Psalms (Maori)
1
1:1b.PSA.001.001 Ka hari te tangata kahore nei e haere i te whakaaro o te tangata kino, a kahore e tu i te ara o te hunga hara, kahore ano e noho i te nohoanga o te hunga whakahi
1:2b.PSA.001.002 Engari ko te ture a Ihowa tana e whakaahuareka ai; kei tona ture ona whakaaro i te ao, i te po
1:3b.PSA.001.003 E rite hoki ia ki te rakau i whakatokia ki te taha o nga awa wai, e whai hua nei i te po e hua ai: e kore tona rau e memenga; a ka pono ana mea katoa e mea ai ia
1:4b.PSA.001.004 E kore e pera nga tangata kino; engari ka rite ki te papapa e aia ana e te hau
1:5b.PSA.001.005 Ae ra, e kore e tu te hunga kino i te whakawakanga, me te hunga hara i te whakaminenga o te hunga tika
1:6b.PSA.001.006 E matau ana hoki a Ihowa ki te ara o te hunga tika: ko te ara ia o te hunga kino e ngaro
2
2:1b.PSA.002.001 He aha ka nana ai nga tauiwi, ka whakaaro horihori ai nga iwi
2:2b.PSA.002.002 Whakatika mai ana nga kingi o te whenua, runanga tahi ana nga ariki, ki te whawhai ki a Ihowa, ki tana tangata hoki i whakawahi ai; me te ki ano
2:3b.PSA.002.003 Kia motumotuhia e tatou a raua here, kia akiritia a raua taura i a tatou
2:4b.PSA.002.004 Ko ia kei te rangi e noho ana, ka kata ia: ka whakahi te Ariki ki a ratou
2:5b.PSA.002.005 Na ka korero ia ki a ratou me te riri ano: ka tino weriweri hoki, ka whakahorere i a ratou
2:6b.PSA.002.006 Ahakoa ra ka whakawahia e ahau taku kingi ki runga ki taku maunga tapu, ki Hiona
2:7b.PSA.002.007 Maku e whakapuaki te kupu, kua mea a Ihowa ki ahau, Ko koe taku tama, nonaianei koe i whakatupuria ai e ahau
2:8b.PSA.002.008 Inoi ki ahau, a ka hoatu e ahau ki a koe nga tauiwi hei kainga mou, me nga topito o te whenua hei nohoanga tupu mou
2:9b.PSA.002.009 Ka wawahi koe i a ratou ki te whiu rino, mongamonga noa ratou i a koe, ano he oko na te kaihanga rihi
2:10b.PSA.002.010 Na kia mahara ra, e nga kingi: kia akona, e nga kaiwhakawa o te whenua
2:11b.PSA.002.011 Mahi atu ki a Ihowa i runga i te wehi, kia hari me te wiri
2:12b.PSA.002.012 Kihia te tama kei riri ia, a ka mate koutou i te ara, ka hohoro tonu hoki te mura o tona riri. Ka hari katoa te hunga e whakawhirinaki ana ki a ia
3
3:1b.PSA.003.001 He himene na Rawiri, i tona omanga atu i tana tama i a Apoharama. E Ihowa, ano te tini o oku hoariri, he tokomaha te hunga e whakatika mai ana ki ahau
3:2b.PSA.003.002 He tokomaha te mea ana ki toku wairua, hore rawa he whakaoranga mona i te Atua. (Hera
3:3b.PSA.003.003 Ko koe ia, e Ihowa, hei whakangungu rakau moku, hei kororia moku, hei kaiwhakaara i toku matenga
3:4b.PSA.003.004 I karanga toku reo ki a Ihowa: a whakahoki kupu mai ana ia ki ahau i tona maunga tapu. (Hera
3:5b.PSA.003.005 I takoto ahau, i moe; i ara ake ano; na Ihowa hoki ahau i whakamau ake
3:6b.PSA.003.006 E kore ahau e mataku i nga mano tini o te iwi, kua whakatika mai nei ki ahau karopoti noa
3:7b.PSA.003.007 Whakatika, e Ihowa; whakaorangia ahau, e toku Atua: nau hoki i patu te kauae o oku hoariri katoa; mangungu noa i a koe nga niho o te hunga kino
3:8b.PSA.003.008 Na Ihowa te whakaoranga: kei runga i tau iwi tau manaaki. (Hera
4
4:1b.PSA.004.001 Ki te tino kaiwhakatangi Nekinoto. He himene na Rawiri. Whakahokia mai he kupu ki ahau, e te Atua o toku tika, ina karanga ahau: i ahau i te pouri i whakaputaina ahau e koe; kia atawhai ki ahau, whakarongo ki taku inoi
4:2b.PSA.004.002 E nga tama a te tangata, kia pehea te roa o ta koutou mea i toku kororia hei whakama, o ta koutou aroha ki te horihori, o ta koutou whai i te teka? (Hera
4:3b.PSA.004.003 Otiia kia mohio koutou he mea momotu ke na Ihowa te tangata tapu mana: e whakarongo a Ihowa ua karanga ahau ki a ia
4:4b.PSA.004.004 Kia oho koutou, a kaua e hara: korerorero ki o koutou ngakau i runga i o koutou moenga, me te ata takoto ano. (Hera
4:5b.PSA.004.005 Patua nga whakahere o te tika, me te okioki ano ki a Ihowa
4:6b.PSA.004.006 He tokomaha te mea ana, Ma wai e whakakite te pai ki a matou? Kia ara, e Ihowa, te marama o tou mata ki runga ki a matou
4:7b.PSA.004.007 Hira ake te hari i homai e koe ki roto ki toku ngakau i to ratou i te wa i hua ai a ratou witi, ta ratou waina
4:8b.PSA.004.008 Ka takoto marire ahau, a moe tonu iho: ko koe anake hoki, e Ihowa, hei mea kia au toku noho
5
5:1b.PSA.005.001 Ki te tino kaiwhakatangi Nehiroto. He himene na Rawiri. Tahuri tou taringa, e Ihowa, ki aku kupu, kia mohio koe ki toku whakaaroaronga
5:2b.PSA.005.002 Whakarongo ki te reo o taku karanga, e toku Kingi, e toku Atua, he inoi hoki taku ki a koe
5:3b.PSA.005.003 E rongo koe ki toku reo, e Ihowa, i te ata; i te ata ka whakatikaia atu e ahau taku inoi ki a koe, a ka titiro matatau atu
5:4b.PSA.005.004 Ehara hoki koe i te Atua e pai ana ki te hara, e kore te kino e noho ki a koe
5:5b.PSA.005.005 E kore te hunga wairangi e tu ki tou aroaro: e kinongia ana e koe nga kaimahi katoa i te kino
5:6b.PSA.005.006 E ngaro i a koe te hunga korero teka; e whakarihariha ana a Ihowa ki te tangata toto, ki te tangata hianga
5:7b.PSA.005.007 Ko ahau ia ka haere i runga i te tini o au atawhai ki tou whare: ka koropiko ki te ritenga o tau temepara tapu, me te wehi ano ki a koe
5:8b.PSA.005.008 E Ihowa, arahina ahau i runga i tou tika, he hoariri hoki oku; whakatikaia tau ara i mua i ahau
5:9b.PSA.005.009 Kahore hoki he pono i o ratou mangai; he kino kau a roto i a ratou; he urupa puare noa o ratou korokoro; e patipati ana o ratou arero
5:10b.PSA.005.010 Whakataua te hara ki a ratou, e te Atua; kia hinga ratou i o ratou whakaaro; peia atu ratou me a ratou tini mahi tutu; mo ratou i whakakeke ki a koe
5:11b.PSA.005.011 Na kia hari katoa te hunga e whakawhirinaki ana ki a koe: kia hamama tonu ratou i te koa, mo ratou e hipokina nei e koe; a kia whakamanamana ki a koe te hunga e aroha ana ki tou ingoa
5:12b.PSA.005.012 No te mea ka manaakitia e koe, e Ihowa, te tangata tika; me he whakangungu rakau te manako e karapotia ai ia e koe
6
6:1b.PSA.006.001 Ki te tino kaiwhakatangi Nekinoto, he mea Heminiti. He himene na Rawiri. E Ihowa, kaua e whakatupehupehu mai ki ahau, ina riri koe, kaua ano ahau e pakia ina arita mai koe
6:2b.PSA.006.002 E Ihowa, tohungia ahau, he ngoikore hoki ahau: rongoatia ahau, e Ihowa, e ohooho ana hoki oku wheua
6:3b.PSA.006.003 E ohooho noa iho ana hoki toku wairua: ko koe ia, e Ihowa, kia pehea atu te roa
6:4b.PSA.006.004 Hoki mai, e Ihowa, kia mawhiti atu toku wairua: kia mahara ki tou aroha, a whakaorangia ahau
6:5b.PSA.006.005 Kahore hoki he mahara ki a koe ina mate: ko wai hei whakawhetai ki a koe i roto i te reinga
6:6b.PSA.006.006 Mauiui iho ahau i toku auetanga; e manu ana toku moenga i ahau a pau noa te po; e whakamakukuria ana e ahau toku takotoranga ki oku roimata
6:7b.PSA.006.007 Pakoko kau toku kanohi i te tangi; kua koroheke haere i oku hoariri katoa
6:8b.PSA.006.008 Mawehe atu i ahau, e nga kaimahi katoa i te kino; kua rongo nei hoki a Ihowa i te reo o taku tangi
6:9b.PSA.006.009 Kua rongo a Ihowa ki taku inoi; ka manako a Ihowa ki taku karakia
6:10b.PSA.006.010 Ka whakama, ka pokaikaha noa iho oku hoariri katoa: ka hoki ratou, ka pa whakarere atu te whakama
7
7:1b.PSA.007.001 He Hikaiono na Rawiri, tana i waiata ai ki a Ihowa mo nga kupu a Kuhu Pineamine. E Ihowa, e toku Atua, kei a koe toku whakawhirinakitanga: kia ora ahau i te hunga katoa e aru ana i ahau, kia mawhiti atu hoki ahau
7:2b.PSA.007.002 Kei haehae ia i toku wairua, ano he raiona, a titaritari noa, i te mea kahore he kaiarai
7:3b.PSA.007.003 E Ihowa, e toku Atua, ki te mea naku tena mahi, ki te mea he hara kei oku ringa
7:4b.PSA.007.004 Ki te mea i whakahokia e ahau he kino ki te tangata kua mau nei ta maua rongo; i whakaora nei hoki ahau i te tangata i kino noa mai ki ahau
7:5b.PSA.007.005 Kia arumia toku wairua e te hoariri, a kia mau; kia takahia hoki toku ora e ia ki te whenua, kia whakatokotoria ano toku kororia ki te puehu. (Hera
7:6b.PSA.007.006 E Ihowa, whakatika, kia riri koe, ara ake, e nana nei hoki oku hoa whawhai: kia oho ake hoki koe moku; kua kiia e koe te whakawa
7:7b.PSA.007.007 Tukua kia karapotia koe e te whakaminenga o nga iwi: ma runga atu i a ratou tou hokinga atu ki runga
7:8b.PSA.007.008 Ko Ihowa e whakarite whakawa ana mo nga iwi; kia rite, e Ihowa, tau whakawa moku ki taku mahi tika, ki te tapatahi hoki o oku whakaaro
7:9b.PSA.007.009 Kia whakamutua te kino o te hunga kino: whakaukia hoki te tangata tika: e whakamatautau ana hoki te Atua tika i nga ngakau, i nga whatumanawa
7:10b.PSA.007.010 Kei te Atua toku whakangungu rakau, mana e whakaora te hunga ngakau tika
7:11b.PSA.007.011 He kaiwhakawa tika te Atua, ae ra, he Atua e riri ana i tenei ra, i tenei ra
7:12b.PSA.007.012 Ki te kore tetahi e tahuri, ka whakakoia e ia tana hoari; kua whakapikoa e ia tana kopere, a oti rawa te whakapai
7:13b.PSA.007.013 Oti rawa ano ana mea whakamate te whakapai e ia; kua meinga e ia ana pere ano he ahi
7:14b.PSA.007.014 Nana, he kino te mea e whakamamae nei ia; he whanoke te mea i hapu ki roto ki a ia, a whanau ake he teka
7:15b.PSA.007.015 I pokaia e ia he poka, he mea keri nana, taka iho ia ki roto ki te rua i mahia e ia
7:16b.PSA.007.016 Ka hoki tona whanoke ki tona matenga, a ka tau iho tana tukino ki tona tumuaki
7:17b.PSA.007.017 Ka rite ki tona tika taku whakamoemiti ki a Ihowa: ka himene atu hoki ahau ki te ingoa o Ihowa, o te Runga Rawa
8
8:1b.PSA.008.001 Ki te tino kaiwhakatangi. Kititi. He himene na Rawiri. E Ihowa, e to matou Ariki, ano te nui o tou ingoa i te whenua katoa! Paku ana i a koe tou kororia ki runga ake i nga rangi
8:2b.PSA.008.002 U pu i a koe te kaha o te mangai o nga kohungahunga, o nga mea ngote u hei mea mo ou hoariri, hei pehi mo te hoariri, mo te kairapu utu
8:3b.PSA.008.003 Ka titiro ahau ki au rangi, ki te mahi a ou maihao, ki te marama, ki nga whetu, i hanga nei e koe
8:4b.PSA.008.004 He aha te tangata i maharatia ai e koe? te tama ranei a te tangata i tirohia ai ia e koe
8:5b.PSA.008.005 Nohinohi nei te wahi i whakaititia iho ai ia e koe i te Atua, karaunatia ana ia e koe ki te kororia, ki te honore
8:6b.PSA.008.006 Waiho iho e koe hei kingi mo nga mahi a ou ringa; kua waiho e koe nga mea katoa i raro i ona waewae
8:7b.PSA.008.007 Nga hipi katoa, nga puru, me nga kirehe katoa o te parae
8:8b.PSA.008.008 Te manu o te rangi, me te ika o te moana, e tere nei i nga ara o nga moana
8:9b.PSA.008.009 E Ihowa, e to matou Ariki, ano te nui o tou ingoa i te whenua katoa
9
9:1b.PSA.009.001 Ki te tino kaiwhakatangi. Muturapena. He himene na Rawiri. Ka whakapaua toku ngakau ki te whakamoemiti ki a Ihowa, ka korerotia e ahau au mahi whakamiharo katoa
9:2b.PSA.009.002 Ka koa ahau, ka whakamanamana ki a koe, ka himene atu ki tou ingoa, e te Runga Rawa
9:3b.PSA.009.003 I te hokinga whakamuri o oku hoariri, tutuki ana ratou, ngaro iho i tou aroaro
9:4b.PSA.009.004 Nau hoki i whakatika aku korero me toku whakawa; i runga koe i te torona e noho ana, e whakarite tika ana
9:5b.PSA.009.005 Kua whakatupehupehu koe ki nga tauiwi, huna ana e koe te tangata kino, horoia atu ana to ratou ingoa ake ake
9:6b.PSA.009.006 Ko te hoariri, mutu pu ratou, he ngaromanga oti tonu iho: a ko nga pa i huna e koe, ngaro whakarere to ratou whakamaharatanga
9:7b.PSA.009.007 Ko Ihowa ia noho tonu hei kingi ake, ake: kua whakapaia e ia tona torona mo te whakawa
9:8b.PSA.009.008 A e whakarite ia mo te ao i runga i te tika, ka whakatakoto tikanga mo nga iwi i runga i te pono
9:9b.PSA.009.009 Hei pa teko ano a Ihowa mo te tangata e tukinotia ana, hei pa teko i nga wa o te he
9:10b.PSA.009.010 A ka whakawhirinaki ki a koe te hunga e matau ana ki tou ingoa: no te mea e kore e whakarerea e koe, e Ihowa, te hunga e rapu ana i a koe
9:11b.PSA.009.011 Himene ki a Ihowa e noho nei i Hiona: whakapuakina i waenganui i nga iwi ana mahi
9:12b.PSA.009.012 Ka whakataki toto ia, ka mahara ia ki a ratou: kahore e wareware i a ia te karanga a te hunga iti
9:13b.PSA.009.013 Tohungia ahau, e Ihowa; titiro ki toku mate i te hunga e kino ana ki ahau, e te kaiwhakaara i ahau i nga tatau o te mate
9:14b.PSA.009.014 Kia whakakitea katoatia ai e ahau ou whakamoemiti i nga tatau o te tamahine o Hiona: ka hari ahau ki tau whakaoranga
9:15b.PSA.009.015 Kua tapoko nga tauiwi ki te rua i keria e ratou: kua mau to ratou waewae i roto i te kupenga i huna e ratou
9:16b.PSA.009.016 Kua matauria a Ihowa ki te whakawa e whakaritea ana e ia: he mahanga mo te tangata kino te mahi a ona ringa. (Hikaiono. Hera
9:17b.PSA.009.017 Ka hoki nga tangata kino ki te reinga, ara nga iwi katoa e wareware ana ki te Atua
9:18b.PSA.009.018 E kore hoki e warewarea tonutia te tangata rawakore: e kore e taka tonu ta te hunga iti i tumanako atu ai
9:19b.PSA.009.019 E ara, e Ihowa, kei riro i ta te tangata: kia whakawakia nga tauiwi i tou aroaro
9:20b.PSA.009.020 E Ihowa, meinga ratou kia wehi: kia matau nga tauiwi he tangata nei ano ratou. (Hera
10
10:1b.PSA.010.001 He aha koe ka tu mai ai i tawhiti, e Ihowa? ka whakangarongaro ai i nga wa o te he
10:2b.PSA.010.002 E whakakake ana te tangata kino, e tukino ana i te tangata iti: kia hopukina ratou ki nga whakaaro i whakaaro ai ratou
10:3b.PSA.010.003 E whakapehapeha ana hoki te tnngata kino ki te hiahia o tona ngakau, a ko te hunga apo taonga, e whakakahore ana, ae ra, e whakahawea ana ki a Ihowa
10:4b.PSA.010.004 Ka mea te tangata kino, i te whakapehapeha o tona mata, E kore e hiahiatia e ia. Kei roto i ona whakaaro katoa e mea ana, Kahore he Atua
10:5b.PSA.010.005 Whanoke tonu ona ara i nga wa katoa; kei runga noa ake au whakaritenga te kitea e ia, he mea whakatupereru e ia ona hoariri katoa
10:6b.PSA.010.006 E mea ana i roto i tona ngakau, e kore ahau e whakakorikoria: kahore hoki he he moku a nga whakatupuranga katoa
10:7b.PSA.010.007 Ki tonu tona mangai i te kanga, i te hianga, i te tukino: kei raro i tona arero te whanoke me te teka
10:8b.PSA.010.008 E noho ana ia, e whanga ana i nga pa koraha: e kohurutia ana e ia te hunga harakore i nga wahi ngaro; e matatau ana ona kanohi ki te hunga rawakore
10:9b.PSA.010.009 E whanga puku ana ia me he raiona i tona kuhunga: e whanga ana kia hopukia te tangata iti: e hopukia ana e ia te tangata iti, ua kumea ki tana. kupenga
10:10b.PSA.010.010 Kupapa ana ia, piko ana, hinga ana te hunga rawakore i ana mea kaha
10:11b.PSA.010.011 E mea ana i roto i tona ngakau, Ka wareware te Atua: e huna ana ia i tona mata, e kore ia e kite ake tonu atu
10:12b.PSA.010.012 Whakatika, e Ihowa, e te Atua, takiritia tou ringa: kaua e wareware ki te hunga iti
10:13b.PSA.010.013 He aha te tangata kino ka whakahawea ai ki te Atua? kua mea ia i roto i tona ngakau, E kore tenei e whakatakina e koe
10:14b.PSA.010.014 Kua kite koe; e tirohia nei hoki e koe te whanoke me te whakatoi, a ka utua e tou ringa: e tuku ana te rawakore i a ia ano ki a koe; ko koe hei tuara mo te pani
10:15b.PSA.010.015 Whatiia e koe te ringa o te tangata kino; tena ko te tangata nanakia, whakatakina tona kino, kia kahore ra ano e kitea e koe
10:16b.PSA.010.016 Ko Ihowa te Kingi ake ake: kua kahore ke nga tauiwi i tona whenua
10:17b.PSA.010.017 E Ihowa, kua whakarongo koe ki te hiahia o te hunga whakaiti: mau ano o ratou ngakau e whakapai, ka tahuri ano tou taringa ki te whakarongo
10:18b.PSA.010.018 Ki te whakawa mo te pani, mo te tangata e tukinotia ana, kei whakamataku a mua ake te tangata o te whenua
11
11:1b.PSA.011.001 Ki te tino kaiwhakatangi. Na Rawiri. Ko Ihowa taku e whakawhirinaki ai: he aha koutou ka mea ai ki toku wairua, rere a manu atu ki to koutou maunga
11:2b.PSA.011.002 Nana, kua whakapikoa te kopere e te hunga kino, e whakatikaia ana a ratou pere ki te aho, hei perenga pukutanga ma ratou ki te hunga ngakau tika
11:3b.PSA.011.003 Ki te wawahia nga turanga ake, me pehea te tangata tika
11:4b.PSA.011.004 Kei tona temepara tapu a Ihowa, kei te rangi te torona o Ihowa: e titiro ana ona kanohi, e whakamatautau ana ona kamo i nga tama a te tangata
11:5b.PSA.011.005 E whakamatautau ana a Ihowa i te tangata tika: a e kinogia ana e tona wairua te tangata kino me te tangata e aroha ana ki te tutu
11:6b.PSA.011.006 Ka uaina e ia ki runga ki te hunga kino he mahanga, he ahi, he whanariki, he awha tuaikerekere: ko te wahi tena mo to ratou kapu
11:7b.PSA.011.007 No te mea he tika a Ihowa, e aroha ana ki te tika; ka kite te hunga tika i tona kanohi
12
12:1b.PSA.012.001 Ki te tino kaiwhakatangi. Heminiti. He himene na Rawiri. Whakaorangia, e Ihowa; ka mutu hoki nga tangata tapu; ka taweke atu te hunga pono i roto i nga tama a te tangata
12:2b.PSA.012.002 E korero teka ana ratou tetahi ki tetahi; he ngutu patipati, he ngakau rua o ratou ina korero
12:3b.PSA.012.003 Ka hatepea e Ihowa nga ngutu patipati katoa, me te arero e korero whakapehapeha ana
12:4b.PSA.012.004 E mea nei, Ma o tatou arero tatou ka kake ai; no tatou ano o tatou ngutu, ko wai hei ariki mo tatou
12:5b.PSA.012.005 Mo te tukinotanga i te hunga iti, mo te aue a te hunga rawakore, ka whakatika ahau aianei, e ai ta Ihowa, Ka whakanohoia ia e ahau ki te wahi e ora ai ia i nga tangata e whakatupereru ana ki a ia
12:6b.PSA.012.006 He kupu parakore nga kupu a Ihowa: he hiriwa i whakakorea nei te para i roto i te oumu whenua, he mea tuku whitu
12:7b.PSA.012.007 Ka tiakina ratou e koe, e Ihowa, ka whakaorangia ratou i tenei whakatupuranga ake tonu atu
12:8b.PSA.012.008 E haereere noa ana nga tangata kino i tetahi taha, i tetahi taha, i te mea e whakateiteitia ana te kino i roto i nga tama a te tangata
13
13:1b.PSA.013.001 Ki te tino kaiwhakatangi. He himene na Rawiri. Kia pehea te roa o tou wareware ki ahau, e Ihowa? mo ake tonu atu ranei? Kia pehea te roa o tau hunanga i tou mata ki ahau
13:2b.PSA.013.002 Kia pehea te roa o toku whakaaroaronga i roto i toku wairua, o te pouri i roto i toku ngakau i tenei ra, i tenei ra? Kia pehea te roa o te whakakake mai a toku hoariri ki ahau
13:3b.PSA.013.003 Titiro mai, whakahokia mai he kupu ki ahau, e Ihowa, e toku Atua: whakamaramatia oku kanohi, kei moe ahau i te moe o te mate
13:4b.PSA.013.004 Kei mea mai toku hoariri, Kua taea ia e ahau: kei whakamanamana oku hoariri, ina whakakorikoria ahau
13:5b.PSA.013.005 Ko ahau ia e whakawhirinaki ana ki tau mahi toku: ka whakamanamana toku ngakau ki tau whakaoranga
13:6b.PSA.013.006 Ka waiata ahau ki a Ihowa, mona i atawhai mai ki ahau
14
14:1b.PSA.014.001 Ki te tino kaiwhakatangi. Na Rawiri. Kua ki te wairangi i tona ngakau, Kahore he Atua. Kua pirau ratou, he whakahouhou a ratou mahi, kahore tetahi e mahi ana i te pai
14:2b.PSA.014.002 I titiro iho a Ihowa i te rangi ki nga tama a te tangata, kia kite me kahore tetahi e mahara ana, e rapu ana i te Atua
14:3b.PSA.014.003 Kua peka ke ratou katoa kua pirau tahi: kahore tetahi e mahi ana i te pai, kohore kia kotahi
14:4b.PSA.014.004 E kore ranei e mohio nga kaimahi katoa o te kino? e kai nei i toku iwi, me te mea e kai taro ana, a kahore e karanga ki a Ihowa
14:5b.PSA.014.005 Na, i reira ratou e tuiri noa ana: kei roto hoki te Atua i te whakatupuranga o te hunga tika
14:6b.PSA.014.006 Meinga ana e koutou te whakaaro o te hunga iti hei whakama, no te mea ko Ihowa tona piringa
14:7b.PSA.014.007 Aue, me i puta mai te whakaoranga o Iharaira i Hiona! Kia whakahokia e Ihowa tana iwi i te whakarau, ka whakamanamana a Hakopa, ka hari a Iharaira
15
15:1b.PSA.015.001 He himene na Rawiri. E Ihowa, ko wai e noho ki tou tapenakara? Ko wai e noho ki tou maunga tapu
15:2b.PSA.015.002 Ko ia he tapatahi nei te haere, he tika te mahi, he korero pono ano i roto i tona ngakau
15:3b.PSA.015.003 Kahore nei e ngautuara tona arero, kahore e kino te mahi ki tona hoa, kahore ana ingoa kino mo tona hoa
15:4b.PSA.015.004 E whakahengia ana te tangata kino e ona kanohi, e whakahonoretia ana ia e ia te hunga e wehi ana ki a Ihowa. Ahakoa mate i tana oati, kahore e whakapaheketia e ia
15:5b.PSA.015.005 Kahore e tuku i tana moni hei moni whakatupu; kahore hoki e tango i te moni hei utu mate mo te tangata harakore. Ki te penei te mahi a tetahi, e kore ia e whakakorikoria ake ake
16
16:1b.PSA.016.001 He Mikitama na Rawiri. Tiakina ahau, e te Atua: e whakawhirinaki nei hoki ahau ki a koe
16:2b.PSA.016.002 Kua mea ahau ki a Ihowa, Ko koe toku Ariki, kahore oku pai i tua atu i a koe
16:3b.PSA.016.003 Ko te hunga tapu i runga i te whenua, te hunga pai rawa, kua ahau katoa toku ahuareka ki a ratou
16:4b.PSA.016.004 Ka whakanuia nga mamae o te hunga e whakawhiti ana i a Ihowa mo tetahi atua ke: e kore e ringihia e ahau a ratou ringihanga toto, e kore ano o ratou ingoa e whakahuatia e oku ngutu
16:5b.PSA.016.005 Ko Ihowa te wahi i wehea mai moku, taku kapu hoki: ko koe te kaiwhakapumau i te wahanga maku
16:6b.PSA.016.006 Kua takoto oku aho ki nga wahi ahuareka, ina, he wahi pai toku
16:7b.PSA.016.007 Ka whakapaingia e ahau a Ihowa, i whakamahara nei i ahau: ka whakaako ano hoki oku whatumanawa i ahau i te po
16:8b.PSA.016.008 Kua waiho tonu e ahau a Ihowa ki toku aroaro: kei toku ringa matau nei ia, e kore ahau e whakakorikoria
16:9b.PSA.016.009 Koia i koa ai toku ngakau, i whakamanamana ai toku kororia, i takoto tumanako ai ano oku kikokiko
16:10b.PSA.016.010 No te mea e kore e waiho e koe toku wairua i te reinga, e kore e tukua tau Mea Tapu kia kite i te pirau
16:11b.PSA.016.011 Ka whakakitea mai e koe ki ahau te huarahi o te ora; kei tou aroaro te hari nui, kei tou matau nga ahuareka e kore e mutu
17
17:1b.PSA.017.001 He inoi na Rawiri. Whakarongo ki te tika, e Ihowa, tahuri mai ki taku karanga, kia titaha mai tou taringa ki taku inoi, ara ki ta te ngutu tinihangakore
17:2b.PSA.017.002 Kia puta mai te whakaritenga o taku whakawa i tou aroaro; tirohia mai e ou kanohi te mea rite
17:3b.PSA.017.003 Kua whakamatauria e koe toku ngakau; kua tirotirohia iho ahau e koe i te po; kua whakamatau koe i ahau, a kahore he mea i kitea e koe; e mea ana ahau kia kaua e hara toku mangai
17:4b.PSA.017.004 Ko nga mahi ia a te tangata, ko nga kupu a tou mangai taku mea hei pa mai i ahau i nga ara o te kaiwhakangaro
17:5b.PSA.017.005 I whakaukia oku hikoinga ki au ara, kihai i paheke oku waewae
17:6b.PSA.017.006 Kua karanga nei ahau ki a koe, no te mea ka whakahoki kupu mai koe, e te Atua, ki ahau: whakatitahatia mai tou taringa ki ahau, whakarongo ki taku kupu
17:7b.PSA.017.007 Whakaaturia tou aroha whakamiharo, ko koe hoki, ko tou matau, te kaiwhakaora mo te hunga e whakawhirinaki ana ki a koe, i te hunga e whakatika mai ana
17:8b.PSA.017.008 Tiakina ahau, ano ko te whatu o te kanohi, huna ahau ki raro i te taumarumarutanga o ou pakau
17:9b.PSA.017.009 I te hunga kino e tukino nei i ahau, i oku hoariri whakamate e karapoti nei i ahau
17:10b.PSA.017.010 E kopakia ana ratou e o ratou ngako: e korero whakapehapeha ana o ratou mangai
17:11b.PSA.017.011 Tenei o matou hikoinga te karapotia nei e ratou: matatau tonu iho o ratou kanohi ki te tuku iho i a matou ki te whenua
17:12b.PSA.017.012 Kei te raiona e hiahia ana ki te hopu kai te rite, kei te kuao raiona e piri ana i nga wahi ngaro
17:13b.PSA.017.013 E ara, e Ihowa, haukotia tona aroaro, turakina ia ki raro; whakaorangia toku wairua ki tau hoari i te tangata kino
17:14b.PSA.017.014 I nga tangata, ma tou ringa, e Ihowa, i nga tangata o te ao: kei tenei ora nei to ratou wahi, a e whakakiia ana o ratou kopu e koe ki tau taonga. E kiki ana ratou i te tamariki, whakarerea iho nga toenga o a ratou taonga ki a ratou kohungahunga
17:15b.PSA.017.015 Ko ahau, e kite ahau i tou mata i runga i te tika, a ka tatu toku ngakau, ina oho ake ahau, kia kite i tou ahua
18
18:1b.PSA.018.001 Ki te tino kaiwhakatangi. He himene na te pononga a Ihowa, na Rawiri. Nana i whakahua nga kupu o tenei waiata ki a Ihowa i te ra i whakaorangia ai ia i te ringa o ona hoariri katoa, i te ringa ano o Haora. I mea ia, Ka aroha ahau ki a koe, e Ihow a, e toku kaha
18:2b.PSA.018.002 Ko Ihowa toku kamaka, toku pa, toku kaiwhakaora; toku Atua, toku tino kamaka, e whakawhirinaki ai ahau; toku whakangungu rakau, te haona o toku whakaoranga, toku pourewa tiketike
18:3b.PSA.018.003 Ka karanga ahau ki a Ihowa, e tika nei kia whakamoemititia: a ka ora i oku hoariri
18:4b.PSA.018.004 I karapotia ahau e nga whakawiringa a te mate, a whakawehia ana ahau e nga waipuke o te kino
18:5b.PSA.018.005 I karapotia ahau e nga whakawiringa a te reinga, i haukotia e nga mahanga a te mate
18:6b.PSA.018.006 I karanga ahau ki a Ihowa i toku paweratanga, i hamama ki toku Atua: i whakarongo ia ki toku reo i roto i tona temepara, i tae ano taku hamama ki tona aroaro, ki ona taringa
18:7b.PSA.018.007 Na ka ngaueue te whenua, ka ru, wiri ana nga putake o nga maunga, ngaueue ana i tona riri
18:8b.PSA.018.008 I kake he paowa i ona pongaponga, a kai ana te kapura a tona mangai, ngiha ana nga waro
18:9b.PSA.018.009 I whakapingoretia e ia nga rangi, a heke iho ana, a i raro te pouri matotoru i ona waewae
18:10b.PSA.018.010 I eke ia ki runga ki te kerupa, a rere ana: ae, i rere omaki ia i runga i nga parirau o te hau
18:11b.PSA.018.011 I meinga e ia te pouri hei wahi ngaro mona, hei teneti i tetahi taha ona, i tetahi taha; ko te pouritanga o nga wai, ko nga kapua matotoru o te rangi
18:12b.PSA.018.012 I rere atu ona kapua metotoru i te wherikotanga o tona aroaro: te whatu, me nga waro kapura
18:13b.PSA.018.013 I papa ano te whatitiri a Ihowa i nga rangi, a puaki ana te reo o te Runga Rawa; he whatu, he waro kapura
18:14b.PSA.018.014 I kokiritia e ia ana pere, a marara ana ratou: ae, i koperea hoki e ia te tini uira, a whati ana ratou
18:15b.PSA.018.015 Katahi ka kitea nga takere o nga wai, a ka takoto kau nga putake o te ao i tau whakatupehupehutanga, e Ihowa, i te whengunga o te manawa o ou pongaponga
18:16b.PSA.018.016 I tono karere mai ia i runga, ka mau ki ahau; toia ake ahau e ia i roto i nga wai maha
18:17b.PSA.018.017 Nana ahau i ora ai i toku hoariri kaha, i te hunga e kino ana ki ahau; he kaha rawa hoki ratou i ahau
18:18b.PSA.018.018 I huakina tatatia ahau e ratou i te ra o toku matenga; ko Ihowa ia toku whakawhirinakitanga
18:19b.PSA.018.019 I whakaputaina ahau e ia ki te wahi nui, i whakaorangia ahau e ia; he ahuareka nona ki ahau
18:20b.PSA.018.020 Rite tonu ki taku mahi tika ta Ihowa utu ki ahau: rite tonu ki te ma o oku ringa tana i whakahoki ai ki ahau
18:21b.PSA.018.021 Moku i pupuri i nga ara o Ihowa, a kihai i he, i whakarere i toku Atua
18:22b.PSA.018.022 Kei mua tonu hoki i ahau ana whakaritenga katoa, kihai ano i whakamataratia atu i ahau ana tikanga
18:23b.PSA.018.023 Tapatahi tonu hoki toku whakaaro ki tona aroaro, a i tiaki ahau i ahau kei kino
18:24b.PSA.018.024 Na ka homai e Ihowa he utu ki ahau, rite tonu ki toku tika, ki te ma o oku ringa i tona aroaro
18:25b.PSA.018.025 He tangata atawhai, ka atawhai hoki koe; he tangata tika, ka tika hoki koe
18:26b.PSA.018.026 He tangata ma, ka ma hoki koe; he tangata whakakeke, ka whakakeke hoki koe
18:27b.PSA.018.027 E whakaorangia hoki e koe te iwi ngakau mamae; ka whakahokia ano e koe ki raro nga kanohi whakakake
18:28b.PSA.018.028 Mau hoki e whakau taku rama: ma Ihowa, ma toku Atua, e whakamarama toku pouri
18:29b.PSA.018.029 Nau hoki ahau i rere ai na waenganui atu i te ropu: na toku Atua hoki i pekea ai e ahau te taiepa
18:30b.PSA.018.030 Tena ko te Atua, tika tonu tona ara: kua oti tana kupu te whakamatau; he whakangungu rakau ia ki te hunga katoa e whakawhirinaki ana ki a ia
18:31b.PSA.018.031 Ko wai oti te Atua, ki te kahore a Ihowa? Ko wai hoki he kamaka, ki te kahore to tatou Atua
18:32b.PSA.018.032 Ko te Atua, nana ahau i whitiki ki te kaha, i mea kia tino tika toku ara
18:33b.PSA.018.033 Ko ia hei mea i oku waewae kia rite ki o te hata: mana hoki ahau e whakatu ki runga ki oku wahi tiketike
18:34b.PSA.018.034 Ko ia hei whakaako i oku ringa ki te whawhai, a whati ana te kopere parahi i oku ringa
18:35b.PSA.018.035 Kua homai ano e koe ki ahau te whakangungu rakau o tau whakaoranga: puritia ana ahau e tou ringa matau whakanuia ana e tou whakaaro mahakai
18:36b.PSA.018.036 I whakanuia e koe oku takahanga i raro i ahau; te paheke oku waewae
18:37b.PSA.018.037 Ka arumia e ahau oku hoariri, mau iho i ahau; e kore ahau e tahuri mai, a ngaro noa ratou
18:38b.PSA.018.038 Maru ana ratou i ahau, te kaha te whakatika: hinga ana ki raro i oku waewae
18:39b.PSA.018.039 Nau hoki ahau i whitiki ki te kaha mo te whawhai: piko ana i a koe ki raro i ahau te hunga e whakatika mai ana ki ahau
18:40b.PSA.018.040 Kua meinga e koe kia tahuri mai nga tuara o oku hoariri ki ahau, kia hautopea ai e ahau te hunga e kino ana ki ahau
18:41b.PSA.018.041 I karanga ratou, heoi kahore he kaiwhakaora: ki a Ihowa, otira kihai i whakahoki kupu ki a ratou
18:42b.PSA.018.042 Na ka tukia ratou e ahau a rite noa ratou ki te puehu e puhia ana e te hau: akiritia atu ana ratou ki waho, ano he paru no te huarahi
18:43b.PSA.018.043 Kua whakaorangia ahau e koe i nga ngangautanga a te iwi; kua meinga e koe hei rangatira mo nga tauiwi: hei apa moku te iwi kahore i matauria e ahau
18:44b.PSA.018.044 Kia rongo kau te taringa ki ahau, ka kakama tonu mai ratou ki ahau; ko nga tangata iwi ke ngohe kau ki ahau
18:45b.PSA.018.045 Ka memeha haere nga tangata iwi ke: ka puta wehi mai hoki i roto i o ratou kuhunga
18:46b.PSA.018.046 E ora ana a Ihowa; kia whakapaingia hoki toku kamaka, kia whakanuia te Atua o toku whakaoranga
18:47b.PSA.018.047 Ko te Atua, mana nei e rapu he utu moku, mana e pehi nga iwi ki raro i ahau
18:48b.PSA.018.048 Mana ahau e mawhiti ai i oku hoariri, ae ra, mau ahau e mea kia teitei ake i te hunga e whakatika mai ana ki ahau; ka whakaorangia ahau e koe i te tangata tutu
18:49b.PSA.018.049 Mo konei ka whakawhetai ahau ki a koe, e Ihowa, i waenganui i nga tauiwi: ka himene ki tou ingoa
18:50b.PSA.018.050 He nui nei tana whakaora i tana kingi; e whakaputa aroha ana ki tana tangata i whakawahi ai, ki a Rawiri ratou ko ona uri ake ake
19
19:1b.PSA.019.001 Ki te tino kaiwhakatangi. He himene na Rawiri. E korerotia ana e nga rangi te kororia o te Atua; a e whakaaturia ana e te kikorangi te mahi a ona ringa
19:2b.PSA.019.002 E puaki ana te reo o tena rangi, o tena rangi, e whakaatu mohiotanga ana hoki tena po, tena po
19:3b.PSA.019.003 Kahore he hamumu, kahore he kupu, kahore e rangona to ratou reo
19:4b.PSA.019.004 Kua puta ta ratou aho ki te whenua katoa, a ratou kupu, a te pito ra ano o te ao. Whakaturia ana e ia ki reira te tapenakara mo te ra
19:5b.PSA.019.005 A e puta ana ia me he tane marena hou i tona whare moenga, whakai ana ia, pera ana me te tangata kaha e mea ana ki te oma whakataetae
19:6b.PSA.019.006 Ko tona putanga kei tetahi pito o te rangi, a whawhe noa ke tetahi pito: kahore hoki tetahi mea e ngaro i tona mahana
19:7b.PSA.019.007 Tapatahi tonu te ture a Ihowa, he mea whakatahuri i te wairua: pono tonu nga whakaatu a Ihowa, e whakawhaiwhakaaro ana i te kuare
19:8b.PSA.019.008 He tika nga ako a Ihowa, e whakahari ana i te ngakau, he ma te whakahau a Ihowa, e whakamarama ana i nga kanohi
19:9b.PSA.019.009 He ma te wehi ki a Ihowa, pumau tonu ake ake, he pono nga whakaritenga a Ihowa, tika kau ano
19:10b.PSA.019.010 Engari ena e hiahiatia ana i te koura, ae, i te tino koura ahakoa maha: reka atu i te honi, i te maturuturutanga iho o nga honikoma
19:11b.PSA.019.011 Na ena ano tau pononga i whakatupato; he nui te utu ki te puritia
19:12b.PSA.019.012 Ko wai e matau ana ki ona he? Whakamakia oku hara puku
19:13b.PSA.019.013 Puritia ano tau pononga kei riro i nga hara whakakake hei rangatira moku: ko reira ahau tu tika ai, a ka watea i te he nui
19:14b.PSA.019.014 Kia manakohia nga kupu a toku mangai: me nga whakaaro o toku ngakau i tou aroaro, e Ihowa, e toku kamaka, e toku kaihoko
20
20:1b.PSA.020.001 Ki te tino kaiwhakatangi. He himene na Rawiri. Ma Ihowa e whakahoki he kupu ki a koe i te ra o te he; ma te ingoa o te Atua o Hakopa koe e tiaki
20:2b.PSA.020.002 Mana e tono mai he awhina mou i te wahi tapu, e whakau hoki koe i Hiona
20:3b.PSA.020.003 Mana e mahara ki au whakahere katoa, e manako ki au tahunga tinana. (Hera
20:4b.PSA.020.004 Mana e homai ki a koe ta tou ngakau e mea ai, e whakamana katoa hoki tau e wawata ai
20:5b.PSA.020.005 Ka hari matou ki tau whakaoranga, ka whakatu hoki i o matou kara i runga i te ingoa o to matou Atua: ma Ihowa e whakarite au inoi katoa
20:6b.PSA.020.006 Katahi ahau ka matau e whakaora ana a Ihowa i tana tangata i whakawahi ai, ka whakahoki kupu ia ki a ia i tona rangi tapu, me te kaha ano tona ringa matau ki te whakaora
20:7b.PSA.020.007 Ko ta etahi he hariata, ko ta etahi he hoiho: ko tatou ia ka whakahua i te ingoa o Ihowa, o to tatou Atua
20:8b.PSA.020.008 Kua piko ratou, kua hinga: ko tatou ia kua ara, kua tu ki runga
20:9b.PSA.020.009 Whakaorangia, e Ihowa: kia whakahoki kupu mai te Kingi ina karanga matou
21
21:1b.PSA.021.001 Ki te tino kaiwhakatangi. He himene na Rawiri. Ka hari te kingi ki tou kaha, e Ihowa; ano te nui o tona whakamanamana ki tau whakaoranga
21:2b.PSA.021.002 Kua homai e koe ki a ia ta tona ngakau i hiahia ai; kihai ano i kaiponuhia e koe ta ona ngutu i inoi ai. (Hera
21:3b.PSA.021.003 Kei mua nei hoki koe i a ia e homai ana i nga manaakitanga o te pai; karaunatia ana e koe tona matenga ki te tino koura
21:4b.PSA.021.004 He ora tana i inoi ai i a koe, a kua homai e koe ki a ia, he roa noa atu nga ra ake ake
21:5b.PSA.021.005 He nui tona kororia i tau whakaoranga: uhia ana ia e koe ki te honore, ki te kororia
21:6b.PSA.021.006 Nau hoki ia i mea kia manaakitia rawatia ake ake: whakaharitia ana ia e koe ki te koa o tou mata
21:7b.PSA.021.007 E whakawhirinaki ana hoki te kingi ki a Ihowa; e kore ano ia e whakangaueuetia, he atawhai hoki no te Runga Rawa
21:8b.PSA.021.008 Ka mau i tou ringa ou hoariri katoa: ka mau i tou ringa matau te hunga e kino ana ki a koe
21:9b.PSA.021.009 Ka meinga ratou e koe, kia rite ki te oumu kapura i te wa e riri ai koe: e horomia ratou e Ihowa ina weriweri ia, a ma te kapura ratou e kai
21:10b.PSA.021.010 Ka whakamotitia e koe o ratou hua i runga i te whenua, o ratou uri i waenganui o nga tama a te tangata
21:11b.PSA.021.011 He kino hoki ta ratou i whakatakoto ai mou, he mahi nanakia ta ratou i whakaaro ai, kihai nei i taea e ratou
21:12b.PSA.021.012 Mo reira ka meinga e koe kia tahuri o ratou tuara, ina whakatihaia e koe au pere i runga i au aho ki o ratou mata
21:13b.PSA.021.013 Kia whakanuia koe, e Ihowa, i runga i tou kaha: ka waiata matou, ka himene ki tou nui
22
22:1b.PSA.022.001 Ki te tino kaiwhakatangi. Airete Hahara. He himene na Rawiri. E toku Atua, e toku Atua, he aha koe i whakarere ai i ahau? he aha koe i matara atu ai ki te whakaora i ahau i nga kupu hoki o taku hamama
22:2b.PSA.022.002 E toku Atua, e karanga nei ahau i te awatea, heoi kahore koe e rongo, i te po ano kahore ahau e wahangu
22:3b.PSA.022.003 Otiia he tapu koe, kei nga whakamoemiti a Iharaira tou nohoanga
22:4b.PSA.022.004 I whakawhirinaki o matou matua ki a koe, i whakawhirinaki, a whakaorangia ana e koe
22:5b.PSA.022.005 I karanga ratou ki a koe, a kua ora; i whakawhirinaki ki a koe, a kihai i whakama
22:6b.PSA.022.006 Ko ahau ia he toke, ehara i te tangata: e tawaia ana e te tangata, e whakahaweatia ana e te iwi
22:7b.PSA.022.007 Kataina iho ahau e te hunga katoa e kite ana i ahau, ko ana o ratou ngutu, ruru ana o ratou matenga, e ki mai ana
22:8b.PSA.022.008 Tukua atu koe ki a Ihowa, mana ia e whakaora: mana ia e whakaora, e pai ana hoki ia ki a ia
22:9b.PSA.022.009 Nau ia ahau i whakawhanau mai i roto i te kopu, i mea hoki kia tumanako, i ahau i nga u o toku whaea
22:10b.PSA.022.010 He mea whakarere atu ahau ki runga ki a koe no te kopu mai; ko koe toku Atua no te kopu mai ano o toku whaea
22:11b.PSA.022.011 Kei mamao atu i ahau, e tata ana hoki te he, kahore hoki he kaiawhina
22:12b.PSA.022.012 He tini nga puru e karapoti nei i ahau: e whakapaea ana ahau e nga mea kaha o Pahana
22:13b.PSA.022.013 E hamama ana o ratou mangai ki ahau, ano he raiona e haehae ana, e hamama ana
22:14b.PSA.022.014 Kua ringihia ahau, ano he wai, kua takoki katoa oku iwi; me te ware pi toku ngakau, e rewa ana i waenganui i oku whekau
22:15b.PSA.022.015 Kua maroke toku kaha, ano he maramara rihi, piri tonu toku arero ki oku kauae; kua whakatakotoria ano ahau e koe ki te puehu o te mate
22:16b.PSA.022.016 Kua karapotia nei hoki ahau e te kirehe, kua muia e te whakaminenga o nga tangata hara: kua pokaia e ratou oku ringa me oku waewae
22:17b.PSA.022.017 E taea e ahau te tatau oku iwi katoa: e titiro mai ana ratou, e matakitaki ana ki ahau
22:18b.PSA.022.018 E wehewehea ana oku kakahu mo ratou, e maka rota ana mo toku weruweru
22:19b.PSA.022.019 Kaua ra ia koe e matara atu, e Ihowa; e toku kaha, hohoro mai hei awhina moku
22:20b.PSA.022.020 Whakaorangia toku wairua i te hoari, taku hoki e matenui nei i te kuri
22:21b.PSA.022.021 Whakaorangia ahau i te mangai o te raiona: ae, i nga haona o nga kau maka kua whakahokia mai e koe he kupu ki ahau
22:22b.PSA.022.022 Ka korerotia e ahau tou ingoa ki oku teina, ka whakamoemititia koe e ahau i waenganui i te whakaminenga
22:23b.PSA.022.023 E te hunga e wehi ana ki a Ihowa, whakamoemiti ki a ia; whakakororiatia ia, e te uri katoa o Hakopa, kia wehi hoki ki a ia, e te uri katoa o Iharaira
22:24b.PSA.022.024 Kihai hoki ia i whakahawea, kihai i whakarihariha ki te aue o te ngakau mamae; kihai ano i huna i tona mata ki a ia, engari i tana karangatanga ki a ia i whakarongo ia
22:25b.PSA.022.025 Ko koe taku e whakamoemiti ai i waenganui o te whakaminenga nui, ka whakamana e ahau aku kupu taurangi ki te aroaro o te hunga e wehi ana ki a ia
22:26b.PSA.022.026 Ka kai te hunga mahaki, a ka makona: ka whakamoemiti ki a Ihowa te hunga e rapu ana ki a ia; kia ora tonu o koutou ngakau, ake, ake
22:27b.PSA.022.027 E mahara nga pito katoa o te whenua, a ka tahuri ki a Ihowa: ka koropiko ano nga hapu katoa o nga iwi ki tou aroaro
22:28b.PSA.022.028 No Ihowa hokite rangatiratanga, ko ia ano te kawana i waenganui o nga iwi
22:29b.PSA.022.029 Ka kai, a ka koropiko nga tangata tetere katoa o te whenua: ka tuohu ki tona aroaro te hunga katoa e heke ana ki te puehu; tae no ki te tangata kahore e ora i a ia tona wairua
22:30b.PSA.022.030 Tera e mahi tetahi uri ki a ia; ka waiho ki te Ariki hei whakatupuranga
22:31b.PSA.022.031 E haere mai ratou, e kauwhau i tona tika ki te iwi e whanau a mua, he meatanga tenei nana
23
23:1b.PSA.023.001 He himene na Rawiri. Ko Ihowa toku hepara; e kore ahau e hapa
23:2b.PSA.023.002 Ko ia hei mea kia takoto ahau ki nga wahi tarutaru hou: e arahi ana ia i ahau ki te taha o nga wai ata rere
23:3b.PSA.023.003 Ko ia hei whakahoki ake i toku wairua: e arahi ana ia i ahau i nga ara o te tika, he whakaaro ki tona ingoa
23:4b.PSA.023.004 Ae, ahakoa haere ahau i te awaawa o te atarangi o te mate, kahore he kino e wehi ai ahau: no te mea kei toku taha koe; ko tau rakau, ko tau tokotoko, ko ena hei oranga ngakau moku
23:5b.PSA.023.005 E taka ana e koe he tepu ki toku aroaro i te tirohanga a oku hoariri, e whakawahia ana e koe toku matenga ki te hinu, purena tonu taku kapu
23:6b.PSA.023.006 He pono e aru i ahau te pai me te atawhai i nga ra katoa e ora ai ahau, a ka noho ahau ki te whare o Ihowa ake tonu atu
24
24:1b.PSA.024.001 He himene na Rawiri. No Ihowa te whenua, me ona tini mea, te ao, me nga tangata e noho ana i runga
24:2b.PSA.024.002 He mea whakatu hoki nana ki runga ki nga moana, he mea whakau ki runga ki nga roma
24:3b.PSA.024.003 Ko wai e eke ki te maunga o Ihowa? Ko wai e tu ki tona wahi tapu
24:4b.PSA.024.004 Ko te tangata he ma nei nga ringa, he harakore tona ngakau, kahore nei i ara tona wairua ki te horihori, a kahore i oati teka
24:5b.PSA.024.005 Ka riro i a ia te manaaki a Ihowa, me te tika a te Atua o tona whakaoranga
24:6b.PSA.024.006 Ko te whakatupuranga tenei o te hunga e rapu ana ki a ia, e rapu nei i tou mate, e Hakopa. (Hera
24:7b.PSA.024.007 Kia ara o koutou matenga, e nga tatau, ara ake, e nga tatau onamata; a ka tomo te Kingi o te kororia
24:8b.PSA.024.008 Ko wai tenei Kingi kororia? Ko Ihowa, ko te kaha, ko te marohirohi, ko Ihowa, ko te marohirohi ki te whawhai
24:9b.PSA.024.009 Kia ara o koutou matenga, e nga tatau, kia ara ake, e nga tatau onamata, a ka tomo te Kingi o te kororia
24:10b.PSA.024.010 Ko wai tenei Kingi kororia? Ko Ihowa o nga mano, ko ia te Kingi kororia. (Hera
25
25:1b.PSA.025.001 Na Rawiri. Ka ara nei toku wairua ki a koe, e Ihowa
25:2b.PSA.025.002 E toku Atua, ko koe toku whakawhirinakitanga: kei whakama ahau, aua oku hoariri e tukua kia whakaputa ki ahau
25:3b.PSA.025.003 Ae, aua tetahi o te hunga e tatari ana ki a koe e tukua kia whakama: kia whakama te hunga e tinihanga noa ana
25:4b.PSA.025.004 Whakakitea ki ahau au ara, e Ihowa; whakaakona ahau ki au huarahi
25:5b.PSA.025.005 Arahina ahau i tou pono, whakaakona hoki ahau: ko koe hoki te Atua o toku whakaoranga; pau noa te ra i ahau e tatari nei ki a koe
25:6b.PSA.025.006 E Ihowa, kia mahara ki au mahi tohu, ki au mahi aroha; nonamata riro hoki ena
25:7b.PSA.025.007 Kaua e maharatia nga hara o toku tamarikitanga, me oku kino: mahara mai koe ki ahau, e Ihowa, kia rite ki tau mahi tohu, kia whakaaro ki tou pai
25:8b.PSA.025.008 He pai, he tika a Ihowa, a ka whakaakona e ia te hunga hara ki te huarahi
25:9b.PSA.025.009 Ka arahina e ia te hunga mahaki i runga i te whakawa: ka akona hoki e ia te hunga mahaki ki tana ara
25:10b.PSA.025.010 He mahi tohu, he pono nga ara katoa o Ihowa ki te hunga e pupuri ana i tana kawenata, i ana whakaaturanga
25:11b.PSA.025.011 Kia mahara ki tou ingoa, e Ihowa, a murua toku kino, he nui nei hoki
25:12b.PSA.025.012 Ko wai te tangata e wehi ana ki a Ihowa? Ka whakaako ia i a ia ki te ara e pai ai ia
25:13b.PSA.025.013 Ka noho tona wairua i runga i te pai, a ka riro te whenua i tona uri
25:14b.PSA.025.014 Kei te hunga e wehi ana i a ia te mea ngaro a Ihowa; a mana e whakakite ki a ratou tana kawenata
25:15b.PSA.025.015 E tau tonu ana oku kanohi ki a Ihowa; mana hoki e unu ake oku waewae i te kupenga
25:16b.PSA.025.016 Tahuri mai ki ahau, tohungia hoki ahau; he mokemoke hoki ahau, e mamae ana te ngakau
25:17b.PSA.025.017 Kua whakanuia nga whakapawera o toku ngakau: whakaputaina ahau i roto i nga mea e pehi nei i ahau
25:18b.PSA.025.018 Tirohia toku mate me toku mamae, a murua katoatia oku hara
25:19b.PSA.025.019 Tirohia mai oku hoariri, he tokomaha hoki ratou: a he nanakia te kino e kino nei ratou ki ahau
25:20b.PSA.025.020 Tiakina toku wairua, a whakaorangia ahau: kei whakama ahau; e whakawhirinaki ana hoki ahau ki a koe
25:21b.PSA.025.021 Tukua ma te ngakau tapatahi, ma te tika ahau e tiaki; e tumanako ana hoki ahau ki a koe
25:22b.PSA.025.022 Hokona, e te Atua, a Iharaira i roto i ona whakapawera katoa
26
26:1b.PSA.026.001 Na Rawiri. Whakawakia ahau, e Ihowa, kua haere nei hoki ahau i te tapatahitanga o toku ngakau: kua whakawhirinaki ano ki a Ihowa, na, e kore e paheke
26:2b.PSA.026.002 Tirohia iho ahau, e Ihowa, whakamatauria ahau, kia kitea oku whatumanawa me toku ngakau
26:3b.PSA.026.003 Kei mua hoki tou atawhai i oku kanohi; kua haere nei ahau i tou pono
26:4b.PSA.026.004 Kahore ahau i noho tahi ki nga tangata horihori; e kore ano ahau e tomo tahi me nga tangata tinihanga
26:5b.PSA.026.005 Kino tonu ahau ki te whakaminenga o nga kaimahi i te he, e kore ano ahau e noho tahi ki te hunga kino
26:6b.PSA.026.006 Ka horoia e ahau oku ringa ki te harakore, ka taiawhio ai i tau aata, e Ihowa
26:7b.PSA.026.007 A ka rangona toku reo e whakamoemiti ana, e whakapuaki ana i au mahi whakamiharo katoa
26:8b.PSA.026.008 E Ihowa, kua aroha nei ahau ki tou whare nohoanga, ki te wahi e nohoia ana e tou kororia
26:9b.PSA.026.009 Kei huia toku wairua ki roto ki te hunga hara, me toku ora ki roto ki te hunga toto
26:10b.PSA.026.010 He mahi nanakia hoki ta o ratou ringa; ki tonu o ratou matau i te utu whakapati
26:11b.PSA.026.011 Ko ahau ia, ka haere i runga i toku tapatahi: hokona ahau, tohungia hoki ahau
26:12b.PSA.026.012 E tu ana toku waewae i te wahi tika: ka whakapaingia a Ihowa e ahau i roto i nga whakaminenga
27
27:1b.PSA.027.001 Na Rawiri. Ko Ihowa toku marama, toku whakaoranga; kia wehi ahau i a wai? Ko Ihowa te kaha o toku ora; ko wai e mataku ai ahau
27:2b.PSA.027.002 I te whakatatanga mai o te hunga kino, o oku hoariri, o oku hoa whainga, ki te kai i oku kikokiko, tutuki ana ratou, hinga ana
27:3b.PSA.027.003 Ahakoa whakapae noa te ope i ahau e kore toku ngakau e wehi: ahakoa ara noa te pakanga ki ahau, ka au tonu ia ahau
27:4b.PSA.027.004 Kotahi taku mea i inoi ai i a Ihowa, ko taku tena e rapu ai: kia noho i te whare o Ihowa i nga ra katoa e ora ai ahau, kia kite ai i te ataahua o Ihowa, kia ui ai i roto i tona temepara
27:5b.PSA.027.005 Ka huna hoki ahau e ia ki tona teneti i te ra o te he, ka huna ki te wahi ngaro i tona tapenakara, ka hapainga ahau ki runga ki te kohatu
27:6b.PSA.027.006 Na, aianei ka teitei toku mahunga ki runga ake i oku hoariri, e karapoti nei i ahau; a ka patua e ahau i roto i tona tapenakara he whakahere hari; ka waiata ahau, ae ka himene ki a Ihowa
27:7b.PSA.027.007 Whakarongo mai ki toku reo, e Ihowa, ua karanga ahau, tohungia ahau, whakahokia mai hoki he kupu ki ahau
27:8b.PSA.027.008 I a koe i mea, Rapua e koutou toku mata; ka mea toku ngakau ki a koe, ka rapu ahau i tou mata, e Ihowa
27:9b.PSA.027.009 Kaua tou mata e huna ki ahau, kaua tau pononga e peia atu ua riri koe: ko koe toku kaiawhina, kei mahue ahau i a koe, kei whakarerea e koe e te Atua o toku whakaoranga
27:10b.PSA.027.010 Ki te whakarerea ahau e toku papa, e toku whaea, ko Ihowa hei tukunga atu moku
27:11b.PSA.027.011 E Ihowa, whakaakona ahau ki tau ara; arahina ahau i te ara tika, he hoariri hoki oku
27:12b.PSA.027.012 Kaua ahau e tukua ki te hiahia o oku hoariri; kua whakatika mai hoki ki ahau he kaiwhakapae teka, me te hunga manawa nanakia
27:13b.PSA.027.013 Kua ngohe ahau, me i kaua ahau i whakapono, tera ahau e kite i te pai o te Atua i te whenua o te ora
27:14b.PSA.027.014 Taria a Ihowa: kia maia, a kia kaha tou ngakau; ina, taria a Ihowa
28
28:1b.PSA.028.001 Na Rawiri. Ka karanga ahau ki a koe, e Ihowa, e toku kohatu, kaua e wahangu ki ahau; ki te wahangu hoki koe ki ahau, ka rite ahau ki te hunga e heke atu ana ki te poka
28:2b.PSA.028.002 Whakarongo ki toku reo inoi, ua karanga ahau ki a koe, ina totoro oku ringa ki tou ahurewa tapu
28:3b.PSA.028.003 Kaua ahau e kumea tahitia me te hunga he; me nga kaimahi i te kino, he marie a ratou kupu ki o ratou hoa, he kino ia kei roto i o ratou ngakau
28:4b.PSA.028.004 Kia rite ki a ratou mahi tau e hoatu ai ki a ratou, ki te kino ano o a ratou hanga: kia rite ki nga mahi a o ratou ringa tau e hoatu ai ki a ratou, whakahokia ta ratou utu ki a ratou
28:5b.PSA.028.005 Na kahore nei ratou e whakaaro ki nga mahi a Ihowa, ki nga meatanga a ona ringa, mo reira ka whakahoroa iho ratou e ia, e kore ano e whakaturia ake
28:6b.PSA.028.006 Kia whakapaingia a Ihowa mona i whakarongo mai ki toku reo inoi
28:7b.PSA.028.007 Ko Ihowa toku kaha, toku whakangungu rakau; i whakawhirinaki toku ngakau ki a ia, a awhinatia ana ahau; koia i hari ai toku ngakau, i whakamoemiti ai hoki taku waiata ki a ia
28:8b.PSA.028.008 Ko Ihowa to ratou kaha, ko ia ano te kaha whakaora o tana tangata i whakawahi ai
28:9b.PSA.028.009 Whakaorangia tau iwi, manaakitia tou kainga tupu: whangainga ratou, whakaarahia ake ake
29
29:1b.PSA.029.001 He himene na Rawiri. Hoatu ki a Ihowa, e nga tama a te hunga nunui, hoatu ki a Ihowa te kororia me te kaha
29:2b.PSA.029.002 Hoatu ki a Ihowa te kororia e rite ana mo tona ingoa, koropiko ki a Ihowa i roto i te ataahua o te tapu
29:3b.PSA.029.003 Kei runga te reo o Ihowa i nga wai: e papa ana te whatitiri a te Atua o te kororia: kei runga a Ihowa i nga wai maha
29:4b.PSA.029.004 Kaha tonu te reo o Ihowa; kororia tonu te reo o Ihowa
29:5b.PSA.029.005 Mongamonga noa nga hita i te reo o Ihowa; ina, mongamonga noa i a Ihowa nga hita o Repanona
29:6b.PSA.029.006 Ko ia hei mea i a ratou kia mokowhiti, ano he kuao: a Repanona raua ko Hiriona, ano he kuao kau maka
29:7b.PSA.029.007 E wehewehe ana te reo o Ihowa i nga mura ahi
29:8b.PSA.029.008 Wiri ana te koraha i te reo o Ihowa: wiri ana i a Ihowa te koraha o Karehe
29:9b.PSA.029.009 Whanau ana nga hata i te reo o Ihowa, tihorea ana nga ngahere kia tahanga: i tona temepara ko te kupu a te katoa, Kororia
29:10b.PSA.029.010 I noho a Ihowa hei kingi i runga i te Waipuke; ae, ka noho a Ihowa hei kingi, ake ake
29:11b.PSA.029.011 Ka homai e Ihowa he kaha ki tana hunga; he rongo mau ta Ihowa manaaki mo tana hunga
30
30:1b.PSA.030.001 He hemene, he waiata mo te tainga o te kawa o te whare. Na Rawiri. Ka whakanui ahau i a koe, e Ihowa; nau hoki ahau i hapai ake, a kihai i tukua oku hoariri kia hari ki ahau
30:2b.PSA.030.002 E Ihowa, e toku Atua, i karanga ahau ki a koe, a kore ake toku mate i a koe
30:3b.PSA.030.003 E Ihowa, nau i whakaputa ake toku wairua i te reinga; nau ahau i whakaora kei heke ki te poka
30:4b.PSA.030.004 Himene ki a Ihowa, e tana hunga tapu, whakawhetai hoki ki tona ingoa tapu
30:5b.PSA.030.005 He iti hoki te wahi e riri ai ia; he oranga ki te manakohia e ia: e tau iho te tangi i te ahiahi, a i te ata he hari
30:6b.PSA.030.006 I mea ahau i toku wa i kake ai, E kore ahau e whakangaueuetia a muri ake nei
30:7b.PSA.030.007 He manakohanga nau, e Ihowa, i u ai i a koe te tu o toku maunga; i huna e koe tou mata a raru iho ahau
30:8b.PSA.030.008 E Ihowa, i karanga ahau ki a koe, i inoi hoki ki a Ihowa
30:9b.PSA.030.009 He aha te pai o oku toto ina heke ahau ki te poka? Ma te puehu koia koe e whakamoemiti? mana oti e whakapuaki tou pono
30:10b.PSA.030.010 Whakarongo, e Ihowa, tohungia hoki ahau: e Ihowa, ko koe hei awhina moku
30:11b.PSA.030.011 Kua puta ke i a koe taku tangi hei kanikani: kua wewete i toku kakahu taratara, a whitikiria ana ahau e koe ki te koa
30:12b.PSA.030.012 Hei mea e himene ai toku kororia ki a koe, kore ake e wahangu. E Ihowa, e toku Atua, ka whakawhetai ahau ki a koe ake ake
31
31:1b.PSA.031.001 Ki te tino kaiwhakatangi. He himene na Rawiri. E Ihowa, ko koe taku e whakawhirinaki nei; kei whakama ahau ake ake: whakaorangia ahau, he tika nei hoki koe
31:2b.PSA.031.002 Anga mai tou taringa ki ahau; hohoro te whakaora i ahau: kia ai koe hei kohatu kaha moku, hei whare tiaki moku
31:3b.PSA.031.003 Ko koe hoki toku kohatu, toku pa: na kia mahara ki tou ingoa, a arahina ahau, tohutohungia hoki ahau
31:4b.PSA.031.004 Kapohia ahau i roto i te kupenga i huna e ratou moku; ko koe hoki toku kaha
31:5b.PSA.031.005 Tenei toku wairua te tukua atu nei e ahau ki tou ringa; nau ahau i hoki e Ihowa, e te Atua o te pono
31:6b.PSA.031.006 E kino ana ahau ki te hunga e whakaaro ana ki nga mea tekateka noa; e whakawhirinaki ana hoki ahau ki a Ihowa
31:7b.PSA.031.007 Ka whakamanamana ahau, ka hari ki tou atawhai; mou i titiro ki taku tangi; i matau hoki ki toku wairua i nga wa o te he
31:8b.PSA.031.008 Kahore ahau i kopia e koe ki roto ki te ringa o te hoariri: kua whakaturia e koe oku waewae ki te wahi nui
31:9b.PSA.031.009 Tohungia ahau, e Ihowa, kei te he hoki ahau, pakoko kau toku mata i te pouri, toku wairua me toku kopu
31:10b.PSA.031.010 Ka hemo nei hoki toku ora i te tangi, me oku tau i te aue; poto iho toku kaha i toku he, kurupopo ana oku iwi
31:11b.PSA.031.011 He tawainga ahau na oku hoariri katoa; ko te tino mahi ia tena a oku hoa noho tata, he mea wehi ahau na nga tangata i mohio ki ahau: ko te hunga i kite i ahau i waho, rere ana i ahau
31:12b.PSA.031.012 Kua warewaretia ahau me te tupapaku kua ngaro atu i te ngakau; kua rite ki te oko pakaru
31:13b.PSA.031.013 I rongo hoki ahau i te ngautuara a te tini; i karapotia ahau e te wehi: i a ratou e runanga ana ki te he moku, i mea kia whakamatea ahau
31:14b.PSA.031.014 Ko ahau ia i whakawhirinaki ki a koe, e Ihowa: i mea, Ko koe toku Atua
31:15b.PSA.031.015 Kei tou ringa oku taima, whakaorangia ahau i nga ringa o oku hoariri, i te hunga e tukino ana i ahau
31:16b.PSA.031.016 Kia whiti tou mata ki tau pononga; whakaorangia ahau, he mahi tohu hoki tau
31:17b.PSA.031.017 Kei whakama ahau, e Ihowa; kua karanga hoki ahau ki a koe: kia whakama te hunga kino, kia takoto puku i te reinga
31:18b.PSA.031.018 Whakamutua te korero a nga ngutu teka, he kino nei a ratou korero mo te tangata tika, na to ratou whakapehapeha hoki, na to ratou whakahihi
31:19b.PSA.031.019 Ano te nui o tau pai kua rongoatia nei e koe mo te hunga e wehi ana ki a koe; i mahia nei e koe mo te hunga e whakawhirinaki ana ki a koe i te aroaro o nga tama a te tangata
31:20b.PSA.031.020 Ka huna ratou e koe ki te wahi ngaro i tou aroaro i nga rauhanga a te tangata; ka huna ratou e koe ki roto ki te teneti, kei taea e te ngangau a nga arero
31:21b.PSA.031.021 Kia whakapaingia a Ihowa, mona i mea kia miharotia tana mahi tohu ki ahau i te pa kaha
31:22b.PSA.031.022 I ki hoki ahau i toku potatutatunga, Kua motuhia mai ahau i mua i ou kanohi: ahakoa ra i rongo koe ki toku reo inoi i taku karangatanga ki a koe
31:23b.PSA.031.023 Arohaina a Ihowa, e tana hunga tapu katoa: e tiakina ana e Ihowa te hunga pono, a he nui tana utu ki te kaimahi whakapehapeha
31:24b.PSA.031.024 Kia maia, kia kaha o koutou ngakau, e te hunga katoa e tumanako ana ki a Ihowa
32
32:1b.PSA.032.001 Na Rawiri: he Makiri. Ka hari te tangata kua oti tana he te muru, tona hara te hipoki
32:2b.PSA.032.002 Ka hari te tangata kahore nei e whakairia e Ihowa he hara ki a ia, a kahore he hianga i tona wairua
32:3b.PSA.032.003 I ahau kihai i kuihi, ngahengahe kau oku iwi i taku auetanga i te ra roa
32:4b.PSA.032.004 No tou ringa i taimaha ki ahau i te ao, i te po; kua whakaputaina ketia toku makukuranga, ano na te maroketanga o te raumati. (Hera
32:5b.PSA.032.005 I whakina e ahau toku hara ki a koe, kihai hoki i huna i toku kino: i mea ahau, Ka whakina aku mahi tutu ki a Ihowa; a murua ana e koe te kino o toku hara. (Hera
32:6b.PSA.032.006 Mo konei ka inoi ki a koe nga tangata tapu katoa i te wa e kitea ai koe: he pono ka ngawha nga wai nui, e kore e tata ki a ia
32:7b.PSA.032.007 Ko koe toku piringa; mau ahau e whakaora i te pouri, mau ahau e karapoti ki nga waiata whakaora. (Hera
32:8b.PSA.032.008 Ka tohutohungia koe e ahau, ka whakaakona koe ki te ara e haere ai koe; ma toku kanohi koe e arahi
32:9b.PSA.032.009 Kei rite koutou ki te hoiho, ki te muera ranei, kahore nei he matauranga; he mea kuku nei o raua kauae ki te paraire, ki te moka hei pupuri mai; ki te kore hoki, e kore e tata ki a koe
32:10b.PSA.032.010 He tini nga mea whakapouri mo te tangata hara: ko te tangata ia e whakawhirinaki ana ki a Ihowa, ka karapotia e te atawhai
32:11b.PSA.032.011 Kia koa ki a Ihowa, whakamanamana, e te hunga tika: kia hari, hamama, e te hunga ngakau tika katoa
33
33:1b.PSA.033.001 Kia hari ki a Ihowa, e te hunga tika: he mea ataahua te whakamoemiti ma te hunga kore he
33:2b.PSA.033.002 Whakamoemiti ki a Ihowa i runga i te hapa; himene ki a ia i runga i te hatere kotahi tekau nei nga aho
33:3b.PSA.033.003 Waiatatia ki a ia he waiata hou: kia tika te whakatangi, kia nui te reo
33:4b.PSA.033.004 No te mea he tika te kupu a Ihowa, a kei runga i te pono ana mahi katoa
33:5b.PSA.033.005 E paingia ana e ia te tika me te whakawa: ki tonu te whenua i te atawhai a Ihowa
33:6b.PSA.033.006 Na te kupu a Ihowa nga rangi i hanga; ko nga mano katoa hoki o reira na te ha o tona mangai
33:7b.PSA.033.007 He mea huihui e ia nga wai o te moana, ano he puranga; he mea whawhao e ia te rire ki nga pakoro
33:8b.PSA.033.008 Kia wehi te whenua katoa ki a Ihowa; kia ohooho nga tangata katoa o te ao ki a ia
33:9b.PSA.033.009 I ki hoki ia, a kua oti: i whakahau, a tu tonu iho
33:10b.PSA.033.010 E whakataka ana e Ihowa te whakaaro o nga tauiwi: e whakakahoretia ana e ia nga meatanga a nga iwi
33:11b.PSA.033.011 Ko te whakaaro o Ihowa, tu tonu ake ake; ko nga meatanga a tona ngakau kei tena whakatupuranga, kei tena whakatupuranga
33:12b.PSA.033.012 Ka hari te iwi no ratou nei Atua a Ihowa, te iwi kua whiriwhiria e ia hei taonga tupu mona
33:13b.PSA.033.013 E titiro iho ana a Ihowa i te rangi: e kite ana ia i nga tama katoa a te tangata
33:14b.PSA.033.014 Kei tona wahi nohoanga ia e matakitaki iho ana ki nga tangata katoa o te whenua
33:15b.PSA.033.015 Nana i hanga nga ngakau o ratou katoa, e mohiotia ana e ia a ratou mahi katoa
33:16b.PSA.033.016 E kore tetahi kingi e ora i te nui o te ope, e kore e ora te marohirohi i te nui o te kaha
33:17b.PSA.033.017 He mea teka te hoiho hei whakaora; ehara ano tona kaha nui i te mea e mawhiti ai
33:18b.PSA.033.018 Nana, kei runga i te hunga e wehi ana i a ia te kanohi o Ihowa, kei te hunga e tumanako ana ki tana mahi tohu
33:19b.PSA.033.019 Hei whakaora i o ratou wairua kei mate, hei mea i a ratou kia ora i te wa o te hemokai
33:20b.PSA.033.020 Kua tatari nei o tatou wairua ki a Ihowa; ko ia to tatou kaiawhina, to tatou whakangungu rakau
33:21b.PSA.033.021 Hari tonu to tatou ngakau ki a ia; no tatou hoki i whakawhirinaki ki tona ingoa tapu
33:22b.PSA.033.022 E Ihowa, hei runga i a matou tau mahi tohu; kia rite hoki ki ta matou tumanako ki a koe
34
34:1b.PSA.034.001 Na Rawiri, i tona ahua i rere ke ra i te aroaro o Apimereke; na pei ana ia, a haere ana. Ka whakapaingia e ahau a Ihowa i nga wa katoa; he whakamoemiti tonu ta toku mangai ki a ia
34:2b.PSA.034.002 Ka whakamanamana toku wairua ki a Ihowa: ka rongo te hunga mahaki, a ka hari
34:3b.PSA.034.003 Kia whakanui tahi tatou i a Ihowa, kia whakateitei tahi hoki i tona ingoa
34:4b.PSA.034.004 I rapu ahau i a Ihowa, a rongo mai ana ia ki ahau, whakaorangia ana ahau e ia i oku wehi katoa
34:5b.PSA.034.005 I titiro ratou ki a ia, a kua marama: a kahore rawa he whakama o o ratou mata
34:6b.PSA.034.006 I karanga tenei tangata iti, a whakarongo ana a Ihowa, whakaora ana i a ia i ona whakapawera katoa
34:7b.PSA.034.007 E noho ana te anahera a Ihowa i tetahi taha, i tetahi taha, o te hunga e wehi ana i a ia, a e whakaora ana i a ratou
34:8b.PSA.034.008 Whakamatauria, kia kite ai koutou i te pai o Ihowa: ka hari te tangata e whakawhirinaki ana ki a ia
34:9b.PSA.034.009 Kia wehi ki a Ihowa, e tona hunga tapu: e kore hoki e hapa nga tangata e wehi ana i a ia
34:10b.PSA.034.010 E hapa ana nga kuao raiona, e mate ana i te kai: ko te hunga ia e rapu ana ki a Ihowa, e kore e hapa i tetahi mea pai
34:11b.PSA.034.011 Haere mai, e nga tamariki, whakarongo ki ahau: maku koutou e ako kia wehi ki a Ihowa
34:12b.PSA.034.012 Ko wai te tangata e hiahia ana ki te ora, e whai ana kia maha nga ra, kia kite i te pai
34:13b.PSA.034.013 Tiakina tou arero kei kino, ou ngutu kei korero hianga
34:14b.PSA.034.014 Mawehe atu i te kino, mahia te pai; rapua te ata noho, whaia hoki
34:15b.PSA.034.015 E tau ana nga kanohi o Ihowa ki te hunga tika; me ona taringa ki ta ratou karanga
34:16b.PSA.034.016 E he ana te mata o Ihowa ki nga kaimahi i te kino, hei hatepe i a ratou i te whenua kei maharatia
34:17b.PSA.034.017 I karanga te hunga tika, a i whakarongo a Ihowa, whakaorangia ana ratou e ia i o ratou whakapawera katoa
34:18b.PSA.034.018 E tata ana a Ihowa ki te hunga ngakau maru: ka whakaorangia ano e ia te hunga wairua iro
34:19b.PSA.034.019 He tini nga mate o te tangata tika: otiia e whakaorangia ana ia e Ihowa i roto i era katoa
34:20b.PSA.034.020 E tiakina ana e ia ona wheua katoa: e kore tetahi e whati
34:21b.PSA.034.021 Ka mate i te kino te tangata hara; a ka he te hunga e kino ana ki te tangata tika
34:22b.PSA.034.022 E hokona ana e Ihowa te wairua o ana pononga, e kore ano e he tetahi o te hunga e whakawhirinaki ana ki a ia
35
35:1b.PSA.035.001 Na Rawiri. E ngana, e Ihowa, ki te hunga e tohe ana ki ahau: whawhaitia te hunga e whawhai nei ki ahau
35:2b.PSA.035.002 Kia mau ki te whakangungu rakau, ki te puapua; whakatika hei awhina mok
35:3b.PSA.035.003 Unuhia te tao, araia te ara o te hunga e whai nei i ahau: ki mai ki toku wairua, Ko ahau tou whakaoranga
35:4b.PSA.035.004 Kia whakama, kia numinumi te hunga e whai ana kia whakamatea ahau: kia whakahokia ki muri, kia whakapoauautia te hunga e whakatakoto ana i te kino moku
35:5b.PSA.035.005 Kia rite ratou ki te papapa e puhia ana e te hau; kia aia haeretia e te anahera a Ihowa
35:6b.PSA.035.006 Kia pouri to ratou ara, kia pahekeheke: kia whaia ratou e te anahera a Ihowa
35:7b.PSA.035.007 Kahore hoki he rawa i huna ai e ratou te poka o ta ratou kupenga moku; he mea keri takekore kia mate ai ahau
35:8b.PSA.035.008 Kia rokohanga poauautia ia e te ngaromanga; kia mau ano ko ia i tana kupenga i huna ai: kia taka ia ki taua tino ngaromanga
35:9b.PSA.035.009 A ka koa toku wairua ki a Ihowa, ka hari ki tana whakaoranga
35:10b.PSA.035.010 Ka ki katoa oku wheua, E Ihowa, ko wai te rite mou, mo te kaiwhakaora o te iti i te tangata e kaha ake ana i a ia, ae o te iti, o te rawakore i tona kaipahua
35:11b.PSA.035.011 Whakatika ana nga kaiwhakapae teka: whakawakia ana ahau mo nga mea kihai nei ahau i matau atu
35:12b.PSA.035.012 Utua ana e ratou taku pai ki te kino, a whakatupu pani ana toku wairua
35:13b.PSA.035.013 Tena ko ahau, i a ratou e mate ana, he kahu taratara toku, waikauwere ana toku wairua, kihai i kai: a hoki mai ana taku inoi ki toku uma
35:14b.PSA.035.014 Ko toku ahua me te mea he hoa ia, he teina noku: kupapa noa iho ahau, ano he tangata e tangi ana ki tona whaea
35:15b.PSA.035.015 I toku paheketanga ia koa ana ratou, huihui ana; huihui ana nga tangata kino noa iho hei hoariri moku, kihai ano ahau i mohio; haehae ana ratou i ahau, kihai hoki i mutu
35:16b.PSA.035.016 Rite tonu ki nga kaiwhakakata o nga hakari, tetea ana o ratou niho ki ahau
35:17b.PSA.035.017 E te Ariki, kia pehea te roa o tau titiro kau mai? Whakaorangia toku wairua i a ratou whakangaromanga, taku e aroha nei, i nga raiona
35:18b.PSA.035.018 Ka whakawhetai ahau ki a koe i roto i te whakaminenga nui, ka whakamoemiti ki a koe i roto i te iwi maha
35:19b.PSA.035.019 Kei hari pokanoa ki ahau oku hoariri; kei whakakini te kanohi o te hunga e kino noa ana ki ahau
35:20b.PSA.035.020 Ehara hoki ta ratou i te korero mo te rangimarie; heoi kei te whakatakoto kupu tinihanga ratou mo te hunga ata noho o te whenua
35:21b.PSA.035.021 Ina, hamama ana o ratou mangai ki ahau, e ki ana, Ha, ha, kua kite to matou kanohi
35:22b.PSA.035.022 Kua kite koe, e Ihowa: kaua ra e wahangu; e te Ariki, kei matara i ahau
35:23b.PSA.035.023 Oho ake, e ara ki te whakarite i toku whakawa, ki taku tautohe, e toku Atua, e toku Ariki
35:24b.PSA.035.024 Kia rite ki tou tika te whakarite moku, e Ihowa, e toku Atua: kei koa ano ratou ki ahau
35:25b.PSA.035.025 Kei mea ratou i roto i o ratou ngakau, Ha, ko ta matou tena i pai ai: kei mea ratou, Kua horomia ia e tatou
35:26b.PSA.035.026 Kia whakama, kia numinumi ngatahi, te hunga e koa ana ina he ahau: kia whakakakahuria ki te whakama, ki te numinumi, te hunga e whakakake ana ki ahau
35:27b.PSA.035.027 Kia hamama i te hari, kia koa te hunga e pai ana ki taku mahi tika: ae, kia mea tonu, kia whakanuia a Ihowa e whakapai nei ki te ora o tana pononga
35:28b.PSA.035.028 A ka korerotia e toku arero tau mahi tika, me te whakamoemiti ki a koe i te ra roa
36
36:1b.PSA.036.001 Ki te tino kaiwhakatangi. Na te pononga a Ihowa, na Rawiri. E mea ana te mahi kino a te tangata hara i roto i toku ngakau, Kahore he wehi ki te Atua i mua i ona kanohi
36:2b.PSA.036.002 E whakapai ana hoki ona kanohi ake ki a ia ano, e kore e kitea tona hara, e kore e kinongia
36:3b.PSA.036.003 He kino nga kupu a tona mangai he rauhanga hoki, kua mahue i a ia te mahara, te mahi i te pai
36:4b.PSA.036.004 He mahi nanakia tana e whakaaro ai i runga i tona moenga; ehara i te pai te ara e turia ana e ia, kahore ona whakarihariha ki te kino
36:5b.PSA.036.005 Kei nga rangi, e Ihowa, tau mahi tohu: tutuki noa atu tou pono ki nga kapua
36:6b.PSA.036.006 Rite tonu tou tika ki nga maunga o te Atua; he rire nui au whakaritenga: ko koe, e Ihowa, te kaiwhakaora i te tangata, i te kararehe
36:7b.PSA.036.007 Ano te pai o tou aroha, e te Atua: ka okioki nga tama a te tangata i raro i te taumarumarutanga iho o ou pakau
36:8b.PSA.036.008 Ka makona ratou i nga mea momona o tou whare: ka whakainumia ano e koe ki te awa o au mea whakahari
36:9b.PSA.036.009 Kei a koe hoki te puna o te ora; ma tou marama ka kite ai matou i te marama
36:10b.PSA.036.010 Kia roa tou aroha ki te hunga e matau ana ki a koe, tou tika hoki ki te hunga ngakau tika
36:11b.PSA.036.011 Kei puta mai ki ahau te waewae whakapakari; kei aia atu ahau e te ringa o te hunga hara
36:12b.PSA.036.012 Hinga iho i reira nga kaimahi i te kino: kua turakina iho, te ahei te ara ake
37
37:1b.PSA.037.001 Na Rawiri. Kaua e mamae ki te hunga kino, kaua e hae ki nga kaimahi i te he
37:2b.PSA.037.002 No te mea ka hohoro ratou te kotia, te peratia me te tarutaru, a ka memenga me he otaota hou
37:3b.PSA.037.003 Whakawhirinaki ki a Ihowa, mahia te pai; e noho ki te whenua, a e aru i muri i te pono
37:4b.PSA.037.004 Whakaahuareka ki a Ihowa, a ka homai e ia ki a koe ta tou ngakau i hiahia ai
37:5b.PSA.037.005 Tukua tou ara ki a Ihowa; whakawhirinaki hoki ki a ia, a mana e mahi
37:6b.PSA.037.006 Mana hoki e whakaputa tou tika, ano he marama, ou ritenga me te mea ko te ra e tu ana
37:7b.PSA.037.007 Okioki ki a Ihowa, tatari marie ki a ia: kei mamae ki te tangata e tere ana i tona ara, ki te tangata e taea ana e ia nga whakaaro kino
37:8b.PSA.037.008 Kati te riri, whakarerea hoki te arita; kei mamae koe, kei takina kia mahi i te kino
37:9b.PSA.037.009 No te mea ka hatepea atu te hunga kino: ko te hunga ia e tatari ana ki a Ihowa, ka riro i a ratou te whenua
37:10b.PSA.037.010 Kia potopoto ake nei hoki, a ka kore noa iho te hunga kino: ae ra, ka ata tirohia e koe tona wahi, a kore kau noa iho ia
37:11b.PSA.037.011 Na ka riro te whenua i te hunga mahaki; a ka hari ratou i te roa o te ata noho
37:12b.PSA.037.012 E whakangarahu ana te tangata kino mo te tangata tika: pakiri ana ona niho ki a ia
37:13b.PSA.037.013 Ka kata te Ariki ki a ia, no te mea ka kite ia e tata ana tona ra
37:14b.PSA.037.014 Kua unuhia te hoari e te hunga kino, kua piko ta ratou kopere, hei turaki i te ware, i te rawakore, hei kohuru i te hunga e tika ana, i te ara
37:15b.PSA.037.015 Ka tapoko ta ratou hoari ki o ratou ngakau: a ka whatiia a ratou kopere
37:16b.PSA.037.016 Engari te wahi iti a te tangata tika i nga taonga o nga tangata kino tokomaha
37:17b.PSA.037.017 Ka whatiia hoki nga ringa o te hunga kino: u tonu ia i a Ihowa te hunga tika
37:18b.PSA.037.018 E matau ana a Ihowa ki nga ra o te hunga tika: a ka pumau to ratou kainga ake ake
37:19b.PSA.037.019 E kore ratou e whakama i te wa o te he, ka makona ano ratou i nga ra o te hemokai
37:20b.PSA.037.020 Ka ngaro ia te hunga kino, a ka rite nga hoariri o Ihowa ki te momona o te tarutaru: ka mahea atu ratou; ka mahea atu me he paowa
37:21b.PSA.037.021 E tango ana te tangata kino i te taonga tarewa, kahore hoki ana utu: ko te tangata tika ia he aroha tona, he homai
37:22b.PSA.037.022 Ka riro hoki te whenua i ana e manaaki ai; ka hatepea ano ana e kanga ai
37:23b.PSA.037.023 Ka u i a Ihowa nga hikoinga o te tangata tika; e paingia ana hoki e ia tona ara
37:24b.PSA.037.024 Ahakoa hinga, e kore e tino takoto rawa; ka u hoki ia i te ringa o Ihowa
37:25b.PSA.037.025 He tamariki ahau i mua, a kua koroheke nei, heoi, kahore ahau i kite i te tangata tika e whakarerea ana, i ona uri hoki e pinono taro ana
37:26b.PSA.037.026 I te ra roa he atawhai tonu tana, he ohaoha: ka manaakitia hoki ona uri
37:27b.PSA.037.027 Whakarerea te kino, mahia te pai, ka noho tonu ai
37:28b.PSA.037.028 E aroha ana hoki a Ihowa ki te ritenga pai: e kore ano e whakarere i tana hunga tapu; e tiakina tonutia ana ratou ake ake; ka hatepea atu ia nga uri o te hunga kino
37:29b.PSA.037.029 Ka riro te whenua i te hunga tika, ka nohoia hoki a reira e ratou ake ake
37:30b.PSA.037.030 He kupu mohio ta te mangai o te tangata tika; he ritenga pai ta tona arero e korero ai
37:31b.PSA.037.031 Kei tona ngakau te ture a tona Atua; e kore e paheke tetahi o ona hikoinga
37:32b.PSA.037.032 E tau ana te titiro a te tangata kino ki te tangata tika, a e whai ana kia whakamatea ia
37:33b.PSA.037.033 E kore a Ihowa e whakarere i a ia ki tona ringa: e kore ano ia e whakatau he ki a ia ina whakawakia
37:34b.PSA.037.034 Taria a Ihowa, kia mau ki tana ara, a ka whakanuia koe e ia, ka whakawhiwhia hoki ki te whenua: e hatepea atu te hunga kino, ka kite koe
37:35b.PSA.037.035 I kite ahau i te tangata kino e kake ana, e tautorotoro ana me te rakau matomato i tona oneone tupu
37:36b.PSA.037.036 Heoi, pahure noa ake tetahi, a kore kau noa iho; ae, i rapua ia e ahau, a kihai i kitea
37:37b.PSA.037.037 Waitohutia te tangata tika, tirohia iho te tangata kore he: no te mea he marie te tukunga iho ki taua tangata
37:38b.PSA.037.038 Tena ko te hunga kino, ka ngaro ngatahi atu ratou: te tukunga iho ki te hunga kino, ka hatepea atu ratou
37:39b.PSA.037.039 Na Ihowa ia te whakaoranga o te hunga tika: ko ia to ratou pa kaha i te wa o te he
37:40b.PSA.037.040 Ma Ihowa ratou e awhina, ko ia hoki hei tauarai mo ratou: ko ia hei tauarai mo ratou i te hunga kino, ka whakaorangia ratou e ia, mo ratou ka whakawhirinaki ki a ia
38
38:1b.PSA.038.001 He himene na Rawiri, hei whakamahara. E Ihowa, kaua e whakatupehupehu mai ki ahau ina riri koe, kaua ano ahau e pakia ina arita koe
38:2b.PSA.038.002 Titi tonu hoki au pere ki ahau: kaha rawa te pehi a tou ringa i ahau
38:3b.PSA.038.003 Kahore he wahi ora o oku kikokiko, na tou riri hoki: kahore ano e ata takoto oku wheua, noku i hara nei
38:4b.PSA.038.004 Kua taupokina iho hoki toku matenga e oku kino: ano he pikaunga taimaha e pehi rawa ana i ahau
38:5b.PSA.038.005 E piro ana oku whiunga, kua pirau i taku mahi poauau
38:6b.PSA.038.006 E whakawiria ana ahau, piko rawa; e tangi haere ana i te roa o te ra
38:7b.PSA.038.007 Kei te tahuna hoki toku hope, kapi tonu: kahore hoki he wahi ora o oku kikokiko
38:8b.PSA.038.008 Kua kore oku kaha, maru rawa ahau: hamama ana taku aue i te mamae o toku ngakau
38:9b.PSA.038.009 E te Ariki, kei tou aroaro oku hiahia katoa; kahore hoki e ngaro i a koe taku aue
38:10b.PSA.038.010 Kihakiha kau toku ngakau, kua hemo toku kaha: me te marama o oku kanohi, kua kore hoki ena oku
38:11b.PSA.038.011 Matara noa atu i toku mate te turanga mai o nga tangata i aroha mai ki ahau, o oku hoa hoki; i tawhiti ano oku whanaunga e tu ke mai ana
38:12b.PSA.038.012 E whakatakoto mahanga ana moku te hunga e whai ana i ahau kia whakamatea; he nanakia ano nga kupu a te hunga e rapu ana i te he moku; he whakaaro tinihanga ano a ratou a pau noa te ra
38:13b.PSA.038.013 Ko ahau ia, i rite ki te turi, kihai i rongo, ki te tangata wahangu, kahore nei e hamamu tona mangai
38:14b.PSA.038.014 Na rite tonu ahau ki te tangata kahore nei e rongo, kahore nei he whakatupehupehu i tona mangai
38:15b.PSA.038.015 E tumanako nei hoki ahau ki a koe, e Ihowa: ka whakahoki kupu mai ano koe, e te Ariki, e toku Atua
38:16b.PSA.038.016 I mea hoki ahau, Kei koa mai ratou ki ahau: ka paheke toku waewae, ka whakahihi ratou ki ahau
38:17b.PSA.038.017 Ko ahau hoki, meake kopa, a kei inua tonu i ahau toku pouri
38:18b.PSA.038.018 Ka whaki hoki ahau i toku kino, ka pouri mo toku hara
38:19b.PSA.038.019 Ko oku hoariri ia hauhau tonu, kaha tonu; kua tokomaha ano te hunga e kino noa ana ki ahau
38:20b.PSA.038.020 He hoariri ano ki ahau te hunga e utu ana i te pai ki te kino: moku e whai ana i te pai
38:21b.PSA.038.021 Kaua ahau e whakarerea, e Ihowa, e toku Atua; kei mamao atu koe i ahau
38:22b.PSA.038.022 Hohoro ki te awhina i ahau, e te Ariki, e toku whakaoranga
39
39:1b.PSA.039.001 Ki te tino kaiwhakatangi, ki a Ierutunu. He himene na Rawiri. I mea ahau, Ka ata whakaaro ahau ki oku ara, kei hara toku arero; ka tiakina toku mangai, paraire rawa, i te mea kei toku aroaro te tangata kino
39:2b.PSA.039.002 I whakamoroki ahau, i wahangu, kihai i puaki taku kupu, ahakoa pai; a ka oho toku mamae
39:3b.PSA.039.003 Werawera ana toku ngakau i roto i ahau; i ahau e whakaaro ana ka ka te ahi, a ka korero toku arero
39:4b.PSA.039.004 E Ihowa, meinga ahau kia matau ki toku mutunga, ki te maha hoki o oku ra, e hia ranei: kia matau ai ahau he mea memeha noa ahau
39:5b.PSA.039.005 Nana, he whanuitanga ringa oku ra kua homai nei e koe; he kahore noa iho ano oku tau i tou aroaro: ahakoa u noa te tu o nga tangata katoa, he mea memeha kau. (Hera
39:6b.PSA.039.006 He pono kei roto i te atarangi te tangata e kopikopiko noa ana; he pono e ohorere noa ana ratou: e ami ana ia i te taonga, a kahore e matau ma wai ranei e kohi
39:7b.PSA.039.007 Na he aha taku e tatari atu nei, e te Ariki? Ko koe taku e tumanako ai
39:8b.PSA.039.008 Whakaorangia ahau i aku mahi tutu katoa: kaua ahau e waiho hei tawainga ma te wairangi
39:9b.PSA.039.009 Wahangu ana ahau, kihai i kuihi toku mangai: he meatanga hoki tenei nau
39:10b.PSA.039.010 Nekehia atu i ahau tau whiu: ka ngaro ahau i te pakinga a tou ringa
39:11b.PSA.039.011 Ka pakia e koe te tangata, ka whakatupehupehutia mo te hara, ka meinga e koe tona ataahua kia memeha, kia pera me te purehurehu: he pono he mea teka noa nga tangata katoa. (Hera
39:12b.PSA.039.012 Whakarongo ki taku inoi, e Ihowa, kia titaha mai tou taringa ki taku karanga; kei wahangu koe ki oku roimata: he heke hoki ahau nau, he manene, he pera me oku matua katoa
39:13b.PSA.039.013 Kia ata hanga ki ahau, kia ta ai toku manawa, keiwha haere atu ahau i konei, a ka kahore noa iho
40
40:1b.PSA.040.001 Ki te tino kaiwhakatangi. He himene na Rawiri. I tatari marie ahau ki a Ihowa: a anga ana ia ki ahau, whakarongo ana ki taku karanga
40:2b.PSA.040.002 Na kei te tango ake ia i ahau i te poka whakamataku, i te paru taoruoru; kei te whakatu i oku waewae ki runga ki te kohatu, kei te whakau i oku hikoinga
40:3b.PSA.040.003 A homai ana e ia he waiata hou ki toku mangai, he whakamoemiti ki to tatou Atua: he tokomaha e kite, a ka wehi ka whakawhirinaki ki a Ihowa
40:4b.PSA.040.004 Ka hari te tangata kua waiho nei e ia a Ihowa hei whakawhirinakitanga mona: a kahore e tahuri ki te hunga whakakake, ki te hunga hoki e peka ana ki te teka
40:5b.PSA.040.005 E Ihowa, e toku Atua, he tini au mahi whakamiharo i mahia e koe, me ou whakaaro ki a matou; e kore e taea te korero whakatepe atu ki a koe: me i mea ahau kia whakakitea, kia korerotia, e kore e taea te tatau
40:6b.PSA.040.006 Kihai i matenuitia e koe te patunga tapu, me te whakahere; pokaia ana e koe oku taringa: kihai koe i mea mai ki te tahunga tinana, ki te whakahere hara
40:7b.PSA.040.007 Na ko taku meatanga atu, Na kua tae mai ahau: kei roto i te pukapuka te tuhituhi moku
40:8b.PSA.040.008 Ko taku pai ko te mea i tau e pai ai, e toku Atua: ae ra, kei toku ngakau tau ture
40:9b.PSA.040.009 Kua kauwhautia e ahau te tika i roto i te whakaminenga nui: nana, kihai i kopia oku ngutu, tena koe te matau ana, e Ihowa
40:10b.PSA.040.010 Kihai i huna e ahau tou tika i roto i toku ngakau; kua korerotia e ahau tou pono me tau whakaoranga: kihai i hunga e ahau tou aroha me tou pono i te whakaminenga nui
40:11b.PSA.040.011 Kei kaiponuhia tou aroha ki ahau, e Ihowa: ma tou atawhai me tou pono ahau e tiaki i nga wa katoa
40:12b.PSA.040.012 Ta te mea kua karapotia ahau e nga kino e kore e taea te tatau: mau pu ahau i oku kino, te ahei te titiro ake; he tini ke i nga makawe o toku matenga: a hemo iho toku ngakau
40:13b.PSA.040.013 Kia pai, e Ihowa, ki te whakaora i ahau; e Ihowa, hohoro ki te awhina i ahau
40:14b.PSA.040.014 Kia whakama, kia pororaru ngatahi te hunga e rapu ana i toku wairua kia whakamatea: kia whakahokia ki muri, kia whakama te hunga e hiahia ana kia he ahau
40:15b.PSA.040.015 Kia huna, hei utu mo to ratou whakama te hunga e mea mai ana ki ahau, Ha, ha
40:16b.PSA.040.016 Kia hari, kia koa ki a koe te hunga katoa e rapu ana i a koe; kia mea tonu te hunga e pai ana ki tau whakaoranga, Kia whakanuia a Ihowa
40:17b.PSA.040.017 Ko ahau ia, he iti, he rawakore; heoi e whakaaro ana te Ariki ki ahau: ko koe toku awhina, toku kaiwhakaora; kaua ra e whakaroa, e toku Atua
41
41:1b.PSA.041.001 Ki te tino kaiwhakatangi. He himene na Rawiri. Ka hari te tangata e whakaaro ana ki te rawakore; e whakaorangia ia e Ihowa i te ra o te he
41:2b.PSA.041.002 Ma Ihowa ia e tiaki, e whakaora; ka whakaharitia ia i runga i te whenua: e kore ano e tukua e koe ki nga hiahia o ona hoariri
41:3b.PSA.041.003 Ma Ihowa ia e whakakaha, i a ia e whakaruhi ana i runga i te moenga: mau ano e whakapai katoa tona moenga i a ia e mate ana
41:4b.PSA.041.004 I mea ahau, E Ihowa, tohungia ahau; rongoatia toku wairua; kua hara hoki ahau ki a koe
41:5b.PSA.041.005 He kino te korero a oku hoariri moku, e mea ana, A hea ranei ia mate ai, pirau ai tona ingoa
41:6b.PSA.041.006 A ki te haere mai ia kia kite i ahau, ka korero horihori ia: e ami ana tona ngakau i te kino mana; i tona putanga ki waho, korerotia ana e ia
41:7b.PSA.041.007 E komuhumuhu ana moku te hunga katoa e kino ana ki ahau; e whakatakoto ana i te kino moku
41:8b.PSA.041.008 E ai ta ratou, E piri ana te mate kino ki a ia; a ka takoto nei ia, heoi ano tona aranga ake
41:9b.PSA.041.009 Ae, ko toku hoa ake ano, i whakawhirinaki ai ahau, i kai nei i taku taro, kua hiki ake tona rekereke ki ahau
41:10b.PSA.041.010 Ko koe ia, e Ihowa, kia aroha ki ahau: a whakaarahia ahau, kia utua ai ratou e ahau
41:11b.PSA.041.011 Na konei ahau i matau ai e pai ana koe ki ahau, no te mea kahore toku hoariri e whakamanamana ki ahau
41:12b.PSA.041.012 Ko ahau ia, ko koe e whakamau ake ana i ahau i runga i toku ngakau tapatahi: e whakatu ake ana hoki i ahau ki tou aroaro ake tonu atu
41:13b.PSA.041.013 Kia whakapaingia a Ihowa, te Atua o Iharaira inamata riro ano, ake tonu atu ano hoki. Amine, ae Amine
42
42:1b.PSA.042.001 Ki te tino kaiwhakatangi. He Makiri, ma nga tama a Koraha. Rite tonu ki te hata e kihakiha nei ki nga manga wai toku ngakau e kihakiha nei ki a koe, e te Atua
42:2b.PSA.042.002 E hiainu ana toku wairua ki te Atua, ki te Atua ora: a hea ahau tae ai, puta ai ki te aroaro o te Atua
42:3b.PSA.042.003 Ko oku roimata taku kai i te ao, i te po, i a ratou e mea tonu mai nei ki ahau, Kei hea tou Atua
42:4b.PSA.042.004 Ka mahara ahau ki enei mea; me te wai toku ngakau e maringi ana i roto i ahau: i haere hoki ahau i roto i te huihui, i haere tahi matou ki te whare o te Atua, he hari te reo, he whakamoemiti, me te huihui e mea hakari ana
42:5b.PSA.042.005 He aha koe i piko ai, e toku wairua? i ohorere ai i roto i ahau? Tumanako ki te Atua; tera ano ahau e whakawhetai ki a ia, mo te ora o tona mata
42:6b.PSA.042.006 E toku Atua, kua piko toku wairua i roto i ahau: koia ahau ka mahara ai ki a koe i te whenua o Horano, o nga Heremoni, i Maunga Mitara
42:7b.PSA.042.007 Rara ana tetahi rire ki tetahi rire i te haruru o au awhiowhio wai: tika ana au ngaru katoa me au tuatea i runga i ahau
42:8b.PSA.042.008 Ahakoa ra e whakahaua mai ano e Ihowa tona atawhai i te awatea; a he waiata taku ki a ia i te po, he inoi ki te Atua o toku ora
42:9b.PSA.042.009 Ka mea ahau ki te Atua, E toku kohatu, he aha koe i wareware ai ki ahau? He aha ahau ka haere pouri ai i te tukino a te hoariri
42:10b.PSA.042.010 Ano he hoari i roto i oku wheua te tawai a oku hoariri: i a ratou e mea mai nei ki ahau i nga ra katoa, Kei hea tou Atua
42:11b.PSA.042.011 He aha koe i piko ai, e toku wairua? He aha koe i ohorere ai i roto i ahau? Tumanako ki te Atua: tera ano ahau e whakawhetai ki a ia, ko te ora nei ia o toku mata, ko toku Atua
43
43:1b.PSA.043.001 E te Atua, whakaritea taku whakawa, whakatikaia aku korero ki te iwi atuakore: whakaorangia ahau i te tangata tinihanga e mahi nei i te he
43:2b.PSA.043.002 Ko koe hoki te Atua o toku kaha: he aha ahau ka panga nei e koe? He aha ahau ka haere pouri ai i te tukino a te hoariri
43:3b.PSA.043.003 Tukua mai tou marama me tou pono hei arahi i ahau: hei kawe i ahau ki tou maunga tapu, ki ou tapenakara
43:4b.PSA.043.004 A ka haere ahau ki te aata a te Atua, ki te Atua, ki toku hari nui: ae, ka whakamoemiti ki a koe, e te Atua, e toku Atua, i runga i te hapa
43:5b.PSA.043.005 He aha koe i piko ai, e toku wairua? He aha koe i ohorere ai i roto i ahau? Tumanako ki te Atua: tera ano ahau e whakawhetai ki a ia, ko te ora nei ia o toku mata, ko toku Atua
44
44:1b.PSA.044.001 Ki te tino kaiwhakatangi, ma nga tama a Koraha. He Makiri. E te Atua, kua rongo o matou taringa, kua korerotia ki a matou e o matou matua, nga mahi i mahia e koe i o ratou ra, i nga ra o mua
44:2b.PSA.044.002 Nau nga tauiwi i pana ki tou ringa, nau ratou i whakato: nau nga iwi i whiu, a whakamararatia ana ratou
44:3b.PSA.044.003 Ehara hoki i te mea, na ta ratou hoari i whiwhi ai ratou ki te whenua, ehara to ratou takakau i te mea i ora ai ratou: engari na tou matau, na tou takakau hoki, na te marama ano o tou mata, he pai hoki nou ki a ratou
44:4b.PSA.044.004 E te Atua, ko koe toku Kingi: whakahaua he whakaora mo Hakapa
44:5b.PSA.044.005 Mau ka turaki ai matou i o matou hoariri; ma tou ingoa ka takahia ai e matou te hunga e whakatika ana ki a matou
44:6b.PSA.044.006 E kore hoki ahau e whakawhirinaki ki taku kopere: e kore ano taku hoari e whakaora i ahau
44:7b.PSA.044.007 Nau hoki matou i ora ai i o matou hoariri: nau ano i whakama ai te hunga i kino ki a matou
44:8b.PSA.044.008 Ko te Atua ta matou e whakamanamana ai i te roa o te ra: ka whakamoemiti ano matou ki tou ingoa ake ake. (Hera
44:9b.PSA.044.009 Otira kua panga nei matou e koe, kua meinga kia whakama: kahore hoki koe kia haere tahi me a matou taua
44:10b.PSA.044.010 Kua meinga matou kia hoki whakamuri mai i te hoariri; kei te pahua ano i etahi ma ratou te hunga e kino ana ki a matou
44:11b.PSA.044.011 Kua hoatu matou e koe, ano he hipi e kainga ana: kua marara ki roto ki nga tauiwi
44:12b.PSA.044.012 E hokona ana e koe tau iwi, a hore he utu: kahore hoki koe e whiwhi rawa i te utu mo ratou
44:13b.PSA.044.013 E meinga ana matou e koe hei tawainga ma o matou hoa kainga; hei whakahaweatanga, hei whakakatanga mai ma te hunga i tetahi taha, i tetahi taha o matou
44:14b.PSA.044.014 E meinga ana matou e koe hei whakatauki ma nga tauiwi; hei rurutanga matenga ma nga iwi
44:15b.PSA.044.015 Kei mua tonu i ahau toku whakama; kua taupokina ahau e te pawera o toku mata
44:16b.PSA.044.016 I te reo o te kaitawai, o te kaikohukohu; i te hoariri, i te kairapu utu
44:17b.PSA.044.017 Kua pa katoa tenei ki a matou; heoi kahore matou i wareware ki a koe, kihai ano i teka ki tau kawenata
44:18b.PSA.044.018 Kahore to matou ngakau i tahuri whakamuri; kihai ano o matou hikoinga i peka ke i tau ara
44:19b.PSA.044.019 I maru ai matou i a koe i te wahi o nga tarakona; a taupoki rawa ki te atarangi o te mate
44:20b.PSA.044.020 Mehemea kua wareware matou ki te ingoa o to matou Atua, kua totoro ranei o matou ringa ki te atua ke
44:21b.PSA.044.021 E kore ranei tenei e ata tirohia e te Atua? E matau ana hoki ia ki nga mea ngaro o te ngakau
44:22b.PSA.044.022 Mou nei hoki matou i patua ai i te ra roa nei: kiia iho matou he hipi e patua ana
44:23b.PSA.044.023 E ara, he aha koe ka moe ai, e te Ariki? Whakatika, kaua matou e panga tonutia
44:24b.PSA.044.024 He aha koe ka huna ai i tou mata? ka wareware ai ki to matou mamae, ki to matou tukinotanga
44:25b.PSA.044.025 Kua piko nei hoki to matou wairua ki raro ki te puehu; piri rawa to matou kopu ki te whenua
44:26b.PSA.044.026 E ara, hei awhina i a matou; kia mahara ki tou aroha, a hokona matou
45
45:1b.PSA.045.001 Ki te tino kaiwhakatangi. He Homhanimi ma nga tama a Koraha. He Makiri, he waiata aroha. E pupuke ake ana te mea pai i roto i toku ngakau: ka korerotia e ahau aku i tito ai mo te kingi: he pene toku arero na te kaituhituhi hohoro
45:2b.PSA.045.002 Engari koe he ataahua i nga tama a te tangata: kua ringihia ou ngutu ki te ahuareka, na reira i manaakitia ai koe e te Atua ake ake
45:3b.PSA.045.003 Whitikiria tau hoari ki tou huwha, e te Nui Rawa, tou kororia me tou honore
45:4b.PSA.045.004 Aratakina hoki tou hoiho i runga i tou honore, i te kaha, hei mea hoki mo te pono, mo te mahaki, mo te tika, a ma tou matau koe e whakaako ki nga mea whakamataku
45:5b.PSA.045.005 He koi au pere; ka hinga nga iwi ki raro i a koe; kei roto ratou i te ngakau o nga hoariri o te kingi
45:6b.PSA.045.006 He pumau, e te Atua, tou torona ake ake: he hepeta tika te hepeta o tou kingitanga
45:7b.PSA.045.007 Kua aroha koe ki te tika, kua kino ki te hara: na reira, nui atu i to ou hoa te whakawahinga a te Atua, a tou Atua i a koe ki te hinu o te hari
45:8b.PSA.045.008 Ko tou kakahu katoa he kakara maira, he aroe, he kahia; ko nga mea aho, whakatangitangi o nga whare rei nana koe i whakaahuareka
45:9b.PSA.045.009 Kei roto i au wahine honore nga tamahine kingi; kei tou matau te kuini e tu ana, no Opira te koura
45:10b.PSA.045.010 Whakarongo, e ko, titiro, tahuri iho tou taringa: a kia wareware koe ki tou iwi, ki te whare ano o tou papa
45:11b.PSA.045.011 Penei ka matenuitia e te kingi tou ataahua: ko ia hoki tou Ariki; a me koropiko ki a ia
45:12b.PSA.045.012 Ko reira ano te tamahine o Taira me te ohaoha: ka whai ano nga tangata taonga o te iwi kia manakohia e koe
45:13b.PSA.045.013 Kei roto te tamahine a te kingi, he kororia kau, he mea whakairo ki te koura tona kakahu
45:14b.PSA.045.014 He mea whakapaipai ki te ngira tona kakahu e kawea ai ia ki te kingi: ka arahina ki a koe nga wahine, ona takahoa e whai ana i a ia
45:15b.PSA.045.015 He hari, he koa ina kawea mai ratou; ka tomo ki te whare o te kingi
45:16b.PSA.045.016 Ko au tamariki hei whakakapi mo ou matua: ka meinga ano ratou e koe hei kawana mo te whenua katoa
45:17b.PSA.045.017 Ka meinga e ahau tou ingoa kia maharatia e nga whakatupuranga katoa: e whakamoemititia ai koe e nga iwi a ake ake
46
46:1b.PSA.046.001 Ki te tino kaiwhakatangi, ma nga tama a Koraha. He waiata Aramoto. Ko te Atua to tatou piringa, to tatou kaha; he kaiawhina e tino tata ana i nga wa o te he
46:2b.PSA.046.002 Na reira kore ake to tatou wehi, ahakoa nekehia te whenua, ahakoa kahakina nga maunga ki waenga moana
46:3b.PSA.046.003 Ahakoa rara, taupatupatu noa ona wai, ahakoa wiri nga maunga i tona huamo. (Hera
46:4b.PSA.046.004 He awa tena ko ona manga hei whakahari i te pa o te Atua, i te wahi tapu o nga tapenakara o te Runga Rawa
46:5b.PSA.046.005 Kei waenganui ona te Atua, e kore ia e whakakorikoria: ma te Atua ia e awhina i te putanga ano o te ata
46:6b.PSA.046.006 I nana nga tauiwi, i whakakorikoria nga rangatiratanga; puaki ana tona reo, rewa ana te whenua
46:7b.PSA.046.007 Kei a tatou a Ihowa o nga mano, ko te Atua o Hakopa to tatou piringa. (Hera
46:8b.PSA.046.008 Haere mai, tirohia nga mahi a Ihowa, nga whakangaromanga i whakaputaina e ia ki te whenua
46:9b.PSA.046.009 E whakamutua ana e ia nga whainga a te pito ra ano o te whenua: whati ana i a ia te kopere, poro pu te tao, tahuna ake e ia te hariata ki te kapura
46:10b.PSA.046.010 Kia ata noho, a kia matau ko ahau te Atua; e whakanuia ahau i waenganui i nga tauiwi, e whakanuia ahau i te whenua
46:11b.PSA.046.011 Kei a tatou a Ihowa o nga mano: ko te Atua o Hakopa to tatou piringa. (Hera
47
47:1b.PSA.047.001 Ki te tino kaiwhakatangi. He himene ma nga tama a Koraha. Pakia o koutou ringa, e nga iwi katoa: hamama ki te Atua, kia hari te reo
47:2b.PSA.047.002 No te mea he wehi a Ihowa, te Runga Rawa, he kingi nui ia no te whenua katoa
47:3b.PSA.047.003 Mana e riro ai nga iwi ki raro i a tatou, me nga tautangata ki raro ki o tatou waewae
47:4b.PSA.047.004 Mana e whiriwhiri to tatou nohoanga mo tatou, te mea pai rawa o Hakopa, o tana i aroha ai. (Hera
47:5b.PSA.047.005 Kua kake atu te Atua i roto i te hamama, a Ihowa i roto i te tangi o te tetere
47:6b.PSA.047.006 Himene ki te Atua, himene atu; himene ki to tatou Kingi, himene atu
47:7b.PSA.047.007 Ko te Atua hoki te Kingi o te whenua katoa: himene atu i runga i te mohio
47:8b.PSA.047.008 Ko te Atua te Kingi o nga tauiwi: e noho ana te Atua i runga i te torona o tona tapu
47:9b.PSA.047.009 Kua huihui nga rangatira o nga iwi, hei iwi mo te Atua o Aperahama: na te Atua hoki nga whakangungu rakau o te whenua; kua whakanuia rawatia ia
48
48:1b.PSA.048.001 He waiata, he himene ma nga tama a Koraha. He nui a Ihowa, kia nui hoki te whakamoemiti ki a ia i te pa o to tatou Atua, i te maunga o tona tapu
48:2b.PSA.048.002 Ataahua ana te tairanga o Maunga Hiona, ko ta te ao katoa e koa ai: kei te taha ki te raki te pa o te Kingi nui
48:3b.PSA.048.003 E matauria ana te Atua i roto i ona whare papai hei piringa
48:4b.PSA.048.004 Na, huihui tahi mai ana nga kingi haere tahi atu ana ratou
48:5b.PSA.048.005 I kite ratou, miharo iho: raruraru ana, hohoro tonu atu
48:6b.PSA.048.006 Pa ana te wehi ki a ratou i reira, te mamae, ano he wahine e whanau ana
48:7b.PSA.048.007 E wahia ana e koe nga kaipuke o Tarahihi ki te marangai
48:8b.PSA.048.008 Rite tonu ki ta matou i rongo ai, ta matou i kite ai i roto i te pa o Ihowa o nga mano, i te pa o to tatou Atua: ma te Atua e whakapumau ake ake. (Hera
48:9b.PSA.048.009 I whakaaroaro matou ki tou atawhai, e te Atua, i waenganui o tou temepara
48:10b.PSA.048.010 E te Atua, rite tahi ki tou ingoa te whakamoemiti mou, tae noa atu ki nga pito o te whenua: ki tonu tou matau i te tika
48:11b.PSA.048.011 Kia hari a Maunga Hiona, kia koa nga tamahine a Hura i au whakaritenga
48:12b.PSA.048.012 Taiawhiotia a Hiona, haere, a kopiko noa mai: taua ona pourewa
48:13b.PSA.048.013 Maharatia ona pekerangi, tirohia ona whare papai; hei korerotanga ma koutou ki enei ake whakatupuranga
48:14b.PSA.048.014 Ko tenei Atua hoki te Atua mo tatou ake ake: ko ia hei kaiarahi i a tatou a mate noa
49
49:1b.PSA.049.001 Ki te tino kaiwhakatangi. He himene ma nga tama a Koraha. Whakarongo ki tenei, e nga iwi katoa: tahuri mai o koutou taringa, e nga tangata katoa o te ao
49:2b.PSA.049.002 E nga tangata iti, koutou ko nga tangata rahi, e te tangata taonga korua ko te rawakore
49:3b.PSA.049.003 Ka whakapuakina he matauranga e toku mangai: a he ata ngarahu te whakaaro o toku ngakau
49:4b.PSA.049.004 Ka titaha toku taringa ki te kupu whakarite; ka puaki taku pepeha i runga i te hapa
49:5b.PSA.049.005 Kia wehi ahau ki te aha i nga ra o te kino, ina karapotia ahau e te kino kei oku rekereke
49:6b.PSA.049.006 Ko te hunga e whakawhirinaki ana ki o ratou taonga, e whakamanamana ana ki te nui o o ratou rawa
49:7b.PSA.049.007 E kore tetahi o ratou e ahei te hoko i tona teina, te hoatu ranei i tetahi utu mona ki te Atua
49:8b.PSA.049.008 He nui hoki te utu mo to ratou wairua, a me whakarere atu ake ake
49:9b.PSA.049.009 Kia ora tonu ai ia ake ake: kia kaua e kite i te pirau
49:10b.PSA.049.010 E kite ana hoki ia e matemate ana nga tangata whakaaro nui, e ngaro ngatahi ana te poauau me te whakaarokore, a mahue iho o ratou taonga ki etahi atu
49:11b.PSA.049.011 Ki to ratou whakaaro puku, tera e pumau tonu o ratou whare me o ratou nohoanga, ki nga whakatupuranga katoa: huaina iho o ratou whenua ki o ratou ingoa
49:12b.PSA.049.012 Heoi kahore te tangata e noho tonu i roto i te honore: ko tona rite kei nga kararehe ka moti nei
49:13b.PSA.049.013 Ko to ratou ara tenei, ara ko to ratou poauau: heoi e whakapai ana to ratou uri ki a ratou korero. (Hera
49:14b.PSA.049.014 Kei te hipi te rite: ko te wahi mo ratou ko te reinga; ko te mate hei hepara mo ratou, hei rangatira ano te hunga tika mo ratou i te ata; ko to ratou ataahua ma te reinga e whakamoti, kia kore ai he whare mona
49:15b.PSA.049.015 Ma te Atua ia toku wairua e hoko mai i te reinga: ko ia hoki hei tukunga atu moku. (Hera
49:16b.PSA.049.016 Kaua e wehi ua whai taonga te tangata, ina nui haere te kororia o tona whare
49:17b.PSA.049.017 Kahore hoki ana mea e mau atu ai ia ina mate; e kore tona kororia e tuku iho i muri i a ia
49:18b.PSA.049.018 Whakapai noa ia i tona wairua i a ia e ora ana; a ka whakamoemititia koe ua pai au mahi ki a koe ano
49:19b.PSA.049.019 Ka haere ia ki te whakatupuranga o ona tupuna: e kore rawa ratou e kite i te marama
49:20b.PSA.049.020 Ko te tangata e whakahonoretia ana, a kahore e whai whakaaro, kei nga kararehe ka moti nei tona rite
50
50:1b.PSA.050.001 He himene na Ahapa. Kua puaki te kupu a te Atua, a te Atua tonu, a Ihowa, a karangatia ana e ia te whenua i te putanga mai o te ra, tae noa ki tona torengitanga
50:2b.PSA.050.002 Kua tiaho mai te Atua i roto i Hiona, i te tino o te ataahua
50:3b.PSA.050.003 Ka haere mai to tatou Atua, e kore ano e wahangu: ka kai te kapura i tona aroaro, a ka hukerikeri te awha ki tetahi taha ona, ki tetahi taha
50:4b.PSA.050.004 Ka karangatia e ia nga rangi i runga, me te whenua hoki, ki te whakaritenga mo tona iwi
50:5b.PSA.050.005 Huihuia mai ki ahau taku hunga tapu, te hunga i whakarite kawenata ki ahau i runga i te patunga tapu
50:6b.PSA.050.006 A ma nga rangi e whakakite tona tika: ko te Atua ake nei hoki te kaiwhakawa. (Hera
50:7b.PSA.050.007 Whakarongo, e toku iwi, a ka korero ahau; e Iharaira, ka whakaatu ahau ki a koe; ko ahau te Atua, ko tou Atua
50:8b.PSA.050.008 E kore ahau e riri ki a koe mo au patunga tapu; a kei toku aroaro tonu au tahunga tinana
50:9b.PSA.050.009 E kore ahau e tango i tetahi puru i roto i tou whare, i etahi koati toa ranei i roto i au taiepa
50:10b.PSA.050.010 Naku nei hoki nga kirehe katoa o te ngahere, nga kararehe i runga i te mano o nga pukepuke
50:11b.PSA.050.011 E matau ana ahau ki nga manu katoa o nga maunga; naku ano nga kirehe o te parae
50:12b.PSA.050.012 Me he matekai toku, e kore ahau e korero ki a koe: naku nei hoki te ao, me ona tini mea
50:13b.PSA.050.013 E kai koia ahau i te kikokiko o nga puru, e inu ranei i te toto o nga koati
50:14b.PSA.050.014 Ko te whakawhetai hei patunga tapu mau ki te Atua; whakamana hoki au kupu taurangi ki te Runga Rawa
50:15b.PSA.050.015 A karanga ki ahau i te ra o te he: maku koe e whakaora, a ka whakakororiatia ahau e koe
50:16b.PSA.050.016 Ki te tangata hara ia ka mea te Atua, He aha mau te whakapuaki i aku tikanga, te whakahua ranei i taku kawenata e tou mangai
50:17b.PSA.050.017 Kua kino nei hoki koe ki te ako, a e akiri ana i aku kupu ki muri i a koe
50:18b.PSA.050.018 I tou kitenga i te tahae, na whakaae ana koe ki a ia; a whai tahi ana me te hunga puremu
50:19b.PSA.050.019 Kua tukua e koe tou mangai ki te kino; a e tito hianga ana tou arero
50:20b.PSA.050.020 Noho ana koe, ka korero kino ki tou teina: ngautuara tonu iho koe ki te tama a tou whaea
50:21b.PSA.050.021 Ko au mahi enei, a wahangu tonu ahau; i mea koe he pena pu ahau me koe: otira ka riria koe e ahau, ka whakararangitia ano aua mea ki tou aroaro
50:22b.PSA.050.022 Na whakaaroa tenei, e te hunga kua wareware ki te Atua; kei haehaea koutou e ahau, a kahore he kaiwhakaora
50:23b.PSA.050.023 Ko te whakamoemiti te patunga tapu e whai kororia ai ahau: ko te tangata hoki he tika nei tona ara ka whakakitea e ahau ki a ia te whakaoranga a te Atua
51
51:1b.PSA.051.001 Ki te tino kaiwhakatangi. He himene na Rawiri, i te taenga o Natana poropiti ki a ia, mo tona haerenga ki a Patehepa. Tohungia ahau, e te Atua, kia rite ki tou atawhai: kia rite ki tou aroha nui te murunga o oku he
51:2b.PSA.051.002 Horoia rawatia toku kino: kia ma hoki toku hara
51:3b.PSA.051.003 E whaki ana hoki ahau i aku mahi tutu: kei toku aroaro tonu toku hara
51:4b.PSA.051.004 He hara ki a koe, ki a koe anake, toku; i meatia ano tenei he ki tou aroaro; kia tika ai koe i tau korerotanga, kia ma ai hoki ina whakawa
51:5b.PSA.051.005 Na i whakaahuatia ahau i roto i te kino, i runga ano i te hara toku whakahaputanga ki roto ki toku whaea
51:6b.PSA.051.006 Na ko tau e matenui ai ko te pono i nga wahi o roto, a ka whakaakona oku wahi ngaro e koe ki te whakaaro nui
51:7b.PSA.051.007 Purea ahau ki te hihopa, a ka ma ahau; horoia ahau, a ka ma ke atu i te hukarere
51:8b.PSA.051.008 Meinga kia rongo ahau i te hari, i te koa, a ka whakamanamana nga iwi i whatiia nei e koe
51:9b.PSA.051.009 Huna tou mata ki oku hara; a murua katoatia oku kino
51:10b.PSA.051.010 Hanga, e te Atua, he ngakau ma ki roto ki ahau: whakahoutia hoki ki roto ki ahau he wairua tika
51:11b.PSA.051.011 Kaua ahau e maka i tou aroaro; kaua hoki tou wairua tapu e tangohia i ahau
51:12b.PSA.051.012 Whakahokia mai ki ahau te hari o tau whakaoranga: tautokona hoki ahau ki te wairua kakama
51:13b.PSA.051.013 Ko reira ahau whakaako ai i au ara ki te hunga tutu; a ka tahuri te hunga hara ki a koe
51:14b.PSA.051.014 Whakaorangia ahau i te hara toto, e te Atua, e te Atua o toku whakaoranga, a ka waiatatia au mahi tika e toku arero
51:15b.PSA.051.015 Whakatuwheratia oku ngutu, e te Ariki; a ka puaki i toku mangai te whakamoemiti ki a koe
51:16b.PSA.051.016 Kahore nei hoki koe e aro ki te patunga tapu; penei kua hoatu e ahau: kahore koe e ahuareka ki te tahunga tinana
51:17b.PSA.051.017 Ko nga patunga tapu ma te Atua he wairua maru: e kore koe e whakahawea e te Atua, ki te ngakau maru, ki te ngakau iro
51:18b.PSA.051.018 Kia pai koe ki te atawhai i Hiona: hanga nga taiepa o Hiruharama
51:19b.PSA.051.019 Ko reira koe pai ai ki nga patunga tapu o te tika, ki nga tahunga tinana, he mea whakaeke katoa: ko reira ratou whakaeke ai i nga puru ki runga ki tou aata
52
52:1b.PSA.052.001 Ki te tino kaiwhakatangi. He Makiri; na Rawiri, i a Roeke Eromi i haere, i whakaatu ki a Haora, i mea ki a ia, Kua tae a Rawiri ki te whare o Ahimereke. He aha koe ka whakapakari ai ki te kino, e te tangata nui? He pumau tonu te atawhai o te Atua
52:2b.PSA.052.002 E whakatakoto ana tou arero i nga mea nanakia, e mahi hianga ana, ano he heu koi
52:3b.PSA.052.003 E arohaina rawatia ana e koe te kino i te pai, te teka i te korero tika. (Hera
52:4b.PSA.052.004 E te arero hianga, e arohaina ana e koe nga kupu horomiti katoa
52:5b.PSA.052.005 Ka whakangaro hoki te Atua i a koe ake tonu atu; ka tangohia atu koe e ia, ka takiritia atu i tou nohoanga, ka hutia atu hoki koe i te whenua o te ora. (Hera
52:6b.PSA.052.006 E kite hoki te hunga tika, a ka wehi; ka kata hoki ki a ia, ka mea
52:7b.PSA.052.007 Inana, ko te tangata tenei kihai nei i waiho e ia te Atua hei kaha mona; otiia, whakawhirinaki ana ki te tini o ana taonga, whakapakari ana i runga i tana mahi kino
52:8b.PSA.052.008 Ko ahau ia, e rite ana ki te oriwa matomato i roto i te whare o te Atua: ka whakawhirinaki ahau ki te mahi tohu a te Atua ake ake
52:9b.PSA.052.009 Ka whakamoemiti tonu ahau ki a koe, nau hoki tenei i mea: ka tumanako ano ki tou ingoa; he mea pai hoki, ki te aroaro o tau hunga tapu
53
53:1b.PSA.053.001 Ki te tino kaiwhakatangi. Maharata. He Makiri, na Rawiri. Kua ki te wairangi i roto i tona ngakau, Kahore he Atua. Kua pirau ratou, he kino whakahouhou ta ratou mahi; kahore tetahi e mahi ana i te pai
53:2b.PSA.053.002 I titiro iho te Atua i te rangi ki nga tama a te tangata, kia kite me kahore tetahi e mahara ana, e rapu ana i te Atua
53:3b.PSA.053.003 Kua hoki ki muri ratou katoa, kua pirau tahi: kahore tetahi e mahi ana i te pai, kahore kia kotahi
53:4b.PSA.053.004 E kore ranei e mohio nga kaimahi i te kino? e kai nei i toku iwi, me te mea e kai taro ana; a kahore e karanga ki te Atua
53:5b.PSA.053.005 Wehi noa iho ratou i reira, i te wahi kahore he wehi, no te mea kua titaria e te Atua nga wheua o te tangata i whakapaea ai koe: kua whakama ratou i a koe; no te mea kua whakahaweatia ratou e te Atu
53:6b.PSA.053.006 Aue, me i puta mai te whakaoranga o Iharaira i Hiona! Kia whakahokia mai e te Atua tana iwi i te whakarau, ka whakamanamana a Hakopa, ka hari a Iharaira
54
54:1b.PSA.054.001 Ki te tino kaiwhakatangi Nekinoto. He Makiri, na Rawiri i te haerenga o nga Tiwhi ki a Haora, ki ai, He teka ianei kei a matou a Rawiri e piri ana? E te Atua, kia whakaorangia ahau e tou ingoa; kia whakawakia hoki ahau e tou kaha
54:2b.PSA.054.002 E te Atua, whakarongo ki taku inoi, tahuri mai tou taringa ki nga kupu a toku mangai
54:3b.PSA.054.003 No te mea kua whakatika mai nga tangata iwi ki ki ahau, a e whaia ana toku wairua e te hunga tukino: kahore i waiho e ratou te Atua ki to ratou aroaro. (Hera
54:4b.PSA.054.004 Tenei te Atua hei kaiawhina moku; kei roto te Ariki i te hunga e tautoko ake ana i toku wairua
54:5b.PSA.054.005 Mana e utu te kino o oku hoariri: huna ratou, he pono nei hoki koe
54:6b.PSA.054.006 Ka kakama ahau ki te mea patunga tapu ki a koe, ka whakamoemiti ki tou ingoa, e Ihowa: he mea pai hoki
54:7b.PSA.054.007 Kua whakaorangia hoki ahau e ia i roto i nga he katoa: a kua titiro toku kanohi ki te mea e hiahia ana ahau ki oku hoariri
55
55:1b.PSA.055.001 Ki te tino kaiwhakatangi Nekinoto. He Makiri, na Rawiri. E te Atua, tahuri mai tou taringa ki taku inoi: kei whakangaro atu koe, ina tangi ahau
55:2b.PSA.055.002 Anga mai ki ahau, whakahokia mai he kupu ki ahau: pokaikaha noa iho ahau i ahau e tangi nei, e hamama nei
55:3b.PSA.055.003 I te reo hoki o te hoariri, i te tukino a te tangata kino: no te mea e utaina ana e ratou he hara ki runga ki ahau, a e kino ana ki ahau, e riri ana
55:4b.PSA.055.004 Mamae pu toku ngakau i roto i ahau: kua taka ki runga ki ahau nga wehi whakamate
55:5b.PSA.055.005 Kua pa ki ahau te wehi me te wiri: a pokia iho ahau e te whakamataku
55:6b.PSA.055.006 Na ko taku meatanga, Aue, te whai pakau ahau me he kukupa; penei ka rere atu ahau, a ka whai okiokinga
55:7b.PSA.055.007 Katahi ahau ka rere ki tawhiti; a noho rawa atu i te koraha. (Hera
55:8b.PSA.055.008 Ka hohoro toku rere atu i te hau, i te awha
55:9b.PSA.055.009 Whakangaromia, e te Ariki, wehia o ratou arero; kua kitea hoki e ahau te tukino me te tutu o roto o te pa
55:10b.PSA.055.010 Haereere ana ratou i te ao, i te po, i runga i ona taiepa, a tawhio noa: he kino kei roto, he hianga
55:11b.PSA.055.011 He hara kei waenganui ona: kahore ona ara e mahue i te tinihanga, i te hianga
55:12b.PSA.055.012 Ehara hoki i te hoariri nana ahau i tawai; penei e taea e ahau te whakaririka: ehara hoki i te hoa whawhai noku i whakakake ki ahau; penei kua piri ahau, kei kitea e ia
55:13b.PSA.055.013 Nau ia, na te tangata i rite ki ahau, na toku takahoa, na taku i mohio ai
55:14b.PSA.055.014 Ahuareka tonu ta taua korerorero; haere tahi ana hoki taua i roto i te ropu ki te whare o te Atua
55:15b.PSA.055.015 Kia mau ohorere ratou i te mate, kia heke ora ki te reinga: he hara hoki kei o ratou nohoanga, kei waenganui i a ratou
55:16b.PSA.055.016 Ko ahau, ka karanga ahau ki te Atua: a ma Ihowa ahau e whakaora
55:17b.PSA.055.017 I te ahiahi, i te ata, i te poutumarotanga, ka inoi ahau, ka tangi: a ka whakarongo ia ki toku reo
55:18b.PSA.055.018 Whakaorangia ana e ia toku wairua i runga i te rangimarie i ahau e whakaekea ana: he tokomaha hoki oku hoa whawhai
55:19b.PSA.055.019 Ka whakarongo te Atua, no tua iho nei tona nohoanga, a ka whakahoki i ta ratou. (Hera.) Ko te hunga kahore o ratou whakawhitiwhitinga, a kahore o ratou wehi ki te Atua
55:20b.PSA.055.020 Kua totoro ona ringa ki te hunga kua mau nei ta ratou rongo ki a ia; kua whakataka e ia tana kawenata
55:21b.PSA.055.021 Maeneene atu tona mangai i te pata, he whawhai ia kei roto i tona ngakau: ngawari atu ana kupu i te hinu, kahore, he hoari kua oti te unu
55:22b.PSA.055.022 Maka ki runga ki a Ihowa tau pikaunga, a mana koe e whakau ake: e kore e tukua e ia te hunga tika kia whakangaueuetia ake ake
55:23b.PSA.055.023 Mau ia ratou e mea, e te Atua, kia heke ki te poka o te pirau: e kore nga tangata toto, nga tangata hianga e tutuki ki te hawhe o o ratou ra; ko ahau ia, ka whakawhirinaki ki a koe
56
56:1b.PSA.056.001 Ki te tino kaiwhakatangi. Ionata ereme rehokime. Na Rawiri. He Mikitama, i a ia ka mau i nga Pirihitini ki Kata. Tohungia ahau e te Atua, ka horomia hoki ahau e te tangata: e tukino ana ia ki ahau i te ra roa nei, i a ia e ngangare tonu nei
56:2b.PSA.056.002 E whai ana oku hoariri i te ra roa nei, kia horomia ahau; he tokomaha nei hoki e whakahi ana, e whawhai mai ana ki ahau
56:3b.PSA.056.003 Ka whakawhirinaki ahau ki a koe i te wa e mataku ai ahau
56:4b.PSA.056.004 Ma te Atua ahau ka whakamoemiti ki tana kupu: e whakawhirinaki ana ahau ki te Atua, e kore ahau e wehi. He aha ta te kikokiko e mea ai ki ahau
56:5b.PSA.056.005 E whakariroia ketia ana e ratou aku kupu i nga ra katoa; heoi ano ta ratou e whakaaro ai ko te kino moku
56:6b.PSA.056.006 E huihui ana ratou, e piri ana: e titiro matatau ana ki oku hikoinga, i a ratou e whanga nei ki toku wairua
56:7b.PSA.056.007 Ma te he koia ratou ka mawhiti ai? kia riri koe, e te Atua, whakataka iho hoki nga iwi
56:8b.PSA.056.008 E taua ana e koe oku kopikopikotanga: rongoatia oku roimata ki roto ki tau ipu: kahore ianei i tau pukapuka
56:9b.PSA.056.009 I te ra e karanga ai ahau ka hoki whakamuri oku hoariri: e matau ana ahau ki tenei, kei ahau hoki te Atua
56:10b.PSA.056.010 Ma te Atua ahau ka whakamoemiti ai ki tana kupu; ma Ihowa ahau ka whakamoemiti ai ki tana kupu
56:11b.PSA.056.011 E whakawhirinaki ana ahau ki te Atua: e kore ahau e wehi. He aha ta te tangata e mea ai ki ahau
56:12b.PSA.056.012 Kei ahau nga kupu taurangi ki a koe, e te Atua: me tuku e ahau nga whakamoemiti ki a koe
56:13b.PSA.056.013 Nau hoki toku wairua i whakaora kei mata: e kore ianei koe e whakau i oku waewae kei paheke, kia haere ai ahau i te aroaro o te Atua i roto i te marama o te hunga ora
57
57:1b.PSA.057.001 Ki te tino kaiwhakatangi. Aratakiti. He Mikitama. Na Rawiri, i tona rerenga i a Haora i a ia nei i roto i te ana. Tohungia ahau, e te Atua, tohungia ahau, e whakawhirinaki ana hoki toku wairua ki a koe: ae, ka piri ahau ki raro ki te taumarumarut anga o ou pakau, kia pahemo ra ano enei mate
57:2b.PSA.057.002 Ka karanga ahau ki te Atua, ki te Runga Rawa, ki te Atua e oti ai aku mea katoa
57:3b.PSA.057.003 Ka unga mai e ia he kaiwhakaora moku i te rangi, ina tawai te tangata e mea ana kia horomia ahau; (Hera.) ka unga mai e te Atua tana mahi tohu me tona pono
57:4b.PSA.057.004 Kei waenganui toku wairua i nga raiona: e takoto ana ahau i waenganui i te hunga e kaia ana e te ahi; i nga tama hoki a te tangata, he tao nei o ratou niho, he pere, he hoari koi ano o ratou arero
57:5b.PSA.057.005 Kia whakanuia koe, e te Atua, ki runga ake i nga rangi: hei runga atu i te whenua katoa tou kororia
57:6b.PSA.057.006 Kua whakatakotoria e ratou he kupenga mo oku takahanga, kua piko toku wairua: kua keria e ratou he poka ki toku aroaro, a taka iho ko ratou ano ki roto. (Hera
57:7b.PSA.057.007 Pamau tonu toku ngakau, e te Atua, pumau tonu toku ngakau: ka waiata ahau, ae, ka himene ahau
57:8b.PSA.057.008 E ara, e toku kororia; e ara, e te hatere, e te hapa: ka ara wawe ano ahau
57:9b.PSA.057.009 Ka whakamoemiti ahau ki a koe, e te Ariki, i waenganui i nga iwi; ka himene ki a koe i waenganui i nga tauiwi
57:10b.PSA.057.010 He nui hoki tau mahi tohu, a tutuki noa ki nga rangi, me tou pono a tutuki noa ki nga kapua
57:11b.PSA.057.011 Kia whakanuia koe, e te Atua, ki runga i nga rangi: hei runga i te whenua katoa tou kororia
58
58:1b.PSA.058.001 Ki te tino kaiwhakatangi. Aratakiti. He Mikitama. Na Rawiri. He korero puku ranei ta koutou i te pono? he tika ranei ta koutou whakarite, e nga tama a te tangata
58:2b.PSA.058.002 He pono, e mahia ana e koutou te he i roto i te ngakau, e paunatia ana e koutou te tutu a o koutou ringa i runga i te whenua
58:3b.PSA.058.003 He tangata ke te hunga hara no te kopu mai ano; whanau kau kua kotiti ke, kua korero teka
58:4b.PSA.058.004 Ko to ratou paihana he rite ki to te nakahi, kei te neke turi e puru nei i tona taringa
58:5b.PSA.058.005 E kore nei e whakarongo ki te reo o te kaiwhakawai, ahakoa tino matau ia ki te whakawai
58:6b.PSA.058.006 Whatiia, e te Atua, o ratou niho i roto i o ratou mangai: kowhakia, e Ihowa, nga niho nunui o nga kuao raiona
58:7b.PSA.058.007 Kia mimiti ratou, ano he wai e heke atu ana: ka whakatikaia ana pere, kia rite ki te mea kua poutoa
58:8b.PSA.058.008 Kia memeha haere, a kia pahure, ano he ngata: kia rite ki te mea mate roto a te wahine, kahore nei i kite i te ra
58:9b.PSA.058.009 E kore e tukua kia rongo a koutou kohua i nga tataramoa, ka kahakina ratou e ia i roto i te awhiowhio, te mea kaiota, te mea e wera ana
58:10b.PSA.058.010 Ka hari te tangata tika ua kite i te utu: ka horoia e ia ona waewae ki nga toto o te tangata hara
58:11b.PSA.058.011 A ka mea te tangata, Koia, ka whai utu te tangata tika: ina, he Atua ano tenei e whakawa ana i te whenua
59
59:1b.PSA.059.001 Ki te tino kaiwhakatangi. Aratakiti. He Mikitama na Rawiri, i a Haora i tono tangata hei tiaki mo te whare, hei whakamate mona. Whakaorangia ahau, e toku Atua, i oku hoariri: whakateiteitia ake ahau i te hunga e whakatika ana ki ahau
59:2b.PSA.059.002 Whakaorangia ahau i nga kaimahi i te kino: kia ora ahau i te hunga toto
59:3b.PSA.059.003 Kei te whanga nei hoki ratou mo toku wairua: e whakamine ana te hunga kaha ki te whawhai ki ahau; kahore nei oku tutu, kahore oku hara, e Ihowa
59:4b.PSA.059.004 Hore oku kino, oma ana ratou, kei te takatu: e ara hei awhina moku, titiro mai hoki
59:5b.PSA.059.005 Ae ra, maranga, e Ihowa, e te Atua o nga mano, e te Atua o Iharaira, tirohia iho nga tauiwi katoa: kaua e tohungia tetahi o te hunga kino, e poka ke nei. (Hera
59:6b.PSA.059.006 Ka hoki mai ratou i te ahiahi, kei te tau, ano he kuri, taiawhiotia ana e ratou te pa
59:7b.PSA.059.007 Nana, kei te kupa o ratou mangai, he hoari kei o ratou ngutu: ki ta ratou, ko wai e rongo
59:8b.PSA.059.008 Ko tau ia, e Ihowa, he kata ki a ratou: hei tawainga mau nga tauiwi katoa
59:9b.PSA.059.009 E toku kaha, ka tatari ahau ki a koe: ko te Atua hoki toku pa
59:10b.PSA.059.010 Kei mua i ahau toku Atua aroha: ma te Atua ahau ka kite i taku i hiahia ai ki oku hoariri
59:11b.PSA.059.011 Kaua ratou e whakamatea, kei wareware toku iwi: kia whakamararatia ratou e tou kaha; whakataka iho ratou, e te Ariki, e to matou whakangungu rakau
59:12b.PSA.059.012 Mo te hara o to ratou mangai, mo nga kupu a o ratou ngutu, hopukia ratou i runga i to ratou whakakake, mo ta ratou korero, he kanga, he teka
59:13b.PSA.059.013 Whakamotitia i runga i te riri, kia kahore ai ratou: a kia matau ratou ko te Atua te Kawana o Hakopa puta noa ki nga pito o te whenua. (Hera
59:14b.PSA.059.014 I te ahiahi tukua ratou kia hoki, tukua ratou kia tau, ano he kuri, kia taiawhio ratou i te pa
59:15b.PSA.059.015 Ka kopikopiko noa ratou ki te rapu kai, a ka tauwhanga i te po roa ina kore ratou e makona
59:16b.PSA.059.016 Ko ahau ia, ka waiatatia e ahau tou kaha; ae, i te ata ka hamamatia e ahau tau mahi toku: ko koe hoki toku pa, toku piringa i te ra o toku pouri
59:17b.PSA.059.017 Ka himene ahau ki a koe, e toku kaha: ko te Atua nei hoki toku pa, toku Atua aroha
60
60:1b.PSA.060.001 Ki te tino kaiwhakatangi. Huhana Erutu. He Mikitama, na Rawiri, hei whakaako. No tana whawhaitanga ki a Aramanaharaima raua ko Aramatopa. Na hoki ana a Ioapa, a patua ana e ia a Eroma ki te Raorao Tote, kotahi tekau ma rua mano. E te Atua, kua pa nga matou e koe, kua oti matou te whakamarara e koe, kua riri koe; tahuri mai ano ki a matou
60:2b.PSA.060.002 Wiri ana te whenua i a koe: kua ngatata i a koe: whakakapia ona wahi pakaru; e ru ana hoki
60:3b.PSA.060.003 He mea pakeke kua whakakitea e koe ki tau iwi, kua oti matou te whakainu e koe ki te waina e wiri ai
60:4b.PSA.060.004 Kua homai e koe he kara ki te hunga e wehi ana i a koe: kia whakakitea hei mea mo te pono. (Hera
60:5b.PSA.060.005 Hei mea e mawhiti ai au e aroha ai: ma tou matau e whakaora, whakahokia mai hoki he kupu ki ahau
60:6b.PSA.060.006 Kua korero te Atua i runga i tona tapu; ka hari ahau, ka kotikoti i Hekeme, ka roherohe hoki i te raorao o Hukota
60:7b.PSA.060.007 Noku Kireara, noku ano a Manahi, ko Eparaima ano hoki te kaha o toku matenga; ko Hura taku kaiwhakatakoto ture
60:8b.PSA.060.008 Ko Moapa taku oko horoi; ka maka e ahau toku hu ki runga ki Eroma: e Pirihitia, ko ahau hei whakamanamana mau
60:9b.PSA.060.009 Ma wai ahau e kawe ki te pa kaha? Na wai ahau i arahi ki Eroma
60:10b.PSA.060.010 He teka ranei, e te Atua, kua panga matou e koe? kahore hoki koe, e te Atua, e haere tahi me a matou taua
60:11b.PSA.060.011 Homai he awhina mo matou ki o matou hoariri: he teka noa hoki te awhina a te tangata
60:12b.PSA.060.012 Ma te Atua tatou ka toa ai: mana hoki e takahi ki raro o tatou hoa whawhai
61
61:1b.PSA.061.001 Ki te tino kaiwhakatangi. Nekina. Na Rawiri. Whakarongo, e te Atua, ki taku karanga: tahuri mai ki taku inoi
61:2b.PSA.061.002 Ka karanga ahau ki a koe i te pito o te whenua, ina pehia toku ngakau: arahina ahau ki te kohatu e tiketike ake ana i ahau
61:3b.PSA.061.003 He piringa hoki koe moku: he pa kaha i te hoariri
61:4b.PSA.061.004 Ka noho ahau ki tou tapenakara ake ake, ka okioki ki ou pakau hei piringa. (Hera
61:5b.PSA.061.005 Kua rongo nei hoki koe, e te Atua, i aku kupu tauranga kua homai e koe te wahi o te hunga e wehi ana ki tou ingoa
61:6b.PSA.061.006 Ka whakaraneatia e koe nga ra o te kingi; ona tau ki nga whakatupuranga katoa
61:7b.PSA.061.007 E noho ia i te aroaro o te Atua ake ake: whakaritea mai he aroha, he pono, hei tiaki i a ia
61:8b.PSA.061.008 Penei ka himene ahau ki tou ingoa ake ake: ka whakamana e ahau aku kupu taurangi i tenei ra, i tenei ra
62
62:1b.PSA.062.001 Ki te tino kaiwhakatangi, ki a Ierutonu. He himene na Rawiri. Ko te Atua anake taku e tatari nei: kei a ia te whakaoranga moku
62:2b.PSA.062.002 Ko ia anake toku kohatu, toku whakaoranga, toku pa hoki, e kore e nui toku ngaueuetanga
62:3b.PSA.062.003 Kia pehea te roa o ta koutou tatau ki te tangata, kia whakamatea ai e koutou, e koutou katoa, ka rite ki te taiepa e tungou ana, ki te wawa ka tata te hinga
62:4b.PSA.062.004 Heoi ano ta ratou e runanga ai ko te turaki i a ia i tona wahi teitei: e ahuareka ana ki te teka; e manaaki ana o ratou mangai, a e kanga ana a roto i a ratou. (Hera
62:5b.PSA.062.005 Tatari, e toku wairua, ki te Atua anaki; ko ia taku e tumanako nei
62:6b.PSA.062.006 Ko ia anake toku kohatu, toku whakaoranga, toku pa hoki; e kore ahau e whakangaueuetia
62:7b.PSA.062.007 Kei te Atua te whakaoranga moku, te kororia ano moku; kei te Atua te kohatu o toku kaha, toku piringa
62:8b.PSA.062.008 Whakawhirinaki ki a ia i nga wa katoa, e te iwi, ringihia to koutou ngakau ki tona aroaro: hei piringa mo tatou te Atua (Hera
62:9b.PSA.062.009 He pono he mea memeha noa nga ware, he teka noa nga rangatira; ki te paunatia ratou, mama noa ake ratou tahi i te horihori
62:10b.PSA.062.010 Kaua e whakawhirinaki ki te tukino, kei wairangi hoki ki te pahua: ki te tini haere nga taonga, kei whakamanawa to koutou ngakau ki reira
62:11b.PSA.062.011 Kotahi korerotanga a te Atua, ka rua oku rongonga i tenei, no te Atua te kaha
62:12b.PSA.062.012 Nau ano, e te Ariki, te mahi tohu: rite tonu hoki ki tana mahi tau utu ki te tangata
63
63:1b.PSA.063.001 He himene na Rawiri, i a ia i te koraha o Hura. E te Atua, noku koe Atua; ka moata taku rapu i a koe. E hiainu ana toku wairua ki a koe, e hiahia ana oku kikokiko ki a koe, i te whenua maroke, ruha noa, kahore nei he wai
63:2b.PSA.063.002 Koia i titiro atu ai ahau ki a koe i te wahi tapu, kia kite ai i tou kaha, i tou kororia
63:3b.PSA.063.003 Pai atu tou aroha i te ora: mo reira ka whakamoemiti oku ngutu ki a koe
63:4b.PSA.063.004 Ina, ka whakapai ahau ki a koe i ahau ano e ora nei; ka totoro atu oku ringa i runga i tou ingoa
63:5b.PSA.063.005 Ka makona toku wairua, ano i te hinu wheua, i te ngako, a ka hari oku ngutu ina whakamoemiti toku mangai ki a koe
63:6b.PSA.063.006 Ina mahara ahau ki a koe i runga i toku moenga, ina whakaaro ki a koe i nga mataaratanga o te po
63:7b.PSA.063.007 Ko koe hoki toku kaiawhina: na ka hari ahau ki te taumarumarutanga iho o ou pakau
63:8b.PSA.063.008 Piri tonu toku wairua ki a koe: e tautoko ake ana tou matau i ahau
63:9b.PSA.063.009 Ko te hunga e whai ana i toku wairua kia whakangaromia, ka riro ratou ki nga wahi o raro rawa o te whenua
63:10b.PSA.063.010 Ka tukua atu ratou ki te kaha o te hoari: hei wahi ratou ma nga pokiha
63:11b.PSA.063.011 Tena ko te kingi, ka hari ia ki te Atua; ka whakamanamana nga tangata katoa ko ia nei ta ratou oati: a ka purua te mangai o te hunga katoa e korero teka ana
64
64:1b.PSA.064.001 Ki te tino kaiwhakatangi. He himene na Rawiri. Whakarongo ki toku reo, e te Atua, ina inoi atu ahau: tiakina toku ora i te wehi o te hoariri
64:2b.PSA.064.002 Huna ahau i te whakaaro ngaro o te hunga kino, i te ngangau a nga kaimahi i te he
64:3b.PSA.064.003 Kua whakakoi nei i o ratou arero, ano he hoari, kua whakatika nei i a ratou pere, ara i nga kupu kikino
64:4b.PSA.064.004 Hei koperenga pukutanga ma ratou ki te tangata tika; kitea rawatia ake kua kopere ki a ia, kahore hoki he wehi
64:5b.PSA.064.005 E whakamaia ana ratou i a ratou ano ki te mea kino; e runanga ana kia whakatakotoria pukutia he rore, e mea ana, Ko wai e kite i a ratou
64:6b.PSA.064.006 E rapu hara ana ratou; e mea ana, Kua ata rapu marie tatou: taea noatia te hohonutanga o te whakaaro o ia tangata, a ko te ngakau he hohonu
64:7b.PSA.064.007 Ma te Atua ia e kopere he pere ki a ratou kitea rawatia ake kua tu ratou
64:8b.PSA.064.008 Heoi ka meinga ratou kia tapatu, ko to ratou arero ake ano ka tu atu ki a ratou; a ka ruru i to ratou matenga te hunga katoa e kite i a ratou
64:9b.PSA.064.009 Ka wehi ano hoki nga tangata katoa, ka whakapuaki i te mahi a te Atua: ka ata maharatia hoki e ratou tana mahi
64:10b.PSA.064.010 Ka koa te tangata tika ki a Ihowa, ka whakawhirinaki hoki ki a ia: ka whakamanamana ano te hunga ngakau tika katoa
65
65:1b.PSA.065.001 Ki te tino kaiwhakatangi. He himene, he waiata na Rawiri. E taria ana koe, e te Atua, e te whakamoemiti i Hiona: a ka whakamana te kupu taurangi ki a koe
65:2b.PSA.065.002 E te kaiwhakarongo inoi, e haere nga kikokiko katoa ki a koe
65:3b.PSA.065.003 E kaha ake ana i ahau nga kino: a matou mahi tutu, mau ena e hipoki
65:4b.PSA.065.004 Ka hari te tangata e whiriwhiria e koe, e meatia e koe kia tata atu ki a koe, kia noho i roto i ou marae: ka makona matou i te pai o tou whare, o tou temepara tapu
65:5b.PSA.065.005 He mea whakawehi, he tapu, tau utu kupu ki a matou, e te Atua o to matou whakaoranga, e te okiokinga o nga pito katoa o te whenua, o te hunga hoki i tawhiti i runga o te moana
65:6b.PSA.065.006 E whakau nei i nga maunga, he kaha hoki nona; tona whitiki nei he kaha
65:7b.PSA.065.007 E whakamarie nei i te haruru o nga moana, i te haruru o o ratou ngaru, i te ngangau hoki o nga iwi
65:8b.PSA.065.008 Ka wehi ano ki au tohu te hunga e noho ana i nga pito rawa: hari ana i a koe nga putake o te ata, o te ahiahi
65:9b.PSA.065.009 E tirotirohia ana e koe te whenua, e whakamakukuria ana, e whakamomonatia nuitia ana e koe; ki tonu te awa o te Atua i te wai: oti rawa ake te whakapai e koe, kua rite mai i a koe he witi mo aua wahi
65:10b.PSA.065.010 Makuku rawa i a koe ona moa, pe ana i a koe ona tupuke: e whakangawaritia ana e koe ki nga ua: e manaakitia ana e koe tona pihinga ake
65:11b.PSA.065.011 E karaunatia ana e koe te tau ki tou pai; e maturuturu ana hoki te momonatanga o ou ara
65:12b.PSA.065.012 E maturuturu ana ki nga wahi kai o te koraha: a whitikiria ana nga pukepuke ki te koa
65:13b.PSA.065.013 He hipi te kakahu o nga wahi kai; ngaro ana nga raorao i te witi; hamama ana ratou i te hari, waiata ana
66
66:1b.PSA.066.001 Ki te tino kaiwhakatangi. He himene, he waiata. Hamama, e te whenua katoa, ki te Atua
66:2b.PSA.066.002 Himenetia te kororia o tona ingoa, kia whai kororia te whakamoemiti ki a ia
66:3b.PSA.066.003 Mea atu ki te Atua, Ano te wehi o au mahi! Ma te nui o tou kaha e ngohengohe ai ou hoariri ki a koe
66:4b.PSA.066.004 E koropiko katoa te whenua ki a koe; ka himene ki a koe; ka himene ratou ki tou ingoa. (Hera
66:5b.PSA.066.005 Haere mai kia kite i nga mahi a te Atua: mataku rawa tana mahi ki nga tama a te tangata
66:6b.PSA.066.006 Nana i mea te moana hei tuawhenua: haere a waewae ana ratou ra roto i te awa; hari ana matou ki a ia i reira
66:7b.PSA.066.007 Ko tona kawanatanga tuturu tonu i runga i tona kaha; e titiro ana ona kanohi ki nga tauiwi; kei whakakake te hunga tutu. (Hera
66:8b.PSA.066.008 Whakapaingia to tatou Atua, e nga iwi; kia rangona te reo whakamoemiti ki a ia
66:9b.PSA.066.009 Nana nei hoki i mau ai to tatou wairua ki te ora, kahore hoki e tukua e ia o tatou waewae kia nekehia
66:10b.PSA.066.010 Kua whakamatauria hoki matou e koe, e te Atua: whakarewaia ana matou e koe, ano he hiriwa e whakarewaia ana
66:11b.PSA.066.011 Kua kawea nei matou e koe ki roto ki te kupenga: whakapikaua ana e koe te mea whakamamae ki o matou hope
66:12b.PSA.066.012 I meinga ano e koe o matou upoko kia ekengia hoihotia e te tangata; i ra roto matou i te kapura, i te wai: heoi whakaputaina mai ana matou e koe ki te wahi momona
66:13b.PSA.066.013 Ka tomo ahau me nga tahunga tinana ki tou whare; ka whakamana ahau i aku kupu taurangi ki a koe
66:14b.PSA.066.014 Era i puaki i oku ngutu, i korerotia e toku mangai i ahau e pouri ana
66:15b.PSA.066.015 Ka whakaekea e ahau mau nga mea momona hei tahunga tinana, ngatahi ano me te mea kakara o nga hipi toa; ka tukua e ahau he puru, he koati. (Hera
66:16b.PSA.066.016 Haere mai, whakarongo, e koutou katoa e wehi ana ki te Atua, a maku e whakapuaki tana i mea ai ki toku wairua
66:17b.PSA.066.017 I tangi toku mangai ki a ia: i whakanuia ano ia e toku arero
66:18b.PSA.066.018 Ki te whakaaroa e toku ngakau te he, e kore te Ariki e whakarongo mai
66:19b.PSA.066.019 Nei ra he pono kua whakarongo te Atua, kua tahuri ia ki toku reo inoi
66:20b.PSA.066.020 Kia whakapaingia te Atua, kihai nei i whakapeau ke i taku inoi, i tana atawhai hoki ki ahau
67
67:1b.PSA.067.001 Ki te tino kaiwhakatangi. Nekinoto. He himene, he waiata. Ma te Atua tatou e atawhai, mana tatou e manaaki; mana e mea kia tiaho tona mata ki a tatou; (Hera
67:2b.PSA.067.002 Kia matauria ai tau ara ki runga ki te whenua, tau whakaoranga i roto i nga tauiwi katoa
67:3b.PSA.067.003 Kia whakamoemiti nga iwi ki a koe, e te Atua, kia whakamoemiti nga iwi katoa ki a koe
67:4b.PSA.067.004 Kia koa nga tauiwi, kia waiata i te hari: no te mea ka tika tau whakawa mo nga iwi, a ka kawana koe i nga tauiwi o te whenua. (Hera
67:5b.PSA.067.005 Kia whakamoemiti nga iwi ki a koe, e te Atua, kia whakamoemiti nga iwi katoa ki a koe
67:6b.PSA.067.006 Kua tuku mai nei te whenua i ona hua; a ka manaaki te Atua, to tatou Atua, i a tatou
67:7b.PSA.067.007 Ka manaaki te Atua i a tatou; a ka wehi nga pito katoa o te whenua i a ia
68
68:1b.PSA.068.001 Ki te tino kaiwhakatangi. He himene, he waiata na Rawiri. Kia ara te Atua, kia marara ona hoariri: kia whati hoki i tona aroaro te hunga e kino ana ki a ia
68:2b.PSA.068.002 Aia atu ratou, peratia me te paowa e aia ana: kia rite ki te ware pi e rewa ana i te kapura te ngaromanga o te hunga kino i te aroaro o te Atua
68:3b.PSA.068.003 Kia koa ia te hunga tika; kia hari i te aroaro o te Atua: ae ra, kia tino hari pu ratou
68:4b.PSA.068.004 Waiata ki te Atua, himenetia tona ingoa; opehia ake he huanui mo tana hariata i nga koraha; tona ingoa ko IHA; kia hari hoki ki tona aroaro
68:5b.PSA.068.005 Hei matua mo nga pani, hei kaiwhakarite mo nga pouaru, te Atua i tona nohoanga tapu
68:6b.PSA.068.006 E whakanohoia ana e te Atua te mokemoke ki te whare; e whakaputaina ana e ia nga herehere ki te ora: ko te hunga tutu ia e noho i te wahi waikore
68:7b.PSA.068.007 E te Atua, i tou haerenga atu i mua i tau iwi: i tou haerenga i te koraha; (Hera
68:8b.PSA.068.008 I wiri te whenua, i tuturu iho ano nga rangi i te aroaro o te Atua; me taua Hinai ano i te aroaro o te Atua, o te Atua o Iharaira
68:9b.PSA.068.009 I taia mai, e koe, e te Atua, he ua nui; a i tou kainga e ruwha ana ka whakaukia e koe
68:10b.PSA.068.010 I noho tau whakaminenga ki reira: na tou pai, e te Atua, i mea kai ai koe ma nga rawakore
68:11b.PSA.068.011 Ka homai e Ihowa te kupu: he ope nui nga wahine whakapuaki
68:12b.PSA.068.012 Whati rawa nga kingi o nga taua: a ko te wahine i noho i te whare, kei te tuwha i nga parakete
68:13b.PSA.068.013 I a koutou ka takoto noa i nga takotoranga hipi, he rite ki nga pakau o te kukupa kua paparuatia nei ki te hiriwa, ona hou ki te koura whero
68:14b.PSA.068.014 I te whakamararatanga a te Kaha Rawa i nga kingi i reira, koia ano kei te hukarere o Taramono te ma
68:15b.PSA.068.015 He maunga Atua a Maunga Pahana; he maunga tiketike a Maunga Pahana
68:16b.PSA.068.016 He aha koutou ka titiro titaha ai, e nga maunga tiketike, ki te maunga i hiahiatia nei e te Atua kia nohoia e ia? ae, ka nohoia e Ihowa ake ake
68:17b.PSA.068.017 Ko nga hariata a te Atua, e rua tekau mano, mano mano iho; kei roto i a ratou te Ariki, me te mea ko Hinai, ko te wahi tapu
68:18b.PSA.068.018 Kua kake koe ki runga, kua whakaraua e koe te whakarau: kua riro i a koe he ohaoha mo te tangata; ae, mo te hunga tutu ano, kia noho ai a Ihowa, te Atua ki a ratou
68:19b.PSA.068.019 Kia whakapaingia te Ariki, e whakawaha nei i ta tatou pikaunga i tenei ra, i tenei ra, te Atua o to tatou whakaoranga. (Hera
68:20b.PSA.068.020 Ko to tatou Atua te Atua o te whakaoranga: na Ihowa ano, na te Ariki, nga putanga ake i te mate
68:21b.PSA.068.021 Ka maru ia i te Atua te matenga o ona hoariri: me te tumuaki huruhuru o te tangata e haere tonu ana i ana kino
68:22b.PSA.068.022 I mea te Ariki, Ka whakahokia mai e ahau i Pahana, ka whakahokia mai e ahau taku iwi i nga rire o te moana
68:23b.PSA.068.023 Kia toua ai tou waewae ki te toto, kia whiwhi ai te arero o au kuri ki tana wahi o ou hoariri
68:24b.PSA.068.024 I kite ratou, e te Atua, i ou haerenga, i nga haerenga o toku Atua, o toku Kingi, i te wahi tapu
68:25b.PSA.068.025 Ko nga kaiwaiata i haere i mua, i muri ko nga kaiwhakatangi, i waenganui o nga kotiro e patupatu ana i nga timipera
68:26b.PSA.068.026 Whakapaingia te Atua i roto i nga whakaminenga, te Ariki hoki, e nga mea i puta mai i te matapuna o Iharaira
68:27b.PSA.068.027 Kei reira a Pineamine, te whakaotinga, to ratou ariki, nga rangatira o Hura, me to ratou ropu, nga rangatira o Hepurona, me nga rangatira o Napatari
68:28b.PSA.068.028 Kua oti he kaha mou te whakahau iho e tou Atua: whakaukia, e te Atua, tau i mea ai mo matou
68:29b.PSA.068.029 Ka maua mai e nga kingi he hakari ki a koe, mo tou temepara i Hiruharama
68:30b.PSA.068.030 Riria te kirehe o nga kakaho, te huinga puru, me nga kuao kau a nga iwi, me te takahi i nga pihi hiriwa ki raro: whakamararatia nga iwi e ahuareka ana ki te whainga
68:31b.PSA.068.031 E puta mai nga rangatira i Ihipa: meake hohoro te totoro o nga ringa o Etiopia ki te Atua
68:32b.PSA.068.032 Waiata ki te Atua, e nga rangatiratanga o te whenua: himene ki te Ariki: (Hera
68:33b.PSA.068.033 Ki a ia, ko tona hariata nei ko nga rangi o nga rangi, nonamata: na, ka puaki tona reo, he reo kaha
68:34b.PSA.068.034 Waiho te kaha i te Atua, kei runga nei i a Iharaira tana mahi rangatira: kei nga kapua hoki tona kaha
68:35b.PSA.068.035 Ka wehingia koe, e te Atua, i roto i ou wahi tapu: ko te Atua o Iharaira te kaihomai i te kaha, i te mana, ki tona iwi. Whakapaingia te Atua
69
69:1b.PSA.069.001 Ki te tino kaiwhakatangi. Hohanimi. Na Rawiri. Whakaorangia ahau e te Atua, ka tae mai hoki nga wai ki roto ki toku wairua
69:2b.PSA.069.002 Ka tapoko ahau ki te oru hohonu, ki te wahi kahore nei he tunga: kua tae ahau ki nga wai hohonu, ngaro iho ahau i nga waipuke
69:3b.PSA.069.003 Kua ruwha ahau i taku tangi; kua maroke toku korokoro: pakoko kau oku kanohi i ahau e tatari nei ki toku Atua
69:4b.PSA.069.004 Tini ke i nga makawe o toku matenga te hunga e kino noa ana ki ahau: he kaha rawa te hunga e mauahara noa ana ki ahau, e mea nei kia whakamatea ahau; utua ana e ahau i reira nga mea kihai i tangohia e ahau
69:5b.PSA.069.005 E te Atua, e matau ana koe ki toku kuware; kahore hoki oku he e ngaro i a koe
69:6b.PSA.069.006 E te Ariki, e Ihowa o nga mano kaua te hunga e tatari ana ki a koe e whakama i ahau: e te Atua o Iharaira, kei numinumi kau i ahau te hunga e rapu ana i a koe
69:7b.PSA.069.007 Mou hoki ahau i waiho ai hei tawainga: ngaro iho toku mata i te whakama
69:8b.PSA.069.008 He tangata ke ahau ki oku hoa ake: hei tautangata ki nga tama a toku whaea
69:9b.PSA.069.009 Ka pau hoki ahau i te aroha ki tou whare: kua tau ano ki ahau nga tawai a te hunga e tawai ana ki a koe
69:10b.PSA.069.010 I ahau i tangi, i whakatiki hei whiu i toku wairua, ka waiho tena hei tawainga moku
69:11b.PSA.069.011 I kakahu hoki ahau i te kakahu taratara moku, a i waiho hei whakatauki ma ratou
69:12b.PSA.069.012 Kei te korero kino moku te hunga e noho ana i te kuwaha: waiatatia ana ahau e te hunga haurangi waina
69:13b.PSA.069.013 Ko ahau ia, ki a koe taku inoi, e Ihowa, i te wa e manakohia ai: whakahokia mai he kupu ki ahau, e te Atua, i runga i te nui o tou aroha, o te pono o tau whakaoranga
69:14b.PSA.069.014 Whakaorangia ahau i roto i te oru, kei toremi: kia ora ahau i te hunga e kino ana ki ahau, i nga wai hohonu ano hoki
69:15b.PSA.069.015 Kei ngaro ahau i te waipuke, kei horomia e te rire; kei kopia ano te waha o te poka ki runga ki ahau
69:16b.PSA.069.016 E Ihowa whakahokia mai he kupu ki ahau; he pai hoki tou atawhai: tahuri mai ki ahau, kia rite ki te nui o au arohatanga
69:17b.PSA.069.017 A kaua e huna tou mata ki tau pononga; e pouri ana hoki ahau: hohoro te whakahoki kupu mai ki ahau
69:18b.PSA.069.018 Whakatata mai ki toku wairua, hokona: whakaorangia ahau, e mahi nei oku hoariri
69:19b.PSA.069.019 E matau ana koe ki toku tawainga, ki toku whakama, ki toku numinumi: kei tou aroaro oku hoariri katoa
69:20b.PSA.069.020 Maru noa toku ngakau i te tawai; a ki tonu ahau i te pouri: i titiro ahau ki tetahi hei aroha mai, a kore ake; ki etahi hei whakamarie, a kihai i kitea
69:21b.PSA.069.021 I homai he au hei kai maku: i toku matewaitanga ano i whakainumia ahau ki te winika
69:22b.PSA.069.022 Kia meinga ta ratou tepu i to ratou aroaro hei mahanga; hei rore hoki i to ratou wa rangimarie
69:23b.PSA.069.023 Kia whakapouritia o ratou kanohi, kei kite ratou: kia wiri tonu hoki o ratou hope
69:24b.PSA.069.024 Ringihia atu tou riri ki runga ki a ratou, kia mau hoki ratou i tou arita, i tou weriweri
69:25b.PSA.069.025 Kia ururuatia to ratou nohoanga: kaua tetahi e noho ki o ratou teneti
69:26b.PSA.069.026 Mo ratou i tukino i te tangata i whiua nei e koe; a korerotia ana e ratou te pouri o te hunga i werohia e koe
69:27b.PSA.069.027 Tapiritia he kino ki runga ki to ratou kino; kaua hoki ratou e tukua kia tomo ki tou tika
69:28b.PSA.069.028 Kia murua atu ratou i te pukapuka o te ora, kaua ano e tuhituhia ki roto ki te hunga tika
69:29b.PSA.069.029 Ko ahau ia, he rawakore, he pouri; kia whakateiteitia ake ahau, e te Atua, e tau whakaoranga
69:30b.PSA.069.030 Ka whakamoemiti taku waiata ki te ingoa o te Atua, ka whakanui ano taku whakawhetai i a ia
69:31b.PSA.069.031 Pai rawa tenei ki a Ihowa i te puru i te kau, i te mea whai haona, whai maikuku
69:32b.PSA.069.032 Kua kite te hunga mahaki, kua hari: ka ora ano o koutou ngakau, e te hunga e rapu nei i te Atua
69:33b.PSA.069.033 No te mea ka rongo a Ihowa ki nga rawakore, e kore ano e whakahawea ki ana herehere
69:34b.PSA.069.034 Kia whakamoemiti te rangi me te whenua ki a ia, nga moana, me nga mea katoa e tere ana i roto
69:35b.PSA.069.035 No te mea tera e whakaorangia e te Atua a Hiona, ka hanga ano e ia nga pa o Hura; a ka noho ratou ki reira, ka riro hoki a reira i a ratou
69:36b.PSA.069.036 A ka nohoia a reira e nga uri o ana pononga: hei kainga tupu ano a reira mo te hunga e aroha ana ki tona ingoa
70
70:1b.PSA.070.001 Ki te tino kaiwhakatangi. Na Rawiri, hei whakamahara. Kia hohoro, e te Atua, ki te whakaora i ahau: e Ihowa, hohoro ki te awhina i ahau
70:2b.PSA.070.002 Kia whakama, kia pororaru ngatahi te hunga e rapu ana i toku wairua: kia whakahokia ki muri, kia whakama te hunga e hiahia ana kia he ahau
70:3b.PSA.070.003 Kia whakahokia ki muri mo to ratou whakama, te hunga e mea ana ki ahau, Ha, ha
70:4b.PSA.070.004 Kia hari, kia koa, ki a koe te hunga katoa e rapu ana i a koe; kia mea tonu te hunga e pai ana ki tau whakaoranga, Kia whakanuia te Atua
70:5b.PSA.070.005 Ko ahau ia, he iti, he rawakore; hohoro mai, e te Atua, ki ahau: ko koe toku awhina, toku kaiwhakaora; kaua ra e whakaroa, e Ihowa
71
71:1b.PSA.071.001 Ko koe taku e whakawhirinaki ai, e Ihowa: kei whakama ahau ake ake
71:2b.PSA.071.002 Whakaorangia ahau, i runga i tou tika, kia mawhiti ano ahau: tahuri mai tou taringa ki ahau, whakaorangia hoki ahau
71:3b.PSA.071.003 Kia ai koe hei teko e noho ai ahau, hei hokihokinga tonutanga atu moku: kua kiia iho ahau e koe kia whakaorangia: ko koe nei hoki toku kohatu, toku pourewa
71:4b.PSA.071.004 Whakaorangia ahau, e toku Atua, i te ringa o te tangata kino, i te ringa o te whanoke, o te nanakia
71:5b.PSA.071.005 Ko koe nei hoki, e te Ariki, e Ihowa, taku e tumanako atu nei, taku e whakawhirinaki nei no toku tamarikitanga ake ano
71:6b.PSA.071.006 Nau ahau i tautoko ake no te kopu mai ano; nau ahau i tango mai i roto i nga whekau o toku whaea; ko koe taku e whakamoemiti tonu ai
71:7b.PSA.071.007 He miharotanga ahau na te tini; ko koe ia toku piringa kaha
71:8b.PSA.071.008 Kia ki toku mangai i te whakamoemiti ki a koe, i tou honore i te roa o te ra
71:9b.PSA.071.009 Kaua ahau e panga a te wa o te koroheketanga, kaua ahau e whakarerea ina hemo toku kaha
71:10b.PSA.071.010 E korerotia ana hoki ahau e oku hoariri, a e runanga tahi ana te hunga e whanga ana ki toku wairua
71:11b.PSA.071.011 E mea ana, Kua whakarerea ia e te Atua: whaia, hopukia; kahore hoki tetahi hei whakaora
71:12b.PSA.071.012 E te Atua, kei matara atu koe i ahau: e toku Atua, hohoro ki te awhina i ahau
71:13b.PSA.071.013 Kia whakama, kia pau nga hoariri o toku wairua: kia hipokina ki te tawai, ki te whakama, te hunga e rapu ana i te he moku
71:14b.PSA.071.014 Ko ahau ia, ka tumanako tonu: ka hono tonu ano te whakamoemiti ki a koe
71:15b.PSA.071.015 Ma toku mangai e whakakite tou tika, tau whakaoranga i te roa o te ra; kahore hoki ahau e mohio e hia ranei
71:16b.PSA.071.016 Ka haere ahau i runga i te kaha o te Ariki, o Ihowa, ka whakahuatia e ahau tou tika, tou anake
71:17b.PSA.071.017 E te Atua, he mea whakaako ahau nau, no toku tamarikitanga ake; a he whakapuaki taku i au mahi whakamiharo a mohoa noa nei
71:18b.PSA.071.018 Na kaua ahau e whakarerea, e te Atua, a koroheke noa, hina noa ahau, kia whakakitea ra ano e ahau tou kaha ki tenei whakatupuranga, tou nui ki nga tangata katoa e puta mai a mua
71:19b.PSA.071.019 Kei runga rawa ano tou tika, e te Atua, he nui nei hoki au mahi: e te Atua, ko wai te rite ki a koe
71:20b.PSA.071.020 He nui, he kino nga pouritanga ngakau i whakakitea mai e koe ki a matou; tera ano koe ka whakahauora i a matou, ka whakahoki ake ano i a matou i nga wahi hohonu o te whenua
71:21b.PSA.071.021 Whakaraneatia e koe toku nui, a tahuri mai ano ka whakamarie i ahau
71:22b.PSA.071.022 Ka whakamoemiti ahau ki a koe i runga i te hatere, ara ki tou pono, e toku Atua: ka himene ahau ki a koe i runga i te hapa, e te Mea Tapu o Iharaira
71:23b.PSA.071.023 Ka tino hari oku ngutu ua himene ahau ki a koe: me toku wairua ano i hokona nei e koe
71:24b.PSA.071.024 Ka korerotia hoki e toku arero tou tika i te roa o te ra: kua whakama nei hoki, kua numinumi kau te hunga i rapu i te he moku
72
72:1b.PSA.072.001 Na Horomona. Homai, e te Atua, au whakaritenga ki te kingi, me tou tika ki te tama a te kingi
72:2b.PSA.072.002 Mana e whakawa tou iwi i runga i te tika, au rawakore i runga i te whakawa tika
72:3b.PSA.072.003 Ka kawea mai e nga maunga te rongo mau ki te iwi, e nga pukepuke i runga i te tika
72:4b.PSA.072.004 Ka whakawa ia mo nga ware o te iwi: ka whakaorangia e ia nga tamariki a te rawakore; mongamonga noa i a ia te kaitukino
72:5b.PSA.072.005 I te ra e mau ana, i te marama hoki, ka pera te mau o to ratou wehi ki a koe i nga whakatupuranga katoa
72:6b.PSA.072.006 E heke iho ia ano he ua ki runga ki te kotinga tarutaru, me nga ua e whakamakuku nei i te whenua
72:7b.PSA.072.007 Ka tupu te tangata tika i ona ra: tona roa ano o te ata noho, a kore noa te marama
72:8b.PSA.072.008 Ka kingi ia i tenei moana, a tae noa ki tetahi moana, i te awa, a nga pito atu ano o te whenua
72:9b.PSA.072.009 Ka piko ki tona aroaro te hunga o te koraha: a ka mitimiti ona hoariri i te puehu
72:10b.PSA.072.010 Ka maua mai he hakari e nga kingi o Tarahihi, o nga motu: ka kawea mai he tahua e nga kingi o Hepa, o Tepa
72:11b.PSA.072.011 Ae, ka koropiko nga kingi katoa ki a ia: ka mahi nga iwi katoa ki a ia
72:12b.PSA.072.012 Ka ora hoki i a ia te rawakore ua tangi atu, te ware hoki me te tangata kahore nei ona kaiawhina
72:13b.PSA.072.013 E tohu ia i te tangata iti, i te rawakore; ka ora ano i a ia nga wairua o nga rawakore
72:14b.PSA.072.014 Ka hokona e ia to ratou wairua i roto i te tukino, i te tutu, he mea utu nui hoki o ratou toto ki tana titiro
72:15b.PSA.072.015 A e ora ratou; ka hoatu ano ki a ia he koura no Hepa: ka tukua tonutia hoki te inoi mona; ka whakapaingia ia i tenei ra, i tenei ra
72:16b.PSA.072.016 He kutanga witi tera i runga i te whenua, i te tihi o nga maunga; ngarue ana ona hua, ano ko Repanona, a ka rite te tupu o nga tangata o te pa ki to te tarutaru o te whenua
72:17b.PSA.072.017 Ka mau tonu tona ingoa ake ake; ka rite tona ingoa ki te ra te pumau: kei roto i a ia te manaaki mo te tangata; ka korerotia tona koa e nga iwi katoa
72:18b.PSA.072.018 Kia whakapaingia a Ihowa, te Atua, te Atua o Iharaira: ko ia nei anake hei mahi i nga mahi whakamiharo
72:19b.PSA.072.019 Kia whakapaingia ano tona ingoa kororia mo ake tonu atu; kia ki katoa hoki te whenua i tona kororia. Amine, ae Amine
72:20b.PSA.072.020 Ko te mutunga tenei o nga inoi a Rawiri, a te tama a Hehe
73
73:1b.PSA.073.001 He himene na Ahapa. He pono, he pai te Atua ki a Iharaira; ki te hunga ngakau ma
73:2b.PSA.073.002 Ko ahau ia, wahi iti kua tapepa oku waewae: me i kotahi kua paheke oku takahanga
73:3b.PSA.073.003 I hae hoki ahau ki te hunga whakahi, i toku kitenga i te tangata hara e kake ana
73:4b.PSA.073.004 Kahore hoki he whakawiringa a te mate i a ratou: he maro ano o ratou uaua
73:5b.PSA.073.005 Kahore nga mea whakapouri tangata e pa ki a ratou; kahore ano ratou e whiua tahitia me te mano tangata
73:6b.PSA.073.006 Na reira, ano he hei te whakakake e awhi nei i a ratou, ano he kakahu te tutu e hipokina nei ratou
73:7b.PSA.073.007 Pupuhi ana o ratou kanohi i te ngako: nui ake nga mea i a ratou i a o ratou ngakau i hiahia ai
73:8b.PSA.073.008 E whakahi ana ratou, e korero kino ana mo te whakatoi: kei runga noa ake a ratou korero
73:9b.PSA.073.009 Tutuki tonu to ratou mangai ki nga rangi: e kopikopiko ana hoki to ratou arero i runga i te whenua
73:10b.PSA.073.010 Koia tona iwi i hoki mai ai ki konei: a e whakawiria ana he wai mo ratou, ki tonu te kapu
73:11b.PSA.073.011 E mea ana ratou, Ma te aha e matau ai te Atua? He matauranga koia to te Runga Rawa
73:12b.PSA.073.012 Nana, ko te hunga kino tenei, kei runga tonu i te whenua rangatira, e hua ana o ratou taonga
73:13b.PSA.073.013 He pono he maumau taku mea i toku ngakau kia ma, taku horoi hoki i oku ringa ki te harakore
73:14b.PSA.073.014 E whiua ana hoki ahau i te roa o te ra, e pakia ana i nga ata katoa
73:15b.PSA.073.015 Me i ki ahau, Ka penei taku korero; na e tinihanga ana ahau ki te whakatupuranga o au tamariki
73:16b.PSA.073.016 I taku meatanga kia matauria tenei, ka kite ahau he mahi whakauaua rawa
73:17b.PSA.073.017 Tae noa ahau ki te wahi tapu o te Atua, katahi ahau ka mohio ki to ratou mutunga
73:18b.PSA.073.018 He pono i whakaturia ratou e koe ki nga wahi pahekeheke; a whakataka ana e koe ki te ngaromanga
73:19b.PSA.073.019 Ano te panga whakareretanga o to ratou hunanga! kua pau rawa i nga wehi
73:20b.PSA.073.020 Ka rite ki te rekanga kanohi, ina ara ake te tangata, tau whakahawea ki to ratou ahua, e te Ariki, ina ara ake koe
73:21b.PSA.073.021 Na mamae noa iho toku ngakau, a hukihuki ana oku whatumanawa
73:22b.PSA.073.022 He whakaarokore hoki ahau, he kuware: me te mea he kirehe ahau i tou aroaro
73:23b.PSA.073.023 Ahakoa ra kei a koe tonu ahau; e puritia ana e koe toku ringa matau
73:24b.PSA.073.024 Ma tou whakaaro ahau e arahi; muri iho ka riro ahau i a koe ki te kororia
73:25b.PSA.073.025 Ko wai hoki toku i te rangi ko koe anake? Kahore atu hoki oku i te whenua e hiahia ai, ko koe anake
73:26b.PSA.073.026 Hemo iho oku kikokiko me toku ngakau: ko te Atua ia te kaha o toku ngakau, toku wahi ake ake
73:27b.PSA.073.027 Na, ko te hunga e mamao atu ana i a koe ka mate: ka ngaro i a koe te hunga puremu katoa e whakarere nei i a koe
73:28b.PSA.073.028 Ko ahau ia, he pai ki ahau te whakatata ki te Atua: kua waiho e ahau te Ariki, a Ihowa, hei whakawhirinakitanga moku, kia whakapuakina ai e ahau au mahi katoa
74
74:1b.PSA.074.001 He Makiri na Ahapa. E te Atua, he aha i panga ai matou e koe ake ake? He aha i pongere ai tou riri ki nga hipi o tau mara
74:2b.PSA.074.002 Mahara ki tau whakaminenga i hokona e koe i mua, i utua e koe hei iwi mo tou kainga tupu; a ki tenei Maunga Hiona i nohoia nei e koe
74:3b.PSA.074.003 Hiki ake ou waewae ki nga whakangaromanga e mau tonu nei, ki nga mahi kino katoa a te hoariri ki te wahi tapu
74:4b.PSA.074.004 Kua hamama nei ou hoariri i waenganui i au whakaminenga, kua whakaturia e ratou a ratou kara hei tohu
74:5b.PSA.074.005 E rite ana ratou ki nga tangata e hapai ana i te titaha ki te puia rakau
74:6b.PSA.074.006 Inaianei ia e tukitukia ana e ratou ona mea whakairo, pakaruhia iho ana ki te titaha, ki te hama
74:7b.PSA.074.007 Kua toua tou wahi tapu ki te kapura, kua noa i a ratou te nohoanga o tou ingoa, kei te whenua e takoto ana
74:8b.PSA.074.008 I mea to ratou ngakau, Me whakangaro ratou a poto ake: kua tahuna e ratou nga whare huihui katoa o te Atua i te whenua
74:9b.PSA.074.009 Kahore matou e kite i o matou tohu, kahore atu he poropiti, kahore hoki tetahi o matou e matau ana kia pehea ake te roa
74:10b.PSA.074.010 E te Atua, kia pehea ake te roa o te tawai a te hoariri? Ka kohukohu tonu ranei te hoariri ki tou ingoa ake ake
74:11b.PSA.074.011 He aha i pepeke ai tou ringa, tou matau? Unuhia i roto i tou uma, whakamotitia ratou
74:12b.PSA.074.012 Ko te Atua ia toku Kingi o tua iho, e mahi whakaora ana i waenganui i te whenua
74:13b.PSA.074.013 Nau, na tou kaha i wawae te moana: pakaru ana i a koe nga matenga o nga tarakona i nga wai
74:14b.PSA.074.014 Mongamonga noa i a koe nga matenga o rewiatana: a hoatu ana ia e koe hei kai ma te iwi o te koraha
74:15b.PSA.074.015 I wahia e koe te puna me te roma; mimiti ake i a koe nga awa nunui
74:16b.PSA.074.016 Nau te ao, nau hoki te po; nau i whakarite te marama me te ra
74:17b.PSA.074.017 Nau i whakatu nga rohe katoa o te whenua: te raumati me te hotoke, he mea whakarite ena nau
74:18b.PSA.074.018 Kia mahara ki tenei, kua tawai te hoariri, e Ihowa: kua kohukohu te hunga poauau ki tou ingoa
74:19b.PSA.074.019 Kaua e tukua te wairua o tau kukupa ki te kirehe: kei wareware ake ake ki te whakaminenga o au rawakore
74:20b.PSA.074.020 Whakaaroa te kawenata; kua kiki hoki nga wahi pouri o te whenua i nga nohoanga nanakia
74:21b.PSA.074.021 Kei hoki whakama mai te tangata e tukinotia ana: kia whakamoemititia tou ingoa e te ware, e te rawakore
74:22b.PSA.074.022 E ara, e te Atua, tohea tau tohe: mahara ki ta te tangata poauau tawai ki a koe a pau noa te ra
74:23b.PSA.074.023 Kei wareware ki te reo o ou hoariri: e kake tonu ana te ngangau a te hunga e whakatika ana ki a koe
75
75:1b.PSA.075.001 Ki te tino kaiwhakatangi. Aratakiti. He himene, he waiata na Ahapa. Ka whakawhetai tonu matou ki a koe, e te Atua; ka whakawhetai tonu matou, kei te tata mai hoki tou ingoa: e korerotia ana e te tangata au mahi whakamiharo
75:2b.PSA.075.002 Ka kitea e ahau te wa e rite ana, ka tika taku whakawa
75:3b.PSA.075.003 Kuteretere noa iho te whenua me ona tangata katoa; naku i whakatu ona pou. (Hera
75:4b.PSA.075.004 I mea ahau ki te hunga whakakake, Kati ra te whakakake; ki te hunga hara ano, Kaua e whakaarahia te haona
75:5b.PSA.075.005 Kaua to koutou haona e whakaarahia ki runga: kati te whakamaro i te kaki ina korero
75:6b.PSA.075.006 No te mea kahore he aranga i te rawhiti, kahore i te hauauru, kahore hoki i te tonga
75:7b.PSA.075.007 Ko te Atua ia te kaiwhakawa; ko tenei e whakaititia iho ana e ia, ko tera e whakaarahia ake ana
75:8b.PSA.075.008 Kei te ringa hoki o Ihowa he kapu, pahuka tonu te waina; ki tonu, whakananu rawa, hei ringihanga mana: ko nga nganga ia, ma te hunga kino katoa o te whenua e tatau, e inu
75:9b.PSA.075.009 Ko ahau ia, ka kauwhau tonu: ka himene ki te Atua o Hakopa
75:10b.PSA.075.010 A ka kotia e ahau nga haona katoa o te hunga kino: ka whakaarahia ake ia nga haona o te tangata tika
76
76:1b.PSA.076.001 Ki te tino kaiwhakatangi. Nekinoto. He himene, he waiata na Ahapa. E matauria ana te Atua i roto i a Hura, he nui tona ingoa i roto i a Iharaira
76:2b.PSA.076.002 Kei Harema hoki tona tapenakara; kei Hiona tona nohoanga
76:3b.PSA.076.003 I whati i a ia i reira nga pere o te kopere, te whakangungu rakau, te hoari, me nga mea mo te whawhai. (Hera
76:4b.PSA.076.004 Tera atu tou kororia, tou nui, i to nga maunga kirehe
76:5b.PSA.076.005 Kua pahuatia te hunga ngakau toa, moe ana ratou i ta ratou moe; kihai ano i whai ringa tetahi o nga marohirohi
76:6b.PSA.076.006 Na tau whakatupehupehu, e te Atua o Hakopa, i parangia ai te hariata me te hoiho e te moe
76:7b.PSA.076.007 Ko koe, ina, ko koe e wehingia; ko wai hoki e tu ki tou aroaro ina riri koe
76:8b.PSA.076.008 Nau i rangona iho ai te whakawa i te rangi: wehi ana te whenua, whakaririka kau ana
76:9b.PSA.076.009 I te aranga ake o te Atua ki te whakawa, ki te whakaora i te hunga mahaki katoa o te whenua. (Hera
76:10b.PSA.076.010 He pono ka whai kororia koe i te riri o te tangata: mau ano e whitiki te toenga o te riri
76:11b.PSA.076.011 Whakapuakina te kupu taurangi ki a Ihowa, ki to koutou Atua, whakamana hoki; e te hunga katoa i tetahi taha ona, i tetahi taha, mauria he hakari ki a ia, ka tika hoki te wehi ki a ia
76:12b.PSA.076.012 Mana e poro atu te wairua o nga rangatira: e matakuria ana ia e nga kingi o te whenua
77
77:1b.PSA.077.001 Ki te tino kaiwhakatangi, ki a Ierutunu. He himene na Ahapa. Ki te Atua toku reo, e karanga nei ahau, ki te Atua toku reo, a tera e tahuri mai tona taringa ki ahau
77:2b.PSA.077.002 I rapu ahau ki te Ariki i te ra o toku pouri: maro tonu toku ringa i te po, kihai ano i pepeke; kihai toku wairua i pai kia whakamarietia
77:3b.PSA.077.003 E mahara ana ahau ki te Atua, a e pouri ana: kei te whakaaroaro, a ngaro iho toku wairua. (Hera
77:4b.PSA.077.004 E puritia ana e koe oku kanohi kia mataara tonu; he pouri ahau, te ahei te korero
77:5b.PSA.077.005 Ka hoki oku whakaaro ki nga ra onamata, ki nga tau o tua iho
77:6b.PSA.077.006 E whakamahara ana ahau ki taku waiata i te po, e korerorero ana ki toku ngakau e rapurapu ana toku wairua
77:7b.PSA.077.007 Tera ranei te Ariki e panga tonu ake ake? A heoi ano ranei ana manakohanga mai
77:8b.PSA.077.008 Kua kahore ranei tana mahi tohu mo ake tonu atu? Kua whati ranei tana kupu a ake ake
77:9b.PSA.077.009 Kua wareware ranei te Atua ki te atawhai? Kua riri ranei ia, a tutakina atu ana e ia tona aroha? (Hera
77:10b.PSA.077.010 Na ka mea ahau, Ko toku ngoikore tenei: otira ka mahara ahau ki nga tau o te ringa matau o te Runga Rawa
77:11b.PSA.077.011 Ka mahara ahau ki nga mahi a Ihowa; ae ra, ka mahara ahau ki au mea whakamiharo o tua iho
77:12b.PSA.077.012 Ka whakaaro hoki ahau ki au meatanga katoa, ka purakau ki au mahi
77:13b.PSA.077.013 E te Atua, kei te wahi tapu tou ara: ko wai te atua nui hei rite ki te Atua
77:14b.PSA.077.014 Ko koe te Atua e mahi nei i nga mea whakamiharo: kua whakapuakina e koe tou kaha i waenganui o nga iwi
77:15b.PSA.077.015 Hokona ana e tou ringa tau iwi, nga tama a Hakopa raua ko Hohepa. (Hera
77:16b.PSA.077.016 I kite nga wai i a koe, e te Atua i kite nga wai i a koe, mataku ana: i oho ano nga rire
77:17b.PSA.077.017 Ringihia ana he wai e nga kapua, puaki ana te haruru o nga rangi: rererere ana au pere
77:18b.PSA.077.018 I roto i te awhiowhio te haruru o tau whatitiri: marama noa te ao i nga uira; wiri ana te whenua, oioi ana
77:19b.PSA.077.019 I te moana tou ara, i nga wai nui tou huarahi, e kore ano e kitea ou takahanga
77:20b.PSA.077.020 He mea arahi e koe tau iwi ano he kahui, ara e te ringa o Mohi raua ko Arona
78
78:1b.PSA.078.001 He Makiri na Ahapa. Kia anga mai te taringa, e toku iwi, ki taku ture: tahuri mai o koutou taringa ki nga kupu a toku mangai
78:2b.PSA.078.002 Ka puaki te kupu whakarite i toku mangai, ka korerotia e ahau nga mea ngaro onamata
78:3b.PSA.078.003 I rongo nei, i matau nei tatou, i korero ai hoki o tatou matua ki a tatou
78:4b.PSA.078.004 E kore e huna e matou i a ratou tamariki: me whakaatu ki to muri whakatupuranga nga whakamoemiti ki a Ihowa, me tona kaha, me ana mahi whakamiharo i mea ai ia
78:5b.PSA.078.005 Kua pumau hoki i a ia he whakaaturanga i roto i a Hakopa, kua takoto he ture i roto i a Iharaira: a whakahaua mai ana e ia o tatou tupuna, kia whakaakona ki a ratou tamariki
78:6b.PSA.078.006 Kia matauria ai e to muri whakatupuranga, e nga tamariki e whanau, e ara ake a mua: mo ta ratou whakaatu ki a ratou tamariki
78:7b.PSA.078.007 Kia u ai ta ratou tumanako ki te Atua, kei wareware hoki ki nga mahi a te Atua: engari kia mau ki ana whakahau
78:8b.PSA.078.008 Kei rite hoki ki o ratou tupuna, ki te whakatupuranga whakakeke, tutu, ki te whakatupuranga kihai nei i whakatikatika i to ratou ngakau, kihai hoki i u to ratou wairua ki te Atua
78:9b.PSA.078.009 He hunga mau patu nga tama a Eparaima, he hunga hapai kopere, heoi tahuri ana ratou i te ra o te tatauranga
78:10b.PSA.078.010 Kihai i puritia e ratou te kawenata a te Atua; kihai ano i pai ki te haere i tana ture
78:11b.PSA.078.011 Heoi, kua wareware ki ana mahi, me ana mea whakamiharo i whakakitea e ia ki a ratou
78:12b.PSA.078.012 He mea whakamiharo ana mahi i te aroaro o o ratou tupuna, i te whenua o Ihipa, i te parae o Toana
78:13b.PSA.078.013 Tapahia ana e ia te moana, a meinga ana ratou kia whiti: tu ake i a ia nga wai ano he puranga
78:14b.PSA.078.014 He mea arahi ratou e ia i te awatea ki te kapua: i te roa hoki o te po ki te marama o te ahi
78:15b.PSA.078.015 I wahia e ia nga kohatu i te koraha; a me te mea no nga rire nui tana wai hei inu ma ratou
78:16b.PSA.078.016 Puta mai ana i a ia he awa i roto i te kamaka: meinga ana nga wai kia heke, ano he waipuke
78:17b.PSA.078.017 Heoi ka hara ano ratou ki a ia: whakatoi ana ki te Runga Rawa i te koraha
78:18b.PSA.078.018 Na kei te whakamatautau to ratou ngakau i te Atua, kei te inoi kai ma to ratou hiahia
78:19b.PSA.078.019 I korero kino ano ratou ki te Atua, i mea; E ahei ranei i te Atua te taka he tepu ki te koraha
78:20b.PSA.078.020 Nana, ko tana patunga i te kohatu, ka pakaru mai te wai, a puke ana nga awa: e taea ano ranei e ia te homai taro, e pae ranei i a ia he kikokiko ma tana iwi
78:21b.PSA.078.021 Na ko te rongonga o Ihowa, na ka riri: a toro ana te kapura ki a Hakopa, puta ake ana te riri ki a Iharaira
78:22b.PSA.078.022 Mo ratou kihai i whakapono ki te Atua, kihai ano i whakawhirinaki ki tana whakaoranga
78:23b.PSA.078.023 Nana nei hoki i whakahau nga kapua i runga, i whakatuwhera nga tatau o te rangi
78:24b.PSA.078.024 A whakauaina iho te mana ki runga ki a ratou hei kai; homai ana hoki e ia te witi o te rangi ma ratou
78:25b.PSA.078.025 Kai ana te tangata i ta te anahera kai: i tukua e ia he kai ma ratou, a makona noa
78:26b.PSA.078.026 I whakaohokia e ia te marangai i te rangi: i takina ano te tonga e tona kaha
78:27b.PSA.078.027 A whakauaina iho e ia te kikokiko ki a ratou ano he puehu; he manu whai pakau ano he one no te moana
78:28b.PSA.078.028 A whakangahorotia iho e ia ki waenganui i to ratou puni: ki o ratou nohoanga a tawhio noa
78:29b.PSA.078.029 Na kai ana ratou, tino makona; i tukua hoki e ia ki a ratou ta ratou i hiahia ai
78:30b.PSA.078.030 Kihai ratou i ngaruru ki ta ratou i hiahia ai; a i roto tonu ta ratou kai i o ratou mangai
78:31b.PSA.078.031 Na ka pa te riri o te Atua ki a ratou, a patua iho e ia te hunga tetere o ratou; piko ana i a ia nga taitamariki o Iharaira
78:32b.PSA.078.032 Ahakoa pa katoa tenei, i hara ano ratou, kihai ano i whakapono ki ana mahi whakamiharo
78:33b.PSA.078.033 I whakapaua ai e ia o ratou ra ki te horihori, o ratou tau ki te potatutatu
78:34b.PSA.078.034 Ka patua ratou e ia, na, ka rapu ratou i a ia, a ka hoki, ka ui wawe ki te Atua
78:35b.PSA.078.035 Ka mahara hoki ko te Atua to ratou kohatu, ko te Atua, ko te Runga Rawa, to ratou kaihoko
78:36b.PSA.078.036 Otiia kei te patipati o ratou mangai ki a ia, a teka ana o ratou arero ki a ia
78:37b.PSA.078.037 Kihai hoki to ratou ngakau i tika ki a ia; kihai ano ratou i u ki tana kawenata
78:38b.PSA.078.038 Ko tana ia, he aroha; hipokina ana e ia te he, kihai ano i whakangaro: ae ra, he maha ana whakahokinga iho i tona riri, a kihai i oho katoa tona riri
78:39b.PSA.078.039 I mahara hoki ia he kikokiko nei ratou: he hau e pahure atu ana, a e kore e hoki mai
78:40b.PSA.078.040 Ano te tini o a ratou whakatoinga i a ia i te koraha, o a ratou whakapouritanga i a ia i te tahora
78:41b.PSA.078.041 Hoki whakamuri ana ratou, whakamatautau ana i te Atua: whakatoia ana e ratou te Mea Tapu o Iharaira
78:42b.PSA.078.042 Kihai ratou i mahara ki tona ringa, ki te ra i whakaorangia ai ratou e ia i te hoariri
78:43b.PSA.078.043 Ki tana meatanga i ana tohu ki Ihipa, i ana merekara ki te parae o Toana
78:44b.PSA.078.044 I puta ke ai i a ia o ratou awa hei toto, me o ratou manga wai, te inu ai ratou
78:45b.PSA.078.045 I tonoa ai e ia he huihuinga namu ki a ratou, a pau iho ratou; he poroka, i huna ai ratou
78:46b.PSA.078.046 A hoatu ana e ia o ratou hua ki te moka; me to ratou mauiui ki te mawhitiwhiti
78:47b.PSA.078.047 Whakamatea ana e ia a ratou waina ki te whatu, a ratou rakau hikamora ki te haupapa
78:48b.PSA.078.048 Tukua ana e ia a ratou kararehe ma te whatu, a ratou kahui ma nga uira
78:49b.PSA.078.049 I tukua whakareretia e ia ki a ratou tona riri, aritarita, weriweri, me te raruraru; he whakaeke na nga anahera kino
78:50b.PSA.078.050 A whakatikaia ana e ia he ara mo tona riri; kihai i tohungia to ratou wairua kei mate: otiia tukua ana e ia to ratou ora ki te mate uruta
78:51b.PSA.078.051 Na patua iho e ia nga matamua i Ihipa, te muanga o to ratou kaha i nga teneti o Hama
78:52b.PSA.078.052 Otira arahina ana e ia ana ake tangata ano he hipi; whakahaerea ana ratou e ia i te koraha ano he kahui
78:53b.PSA.078.053 Na ka arahina marietia ratou e ia, te wehi ratou: ko o ratou hoariri ia taupokina iho e te moana
78:54b.PSA.078.054 Na ka kawea ratou e ia ki te rohe o tona wahi tapu, ki tenei maunga, i hokona nei e tona matau
78:55b.PSA.078.055 Peia ana e ia nga tauiwi i to ratou aroaro: a wehea ana e ia he kainga mo ratou ki te aho, whakanohoia iho nga hapu o Iharaira ki o ratou teneti
78:56b.PSA.078.056 Heoi ka whakamatauria, ka whakatoia e ratou te Atua, te Runga Rawa; kihai hoki i mau ki ana whakaaturanga
78:57b.PSA.078.057 A hoki whakamuri ana, mahi hianga ana, pera ana me o ratou matua: parori ke ana ratou, he pera me te kopere tinihanga
78:58b.PSA.078.058 Na ko o ratou wahi tiketike hei whakapataritari i a ia; ko o ratou whakapakoko hei mea i a ia kia hae
78:59b.PSA.078.059 I te rongonga o te Atua, ka riri, ka tino whakarihariha hoki ki a Iharaira
78:60b.PSA.078.060 A mahue ake i a ia te tapenakara a Hiro, te teneti i whakaturia e ia ki waenganui i nga tangata
78:61b.PSA.078.061 A tukua ana e ia tona kaha hei whakarau, tona kororia ki te ringa o te hoariri
78:62b.PSA.078.062 I tukua atu ano e ia tana iwi ma te hoari; a i riri ki tona kainga tupu
78:63b.PSA.078.063 Pau ake a ratou taitama i te ahi; kihai ano a ratou kotiro i marenatia
78:64b.PSA.078.064 I hinga o ratou tohunga i te hoari; kihai hoki i tangi a ratou pouaru
78:65b.PSA.078.065 Na ka maranga te Ariki ano ko tetahi i te moe, me te tangata kaha e hamama ana i te waina
78:66b.PSA.078.066 A patua iho e ia a muri o ona hoariri, meinga ana ratou e ia hei taunutanga mo ake tonu atu
78:67b.PSA.078.067 I whakakahore ano ia ki te teneti a Hohepa: a kihai i whiriwhiri i te hapu o Eparaima
78:68b.PSA.078.068 Heoi ko te hapu o Hura tana i whiriwhiri ai, ko Maunga Hiona tana i aroha ai
78:69b.PSA.078.069 A whakaturia ana e ia tona wahi tapu kia pera me nga wahi teitei; me te whenua i whakapumautia e ia mo ake tonu atu
78:70b.PSA.078.070 I whiriwhiria ano e ia a Rawiri, tana pononga: he mea tango nana i nga kainga hipi
78:71b.PSA.078.071 Mauria ana mai e ia i te whai i nga hipi whaereere, hei whangai i a Hakopa, i tana iwi, i a Iharaira hoki, i tona kainga tupu
78:72b.PSA.078.072 A rite tonu ki te tapatahi o tona ngakau tana whangai i a ratou: he arahi mohio hoki ta tona ringa i a ratou
79
79:1b.PSA.079.001 He himene na Ahapa. E te Atua, kua tae mai nga tauiwi ki tou kainga tupu, kua noa i a ratou tou temepara tapu, kua waiho a Hiruharama kia puranga kau ana
79:2b.PSA.079.002 Ko nga tinana mate o au pononga kua hoatu e ratou hei kai ma nga manu o te rangi, ko te kikokiko o tau hunga tapu ma nga kirehe o te whenua
79:3b.PSA.079.003 Ko o ratou toto, ringihia ake e ratou ano he wai, ki nga taha o Hiruharama; kahore hoki he tangata hei tanu i a ratou
79:4b.PSA.079.004 Kua waiho matou hei tawainga ma o matou hoa, hei katanga ma te hunga i tetahi taha, i tetahi taha o matou
79:5b.PSA.079.005 Kia pehea te roa, e Ihowa? E riri tonu ranei koe ake ake? E ngiha tonu ranei tou hae me he kapura
79:6b.PSA.079.006 Ringihia tou riri ki nga tauiwi kahore nei e matau ki a koe, ki nga rangatiratanga kahore nei e karanga ki tou ingoa
79:7b.PSA.079.007 Kua pau hoki a Hakopa i a ratou, kua ururua i a ratou tona nohoanga
79:8b.PSA.079.008 Kaua ra e maharatia nga kino o o matou tupuna; kia hohoro tou aroha ki mua i a matou; kua whakaititia rawatia hoki matou
79:9b.PSA.079.009 Awhinatia matou, e te Atua o to matou whakaoranga, kia whakakororiatia ai tou ingoa: whakaorangia matou, hipokina hoki o matou hara, he mahara ki tou ingoa
79:10b.PSA.079.010 Kia mea koia nga tauiwi, Kei hea to ratou Atua? Kia kite atu matou e matau ana nga tauiwi ki te whakatakinga i te toto o au pononga i whakahekea nei
79:11b.PSA.079.011 Kia tae atu ki tou aroaro te aue a te herehere: kia rite ki te nui o tou kaha tau whakaora i te hunga e meatia ana kia mate
79:12b.PSA.079.012 Takiwhitutia atu te utu e hoatu e koe ki nga uma o o matou hoa mo ta ratou tawai, e tawai nei ratou ki a koe, e te Ariki
79:13b.PSA.079.013 Penei ka whakawhetai matou, tau iwi, nga hipi hoki e hepara nei koe, ki a koe ake ake: ka whakaitea e matou te whakamoemiti ki a koe, ki nga whakatupuranga katoa
80
80:1b.PSA.080.001 Ki te tino kaiwhakatangi. Hohanimi Erutu. He himene na Ahapa. Tahuri mai tou taringa, e te Hepara o Iharaira, e arahi nei i a Hohepa ano he kahui hipi; whiti mai koe e noho mai na i waenganui i nga kerupima
80:2b.PSA.080.002 Whakaohoohokia tou kaha i te aroaro o Eparaima, o Pineamine, o Manahi: a haere mai ki te whakaora i a matou
80:3b.PSA.080.003 Whakahokia ake matou, e te Atua: kia marama mai tou mata, a ka ora matou
80:4b.PSA.080.004 E Ihowa, e te Atua o nga mano, kia pehea ake te roa o tou riri ki te inoi a tau iwi
80:5b.PSA.080.005 Kua whangaia mai e koe he roimata hei taro ma ratou, he nui hoki te mehua roimata kua homai nei e koe kia inumia e ratou
80:6b.PSA.080.006 Kua meinga matou e koe hei totohetanga ma o matou hoa, a e kataina ana matou e o matou hoariri
80:7b.PSA.080.007 Whakahokia ake matou, e te Atua o nga mano; kia marama mai tou mata, a ka ora matou
80:8b.PSA.080.008 I maua mai e koe he waina i Ihipa: ka oti i a koe nga tauiwi te panga, na whakatokia iho e koe
80:9b.PSA.080.009 I whakapaia e koe he tunga mona, na, ka hou ona pakiaka, a ka kapi te whenua
80:10b.PSA.080.010 Taumarumaru ana tona ata ki runga ki nga pukepuke; ko ona manga rite tonu ki nga hita a te Atua
80:11b.PSA.080.011 I tautotoro atu ona manga ki te moana, ona rara ki te awa
80:12b.PSA.080.012 He aha i pakaruhia ai e koe ona taiepa ki raro, kia kowhakiwhakia ai ia e nga tangata katoa e tika ana i te ara
80:13b.PSA.080.013 Mongamonga noa i te poaka toa o te ngahere, e kainga ana e te kirehe mohoao o te parae
80:14b.PSA.080.014 Tahuri mai ano, e te Atua o nga mano, e inoi atu nei matou: titiro iho i te rangi, kia kite mai koe, ka toro mai i tenei waina
80:15b.PSA.080.015 I te rakau i whakatokia e tou matau, i te manga hoki i meinga e koe kia pakari mau
80:16b.PSA.080.016 Kua pau i te ahi, kua tuaina ki raro: ngaro iho ratou i te riri o tou mata
80:17b.PSA.080.017 Waiho tou ringa i runga i te tangata o tou matau, i te tama a te tangata i whakakahangia e koe mau
80:18b.PSA.080.018 Penei e kore matou e hoki atu i a koe: whakahauorangia matou, a ka karanga matou ki tou ingoa
80:19b.PSA.080.019 Whakahokia ake matou, e Ihowa, e te Atua o nga mano; kia marama mai tou mata, a ka ora matou
81
81:1b.PSA.081.001 Ki te tino kaiwhakatangi. Kititi. Na Ahapa. Kia kaha te waiata ki te Atua, ki to tatou kaha: kia hari te hamama ki te Atua o Hakopa
81:2b.PSA.081.002 Whakahuatia te himene, maua mai ki konei te timipera, te hapa reka me te hatere
81:3b.PSA.081.003 Whakatangihia te tetere i te kowhititanga marama, i te kinga o te marama, i to tatou ra hakari
81:4b.PSA.081.004 Ko te tikanga hoki tenei ma Iharaira, he mea whakarite na te Atua o Hakopa
81:5b.PSA.081.005 I whakatakotoria tenei e ia ma Hohepa hei whakaaturanga, i tona haerenga puta noa i te whenua o Ihipa: i rongo ai ahau ki reira i tetahi reo, kahore ahau i matau
81:6b.PSA.081.006 I tangohia mai e ahau tona pokohiwi i te pikaunga: whakarerea ake e ona ringa te kete
81:7b.PSA.081.007 I karanga koe ki ahau i te pouritanga, a kua ora koe i ahau; i whakahoki kupu ahau ki a koe i te wahi ngaro o te whatitiri; i whakamatau i a koe ki nga wai o Meripa. (Hera
81:8b.PSA.081.008 Whakarongo, e taku iwi, a ka whakaatu ahau ki a koe: e Iharaira, ki te whakarongo koe ki ahau
81:9b.PSA.081.009 Aua tetahi atua ke i roto i a koe; kaua ano e koropiko ki te atua ke
81:10b.PSA.081.010 Ko Ihowa ahau, ko tou Atua, i arahina mai ai koe i te whenua o Ihipa: kia nui te kowhera o tou mangai, a maku e whakaki
81:11b.PSA.081.011 Otiia kihai taku iwi i pai ki te whakarongo ki toku reo: kihai ano a Iharaira i aro ki ahau
81:12b.PSA.081.012 Na tukua atu ana ratou e ahau ki te maro o o ratou ngakau: a haere ana ratou i runga i o ratou whakaaro
81:13b.PSA.081.013 Aue, te whakarongo taku iwi ki ahau! Te haere a Iharaira i aku ara
81:14b.PSA.081.014 Penei e kore e aha kua whati i ahau te tara o o ratou hoariri: kua tahuri ano toku ringa ki o ratou hoariri
81:15b.PSA.081.015 Ko te hunga e kino ana ki a Ihowa kua ngohengohe ki a ia: ko to ratou taima ia kua mau tonu
81:16b.PSA.081.016 Kua whangainga hoki ratou e ia ki te witi pai rawa, kua whakamakonatia ano koe e ahau ki te honi i roto i te kohatu
82
82:1b.PSA.082.001 He himene na Ahapa. E tu ana te Atua i roto i te whakaminenga o te Atua, e whakawa ana i waenganui i nga atua
82:2b.PSA.082.002 Kia pehea ake te roa o ta koutou whakawa he, o ta koutou whakapai ki nga kanohi o te hunga kino. (Hera
82:3b.PSA.082.003 Whakatikaia ta te ware, ta te pani: kia tika te whakawa mo te ngakau mamae, mo te rawakore
82:4b.PSA.082.004 Whakaorangia te ware me te rawakore; tangohia mai ratou i te ringa o te tangata kino
82:5b.PSA.082.005 Kahore o ratou matauranga, kakore hoki e mahara; e kopikopiko noa ana ratou i te pouri; e oioi ana nga turanga katoa o te whenua
82:6b.PSA.082.006 I mea ahau, He atua koutou, he tama katoa na te Runga Rawa
82:7b.PSA.082.007 Heoi ka pera koutou me te tangata, ka mate; ka hinga, ka pera me tetahi o nga piriniha
82:8b.PSA.082.008 E ara, e te Atua, whakawakia te whenua: mou hoki nga tauiwi katoa
83
83:1b.PSA.083.001 He waiata, he himene, na Ahapa. E te Atua, kei wahangu koe, kei whakarongo puku, kei ata noho, e te Atua
83:2b.PSA.083.002 He mea hoki, tenei ou hoariri te ngangau nei, a kua ara nga matenga o te hunga e kino ana ki a koe
83:3b.PSA.083.003 Kua ata ngarahu ratou ki tau iwi, e whakatakoto korero ana hoki ratou mo au mea huna
83:4b.PSA.083.004 Kua mea nei ratou, Tena, tatou ka huna i a ratou, kia kore ai tena iwi; kia kaua ai hoki e maharatia te ingoa o Iharaira a muri ake nei
83:5b.PSA.083.005 Kua kotahi to ratou ngakau i a ratou e runanga ana: kua whakatakoto ratou he tikanga kino ki a koe
83:6b.PSA.083.006 Ko nga teneti o Eroma, o nga Ihimaeri, o Moapa, o nga Hakarini
83:7b.PSA.083.007 A Kepara, a Amona, a Amareke, nga Pirihitini, me nga tangata o Taira
83:8b.PSA.083.008 Kua uru hoki a Ahiria ki roto ki a ratou; kua awhinatia e ratou nga tamariki a Rota. (Hera
83:9b.PSA.083.009 Peratia ratou me Miriana: me Hihera, me Iapini, i te awa i Kihona
83:10b.PSA.083.010 I mate nei ki Eneroro, i waiho nei hei whakawairakau mo te whenua
83:11b.PSA.083.011 Kia rite o ratou rangatira ki a Orepe raua ko Teepe, ae, o ratou ariki katoa hoki ki a Tepa raua ko Taramuna
83:12b.PSA.083.012 Mo ratou i mea, Tatou ka tango i nga kainga o te Atua mo tatou
83:13b.PSA.083.013 E toku Atua, meinga ratou kia rite ki te awhiowhio puehu, ki te papapa e puhia ana e te hau
83:14b.PSA.083.014 Kia rite ki te ahi e kai ana i te ngahere, ki te mura hoki e toro ai nga maunga
83:15b.PSA.083.015 Kia pera te whai o tau awha i a ratou, tau whakaohorere hoki i a ratou ki tau paroro
83:16b.PSA.083.016 Whakakiia o ratou kanohi ki te whakama: kia rapu ai ratou ki tou ingoa, e Ihowa
83:17b.PSA.083.017 Kia whakama, kia ohorere ratou ake ake; ae, kia numinumi ratou, kia ngaro hoki
83:18b.PSA.083.018 Kia matau ai ratou, ko koe anake, ko Ihowa nei tou ingoa, te Runga Rawa i te whenua katoa
84
84:1b.PSA.084.001 Ki te tino kaiwhakatangi. Kititi. He himene ma nga tama a Koraha. Ano te ataahua o ou tapenakara, e Ihowa o nga mano
84:2b.PSA.084.002 E hiahia ana toku wairua, ae, e hemo ana ki nga marae o Ihowa: e tangi ana toku ngakau me oku kikokiko ki te Atua ora
84:3b.PSA.084.003 Me te pihoihoi hoki kua kite i tetahi whare, me te warou ano hoki i tetahi ohanga mona, hei takotoranga mo ana pi, ara i au aata, e Ihowa o nga mano, e toku Kingi, e toku Atua
84:4b.PSA.084.004 Ka hari te hunga e noho ana i tou whare: he whakamoemiti tonu ta ratou ki a koe. (Hera
84:5b.PSA.084.005 Ka hari te tangata ko tona kaha nei kei a koe: kei roto i o ratou ngakau nga huarahi ki reira
84:6b.PSA.084.006 Ka haere ratou ra te raorao o Paka, ka meinga e ratou hei puna: ngaro iho ano hoki nga poka i te ua
84:7b.PSA.084.007 Ka haere atu ratou i te kaha ki te kaha; ka kitea ratou ki te aroaro o te Atua i Hiona
84:8b.PSA.084.008 E Ihowa, e te Atua o nga mano, whakarongo ki taku inoi: tahuri mai tou taringa, e te Atua o Hakopa. (Hera
84:9b.PSA.084.009 Titiro mai, e te Atua, e to matou whakangungu rakau: tirohia iho hoki te mata o tau tangata i whakawahi ai
84:10b.PSA.084.010 No te mea, he ra kotahi i ou whare, pai atu i nga ra kotahi mano: te tiaki tatau i te whare o toku Atua, pai atu ki ahau i te noho ki nga teneti o te kino
84:11b.PSA.084.011 He ra hoki a Ihowa te Atua, he whakangungu rakau: ka homai e Ihowa te atawhai me te kororia; e kore e kaiponuhia e ia tetahi mea pai ki te hunga e tapatahi ana te haere
84:12b.PSA.084.012 E Ihowa o nga mano, ka hari te tangata e whakawhirinaki ana ki a koe
85
85:1b.PSA.085.001 Ki te tino kaiwhakatangi. He himene ma nga tama a Koraha. E Ihowa, kua aro mai koe ki tou whenua, kua whakahokia mai e koe a Hakopa i te whakarau
85:2b.PSA.085.002 Kua murua e koe te kino o tau iwi, kua hipokina e koe o ratou hara katoa (Hera
85:3b.PSA.085.003 Kua mutu katoa tou weriweri; kua tahuri ke koe i te aritarita o tou riri
85:4b.PSA.085.004 Whakahokia ake matou, e te Atua o to matou whakaoranga: meinga hoki kia mutu tou riri ki a matou
85:5b.PSA.085.005 E riri ranei koe ki a matou ake ake? E mauahara tonu ranei, ki nga whakatupuranga katoa
85:6b.PSA.085.006 E kore ianei koe e whakahoki ake i a matou ki te ora: kia hari ai tau iwi ki a koe
85:7b.PSA.085.007 E Ihowa, whakakitea mai tau mahi tohu ki a matou: tukua mai ki a matou tau whakaoranga
85:8b.PSA.085.008 Ka whakarongo ahau ki ta te Atua, ki ta Ihowa, e korero ai: no te mea mo te rongo mau ana korero ki tana iwi, ki tana hunga tapu hoki; kaua ia ratou e hoki ki te wairangi
85:9b.PSA.085.009 Ina, he tata tonu tana whakaoranga ki te hunga e wehi ana ki a ia, kia noho ai te kororia ki to tatou whenua
85:10b.PSA.085.010 Kua tutaki te mahi tohu raua ko te pono: kua kihi ki a raua te tika me te rongo mau
85:11b.PSA.085.011 Ka tupu ake te pono i te whenua, a ka titiro iho te tika i te rangi
85:12b.PSA.085.012 Ae, ka homai e Ihowa te pai: a ka tukua mai ona hua e to tatou whenua
85:13b.PSA.085.013 Ka haere te tika i mua i a ia, hei whakatu i a tatou ki te ara o ona hikoinga
86
86:1b.PSA.086.001 He inoi na Rawiri. Whakatitahatia iho tou taringa, e Ihowa whakahokia mai he kupu ki ahau; he ware hoki ahau, he rawakore
86:2b.PSA.086.002 Tiakina toku wairua: he tapu hoki ahau; mau, e toku Atua, e whakaora tau pononga e whakawhirinaki atu nei ki a koe
86:3b.PSA.086.003 Tohungia ahau, e te Ariki: e karanga nei hoki ahau ki a koe i te ra roa nei
86:4b.PSA.086.004 Whakaharitia te wairua o tau pononga; ka ara atu nei hoki toku wairua, e te Ariki, ki a koe
86:5b.PSA.086.005 He pai hoki koe, e te Ariki, he ngawari: e ranea ana hoki tau mahi tohu ki te hunga katoa e karanga ana ki a koe
86:6b.PSA.086.006 Tahuri mai tou taringa, e Ihowa, ki taku inoi: whakarongo kitoku reo unene
86:7b.PSA.086.007 Ka karanga ahau ki a koe i te ra o toku pouri: e whakahoki kupu mai hoki koe ki ahau
86:8b.PSA.086.008 Kahore he rite mou, e te Ariki, i roto i nga atua: kahore hoki he rite mo au mahi
86:9b.PSA.086.009 Ka haere mai nga iwi katoa i hanga e koe, a ka koropiko ki tou aroaro, e te Ariki; ka whakakororia hoki i tou ingoa
86:10b.PSA.086.010 He nui hoki koe, e mahi ana i nga mea whakamiharo: ko koe anake te Atua
86:11b.PSA.086.011 Whakaakona ahau ki tau ara, e Ihowa; ka haere ahau i runga i tou pono: whakatapatahitia toku ngakau ki te wehi i tou ingoa
86:12b.PSA.086.012 Ka whakamoemiti katoa toku ngakau ki a koe, e te Ariki, e toku Atua: ka whakakororia ano i tou ingoa ake ake
86:13b.PSA.086.013 He nui hoki tau mahi tohu ki ahau: a kua whakaorangia e koe toku wairua i te reinga i raro riro
86:14b.PSA.086.014 E te Atua, kua whakatika ki ahau te hunga whakakake: kua whaia ano toku wairua e te huihuinga o te hunga tutu; kahore hoki koe e waiho i to ratou aroaro
86:15b.PSA.086.015 Ko koe ia, e te Ariki, he Atua atawhai, he tohu tangata: he puhoi ki te riri, e hua ana te mahi tohu me te pono
86:16b.PSA.086.016 Tahuri mai ki ahau, tohungia hoki ahau: homai tou kaha ki tau pononga, whakaorangia te tama a tau pononga wahine
86:17b.PSA.086.017 Whakakitea mai ki ahau he tohu mo te pai: kia kite ai te hunga e kino ana ki ahau, kia whakama ai: nou e Ihowa i awhina i ahau, i whakamarie i ahau
87
87:1b.PSA.087.001 He himene, he waiata ma nga tama a Koraha. Kei nga maunga tapu tona turanga
87:2b.PSA.087.002 E arohaina rawatia ana e Ihowa nga kuwaha o Hiona i nga nohoanga katoa o Hakopa
87:3b.PSA.087.003 He mea kororia nga mea e korerotia ana mou, e te pa o te Atua. (Hera
87:4b.PSA.087.004 Ka korerotia e ahau a Rahapa raua ko Papurona ki roto i te hunga e matau ana ki ahau: tirohia atu a Pirihitia, a Taira, a Etiopia; i whanau tenei ki reira
87:5b.PSA.087.005 Ae ra ko te kupu tenei mo Hiona, I whanau tenei me tera ki reira: ma te Runga Rawa pu ano ia e whakapumau
87:6b.PSA.087.006 Ka korerotia e Ihowa, ina tuhituhia nga iwi, I whanau tenei ki reira. (Hera
87:7b.PSA.087.007 Na ka mea te hunga waiata, me te hunga kanikani, Kei a koe oku puna katoa
88
88:1b.PSA.088.001 He waiata, he himene ma nga tama a Koraha. Ki te tino kaiwhakatangi. Maharata Reanoto. He Makiri na Hemana Eterahi. E Ihowa, e te Atua o toku whakaoranga, he tangi taku ki tou aroaro i te ao, i te po
88:2b.PSA.088.002 Kia tae atu taku inoi ki tou aroaro: whakatitahatia mai tou taringa ki taku tangi
88:3b.PSA.088.003 Kua ki hoki toku wairua i te pouri, a e whakatata ana toku ora ki te reinga
88:4b.PSA.088.004 Kua taua tahitia ahau me te hunga e heke ana ki te rua; e rite ana ahau ki te tangata kahore ona awhina
88:5b.PSA.088.005 I maka ki waenga i nga tupapaku, me he tangata i patua e takoto ana i te urupa, kahore nei e maharatia e koe i muri; he mea momotu ke ratou na tou ringa
88:6b.PSA.088.006 Kua whakatakotoria ahau e koe ki te rua i raro riro, ki te pouri, ki nga rire
88:7b.PSA.088.007 E pehia ana ahau e tou riri, e pakia ana hoki e koe ki au ngaru katoa. (Hera
88:8b.PSA.088.008 Kua whakamataratia atu e koe oku hoa kia tawhiti i ahau: kua meinga ahau e koe hei mea whakarihariha ki a ratou: kua uakina mai ahau, a kahore e puta ki waho
88:9b.PSA.088.009 Kua he toku kanohi i te tangihanga: e karanga ana ahau ki a koe, e Ihowa, i nga ra katoa, kua totoro hoki oku ringa ki a koe
88:10b.PSA.088.010 Tera ranei koe e mahi merekara ki nga tupapaku? E ara koia te hunga kua mate ki te whakamoemiti ki a koe? (Hera
88:11b.PSA.088.011 Ka kauwhautia ranei tou aroha i roto i te urupa? tou pono i roto i te ngaromanga
88:12b.PSA.088.012 E matauria koia au mea whakamiharo i roto i te pouri? tou tika i te whenua o te warewaretanga
88:13b.PSA.088.013 Ko ahau ia kua karanga ki a koe, e Ihowa: a i te ata ka tae atu taku inoi ki tou aroaro
88:14b.PSA.088.014 He aha, e Ihowa, i panga ai toku wairua e koe? He aha i huna ai tou mata ki ahau
88:15b.PSA.088.015 No toku tamarikitanga ake ano i pakia ai ahau, i whakahemohemo ai: i ahau e pehia ana e au whakawehi, ka pororaru noa iho
88:16b.PSA.088.016 I tika tou riri nui ma runga i ahau; kua haukotia ahau e au mea whakawehi
88:17b.PSA.088.017 Ano he wai ratou ki te karapoti i ahau i te ra roa nei; hui tahi ratou ki te taiawhio i ahau
88:18b.PSA.088.018 Kua wehea e koe kia tawhiti atu i ahau te hoa hei aroha mai, me oku hoa ki roto ki te pouri
89
89:1b.PSA.089.001 He Makiri na Etana Eterahi. Ka waiatatia e ahau nga mahi tohu a Ihowa ake ake: ka whakapuakina e toku mangai tou pono ki nga whakatupuranga katoa
89:2b.PSA.089.002 I mea hoki ahau, Ka hanga ake te mahi tohu mo ake tonu atu: ka whakapumautia e koe tou pono ki nga tino rangi ra ano
89:3b.PSA.089.003 Kua whakarite kawenata ahau ki taku i whiriwhiri ai: kua oati ki taku pononga ki a Rawiri
89:4b.PSA.089.004 Ka pumau i ahau ou uri ake ake: ka hanga tou torona ki nga whakatupuranga katoa. (Hera
89:5b.PSA.089.005 Ka whakamoemiti ano nga rangi, e Ihowa, ki au mahi whakamiharo; ki tou pono hoki i roto i te whakaminenga o te hunga tapu
89:6b.PSA.089.006 Ko wai oti i nga rangi hei rite mo Ihowa? Ko wai i roto i nga tama a te hunga nunui e rite ana ki a Ihowa
89:7b.PSA.089.007 He Atua whakamataku rawa i roto i te whakaminenga o te hunga tapu, e wehingia ana i runga ake i a ratou katoa i tetahi taha, i tetahi taha ona
89:8b.PSA.089.008 E Ihowa, e te Atua o nga mano, ko wai te mea kaha hei rite mou, e IHA? Hei rite ranei mo tou pono i tetahi taha ou, i tetahi taha
89:9b.PSA.089.009 Ko koe te kingi o te huamo o te moana: ka oho ona ngaru, ko koe hei whakamarino
89:10b.PSA.089.010 Mongamonga noa i a koe a Rahapa ano he tangata i patua: marara ana i a koe, i tou ringa kaha ou hoariri
89:11b.PSA.089.011 Nau nga rangi, nau te whenua: te ao me ona mea e hua ana i runga, nau ena i pumau ai
89:12b.PSA.089.012 Ko te raki me te tonga nau ena i hanga: ka hari a Taporo raua ko Heremona ki tou ingoa
89:13b.PSA.089.013 He takakau marohirohi tou: he pakari tou ringa, rewa tonu tou matau ki runga
89:14b.PSA.089.014 Ko te tika me te whakawa te turanga o tou torona: e haere ana te mahi tohu me te pono i mua i tou aroaro
89:15b.PSA.089.015 Ka hari te iwi e mohio ana ki te tangi whakahari: e haere ana ratou, e Ihowa, i te marama o tou mata
89:16b.PSA.089.016 E hari ana ratou ki tou ingoa i te roa o te ra: a ma tou tika ka kake ai ratou
89:17b.PSA.089.017 Ko koe hoki te kororia o to ratou kaha: ma tau manako ano ka ara ai to matou haona
89:18b.PSA.089.018 Na Ihowa hoki to matou whakangungu rakau: a na te Mea Tapu o Iharaira to tatou kingi
89:19b.PSA.089.019 I korero moemoea koe i reira ki tau Mea Tapu, i mea, Kua hoatu e ahau he kaha ki runga ki tetahi marohirohi; kua whakanuia e ahau tetahi i whiriwhiria i roto i te iwi
89:20b.PSA.089.020 Kua kitea e ahau taku pononga, a Rawiri: kua whakawahia ia e ahau ki taku hinu tapu
89:21b.PSA.089.021 Ka u atu toku ringa hei awhina mona: ma toku takakau ano ia e whakakaha
89:22b.PSA.089.022 E kore te hoariri e whai wahi ki a ia: e kore ano hoki te tama a te kino e tukino i a ia
89:23b.PSA.089.023 Maku e tukituki ona hoariri ki tona aroaro: ka whiua e ahau te hunga e kino ana ki a ia
89:24b.PSA.089.024 Otira ka mau ki a ia toku pono me taku mahi tohu: a ma toku ingoa ka ara ai tona haona
89:25b.PSA.089.025 Maku ano tona ringa ka pa ai ki te moana: tona matau ki nga awa
89:26b.PSA.089.026 Ka karanga ia ki ahau, Ko koe toku Papa, toku Atua, te kohatu o toku whakaoranga
89:27b.PSA.089.027 Ka waiho ano ia hei matamua maku ki runga ake i nga kingi o te whenua
89:28b.PSA.089.028 Ka rongoatia e ahau taku mahi tohu mona ake tonu atu: ka mau tonu taku kawenata ki a ia
89:29b.PSA.089.029 Ka meinga hoki e ahau ona uri kia mau tonu ake ake, tona torona ano ko nga ra o te rangi
89:30b.PSA.089.030 Ki te whakarerea e ana tamariki taku ture, a kahore e haere i aku whakaritenga
89:31b.PSA.089.031 Ki te takahi ratou i aku tikanga; a kahore e pupuri i aku whakahau
89:32b.PSA.089.032 Katahi ka whaia ta ratou mahi tutu e taku rakau, o ratou kino e te whiu
89:33b.PSA.089.033 Otira e kore e tangohia rawatia e ahau taku mahi tohu i a ia, e tuku ranei i toku pono kia he
89:34b.PSA.089.034 E kore taku kawenata e takahia e ahau, e kore ano e whakarereketia te mea i puta i oku ngutu
89:35b.PSA.089.035 Kotahi aku oatitanga i toku tapu; e kore ahau e teka ki a Rawiri
89:36b.PSA.089.036 Ka mau tonu tona uri ake ake; a ka rite tona torona ki te ra i toku aroaro
89:37b.PSA.089.037 Ka rite tona pumau ki to te marama ake ake: hei kaiwhakaatu pono ano i runga i te rangi. (Hera
89:38b.PSA.089.038 Na kua panga nei koe, kua whakarihariha, kua riri ki tau i whakawahi ai
89:39b.PSA.089.039 Kua weriweri koe ki te kawenata ki tau pononga: kua whakanoaia e koe tona karauna, taka noa ki te whenua
89:40b.PSA.089.040 Kua pakaruhia e koe ona taiepa katoa; whakamotitia iho e koe ona pa kaha
89:41b.PSA.089.041 E pahua ana i a ia nga tangata katoa e tika ana i te ara: he tawainga ia na ona hoa tata
89:42b.PSA.089.042 Kua whakarewaina e koe te ringa matau o ona hoa whawhai: kua meinga e koe kia hari ona hoa whawhai katoa
89:43b.PSA.089.043 Ae, e ngore ana i a koe te mata o tana hoari: kihai ano koe i tautoko i a ia ki te tatauranga
89:44b.PSA.089.044 Kua whakamutua e koe tona kororia, kua maka tona torona ki raro ki te whenua
89:45b.PSA.089.045 Kua poroa e koe nga ra o tona taitamarikitanga: kua hipokina ia e koe ki te whakama. (Hera
89:46b.PSA.089.046 Kia pehea te roa, e Ihowa, e whakangaro ai koe i a koe, ake tonu atu? Kia pehea te roa e toro ana tou riri ano he ahi
89:47b.PSA.089.047 Kia mahara ki te poto rawa o toku taima: he aha i hanga ai e koe nga tangata katoa hei kore noa iho
89:48b.PSA.089.048 Ko wai tena tangata e ora nei, a e kore e kite i te mate? E mawhiti koia i a ia tona wairua i te kaha o te reinga? (Hera
89:49b.PSA.089.049 E te Ariki, kei hea au arohatanga o mua i oatitia ai e koe ki a Rawiri i runga i tou pono
89:50b.PSA.089.050 Maharatia, e te Ariki, te tawai ki au pononga; e mau nei ki toku uma te tawai a nga iwi nunui katoa
89:51b.PSA.089.051 Te tawai a ou hoariri, e Ihowa, ta ratou tawai nei ki nga hikoinga o tau i whakawahi ai
89:52b.PSA.089.052 Kia whakapaingia a Ihowa ake ake. Amine, ae Amine
90
90:1b.PSA.090.001 He inoi na Mohi, na te tangata a te Atua. E te Ariki, ko koe to matou nohoanga i nga whakatupuranga katoa
90:2b.PSA.090.002 Kahore ano i whanau noa nga maunga, kahore i hanga e koe te whenua me te ao, ko koe te Atua no tua whakarere a ake tonu atu
90:3b.PSA.090.003 E whakahokia ana e koe te tangata kia mongamonga noa, a e mea ana, E hoki, e nga tama a te tangata
90:4b.PSA.090.004 Ki tau titiro hoki, he rite nga tau kotahi mano ki te ra onanahi, kua pahure atu nei, ki te mataaratanga hoki i te po
90:5b.PSA.090.005 Me te mea na te waipuke tau kahakinga i a ratou; he moe ratou: i te ata ano he tarutaru e tupu ana
90:6b.PSA.090.006 I te ata e tupu ana, e pihi ana: i te ahiahi kua kotia, kua maroke
90:7b.PSA.090.007 Kua hemo nei hoki matou i tou riri: ka ohorere hoki i tou aritatanga
90:8b.PSA.090.008 Kua maka e koe o matou kino ki tou aroaro, o matou mea huna ki te marama o tou mata
90:9b.PSA.090.009 Ka pau o matou ra katoa, me te riri ano koe: hemo ake o matou tau ano he korero e korerotia ana
90:10b.PSA.090.010 Ko nga ra o o matou tau e whitu tekau tau; a ki te whai kaha, ka waru tekau tau; heoi he mahi mauiui, he pouri to ratou kaha; ka hohoro hoki te hatepea atu, a ka rere atu matou
90:11b.PSA.090.011 Ko wai te matau ana ki te kaha o tou riri? Rite pu ki te wehi ki a koe tou riri
90:12b.PSA.090.012 Akona matou ki te tatau i o matou ra, kia anga ai te ngakau ki te whakaaro
90:13b.PSA.090.013 Hoki mai, e Ihowa, kia pehea ake te roa? A kia puta ke he whakaaro mou ki au pononga
90:14b.PSA.090.014 Kia na matou i te ata i tau mahi tohu: kia hari ai matou, kia koa ai, i o matou ra katoa
90:15b.PSA.090.015 Whakaharitia matou, kia rite ki nga ra i whakawhiua ai matou e koe, ki nga tau i kite ai matou i te kino
90:16b.PSA.090.016 Kia puta mai tau mahi ki au pononga, me tou kororia ki a ratou tamariki
90:17b.PSA.090.017 A hei runga i a matou te ataahua o Ihowa, o to matou Atua: whakapumautia ano ki a matou te mahi a o matou ringa, ae ra, te mahi a o matou ringa, whakapumautia e koe
91
91:1b.PSA.091.001 Ko te tangata kei te wahi ngaro o te Runga Rawa tona kainga, ka noho ia i raro i te taumarumarutanga o te Kaha Rawa
91:2b.PSA.091.002 Ka kiia e ahau a Ihowa, Ko ia toku piringa, toku pa, toku Atua, ka whakawhirinaki ahau ki a ia
91:3b.PSA.091.003 Mana hoki koe e whakaora i te mahanga a te kaihopu manu, i te mate nanakia
91:4b.PSA.091.004 Ka hipokina koe e ia ki ona hou, a ka piri koe ki raro i ona pakau: ko tona pono hei whakangungu rakau, hei puapua mou
91:5b.PSA.091.005 E kore koe e wehi i te mea whakamataku i te po: i te pere e rere ana i te awatea
91:6b.PSA.091.006 I te mate uruta e rere ana i te pouri: i te whakangaromanga e whakangaro ana i te poutumarotanga
91:7b.PSA.091.007 He mano te hinga ki tou taha, tekau hoki nga mano ki tou matau; otiia e kore e tata ki a koe
91:8b.PSA.091.008 Ka titiro kau ou kanohi, ka matakitaki ki te utu mo te hunga kino
91:9b.PSA.091.009 Ko koe hoki, e Ihowa, toku piranga! kua waiho e koe te Runga Rawa hei nohoanga mou
91:10b.PSA.091.010 Kahore he kino e pa ki a koe, kahore ano he whiu e tata ki tou teneti
91:11b.PSA.091.011 Ka korerotia iho hoki koe e ia ki ana anahera kia tiakina koe i ou ara katoa
91:12b.PSA.091.012 Ma ratou koe e hiki ake ki o ratou ringa, kei tutuki tou waewae ki te kohatu
91:13b.PSA.091.013 Ka haere koe i runga i te raiona, i te neke: ka takahia e koe ki raro te kuao raiona me te nakahi
91:14b.PSA.091.014 Ka whakaora ahau i a ia, mona i aroha ki ahau; maku ia e whakateitei ake, mona i matau ki toku ingoa
91:15b.PSA.091.015 Ka karanga ia ki ahau, a ka whakahoki kupu ahau ki a ia: ka tata ahau ki a ia i te wa o te he; maku ia e whakaora, maku ano ia e whakahonore
91:16b.PSA.091.016 Ka whakaroaina e ahau ona ra, a na noa ia: ka whakakitea hoki taku whakaoranga ki a ia
92
92:1b.PSA.092.001 He himene, he waiata mo te ra Hapati. He mea pai te whakawhetai ki a Ihowa, te himene atu ki tou ingoa, e te Runga Rawa
92:2b.PSA.092.002 Te whakakite i tou atawhai i te ata, i tou pono i nga po katoa
92:3b.PSA.092.003 I runga i te aho tekau, i te hatere; i te tangi huatau a te hapa
92:4b.PSA.092.004 Nau hoki ahau, e Ihowa, i whakahari ki tau mahi: ka whakamanamana ahau ki nga meatanga a ou ringa
92:5b.PSA.092.005 Ano te nui o au mahi, e Ihowa! hohonu rawa ou whakaaro
92:6b.PSA.092.006 Ko te tangata poauau, kahore ia e matau; kahore hoki tenei e mohiotia e te kuware
92:7b.PSA.092.007 Kia pihi ake nga whakaarokore ano he tarutaru, a kia tupu nga kaimahi katoa i te kino; he ngaromanga tena no ratou ake ake
92:8b.PSA.092.008 Ko koe ia, e Ihowa, kei runga rawa ake ake
92:9b.PSA.092.009 Na, ko ou hoa whawhai, e Ihowa, na, ko ou hoa whawhai, ka ngaro; ka marara katoa nga kaimahi i te kino
92:10b.PSA.092.010 Otira ka ara i a koe toku haona, ka pera i to te kau maka: ka whakawahia ahau ki te hinu hou
92:11b.PSA.092.011 Ka kite hoki toku kanohi i taku i hiahia ai ki runga ki oku hoariri, ka rongo oku taringa i taku i hiahia ai o te hunga kino e whakatika ana mai ki ahau
92:12b.PSA.092.012 Ka rite te tupu o te tangata tika ki to te nikau; ka rite tona nui ki to te hita i Repanona
92:13b.PSA.092.013 Ko te hunga i whakatokia ki te whare o Ihowa ka tupu ki nga marae o to tatou Atua
92:14b.PSA.092.014 Ka whai hua tonu ratou ua hina: ki tonu i te wai, matomato tonu
92:15b.PSA.092.015 Hei whakakite i te tika o Ihowa: ko ia toku kohatu, kahore hoki ona he
93
93:1b.PSA.093.001 E kingi ana a Ihowa; he kororia tona kakahu; he kakahu to Ihowa, he mea whitiki ia ki te kaha: kua u hoki te ao, te taea te nekeneke
93:2b.PSA.093.002 No mua iho tou torona i whakapumautia ai: nonamata riro koe
93:3b.PSA.093.003 Ko nga roma, e Ihowa, kua ara, nga roma nei, kua ara to ratou reo; ka ara nga ngaru o nga roma
93:4b.PSA.093.004 I runga ake i nga reo o nga wai maha, i nga tuatea nunui o te moana, ko Ihowa i runga, te mea kaha
93:5b.PSA.093.005 Pono atu au whakaaturanga: he huatau te tapu mo tou whare, e Ihowa, mo ake tonu atu
94
94:1b.PSA.094.001 E Ihowa, e te Atua, e te Kairapu utu; e te Atua, e te Kairapu utu, tiaho mai
94:2b.PSA.094.002 E ara, e te Kaiwhakawa o te whenua: hoatu te utu e rite ana ki te hunga whakakake
94:3b.PSA.094.003 Kia pehea te roa, e Ihowa, o te hunga kino nei, kia pehea te roa o te hunga kino e whakamanamana ana
94:4b.PSA.094.004 Kei te korero whakatu ratou, kei te korero whakahi: kei te korero whakapehapeha ki a ratou nga kaimahi katoa i te kino
94:5b.PSA.094.005 Mongamonga noa tau iwi i a ratou, e Ihowa: e tukinotia ana e ratou tou kainga tupu
94:6b.PSA.094.006 E patua ana e ratou te pouaru, te manene: e kohuru ana i te pani
94:7b.PSA.094.007 A e mea ana, E kore a Ihowa e kite; e kore e maharatia e te Atua o Hakopa
94:8b.PSA.094.008 Kia matau, e nga poauau o te iwi: a hea ano koutou whai mahara ai, e nga kuware
94:9b.PSA.094.009 Ko te kaiwhakato o te taringa, e kore ranei ia e rongo? Ko te kaihanga o te kanohi, e kore ianei ia e kite
94:10b.PSA.094.010 Ko te kaipapaki o nga iwi e kore ranei ia e papaki, ara ko te kaiwhakaako nei i te tangata kia mohio
94:11b.PSA.094.011 E matau ana a Ihowa ki nga whakaaro o te tangata, he mea teka noa
94:12b.PSA.094.012 Ka hari te tangata e pakia ana e koe, e Ihowa: e whakaakona ana i roto i tau ture
94:13b.PSA.094.013 Kia marie ai tona ngakau i a koe i nga ra o te he, a keria noatia iho te poka mo te tangata kino
94:14b.PSA.094.014 E kore hoki a Ihowa e panga i tana iwi, e kore ano e whakarere i tona kainga tupu
94:15b.PSA.094.015 Engari e hoki te whakawa ki te tika: a e arumia e nga tangata ngakau tika katoa
94:16b.PSA.094.016 Ko wai toku hei whakatika ake ki te hunga kino? Ko wai toku hei tu ake ki nga kaimahi i te hara
94:17b.PSA.094.017 Mehemea kaua a Ihowa hei awhina moku, penei kua noho kupukore noa atu toku wairua
94:18b.PSA.094.018 I taku meatanga, Ka paheke toku waewae; na tau mahi tohu, e Ihowa, ahau i tautoko ake
94:19b.PSA.094.019 I oku whakaaronga maha i roto i toku ngakau ko au whakamarie toku oranga ngakau
94:20b.PSA.094.020 Tera ranei e whakahoa ki a koe te torona o te kino, e whakatakoto nei i te mahi nanakia hei ture
94:21b.PSA.094.021 Kei te whakahuihui ratou ki te poke i te wairua o te tangata tika, e mea ana kia heke te toto harakore
94:22b.PSA.094.022 Ko Ihowa ia toku pa teko: ko toku Atua hei kohatu piringa moku
94:23b.PSA.094.023 A nana i whakahoki to ratou kino ki runga ki a ratou, a tera ia e whakangaro i a ratou i roto i o ratou kino: ma Ihowa, ma to tatou Atua ratou e whakangaro
95
95:1b.PSA.095.001 Tena, kia waiata tatou ki a Ihowa: kia hari te hamama ki te kamaka o to tatou whakaoranga
95:2b.PSA.095.002 Kia haere tatou me te whakawhetai atu ki tona aroaro: kia ngahau hoki a tatou himene ki a ia
95:3b.PSA.095.003 No te mea he Atua nui hoki a Ihowa, he Kingi nui i nga atua katoa
95:4b.PSA.095.004 Kei tona ringa nga wahi hohonu o te whenua: a nana nga maunga teitei
95:5b.PSA.095.005 Nana te moana, nana ano i hanga, a na ona ringa i whai ahua ai te whenua maroke
95:6b.PSA.095.006 Haere mai tatou, kia koropiko, kia tuohu: kia tukua nga turi ki te aroaro o Ihowa, o to tatou Kaihanga
95:7b.PSA.095.007 Ko ia hoki to tatou Atua; ko tatou tana iwi e hepara ai, nga hipi a tona ringa. Ki te rongo koutou ki tona reo aianei
95:8b.PSA.095.008 Kaua e whakapakeketia o koutou ngakau: kei pera me o te whakatoinga, me o te ra o te whakamatautauranga i te koraha
95:9b.PSA.095.009 I ahau i whakamatautauria e o koutou matua, i ata mohiotia, i to ratou kitenga ano hoki i aku mahi
95:10b.PSA.095.010 E wha tekau nga tau i hoha ai ahau ki tenei whakatupuranga, na ka mea ahau; He iwi ngakau kotiti ke ratou, kahore hoki ratou e mohio ki aku ara
95:11b.PSA.095.011 Na reira i riri ai ahau, i oati ai hoki; e kore ratou e tae ki toku okiokinga
96
96:1b.PSA.096.001 Waiatatia he waiata hou ki a Ihowa: waiata, e te whenua katoa, ki a Ihowa
96:2b.PSA.096.002 Waiata ki a Ihowa, whakapaingia tona ingoa: whakakitea tana whakaoranga i tenei ra, i tenei ra
96:3b.PSA.096.003 Whakapuakina tona kororia i waenganui i nga tauiwi, ana mahi whakamiharo i waenganui i nga iwi katoa
96:4b.PSA.096.004 He nui hoki a Ihowa, he tika ano kia nui te whakamoemiti ki a ia: kia wehingia nuitia ai i nga atua katoa
96:5b.PSA.096.005 He whakapakoko hoki nga atua katoa o nga iwi: na Ihowa ia i hanga nga rangi
96:6b.PSA.096.006 He honore, he kororia kei tona aroaro: kei tona wahi tapu te kaha me te ataahua
96:7b.PSA.096.007 Waiho atu i a Ihowa, e nga hapu katoa o nga iwi: waiho atu i a Ihowa te kororia me te kaha
96:8b.PSA.096.008 Waiho atu i a Ihowa te kororia e tika ana mo tona ingoa: maua mai he whakahere, haere mai hoki ki ona marae
96:9b.PSA.096.009 Koropiko ki a Ihowa i roto i te ataahua o te tapu: kia wehi ra ki tona aroaro, e te whenua katoa
96:10b.PSA.096.010 Mea atu i waenganui o nga tauiwi, E kingi ana a Ihowa: ka u te whenua, te taea te whakangaueue; ka tika ana whakawa mo nga iwi
96:11b.PSA.096.011 Kia hari nga rangi, kia koa te whenua, kia haruru te moana, me nga mea e hua ana i roto
96:12b.PSA.096.012 Kia hari te mara, me nga mea katoa i runga: ko reira ano koa ai nga rakau katoa o te ngahere
96:13b.PSA.096.013 Ki te aroaro o Ihowa, e haere mai ana hoki ia; e haere mai ana ia ki te whakawa mo te whenua: ka whakawa ia mo te ao i runga i te tika, mo nga iwi hoki i runga i tona pono
97
97:1b.PSA.097.001 Ko Ihowa te Kingi, kia hari te whenua, kia koa nga tini moutere
97:2b.PSA.097.002 Ko te kapua me te pouri kei ona taha katoa: ko te tika, ko te whakawa, te turanga o tona torona
97:3b.PSA.097.003 He kapura e haere ana i mua i a ia, a pau ake ona hoariri a taka noa
97:4b.PSA.097.004 Marama tonu te ao i ana uira: i kite te whenua, a wiri ana
97:5b.PSA.097.005 Rewa noa nga maunga, ano he ware pi, i te aroaro o Ihowa, i te aroaro o te Ariki o te whenua katoa
97:6b.PSA.097.006 E whakapuakina ana e nga rangi tona tika: a e kitea ana e nga iwi katoa tona kororia
97:7b.PSA.097.007 Kia whakama katoa te hunga e mahi ana ki nga whakapakoko, e whakamanamana ana ki nga atua horihori: koropiko ki a ia, e nga atua katoa
97:8b.PSA.097.008 I rongo a Hiona, a koa ana: whakamanamana ana nga tamahine o Hura, e Ihowa, ki au whakaritenga
97:9b.PSA.097.009 Ko koe hoki, e Ihowa, kei runga noa ake i te whenua katoa: kua whakanuia koe ki runga noa ake i nga atua katoa
97:10b.PSA.097.010 E te hunga e aroha ana ki a Ihowa, e kino ki te he: e tiakina ana e ia nga wairua o tana hunga tapu; e whakaorangia ana ratou e ia i nga ringa o te hunga kino
97:11b.PSA.097.011 Kua oti te marama te whakato mo te hunga tika: me te koa mo te hunga ngakau tapatahi
97:12b.PSA.097.012 Kia hari ki a Ihowa, e te hunga tika: whakamoemiti ki tona ingoa tapu
98
98:1b.PSA.098.001 He himene. Waiatatia ki a Ihowa he waiata hou; he mahi whakamiharo hoki ana: na tona ringa matau, na tona ringa tapu, i taea ai e ia te whakaora
98:2b.PSA.098.002 Kua whakakitea e Ihowa tana whakaoranga, kua whakapuakina e ia tona tika ki te aroaro o nga tauiwi
98:3b.PSA.098.003 Kua mahara ia ki tana mahi tohu, ki tona pono ki te whare o Iharaira; a kua kite nga pito katoa o te whenua i te whakaoranga a to tatou Atua
98:4b.PSA.098.004 Kia hari te hamama, e te whenua katoa, ki a Ihowa: hamama, kia hari, ae ra, himene atu
98:5b.PSA.098.005 Himene ki a Ihowa i runga i te hapa; i runga i te hapa, me te himene ano te reo
98:6b.PSA.098.006 I runga i te tetere, i te tangi ano o te koronete: kia hari te hamama ki te aroaro o Ihowa, o te Kingi
98:7b.PSA.098.007 Kia haruru te moana me nga mea e hua ana i roto, te ao me ona tangata e noho ana i runga
98:8b.PSA.098.008 Kia papaki nga ringa o nga roma, kia hari tahi nga pukepuke
98:9b.PSA.098.009 Ki te aroaro o Ihowa: e haere mai ana hoki ia ki te whakawa mo te whenua: ka whakawa ia mo te ao i runga i te tika, mo nga iwi hoki i runga i te pono
99
99:1b.PSA.099.001 Ko Ihowa te Kingi; kia wiri nga iwi: e noho ana ia i waenganui i nga kerupima; kia ngaueue te whenua
99:2b.PSA.099.002 He nui a Ihowa i Hiona: kei runga ake ia i nga iwi katoa
99:3b.PSA.099.003 Kia whakamoemiti ratou ki tou ingoa nui, whakamataku; he tapu ia
99:4b.PSA.099.004 E matenui ana hoki te kaha o te kingi ki te whakawa tika; ko koe hei whakapumau i te pono: he whakawa tika, he hekore tau mahi i roto i a Hakopa
99:5b.PSA.099.005 Whakanuia a Ihowa, to tatou Atua: koropiko ki tona turanga waewae; he tapu ia
99:6b.PSA.099.006 Ko Mohi raua ko Arona i roto i ana tohunga, me Hamuera i roto i te hunga e karanga ana ki tona ingoa: i karanga ratou ki a Ihowa, a whakahoki kupu ana mai ia ki a ratou
99:7b.PSA.099.007 I korero ia ki a ratou i roto i te pou kapua: i pupuri ratou i ana whakaaturanga, i te tikanga i whakatakotoria e ia ki a ratou
99:8b.PSA.099.008 E Ihowa, e to matou Atua, i whakahoki kupu koe ki a ratou: he Atua tohu koe i a ratou, otiia i rapu utu ano koe mo a ratou mahi
99:9b.PSA.099.009 Whakanuia a Ihowa, to tatou Atua, koropiko atu i tona maunga tapu: he tapu hoki a Ihowa, to tatou Atua
100
100:1b.PSA.100.001 He himene whakamoemiti. Kia hari te hamama ki a Ihowa, e nga whenua katoa
100:2b.PSA.100.002 Mahi atu ki a Ihowa i runga i te koa, waiata haere ki tona aroaro
100:3b.PSA.100.003 Kia matau ki a Ihowa, ko ia te Atua: nana tatou i hanga, ehara hoki i a tatou: ko tana iwi tatou, ko ana hipi e hepara ai
100:4b.PSA.100.004 Tomokia ona tatau i runga i te whakawhetai, ona marae i runga i te whakamoemiti: whakawhetai atu ki a ia, whakapaingia tona ingoa
100:5b.PSA.100.005 He pai hoki a Ihowa, pumau tonu tana mahi tohu: a kei tena whakatupuranga, kei tena whakatupuranga, tona pono
101
101:1b.PSA.101.001 He himene na Rawiri. Ka waiatatia e ahau te mahi tohu me te whakawa tika: ka himene atu ahau ki a koe, e Ihowa
101:2b.PSA.101.002 Ka ata whakahaere ahau i ahau i runga i te ara tika. A hea koe haere mai ai ki ahau? Ka haereere ahau i roto i toku whare i runga i te ngakau tapatahi
101:3b.PSA.101.003 E kore te mea tutua e waiho e ahau i mua i oku kanohi; e kino ana ahau ki te mahi a te hunga peka ke: e kore e piri ki ahau
101:4b.PSA.101.004 Ka mawehe atu i ahau te ngakau parori ke: e kore ahau e mohio ki te mea kino
101:5b.PSA.101.005 Ko te tangata e ngautuara puku ana ki tona hoa ka whakangaromia e ahau: e kore ahau e aro ki te tangata kanohi whakakake, ki te tangata ngakau whakapakari
101:6b.PSA.101.006 Kei runga i nga mea pono o te whenua oku kanohi, kia noho ai ratou ki ahau: ko te tangata e haere ana i te ara tika, ka mahi tena ki ahau
101:7b.PSA.101.007 E kore e noho ki toku whare te kaimahi i te hianga: e kore e tu ki toku aroaro te tangata korero teka
101:8b.PSA.101.008 I tenei ata, i tenei ata, ka whakangaromia e ahau nga tangata kikino katoa o te whenua: kia hatepea atu ai i te pa o te Atua te hunga katoa e mahi ana i te kino
102
102:1b.PSA.102.001 He inoi na te ngakau mamae, i a ia e pehia ana, a maringi a wai ana tana tangi ki te aroaro o Ihowa. Whakarongo ki taku inoi, e Ihowa, kia puta atu taku tangi ki a koe
102:2b.PSA.102.002 Kaua e huna tou mata ki ahau i te ra e pouri ai ahau; whakatitahatia mai tou taringa ki ahau: hohoro te whakahoki kupu mai ki ahau i te ra e karanga ai ahau
102:3b.PSA.102.003 Ka memeha hoki oku ra ano he paoa: ka kaia oku wheua ano he motumotu
102:4b.PSA.102.004 Kua pakia toku ngakau, kua memenge, ano he tarutaru; i wareware ai ahau ki te kai i taku taro
102:5b.PSA.102.005 Piri tonu oku iwi ki toku kiri i toku reo aue
102:6b.PSA.102.006 He rite ahau ki te matuku i te koraha, ki te koukou i te wahi mokemoke
102:7b.PSA.102.007 Mataara tonu ahau; toku rite kei te pihoihoi mokemoke i runga i te tuanui
102:8b.PSA.102.008 E tawai ana oku hoariri ki ahau i te ra roa; ko te hunga e porangirangi ana mai ki ahau, ko ahau ta ratou oati
102:9b.PSA.102.009 Kainga ana e ahau te pungarehu ano he taro: whakananua iho toku wai inu ki te roimata
102:10b.PSA.102.010 I tou riri hoki, i tou weriweri; nau hoki ahau i hapai ake, a taia atu ano ahau e koe
102:11b.PSA.102.011 He rite oku ra ki te atarangi e whakawairua kau ana: a kua memenge ahau ano he tarutaru
102:12b.PSA.102.012 Ko koe ia, e Ihowa, ka mau tonu ake ake, ka maharatia ano koe e nga whakatupuranga katoa
102:13b.PSA.102.013 Tera koe e whakatika, e aroha ki a Hiona; kua taka mai hoki te wa, ae ra, te tino wa, hei atawhainga i a ia
102:14b.PSA.102.014 E manakohia ana hoki e au pononga ona kohatu, e awangawanga ana ki tona puehu
102:15b.PSA.102.015 Penei ka wehingia te ingoa o Ihowa e nga tauiwi, tou kororia hoki e nga kingi katoa o te whenua
102:16b.PSA.102.016 Na Ihowa hoki i hanga a Hiona, kua kitea ia i tona kororia
102:17b.PSA.102.017 Kua tahuri ia ki te inoi a te rawakore: kihai i whakahawea ki ta ratou inoi
102:18b.PSA.102.018 Ka tuhituhia tenei mo to muri whakatupuranga: a ka whakamoemiti ki a Ihowa te iwi meake hanga
102:19b.PSA.102.019 Mona i titiro iho i te tiketike o tona wahi tapu: i titiro iho a Ihowa i te rangi ki te whenua
102:20b.PSA.102.020 Ki te whakarongo ki te aue a te herehere, ki te wewete i te hunga kua motuhia mo te mate
102:21b.PSA.102.021 Kia whakapuakina ai te ingo o Ihowa i Hiona, me te whakamoemiti ki a ia i Hiruharama
102:22b.PSA.102.022 I te huihuinga o nga iwi, o nga kingitanga, ki te mahi ki a Ihowa
102:23b.PSA.102.023 Whakangoikoretia iho e ia toku kaha i te ara: kua torutoru i a ia oku ra
102:24b.PSA.102.024 I mea ahau, E toku Atua, kaua ahau e tangohia i waenganui o oku ra: kei nga whakatupuranga katoa ou tau
102:25b.PSA.102.025 Nonamata te whenua i whakaturia ai e koe, a he mahi nga rangi na ou ringa
102:26b.PSA.102.026 Ko era e hemo atu, ko koe ia e mau tonu: ae ra, ka tawhitotia katoatia me he weweru; ka whakaputaia ketia ratou e koe ano he kakahu, a ka whakaputaia ketia
102:27b.PSA.102.027 Ko koe ia, ko koe tonu, kahore hoki he mutunga o ou tau
102:28b.PSA.102.028 Ka whai nohoanga nga tama a au pononga, ka pumau o ratou uri ki tou aroaro
103
103:1b.PSA.103.001 Na Rawiri. Whakapaingia a Ihowa, e toku wairua; e nga mea katoa i roto i ahau, whakapaingia tona ingoa tapu
103:2b.PSA.103.002 Whakapaingia a Ihowa, e toku wairua, kei wareware hoki ki ana painga katoa
103:3b.PSA.103.003 Ko ia te muru nei i ou kino katoa; te rongo a nei i ou mate katoa
103:4b.PSA.103.004 Ko ia te hoko nei i tou ora kei ngaro; te karauna nei i a koe ki te atawhai, ki te aroha
103:5b.PSA.103.005 Nana nei i makona ai tou mangai i nga mea papai; i hou ai tou taitamarikitanga, i rite ai ki to te ekara
103:6b.PSA.103.006 Ka puta i a Ihowa nga mahi tika, me te whakawa tika ki te hunga katoa e tukinotia ana
103:7b.PSA.103.007 I whakaakona e ia ana ara ki a Mohi, ana mahi ki nga tama a Iharaira
103:8b.PSA.103.008 Ki tonu a Ihowa i te aroha me te atawhai, he puhoi ki te riri, he nui hoki tana mahi tohu
103:9b.PSA.103.009 E kore ia e whakatupuehupehu tonu, e kore ano e mauahara ake ake
103:10b.PSA.103.010 Kihai i rite ki o tatou hara ana meatanga ki a tatou: kihai ano i rite ki o tatou kino ana utu mai ki a tatou
103:11b.PSA.103.011 He rite hoki ki te rangi e tiketike ake ana i te whenua, pera tonu te nui o tana mahi tohu ki te hunga e wehi ana ki a ia
103:12b.PSA.103.012 Pera i te matara o te rawhiti i te uru, pera tonu tana whakamataratanga atu i a tatou mahi tutu i a tatou
103:13b.PSA.103.013 E aroha ana te matua ki ana tamariki, pera tonu to Ihowa aroha ki te hunga e wehi ana ki a ia
103:14b.PSA.103.014 E matau ana hoki ia ki to tatou ahua, e mahara ana he puehu tatou
103:15b.PSA.103.015 Ko te tangata ia, rite tonu ona ra ki o te tarutaru: kei te puawai o te mara, ko tona ngawhatanga
103:16b.PSA.103.016 E rarungatia ana hoki e te hau, a kua kahore; kahore hoki e mohiotia a muri e tona wahi
103:17b.PSA.103.017 Tena ko te mahi tohu a Ihowa no tua whakarere, a ake tonu ake, ki te hunga e wehi ana ki a ia: tona tika hoki ki nga uri o nga tamariki
103:18b.PSA.103.018 Ki te hunga e pupuri ana i tana kawenata, ki te hunga hoki e mahara ana ki ana ako kia mahia
103:19b.PSA.103.019 Kua oti i a Ihowa tona torona te whakatu ki nga rangi; a e kawanatia ana nga mea katoa e tona kingitanga
103:20b.PSA.103.020 Whakapaingia a Ihowa, e ana anahera, e hira nei te kaha, e whakarite nei i tana kupu, e whakarongo nei ki tona reo ina korero
103:21b.PSA.103.021 Whakapaingia a Ihowa, e ana mano katoa, e ana minita e mahi nei i tana e pai ai
103:22b.PSA.103.022 Whakapaingia a Ihowa, e ana mahi katoa i nga wahi katoa o tona kingitanga: whakapaingia a Ihowa, e toku wairua
104
104:1b.PSA.104.001 Whakapaingia a Ihowa, e toku wairua. E Ihowa, e toku Atua, he nui rawa koe; he honore, he kororia ou kakahu
104:2b.PSA.104.002 E roropi nei i te marama ki a koe ano he kakahu, e hora nei i nga rangi ano he kakahu tauarai
104:3b.PSA.104.003 E whakanoho nei i nga kurupae o ona ruma ki nga wai: e mea nei i nga kapua hei hariata mona: e haere nei i runga i nga pakau o te hau
104:4b.PSA.104.004 E mea nei i nga hau hei karere mana, i te mura ahi hei kaimahi mana
104:5b.PSA.104.005 Nana nei i whakatu te whenua ki runga ki ona turanga, kei nekenekehia ake ake
104:6b.PSA.104.006 Nau ano i hipoki ki te rire hei kakahu: tu ana nga wai i runga i nga maunga
104:7b.PSA.104.007 Rere ana ratou i tau riri: tahuti tonu atu i te reo o tau whatitiri
104:8b.PSA.104.008 Puke ake ana ra nga maunga, heke iho ana ma nga whawharua ki te wahi i whakaritea e koe mo ratou
104:9b.PSA.104.009 Kua whakatakotoria e koe he rohe kei koni mai ratou, kei hoki mai hei taupoki mo te whenua
104:10b.PSA.104.010 Nana i tono nga puna ki roto ki nga awaawa, e rere nei i waenga o nga puke
104:11b.PSA.104.011 Hei wai mo nga kirehe katoa o te parae: na noa te matewai o nga kaihe mohoao
104:12b.PSA.104.012 Kei reira nga nohoanga o nga manu o te rangi, e korihi nei i roto i nga manga
104:13b.PSA.104.013 He mea whakamakuku nana nga puke i ona ruma: ka makona te whenua i nga hua o au mahi
104:14b.PSA.104.014 Ko ia hei whakatupu i te tarutaru ma te kararehe, i te otaota hei mea ma te tangata; kia whakaputaina ake ai he taro i te whenua
104:15b.PSA.104.015 He waina hei whakahari i te ngakau o te tangata, he hinu e piata ai tona mata, me te taro hei whakakaha i te ngakau o te tangata
104:16b.PSA.104.016 Ki tonu i te wai nga rakau a Ihowa, nga hita o Repanona i whakatokia e ia
104:17b.PSA.104.017 Hanga ake e nga manu he ohanga ki reira: te taaka, ko nga kauri tona whare
104:18b.PSA.104.018 Hei piringa nga puke tiketike mo nga koati mohoao: nga kohatu mo nga rapeti
104:19b.PSA.104.019 I hanga e ia te marama hei tohu taima: e matau ana te ra ki tona torengitanga
104:20b.PSA.104.020 Ko koe hei whakapouri, a kua po: na ngoki mai ana nga kirehe katoa o te ngahere
104:21b.PSA.104.021 Ko nga kuao raiona ngengere ana ratou, he mea kai, he rapu kai ma ratou i te Atua
104:22b.PSA.104.022 Ko te putanga mai o te ra ka poto atu ratou, takoto ana i o ratou kuhunga
104:23b.PSA.104.023 Ko te tangata ka haere ki ana hanga, ki tana mahi, a ahiahi noa
104:24b.PSA.104.024 Ano te tini o au mahi, e Ihowa! he mohio rawa tau mahi i aua mea katoa; ki tonu te whenua i au taonga
104:25b.PSA.104.025 Kei ko ra ko te moana, tona nui tuauriuri: kei reira nga mea ngokingoki e kore e taea te tatau, nga kirehe hoki, ana nonohi, ana nunui
104:26b.PSA.104.026 Kei reira nga kaipuke e teretere ana: kei reira taua rewiatana i hanga e koe hei takaro ki reira
104:27b.PSA.104.027 E tatari katoa ana enei ki a koe, kia hoatu e koe te kai ma ratou i te wa e tika ai
104:28b.PSA.104.028 Ko tau e hoatu ai ma ratou, kohikohia ana e ratou: te wherahanga o tou ringa, makona tonu ratou i te pai
104:29b.PSA.104.029 Ko te hunanga o tou mata, pororaru ana ratou: ka kapohia e koe to ratou manawa, ka marere ratou, a ka hoki ano ki to ratou puehu
104:30b.PSA.104.030 Ko tau tononga mai i tou wairua, kua hanga ratou; a whakahoutia ana e koe te mata o te whenua
104:31b.PSA.104.031 Kia whai kororia a Ihowa ake ake, kia hari a Ihowa ki ana mahi
104:32b.PSA.104.032 Tana tirohanga iho ki te whenua, ru ana: kua pa ki nga puke, na pongere ana
104:33b.PSA.104.033 Ka waiata ahau ki a Ihowa i ahau e ora ana: ka himene ki toku Atua i ahau ano i te ao nei
104:34b.PSA.104.034 Kia reka toku whakaaronga ki a ia, ka hari ahau ki a Ihowa
104:35b.PSA.104.035 Kia moti nga tangata hara i runga i te whenua, ko te hunga kino kia poto katoa atu. Whakapaingia a Ihowa, e toku wairua. Whakamoemititia a Ihowa
105
105:1b.PSA.105.001 Whakawhetai ki a Ihowa, karanga atu ki tona ingoa: whakapuakina ana mahi ki waenganui o nga iwi
105:2b.PSA.105.002 Waiata ki a ia, himene ki a ia: korerotia ana mahi whakamiharo katoa
105:3b.PSA.105.003 Whakamanamana ki tona ingoa tapu: kia hari te ngakau o te hunga e rapu ana i a Ihowa
105:4b.PSA.105.004 Rapua a Ihowa me tona kaha: rapua tonutia tona mata, ake ake
105:5b.PSA.105.005 Maharatia ana mahi whakamiharo i mahia e ia; ana merekara me nga whakaritenga a tona mangai
105:6b.PSA.105.006 E nga uri o Aperahama, o tana pononga, e nga tama a Hakopa, e ana i whiriwhiri ai
105:7b.PSA.105.007 Ko Ihowa ia, ko to tatou Atua; kei te whenua katoa ana whakaritenga
105:8b.PSA.105.008 Mahara tonu ia ki tana kawenata ake ake, ki te kupu i kiia iho e ia ki te mano o nga whakatupuranga
105:9b.PSA.105.009 Ki tana i whakarite ai ki a Aperahama, ki tana oati hoki ki a Ihaka
105:10b.PSA.105.010 A whakapumautia iho e ia hei tikanga ki a Hakopa, hei kawenata mau tonu ki a Iharaira
105:11b.PSA.105.011 I a ia ra i mea, Ka hoatu e ahau ki a koe te whenua o Kanaana hei wahi pumau mo koutou
105:12b.PSA.105.012 I te mea he hunga torutoru ratou: ae ra, he iti rawa, he manene ano ki reira
105:13b.PSA.105.013 I a ratou e haereere ana i tenei iwi ki tera atu iwi, i tetahi rangatiratanga ki tetahi iwi ke
105:14b.PSA.105.014 Kihai ratou i tukua e ia kia tukinotia e te tangata: he whakaaro ano ki a ratou i riria ai e ia nga kingi
105:15b.PSA.105.015 I mea ia, Kei pa ki aku i whakawahi ai: kei kino ki aku poropiti
105:16b.PSA.105.016 I karangatia e ia te matekai ki te whenua: whati katoa i a ia te tokotoko, ara te taro
105:17b.PSA.105.017 I tonoa e ia he tangata i mua i a ratou; i hokona a Hohepa hei pononga
105:18b.PSA.105.018 I whakamamaetia ona waewae ki te mekameka: takoto ana ia i te rino
105:19b.PSA.105.019 A puta noa tana kupu: whakamatautauria ana ia e te kupu a Ihowa
105:20b.PSA.105.020 I tono te kingi, a wetekina ana ia; ara te kingi o nga iwi, a tukua ana ia
105:21b.PSA.105.021 A meinga ana ia e ia hei ariki mo tona whare, hei rangatira mo ona taonga katoa
105:22b.PSA.105.022 Hei herehere i ana rangatira ua pai ia, hei ako i ana kaumatua ki te whakaaro
105:23b.PSA.105.023 I haere mai ano a Iharaira ki Ihipa: a noho ana a Hakopa ki te whenua o Hama
105:24b.PSA.105.024 Na ka tino whakanuia e ia tana iwi: a ka meinga ratou kia kaha ake i o ratou hoariri
105:25b.PSA.105.025 I whakakoarotia e ia to ratou ngakau kia kino ki tana iwi, kia mahi lhianga ki ana pononga
105:26b.PSA.105.026 I tonoa e ia a Mohi, tana pononga, raua ko Arona, ko tana i whiriwhiri ai
105:27b.PSA.105.027 Whakaputaina ana e raua ana tohu i waenganui i a ratou, he merekara i te whenua o Hama
105:28b.PSA.105.028 I tukua e ia te pouri, a kua pouri: kihai ano ratou i whakakeke ki ana kupu
105:29b.PSA.105.029 I whakaputaia ketia e ia o ratou wai hei toto; a mate ake i a ia a ratou ngohi
105:30b.PSA.105.030 I whakangahue ake to ratou whenua i te poroka, i roto i nga whare moenga o o ratou kingi
105:31b.PSA.105.031 I whai kupu ia, a puta ana mai nga pokai namu: me te kutu i o ratou kainga
105:32b.PSA.105.032 I tukua iho e ia ki a ratou te whatu hei ua, me te ahi mura ki to ratou whenua
105:33b.PSA.105.033 I pakia ano e ia a ratou waina me a ratou piki; a whatiwhatiia ana e ia nga rakau o o ratou kainga
105:34b.PSA.105.034 I korero ia, a puta ana mai te mawhitiwhiti me te moka, te taea te tatau
105:35b.PSA.105.035 A kainga katoatia ana nga otaota o to ratou whenua; pau ake nga hua o to ratou oneone
105:36b.PSA.105.036 I whakamatea katoatia ano hoki e ia nga matamua o to ratou whenua, te muanga o to ratou kaha
105:37b.PSA.105.037 A whakaputaina mai ana ratou e ia, me te hiriwa, me te koura, kahore hoki he mea tuoi i roto i ana iwi
105:38b.PSA.105.038 Na hari ana a Ihipa i to ratou haerenga; i mau hoki to ratou wehi ki a ratou
105:39b.PSA.105.039 I horahia e ia te kapua hei hipoki, me te ahi hei whakamarama i te po
105:40b.PSA.105.040 I inoi ratou, a homai ana e ia te koitareke; a ka makona ratou i te taro o te rangi
105:41b.PSA.105.041 I wahia e ia te kohatu, a ka pakaru mai nga wai: rere ana i nga wahi maroke, koia ano kei te awa
105:42b.PSA.105.042 I mahara hoki ia ki tana kuputapu, ki a Aperahama ano, ki tana pononga
105:43b.PSA.105.043 A whakaputaina mai ana e ia tana iwi i runga i te hari, ana i whiriwhiri ai i runga i te koa
105:44b.PSA.105.044 A homai ana e ia ki a ratou nga whenua o nga tauiwi: a riro ana i a ratou nga mauiuitanga o te iwi
105:45b.PSA.105.045 Kia puritia ai e ratou ana tikanga, kia mau ai ki ana ture. Whakamoemititia a Ihowa
106
106:1b.PSA.106.001 Whakamoemititia a Ihowa. Whakawhetai ki a Ihowa; he pai hoki ia: he pumau tonu hoki tana mahi tohu
106:2b.PSA.106.002 Me wai e korero nga mahi nunui a Ihowa: e whakakite katoa nga whakamoemiti ki a ia
106:3b.PSA.106.003 Ka hari te hunga e mau ana ki te whakarite tika; me te kaimahi i te tika i nga wa katoa
106:4b.PSA.106.004 Maharatia mai ahau, e Ihowa, kia rite ki tau manako ki tau iwi: tirotirohia mai ahau i runga i tau whakaoranga
106:5b.PSA.106.005 Kia kite ai ahau i te pai o au i whiriwhiri ai: kia koa ai, koa tahi me tau iwi; kia whakamanamana tahi ai me tou kainga tupu
106:6b.PSA.106.006 Kua hara tahi matou me o matou matua, kua mahi matou i te kino, i te mea he
106:7b.PSA.106.007 Kihai o matou matua i mohio ki au mea whakamiharo i Ihipa, kihai hoki i mahara ki te tini o au arohatanga; engari ia i whakatoi ratou ki a koe i te moana, ae, i te Moana Whero
106:8b.PSA.106.008 Otira whakaorangia ana ratou e ia, he whakaaro ki tona ingoa, kia matauria ai tona kaha
106:9b.PSA.106.009 I riria ano e ia te Moana Whero, a kua maroke: na arahina ana ratou e ia i nga rire, ano ko waenga koraha
106:10b.PSA.106.010 Na whakaorangia ake ratou e ia i te ringa o te tangata i kino ki a ratou; a hokona ana ratou i roto i te ringa o te hoariri
106:11b.PSA.106.011 A taupokina ana e nga wai o ratou hoariri, hore rawa tetahi morehu
106:12b.PSA.106.012 Na whakapono ana ratou ki ana kupu: a waiata ana i te whakamoemiti ki a ia
106:13b.PSA.106.013 Hohoro tonu to ratou wareware ki ana mahi: kihai i taria e ratou tona whakaaro
106:14b.PSA.106.014 Engari i whakaputa nui i o ratou hiahia i te tahora; whakamatautau ana ratou i te Atua i te koraha
106:15b.PSA.106.015 Na ka hoatu e ia ta ratou i inoi ai; otira i tukua atu e ia te hiroki ki to ratou wairua
106:16b.PSA.106.016 I hae hoki ratou ki a Mohi i te puni, ki a Arona ano, ki te tangata tapu a Ihowa
106:17b.PSA.106.017 Ko te hamamatanga o te whenua, na horomia ana a Ratana; a taupokina iho te ropu o Apirama
106:18b.PSA.106.018 A mura ana te ahi i to ratou ropu; wera ana i te mura te hunga kino
106:19b.PSA.106.019 I hanga e ratou he kuao kau ki Horepa, a koropiko ana ki te whakapakoko i whakarewaina
106:20b.PSA.106.020 Koia i whitia ai e ratou to ratou kororia mo te mea i rite ki te puru kai tarutaru
106:21b.PSA.106.021 Wareware ake i a ratou te Atua, to ratou kaiwhakaora, i mahi nei i nga mea nunui ki Ihipa
106:22b.PSA.106.022 I nga mahi whakamiharo ki te whenua o Hama, i nga mea whakamataku ki te Moana Whero
106:23b.PSA.106.023 Na ka mea ia, kia whakangaromia ratou, me i kaua a Mohi, tana i whiriwhiri ai, te tu ki tona aroaro i te takiwa, hei papare ake i tona riri, kei huna ratou e ia
106:24b.PSA.106.024 Ae ra, i whakahawea ratou ki te whenua ahuareka; kihai ratou i whakapono ki tana kupu
106:25b.PSA.106.025 Heoi amuamu ana i roto i o ratou teneti, kihai i whakarongo ki te reo o Ihowa
106:26b.PSA.106.026 Na reira ka ara tona ringa ki a ratou, ki te turaki i a ratou i te koraha
106:27b.PSA.106.027 Ki te turaki i o ratou uri i roto i nga iwi: ki te whakamarara i a ratou ki nga whenua
106:28b.PSA.106.028 I whakauru atu hoki ratou ki a Paarapeoro: a kai ana i nga patunga tapu ma nga mea mate
106:29b.PSA.106.029 Koia i whakapataritari ai ratou i a ia ki a ratou hanga kia riri; a pakaru ana mai te mate uruta ki a ratou
106:30b.PSA.106.030 Na ko te whakatikanga ake o Pinehaha, ki te whakaputa whakawa: a mutu iho te mate
106:31b.PSA.106.031 I kiia ai ia he tika i nga whakatupuranga katoa ake ake
106:32b.PSA.106.032 I whakapataritari ano ratou i a ia ki nga wai o Meripa; na hemanawa ana a Mohi mo ratou
106:33b.PSA.106.033 Na ratou hoki i whakatoi tona wairua, i he ai te kupu a ona ngutu
106:34b.PSA.106.034 Kihai ratou i whakangaro i nga iwi i kiia nei e Ihowa ki a ratou
106:35b.PSA.106.035 Heoi uru ana ki roto ki nga tauiwi, a ako ana i a ratou mahi
106:36b.PSA.106.036 I mahi hoki ratou ki a ratou whakapakoko, i mahangatia ai ratou
106:37b.PSA.106.037 Ae, i patua e ratou a ratou tama me a ratou tamahine ma nga atua maori
106:38b.PSA.106.038 I whakahekea hoki te toto harakore, nga toto o a ratou tama, o a ratou tamahine, i patua nei e ratou ma nga whakapakoko o Kanaana; a poke iho te whenua i te toto
106:39b.PSA.106.039 Na poke iho ratou i a ratou mahi: a puremu ana ki a ratou mahi
106:40b.PSA.106.040 Koia i mura ai te riri o Ihowa ki tana iwi; a whakarihariha ana ia ki tona kainga tupu
106:41b.PSA.106.041 A tukua ana ratou e ia ki te ringa o nga tauiwi; waiho ana te hunga i kino ki a ratou hei rangatira mo ratou
106:42b.PSA.106.042 Na ka tukinotia ratou e o ratou hoariri: ka pehia ki raro i o ratou ringa
106:43b.PSA.106.043 He maha ana whakaoranga i a ratou: ko ratou ia i whakatoi ki a ia i o ratou whakaaro, a whakaititia ana i ta ratou kino
106:44b.PSA.106.044 Ahakoa ra, i titiro ia ki to ratou matenga, i tona rongonga i ta ratou tangi
106:45b.PSA.106.045 I mahara hoki ia ki tana kawenata ki a ratou, a rite tonu ki te tini o ana mahi aroha te putanga ketanga o ona whakaaro
106:46b.PSA.106.046 I meinga hoki ratou e ia kia arohaina e te hunga katoa i whakaraua atu ai ratou
106:47b.PSA.106.047 Whakaorangia matou, e Ihowa, e to matou Atua, kohikohia matou i roto i nga tauiwi: kia whakawhetai ai ki tou ingoa tapu, kia whakamanamana ai ki tou whakamoemiti
106:48b.PSA.106.048 Kia whakapaingia a Ihowa, te Atua o Iharaira, i tua whakarere ano, a ake ake. A kia mea katoa te iwi, Amine. Whakamoemititia a Ihowa
107
107:1b.PSA.107.001 Whakawhetai ki a Ihowa, he pai hoki ia: he pumau tonu hoki tana mahi tohu
107:2b.PSA.107.002 Kia pena ano te korero a te hunga i hokona e Ihowa, i hokona nei e ia i roto i te ringa o te hoariri
107:3b.PSA.107.003 I kohikohia nei i nga whenua, i te rawhiti, i te uru, i te raki, i te tonga
107:4b.PSA.107.004 I haereere ratou i te koraha i te wahi mokemoke, te kitea tetahi pa hei nohoanga
107:5b.PSA.107.005 I matekai ratou, i matewai: hemo noa to ratou wairua i roto i a ratou
107:6b.PSA.107.006 Na ka tangi ratou ki a Ihowa i to ratou pouri: a whakaorangia ana ratou e ia i o ratou mate
107:7b.PSA.107.007 A arahina ana e ia ra te ara tika; kia haere ai ki te pa hei nohoanga
107:8b.PSA.107.008 Aue! me i whakapaingia e te tangata a Ihowa mo tona atawhai, mo ana mahi whakamiharo ki nga tama a te tangata
107:9b.PSA.107.009 E whakamakonatia ana hoki e ia te wairua hiahia: ko te wairua hiakai, whakakiia ana e ia ki te pai
107:10b.PSA.107.010 Ko te hunga i noho i te pouri, i te atarangi o te mate: he mea here ki te mamae, ki te rino
107:11b.PSA.107.011 Mo ratou i tutu ki nga kupu a te Atua, i whakahawea ki te whakaaro o te Runga Rawa
107:12b.PSA.107.012 Koia i pehia iho ai e ia o ratou ngakau ki te mahi: hinga iho ratou, kahore hoki he kaiawhina
107:13b.PSA.107.013 Na ka tangi ratou ki a Ihowa i to ratou pouri; a ka whakaorangia ratou e ia i o ratou mate
107:14b.PSA.107.014 Whakaputaina mai ana ratou e ia i te pouri, i te atarangi o te mate; motumotuhia ana o ratou here
107:15b.PSA.107.015 Aue! me i whakapaingia e te tangata a Ihowa mo tona atawhai, mo ana mahi whakamiharo ki nga tama a te tangata
107:16b.PSA.107.016 Kua tukitukia hoki e ia nga tatau parahi: kua tapahia e ia nga tutaki rino, motu rawa
107:17b.PSA.107.017 Ko nga kuware, na a ratou mahi tutu, na o ratou kino, i pakia ai ratou
107:18b.PSA.107.018 Ka wetiweti to ratou wairua ki nga kai katoa; a ka whakatata ratou ki nga kuwaha o te mate
107:19b.PSA.107.019 Na ka tangi ki a Ihowa i to ratou pouri, a ka whakaorangia ratou e ia i o ratou mate
107:20b.PSA.107.020 Tukua mai ana e ia tana kupu, a rongoatia ana ratou: a whakaputaina ana ratou i o ratou ngaromanga
107:21b.PSA.107.021 Aue! me i whakapaingia e te tangata a Ihowa mo tona atawhai, mo ana mahi whakamiharo ki nga tama a te tangata
107:22b.PSA.107.022 Kia tukua ano e ratou te whakahere, ara te whakamoemiti; kia whakapuaki i ana mahi i runga i te hari
107:23b.PSA.107.023 Ko te hunga e haere ana ki raro, ki te moana, i runga kaipuke, a e whai mahi ana i nga wai nunui
107:24b.PSA.107.024 Ko ratou e kite i nga mahi a Ihowa, i ana mahi whakamiharo i te rire
107:25b.PSA.107.025 Puta kau tana kupu, kua maranga te tupuhi, mana e whakatutu ona ngaru
107:26b.PSA.107.026 Ka kake ratou ki runga ki te rangi, ka heke ano ki raro ki te rire: ngohe noa o ratou wairua i te pawera
107:27b.PSA.107.027 Ka tiu ratou, ka hurorirori ano he tangata e haurangi ana; a kahore he mahara i toe
107:28b.PSA.107.028 Heoi ka tangi ki a Ihowa i to ratou hemanawa: a whakaorangia ana ratou i o ratou mate
107:29b.PSA.107.029 Meinga ana e ia te tupuhi kia marino, ona ngaru kia mariri
107:30b.PSA.107.030 Na ka koa ratou, no te mea ka marie: a ka kawea ratou e ia ki te tauranga i hiahia ai ratou
107:31b.PSA.107.031 Aue! me i whakapaingia e te tangata a Ihowa mo tona atawhai, mo ana mahi whakamiharo ki nga tama a te tangata
107:32b.PSA.107.032 Kia whakanui hoki ratou i a ia i roto i te whakaminenga o te iwi; kia whakamoemiti ki a ia i roto i te nohoanga kaumatua
107:33b.PSA.107.033 Ko ia hei mea i nga awa hei koraha, i nga puputanga wai hei oneone maroke
107:34b.PSA.107.034 I te whenua whai hua, kia titohea, mo te hara o te hunga e noho ana i reira
107:35b.PSA.107.035 Ko ia hei mea i te koraha hei harotoroto wai, i te whenua maroke hei puputanga wai
107:36b.PSA.107.036 A whakanohoia iho e ia te hunga matekai ki reira, hanga ai i tetahi pa hei nohoanga
107:37b.PSA.107.037 Hei rui mara, hei whakato mara waina, e tupu ai, e maha ai nga hua
107:38b.PSA.107.038 Ko ia ano hei manaaki i a ratou, no ka nui rawa; kahore hoki e tukua kia torutoru haere a ratou kararehe
107:39b.PSA.107.039 Na kua iti haere ano ratou, kua piko i te tukino, i te he, i te pouri
107:40b.PSA.107.040 E ringihia ana e ia te whakahawea ki runga ki nga rangatira: e meinga ana kia hehe i te ururua, i te wahi kahore nei he ara
107:41b.PSA.107.041 Otira kei te whakateitei ia i te rawakore ki runga i te mamae, kei te mea i ona hapu kia rite ki te kahui hipi
107:42b.PSA.107.042 Ka kite nga tangata tika, a ka hari; ko nga he katoa hoki, kipia ake te mangai
107:43b.PSA.107.043 Ko te tangata whakaaro nui ka mahara ki enei mea, a ka mohio ratou ki te aroha o Ihowa
108
108:1b.PSA.108.001 He waiata, he himene na Rawiri. Pumau tonu toku ngakau, e te Atua; ka waiata ahau, ae ra, ka himene ahau, me toku kororia ano
108:2b.PSA.108.002 E ara, e te hatere, e te hapa: ka ara wawe ano ahau
108:3b.PSA.108.003 Ka whakamoemiti ahau ki a koe, e Ihowa, i waenganui i nga iwi: ka himene ki a koe i waenganui i nga tauiwi
108:4b.PSA.108.004 He nui atu hoki tau mahi tohu i nga rangi, a ko tou pono tutuki noa atu ki nga kapua
108:5b.PSA.108.005 Kia whakanuia koe, e te Atua, ki runga atu i nga rangi: hei runga atu i te whenua katoa tou kororia
108:6b.PSA.108.006 Kia puta tau i aroha ai, ma tou ringa matau matou e whakaora, a whakahokia mai he kupu ki a matou
108:7b.PSA.108.007 Kua korero te Atua i runga i tona tapu: Ka hari ahau, ka kotikoti i Hekeme, ka roherohe i te raorao o Hukota
108:8b.PSA.108.008 Noku Kireara; noku a Manahi; ko Eparaima ano hoki te kaha o toku matenga; ko Hura taku hepeta
108:9b.PSA.108.009 Ko Moapa taku oko horoi; ka maka e ahau toku hu ki runga ki Eroma: ka whakamanamana ahau ki Pirihitia
108:10b.PSA.108.010 Ma wai ahau e kawe ki te pa tuwatawata? Ko wai nana ahau i arahi ki Eroma
108:11b.PSA.108.011 He teka ianei kua panga matou e koe, e te Atua? kahore hoki koe, e te Atua, e haere tahi me o matou taua
108:12b.PSA.108.012 Homai ki a matou he awhina ki te hoariri: he teka kau noa hoki te awhina a te tangata
108:13b.PSA.108.013 Ma te Atua tatou ka toa ai: mana hoki e takahi ki raro o tatou hoa whawhai
109
109:1b.PSA.109.001 Ki te tino kaiwhakatangi. He himene na Rawiri. E te Atua, e whakamoemiti nei ahau, kei wahangu koe
109:2b.PSA.109.002 Kua puaki hoki te mangai o te tangata kino me te mangai o te tangata tinihanga, ki te he moku: he teka o ratou arero, e korero nei moku
109:3b.PSA.109.003 I karapotia hoki ahau e ratou ki nga kupu mauahara, a i whawhai takekore ki ahau
109:4b.PSA.109.004 Mo toku aroha he riri ta ratou whakautu: ko ahau ia, he inoi taku
109:5b.PSA.109.005 E homai ana e ratou ki ahau he kino mo te pai, he mauahara mo toku aroha
109:6b.PSA.109.006 Meinga he tangata kino hei rangatira mona; kia tu he hoariri ki tona ringa matau
109:7b.PSA.109.007 Kia tau te he ki a ia, ina whakawakia: kia waiho ano tana inoi hei hara
109:8b.PSA.109.008 Kia torutoru ona ra; kia riro tana mahi tirotiro i tetahi atu
109:9b.PSA.109.009 Kia pania ana tamariki, kia pouarutia hoki tana wahine
109:10b.PSA.109.010 Kia kopikopiko noa ana tamariki, pinono ai: kia rapu kai hoki ma ratou i o ratou wahi mokemoke
109:11b.PSA.109.011 Kia haoa e te kaituku moni ana mea katoa; kia pahuatia hoki e nga tangata iwi ke ana mauiuitanga
109:12b.PSA.109.012 Kaua tetahi hei hoatu noa i te aroha ki a ia: kaua hoki tetahi hei atawhai i ana pani
109:13b.PSA.109.013 Kia hatepea putia ona uri: a i to muri whakatupuranga kia horoia rawatia atu o ratou ingoa
109:14b.PSA.109.014 Kia maharatia e Ihowa te kino o ona matua: kei murua hoki te hara o tona whaea
109:15b.PSA.109.015 Kia mau tonu ki te aroaro o Ihowa: kia hatepea atu ai e ia te maharatanga ki a ratou i runga i te whenua
109:16b.PSA.109.016 Mona kihai i mahara ki te mahi tohu: heoi tukino ana ia i te ware, i te rawakore, i te hunga ngakau maru, kia patua ai ratou
109:17b.PSA.109.017 Ae ra, i pai ia ki te kanga, a kua tae mai ki a ia: kihai ia i aro ki te manaaki, heoi kua mamao tera i a ia
109:18b.PSA.109.018 I kakahu ia i te kanga ki a ia, ano ko tona kakahu: na kua tae tera ki roto ki a ia ano he wai, me he hinu hoki ki roto ki ona wheua
109:19b.PSA.109.019 Waiho ki a ia hei kakahu hipoki mona, hei whitiki hoki e whitikiria tonutia ai ia
109:20b.PSA.109.020 Na hei utu tena ma Ihowa ki oku hoariri, ki te hunga hoki e korero kino nei ki toku wairua
109:21b.PSA.109.021 Kia puta tau mahi moku, e te Atua, e te Ariki, he whakaaro ki tou ingoa: na te mea he pai tau mahi tohu, whakaorangia ahau
109:22b.PSA.109.022 He ware hoki ahau, he rawakore, kua mamae hoki toku ngakau i roto i ahau
109:23b.PSA.109.023 Ka riro ahau me te atarangi e whakawairua kau ana: e peipeia ana ahau me he mawhitiwhiti
109:24b.PSA.109.024 Hurorirori kau oku turi i te nohopuku; a e kohia ana te ngako o oku kikokiko
109:25b.PSA.109.025 Kua waiho ahau hei tawainga ma ratou: ka kite ratou i ahau, ka ruru o ratou matenga
109:26b.PSA.109.026 Awhinatia ahau, e Ihowa, e toku Atua: kia rite ki tou aroha tau whakaora i ahau
109:27b.PSA.109.027 Kia matau ai ratou ko tou ringa itene: a nau tenei, e Ihowa, i mea
109:28b.PSA.109.028 Ma ratou e kanga, mau ia e manaaki: kia whakama ratou ina whakatika; ko tau pononga ia kia hari
109:29b.PSA.109.029 Kia whakakakahuria oku hoariri ki te whakama, a ko to ratou numinumi hei koroka hipoki mo ratou
109:30b.PSA.109.030 Ka tino whakawhetai toku mangai ki a Ihowa, ae ra, ka whakamoemiti ahau ki a ia i waenganui o te mano
109:31b.PSA.109.031 E tu hoki ia ki te ringa matau o te rawakore, hei whakaora i a ia i te hunga e whakahe ana i tona wairua
110
110:1b.PSA.110.001 He himene na Rawiri. I mea a Ihowa ki toku Ariki: Hei toku matau koe noho ai, kia meinga ra ano e ahau ou hoariri hei turanga waewae mou
110:2b.PSA.110.002 Ma Ihowa e tono mai te tokotoko o tou kaha i Hiona: hei rangatira koe i waenganui i ou hoariri
110:3b.PSA.110.003 Ka kakama tou iwi ki te tapae atu i a ratou i te ra o tou kaha: i te ataahua o nga mea tapu, no te kopu mai o te ata, kei a koe te tomairangi o tou whanaketanga
110:4b.PSA.110.004 Kua oati a Ihowa, e kore ano tana e puta ke; Hei tohunga koe ake ake, no te tikanga o Merekihereke
110:5b.PSA.110.005 Kei tou matau te Ariki, ka maru i a ia nga kingi i te ra e riri ai ia
110:6b.PSA.110.006 E whakawa ia i waenganui i nga tauiwi; e whakakiia e ia nga whenua ki te tupapaku: ka maru i a ia nga upoko i nga whenua maha
110:7b.PSA.110.007 Ka inu wai ia i te awa i te ara: a ka ara tona matenga
111
111:1b.PSA.111.001 Whakamoemititia a Ihowa. Ka whakapaua toku ngakau ki te whakawhetai ki a Ihowa, i te runanga o te hunga tika, i te whakaminenga
111:2b.PSA.111.002 He nui nga mahi a Ihowa; e whakatakina ana e te hunga katoa e manako ana ki aua mea
111:3b.PSA.111.003 He mea honore, he mea kororia tana mahi: tu tonu tona tika ake ake
111:4b.PSA.111.004 Kua meinga e ia kia maharatia ana mahi whakamiharo: he atawhai a Ihowa, he aroha
111:5b.PSA.111.005 E homai ana e ia he kai ma te hunga e wehi ana ki a ia: ka mahara tonu ia ki tana kawenata
111:6b.PSA.111.006 Kua whakakitea e ia ki tana iwi te kaha o ana mahi, i tana hoatutanga i to nga tauiwi hei kainga tupu mo ratou
111:7b.PSA.111.007 Ko nga mahi a ona ringa he pono, he whakawa tika: pono tonu ana akoranga katoa
111:8b.PSA.111.008 U tonu ake ake, e mahia ana i runga i te pono, i te tika
111:9b.PSA.111.009 I tonoa mai e ia he whakaoranga mo tana iwi: kua kiia iho e ia tana kawenata mo ake tonu atu; he tapu tona ingoa, e wehingia ana
111:10b.PSA.111.010 Ko te timatanga o te whakaaro nui he wehi ki a Ihowa: he ngarahu nui to te hunga katoa nana era mahi; mau te whakamoemiti ki a ia, ake ake
112
112:1b.PSA.112.001 Whakamoemititia a Ihowa. Ka hari te tangata e wehi ana i a Ihowa, e aro nui ana ki ana whakahau
112:2b.PSA.112.002 Ka nui ona uri ki runga ki te whenua; ka manaakitia te whakatupuranga o te hunga tika
112:3b.PSA.112.003 Kei tona whare te rawa, te taonga: ka pumau tonu tona tika, ake ake
112:4b.PSA.112.004 Ka maea ake te marama i roto i te pouri ki te hunga tika: he atawhai ia, he aroha, he tika
112:5b.PSA.112.005 He pono ka whiwhi painga te tangata he atawhai, he ohaoha tana mahi: ka u ana kupu i te whakawakanga
112:6b.PSA.112.006 E kore hoki ia e whakangaueuetia ake ake: ka maharatia tonutia te tangata tika ake ake
112:7b.PSA.112.007 E kore ia e mataku i te rongo kino: e u ana tona ngakau, e whakawhirinaki ana ki a Ihowa
112:8b.PSA.112.008 Ka u tona ngakau, e kore ia e wehi, kia kite ra ano ia i tana i hiahia ai ki ona hoariri
112:9b.PSA.112.009 Kua tuwhaina e ia, kua hoatu ki te hunga rawakore: pumau tonu tona tika ake ake; ka ara tona haona i runga i te kororia
112:10b.PSA.112.010 Ka kite te tangata kino, a ka pouri; ka pakiri ona niho, memeha iho: pirau iho te hiahia o te hunga kino
113
113:1b.PSA.113.001 Whakamoemititia a Ihowa. Whakamoemititia, e nga pononga a Ihowa, whakamoemititia te ingoa o Ihowa
113:2b.PSA.113.002 Kia whakapaingia te ingo o Ihowa aianei a ake ake
113:3b.PSA.113.003 Kia whakamoemititia te ingoa o Ihowa i te putanga mai o te ra, a tae noa ki tona torengitanga
113:4b.PSA.113.004 Kei runga rawa a Ihowa i nga iwi katoa: kei runga ake i nga rangi tona kororia
113:5b.PSA.113.005 Ko wai te rite ana ki a Ihowa, ki to tatou Atua, kei runga nei tona nohoanga
113:6b.PSA.113.006 E whakaiti nei i a ia ki te titiro iho ki nga mea kei te rangi, kei te whenua
113:7b.PSA.113.007 E whakaara ake ana ia i te iti i roto i te puehu, e whakateitei ake ana i te rawakore i roto i te puranga paru
113:8b.PSA.113.008 Kia whakanohoia ai e ia ki roto ki nga rangatira, ki nga rangatira o tana iwi
113:9b.PSA.113.009 Nana hoki te pakoko i whai whare ai, hei whaereere e koa ana ki ana tamariki. Whakamoemititia a Ihowa
114
114:1b.PSA.114.001 I te putanga mai o Iharaira i Ihipa, o te whare o Hakopa i te iwi reo ke
114:2b.PSA.114.002 Ko Hura tona wahi tapu, ko Iharaira tona rangatiratanga
114:3b.PSA.114.003 I kite te moana, a whati ana: i whakahokia ki muri a Horano
114:4b.PSA.114.004 Pekepeke ana nga maunga ano he hipi toa, nga pukepuke ano he reme
114:5b.PSA.114.005 I ahatia koe, e te moana, i whati ai koe e Horano, i whakahokia ai koe ki muri
114:6b.PSA.114.006 E nga maunga, i pekepeke ai koutou ano he hipi toa; e nga pukepuke, ano he reme
114:7b.PSA.114.007 E wiri, e te whenua, i te aroaro o te Ariki; i te aroaro o te Atua o Hakopa
114:8b.PSA.114.008 I meinga ai te toka hei hopua wai; te kiripaka hei puna wai
115
115:1b.PSA.115.001 Aua ki a matou, e Ihowa, aua ki a matou, engari me hoatu te kororia ki tou ingoa: whakaaroa tou aroha, tou pono
115:2b.PSA.115.002 Kia mea koia nga tauiwi: Kei hea ianei to ratou Atua
115:3b.PSA.115.003 Kei te rangi ia to matou Atua; kua meatia e ia nga mea katoa i pai ai ia
115:4b.PSA.115.004 He hiriwa a ratou whakapakoko, he koura, he mahi na te ringa tangata
115:5b.PSA.115.005 He mangai o ratou, a kahore e korero: he kanohi o ratou, a kahore e kite
115:6b.PSA.115.006 He taringa o ratou, a kahore e rongo: he ihu o ratou, a kahore e hongi
115:7b.PSA.115.007 He ringa o ratou, a kahore e whawha: he waewae o ratou, a kahore e haere: kahore hoki o ratou korokoro e korero
115:8b.PSA.115.008 Ka rite ki a ratou o ratou kaihanga; ae ra, te hunga katoa ano e whakawhirinaki ana ki a ratou
115:9b.PSA.115.009 E Iharaira, whakawhirinaki ki a Ihowa: ko ia to ratou awhina, to ratou whakangungu rakau
115:10b.PSA.115.010 E te whare o Arona, whakawhirinaki ki a Ihowa: ko ia to ratou awhina, to ratou whakangungu rakau
115:11b.PSA.115.011 E te hunga e wehi ana i a Ihowa, whakawhirinaki ki a Ihowa: ko ia to ratou awhina, to ratou whakangungu rakau
115:12b.PSA.115.012 Kua mahara a Ihowa ki a tatou, mana tatou e manaaki: mana e manaaki te whare o Iharaira, mana e manaaki te whare o Arona
115:13b.PSA.115.013 Ka manaakitia e ia te hunga e wehi ana ki a Ihowa, te iti, te rahi
115:14b.PSA.115.014 Ka tapiritia ano e Ihowa ki a koutou, ki a koutou tahi ko a koutou tamariki
115:15b.PSA.115.015 He manaakitanga koutou na Ihowa, na te kaihanga o te rangi, o te whenua
115:16b.PSA.115.016 Ko nga rangi, he rangi no Ihowa; ko te whenua ia, he mea homai nana ki nga tama a te tangata
115:17b.PSA.115.017 E kore nga tupapaku e whakamoemiti ki a Ihowa: me te hunga katoa ano e heke ana ki te wahangutanga
115:18b.PSA.115.018 Ko matou ia ka whakapai ki a Ihowa aianei a ake ake. Whakamoemititia a Ihowa
116
116:1b.PSA.116.001 E aroha ana ahau ki a Ihowa: mona i whakarongo ki toku reo, ki aku inoi
116:2b.PSA.116.002 I tahuri mai tona taringa ki ahau: mo reira ka karanga ahau ki a ia i ahau e ora ana
116:3b.PSA.116.003 I karapotia ahau e nga whakawiringa a te mate: mau pu ahau i nga mamae o te reinga, i kite ahau i te pawera, i te pouri
116:4b.PSA.116.004 Na ko taku karangatanga ki te ingoa o Ihowa; Tena ra, e Ihowa, whakaorangia toku wairua
116:5b.PSA.116.005 He atawhai a Ihowa, he tika: ae, he aroha to tatou Atua
116:6b.PSA.116.006 E tiakina ana e Ihowa te hunga kuware: i whakaititia ahau, a nana ahau i whakaora
116:7b.PSA.116.007 E hoki, e toku wairua, ki tou okiokinga; kua atawhaitia hoki koe e Ihowa
116:8b.PSA.116.008 Nau hoki toku wairua i whakaora kei mate, oku kanohi kei whai roimata, oku waewae kei paheke
116:9b.PSA.116.009 Tera ahau e haereere i te aroaro o Ihowa i te whenua o te ora
116:10b.PSA.116.010 I whakapono ahau, koia ahau i korero ai: he nui toku whakawhiunga
116:11b.PSA.116.011 I mea ahau i toku ohoreretanga, He teka kau nga tangata katoa
116:12b.PSA.116.012 He aha taku e whakahoki ai ki a Ihowa mo ana atawhainga katoa i ahau
116:13b.PSA.116.013 Ka mau ahau ki te kapu o te whakaoranga, ka karanga ki te ingoa o Ihowa
116:14b.PSA.116.014 Ka whakamana e ahau aku kupu taurangi ki a Ihowa i te aroaro o tana iwi katoa
116:15b.PSA.116.015 He mea utu nui ki ta Ihowa titiro te matenga o tana hunga tapu
116:16b.PSA.116.016 E Ihowa, he pono ko ahau tau pononga; ko ahau tau pononga, ko te tama a tau pononga wahine; nau i wewete oku here
116:17b.PSA.116.017 Ka tukua e ahau te patunga tapu, ara te whakawhetai: ka karanga ki te ingoa o Ihowa
116:18b.PSA.116.018 Ka whakamana e ahau aku kupu taurangi ki a Ihowa, ae, ki te aroaro o tana iwi katoa
116:19b.PSA.116.019 Ki nga marae o te whare o Ihowa, ki waenganui ou, e Hiruharama. Whakamoemititia a Ihowa
117
117:1b.PSA.117.001 Whakamoemititia a Ihowa, e nga tauiwi katoa: whakamoemititia ia, e nga iwi katoa
117:2b.PSA.117.002 He nui hoki tana mahi tohu ki a tatou: e mau ana hoki te pono o Ihowa ake ake. Whakamoemititia a Ihowa
118
118:1b.PSA.118.001 Whakawhetai ki a Ihowa; he pai hoki ia, he pumau tonu hoki tana mahi tohu
118:2b.PSA.118.002 Kia mea a Iharaira, He pumau tonu tana mahi tohu
118:3b.PSA.118.003 Kia mea te whare o Arona, He pumau tonu tana mahi tohu
118:4b.PSA.118.004 Kia mea te hunga e wehi ana i a Ihowa, He pumau tonu tana mahi tohu
118:5b.PSA.118.005 I karanga ahau ki a Ihowa i roto i te pouri: i whakahoki kupu mai a Ihowa ki ahau, i whakatu hoki i ahau ki te wahi whanui
118:6b.PSA.118.006 Kei ahau a Ihowa; e kore ahau e wehi: he aha ta te tangata e mea ai ki ahau
118:7b.PSA.118.007 Kei ahau a Ihowa kei roto i oku kaiawhina: no reira tera ahau e kite i taku i hiahia ai ki te hunga e kino ana ki ahau
118:8b.PSA.118.008 Ko te whakawhirinaki ki a Ihowa, pai atu i te whakaaro ki te tangata
118:9b.PSA.118.009 Ko te whakawhirinaki ki a Ihowa, pai atu i te okioki ki nga rangatira
118:10b.PSA.118.010 I karapotia ahau e nga iwi katoa: ka ngaro ratou i ahau i runga i te ingoa o Ihowa
118:11b.PSA.118.011 I karapotia ahau e ratou: ae, i karapotia ahau e ratou: ka ngaro ratou i ahau i runga i te ingoa o Ihowa
118:12b.PSA.118.012 Me te mea he pi ratou e mui ana ki ahau; kua pirau ratou ano he ahi tataramoa: i ngaro hoki ratou i ahau i runga i te ingoa o Ihowa
118:13b.PSA.118.013 Kaha pu tau turaki i ahau, kia hinga ai ahau: na Ihowa ia ahau i awhina mai
118:14b.PSA.118.014 Ko Ihowa toku kaha, taku himene, ko ia ano toku whakaoranga
118:15b.PSA.118.015 He reo hari, he reo whakaoranga, kei nga tapenakara o te hunga tika: he maia nga mahi a te ringa matau o Ihowa
118:16b.PSA.118.016 Kua whakanuia te matau o Ihowa: he maia nga mahi a te ringa matau o Ihowa
118:17b.PSA.118.017 E kore ahau e mate, engari tera ahau e ora, hei whakapuaki i nga mahi a Ihowa
118:18b.PSA.118.018 I pakia rawatia ahau e Ihowa: otiia kihai ahau i tukua e ia kia mate
118:19b.PSA.118.019 Whakatuwheratia ki ahau nga kuwaha o te tika: ka tomo ahau ki roto, ka whakamoemiti ki a Ihowa
118:20b.PSA.118.020 Ko te kuwaha tenei o Ihowa: ka tomo te hunga tika ki reira
118:21b.PSA.118.021 Ka whakamoemiti ahau ki a koe, mou i whakahoki kupu mai ki ahau, kua meinga hoki ko koe hei whakaora moku
118:22b.PSA.118.022 Ko te kohatu i kapea e nga kaihanga, kua meinga hei upoko mo te kokonga
118:23b.PSA.118.023 Na Ihowa tenei: he mea miharo ki o tatou kanohi
118:24b.PSA.118.024 Ko te ra tenei i hanga e Ihowa kia whakamanamana, kia koa tatou i reira
118:25b.PSA.118.025 Whakaorangia ra aianei, e Ihowa: tena ra, e Ihowa, homai he ngahuru ki a matou
118:26b.PSA.118.026 Kia whakapaingia te tangata e haere mai ana i runga i te ingoa o Ihowa: kua whakapaingia koutou e matou i roto i te whare o Ihowa
118:27b.PSA.118.027 Ko Ihowa te Atua, a nana i homai te marama ki a tatou: herea te patunga tapu ki nga aho, ki nga haona ra ano o te aata
118:28b.PSA.118.028 Ko koe toku Atua, maku koe e whakamoemiti: toku Atua, maku koe e whakanui
118:29b.PSA.118.029 Whakawhetai ki a Ihowa; he pai hoki ia: he pumau tonu tana mahi tohu
119
119:1b.PSA.119.001 AREPE Ka hari te hunga he tapatahi nei i te ara, e haere nei i te ture a Ihowa
119:2b.PSA.119.002 Ka hari te hunga e mau ana ki ana whakaaturanga; e whakapaua ana o ratou ngakau ki te rapu i a ia
119:3b.PSA.119.003 Ae, e kore ratou e mahi i te kino; e haere ana ratou i ana ara
119:4b.PSA.119.004 Kua oti matou te whakahau ki au akoranga, kia ata puritia e matou
119:5b.PSA.119.005 Aue, me i whakatikaia toku ara ki te pupuri i au akoranga
119:6b.PSA.119.006 Ko reira ahau ka kore ai e whakama: i ahau ka whai whakaaro nei ki au whakahau katoa
119:7b.PSA.119.007 Ka whakamoemiti ahau ki a koe i runga i te ngakau tika, ina ako ahau i au whakaritenga tika
119:8b.PSA.119.008 Ka puritia e ahau au tikanga: kaua ahau e whakarerea rawatia. PET
119:9b.PSA.119.009 He aha te mea e ma ai i te taitamariki tona ara? kia rite ki tau kupu tana whakamaharatanga iho
119:10b.PSA.119.010 Kua whakapaua e ahau toku ngakau ki te rapu i a koe: kaua ahau e tukua kia kotiti ke i au whakahau
119:11b.PSA.119.011 Kua whakatakotoria e ahau tau kupu ki roto ki toku ngakau, kei hara ahau ki a koe
119:12b.PSA.119.012 E Ihowa, ka whakapaingia koe: whakaakona ahau ki au tikanga
119:13b.PSA.119.013 Kua whakapuakina e oku ngutu nga whakaritenga katoa a tou mangai
119:14b.PSA.119.014 Ko toku koa i te ara o au whakaaturanga, me te mea mo nga taonga katoa
119:15b.PSA.119.015 Ka whakaaroaro ahau ki au ako, a ka whai mahara ki au huarahi
119:16b.PSA.119.016 He oranga ngakau ki ahau au tikanga: e kore ahau e wareware ki tau kupu. KIMER
119:17b.PSA.119.017 Kia atawhai ki tau pononga, kia ora ai ahau; kia puritia ai hoki tau kupu
119:18b.PSA.119.018 Whakatirohia oku kanohi kia kite ai ahau i nga mea whakamiharo i roto i tau ture
119:19b.PSA.119.019 He manene ahau i runga i te whenua: kaua au whakahau e huna ki ahau
119:20b.PSA.119.020 Ka ngawha toku wairua i te matenui atu ki au whakaritenga i nga wa katoa
119:21b.PSA.119.021 Kua riria e koe te hunga whakakake kua oti nei te kanga, e kotiti ke nei i au whakahau
119:22b.PSA.119.022 Parea atu i ahau te tawai me te whakahawea: kua mau hoki ahau ki au whakaaturanga
119:23b.PSA.119.023 I noho ano hoki nga rangatira ki te korero kino moku: otira e whakaaro ana tau pononga ki au tikanga
119:24b.PSA.119.024 Ko au whakaaturanga ano toku oranga ngakau, oku hoa whakatakoto whakaaro. TARET
119:25b.PSA.119.025 Piri tonu toku wairua ki te puehu; whakahauoratia ahau kia rite ki atu kupu
119:26b.PSA.119.026 I whakaaturia e ahau oku ara, a whakahoki kupu ana koe ki ahau: whakaakona ahau ki au tikanga
119:27b.PSA.119.027 Meinga ahau kia matau ki te ara o au ako: kia whakaaroaro ai ahau ki au mahi whakamiharo
119:28b.PSA.119.028 E maturuturu iho ana toku wairua i te pouri: kia rite ki tau kapu tau whakau ake i ahau
119:29b.PSA.119.029 Whakamataratia atu i ahau te ara o te teka: kia atawhai mai hoki, a homai tau ture
119:30b.PSA.119.030 Kua whiriwhiria e ahau te ara o te pono: ka waiho e ahau au whakaritenga ki toku aroaro
119:31b.PSA.119.031 Piri tonu ahau ki au whakaaturanga: e Ihowa, kei whakama ahau
119:32b.PSA.119.032 Ka oma ahau i te ara o au whakahau, ina whakanuia e koe toku ngakau. H
119:33b.PSA.119.033 E Ihowa, whakaakona ahau ki te ara o au tikanga: a ka mau i ahau taea noatia te mutunga
119:34b.PSA.119.034 Homai he matauranga ki ahau, a ka mau i ahau tau ture; ka whakapaua toku ngakau ki te pupuri
119:35b.PSA.119.035 Meinga ahau kia haere i te ara o au whakahau; ko taku hoki tena e whakaahuareka nei
119:36b.PSA.119.036 Whakaangahia toku ngakau ki au whakaaturanga; kaua hoki ki te apo
119:37b.PSA.119.037 Whakatahuritia ketia oku kanohi kei kite i te horihori: whakahauorangia ahau i tau ara
119:38b.PSA.119.038 Whakapumautia tau kupu ki tau pononga, e wehi nei ki a koe
119:39b.PSA.119.039 Parea atu toku tawainga, e wehi nei ahau: he pai hoki au whakaritenga
119:40b.PSA.119.040 Nana, kua matenui ahau ki au ako: whakahauorangia ahau i runga i tou tika. WHA
119:41b.PSA.119.041 Kia puta ano au mahi tohu ki ahau, e Ihowa: ara tau whakaoranga, kia rite ki tau kupu
119:42b.PSA.119.042 Penei ka whai kupu maku ki toku kaitawai; noku ka whakawhirinaki ki tau kupu
119:43b.PSA.119.043 Kaua e tangohia rawatia i toku mangai te kupu o te pono: e tumanako nei hoki ahau ki au whakaritenga
119:44b.PSA.119.044 Penei ka puritia e ahau tau ture ake ake
119:45b.PSA.119.045 A ka haereere noa ahau; kua rapua hoki e ahau au akoranga
119:46b.PSA.119.046 Ka korerotia ano e ahau au whakaaturanga ki te aroaro o nga kingi, e kore ano e whakama
119:47b.PSA.119.047 A ka waiho e ahau hei oranga ngakau moku au whakahau e aroha nei ahau
119:48b.PSA.119.048 Ka toro atu hoki oku ringa ki au whakahau e aroha nei ahau, ka whakaaroaro ano ki au tikanga. TAIN
119:49b.PSA.119.049 Maharatia te kupu ki tau pononga, no te mea kua meinga ahau e koe kia tumanako atu
119:50b.PSA.119.050 Ko toku oranga ngakau tenei i ahau e tangi nei: na tau kupu nei hoki ahau i whakahauora
119:51b.PSA.119.051 Nui rawa te whakahi ki ahau o te hunga whakakake: heoi kihai ahau i peka ke i tau ture
119:52b.PSA.119.052 I mahara ahau ki au whakaritenga, e Ihowa, o tua iho; a marie ana toku ngakau
119:53b.PSA.119.053 Mau pu ahau i te pawera, mo te hunga kino kua whakarere nei i tau ture
119:54b.PSA.119.054 Ko au tikanga aku e himene ai i te whare i noho manene ai ahau
119:55b.PSA.119.055 I mahara ahau ki tou ingoa i te po, e Ihowa: a puritia ana e ahau tau ture
119:56b.PSA.119.056 I ahau tenei, he mau noku ki au ako. KET
119:57b.PSA.119.057 Ko Ihowa toku wahi: kua mea nei ahau, ka pupuri ahau i au kupu
119:58b.PSA.119.058 I whakapaua toku ngakau ki te inoi ki a koe kia pai mai: kia rite ki tau kupu tau mahi tohu ki ahau
119:59b.PSA.119.059 I whakaaro ahau ki oku ara: a anga ana oku waewae ki au whakaaturanga
119:60b.PSA.119.060 I hohoro ahau, a kihai i whakaroa ki te pupuri i au whakahau
119:61b.PSA.119.061 Karapotia putia ana ahau e nga here a te hunga kino: kihai ia ahau i wareware ki tau ture
119:62b.PSA.119.062 I waenganui po ka ara ahau ki te whakawhetai ki a koe mo au whakaritenga tika
119:63b.PSA.119.063 He hoa ahau no te hunga katoa e wehi ana i a koe; no te hunga ano e pupuri ana i au ako
119:64b.PSA.119.064 Ki tonu, e Ihowa, te whenua i tau mahi tohu: whakaakona ahau ki au tikanga. TET
119:65b.PSA.119.065 Pai rawa tau hanga ki tau pononga, e Ihowa; rite tonu ki tau kupu
119:66b.PSA.119.066 Whakaakona ahau ki te ngarahu pai, ki te matauranga: kua whakapono hoki ahau ki au whakahau
119:67b.PSA.119.067 I ahau kiano i whakawhiua, i he ahau: tena ko tenei ka puritia e ahau tau kupu
119:68b.PSA.119.068 He pai koe, he pai hoki au mahi: whakaakona ahau ki au tikanga
119:69b.PSA.119.069 Kua titoa e te hunga whakakake he teka moku: ka whakapaua toku ngakau ki te pupuri i au ako
119:70b.PSA.119.070 He ngako rawa to ratou ngakau, koia ano kei te taupa: ko ahau ia, he oranga ngakau ki ahau tau ture
119:71b.PSA.119.071 Marie ano ahau kia pehia e te pouri; i ako ai ahau i au tikanga
119:72b.PSA.119.072 Ko te ture a tou mangai pai ke atu ki ahau i nga mano o te koura, o te hiriwa. IOT
119:73b.PSA.119.073 Na ou ringa ahau i hanga, i whakawhaiahua: homai he matauranga ki ahau, kia ako ai ahau ki au whakahau
119:74b.PSA.119.074 Ka hari te hunga e wehi ana i a koe ina kite i ahau: noku i tumanako ki tau kupu
119:75b.PSA.119.075 E matau ana ahau, e Ihowa, he tika au whakaritenga; a he pono nou i pehia ai toku ngakau e koe
119:76b.PSA.119.076 Tena ra, waiho tau mahi tohu hei whakamarie moku; kia rite ki tau kupu ki tau pononga
119:77b.PSA.119.077 Kia puta ki ahau au mahi aroha, kia ora ai ahau; ko tau ture hoki toku oranga ngakau
119:78b.PSA.119.078 Kia whakama te hunga whakakake; no te mea kahore he take i he ai ta ratou hanga ki ahau; ko ahau ia ka whakaaroaro ki au akoranga
119:79b.PSA.119.079 Ko te hunga e wehi ana ki a koe me anga ki ahau, a ka mohio ratou ki au whakaaturanga
119:80b.PSA.119.080 Kia tapatahi toku ngakau ki au tikanga; kei whakama ahau. KAP
119:81b.PSA.119.081 E matenui ana toku wairua ki tau whakaoranga: otiia ka tumanako ahau ki tau kupu
119:82b.PSA.119.082 Matawaia ana oku kanohi, he meatanga ki tau kupu, i ahau e mea ana, Ahea koe whakamarie ai i ahau
119:83b.PSA.119.083 Kua rite nei hoki ahau ki te koki i roto i te paoa: he ahakoa e kore ahau e wareware ki au tikanga
119:84b.PSA.119.084 E hia nga ra o tau pononga? a hea koe whakarite whakawa ai mo te hunga e tukino nei i ahau
119:85b.PSA.119.085 Kua keri poka te hunga whakakake moku; he mea kahore e rite ki tau ture
119:86b.PSA.119.086 Pono tonu au whakahau katoa: e tukino takekore ana ratou i ahau; awhinatia mai ahau
119:87b.PSA.119.087 Wahi iti kua moti ahau i a ratou i runga i te whenua: otira kihai i mahue i ahau au akoranga
119:88b.PSA.119.088 Kia rite ki tou aroha tau whakahauora i ahau: a ka puritia e ahau nga whakaaturanga a tou mangai. RAMER
119:89b.PSA.119.089 Pumau tonu tau kupu, e Ihowa, ake ake i runga i te rangi
119:90b.PSA.119.090 Kei nga whakatupuranga katoa tou pono: whakaungia ana e koe te whenua, a e tu nei ano
119:91b.PSA.119.091 E tu nei ano inaianei, pera tonu me tau i whakarite ai, he pononga hoki nga mea katoa nau
119:92b.PSA.119.092 Me kaua tau ture hei oranga mo toku ngakau, kua ngaro ahau i reira i toku auetanga
119:93b.PSA.119.093 E kore rawa ahau e wareware ki au ako, he mea whakahauora hoki nau ena i ahau
119:94b.PSA.119.094 Nau ahau, mau ahau e whakaora: kua rapua hoki e ahau au ako
119:95b.PSA.119.095 Kua tatari te hunga kino ki ahau kia whakamatea: ka whakaaro ia ahau ki au whakaaturanga
119:96b.PSA.119.096 Kua kitea e ahau te mutunga o nga mea tino tika katoa: he whanui rawa ia tau whakahau. MEM
119:97b.PSA.119.097 Ano toku aroha ki tau ture! Ko taku tena e whakaaroaro ai i te roa o te ra
119:98b.PSA.119.098 Nau i hira ake ai oku whakaaro i o oku hoariri, na au whakahau, e piri tonu nei ki ahau
119:99b.PSA.119.099 Nui atu oku mahara i o oku kaiwhakaako katoa: noku i whakaaroaro tonu ki au whakaaturanga
119:100b.PSA.119.100 Tera atu toku mohio i to nga kaumatua, no te mea i pupuri ahau i au ako
119:101b.PSA.119.101 Kua kaiponuhia mai e ahau oku waewae i nga ara kino katoa, kia pupuri ai ahau i tau kupu
119:102b.PSA.119.102 Kihai ahau i titaha i au whakaritenga; nau hoki ahau i ako
119:103b.PSA.119.103 Ano te reka o au kupu ki toku ngao; ae ra, reka atu i te honi ki toku mangai
119:104b.PSA.119.104 Na au ako ahau i whai mohio ai: na reira ahau i kino ai ki nga ara teka katoa. NUN
119:105b.PSA.119.105 He rama tau kupu ki oku waewae, he marama ki toku ara
119:106b.PSA.119.106 Kua oati ahau, a ka whakamana ano e ahau: kia puritia e ahau au whakaritenga tika
119:107b.PSA.119.107 He nui te mamae o toku ngakau: whakahauorangia ahau, e Ihowa, kia rite ki tau kupu
119:108b.PSA.119.108 Manakohia, e Ihowa, nga ohaohatanga a toku mangai, whakaakona hoki ahau ki au whakaritenga
119:109b.PSA.119.109 Kei toku ringa tonu toku wairua, heoi kahore ahau e wareware ki tau ture
119:110b.PSA.119.110 Kua whakatakotoria e te hunga kino he mahanga moku: heoi kahore ahau i peka ke i au ako
119:111b.PSA.119.111 Ka waiho e ahau au whakaaturanga hei kainga tupu moku ake ake: ko toku koanga ngakau hoki ena
119:112b.PSA.119.112 Kua whakaanga e ahau toku ngakau ki te mahi tonu i au tikanga: a te mutunga ra ano. HAMEK
119:113b.PSA.119.113 E kino ana ahau ki te hunga whakaaro ruarua; ko tau ture ia taku e aroha ai
119:114b.PSA.119.114 Ko toku piringa koe, ko toku whakangungu rakau: e tumanako ana ahau ki tau kupu
119:115b.PSA.119.115 Mawehe atu i ahau, e te hunga kino; ka whakaritea hoki e ahau nga whakahau a toku Atua
119:116b.PSA.119.116 Kia rite ki tau kupu tau tautoko ake i ahau, kia ora ai ahau: kaua hoki ahau e tukua kia whakama ki taku e tumanako atu nei
119:117b.PSA.119.117 Tautokona ake ahau, kia ora ai ahau, a ka whai whakaaro tonu ahau ki au tikanga
119:118b.PSA.119.118 Kua whakahaweatia e koe te hunga katoa e kotiti ke ana i au tikanga; he horihori hoki to ratou tinihanga
119:119b.PSA.119.119 Ka whakakahoretia e koe te hunga kino katoa o te whenua, ano he para mata: koia ahau i aroha ai ki au whakaaturanga
119:120b.PSA.119.120 Wiri ana oku kikokiko i te wehi ki a koe; e mataku ana hoki ahau ki au whakaritenga. AIN
119:121b.PSA.119.121 He whakawa tika, he tika taku mahi: kaua ahau e tukua ki oku kaitukino
119:122b.PSA.119.122 Ko koe hei tuara mo tau pononga mo te pai: kei tukinotia ahau e te hunga whakakake
119:123b.PSA.119.123 Matawaia ana oku kanohi i te meatanga ki tau whakaora, ki te kupu hoki o tau tika
119:124b.PSA.119.124 Kia rite ki tou aroha tau mahi ki tau pononga: whakaakona hoki ahau ki au tikanga
119:125b.PSA.119.125 He pononga ahau nau; homai he mahara ki ahau, kia matau ai ki au whakaaturanga
119:126b.PSA.119.126 Kua rite te wa hei mahinga ma Ihowa; kua whakakahoretia hoki e ratou tau ture
119:127b.PSA.119.127 Na reira i arohaina rawatia ai e ahau au whakahau i te koura, ae, i te tino koura
119:128b.PSA.119.128 Na reira tika tonu ki ahau au ako katoa mo nga mea katoa: kino iho ano ahau ki nga ara teka katoa. P
119:129b.PSA.119.129 He mea whakamiharo au whakaaturanga: i mau ai toku wairua ki reira
119:130b.PSA.119.130 Ko te whakapuakanga o au kupu he homai marama; na reira i homai he mahara ki nga kuware
119:131b.PSA.119.131 I hamama toku mangai, i kihakiha: he matenui noku ki au whakahau
119:132b.PSA.119.132 Tahuri mai ki ahau, tohungia hoki ahau: kia rite ki tau hanga ki te hunga e aroha ana ki tou ingoa
119:133b.PSA.119.133 Whakatikaia oku hikoinga ki runga i tau kupu: kaua hoki tetahi he e tukua hei rangatira moku
119:134b.PSA.119.134 Whakaorangia ahau i te tukino a te tangata: a ka puritia e ahau au ako
119:135b.PSA.119.135 Kia marama mai tou mata ki tau pononga: whakaakona hoki ahau ki au tikanga
119:136b.PSA.119.136 Heke noa nga awa wai o oku kanohi; mo ratou kahore i pupuri i tau ture. TAR
119:137b.PSA.119.137 He tika koe, e Ihowa, he tika ano au whakaritenga
119:138b.PSA.119.138 He tika, he pono rawa au whakaaturanga i whakahaua mai e koe
119:139b.PSA.119.139 Ka ngaro ahau i toku ngakau whakapuke, mo au kupu ka wareware nei i oku hoariri
119:140b.PSA.119.140 Hore rawa he para o tau kupu: koia i arohaina ai e tau pononga
119:141b.PSA.119.141 He iti ahau, e whakahaweatia ana: heoi kahore ahau e wareware ki au ako
119:142b.PSA.119.142 He tika pumau tonu tou tika; he pono hoki tau ture
119:143b.PSA.119.143 Kua pa mai ki ahau te pouri me te mamae: ko au whakahau ia toku oranga ngakau
119:144b.PSA.119.144 Pumau tonu te tika o au whakaaturanga: homai he mahara ki ahau, a ka ora ahau. KOP
119:145b.PSA.119.145 I whakapaua toku ngakau ki te karanga; whakahokia mai he kupu ki ahau, e Ihowa; ka mau i ahau au tikanga
119:146b.PSA.119.146 I karanga ahau ki a koe: whakaorangia ahau, a ka puritia e ahau au whakaaturanga
119:147b.PSA.119.147 Kiano te ata i puao noa, kua karanga ahau: i tumanako ahau ki au kupu
119:148b.PSA.119.148 I hohoro oku kanohi i nga mataaratanga ki te whakaaroaro ki tau kupu
119:149b.PSA.119.149 Whakarongo ki toku reo, kia rite ki tou aroha: kia rite, e Ihowa, ki tau i whakarite ai tau whakahauora i ahau
119:150b.PSA.119.150 E whakatata mai ana te hunga e whai ana i te whanoke: kei tawhiti atu ratou i tau ture
119:151b.PSA.119.151 E tata ana mai koe, e Ihowa: he pono katoa au whakahau
119:152b.PSA.119.152 Nonamata ahau i matau ai ki au whakaaturanga, he mea whakapumau nau no tua whakarere. REH
119:153b.PSA.119.153 Whakaaro mai ki toku mate, a whakaorangia ahau: kahore hoki ahau e wareware ki tau ture
119:154b.PSA.119.154 Tohea taku tohe, whakaorangia hoki ahau: kia rite ki tau kupu tau whakahauoranga i ahau
119:155b.PSA.119.155 Kei tawhiti atu i te hunga kino te whakaoranga: kahore hoki ratou e rapu ki au tikanga
119:156b.PSA.119.156 E Ihowa, he nui au mahi tohu: kia rite ki au whakaritenga tau whakahauora i ahau
119:157b.PSA.119.157 He tokomaha oku kaitukino, oku hoariri: heoi kahore ahau i peka ke i au whakaaturanga
119:158b.PSA.119.158 I kite ahau i nga kaimahi i te kino, a pouri iho: no ratou kahore e pupuri i tau kupu
119:159b.PSA.119.159 Tirohia mai toku aroha ki au ako: kia rite ki tou aroha, e Ihowa, tau whakahauora i ahau
119:160b.PSA.119.160 Ko te huinga katoatanga o tau kupu he pono; pumau katoa anao au whakaritenga tika ake ake. HIN
119:161b.PSA.119.161 Hore he rawa i tukinotia ai ahau e nga rangatira: otiia e wehi ana toku ngakau i tau kupu
119:162b.PSA.119.162 E hari ana ahau ki tau kupu: ano he tangata kua whiwhi ki te taonga nui
119:163b.PSA.119.163 E kino ana ahau, e whakarihariha ana ki te korero teka: ko tau ture ia taku i aroha ai
119:164b.PSA.119.164 Takiwhitu aku whakamoemiti ki a koe i te ra tahi mo au whakaritenga tika
119:165b.PSA.119.165 He rangimarie nui to te hunga e aroha ana ki tau ture: e kore hoki o ratou waewae e tutuki
119:166b.PSA.119.166 A kua tumanako ahau ki tau whakaora, e Ihowa, kua mahi ahau i au whakahau
119:167b.PSA.119.167 Kua puritia e toku wairua au whakaaturanga, ae, e arohaina nuitia ana e ahau
119:168b.PSA.119.168 Kua puritia e ahau au ako me au whakaaturanga: kei tou aroaro hoki oku ara katoa. TA
119:169b.PSA.119.169 Tukua atu taku tangi kia tata atu ki tou aroaro, e Ihowa: homai he mahara ki ahau, kia rite ki tau kupu
119:170b.PSA.119.170 Kia tae atu taku inoi ki tou aroaro: kia rite ki tau kupu whakaora i ahau
119:171b.PSA.119.171 Kia whakapuaki oku ngutu i te whakamoemiti: e whakaako ana hoki koe i ahau ki au tikanga
119:172b.PSA.119.172 Ma toku arero e korero tau kupu: he tika hoki au whakahau katoa
119:173b.PSA.119.173 Kia rite tou ringa ki te awhina i ahau; kua whiriwhiria hoki e ahau ko au ako
119:174b.PSA.119.174 Kua matenui ahau ki tau whakaora, e Ihowa: ko tau ture hoki toku oranga ngakau
119:175b.PSA.119.175 Kia ora toku wairua, a ka whakamoemiti ia ki a koe: kia awhinatia hoki ahau e au whakaritenga
119:176b.PSA.119.176 Kua kotiti ke ahau me he hipi ngaro: rapua tau pononga, kahore hoki ahau e wareware ki au whakahau
120
120:1b.PSA.120.001 He waiata; he pikitanga. I tangi, ahau ki a Ihowa i toku matenga; a i whakahoki kupu mai ia ki ahau
120:2b.PSA.120.002 E Ihowa, whakaorangia toku wairua i te ngutu teka, i te arero hianga
120:3b.PSA.120.003 Ko te aha e hoatu ki a koe? ko te aha hoki e tapiritia atu mau, e te arero hianga
120:4b.PSA.120.004 Ko nga pere koi a te hunga nunui, me nga waro hunipa
120:5b.PSA.120.005 Aue, toku mate, to te manene i Meheke, toku hoki e noho nei i nga teneti o Kerara
120:6b.PSA.120.006 Kua roa te nohoanga tahitanga o toku wairua ki te tangata e kino ana ki te ata noho
120:7b.PSA.120.007 Mo te ata noho ahau, engari ka korero ahau, ka anga ratou ka whawhai
121
121:1b.PSA.121.001 He waiata; he pikitanga. Ka anga atu oku kanohi ki nga maunga; no reira nei te awhina moku
121:2b.PSA.121.002 No Ihowa te awhina moku, no te kaihanga o te rangi, o te whenua
121:3b.PSA.121.003 E kore ia e tuku i tou waewae kia nekehia; e kore tou kaitiaki e moe
121:4b.PSA.121.004 Ina, e kore te kaitiaki o Iharaira e parangia, e moe
121:5b.PSA.121.005 Ko Ihowa tou kaitiaki, ko Ihowa tou whakamarumaru i tou matau
121:6b.PSA.121.006 E kore koe e pakia e te ra i te awatea, e te marama ranei i te po
121:7b.PSA.121.007 Ma Ihowa koe e tiaki i roto i nga kino katoa; mana e tiaki tou wairua
121:8b.PSA.121.008 Ma Ihowa e tiaki tou haerenga atu, me tou haerenga mai aianei a ake tonu atu
122
122:1b.PSA.122.001 He waiata; he pikitanga. Na Rawiri. I koa ahau i ta ratou meatanga mai ki ahau; Tatou ka haere ki te whare o Ihowa
122:2b.PSA.122.002 E tu ana o matou waewae ki ou tatau, e Hiruharama
122:3b.PSA.122.003 Ko te hanganga o Hiruharama, rite tonu ki to te pa kua tuhonohonoa ki a ia ano.
122:4b.PSA.122.004 Haereere ana ki reira nga iwi, nga iwi o Ihowa, ki to Iharaira whakaaturanga, ki te whakawhetai ki te ingoa o Ihowa
122:5b.PSA.122.005 Kua whakaturia hoki ki reira nga torona whakawa, nga torona o te whare o Rawiri
122:6b.PSA.122.006 Inoia he ata noho mo Hiruharama: ka whiwhi ki te pai te hunga e aroha ana ki a koe
122:7b.PSA.122.007 Kia mau te rongo ki ou taiepa, me te pai ki ou whare kingi
122:8b.PSA.122.008 He mea mo oku teina, mo oku hoa, taku e mea nei, Kia mau te rongo ki roto ki a koe
122:9b.PSA.122.009 He whakaaro ki te whare o Ihowa, o to tatou Atua, ka rapu ahau i te pai mou
123
123:1b.PSA.123.001 He waiata; he pikitanga. Ka anga atu oku kanohi ki a koe, e koe e noho mai nei i nga rangi
123:2b.PSA.123.002 Ina, pera tonu nga kanohi o nga pononga e titiro nei ki te ringa o to ratou rangatira, nga kanohi hoki o te kotiro ki te ringa o tona rangatira wahine; me o matou kanohi e titiro nei ki a Ihowa, ki to matou Atua, kia tohu ra ano ia i a matou
123:3b.PSA.123.003 Tohungia matou, e Ihowa, tohungia matou: kua tino kapi hoki matou i te whakahawea
123:4b.PSA.123.004 Kapi tonu to matou wairua i te whakahi a te hunga e noho noa ana, i te whakahawea a te hunga whakakake
124
124:1b.PSA.124.001 He waiata; he pikitanga. Na Rawiri. Me kaua a Ihowa i a tatou, he ki tenei ma Iharaira
124:2b.PSA.124.002 Me kaua a Ihowa i a tatou, i te whakatikanga mai o te tangata ki a tatou
124:3b.PSA.124.003 Penei kua horomia oratia tatou e ratou, i te muranga o to ratou riri ki a tatou
124:4b.PSA.124.004 Kua ngaro tatou i nga wai, kua taupokina o tatou wairua e te ia
124:5b.PSA.124.005 Penei kua taupokina o tatou wairua e nga wai whakakake
124:6b.PSA.124.006 Kia whakapaingia a Ihowa, kihai nei i tuku i a tatou hei ngaunga ma o ratou niho
124:7b.PSA.124.007 Kua mawhiti o tatou wairua, me he manu i roto i te mahanga a nga kaihopu; kua motu te mahanga, a mawhiti ana tatou
124:8b.PSA.124.008 Kei te ingoa o Ihowa he awhina mo tatou, kei te kaihanga i te rangi, i te whenua
125
125:1b.PSA.125.001 He waiata; he pikitanga. Ko te hunga e whakawhirinaki ana ki a Ihowa ka rite ki Maunga Hiona, e kore nei e taea te whakangaueue, pumau tonu ake ake
125:2b.PSA.125.002 Me nga maunga e taiawhio nei i Hiruharama, te karapoti a Ihowa i tona iwi, aianei a ake tonu atu
125:3b.PSA.125.003 E kore hoki te tokotoko a te whakaarokore e waiho tonu i runga i te wahi o te hunga tika: kei totoro te ringa o te hunga tika ki te kino
125:4b.PSA.125.004 Kia pai tau mahi, e Ihowa, ki te hunga pai, ki te hunga he tika nei o ratou ngakau
125:5b.PSA.125.005 Ko te hunga ia e peka ke ana ki o ratou ara kopikopiko, ma Ihowa ratou e arahi tahi atu me nga kaimahi i te kino. Kia mau te rongo ki a Iharaira
126
126:1b.PSA.126.001 He waiata; he pikitanga. I ta Ihowa whakahokinga mai i nga pononga o Hiona i rite matou ki te hunga e moehewa ana
126:2b.PSA.126.002 Katahi to matou mangai ka ki i te kata, to matou arero hoki i te waiata: katahi ka korerotia i roto i nga tauiwi, He nui nga mahi a Ihowa ki a ratou
126:3b.PSA.126.003 He mea nunui a Ihowa i mea ai mo tatou, a e koa ana tatou
126:4b.PSA.126.004 E Ihowa, whakahokia matou i te whakarau: kia pera me nga awa o te tonga
126:5b.PSA.126.005 Ko te hunga e rui ana i runga i te roimata, ka kokoti i runga i te hari
126:6b.PSA.126.006 Ahakoa haere tangi atu ia me te kawe i ana purapura hei whakatokanga; tera ia e haere hari mai ano me te mau mai i ana paihere
127
127:1b.PSA.127.001 He waiata; he pikitanga. Na Horomona. Ki te kore e hanga e Ihowa te whare, he maumau mahi ta nga kaihanga; ki te kore e tiakina e Ihowa te pa, maumau mataara noa te kaitiaki
127:2b.PSA.127.002 He maumau to koutou ara wawe, to koutou noho roa i te po, ta koutou kai i te taro o te mauiui: ko tana moe tena ka homai nei ki tana e aroha ai
127:3b.PSA.127.003 Na he taonga pumau na Ihowa nga tamariki, ko nga hua ano o te kopu tana utu
127:4b.PSA.127.004 E rite ana ki nga pere i te ringaringa o te tangata kaha te whanau o te taitamarikitanga
127:5b.PSA.127.005 Ka hari te tangata kua ki nei tana papa pere i a ratou: e kore ratou e whakama, ina korero ki o ratou hoariri i te kuwaha
128
128:1b.PSA.128.001 He waiata; he pikitanga. Ka hari nga tangata katoa e wehi ana i a Ihowa: e haere ana i ana ara
128:2b.PSA.128.002 E kai hoki koe i te mahinga a ou ringa: e hari koe, a ka tau te pai ki a koe
128:3b.PSA.128.003 E rite tau wahine ki te waina hua, i roto rawa i tou whare: au tamariki ki nga mahuri oriwa, i nga taha o tau tepu
128:4b.PSA.128.004 Na he pera te manaaki mo te tangata e wehi ana i a Ihowa
128:5b.PSA.128.005 Ka Manaakitia koe e Ihowa i Hiona; a e kite koe i te pai o Hiruharama i nga ra katoa e ora ai koe
128:6b.PSA.128.006 Ae, e kite koe i nga tamariki a au tamariki. Kia mau te rongo ki a Iharaira
129
129:1b.PSA.129.001 He waiata; he pikitanga. He ki tenei ma Iharaira, Ka maha a ratou tukinotanga i ahau o toku tamarikitanga ake
129:2b.PSA.129.002 Ka maha a ratou tukinotanga i ahau o toku tamarikitanga ake; heoi kihai ahau i taea e ratou
129:3b.PSA.129.003 I parautia toku tuara e nga kaiparau; he roa a ratou parautanga
129:4b.PSA.129.004 He tika ta Ihowa: motu pu i a ia nga aho a te hunga kino
129:5b.PSA.129.005 Kia whakama, kia whakahokia ki muri, te hunga katoa e kino nei ki Hiona
129:6b.PSA.129.006 Kia rite ratou ki te tarutaru i nga tuanui, e memenge nei i te mea kiano i tupu ake
129:7b.PSA.129.007 E kore nei e ki te ringa o te kaikoti, te uma hoki o te kaipaihere
129:8b.PSA.129.008 E kore ano te hunga e haere ana i te taha e mea, Kia tau ki a koutou te manaaki a Ihowa: ko ta matou manaaki tenei ki a koutou i runga i te ingoa o Ihowa
130
130:1b.PSA.130.001 He waiata; he pikitanga. I karanga ahau ki a koe, e Ihowa, i roto i nga hohonu
130:2b.PSA.130.002 E te Ariki, whakarongo mai ki toku reo: kia anga mai ou taringa ki toku reo inoi
130:3b.PSA.130.003 Me i maharatia e koe nga kino, e Ihowa, ko wai, e te Ariki, e tu
130:4b.PSA.130.004 Otira he muru hara tau, e wehingia ai koe
130:5b.PSA.130.005 E tatari ana ahau ki a Ihowa; e tatari ana toku wairua: e tumanako ana hoki ahau ki tana kupu
130:6b.PSA.130.006 Ko te taringa o toku wairua i te Ariki nui atu i to te hunga e whanga ana ki te ata; ae, i to te hunga e whanga ana ki te ata
130:7b.PSA.130.007 E Iharaira, kia tumanako ki a Ihowa, kei a Ihowa hoki te mahi tohu, a kei a ia te hokonga nui
130:8b.PSA.130.008 A mana a Iharaira e hoko i roto i ona he katoa
131
131:1b.PSA.131.001 He waiata; he pikitanga. Na Rawiri. E Ihowa, ehara toku i te ngakau whakapehapeha: ehara ano oku i te kanohi whakakake: kahore hoki ahau e rahurahu ki nga mea nunui, e kore nei e taea e ahau
131:2b.PSA.131.002 He pono kua meinga e ahau toku wairua kia tau, a kia mahaki, pera i to te tamaiti kua wehea i te u o tona whaea: he rite toku wairua ki te tamaiti katahi nei ka wehe i te u
131:3b.PSA.131.003 E Iharaira, kia tumanako ki a Ihowa: aianei a ake tonu atu
132
132:1b.PSA.132.001 He waiata; he pikitanga. E Ihowa, maharatia a Rawiri, me ona mamaetanga ngakau katoa
132:2b.PSA.132.002 Tana oati ki a Ihowa, tana kupu taurangi ki te Mea Nui o Hakopa
132:3b.PSA.132.003 E kore rawa ahau e tae ki toku whare e noho ai ahau, e eke ranei ki runga ki toku moenga
132:4b.PSA.132.004 E kore ahau e tuku i oku kanohi kia moe, i oku kamo kia nenewha
132:5b.PSA.132.005 Kia kitea ra ano e ahau he wahi mo Ihowa, he nohoanga mo te Mea Nui o Hakopa
132:6b.PSA.132.006 Na i rangona e matou ki Eparata, i kitea ki nga mara o te ngahere
132:7b.PSA.132.007 Ka haere matou ki roto ki ona tapenakara; ka koropiko ki tona turanga waewae
132:8b.PSA.132.008 E ara, e Ihowa, ki tou okiokinga, a koe, me te aaka o tou kaha
132:9b.PSA.132.009 Kia whakakakahuria au tohunga ki te tika; kia hamama tau hunga tapu i te hari
132:10b.PSA.132.010 Whakaaro ki a Rawiri, ki tau pononga: kaua e whakapeaua atu te mata o tau i whakawahi ai
132:11b.PSA.132.011 Kua oati pono a Ihowa ki a Rawiri, e kore ia e tahuri ke i tena; Ka whakanohoia e ahau tetahi hua o tou kopu ki tou torona
132:12b.PSA.132.012 Ki te puritia e au tama taku kawenata, me taku whakaaturanga e ako ai ahau ki a ratou, ka noho ano a ratou tama ki tou torona ake ake
132:13b.PSA.132.013 Kua whiriwhiria hoki e Ihowa a Hiona; kua hiahiatia e ia hei nohoanga mona
132:14b.PSA.132.014 Ko toku okiokinga tenei ake ake; ko konei ahau noho ai, kua hiahiatia hoki e ahau
132:15b.PSA.132.015 Ka manaakitia rawatia e ahau tana kai; ka whakamakonatia e ahau ona rawakore ki te taro
132:16b.PSA.132.016 Ka whakakakahuria hoki e ahau ona tohunga ki te whakaoranga; a ka hamama tona hunga tapu i te hari
132:17b.PSA.132.017 Ka meinga e ahau kia pihi ki reira te haona o Rawiri: kua whakapaia e ahau he rama mo taku i whakawahi ai
132:18b.PSA.132.018 Ka whakakakahuria e ahau ona hoariri ki te whakama; a ka matomato tona karauna i runga i a ia
133
133:1b.PSA.133.001 He waiata; he pikitanga. Na Rawiri. Na, ano te pai, ano te ahuareka o te nohoanga o nga teina, o nga tuakana i runga i te whakaaro kotahi
133:2b.PSA.133.002 Tona rite kei te hinu utu nui i runga i te upoko, i heke iho nei ki te pahau, ae ki te pahau o Arona; i heke iho nei ki te remu o ona kakahu
133:3b.PSA.133.003 Kei te tomairangi ano o Heremona, kei tera i heke iho ki nga maunga o Hiona: i whakahaua iho hoki e Ihowa te manaaki mo reira, te ora mo ake tonu atu
134
134:1b.PSA.134.001 He waiata; he pikitanga. Na, whakapaingia a Ihowa, e nga pononga katoa a Ihowa, e tu nei i te whare o Ihowa i te po
134:2b.PSA.134.002 Totoro ake o koutou ringa ki te wahi tapu, whakapaingia hoki a Ihowa
134:3b.PSA.134.003 Ma Ihowa koe e manaaki i roto i Hiona, mana, ma te kaihanga o te rangi, o te whenua
135
135:1b.PSA.135.001 Whakamoemititia a Ihowa. Whakamoemititia te ingoa o Ihowa; whakamoemititia ia, e nga pononga a Ihowa
135:2b.PSA.135.002 E koutou e tu nei i roto i te whare o Ihowa, i nga marae o te whare o to tatou Atua
135:3b.PSA.135.003 Whakamoemititia a Ihowa; he pai hoki a Ihowa; himene atu ki tona ingoa; he mea ahuareka hoki tena
135:4b.PSA.135.004 Kua whiriwhiria hoki e Ihowa a Hakopa mana, a Iharaira hei tino taonga mona
135:5b.PSA.135.005 E matau ana hoki ahau he nui a Ihowa: kei runga atu hoki to tatou Ariki i nga atua katoa
135:6b.PSA.135.006 Ko nga mea katoa i pai ai a Ihowa, kua oti i a ia, i te rangi, i te whenua, i nga moana, i nga wahi hohonu katoa
135:7b.PSA.135.007 Nana i pupu ake ai nga kohu i nga pito o te whenua: i hanga e ia nga uira mo te ua; e whakaputaina mai ana e ia te hau i roto i ona whare taonga
135:8b.PSA.135.008 Nana nei i patu nga matamua o Ihipa, a te tangata, a te kararehe
135:9b.PSA.135.009 I tonoa e ia he tohu, he merekara ki waenganui ou, e Ihipa: ki runga ki a Parao ratou ko ana pononga katoa
135:10b.PSA.135.010 Nana i patu nga iwi maha, i whakamate nga kingi rarahi
135:11b.PSA.135.011 A Hihona kingi o nga Amori, a Oka kingi o Pahana, me nga rangatiratanga katoa o Kanaana
135:12b.PSA.135.012 A homai ana e ia to ratou whenua hei kainga pumau, hei kainga pumau mo Iharaira, mo tana iwi
135:13b.PSA.135.013 E Ihowa, pumau tonu tou ingoa, me tou maharatanga, e Ihowa, ki nga whakatupuranga katoa
135:14b.PSA.135.014 Ka whakawa hoki a Ihowa mo tana iwi; a ka puta ke tona whakaaro ki ana pononga
135:15b.PSA.135.015 He hiriwa, he koura nga whakapakoko a nga tauiwi, he mahi na te ringa tangata
135:16b.PSA.135.016 He mangai o ratou, a kahore e korero: he kanohi o ratou, a kahore e kite
135:17b.PSA.135.017 He taringa o ratou, a kahore e rongo: kahore ano he manawa i o ratou mangai
135:18b.PSA.135.018 Ka rite ki a ratou te hunga nana ratou i hanga; ae, me nga tangata katoa e whakawhirinaki ana ki a ratou
135:19b.PSA.135.019 Whakapaingia a Ihowa, e te whare o Iharaira; whakapaingia a Ihowa, e te whare o Arona
135:20b.PSA.135.020 Whakapaingia a Ihowa, e te whare o Riwai; whakapaingia a Ihowa, e te hunga katoa e wehi ana i a Ihowa
135:21b.PSA.135.021 Kia whakapaingia a Ihowa i roto i Hiona, e noho nei i Hiruharama. Whakapaingia a Ihowa
136
136:1b.PSA.136.001 Whakawhetai ki a Ihowa, he pai hoki ia: he mau tonu hoki tana mahi tohu
136:2b.PSA.136.002 Whakawhetai ki te Atua o nga atua: he mau tonu hoki tana mahi tohu
136:3b.PSA.136.003 Whakawhetai ki te Ariki o nga ariki: he mau tonu hoki tana mahi tohu
136:4b.PSA.136.004 E mahi nei tona kotahi i nga merekara nunui: he mau tonu hoki tana mahi tohu
136:5b.PSA.136.005 I tohunga rawa nei ki te hanga i nga rangi: he mau tonu hoki tana mahi tohu
136:6b.PSA.136.006 I whakatakoto nei i te whenua ki runga ki nga wai: he mau tonu hoki tana mahi tohu
136:7b.PSA.136.007 Ki te kaihanga i nga whakamarama nunui: he mau tonu hoki tana mahi tohu
136:8b.PSA.136.008 I te ra hei tohutohu i te awatea: he mau tonu hoki tana mahi tohu
136:9b.PSA.136.009 I te marama me nga whetu hei tohutohu i te po: he mau tonu hoki tana mahi tohu
136:10b.PSA.136.010 Ki te kaipatu i Ihipa, ara i a ratou matamua: he mau tonu hoki tana mahi tohu
136:11b.PSA.136.011 A arahina mai ana a Iharaira i waenganui i a ratou: he mau tonu hoki tana mahi tohu
136:12b.PSA.136.012 Na te ringa kaha me te takakau maro: he mau tonu hoki tana mahi tohu
136:13b.PSA.136.013 I tapahi nei i te Moana Whero a motu rawa: he mau tonu hoki tana mahi tohu
136:14b.PSA.136.014 A meinga ana a Iharaira kia haere ra waenganui: he mau tonu hoki tana mahi tohu
136:15b.PSA.136.015 A hurihia ana a Parao me ana mano ki te Moana Whero: he mau tonu hoki tana mahi tohu
136:16b.PSA.136.016 I arahi nei i tana iwi ra te koraha: he mau tonu hoki tana mahi tohu
136:17b.PSA.136.017 I patu nei i nga kingi nunui: he mau tonu hoki tana mahi tohu
136:18b.PSA.136.018 I whakamate nei i nga kingi rongo nui: he mau tonu hoki tana mahi tohu
136:19b.PSA.136.019 I a Hihona kingi o nga Amori: he mau tonu hoki tana mahi tohu
136:20b.PSA.136.020 I a Oka kingi o Pahana: he mau tonu hoki tana mahi tohu
136:21b.PSA.136.021 A homai ana to ratou whenua hei kainga pumau: he mau tonu hoki tana mahi tohu
136:22b.PSA.136.022 Hei kainga pumau mo Iharaira, mo tana pononga: he mau tonu hoki tana mahi tohu
136:23b.PSA.136.023 I mahara nei ki a tatou i to tatou itinga; he mau tonu hoki tana mahi tohu
136:24b.PSA.136.024 A whakaorangia ana tatou i o tatou hoariri: he mau tonu hoki tana mahi tohu
136:25b.PSA.136.025 Ko ia te kaihomai i te kai ma nga kikokiko katoa: he mau tonu hoki tana inahi tohu
136:26b.PSA.136.026 Whakawhetai ki te Atua o te rangi: he mau tonu hoki tana mahi tohu
137
137:1b.PSA.137.001 I te taha o nga wai o Papurona, noho ana tatou i reira, ae, tangi ana tatou, ia tatou i mahara ai ki Hiona
137:2b.PSA.137.002 Whakairia ake e tatou a tatou hapa ki runga ki nga wirou i waenganui o reira
137:3b.PSA.137.003 No te mea i tono i reira te hunga nana tatou i herehere ki etahi waiata i a tatou, me te hunga nana tatou i tukino i tono mai he hari i a tatou, i mea mai, Waiatatia mai ki a matou tetahi o nga waiate o Hiona
137:4b.PSA.137.004 Me pehea matou ka waiata ai i te waiata a Ihowa i te whenua tauhou
137:5b.PSA.137.005 Ki te wareware ahau ki a koe, e Hiruharama, kia wareware toku ringa matau ki tana mahi
137:6b.PSA.137.006 Ki te kore ahau e mahara ki a koe, kia piri toku arero ki toku ngao; ki te kore ahau e whakanui i Hiruharama ki runga ake i taku mea i tino hari ai
137:7b.PSA.137.007 E Ihowa, maharatia nga tama a Eroma i te ra o Hiruharama; ta ratou meatanga, Whakahoroa, whakahoroa, a taea rawatia ano tona turanga
137:8b.PSA.137.008 E te tamahine o Papurona, meake nei whakangaromia, ka hari te tangata e utua ai koe mo tau i mea ai ki a matou
137:9b.PSA.137.009 Ka hari te tangata e hopu ana, e ta ana i au mea nohinohi ki runga ki te kohatu
138
138:1b.PSA.138.001 Na Rawiri. Ka whakapaua toku ngakau ki te whakawhetai ki a koe: ka himene atu ahau ki a koe i te aroaro o nga atua
138:2b.PSA.138.002 Ka koropiko atu ahau ki te ritenga o tou temepara tapu, a ka whakamoemiti ki tou ingoa, mo tou aroha me tou pono: kua whakanuia hoki e koe tau kupu ki runga ake i tou ingoa katoa
138:3b.PSA.138.003 I whakahoki kupu mai koe ki ahau i te ra i karanga ai ahau: a whakahirihiritia ana e koe toku wairua ki te kaha
138:4b.PSA.138.004 Ka whakamoemiti nga kingi katoa o te whenua ki a koe, e Ihowa, kua rongo hoki ratou ki nga kupu a tou mangai
138:5b.PSA.138.005 Ae, e waiata ratou mo nga ara o Ihowa: he nui hoki te kororia o Ihowa
138:6b.PSA.138.006 Ahakoa hoki kei runga rawa a Ihowa, e titiro iho ana ano ia ki te hunga papaku: tena ko te tangata whakakake, i tawhiti ano kua matauria e ia
138:7b.PSA.138.007 Ahakoa haere ahau i waenganui o te he, mau ahau e whakahauora: ka totoro tou ringa ki te riri o oku hoa whawhai, ma tou ringa matau ano ahau e whakaora
138:8b.PSA.138.008 Ma Ihowa e whakaoti aku mea: e Ihowa, e mau ana tau mahi tohu ake ake; kaua e whakarerea nga mahi a ou ringa
139
139:1b.PSA.139.001 Ki te tino kaiwhakatangi. He Himene na Rawiri. E Ihowa, kua tirotirohia ahau e koe, kua mohiotia ano e koe
139:2b.PSA.139.002 E matau ana koe ki toku nohoanga iho, ki toku whakatikanga ake; e mohio ana koe ki oku whakaaro i tawhiti
139:3b.PSA.139.003 E kitea putia ana e koe toku ara me toku takotoranga iho; e matatau ana hoki koe ki oku ara katoa
139:4b.PSA.139.004 Kahore rawa hoki he kupu i toku arero, i toe i a koe te mohio, e Ihowa
139:5b.PSA.139.005 Kua hanga a muri, a mua, oku e koe: kua pa ano tou ringa ki ahau
139:6b.PSA.139.006 He mea whakamiharo rawa, kei tawhiti atu hoki i ahau, tenei matauranga: kei runga noa atu, e kore e taea e ahau
139:7b.PSA.139.007 Me haere ahau ki hea i tou wairua? Me oma ranei ahau ki hea i tou aroaro
139:8b.PSA.139.008 Ki te kake ahau ki te rangi, kei reira koe: ki te wharikitia e ahau toku moenga i roto i te reinga, kei reira ano koe
139:9b.PSA.139.009 Ki te tango ahau ki nga pakau o te ata, a ka noho ki nga topito o te moana
139:10b.PSA.139.010 Kei reira ano tou ringa hei arahi i ahau, tou matau hei pupuru i ahau
139:11b.PSA.139.011 Ki te mea ahau, He pono, tera ahau e hipokina e te pouri, a ko te marama i tetahi taha oku, i tetahi taha, ka meinga he po
139:12b.PSA.139.012 Ahakoa te pouri kahore e huna mai i a koe, engari ka marama te po ano ko te ao: ki a koe rite tahi te pouri me te marama
139:13b.PSA.139.013 I a koe hoki oku whatumanawa: nau hoki ahau i hipoki i roto i te kopu o toku whaea
139:14b.PSA.139.014 Ka whakawhetai ahau ki a koe; he mea whakawehi, he mea whakamiharo toku hanganga; he mahi whakamiharo au mahi, mohio rawa ano toku wairua ki tena
139:15b.PSA.139.015 Kihai i huna oku wahi i a koe, i ahau e hanga ngarotia ana, e ata whakairohia ana i nga wahi hohonu rawa o te whenua
139:16b.PSA.139.016 I kite ou kanohi i ahau, kahore ano kia ahua noa: i tuhituhia katoatia ano hoki oku wahi ki tau pukapuka, i nga rangi i whakaahua ai, i te mea kahore ano tetahi i oti noa
139:17b.PSA.139.017 Kia pehea mai hoki te matenui o ou whakaaro ki ahau, e te Atua; koia ano te ranea, ina huihuia
139:18b.PSA.139.018 Ki te taua e ahau, maha atu i te onepu: ka oho ake ahau, kei a koe tonu ahau
139:19b.PSA.139.019 He pono ka patua e koe, e te Atua, te tangata kino: mawehe koia atu i ahau, e nga tangata toto
139:20b.PSA.139.020 He kino hoki a ratou kupu mou: e whakahua noa ana ou hoariri i tou ingoa
139:21b.PSA.139.021 Kahore ianei ahau, e Ihowa, e kino ki te hunga e kino ana ki a koe? e whakarihariha hoki ki te hunga e whakatika ana ki a koe
139:22b.PSA.139.022 He tino kino taku kino ki a ratou: waiho iho ratou e ahau hei hoariri moku
139:23b.PSA.139.023 Tirohia iho ahau, e te Atua, kia matau hoki koe ki toku ngakau: whakamatautauria ahau, kia matau hoki koe ki oku whakaaro
139:24b.PSA.139.024 Kia kite mehemea kei ahau tetahi ara o te kino, ka arahi ai i ahau i te ara pumau
140
140:1b.PSA.140.001 Ki te tino kaiwhakatangi. He himene na Rawiri. Whakaorangia ahau, e Ihowa, i te tangata kino: araia atu i ahau te tangata tutu
140:2b.PSA.140.002 E whakaaro kino nei i o ratou ngakau: e whakamine nei i a ratou i nga wa katoa ki te whawhai
140:3b.PSA.140.003 Kua whakakoia to ratou arero, ano he nakahi: kei raro i o ratou ngutu te wai whakamate o te neke. (Hera
140:4b.PSA.140.004 Tiakina ahau, e Ihowa, i nga ringa o te hunga kino: araia atu i ahau te tangata tutu, kua mea nei kia tutea oku hikoinga
140:5b.PSA.140.005 Kua huna e te hunga whakakake te mahanga moku, me nga aho; kua horahia e ratou he kupenga ki te taha o te ara: kua whakapikoa e ratou he rore moku. (Hera
140:6b.PSA.140.006 I mea ahau ki a Ihowa, Ko koe toku Atua: whakarongo, e Ihowa, ki toku reo inoi
140:7b.PSA.140.007 E Ihowa, e te Ariki, e te kaha o toku whakaoranga, nau i hipoki toku upoko i te ra o te tatauranga
140:8b.PSA.140.008 Aua e whakaaetia, e Ihowa, nga hiahia o te tangata kino: kei taea tona whakaaro koroke; kei whakakake ratou. (Hera
140:9b.PSA.140.009 Tena ko te upoko o te hunga e whakapae nei i ahau, kia hipokina ratou e te kino o o ratou ngutu
140:10b.PSA.140.010 Kia taka he waro mura ki runga ki a ratou: kia panga ratou ki te ahi, ki roto ki nga poka hohonu, kei whakatika ake ano ratou
140:11b.PSA.140.011 E kore te tangata korero kino e whakapumautia ki runga ki te whenua: ma te kino e aruaru te tangata tutu, kia turakina atu ia ki raro
140:12b.PSA.140.012 E matau ana ano ahau ma Ihowa e tohe te whakawa a te tangata e tukinotia ana, te mea hoki e rite ana ma nga rawakore
140:13b.PSA.140.013 He pono ka whakawhetai te hunga pai ki tou ingoa: ka noho te hunga tika ki tou aroaro
141
141:1b.PSA.141.001 He himene na Rawiri. E Ihowa, kua tangi nei ahau ki a koe; hohoro mai ki ahau: whakarongo ki toku reo ua karanga ahau ki a koe
141:2b.PSA.141.002 Kia whakatikaia taku inoi ki tou aroaro, hei whakakakara; te toronga atu hoki o oku ringa ano ko te whakahere o te ahiahi
141:3b.PSA.141.003 Homai he kaitiaki mo toku mangai, e Ihowa: tiakina te kuwaha o oku ngutu
141:4b.PSA.141.004 Kaua e whakaangahia toku ngakau ki te mea kino, ki te mahi i nga mahi hianga i roto i nga kaimahi i te kino: kaua ano ahau e kai i a ratou mea papai
141:5b.PSA.141.005 Ma te tangata tika ahau e patu: he mahi aroha tena; mana ahau e riri; he hinu tena ki runga ki te upoko; kaua ia e paopaongia e toku upoko: ahakoa hoki i roto i to ratou kino ka inoi tonu ahau
141:6b.PSA.141.006 E turakina ana o ratou kaiwhakawa ki te taha o te kohatu; a ka rongo ratou i aku kupu; he reka hoki
141:7b.PSA.141.007 Pera i tetahi e haehae ana, e wawahi ana i te whenua, e titaritaria ana o matou wheua ki te waha o te reinga
141:8b.PSA.141.008 Otiia e tau ana oku kanohi, e Ihowa, e te Ariki, ki a koe: ko koe toku whakawhirinakitanga; kaua toku wairua e waiho pani
141:9b.PSA.141.009 Tiakina ahau kei mau i nga mahanga i whakatakotoria e ratou moku, i nga rore hoki a nga kaimahi i te kino
141:10b.PSA.141.010 Kia taka te hunga kino ki roto ki a ratou kupenga ano: ko ahau ia kia mawhiti
142
142:1b.PSA.142.001 He Makiri na Rawiri; he inoi i a ia i roto i te ana. He karanga ta toku reo ki a Ihowa; he inoi ta toku reo ki a Ihowa
142:2b.PSA.142.002 Horahia ana taku inoi ki tona aroaro; whakaaturia ana e ahau toku mate ki tona aroaro
142:3b.PSA.142.003 I te ngaromanga o toku wairua i roto i ahau i matau koe ki toku ara: kua whakatakotoria pukutia e ratou te mahanga moku i te ara i haere ai ahau
142:4b.PSA.142.004 Titiro ki toku taha matau, kia kite; kahore hoki tetahi tangata e mohio ana ki ahau; kahore he piringa moku; kahore tetahi e mahara ana ki toku wairua
142:5b.PSA.142.005 I karanga ahau ki a koe, e Ihowa: i mea, Ko koe toku piringa, toku wahi i te whenua o te hunga ora
142:6b.PSA.142.006 Tahuri mai ki taku karanga: kua whakaititia rawatia hoki ahau: whakaorangia ahau i oku kaitukino: he kaha rawa hoki ratou i ahau
142:7b.PSA.142.007 Whakaputaina toku wairua i te herehere, kia whakamoemiti ai ahau ki tou ingoa: ka karapotia ahau e te hunga tika; nou ka atawhai nei i ahau
143
143:1b.PSA.143.001 He himene na Rawiri. E Ihowa, whakarongo ki taku inoi, kia titaha mai tou taringa ki aku inoi: whakahokia mai he kupu ki ahau i runga i tou pono, i runga i tou tika
143:2b.PSA.143.002 A kaua e anga e whakawa ki tau pononga: ki tau titiro hoki kahore tetahi mea ora e tika
143:3b.PSA.143.003 Kua tukinotia hoki toku wairua e te hoariri; patua iho e ia toku ora ki raro ki te whenua: meinga ana ahau e ia kia noho i nga wahi pouri, kia rite ki nga tupapaku onamata
143:4b.PSA.143.004 Na reira i ngaro ai toku wairua i roto i ahau: moti rawa toku ngakau i roto i ahau
143:5b.PSA.143.005 E mahara ana ahau ki nga ra onamata; e whakaaro ana ki au mahi katoa: e whakaaroaro ana ahau ki nga meatanga a ou ringa
143:6b.PSA.143.006 Totoro tonu atu oku ringa ki a koe: e hiainu ana toku wairua ki a koe, ano he whenua mauiui. (Hera
143:7b.PSA.143.007 Hohoro te whakahoki kupu mai ki ahau, e Ihowa; ka hemo toku wairua: kei huna tou mata ki ahau; kei rite ahau ki te hunga e heke ana ki te poka
143:8b.PSA.143.008 Meinga kia rongo ahau ki tou aroha i te ata; e whakawhirinaki ana hoki ahau ki a koe: meinga kia matau ahau ki te ara e haere ai ahau; kua ara nei hoki toku wairua ki a koe
143:9b.PSA.143.009 Whakaorangia ahau, e Ihowa, i oku hoariri: ka kuhu nei ahau ki roto ki a koe
143:10b.PSA.143.010 Whakaakona ahau ki te mea i tau e pai ai; ko koe hoki toku Atua: he pai tou wairua; arahina ahau ki te whenua o te tika
143:11b.PSA.143.011 Whakahauorangia ahau, e Ihowa, he whakaaro ki tou ingoa; whakaarohia tou tika, ka whakaputa ake i toku wairua i roto i te pouri
143:12b.PSA.143.012 Aroha mai hoki, a huna oku hoariri: whakangaromia katoatia ano nga kaitukino o toku wairua: he pononga hoki ahau nau
144
144:1b.PSA.144.001 Na Rawiri. Kia whakapaingia a Ihowa, toku kamaka, e whakaako nei i oku ringa ki te whawhai, i oku maihao ki te tatau
144:2b.PSA.144.002 Ko te atawhai moku, ko toku pa, ko toku pourewa me toku kaiwhakaora; ko toku whakangungu rakau, ko taku e whakawhirinaki ai; ko te kaipehi hoki o toku iwi ki raro i ahau
144:3b.PSA.144.003 E Ihowa, he aha te tangata i maharatia ai ia e koe? Te tama ranei a te tangata i whakaaroa ai ia e koe
144:4b.PSA.144.004 Ko te rite o te tangata kei te mea memeha noa: ona ra me te mea he atarangi e rere atu ana
144:5b.PSA.144.005 Whakapikoa iho ou rangi e Ihowa, a heke iho: pa ki nga maunga, a ka pongere
144:6b.PSA.144.006 Kokiritia mai he uira hei whakamarara i a ratou: koperea mai au pere, kia whati ai ratou
144:7b.PSA.144.007 Totoro iho tou ringa i runga: tangohia ahau, whakaorangia ahau i nga wai nunui, i te ringa o nga tangata ke
144:8b.PSA.144.008 E korero teka nei to ratou mangai, a he ringa matau teka to ratou ringa matau
144:9b.PSA.144.009 Ka waiatatia e ahau he waiata hou ki a koe, e te Atua: ka himene atu ahau ki a koe i runga i te hatere aho tekau
144:10b.PSA.144.010 Ko ia te kaihomai i te whakaoranga ki nga kingi, te kaiwhakaora i a Rawiri, i tana pononga, i te hoari whakamate
144:11b.PSA.144.011 Tangohia ahau, whakaorangia hoki i nga ringa o nga tangata ke, e korero teka nei o ratou mangai, a he ringa matau teka to ratou ringa matau
144:12b.PSA.144.012 A, kia rite a matou tama i to ratou taitamarikitanga ki nga mahuri e tupu ake ana; a matou tamahine hoki ki nga kohatu kokonga, whakapaipai rawa, no te whare rangatira te tauira
144:13b.PSA.144.013 Kia ki a matou pakoro, mo te tiki noa atu i tena mea, i tena mea: kia mano, kia tini nga hua o a matou hipi i o matou parae
144:14b.PSA.144.014 Kia taimaha a matou kau i nga pikaunga; kia kahore he pakarutanga mai ki roto, he whatinga atu hoki ki waho, a kia kahore he aue i o matou huarahi
144:15b.PSA.144.015 Ka hari te iwi e pena ana: ae, ka hari te iwi ko Ihowa nei to ratou Atua
145
145:1b.PSA.145.001 Na Rawiri, he whakamoemiti. Ka whakanui ahau i a koe, e toku Atua, e te Kingi: ka whakapai ki tou ingoa ake ake
145:2b.PSA.145.002 Ka whakapai ahau ki a koe i nga ra katoa: ka whakamoemiti ki tou ingoa ake ake
145:3b.PSA.145.003 He nui a Ihowa, kia nui ano te whakamoemiti ki a ia: e kore e taea tona nui te rapu
145:4b.PSA.145.004 Ma tetahi whakatupuranga e whakamoemiti au mahi, tae noa atu ki tetahi whakatupuranga; e korero hoki au mahi nunui
145:5b.PSA.145.005 Ka korerotia e ahau te kororia, te honore o tou nui, me au mahi whakamiharo
145:6b.PSA.145.006 Ka korerotia ano e te tangata te kaha o au mahi whakamataku: maku ano e korero tou nui
145:7b.PSA.145.007 Ka whakapuakina e ratou te mahara ki te nui o tou pai: ka waiatatia ano tou tika
145:8b.PSA.145.008 He atawhai a Ihowa, he aroha: he puhoi ki te riri, he nui tana mahi tohu
145:9b.PSA.145.009 He pai a Ihowa ki nga mea katoa; kei runga ano tona aroha i ana mahi katoa
145:10b.PSA.145.010 E whakamoemititia koe, e Ihowa, e au mahi katoa: e whakapaingia e tou hunga tapu
145:11b.PSA.145.011 Ma ratou e korero te kororia o tou kingitanga, e kauwhau hoki tou kaha
145:12b.PSA.145.012 Kia mohiotia ai e nga tama a te tangata ana mahi nunui, me te kororia o te maruwehi o tona kingitanga
145:13b.PSA.145.013 He kingitanga mutungakore tou kingitanga; kei nga whakatupuranga katoa tou rangatiratanga
145:14b.PSA.145.014 E tautokona ana e Ihowa te hunga katoa e hinga ana: e whakaarahia ake ana hoki e ia te hunga katoa kua whakapikoa iho
145:15b.PSA.145.015 E tatari ana ki a koe nga kanohi o te katoa; a e hoatu ana e koe ki a ratou ta ratou kai i te wa e tika ai
145:16b.PSA.145.016 E whakatuwhera ana koe i tou ringa, a makona iho i a koe te hiahia o nga mea ora katoa
145:17b.PSA.145.017 He tika nga ara katoa o Ihowa: he tapu hoki ana mahi katoa
145:18b.PSA.145.018 E tata ana a Ihowa ki te hunga katoa e karanga ana ki a ia: ki te hunga katoa e karanga pono ana ki a ia
145:19b.PSA.145.019 Ka whakamana e ia te hiahia o te hunga e wehi ana i a ia: e whakarongo hoki ia ki ta ratou tangi, a ka whakaora i a ratou
145:20b.PSA.145.020 Ko Ihowa hei tiaki i te hunga katoa e aroha ana ki a ia: ko te hunga kino katoa ia e ngaro i a ia
145:21b.PSA.145.021 Ma toku mangai e korero te whakamoemiti ki a Ihowa: kia whakapai ano hoki nga kikokiko katoa ki tona ingoa tapu ake ake
146
146:1b.PSA.146.001 Whakamoemititia a Ihowa. E toku wairua, whakamoemititia a Ihowa
146:2b.PSA.146.002 I ahau e ora nei ka whakamoemiti ahau ki a Ihowa; ka himene ahau ki toku Atua i ahau i te ao nei
146:3b.PSA.146.003 Kei whakawhirinaki ki nga rangatira, ki te tama ranei a te tangata, kahore nei he awhina
146:4b.PSA.146.004 Ko te putanga atu o tona wairua, hoki ana ia ki tona oneone; kore iho ona whakaaro i taua ra pu ano
146:5b.PSA.146.005 Ka hari te tangata ko te Atua nei o Hakopa tona kaiawhina: ko tana e tumanako ai ko Ihowa, ko tona Atua
146:6b.PSA.146.006 Ko te kaihanga o te rangi, o te whenua, o te moana, o nga mea katoa o reira; e pupuri nei i te pono ake ake
146:7b.PSA.146.007 E tohe nei i te whakawa a te hunga e tukinotia ana: e whangai nei i te hunga mate hiakai: ko Ihowa hei wewete i nga herehere
146:8b.PSA.146.008 Ko Ihowa hei whakatitiro i nga matapo: ko Ihowa hei whakaara i te hunga kua whakapikoa iho: e aroha ana a Ihowa ki te hunga tika
146:9b.PSA.146.009 Ko Ihowa hei tiaki i nga manene; ko ia hei tautoko i te pani, i te pouaru: ko te ara ia o te hunga kino, ka huripokitia e ia
146:10b.PSA.146.010 Ko Ihowa hei kingi ake ake, ae, ko tou Atua, e Hiona, tae noa ki nga whakatupuranga katoa. Whakamoemititia a Ihowa
147
147:1b.PSA.147.001 Whakamoemititia a Ihowa; he pai hoki te himene ki to tatou Atua: ahuareka rawa, ataahua tonu te whakamoemiti
147:2b.PSA.147.002 Ko Ihowa hei hanga i Hiruharama: mana hoki nga whati o Iharaira e kohikohi
147:3b.PSA.147.003 Ko ia hei rongoa i te hunga ngakau maru: mana e takai o ratou wahi mamae
147:4b.PSA.147.004 E taua ana e ia nga whetu, te maha: e huaina ana hoki e ia o ratou ingoa katoa
147:5b.PSA.147.005 He nui to tatou Ariki, he nui hoki tona kaha: e kore e taea tona matauranga te whakaaro
147:6b.PSA.147.006 Ko Ihowa te kaitautoko mo te hunga mahaki: ka turakina e ia te hunga kino ki te whenua
147:7b.PSA.147.007 Waiata, whakawhetai ki a Ihowa: himene i runga i te hapa ki to tatou Atua
147:8b.PSA.147.008 Ko ia nei te kaiuwhi i te rangi ki nga kapua, te kaihanga i te ua mo te whenua: e whakatupu ana ia i te tarutaru ki runga ki nga maunga
147:9b.PSA.147.009 E homai ana e ia he kai ma te kirehe: ma nga pi raweni hoki ina tangi
147:10b.PSA.147.010 E kore ia e ahuareka ki te kaha o te hoiho: e kore ia e manako ki nga waewae o te tangata
147:11b.PSA.147.011 E manako ana a Ihowa ki te hunga e wehi ana i a ia, ki te hunga e tumanako ana ki tona aroha
147:12b.PSA.147.012 Whakamoemititia a Ihowa, e Hiruharama: whakamoemititia tou Atua, e Hiona
147:13b.PSA.147.013 Nana nei hoki i whakakaha nga tutaki o ou tatau: manaakitia ana e ia au tamariki i roto i a koe
147:14b.PSA.147.014 Nana ano i mau ai te rongo i roto i ou rohe: nana koe i makona ai i te witi pai rawa
147:15b.PSA.147.015 E tukua ana e ia tana kupu ki te whenua: tere rawa te rere o tana kupu
147:16b.PSA.147.016 E homai ana e ia te hukarere ano he huruhuru hipi: e whakatitaritaria ana te haupapa ano he pungarehu
147:17b.PSA.147.017 Maka mai ana e ia tana hauhunga ano he maramara: ko wai e tu i mua i tana matao
147:18b.PSA.147.018 E tukua ana e ia tana kupu, a whakarewaina ana aua mea: ka meinga tana hau kia pupuhi, rere ana nga wai
147:19b.PSA.147.019 E whakakitea ana e ia tana kupu ki a Hakopa; ana tikanga, me ana whakaritenga ki a Iharaira
147:20b.PSA.147.020 Kahore i pera tana hanga ki tetahi iwi; kihai ano ana whakaritenga i mohiotia e ratou. whakamoemititia a Ihowa
148
148:1b.PSA.148.001 Whakamoemititia a Ihowa. Whakamoemititia a Ihowa i runga i nga rangi: whakamoemititia ia i nga wahi tiketike
148:2b.PSA.148.002 Whakamoemititia ia, e ana anahera katoa: whakamoemititia ia, e ana mano whaioio
148:3b.PSA.148.003 Whakamoemititia ia, e te ra, e te marama: whakamoemititia ia, e nga whetu whakamarama katoa
148:4b.PSA.148.004 Whakamoemititia ia, e nga rangi o nga rangi, e nga wai hoki o runga atu i nga rangi
148:5b.PSA.148.005 Kia whakamoemititia e ratou te ingoa o Ihowa: nana hoki i whakahau, a kua hanga ratou
148:6b.PSA.148.006 Nana hoki aua mea i whakapumau ake ake: i whakatakotoria e ia he tikanga e kore e taka
148:7b.PSA.148.007 Whakamoemititia a Ihowa, i runga i te whenua, e nga tarakona, e nga rire katoa
148:8b.PSA.148.008 E te kapura, e te whatu; e te hukarere, e te kohu; e te tupuhi, e mahi nei i tana kupu
148:9b.PSA.148.009 E nga maunga, e nga puke katoa; e nga rakau hua, e nga hita katoa
148:10b.PSA.148.010 E nga kirehe, e nga kararehe katoa; e nga mea ngokingoki, e nga manu whai pakau
148:11b.PSA.148.011 E nga kingi o te whenua, e nga iwi katoa; e nga rangatira, e nga kaiwhakawa katoa o te whenua
148:12b.PSA.148.012 E nga taitama, e nga taitamahine; e nga koroheke ratou ko nga tamariki
148:13b.PSA.148.013 Kia whakamoemititia e ratou te ingoa o Ihowa: nona anake hoki te ingoa e nui ana; kei runga ake i te whenua, i te rangi, tona kororia
148:14b.PSA.148.014 Ko ia hoki te kaiwhakaara o te haona o tana iwi; e whakamoemititia ana e ana tangata tapu katoa; e nga tama a Iharaira, e te iwi e tata ana ki a ia. Whakamoemititia a Ihowa
149
149:1b.PSA.149.001 Whakamoemititia a Ihowa. Waiatatia ki a Ihowa he waiata hou, me te whakamoemiti ki a ia i te whakaminenga o te hunga tapu
149:2b.PSA.149.002 Kia hari a Iharaira ki tona kaihanga: kia koa nga tama a Hiona ki to ratou Kingi
149:3b.PSA.149.003 Kia whakamoemiti ratou ki tona ingoa me te kanikani ano: kia himene ratou ki a ia i runga i te timipera, i te hapa
149:4b.PSA.149.004 E manako ana hoki a Ihowa ki tana iwi: mana e whakaataahua te hunga mahaki ki te whakaoranga
149:5b.PSA.149.005 Kia koa te hunga tapu i runga i te kororia: kia hamama ratou i te hari i runga i o ratou moenga
149:6b.PSA.149.006 Kia whai whakamoemiti o ratou mangai ki te Atua, kia whai hoari matarua to ratou ringa
149:7b.PSA.149.007 Hei rapu utu i nga tauiwi, hei whiu i nga iwi
149:8b.PSA.149.008 Hei herehere i o ratou kingi ki te makameka, i o ratou tangata nunui ki nga here rino
149:9b.PSA.149.009 Hei whakaputa ki a ratou i te whakaritenga kua oti te tuhituhi: No tona hunga tapu katoa tenei honore. Whakamoemititia a Ihowa
150
150:1b.PSA.150.001 Whakamoemititia a Ihowa. Whakamoemititia te Atua i tona wahi tapu: whakamoemititia ia i te kikorangi o tona kaha
150:2b.PSA.150.002 Whakamoemititia ia mo ana mahi nunui: kia rite ki te hira o tona nui te whakamoemiti ki a ia
150:3b.PSA.150.003 Whakamoemititia ia i runga i te tangi o te tetere: whakamoemititia ia i runga i te hatere, i te hapa
150:4b.PSA.150.004 Whakamoemititia ia i runga i te timipera, i te kanikani: whakamoemititia ia i runga i nga mea aho, i nga okana
150:5b.PSA.150.005 Whakamoemititia ia i runga i te himipora tangi nui: whakamoemititia ia i runga i te himipora tangi tiori
150:6b.PSA.150.006 E nga mea katoa e whai manawa ana, whakamoemititia a Ihowa. Whakamoemititia a Ihowa
- Holder of rights
- Multilingual Bible Corpus
- Citation Suggestion for this Object
- TextGrid Repository (2025). Maori Collection. Psalms (Maori). Psalms (Maori). Multilingual Parallel Bible Corpus. Multilingual Bible Corpus. https://hdl.handle.net/21.11113/0000-0016-A973-8