Numbers (Paite)

1

1:1b.NUM.001.001 Aigupta gam akipan a hongpawt uh kum nih kum, kha nihna, ni khat niin Sinai gamdai ah kihoupihna puanin ah TOUPAN Mosi a houpiha,

1:2b.NUM.001.002 Israel saunte a omkhawm tengteng, a chi chiin, a inkuankuanin, a min uh kizomdan bangjelin pasal tengteng sim vekin;

1:3b.NUM.001.003 Kum sawmnih akipan tunglam Israel laka galkap thei chiang peuhmah nang leh Aronin a pawlpawlin na sim vek ding uhi.

1:4b.NUM.001.004 Huan, na kiangah nam chih laka khat, inkuana lupen jel a om ding uh ahi.

1:5b.NUM.001.005 Huan, hiaite na kianga om dingte min ahi: Reuben nama Sedeur tapa Elizur,

1:6b.NUM.001.006 Simeon nama Zurisaddai tapa Selumiel.

1:7b.NUM.001.007 Juda nama Amminadab tapa Nahson.

1:8b.NUM.001.008 Isakar nama Zuar tapa Nethanel.

1:9b.NUM.001.009 Zebulun nama Helon tapa Eliab.

1:10b.NUM.001.010 Joseph tate, Ephraim nama Ammihud tapa Elisama: Manasseh nama Pedahzur tapa Gamaliel.

1:11b.NUM.001.011 Benjamin nama Gideoni tapa Abidan.

1:12b.NUM.001.012 Dan nama Ammisaddai tapa Ahiezer.

1:13b.NUM.001.013 Aser nama Okran tapa Pagiel.

1:14b.NUM.001.014 Gad nama Deuel tapa Eliasaph.

1:15b.NUM.001.015 Naphtali nama Enan tapa Ahira.

1:16b.NUM.001.016 Hiaite mipite tel, a pi leh pute uh nama lupen Israel inkuana lupente ahi uh, chiin.

1:17b.NUM.001.017 Huchiin Mosi leh Aronin huai mi a min uh a lohte uh a pi ua:

1:18b.NUM.001.018 Mipi tengteng kha nihna, ni khat niin a sam khawm vek ua; a chichiin, a inkuan kuanin, a min uh kizomdan bangjelin kum sawmnih akipan tunglam teng a pipute uh min a taklang uhi.

1:19b.NUM.001.019 TOUPAN Mosi thu a piak bangin Sinai gamdai ah a simta hi.

1:20b.NUM.001.020 Israel tapa upapen, Reuben tate suante a chichiin, a inkuankuanin, a min uh kizomdan bangjelin pasal kum sawmnih akipan tunglam, galkap thei teng a sim ua;

1:21b.NUM.001.021 Reuben nam, a simte uh sing li leh sang guk leh za nga ahi uhi.

1:22b.NUM.001.022 Simeon tate suante a chichiin, a inkuankuanin, a min uh kizomdan bangjelin pasal kum sawmnih akipan tunglam galkap thei teng a sim ua;

1:23b.NUM.001.023 Simeon nam, a simte uh sing nga leh sang kua leh za thum ahi uh.

1:24b.NUM.001.024 Gad tate suante a chichiin, a inkuankuanin, a min uh kizomdan bangjelin pasal kum sawmnih akipan tunglam, galkap thei teng a sim ua;

1:25b.NUM.001.025 Gad nama, a simte uh sing li leh sang nga leh za guk leh sawmnga ahi uh.

1:26b.NUM.001.026 Juda tate suante a chichiin, a inkuankuanin, a min uh kizomdan bangjelin kum sawmnih akipan tunglam, galkap thie teng a sim ua;

1:27b.NUM.001.027 Juda nama, a simte uh sing sagih leh sang li leh za guk ahi uh.

1:28b.NUM.001.028 Isakar tate suante a chichiin, a inkuankuanin, a min uh kizom dan bang jelin kum sawmnih akipan tunglam, galkap thei teng a sim ua;

1:29b.NUM.001.029 Isakar nama, a simte uh sing nga leh sang li leh za li ahi uh.

1:30b.NUM.001.030 Zebulun tate suante a chichiin, a inkuankuanin, a min uh kizom dan bang jelin kum sawmnih akipan tunglam, galkap thei teng a sim ua;

1:31b.NUM.001.031 Zebulun nama, a simte uh sing nga leh sang sagih leh za li ahi uh.

1:32b.NUM.001.032 Joseph tate laka Ephraim tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

1:33b.NUM.001.033 Ephraim nama, a simte uh sing li leh za nga ahi uh.

1:34b.NUM.001.034 Manase tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

1:35b.NUM.001.035 Manase nama, a simte uh, sing thum leh sang nih leh za nih ahi uh.

1:36b.NUM.001.036 Benjamin tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

1:37b.NUM.001.037 Benjamin nama, a simte uh, sing thum leh sang nga leh za li ahi uh.

1:38b.NUM.001.038 Dan tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

1:39b.NUM.001.039 Dan nama, a simte uh, sing guk leh sang nih leh za sagih ahi uh.

1:40b.NUM.001.040 Aser tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

1:41b.NUM.001.041 Aser nama, a simte uh, sing li leh sang khat leh za nga ahi uh.

1:42b.NUM.001.042 Naphtali tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

1:43b.NUM.001.043 Naphtali nama, a simte uh, sing nga leh sang thum leh za li ahi uh.

1:44b.NUM.001.044 Huaite ahi uh, Mosi leh Aronin Israel lupen sawm leh nih, inkuana lupente toh a simte.

1:45b.NUM.001.045 Huchiin Israel suan a inkuankuan ua kum sawmnih akipan tunglam, galkap thei chiang teng, Israel gamate sim ahi uh;

1:46b.NUM.001.046 A simte teng uh nuai guk leh sang thum leh za nga leh sawmnga ahi uh.

1:47b.NUM.001.047 Levite pipute jaw a simtel kei uh.

1:48b.NUM.001.048 TOUPAN Mosi a houpiha,

1:49b.NUM.001.049 Levi chi jaw na simtel ding ahi keia, Israel mite lakah na simtel ding ahi sam kei:

1:50b.NUM.001.050 Levite jaw theihsakna biakbuk kemmite leh van tengteng kemmite dia seh jawk ding ahi: biakbuka van tengteng a zong jel ding ua, a kem ding ua, tua biakbuk a kimvelin a omkhum ding uh.

1:51b.NUM.001.051 Huan, biakbuk malama a pai chiangin Leviten a phel ding ua; huan, biakbuk kaih ding chiangin Levite mahin a kai nawn ding uh; nam dang a hongkigolh peuhmah hihlup ding ahi.

1:52b.NUM.001.052 Huan, Israel suanten amau mun chiat ah, a pawlpawlin a tamdan uh dungjui jelin a puaninte uh a kai ding uh.

1:53b.NUM.001.053 Leviten Israel suante khawmpi tunga hehna a omlouhna dingin theihsakna biakbuk kimvelah a akai ding uhi; Leviten theihsakna biakbuk a kep ding uh ahi, chia thu a nagentak jiakin,Huchibangin Israel suanten ahih uh; TOUPAN Mosi thu a piak tengteng bangin, huchibangin a hih uh.

1:54b.NUM.001.054 Huchibangin Israel suanten ahih uh; TOUPAN Mosi thu a piak tengteng bangin, huchibangin a hih uh.

2

2:1b.NUM.002.001 Huan, TOUPAN Mosi leh Aron a houpiha,

2:2b.NUM.002.002 Israel suanten a inkuan chiamtehna uh tak chiatin a pawl uh hihdan bangin a puanin uh a kaih ding uh ahi: kihoupihna puan ngat chiatin a kimvelin a kai ding uh.

2:3b.NUM.002.003 Ni suahnalam suahlam panga a pawl uh tamdan dungjui jela puanin kai dingte Juda pawlte ahi ding uh; huan, Juda tate laka lupen ding jaw Aminadab tapa Nason ahi ding.

2:4b.NUM.002.004 Huai sima om, a pawlte tamdan, sing sagih leh sang li leh za guk ahi uh.

2:5b.NUM.002.005 Huan, amah zoma puanin kai dingte Isakar chi ahi ding uh: Isakar tate laka lupen ding jaw Zuar tapa Nathanel ahi ding:

2:6b.NUM.002.006 Huai sima om, a pawlte tamdan sing nga leh sang li leh za li ahi uh:

2:7b.NUM.002.007 Huan, Zebulun chite: Zebulun tate laka lupen ding jaw Helon tapa Eliab ahi ding:

2:8b.NUM.002.008 Huai sima om, a pawlte tamdan, sing nga leh sang sagih leh za li ahi uh.

2:9b.NUM.002.009 Apawl uh tamdan bang jelin Judate a simte uh nuai khat leh sing giat leh sang guk leh za li ahi uh. Amauten ma a kaih jel ding uh ahi.

2:10b.NUM.002.010 A pawl uh tamdan bangjelin a simlam pangah Reubente pawl a om ding uh; Reuben tate laka lupen Seduer tapa Elizur ahi ding.

2:11b.NUM.002.011 Huai sima om, a pawlte tamdan, sing li leh sang guk leh za nga ahi uh.

2:12b.NUM.002.012 Huan, a zoma, kai dingte Simeon chi ahi ding uh: Simeon tate laka lupen ding jaw Zurisadai tapa Selumiel ahi ding:

2:13b.NUM.002.013 Huai sima om, a pawlte tamdan, sing nga leh sang kua leh za thum ahi uh:

2:14b.NUM.002.014 Huan, Gad chite: Gad tate laka lupen ding Reuel tapa Eliasaph ahiding:

2:15b.NUM.002.015 Huai sima om, a pawlte tamdan, sing li leh sang nga leh za guk leh sawmnga ahi uh.

2:16b.NUM.002.016 Reubente tamdan nuai khat leh singa nga leh sang khat leh za li leh sawmnga ahi uh; a pawl uh dungjuiin. A zomin amau a pawtkhe ding uh uhi.

2:17b.NUM.002.017 Huchiin kihoupihna puanin akipankhe dinga, Levite bel a laiah a om ding uah, a omna thuthu jelin a pawlpawlin a pai chiat ding uh.

2:18b.NUM.002.018 A pawl tamdan thuthuin a tumlam pangah Ephraimte a om ding uh: Ephraim tate laka lupen ding jaw Amihud tapa Eliasam ahi ding.

2:19b.NUM.002.019 Huai sima om, a pawlte tamdan, singa li leh za nga ahi uh.

2:20b.NUM.002.020 Huan, a zomin Manase chi ahi ding ua; Manase tate laka lupen ding Pedazur tapa Gamaliel ahi ding:

2:21b.NUM.002.021 Huai sima om, a pawlte tamdan, sing thum leh sang nih leh za nih ahi uh:

2:22b.NUM.002.022 Huan, a zom nawmin Benjamin chite: Benjamin tate laka lupen ding Gideoni tapa Abidan ahi ding:

2:23b.NUM.002.023 Huai sima om, a pawlte tamdan, sing thum leh sang nga leh za li ahi uh.

2:24b.NUM.002.024 Huan, Ephraimte tamdan nuai khat leh sang giat leh ja ahi uh. Huan a zom zom nawnin a paikhe ding uh.

2:25b.NUM.002.025 A pawl uh tamdan bangjelin Dante a mallam pangah a om ding uh: Dan tate laka lupen ding Amisadai tapa Ahiezer ahi ding.

2:26b.NUM.002.026 Huai sima omte, a pawlte tamdan, sing guk leh sang nih leh za sagih ahi uh.

2:27b.NUM.002.027 Huan, a zoma puanin kai dingte Aser chi ahi ding uh: Aser tate laka lupen ding Okran tapa Pagiel ahi ding:

2:28b.NUM.002.028 Huai sima omte, a pawlte tamdan, sing li leh sang khat leh za nga ahi uh:

2:29b.NUM.002.029 Huan, a zom nawmin Naphtali chite: Naphtali tate laka a lupen ding Enan tapa Ahir ahi ding.

2:30b.NUM.002.030 Huai sima omte, a pawlte tamdan, sing nga leh sang thum leh za li ahi uh.

2:31b.NUM.002.031 Dante tamlam nuai khat leh sing nga leh sang sagih leh za guk ahi uh. Huan, amauten a pawlpawla pawtkhiain nung a hondan jel ding uhi.

2:32b.NUM.002.032 Hiaite Israel suante inkuan tenga ami simte uh, a tamdan uh nuai guk leh sang thum leh za nga leh sawmnga ahi uh.

2:33b.NUM.002.033 Levite bel Israel suante laka sim ahi kei uhi, TOUPAN Mosi thu a piak bangin.Huchibangin Israel suanten a hih ua; TOUPAN Mosi thu a piak bangjelin a pawlpawlin puanin a kai uh; huan, huchi mahbangin a chichiin, a inkuankuan jel un a kipankhe sek uhi.

2:34b.NUM.002.034 Huchibangin Israel suanten a hih ua; TOUPAN Mosi thu a piak bangjelin a pawlpawlin puanin a kai uh; huan, huchi mahbangin a chichiin, a inkuankuan jel un a kipankhe sek uhi.

3

3:1b.NUM.003.001 Hiaite, Sinai tanga TOUPAN Mosi a houpih laia Aron leh Mosi suana mite ahi uh.

3:2b.NUM.003.002 Aron tapate min a upapen Nabad, Abihu, Elearzer, Ithamar ahi uh.

3:3b.NUM.003.003 Hiaite siampu dinga thuanilh, siampu na sem ding a hihtuam Aron tapate min ahi.

3:4b.NUM.003.004 Huan, Nabad leh Abihu ahih uleh Sinia gamdaia mei zat louh ding chih, TOUPA maa a latlai un TOUPA maah a si ua, ta a neikei uh: Eleazar leh Ithamarin a pa uh Aron dam laiin siampu-nasep a sem uhi.

3:5b.NUM.003.005 Huan, TOUPAN Mosi a houpiha,

3:6b.NUM.003.006 Levi chite, siampu Aron kiangah pi inla, a na a sep theihna ding un a kianga-ah omsakin.

3:7b.NUM.003.007 Huan amau biakbuka nasepna semin kihoupihna puanin chinah amah leh khawmpi tengteng tuam dingin na a sem ding uh.

3:8b.NUM.003.008 Huan, kituahkhawmna puanin van tengteng a kem ding ua, Israel suante tuama biakbuk nasep na a sem ding uh.

3:9b.NUM.003.009 Huan, Levite bel Aron leh a tapate kiangah na lan ding: Israel suante tuam din a kianga lat ahi uhi.

3:10b.NUM.003.010 Aron leh a tapate bel na sep dinga, a siampu hihna uh a tang nilouh ding uh: Nam dang honkigolhte hihlup ding ahi uh, chiin.

3:11b.NUM.003.011 Huan, TOUPAN Mosi a houpiha,

3:12b.NUM.003.012 Ngaiin, Levite Israel suante lak akipan Israel suante ta chil sul hong masapen siaka keimah ngeiin ka lak ahi uh: Levite keia ahi ding ua:

3:13b.NUM.003.013 Tachil tengteng lah keia ahi ngal ua; Aigupta gama tachil tengteng ka hihlup niin Israelte laka tachil tengteng, a mihing a ganin ka tuam dingin ka khama ahi; keia ahi ding uh; kei TOUPA ka hi, chiin.

3:14b.NUM.003.014 Huan, TOUPAN Sinai gamdai ah Mosi a houpiha,

3:15b.NUM.003.015 Levi tate a inkuankuan un a khangkhang un sim inla: pasal peuhmah kha khat akipan tunglam an sim ding ahi, chiin.

3:16b.NUM.003.016 Huchiin Mosiin a hih dinga thupiak bangin TOUPA thu bangin a sim chiata.

3:17b.NUM.003.017 Levit tapate min Gerson, Kohath, Merari ahi uh.

3:18b.NUM.003.018 Huan, amau suangpa Gerson tapate min Libni leh Simei ahi uh.

3:19b.NUM.003.019 Amau suangpa Kohath tapate Amram, Izhar, hebron, Uziel ahi uh.

3:20b.NUM.003.020 Amau suangpa Merari tapate Mali leh Musi ahi uh. Hiaite a inkuan uh bangjela Levite suante ahi uhi.

3:21b.NUM.003.021 Gerson bel Libnite leh Simeite suang pa ahi: hiaite Gersonte suante ahi uhi.

3:22b.NUM.003.022 Pasal tengteng kha khat akipan tunglam a simte uh sang sagih leh ja nga tak a ching uhi.

3:23b.NUM.003.023 Gersonte suanten a puanin uh biakbuk tumlam pangah a kai ding uhi.

3:24b.NUM.003.024 Huan, Gersonte inkuana lupen Lael tapa Eliasaph ahi ding.

3:25b.NUM.003.025 Gerson taten kihoupihna puanina a kep ding uh biakbuk leh puanin ahi ding, a tung khawng, kihoupihna puanina kongkhak puanjak khawng,

3:26b.NUM.003.026 A intual jakte, biakbuk china a intual kongkhak puanjak khawng, maitam kima khawng, huailaia zat ding khau tengteng.

3:27b.NUM.003.027 Huan, Kohath bel Amram te, Izhar te, Hebron te, Uziel te suangpa ahi: hiaite Kohath suante ahi uh.

3:28b.NUM.003.028 Pasal tengteng kha khat akipan tunglam a simdan bang un sang giat leh za guk ahi un, mun siangthou kemmi ding.

3:29b.NUM.003.029 Kohath tapate suanten biakbuk simlam pangah a puanin uh a kai ding uhi.

3:30b.NUM.003.030 Kohathte suante inkuana lupen ding bel Uziel tapa Eliazaphan ahi ding.

3:31b.NUM.003.031 A kep dingte uh, bawmte, dohte, sathau khawnvak koihna, maitam, mun siangthoua nasepna tuiumbelsuan tengteng, puanjakte, huailaia nasepna thil tengteng ahi ding.

3:32b.NUM.003.032 Huan, siampu Aron tapa Eleazar bel Levite lupen ahi dinga, mun siangthou kemmite a heu ding hi.

3:33b.NUM.003.033 Merari bel Malite leh Musite suangpa ahi. Hiaite Merari suante ahi uh.

3:34b.NUM.003.034 Pasal tengteng kha khat akipan tunglam a simdan bang un sang guk leh za nih ahi uh.

3:35b.NUM.003.035 Merari suan inkuana lupen Abihail tapa Zuriel ahi: biakbuk mallam pangah a puanin uh a kai ding uhi.

3:36b.NUM.003.036 Merari tapate kep dinga sehte biakbuk khuam lepkhawm bang, bang kal te, a khuamte, a kingakna khukkuakte, a vanzat tengteng, nasepna vanzat tengteng ahi uh;

3:37b.NUM.003.037 A kongpi umna khuamte, a kingakna khuakkuakte, akilhbelhna leh a khaute toh.

3:38b.NUM.003.038 Biakbuk suahlam pang kihoupihna puanin chin, ni suahnalam puanin kai ding bel Mosi leh Aron leh a tapa hi ding ua, mun siangthou ah Israel suante tuam dingin a kul peuhpeuh a sem ding uh. Nam ding honkigolh peuhmah hihlup ding ahi, chiin,

3:39b.NUM.003.039 TOUPA thupiaka Levite a inkuankuan ua pasal tengteng kha khat akipan tunglam Mosi leh Aronin a sim teng uh sing nih leh sang nih ahi uh.

3:40b.NUM.003.040 Huan, TOUPAN Mosi kiangah, Israel suante laka tachil, pasal kha khat akipan tunglam teng sim inla, a zah uh theiin,

3:41b.NUM.003.041 Huan, Levite bel (TOUPA ka hi) Israel suante laka tachil teng sikin non laksak ding ahi; huan, Levite gante Israel suante gan teng piang masapen sikin, a chi a,

3:42b.NUM.003.042 Huan, Mosiin TOUPAN thu a piak bangin Israel suante laka tachil teng a sim,

3:43b.NUM.003.043 A min uh kizom bangjelin kha khat akipan tunglam tachil pasal teng a sim uh sing nih leh sang nih leh za nih leh sawmsagih leh thum ahi uh.

3:44b.NUM.003.044 Huan, TOUPAN Mosi a houpiha,

3:45b.NUM.003.045 Israel suante laka tachil teng sikin Levite la inla, a gan uh sikin Levite gan; Levite keia ahi ding ua; kei TOUPA ka hi.

3:46b.NUM.003.046 Huan, Levite sanga a tamna uh Israel suante tachil za nih leh sawmsagih leh thum tatna dingin,

3:47b.NUM.003.047 Sekel nga chiat na la ding ahi; mun siangthoua sekel bangin na la ding hi, (sekel bel gerah sawmnih ahi):

3:48b.NUM.003.048 Avalte tatna sum pen Aron leh a tapate na piak ding ahi, chiin,

3:49b.NUM.003.049 Huan, Mosiin Leviten a tat ban ua a tatna sum uh a la a:

3:50b.NUM.003.050 Israel suante tachil lak akipanin sum a la a; sum siangthou sekel bangin sang khat leh ja thum leh sawmguk leh nga a la hi:TOUPAN Mosi thu a piak, TOUPA thu bangin Mosiin tatna sum Aron leh a tapate a pia hi.

3:51b.NUM.003.051 TOUPAN Mosi thu a piak, TOUPA thu bangin Mosiin tatna sum Aron leh a tapate a pia hi.

4

4:1b.NUM.004.001 Huan, TOUPAN Mosi a houpiha,

4:2b.NUM.004.002 Levi tate laka Kohath tate, a khangkhang un, a inkuankuan un, sim vek in,

4:3b.NUM.004.003 Kum sawmthum akipan tunglam, kum sawmnga tanin nasepna na, kihoupihna puanin a sem ding teng.

4:4b.NUM.004.004 Kihoupihna puanin mun siangthou pen Kohath tapate nasep ding hiai ahi:

4:5b.NUM.004.005 Ommun a suan ding teng un Aron a tapate toh a lut ding ua, mun siangthou puanjak a hawkkhe ding ua, huaiin thukun bawm a khuh ding uh;

4:6b.NUM.004.006 Tuapen ngalvang vunin a khuh ding ua, huaipen puandum buangin a khuh ding ua, ajawnna chiang a thuah ding uh ahi.

4:7b.NUM.004.007 Huan, etsakna tanghou dohkan tungah puandum buang a phah ding ua, huailaiah kuangte, keute, belhbute leh noute a but khiakna ding a koih ding uh ahi; huan, tatkakloua tanghou koih huailaiah a om ding ahi:

4:8b.NUM.004.008 Tuapen puan sanin a khuh ding ua; a khuhna ngalvang vunin a khuh ding uh, a jawnna chiang a thuah ding uhi.

4:9b.NUM.004.009 Huan, vaksak khawnvak koihna leh huai adinga a zat ding ua khawnvakte, a taitehte, a vu koihnate, thau bing tengteng puandum buangin a khuh ding uhi:

4:10b.NUM.004.010 Huai leh a vanzat tengteng a khuhna ngalvang vuna khuhin a jawnna ah a koih ding uh ahi.

4:11b.NUM.004.011 Huan, dangkaeng maitam puandum buangin a khuh ding ua, a khuhna ngalvang vunin a khuh nawn ding uh, a jawnna chiang a thuah ding uhi:

4:12b.NUM.004.012 Mun siangthou, huailaia a vanzat uh, tuiumbelsuan tengteng a la vek ding ua, puandum buangin a tun ding ua, a khuhna ngalvang vunin a khuh ding uh, a jawnnna ah a koih uhi.

4:13b.NUM.004.013 Huan, maitama meivu a la mang ding ua, a tungah puan sandup a phah ding uh:

4:14b.NUM.004.014 Huan, a tungah a na sep vialvialna uh tuiumbelsuan tengteng, mei lakna te, sa thukna sikkhut te vutluahna te, tuikuang te, maitam tuiumbelsuan tengteng te a koih ding uhi; huan, a khuhna ngalvang vunin a khuh ding uh, a jawnna a bulh ding uh.

4:15b.NUM.004.015 Huan, Aron leh a tapaten mun siangthou leh mun siangthou van tengteng ommun suan dinga akhuh khit chiang un; huai khit chiangin a jawng dingin Kohath tapate a hongpai ding uhi: ahihhangin thil siangthou himhim a khoih ding uh ahi kei, huchilouin jaw a si kha ding uhi. Hiaite kihoupihna puanina Kohath tapate nasep ding ahi.

4:16b.NUM.004.016 Huan, siampu Aron tapa Eleazar sep ding, det ding thau te, namtui te, tatlak loua tangbuang thillatte, sathau nilh chite, biakbuk, huailaia thil om tentengte, mun siangthou leh a vante ngaihtuah khawng ahi, chiin.

4:17b.NUM.004.017 Huan, TOUPAN Mosi leh Aron a houpiha,

4:18b.NUM.004.018 Kohath suan inkuan jaw Levite lak akipan mang mai loua:

4:19b.NUM.004.019 Thil siangthoute khoih loua si loua a om theihna ding uh hichibangin hihih: Aron leh a tapate lut uhenla, a sep ding uh leh a tantuam ding chiat uh seh sakin:

4:20b.NUM.004.020 Ahihhangin thil siangthou en dingin sawt lou chik leng lut kei uhen, a lut uleh a si ding uh, chiin,

4:21b.NUM.004.021 Huan, TOUPAN Mosi a houpiha,

4:22b.NUM.004.022 Gerson tapate leng a inkuankuan un, a khangkhang un sim vekin;

4:23b.NUM.004.023 Kum sawmthum akipan a tunglam kum sawmngaa upa tanin nasepna na kihoupihna puanina sem thei ding teng zah sim vekin.

4:24b.NUM.004.024 Gerson suante tantuam naseplam leh puaklam ahi:

4:25b.NUM.004.025 Biakbuk puanjakte, kihoupihna puanin te, a khuhna te, a tung khuhna ngalvang vunte, kihoupihna puanin kongkhak puanjakte;

4:26b.NUM.004.026 Intual puanjak te, intual kongkhak puanjak te, abiakbuk leh maitam bula, akhaute, a vanzat tengteng uh toh a po ding ua, hih dia kiphamoh peuhmah a hih ding uh ahi.

4:27b.NUM.004.027 Gerson suante nasep a naseplam uleh puaklam ah a tantuam tengteng uh Aron leh a tapate ahi ding; ahih ding uh banghiam nengneng tana sehsak dingin thu na neisak ding.

4:28b.NUM.004.028 Huaite kihoupihna puanina Gerson suante nasep ahi: a hihding uh siampu Aron tapa Ithamar seh ding ahi.

4:29b.NUM.004.029 Merari tapate, akhangkhang un, a inkuankuan un na sim ding ahi;

4:30b.NUM.004.030 Kum sawmthum akipan tunglam kum sawmngaa upa tanin kihoupihna puanina sem ding zah na sim vek ding hi.

4:31b.NUM.004.031 Kihoupihna puanina a nasep uh, a tantuan ding uh hiai ahi-biakbuk khuam lepkhawm te, a bangkal te, akhuam te, a kingakna khuakhuakte;

4:32b.NUM.004.032 A intual umna khuamte, akingakna khuakkhuakte, a kilhbelhnate, a khau te, a vanzat tengteng leh a vanzat dang tengteng puak te: a min uh lou jel chiatin a tantuam ding uh na sehsak ding ahi.

4:33b.NUM.004.033 Huaite amau siampu Aron tapa Ithamar heua khoupihna puanina Merari tapate suanten a hihding uh banghiam nengneng tana a nasep dan ding uh, chiin.

4:34b.NUM.004.034 Huchiin Mosi leh Aron leh khawmpi laka lupenten Kohathte tapate a khangkhang un, a inkuankuan un a simta ua,

4:35b.NUM.004.035 Kihoupihna puanina nasepnaa ding, mi chih nasem dia kisate, kum sawmthum akipan tunglam kum sawmngaa upa chiang:

4:36b.NUM.004.036 Huaite a khangkhanga a sim uh sang nih leh za sagih leh sawmnga ahi uhi.

4:37b.NUM.004.037 Hiaite ahi uh, kihoupihna puanina na sem jel Kohathte suan a simte uh Mosi zanga TOUPA thupiak banga Mosi leh Aronin a simte uh.

4:38b.NUM.004.038 Huan, hiaite a inkuankuana, a khangkhang ua kisim, Gerson tate ahi uh,

4:39b.NUM.004.039 Kum sawmthum akipan tunglam kum sawmngaa upa, kihoupihna puanin nasepna dinga, mi chih nasem jel dia kisate,

4:40b.NUM.004.040 Huai a khangkhanga, a inkuankuan ua a simte uh sang nih leh za guk leh sawmthum ahi uh.

4:41b.NUM.004.041 Huaite ahi uh, Gerson tapate suante, kihoupihna puanina nasemte teng, TOUPA thupiak banga Mosi leh Aronin a simte uh.

4:42b.NUM.004.042 Huan, huaite a inkuankuan ua, a khangkhang ua, Merari tapa a simte uh ahi,

4:43b.NUM.004.043 Kihoupihna puanin a sem dinga nasem zah ding, kum sawmthum akipan a tunglam kum sawmngaa upa chiang;

4:44b.NUM.004.044 Huai a khangkhanga, a inkuankuana a simte uh sang thum leh za nih ahi uh,

4:45b.NUM.004.045 Huaite ahi uh, Merari tapate suante a sim uh, Mosi zanga TOUPA thupiak banga Mosi leh Aronin a simte uh.

4:46b.NUM.004.046 Mosi leh Aron leh Israelte lupenten a khangkhanga, a inkuankuana a simte uh avekun huaiteng ahi uh,

4:47b.NUM.004.047 Nasem ding leh kihoupihna puanina puak chi pomi ding zah, kum sawmthum akipan a tunglam kum sawmngaa upa chiang,

4:48b.NUM.004.048 Huai a simte uh sang giat leh za nga leh sawmgiat ahi uh.Mosi zanga TOUPA thupiak banga mi chih a sepding uleh a tantuam ding uh dungjui jela a sim ahi: huchibang takin TOUPA Mosi thu a piak bang sim ahi uhi.

4:49b.NUM.004.049 Mosi zanga TOUPA thupiak banga mi chih a sepding uleh a tantuam ding uh dungjui jela a sim ahi: huchibang takin TOUPA Mosi thu a piak bang sim ahi uhi.

5

5:1b.NUM.005.001 Huan, TOUPAN Mosi a houpiha,

5:2b.NUM.005.002 Israel suante a giahna mun ua kipan phak tengteng leh sipawt tengteng leh misi jiaka buah peuhmahte pawtkhesak vek dingin thu piain;

5:3b.NUM.005.003 Numei pasal na pawtkhe sakin dainawl ah na koih ding ahi; a laitaka ka om sek a gaihna mun uh a buahsak kha ding uh, chiin.

5:4b.NUM.005.004 Huchiin Israel suanten huchibangin a hih uhi, dainawl ah a koihkhia ua; TOUPAN Mosi kianga a gen bangin Israel suanten a hih uh.

5:5b.NUM.005.005 Huan, TOUPAN Mosi a houpiha,

5:6b.NUM.005.006 Israel suante kiangah gen inla, Pasal hiam, numei hiamin TOUPA tungah thil bangpeuh na hihkhialin mohta leh;

5:7b.NUM.005.007 A hihkhelhna uah thupha a tawi ding uh ahi; huan, a hihkhelhna man pen kim takin dit ding ahi, huan, a mun nga akhena mun khat a hihkhelhnapa a piak behlap ding ahi.

5:8b.NUM.005.008 Ahihhangin, khelh man huai miin tanau a neih kei leh, khelh man TOUPA kianga lat pen siampu tuam ahi dng; kilepna belampa sim louhin kilepna a bawl ding ahi ding.

5:9b.NUM.005.009 Huan, Israel suante thil siangthou vei thillat tengteng, siampu kianga a lat peuhmah siampu tuam ahi ding.

5:10b.NUM.005.010 Mi chih thil siangthou siampu tuam ahi dinga, min siampu a piak peuhmah a tuam ahi ding, chiin, a chi hi.

5:11b.NUM.005.011 Huan, TOUPAN Mosi a houpiha,

5:12b.NUM.005.012 Israel suante kiangah gen inla, a kiang uah, Mi, a jiin kho tuamlam ngatsanin khial henla, min luppih henla, a pasalin lah theikei ngal leh,

5:13b.NUM.005.013 Huchibanga a om nilouha, kihihthanghuai pipia kigenkhe nai lou lah hiin a thei lah kuamah omlou, mat louh lah hi ngal leh;

5:14b.NUM.005.014 Huan, lungsim puin, a ji mullitin, amah lah na thanghuai leh; ahihkeileh mullitna lungsim puin, a ji na namullitin, amah lah na thanghuai kei leh:

5:15b.NUM.005.015 Huchibang ahihleh huai miin amah adia thillat barley-buh tangbuang epha muh sawma khena mun khat tawiin a ji siampu kianga a pi ding ahi; sathau a buak ding ahi keia, begaw leng a nuh ding ahi sam kei; mullit thoihna tangbuang thillat, theihgigena thillat thulimlouhna theihkhiakna ahi ngala.

5:16b.NUM.005.016 Huan, siampuin a honpi dinga, TOUPA maah a dingsak dinga:

5:17b.NUM.005.017 Huan, siampuin leibelin tui siangthou a la dinga, biakbuk pialkhanga leivui a la dinga, tui ah a khe ding:

5:18b.NUM.005.018 Huan, siampuin huai numei TOUPA maah a dingsak dinga, a sam a khahkhe mullitna sak dinga, theihgigena tangbuang thillat, huai thil thillat a tawisak dinga; siampuin hamse tungsak tui kha a tawi ding:

5:19b.NUM.005.019 Huan, siampuin huai numei a kichiamsak dinga, numei kiangah, Na pasal hilou midang kuamahin honluppih keia, nitna lama na lampial kei leh hamse tungsak hiai tui kha akipan na honghul ding:

5:20b.NUM.005.020 Ahihhangin khodang lam ngaa na nitna na pasal lou mi kuahiamin a honluppih leh na hul kei dinga, a chi ding:

5:21b.NUM.005.021 Huan, siampuin numei a vau dinga, a kichiamsak ding, numei kiangah siampuin, TOUPAN na pheipi a jawtsaka, na gil a bawksak leh, TOUPAN na chipihte hamse thuakin nang honbawl hen;

5:22b.NUM.005.022 Huan, hamse tungsak hiai tui na gil ah a lut dinga, na gil a bawksak dinga, na pheipi a zosak ding: huan, numeiin, Amen, Amen, a chi ding.

5:23b.NUM.005.023 Huan, siampuin huai hamse thute laibu ah a gelh dinga, tui kha ah a diah ding hi;

5:24b.NUM.005.024 Huan, numei hamse tungsak tui kha a dawnsak ding hi: huchiin hamse tungsak tui kha a gil sungah a lutdinga, a honkha ding.

5:25b.NUM.005.025 Huan, siampuin mullitna thillat tangbuang numei khut akipan a la dinga; TOUPA maah huai tangbuang thillat a vei dinga, maitam ah a paipih ding hi.

5:26b.NUM.005.026 Siampuin tangbuang thillat theihgigena pham khat a la dinga, maitam ah a hal dinga, huai khitin tui numei a dawnsak ding ahi,

5:27b.NUM.005.027 Huan, tui a dawnsak leh hichi ahi dinga; a hongnit a, a pasal tunga thil a hihkhial a na hih leh hamse tungsak huai tui a gilsungah a lut dinga, a honkha dinga, a gil a hongbawk dinga, a pheipi a honzo dinga; huchiin numei a chipihte thuaksaknu a honghi ding hi.

5:28b.NUM.005.028 Ahihhangin numei a nit keia, a siangthou leh a hul dianga, nau pai thei jel ahi ding.

5:29b.NUM.005.029 Hiai, ji, khodang lam ngaa a pasal hilou midang toh kihihnin hiam, pasalin mullitna lungsim a hongputa;

5:30b.NUM.005.030 Ji a mullit hiam chianga vaihawm dingdan ahi: huchiin TOUPA maah a pi dinga, huan, siampuin hiai dan tengteng bangin a tungah a hih ding.Huchiin pasal pen thulimlouhna ah a hul dinga, numeiin a khelhna moh a po ding hi, chiin, chiin.

5:31b.NUM.005.031 Huchiin pasal pen thulimlouhna ah a hul dinga, numeiin a khelhna moh a po ding hi, chiin, chiin.

6

6:1b.NUM.006.001 Huan, TOUPAN Mosi a houpiha,

6:2b.NUM.006.002 Israel suante kiangah gen inla, akiang uah, pasal hiam, numei hiamin leng banghiam thuchiam tuam, TOUPA dinga kipiakna Nazirit thuchiam achiam laiin uain leh ju a ngawl ding ahi;

6:3b.NUM.006.003 Uain thuk leng, ju thuk leng a dawn ding ahi kei, grep tui leng dawnin grep mindup hiam, minvuai leng a nek ding ahi samkei hi.

6:4b.NUM.006.004 A kihihtuam sungteng grep guia a laia a tang leng, a hawng leng a nek ding ahi kei.

6:5b.NUM.006.005 Kihihtuamna thu achiam sungteng a lu leng met louh hial ding ahi: TOUPA adia a kihihtuam sung ni a kim mateng hihtuam ahi dinga, a sam a hawi ding ahi.

6:6b.NUM.006.006 TOUPA adia a kihihtuam sungteng misi luang a naih ding ahi kei.

6:7b.NUM.006.007 A pa te, nu te, a unaupa te, a sanggamnu te hiam sih thu ah leng a kihihnin ding ahi kei, Pathian adia a kihihtuamnain a gak jiakin.

6:8b.NUM.006.008 A kihihtuam sungteng TOUPA tuam ahi.

6:9b.NUM.006.009 A kiangah mi hongsi guihin, a kihihtuamna lutang honhihninta bang hileh, a kisiansak ni, a ni sagih niin a lu a met ding ahi.

6:10b.NUM.006.010 Huan, ni giatniin kihoupihna puanin kongkhak a siampu kiangah vakhu kop khat hiam, vapal nou kop khat hiam hontawi ding ahi:

6:11b.NUM.006.011 Huan, siampuin khat khelh thoihna dingin a lan dia, khat halmang thillat dingin, misi jiaka a hihkhelhna ah kilemna a bawlsak ding; huan, huai ni mah in a lu a hihsiangthou ding ahi.

6:12b.NUM.006.012 Huan, moh thoihna dingin belamnou apa kum khata upa hontawiin a kihihtuam nite TOUPA kiangah a hih hoih nawn ding: a kihihtuamna hihnit a hihtak jiakin a maa pen lah bangmahlou ahita ngala.

6:13b.NUM.006.013 Huan, hiaia Naziritmi, a kihihtuamna ni bi uh a kim hun chia hih dan dinga hi: kihoupihna puanin kongkhak ah pi ding ahi ding:

6:14b.NUM.006.014 Huan, TOUPA dia thillat dingin belampa kum khata upa gensiatbei halmang thillat dingin khat, khelh thoihna dingin belamnou a nu kum khata upa gensiatbei khat, lemna thillat dingin belempa gensiatbei khat,

6:15b.NUM.006.015 Silngou sohlouh tanghou leh tangbuang nel mahmah thaua mek tanghou leh tangbuang nel mahmah thaua mek tanghou beu leh thaua jut tanghoupek pa bawm khat, a tangbuang thillat ding uleh dawn ding thillat dingte toh a lat ding uh ahi.

6:16b.NUM.006.016 Huan, siampuiin huaite TOUPA maah a lan dinga, a khelh kithoihna leh a halmang thillat a lan ding:

6:17b.NUM.006.017 Huan, belampa pen bawma tanghou silngou sohlouhte toh lemna kithoih thillat adingte TOUPA kiangah a lan ding: siampuin tangbuang thillat leh dawnding thillat mahleng a lan tel ding hi.

6:18b.NUM.006.018 Naziritmiin kihoupihna puanin kongkhak ah a kihihtuamna lu a met dinga, kihihtuamna sam a la dinga, lemna kithoihna thillat nuaia mei ah a khul tum ding hi.

6:19b.NUM.006.019 Huan, siampuin belampa liang huanmin leh bawma silngou sohlouh tanghou khat leh silngou sohlouh tanghou pek pa khat a la dinga, Naziritmiin a kihihtuamna lua a met khitin a tawisak ding:

6:20b.NUM.006.020 Huan, siampuin vei thillat dingin TOUPA maah a vei ding ahi; hiai siampu tuam ahi ding, awm vei leh liang vei toh: huai khit chiangin Nazaritmiin uain a dawn theita ding hi.

6:21b.NUM.006.021 Hiai ahi, Naziritmiin thuchiam dan leh TOUPA maa a thillat dan uh, amah utthua lat simlouhin: a kihihtuamna thuchiam dingjui jelin a hih ding ahi, chiin, chiin.

6:22b.NUM.006.022 Huan, TOUPAN Mosi a houpiha,

6:23b.NUM.006.023 Aron leh a tapate kiangah, hichibangin Israel suante na vualjawl ding ahi; a kiang uah,

6:24b.NUM.006.024 TOUPAN nou honvualjawlin honveng jel hen:

6:25b.NUM.006.025 TOUPAN a mel na tunguah vaksak henla, hohhehpih jel hen:

6:26b.NUM.006.026 TOUPAN nou lam hongnga henla, lungmuanna nou honpia hen, chiin gen un, chiin genin.Huchibanga hihin Israel suante ka min tuansak ahi dinga, huan, ken ka vualjawl ding, chiin.

6:27b.NUM.006.027 Huchibanga hihin Israel suante ka min tuansak ahi dinga, huan, ken ka vualjawl ding, chiin.

7

7:1b.NUM.007.001 Huchia Mosiin biakbuk a lam khiata, thau a nilh khita, ahihsiangthou khita, a van tengteng leh a maitam leh a tuiumbelsuan tengteng thau nilha, ahihsiangthou niin hichi ahi a;

7:2b.NUM.007.002 Israelte intekpen, a inkuan ua intekpenten thillat a lan ua, huaite bela nam ua intekpente, a simte uh tunga omte ahi uh:

7:3b.NUM.007.003 A thillatte uh kangtalai tungnei guk leh bawngtal sawm leh nih, intekpen nihin kangtalai khat jel, khatin bawngtal khat jel TOUPA maah a hontawi ua, biakbuk bulah a honglan uhi.

7:4b.NUM.007.004 Huan, TOUPAN Mosi houpiha,

7:5b.NUM.007.005 Biakbuk nasep dingin a phatuam kha ding, nana la chiat un; Levite, a nasep uh dungjui bangjelin na pe chiat ding hi, chiin

7:6b.NUM.007.006 Huchiin Mosiin kangtalaite leh bawngtalte a laa, Levite a pia,

7:7b.NUM.007.007 Kangtalaite nih leh bawngtalte li Gerson tapate a nasep uh dungjui jelin a pia:

7:8b.NUM.007.008 Huan, kangtalai li leh bawngtal giat, siampu Aron tapa Ithamar te Merari tapate a nasep uh dungjui jelin a pia,

7:9b.NUM.007.009 Kohath tapate bel a pe tei kei; mun siangthou nasep amau tuam ahia, a zona zong sek ahi uh.

7:10b.NUM.007.010 Intekpenten thaunilh niin maitam latna dinga a thillatte uh maitam bulah a lan uh.

7:11b.NUM.007.011 Huan, TOUPAN Mosi kiangah, Intekpen chihin maitam latna dinga thillat, a thillat uh amau tan hi jel dingin lan ding uhi, a chi.

7:12b.NUM.007.012 Ni khat nia a thillat a lan ding mi Juda chi Aminadab tapa Nason ahi:

7:13b.NUM.007.013 A thillat dangkasik kuang khat, a gikdan sekel ja leh sawmthum, mun siangthoua sekel sawmsagih toh kikima gik dangkasik belhbu khat, tangbuang thillat dingin thau helsa tangbuang nel mahmaha dim tuaktuak;

7:14b.NUM.007.014 Sekel sawm toh kikima gik gimlima dim dangkaeng keu khat;

7:15b.NUM.007.015 Halmang thillat dingin bawngtal tuai khat, belamtal khat, belamnou apa kum khata up khat;

7:16b.NUM.007.016 Khelh thoihna dingin keltal khat;

7:17b.NUM.007.017 Huan, lemna kithoih thillat dingin bawngtal nih, belamtal nih, belamtal nga, keltal nga, belamnou apa kum khata upa nga: hiaite Aminadab tap Nason thillatte ahi uh.

7:18b.NUM.007.018 Ni nih niin Isakarte intekpenten Zuar tapa Nathanelin a lana:

7:19b.NUM.007.019 A thillat dingin dangkasik kuang khat a gikdan sekel ja leh sawmthum, mun siangthoua sekel sawmsagih toh kikima gik dankasik belhbu khat, tangbuang thillat ding thau toh hel tangbuang nel mahmah dim tuaktuak;

7:20b.NUM.007.020 Sekel sawm toh kikima gik gimlima dim dangkaeng keu khat;

7:21b.NUM.007.021 Halmang thillat dingin bawngtal tuai khat belamtal khat, belamnou apa kum khata upa khat;

7:22b.NUM.007.022 Khelh thoihna dingin keltal khat;

7:23b.NUM.007.023 Huan, lemna kithoihna thillat dingin bawngtal nih, belamtal nga, keltal nga, belamnou apa kum khata upa nga a lana. Hiai Zuar tapa Nathanel thillatte ahi.

7:24b.NUM.007.024 Ni thum niin Zebulun tate intekpen Helon tapa Eliabin a lana:

7:25b.NUM.007.025 A thillat dangkasik kuang khat, a gikdan sekel ja leh sawmthum, mun siangthoua sekel sawmsagih toh kikima gik dangkasik belhbu khat; tangbang thillat ding thau toh jel tangbuang nel mahmaha dim tuaktuak;

7:26b.NUM.007.026 Sekel sawm toh kikima gik gimlima dim dangkaeng keu khat;

7:27b.NUM.007.027 Halmang thillat ding bawngtal tuai khat, belamtal khat, belamnou apa kum khata upa khat;

7:28b.NUM.007.028 Khelh thoihna dingin keltal khat;

7:29b.NUM.007.029 Huan, lemna kithoih thillat dingin bawngtal nih, belamtal nga, keltal nga, belamnou apa kum khata upa nga ahi. Hiaite Helon tapa Eliab thillatte ahi uh.

7:30b.NUM.007.030 Ni li niin Reuben tate intekpen Sedeur tapa Elizurin a lana:

7:31b.NUM.007.031 A thillat dangkasik kuang khat a gikdan sekel ja leh sawmthum, mun siangthoua sekel sawmsagih toh kikima gik dankasik belhbu khat, tangbuang thillat dinga thau hel tangbuang nel mahmaha dim tuaktuak;

7:32b.NUM.007.032 Sekel sawm toh kikima gik gimlima dim dangkaeng keu khat;

7:33b.NUM.007.033 Halmang thillat ding bawngtal tuai khat, belamtal khat, belamnou apa kum khata up khat;

7:34b.NUM.007.034 Khelh thoihna ding keltal khat;

7:35b.NUM.007.035 Huan, lemna kihthoihna thillat dingin bawngtal nih, belamtal nga, keltal nga, belamnou apa kum khata upa nga ahi. Hiaite Sedeur tapa Elizur thillatte ahi.

7:36b.NUM.007.036 Ni nga niin Simeon tate intekpen Zurisadai tapa Selumielin a lana:

7:37b.NUM.007.037 A thillat dangkasik kuang khat, a gikdan sekel ja leh sawmthum; mun siangthou sekel sawmsagih toh kikima gik dangkasik belhbu khat; tangbuang thillat dingin thau toh hel tangbuang nel mahmaha dim tuaktuak;

7:38b.NUM.007.038 Sekel sawm toh kikima gik gimlima dim dangkaeng keu khat;

7:39b.NUM.007.039 Halmang thillat lat dingin bawngtal tuai khat, belamtal khat, belamnou apa kum khata upa khat;

7:40b.NUM.007.040 Khelh thoihna ding keltal khat;

7:41b.NUM.007.041 Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi; hiai Zurisadai tapa Selumiel thillatte ahi.

7:42b.NUM.007.042 Ni guk niin Gad tate intekpen Deuel tapa Eliasaphin a lana:

7:43b.NUM.007.043 A thillat dangkasik kuang khat, a gikdan sekel ja leh sawmthum, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang nel mahmah dim tuaktuak;

7:44b.NUM.007.044 Sekel sawm toh kikima gik gimlima dim dangkaeng keu khat;

7:45b.NUM.007.045 Halmang thillat ding bawngtal tuai khat, belamtal khat, belamnou apa kum khata upa, khat;

7:46b.NUM.007.046 Khelh thoihna ding keltal khat;

7:47b.NUM.007.047 Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi. Hiaite Deuel tapa Eliasaph thillatte ahi.

7:48b.NUM.007.048 Ni sagih niin Ephraim tate intekpen Amihud tapa Eliasamin a lana:

7:49b.NUM.007.049 A thillat dangkasik kuang khat, a gikdan sekel ja leh sawmthum, khat, mun siangthoua sekel sawmsagih toh kikima gik dangkasik belhbu khat; halmang thillat ding thau toh hel tangbuang nel mahmah dim tuaktuak;

7:50b.NUM.007.050 Sekel sawm toh kikima gik gimlima dim dangkaeng keu khat;

7:51b.NUM.007.051 Halmang thillat ding bawngtal tuai khat, belamtal khat, belamnou apa kum khata upa, khat;

7:52b.NUM.007.052 Khelh thoihna ding keltal khat;

7:53b.NUM.007.053 Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi: hiaite Amihud tapa Eliasam thillatte ahi.

7:54b.NUM.007.054 Ni giat niin Manase tate intekpen Pendazur tapa Gamalielin a lana:

7:55b.NUM.007.055 A thillat dangkasik kuang khat, a gikdan sekel ja leh sawnthum, mun siangthoua sekel sawmsagih toh kikima gik dangkasik belhbu khat; tangbuang thillat ding thau toh hel, tangbuang nel mahmah a dim tuaktuak;

7:56b.NUM.007.056 Sekel sawm toh kikima gik gimlima dim dangkaeng keu khat;

7:57b.NUM.007.057 Halmang thillat ding bawngtal tuai khat, belamtal khat, belamnou apa kum khata upa khat;

7:58b.NUM.007.058 Khelh thoihna ding keltal khat;

7:59b.NUM.007.059 Huan, lemna kihthoih thillat ding bawngtal nih, belamtal nga, keltal nga, belamnou apa kum khata upa nga ahi. Hiaite Pendazur tapa Gameliel thillatte ahi.

7:60b.NUM.007.060 Ni kua niin Benjamin tate intekpen Gideoni tapa Abidanin a lana;

7:61b.NUM.007.061 A thillat dangkasik kuang khat, a gikdan sekel ja leh sawmthum, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang nel mahmaha dim tuaktuak.

7:62b.NUM.007.062 Sekel sawm toh kima gik gimlima dim dangkaeng keu khat;

7:63b.NUM.007.063 Halmang thillat ding bawngtal tuai khat, belamtal khat, belam nou a pa kum khat a upa;

7:64b.NUM.007.064 Khelh thoihna ding keltal khat;

7:65b.NUM.007.065 Huan, lemna kithoihna thillat ding bawngtal nih, belamtal nga, keltal nga, belamnou apa kum khata upa nga ahi: hiaite Gideoni tapa Abidan thillat ahi.

7:66b.NUM.007.066 Ni sawm niin Dan tate intekpen Amisadai tapa Ahiezerin a lana:

7:67b.NUM.007.067 A thillat dangkasik kuang khat, a gikdan sekel ja leh sawmthum, khat, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang nel mahmaha dim tuaktuak;

7:68b.NUM.007.068 Sekel sawm toh kikima gik gimlima dim dangkaeng keu khat;

7:69b.NUM.007.069 Halmang thillat ding bawngtal tuai khat, belamtal khat, belamnou apa kum khata upa khat;

7:70b.NUM.007.070 Khelh thoihna ding keltal khat;

7:71b.NUM.007.071 Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi: Hiaite Amisadai tapa Ahiezer thillatte ahi.

7:72b.NUM.007.072 Ni sawm leh ni khat niin Aser tate intekpen Okran tapa Pagielin a lana:

7:73b.NUM.007.073 A thillat dangkasik kuang khat, a gikdan sekel sawmthum, khat, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang nel mahmaha dim tuaktuak;

7:74b.NUM.007.074 Sekel sawm toh kikima gik gimlima dim dangka keu khat;

7:75b.NUM.007.075 Halmang thillat ding bawngtal tuai khat, belamtal khat, belamnou apa kum khata upa khat;

7:76b.NUM.007.076 Khelh thoihna ding keltal khat;

7:77b.NUM.007.077 Huan, lemna kithoih thillat ding bawngtal nih, belamtal nga, keltal nga, belamnou apa kum khat upa nga ahi: hiaite Okran tapa Pagiel thillatte ahi.

7:78b.NUM.007.078 Ni sawm leh ni nih niin Naphtali tate intekpen Enan tapa Ahirin a lana;

7:79b.NUM.007.079 A thillat dangkasik kuang khat, a gikdan sekel ja leh sawmthum, khat, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang toh hel tangbuang nel mahmaha dim tuaktuak;

7:80b.NUM.007.080 Sekel sawm toh kikima gik gimlima dim dangkaeng keu khat;

7:81b.NUM.007.081 Halmang thillat ding bawngtal tuai khat, belamtal khat, belamnou apa kum khata upa khat;

7:82b.NUM.007.082 Khelh thoihna ding keltal khat;

7:83b.NUM.007.083 Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi: hiaite Enan tapa Ahir thillatte ahi.

7:84b.NUM.007.084 Huan, maitam thau nilh nia Israel intekpente thillatte dangkasik kuang sawmlenih, dangkasik belhbu sawmlenih, dangkaeng keu sawmlenih ahi.

7:85b.NUM.007.085 Dangkasik kuang sekel ja leh sawmthum toh kikima gik chiat ahia, belhbu sawmsagih chiat ahi: dangkasik tuiumbelsuan tengteng mun siangthoua sekel sang nih leh za li toh kikima gik ahi;

7:86b.NUM.007.086 Gimlima dim dangkaeng keu sawm leh nih mun siangthoua sekel sawm toh kikima gik chiat ahi: dangkaeng keu tengteng sekel ja leh sawmnih toh kikima gik ahi:

7:87b.NUM.007.087 Halmang thillat ding bawngtal tengteng sawm leh nih ahia, belamtal sawmlenih, belamnou apa kum khata upa sawm leh nih, a tangbuang thillatte uh toh; huan, khelhna thoihna ding keltal sawm leh nih:

7:88b.NUM.007.088 Huan, lemna kithoihna thillat ding bel bawngtal sawmnih leh li ahia, belamtal bel sawmguk, keltal bel sawmguk, belamnou apa kum khata upa bel sawmguk ahi. Hiai thau nilh khita maitam latna dinga thilpiakte ahi.Huchiin biakbuka amah be dinga Mosi a lutin thukunna bawm tunga chitna tutphah tunglama cherub nihte kikal akipanin amah honhoupihin aw a ja a: huan a beta hi.

7:89b.NUM.007.089 Huchiin biakbuka amah be dinga Mosi a lutin thukunna bawm tunga chitna tutphah tunglama cherub nihte kikal akipanin amah honhoupihin aw a ja a: huan a beta hi.

8

8:1b.NUM.008.001 Huan, TOUPAN Mosi a houpiha,

8:2b.NUM.008.002 Aron houpih inla, a kiangah, Khawnvak na det chiangin khawnvak sagihten sathau khawnvak koihna ma lam a et ding uh ahi, chiin, chiin.

8:3b.NUM.008.003 Huan, Aronin huchibangin a hiha; TOUPAN Mosi thu a piak bangin khawnvak koihna ma lamah khawnvakte a de hi.

8:4b.NUM.008.004 Hiai khawnvak koihna dan ahihleh dangkaeng a sekthohchi ahi; a peu bul leh a pak tana sek ahi: TOUPAN a lim Mosi a etsak bang geiha khawnvak koihna bawl ahi.

8:5b.NUM.008.005 Huan, TOUPAN Mosi a houpiha,

8:6b.NUM.008.006 Levite Israel suante lak akipan hihtuam inla, hihsiangthouin.

8:7b.NUM.008.007 Amaute hihsiangthou dingin hichibangin na hih ding hi: a tunguah sawpsiangna tui sung inla, a pumpi tengteng uh metsak inla, a puante uh sawpsak inla, kihihsiangthou sakin.

8:8b.NUM.008.008 Huan, bawngtal tuai khat a tangbuang thillat thau toh hel tangbuang nel mahmah toh lasak inla, huan, khelh thoihna ding bawngtal tuai khat dang leng na kaih ding ahi.

8:9b.NUM.008.009 Huan, Levite kihoupihna puanin bulah pi inla, Israel suante omkhawmte tengteng kigawmkhawm sak vekin:

8:10b.NUM.008.010 Huan, Levite TOUPA kiangah na lan dinga; Israel suanten Levite tungah a khut uh a nga ding uh:

8:11b.NUM.008.011 Huchiin Aronin Levite, TOUPA na a sep theihna ding uh Israel suante minin vei thillat TOUPA kiangah a lan ding.

8:12b.NUM.008.012 Huan, Leviten bawngtal lute ah a khut uh a nga ding ua; huan Levite adinga kilemna bawlna dingin, khat khelh thoihna dingin, khat halmang thillat dingin TOUPA kiangah na lan ding hi.

8:13b.NUM.008.013 Huan, Levite Aron leh a tapate maah na omsak dinga, TOUPA dingin vei thillat din na lat ding ahi.

8:14b.NUM.008.014 Huchibangin Israel tate lak akipan Levite na hihtuam dinga, huchiin Levite keia ahi ding uh.

8:15b.NUM.008.015 Huan, huai khiat chiangin Levite kihoupihna puanin na sem dingin a lut ding ua, huan, nang amaute na hihsiangthou ding, vei thillat dingin na lan ding hi.

8:16b.NUM.008.016 Israel suante lak akipana ka tuam dinga seh lah ahi ngal ua; sul hong tengteng Israel suante ta masapen teng tangin ka tuam dingin ka neita ahi.

8:17b.NUM.008.017 Israel tate laka ta masapen teng keia ahi him uh; Mihing toh ganta toh; Aigupta gama ta masapen teng la sihsak laiin ka tuam dinga ka sehsa ahi.

8:18b.NUM.008.018 Huchiin Israel suante laka ta masapen teng tangin Levite ka neikhinta ahi.

8:19b.NUM.008.019 Huchiin Israel suante tanga kihoupihna puanina na sem ding leh Israel taten mun siangthou a honnaih ua leng Israel tate laka hi a len louhna dinga lemna bawl dingin Israel tate lak akipan Levite Aron leh a tapate ka pia ahi, chiin.

8:20b.NUM.008.020 Huchibangin Mosi te, Aron te, Israel suante omkhawm tengtengin Levite tungah a hih uhi. Levite tungtang thu-a TOUPAN Mosi thu a piak tengteng bangin a tunguah Isreal suanten a hih uhi.

8:21b.NUM.008.021 Huchiin Levite khelhna lakah a kisiangsak ua, a puante uh a sawp ua; huan, Aronin TOUPA maah vei thillat dingin a lan; huan, amau hihsiangthouna dingin Aronin kilemna a bawlsak hi.

8:22b.NUM.008.022 Huan, huai zohin Levite Aron leh a tapate nuaia a nasepna uh sem dingin kihoupihna puanin sungah a lut uh: Levite tungtang thu-a TOUPA Mosi thu a piak bangin a tunguah a hihat hi.

8:23b.NUM.008.023 Huan TOUPAN Mosi a houpiha,

8:24b.NUM.008.024 Levite tantuam hiaite ahi: kum sawmnih leh kum nga chiang tunglamin kihoupihna puanina nasepna a sem ding uh:

8:25b.NUM.008.025 Kum sawmngaa upaten nasepna na a khawlsan ding ua, na a sem nawnta kei ding uh;Ahihhangin khawmpite biakbuk kepthu ah a unaute uh a huh liailiai jel ding ua, nasep jaw a sem nawn kei ding uh. Hichibangin Levite a nasep uh na gelsak ding ahi, chiin.

8:26b.NUM.008.026 Ahihhangin khawmpite biakbuk kepthu ah a unaute uh a huh liailiai jel ding ua, nasep jaw a sem nawn kei ding uh. Hichibangin Levite a nasep uh na gelsak ding ahi, chiin.

9

9:1b.NUM.009.001 Huan, TOUPAN Aigupta gam akipan a hongpawt nung uh kim nihna kha khatnain Sinai gamdai ah Mosi a houpiha,

9:2b.NUM.009.002 Israel suanten paikan ankuangluina a hunbi jelin nei uhen.

9:3b.NUM.009.003 A hunbiin, hiai kha ni sawm leh ni li nitaklamin na nei ding uhi: huaia hih ding seh bang tengteng leh adan bang bangin na nei ding uhi, chiin.

9:4b.NUM.009.004 Huchiin Mosiin Israel suante paikan ankuangluina nei dingin a hilh.

9:5b.NUM.009.005 Huchiin Sinai gamdai ah kha khatna, a ni sawm leh ni lini nitaklamin paikan ankuanluina a neita uhi: TOUPAN Mosi thu a piak bang jelin Israel suanten a hih uh.

9:6b.NUM.009.006 Huan, kuate hiam misiluang jiaka siangthoulou a naom ua, huai niin paikan ankuangluina ah a tel tei theikei uh; huchiin huai niin Mosi leh Aron maah a hoh ua:

9:7b.NUM.009.007 Huaiten a kiangah, Misi luang jiakin ka siangthou kei ua; bangjiakin ahia Israel suante lakah a hunbia TOUPA kianga thillat ka lat sam uh non kham! a chi ua.

9:8b.NUM.009.008 Huan, Mosiin a kiang uah, Na pau kei phot dih uh, na tungtang thu uah TOUPAN bangchibangin ahia thu a piak sin ka honza masa phot ding, a chi.

9:9b.NUM.009.009 Huan, TOUPAN Mosi a houpiha,

9:10b.NUM.009.010 Israel suante kiangah, Na lak ua kuapeuh, na suante uh laka kuapeuh, misiluang jiaka siangthoulou hiam, na zin mang hiam a om zenzen uleh TOUPA adin paikan ankuangluina na nei tei himhim ding uhi:

9:11b.NUM.009.011 Kha nihna ni sawm leh ni li ni nitaklamin a nei ding uh ahi: tanghou silngou sohlouh loukha nah toh a nek ding uh ahi:

9:12b.NUM.009.012 Ajing adingin a bangmah a koih ding uh ahi kei: a guh leng a hihtan ding uh ahi kei: paikan ankuangluina a hih ding seh bangjel a hih ding uh ahi.

9:13b.NUM.009.013 Ahihhangin, siangthou ngala zin manga lah neilou paikan ankuangluinaa tel lou mawkmawk jaw a chihpihte lak akipanin huai mi satkhiak ding ahi ding: a hunbia TOUPA kianga thillat a lat louh jiakin huai miin a khelh moh a po ding hi.

9:14b.NUM.009.014 Huan, nam dang mi na kiang ua omin TOUPA adinga ankuangluina a tel tei a ut uleh paikan ankuanluinaa hih ding seh leh a dan bangin a hih ding uh ahi, hiai gama mi mawng leh nam dang mite dingin dan kikhat na neih ding uh ahi, chiin genin, chiin.

9:15b.NUM.009.015 Huchiin biakbuk lamkhit niin biakbuk theihsakna puanin pen meipin a tuam liailuaia, huan, nitaklamini biakbuk tungah meikuang bangbang a jingsang tanin a om hi.

9:16b.NUM.009.016 Huchibangin a om nilouha: meipiin a tuam nilouha, jan chiangin mei bangin a kilang.

9:17b.NUM.009.017 Meipiin Puan In a kikhinsan tengin Israel suanten pai ding vai a hawm jel uh: huan, meipi a khawlnamun peuh ah Israel taten giahbuk a sat uh.

9:18b.NUM.009.018 TOUPA thupiakin Israel suante a pai jel ua, TOUPA thupiak mahin giahbuk a sat uh: biakbuk tunga meipi a om sungteng giahbuk ah a om nilouh uh.

9:19b.NUM.009.019 Huan, biakbuk tunga meipi sawtpi a om leh Israel taten TOUPA thu a jui ua, a pai kei uhi.

9:20b.NUM.009.020 Huan, akalkalin meipi biakbuk a sat ua, TOUPA thupiak bangin a pai jel uh.

9:21b.NUM.009.021 Huan, akalkalin meipi nitaklam akipana jingsang phain a oma; huan, jingsanga meipiin a tungkah san leh a pai jel uhi, ni khat lel hiam, jan khat lel hiam oma meipiin a tungkah san leh a pai jel uh.

9:22b.NUM.009.022 Biakbuk tunga meipi ni nih hiam, kha khat hiam, kum khat hiam zong a oma, huailaia a om nilouh leh Israel suante giahbuk ah a om nilouh ua, a pai kei jel uh; a tungkah san lebel a pai jel uh.TOUPA thupiakin giahbuk a sat jel ua, TOUPA thupiakin a pai jel uh: Mosi zanga TOUPA thupiakin TOUPA thu a jui uhi.

9:23b.NUM.009.023 TOUPA thupiakin giahbuk a sat jel ua, TOUPA thupiakin a pai jel uh: Mosi zanga TOUPA thupiakin TOUPA thu a jui uhi.

10

10:1b.NUM.010.001 Huan, TOUPAN Mosi a houpiha,

10:2b.NUM.010.002 Dangka pengkul nih bawl inla; sekthohin bawlin: mipite sap khawmna ding leh pawtsakna dinga na zat ding ahi.

10:3b.NUM.010.003 Huai a kimut chiangin mipi tengteng na kiangah kihoupihna puanin kongkhak bulah a hongkikhop vek ding uh ahi.

10:4b.NUM.010.004 Huan, khat lel a mut uleh Israel mipite heutu intekpente kia na kianga a honpai khawm ding uh ahi ding.

10:5b.NUM.010.005 Huan, gallau muta na mut uleh suahlam panga omte a pawt ding uh ahi ding,

10:6b.NUM.010.006 Huan, gallau muta na mut nawm uleh simlam panga omte a pawt ding uh ahi; a pawtna ding un gallau mut banga a mut ding uh ahi.

10:7b.NUM.010.007 Ahihhangin mipite hongpai khawmna dingin na mut peuhmah ding ua, gallau muta bel mut louin.

10:8b.NUM.010.008 Aron tapa siamputen pengkul a mut ding uh ahi; huai nou dingin na suante uh tana khantawn dan ding ahi ding hi.

10:9b.NUM.010.009 Na gam ua melma nou honnuaisiahte dou dinga na kuan chiang un gallau mutin pengkulte na mut ding uh ahi; huchiin TOUPAN na Pathian ma uah theihgige na hi ding uh, na melmate uh lakah humbit na hi ding uh.

10:10b.NUM.010.010 Nuam na sak ni te un, a hunbia na ankuangluinate uah, na kha thakte uah na halmang thillat uahte leh na kilemna thillat kithoihnate uah pengkul na mut ding uh ahi; huchiin na Pathian ma uah noua dingin theihgigena ahi ding: kei TOUPA na Pathian uh ka hi, chiin.

10:11b.NUM.010.011 Huah, kum nihna kha nihna, huai kha ni sawmnih niin, hichi ahi, meipi meipi theihsakna biakbuk tung apat a tungkah sangta hi.

10:12b.NUM.010.012 Huchiin Israel suante a paidan uh dungjuiin Sinai gamdai akipana a pawt uh; huan Paran gamdai ah meipi a khawlta.

10:13b.NUM.010.013 Mosi zanga TOUPA thupiak bangin a pawt phot ua.

10:14b.NUM.010.014 A masapenin Juda pawlte a pawl uh tamdan dungjui jelin a pawt ua: a heutu Aminadab tapa Nason ahi.

10:15b.NUM.010.015 Isakarte heutu zuar tapa Nethanel ahi.

10:16b.NUM.010.016 Zubulunte heute Helon tapa Eliab ahi.

10:17b.NUM.010.017 Huan, biakbuk a phel ua, Gerson tapa leh Merari tapa biakbuk zongmite a pawt ua,

10:18b.NUM.010.018 Huan, Reubente a pawl uh tamdan dungjuiin a pawt ua: a heutu Seder tapa Elizur ahi.

10:19b.NUM.010.019 Simeonte heutu Zurisadai tapa Selumiel ahi.

10:20b.NUM.010.020 Gadte heute Deuel tapa Eliasaph ahi.

10:21b.NUM.010.021 Huan, Kohathten mun siangthou a zong ua, a pawt uh: huan a dangten a tun tak un biakbuk a nalam ua.

10:22b.NUM.010.022 Ephraimte a pawl uh tamdan dungjuiin a pawt ua: a heutu Emihud tapa Elisam ahi.

10:23b.NUM.010.023 Manasete heutu Pedazur tapa Gamaliel ahi.

10:24b.NUM.010.024 Benjaminte heutu Gideoni tapa Abidan ahi.

10:25b.NUM.010.025 Huan, a nanungpenin Dante a pawl uh tamdan dungjuiin a pawt uh: a heutu Amisadai tapa Ahiezer ahi.

10:26b.NUM.010.026 Aserte heute Okran tapa Pagiel ahi.

10:27b.NUM.010.027 Naphtalite heute Enan tapa Ahir ahi.

10:28b.NUM.010.028 Huchibang ahi Israel suante a pawl uh tamdan dungjuia a paidan uh; huchibang takin a pawtta uh.

10:29b.NUM.010.029 Huan, Mosi sungpa Midianmi Reuel tapa Hobab kiangah, Mosiin, Kon pe ding, TOUPAN a chihna munah ka hoh sin ua, ka kiang uah hong sam inla, hoihtakin na tungah ka hih ding uh: TOUPAN Israel suante tungtang thu lah hoihtakin a genta ngala, a chi a.

10:30b.NUM.010.030 Aman a kingah, Ka hong dah mai ding, kou gama ah ka tanaute kiangah ka pai zo mai ding, a chi.

10:31b.NUM.010.031 Huan, aman, Hongpai san mahmah ken, gamdai ah lah giahbuk satna ding na thei zo ngala, kou dingin mit na honghi ding hi.

10:32b.NUM.010.032 Huan, hichi ahi dinga, ka kiang ua na hong tei aleh, ahi, hichi ahi dinga, TOUPAN thil hoih hohhihsak bangjelin ka honhihsak sam jel ding uhi, a chi a,

10:33b.NUM.010.033 Huchiin TOUPA tang akipana ni thum lamah a pai uh; huan, TOUPA thukhun bawm amau adinga kingakna mun lem zongin a ma uah ni thum lam ah a na pai masa.

10:34b.NUM.010.034 A buk ua kipan a pawt un TOUPA meipi sunin a tunguah a om jel hi.

10:35b.NUM.010.035 Huan, hichi ahia, huai bawm a pawt sin peuhmah chiangin Mosiin, TOUPA aw, hongkisa inla, na melmate hawljak inla, nang honhote na maah taikek uhen, a chi jel a.Huan, a kingakna peuhin, TOUPA aw Israel mipite kiangah hongkik nawnin, a chi jel uhi.

10:36b.NUM.010.036 Huan, a kingakna peuhin, TOUPA aw Israel mipite kiangah hongkik nawnin, a chi jel uhi.

11

11:1b.NUM.011.001 Huan, Mippen TOUPA jakin phunhatte bangin thil hoihlou pipi a gen nak ua; huai TOUPAN a najakin a hehta hi; huchiin TOUPA mei a lak uah a hongkisaa, a giahna polam uh a kang juajua hi.

11:2b.NUM.011.002 Huchiin mipiten Mosi a sam ua; huan, Mosi TOUPA kiangah a thuma, mei a mitta hi.

11:3b.NUM.011.003 Huailai mun min Tabera a chi uh, TOUPA mei a lak ua a hongkak jiakin.

11:4b.NUM.011.004 Huan, a lak ua nam dang toh kilaktenten sa lunggulhna a hon neita ua; Israel suan te leng a kap nawn ua, Kua ahia sa nek ding honpe ding?

11:5b.NUM.011.005 Ut leh daha Aigupta gama ngasa i nek jelte I theigigea, tangmaite, mazelte, phulun sialnek chite, vaiphulunte, phulun ngoute leng;

11:6b.NUM.011.006 Himahleh tuin I guhngek uh a keu khinta, bangmah lamet ding mahmah a omkei, manna lel loungal, a chi uh.

11:7b.NUM.011.007 Manna bel koriander tang bang, a latdain jaw tuikepsuang bang ahi.

11:8b.NUM.011.008 Miten a tom khawm ua, gawinelna ah a gawi nel ua, sumte bangah a su ua, belte bangin a huan ua, tanghoute bangin a bawl uh: nekin sathaua kan tanghou bang ahi.

11:9b.NUM.011.009 Giahna muna jana dai a kiakin manna leng a hongkia.

11:10b.NUM.011.010 Huan, mipite a inkuankuan un a puanin kongkhak chiat uah a kap uh chih Mosiin a naja a; huan, TOUPA a heh mahmaha; Mosi leng a lungkimkei hi.

11:11b.NUM.011.011 Huchiin TOUPA kiangah, Bangjiakin ahia na sikha non sukgim, bangchidan ahia na mit ka tunlouhna, hiai mite tengteng puakgik ka tunga na ngak?

11:12b.NUM.011.012 Hiai mipite tengteng ka suan ahi uh maw? A pi leh pute uh kianga kichiama piak na chiam gama pi lut dingin, Naupommiin nawitui ne lai a pom bangin na angsungah pomin, na honchih dinga ka pikhiak hon?

11:13b.NUM.011.013 Hiai mipi tengteng piak ding koi akipanin ahia sa ka neih ding? Ka nek ding un sa honpiain, chia kapin lah a honsual ngal ua.

11:14b.NUM.011.014 Hiai mipi tengteng keimah kiain ka po zou kei, kei dingin a gik lua hi.

11:15b.NUM.011.015 Hichibanga honhih ding na hihleh, honhehpih inla, honsisak vanglakin, honhihgenthei nawn kei mahmahin, a chi a.

11:16b.NUM.011.016 Huan, TOUPAN Mosi kiangah, Israelte upa, mipite upa leh a heutu uh hia na theih mi sawmsagihte ka kiangah honpi khawm inla, kihoupihna puanin ah nangmah toh ding khawm din honpiin.

11:17b.NUM.011.017 Huchiin ka hongpawt dinga, huailaiah ka hon houpih ding: huan, nang a kha pen a tunguah ka koih ding; nang kian po louin mipite puakgik a hon puakpih ding uh.

11:18b.NUM.011.018 Huan, nang mipite kiangah, Jingchiang adingin kihihsiangthou vek unla; huchiin sa na ne tawk ding uh: Sa nek ding kuan ahia honpe sin? Aigupta gama nuam I saksak utoh, chiin TOUPA jakin na kap ua; huaijiakin TOUPAN sa nou a honpe ding hi, na ne tawk ding uh.

11:19b.NUM.011.019 Nikhat kia, ni nih kia, ni sawm kia, ii, ni sawmnih kia leng na ne kei ding ua;

11:20b.NUM.011.020 Himahleh kha khat pumlum, na nakvang ua a hongpawt khiaka nou dia kihhuai a honmghih matan na ne ding uh; na lak ua om TOUPA na deih louh ua, Aigupta gam akipan bangdia pai khia I hi ua? Chia, a maa na kah jiak un.

11:21b.NUM.011.021 Huan, Mosiin, ka ompih mipite khea pai thei ngen leng nuai guk ahi uh: kha khat pumlum nek ding sa ka pe ding, na chi a.

11:22b.NUM.011.022 Belam hon leh gan hon zong gohsak lehang, a kham ding ua hia? tuipia ngasa tengteng leng matsak vek leng zong, a khamzou ding ua hia? achi a.

11:23b.NUM.011.023 Huan, TOUPAN, Mosi kiangah, TOUPA khut a tomta ahia? Na tungah ka thu banga a tun leh tun louh na thei mai ding, achi a.

11:24b.NUM.011.024 Huchiin Mosi a pawta, TOUPA thu mipite a hilh hi: huan, mipite upa sawmsagihte a sam khawma, Puan in kimah a dingsak hi.

11:25b.NUM.011.025 Huchiin, TOUPA meipi ah a hongsuka, a honghoupiha, amah a kha pen upa sawmsagihte tungah a koiha; huan, hichi ahia, kha a tung ua a koihtakin thu a gen bualbual ua; himahleh huchibang a hihhih nawnta kei uhi.

11:26b.NUM.011.026 Himahleh buk ah mi nih a om lai ua khat min Eldad ahi, khatpen min Medad ahi: kha a tunguah a oma, simte laka tel ahi uh, kihoupihna puanin ah bel a hoh tei kei uh: buk ah thu a gen bualbual uh.

11:27b.NUM.011.027 Huchiin tangval khat a vataia, Mosi a vahilha, Eldad leh Medadin buk ah thu a gen bualbual mai uh, achi a.

11:28b.NUM.011.028 Huan, Nun tapa Josua, a tuailai akipana Mosi nasempan a dawnga, Ka pu Mosi, kham ve, a chi a.

11:29b.NUM.011.029 Huan, Mosiin a kiangah, Kei jiakin thik na hi hia? Pathian mi tengteng jawlnei hi vek le uh, TOUPAN a tunguah tua kha koih chiat leh chih laitaka! A chi a.

11:30b.NUM.011.030 Huchiin Mosi buk ah a lut nawna, amah leh Israelte upate toh.

11:31b.NUM.011.031 Huan, TOUPA kiang akipanin huih a hongnunga, tuipi lam akipan vengkeng a honmut lenga, buk lehlamsang ni khat lam, a lehlamsang ni khat lam tuaktuak dimsuakin buk kima tong nih khawng dinga sangin a kesaka.

11:32b.NUM.011.032 Huan, mipiten huai nitum leh jankhua leh, a jing nitumin vengkeng a vatom khawm uh: a tom tawmpenin leng homer sawm a tom: buk kimah amau achiat a phou uhi.

11:33b.NUM.011.033 Huan, huai sa a nek lai uh, a nek khit ma un, mipite tungah TOUPA a heh mahmaha, mipite hipi thupi mahmahin TOUPAN a gawtta hi.

11:34b.NUM.011.034 Huaimun min dingin Kibrot-hattava a chi uh; huaiah sa duhgawlna neite a vui jiakun.Huan, Kibrot-hattava akipanin mipite Hazeroth ah a pai ua; Hazeroth ah a omta uh.

11:35b.NUM.011.035 Huan, Kibrot-hattava akipanin mipite Hazeroth ah a pai ua; Hazeroth ah a omta uh.

12

12:1b.NUM.012.001 Huan, Miriam leh Aronin Mosiin Kus numei ji dia a neih jiakin a gensiaua; Kus numei bel a nei ngei ngala.

12:2b.NUM.012.002 Amau, Mosi kiangah kia hia TOUPAN thu a gen tuam? Ei kiangah leng a gen sam ka hia? a chi ua.

12:3b.NUM.012.003 Huai TOUPAN a naiaa. Mosi bel leitunga mihing tengteng dia migi petmah ahi.

12:4b.NUM.012.004 Huan, Mosi leh Aron leh Miriam kiangah TOUPAN, Na thum un hongpai suk unla, kihoupihna puanin ah hongpai un, a chi guiha. Huchiin a thum un a vahoh uh.

12:5b.NUM.012.005 Huan, TOUPA meipi ding ah a hongpai suka, Puan in kongkhak ah a hong dinga. Aron leh Miriam a sama; huan, a nih un a hongpai suk ua,

12:6b.NUM.012.006 Huan, aman, Ka thu ngaikhia un; na lak ua jawlnei na om uleh amah kiangah kei TOUPA kilaknain ka kihil dinga, manglamin ka houpih ding.

12:7b.NUM.012.007 Ka sikha Mosi jaw huchibang ahi kei; ka inkote tengteng ah jaw a muanhuai ahi.

12:8b.NUM.012.008 Amah toh jaw paukamin thuguk om louin teltakin ka kihou ding ua; TOUPA mel leng a mu ding; huaijiakin ka sikha Mosi bangchidana gense ngam na hi ua? a na chi a.

12:9b.NUM.012.009 Huchiin TOUPA a tunguah a heh mahmaha, a pai nawn ta hi.

12:10b.NUM.012.010 Huan, puan in tunga meipi a kikhintaa; huan, ngaiin, Miriam vuk bang maia ngouin a hongphakta; Aroin Miriam a ena, ngaiin, phak a na hita mai hi.

12:11b.NUM.012.011 Huchiin Aronin Mosi kiangah, ka pu aw, ka tunguah khelhna nga mahmah ken, haihuai takin ka na hih ua, ka na khialta uhi.

12:12b.NUM.012.012 Mi a nu sul akipan a hongpawt tung akipana sisa phial mahmah bangin om mahmah kei hen, a chi a.

12:13b.NUM.012.013 Huchiin Mosiin, Pathian aw, damsak nawn dihve, chiin TOUPA a ngen hi.

12:14b.NUM.012.014 Huan, TOUPAN Mosi kiangah, A pan a mai chil a siat hilhialin leng ni sagih a zakta sin kei ding maw? Dainawl ah ni sagih bu le uh, huaichiangin pi lut nawn hileh, achi.

12:15b.NUM.012.015 Huchiin Miriam pen dainawl ah ni sagih a bu manga; Miriam a pi lut nawn ma un mipite a kisuan kei uh.Huai khintin mipite Nazeroth akipan a pawt ua, Paran gamdai ah giahbuk a sat uhi.

12:16b.NUM.012.016 Huai khintin mipite Nazeroth akipan a pawt ua, Paran gamdai ah giahbuk a sat uhi.

13

13:1b.NUM.013.001 Huan, TOUPAN Mosi a houpiha,

13:2b.NUM.013.002 Israel suante ka piak, Kanan gam vaenkhe dingin mite sawl dih ve; a nam inko chih ua mi, a intekpapen lak ua mi khat chiat jel na sawl ding ahi, achia.

13:3b.NUM.013.003 Huan, Mosiin Paran gamdai akipanin TOUPA thupiak bangin a kuansakta chiat hi; a vek un Israel suante laka intekpapen chiat ahi uhi.

13:4b.NUM.013.004 Hiaite a min uh ahi; Reuben nam laka mi Zakur tapa samu.

13:5b.NUM.013.005 Simeon nam laka mi Hori tapa Saphat.

13:6b.NUM.013.006 Juda nam laka mi jephune tapa Kaleb.

13:7b.NUM.013.007 Isakar nam laka mi Joseph tapa Igal.

13:8b.NUM.013.008 Ephraim nam laka mi Nun tapa Hose.

13:9b.NUM.013.009 Benjamin nam laka mi laka mi Raphu tapa Palti.

13:10b.NUM.013.010 Aebulun nam laka mi Sodi tapa Gadiel.

13:11b.NUM.013.011 Joseph nam (Manase nam a chih uh) laka mi Susi tapa Gadi.

13:12b.NUM.013.012 Dan nam laka mi Gemali tapa Amiel.

13:13b.NUM.013.013 Aser nam laka mi kikael tapa Sethur.

13:14b.NUM.013.014 Naphtali nam laka mi Vopsi tapa Nabi.

13:15b.NUM.013.015 Gad nam laka mi Maki tapa Geuel.

13:16b.NUM.013.016 Hiaite gam enkhe dinga Mosiin a sawlte min ahi. Nun tapa Hose Mosiin Josua a chi.

13:17b.NUM.013.017 Huchiin Mosiin Kanan gam enkhe dingin amaute a sawla, a kiang uah, Simlam lampi ah pai phot unla, tangte khawng kahtou unla:

13:18b.NUM.013.018 Huai gam bangchi bang ahia chihte, huaia teng mipite a hat uh hia hatlou chih te a tawm uleh a tam te uh;

13:19b.NUM.013.019 A omna gam uh a hoih hia hoihlou chihte, a omna khuate uh bangchi bang ahia, puanin maimah hia kulh nei chihte,

13:20b.NUM.013.020 Huan, huai gam lei hoih hia lei gawng, a gammang hia manglou chih te vaenkhia unla. Huan, hangsan takin om unla, mi gam theigahte honpua un, a chi a. Grep gah masa gah hun laitak ahi.

13:21b.NUM.013.021 Huchiin a pawt touta ua, Huai gam Zin gamdai akipana Hamath lutna Rehob tanin a enkhe vek uh.

13:22b.NUM.013.022 Simlam ah a hohtou phot ua, Hebron a vatung ua, huailaiah Anak suan Ahinamte, Sesaite, Talmaite a om uh. (Hebron bel Aigupta gama Zoan kilam ma kum sagiha kilam khin ahi).

13:23b.NUM.013.023 Huan, Eskil guam a vatung ua, huaiah grep gah bawm khat ahiang toh a sat tan ua, chiangin mi nihin a jawng uh: pomgranet theite leh theipite leng pua uh.

13:24b.NUM.013.024 Huailai bel Eskol guam a chi ua; Israel suanten huai akipan grep bawm a sat khiak jiak un.

13:25b.NUM.013.025 Huan, gam a vaetkhiakna uah ni sawmli a tam ua, a hongnawnta uhi.

13:26b.NUM.013.026 Huchiin Paran gamdaia Kades ah Mosi leh Aron leh Israel suan mipi tengteng kiang a hongtung ua, a kiang uah leh mipi tengteng kiangah thu a hontun ua, huai gam theite a lak uhi.

13:27b.NUM.013.027 Huan, a kiangah, Na honsawlna gamah ka hoh ua, bawngnawitui leh khuaiju luanna a nahi ngeingut; hiai a gama thei ahi.

13:28b.NUM.013.028 Himahleh a gama mi omte mi hat pipi ahi ua, khuate leng kulhnei, thupi taktak ahi: huan, Anak suante leng ka mu uhi.

13:29b.NUM.013.029 Amalekte Simlam gamah a gam ua; Hitte, Jebuste, Amorte, tanggam ahte a om uh: huan, Kanante bel tuipi gei leh Jordan lui dungah a om uh, chiin a hilh ua.

13:30b.NUM.013.030 Huchiin Mosi maah Kalebin mipite a daisak khekhup a, Kisa tou zok ni, vala tou zok ni, I zou ngeingei ding uh, a chi a.

13:31b.NUM.013.031 Himahleh a hohpihten, I vazou thei vek kei ding e, ei sangin lah a hat ngal ua, a chi ua.

13:32b.NUM.013.032 Huchiin Israel suante kiangah a vagam etkhiak uh, Gam enkhe dinga ka vavakna uh, a sunga mi tengte nek khit hatmi ahi ua; huan, a mi om ka muhte uh mi awmkhauh pipi ahi uh.Huan, huaiah Anak suante, mi liante, awmkhauh pipi ka vamu u; khaupe bang lelin ka kimu ua, amau leng khaupe ek bang lelin a honmu uh, chiin a hoihlou lamin a gen uh.

13:33b.NUM.013.033 Huan, huaiah Anak suante, mi liante, awmkhauh pipi ka vamu u; khaupe bang lelin ka kimu ua, amau leng khaupe ek bang lelin a honmu uh, chiin a hoihlou lamin a gen uh.

14

14:1b.NUM.014.001 HUCHIIN omkhawmte tengteng aw suak hialin a kap ua; huai janin mite a kapkap uhi.

14:2b.NUM.014.002 Israel suante tengteng Mosi tung leh Aron tungah a phun ua: omkhawmte tengtengin a kiang uah, Aigupta gamah pathianin honhihlum geih hileh aw! Ahihkeileh gamdai ah honna hihlum geih hileh aw!

14:3b.NUM.014.003 Bangachia namsaua si maimah dinga Pathianin hiai gama honpi ahi de aw? I ji I tate lah mat maimah ding ahi ngal ua: Aigupta gama kik nawn eia dia hoihzo lou ding hia? a chi ua.

14:4b.NUM.014.004 Huchiin a kihou khawm ua, Heutu bawl ni e, Aigupta gamah kik nawn ni, a chi ua.

14:5b.NUM.014.005 Huchiin Mosi leh Aron Israel suante mipi omkhawm tengteng maah a khupboh uh.

14:6b.NUM.014.006 Huan, Nun tapa Josua leh Jephune tapa Kaleb, gam vaenkhete laka telten a puan uh a botkek ua:

14:7b.NUM.014.007 Israel suante omkhawm tengteng kiangah, Enkhe dinga ka vavakna gam uh gam hoihtak ahi.

14:8b.NUM.014.008 I tung ua TOUPA a kipah leh huai gamah a honpi ding, honpe ding: huai nawitui leh khuaiju luanna gam.

14:9b.NUM.014.009 TOUPA tungah hel kei phot leu chin, huai gama mite leng lau samkei un, I an ding uh ahi mai ua, a kihumbitna uh bangmah ahi kei; TOUPA I kiang uah a om hi, amau kihta kei un, chiin a gen uh.

14:10b.NUM.014.010 Himahleh omkhawmte tengtengin suanga den a sawm uh. Huchiin TOUPA thupina kihoupihna puanin Israel suante tengteng maah a honglangta hi.

14:11b.NUM.014.011 Huchiin TOUPAN Mosi kiangah, Hiai mipiten bangtan ahia honthuseh louh dina ua, a lak ua chiamtehna ka hih sek nangawna leng bangtan ahia hontaksan sin louh uh?

14:12b.NUM.014.012 Hiin ka gawt dinga, ka in-gam sak dinga, nangmah ah a sang ua thupi leh thilhihthei jaw nam ka bawlkhe zo mai ding, a chi a.

14:13b.NUM.014.013 Huan, Mosiin TOUPA kiangah, Aigupta miten a za kha ding uh; hiai mite lah a lak ua kipana na thilhihtheihnaa na pikhiak ahi ngal ua;

14:14b.NUM.014.014 Hiai gama mite a hilh ding ua: hiai mipite lakah na om chih a zata uh; kimaituah hialin lah a honmuta ngal ua, na meipi a tunguah a om sek a; huan, sunin meipi ding, janin meiin a ma uh lah na pi jel ngala.

14:15b.NUM.014.015 Hiai mipite na thahgam leh na minthangna ja namten.

14:16b.NUM.014.016 TOUPAN hiai mite kichiama achiam gama a pi theihlouh jiakin gamdai ah a hihlum ahi, chiin a hon genkhe ding uh.

14:17b.NUM.014.017 Tuin ka honngen ahi, ka TOUPA thilhihtheihna hihthupiin om hen, thu a na gentak dungjuiin,

14:18b.NUM.014.018 TOUPA jaw lungnel tak, migitna hau, thulimlouhna te, tatlekna te ngaidam sek; moha sehte khah ngeiloupa, pate thulimlouhna jiaka tate, tate ta nawnte, suan thumna leh suan lina tana leng gawt sek ahi na na chih.

14:19b.NUM.014.019 Na migitna a thupi bang ngei leh Aigupta gam akipana tutana na ngaihdam bangin mipite thulimlouhna ngaidam dih ve, a chi a.

14:20b.NUM.014.020 Huan, TOUPAN, Na thu bangin ka ngaidam hi:

14:21b.NUM.014.021 Himahleh ka hinna leh TOUPA thupinain a hondimsak ding lei tengteng louin ka gen hi;

14:22b.NUM.014.022 Aigupta gam leh gamdaia ka thupina leh ka thillamdang hihte mu a, huchi pipia leng sawm vei tak honzeet lailaia, ka thu jui lou lai mi tengtengin;

14:23b.NUM.014.023 A pipute uh kianga kichiama ka chiam huai gam a mu kei hial ding uh; a lak ua kei honngaineute mawngmawngin leng a mu sam kei ding uh:

14:24b.NUM.014.024 Ka sikha Kalebin bel lungsim dang a puta, a honzuih taktak jiakin, amah jaw a vahohna gamah ka pi ding, a suanten a luah ding uh.

14:25b.NUM.014.025 Khaile, Amelekte leh Kanante huai gamah a om ua: jingchiangin kihei unla, Tuipi san lampi lam gamdai ah lut un, a chi hi.

14:26b.NUM.014.026 Huan, TOUPAN Mosi leh Aron a houpiha,

14:27b.NUM.014.027 Hiai mi thulimlou omkhawmte, ka tunga phunphunte bangtan ahia ka dohtheih ding? Israel suante phunna, ka tunga a phunnate uh ka ja hi.

14:28b.NUM.014.028 A kiang uah, Ka hinna louin ka gen hi, ka bilbuk ngeia na gen bang un na tunguah ka hih ding:

14:29b.NUM.014.029 Na luang uh gamdai ah a om dinga; na lak ua simsa mi tengteng, kum sawmnih akipan tunglam ka tunga phunphun teng,

14:30b.NUM.014.030 Banjak hiala, Ka honomsak ding, ka chih gamah Jephune tapa Kaleb leh Nun tapa Josua kia loungal na lut kei ding uh.

14:31b.NUM.014.031 Ahihhangin, Mat ding lel ahi ding uh, na chih uh na tate uh ka pi lut dinga, na dihlouh gam uh a thei ding uh.

14:32b.NUM.014.032 Noubel na luang uh hiai gamdai ah a om ding.

14:33b.NUM.014.033 Na tate uh gamdai ah kum sawmli a tamvak ding uh, gamdaia na luangte uh a mawk man masiah na kijuakna uh amau a thuak loh ding uh.

14:34b.NUM.014.034 Gam na vaetkhiak ni zah uh, ni sawmli, ni khat tangin kumkhat jel, kum sawmli sung tak na tatlekna uh na thuak loh ding ua, huchiin ka tupdan ka hihlamdan na thei ding uh.

14:35b.NUM.014.035 Kei TOUPAN mi ginalou omkhawm honnanga omkhawmte tungah hia ka hih ngei ding ka nachita a: hiai gamdai ah a mangthang ding ua. Huailaiah a si ding uh, TOUPAN a chi, chi un, chiin.

14:36b.NUM.014.036 Huan, gam enkhe dinga Mosi mi sawl hongkik nawnten, gam omdan a hoihlou lama genin amah tungah omkhawmte a phunsak hi,

14:37b.NUM.014.037 Huai gam omdan a hoihlou lama gente ngei TOUPA maah hiin a sita uh.

14:38b.NUM.014.038 Gam enkhe dinga hohte laka Nun tapa Josua leh Jephune tapa Kaleb bel a si tei kei uhi.

14:39b.NUM.014.039 Huan, Mosiin huai thute Israel suante tengteng a hilha: huchiin mipite a lungkhamta mahmah uhi.

14:40b.NUM.014.040 Huchiin jingpiinn a thou ua, mual vum ah a hohtou ua, Ngaiin, ka hongpai uhi. TOUPAN a honchiamna mun ah ka hoh ding uhi, ka na khialta uhi, achi ua.

14:41b.NUM.014.041 Huan, Mosiin, Lamzanna ahi kei ding chih thei napia bangdinga TOUPA thupiak bohse himhim na hi ua?

14:42b.NUM.014.042 Na lak uah TOUPA a om ngal keia, melmate hihlup lel dingin hohtou kei un.

14:43b.NUM.014.043 Na ma uah Amalekte leh Kanante a om uhi, namsaua hihlup na hi phet ding uh: TOUPA na lehngatsantak jiak un na kiang uah TOUPA a om kei ding, a chi a.

14:44b.NUM.014.044 Himahleh mualvuma hoh a tum teitei ua: ahihhangin TOUPA thukhunnabawm leh Mosi jaw buk akipan a pawt kei uhi.Huchiin huai muala om Amalekte leh Kanante a hongkuan suk ua, a sual ua, Horma tanphain amau a sat puk phengphung maimah uhi.

14:45b.NUM.014.045 Huchiin huai muala om Amalekte leh Kanante a hongkuan suk ua, a sual ua, Horma tanphain amau a sat puk phengphung maimah uhi.

15

15:1b.NUM.015.001 Huan, TOUPAN Mosi a houpiha,

15:2b.NUM.015.002 Israel suante houpih inla, a kiang uah, Na omna ding uh gam kon piak na tun chiang ua,

15:3b.NUM.015.003 TOUPA kianga meia thillat, halmang thillat hiam, thuchiam tangtung dinga na kithoihna uhiam, noumau utthu a thillat hiam, na ankuanglui hunbi uh hiam, ganhon laka hiam, belam hon laka hiam TOUPA adinga gimlim bawl ding hiama na lat chiang un:

15:4b.NUM.015.004 TOUPA kianga thillat lanmi peuhin tangbuang thillat, tangbuang nelte epha mun sawma khena mun khat, sathau hin mun li akhena mun khata meka a lat ding ahi.

15:5b.NUM.015.005 Huan, dawnding thillat dia uain hin mun li akhena mun khat halmang thillat hiam, kithoihna hiama belamnou min kima na bawl ding uh ahi.

15:6b.NUM.015.006 Huan, belamtala tangbuang thillat, tangbuang nelte, epha mun sawma khena mun nih, sathau hin mun thuma khena mun khat mek na bawl ding uh ahi.

15:7b.NUM.015.007 Huan, dawnding thillat dia TOUPA adinga gimlim dinga uain hin mun thuma khena mun khat na lat ding uh ahi.

15:8b.NUM.015.008 Halmang thillat dinga hiam, thuchiam tangtun dinga kithoihna ding hiam, TOUPA kianga lemna thillat ding hiama bawngtal na hih chiang un:

15:9b.NUM.015.009 Bawngtal lat toh kitonin tangbuang thillat tangbuang nelte epha mun sawma khena mun thum sathau hin kimkhata mek na lat ding uh ahi.

15:10b.NUM.015.010 Huan, dawnding thillat dia uain hin kimkhat, TOUPA dinga gimlim meia thillat na lat ding uh ahi.

15:11b.NUM.015.011 Huchibangin bawngtal te, belamte, belamnou apa te, kelnou te a min kim ua hih ding ahi.

15:12b.NUM.015.012 A tamdan uh dungjui jelin na bawl ding ua, a tamdan uh bangjelin na lan ding uhi.

15:13b.NUM.015.013 Huai gama piang tengtengin hichibang jelin TOUPA adia gimlim meia thillat a lat chiang un a hih ding uhi.

15:14b.NUM.015.014 Huan, nam dang mi na kiang ua tengsa him hiam, kuapeuh na kiang ua teng jeljel dingte hiamten leng TOUPA adinga gimlim meia thillat lan nuam peuhin na hih bangbang ua a hih sam ding uh ahi.

15:15b.NUM.015.015 Na suante u tan adinga mipite leh nam dang na kiang ua omte adin leng dan khat kia a om ding ahi; TOUPA maah nam dangte noumau bang geih ahi ding uh.

15:16b.NUM.015.016 Nou ading leh na kiang ua nam dang omte adingin dan khat leh hindan kibang khat kia a om ding, chiin, chiin.

15:17b.NUM.015.017 Huan, TOUPAN Mosi a houpiha,

15:18b.NUM.015.018 Israel suante houpih inla, a kiang uah, Hichi ahi dinga, ka honpina ding gam na vatun ua,

15:19b.NUM.015.019 Huai gam tanghou na nek chiang un, TOUPA kiangah vei thillat na lan ding uh ahi.

15:20b.NUM.015.020 Na tanghou mek masapen lak ua beu khat vei thillat dia na lat ding uh ahi: phuala vei thillat dia na vei bang un na vei ding uhi.

15:21b.NUM.015.021 Na suante uh tanin na tanghou mek masapen uh TOUPA kianga vei thillat dinga na lat jel ding uh ahi.

15:22b.NUM.015.022 Huan, hiai thupiak tengteng, TOUPAN Mosi kianga a gen, na zuih louh ua na bohsiat uleh,

15:23b.NUM.015.023 TOUPAN thu a piak tung akipana na suante uh tan adia Mosi zanga thu a piak tengteng,

15:24b.NUM.015.024 Hichi bang ahi dinga, omkhawmten theiloua a hihkhak uh ahihleh, omkhawm tengtengin halmang thillat TOUPA dinga gimlim dingin bawng tuai khat a lan ding ua, a dan ngeina bangin tangbuang thillat leh dawn ding thillat toh, khelhna kithoihna dingin keltal khat leng a lan tel ding uh ahi.

15:25b.NUM.015.025 Huan, siampuin Israel suante omkhawm tengteng adingin lemna a bawl dinga, ngaihdam ahi ding uh, hihkhak ahihjiak leh a thillat uh. TOUPA adia meia thillat leh a hihkhelh uh tanga khelhna kithoihna a lattak jiak un:

15:26b.NUM.015.026 Israel suante omkhawm tengteng ngaihdam ahi ding ua, a lak ua nam dang omte leng; mipi tengtengin a hihkhak uh ahih jiakin.

15:27b.NUM.015.027 Huan, min theiloua thil a hihkhelh leh khelhna kithoihna dingin kelnu khat kum khata upa a lat ding ahi.

15:28b.NUM.015.028 Thei loua TOUPA maa hihkhialmi adingin siampuin lemna a bawl ding hi; huchiin ngaihdam ahi ding,

15:29b.NUM.015.029 Thei loua hihkhialmi adin, Israel suante, huai gama piangte adin leh nam dangmi na lak ua omte dingin leng dan khat na neih ding uh ahi.

15:30b.NUM.015.030 Himahleh a kisaktheih jiaka hih ahihleh, huai gama piang hiam, nam dang hiam leng hileh TOUPA gensia ahi a: huai mi a chipihte laka kipan satkhiak ding ahi.

15:31b.NUM.015.031 TOUPA thu a musita, a thupiak a bohsiat jiakin, huai mi satkhiak geih mai ding ahi, a thulimlouhna moh aman a po ding, chiin, chiin.

15:32b.NUM.015.032 Israel suante gamdaia a om lai un mi khat khawlnia singpua a mu ua,

15:33b.NUM.015.033 A singpuak mumiten Mosi leh Aron leh mipite kiangah a pi uh.

15:34b.NUM.015.034 Bangchia hih ding ahia chih genkhiak nailouh ahih jiakin tanna in ah a khum uh.

15:35b.NUM.015.035 Huan, TOUPAN Mosi kiangah, Huai mi hihlup ngeingei ding ahi, dainawl ah mipi tengtengin suanga a den ding uh ahi, a chi hi.

15:36b.NUM.015.036 Huchiin TOUPAN Mosi thu a piak bangin mipi tengtengin dainawl ah a pi ua, suangin a denglumta uhi.

15:37b.NUM.015.037 Huan, TOUPAN Mosi a houpiha,

15:38b.NUM.015.038 Israel suante kiangah, a suante uh tanpha a a puan mong ua a gei bawl ding leh, a mong teng geia a dum khak dingin chiin:

15:39b.NUM.015.039 Huai a mong na et ua, TOUPA thupiak tengteng na theihgige ua na zuihna ding un leh; kijuaka na om jel bang ua na lungtang uh deih leh na mit uh la lampeuh deiha na om louhna ding un:

15:40b.NUM.015.040 Ka thupiak tengteng na theihgige ua na zuih ua, na Pathian ua dinga na siangthou theihna ding un ahi.Na Pathian uh hi dinga Aigupta gam akipan nou honpikhepa TOUPA na pathian uh ka hi. Kei TOUPA na pathian uh ka hi, chiin.

15:41b.NUM.015.041 Na Pathian uh hi dinga Aigupta gam akipan nou honpikhepa TOUPA na pathian uh ka hi. Kei TOUPA na pathian uh ka hi, chiin.

16

16:1b.NUM.016.001 Levi tapa Kohat, huai tapa Izar, huai tapa Kora pen Eliab tapate, Dathan leh Abiram leh Peleth tapa On, Reuben tate toh mite a pi ua:

16:2b.NUM.016.002 Israel suante, mi langsal deuhdeuh mipi lak a heutu vaihawmmi dia telte lak a mi zanih leh sawmngate toh Mosi mah ah a va kisa ua:

16:3b.NUM.016.003 Mosi leh Aron sawm in a kikhawm ua, a kiang uah, Na ut lua uh, Na ut lua uh, mipte lah a siangthou chiat ngal ua, TOUPA lah a lak uah a om ngal a: bangziak in ahia TOUPA mipi omkhawmte tung a na kikoih tungnun tuam uh? A chi ua.

16:4b.NUM.016.004 Mosi in huai a zak in a khupboh a:

16:5b.NUM.016.005 Huan, Kora leh a pawlte tengteng kiang ah, Zingchiang in TOUPA'N amah ate leh a siangthoute a taklang ding; a kiang ah a hon pai naisak ding: a mi tel huai ngeingei a kiang ah a hon pai naisak ding.

16:6b.NUM.016.006 Hichi in hih un, Kora leh a pawlte tengteng aw, zingchiang in meilakna khawng tawi unla;

16:7b.NUM.016.007 Huai lai ah mei koih unla, TOUPA ma ah gimlim buak un: huan, TOUPA'N a tel peuhmah a siangthou ding: Levi tapate aw, na ut lua uh, chi in a gen a.

16:8b.NUM.016.008 Huan, Mosi in Kora kiang ah, Nou Levi tapate aw, ngaikhia unla,

16:9b.NUM.016.009 TOUPA biakbuuk nasep sem ding leh, khawmpi na sem dia khawmpite ma a ding a amah kiang a hon om naisak ding a, Israel Pathian in Israel khawmpite a kipan a nou a hon om sak, nou a dia thil neuchik phet a kilang hia;

16:10b.NUM.016.010 Huan, amah kiang ah a hon om naisak ta a, na kiang a na unau Levi tapate tengteng: siamputna leng na zong uhia?

16:11b.NUM.016.011 Huaiziak in nang leh na pawlte tengteng TOUPA nang in na kikhawm uh ahi. Huan, Aron in bang a hih a ahia, a tung a na phun uh?, a chi.

16:12b.NUM.016.012 Huan, Mosi in Elia tapa Dathan leh Abiram a sam sak a: amau, Kong paitou kei ding uh:

16:13b.NUM.016.013 Gamdai a hon hihlum ding in nawitui leh khuaizu luanna gam a kipan no'n pikhiak thil neuchik hia? Ka tunguah na kilalsak nawn ngal a

16:14b.NUM.016.014 Nawitui leh khuaizu luanna gamah non pilut kei a, lou ding leh grep huan gou ding lah no'n pe kei: hiai mite mitte na mialsak sin ahia? Ka hong paitou kei hial ding uh, a chi ua.

16:15b.NUM.016.015 Huchi in Mosi a heh mahmah a, TOUPA kiang ah, a thillat uh sang ke'n: a sabengtung uh khat lel leng ka la kei ding, kuamah leng ka hihna kei ding, a chi a.

16:16b.NUM.016.016 Huan, Mosi in Kora kiang ah, Zingchiang in nang leh na mi kikhawmte nang toh, amau toh Aron toh TOUPA ma ah na om un:

16:17b.NUM.016.017 Huan, a meilakna uh tawi chiat uhenla, gimlim buak uhenla, TOUPA ma ah a meilakna uh hontawi uhenla, meilakna zanih leh sawmnga hontawi uhen; nang leh Aron in leng na meilakna uh tawi tuaktuak un, a chi hi.

16:18b.NUM.016.018 Huchi in mi chih in a meilakna uh a tawi ua, mei a koih ua, gimlim a buak ua, Mosi leh Aronte toh kihoupihna puan inn kongkhak ah a va ding uh.

16:19b.NUM.016.019 Huan, Kora in mipi tengteng amau nang in kihoupihna puan in kongkhak ah a omkhawm sak a: huan, mipi tengteng tungah TOUPA thupina mipite a hong langta hi.

16:20b.NUM.016.020 Huch in TOUPA'N Mosi leh Aron a houpih a,

16:21b.NUM.016.021 Hiai mipi lak a kipan kihuikhia un, a hon hihman guih theihna ding in, chi in.

16:22b.NUM.016.022 Huchi in amau a khupboh ua, Pathian aw, sate tengteng kha Pathian, mikhat khelh ziak in mipi tengteng tungah na heh dia hia?, a chi ua,

16:23b.NUM.016.023 Huan, TOUPA'N Mosi a houpih a,

16:24b.NUM.016.024 Mipite kiang ah, Korate, Dathante, Abiramte buk a kipan dansan un, chi in gen in, a chi a.

16:25b.NUM.016.025 Huchi in Mosi a thou a, Dathan leh Abiramte kiang ah a va hoh a; Israelte upate'n a zui uh.

16:26b.NUM.016.026 Huan, omkhawmte kiang ah, Hiai migiloute puan in a kipan in pawtkhia un; a bangmah uh khoih kei un, huchilou in zaw a khelhna tengteng uah na pang kha ding uhi, chi in a gen a.

16:27b.NUM.016.027 Huchi in Korate, Dathante, Abiramte buk a kipan a pawtkhe duamduam ua; huan, Dathan leh Abiram a puan inn ua kipan a hong pawtkhia ua, a puan inn kongkhak uah a zite uh, a tapate uh, a tanu neuchikchikte toh a ding ua.

16:28b.NUM.016.028 Huan, Mosi in, Kei mah lungsim a pawtkhia a hih ahih kei a, hiai thil hih ding in TOUPA'N a hon sawl ahi chih hiai ah na thei ding uh.

16:29b.NUM.016.029 Hiai mite mi tengteng dan bang lel mah a a sih ua, mi tengteng gawt bang lel a gawt a hih ua leh Pathian in hon sawl lou ahi ding

16:30b.NUM.016.030 TOUPA'N thil thak a bawl a, lei in kam a ka a, amau leh amau a tengteng a valh a, Seol ah a hing a a lut ule bel hiai mite'n TOUPA ana ngaineu uh ahi chih na thei ding uh, a chi a.

16:31b.NUM.016.031 Huan, hichi ahi a, huai thu tengteng a gen khit in a nuai lei uh a hong khangkham phok mawk a:

16:32b.NUM.016.032 Huchi in lei in a kam a ka a, a innkuan un Kora mite tengteng, a van tengteng utoh a valhkhin vek hi.

16:33b.NUM.016.033 Huchi in amau-leh-amau a tengteng Seol ah a hing in a tum vek ua, lei in a kam a chih khum a, omkhawmte lak a kipan a mangthang ta uhi.

16:34b.NUM.016.034 Huchi in a kim ua Israelte tengteng a kikou husa uah a taizak ua, Lei in ei leng hon valh kha ding, a chi uh.

16:35b.NUM.016.035 Huan, TOUPA a kipan in mei a hong pawt khia a, gimlim lanmi zanih leh sawmngate a hong kanglum ta hi.

16:36b.NUM.016.036 Huan TOUPA'N Mosi a houpih a,

16:37b.NUM.016.037 Nangman mei zaksak inla, siampu Aron tapa Eleazar mei a kipan a meilaknate lakhe ding in hilh in, thil siangthou ahi ngal a;

16:38b.NUM.016.038 Amau hinna tung a giloute meilaknate ngei leng; huan, maitam khuhna kuang ding in sek hi hen: TOUPA ma a lat ahi a, huaiziak in a siangthou ahi, huai Israel suante a ding achiamtehna ahi ding chi in.

16:39b.NUM.016.039 Huan, siampu eleazar in mi kangte dal meilaknate a la a; maitam khuhna ding in a sekta uhi:

16:40b.NUM.016.040 Israel suante a ding a theih gigenate, Aron tate hilou nam dang himhim, TOUPA ma a gimlim hal ding a a hongpai nailouhna ding un; Mosi zang a a kiang a TOUPA'N a gen bang in.

16:41b.NUM.016.041 Himahleh a zingsang in, TOUPA mite na hihlum uhi, chi in Israel suante mipi tengteng Mosi leh Aron tungah a phun uh.

16:42b.NUM.016.042 Huan, hichi ahi a, Mosi leh Aron tung a mipi a phun khawm lai un, kihoupihna puan inn lam a nga ua; huan, ngai in, meipi in a hon khuh a, TOUPA thupina a hong lang hi.

16:43b.NUM.016.043 Huan, Mosi leh aron kihoupihna kongkhak ah a hoh ua.

16:44b.NUM.016.044 Huan, TOUPA'N Mosi a houpih a,

16:45b.NUM.016.045 Hiai mipi lak a kipan kihemkhia un, ka hon hihmang guih theihna ding in, chi in. Huan amau a khupboh ua.

16:46b.NUM.016.046 Huan, Mosi in Aron kiang ah, Na mei lakna tawi inla, maitam a kipan mei koih inla; gimlim buak inla, mipi kiang ah paipih meng inla, amau a ding in lemna bawl in: TOUPA kiang a kipan hehna a hong suak ahi; hi a leng pan lellel hi, a chi a.

16:47b.NUM.016.047 Huan, Aron in Mosi gen bang in a tawi a, omkhawmte lak ah a tailut a, huan ngai in, huai hi mipi lak ah a hong leng pan a; huan gimlim a buak a, mipi a ding in lemna a bawl hi.

16:48b.NUM.016.048 Misi leh mihing kikal ah a ding a, hi a dang ta hi.

16:49b.NUM.016.049 Huchi in Kora tungtang thu a simte simlouh in hia si tengteng singkhat leh sang li leh za sagih ahi uh.Huan Aron kihoupihna puan inn kongkhak ah Mosi kiang ah a kiknawn a, huchi in hi a bei ta.

16:50b.NUM.016.050 Huan Aron kihoupihna puan inn kongkhak ah Mosi kiang ah a kiknawn a, huchi in hi a bei ta.

17

17:1b.NUM.017.001 Huan TOUPA'N Mosi a houpih a,

17:2b.NUM.017.002 Israel suante houpih inla, a innkuan chih uh tuam ding in chiang khat chiat zel, a innkuan uh dungzui zel a a innteek pen tengteng zah, chiang sawm leh nih la lechin; huan, achiang uah a min uh gelh in.

17:3b.NUM.017.003 Huan, Levi chiang ah Aron min gelh in: a innkuan chih uh a ding in chiang khat zel ahi ding ahi.

17:4b.NUM.017.004 Huan, i kihouna, kihoupihna puan inn thutheihsakna ma ah na koih ding ahi.

17:5b.NUM.017.005 Huan, hichi ahi ding a, mi ka tel ding chiang a sel ding a: huchi in Israel suante phunna, na tung a a phunna uh ka hihdai ding hi, chi in,

17:6b.NUM.017.006 Huchi in Mosi in Israel suante a houpih a, a innteek pente tengteng un amau innkuan chih tuam ding in, innteek pen chih in chiang khat zel, chiang sawm leh nih a pia uh: Aron chiang leng achiang lak uah a tel sam hi.

17:7b.NUM.017.007 Huchi in Mosi in thu theihsakna biakbuk ah TOUPA ma ah huai chiangte a koih hi.

17:8b.NUM.017.008 Huan a zing in hichi ahi a, Mosi theihpihna puan inn ah a va hoh a; huan, ngai in, Levi innkuante a dia Aron chiang a sel a, pakmum a suah a, a pakpalh a, vaisuaklu min a suang hi.

17:9b.NUM.017.009 Huan, Mosi in TOUPA ma a kipan chiang tengteng Israelte tengteng kiang ah a lakhia a; a na en ua, amau chiang khat a la uhi.

17:10b.NUM.017.010 TOUPA'N Mosi kiang ah, Helhat tate ahi uh chih theihsak zelna ding in Aron chiang thu theihsakna bul ah koih nawn in; huchi in ka tung a a helna uh na hihdaihsak thei ding hi, a sihlouhna ding un, a chi a,

17:11b.NUM.017.011 Huchi bang in Mosi in a hih a: TOUPA'N thu a piak bang in a hih hi.

17:12b.NUM.017.012 Huan, Israel suante'n Mosi kiang ah, Ngai in, mangthang ka hi uhi, ka segawp ta uhi, ka segawp khin vekta uhi.TOUPA biakbuk hon naih peuhmah a si zel ua; mangthang vek ding ka hi ding uam? A chi uhi.

17:13b.NUM.017.013 TOUPA biakbuk hon naih peuhmah a si zel ua; mangthang vek ding ka hi ding uam? A chi uhi.

18

18:1b.NUM.018.001 Huan, TOUPA'N Aron kiang ah, Nang leh na tapate leh na innkuan un mun siangthou thulimlouhna moh na po ding uh: huan, nang leh na tapate'n na siampu nna uh thulimlouhna moh na po ding uh.

18:2b.NUM.018.002 Huan, Levi chi, na pa chi na unaute'n nang a hon zui tei ua, na nasepna a septheihna ding un na kiang nai ah omsak inla; himahleh nang leh na tapate thutheihsakna biakbuk bul ah na om ding uhi.

18:3b.NUM.018.003 Na nasep a hon huh ding ua, Puan inn lam nasep tengteng a tang ding ua, himahleh mun siangthou tu-um-belsuan leh maitam pen hon naih kei uhen, a sih louhna ding un, amau hiam, nang hiam leng.

18:4b.NUM.018.004 Puan inn nasepna tengteng ah kihoupihna puan inn nna pen a tang ding uh: nam dangten nou a hon naih ding uh ahi kei hi.

18:5b.NUM.018.005 Huan, nang mun siangthou nasep leh maitam nasep pen na tang ding, Israel suante tung a hehna a om nawn louhna ding in.

18:6b.NUM.018.006 Huan, ngai in, ke'n na unau Levite Israel suante lak a kipan ka tel khia a, kihoupihna puan inn nna sem ding in TOUPA kiang a piak, nang a dia thilpiak ahi ding uh.

18:7b.NUM.018.007 Huan, nang leh na tapate'n maitam leh puanzak sunglam thu ah na siampu nasep uh na sem ding uh; huan nang nna na sem ding, siampu nasep na nasep ding in ka hon pia hi: nam dang hong kigolh peuhmah hihlup ahi ding uh, a chi hi.

18:8b.NUM.018.008 Huan, TOUPA'N Aron a houpih a, Ngai in, ken kei dia vei thillat, Israel suante thillat tengteng tan in nang leh na tapate khantawn a na tantuam ding un ka hon pia ahi.

18:9b.NUM.018.009 Mei a hal val thil siangthoute nang a ahi ding a; a thillat chiteng uh, a tangbuang thillatte uh, a khelhna thoihna thillate uh, a mohna thoihna thillat uh ka kiang a a lat dingte uh tan in nang leh na tapate tuam ahi ding.

18:10b.NUM.018.010 Thil siangthou ne in huai na ne ding ua, pasal teng in a ne ding uh; na tuam ahi ding.

18:11b.NUM.018.011 Hiaite na tuam ahi ding: tangbuang thillat dia a thilpiak uh, Israel suante vei thillat tengteng tan in: nang leh na tapate leh tanute toh khantawn a na tantuam ding un ka hon pia ahi: na inn a mi siangthou tengteng in a ne thei ding uh.

18:12b.NUM.018.012 Sathau hoih pente, grep hoih pente, buh hoih pente, gah masa pen TOUPA a ding a a piak uh ka hon pia hi.

18:13b.NUM.018.013 A lou ua gah min masa pen TOUPA a dia a hon tawi uh nang a ahi ding a; na inn a mi siangthou tengteng in a ne thei ding uhi.

18:14b.NUM.018.014 Israelte thillat tengteng nang a ahi ding.

18:15b.NUM.018.015 TOUPA a dia a piak uh sul hong masa pen peuhmah mihing leng gan leng nang a ahi ding: a hihhang in a ta tung pen zaw na tat ngeingei ding ahi ding, gan siangthou lou nou suakkhe masa pen leng na tat ding ahi.

18:16b.NUM.018.016 Kha khat a hih in tat dingte tatna man na sehdan bang in, mun siangthou a sekel hihdan bang a sekel nga a na tat ding ahi (sekel pen gera sawmnih ahi).

18:17b.NUM.018.017 Himahleh bawngtal suakkhe masa pente, belam suak khe masa pente, kel suakkhe masa pente na tat ding ahi kei a: a siangthou uhi: a sisan uh maitam ah na theh ding a, TOUPA ding in gimlim di'n a thaute uh mei a thillat di'n na hal ding ahi

18:18b.NUM.018.018 A sa uh nang a ahi ding, vei thillat om leh a liang taklam pang nang a ahi bang in,

18:19b.NUM.018.019 Thil siangthou vei thillat, Israel suante'n TOUPA a ding a a latte uh khantawn a na tantuam ding uh ka hon pia hi; TOUPA ma a nang leh na tapate leh na tanute toh khantawn chi thukhun ahi ding, a chi a.

18:20b.NUM.018.020 Huan, TOUPA'N Aron kiang ah, A gam uah goutan na neikei ding ua, a lak uah leng tantuan na neisam kei ding uh; Israel suante lak a na tantuan leh na goutan kei ka hi.

18:21b.NUM.018.021 Huan, Levi tate bel ngai in, nasepna, puan inn nasepsep a nasep man uh Israel gam a sawm a khat tengteng ka pia ahi.

18:22b.NUM.018.022 Tua kipan in Israel suante'n kihoupihna puan inn a hon naih ding uh ahi kei; khelh moh pua in a si kha ding uh.

18:23b.NUM.018.023 Levite'n bel kihoupihna puan inn nasep a sem ding ua; amau thulimlouhna moh a po ding uh, hiai na suante tan a dia dan ahi ding a: huan, Israel suante lak ah goutan a neikei ding uh.

18:24b.NUM.018.024 Israel suante'n sawm a khat TOUPA a dia vei thillat dia a lat uh Levite goutan ding in ka pia ahi; huaiziak in a kiang uah, Israel suante lak ah goutan a neikei ding uh, ka na chita him hi, a chi a.

18:25b.NUM.018.025 Huan, TOUPA'N Mosi a houpih a,

18:26b.NUM.018.026 Huai thu khawng lou ah leng Levite houpih inla, a kiang uah, Na goutan ding ua Israel suante sawm a khat ka hon piak na lak chiang un, huai sawm a khat a kipan sawm a khat TOUPA kiang ah vei thillat ding in na lan ding uhi.

18:27b.NUM.018.027 Huchi in na vei thillat uh phual a buh leh uain tung masa pen ding a sim ahi ding.

18:28b.NUM.018.028 Huchibang in Israel suante lak a sawm a khat na lak tengteng uate leng TOUPA vei thillat ding in na lan zui zel ding hi, huan huai TOUPA vei thillat pen siampu Aron na piak ding uh ahi.

18:29b.NUM.018.029 Na thil dawn tengteng ua a hoih pen, a siangthou pen zel TOUPA vei thillat ding in na lan ding uhi.

18:30b.NUM.018.030 Huaiziak in a kiang uah, Huai a hoih pen na vei chiang in Levite phual a tung leh uain tung bang a sim ahi ding.

18:31b.NUM.018.031 Koilai peuh ah leng na ne thei ding uh, nou leh na innkuan pihte un leng; kihoupihna puan inn a na nasep man uh ahi ngal a.A hoih pen na vei uh leh a khelh moh na po kei ding ua, Israel suante thil siangthou na hih thanghuai kei ding ua, na si kei ding uhi, chi in, chi in.

18:32b.NUM.018.032 A hoih pen na vei uh leh a khelh moh na po kei ding ua, Israel suante thil siangthou na hih thanghuai kei ding ua, na si kei ding uhi, chi in, chi in.

19

19:1b.NUM.019.001 Huan, TOUPA'N Mosi leh Aron a houpih a,

19:2b.NUM.019.002 Hiai TOUPA thupiak dan ahi: Israel suante bawngla san, dem bei, gensiat bei, hakkol bulhsak ngei het louh hon kai ding in hilh in:

19:3b.NUM.019.003 Huan, siampu Eleazar na pe ding a, huan, aman dainawl ah a pikhe ding a, a maah kua hiam in a hihlup ding ahi:

19:4b.NUM.019.004 Huan, siampu Eleazar in a khut in a sisan a la ding a, kihoupihna puan inn malam ah a sisan sagih vei a theh ding.

19:5b.NUM.019.005 Huan, kua hiam in huai bawngla a mit muh in a hal ding; a vunte, a sate, a sisante, a ekte toh a hal ding.

19:6b.NUM.019.006 Huan, siampu in sidar sing leh husop leh khausan a la ding a, bawngla a hal uah a pailut ding ahi.

19:7b.NUM.019.007 Huan, siampu in puansilhte a sawp ding a, a kisil ding a, huai khit in giahphual ah a hoh ding a, nitaklam tan in siampu a siangthou kei ding.

19:8b.NUM.019.008 Huan, a hal mi in a puansilhte a sawp ding a, a kisil dinga nitaklam tan in a siangthou kei ding.

19:9b.NUM.019.009 Huan, mi thanghuai lou in bawngla vu a lakhawm ding a, dainawl mun siang ah a koih ding a, Israel suante mipi suante ding in kisian sakna tui dia zat ding ahi: huai bel khelh thoihna ahi

19:10b.NUM.019.010 Huan, bawngla vu hih khawm min a puansilhte a sawp ding a, nitaklam tan in a siangthou kei ding: hiai Israel suante ding in leh nam dang a kiang ua omte ding in khantawn dan ding ahi.

19:11b.NUM.019.011 Kua luang leng a khoihmi peuhmah ni sagih a siangthou kei ding uh;

19:12b.NUM.019.012 Huai mi a hihleh ni thum ni in a kisiangsak ding a, ni sagih ni in a siangthou ding; himahleh, ni thum ni a a kisiansak kei leh ni sagih ni in leng a siangthou kei ding hi.

19:13b.NUM.019.013 Kuapeuh kua luang leng a khoih a, a kisiansak kei leh TOUPA biakbuk a hihnin ahi; huai mi pen Israel mite lak a kipan a satkhiak ding ahi; kisiansakna tui a tung a thehlouh a hihziak in a siangthou kei ding; a sianthou louhna a tungah a om lai ahi.

19:14b.NUM.019.014 Puan inn a mi a sih leh hiai a dan ding ahi: puan inn a lut peuhmah leh puan inn sunga om peuhmah te ni sagih a siangthou kei ding uh.

19:15b.NUM.019.015 Huan, tui-um-belsuan kihong, a sitna a sit louh peuhmah a nin ahi.

19:16b.NUM.019.016 Huan gamlak ah nam kua thah hiam, misi luang hiam, mihing guh hiam, han hiam a khoih leh ni sagih a siangthou kei ding.

19:17b.NUM.019.017 Huan, a siangthou loute tuam ding in khelh thoihna vu a la ding ua, bel ah tuikhuk tui toh a sung ding uh:

19:18b.NUM.019.018 Huan, mi siang in, husop a la ding a, tui ah a diah ding a, puan innte, tui-um-belsuan tengtengte, huailai a om mi tengteng, guh hiam, thah luang hiam, misi luang hiam, han hiam khoih mite a theh ding a:

19:19b.NUM.019.019 Huan, mi siang in ni thum ni leh ni sagih ni in mi siang lou a theh ding a, ni sagih ni in a hih siangthou ding a; a puansilhte a sawp ding a, a kisil ding a, nitaklam in a hong siangthou ta ding hi.

19:20b.NUM.019.020 Mi siangthou lou kisiangsak lou in bel TOUPA mun siangthou a hihnit ziak in huai mi pen omkhawmte lak a kipan a satkhiak ding ahi; kisiansakna tui a theh louh ahi a, a siangthou lou ahi.

19:21b.NUM.019.021 Hiai amau a ding in khantawn dan ding ahi: kisiansakna tui a theh peuhmah in a puansilhte a sawp ding ua; huan, a kisiansakna tui khoih peuhmah nitaklam tan in a siangthou kei ding uh.Huan, mi siangthou lou in a khoih peuhmah a siangthou kei zel ding a; huan, huai mi khoih mi kuapeuh nitaklam tan in a siangthou kei ding uhi, chi in.

19:22b.NUM.019.022 Huan, mi siangthou lou in a khoih peuhmah a siangthou kei zel ding a; huan, huai mi khoih mi kuapeuh nitaklam tan in a siangthou kei ding uhi, chi in.

20

20:1b.NUM.020.001 Huan, Israel suante, omkhawm tengteng huai kha khatna in Zin gamdai a lut ua: huan, mipite'n Kades ah giahbuk a sat uh; huai ah Miriam a si a, huai ah a vui uh.

20:2b.NUM.020.002 Huan, omkhawmte'n tui a neikei ua; Mosi leh Aron tungtang thu ah a kikhawm ek ua,

20:3b.NUM.020.003 Huan, mipi in, TOUPA ma a i unaute a sih lai un Pathian in honna hihlum geih ta mai leh aw!

20:4b.NUM.020.004 Bang ding a TOUPA mipite si ding a gamdai a pilut na hia, kou leh ka gante utoh?

20:5b.NUM.020.005 Bangziak in ahia hiai gam hoih lou pi a hon pilut ding a Aigupta gam a kipan non pawtsak mahmah? Buh-leh-balte, theipite, grep kungte, pomgranette omlouhna mun ahi, tui dawn ding mahmah lah a om sam kei hi, chi in Mosi a sual ek ua.

20:6b.NUM.020.006 Huan, Mosi leh Aron mipi lak a kipan kihoupihna puan inn kongkhak ah a hoh ua, a khupboh ua; huan, TOUPA thupina a kiang uah a hong kilang a,

20:7b.NUM.020.007 Huchi in TOUPA'N Mosi a houpih a,

20:8b.NUM.020.008 Chiang la inla, omkhawmte omkhawm sak inla, nang leh na unau Aron toh, huai suangpi a mitmuh ua a tui pawtsak ding in hilh in; suangpi a kipan tui na lakkhiak sak ding; huchi in omkhawmte leh a gante na dawnsak ding hi, chi in.

20:9b.NUM.020.009 Huchi in Mosi in TOUPA ma a kipan chiang a thupiak bang in a la a.

20:10b.NUM.020.010 Mosi leh Aron in omkhawmte suangpi bul ah a omkhawm sak ua, a kiang uah, Helhatte aw, ngai un, hiai suangpi a kipan tui ko'n lakkhiak sak ding uh hia? a chi ua.

20:11b.NUM.020.011 Huan, Mosi in a ban a zak a, suangpi achiang in nihvei a sat a; huchi in tui a hong pawt zuazua a, omkhawmte leh a gante un a dawn uhi.

20:12b.NUM.020.012 Huan, TOUPA'N Mosi leh Aron kiang ah, No'n gintak louh ua Israel suante mitmuh a no'n pahtawi louh ziak un hiai omkhawmte ka piak gamah na pilut kei ding uhi.

20:13b.NUM.020.013 Hiai Meriba tuite ahi: Israel suanten TOUPA a sual ek ua, huailai a pahtawi a a om tak ziak in, a chi a.

20:14b.NUM.020.014 Huan, Mosi in Kades a kipan in Edom kumpipa kiang ah mi a sawl a, Na unaupa Israel in hichi bang in a chi, Ka tung ua thuakna hongtung tengteng na thei a:

20:15b.NUM.020.015 Ka pipute uh Aigupta gam a a hohsuk ua, sawtpi Aigupta gam a ka om bang uh, Aigupta mite'n kou leh ka pipute hoihlou tak a hon bawl bang uh:

20:16b.NUM.020.016 Huchi in TOUPA ka sam ua, ka aw uh a na za a, angel a hon sawl a, Aigupta gam a kipan a hon pikhia a: huan, ngai in, na gam naihpen khua Kades ah ka om ua;

20:17b.NUM.020.017 Hehpihtak in na gam ka tawn paisuak ding uh aw: lou hiam, grep huan khawng ah hiam ka pai kei ding ua, tuileh tuite leng ka dawnsak kei ding uh: kumpipa lamlian ah ka pai zel ding ua, na gam ka khen masiah uh taklam hiam, veilam hiam ah leng ka pial kei ding uh, a chi a.

20:18b.NUM.020.018 Huan, Edom in a kiang ah, No'n palsuak ding ahi kei, no'n pal leh hon sual ding in namsau toh ka hong kuan ding, a chi a.

20:19b.NUM.020.019 Huchi in Israel suante'n a kiang ah, Lamlian ah ka paitou ding ua; huan, kou leh ka gan un na tui ka dawn uh leh a man ko'n pe ding uh: thil dang bangmah hih lou in a pai in ka paisuak mai ding uh, a chi ua.

20:20b.NUM.020.020 Huan, aman, Paisuak lou ding, a chi a. Huchi in Edom mipite tampi toh, mihat taktakte toh amau sual ding in a hong kuan ta a.

20:21b.NUM.020.021 Edom in Israel mite a gam a a pai uh a phalta kei; huchi in Israel mite'n a kiksan nawnta uhi.

20:22b.NUM.020.022 Huchi in Kades a kipan in a pawt ua; Israel suante, mipi tengteng in Hor tang a vapha uh.

20:23b.NUM.020.023 Huan, TOUPA'N Mosi leh Aron, Edom gam naih Hor tang ah a houpih a,

20:24b.NUM.020.024 Aron pen a chipihte kiang a pi ahi ding: Meriba tuite a ka thu nang a na hel ziak un Israel suante ka piak gamah a lut sin kei hi.

20:25b.NUM.020.025 Aron leh a tapa Eleazar Hor tang ah hon pitou in:

20:26b.NUM.020.026 Aron pen a puansilhte hawk sak inla, a tapa Eleazar silh sak in: Aron pen a chipihte kiang a pi ahi ding, huailai ah a si ding, chi in.

20:27b.NUM.020.027 Huan, Mosi in TOUPA thupiak bang in a hih a: mipi tengteng mitmuh in Hor tang ah a paitou ua.

20:28b.NUM.020.028 Huchi in Mosi in Aron puansilh a hawk sak a, Eleazar a silh sak a: huan, Aron pen mualvum ah a sita: huan, Mosi leh Eleazar mual a kipan a paisuk uhi.Huan, mipi tengteng in Aron a si chih a theih un, Israelte tengteng in ni sawmthum a sun uhi.

20:29b.NUM.020.029 Huan, mipi tengteng in Aron a si chih a theih un, Israelte tengteng in ni sawmthum a sun uhi.

21

21:1b.NUM.021.001 Huan, Kanan mi, Arad Kumpipa simlam a om in Israel mite Atharim lampi ah a hong pai uh chih gen ging a na za a; huchi in Israel mite a sual a, sal mat bang a nei hi.

21:2b.NUM.021.002 Huan, Israel mite'n TOUPA kiang ah thu achiam ua, Hiai mite ka khut ua no'n piak leh a khuate uh ka hihmang ding uh, a chi ua.

21:3b.NUM.021.003 Huchi in TOUPA'N Israel mite thu a pom a, Kanan mite a pia a, amau leh a khuate a hihmang uhi; a mun min ding in Horma a sa uhi.

21:4b.NUM.021.004 Huan, Hor tang a kipan in Tuipi San lam ah Edom gam pai kualkhum in a pai ua: a lampi ziak in mipi lungsim a lungkim kei hial hi.

21:5b.NUM.021.005 Mipite'n Pathian leh Mosi kalh in, Gamdai a si ding a bang dia Aigupta a kipan hon pikhia na hia? Tanghou lah om lou, tui lah om lou: hiai tanghou kihhuai lah ka hinna un a kih hi, a chi ua.

21:6b.NUM.021.006 Huchi in TOUPA'N mipi lak ah gul gukhah chite a sawl a, mite a tu ua, Israel mite tampi a si uhi.

21:7b.NUM.021.007 Huan, mite Mosi kiang ah a hoh ua, TOUPA leh nang kal ah ka na pau uh ka na khial ta uhi, I lak ua gulte hihmang ding in TOUPA kiang ah thum dih ve, a chi ua; huchi in mite Mosi in a thumsak hi.

21:8b.NUM.021.008 Huan, TOUPA'N Mosi kiang ah, Gul gukha chi, a lim bawl inla, khuam ah khai in; huan, hichi ahi ding a, gul tuk mi peuhmah in huai a et uleh a dam ding uh, a chi a.

21:9b.NUM.021.009 Huchi in Mosi in dal gul a bawl a, khuam ah a khai a; huan, hichi ahi a, gul tuk mi peuhmah in dal gul a et uleh a dam zel uhi.

21:10b.NUM.021.010 Huan, Israel suante a paizel ua, Oboth ah giahmun a bawl uh.

21:11b.NUM.021.011 Huan, Oboth a kipan in a pai nawn ua, ni suahna lam Moab gamdai bul Ije-abarim ah giahbuk a sat uh.

21:12b.NUM.021.012 Huai a kipan in a painawn ua, Zered guam ah giahbuk a sat uh.

21:13b.NUM.021.013 Huai a kipan in a pai nawn ua, Amorte gamgi a kipan a hong dawk tuam gamdai a Aron lehlam sang ah giahbuk a sat ua; Arnon bel Moab gamgi, Moab leh Amorte kikal a om ahi.

21:14b.NUM.021.014 Huaiziak in TOUPA kidounate laibu ah, Supha a Vaheb, Arnon guamte,

21:15b.NUM.021.015 Ar omna lam a luangsuk luitate tui, Moab gamgi bul a om ah.

21:16b.NUM.021.016 Huai a kipan in Beer ah a painawn ua; huai bel TOUPA'N Mosi kiang a, Mipite samkhawm inla, tui ka pe ding, a chihna tuileh ahi.

21:17b.NUM.021.017 Huan, Israelte'n hiai la a sa uh: Aw tuikhuk, hong kikhoh khia inla, a kiang ah lasa un:

21:18b.NUM.021.018 A lalchiang uleh a khetbuk utoh a lalte'n aleh uh, mipite upate'n a toh uh tuikhuk. Huan gamdai a kipan khawng in Matana tan a pai uh:

21:19b.NUM.021.019 Huan, Matana a kipan in Nahaliel ah; Nahaliel a kipan in Bamoth ah:

21:20b.NUM.021.020 Bamoth a kipan in Moab lou a guam leh gamdai sunsuk Pisga vum ah.

21:21b.NUM.021.021 Huan, Israel mite'n Amorte kumpipa Sihon kiang ah mi a sawl ua,

21:22b.NUM.021.022 Na gamah hon paisuak sak ve; lou ah hiam, grep huan ah hiam ka pial kei ding ua; tuileh tuite ka dawn kei ding uh: na gam ka khen masiah uh kumpipa lamlian ah ka paizel ding uhi, chi in.

21:23b.NUM.021.023 Himahleh Sihon in Israel mite a gam a a paisuak uh a phal kei a: Sihon in a mite tengteng a kaikhawm vek a, Israel mite sual ding in gamdai ah a kisakhe zota ua, Jahaz a va tung ua; huan, Israel mite a sual uh.

21:24b.NUM.021.024 Huan, Israel mite'n namsau in a sual ua, a gam Arnon a kipan Jabok tan in, Amon suante tan in a neihsak uh: Amon suante gam a haksa mahmah

21:25b.NUM.021.025 Huan, Israel mite'n huai khua tengteng a la ua: huchi in Israel mite Amorte khua tengteng khawng ah a om ua. Hesbon leh a khopel tengteng khawng ah leng.

21:26b.NUM.021.026 Hesbon khua bel Amorte kumpipa Sihon khua ahi, amah huai ma a Moab kumpipa na nasual a a khut a kipan a a gam tengteng, Arnon tan a laksak pa ahi.

21:27b.NUM.021.027 Huaiziak in la a phuahkhum mite'n, Hesbon ah hong pai unla, Sihon khopi lam leh hihkip hi hen;

21:28b.NUM.021.028 Hesbon a kipan in mei a pawt a, Sihon khopi a kipan in meikuang: Moaba a Ar a kang khin a, Arnon mun sangtoute.

21:29b.NUM.021.029 Na tung a gik, Moab! Na mangthang ta, aw Kemos mi: a tapa taimang ding in a tanute sal in a pi a, Amorte kumpipa Sihon kiang ah.

21:30b.NUM.021.030 Ka va kap ua, Hesbon a mangthang a, Dibon tan in, Nopha tan in ka hihgam uh, huai in Medaba a pha, a chi uh.

21:31b.NUM.021.031 Huchi bang in, Amorte gamah Israel mite a om uh.

21:32b.NUM.021.032 Huan, Mosi in Jazer enkhe ding in a sawl a, huailai a khuate a la ua, huai a Amorte a delhkhia uh.

21:33b.NUM.021.033 Huan, a kik ua, Basan lampi lam ah a paitou ua: huan, Basan kumpipa Og amaute sual ding in, amah leh a mite tengteng, Edrei a na sual ding in a kisa khia uh.

21:34b.NUM.021.034 Huan, TOUPA'N Mosi kiang ah, amah kihta ke'n: amah leng, a mi tengteng leng, a gam leng na khut ah ka hon pe khin ta ahi; Heshon a om Amorte kumpipa Sihon tung a na hih bang in na hih ding ahi, a chi a.Huchi in amah leng, a tapate leng, hawi himhim neilou in a mite tengteng toh a that ua; a gam a luahsak uh.

21:35b.NUM.021.035 Huchi in amah leng, a tapate leng, hawi himhim neilou in a mite tengteng toh a that ua; a gam a luahsak uh.

22

22:1b.NUM.022.001 Huan, Israel suante a paizel ua, Jeriko zawn Jordan gal a Moab phai khawng ah giahbuk a sat uh.

22:2b.NUM.022.002 Huan, Zippor tapa Balak in Israel mite'n Amorte a bawldan tengteng uh a thei a.

22:3b.NUM.022.003 Huan, Moabte'n mite a kihta mahmah ua, a tam ngal ua: Israel suante ziak in Moabte a lungkham uh.

22:4b.NUM.022.004 Huchi in Moabte upate kiang ah, Hiai mipite'n bawng in loupa a nekhin bang in I kim ua mi tengteng a nekhin sin uh, a chi ua. Huchih lai in Zippor tapa Balak bel Moab kumpipa ahi.

22:5b.NUM.022.005 Huaiziak in, Beor tapa Balaam, Pethor a om kiang ah mi a sawl a, huai bel a mite suante gam a lui kiang a om ahi a, amah va sam a, Ngai in, Aigupta gam a kipan a hong paikhia mipi a om ua: ngai in, lei tengteng a tuam dim ua, ka kiang chin ah a om uh:

22:6b.NUM.022.006 Hehpih tak in hong inla, hiai mite hamsiat dih ve; kei a ding in a hat lua ua, ka zoh theih ua ka gam ua kipan a ka delhkhiak theih zenzen khak uleh; na vualzawl peuhmahte vualzawl in a om ua, na hamsiat peuhmahte hamsiat in a om nak uh chih ka thei, chi ding in.

22:7b.NUM.022.007 Huchi in Moab upate leh Midia upate aisan na ding tawi in a pawtkhia ua; Balaam kiang a va tung ua, Balak thukhah a hilh ua.

22:8b.NUM.022.008 Huan, aman a kiang uah, Tuzan zaw hiai ah giak unla, TOUPA'N hon hilh bangbang in na kiang ah thu ka hon tun ding, a chi a: huchi in Moab mi liante Balaam kiang ah a giak ta uhi.

22:9b.NUM.022.009 Huan, Balaam kiang ah Pathian a hong a, Na kiang a mite kuate ahi ua? a chi a.

22:10b.NUM.022.010 Huan, Balaam in Pathian kiang ah, Zippor tapa Moab kumpipa Balak in ka kiang ah,

22:11b.NUM.022.011 Ngai in, Aigupta gam a kipan a hong pai mipite'n lei tengteng a luahdim ua; hong pai inla, hamsia hong lohsak in, ka theih a ka delhkhiak theih zenzen khak leh, chi in mi a hon sawl hi, a chi a.

22:12b.NUM.022.012 Pathian in Balaam kiang ah, A kiang ua na hoh ding ahi kei. Huai mite na hamsiat ding ahi kei: mi hampha ahi uh, a chi a.

22:13b.NUM.022.013 Huchi in Balaam a lak uah a thou a, Balak mi liante kiang ah, Na gam uah painawn ta un: TOUPA'N na kiang ua hoh ding a pawt a phal kei hi, a chi a.

22:14b.NUM.022.014 Huchi in Moab mi liante a thou ua, Balak kiang ah a hoh ua, Balaam ka kiang ua hong pai a ut kei, a chi ua.

22:15b.NUM.022.015 Huan, Balak in mi lian tamsem, a sang ua thupi zaw a sawl nawn a,

22:16b.NUM.022.016 Huan, Balaam kiang a va tung ua, a kiang ah, Zippor tapa Balak in hichi in a chi ahi, Ka kiang a na hong bangmah in dal kei hen:

22:17b.NUM.022.017 Mi thupi tak in ka hon bawl ding a, ka kiang a na gen peuhmah ka hih zel ding: huaiziak in hong pai teitei inla, hiai mite hong hamsiat mahmah mai in, a chi ua.

22:18b.NUM.022.018 Huan, Balaam in Balak mite a dawng a, a kiang uah, Balak in a inn dangka leh dangka-eng a dim in hon pe sin mahleh, a bang mahmah TOUPA ka Pathian thu pel in ka hih theikei.

22:19b.NUM.022.019 Huaiziak in TOUPA'N ka kiang ah bang chi in ahia a gen nawn sin, tuzan leng hiai lai ah giak peuhmah phot un, a chi a.

22:20b.NUM.022.020 Huan, zan in Balaam kiang ah Pathian a hong a, a kiang ah, Hiai mite nang hong sam a hong a hih uleh, thou inla, a kiang uah hoh in; hmahleh na kiang a ka gen kia na hih ding ahi, chi a.

22:21b.NUM.022.021 Huchi in Balaam zing in a thou a, a sabengtung a van a, Moab mi liante kiang ah a hoh ta hi.

22:22b.NUM.022.022 Huan, a hoh ziak in Pathian a heh mahmah a, huan na lamdal ding in TOUPA angel lampi ah a na ding a. A sabengtung tung a tuang ahi a, a sikhate nih leng a kiang ah a om tei ua.

22:23b.NUM.022.023 Huan, sabengtung in TOUPA angel, namsau tawi a lampi a ding a mu a; huchi in sabengtung lampi a kipan a pialkhia a, gamlak ah a pai a. Huan, Balaam in sabengtung lampi a kiksak tum in a khen a.

22:24b.NUM.022.024 Huan TOUPA angel grep huan umna kikal kuak ah a ding a,

22:25b.NUM.022.025 Huan, sabengtung in TOUPA angel a mu a, umna a va ngai a, Balaam khe umna toh a ngaiden a; huchi in a khen nawn hi.

22:26b.NUM.022.026 Huan, TOUPA angel a pam deuh ah a pai a, mun kochik laitak, taklam hiam, veilam hiam a leng pialna omlouhna laitak ah a ding a.

22:27b.NUM.022.027 Huan, sabengtung in TOUPA angel a mu a, Balaam a kualpih ta a; Huchi in Balaam a heh mahmah a, achiang in sabengtung a khen a.

22:28b.NUM.022.028 Huchi in TOUPA'N sabengtung a pausak a, Balaam kiang ah, Bang kon chih a ahia? thumvei tak na hon huchi khet? a chi a.

22:29b.NUM.022.029 Huan, Balaam in sabengtung kiang ah, No'n simmoh ziak in ahi: namsau houh na tawi hileng, ka hoh hihlum khinta hial ding, a chi a.

22:30b.NUM.022.030 Huan, sabengtung in Balaam kiang ah, Tu tan a na tuanna ngitnget na sabengtung ka hi ka hia? hichi bang in ka hon hih ngei ahia? a chi a. Aman bel, Hih ngeilou e, a chi a.

22:31b.NUM.022.031 Huan, TOUPA'N Balaam mit a vaksak a, huchi in TOUPA angel namsau tawi a lampi a ding a mu ta a, a kun a, mai a lei si in a khupboh a.

22:32b.NUM.022.032 Huan, TOUPA angel in a kiang ah, Bang achia hichi bang a na sabengtung thum vei tak khen na hia? Ngai in, na gamtatdan ka mitmuh a siat a hih ziak in hon na lamdal ding a hong pawtkhia ka hi:

22:33b.NUM.022.033 Huan, sabengtung in a hon mu a, ka maa thum vei pial ahi: pial kei ngial leh houh amah hihlum lou in nang ka hon hihlum hial khin ta ding, a chi a.

22:34b.NUM.022.034 Huan, Balaam in TOUPA angel kiang ah, ka na khial ta ahi: hon na lamdal ding in lampi ah na ding chih lah ka thei ngal kei a, a chi a.

22:35b.NUM.022.035 Huan, TOUPA angel in Balaam kiang ah, Hiai mite kiang ah hoh inla; himahleh na kiang a ka thugen ding kia na gen ding ahi, a chi a. Huchi in Balaam Balak mi liante kiang ah a hoh ta hi.

22:36b.NUM.022.036 Huan, Balak in Balaam a hong chih a zak in Arnon lam a a gamgi chiang uah Moab khopi pha in a va dawn a, huai bel gamgi tawpna ahi.

22:37b.NUM.022.037 Huah, Balak in Balaam kiang ah, Phatuamngai tak a nang hong sam ding in mi ka hon sawl ahi kei maw? Bang ding a ka kiang a hong nuam lou na hia? Mi thupi tak in ka hon bawl thei ka hia? a chi a.

22:38b.NUM.022.038 Huan, Balaam in Balak kiang ah, Ngai in, ka hong hi; bang peuhmah gen theihna mawngmawng ka nei ahia? Pathian in ka kam a thu a koih kia ka gen sin ahi, a chi a.

22:39b.NUM.022.039 Huchi in Balaam Balak kiang ah a hoh ta a, Kiriat-huzot a va tung ua.

22:40b.NUM.022.040 Huan, Balak bawng leh belam in a kithoih a, Balaam leh a kiang a mi lian omte a khak a.41 Huan, hichi ahi a, a zingsang in Balak in Balaam a pi a, Baal mun sangte ah a hohtouh pih a, huai a kipan in mipi omna chiangchiang a mu pha hi.

22:41b.NUM.022.041 41 Huan, hichi ahi a, a zingsang in Balak in Balaam a pi a, Baal mun sangte ah a hohtouh pih a, huai a kipan in mipi omna chiangchiang a mu pha hi.

23

23:1b.NUM.023.001 Huan, Balaam in Balak kiang ah, hiai lai ah maitam sagih hon bawl inla, bawngtal sagih leh belamtal sagih hon suktuah sak ve, a chi a.

23:2b.NUM.023.002 Balak in Balaam gen bang in a hih a: huan, Balak leh Balaam in maitam chin ah bawngtal khat leh belam khat a lan ua.

23:3b.NUM.023.003 Huan, Balaam in Balak kiang ah, Na halmang thillat bul ah na ding gige inla, kei zaw ka va pai tuam ding; TOUPA hon houpih ding in a hong pai kha thei ahi, huan, a hon hilh peuhmah ka hon hilh ding, a chi a.

23:4b.NUM.023.004 Huchi in mual giau velvul ah a hohtou a. Huan, Pathian in Balaam a na kituahpih a; huan, aman a kiang ah, Maitam sagih ka bawlkhin a; huan maitam chih ah bawngtal khat leh belamtal khat ka lan chiat hi, a na chi a,

23:5b.NUM.023.005 Huan, TOUPA'N Balaam kam ah thu a koih a, Balak kiang ah kik nawn ta inla, va gen sawn in, a chi a.

23:6b.NUM.023.006 Huchi in a kiang lam ah a kik nawn ta a: huan, ngai in, a halmang thillat bul ah a na ding thek a, amah leh Moab mi lian tengteng toh.

23:7b.NUM.023.007 Huan, aman thu a gen ta a, Arom a kipan Balak in a hon pi a, suahlam tang a Moab kumpipa in, Hong inla, Jakobte hon hamsiat sak in, hong inla, Israelte hong nan sak in.

23:8b.NUM.023.008 Bangchi in Pathian hamsiat louh ka hamsiat dia? Bangchi in Pathian nan louh ka nang dia?

23:9b.NUM.023.009 Amau lah suangpi tung khawng a kipan in ka mu ngal a, tang a kipante khawng in amau ka mu a, tang a kipante khawng in amau ka mu a, ngai in, nam tuam petmah ahi uh, namte lak a sim louh ding ahi uh.

23:10b.NUM.023.010 Jakobte leivui kuan a sim thei dia, Israelte mun li a khen kun khat kua'n ahia sim thei ding? Mi diktat sih bang in si sam leng, ka tawpna bang hileh! a chi a.

23:11b.NUM.023.011 Huan, Balak in Balaam kiang ah, No'n bawldan bangchidan ahia? Ka melmate hamsiat ding in ka hon pi a, lah vual na zawl zo mawk ngal a! a chi a.

23:12b.NUM.023.012 Aman a dawng a, TOUPA'N ka kam a a koih ka gen ding mah hilou ding maw? a chi a.

23:13b.NUM.023.013 Huan, Balak in a kiang ah, Mun dang ah hoh nawn dih ni e, huai a kipan in na thei vek ding: a omna chiangchiang uh na mu ding, a vek un zaw na mukhin khol kei ding: huai a kipan in hon hamsiat sak in, a chi a.

23:14b.NUM.023.014 Huchi in Zophimte omna Pisga vum ah a pitou a, maitam sagih a bawl a, maitam chih ah bawngtal khat leh belamtal khat a lan a.

23:15b.NUM.023.015 Huan, Balak kiang ah, Pam a TOUPA ka va houpih sung in na halmang thillat bul ah na ding thek in, a chi a.

23:16b.NUM.023.016 Huan, TOUPA'N Balam a na kituahpih a, a kam ah thu a koih a, Balak kiang ah kiknawn ta inla, a kiang ah, va gensawn in, a chi a.

23:17b.NUM.023.017 Huan, a kiang ah a va hoh a, ngai in, a halmang thillat bul ah a na ding nilouh a, Moab mi liante leng a kiang ah a om tei ua. Huan, Balak in a kiang ah, TOUPA'N bang a na gen a? a chi a.

23:18b.NUM.023.018 Huchi in aman thu a gen ta a, Thou inla, Balak, ngaikhia in: Zippor tapa, ka thu ngai in:

23:19b.NUM.023.019 Pathian zaw zuauhat mihing phet ahi kei, kisik hat mihing tapa leng ahi sam kei. A gensa a hih kei dia hia? A na gen sa a hih piching kei dia hia?

23:20b.NUM.023.020 Ngai in, vualzawl ding in thu ka mu a, vual a zawl khin a, ka hih lamdang theikei.

23:21b.NUM.023.021 Jakobte thulim louhna himhim a mu kei a, Israelte ah phengphitna a mu sam kei: TOUPA a Pathian uh a kiang uah a om a, a lak uah kumpipa pahtawina husa a om hi.

23:22b.NUM.023.022 Aigupta a kipan in Pathian in a pikhia a, gam bawngtal tha bang a nei ua,

23:23b.NUM.023.023 Jakobte tungah bumhaina a om kei, Israelte tungah leng khimhaina a om sam kei. Jakobte leh Israelte kiang ah Pathian thilhih hihlat zel ahi!

23:24b.NUM.023.024 Ngai in, mipite humpinelkaipi bang in a thou ua, humpneikai bang in a dinthoh ua; a sa mat uh a nek ma un a lum kei ding uh, a mat uh sisan a dawn ma un, a chi.

23:25b.NUM.023.025 Huan, Balak in Balaam kiang ah, Hamsiat kenla, vualzawl leng vualzawl ken, a chi a.

23:26b.NUM.023.026 Himahleh Balaam in a dawng a, Balak kiang ah, TOUPA'N a gen tengteng ka hih ngeingei ding ahi, chi in ka hon hilh khin ahi kei maw? a chi a.

23:27b.NUM.023.027 Huan, Balak in Balaam kiang ah, Hong dih mun dang ah ka honpi nawn deh; huai a kipan in no'n hamsiat sak Pathian in a phal kha zenzen hiam, a chi a.

23:28b.NUM.023.028 Huchi in Balak in Balaam gamdai suk et Peor vum ah a pitou a.

23:29b.NUM.023.029 Huan, Balaam in Balak kiang ah, Hiai lai ah maitam sagih hon bawlsak inla, bawngtal sagih leh belamtal sagih hon suktuah sak in, a chi a.Huan, Balak in Balaam gen bang in a hih a, maitam chih ah bawngtal khat leh belamtal khat a lan hi.

23:30b.NUM.023.030 Huan, Balak in Balaam gen bang in a hih a, maitam chih ah bawngtal khat leh belamtal khat a lan hi.

24

24:1b.NUM.024.001 Huchi in, Israelte vualzawl sak TOUPA deihlam ahi chih Balaam in a theih in ni dang a a hih bang in khimhaina lam hih ding a hoh lou in gamdai lam a zuan zo ta.

24:2b.NUM.024.002 Huan, Balaam a vandak a, Israel mite a nam dan uh dungzui zel a om a mu a; huan, Pathian kha a tungah a hong tung hi

24:3b.NUM.024.003 Huan, hiai thu a gen a, Beor tapa Balaam vak:

24:4b.NUM.024.004 Pathian thute za a, Bangkim hihthei a kilakna mu a khup a puk mit hong vak ta in,

24:5b.NUM.024.005 Jakobte aw, na puan innte uh hoih hina mah e, Israelte aw, na biakbukte uh!

24:6b.NUM.024.006 Guam bang in a kiphah zeizoi a, lui dung a huante bang in, TOUPA suan tosaw bang in, lui dung a sidar singte bang ahi uh.

24:7b.NUM.024.007 A baltin a kipan in tui a luangkhe ding a, a chi tui tampi ahte a om ding a, a kumpipa Agag sang in a thupi ding.

24:8b.NUM.024.008 Aigupta a kipan Pathian in a pikhia a, gam bawngtal tha bang a nei uh, nam dang a melma uh a nekhin ua, guhte uh a hihzan vek ding uh, a thal un a kap pailet ding uh.

24:9b.NUM.024.009 A kun ua, humpinelkai bang in a kual ua, humpinelkai bang mai in; kuan a tokthou dia? Hon vualzawl peuhmahte vualzawl in om uhenla, hon hamsiat peuhmahte hamsiat in om uhen, a chi a.

24:10b.NUM.024.010 Huchi in Balaam tungah Balak a heh mahmah a: Balak in Balaam kiang ah Ka melmate hamsiat ding in ka hon sam a, tu in, thumvei tak amau na vualzawl ta,

24:11b.NUM.024.011 Huaiziak in na omna ah paimang in: thupi tak a hon tawisang ding ka hoh chih na hi a; himahleh, ngai in, TOUPA'N nang kon tawisang a dal ahi, a chi a.

24:12b.NUM.024.012 Huan, Balaam in Balak kiang ah, Na mi sawlte kiang ah leng ka gen him kei maw.

24:13b.NUM.024.013 Balak in a inn dangka leh dangka-eng a dim in hon pe sin mahleh, a hoihlam hiam, a selam hiam keimah lungsim a suak mawng in TOUPA thu khen lam ah bangmah ka hih theikei: TOUPA'N a gen peuhmah ka gen ding, chi in?

24:14b.NUM.024.014 Ngai in, ka mite kiang ah ka pai ta ding a, hong in, hiai mite'n tunung chiang a na mite tung a a hihdan ding ka hoh hilh ding, a chi a.

24:15b.NUM.024.015 Huan, hiai thu a gen a. Beor tapa Balaam mit vak:

24:16b.NUM.024.016 Pathian thute za a, Tungnungpen theihna a, Bangkim hihthei a kilakna mu, a khup a puk a mit hong vak ta in;

24:17b.NUM.024.017 Amah ka mu a, tua a om bang hilou ka en a, nai chik a bang hilou in: Jakob a kipan in aksi a hong suakkhe ding a, Israel a kipan in lalchiang a hong dingkhe ding a, Moab gam tawn in a sun pailet ding a, buaina ta tengteng a hihniam ding hi.

24:18b.NUM.024.018 A melma Edom leh Seirte a tang ta ding a; Israel tan a hoih sun teng.

24:19b.NUM.024.019 Jakob a kipan in kua hiam a lal ding a, khua a omsunte a hihmang ding, a chi, a chi a.

24:20b.NUM.024.020 Huan, Amalek lam a nga a, thu a gen a, Amalek bel nam bul pen ahi na a, a dawn lam manthatna ahi, a chi a.

24:21b.NUM.024.021 Huan, Ken lam a nga a, thu a gen a, Na omna mun zaw a kip a, na bu suangpi a seh ahi.

24:22b.NUM.024.022 Assurte sal a hon pimang uh tan in, a chi a.

24:23b.NUM.024.023 Huan, thu a gen nawn a, Pathian in hichi bang a a hih in kua a hing thei dia leh?

24:24b.NUM.024.024 Himahleh Kittim gam a kipan in longte a hong tung ding a, Assur a hihgim ding ua, Eber a hihgim ding ua, amah leng a mangthang ding, a chi a.Huchi in Balaam a thou a, a kholam ah a paita: Balak leng a pai sam hi.

24:25b.NUM.024.025 Huchi in Balaam a thou a, a kholam ah a paita: Balak leng a pai sam hi.

25

25:1b.NUM.025.001 Huchi in, Israelte Sittim ah a om ua, huan, Moabte tanute a kithuahpih chiat ta ua:

25:2b.NUM.025.002 A pathiante uh kiang a kithoihnate uah achial ua; huchi in a ne ua, a pathiante uh chibai a buk tei ta uh.

25:3b.NUM.025.003 Huan, Israelte'n Baalpeor mah a pom tei ta ua; huchi in Israelte tungah TOUPA a heh mahmah hi.

25:4b.NUM.025.004 Huchi in TOUPA'N Mosi kiang ah, Mipite heutu tengteng pi inla, TOUPA hehna kihtakhuai tak mai Israelte tung a kipan a a kikhinmang theihna ding in sun khovak ah TOUPA mah ah awklum sak in, a chi a.

25:5b.NUM.025.005 Huan, Mosi in Israelte vaihawm mite kiang ah, Baal-peor pom peuhmahte hihlum vek un, a chi a.

25:6b.NUM.025.006 Huan, ngai in, Israel lak a mi khat in kihoupihna puan inn kongkhak a a kah laitak un Mosi mitmuh in leh Israelte omkhawm mitmuh in Midia numei khat a unaute kiang ah a hon pi a

25:7b.NUM.025.007 Huan, siampu Aron ta Eleazar tapa Phinehasa a muh leh omkhawmte a kipan a thou a, teipi a la ta hi;

25:8b.NUM.025.008 Huan, Israel mi puan inn sung ah a delh lut a, Israel mi toh a nih un a sun pailet a, numei pen a gil ah. Huch in Israel suante tung a gawtna a dai ta hi.

25:9b.NUM.025.009 Huai mi gawtna a site sing nih leh sang li ahi uh.

25:10b.NUM.025.010 Huan, TOUPA'N Mosi a houpih a,

25:11b.NUM.025.011 Siampu Aron ta Eleazar tapa Phinehasa in ka thik bang a a lak ua a mullitna in ka hehna Israel suante lak a kipan a kikhinkhe sak ta a, huchi ka mullitna in Israel suante ka hihmangthang kei ding.

25:12b.NUM.025.012 Huaiziak in, Ngai in, ka kilemna thukhun a tungah ka khung ding a;

25:13b.NUM.025.013 Huan, amah leh a nung a a suante ding in khantawn siamputna thukhun ahi ding a; a Pathian a dia mullit, Israel suante ding a kilemna a bawl ziak in, chi in, chi in.

25:14b.NUM.025.014 Israel mi a thah uh, Midia numei toh a thah uh min Zimri, Simeonte lak a a innkuan inntek pen Salu tapa ahi.

25:15b.NUM.025.015 Huan, Midia numei a thah uh min Kozbi, Zur tanu ahi: amah Midiate innkuan lak a heutu ahi.

25:16b.NUM.025.016 Huan, TOUPA'N Mosi a houpih a,

25:17b.NUM.025.017 Midiate hih lungzing unla, hih niam un:Amau leng Peor tungtang thu ah leh Peor tungtang thu a gawt ni a a sanggamnu uh, Midiate mi lian tanu a thah uh, Kozbi tungtang thu ah git louh pil a a honkhem uh bang in a hon khem lailai ngal ua, chi in.

25:18b.NUM.025.018 Amau leng Peor tungtang thu ah leh Peor tungtang thu a gawt ni a a sanggamnu uh, Midiate mi lian tanu a thah uh, Kozbi tungtang thu ah git louh pil a a honkhem uh bang in a hon khem lailai ngal ua, chi in.

26

26:1b.NUM.026.001 Huan, Gawtna a daih nung in hich ahi a, TOUPA'N Mosi leh siampu Aron tapa Eleazar a houpih a,

26:2b.NUM.026.002 Israel suante omkhawm tengteng, kum sawmnih a kipan tung lam, a chichi in Israel gam a galkap thei chiang teng sim vek un, chi in.

26:3b.NUM.026.003 Huchi in Mosi leh siampu Eleazar in Jeriko zawn, Jordan gei, Moab phai ah amaute a houpih a,

26:4b.NUM.026.004 Mipite kum sawmnih a kipan tung lam sim un, chi in; TOUPA'N Mosi leh Aigupta gam a kipan Israel suante kiang a thu a piak bang in.

26:5b.NUM.026.005 Israel ta chil Reuben: Reuben tapate: Hanokte innkuan lak a mi Hanok: Palute innkuan lak a mi Palu:

26:6b.NUM.026.006 Hezronte innkuan lak a mi Hezron, Karmite innkuan inntek pen Karmi.

26:7b.NUM.026.007 Hiaite Reubente innkuan ahi uh: Sim ching tengteng singli leh sangthum leh zasagih leh sawmthum ahi uh.

26:8b.NUM.026.008 Palu suan, Eliab.

26:9b.NUM.026.009 Huan, Eliab suante; Neumuel, Dathan, Ahiram ahi uh. Hiai Dathante leh Abiramte ahi ua, TOUPA a suallai ua Mosi leh Aron sualpa Kora pawl a tel omkhawmte telte:

26:10b.NUM.026.010 Huan, huai pawl a sih lai un lei in a kam a ka a, Korate toh a valh khawm a: mei in mi zanih leh sawmnga a velh lai in, huchi in chiamtehna a na hi ta uh.

26:11b.NUM.026.011 Himahleh Kora tapate a si kei uh.

26:12b.NUM.026.012 A innkuan uh kizomdan tang zel a suante: Nemuel suante Nemuelte. Jamin suante Maninte: Jakin suante Jakinte:

26:13b.NUM.026.013 Zera suante Zerate: Sawl suante Sawlte ahi uh.

26:14b.NUM.026.014 Hiaite Simeon suante ahi ua, singnih leh sangnih leh zanih ahi uh.

26:15b.NUM.026.015 A innkuan kizomdan bang a Gad tapate: Zephon suan Zephonte: Haggi suante Haggite, Sunni suante Sunnite:

26:16b.NUM.026.016 Ozni suante Oznite:

26:17b.NUM.026.017 Eri suante Erite: Arod suante Arodte: Areli suante Arelite.

26:18b.NUM.026.018 Hiaite a simdan bang ua Gad tapate suante ahi uh, singli leh zanga ahi uh.

26:19b.NUM.026.019 Huan, Juda tapate, Er leh Onan: Er leh Onan Kanan gamah a si uh.

26:20b.NUM.026.020 Huan, Juda suante innkuan paidan hichi ahi a: Sela suan Selate.

26:21b.NUM.026.021 Perez suante Perezte: Zer suante Zerte ah uh: Huan, Peres suante: Hezron suante Hezronte: Hamul suante Hamulte ahi uh.

26:22b.NUM.026.022 Hiaite a simdan bang un Juda tapate suante ahi uh, nuaiguk leh singkhat leh sangguk leh zanga ahi uh.

26:23b.NUM.026.023 A innkuan uh kizomdan bang zel a Isakar suante: Tola suante Tolate: Pua suante Puate:

26:24b.NUM.026.024 Jasub suante Jasubte: Simron suante Simronte ahi uh.

26:25b.NUM.026.025 Hiaite a simdan bang un Isakar tapate suante ahi uh, singguk leh sangli leh zathum ahi uh.

26:26b.NUM.026.026 A innkuan uh kizomdan bang zel a Zebulun suante: Sered suante Seredte: Elon suante Elonte: Jaleel suante Jaleelte ahi uh.

26:27b.NUM.026.027 Hiaite a simdan bang ua Zebulunte suante ah uh, singguk leh zanga ahi uh.

26:28b.NUM.026.028 A innkuan uh kizomdan bang zel a Joseph suante: Manase leh Ephraim.

26:29b.NUM.026.029 Manase suante: Makir suante Makirte: Huan, Makir in Gilead a suang a: Gilead suante Gileadte ahi uh.

26:30b.NUM.026.030 Hiaite Gilead suante ahi uh: Iezer suante Iezerte: Helek suante Helekte:

26:31b.NUM.026.031 Asriel suante Asrielte: Sekem suante Sekemte:

26:32b.NUM.026.032 Semid suante Semidte: Hepher suante Hepherte ahi uh.

26:33b.NUM.026.033 Huan, Hepher tapa Zelophedhad in tapa neilou in tanute a nei a: Zelophedhad tanute min Malate, Novate, Hoglate, Milkate, Zirzate ahi uh.

26:34b.NUM.026.034 Hiaite Manase suante ahi uh. A sim teng uh singnga leh sangnih leh za sagih ahi uh.

26:35b.NUM.026.035 Hiai a innkuan uh kizomdan bang zel a Ephraim suante ahi uh: Suthela suante Suthelate: Beker suante Bekerte: Tahan suante Tahante ahi uh.

26:36b.NUM.026.036 Huan, hiaite Suthela suante ahi uh. Eran suante Erante ahi uh.

26:37b.NUM.026.037 Hiaite a simdan bang un Ephraim suante innkuan ahi ua, singthum leh sangnih leh zanga ahi uh. Hiai a innkuan kizomdan bang zel ua Joseph suante ahi uh

26:38b.NUM.026.038 A innkuan uh kizomdan bang zel a Benjamin suante: Bela suante Belate: Asbel suante Asbelte: Ahiram suante Ahiramte.

26:39b.NUM.026.039 Supham suante Suphamte. Hupham suante Huphamte ahi uh.

26:40b.NUM.026.040 Huan, Bela suante Ardi leh Naaman ahi uh: Ardi suante Ardite: Naaman suante Naamante ahi uh.

26:41b.NUM.026.041 Hiaite a innkuan uh kizomdan bang zel in Benjamin suante ahi uh: Huan, a sim teng uh singli leh sangnga leh zaguk ahi uh.

26:42b.NUM.026.042 Hiaite a innkuan uh kizomdan bang zel a Dan suante ahi uh: Saham suante Sahamte ahi uh. Hiaite a innkuan uh kizomdan bang zel a Dan suante ahi uh.

26:43b.NUM.026.043 Saham suante tengteng a simdan bang un singguk leh sangli leh zali ahi uh.

26:44b.NUM.026.044 A innkuan uh kizomdan bang zel a Aser suante: Imna suante Imnate: Isvi suante Isvite.

26:45b.NUM.026.045 Beria suante Beriate ahi uh. Beria suante: Heber suante Heberte: Malkiel suante Makielte ahi uh.

26:46b.NUM.026.046 Huan, Aser tanu min Ser ahi.

26:47b.NUM.026.047 Hiaite Aser tapate suante a sim teng uh ahi ua, singnga leh sangthum leh zali ahi uh.

26:48b.NUM.026.048 A innkuan uh kizomdan bang zela Naphtali suante: Jazeel suante Jazeelte: Guni suante Gunite;

26:49b.NUM.026.049 Jezer suante Jezerte: Silem suante Silemte ahi uh.

26:50b.NUM.026.050 Hiaite a innkuan uh kizomdan bang zel a Naphtali suante ahi uh: a sim teng uh singli leh sangnga leh zali ahi uh.

26:51b.NUM.026.051 Hiaite Israel tate a sim teng uh ahi ua, nuaiguk leh sangkhat leh zasagih leh sawmthum ahi uh.

26:52b.NUM.026.052 Huan, TOUPA'N Mosi a houpih a,

26:53b.NUM.026.053 Hiaite a min zah zel un gam hawm sak ding ahi.

26:54b.NUM.026.054 A tam deuhte gam na pe tam ding a, a tawm deuhte gam na pe tawm ding hi: simdan bang in gam piak chiat ding ahi.

26:55b.NUM.026.055 Himahleh aisan a gam hawm ding ahi: a pute nam min kizomdan bang zel in gam a tang ding uh.

26:56b.NUM.026.056 Aisan bang zel in gam a tam leh a tawmte kiang ah hawm ahi ding hi.

26:57b.NUM.026.057 Huan, hiaite Levite a innkuan kizomdan bang zel a simte ahi uh. Gerson suante Gersonte: Kohath suante Kohathte: Merari suante Merarite ahi uh.

26:58b.NUM.026.058 Hiaite Levi suante ahi uh: Libni suante, Hebron suante, Mahli suante, Musi suante, Kora suante ahi uhi.

26:59b.NUM.026.059 Huan, Kohat in Amram a suang a, Huan, Amram zi min Jokebed, Levi tanu, Aigupta gam a Levi lak a piang ahi a, huan, aman Amram lak ah Aron leh Mosi leh a sanggamnu Miriam a suang hi.

26:60b.NUM.026.060 Huan, Aron in Nadabte, Abihute, Eleazarte, Ithamarte, a suang hi.

26:61b.NUM.026.061 Huan, Nadab leh Abihu in TOUPA zat louh ding chi mei a zat lai un a si uhi.

26:62b.NUM.026.062 Huan, sim tengteng pasal kha khat chiang tung lam teng singnih leh sangthum ahi uh. Israel mite lak ah gam hawm tang tei ding a hih louh ziak un Israel mite lak ah sim ahi kei uh.

26:63b.NUM.026.063 Hiaite ahi uh Jeriko zawn, Jordan gei, Moab phai a Israel suante simpa Mosi leh siampu Eleazar in a sim uh.

26:64b.NUM.026.064 Sinai gamdai a Israel mite Mosi leh siampu Aron in a simte khat lel leng a om ta kei.TOUPA'N, Gamdai ah a si ngeingei ding uh ahi, a na chi khin ta ngal a, Jephune tapa Kelep leh Nun tapa Josua loungal kuamah dam a omta kei uhi.

26:65b.NUM.026.065 TOUPA'N, Gamdai ah a si ngeingei ding uh ahi, a na chi khin ta ngal a, Jephune tapa Kelep leh Nun tapa Josua loungal kuamah dam a omta kei uhi.

27

27:1b.NUM.027.001 Huan, Joseph tapa Manase suan Manase ta Makir, huai mi ta Gilea, huai mi ta Hepher tapa Zelophehad tanute a hong pai ua: a tanute min: Mala bang, Nova ban, Hogla bang, Milka bang, Tirza bang ahi uh.

27:2b.NUM.027.002 Huan, kihoupihna puan inn kongkhak ah Mosi leh Siampu Eleazar leh mi liante leh omkhawmte tengteng maitam ah a va ding ua,

27:3b.NUM.027.003 Gamdai ah ka pu uh a si a, TOUPA sual ding a kikhawm pawl, Kora pawl ah tel tei kei: Himahleh amah khelh ziak in a si a, tapa a neikei hi.

27:4b.NUM.027.004 Tapa a neih louh ziak lel in bang ding a ka pa uh min a suante lak a kipan mang ding ahia? Ka pa unaute lak ah tantuan hon pia in, a chi ua.

27:5b.NUM.027.005 Huan, Mosi in a thu uh TOUPA ma ah a tun a.

27:6b.NUM.027.006 Huan, TOUPA'N Mosi a houpih a,

27:7b.NUM.027.007 Zelophehad tanute'n a hihdik uhi: a pa uh unaute lak ah tantuan na bawl ngei ding ahi, a pa uh tantuan na piak ding ahi.

27:8b.NUM.027.008 Huan, Israel suante'n a kiang ah, Mi, tapa neilou a a sih leh a gou a tanute na piak ding uh ahi.

27:9b.NUM.027.009 Huan, tanu a neih kei leh a gou a unaute na piak ding uh ahi.

27:10b.NUM.027.010 Huan, unaute a neih kei leh a gou a pa unaute na piak ding uh ahi.

27:11b.NUM.027.011 Huan, a pa'n unaute a neih kei leh a gou a tanau na pe ding ua, aman a luah ding a: huan, TOUPA'N Mosi thu a piak bang in Israel suante ding in dan thupiak kip ahi ding, chi in gen in, chi in.

27:12b.NUM.027.012 Huan TOUPA'N Mosi kiang ah, Abarim tang ah hohtou inla, Israel suante ka piak ding gam va en in.

27:13b.NUM.027.013 Huan, na muh khit chiang in na unaupa Aron a chipihte kiang ah pi a hih mah bang in nang leng pi na hi ta ding hi!

27:14b.NUM.027.014 Zin gamdai a a kikhawmte a phun lai ua a mitmuh ua tui a kei hon pahtawi ding a ka thu ka honpiak kalh a na hel ziak in, a chi a (Huaite Zin gamdai a Kadesa Mariba tuite ahi).

27:15b.NUM.027.015 Huan, Mosi in TOUPA a houpih a,

27:16b.NUM.027.016 Khawmpite tung a om ding mi khat, sa tengteng khate Pathian, TOUPA'N sep hen.

27:17b.NUM.027.017 TOUPA mi khawmpite chingmi neilou belam bang a a om louhna ding un, a ma uh kai ding, amaute pikhia a pilut ding in, chi in.

27:18b.NUM.027.018 Huan, TOUPA'N Mosi kiang ah, Nun tapa mi lungsim neitak Josua pi inla, a tungah na khut nga inla:

27:19b.NUM.027.019 Siampu Eleazar leh khawmpite ma ah ding sak inla, a mitmuh uah thuneihna pia in.

27:20b.NUM.027.020 Huan, Israel suante omkhawm tengteng in thu a man theihna ding un a tungah na thupina nga in.

27:21b.NUM.027.021 Huchi in amah siampu Eleazar ma ah a ding diing a, aman TOUPA ma ah Urmin thu a laksak ding a: a thu in a pawt ding ua, a thu in a lut ding ua, amah leh Israel suante tengteng, omkhawmte toh a chi a.

27:22b.NUM.027.022 Huan, Mosi in TOUPA thupiak bang in a hih a: Josua a pi a, Eleazar leh omkhawmte ma ah a ding sak a:Huan, a tungah a khut a nga a, Mosi zang a TOUPA'N a gen bang in thuneihna a peta hi.

27:23b.NUM.027.023 Huan, a tungah a khut a nga a, Mosi zang a TOUPA'N a gen bang in thuneihna a peta hi.

28

28:1b.NUM.028.001 Huan, TOUPA'N Mosi a houpih a,

28:2b.NUM.028.002 Israel suante thu pia inla, a kiang uah, Ka ann kei a dia gimlim mei a thillat, ka kiang ah thillat pen a hun geih zel chiah na lan ding uhi, chi in.

28:3b.NUM.028.003 Huan, a kiang uah, Hiai mei a thillat TOUPA kiang a na lat ding uh ahi; belamnou a pa, kum khat a upa, gensiatbei, ni teng in nih, halmang thillat lan gige ding in.

28:4b.NUM.028.004 Belamnou khat zingsang in na lan ding ua, khat nitaklam in na lan ding uh:

28:5b.NUM.028.005 Tangbuang thillat ding in tangbuang nelte epha mun sawm a khen mun khat sathau suk hin mun li a khen mun khat a hel toh.

28:6b.NUM.028.006 TOUPA ding a mai a thillat, gimlim ding a sinai tang a sehsa halmang a thillat lat gige ding chih ahi.

28:7b.NUM.028.007 Huan, belamnou khat latna a dawn ding thillat, hin mun li a khen mun khat ahi ding ahi: TOUPA ding a uain, dawn ding thillat mun siangthou ah na bungkhe ding ahi.

28:8b.NUM.028.008 Huan, belamnou khat nitaklam in na lan ding hi: zingsang lam in tangbuang thillat bang leh huai a dawn ding thillat bangbang TOUPA ding a gimlim di'n mei a thillat na lat ding ahi.

28:9b.NUM.028.009 Huan, khawlni in belamnou, a pa kum khat a upa gensiatbei nih leh tangbuang thillat ding in tangbuang nelte epha mun sawm a khen a mun nih sathau a helkhawm leh huai a dawn ding thillat toh na lat ding ahi;

28:10b.NUM.028.010 Hiai khawlni teng a halmang a thillat lat gige leh huai a dawn ding thillat sim louh a halmanga thillat lat ding ahi.

28:11b.NUM.028.011 Huan, na kha thak teng un TOUPA ding halmang thil na lat ding uh ahi; bawngtal tung nih leh belamtal khat leh belamnou a pa kum khat a upa gensiatbei sagih;

28:12b.NUM.028.012 Huan, bawngtal chih ah tangbuang thillat ding tangbuang nelte sathau a helkhawm epha mun sawm a khen a mun thum; huan, belam khat ah tangbuang thillat ah tangbuang nelte, sathau a helkhawm mun sawm a khen a mun nih;

28:13b.NUM.028.013 Huan, belamnou chih ah tangbuang thillat ah tangbuang nelte, sathau a helkhawm mun sawm a khen a mun khat: hiai halmang thillat gimlim TOUPA a dia mei a thillat ahi.

28:14b.NUM.028.014 Huan, a dawn ding thillat uh bawngtal khat ah uain hin kimkhat ahi ding a belamtal khat ah hin mun thum a khen a mun khat, belamnou khat ah hin mun li a khen a mun khat: hiai kumtawn a kha teng halmang thillat ahi.

28:15b.NUM.028.015 Huan, TOUPA kiang a khelh thoihna dia keltal khat na lat ding uh ahi; halmang a thillat lat gige leh huai a dawn ding thillat sim lou in.

28:16b.NUM.028.016 Huan, kha khat na, ni sawm leh ni li ni TOUPA paikan ahi.

28:17b.NUM.028.017 Huan, huai kha ni sawm leh ni nga ni annkuanglui ni ahi ding; ni sagih tanghou silngou soh louh nek ding ahi.

28:18b.NUM.028.018 Ni khat ni in khawmpi siangthou a om ding a: bang nna mahmah na sep ding uh ahi kei;

28:19b.NUM.028.019 Mei a thillat bel TOUPA kiang a na lat ding uh ahi; bawngtal tung nih leh belamtal khat leh belamnou a pa kum khat a upa sagih: na ngaihtuah ua gensiatbei ahi ding ahi:

28:20b.NUM.028.020 Tangbuang nelte, sathau helkhawm, a tangbuang thillat utoh: bawngtal khat ah mun sawm a khen a mun thum belamtal khat ah mun sawm a khen a mun nih:

28:21b.NUM.028.021 Belamnou sagih bel belamnou khat ah mun sawm a khen a mun khat ahi ding ahi;

28:22b.NUM.028.022 Huan nou a ding a kilemna bawlna ding in khelh thoihna ding in keltal khat.

28:23b.NUM.028.023 Hiaite zingsang a halmang thillat, halmang thillat lat gige leh huai a dawn ding thillat sim lou in

28:24b.NUM.028.024 Hichibangin Toupa' dinga gimlim, mei a thillat nek ding ni tengin, ni sagih na lat ding uh ahi: halmang thilat lat gige leh huai dawn ding thillat sim lou in.

28:25b.NUM.028.025 Huan, a ni sagih ni in khawmpi siangthou na nei ding ua, bang nna mahmah na sem ding uh hilou ahi.

28:26b.NUM.028.026 Huan, na nipikal annkuang luina na buh thak tung annkuang luina TOUPA ding a thil thak tangbuang thillat na lat ni un leng khawmpi siangthou na nei ding ua; bang nna mahmah na sem ding uh ahi kei;

28:27b.NUM.028.027 TOUPA ding a gimlim halmang thillat bel na lat ding uh ahi; bawngtal tung nih, belamtal khat, belamnou a pa kum khat a upa sagih;

28:28b.NUM.028.028 A tangbuang thillat uh, tangbuang nelte sathau a helkhawm, bawngtal khat ah mun sawm a khen a mun thum.

28:29b.NUM.028.029 Belamtal khat ah mun sawm a khen a mun nih, belamnou sagih, belamnou khat chiat ah mun sawm a khen a mun khat;

28:30b.NUM.028.030 Nou a dia kilemna bawlna ding keltal khat toh.Halmang thillat gige leh huai a tangbuang thillat, huaite na lat ding uh ahi (na ngaihtuah ua gensiatbei ahi ding ahi), dawn ding thillat toh.

28:31b.NUM.028.031 Halmang thillat gige leh huai a tangbuang thillat, huaite na lat ding uh ahi (na ngaihtuah ua gensiatbei ahi ding ahi), dawn ding thillat toh.

29

29:1b.NUM.029.001 Huan, kha sagihna, a ni khat ni in khawmpi siangthou na nei ding ua; bang nna mahmah na sem ding uh ahi kei: nou a ding in pengkul mut ni ahi ding ahi.

29:2b.NUM.029.002 TOUPA a ding in gimlim di'n halmang thillat na lat ding uh ahi, bawngtal tung khat, belamtal khat, belamnou a pa kum khat a upa gensiatbei sagih:

29:3b.NUM.029.003 A tangbuang thillat uh, tangbuang nelte sathau a helkhawm, bawngtal khat ah mun sawm a khen a mun thum, belamtal khat ah mun sawma khen a mun nih,

29:4b.NUM.029.004 Belamnou sagih, khat chiat ah mun sawm a khen a mun khat:

29:5b.NUM.029.005 Nou a dia kilemna bawlna di'n khelh thoihna keltal khat toh.

29:6b.NUM.029.006 Kha thak halmang thillat leh huai a tangbuang thillatte, halmang thillat lat gige leh huai a tangbuang thillatte, dawn ding thillatte, a hihdan ngeina uh TOUPA ding a gimlim dia mei a thillatte sim lou in.

29:7b.NUM.029.007 Huan, hiai kha sagihna, ni sawm ni in khawmpi siangthou na nei ding ua: na hihna uh na hihgim ding ua, bang nna mahmah na sep ding uh ahi kei;

29:8b.NUM.029.008 TOUPA ding a gimlim dia halmang thillat bel na lan ding uhi; bawngtal khat, belamtal khat, belamnou a pa kum khat a upa sagih; na ngaihtuah ua gensiatbei ahi ding ahi;

29:9b.NUM.029.009 A tangbuang thillat uh, tangbuang nelte sathau a helkhawm, bawngtal khat ah mun sawm a khen a mun thum, belamtal khat ah mun sawm a khen a mun nih.

29:10b.NUM.029.010 Belamnou sagih, belamnou khat chiat ah mun sawm a khen a mun khat:

29:11b.NUM.029.011 Khelh thoihna di'n keltal khat toh; kilemna ding a khelh thoihnate, halmang thillat lat gigete, huai a tangbuang thillat leh a dawn ding thillatte uh sim lou in.

29:12b.NUM.029.012 Huan, kha sagihna, ni sawm leh ni nga ni in kikhawmpi siangthou na nei ding ua; bang nna mahmah na sem ding uh ahi kei, TOUPA ding in ni sagih annkuang na lui ding uhi;

29:13b.NUM.029.013 Huan, TOUPA ding a gimlim dia mei a thillat, halmang thillat na lat ding uh ahi: bawngtal tung sawm leh thum, belamtal nih, belamnou a pa kum khat a upa sawm leh li: gensiatbei chiat a hih ding ahi:

29:14b.NUM.029.014 A tangbuang thillat uh sathau toh helkhawm bawngtal sawm leh thum, bawngtal khat ah mun sawm a khen mun thum, belamtal nih, belamtal khat ah mun sawm a khen a mun nih;

29:15b.NUM.029.015 Belamnou sawm leh li, belamnou khat ah mun sawm a khen a mun khat:

29:16b.NUM.029.016 Khelh thoihna ding keltal khat toh; halmang thillat lat gige, huai a tangbuang thillatte, dawn ding thillatte sim lou in.

29:17b.NUM.029.017 Huan, a ni nih ni in bawngtal tung sawm leh nih, belamtal nih, belamnou a pa kum khat a upa gensiatbei sawm leh li na lat ding uh ahi;

29:18b.NUM.029.018 A tangbuang thillat uh leh dawn ding thillat a dan bang tak in a tamdan bang zel un bawngtal a ding bang, belamtal a ding bang, belamnou a ding bang;

29:19b.NUM.029.019 Khelh thoihna ding keltal khat toh: halmang thillat gige bang huai a tangbuang thillatte, dawn ding thillatte sim lou in.

29:20b.NUM.029.020 Huan, a ni thum ni in bawngtal sawm leh khat, belamtal nih, belamnou kum khat a upa gensiatbei sawm leh li,

29:21b.NUM.029.021 A tangbuang thillat uh leh dawn ding thillat a dan bang tak in a tamdan bang zel un bawngtal a ding bang, belamtal a ding bang, belamnou a ding bang:

29:22b.NUM.029.022 Khelh thoihna ding keltal khat toh; halmang thillat lat gige leh huaia tangbuang thillat leh huai a dawn ding thillat sim lou in.

29:23b.NUM.029.023 Huan, a ni li ni in bawngtal sawm, belamtal nih, belamnou a pa kum khat a upa gensiatbei sawm leh li;

29:24b.NUM.029.024 A tangbuang thillat uh leh dawn ding thillat, a dan bang tak in a tamdan bang zel un bawngtal a ding bang, belamtal a ding bang, belamnou a ding bang:

29:25b.NUM.029.025 Khelh thoihna ding keltal khat toh: halmang thillat gigete, huai a tangbuang thillat leh dawn ding thillatte sim lou in.

29:26b.NUM.029.026 Huan, a ni nga ni in bawngtal kua, belamtal nih, belamnou a pa kum khat a upa gensiatbei sawm leh li;

29:27b.NUM.029.027 A tangbuang thillat uh leh dawn ding thillat uh, a dan bang tak in a tam dan bang zel tangbuang thillat uh leh dawn ding thillat uh, a dan bang tak in a tamdan bang zel un, bawngtal a ding bang, belamtal a ding bang, belamnou a ding bang:

29:28b.NUM.029.028 Khelh thoihna ding keltal khat toh; halmang thillat lat gigete, huai tangbuang thillat leh huai dawn ding thillatte sim lou in.

29:29b.NUM.029.029 Huan a ni guk ni in bawngtal giat, belamtal nih, belamnou a pa kum khat a upa gensiatbei sawm leh li:

29:30b.NUM.029.030 A tangbuang thillat uh leh dawn ding thillat a dan bang tak in a tamdan bangzel un bawngtal a ding bang:

29:31b.NUM.029.031 Khelh thoihna ding keltal khat toh; halmang thillat lat gigete, huai a tangbuang thillat leh huai a dawn ding thillatte sim lou in.

29:32b.NUM.029.032 Huan, a ni sagih ni in bawngtal sagih, belamtal nih, belamnou a pa kum khat a upa gensiatbei sawm leh li:

29:33b.NUM.029.033 A tangbuang thillat uh leh dawn ding thillat, a dan bang tak in a tamdan bangzel un, bawngtal a ding bang, belamtal a ding bang, belamnou a ding bang:

29:34b.NUM.029.034 Khelh thoihna ding keltal khat toh; halmang thillat lat gigete, huai a tangbuang thillat leh huai a dawn ding thillatte sim lou in.

29:35b.NUM.029.035 Huan, a ni giat ni in khawmpi thupi tak na nei ding ua: bang nna mahmah na sem ding uh ahi kei:

29:36b.NUM.029.036 TOUPA a dia gimlim ding in mai a halmang thillat bel na lat ding uh ahi: bawngtal khat, belamtal khat, belamnou a pa kum khat a upa gensiatbei sagih:

29:37b.NUM.029.037 A tangbuang thillat uh leh dawn ding thillat uh, bawngtal a ding bang, belamtal a ding bang, belamnou a ding bang, a dan bangtak in a tamdan bang zel un:

29:38b.NUM.029.038 Khelh thoihna ding keltal khat toh; halmang thillat lat gige leh huai a tangbuang thillat leh huai a dawn ding thillat sim lou in.

29:39b.NUM.029.039 Na thuchiamte uh, utthu a thillatte, na halmang thillatte uh, na tangbuang thillatte uh, na dawn ding thillatte uh, na lemna thillatte uh sim lou in hiaite annkuangluina hunbi nei a na neihte uh ni in TOUPA kiang ah na lan ding uhi, chi in, chi in.Huan, TOUPA'N Mosi thu a piak tengteng Israel suante Mosi in a hilh hi.

29:40b.NUM.029.040 Huan, TOUPA'N Mosi thu a piak tengteng Israel suante Mosi in a hilh hi.

30

30:1b.NUM.030.001 Huan, Mosi in Israel suante namte inntek pente a houpih a, Hiai ahi, TOUPA'N thu a piaktak.

30:2b.NUM.030.002 Mi'n TOUPA kiang a thu achiam hiam, a lungsim thuchiam a kigak ding a a kichiam hiam a thu a bohse ding ahi kei; kam a pawt bangbang a a hih ding ahi.

30:3b.NUM.030.003 Numei in leng a nungak lai a a pa inn a a om lai in TOUPA kiang a thu achiam a, thuchiam a a kigak a;

30:4b.NUM.030.004 A thuchiam leh thuchiam a a lungsim a gak a pa'n a zak a, a pa'n a daihsan maimah leh a thuchiam tengteng a piching ding: Huan, thuchiam chiteng a a lungsim a gaknate a om gige ding.

30:5b.NUM.030.005 Himahleh a pa'n a zak ni a a phal kei leh a thuchiamte a kigakna thuchiamte a koi mahmah a piching kei ding: a pa'n a phallouh a hihziak in TOUPA'N amah a ngaidam ding.

30:6b.NUM.030.006 Thuchiam in hiam, thu khual lou a a lungsim gakna in hiam a delh lai a pasal a neih a;

30:7b.NUM.030.007 A pasal in a zak a, a zak ni a a daih dide leh a thuchiam a om gige ding a, a lungsim gakna khual lou a a thuchiam leng a om gige ding.

30:8b.NUM.030.008 Himahleh a pasal in a zak ni a a phal kei leh a tung a thuchiam leh a lungsim gakna khual lou a a thuchiam a hihmang ding; TOUPA'N a ngaidam ding.

30:9b.NUM.030.009 Himahleh huai meithai hiam, maak a omnu hiam thuchiam zaw, a lungsim a gakna tengteng in a delh gige ding.

30:10b.NUM.030.010 Huan, inn a thu achiam a, kichiam a a lungsim gak ding a thu a khun a:

30:11b.NUM.030.011 A pasal in a zak a leng a daih dide a, a phallouh kei leh a thuchiam tengteng a om gige ding a, a lungsim gak ding a a thuchiam chiteng leng a om gige ding.

30:12b.NUM.030.012 Himahleh a pasal in a zak ni a bangmah lou a bawl a, a thihmang leh a thuchiam hiam, a lungsim gakna hiam thu a a kam a thu pawt peuhmah a om nawn kei ding: a pasal in a hihmang khin ahi: huan, TOUPA'N amah a ngaidam ding.

30:13b.NUM.030.013 Thuchiam tengteng leh hinna hihgim ding a gakna kichiamna tengteng a pasal in a kipsak thei in a hihmang thei hi.

30:14b.NUM.030.014 Himahleh a pasal in a zak ni a kipan a a deih den leh a thuchiam chiam tengteng leh a tung a gakna om tengteng a kipsak ahi a: a zak ni a kipan a a daihsan ziak in a kipsak ahi.

30:15b.NUM.030.015 Himahleh a zak khit nung a bangmah lou a bawl a a hihman leh a thulimlouhna moh a puak ding ahi, chi in.Hiaite, pasal leh a zi kal leh a pa inn a om gige lai a kikal ua dan ding a TOUPA'N Mosi thu a piakte ahi.

30:16b.NUM.030.016 Hiaite, pasal leh a zi kal leh a pa inn a om gige lai a kikal ua dan ding a TOUPA'N Mosi thu a piakte ahi.

31

31:1b.NUM.031.001 Huan, TOUPA'N Mosi a houpih a,

31:2b.NUM.031.002 Midiate tungah Israel suante phu la in: huai khit in na chipihte kiang a pi na hita ding, chi in.

31:3b.NUM.031.003 Huchi in Mosi in mipite a houpih a, Midiate tung a TOUPA phulakna tangtun ding a Midiate sual kidou ding in na lak ua mi kigalvan uhen.

31:4b.NUM.031.004 Israel nam tengteng lak a nam chih a mi sangkhat zel kidouna a na hoh ding uh ahi, chi in.

31:5b.NUM.031.005 Huchi in Israelte sang tamtak lak a kipan, nam chih a kipan in sangkhat chiat, kidouna a hoh ding in sepaih singkhat leh sang nih a pekhia uh.

31:6b.NUM.031.006 Huchi in Mosi in chichih lak a mi sangkhat chiat leh siampu Eleazar tapa Phineha mun siangthou a tui-um-belsuante, thupiakna ding khawng a pengkulte tawi in kidouna ah a hohsak a.

31:7b.NUM.031.007 Huan, TOUPA'N Mosi thu a piak bang in Midiate a dou ua; pasal teng a that uh.

31:8b.NUM.031.008 A mi thahte uh lak ah Midiate kumpipate leng a tel ua; Midiate kumpipa nga, Evite, Rekemte, Zurte, Hurte, Rebte: Beor tapa Balaam leng namsau in a that uh.

31:9b.NUM.031.009 Huan, Israel suante'n Midiate naupang hon sal in a pi ua; huan, a gan tengteng uh, a belam hon tengteng uh, a van tengteng uh a gallak sum ding un a la uh.

31:10b.NUM.031.010 A omna khua tengteng uh, a giahna mun tengteng uh a hal vek uh.

31:11b.NUM.031.011 Huan, mihing leh gan, sal leh gallak sum tengteng a paipih vek ua.

31:12b.NUM.031.012 Huan, salte, matte, gallak sumte Mosi leh siampu Eleazar leh Israel suante omkhawmte kiang ah, Jeriko zawn Jordan gei Moab phai a a giahna mun uh a hontun uhi.

31:13b.NUM.031.013 Huan, Mosi leh siampu Eleazar leh omkhawmte inntek penpente'n khomual ah a na dawn ua.

31:14b.NUM.031.014 Huan, Mosi bel sepaih heutu, sang tung a heutute leh za tung a heutute, kidouna a kipan a hong tungah a heh a.

31:15b.NUM.031.015 Mosi in a kiang uah, Numei tengteng na hinghawi vek uh maw?

31:16b.NUM.031.016 Ngai un, Balaam lem theih in Peor tungtang thu ah Israelte TOUPA tung a tatlekna tungsak mite hiaite ahi uhi, TOUPA mi kikhawmte lak ah hii a hong leng a kei maw.

31:17b.NUM.031.017 Huaiziak in naupangte lak a pasal tengteng that unla, numei mi kithuahpih sa tengteng leng that un.

31:18b.NUM.031.018 Numei naupang mi kithuahpih nailouh tengteng bel nou a ding in hawi un.

31:19b.NUM.031.019 Huan, khomual ah ni sagih giak unla; kuapeuh mi that leh misi koih ni thum ni leh ni sagih ni in kisiangsak un, noumau leh na salte uleng.

31:20b.NUM.031.020 Huan, van himhim leh savun a thilbawl tengteng kelmul a thilbawl tengteng, sing a thilbawl tengteng thu ah na kisiangsak ding uh ahi, a chi a.

31:21b.NUM.031.021 Huan, siampu Eleazar in kidouna a hoh kidou mite kiang ah, Hiai TOUPA'N Mosi thu a piak dan thuseh ahi:

31:22b.NUM.031.022 Bangpeuh hi hen, dangka-engte, dangkasikte, dalte, sikte, langvate, ngente,

31:23b.NUM.031.023 Bangpeuh mei a hal a se theilou peuhmahte mei ah na tholh paisuak ding ua, huchi in a hong siangthou ding: bangpeuh hi hen, silsiang na tui a hih siangthou ding ahi: huan, mei a hal thuak theilou peuhmah tui a na tholh paisuak ding uh ahi.

31:24b.NUM.031.024 Huan, a ni sagih ni in na puan uh na sawp ding ua, huan, na hong siangthou ding uh, huai khit in giahna mun ah na hong lut ding uh ahi, a chi a.

31:25b.NUM.031.025 Huan, TOUPA'N Mosi a houpih a,

31:26b.NUM.031.026 Nang toh, siampu Eleazar toh, omkhawmte innkuan inntek pente toh gallak sum dia a lak uh mihing leh gante sim vek unla:

31:27b.NUM.031.027 Huan, gallak sum mun nih ah khen unla, kidouna a hoh kidoumite ding leh omkhawmte ding in:

31:28b.NUM.031.028 Huan, kidouna a hoh galkap mi a kipan in TOUPA ding a siah piak ding sepkhe zel unla, thil hing zanga zel ah khat, mihing a kipan bang, bawng a kipan bang, sabengtung a kipan bang, belam hon a kipan bang in:

31:29b.NUM.031.029 Huaite a tan kimkhat ua kipan la unla, TOUPA a di'n vei thillat ding in siampu Eleazar pia un.

31:30b.NUM.031.030 30 Huan, a kimkhat Israel suante tuam pen sawmnga a kipan khat sepkhe zel inla, mihing a kipan bang, bawng a kipan bang, sabengtung a kipan bang, belam hon a kipan bang, gan hon a kipan bang in; huan, huaite TOUPA biakbuk kem mi Levite pia in, a chi a.

31:31b.NUM.031.031 Huchi in TOUPA'N Mosi thu a piak bang in Mosi leh siampu Eleazar in a hih uh.

31:32b.NUM.031.032 Sepaihte'n a mat uh gallak sum sim lou a a lak uh belam nuaiguk leh singsagih leh sangnga,

31:33b.NUM.031.033 Bawng sing sagih leh sangnga,

31:34b.NUM.031.034 Sabengtung singguk leh sangkhat,

31:35b.NUM.031.035 Mihing bel numei, pasal kithuahpih nailouh sing thum leh sang nih ahi uh.

31:36b.NUM.031.036 Huan, a kimkhat, kidouna a hohte tantuan pen, belam nuai thum leh singthum leh sang sagih leh sang sagih leh za nga ahi:

31:37b.NUM.031.037 Huan, TOUPA siah belam pen zaguk leh sawm sagih leh nga.

31:38b.NUM.031.038 Huan, bawng singthum leh sangguk ahi a; huai a TOUPA siah sawmguk leh khat ahi.

31:39b.NUM.031.039 Huan, sabengtung sing thum leh zanga ahi; huai a TOUPA siah sawmguk leh khat ahi.

31:40b.NUM.031.040 Huan, mihing singkhat leh sangguk ahi ua; huai a TOUPA siah mi sawmthum leh nih ahi uh.

31:41b.NUM.031.041 Huan, TOUPA'N Mosi thu a piak bang in siah, TOUPA vei thillat Mosi in siampu Eleazar a pia a.

31:42b.NUM.031.042 Huan, Mosi in galkapmite a kipan a a hawm Israel mite tantuan kimkhat,

31:43b.NUM.031.043 (Mipi tantuan kimkhat belam nuai thum leh singthum leh sangsagih leh zanga,

31:44b.NUM.031.044 Bawng singthum leh sangguk

31:45b.NUM.031.045 Sabengtung singthum leh zanga,

31:46b.NUM.031.046 Mihing singkhat leh sangguk; )

31:47b.NUM.031.047 Israel tantuan kimkhat a kipan Mosi in mihing leh gan sawmnga zel ah khat a la a, TOUPA thupiak bang in TOUPA biakbuk kem mi Levite a pia a.

31:48b.NUM.031.048 Huan, sepaihte tung a heutu, sang tung a heutute, za tung a heutute'n Mosi a va naih ua;

31:49b.NUM.031.049 Mosi kiang ah, Na sikhate'n ka khut ua om kidou mite ka sim ua, kuamah kimlou ka om kei uh.

31:50b.NUM.031.050 Huan, ka hinna ua ding a TOUPA ma a kilemna bawlna ding in TOUPA ding a thillat mi'n a neihlam uh, dangka-eng a bawl zep hoih van, khe ngawng a bulhte, khut ngawng a bulhte, min sawnna zungbuhte, bilbahte, khite, ko'n tawi uhi, a chi ua.

31:51b.NUM.031.051 Huan, Mosi leh siampu Eleazar in dangka-eng a bawl van tengteng uh a na la ua.

31:52b.NUM.031.052 Sang tung a heutute leh za tung a heutute dangka-eng TOUPA kiang a vei thillat dia a lat tengteng uh sekel singkhat leh sangguk leh zasagih leh sawmnga ahi.

31:53b.NUM.031.053 (Galkap mite a gallak sum uh amau achiat dia la ahi uh).Huan, Mosi leh siampu Eleazar in sang tung a heutu leh za tung a heutute dangka-eng a la ua, Israel suante theih gigena ding in kihoupihna puan inn ah TOUPA ma ah a hon tawi uhi.

31:54b.NUM.031.054 Huan, Mosi leh siampu Eleazar in sang tung a heutu leh za tung a heutute dangka-eng a la ua, Israel suante theih gigena ding in kihoupihna puan inn ah TOUPA ma ah a hon tawi uhi.

32

32:1b.NUM.032.001 Reuben leh Gad tate'n gan a hau mahmah ua: huan, Jazer gam leh Gilead gam a muh un, a mun gan a dia mun hoih tak hi in a thei ua;

32:2b.NUM.032.002 Huchi in Gad tate leh Reuben tate'n Mosi leh siampu Eleazar leh omkhawm mipite a va houpih ua,

32:3b.NUM.032.003 Israel omkhawmte ma a TOUPA'N a daisak gam Atarotte, Dibonte, Jazerte, Nimrate, Hesbonte,

32:4b.NUM.032.004 Elealete, Sebamte, Nebote, Beonte gan ding a hoih gamahi a, huan, na sikhate'n gan ka nei ua,

32:5b.NUM.032.005 Hoih na sak lam a hihleh hiai gam ka luah ding un hon pia inla, Jordan lui hon pi galkah dah mai ve, a chi ua.

32:6b.NUM.032.006 Huan, Mosi in Gad tate leh Reuben tate kiang ah, Na unaute uh kidouna ah a hoh ding ua, nou bel hiai lai ah na na om maimah ding uh maw?

32:7b.NUM.032.007 Bang ding a TOUPA'N a piak gam a lut lou ding a Israel suante lungtang lunglel sak na hi ua?

32:8b.NUM.032.008 Kades-barnea a kipan a gam va enkhe ding a ka sawl in hichi mah bang in na pute un a hih ua.

32:9b.NUM.032.009 Eskol guam a tuntouh un gam a va mu ua, TOUPA'N gam a piak a lut nop louhna ding un Israel suante lungtang a lunglel sak uh.

32:10b.NUM.032.010 Huchi in huai ni in TOUPA a heh mahmah a, a kichiam a,

32:11b.NUM.032.011 Aigupta gam a kipan a hong pawt, kum sawmnih chiang tunglam mi himhim in Abrahamte, Isaakte, Jakobte, kiang a kichiam a ka piak gam kuamah in a mu kei ding uhi; a hon zuih taktak louh ziak un;

32:12b.NUM.032.012 Keniz mi Jephune tapa Kaleb leh Nun tapa Joshuate kia lou ngal, amau TOUPA a zuih taktak ziak un, chi in.

32:13b.NUM.032.013 Huan, Israelte tungah TOUPA a heh mahmah a, TOUPA mitmuh a thil hoihlou hih mi suan tengteng a man vek masiah uh gamdai ah kum sawmli a vak saksak a.

32:14b.NUM.032.014 Huan, ngai un, Israelte tung a TOUPA hehna kihtakhuai tak behlap in nou gilou in na pute uh sik in na ding ta uhi.

32:15b.NUM.032.015 TOUPA zui lou a na om himhim uleh aman amaute gamdai ah a omsak nawn mai sin ahi. Hiai mi tengteng na hihmang mai kei ding umaw? a chi a.

32:16b.NUM.032.016 Huan, a va naih ua, a kiang ah, Hiai lai ah ka gan ua ding in belam huangte leh ka tate uh a ding khua peuh ka bawl ding ua:

32:17b.NUM.032.017 Kou bel a mun ding ka tun masiah uh Israel suante ma a pai zel ding in ka kigalvan ding uhi: hiai gam a mite ziak in ka tate uh kulh nei khuate ah a om ding uh.

32:18b.NUM.032.018 Israel suante mi chih in a mun luah ding uh a luah chiat ma un ka inn lam uah ka pai kei ding uh.

32:19b.NUM.032.019 Ka luah ding uh bel hiai lam gal Jordan suahlam a hih ziak in Jordan gal khat lam leh a khen lam zaw ka luahpih tei sin kei uhi, a chi ua.

32:20b.NUM.032.020 Huan, Mosi in a kiang uah, Huchi bang a na chih ua, kidouna a TOUPA ma a hoh ding a na kigalvat ua, a ma a kipat melmate a delhkhiak a,

32:21b.NUM.032.021 TOUPA ma a gam zoh a hih masiah na lak ua kigalvan tengteng TOUPA ma a Jordan na galkah vek uleh,

32:22b.NUM.032.022 Denchiang in na pai ding ua, TOUPA tungah leh Israelte tungah na moh kei ding ua; huchi in hiai gam TOUPA ma a na luah ding uh ahi ding a.

32:23b.NUM.032.023 Himahleh huchi bang a na hih kei uleh ngai un, TOUPA tungah na khial uh ahi ding a, na khelhna un a hon mukhe ngeingei ding chih thei un.

32:24b.NUM.032.024 Na tate uh ding khuate bawl unla, na belamte uh ding in leng huante bawl unla, na gen bangbang un hih un, a chi a.

32:25b.NUM.032.025 Huan, Gad tate leh Reuben tate'n Mosi kiang ah, Na sikhate'n ka pu uh thupiak bang in ka hih ding uh.

32:26b.NUM.032.026 Ka zi, ka tate uh, ka belam honte uh, ka gan hon tengteng uh Gilead gam khuate ah a na om ding ua:

32:27b.NUM.032.027 Himahleh na sikha, kidou ding a kigalvan tengteng in ka pu uh gen bang in TOUPA ma ah ka va galkah ding uhi, chi in, a gen uh.

32:28b.NUM.032.028 Huchi in Mosi in, a tungtang thu uah siampu Eleazarte, Nun tapa Josuate, Israel nam innkuan inntek pente thu a pia a.

32:29b.NUM.032.029 Huan, Mosi in a kiang uah, Gad tate, Reuben tate, kidou ding a kigalvan tengteng in TOUPA ma a Jordan lui a hong galkah pih ua, huai gam na zoh uleh Gilead gam pen a luah ding ua na piak ding uh ahi:

32:30b.NUM.032.030 Himahleh kigalvan a hong galkah pih kei uleh Kanan gamah na lak uah a tel tei mai ding uh, a chi a.

32:31b.NUM.032.031 Huan, Gad tate leh Reuben tate'n, Na sikhate kiang a TOUPA'N a gen bang in ka hih ding uh,

32:32b.NUM.032.032 Kigalvan a TOUPA ma a galkah in Kanan gamah ka lut ding uh, huchi in ka gam luah ding uh Jordan lui khenlam ah ahi lai ding, chi in a dawng ua.

32:33b.NUM.032.033 Huan, Mosi in, Gad tate leh Reuben tate leh Joseph ta Manase suan nam kim khatte Amor kumpipa Sihon gamte, Basan Kumpipa Og gam, huai gamte a khua om tengteng toh, a kim gam khuate nangawn toh a pia a.

32:34b.NUM.032.034 Huan, Gad tate'n Dibonte, Atarote, Aroerte;

32:35b.NUM.032.035 Atrot-sophante, Jazerte, Jogbehte;

32:36b.NUM.032.036 Betnimrate, Betharante a lam ua, khopi kulh neite, belam huangte toh.

32:37b.NUM.032.037 Huan, Reuben tate'n Hesbonte, Elealete, Kiriathaimte, Nebote, Beal-meonte,

32:38b.NUM.032.038 (A minte hihlamdan khit ahi) Sibmate a lam ua; a kho bawlte uh min dang a phuak uh.

32:39b.NUM.032.039 Huan, Manase tapa Makir tate Gilead gamah a hoh ua, a la ua, Amorte huailai a omte a suhsak uh.

32:40b.NUM.032.040 Huan, Mosi in Gilead gam Manase tapa Makir a pia; huai ah a om.

32:41b.NUM.032.041 Huan, Manase tapa Jairin huai a khuate a vala a, Havot-jiar a sa hi.Huan, Nob in Kenat a vala a, khopelte toh, amah min tam in Nob a sa hi.

32:42b.NUM.032.042 Huan, Nob in Kenat a vala a, khopelte toh, amah min tam in Nob a sa hi.

33

33:1b.NUM.033.001 Mosi leh Aron makaih a Aigupta gam a kipan a a pawlpawl a a pawt ua, a pai zeldan uh hichi bang ahi.

33:2b.NUM.033.002 TOUPA thupiak in a paikhia ua, a pai zel nate uh Mosi in a gelh a: a paikhak ua a pai nate uh hiaite ahi:

33:3b.NUM.033.003 Kha khatna, kha khatna ni sawm leh ni nga ni in Ramase a kipan in a pawt ua; paikan annkuang lui zing in,

33:4b.NUM.033.004 Aigupta mite mitmuh in, a ta masa pen teng uh TOUPA'N a hihlup sak a vui lai un Israel suante innbul tak in a pawt ua: TOUPA'N a pathiante uh leng a gawt,

33:5b.NUM.033.005 Huchi in Israel suante Ramase a kipan in a pawt ua, Sukot ah giahbuk a sat ua.

33:6b.NUM.033.006 Huan, Sukot a kipan in a pawt ua, gamdai phak tung Etham ah giahbuk a sat uh.

33:7b.NUM.033.007 Huan, Etham a kipan in a pawt ua, Baal-z-ephon bul a Pi-hahirot lam ah a kinungkhin ua, Migdol chin ah giahbuk a sat uh.

33:8b.NUM.033.008 Huan, Hahirot chin a kipan a pawt ua, tuipi a pal tan ua, gamdai ah a lut uh: huan, Etham gamdai ah ni thum lam a pai ua, Mara ah giahbuk a sat uh.

33:9b.NUM.033.009 Huan, Mara a kipan in a pawt ua, Elim a tung uh: Elim ah tuinak nei sawm leh nih leh tum kung sawmsagih a om a; huai ah giahbuk a sat uh.

33:10b.NUM.033.010 Huan, Elim a kipan n a pawt ua, Tupi San ah giahbuk a sat uh.

33:11b.NUM.033.011 Huan, Tuipi San a kipan in a pawt ua, Sin gamdai ah giahbuk a sat uh.

33:12b.NUM.033.012 Sin Gamdai a kipan a pawt ua, Dopka ah giahbuk a sat uh.

33:13b.NUM.033.013 Huan, Dopka a kipan in a pawt ua, Alus ah giahbuk a sat uh.

33:14b.NUM.033.014 Alus a kipan in a pawt ua, Rephidim ah giahbuk a sat ua, huai ah mipite dawn ding tui a om kei hi.

33:15b.NUM.033.015 Huan, Rephidim a kipan a pawt ua, Sinai gamdai ah giahbuk a sat ua.

33:16b.NUM.033.016 Sinai gamdai a kipan in a pawt ua, Kibrot-hattava ah giahbuk a sat uh.

33:17b.NUM.033.017 Huan, Kibrot-hattava a kipan in a pawt ua, Heze-rot ah giahbuk a sat uh.

33:18b.NUM.033.018 Haze-rot a kipan a pawt ua, Ritma ah giahbuk a sat uh.

33:19b.NUM.033.019 Huan, Ritma a kipan in a pawt ua, Rimon-perez ah giahbuk a sat uh.

33:20b.NUM.033.020 Rimon-perez a kipan in a pawt ua, Lebna ah giahbuk a sat uh.

33:21b.NUM.033.021 Huan, Libna a kipan a pawt ua, Risa ah giahbuk a sat uh.

33:22b.NUM.033.022 Huan, Risa a kipan a pawt ua, Kehelatha ah giahbuk a sat uh.

33:23b.NUM.033.023 Huan, Kehelatha a kipan a pawt ua, Sepher tang ah giahbuk a sat uh.

33:24b.NUM.033.024 Huan, Sepher tang a kipan a pawt ua, Harada ah giahbuk a sat uh.

33:25b.NUM.033.025 Huan, Harada a kipan in a pawt ua, Makhe-lot ah giahbuk a sat uh.

33:26b.NUM.033.026 Huan, Makhelot a kipan a pawt ua, Tahat ah giahbuk a sat uh.

33:27b.NUM.033.027 Huan, Tahat a kipan a pawt ua, Tera ah giahbuk a sat uh.

33:28b.NUM.033.028 Huan, Tera a kipan a pawt ua, Mitka ah giahbuk a sat uh;

33:29b.NUM.033.029 Huan, Mitka a kipan a pawt ua, Hasmona ah giahbuk a sat uh.

33:30b.NUM.033.030 Hasmona a kipan in a pawt ua, Moserot ah giahbuk a sat uh.

33:31b.NUM.033.031 Huan, Moserot a kipan in a pawt ua, Bene-jaakan ah giahbuk a sat uh.

33:32b.NUM.033.032 Huan, Bene-jaakan a kipan in a pawt ua, Hor hagidgad ah giahbuk a sat uh.

33:33b.NUM.033.033 Huan, Hor hagidgad a kipan in a pawt ua, Jotbatha ah giahbuk a sat uh.

33:34b.NUM.033.034 Huan, Jotbatha a kipan in a pawt ua, Abrona ah giahbuk a sat uh.

33:35b.NUM.033.035 Huan, Abrona a kipan in a pawt ua, Ezion-geber ah giahbuk a sat uh.

33:36b.NUM.033.036 Huan, Ezion-geber a kipan in a pawt ua, Zin gamdai ah giahbuk a sat uh (huai bel Kades leng a chi uh).

33:37b.NUM.033.037 Huan, Kades a kipan in a pawt ua, Edom gam chin Jor tang ah giahbuk a sat uh.

33:38b.NUM.033.038 Huan, siampu Aron TOUPA thupiak in Hor tang ah a hohtou a, Israel suante Aigupta gam a kipan a a hong pawt uh kum sawmli kum, kha nga na, ni khat ni in huai lai ah a sita hi.

33:39b.NUM.033.039 Huchi in Aron bel Hor tang a a sih in kum za leh kum sawmnih leh kum thum ahi.

33:40b.NUM.033.040 Huan, Kanan mi, Kanan gam a Simlam a om Arad kumpipa'n Israel suante a hong uh a za a.

33:41b.NUM.033.041 Huan, Hor tang a kipan a pawt ua, Zalmon ah giahbuk a sat uh.

33:42b.NUM.033.042 Huan, Zalmon a kipan a pawt ua, Punon ah giahbuk a sat ua.

33:43b.NUM.033.043 Huan, Punon a kipan in a pawt ua, Obot ah giahbuk a sat uh.

33:44b.NUM.033.044 Obot a kipan a pawt ua, Moab gam naih Iym-abarim ah giahbuk a sat uh.

33:45b.NUM.033.045 Huan, Iym a kipan a pawt ua, Dibongad ah giahbuk a sat ua.

33:46b.NUM.033.046 Huan, Dibongad a kipan a pawt ua, Almon-diblathaim ah giahbuk a sat uh.

33:47b.NUM.033.047 Huan, Almon-diblathaim a kipan in a pawt ua, Nebo chin a Abarim tang khawng ah giahbuk a sat uh.

33:48b.NUM.033.048 Huan, Abarim tang a kipan in a pawt ua, Jeriko zawn, Jordan gei Moab phai ah giahbuk a sat uh.

33:49b.NUM.033.049 Jordan gei Bet-jesimot a kipan Abel-sitim pha in Moab phai ah giahbuk a sat uh.

33:50b.NUM.033.050 Huan, Jeriko zawn Jordan gei Moab phai ah TOUPA'N Mosi a houpih a,

33:51b.NUM.033.051 Israel tate houpih inla, a kiang uah Jordan lui na kan ua, Kanan gam na lut chiang un,

33:52b.NUM.033.052 Huai gam a om tengteng na delhkhe vek ding ua, a suang milim tengteng uh na hihse vek ding ua, a milim sunte uh na hihse vek ding ua, a mun sangte uh na hihse vek ding uhi:

33:53b.NUM.033.053 Huan, gam na luah ding ua, huai ah na om ding uh: na luah ding ua gam ka hon piak sa na hi uhi.

33:54b.NUM.033.054 Huan, a chi dungzui bangzel in aisan in gam na luah ding ua, a innbul deuhte gam za deuh na pe ding ua, a innbul lou deuhte gam neu deuh na pe ding uh: aisan na a pukna peuhmah a tuam uh ahi ding a; na pi-le-pute uh chi paidan bangzel in na luah ding uhi.

33:55b.NUM.033.055 Himahleh huai gam a omte na delhkhiak kei uleh na omsakte uh na mit ua ding in sutna zum leh na chi ua ding in ling bang ahi ding ua, na omna gam uah hon hih nuammoh ding uhi.Huan, hichi ahi ding a, a tung a hih ka tup bang na tunguah ka hih ding, chi in, chi in.

33:56b.NUM.033.056 Huan, hichi ahi ding a, a tung a hih ka tup bang na tunguah ka hih ding, chi in, chi in.

34

34:1b.NUM.034.001 Huan, TOUPA'N Mosi a houpih a,

34:2b.NUM.034.002 Israel suante thu pia inla, a kiang uah, Kanan gam na tun chiang un (Kanan gam, a gamgi dan dungzui zel a na luah ding gam uh),

34:3b.NUM.034.003 Sim lam a na luah ding chiang uh Zin gamdai a kipan Edom gam zulzul ahi ding a, sim lam gamgi Tuipi Al tawp a kipan suah lam pang ahi ding.

34:4b.NUM.034.004 Huan, na gamgi uh Akrabim tungkahna sim lam pang ah a kawi ding a, huan, a hong pawtna Kades-barnea sim lam ah ahi ding: huan, Hazar-adar ah a pai ding a, Azmon ah a pai zel ding:

34:5b.NUM.034.005 Huan, gamgi Azmon a kipan in Aigupta lui tan in a kawi ding a, a tunna tuipi ah ahi ding.

34:6b.NUM.034.006 Huan, tumlam pang ah tuipi zaa a gamgi ding in na tang ding a, hiai tum lam a na gamgi uh ahi ding.

34:7b.NUM.034.007 Huan, hiai mal lam a na gamgi uh ahi ding: tuipi zaa a kipan in Hor tang huap in na bawl ding a:

34:8b.NUM.034.008 Hor tang a kipan Hamat lutna tan in na bawl ding a, gamgi tunna bel Zedah ah ahi ding a;

34:9b.NUM.034.009 Huan, gamgi Ziphron ah pai zel ding a, huan, a tunna Hazar-anah ah ahi ding; hiai mal lam a na gamgi uh ahi ding.

34:10b.NUM.034.010 Huan, suah lam a na gamgi uh Hazar-enan a kipan a Sepham tan in na bawl ding a:

34:11b.NUM.034.011 Huan, gamgi Sepham a kipan in Rebla tan in Ain suah lam pang ah a sukpai ding a; huchi in, gamgi a paisuksuk dia, Kineret tuipi suah lam pang a sun ding:

34:12b.NUM.034.012 Huan, gamgi Jordan ah a paisuk ding a, huan, a tunna Tuipi Al ah ahi ding: hiai a kimvel a gamgi paidan bang in na gam uh ahi ding, chi in, chi in.

34:13b.NUM.034.013 Huchi in Mosi in Israel suante thu a pia a, Hiai TOUPA'N nam kua leh a kimkhatte piak ding a thu a piak aisan a na luah ding gam uh ahi:

34:14b.NUM.034.014 Reuben tate nam in a innkuan uh dungzui zel leh Gad tate nam in a innkuan uh dungzui zel leh Manase nam kimkhat in leng a gam luah ding uh a tang ta ngal ua:

34:15b.NUM.034.015 Nam nih leh nam kimkhatte'n a gam luah ding uh ni suahlam Jeriko zawn Jordan gal suah lam ah a tangta uh, chi in.

34:16b.NUM.034.016 Huan, TOUPA'N Mosi a houpih a,

34:17b.NUM.034.017 Luah ding a gam hon khennen pihte min hiaite ahi: siampu Eleazar leh Nun tapa Josuate.

34:18b.NUM.034.018 Huan, gam luah ding khen mi a ding in namchih lak a inntek pen khat chiat na tel ding ahi, chi in.

34:19b.NUM.034.019 Huai mite min bel hiaite ahi: Juda nam a mi Jephune tapa Kaleb.

34:20b.NUM.034.020 Huan, Simeon tate nam a mi Amihud tapa Semuel.

34:21b.NUM.034.021 Huan, Benzamin nam a mi Kislon tapa Elidad.

34:22b.NUM.034.022 Dan tate nam lak a inntek pen Jogli tapa Buki.

34:23b.NUM.034.023 Joseph tate lak a mi, Manase tate nam inntek pen Ephod tapa Haniel:

34:24b.NUM.034.024 Epharim tate nam lak a inntek pen Sitan tapa Kemuel.

34:25b.NUM.034.025 Huan, Zebulun tate nam lak a inntek pen Parnak tapa Elizaphan.

34:26b.NUM.034.026 Isakar tate nam lak a inntek pen Azan tapa Paltiel.

34:27b.NUM.034.027 Aser tate nam lak a inntek pen Selomi tapa Ahihud.

34:28b.NUM.034.028 Naphtali tate nam lak a inntek pen Amidhud tapa Padahel.Hiaite Kanan gam a Israel suante gam luah ding hawm ding a TOUPA'N thu a piakte ahi uhi.

34:29b.NUM.034.029 Hiaite Kanan gam a Israel suante gam luah ding hawm ding a TOUPA'N thu a piakte ahi uhi.

35

35:1b.NUM.035.001 Huan, Jeriko zawn Jordan gei, Moab phai ah TOUPA'N Mosi a houpih a,

35:2b.NUM.035.002 Israel suante thupia inla, a gam uah Levite omna ding khuate bawlsak uhen; huan, a gante uh tatna ding in kho dainawl kim khawng Levite na piak ding ahi.

35:3b.NUM.035.003 Khuate a omna ding uh ahi ding a, a kimte khawng bel bawng leh a gante uh, a gan vulh tengteng uh a ding ahi ding.

35:4b.NUM.035.004 Huan, dainawl Levite na piak ding kho kulh a kipan tong sangkhat a sau ahi ding ahi.

35:5b.NUM.035.005 Huan, kulh polam a kipan in na teh ding a, suah lam pang ah tong sangnih, mal lam pang ah tong sangnih, khua lai tak a om in. Hiai amau dainawl tuam ahi ding.

35:6b.NUM.035.006 Huan, Levite na piak ding khuate tualthatte taina ding kihumbitna khopi guk ahi ding a; huaite lou kho sawmli leh kho nih na piak lai ding ahi.

35:7b.NUM.035.007 Levite na piak ding khua tengteng kho sawmli leh kho giat ahi ding: dainawl toh na piak ding ahi.

35:8b.NUM.035.008 Israel suante luah khua na piakdan ding, a tam deuh a kipan in pe tam ding a, a tawm deuh a kipan in na pe tawm ding a, michih in a luah uh gam tamdan dungzui a khua Levite a piak ding ahi, chi in

35:9b.NUM.035.009 Huan, TOUPA'N Mosi a houpih a,

35:10b.NUM.035.010 Israel suante houpih inla, a kiang uah,

35:11b.NUM.035.011 Jordan lui na galkah ua Kanan gam na lut chiang un kihumbitna khua ding khua na seh ding uh ahi, tualthat kha mi taina ding in.

35:12b.NUM.035.012 Huai khuate phula mi a kipan na kihumbitna khua uh ahi ding; omkhawmte ma a vaihawm sak ding a a din ma a tualthatmi a sih louhna ding in.

35:13b.NUM.035.013 Huchi in, nou a ding a kihumbitna ding na sehte uh khopi guk ahi ding.

35:14b.NUM.035.014 Jordan galah khopi thum na sep ding ua, Kanan gamah khopi thum na sep ding ua, kihumbitna khopite ahi ding uh.

35:15b.NUM.035.015 Israel suante leh nam dang leh a kiang ua tengte di'n hiai khopi guk kihumbitna ahi ding; huai lai ah kuapeuh mi that kha a tai ding uhi.

35:16b.NUM.035.016 Himahleh sik zang a mi a sual a, a sih leh tualthat ahi a: tualthat bel hihlup ngeingei ding ahi.

35:17b.NUM.035.017 Huan, si khop a suang a mi a den a a sih leh tualthat ahi a, tualthat bel hihlup ngeingei ding ahi.

35:18b.NUM.035.018 Huan, si khop a mi sing a a sat a, a sih leh tualthat ahi a, tualthat bel hihlup ngeingei ding ahi.

35:19b.NUM.035.019 Sisan phula mi'n tualthat mi a that pah mai ding: a muh peuh chiang in a hihlum ding ahi.

35:20b.NUM.035.020 Huan, mi a huat ziak a a sawm ek hiam, na guk tan a a den hiam a a sih in hiam,

35:21b.NUM.035.021 Kiselna ziak a tuplup hiam a hihleh, a hihlum mi pen hihlup ngei ding ahi.

35:22b.NUM.035.022 A hihhang in kisel ziak hi khol lou a sawm guih hiam, huan, tang hi khol lou a, mi a om uh chih leng theilou a,

35:23b.NUM.035.023 A melma leng hi lou a, a poikhoih tum leng hi tuan lou a suang hiam a den a, mi a na sih a, a hih leh:

35:24b.NUM.035.024 Omkhawmte'n hiai vaihawmna dan bang in a hihlum mi leh sisan phula mi vai a hawm sak ding uh ahi:

35:25b.NUM.035.025 Huan, omkhawmte'n tualthat mi sisan phula mi lak a kipan a honkhe ding ua, omkhawmte'n a taina, kihumbitna khua ah a omsak nawn ding ua, sathau siangthou nilh siampu lian a sih mateng huailai ah a om ding hi.

35:26b.NUM.035.026 Himahleh chiklai peuh in tualthat mi a tai na, a kihumbitna kho gamgi po lam a pai a;

35:27b.NUM.035.027 Sisan phula mi in a kihumbitna kho po lam a a muh a sisan phula mi in a thah leh sisan ah moh a tang kei ding;

35:28b.NUM.035.028 Siampu lian a sih mateng a kihumbitna khua om gige ding a hihziak in; siampu a sih nung in bel tualthat mi a omna gam a pai nawn ding ahi.

35:29b.NUM.035.029 Hiai thilte na suante uh tan a na omna peuh ua na vaihawm dan ding uh ahi.

35:30b.NUM.035.030 Kuapeuh in mi a thah leh tualthat mi pen theihpihte kam a kipan thupawt a hihlup ding ahi: himahleh theihpih khat zaw mi hihlupna ding in a hun kei.

35:31b.NUM.035.031 Huan, tualthat mi zaw na tat ding uh ahi kei, sihna khop dia moh ahi a, hihlup ngei ding ahi zaw.

35:32b.NUM.035.032 Huan, siampu sih ma in, a kihumbitna khua a tai, a gam a om nawn ding a tatna na lak ding uh ahi kei.

35:33b.NUM.035.033 Huchi in na omna gam uh na hih thanghuai kei ding ua, sisan in gam a hih thanghuai leh sisan suahna gam hih thanghuai silna di'n a suahmi sisan kia lou lah zat theih ahi ngal kei a.Na omna gam uh, ka omna na hih thanghuai ding uh ahi kei; kei TOUPA lah Israel suante lak ah ka om ngal a, chi in, chi in.

35:34b.NUM.035.034 Na omna gam uh, ka omna na hih thanghuai ding uh ahi kei; kei TOUPA lah Israel suante lak ah ka om ngal a, chi in, chi in.

36

36:1b.NUM.036.001 Huan, Joseph innkuanpihte lak a mi, Manase ta Makir tapa Gilead tate innkuan inntek pente lak a mite'n a hon naih ua, Mosi leh heutu, Israel suante inntek pente ma ah thu a gen ua:

36:2b.NUM.036.002 TOUPA'N ka pu Israel suante suante aisan a a luah ding gam uh pe ding in thu a pia a: huan, TOUPA'N ka pu, ka unaupa uh Zelophehad luah ding a a tanute pe ding in thu a pia a.

36:3b.NUM.036.003 Huan, amau Israel suante lak a mi, nam dang kuapeuh tate leng neita leh, ka pi-le-pute uh gam a luah uh lak sak a, a va kigawmpihte uh nam gam toh gawm ding ahi ding a; huchi bang in ka gam tantuan ua kipan lakkhiak a hong hi ding a.

36:4b.NUM.036.004 Huan, Israel suante Jubili a hong tun chiang in a gam uh a va kigawm pih peuhpeuhna dingte uh nam gam toh gawm ding ahi ding a: huchi in ka pi-le-pute uh nam gam a kipan a gam uh lak hek a hong hi sin hi, a chi ua.

36:5b.NUM.036.005 Huan, Mosi in, TOUPA thu bang in Israel suante thu a pia a, Joseph tate nam in a gen dik uhi.

36:6b.NUM.036.006 Zelophehad tanute tungtang thu a TOUPA'N thu a piak pen hichi in ahi, Hoih a saksak uh kitenpih uhen la, himahleh a pate uh nampih lak a mi ngei a kitenpih ding uh ahi, chi in,

36:7b.NUM.036.007 Huchi in Israel suante gam pen nam dang kiang a suansuan ahi kei ding. Israel suante'n a pi-leh-pu uh nam gam a neih gige ding uh ahi.

36:8b.NUM.036.008 Huan, Israel suante lak a gouluah pen ding tanu peuhpeuh Israel suante'n a pi-leh-pute uh gam a luah chiat zel theihna ding un a pa nampih lak a mi ngei zi ahi ding ahi.

36:9b.NUM.036.009 Huchi in gam bel nam dang namdang kiang ah suansuan ahi sin kei hi. Israel suante'n amau gam chiat a tang gige ding uh ahi ngal a, chi in.

36:10b.NUM.036.010 Huan, TOUPA'N Mosi thu a piak bang geih in Zelophehad tanute'n a hih uhi.

36:11b.NUM.036.011 Zelophehad tanu Malate, Tirzate, Hoglate, Milkate, Novate'n a pa uh unau tapate a kitenpih uhi.

36:12b.NUM.036.012 Joseph ta Manase tapate a kitenpih ua, a gam uh a pa uh nam in a om gige ahi.Hiaite TOUPA'N Mosi zang a Jeriko zawn Jordan gal a Moab phai a Israel suante a piak, thupiakte leh vaihawmdante ahi uhi.

36:13b.NUM.036.013 Hiaite TOUPA'N Mosi zang a Jeriko zawn Jordan gal a Moab phai a Israel suante a piak, thupiakte leh vaihawmdante ahi uhi.