1 John (Ojibwa)

11

11:1b.1JO.011.001 ᑭᑑᔑᐲᐊᒪᐎᓂᓂᒻ ᐁᑕᔑᑕᒪᐎᓇᑰᒃ ᐊᐊᐌ ᑭᔐᒪᓂᑑ ᐅᑎᑭᑐᐎᓐ ᑳᐃᔑᓂᑳᓱᒡ, ᐐᓐ ᑳᒦᑭᐌᒡ ᐱᒫᑎᓯᐎᓐ᙮ ᐐᓐ ᐄᑐᒃ ᒫᐗᒡ ᓂᑕᒻ ᑮᐊᔮ᙮ ᓃᓇᐎᓐᑦ ᐃᑯ ᓂᑮᓅᑕᐙᓈᓐ, ᓂᔥᑮᔑᑯᓈᓂᕽ ᓂᑮᐅᒋᐙᐸᒫᓈᓐ᙮ ᓂᑮᓈᓈᑲᑕᐙᐸᒫᓈᓐ ᑲᔦ, ᓂᑮᓵᒥᓈᓈᓐ ᑲᔦ, ᒦᓴ ᐊᐊᐌ ᑳᐅᒋᐅᔑᐲᐊᒫᑰᔦᒃ!

11:2b.1JO.011.002 ᐊᐲ ᑕᔥ ᑮᓈᑯᓰᐃᑎᓱᒡ ᐊᐊᐌ ᐱᒫᑎᓯᐎᓐ, ᓂᑮᐙᐸᒫᓈᓐ, ᓂᑎᐹᒋᒫᓈᓐ ᑲᔦ, ᐁᑕᔑᑕᒫᑰᔦᒃ ᐊᐊᐌ ᒨᔕᒃ ᐃᑯ ᐱᒫᑎᓯᐎᓐ ᑳᐊᔮᒡ᙮ ᐐᓐ ᑳᑮᐐᒋᐊᔮᒥᑯᒡ ᑭᔐᒪᓂᑑᓐ ᑳᐅᑌᑌᒫᐎᓂᒡ, ᓂᑮᓈᑯᓰᑖᑯᓈᓐ᙮

11:3b.1JO.011.003 ᐃᐃ ᑕᔥ ᓃᓇᐎᓐᑦ ᑳᑮᐙᐸᑕᒫᕽ, ᑳᑮᓅᑕᒫᕽ ᑲᔦ, ᑳᐅᒋᐐᑕᒫᑰᔦᒃ ᑫᑮᓇᐙ ᒋᐐᒌᐎᔮᕽ, ᐅᐅ ᑳᔑᐐᒌᐗᑭᒡ ᑳᐅᑌᑌᒫᐎᒡ, ᐃᓂ ᑲᔦ ᑳᔑᐐᒌᐎᒪᑭᒡ ᐅᑯᓯᓴᓐ ᒋᓴᔅ Xᑕᓐ᙮

11:4b.1JO.011.004 ᒦᑕᔥ ᑳᐅᒋᐅᔑᐲᐊᒫᑰᔦᒃ ᓃᓇᐎᓐᑦ ᐐᑫ ᒋᑮᔑᓈᑾᒃ ᓂᒥᓉᑕᒧᐎᓂᓈᓐ᙮

11:5b.1JO.011.005 ᒦᑕᔥ ᐅᐅᐌᓂ ᐅᑎᐹᒋᒧᐎᓐ ᑳᑮᓅᑕᐗᑭᒡ ᐁᐐᑕᒪᐎᓇᑭᒡ, ᒦᑕᔥ ᐅᐅ ᑳᐐᑕᒫᑰᔦᒃ; ᑭᔐᒪᓂᑑ ᐁᐙᓭᔮᓯᒡ, ᑳᐐᓐ ᑲᔦ ᐊᐙᒡ ᐸᑮ ᑲᔥᑮᑎᐱᑭᓯᐎᓐ ᐅᑕᔮᓰᓐ᙮

11:6b.1JO.011.006 ᑮᔥᐱᓐ ᐃᑭᑐᔭᕽ ᐁᐐᒌᐗᕽ, ᑲᔥᑮᑎᐱᑲᓄᕽ ᑕᔥ ᐃᔑᐱᒧᓭᔭᕽ, ᑭᑲᑮᓇᐎᔥᑭᒥᓐ ᐄᓴᓐ; ᑳᐐᓐ ᑭᑎᔑᐱᒫᑎᓯᓰᒥᓐ ᑳᐃᓇᑌᒃ ᑌᐺᐎᓐ᙮

11:7b.1JO.011.007 ᑮᔥᐱᓐ ᑕᔥ ᐙᓭᔮᕽ ᐃᔑᐱᒫᑎᓯᔭᕽ, ᑖᐱᔥᑰ ᐐᓐ ᐃᑯ ᐊᐊ ᐙᓭᔮᕽ ᑳᐃᔑᐊᔮᒡ, ᒦᑕᔥ ᐁᒥᓄᐐᒌᑎᔭᕽ; ᒋᓴᔅ ᑕᔥ ᐅᒥᔅᑸᒻ ᑭᔐᒪᓂᑑᓐ ᑳᐅᑯᓯᓯᒥᑯᒡ, ᑭᐯᑭᐃᑯᐙᒥᓐ ᒪᒋᑑᑕᒧᐎᓂᕽ ᐅᒋ᙮

11:8b.1JO.011.008 ᑮᔥᐱᓐ ᑕᔥ ᑳᐐᓐ ᐎᑳ ᓂᒪᒋᑑᑕᓰᒥᓐ ᐃᑭᑐᔭᕽ, ᒦ ᐃ ᐄᓴᓐ ᐁᐗᔦᔑᑎᓱᔭᕽ, ᑳᐐᓐ ᑌᐺᐎᓐ ᑭᑭᑭᔥᑳᑯᓰᒥᓐ᙮

11:9b.1JO.011.009 ᑮᔥᐱᓐ ᑕᔥ ᐙᐐᑕᒪᐗᕽ ᑭᔐᒪᓂᑑ ᑭᒪᒋᑑᑕᒧᐎᓂᓈᓂᓐ, ᐐᓐ ᓴ ᑳᑌᐺᔦᑖᑯᓯᒡ ᑾᔭᒃ ᑳᑑᑕᕽ; ᒦᑕᔥ ᐃᐃ ᑳᐅᒋᐴᓀᑕᒪᐎᓇᕽ, ᑳᐅᒋᐯᑭᐃᓇᕽ ᑲᔦ ᑲᑭᓇ ᐅᒋ ᑳᐃᔑᑾᔭᑯᒋᑫᓯᐗᕽ᙮

11:10b.1JO.011.010 ᑮᔥᐱᓐ ᑳᐐᓐ ᓂᑮᒪᒋᑑᑕᓰᒥᓐ ᐃᑭᑐᔭᕽ, ᐊᒦ ᐃ ᐄᓴᓐ ᐯᔑᑾᓐ ᐁᑭᑐᔭᕽ ᐁᑲᑮᓇᐎᔥᑭᒡ ᑭᔐᒪᓂᑑ᙮ ᑳᐐᓐ ᐄᓴᓐ ᐅᑎᑭᑐᐎᓐ ᑭᑭᑭᔥᑳᑯᓰᐙᒥᓐ᙮

12

12:1b.1JO.012.001 ᑮᓇᐙ ᑳᓵᑭᐃᓇᑰᒃ ᓂᓃᒑᓂᓴᒃ ᑳᐃᓀᓂᒥᓇᑰᒃ, ᑭᑑᔑᐲᐊᒪᐎᓂᓂᒻ ᐅᓄ ᒋᒪᒋᑑᑕᓯᐌᒃ᙮ ᑮᔥᐱᓐ ᓴ ᐊᐎᔭ ᒪᒋᑑᑕᕽ, ᑭᑕᔮᐙᓈᓐ ᑳᑮᑭᑑᑕᒪᐎᓇᕽ ᐁᑲᓅᓈᒡ ᑳᐅᑌᑌᒫᐎᓂᒡ, ᒦ ᓴ ᐊᐌ ᒋᓴᔅ X, ᑾᔭᒃ ᑳᐃᔑᒋᑫᒡ᙮

12:2b.1JO.012.002 ᐐᓐ ᓴᑯ ᑳᐅᒋᐴᓀᑕᒫᑰᐗᕽ ᑭᒪᒋᑑᑕᒧᐎᓂᓈᓂᓐ, ᑳᐐᓐ ᐐᓐ ᑮᓀᑕᐎᓐᑦ ᐁᑕ, ᐃᐃ ᓴ ᑲᔦ ᑳᔑᒪᒋᑑᑕᒥᓂᒡ ᑲᑭᓇ ᐯᒫᑎᓯᓂᒡ ᐅᐅᒫ ᐊᑮᕽ ᒋᐴᓀᑕᒪᐎᒥᓐᒡ᙮

12:3b.1JO.012.003 ᐁᑲᓇᐌᑕᒧᐗᕽ ᐃᑕᔥ ᑭᔐᒪᓂᑑ ᐅᑎᓈᑯᓂᑫᐎᓇᓐ, ᒦ ᐅᒫ ᐌᒋᑫᒋᓈᐅᔭᕽ ᐁᑭᑫᓂᒪᕽ᙮

12:4b.1JO.012.004 ᐊᐊᐌ ᑕᔥ ᐐᓐ ᓂᑭᑫᓂᒫ ᑳᐃᑭᑐᒡ, ᐁᑲᓇᐌᑕᓯᒃ ᑕᔥ ᐅᑎᓈᑯᓂᑫᐎᓂᓂ ᒦᐃ ᐄᓴᓐ ᐊᐊ ᑳᑲᑮᓇᐎᔥᑭᒡ᙮ ᑳᐐᓐ ᐄᑐᒃ ᐅᑭᑭᔥᑳᑯᓰᓐ ᑌᐺᐎᓐ᙮

12:5b.1JO.012.005 ᐊᐊᐌ ᑕᔥ ᐐᓐ ᑳᑲᓇᐌᑕᕽ ᐅᑎᑭᑐᐎᓂᓂ, ᑭᔐᒪᓂᑑᓐ ᓴ ᑫᑮᐃᔑᓵᑭᐋᐸᓐ ᑮᑮᔑᒋᑳᑌᓂ ᐅᐱᒫᑎᓯᐎᓂᕽ᙮ ᒦᑕᔥ ᐃᐃ ᐃᔑᒋᑫᔭᕽ, ᒦ ᐅᒫ ᑫᐅᒋᑫᒋᓈᐅᔭᕽ ᐁᐐᒋᐊᔮᒪᕽ ᑭᔐᒪᓂᑑ᙮

12:6b.1JO.012.006 ᐊᐊᐌ ᑕᔥ ᑳᐃᑭᑐᒡ ᐁᑎᐱᐐᒌᐙᒡ ᑭᔐᒪᓂᑑᓐ, ᐃᔑᓇᑾᓂᓂ ᑯ ᒋᐃᔑᐱᒧᓭᐸᓐ ᐯᔑᑾᓐ ᑳᔑᐱᒧᓭᓂᒡ Xᑕᓐ᙮

12:7b.1JO.012.007 ᑳᓵᑭᐃᓇᑰᒃ, ᑳᐐᓐ ᐐᓐ ᐅᔥᑭ ᐃᓈᑯᓂᑫᐎᓐ ᐅᐅ ᑳᐅᔑᐲᐊᒪᐎᓇᑰᒃ; ᑫᑌᐃᓈᑯᓂᑫᐎᓐ ᐅᔕ ᑳᑕᔑᑕᒪᐎᓇᑰᒃ, ᒦ ᓴ ᐃᐃᐌ ᑳᒫᒌᑭᑫᑕᒣᒃ ᑮᒫᒌᐊᓇᒥᐁᐙᑎᓯᔦᒃ᙮ ᐅᐅ ᑕᔥ ᑫᑌᐃᓈᑯᓂᑫᐎᓐ, ᒦᓴ ᐃᐌᓂ ᑭᔐᒪᓂᑑ ᐅᑎᐹᒋᒧᐎᓐ ᐋᔕ ᑳᑮᓅᑕᒣᒃ᙮

12:8b.1JO.012.008 ᔖᑰᒡ ᐃᑕᔥ ᐅᔥᑭᑫᑰᓂᕽ ᐃᓀᑖᑾᓐ ᐅᐅ ᐃᓈᑯᓂᑫᐎᓐ ᑳᐅᔑᐲᐊᒪᐎᓇᑰᒃ᙮ ᑌᐺᐎᓐ ᐄᑐᒃ ᐃᐃᒫ Xᐃᕽ ᐃᔑᓈᑾᓂᓂ, ᐃᐃᒫ ᑲᔦ ᑭᐱᒫᑎᓯᐎᓂᐙᕽ᙮ ᐋᓃᔥ ᑳᑲᔥᑮᑎᐱᑲᒃ ᐊᓂᐊᑯᓈᑾᓐ, ᐃᐃ ᑕᔥ ᑳᐙᓭᔮᒃ ᐋᔕ ᐊᓂᓵᑳᑌ᙮

12:9b.1JO.012.009 ᐊᐊ ᑕᔥ ᑳᐃᑭᑐᒡ ᐁᐊᔮᒡ ᑳᔑᐙᓭᔮᓂᒃ, ᔖᑰᒡ ᑕᔥ ᔒᑫᓂᒫᒡ ᐐᑕᓇᒥᐋᓐ, ᑳᔑᑲᔥᑮᑎᐱᑲᓂᓂᒃ ᓴ ᑫᔮᐱ ᐃᔑᐊᔮ᙮

12:10b.1JO.012.010 ᐊᐊ ᑕᔥ ᐐᓐ ᑳᓵᑭᐋᒡ ᐐᑕᓇᒥᐋᓐ, ᑳᔑᐙᓭᔮᓂᒃ ᐃᔑᐱᒫᑎᓯ᙮ ᑳᐐᓐ ᑕᔥ ᑫᑰᓂᓂ ᐅᑕᔮᓰᓐ ᑫᐅᒋᐱᓱᑫᔑᕽ᙮

12:11b.1JO.012.011 ᐊᐊᐌ ᑕᔥ ᐐᓐ ᑳᔒᑫᓂᒫᒡ ᐐᑕᓇᒥᐋᓐ, ᑳᔑᑲᔥᑮᑎᐱᑲᓂᓂᒃ ᐄᓴᓐ ᐃᔑᐊᔮ, ᑳᔑᑲᔥᑮᑎᐱᑲᓂᓂᒃ ᑲᔦ ᐃᔑᐱᒧᓭ᙮ ᑳᐐᓐ ᐅᑭᑫᑕᓰᓐ ᐋᓃᑎ ᐁᔖᒡ, ᐋᓃᔥ ᑳᑲᔥᑮᑎᐱᑲᓂᓂᒃ ᐅᑭᐹᐱᔥᑳᑯᓐ᙮

12:12b.1JO.012.012 ᑳᓵᑭᐃᓇᑰᒃ ᓂᓃᒑᓂᓴᒃ ᑳᐃᓀᓂᒥᓇᑰᒃ, ᒦ ᐅᔕ ᑳᐅᒋᐅᔑᐲᐊᒪᐎᓇᑰᒃ, ᒋᒫᒥᑲᐎᔦᒃ ᐁᑮᐴᓀᒋᑳᑌᑭᓐ ᑭᒪᒋᑑᑕᒧᐎᓂᐙᓐ X ᐅᑎᔑᓂᑳᓱᐎᓂᕽ ᐅᒋ᙮

12:13b.1JO.012.013 ᑫᑮᓇᐙ ᓴ ᓇᐗᒡ ᑳᑭᑖᑎᓯᔦᒃ, ᑭᑑᔑᐲᐊᒪᐎᓂᓂᒻ ᒋᒫᒥᑲᐎᔦᒃ ᐁᑭᑫᓂᒣᒃ ᐊᐊ ᑲᔦᑌ ᑳᑮᐊᔮᒡ ᑮᒫᒋᓭᓂᒃ ᑲᑭᓇ ᑫᑰᓐ᙮ ᑫᑮᓇᐙ ᑳᐅᔥᑳᑎᓯᔦᒃ, ᑭᑑᔑᐲᐊᒪᐎᓂᓂᒻ ᒋᒫᒥᑲᐎᔦᒃ ᐁᑮᔖᑰᒋᐁᒃ ᒪᒋᐊᔭᐋ᙮ ᑭᑑᔑᐲᐊᒪᐎᓂᓂᒻ ᑮᓇᐙ ᑳᐃᓀᓂᒥᓇᑰᒃ ᐊᐱᓅᒌᔕᒃ, ᒋᒫᒥᑲᐎᔦᒃ ᐁᑭᑫᓂᒣᒃ ᑳᐅᑌᑌᒫᐎᒡ᙮

12:14b.1JO.012.014 ᑭᑑᔑᐲᐊᒪᐎᓂᓂᒻ ᑮᓇᐙ ᑳᑭᑖᑎᓯᔦᒃ, ᒋᒫᒥᑲᐎᔦᒃ ᐁᑭᑫᓂᒣᒃ ᐊᐊ ᑲᔦᑌ ᑳᑮᐊᔮᒡ ᑮᒫᒋᓭᓂᒃ ᑲᑭᓇ ᑫᑰᓐ᙮ ᑭᑑᔑᐲᐊᒪᐎᓂᓂᒻ ᑮᓇᐙ ᑳᐅᔥᑳᑎᓯᔦᒃ, ᒋᒫᒥᑲᐎᔦᒃ ᐁᒪᔥᑲᐎᓰᔦᒃ, ᑭᔐᒪᓂᑑ ᑲᔦ ᐁᐊᔮᓂᒃ ᐅᑎᑭᑐᐎᓐ ᑭᐱᒫᑎᓯᐎᓂᐙᕽ, ᐁᑮᔖᑰᒋᐁᒃ ᑲᔦ ᒪᒋᐊᔭᐋ᙮

12:15b.1JO.012.015 ᑫᑯ ᓵᑭᑑᑫᒃ ᑳᓂᑖᐃᓇᑲᒥᑲᒃ ᐅᐅᒫ ᐊᑮᕽ, ᐃᓂ ᑲᔦ ᑫᑰᓇᓐ ᑳᐊᔮᑭᓐ ᐊᑮᕽ᙮ ᑮᔥᐱᓐ ᐊᐎᔭ ᓵᑭᑑᒡ ᐊᑮᐎᒋᑫᐎᓇᓐ, ᑳᐐᓐ ᐄᓴᓐ ᐅᓵᑭᐋᓰᓐ ᑳᐅᑌᑌᒫᐎᓂᒡ᙮

12:16b.1JO.012.016 ᐋᓃᔥ ᑲᑭᓇ ᑫᑰᓇᓐ ᐅᓄᐌᓂᐗᓐ ᐅᐅᒫ ᐊᑮᕽ ᑳᐊᔮᑭᓐ, ᐊᐎᔭ ᑳᐃᔑᒪᒋᒥᓴᐌᒋᑫᒡ, ᐅᔥᑮᔑᑯᒫᕽ ᑲᔦ ᑳᐅᒋᒥᓴᐎᓈᑫᕽ, ᐃᔑᐱᒫᑎᓯᐎᓂᕽ ᑲᔦ ᑳᔑᑭᒋ ᐃᓀᓂᑎᓱᕽ, ᑳᐐᓐ ᐅᓄ ᐅᑌᑌᒫᕽ ᐅᒌᒪᑲᓯᓅᓇᓐ, ᐊᑮᕽ ᐅᔕ ᐅᒋᐅᔑᐆᒪᑲᓅᓐ!

12:17b.1JO.012.017 ᐃᐃ ᓴ ᐊᑭ, ᑳᐃᔑᒥᓴᐌᒋᑫᓈᓂᐗᕽ ᑲᔦ, ᑕᐴᓂᓭᐗᓐ᙮ ᐊᐊ ᑕᔥ ᐐᓐ ᑳᑑᑕᕽ ᑳᔑᐊᑕᐌᑕᒥᓂᒡ ᑭᔐᒪᓂᑑᓐ ᓀᐱᒡ ᑕᐱᒫᑎᓯ᙮

12:18b.1JO.012.018 ᑮᓇᐙ ᑳᓵᑭᐃᓇᑰᒃ ᐊᐱᓅᒌᔕᒃ, ᒦᐅᐌ ᐃᔥᒀᒡ ᐁᐃᔑᓭᒃ᙮ ᑳᑮᐃᔑᓅᑕᒣᒃ ᐁᐐᐱᑕᑶᔑᕽ ᐊᐊ ᑳᑲᑴᓇᑳᔥᑲᐙᒡ Xᑕᓐ, ᐋᔕ ᑕᔥ ᓃᐱᐗᐞ ᑳᑲᑴᓇᑳᔥᑲᐙᐙᒡ Xᑕᓐ ᑮᐱᑕᑯᔑᓅᒃ᙮ ᒦᑕᔥ ᐅᐅᒫ ᐌᒋᑭᑫᑖᑾᒃ ᒦᐃ ᐋᔕ ᐃᔥᒀᒡ ᐁᐊᓂᐅᒋᒋᓭᒃ᙮

12:19b.1JO.012.019 ᑳᐐᓐ ᑕᔥ ᐐᓇᐙ ᑭᐐᒋᑎᐯᑖᑯᓰᒥᑯᓰᓈᓂᒃ, ᒦᓴᐃ ᑳᑮᐅᒋᓇᑲᓂᓇᒀ᙮ ᑮᔥᐱᓐ ᑳᐅᒋᑎᐯᑖᑯᓯᔭᕽ ᑌᐺ ᐃᔑᑎᐯᑖᑯᓯᐙᐸᓐ, ᑫᔮᐱ ᐄᑐᒃ ᑭᑖᑮᐐᒌᐎᑯᓈᓂᒃ᙮ ᐁᑮᓇᑲᓂᓇᒀ ᑕᔥ ᒦᐃᒫ ᐁᔑᐯᑌᓈᑾᓂᓂᒃ ᑳᔑᑎᐯᑖᑯᓯᔭᕽ ᑌᐺ ᐁᐅᒋᑎᐯᑖᑯᓯᓯᒀ᙮

12:20b.1JO.012.020 ᑮᓇᐙ ᑕᔥ ᐐᓐ ᑭᑮᒦᓂᑰᐎᓯᒻ ᑭᔐᒪᓂᑑ ᐅᑕᒑᑾᓐ, ᑲᑭᓇ ᑲᔦ ᑭᑭᑫᑖᒻ᙮

12:21b.1JO.012.021 ᑳᐐᓐ ᑕᔥ ᑳᑮᐅᒋᐅᔑᐱᐊᒪᐎᓇᑰᒃ ᐁᑭᑫᑕᓯᐌᒃ ᑌᐺᐎᓐ, ᐁᑭᑫᑕᒣᒃ ᐅᔕ᙮ ᑭᑭᑫᑖᒻ ᑲᔦ ᑮᐗᓂᒧᐎᓐ ᑌᐺᐎᓂᕽ ᐁᐅᒌᓯᓄᒃ᙮

12:22b.1JO.012.022 ᐊᐌᓀᓐ ᑕᔥ ᑫᑮᓇᐎᔥᑭᒡ? ᐊᐎᔭ ᓴ ᑯ ᑳᐃᑭᑐᒡ ᒋᓴᓲᓐ ᐁᐋᐎᓯᓂᒃ ᑳᑮᐅᓈᐸᒥᑯᓂᒡ ᑭᔐᒪᓂᑑᓐ, ᒦ ᓴ ᐊᐌ ᑳᑲᑴᓇᑳᔥᑲᐙᒡ Xᑕᓐ᙮ ᐋᓃᔥ ᑳᐐᓐ ᐅᑎᐹᒋᒫᓰᓐ ᑳᐅᔫᓯᒥᒥᓐᒡ, ᐅᑯᓯᓯᒫᓐ ᑲᔦ᙮

12:23b.1JO.012.023 ᐊᐌᓀᓂᑕᔑᑯ ᑳᑎᐹᒋᒫᓯᒃ ᐅᑯᓯᓯᒫᓐ ᑳᐐᓐ ᐅᑕᔮᐙᓰᓐ ᑳᐅᔫᓯᒥᒥᓐᒡ᙮ ᐊᐊ ᑕᔥ ᑳᑎᐹᒋᒫᒡ ᐅᑯᓯᓯᒫᓐ ᐅᑕᑯᐊᔮᐙᓐ ᑳᐅᔫᓯᒥᒥᓐᒡ᙮

12:24b.1JO.012.024 ᒦᑕᔥ ᐁᔑᓈᑾᒃ ᒋᑭᑭᔥᑲᒣᑭᐸᓐ ᐃᐃ ᓂᑕᒻ ᑳᑮᓅᑕᒣᒃ ᑮᒫᒌᐊᓇᒥᐁᐙᑎᓯᔦᒃ᙮ ᑮᔥᐱᓐ ᐃᐃ ᐃᔑᓭᒃ, ᒦᑕᔥ ᑫᔑᑭᒋᐎᐊᔮᔦᒃ ᑳᔑᐊᔮᒡ ᐅᑯᓯᓯᒫ, ᐊᐊ ᑲᔦ ᑳᐅᔫᓯᒥᓐᒡ᙮

12:25b.1JO.012.025 ᒦᑕᔥ ᐅᐅᐌᓂ ᐐᓐ ᐃᑯ ᐅᑯᓯᓯᒫ ᑳᑮᐊᔓᑕᒪᐎᓇᕽ, ᐱᒫᑎᓯᐎᓐ ᐐᑳ ᑫᐴᓂᓭᓯᓂᓂᒃ᙮

12:26b.1JO.012.026 ᑭᑑᔑᐲᐊᒪᐎᓂᓂᒻ ᐃᑕᔥ ᐁᑕᔑᑕᒪᐎᓇᑰᒃ ᐃᑭ ᑳᑲᑴᐗᓂᐎᓂᓀᒀ᙮

12:27b.1JO.012.027 ᑮᓇᐙ ᑕᔥ ᐐᓐ X ᑭᑮᓰᑭᓇᒫᑯᐙ ᐅᑕᒑᑾᓐ᙮ ᐁᑭᑭᔥᑲᐎᒥᓀᒃ ᐃᑕᔥ, ᑳᐐᓐ ᒣᒬᒡ ᑭᑲᒪᓀᓯᓰᒻ ᐊᐎᔭ ᒋᑭᑭᓄᐊᒪᐎᓀᒃ᙮ ᐅᑕᒑᑾᓐ ᑕᔥ ᑳᑮᓰᑭᓇᒪᐎᓀᒃ ᑭᑲᑭᑭᓄᐊᒫᑯᐙᒻ ᑲᑭᓇ ᑫᑰᓂᓂ᙮ ᐃᐃ ᑕᔥ ᑳᑭᑭᓄᐊᒪᐎᒥᓀᒃ ᑌᐺᐗᓂᓂ, ᑳᐐᓐ ᐐᓐ ᑮᐗᓂᒧᐎᓐ ᑎᓄᐗᓯᓂᓂ᙮ ᐃᐃ ᑕᔥ ᑳᔑᑭᑭᓄᐊᒪᐎᒥᓀᒃ, ᒦ ᐃᒫ ᐅᒋ ᒨᔕᒃ ᐐᒌᐎᒃ X᙮

12:28b.1JO.012.028 ᑮᓇᐙ ᓂᓃᒑᓂᓴᒃ ᑳᓵᑭᐃᓇᑰᒃ, ᑕᑲ ᒨᔕᒃ ᐐᒌᐙᑖ᙮ ᐊᐲ ᑕᔥ ᓈᑯᓯᒡ ᒋᓲᑭᑌᐁᔭᕽ, ᒋᐊᑲᒌᑕᐙᓯᐗᕽ ᑲᔦ ᐊᐲ ᐱᑕᑶᔑᕽ᙮

12:29b.1JO.012.029 ᑭᑭᑫᑖᒻ ᐄᑐᒃ X ᐁᑾᔭᒀᑎᓯᒡ; ᑭᑭᑫᑖᒻ ᑲᔦ ᑲᑭᓇ ᐊᐎᔭ ᑳᐃᔑᒋᑫᒡ ᑳᑾᔭᑯᓈᑾᓂᓂᒃ ᐅᑑᓃᒑᓂᓯᒥᑰᓐ ᑭᔐᒪᓂᑑᓐ᙮

13

13:1b.1JO.013.001 ᐃᓇᔥᑫ ᐯᒥᐊᐲᒋᔕᐌᓂᒥᓇᕽ ᑳᐅᔫᓯᒥᓐᒡ! ᑭᔐᒪᓂᑑ ᐅᓃᒑᓂᓴᐞ ᑭᑎᔑᓂᑳᓂᑰᒥᓐ᙮ ᑌᐺ ᐋᓃᔥ ᑭᑎᓄᐎᐙᒥᓐ! ᒦᓴ ᐅᐅᒫ ᐊᑮᕽ ᐯᒫᑎᓯᐙᒡ ᑳᐅᒋᑭᑫᓂᒥᓯᓄᐎᓇᒀ ᐋᓃᔥ ᑳᐐᓐ ᐅᑭᑫᓂᒫᓯᐙᐙᓐ ᑭᔐᒪᓂᑑᓐ!

13:2b.1JO.013.002 ᑳᓵᑭᐃᓇᑰᒃ, ᐋᔕ ᐅᔕ ᓅᑯᒻ ᑭᔐᒪᓂᑑ ᐅᓃᒑᓂᓴᐞ ᑭᑎᓄᐎᐙᒥᓐ, ᐌᑎ ᑕᔥ ᓃᑳᓇᔭᐄ ᑳᐐᓐ ᒪᔑ ᑭᑫᑖᑾᓯᓅᓐ ᐋᓃᓐ ᒪᔮ ᑫᐃᓀᑕᑯᓯᐗᑴᓐ᙮ ᔖᑰᒡ ᐃᑕᔥ ᑭᑭᑫᑖᒥᓐ, ᐊᐲ ᓈᑯᓯᒡ, ᑳᐃᓀᑖᑯᓯᒡ ᑫᑮᓇᐎᓐᑦ ᒋᐃᓀᑖᑯᓯᔭᕽ; ᐋᓃᓐ ᑲᔦ ᒪᔮ ᐁᔑᓈᑯᓯᒡ ᑭᑲᐃᔑᐙᐸᒫᓈᓐ᙮

13:3b.1JO.013.003 ᑲᑭᓇ ᑕᔥ ᐊᐎᔭ ᐅᐅ ᑳᔑᐊᐯᓂᒧᓄᑕᐙᒡ, ᐃᔑᐯᑭᐃᑎᓱ ᑖᐱᔥᑰ ᑳᔑᐯᑫᑖᑯᓯᓂᒡ Xᑕᓐ᙮

13:4b.1JO.013.004 ᑲᑭᓇ ᑕᔥ ᐊᐎᔭ ᑳᓂᑖᒪᒋᑑᑕᕽ, ᒦᐊᐌ ᑎᓄ ᑳᓂᑖᐋᓇᐌᑕᕽ ᑭᔐᒪᓂᑑᓐ ᐅᑑᓇᔓᐌᐎᓂᓂ᙮ ᑮᐋᓇᐌᒋᑳᑌᒃ ᐅᔕ ᐅᓇᔓᐌᐎᓐ, ᒦᓴᐃ ᐁᒪᒋᑑᑕᒧᓈᓂᐗᕽ᙮

13:5b.1JO.013.005 ᑭᑭᑫᑖᒥᓐ ᑕᔥ ᑲᔦ ᐁᑮᐱᑕᑶᔑᕽ ᒋᐌᐱᓇᒪᐎᓇᕽ ᑭᒪᒋᑑᑕᒧᐎᓂᓈᓂᓐ᙮ ᑳᐐᓐ ᐐᓐ X ᐅᑕᔮᓰᓐ ᒪᒋᑑᑕᒧᐎᓐ᙮

13:6b.1JO.013.006 ᐊᐎᔭ ᓴ ᑳᐐᒌᐎᑯᒡ Xᑕᓐ ᑳᐐᓐ ᓂᑖᒪᒋᑑᑕᓰ, ᐊᐊ ᑕᔥ ᐊᐎᔭ ᑳᓂᑖᒪᒋᑑᑕᕽ, ᒦ ᐄᓴᓐ ᐊᐌ ᐐᑳ ᑳᐙᐸᒫᓯᒃ, ᑳᑭᑫᓂᒫᓯᒃ ᑲᔦ᙮

13:7b.1JO.013.007 ᓂᓃᒑᓂᓴᒃ, ᑕᑲ ᑫᑯ ᐊᐎᔭ ᑭᑲᐗᓂᒥᑯᓰᐙ᙮ ᐊᐊᐌ ᓴ ᑾᔭᒃ ᑳᓂᑖᑑᑕᕽ, ᒦᓴ ᐊᐊᐌ ᑳᔑᑾᔭᒀᑎᓯᒡ ᑖᐱᔥᑰ ᑳᔑᑾᔭᒀᑎᓯᓂᒡ Xᑕᓐ᙮

13:8b.1JO.013.008 ᐊᐊ ᑕᔥ ᐐᓐ ᑳᓂᑖᒪᒋᑑᑕᕽ ᒪᒋᐊᔭᐋᕽ ᐅᒋᑎᐯᑖᑯᓯ, ᐋᓃᔥ ᒪᒋᐊᔭᐋ ᑮᐅᒋᒪᒋᑑᑕᒻ ᑮᒫᒋᓭᓂᒃ ᐅᐅ ᐊᑮᓂ᙮ ᒦᑕᔥ ᐅᐅ ᑳᑮᐅᒋᓈᑯᓯᓂᒡ ᑭᔐᒪᓂᑑ ᐅᑯᓯᓴᓐ, ᐁᐐᓂᔑᐗᓈᒋᑕᒪᐙᓂᒡ ᐁᓇᓄᑮᓂᒡ ᒪᒋᐊᔭᐋᓐ᙮

13:9b.1JO.013.009 ᐊᐎᔭ ᓴ ᑭᔐᒪᓂᑑᓐ ᑳᐅᓃᒑᓂᓯᒥᑯᒡ ᑳᐐᓐ ᓂᑖᒪᒋᑑᑕᓰ, ᐋᓃᔥ ᑭᔐᒪᓂᑑᓐ ᑳᐃᔑᐊᔮᓂᒡ ᐅᑭᑭᔥᑳᑯᓐ᙮ ᑳᐐᓐ ᐅᑖᑲᔥᑭᑑᓰᓐ ᑫᔮᐱ ᒋᐊᓂᒪᒋᑑᑕᕽ, ᐋᓃᔥ ᑭᔐᒪᓂᑑᓈᕽ ᐅᒋᓂᑖᐎᑭ᙮

13:10b.1JO.013.010 ᐋᐱᒋ ᐅᔕ ᐯᔭᑌᓈᑯᓯᐗᒃ ᐃᑭ ᑭᔐᒪᓂᑑᓐ ᑳᐅᓃᒑᓂᓯᒥᑯᐙᒡ, ᐃᑭ ᑲᔦ ᒪᒋᐊᔭᐋᓐ ᑳᐅᓃᒑᓂᓯᒥᑯᐙᒡ᙮ ᐊᐎᔭ ᓴ ᑳᐃᔑᒋᑫᓯᒃ ᑳᑾᔭᑯᓈᑾᓂᓂᒃ ᑳᐐᓐ ᑭᔐᒪᓂᑑᓐ ᐅᑑᓃᒑᓂᓯᒥᑯᓰᓐ, ᑳᐐᓐ ᑲᔦ ᐊᐊ ᑎᓄ ᐅᓵᑭᐋᓰᐞ ᐐᑕᓇᒥᐋᐞ᙮

13:11b.1JO.013.011 ᒦᑕᔥ ᐅᐅᐌ ᑎᐹᒋᒧᐎᓐ ᑳᑮᐱᓅᑕᒣᒃ ᑮᒫᒌᐊᓇᒥᐁᐙᑎᓯᔦᒃ, ᑮᓇᐎᓐᑦ ᓴ ᒋᓵᑭᐃᑎᔭᑭᐸᓐ᙮

13:12b.1JO.013.012 ᑫᑯ ᑕᔥ ᐐᓐ ᓇᓈᐱᓇᐙᑫᒃ ᑫᓐ, ᑳᑮᐅᒋᑎᐯᑖᑯᓯᒡ ᒪᒋᐊᔭᐋᕽ, ᐁᑮᓂᓵᒡ ᐃᑕᔥ ᐃᓂ ᐐᒋᑭᐌᔭᓐ᙮ ᐌᑯᓀᓂᓂ ᑕᔥ ᑳᐅᒋᓂᓵᒡ? ᐅᑎᔑᒋᑫᐎᓇᓐ ᐄᑐᒃ ᑮᒪᒋᓈᑾᓂᓂᐗᓐ, ᐐᒋᑭᐌᔭᓐ ᑕᔥ ᐐᓐ ᐅᑎᔑᒋᑫᐎᓂᓂ ᑮᒥᓄᓈᑾᓂᓂᐗᓐ᙮

13:13b.1JO.013.013 ᓃᑕᓇᒥᐋᒃ, ᑫᑯ ᒫᒪᑳᑌᑕᑫᒃ ᑮᔥᐱᓐ ᔒᑫᓂᒥᓀᒀ ᐊᑮᕽ ᑳᐊᔮᐙᒡ᙮

13:14b.1JO.013.014 ᑭᑭᑫᑖᒥᓐ ᑕᔥ ᑮᓇᐎᓐᑦ ᓂᐳᐎᓂᕽ ᐁᑮᐅᒋᓵᑭᒋᔥᑳᔭᕽ, ᐁᑮᐃᔑᐲᑎᑫᔥᑳᔭᕽ ᑕᔥ ᐱᒫᑎᓯᐎᓂᕽ, ᐋᓃᔥ ᑭᓵᑭᐋᓈᓂᒃ ᑮᑕᓇᒥᐋᓈᓂᒃ᙮ ᐊᐊᐌ ᑕᔥ ᐐᓐ ᑳᓵᑭᐃᐌᓯᒃ, ᓂᐳᐎᓂᕽ ᑕᓀᑖᑯᓯ᙮

13:15b.1JO.013.015 ᐊᐎᔭ ᑕᔥ ᑳᔒᑫᓂᒫᒡ ᐐᑕᓇᒥᐋᓐ ᒦᓴ ᑖᐱᔥᑰ ᐁᓀᑖᑯᓯᒡ ᑳᓂᔑᐌᒡ᙮ ᑭᑭᑫᑖᒥᓐ ᐃᑕᔥ ᐊᐎᔭ ᑳᓂᔑᐌᒡ ᑳᐐᓐ ᐅᑭᑭᔥᑳᑯᓰᓐ ᐃᐃ ᐱᒫᑎᓯᐎᓐ ᐐᑳ ᑫᐴᓂᓭᓯᓂᓂᒃ᙮

13:16b.1JO.013.016 ᐃᐃ ᑕᔥ X ᑳᑮᐃᔑᐸᑭᑎᓇᕽ ᐅᐱᒫᑎᓯᐎᓐ ᑮᓇᐎᓐᑦ ᐅᒋ, ᒦ ᐃᒫ ᑫᐅᒋᑭᑫᑕᒪᑭᐸᓐ ᐋᓃᓐ ᐊᐎᔭ ᑳᓵᑭᐃᐌᒡ ᑫᐃᔑᒋᑫᒡ᙮ ᒦᑕᔥ ᑫᑮᓇᐎᓐᑦ ᐁᔑᓈᑾᒃ ᒋᐸᑭᑎᓇᒪᑭᐸᓐ ᑭᐱᒫᑎᓯᐎᓂᓈᓂᓐ ᑮᑕᓇᒥᐋᓈᓂᒃ ᐅᒋ᙮

13:17b.1JO.013.017 ᐊᐎᔭ ᑕᔥ ᑳᑌᐱᓭᒡ ᑫᑰᓇᓐ, ᐙᐸᒫᒡ ᐐᑕᓇᒥᐋᓐ ᓅᑌᓭᓂᒡ, ᐃᔑᑰᐹᑌᓂᒫᓯᒃ ᑕᔥ, ᐋᓃᓐ ᑕᔥ ᐃᓈ ᑫᔑᑭᑭᔥᑳᑯᐸᓐ ᑭᔐᒪᓂᑑᓐ ᐅᓵᑭᐃᐌᐎᓂᓂ?

13:18b.1JO.013.018 ᑳᐅᓃᒑᓂᓯᒥᓇᑰᒃ, ᑕᑲ ᑳᐐᓐ ᐐᓐ ᐁᑕ ᑭᑎᑭᑐᐎᓂᓈᓂᕽ ᑭᑲᐅᒋᓵᑭᐃᐌᓰᒥᓐ, ᑳᐐᓐ ᑲᔦ ᑭᑲᒥᒋᑕᔑᑕᓰᒥᓐ; ᑭᑲᑑᑖᒥᓐ ᓴ ᒋᓈᑾᒃ ᑌᐺ ᓵᑭᐃᐌᐎᓐ᙮

13:19b.1JO.013.019 ᐅᐅ ᑕᔥ ᐃᔑᒋᑫᔭᕽ, ᒦ ᐅᒫ ᑫᐅᒋᑭᑫᑕᒪᕽ ᑌᐺᐎᓂᕽ ᐁᐅᒋᑎᐯᑖᑯᓯᔭᕽ᙮ ᒦᑕᔥ ᑲᔦ ᐅᐅᒫ ᑫᐅᒋᐱᓵᓂᑑᔭᕽ ᑭᑌᐃᓈᓂᓐ ᒋᔖᑴᓂᒧᓯᐗᕽ ᑭᔐᒪᓂᑑ ᐁᓈᓴᒦᒡ᙮

13:20b.1JO.013.020 ᑮᔥᐱᓐ ᓴ ᑯ ᑮᒥᑯᔥᑳᑌᑕᒥᐃᑯᔭᕽ ᑭᑌᐃᓈᓂᓐ, ᑭᒪᒋ ᐃᔑᐌᐱᔅ ᐁᐃᑯᔭᕽ, ᓇᐗᒡ ᐄᑐᒃ ᑭᔐᒪᓂᑑ ᑭᑭᑫᓂᒥᑯᓈᓐ ᐊᐲᒡ ᐐᓐ ᑳᐊᐲᒋ ᑭᑫᓂᑎᓱᔭᕽ ᑭᑌᐃᓈᓂᕽ, ᐐᓐ ᑲᔦ ᑲᑭᓇ ᑫᑰᓂᓂ ᑳᑭᑫᑕᕽ᙮

13:21b.1JO.013.021 ᑳᓵᑭᐃᓇᑰᒃ, ᑮᔥᐱᓐ ᑭᒪᒋ ᐃᔑᐌᐱᔅ ᐃᑯᓯᐗᕽ ᑭᑌᐃᓈᓂᓐ, ᒦᑕᔥ ᐃᐃ ᑫᐅᒋᓲᑭᑌᐁᔭᕽ ᐁᓈᓴᒦᒡ᙮

13:22b.1JO.013.022 ᒦᑕᔥ ᑲᔦ ᐌᒋᑌᐱᓇᒧᐗᕽ ᐌᑯᓀᓂᑯ ᑳᑲᑴᒋᒪᕽ, ᐋᓃᔥ ᑭᓇᐃᑕᒧᐙᒥᓐ, ᐁᐃᔑᒋᑫᐗᕽ ᑲᔦ ᑳᒥᓍᐸᑕᕽ᙮

13:23b.1JO.013.023 ᒦᑕᔥ ᐅᐅ ᐁᓈᑯᓂᑫᒡ, ᒋᑌᐺᔦᑕᒧᐗᕽ ᐅᑎᔑᓂᑳᓱᐎᓂᓂ ᐅᑯᓯᓴᓐ ᒋᓴᔅ Xᑕᓐ, ᒋᓵᑭᐃᑎᔭᑭᐸᓐ, ᑳᑮᐃᓈᑯᓂᓇᕽ᙮

13:24b.1JO.013.024 ᐊᐊ ᑕᔥ ᐃᑯ ᑳᑲᓇᐌᑕᕽ ᐋᓃᓐ ᐁᓈᑯᓂᑫᓂᒡ, ᐅᑎᐱᐐᒌᐙᓐ ᑭᔐᒪᓂᑑᓐ, ᐅᐐᒌᐎᑰᓐ ᐃᑕᔥ ᑲᔦ᙮ ᐃᓂ ᑕᔥ ᐅᑕᒑᑾᓐ ᑳᑮᒦᓂᓇᕽ, ᒦᐃᒫ ᐌᒋᑭᑫᑕᒪᕽ ᐁᐐᒌᐎᓇᕽ᙮

14

14:1b.1JO.014.001 ᑳᓵᑭᐃᓇᑰᒃ, ᑫᑯ ᑌᐺᑕᐙᑫᒀᓂᒃ ᑲᑭᓇ ᑳᐃᑭᑐᐙᒡ ᐁᑭᑭᔥᑳᑯᐙᒡ ᑭᔐᒪᓂᑑᓐ ᐅᑕᒑᑯᓂ᙮ ᐊᑕᑭᑫᓂᒥᑯᒃ ᑕᑲ ᑭᔐᒪᓂᑑᕽ ᒋᐅᒌᓂᑴᓐ ᐃᓂ ᐊᒑᑾᓐ ᑳᑭᑭᔥᑲᐙᐙᒡ᙮ ᐋᓃᔥ ᐹᑏᓄᐗᒃ ᑳᐃᓍᓂᑎᓱᐙᒡ ᐁᑮᑭᑑᑕᒪᐙᐙᒡ ᑭᔐᒪᓂᑑᓐ, ᒥᓯᐌ ᐁᐃᔖᐙᒡ ᐅᐅᒫ ᐊᑮᕽ᙮

14:2b.1JO.014.002 ᐅᐅ ᑕᔥ ᑭᑲᐅᒋᑭᑫᓂᒥᒫᐙᓐ ᑮᔥᐱᓐ ᑌᐺ ᑭᔐᒪᓂᑑ ᐅᑕᒑᑾᓐ ᐁᐋᐎᓂᑴᓐ᙮ ᐁᑕᓱᐯᔑᒃ ᐃᑕᔥ ᐃᑯ ᐊᐎᔭ ᑳᐐᑕᕽ ᒋᓴᔅ Xᑕᓐ ᐃᓂᓃᓈᕽ ᐁᑮᐃᔑᐅᐐᔭᐎᓂᒡ, ᒦᓴ ᑭᔐᒪᓂᑑᕽ ᑳᐅᒌᓂᒡ ᐃᓂ ᐊᒑᑾᓐ ᑳᑭᑭᔥᑳᑯᒡ᙮

14:3b.1JO.014.003 ᐁᑕᓱᐯᔑᒃ ᐃᑕᔥ ᐊᐎᔭ ᑫᐃᑭᑐᓯᒃ ᒋᓴᓲᓐ ᐅᐅ ᐁᐃᔑᐊᔮᓂᒡ, ᑳᐐᓐ ᐄᓴᓐ ᑭᔐᒪᓂᑑᕽ ᐅᒌᓰᐗᓐ ᐃᓂ ᐊᒑᑾᓐ ᑳᑭᑭᔥᑳᑯᒡ᙮ ᒦ ᐅᔕ ᐄᓴᓐ ᐊᐊ ᑳᑲᑴᓇᑳᔥᑲᐙᒡ Xᑕᓐ ᐅᑕᒑᑯᓂ, ᑳᑮᓅᑕᒣᒃ ᐋᔕ ᐁᐐᐱᑕᑶᔑᕽ᙮ ᐃᓇᔥᑫ ᐋᔕ ᐄᑐᒃ ᐅᐅᒫ ᐊᑮᕽ ᐊᔮ᙮

14:4b.1JO.014.004 ᓂᓃᒑᓂᓴᒃ, ᑭᔐᒪᓂᑑᓈᕽ ᑕᔥ ᑮᓇᐙ ᑭᑑᒌᒻ, ᑭᑮᔖᑯᒋᐋᐙᒃ ᑲᔦ ᐃᑭ ᑳᑮᐃᓍᓂᑎᓱᐙᒡ ᐁᑮᑭᑑᑕᒪᐙᐙᒡ ᑭᔐᒪᓂᑑᓐ, ᐋᓃᔥ ᐊᐊ ᑳᑭᑭᔥᑲᐎᓀᒃ ᓇᐗᒡ ᓲᑫᑖᑯᓯ ᐊᐲᒡ ᐐᓐ ᐃᓂ ᐊᒑᑾᓐ ᑳᑭᑭᔥᑳᑯᐙᒡ ᐃᑭ ᐅᐅᒫ ᐊᑮᕽ ᑳᐅᒋᑎᐯᑖᑯᓯᐙᒡ᙮

14:5b.1JO.014.005 ᐊᑮᕽ ᐃᑕᔥ ᐅᒋᑎᐯᑖᑯᓯᐗᒃ, ᒦᑕᔥ ᑲᔦ ᑳᐅᒋ ᐃᔑᒋᑫᐙᒡ ᑳᐃᔑᑮᔗᓂᒡ ᐊᑮᕽ ᑳᐃᓈᑎᓯᓂᒡ, ᒦᐃ ᑲᔦ ᑳᐅᒋᐱᓯᑖᑯᐙᒡ ᐅᐅᒫ ᐊᑮᕽ ᑳᐊᔮᓂᒡ᙮

14:6b.1JO.014.006 ᑮᓇᐎᓐᑦ ᑕᔥ ᐐᓐ ᑭᔐᒪᓂᑑᕽ ᑭᑑᒋᑎᐯᑖᑯᓯᒥᓐ᙮ ᐊᐌᓀᓂᑯ ᑳᑮᑫᓂᒫᒡ ᑭᔐᒪᓂᑑᓐ ᑭᐱᓯᑖᑯᓈᓐ᙮ ᐊᐊ ᑕᔥ ᐐᓐ ᑭᔐᒪᓂᑑᕽ ᑳᐅᒋᑎᐯᑖᑯᓯᓯᒃ ᑳᐐᓐ ᑭᐱᓯᑖᑯᓰᓈᓐ᙮ ᒦᑕᔥ ᐅᐅᒫ ᑫᐅᒋᐯᑌᔦᓂᒥᑣ ᐃᑭ ᑳᑭᑭᔥᑳᑯᐙᒡ ᐃᓂ ᐊᒑᑾᓐ ᑌᐺᐎᓐ ᑳᑭᑭᓄᐃᑫᓂᒡ, ᐃᑭ ᑕᔥ ᑲᔦ ᑳᑭᑭᔥᑲᐙᐙᒡ ᐊᒑᑾᓐ ᑳᐗᓂᐎᔑᐌᓂᒡ᙮

14:7b.1JO.014.007 ᑳᓵᑭᐃᓇᑰᒃ, ᑕᑲ ᓵᑭᐃᑎᑖ᙮ ᓵᑭᐃᐌᐎᓐ ᓴ ᑭᔐᒪᓂᑑᕽ ᐅᒌᒪᑲᓐ᙮ ᑲᑭᓇ ᑕᔥ ᐊᐎᔭ ᑳᓵᑭᐃᐌᒡ ᐅᑑᓃᒑᓂᓯᒥᑰᓐ ᑭᔐᒪᓂᑑᓐ, ᐅᑭᑫᓂᒫᓐ ᑲᔦ ᑭᔐᒪᓂᑑᓐ᙮

14:8b.1JO.014.008 ᐊᐊᐌ ᑕᔥ ᑳᓵᑭᐃᐌᓯᒃ ᑳᐐᓐ ᐅᑭᑫᓂᒫᓰᓐ ᑭᔐᒪᓂᑑᓐ᙮ ᑭᔐᒪᓂᑑ ᐄᑐᒃ ᐃᔑᐊᔮ ᐁᓵᑭᐃᐌᒡ᙮

14:9b.1JO.014.009 ᑭᔐᒪᓂᑑ ᑕᔥ ᑭᑮᓈᑯᑕᒫᑯᓈᓐ ᐁᓵᑭᐃᓇᕽ, ᐁᑮᐲᒋᓂᔕᐙᒡ ᑳᒥᒋᐯᔑᑯᓂᒡ ᐅᑯᓯᓴᓐ ᐅᐅᒫ ᐊᑮᕽ, ᑮᓇᐎᓐᑦ ᒋᐊᔭᔮᐗᕽ ᐱᒫᑎᓯᐎᓐ ᐅᑯᓯᓯᕽ ᐅᒋ᙮

14:10b.1JO.014.010 ᒦᑕᔥ ᐅᐅᐌ ᓵᑭᐃᐌᐎᓐ, ᑳᐐᓐ ᐐᓐ ᐁᑮᓵᑭᐊᕽ ᑭᔐᒪᓂᑑ, ᐐᓐ ᐄᑐᒃ ᑭᑮᓵᑭᐃᑯᓈᓐ, ᑳᑮᐅᒋ ᐲᒋᓂᔕᐙᒡ ᐅᑯᓯᓴᓐ ᑫᐅᒋᐴᓀᑕᒫᑰᔭᕽ ᑭᒪᒋᑑᑕᒧᐎᓂᓈᓂᓐ᙮

14:11b.1JO.014.011 ᑳᓵᑭᐃᓇᑰᒃ, ᑮᔥᐱᓐ ᑭᔐᒪᓂᑑ ᐅᐅ ᓇᑫ ᑮᐃᔑᓵᑭᐃᓇᕽ, ᑫᑮᓇᐎᓐᑦ ᑕᔥ ᐃᔑᓈᑾᓐ ᒋᓵᑭᐃᑎᔭᑭᐸᓐ᙮

14:12b.1JO.014.012 ᑳᐐᓐ ᒪᔑ ᐐᑳ ᐊᐎᔭ ᐅᐙᐸᒫᓰᓐ ᑭᔐᒪᓂᑑᓐ, ᑮᔥᐱᓐ ᑕᔥ ᓵᑭᐃᑎᔭᕽ, ᑭᔐᒪᓂᑑ ᐄᓴᓐ ᑭᐐᒋᐊᔮᒥᑯᓈᓐ, ᒦᐃ ᑮᑮᔑᓈᑾᓂᓂᒃ ᐅᓵᑭᐃᐌᐎᓐ ᑭᐱᒫᑎᓯᐎᓂᓈᓂᕽ᙮

14:13b.1JO.014.013 ᒦᑕᔥ ᐌᒋᑭᑫᑕᒪᕽ ᐁᐐᒋᐊᔮᒪᕽ ᑭᔐᒪᓂᑑ, ᐁᐐᒋᐊᔮᒥᓇᕽ ᑲᔦ, ᐋᓃᔥ ᑭᑮᒦᓂᑯᓈᓐ ᐅᑕᒑᑾᓐ᙮

14:14b.1JO.014.014 ᑮᓇᐎᓐᑦ ᓴ ᑭᑮᐙᐸᑖᒥᓐ, ᑭᑎᐹᒋᒧᒥᓐ ᑲᔦ ᑳᐅᔫᓯᒥᓐᒡ ᐁᑮᐲᒋᓂᔕᐙᒡ ᐅᑯᓯᓴᓐ ᒋᐱᒫᒋᐋᓂᒡ ᐯᒫᑎᓯᓂᒡ ᐅᐅᒫ ᐊᑮᕽ ᑳᐊᔮᓂᒡ᙮

14:15b.1JO.014.015 ᐊᐌᓀᓐ ᑕᔥ ᐃᑯ ᑫᐐᑕᕽ ᒋᓴᓲᓐ ᒪᔮ ᐁᐅᑯᓯᓯᒥᑯᓂᒡ ᑭᔐᒪᓂᑑᓐ, ᒦ ᐄᑐᒃ ᐊᐊ ᐁᐐᒋᐊᔮᒫᒡ ᑭᔐᒪᓂᑑᓐ, ᐁᐐᒋᐊᔮᒥᑯᒡ ᑲᔦ᙮

14:16b.1JO.014.016 ᑮᓇᐎᓐᑦ ᑕᔥ ᑭᑮᐱᑭᑫᑖᒥᓐ, ᐁᑮᑌᐺᑕᒧᐗᕽ ᑲᔦ ᐋᓃᓐ ᐁᔑᓵᑭᐃᓇᕽ ᑭᔐᒪᓂᑑ᙮ ᑭᔐᒪᓂᑑ ᓴ ᐃᔑᐊᔮ ᐁᓵᑭᐃᐌᒡ᙮ ᐊᐌᓀᓂᑕᔑᑯ ᓵᑭᐃᐌᐎᓂᕽ ᐁᑕᔑᐱᒫᑎᓯᒡ, ᐅᐐᒋᐊᔮᒫᓐ ᑭᔐᒪᓂᑑᓐ, ᐅᐐᒋᐊᔮᒥᑰᓐ ᑕᔥ ᐃᑯ ᑲᔦ᙮

14:17b.1JO.014.017 ᑮᔥᐱᓐ ᓵᑭᐃᐌᐎᓐ ᑭᐱᒫᑎᓯᐎᓂᓈᓂᕽ ᐃᔑᑮᔑᓈᑾᒃ, ᒦᐃ ᑫᐅᒋᑫᒋᓇᐅᐌᓂᒧᔭᕽ ᐊᐲ ᑎᐹᑯᓂᑫᐎᑮᔑᑲᒃ, ᐋᓃᔥ X ᑳᐃᔑᓈᑾᓂᓂᒃ ᐅᐱᒫᑎᓯᐎᓐ, ᒦ ᑫᑮᓇᐎᓐᑦ ᐁᔑᐱᒫᑎᓯᔭᕽ ᐅᐅᒫ ᐊᑮᕽ᙮

14:18b.1JO.014.018 ᐊᐊᐌ ᑳᓵᑭᐃᐌᒡ ᑳᐐᓐ ᑯᑖᒋᓰ᙮ ᐃᐃ ᓴ ᑳᑮᔑᓈᑾᓂᓂᒃ ᓵᑭᐃᐌᐎᓐ ᐅᒋᓵᑭᒋᔥᑭᑳᑌᓂ ᑯᑖᒋᐎᓐ᙮ ᐋᓃᔥ ᐊᐎᔭ ᑳᓇᓃᓵᓀᑕᕽ ᐁᐐᓇᓇᐊᓯᓐᒡ, ᒦ ᐃᒫ ᐌᒌᒃ ᑯᑖᒋᐎᓐ᙮ ᐊᐎᔭ ᑕᔥ ᑳᑯᑖᒋᒡ ᑳᐐᓐ ᒪᔑ ᑮᔑᓈᑯᒋᑳᑌᓯᓂᓂ ᓵᑭᐃᐌᐎᓐ ᐅᐱᒫᑎᓯᐎᓂᕽ᙮

14:19b.1JO.014.019 ᒦᑕᔥ ᑳᐅᒋᓵᑭᐃᐌᔭᕽ, ᐋᓃᔥ ᑭᔐᒪᓂᑑ ᓂᑕᒻ ᑭᑮᔕᐌᓂᒥᑯᓈᓐ᙮

14:20b.1JO.014.020 ᑮᔥᐱᓐ ᐊᐎᔭ ᐃᑭᑐᒡ ᐁᓵᑭᐋᒡ ᑭᔐᒪᓂᑑᓐ, ᔒᑫᓂᒫᒡ ᐃᑕᔥ ᐐᑕᓇᒥᐋᓐ, ᒦᓴ ᐊᐌ ᑳᑲᑮᓇᐎᔥᑭᒡ᙮ ᐋᓃᔥ ᐊᐎᔭ ᑳᓵᑭᐋᓯᒃ ᐐᑕᓇᒥᐋᓐ ᑳᐙᐸᒫᒡ, ᐋᓃᓐ ᐃᑕᔥ ᐃᓈ ᑫᐃᔑᑲᔥᑭᑑᐸᓐ ᒋᓵᑭᐋᒡ ᑭᔐᒪᓂᑑᓐ ᑳᐙᐸᒫᓯᒃ?

14:21b.1JO.014.021 ᒦᑕᔥ ᐅᐅ ᑭᔐᒪᓂᑑ ᑳᑮᐃᓈᑯᓂᓇᕽ, ᐊᐌᓀᓐ ᓴ ᑫᓵᑭᐋᒡ ᑭᔐᒪᓂᑑᓐ, ᐃᔑᓈᑾᓂᓂ ᑲᔦ ᒋᓵᑭᐋᐸᓐ ᐐᑕᓇᒥᐋᓐ᙮

15

15:1b.1JO.015.001 ᑲᑭᓇ ᐊᐎᔭ ᑳᑌᐺᑕᕽ ᒋᓴᓲᓐ ᐁᐋᐎᓂᒡ ᑳᑮᐅᓇᑭᒥᑯᓂᒡ ᑭᔐᒪᓂᑑᓐ ᒋᐱᒫᒋᐃᐌᒡ, ᒦᓴ ᐊᐌ ᑭᔐᒪᓂᑑᓐ ᑳᐅᓃᒑᓂᓯᒥᑯᒡ᙮ ᑲᑭᓇ ᑕᔥ ᑲᔦ ᐊᐎᔭ ᑳᓵᑭᐋᒡ ᑳᐅᔫᓯᒥᒥᓐᒡ, ᐅᓵᑭᐋᐞ ᑲᔦ ᐊᐌᓀᓇᐃᑯ ᑭᔐᒪᓂᑑᓐ ᑳᐅᓃᒑᓂᓯᒥᑯᓂᒡ᙮

15:2b.1JO.015.002 ᒦᑕᔥ ᐅᐅ ᐌᒋᑭᑫᑕᒪᕽ ᐁᓵᑭᐃᒪᕽ ᑭᔐᒪᓂᑑ ᐅᓃᒑᓂᓴᐞ, ᑮᓵᑭᐊᕽ ᑭᔐᒪᓂᑑ, ᐁᑑᑕᒧᐗᕽ ᑲᔦ ᐅᑎᓈᑯᓂᑫᐎᓇᓐ᙮

15:3b.1JO.015.003 ᐁᑲᓇᐌᑕᒧᐗᕽ ᑕᔥ ᑭᔐᒪᓂᑑ ᐅᑎᓈᑯᓂᑫᐎᓇᓐ, ᒦ ᐃᒫ ᐁᔑᓈᑯᑖᐗᕽ ᐁᓵᑭᐊᕽ᙮ ᐅᑎᓈᑯᓂᑫᐎᓇᓐ ᑕᔥ ᑳᐐᓐ ᓴᓇᑫᑖᑾᓯᓂᓂᐗᓐ᙮

15:4b.1JO.015.004 ᐊᐌᓀᓂᑕᔑᑯ ᑳᐅᓃᒑᓂᓯᒥᑯᒡ ᑭᔐᒪᓂᑑᓐ ᐅᔖᑰᒋᔥᑳᓇᓐ ᐊᑮᕽ ᑳᑕᓀᑖᑾᓂᓂᑭᓐ᙮ ᐋᓃᓐ ᐃᑕᔥ ᒪᔮ ᐌᒋᐸᑭᓇᐙᑕᒪᕽ ᐊᑮᕽ ᑳᑕᓀᑖᑾᒃ? ᑭᑌᐺᑕᒧᐎᓂᓈᓂᕽ ᐅᔕ!

15:5b.1JO.015.005 ᐊᐌᓀᓐ ᑕᔥ ᑫᔖᑰᒋᔥᑲᑭᐸᓐ ᐊᑮᕽ ᑳᑕᓀᑖᑾᓂᓂᑭᓐ? ᐊᐊᐌ ᓴ ᐁᑕ ᑳᑌᐺᑕᕽ ᒋᓴᓲᓐ ᐁᐅᑯᓯᓯᒥᑯᓂᒡ ᑭᔐᒪᓂᑑᓐ᙮

15:6b.1JO.015.006 ᒋᓴᔅ X ᐅᔕ ᑳᑮᔖᐳᔥᑲᕽ ᓂᐲᓂ ᑮᓰᑲᐊᑖᓱᒡ, ᒥᔅᑸᓂ ᑲᔦ ᑮᓂᒋᑲᓂᐎᒡ᙮ ᑳᐐᓐ ᐐᓐ ᓂᐲᕽ ᐁᑕ ᑮᐱ ᐃᔑᔖᐳᔥᑳᓰ, ᒥᒋᓃᔡᔦᒃ ᓴ ᓂᐲᕽ, ᒥᔅᑸᕽ ᑲᔦ᙮ ᑭᔐᒪᓂᑑ ᐅᑕᒑᑾᓐ ᑕᔥ ᐃᑯ ᑎᐹᒋᒧᐗᓐ ᐁᑌᐺᐗᓂᓂᒃ ᐅᐅ, ᐋᓃᔥ ᐅᑕᒑᑾᓐ ᑌᐺᐎᓐ ᑎᓄᐎᐗᓐ᙮

15:7b.1JO.015.007 ᓂᔀᔦᒃ ᓴ ᐅᒋᑎᐹᒋᒫ ᒋᓴᔅ᙮

15:8b.1JO.015.008 ᑭᔐᒪᓂᑑ ᐅᑕᒑᑾᓐ, ᓂᐱ, ᐃᐃ ᑲᔦ ᒥᔅᑶ᙮ ᐅᓄ ᓴ ᓂᔀᔦᒃ ᐯᔑᑾᓐ ᐅᒋ ᐃᓈᒋᒫ᙮

15:9b.1JO.015.009 ᐃᓇᔥᑫ ᑭᑌᐺᑕᒧᐙᒥᓐ ᐃᓂᓂ ᐅᑎᓈᒋᒧᐎᓐ, ᔖᑰᒡ ᑕᔥ ᐐᓐ ᑭᔐᒪᓂᑑ ᐅᑎᐹᒋᒧᐎᓐ ᓇᐗᒡ ᒪᔥᑲᐎᑌᐺᒪᑲᓂᓂ, ᐐᓐ ᐄᑐᒃ ᒪᔮ ᑳᑎᐹᒋᒫᒡ ᐅᑯᓯᓴᓐ᙮

15:10b.1JO.015.010 ᐊᐊ ᓴ ᑳᑌᐺᔦᓂᒫᒡ ᑭᔐᒪᓂᑑᓐ ᐅᑯᓯᓯᓂ, ᐅᑕᔮᓐ ᐅᑌᐃᕽ ᑳᐃᔑᑌᐺᔮᒋᒥᒥᓐᒡ ᐅᑯᓯᓯᒫᓐ᙮ ᐊᐌᓀᓂᑕᔑᑯ ᑳᑌᐺᑕᐙᓯᒃ ᑭᔐᒪᓂᑑᓐ, ᒦᐃ ᐅᑲᑮᓇᐎᔥᑭᕽ ᐁᑑᑕᐙᒡ, ᐁᑌᐺᑕᓯᒃ ᑭᔐᒪᓂᑑᓐ ᐁᓈᒋᒫᓂᒡ ᐅᑯᓯᓯᓂ᙮

15:11b.1JO.015.011 ᒦᑕᔥ ᐅᐅ ᑎᐹᒋᒧᐎᓐ ᐁᔑᓯᕽ, ᑭᔐᒪᓂᑑ ᐁᑮᒦᓂᓇᕽ ᐱᒫᑎᓯᐎᓐ ᐐᑳ ᑫᐴᓂᓭᓯᓂᓂᒃ᙮ ᐃᐃ ᓴ ᐱᒫᑎᓯᐎᓐ ᐅᑯᓯᓯᕽ ᐅᒌᓂ᙮

15:12b.1JO.015.012 ᐊᐊ ᑕᔥ ᑳᐊᔮᐙᒡ ᐅᑯᓯᓯᒫᓐ ᐅᑕᔮᓐ ᐱᒫᑎᓯᐎᓐ᙮ ᐊᐊ ᑕᔥ ᐐᓐ ᑳᐊᔮᐙᓯᒃ ᑭᔐᒪᓂᑑᓐ ᐅᑯᓯᓯᓂ ᑳᐐᓐ ᐅᑖᔮᓰᓐ ᐱᒫᑎᓯᐎᓐ᙮

15:13b.1JO.015.013 ᑭᑑᔑᐲᐊᒪᐎᓂᓂᒻ ᐃᑕᔥ ᐅᓄ ᑮᓇᐙ ᑳᑌᐺᑕᒧᐌᒃ ᐅᐐᓱᐎᓂᓂ ᑭᔐᒪᓂᑑ ᐅᑯᓯᓴᓐ, ᒋᑭᑫᑕᒣᒃ ᐁᐊᔮᔦᒃ ᐱᒫᑎᓯᐎᓐ ᐐᑳ ᑫᐴᓂᓭᓯᓄᒃ᙮

15:14b.1JO.015.014 ᒦᑕᔥ ᑲᔦ ᑳᐅᒋᑫᒋᓈᐅᔭᕽ ᑮᓈᓯᑲᐗᕽ ᑭᔐᒪᓂᑑ: ᑮᔥᐱᓐ ᐃᔑᑲᑴᒋᒪᕽ ᐁᓇᑌᓂᒃ ᐅᑎᓀᑕᒧᐎᓐ, ᑭᑲᓅᑖᑯᓈᓐ᙮

15:15b.1JO.015.015 ᑮᔥᐱᓐ ᑕᔥ ᑭᑫᑕᒪᕽ ᐁᓅᑕᐎᓇᕽ ᐋᓃᓐ ᐃᑯ ᑳᔑᑲᑴᒋᒪᕽ, ᑭᑭᑫᑖᒥᓐ ᒋᒦᓂᓇᕽ ᐃᐃ ᑳᑮᐃᔑᑲᑴᒋᒪᕽ᙮

15:16b.1JO.015.016 ᑮᔥᐱᓐ ᐊᐎᔭ ᐙᐸᒫᒡ ᐐᑕᓇᒥᐋᓐ ᑑᑕᒥᓂᒡ ᒪᒋᑑᑕᒧᐎᓐ ᑎᓄ ᑳᐃᔑᐎᔑᐌᒪᑲᓯᓂᓂᒃ ᓂᐳᐎᓂᕽ, ᐅᑖᐊᓇᒥᐁᑕᐙᓐ ᐅᔕ ᑭᔐᒪᓂᑑᓐ, ᐅᑲᒦᓂᑯᓂ ᑕᔥ ᐱᒫᑎᓯᐎᓐ᙮ ᐃᑭ ᑯᑕ ᑳᐃᓇᒀ ᐅᒪᒋᑑᑕᒧᐎᓂᐙᓐ ᑳᐃᔑᐎᓂᑯᓯᒀ ᓂᐳᐎᓂᕽ᙮ ᐊᔮ ᓴ ᒪᒋᑑᑕᒧᐎᓐ ᑳᐃᔑᐎᔑᐌᒪᑲᒃ ᓂᐳᐎᓂᕽ᙮ ᑳᐐᓐ ᓂᑎᑭᑐᓰ ᒋᑮᐊᓇᒥᐁᒋᑳᑌᑭᐸᓐ ᐅᐅ ᑎᓄ᙮

15:17b.1JO.015.017 ᑲᑭᓇ ᐅᔕ ᐗᓂᑑᑕᒧᐎᓐ ᒪᒋᑑᑕᐎᓐ ᐃᓇᑭᒋᑳᑌ᙮ ᐊᔮ ᑕᔥ ᒪᒋᑑᑕᒧᐎᓐ ᑳᐃᔑᐎᔑᐌᒪᑲᓯᓄᒃ ᓂᐳᐎᓂᕽ᙮

15:18b.1JO.015.018 ᑭᑭᑫᑖᒥᓐ ᐄᑐᒃ ᐊᐎᔭ ᑭᔐᒪᓂᑑᓐ ᑳᐅᓃᒑᓂᓯᒥᑯᒡ ᑳᐐᓐ ᓂᑖᒪᒋᑑᑕᓰ᙮ ᑭᔐᒪᓂᑑᓐ ᐅᑯᓯᓯᓂ ᐅᔕ ᐅᑲᓇᐌᓂᒥᑰᓐ, ᒪᒋᐊᔭᐋᓐ ᑕᔥ ᑳᐐᓐ ᐅᑲᑲᔥᑭᐃᑯᓰᓐ ᒋᒫᔑᓭᐃᑯᒡ᙮

15:19b.1JO.015.019 ᑭᑭᑫᑖᒥᓐ ᑭᔐᒪᓂᑑ ᐁᐅᓃᒑᓂᓯᒥᓇᕽ; ᐃᑭ ᑕᔥ ᐐᓐ ᐅᐅᒫ ᐊᑮᕽ ᑳᐅᒋᑎᐯᑖᑯᓯᐙᒡ ᒪᒋᐊᔭᐋᓐ ᐅᑎᐯᓂᒥᑯᐙᓐ᙮

15:20b.1JO.015.020 ᑭᑭᑫᑖᒥᓐ ᑲᔦ ᑭᔐᒪᓂᑑ ᐅᑯᓯᓴᓐ ᐁᑮᐱᑕᑶᔑᓂᓂᒡ, ᐁᑮᒦᓂᒥᓇᕽ ᑲᔦ ᓂᓯᑐᑕᒧᐎᓐ, ᒋᐅᒋᑭᑫᓂᒪᕽ ᑳᒪᔮᐌᑖᑯᓯᒡ ᑭᔐᒪᓂᑑ᙮ ᑭᐐᒋᐊᔮᒫᓈᓐ ᑕᔥ ᑳᒪᔮᐌᑖᑯᓯᒡ ᑭᔐᒪᓂᑑ, ᐃᓂ ᑲᔦ ᐅᑯᓯᓴᓐ ᒋᓴᔅ Xᑕᓐ᙮ ᒦᓴ ᐗᐊ ᑭᔐᒪᓂᑑ ᑳᑌᐺᐎᓂᐎᒡ, ᐐᓐ ᓴ ᐊ ᐱᒫᑎᓯᐎᓐ ᐐᑳ ᑫᐴᓂᓭᓯᓂᓂᒃ᙮

15:21b.1JO.015.021 ᑳᓵᑭᐃᓇᑰᒃ ᓂᓃᒑᓂᓴᒃ, ᑫᑯ ᐸᐹᒣᓂᒫᑫᒀᓂᒃ ᒪᓂᑑᑳᓇᒃ᙮