Jude (Ojibwa)

1

1:1b.JUD.001.001 ᓃᓐ ᒎᑦ ᒋᓴᔅ X ᐅᑕᓄᑮᐋᑲᓇᓐ᙮ ᒌᒥᔅ ᐃᔑᓂᑳᓱ ᓃᒋᑭᐌᓯ᙮ ᑭᑑᔑᐲᐊᒪᐎᓂᓂᒻ ᑲᑭᓇ ᑮᓇᐙ ᑳᔭᑐᒥᓀᒃ, ᑳᓵᑭᐃᓀᒃ ᑲᔦ ᑭᔐᒪᓂᑑ ᑳᐅᔫᓯᒥᓐᒡ, ᒋᓴᔅ X ᐃᑕᔥ ᑳᑲᓇᐌᓂᒥᓀᒃ᙮

1:2b.JUD.001.002 ᒦᑕᔥ ᐃᐃ ᐁᔑᐸᑯᓭᓂᒧᔮᓐ ᒨᔕᑭᑯ ᒋᑰᐹᑌᓂᒥᓀᒃ ᑭᔐᒪᓂᑑ ᒋᐊᓂᑳᑌᑖᑾᒃ ᑭᐱᓵᓀᑕᒧᐎᓂᐙ ᒫᓄ ᑲᔦ ᒋᐊᓂᑳᒋᓵᑭᐃᑎᔦᒃ᙮

1:3b.JUD.001.003 ᑳᓵᑭᐃᓇᑰᒃ, ᐋᐱᒋ ᐅᔕ ᐌᐌᓂ ᓂᑮᑲᑴᐃᔑᒋᑫ ᒋᐅᔑᐲᐊᒪᐎᓇᑰᒃ ᑭᐱᒫᒋᐃᑰᐎᓂᓈᓐ ᐅᒋ ᑳᒫᒪᐎᑑᔭᕽ᙮ ᓅᑯᒻ ᐃᑕᔥ ᓂᑮᐃᓇᒪᒋᐞ ᒋᐅᔑᐲᐊᒪᐎᓇᑰᒃ ᐁᑳᒋᑲᓅᓂᓇᑰᒃ ᑮᓇᐙ ᒋᑲᑴᓈᑕᒫᑕᒣᒃ ᐃᐃ ᑌᐺᑕᒧᐎᓐ ᑭᔐᒪᓂᑑ ᑳᑮᒦᓈᒡ ᐅᐱᒫᑎᓰᒪᐞ᙮

1:4b.JUD.001.004 ᐊᓂᑕ ᐁᓇᒥᐁᐙᑎᓯᓯᒀ ᐅᔕ ᑭᑮᐲᑎᑳᑯᓈᓂᒃ ᐁᑮᑭᑫᑖᑯᓯᓯᒀ ᐁᑎᓄᐎᐙᒡ᙮ ᒦᐗᒃ ᐃᑕᔥ ᐃᐃ ᑳᑮᑴᑭᓇᒧᐙᒡ ᐁᓈᑐᑌᓂᒃ ᑭᔐᒪᓂᑑᓐ ᐅᑭᔐᐙᑎᓯᐎᓂᓂ, ᒦᔥ ᒣᔥᑾᒡ ᐁᓈᐸᒋᑑᐙᒡ ᐱᓵᓐ ᑫᐅᒋᑑᑕᒧᐙᒡ ᓅᒋᑯ ᐅᑎᔑᒋᑫᐎᓂᐙᓐ᙮ ᒦᐗᒃ ᐃᑕᔥ ᐃᑭ ᑳᔮᓇᐌᓂᒫᐙᒡ ᒋᓴᔅ Xᑕᓐ ᑳᒥᒋᐯᔑᑯᓂᒡ ᑭᑑᑭᒫᒥᓈᓂᓐ, ᑳᑎᐯᓂᒥᒥᓇᕽ ᑲᔦ᙮ ᒣᐎᔕ ᐄᑐᒃ ᑮᐃᔑᐲᐃᑳᑌᑯᐸᓐ ᐋᓃᓐ ᑫᔑᑲᒀᑕᑭᐃᑣ᙮

1:5b.JUD.001.005 ᐋᓇᐐᓐ ᐋᔕ ᑲᑭᓇ ᐁᑭᑫᑕᒣᒃ ᐅᐅ, ᔖᑰᒡ ᐃᑕᔥ ᓂᒥᓴᐌᑖᓐ ᒋᒫᒥᑲᐎᒥᓂᓇᑰᒃ ᑳᑎᐯᒋᑫᒡ ᐁᑮᐅᒋᔖᐾᐋᒡ ᐅᐱᒫᑎᓰᒪᐞ ᐌᑎ ᐄᒋᐸᑮᕽ ᑮᓵᑭᒋᐎᓈᒡ᙮ ᓈᓈᑫ ᑕᔥ ᐅᑮᓂᔑᐙᓈᒋᐋᐞ ᐃᐃ ᑳᑮᑌᐺᔦᑕᓯᓂᒃ᙮

1:6b.JUD.001.006 ᒫᒥᑲᐎᓄᑕᐎᑾᒃ ᐃᑕᔥ ᐁᒐᓬᐊᒃ ᑳᑮᐃᔑᑕᔒᑫᓯᒀ ᑳᑮᐃᔑᒦᓂᑣᐸᓐ ᒋᔑᑎᐯᒋᑫᐙᒡ, ᑳᑮᓇᑲᑕᒧᐙᒡ ᑫᑮᐃᔑᑖᐙᐸᓐ᙮ ᓅᑯᒻ ᐃᑕᔥ ᐲᐙᐱᑴᔮᐲᓐ ᐐᑳ ᑫᐴᓂᐊᔮᓯᓂᓂᑭᓐ ᐋᐸᑕᓂᓂᐗᓐ ᐁᒪᒫᒋᑾᐱᓱᐙᒡ᙮ ᐊᓈᒥᕽ ᑳᐃᔑᑲᔥᑮᑎᐱᑲᓂᓂᒃ ᐃᑕᔥ ᑭᔐᒪᓂᑑᓐ ᐅᑕᔑᑭᐸᐅᑯᐙᓐ ᐁᑲᓇᐌᓂᒥᑯᐙᒡ ᐁᐐᑎᐹᑯᓂᑯᐙᒡ ᐊᐲ ᑭᒋᑎᐹᑯᓂᑫᐎᑮᔑᑲᓂᓂᒃ᙮ ᒦᑕᔥ ᐃᐃ ᐊᐲ ᑫᓂᔑᐗᓈᒋᐃᑣ᙮

1:7b.JUD.001.007 ᒫᒥᑲᐎᒃ ᐃᑕᔥ ᑲᔦ ᔂᑕᒻ, ᑲᒸᕒᐊ, ᐃᓂ ᑲᔦ ᐆᑌᓇᐗᓐ ᑳᑮᐊᔮᑭᓐ ᐃᐃᒫ ᒌᑲᔭᐄ᙮ ᐃᑭᐌᓂᐗᒃ ᑲᔦ ᑳᑮᑕᔒᑫᐙᒡ ᐃᐃᒫ ᐆᑌᓈᑳᕽ ᐯᔑᑾᓐ ᑮᐃᔑᒋᑫᐗᒃ ᑳᑮᐃᔑᒋᑫᓂᒡ ᒪᒋᐁᒐᓬᐊᐞ ᓅᒋᑯ ᐁᑮᐃᔑᒋᑫᐙᒡ, ᐁᑮᓇᐹᒋ ᐱᔑᒀᒋᒋᑫᐙᒡ ᑲᔦ᙮ ᐃᓂ ᑕᔥ ᐆᑌᓇᐗᓐ, ᐃᑭ ᑲᔦ ᑳᑮᐱᒫᑎᓯᐙᒡ ᑮᓇᓇᐊᓵᐗᒃ ᒋᓀᐱᒋ ᒑᑭᓱᑣ᙮ ᒦᔥ ᐃᐃᒫ ᐁᔑᐙᐸᑕᐃᑰᔭᕽ, ᐯᑭᔥ ᐃᑕᔥ ᐁᐊᔮᒀᒥᒥᑰᔭᕽ᙮

1:8b.JUD.001.008 ᒦᑕᔥ ᐯᔑᑾᓐ ᐅᑯ ᐅᐗᓂᑭᑭᓄᐃᑫᒃ ᐁᔑᒋᑫᐙᒡ, ᐅᑎᔑᓇᒧᐎᓂᐙᕽ ᐃᑯ ᓇᑫ ᐁᐃᔑᓅᒋᑯᑑᑕᒧᐙᒡ ᐅᐐᔭᐎᐙᓐ᙮ ᑳᐐᓐ ᑲᔦ ᐅᐸᐹᐱᓯᔅᑫᑕᓰᓈᐙᓐ ᐅᑭᒫᐎᐎᓇᓐ ᑭᔐᒪᓂᑑᓐ ᑳᐅᓇᑑᓂᒡ᙮ ᓅᒋᑯ ᑲᔦ ᐅᑎᓈᐙᐞ ᐁᒐᓬᐊᐞ ᑳᑭᑌᑖᑯᓯᓂᒡ ᐃᔥᐱᒥᕽ ᑳᔭᔮᓂᒡ᙮

1:9b.JUD.001.009 ᐃᓇᔥᑫ ᐐᓐ ᐊᐊ ᑳᓃᑳᓀᑖᑯᓯᒡ ᐁᒐᓬ ᒪᔨᑲᓬ ᑳᐐᓐ ᐃᐃ ᑮᐃᔑᒋᑫᓰ᙮ ᐊᐲ ᑮᑲᑴᔖᑰᓱᒫᒡ ᒪᒋᐊᔭᐋᓐ ᐋᓃᓐ ᑫᑮᑑᒋᑳᑌᓂᑭᐸᓐ ᒨᓯᓲᓐ ᐅᐐᔭᐎᓂ, ᑳᐐᓐ ᒪᔨᑲᓬ ᑲᓇᑫ ᐅᑮᑲᑴ ᓂᔑᐗᓈᓱᒫᓰᓐ ᒪᒋᐊᔭᐋᓐ ᐊᓅᒋᑯ ᐃᔑᑮᔗᐎᓇᓐ ᒋᑮᐋᐸᒋᑑᐸᓐ᙮ ᒦᐁᑕ ᑳᐃᓈᒡ: ᑕᑲ ᑳᑎᐯᒋᑫᒡ ᑭᑲᑭᒋᓅᒋᐃᒃ, ᐅᑮᐃᓈᓐ᙮

1:10b.JUD.001.010 ᐅᑯᐌᓂᐗᒃ ᐃᑕᔥ ᐐᓐ ᐃᓂᓂᐗᒃ ᒦᓴᑯᐃ ᐁᔑᒪᒋ ᐃᑕᒧᐙᒡ ᑫᑰᓇᓐ ᓀᓯᑐᑕᓯᒀ᙮ ᐃᓂ ᓴ ᐐᓐ ᐸᑮ ᑫᑰᓐ ᑳᑭᑫᑕᒧᐙᒡ, ᐅᑎᔑᑭᑫᑖᓈᐙ ᐁᑕ ᑖᐱᔥᑰ ᐊᔭᐋᐎᔕᐞ ᑳᐃᔑᒥᒋ ᐸᐎᑭᑫᒋᑫᓂᒡ ᑌᐺ ᐁᓈᓈᑲᑕᐌᑕᓯᓂᒃ᙮ ᒦᐗᓐ ᑕᔥ ᐃᓂ ᑎᓄ ᑫᓂᔑᐗᓈᒋᐃᑯᐙᒡ᙮

1:11b.JUD.001.011 ᐐᑫ ᓴ ᑕᑭᒋᑰᐹᓯᓈᑯᓯᐗᒃ! ᒦᓴ ᒪᔮ ᐁᔑᒋᑫᐙᒡ ᐁᓈᐱᒋᑫᐙᒡ ᑳᑮᐃᔑᒋᑫᓂᑯᐸᓀᓐ ᑫᓇᓐ ᒣᐎᔕ᙮ ᒦ ᑲᔦ ᐯᔑᑾᓐ ᐁᔑᒋᑫᐙᒡ ᑳᑮᐃᔑᒋᑫᓂᑯᐸᓀᓐ ᐯᓬᐊᒨᓐ ᑳᑮᐃᔑᒪᒫᔒᓂᒡ ᔔᓂᔮᓐ ᐅᒋ᙮ ᒦᔥ ᑲᔦ ᐯᔑᑾᓐ ᐁᔑᔕᔒᐱᑕᒧᐙᒡ ᑖᐱᔥᑰ ᑳᑮᐃᔑᔕᔒᐱᑕᒧᓂᑯᐸᓀᓐ ᒀᕒᐊ ᑳᑮᐃᔑᓂᑳᓱᓂᒡ᙮ ᒦᑕᔥ ᐯᔑᑾᓐ ᐃᓇᑫ ᑫᔑᓂᔑᐗᓈᑎᓯᐙᒡ ᑫᑮᐃᔑᓭᓂᒡ᙮

1:12b.JUD.001.012 ᐃᐃᐌᓂ ᓴ ᑳᔭᑲᑌᑕᓯᒀ ᑳᐃᔑᓂᑖᐸᐹᒪᑲᒥᑭᓯᐙᒡ, ᒦᓴ ᐃᒫ ᐌᒋᐐᓂᔥᑲᒧᐙᒡ ᑮᓇᐙ ᐁᐐᑑᑳᓱᐙᒡ ᑳᐃᔑᓵᑭᐃᑏᐎ ᐐᑾᑎᔦᒃ, ᐐᓀᑕᐙ ᐱᑯ ᐁᓈᓈᑲᒋᐃᑎᓱᐙᒡ᙮ ᒦᔥ ᐁᔑᓈᑯᓯᐙᒡ ᑖᐱᔥᑰ ᐗᑶ ᑳᐱᒥᐌᐹᓯᕽ, ᑳᑭᒥᐗᓄᑫᒪᑲᓯᓄᒃ᙮ ᑖᐱᔥᑰ ᒥᑎᑯᕽ ᑮᑕᒀᑭᒃ ᐃᔑᓈᑯᓯᐗᒃ, ᑳᓂᑖᐎᑭᑑᓯᒀ ᑲᔦ ᑫᑰᓂᓂ ᑫᑮᒦᒋᓈᑳᑌᓂᑭᐸᓐ, ᐁᐃᔑᓈᑯᓯᐙᒡ ᑲᔦ ᑭᑭᒌᐱᒃ ᑳᐱᑾᑕᑮᐱᒋᑲᓂᐎᐙᒡ ᒥᑎᑰᒃ, ᐐᑫ ᑕᔥ ᐁᐋᔩᒋᓂᐳᐙᒡ᙮

1:13b.JUD.001.013 ᒦ ᑲᔦ ᐁᔑᓈᑯᓯᐙᒡ ᑖᐱᔥᑰ ᑳᑭᒋᒪᒫᑳᔥᑳᒃ ᑭᒋᑲᒦᕽ, ᐅᑎᔑᒋᑫᐎᓂᐙᓐ ᑳᐃᔑᒨᑭᓈᑾᓂᓂᑭᓐ ᑖᐱᔥᑰ ᐲᑌ ᑳᒨᑭᓈᑾᒃ ᑮᑭᒋᓅᑎᕽ᙮ ᐁᐃᔑᓈᑯᓯᐙᒡ ᑲᔦ ᑖᐱᔥᑰ ᐗᓇᑯᔕᒃ ᓅᒋᑯ ᑳᐸᐹᒪᑰᒋᓄᐙᒡ, ᑭᔐᒪᓂᑑ ᐅᑮᐅᓇᓵᐞ ᓀᐱᒡ ᐃᑯ ᒋᐊᔮᓂᒡ ᒫᐗᒡ ᐃᑯ ᐙᓴ ᐊᓈᒥᕽ ᑳᐃᔑᑲᔥᑮᑎᐱᑲᓂᓂᒃ᙮

1:14b.JUD.001.014 ᒦᐗᐃᑕᔥ ᐅᐅ ᑳᑮᑕᔑᒫᑯᐸᓀᓐ ᐄᓄᒃ, ᓃᐎᕽ ᐋᑕᒧᕽ ᑳᑮᐅᒋᐋᓂᑰᐱᓱᒡ, ᑳᑮᐃᑭᑐᑯᐸᓀᓐ: ᑳᑎᐯᒋᑫᒡ ᐅᔕ ᐐᐱᑕᑯᔑᓐ ᐁᐐᐱᐐᒌᐙᒡ ᒥᑖᔂᒃ ᑭᒋᒥᑖᔂᒃ ᑭᔐᒪᓂᑑᓐ ᐅᑭᑌᑖᑯᓰᒥᓂ,

1:15b.JUD.001.015 ᐁᐐᐱᑎᐹᑯᓈᒡ ᑲᑭᓇ, ᒋᐅᓈᑯᓈᒡ ᑲᔦ ᐋᓃᓐ ᑫᑑᑕᐎᒥᓐᒡ ᐃᐃ ᑲᑭᓇ ᑳᐃᔑᒋᑫᓯᓂᒃ ᑭᔐᒪᓂᑑ ᑳᐃᔑᐊᑕᐌᑕᕽ, ᐃᐃ ᑲᔦ ᑲᑭᓇ ᓅᒋᑯ ᑳᐃᓈᐱᓀᒥᑯᒡ ᐅᒪᒋ ᐃᔑᐌᐱᓰᐞ, ᑮᐃᑭᑐᑯᐸᓐ᙮

1:16b.JUD.001.016 ᒦᐗᑭᓴ ᐅᑯ ᒨᔕᒃ ᑳᓂᑖᑭᒋᑳᑮᑭᑐᐙᒡ, ᑯᑕᒃ ᑲᔦ ᐊᐎᔭᐞ ᑳᔭᓈᒥᒫᐙᒡ; ᐐᓇᐙᑯ ᐁᐃᔑᒋᑫᐙᒡ ᐁᔑᒪᒋᒥᓴᐌᑕᒧᐙᒡ᙮ ᐋᐱᒋ ᐅᒋᑕ ᑲᔦ ᐁᒥᓄᐃᓈᐙᒡ ᐊᐎᔭᐞ ᐐᓇᐙ ᐱᑯ ᐁᑕ ᐁᐐᐅᒋᒥᓄᓭᐃᑎᓱᐙᒡ᙮

1:17b.JUD.001.017 ᑮᓇᐙ ᑕᔥ ᐐᓐ ᑳᓵᑭᐃᓇᑰᒃ, ᒫᒥᑲᐎᐙᒃ ᐅᑖᓈᕽ ᑳᑮᐱ ᐃᓂᓀᒀᐸᓐ ᑳᑎᐯᒋᑫᒡ ᒋᓴᔅ X ᐅᑎᔑᓂᔕᐙᑲᓇᐞ᙮

1:18b.JUD.001.018 ᒦᓴ ᐅᐌᓂ ᑳᐃᓂᓀᒀ: ᐊᐲ ᑕᔥ ᐃᔥᒀᒡ ᐊᓂᑲᑮᔑᑲᒃ, ᑕᓂᔭᔮᐗᒃ ᓴ ᑫᐹᐱᓄᑖᑫᐙᒡ, ᑫᐃᔑᒋᑫᐙᒡ ᐐᓇᐙ ᐱᑯ ᐅᒪᒋᒥᓴᐌᒋᑲᓂᐙᓐ, ᐁᑯᓵᓯᒀ ᑭᔐᒪᓂᑑᓐ᙮

1:19b.JUD.001.019 ᒦᐗᑭᓴ ᐅᑯ ᑳᓂᑖ ᓀᓈᐎᔥᑲᐙᐙᒡ ᐅᑌᐺᑕᒨᐞ, ᐐᑫ ᑳᑎᐯᓂᒥᑯᐙᒡ ᑳᐃᔑᒥᓴᐌᑕᒧᒪᑲᓂᓂᑭᓐ ᐅᐐᔭᐎᐙᓐ᙮ ᑳᐐᓐ ᑲᔦ ᐅᑕᔮᐙᓯᐙᐙᓐ ᑭᔐᒪᓂᑑᓐ ᐅᑕᒑᑯᓂ᙮

1:20b.JUD.001.020 ᑮᓇᐙ ᑕᔥ ᐐᓐ ᑳᓵᑭᐃᓇᑰᒃ, ᐁᑭᑌᑖᑾᒃ ᑭᑌᐺᑕᒧᐎᓂᐙ, ᐁᐃᓀᑖᑾᒃ ᐙᑳᐃᑲᓐ ᑳᐃᔑᐅᓈᐱᑭᓯᒋᑳᑌᒃ, ᒦ ᐃᒫ ᐃᔑᐅᐱᑳᐸᐎᐃᑎᒃ᙮ ᐃᔑᐊᓇᒥᐋᒃ ᐃᑕᔥ ᑲᔦ ᑳᐃᔑᑭᑭᓄᐎᓂᒥᓀᒃ ᑭᔐᒪᓂᑑ ᐅᑕᒑᑾᓐ᙮

1:21b.JUD.001.021 ᑭᔐᒪᓂᑑ ᐅᓵᑭᐃᐌᓂᓂᕽ ᐃᔑᐊᔮᒃ ᑫᔑᑲᓇᐌᑖᑯᓯᔦᒃ, ᒋᔮᔅᑯᓂᐲᐁᒃ ᑳᑎᐯᒋᑫᒡ ᒋᓴᔅ X ᑳᐃᔑᑰᐹᓯᓈᑫᒡ ᑳᐐᐃᔑᒦᓂᓀᒃ ᐱᒫᑎᓯᐎᓐ ᐐᑳ ᑫᐴᓂᓭᓯᓂᓂᒃ᙮

1:22b.JUD.001.022 ᑰᐹᑌᓂᒥᑾᒃ ᐃᑭ ᑳᓂᑖᐋᓉᑕᒧᐙᒡ᙮

1:23b.JUD.001.023 ᐋᓂᑕ ᑕᔥ ᐐᓐ ᐱᒫᒋᐃᑾᒃ, ᓵᑭᒋᐐᑯᐱᓂᑾᒃ ᐃᐃᒫ ᒪᒋ ᐃᔥᑯᑌᕽ᙮ ᑰᐹᑌᓂᒥᑾᒃ ᐃᑕᔥ ᑯᑕᒃ ᐋᓂᑕ ᒋᑕᑯᑯᑖᓀᑕᒣᒃ᙮ ᑲᒀᓂᓴᑫᑕᒧᐙᒃ ᐅᑎᔑᒋᑫᐎᓂᐙᓐ᙮ ᐊᔮᒀᒥᓯᒃ ᑮᓇᐙ ᐃᐃᒫ ᒋᐅᒋᐐᓂᔥᑳᑰᓯᐌᒃ᙮

1:24b.JUD.001.024 ᑕᑲ ᓴ ᓅᑯᒻ ᒦᑴᒋᐌᓂᒫᑖ ᑳᒥᒋᐯᔑᑯᒡ ᑭᔐᒪᓂᑑ ᑳᐱᒫᒋᐃᓇᕽ᙮ ᐐᓐ ᐄᑐᒃ ᑳᑲᔥᑭᑑᒡ ᒋᑲᓇᐌᓂᒥᓀᒃ ᒋᐸᑭᔑᓯᐌᒃ, ᒋᐲᓂᓀᒃ ᑲᔦ ᑳᐃᔑᐅᑭᒫᐌᑖᑾᓂᓂᒃ ᑳᐃᔑᐊᔮᒡ, ᐊᐙᒡ ᐃᑯ ᑫᑰᓐ ᒋᔑᐊᓈᒣᑖᑯᓯᓯᐌᒃ, ᐐᑫ ᑲᔦ ᒋᒥᓉᑕᒧᐌᒃ᙮ ᒋᓴᔅ X ᑳᑎᐯᓂᒥᓇᕽ ᐁᐐᒌᐗᕽ, ᑕᑲ ᓴ ᐅᒋᒦᑴᒋᐌᓂᒫᑖ ᑭᔐᒪᓂᑑ ᐋᓃᔥ ᑭᒋ ᐃᓀᑖᑯᓯ, ᑭᒋᐅᑭᒫᐌᑖᑯᓯ, ᒪᔥᑲᐌᑖᑯᓯ, ᐐᓐ ᑲᔦ ᑳᑲᔥᑭᐁᐎᓯᒡ᙮ ᒦᓴ ᐅᐌᓂ ᑳᐃᓀᑖᑯᓯᒡ ᒋᑆ ᐊᔮᓂᒃ ᐊᑭ, ᓅᑯᒻ ᑲᔦ, ᒦ ᑲᔦ ᐃ ᓀᐱᒡ ᐃᑯ ᑫᓂ ᐃᔑᐊᔮᒡ! ᐁᒣᓐ!