1 Timothy (Ojibwa)

11

11:1b.1TI.011.001 ᓃᓐ ᑆᓬ ᐅᑎᔑᓂᔕᐙᑲᓇᓐ ᐊᐊ ᒋᓴᔅ X, ᒋᐃᔑᐊᓄᑮᔮᓐ ᒪᔮ ᐁᔑ ᐃᓈᑯᓂᑫᒡ ᐊᐊᐌ ᑭᔐᒪᓂᑑ ᑳᐱᒫᒋᐃᓇᕽ, ᒋᓴᔅ X ᑲᔦ, ᒦ ᐊᐌ ᑭᑕᐯᓂᒧᐎᓂᓈᓐ᙮

11:2b.1TI.011.002 ᑭᑑᔑᐲᐊᒪᐎᓐ ᑮᓐ ᑎᒪᑎ, ᑌᐺ ᐱᑯ ᑌᐺᔦᑕᒧᐎᓂᕽ ᐁᐅᒋᐅᑯᓯᓯᒥᓈᓐ᙮ ᔕᐌᑖᑯᓯᐎᓐ, ᑭᑎᒫᑭᓈᑰᐎᓐ, ᑯᔥᒀᐙᑌᑕᒧᐎᓐ ᑭᑲᐐᐅᒌᑕᒫᒃ ᑭᔐᒪᓂᑑ ᑳᐅᔫᓯᒥᓐᒡ, X ᒋᓴᔅ ᑲᔦ ᐁᑎᐯᓂᒥᓇᕽ᙮

11:3b.1TI.011.003 ᑭᑎᔑᓇᑕᐌᓂᒥᓐ ᑫᔮᐱ ᒋᐃᔑᑲᐯᔑᔭᓐ ᐃᐃᒫ ᐁᐱᓴᔅ ᐆᑌᓈᕽ, ᑳᑮᐃᓂᓈᐹᓐ ᐊᐸᓐ ᑳᑮᒫᒑᔮᓐ ᐌᑎ ᒫᓯᑑᓂᔭ ᐊᑮᕽ᙮ ᐋᓂᑕ ᐊᐎᔭᒃ ᐃᐃᒫ ᐸᑳᓐ ᐃᔑᑭᑭᓄᐊᒫᑫᐗᒃ᙮ ᑭᑕᓅᓂᓐ ᒋᐃᔑᐐᑕᒪᐗᑣ ᒋᐴᓂᑑᐙᒡ ᐃᐌ ᓇᐹᒡ ᑭᑭᓄᐊᒫᑫᐎᓐ ᐁᑳ ᒋᑭᑭᓄᐊᒫᑫᓯᒀ ᒦᓇᐙ,

11:4b.1TI.011.004 ᐁᑳ ᑲᔦ ᒋᐱᓯᑕᓯᒀ ᐸᑳᓐ ᑎᐹᒋᒧᐎᓇᓐ ᐃᓂ ᑲᔦ ᑳᐴᓂᓭᓯᓄᑭᓐ ᐋᔮᓂᑫᑎᐹᒋᒧᐎᓇᓐ᙮ ᒦ ᐅᐌ ᑳᐅᒋᑲᑴᐸᓯᑸᒪᑲᑭᓐ ᑲᑴᒋᑎᐎᓇᓐ, ᑳᐐᓐ ᐐᓐ ᐃᐃᐌ ᑳᐃᔑᐊᑕᐌᑕᕽ ᑭᔐᒪᓂᑑ ᐃᐌ ᑌᐺᔦᑕᒧᐎᓂᕽ ᑳᐊᔮᒃ᙮

11:5b.1TI.011.005 ᒦ ᐅᐌ ᑳᑲᑴᐅᑎᓂᑫᒪᑲᒃ ᐅᐅ ᓂᑭᑭᓄᐊᒫᑫᐎᓐ, ᒋᐹᑏᓇᒃ ᓵᑭᐃᑎᐎᓐ, ᒋᐅᒋᐊᔮᒪᑲᒃ ᒥᓄᑌᐁᐎᓂᕽ, ᒥᓄᑭᑫᓂᑎᓱᐎᓂᕽ ᑲᔦ, ᑳᑌᐺᒪᑲᒃ ᑌᐺᑕᒧᐎᓂᕽ ᑲᔦ᙮

11:6b.1TI.011.006 ᐋᓂᓐᑦ ᐃᐃᒫ ᐊᐎᔭᒃ ᑮᐅᒋᐸᑫᐗᒃ ᐁᑮᐃᔑᐗᓂᔑᓄᐙᒡ, ᐊᓂᔖ ᐁᑲᑴᔖᑰᓱᑎᐙᒡ᙮

11:7b.1TI.011.007 ᐐᓅᑌ ᑭᑭᓄᐊᒫᑫᐗᒃ ᑭᔐᒪᓂᑑᓐ ᐅᑎᓈᑯᓂᑫᐎᓂᓂ, ᐋᓇᐐᓐ ᐁᑕᔑᑭᑫᑕᓯᒀ ᐐᓇᐙ ᑯ ᐅᑎᑭᑐᐎᓂᐙᓐ ᑲᔦ ᐌᑯᓀᓐ ᐃᐃ ᑳᑕᔑᑕᒧᐙᒡ ᐁᑾᔭᑴᓂᒧᐙᒡ᙮

11:8b.1TI.011.008 ᑮᓇᐎᓐᑦ ᐃᑕᔥ ᑭᑭᑫᑖᒥᓐ ᐁᐅᓂᔑᔑᒃ ᐃᓈᑯᓂᑫᐎᓐ, ᐊᐌᓀᓐ ᐃᑯ ᑾᔭᒃ ᑫᐋᐸᒋᑑᒡ᙮

11:9b.1TI.011.009 ᑭᑭᑫᑖᒥᓐ ᑳᐐᓐ ᐐᓐ ᐅᒋ ᑳᒥᓄᐃᔑᐌᐱᓯᐙᒡ ᑮᐅᒋᐅᔑᐲᐃᑳᑌᓯᓅᓐ ᐃᓈᑯᓂᑫᐎᓐ, ᐃᑭ ᓴ ᐐᓐ ᑳᓂᑖᒪᒫᔒᐙᒡ, ᑳᑲᑴᑎᐯᓂᑎᓱᐙᒡ ᑲᔦ, ᐃᑭ ᑲᔦ ᑳᑭᑌᓂᒫᓯᒀ ᑭᔐᒪᓂᑑᓐ, ᐅᒪᒋᑑᑕᒨᒃ ᑲᔦ, ᑳᐯᑭᐱᒫᑎᓯᓯᒀ, ᑳᒫᓀᑕᒧᐙᒡ ᑲᔦ ᐊᓇᒥᐋᐎᓐ, ᐃᑭ ᑲᔦ ᑳᓂᓵᐙᒡ ᐅᓃᑭᐃᑯᐙᐞ, ᐊᐌᓀᓐ ᓴ ᐱᑯ ᑳᓂᔑᐌᒡ,

11:10b.1TI.011.010 ᔑᑾ ᑳᐱᔑᒀᑎᓯᐙᒡ, ᑳᒪᒋᒥᓴᐌᓂᒫᐙᒡ ᑲᔦ ᐐᒋᓂᓃᒥᐙᐞ, ᐃᑭ ᑲᔦ ᑳᑮᒨᒋᑭᒨᑎᐙᒡ ᐊᐎᔭᐞ ᒋᐊᑖᐙᑫᐙᒡ, ᐃᑭ ᑳᓂᑖ ᑲᑮᓇᐎᔥᑭᐙᒡ, ᑳᑲᑮᓇᐎᔥᑳᒋᒧᐙᒡ ᑲᔦ, ᐊᐎᔭ ᑯ ᑲᔦ ᑳᑲᑴᓇᑳᔥᑲᕽ ᒥᓄᑭᑭᓄᐊᒫᑫᐎᓐ᙮

11:11b.1TI.011.011 ᒦ ᐅᐅ ᑭᑭᓄᐊᒫᑫᐎᓐ ᑳᐃᓇᑌᓂᒃ ᐅᒥᓍᒋᒧᐎᓐ ᑳᑭᒋ ᐃᓀᑖᑯᓯᒡ ᑲᔦ ᑳᓇᓈᑯᒥᓐᒡ ᑭᔐᒪᓂᑑ; ᒦ ᐅᐌ ᒥᓍᒋᒧᐎᓐ ᓃᓐ ᐃᑯ ᑳᐸᒥᓇᒧᐃᑰᔮᓐ ᒋᐐᑕᒫᑫᔮᓐ᙮

11:12b.1TI.011.012 ᓂᒦᑴᒋᐌᓂᒫ ᑕᔥ X ᒋᓴᔅ ᑌᐯᓂᒥᓇᕽ ᑳᒦᔑᒡ ᒪᔥᑲᐎᓰᐎᓐ, ᐅᑕᔮᒀᒥᓰ ᑳᑮᐃᓇᑭᒥᒡ, ᑳᐊᓅᔑᒡ ᒋᐊᓄᑲᐗᒃ,

11:13b.1TI.011.013 ᓃᓐ ᑲᔭᑌ ᑳᑮᒪᒋ ᐃᓇᒃ᙮ ᓂᑮᑲᒀᑕᑭᐋ, ᓂᑮᐹᐱᓄᑕᐙ ᑲᔦ᙮ ᓂᑮᑰᐹᑌᓂᒥᒃ ᐃᑕᔥ ᐃᐌ ᐅᒋ ᐁᑮᑭᑫᑕᓯᐙᓐ ᑳᐃᔑᒋᑫᔮᓐ ᒣᒀ ᐁᑌᐺᑕᓯᐙᐹᓐ᙮

11:14b.1TI.011.014 ᑲᔦᔥ ᑮᐹᑏᓇᑎᓂᓂ ᐅᔕᐌᒋᑫᐎᓐ ᑳᒦᔑᒡ ᑳᑎᐯᓂᒥᓇᕽ, ᐊᔑᒡ ᐃᐃᐌᓂ ᑌᐺᔦᑕᒧᐎᓐ, ᓵᑭᐃᐌᐎᓐ ᑲᔦ, ᑳᐅᒌᑕᒫᑯᔭᕽ X ᒋᓴᔅ ᐁᐐᒌᐗᕽ᙮

11:15b.1TI.011.015 ᑌᐺᒪᑲᓐ ᐃᓴ ᐃ ᐃᑭᑐᐎᓐ, ᑌᐊᐲᑌᑖᑾᓐ ᑲᔦ ᑲᑭᓇ ᐊᐎᔭ ᒋᐅᑖᐱᓇᒧᐙᒡ: ᐊᐊ ᓴ X ᒋᓴᔅ ᐁᑮᐲᔖᒡ ᐅᐅᒫ ᐊᑮᕽ ᐅᒪᒋᑑᑕᒨᐞ ᒋᐱᒫᒋᐋᒡ, ᐁᑕᔑᐙᒡ ᓃᓐ ᐃᑕᔥ ᓂᒫᒪᐌᑖᑯᔅ ᐁᑎᓄᐎᔮᓐ᙮

11:16b.1TI.011.016 ᒦ ᒪᔮ ᐅᐌ ᑳᑮᐅᒋᔕᐌᓂᒥᒡ ᑭᔐᒪᓂᑑ, ᐁᑮᐃᓀᑕᕽ X ᒋᓴᔅ ᐗᐐᑫ ᒋᐙᐸᑕᐃᐌᒡ ᐁᔑᔕᔒᐯᓂᒥᒡ, ᓃᓐ ᐋᓇ ᒫᒪᐌᑖᑯᓯᔮᓐ ᒪᒋ ᐃᔑᐌᐱᓯᐎᓂᕽ᙮ ᒦ ᐃᐌ ᑫᐅᒋᑭᑭᓇᐙᐸᑕᒧᐙᒡ ᑲᑭᓇ ᐃᑭ ᓈᑫ ᑫᑌᐺᔦᓂᒫᐙᒡ ᒋᒦᓂᑣ ᐱᒫᑎᓯᐎᓐ ᐐᑳ ᑫᐃᔥᒀᓭᓯᓄᒃ᙮

11:17b.1TI.011.017 ᒫᓄ ᑕᔥ ᐱᔑᔑᒃ ᐊᐸᓀ ᑕᑭᒋ ᐃᓀᓂᒫ, ᑕᓇᓈᑯᒫ ᐊᐊ ᑭᒋᐅᑭᒫ ᐱᔑᔑᒃ ᑳᐱᒫᑎᓯᒡ, ᐐᑳ ᑫᓂᐳᓯᒃ, ᐎᔮᐸᒫᓯᐎᓐᒡ, ᒦ ᐁᑕ ᐊᐌ ᑳᑭᔐᒪᓂᑑᐎᒡ᙮ ᐁᒣᓐ᙮

11:18b.1TI.011.018 ᑎᒪᑎ ᓂᑯᓯᔅ, ᐅᐅ ᑲᑮᑴᐎᓐ ᑭᑲᓇᐌᑕᐃᓐ: ᑖᐱᔥᑰ ᑮᔖ ᑯ ᑳᑮᐃᓈᒋᒥᑰᔭᓐ, ᒦᐗᓐ ᐃᑭᑐᐎᓇᓐ ᒋᐊᔛᐙᑫᔭᓐ ᒥᓄ ᒦᑳᓱᐎᓂᕽ᙮

11:19b.1TI.011.019 ᒥᒋᒥᓇᓐ ᐃᐃ ᑭᑌᐺᔦᑕᒧᐎᓐ, ᐃᐃ ᑲᔦ ᒥᓄᐃᓀᓂᑎᓱᐎᓐ᙮ ᐃᑭ ᐋᓂᓐᑦ ᐁᐌᐱᓇᒧᐙᒡ ᐅᑮᓂᔑᐗᓈᒋᑑᓈᐙ ᐅᑌᐺᔦᑕᒧᐎᓂᐙᓐ,

11:20b.1TI.011.020 ᐅᐅ ᐁᔑᐌᐱᓯᐙᒡ ᐋᐃᒥᓃᔭᔅ, ᐊᐊ ᑲᔦ ᐋᓬᐃᑭᓵᑕᕒ ᙮ ᓂᑮᐸᑭᑎᓇᒪᐙᒃ ᒋᑭᑭᓄᐊᒫᑯᐙᒡ ᐃᓂ ᓭᑕᓇᓐ, ᒋᑭᑫᑕᒧᐙᒡ ᒋᐹᐱᓄᑖᑫᓯᒀ᙮

12

12:1b.1TI.012.001 ᓃᑳᓐ ᐃᑕᔥ ᓂᑲᑳᓱᑖᓐ ᒋᐊᓇᒥᐁᑕᒪᐎᑣ ᑲᑭᓇ ᐊᐎᔭ ᐁᐸᑯᓭᓂᒧᕽ, ᐁᓇᓈᑯᒧᕽ, ᐁᓇᑐᑕᒫᑫᕽ ᑲᔦ᙮

12:2b.1TI.012.002 ᐃᑭ ᑲᔦ ᑕᔭᓇᒥᐁᑕᒪᐙᐗᒃ ᑭᒋᐅᑭᒫᒃ, ᑲᑭᓇ ᑲᔦ ᐊᐎᔭᒃ ᑳᑭᑌᑖᑯᓯᐙᒡ, ᐱᓵᓐ ᒋᐅᒋᐱᒫᑎᓯᔭᕽ, ᒥᓯᐌ ᑲᔦ ᒋᐃᔑᐊᓇᒥᐁᐙᑎᓯᔭᑭᐸᓐ ᑲᔦ ᒋᐊᔮᒀᒥᓯᔭᕽ᙮

12:3b.1TI.012.003 ᐊᒦᑕᔥ ᐅᐅᐌᓂ ᑳᐅᓂᔑᔑᓂᓂᒃ ᑳᒥᓄᓇᕽ ᑭᔐᒪᓂᑑ ᑳᐱᒫᒋᐃᓇᕽ,

12:4b.1TI.012.004 ᐁᐊᑕᐌᓂᒫᒡ ᑲᑭᓇ ᐊᐎᔭᓐ ᒋᐱᒫᒋᐃᒥᓐᒡ, ᒋᐊᓂᑭᑫᑕᒥᓂᒡ ᑲᔦ ᐃᐃ ᑌᐺᐎᓐ᙮

12:5b.1TI.012.005 ᐋᓃᔥ ᐯᔑᒃ ᐊᔮ ᑭᔐᒪᓂᑑ, ᔑᑾ ᐯᔑᒃ ᐊᔮ ᑫᐯᔑᑯᐃᐌᒡ ᑫᐅᒋᐐᒌᑎᓂᒡ ᑭᔐᒪᓂᑑᓐ, ᐃᓂᓂᐗᐞ ᑲᔦ᙮ ᒦ ᐊᐌ ᒋᓴᔅ ᑳᐃᓂᓃᐎᒡ,

12:6b.1TI.012.006 ᑳᑮᐸᑭᑎᓂᑎᓱᒡ ᐁᑮᐐᑎᐸᐃᑫᑕᒪᐙᒡ ᑲᑭᓇ ᐊᐎᔭᓐ, ᒪᔮ ᐁᑮᐅᒋᒋᓭᒃ ᒋᐅᒋᑭᑫᒋᑳᑌᒃ ᐁᐊᑕᐌᓂᒫᒡ ᑭᔐᒪᓂᑑ ᑲᑭᓇ ᐊᐎᔭᓐ ᒋᐱᒫᑎᓯᓂᒡ᙮

12:7b.1TI.012.007 ᒦ ᐅᐌ ᐅᒋ ᓂᑮᐃᓇᓅᓂᒃ ᒋᐅᑎᔑᓂᔕᐙᑲᓂᒥᒡ ᑭᔐᒪᓂᑑ, ᒋᐊᐎᑭᑭᓄᐊᒪᐗᒀ ᐃᑭ ᑳᒎᐎᐎᓯᒀ, ᐅᐐᑕᒫᑫ ᑲᔦ ᒋᑎᓄᐎᔮᓐ, ᒋᐸᐹᑕᔑᑕᒫᓐ ᑌᐺᑕᒧᐎᓐ, ᑌᐺᐎᓐ ᑲᔦ᙮ ᑳᐐᓐ ᓂᑮᐗᓂᒧᓰ, ᓂᑌᐺ ᓴ ᑯ᙮

12:8b.1TI.012.008 ᒥᓯᐌᑲᒥᒃ ᓂᓇᑕᐌᓂᒫᒃ ᐃᓂᓂᐗᒃ ᒋᐊᓇᒥᐋᐙᒡ, ᐗᐐᑫ ᓴ ᑯ ᑳᑎᐯᓂᒥᑯᐙᒡ ᑭᔐᒪᓂᑑᓐ, ᑳᑲᔥᑭᑑᐙᒡ ᒋᐃᔑᐅᐱᓂᑫᓂᐙᒡ ᐁᐊᓇᒥᐋᐙᒡ, ᐋᓃᔥ ᑳᐐᓐ ᓂᔥᑳᑎᓯᓰᐗᒃ, ᑳᐐᓐ ᑲᔦ ᑲᑴᔖᑰᓱᑎᓰᐗᒃ᙮

12:9b.1TI.012.009 ᓂᓇᑕᐌᓂᒫᒃ ᐃᑕᔥ ᐃᑴᐗᒃ ᑾᔭᒃ ᐃᑯ ᒋᑲᑴᐃᔑᐅᐙᒡ, ᓂᑆᑳᐎᓂᕽ ᒋᐃᔑᑲᑴᒥᓄᑯᓇᔦᐙᒡ᙮ ᑳᐐᓐ ᑲᔦ ᐅᓵᒻ ᐅᑲᑲᑴᒥᓍᑾᐊᓰᓈᐙᓐ ᐐᓂᓯᓯᐙᓐ, ᑳᐐᓐ ᑲᔦ ᐅᓵᐎ ᔔᓂᔮᓐ ᒋᐗᐌᔑᐅᐙᑫᐙᒡ, ᑳᐐᓐ ᑲᔦ ᑳᔮᑾᑭᓱᓂᒡ ᓈᐱᑳᑲᓂᒥᓇᐞ, ᐃᓂ ᑲᔦ ᐁᐋᑾᑭᑌᓂᑭᓐ ᑭᑭᔥᑭᑲᓇᓐ ᐅᑲᑲᑴᑭᑭᔥᑲᓰᓈᐙᓐ᙮

12:10b.1TI.012.010 ᓇᐗᒡ ᐃᑕᔥ ᐃᔑᓈᑾᓂᓂ ᐊ ᐃᑴ ᒋᐃᔑᐗᐌᔑᐅᐙᑫᒡ ᒥᓄᒋᑫᐎᓇᓐ, ᑳᐃᓀᑖᑯᓯᓂᒡ ᐃᓂ ᑎᓄ ᐃᑴᐗᓐ ᓂᑯᑖᓀᓂᒫ ᑭᔐᒪᓂᑑ ᑳᐃᑭᑐᓂᒡ᙮

12:11b.1TI.012.011 ᑕᑲ ᓴ ᓅᑳᑎᓯᐎᓂᕽ ᐅᑲᔑᑲᑴ ᑭᑫᑖᓈᐙ ᑫᑰᓇᓐ, ᐊᐙᒡ ᐃᑯ ᐸᑮ ᒋᑲᑴᑎᐯᓂᑫᓯᒀ᙮

12:12b.1TI.012.012 ᑳᐐᓐ ᓂᐸᑭᑎᓈᓰ ᐃᑴ ᒋᑭᑭᓄᐊᒫᑫᐸᓐ ᑮᒫᐗᒋᐃᑎᓂᒡ ᐅᑕᓇᒥᐋᐞ᙮ ᑳᐐᓐ ᐅᑲ ᑲᑴ ᑲᐱᑲᐙᓰᐞ ᐃᓂᓂᐗᐞ ᒋᑲᑴᑎᐯᓂᒫᒡ᙮ ᐱᓵᓐ ᑕᐱᓯᑕᒻ᙮

12:13b.1TI.012.013 ᐋᓃᔥ ᓃᑳᓐ ᑮᐅᔑᐋᑲᓂᐎ ᐊᐊ ᐋᑕᒻ, ᒦᑕᔥ ᑫᐐᓐ ᐄᑉ ᑮᐅᔑᐋ᙮

12:14b.1TI.012.014 ᑳᐐᓐ ᐐᓐ ᒪᔮ ᑮᐗᔦᔑᒫᑲᓂᐎᓰ ᐃᓂᓂ, ᐊᐌ ᓴ ᓂᑕᒻ ᐃᑴ ᑮᐗᔦᔑᒫᑲᓂᐎ᙮ ᒦ ᐊᐌ ᓂᑕᒻ ᐁᑮᐲᑯᓇᕽ ᑭᔐᒪᓂᑑᓐ ᐅᑎᓈᑯᓂᑫᐎᓂᓂ᙮

12:15b.1TI.012.015 ᐃᑭ ᑕᔥ ᐃᑴᐗᒃ ᑕᐱᒫᒋᐋᐗᒃ ᐊᓂᐅᑳᑳᒫᐎᐙᒡ ᑮᔥᐱᓐ ᑲᔦ ᑲᐯᐊᔭᐄ ᐊᓂᐊᔮᐙᒡ ᑌᐺᑕᒧᐎᓂᕽ, ᓵᑭᐃᐌᐎᓂᕽ, ᒥᓍᑎᓯᐎᓂᕽ, ᐊᓂᑭᑭᐊᔮᐙᒡ ᑲᔦ ᐃᒫ ᐊᔮᒀᒥᓯᐎᓂᕽ᙮

13

13:1b.1TI.013.001 ᑌᐺᒪᑲᓐ ᐅᐅᐌ ᐃᑭᑐᐎᓐ: ᑮᔥᐱᓐ ᐃᓂᓂ ᐊᑕᐌᑕᕽ ᒋᓃᑳᓂᓯᒡ ᐊᓇᒥᐋᐎᓂᕽ, ᐅᓂᔑᔑᓂᓂ ᐅᐅᐌᓂ ᐊᓄᑮᐎᓐ ᑳᔭᑕᐌᑕᕽ᙮

13:2b.1TI.013.002 ᐊᑕᐌᑖᑯᓯ ᑕᔥ ᐁᑳ ᑫᑰᓐ ᒋᐃᓈᑎᓯᓯᒃ ᐅᓃᑳᓂᓯ᙮ ᑕᐯᔑᑯᐗᓐ ᐁᑕ ᐐᐗᓐ᙮ ᔑᑾ ᑳᐐᓐ ᐃᓂᑳᓐᒡ ᐅᑲᑑᑕᓰᓐ ᐅᐱᒫᑎᓯᐎᓐ, ᑕᓂᑆᑳ ᑕᔥ ᒋᓴᑲᑲᒫᑎᓯᒡ᙮ ᐅᑲᓀᑳᒥᐲᑎᑲᓈᐞ ᐊᐎᔭᐞ ᐅᑖᐎᓂᕽ, ᐅᑲᑲᔥᑭᑑᓐ ᑲᔦ ᒋᑭᑭᓄᐊᒫᑫᒡ᙮

13:3b.1TI.013.003 ᑳᐐᓐ ᐃᑕᔥ ᑕᓂᑖ ᑮᐗᔥᑴᐲᓰ, ᑳᐐᓐ ᑲᔦ ᑕᔮᒀᑎᓯᓰ᙮ ᑕᓅᑳᑎᓯ ᑕᔥ, ᐌᐌᓂ ᑲᔦ ᑕᑑᑖᑫ᙮ ᑳᐐᓐ ᑲᔦ ᐅᑲᓵᑭᐋᓰᓐ ᔔᓂᔮᓐ᙮

13:4b.1TI.013.004 ᔑᑾ ᑾᔭᒃ ᐅᑲᑎᐯᓂᒫᐞ ᐅᑖᐎᓂᕽ ᑳᑕᔑᓂᒡ, ᐁᑲᔥᑭᐋᒡ ᐅᓃᒑᓂᓴᐞ ᒋᐱᓯᑖᑯᒡ, ᐁᑭᒋ ᐃᓀᓂᒥᑯᒡ᙮

13:5b.1TI.013.005 ᑮᔥᐱᓐ ᐋᓃᔥ ᐊᐊ ᐃᓂᓂ ᑭᑫᑕᓯᒃ ᑫᔑᑎᐯᓂᒫᒡ ᐅᑖᐎᓂᕽ ᑳᔭᔮᓂᒡ, ᐋᓃᔥ ᐃᓇ ᑫᔑᑲᓇᐌᓂᒫᐸᓐ ᐃᐃ ᑭᔐᒪᓂᑑᓐ ᑳᔭᓇᒥᐁᑕᐙᓂᒡ?

13:6b.1TI.013.006 ᔑᑾ ᑳᐐᓐ ᐊᐎᔭ ᑳᐅᔥᑭᑴᑳᑎᓯᒡ ᑕᐋᐎᓰ, ᒫᑭᔖ ᐐᐸ ᑯ ᒦ ᐋᔕ ᐁᐃᔥᐯᓂᑎᓱᒡ, ᒦ ᐯᔑᑾᓐ ᑫᐃᓈᑯᓂᓐᒡ ᐃᓂ ᑳᑮᐃᓈᑯᓂᒥᓐᒡ ᒪᒋᐊᔭᐋᓐ ᐁᑮᑭᑌᓂᒧᓂᒡ᙮

13:7b.1TI.013.007 ᑕᐅᓈᐸᒫ ᑕᔥ ᐊᐎᔭ ᐋᔕ ᑳᒥᓋᑭᒥᑯᒡ ᐃᐃ ᐁᑳ ᑳᐅᑌᐺᑕᒧᐎᓂᓯᓂᒃ, ᐁᑳ ᒋᐸᑭᔑᓯᒃ ᒋᒣᓂᔐᑕᒥᐃᑎᓱᓯᒃ, ᐁᑳ ᑲᔦ ᒋᓇᒀᓂᑯᓯᒃ ᐃᓂ ᒪᒋᐊᔭᐋᓐ᙮

13:8b.1TI.013.008 ᐃᑭ ᑕᔥ ᑲᔦ ᑳᐐᒋᑣᐙᒡ, ᐯᔑᑾᓐ ᐃᑯ ᑕᐃᔑᒥᓍᑎᓯᐗᒃ, ᐁᑳ ᒋᓂᑖ ᒥᓂᑴᓯᒀ ᔔᒥᓈᐳ, ᐁᑳ ᑲᔦ ᒋᐋᔅᑯᓈᑎᓯᓯᒀ,

13:9b.1TI.013.009 ᐁᒥᒋᒥᓇᒧᐙᒡ ᐃᑕᔥ ᑌᐺᔦᑕᒧᐎᓐ ᑳᑭᑫᑖᑯᑑᒡ ᑭᔐᒪᓂᑑ, ᐁᑭᑫᓂᑎᓱᐙᒡ ᐁᑳ ᑫᑰᓐ ᐁᐃᔑᐊᔮᓯᒀ᙮

13:10b.1TI.013.010 ᐱᓇᒫ ᑕᔥ ᑕᒥᒋᑯᒋᐋᐗᒃ᙮ ᐹᓂᒫ ᑕᔥ ᓈᑫ ᐗᐐᑫ ᓴ ᑯ ᐁᑾᔭᑴᒋᑳᓱᐙᒡ ᑕᐃᓇᓄᑮᐗᒃ᙮

13:11b.1TI.013.011 ᒦᓴ ᑕᔥ ᐯᔑᑾᓐ ᐃᓂ ᐐᐎᐙᐞ ᑫᐃᓈᑎᓯᓂᐸᓐ, ᒥᓯᐌ ᑯ ᒋᒥᓍᑎᓯᓂᐸᓐ᙮ ᑳᐐᓐ ᒪᒋᑫᑰᓐ ᑕᓂᑖ ᐋᓂᑯᔮᒋᒧᓰᐗᐞ᙮ ᐌᐌᓂ ᐅᑲᑲᓇᐌᑕᒥᓂ ᐅᐱᒫᑎᓯᐎᓂᓂ, ᒥᓯᐌ ᑲᔦ ᒋᑌᐺᐎᓂᐎᓂᒡ᙮

13:12b.1TI.013.012 ᐊᐊ ᑕᔥ ᐅᐐᒋᑣ ᑕᐯᔑᑯᐗᓐ ᐁᑕ ᐐᐗᓐ, ᑾᔭᒃ ᐃᑯ ᐁᑎᐯᓂᒫᒡ ᐅᓃᒑᓂᓴᐞ, ᐅᑖᐎᓂᕽ ᑲᔦ ᒥᓂᒃ ᐊᐎᔭᐞ ᑳᐐᒋᑖᒥᑯᒡ᙮

13:13b.1TI.013.013 ᐃᑭ ᐋᓃᔥ ᑳᒥᓄᐊᓄᑮᐙᒡ ᐃᔑᑲᔥᑭᑕᒫᓱᐗᒃ ᒥᓋᑭᒥᑰᐎᓐ᙮ ᑳᐐᓐ ᑲᔦ ᑕᔖᑴᓂᒧᓰᐗᒃ ᐁᐐᒧᔐ ᐐᑕᒫᑫᐙᒡ ᐋᓃᓐ ᐃᐃ ᑳᐃᔑᑌᐺᑕᐙᐙᒡ X ᒋᓴᓲᓐ᙮

13:14b.1TI.013.014 ᐅᐅᐌ ᑕᔥ ᑭᑑᔑᐲᐊᒪᐎᓐ ᐋᓇᐐᓐ ᐐᐸ ᐁᐐᑲᑴᐅᑎᓯᓈᓐ᙮

13:15b.1TI.013.015 ᑮᔥᐱᓐ ᑕᔥ ᑭᓉᔥ ᐅᑌᑎᔮᓐ, ᑭᑲᐅᒋᑭᑫᑖᓐ ᐋᓃᓐ ᑫᐃᔑᒋᑫᐗᒡ ᐃᐃᒫ ᑭᔐᒪᓂᑑ ᑳᐃᔑᑎᐯᓂᒫᒡ ᐅᑌᐺᑕᒨᐞ᙮ ᒦ ᐅᐌ ᐅᑕᓇᒥᐋᐎᓐ ᑳᐱᒫᑎᓯᒡ ᑭᔐᒪᓂᑑ, ᒦᐗᓐ ᐃᓂ ᑳᒫᒪᐎᑎᐯᓂᒫᒡ, ᑳᐋᔂᑾᐃᑳᑳᓂᐗᕽ ᐃᐃ ᑌᐺᐎᓐ, ᒦ ᐃᒫ ᐌᒋᐋᔩᒋᓭᒃ ᐃᐃ ᑌᐺᐎᓐ᙮

13:16b.1TI.013.016 ᐗᐐᑫ ᓴ ᑌᐺᒪᑲᓐ, ᐋᐱᒋ ᑭᒋ ᐃᓀᑖᑾᓐ ᑭᑕᓇᒥᐋᐎᓂᓈᓐ ᑭᔐᒪᓂᑑ ᑳᑮᑭᑫᑖᑯᑑᒡ: ᑌᐺ ᑮᓈᑯᐃᑎᓱ ᐁᐃᓂᓃᐎᒡ, ᑮᐅᒋᑾᔭᑾᑭᒫ ᐁᐐᒌᐎᑯᒡ ᑭᔐᒪᓂᑑ ᐅᑕᒑᑾᓐ, ᐅᑮᐙᐸᒥᑰᐞ ᐁᒐᓬᐊᐞ, ᑮᑎᐹᒋᒫ ᑳᑕᓶᐙᓇᑭᓯᓂᒡ ᐁᑮᐐᑕᒪᐎᒥᓐᒡ, ᑮᑌᐺᔦᓂᒫ ᐊᑮᕽ, ᑮᐃᔑᐅᐱᔥᑳ ᑭᒋᑮᔑᑯᕽ᙮

14

14:1b.1TI.014.001 ᑫᒋᓈᒡ ᐋᓃᔥ ᐃᑭᑐᐗᓐ ᑭᔐᒪᓂᑑ ᐅᑕᒑᑾᓐ ᐋᓃᓐ ᑫᐃᔑᐌᐸᓂᓂᒃ ᐃᔥᒀᒡ ᐊᓂᑲᑮᔑᑲᒃ, ᐋᓂᓐᑦ ᐁᐐᐅᒋᐸᑫᐙᒡ ᐅᑌᐺᑕᒧᐎᓂᐙᕽ, ᐃᓂᐌᓂᐗᐞ ᑳᐐᐱᓯᑕᐙᐙᒡ ᒪᒋᐊᔭᐋᕽ ᑳᐅᒌᓂᒡ ᐊᒑᑾᐞ, ᐁᑲᑮᓇᐎᔥᑭᓂᒡ ᐁᔑᑭᑭᓄᐊᒫᑫᓂᒡ᙮

14:2b.1TI.014.002 ᒦ ᐃᒫ ᐌᒌᒪᑲᓂᓂᑭᓐ ᐅᓄ ᑭᑭᓄᐊᒫᑫᐎᓇᓐ ᑳᐃᔑᑲᑮᓇᐎᔥᑭᐙᒡ ᑳᐗᔦᔑᑫᔥᑭᐙᒡ᙮ ᑖᐱᔥᑰ ᐊᐎᔭ ᐁᓂᓯᑐᓯᓯᒃ ᐁᐅᓵᒫᑭᓱᒡ, ᐊᒦᐃ ᐁᔑᐊᔮᓂᒃ ᐅᓈᑲᑕᐌᑕᒧᐎᓂᐙ, ᐁᑳ ᑫᔮᐱ ᐁᓂᓯᑖᐌᑕᓯᒀ ᒥᓄᐃᔑᐌᐱᓯᐎᓐ᙮

14:3b.1TI.014.003 ᐅᑯ ᑎᓄ ᐃᔑᑭᑭᓄᐊᒫᑫᐗᒃ ᐁᑳ ᒋᐐᑎᑫᓯᕽ, ᔑᑾ ᐋᓂᓐᑦ ᑫᑰᓐ ᒋᒪᓈᒦᒋᓈᑳᑌᒃ᙮ ᐅᑮᐅᔑᑑᓐ ᐃᑕᔥ ᑭᔐᒪᓂᑑ ᑲᑭᓇ ᑫᑰᓐ ᒦᒋᒻ ᒋᐋᐸᒋᑑᓂᒡ ᐃᐃ ᐅᑌᐺᑕᒨᐞ ᑳᑭᑫᑕᒥᓂᒡ ᐃᐃ ᑌᐺᐎᓐ᙮ ᐹᓂᒫ ᑮᓇᓈᑯᒧᓂᒡ ᒦᔑᐃ ᒋᒦᒋᓂᒡ᙮

14:4b.1TI.014.004 ᐋᓃᔥ ᑲᑭᓇ ᑫᑰᓐ ᑳᑮᐅᔑᑑᒡ ᑭᔐᒪᓂᑑ ᑮᐅᓂᔑᔑᓂᓂᐗᓐ, ᑳᐐᓐ ᑫᑰᓐ ᐊᐎᔭᒃ ᒋᐋᓇᐌᑕᒧᐙᒡ, ᑲᑭᓇ ᑕᔥ ᒋᐅᑎᓇᒧᐙᒡ ᐁᓇᓈᑯᒧᐙᒡ᙮

14:5b.1TI.014.005 ᐋᓃᔥ ᑮᔥᐱᓐ ᐊᐎᔭ ᐋᐸᒋᑑᒡ ᑭᔐᒪᓂᑑᓐ ᐅᑎᑭᑐᐎᓂᓂ, ᓇᓈᑯᒧᒡ ᑲᔦ, ᒦ ᐃ ᐁᔑᐅᓂᔑᔐᑕᒥᓂᒡ ᐱᓵᓐ ᐃᐃ ᓇᑫ ᒋᐃᓈᐸᑕᓂᓂᒃ ᐃᐃ ᒦᒋᒻ᙮

14:6b.1TI.014.006 ᒦᐗᓄᓄ ᑭᑭᓄᐊᒪᐤ ᑭᐐᒋᐅᑌᐺᑕᒨᒪᒃ, ᒦᑕᔥ ᐃᐃ ᑾᔭᒃ X ᒋᓴᔅ ᐅᑕᓄᑮᐋᑲᓇᓐ ᒋᑎᓄᐎᔭᓐ, ᐁᐊᔕᑎᓱᔭᓐ ᐃᓂ ᐃᑭᑐᐎᓇᓐ ᑳᐃᔑᑌᐺᒪᑲᑭᓐ, ᐃᐌ ᑲᔦ ᑾᔭᒃ ᑭᑭᓄᐊᒫᑫᐎᓐ ᑳᐱᐱᒥᓂᔕᐊᒪᓐ᙮

14:7b.1TI.014.007 ᑳᐐᓐ ᑭᑲᐱᒣᑕᓰᓇᓐ ᐃᓂ ᐸᑳᓐ ᑎᐹᒋᒧᐎᓇᓐ ᑳᒪᒋᐊᔭᐋᐎᐗᑭᓐ᙮ ᐋᓃᔥ ᑳᐐᓐ ᑌᐸᑫᑖᑾᓯᓅᓐ ᒋᐐᑕᒫᑫᕽ᙮ ᒨᔕᒃ ᐃᑕᔥ ᐃᔑᑲᑴᓇᑲᒌᓐ ᐊᓇᒥᐁᐙᑎᓯᐎᓂᕽ᙮

14:8b.1TI.014.008 ᐊᐎᔭ ᐐᔭᐎᕽ ᐃᔑᓇᓇᒫᐃᑎᓱᒡ ᑌᐺ ᐊᒋᓇ ᐅᒥᓄᔥᑳᑯᓐ᙮ ᑳᐐᓐ ᑕᔥ ᐊᒋᓇ ᐁᑕ ᐅᒥᓄᔥᑳᑯᓰᓐ ᐊᓇᒥᐋᐎᓐ, ᐋᓃᔥ ᐱᔑᔑᒃ ᐅᑲᐐᒋᐃᑯᓐ, ᐅᐅ ᓅᑯᒻ ᐁᐅᒋᒥᓄᐱᒫᑎᓯᒡ, ᐃᐃᐌᔥ ᑲᔦ ᓃᑳᓇᔭᐄ ᑫᓂᐊᔮᓂᒃ ᐱᒫᑎᓯᐎᓂᕽ ᐅᑲᐐᒋᐃᑯᓐ᙮

14:9b.1TI.014.009 ᑌᐺᒪᑲᓐ ᐅᐅ ᐃᑭᑐᐎᓐ, ᑲᑭᓇ ᐊᐎᔭ ᒋᑌᐺᑕᕽ᙮

14:10b.1TI.014.010 ᒦ ᐅᐌ ᑳᐅᒋᑲᒀᑕᑮᔮᕽ ᐁᑭᒋᐊᓄᑮᔮᕽ ᐁᑮᐊᐯᓂᒧᓄᑕᐗᑭᒡ ᑳᐱᒫᑎᓯᒡ ᑭᔐᒪᓂᑑ ᑳᐱᒫᒋᐋᒡ ᑲᑭᓇ, ᒣᒥᑕᑫ ᑯ ᐅᑌᐺᑕᒨᐞ᙮

14:11b.1TI.014.011 ᒦ ᓴ ᐅᓄ ᐃᓈᑯᓂᑫᓐ, ᒦ ᐃᐌ ᐃᔑᑭᑭᓄᐊᒫᑫᓐ᙮

14:12b.1TI.014.012 ᑫᑯ ᐊᐎᔭ ᑭᑲᒪᒋᑑᑖᑯᓰ ᐁᑌᐊᐲᑖᑎᓯᓯᐗᓐ᙮ ᑮᓐ ᐃᑕᔥ ᑲᑴᒥᓄᐃᔑᐌᐱᓯᓐ ᒥᓄᑲᑭᑐᐎᓂᕽ, ᐃᔑᒋᑫᐎᓂᕽ, ᓵᑭᐃᐌᐎᓂᕽ, ᑌᐺᔦᑕᒧᐎᓂᕽ, ᐯᔭᑕᑳᑎᓯᐎᓂᕽ, ᒋᐃᔑᑭᑭᓇᐙᐸᒥᒀ ᑳᐅᑌᐺᑕᒧᐎᓂᐙᒡ᙮

14:13b.1TI.014.013 ᑮᓐ ᐃᑯ ᐊᔮᒀᒥᓰᑲᑕᓐ ᒋᐊᓇᒥᑕᒫᑫᑕᒪᐗᑣ ᑭᒋᒪᓯᓇᐃᑲᓐ, ᒋᑲᑮᑴᔭᓐ, ᒋᑭᑭᓄᐊᒫᑫᔭᓐ, ᐲᓂᔥ ᐃᑯ ᒋᑕᑯᔑᓈᓐ᙮

14:14b.1TI.014.014 ᐃᐃᐌ ᐊᐲ ᑳᑮᐅᓈᐸᒥᑰᔭᓐ ᑭᑮᑲᓅᓂᑰᒃ ᐃᑭ ᑳᑲᓅᑕᒪᐙᐙᒡ ᑭᔐᒪᓂᑑᓐ, ᑭᑮᐅᑯᓵᒥᓂᑰᒃ ᑲᔦ ᐅᓃᑳᓂᓰᒃ ᐁᑮᐅᒋᒦᓂᑰᐎᓯᔭᓐ ᑫᑰᓐ ᑭᔐᒪᓂᑑᓈᕽ᙮ ᑫᑯ ᒥᒋᐗᓃᑫᓄᑕᑫᓐ ᐅᐅ ᑭᒦᓂᑰᐎᓯᐎᓐ᙮

14:15b.1TI.014.015 ᐊᔮᒀᒥᓰᑲᑕᓐ ᐅᓄᐌᓂᐗᓐ ᒨᔕᒃ ᐃᑯ ᒋᑕᔒᑲᒪᓐ; ᑲᑭᓇ ᐊᐎᔭ ᒋᓂᑲᓇᐙᐸᒥᒃ ᐁᐊᓂ ᐃᔑᓇᑲᒌᔭᓐ᙮

14:16b.1TI.014.016 ᑫᑯ ᐊᐙᒡ ᐸᑮ ᐸᑭᒌᑫᓐ᙮ ᐊᔮᒀᒣᑕᓐ ᑕᔥ ᐋᓃᓐ ᐁᔑᐱᒫᑎᓯᔭᓐ, ᐋᓃᓐ ᑲᔦ ᐁᔑᑭᑭᓄᐊᒫᑫᔭᓐ᙮ ᐋᓃᔥ ᑮᔥᐱᓐ ᑲᑭᓇ ᐅᓄ ᐁᓂᑑᑕᒪᓐ ᑭᑲᐱᒫᒋᐃᑎᔅ, ᐃᑭ ᑲᔦ ᑳᐱᓯᑕᐎᒀ ᑭᑲᐱᒫᒋᐋᒃ᙮

15

15:1b.1TI.015.001 ᑫᑯ ᐐᑳ ᑭᔒᑲᓅᓈᑫᓐ ᐅᑭᑖᑎᓰᒃ, ᐯᑭᑳᒡ ᐃᑕᔥ ᑭᑲᐃᔑᑲᓅᓈᒃ ᑖᐱᔥᑰ ᐁᐅᔫᓯᔭᓐ᙮ ᐃᑭᑕᔥ ᑳᐅᔥᑳᑎᓯᐙᒡ ᑖᐱᔥᑰ ᑮᒋᑭᐌᔭᒃ ᑭᑲᐃᓀᓂᒫᒃ᙮

15:2b.1TI.015.002 ᐃᑭᔥ ᑲᔦ ᓇᐗᒡ ᑳᑭᑖᑎᓯᐙᒡ ᐃᑴᐗᒃ ᑖᐱᔥᑰ ᐁᐅᒫᒫᒪᑣ ᑭᑲᐃᓀᓂᒫᒃ᙮ ᐃᑭ ᑲᔦ ᑳᐅᔥᑳᑎᓯᐙᒡ ᐃᑴᐗᒃ ᑖᐱᔥᑰ ᐁᐅᑕᐌᒫᒪᑣ; ᒦᐁᑕᑯ ᐯᑲᔭᐄ ᓇᑫ ᑫᔑᓈᓈᑲᑕᐌᓂᒪᑣ᙮

15:3b.1TI.015.003 ᑭᑲᑭᒋ ᐃᓀᓂᒫᒃ ᐃᑭ ᑳᑮᓂᐳᓂᒡ ᐅᓈᐯᒥᐙᐞ ᑌᐺ ᑳᑮᐗᔑᓭᐙᒡ᙮

15:4b.1TI.015.004 ᑮᔥᐱᓐ ᐃᑕᔥ ᐁᐅᓃᒑᓂᓯᒡ ᐊᐊ ᑎᓄ ᐃᑴ, ᑯᒫ ᑲᔦ ᐁᐅᔫᔑᓯᒡ, ᐐᓂᑕᒪᐙ ᐃᑭ ᐊᐱᓅᒌᔕᒃ ᐅᑲᓂᑭᑫᑖᓈᐙ ᑫᔑᐸᒥᐋᐙᒡ ᐃᓂ ᐅᑮᐙᑎᓰᑴᓐ, ᐅᑕᓇᒥᐋᐎᓂᐙᕽ ᒋᐅᒋᑑᑕᒧᐙᒡ᙮ ᐅᑲᓴᑫᑖᓈᐙ ᐅᑎᓇᐌᑎᐎᓂᐙ ᒋᓂᑮᐌ ᐸᒥᐋᐙᒡ ᐅᓃᑭᐃᑯᐙᐞ ᑲᔦ ᐅᑭᒋᐊᔭᐋᒥᐙᐞ᙮ ᒦ ᐋᓃᔥ ᐃᐌᓂ ᑳᒥᓍᐸᑕᕽ ᑭᔐᒪᓂᑑ ᐁᑑᒋᑳᑌᓂᒃ᙮

15:5b.1TI.015.005 ᐊᐊ ᑕᔥ ᑌᐺ ᑳᑮᐙᑎᓰᑴᐎᒡ, ᐊᐎᔭᓐ ᐁᐸᒥᐃᑯᓯᒃ, ᑭᔐᒪᓂᑑᓐ ᐁᑕ ᐅᑕᐯᓂᒧᓄᑕᐙᓐ, ᐁᐊᐱᓱᒫᒡ ᒋᐐᒋᐃᑯᒡ, ᐁᑎᐱᑲᓂᓂᒃ ᑲᔦᔥ ᐁᐊᓂᑮᔑᑲᓂᓂᒃ ᐁᐊᓇᒥᐋᒡ᙮

15:6b.1TI.015.006 ᐊᐊ ᑕᔥ ᑮᐙᒋᑴ ᐊᓅᒋᑯ ᑳᐃᓈᑎᓯᒡ ᑫᐅᒋᒥᓉᑕᒥᐃᑎᓱᒡ ᐐᓀᑕ, ᐋᓇᐐᓐ ᐁᐱᒫᑎᓯᒡ ᐁᐃᓂᓐᒡ, ᐗᑭᒐᔭᐄ ᐁᑕ ᐃᔑᐱᒫᑎᓯ᙮ ᐋᔕ ᑕᔥ ᐁᓂᐳᒡ ᐃᓀᑖᑯᓯ᙮

15:7b.1TI.015.007 ᒦᐗᓐ ᐅᓄ ᐃᔑᐐᑕᒪᐤ, ᑾᔭᒃ ᐃᑯ ᒋᑑᑕᒧᐙᒡ, ᐁᑳ ᒋᒪᒑᒋᒫᓯᐎᑣ᙮

15:8b.1TI.015.008 ᐃᓇᔥᑫ ᑮᔥᐱᓐ ᑾᔭᒃ ᑲᓇᐌᓂᒫᓯᒃ ᐊᐎᔭ ᐅᑎᓇᐌᒫᑲᓇᐞ, ᒣᒥᑕᑫ ᐃᒫ ᐅᑖᐎᓂᕽ ᐁᔮᓂᒡ, ᑳᐐᓐ ᐅᑖᐸᒋᑑᓰᓐ ᐅᑌᐺᔦᑕᒧᐎᓐ, ᐅᒥᒋᐌᐱᓈᓐ ᐃᓀᑖᑾᓂᓂ᙮ ᐊᐗᔑᒣ ᑯ ᐊᓂ ᐃᓈᑎᓯ ᑖᐱᔥᑰ ᐊᐎᔭᓐ ᑳᐅᑌᐺᑕᒧᐎᓂᓯᓂᒃ᙮

15:9b.1TI.015.009 ᐊᐎᔭ ᑕᔥ ᑮᐙᒋᑴ ᑳᐐᐸᒥᐃᑯᒡ ᐅᑌᐺᑕᒨᐞ, ᑳ ᒪᔑ ᑕᑕᑾᑭᓱᓰ ᐁᑌᐊᐲᑖᑎᓯᓯᒃ, ᓂᑯᑣᓯᒥᑕᓇ ᐁᑕᓱᐱᐴᓉᓯᒃ᙮ ᒦᑕᔥ ᐅᐅᐌᓂ ᑫᐅᒋ ᐊᔑᑕᑭᒥᓐᒡ, ᑮᔥᐱᓐ ᐌᐌᓂ ᑳᑑᑕᐙᑴᓐ ᑳᑮᐅᓈᐯᒥᒡ᙮

15:10b.1TI.015.010 ᑕᒥᓍᒋᒫ ᑲᔦ ᐁᓂᑖ ᒥᓄᒋᑫᒡ, ᐁᑮᒥᓄ ᐅᐱᑭᐋᒡ ᐊᐱᓅᒌᔕᐞ, ᐁᑮᒥᓄᐲᑎᑲᓈᒡ ᐲᐎᑌᐞ, ᐁᓂᑖ ᑭᓰᐲᑭᓯᑌᓈᒡ ᐁᐱᒥᐊᔮᓂᒡ ᑭᔐᒪᓂᑑᓐ ᐅᑎᐯᓂᒫᑲᓂᓂ, ᐁᑮᐱᒥᓄᐐᒋᐋᒡ ᑲᔦ ᐃᓂ ᑳᒪᒋᓭᓂᒡ, ᒋᐃᓂᑎᐸᓐ ᑲᔦ ᑲᑭᓇ ᒥᓄᒋᑫᐎᓐ ᐁᑮᑲᑴᑲᔥᑭᑑᒡ᙮ ᒦᓴ ᐊᐌ ᑫᑕᑾᑭᒥᓐᒡ᙮

15:11b.1TI.015.011 ᓇᐗᒡ ᐃᑕᔥ ᑳᐅᔥᑭᐊᔭᐋᐎᒡ ᐃᑴ ᑳᐐᓐ ᑕᐅᔑᐲᐙᓰ᙮ ᐋᓃᔥ ᐁᐃᔑᒥᓴᐌᑕᕽ ᐁᐐᐅᓈᐯᒥᒡ, ᒦᓴᐃ ᑫᐅᒋᐊᔐᔩᒡ ᑳᐐᐃᔑᐊᓄᑲᐙᐸᓐ Xᑕᓐ᙮

15:12b.1TI.015.012 ᒦᔥ ᐃᐃ ᑫᔑᐲᑯᓇᕽ ᓂᑕᒻ ᑳᑮᐃᔑᐊᔓᑕᒪᐙᐸᓐ᙮ ᒦᐃ ᐁᑲᔥᑭᑕᒫᓱᒡ ᒋᐅᓇᔓᐙᓱᒡ᙮

15:13b.1TI.015.013 ᔑᑾ ᐃᔑᓇᓇᒫᓯ ᐊᓂᔖ ᑯ ᒋᒥᒋᑲᑮᔑᑲᓂᔑᒡ, ᐁᐸᐹ ᒥᒋᒪᐗᑎᔑᐌᒡ᙮ ᒦᑕᔥ ᐊᐗᔑᒣ ᐁᓈᑯᑑᒡ ᑫᑮᐃᓈᐸᑎᓯᓯᑭᐸᓐ, ᐊᓂᔖ ᐁᐸᐹᐅᑕᒥᓰᑳᓱᒡ, ᐁᐸᐹ ᒥᒋᐋᑭᓀᔮᒋᒧᒡ, ᐁᐸᐹᑕᔑᑕᕽ ᑫᑰᓐ ᒋᐸᐹᒥᑕᓯᑭᐸᓐ᙮

15:14b.1TI.015.014 ᓇᐗᒡ ᐃᑕᔥ ᓂᓇᑕᐌᑖᓐ ᒋᐐᑎᑫᐸᓐ ᑳᐅᔥᑳᑎᓯᒡ ᑮᐙᒋᑴ, ᒋᐅᑕᐱᓅᒌᔑᒥᒡ, ᒋᐸᒥᑑᒡ ᑲᔦ ᐅᑖᐎᓐ᙮ ᒦ ᐃᐌ ᒋᑑᑕᕽ ᐁᑳ ᒋᐅᒋ ᒪᒑᒋᒥᓯᓄᐗᕽ ᐊᐎᔭ ᑳᔒᑫᑕᕽ ᐊᓇᒥᐋᐎᓐ᙮

15:15b.1TI.015.015 ᐋᓂᑕ ᑕᔥ ᑮᐙᒋᑴᒃ ᐋᔕ ᑮᐅᒋᐸᑫᔥᑳᐗᒃ ᐃᐌ ᑫᑮᐃᓈᑎᓯᐙᐸᓐ᙮ ᒦᔥ ᑳᐅᒋᐱᒥᓂᔕᐙᐙᒡ ᐃᓂ ᓭᑕᓇᓐ ᙮

15:16b.1TI.015.016 ᑮᔥᐱᓐ ᐊᔮᒡ ᐃᑴ ᑳᐅᑌᐺᑕᒧᐎᓂᒡ, ᐁᐅᑮᐙᑎᓰᑴᐎᓂᒡ ᐅᑎᓇᐌᒫᑲᓇᓐ, ᐐᓐ ᐃᑯ ᐅᑲᑲᓇᐌᓂᒫᓐ ᐃᓂ ᐅᑎᓇᐌᒫᑲᓂᑴᓐ᙮ ᑳᐐᓐ ᐃᐃᒫ ᑕᐅᒋᐐᒋᐃᒫᓰᐗᓐ ᑳᐃᔑᒫᐗᒋᐃᑎᓂᒡ ᐅᑌᐺᑕᒨᐞ᙮ ᒦ ᐄᑐᒃ ᐃᐃᒫ ᑫᐅᒋᐐᒋᐃᑣᐸᓐ ᐃᑭ ᑌᐺ ᑳᑮᐗᔑᓭᐙᒡ᙮

15:17b.1TI.015.017 ᐃᑭ ᑳᓃᑳᓂᓯᐙᒡ ᐁᑭᑫᓂᒥᑣ ᐌᐌᓂ ᐁᑮᑲᑴᑑᑕᒧᐙᒡ ᐅᑕᓄᑮᐎᓂᐙᓐ ᑳᐃᔑᓃᑳᓂᓰᑲᑖᑫᐙᒡ ᑕᐃᓇᑭᒫᐗᒃ ᓃᔑᕽ 2 ᐊᐗᔑᒣ ᒋᑎᐸᐊᒪᐎᑣ, ᒣᒥᑕᑫ ᐃᑭᐌᓂᐗᒃ ᓃᐱᐗᐞ ᐁᐊᓄᑳᑕᒧᐙᒡ ᑲᑮᑴᐎᓐ, ᑭᑭᓄᐊᒫᑫᐎᓐ ᑲᔦ᙮

15:18b.1TI.015.018 ᐋᓃᔥ ᐃᔑᐲᐃᑳᑌ ᑭᒋᒪᓯᓇᐃᑲᓐ: ᑫᑯ ᑕᑭᐱᑑᓀᐱᓱᓰ ᑭᐱᔑᑮᒻ ᒣᒀ ᐁᐹᐎᔥᑲᐙᒡ ᐸᑴᔑᑲᓂᒪᓅᒥᓇᓐ; ᐱᓵᓐ ᐃᑯ ᐅᑲᐊᒸᓐ᙮ ᔑᑾ, ᐅᑕᓄᑮ ᐅᒋᑲᔥᑭᑕᒫᓱ ᒋᑎᐸᐊᒪᐎᓐᒡ, ᐃᔑᐲᐃᑳᑌ᙮

15:19b.1TI.015.019 ᑮᔥᐱᓐ ᐊᐎᔭ ᐊᓈᒥᒫᒡ ᐅᓃᑳᓂᓰᓐ, ᑳᐐᓐ ᐋᐲᒋᑯ ᑭᑲᐱᓯᑕᐙᓰ᙮ ᐹᓂᒫ ᐁᑕ ᓃᔑᓐ 2, ᑯᒫ ᑲᔦ ᓂᓯᓐ 3 ᐁᑕᓲᑲᒧᐙᒡ ᐃᐃ ᐊᓈᒥᒥᐌᐎᓐ, ᑌᐺ ᓂᑮᐙᐸᑖᒥᓐ ᐁᐃᑭᑐᐙᒡ, ᒦᑕᔥ ᐃᐃ ᐸᔦᔥ ᒋᐱᓯᑕᒪᐸᓐ᙮

15:20b.1TI.015.020 ᑲᑭᓇ ᐊᐎᔭ ᑳᒫᔑᒋᑫᒡ, ᒧᔐᐊᔭᐄ ᑕᐅᒋᐋ, ᑯᑕᒃ ᐊᐎᔭᒃ ᒋᑯᑕᒧᐙᒡ ᐁᑳ ᒋᐃᔑᒋᑫᓯᒀ᙮

15:21b.1TI.015.021 ᑭᑕᔮᒀᒥᒥᓐ ᐁᑲᓇᐙᐸᒥᒡ ᑭᔐᒪᓂᑑ ᑲᔦ X ᒋᓴᔅ ᑲᔦ ᐅᑌᒐᓬᐃᒪᐞ ᑳᐃᔑᐅᓇᑭᒥᒥᓐᒡ: ᐅᓄᐌᓂᐗᓐ ᑳᐐᑕᒪᐎᓈᓐ, ᒨᔕᒃ ᐃᑯ ᒋᑑᑕᒪᓐ᙮ ᑫᑯ ᑮᔖᒡ ᐅᓀᓂᒫᑫᓐ ᑫᐃᓈᑯᓇᒡ ᐊᐎᔭ᙮ ᑳᐐᓐ ᐊᐎᔭ ᐯᐸᑳᓐ ᑭᑲᑑᑕᐙᓰᒃ, ᐋᓃᓂᑯ ᑳᐐᑑᑕᒪᓐ᙮

15:22b.1TI.015.022 ᑫᑯ ᐐᓐ ᐸᐹᔒᑫᓐ ᒋᓵᒥᓇᒡ ᐊᐎᔭ ᒋᐅᓇᑭᒪᑎᐸᓐ ᒋᐊᓇᒥᐁᐗᓄᑮᒡ᙮ ᑮᔥᐱᓐ ᒫᔑᒋᑫᒡ ᑳᓵᒥᓇᒡ, ᑫᑮᓐ ᐃᐃᒫ ᑭᑲᑕᑴᑖᑯᔅ᙮ ᑲᓇᐌᓂᑎᓱᓐ ᐃᑕᔥ ᒋᐯᑳᑎᓯᔭᓐ᙮

15:23b.1TI.015.023 ᐱᑯ ᑲᔦ ᑭᐐᑕᒪᐎᓐ ᐁᒫᒥᑲᐎᔮᓐ: ᑳᐐᓐ ᐁᑕ ᓂᐱ ᑭᑖᔮᐸᒋᑑᓰᓐ᙮ ᐸᑮ ᐅᑖᐱᓇᓐ ᔔᒥᓈᐳ ᒋᒥᓄᓯᕽ ᑭᐐᓯᓂᐎᓐ, ᒋᐊᑕᐎᐅᐙᑫᔭᓐ ᐁᔑᓂᑖᔮᑯᓯᔭᓐ᙮

15:24b.1TI.015.024 ᐋᓂᓐᑦ ᐊᐎᔭ ᐅᒪᒋᒋᑫᐎᓇᓐ ᒧᔐᐊᔭᐄ ᐁᓈᑾᓂᓂᑭᓐ ᐅᓃᑳᓂᐲᐃᑯᓇᓐ ᒋᑎᐹᑯᓂᑲᓂᐎᒡ᙮ ᐋᓂᓐᑦ ᐃᑕᔥ ᑲᔦ ᐱᑕᔑᔭᔮᓂᐗᓐ ᐅᑎᔑᒋᑫᐎᓇᓐ ᐃᐌᑎ ᐅᑖᓈᕽ, ᐃᑯᑎᕽ ᑫᐊᑎᒥᑯᒡ᙮

15:25b.1TI.015.025 ᒦ ᐃ ᐯᔑᑾᓐ ᐃᑭ ᑳᒥᓄᒋᑫᐙᒡ, ᓅᑯᒻ ᐃᑯ ᐸᔭᑌᓈᑾᓂᓂᐗᓐ ᐅᑎᔑᒋᑫᐎᓂᐙᓐ᙮ ᐊᐴᔥᑫ ᐃᓂ ᒪᔑ ᑳᓈᑾᓯᓄᑭᓐ ᐱᒌᓇᒃ ᒋᓈᑾᓂᓂᑭᓐ᙮

16

16:1b.1TI.016.001 ᑲᑭᓇ ᐊᐎᔭ ᑳᐅᑕᓄᑮᐋᑲᓂᐎᒡ ᐐᑫ ᐅᑲᑭᑕᑭᒫᓐ ᐃᓂ ᐅᑑᑭᒫᒪᓐ ᑳᑎᐯᓂᒥᑯᒡ, ᐁᑳ ᐊᐎᔭᓐ ᒋᒪᒋᑮᔣᑕᓯᓂᒃ ᐅᐐᓱᐎᓂᓂ ᑭᔐᒪᓂᑑᓐ, ᐃᐃᐌᓂ ᑲᔦ ᑳᐃᔑᑭᑭᓄᐊᒫᑫᔭᕽ᙮

16:2b.1TI.016.002 ᐊᐎᔭ ᑕᔥ ᑳᐅᑕᓄᑮᐋᑲᓂᒥᑯᒡ ᐅᑌᐺᑕᒨᓐ, ᒦ ᐃ ᐁᐃᔑᐐᒋᑭᐌᔦᓂᒫᒡ, ᑳᐐᓐ ᐃᑕᔥ ᐅᑲᐅᒋᒪᒐᑭᒫᓰᓐ ᐅᑑᑭᒫᒪᓐ᙮ ᑕᑲ ᐊᐗᔑᒣ ᐃ ᑕᑲᑴᒥᓄᐊᓄᑮ, ᐋᓃᔥ ᐅᑌᐺᑕᒨᓐ ᐃᓂ ᑳᐐᒋᐋᒡ, ᐁᓵᑭᐋᒡ᙮ ᒦᐗᓄᓄ ᐃᔑᑭᑭᓄᐊᒫᑫᓐ, ᐃᔑᑲᑳᓱᑫᓐ᙮

16:3b.1TI.016.003 ᒫᑭᔖ ᐊᐎᔭ ᐐᐸᑳᓂ ᑭᑭᓄᐊᒫᑫᒡ ᐯᔑᑾᓐ ᑳᐃᔑᓯᑑᓯᒃ ᐃᐃ ᑳᒪᔮᐎᓯᓂᓂᒃ ᑭᑭᓄᐃᑫᐎᓐ᙮ ᐐᓐ ᐃᑕᔥ ᐃᑯ ᓂᑑᑎᓈᒥᓐ ᑎᐱᓇᐌ ᐁᐅᑎᑭᑐᐎᓂᒡ ᑳᑎᐯᓂᒥᓇᕽ ᒋᓴᔅ X᙮ ᒦ ᐃᐌ ᑭᑭᓄᐊᒫᑫᐎᓐ ᑳᐃᔑᑭᑭᓄᐊᒫᑫᒪᑲᒃ ᐋᓃᓐ ᑾᔭᒃ ᑫᔑᐊᓇᒥᐁᐙᑎᓯᕽ᙮

16:4b.1TI.016.004 ᐊᐎᔭ ᑕᔥ ᐸᑳᓐ ᑳᐃᔑᓯᑑᒡ ᐅᑭᑭᓄᐊᒫᑫᐎᓐ, ᐃᔥᐯᓂᑎᓱ, ᐁᑳ ᑌᐺ ᑫᑰᓐ ᐁᑭᑫᑕᓯᒃ᙮ ᐅᓵᒻ ᐅᓇᑕᒥᑴᑖᓇᓐ ᑳᓴᓇᑲᓂᓂᑭᓐ ᒋᑕᔑᑌᓂᑭᓐ, ᐁᐅᔑᑑᒡ ᑲᔦ ᒋᐅᒋᑲᑴ ᔖᑯᓱᑎᓈᓂᐗᓂᓂᒃ ᐋᓃᓐ ᑫᔑᓂᓯᑐᑖᑾᓂᓂᑭᓐ ᐃᑭᑐᐎᓇᓐ᙮ ᒦ ᐅᒫ ᐅᓄ ᐌᒋᓭᑭᓐ ᐅᑌᓂᑎᐎᓐ, ᐸᑳᓀᓂᑎᐎᓐ, ᐹᐱᓄᑖᑫᐎᓐ, ᒪᒋᑫᑰᓇᓐ ᑳᐃᔑᐊᓈᒣᓂᑎᕽ᙮

16:5b.1TI.016.005 ᒨᔕᒃ ᐃᑕᔥ ᑲᔦ ᒫᔑᐐᒌᑎᐗᒃ᙮ ᒦᐗᑯᑯ ᑳᓂᔑᐗᓈᒋᓈᓈᑲᑕᐌᑕᒧᐙᒡ᙮ ᑳᐐᓐ ᑫᔮᐱ ᐅᐐᒌᐎᑯᓰᓈᐙ ᐃᐃ ᑌᐺᐎᓐ᙮ ᐃᓀᑕᒨᒃ ᐃᑕᔥ ᒋᐅᒋᐅᑎᓯᐙᐸᓐ ᐅᑕᓇᒥᐋᐎᓂᐙᕽ᙮

16:6b.1TI.016.006 ᑌᐺ ᓴ ᐊᐎᔭ ᐅᑲᐌᓅᑎᓰᓄᑖᓐ ᐃᐃ ᐅᑕᓇᒥᐋᐎᓐ, ᑮᔥᐱᓐ ᑌᐱᓭᐗᑫᑕᕽ ᐃᐌ ᒥᓂᒃ ᑳᐊᔮᒡ᙮

16:7b.1TI.016.007 ᐌᑯᓀᓐ ᐃᐃ ᑳᐱᑭᑭᓯᔭᕽ ᐅᐅᒫ ᐊᑮᕽ? ᑳᐐᓐ ᑫᑰᓐ! ᐌᑯᓀᔥ ᑲᔦ ᐃᐃ ᑫᓂᒫᒌᑑᔭᕽ? ᑳᐐᓐ ᑫᑰᓐ᙮

16:8b.1TI.016.008 ᒦ ᐃᐌ, ᑮᔥᐱᓐ ᐃᓂᐌᓂᐗᓐ ᐊᔮᔭᕽ, ᒦᒋᒻ, ᑭᑭᔥᑭᑲᓐ, ᒦᐃ ᑫᔑᓇᐁᑕᒪᑭᐸᓐ᙮

16:9b.1TI.016.009 ᐃᑭ ᑕᔥ ᑳᐐᐋᑯᐌᓅᑎᓯᐙᒡ, ᐊᐸᓐ ᐃᑯ ᐅᑲᐸᑕᑯᔥᑳᑯᓈᐙ ᒋᑲᔥᑭᐃᑯᐙᒡ ᐃᐃ ᒪᒋᒋᑫᐎᓐ, ᐁᐐᑕᓲᓂᑯᐙᒡ ᒪᒋᑫᑰᓇᓐ ᑳᐃᔑᒥᓴᐌᑕᒧᐙᒡ ᐁᑲᑮᐹᑌᑖᑾᓂᓂᑭᓐ᙮ ᒦᑯᐃ ᐲᓂᔥ ᐁᐐᐃᔑᓃᓯᐱᓂᑯᐙᒡ ᑫᔑᐸᓈᑎᓯᐙᒡ ᐁᐐᓂᔑᐗᓈᑎᓯᐙᒡ᙮

16:10b.1TI.016.010 ᐃᓇ, ᐁᐅᓵᒣᓂᒥᓐᒡ ᔔᓂᔮ ᒦ ᐃᐌ ᐁᓀᑖᑾᒃ ᐁᐅᒌᐱᑳᐗᕽ ᑲᑭᓇ ᐌᒋᓵᑭᑭᑭᓐ ᒪᒋᑫᑰᓇᓐ᙮ ᐋᓂᑕ ᑕᔥ ᐊᐎᔭᒃ ᐁᐊᐲᒋ ᒥᓴᐌᓂᒫᐙᒡ ᔔᓂᔮᓐ ᐅᑮᐗᐙᓈᔦᑕᒥᐃᑯᐙᓐ, ᐁᑮᐅᒋᐋᓇᐌᑕᒧᐙᒡ ᐅᑌᐺᔦᑕᒧᐎᓂᐙ, ᒦ ᐲᓂᔥ ᐁᐲᑴᑕᒥᐃᑎᓱᐙᒡ ᓃᐱᐗᐞ ᑫᑰᓐ ᐁᒥᒋᓇᐌᓯᐙᒡ᙮

16:11b.1TI.016.011 ᑮᓐ ᐃᑕᔥ ᑳᐊᓄᑲᐗᒡ ᑭᔐᒪᓂᑑ, ᑲᑭᓇ ᐅᔑᒧᓄᑕᓐ ᐅᓄ ᒪᒋᑫᑰᓇᓐ᙮ ᑲᑴ ᓇᑲᒌᓄᑕᓐ ᒥᓄᐃᔑᐌᐱᓯᐎᓐ, ᑾᔭᒃ ᐊᓇᒥᐁᐙᑎᓯᐎᓐ, ᑌᐺᔦᑕᒧᐎᓐ, ᓵᑭᐃᑎᐎᓐ, ᒪᔥᑲᐌᑕᒧᐎᓐ, ᓅᑳᒡ ᒋᐃᓈᑎᓯᔭᓐ ᑲᔦ᙮

16:12b.1TI.016.012 ᒥᓄᑲᑴᒋᑲᓂᑎᐎᓐ ᓴ ᐃᓀᑖᑾᓐ ᐃᐃ ᑭᑌᐺᑕᒧᐎᓐ᙮ ᒦ ᐃᒫ ᐃᔑᑲᑴᐸᑭᓈᑫᓐ ᐱᒫᑎᓯᐎᓐ ᒋᒦᓂᑰᔭᓐ ᑫᐃᔥᒀᓭᓯᓄᒃ᙮ ᒦ ᐅᐌ ᐱᒫᑎᓯᐎᓐ ᑳᑮᐃᔑᐊᑐᒥᒃ ᑭᔐᒪᓂᑑ ᒋᐅᑎᓇᒧᐗᒡ, ᐃᐌ ᐊᐲ ᑳᑮᒥᓄᐐᑕᒪᓐ ᑳᐃᔑᑌᐺᑕᒪᓐ, ᓃᐱᐗᐞ ᐊᐎᔭᒃ ᐁᑮᓅᑕᐎᒀ᙮

16:13b.1TI.016.013 ᐅᐌ ᑕᔥ ᑳᐃᔑᑲᓅᓂᓈᓐ ᑭᑲᓇᐙᐸᒥᑯᓈᓐ ᑭᔐᒪᓂᑑ, ᒦᐊᐌ ᑲᑭᓇ ᑫᑰᓐ ᑳᐱᒫᑎᓰᔥᑲᕽ, ᐊᐊ ᑲᔦ ᒋᓴᔅ X ᑳᑮᒥᓄᑎᐹᒋᑎᓱᒡ ᐃᐌ ᐊᐲ ᐁᑮᐃᓈᓴᒥᑳᐸᐐᑕᐙᒡ ᐃᓂ ᐹᑎᔭᔅ ᐹᐃᓬᐊᑑᓐ ᙮

16:14b.1TI.016.014 ᒦ ᐅᐌ ᐁᔑᐊᔮᒀᒥᒥᓈᓐ, ᒋᑎᐹᑐᑕᒪᓐ ᑲᑭᓇ ᐃᐌ ᑳᐃᔑᑲᓅᓂᑰᔭᓐ᙮ ᒥᓯᐌ ᑲᑴ ᑾᔭᑯᒋᑫᓐ, ᐁᑳ ᑫᑰᓐ ᒋᐸᓇᐊᓯᐗᓐ, ᒥᓯᐌ ᒋᐊᓂᒥᓍᐸᒋᑳᑌᒃ, ᐲᓂᔥ ᐃᑯ ᒋᐱᓈᑯᐃᑎᓱᒡ ᐊᐌ ᑳᑎᐯᓂᒥᓇᕽ ᒋᓴᔅ X᙮

16:15b.1TI.016.015 ᐅᐱᓈᑯᓯᐎᓐ ᐅᑲᐃᔑᓭᑑᓂ ᑭᔐᒪᓂᑑᓐ ᒪᔮ ᑳᑮᐃᓀᑕᒥᓂᒡ ᒋᐃᔑᓭᓂᒃ᙮ ᒦ ᓴ ᐊᐌ ᑭᔐᒪᓂᑑ ᑳᒥᓯᐌᐊᔮᒡ ᔕᐌᑖᑯᓯᐎᓐ, ᑲᔦ ᑳᒥᒋᐯᔑᑯᐊᔮᒡ ᑎᐯᒋᑫᐎᓐ᙮ ᐐᓐ ᐅᑑᑭᒫᒥᒥᑰᐞ ᐃᓂ ᑲᑭᓇ ᑭᒋᐅᑭᒫᐞ᙮ ᐅᑎᐯᓂᒫᐞ ᐃᓂ ᑎᐯᒋᑫᐎᓐ ᐁᔮᓂᒡ᙮

16:16b.1TI.016.016 ᐐᓐ ᐁᑕ ᑳᐐᓐ ᐅᑕᔮᓰᓐ ᓂᐳᐎᓐ᙮ ᐙᓭᔮᕽ ᐃᔑᑖ᙮ ᑳᐐᓐ ᐊᐎᔭᓐ ᐅᑖᑲᔥᑭᑑᓰᓂ ᒋᓈᓯᑲᒥᓂᐸᓐ᙮ ᑳᐐᓐ ᐐᑳ ᐊᐎᔭᓐ ᐅᑮᐙᐸᒥᑯᓰᓐ, ᑳᐐᓐ ᑲᔦ ᐐᑳ ᐊᐎᔭᓐ ᐅᑖᑮᑲᔥᑭᑑᓰᓂ ᒋᑮᐙᐸᒥᑯᒡ᙮ ᑲᑭᓇ ᐅᑕᔮᓐ ᑭᑌᑖᑯᓯᐎᓐ, ᒪᔥᑲᐎᓰᐎᓐ! ᐁᒣᓐ᙮

16:17b.1TI.016.017 ᐅᑯ ᑕᔥ ᑳᑕᔑᐌᓅᑎᓯᐙᒡ ᐅᐅᒫ ᐊᑮᕽ ᐃᔑᑭᑭᓄᐊᒪᐤ ᐁᑳ ᒋᐊᐯᓂᒧᓄᑕᓯᒀ ᐅᑎᐱᓇᐌᐎᓯᐎᓂᐙᓐ᙮ ᑳᐐᓐ ᐋᓃᔥ ᑾᔭᑴᑖᑾᓯᓂᓂᐗᓐ᙮ ᒣᔥᑾᒡ ᐃᑕᔥ ᐅᑲᔭᐯᓂᒧᓄᑕᐙᐙᓐ ᑭᔐᒪᓂᑑᓐ ᑳᐌᓅᒋᒦᓂᒥᓇᕽ ᑲᑭᓇ ᑫᑰᓐ ᑫᐅᒋᒥᓉᑕᒧᐗᕽ᙮

16:18b.1TI.016.018 ᐃᔑᐐᑕᒪᐤ ᐃᑕᔥ ᒋᒥᓄᑑᑖᑫᐙᒡ, ᒥᓄᒋᑫᐎᓐ ᒋᑕᔑᐌᓅᑎᓰᓄᑕᒧᐙᒡ᙮ ᑕᓂᑖ ᒦᑭᐌᐗᒃ ᐃᑕᔥ, ᐃᒫ ᐅᑎᐱᓇᐌᐎᓯᐎᓂᐙᕽ ᒋᐅᒋᐐᒋᐋᐙᒡ ᑯᑕᒃ ᐊᐎᔭᐞ᙮

16:19b.1TI.016.019 ᒦ ᐃᒫ ᑫᐃᔑᒫᐗᒋᑕᒫᓱᐙᒡ ᐃᐃᐌᓂ ᑳᐅᓂᔑᔑᓂᓂᒃ, ᑫᔑᐋᐸᒋᑑᐙᒡ ᓃᑳᓇᔭᐄ ᒋᓂᐅᒋᒥᓄᐱᒫᑎᓯᐙᒡ᙮ ᒦᔥ ᐃᐃᒫ ᑫᓂ ᐃᔑ ᐅᑎᑎᓇᒧᐙᒡ ᑌᐺ ᐃ ᐱᒫᑎᓯᐎᓐ᙮

16:20b.1TI.016.020 ᐊᐤ, ᑎᒪᑎ ! ᐌᐌᓂ ᑲᓇᐌᑕᓐ ᐃᐃ ᑳᑮᐸᒥᓇᒧᐃᑰᔭᓐ᙮ ᑫᑯ ᐱᒣᑕᑫᓐ ᐃᐃᐌᓂ ᐋᓂᑕ ᐃᔑᐊᓂᔖ ᐱᑯ ᑳᐃᔑᓅᒋᑯᑲᑭᑐᐙᒡ᙮ ᐅᓇᑳᔥᑳᓈᐙ ᑾᔭᒃ ᐃᐃ ᑌᐺᑕᒧᐎᓐ᙮ ᐃᔑᐊᓂᔖ ᐃᓀᓂᑎᓱᐗᒃ ᐁᑭᑫᑖᓱᐙᒡ᙮ ᑫᑯ ᓴ ᑯ ᐱᓯᑕᐙᑫᓐ᙮

16:21b.1TI.016.021 ᐋᓇᐐᓐ ᓂᑭᑫᑖᓱᒥᓐ ᐁᐃᑭᑐᐙᒡ, ᐙᓴ ᐅᐸᓂᓯᑑᓈᐙ ᐃᐃ ᑌᐺᑕᒧᐎᓂᕽ ᑳᐃᓇᒧᓂᓂᒃ᙮ ᑭᔐᒪᓂᑑ ᐅᑭᔐᐙᑎᓯᐎᓐ ᑭᑲᐐᒌᐎᑯᒻ᙮