3 John (Ojibwa)

31

31:1b.3JO.031.001 ᓃᓐ ᒞᓐ ᑳᓃᑳᓂᓯᔮᓐ ᑭᑑᔑᐲᐊᒪᐎᓐ᙮ ᑮᓐ ᑳᓵᑭᐐᒌᐎᓈᓐ ᑫᔭᔅ, ᑌᐺ ᑳᓵᑭᐊᒃ᙮

31:2b.3JO.031.002 ᑳᓵᑭᐃᓈᓐ, ᓂᑎᔑᐸᑯᓭᓂᒻ ᒥᓯᐌ ᐱᑯ ᒋᐃᔑᒥᓄᓭᔭᓐ, ᒋᒥᓄᐊᔮᔭᓐ ᑲᔦ, ᑳᔑᑭᑫᓂᒥᓈᓐ ᐁᐃᔑᒥᓄᓭᔭᓐ ᑭᑕᒑᑯᐱᒫᑎᓯᐎᓂᕽ᙮

31:3b.3JO.031.003 ᐋᐱᒋ ᓂᑮᒥᓉᑕᒻ ᐊᐲ ᐅᑕᓇᒥᐋᒃ ᑮᐱᑕᑯᔑᓄᐙᑦ ᐁᑮᑎᐹᒋᒥᒀ ᐁᑭᒋᐌᑕᒪᓐ ᑳᑌᐺᐌᑖᑾᒃ ᑎᐹᒋᒧᐎᓐ, ᐁᐃᔑᐱᒫᑎᓯᔭᓐ ᑲᔦ ᑳᐃᓇᑌᒃ ᑌᐺᐎᓐ᙮

31:4b.3JO.031.004 ᒦᑕᔥ ᐃᐃ ᒫᐗᒡ ᑫᑰᓐ ᑳᒥᓉᑕᒧᐃᑯᔮᓐ ᑮᓅᑕᒫᓐ ᓂᓃᒑᓂᓴᒃ ᑮᐃᔑᐱᒫᑎᓯᐙᒡ ᑌᐺᐎᓂᕽ᙮

31:5b.3JO.031.005 ᑮᓐ ᑳᓵᑭᐃᓈᓐ, ᐋᐱᒋ ᓴ ᑾᔭᒃ ᑭᑎᔑᒋᑫ ᐃᐃ ᑳᔑᓂᑖ ᐐᒋᐊᑣ ᐅᑕᓇᒥᐋᒃ, ᐃᑭᐌᓂᐗᒃ ᐃᑯ ᑲᔦ ᑳᐲᐎᑌᑲᑕᐎᒀ᙮

31:6b.3JO.031.006 ᑮᐱᑎᐹᒋᒧᐗᒃ ᑕᔥ ᑲᔦ ᐅᐅᒫ ᑳᔑᒫᐗᒋᐃᑎᔮᕽ ᐅᑕᓇᒥᐋᒃ ᐁᑮᐐᑕᒫᑫᐙᒡ ᐋᓃᓐ ᐁᔑᓵᑭᐃᐌᔭᓐ᙮ ᑭᑲᒥᓄᒋᑫ ᐐᒋᐊᑣ ᒋᒫᒑᐙᒡ, ᑭᔐᒪᓂᑑ ᓇᑫ ᑳᔑᒥᓍᐸᑕᕽ᙮

31:7b.3JO.031.007 ᒦᐄᑐᒃ ᑳᑮᐅᒋᒫᒑᐙᒡ ᐁᐸᐹᐊᓄᑮᑕᐙᐙᒡ Xᑕᓐ᙮ ᑳᐐᓐ ᓴ ᑫᑰᓂᓂ ᐅᑮᐅᑖᐱᓇᒪᐙᓯᐙᐙᐞ ᑳᐊᓇᒪᐁᐙᑎᓯᓯᓂᒃ ᑫᑮᐃᔑᐐᒋᐃᑯᐙᐸᓐ᙮

31:8b.3JO.031.008 ᒦᑕᔥ ᐁᔑᓈᑾᒃ ᑮᓇᐎᓐᑦ ᒋᐐᒋᐊᒀᐸᓐ ᐃᑭ ᑎᓄ ᐃᓂᓂᐗᒃ ᒦᑕᔥ ᐃᐃ ᐁᐐᑕᓄᑮᒪᑭᑣ ᐃᐃ ᑳᐸᐹᑕᔑᑕᒧᐙᒡ ᑌᐺᐎᓐ᙮

31:9b.3JO.031.009 ᓂᑮᐅᔑᐲᐊᒪᐙᒃ ᑕᔥ ᐃᑭ ᐅᑕᓇᒥᐋᒃ ᑳᔑᐅᑸᓄᐙᒡ᙮ ᐊᐊ ᑕᔥ ᑕᔮᒐᕒᐊᐲᔅ ᑳᓂᑖ ᑲᑴ ᓂᑕᒣᑖᑯᓯᒡ ᑳᐐᓐ ᐅᒋᑕ ᓂᐸᐹᐱᓯᔅᑭᑖᑯᓰᓈᓐ᙮

31:10b.3JO.031.010 ᑮᔥᐱᓐ ᑕᔥ ᐱᑕᑯᔑᓈᓐ, ᓂᐐᑕᔑᑕᒧᐙᓐ ᐋᓃᓐ ᐁᔑᒋᑫᒡ, ᐅᒋᑕᑯ ᐁᓂᑖ ᐊᓈᒥᒥᔭᒥᓐᒡ᙮ ᑳᐐᓐ ᑕᔥ ᑌᐺᓰ ᐃ ᑳᐃᑭᑐᒡ᙮ ᑌᒥᓂᒃ ᐃᑕᔥ ᐁᐃᓀᑕᓯᒃ ᐃᐃ ᑳᐃᔑᒋᑫᒡ, ᑳᐐᓐ ᑲᔦ ᐅᑖᐎᓂᕽ ᐅᐲᑎᑲᓈᓰᐞ ᐅᑕᓇᒥᐋᐞ ᑳᐱᒥᐊᔮᓂᒡ᙮ ᐅᑭᐱᑎᓈᐞ ᑲᔦ ᐃᐃ ᑳ ᐊᑕᐌᑕᒥᓂᒡ ᐃᐃ ᐁᐐᐃᔑᒋᑫᓂᒡ᙮ ᒦᑕᔥ ᐁᔑᓵᑭᒋᐌᐱᓈᒡ ᐃᐃᒫ ᑳᔑᒫᐗᒋᐃᑎᓂᒡ ᐅᑕᓇᒥᐋᐞ᙮

31:11b.3JO.031.011 ᑳᓵᑭᐐᒌᐎᓈᓐ, ᑫᑯ ᑲᑴᓈᐱᑑᑕᑫᓐ ᑳᒪᒋᓈᑾᒃ᙮ ᐃᐃ ᑑᑕᓐ ᑳᐅᓂᔑᔑᒃ᙮ ᐊᐎᔭ ᓴ ᑳᑑᑕᕽ ᑳᐅᓂᔑᔑᓂᓂᒃ, ᑭᔐᒪᓂᑑᕽ ᐅᒋᑎᐯᑖᑯᓯ᙮ ᐊᐊ ᑕᔥ ᐐᓐ ᑳᑑᑕᕽ ᑳᒪᒋᓈᑾᓂᓂᒃ, ᑳᐐᓐ ᐄᓴᓐ ᐅᑑᒋᐙᐸᒫᓰᓐ ᑭᔐᒪᓂᑑᓐ᙮

31:12b.3JO.031.012 ᑕᒦᒐᕒᐃᔭᔅ ᑕᔥ ᑲᑭᓇ ᐊᐎᔭᓐ ᐅᒥᓍᒋᒥᑰᓐ᙮ ᑳᐃᔑᑌᐺᔮᑐᑌᓂᒃ ᑲᔦ ᐅᐱᒫᑎᓯᐎᓐ ᐅᒋᒥᓍᐸᒋᑲᓂᐎ᙮ ᑫᓃᓇᐎᓐᑦ ᑕᔥ ᓂᑕᑯᒥᓍᒋᒫᓈᓐ᙮ ᑭᑭᑫᑖᓐ ᐄᑐᒃ ᓂᑎᐹᒋᒧᐎᓂᓈᓐ ᐁᑌᐺᒪᑲᒃ᙮

31:13b.3JO.031.013 ᓃᐱᐗᐞ ᐃᓴ ᑭᑖᐃᓂᓐ, ᑳᐐᓐ ᑕᔥ ᐃᐃ ᓂᐐᐃᔑᐲᐃᑫᓰ᙮

31:14b.3JO.031.014 ᓂᐸᑯᓭᓂᒻ ᑕᔥ ᐐᐸ ᒋᐙᐸᒥᓈᓐ, ᒦᓴ ᐃ ᐊᐲ ᑫᑲᑲᓅᓂᑎᔭᕽ᙮

31:15b.3JO.031.015 ᐱᓵᓐ ᐊᔭᔮᓐ᙮ ᑳᓵᑭᐐᒌᐗᒀ ᐅᐅᒫ ᑭᐴᔔᐃᑰᒃ᙮ ᐐᑕᒪᐤ ᐁᐴᔔᐊᑭᑣ ᑳᓵᑭᐊᑭᑣ ᐌᑎ ᑲᑭᓇ ᑳᐊᔭᐙᒡ᙮ ᒦᐃ ᒥᓂᒃ ᐁᔑᐲᐊᒪᐎᓈᓐ᙮