2 Corinthians (Ojibwa)

21

21:1b.2CO.021.001 ᓃᓐ ᑆᓬ ᒋᓴᔅ X ᐅᑎᔑᓂᔕᐙᑲᓇᓐ ᑭᔐᒪᓂᑑ ᑳᑮᐃᓀᑕᕽ, ᑎᒪᑎ ᑮᑕᓇᒥᐋᓈᓐ ᓴ ᓂᐐᒌᐙ᙮ ᑭᑑᔑᐲᐊᒪᐎᓂᓂᒻ ᑮᓇᐙ ᐅᑌᐺᑕᒨᒃ ᒀᕒᐃᑎᕽ ᑳᐃᔑᒫᐗᒋᐃᑎᔦᒃ, ᑭᔐᒪᓂᑑ ᑳᑎᐯᓂᒥᓀᒃ, ᑲᑭᓇ ᑲᔦ ᑭᔐᒪᓂᑑ ᑳᑎᐯᓂᒫᒡ ᐯᒫᑎᓯᓂᒡ ᒥᓯᐌ ᑳᐊᔮᓂᒡ ᐌᑎ ᐊᑫᔮᐗᑮᕽ ᙮

21:2b.2CO.021.002 ᑕᑲ ᑭᔐᒪᓂᑑ ᑰᓯᓈᓐ, ᑳᑎᐯᒋᑫᒡ ᒋᓴᔅ X ᑲᔦ ᑭᑲᑭᔐᐙᑎᓰᑲᑖᑯᐙ; ᐱᓵᓂᓯᐎᓂᓂ ᑲᔦ ᑭᑲᒦᓂᑯᐙ᙮

21:3b.2CO.021.003 ᑕᑲ ᒦᑴᒋᐌᓂᒫᑖ ᑭᔐᒪᓂᑑ, ᑳᑎᐯᒋᑫᒡ ᒋᓴᔅ X ᑳᐅᔫᓯᒡ, ᑳᔕᐌᒋᑫᒡ ᐌᔫᓯᒥᓐᒡ, ᐋᓃᔥ ᒦ ᐃ ᐌᑎ ᑲᑭᓇ ᐌᒌᒃ ᓈᑕᒫᑰᐎᓐ᙮

21:4b.2CO.021.004 ᓂᐐᒋᐃᑯᓈᓐ ᓴ ᑮᐗᐙᓀᑕᒥᒫᔑᓭᔮᕽ, ᑫᓃᓇᐎᓐᑦ ᒋᐐᒋᐊᑭᑣ ᑯᑕᒃ ᐃᑭ ᐐᑫ ᑳᑲᒀᑕᑭᒫᔑᓭᐙᒡ, ᒋᐋᐸᒋᑑᐙᒡ ᓴ ᐃᐃ ᐐᒋᐃᑰᐎᓐ ᑭᔐᒪᓂᑑᕽ ᑳᑮᐅᑎᓇᒫᕽ᙮

21:5b.2CO.021.005 ᑖᐱᔥᑰ ᓴ ᑳᔑ ᐐᒋ ᑲᒀᑕᑭᑑᒪᑭᒡ ᐊᐊ X ᐅᑲᒀᑕᑭᑑᐎᓂᕽ, ᒦ ᓴ ᐯᔑᑾᓐ ᐃᐃᒫ Xᐃᕽ ᑭᔐᒪᓂᑑ ᓂᑲᐐᒋᐃᑯᓈᓐ᙮

21:6b.2CO.021.006 ᑮᔥᐱᓐ ᑲᒀᑕᑭᑑᔮᕽ, ᒦ ᓴ ᑳᐅᒋᑲᒀᑕᑭᑑᔮᕽ, ᑮᓇᐙ ᒋᐐᒋᐃᑰᔦᒃ ᒋᐱᒫᒋᐃᑰᐎᓯᔦᒃ ᑲᔦ᙮ ᑮᔥᐱᓐ ᑕᔥ ᐐᒋᐃᑰᔮᕽ, ᒦᑕᔥ ᑫᑮᓇᐙ ᒋᐐᒋᐃᑰᐎᓯᔦᒃ, ᐁᒦᓂᑰᔦᒃ ᒪᔥᑲᐎᓰᐎᓐ ᒋᑲᔥᑭᑑᔦᒃ ᒋᔕᔒᐯᑕᒣᒃ ᐃᓂ ᑭᑲᒀᑕᑭᑑᐎᓂᐙᓐ, ᑫᓃᓇᐎᓐᑦ ᑳᔑᑲᒀᑕᑭᑑᔮᕽ᙮

21:7b.2CO.021.007 ᑫᒋᓈᒡ ᐃᑕᔥ ᑭᑌᐺᔦᓂᒥᑰᒻ ᐁᑭᑫᓂᒥᑰᔦᒃ ᑫᑮᓇᐙ ᐁᐃᔑᑲᒀᑕᑭᑑᔦᒃ ᑖᐱᔥᑰ ᑳᐃᔑᑲᒀᑕᑭᑑᔮᕽ, ᑲᔦ ᐁᐃᔑᐐᒋᐃᑰᐎᓯᔦᒃ ᑖᐱᔥᑰ ᑳᔑᐐᒋᐃᑰᔮᕽ᙮

21:8b.2CO.021.008 ᓃᑕᓇᒥᐋᓈᓂᒃ! ᑭᐐᐐᑕᒫᑰᒻ ᐋᐱᒋ ᐁᑮᑲᒀᑕᑭᑑᔮᕽ ᐌᑎ ᐁᔖᐗᑮᕽ ᑮᐊᔮᔮᕽ, ᒦ ᓴ ᑳᐊᐲᒋᒥᒑᑭᓐ ᐃᓂ ᑲᒀᑕᑭᑑᐎᓇᓐ, ᐁᑮᑯᓯᑴᑖᑾᑭᓐ ᑲᔦ ᑳᑮᒦᓂᑰᔮᕽ, ᒦ ᓴ ᑳᐃᓀᑕᒫᕽ ᑫᒋᓈᒡ ᒦ ᐃ ᒋᓂᐳᔮᕽ᙮

21:9b.2CO.021.009 ᒦᑕᔥ ᑳᐃᔑᓈᑯᓯᔮᕽ ᑖᐱᔥᑰ ᐁᑮᐃᓇᑭᒥᑰᔮᕽ ᒋᓂᐳᔮᕽ᙮ ᒦᑕᔥ ᐅᐅ ᑳᑮᐅᒋ ᐃᔑᓭᔮᕽ, ᐊᐊ ᓴ ᑭᔐᒪᓂᑑ ᒋᐊᐯᓂᒧᔮᕽ ᑳᑮᐌᐱᒫᑎᓯᐋᒡ ᑳᓂᐳᓂᒡ, ᑳᐐᓐ ᐐᓐ ᓃᓇᐎᓐᑦ ᒋᐊᐯᓂᒧᓄᑖᓱᓯᐙᕽ᙮

21:10b.2CO.021.010 ᐋᐱᒋ ᑕᔥ ᓂᑮᐯᔣᐸᑖᒥᓐ ᐃᐃ ᓂᐳᐎᓐ᙮ ᑭᔐᒪᓂᑑ ᑕᔥ ᓂᑮᔖᐾᐃᑯᓈᓐ᙮ ᑲᔦ ᓂᑲᔖᐾᐃᑯᓈᓐ᙮ ᐐᓐ ᑕᔥ ᓂᑕᐯᓂᒧᓄᑕᐙᓈᓐ ᒦᓇᐙ ᒋᓂᔖᐾᐃᔭᒥᓐᒡ᙮

21:11b.2CO.021.011 ᑫᑮᓇᐙ ᓴ ᑭᐐᒋᐃᔑᓈᒻ ᑮᐊᓇᒥᐁᑕᒪᐎᔮᕽ᙮ ᒦ ᓴ ᑲᔦ ᐁᔑᓈᑾᒃ ᑳᐹᑏᓇᑎᑭᓐ ᑳᑮᐃᔑᐊᓇᒥᐁᑕᒪᐎᔮᕽ ᓴ ᑕᓇᑴᒋᑳᑌᐗᓐ, ᑭᔐᒪᓂᑑ ᑕᔥ ᓂᑲᔕᐌᓂᒥᑯᓈᓐ᙮ ᐋᐱᒋ ᓴ ᑕᐹᑏᓄᐗᒃ ᑫᓇᓈᑯᒥᐌᐙᒡ ᓃᓇᐎᓐᑦ ᐅᒋ᙮

21:12b.2CO.021.012 ᐅᐅᐌ ᑕᔥ ᐐᑫ ᓂᑭᒋ ᐃᓀᑖᒥᓐ, ᐁᑭᑫᓂᑎᓱᔮᕽ ᑾᔭᒃ ᐁᑮᐃᔑᐱᒫᑎᓯᔮᕽ ᐅᐅᒫ ᐊᑮᕽ, ᑾᔭᒃ ᑲᔦ ᐁᑮᐐᒌᐎᑰᔦᒃ᙮ ᐋᐱᒋ ᓴ ᐌᐌᓂ ᑭᑮᐐᒌᐎᑰᒻ, ᐋᓃᔥ ᑭᔐᒪᓂᑑ ᐅᑭᔐᐙᑎᓯᐎᓐ ᓂᑮᐐᒋᐃᑯᒥᓐ᙮ ᑳᐐᓐ ᐐᓐ ᐃᓂᓃᐎᑲᑮᑖᐌᑕᒧᐎᓐ ᓂᑮᐐᒋᐃᑯᓰᒥᓐ᙮

21:13b.2CO.021.013 ᑫᔑᐊᓇᒥᑑᔦᒃ, ᑫᔑᓂᓯᑐᑕᒣᒃ ᐃᓴ ᐁᑕ ᑭᑎᔑᐲᐊᒫᑰᒻ, ᒦᑕᔥ ᐁᔑᐸᑯᓭᓂᒥᑰᔦᒃ ᒋᓂᓯᑐᑕᒣᒃ ᐲᓂᔥ ᐌᑎ ᐃᔥᒀᒡ᙮

21:14b.2CO.021.014 ᐋᓇᐐᓐ ᐸᑮ ᐁᑕ ᐁᓂᓯᑐᑕᐎᔮᕽ, ᑮᓇᐙ ᐅᔕ ᒋᔑᑭᒋ ᐃᓀᓂᒥᔮᕽ ᑖᐱᔥᑰ ᑫᔑᑭᒋ ᐃᓀᓂᒥᑰᔦᒃ ᐊᐲ ᒋᓴᔅ ᑳᑎᐯᒋᑫᒡ ᐱᑕᑯᔑᕽ᙮

21:15b.2CO.021.015 ᓂᑕᒻ ᓴ ᑫᒋᓈᒡ ᓂᑮᐃᓀᑖᓈᐸᓐ ᐁᐐᒪᐗᑎᓯᓇᑰᒃ ᒋᐅᒋᒥᓉᑕᒣᒃ ᓃᔣ᙮

21:16b.2CO.021.016 ᐌᑎ ᓴ ᒫᓯᑑᓂᔭ ᐊᑮᕽ ᑳᐐᐃᔖᔮᐹᓐ, ᓂᑮᐃᓀᑖᓈᐸᓐ ᐁᐐᐙᐸᒥᓇᑰᒃ, ᒦᓇᐙ ᐱᑮᐌᔮᐹᓐ ᐁᐐᐙᐸᒥᓇᑰᑭᐸᓐ ᒋᑮᐐᒋᐃᔦᑭᐸᓐ ᐌᑎ ᑳᐐᐃᔖᔮᐹᓐ ᒎᑏᔭ ᐊᑮᕽ᙮

21:17b.2CO.021.017 ᐅᐅ ᓴ ᐁᑮᐃᔑᒋᑫᓯᐙᓐ ᑳᑮᐃᓀᑕᒫᐹᓐ, ᒦ ᓇᐃ ᑳᐃᔑᓈᑯᓯᔮᓐ ᑖᐱᔥᑰ ᑫᑰᓐ ᐁᑕ ᐁᒥᒋ ᐃᓀᑕᒫᓐ, ᐁᐃᔑᒋᑫᓯᐙᓐ ᑳᑮᐃᓀᑕᒫᓐ? ᑖᐱᔥᑰ ᐁᒥᒋᐗᐙᓀᑕᒫᓐ ᐃᓇ ᓂᑎᔑᓈᑯᔅ? ᒦ ᓇᐃ ᐁᔑᓈᑯᓯᔮᓐ ᒦ ᓇᑫ ᑮᐃᑭᑐᔮᓐ, ᐁᑑᑕᓯᐙᓐ ᑕᔥ ᐃᐃ ᑳᑮᐃᑭᑐᔮᓐ?

21:18b.2CO.021.018 ᑫᒋᓈᒡ ᓴ ᑭᔐᒪᓂᑑ ᑳᔑᑌᐺᔦᑖᑯᓯᒡ, ᒦ ᓴ ᐃᐌ ᑫᓃᓇᐎᓐᑦ ᐁᔑᑌᐺᔮᕽ ᑳᐃᓈᒋᒧᑖᑰᔦᒃ᙮

21:19b.2CO.021.019 ᐊᐊ ᓴ ᒋᓴᔅ X ᑭᔐᒪᓂᑑ ᐅᑯᓯᓴᓐ ᑳᑮᑲᑮᒀᓇᑭᒡ ᑎᒪᑎ, ᓵᐃᓬᐊᔅ, ᑫᓃᓐ ᑕᔥ, ᑳᐐᓐ ᐐᓐ X ᑳᒥᒋᐗᐙᓀᑖᑯᓯᒡ, ᐐᓐ ᐃᓴ ᐊᐊ ᑌᐺᐎᓐ᙮

21:20b.2CO.021.020 ᒦ ᓴ ᐊᐊ ᑳᑌᐺᔦᑕᒧᑑᒡ ᑲᑭᓇ ᑭᔐᒪᓂᑑᓐ ᐅᑕᔓᑕᒫᑫᐎᓂᓂ᙮ ᒦᑕᔥ ᐁᒣᓐ ᐌᒋ ᐃᑭᑐᔮᕽ, X ᒋᓴᔅ ᐁᑌᐺᔦᓂᒪᑭᒡ᙮ ᒦ ᓴ ᐁᔑᓈᑾᒃ ᐁᓈᑯᑖᐗᑭᒡ ᑭᔐᒪᓂᑑ ᐅᑭᒋ ᐃᓀᑖᑯᓯᐎᓐ᙮

21:21b.2CO.021.021 ᐐᓐ ᐅᔕ ᑭᔐᒪᓂᑑ ᐅᑎᔑᒋᑫᐎᓐ ᑳᐅᒋᒪᔥᑲᐎᑳᐸᐎᔮᕽ, ᑲᔦ ᑮᓇᐙ ᑳᐅᒋᒪᔥᑲᐎᑳᐸᐎᔦᒃ X ᐁᐐᒌᐎᓇᕽ᙮ ᑭᔐᒪᓂᑑ ᐅᔕ ᐸᑳᓐ ᑭᑮᐃᔑᐅᓂᓂᑯᓈᓐ ᒋᐃᓇᓄᑲᐗᕽ᙮

21:22b.2CO.021.022 ᐐᓐ ᐅᔕ ᑭᔐᒪᓂᑑ ᑭᑮᒦᓂᑯᓈᓐ ᐅᑕᒑᑾᓐ, ᐁᑮᐃᔑᑭᑭᓇᐙᒋᐃᓇᕽ, ᑖᐱᔥᑰ ᐁᑮᑭᒋᐎᑎᐸᐊᕽ, ᓂᑯᑎᕽ ᑫᒋᓈᒡ ᒋᑎᐯᑕᒧᐗᕽ ᑳᑮᐊᔓᑕᒪᐎᓇᕽ᙮

21:23b.2CO.021.023 ᑭᔐᒪᓂᑑ ᓴ ᑭᑖᐐᑕᒫᑯᐙ ᐁᑌᐺᔮᓐ ᑳᐃᑭᑐᔮᓐ, ᐅᑭᑫᑖᓐ ᑲᔦ ᐁᓀᑕᒧᐗᒃ᙮ ᐁᑳ ᒋᒫᓀᑕᓯᐌᒃ ᐅᔕ ᑳᑮᐅᒋᐲᔖᓯᐙᓐ ᒀᕒᐃᑎᕽ ᙮

21:24b.2CO.021.024 ᑳᐐᓐ ᐐᓐ ᓂᑲᑴᑎᐯᑕᓰᒥᓐ ᑭᑌᐺᑕᒧᐎᓂᐙ᙮ ᓂᑭᑫᑖᒥᓐ ᓴ ᐁᒪᔥᑲᐎᑳᐸᐎᔦᒃ ᐃᐃᒫ ᑭᑌᐺᑕᒧᐎᓂᐙᕽ᙮ ᑭᐐᑕᓄᑮᒥᑰᒻ ᑲᔦ ᐊᐗᔑᒣ ᒋᒥᓉᑕᒣᒃ᙮

22

22:1b.2CO.022.001 ᒦᑕᔥ ᑳᑮᐅᒋ ᐃᓀᑕᒫᓐ ᒋᐊᑕᐙᐸᒥᓯᓄᐎᓇᑰᒃ ᒦᓇᐙ, ᒫᑭᔖ ᓴ ᑭᑖᐅᒋᒫᓀᑖᒻ᙮

22:2b.2CO.022.002 ᐋᓃᔥ ᑮᔥᐱᓐ ᐅᒋᒫᓀᑕᒣᑭᐸᓐ ᐁᐙᐸᒥᓇᑰᒃ, ᐊᐌᓀᓐ ᑕᔥ ᐊᐎᔭ ᑫᒥᓉᑕᒥᐃᐸᓐ, ᐋᓃᔥ ᑲᑭᓇ ᓂᑖᒫᓀᑕᒧᐋᒃ ᑫᑮᒥᓉᑕᒥᐃᐙᐸᓐ᙮

22:3b.2CO.022.003 ᒦᑕᔥ ᑳᑮᐅᒋ ᐅᔑᐲᐊᒪᐎᓇᑰᒃ, ᑳᐐᓐ ᓂᑮᐃᓀᑕᓰ ᐊᐲ ᐅᑎᓯᓇᑰᒃ ᒋᒫᓀᑕᒥᐃᐙᐸᓐ ᐃᑭ ᐯᒫᑎᓯᐙᒡ ᑫᑮᒥᓉᑕᒥᐃᐙᐸᓐ᙮ ᒦᑕᔥ ᐁᔑᑫᒋᓈᐅᔮᓐ ᑮᔥᐱᓐ ᑮᒥᓉᑕᒫᓐ ᑫᑮᓇᐙ ᐁᒥᓉᑕᒣᒃ᙮

22:4b.2CO.022.004 ᐊᐲ ᓴ ᑮᐅᔑᐲᐊᒪᐎᓇᑰᒃ, ᐋᐱᒋ ᓂᑮᑭᒋᒥᑯᔥᑳᑌᑕᒻ, ᐁᑮᑯᓯᑯᑌᐁᔮᓐ ᑲᔦ, ᐋᓃᔥ ᑳᐐᓐ ᓂᑎᓀᑕᓰ ᐁᐐᒫᓀᑕᒥᐃᓇᑰᒃ᙮ ᐃᐃ ᓴ ᒋᐙᐸᑕᒣᒃ ᒋᑭᑫᑕᒣᒃ ᑲᔦ ᐋᓃᓐ ᐁᐲᒋᓵᑭᐃᓇᑰᒃ᙮

22:5b.2CO.022.005 ᑮᔥᐱᓐ ᑕᔥ ᐊᐎᔭ ᑮᒫᓀᑕᒥᐃᐌᒡ, ᑳᐐᓐ ᑕᔥ ᓃᓐ ᐁᑕ ᓂᑮᒫᓀᑕᓰ, ᑫᑮᓇᐙ ᓴ ᑲᑭᓇ ᑳᑕᔑᔦᒃ ᑭᑮᒫᓀᑖᒻ᙮ ᒦᑕᔥ ᑳᐅᒋ ᐃᑭᑐᔮᓐ, ᑳᐐᓐ ᓂᑎᓀᑕᓰ ᒋᓴᓇᑭᐊᒃ᙮

22:6b.2CO.022.006 ᒦᑕᔥ ᐗᐊ ᑳᑮᑑᑕᐎᓀᒃ, ᐋᔕ ᑌᒥᓂᒃ ᑭᑮᑲᒀᑕᑭᐋᐙ ᐃᐃ ᑳᑮᑑᑕᐌᒃ᙮

22:7b.2CO.022.007 ᓅᑯᒻ ᐃᑕᔥ ᐴᓀᑕᒪᐎᒃ, ᑲᓅᓂᒃ ᑲᔦ ᐌᐌᓂ ᒋᐱᒫᑎᓯᒡ; ᒫᑭᔖ ᐅᐅ ᑑᑕᐙᓯᐌᒃ ᑕᓂᒫᓀᑕᒻ ᐲᓂᔥ ᑲᔦ ᐐᑫ ᑕᓂᐸᑭᒌ᙮

22:8b.2CO.022.008 ᒦᑕᔥ ᐁᔑᐸᑯᓭᓂᒥᓂᓇᑰᒃ, ᒋᑭᑫᑕᕽ ᐐᑫ ᐁᓵᑭᐁᒃ᙮

22:9b.2CO.022.009 ᑭᑮᐅᔑᐲᐊᒪᐎᓂᓂᒻ ᓴ ᐅᐅ ᐅᔑᐲᐃᑲᓐ ᐁᑮᐊᑕᑭᑫᓂᒥᓂᓇᑰᒃ ᑮᔥᐱᓐ ᑌᐺ ᒨᔕᒃ ᒋᐊᔛᔦᒃ ᒋᐃᔑᒋᑫᔦᒃ ᐃᐃ ᑳᑮᐃᔑᑭᑭᓄᐊᒪᐎᓇᑰᒃ᙮

22:10b.2CO.022.010 ᐊᐲ ᓴ ᑮᐴᓀᑕᒪᐌᒃ ᐊᐎᔭ ᐋᓃᓂᑯ ᑳᑮᐃᔑᒋᑫᒡ, ᑫᓃᓐ ᓴ ᓂᐴᓀᑕᒪᐙ᙮ ᐊᐲ ᓴ ᑫᓃᓐ ᑮᐴᓀᑕᒫᑫᔮᓐ, ᑮᔥᐱᓐ ᑯᑕ ᑮᐊᔮᒃ ᑫᑰᓐ ᒋᐴᓀᑕᒫᓐ, ᓂᑎᔑᒋᑫ ᓴ ᐅᐅ X ᐁᓈᓴᒦᒡ ᑮᓇᐙ ᐅᒋ᙮

22:11b.2CO.022.011 ᐋᓃᔥ ᑳᐐᓐ ᑭᓇᑕᐌᓂᒫᓯᐙᓈᓐ ᒪᒋᐊᔭᐋ ᓭᑕᓐ ᒋᔖᑰᒋᐃᓇᕽ᙮ ᑭᑭᑫᑕᒧᐙᒥᓐ ᐋᓃᔥ ᐋᓃᓐ ᐙᐊᓂ ᐃᔑᒋᑫᒡ᙮

22:12b.2CO.022.012 ᐊᐲ ᓴ ᐁᑮᑕᑯᔑᓈᓐ ᐌᑎ ᒐᕒᐆᐗᔅ ᐆᑌᓈᕽ ᐁᐐᑲᑮᒀᑕᒫᓐ ᒥᓍᒋᒧᐎᓐ ᐁᐐᑕᔑᒪᒃ X, ᓂᑮᐃᔑᒥᑳᓐ ᓴ ᐋᔕ ᑳᑎᐯᒋᑫᒡ ᐁᑮᑕᐎᓇᒪᐎᒡ ᐱᓵᓂᑯ ᓃᓐ ᒋᐊᓄᑮᐗᒃ᙮

22:13b.2CO.022.013 ᒦᑕᔥ ᐃᐃ ᑳᐅᒑᓂᒣᑕᒫᓐ ᐋᓃᔥ ᑳᐐᓐ ᓂᑮᒥᑲᐙᓰ ᓃᑕᓇᒥᐋ ᑕᐃᑕᔅ ᙮ ᒦᑕᔥ ᓂᑮᐴᔔᐋᒃ ᐯᒫᑎᓯᐙᒡ ᐌᑎ ᐁᑮᓇᑲᓇᒀ, ᒫᓯᑑᓂᔭ ᐊᑮᕽ ᐃᓇᑫ ᐁᑮᐊᓂ ᐃᔑᒫᒑᔮᓐ᙮

22:14b.2CO.022.014 ᑕᑲ ᒦᑴᒋᐌᓂᒫᑖ ᑭᔐᒪᓂᑑ᙮ ᐐᓐ ᐄᑐᒃ ᑳᑮᐃᔑᓈᑯᓯᐃᔭᒥᓐᒡ ᒋᐃᔑᓈᑯᓯᔮᕽ ᑕᑯᓂᑲᓇᒃ ᑳᐱᒥᐎᓂᑣ X ᐁᓃᑳᓃᒡ ᐁᑮᔖᑰᒋᑣᒡ᙮ ᐐᓐ ᓂᑖᐸᒋᐃᑯᓈᓐ ᒥᓯᐌ ᒋᐅᒋᑭᑫᓂᒥᓐᒡ ᑖᐱᔥᑰ ᑫᑰᓐ ᑳᒥᓄᒫᑾᒃ᙮

22:15b.2CO.022.015 X ᓂᑖᐸᒋᐃᑯᓈᓐ ᐁᒥᓈᓴᒪᐎᓐᒡ ᑭᔐᒪᓂᑑ᙮ ᐃᑭ ᑕᔥ ᑳᐱᒫᒋᐃᑣ ᐃᑭ ᑲᔦ ᑳᓂ ᓂᔑᐗᓈᑎᓯᐙᒡ ᐅᒥᓈᑖᓈᐙ ᒥᓈᓯᑲᓐ᙮

22:16b.2CO.022.016 ᐃᑭ ᐋᓃᔥ ᑳᓂᓂᔑᐗᓈᑎᓯᐙᒡ ᑖᐱᔥᑰ ᓂᐳᐎᓂᕽ ᐅᑎᔑᒫᑖᓈᐙ, ᐃᑭ ᑕᔥ ᑳᐱᒪᒋᐃᑣ, ᐱᒫᑎᓯᐎᓂᕽ ᐅᑎᔑᒫᑖᓈᐙ᙮ ᐊᐌᓀᓐ ᑕᔥ ᑫᑌᐱᓭᐸᓐ ᐅᐅᐌ ᒋᐃᓇᓄᑮᒡ?

22:17b.2CO.022.017 ᑳᐐᓐ ᐃᑕᔥ ᐐᓐ ᓂᑑᑕᓰᒥᓐ ᐃᐃ ᑭᔐᒪᓂᑑ ᐅᑎᑭᑐᐎᓐ ᑖᐱᔥᑰ ᐋᓂᑕ ᑳᐹᑏᓄᐙᒡ ᑳᑑᑕᒧᐙᒡ ᐁᐐᐅᑎᓈᐙᒡ ᑌᐱᓈᒃ ᔔᓂᔮᓐ᙮ ᑳᐐᓐ ᓃᓇᐎᓐᑦ ᐃᐃ ᓂᑎᔑᒋᑫᓰᒥᓐ᙮ ᐋᓃᔥ ᑭᔐᒪᓂᑑ ᓂᑮᐃᔑᓂᔕᐅᑯᓈᓐ ᐌᐌᓂ ᒋᑳᑮᑭᑐᔮᕽ ᐁᓈᓴᒦᒡ, ᑖᐱᔥᑰ X ᐅᑕᓄᑮᐋᑲᓇᐞ᙮

23

23:1b.2CO.023.001 ᒦ ᓇᐃ ᐁᓂᑖᑯᓯᔮᕽ ᒦᓇᐙ ᐁᒥᒋᑭᒋ ᐃᓀᓂᑎᓱᔮᕽ? ᒦ ᓇᐃ ᑫᓃᓇᐎᓐᑦ ᐁᔑᓈᑯᓯᔮᕽ ᑖᐱᔥᑰ ᑯᑕᒃ ᑳᐃᔑᓈᑯᓯᐙᒡ ᒣᒬᒡ ᐅᔑᐲᐃᑲᓇᓐ ᒋᐱᒥᐎᑑᔮᕽ ᒋᐙᐸᑕᒣᒃ, ᑯᒫ ᑲᔦ ᐅᔑᐲᐃᑲᓐ ᒋᒦᔑᔮᕽ ᑫᐅᒋᑭᑫᓂᒥᑰᔮᕽ?

23:2b.2CO.023.002 ᑮᓇᐙ ᓴ ᐁᔑᐱᒫᑎᓯᔦᒃ ᒦ ᐃᐌ ᐅᔑᐲᐃᑲᓐ ᐌᒋᑭᑫᓂᒥᑰᔮᕽ, ᓂᑌᐃᓈᓂᕽ ᐁᐅᔑᐲᐃᑳᓱᔦᒃ᙮ ᒦᑕᔥ ᑲᑭᓇ ᐊᐎᔭᒃ ᐅᑭᑫᑖᓈᐙ, ᐅᐙᐸᑖᓈᐙ, ᑖᐱᔥᑰ ᐁᐊᓇᒥᑑᐙᒡ᙮

23:3b.2CO.023.003 ᐋᐱᒋ ᐸᔭᑌᓈᑾᓐ X ᐁᑮᐅᔑᐲᐊᕽ ᐅᐅ ᐅᔑᐲᐃᑲᓐ᙮ ᑳᐐᓐ ᐐᓐ ᐅᔑᐲᐃᑲᓈᐴᓂ ᐅᑮᐋᐸᒋᑑᓰᓐ, ᐃᓂ ᓴ ᐅᑮᐋᐸᒋᐋᓐ ᐅᑕᒑᑯᓂ ᑳᐱᒫᑎᓯᓂᒡ ᑭᔐᒪᓂᑑᓐ᙮ ᑳᐐᓐ ᐐᓐ ᓇᐸᑳᐱᑲᓯᓃᕽ ᑮᐃᔑᐅᔑᐲᐃᑫᓰ, ᐯᒫᑎᓯᓂᒡ ᐅᑌᐃᓃᕽ ᐅᔕ ᑮᐃᔑᐅᔑᐲᐃᑫ᙮

23:4b.2CO.023.004 ᒦᑕᔥ ᐅᐅ ᑳᐅᒋ ᐃᑭᑐᔮᕽ, ᐋᓃᔥ ᓂᑫᒋᓈᐋᓈᓐ ᑭᔐᒪᓂᑑ ᐁᐐᒌᐗᑭᒡ X᙮

23:5b.2CO.023.005 ᑳᐐᓐ ᑕᔥ ᑫᑰᓐ ᓂᑕᔮᓰᒥᓐ ᑫᐅᒋ ᐃᑭᑐᔮᑭᐸᓐ ᐁᑲᔥᑭᑑᔮᕽ ᒋᑑᑕᒫᕽ ᐅᐅ ᐊᓄᑮᐎᓐ, ᑭᔐᒪᓂᑑ ᓴ ᐐᓐ ᓂᒦᓂᑯᓈᓐ ᒋᑲᔥᑭᑑᔮᕽ᙮

23:6b.2CO.023.006 ᐊᐊ ᓴ ᑳᑮᐅᔑᐃᔭᒥᓐᒡ ᑳᐅᒋᑲᔥᑭᑑᔮᕽ ᒋᐊᓄᑳᑕᒫᕽ ᐃᐃ ᐅᔥᑭᐊᔓᑕᒫᑎᐎᓐ, ᑳᐐᓐ ᐐᓐ ᐃᐃ ᑳᒥᒋᐅᔑᐲᐃᑳᑌᒃ ᐅᓇᔓᐌᐎᓐ, ᐃᐃ ᓴ ᑭᔐᒪᓂᑑ ᐅᑕᒑᑾᓐ ᑳᒦᑭᐌᓂᒡ᙮ ᐃᐃ ᓴ ᑳᒥᒋᐅᔑᐲᐃᑳᑌᒃ ᐅᓇᔓᐌᐎᓐ ᓂᐳᐎᓐ ᐃᐃᒫ ᐅᒌᒪᑲᓐ᙮ ᐊᐊ ᑕᔥ ᐐᓐ ᐊᒑᒃ ᒦᑭᐌ ᐱᒫᑎᓯᐎᓐ᙮

23:7b.2CO.023.007 ᐃᐃ ᓴ ᐅᓇᔓᐌᐎᓐ ᐁᑮᒥᒋᐅᔑᐲᐃᑳᑌᒃ ᐃᐃᒫ ᓇᐸᑲᓯᓃᕽ, ᑭᔐᒪᓂᑑ ᓴ ᑲᔦ ᐅᑭᒋ ᐃᓀᑖᑯᓯᐎᓐ ᑮᓈᑾᓂᓂ ᐊᐲ ᐃᐃ ᐅᓇᔓᐌᐎᓐ ᑮᒦᑭᐌᒡ᙮ ᐊᐊ ᓴ ᑲᔦ ᒨᓯᔅ ᑳᑮᐃᔑᐙᓰᑴᓱᒡ ᐋᐱᒋ ᐐᐸ ᑮᐊᓂᐊᑯᓈᑾᓂᓂ᙮ ᒦᑕᔥ ᑳᐊᐲᒋ ᒪᔥᑲᐎᓈᑾᓂᓂᒃ ᐃᔅᕒᐃᔭᓬᐊᒃ ᑳᐐᓐ ᐅᑮᑲᔥᑭᑑᓰᓈᐙ ᒋᑲᓇᐙᐸᒫᐙᒡ ᒨᓯᓲᓐ᙮ ᑮᔥᐱᓐ ᑕᔥ ᐃᐃ ᐅᓇᔓᐌᐎᓐ ᑳᐲᑕᒫᑯᐙᒡ ᓂᐳᐎᓐ ᐁᑮᐊᐲᒋ ᑭᒋ ᐃᓀᑖᑾᒃ ᒣᒀ ᐁᐊᓄᑮᒪᑲᒃ,

23:8b.2CO.023.008 ᓇᐗᒡ ᓴ ᐃᐃᒫ ᑳᐃᔑᐊᓄᑮᒡ ᐊᐊ ᐊᒑᒃ ᐊᐗᔑᒣ ᑕᑭᒋ ᐃᓀᑖᑾᓐ᙮

23:9b.2CO.023.009 ᑮᔥᐱᓐ ᓴ ᐃᐃ ᑳᐲᑕᒫᑯᔭᕽ ᓂᐳᐎᓐ ᐁᑮᑭᒋ ᐃᓀᑖᑾᒃ, ᓇᐗᒡ ᐄᑐᒃ ᐃᐃ ᑳᐱᒫᒋᐃᐌᒪᑲᒃ ᑕᑭᒋ ᐃᓀᑖᑾᓐ᙮

23:10b.2CO.023.010 ᓅᑯᒻ ᑕᔥ ᐁᐊᔮᔭᕽ ᐃᐃ ᓇᐗᒡ ᑳᑭᒋ ᐃᓀᑖᑾᒃ, ᐃᐃ ᓴ ᑳᑮᑭᒋ ᐃᓀᑖᑾᑭᐸᓐ ᑳᑮᐙᓭᔮᑭᐸᓐ ᐋᔕ ᑮᐃᔥᒀᓭ᙮

23:11b.2CO.023.011 ᑮᔥᐱᓐ ᓴ ᐃᐃ ᑳᑮᑭᒋ ᐃᓀᑖᑾᒃ ᐊᒋᓇ ᐁᑕ ᐁᑮᐊᔮᒃ, ᓇᐗᒡ ᐃᐃ ᓅᑯᒻ ᒨᔕᒃ ᑳᐊᔮᒃ ᑕᑭᒋ ᐃᓀᑖᑾᓐ᙮

23:12b.2CO.023.012 ᐅᐅ ᑕᔥ ᐁᐃᔑᐊᐯᓂᒧᔮᕽ, ᒦ ᓴ ᑳᐅᒋᓲᑭᑌᐁᔮᕽ ᑮᑮᑭᑐᔮᕽ᙮

23:13b.2CO.023.013 ᑳᐐᓐ ᐐᓐ ᓂᑎᔑᓈᑯᓯᓰᒥᓐ ᑖᐱᔥᑰ ᒨᓯᔅ ᑳᑮᑭᐲᑴᐱᓂᑎᓱᒡ ᑭᐲᑭᓂᑲᓂᓂ ᐁᑮᐋᐸᒋᑑᒡ, ᒦ ᓴ ᐃᐃ ᑳᑮᐅᒋ ᐃᔑᒋᑫᒡ ᒋᐙᐸᑕᓯᓂᒃ ᐃᐃ ᐃᔅᕒᐃᔭᓬᐊᐞ ᐯᒫᑎᓯᓂᒡ ᐃᐃ ᑳᑮᐃᔑᐙᓰᑴᓱᒡ ᐁᑮᐊᓂᐊᑯᓈᑾᓂᓂᒃ᙮

23:14b.2CO.023.014 ᒦ ᓴ ᑳᐃᔑᓈᑾᓂᓂᑭᓐ ᐃᓂ ᐅᑎᓀᑕᒧᐎᓂᐙᓐ ᑖᐱᔥᑰ ᐁᑮᑭᐲᑭᓂᑳᑌᓂᑭᓐ᙮ ᒦᑕᔥ ᑲᔦ ᓅᑯᒻ ᑳᑮᔑᑲᓂᓂᒃ ᑫᔮᐱ ᐃᐃ ᑭᐲᑭᓂᑲᓂᓂ ᐁᔑᑭᐲᑭᓂᑳᑌᓂᒃ ᐃᐃᒫ ᐅᑎᓀᑕᒧᐎᓂᐙᕽ ᑮᐊᓇᒥᑑᐙᒡ ᐃᐃ ᒪᓯᓇᐃᑲᓂᓂ, ᑫᑌᐊᔓᑕᒫᑫᐎᓂᓂ ᑳᔑᑕᔑᑌᓂᒃ᙮ ᐹᓂᒫ ᓴ ᐊᐎᔭ ᑮᐐᒌᐙᒡ Xᑕᓐ, ᒦ ᓴ ᐹᓂᒫ ᐃᐃ ᑭᐲᑭᓂᑲᓂᓂ ᐁᐅᑖᐱᓂᑳᑌᓂᒃ᙮

23:15b.2CO.023.015 ᒥᓴᐙ ᑯ ᓅᑯᒻ ᑳᑮᔑᑲᓂᓂᒃ ᑮᓅᑕᒧᐙᒡ ᐁᐊᓇᒥᒋᑳᑌᓂᒃ ᐃᐃ ᒨᓯᔅ ᐅᑑᓇᔓᐌᐎᓂᓂ, ᑳᐐᓐ ᓂᓯᑐᑕᓰᐗᒃ, ᑖᐱᔥᑰ ᑫᔮᐱ ᐁᑭᐸᑰᑌᓂᒃ ᐃᐃ ᑭᐲᑭᓂᑲᓂᓂ ᐃᐃᒫ ᐅᑎᓀᑕᒧᐎᓂᐙᕽ᙮

23:16b.2CO.023.016 ᐊᐲ ᑕᔥ ᐊᐎᔭ ᑮᑴᑮᑕᐙᒡ ᑳᑎᐯᒋᑫᓂᒡ, ᑭᐲᑭᓂᑲᓐ ᐅᑖᐱᓂᑳᑌᓂ᙮

23:17b.2CO.023.017 ᐊᐊ ᑕᔥ ᑳᑎᐯᒋᑫᒡ ᑳᑕᔑᓱᒡ ᒦ ᓴ ᐊᐊᐌ ᑭᔐᒪᓂᑑ ᐅᑕᒑᑾᓐ᙮ ᐋᑎ ᑕᔥ ᐃᑯ ᐊᐊ ᐊᒑᒃ ᐁᔮᒡ, ᒦ ᓴ ᐃᒫ ᐁᔮᒪᑲᒃ ᐸᑭᑎᓂᑰᐎᓐ᙮

23:18b.2CO.023.018 ᑮᓇᐎᓐᑦ ᑕᔥ ᑲᑭᓇ ᑭᒧᔐᔩᑴᐙᓭᔥᑲᒧᐙᒥᓐ ᑳᑎᐯᒋᑫᒡ ᐅᑭᒋ ᐃᓀᑖᑯᓯᐎᓐ᙮ ᑭᑎᔑᐃᑯᓈᓐ ᒋᐃᔑᓈᑯᓯᔭᕽ ᒋᐊᔮᐗᕽ ᐅᑭᒋ ᐃᓀᑖᑯᓯᐎᓐ, ᒨᔕᒃ ᑳᓂᑭᒋ ᐃᓀᑖᑾᓂᓂᒃ᙮ ᑳᑎᐯᒋᑫᒡ ᐅᑕᒑᑾᓐ ᐅᔕ ᑳᐃᔑᐃᓇᕽ᙮

24

24:1b.2CO.024.001 ᑭᔐᒪᓂᑑ ᓴ ᑳᔕᐌᒋᑫᒡ ᓂᑮᒦᓂᑯᓈᓐ ᐅᐅ ᐊᓇᒥᐁᐎᐊᓄᑮᐎᓐ ᒋᐊᓄᑳᑕᒫᕽ᙮ ᒦᑕᔥ ᑳᐅᒋᐸᑭᑌᑕᓯᐙᕽ᙮

24:2b.2CO.024.002 ᑲᑭᓇ ᓴ ᓂᑮᐌᐱᓈᒥᓐ ᑮᒨᒋᒋᑫᐎᓇᓐ, ᑳᐊᑲᓯᓈᑾᑭᓐ ᑲᔦ ᐃᔑᒋᑫᐎᓇᓐ, ᑳᐐᓐ ᐐᓐ ᑲᔦ ᓂᐗᔦᔑᒥᐌᓰᒥᓐ᙮ ᑳᐐᓐ ᐐᓐ ᑲᔦ ᐸᑳᓐ ᓂᑎᓉᑖᐙᓰᒥᓐ ᑭᔐᒪᓂᑑ ᐅᑎᑭᑐᐎᓐ᙮ ᐃᐃᒫ ᓴ ᑳᐃᔑᐸᔭᑌᑖᑾᓂᓂᒃ ᑭᔐᒪᓂᑑ ᐅᑌᐺᐎᓐ ᒦ ᓴ ᐃᒫ ᐁᔑᐱᒫᑎᓯᔮᕽ, ᑭᔐᒪᓂᑑ ᐁᓈᓴᒦᒡ, ᑾᔭᒃ ᓴ ᒋᐃᔑᓈᑯᓯᔮᕽ ᑲᑭᓇ ᐊᐎᔭ ᑳᐃᔑᒥᓍᐸᑕᕽ᙮

24:3b.2CO.024.003 ᑮᔥᐱᓐ ᓴ ᒥᓍᒋᒧᐎᓐ ᑳᑲᑮᒀᑕᒫᕽ ᑳᒋᑳᑌᒃ, ᒦ ᓴ ᐁᑳᑕᒪᐎᑣ ᐃᑭ ᑳᐗᓂᔑᓄᐙᒡ᙮

24:4b.2CO.024.004 ᐋᓃᔥ ᐊᐊ ᒪᒋᐊᔭᐋ ᑳᒪᓂᑑᐎᒡ ᐅᐅᒫ ᐊᑮᕽ ᐅᑮᐃᔑᐋᐞ ᒋᐙᐱᓯᓂᒃ ᐃᐃᒫ ᐅᑎᓀᑕᒧᐎᓂᓃᕽ, ᒦ ᓴ ᑕᔥ ᑳᐅᒋᑌᐺᑕᓯᓂᒃ᙮ ᑳᐐᓐ ᑕᔥ ᑲᔦ ᐅᓇᑕᐌᓂᒫᓰᐞ ᒋᐙᐸᑕᒥᓂᒡ ᐃᐃ ᑳᐃᔑᐙᓭᔮᓂᒃ ᐃᐃ ᒥᓍᒋᒧᐎᓂᓂ, ᐃᐃᒫ ᑳᐃᔑᑕᔑᑌᓂᒃ X ᐅᑭᒋ ᐃᓀᑖᑯᓯᐎᓐ᙮ ᐋᓃᔥ ᒪᔮ ᐱᑯ ᑭᔐᒪᓂᑑᕽ ᐃᔑᓈᑯᓯ ᐊᐊ X᙮

24:5b.2CO.024.005 ᑳᐐᓐ ᑕᔥ ᐐᓐ ᓃᓇᐎᓐᑦ ᓂᑲᑮᒀᓂᑎᓱᓰᒥᓐ, ᒋᓴᔅ X ᓴ ᓂᑎᑭᑐᒥᓐ ᐁᑎᐯᒋᑫᒡ, ᓃᓇᐎᓐᑦ ᐃᑕᔥ ᓂᑎᑭᑐᒥᓐ ᐁᐸᒦᑖᑰᔦᒃ ᒋᓴᔅ ᐅᒋ᙮

24:6b.2CO.024.006 ᑭᔐᒪᓂᑑ ᓴ ᑳᑮᐃᑭᑐᒡ: ᐃᐃᒫ ᓴ ᑳᐃᔑᑲᔥᑮᑎᐱᑲᒃ, ᑳᐙᓭᔮᒃ ᑕᓵᑳᑌ, ᒦ ᓴ ᐊᐊᐌ ᐯᔑᑾᓐ ᑭᔐᒪᓂᑑ ᑳᑮᐙᓭᔮᑑᒡ ᓂᑌᐃᓈᓂᓐ ᒋᑭᑫᑕᒧᐗᑭᒡ ᑭᔐᒪᓂᑑ ᐅᑭᒋ ᐃᓀᑖᑯᓯᐎᓐ, X ᐁᐙᓰᑴᔥᑳᑯᒡ᙮

24:7b.2CO.024.007 ᓃᓇᐎᓐᑦ ᓴ ᑳᐊᔮᔮᕽ ᐅᐅ ᑳᑭᒋ ᐃᓀᑕᒫᕽ ᐌᓅᑎᓯᐎᓐ, ᒦ ᓴ ᐁᔑᓈᑯᓯᔮᕽ ᑖᐱᔥᑰ ᐙᐱᑲᓂᐗᑭᑯᕽ ᐁᔑᐲᓇᐊᒫᕽ, ᒋᓈᑾᓂᓂᒃ ᑭᔐᒪᓂᑑ ᒫᐗᒡ ᐁᒪᔥᑲᐎᓰᒡ, ᑳᐐᓐ ᓃᓇᐎᓐᑦ᙮

24:8b.2CO.024.008 ᒥᓯᐌ ᓂᑑᒋ ᒥᑯᔥᑳᒌᑳᑰᒥᓐ, ᑳᐐᓐ ᑕᔥ ᓂᔖᑰᒋᔥᑳᑰᓰᒥᓐ; ᐁᐙᓀᑕᒫᕽ ᑲᔦ ᓂᑯᑎᕽ, ᑳᐐᓐ ᑕᔥ ᒪᔑ ᓂᐸᑭᒌᓰᒥᓐ᙮

24:9b.2CO.024.009 ᒨᔕᒃ ᑲᔦ ᓂᑲᒀᑕᑭᐃᑰᒥᓐ, ᔖᑰᒡ ᑕᔥ ᑳᐐᓐ ᐐᑳ ᓂᓇᑲᓂᑰᓰᒥᓐ; ᐁᑲᐎᐌᐱᓂᑰᔮᕽ ᑲᔦ ᑳᐐᓐ ᑕᔥ ᒪᔑ ᓂᓂᔑᐗᓈᒋᐃᑰᓰᒥᓐ᙮

24:10b.2CO.024.010 ᒦᑕᔥ ᐁᔑᓈᑾᒃ ᒨᔕᒃ ᐁᐱᒥᐎᑖᐗᑭᒡ ᒋᓴᔅ ᐅᓂᐳᐎᓐ ᐃᐃᒫ ᓂᐐᔭᐎᓈᓂᕽ, ᐃᐃ ᓴ ᑳᐅᒋ ᐃᔑᓈᑾᒃ ᐅᐱᒫᑎᓯᐎᓐ ᒋᐙᐸᒋᑳᑌᓂᒃ ᐃᐃᒫ ᓂᐐᔭᐎᓈᓂᕽ᙮

24:11b.2CO.024.011 ᐃᐃᒫ ᓴ ᓂᐱᒫᑎᓯᐎᓂᓈᓂᕽ, ᒦ ᓴ ᐁᔑᓈᑯᓯᔮᕽ ᑖᐱᔥᑰ ᒨᔕᒃ ᐁᓇᓃᓵᓂᓯᔮᕽ ᐁᐊᔓᓂᐳᔮᕽ ᒋᓴᔅ ᐅᒋ᙮ ᐃᐃ ᓴ ᐅᐱᒫᑎᓯᐎᓐ ᒋᐙᐸᒋᑳᑌᓂᒃ ᐃᐃᒫ ᓂᐐᔭᐎᓈᓂᕽ ᑳᐗᑫᓂᐴᒪᑲᑭᓐ᙮

24:12b.2CO.024.012 ᒦ ᓴ ᐅ ᑳᐃᒋᑳᑌᒃ, ᓂᐳᐎᓐ ᓃᓇᐎᓐᑦ ᓂᓅᒋᐃᑰᒥᓐ ᐃᐃᒫ ᓂᐱᒫᑎᓯᐎᓂᓈᓂᕽ, ᑮᓇᐙ ᑕᔥ ᐱᒫᑎᓯᐎᓐ ᐊᓄᑮᒪᑲᓐ ᑭᐱᒫᑎᓯᐎᓂᐙᕽ᙮

24:13b.2CO.024.013 ᑫᓃᓇᐎᓐᑦ ᑕᔥ ᐯᔑᑾᓐ ᐁᔑᑌᐺᔦᑕᒫᕽ ᑭᒋᒪᓯᓇᐃᑲᓐ ᐁᔑᐲᐃᑳᑌᒃ: ᓂᑮᑮᑭᑦ ᐋᓃᔥ ᐁᑌᐺᑕᒫᓐ᙮ ᒦᑕᔥ ᐯᔑᑾᓐ ᑫᓃᓇᐎᓐᑦ ᐁᐃᔑᑌᐺᑕᒫᕽ ᑳᐅᒋᑮᑭᑐᔮᕽ᙮

24:14b.2CO.024.014 ᐊᐊ ᓴ ᑭᔐᒪᓂᑑ ᑳᑮᑮᐌᐱᒫᑎᓯᐋᒡ ᐃᓂ ᑳᑎᐯᒋᑫᓂᒡ ᒋᓴᓲᓐ, ᓂᑭᑫᓂᒫᓈᓐ ᓴ ᒋᑮᐌᐱᒫᑎᓯᐃᔭᒥᓐᒡ ᐋᓃᔥ ᓂᐐᒌᐙᓈᓐ ᒋᓴᔅ᙮ ᑭᑲᐃᔑᐎᓂᑯᓈᓐ ᑕᔥ ᒫᒪᐤ ᒋᐃᔑᐊᔮᐗᕽ ᐌᑎ ᑳᔑᐊᔮᒡ᙮

24:15b.2CO.024.015 ᑮᓇᐙ ᐅᐅ ᑲᑭᓇ ᑳᐅᒋ ᐃᔑᓭᒃ; ᐃᑭ ᓴ ᑳᐹᑏᓄᐙᒡ ᐯᒫᑎᓯᐙᒡ ᐁᐊᓂᑌᐱᓂᑯᐙᒡ ᑭᔐᒪᓂᑑᓐ ᐅᑭᔐᐙᑎᓯᐎᓂᓂ ᐋᐱᒋ ᑕᔥ ᑕᐹᑏᓇᑎᓅᓐ ᐃᓂ ᐊᓇᒥᐋᐎᓇᓐ ᒋᓇᓈᑯᒥᓐᒡ ᑭᔐᒪᓂᑑ ᑳᑭᒋ ᐃᓀᑖᑯᓯᒡ᙮

24:16b.2CO.024.016 ᒦᑕᔥ ᐅᐅ ᐐᑳ ᑳᐅᒋᐸᑭᑌᑕᓯᐙᕽ᙮ ᐋᓇᐐᓐ ᓂᐐᔭᐎᓈᓂᓐ ᐁᐊᓂᓂᐴᒪᑲᑭᓐ, ᔖᑰᒡ ᑕᔥ ᓂᑕᒑᑯᓈᓂᒃ ᓂᐱᒫᑎᓯᐎᓂᓈᓂᕽ ᐊᓂᐅᔥᑭᐅᔑᒋᑲᓂᐎᐗᒃ ᐁᑕᓱᑮᔑᒃ᙮

24:17b.2CO.024.017 ᐅᐅ ᓴ ᑳᐃᔑᐋᓂᒥᓯᔮᕽ ᓂᓈᑫᑖᒥᓐ, ᐋᓃᔥ ᐊᒋᓇ ᐁᑕ ᓂᓅᒋᐃᑯᒥᓐ᙮ ᒦᑕᔥ ᑫᐅᒋᐅᑎᓯᑯᔮᕽ ᒫᐗᒡ ᑳᑭᒋ ᐃᓀᑖᑾᒃ ᑭᒋ ᐃᓀᑖᑯᓯᐎᓐ ᐐᑳ ᑫᐴᓂᓭᓯᓄᒃ᙮

24:18b.2CO.024.018 ᑳᐐᓐ ᑕᔥ ᐐᓐ ᐃᓂ ᑳᓈᑾᑭᓐ ᓂᑲᓇᐙᐸᑕᓰᒥᓐ, ᐃᓂ ᓴ ᑳᓈᑾᓯᓄᑭᓐ; ᐃᓂ ᓴ ᑳᓈᑾᑭᓐ ᐊᒋᓇ ᐁᑕ ᐊᔮᐗᓐ, ᐃᓂ ᑕᔥ ᐐᓐ ᑳᓈᑾᓯᓄᑭᓐ ᐱᔑᔑᒃ ᐊᔮᐗᓐ᙮

25

25:1b.2CO.025.001 ᑭᑭᑫᑖᒥᓐ ᓴ ᐅᐅ ᐸᒀᓀᑲᒥᒃ ᑳᑖᓄᑕᒪᕽ ᐅᐅᒫ ᐊᑮᕽ, ᒦ ᓴ ᐃᐃ ᑭᐐᔭᐎᓈᓐ, ᐲᑯᐱᒋᑳᑌᒃ, ᑭᑕᔮᒥᓐ ᐙᑳᐃᑲᓐ ᑭᔐᒪᓂᑑ ᐐᓐ ᐃᑯ ᑳᑮᐅᔑᑕᒪᐎᓇᕽ ᐌᑎ ᑭᒋᑮᔑᑯᕽ ᒋᐃᔑᑖᐗᕽ᙮ ᑳᐐᓐ ᑕᔥ ᐐᓐ ᐅᓂᒌᒫᕽ ᑮᐅᒋᐅᔑᒋᑳᑌᓯᓅᓐ, ᒨᔕᑭᑯ ᐊᐸᓀ ᑕᐊᔮᒪᑲᓐ᙮

25:2b.2CO.025.002 ᑳᐐᓐ ᑕᔥ ᑭᑕᓂᓵᐅᓰᒥᓐ ᐁᒨᑯᓀᔭᕽ ᐁᒥᓴᐌᑕᒪᕽ ᐃᓂ ᑭᑖᐎᓂᓈᓂᓐ ᑭᒋᑮᔑᑯᕽ ᑳᐅᒌᑭᓐ, ᒋᐱᓯᑲᒨᓂᑰᔭᕽ᙮

25:3b.2CO.025.003 ᐊᐲ ᓴ ᐱᓯᑲᒪᕽ, ᑳᐐᓐ ᑭᑲᐃᔑᓈᑯᓯᓰᒥᓐ ᑫᑰᓐ ᐁᑭᑭᔥᑲᓯᐗᕽ᙮

25:4b.2CO.025.004 ᐅᐅᒫ ᓴ ᐁᐊᔮᔭᕽ ᐊᑮᐎᐸᒀᓀᑲᒥᑯᕽ, ᑭᑎᓇᒪᒋᐅᒥᓐ ᐁᐐᒨᑯᓀᔭᕽ ᐅᓵᒻ ᐁᑲᒀᑕᑭᑑᔭᕽ᙮ ᑳᐐᓐ ᑕᔥ ᐐᓐ ᑭᑎᓀᑕᓰᒥᓐ ᒋᑮᒋᑯᔥᑲᒨᓂᑰᔭᕽ ᐅᓄ ᑭᑕᑮᐎᐐᔭᐎᓈᓂᓐ, ᐃᐃ ᓴ ᐁᐊᑕᐌᑕᒪᕽ ᐁᐐᐊᔮᔭᕽ ᐃᐃ ᑭᒋᑮᔑᑯᕽ ᑳᐊᔮᒃ ᒋᐱᓯᑲᒨᓂᑰᔭᕽ, ᐃᐃ ᓴ ᑳᓂᓂᐴᒪᑲᒃ ᒋᓂ ᐃᔑᐊᑯᓈᑾᒃ ᐃᐃᒫ ᐱᒫᑎᓯᐎᓂᕽ᙮

25:5b.2CO.025.005 ᑭᔐᒪᓂᑑ ᓴ ᑳᑮᑾᔮᒋᐃᓇᕽ ᐸᑳᓐ ᒋᐃᔑᓈᑯᓯᔭᕽ, ᑭᑮᒦᓂᑯᓈᓐ ᐅᑕᒑᑾᓐ ᐁᐐᑭᑭᓇᐙᒋᑑᒡ ᐃᐃ ᑳᑮᐃᔑᐊᔓᑕᒪᐎᓇᕽ᙮

25:6b.2CO.025.006 ᒦᑕᔥ ᒨᔕᒃ ᑳᐅᒋᒪᔥᑲᐌᑕᒪᕽ, ᑭᑭᑫᑖᒥᓐ ᑲᔦ ᒥᓂᒃ ᐃᑯ ᑫᑖᔭᕽ ᑭᐐᔭᐎᓈᓂᕽ, ᑳᐐᓐ ᑭᑕᔮᓰᒥᓐ ᐌᑎ ᑳᑎᐯᒋᑫᒡ ᐅᑖᐎᓂᕽ᙮

25:7b.2CO.025.007 ᑌᐺᑕᒧᐎᓂᕽ ᓴ ᑭᑎᔑᐱᒧᓭᒥᓐ, ᑳᐐᓐ ᐐᓐ ᑳᐃᔑᐙᐸᑕᒪᕽ᙮

25:8b.2CO.025.008 ᐋᐱᒋ ᓴ ᑭᒪᔥᑲᐌᑖᒥᓐ ᐁᐃᔑᒥᓴᐌᑕᒪᕽ ᑲᔦ ᐁᐐᓇᑲᑕᒪᕽ ᐅᓄ ᑭᐐᔭᐎᓈᓂᓐ, ᐁᐐᐐᒋᐊᔮᒪᕽ ᑳᑎᐯᒋᑫᒡ ᐌᑎ ᑳᔑᐊᔮᒡ᙮

25:9b.2CO.025.009 ᒫᐗᒡ ᑕᔥ ᐁᔑᒥᓴᐌᑕᒪᕽ ᒋᑑᑕᒪᕽ, ᒦ ᓴ ᐃᐃ ᒋᒥᓍᐸᒥᓇᕽ ᐅᐅᒫ ᑳᔑᑖᔭᕽ, ᑯᒫ ᑲᔦ ᐌᑎ᙮

25:10b.2CO.025.010 ᐋᓃᔥ ᑲᑭᓇ ᑳᑕᔑᔭᕽ ᐅᒋᑕᑯ ᐃᔑᓈᑾᓐ ᒋᓇᑭᔥᑲᐗᕽ X ᐁᓈᓴᒦᒡ, ᒋᑎᐹᑯᓂᓇᕽ᙮ ᐊᐎᔭ ᓴ ᑕᔑᑎᐸᐊᒪᐙ ᑲᑭᓇ ᑫᑰᓂᓂ ᑳᑮᐃᔑᒋᑫᒡ ᐃᐃᒫ ᐊᑮᕽ ᒣᒀ ᐅᐐᔭᐎᕽ ᑮᐱᒫᑎᓯᒡ, ᑯᒫ ᑲᔦ ᑳᒥᓄᒋᑫᑯᐸᓀᓐ, ᑯᒫ ᑲᔦ ᑳᒫᔑᒋᑫᑯᐸᓀᓐ᙮

25:11b.2CO.025.011 ᓂᑭᑫᑖᒥᓐ ᓴ ᐌᑯᓀᓐ ᑳᐃᒋᑳᑌᒃ ᒋᑯᓯᓐᒡ ᐊᐊ ᑳᑎᐯᒋᑫᒡ, ᒦᑕᔥ ᑲᔦ ᑳᐅᒋᑲᑴᑲᔥᑭᒪᑭᑣ ᑯᑕᒃ ᐊᐎᔭᒃ᙮ ᒦ ᓴ ᐁᔑᐸᑯᓭᓂᒥᑰᔦᒃ ᐃᐃᒫ ᑭᑌᐃᐙᕽ ᒋᑭᑫᓂᒥᔮᕽ ᑖᐱᔥᑰ ᑭᔐᒪᓂᑑ ᑳᔑᑭᑫᓂᒥᔭᒥᓐᒡ᙮

25:12b.2CO.025.012 ᑳᐐᓐ ᓃᓇᐎᓐᑦ ᒦᓇᐙ ᓂᐐᒥᒋ ᒥᓄᑕᔑᑎᓱᓰᒥᓐ, ᑭᐐᒦᓂᑰᒻ ᑫᑰᓐ ᑫᐅᒋᑭᑕᑭᒥᔑᔮᕽ, ᒋᑲᔥᑭᑑᔦᒃ ᓴ ᑾᔭᒃ ᒋᓇᑴᑕᐌᒀ ᐃᑭ ᑳᑭᒋ ᐃᓀᑕᒧᐙᒡ ᐋᓃᓐ ᐁᔑᓈᑯᓯᓂᒡ ᐃᓂᓂᐗᓐ ᐊᑾᒌᕽ ᐃᓇᑫ, ᐃᐃᒫ ᑕᔥ ᐅᐱᒫᑎᓯᐎᓂᓃᕽ ᒋᑮᐃᔑᑲᓇᐙᐸᒫᐙᐸᓐ᙮

25:13b.2CO.025.013 ᑮᔥᐱᓐ ᑕᔥ ᐃᔑᓈᑯᓯᔮᕽ ᐁᑮᐗᔥᑴᔮᑎᓯᔮᕽ, ᑭᔐᒪᓂᑑ ᐅᔕ ᑳᐅᒋ ᐃᔑᐊᔮᔮᕽ ᑳᐊᓄᑮᑕᐗᑭᒡ᙮ ᑮᔥᐱᓐ ᑲᔦ ᐸᑲᑫᑕᒫᕽ, ᑮᓇᐙ ᐅᔕ ᒋᐐᒋᐃᑰᔦᒃ ᑳᐅᒋ ᐃᔑᐊᔮᔮᕽ᙮

25:14b.2CO.025.014 X ᐃᓴ ᐅᓵᑭᐃᐌᐎᓐ ᓂᑎᐯᓂᒥᑯᒥᓐ, ᐁᑭᑫᑕᒫᕽ ᑲᔦ ᐯᔑᒃ ᓴ ᐃᓂᓂ ᐁᑮᓂᐴᑕᒪᐙᒡ ᑲᑭᓇ ᐃᓂᓂᐗᐞ᙮ ᒦᑕᔥ ᑲᑭᓇ ᓴ ᐊᐎᔭᒃ ᑳᑮᐅᒋᐐᒌᐙᐙᒡ ᐃᐃᒫ ᐅᓂᐳᐎᓂᓃᕽ᙮

25:15b.2CO.025.015 ᑲᑭᓇ ᓴ ᐊᐎᔭᐞ ᐅᑮᓂᐳᑕᒪᐙᐞ, ᐃᑭ ᓴ ᑳᐱᒫᑎᓯᐙᒡ ᒋᐃᔑᐱᒫᑎᓯᐙᒡ ᒋᒥᓍᐸᒥᑯᐙᒡ ᐃᓂ ᑳᑮᓂᐳᑕᒫᑯᐙᒡ, ᑳᑮᑮᐌᐱᒫᑎᓯᐃᒥᓐᒡ ᐐᓇᐙ ᐅᒋ᙮ ᑳᐐᓐ ᐐᓐ ᐐᓇᐙ ᐁᑕ ᑳᐅᒋᐱᒫᑎᓯᐙᒡ᙮

25:16b.2CO.025.016 ᑳᐐᓐ ᑕᔥ ᓅᑯᒻ ᓂᑎᔑᑲᓇᐙᐸᒫᓯᐙᓈᓐ ᐊᐎᔭ ᑖᐱᔥᑰ ᐃᓂᓂ ᑳᐃᔑᑲᓇᐙᐸᒋᑫᒡ᙮ ᑮᔥᐱᓐ ᓴ ᐃᐃ ᐋᐱᑎᕽ ᑮᐃᔑᑲᓇᐙᐸᒪᑭᑎᐸᓐ ᐊᐊ X, ᑳᐐᓐ ᓅᑯᒻ ᐃᐃ ᓂᑎᔑᒋᑫᓰᒥᓐ᙮

25:17b.2CO.025.017 ᑮᔥᐱᓐ ᓴ ᐊᐎᔭ ᐊᔮᒡ ᐃᐃᒫ Xᐃᕽ, ᒦ ᓴ ᐃ ᑮᐅᔥᑭᐅᔑᒋᑲᓂᐎᒡ᙮ ᑲᑭᓇ ᓴ ᑫᑌᔭᐄᓐ ᑮᐃᔥᒀᓭᐗᓐ, ᐅᔥᑲᔭᐄᓐ ᑕᔥ ᑮᑕᑯᔑᓅᒪᑲᓅᓐ᙮

25:18b.2CO.025.018 ᑭᔐᒪᓂᑑ ᓴ ᐅᐅ ᑲᑭᓇ ᐅᑎᔑᒋᑫᐎᓐ, ᐃᐃᒫ Xᐃᕽ ᑳᑮᓈᒋᐐᑯᐱᓂᓇᕽ ᒋᒥᓄᐐᒌᐗᑭᒡ, ᑳᑮᒦᓂᓇᑭᒡ ᑲᔦ ᐅᐅ ᐊᓄᑮᐎᓂᓂ ᒋᓈᒋᐐᑯᐱᓇᑭᑣ ᐯᒫᑎᓯᐙᒡ ᒋᓈᓯᑲᐙᐙᒡ ᑭᔐᒪᓂᑑᓐ᙮

25:19b.2CO.025.019 ᑭᔐᒪᓂᑑ ᓴ ᐃᐃᒫ Xᐃᕽ ᑮᐊᔮ ᐁᑮᓈᒋᐐᑯᐱᑕᒫᓱᒡ ᐯᒫᑎᓯᓂᒡ ᒋᑮᐌᐐᒌᐎᑯᒡ ᐅᐅᒫ ᐊᑮᕽ ᑳᐊᔮᓂᒡ᙮ ᑳᐐᓐ ᐅᑮᐊᑭᑕᒪᐙᓰᐞ ᐃᐃ ᑳᑮᐃᔑᒪᒋᑑᑕᒥᓂᒡ᙮ ᓂᑮᐸᑭᑎᓇᒫᑯᓈᓐ ᓴ ᐃᐃᐌᓂ ᐃᑭᑐᐎᓂᓂ ᑳᐃᔑᑕᔑᑌᓂᒃ ᐁᐐᒥᓄᐐᒌᐙᒡ ᐯᒫᑎᓯᓂᒡ᙮

25:20b.2CO.025.020 ᓃᓇᐎᓐᑦ ᓴ ᑳᑮᑭᑐᑕᒪᐗᑭᒡ ᐊᐊ X, ᑭᔐᒪᓂᑑ ᓴ ᓂᑖᐸᒋᐃᑯᓈᓐ ᐁᑲᓅᓂᓀᒃ, ᒦᑕᔥ ᐁᔑᐸᑯᓭᓂᒥᑰᔦᒃ ᐋᓃᔥ ᓂᑮᑭᑑᑕᒪᐙᓈᓐ X: ᑮᐌᓈᓯᑲᐎᒃ ᑭᔐᒪᓂᑑ᙮

25:21b.2CO.025.021 X ᑕᔥ ᐐᑳ ᑳᑮᑭᑫᑕᓯᒃ ᒪᒋᑑᑕᒧᐎᓂᓂ, ᔖᑰᒡ ᐃᑕᔥ ᒪᒋᑑᑕᒧᐎᓂᕽ ᐅᑮᑎᓄᐎᐃᑰᓐ ᑭᔐᒪᓂᑑᓐ ᑮᓇᐎᓐᑦ ᐅᒋ, ᑮᓇᐎᓐᑦ ᒣᔥᑾᒡ ᑭᔐᒪᓂᑑ ᐅᑾᔭᒀᑎᓯᐎᓂᕽ ᒋᑎᓅᐎᔭᕽ ᐁᐐᒌᐗᕽ X᙮

26

26:1b.2CO.026.001 ᐃᐃᒫ ᓴ ᑳᐃᔑᐐᑕᓄᑮᒪᑭᒡ ᐊᐊ ᑭᔐᒪᓂᑑ, ᒦᑕᔥ ᐁᔑᐸᑯᓭᓂᒥᑰᔦᒃ ᑮᓇᐙ ᐋᔕ ᑳᑮᒦᓂᓀᒃ ᑭᔐᒪᓂᑑ ᐅᑭᔐᐙᑎᓯᐎᓐ, ᑫᑯ ᐊᓂᔖ ᐅᑖᐱᓇᒧᐙᑫᒃ᙮

26:2b.2CO.026.002 ᑭᔐᒪᓂᑑ ᓴ ᐃᑭᑐ: ᐊᐲ ᓴ ᐁᑮᐅᒋᒋᓭᒃ ᒋᐙᐸᑕᐃᓇᑰᒃ ᓂᒥᓄᒋᑫᐎᓐ, ᑭᑮᓅᑕᐎᓂᓂᒻ᙮ ᐊᐲ ᓴ ᐁᑮᐃᔑᑮᔑᑲᒃ ᒋᐱᒫᒋᐃᓇᑰᒃ, ᑭᑮᐐᒋᐃᓂᓂᒻ᙮ ᐃᓇᔥᑫ ᐱᓯᑕᒧᒃ! ᑎᐸᐃᑲᓐ ᐅᔕ ᐋᔕ ᑮᐅᒋᒋᓭ ᒋᑌᐱᓇᒧᐌᒃ ᑭᔐᒪᓂᑑ ᐅᒥᓄᒋᑫᐎᓐ, ᒦ ᓴ ᓅᑯᒻ ᑳᑮᔑᑲᒃ ᐁᔑᑮᔑᑲᒃ ᒋᐱᒫᒋᐃᑰᔦᒃ!

26:3b.2CO.026.003 ᐋᐱᒋ ᑕᔥ ᓂᑕᔮᒀᒥᓯᒥᓐ ᒋᑭᐱᔥᑲᐙᓯᐗᑭᒡ ᐊᐎᔭ, ᐋᓃᔥ ᑳᐐᓐ ᓂᓇᑕᐌᓂᒫᓯᐙᓈᓐ ᐊᐎᔭ ᒋᒥᑲᕽ ᒪᒋᑫᑰᓂᓂ ᐃᐃᒫ ᓂᑕᓄᑮᐎᓂᓈᓂᕽ᙮

26:4b.2CO.026.004 ᒦ ᓴ ᐁᔑᓈᑯᑑᔮᕽ ᑭᔐᒪᓂᑑ ᐁᐊᓄᑮᑕᐗᑭᒡ ᐃᐃᒫ ᑳᐃᔑᔕᔒᐯᑕᒫᕽ ᐃᓂ ᐋᓂᒥᓯᐎᓇᓐ, ᑳᐃᔑᑲᒀᑕᑭᓭᔮᕽ, ᑳᐃᔑᓴᓇᑭᓭᔮᕽ ᑲᔦ᙮

26:5b.2CO.026.005 ᐁᑮᐸᐸᑭᑌᐅᑰᔮᕽ, ᐁᑮᑭᐸᐅᑰᔮᕽ, ᐁᑮᒫᒪᐎᐅᑎᑎᓂᑰᔮᕽ, ᒨᔕᒃ ᑲᔦ ᐁᑳᔑᐳ ᐊᓄᑮᔮᕽ, ᐁᑳ ᐁᓂᐹᓯᐙᕽ ᑲᔦ ᒨᔕᒃ, ᒦᒋᒻ ᑲᔦ ᐁᑳ ᐁᑮᐊᔮᓯᐙᕽ᙮

26:6b.2CO.026.006 ᐯᑳᑎᓯᐎᓂᕽ, ᑭᑫᑕᒫᐎᓂᕽ, ᔕᔒᐯᑕᒧᐎᓂᕽ, ᒥᓄᑑᑖᑎᐎᓂᕽ ᑲᔦ, ᒦ ᓴ ᐃᐃᒫ ᐁᔑᓈᑯᑑᔮᕽ ᑭᔐᒪᓂᑑ ᐅᑕᓄᑮᐋᑲᓇᐞ ᐁᑎᓅᐎᔮᕽ; ᐃᐃᒫ ᑲᔦ ᑭᔐᒪᓂᑑ ᐅᑕᒑᑾᓐ ᐁᐐᑕᓄᑮᒥᔭᒥᓐᒡ, ᑌᐺ ᑲᔦ ᑳᐃᔑᓵᑭᐃᐌᔮᕽ;

26:7b.2CO.026.007 ᐃᐃᒫ ᑲᔦ ᑳᐃᔑᑎᐹᑐᑕᒫᕽ ᑌᐺᐎᓐ, ᑭᔐᒪᓂᑑ ᑲᔦ ᐅᒪᔥᑲᐎᓰᐎᓂᕽ᙮ ᒦ ᓴ ᐃᐃ ᑾᔭᒀᑎᓯᐎᓐ ᑳᐋᐸᒋᑑᔮᕽ ᑮᒦᑳᓱᔮᕽ, ᒦ ᑲᔦ ᐃᐌ ᑳᐋᐸᒋᑑᔮᕽ ᑮᓈᑕᒫᓱᔮᕽ᙮

26:8b.2CO.026.008 ᓂᑯᑎᕽ ᑕᔥ ᓂᑭᑌᓂᒥᑰᒥᓐ, ᓂᑯᑎᕽ ᑲᔦ ᑳᐐᓐ ᓭᓯᒃ ᓂᑑᑖᑰᓰᒥᓐ, ᓂᑯᑎᕽ ᓅᒋᑯ ᓂᑎᑰᒥᓐ, ᓂᑯᑎᕽ ᑲᔦ ᓂᒥᓄᑕᔑᒥᑰᒥᓐ᙮ ᑖᐱᔥᑰ ᓴ ᐁᑲᑮᓇᐎᔥᑭᔮᕽ ᓂᑑᑖᑰᒥᓐ ᐋᓇᐐᓐ ᐁᑕᔑᑕᒫᕽ ᑌᐺᐎᓐ᙮

26:9b.2CO.026.009 ᒦᑕᔥ ᐁᑑᑖᑰᔮᕽ ᑖᐱᔥᑰ ᐁᑭᑫᓂᒥᑰᓯᐙᕽ, ᔖᑰᒡ ᑕᔥ ᑲᑭᓇ ᐊᐎᔭᒃ ᓂᑭᑫᓂᒥᑯᓈᓂᒃ᙮ ᑖᐱᔥᑰ ᑲᔦ ᐁᐃᔑᓈᑯᓯᔮᕽ ᐁᓂᐳᔮᕽ, ᔖᑰᒡ ᑕᔥ ᓂᐱᒫᑎᓯᒥᓐ ᑳᐃᔑᐙᐸᒥᔮᕽ᙮ ᐁᑲᒀᑕᑭᐃᑰᔮᕽ ᑲᔦ, ᑳᐐᓐ ᑕᔥ ᒪᔑ ᓂᓂᓯᑰᓰᒥᓐ᙮

26:10b.2CO.026.010 ᐋᓇ ᑲᔦ ᐁᒪᒉᑕᒫᕽ ᔖᑰᒡ ᑕᔥ ᒨᔕᒃ ᓂᒌᑫᑖᒥᓐ᙮ ᐁᑭᑎᒫᑭᓈᑯᓯᔮᕽ ᑲᔦ, ᔖᑰᒡ ᑕᔥ ᓂᐱᐗᐞ ᐯᒫᑎᓯᐙᒡ ᓂᐌᓅᑎᓯᐋᓈᓂᒃ᙮ ᐁᐃᔑᓈᑯᓯᔮᕽ ᑲᔦ ᑫᑰᓐ ᐁᐊᔮᓯᐙᕽ, ᔖᑰᒡ ᑕᔥ ᑲᑭᓇ ᑫᑰᓐ ᓂᑕᔮᒥᓐ᙮

26:11b.2CO.026.011 ᑮᓇᐙ ᓴ ᐌᑎ ᒀᕒᐃᑎᕽ ᑳᐊᔮᔦᒃ, ᐙᐃᑰᔦᒃ ᓴ ᑭᑮᐃᑰᒻ, ᑭᑮᐹᑭᓇᒫᑰᒻ ᓂᑌᐃᓈᓂᓐ ᐁᓵᑭᐃᑰᔦᒃ᙮

26:12b.2CO.026.012 ᑳᐐᓐ ᑕᔥ ᓃᓇᐎᓐᑦ ᑳᑮᑭᐸᐊᒫᑰᔦᒃ ᓂᑌᐃᓈᓂᓐ, ᑮᓇᐙ ᐅᔕ ᑳᑮᑭᐸᐊᒪᐎᔮᕽ ᑭᑌᐃᐙᓐ᙮

26:13b.2CO.026.013 ᑖᐱᔥᑰ ᑕᔥ ᐁᐅᓃᒑᓂᓯᒥᓇᑰᒃ ᑭᑎᔑᑲᓅᓂᓂᓂᒻ – ᑫᑮᓇᐙ ᑕᔥ ᐙᐸᑕᐃᔑᓈᒻ ᐁᐐᓵᑭᐐᒌᐎᔑᔮᕽ, ᐅᑖᐱᓂᔑᓈᒻ ᑭᑌᐃᐙᕽ᙮

26:14b.2CO.026.014 ᑫᑯ ᐐᓐ ᐯᔑᑾᓐ ᐃᔑᑲᑴᐐᒌᐙᑫᒀᓂᒃ ᐃᑭ ᑳᑌᐺᑕᓯᒀ, ᐋᓃᔥ ᑳᐐᓐ ᑖᐃᔑᓭᓯᓅᓐ᙮ ᑖᐃᔑᓈᑾᓐ ᐃᓇ ᒋᓃᔑᑭᐸᓀᓐ ᐃᐃ ᑾᔭᒀᑎᓯᐎᓐ ᐃᐃ ᑕᔥ ᒪᒋᐱᒫᑎᓯᐎᓐ? ᑕᐐᒌᑏᒪᑲᓅᓐ ᐃᓇ ᐃᐃ ᑳᐙᓭᔮᒃ ᐃᐃ ᑕᔥ ᑳᑲᔥᑮᑎᐱᑲᒃ?

26:15b.2CO.026.015 ᐯᔑᑾᓐ ᐃᓇ X ᐊᐊ ᑕᔥ ᑲᔦ ᒪᒋᐊᔭᐋ ᑖᐃᓀᑕᒨᒃ? ᐯᔑᑾᓐ ᐃᓇ ᐃᔑᒋᑫᐗᒃ ᐊᐊ ᑳᑌᐺᑕᕽ ᐊᐊ ᑲᔦ ᑳᑌᐺᑕᓯᒃ?

26:16b.2CO.026.016 ᑭᔐᒪᓂᑑ ᓇ ᐅᑭᒋᐊᓇᒥᐁᐎᑲᒥᒃ ᐃᔑᒋᑫᒪᑲᓂᓂ, ᑳᐃᔑᒋᑫᓂᒡ ᐃᐃ ᒪᓂᑑᑳᓇᐞ? ᑮᓇᐎᓐᑦ ᓴ ᑳᐱᒫᑎᓯᒡ ᑭᔐᒪᓂᑑ ᐅᑭᒋᐊᓇᒥᐁᐎᑲᒥᒃ! ᑭᔐᒪᓂᑑ ᓴ ᐐᓐ ᐁᑮᐃᑭᑐᒡ: ᓂᑲᐐᒋᑲᐯᔒᒫᒃ ᓴ ᐃᑭ ᑳᑎᐯᓂᒪᒀ ᐯᒫᑎᓯᐙᒡ, ᓂᑲᐐᒋᑖᒫᒃ ᑲᔦ ᒣᑴᔭᐄ, ᓂᑲᐅᒪᓂᑑᒥᑰᒃ ᑕᔥ, ᑫᐐᓇᐙ ᑕᔥ ᓂᑲᑎᐯᓂᒫᒃ᙮

26:17b.2CO.026.017 ᑳᑎᐯᒋᑫᒡ ᓴ ᐁᐃᑭᑐᒡ: ᓇᑲᓂᑾᒃ, ᐸᑳᓐ ᑮᓇᐙ ᐃᔑᐱᒫᑎᓯᒃ, ᑫᑯ ᐐᓐ ᐸᐹᒣᑕᑫᒃ ᑫᑰᓐ ᑳᐐᓀᑖᑾᒃ᙮ ᒦᑕᔥ ᑫᔑᐅᑖᐱᓂᓇᑰᒃ,

26:18b.2CO.026.018 ᑭᑲᐅᑌᑌᒥᒻ ᐃᑕᔥ, ᑮᓇᐙ ᑕᔥ ᑭᑲᐅᑯᓯᓯᒥᓂᓂᒻ, ᑭᑲᐅᑖᓂᓯᒥᓂᓂᒻ ᑲᔦ, ᑮᐃᑭᑐ ᑳᑎᐯᒋᑫᒡ ᑳᒫᒪᐎ ᒪᔥᑲᐎᓰᒡ᙮

27

27:1b.2CO.027.001 ᑳᓵᑭᐃᓇᑰᒃ, ᐅᐅᐌ ᑕᔥ ᐁᑮᐃᔑᐊᔓᑕᒫᑰᔭᕽ, ᑕᑲ ᓴ ᐯᑭᑑᑖᓂᓐ ᑭᐱᒫᑎᓯᐎᓂᓈᓂᓐ᙮ ᑕᑲ ᑳᐐᓐ ᑭᑲᐸᐹᒣᑕᓰᒥᓐ ᑫᑰᓐ ᑫᐐᓂᔥᑳᑯᔭᕽ ᐃᐃᒫ ᑭᐐᔭᐎᓈᓂᕽ, ᑭᑕᒑᑯᓈᓂᕽ ᑲᔦ᙮ ᑕᑲ ᐌᐌᓂ ᐱᒫᑎᓰᑲᑕᐙᑖ ᐁᑭᒋ ᐃᓀᓂᒪᕽ ᑭᔐᒪᓂᑑ᙮

27:2b.2CO.027.002 ᑕᐎᓇᒪᐎᔑᓈᒻ ᐃᓴ ᐃᐃᒫ ᑭᑌᐃᐙᕽ, ᑳᐐᓐ ᐄᑐᒃ ᐊᐎᔭ ᓂᑮᒫᔑᐐᒌᐙᓯᐙᓈᓐ, ᑳᐐᓐ ᑲᔦ ᐊᐎᔭ ᓂᑮᓂᔑᐗᓈᒋᐋᓯᐙᓈᓐ, ᑳᐐᓐ ᑲᔦ ᐊᐎᔭ ᓂᑮᐗᔦᔑᒫᓯᐙᓈᓐ᙮

27:3b.2CO.027.003 ᐃᐃ ᓴ ᐋᔕ ᐅᑖᓈᕽ ᑳᑮᐃᑰᔦᒃ, ᑳᐐᓐ ᑕᔥ ᐐᓐ ᐁᐐᓂᔑᐗᓈᓱᒥᓇᑰᒃ ᑳᑮᐅᒋ ᐃᑭᑐᔮᓐ᙮ ᓂᑌᐃᓈᓂᕽ ᓴ ᑭᓵᑭᐃᑰᒻ, ᐁᐐᐐᒋᓂᐴᒥᑰᔦᒃ, ᐁᐐᐐᒋᐱᒫᑎᓰᒥᑰᔦᒃ ᑲᔦ᙮

27:4b.2CO.027.004 ᐋᐱᒋ ᓴ ᑭᑫᒋᓈᐃᓂᓂᒻ, ᑭᑭᒋ ᐃᓀᓂᒥᓂᓂᒻ ᑲᔦ, ᒦᑕᔥ ᐃᐃᒫ ᑳᐅᒋᒪᔥᑲᐌᑕᒫᕽ᙮ ᑲᑭᓇ ᑳᐃᔑᐅᒑᓂᒥᓭᔮᕽ ᐋᐱᒋ ᓴ ᓂᒨᔥᑭᓀᔥᑳᑯᓐ ᒥᓉᑕᒧᐎᓐ᙮

27:5b.2CO.027.005 ᒥᓴᐙ ᓴ ᐁᑮᑕᑯᔑᓈᕽ ᐌᑎ ᒫᓯᑑᓂᔮᑳᕽ ᑳᐐᓐ ᐌᐌᓂ ᓂᑮᐊᓉᐱᓰᒥᓐ᙮ ᒥᓯᐌ ᓴ ᐋᓇᒥᓯᐎᓐ ᑮᐊᔮ, ᑖᐱᔥᑰ ᐁᑮᒦᑳᓱᔮᕽ ᐁᑮᐃᔑᓈᑯᓯᔮᕽ, ᐁᑮᑯᑖᒋᔮᕽ ᑲᔦ ᓂᑌᐃᓈᓂᕽ᙮

27:6b.2CO.027.006 ᑭᔐᒪᓂᑑ ᑕᔥ ᑳᒪᔥᑲᐎᑌᐁᐋᒡ ᐊᐎᔭᐞ ᑳᐸᑭᑌᑕᒥᓂᒡ, ᓂᑮᐲᒋᓂᔕᐊᒫᑯᓈᓐ ᑕᐃᑕᓴᓐ ᑫᐅᒋᒥᓉᑕᒫᕽ᙮

27:7b.2CO.027.007 ᑳᐐᓐ ᑕᔥ ᐐᓐ ᐁᑕ ᐁᑮᑕᑯᔑᕽ ᑳᑮᐅᒋᒥᓉᑕᒫᕽ, ᐃᐃ ᓴ ᑲᔦ ᐁᑮᑎᐹᒋᒥᓀᒃ ᐋᓃᔥ ᑳᐃᔑᐐᒋᐁᒃ ᒋᒪᔥᑲᐌᑕᕽ᙮ ᓂᑮᐐᑕᒫᑯᓈᓐ ᑲᔦ ᐋᐱᒋ ᐁᑮᐊᑕᐌᑕᒣᒃ ᐁᐐᐙᐸᒥᔦᒃ, ᐁᒫᓀᑕᒣᒃ ᑲᔦ, ᐁᐃᔑᓈᑯᓯᔦᒃ ᐃᓴ ᐁᐐᓈᑕᒪᐎᔦᒃ, ᒦᑕᔥ ᐊᐗᔑᒣ ᑳᑮᐅᒋᒌᑫᑕᒫᓐ᙮

27:8b.2CO.027.008 ᒥᓴᐙ ᑯ ᑮᐅᒋᒫᓀᑕᒣᑭᐸᓐ ᐃᐃ ᐅᔑᐲᐃᑲᓐ ᓃᓐ ᑳᑮᐅᔑᐲᐊᒫᓐ, ᑳᐐᓐ ᓴ ᓂᒫᓀᑕᓰ ᐁᑮᐅᔑᐲᐊᒫᓐ᙮ ᐊᒋᓇ ᓂᑮᒫᓀᑕᒻ ᐁᑮᐙᐸᒥᓇᑰᑭᐸᓐ ᐁᒫᓀᑕᒣᒃ᙮ ᐊᒋᓇ ᑕᔥ ᐁᑕ ᑭᑮᒫᓀᑖᒻ᙮

27:9b.2CO.027.009 ᑳᐐᓐ ᑕᔥ ᐐᓐ ᐁᑮᒫᓀᑕᒣᒃ ᑳᑮᐅᒋᒥᓉᑕᒫᓐ, ᐃᐃᒫ ᓴ ᑭᒫᓀᑕᒧᐎᓂᐙᕽ ᐁᑮᐅᒋᐸᑳᓂᔑᐊᔮᔦᒃ᙮ ᑭᔐᒪᓂᑑ ᑕᔥ ᑭᑮᒦᓂᑯᐙ ᐃᐃ ᒫᓀᑕᒧᐎᓐ᙮ ᑳᐐᓐ ᑕᔥ ᑫᑰᓐ ᑭᑮᐃᔑᒫᔑᑑᑖᑰᓰᒻ᙮

27:10b.2CO.027.010 ᐋᓃᔥ ᐃᐃ ᑭᔐᒪᓂᑑ ᑳᒦᑭᐌᒡ ᑎᓄ ᒫᓀᑕᒧᐎᓐ ᒦ ᓴ ᐃᒫ ᐌᒌᒃ ᑴᑳᑎᓯᐎᓐ, ᒦᑕᔥ ᐃᒫ ᑫᐅᒋᐱᒫᒋᐃᓐᒡ ᐊᐎᔭ᙮ ᒦᑕᔥ ᐊᐎᔭ ᑳᐐᓐ ᑕᐐᔭᑫᑕᓰ ᐱᒫᒋᐃᓐᒡ᙮ ᐊᑮᕽ ᐃᑕᔥ ᑳᐅᒌᒃ ᑎᓄ ᒫᓀᑕᒧᐎᓐ ᒦ ᐃᒫ ᓂᐳᐎᓐ ᐌᒌᒃ᙮

27:11b.2CO.027.011 ᑭᐙᐸᑖᒻ ᐃᓇᔥ ᐋᓃᓐ ᑭᔐᒪᓂᑑ ᑳᐃᓈᐸᒋᑑᒡ ᐃᐃ ᑭᒫᓀᑕᒧᐎᓂᐙ? ᒦᑕᔥ ᑳᐅᒋᐌᐌᓂᐱᒫᑎᓯᔦᒃ᙮ ᒦ ᑲᔦ ᑳᐅᒋ ᑲᑴ ᐯᑭᓈᑯᓯᔦᒃ, ᒦ ᑲᔦ ᑳᑮᐅᒋᓂᔥᑫᑕᒣᒃ ᐅᐅ ᑳᑮᐃᔑᓭᒃ, ᒦ ᑲᔦ ᑭᑮᐅᒋᓇᓃᓵᓀᑖᒻ, ᒦ ᑲᔦ ᑳᑮᐅᒋᒥᓴᐌᑕᒣᒃ ᐁᐐᐙᐸᒥᔦᒃ, ᐋᐱᒋ ᑲᔦ ᑾᔭᒃ ᑭᑮᑲᑴᑮᔑᑑᒻ ᑫᑰᓐ ᑮᓅᒋᑑᔦᒃ ᐁᐐᓇᓇᐃᑑᔦᒃ ᑳᒪᒫᔒᒪᑲᒃ᙮ ᒦᑕᔥ ᐃᐃᒫ ᐁᔑᓈᑯᑑᔦᒃ ᒥᓯᐌ ᑾᔭᒃ ᐁᐱᒫᑎᓯᔦᒃ᙮

27:12b.2CO.027.012 ᑳᐐᓐ ᑕᔥ ᐐᓐ ᐁᑕ ᑳᑮᐅᒋᐅᔑᐲᐊᒪᐎᓇᑰᒃ ᐊᐊ ᑳᑮᒫᔑᑑᑕᕽ, ᐊᐊ ᑲᔦ ᑳᑮᒫᔑᑑᑕᐎᓐᒡ᙮ ᒦ ᐋᓃᔥ ᐅᐅ ᑳᑮᐅᒋ ᐃᔑᒋᑫᔮᕽ, ᑮᓇᐙ ᒋᐙᐸᑎᓱᔦᒃ ᐁᓈᓴᒦᒡ ᑭᔐᒪᓂᑑ ᐋᓃᓐ ᐁᐲᒋᓵᑭᐃᔮᕽ᙮

27:13b.2CO.027.013 ᒦᑕᔥ ᐃᐃ ᑳᑮᐅᒋᒪᔥᑲᐌᑕᒫᕽ᙮ ᑳᐐᓐ ᐐᓐ ᐁᑕ ᓃᓇᐎᓐᑦ ᑳᑮᐅᒋᒥᓉᑕᒫᕽ᙮ ᑕᐃᑕᔅ ᐅᔕ ᐁᑮᒥᓉᑕᕽ ᑳᑮᐅᒋᒌᑫᑕᒫᕽ᙮ ᐋᓃᔥ ᐱᓵᓐ ᑮᐅᒋ ᐃᓀᑕᒻ ᑮᓇᐙ ᑲᑭᓇ ᑳᑮᐃᔑᒋᑫᔦᒃ᙮

27:14b.2CO.027.014 ᐋᐱᒡ ᐅᔕ ᑭᑮᑭᒋ ᒥᓄᑕᔑᒥᓂᓂᒻ ᐊᐲ ᑳᑮᑲᑲᓅᓇᒃ ᑕᐃᑕᔅ᙮ ᑳᐐᓐ ᓂᑮᐅᒋᐊᑲᒋᓰ, ᐋᓃᔥ ᓂᑮᑌᐺ ᑳᑮᐃᔑᑕᔑᒥᓇᑰᒃ᙮ ᒨᔕᒃ ᐅᔕ ᑌᐺᐎᓂᕽ ᑭᑮᐃᔑᑲᓅᓂᑰᒻ᙮ ᐃᐃ ᑕᔥ ᑲᔦ ᑳᑮᐃᔑᑭᒋ ᒥᓄᑕᔑᒥᑰᔦᒃ ᑕᐃᑕᔅ ᐁᑮᓅᑕᕽ, ᐋᔕ ᑮᑭᑫᑖᑾᓐ ᐁᑮᑌᐺᔮᕽ᙮

27:15b.2CO.027.015 ᐋᐱᒋ ᑕᔥ ᐊᐗᔑᒣ ᑭᑕᓂᓵᑭᐃᑯᐙ ᐁᐃᔑᒫᒥᑲᐎᒡ ᐋᐱᒋ ᐁᑮᓇᐃᑕᐌᒃ ᑫᑰᓂᓂ ᐁᑮᐃᔑᑲᓅᓂᓀᒃ, ᐌᐌᓂ ᐁᑮᐲᑎᑲᓀᒃ ᑲᔦ ᑖᐱᔥᑰ ᐁᑮᑯᑖᓀᓂᒣᒃ, ᐁᑮᓇᓂᑭᔥᑳᔦᒃ ᑲᔦ᙮

27:16b.2CO.027.016 ᐋᐱᒋ ᑕᔥ ᓂᒥᓉᑕᒻ ᒥᓯᐌ ᐁᐃᔑᑌᐺᔦᓂᒥᓇᑰᒃ!

28

28:1b.2CO.028.001 ᑮᓇᐙ ᑕᔥ ᓃᑕᓇᒥᐋᓈᓂᒃ, ᑭᓇᑕᐌᓂᒥᑰᒻ ᒋᑭᑫᑕᒣᒃ ᐋᓃᓐ ᑭᔐᒪᓂᑑ ᐅᑭᔐᐙᑎᓯᐎᓐ ᐁᔑᐊᓄᑮᒪᑲᓂᓂᒃ ᐯᐸᑳᓐ ᐅᑌᐺᑕᒨᒃ ᑳᐃᔑᒫᐗᒋᐃᑎᐙᒡ ᐃᐃᒫ ᒫᓯᑑᓂᔭ ᐊᑮᕽ᙮

28:2b.2CO.028.002 ᐋᓇ ᑕᔥ ᐐᓐ ᐁᑮᒫᔑᓭᐙᒡ ᐅᓵᒻ ᐁᑮᐹᑏᓇᑎᑭᓐ ᐋᓇᒥᓯᐎᓇᓐ, ᔖᑰᒡ ᑕᔥ ᑳᐊᐲᒋᒥᓉᑕᒧᐙᒡ, ᐋᐱᒋ ᓴ ᑮᒥᓄᒋᑫᐗᒃ ᐊᐲ ᐁᒦᑭᐌᐙᒡ ᔔᓂᔮᓐ ᐋᓇᐐᓐ ᐁᑮᑭᑎᒫᑭᓯᐙᒡ᙮

28:3b.2CO.028.003 ᑭᐐᑕᒪᐎᓂᓂᒻ ᑕᔥ, ᐁᑮᒦᑭᐌᐙᒡ ᑕᔥ ᒥᓂᒃ ᐃᑯ ᐁᑯᑲᔥᑭᑑᐙᒡ, ᐊᐗᔑᒣ ᑲᔦ ᑮᒦᑭᐌᐗᒃ, ᐐᓇᐙ ᓴ ᑯ ᐁᑮᐃᓀᑕᒧᐙᒡ᙮

28:4b.2CO.028.004 ᒦᑕᔥ ᓂᑮᐸᑯᓭᓂᒥᑯᓈᓂᒃ, ᓂᑮᑲᑴᒋᒥᑯᓈᓂᒃ ᑲᔦ ᐁᐐᐐᒋᐋᐙᒡ ᐃᐃ ᑭᔐᒪᓂᑑ ᐅᐱᒫᑎᓰᒪᐞ ᑳᑭᑎᒫᑭᓯᓂᒡ ᒎᑏᔭ ᐊᑮᕽ ᑳᐊᔮᓂᒡ᙮

28:5b.2CO.028.005 ᐊᐗᔑᒣ ᑕᔥ ᑮ ᐃᔑᒋᑫᐗᒃ ᑳᑮᐃᔑ ᐸᑯᓭᑕᒫᑭᐸᓐ, ᐱᓇᒫ ᓴ ᐅᑮ ᐸᑭᑎᓇᒪᐙᐙᓐ ᐅᐱᒫᑎᓯᐎᓂᐙᓐ ᑳᑎᐯᒋᑫᓂᒡ, ᑲᔦ ᓃᓇᐎᓐᑦ ᓂᑮ ᐸᑭᑎᓇᒫᑯᓈᓂᒃ ᑳᐃᔑ ᐊᑕᐌᑕᒥᓂᒡ ᑭᔐᒪᓂᑑᓐ᙮

28:6b.2CO.028.006 ᒦ ᓴ ᑕᔥ ᒫᓄ ᑳᑮᐅᒋᑲᓅᓇᑭᒡ ᑕᐃᑕᔅ ᒋᐐᒋᐃᓀᒃ ᒋᑮᔑᑑᔦᒃ ᐁᐐᓈᑯᑑᔦᒃ ᑭᓵᑭᐃᐌᐎᓂᐙ, ᐐᓐ ᐋᓃᔥ ᐅᑮᒫᒋᑑᓐ ᐃᐃ ᑭᐸᑭᑎᓂᑫᐎᓂᐙ᙮

28:7b.2CO.028.007 ᐋᐱᒋ ᓴ ᒥᓯᐌ ᐁᐃᔑᐌᓅᑎᓯᔦᒃ, ᐃᐃᒫ ᑭᑌᐺᑕᒧᐎᓂᐙᕽ, ᑭᑮᑭᑐᐎᓂᐙᕽ, ᑭᑭᑫᑕᒫᐎᓂᐙᕽ, ᐃᐃᒫ ᑲᔦ ᐌᐌᓂ ᑳᐃᔑᐐᑑᑳᓱᔦᒃ, ᑳᐃᔑᓵᑭᐃᔮᕽ ᑕᔥ ᑫᓃᓇᐎᓐᑦ; ᒦᑕᔥ ᑲᔦ ᐁᔑᐊᑕᐌᓂᒥᑰᔦᒃ ᐋᐱᒋ ᒋᓈᑾᒃ ᑭᓵᑭᐃᐌᐎᓂᐙ ᐅᐅ ᐙᐃᔑᒥᓄᒋᑫᔦᒃ᙮

28:8b.2CO.028.008 ᑳᐐᓐ ᑕᔥ ᐐᓐ ᑫᑰᓐ ᓂᑑᓇᑑᓰᓐ ᐋᓃᓐ ᑫᐃᔑᒋᑫᔦᑭᐸᓐ! ᑭᑮᐐᑕᒪᐎᓂᓂᒻ ᐋᓃᓐ ᑫᐐᓇᐙ ᐅᑌᐺᑕᒨᒃ ᑳᑮᐃᔑᐐᒋᑣᐙᒡ ᐁᐸᑭᑎᓂᑫᐙᒡ, ᑫᐅᒋᑭᑫᑕᒫᓐ ᐋᓃᓐ ᒪᔮ ᑫᑮᓇᐙ ᐁᐲᒋᓵᑭᐃᐌᔦᒃ᙮

28:9b.2CO.028.009 ᑭᑭᑫᓂᒫᐙ ᐋᓃᓐ ᑳᐊᐲᒋ ᑭᔐᐙᑎᓯᒡ ᑌᐯᒋᑫᒡ ᒋᓴᔅ X, ᐋᓇᐐᓐ ᐁᑮᐌᓅᑎᓯᒡ, ᒦᑕᔥ ᑳᐃᔑᐃᑎᓱᒡ ᒋᑭᑎᒫᑭᓯᒡ ᑮᓇᐙ ᐅᒋ, ᐃᐃᒫ ᓴ ᐅᑭᑎᒫᑭᓯᐎᓂᕽ ᑮᓇᐙ ᒋᐅᒋ ᐌᓅᑎᓯᔦᒃ᙮

28:10b.2CO.028.010 ᒦᑕᔥ ᓃᓐ ᐁᓀᑕᒫᓐ: ᐋᐱᒋ ᑖᐅᓂᔑᔑᓐ ᒋᑮᔑᑑᔦᑭᐸᓐ ᐃᐃ ᑳᑮᒫᒋᑑᔦᒃ ᐱᐴᓄᕽ᙮ ᑮᓇᐙ ᐋᓃᔥ ᓂᑕᒻ ᑭᑮᒫᒌᐸᑭᑎᓂᑫᒻ, ᐁᑮᒥᓉᑕᒣᒃ ᑲᔦ ᐁᐐᐃᔑᒋᑫᔦᒃ᙮

28:11b.2CO.028.011 ᑮᔑᑑᒃ ᑕᔥ ᐃᐃ ᐊᓄᑮᐎᓐ᙮ ᑖᐱᔥᑰ ᓴ ᑳᑮᐃᔑᒨᒋᑫᑕᒣᒃ ᑮᒫᒋᑑᔦᒃ, ᒦ ᓴ ᐯᔑᑾᓐ ᐃᔑᑮᔑᑑᒃ ᒋᐋᐸᒋᑑᔦᒃ ᐃᓂ ᓅᑯᒻ ᑳ ᐊᔮᔦᒃ᙮

28:12b.2CO.028.012 ᑮᔥᐱᓐ ᓴ ᒌᑫᑕᒣᒃ ᐁᒦᑭᐌᔦᒃ, ᑭᔐᒪᓂᑑ ᓴ ᐅᑲᐅᑖᐱᓈᓇᓐ ᑭᒦᑭᐌᐎᓂᐙᓐ ᐋᓃᔥ ᐃᐃᒫ ᑫᑰᓇᓐ ᑳᐊᔮᔦᒃ ᑭᑑᒋᒦᑭᐌᒻ, ᐋᓃᔥ ᑳᐐᓐ ᒣᒬᒡ ᑫᑰᓐ ᑭᑖᒦᑭᐌᓰᒻ ᑮᔥᐱᓐ ᑫᑰᓐ ᐁᔮᓯᐌᒃ᙮

28:13b.2CO.028.013 ᑳᐐᓐ ᑕᔥ ᐐᓐ ᐃᑭ ᑳᐐᒋᐁᒀ ᒋᒥᒋᐊᔭᔮᐙᒡ, ᑮᓇᐙ ᐁᑭᒋᐊᓄᑮᔦᒃ ᐁᒦᓀᒀ ᑫᑰᓐ᙮ ᐯᔑᑾᓐ ᐄᑐᒃ ᑖᐃᔑᐐᒋᐃᑎᒻ᙮

28:14b.2CO.028.014 ᐋᓃᔥ ᒣᒀ ᓅᑯᒻ ᑮᓇᐙ ᐐᑫ ᑭᒥᓄᓭᒻ, ᐁᐌᓅᑎᓯᔦᒃ ᑲᔦ, ᒦᑕᔥ ᐁᔑᓈᑾᒃ ᒋᐐᒋᐁᒀ ᐃᑭ ᑳᓅᑌᓭᐙᒡ᙮ ᓂᑯᑎᕽ ᒫᐐᓐ ᑕᐃᔑᓭ ᑮᓇᐙ ᒋᓅᑌᓭᔦᒃ, ᐐᓇᐙ ᑕᔥ ᒋᐌᓅᑎᓯᐙᒡ᙮ ᒦᓴ ᑕᔥ ᐐᓂᑕᒪᐙ ᑭᑲᐐᒋᐃᑯᐙᒃ᙮ ᒦᓴ ᑕᔥ ᐯᐯᔑᑾᓐ ᑫᔑᐐᑑᑯᑖᑎᔦᒃ᙮

28:15b.2CO.028.015 ᑭᒋᒪᓯᓇᐃᑲᓐ ᓴ ᐁᐃᔑᐲᐃᑳᑌᒃ: ᐊᐎᔭ ᓃᐱᐗᐞ ᑳᑮᒨᔕᑭᓂᑫᒡ ᑳᐐᓐ ᓃᐱᐗᐞ ᐊᐗᔑᒣ ᑫᑰᓂᓂ ᐅᑮᐊᔮᓰᓐ᙮ ᐊᐊ ᑕᔥ ᐐᓐ ᐸᑮ ᑳᑮᒨᔕᑭᓂᑫᒡ ᑳᐐᓐ ᑮᒪᓀᓯᓰ ᑫᑰᓂᓂ᙮

28:16b.2CO.028.016 ᒦᑴᒡ ᓴ ᓂᑎᓈᓈᓐ ᑭᔐᒪᓂᑑ ᐁᑮᒦᓈᒡ ᑕᐃᑕᓴᓐ ᑫᐐᓐ ᐯᔑᑾᓐ ᒋ ᐃᔑᒨᒋᑫᑕᒥᓂᒡ ᒋᐐᒋᐃᒥᓀᒃ ᑖᐱᔥᑰ ᓃᓇᐎᓐᑦ ᑳᐐᐃᔑᐐᒋᐃᑰᔦᒃ᙮

28:17b.2CO.028.017 ᔐᒫᒃ ᑕᔥ ᑲᔦ ᑮᐃᓀᑕᒻ ᐁᐐᐃᔑᒋᑫᒡ ᑳᑮᐃᓇᑭᒡ, ᐐᓐ ᓴ ᑯ ᐁᑮᐃᓀᑕᕽ ᐁᐐᐐᒋᑣᒡ, ᐋᐱᒡ ᑲᔦ ᐁᑮᐃᓀᑕᕽ ᐁᐐᐊᑕᐙᐸᒥᓀᒃ᙮

28:18b.2CO.028.018 ᐅᑎᓯᓀᒃ ᐃᑕᔥ ᐅᑲᐸᑲᒥᐐᒌᐙᓐ ᐃᓂ ᑳᑭᑌᓂᒥᒥᓐᒡ ᑮᑕᓇᒥᐋᓈᓂᓐ᙮ ᓃᓇᐎᓐᑦ ᓴ ᓂᑮᐃᔑᓂᔕᐙᓈᓐ ᐊᐊ ᑮᑕᓇᒥᐋᓈᓐ, ᐋᓃᔥ ᐋᐱᒋ ᑭᑌᓂᒫ ᐃᐃᒫ ᐯᐸᑳᓐ ᑳᐃᔑᒫᐗᒋᐃᑎᐙᒡ ᐅᑌᐺᑕᒨᒃ ᐅᑕᓄᑮᐎᓂᕽ ᐅᒋ ᑲᔦ ᐁᑲᑮᒀᑕᕽ ᒥᓍᒋᒧᐎᓂᓂ᙮

28:19b.2CO.028.019 ᑲᔦ ᑕᔥ ᐃᐃᒫ ᐅᑌᐺᑕᒨᒃ ᑳᐃᔑᒫᒫᐗᒋᐃᑎᐙᒡ ᑮᐅᑖᐱᓂᑲᓂᐎ ᐁᑮᐃᓇᑭᒥᓐᒡ ᑲᔦ ᒋᐐᒌᐎᓇᑭᒡ ᐁᐱᒥᐎᑑᔮᕽ ᓵᑭᐃᐌᐎᓂᕽ ᑳᐅᒌᒪᑲᑭᓐ ᐸᑭᑎᓂᑫᐎᓇᓐ, ᑳᓈᑲᒋᑑᔮᕽ ᑳᑎᐯᒋᑫᒡ ᓴ ᒋᐅᒋᑭᒋ ᐃᓀᑖᑯᓯᒡ, ᐁᓈᑯᑑᔮᕽ ᐃᑕᔥ ᑲᔦ ᐁᐊᑕᐌᑕᒫᕽ ᐁᐐᐐᑑᑳᓱᔮᕽ᙮

28:20b.2CO.028.020 ᐋᐱᒋ ᑕᔥ ᓂᑕᔮᒀᒥᒋᑫᒥᓐ ᐅᐅ ᑳᐅᒋ ᐃᔑᒋᑫᔮᕽ᙮ ᑳᐐᓐ ᐋᓃᔥ ᓂᓇᑕᐌᓂᒫᓯᐙᓈᓐ ᐊᐎᔭ ᒋᐃᓀᑕᕽ ᑾᔭᒃ ᐁᓈᓈᑲᒋᑑᓯᐙᕽ ᐅᐅ ᑳᐌᓅᑕᒃ ᐸᑭᑎᓂᑫᐎᓐ᙮

28:21b.2CO.028.021 ᒦᑕᔥ ᒫᐗᒡ ᐁᔑᒥᓴᐌᑕᒫᕽ ᑾᔭᒃ ᐁᐐᐃᔑᒋᑫᔮᕽ᙮ ᑳᐐᓐ ᐐᓐ ᐁᑕ ᑳᑎᐯᒋᑫᒡ ᒋᒥᓍᐸᑕᕽ, ᐃᓂᓂᐗᒃ ᓴ ᑲᔦ ᒋᒥᓍᐸᑕᒧᐙᒡ᙮

28:22b.2CO.028.022 ᒦᓇᐙ ᑕᔥ ᑯᑕᒃ ᐯᔑᒃ ᓃᑕᓇᒥᐋᓈᓐ ᓂᓐ ᑕᑯ ᐃᔑᓂᔕᐙᓈᓐ ᒋᐱᐐᒌᐎᑯᒡ ᐃᐃ ᑳᐊᑕᐙᐸᒥᒥᓀᒃ᙮ ᓂᑮᐊᑕᑭᑫᓂᒫᓈᓐ ᓴ ᒨᔕᒃ, ᓂᑭᑫᓂᒫᓈᓐ ᑲᔦ ᐋᐱᒋ ᐁᐐᐐᑑᑳᓱᒡ᙮ ᐋᔕ ᑕᔥ ᑭᑫᒋᓈᐃᑯᐙ, ᒦᑕᔥ ᐊᐗᔑᒣ ᑳᐅᒋᒨᒋᑫᑕᕽ ᐁᐐᐐᑑᑳᓱᒡ᙮

28:23b.2CO.028.023 ᑕᐃᑕᔅ ᑕᔥ ᐐᓐ, ᒦ ᓴ ᐊᐊ ᓂᐐᒌᐙᑲᓐ, ᐁᐐᑕᓄᑮᒥᒡ ᐅᐅ ᑳᐐᒋᐃᑰᔦᒃ᙮ ᐃᑭ ᑕᔥ ᑯᑕᒃ ᓃᔑᓐ ᑮᑕᓇᒥᐋᓈᓂᒃ ᑳᐐᐱᐐᒌᐙᐙᒡ ᑕᐃᑕᓴᓐ ᐅᑎᔒᓂᔕᐅᑯᐙᐞ ᐅᑌᐺᑕᒨᐞ ᐯᐸᑳᓐ ᑳᐃᔑᒫᐗᒋᐃᑎᓂᒡ᙮ ᑲᔦ ᐅᐱᒫᑎᓯᐎᓂᐙᕽ X ᐅᒋᑭᒋ ᐃᓀᓂᒫ᙮

28:24b.2CO.028.024 ᐙᐸᑕᐃᑯᒃ ᑕᔥ ᐁᓵᑭᐁᒀ᙮ ᑫᒋᓈᒡ ᓴ ᒥᓯᐌ ᑳᐊᔮᐙᒡ ᐅᑌᐺᑕᒨᒃ ᒋᑭᑫᑕᒧᐙᒡ ᐁᑌᐺᔮᕽ ᐃᓴ ᑳᐃᔑᒥᓄᑕᔑᒥᑰᔦᒃ ᒨᔕᒃ᙮

29

29:1b.2CO.029.001 ᑳᐐᓐ ᑕᔥ ᐐᓐ ᒣᒬᒡ ᒋᐅᔑᐲᐊᒪᐎᓇᑰᒃ ᒋᐐᑕᒫᑰᔦᒃ, ᐃᑭ ᓴ ᑳᐃᔑᐐᒋᐃᑣ ᑭᔐᒪᓂᑑᓐ ᑳᑎᐯᓂᒥᑯᐙᒡ ᒎᑏᔭ ᐊᑮᕽ ᑳ ᐊᔮᐙᒡ᙮

29:2b.2CO.029.002 ᐋᓃᔥ ᓂᑭᑫᑖᓐ ᐁᐐᐐᑑᑳᓱᔦᒃ᙮ ᓂᑮᐐᑕᒪᐙᒃ ᑲᔦ ᐌᑎ ᒫᓯᑑᓂᔮᐗᑮᕽ ᑳᐊᔮᐙᒡ ᐊᐎᔭᒃ ᐋᓃᔥ ᒨᔕᒃ ᑭᐐᐐᑑᑳᓱᒻ᙮ ᐅᐅ ᑕᔥ ᐁᑮᐃᑭᑐᔮᓐ: ᑮᑕᓇᒥᐋᓈᓂᒃ ᓴ ᐊᑫᔮᐗᑮᕽ ᑳᐊᔮᐙᒡ ᐱᐴᓄᕽ ᐃᓴ ᐋᔕ ᑮᑮᔑᑖᐗᒃ ᐁᐐᐐᑑᑳᓱᐙᒡ᙮ ᐃᐃᐌᓂ ᑕᔥ ᐁᑮᐙᐸᑕᒧᐙᒡ ᐋᐱᒋ ᐁᐐᐐᑑᑳᓱᔦᒃ, ᒦᑕᔥ ᑫᐐᓇᐙ ᐯᔑᑾᓐ ᐁᓀᑕᒧᐙᒡ ᐁᐐᐃᔑᒋᑫᐙᒡ᙮

29:3b.2CO.029.003 ᒦ ᓴ ᑕᔥ ᑳᐅᒋ ᓃᑳᓂᓂᔕᐗᒀ ᐅᑯ ᑮᑕᓇᒥᐋᓈᓂᒃ, ᒋᑮᐗᓂᒧᓯᐗᒃ ᐃᐃ ᒨᔕᒃ ᑳᐃᔑᒥᓄᑕᔑᒥᑰᔦᒃ᙮ ᒦᓴ ᑕᔥ ᑫᔮᐱ ᐁᑭᑐᔮᓐ, ᑭᑲᑮᔑᑖᒻ ᐄᑐᒃ ᐋᔕ ᐁᐐᒦᑭᐌᔦᒃ᙮

29:4b.2CO.029.004 ᑮᔥᐱᓐ ᑕᔥ ᐸᑲᒥᐐᒌᐗᒀ ᒫᓴᑑᓂᔮᕽ ᑳᐅᒌᐙᒡ, ᒥᑳᑰᔦᒃ ᑕᔥ ᐁᑮᑮᔒᑖᓯᐌᒃ, ᐋᐱᒋ ᓂᑖᑭᒋᐊᑲᒋᒥᓐ᙮ ᑫᑮᓇᐙ ᑕᔥ ᑭᑖᐊᑲᒋᒻ, ᐋᓃᔥ ᐐᑫ ᑭᑭᒋ ᐃᓀᓂᒥᓂᓂᒻ!

29:5b.2CO.029.005 ᒦᑕᔥ ᑳᐅᒋᓃᑳᓂᓂᔕᐗᒀ ᐅᑯ ᑮᑕᓇᒥᐋᓈᓂᒃ ᒋᐅᑎᓯᓀᒀ ᒋᑆ ᑕᑯᔑᓈᓐ᙮ ᒦᑕᔥ ᒋᑮᔑᐅᔒᑖᓄᑕᒣᒃ ᐃᐃ ᑳᑮᐊᔓᑕᒫᑫᔦᒃ ᐁᐐᒦᑭᐌᔦᒃ᙮ ᐊᐲ ᐌᑎ ᐱᑕᑯᔑᓈᓐ ᐋᔕ ᑭᑲᑮᔑᑖᒻ᙮ ᒦᑕᔥ ᐃᐃᒫ ᑫᔑᓈᑾᒃ ᐁᓵᑭᑑᔦᒃ ᐁᒦᑭᐌᔦᒃ, ᑳᐐᓐ ᐐᓐ ᐁᒦᑭᐌᔦᒃ ᐋᓃᔥ ᐁᐃᔑᓈᑾᒃ ᒋᒦᑭᐌᔦᒃ᙮

29:6b.2CO.029.006 ᐅᐅ ᑕᔥ ᑭᑎᓂᓂᓂᒻ, ᐊᐎᔭ ᓴ ᐸᑮ ᑳᑭᑎᑳᑕᕽ ᑭᑎᑳᓀᓴᓐ, ᐋᐱᒋ ᐸᑮ ᐅᑲᒨᓇᐋᓇᓐ ᑭᑎᑳᓇᓐ᙮ ᐊᐊ ᑕᔥ ᓃᐱᐗᐞ ᑳᑭᑎᑳᑕᕽ ᑭᑎᑳᓀᓴᓐ ᐋᐱᒋ ᓃᐱᐗᐞ ᐅᑲᒨᓇᐋᓇᓐ ᑭᑎᑳᓇᓐ᙮

29:7b.2CO.029.007 ᐊᐎᔭ ᓴ ᒋᔑᒦᑭᐌᐸᓐ ᒥᓂᒃ ᐃᑯ ᐐᓐ ᐁᓀᑕᕽ, ᑳᐐᓐ ᐐᓐ ᒋᓂᔥᑫᑕᕽ, ᑳᐐᓐ ᐐᓐ ᑲᔦ ᒋᐃᓀᑕᕽ ᒦ ᓴ ᒦᓇᐙ ᒋᒦᑭᐌᔮᓐ᙮ ᑭᔐᒪᓂᑑ ᓴ ᐅᔕᐌᓂᒫᓐ ᐃᓂ ᑳᒥᓉᑕᒥᓂᒡ ᑮᒦᑭᐌᓂᒡ᙮

29:8b.2CO.029.008 ᑭᔐᒪᓂᑑ ᓴ ᐅᑲᔥᑭᑑᓐ ᒋᒦᓂᓀᒃ ᐊᐗᔑᒣ ᐊᐲᒡ ᐐᓐ ᑳᐃᔑᓅᑌᓭᔦᒃ, ᒨᔕᒃ ᓴ ᐌᐌᓂ ᒋᑌᐱᓭᔦᒃ ᑳᐃᔑᓅᑌᓭᔦᒃ, ᒋᑌᐱᓭᔦᒃ ᑲᔦ ᑯᑕᒃ ᐊᐎᔭᒃ ᒋᒦᓀᒀ᙮

29:9b.2CO.029.009 ᑭᒋᒪᓯᓇᐃᑲᓐ ᓴ ᐁᐃᔑᐲᐃᑳᑌᒃ: ᐊᐊ ᓴ ᑾᔭᒃ ᐃᓂᓂ ᑳᒪᓈᒋᒋᑫᓯᒃ ᐁᒦᓈᒡ ᑳᑭᑎᒫᑭᓯᓂᒡ᙮ ᐃᐃ ᓴ ᐅᑾᔭᑯᒋᑫᐎᓐ ᑳᐐᓐ ᐐᑳ ᑕᐴᓂᓭᓯᓂᓂ᙮

29:10b.2CO.029.010 ᑭᔐᒪᓂᑑ ᓴ ᑳᒦᓈᒡ ᑭᑎᑫᐎᓂᓂᐗᓐ ᑭᑎᑳᓀᓯᓂ, ᐸᑴᔑᑲᓇᓐ ᑲᔦ ᒋᐐᓯᓂᓂᒡ, ᒦ ᓴ ᑫᔑᒦᓂᓀᒃ ᐃᐃ ᑭᑎᑳᓀᓯᓂ ᒥᓂᒃ ᑫᓅᑌᓭᔦᒃ᙮ ᒦᑕᔥ ᐃᐃᒫ ᑳᔑᒥᓄᒋᑫᔦᒃ ᑭᒦᑭᐌᐎᓂᐙᕽ, ᒦ ᓴ ᐃᐃᒫ ᑫᐅᒋᒫᒌᑭᑭᓐ, ᐋᐱᒋ ᑕᔥ ᒋᐌᓅᑎᓯᔦᒃ ᐊᐲ ᒨᓇᐃᑫᔦᒃ᙮

29:11b.2CO.029.011 ᑭᔐᒪᓂᑑ ᓴ ᑭᑲᒦᓂᑯᐙ ᒨᔕᒃ ᐊᐗᔑᒣ ᑫᔮᐱ ᓇᐗᒡ ᒋᒦᑭᐌᔦᒃ᙮ ᐃᓇᔥᑫ ᑕᔥ ᐊᐲ ᓴ ᒦᓇᑭᑣ ᐊᐎᔭᒃ ᐃᐃ ᑭᒦᑭᐌᐎᓂᐙᓐ, ᐅᑲᑭᒋᒦᑴᒋᐌᓂᒫᐙᓐ ᑭᔐᒪᓂᑑᓐ᙮

29:12b.2CO.029.012 ᐃᐃ ᑕᔥ ᑳᐃᔑᒋᑫᔦᒃ ᐃᐃᒫ ᑭᑕᓄᑮᐎᓂᐙᕽ ᐁᒦᑭᐌᔦᒃ, ᒦ ᓴ ᐃᒫ ᐌᒋᑭᒋᒪᒥᒋᒥᓐᒡ ᑭᔐᒪᓂᑑ᙮

29:13b.2CO.029.013 ᐃᑭ ᓴ ᑳᐐᒋᐁᒀ ᐋᐱᒋ ᑕᒥᓉᑕᒨᒃ᙮ ᑳᐐᓐ ᐁᑕ ᐃᐃ ᑳᔑᒥᓄᒋᑫᔦᒃ ᑮᒦᓀᒀ ᑭᒦᑭᐌᐎᓂᐙᓐ, ᐅᑲᒦᑴᒋᐌᓂᒫᐙᓐ ᓴ ᑭᔐᒪᓂᑑᓐ ᐁᓈᑯᑑᔦᒃ ᐁᐃᔑᒋᑫᔦᒃ ᐃᐃ ᑳᐃᔑᑌᐺᑕᒣᒃ᙮

29:14b.2CO.029.014 ᐋᐱᒋ ᓴ ᐌᐌᓂ ᑭᑲ ᐊᓇᒥᐁᑕᒫᑯᐙᒃ ᐋᓃᔥ ᐐᑫ ᑭᔐᒪᓂᑑ ᐅᑭᔐᐙᑎᓯᐎᓐ ᐊᓄᑮᒪᑲᓂᓂ ᑭᐱᒫᑎᓯᐎᓂᐙᕽ᙮

29:15b.2CO.029.015 ᑕᑲ ᓴ ᒦᑴᒡ ᐃᓈᑖ ᑭᔐᒪᓂᑑ ᑳᒥᒋᒦᓂᓇᕽ ᑭᒋᑫᑰᓂᓂ!

210

210:1b.2CO.210.001 ᓃᓐ ᐃᓴ ᐱᑯ ᑆᓬ ᐁᐃᔑᔦᒃ ᑕᔥ ᐁᑯᑖᒋᔮᓐ ᐊᐲ ᐌᑎ ᑮᐊᔮᔮᓐ ᐌᑎ ᑳᐃᔑᐊᔮᔦᒃ, ᐋᐱᒋ ᑕᔥ ᐁᐋᒀᑎᓰᑲᑕᐎᓇᑰᒃ ᐙᓴ ᑮᐊᔮᔮᓐ᙮ ᑭᑎᔑᑲᑴᒋᒥᓂᓂᒻ ᑕᔥ ᐃᐃᒫ X ᐁᓅᑳᑎᓯᒡ ᐁᒥᓍᑎᓯᒡ ᑲᔦ᙮

210:2b.2CO.210.002 ᑫᑯ ᑫᑰᓐ ᒋᐃᔑᒋᑫᓯᐌᒃ ᑫᐅᒋ ᐋᒀᑎᓰᑲᑕᐎᓇᑰᒃ ᐊᐲ ᐅᑎᓯᓇᑰᒃ᙮ ᓂᑭᑫᑖᓐ ᑲᔦ ᒋᑲᔥᑭᑑᔮᐹᓐ ᒋᓇᓇᐊᓴᒀ ᐊᑮᕽ ᐅᔕ ᐅᑑᑎᓈᓈᐙ ᑳᐃᔑᒋᑫᐙᒡ ᑳᐃᔑᔭᒥᑣ᙮

210:3b.2CO.210.003 ᑌᐺ ᓴ ᑭᐐᔭᐎᓈᓂᕽ ᑭᑎᔑᐱᒫᑎᓯᒥᓐ᙮ ᑳᐐᓐ ᑕᔥ ᐐᓐ ᐊᑮᐎ ᒦᑳᓱᐎᓐ ᑭᑖᐸᒋᑑᓰᒥᓐ᙮

210:4b.2CO.210.004 ᑳᐐᓐ ᑕᔥ ᐐᓐ ᐊᑮᐎ ᐋᐸᒋᑖᑲᓇᓐ ᓂᑖᐸᒋᑑᓰᒥᓐ ᐃᐃ ᐁᒦᑳᓱᔮᕽ᙮ ᑭᔐᒪᓂᑑ ᓴ ᑳᒪᔥᑲᐎᓰᒪᑲᓂᓂᑭᓐ ᐅᒦᑳᓱᐎ ᐋᐸᒋᑖᑲᓇᓐ ᓂᑖᐸᒋᑖᐙᒥᓐ, ᒋᓂᔑᐗᓈᒋᑖᐗᑭᒡ ᑳᒪᔥᑲᐌᑖᑾᓂᓂᑭᓐ ᐅᐙᑳᐃᑲᓇᓐ ᑳᒦᑳᓂᓇᕽ᙮

210:5b.2CO.210.005 ᓂᑲᓂᔑᐗᓈᒋᑑᒥᓐ ᑲᔦ ᐃᓂ ᒪᒋᑮᑳᑎᐎᓇᓐ᙮ ᐃᓂ ᓴ ᑲᔦ ᓂᑲᐲᑯᓈᒥᓐ ᑳᑭᒋ ᐃᓀᓂᑎᓲᒪᑲᑭᓐ ᑫᑰᓇᓐ ᑳᒦᑖᑴᔥᑳᑫᒪᑲᑭᓐ ᒋᑭᑫᓂᒫᓯᐎᓐᒡ ᑭᔐᒪᓂᑑ, ᑲᑭᓇ ᑲᔦ ᐃᓀᑕᒧᐎᓇᓐ ᓂᑭᒋᐎᓈᒥᓐ X ᒋᓇᐃᑖᑯᒡ᙮

210:6b.2CO.210.006 ᐊᐲ ᑕᔥ ᑮᑫᒋᓈᐃᑰᔦᒃ ᐋᔕ ᐁᑮᓇᐃᑕᒣᒃ, ᐋᔕ ᐅᔕ ᓂᑮᑮᔑᑖᒥᓐ ᐁᐐᓂᔑᐗᓈᒋᑑᔮᕽ ᑲᑭᓇ ᔕᔒᐱᑕᒧᐎᓐ᙮

210:7b.2CO.210.007 ᑮᓇᐙ ᑕᔥ ᐐᓐ ᐊᑾᒌᕽ ᐁᑕ ᑭᑎᔑᑲᓇᐙᐸᑖᒻ᙮ ᐊᐎᔭ ᓇ ᐌᑎ ᐊᔮ ᐁᐃᓀᓂᑎᓱᒡ Xᐃᕽ ᐁᐃᔑᑎᐯᑖᑯᓯᒡ? ᑕᑲ ᒦᓇᐙ ᑕᓈᓈᑲᑕᐌᓂᑎᓱ ᐋᓃᔥ ᒦ ᐯᔑᑾᓐ ᑫᓃᓇᐎᓐᑦ Xᐃᕽ ᓂᑎᔑᑎᐯᑖᑯᓯᒥᓐ ᑖᐱᔥᑰ ᑫᐐᓐ ᑳᐃᔑᑎᐯᑖᑯᓯᒡ᙮

210:8b.2CO.210.008 ᑳᐐᓐ ᑕᔥ ᓂᔖᑴᓂᒧᓰ ᓃᐱᐗᐞ ᑕᔑᑕᒪᐎᓇᑰᒃ ᑳᑎᐯᒋᑫᒡ ᑳᑮᒦᓂᓇᑭᒡ ᑲᔥᑭᐁᐎᓯᐎᓐ᙮ ᑮᓇᐙ ᓴ ᒋᐅᐱᑭᔦᒃ ᑳᑮᐅᒋᒦᓂᑰᔮᕽ, ᑳᐐᓐ ᐐᓐ ᐁᐐᓂᔑᐗᓈᒋᐃᑰᔦᒃ᙮

210:9b.2CO.210.009 ᑳᐐᓐ ᑕᔥ ᐐᓐ ᓂᓇᑕᐌᑕᓰᓐ ᒋᐃᔑᓇᑯᓯᔮᓐ ᑖᐱᔥᑰ ᐁᑲᑴᓭᑭᐃᓇᑰᒃ ᓂᑑᔑᐲᐃᑲᓇᓐ ᐁᐋᐸᒋᑑᔮᓐ᙮

210:10b.2CO.210.010 ᐁᐃᑭᑐᐙᒡ ᓴ ᑲᔦ: ᐋᐱᒋ ᓴ ᓃᐱᐗᐞ ᐃᔑᐲᐃᑫ ᐃᐃᒫ ᐅᑑᔑᐲᐃᑲᓂᕽ, ᐋᐱᒋ ᑲᔦ ᒪᔥᑲᐎᑮᔗᒪᑲᓂᓂᐗᓐ᙮ ᑮᔥᐱᓐ ᑕᔥ ᐐᔭᐎᕽ ᑮᐙᐸᒪᑭᒡ ᐅᐅᒫ ᑮᐊᔮᒡ, ᐋᐱᒋ ᓴ ᒪᒉᑖᑯᓯ, ᐃᐃ ᑲᔦ ᑳᐃᑭᑐᒡ ᑳᐐᓐ ᑫᑰᓐ ᐊᐲᑌᑖᑾᓯᓂᓂ, ᓂᑎᑰᒃ᙮

210:11b.2CO.210.011 ᑕᑲ ᑫᑯ ᐅᐅ ᐊᐎᔭ ᑕᐃᓀᑕᓰ! ᐋᓃᔥ ᑳᐃᔑᒪᔥᑲᐎᐲᐃᑫᔮᕽ ᐃᐃᒫ ᓂᑑᔑᐲᐃᑲᓂᓈᓂᕽ, ᒦ ᓴ ᐯᔑᑾᓐ ᑫᔑᒪᔥᑲᐎᑮᔗᔮᕽ ᐊᐲ ᐙᐸᒥᑰᔦᒃ᙮

210:12b.2CO.210.012 ᑳᐐᓐ ᑕᔥ ᐐᓐ ᓂᑖᐃᔑᒋᑫᓰᒥᓐ ᒋᐃᓀᓂᑎᓱᔮᕽ ᑖᐱᔥᑰ ᓴ ᐃᑭ ᑳᐃᔑ ᐃᔥᐯᓂᑎᓱᐙᒡ, ᐋᐱᒋ ᑲᔦ ᐁᑲᑮᐹᑎᓯᐙᒡ᙮ ᐐᓇᐙ ᓴ ᑲᔦ ᐁᐅᔑᑑᐙᒡ ᐋᓃᓐ ᐙᐃᔑᑎᐹᐸᑎᓱᐙᒡ᙮ ᒦᑕᔥ ᐃᐃᒫ ᑲᔦ ᐁᔑᑎᐹᐸᑎᓱᐙᒡ᙮

210:13b.2CO.210.013 ᓃᓇᐎᓐᑦ ᐃᑕᔥ ᐐᓐ ᑳᐐᓐ ᐊᐗᔑᒣ ᓂᑲᑕᔑᑎᓱᓰᒥᓐ, ᐋᓃᔥ ᑭᔐᒪᓂᑑ ᑳᑮᐃᔑᐅᓇᑕᒪᐎᔭᒥᓐᒡ ᐁᑕ ᓂᑲᐃᑭᑐᒥᓐ᙮ ᒦᑕᔥ ᑲᔦ ᐯᔑᑾᓐ ᐁᔑᒋᑫᔮᕽ ᐃᐃᒫ ᑳᐃᔑᐊᓄᑮᔮᕽ ᐌᑎ ᑳᐃᔑᐊᔮᔦᒃ᙮

210:14b.2CO.210.014 ᑮᓇᐙ ᑕᔥ ᐃᐃᒫ ᐁᐊᔮᔦᒃ ᑭᔐᒪᓂᑑ ᑳᑮᐃᔑᐅᓇᑕᒪᐎᓇᑭᒡ, ᑳᐐᓐ ᓴ ᐊᐗᔑᒣ ᓂᑮᐃᔑᒋᑫᓰᒥᓐ ᐊᐲ ᑳᑮᐅᑎᓯᑰᔦᒃ, ᐁᑮᐐᑕᒫᑰᔦᒃ ᐃᐃ ᒥᓍᒋᒧᐎᓐ X ᑳᐃᔑᑕᔑᓱᒡ᙮

210:15b.2CO.210.015 ᑳᐐᓐ ᑲᔦ ᓂᐐᑕᔑᑕᒧᐙᓰᒥᓐ ᐅᑕᓄᑮᐎᓂᐙᓐ ᐃᑭᐌᓂᐗᒃ ᑯᑕᒃ ᑳᑲᑮᑴᐙᒡ, ᑭᔐᒪᓂᑑ ᑳᑮᐃᔑ ᐅᓇᑕᒪᐎᓇᑭᒡ ᐁᑕ ᓂᑕᔑᑕᒧᐙᒥᓐ᙮ ᐊᐗᔑᒣ ᓴ ᓂᐸᑯᓭᑖᒥᓐ ᒋᒫᒌᑭᑭᓐ ᑭᑌᐺᑕᒧᐎᓂᐙᓐ, ᐊᐗᔑᒣ ᒋᐊᓄᑮᔮᕽ ᐃᐃᒫ ᑳᐃᔑᐊᔮᔦᒃ, ᒋᐱᒥᓂᔕᐊᒪᐗᑭᒡ ᑭᔐᒪᓂᑑ ᑳᑮᐃᔑᒦᔑᔭᒥᓐᒡ᙮

210:16b.2CO.210.016 ᒦᑕᔥ ᑲᔦ ᐁᐐᑲᑮᒀᑕᒫᕽ ᐃᐃ ᒥᓍᒋᒧᐎᓐ ᐯᐸᑳᓐ ᐊᑮᕽ ᓇᐗᒡ ᐃᑯ ᐙᓴ ᐁᐐᐃᔖᔮᕽ᙮ ᑳᐐᓐ ᑕᔥ ᑲᔦ ᑯᑕᒃ ᐃᓂᓂ ᐅᑕᓄᑮᐎᓐ ᑳᑮᒦᓂᓐᒡ ᓂᐐᑕᔑᑕᒧᐙᓰᒥᓐ᙮

210:17b.2CO.210.017 ᑭᒋᒪᓯᓇᐃᑲᓐ ᑕᔥ ᐁᐃᔑᐲᐃᑳᑌᒃ: ᐊᐎᔭ ᓴ ᑫᑰᓂᓂ ᑳᐐᑕᔑᑕᕽ ᑕᑲ ᐅᑲᑕᔑᑖᓐ ᐋᓃᓐ ᑳᑎᐯᒋᑫᓂᒡ ᑳᑮᐃᔑᒋᑫᓂᒡ᙮

210:18b.2CO.210.018 ᐊᐎᔭ ᓴ ᑮᐃᓀᑕᕽ ᐁᑮᒥᓄᑑᑕᕽ ᑳᐐᓐ ᐐᓐ ᐃᐃᒫ ᐅᒋᒥᓋᑭᒫᓰ᙮ ᐹᓂᒫ ᓴ ᑳᑎᐯᒋᑫᓂᒡ ᑮᐃᓀᓂᒥᑯᒡ, ᒦᑕᔥ ᐃᐃ ᐸᔦᔥ ᐁᒥᓍᑭᒥᓐᒡ᙮

211

211:1b.2CO.211.001 ᒦᑕᔥ ᐁᔑᒥᓴᐌᓂᒥᓇᑰᒃ, ᒋᔕᔒᐯᓂᒥᔦᒃ ᐃᐃ ᐁᑲᑮᐹᑌᓂᒧᔮᓐ ᐸᑮ᙮ ᓂᑫᒋᓈᐞ ᐃᑕᔥ ᐁᔕᔒᐯᓂᒥᔦᒃ᙮

211:2b.2CO.211.002 ᑭᑑᑌᓂᒥᓂᓂᒻ ᓴ ᑫᓃᓐ ᑖᐱᔥᑰ ᑭᔐᒪᓂᑑ ᑳᐃᔑᐅᑌᓂᒥᓀᒃ! ᒦ ᐃ ᐋᓃᔥ ᐁᔑᓈᑯᓯᔦᒃ ᑖᐱᔥᑰ ᑳᐯᑭᓯᒡ ᐃᑴ ᐁᑮᐊᔓᑕᒪᐗᑭᐸᓐ X ᐐᓐ ᐁᑕ ᒋᐐᑎᑫᒥᓀᒃ᙮

211:3b.2CO.211.003 ᑮᓇᐙ ᑕᔥ ᐁᒥᒋᐯᔑᑯᐁᒃ ᐌᐌᓂ ᑲᔦ ᐁᐐᒌᐌᒃ X, ᑭᓇᓃᓵᓀᓂᒥᓂᓂᒻ ᑫᑮᓇᐙ ᒋᐗᓂᒥᑰᔦᒃ ᑭᑎᓀᑕᒧᐎᓂᐙᕽ ᑖᐱᔥᑰ ᐄᑉ ᑳᑮᐃᔑᐗᓂᒥᑯᒡ ᑳᑲᑮᑖᐐᓂᒡ ᒪᒋᑭᓀᐱᑰᓐ᙮

211:4b.2CO.211.004 ᐊᐎᔭ ᓴ ᑮᐅᑎᓯᓀᒃ ᐸᑳᓐ ᒋᓴᓲᓐ ᑮᑕᔑᒫᒡ, ᒦ ᓴ ᐊᐌ ᐁᔑᑌᐺᑕᐌᒃ, ᑳᐐᓐ ᓃᓇᐎᓐᑦ ᑳᑮᑕᔑᒪᑭᒡ ᒪᔮ ᒋᓴᔅ, ᑭᑑᑖᐱᓈᐙ ᑲᔦ ᐸᑳᓐ ᐊᒑᒃ, ᑳᑎᓄᐎᓯᓂᒃ ᑭᔐᒪᓂᑑ ᐅᑕᒑᑾᓐ ᑳᑮᐅᑖᐱᓂᒣᑭᐸᓐ, ᑭᑑᑖᐱᓈᒻ ᑲᔦ ᐸᑳᓐ ᒥᓍᒋᒧᐎᓐ, ᓃᓇᐎᓐᑦ ᑕᔥ ᐐᓐ ᑾᔭᒃ ᐁᑮᑲᑮᑭᒥᑰᔦᒃ᙮

211:5b.2CO.211.005 ᑳᐐᓐ ᑕᔥ ᑲᔦ ᓂᑎᓀᓂᑎᓱᓰ ᓇᐗᒡ ᓃᓐ ᐁᑕᐸᓭᑖᑯᓯᔮᓐ ᐊᐲᒡ ᐐᓐ ᐃᑭ ᑳᒥᒋ ᐃᓍᓂᑎᓱᐙᒡ ᐁᓃᑳᓀᑖᑯᓯᐙᒡ ᐃᔑᓂᔕᐙᑲᓇᒃ᙮

211:6b.2CO.211.006 ᑯᒫ ᑲᔦ ᑳᐐᓐ ᓂᓂᑖᑳᑮᑭᑐᓰ, ᑳᐐᓐ ᑕᔥ ᐐᓐ ᑭᑫᑕᒫᐎᓐ ᓂᓅᑌᓭᓰ᙮ ᒥᓯᐌ ᐄᑐᒃ ᑭᑮᐃᔑᐙᐸᑕᐃᑰᒻ ᑳᑮᐃᔑᒋᑫᔮᕽ ᐁᑌᐺᔮᕽ ᐅᐅ ᑳᑮᐃᑭᑐᔮᕽ᙮

211:7b.2CO.211.007 ᑳᐐᓐ ᑕᔥ ᑫᑰᓐ ᑭᑮᐃᓇᑭᑕᒪᐎᓯᓅᓂᓂᒻ ᐊᐲ ᐁᑮᑲᑮᒀᑕᒫᓐ ᐅᐅ ᒥᓍᒋᒧᐎᓐ, ᐁᑮᑲᑮᒀᓇᒃ ᑭᔐᒪᓂᑑ᙮ ᐋᐱᒋ ᑲᔦ ᓂᑮᑕᐸᓭᓂᑎᔅ ᑮᓇᐙ ᒋᑭᒋ ᐃᓀᑖᑯᓯᔦᒃ᙮ ᒦ ᓇ ᑕᔥ ᐁᑮᒪᒫᔒᔮᓐ?

211:8b.2CO.211.008 ᐊᐲ ᓴ ᐌᑎ ᑳᑮᑕᓇᓄᑮᔮᓐ ᑳᔑᐊᔮᔦᒃ, ᑯᑕᒃ ᓴ ᐯᐸᑳᓐ ᐅᑌᐺᑕᒨᒃ ᑳᐄᔑᒫᐗᒋᐃᑎᐙᒡ ᓂᑮᑎᐸᐊᒫᑰᒃ᙮ ᒦᑕᔥ ᐁᑮᐃᔑᓈᑯᓯᔮᓐ ᑖᐱᔥᑰ ᐁᑮᑭᒨᑎᒪᒀ ᔔᓂᔮᓐ᙮ ᒦᑕᔥ ᐃᐃ ᐁᐐᐐᒋᐃᓇᑰᒃ ᑳᑮᐅᒋ ᐃᔑᓭᒃ᙮

211:9b.2CO.211.009 ᐌᑎ ᑕᔥ ᐊᐲ ᑳᑮᐐᒌᐎᓇᑰᒃ, ᑳᐐᓐ ᓴ ᐊᐎᔭ ᑳᑕᔑᔦᒃ ᓂᑮᒥᑯᔥᑳᓱᒫᓰ ᒋᐐᒋᐃᒡ ᐊᐲ ᔔᓂᔮ ᐁᑮᓅᑌᓭᔮᓐ᙮ ᑮᑕᓇᒥᐋᓈᓂᒃ ᓴ ᒫᓯᑑᓂᔮᐗᑮᕽ ᑳᐊᔮᐙᒡ ᓂᑮᐲᑕᒫᑰᒃ ᑲᑭᓇ ᑫᑰᓂᓂ ᑳᑮᐃᔑᓅᑌᓭᔮᓐ᙮ ᑳᐐᓐ ᓴ ᐐᑳ ᑫᑰᓐ ᑭᑲᐊᑲᐊᑐᑕᒪᐎᓯᓅᓂᓂᒻ᙮ ᒦ ᓴ ᐃ ᒨᔕᒃ ᑫᐃᔑᒋᑫᔮᓐ᙮

211:10b.2CO.211.010 ᐃᐃ ᑕᔥ X ᐅᑌᐺᐎᓐ ᐁᑭᑭᔥᑳᑯᔮᓐ, ᑳᐐᓐ ᓴ ᐐᑳ ᓂᑲᐸᑭᒌᓰ ᒋᑕᔑᑕᒫᓐ ᐅᐅ ᑳᑮᐃᔑᒥᓄᒋᑫᔮᓐ ᐃᐃᒫ ᒥᓯᐌ ᐊᑫᔮᐗᑮᕽ ᐃᔖᔮᓐ᙮

211:11b.2CO.211.011 ᐋᓃᓐ ᐃᑕᔥ? ᐅᓵᒻ ᐃᓇ ᐁᓵᑭᐃᓯᓇᐎᓇᑰᒃ? ᑭᔐᒪᓂᑑ ᓴ ᐅᑭᑫᑖᓐ ᐁᓵᑭᐃᓇᑰᒃ᙮

211:12b.2CO.211.012 ᒦᑕᔥ ᐃᑯ ᑫᐃᔑᒋᑫᔮᓐ ᐃᐃ ᒨᔕᒃ ᑳᐃᔑᒋᑫᔮᓐ᙮ ᐋᓃᔥ ᑳᐐᓐ ᓂᓇᑕᐌᓂᒫᓰᒃ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ ᒋ ᐃᔑᒪᒦᒀᓂᑎᓱᐙᒡ, ᒋᐃᑭᑐᐙᒡ ᑲᔦ ᑫᐐᓇᐙ ᓴ ᐁᐃᓇᓄᑮᐙᒡ ᐯᔑᑾᓐ ᑳᐃᓇᓄᑮᔮᕽ᙮

211:13b.2CO.211.013 ᑳᐐᓐ ᓴ ᑾᔭᒃ ᐃᔑᓂᔕᐙᑲᓇᒃ ᑎᓄᐎᓰᐗᒃ᙮ ᒦ ᓴ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ, ᑳᑮᐗᓂᒧᐙᒡ ᐁᑕᔑᑕᒧᐙᒡ ᐅᑕᓄᑮᐎᓂᐙᓐ᙮ ᑖᐱᔥᑰ ᑕᔥ ᑲᔦ ᑌᐺ X ᐅᑎᔑᓂᔕᐙᑲᓇᐞ ᐁᐃᔑᓈᑯᓯᐃᑎᓱᐙᒡ᙮

211:14b.2CO.211.014 ᑫᑯ ᑕᔥ ᒫᒪᑳᑌᑕᑫᒃ, ᐋᓃᔥ ᒪᒋᐊᔭᐋ ᑫᐐᓐ ᐃᔑᐃᑎᓱ ᑖᐱᔥᑰ ᐁᒐᓬ ᑳᐙᓭᓈᑯᓯᒡ᙮

211:15b.2CO.211.015 ᑫᑯ ᑲᔦ ᑭᒋ ᐃᓀᑕᑫᒃ ᑮᔥᐱᓐ ᐅᑕᓄᑮᐋᑲᓇᐞ ᐃᔑᐃᑎᓱᓂᒡ ᑖᐱᔥᑰ ᐁᐃᔑᐐᒋᑣᓂᒡ ᐃᐃᒫ ᑾᔭᒀᑎᓯᐎᓂᕽ᙮ ᐌᑎ ᓴ ᐃᔥᒀᒡ ᑕᑎᐸᐊᒪᐙᐗᒃ ᑲᑭᓇ ᑫᑰᓂᓂ ᑳᑮᐃᔑᒋᑫᐙᒡ᙮

211:16b.2CO.211.016 ᒦᓇᐙ ᑕᔥ ᓂᑎᑭᑦ, ᑫᑯ ᐊᐎᔭ ᑕᐃᓀᑕᓰ ᐁᑲᑮᐹᑎᓯᔮᓐ᙮ ᑮᔥᐱᓐ ᑕᔥ ᐃᐃ ᐃᓀᓂᒥᔑᔦᒃ, ᒦ ᓴ ᐃ ᐱᓵᓂᑯ ᐃᔑᐅᑖᐱᓂᔑᒃ, ᑫᓃᓐ ᓴ ᐸᑮ ᒋᒪᒦᒀᓂᑎᓱᔮᓐ᙮

211:17b.2CO.211.017 ᐅᐅ ᑕᔥ ᑳᐐᐃᑭᑐᔮᓐ ᓅᑯᒻ, ᑳᐐᓐ ᐄᑐᒃ ᐐᓐ ᐊᐊ ᑳᑎᐯᒋᑫᒡ ᑳᐃᔑᐊᑕᐌᓂᒥᒡ ᒋᐃᑭᑐᔮᓐ᙮ ᐅᐅ ᑕᔥ ᑳᐃᔑᒪᒦᒀᓂᑎᓱᔮᓐ, ᒦ ᓴ ᐁᔑᓈᑯᓯᔮᓐ ᑖᐱᔥᑰ ᐁᑲᑮᐹᑎᓯᔮᓐ᙮

211:18b.2CO.211.018 ᐋᐱᒋ ᑕᔥ ᐁᐹᑏᓄᐙᒡ ᐊᐎᔭᒃ ᑳᒪᒦᒀᓂᑎᓱᐙᒡ ᐃᐃᒫ ᐐᔮᓯᐱᒫᑎᓯᐎᓂᕽ ᐅᒋ, ᒦ ᓴ ᑫᓃᓐ ᑫᐃᔑᒋᑫᔮᓐ᙮

211:19b.2CO.211.019 ᑭᑎᓀᑖᒧᐙᑐᒃ ᒫᐐᓐ ᐋᐱᒋ ᐁᑲᑮᑖᐌᑕᒣᒃ ᐁᔕᔒᐯᓂᒣᒀ ᑫᑮᐹᑎᓯᐙᒡ!

211:20b.2CO.211.020 ᑭᔕᔒᐯᓂᒫᐙ ᓴ ᑲᔦ ᐊᐎᔭ ᑳᐊᔮᓅᓂᓀᒃ ᐁᒥᑯᔥᑳᓱᒥᓀᒃ ᑫᑰᓂᓂ ᒋᐃᔑᒋᑫᔦᒃ, ᐊᐎᔭ ᑲᔦ ᑳᐗᔦᔑᒥᓀᒃ, ᐊᐎᔭ ᑲᔦ ᑳᒪᒫᒋᑯᓂᓀᒃ, ᐊᐎᔭ ᑲᔦ ᑳᒪᒋᓇᐎᓀᒃ ᑯᒫ ᑲᔦ ᑳᐸᓰᑴᐅᓀᒃ᙮

211:21b.2CO.211.021 ᐋᐱᒋ ᓴ ᓂᑕᑲᒡ ᐁᐃᑭᑐᔮᓐ ᐁᑮᔖᑴᓂᒧᔮᕽ ᓃᓇᐎᓐᑦ ᐅᐅ ᒋᑑᑖᑰᔦᒃ᙮ ᑮᔥᐱᓐ ᐊᐎᔭ ᐐᒪᒦᒀᑕᕽ ᑫᑰᓂᓂ, ᑫᓃᓐ ᓴ ᒦ ᐯᔑᑾᓐ ᑫᐃᔑᒋᑫᔮᓐ᙮ ᐋᐱᒋ ᒫᐐᓐ ᓂᑲᑮᐹᓯᓈᑯᔅ᙮

211:22b.2CO.211.022 ᐄᐸᕒᐆᐎᐗᒃ ᐃᓇ? ᑫᓃᓐ ᓴ ᐄᐸᕒᐆ ᓂᑎᓄᐤ᙮ ᐃᔅᕒᐃᔭᓬᐄᐎᐗᒃ ᐃᓇ? ᑫᓃᓐ ᓴ ᐃᔅᕒᐃᔭᓬ ᓂᑎᓄᐤ᙮ ᐁᐸᕒᐊᐋᒥᕽ ᐃᓇ ᑮᐅᒌᐗᒃ? ᑫᓃᓐ ᓴ ᒦ ᐃᒫ ᐌᑕᑳᓀᓯᔮᓐ᙮

211:23b.2CO.211.023 X ᐃᓇ ᐃᐃ ᐅᑕᓄᑮᐋᑲᓇᐞ? ᓂᑲᑲᑮᐹᓯᑖᑯᔅ ᒫᐐᓐ ᐅᐅ ᑳᐐᐃᑭᑐᔮᓐ! ᓇᐗᒡ ᐃᑕᔥ ᓃᓐ ᑾᔭᒃ ᐊᓄᑮᐋᑲᓐ ᐊᐲᒡ ᐐᓇᐙ! ᓇᐗᒡ ᓃᓐ ᓂᑮᑭᒋᐊᓄᑮ! ᓇᐗᒡ ᓃᓐ ᐹᑏᓍ ᓂᑮᑭᐸᐅᑰ, ᓇᐗᒡ ᓃᓐ ᑲᔦ ᐹᑏᓍ ᓂᑮᐸᐸᔕᔐᐅᑰ, ᓇᐗᒡ ᓃᓐ ᑲᔦ ᐹᑏᓍ ᑫᑳ ᓂᑮᓂᑉ᙮

211:24b.2CO.211.024 ᒎᐗᒃ ᓂᓯᒥᑕᓇᔑᔖᑲᒋᕽ 39 ᓴ ᐊᐎᔭᓐ ᐅᐸᐸᔕᔐᐙᐙᓐ ᐋᐱᑎᕽ ᐁᐸᔕᔐᐙᐙᒡ᙮ ᓈᓂᕽ ᐃᑕᔥ ᐃᐃᐌ ᓂᑮᑑᑖᑰᒃ ᒎᐗᒃ᙮

211:25b.2CO.211.025 ᓂᓯᕽ 3 ᑲᔦ ᓂᑮᐸᐸᑭᑌᐅᑰ ᒥᑎᑰᓐ ᐁᑮᐋᐸᒋᒋᑳᑌᑭᓐ᙮ ᐋᐱᑎᕽ ᑲᔦ ᓂᑮᐸᐱᒶᓯᓇᐃᑰ, ᓃᔣ 3 ᑲᔦ ᐁᑮᐲᑾᐊᕽ ᓂᑭᒋᒌᒫᓂᓈᓐ, ᐋᐱᑎᕽ ᑕᔥ ᑲᐯᑎᐱᒃ, ᑲᐯᑮᔑᒃ ᑲᔦ ᓂᑮᐸᐹᒫᐅᒃ ᑭᒋᑲᒦᕽ᙮

211:26b.2CO.211.026 ᒨᔕᒃ ᑲᔦ ᐁᐸᐹᒥᐊᔮᔮᓐ, ᐁᑮᓇᓃᓵᓂᓯᔮᓐ ᒋᓂᑭᐲᔮᓐ ᓰᐲᑳᕽ, ᐁᑮᓇᓃᓵᓂᐃᐙᒡ ᑲᔦ ᑮᒨᒋᔥᑲᒃ, ᐁᑮᓇᓃᓵᓂᐃᐙᒡ ᑲᔦ ᒎᐗᒃ ᑲᔦ ᐁᑳ ᑳᒎᐎᐎᓯᒀ, ᐁᑮᓇᓃᓵᓂᓯᔮᓐ ᑲᔦ ᑭᒋᐆᑌᓈᑳᕽ, ᐁᑮᓇᓃᓵᓂᓯᔮᓐ ᑲᔦ ᐱᑾᑕᑲᒥᑯᕽ, ᐁᑮᓇᓃᓵᓂᓯᔮᓐ ᑲᔦ ᑭᒋᑲᒦᕽ, ᐁᑮᓇᓃᓵᓂᐃᐙᒡ ᑲᔦ ᐃᑭ ᑳᑮᐊᓇᒥᐁᑳᓱᐙᒡ᙮

211:27b.2CO.211.027 ᐋᐱᒋ ᑕᔥ ᑲᔦ ᐁᑮᑭᒋᐊᓄᑮᔮᓐ, ᐁᑮᑲᒀᑕᑭᓭᔮᓐ ᑲᔦ, ᒨᔕᒃ ᑲᔦ ᐌᐌᓂ ᐁᑮᓂᐹᓯᐙᓐ, ᒨᔕᒃ ᑲᔦ ᐁᑮᐐᐐᓯᓂᔮᓐ, ᐁᑮᐐᒥᓂᑴᔮᓐ ᑲᔦ, ᒨᔕᒃ ᑲᔦ ᒦᒋᒻ ᑌᒥᓂᒃ ᐁᑮᐊᔮᓯᐙᓐ, ᐊᑾᒌᕽ ᑲᔦ ᒨᔕᒃ ᐁᑮᐊᔮᔮᓐ, ᐁᑮᑮᑲᒋᔮᓐ ᑲᔦ ᒨᔕᒃ᙮

211:28b.2CO.211.028 ᑳᐐᓐ ᑕᔥ ᐐᓐ ᑲᑭᓇ ᑫᑰᓇᓐ ᓂᐐᐐᑕᓰᓇᓐ᙮ ᐁᑕᓱᑮᔑᒃ ᑲᔦ ᐁᐅᒋᑯᓯᑴᑕᒫᓐ ᐁᓈᓈᑲᑕᐌᓂᒪᒀ ᐅᑌᐺᑕᒨᒃ ᑲᑭᓇ ᐊᔮᐎᓂᕽ ᑳᐃᔑᒫᐗᒋᐃᑎᐙᒡ᙮

211:29b.2CO.211.029 ᐊᐎᔭ ᓴ ᑮᒪᒉᓂᒧᒡ ᐋᐱᒋ ᓴ ᓂᑯᐹᑌᓂᒫ᙮ ᐊᐎᔭ ᑲᔦ ᑮᐃᔑᐎᓂᓐᒡ ᒪᒋᑑᑕᒧᐎᓂᕽ, ᐋᐱᒋ ᓴ ᓂᑭᒋᒫᓀᑕᒻ᙮

211:30b.2CO.211.030 ᑮᔥᐱᓐ ᑕᔥ ᐐᒪᒦᒀᓂᑎᓱᔮᓐ, ᒦ ᓴ ᐃᓂ ᑫᑕᔑᑕᒫᓐ ᒋᐐᑕᒫᓐ ᐋᓃᓐ ᐁᔑᓃᓇᒥᓯᔮᓐ᙮

211:31b.2CO.211.031 ᑭᔐᒪᓂᑑᓐ ᑳᑎᐯᒋᑫᒡ ᒋᓴᔅ ᑳᐅᔫᓯᒡ ᒨᔕᒃ ᑳᒦᑴᒋᐌᓂᒥᒥᓐᒡ, ᓂᑭᑫᓂᒥᒃ ᐁᑳ ᐁᑮᐗᓂᒧᓯᐙᓐ᙮

211:32b.2CO.211.032 ᐌᑎ ᑕᔥ ᒣᒀ ᑎᒫᔅᑲᓯᕽ ᑮᐊᔮᔮᓐ, ᐊᐊ ᓴ ᐋᓂᑫᐅᑭᒫ ᑳᑮᑎᐯᓂᒥᑯᒡ ᐃᓂ ᑭᒋᐅᑭᒫᓐ ᐊᕒᐄᑕᓴᓐ ᐅᑮᐊᓵᐞ ᔑᒫᑲᓂᔕᐞ ᒥᓯᐌ ᑭᒋ ᐃᔥᒀᑌᒥᑳᕽ ᐁᐐᑲᑴᑕᑯᓂᒡ᙮

211:33b.2CO.211.033 ᐃᐃᒫ ᑕᔥ ᑳᑮᐃᔑᐸᑯᓀᔮᒃ ᑳᔑᐙᑳᔮᐱᑭᓂᑳᑌᒃ ᐆᑌᓇ ᒦ ᐃᒫ ᓂᑮᐅᒋ ᓃᓵᐲᑭᓂᑰ, ᑭᒋᐐᑯᐲᒪᑲᑯᕽ ᐁᑮᐃᔑᑳᓂᑰᔮᓐ᙮ ᒦᑕᔥ ᐃᐃᒫ ᑳᑮᐅᒋᔖᐾᑲᑕᐗᒃ ᐊᐊ ᑭᒋᐅᑭᒫ᙮

212

212:1b.2CO.212.001 ᐅᒋᑕ ᑕᔥ ᐃᑯ ᒋᒪᒦᒀᓂᑎᓱᔮᓐ ᐃᔑᓈᑾᓐ᙮ ᐋᓇᐐᓐ ᑳᐐᓐ ᑫᑰᓐ ᑕᐃᓈᐸᑕᓯᓅᓐ᙮ ᓂᐐᑕᔑᑖᓇᓐ ᑕᔥ ᐃᓂ ᐃᓈᐸᑕᒧᐎᓇᓐ ᐃᓂ ᑲᔦ ᐙᐸᑕᐃᑰᐎᓇᓐ ᑳᑎᐯᒋᑫᒡ ᑳᑮᒦᔑᒡ᙮

212:2b.2CO.212.002 ᓂᑭᑫᓂᒫ ᓴ ᐯᔑᒃ ᐃᓂᓂ Xᑕᓐ ᑳᐐᒌᐎᑯᒡ ᒥᑖᔑᓃᐎᐱᐴᓇᑳᓂ ᒫᐐᓐ ᐁᑮᐃᔑᐎᒋᑲᓂᐎᒡ ᐌᑎ ᒫᐗᒡ ᑳᐃᔑ ᐃᔥᐹᓂᒃ ᑮᔑᑯᕽ᙮ –ᑳᐐᓐ ᑕᔥ ᒪᔮ ᓂᑭᑫᑕᓰᓐ ᑮᔥᐱᓐ ᐅᐅ ᑳᐃᔑᓭᑯᐸᓀᓐ, ᑯᒫ ᑲᔦ ᑳᐃᓈᐸᑕᒧᑯᐸᓀᓐ, ᑭᔐᒪᓂᑑ ᓴ ᐁᑕ ᐅᑭᑫᑖᓐ᙮–

212:3b.2CO.212.003 ᐁᑭᑫᓂᒪᒃ ᑕᔥ ᐗᐊ ᐃᓂᓂ, ᑭᔐᒪᓂᑑ ᓴ ᐅᑭᑫᑖᓐ ᑯᒫ ᑲᔦ ᑳᐃᔑᓭᓂᑴᓐ ᑯᒫ ᑲᔦ ᑳᐃᓈᐸᑕᒥᓂᑴᓐ᙮

212:4b.2CO.212.004 ᓂᑭᑫᓂᒫ ᓴ ᐁᑮᐃᔑᐎᒋᑲᓂᐎᒡ ᐌᑎ ᑳᐃᔑᐎᓂᑣ ᑳᔕᐌᑖᑯᓯᐙᒡ, ᐁᑮᓅᑕᕽ ᓴ ᑫᑰᓇᓐ ᑳᑲᔥᑭᒋᑳᑌᓯᓂᓂᑭᓐ ᒪᔮ ᒋᑕᔑᑌᓂᑭᓐ, ᑳᐐᓐ ᑲᔦ ᐊᐎᔭ ᐸᑭᑎᓈᓰ ᒋᑎᐹᑐᑕᕽ ᐃᓂ ᑫᑰᓇᓐ᙮

212:5b.2CO.212.005 ᓂᐐᒪᒦᒀᓈ ᑕᔥ ᐊᐊ ᑎᓄ ᐃᓂᓂ᙮ ᑳᐐᓐ ᑕᔥ ᓃᓐ ᓂᐐᒪᒦᒀᓂᑎᓱᓰ, ᐃᓂ ᓴ ᐁᑕ ᒋᓈᑾᑭᓐ ᑳᐃᔑᓃᓇᒥᓯᔮᓐ᙮

212:6b.2CO.212.006 ᒥᓴᐙ ᑯ ᑮᔥᐱᓐ ᐐᒪᒦᒀᓂᑎᓱᔮᓐ, ᑳᐐᓐ ᓂᑖᑲᑮᐹᓯᓈᑯᓯᓰ᙮ ᐋᓃᔥ ᓂᑌᐺ ᐃᐃ ᑳᐐᐃᑭᑐᔮᓐ᙮ ᑳᐐᓐ ᑕᔥ ᓂᐐᒪᒦᒀᓂᑎᓱᓰ ᐋᓃᔥ ᑳᐐᓐ ᐊᐎᔭ ᓂᓇᑕᐌᓂᒫᓰ ᐊᐗᔑᒣ ᒋᐃᓀᓂᒥᒡ ᐅᐅ ᑳᐃᔑᐙᐸᒥᒡ ᐃᐃ ᑲᔦ ᑳᐃᔑᓅᑕᐎᒡ ᐁᐃᑭᑐᔮᓐ᙮

212:7b.2CO.212.007 ᐁᑮᐙᐸᑕᒫᓐ ᑕᔥ ᑫᑰᓇᓐ ᒫᐗᒡ ᐃᑯ ᐁᒥᓄᓈᑾᑭᓐ, ᒋᐅᒋᑭᒋ ᐃᓀᓂᒧᓯᐙᓐ ᑕᔥ, ᒦ ᓴ ᓂᑮᒦᓂᑰ ᑫᐅᒋᐐᓴᑫᑕᒫᓐ ᐃᐃᒫ ᓂᐐᔭᐎᕽ᙮ ᒦ ᐃ ᒪᒋᐊᔭᐋ ᑳᑮᐲᒋᓂᔕᐊᒪᐎᒡ ᒨᔕᒃ ᐁᐸᐸᑭᑌᐅᑯᐗᒃ ᓂᐐᔭᐎᕽ, ᒦ ᓴ ᑕᔥ ᐃᐃ ᑳᐅᒋᑭᒋ ᐃᓀᓂᒧᓯᐙᓐ᙮

212:8b.2CO.212.008 ᓃᔣ 3 ᑕᔥ ᓂᑖᓇᑮᑲᓅᓈ ᑳᑎᐯᒋᑫᒡ ᐁᑮᑲᑴᒋᒪᒃ ᒋᐅᑖᐱᓇᕽ ᐃᐃ ᓂᐐᓴᑫᑕᒧᐎᓂᓂ᙮

212:9b.2CO.212.009 ᐅᐅ ᑕᔥ ᓂᑮᐃᔑᓇᑴᑖᒃ: ᓂᑭᔐᐙᑎᓯᐎᓐ ᐅᔕ ᐁᑕ ᑭᑌᐱᓭᐃᑯᓐ, ᒦ ᓴ ᐃᐃᒫ ᑭᓃᓇᒥᓯᐎᓂᕽ ᒫᐗᒡ ᐁᔑᓈᑾᒃ ᓂᒪᔥᑲᐎᓰᐎᓐ᙮ ᒦ ᓴ ᑕᔥ ᐃᐃ ᑫᔑᒌᑫᑕᒫᓐ ᒋᑭᒋ ᐃᓀᑕᒫᓐ ᐃᐃ ᑳᐃᔑᓃᓇᒥᓯᔮᓐ, ᐋᓃᔥ X ᐅᒪᔥᑲᐎᓰᐎᓐ ᓂᓇᑕᐌᑕᒧᐙᓐ ᒋᑭᑭᔥᑳᑯᐗᒃ᙮

212:10b.2CO.212.010 ᒦᑕᔥ ᐃᐃ ᑫᔑᓇᐁᑕᒫᓐ ᐃᐃᒫ ᑳᐃᔑᓃᓇᒥᓯᔮᓐ, ᓅᒋᑯ ᑲᔦ ᑳᐃᔑ ᐃᑰᔮᓐ, ᑳᐃᔑᑲᒀᑕᑭᓭᔮᓐ ᑲᔦ, ᑳᐃᔑᑲᒀᑕᑭᐃᑰᔮᓐ ᑲᔦ, ᒨᔕᒃ ᑲᔦ ᑳᐃᔑᓴᓇᑭᓭᔮᓐ X ᐅᒋ᙮ ᐊᐲ ᑕᔥ ᑮᓃᓇᒥᓯᔮᓐ, ᒦᑕᔥ ᒫᐗᒡ ᐁᔑᒪᔥᑲᐎᓰᔮᓐ᙮

212:11b.2CO.212.011 ᐋᐱᒋ ᑕᔥ ᓂᑲᑮᐹᓯᓈᑯᔅ, ᑮᓇᐙ ᐋᓃᔥ ᑳᑮᐃᔑᐃᔦᒃ ᒋᐃᔑᒋᑫᔮᓐ! ᑮᓇᐙ ᐅᔕ ᐃᔑᓈᑾᓐ ᑾᔭᒃ ᒋᑕᔑᒥᔦᑭᐸᓐ᙮ ᑫᑰᓐ ᑕᔥ ᐐᓐ ᐁᐊᐲᑌᑖᑯᓯᓯᐙᓐ, ᔖᑰᒡ ᑕᔥ ᑳᐐᓐ ᐊᐗᔑᒣ ᓂᑕᐸᓭᑖᑯᓯᓰ ᐃᐃ ᑳᐊᐲᑌᑖᑯᓯᐙᒡ ᑳᑭᒋ ᐃᓀᑖᑯᓯᐙᒡ ᐃᔑᓂᔕᐙᑲᓂᕽ ᑳᐃᓍᓂᑎᓱᐙᒡ᙮

212:12b.2CO.212.012 ᐃᓂ ᓴ ᑭᑭᓇᐙᒋᒋᑫᐎᓇᓐ ᐃᓂ ᑲᔦ ᒫᒪᑳᒋᒋᑫᐎᓇᓐ ᑲᔦ ᒪᔥᑲᐎ ᐃᔑᒋᑫᐎᓇᓐ ᑳᑮᐃᔑᒋᑫᔮᓐ ᐃᐃᒫ ᑳᔑᐊᔮᔦᒃ ᐐᑳ ᐁᑮᐸᑭᒌᓯᐙᓐ, ᒦ ᓴ ᐃᐃᒫ ᐁᔑᓈᑾᒃ ᑫᓃᓐ ᓴ ᑾᔭᒃ ᐃᔑᓂᔕᐙᑲᓐ ᐁᑎᓄᐎᔮᓐ!

212:13b.2CO.212.013 ᐌᑯᓀᓐ ᑕᔥ ᐌᒋ ᐃᓀᑕᒣᒃ ᑮᓇᐙ ᐸᑳᓐ ᐁᑮᑑᑖᑰᔦᒃ ᐊᐲᒡ ᐐᓐ ᐃᑭ ᑯᑕᒃ ᐅᑌᐺᑕᒨᒃ ᑳᐃᔑᐲᑎᑫᐙᒡ? ᐅᓵᒻ ᐃᓇ ᐁᑮᑲᑴᒋᒥᓯᓄᐎᓇᑰᒃ ᒋᐐᑑᑲᐎᔦᒃ ᑳᐅᒋ ᐃᓀᑕᒣᒃ? ᑕᑲ ᑕᔥ ᐴᓀᑕᒪᐎᔑᒃ ᑳᑮᐃᔑᒪᒫᔒᑲᑕᐎᓇᑰᒃ!

212:14b.2CO.212.014 ᒦᑕᔥ ᐋᔕ ᓂᓯᕽ 3 ᐁᑮᑮᔒᑖᔮᓐ ᐁᐐᐊᑕᐙᐸᒥᓇᑰᑭᐸᓐ᙮ ᑳᐐᓐ ᑕᔥ ᐐᓐ ᑫᑰᓐ ᑭᑲᐊᑐᑕᒪᐎᓯᓅᓂᓂᒻ᙮ ᑮᓇᐙ ᐅᔕ ᑳᐊᑕᐌᓂᒥᓇᑰᒃ, ᑳᐐᓐ ᐐᓐ ᑭᑕᔨᐄᒥᐙᓐ᙮ ᐋᓃᔥ ᐊᐱᓅᒌᔕᒃ ᑳᐐᓐ ᐅᑕᔕᒫᓯᐙᐙᐞ ᐃᐃ ᐅᓃᑭᐃᑰᐙᐞ, ᐃᑭ ᓴ ᐅᓃᑭᐃᑰᒫᒃ ᐅᑕᔕᒫᐙᐞ ᐅᓃᒑᓂᓯᐙᐞ᙮

212:15b.2CO.212.015 ᐋᐱᒋ ᓴ ᓂᑲᒥᓉᑖᓐ ᑲᑭᓇ ᑫᑰᓐ ᒋᐸᑭᑎᓇᒫᓐ, ᒋᐸᑭᑎᓂᑎᓱᔮᓐ ᑲᔦ ᒋᐐᒋᐃᓇᑰᒃ᙮ ᐋᓇ ᑕᔥ ᐐᑫ ᑭᑖᓇᓵᑭᐃᓂᓂᒻ ᑮᓇᐙ ᑕᔥ ᐸᑮ ᑭᓵᑭᐃᔑᒻ᙮

212:16b.2CO.212.016 ᓰᔮᑫᓐ ᒫᐐᓐ ᐋᔕ ᑭᑌᐺᑖᒻ ᐁᑮᒥᑯᔥᑳᒋᐃᓯᓄᐎᓇᑰᒃ᙮ ᐊᐎᔭ ᑕᔥ ᑕᐃᑭᑐ ᐁᑮᓇᑲᒋᑲᔦᓂᓯᔮᓐ, ᑲᔦ ᐁᑲᔥᑭᒥᓇᑰᒃ ᐁᐗᔦᔑᑖᑯᓯᔮᓐ᙮

212:17b.2CO.212.017 ᒦ ᓇ ᐃ ᑳᐃᔑᒋᑫᔮᓐ ᐁᑮᐗᔦᔑᒥᓇᑰᒃ, ᐁᑮᐋᐸᒋᐊᒀ ᐃᑭ ᑳᑮᐃᔑᓂᔕᐗᒀ ᐌᑎ ᑳᐃᔑᐊᔮᔦᒃ?

212:18b.2CO.212.018 ᑕᐃᑕᔅ ᐅᔕ ᓂᑮᑲᓅᓈ ᒋᐃᔖᒡ ᐯᔑᒃ ᑯᑕᒃ ᐅᑕᓇᒥᐋᓐ ᒋᐱᐐᒌᐙᒡ᙮ ᒦ ᓇ ᑕᔥ ᐁᑭᑐᔦᒃ ᑕᐃᑕᔅ ᐁᑮᐗᔦᔑᒥᓀᒃ? ᐯᐸᑳᓐ ᐃᓇ ᓂᑎᓀᑖᒥᓐ, ᐯᐸᑳᓐ ᐃᓇ ᓂᑎᔑᒋᑫᒥᓐ?

212:19b.2CO.212.019 ᒦ ᒫᐐᓐ ᒨᔕᒃ ᐁᓀᓂᒥᔮᕽ ᐁᑲᑴᓈᑕᒫᓱᔮᕽ᙮ ᑳᐐᓐ ᓴ ᐃᐃ ᓂᑎᔑᒋᑫᓰᒥᓐ! X ᐅᔐᑕ ᑳᐃᔑᐊᑕᐌᓂᒥᓇᑭᒡ ᒋᐃᑭᑐᐗᑭᒡ ᓂᑎᑭᑐᒥᓐ, ᑭᔐᒪᓂᑑ ᐁᓈᓴᒦᒡ᙮ ᑮᓇᐙ ᑕᔥ ᒋᐅᐱᑭᔦᒃ!

212:20b.2CO.212.020 ᐋᐱᒋ ᑕᔥ ᓂᓇᓃᓵᓀᑕᒻ ᐊᐲ ᐌᑎ ᐅᑎᓯᓇᑰᒃ ᑭᒋᐸᑳᓐ ᒋᐃᔑᐊᔮᔦᒃ, ᐁᑳ ᒋᐃᔑᐊᔮᓯᐌᒃ ᑳᐃᔑᐊᑕᐌᓂᒥᓇᑰᒃ, ᑫᓃᓐ ᑕᔥ ᑭᒋᐸᑳᓐ ᒋᐃᔑᐊᔮᔮᓐ ᐊᐲ ᐙᐸᒥᔦᒃ᙮ ᒦᑕᔥ ᑲᔦ ᐁᔑᓇᓃᓵᓀᑕᒫᓐ ᒋᒥᑲᒫᓐ ᑮᑳᑎᐎᓐ, ᐊᔮᔐᓂᑎᐎᓐ, ᐗᑫᐎᑭᑖᓱᐎᓐ, ᑲᑴᓃᑳᓀᓂᑎᓱᐎᓐ, ᐊᓅᒋᑯ ᐃᑎᐎᓐ, ᑕᔑᑎᐎᓐ, ᑭᒋ ᐃᓀᓂᑎᓱᐎᓐ, ᑫᑰᓐ ᑲᔦ ᓭᓯᒃ ᐁᐃᔑᓭᓯᓄᒃ᙮

212:21b.2CO.212.021 ᒦᑕᔥ ᐁᔑᓭᑭᓯᔮᓐ ᒦᓇᐙ ᐊᐲ ᐅᑎᓯᓇᑰᒃ, ᑭᔐᒪᓂᑑ ᒋᐃᔑᐃᒡ ᒋᐊᑳᓯᓈᑯᓯᐗᒃ ᐃᐃᒫ ᐁᓈᓴᒦᔦᒃ, ᒦ ᐃ ᑫᐅᒋᒪᐎᔮᓐ ᐃᑭ ᓃᐱᐗᐞ ᑳᑮᒪᒋᑑᑕᒧᐙᒡ ᐅᑖᓈᕽ, ᒪᔑ ᑕᔥ ᑲᔦ ᐁᐌᐱᓇᓯᒀ ᐃᓂ ᑳᐐᓀᑖᑾᓂᓂᑭᓐ ᐅᑎᔑᒋᑫᐎᓂᐙᓐ, ᑲᔦ ᐁᑮᐱᔑᒀᑎᓯᐙᒡ, ᑳᐐᓐ ᑲᔦ ᑮᒪᓈᐃᔑᒋᑫᓰᐗᒃ ᑫᑮᐃᔑᒋᑫᓯᑭᐸᓐ᙮

213

213:1b.2CO.213.001 ᒦᑕᔥ ᐅᐅ ᓂᓯᕽ 3 ᐋᔕ ᐁᐃᔑᓭᒃ ᐁᐐᐱᐊᑕᐙᐸᒥᓇᑰᒃ᙮ ᑭᒋᒪᓯᓇᐃᑲᓐ ᓴ ᐁᐃᔑᐲᐃᑳᑌᒃ: ᑮᔥᐱᓐ ᓃᔑᐙᒡ 2 ᑯᒫ ᑲᔦ ᓂᓯᐙᒡ 3 ᐊᐎᔭᒃ ᒦ ᓴ ᒋᑌᐺᑕᐎᑣ ᑎᐹᑐᑕᒧᐙᒡ ᑳᑮᐙᐸᑕᒧᐙᒡ᙮

213:2b.2CO.213.002 ᑭᐐᑕᒪᐎᓂᓂᒻ ᑕᔥ ᑮᓇᐙ ᑳᑮᒪᒋᑑᑕᒣᒃ, ᐃᑭ ᑲᔦ ᑯᑕᒃ ᑳᑮᒪᒋᑑᑕᒧᐙᒡ ᐅᑖᓈᕽ᙮ ᒥᓴᐙ ᑯ ᐌᑎ ᐊᔮᓯᐙᓐ ᑳᐃᔑᐊᔮᔦᒃ, ᒦ ᓴ ᒦᓇᐙ ᐯᔑᑾᓐ ᐁᓂᓇᑰᒃ ᑳᑮᐃᓂᓇᑰᑭᐸᓐ ᐃᔥᒀᒡ ᐌᑎ ᑮᐊᔮᔮᓐ᙮ ᐊᐲ ᓴ ᐌᑎ ᑕᑯᔑᓈᓐ, ᑳᐐᓐ ᓴ ᑕᔖᐾᓰᐗᒃ ᐃᑭ ᑳᐐᑭᒋᓅᒋᐊᒀ᙮

213:3b.2CO.213.003 ᑲᑭᓇ ᓴ ᑫᑰᓐ ᑭᓇᑕᐙᐸᑖᒻ ᑫᐅᒋᑭᑫᑕᒣᒃ X ᐁᐋᐸᒋᐃᒡ ᑫᑰᓂᓂ ᑮᐐᐃᑭᑐᒡ᙮ ᐊᐲ ᑕᔥ ᑲᓅᓂᓀᒃ ᑭᑲᐙᐸᒫᐙ ᓴ ᐁᒪᔥᑲᐎᓰᒡ, ᐋᓃᔥ ᑳᐐᓐ ᒪᒌᐗᑮᓰ᙮

213:4b.2CO.213.004 ᑫᒋᓈᒡ ᓴ ᑖᐱᔥᑰ ᐁᒪᒌᐗᑮᒡ ᑮᐃᔑᓈᑯᓯ ᐊᐲ X ᑮᐊᑯᓴᑲᐅᓐᒡ ᐃᐃᒫ ᐋᔑᑌᔮᑎᑯᕽ᙮ ᓅᑯᒻ ᑕᔥ ᑭᔐᒪᓂᑑᓐ ᐅᒪᔥᑲᐎᓰᐎᓂᓃᕽ ᐃᔑᐱᒫᑎᓯ᙮ ᑫᓃᓇᐎᓐᑦ ᓴ ᐁᐐᒌᐗᑭᒡ X ᒦ ᓴ ᐯᔑᑾᓐ ᐁᔑᓈᑯᓯᔮᕽ ᐁᒪᒌᐗᑮᔮᕽ᙮ ᐃᐃᒫ ᑕᔥ ᐐᓐ ᑭᔐᒪᓂᑑ ᐅᒪᔥᑲᐎᓰᐎᓂᕽ ᓂᑲᐃᔑᐐᒋᐱᒫᑎᓰᒫᓈᓐ X, ᐊᐲ ᐐᒌᐎᑰᔦᒃ᙮

213:5b.2CO.213.005 ᑕᑲ ᐊᑕᑭᑫᓂᑎᓱᒃ, ᑲᓇᐙᐸᑎᓱᒃ ᑲᔦ ᑌᐺᔦᑕᒧᐎᓂᕽ ᒋᐃᔑᐱᒫᑎᓯᔦᒃ᙮ ᑭᑭᑫᑖᒻ ᒫᐐᓐ ᓯᔮᑫᓐ ᒋᓴᔅ X ᐁᑭᑭᔥᑲᐌᒃ᙮ ᑯᒫ ᑲᔦ ᐋᔕ ᑳᐸᑆᓇᐎᒋᑫᐌᑯᐸᓀᓐ᙮

213:6b.2CO.213.006 ᒦᑕᔥ ᐁᔑᑫᒋᓈᐅᔮᓐ ᒋᑭᑫᓂᒥᔮᕽ ᑫᓃᓇᐎᓐᑦ ᐁᑮᑆᓇᐎᒋᑫᓯᐙᕽ ᒋᒥᓍᐸᒥᑰᔮᕽ᙮

213:7b.2CO.213.007 ᒦᑕᔥ ᐁᔑᐊᓇᒥᐁᑕᐗᑭᒡ ᑭᔐᒪᓂᑑ ᑮᓇᐙ ᐁᑳ ᓅᒋᑯ ᒋᐃᔑᒋᑫᓯᐌᒃ᙮ ᑳᐐᓐ ᐐᓐ ᐁᐊᑕᐌᑕᒫᕽ ᓂᑕᓄᑮᐎᓂᓈᓐ ᒋᒥᓄᓈᑾᒃ᙮ ᑮᓇᐙ ᓴ ᐌᐌᓂ ᒋᐱᒫᑎᓯᔦᒃ, ᐋᓇ ᒫᐐᓐ ᐃᔑᓈᑯᓯᔮᕽ ᓃᓇᐎᓐᑦ ᐁᑮᑆᓇᐎᒋᑫᔮᕽ᙮

213:8b.2CO.213.008 ᑳᐐᓐ ᐋᓃᔥ ᑫᑰᓐ ᓂᑖᑑᑕᓰᒥᓐ ᒋᑭᐱᑎᓇᒫᕽ ᐃᐃ ᑌᐺᐎᓐ, ᒦ ᐁᑕ ᑯ ᐁᔑᒋᑫᔮᕽ ᐁᐐᒋᑑᔮᕽ ᒋᒫᒌᔥᑳᒃ᙮

213:9b.2CO.213.009 ᓂᒥᓉᑖᒥᓐ ᑲᔦ ᓃᓇᐎᓐᑦ ᐁᐃᔑᓈᑯᓯᔮᕽ ᐁᒪᔥᑲᐎᓰᓯᐙᕽ, ᑮᓇᐙ ᑕᔥ ᐁᒪᔥᑲᐎᓰᔦᒃ᙮ ᒦ ᑲᔦ ᐁᔑᐊᓇᒥᐁᑕᒫᑰᔦᒃ ᒥᓯᐌ ᑾᔭᒃ ᒋᓂ ᐃᔑᓈᑯᓯᔦᒃ᙮

213:10b.2CO.213.010 ᒦᑕᔥ ᑳᐅᒋᐅᔑᐲᐊᒪᐎᓇᑰᒃ ᒣᒀ ᐙᓴ ᐁᐊᔮᔮᓐ᙮ ᑳᐐᓐ ᓴ ᓂᑎᓀᑕᓰ ᒋᑭᒋᓅᒋᐃᓇᑰᒃ ᒋᑮᐋᐸᒋᑖᐗᑭᐸᓐ ᑭᔐᒪᓂᑑ ᐅᑲᔥᑭᐁᐎᓯᐎᓂᓂ ᑳᑮᒦᔑᒡ᙮ ᒦ ᐃ ᐋᓃᔥ ᑳᑮᐅᒋᒦᓂᑰᔮᕽ ᑮᓇᐙ ᒋᐐᒋᐃᑰᔦᒃ, ᒋᐅᐱᑭᔦᒃ ᑲᔦ, ᑳᐐᓐ ᐐᓐ ᒋᐲᑯᐱᓂᑰᔦᒃ᙮

213:11b.2CO.213.011 ᐴᔔ ᑕᔥ ᑭᑎᓂᓂᓂᒻ ᓃᒋᑌᐺᑕᒨᒃ! ᐐᑫ ᓴ ᑾᔭᒃ ᑲᑴᑾᔭᒀᑎᓯᒃ! ᐱᓯᑕᒧᒃ ᑳᐃᑭᑐᔮᓐ᙮ ᐌᐌᓂ ᑲᔦ ᐱᓯᑖᑎᒃ ᐋᓃᓐ ᐁᑭᑐᔦᒃ᙮ ᐌᐌᓂ ᑲᔦ ᐐᒌᑎᒃ᙮ ᑭᔐᒪᓂᑑ ᓴ ᑳᓵᑭᐃᐌᒡ, ᑳᒦᑭᐌᒡ ᑲᔦ ᐱᓵᓂᓯᐎᓐ ᑭᑲᐐᒌᐎᑯᐙ!

213:12b.2CO.213.012 ᐅᑌᐺᑕᒨᒃ ᐊᓇᒥᐁ ᐅᒌᒥᑯᒃ ᑳᐴᔔᐁᒀ, ᒦ ᓇᑫ ᐃᔑᐴᔔᐃᑎᒃ᙮ ᑲᑭᓇ ᓴ ᑭᔐᒪᓂᑑ ᐅᒥᓍᑎᓰᒪᐞ ᑭᐴᔔᐃᑯᐙᒃ᙮

213:13b.2CO.213.013 ᑳᑎᐯᒋᑫᒡ ᒋᓴᔅ X ᐅᑭᔐᐙᑎᓯᐎᓐ, ᑭᔐᒪᓂᑑ ᑲᔦ ᐅᓵᑭᐃᐌᐎᓐ, ᑭᔐᒪᓂᑑ ᐅᑕᒑᑾᓐ ᑲᔦ ᐅᒥᓄᐐᒌᐎᐌᐎᓂᓂ ᑭᑲᐐᒌᐎᑯᒻ ᑲᑭᓇ ᑳᑕᔑᔦᒃ᙮