSA.005.002 Ka kumpipa leh ka Pathian, ka kikou aw ngaikhiain: na kianga thum ka hi ngala;

5:3b.PSA.005.003 TOUPA aw, jingsangin ka aw na naza jel dinga; jingsangin ka thumna na maah ka gel hoih dimdiam dinga, ka honna hungaih jel ding hi.

5:4b.PSA.005.004 Gilousalou kipahpih Pathian na hi ngal keia: mi khialte tuh na kiangah a tung kei ding hi;

5:5b.PSA.005.005 Mi ki-uangsakte tuh na mitmuhin a ding theikei ding ua: gitlouhna na semte tengteng na hua hi;

5:6b.PSA.005.006 Juau genhatte tuh na hihmang dinga: TOUPAN sisan suahhat leh khemhat mi tuh a kih nilouhlouh hi.

5:7b.PSA.005.007 Kei bel, na hoihna phatnain, na inn ah ka honglut dinga: laudan honsiam kawmin na biakin siangthou lam ngain ka honbe jel ding hi;

5:8b.PSA.005.008 TOUPA aw, ka melmate jiakin na diktat vangin honpi inla; na lampi tuh ka maah kichian sakin.

5:9b.PSA.005.009 A kam uah ginomna himhim a om keia; a sunglam utuh gitlouh satlouhna ngen ahi: a gawl utuh han kihong ahi a; a lei un mi a phat khempeuh uhi;

5:10b.PSA.005.010 Pathian aw, amaute tuh siamlouh tang sakin amau hoihsakna ngeite tuh pukna dingin zang uhen; a tatlekna tampi jiak un sawnkhianin; na tungah a hel ngal ua.

5:11b.PSA.005.011 Nangmah a a ginna uh koihte tengteng bel nangmah ah kipak uhenla, na humbit jel jiakin nuamin kikou nilouhlouh uhen; na min itte leng nangmah ah kipak takin om uhen;Mi diktat tuh vual na jawl ding ahi ngala; TOUPA aw, amah tuh phaw bang in deihsaknain na umsuak ding hi.

5:12b.PSA.005.012 Mi diktat tuh vual na jawl ding ahi ngala; TOUPA aw, amah tuh phaw bang in deihsaknain na umsuak ding hi.

6

6:1b.PSA.006.001 TOUPA aw, hehin honsal kenla, thangpaiin honsawi sam ken.

6:2b.PSA.006.002 Toupa aw, honhehpihin, ka gim gawpta ngala: TOUPA aw, hondam sakin; ka guhte khawng lah a na vekta ngala;

6:3b.PSA.006.003 Ka hinna leng nakpitaka hihmangbatin a om hi: TOUPA aw, nang bangtan ahia non etsim ding?

6:4b.PSA.006.004 TOUPA aw, hongkik nawn inla, ka hinna hondamin: na hoihna phatna jiakin honhondamin;

6:5b.PSA.006.005 Sih nungin nang theihgegena a om ngal keia: Sheol ah kuan ahia na tunga kipahthu gen ding?

6:6b.PSA.006.006 Ka mauna lamah ka bahta; jan tengin ka lupna tuh tui ah ka kilam saka; ka lupna tuh ka khituiin ka kawtsak jel hi;

6:7b.PSA.006.007 Ka mit tuh lungkhamna jiakin a se hulhula; hondoute jiakin a hongtek deuhdeuhta a.

6:8b.PSA.006.008 Nou, na gilou semte tengteng aw, honpaisan vek un; TOUPAN ka kahging a zata ngala;

6:9b.PSA.006.009 TOUPAN hehpihna ka nget lah a ngaikheta a; TOUPAN ka thumna tuh a kipahpih ding hi;Hondoute tengteng tuh a zahlak un a mangbang mahmah ding ua; a kik nawm ding ua, thakhatin a hongzahlak guih ding uhi.

6:10b.PSA.006.010 Hondoute tengteng tuh a zahlak un a mangbang mahmah ding ua; a kik nawm ding ua, thakhatin a hongzahlak guih ding uhi.

7

7:1b.PSA.007.001 TOUPA, ka Pathian aw, nangmah ah ka ginna ka ngaa: hondelhte tengteng lakah honhondamin honhumbitin:

7:2b.PSA.007.002 Huchilou injaw, humbitpa om louin humpinelkai bangin, ka hinna a bot nen kha ding hi.

7:3b.PSA.007.003 TOUPA ka Pathian aw, huchi banga hih ka nahiha, ka khut a khelhna naom a hih a,

7:4b.PSA.007.004 Ka lawm tuh khelhna a thuk ka na hih leh, (A hi, bangmahlou-a hondou tuh ka humbit a nahi jaw):

7:5b.PSA.007.005 Melmain ka hinna delhin, delh pha mai hen aw; ahi, ka hinna tuh leiah chil pukin, ka thupina tuh leivui lakah koih mai hen. Selah.

7:6b.PSA.007.006 TOUPA aw, hehin thou inla, hondoute thangpaihna dou din kisa inla: kei dingin kihihhalhin; vaihawmna ding thu na peta hi;

7:7b.PSA.007.007 Huchiin mi chih kikhawm khawmten honum suak uhen: huan, nang tuh a tunguah sang piin kik nawnin;

7:8b.PSA.007.008 TOUPA michih mi chih vai a hawmsak jel: TOUPAN aw, keimah a ka diktatna leh ka lungsim hoihna om bang jelin vai honhawmsakin.

7:9b.PSA.007.009 Giloute gitlouhna hongtawpta le aw, mi diktatte jaw hihkipin: Pathian diktatin lungtangte leh lungsimte a enchian jel hi;

7:10b.PSA.007.010 Ka phaw tuh Pathian kiangah a om, amah jaw lungtang diktakpu hondampa ahi hi;

7:11b.PSA.007.011 Pathian tuh vaihawmpa diktat ahi, ahi, ni tengin mi giloute tunga lunghihlouhna nei Pathian ahi.

7:12b.PSA.007.012 Mi a kihei kik kei leh aman a namsau a tathiam ding; a thalpeu tuh a laia, a manta hi;

7:13b.PSA.007.013 Sihna vanzatte tuh amah thahna dingin leng a bawl dimdiamta hi; a thalte thalte tuh kuangtheiin a bawla;

7:14b.PSA.007.014 Enin, gilouhna a zinpih; ahi, thilhihkhelhna a paia, juauthu a piangsakta hi;

7:15b.PSA.007.015 Kokhuk a bawla, thuk piin a tou-a, amah khuk-toh ah a keta hi;

7:16b.PSA.007.016 A thilhihkhelhna tuh amah lutung mah ah a hongkik nawn ding, hiamgam taka a thilhih tuh amah sipmah ah a ke ding hi.TOUPA tuh a diktatna jiakin, a kiangah kipahthu ka gen ding: TOUPA tungnungpen min phatin leng la ka sa ding hi.

7:17b.PSA.007.017 TOUPA tuh a diktatna jiakin, a kiangah kipahthu ka gen ding: TOUPA tungnungpen min phatin leng la ka sa ding hi.

8

8:1b.PSA.008.001 TOUPA ka TOUPA aw, leitung tengteng-ah na min hoih hina tele! Na thupina thu van tungahte khawng na koiha;

8:2b.PSA.008.002 Melma leh phulami daihsakna dingin, nang hondoute jiakin naungekte leh nawine laite kama pawtin hatna na hihkip hi.

8:3b.PSA.008.003 Na van, na khutsuakte, kha leh aksi na sehte khawng, ka ngaihtuah chiangin,

8:4b.PSA.008.004 Miching bang ahia, huchitel na limsak? Mihing tapa leng bang ahia, huchitela na veh? Ka chi a.

8:5b.PSA.008.005 Amah jaw Pathian sanga nuai zel phetin na bawla, thupina leh pahtawina na khusak ngala;

8:6b.PSA.008.006 Na khutsuak tungahte khawng thu na nei saka; a khe nuai-ahte khawng bangmapeuhmah na koih a:

8:7b.PSA.008.007 Belam leh bawng tengteng toh, ahi, gamsate khawng to-leng;

8:8b.PSA.008.008 Tunga leng vasa leh tuipi ngasate, tuipi-a lampi tawn peuhmahte toh.TOUPA kou TOUPA aw, leitung tengtengah na min hoih hina tel e!

8:9b.PSA.008.009 TOUPA kou TOUPA aw, leitung tengtengah na min hoih hina tel e!

9

9:1b.PSA.009.001 TOUPA kiangah ka lungtang tengtengin kipahthu ka gen dinga; na thillamdang hih tengteng ka theisak ding hi;

9:2b.PSA.009.002 Nangmah ah ka kipakin ka nuam ding a: nang Tungnungpen aw, na min phatin la ka sa ding hi.

9:3b.PSA.009.003 Hondoute a taijak tak un, na maah a kipalpuk ua, a mangthang uhi;

9:4b.PSA.009.004 Kei adia kilawm himahleh ka thu-ah nang kei na hon gum ngala; diktaka vaihawmin laltutphahah na tu a.

9:5b.PSA.009.005 Nam chih na thihilha, gilou-saloute na hihmangthanga, a min uh leng khantawn khantawnin na thaimangta hi;

9:6b.PSA.009.006 Doumite tuh a mangbang vek ua, khantawn adingin bangmah neilouin a omta uhi; na kho sukgamsate tuh, amaute theihgigena nangawn toh leng a mangthang hi.

9:7b.PSA.009.007 TOUPA bel khantawn adingin kumpipain a tu a; a laltutphah tuh vaihawmna dingin a bawlta hi;

9:8b.PSA.009.008 Aman tuh khovel kizen takin vai a hawmsak dinga, khentuam neilouin mi chih vai a hawm ding hi.

9:9b.PSA.009.009 Nuaisiahte din TOUPA thu bukna ahi lai ding, buai hun chianga bukna;

9:10b.PSA.009.010 Huchiin na min theiten a honmuang ding ua; nang jaw TOUPA, nangmah honzongte na paisan ngei ngal keia.

9:11b.PSA.009.011 TOUPA, Zion a om phatin lasa unla; mite lakah a thil hihte hilh un;

9:12b.PSA.009.012 Sisan suah thu dongtel jelpan amau lah a theigige ngala; migenthei kikou aw a mangngilh ngeikei hi.

9:13b.PSA.009.013 TOUPA aw, honhehpih inla; sihna kongkhak akipan honkaikhe jelpa, honhote jiaka ka mangbatna enin;

9:14b.PSA.009.014 Nangmah phatna tengteng ka theih sak theihna dingin: Zion tanu kongpi khawng ah, na honhotdamna ah ka nuam ding hi.

9:15b.PSA.009.015 Nam chih tuh a kokhuk bawl uah a tum ua; a guka a len jak uah amau khe mah a awkta hi.

9:16b.PSA.009.016 TOUPA tuh a kihilta a, vai a hawmta a: mi gilou-salou tuh amah khutsuak mah ah a awk nak hi. Higgaion. Selah.

9:17b.PSA.009.017 Mi gilou-saloute tuh Sheol ah a kik nawn ding uh. Nam chih Pathian manggilh hatte tengteng tuh;

9:18b.PSA.009.018 Tagahte mangngilhin a om nilouh louh kei ding ua, gentheite lametna tuh khantawnin leng a mang sam kei ding hi.

9:19b.PSA.009.019 TOUPA aw, thou dihve; mihing peuhmah vualzou kei hen: nam chih tuh na mitmuh ah vaihawm sakin om hen:TOUPA aw, amau lau sakin; nam chihin mihing lel ahi uh chih kithei uhen. Selah.

9:20b.PSA.009.020 TOUPA aw, amau lau sakin; nam chihin mihing lel ahi uh chih kithei uhen. Selah.

10

10:1b.PSA.010.001 TOUPA aw, bangachia gamla pi-a ding nak na hia? Bangchia mangbat lai banga kisal nak?

10:2b.PSA.010.002 Mi gilou-salou kisaktheihna jiakin mi gentheite delh ekin a om uhi; a thil gilou ngaihtuah khiakte uah amau mah awk uhen.

10:3b.PSA.010.003 Mi gilou-salou in a lungtang utlam a suanga, mi huaihamin TOUPA a paikhia a, a musit nak hi.

10:4b.PSA.010.004 Mi gilou-salou in kisaktheih mel puin, A phut kei ding, a chichi a. A ngaihtuahna tengteng tuh, Pathian a om kei, chih ngen ahi.

10:5b.PSA.010.005 A omdante tuh ckiklai peuhin leng a kip hima; na vaihawmnate tuh tunglam gamla pi-ah, a muh bat louhah, a om hi: Amah doute tengteng lah a nuihsan maimah ngala;

10:6b.PSA.010.006 A lungsim in, Ka ling kei ding; khang tengteng phain leng mangbangin ka om kei ding, a chi hi.

10:7b.PSA.010.007 A kam tuh hamselohna te, khemna te, engbawlna tein a dima; a lei nuaiah thilhihkhelh na leh siatna a om hi.

10:8b.PSA.010.008 Kho tenga a guka tanna munahte khawng a tu jela; mun dai khawngah giloulou mite a that jel hi: a mitin bangmah hih theilou mi a guktan nak ahi;

10:9b.PSA.010.009 Humpinelkaiin a kua a guktan bangin aman tuh mun dai ah a guktan jel hi; mi genthei man dingin a tang jela: mi genthei tuh a man ngeia, hichiin a lenin a kai mang naknak hi.

10:10b.PSA.010.010 A khupboha, a kuna, bangmah hih theilou mite a mi hatte uh hihpukin a om naknak uhi;

10:11b.PSA.010.011 A lungsim ah, Pathianin a mangngilh ahi: a mai a sela, chikmah chiangin a mu kei ding, a chi.

10:12b.PSA.010.012 Toupa aw, thou in; Pathian aw, na khut honlikin: mi gentheite mangngilh ken;

10:13b.PSA.010.013 Bangjiakin ahia mi gilou-salouin Pathian a muhsit, a lungsima, Na phut kei ding, a chih nak?

10:14b.PSA.010.014 Muh jaw na mu khin thama; na khuta thuk ding thilhihkhial leh hihvuina na en ngala: bangmah hih theilou mi na kiangah a kikemsak jela; Pa neilou panpihpa na hi naknak hi.

10:15b.PSA.010.015 Mi gilousalou ban sutan inla, mi gilou, gitlouhna zong khiain, na muh het louh mateng;

10:16b.PSA.010.016 Toupa tuh khantawn khantawn adin KUMPIPA ahi a: nam chih amah gam akipanin a mangthangta uhi.

10:17b.PSA.010.017 Toupa, kingainiamte deihna na ngaikhia a: a lungtang uh na kisa sak dinga, a bil uleng na za sak ding hi:Pa neiloute leh engbawlte, leitung min a engbawl nawn louhna ding un, a vai uh hawmsak dingin.

10:18b.PSA.010.018 Pa neiloute leh engbawlte, leitung min a engbawl nawn louhna ding un, a vai uh hawmsak dingin.

11

11:1b.PSA.011.001 Toupa ah ka ginna ka nga jela: bangchidan ahia ka hinna kianga, Na mual uah vasa bangin leng mang un:

11:2b.PSA.011.002 En dih ua, lungtang diktakpu mial nuaia a kap theihna ding un, mi gilou-salouten thalpeu a lai ua, a thal utuh a khau ah a bulh chiat uhi;

11:3b.PSA.011.003 Suangphumte hihsiata om leh, mi diktatin bang ahia a hih theih ding? na chih uh.

11:4b.PSA.011.004 TOUPA tuh a biakin siangthou ah a oma, TOUPA tuh a laltutphah leng van ah a om; mihing tate a mitin a ena, a mitvunin a hihchian jel hi.

11:5b.PSA.011.005 TOUPAN tuh mi diktat a hihchian jela: mi gilou-salou leh hiamgamna deihte bel a hinnain a ho nak hi.

11:6b.PSA.011.006 Mi gilou-saloute tungah thangte a ke sak dinga; mei leh kat leh huih mulkimhuai tak tuh anou tan ding uh ahi ding hi.TOUPA lah a diktat ngala; diktatna a deih naknak hi mi diktatten a mel a mu ding uhi.

11:7b.PSA.011.007 TOUPA lah a diktat ngala; diktatna a deih naknak hi mi diktatten a mel a mu ding uhi.

12

12:1b.PSA.012.001 TOUPA, honpanpih in; Pathian limsak mi lah a om nawnta ngal kei ua; mihing tate lak akipan mi ginom lah a mangta ngal ua.

12:2b.PSA.012.002 Mi chihin a innvengte kiangah thu bangmahlou maimai a gengen uhi: maitang phatna leh khemna lungtang puin thu a gen nak uhi.

12:3b.PSA.012.003 TOUPAN maitang phatna muk tengteng a atkhe dinga, thu kisathei genna lei toh:

12:4b.PSA.012.004 Amau tuh, I leiin I zou ding ua; I mukte tuh eimaha ngei a ka, kua ahia I tunga lal om? a chi uh.

12:5b.PSA.012.005 TOUPAN tuh, Gentheite a simmoh jiak uleh, tagahte thum jiakin, ka thou pah ngal dia; a nuihsan tak uh bit takin ka omsak ding, a chi a;

12:6b.PSA.012.006 TOUPA thute tuh thu siangthou tak ahi a; dangka leitunga haltuina meia etkhiaka, sagih vei hih siangthou zohsa bang ahi.

12:7b.PSA.012.007 TOUPA aw, nang tuh amau na kem hoih dinga, hiai khangthakte lakah chiklai peuhin leng na humbit ding.Mihing tate lakah khelhna pahtawia a omin, mi gilou-salou a vialvak nak uhi.

12:8b.PSA.012.008 Mihing tate lakah khelhna pahtawia a omin, mi gilou-salou a vialvak nak uhi.

13

13:1b.PSA.013.001 TOUPA aw, bangtan ahia non mangngilh nilouhlouh ding? Bangtan ahia kei akipana na mai na sel ding?

13:2b.PSA.013.002 Ni tumin ka lungtang a lungkhamna neiin bangtan ahia ka lungsim a ka gelgel ding? bangtan ka melma ka tunga tawisan hi ding ahia?

13:3b.PSA.013.003 TOUPA ka Pathian aw, ngaihtuah inla, hondawng dih ve: ka mit honhihvak sak inla, huchilouin jaw sihna ihmutin ka ihmu kha ding hi.

13:4b.PSA.013.004 Ka melmain, Amah ka zouta, a chi kha ding hi; ka lin leh kei hondoute a kipak kha ding uhi.

13:5b.PSA.013.005 Himahleh ken jaw na zahngaihna ka muang ahi; non hotdamna ah ka lungtang akipak ding:Ka tunga hoih taka a hih tak jiakin: TOUPA pahtawiin la ka sa ding hi.

13:6b.PSA.013.006 Ka tunga hoih taka a hih tak jiakin: TOUPA pahtawiin la ka sa ding hi.

14

14:1b.PSA.014.001 Mihai in a lungsimin, Pathian a om kei, a chi a. A kigawp khin ua, thil kihhuai tak a hih ua; thil hoih hih himhim a om kei uhi.

14:2b.PSA.014.002 Theisiama, Pathian zong mawngmawng a om u hiam, chiin, TOUPAN vanakipanin mihing tate a ensuk hi.

14:3b.PSA.014.003 A hilou lamah a pialta vak ua, nintakin a na om chiatta ua; kuamah thil hoih hih himhim a om kei ua, khat lel leng a om kei hi.

14:4b.PSA.014.004 Thilhihkhialte tengtengin theihna himhim a neikei ua hia? Tanghou a nek bang un ka mite a nezou vek ua, TOUPA lah a sam ngei sam kei uhi.

14:5b.PSA.014.005 Huaiah tuh lau tuntunin a om ua; Pathian tuh mi diktat suante laka a om jiakin;

14:6b.PSA.014.006 Mi genthei suangtuahnate tuh na selphou jel uhi, TOUPA tuh a kihumbitna a hih jiakin.Israelte hotdamna tuh Zion akipanin hongpawt mahleh, aw! TOUPAN a mite sala a om uh a pi kik nawn chiangin, huai hun chiangin Jakobte a nuamta ding ua, Israelte a kipakta ding uhi.

14:7b.PSA.014.007 Israelte hotdamna tuh Zion akipanin hongpawt mahleh, aw! TOUPAN a mite sala a om uh a pi kik nawn chiangin, huai hun chiangin Jakobte a nuamta ding ua, Israelte a kipakta ding uhi.

15

15:1b.PSA.015.001 TOUPA, na puanin ah kua a hongzintung dia? Na tang siangthou ah kua hongom ding?

15:2b.PSA.015.002 Diktaka om, kizen taka hiha, a lungtanga thu taktak gen mi pen.

15:3b.PSA.015.003 A leia mi gen ngeilou-a, a lawm tunga leng thil hihkhial ngeilou a, a invengte min leng gense ngeilou mi pen.

15:4b.PSA.015.004 Mi gilou tak tuh a muhsitin a om naknak hi; TOUPA laudan siamte bel a pahtawi nak hi. Amah adinga poi ding nangawn kichiam khina hih lamdang ngeilou mi.A pung delh dinga a sum leitawi sak ngeilou mi, a siam jaw siamlouh tangsak dinga golhna leng la ngeilou mi pen. Huchi bang thil hihmi tuh, bangchik mahin a ling kei ding hi.

15:5b.PSA.015.005 A pung delh dinga a sum leitawi sak ngeilou mi, a siam jaw siamlouh tangsak dinga golhna leng la ngeilou mi pen. Huchi bang thil hihmi tuh, bangchik mahin a ling kei ding hi.

16

16:1b.PSA.016.001 Pathian aw, honhumbitin: nangmah ah ka ginna ka koih ngala.

16:2b.PSA.016.002 TOUPA kiangah. Nang tuh ka TOUPA na hi a; Nang loungal hoihna himhim ka neikei.

16:3b.PSA.016.003 Lei a mi siangthou omte jaw, amau jaw mi hoih, ka kipahna tengteng omna ahi uh, ka chi ahi.

16:4b.PSA.016.004 TOUPA pathian dang khennaa zangte tuh, a lungkhamnate uh a pung ding: a sisan dawn kithoihna uh ken jaw ka lan kei dinga, ka mukin a minte uh ka lou sam kei ding hi.

16:5b.PSA.016.005 TOUPA tuh ka goutan ding leh ka nou tan ding ahi: nang tuh ka tuam non hihkip sak jela.

16:6b.PSA.016.006 Tehna khaute tuh mun nuam tak khawngah ka tuam dingin a keta ahi; ahi, gou hoih tak ka luahta ahi.

16:7b.PSA.016.007 TOUPA, suangtuahsakpa, ka phat dinga: ahi, janchiang bangin ka lungsim honhilhpil jel hi.

16:8b.PSA.016.008 TOUPA tuh ka maah ka omsak gige a; ka taklama a om jiakin ka ling kei ding hi.

16:9b.PSA.016.009 Huaijiakin ka lungtang akipana, ka thupina a nuam hi: ka sa leng bit takin a om ding hi.

16:10b.PSA.016.010 Ka kha lah Sheol kiangah na nuse sin ngal keia: Na mi siangthou muatna mu dingin lah na phal sin sam kei hi.Nang hinna lampi non theisak dinga; na maah nuam dimletna a om hi; na khut taklamah khantawn kipahna ding a om hi.

16:11b.PSA.016.011 Nang hinna lampi non theisak dinga; na maah nuam dimletna a om hi; na khut taklamah khantawn kipahna ding a om hi.

17

17:1b.PSA.017.001 TOUPA aw, ka dikna thu ja inla, ka kikou husa ngaikhia inla; ka thumna, juauthu genhat muka pawt hi lou-ah, bil na doh in;

17:2b.PSA.017.002 Ka tungthu pukna tuh na ma akipana pawt hi henla; na mitin khentuam neih louhna en hen.

17:3b.PSA.017.003 Ka lungtang na enchian a; janin na hongpha a; non endikta a bangmah na mu het kei a; ka kamin a genkhial kei ding ka chi chiltel ahi;

17:4b.PSA.017.004 Mihing thilhih ah jaw, na muka thu pawt jiakin mihing ngongtat lampi-a pai lou dingin ka kikem hoih ahi;

17:5b.PSA.017.005 Ka kalsuanten na lampi tuh a tawn ziahziaha, ka khete a tal ngeikei hi.

17:6b.PSA.017.006 Pathian aw, ka honsam jela, nang lah non dawng dinga: kei lamah na bil hondoh inla, ka thugen ngaikhia in;

17:7b.PSA.017.007 Nangmaha ginna koih peuhmahte kianga, na khut taklama amau sualte hondam jelpa aw, na chitna lamdang kilang sakin.

17:8b.PSA.017.008 Mit laimu bangin honkem inla, na kha nuaiahte honbu sakin.

17:9b.PSA.017.009 Mi gilou-salou honhihsiaa, hondou-a honum kim lakah.

17:10b.PSA.017.010 Amaute tuh amau thau-a umin a om ua, a kam un kisathei takin thu a gen jel uhi;

17:11b.PSA.017.011 Tuin jaw ka kalsuanna peuhmah uah a honum suakta a, leia honhihpuk dingin a mitte khawng uh ka tunguah a tusak uhi;

17:12b.PSA.017.012 Amah tuh humpinelkai sa keih ut mahmah bang leh, humpinelkai lunlai mun dai peuha buk niloulouh bang lel ahi.

17:13b.PSA.017.013 TOUPA aw, thou inla, amah maituah pih inla, kun sakin: ka hinna tuh mi gilou-salou lakah na namsauin humbit inla.

17:14b.PSA.017.014 TOUPA aw, na khutin mihingte lakah, khovel mihingte lakah, humbitin; amau tuam jaw tu damsunga a neih uh ahi a, a gil uh na gouin na dimsak naknaka; tate lungkim hunt akin a nei ua, a sum zat val uh a tangekte uh a sihsan jel uhi.Ken jaw diktatna neiin na mel ka mu dinga; nangmah batna neia ka hah hun chiangin ka lungkim hun mahmah ding hi.

17:15b.PSA.017.015 Ken jaw diktatna neiin na mel ka mu dinga; nangmah batna neia ka hah hun chiangin ka lungkim hun mahmah ding hi.

18

18:1b.PSA.018.001 TOUPA, ka hatna aw, ka honit hi.

18:2b.PSA.018.002 TOUPA tuh ka suangpi leh ka kulhpi leh, honhumbitpa ahi; ka Pathian ka suangpi kip tak ahi a, amah ah ginna ka koih ding; ka phaw leh ka hotdamna ki leh, ka insang ahi;

18:3b.PSA.018.003 Phat tuak TOUPA ka sam dinga, huan hondoute lakah hotdamin ka om ding hi.

18:4b.PSA.018.004 Sihna khauhualten a hongaka, Pathian limsaklouhna tuikhangten honlau sak a;

18:5b.PSA.018.005 Sheol khauhualten a hongak suaka: sihna thangte ka kimvelin a om hi.

18:6b.PSA.018.006 Ka lungkhama TOUPA tuh ka sama, ka Pathian ka sam hi. Aman a biakin akipanin ka aw a ja a, a maa ka kikou husa tuh a bil ah a lutta hi.

18:7b.PSA.018.007 Huaitakin lei a linga, a kisat ta a, a heh jiakin tangte leng a kingakna nangawn toh a kisatin a lingta hi;

18:8b.PSA.018.008 A nak akipanin meikhu ajamtou lunglunga, a kama pawt meiin a kang juajua a, huaiin meihol leng a hihkuang phomphom hi.

18:9b.PSA.018.009 Aman tuh vante leng a kunsaka, a hoh sukta a; a khe nuaiah te khawng mial bikbek a hongom hi.

18:10b.PSA.018.010 Cherub tungah a tuanga, a lengta a, ahi, huih khuate-ah a leng vengveng hi.

18:11b.PSA.018.011 Mial tuh a bukna munah, amah umna buktain, a bawla; tuia mialna, vana meipite mah;

18:12b.PSA.018.012 A maa vakna jiakin a meipite athenga, gialte leh meiamte a ke toktok uhi.

18:13b.PSA.018.013 TOUPA tuh van tung khawngah a ging dodopa, Tungnungpenin a aw a suaksaka; gialte leh meiamte a ke toktok uhi.

18:14b.PSA.018.014 Huan, a thalte tuh a kap khia a, amau tuh a hihjakta hi; ahi, khua khawng a phe zolzol nilouha, ahihbuai vengvung hi.

18:15b.PSA.018.015 Huaitakin, TOUPA aw, na tai dinga, na naka hu pawtin a mut ek jiakin, tui luannate a hongkilanga, leilung kingaknate hihlatin a omta hi.

18:16b.PSA.018.016 Aman tuh tunglam akipanin a honsawka, honlena; tui tampi akipan honkai khia hi;

18:17b.PSA.018.017 Kei galhat tak lakah honhumbita, honhote lakah leng; kei dingin a hat lojen ngal ua;

18:18b.PSA.018.018 Amau tuh ka vangtah niin honsual ua, himahlen TOUPA ka ginpi pen ahi;

18:19b.PSA.018.019 Aman tuh mun awngthawl takah honpi khiaa; ka tunga a kipah jiakin honhumbit ta ahi.

18:20b.PSA.018.020 TOUPAN ka diktatdan bang ngeiin ka tungah a hiha; ka khutte a siangthoudan bang ngeiin a hondin ahi;

18:21b.PSA.018.021 TOUPA lampite ka tawna, ka Pathian kiang akipan gilou takin ka pai mang ngei ngal keia;

18:22b.PSA.018.022 A vaihawmna tengteng ka maah a om naka, a thu sehte tuh ka pai ngei ngal kei a;

18:23b.PSA.018.023 Amah lakah gensiatbei leng ka hi a, ka siatna akipan ka kihuikhe jel hi.

18:24b.PSA.018.024 Huaijiakin TOUPAN ka diktatdan bang jelin honna dinta a, ka khutte a mitmuha a sianthou bang jelin.

18:25b.PSA.018.025 Mihehpihthei takte lakah hehpihtheitakin na kihihlang dinga; mihoihkimte lakah hoihkimin na kihihlang dinga;

18:26b.PSA.018.026 Misiangthoute lakah siangthouin na kihihlang dinga; huan, genhakte lakah genhakin na kihihlang ding hi;

18:27b.PSA.018.027 Gimthuak mite hondam ding na hih ngala; mikisatheite bel na hihniam ding hi;

18:28b.PSA.018.028 Nang ka khawnvak na hondet sak ding ahi ngala: TOUPA ka Pathianin ka mialna a hihvak ding hi.

18:29b.PSA.018.029 Nang hon panpihin gal ka delh ngala; ka Pathian panpih mahin kulh dai ka tawmkan ahi.

18:30b.PSA.018.030 Pathian jaw, a lampi a hoihkima, TOUPA thu tuh etdik a hita hi; amaha ginna koih tengteng adingin amah tuh phaw ahi.

18:31b.PSA.018.031 TOUPA lou Pathian kua a oma ahia? I Pathian lou suangpi kua a oma ahia?

18:32b.PSA.018.032 Hatna hontengsakpa leh ka lampi hihhoihkimpa Pathian mah;

18:33b.PSA.018.033 Aman ka khe zukpi khe bangin a bawla, ka mun sangpi ahte khawng a honom sak hi;

18:34b.PSA.018.034 Ka khutte uh gal kap dingin a chila, huchiin ka banten leng dal thalpeu a lai zou hial hi.

18:35b.PSA.018.035 Nang na hotdamna phaw leng non piaa: na khut taklamin honkaia, na kingaihniamnain na honbawllianta hi.

18:36b.PSA.018.036 Ka nuaia ka kalsuanna na hihliana, huchiin ka khete a teu kei hi;

18:37b.PSA.018.037 Hondoute ka delh dinga, ka delh pha mai ding: hihmanthata a om masiah uh ka kihei kikta kei ding hi.

18:38b.PSA.018.038 A thoh nawn theihlouhna ding un ka sat tan dia: ka khe nuaiah a puk ding uhi;

18:39b.PSA.018.039 Nang kidouna adingin hatna ka taiah non tengsak ngala: honsualte tuh ka nuaiah na zouta hi.

18:40b.PSA.018.040 Honhote ka hihmangthat theihna dingin, nang hondoute tuh honnung lehngatsan dingin na omsakta hi.

18:41b.PSA.018.041 Amau tuh a kikou ua, himahleh hondampa ding kuamah a om kei uh: TOUPA mah tuh a sam ua, himahleh a dawng tuan kei hi.

18:42b.PSA.018.042 Huaitakin leivui huih mutleng bang mai in ka sat nena: kholak buannawi bangphetin ka pai kheta hi.

18:43b.PSA.018.043 Nang mite kilaina lakah non humbita; nam chih lutang dingin na honsiama, ka theih ngeilouh miten ka nek ka tak a bawlta ding uhi.

18:44b.PSA.018.044 Ka tanchin a jak tak un ka thu a mang ding ua; mikhualte ka kiangah a kipe ding uhi.

18:45b.PSA.018.045 Mikhualte a vul ding ua, a in sang ua kipanin ling kawmin a hongsuk ding uhi.

18:46b.PSA.018.046 TOUPA tuh a hing hi; ka suangpi tuh phatin om henla; honhondampa Pathian tuh pahtawiin om hen:

18:47b.PSA.018.047 Phu honlaksakpa leh, mi chih ka nuaia zoupa Pathian mahmah.

18:48b.PSA.018.048 Amah hondoute lakah honhonkhia a: ahi, nang kei honsualte tunglamah non domkanga: mi hiamgamte lak akipan na honhumbit jel hi.

18:49b.PSA.018.049 Huaijiakin, TOUPA aw, nam chih lakah kipahthu ka honhilh dinga, nang phatin la ka sa ding hi.Aman tuh hotdamna thupitak a kumpipa bawl kiangah a pejela; a thaunilhpa tungah, David leh a suante tung ngeiah, khantawnin a chitna a langsak ding hi.

18:50b.PSA.018.050 Aman tuh hotdamna thupitak a kumpipa bawl kiangah a pejela; a thaunilhpa tungah, David leh a suante tung ngeiah, khantawnin a chitna a langsak ding hi.

19

19:1b.PSA.019.001 Vanten Pathian thupidan a theisak ua; huihkhua lian takin a khutsuak a sulang hi.

19:2b.PSA.019.002 Sunin sun kiangah thu a gen sawn jela, janin jan kiangah theihna a sulang sawnsawn hi.

19:3b.PSA.019.003 Thugen himhim leh pau himhim a om keia; a aw uh bila jak theih ahi kei hi;

19:4b.PSA.019.004 A tehna khau uh leilung luah tengteng ah jam suaksakin a oma; a thu uh kawlmong phain a thang kheta hi. Huaite ah ni adingin puanin a jaka,

19:5b.PSA.019.005 Huai ni tuh mouneipa dinga dantan akipan pawt bang ahi a, mi hat tak bangin, a taina lampi-a a tai ding tuh nuam a sa naknak hi.

19:6b.PSA.019.006 A pawtna tuh kawlmong tawp akipanin ahi a, a tai kawina tuh a tawp lehlam tanin ahi a, a satdan theilou-a selguk himhim a om kei hi.

19:7b.PSA.019.007 TOUPA dan tuh a hoihkima, hinna a halhsak jel hi; TOUPA thutheihsak tuh a muanhuaia, mi mawl a pilsak jeljel hi.

19:8b.PSA.019.008 TOUPA thuzohna tuh a dika, lungtang a kipak sak naknak: TOUPA thupiak tuh a siangthou-a, mitte ahihvak naknak hi;

19:9b.PSA.019.009 TOUPA laudansiam tuh a sianga, khantawna dingin a om hi: TOUPA vaihawmnate tuh a taka, a kizen kimvel vek ahi.

19:10b.PSA.019.010 Huaite tuh dangkaeng sangin a deihhuai jaw ahi, ahi, dangkaeng siangthou tampi sangin leng: khuaiju leh khuaikhak sangin leng a khumjaw ahi.

19:11b.PSA.019.011 Huai lou leng huaitein na sikha tuh taihilhin ka om jel hi; huaite zuih tuh kipahman thupi tak neihna ahi jel hi.

19:12b.PSA.019.012 Kuan ahia amah diklouhnate theithei ding? Diklouhna kiselte lakah honhui khiain.

19:13b.PSA.019.013 Thil hihkhial teitei lou dingin na sikha honlen chinten inla; ka tungah amaute thunei sak ken! huchiin hoihin ka om dinga, tatlekna thupi tak lakah gensiat beiin ka om ding hi.TOUPA aw, ka suangpi leh hontanpa, ka kama thupawtte leh ka lungtanga ngaihtuahnate na mitmuhin kipahpihhuai hi hen.

19:14b.PSA.019.014 TOUPA aw, ka suangpi leh hontanpa, ka kama thupawtte leh ka lungtanga ngaihtuahnate na mitmuhin kipahpihhuai hi hen.

20

20:1b.PSA.020.001 Mangbat niin TOUPAN hondawng hen! Jakob Pathian minin hon liahkhuh hen!

20:2b.PSA.020.002 Mun siangthou akipanin panpihna honsawlsak henla, Zion akipanin honhihhat hen!

20:3b.PSA.020.003 Na thillat tengteng tuh theigige henla, na halmang thillat tuh kipahpih hen! Selah.

20:4b.PSA.020.004 Na lungtang deihlam honpia henla, na lunggel tengteng honlohchingsak hen.

20:5b.PSA.020.005 Na hotdamna ah nuamin la ka sa ding ua, ka Pathian min un ka puanjakte uh ka jak lai ding uh! TOUPAN na ngetna tengteng honlohchingsak hen!

20:6b.PSA.020.006 TOUPAN a thaunilh tuh a hondam chih tuin ka theita; a khut taklam hotdamna thain a van siangthou akipanin amah a hondawng ding hi.

20:7b.PSA.020.007 Khenkhatin kangtalaite a muang ua, khenkhatin sakolte a muang uhi: En jaw TOUPA i Pathian min I lou zo ding uhi.

20:8b.PSA.020.008 Amau jaw a kun ua, a pukta ua; ei jaw I thou ua, I ding tang zota hi.TOUPA, hondamin: i sap chiangin Kumpipan hondawng hen.

20:9b.PSA.020.009 TOUPA, hondamin: i sap chiangin Kumpipan hondawng hen.

21

21:1b.PSA.021.001 TOUPA aw, kumpipa tuh na hatna ah a nuam dinga, na hotdamna ah nuamsa na zoujen inchia!

21:2b.PSA.021.002 A lungtang deihlam lah na pia a, a muka a thil nget lah na phal lou kei hi. Selah.

21:3b.PSA.021.003 Hoihnaa vualzohnatein na dawn ngala: dangkaeng siangthou lallukhu na khusak hi.

21:4b.PSA.021.004 Aman tuh hinna hon ngena, na piaa khantawn khawtawna damna.

21:5b.PSA.021.005 Na hotdamna ah a thupina a lian mahmah ahi: pahtawina leh thupina tungah na nga jel hi.

21:6b.PSA.021.006 Khantawna dingin vualjawlna liantak muin na bawl ngala: Na ma a nopsaknain na kipak sak hi.

21:7b.PSA.021.007 Kumpipan TOUPA tuh a muang ngala, tungnungpen chitna jiakin a ling kei ding hi.

21:8b.PSA.021.008 Na khutin nang hondoute tengteng tuh a zongkhe vek dinga: na khut taklamin nang hondoute a zongkhe ding hi.

21:9b.PSA.021.009 Na heh hun chiangin amau tuh haltuina mei kuang lutlut bangin na bawl ding. TOUPAN amau tuh hehin a valh khin dinga, meiin a kang mang mai ding hi.

21:10b.PSA.021.010 A gahte uh lei akipan na hihmang dinga, a suante uh tuh mihing tate lak akipanin na hihmang behlap ding hi.

21:11b.PSA.021.011 Na tungah thil gilou hih a tum ngal ua; thil gilou a ngaihtuah khia ua, a hihtangtung thei ngal kei uhi.

21:12b.PSA.021.012 Nang amau tuh na kihei sak dek ngala, na thalpeu khaute tuh a maitang uah laisain na bawl ding hi.TOUPA aw, na hatnaah pahtawiin hongomin: huchiin na thilhihtheihna phatin la ka sa ding uhi.

21:13b.PSA.021.013 TOUPA aw, na hatnaah pahtawiin hongomin: huchiin na thilhihtheihna phatin la ka sa ding uhi.

22

22:1b.PSA.022.001 Ka Pathian, ka Pathian, bangachia honpaisan? Bangachia honpanpih dinga na gamlat mahmaha, ka thumna thute akipana na gamlat?

22:2b.PSA.022.002 Ka Pathian aw, sunin ka kikou-a, himahleh na dawng tuan keia; janin leng ka kikou-a, ka dai tuan kei hi.

22:3b.PSA.022.003 Himahleh, nang Israelte phatnaa tengpa aw, nang jaw na siangthou hi.

22:4b.PSA.022.004 Ka pipute uh nang honna muang ua: a muang ua, huchiin nang na humbit jel hi.

22:5b.PSA.022.005 Nang honsam ua, huchiin, humbitin a om jel ua: honmuang ua, huchiin zahlakin a om ngeikei uhi.

22:6b.PSA.022.006 Kei jaw mihing himhim ka hi keia, tangtel phet ka hi a; mihingte gensiat leh mite muhsit ka hi.

22:7b.PSA.022.007 A honmu peuhin honnuihsan ua, a muk uh a lawksak ua, a lu uh a sing uh;

22:8b.PSA.022.008 TOUPA muang hi ven, aman amah humbit leh ake: a tunga a kipah jiakin humbit leh ake, a chi ua.

22:9b.PSA.022.009 Nang tuh sul akipana honlakhepa na hi a: ka nu nawi tunga ka om laiin nang non gingta sakta hi.

22:10b.PSA.022.010 Sul akipan himin nangmah tungah ngak ka nahi a: nang tuh ka nu gilsung himah ka Pathian na hi hi.

22:11b.PSA.022.011 Hon gamlat mahmah ken; mangbatna ding anai ngala; panpihpa ding himhim a om tuan kei hi.

22:12b.PSA.022.012 Bawngtal tampiin honum suak ua: Basan gama bawngtal hat takten hon um suak dedup uhi;

22:13b.PSA.022.013 Humpineilkai duhgawl humham hat bangin a kam un honkamkat khum uhi.

22:14b.PSA.022.014 Tui banga buak khiakin ka oma, ka guh tengteng leng a kilawi hi; ka lungtang tuh khuainun bang ahia, ka gil lakah a zul khinta hi;

22:15b.PSA.022.015 Ka tha tuh belpei bangin a keu khina; ka lei leng ka dangtawngah a belh bikbeka; nang sihna leivuiah nonpi lutta hi.

22:16b.PSA.022.016 Uiten a honum suak ngal ua: thil hoihlou hih omkhawmten hon um bit ua; ka khut leh ka khete a vut uhi.

22:17b.PSA.022.017 Ka guh tengteng ka sim theia; amau lah honenin hon ensal ua;

22:18b.PSA.022.018 Ka puansilhte a kihawm ua, ka puannak dingin ai a san uhi.

22:19b.PSA.022.019 Nang bel, TOUPA aw, hon-gamlat mahmah ken! hon Hihhatpa aw, honpanpih dingin hongkin in!

22:20b.PSA.022.020 Ka hinna tuh namsau lakah humbit inla; ka neih sun pentak tuh ui thilhihtheihna lakah humbit in!

22:21b.PSA.022.021 Humpinelkai kam akipanin hon hondam inla; ahi, gam bawngtal ki akipanin ka kha hondam in!

22:22b.PSA.022.022 Ka uanaute kiangah na min ka hilh dinga: kikhawmte lakah ka honphat ding hi;

22:23b.PSA.022.023 TOUPA laudansiamte aw, amah phat un! Jakob suan teng teng aw, amah pahtawi un: Israel suan tengteng aw, amah kihta un:

22:24b.PSA.022.024 Aman gimthuakmi gimdan a musit ngal keia, a kih sam kei hi; a mai lah a lakah a sel kei hi; amah a sapin a ngaikhe jaw hi.

22:25b.PSA.022.025 Kikhopna thupitaka ka honphat jelna jaw nang maha ahi: amah laudan siamte maah ka thuchiam ka tangtun ding hi.

22:26b.PSA.022.026 Thunuailutten a ne ding ua, a tai ding uh: amah zongten TOUPA a phat ding uh: na lungtang uh khantawnin hingin om hen!

22:27b.PSA.022.027 Kawlmong mi tengteng in leng a thei nawn ding ua, TOUPA lam a ngata ding uh: nam chiha chi chih na maah a kun ding uhi.

22:28b.PSA.022.028 Gam tuh TOUPAA ahi a, nam chih tunga vaihawmpa ahi ngala.

22:29b.PSA.022.029 Leia mi neizou tengtengten a ne un chibai a buk ding ua; leivui dia paisuak ding tengteng tuh a maah a hongkun ding uh, amau hinna hingsak gige theiloute.

22:30b.PSA.022.030 Chi suanin amah nek leh tak a a bawl dinga; khangthak hongom nawnte kiangah TOUPA tanchin a hilh ding ua;A hongpai ding ua, nam hongpawt ding kiangah, A hihkhinta, chiin, a diktatdan a hontheisak ding uh.

22:31b.PSA.022.031 A hongpai ding ua, nam hongpawt ding kiangah, A hihkhinta, chiin, a diktatdan a hontheisak ding uh.

23

23:1b.PSA.023.001 TOUPA tuh honchingpa ahi a; ka tasam kei ding hi:

23:2b.PSA.023.002 Aman loupa hingnou mitmet munah honkhual sak jela: khawlna tui gei peuh ah a honpi jel hi;

23:3b.PSA.023.003 Ka hinna a hon bawlhoih sak jela, amah min jiakin diktatna lampi ah honpi jel hi.

23:4b.PSA.023.004 A hi, sihna lim guam tawn mahleng, gilou himhim ka lau kei ding; khetbuk leh na chiangin hon khamuan jel hi.

23:5b.PSA.023.005 Hondoute mitmuhin ka maah dohkan na bawlkhol a: ka lutang thau na hilhkhina, ka nou a dimlet hi.Pellou in hoihna leh chitna in ka damsung tengin honjui jel dinga; huchiin TOUPA inn ah khantawin ka om nilouhta ding hi.

23:6b.PSA.023.006 Pellou in hoihna leh chitna in ka damsung tengin honjui jel dinga; huchiin TOUPA inn ah khantawin ka om nilouhta ding hi.

24

24:1b.PSA.024.001 Leitung leh a sunga thil om tengteng TOUPA-a ahi a; khovel leh a suanga tengteng toh;

24:2b.PSA.024.002 Tuipi tungah amah muhkhiak ahi ngala, luipi tungah leng a hihkip ahi.

24:3b.PSA.024.003 TOUPA tang ah kua a paitou ding, a mun siangthou ah kua a ding ding?

24:4b.PSA.024.004 Khut siang leh lungtang siangthou nei a, a lungsim thuhimlou lama koih ngeiloua, khem tuma kichiam ngeilou mi.

24:5b.PSA.024.005 Aman tuh TOUPA kiang akipan vualjawlna a mu dinga, a hondampa Pathian kiang akipan diktanna leng a mu ding hi.

24:6b.PSA.024.006 Huai tuh amah zongmi suan ahi. Jakob Pathian aw, na mel zongte mah. Selah.

24:7b.PSA.024.007 Kongpite aw, na lu tung uh sangsak un: nou khantawn kongkhakte aw, kikhai sang un! huchia thupina Kumpipa honglut theihna dingin.

24:8b.PSA.024.008 Thupina Kumpipa kua ahia? TOUPA hat tak leh thilhihthei tak, TOUPA, kidounaa thilhihthei tak, a hi!

24:9b.PSA.024.009 Kongpite aw, na lu tung uh sangsak unla, ahi, khantawn kongkhakte aw, kikhai sang un! huchia thupina Kumpipa honglut theihna dingin.Tua thupina Kumpipa kua ahia? Sepaihte TOUPA, amah mah tuh thupina Kumpipa ahi. Selah.

24:10b.PSA.024.010 Tua thupina Kumpipa kua ahia? Sepaihte TOUPA, amah mah tuh thupina Kumpipa ahi. Selah.

25

25:1b.PSA.025.001 TOUPA aw, ka lungsim na kiangah ka koih den jela.

25:2b.PSA.025.002 Ka Pathian aw, nang ka honmuang hi, zahlakin honomsak kenla; hondoute honzoh phal ken.

25:3b.PSA.025.003 A hi, nang honngak himhim kuamah zahlakin a om kei ding uh. A jiak om lou-a lepchiah taka gamtate jaw zahlakin a om ding uh.

25:4b.PSA.025.004 TOUPA aw, na lampite hontheisak inla; na lamtate tanchin honhilhin.

25:5b.PSA.025.005 Na thutak ah hopi inla, hon hilhin. Nang hon hondampa Pathian na hi ngala: nitumin kon ngak nilouh hi.

25:6b.PSA.025.006 TOUPA aw, na lainatna leh na chitnate theigige in; tuma a na om tawntung sa ahi ngala.

25:7b.PSA.025.007 Ka valnou lai khelhnate leh ka tatleknate theigige kenla; TOUPA aw: na hoihna jiakin, na chitna bang jelin hontheigige in.

25:8b.PSA.025.008 TOUPA jaw a hoih in a dik ahi: huai jiakin mi khialte lampi a musak ding hi.

25:9b.PSA.025.009 Thunuailutte tuh vaihawmna dikah a pi dinga: thunuailutte tuh amah lampi tanchin leng a hilh ding hi.

25:10b.PSA.025.010 A thukhun leh a thutheihsakte juite adingin TOUPA lampi tengteng tuh chitna leh thutak ahi.

25:11b.PSA.025.011 TOUPA aw, na min jiakin ka thu limlouhna ngaidamin, thupi tak ahi ngala.

25:12b.PSA.025.012 TOUPA laudan siam mi kua ahia? Huai mi tuh a lampi tel ding a musak ding hi.

25:13b.PSA.025.013 A hinna tuh nuamsatakin a om ding; a suanten gam tuh a luah ding uhi.

25:14b.PSA.025.014 TOUPA thuguk amah laudansiamte kiangah a om, a thukhun tuh amaute a theisak ding hi.

25:15b.PSA.025.015 Ka mitin TOUPA lam a en gige a: aman ka khete len akipanin a lakhe ding ahi ngala.

25:16b.PSA.025.016 Kei lam hongnga inla, honhehpihin; chim leh haksatakin ka om ngala.

25:17b.PSA.025.017 Ka lungtang buainate a hongthupita a; ka mangbatna akipan honpi khiain aw.

25:18b.PSA.025.018 Ka haksatna leh ka thuakdan ngaihtuah inla, ka khelhna tengteng ngaidamin.

25:19b.PSA.025.019 Hondoute ngaihtuah dih, tampi ahi ua: nakpi petmahin a honhua behlap uhi.

25:20b.PSA.025.020 Ka hinna vom hoih inla, hon humbit in aw: zahlakin honomsak kenla, nang ah ka ginna ka koih ngala.

25:21b.PSA.025.021 Ka lungsim hoihna leh ka diknain honhumbitin. Ka honngak nilouh ngala.Pathian aw, Israelte a mangbatna tengteng ua kipan tankhia in.

25:22b.PSA.025.022 Pathian aw, Israelte a mangbatna tengteng ua kipan tankhia in.

26

26:1b.PSA.026.001 TOUPA aw, vai hon hawmsakin, lungsim hoihtak puiin ka om ngala, ginglah louin leng ka muang hi.

26:2b.PSA.026.002 TOUPA aw, hon enchianin honsin inla; ka lungsim leh ka lungtang hihsiangthou in.

26:3b.PSA.026.003 Na chitna ka maah a om ngala, na thutak ah ka om jel sam hi.

26:4b.PSA.026.004 Mi bangmahlou phette kiangah ka tu ngeikeia; lepchiahte kiangah leng ka lut sam kei ding hi.

26:5b.PSA.026.005 Thil hoihlou hihte kikhawmte tuh ka mudaha, mi gilousaloute kiangah ka ut kei ding.

26:6b.PSA.026.006 Ka khutte gensiat beinain ka sil dinga, huchibangin, TOUPA aw, na maitam ka vel ding hi:

26:7b.PSA.026.007 Kipahthu genna ka hihging theiha, na thil lamdang hih tengteng thute ka hilh theihna dingin.

26:8b.PSA.026.008 TOUPA, na omna in ka ita, na thupina omna leng.

26:9b.PSA.026.009 Ka hinna mi khialte lakah lakhawm kenla, ka hinna leng sisan suahhatte lakah lakhawm sam ken.

26:10b.PSA.026.010 A khut uah ngaihtuah gilou a oma, a khut taklam uh golhnain a dim hi.

26:11b.PSA.026.011 Himahleh kei jaw lungsim hoih puiin ka om ding: hontan inla, honhehpihin.Ka khe mun tam takah a dinga; kikhopna bangah TOUPA a phat ding hi.

26:12b.PSA.026.012 Ka khe mun tam takah a dinga; kikhopna bangah TOUPA a phat ding hi.

27

27:1b.PSA.027.001 TOUPA ka vakna leh honhondampa ahi; kua ka lau dia? TOUPA ka hinna insang ahi: kua ka kihta dia?

27:2b.PSA.027.002 Thil hoihlou hihte, hondoute leh ka melmaten, ka sa nek tuma honsual lai un, a kisui ua, a puk chiat uh.

27:3b.PSA.027.003 Sepaih pawlten honsual tumin hon-giahkhum mahle uh ka lungtangin a kihta kei ding; ka tungah kidouna hongsuak mahleh, huchi piin leng ka gingta chinten ding hi.

27:4b.PSA.027.004 TOUPA kiangah thil khat ka ngena, huai mahmah ka zong ding; TOUPA kilawmdan mu ding leh, a biakinn a thu dong dingin ka damsung tenga TOUPA inn a ka om gige theihna dingin.

27:5b.PSA.027.005 Mangbat niin a bukta ah hon koihkhian ding ahi ngala, a humbitna puanin ah honsel dinga; suangpi tungah honkha kai ding hi.

27:6b.PSA.027.006 Tunah hondoute, honumsuakte tunglamah ka lu dopkangin a om ding; huchiin, a puanin ah nuam na kithoihnate ka lan dinga; la kasa ding.

27:7b.PSA.027.007 TOUPA aw, ka aw-a ka honsap leh ngaikhia inla; honhehpih inla, dawn leng hondawngin.

27:8b.PSA.027.008 Ka mel zong un, chi-a na gen laiin, ka lungtangin na kiang ah, TOUPA. Na mel ka zong ding, kachi a.

27:9b.PSA.027.009 Ka lakah na mai sel kenla; na sikha heh in hih mang ken, nang jaw hon panpihpa na hi gige a; hon hondampa Pathian aw, hon paikhe kenla hon paisan het ken.

27:10b.PSA.027.010 Ka nu leh ka pan honpai santa ngal ua, hihmahleh TOUPAN honpom lai ding.

27:11b.PSA.027.011 TOUPA aw, na lampi hon ensak inla; ka melma te jiakin lampi phei mahmah ah honpiin.

27:12b.PSA.027.012 Hondoute ut-uta hih dingin honpe mahmah ken; theipih diklouten hon sual ua, nunsiat thu sekhe nakten.

27:13b.PSA.027.013 Mi hing gamah TOUPA hoihna muh kigingta keileng ka bahta ding hi.TOUPA ngak nilouhin; hat takin om inla, na lungtang kihih hangin; ahi, TOUPA ngak nilouh in.

27:14b.PSA.027.014 TOUPA ngak nilouhin; hat takin om inla, na lungtang kihih hangin; ahi, TOUPA ngak nilouh in.

28

28:1b.PSA.028.001 TOUPA aw, honsam ding hi ing; ka suangpi, kei lamah na bil ngongsak ken: huchilou injaw; nang nondaih san leh, kokhuka lutsukte bang lelin ka hongom kha ding hi.

28:2b.PSA.028.002 Kon sapa, ka khutte na biakna mun siangthou lama ka jaak leh, hehpih ka ngetna awte ngaikhiain.

28:3b.PSA.028.003 Mi gilou-salou lakah leh thilhihkhialte lakah honkai mang khawm ken; huaiten a invengte u kiangah lemna thu a gen vak na ua, himahleh a lungtang uahte thilhihkhelhna a theh ngal ua.

28:4b.PSA.028.004 A thilhih bang zel un leh, a thilhihte gitlouh bangdan jelin thuk inla a khut ua a nasep bang jelin thuk inla; a gitlouh man uh mu sakin.

28:5b.PSA.028.005 TOUPA nasepte leh a khuta a thilhih tuh a limsak louh jiak un aman amau bawlhoih louin a hihse ding hi.

28:6b.PSA.028.006 Hehpih ka ngetna awte a ngaihkhiak jiakin TOUPA phatin om hen.

28:7b.PSA.028.007 TOUPA tuh ka hatna leh ka phaw ahi a; ka lungtangin amah a muang; huchiin huhin ka om hi; huaijiakin ka lungtang nakpi takin a nuama; ka lain amah ka phat ding hi.

28:8b.PSA.028.008 TOUPA tuh a hatna uh ahi a, a thaunilh adingin hotdamna insang ahi.Na mite hondam inla, na gouluah ding tuh vualjawl-in: amaute vak inla, khantawnin pom in.

28:9b.PSA.028.009 Na mite hondam inla, na gouluah ding tuh vualjawl-in: amaute vak inla, khantawnin pom in.

29

29:1b.PSA.029.001 Mi thilhihtheitak tate aw, TOUPA kiangah pia unla, TOUPA kiangah thupina leh hatna pia un.

29:2b.PSA.029.002 TOUPA kiangah a min thupina pia unla; siangthou kilawmna silhin TOUPA chibai buk un.

29:3b.PSA.029.003 TOUPA aw tuh tui tungahte a ginga: thupina Pathian tuh a hongging doldola, TOUPA mah tuh tui tampi tungah a hongging hi.

29:4b.PSA.029.004 TOUPA aw tuh thilhihtheitak ahi a; TOUPA aw tuh thupi tak ahi.

29:5b.PSA.029.005 TOUPA awin sidar singte a hihtan dinga; ahi, TOUPAN Lebanon tanga sidar singte a hihtan lemlum jel hi.

29:6b.PSA.029.006 Bawngnou bangin amaute a diang saka: Lebanon leh Sirion tangte tuh gam bawngtalnou bang main.

29:7b.PSA.029.007 TOUPA awin meikuangte a phelh jel.

29:8b.PSA.029.008 TOUPA awin gamdai sing a linga: TOUPA Kades gamdai a lingsak jel hi.

29:9b.PSA.029.009 TOUPA awin zukpite bang nou a se saka, gammang singnahte khawng a nuai keu vek hi; a biakin ah thil bangkim, A thupi e, a chi chiat jel uhi.

29:10b.PSA.029.010 TOUPA tuh Tuichim laiin kumpipain a tu-a, ahi, TOUPA tuh khantawn adingin kumpipa dingin a tu ahi.TOUPAN a mite kiangah hatna a pe dinga, TOUPAN a mite khamuannain vual a jawl ding hi.

29:11b.PSA.029.011 TOUPAN a mite kiangah hatna a pe dinga, TOUPAN a mite khamuannain vual a jawl ding hi.

30

30:1b.PSA.030.001 TOUPA aw, kon pahtawi dinga; nang non kaikhiaa hondoute non awikhum sak louh jiakin.

30:2b.PSA.030.002 TOUPA ka Pathian aw, kon sama, nang na honhihdamta hi.

30:3b.PSA.030.003 TOUPA aw, nang ka hinna Sheol akipan na pi khia a; kokhuka ka paisuk louhnadingin nang na honhum hing jel hi.

30:4b.PSA.030.004 A mi siangthoute aw, TOUPA phatin lasa unla, a min siangthou phat un.

30:5b.PSA.030.005 A hehna tuh mitphiatkal phet ahi ngala; a deihsakna ah hinna a om hi; kahna giak dingin nitaklam chiah a honglut theia, jingsangin bel nuamna a hongtung nak hi.

30:6b.PSA.030.006 Ken jaw nuam ka sak laiin, Chikmah chiangin ka ling kei ding, ka chi a.

30:7b.PSA.030.007 TOUPA nang na deihsakna jiakin ka mual tuh na ding kipsak ta a; himahleh na mai na sela, ka hong mangbangta hi.

30:8b.PSA.030.008 TOUPA aw, nang kon sama; TOUPA kiang mahah hehpihna ka ngen hi:

30:9b.PSA.030.009 Kokhuka ka paisuk leh, ka sisan ah punna bang ahia om ding! Leivuiin honphat ding hia? na thutak a gen sin maw?

30:10b.PSA.030.010 TOUPA aw, ngaikhia inla, hon hehpihin: TOUPA, nang honpanpihpa hiin.

30:11b.PSA.030.011 Ka sunna kei dingin lamna na suak saka; ka saiip puan non suahsaka, kipahna nontengsak hi.Ka thupina dai nilouh lou-a, nangmah phata la a sakna dingin TOUPA ka Pathian aw, khantawnin kipahthu ka honhilh gige ding hi.

30:12b.PSA.030.012 Ka thupina dai nilouh lou-a, nangmah phata la a sakna dingin TOUPA ka Pathian aw, khantawnin kipahthu ka honhilh gige ding hi.

31

31:1b.PSA.031.001 Toupa aw, nangmah ah ka ginna ka koih jela; chickmah chiangin leng zahlakin hon omsak kenla: na diktatna jiakin honhumbit in.

31:2b.PSA.031.002 Kei lamah na bil hondoh inla; honhumbit menin: kei dingin suangpi kiptak, hon hondamna dingin bitna in’ hong hi in.

31:3b.PSA.031.003 Nang tuh ka suangpi leh ka kulhpi nahi ngala; huaijiakin na min jiakin hon piin hon kaiin.

31:4b.PSA.031.004 Ka awkna dinga aguka len a phah lak uah honkai khiain; nang ka insang na hi ngala.

31:5b.PSA.031.005 Na khut ah ka kha kon kemsak hi: Toupa aw, thutak Pathian, nang non tanta hi.

31:6b.PSA.031.006 Thil bangpeuh ginalou peuh ngaihtuahte tuh ka hua a; ken bel Toupa ka kamuang ahi.

31:7b.PSA.031.007 Na chitna jiakin ka nuamin ka kipak dinga; ka mangbatna na mu gige ngala; ka hinna a mangbat laiin leng na theigige hi.

31:8b.PSA.031.008 Huan, hondoumi khut ah nang non khumta keia; ka khe mun awng thawl takah na nga zota hi.

31:9b.PSA.031.009 Toupa aw, honhehpihin, mangbangin ka om ngala; ka mit lungkham na jiakin a se huaihuai ahi, ka hinna leh ka pumpi nangawn.

31:10b.PSA.031.010 Ka damsung lungkhamna in a mangbangta ngeia, ka kumte thum na in a beita hi: ka thulimlouhna jiakin ka tha a jaw a, ka guhte leng a segawp hi.

31:11b.PSA.031.011 Hondoute jiakin ka min a hong seta a, ahi ka vengte lakah nakpi in a seta hi, ka meltheihte a dingin leng kihtakhuaipi ka hita hi: kho laka hon muten lah hon taisan ta ngal ua.

31:12b.PSA.031.012 Misi a mangngilh bangtak un mangngilh in ka om a: bel kitam bang lel ka hita hi.

31:13b.PSA.031.013 Mi tampi hon hekna ka za ngala, ka kima kihtakhuai om tuh hon sawm khawm lai un, ka hinna hon laksak a tum uhi.

31:14b.PSA.031.014 Himahleh, Toupa aw, ka hon muanga: ka Pathian nahi ka chi a.

31:15b.PSA.031.015 Ka hunte na khut ah a oma, hondoute khut a kipan leh hon sim mohte lakah honhumbit in.

31:16b.PSA.031.016 Na melin na sikha hon sunvak in; na chitna jiakin hon hondam in.

31:17b.PSA.031.017 Toupa aw, zahlakin hon omsak ken; kon sam ngala: mi gilousalou zahlak in om uhen la, Sheol ah dai dinden in om uhen.

31:18b.PSA.031.018 Muk juautheite pau theilou in om uhen; huaiten tuh kisathei leh musit kawmin pau taltakin mi diktat te a gense jel uhi.

31:19b.PSA.031.019 Na hoihna, nangmah laudamsiamte a dingin na kholkhawm tuh thupi natel e aw! Mihing tate mitmuha muanna koihte a dinga na hih sak pen tak.

31:20b.PSA.031.020 Amau tuh mihing omna lakah na humbitna mitmuh in na selgu dinga: lei selhatna lakah bukta ah na koih gu ding hi.

31:21b.PSA.031.021 Toupa phatin om hen: a chitdan lamdang tak tuh khopi kiptak ah a hon musak ngala.

31:22b.PSA.031.022 Kei lah, ka hamhaih in, Na itmuh a kipan paih mangin ka omta, ka na chi maimah a; himahleh ka hon sapa hehpihna kon ngetna awte nana za ngala.

31:23b.PSA.031.023 A mi siangthou tengtengte aw, Toupa it un: Toupan mi ginom a humbit a, kisatheitaka gamta tuh nakpi tkain a thuk jel hi.Toupa lamen tengtengte aw, hattakin om unla, na lungtang uh hangsak un.

31:24b.PSA.031.024 Toupa lamen tengtengte aw, hattakin om unla, na lungtang uh hangsak un.

32

32:1b.PSA.032.001 A tatlekna ngaihdam a om a, a khelhna khuh a om in, nuam a sa hi.

32:2b.PSA.032.002 Mi, Toupan thulimlouhna neia a seh louha, a kha a zekhemna him him om lou in nuam a sa hi.

32:3b.PSA.032.003 Ka khelhna ka gen khiak louh laiin, nitum a ka mau nilouhna in ka guhte a tatkhin vekta hi.

32:4b.PSA.032.004 Sun leh jan in na khutin non delh ngala: ka tui nawnna leng, khal nisa in thil ahih lamdang bangin, a hong lamdang hialta hi. Selah.

32:5b.PSA.032.005 Ka khelhna na kiang ah ka kithan a, ka thulimlouhna ka imta kei hi, Ka tatlekna Toupa kiangah ka pulak dinga, ka chi a; huchiin ka khelh thulimlouhna tuh na ngaidamta hi. Selah.

32:6b.PSA.032.006 Huaijiakin, Pathian limsak mi chihin zon muh baihlama na om laiin na kiangah thum chiat uhen; tui liante a honglet hun chiangin amau tuh a pha zou kei ding hi.

32:7b.PSA.032.007 Nang tuh ka bukna mun na hi a: nang mangbatna lakah non hum bit ding hi; humbitna late in non umsuak sak ding. Selah.

32:8b.PSA.032.008 Na paina ah ka hon hilh pil dia, ka honchil ding: ka mit a hon en gige kawmin ka hon suangtuahsak jel ding hi.

32:9b.PSA.032.009 Ngaihtuahna neilou sakol hiam, sabengtung hiam bang in om kenla: tuate vante tuh let kipna dinga sikbah leh kaihkhawlna khau ahi a, huchilouin na kiang naiah a hoingpai kei ding uhi.

32:10b.PSA.032.010 Mi gilou-salou a dingin lungkhamna tampi a om ding: Toupa muang bel chitna in a umsuak zo ding hi.Mi diktatte aw, Toupa ah nuam in kipak unla: lungtang diktak pu tengteng aw, nuamin kikou un.

32:11b.PSA.032.011 Mi diktatte aw, Toupa ah nuam in kipak unla: lungtang diktak pu tengteng aw, nuamin kikou un.

33

33:1b.PSA.033.001 Mi diktatte aw, Toupa ah nuamin lasa un: midik adingin Pathian phat a kilawm him ahi.

33:2b.PSA.033.002 Kaihgingin Toupa kiangah kipahthu gen unla; pekging gui sawm neiin amah phat in lasa un.

33:3b.PSA.033.003 Amah pahtawiin la thak sa unla; husa thupi toh siamtak in tum un.

33:4b.PSA.033.004 Toupa thu a dika; a thilhih tengteng muanhuai taka hih ahi ngala.

33:5b.PSA.033.005 Diktatna leh vaihawmna dik a it naknaka; leitung Toupa chitnain a dim hi.

33:6b.PSA.033.006 Toupa thuin vante siam ahi a; huaia omte tengteng leng a kama hu a siam ahi uhi.

33:7b.PSA.033.007 Aman tuipi tuite bangkhat koih khawm bangin a bawl khawma: tui thukpi te tuh koihkhawmna in ah te khawng a koih hoih jel hi.

33:8b.PSA.033.008 Leitungluah tengteng in Toupa laudan siam henla; khovela om tengteng amah lauin om uhen.

33:9b.PSA.033.009 Aman a gen a, a hong omta a; thu a pia a, a hong om kipta ngala.

33:10b.PSA.033.010 Toupan namchih lunggelna tuh bangmahlou in a om saka: mi chih ngaihtuahna te tuh bangmah phattuamna neilou in a siam hi.

33:11b.PSA.033.011 Toupa lunggelna bel khantawnin a om kip dinga, a lungtanga ngaihtuahte khang tengteng tanin a om kip ding hi.

33:12b.PSA.033.012 Toupa Pathin nei nam tuh a hampha uhi; amah gouluah dia a tel mite mah.

33:13b.PSA.033.013 Toupan van a kipan in en a; mihing tate tengteng a mu naknak.

33:14b.PSA.033.014 Lei a om tengteng a omna mun a kipanin a hon en jel hi.

33:15b.PSA.033.015 Amaute tengteng lungtang sekpan a thilhih tengteng uh a enkhia hi.

33:16b.PSA.033.016 Kumpipa himhim sepaih tam jiak lela humbit ahi ngeikei: mihat thahat jiak lela tatkhiak ahi sam kei.

33:17b.PSA.033.017 Bitna dingin sakol bangmah ahi kei: a hat mahmah jiak lelin kuamah a humbit tuan kei ding hi.

33:18b.PSA.033.018 Ngai dih, Toupa mit tuh amah laudan siamte tungah a tu gige a, a chitna lam ente tungah.

33:19b.PSA.033.019 A hinna uh sihna laka humbit ding leh kial tun a amau tunghing dingin.

33:20b.PSA.033.020 I hinna in Toupa a ngak nilouha; amah hon panpihpa leh i phaw uh ahi.

33:21b.PSA.033.021 Amah ah i lungtang a nuam ding ahi, a min siangthou i muan jiak in.Toupa aw, na chitna tuh ka tunguah om hen, kon lamet bang jel un.

33:22b.PSA.033.022 Toupa aw, na chitna tuh ka tunguah om hen, kon lamet bang jel un.

34

34:1b.PSA.034.001 Chiklai peuhin leng Toupa tuh ka phat dinga: amah phatna ka kam ah a pawt gige ding hi.

34:2b.PSA.034.002 Ka hinna in Toupa a suang dinga: thunuailutten huai a za ding ua, a kipak ding uhi.

34:3b.PSA.034.003 Aw, Toupa hon phatpih unla, a min pahtawi chiat ni.

34:4b.PSA.034.004 Toupa ka zonga huan aman hon dawnga, ka kihtaklam peuhmah lakah a hon humbit ahi.

34:5b.PSA.034.005 Amah a en ua, huan, a hong vakta uhi; a melte uh chikmah in a zum kei ding.

34:6b.PSA.034.006 Hiai mi genthei a kikou a, huan Toupan a ja a, a mangbatna tengtengah a honkhe ta hi.

34:7b.PSA.034.007 Amah laudansiamte tuh, a kim a vel uah Toupa angelin a om khuma, a humbit jel.

34:8b.PSA.034.008 Aw, Toupa hoihdan chiam him dih ua: amaha muanna koih mi a hampha hi.

34:9b.PSA.034.009 A mi siangthoute aw, Toupa laudansiam un: amah laudansiamte a ding in taksapna himhim a om louh jiak in.

34:10b.PSA.034.010 Humpinelkai lunlaite tuh a tasam un a gilkial naknak uhi: Toupa zongte jaw thil hoih himhim a tasam kei ding uhi.

34:11b.PSA.034.011 Kisa un, naupangte, ka thu ngaikhia un: Toupa laudan ka honhilh ding hi.

34:12b.PSA.034.012 Hoihna a muh theihna ding un, hinna deiha damsawt ut mi kua ahia!

34:13b.PSA.034.013 Na lei tuh gilou lakah veng hoih inla, na muk tuh khemna thu genlou dingin veng hoih in.

34:14b.PSA.034.014 Gilou paisan inla, thilhoih hih in; lemna zong inla, a delhin delh in.

34:15b.PSA.034.015 Toupa mit in mi diktatte lam a en gige a, a bilin a sap uh za ding in a ngaikhe gige hi.

34:16b.PSA.034.016 Toupa melin thilhihkhialte a dou naknaka, amau theih gigena tuh lei akipana hihmangthang dingin.

34:17b.PSA.034.017 Mi diktatte a kikou ua, huan Toupan a naja a, a mangbatna tengteng uah a honkheta hi.

34:18b.PSA.034.018 Toupan lungtang khasiate a vanaih jeljel a, lungsima kisik peuhmahte a hondam jeljel hi.

34:19b.PSA.034.019 Mi dik haksatnate a tama, himahleh Toupan huai tengtengah a honkhe gige ahi.

34:20b.PSA.034.020 A guh tengteng a kem hoih a, khat lel leng hihtan ahi kei hi.

34:21b.PSA.034.021 Thil hoihlou in mi gilou-saloute a hihlum dinga: dik hoten siamlouh a tang ding uhi.Toupan a sikhate hinna a tan ngitnget a; amaha muanna koihte tuh khat leng siamlouh tang a om kei ding uhi.

34:22b.PSA.034.022 Toupan a sikhate hinna a tan ngitnget a; amaha muanna koihte tuh khat leng siamlouh tang a om kei ding uhi.

35

35:1b.PSA.035.001 Toupa aw, honsualte nang sualin: hondoute nang douin.

35:2b.PSA.035.002 Phaw neu leh phaw lian lenin, honpanpih dingin ding in:

35:3b.PSA.035.003 Tei leng phawi inla, hon delhte lam na dalin: ka hinna kiangah, Na hondampa ka hi, chi in.

35:4b.PSA.035.004 Ka hinna hihmang tuma zongte zahlak saka hihzumin om uhen: hon hihsiatna dinga thubawlte, taijak sakin gending theilou hialin om uhen.

35:5b.PSA.035.005 Toupa angelin hawl kawm jela buhsi huihin a mutleng bangin om uhen.

35:6b.PSA.035.006 Toupa angelin delh kawm jela, a lampi uh mial tak leh nal tak hi hen.

35:7b.PSA.035.007 A jiak omlouin honmatna ding un a len uh kokhuk ah a phah gu ua, a jiak omlouin ka hinna kiakna dingin kokhuk a tou ngal uhi.

35:8b.PSA.035.008 A ki ginlouh laiin siatna a tungah tung henla; a len phah gukah amah mah awk henla: huaiah ke sia hen.

35:9b.PSA.035.009 Huchiin ka hinna Toupa ah a nuam ding hi: a hotdamna ah a kipak ding.

35:10b.PSA.035.010 Ka guh tengteng in, Toupa, migenthei a lanzoh vuallouh laka humbitpa ahi, tagah leh genthei, a hihgampa laka humbitpa, nang bang mawngmawng kua a om? a chi ding.

35:11b.PSA.035.011 Theihpih diktatlou hialte a hong ding ua; ka thiltheih hetlouh thu ahte thu a hon dong ua.

35:12b.PSA.035.012 Ka hinna in thil tan khop in thil hoih thil sia in a hondin hi.

35:13b.PSA.035.013 Ken bel, a damlouh lai un, ka puansilh tuh saiip ahi a: ka hinna anngawlin ka hih genthei ngala; ka thumna tuh keimah angsung ngeiah a hongkik nawn hi.

35:14b.PSA.035.014 Ka lawm hiam, ka unau hiam leng hi heh aw a tung ua ka omdan ding bang in ahi ka om: mi a nu kah bangin sunin ka kun hi.

35:15b.PSA.035.015 Himahleh kei ka bai leh amau a kipak sem ua, a kikhawm hial ua: mi vuak hatte honsual ding in a kikhawm ua, huai lah ka nathei ngal kei a: tawpnuam louin honhih ek uhi.

35:16b.PSA.035.016 Ankuang luina a nuihja chiamnuihna gente bang phetin a ha uh hon gawi khum uhi.

35:17b.PSA.035.017 Toupa, nang bangtan ahia na et ding? Ka hinna hihsiat a tupna lak uah honkhia inla, ka neih sunpen humpinelkai lakah hon khia in.

35:18b.PSA.035.018 Kikhopna thupi takah kipahthu ka honhilh dinga: mi tampi lakah ka hon phat ding hi.

35:19b.PSA.035.019 Ka melmaten diklou takah hon otsan kei uhen: bangmah lou a honhote leng a mit un kihoupih sam kei uhen.

35:20b.PSA.035.020 Kituahna thu himhima gen ngal kei ua: hiai gam a om hiathiat te khemna thute a ngaihtuah jaw uhi.

35:21b.PSA.035.021 Ahi, a kam un hon kamkat khum ua; Ku! Ku! i mitin i muta a chi ua.

35:22b.PSA.035.022 Toupa aw, nang na mu hi, daihsan ken. Toupa aw, hon gamlat mahmah ken.

35:23b.PSA.035.023 Ka Pathian leh ka Toupa aw, ka vaihawm dingin, ahi, ka thu a hon gum dingin, kihalhsak inla, hakin.

35:24b.PSA.035.024 Toupa ka Pathian aw, na diktatna bangjelin vai honhawm sak inla; amauten hon otsan kei uhen.

35:25b.PSA.035.025 A lungsim un, Nuam e! Huchi bang a keimaw i deih, chi kei uhen. Amah i valh khinta, chi sam kei uhen.

35:26b.PSA.035.026 Ka siatna tunga kipakte zahlak leh gending beiin om chiat uhenla; ka tung a kiliansakte zahlakna leh zumna silhsakte zahlakna leh zumna silhsak in om uhen.

35:27b.PSA.035.027 Ka diktatna tunga kipakte nuama kikouin kipak takin om uhenla: Ahi, a sikha vangphatna tunga kipak sak Toupa tuh pahtawiin om hen, chi gige uhen.Huchiin, ka leiin na diktatna thu a gen dinga, na phatna thu leng nitumin a gen ding hi.

35:28b.PSA.035.028 Huchiin, ka leiin na diktatna thu a gen dinga, na phatna thu leng nitumin a gen ding hi.

36

36:1b.PSA.036.001 Mi gilou-salou tatlekna in ka lungtang sungah thu a gena, A mitmuh ah Pathian kihtakna himhim a omkei, chi in.

36:2b.PSA.036.002 A thulimlouhna a mukhe kei ding ua, a pai tuan kei ding uh, chiin. Amah mitmuhin amah mah a kiphat tawm ngala.

36:3b.PSA.036.003 a A kama thupawt te thulimlouhna leh khemna thu gen ahi naka: pil leh thilhoih hih a tawpta ahi.

36:4b.PSA.036.004 A lupna ah thil thulimlou a gel gige a; lampi hoihlou ah a pai teitei a: gilou tuh a kih kei hi.

36:5b.PSA.036.005 Toupa aw, na chitna tung van khawng ah a om a; na ginomna in tung van dumte a su hi.

36:6b.PSA.036.006 Na diktatana Pathian tangte bang ahi; na vaihawmte tuh tui thuk talkhauh bang ahi; Toupa aw, mihing leh gamsa na humbit jela.

36:7b.PSA.036.007 Pathian aw, na chitna tuh manpha hi na e! Mihing tate na kha nuaiah a tu jel uhi.

36:8b.PSA.036.008 Amau tuh na in sung thil hoih in a tai mahmah ding ua; na kipahna luia na dawn sak ding hi.

36:9b.PSA.036.009 Hinna tuikhuk na kiangah a om ngala: na vakah vak ka mu ding uhi.

36:10b.PSA.036.010 Aw, nangmah theite tungah na chitna kitheisak zel inla; lungtang diktak pute tungah leng na diktatna langsak jelin.

36:11b.PSA.036.011 Kisathei khe tuh honsual dingin kei lam ah kalsuan dah henla, mi gilou salou khut in leng hon delh mang kei hen.Huailaiah thulimlouhna hihte a puk ua; sawnpuk ahi ua, a thou thei nawn kei ding uhi.

36:12b.PSA.036.012 Huailaiah thulimlouhna hihte a puk ua; sawnpuk ahi ua, a thou thei nawn kei ding uhi.

37

37:1b.PSA.037.001 Thil hoihlou hihte jiakin kihih lungkham nuam dah inla, diklou taka hihte leng eng ken.

37:2b.PSA.037.002 Loupa bang in at paihin a om zok ding ua, louhing bang in a vuai ding uh ahi ngal ua.

37:3b.PSA.037.003 Toupa muang inla, thil hoih hih in; hiai gamah om inla, ginomna delh jelin.

37:4b.PSA.037.004 Toupa tungah leng kipak in; huchiin na lungtang deihlamte a honpe ding hi.

37:5b.PSA.037.005 Na omdan ding Toupa tungah nga inla; amah muang in, aman ahih vek ding.

37:6b.PSA.037.006 Na dikdan vak bang in a suaksak dinga, na siamtandan leng sunlai bang maiin.

37:7b.PSA.037.007 Toupa ah khawl inla, amah ngak nilouhlouh in; a omdana vangphatna mute jiakin kihihlungkham nuam dah in, ngaihtuahna giloute pichinmi jiakin.

37:8b.PSA.037.008 Heh tawpsan inla, thangpaih kisik in: ki hihlungkham nuam ken, thil hihkhelh ah a hong ke maimah nak hi.

37:9b.PSA.037.009 Thilhoihlou hihte hih mangin a om dek ngal ua: Toupa ngakten bel gam a luah ding uhi.

37:10b.PSA.037.010 Sawtlou kal chik in mi gilou salou a om nawnta ngal kei dia: ahi a omna mun uh enen mah le chin, a omta kei ding hi.

37:11b.PSA.037.011 Thunuailutten bel gam a luah ding ua; ki tuahna thupitak tungah a ki pak ding uhi.

37:12b.PSA.037.012 Mi gilou-salou in mi diktat a sawma, a ha a gawi khum nak hi.

37:13b.PSA.037.013 Toupan amah a nuihsan ding. A ni a hongtung dek chih a theih jiak in.

37:14b.PSA.037.014 Genthei leh tagahte hihpuk ding leh omdan dikte hihlum ding in mi gilou-salouten namsau a phawi ua, a thalpeute uh a lai uhi.

37:15b.PSA.037.015 A namsau un amau lungtang a sun dinga, a thalpeute uh hihtanin a om ding hi.

37:16b.PSA.037.016 Mi diktat thil tawmchik neih tuh mi gilou-salou tampi thil neih keihkuihte sangin a hoihjaw ahi.

37:17b.PSA.037.017 Mi gilou-salou bante hihtanin a om dek ngala: mi dik bel Toupan a len gige ding ahi.

37:18b.PSA.037.018 Toupan mi hoihkimte nite tuh a theia; a gouluah ding uh khantawna om gige ding ahi.

37:19b.PSA.037.019 Hun hoihlou ah a zahlak kei ding ua; kial kum inleng a vah ding uhi.

37:20b.PSA.037.020 Mi gilou-saloute bel a mangthang ding ua, Toupa doute leng loupa hing didep bang ahi ding uh; hihmanthat in a om ding ua, meikhu in a jammang ding uhi.

37:21b.PSA.037.021 Mi gilou-salou in a leitawia, a pe nawn kei naka; mi dik in bel mi a hehpih a, a pe zo nak hi.

37:22b.PSA.037.022 A vualjawlna muten gam a luah ding ua, a hamsiatte tuh hihmanthat in a om ding uhi.

37:23b.PSA.037.023 Mi kalsuante tuh Toupa hihkip ahi a; a lampi ah a kipak nak hi.

37:24b.PSA.037.024 Puk mahleh, lupden sakin jaw a om tel kei ding hi; Toupan a khutin a len gige ngala.

37:25b.PSA.037.025 Naupang ka na hita a, tuin tek ka hong hita a, himahleh mi diktat limsaklouha a omlam ka mu ngeikei hi, a suante anngolh leng ka mu ngei sam kei hi.

37:26b.PSA.037.026 Mi a hehpih gige a, a leitawi sak jela; a suante leng a hampha nak uhi.

37:27b.PSA.037.027 Gilou paisan inla, thil hoih hih in; huchiin khantawnin teng gige in.

37:28b.PSA.037.028 Toupan vaihawm diktatna a deih naknak ngala, a mi siangthoute tuh a paisan ngeikei hi, khantawn a ding in kep hoih in a om uh: mi gilou-salou suante bel hihmangin a om ding uhi.

37:29b.PSA.037.029 Mi dikten gam a luah ding ua, a sungah khantawn in a om ding uh.

37:30b.PSA.037.030 Mi dik kamin pilna thu a gen naknak, a leiin vaihawm diktatna thu a gen gige hi.

37:31b.PSA.037.031 A Pathian dan tuh a lungtang ah a oma; a kalsuan himhim a tolh kei ding hi.

37:32b.PSA.037.032 Mi gilou-salou in mi diktat a enkhia a, hihlup a tum gige hi.

37:33b.PSA.037.033 Toupan amah a khut ah a nose kei dinga, a vaihawm hun chiangin siamlouh tansak a phal sam kei ding hi.

37:34b.PSA.037.034 Toupa tuh ngak inla, lampi tuh tawn in, huchiin gam luah dingin a hon pahtawi ding hi: mi gilou-saloute hihmanthata a om utuh na mu ding hi.

37:35b.PSA.037.035 Mi gilou-salou nakpi taka thu neia, a pouna muna singnou dawng thenthon banga, ka biambuam lai ka mu a.

37:36b.PSA.037.036 Himahleh lampi ah mi a va pai ua, huan, ngai dih, amah a na omtakei maimaha; ahi, ka zonga, himahleh muh theih ahi ta kei hi.

37:37b.PSA.037.037 Mi gensiatbei chiamteh inla, mi diktak tuh en in, huchibang mite tawpna ding jaw khamuanna hi ding ahi ngala.

37:38b.PSA.037.038 Talek te bel a kituaka hihsiat in a om chiat ding ua, mi gilou-salou tawpna ding tuh hihmanthat a hita ding hi.

37:39b.PSA.037.039 Ahihhangin mi diktatte hotdamna tuh Toupa akipanin ahi; amah tuh mangbat laia kulhpi muan ahi.Toupan amau a panpihin a humbit a, amah ah a kituklut jiak un mi gilou-salou te lakah humbitin a hondam hi.

37:40b.PSA.037.040 Toupan amau a panpihin a humbit a, amah ah a kituklut jiak un mi gilou-salou te lakah humbitin a hondam hi.

38

38:1b.PSA.038.001 Toupa aw, hehin hontai kenla; thangpaiin honsawi sam ken.

38:2b.PSA.038.002 Na thalte tuh ka sa ah a tala, na khut tuh ka tungah a tu bukbuk ngala.

38:3b.PSA.038.003 Na lunghihlouhna jiakin ka sa ah damlai himhim a om kei hi; ka thulimlouhna jiakin ka guhte ah damlai himhim a om sam kei hi.

38:4b.PSA.038.004 Ka thulimlouhnaten ka lu a tum manga, puakgik tak bang, ka puak zoh vuallouh ahi.

38:5b.PSA.038.005 Ka haina jiakin ka chikehte a uihin a se khinta hi.

38:6b.PSA.038.006 Ka chi a na a, ka kun ngiungiaua; nitumin lungkham in ka mau ka mau hi.

38:7b.PSA.038.007 Ka kawng a lum huthut veka; ka sa ah leng damlai himhim a om kei hi.

38:8b.PSA.038.008 Ka baha, ka sidup keihkuiha; ka lungtang noplouhna jikain ka thum hithit hi.

38:9b.PSA.038.009 Toupa ka deihlam tengteng na theia; ka thumna leng na lakah sel ahi kei hi.

38:10b.PSA.038.010 Ka lung a phu dupdupa, hatna ka neita kei; ka mit vakna nasanin hon omlouh santa hi.

38:11b.PSA.038.011 Hon itte leh ka lawmte ka natna lakah a kihuikhe jel ua; ka sanggamte leng gamla pi ah a ding uhi.

38:12b.PSA.038.012 Ka hinna hihmang tuma zongten honmatna ding un thang a kam ua; ka siatna ding zongten leng thu hoihlou takte a gen nak uhi; nitumin khemna thute a ngaihtuah uhi.

38:13b.PSA.038.013 Himahleh kei tuh bengngong bangin za louin ka om a; pau theilou mi kamka ngeilou bangin ka om hi.

38:14b.PSA.038.014 A hi, mi pau za theilou, a kama taihilhna mawngmawng pawt ngeilou bang in ka om hi.

38:15b.PSA.038.015 Toupa aw, nangmah kon lamen ngala; Toupa ka Pathian aw, nang non dawng hi.

38:16b.PSA.038.016 Huchilou in jaw hon otsan dia, ka khe a teu takin ka tungah a kihihlian kha ding uh, ka chi ahi.

38:17b.PSA.038.017 Ka puk dekdek ngala, ka lungngaihna leng ka maah a om gige hi.

38:18b.PSA.038.018 Ka thulimlouhna tuh ka pulak dinga; ka khelhna jiaka lungngaiin ka om ding ahi.

38:19b.PSA.038.019 Himahleh hondoute a halh ua, a hat uhi: diklou pi a hon hote kilawmlou piin a pung ua.

38:20b.PSA.038.020 Thilhoih thil gilou a thuk nakte tuh thilhoih ka delh jiak in hondoute ahi uhi.

38:21b.PSA.038.021 Toupa aw, honpai san mahmah kenla; ka Pathian aw, hon gamlat mahmah ken.Toupa hondampa aw, hon panpih ding in, kin meng in.

38:22b.PSA.038.022 Toupa hondampa aw, hon panpih ding in, kin meng in.

39

39:1b.PSA.039.001 Ka leia thil ka hihkhelh louhna dingin ka omdante ka veng hoih dinga; mi gilou-saloute ka maa a om sung teng uh ka kam mukgak nain ka gak ding ka chi.

39:2b.PSA.039.002 Huchiin dai didein pau louin ka om a, a hoihlam ah leng ka dai dide a; himahleh ka lungngaihna tuh tohthohin a om zosopa.

39:3b.PSA.039.003 Ka sung ah ka lung a sa vutvut; ka ngaihtuah ka ngaihtuah in mei tuh a kuang khia a; huan, ka leiin thu ka genta hi.

39:4b.PSA.039.004 Toupa, ka tawpna ding leh, ka damchiang ding, bangchi ahi, chih, hon theisak inla; ka hinna bek in dan hontheisak in.

39:5b.PSA.039.005 Ngaiin, ka damsung tuh khutpek tan phetin na siama; ka kum tuh na mitmuhin bangmah tham ahi keia; mi chih a hoih lai pen un a vek un bangmahlou lel ahi uhi. Selah.

39:6b.PSA.039.006 Mi chih nuamsa bangin a vak ngei ua; a mawk buai ngei nak uhi. Gou a khawl khawm ua, a luah ding lah a theikei uhi.

39:7b.PSA.039.007 Huan, Toupa, tunah bang ka ngak dia? Nangmah ah ahi ka lametna a om.

39:8b.PSA.039.008 Ka tatlekna tengteng lakah honhonkhia inla: mihai gensiat in hon omsak ken.

39:9b.PSA.039.009 Nangmah hih a hih jiak in ka pau keia, ka kam leng ka ka kei hi.

39:10b.PSA.039.010 Na hasotna ka kiang akipan honlak suansak inla; na khut khaka hihman ka hi hi.

39:11b.PSA.039.011 Mi a tatlekna jiaka thuhilha na sawiin, a deihlai pen leikha bangin na hihse naka; mi chih bangmahlou lel ahi uhi. Selah.

39:12b.PSA.039.012 Toupa aw, ka thumna ngaikhia inla, ka kikou na ah na bil doh inla; ka khitui kia daihsan ken: na mikhual ka hi a, ka pipute tengteng bangin zintammi ka hi ngala.Aw, hiai a kipan ka pawta, ka omlouh paisuak vengveng main, ka halh nawnna ding in honhawi in.

39:13b.PSA.039.013 Aw, hiai a kipan ka pawta, ka omlouh paisuak vengveng main, ka halh nawnna ding in honhawi in.

40

40:1b.PSA.040.001 Toupa ka ngakngaka: huchiin aman a ngeingaiha, ka kikou tuh a zata hi.

40:2b.PSA.040.002 Manthatna kokhuk a kipan, buannawi diadua a kipan a honkhai khetou a: huan, ka khe tuh suangpi tungah a nga a, ka kalsuante a hihkip hi.

40:3b.PSA.040.003 La thak ka kam ah koiha, i Pathian phatna: mi tampi in huai tuh a mu ding ua, a lau ding ua, Toupa a muang ding uh.

40:4b.PSA.040.004 Toupa a muana nei a, ki sathei te leh thujuau a kipana kihemkhiate tuh a hampha hi.

40:5b.PSA.040.005 Toupa ka Pathian aw, nang thillamdang na hihte leh koumau lam non ngiahtuahnate a tam mahmaha, huaite na maa hihlat zoh vual ahi kei ding.

40:6b.PSA.040.006 Kithoihna leh thillat tungah kipahna himhim na neikeia; ka bilte non honsakta a; halmanga thillat leh khelhna dinga thillat na phut kei hi.

40:7b.PSA.040.007 Huaitakin, ken, Ngaiin, ka hongpai hi; laibu jial ah ka thu gelh ahi.

40:8b.PSA.040.008 Ka Pathian aw, na deihlam hih ka kipahlam tak ahi; ahi, na dan thu ka lungtang ah a om gige hi, ka chi a.

40:9b.PSA.040.009 Kikhopna thupitak ah diktatna thu hoih ka tangkoupiha; Toupa aw, ngaiin, ka kam ka it kei ding chih na thei hi.

40:10b.PSA.040.010 Na diktatna ka lungtang sungah ka im keia; na ginomna leh na hotdamna thu ka tangkoupih zo ding; Na chitna leh na takna kikhopna thupi taka mite lakah ka selkei ding hi.

40:11b.PSA.040.011 Toupa aw, na lainatnate ka lakah it kenla; na chitna leh na takna in honhumbit gige in.

40:12b.PSA.040.012 Thil hoihlou sim zohlouh in hon umsuak ngala, ka thulimlouhnaten hon delhphaa, huchiin ka dak theita keia; huaite tuh ka samzang te sangin a tamjaw a, ka lungtang a tawlta hi.

40:13b.PSA.040.013 Toupa aw, hehpihtak in honhumbit inla; Toupa aw, honpanpih ding in kin in.

40:14b.PSA.040.014 Ka hinna hihmang tuma zongte zahlak leh zum takin om chiat uhen; ka siatna tunga kipakte kik nawn in hih zuminom uhen.

40:15b.PSA.040.015 Awihang, awihang! Honchite a zahlak jiak un mangbang takin om uhen.

40:16b.PSA.040.016 Nang hon zongte tengteng nangmah ah nuamtak leh kipak takin om uhenla; na hotdamna itten, Toupa pahtawiin om hen, chi gige uhen.Kei jaw genthei leh jawngsan ka hi a, himahleh Toupan honngaihtuah jela; nang hon panpihpa leh hon humbitpa na hia; ka Pathian aw, sawt hal mahmah ken.

40:17b.PSA.040.017 Kei jaw genthei leh jawngsan ka hi a, himahleh Toupan honngaihtuah jela; nang hon panpihpa leh hon humbitpa na hia; ka Pathian aw, sawt hal mahmah ken.

41

41:1b.PSA.041.001 Gentheite ngaihtuah mi a hampha hi, mangbat niin Toupan amah a humbit ding hi.

41:2b.PSA.041.002 Toupan amah humbitin a hihhing dinga, leiah vualjawl in a om ding; amah douten ututa a bawl dingin pe ken.

41:3b.PSA.041.003 Toupan a gimna lupna munah a hihhat dinga; nang a chi a nat lai in a lupna na bawlsak vek jel hi.

41:4b.PSA.041.004 Toupa aw, honhehpih inla, ka hinna hihdam in, na tungah thil ka hihkhial ngal a, ka chi a.

41:5b.PSA.041.005 Hondouten, chikchiang in a siin, a min a mang de aw! Chiin, hon gensia uh.

41:6b.PSA.041.006 Huan a lak ua kuahiamin a hongveh laiin, thu bangmahlou maimai a gen jela; a lungtang in thulimlouhna a lakhawm naka; a pawt khiak takin mi a hilh jel hi.

41:7b.PSA.041.007 Honhote tengteng in hon gensiain a kihuau ua: honhihsiatna ding uh a ngaihtuah ua.

41:8b.PSA.041.008 Natna hoihlou takin a man kipta, tu-a lum a thou nawn ta kei ding a chi ua.

41:9b.PSA.041.009 A hi, ka lawm kithuahpih theih, ka muantak, ka tanghou nekpih ngeiin a khetul ka tungah a likta hi.

41:10b.PSA.041.010 Hiamhleh, Toupa aw, nang honhehpih inla, amau ka thuk theihna dingin honkai thou nawnin.

41:11b.PSA.041.011 Hiaiah ka tungah na kipak chih ka thei hi, hondou in a honzoh louh jiakin.

41:12b.PSA.041.012 Kei jaw lungsim hoihtak ka putna ah nangman non lenchinten a, Na maah khantawn adingin non koih hi.Toupa, Israel Pathian, Khantawn akipan khantawn pha in phat in om hen, Amen, Amen.

41:13b.PSA.041.013 Toupa, Israel Pathian, Khantawn akipan khantawn pha in phat in om hen, Amen, Amen.

42

42:1b.PSA.042.001 Sakhi tal, luita tui duha nak hawkhawk bangin, Pathian aw, ka hinna nangmah duhin a nak hawkhawk ahi.

42:2b.PSA.042.002 Ka hinna Pathian duh in, Pathian hing duhin, a dangtak ahi; chikchiang in ahia Pathian ma ka tun dinga, A mai ka muh ding.

42:3b.PSA.042.003 Ka khitui sun leh jan in ka an ahia, Na Pathian koia om ahia leh! Honchi nilouhlouh ua.

42:4b.PSA.042.004 Hiai thil ka thei gige a, ka hinna ka sungah ka sungbua a, mipi laka ka paiin, nuamna leh phatna ging toh, mi tampi khawlni-a Pathian biakin juana a ma uh ka kaih jel dante.

42:5b.PSA.042.005 Ka hinna aw, bangachia kun nilouh? Bangachia ka sunga buai? Pathian lamen in; a melma damna jiakin amah ka honphat ding ahi ngala, hon panpihpa leh ka Pathian.

42:6b.PSA.042.006 Ka Pathian aw, ka hinna ka sungah a kun nilouh; huaijiakin Jordan leh Hermon gam akipan, Mizar tang akipanin kon thei gige ahi.

42:7b.PSA.042.007 Na tui luang ging juajua khawngah tuithuk leh tuithuk a kisam ua: na tui kihawt leh na tui kisep tengteng in honvuk tumta hi.

42:8b.PSA.042.008 Himahleh, Toupan a chitna tuh sunin thu a pe ding a, a lain jan chiah honompih ding hi, ka hinna Pathian kiang a thumna in.

42:9b.PSA.042.009 Pathian ka suangpi kiang ah, Bangdia honmangngilh na hia! Bangdinga melma nuaisiahna jiaka lungkhama ka mau vialvial nak! ka chi ding hi.

42:10b.PSA.042.010 Ka guh a namsau om bang maiin hondouten hon gense gige ua; Na Pathian koia om ahia leh! honchi nilouhlouh ua.Ka hinna aw, Bangachia kun nilouh? Bangachia ka sung a buai? Pathian lamen in: amah ka honphat ding ahi ngala, hon panpihpa leh ka Pathian ahi.

42:11b.PSA.042.011 Ka hinna aw, Bangachia kun nilouh? Bangachia ka sung a buai? Pathian lamen in: amah ka honphat ding ahi ngala, hon panpihpa leh ka Pathian ahi.

43

43:1b.PSA.043.001 Pathian aw, vai honhawmsak inla, Pathian limsaklou nam tungah ka thu hon genpih in: aw, mi khemhat mi mi diklou lakah honnumbit in.

43:2b.PSA.043.002 Nang ka hatna Pathian na hi ngala; bangdingin ahia non pampaih ding? Bangdingin ahia melma nuaisiahna jiaka lungkhama ka mau vialvial nak?

43:3b.PSA.043.003 Aw, na vak leh na thutak sawl khia inla, amauten honpi uhen; na tang siangthou leh na om nate hon tun uhen.

43:4b.PSA.043.004 Huchiin, Pathian maitam kiangah ka pai ding, Pathian ka nuamna mahmah kiang ah. Pathian, ka Pathian aw, kaihgingin leng kon phat ding hi.Ka hinna aw, bangachia kun nilouh? Bangachia ka sunga buai na hia? Pathian lamen in: amah ka honphat ding ahi ngala, honpanpihpa leh ka Pathian.

43:5b.PSA.043.005 Ka hinna aw, bangachia kun nilouh? Bangachia ka sunga buai na hia? Pathian lamen in: amah ka honphat ding ahi ngala, honpanpihpa leh ka Pathian.

44

44:1b.PSA.044.001 Pathian aw, nidang laia a damlai ua na thilhihte ka pipute un honhilh uh ka bil un ka ja ua.

44:2b.PSA.044.002 Namte na khutin na hawlkhiaa, amau na phuta; miten a sugima, na paikhia.

44:3b.PSA.044.003 Gam luah dinga amau namsaua a lak uh ahi kei a, amau bana kihumbit leng ahi kei uhi; a tung ua na kipah jiakin na khut taklam leh, na ban leh, na mel vakin ahi jaw.

44:4b.PSA.044.004 Pathian aw, nang ka Kumpipa na hi: Jakob humbitna dingin thu pia in.

44:5b.PSA.044.005 Nangmah jiakin ka melmate uh ka si pai ding ua; na min jiakin honsualte ka chil ekek ding uhi.

44:6b.PSA.044.006 Ka thalpeu ka muang kei dinga, ka namsauin honhondam sam kei ding.

44:7b.PSA.044.007 Hondoute lak ah nang non hondam zota hi, honhote na zaklaksak behlap hi.

44:8b.PSA.044.008 Nitumin Pathian ka suang ding ua, na min khantawn in ka phat ding uhi. Selah.

44:9b.PSA.044.009 Tun jaw nang non khah khia a, non hihzum a; ka sepaih honte u lakah lah na pawtkhe ngeikei hi.

44:10b.PSA.044.010 Melmate lakah non taijak saka: honhoten sum a deihdeih uh a lauhi.

44:11b.PSA.044.011 Nang nek ding a seh belam bang in non pia a; namchih lakah non hihdalh behlap hi.

44:12b.PSA.044.012 Na mite bangmahlou in na khawngta a, a man uh lah a tam het kei hi.

44:13b.PSA.044.013 Nang ka kim ua mite gensiatin non omsaka, ka kiangnai ua mite muhsit leh nuihsan in non omsak.

44:14b.PSA.044.014 Nang namchih lakah a selam gentehna in non omsaka, michih laka mite lu sinsanin non omsak hi.

44:15b.PSA.044.015 Ka zumna nitum in ka maah a om gige a, ka zahlaknain hon tuam zouta hi.

44:16b.PSA.044.016 Genthangmi leh gense mi aw jiak leh, melma leh phulami jiakin.

44:17b.PSA.044.017 Huai tengteng ka tunguah a tunga; himahleh kon mangngilh ngeikei ua, na thukhun ah juauin ka hih ngeikei uhi.

44:18b.PSA.044.018 Ka lungtang uh a kihei nawn kei a, ka kalsuante un na lampi a paisan ngeisam kei hi.

44:19b.PSA.044.019 Nang sehalte omna ah non bawl ek a, sihna lima non tuamna ding in.

44:20b.PSA.044.020 I Pathian min i mangngilh hiam, gamdang Pathian lamah i khutte i jak hiam.

44:21b.PSA.044.021 Pathian in huai tuh a zong khe kei dia hia! Lungtang thugukte a thei gige ngala.

44:22b.PSA.044.022 Ahi, nangmah jiakin nitumin thah in ka om gige ua; belam goh dingte banga seh ka hi uhi.

44:23b.PSA.044.023 Toupa aw, halh tanla, bangachia ihmu! hak inla, khantawnin hon khah khe ken.

44:24b.PSA.044.024 Bangjiakin ahia na mai na sela, ka haksatdan u leh nuaisiah ka thuakdan uh na mangngilh nak.

44:25b.PSA.044.025 Ka hinna uh leivui siin a kun a; ka gilpi uh lah leiah a belh bikbek ngala.Honpanpih dingin thou inla, na chitna jiakin hon tan in.

44:26b.PSA.044.026 Honpanpih dingin thou inla, na chitna jiakin hon tan in.

45

45:1b.PSA.045.001 Ka lungtang thil hoihin a let nawinawia: kumpipa tungtang thu-a ka la phuah ka gen ding hi: ka lei tuh laigelh siamtak kolom ahi.

45:2b.PSA.045.002 Mihing tate sang in na mel a hoihjawa; hehpihna na muk a sun ahi; huaijiakin Pathian in khantawn adingin vual a honjawl ahi.

45:3b.PSA.045.003 Aw, mihat, na namsau na kawngah vom in, na thupina leh na kilawmna toh.

45:4b.PSA.045.004 Thutak leh thunuailutna leh diktatna jiakin na kilawmna silhin lamzang takin sakol tunga tuang in pai jel in: huchiin na khut taklamin thil mulkimhuaite a honhilh ding ahi.

45:5b.PSA.045.005 Na thal a zuma; michih na nuaiah a puk jel uh: kumpipa melmate lungtang ah a tal hi.

45:6b.PSA.045.006 Pathian aw, na laltutphah tuh khantawn in a om ding ahi: khentuam neihlouhna lalchiang tuh na gam lalchiang ahi.

45:7b.PSA.045.007 Diktatna na deiha, gilou-salou na hua hi, huaijiakin, Pathian, na Pathian in, na lawmte sangin nakpi in nuamna thau a honnilhta hi.

45:8b.PSA.045.008 Na puansilh tengteng tuh murra gimte, aloe gimte, sing gimte a nam vungvung a; saiha a bawl kumpipa ina kaihging chi tuamtuam ging hongpawtten a honhihnuam ahi.

45:9b.PSA.045.009 Na numei hoihte lakah kumpipate tanute a pang sam ua; na taklam ah Ophir dangkaenga kijemin kumpinu a ding hi.

45:10b.PSA.045.010 Ka tanu aw, ngaikhia inla, ngaihtuah inla, bildoh in; na mite leh na pa ina mite mangngilh in.

45:11b.PSA.045.011 Huchiin kumpipan na melhoin a deih ding hi, amah tuh i Toupa ahi ngala; huan amah chibai buk jelin.

45:12b.PSA.045.012 Tura tanu tuh thilpiak tawi in huaiah a om ding a; mi laka hausate ngeiin na hehpihna a ngen ding uhi.

45:13b.PSA.045.013 Kumpipa insung a kumpipa tanu tuh a thupi zou hilhiala: a puansilh tuh dangkaenga zep kilawm ahi.

45:14b.PSA.045.014 Puan khui kilawm silhin kumpipa kiangah a pi ding ua: amah jui a lawm nungakte tuh, na kiangah a pi ding uh.

45:15b.PSA.045.015 Kipak leh nuamin a pi ding ua: kumpipa in ah a lut ding uh.

45:16b.PSA.045.016 Na pate sikin na tate a om ding ua, amau tuh leitung tengteng ah milian in na bawl ding.Na min tuh suan tengteng ah theih gige dingin ka bawl ding: huaijiakin michihin khantawn khantawnin kipahthu a honhilh ding uh.

45:17b.PSA.045.017 Na min tuh suan tengteng ah theih gige dingin ka bawl ding: huaijiakin michihin khantawn khantawnin kipahthu a honhilh ding uh.

46

46:1b.PSA.046.001 Pathian i kihumbitna leh i hatna, mangbat laia huh pahpahpa nai gige ahi.

46:2b.PSA.046.002 Huaijiakin leitung hongkidangin, mualte tuipi sung pekah kisuan mahleh i lau kei ding uh.

46:3b.PSA.046.003 A tuite tuh ging honhon in phul butbut mahleh, a kihawt thupi jiakin mualte ling duamduam mahleh, i lautuan sam kei ding. Selah.

46:4b.PSA.046.004 Lui khat a om a, huai lui katen Pathian khopi a kipak sak jel, tungnungpen omna mun siangthou tak.

46:5b.PSA.046.005 Pathian a laitakah a om a, a ling kei ding: Pathianin phalvak chiangin a panpih ding hi.

46:6b.PSA.046.006 Nam chih a ging huthut a, gamte a linga: aman a aw a suaha leitung a hongtui khinta hi.

46:7b.PSA.046.007 Sepaihte Toupa i kiang uah a oma: Jakob Pathian tuh i insang ahi. Selah

46:8b.PSA.046.008 Kisa un, Toupa thilhihte en un, leitung a thil a hihsiatdan.

46:9b.PSA.046.009 Aman kidounate kawlmong phain a hihtawp a; thalpeu a hihtana, tei tuh a sat tan hi; kangtalaite mei ah a hal tum hi.

46:10b.PSA.046.010 Dai unla, Pathian kahi chih thei un: nam chih lakah pahtawi in ka om dinga, leiah pahtawiin ka om ding hi.Sepaihte Toupa i kiang uah a oma; Jakob Pathian tuh i insang ahi. Selah.

46:11b.PSA.046.011 Sepaihte Toupa i kiang uah a oma; Jakob Pathian tuh i insang ahi. Selah.

47

47:1b.PSA.047.001 Mi khempeuhte aw, na khut uh beng unla; nuamna awin Pathian kaing ah kikou un.

47:2b.PSA.047.002 Toupa Tungnungpen a kihtakhuai ngala; leitung tengteng ah kumpipa thupitak ahi.

47:3b.PSA.047.003 Aman mi chih i nuai uah a zo dinga, namchih i khe nuai ah a zou ding hi.

47:4b.PSA.047.004 Aman i gouluah ding a hon tel sak ding hi, a it Jakob suanpen gam mah. Selah.

47:5b.PSA.047.005 Pathian tuh kikou aw toh a paitou a, Toupa tuh pengkul ging toh a pai touta hi.

47:6b.PSA.047.006 Pathian phatin lasa unla, phatin lasa un; i kumpipa phatin lasa unla, phatin lasa un.

47:7b.PSA.047.007 Pathian tuh khovel tengteng kumpipa ahi ngala: theisiama phatin lasa un.

47:8b.PSA.047.008 Pathian tuh namchih tungah kumpipa in a tu a: Pathian a laltutphah siangthou ah a tu hi.Abraham Pathian mite hi dingin mi chih laka miliante a om khawm ua: leitung phawte Pathiana ahi ngal ua: amah tuh nakpi taka pahtawiin a om hi.

47:9b.PSA.047.009 Abraham Pathian mite hi dingin mi chih laka miliante a om khawm ua: leitung phawte Pathiana ahi ngal ua: amah tuh nakpi taka pahtawiin a om hi.

48

48:1b.PSA.048.001 Toupa a thupi a, nakpi taka phat ding ahi, i Pathian khopi ah, a tang siangthou ah.

48:2b.PSA.048.002 A sandan a kilawm, khovel tengteng kipahna, Zion tang ahi, mallam panga. Kumpipa thupi tak khopi.

48:3b.PSA.048.003 A inpi ahte Pathian in insang a hihdan a kitheisaka.

48:4b.PSA.048.004 Ngaiin, kumpipate tuh a kikhawm khawm ua, a pai khawmta uhi.

48:5b.PSA.048.005 A mu ua, huchiin lamdang a sa ua; a mangbang ua, a paimang pah uhi.

48:6b.PSA.048.006 Huaiah linna in a mana; numei nauvei natna in a matlai bang in.

48:7b.PSA.048.007 Suahlam huih in Tarshis long liante a nahihse jel hi.

48:8b.PSA.048.008 Sepaihte Toupa khopi ah, i Pathian khopi ah, bila i jak bang takin i muta: Pathianin huai khopi khantawn adingin a hihkip ding. Selah.

48:9b.PSA.048.009 Pathian aw, na biakin sunggil ah na chitna ka ngaihtuahta uhi.

48:10b.PSA.048.010 Pathian aw, na min bang ngeiin na phatna tuh kawlmong phain a om a: na khut taklam tuh diktatna in a dim hi.

48:11b.PSA.048.011 Na vaihawmnate jiakin Zion tang kipak takin om henla, Juda tanute nuamin om uhen.

48:12b.PSA.048.012 Zion kim ah, a kimvelin pai unla: a galven insangte leng sim un.

48:13b.PSA.048.013 A kulhte chiamteh hoih unla, a inpite ngaihtuah un; khangthak hong om nawnte kianga na hilh theihna ding un.Hiai Pathian khantawn khantawna i Pathian hi ding ahi ngala: sih tanpha a leng honpipa ahi ding hi.

48:14b.PSA.048.014 Hiai Pathian khantawn khantawna i Pathian hi ding ahi ngala: sih tanpha a leng honpipa ahi ding hi.

49

49:1b.PSA.049.001 Mi khempeuhte aw, hiai ngaikhia unla; khovela om tengtengte aw, bil na doh un.

49:2b.PSA.049.002 Mi neu leh mi lian, mi hau leh mi jawng in leng.

49:3b.PSA.049.003 Ka kamin pilna thu a gen dinga; ka lungtang ngaihtuah tuh theihsiamna thu ahi ding hi.

49:4b.PSA.049.004 Genteh thu ah ka bil ka doh dinga: ka thugil gen tuh kaihging in ka gentel ding hi.

49:5b.PSA.049.005 Ni hoihloute ah, ka khetul bula thulimlouhna in honum suak inleng, bangdingin ka lau dia!

49:6b.PSA.049.006 Amau sum muanga, amau hauhna thupitak suangten.

49:7b.PSA.049.007 Kuamah in a unau leng a tan theikei hial ding uh, Pathian kiangah tatna leng a piaksak thei sam kei ding uhi.

49:8b.PSA.049.008 (A hinna uh tatna dingin thil thupi zat ding ahi a, khantawn a leng a ngimangim louh mai ding ahi).

49:9b.PSA.049.009 A dam gige a, muatna a muhlouhna ding in.

49:10b.PSA.049.010 Mi pilte leng a si ua, mi hai leh mi mawlte leng a mang tuaktuak ua, a sum uh midangte a nawtsiat jelte utuh a thei ngala.

49:11b.PSA.049.011 A lungsim ngaihtuah dan utuh, a inte uh khantawna om ding bang leh, a om nate uh suan tengteng tana om ding bang in ahi; a gamte uh amau min mah a tamsak uhi.

49:12b.PSA.049.012 Himahleh mihing pahtawi in a om gige kei ua: gamsa mangthangte bang phet ahi uhi.

49:13b.PSA.049.013 Hiai tuh kihaimuante tuah ahia, a tan ua kipakte tawpna. Selah.

49:14b.PSA.049.014 Belam hon bangin Sheol a dinga seh ahi ua, sihna amau in a kivak ding hi: jingsang lamin mi diktatten a tunguah thu a nei ding ua; a omna himhim uh a omlouh na dingin, a kilawmna uh Sheol hihsiat ding ahi ding hi.

49:15b.PSA.049.015 Ka hinna bel Pathianin Sheol khua akipan a tan khe dinga; aman honkipahpih ding ahi ngala. Selah.

49:16b.PSA.049.016 Mi hihhauha a hong oma, a insung thupina a hongthupi huthut inleng, lau ken.

49:17b.PSA.049.017 A sih hun chiang in bangmah a keng kei ding hi; a thupina in jui khe lou ding ahi ngala.

49:18b.PSA.049.018 A damlaiin nuamsa kisa mahleh, amah adia hoih a hih laiin phat loh mahleh.

49:19b.PSA.049.019 A suangte suante lam ah a pai dia, vak a mu ngeikei ding uh.Mihing, pahtawia oma, theihsiamna nei tuanlou jaw, gamsa mangthang jelte bang phet ahi uhi.

49:20b.PSA.049.020 Mihing, pahtawia oma, theihsiamna nei tuanlou jaw, gamsa mangthang jelte bang phet ahi uhi.

50

50:1b.PSA.050.001 Pathian, Pathian mahmah, Toupan thu a gena, leitung ni suahna lam akipana a tumna lam tanin a samta hi.

50:2b.PSA.050.002 Kilawm kim dimdema, Zion akipan in Pathian tuh a vak kheta hi.

50:3b.PSA.050.003 I Pathian tuh a hong dinga, a dai nilouh kei ding: amah ma ah mei a kang juajua dinga, a kimah huihpi thupi a nung ding hi.

50:4b.PSA.050.004 A mite vai a hawm theihna ding intunglam vante leh lei a sam ding.

50:5b.PSA.050.005 Ka mi siangthoute ka kiangah honpi khawm unla, kithoiha thukhungte ngei, chiin.

50:6b.PSA.050.006 Huchiin, vanten a diktatna a tangkoupih ding ua, amah Pathian ngei tuh vaihawmpa ahi ngala. Selah.

50:7b.PSA.050.007 Ka mite aw, ngaikhia unla, thu ka gen ding hi; Israel aw, ngaikhia in, ka honhilhchian sak ding hi: kei Pathian, na Pathian ngeingei ka hi.

50:8b.PSA.050.008 Na kithoihnate jiakin ka hontai kei ding; na halmang thillatte ka maah a om gige ngala.

50:9b.PSA.050.009 Na in a kipan bawngtal himhim ka lakhe kei dinga, na ganhuang akipan keltalte leng ka la khe sam kei ding hi.

50:10b.PSA.050.010 Gam nuaia sa chiteng kei a ahi ngala, tang sang khat tung a gan omte leng.

50:11b.PSA.050.011 Tanga vasa tengteng ka thei veka: gamsate leng keia ahi.

50:12b.PSA.050.012 Gilkial mahleng kon hilh kei ding: leilung leh a sunga thil om tengteng keia ahi ngala.

50:13b.PSA.050.013 Bawngtal sa ka nein kel sisan ka dawn dia hiam!

50:14b.PSA.050.014 Pathian kiangah kipahthugen kithoihna tuh lan jaw inla; na thuchiam leng Tungnungpen lakah tangtun in.

50:15b.PSA.050.015 Huan, mangbat ni in honsam lechin, kon humbit dinga, huan nang nonpahtawi ding hi, a chi a.

50:16b.PSA.050.016 Migilou-salou kiangah bel, Pathianin, Ka thuseh bangchidana na kama lou na hia!

50:17b.PSA.050.017 Thuhilhna na hua a, ka thute na nunglamah na pai jel ngala.

50:18b.PSA.050.018 Guta na muh in phaje na sakpih a, angkawmpate na koppih gige behlap hi.

50:19b.PSA.050.019 Na kam tuh gilou kiangah na pia a. Na leiin khemna a bawl gige hi.

50:20b.PSA.050.020 Tu kawmin na unau na kalha; nangmah nute tapa ngeingei na hek nak hi.

50:21b.PSA.050.021 Huai thil tuh na hiha, himahleh ka dai nilouha; huchiin nangmah bang geihin non gingta hi: himahleh ka hon taia, na mitmuhin kizom jelin ka hihlang ding hi.

50:22b.PSA.050.022 Nou Pathian mangngilhte aw, hiai ngaihtuah dih ua! Huchilou injaw ka honbot nen kha ding hi, noumau honhumbit ding himhim lah a om dek ngal keia.Kuapeuh kipahthugen kithoihna lanin a hon pahtawi jel hi, huan a omdan kem hoih kiangah Pathian hotdamna ka ensak ding hi, a chi a.

50:23b.PSA.050.023 Kuapeuh kipahthugen kithoihna lanin a hon pahtawi jel hi, huan a omdan kem hoih kiangah Pathian hotdamna ka ensak ding hi, a chi a.

51

51:1b.PSA.051.001 Pathian aw, na chitna dungjuiin hon hehpih inla; na lainatna thupi mahmah dungjuiin.

51:2b.PSA.051.002 Ka thulimlouhnate hon silsiang sak vilvel inla, ka khelhna honsilsiangsak in.

51:3b.PSA.051.003 Ka tatleknate ka theigige ngala: ka khelhna tuh ka maah a om nilouhlouh hi.

51:4b.PSA.051.004 Na tungah, na tung kia ah thil ka hihkhial a, na mitmuh in thil gilou ka nahihta hi: thu na gena siamtanga na om theiha, vai na hawma, gensiatbeia na om theihna dingin.

51:5b.PSA.051.005 Ngaiin, thulimlouhna a suktuah in ka oma; ka nun khelhnain honnapai hi.

51:6b.PSA.051.006 Ngaiin, sunggil lamah takna na deih naknaka: huchiin a kimulou lamah pilna non theisak ding hi.

51:7b.PSA.051.007 Husopin honsiangsak inla, huan ka siang ding: honsil siang lechin, huchiin vuk sangin ka ngou zo ding hi.

51:8b.PSA.051.008 Nopna leh kipahna tuh bilin hon zasakin; na guh suktante a kipah theihna dingin.

51:9b.PSA.051.009 Ka khelhnate lakah na mai sel inla, ka thulimlouhna tengteng nul mangin.

51:10b.PSA.051.010 Pathian aw, keimah ah lungtang siangthou tak siam inla; ka sungah kha diktak siam thak nawnin.

51:11b.PSA.051.011 Na kiang akipanin honpaimang kenla; na kha siangthou honlaksak ken.

51:12b.PSA.051.012 Na hotdamna kipahna hon pe nawn inla; na Kha khutin honlen gigein.

51:13b.PSA.051.013 Huchiin talekte na lampi tungtang ka hilh dinga; huan, mi khialte nang lam a nga nawn ding uhi.

51:14b.PSA.051.014 Pathian, nang honhondampa Pathian aw, sisan suahnate lakah hontankhiain; huchiin ka leiin na diktatna thu kipak takin lain a sa ding hi.

51:15b.PSA.051.015 Toupa aw, nang ka muk hong in; huan ka kamin na phatna a theisak ding hi.

51:16b.PSA.051.016 Kithoihna tungah kipahna na nei ngal keia; huchi hilou hileh ka pe dinga: halmanga thillat tungah lungdamna himhim na neikei hi.

51:17b.PSA.051.017 Pathian deihlam kithoihnate jaw kha khasia ahi. Pathian aw, lungtang khasia leh kisik tuntun jaw na musit kei ding hi.

51:18b.PSA.051.018 Na deihlamtakin Zion tungah thilhoih hih inla; Jerusalem kulh lem in.Huchiin diktatna kithoihnate tungah kipahna na neita dinga, halmanga thillat leh halmanga pumpiak tungah: huan na maitam tungah bawngtalte a lanta ding uh.

51:19b.PSA.051.019 Huchiin diktatna kithoihnate tungah kipahna na neita dinga, halmanga thillat leh halmanga pumpiak tungah: huan na maitam tungah bawngtalte a lanta ding uh.

52

52:1b.PSA.052.001 Mi hat aw, bangachia thil hihkhelh suang na hia! Pathian chitna tunga gitlouhna bang dia suang?

52:2b.PSA.052.002 Na leiin nitengin thil gilou-salou a suangtuah nak; mulmet tem hiam tak khemhat bangin.

52:3b.PSA.052.003 Hoih sangin gilou na deih jaw a; diktatna thugen sangin juau thugen na deih jaw hi. Selah.

52:4b.PSA.052.004 Nang lei mi khemhat aw, thu mi valh zou thei tengteng tuh na deih nak hi.

52:5b.PSA.052.005 Pathianin khantawn a dingin a honhihzou sam dinga, a honman dinga, na omna akipanin a honkaikhe dinga, mihing gam akipan a honbot khe ek ding hi. Selah

52:6b.PSA.052.006 Mi diktatten leng a mu un a lau ding ua, a nuihsan ding ua.

52:7b.PSA.052.007 En di uh, hiai mi ahi, Pathian a kulhpi-a siam nuamlou a a hauhna thupitak muang jaw a, a gitlouh- satlouhna a kihihhat vial, chiin.

52:8b.PSA.052.008 Kei jaw, Pathian ina oliv sing sel liahliah bang kahi: Pathian chitna khantawn khantawn in ka muang ding hi.Huai na hih jiakin, khantwan in kipahthu kon hilh ding: na misiangthoute mitmuhah na min ka ngakngak ding, a hoih ngala.

52:9b.PSA.052.009 Huai na hih jiakin, khantwan in kipahthu kon hilh ding: na misiangthoute mitmuhah na min ka ngakngak ding, a hoih ngala.

53

53:1b.PSA.053.001 Mi haiin a lungtangin, Pathian a om kei, a chi naknak. A se khin ua, thil thulimlou kihhuaitak a hih uh; kuamah thilhoih hih himhim a om kei uh.

53:2b.PSA.053.002 Theisiama Pathian zong himhim a om uhiam chih thei dingin Pathianin van akipan in mihing tatea vaen suka.

53:3b.PSA.053.003 A lehngat chiat ua; nin takin a na om vekta ua; kuamah thil hoih hih himhim a om kei ua, khat lel leng a om kei uh.

53:4b.PSA.053.004 Thilhihkhialten theih himhim a neikei ua hia! Tanghou a nek bang un ka mite a ne khin ua, Pathian lah a ngeingaih sam kei uhi.

53:5b.PSA.053.005 Launa om louhna ah a lau petpet ua: Pathianin nang hon umpa guhte a dalhsak jiakin: Pathianin amau a muhsit jiakin, amau na zahlak sak.Israelte hotdamna tuh Zion akipanin hongpawt him le aw! Pathianin a mite sala a om uh a pi kik nawn chiangin, huai hun chiangin Jakobte a nuam ding ua, Israelte a kipak ding uh.

53:6b.PSA.053.006 Israelte hotdamna tuh Zion akipanin hongpawt him le aw! Pathianin a mite sala a om uh a pi kik nawn chiangin, huai hun chiangin Jakobte a nuam ding ua, Israelte a kipak ding uh.

54

54:1b.PSA.054.001 Pathian aw, na minin honhondam inla, na hatna in vai honhawm sakin.

54:2b.PSA.054.002 Pathian aw, ka thumna ngaikhia inla; ka kama thu suakhete bil doh in.

54:3b.PSA.054.003 Mikhualten honsualta ngal ua, mi ngongtatten ka hinna hihmang tumin a zong ua: Pathian tuh a ma uah a koih kei uhi. Selah.

54:4b.PSA.054.004 Ngaiin, Pathian hon panpihpa ahia: Toupa tuh ka hinna lente laka ahi.

54:5b.PSA.054.005 Aman gitlouhna tuhka melmate tungah a thuk ding: nang amau tuh na thutakna jiakin hihmangthangin.

54:6b.PSA.054.006 Keimah deih thu-a thil lanin na kiangah ka kithoih dinga; Toupa aw, na min tuh ka phat ding, a hoih jiakin.Ka mangbatna tengteng ah non tankheta ngala; hondoute tunga ka deihtel tuh ka mitin a muta hi.

54:7b.PSA.054.007 Ka mangbatna tengteng ah non tankheta ngala; hondoute tunga ka deihtel tuh ka mitin a muta hi.

55

55:1b.PSA.055.001 Pathian aw, ka thumna ah bil nadoh inla; hehpih ka ngetna ah kisel ken.

55:2b.PSA.055.002 Honja inla, hondawng in: ka mangbut thu jiakin ka mau vialviala, ka thum nilouhlouh hi.

55:3b.PSA.055.003 Melma husa in honhihmangbang; mi gilou-salou nuaisiahnain a honvuk ua, hehin honsawi ngal ua.

55:4b.PSA.055.004 Ka sungah ka lungtang a na mahmah a: sih mulkimnaten hondelh khum hi.

55:5b.PSA.055.005 Lauthawnna leh linnain honbawma, launain a honkhuh khinta hi.

55:6b.PSA.055.006 Huan, ken, vakhu banga kha neih ut hina tel ing e, aw! Huchiin ka leng mang dinga, khamuang takin ka om ding.

55:7b.PSA.055.007 Ngaiin, gamla pi-ah ka vialvak dia, gamdai ah ka om ding hi. Selah.

55:8b.PSA.055.008 Huih thupi leh huih bukna munah ka pai meng ding, ka chi a.

55:9b.PSA.055.009 Toupa aw, a lei uh hihsiain hihkek in; khopi ah ngongtatna leh ki-uina ka mu ngala.

55:10b.PSA.055.010 Sun leh janin khopi kulh dawnah a vialvak ua: a sungah thulimlouhna leh haksatna a om hi.

55:11b.PSA.055.011 Gitlouh-satlouhna a sungah a oma: nuaisiahna leh zekhemnain kholak a pawtsan ngeikei.

55:12b.PSA.055.012 Hon gensia lah melma ahi ngal keia; hileh jaw, ka thuak thei zo ding: ka tunga kihihlian tuh honhua lah ahi sam keia; hileh jaw, ka buksan ding hi.

55:13b.PSA.055.013 Himahleh, nang, ka mibatpih, ka lawm, kithuahpih theih na hi ngala.

55:14b.PSA.055.014 Kam khum takin i kihou khawm jela, mipi laka Pathian biakin ah i pawt jela.

55:15b.PSA.055.015 Sihna a tunguah hontung guih henla, kohawm ah a hingin paisuk uhen: gitlouh- satlouhnate a omna uah leh a gilsung uah tekhawng a om ngala.

55:16b.PSA.055.016 Ken jaw Pathian ka sam dinga; huchiin Toupan honhondam ding hi.

55:17b.PSA.055.017 Nitaklam bang jingsang bang, sun bangin ka bangbat thu ka genin ka thum dinga, huchiin aman ka aw a ngaikhe ding hi.

55:18b.PSA.055.018 Ka tunga kidouna lakah ka hinna khamuang takin a humbit taa: honsualte lah a tam ngal ua.

55:19b.PSA.055.019 Pathian, nidang laia om gigein, a ngaikhe dia, amau a dawng ding. Selah

55:20b.PSA.055.020 Amah toh kituakte tungah a khut a lika: a thukhun tuh a hihbuahta hi.

55:21b.PSA.055.021 A kam tuh nawitui khal bangin a nema, a lungtang bel kidouna ahi ngala; a thute tuh sathau sangin a nala, himahleh namsau phawisate ah ngala.

55:22b.PSA.055.022 Na puakgik Toupa tungah nga lechin, huchiin aman nang a honhihhat ding hi. Mi diktat tuh chikmahin leng a hihlin a phal kei ding hi.Himahleh, P athian aw, nang amaute manthatna kohawmah na pai suk sak dind; sisan suahhat leh khemhat mite tuh a damsung kimkhat uleng a dam zou kei ding uhi; ken bel nang kon muang hi.

55:23b.PSA.055.023 Himahleh, P athian aw, nang amaute manthatna kohawmah na pai suk sak dind; sisan suahhat leh khemhat mite tuh a damsung kimkhat uleng a dam zou kei ding uhi; ken bel nang kon muang hi.

56

56:1b.PSA.056.001 P athian aw, honhehpih inla; mihingin honvalh khit a tum ngal ua: nitumin honsualin honnuaisiah hi.

56:2b.PSA.056.002 Ka melmaten nitumin honvalh zoh a tum ua: kisatheitaka honsualte lah a tam ngal ua.

56:3b.PSA.056.003 Ka lau chiangin, nangmah kon muang hi.

56:4b.PSA.056.004 Pathian ah a thu ka phat dinga; Pathian ka gingta a, ka lau kei ding; sa in bang a honchih thei dia!

56:5b.PSA.056.005 Nitumin ka thute a la kawi ua: a ngaihtuahna tengteng tuh ka hatlouhna ding lam ngen ahi.

56:6b.PSA.056.006 A kikhawm ua, a bu ua, ka khapte achiamteh ua, ka hinna hihmang tuma a ngak nak jiak un.

56:7b.PSA.056.007 Thulimlouhna in a suahtak san ding ua hia! Pathian aw, hehin michih hihniamin.

56:8b.PSA.056.008 Nang ka vakvaihnate na chiamteh a: ka khituite na savun thawl ah thunin; na laibu-ah a tuang chiat kei ua hia!

56:9b.PSA.056.009 Kon sap hun ngeingeiin hondoute tuh a taijak ding ua: hiai ka thei, Pathianin honpanpih hi.

56:10b.PSA.056.010 Pathian ah a thu ka phat dinga: Toupa ah a thu ka phat ding hi.

56:11b.PSA.056.011 Pathian ka gingtaa, ka lau kei ding; mihingin bang a honchih thei dia!

56:12b.PSA.056.012 Pathian aw, na kiangah thuchiamte ka neia: kipahthugen kikhopnatein ka honthuk ding hi.Ka hinna sihna lakah na humbit a; ka khete puk lou dingin na humbit jel keia hia! mihing vaka Pathian maa ka vak theihna dingin.

56:13b.PSA.056.013 Ka hinna sihna lakah na humbit a; ka khete puk lou dingin na humbit jel keia hia! mihing vaka Pathian maa ka vak theihna dingin.

57

57:1b.PSA.057.001 Pathian aw, honhehpihin, honhehpihin; ka hinna nangmah ah a hongpuk lut ngala: ahi, na kha nuai ka tuh ding, vangtahnate a then masiah.

57:2b.PSA.057.002 Pathian Tunungpen ka sam ding: Pathian bangkim honhih sakpa.

57:3b.PSA.057.003 Honvalh khit tumpan a hon gensiat hun chiangin aman van akipanin a honsawl dinga, honhondam ding hi; Selah.

57:4b.PSA.057.004 Ka hinna humpinelkai lakah a oma; mi meia kang lakah ka luma, mihing tate lakah; huaite ha tuh tei leh thal ahia, a lei u tuh namsau hiamtak ahi.

57:5b.PSA.057.005 Pathian aw, nang van khen pekah pahtawiin hongom in! Na thupina leitung tengteng tungah hongom hen!

57:6b.PSA.057.006 Ka khe awkna dingin len a phah ua; ka hinna a kun khiikheia: ka maah kokhuk a tou ua; amau mah a laitakah a kia uhi. Selah.

57:7b.PSA.057.007 Ka lungtang a kip ahi, Pathian aw, ka lungtang a kip ahi: la kasa dinga, ahi, phatna la kasa ding hi.

57:8b.PSA.057.008 Ka thupina, halhin; pekging leh kaihgingte aw, halh un: kei tuh jingkhangin ka halh ding hi.

57:9b.PSA.057.009 Toupa aw, mi chih lakah te nang kipahthu kon holh ding a: nam chih lakah nangmah phatin la kasa ding hi.

57:10b.PSA.057.010 Na chitna van sun khopin a thupi ngala, na thutak tuh vandum sun khopin a thupi ahi.Pathian aw, nang tuh van khen pekah pahtawiin na omta in; na thupina tuh leitung tengteng tungah hong omta hen.

57:11b.PSA.057.011 Pathian aw, nang tuh van khen pekah pahtawiin na omta in; na thupina tuh leitung tengteng tungah hong omta hen.

58

58:1b.PSA.058.001 Diktatna thu dai didein maw na gen taktak uh! Mihing tate aw, diktakin maw vai na hawm uh!

58:2b.PSA.058.002 Ahi, na lungtang uah thil thulimlou na hih nak ua; leitungah na khut ua thil ngongtatna na buk khia uhi.

58:3b.PSA.058.003 Migilou-saloute a nu uh gilsung akipanin leng Pathian laka khenin a om ua: a suah tak un juau thugenin a vak mang jel uhi.

58:4b.PSA.058.004 A gu uh gul gu bang ahia: thangtom bengngong a bil hum bang tuh ahi uhi.

58:5b.PSA.058.005 Huaiin gul aitawite aw tuh a ngaikhe jel keia, bangchibanga siamin bum mahle uh leng.

58:6b.PSA.058.006 Pathian aw, a kam uah a hate uh tansak inla: Toupa aw, humpinelkai hatsanlaite ha lianpipite tuh tong khia in.

58:7b.PSA.058.007 Amau tuh tui hattaka luang bangin tuimang uhenla: a thalte a a ngimin, sat tan bangin om jel hen.

58:8b.PSA.058.008 Dokdawn, tuia, mang maimah jel bang hileh: a hunlou a numei nau neih, ni mel himhim mu lou bang hi hen aw.

58:9b.PSA.058.009 Na belte un ling satna a theihma un leng aman pingpeiin a la mang ding. A hinglai leh a kuanglai leng.

58:10b.PSA.058.010 Mi diktatin phulakna a muhin a kipak dinga: mi gilou-salou sisan ah a khe a sil ding hi.Huchiin miten, mi diktat adingin kipahman a hongom taktaka: lei ah vaihawmpa Pathian a hongom taktak ahi, a chi ding uhi.

58:11b.PSA.058.011 Huchiin miten, mi diktat adingin kipahman a hongom taktaka: lei ah vaihawmpa Pathian a hongom taktak ahi, a chi ding uhi.

59

59:1b.PSA.059.001 Ka Pathian aw, hondoute lakah honhumbit inla; honsualte lak akipan mun sangah honsuan in.

59:2b.PSA.059.002 Thilhihkhialte lakah honhumbit inla, sisan suah hatte lakah honhondam in.

59:3b.PSA.059.003 Toupa aw, ka tatlekna jiak hilouin, ka khelh jiak leng hilouin, ngaiin, ka hinna a tang gige ngala, mi hatte honsual dingin a kikhawm uhi.

59:4b.PSA.059.004 Ka khelh louh piin leng a tai ua, a kisa ua: honpanpih dingin kihihhalh inla, en in.

59:5b.PSA.059.005 Toupa aw, sepaihte Pathian, Israelte Pathian, nangmah ngei nam chih gawt dingin thou inla: mi lepchiah gilou takte peuhmah hawi ken. Selah.

59:6b.PSA.059.006 Nitaklam chiangin a hong nawn ua, ui bang in a ham vengvung ua, khopi a kim avel ah a pai uhi.

59:7b.PSA.059.007 Ngaiin a kam un a saik khia ua; a muk uah namsaute a oma: kua a thei a oma! A chi maimah uhi.

59:8b.PSA.059.008 Himahleh, Toupa aw, nang amau tuh na nuihsan zo dinga; nam chih na nuihsan phet ding hi.

59:9b.PSA.059.009 Ka hatna aw, kon ngak nilouh ahi, Pathian ka insang ahi ngala.

59:10b.PSA.059.010 Ka tunga ching Pathianin a hondon dinga: Pathianin ka melmate tungah ka thudeih a hon musak ding hi.

59:11b.PSA.059.011 Amau tuh that kenla, huchilou injaw ka miten a mangngilh kha ding ua: Toupa aw, ka phaw pen uh, Na thilhihtheihna in hihdalh inla, hihniam in.

59:12b.PSA.059.012 A kam khelhna jiak un leh a muk ua thu pawt jiakin a kisaktheihna ngei uah awk uhen, a thu gen jel uh hamselohna leh juauthu jiakin leng.

59:13b.PSA.059.013 Amaute thangpaiin hihmangthang inla, a om nawn louhna ding un hihmangthang inla, Pathianin Jakobte lakah vai a hawm chih theichiat uhen, kawlmong phain.

59:14b.PSA.059.014 Huan, nitaklamin hong uhenla, ui bangin ham vengvung uhenla, khopi a kim a velah pai uhen.

59:15b.PSA.059.015 Amau tuh nekding zongin a vak a vak ding ua, a tai kei uleh a om janhak ding uhi.

59:16b.PSA.059.016 Himahleh ken na hatna thu lain kasa dinga; ahi, jingsang in na chitna thu nuamtakin lain kasa ding hi: nang ka insang, ka mangbatni-a ka kihumbitna na hi ngala.Ka Hatna aw, nang phatin la kasa dinga; Pathian ka insang, ka tunga siam Pathian ahi ngala.

59:17b.PSA.059.017 Ka Hatna aw, nang phatin la kasa dinga; Pathian ka insang, ka tunga siam Pathian ahi ngala.

60

60:1b.PSA.060.001 Pathian aw, nang non khah khia a, non hihsia a; nong hehtaa; hontungding nawn in aw.

60:2b.PSA.060.002 Hiai gam na hih linga, na khangsak ta hi: a khangkhamte tuh siam hoih nawn inla; a ling a ling ngala.

60:3b.PSA.060.003 Na mite thil haksa pipi na tuak saka: hoihna uain non dawn sakta a.

60:4b.PSA.060.004 Nang laudansiamte kiangah puanjak na peta a, thutak jiaka jak a hihtheihna dingin. Selah.

60:5b.PSA.060.005 Na deihtakte humbita a om theihna ding un, na khut taklam in hondam inla, hondawng in.

60:6b.PSA.060.006 Pathianin a siangthouna ah hichi bangin a gen, Ka nuam dinga: Sekem khua ka hawm dinga, Sukkoth guam leng ka hawmjak ding hi.

60:7b.PSA.060.007 Gilead gam keia ahia, Manassi gam keia ahia; Ephraim gam leng ka lu humbitna ahia; Judia gam ka lalchiang ahi.

60:8b.PSA.060.008 Moab gam ka kisilna bel ahia; Edom gamah ka khedap ka pai ding: Philistia gam, nang jaw keimah jiakin kikou tanla, chiin.

60:9b.PSA.060.009 Khopi kiptak ah kuan a honpilut dia! Edom gamah kuan ahia honpi ding!

60:10b.PSA.060.010 Pathian aw, nangmah mahin non deihlouh ka hi kei ua hia? Pathian aw, ka sepaihte kiang uah lah na pawt ngal ta keia.

60:11b.PSA.060.011 Melma te sual dingin honpanpih in, mihing panpihna bangmah lou maimai ahi ngala.Pathian jiakin hang takin ka hih ding: amah tuh i melmate sikden dingpa ahi ngala.

60:12b.PSA.060.012 Pathian jiakin hang takin ka hih ding: amah tuh i melmate sikden dingpa ahi ngala.

61

61:1b.PSA.061.001 Pathian aw, ka kikou husa na ja inla; ka thumna ngaikhia in.

61:2b.PSA.061.002 Ka lungtang a bah laiin kawlmong akipanin kon sam ahi: suangpi kei sanga sangjaw ah honpi in.

61:3b.PSA.061.003 Nang tuh kei dingin humbitna melmate lakah galven insang kiptak nahi ngala.

61:4b.PSA.061.004 Na puanin ah khantawnin ka om dinga: na kha nuai bukna munah ka muang ding hi. Selah.

61:5b.PSA.061.005 Pathian aw, nang ka thuchiamte na ngaikhe ngala: na min laudansiamte gamluah tuh non pia hi.

61:6b.PSA.061.006 Kumpipa damsung hihsau in: a kumte suan tampi bang ahi ding.

61:7b.PSA.061.007 Pathian maah khantawnin a om gige ding: aw, amah a humbit theihna leh thutak bawlin.Huchiin ka thuchiamte nitenga ka hih theihna dingin, khantawn in na min phat in la kasa ding hi.

61:8b.PSA.061.008 Huchiin ka thuchiamte nitenga ka hih theihna dingin, khantawn in na min phat in la kasa ding hi.

62

62:1b.PSA.062.001 Ka hinna in Pathian kia a ngaka, amah akipan in ka hotdamna a hongpawt ding ahi.

62:2b.PSA.062.002 Amah kia ka suangpi leh ka hon hondampa ahi. Ka insang ahia, nakpi takin ka ling kei ding hi.

62:3b.PSA.062.003 Noute tengtengin, hihlum dingin, bang awn bang leh gawl puk dekdek bangin, bangtan ahia mi khat na sual ding uh?

62:4b.PSA.062.004 A thupina akipana sawnkhe ding lelin a kihou ua; juau gen tuh a kipah lamtak uh ahia: a kam un a vualjawl ua, himahleh a lungsim un hamsia a loh jel ngal uhi. Selah.

62:5b.PSA.062.005 Ka hinna, Pathian kia ngakin; ka lametna amah kianga kipan a pawt ahi ngala.

62:6b.PSA.062.006 Amah kia ka suangpi leh ka hotdamna ahi: ka insang ahia; ka ling kei ding.

62:7b.PSA.062.007 Pathian kiangah ka hotdamna leh ka thupina a oma: ka hatna suangpi leh ka kihumbitna tuh Pathian ah a om hi.

62:8b.PSA.062.008 Nou mipite aw, chiklai peuhin leng amah muang unla, na lungtang uh ama ah sungbua un: Pathian eia dingin kihumbitna ahi. Selah.

62:9b.PSA.062.009 Mi nam niamte tuh bangmahlou lel ahi ua, mi nam liante leng juau lel ahi uhi: bukna ah a paitou ding ua; bangmahlou maimai sangin a jang jaw uhi.

62:10b.PSA.062.010 Nuaisiahna muang kei unla; mi hiamgamhat suanin nei sam kei unla: hauhnate a hongkhan leh a tungah na lungtang uh nga kei un.

62:11b.PSA.062.011 Pathianin khatvei a gen a; hiai nihvei tak ka zata hi; thilhihtheihna tuh Pathian a ahi chih.Toupa aw, chitna tuh nanga mah ahi a: michih a thilhih bangbang un na thuk ngal jela.

62:12b.PSA.062.012 Toupa aw, chitna tuh nanga mah ahi a: michih a thilhih bangbang un na thuk ngal jela.

63

63:1b.PSA.063.001 Pathian aw, nang ka Pathian na hi a; jingsangpiin kon zong hi: ka hinna nangmah duhin a dangtaka, ka sain a honngai ahi, gam keu leh gim tui omlouhna ah.

63:2b.PSA.063.002 Huchimah bangin mun siangthou ah ka hon en gige hi, na thilhihtheihna leh na thupina mu dingin.

63:3b.PSA.063.003 Na chitna ka hinna sanga a hoihjawk jiakin ka muk in a honphat ding hi.

63:4b.PSA.063.004 Huchi mahbang in ka damsung tengin ka honphat ding: na minin ka khutte ka jak ding hi.

63:5b.PSA.063.005 Ka hinna tuh guhngek leh thaua tai bangin a tai dinga; ka min kipah muk puin a honphat ding hi.

63:6b.PSA.063.006 Ka lupna tunga kon theihgige laiin, jana na tungtang thu ka lunggel laiin.

63:7b.PSA.063.007 Nang tuh honpanpihpa nahi ngala, na kha nuaiah nuamin la kasa ding hi.

63:8b.PSA.063.008 Ka hinna in honjui tetteta: na khut taklamin non kai jel hi.

63:9b.PSA.063.009 Ka hinna hihmang tuma zongte leimun nuainung ahte khawng a lut ding ua.

63:10b.PSA.063.010 Namsau thilhihtheihna kiangah piak ahi ding uhi: sehalte tan a hita ding uhi.Kumpipa bel Pathian ah a nuam dinga: amah lou a kichiam peuhmah in a suang ding ua, juauthu gen hat kamte tuh huma om ding ahih jiak in.

63:11b.PSA.063.011 Kumpipa bel Pathian ah a nuam dinga: amah lou a kichiam peuhmah in a suang ding ua, juauthu gen hat kamte tuh huma om ding ahih jiak in.

64

64:1b.PSA.064.001 Pathian aw, ka mangbat thu-ah ka aw na naja inla: melmate lauhhuaina lakah ka hinna humbitin.

64:2b.PSA.064.002 Thil hoihlou hhte kihou gukna lakah honsel in; thilhihkhialte buai vengvung lakah.

64:3b.PSA.064.003 Amau tuh namsau bangin a lei uh a tathiam ua, huan, a thalte uh thu khate ngei thu a ngim ua.

64:4b.PSA.064.004 Mi gensiatbeite mun daia a kap theihna ding un: lau louin khatvei thuin a kap guih ngal uhi.

64:5b.PSA.064.005 Thil gilou hih dingin a kihasuan ua; thang a guka kam thu bangah a kihou jel ua: kuan huaite a mu dia? A chi ua.

64:6b.PSA.064.006 Thulimlouhna a zong khia ua; Hahkat takin i zongta, a chi ua: a sunglam ngaihtuahna leh lungtang tuh thuk takah ahi ngala.

64:7b.PSA.064.007 Himahleh Pathianin amau a kap ding a: Thakhatin thala liamin a om ding uhi.

64:8b.PSA.064.008 Huchibangin, amau lei ngeiin a mau a dou jiakin, kisuiin a om ding uhi: amau muten a lu uh a sing uhi.

64:9b.PSA.064.009 Huchiin, mi tengtengin a lau ding ua: Pathian nasep tuh a gen ding uhi, a thilhih tuh pil takin a ngaihtuah ding uhi.Mi diktatte tuh Toupa ah a kipak ding uh; lungtang diktat pu tengteng ten a suang ding uhi.

64:10b.PSA.064.010 Mi diktatte tuh Toupa ah a kipak ding uh; lungtang diktat pu tengteng ten a suang ding uhi.

65

65:1b.PSA.065.001 Pathian aw, Zion ah phatna in hongngak nilouh hi: thuchiam na lakah tangtung sak in.

65:2b.PSA.065.002 Thumna zapa aw, na kiangah sa tengteng a hongpai ding hi.

65:3b.PSA.065.003 Thulimlouhnaten honzou naknaka: ka tatleknate uh tuh nang na silsiang ding hi.

65:4b.PSA.065.004 Mi, na biakin huangsung intuala om thei dinga na tela, na kiang na naihsakin nuam a sa hi: na in hoihnain ka tai ding ua, na biakin mun siangthou hoihna in.

65:5b.PSA.065.005 Pathian honhondampa aw, thil mulkimhuaiten diktattakin na hondawng ding hi; nang kawlmonga mi tengteng leh tuipi tunga gamlapi-a omte lametna na hia.

65:6b.PSA.065.006 Thihihtheihna a taia kingaka, nangmah hatnaa mualte hihkippa na hi hi.

65:7b.PSA.065.007 Tuipi ging honhon, a kihot ging honhonte leh mi chih chiak vengvung hihdaipa na hi.

65:8b.PSA.065.008 Kawlmong tawpa omten leng na theihsaknate a lau ua: jingsang leh nitak paikhiaknate nuamin na kikou sak hi.

65:9b.PSA.065.009 Lei na veha, tuiin na khaia, nakpi petmahin na hih hoih hi; Pathian lui tuh tuiin a dima: lei huchi banga na bawl nungin amau dingin buh na bawlsak jel hi.

65:10b.PSA.065.010 Leilehte tuh tui tampiin na vaka; a saichian tuh na khengsak hi: vuahtuiin na nemsaka. A thilpoute na vualjawl jel.

65:11b.PSA.065.011 Kum tuh na hoihna na khusaka; na paina lam tuh thil hoihin a tak hi.

65:12b.PSA.065.012 Gamdaia gan tatna munahte khawng a taka. Tangte leng nuamna gak suakin a om hi.Gan tetna munte gan honin a luahsuaka; guamte leng buhin a khuhsuak hi; nuamin a kikou ua, la a sa uhi.

65:13b.PSA.065.013 Gan tetna munte gan honin a luahsuaka; guamte leng buhin a khuhsuak hi; nuamin a kikou ua, la a sa uhi.

66

66:1b.PSA.066.001 Leilung luah tengteng aw, Pathian pahtawiin nuamin kikou unla.

66:2b.PSA.066.002 A min thupidan tuh la in sa khia unla: a phatna hihthupi un.

66:3b.PSA.066.003 Pathian kiangah, Na thilhihte mulkimhuai na e! Na thilhihtheihna thupidan thu-ah nangmah melmate na kiangah a kipelut ding uhi.

66:4b.PSA.066.004 Lei tung luah tengtengin chibai honbuk ding ua. Nangmah phatin la a sa ding uh, chi un. Selah.

66:5b.PSA.066.005 Kisa un, Pathian thilhihte en un; mihing tate tunga a thilhih ah a kihtakhuai ahi.

66:6b.PSA.066.006 Aman tuipi leigaw a suaksaka; luipi khein a pai kai ua: huaiah amah ah i kipak uhi.

66:7b.PSA.066.007 A thilhihtheihna in khantawnin vai a hawma; a mitin nam chih a en hi: helhatte kipahtawi kei uhen. Selah.

66:8b.PSA.066.008 Mi chihte aw, I Pathian uh phat unla, amah phatna husa tuh theisak un.

66:9b.PSA.066.009 Aman tuh i hinna uh a hihhing gige a, i khete hihsuan a phal kei hi.

66:10b.PSA.066.010 Pathian aw, nang non enchian a; dangka sik etchet bangin non enchian ahi.

66:11b.PSA.066.011 Nang len ah non piluta; ka kawng uah puakgik tak non koiha.

66:12b.PSA.066.012 Mihingte, kangtalai tunga tuangin, ka lu tunguah na pai saka; mei leh tui ah ka pai suak ua; himahleh mun hausa takah lut dingin non pi khia ahi.

66:13b.PSA.066.013 Halmanga thillatte toh na in ah ka lut dinga, ka thuchiamte na lakah ka tangtungsak ding hi.

66:14b.PSA.066.014 Ka mukin a gena, mangbang a ka om laia kamin a gente mah.

66:15b.PSA.066.015 Sa thau tak halmanga thillatte na kiangah ka lan dinga, belampate hal namtui toh; bawngpate, kelte toh ka lan ding hi. Selah.

66:16b.PSA.066.016 Kisa un, Pathian laudansiam tengteng aw, ngaikhia un. Huchiin, ka hinna adinga a thilhih tuh ka hontheisak ding hi.

66:17b.PSA.066.017 Amah tuh ka kamin ka sama, ka leia pahtawiin a om hi.

66:18b.PSA.066.018 Ka lungtanga thulimlou ka limsak leh Toupan honngaikhe kei dinga

66:19b.PSA.066.019 Himahleh, Pathianin honngaikhe taktaka; ka thumna husa a limsak ahi.Pathian, ka thumna vuaksuak sak lou-a, ka laka a chitna tawp sam lou tuh phatin om hen.

66:20b.PSA.066.020 Pathian, ka thumna vuaksuak sak lou-a, ka laka a chitna tawp sam lou tuh phatin om hen.

67

67:1b.PSA.067.001 Pathian in honhehpih hen la, vual honjawl henla, a mel tuh i tunguah honvak sak hen. Selah.

67:2b.PSA.067.002 Na lampi tuh leitunga mi theih a hihtheiha, na hotdamna tuh nam chih kianga theih a hihtheihna ding in.

67:3b.PSA.067.003 Pathian aw, mi chihin hon phat hen; mi khempeuhten hon phat hen.

67:4b.PSA.067.004 Aw, namchih kipak taka om in, nuam lasa uhen: Nang mi chih tuh khentuam neilou-a vaihawm sakin, leitung a namchih na uk ngala. Selah.

67:5b.PSA.067.005 Pathian aw, mi chihin honphat uhen; mi chitengten honphat uhen.

67:6b.PSA.067.006 Leiin a thil pou a pia a: Pathian, koumau Pathian ngeiin, honvualjawl ding.Pathianin vual a honjawl dinga; kawlmong a mi tengteng inleng amah a lau ding uhi.

67:7b.PSA.067.007 Pathianin vual a honjawl dinga; kawlmong a mi tengteng inleng amah a lau ding uhi.

68

68:1b.PSA.068.001 Pathian thou henla, a melmate hihjakin om uhen; amah hote leng a maah taikek uhen.

68:2b.PSA.068.002 Meikhu mutmanga a om bangin, amau mut mangin: khuainun mei luma a zul bangin mi gilou-saloute Pathian maah mangthang uhen.

68:3b.PSA.068.003 Mi diktatte bel kipak takin om uhenla; Pathian maah nuam u henla; Pathian maah nuam uhen: ahi, kipak takin nuam uhen.

68:4b.PSA.068.004 Pathian pahtawiin lasa unla, a min phatin lasa un: kangtalaia gamdaite paisuakna dingin lamlian ding sung vum unla: a min tuh Toupa ahi; a maah nuam un.

68:5b.PSA.068.005 Pathian a omna siangthou a om, pa neiloute Pa leh meithaite ngaihtuahpa ahi.

68:6b.PSA.068.006 Pathian in mi tangkhatte inkuan lakah a pangsaka: mi hentate a pi khiaa, vangphatna ah a pi lut hi: helhatte jaw gam keu ah a om uhi.

68:7b.PSA.068.007 Pathian aw, na mite makaia na hongpawta, gamdaia na paisuak laiin. Selah.

68:8b.PSA.068.008 Lei a ling dupdupa, vante leng Pathian maah a takkhiaa: Sinai tang hilhial leng Pathian maah, Israelte Pathian maah, a ling dudup hi.

68:9b.PSA.068.009 Pathian aw, nang vuah tampi na zu saka, na gouluah ding, a bah laiin, na hihkip hi.

68:10b.PSA.068.010 Na heuten huailaiah panmun a khoh ua: Pathian aw, nang na hoihna in gentheite a dingin na bawl hi.

68:11b.PSA.068.011 Toupan thu a pia a, tanchin genmi numeite tuh pawl lianpi ahi ua.

68:12b.PSA.068.012 Sepaihte kumpipate a taikek ua: inngaknun gal lak sum tuh a hawma.

68:13b.PSA.068.013 Vakhu kha dangkaeng a luana, a kha mong leng dangkaengte sela luan bangin, belam huang kal khawng bangah om mahle uh.

68:14b.PSA.068.014 Bangkimhihtheiin huaia kumpipate a hihjak lai tuh, Zalmon tanga vuk zuk lai bang ahi hi.

68:15b.PSA.068.015 Pathian tang tuh Basan tang ahi a; Basan tang tuh tang sangpi ahi.

68:16b.PSA.068.016 Tang sangtakte aw, Pathianin a omna dinga a tang deih, bangdia hajaa en. Ahi, Toupa tuh huailaiah khantawnin a om nilouh ding ahi.

68:17b.PSA.068.017 Pathian kangtalai asing asinga, asang asanga tampi ahi: Toupa tuh, Sinai tanga om bangin, huai lakah mun siangthou ah a omta hi.

68:18b.PSA.068.018 Nang tuh tunglamah na paitou a, na matte tuh salin na pi a: mihingte lakah thilpiakte na mu a, ahi, helhatte lakah leng: Toupa Pathian tuh a kiang ua a om theihna dingin.

68:19b.PSA.068.019 Toupa ka puak uh niteng a hon puak sakpa, honhondampa Pathian phatin om hen. Selah.

68:20b.PSA.068.020 Pathian tuh eia dingin kihumbitna Pathian ahi; sihna akipan hotkhiaknate Toupa Jehovaha ahi.

68:21b.PSA.068.021 Himahleh Pathianin amah melmate lu a sat phel phua ding, a siamlouhna a pai jel lu vun sam pha tak.

68:22b.PSA.068.022 Toupan, Basan gam akipanin ka pi nawn dinga tuipi nuai thuk tak akipan ka pi nawn ding.

68:23b.PSA.068.023 Na khe tuh sisana na diah theiha, na ui leiten na doute laka tan a neih theihna dingin a chi a.

68:24b.PSA.068.024 Pathian aw, na pailaite khawng a mu ua, i Pathian i kumpipa mun siangthou a a pailai khawng.

68:25b.PSA.068.025 Nungak khuang bengte lakah, lasa pawlte a pai masa ua, tumging tumpawlin a jui uhi.

68:26b.PSA.068.026 Kikhopnate ah Pathian phat unla. Israel tuinaka pawtte aw, Toupa tuh phat un.

68:27b.PSA.068.027 Huaiah nautum Benjamin a vaihawmpa un a om chiauchiau, Juda miliante leh a upate uh, Zebulun miliante, Naphtali miliante toh.

68:28b.PSA.068.028 Na Pathian in na thilhihtheihna thu a piaa: Pathian aw, kou dinga thil non hihsak tuh hihhatin.

68:29b.PSA.068.029 Jerusalema na biakin jiakin kumpipaten kipahmante a honpuak ding uhi.

68:30b.PSA.068.030 Dangkate sikdenin sialluang laka gamsahangte taihilhin; Bawngtal tampi, michih bawngnoute toh kidou ut mi khempeuh a hihjakta hi.

68:31b.PSA.068.031 Aigupta gam akipanin mi liante a hongpawt ding ua; Ethiopiate a khut uh Pathian lama jak dingin a kintat ding uh.

68:32b.PSA.068.032 Leitung gamte aw, Pathian pahtawiin lasa unla; aw, Toupa phat in lasa un. Selah.

68:33b.PSA.068.033 Vante van nidang laia omte tunga tuangpamah. Ngaiin, a aw a suah e, a aw thupitak mahmah.

68:34b.PSA.068.034 Pathian kiangah hatna pia un: a thupina tuh Israelte tungah a oma, a hatna tuh van dumte ah a om hi.Pathian aw, na mun siangthou akipan in na kihtakhuai ahi. Amah Israelte Pathian ngeiin a mite kiangah hatna leh thilhihtheihna a pe jel ahi. Pathian phatin om hen.

68:35b.PSA.068.035 Pathian aw, na mun siangthou akipan in na kihtakhuai ahi. Amah Israelte Pathian ngeiin a mite kiangah hatna leh thilhihtheihna a pe jel ahi. Pathian phatin om hen.

69

69:1b.PSA.069.001 Pathian aw, honhondam in; tuite lah ka hinna phain a lutta ngala.

69:2b.PSA.069.002 Buannawi thukpi, siksan himhim om louhna ah, ka tum hulhul hi: Tui thukpi tui lian hontupna ahte, ka na lutta hi.

69:3b.PSA.069.003 Ka kikouna lamin ka baha; ka dang a keu khinta; ka Pathian ka ngakna ah ka mit a vai khinta hi.

69:4b.PSA.069.004 Bangmahlou a honhote ka samzang sangin a tam ua: dikloupi a hondou a honhihmangthat tumte tuh mi hat tak ahi uhi: huchiin ka lak het louh tuh ka penawn hi.

69:5b.PSA.069.005 Pathian aw, nang ka haidan na thei hi; ka siamlouhnate leng na lakah sel ahi kei hi.

69:6b.PSA.069.006 Toupa aw, sepaihte Pathian, nangmah ngakte keimah jiakin zahlak kei uhen: Israelte Pathian aw, nangmah zongte keimah jiakin hihzumin om kei uhen.

69:7b.PSA.069.007 Nangmah jiaka gensiat ka thuak jiakin, zumnan ka mai a khuh khinta hi.

69:8b.PSA.069.008 Ka unaute lakah mikhual ka na hitaa, ka nu naute lakah theih ngeilouh mi ka na hita hi.

69:9b.PSA.069.009 Na in a ka phatuamngaihnain honne khina; nangmah gensete gensiatnate ka tungah kibungta hi.

69:10b.PSA.069.010 Ka kaha, anngawl kawma ka hinna ka sawi leh, huai lah gensiata ka omna phet ahia.

69:11b.PSA.069.011 Ka puansilha saiip ka zat leh, amau dia hoihlou lama gentehna ka na hi jela.

69:12b.PSA.069.012 Kulh konga tuten ka tungtangthu a gen ua; zukhamhatte lasak ka nahita hi.

69:13b.PSA.069.013 Himahleh, Toupa aw, ken jaw, hun kipahhuaiah ahi, ka thum; Pathian aw, na chitna thupi jiakin na hotdamna thupi takin hondawng in.

69:14b.PSA.069.014 Buannawi akipan honhumbit inla, hontum sak mahmah ken; honhote lakah leh tui thukpi akipan humbitin hon omsak in.

69:15b.PSA.069.015 Tui lianin hontum mang kei henla, tui thuk piin leng honvalh kei hen, kokhuk inleng a kam honchih khum kei hen.

69:16b.PSA.069.016 Toupa aw, hondawng in; na chitna a hoih ngala; na lainatna thupidan bang jelin kei lam hongnga in.

69:17b.PSA.069.017 Na sikha lakah na mai leng sel ken; ka mangbang ngala; hondawng meng in.

69:18b.PSA.069.018 Ka hinna honnaihin, tan inla; hondoute jiakin hon humbit in.

69:19b.PSA.069.019 Nang mi hon gensiatnate, ka zahlaknate, ka zumnate na thei hi: hondoute na maah a om vek uhi.

69:20b.PSA.069.020 Mi hon gensiatna in ka kha a sia a; nakpi takin ka lungkham behlap hi: huchiin hon hehpih ding ka zonga, himahleh kuamah a om ngal kei ua; honkhamuan dingte ka zong nawna, himahleh kuamah ka mu sam kei hi.

69:21b.PSA.069.021 Ka an dingin banghiam kha a honpiak behlap ngal ua; ka dangtakin lah uain thuk dawn dingin honpia uhi.

69:22b.PSA.069.022 A ma ua a dohkan uh thang honghi hen; khamuang taka a om lai un pial honghi hen.

69:23b.PSA.069.023 A mitte uh, a muh theihlouhna ding un, hihmialin om hen; a kawngte uh kivuang sak gige in.

69:24b.PSA.069.024 Na lungkimlouh mahmahna tuh a tunguah sungbua inla, na heh thangpaihnain amau tuh man hen.

69:25b.PSA.069.025 A omna uh gam henla; a puanin khawng uah kuamah om kei hen.

69:26b.PSA.069.026 Na satpa tuh a sawi ua, na sukliamte lungkhamna leng a gen ngal nak uhi.

69:27b.PSA.069.027 A thulimlouhna uh thulimlouhnain behlap inla; amau na diktatna ah lut kei uhen.

69:28b.PSA.069.028 Amau tuh hinna bu akipan nulmang in om uhenla, mi diktat lakah gelh hi kei uhen.

69:29b.PSA.069.029 Himahleh kei genthei tak leh lungkham tak ka hia: Pathian aw, na hotdamna in mun sangah honkoih in.

69:30b.PSA.069.030 Pathian min lain ka phat dinga, kipahthu genin amah ka pahtawi ding hi.

69:31b.PSA.069.031 Huchibangin bawngtal hiam, ki leh chinnei bawngpa hiam, sangin Toupa a kipaksak zo ding hi.

69:32b.PSA.069.032 Thunuailutten huai a mu ua, a kipak uhi: nou Pathian zongte aw, na lungtang uh hingin om hen.

69:33b.PSA.069.033 Toupan tagahte ngaikhiain, a hentate tuh a musit ngal kei hi.

69:34b.PSA.069.034 Lei leh vanin amah phat hen, tuipite leh a sung ua thil tang thei peuhmahte toh.

69:35b.PSA.069.035 Pathianin Zion honkhiain, Juda khuate a siam dek ngala: huchiin huaiah a om ding ua, neih toh a thuah ding uh.A sikhate suanten leng a gouluah ding ua; a min itte a sungah a om ding uhi.

69:36b.PSA.069.036 A sikhate suanten leng a gouluah ding ua; a min itte a sungah a om ding uhi.

70

70:1b.PSA.070.001 Pathian aw, honhumbit dingin kin inla; Toupa aw, honpanpih dingin kin mengin.

70:2b.PSA.070.002 Ka hinna hihmang tuma zongte zahlakin zum uhen, ka siatna zonga kipakte.

70:3b.PSA.070.003 Ku! Ku! Chite a zahlak jiak un taikek sakin om uhen.

70:4b.PSA.070.004 A honzongte tengteng nangmah ah nuamtak leh kipaktakin om uhen la; na hotdamna itten, Pathian pahtawiin om hen, chi gige uhen.Himahleh kei jaw genthei leh tagah tak ka hi a; Pathian aw, ka kiangah hongpai meng in: nang honpanpihpa leh honhumbitpa na hi a; Toupa aw, sawt hal mahmah ken.

70:5b.PSA.070.005 Himahleh kei jaw genthei leh tagah tak ka hi a; Pathian aw, ka kiangah hongpai meng in: nang honpanpihpa leh honhumbitpa na hi a; Toupa aw, sawt hal mahmah ken.

71

71:1b.PSA.071.001 Toupa aw, nangmah ah ka ginna ka koih jel hi; chikmah chiangin zahlakin honomsak ken.

71:2b.PSA.071.002 Na diktatna vangin honhumbitin, honhonkhia inla: kei lamah na bil hondohin, honhondam in.

71:3b.PSA.071.003 Kei dingin omna suangpi, ka hohtheih gigena ding, hong hiin: nang honhondam dingin thu na pia a; ka suangpi leh ka kulhpi na hi ngala.

71:4b.PSA.071.004 Ka Pathian aw, mi gilou- salou khut akipan honhonkhia in, mi diktatlou leh nunsia khut akipan.

71:5b.PSA.071.005 Toupa Pathian aw, nang ka lamet na hi ngala: ka naupan chik akipan ka hon muan na hi hi.

71:6b.PSA.071.006 Ka nu gil akipan him in nangmah kaihin ka om jela: ka nu sung akipan honlakhepa na hi: nangmah ahi, ka honphat gige ding.

71:7b.PSA.071.007 Mitampi theihin thillamdang kahi a; himahleh nang ka kihumbitna kiptak na hi.

71:8b.PSA.071.008 Ka kam nang phatna in a dim ding, nitumin na pahtawinain a dim ding hi.

71:9b.PSA.071.009 Ka tek chiangin honpaikhe kenla, ka tha a jawt chiangin hon paisan ken.

71:10b.PSA.071.010 Ka melmaten ka tungtangthu a gen ngal ua; ka hinna tangte leng a kikou uhi.

71:11b.PSA.071.011 Pathianin a paisanta: delh unla, man un; humbitpa ding himhim a om ngal keia chiin.

71:12b.PSA.071.012 Pathian aw, hon gamlat mahmah ken: ka Pathian aw, honpanpih dingin kin in.

71:13b.PSA.071.013 Ka hinna tunga melmate zahlak leh mangthangin om uhenla; ka siatna ding zongte gensiatna leh zumnaa khuhin om uhen.

71:14b.PSA.071.014 Himahleh ken jaw ka lamen gige dinga, ka honphat semsem ding hi.

71:15b.PSA.071.015 Ka kamin na diktatna thu a gen ding a, nitumin ka hotdamna thu a gen dinga: a tamdan ka thei ngal keia.

71:16b.PSA.071.016 Toupa Pathian thilhih thupiakte toh ka hongpai ding a: a diktatna, nangmah diktatna thu kia, ka gen ding hi.

71:17b.PSA.071.017 Pathian aw, ka naupan chik akipan nang non hilha; tu tanin na thillamdang hihte ka theisak gige hi.

71:18b.PSA.071.018 A hi, Pathian aw, ka teka ka sam a kan hun inleng hon paisan mahmah ken; na hatna tuh khangthak nawnte kiangah leh, na thilhihtheihna hongom lai dingte kianga ka theihsak mateng.

71:19b.PSA.071.019 Pathian aw, na diktatna leng a sang mahmah ahi; Pathian aw, nang thil thupitakte hihpa, nangmah bang kua a om?

71:20b.PSA.071.020 Nang, buaina tampi leh thupitak honmusakpan non hingsak nawn dinga, lei thukpi akipan non pi khe nawn ding hi.

71:21b.PSA.071.021 Nang ka thupina honhihkhangsak inla, hongkihei nawn inla, hon khamuan in.

71:22b.PSA.071.022 Pekgingin leng ka hon phat dinga, ka Pathian aw, na thutak ngei ka phat ding. Nang Israelte Mi Siangthou aw, kaihging toh nangmah phatin la ka sa ding hi.

71:23b.PSA.071.023 Nangmah phata la ka sak chiangin ka muk a nuam mahmah dinga; ka hinna na tat mah leng a nuam mahmah ding hi.Ka leiin leng nitumin na diktatna thu a gen ding; ka siatna ding zongte a zahlak un a zumta ngal ua.

71:24b.PSA.071.024 Ka leiin leng nitumin na diktatna thu a gen ding; ka siatna ding zongte a zahlak un a zumta ngal ua.

72

72:1b.PSA.072.001 Pathian aw, na vaihawmnate kumpipa kiangah pia inla, na diktatna kumpipa tapa kiangah pia in.

72:2b.PSA.072.002 Na mite tuh diktatnain vai a hawmsak dinga, na mi gentheite tuh vaihawmna dikin vai a hawmsak ding hi.

72:3b.PSA.072.003 Tanglian leh tangneu ten diktatnain mite kiangah khamuanna a hontun ding uhi.

72:4b.PSA.072.004 Aman mi laka gentheite tuh vai a hawmsak dinga, tagah tate tuh a hondam dinga, nuaisiahpa bel a hihjan ding hi.

72:5b.PSA.072.005 Tunga ni a om sungin a kikou ding ua, kha om sungin leng, suan om sung tengteng inleng.

72:6b.PSA.072.006 Amah tuh loupa gawitan tunga vuah kia bangin a ke dinga; lei vak vuah tui bang maiin.

72:7b.PSA.072.007 A damlai un mi dikte tuh a pha luahluah ding uh, huan, khamuanna thupidan, kha om louh masiahin.

72:8b.PSA.072.008 Aman tuipi akipana tuipi dang phain leng thu a nei ding, luipi akipan kawlmong phain leng.

72:9b.PSA.072.009 Gamdaia omte tuh a maah a kun ding ua: a melmaten leng leivui a liak ding uhi.

72:10b.PSA.072.010 Tarsis gam leh tuikulh gam kumpipaten kipahman a hontawi ding ua; Sheba leh Seba gam kumpipaten thilpiakte a honlan ding uhi.

72:11b.PSA.072.011 Ahi, kumpipa tengteng tuh a maah a khupboh ding ua: nam chitengin a na a sem ding uhi.

72:12b.PSA.072.012 Gentheiin a sap chiangin aman a humbit dinga, mi tagah, panpihpa neilou leng a humbit ding hi.

72:13b.PSA.072.013 Mi genthei leh tagahte a hehpih dinga, tagahte hinna a hondam ding hi.

72:14b.PSA.072.014 A hinna uh tuh nuaisiahna leh hiamgamna lak akipan a tan dinga, a sisan uh amah ngaihdan in manpha tak ahi ding ahi ngala.

72:15b.PSA.072.015 Huan, a hing ding ua; Sheba gam dangkaeng akipana piak ahi dinga: miten amah a thumsak gige ding uhi; nitumin vual a jawlsak ding uhi.

72:16b.PSA.072.016 Leiah, mualvum peuhah, buh tampi a om dinga; a vui tuh Lebanon bangin a ling suausuau dinga, khuaa mite bel loupa bangin a pha lihliah ding uhi.

72:17b.PSA.072.017 A min tuh khantawnin a om tawntung dinga; a min tuh ni a om sungin tatlak louin a om jel dinga; mite tuh amah ah vualjawl in a om ding ua; nam chih ten amah tuh hampha a chi ding uhi.

72:18b.PSA.072.018 Toupa Pathian, Israelte Pathian phatin om hen, amah kiain thillamdang a hih jela.

72:19b.PSA.072.019 A min thupi tak khantawnin phatin leng om henla; lei pumpi leng a thupinaa hihdimin om hen. Amen, Amen.Jesai tapa David thumnate a beita hi.

72:20b.PSA.072.020 Jesai tapa David thumnate a beita hi.

73

73:1b.PSA.073.001 Pathian tuh Israelte tungah a nahoih ngei e, lungtang siangthoute tunga.

73:2b.PSA.073.002 Himahleh ken jaw ka siktal dekdeka; ka kalsuante a teu dekdek ahi.

73:3b.PSA.073.003 Mi gilou-saloute vangphatdan ka muhin mi mangte ka eng ngala.

73:4b.PSA.073.004 A sih lai un thuakna himhim a neikei ua: a hatna u tuh a kip zosop ngala.

73:5b.PSA.073.005 Mi dang banga gimthuakin a om kei uhi. Midang banga gawtin leng a om sam kei uhi.

73:6b.PSA.073.006 Huaijiakin kisaktheihnain khainiang bangin a ngawng uh a vela; hiam gamnain puansilh bangin a tuam hi.

73:7b.PSA.073.007 Thau jiakin a mit uh a pawng leulaw u a: lungtang thudeih sanga thupi a nei uhi.

73:8b.PSA.073.008 A nuihsan ua, giloutakin nuaisiahna thu a gen ua: kisaktheihnain a pau uhi.

73:9b.PSA.073.009 A kam uh van khawngah a koih ua, a lei un leitung a pha suak jel hi.

73:10b.PSA.073.010 Huaijiakin a mite tuh huaiah a kik nawn ua. Tui nou-a dim tuh amau dawn siang sipsipin om hi.

73:11b.PSA.073.011 Pathianin bangchin a thei dia? Tungnungpenin theihna a nei dia hia? a chi ua.

73:12b.PSA.073.012 En dih, hiaite khawng mi gilou-saloute ahi uhi; nuamsa taka om gigein a hau deuhdeuh jel uhi.

73:13b.PSA.073.013 A thawn maiin ahi, ka lungtang ka hihsiana, ka khutte gensiatbeia ka sil.

73:14b.PSA.073.014 Nitumin gawtin ka oma, jingsang tengin sawiin ka om ngala.

73:15b.PSA.073.015 Huchi bangin ka gen ding, na chitaleng; ngaidih, taka hih ka na hi ding.

73:16b.PSA.073.016 Huai tuh ka theihtheihna dingdan ka ngaituahin, Keia dingin a na lua ahi.

73:17b.PSA.073.017 Pathian mun siangthou a ka luta, a beina ding uh ka ngaituah masiah.

73:18b.PSA.073.018 Amau tuh mun nal takahte na koih ngeia; siatna ahte khawng na pai khe jel hi.

73:19b.PSA.073.019 Bangchidan ahia mitphiat kal kiaa a ingam tak u aw! thil mulkimhuai taktea hihmanthat vekin a omta uhi.

73:20b.PSA.073.020 Min khanloh nunga mang bangmah a sak louh bang un, Toupa aw, na halh hunin amau lim leng bangmah na sa kei ding hi.

73:21b.PSA.073.021 Ka lungsim lungkhama a oma ka lungtanga suta ka om laiin.

73:22b.PSA.073.022 Mi mawl leh bangmah theilou ka hi a, na lakah gamsa bang phet ka hi hial hi.

73:23b.PSA.073.023 Himahleh na kiangah ka om gige a: ka khut taklam na len gige hi.

73:24b.PSA.073.024 Nang na lemtheihnain non pi dinga, huai nung chiangin thupina ah non kipahpih ding hi.

73:25b.PSA.073.025 Van ah nang lou ngal kua ka neia? Lei ah leng nang lou ngal ka deih kuamah a om kei hi.

73:26b.PSA.073.026 Ka sa leh ka lungtang a bahta a: himahleh Pathian tuh khantawna ka lungtang utna ding leh ka tantuan ding ahi.

73:27b.PSA.073.027 Ngaiin, nangmah gamlata omte a mangthang dek ua: a hon angkawmsan peuhmahte tuh na hihmangta ahi.Kei adingin bel Pathian naih a hoiha: Toupa Pathian tuh ka kihumbitnain ka neia, na nasep tengteng thu ka hilh theihna dingin.

73:28b.PSA.073.028 Kei adingin bel Pathian naih a hoiha: Toupa Pathian tuh ka kihumbitnain ka neia, na nasep tengteng thu ka hilh theihna dingin.

74

74:1b.PSA.074.001 Pathian aw, bangdinga honpai mang den ding na hia oi? Bangdinga na gantatna muna belamte tunga na hehna a khut?

74:2b.PSA.074.002 Na mite kikhawmte, nidang laia na lei, nam na gou dinga na tat, thei gige in; na omna nak Zion tang toh.

74:3b.PSA.074.003 Khantawn siatna lamah na khe khaiin, melmaten mun siangthou ah thil gilou chiteng a hihta uhi.

74:4b.PSA.074.004 Nangmah doute na mite kikhawmte lakah a awng juajua ua; achiamnate uh chiamtehna dingin a takta uhi.

74:5b.PSA.074.005 Mi singbawk heipi a ngimte bangin a kimu ua.

74:6b.PSA.074.006 Tunah a thil- khuak kilawm tengteng uh heita leh sekin a hihse chiat uhi.

74:7b.PSA.074.007 Na mun siangthou a hal ua; na min omna leia tum khop hialin a hihbuahta uhi.

74:8b.PSA.074.008 A lungsim un, A vekin i hihse ding, a chi ua: hiai gama Pathian kikhopna in tengteng a halse khinta uhi.

74:9b.PSA.074.009 I kichiamtehnate uh i muta kei ua: jawlnei himhim a omta kei uhi; a sawt dingdan thei himhim i lak uah leng a om kei hi.

74:10b.PSA.074.010 Pathian aw, melmain bangtan ahia hon gensiat ding? Galin na min khantawnin a gense dia hia?

74:11b.PSA.074.011 Bangdingin ahia, na khut, na khut taklam na lak tak? Pholh khe nawn inla, amaute hihmang in.

74:12b.PSA.074.012 Himahleh, Pathian tuh nidanglai tana ka Kumpipa ahi, lei lai taka hotdamna siampa pen.

74:13b.PSA.074.013 Nang na hatnain tuipi na kikhensaka nang tuia drakonte na kitamsak hi.

74:14b.PSA.074.014 Nang tuh ole lute na jansaka, amah tuh gamdai mi omte kiangah an dingin na pia hi.

74:15b.PSA.074.015 Nang tuikhuk leh tuilian na khena; nang lui lian taktakte na kangsak hi.

74:16b.PSA.074.016 Sun nanga ahi a, jan leng nanga ahi. Nang khovak leh nisa na ngaihtuah hi.

74:17b.PSA.074.017 Nang leitung gamgite tengteng na khung vek hi: nang nipi leh phalbi na siam ahi.

74:18b.PSA.074.018 Toupa aw, hiai theigige in, melmain a hon gensiata; nam haipiin na min a gensiat.

74:19b.PSA.074.019 Aw na vakhu hinna gam sahang kiangah pe mahmah kenla; na mi gentheite hinna khantawnin leng mangngilh sam ken.

74:20b.PSA.074.020 Thukhun tuh honkhawksa in: leimun mial tata hiamgamna omnain a dim ngala.

74:21b.PSA.074.021 Aw, nuaisiahna thuakte zahlakin kihei kei uhenla: genthei leh tagahten na min phat uhen.

74:22b.PSA.074.022 Pathian aw, thou inla, nangmah thu tuh kigen tawm inla, mi haiin nitumin a hon gensiatdan theigigr in.Nangmah galte husa tuh mangngilh ken: a hon sualte chiak vengvung tuh a toupai gige ahi.

74:23b.PSA.074.023 Nangmah galte husa tuh mangngilh ken: a hon sualte chiak vengvung tuh a toupai gige ahi.

75

75:1b.PSA.075.001 Pathian aw, kipahthu ka honhilh uhi; kipahthu kon hilh uhi, na min a nai jiakin: min na thillamdang hih thute a gengen uhi.

75:2b.PSA.075.002 Hun seh pen ka muh hun chiangin diktakin vai ka hawm ding hi.

75:3b.PSA.075.003 Lei leh a sunga om tengteng a zul khinta: ken a bante ka phut ahi. Selah.

75:4b.PSA.075.004 Mi uangte kiangah, Uang takin om kei un, ka chi a: mi gilou-saloute kiangah, Na ki uh sangsak kei unla, leng ka chi hi.

75:5b.PSA.075.005 Na ki uh tuh tunglamah hihsang kei unla; ngawng golh jenin thu gen kei un.

75:6b.PSA.075.006 Sansakna tuh suahlam akipan ahi kei laia, tumlam akipan leng ahi kei, simlam akipanlah ahi sam kei hi.

75:7b.PSA.075.007 Pathian tuh vaihawmpa ahi jaw: Aman khat a niamsak a, khat a sangsak jel hi.

75:8b.PSA.075.008 Toupa khut ah nou a om ngala, a uain a phula; thildang toh helin a dima, huai apat a bung khiaa; pellouin a neng nangawn leia mi gilou-salou tengtengin a dawn siang sipsip ding uhi.

75:9b.PSA.075.009 Himahleh ken jaw khantawnin ka theisak dinga, Jakob Pathian phatin la ka sa ding hi.Mi gilou-saloute ki tengteng leng ka hihtan dinga; mi diktatte ki jaw sansakin a om ding hi.

75:10b.PSA.075.010 Mi gilou-saloute ki tengteng leng ka hihtan dinga; mi diktatte ki jaw sansakin a om ding hi.

76

76:1b.PSA.076.001 Judate lakah Pathian theihin a oma; Israelte lakah a min a thupi hi.

76:2b.PSA.076.002 Salem ah bawkta a oma. Huan, amah omna tuh Zion ah a om hi.

76:3b.PSA.076.003 Huaiah thalpeu thalte a hihsiaa: phawte, namsaute, kidounate toh. Selah.

76:4b.PSA.076.004 Nang tuh thupitak leh hoihtak na hi a, sathah tangte sangin.

76:5b.PSA.076.005 Lungtang phaten loh a tuak ua, a ihmu uh a ihmu denta uhi; mi hatte leng kuamahin a khut uh a lik theita kei uhi.

76:6b.PSA.076.006 Jakob Pathian aw, na sawina jiakin kangtalai leh sakol leng gending theilou in a om tuaktuak uhi.

76:7b.PSA.076.007 Nang, nangmah mah, lau ding na hi: na heh peuhmah leh, kua ahia na mitmuha ding thei ding?

76:8b.PSA.076.008 Na vaihawm thu van akipanin na theisaka; lei a laua, a daita hi.

76:9b.PSA.076.009 Leia mi thunuailut tengteng hondam dinga, Pathian tuh vaihawm dinga a thoh laiin. Selah.

76:10b.PSA.076.010 Pellouin mihing hehnain nang a honphat dinga: hehna valin na kigak ding hi.

76:11b.PSA.076.011 Thu chiam inla, Toupa na Pathian lak uah hihtangtung un: a kima mi tengteng in kihtak dingpa tuh kipahmante hontawisak uhen.Aman lalte kha a sat khe ding a; amah tuh leia kumpipate adingin a kihtak huai ahi.

76:12b.PSA.076.012 Aman lalte kha a sat khe ding a; amah tuh leia kumpipate adingin a kihtak huai ahi.

77

77:1b.PSA.077.001 Ka aw in Pathian ka sam dinga; ka aw in Pathian ngei tuh ka sam dinga, amah kei lamah bil a hondoh ding hi.

77:2b.PSA.077.002 Ka buai niin Toupa ka zonga: ka khut tuh jan chiangin leng khaikhe louin ka jak gige a; ka hinnain khamuanna a deih kei.

77:3b.PSA.077.003 Pathian ka thei gige a, ka buai naknak: ka ngaihtuaha, ka kha a bah naknak. Selah.

77:4b.PSA.077.004 Ka mitte mitmeisuanin non let saka: pau theilou khopin ka buai hi.

77:5b.PSA.077.005 Nidanglaite khawng ka ngaihtuaha, tanga- tuana kumte.

77:6b.PSA.077.006 Jana ka lasak tuh ka thithak nawna: ka lungtang ah ka kingaihtuah naka, ka khain leng phatuamngai takin a zong hi.

77:7b.PSA.077.007 Toupan khantawnin a khahkhe dia eita aw? Chikmah chiangin a kipakta kei dia eita aw?

77:8b.PSA.077.008 A chitna tuh a mang den tawntung dia eita aw? a thuchiam tuh suan tengteng phain a mang dia eita aw?

77:9b.PSA.077.009 Pathianin hehpih a mangngilh a eita aw? hehin lainatnate tuh a khakta a eita aw? Selah.

77:10b.PSA.077.010 Huan, huai tuh ka hatlouhna jiak ahi; himahleh Tungnungpen khut taklam kumte ka thei gige ding hi.

77:11b.PSA.077.011 Toupa thilhih thute ka gen dinga: nidang laia na thillamdang hihte ka thei gige ding hi.

77:12b.PSA.077.012 Na nasep tengteng ka ngaihtuah dinga, na thilhihte leng ka sut ding hi, ka chi a.

77:13b.PSA.077.013 Pathian aw, na lampi tuh mun siangthou ah a oma: Pathian bang Pathian thupi kua a oma?

77:14b.PSA.077.014 Nang thillamdang hihpa Pathian na hi a: mi chih lakahte na hatdan na theisak jel hi.

77:15b.PSA.077.015 Na banin na mite na honkhia, Jakob leh Joseph tate. Selah.

77:16b.PSA.077.016 Tuiten a honmu ua, Pathian aw, tuiten nang a honmu ua, a kikou ua; tui thukpite leng a ling uhi.

77:17b.PSA.077.017 Meipiten tui a sungbua ua; vanten aw a suah ua: na thalte leng a phe zolzol hi.

77:18b.PSA.077.018 Na van ging husa pingpei ah a oma; khophiaten khovel a tanvak zolzola: lei tuh kisingin a ling dopdop hi.

77:19b.PSA.077.019 Na lampi tuh tuipi ah a om a, na lampite tuh tui zatakah a oma, na khapte theih ahi kei hi.Mosi leh Aron khutin na mite belam hon bangin na pipi hi.

77:20b.PSA.077.020 Mosi leh Aron khutin na mite belam hon bangin na pipi hi.

78

78:1b.PSA.078.001 Ka mite aw, ka dan thu-ah bil nadoh unla: ka kama thute ah na bil uh hondoh un.

78:2b.PSA.078.002 Gentehna thuin ka kamka dinga: nidanglaia thugil gente ka gen khe ding:

78:3b.PSA.078.003 Huaite i bil un i ja ua, i lungsimin leng I thei uhi, a piputen leng a honhilh uhi.

78:4b.PSA.078.004 Huaite tuh a tate uh lakah i im kei ding ua, khangthak hongom ding kiangah TOUPA phatna thu leh, a hatdan leh a thillamdang pipi hih dante I hilh zo ding uhi.

78:5b.PSA.078.005 Jakobte laka thutheihsak tuh a hihkipa, Israelte lakah dan a sepa, huaite tuh i pipute kiangah thupiakin a piaa, amau huai thu tuh a tate u kianga a theihsak ding un:

78:6b.PSA.078.006 Khangthak hongom ding naupang hongpiang dingten, a theihtheihna ding uh, huaite tuh a thou ua, a thou ua, a tate u kianga a hilh sawn jel ding un:

78:7b.PSA.078.007 A lametna uh Pathiana a a koih theih ua, Pathian thilhihte a mangngilh louhna ding ua, a thupiakte a zon jawkna ding un:

78:8b.PSA.078.008 Leh, a pipute bang ua, suan genhak tak leh helhat suan lungtang bawl diklou, Pathian laka lungsim ginomlou pua a om louhna ding un.

78:9b.PSA.078.009 Ephraim suante galthuama kithuama, thalpeu tawiin, kisual niin a taikek ua:

78:10b.PSA.078.010 Pathian thukhun a jui kei ua, a dana om leng a ut kei ua:

78:11b.PSA.078.011 A thilhihte a mangngilh ua, a thil lamdang hih a muhsakte toh.

78:12b.PSA.078.012 A pipute uh mitmuhah thillamdang pipite ahih jela. Aigupta gamah Zoan pawnah.

78:13b.PSA.078.013 Tuipi a khen hoka, amau a galkaisaka: tuite tuh bangkhat koih khawm venvon bangin a khawlsak meuhmouh hi.

78:14b.PSA.078.014 Sun chiangin meiin a pi a, jan khuain mei vakin leng a pipi hi.

78:15b.PSA.078.015 Gamdai ah suangpite a kitam saka, tui thukpi akipan bang maiin dawnding tampi a pia hi.

78:16b.PSA.078.016 Suangpi akipanin luite a pawt khe saka, tuite luipi bangin a luang khe sak hi.

78:17b.PSA.078.017 Huchi pipiin leng a tungah thil a hihkhial lailai ua, gam keu ah Tungnungpen tungah a hel uhi.

78:18b.PSA.078.018 A gongthak uh hihdamna dinga anek ding uh ngenin a lungtang un Pathian a zeet uhi.

78:19b.PSA.078.019 Ahi, Pathian kalhin thu a gen ua; Gamdai ah Pathianin dohkan a bawlkhol thei diam maw?

78:20b.PSA.078.020 Ngaiin, suangpi a sat a, tuite khawng a hongkikhoh khiaa, luite tuh a piau ah a dimleta; an leng a pe thei nalai diam maw? A mite adingin sa a bawlkhol diam maw? A chi ua.

78:21b.PSA.078.021 Huchiin TOUPAN a na jaa, a hehta a: Jakobte tungah mei a hongkuang kheta a, Israelte tungah hehna hongsuakta hi;

78:22b.PSA.078.022 Pathian a gingta kei ua, a hotdamna leng a muan louh jiak un.

78:23b.PSA.078.023 Himahleh tunglam van dumte thu a pia a, van kongkhakte a honsaka:

78:24b.PSA.078.024 A nek ding un manna a tunguah a zu saka, van buh tuh a kiang uah a pia hi.

78:25b.PSA.078.025 Mihingten angel ann a ne ua: vahna khopin ann a honpia a.

78:26b.PSA.078.026 Suahlam huih van ah a nungsaka: a thilhihtheihnain sim huih a nung sak hi.

78:27b.PSA.078.027 Sa tuh leivui zah khawng tak a tunguah a zusaka, vasa kha nei tuipi-a piaunel zah tak:

78:28b.PSA.078.028 A giahna mun tak uah a ke saka, a omna buk kim khawng uah.

78:29b.PSA.078.029 Huchiin a ne ua, a vah ngial ua; a lunggulh uh a kiang uah a pia hi.

78:30b.PSA.078.030 A gongthakna uh a dai naikei a, a an uh a kam uah a om laia,

78:31b.PSA.078.031 Huchih laitakin Pathian hehna tuh a tunguah a tunga, a mi hoihhoihte uh khenkhat a thata, Israel tangvalte a sat puk helhhulh hi.

78:32b.PSA.078.032 Huchi piin leng thil a hihkhial lailai ua, thillamdang hihte a gingta tuan kei uh,

78:33b.PSA.078.033 Huaijiakin a damsung nite uh bangmahlou phetin a hihmangsaka, a damsung kumte uh launain a hihmansak lai hi.

78:34b.PSA.078.034 Amaute a thah chiangin amah a zong ua: a kik nawn ua, jingsangpiin Pathian a zonguhi.

78:35b.PSA.078.035 Pathian tuh a suangpi uh ahi chih leh Pathian Tungnungpen a tanpa uh ahi chih a thei khe jel uhi.

78:36b.PSA.078.036 Himahleh amah a kam un achiamnuih phat ua, a lei un a kiangah juauthu a gen uhi.

78:37b.PSA.078.037 A lungtang uh amah lakah a dik ngal keia, a thukhun ah lah a ginom sam kei uh.

78:38b.PSA.078.038 Himahleh, amah bel lainatnaa dim a hih jiakin a thulimlouhna uh a ngaidama, amau a hihmang kei hi. ahi, tamvei pi a hehna a la kika. a thangpaihna a vekin a tokthou nuam kei jel hi.

78:39b.PSA.078.039 Sa leltak a hih uh a theigige a: huih, kik nawnlou dinga nung mang jel bangin.

78:40b.PSA.078.040 Gamdai ah a tungah hel munin, gam keu ah amah hihlungkham mun hina tel u e!

78:41b.PSA.078.041 A kihei kik nawn un Pathian a zeet ua, Israelte mi siangthou a hihvui naknak uhi.

78:42b.PSA.078.042 A khut a theigige kei ua, melma laka a humbit ni a theigige sam kei uhi.

78:43b.PSA.078.043 Huchi-a Aigupta gama achiamtehnate a koiha, Zoan pawnah a thillamdang hihte leng a koiha;

78:44b.PSA.078.044 A luipi uh sisan a suaksaka, a luite uh leng sisan a suaksak hi, huchiin a dawn theita kei uhi.

78:45b.PSA.078.045 A lak uah thou tampi a sawla, huaiin amau a ne khina; ukengte leng a sawla, huaiin amau a hihmangta hi.

78:46b.PSA.078.046 A thil poute u leng lung kiangah a piaa, a sepgim gah uh khaupe kiangah a pia hi.

78:47b.PSA.078.047 A grep guite uh gialin a hihsia a. a theipi kungte u leng vukin a hihsia hi.

78:48b.PSA.078.048 A ganta u leng gial kiangah a pia a, a ganhonte uh kek sa velvol kiangah a pia hi.

78:49b.PSA.078.049 A hehna thupi tak a tunguah a khia a, thangpaihna te, lunghihlouhna mahmahte, mangbatna te, gilou angel honte,

78:50b.PSA.078.050 A hehna adingin lam a bawlsaka’a hinna uh sihna lakah a humbit keia, a hinna uh hi kiangah a pezota hi.

78:51b.PSA.078.051 Aigupta gama ta chil om tengteng a hihluma, Ham puanintea a hatna gah masa pente uh.

78:52b.PSA.078.052 Himahleh amah mite tuh belam bangin a pi khia a, ganhon bangin gamdai ah a pi hi.

78:53b.PSA.078.053 Bit takin a pi a, huchiin bangmah a lau kei ua: himahleh tuipiin a melmate uh a khuh khinta hi.

78:54b.PSA.078.054 Huan, a mun siangthou gamgi a pi tunga, hiai tang, a khut taklama a lei.

78:55b.PSA.078.055 Nam chih a ma uah a delh khia a, amau khaua tehin gouluah dingin a hawma, a puaninte uah Israel namte a omsakta ahi.

78:56b.PSA.078.056 Himahleh, Pathian Tungnungpen tuh a zeet ua, a tungah a hel ua, a thutheihsakte lah a jui ngal kei uhi.

78:57b.PSA.078.057 Kihei nawnin, a pipute u bangin lepchiah takin a gamta zota uhi: thalpeu muanhuai lou bangin a pai kawi uhi.

78:58b.PSA.078.058 A mun sangte un amah tuh a hihheh ngala, a milim siamte un a mullit sak ahi.

78:59b.PSA.078.059 Pathianin huai a najakin a heha, Israelte a kih mahmah hi.

78:60b.PSA.078.060 Huchiin Shiloh biakbuk mihing laka apuanin koih, a paisan a:

78:61b.PSA.078.061 A hatna salah a mansaka, a thupina melma khut ah a mansak nawn hi.

78:62b.PSA.078.062 A mite namsau kiangah a piaa; a gouluah ding tungah a hehta hi.

78:63b.PSA.078.063 Meiin a tangvalte uh a kangmanga, a nungakte un kitenna himhim a neita kei uhi.

78:64b.PSA.078.064 A siampute uh namsaua hihpukin a om ua; a meithaite uh a kap himhim kei uhi.

78:65b.PSA.078.065 Huchih laiin, TOUPA, mi ihmu a khanglou bangin a khangloutaa, mi hat uain jiaka kikou bangin.

78:66b.PSA.078.066 Amah melmate tuh a sat kika, khantawn min siatna a lohsakta hi.

78:67b.PSA.078.067 Huailou leng Jospeh puanin a deih keia, Ephraim nam leng a telta kei hi;

78:68b.PSA.078.068 Juda nam tuh a tel zota a, a it Zion tang mah.

78:69b.PSA.078.069 A in siangthou tuh van sangte bangin a lama, khantawn dinga a hihkip leilung bangin.

78:70b.PSA.078.070 A sikha David tuh a tela, belam huang akipante a la khiaa:

78:71b.PSA.078.071 Belampu nou kaite zuihna akipanin a pi khiaa, a mite Jakobte leh a gouluah ding Israelte vak dingin.Huchiin aman a lungtang uh hoihna bangjelin amaute a vaka; khut siamin a pita hi.

78:72b.PSA.078.072 Huchiin aman a lungtang uh hoihna bangjelin amaute a vaka; khut siamin a pita hi.

79

79:1b.PSA.079.001 Pathian aw, nam chih na gouluah dingah a lut ua; na biakin siangthou hihnin ua; Jerusalem suang chim a vum uhi.

79:2b.PSA.079.002 Na sikhate luang tuh tungleng vasate an dingin a pia ua, na mi siangthoute sa tuh gamsate kiangah a pia ua.

79:3b.PSA.079.003 A sisan uh Jerusalem kimah tui bangin a sung bua ua; amau vui ding lah kuamah a om ngal kei ua.

79:4b.PSA.079.004 I kim ua mite gensiatin I na om ua, I kiangnai khawnga mite muhsit leh nuihsatin I naom ta uhi.

79:5b.PSA.079.005 TOUPA aw, bangtan ahia na heh nilouhlouh ding? Na mullitna tuh mei bangin a kuang ding ahia?

79:6b.PSA.079.006 Nangmah theilou nam chih tungah na hehna sung buain, na min kou gam tungahte khawng leng.

79:7b.PSA.079.007 Jakobte tuh a ne khin ua; a omna uh a hihgamta ngal ua.

79:8b.PSA.079.008 Ka pipute uh thulimlouhnate ka lak uah theigige ken: na lainatnain honnadon pah hen. Nakpitaka hihniamin ka omta ngal ua.

79:9b.PSA.079.009 Honhondampa Pathian aw, na min thupina dingin honpanpih inla; na min jiakin honbumbit inla, ka khelhnate uh sil siangin.

79:10b.PSA.079.010 Bangachia nam chihin, A Pathian uh koia om ahia leh? Na sikhate sisan pawt phulakna ka mitmuh un nam chih lakah theih hi hen.

79:11b.PSA.079.011 Henta thumna na maah tung hen: na thilhihtheihna thupidan bang jelin si dinga sehte tuh humbit inla:

79:12b.PSA.079.012 TOUPA aw, nang a hon gensiatna uh, ka kiangnai uate tungah aleh sagih veiin thuk in.Huchiin, kou na mite, na gan tatna muna belamten, khantawnin kipahthu ka honhilh ding uhi: suan tengteng tanin nangmah phatna tuh ka theisak jel ding uhi.

79:13b.PSA.079.013 Huchiin, kou na mite, na gan tatna muna belamten, khantawnin kipahthu ka honhilh ding uhi: suan tengteng tanin nangmah phatna tuh ka theisak jel ding uhi.

80

80:1b.PSA.080.001 Israelte chingpa, Belam pawl banga Josephte pipa, bil na doh in: nang cherubte tunga tu, hongvak khia in.

80:2b.PSA.080.002 Ephraimte leh Benjaminte leh Manasite mitmuhin na hatna tokthou inla, honhondam dingin hongpai in.

80:3b.PSA.080.003 Pathian aw, honkihei sak nawn inla; na mel hihvak in, huchiinhotdamin ka om ding uhi.

80:4b.PSA.080.004 TOUPA aw, sepaihte Pathian, bangtan ahia na mite thumna tunga na heh ding?

80:5b.PSA.080.005 Amaute khitui-tanghouin na vaka, khitui dawn dingin tehna lian takin na pe jel hi.

80:6b.PSA.080.006 Nang ka kim ua mite adingin kinakna din non bawl naka: ka melmate uh a nui chiat nak uhi.

80:7b.PSA.080.007 Sepaihte Pathian aw, honkihei sak nawn inla: na mel hihvak in, huchin hotdamin ka om ding uhi.

80:8b.PSA.080.008 Aigupta gam akipan grep gui na honla a: nam chih na delh khiaa, na suanta hi.

80:9b.PSA.080.009 A ma na hih siang jela, thutakin zung a kaia, gam tuh a luah vek hi.

80:10b.PSA.080.010 Tangte a lim tuamin a om chiat, ahiangte Pathian sidar singte bang hial ahi.

80:11b.PSA.080.011 A hiangte tuh tuipi tanin a jam suak saka a selte Luipi phain.

80:12b.PSA.080.012 Bangachia a huangte hihsia na hia? Lampi a pai peuhmahin a sat kheta uhi.

80:13b.PSA.080.013 Gamnuaia ngalin a hihsia a, gamsaten leng a ne uhi.

80:14b.PSA.080.014 Sepaihte Pathian aw, hehpih takin kihei nawnin; van akipanin honensuk inla, hiai grep gui en inla, hongveh in.

80:15b.PSA.080.015 A kung na khut taklamin a suan leh, ahiang nang dia na khauhsak toh.

80:16b.PSA.080.016 Mei ah a kangta, phukin a omta: na mela salhna jiakin a mangthang jel hi.

80:17b.PSA.080.017 Na taklama mi tungah na khut om hen, mihing tapa nang dia na hihhat tungah.

80:18b.PSA.080.018 Huchiin kon kiksan kei ding ua: honhihhalh inla, huchiin na minka lou ding hi.TOUPA aw, sepaihte Pathian, hon kihei sak nawn inla; na mel hihvak in. huchiin hotdamin ka om ding uhi.

80:19b.PSA.080.019 TOUPA aw, sepaihte Pathian, hon kihei sak nawn inla; na mel hihvak in. huchiin hotdamin ka om ding uhi.

81

81:1b.PSA.081.001 Pathian honhihhatpa pahtawiin nuamtakin lasa unla; Jakobte Pathian pahtawin nuam takin kikou un.

81:2b.PSA.081.002 Phatna lasa unla, khuangnou te, kaihging ngaihnophuaite, pekging te toh hontawi un.

81:3b.PSA.081.003 Kha thakin pengkul mut unla, kha lika I ankuangluina thupi niin.

81:4b.PSA.081.004 Israelte dinga thuseh ahi ngala, Jakobte Pathian dan ahi.

81:5b.PSA.081.005 Huai tuh Joseph te laka thutheihsakna dingin a seh ahi. Aigupta gam tunga a pai khiak laiin: ka theihlouh pau ka jak laiin.

81:6b.PSA.081.006 A liangjang thil gik akipanin ka lasuana: a khutte loh akipana khahin a om hi.

81:7b.PSA.081.007 Mangbatniin non sama, ka honhumbita; van ging bukna munah ka hon dawnga; Meribah tuiahte khawng ka hon zeet ahi. Selah

81:8b.PSA.081.008 Ka mite aw, ngaikhia unla, ka hontheihsak bangin; Israelte aw, ka thu ngaikhe nuamle uteh aw!

81:9b.PSA.081.009 Gam dang Pathian himhim na lak uah a om ding uh ahi keia; mi dang Pathian himhim na biak ding uh leng ahi kei hi.

81:10b.PSA.081.010 Kei, TOUPA na Pathian uh ka hi a, Aigupta gam akipan honpi khepa tak: na kam uh lian kat unla, ka hihdim ding ahi.

81:11b.PSA.081.011 Himahleh ka miten ka aw a ngaikhe sam kei ua; Israelten hon deih kei uhi.

81:12b.PSA.081.012 Huchiin a lungtang uh genhakdan bang jela om dingin ka khahzamta ahi, amau hoihsak banga a om na ding un.

81:13b.PSA.081.013 Aw, ka miten ka thu ngaikhiain, Israelte ka lampi-ahte pai le u aw:

81:14b.PSA.081.014 A melmate uh ka hihneu zokin, amau galte tungah ka khut ka lik ding hi.

81:15b.PSA.081.015 TOUPA hote a kiangah a kipe lut ding uhi; amau hun bel a om nilouhlouh ding ahi.Nou bel buh hoihpenin kon vak ding hi; suangpi-a khuaijuin ka hontaisak ding ahi.

81:16b.PSA.081.016 Nou bel buh hoihpenin kon vak ding hi; suangpi-a khuaijuin ka hontaisak ding ahi.

82

82:1b.PSA.082.001 Pathian tuh Pathian kikhopna bawlah a dinga; Pathiante lakah vai ahawm hi.

82:2b.PSA.082.002 Bangtan ahia diklou taka vai na hawm ua, mi gilou-saloute, na deihsak tuam ding uh? Selah

82:3b.PSA.082.003 Gentheite leh paneiloute vai tuh hawm unla; haksa thuakte leh tagahte tungah hihdik un.

82:4b.PSA.082.004 Gentheite leh tagahte gum unla; migilousalou khut akipan humbit un.

82:5b.PSA.082.005 A theikei ua, theihsiamna leng a neikei uh; mialah a kileh a kileh ua: leilung kingakna tengteng tuh a lingta a.

82:6b.PSA.082.006 Pathiante na hi ua, na vek un Tungnungpen tate na hi ua, ka chi hi.

82:7b.PSA.082.007 Himahleh mihingte bang phetin na hongsi ding ua, mi lian khat bangin na hongpuk ding uhi.Pathian aw, thou inla, lei vai hawmsak in: nam chih na gouluah ding ahi ngala.

82:8b.PSA.082.008 Pathian aw, thou inla, lei vai hawmsak in: nam chih na gouluah ding ahi ngala.

83

83:1b.PSA.083.001 Pathian aw, paulou in om kenla: Pathian aw, dai nilouh ken, om maimai mahmah ken.

83:2b.PSA.083.002 Ngaiin, nangmah melmate a lum lutlut ua: nangmah hote a dak hawkhawk uhi.

83:3b.PSA.083.003 Na mite lepchiahtakin a sawm ua, na mi selgukte tungah a selamin a kihou a kihou khawm uhi.

83:4b.PSA.083.004 Kisa dih ua, a nam uh mangsak khopin i hihmang ding uh: Israel min himhim theihgigea a om nawn louhna dingin, a chi ua.

83:5b.PSA.083.005 Thu khat satin a kihou ua; na tungah a selama hih dingin thu a kichiam khawm uhi.

83:6b.PSA.083.006 Edomte leh Israelte puan innte, Moabte leh Haggarte;

83:7b.PSA.083.007 Gebalte leh Ammonte leh Amelekte; Philistiate Tura khuaa omte toh:

83:8b.PSA.083.008 Assuriate leng amau lamah a pang sam ua; Lot suante tuh a panpih uhi. Selah

83:9b.PSA.083.009 Amau tuh Midiante tunga na hih bangte, Kison luia Sisera tunga na hih bangte, Jabin tunga na hih bangtein hih sam in.

83:10b.PSA.083.010 Huai mite tuh Endor khua ah a mang ua; lei adingin eklei bang lel a na hita uhi.

83:11b.PSA.083.011 A miliante uh Oreb leh Zeeb bangin bawl inla, ahi, a kumpipate tengteng uh Zebah leh Zalmunna bangin bawl in.

83:12b.PSA.083.012 Huai miten, Pathian omnate I luah sak ding uh, a chi ua.

83:13b.PSA.083.013 Ka Pathian aw, amaute tuh leivui kipei lunglung bangin bawlin: buhsi huih mutleng uakuak bang lelin.

83:14b.PSA.083.014 Gam kang mei bang leh, tang kang meikuang bangin.

83:15b.PSA.083.015 Amau tuh na huihpiin delh inla, na huih thupi takin hihlau in.

83:16b.PSA.083.016 TOUPA aw, na min a zon theihna ding un a mel uh zumnain hihdimin.

83:17b.PSA.083.017 Khahtawnin zahlak leh mangbang takin om uhenla; ahi, hihzuma omin mangthang uhen.Nangmah kia tuh Jehovah minpu, leitung tengteng tunga Tungnungpen na hi chih a theihna ding un.

83:18b.PSA.083.018 Nangmah kia tuh Jehovah minpu, leitung tengteng tunga Tungnungpen na hi chih a theihna ding un.

84

84:1b.PSA.084.001 Sepaihte TOUPA aw, na omnate deihhuai natel e!

84:2b.PSA.084.002 Ka hinnain TOUPA biakin huangsung intualte tuh a ngai mahmaha, ahi, a bahpih hiala; ka lungtang leh ka sa tuh Pathian hing kiangah a kikou khia.

84:3b.PSA.084.003 A hi, kawlgitin in a mu a, lensiamin leng amaha adingin bu a mu a, a nou koihna dingin sepaihte TOUPA aw, ka Kumpipa leh ka Pathian, huai tuh nangmah maitamte ngei ahi hi.

84:4b.PSA.084.004 Na inn a omten nuam a sa ua; nang a honphat gige ding uhi, Selah.

84:5b.PSA.084.005 Nangmaha hatnanei min nuam a sa hi; a lungtanga Zion naihna lamliante om in.

84:6b.PSA.084.006 Kahna guam tuh a tot un, tuikhuk omnate a bawl ua, ahi, vuahtui ke masain vualjawlnain a khuh lel hi.

84:7b.PSA.084.007 Hatna akipanin hat nawn semna ah a pai ua, Zion ah Pathian maah a kimusak chiat uhi.

84:8b.PSA.084.008 TOUPA aw, Sepaihte Pathian, ka thumna hon ngaikhia inla: Jakobte Pathian aw, bil na dohin. Selah.

84:9b.PSA.084.009 Pathian ka phaw pen u aw, enin, na thaunilhpa mel enin.

84:10b.PSA.084.010 Na biakin huang sung intuala ni khat om tuh mun danga ni sang khat sangin a hoihzo ngala. Gitlouhna puaninte-a om sangin I Pathian ina kongkhakngak hih leng ka ut jaw ahi.

84:11b.PSA.084.011 TOUPA Pathian tuh ni leh phaw ahi ngala: TOUPAN hehpihna leh thupina a pe dinga: diktaka omte lakah thil hoih himhim a it kei ding hi.Sepaihte TOUPA aw, nangmah muang min nuam asa hi.

84:12b.PSA.084.012 Sepaihte TOUPA aw, nangmah muang min nuam asa hi.

85

85:1b.PSA.085.001 TOUPA, na gam tungah na kipaka: Jakobte, sala a om utuh na pi kik nawnta ahi.

85:2b.PSA.085.002 Na mite thulimlouhnate na ngaidama, a gitlouhna tengteng uh na khuh khinta ahi. Selah.

85:3b.PSA.085.003 Na thangpaihna tengteng tuh na la manga: na hehna thupitak na kiheisanta hi.

85:4b.PSA.085.004 Honhondampa Pathian aw, honkihei sak nawn inla, ka tung ua na hehna tuh tawpsak in.

85:5b.PSA.085.005 Ka tunguah na heh nilouhlouh dia hia? Na hehna tuh suan tengteng tanin na kitheisak jel dia hia?

85:6b.PSA.085.006 Nangmaha na mite a kipah theihna ding un non hihhalh nawn kei dia hia?

85:7b.PSA.085.007 TOUPA aw, na chitna tuh honmu sak inla, na hotdamna leng honpia in.

85:8b.PSA.085.008 TOUPA Pathian thu gen dingka ngaikhe ding: a mite leh a mi siangthoute kiangah khamuanna thu a gen dek ngala: himahleh amau tuh haina lamah kihei nawnta kei uhen.

85:9b.PSA.085.009 A hotdamna tuh amah kihtate naihin a om ngeingei nak hi; I gam ua thupina a om theihna dingin.

85:10b.PSA.085.010 Chitna leh thutak a kituak a; diktatna leh kituahna a kitawpa,

85:11b.PSA.085.011 Thutak tuh lei akipanin a dawn khiaa; diktatnain van akipanin a hontan sukta hi.

85:12b.PSA.085.012 Ahi, TOUPAN thil hoih a pe dinga; I gamin leng a thilpou a pe ding hi.Diktatnain ama a kai dinga; a khapte tuh lampi-ah a siam ding hi.

85:13b.PSA.085.013 Diktatnain ama a kai dinga; a khapte tuh lampi-ah a siam ding hi.

86

86:1b.PSA.086.001 TOUPA aw, keilam ah na bil hondoh inla, hondawngin; genthei leh tagah lua ka hi hi.

86:2b.PSA.086.002 Ka hinna vom hoih inla; Pathian limsak mi ka hi ngala: ka Pathian aw, nangmah muang na sikha, hondamin.

86:3b.PSA.086.003 TOUPA aw, honhehpih inla; nitumin ka honsam ngala.

86:4b.PSA.086.004 Na sikha hinna hihnuam in; TOUPA aw, ka lungsim na kiangah ka koih det jiakin.

86:5b.PSA.086.005 TOUPA, nang, na hoiha, ngaihdam na ngapa, a honsam peuhmah tungah chitna na hau ngal hi.

86:6b.PSA.086.006 TOUPA aw, ka thumna ah na bil na dohin; hehpih kon ngetna aw ngaikhia in.

86:7b.PSA.086.007 Ka mangbatna niin kon sam dinga a, lah non dawng ding hi,

86:8b.PSA.086.008 TOUPA aw, pathiante lakah nang bang himhim a om kei ua; na thilhihte bang thilhih himhim leng a om kei hi.

86:9b.PSA.086.009 TOUPA aw, na siam nam chihte a hongpai ding ua, na maah a hongkun ding ua, na min a honpahtawi ding uhi.

86:10b.PSA.086.010 Nang na thupi ngala, thillamdangte leng na hihjela; nangmah kia Pathian na hi hi.

86:11b.PSA.086.011 TOUPA aw, na lampi tuh honensak inla, na thutak ah ka omding hi. Na min lau dingin lungtang khat honpu sakin.

86:12b.PSA.086.012 TOUPA ka Pathian aw, ka lungtang tengtengin ka honphat dinga; na min khantawnin ka pahtawi ding hi.

86:13b.PSA.086.013 Ka tunga na chitna a thupi jiakin, ka hinna kokhuk nuainungpen akipan na humbit ngala.

86:14b.PSA.086.014 Pathian aw, mi kisatheiten honsual ua, mi ngongtat omkhawmten ka hinna hihmang tumin a zong ua, nang tuh a ma uah a honkoih kei nak uhi.

86:15b.PSA.086.015 Himahleh, TOUPA aw, nang tuh Pathian, lainatnaa dim, mi hehpihthei, lungnel, chitna leh thutak hau, na hi.

86:16b.PSA.086.016 Keilam hongnga inla, aw, honhehpihin, na sikha kiangah na hatna pia inla, na sikhanu ta hondam in.Hoihna ding chiamtehna honlak in; honhoten huai tuh a muh ua, a zahlakna ding un, TOUPA, nang non panpih-a, non khamuan jiakin.

86:17b.PSA.086.017 Hoihna ding chiamtehna honlak in; honhoten huai tuh a muh ua, a zahlakna ding un, TOUPA, nang non panpih-a, non khamuan jiakin.

87

87:1b.PSA.087.001 A suangphum tuh tang siangthoute ah a om hi.

87:2b.PSA.087.002 TOUPAN Zion kulh kongkhakte Jakob omna tengteng sangin a it jaw ahi.

87:3b.PSA.087.003 Pathian khopi aw, na tungtangthu thupi takin a gen uhi. Selah.

87:4b.PSA.087.004 Hontheite lakah pang sam uh chih Rahab leh Babulon tungtangthu ka gen ding: Philistia leh Tura, Ethiopia toh, en un; hiai mi huailaia piang ahi.

87:5b.PSA.087.005 A hi, hiai mi leh hua mi amaha piang ahi ua: Tungnungpen ngeiin amah tuh a hihkip ding, chih, Zion tungtangthu a gen ding uhi.

87:6b.PSA.087.006 TOUPAN, mi chih min a gelh chiangin, Hiai mi tuh huaia piang ahi, chiin, a sim ding, Selah.Lasaten, a lamte toh, Ka tuikhuk tengteng tuh nangmah ah ahi a om, a chi ding uhi.

87:7b.PSA.087.007 Lasaten, a lamte toh, Ka tuikhuk tengteng tuh nangmah ah ahi a om, a chi ding uhi.

88

88:1b.PSA.088.001 TOUPA aw, honhumbitpa Pathian, sun leh janin na maah ka kikou gigea;

88:2b.PSA.088.002 Ka thumna na maah lut henla; ka kikou husa ah na bil hondohin;

88:3b.PSA.088.003 Ka hinna mangbatnatein a dima, ka hinnain Sheol a honnaihta ngala.

88:4b.PSA.088.004 Kokhuka paisukte laka sim khawm ka hi a; hatna himhim neilou mi bang ka hi a;

88:5b.PSA.088.005 Gal thahte han-a lumte banga misi laka paih khiak ka hi; huaite tuh na theih tak louh, na khut akipan hihman ahi uhi.

88:6b.PSA.088.006 Kokhuk nuainungpenah non lum sakta a, mun mial tak, thupi-ah.

88:7b.PSA.088.007 Na hehnain hondelh khuma, nang na tui kihawt tengtengin gim non thuaksakta a. Selah.

88:8b.PSA.088.008 Ka meltheihte hon gamlatin na om saka; amau adia kihhuai piin non bawlta a: khakkhumin ka oma, ka pawt khe theikei ahi.

88:9b.PSA.088.009 Gimthuakna jiakin ka mit a se hiaihiaia: TOUPA aw, ni tengin kon sam ahi, nang lamah ka khutte khawng ka jaka.

88:10b.PSA.088.010 Misite adingin thillamdang na hih dek ahia? Sisaten thouin a honphat ding ua hia? Selah.

88:11b.PSA.088.011 Na chitdan tuh hana theihsakin, na ginomdan tuh Manthatna Muna theihsakin a om dia hia?

88:12b.PSA.088.012 Na thillamdang hihte tuh mialah theihin a om dia hia? Na diktatna gamah theihin a om dek nawn ahia?

88:13b.PSA.088.013 TOUPA aw, ken jaw kon sama, ka thumnain jingsangin a hondon hi.

88:14b.PSA.088.014 TOUPA, bangachia ka hinna khah khia na hia? Bangachia ka laka na mai sel?

88:15b.PSA.088.015 Ka naupan chil akipan gimthuak leh si dekdekin ka oma; na thil mulkimhuaite ka thuakin hihlungbuaiin ka om hi:

88:16b.PSA.088.016 Na heh mahmahnain hon vuk manga; na thil mulkimhuaiten honhihmangta a.

88:17b.PSA.088.017 Huaiten nitumin tui bangin honumsuak ua; ka kim ka velin honum chiat uhi.Honitpa leh ka lawm tuh hon gamlatin a omsakta a, ka mel theihnate mial ah na omsakta ahi.

88:18b.PSA.088.018 Honitpa leh ka lawm tuh hon gamlatin a omsakta a, ka mel theihnate mial ah na omsakta ahi.

89

89:1b.PSA.089.001 TOUPA chitna thute tuh khantawnin lain ka sa dinga: ka kamin na ginomdan suan tengteng tanin ka theisak ding.

89:2b.PSA.089.002 Chitna tuh khantawn adingin leptouhin a om dinga; na ginomna tuh vante ah ngei na hihkip ding, ka chita ahi.

89:3b.PSA.089.003 Ka mitel kiangah thu ka khunga, ka sikha David kiangah ka kichiamta a;

89:4b.PSA.089.004 Na suante khantawn adingin ka hihkip dinga, na laltutphah leng suan tengteng taninka lemtou ding, chiin. Selah.

89:5b.PSA.089.005 TOUPA aw, vanten na thillamdang hih a phat ding uh; mi siangthoute kikhopna ah na ginomna leng a phat ding uhi.

89:6b.PSA.089.006 Tung vandumte ah TOUPA toh kiteh thei ding kua a oma? Mi thilhihhhteitak tate laka TOUPA bang.

89:7b.PSA.089.007 Mi siangthoute kihou khawmna ah Pathian kihtakhuai tak, a kim khawnga mi tengteng sanga kihtakpen ding, kua ahia?

89:8b.PSA.089.008 TOUPA sepaihte Pathian aw, A aw, nang banga mi hat kua a oma? Na ginomna na kimah a om ngala.

89:9b.PSA.089.009 Nang tuipi kisaktheihna vai na hawma: a tuikihawt kisep laite uh na hihdai hi.

89:10b.PSA.089.010 Nang Rahab gal thah bangin na hihkham dimdema; nangmah galte tuh na ban tha hatin na keksakta hi.

89:11b.PSA.089.011 Vante nangmaha ahi a, lei leng nangmaha ahi: khovel leh a sunga omteng nangmah muhkhiak ahi.

89:12b.PSA.089.012 Sim leh mal nangmah siam ahia: Tabor leh Hermon na min jiak in a nuam hi.

89:13b.PSA.089.013 Nang ban thilhihtheitak na neia: na khut a hata, na khut taklam tuh pahtawiin a om hi.

89:14b.PSA.089.014 Diktatna leh vaihawmna dik tuh na laltutphah kingakna ahi a: chitna leh thutak tuh n amaah a pai hi.

89:15b.PSA.089.015 Husa kipahhuai ja, namten nuam a sa ua: TOUPA aw, amau tuh na mel vakah a vak uhi.

89:16b.PSA.089.016 Na min jiakin nitumin a nuam ua, diktatna jiakin pahtawiin a om uhi.

89:17b.PSA.089.017 Nang ahatna uh thupina na ahi ngala: na deihsakna jiakin ka ki uh pahtawiin a om ding.

89:18b.PSA.089.018 Ka phaw uh TOUPA a ahi ngala: ka kumpipa uh Israelte Mi Siangthou ahi.

89:19b.PSA.089.019 Huai laiin na mi siangthoute kiangah kilaknain thu na gena, mi hattak khat tungah panpihna ka ngaa; mi khat mite laka tel khiak ka pahtawita hi, chiin.

89:20b.PSA.089.020 Ka sikha David tuh ka mukheta a; ka thau siangthouin amah ka nilhtaa:

89:21b.PSA.089.021 Ka khut a kiangah hihkipin a om dinga; ka banin amah a hihhat dinga; ka banin amah a hihat ding hi.

89:22b.PSA.089.022 Melmain a lakah a phut kei ding; thulimlouhna tain leng a hihgim kei ding hi.

89:23b.PSA.089.023 Amah galte a maah ka sat puk dinga, amah hote ka bawl ek ding.

89:24b.PSA.089.024 Amah kiangah bel ka ginomna leh ka chitna a om ding hi; ka min jiakin a ki tuh pahtawiin a om ding hi.

89:25b.PSA.089.025 A khut tuh tuipi-ah ka nga sak dinga, a khut taklam tuh luipite ah.

89:26b.PSA.089.026 Aman, Nang ka Pa, ka Pathian, ka kihotdamna suangpi na hi, chiin, honsam ding.

89:27b.PSA.089.027 Huan, ken amah tuh ta masain ka siam dinga, leia kumpipate lakah tungnungpenin ka bawl ding hi.

89:28b.PSA.089.028 Ka chitna tuh khantawnin amah adingin ka kep hoih sak dinga, ka thukhun tuh a kiangah a om kip ding hi.

89:29b.PSA.089.029 A chi suante tuh khantawnin ka omsak dinga, a laltutphah van om lai siahin ka omsak ding hi.

89:30b.PSA.089.030 A taten ka dan a lehngatsan ua, ka vaihawmnate banga a om louh ua.

89:31b.PSA.089.031 Ka thuseh a tatlekna a neih ua, ka thupiakte a kep hoih kei uleh.

89:32b.PSA.089.032 A tatleknate uh chiangin ka hongkan dinga, a thulimlouhnate uh jepin ka hongkan ding hi.

89:33b.PSA.089.033 Himahleh, ka chitna tuin a kiang akipan ka laksak vek kei dinga, ka ginomna tuh juau a suak din leng ka phal sam kei ding.

89:34b.PSA.089.034 Ka thukhun ka suse kei dinga, ka muka thupawt leng ka hihlamdang sam kei ding hi.

89:35b.PSA.089.035 Khatvei ka siangthouna louin ka kichiama, David kiangah juau ka gen kei ding;

89:36b.PSA.089.036 A chi suante tuh khantawnin a om ding ua, a laltutphah ka maah ni bangin a om ding hi.

89:37b.PSA.089.037 Kha bangin khantawn adingin hihkipin a om dinga, van duma theihpih ginom bangin, a chi a, Selah.

89:38b.PSA.089.038 Himahleh nang na khahkhiain na deih keia, na thau nilhpa tungah na hehta ahi,

89:39b.PSA.089.039 Na sikha thukhun tuh na kiha: a lallukhu leia pai khe hialin na hihniamta hi.

89:40b.PSA.089.040 A huang tengteng na hihpuka; a kulh pite na hihse ta hi.

89:41b.PSA.089.041 Lampi a pai peuhmahin a thil a laksak jel uh.

89:42b.PSA.089.042 Amah doute khut taklam tuh na pahtawia; a melma tengteng na hihnuamsata hi,

89:43b.PSA.089.043 Ahi, a namsau ma tuh na beng peka, amah tuh kisualna ah na ding kip sakta kei hi.

89:44b.PSA.089.044 A vakna tuh na hihtawp saka, a laltutphah leiah na pai kheta hi.

89:45b.PSA.089.045 A tangvallai nite uh na hihtom saka; amah tuh zahlaknain na khuhta ngala. Selah.

89:46b.PSA.089.046 TOUPA aw, bangtan ahia na buk nilouh ding? Bangtan ahia na hehna tuh mei banga a kuan ding?

89:47b.PSA.089.047 Aw, ka hun a tom dingdan theigige inla; mihing tate tengteng siam gina kei natel chia!

89:48b.PSA.089.048 Kua mi ahia sih ni mel mulou ahinga, Sheol khut akipana a hinna humbit ding? Selah.

89:49b.PSA.089.049 TOUPA, nidanglaia na hehpihna, na ginomna David kianga kichiama na chiam, koia om a hita a?

89:50b.PSA.089.050 TOUPA, na sikhate a gensiatnauh theigige in; nam hat takte tengteng gensiatna ka angsunga ka thuak jeldan.

89:51b.PSA.089.051 TOUPA aw, nang hondoute gensiatna, na thaunilhpa khapte gensiatna mah,TOUPA tuh khantawnin phatin om hen. Amen, Amen.

89:52b.PSA.089.052 TOUPA tuh khantawnin phatin om hen. Amen, Amen.

90

90:1b.PSA.090.001 TOUPA, nang tuh suan tengteng tana ka omna uh na hia.

90:2b.PSA.090.002 Tangte pian maa, leitung leh khovel na bawlkhiak ma inleng; khantawn akipan khantawn phain leng nang tuh Pathian na hi.

90:3b.PSA.090.003 Nang mihing tuh manthatna ah na kiksaka; Mihingtate aw, kik un, na chi jel hi.

90:4b.PSA.090.004 Nang sehin kum sang khat tuh janmangta bang phet ahi ngala, jan ven khat sung bang phet ahi.

90:5b.PSA.090.005 Amau tuh tui lian bangin na taimang a; khang khat ihmu bang phet ahi uh: jingsanga loupa dawn khia bang ahi uh.

90:6b.PSA.090.006 Jingsangin a hongpouin a hongdawn khiaa; nitaklamin phukin a oma, a vuai hi.

90:7b.PSA.090.007 Na hehna a hihmanin ka om ua, na thangpaihna a hihmangbata leng ka om jiak un.

90:8b.PSA.090.008 Ka thulimlouhnate uh na maah na koiha, ka khelhna gukte uh na mel vakah na koihta hi.

90:9b.PSA.090.009 Ka damsung ni tengteng uh na hehna ah a mang jela: ka dam sung kumte uh tangthu bangin ka tawpsak uhi.

90:10b.PSA.090.010 Ka damsung kumte uh kum sawmsagih a hi-a, hatna jiakin kum sawmgiat leng ahi thei hi; himahleh a sawtna tuh sepgimna leh lungngaihna lel a hi-a; a mang paha, kou leng ka leng mang jel uhi.

90:11b.PSA.090.011 Kuan ahia na hehna thilhihtheihdan theia, nangmah kihtak dingdan banga na hehna theilou?

90:12b.PSA.090.012 Ka damsung nite uh simdan honhilhin, pilna lungtang ka neih loh hialna ding un.

90:13b.PSA.090.013 TOUPA aw, hong kik nawnin; bangtan ahia na heh ding? Na sikhate tungthuah na lungsim kihei sakin.

90:14b.PSA.090.014 Aw, jingsangin na chitnain hontai sakin; ka damsung tengteng ua ka nuam ua ka kipah theihna ding un.

90:15b.PSA.090.015 Nang na honhihgim ni leh, thil hoihlou ka tuah kum sung hu te bang un honkipaksakin.

90:16b.PSA.090.016 Na nasep tuh na sikhate kiangah kithei henla, na thupina tuh a tate kiang uah kithei hen.Huan, TOUPA ka Pathian uh kilawmna tuh ka tunguah om hen: ka khut nasep uh ka tunguah leng hihkipin; ahi, ka khut nasep uh hihkipin.

90:17b.PSA.090.017 Huan, TOUPA ka Pathian uh kilawmna tuh ka tunguah om hen: ka khut nasep uh ka tunguah leng hihkipin; ahi, ka khut nasep uh hihkipin.

91

91:1b.PSA.091.001 Tungnungpen bukna muna ommi Bangkimhihthei lim ah a om gige ding hi.

91:2b.PSA.091.002 TOUPA tungthu-ah, Amah tuh ka kihumbitna leh ka kulhpi; ka Pathian, ka muan ahi, ka chi ding.

91:3b.PSA.091.003 Aman tuh thangkammi thang lakah leh hi hoihlou tak lakah nang a honhondam ding ahi.

91:4b.PSA.091.004 A khain a honkhuh dinga, a kha nuaiah na muang ding hi; a thutak tuh pho neu leh pho lian ahi.

91:5b.PSA.091.005 Jana thil mulkimhuai na lau kei dinga. suna thal hongleng zong na lau kei ding hi:

91:6b.PSA.091.006 Mialnuaia hi leng jel tuh na lau kei dinga, sun laia thil hihsia siatna tuh na lau sam kei ding hi.

91:7b.PSA.091.007 Na sikah sang a puk ding ua, na taklamah leng sing a puk ding uhi; himahleh nang jaw a honnaih kei ding hi.

91:8b.PSA.091.008 Na mitin na en dinga, migilousaloute ditna tuh a muhin na mu lel ding hi.

91:9b.PSA.091.009 TOUPA aw, nang tuh ka kihumbitna na hi ngala! tungnungpen tuh na omnain na nei hi;

91:10b.PSA.091.010 Thil hoihlou himhimin a hontuak kei dinga, hi himhim inleng na puanin a honnaih sam kei ding hi.

91:11b.PSA.091.011 Na lampi tenga honhumbit dingin, na tungthu-ah jaw a angelte thu pe ding ahi ngala.

91:12b.PSA.091.012 A khut un hondom ding ua, huchilouinjaw na khein suang na sui khakha ding hi.

91:13b.PSA.091.013 Humpinelkai leh gul gial tuh na sikden dinga; humpinelkai hatlai leh gulpi tuh na chil ek ding hi.

91:14b.PSA.091.014 Ka tunga a itna a ngak jiakin amah ka humbit dinga: ka min a theih jiakin mun sangah ka khatou ding hi.

91:15b.PSA.091.015 Aman honsam dinga, huan, ka dawng ding; kei tuh mangbat laiin a kiangah ka om dinga: amah tuh ka humbitin ka pahtawi ding hi.Damsawtnain ka hihlungkim dinga, ka hotdamna leng ka musak ding hi.

91:16b.PSA.091.016 Damsawtnain ka hihlungkim dinga, ka hotdamna leng ka musak ding hi.

92

92:1b.PSA.092.001 TOUPA kianga kipahthu gen leh, Tungnungpen aw, na min phata lasak tuh thilhoih tak ahi a:

92:2b.PSA.092.002 Jingsanga na chitna hihlat leh, jan tenga na ginomna hihlat,

92:3b.PSA.092.003 Thil tum theih gui sawm neite, pekging te, kaihging tum khasiathuaite toh, a hoih hi.

92:4b.PSA.092.004 TOUPA, nang na nasepin non kipaksak ngala: na khut thilhihte jiakin nuamin la ka sa ding hi.

92:5b.PSA.092.005 TOUPA aw, na thilhihte thupi hina tele! na ngaihtuahnate tuh a thuk nalawmlawm e!

92:6b.PSA.092.006 Mi mawlin hiai tuh a theikei hi; mi haiin a theisiam sam kei hi:

92:7b.PSA.092.007 Mi gilou-saloute loupa banga a hongnou ua, thilhihkhialte tengteng a hongphat letlot un, khantawn a dinga hihmana hongom ding uh a ahi, chih.

92:8b.PSA.092.008 TOUPA aw, nang jaw khantawna ding sangpi a om tawntung na hi.

92:9b.PSA.092.009 TOUPA aw, ngai dih, nang hondoute, ngai dih, nang hondoute mangthang dek uhi; thilhihkhialte tengteng hihjakin a om vek ding uhi.

92:10b.PSA.092.010 Himahleh ka ki tuh gam bawngtal ki bangin na pahtawia: thau thaka nilh ka hita hi.

92:11b.PSA.092.011 Ka mitin leng ka galte tunga ka thudeih a mu dia, ka bilin kei hondou gilou-saloute tunga ka thudeih a za ding.

92:12b.PSA.092.012 Mi diktat tuh tum bangin a pha zeizoia dinga: Lebanon tanga sidar sing bangin a khang huthut ding hi.

92:13b.PSA.092.013 TOUPA inn a suante tuh I Pathian biakin huang sung inntual ah a pha zeizoi ding hi.

92:14b.PSA.092.014 Upat nungin leng a gah lailai ding uhi; tui pai kiihkeihin a hing didip ding uhi.TOUPA tuh mi diktat ahi chih theihsakna dingin: amah tuh ka suangpi ahi a, amah ah diktatlouhna himhim aom kei hi.

92:15b.PSA.092.015 TOUPA tuh mi diktat ahi chih theihsakna dingin: amah tuh ka suangpi ahi a, amah ah diktatlouhna himhim aom kei hi.

93

93:1b.PSA.093.001 TOUPA tuh kumpipain a tu-a a thupinain a kithuama; TOUPA tuh a kithuama, hatnain a taiah a kigakta hi: khovel leng, a lin theihlouhna dingin, hihkipin a om hi.

93:2b.PSA.093.002 Na laltutphah tuh nidanglaia na nahihkipsa ahi a: nang tuh khantawn a omsa na hi.

93:3b.PSA.093.003 Luipiten, TOUPA aw, a suah ua, luipiten a aw uh a suah ua, luipiten a ging thupitak uh a suah uhi.

93:4b.PSA.093.004 Tui tampi awte sangin, tuipi kihawt hattakte sangin leng, tunglama TOUPA tuh a hatjaw ahi.Na thutheihsakte tuh a muanhuai mahmaha: TOUPA aw, khantawnin siangthouna na in toh a kilawm ahi.

93:5b.PSA.093.005 Na thutheihsakte tuh a muanhuai mahmaha: TOUPA aw, khantawnin siangthouna na in toh a kilawm ahi.

94

94:1b.PSA.094.001 TOUPA aw, nang phulakna thunei Pathian, nang phulakna thunei, Pathian, vak khiain.

94:2b.PSA.094.002 Nang leia vaihawmpa, kisa inla: kisatheite tuh a gitlouhman uh thuk in.

94:3b.PSA.094.003 TOUPA, mi gilou-saloute bangtan ahi, mi gilou-saloute bangtan ahia a vualzoh ding uh?

94:4b.PSA.094.004 Amau tuh a mawk pau ua, kisathei takin thu a gen ua: thilhihkhialte tengteng tuh a kiphat tawm uhi.

94:5b.PSA.094.005 TOUPA aw, na mite a keknen sak ua, na gouluah tuh a hihgim uhi.

94:6b.PSA.094.006 Meithai leh mikhual a that ua, pa neilou tuh a that uhi.

94:7b.PSA.094.007 TOUPAN a mu kei ding, Jakobte Pathianin a ngaihtuah sam kei ding, a chi uhi.

94:8b.PSA.094.008 Mi laka mi mawlte aw, ngaihtuah un: mi haite aw, chikchiangin ahia na pil ding uh?

94:9b.PSA.094.009 Bil phutpan a za kei dia hia? Mitsiampan a mu kei dia hia?

94:10b.PSA.094.010 Nam chih thuzohpana taihilh kei dia hia, mihing pilna hilhpan?

94:11b.PSA.094.011 TOUPAN mihing ngaihtuahte bangmahlou phet ahi chih a theia.

94:12b.PSA.094.012 TOUPA aw, mi na thuzoha, na dan thu akipan na hilhmi a hampha hi.

94:13b.PSA.094.013 Mi gilou adia kokhuk toha a om masiah, mangbat nite na khawlsan theihsakna din,

94:14b.PSA.094.014 TOUPAN a mite a pia khe dek ngal keia, a goutan tuh a paisan sam kei ding hi.

94:15b.PSA.094.015 Vaihawmna tuh diktatna lamah a kik nawn dia: lungtang diktak pu tengtengin huai a jui ding uhi.

94:16b.PSA.094.016 Kua ahia thilhoihlou hihte hondou sak dinga kisa ding? Kua ahia thilhihkhialte hondou sak dinga ding ding?

94:17b.PSA.094.017 TOUPA honpanpihpa hi kei leh, ka hinna tuh kintakinmun dai ah a omta ding hi.

94:18b.PSA.094.018 Ka khe a teua, ka chihin, aw TOUPA, na chitnain a hon kai hi.

94:19b.PSA.094.019 Ka lungsima ngaihtuah tampi ka neih laiin, na khamuannaten ka hinna a hihnuam jel hi.

94:20b.PSA.094.020 Gitlouh-satlouhna laltutphah, dana thilhihkhelhna omsakin, nang honkithuahpihna a nei dia hia?

94:21b.PSA.094.021 Mi diktat hinna sual tumin a pungkhawm duamduam ua, sisan gensiatbei tuh siamlouh a tangsak nak uhi.

94:22b.PSA.094.022 Himahleh TOUPA tuh ka insang ahi a: ka Pahtian jaw ka kihumbitna suangpi ahi.Aman tuh amau khelhna ngei a tunguah a kesaka, amau hoihlouhna mahah a hihmangthang dinga; TOUPA I Pathianin a hihmang ding hi.

94:23b.PSA.094.023 Aman tuh amau khelhna ngei a tunguah a kesaka, amau hoihlouhna mahah a hihmangthang dinga; TOUPA I Pathianin a hihmang ding hi.

95

95:1b.PSA.095.001 Aw hongpai un, TOUPA pahtawiin nuamtakin la I sa ding uh: I hotdamna suangpi pahtawiin nuam takin I kikou ding uhi.

95:2b.PSA.095.002 Kipahthu genin a maah pai ni e, phatna lasaa amah pahtawiin nuam takin aw isuah ding uhi.

95:3b.PSA.095.003 TOUPA Pathian a thupi mahmah jiakin, Pathian tengteng tungah Kumpipa thupitak ahi.

95:4b.PSA.095.004 Amah khut ah lei mun thuktakte tuh a oma: mualdawn sang takte leng amaha mah ahi.

95:5b.PSA.095.005 Tuipi amaha ahi a, amah bawl ahi ngala; gam leng a khut suak ahi.

95:6b.PSA.095.006 Aw hongpai unla, biain kun ni e: TOUPA honsiampa maah i khukdin ding uh.

95:7b.PSA.095.007 Amah tuh i Pathian a hi-a, eite tuh a gantatna muna mite leh, a khuta belamte I hi ngal ua. Tuniin a aw na zak uleh,

95:8b.PSA.095.008 Meribaa a hih bang un na lungtang uh khauhsak kei un, gamdaia Massah ni bangin:

95:9b.PSA.095.009 Huailaiin na pipute un honkhem ua, honzeet ua, ka thilhih tuh a mu uhi.

95:10b.PSA.095.010 Kum sawmli sung hilhial huai suante tungah ka lunghikei hi. A lungtang ua ngaihkhelh hat mi ahi ua, ka lampite leng a theikei uhi, ka chi a:Huaijiakin, Ka khawlna ah a lutkei ding uh, chiin, hehin ka kichiam hi.

95:11b.PSA.095.011 Huaijiakin, Ka khawlna ah a lutkei ding uh, chiin, hehin ka kichiam hi.

96

96:1b.PSA.096.001 Aw, TOUPA pahtawiin la thak sa unla: leilung luahte tengteng aw, TOUPA phatawiin lasa un.

96:2b.PSA.096.002 TOUPA pahtawiin lasain, a min phat unla; ni tengin a hotdamna thu theisak un.

96:3b.PSA.096.003 Nam chih lakah a thupina gen unla, mi chih peuhmahte lakah a thillamdang hihte gen un.

96:4b.PSA.096.004 TOUPA tuh a thupi a, nakpitaka phat ding ahi ngala: Pathian tengteng sanga kihtak ding ahi.

96:5b.PSA.096.005 Mipite pathiante tuh milimte ahi ngal ua: TOUPAN bel vante a bawl ahi.

96:6b.PSA.096.006 Pahtawina leh thupina a maah a om ua: hatna leh kilawmna tuh a mun siangthou ah a om uhi.

96:7b.PSA.096.007 Mi chih a chi chihte aw, TOUPA kiangah pia unla, TOUPA kiangah thupina leh hatna pia un.

96:8b.PSA.096.008 TOUPA kiangah a min thupina pia unla: thillatding tawiin a biakin huang sung intual ahte khawng hongpai un.

96:9b.PSA.096.009 Aw, siangthou kilawmna silhin TOUPA bia unla: lei lung luah teng teng aw, a maah ling un.

96:10b.PSA.096.010 Nam chih lakah, TOUPA kumpipain a tu, chi un: khovel mah leng, a lin theihlouhna dingin, hihkipin a omhi: aman khentuam neilouin mi chih vai tuh a hawm ding hi.

96:11b.PSA.096.011 Vante kipaktakin om henla, lei leng nuamtakin om hen; tuipi leh a sunga thil om tengteng lum honhon uhen;

96:12b.PSA.096.012 Lou leh a sunga om tengteng kipaktakin om henla; huai hunin gamnuaia sing tengtengin nuamin la a sa ding uh;TOUPA maah: amah tuh a hongpai dek ahi; lei vaihawm dingin a hong dek ngala: khovel tuh diktattakin vai a hawmsak dinga, mi chihte tuh a thutakin vai a hawmsak ding hi.

96:13b.PSA.096.013 TOUPA maah: amah tuh a hongpai dek ahi; lei vaihawm dingin a hong dek ngala: khovel tuh diktattakin vai a hawmsak dinga, mi chihte tuh a thutakin vai a hawmsak ding hi.

97

97:1b.PSA.097.001 TOUPA kumpipain a tu-a; lei tuh nuam takin om hen; tuikulh gam tampi takte tuh kipak takin om hen.

97:2b.PSA.097.002 Meite leh mial sah bekbuk tuh a kimah a oma; diktatna vaihawmna dik tuh a laltutphah kingakna hi.

97:3b.PSA.097.003 A ma lamah mei a paia, a kima amah galte tuh a kangmang hi.

97:4b.PSA.097.004 A khophiaten khovel a salvak zolhzolha: leiin a mu a, a ling hi.

97:5b.PSA.097.005 Tangte khuainun bangin TOUPA maah a zul khina, khovel tengteng TOUPA maah.

97:6b.PSA.097.006 Vanten a diktatna a tangkoupih jel ua, mi khempeuhin a thupidan a muta uhi.

97:7b.PSA.097.007 Milim siamtawm nasemte tengteng zahlakin om uhen, milim suangte mah: nou pathian tengteng aw, amah bia un.

97:8b.PSA.097.008 Zion tangin a jaa, kipak takin a oma, Judia tanute leng nuamsa takin aom uh; TOUPA aw, na vaihawmte jiakin.

97:9b.PSA.097.009 TOUPA, nang tuh leitung tengteng tung pekah pahtawiin na om hi.

97:10b.PSA.097.010 TOUPA itte, aw, gilou lehngatsan un: aman a mi siangthoute hinna a vom hoiha; amau tuh mi gilousalou khut akipan a humbit nak hi.

97:11b.PSA.097.011 Mi diktat adingin khua a vaka, lungtang diktakpu adingin kipahna a om hi.Mi diktatte aw, TOUPA ah kipak takin om unla; a min siangthou tuh phat un.

97:12b.PSA.097.012 Mi diktatte aw, TOUPA ah kipak takin om unla; a min siangthou tuh phat un.

98

98:1b.PSA.098.001 Aw, TOUPA pahtawiin la thak sa un; t hillamdang takte a hihta ngala: a khut taklam leh a ban siangthouin amah a dingin hotdamna a hihsakta hi.

98:2b.PSA.098.002 TOUPAN a hotdamna a theisaka: a diktatna tuh nam chih mitmuhin chiantakin a langsakta hi.

98:3b.PSA.098.003 Israel inkuanpihte tunga a chitna leh a ginomdan a theigige a: kawlmonga mi tengtengin leng I Pathian hotdamna a muta uhi.

98:4b.PSA.098.004 Leilung luah tengteng aw, TOUPA pahtawiin nuamsa takin kikou unla: kikou khia unla nuamsain lasa un, ahi, phatna lasa un.

98:5b.PSA.098.005 Kaihging toh TOUPA phatin lasa un: kaihging leh phatna la husa toh.

98:6b.PSA.098.006 Pengkul te leh pengkul bi nei ging toh kumpipa, TOUPA maah, nuamsa takin kikou un.

98:7b.PSA.098.007 Tuipi leh a sunga thil om tengteng lum honhon hen; khovel leh a sunga tengteng toh:

98:8b.PSA.098.008 Luipiten a khut uh beng uhenla; tangten nuamin lasa khawm uhen,TOUPA maah; lei vaihawm dingin a hongpai dek ngala khovel tuh diktat takin vai a hawmsak ding a, khentuam neilou in mi chih vai a hawmsak ding hi.

98:9b.PSA.098.009 TOUPA maah; lei vaihawm dingin a hongpai dek ngala khovel tuh diktat takin vai a hawmsak ding a, khentuam neilou in mi chih vai a hawmsak ding hi.

99

99:1b.PSA.099.001 TOUPA kumpipain a tu-a; mi chih ling uhen: amah tuh cherubte tungah a tu-a; lei ling hen.

99:2b.PSA.099.002 TOUPA tuh Zion kho sungah thupi tak ahi a; mi chihte tungah tungnung tham ahi.

99:3b.PSA.099.003 Amau na min thupitak lauhuaitak tuh phat uhen: amah lah a siangthou hi.

99:4b.PSA.099.004 Kumpipa hatnain vaihawmna a ita; nang khentuam neih louhna na hihkip jela, nang Jakobte lakah vai na hawma, diktat takin na hih jel hi.

99:5b.PSA.099.005 TOUPA I Pathian uh pahtawi unla, a khe ngakna bulah bia un: amah tuh a siangthou ahi.

99:6b.PSA.099.006 A siampute lakah Mosi leh Aron, a min loute lakah Samuel; amau tuh TOUPA a sam un, aman a dawngta ahi,

99:7b.PSA.099.007 Mei dingah a kiang uah thu a gena: a thutheihsakte leh thuseh a piak tuh a jui jel uhi.

99:8b.PSA.099.008 Aw TOUPA ka Pathian uh, nang amaute na dawnga: nang amau ngaidampa Pathian na hi, a thilhih tunguahte phu la jel mahlechin leng.TOUPA i Pathian pahtawi unla, a tang siangthou ah bia un; TOUPA i Pathian a siangthou ngala.

99:9b.PSA.099.009 TOUPA i Pathian pahtawi unla, a tang siangthou ah bia un; TOUPA i Pathian a siangthou ngala.

100

100:1b.PSA.100.001 Gam tengteng aw, TOUPA pahtawiin nuamsa takin kikou un.

100:2b.PSA.100.002 Kipak kawmin TOUPA na sem unla: lasa kawmin a maah hongpai un.

100:3b.PSA.100.003 TOUPA tuh Pathian ahi chih thei un: honbawlpa amah ahi a, amaha I hi ua; a mite leh a gantatna muna belamte I hi.

100:4b.PSA.100.004 Kipahthu gen kawmin a kongkhak ah lut unla, phat kawmin a biakin huangsung intul ah lut un: a kiangah kipathu gen unla, a min phat un.TOUPA a hoih ngala: a chitna tuh khantawnin a om ding hi: a muanhuaidan tuh suan tengteng tanin a om ding hi.

100:5b.PSA.100.005 TOUPA a hoih ngala: a chitna tuh khantawnin a om ding hi: a muanhuaidan tuh suan tengteng tanin a om ding hi.

101

101:1b.PSA.101.001 Chitna leh vaihawmna dik thu tuh lain ka sa dinga: TOUPA aw, nangmah phatin la ka sa ding..

101:2b.PSA.101.002 Lam hoih kimah pil takin ka om dinga: aw chikchiangin ahia ka kianga na hongpai ding? Ka in sungah lungtang hoihkim puin ka om ding hi.

101:3b.PSA.101.003 Thil hoihlou himhim ka mitmuhah ka koih kei ding: lam pialte thilhih ka hua ahi; keimah ah bang kei ding hi.

101:4b.PSA.101.004 Lungtang genhakin honpaisan dinga: thil gilou himhim ka theikei ding hi.

101:5b.PSA.101.005 Kuapeuh a vengte a guka gen tuh, huai mi tuh ka hihmang dinga: mi sang leh lungtang kisathei pu mi tuh ka thuak theikei ding hi.

101:6b.PSA.101.006 Hiai gama mi muanhuaite tungah ka mit a tu dinga, ka kianga a om theihna ding un: lam hoihkim tawn tuh, huai miin ka na a sem ding hi.

101:7b.PSA.101.007 Khemhat tuh ka in sungah a omkei dinga: juauhat mi tuh ka mitmuhah hihkipin a om kei ding hi.Jingsang tengin hiai gama mi gilousalou tengteng ka hihmang dinga: TOUPA khopi akipan thilhihkhialte tengteng hihmang dingin.

101:8b.PSA.101.008 Jingsang tengin hiai gama mi gilousalou tengteng ka hihmang dinga: TOUPA khopi akipan thilhihkhialte tengteng hihmang dingin.

102

102:1b.PSA.102.001 TOUPA aw, ka thumna ngaikhia inla, ka kikou husa na kiang tung hen.

102:2b.PSA.102.002 Ka mangbat niin ka lakah na mai sel kenla: kei lamah na bil hondohin; ka honsap hun chiangin hondawng pahin.

102:3b.PSA.102.003 Ka damsung nite meikhu bangin a jam manga, ka guhte tuh taptung bangin a saa.

102:4b.PSA.102.004 Ka lungtang tuh loupa bangin hailumin a oma, a vuai zouta hi; ann nek leng ka mangngilhta ngala.

102:5b.PSA.102.005 Ka thum husa jiakin ka guhte tuh ka sa ah a belh bikbek ahi.

102:6b.PSA.102.006 Gamdai tuivapi bang ka hi a: kho tul simbu bang phet ka na hita hi.

102:7b.PSA.102.007 Ka hak gige a, kawlgit in tunga amah kiaa om bang ka na hita hi.

102:8b.PSA.102.008 Hondouten nitumin hon gensia ua: ka tunga hangsanten keimah banga om dingin hamsia a lou nak uhi.

102:9b.PSA.102.009 Vut tuh an bangin ka ne a, ka dawn dingin khitui toh ka helta ngala.

102:10b.PSA.102.010 Na lunghih louh mahmah leh na heh jiakin: nang non dom kanga, na honpai mangta ngala.

102:11b.PSA.102.011 Ka damsung nite tuh limliap kiam bang ahi a; loupa bangin ka vuaita hi.

102:12b.PSA.102.012 TOUPA aw, nang bel khantawnin na om dinga; nangmah theihgigena leng suan tengteng phain a om lai ding hi.

102:13b.PSA.102.013 Na thou dinga, Zion tang tuh na hehpih dinga: amah lah hehpih a hunta ngala, ahi, hun seh tuh a tungta hi.

102:14b.PSA.102.014 Na sikhaten a suangte a it un, a leivui leng a hehpih ngal uhi.

102:15b.PSA.102.015 Huchiin nam chihin TOUPA mintuh a lau ding ua, leia kumpipate tengtengin na thupina leng a lau ding uhi.

102:16b.PSA.102.016 TOUPAN Zion khua dingsakta ngala, a thupina kithuamin a kimuta hi;

102:17b.PSA.102.017 Tagahte thumna tuh a limsaka, a thumna uh a musit kei hi.

102:18b.PSA.102.018 Huai tuh khangthak hongom ding adingin gelh ahi dinga: nam siama hongom di in TOUPA tuh a phat ding.

102:19b.PSA.102.019 Aman a mun siangthou sangpi akipanin a en suka; TOUPAN van akipanin lei a mu a;

102:20b.PSA.102.020 Suangkulhtang thum ngaikhe ding leh, si dinga sehte sut dingin;

102:21b.PSA.102.021 Huchi-a miten Ziona TOUPA min tuh a genthang ua, Jerusalema a phatna tuh a genthang theihna ding un.

102:22b.PSA.102.022 Mite a kikhawm khawm ua, lalgamte toh, TOUPA nasem ding in.

102:23b.PSA.102.023 Aman lam lakah ka tha a bahsaka; ka damsung tuh a hihtom hi.

102:24b.PSA.102.024 Ka Pathian aw, ka hatlai nite khawngin honla mang ken, ka chia: nang kum tuh suan om sung tengtengin a om ding hi.

102:25b.PSA.102.025 Leitung kingakna tuh nidanga na phum sa ahi a; vante leng na khutsuak ahi.

102:26b.PSA.102.026 Huaite tuh a hongmang dinga, nangjaw na om tawntung ding hi: ahi, huai tengteng tuh puansilh bangin a honglui dinga; puan bangin na khek dinga, a honglamdangta ding hi.

102:27b.PSA.102.027 Nang jaw na ngeingeia, na kumten bei ni himhim a neikei ding.Na sikhate tate tuh a om gige ding ua, a suangte uh na maah hihkipin a om ding uhi.

102:28b.PSA.102.028 Na sikhate tate tuh a om gige ding ua, a suangte uh na maah hihkipin a om ding uhi.

103

103:1b.PSA.103.001 Ka hinna aw, TOUPA phat inla; ka sunga om tengteng aw, a min siangthou phat in!

103:2b.PSA.103.002 Ka hinna aw, TOUPA phat inla, a thilhih hoih tengteng mangngilh ken.

103:3b.PSA.103.003 Aman na thulimlouhna tengteng a ngaidam jela; na natna tengteng a hihdam jel.

103:4b.PSA.103.004 Manthatna lak akipan nahinna a tan jela; chitna leh lainatnate a honkhusak jel hi.

103:5b.PSA.103.005 Na kam tuh thil hoihin a taisaka; huchiin na valnouna mupi banga siam thakin a om nawn naknak hi.

103:6b.PSA.103.006 TOUPAN, nuaisiaha thuak tengteng adingin, thil kizente hihsakin, vaite a hawmsak nak hi.

103:7b.PSA.103.007 A lampite Mosi a theisaka, a thilhihte tuh Israel suante leng a theisak hi.

103:8b.PSA.103.008 TOUPA tuh lainatnaa dim, mi hehpihtheitak, lungnel tak, chitna hautak ahi.

103:9b.PSA.103.009 Aman a taikei dinga; a hehna tuh a pai nilouhlouh sam kei ding hi.

103:10b.PSA.103.010 I khelhnate bangin I tunguah a hih keia, I thulimlouhnate bangin leng a honthuk sam kei hi.

103:11b.PSA.103.011 Van leitung sang taka a om bangin, amah laute tungah a chitna tuh a lian mahmah ahi.

103:12b.PSA.103.012 Suahlam leh tumlama kigamlat bangin, I tatlekna te tuh eimah a kipan in a koih mgangta hi.

103:13b.PSA.103.013 Pa in a tate a hehpih bangin, TOUPAN amah laute tuh a hehpih naknak.

103:14b.PSA.103.014 I pumpi kibawldan a theia, leivui lel I hi chih a theih jiakin.

103:15b.PSA.103.015 Mihing jaw, a damsung nite loupa bang ahi a; pawna pak bangin a lun nak hi.

103:16b.PSA.103.016 Huihin a muta, a mang jel ahi; a omnain a thei nawnta kei ding hi.

103:17b.PSA.103.017 TOUPA chitna bel amah kihtate tungah khantawn akipanin khantawn phain a om dinga, a diktatna leng a tusuan a tasuan tan un a om ding hi.

103:18b.PSA.103.018 A thukhun jui peuhmahte leh, a thuhilhte man tuma theigige peuhmahte tungah.

103:19b.PSA.103.019 TOUPAN a laltutphah tuh vanah a hihkipa; a gamin bangkim tungah vai a hawm hi.

103:20b.PSA.103.020 A thu ngaikhia a, a thumang nou a angelten aw, hatnaa thupite aw, TOUPA tuh phat un.

103:21b.PSA.103.021 A sepaihte aw, a deihlam hiha nasemte aw, TOUPA tuh phat un.A vaihawmna mun peuhmaha a thilhih tengteng aw, TOUPA tuh phat un: ka hinna aw, TOUPA tuh phatin.

103:22b.PSA.103.022 A vaihawmna mun peuhmaha a thilhih tengteng aw, TOUPA tuh phat un: ka hinna aw, TOUPA tuh phatin.

104

104:1b.PSA.104.001 Ka hinna aw, TOUPA tuh phatin, TOUPA ka Pathian aw, nang na thupi mahmaha; pahtawinain leh thupinain na kithuam hi.

104:2b.PSA.104.002 Nang vak tuh puan bangin na silha; vante puanintung bangin na kai palha;

104:3b.PSA.104.003 Aman a dantan sunggil kalvaite tuite khawngah a khunga; meipi tuh kangtalaiin a bawla; huih kha tungah a vak hi:

104:4b.PSA.104.004 A angelten tuh huihina suaksaka; a nasemte tuh meikuang juajuain a suaksak hi.

104:5b.PSA.104.005 Leitung kingaknate tuh na phuma, khantawna lin louhna dingin.

104:6b.PSA.104.006 Nang leilung tuh thukpi puan bangin na silhsaka; tuite tang tungah tekhawng a om pheuphou hi.

104:7b.PSA.104.007 Na taihilhna jiakin a taimanga; na van-ging husa jiakina paimang pahta a;

104:8b.PSA.104.008 Tang khawngah a pai tou a, guam ah tekhawng a pai suka, amah dia mun na bawlsakna lamah.

104:9b.PSA.104.009 A kan louh dingin gi na khunga, lei tup mang dinga a kiknawn tak louhna dingin.

104:10b.PSA.104.010 Aman guam ahte khawng luinakte a sawl khiaa; tangkal khawngah a luang hi.

104:11b.PSA.104.011 Huaiten tuh gamsa khempeuh kiangah dawnding a pia ua; Gam sabengtungten a dangtak uh a hihdai uhi.

104:12b.PSA.104.012 A dung uah tungleng vasaten omna a nei ua, singbawk lak khawngah a ham uhi.

104:13b.PSA.104.013 Aman a dantan tungnung akipanin tangte tuiin a vaka: lei tuh na thilhih gahtein a vaka: lei tuh na thilhih gahtein a tai uhi.

104:14b.PSA.104.014 Loupa gante adingin a pousaka, haichi tuh mihing zatdin a pousak hi: lei akipan nekding pawtsak theihna dingin:

104:15b.PSA.104.015 Mihing lungtang kipahsakna uain toh, a mai kilawmsakna ding thau toh, mihing lungtang hihhatna tanghou toh.

104:16b.PSA.104.016 TOUPA singte tuh a taisak hi; Lebanon tanga sidar sing a suante mah.

104:17b.PSA.104.017 Huaiah vasaten bu a sep ua: vaiva bel meilah singte a in ahi.

104:18b.PSA.104.018 Tang sangte sathak ading ahi a; suangpite zusapi adingin kihumbitna ahi.

104:19b.PSA.104.019 Aman kha hunbi theihna dingin a sepa: niin tum hun theigige hi.

104:20b.PSA.104.020 Nang mial na bawla, jan a honghi jel hi, huai hunin gamnuaia sa khempeuhte a ta khia uhi.

104:21b.PSA.104.021 Humpinelkai hatlaiten a sa mat ding uh, humham khumin, Pathian kiang akipan a nekding uh a zong uhi.

104:22b.PSA.104.022 Ni suaka, a pai mang uh, a omna khuk chiat uah a lum jel uhi.

104:23b.PSA.104.023 Mihing tuh na semin apawta, nitaklam tanin a semgim hi.

104:24b.PSA.104.024 TOUPA aw, na thilhihte tam hina tele! Pilnain na bawl vek ahi; leilung na hauhsaknain a dim hi.

104:25b.PSA.104.025 Pamah tuipi a oma, thupi, lianpi tak, huaiah thil bokvaka pai sim zohlouh a oma, sa neu leh sa liante.

104:26b.PSA.104.026 Huailaiah meilong liante a pai uh; huailaiah ole a om, a sunga mawl dinga na bawl ngei.

104:27b.PSA.104.027 Huai tengtengin a honngak chiat ua, a huntaka a ann uh na piak jelna dingin.

104:28b.PSA.104.028 A kiang ua na piak peuhmah a tawm ua; na khut ua jaka, hoihnain a tai jel uhi.

104:29b.PSA.104.029 Na mai na sela, a lungjing ua, a hatna uh na laksaka, a si ua, amau leivui ah a kik nawn uhi.

104:30b.PSA.104.030 Na kha na sawl khiaa, siamin a om jel uhi; leitung leng na bawl thak nawn jel hi.

104:31b.PSA.104.031 TOUPA thupina tuh khantawin om henla; TOUPA tuh a nasepah nuam hen:

104:32b.PSA.104.032 Aman lei a ena, a ling nak; tangte a khoiha, a khu khe nak hi.

104:33b.PSA.104.033 Ka damsung tengin TOUPA pahtawiin la ka sa dinga: ka hinlai tengin ka Pathian phatin la ka sa ding hi.

104:34b.PSA.104.034 Ka ngaihtuahna tuh amaha dingin khumtak hi hen: kei tuh TOUPA ah ka nuam ding hi.Mi khialte lei akipanin hihmanin om uhenla, mi gilou-saloute om nawnta kei uhen! Ka hinna aw, TOUPA phatin! TOUPA tuh phat un!

104:35b.PSA.104.035 Mi khialte lei akipanin hihmanin om uhenla, mi gilou-saloute om nawnta kei uhen! Ka hinna aw, TOUPA phatin! TOUPA tuh phat un!

105

105:1b.PSA.105.001 Aw, TOUPA kiangah kipahthu gen unla, amin lou un; mi chih lakah a thilhihte theisak un.

105:2b.PSA.105.002 Amah pahtawiin lasa unla, amah phatin lasa un; a thillamdang hih tengteng thuin houlim un.

105:3b.PSA.105.003 A min siangthou tuh suang un: TOUPA zongte lungtang nuamsa hen.

105:4b.PSA.105.004 TOUPA leh a hatna zong unla: a mel zong gige un.

105:5b.PSA.105.005 A hihzohsa a nasep lamdangte, a thillamdangte, leh a kama vaihawmnate tuh theigige un;

105:6b.PSA.105.006 A sikha Abraham suante aw, a telte Jakob tate aw.

105:7b.PSA.105.007 Amah tuh TOUPA i Pathian ahi a; a vaihawmte leitung tengtengah a om hi.

105:8b.PSA.105.008 A thukhun khantawnin a thei naknak, suan sang khat tana a thu na piak ngei;

105:9b.PSA.105.009 Abraham kianga a thukhun leh, Isaak kianga a kichiamna ngei;

105:10b.PSA.105.010 Huaimah tuh thuseh adingin Jakob kiangah a hihkipa, Israel kiang khantawn thukhun dingin.

105:11b.PSA.105.011 Kanaan gam na kiangah ka honpe dinga, na gou tantuam ding chiin.

105:12b.PSA.105.012 Mi tawmchik phet a hihlai un; ahi, tawmchik phet, huai gamah mikhual ahi ngal ua;

105:13b.PSA.105.013 Nam tuamtuam kiangah a pai vialvial ua, gam tuamtuam akipanin mi tuamtuamte kiangah.

105:14b.PSA.105.014 Kuamah nuaisiah a phal keia: ahi, amau jiakin kumpipate leng a taihilha:

105:15b.PSA.105.015 Ka thaunilhte khoih kei unla, ka jawlneite himhim leng hihna kei un, chiin.

105:16b.PSA.105.016 Huai gama ke dingin kial a sam a; nek ding himhim a omsakta kei hi.

105:17b.PSA.105.017 A ma uah mi a sawla; Joseph sikha dinga juakin a oma:

105:18b.PSA.105.018 A khete tuh kolin a hihna ua; sik khainiang bunin a omta a.

105:19b.PSA.105.019 A thu a tun masiah, TOUPA thuin amah tuh a zeet ngitnget hi.

105:20b.PSA.105.020 Kumpipan mi a sawl khiaa, a suta, a khahta a, mi chih vaihawmpa ngeiin.

105:21b.PSA.105.021 A innsunga heutu ding leh, a sum tengteng tunga vaihawm dingin a bawla:

105:22b.PSA.105.022 A mi liante a ututa hen ding leh; a upate hihpil dingin.

105:23b.PSA.105.023 Israel leng Aigupta gamah a hoha; Jakob tuh Ham gamah a omta dih hi.

105:24b.PSA.105.024 A mite tuh nakpi takin a pungsaka, amau doute sangin a hihhat zota hi.

105:25b.PSA.105.025 A mite ho dingin a lungtang uh a lehngatsaka, a sikhate tunga lepchiah taka hih dingin.

105:26b.PSA.105.026 A sikha Mosi a sawla, a mitel Aron toh.

105:27b.PSA.105.027 Amau achiamnate a lak uah a ensak ua, Ham gamah thillamdangte a ensak uhi.

105:28b.PSA.105.028 Aman mial a sawla, a hihmialta a; huchiin a thute tuh a nialta kei uhi.

105:29b.PSA.105.029 A tuite uh sisan a suaksaka, a ngasate uh a hihlumta hi.

105:30b.PSA.105.030 A gam uh ukengin a dimta a, a kumpipate uh dantan sungah nangawn leng.

105:31b.PSA.105.031 Aman thu a gena, huchiin thou tampi hongpai ua, hik leng a gamsung tengteng uah a hongom uhi.

105:32b.PSA.105.032 A kiang uah vuah sikin gial a pia a, a gam uah meikuang jualjual leng a peta hi.

105:33b.PSA.105.033 A grep guite u leh a theipi kungte uh a hihsi a; a gam ua singte leng a kitansakta hi.

105:34b.PSA.105.034 Aman thu a gena, huchiin khaupeta a hongpai ua, lungte toh, sim zoh vuallouhin.

105:35b.PSA.105.035 Huaiten a gam ua haichi khempeuh a gai ua, a lei gahte uleng a gai uhi.

105:36b.PSA.105.036 A gam ua ta masa om tengteng a thata, a hatna tengteng gah masapente uh.

105:37b.PSA.105.037 Huchiin, dangka leh dangkaeng toh a pi kheta a; amah namte lakah mi hatlou khat leng a om kei hi.

105:38b.PSA.105.038 A pawt lai un Aiguptate a kipak ua: amau tuh a lau tak jiak un.

105:39b.PSA.105.039 Aman aliah dingin mei a kaisaka, jana tanvak dingin mei leng a pia hi.

105:40b.PSA.105.040 A ngen ua, huchiin vamin a honpia a, van an-in amau a taisakta hi,

105:41b.PSA.105.041 Suangpi a honga, huchiin tui a hongpawt juajua a, mun keute ah lui bangmaiin a luangta hi.

105:42b.PSA.105.042 A thu siangthou a theigige ngala, a sikha Abraham toh.

105:43b.PSA.105.043 Huchiin, a mite tuh nuamsa takin a pi kheta a, a mitelte tuh lasa kawmkawm jelin.

105:44b.PSA.105.044 Huan, nam chih gamte a kiang uah a piaksaka: amau tuh mi chih sepkhiaksa a luahta uhi.A thusehte a zuih theihna ding un, a dante tuh a vom hoihna dingin, TOUPA phat un.

105:45b.PSA.105.045 A thusehte a zuih theihna ding un, a dante tuh a vom hoihna dingin, TOUPA phat un.

106

106:1b.PSA.106.001 TOUPA tuh phat un, Aw, TOUPA kiangah kipahthu hilh un; amah lah a hoih ngala: a chitna leng khantawna om ding ahi ngala.

106:2b.PSA.106.002 Kua ahia TOUPA thilhih thupitakte gen theia a phatna tengteng theisak vek thei?

106:3b.PSA.106.003 Vaihawmna kem hoihten nuam a sa uhi, chiklai peuha leng diktat taka hihmi toh.

106:4b.PSA.106.004 TOUPA aw, na mite na deihsaknain hontheigige inla, aw, na hotdamna toh hongvehin;

106:5b.PSA.106.005 Na mi telte hamphatna ka muhtheiha, na namte kipahna ah ka nopsak theiha, na gouluahte toh ka suan theihna dingin.

106:6b.PSA.106.006 Ka pipute utoh thil ka na hihkhial ua, thilgilou ka hih ua, gilou takinka hihta uhi.

106:7b.PSA.106.007 Ka pipute un Aigupta gama na thillamdang hihte a theisiam kei ua; na chitna thupitak a theigige ta kei ua; tuipi ah a hel zota ua, Tuipi San ah.

106:8b.PSA.106.008 Huchi pipiin leng a mah minjiakin amau a hondamtaa, a thilhihtheihna thupitak a theihsakna dingin.

106:9b.PSA.106.009 Tuipi San a taia, huchiin a kangta a; huan amau gamdaia pi paisuak bangin tui thukte ah a pi paisuakta hi.

106:10b.PSA.106.010 Amau homi khut akipan a hondama, melma khut akipan a tanta hi.

106:11b.PSA.106.011 Tuiten amau doute a khuh khina, khat leng dama pawt a om ta kei uhi.

106:12b.PSA.106.012 Huai laiin a thute a gingta ua; a phatna la a sa uhi.

106:13b.PSA.106.013 Himahleh a thilhihte tuh a mangngilh zok ua; a lunggelna tuh a ngak ngamta kei uhi;

106:14b.PSA.106.014 Gamdai ah thil a lungulh mahmah ua, gam keu ah Pathian a zeetta uhi.

106:15b.PSA.106.015 A thil nget uh a pia a; himahleh a hinna uah gawnna a lutsakta hi.

106:16b.PSA.106.016 A giah mun uah Mosi a hazata ua, TOUPA mi siangthou Aron toh.

106:17b.PSA.106.017 Lei tuh a kamkaa, Dathan a valhta, Abiram pawlte tuh a khuh khinvek hi.

106:18b.PSA.106.018 A pawl lak uah mei hihkuanin a hongoma, meikuang ah mi gilousaloute a kangmangta uhi.

106:19b.PSA.106.019 Horeb tang ah bawngnou lim a siam ua, a lim sun tuh a beta uhi.

106:20b.PSA.106.020 Huchibangin a thupina uh bawngtal loupa ne bangphet a suaksakta uhi.

106:21b.PSA.106.021 Pathian a hondampa uh a mangngilhta ua, Aigupta gama thil thupi taktak.

106:22b.PSA.106.022 Ham gama thillamdangte, Tuipi San dung athil mulkimhuaite hihte.

106:23b.PSA.106.023 Huaijiakin, a hihmang kha dinga, chi-a, a hehna hihkik dingin a mi tel Mosi tuh a lutna dingah a maah na ding kei ngial le houh, a hihmang ding chih a gen hi.

106:24b.PSA.106.024 A hi, gam deihhuai tak a ngaineu ua, a thu tuh a gingta nuam kei ua;

106:25b.PSA.106.025 A puanin uahte khawng a phun zota ua, TOUPA aw tuh a ngaikhe nuam kei uhi.

106:26b.PSA.106.026 Huaijiakin amau lamah a khut ajaka, amaute tuh gamdaia a hihpukna ding leh,

106:27b.PSA.106.027 A chi suan dingte uh nam chih laka a hihpuka, gam china a hihjakna dingin.

106:28b.PSA.106.028 Boal-peor lamah a velh ua, misi kianga thil latte tuh a ne samta uhi.

106:29b.PSA.106.029 Huchibangin a thilhihte un amah a hihheh ua; huchiin a tunguah hi honlengta hi.

106:30b.PSA.106.030 Huai laiin Phinehas a dinga, vai a hawma: huchiin hi tuh daihsakin a omta hi.

106:31b.PSA.106.031 Huai tuh amah tunga diktatnaa seh ahi, khantawnin suan tengteng tanin.

106:32b.PSA.106.032 Meribah tuite ah tekhawng leng amah a hihheh ua, huchiin amau jiakin Mosi tungah thilhoihlou a tung hialta hi.

106:33b.PSA.106.033 A kha tungah a hel ua, a mukin kilawmlou pi thu a gen jiakin;

106:34b.PSA.106.034 TOUPAN a kiang ua hihman thu a piak bangin mipite a hihmang kei ua.

106:35b.PSA.106.035 Nam chih tuh a kihelpih ua, a thilhihte uh tuh a ching jaw ua;

106:36b.PSA.106.036 A milim nate khawng uh a sem ua; huaite tuh amau adingin thang a honghita:

106:37b.PSA.106.037 A hi, dawi kiangah tekhawng a tapate a tanute un a kithoih ua.

106:38b.PSA.106.038 Sisan gensiatbei, a tapate uleh a tanute u sisan ngei a suahta ua, huaitein Kanaan gam milimte kiangah a kithoih uhi; huai gam tuh sisanin a na ninta hi.

106:39b.PSA.106.039 Huchibangin a nasepte ua hihbuahin a om ua, a thilhihte un ang a kawmta uhi.

106:40b.PSA.106.040 Huaijiakin TOUPA a mit tungah a thangpaitaa, a gouluah tuh a kih hi.

106:41b.PSA.106.041 Huchiin amau tuh nam chihkhut ah a paia; amau hoten a tunguah vai a hawmta uhi.

106:42b.PSA.106.042 Amau douten a nuaisiah ua, a khut nuai uah hihneuin a omta uhi.

106:43b.PSA.106.043 Tamveipi amau a humbita; himahleh a lunggelna uah a hel nak uhi, a gitlou a satlouhna uah hihniamin aomta uhi.

106:44b.PSA.106.044 Huchi pipiin leng aman, a kikou husa uh a jain, a mangbat uh a limsak ahi.

106:45b.PSA.106.045 A thukhun tuh amau a theisak gigea a chitna thupidan bang jelin alungsim a kisikta hi.

106:46b.PSA.106.046 Sala pite tengteng tuh amau a hehpihsak hi.

106:47b.PSA.106.047 TOUPA ka Pathian u-aw, honhondam inla, nam chih laka kipan honpikhawmin, na min siangthou phat ding leh na phatna suang dingin.TOUPA, Israelte Pathian, phatin om heh, khantawn akipan khantawn phain leng. Mi tengtengin, Amen, chi uhen, TOUPA tuh phat un.

106:48b.PSA.106.048 TOUPA, Israelte Pathian, phatin om heh, khantawn akipan khantawn phain leng. Mi tengtengin, Amen, chi uhen, TOUPA tuh phat un.

107

107:1b.PSA.107.001 Aw TOUPA kiangah kipahthu hilh un; amah tuh a hoih ngala: a chitna leng khantawnin a om ding ahi ngala.

107:2b.PSA.107.002 TOUPA mi tatten huchibang gen uhen, doumi khut akipan a tatten.

107:3b.PSA.107.003 Gam teng akipan a pi khawma, suahlam leh tumlam, simlam leh mallam akipan tekhawngin.

107:4b.PSA.107.004 Gamdaia gam keu lampi ah a vakvak ua; mihing omna khua himhim a mu kei uhi.

107:5b.PSA.107.005 Gilkial leh dangtakin a hinna uh a gilsung uah a bahta hi.

107:6b.PSA.107.006 Huaitakin a buaina uah TOUPA a sam ua, aman a lungkhamna ua kipanin a humbitta.

107:7b.PSA.107.007 Mihing omna khuaa a pai theihna ding un, lampi tangtak ah a pikheta hi.

107:8b.PSA.107.008 Aw, mihingten TOUPA a chitna jiak leh, mihing tate tunga a thillamdang hihte jiakin phat himhim le u aw!

107:9b.PSA.107.009 Aman hinna thil lunggulh mahmah tuh a taisakin, hinna gilkial tuh vahsak jel ngala.

107:10b.PSA.107.010 Mial nuaia leh sihna lima tu-a, gimthuakna leh sikkhau a hente mahmah;

107:11b.PSA.107.011 Pathian thu tungahte a hel ua, Tungnungpen lunggel tuh a ngaihneu jiak un:

107:12b.PSA.107.012 Aman a lungtang uh sepgimnain a minsakta a; a puk ua, panpihpa ding himhim lah a om ngal kei a.

107:13b.PSA.107.013 Huai takin a buaina uah TOUPA a sam ua, aman a buaina ua kipan a pi khia a, a hennate uh a suktat sakta hi.

107:14b.PSA.107.014 Mial nuai akipan leh sihna lim akipan a pi khia a, a henna uh a suktat sakta hi.

107:15b.PSA.107.015 Aw, mihingten TOUPA a chitna jiakin leh, mihing tate tunga a thillamdang hihte jiakin phat himhim le u aw!

107:16b.PSA.107.016 Aman dal kongkhakte tuh a chimsaka, a kalhna sik tawnte tuh a hihtanta ngala.

107:17b.PSA.107.017 Mi haite a tatlekna jiak un leh, a gitlouh-satlouhnate u jiakin a kihihgim nak uhi.

107:18b.PSA.107.018 A hinna un nek theih chiteng a kiha; sihna kulh kongkhakte a naih jel uhi.

107:19b.PSA.107.019 Huaitakin a buaina uah TOUPA a sam ua, aman a mangbatna ua kipanin a hondam jel hi.

107:20b.PSA.107.020 A thu tuh a sawl khia a, amau tuh a damsak jel hi, a mahthatna ding ua kipanin a humbit jel hi.

107:21b.PSA.107.021 Aw, mihingten TOUPA a chitna jiakin leh, mihing tate tunga a thillamdang hihte jiakinphat himhim leu aw!

107:22b.PSA.107.022 Amau kipahthugen kithoihnate tuh lan uhenla, a thilhihte uh lasain hilh uhen.

107:23b.PSA.107.023 Tuipi-a long liana vapai suka, tui za tak tung khawnga na sem semten:

107:24b.PSA.107.024 Huaiten TOUPA thilhihte leh, tui thupi-a a thillamdang hihte a mu jel uhi.

107:25b.PSA.107.025 Aman thu a pia a, huihpi a nungsaka, huaiin a tuikihawtte tuh a sangsak hi.

107:26b.PSA.107.026 Vanah a pai tou luamluam ua, thukpi ah a pai suk nawn luamluam jel uhi: mangbatna jiakin a hinna uh a zulbei jel hi.

107:27b.PSA.107.027 Zukham bangin a sawi hoihoi ua, a tuan loklok ua, omdan ding himhim a theikei nak uhi.

107:28b.PSA.107.028 Huaitakin a buaina uah TOUPA a sam ua, aman a mangbatna ua kipanin a pi jel hi.

107:29b.PSA.107.029 Huihpi a daisak duama, huchiin a tuikihawtte a dai duam jel hi.

107:30b.PSA.107.030 Huan, a daihtak jiakin a kipak ua; huchiin aman a omna ding uh longkhawlna ah a pi tung jel hi.

107:31b.PSA.107.031 Aw, mihingten TOUPA a chitna jiakin leh, mihing tate tunga a thillamdang hihte jiakin phat mahmah le u-aw!

107:32b.PSA.107.032 Amau tuh mite kikhopna ah amah phat uhenla, upate tutana ah phat uhen.

107:33b.PSA.107.033 Aman luipite tuh gamdai a suaksak jela, tuinakte leng lei keu a suaksak jel hi.

107:34b.PSA.107.034 Gam hoih tuh gam keu mah leng a suaksak jel, a sunga omte genhak jiakin.

107:35b.PSA.107.035 Gamdai tuh dilin a suaksak jela, gam keu leng tuinak a suaksak jel hi.

107:36b.PSA.107.036 Huaiah gilkialte a omsaka, omna ding khua a bawl ua.

107:37b.PSA.107.037 Loute a neih ua, grep huante a bawl ua, a gah hong pungte a muh theihna ding un.

107:38b.PSA.107.038 Amau tuh vual a jawla, huchiin nakpi taka hihpunin a om ua; a gante uh a kiam a phal kei hi.

107:39b.PSA.107.039 Huan, nuaisiahte, gimthuaknate, lungkhamna te jiakin a kiamta hiaihiai ua, a kun ngiungiauta leuleu uhi.

107:40b.PSA.107.040 Aman miliante tungah muhsitna a sungbuaa, gamdai, lampi himhim omlouhna ah a vak saksaka.

107:41b.PSA.107.041 Himahleh gentheite tuh gimthuakna akipanin mun sangah a khatou hi, gan hon bangin inkuanpihte asiamsak hi.

107:42b.PSA.107.042 Mi diktatten huai a mu ding ua, a kipak ding uh; thulimlouhna tengtengin a kam a hum ding hi.Kuapeuh pilin huaite a kem hoih ding ua, TOUPA chitnate a ngaihtuah ding uhi.

107:43b.PSA.107.043 Kuapeuh pilin huaite a kem hoih ding ua, TOUPA chitnate a ngaihtuah ding uhi.

108

108:1b.PSA.108.001 Pathian aw, ka lungtang a kip hi; la a sa ding, ahi, phatna la ka sa ding, ka thupina ngeiin.

108:2b.PSA.108.002 Pekging leh kaihging te aw, halh un: kei jaw jingkhangin ka halh ding.

108:3b.PSA.108.003 TOUPA aw, mi chih lakah tekhawng kipahthu ka honhilh ding: nam chih lakah nangmah phatin la kasa ding hi.

108:4b.PSA.108.004 Na chitna tuh van khup hialin a thupi ngala, na thutakin vandumte leng a sun hial hi.

108:5b.PSA.108.005 Pathian aw, nang van khup thamin pahtawiin hongom in: na thupina leitung tengteng tungah pahtawiin leng om hen.

108:6b.PSA.108.006 Na deih takte humbita a omtheihna ding un, na khut taklaminhondam inla, hondawngin.

108:7b.PSA.108.007 Pathianin a sianthouna ah hichibangin agena, Nuam ka sa dinga: Sekemkhua tuh ka hawm dinga, Sukkoth guam tuh ka hawmjak ding.

108:8b.PSA.108.008 Gilead gam tuh keia ahi a; Manasi gam leng ka lu humbitna ahi a: Juda gam tuh ka lalchiang ahi.

108:9b.PSA.108.009 Moab gam tuh ka kisilna bel ahia; Edom gamah ka khedap ka pai dinga; Philistia gam tuh ka kikou khum ding hi.

108:10b.PSA.108.010 Khopi kulhnei ah kuan a honpi lut dia? Edom gamah kuan a honpi dia?

108:11b.PSA.108.011 Pathian aw, nang honkhah khia hilou na hi maw? Pathian aw, ka sepaihhonte u kiangah lah na pawt samta ngal keia.

108:12b.PSA.108.012 Galte sual dingin honpanpihin: mihing panpihna jaw bangmahlou phet ahi ngala.Pathian jiakin hangtakin ka hih ding uh: amah lah hondoute sikdenpa ding ahi ngal.

108:13b.PSA.108.013 Pathian jiakin hangtakin ka hih ding uh: amah lah hondoute sikdenpa ding ahi ngal.

109

109:1b.PSA.109.001 Ka phat Pathian aw, dai nilouh ken:

109:2b.PSA.109.002 Migilou-salou kam leh kam khemhat tuh ka tungah a hang ngal ua: amau tuh lei juautheiin ka kiangah thu a gen uhi.

109:3b.PSA.109.003 Huatna thuin honum suak ua, bangmahlouin a hondou uhi.

109:4b.PSA.109.004 Ka it jiakin a hondoute a honghita uhi: himahleh kei jaw thum thum dingin ka kipe chinten hi.

109:5b.PSA.109.005 Aman thil hoih tuh thil gilouin honthuk ua, ka itna tuh huatna mahin a honthuk uhi.

109:6b.PSA.109.006 Nang a tungah mi gilou koih inla: a tak lamah hekmi ding hen.

109:7b.PSA.109.007 Vaihawmsaka a om chiangin siamlouh tangin pawt henla: a thumna tuh khelhna ah suak hen.

109:8b.PSA.109.008 A damsung nite tuh tom henla; a heutu hihna midangin tang hen.

109:9b.PSA.109.009 A tate tuh pa louin om uhenla, a ji mahleng meithaiin om hen.

109:10b.PSA.109.010 A tate tuh mi vakvai honghiin, khutdoh uhenla; a nekding uh a mun gamsiate ah zong uhen.

109:11b.PSA.109.011 A pung delha dangka leitawisakin a neih tengteng laksak vek henla; mikhualten a sepgim gah lok uhen.

109:12b.PSA.109.012 A tunga chitna langsak jel ding kuamah om sam kei uhenla; a ta paneiloute hehpihpa ding kuamah om kei hen.

109:13b.PSA.109.013 A suante hihmanin om uhen la; khangthak hongom nawnah a min uh nul mangin om hen.

109:14b.PSA.109.014 A pipute uh gitlouh-satlouhna TOUPA kiangah theigigein om henla: a nu khelhna tuh nul mangin om kei hen.

109:15b.PSA.109.015 Huaite tuh TOUPA maah om gige heh. Aman a mau theihgigena lei akipan a hihmang theihna dingin.

109:16b.PSA.109.016 Chitna latsak nadan a theihlouh ua, mi genthei tagah leh khasiate hihlup tuma a sawi zosop jiak un:

109:17b.PSA.109.017 A hi, mi hamsiat tuh a utlam ahi a, huchiin amah tungah a hongtunga: mi vualjawl tuh a kipahlam ahi keia, huchiin amah gamlat piin a om hi.

109:18b.PSA.109.018 Puanak tual silh bangin hamsiatnain a kivana, huai tuh a gilsung khawngah tui bangina luta, a guh khawngah thau bangin a leng lut hi.

109:19b.PSA.109.019 Huai tuh amah a dingin silh gige puansilh bangin om henla, a kigak jelna kawnggak mahleng hi hen.

109:20b.PSA.109.020 Huai tuh hondoute leh ka hinna gensete TOUPAN a thukna ahi.

109:21b.PSA.109.021 Himahleh, TOUPA Pathian aw, nang na min jiakin honhehpih inla: na chitna a hoih jiakin honhumbit in.

109:22b.PSA.109.022 Genthei leh tagah tak ka hia, ka lungtang tuh ka gilsungah liamin a om ngal hi.

109:23b.PSA.109.023 Lim kiamlam bangin ka manga: khaupe bangin mutlengin ka om hi.

109:24b.PSA.109.024 Ka khukte ann ngawl jiakin a hatta keia; ka sain thau himhim a puta kei hi.

109:25b.PSA.109.025 Amau gensiat ka nahita a; honmuh tak un a lu uh a sing jel uhi.

109:26b.PSA.109.026 TOUPA ka Pathian aw, honpanpih inla; aw na chitna bang jelin honhondamin;

109:27b.PSA.109.027 Huai tuh na khut ahi, chih a theih ua, TOUPA, nang na hih ahi chih a theihna ding un.

109:28b.PSA.109.028 Amau hamsiat uhen, nang jaw vualjawl jawin: a thoh tak un a zahlak ding ua, na sikha bel a nuamsa ding hi.

109:29b.PSA.109.029 Hondoute zumna puansilh sakin om uhenla, puannak-a kivan bangin amau zahlaknain kivan uhen.

109:30b.PSA.109.030 Ka kamin TOUPA kiangah kipahthu nakpi takin ka gen dinga; ahi, mipi lakah amah ka phat ding hi.Amah tuh tagahte taklamah a dinga, a hinna vaihawmsakte laka hondam dingin.

109:31b.PSA.109.031 Amah tuh tagahte taklamah a dinga, a hinna vaihawmsakte laka hondam dingin.

110

110:1b.PSA.110.001 TOUPAN, ka toupa kiangah, Na melmate na khe ngaknaa ka siam masiah ka taklamah tuin, a chi a.

110:2b.PSA.110.002 TOUPAN na hatna chiang Zion tang akipanin a sawlkhe ding: nang nangmah doute lakah vaihawmin.

110:3b.PSA.110.003 Na mite na thilhihtheihna ni-ah amau utthuin a kipe jel uhi. Siangthou kilawmna ah, jingsang gilsung akipanin, na valnou daitui tuh na nei hi.

110:4b.PSA.110.004 TOUPA a kichiama, a kisik nawnta kei ding, Nang jaw Melkisedek omdan banga khantawn Siampu na hi a, chiin.

110:5b.PSA.110.005 TOUPA na taklama omin a heh niin kumpipate a sattan lemlum ding hi.

110:6b.PSA.110.006 Nam chih lakah vai a hawm dinga, munte tuh luang-in a hihdim dinga, gam tampi-ah lu tuh a sat kham lemlum ding hi.Lam laka luita a dawn dinga: huaijiakin a lu tuh a tawisang ding hi.

110:7b.PSA.110.007 Lam laka luita a dawn dinga: huaijiakin a lu tuh a tawisang ding hi.

111

111:1b.PSA.111.001 TOUPA tuh phat un. Mi diktakte kikup khawmna ah leh kikhopna ah, ka lungtang tengtengin TOUPA kiangah kipahthu ka hilh ding hi.

111:2b.PSA.111.002 TOUPA thilhihte tuh a thupi-a, a tunga kipak peuhten zon khiak ahi naknak hi.

111:3b.PSA.111.003 A nasep tuh a zahtakhuaiin a thupi ahi a; a diktatna tuh khantawna om ding ahi.

111:4b.PSA.111.004 Aman a thillamdanghihte a theigige saka: TOUPA tuh mi hehpihtheitak, chitna a dim ahi.

111:5b.PSA.111.005 Amah laute kiangah nekding a piaa; a thukhun tuh khawntawnin a theigige ding.

111:6b.PSA.111.006 A thilhihte thilhihtheihdan a mite kiangah a langsaka, nam chih gouluah ding a kiang ua piain.

111:7b.PSA.111.007 A khut thilhihte thutak leh vaihawmna dik ahi a: a thuzohna thu tengteng tuh muanhuai ahi.

111:8b.PSA.111.008 Huaite tuh khantawn khantawn adingin hihkipin a oma, thutak leh diktata hih ahi chiata.

111:9b.PSA.111.009 Aman a mite kiangah tatna a honsawla; a thukhuntuh khantawn adingin a sepa; a min tuh a siangthouin a zahtakhuai ahi.TOUPA kihtak tuh pilna bul ahi a; huchi banga hihmiten theihsiamna hoih a nei uhi; amah phatna tuh khantawna om ding ahi.

111:10b.PSA.111.010 TOUPA kihtak tuh pilna bul ahi a; huchi banga hihmiten theihsiamna hoih a nei uhi; amah phatna tuh khantawna om ding ahi.

112

112:1b.PSA.112.001 TOUPA tuh phat un, TOUPA kihta miin nuam a sa hi, a thupiaktea nakpi taka kipak miin.

112:2b.PSA.112.002 A suante tuh lei ah hattakin a om ding ua: mi diktatte suan tuh vualjawl in a om ding uhi.

112:3b.PSA.112.003 A in ah sum leh hauhsakna a oma: a diktatna tuh khantawna om ding ahi.

112:4b.PSA.112.004 Mi dik adingin mialah vakna a hongpawt khiaa: amah mi hehpihtheipi, chitnaa dim diktat ahi.

112:5b.PSA.112.005 Mi hehpiha leitawisak jel mi tuh hoihin a vuk naka; amah tuh kizen takin a khosa ding hi.

112:6b.PSA.112.006 Bangchikmah chianga ling lou ding ahi ngala: mi diktat tuh khawntawna theihgigein a om ding hi.

112:7b.PSA.112.007 Tanchin hoihlou takte a lau kei ding: TOUPA muangin a lungtang tuh a kip ahi.

112:8b.PSA.112.008 A lungtang tuh a kipa, a lau kei ding, amah doute tunga a thudeih tung tuh a muh masiah.

112:9b.PSA.112.009 A hawmjaka, tagahte kiangah a pia, diktatna tuh khawntawna om ding ahi: a ki tuh pahtawinaa pahtawiin a om ding hi.Mi gilou-salouin huai tuh a mu dinga, a heh dinga, aha a gawi ding a, a zulmang ding, mi gilou-saloute deihlam tuh a mang ding hi.

112:10b.PSA.112.010 Mi gilou-salouin huai tuh a mu dinga, a heh dinga, aha a gawi ding a, a zulmang ding, mi gilou-saloute deihlam tuh a mang ding hi.

113

113:1b.PSA.113.001 TOUPA tuh phat un. Aw TOUPA sikhate aw, phat unla, TOUPA min tuh phat un.

113:2b.PSA.113.002 TOUPA min tuh phatin om hen, Tua kipana, khantawnin.

113:3b.PSA.113.003 Ni suahna akipana a tumna phain TOUPA min phat ding ahi.

113:4b.PSA.113.004 TOUPA tuh nam chihte tungah tungnungpek ahi a, a thupinain vante a khup tham ahi.

113:5b.PSA.113.005 Tunglama tutphah nei, TOUPA i Pathian bang kua ahia,

113:6b.PSA.113.006 Vana thil omte leh leia thil omte en dinga akihihniam?

113:7b.PSA.113.007 Aman genthei leivui akipan, a kaithoua, tagah tuh eklei akipan a dom kang jel hi.

113:8b.PSA.113.008 Mi liante kianga omsak theihna dingin, a mite mi liante kiang ngeingei ah.Aman numei ching tuh inlehlou a kepsaka, tulehta nei nu nuamsa takin a bawl jel hi. Toupa phat un.

113:9b.PSA.113.009 Aman numei ching tuh inlehlou a kepsaka, tulehta nei nu nuamsa takin a bawl jel hi. Toupa phat un.

114

114:1b.PSA.114.001 Israelte Aigupta gam akipan a pawt ua, Jakob inkuanpihte ngei melmak mi lak akipan a pawt lai un.

114:2b.PSA.114.002 Judate tuh a mun siangthou a honghita ua, Israelte tuh a vaihawmna gam mah a honghita uhi.

114:3b.PSA.114.003 Tuipiin huai tuh a mu a, a taimanga; Jordan lui tuh kiksakin a omta hi.

114:4b.PSA.114.004 Tang liante tuh belamtalte bangin a diang ua, mual neute tuh belampa noute bangin.

114:5b.PSA.114.005 Aw nang tuipi, bang na chi a ahia, na taimang tak? Nang Jordan, bang a hi- a ahia, na kik nawntak?

114:6b.PSA.114.006 Nou tang liante aw, bang na chi ua ahia, belampa noute banga na dian tak uh?

114:7b.PSA.114.007 Nang leilung, TOUPA maah ling in, Jakobte Pathian maah:Aman suangpa tuh dil a suaksaka, meisuang tuh tuinak a suaksak hi.

114:8b.PSA.114.008 Aman suangpa tuh dil a suaksaka, meisuang tuh tuinak a suaksak hi.

115

115:1b.PSA.115.001 TOUPA aw, kou honpelou in, koumau honpe louin, na min thupina pe jawin, na chitna leh na thutak jiakin.

115:2b.PSA.115.002 Bangachi-a nam chihin, a Pathian uh koia om ahia? Chi uh ahia?

115:3b.PSA.115.003 Ka Pathian u lah van ah a om ngala: a utut a hih ahi.

115:4b.PSA.115.004 A milimte uh dangka leh dangkaeng ahi ua, mihing khutsuak ahi uhi.

115:5b.PSA.115.005 Kam bang a nei ua, lah a pau kei ua; mit bang a nei ua, lah a mu theikei ua:

115:6b.PSA.115.006 Bil bang a nei ua, lah a za theikei ua: nak bang a nei ua, lah gim aza theikei ua;

115:7b.PSA.115.007 Khut bang a nei ua, bangmah lah a khoih theikei ua; khe bang a nei ua, lah a pai theikei ua; a dang un lah a pau thei sam kei uhi.

115:8b.PSA.115.008 Huai bawlte tuh huaite bangin a om ding ua; ahi, huai muang peuhmah te.

115:9b.PSA.115.009 Israelte aw, TOUPA tuh muang un: amah amau panpihpa leh a phaw uh ahi.

115:10b.PSA.115.010 Aron inkuanpihte aw, TOUPA tuh muang un: amah amau panpihpa leh a phaw uh ahi.

115:11b.PSA.115.011 TOUPA laute aw, TOUPA muang un: amau panpihpa leh a phaw uh ahi.

115:12b.PSA.115.012 TOUPAN hon theigige a; vual a jawl ding: Israel inkuanpihte tuh vual a jawl dinga: Aron inkuanpihte tuh vual a jawl ding hi.

115:13b.PSA.115.013 TOUPA laute tuh vual a jawl ding, a lian a neuin.

115:14b.PSA.115.014 TOUPAN nou honhihpung deuhdeuh hen, nou leh na tate uh toh.

115:15b.PSA.115.015 TOUPA vualjawlna mute na hi uh, amah tuh lei leh van siampa ahi.

115:16b.PSA.115.016 Vante TOUPA vante ahi a; leilung bel mihing tate kiangah a pia ahi.

115:17b.PSA.115.017 Misiten TOUPA tuh a phat kei ua, mun dai taka pai sukte himhimin lah a phat sam kei uh;Kou bel TOUPA tuh ka phat ta ding uh, tu akipana, khantawnin, TOUPA tuh phat un.

115:18b.PSA.115.018 Kou bel TOUPA tuh ka phat ta ding uh, tu akipana, khantawnin, TOUPA tuh phat un.

116

116:1b.PSA.116.001 TOUPA ka it ahi, ka aw leh ka ngetnate a ngaihkhiak jiakin.

116:2b.PSA.116.002 Kei lama a bil a hondoh jiakin ka damsung tengin amah ka sam ding hi.

116:3b.PSA.116.003 Sihna khauhualten honviala, Sheol natnaten honmana: mangbatna leh lungkhamna ka na tuak hi.

116:4b.PSA.116.004 Huaitakin TOUPA min tuh ka lou a: Aw TOUPA, hehpihtakin ka hinna humbitin, chiin.

116:5b.PSA.116.005 TOUPA tuh mi hehpihtheitak leh diktattak ahi a; ahi, i Pathian uh mi lainatthei tak ahi.

116:6b.PSA.116.006 TOUPAN mi mawlte tuh a humbit naka: hihniamin ka oma, aman honhondamta hi.

116:7b.PSA.116.007 Ka hinna aw, na khawlna ah kik nawnta in; TOUPAN lah na tungah hoih takin a hihta ngala.

116:8b.PSA.116.008 Ka hinna sihna lakah, ka mitte khitui lakah, ka khete pukna lakah na humbit ngala.

116:9b.PSA.116.009 Mihing gamah TOUPA maah ka vak ding hi.

116:10b.PSA.116.010 Ka gingta a, thu ka gen ding ahi: nakpi taka hihgimin ka om hi.

116:11b.PSA.116.011 Ka lungvaiin, Mi tengteng juau ahi uh, ka na chita mawka.

116:12b.PSA.116.012 Ka tunga a thilhih hoih tengteng jiakin TOUPA kiangah bang ahia ka piak thuk sam ding?

116:13b.PSA.116.013 Hotdamna nou ka la dinga, TOUPA min kalou ding hi.

116:14b.PSA.116.014 Ka thuchiamte tuh TOUPA lakah ka tangtun ding, ahi, a mite tengteng maah.

116:15b.PSA.116.015 A mi siangthoute sihna tuh TOUPA theihin manpha pi ahi.

116:16b.PSA.116.016 TOUPA aw, na sikha ka hi mahmah hi: na sikha, na sikhanu tapa, ka hi; non henna tuh na sutta hi.

116:17b.PSA.116.017 Kipahthugenna kithoihnate tuh ka honlan dinga, TOUPA min tuh ka lou ding hi.

116:18b.PSA.116.018 Ka thuchiamte tuh TOUPA lakah ka tangtun ding, ahi, a mite tengteng maah;TOUPA biakin huangsung intual a h, Jerusalem aw, na laitakah ka tangtun ding hi. TOUPA phat un.

116:19b.PSA.116.019 TOUPA biakin huangsung intual a h, Jerusalem aw, na laitakah ka tangtun ding hi. TOUPA phat un.

117

117:1b.PSA.117.001 Aw, nam chihte aw, TOUPA phat unla; mi chihte aw, amah phat un.A chitna tuh i tunguah a thupiin; TOUPA thutak tuh khantawna om ding a hih jiakin. TOUPA tuh phat un.

117:2b.PSA.117.002 A chitna tuh i tunguah a thupiin; TOUPA thutak tuh khantawna om ding a hih jiakin. TOUPA tuh phat un.

118

118:1b.PSA.118.001 Aw, TOUPA kiangah kipahthu gen un; amah lah a hoih ngala: a chitna leng khantawna om ding a hih jiakin.

118:2b.PSA.118.002 A chitna tuh khantawnin a om ding chih, Israelten gen uhen.