Job (Maori)

1

1:1b.JOB.001.001 Tera tetahi tangata i te whenua o Uhu, ko Hopa tona ingoa; a ko taua tangata he tangata tapatahi, he tika, he tangata wehi ki te Atua, mawehe i te kino

1:2b.JOB.001.002 Na ka puta ona uri, tokowhitu nga tama, tokotoru nga tamahine

1:3b.JOB.001.003 Ko ana rawa hoki, e whitu mano nga hipi, e toru mano nga kamera, ko nga kau, e rima rau nga ioka, e rima rau nga kaihe uha, a ko ana pononga he tini noa atu; na reira nui atu taua tangata i nga tangata katoa o te rawhiti

1:4b.JOB.001.004 Na ka haere ana tama, ka taka he hakari ki o ratou whare, he ra ki to tenei, he ra ki to tenei; a ka tukua he karere hei karanga i o ratou tuahine tokotoru kia kai tahi, kia inu tahi ratou

1:5b.JOB.001.005 A ka taka nga ra o ta ratou kai hakari, ka unga tangata a Hopa, a whakatapua ana ratou, maranga wawe ana ia i te ata, whakaekea ana e ia he tahunga tinana, rite tonu ki a ratou katoa te maha; i mea hoki a Hopa, Tera pea kua hara aku tama, kua kan ga ki te Atua i roto i o ratou ngakau. Ko ta Hopa mahi tonu tenei i nga ra katoa

1:6b.JOB.001.006 Na i tetahi o aua ra ka haere mai nga tama a te Atua, kia tu ai ratou i te aroaro o Ihowa, a haere ana mai a Hatana i roto i a ratou

1:7b.JOB.001.007 Na ka mea a Ihowa ki a Hatana, I haere mai koe i hea? Ano ra ko Hatana ki a Ihowa, ka mea, I te kopikopiko, i te haereere i te whenua

1:8b.JOB.001.008 Ano ra ko Ihowa ki a Hatana, Kua mahara ranei tou ngakau ki taku pononga, ki a Hopa, kahore hoki he rite mona i te whenua, he tangata ngakau tapatahi, he tika, e wehi ana i te Atua, e mawehe ana i te kino

1:9b.JOB.001.009 Ano ra ko Hatana ki a Ihowa, ka mea, He wehi noa ianei to Hopa i te Atua

1:10b.JOB.001.010 He teka ianei kua oti ia te karapoti e koe ki te taiepa, me tona whare, me ana mea katoa? Kua manaakitia e koe te mahi a ona ringa, kua nui haere hoki ana kararehe i runga i te whenua

1:11b.JOB.001.011 Engari totoro tou ringa, pa atu ki ana mea katoa; ina, ka kanga ia i a koe ki tou aroaro

1:12b.JOB.001.012 Ano ra ko Ihowa ki a Hatana, Nana, ko ana mea katoa kei tou ringa, kaua ia tou ringa e totoro ki a ia. Heoi haere atu ana a Hatana i te aroaro o Ihowa

1:13b.JOB.001.013 Na, i tetahi o nga ra i te mea e kai ana ana tama, ana tamahine, e inu waina ana i roto i te whare o to ratou tuakana

1:14b.JOB.001.014 Ka haere mai tetahi karere ki a Hopa, ka mea, I te parau nga kau, me te kai ano nga kaihe i to ratou taha

1:15b.JOB.001.015 Na ka kokiri mai nga Hapeana, kahakina ana ratou; ko nga tangata hoki, patua iho ki te mata o te hoari; ko ahau anake kua mawhiti mai, toku kotahi, hei korero ki a koe

1:16b.JOB.001.016 I tenei ano e korero ana, ka tae mai ano tetahi, ka mea, Kua taka iho he ahi na te Atua i te rangi, a toro ana i roto i nga hipi, i nga tangata, a pau noa, ko ahau anake kua mawhiti mai, toku kotahi, hei korero ki a koe

1:17b.JOB.001.017 I tenei ano e korero ana, ka tae mai ano tetahi, ka mea, Wehea ake e nga Karari e toru nga matua, huaki ana ki nga kamera, kahakina ana e ratou; ko nga tangata patua iho ki te mata o te hoari, a ko ahau anake kua mawhiti mai, toku kotahi, hei ko rero ki a koe

1:18b.JOB.001.018 I tenei ano e korero ana, ka tae mai ano tetahi, ka mea, Ko au atama, ko au tamahine, i te kai, i te inu waina i roto i te whare o to ratou tuakana

1:19b.JOB.001.019 Na ko te putanga mai o tetahi hau nui i te koraha, patu pu ki nga koki e wha o te whare, hinga ana ki runga ki nga taitamariki; mate ake ratou; a ko ahau anake kua mawhiti mai, toku kotahi, hei korero ki a koe

1:20b.JOB.001.020 Katahi ka whakatika a Hopa; haea ana e ia tona koroka; heua ana tona mahunga; takoto ana ki te whenua; koropiko ana

1:21b.JOB.001.021 A ka mea ia, I puta tahanga mai ahau i te kopu o toku whaea, a ka hoki tahanga atu ano ahau ki reira. Na Ihowa i homai, na Ihowa i tango; kia whakapaingia te ingoa o Ihowa

1:22b.JOB.001.022 I tenei katoa kihai a Hopa i hara, kihai ano i whakauware ki ta te Atua

2

2:1b.JOB.002.001 He ra ano ka haere mai nga tama a te Atua, kia tu i te aroaro o Ihowa. A ka haere mai hoki a Hatana i roto i a ratou ki te aroaro o Ihowa tu ai

2:2b.JOB.002.002 Na ka mea a Ihowa ki a Hatana, i haere mai koe i hea? Ano ra ko Hatana ki a Ihowa, I te kopikopiko, i te haereere i te whenua

2:3b.JOB.002.003 Na ka mea a Ihowa ki a Hatana, Kua mahara ranei tou ngakau ki taku tangata, ki a Hopa? kahore he rite mona i te whenua, he tangata ngakau tapatahi, he tika, e wehi ana i te Atua, e mawehe ana i te kino; u tonu ano hoki tona tapatahitanga, ahakoa e whakaoho ana koe i ahau ki te he mona, kia whakangaromia noatia ia

2:4b.JOB.002.004 Na ka utua e Hatana ta Ihowa, ka mea ia, He kiri mo te kiri; ae ra, ko nga mea katoa hoki a te tangata ka hoatu hei utu mona kia ora

2:5b.JOB.002.005 Engari kia totoro atu tou ringa, kia pa ki tona wheua, ki ona kikokiko, ina, ka kanga ia i a koe ki tou aroaro

2:6b.JOB.002.006 Na ka mea a Ihowa ki a Hatana, Nana, kei tou ringa ia: otiia kia tupato kei mate rawa ia

2:7b.JOB.002.007 Heoi ka haere atu a Hatana i te aroaro o Ihowa; patua iho e ia a Hopa ki te whewhe kino i te kapu o tona waewae, a tae noa ki tona tumuaki

2:8b.JOB.002.008 Na ka mau ia ki tetahi maramara rihi hei waru i a ia, a noho ana i roto i te pungarehu

2:9b.JOB.002.009 Katahi tana wahine ka mea ki a ia, ka u tonu koia koe ki tou tapatahitanga? kanga te Atua, ka mate ai

2:10b.JOB.002.010 Ano ra ko ia ki a ia, Rite tonu to kupu ki te kupu a tetahi o nga wahine kuware. Ha! kia whiwhi tatou ki te pai i te Atua, a kia kaua e whiwhi ki te kino? I tenei katoa kihai i hara nga ngutu o Hopa

2:11b.JOB.002.011 Na, i te rongonga o nga hoa tokotoru o Hopa ki tenei aitua katoa i pa nei ki a ia, ka haere mai ratou i tona wahi, i tona wahi, a Eripata Temani, a Pirirara Huhi, a Topara Naamati: he mea whakarite hoki na ratou ki a ratou ano kia haere mai ki t e tangi ki a ia, ki te whakamarie i a ia

2:12b.JOB.002.012 Na, i te marangatanga o o ratou kanohi i tawhiti, a kihai ratou i mohio ki a ia, na kua ara to ratou reo, tangi ana; haea ana tona koroka, tona koroka, ruia iho e ratou he puehu ki runga ki o ratou mahunga, he mea akiri atu whaka te rangi

2:13b.JOB.002.013 Heoi noho ana ratou i tona taha ki te whenua, e whitu nga ra, e whitu nga po, kihai hoki i puaki he kupu a tetahi ki a ia: i kite hoki ratou he nui rawa tona pouri

3

3:1b.JOB.003.001 I muri i tenei ka puaki te mangai o Hopa, a ka kanga e ia tona ra

3:2b.JOB.003.002 Na ka oho a Hopa, ka mea

3:3b.JOB.003.003 Kia ngaro te ra i whanau ai ahau, te po i korerotia ai, He tamaroa kei roto i te kopu

3:4b.JOB.003.004 Waiho taua ra mo te pouri; kaua e tirohia iho e te Atua i runga; kaua hoki e whitingia e te marama

3:5b.JOB.003.005 Kia poke ia i te pouri, i te atarangi hoki o te mate; kia tauria iho e te kapua; kia whakawehia ano hoki e te whakapouritanga o te ra

3:6b.JOB.003.006 Na ko taua po, kia mau pu i te pouri kerekere: kei honoa ki nga ra o te tau; kei huihuia atu ina taua nga marama

3:7b.JOB.003.007 Nana, kia mokemoke taua po, kaua te reo koa e uru ki roto

3:8b.JOB.003.008 Kia kanga hoki e te hunga kanga i te ra, e te hunga mohio ki te whakaara rewiatana

3:9b.JOB.003.009 Kia pouri nga whetu o tona kakarauritanga; kia tatari ki te marama, a kahore noa iho; kei kite hoki i te takiritanga ata

3:10b.JOB.003.010 Mona kihai i tutaki i nga tatau o te kopu o toku whaea, kihai i huna i te mauiui kei kitea e ahau

3:11b.JOB.003.011 He aha ahau te mate ai i te kopu? He aha te hemo ai i toku putanga mai i te kopu

3:12b.JOB.003.012 He aha i rite wawe ai nga turi moku, me nga u hei ngote maku

3:13b.JOB.003.013 Me i pena, kua ata takoto ahau, te ai he whakaohooho, moe ana ahau: katahi ahau ka whai okiokinga

3:14b.JOB.003.014 I roto i nga kingi, i nga kaiwhakatakoto whakaaro o te whenua i hanga nei i nga wahi mokemoke mo ratou

3:15b.JOB.003.015 I roto ranei i nga rangatira whai koura, o ratou nei whare ki tonu i te hiriwa

3:16b.JOB.003.016 Kua kahore noa iho ranei, kua pera me te materoto e ngaro nei, me nga kohungahunga kahore nei e kite i te marama

3:17b.JOB.003.017 Mutu ake i reira te whakararuraru a te hunga kino; okioki ana i reira te hunga kua mauiui nga uaua

3:18b.JOB.003.018 Ata noho ana nga herehere i reira, te rongo i te reo o te kaitukino

3:19b.JOB.003.019 Kei reira te iti, te rahi, kahore hoki he rangatira o te pononga

3:20b.JOB.003.020 He aha te marama i homai ai ki te tangata kei roto nei i te mate? te ora ki te tangata kua kawa te wairua

3:21b.JOB.003.021 E koingo nei ki te mate, heoi kahore noa iho; e keri ana kia taea ia, nui atu i te keri i nga taonga huna

3:22b.JOB.003.022 Hari pu ratou, koa ana, ina kitea te urupa

3:23b.JOB.003.023 He aha ano te marama i homai ai ki te tangata kua huna nei tona ara, kua oti nei te tutakitaki mai e te Atua

3:24b.JOB.003.024 Kiano hoki ahau i kai, kua tae mai taku mapu: ano he wai oku hamama e ringihia ana

3:25b.JOB.003.025 No te mea kua tae mai ki ahau te mea whakawehi e wehi nei ahau; ko taku e pawera nei kua pa ki ahau

3:26b.JOB.003.026 Kahore oku humarie, kahore oku ata noho, ehara i te mea e okioki ana; na kua puta te raruraru

4

4:1b.JOB.004.001 Katahi a Eripata Temani ka oho, ka mea

4:2b.JOB.004.002 Ki te anga matou ki te korero ki a koe, e pouri ranei koe? otira e taea e wai te pehi te kupu

4:3b.JOB.004.003 Nana, he tokomaha i whakaakona e koe: nau hoki i whakakaha nga ringa kahakore

4:4b.JOB.004.004 Ara ana i au kupu te tangata e hinga ana; nau hoki i kaha ai nga turi kua piko

4:5b.JOB.004.005 Inaianei kua tae mai ki a koe, a e hemo ana koe: e pa ana ki a koe, ohorere ana koe

4:6b.JOB.004.006 He taka ianei kei tou wehi ki te Atua he okiokinga whakaaro mou? Kei te tapatahi o ou huarahi he tumanakohanga mou

4:7b.JOB.004.007 Maharatia ra, ko wai o nga tangata harakore i huna? I ngaro ranei ki hea te hunga tika

4:8b.JOB.004.008 Ko taku hoki tenei i kite ai, ko te hunga e parau ana i te he, e rua ana i te raruraru, ko ia ra ano ta ratou e kokoti ai

4:9b.JOB.004.009 Huna ana ratou e te ha o te Atua, moti iho ratou i te hau o tona riri

4:10b.JOB.004.010 Ko te hamama o te raiona, ko te reo o te raiona tutu, ko nga niho o nga kuao raiona, whati ana

4:11b.JOB.004.011 Ngaro ana te raiona katua i te kore kai, a marara noa atu nga kuao a te raiona

4:12b.JOB.004.012 Na i kawea pukutia mai he korero ki ahau, a kapohia ana e toku taringa he komuhumuhu

4:13b.JOB.004.013 I nga whakaaroaronga, no nga kite o te po, i te mea ka au iho te moe a te tangata

4:14b.JOB.004.014 Ka pa te wehi ki ahau, me te ihiihi, a wiri ana oku wheua katoa

4:15b.JOB.004.015 Na ka tika atu he wairua i toku aroaro, tutu ana nga huruhuru o toku kikokiko

4:16b.JOB.004.016 Tu ana ia, otiia kihai ahau i mohio ki tona mata; he ahua te mea i toku aroaro: tu puku ana; na ka rongo ahau i te reo e ki ana

4:17b.JOB.004.017 He nui atu ranei te tika o te tangata i to te Atua? He nui atu ranei i to tona Kaihanga to ma o te tangata

4:18b.JOB.004.018 Nana, kahore rawa ia e whakawhirinaki ki ana pononga; a ki tana, he he kei ana anahera

4:19b.JOB.004.019 Tera atu to te hunga e noho ana i roto i nga whare uku, he puehu to ratou turanga; mongamonga kau ratou i te aroaro o te purehurehu

4:20b.JOB.004.020 I waenganui o te ata, o te ahiahi, ka whakangaromia ratou; huna ana ratou ake tonu atu, te ai tetahi hei whakaaro atu

4:21b.JOB.004.021 Kahore ranei to ratou taura here teneti i motuhia i roto i a ratou? Mate ana ratou, kahore hoki he matauranga

5

5:1b.JOB.005.001 Tena ra, karanga; ka whakao ranei tetahi ki a koe? a ka anga atu koe ki a wai o te hunga tapu

5:2b.JOB.005.002 E patua ana hoki te kuware e te aritarita, e whakamatea ana te whakaarokore e te hae

5:3b.JOB.005.003 I kite ahau i te kuware e hou ana ona pakiaka; kitea rawatia ake kua kanga e ahau tona nohoanga

5:4b.JOB.005.004 Kei tawhiti atu ana tama i te ora, mongamonga noa ratou i te kuwaha, kahore hoki he kaiwhakaora

5:5b.JOB.005.005 Ko ana hua ka kainga e te tangata matekai, ka riro i a ia ahakoa i roto i te tataramoa, a ka hamama te mahanga ki o ratou rawa

5:6b.JOB.005.006 Na e kore te he e puta ake i te puehu, e kore ano te raruraru e tupu ake i te oneone

5:7b.JOB.005.007 I whanau te tangata ki te raruraru, tona rite kei nga korakora e rere nei whakarunga

5:8b.JOB.005.008 Ko ahau ia ka rapu i ta te Atua; me tuku atu taku korero ki te Atua

5:9b.JOB.005.009 E mahi nei i nga mea nunui e kore nei e taea te rapu atu, i nga mea whakamiharo e kore nei e taea te tatau

5:10b.JOB.005.010 E homai nei i te ua ki te mata o te whenua, e unga nei i te wai ki te mata o nga parae

5:11b.JOB.005.011 E whakanoho nei i te hunga iti ki te wahi tiketike, a whakanekehia ake ana te hunga pouri ki te ora

5:12b.JOB.005.012 E haukoti nei i nga whakaaro o te hunga tinihanga, te taea e o ratou ringa ta ratou i mea ai

5:13b.JOB.005.013 Mau ake i a ia te hunga whakaaro i to ratou tinihanga: pororaru iho nga whakaaro o te hunga kotiti ke

5:14b.JOB.005.014 I te awatea nei, tutaki ana ratou ki te pouri; whawha ana ratou i te poutumarotanga, ano ko te po

5:15b.JOB.005.015 Otiia e whakaorangia ana e ia te rawakore i te hoari, i to ratou mangai, i te ringa ano o te tangata kaha

5:16b.JOB.005.016 Ka ai ano he tumanakohanga atu mo te ware; kokopi tonu ia te mangai o te kino

5:17b.JOB.005.017 Nana, ka hari te tangata e akona ana e te Atua: na kaua e whakahawea ki te papaki a te Kaha Rawa

5:18b.JOB.005.018 He whakamamae hoki tana, he takai ano; e patu ana ia, a ko ona ringa ano hei whakaora

5:19b.JOB.005.019 E ono nga matenga e whakaora ai ia i a koe; ahakoa e whitu, e kore te he e pa ki a koe

5:20b.JOB.005.020 I te matekai ka hokona koe e ia kei mate; i te tatauranga ano, kei pangia e te hoari

5:21b.JOB.005.021 Ka huna koe i te whiu a te arero, e kore ano koe e wehi i te whakangaromanga ina tae mai

5:22b.JOB.005.022 E kata ano koe ki te whakangaromanga raua ko te hemokai; e kore hoki koe e wehi i nga kirehe o te whenua

5:23b.JOB.005.023 No te mea ka takoto tau kawenata ki nga kohatu o te parae; ka mau ano ta koutou rongo ko nga kirehe o te parae

5:24b.JOB.005.024 Ka mohio ano koe e tu ana tou teneti i te aionuku, ka haereere ano koe ki tou nohoanga, te ai he hara

5:25b.JOB.005.025 Ka mohio ano koe he nui ou uri, he pera ano tou whanau me te tarutaru o te whenua

5:26b.JOB.005.026 Ka ata rite ou tau ina tae koe ki te urupa, ka pera ano me te puranga witi e hikitia ake ana i tona wa e rite ai

5:27b.JOB.005.027 Nana, tenei, he mea rapu na matou ko te mea tika hoki ia; whakarangona mai, ka mohio iho hei pai mou

6

6:1b.JOB.006.001 Na ka whakautu a Hopa, ka mea

6:2b.JOB.006.002 Aue, me i ata paunatia toku mamae, me i huihuia, me i whakairihia toku aitua ki te pauna

6:3b.JOB.006.003 Na inaianei taimaha ake i te onepu o te moana: heoi he ohorere rawa aku kupu

6:4b.JOB.006.004 Kei roto hoki i ahau nga pere a te Kaha Rawa, inumia ake e toku wairua to ratou paihana: rarangi tonu mai nga whakawehi a te Atua hei hoariri moku

6:5b.JOB.006.005 E tangi ano ranei te kaihe mohoao i te mea kei te tarutaru ia? e tangi ano ranei te kau i te mea e kai ana

6:6b.JOB.006.006 E taea ranei te kai, te mea kahore nei ona ha, ki te kahore he tote? He reka ranei te whakakahukahu o te hua manu

6:7b.JOB.006.007 Hore rawa toku wairua e mea kia pa atu ki ena; to ratou rite ki ahau kei te kai whakarihariha

6:8b.JOB.006.008 Aue, me i riro mai taku i tono ai, me i homai e te Atua taku e tumanako nei

6:9b.JOB.006.009 Me i pai hoki te Atua kia whakangaromia ahau, kia tukua mai tona ringa hei hatepe i ahau

6:10b.JOB.006.010 Penei kua ai ano he whakamarie moku; ae, ka tino hari ahau ki te mamae, kahore nei e tohu i ahau: kihai hoki nga kupu a te Mea Tapu i huna e ahau

6:11b.JOB.006.011 He aha toku kaha, e tatari ai ahau? He aha hoki toku mutunga, e whakamanawanui ai ahau

6:12b.JOB.006.012 He kaha kohatu ranei toku kaha? He parahi ranei oku kikokiko

6:13b.JOB.006.013 Ehara ranei i te mea kahore he awhina moku i roto i ahau, a kua oti te ngoi te pei i roto i ahau

6:14b.JOB.006.014 Ko te tangata e ngoikore ana te ngakau kia puta mai te aroha o tona hoa ki a ia, ahakoa kua mahue i a ia te wehi i te Kaha Rawa

6:15b.JOB.006.015 He mahi tinihanga ta oku teina, he pera me ta te awa; rere ana ratou ano he waipuke awaawa

6:16b.JOB.006.016 Kua mangu nei i te hukapapa, ngaro ana te hukarere i roto

6:17b.JOB.006.017 I te wa e mahana ai, ka memeha atu; i te weraweratanga, moti iho ratou i to ratou wahi

6:18b.JOB.006.018 Ka peka ke nga tira e haere ana ra reira; riro ana ki te kore, a ngaro iho

6:19b.JOB.006.019 Tirotirohia ana e nga tira o Tema; taria atu ana e nga tangata haere o Hepa

6:20b.JOB.006.020 Whakama ana ratou mo ratou i whakamanawa atu ki reira; te taenga ki aua awa, kanakana kau ana

6:21b.JOB.006.021 Na he kahore noa iho koutou; ka kite koutou i te mea whakamataku, a ka wehi

6:22b.JOB.006.022 I mea ranei ahau, Homai ki ahau? He hakari ranei maku e homai i o koutou rawa

6:23b.JOB.006.023 I mea ranei, whakaorangia ahau i te ringa o te hoariri? Hokona ahau i roto i te ringa o te kaitukino

6:24b.JOB.006.024 Whakaakona ahau, a ka whakarongo puku ahau; whakaaturia ki ahau te mea i he ai ahau

6:25b.JOB.006.025 Ano te kaha o nga kupu tika! Ko te aha ia te riria ana e a koutou kupu

6:26b.JOB.006.026 E mea ana ranei koutou kia riria nga kupu? he hau kau nei hoki nga korero a te tangata kua pau ona whakaaro

6:27b.JOB.006.027 Ae ra, e mea ana koutou ki te maka rota mo nga pani, ki te mea i to koutou hoa hei taonga hokohoko

6:28b.JOB.006.028 Na whakaae mai, titiro mai ki ahau; he pono hoki e kore ahau e korero teka ki to koutou kanohi

6:29b.JOB.006.029 Tena ra, tahuri mai; kaua hoki te he e waiho; ina, tahuri mai, he tika hoki taku take

6:30b.JOB.006.030 He he koia kei toku arero? e kore ranei toku hinengaro e mohio ki nga mea whanoke

7

7:1b.JOB.007.001 He teka ranei kua takoto he pakanga mo te tangata i runga i te whenua, he rite ano ona ra ki nga ra o te kaimahi

7:2b.JOB.007.002 E rite ana ki te pononga, e matenui nei ki te atarangi, ki te kaimahi, e tumanako nei ki te utu mo tana mahi

7:3b.JOB.007.003 Koia toku rite, ka whiwhi nei ki nga marama horihori, a he mauiui nga po kua whakaritea moku

7:4b.JOB.007.004 Ka takoto ahau, ka mea ahau, A hea ahau ara ai? he roa ia te po; heoi ka tahurihuri kau ahau a ao noa

7:5b.JOB.007.005 Ko te kakahu mo oku kikokiko he kutukutu, he pokuru oneone; ka kukuti toku kiri, a ka ngatata ano

7:6b.JOB.007.006 Ko oku ra hohoro atu i te rakau a te kaiwhatu; pau ake, te ai he tumanakohanga atu

7:7b.JOB.007.007 Kia mahara he hau oku ra; heoi ano kitenga o toku kanohi i te pai

7:8b.JOB.007.008 Ko te kanohi o te tangata e kite ana i ahau, heoi ano tona tirohanga mai ki ahau: kei runga i ahau ou kanohi, heoi kahore iho ahau

7:9b.JOB.007.009 Memeha atu te kapua, ngaro atu: he pera ano te tangata e haere ana ki te urupa; e kore e hoki ake

7:10b.JOB.007.010 E kore ia e hoki mai ano ki tona whare, e kore ano tona wahi e mahara ki a ia i muri

7:11b.JOB.007.011 Na e kore e kaiponuhia e ahau toku mangai; ka korero ahau i toku wairua e mamae nei; ka tangi i te kawa i toku ngakau

7:12b.JOB.007.012 He moana ranei ahau, he tohora, i mea ai koe i te kaitirotiro moku

7:13b.JOB.007.013 Ki te mea ahau, kei toku moenga ahau te marie ai, ma toku takotoranga e whakamama taku tangi

7:14b.JOB.007.014 Na ka whakahaehaetia ahau e koe ki nga moe, ka whakawehia ahau ki nga mea e whakakitea mai

7:15b.JOB.007.015 A ki ta toku wairua he pai te tarona; pai ake te mate i enei wheua oku

7:16b.JOB.007.016 E whakarihariha ana ahau ki toku ora; kahore oku hiahia kia ora tonu ahau: waiho noa iho ahau, he mea teka noa hoki oku ra

7:17b.JOB.007.017 He aha te tangata, i whakanuia ai e koe? i anga ai tou ngakau ki a ia

7:18b.JOB.007.018 I titiro ai koe i a ia i tenei ata, i tenei ata, i honohono ai tau whakamatautau i a ia

7:19b.JOB.007.019 Kia pehea ake te roa ou kahore nei e tahuri atu i ahau, oku kahore nei e waiho noa iho e koe, kia horomia ai toku huware

7:20b.JOB.007.020 Mehemea kua hara ahau, kia aha atu ahau ki a koe, e te kaitiaki o nga tangata? he aha ahau i waiho ai e koe hei patunga mau i taimaha iho ai ahau ki ahau ano

7:21b.JOB.007.021 He aha koe te whakarere noa ai i toku he, te whakapahemo ai i toku kino? Akuanei hoki ahau moe ai ki te puehu, a ka ata rapu koe i ahau, otiia kahore noa iho ahau

8

8:1b.JOB.008.001 Na ka whakautu a Pirirara Huhi, ka mea

8:2b.JOB.008.002 Kia pehea ake te roa o tau korero i enei mea? Kia pehea ake te roa o nga kupu a tou mangai e rite ai ki te hau kaha

8:3b.JOB.008.003 E whakaparori ke ranei te Atua i te whakawa? E whakaparori ke ranei te Kaha Rawa i te tika

8:4b.JOB.008.004 Ki te mea i hara au tamariki ki a ia, a kua maka atu ratou e ia hei utu mo to ratou he

8:5b.JOB.008.005 Ki te rapu wawe koe i to Atua, a ka inoi ki te Kaha Rawa

8:6b.JOB.008.006 Ki te mea he ma koe, he tika, ina, ka ara ake ia ki a koe aianei, ka manaakitia ano e ia te nohoanga o tou tika

8:7b.JOB.008.007 Ahakoa i iti tou timatanga, e nui noa atu tou whakamutunga

8:8b.JOB.008.008 Tena ra, ui atu ki to mua whakatupuranga; anga atu hoki ki te mea kua rapua e o ratou matua

8:9b.JOB.008.009 Nonanahi nei hoki tatou, kahore hoki e mohio; he atarangi nei hoki o tatou ra i runga i te whenua

8:10b.JOB.008.010 E kore ranei ratou e whakaako i a koe, e korero ki a koe, e puaki mai ranei he kupu i o ratou ngakau

8:11b.JOB.008.011 E tupu ranei te wiwi i te mea kahore he repo? E nui ranei te raupo ki te kahore he wai

8:12b.JOB.008.012 I te mea he kaiota tonu, a kihai i tapahia, kua maroke i mua ake i nga otaota katoa

8:13b.JOB.008.013 Ka pera ano nga ara o te hunga katoa e wareware ana ki te Atua, a ka riro ki te kore ta te tangata whakaponokore i tumanako ai

8:14b.JOB.008.014 Ka motuhia atu tana i whakamanawa atu ai, ko te whare hoki o te pungawerewere hei tumanakohanga mona

8:15b.JOB.008.015 Ka okioki atu ia ki tona whare; heoi e kore e tu: u tonu tana pupuri atu, otiia e kore e mau

8:16b.JOB.008.016 E matomato ana i te mea kahore nei te ra, a e wana ana ona peka i tana kari

8:17b.JOB.008.017 Kapi tonu te puranga i ona pakiaka, e kitea ana e ia te wahi kamaka

8:18b.JOB.008.018 Ki te whakamotitia iho ia i tona wahi, ka whakakahore taua wahi ki a ia, ka mea, Kahore ahau i kite i a koe

8:19b.JOB.008.019 Nana, ko te hari tenei o tona ara, a ka tupu ake etahi atu i roto i te puehu

8:20b.JOB.008.020 Nana, e kore te Atua e whakakahore ki te tangata tika, e kore ano e puritia e ia te ringa o nga tangata kino

8:21b.JOB.008.021 Tera ano tou mangaika whakakiia e ia ki te kata, ou ngutu ki te hamama

8:22b.JOB.008.022 He whakama te kakahu mo te hunga e kino ana ki a koe, a ka kahore noa iho te tapenakara o te hunga kino

9

9:1b.JOB.009.001 Na ka whakahoki a Hopa, ka mea

9:2b.JOB.009.002 E mohiotia ana ano tenei e ahau; engari ma te aha ka tika ai te tangata ki te Atua

9:3b.JOB.009.003 Ki te pai ia ki te totohe ki a ia, kahore he kupu kotahi o roto i te mano e taea e ia te whakahoki ki a ia

9:4b.JOB.009.004 He ngakau mohio ia, he pakari tona kaha: ko wai e whakauaua ki a ia, a e whiwhi i te pai

9:5b.JOB.009.005 E nekehia ana e ia nga maunga, te mohio ratou; hurihia ake e ia i a ia e riri ana

9:6b.JOB.009.006 E whakangaueuetia ana e ia te whenua, e nekehia atu ana i tona wahi, wiri ana ona pou

9:7b.JOB.009.007 E korero nei ki te ra, a kore ake e whiti; hiritia putia iho e ia nga whetu

9:8b.JOB.009.008 Ko ia nei anake hei hora i nga rangi, hei takahi i runga i nga ngaru o te moana

9:9b.JOB.009.009 Nana nei i hanga a Aketura, a Tautoru, a Matariki, me nga ruma i te tonga

9:10b.JOB.009.010 Nana nei i mahi nga mea nunui, e kore nei e taea te rapu atu, ae ra nga mea whakamiharo, e kore nei e taea te tatau

9:11b.JOB.009.011 Ina tonu ia e haere atu nei, a kahore ahau i kite; ka pahemo atu hoki ia, a kahore ahau e matau ki a ia

9:12b.JOB.009.012 Nana, ka hopu ia i tana i aru ai, ma wai ia e arai? Ko wai hei ki atu ki a ia, E aha ana koe

9:13b.JOB.009.013 E kore te Atua e whakahoki iho i tona riri; e piko ana ki raro i a ia nga kaiawhina o Rahapa

9:14b.JOB.009.014 A kia whakahoki kupu ano ahau ki a ia, kia whiriwhiri kupu ano maku ki a ia

9:15b.JOB.009.015 Ahakoa he tika ahau, e kore ahau e whakahoki kupu atu; engari ka inoi ahau ki toku kaiwhakawa

9:16b.JOB.009.016 Me i karanga atu ahau, a whakahokia mai ai e ia te kupu ki ahau, kihai ahau i whakaae tera kua whakarongo mai ia ki toku reo

9:17b.JOB.009.017 E aki ana hoki ia ia ahau ki te tupuhi, e whakanui takekore ana hoki i oku mate

9:18b.JOB.009.018 Kahore ahau e tukua e ia kia ta toku manawa; otiia whakakiia ana e ia toku wairua ki te kawa

9:19b.JOB.009.019 Ki te korero tatou mo te kaha o te hunga pakari, nana, kei reira ia! A ki te mea he whakawa, ko wai ra hei whakatakoto i te taima moku

9:20b.JOB.009.020 Ahakoa he tika ahau, ma toku mangai ano ahau e whakahe; ahakoa he tikanga tapatahi taku, ma reira ano e whakaatu toku ngaunga ketanga

9:21b.JOB.009.021 He tapatahi ahau; kahore ahau e whakaaro ki ahau ano; e whakahawea ana ahau ki toku ora

9:22b.JOB.009.022 He kotahi tonu ena; koia ahau ka mea, e whakamotitia ana e ia te tapatahi raua ko te kino

9:23b.JOB.009.023 Na ka whakamate tata nei te whiu, he kata tana ki te whakamatautauranga o te hunga harakore

9:24b.JOB.009.024 Kua hoatu te whenua ki te ringa o te tangata kino; e taupokina ana e ia nga mata o nga kaiwhakawa; ki te mea ehara i a ia, tena ko wai

9:25b.JOB.009.025 Na, ko te hohoro o oku ra, nui atu i to te kaikawe pukapuka; e rere ana, kahore hoki e kite i te pai

9:26b.JOB.009.026 Kua pahemo, kua pera me nga kaipuke tere, me te ekara ano e topa iho ana ki tana kai

9:27b.JOB.009.027 Ki te mea ahau, ka wareware ahau ki taku tangi, ka unuhia atu e ahau te pouri o toku mata, a ka marama

9:28b.JOB.009.028 E wehi ana ahau i oku mamae katoa, e mohio ana ahau e kore ahau e meinga e koe he harakore

9:29b.JOB.009.029 Tera hoki ahau e whakahengia; he aha ahau i whakangenge kau ai i ahau

9:30b.JOB.009.030 Ki te horoi ahau i ahau ki te hukarere, a ka meinga oku ringa kia ma rawa

9:31b.JOB.009.031 Katahi ahau ka rumakina e koe ki te poka, a whakarihariha mai ana oku kakahu ki ahau

9:32b.JOB.009.032 Ehara hoki ia i te tangata, i te penei me ahau nei, e whakahoki kupu ai ahau ki a ia, e haere tahi ai maua ki te whakawa

9:33b.JOB.009.033 Kahore he kaiwhakatikatika mo ta maua, kahore he tangata hei whakapa i tona ringa ki a maua tahi

9:34b.JOB.009.034 Me tango atu e ia tana patu i ahau, a kaua hoki tana whakamataku e whakawehi i ahau

9:35b.JOB.009.035 Hei reira ahau ka korero, a kahore e wehi i a ia; kahore hoki ahau e pera i roto i ahau

10

10:1b.JOB.010.001 Kua hoha toku wairua ki toku ora; ka tukua e ahau taku tangi kia rere ana; ka korero ahau i te kikiwatanga o toku ngakau

10:2b.JOB.010.002 Ka mea ahau ki te Atua, Kaua ahau e whakahengia; whakakitea ki ahau te take i totohe ai koe ki ahau

10:3b.JOB.010.003 He mea pai ranei ki a koe kia tukino koe, kia whakahawea ki te mahi a ou ringa, a kia whiti tou marama ki te whakaaro o te hunga kino

10:4b.JOB.010.004 He kanohi kikokiko ranei ou? he penei ranei tau titiro me ta te tangata titiro

10:5b.JOB.010.005 He rite ranei ou ra ki o te tangata ra? He rite ranei ou tau ki o te tangata ra

10:6b.JOB.010.006 I uiuia ai e koe toku kino, i rapua ai e koe toku hara

10:7b.JOB.010.007 Ahakoa e mohio ana ano koe ehara ahau i te mea he, kahore ano tetahi hei whakaora i roto i tou ringa

10:8b.JOB.010.008 Na ou ringa ahau i mahi, i hanga, he mea hono marie i tetahi taha, i tetahi taha; otiia e whakangaromia ana ahau e koe

10:9b.JOB.010.009 Kia mahara ra, nau ahau i hanga, ano he paru; tera ranei koe e whakahoki ano i ahau ki te puehu

10:10b.JOB.010.010 He teka ianei he mea riringi ahau nau ano he waiu, meinga ana ahau e koe kia tetepe ano he tiihi

10:11b.JOB.010.011 Nau ahau i whakakakahu ki te kiri, ki te kikokiko, a nau ano ahau i hohou ki te wheua, ki te uaua

10:12b.JOB.010.012 Whakawhiwhi ana ahau e koe ki te ora, ki te atawhai, a he tirotirohanga mai nau i mau ai toku wairua

10:13b.JOB.010.013 Heoi huna ana ano enei mea e koe i roto i tou ngakau: e mohio ana hoki ahau kei a koe ano tenei

10:14b.JOB.010.014 Ki te hara ahau, ka matauria e koe; e kore ano koe e whakakahore ki toku he

10:15b.JOB.010.015 Ki te he ahau, aue toku mate: ki te tika ahau, e kore tonu e ara toku mahunga; he ki hoki noku i te whakama me te titiro iho ki toku mate

10:16b.JOB.010.016 A ki te whakarewa ake toku mahunga i a ia, ka whaia ahau e koe ano he raiona; a ka whakakite ano koe i a koe, i tou miharo, ki ahau

10:17b.JOB.010.017 E whakahoutia ana e koe au kaiwhakaatu i oku he, e whakanuia ana hoki e koe tou riri ki ahau; ko nga putanga ketanga ko te whawhai hei pehi i ahau

10:18b.JOB.010.018 He aha ra ahau i whakaputaina mai ai e koe i roto i te kopu? te hemo noa atu ai ahau, a kihai tetahi kanohi i kite i ahau

10:19b.JOB.010.019 Penei kua rite ahau, ano kua kahore noa iho; kua mauria atu ahau i te kopu ki te urupa

10:20b.JOB.010.020 He teka ranei he torutoru oku ra? Kati ra, waiho ake koa ahau, kia ahua makoha ana i tenei wa iti

10:21b.JOB.010.021 Keiwha haere, ahau ki te wahi e kore nei ahau e hoki mai, ki te whenua o te pouri, o te atarangi o te mata

10:22b.JOB.010.022 Ki te whenua o te pouri kerekere, o te tino o te pouri; he whenua no te atarangi o te mate, kahore nei o reira tikanga, a ko tona marama, koia ano te pouri

11

11:1b.JOB.011.001 Ano ra ko Topara Naamati; i mea ia

11:2b.JOB.011.002 Kaua ranei hei whakautua te tini o nga kupu? A e whakatikaia ranei te tangata ngutu hohoro

11:3b.JOB.011.003 Ma au kupu whakapehapeha ranei e nohopuku ai nga tangata? A, ina tawai koe, kaua ranei he tangata e mea i a koe kia whakama

11:4b.JOB.011.004 E mea ana hoki koe, He tino tika taku whakaako, a he ma ahau ki ou kanohi

11:5b.JOB.011.005 Aue, me i korero te Atua, me i puaki mai ona ngutu ki te whakahe i a koe

11:6b.JOB.011.006 Me i whakaaturia mai e ia ki a koe nga mea ngaro o te matauranga, te huhua o nga ara o tana mahi! Na kia matau koe, he iti iho i ou he ta te Atua e tango nei i a koe

11:7b.JOB.011.007 Ina whakatakina e koe, e kitea ranei e koe te Atua? E tino kitea rawatia ranei e koe te Kaha Rawa

11:8b.JOB.011.008 Kei te rangi te tiketike; ka pehea koe? Hohonu iho i te reinga; ko te aha e mohiotia e koe

11:9b.JOB.011.009 Ko tona takoto, roa atu i te whenua, whanui atu i te moana

11:10b.JOB.011.010 Ki te mea ka haukotia e ia, ka herehera ranei, ka whakawakia ranei, ma wai ia e arai

11:11b.JOB.011.011 E mohio ana hoki ia ki nga tangata teka noa; a e kite ana ia i te he, ahakoa e kore e whakaaroa e ia

11:12b.JOB.011.012 Otiia ko te mea whakaarokore nei, ko te tangata kahore rawa ona hinengaro, ae ra, to te tangata rite i tona whanautanga kei te kuao kaihe mohoao

11:13b.JOB.011.013 Ki te whakatikaia e koe tou ngakau, a ka wherahia ou ringa ki a ia

11:14b.JOB.011.014 Ki te mea he he kei tou ringa, whakamataratia atu, kaua hoki te kino e noho ki ou tapenakara

11:15b.JOB.011.015 He pono ko reira ara ai tou mata, te ai he ira; ae, ka u hoki koe, te ai he wehi

11:16b.JOB.011.016 Tera hoki koe e wareware ki tou mauiui; a e maharatia e koe ano ko nga wai kua rere atu

11:17b.JOB.011.017 A ko tou ora tera e marama ke atu i to te poutumarotanga o ate ra; a ahakoa e pouri ano, ka rite ki te ata

11:18b.JOB.011.018 Ka tatu ou whakaaro, no te mea ka whai tumanakohanga atu; ae, ka rapu koe i tetahi taha ou, i tetahi taha, a ka takoto marire koe

11:19b.JOB.011.019 E takoto iho ano koe, te ai he kaiwhakawehi; he tokomaha ano hoki e whai kia paingia e koe

11:20b.JOB.011.020 Ka poko ia nga kanohi o te hunga kino, kore ake he rerenga mo ratou; ko ta ratou e tumanako atu ai ko te hemonga

12

12:1b.JOB.012.001 Na ka whakautu a Hopa, ka mea

12:2b.JOB.012.002 He tika rawa ko koutou nga tangata, a ka mate tahi atu te whakaaro nui me koutou

12:3b.JOB.012.003 Otira kei ahau ano hoki he ngakau, he pera ano me o koutou, kihai ahau i hoki iho i a koutou: ko wai ra te he ana ki enei mea

12:4b.JOB.012.004 Toku rite kei te tangata e waiho ana hei kata ma tona hoa, he tangata e karanga ana ki te Atua, a whakarongo mai ana tera ki a ia: e waiho ana te mea tika, te mea tapatahi, hei kata

12:5b.JOB.012.005 Kei roto i te whakaaro o te tangata, e tau ana tana noho, te whakahawea ki te aitua; e tauwhanga ana tena ki te hunga e paheke ana te waewae

12:6b.JOB.012.006 Kei te rangatira nga teneti o nga kaipahua, a noho kore wehi ana te hunga e whakapataritari ana ki te Atua; he ope noa mai hoki ta te Atua ki o ratou ringa

12:7b.JOB.012.007 Tena ra, ui atu ki nga kararehe, ma ratou koe e whakaako; ki nga manu o te rangi, ma ratou e korero ki a koe

12:8b.JOB.012.008 Korero atu ranei ki te whenua, a mana koe e whakaako; ka whakaaturia mai ano hoki ki a koe e nga ika o te moana

12:9b.JOB.012.009 Ko wai i kore te mohio ki enei mea katoa, he mea mahi tenei na te ringa o Ihowa

12:10b.JOB.012.010 Kei tona ringa nei te wairua o nga mea ora katoa, te manawa hoki o nga kikokiko tangata katoa

12:11b.JOB.012.011 He teka ianei e whakamatauria ana nga kupu e te taringa, pera hoki i te waha e whakarongo nei ki te reka o tana kai

12:12b.JOB.012.012 Kei nga kaumatua nga whakaaro nui; kei te roa o nga ra te matau

12:13b.JOB.012.013 Kei a ia te whakaaro nui me te kaha; kei a ia te tohutohu me te matauranga

12:14b.JOB.012.014 Nana, e wawahia ana e ia, kore iho e hanga ano; e kopia ana e ia te tangata, kahore rawa he putanga

12:15b.JOB.012.015 Nana, e unuhia atu ana e ia nga wai, a kua maroke; e tukua mai ana ano e ia, a ka hurihia te whenua

12:16b.JOB.012.016 Kei a ia te kaha me te mahi totika; ko te tangata tinihanga me te tangata e tinihangatia ana, nana

12:17b.JOB.012.017 E kahakina atu ana e ia nga kaiwhakatakoto whakaaro, he mea pahua; whakakuwaretia iho e ia nga kaiwhakawa

12:18b.JOB.012.018 Ko te mana o nga kingi, wetekina ake e ia, herea iho e ia o ratou hope ki te whitiki

12:19b.JOB.012.019 E arahina atu ana e ia nga tohunga, he mea pahua, hurihia iho e ia te hunga kaha

12:20b.JOB.012.020 Whakakorea ake e ia he kupu ma te hunga ngakau pono, riro ana i a ia nga mahara o nga kaumatua

12:21b.JOB.012.021 E ringihia ana e ia te whakahawea ki runga ki nga rangatira, e wetekina ana e ia te whitiki o te hunga kaha

12:22b.JOB.012.022 E hurahia mai ana e ia nga mea hohonu i roto i te pouri, whakaputaina mai ana e ia te atarangi o te mate ki te marama

12:23b.JOB.012.023 E whakanuia ana e ia nga iwi, a e huna ana e ia; e tohatohaina atu ana e ia nga iwi, a e whakawhaititia mai ana ano ratou e ia

12:24b.JOB.012.024 E tangohia atu ana e ia te ngakau o nga rangatira o te iwi o te whenua, a e meinga ana e ia kia kopikopiko noa i te wahi ururua kahore nei he ara

12:25b.JOB.012.025 Whawha noa ratou i roto i te pouri, kahore hoki he marama, a meinga ana ratou e ia kia hurori haere ano he tangata haurangi

13

13:1b.JOB.013.001 Nana, kua kitea katoatia tenei e toku kanohi, kua rongo toku taringa, kua mohio

13:2b.JOB.013.002 Ko ta koutou e mohio na, ko taku ano tena e mohio nei: kahore hoki ahau i hoki iho i a koutou

13:3b.JOB.013.003 Ina, e whai kupu ano ahau ki te Kaha Rawa: a e hiahia ana ki te korerorero ki te Atua

13:4b.JOB.013.004 Ko koutou ia, he hunga tito i te teka, he rata horihori noa koutou katoa

13:5b.JOB.013.005 Te pai na, me i mutu rawa a koutou korero! Ko to koutou whakaaro nui hoki tena

13:6b.JOB.013.006 Tena ra, whakarongo mai ki taku tautohe, maharatia nga whawhai a oku ngutu

13:7b.JOB.013.007 Me tautoko ta te Atua ki te kupu kino? me tautoko ranei tana ki te tinihanga

13:8b.JOB.013.008 Ka whakapai kanohi koia koutou ki a ia? Ma koutou ranei ta te Atua tautohe

13:9b.JOB.013.009 He pai ranei kia rapua ta koutou e ia? E maminga ranei koutou ki a ia, e pera me tetahi ka maminga nei ki te tangata

13:10b.JOB.013.010 He pono ka whakahe ia ki a koutou ki te whakapai puku koutou i te kanohi

13:11b.JOB.013.011 E kore ranei koutou e mataku ki tona nui? E kore ranei te wehi ki a ia e tau ki a koutou

13:12b.JOB.013.012 Ko a koutou pepeha nunui he whakatauki no te pungarehu, ko o koutou parepare he parepare paru

13:13b.JOB.013.013 Kati te korero, waiho noa iho ahau, kia korero ai ahau, ahakoa pa mai te aha ki ahau

13:14b.JOB.013.014 He aha oku kikokiko i ngaua ai e oku niho? He aha toku wairua i waiho ai e ahau i roto i toku ringa

13:15b.JOB.013.015 Ahakoa whakamate noa ia i ahau, ka tatari tonu ahau ki a ia: otiia ka mau tonu ahau ki oku ara i tona aroaro

13:16b.JOB.013.016 Ko tenei hoki hei oranga moku; e kore hoki te tangata atuakore e tae mai ki tona aroaro

13:17b.JOB.013.017 Ata whakarongo ki aku korero: kia anga mai o koutou taringa ki taku e whakapuaki nei

13:18b.JOB.013.018 Na kua takoto taku mo te whakawa; e mohio ana ahau he tika ahau

13:19b.JOB.013.019 Ko wai ia hei totohe ki ahau? Ka whakarongo puku hoki ahau aianei, a ka hemo ahau

13:20b.JOB.013.020 Engari kaua nga mea e rua e meatia mai ki ahau; katahi ahau ka kore e huna i ahau i tou mata

13:21b.JOB.013.021 Kia matara atu tou ringa ki tawhiti i ahau; a kaua ahau e whakawehia e te mataku ki a koe

13:22b.JOB.013.022 Ko reira, mau e karanga, a maku e whakao atu; maku ranei e korero, a mau e whakahoki kupu mai ki ahau

13:23b.JOB.013.023 Ka hia ra oku kino, oku hara? Meinga ahau kia matau ki toku he me toku hara

13:24b.JOB.013.024 He aha tou mata i huna ai e koe? He aha ahau i kiia ai e koe he hoariri

13:25b.JOB.013.025 E kapokapohia ranei e koe te pakawha e puhia haeretia ana? E whaia ranei e koe te papapa maroke

13:26b.JOB.013.026 Kei te tuhituhi na hoki koe i nga mea kawa moku, e mea ana hoki kia riro mai i ahau nga he o toku taitamarikitanga

13:27b.JOB.013.027 Karapitia iho e koe oku waewae ki te rakau, he mea tohu nau oku ara katoa, a he mea tuhi nau oku takahanga waewae tawhio noa

13:28b.JOB.013.028 Ahakoa toku rite kei te mea pirau, e memeha noa ana, kei te kakahu e kainga ana e te purehurehu

14

14:1b.JOB.014.001 Ko te tangata i whanau i te wahine, he torutoru ona ra; ki tonu ano i te raruraru

14:2b.JOB.014.002 Ano he puawai ia e puta mai ana, e kotia iho ana: rere ana ia, ano he atarangi, kahore hoki he tumautanga

14:3b.JOB.014.003 E titiro mai ano ranei ou kanohi ki te penei? E mea ranei koe i ahau kia whakawa taua ki a taua

14:4b.JOB.014.004 Ko wai hei homai i te mea ma i roto i te mea poke? Hore rawa

14:5b.JOB.014.005 Kua rite na hoki nga ra mona: kei a koe te maha o ona marama; takoto rawa i a koe te tikanga mona, a e kore ia e whiti ki tua

14:6b.JOB.014.006 Tahuri ke atu te titiro i a ia, kia ai ona pariratanga, kia ata tutuki ai tona ra, kia rite ai ki o te kaimahi

14:7b.JOB.014.007 Ka ai hoki he whakaaronga ki te rakau i tapahia, tera ano e pariri, e kore ano hoki e mutu te wana o tona pihi

14:8b.JOB.014.008 Ahakoa kua tawhitotia tona pakiaka a ki te whenua, a kua mate tona tinana i roto i te oneone

14:9b.JOB.014.009 Heoi ma te haunga o te wai ka pihi, ka kokiri ona peka ano ko ta te mea tupu

14:10b.JOB.014.010 Ko te tangata ia, mate iho, marere noa iho; ae, ka hamo te tangata, a kei hea ia

14:11b.JOB.014.011 Pera i nga wai e he mai nei i te moana, i te awa e mimiti ana, ka maroke

14:12b.JOB.014.012 E pera ana ano te tangata, e takoto ana a kahore he whakatikanga ake: kahore he marangatanga ake mo ratou, a kia kore ra ano nga rangi; e kore ano ratou e ara i to ratou moe

14:13b.JOB.014.013 Aue, kia huna noatia oti ahau e koe ki te po, kia waihotia noatia iho ahau e koe kia ngaro ana, kia hoki ra ano tou riri; kia rohea noatia mai e koe tetahi wa moku, a ka mahara mai ai ano ki ahau

14:14b.JOB.014.014 Ki te mate te tangata, e ora ano ranei ia? Ka tatari ahau i nga ra katoa o toku ngananga, kia tae mai ra ano he whakaputanga moku

14:15b.JOB.014.015 Mau e karanga, kia whakao atu ai ahau; kahore hoki e kore ka matenui koe ki te mahi a ou ringa

14:16b.JOB.014.016 Inaianei hoki e taua ana e koe oku hikoinga; he teka ianei e matatau tonu mai ana koe ki toku hara

14:17b.JOB.014.017 Hiri rawa toku he ki roto ki te putea, tuitui rawa e koe toku kino

14:18b.JOB.014.018 He pono ko te maunga e horo ana e memeha noa ake ana, e nekehia ana te toka i tona wahi

14:19b.JOB.014.019 E ngau ana te wai i nga kohatu; ma tona puhaketanga e horoi atu te puehu o te whenua; a whakangaromia iho e koe te tumanako a te tangata

14:20b.JOB.014.020 Taea ana ia e koe ake tonu atu, a pahure ana ia; puta ke ana i a koe tona mata, a tonoa atu ana ia kia haere

14:21b.JOB.014.021 Ko te whakahonoretanga o ana tama, kahore e mohiotia e ia; ka hoki iho ratou hei ware, heoi kahore tetahi aha o ratou e maharatia e ia

14:22b.JOB.014.022 E mamae ano ia te kikokiko o tona tinana, a ka tangi tona wairua i roto i a ia

15

15:1b.JOB.015.001 Na ka whakautua e Eripata Temani; i mea ia

15:2b.JOB.015.002 He horihori kau koia te matauranga e whakapuakina e te tangata whakaaro, kia whakakiia e ia tona kopu ki te hau marangai

15:3b.JOB.015.003 Me korero ranei ia ko nga kupu kore hua hei ako, ko nga whaikorero ranei kahore nei e whai tikanga

15:4b.JOB.015.004 Ae, kua whakakorea atu na e koe te wehi, kei te pupuri mai koe i te inoi i te aroaro o te Atua

15:5b.JOB.015.005 Na kei te whakaakona tou mangai e tou kino, a kei te whiriwhiria e koe ko te arero o te hunga tinihanga

15:6b.JOB.015.006 Ehara i ahau, na tou mangai ano i hopu tou kino; ko ou ngutu ano hei whakaatu i tou he

15:7b.JOB.015.007 Ko koe ianei te tangata tuatahi kua whanau? He mea hanga ranei koe no mua atu i nga pukepuke

15:8b.JOB.015.008 Kua rongo ranei koe i to te Atua whakaaro puku? Kei te kaiponu ranei koe i te whakaaro ki a koe anake

15:9b.JOB.015.009 Ko te aha te mohiotia ana e koe, a kahore e mohiotia e matou? Ko tehea whakaaro ano hoki ou kahore nei i a matou

15:10b.JOB.015.010 Kei a matou nga upoko hina ratou tahi ko nga tino koroheke, kaumatua rawa ake i tou papa

15:11b.JOB.015.011 He iti rawa ranei mou nga whakamarie a te Atua, te kupu ngawari e hoatu ana ki a koe

15:12b.JOB.015.012 He aha koe i kahakina atu ai e tou ngakau? He aha hoki ou kanohi i kimokimo ai

15:13b.JOB.015.013 I tahuri ai tou wairua ki te whakahe i te Atua? i puaki ai ena kupu i tou mangai

15:14b.JOB.015.014 He aha te tangata, e ma ai ia? te whanau ranei a te wahine, e tika ai

15:15b.JOB.015.015 Nana, kahore ia e whakawhirinaki ki ana mea tapu; kahore hoki nga rangi e ma ki tana titiro

15:16b.JOB.015.016 Katahi ia te he rawa ko te mea whakarihariha, ko te mea poke, ko te tangata e inu nei i te kino ano he wai

15:17b.JOB.015.017 Maku e whakaatu ki a koe, whakarongo mai ki ahau; ko te mea kua kitea e ahau, maku e korero atu

15:18b.JOB.015.018 He mea korero mai na nga mohio, he whakarerenga iho na o ratou matua: kihai hoki i huna e ratou

15:19b.JOB.015.019 Ki a ratou nei anake te homaitanga o te whenua; kihai hoki te tangata ke i tika i waenganui i a ratou

15:20b.JOB.015.020 E whakamamae ana te tangata kino i ona ra katoa, ara i te maha o nga tau e haupu nei mo te kaitukino

15:21b.JOB.015.021 He reo whakawehi kei roto i ona taringa; i te wa whai rawa ka tae mai te kaipahua ki a ia

15:22b.JOB.015.022 Kahore ana whakaaetanga ake tera ia ka hoki ake i te pouri, e whanga ana ano hoki te hoari ki a ia

15:23b.JOB.015.023 E kopikopiko noa ana ia ki te taro mana, e mea ana: Kei hea ra? E mohio ana ia kua tata ki tona ringa te ra o te pouri

15:24b.JOB.015.024 Ko te ngakau mamae, me te tumatatenga, hei whakawehi i a ia; ka kaha ake raua i a ia, me te mea he kingi kua rite ana mea mo te whawhai

15:25b.JOB.015.025 Kua totoro nei ona ringa ki te whawhai ki te Atua, kua whakatoatoa nei i a ia ki te whawhai ki te Kaha Rawa

15:26b.JOB.015.026 Kua rere ki a ia me te kaki maro, me nga puku matotoru o ana whakangungu rakau

15:27b.JOB.015.027 Kua kopakina hoki tona mata e tona ngako, a kua tupu te ngako o tona hope

15:28b.JOB.015.028 Na i noho ia ki nga pa mahue, ki nga whare kahore i nohoia e te tangata, meake nei waiho hei puranga

15:29b.JOB.015.029 E kore ia e whai taonga, e kore ano ona rawa e mau, e kore ano hoki to ratou hua e taupe ki te whenua

15:30b.JOB.015.030 E kore ia e puta i te pouri, ona peka ka maroke i te mura, ka riro atu ano ia i te manawa o tona mangai

15:31b.JOB.015.031 Kei whakawhirinaki ia ki te mea teka noa, kei tinihanga ki a ia ano: no te mea ko te teka noa hei utu ki a ia

15:32b.JOB.015.032 E kore tona ra e taea, kua rite; e kore ano tona peka e whai rau

15:33b.JOB.015.033 Ka ruiruia e ia ana karepe kaiota ano ko te waina, a ka maka tana puawai me te mea ko te oriwa

15:34b.JOB.015.034 Ka pakoko hoki te whakaminenga o te hunga atuakore, ka pau hoki i te ahi nga teneti o nga utu whakapati

15:35b.JOB.015.035 He mahi nanakia te mea i hapu ki roto ki a ratou, whanau ake he teka noa; ko o ratou kopu ano hei hanga i te tinihanga

16

16:1b.JOB.016.001 Katahi a Hopa ka whakautu, ka mea

16:2b.JOB.016.002 Ka maha nga mea pena kua rangona nei e ahau: he kaiwhakamarie haumaruru rawa koutou katoa

16:3b.JOB.016.003 E whai mutunga ranei nga kupu tikangakore? Na te aha ranei koe i whakaoho ki te whakahoki kupu mai

16:4b.JOB.016.004 E taea ano e ahau te korero pena i a koutou; me i penei to koutou wairua me toku wairua, hono tonu aku kupu ki a koutou, ka ruru ano toku upoko ki a koutou

16:5b.JOB.016.005 E whakakaha ano ia toku mangai i a koutou, ka ai ano hoki te whakamarie a oku ngutu hei pehi i to koutou mamae

16:6b.JOB.016.006 Ahakoa korero ahau, kahore toku pouri e iti iho; ki te mutu taku, ko tehea wahi o toku mamae ka taharahara iho

16:7b.JOB.016.007 Inaianei ano kua meinga ahau e ia kia ruha: moti iho i a koe toku whakaminenga katoa

16:8b.JOB.016.008 Na kua mau kita koe ki ahau, hei kaiwhakaatu i toku he: e whakatika ana mai hoki toku hirokitanga ki ahau, hei whakapuaki i toku he: e whakatika ana mai hoki toku hirokitanga ki ahau hei whakapuaki i toku he

16:9b.JOB.016.009 Haehaea ana ahau e ia i a ia e riri ana, e tukino ana ia i ahau; pakiri ana ona niho ki ahau; e whakakoi mai ana toku hoariri i ona kanohi ki ahau

16:10b.JOB.016.010 Hamama mai ana o ratou mangai ki ahau; whakahewea mai ana, kei te papaki ratou i toku paparinga; huihui ana ratou kia kotahi hei whawhai ki ahau

16:11b.JOB.016.011 Kua tukua ahau e te Atua ki te hunga he, whakarerea putia ana ahau ki nga ringa o te hunga kino

16:12b.JOB.016.012 Humarie ana taku noho, heoi kua wawahi ia i ahau; kua mau ia ki toku kaki, tatatia ake ahau kia pakaru rikiriki; whakaturia ana ahau e ia hei koperenga pere mana

16:13b.JOB.016.013 Karapotia ana ahau e ana kaikopere, motumotuhia ana e ia oku whatumanawa, kahore hoki e tohungia; ringihia ana e ia toku au ki te whenua

16:14b.JOB.016.014 He mea wawahi ahau nana, he wahanga, he wahanga; ano he tangata kaha ia e rere mai ana ki runga ki ahau

16:15b.JOB.016.015 Tuituia ana e ahau he kakahu taratara mo toku kiri, whakaititia iho e ahau toku haona ki te puehu

16:16b.JOB.016.016 Paruparu noa iho toku mata i te tangihanga, kei runga i oku kamo te atarangi o te mate

16:17b.JOB.016.017 Ahakoa kahore he tutu i oku ringa, a he ma taku inoi

16:18b.JOB.016.018 Kaua, e te whenua, e hipokina oku toto, kei whai wahi tanga ano hoki taku karanga

16:19b.JOB.016.019 Kei te rangi nei ano inaianei te kaiwhakaatu o taku, kei te wahi i runga toku kaititiro

16:20b.JOB.016.020 E tawai mai ana oku hoa ki ahau, maturuturu tonu ia nga roimata o toku kanohi ki te Atua

16:21b.JOB.016.021 Kia tohe koa ia i to te tangata tika ki te Atua, i to te tama hoki a te tangata ki tona hoa

16:22b.JOB.016.022 Kia taka mai hoki nga tau torutoru nei, ka haere ahau i te ara e kore ai ahau e hoki mai ano

17

17:1b.JOB.017.001 Kua pau toku manawa, moti rawa oku ra, kua rite te urupa moku

17:2b.JOB.017.002 He pono he hunga tawai enei kei ahau, a kei roto tonu toku kanohi i a ratou whakakarangitanga

17:3b.JOB.017.003 Tena ra, homai he punga ko koe tonu hei whakakapi turanga moku; ko wai hei papaki ringa ki ahau

17:4b.JOB.017.004 Kua huna hoki e koe to ratou ngakau kei mohio; na reira e kore koe e whakaneke ake i a ratou

17:5b.JOB.017.005 Ko te tangata e whaki ana i ona hoa, he mea mo te utu, ko nga kanohi tonu o ana tamariki e hemo

17:6b.JOB.017.006 Kua meinga hoki ahau e ia hei hahani ma nga iwi; a kua waiho marakerake ahau hei whakaetietinga

17:7b.JOB.017.007 Kua atarua toku kanohi i te tangi, rite tonu ki te atarangi oku wahi katoa

17:8b.JOB.017.008 Ka miharo te hunga tika ki tenei, a ka whakaoho te tangata harakore i a ia ano hei whakahe i te atuakore

17:9b.JOB.017.009 Otiia ka mau te tangata tika ki tona ara, a ko te tangata ringa ma ka neke haere ake te kaha

17:10b.JOB.017.010 Ko koutou katoa ia tahuri, anga mai nei, e kore hoki tetahi tangata mahara e kitea e ahau i roto i a koutou

17:11b.JOB.017.011 Kua pahemo oku ra, motumotuhia ake oku whakaaro i whakatakoto ai, tae noa ki nga whakaaro o toku ngakau

17:12b.JOB.017.012 Ko te po kua meinga e ratou hei ao; ko te marama, e ki ana ratou, e tata tonu ana ki te pouri

17:13b.JOB.017.013 Ki te titiro ahau i te reinga hei whare moku; mehemea kua wharikitia e ahau toku moenga ki te pouri

17:14b.JOB.017.014 Mehemea kua karanga ahau ki te pirau, ko koe toku papa; ki te iro ranei, ko koe toku whaea, toku tuahine

17:15b.JOB.017.015 Kei hea ra he tumanakohanga atu moku? A ko taku e tumanako atu ai ko wai e kite

17:16b.JOB.017.016 Ka riro ki raro ki nga taha o te reinga, ina whai okiokinga i roto i te puehu

18

18:1b.JOB.018.001 Ano ra ko Pirirara Huhi; i mea ia

18:2b.JOB.018.002 Kia pehea te roa o ta koutou whakatakoto mahanga mo nga kupu? Kia whai mahara mai, muri iho ka korero matou

18:3b.JOB.018.003 He aha matou i kiia ai he kararehe, i waiho ai hei mea poke ki ta koutou titiro mai

18:4b.JOB.018.004 Haea iho koe e koe ano, i a koe e riri ana. Mau koia ka mahue ai te whenua, ka nekehia ai te toka i tona wahi

18:5b.JOB.018.005 E pirau ano hoki te rama a te hunga kino, a e kore te mura o tana ahi e marama

18:6b.JOB.018.006 Ka pouri te marama i roto i tona teneti, ka pirau ano hoki tana rama i runga i a ia

18:7b.JOB.018.007 Ka whakakikitia nga takahanga o tona kaha, ka kokiritia iho ano ia ki raro e tona whakaaro ake

18:8b.JOB.018.008 No te mea ka maka ia e ona waewae ake ki te kupenga, ka haere hoki ia i runga i te reti

18:9b.JOB.018.009 Ka mau tona rekereke i te tawhiti, a ka hopukia ia e te mahanga

18:10b.JOB.018.010 Kei te huna ki te whenua te aho mona, te rore hoki mona ki te huarahi

18:11b.JOB.018.011 He whakamataku i nga taha katoa hei mea i a ia kia wehi, hei aruaru hoki i a ia i ona hikitanga rekereke

18:12b.JOB.018.012 Ko tona kaha ka hemo i te kai, a kei te whanga tonu te aitua ki tona tatunga

18:13b.JOB.018.013 Ka pau i tera nga wahi o tona tinana, ae, ka pau ona wahi i te matamua o te mate

18:14b.JOB.018.014 Ka hutia atu ia i roto i tona teneti, i whakamanawa ai ia, a ka kawea atu ia ki te kingi o nga whakamataku

18:15b.JOB.018.015 Na ka noho ki tona teneti te mea ehara nei i a ia: a ka ruia iho te whanariki ki runga ki tona kainga

18:16b.JOB.018.016 Ka maroke ake ona pakiaka i raro, a i runga ka tapahia atu tona manga

18:17b.JOB.018.017 Ka ngaro atu te maharatanga ki a ia i runga i te whenua; e kore ano ia e whai ingoa i te huanui

18:18b.JOB.018.018 Ka peia atu ano ia i roto i te marama ki te pouri, ka atiatia atu hoki i te ao

18:19b.JOB.018.019 E kore ia e whai tama, e whai tama ranei a te tama, i roto i tona iwi, he morehu ranei i te wahi i noho ai ia

18:20b.JOB.018.020 Miharo ana ki tona ra te hunga i muri i a ia, pera i te hunga i haere ra i mua, mau ana to ratou wehi

18:21b.JOB.018.021 He pono ko nga nohoanga enei o te tangata kino, ko te wahi hoki tenei o te tangata kahore e mohio ki te Atua

19

19:1b.JOB.019.001 Na ka whakautua e Hopa, ka mea

19:2b.JOB.019.002 Kia peha ake te roa o ta koutou whakaporearea i toku wairua, o ta koutou wawahi i ahau ki te kupu

19:3b.JOB.019.003 Ka tekau enei tawainga a koutou ki ahau, kahore o koutou whakama i a koutou ka aki tonu nei i ahau

19:4b.JOB.019.004 Ki te mea ano hoki kua he ahau, kei ahau ano toku he e noho ana

19:5b.JOB.019.005 Ki te mea ka whakanui mai koutou i a koutou ki ahau, a ka kauwhau mai ki ahau i toku tawainga

19:6b.JOB.019.006 Kia mohio koutou na te Atua ahau i whakaparori i taku take, he mea hao mai ahau nana ki tana kupenga

19:7b.JOB.019.007 Nana, e tangi ana ahau i te mahi nanakia, heoi kahore ahau e whakarangona; e karanga awhina ana ahau, otiia kahore he whakawa

19:8b.JOB.019.008 Kua tutakina e ia toku ara, te puta ahau; tukua iho ana e ia te pouri ki oku ara

19:9b.JOB.019.009 Ko toku kororia huia atu ana e ia; tangohia ana e ia te karauna i toku mahunga

19:10b.JOB.019.010 Wawahia ana ahau e ia i nga taha katoa, a riro ana ahau; ko taku i tumanako atu ai huaranga atu ana e ia ano he rakau

19:11b.JOB.019.011 Kua mura mai hoki tona riri ki ahau; e kiia ana ahau e ia ko tetahi o ona hoariri

19:12b.JOB.019.012 E haere huihui mai ana ana taua, e whakaneke ake ana i to ratou ara ki ahau, kei te whakapae i toku teneti i tetahi taha, i tetahi taha

19:13b.JOB.019.013 Kua meinga e ia oku teina kia matara atu i ahau; ko aku i mohio ai kua tangata ke ki ahau

19:14b.JOB.019.014 Ko oku whanaunga, mutu pu ta ratou; ko oku hoa ake, kua wareware ratou ki ahau

19:15b.JOB.019.015 Ko te hunga e noho ana i toku whare, me aku pononga wahine, kiia iho ahau e ratou he tangata ke; he tangata no nga whenua ahau ki ta ratou titiro mai

19:16b.JOB.019.016 I karanga atu ahau ki taku pononga, heoi kihai ia i whakao mai; ahakoa e inoi ana toku mangai ki a ia

19:17b.JOB.019.017 Ko toku ha tauhou ana ki taku wahine, me taku inoi hoki ki nga tamariki o te kopu o toku whaea

19:18b.JOB.019.018 Ko nga tamariki nonohi ano hoki, whakahawea mai ana ki ahau; ki te whakatika ahau, ka korero whakahe ratou moku

19:19b.JOB.019.019 E whakarihariha mai ana ki ahau oku takahoa katoa, a ko aku i aroha ai kua tahuri mai ki ahau

19:20b.JOB.019.020 Piri tonu toku iwi ki toku kiri, ki oku kikokiko, a ora ake oku, ko te kiri kau o oku niho

19:21b.JOB.019.021 Tohungia mai ahau, tohungia mai ahau e koutou, e oku hoa; kua pa mai hoki te ringa o te Atua ki ahau

19:22b.JOB.019.022 He aha koutou i tukino ai i ahau, i pera ai me te Atua, te makona koutou i oku kikokiko

19:23b.JOB.019.023 Aue, me i tuhituhia aku kupu! Aue, me i taia ki te pukapuka

19:24b.JOB.019.024 Me i whaoa ki te kamaka, ki te pene rino, ki te mata, hei mea mo a mua noa atu

19:25b.JOB.019.025 Otiia e mohio ana ahau kei te ora toku kaihoko, a i nga wa i muri nei ka tu ia ki runga ki te whenua

19:26b.JOB.019.026 A ahakoa i muri i te paunga o toku kiri, ka titiro tonu ahau i roto i toku kikokiko ki te Atua

19:27b.JOB.019.027 E titiro ano ahau ki a ia, ahau nei ano; a ma oku kanohi e matakitaki, kahore ma o tetahi atu. Pau rawa oku whatumanawa i roto i ahau

19:28b.JOB.019.028 Ki te ki koutou, Na, ta tatou hanga ki te tukino i a ia! kua kitea hoki te take o te mea i roto i ahau

19:29b.JOB.019.029 Kia wehi koutou kei mate i te hoari; no te mea ko te whiunga ki te hoari kei roto i te riri, e mohio ai koutou he whakawa ano tenei

20

20:1b.JOB.020.001 Katahi ka whakautua e Topara Naamati; i mea ia

20:2b.JOB.020.002 Na kona oku whakaaro i whakahoki kupu ake ai i roto i ahau; na reira ano ahau i hohoro ai

20:3b.JOB.020.003 Kua rongo ahau i te whakahe moku, e pa ai te whakama ki ahau, a na te wairua o toku ngakau mahara te kupu whakahoki ki ahau

20:4b.JOB.020.004 Kahore ranei koe i mohio ki tenei i mua noa atu, i te wa ra ano i whakanohoia ai te tangata ki runga ki te whenua

20:5b.JOB.020.005 He poto te wa e whakamanamana ai te tangata kino, a ko te hari o te tangata atuakore he wheriko kau

20:6b.JOB.020.006 Ahakoa eke noa tona nui ki nga rangi, a pa atu tona mahunga ki nga kapua

20:7b.JOB.020.007 Ka memeha atu ano ia a ake ake, ka pera ano me tona paru: ko te hunga kua kite i a ia, ka mea, Kei hea ia

20:8b.JOB.020.008 Ka rere atu ia ano he moemoea, e kore ano hoki e kitea: ae ka aia atu ia, ano he rekanga kanohi no te po

20:9b.JOB.020.009 Ko te kanohi i kite i a ia e kore e kite ano; a heoi ano tirohanga a tona wahi ki a ia

20:10b.JOB.020.010 E whakamanawareka ana tamariki i nga rawakore, ma ona ringa ano e whakahoki ona rawa

20:11b.JOB.020.011 E ki ana ona wheua i te tamarikitanga; engari ka takoto tahi me ia i roto i te puehu

20:12b.JOB.020.012 Ahakoa reka te kino i roto i tona mangai, ahakoa huna e ia i raro i tona arero

20:13b.JOB.020.013 Ahakoa manawapatia noatia e ia, a kahore e mahue i a ia, heoi pupuri tonu i roto i tona mangai

20:14b.JOB.020.014 Otira ka puta ke tana kai i roto i ona whekau, ko te au o nga ahipi i roto i a ia

20:15b.JOB.020.015 I horomia e ia te taonga, ka ruakina mai ano e ia; ma te Atua e akiri mai i roto i tona kopu

20:16b.JOB.020.016 Ka ngotea e ia te huware whakamate o nga ahipi; ka mate ano ia i te arero o te waipera

20:17b.JOB.020.017 E kore ia e kite i nga awa, i nga wai rere o te honi, o te pata

20:18b.JOB.020.018 Ko tana i uaua ai ka whakahokia e ia, e kore ano e horomia; ko tana utu ka rite ki ona taonga; e kore ano e koa ki reira

20:19b.JOB.020.019 Nana hoki i tukino nga rawakore, whakarerea iho; murua ana e ia he whare, a e kore e hanga ano e ia

20:20b.JOB.020.020 I te mea kahore ia i kite i te tatutanga i roto i a ia, e kore ano etahi o nga mea e matea nuitia ana e ia e mau ki a ia

20:21b.JOB.020.021 Kahore tetahi mea i toe i kore te horomia e ia; no reira e kore tetahi mea pai ona e mau tonu

20:22b.JOB.020.022 I a ia e whiwhi nui nei i te rawa, e rawakore ano ia; ka tae mai ki a ia nga ringa katoa o te hunga kei roto i te mata

20:23b.JOB.020.023 I a ia ka mea ki te whakaki i tona kopu, ka maka mai e te Atua te kaha o tona riri ki runga ki a ia, a ka ringihia iho ki a ia, i a ia ano e kai ana

20:24b.JOB.020.024 Ka rere atu ia i te patu rino, ka tu ia i te kopere parahi, puta pu

20:25b.JOB.020.025 E unuhia ana, kua puta mai i roto i te tinana, ina, puta mai ana te mata wheriko i roto i tona au: kua tau nga wehi ki a ia

20:26b.JOB.020.026 Ko te pouri katoa kei te takoto mai mo ana taonga: ka kainga ia e te ahi, kihai i puhia e te tangata; ma reira e pau ai te toenga i roto i tona teneti

20:27b.JOB.020.027 Ka whakakitea mai tona he e nga rangi ka whakatika mai ano te whenua ki a ia

20:28b.JOB.020.028 Ko nga hua o tona whare ka riro: ka rere, ano he wai, ona mea i te ra e riri ai ia

20:29b.JOB.020.029 Ko ta te Atua wahi tenei ma te tangata kino, ko te taonga tupu i kiia e te Atua mona

21

21:1b.JOB.021.001 Ano ra ko Hopa; i mea ia

21:2b.JOB.021.002 Ata whakarongo mai ki taku kupu, a hei tenei he kupu whakamarie mai ma koutou

21:3b.JOB.021.003 Tukua ahau, a ka korero hoki ahau; a ka mutu aku korero, haere tonu ta koutou tawai

21:4b.JOB.021.004 Ahau nei, ki te tangata koia taku amuamu? A he aha ahau te manawanui ai

21:5b.JOB.021.005 Titiro mai ki ahau, miharo ai; kopania atu te ringa ki te mangai

21:6b.JOB.021.006 Mahara kau ahau, ka wehi, mau pu te wehi o oku kikokiko

21:7b.JOB.021.007 He aha te hunga kino i ora ai, i koroheke ai, ae, i marohirohi ai to ratou kaha

21:8b.JOB.021.008 Pumau tonu o ratou uri ki to ratou taha ki to ratou aroaro, a ko a ratou whanau kei ta ratou tirohanga atu

21:9b.JOB.021.009 O ratou whare kei runga i te rangimarie, kahore he wehi, kahore hoki a te Atua patu ki a ratou

21:10b.JOB.021.010 E kaha ana tana puru ki te ekeeke, kahore hoki e he; ka whanau tana kau, kahore hoki he whakatahe

21:11b.JOB.021.011 E tukua mai ana e ratou a ratou kohungahunga ano he kahui hipi, e pekepeke ana a ratou tamariki

21:12b.JOB.021.012 He hunga hapai ratou i te timipera, i te hapa, e koa ana ki te tangi o te okana

21:13b.JOB.021.013 O ratou ra pau tonu i runga i te ahuareka, kitea rawatia ake kua heke ki te po

21:14b.JOB.021.014 Koia ratou i mea ai ki te Atua, Mawehe atu i a matou; kahore hoki o matou hiahia kia matau ki ou ara

21:15b.JOB.021.015 He aha ra te Runga Rawa e mahi ai matou ki a ia? He aha hoki te rawa ki a matou ki te inoi ki a ia

21:16b.JOB.021.016 Nana, kahore he pai mo ratou i o ratou ringa ake: matara atu i ahau te whakaaro o te hunga kino

21:17b.JOB.021.017 Pehea te maha o nga matenga o te rama a te hunga kino? O nga panga mai ano hoki o to ratou aitua ki a ratou? O te tuwhanga mai a te Atua i nga mamae i a ia e riri ana

21:18b.JOB.021.018 E rite ai ratou ki te kakau witi i mua i te hau, ki te papapa e kahakina atu ana e te paroro

21:19b.JOB.021.019 E mea ana koutou, E rongoatia ana e te Atua tona kino hei mea mo ana tamariki. Mana e utu tera ki a ia tonu, kia mohio ai ia

21:20b.JOB.021.020 Tukua kia kite ona ake kanohi i tona hunanga, a tukua ia kia inu i te riri o te Kaha Rawa

21:21b.JOB.021.021 He aha hoki tana manako ki tona whare i muri i a ia? ka poroa hoki ona marama i waenga

21:22b.JOB.021.022 E whakaako ianei tetahi i te Atua ki te matauranga? Ko te kaiwhakawa hoki ia mo te hunga whakakake

21:23b.JOB.021.023 Tenei tangata, mate iho ia, pakari rawa ano hoki ona kaha, ata takoto ana ana mea katoa, kahore hoki he raruraru

21:24b.JOB.021.024 Ki tonu ona u i te waiu, a e makuku ana ona wheua i te hinu

21:25b.JOB.021.025 Mate iho hoki tera tangata, kawa tonu tona wairua, kahore hoki he pai hei kai mana

21:26b.JOB.021.026 Ka takoto ngatahi raua ki te puehu, a ko te iro hei hipoki mo raua

21:27b.JOB.021.027 Nana, e mohio ana ahau ki o koutou whakaaro, ki ta koutou ngarahu nanakia ano hoki moku

21:28b.JOB.021.028 E ki ana hoki koutou, Kei hea te whare o te rangatira? Kei hea hoki te teneti i noho ai te hunga kino

21:29b.JOB.021.029 Kahore ianei koutou i ui ki te hunga e haere atu ana i te ara? Kahore ranei koutou i mohio ki a ratou tohu

21:30b.JOB.021.030 Kei te rongoa nei hoki te tangata kono mo te ra o te whakangaro; ka whakaputaina ratou i te ra o te riri

21:31b.JOB.021.031 Ko wai e whakaatu i tona ara ki tona aroaro? Ko wai hoki hei hoatu i te utu mo tana mahi ki a ia

21:32b.JOB.021.032 Heoi ka kawea ia ki te urupa; kei te puranga he wahi mona

21:33b.JOB.021.033 Ka reka ki a ia nga pokuru o te awaawa, ka whai mai ano hoki nga tangata katoa i a ia; e kore nei hoki e taea te tatau te hunga i mua i a ia

21:34b.JOB.021.034 He pehea ra ta koutou whakamarie tinihanga i ahau, e toe na hoki te he i roto i a koutou kupu e whakahoki mai na

22

22:1b.JOB.022.001 Ano ra ko Eripata Temani; i mea ia

22:2b.JOB.022.002 E whai pai ano ranei te Atua i te tangata? He pono e whai pai te tangata i a ia ano ki te mea he ngakau mohio tona

22:3b.JOB.022.003 He oranga ngakau ranei ki te Kaha Rawa tou tika? Hei taonga ranei ki a ia, ki te meinga e koe ou ara kia tino tika

22:4b.JOB.022.004 He wehi ranei nou i a ia i whakahe ai ia i a koe, i whakawa ai i a koe

22:5b.JOB.022.005 He teka ianei he nui tou he? Kahore hoki he pito whakamutunga o ou kino

22:6b.JOB.022.006 I tangohia noatia hoki e koe nga mea a tou teina hei taunaha, huia ana e koe nga kakahu o te hunga e noho tahanga ana

22:7b.JOB.022.007 Kihai i whakainumia e koe ki te wai te hunga ngenge; kaiponuhia ana e koe he taro ki te hunga e matekai ana

22:8b.JOB.022.008 Ko te tangata marohirohi, i a ia te whenua; ko te tangata honore, noho ana ia i reira

22:9b.JOB.022.009 Ko nga pouaru, unga rawakoretia atu ana e koe, whatiwhatiia ana nga ringa o nga pani

22:10b.JOB.022.010 Na reira karapotia putia ana koe e nga mahanga, raruraru ana koe i te wehi pa whakarere

22:11b.JOB.022.011 I te pouri ranei, e kore ai koe e kite; a nui atu te wai e taupoki na i a koe

22:12b.JOB.022.012 He teka ianei kei te wahi tiketike o te rangi te Atua? Tirohia atu ano hoki a runga o nga whetu, to ratou teitei

22:13b.JOB.022.013 A e mea na koe, He aha ta te Atua e mohio ai? E puta mai ranei tana whakawa i roto i te kapua pouri

22:14b.JOB.022.014 Ko tona wahi ngaro ko nga kapua matotoru, te kite ia; kei te taiawhio ano ia i nga rangi

22:15b.JOB.022.015 Ka mau tonu ranei koe ki te ara o mua, i haerea ra e nga tangata kikino

22:16b.JOB.022.016 I kapohia atu nei i te mea kahore ano i rite o ratou ra; tahoroa ana to ratou turanga ano he awa

22:17b.JOB.022.017 I mea nei ki te Atua, Mawehe atu i a matou; a, He aha e taea e te Kaha Rawa mo matou

22:18b.JOB.022.018 Heoi i whakakiia e ia o ratou whare ki nga mea papai: ko te whakaaro ia o te hunga kino e matara atu ana i ahau

22:19b.JOB.022.019 E kite ana te hunga tika, a koa ana: kataina iho ratou e te hunga harakore

22:20b.JOB.022.020 Me te ki, He pono kua haukotia te hunga i tahuri mai ki a tatou, pau ake i te ahi te toenga o ratou

22:21b.JOB.022.021 Waiho ia hei hoa mou, katahi koe ka ata noho; ma reira ka tae mai ai te pai ki a koe

22:22b.JOB.022.022 Tahuri mai ra ki te ture a tona mangai, rongoatia hoki ana kupu ki roto ki tou ngakau

22:23b.JOB.022.023 Ki te hoki koe ki te Kaha Rawa, tera koe e hanga; ki te nekehia atu e koe te kino kia mamao i ou teneti

22:24b.JOB.022.024 A ka whakapuranga koe i tau taonga ki te puehu, te koura o Opira ki waenga i nga kohatu o nga awa

22:25b.JOB.022.025 A ko te Kaha Rawa hei taonga mou, hei hiriwa utu nui ki a koe

22:26b.JOB.022.026 Ko reira hoki koe ahuareka ai ki te Kaha Rawa, a ka ara ake tou mata ki te Atua

22:27b.JOB.022.027 Ka inoi ano koe ki a ia, a ka whakarongo mai ia ki a koe; ka whakamana ano e koe au kupu taurangi

22:28b.JOB.022.028 Ka whakatakotoria hoki e koe he tikanga, a ka whakapumautia ki a koe; ka whiti ano te marama ki runga ki ou ara

22:29b.JOB.022.029 Ki te maka koe e ratou ki raro, ka ki koe, Tenei ano he whakaarahanga ake; ka whakaorangia ano e ia te ngakau whakaiti

22:30b.JOB.022.030 Ka whakaorangia e ia te tangata ahakoa ehara i te harakore: ae ra, ka whakaorangia ia e te ma o ou ringa

23

23:1b.JOB.023.001 Katahi ka whakautua e Hopa, i mea ia

23:2b.JOB.023.002 I tenei ra nei ano e amuamu ana taku tangi: nui noa atu i taku aue te taimaha o te patunga i ahau

23:3b.JOB.023.003 Aue, me i mohio ahau ki te wahi e kite ai ahau i a ia, kia tae rawa atu ai ahau ki tona nohoanga

23:4b.JOB.023.004 Ka ata whakatakotoria e ahau aku korero ki tona aroaro, ka whakakiia hoki toku mangai ki nga kupu tautohetohe

23:5b.JOB.023.005 Ka mohio ahau ki nga kupu e whakahokia mai e ia ki ahau, ka marama hoki tana e mea ai ki ahau

23:6b.JOB.023.006 E whakaputaina mai ranei tona kaha nui ina tautohetohe ki ahau? Kahore; engari ka whai whakaaro ia ki ahau

23:7b.JOB.023.007 Ko reira te tangata tika tautohetohe ai ki a ia: a ora tonu ake ahau i toku kaiwhakawa ake tonu atu

23:8b.JOB.023.008 Nana, haere ana ahau ki mua, a kahore ia i reira; ki muri, heoi kahore ahau e kite i a ia

23:9b.JOB.023.009 Ki maui, ina ka mahi ia, heoi kahore ahau e kite i a ia; e huna ana ia i a ia ano i te taha ki matau, te kite ahau i a ia

23:10b.JOB.023.010 Otiia e mohio ana ia ki te ara e anga atu ai ahau: kia oti ahau te titiro iho e ia, ano he koura ahau i toku putanga mai

23:11b.JOB.023.011 Mau pu ona takahanga i toku waewae; u pu ahau ki tona ara, kihai hoki i peka ke

23:12b.JOB.023.012 Kihai hoki i mahue i ahau te whakahau a ona ngutu; ko nga kupu a tona mangai rongoa rawa ki ahau, nui atu i te kai i rite maku

23:13b.JOB.023.013 Ko ia, kotahi tonu tona whakaaro, a ma wai ia e whakatahuri ke? Ko ta tona ngakau hoki i hiahia ai e meatia ana e ia

23:14b.JOB.023.014 E whakaotia ana hoki e ia nga mea i whakaritea moku: he maha ano hoki ana mahi pera

23:15b.JOB.023.015 Koia ahau i ohorere ai i tona aroaro: ka whakaaroaro ahau, ka wehi i a ia

23:16b.JOB.023.016 Ngohe noa hoki toku ngakau i te Atua, ohorere ana ahau i te Kaha Rawa

23:17b.JOB.023.017 Kihai nei hoki ahau i whakangaromia i mua o te pouri, kihai hoki i hipokina e ia te pouri i toku aroaro

24

24:1b.JOB.024.001 He aha nga wa te whakapurangatia ai e te Kaha Rawa? A he aha hoki te hunga e mohio ana ki a ia te kite ai i ona ra

24:2b.JOB.024.002 Tera etahi e whakaneke atu ana i nga rohe; e kahakina ana e ratou nga kahui, whangaia iho e ratou

24:3b.JOB.024.003 E aia atu ana e ratou te kaihe a nga pani, e tangohia ana hei taunaha te kau a te pouaru

24:4b.JOB.024.004 Whakapekaia ketia ana e ratou nga rawakore i te ara: huihui ana nga ware o te whenua, piri ana

24:5b.JOB.024.005 Nana, rite tonu ratou ki te kaihe mahoao i te koraha, haere atu ana ki ta ratou mahi, e whai ana ki te kai; hei kai te koraha ma ratou, ma a ratou tamariki

24:6b.JOB.024.006 E kotia ana e ratou ta ratou witi i te mara; e kohia ana e ratou nga waina a te hunga tutu

24:7b.JOB.024.007 E takoto tahanga ana ratou i te po roa, kahore he kakahu, kahore hoki he hipoki i te maeke

24:8b.JOB.024.008 Maku iho ratou i te awha o nga maunga, a, ka kore he rerenga, ka awhi i te kamaka

24:9b.JOB.024.009 Tera te hunga, e tangohia mai ana e ratou te pani i te u, e tango ana i ta te rawakore taunaha

24:10b.JOB.024.010 Koia ka haere tahanga ratou, kahore he kakahu, a, i te matekai ka hari i nga paihere witi

24:11b.JOB.024.011 E mahi nei i te hinu i roto i nga taiepa a aua tangata; e takahi nei i a ratou poka waina, me te mate i te wai

24:12b.JOB.024.012 E aue ana nga tangata i roto i te pa, e karanga ana hoki te wairua o te hunga i patua: kahore ano ia a te Atua whakakuware ki a ratou

24:13b.JOB.024.013 No te hunga ratou e whakakeke ana ki te marama; kahore o ratou mohio ki ona ara, e kore ano ratou e noho ki ona huarahi

24:14b.JOB.024.014 E maranga ana te kaikohuru i te mea ka marama, patua iho e ia te ware me te rawakore; a i te po ka pena ia i te tahae

24:15b.JOB.024.015 E tatari ana te kanohi o te tangata puremu kia nehunehu iho, e mea ana, E kore te kanohi e kite i ahau: e huna ana ia i tona mata

24:16b.JOB.024.016 E keri ana ratou i nga whare i te pouri: i te awatea e pa ana ratou i a ratou: kahore ratou e mohio ki te marama

24:17b.JOB.024.017 Ki a ratou katoa hoki e rite ana te ata ki te atarangi o te mate; e matau ana hoki ratou ki nga whakamataku o te atarangi o te mate

24:18b.JOB.024.018 Tere tonu ia ki runga ki te mata o nga wai; he mea kanga to ratou wahi i runga i te whenua: e kore ia e anga mai ki te ara ki nga mara waina

24:19b.JOB.024.019 Ka riro nga wai o te hukarere i te tauraki, i te wera: te hunga hara ano hoki i te reinga

24:20b.JOB.024.020 Ka wareware te kopu ki a ia; he kai reka ia ma te iro; e kore ia e maharatia i muri iho; ka whati hoki te kino ano he rakau

24:21b.JOB.024.021 E tukinotia ana e ia te pakoko kihai nei i whanau; kahore hoki ana mahi pai ki te pouaru

24:22b.JOB.024.022 E kumea atu ana hoki e ia nga marohirohi ki tona kaha: ka whakatika ake ia, kahore he tangata e u ki te ora

24:23b.JOB.024.023 I homai ano e te Atua ki a ratou kia au te noho, a ka whakawhirinaki ratou ki reira; kei runga hoki i o ratou huarahi ona kanohi

24:24b.JOB.024.024 E whakanekehia ake ana ratou; otiia wahi iti nei, kua kahore noa iho ratou; ae ra, ka whakaitia ratou, ka whakawateatia atu pera i era atu katoa, a ka tapahia atu ano ko nga kauru o nga puku witi

24:25b.JOB.024.025 Ki te mea he teka tenei ko wai hei whakateka ki ahau, hei whakakahore i taku korero

25

25:1b.JOB.025.001 Ano ra ko Pirirara Huhi; i mea ia

25:2b.JOB.025.002 Kei a ia te kingitanga me te wehi: ko ia hei hohou i te rongo i ona wahi tiketike

25:3b.JOB.025.003 E taea ranei ana ope te tatau? ko wai hoki i kore te whitingia e tona marama

25:4b.JOB.025.004 A ma te aha ra te tangata ka whakatikaia mai ai e te Atua? Ma te aha ka ma ai te whanau a te wahine

25:5b.JOB.025.005 Nana, ko te marama, kahore ona tiahotanga, kahore hoki nga whetu kia ma ki tana titiro

25:6b.JOB.025.006 Kia iti rawa iho to te tangata, he kutukutu nei! to te tama a te tangata, he iro nei

26

26:1b.JOB.026.001 Ano ra ko Hopa; i mea ia

26:2b.JOB.026.002 He hapai pehea tau i te kahakore? He whakaora pehea tau i te ringa ngoikore

26:3b.JOB.026.003 Ka tae tau whakatakoto whakaaro ma te whakaarokore! Te nui o tau whakaatu tikanga

26:4b.JOB.026.004 I puaki ki a wai au kupu? No wai te wairua i puta mai ra i a koe

26:5b.JOB.026.005 E wiri ana nga tupapaku i raro i te wai, me nga mea ano e noho ana i reira

26:6b.JOB.026.006 E takoto kau ana te reinga i tona aroaro, kahore hoki he hipoki mo te whakangaro

26:7b.JOB.026.007 E horahia atu ana e ia te raki ki runga ki te wahi takoto kau, whakairihia ana e ia te whenua ki runga ki te kahore noa iho

26:8b.JOB.026.008 E takaia ana e ia nga wai ki roto ki ana kapua matotoru; a kahore te kapua e pakaru i raro i a ratou

26:9b.JOB.026.009 E kaiponuhia ana e ia a mua o tona torona, horahia ana e ia tana kapua ki runga

26:10b.JOB.026.010 He mea karapoti nana nga wai, rohe rawa, a tae noa ki te mutunga mai o te marama me te pouri

26:11b.JOB.026.011 Wiri ana nga pou o te rangi, miharo ana ki tana whakatupehupehu

26:12b.JOB.026.012 Ko tona kaha hei whakakorikori i te moana, maru ana te whakakake i tona matauranga

26:13b.JOB.026.013 Na tona wairua i whakapaipai nga rangi; na tona ringa i wero te nakahi tere

26:14b.JOB.026.014 Na, he pito enei no ona ara; ano te iti o te wahi ona e rangona ana! Ko te whatitiri ia o tona kaha, ko wai ka matau

27

27:1b.JOB.027.001 Na i korero tonu ano a Hopa i tana pepeha; i mea

27:2b.JOB.027.002 E ora ana te Atua, nana nei i whakakahore toku tika; te Kaha Rawa, nana nei i whakakawa toku wairua

27:3b.JOB.027.003 Kei te toitu tonu hoki toku ora i roto i ahau, a kei roto i oku pongaponga te wairua o te Atua

27:4b.JOB.027.004 He pono, e kore oku ngutu e korero kino, e kore te hianga e puaki i toku arero

27:5b.JOB.027.005 Aue kia whakatikaia ta koutou e ahau! E kore e whakarerea e ahau toku ngakau tapatahi, a mate noa

27:6b.JOB.027.006 Ka mau taku pupuri ki toku tika, e kore e tukua atu e ahau: e kore toku ngakau e whakahe ki ahau i ahau ano e ora nei

27:7b.JOB.027.007 Ko toku hoariri, kia rite ia ki te tangata kino; ko te tangata e whakatika mai ana ki ahau, kia rite ia ki te tangata hara

27:8b.JOB.027.008 He aha oti ta te whakaponokore e tumanako ai, ahakoa whiwhi ia i te rawa, ki te mea ka tangohia atu tona wairua e te Atua

27:9b.JOB.027.009 E rongo ranei te Atua ki tana tangi ina pa te he ki a ia

27:10b.JOB.027.010 E ahuareka ranei ia ki te Kaha Rawa, e karanga ranei ki te Atua i nga wa katoa

27:11b.JOB.027.011 Ka whakaakona koutou e ahau ki te ringa o te Atua; e kore e huna e ahau nga mea e takoto mai nei i te Kaha Rawa

27:12b.JOB.027.012 Nana, kua kite koutou katoa; a na te aha koutou i wairangi rawa ai

27:13b.JOB.027.013 Ko ta te Atua wahi tenei ma te tangata kino, ko te mea e whakarerea iho ma nga kaitukino, ko ta te Kaha Rawa e riro i a ratou

27:14b.JOB.027.014 Ki te mea ka tokomaha ana tamariki, hei mea ma te hoari; e kore ano hoki ona uri e makona i te taro

27:15b.JOB.027.015 Ko ona morehu ka tanumia ki te mate; e kore ano hoki ana pouaru e tangi

27:16b.JOB.027.016 Ahakoa amene ia i te hiriwa ano he puehu, a pae tonu te kakahu mona ano he paru

27:17b.JOB.027.017 E pae ano i a ia, otiia ka kakahuria e te tangata tika, ka wehewehea hoki te hiriwa e te harakore

27:18b.JOB.027.018 Ka rite tana hanga i tona whare ki ta te purehurehu; tona rite kei te whare tihokahoka e hanga ana e te kaitiaki

27:19b.JOB.027.019 Ka takoto ia, he tangata taonga, otiia e kore e kohia ki te urupa; ko te tirohanga ake a ona kanohi, na kua kahore noa iho ia

27:20b.JOB.027.020 Rite tonu ki te wai nga whakawehi e mau ai ia; tahaetia ana ia e te paroro i te po

27:21b.JOB.027.021 Ka kahakina atu ia e te marangai, a riro ana ia; ka aia atu ano ia i tona wahi

27:22b.JOB.027.022 Ka aki mai hoki te Atua ki a ia, e kore ano ia e tohungia; mea noa ia kia rere mai i roto i tona ringa

27:23b.JOB.027.023 Ka papaki te tangata i o ratou ringa ki a ia, a ka whakahi, ka a atu i a ia i tona wahi

28

28:1b.JOB.028.001 He rua hoki to te hiriwa e puta mai ai, he wahi ano to te koura e whakarewaina ai

28:2b.JOB.028.002 He mea tango mai te rino no roto i te whenua; no te kamaka te parahi, he mea whakarewa

28:3b.JOB.028.003 E whakatakotoria ana e te tangata he mutunga mai mo te pouri, e rapua ana e ia ki te tino tutukitanga atu nga kohatu o te pouri, o te atarangi o te mate

28:4b.JOB.028.004 E pakaruhia mai ana e ia he rua i ko ake o nga nohoanga tangata; kua wareware ratou i te waewae e haere ana; he tawhiti i te tangata to ratou tarenga, e piu atu ana, e piu ana mai

28:5b.JOB.028.005 Ko te whenua, e puta mai ana he taro i roto i a ia: a e hurihia ake ana a raro iho ano he ahi

28:6b.JOB.028.006 Hei wahi mo nga hapira ona kohatu, he puehu koura ano tona

28:7b.JOB.028.007 He ara tena kahore i mohiotia e te manu, kiano i kitea e te kanohi o te whatura

28:8b.JOB.028.008 Kahore nga kirehe whakahi kia takahi i taua ara kahore hoki a reira kia haerea e te raiona tutu

28:9b.JOB.028.009 E pa atu ana tona ringa ki te kiripaka; hurihia ake e ia nga take o nga maunga

28:10b.JOB.028.010 E tapahia ana e ia he awa i roto i nga kamaka, a e kite ana tona kanohi i nga mea utu nui katoa

28:11b.JOB.028.011 E herea ana e ia nga awa kei maturuturu; e whakaputa mai ana hoki i nga mea ngaro ki te marama

28:12b.JOB.028.012 E kitea ia ki hea te whakaaro nui? kei hea hoki te wahi o te mohio

28:13b.JOB.028.013 E kore te tangata e mohio ki tona utu, e kore ano taua hanga e kitea ki te whenua o te ora

28:14b.JOB.028.014 E ki ake ana te rire, Kahore i ahau; e ki mai ana hoki te moana, Kahore i ahau

28:15b.JOB.028.015 E kore e hokona ki te koura, e kore ano hoki e taea te pauna te hiriwa hei utu mona

28:16b.JOB.028.016 E kore e taea te whakarite ki te koura o Opira, ki te onika utu nui, ki te hapira

28:17b.JOB.028.017 E kore e rite te koura, te kohatu piata ki a ia: e kore e hokona ki nga oko koura parakore

28:18b.JOB.028.018 E kore e whakahuatia te kaoa, nga peara ranei; hira ake hoki te utu o te whakaaro nui i to te rupi

28:19b.JOB.028.019 E kore te topaha o Etiopia e rite ki a ia, e kore e tau te koura parakore hei utu

28:20b.JOB.028.020 Ka haere mai ra i hea te whakaaro nui? Kei hea te wahi o te matau

28:21b.JOB.028.021 He mea huna atu na hoki i nga kanohi o nga mea ora katoa, ngaro rawa i nga manu o te rangi

28:22b.JOB.028.022 E ki ake ana te whakangaromanga raua ko te mate, i hakiri o maua taringa ki tona rongo

28:23b.JOB.028.023 E mohio ana te Atua ki tona ara, kua kite ano ia i tona wahi

28:24b.JOB.028.024 E titiro ana hoki ia ki nga pito o te whenua, e kite ana ia i nga mea i raro i te rangi, a puta noa

28:25b.JOB.028.025 E mea ana i te whakataimaha mo te hau; ae, e mehua ana ia i nga wai ki te mehua

28:26b.JOB.028.026 I a ia e whakatakoto ana i te tikanga mo te ua, i te huarahi mo te uira o te whatitiri

28:27b.JOB.028.027 Ka kitea e ia i reira, a whakapuakina mai ana; i whakaukia e ia, a ata rapua ana e ia

28:28b.JOB.028.028 A ka mea ia ki te tangata, Na, ko te wehi ki te Ariki, ko te whakaaro nui tena; a ko te mawehe atu i te kino, koia te matauranga

29

29:1b.JOB.029.001 A i korero tonu a Hopa i tana pepeha, i mea

29:2b.JOB.029.002 Aue, me i rite ki nga marama o mua, ki nga ra i tiaki ai te Atua i ahau

29:3b.JOB.029.003 I tiaho mai ai tana rama ki toku matenga, a na tana whakamarama i haere ai ahau i te pouri

29:4b.JOB.029.004 Me i pera ano me ahau i nga ra o toku taiohitanga, i te mea nei kei runga to te Atua whakaaro puku i toku teneti

29:5b.JOB.029.005 I te mea e noho ana ano te Kaha Rawa i ahau, a kei tetahi taha oku aku tamariki, kei tetahi taha

29:6b.JOB.029.006 I horoia ai oku takahanga ki te pata, a rere mai ana nga awa hinu ki ahau i roto i te kohatu

29:7b.JOB.029.007 I toku haerenga atu ki te kuwaha ki te pa, a whakapai ana i te nohoanga moku i te waharoa

29:8b.JOB.029.008 Ka kite nga taitamariki i ahau, a piri ana ratou: whakatika ana nga koroheke, tu ana ki runga

29:9b.JOB.029.009 Mutu pu te korero a nga tino tangata, kua kopania te ringa ki o ratou mangai

29:10b.JOB.029.010 Ngaro ana te reo o nga rangatira, piri ana o ratou arero ki o ratou ngao

29:11b.JOB.029.011 No te rongonga hoki o te taringa i ahau manaaki ana i ahau; te kitenga o te kanohi i ahau, whakaae mai ana ki aku mahi

29:12b.JOB.029.012 No te mea naku i whakaora te rawakore i a ia e karanga ana, te pani me te tangata hoki kahore nei ona kaiawhina

29:13b.JOB.029.013 I tau ki runga ki ahau te manaaki a te tangata e tata ana ki te whakangaromanga; harakoa ana i ahau te ngakau o te pouaru

29:14b.JOB.029.014 I kakahuria e ahau te tika, a ko tera toku kakahu: e rite ana taku whakarite whakawa he koroka, he karauna

29:15b.JOB.029.015 He kanohi ahau ki te matapo, he waewae ki te kopa

29:16b.JOB.029.016 He matua ahau ki nga rawakore: a i ata rapua e ahau te tikanga o te totohe a te tangata kihai nei ahau i mohio

29:17b.JOB.029.017 Wawahia ana e ahau nga kauae o te tangata kino, a takiritia mai ana e ahau tana mea pahua i roto i ona niho

29:18b.JOB.029.018 Katahi ahau ka mea, Tera ahau e mate i roto i toku ohanga; ka whakanuia oku ra kia rite ki te onepu te maha

29:19b.JOB.029.019 Ko toku pakiaka tautoro tonu ki nga wai, a i te po tau ana te tomairangi ki runga ki toku peka

29:20b.JOB.029.020 Ko toku kororia hou tonu i roto i ahau, a hoki ake ana te kaha o taku kopere i toku ringa

29:21b.JOB.029.021 I whakarongo mai nga tangata ki ahau, i tatari, whakarongo puku ana ratou i ahau e whakatakoto whakaaro ana

29:22b.JOB.029.022 I muri i aku kupu kore ake ratou i korero ano; maturuturu iho ana aku kupu ki runga ki a ratou

29:23b.JOB.029.023 I taria mai ahau e ratou ano ko te ua; hamama mai ana o ratou mangai ano e tatari ana ki te ua o muri

29:24b.JOB.029.024 Ka kata ahau ki a ratou, kihai i whakaponohia e ratou; kihai hoki ratou i whakataka i te marama o toku mata

29:25b.JOB.029.025 Naku to ratou ara i whiriwhiri, a noho ana ahau hei rangatira, noho ana hoki ahau ano he kingi i roto i te ope; i rite ahau ki te kaiwhakamarie o te hunga e tangi ana

30

30:1b.JOB.030.001 Inaianei ia e kataina mai ana ahau e te hunga tamariki rawa i ahau, e te hunga kihai nei ahau i whakaae kia uru o ratou matua ki roto ki nga kuri o taku kahui

30:2b.JOB.030.002 Ae ra, hei aha maku te kaha o o ratou ringa? He hanga pirau nei hoki to ratou koroheketanga

30:3b.JOB.030.003 Tupuhi ana ratou i te rawakore, i te hemokai; e ngau ana ratou i te oneone pakapaka, i roto i te pouritanga o te tuhea, o te ururua

30:4b.JOB.030.004 E whawhaki ana ratou i nga marou i roto o nga rakau ririki; a ko nga pakiaka hunipa hei kai ma ratou

30:5b.JOB.030.005 He mea pei atu ratou i roto i nga tangata; e karangarangatia ana ratou ano he tahae

30:6b.JOB.030.006 Me noho rawa atu ratou i nga kapiti o nga awaawa, i nga waro o te whenua, i nga kamaka

30:7b.JOB.030.007 Tangi a kaihe ana ratou i roto i nga rakau ririki; huihuia ana ratou ki raro i nga ongaonga

30:8b.JOB.030.008 He tamariki ratou na nga kuware, ae ra, he tamariki na te hunga ingoakore; he hunga i patua atu i runga i te whenua

30:9b.JOB.030.009 Inaianei ia kua waiho ahau hei waiata ma ratou, ae, hei whakatauki ma ratou

30:10b.JOB.030.010 E whakarihariha mai ana ratou ki ahau, e neke rawa atu ana i ahau, a kahore e kaiponuhia e ratou te huware ki toku mata

30:11b.JOB.030.011 Kua oti hoki tana aho te wewete e ia, a e whakatupuria kinotia ana ahau e ia, a kua tukua e ratou te paraire i toku aroaro

30:12b.JOB.030.012 I te taha ki matau ka ara te marea; taia ana e ratou oku waewae, a akina ana nga ara o a ratou whakangaromanga ki ahau

30:13b.JOB.030.013 E taka kino ana ratou i toku ara, e whakatupu ana i te he moku, a kahore he hoa mahi mo ratou

30:14b.JOB.030.014 Rite tonu ki te wai nui e pakaru mai ana to ratou haerenga mai: i taua whakangaromanga nei, huri mai ana ratou ki runga ki ahau

30:15b.JOB.030.015 Kua tahuri mai nga whakawehi ki ahau, e aru ana ratou i toku whakaaro rangatira ano he hau; ko te whakahauora moku, pahemo ke ana ano he kapua

30:16b.JOB.030.016 Na inaianei kua maringi toku wairua i roto i ahau: mau pu ahau i nga ra o te tangi

30:17b.JOB.030.017 I te po e werohia ana oku wheua i roto i ahau; kahore hoki he okiokinga o nga mamae e ngau nei i ahau

30:18b.JOB.030.018 He kaha nui no toku mate i ahua ke ai toku kakahu; e awhi nei i ahau, e penei ana me te whiri o toku koti

30:19b.JOB.030.019 Kua maka ahau e ia ki te paru, kua rite ahau ki te puehu, ki te pungarehu

30:20b.JOB.030.020 E tangi ana ahau ki a koe, heoi kahore koe e whakao mai ki ahau; e tu ana, heoi ka titiro kau mai koe ki ahau

30:21b.JOB.030.021 Kua huri ke, kua kino tau mahi ki ahau: ko te kaha o tou ringa kei te tukino i ahau

30:22b.JOB.030.022 Kua hapainga ake ahau e koe ki te hau, a meinga ana tera e koe hei hoiho moku; a whakamotitia iho ahau e koe i roto i te tupuhi

30:23b.JOB.030.023 E mohio ana hoki ahau tera ahau e kawea e koe ki te mate, ki te whare hoki i whakaritea mo te hunga ora katoa

30:24b.JOB.030.024 E kore ano ia tona ringa e totoro iho ki te urupa; ahakoa hei mate mona ka mea ia ki te karanga, he whakaaro ki enei mea

30:25b.JOB.030.025 Kihai ianei ahau i tangi ki te tangata he mate nei tona? kihai ranei toku wairua i pouri ki te rawakore

30:26b.JOB.030.026 I ahau i tatari ai ki te pai, heoi kua tae mai te kino; tumanako atu ana ahau ki te marama, heoi kua tae mai te pouri

30:27b.JOB.030.027 Ko oku whekau, me te mea e koropupu ana, te ata takoto; haukotia mai ana ahau e nga ra o te tangi

30:28b.JOB.030.028 E haereere pouri ana ahau, kahore he ra; ko taku whakatikanga ake i roto i te whakaminenga, ka karanga awhina

30:29b.JOB.030.029 Hei teina ahau ki nga tarakona, hei hoa mo nga ruru

30:30b.JOB.030.030 Ko toku kiri mangu tonu, e ngahoro ana i ahau, kaia ana oku wheua i te wera

30:31b.JOB.030.031 No reira i tahuri ke ai taku hapa ki te tangi, me taku okana ki te reo o te hunga e uhunga ana

31

31:1b.JOB.031.001 Kua oti taku kawenata ki oku kanohi; kia whakaaroaro ahau hei aha ki te kotiro

31:2b.JOB.031.002 He aha ta te Atua wahi e tuwha mai ai i runga? He aha ta te Kaha Rawa taonga tupu i te wahi tiketike

31:3b.JOB.031.003 He teka ianei he whakangaromanga mo te tangata kino? he whiu mo nga kaimahi o te he

31:4b.JOB.031.004 He teka ianei e kitea ana e ia oku ara, e taua ana e ia oku hikoinga katoa

31:5b.JOB.031.005 Ki te mea i haere ahau i runga i te tekateka noa, a i hohoro toku waewae ki te tinihanga

31:6b.JOB.031.006 Kia paunatia ahau i runga i te pauna tika, kia mohio ai te Atua ki toku tapatahi

31:7b.JOB.031.007 Ki te mea i kotiti ke toku hikoinga i te ara, a i whai toku ngakau i oku kanohi; a ki te mea i mau te tongi ki oku ringa

31:8b.JOB.031.008 Kati, ko ahau hei whakato, a ma tetahi atu e kai; ae ra, tukua nga hua o taku mara kia hutia atu

31:9b.JOB.031.009 Ki te mea i whakawairangitia toku ngakau e te wahine, a i whanga ahau i te tatau o toku hoa

31:10b.JOB.031.010 Heoi kia huri paraoa taku wahine ma tetahi atu, kia piko iho ano hoki nga tangata ke ki runga i a ia

31:11b.JOB.031.011 He kino rawa hoki tera; ae ra, he he e tika ana kia whiua e nga kaiwhakawa

31:12b.JOB.031.012 He ahi hoki tera e kai ana ki te whakangaromanga rawa, poto noa aku hua katoa

31:13b.JOB.031.013 Ki te mea i whakahaweatia e ahau te whakawa a taku pononga tane, a taku pononga wahine, i a raua e totohe ana ki ahau

31:14b.JOB.031.014 Ka pehea ra ahau ina whakatika te Atua? He aha taku kupu e whakahoki ai ki a ia ina tae mai ia ki te titiro

31:15b.JOB.031.015 He teka ranei na toku kaihanga ia i hanga i roto i te kopu? a nana, na te kotahi, i whai ahua ai maua i roto i te puku

31:16b.JOB.031.016 Ki te mea i kaiponuhia e ahau ta nga rawakore i hiahia ai, a meinga ana e ahau nga kanohi o te pouaru kia pau i te minamina

31:17b.JOB.031.017 Ki te mea ranei i kainga taku maramara e toku kotahi, a kihai te pani i kai i tetahi wahi

31:18b.JOB.031.018 He mea whakatupu ia naku no toku taitamarikitanga ra ano me te mea ko tona papa ahau: ko te pouaru he mea arahi naku no te kopu ra ano o toku whaea

31:19b.JOB.031.019 Ki te mea i kite ahau i tetahi e tata ana ki te mate, he kore no te kakahu, a kahore he uhi mo te rawakore

31:20b.JOB.031.020 Ki te mea kihai tona hope i whakapai ki ahau, a kihai ia i mahana i nga huruhuru o taku kahui

31:21b.JOB.031.021 Ki te mea i ara toku ringa hei pehi i te pani, i toku kitenga he awina tera moku kei te kuwaha

31:22b.JOB.031.022 Na kia marere atu toku pokohiwi i roto i te peke, kia whati te takakau o toku ringa

31:23b.JOB.031.023 Ko te whiu hoki a te Atua taku i wehi ai; kihai hoki i taea e ahau te aha i tona nui

31:24b.JOB.031.024 Ki te mea i u toku whakaaro ki te koura, a i mea ahau ki te koura parakore, Ko koe taku e whakawhirinaki atu ai

31:25b.JOB.031.025 Ki te mea i koa ahau ki te maha o oku rawa, a ki te nui o ta toku ringa i whiwhi ai

31:26b.JOB.031.026 Ki te mea i kite ahau i te ra e whiti ana, i te marama ranei e haere ana i tona tiahotanga

31:27b.JOB.031.027 A ka kumea pukutia atu toku ngakau, ka kihia toku ringa e toku mangai

31:28b.JOB.031.028 Na he kino tenei hei whiunga ma nga kaiwhakawa: he teka hoki naku ki te Atua i runga

31:29b.JOB.031.029 Ki te mea i koa ahau ki te whakangaromanga o te tangata i kino ki ahau, i whakaara ake ranei i ahau i te panga o te he ki a ia

31:30b.JOB.031.030 Ae, kihai ahau i tuku i toku mangai kia hara, kihai i whai kia kanga tona wairua

31:31b.JOB.031.031 Ki te mea kahore nga tangata o toku teneti i mea, Tena koa te tangata kihai nei i makona i tona kikokiko

31:32b.JOB.031.032 Kihai te manene i moe i waho; i whakatuwheratia ano e ahau oku tatau ki te tangata haere

31:33b.JOB.031.033 Ki te mea i pera ahau me Arama, i hipoki i oku he, i huna i toku kino ki roto ki toku uma

31:34b.JOB.031.034 I wehi hoki ahau i te huihui nui, i mataku ki te whakahawea a nga hapu, a whakarongo kau ana, kihai hoki i puta ki wah

31:35b.JOB.031.035 Aue, me i whakarongo mai tetahi ki ahau! Nana, tenei taku tohu, ma te Kaha Rawa e whakahoki mai he kupu ki ahau; me i ahau noa te pukapuka i tuhituhia e toku hoariri

31:36b.JOB.031.036 Ina, kua amohia e ahau i runga i toku pokohiwi; kua herea e ahau hei karauna moku

31:37b.JOB.031.037 Kua whakaaturia e ahau ki a ia te maha o oku hikoinga; rite tonu ki ta te rangatira taku whakatata atu ki a ia

31:38b.JOB.031.038 Ki te tangi taku oneone, he whakahe ki ahau, ki te uru ano ona moa ki te aue

31:39b.JOB.031.039 Ki te mea i kainga e ahau ona hua, he mea kihai i utua, a naku ranei ona ariki i mate ai

31:40b.JOB.031.040 Na, kia riro pu te witi i te tataramoa, te parei i te taru kino. Heoi ano nga korero a Hopa

32

32:1b.JOB.032.001 Heoi mutu ake te whakahoki kupu a enei tangata tokotoru ki a Hopa, no te mea he tika ia ki tona nei whakaaro

32:2b.JOB.032.002 Na kua mura te riri o Erihu tama a Parakere Puti, no te whanau i a Rame: mura ana tona riri ki a Hopa, no te mea ki tana tika rawa ia i te Atua

32:3b.JOB.032.003 I mura ano tona riri ki ona hoa tokotoru, no te mea kihai i kitea e ratou he kupu hei whakahokinga atu, heoi kei te whakahe ano ratou i a Hopa

32:4b.JOB.032.004 Na i tatari a Erihu kia korero ia ki a Hopa, no te mea he kaumatua ake ratou i a ia

32:5b.JOB.032.005 A, no te kitenga o Erihu kahore he kupu i nga mangai o aua tangata tokotoru hei whakahokinga atu, mura ana tona riri

32:6b.JOB.032.006 Na ka oho a Erihu tama a Parakere Puti, ka mea, He taitamariki ahau, ko koutou ia he koroheke rawa; koia ahau i hopohopo ai, i wehi ai ki te whakaatu i toku whakaaro ki a koutou

32:7b.JOB.032.007 I mea ahau, Ma nga ra te korero, ma nga tau kua maha e whakaatu te whakaaro nui

32:8b.JOB.032.008 Otiia he wairua ano to te tangata, na te manawa ano o te Kaha Rawa ratou i whai mahara ai

32:9b.JOB.032.009 Ko nga tangata nunui, kahore o ratou whakaaro nui, ko nga kaumatua, kahore e matau ki te whakawa

32:10b.JOB.032.010 Koia ahau i mea ai, Whakarongo ki ahau; ka whakakite hoki ahau i toku whakaaro

32:11b.JOB.032.011 Nana, i tatari ahau ki a koutou kupu; i whai taringa atu ki o koutou whakaaro mohio i a koutou e rapu kupu ana

32:12b.JOB.032.012 Nana, mahara tonu atu ahau ki a koutou, a kihai tetahi o koutou i whakaatu i te he o Hopa, i whakahoki kupu ranei ki ana korero

32:13b.JOB.032.013 Kei mea koutou, Kua kitea e matou te mohio, na te Atua ia i turaki, ehara i te tangata

32:14b.JOB.032.014 Na kihai ana kupu i anga mai ki ahau; e kore ano tana e utua e ahau ki a koutou kupu

32:15b.JOB.032.015 Porahurahu kau ana ratou, kore ake a ratou kupu whakahoki: mutu ake a ratou korero

32:16b.JOB.032.016 Kia tatari ahau, no te mea kahore ratou e korero, no te mea e tu kau ana ratou, kahore e whakahoki atu

32:17b.JOB.032.017 Me korero atu hoki e ahau aku kupu, maku ano e whakaatu toku whakaaro

32:18b.JOB.032.018 Ki tonu hoki ahau i te korero; e akiakina ana ahau e te wairua i roto i ahau

32:19b.JOB.032.019 Nana, ko toku kopu rite tonu ki te waina kahore nei ona putanga; ki te ipu hou e tata ana ia te pakaru

32:20b.JOB.032.020 Me korero ahau, kia ta ai toku manawa; ka puaki toku mangai, ka whakahoki kupu ahau

32:21b.JOB.032.021 Na kaua ahau e whakapai ki te kanohi tangata; e kore hoki ahau e hoatu ingoa whakapaipai ki te tangata

32:22b.JOB.032.022 Kahore hoki ahau e mohio ki te whakapati; penei kua riro wawe ahau i toku Kaihanga

33

33:1b.JOB.033.001 Tena ra, whakarongo, e Hopa, ki aku korero, kia whai taringa ki aku kupu katoa

33:2b.JOB.033.002 Nana, kua puaki nei toku mangai, kei te korero toku arero i roto i toku mangai

33:3b.JOB.033.003 Ma aku kupu e whakapuaki te tika o toku ngakau; ka korero pono oku ngutu i ta ratou e matau ana

33:4b.JOB.033.004 He mea hanga ahau na te Wairua o te Atua, a na te manawa o te Kaha Rawa ahau i whai ora ai

33:5b.JOB.033.005 Ki te taea e koe, whakahokia mai e koe he kupu ki ahau; whakatikaia au korero ki toku aroaro, e tu ki runga

33:6b.JOB.033.006 Nana, ko toku anga ki te Atua he pena hoki i tau; he mea hanga nei ano hoki ahau ki te paru

33:7b.JOB.033.007 Nana, e kore te wehi ki ahau e whakawehi i a koe; e kore ano hoki toku ringa e taimaha iho ki a koe

33:8b.JOB.033.008 He pono kua hakiri oku taringa ki au kupu, a kua rongo atu ahau i te reo o au kupu, e mea ana

33:9b.JOB.033.009 He ma ahau, kahore oku he; he harakore ahau, kahore hoki he kino i roto i ahau

33:10b.JOB.033.010 Na e rapu ana ia i te take riri ki ahau, e kiia ana ahau e ia he hoariri nona

33:11b.JOB.033.011 E karapitia ana e ia oku waewae ki te rakau, e ata titiro ana ia ki oku hikoinga katoa

33:12b.JOB.033.012 Nana, maku e whawhati tau kupu, ehara tenei mea au i te mea tika; nui atu hoki te Atua i te tangata

33:13b.JOB.033.013 He aha koe i totohe ai ki a ia? E kore hoki e korerotia e ia te tikanga o tetahi o ana mea

33:14b.JOB.033.014 Kotahi hoki, ae ra, e rua korerotanga a te Atua, otiia kahore e maharatia e te tangata

33:15b.JOB.033.015 I te moe, i te putanga moemoea mai o te po, ina au iho te moe o te tangata, i nga moenga i runga i te takotoranga

33:16b.JOB.033.016 Ko reira ia whakapuare ai i nga taringa o nga tangata, hiri ai hoki i te ako mo ratou

33:17b.JOB.033.017 Kia whakanekehia ai te tangata i tana whakaaro, kia hipokina ai hoki te whakapehapeha o te tangata

33:18b.JOB.033.018 E puritia ana e ia tona wairua kei tae ki te rua, tona ora kei riro i te hoari

33:19b.JOB.033.019 E whiua ana hoki ia ki te mamae i runga i tona moenga, ki te ngau tonu hoki o ona wheua

33:20b.JOB.033.020 A whakarihariha ana tona ora ki te taro, tona wairua ki te kai whakaminamina

33:21b.JOB.033.021 E honia ana ona kiko, a kore noa e kitea; a purero mai ana ona wheua kihai nei i kitea i mua

33:22b.JOB.033.022 Heoi e whakatata ana tona wairua ki te rua, tona ora ki nga kaiwhakamate

33:23b.JOB.033.023 Ki te mea he karere tera kei a ia, he kaiwhakaatu tikanga tetahi i roto i te mano, hei whakaatu i tona tika ki te tangata

33:24b.JOB.033.024 Na ka tohu tera i a ia, a ka mea, Whakaorangia ia kei heke ki te rua, kua kitea hoki e ahau he utu

33:25b.JOB.033.025 Ko tona kiri ka ngawari atu i to te tamaiti; ka hoki iho ia ki nga ra o tona tamarikitanga

33:26b.JOB.033.026 Ka inoi ia ki te Atua, a ka manako tera ki a ia; heoi ka kite ia i tona mata i runga i te koa: a ka utua e ia te tika o te tangata

33:27b.JOB.033.027 E waiata ana ia i te aroaro o nga tangata, e mea ana, Kua hara ahau, whakaparoritia ake e ahau te tika, a kahore he pai ki ahau

33:28b.JOB.033.028 Kua whakaorangia e ia toku wairua kei riro ki te rua, a e kite toku wairua i te marama

33:29b.JOB.033.029 Nana, e meatia ana enei mea katoa e te Atua, e tuaruatia ana, ae, e tuatorutia ana, ki te tangata

33:30b.JOB.033.030 Hei whakahoki mai i tona wairua i roto i te rua, kia whakamaramatia ai ki te marama o te ora

33:31b.JOB.033.031 Kia whai whakaaro mai, e Hopa, whakarongo mai ki ahau: kati tau, a ka korero ahau

33:32b.JOB.033.032 Ki te mea he kupu tau, utua mai taku: korero, ko taku hoki i pai ai kia whakatikaia tau

33:33b.JOB.033.033 Ki te kahore, whakarongo ki ahau: noho puku koe, a maku koe e whakaako ki te whakaaro nui

34

34:1b.JOB.034.001 I korero ano hoki a Erihu, i mea

34:2b.JOB.034.002 Whakarongo ki aku kupu, e te hunga whakaaro nui; kia whai taringa ki ahau, e te hunga mohio

34:3b.JOB.034.003 E whakamatau ana hoki te taringa i te kupu, e pera ana me ta te mangai ki te reka o te kai

34:4b.JOB.034.004 Ko ta tatou e whiriwhiri ai ma tatou ko te mea tika: kia mohiotia hoki e tatou, e tenei, e tenei, ko te aha te mea pai

34:5b.JOB.034.005 Kua mea nei hoki a Hopa, He tika taku, a kua whakapeaua ketia e te Atua te whakawa moku

34:6b.JOB.034.006 Ahakoa kei ahau te tika ka kiia ahau he tangata teka; e kore e mahu toku werohanga, ahakoa kahore oku he

34:7b.JOB.034.007 Ko wai te tangata e rite ki a Hopa, me te mea he wai te tawai e inumia ana e ia

34:8b.JOB.034.008 Kua uru nei ki te tira o nga kaimahi i te he, a e haere tahi ana me nga tangata kikino

34:9b.JOB.034.009 Kua mea hoki ia, Kahore he painga ki te tangata ki te ahuareka atu ia ki te Atua

34:10b.JOB.034.010 No reira whakarongo mai ki ahau, e nga tangata ngakau mohio: e kore rawa te Atua e mahi i te kino; e kore rawa hoki te Kaha Rawa e mahi i te he

34:11b.JOB.034.011 Ka utua hoki e ia te tangata mo tana mahi, ka rite hoki ki to te tangata ara nga mea e whakawhiwhia e ia ki a ia

34:12b.JOB.034.012 Tika rawa, e kore te Atua e kino, e kore ano hoki te Kaha Rawa e whakaputa ke i te whakawa

34:13b.JOB.034.013 Na wai ia i mea hei kaitirotiro mo te whenua? Na wai hoki i whakatakoto nga tikanga mo te ao katoa

34:14b.JOB.034.014 Ki te anga mai tona ngakau ki te tangata, ki te kohia atu e ia ki a ia tona wairua me tona manawa

34:15b.JOB.034.015 Ka hemo ngatahi nga kikokiko katoa, a ka hoki ano te tangata ki te puehu

34:16b.JOB.034.016 Na ki te mea he ngakau mohio tou, whakarongo ki tenei; kia whai taringa mai ki te reo o aku kupu

34:17b.JOB.034.017 E whai kingitanga ranei tetahi kotahi e kino ana ki te tika? E whakakino ranei koe ki te tangata tika, kaha hoki

34:18b.JOB.034.018 E tau ana ranei te mea atu ki te kingi, He weriweri koe? ki nga rangatira ranei, He kino koutou

34:19b.JOB.034.019 Kia iti rawa iho ki a ia e kore nei e whakapai ki te kanohi o nga rangatira, e kore nei e hira ake tona pai ki te hunga whai rawa i nga rawakore? No te mea he mahi ratou katoa na ona ringa

34:20b.JOB.034.020 Kihai i aha kua mate ratou, kua mate i waenganui po; ka wiri te iwi, ka pahemo atu, ka riro te hunga nunui, kahore hoki he ringa

34:21b.JOB.034.021 Kei runga hoki i nga ara o te tangata ona kanohi, e kitea ana e ia ona hikoinga katoa

34:22b.JOB.034.022 Kahore he pouri, kahore he atarangi o te mate e piri ai nga kaimahi i te kino

34:23b.JOB.034.023 E kore hoki e nui atu i te tika te mea e whakawaha e ia ki te tangata, e haere ai ia ki te aroaro o te Atua ki te whakawa

34:24b.JOB.034.024 Ka wawahia e ia nga tangata nunui, te mohiotia nga ara, a whakaturia ake etahi atu i muri i a ratou

34:25b.JOB.034.025 Na e mohio ana ia ki a ratou mahi; a hurihia ake ratou e ia i te po, a mongamonga noa ratou

34:26b.JOB.034.026 He hunga kino ratou, pakia iho e ia i te tirohanga a te tangata

34:27b.JOB.034.027 Mo ratou i tahuri ke i te whai i a ia, kihai hoki i whakaaro ki tetahi o ona ara

34:28b.JOB.034.028 Na ratou hoki i puta ai te tangi a te rawakore ki a ia, a rongo ana ia ki te tangi a te hunga e tukinotia ana

34:29b.JOB.034.029 Ki te meinga e ia kia ata noho, ko wai hei whakararuraru? A ki te huna e ia tona kanohi, ko wai e kite i a ia? ahakoa i meatia ki te iwi, ki te tangata ranei, rite tonu

34:30b.JOB.034.030 Kore ake te whakaponokore e whai kingitanga, kore ake te iwi e mahangatia

34:31b.JOB.034.031 Kua mea atu ranei ki te Atua, Kua pehia ahau e te whiu, e kore ahau e mahi i te he a muri nei

34:32b.JOB.034.032 Ko te mea kihai i kitea e ahau mau e whakaatu mai ki ahau; ki te mea i mahi ahau i te he, ka mutu taku

34:33b.JOB.034.033 Kia rite ranei tana utu ki tau e mea ai, i whakakahoretia ai e koe? Mau te whiriwhiri, kahore maku: na mau e korero mai tau i mohio ai

34:34b.JOB.034.034 Ka korero mai nga tangata ngakau mahara ki ahau, ae ra, nga tangata whakaaro nui e whakarongo ana ki ahau

34:35b.JOB.034.035 Kahore he matauranga o Hopa i a ia i korero ra, kahore hoki he mahara i roto i ana kupu

34:36b.JOB.034.036 He pai me i whakamatauria a Hopa a te mutunga ra ano, mo ana kupu i whakahokia mai nei e ia, he mea i rite ki a nga tangata kikino

34:37b.JOB.034.037 E tapiritia ana hoki e ia te tutu ki runga ki tona hara, kei te pakipaki ia i ona ringa i waenganui i a tatou, a whakanuia ana e ia ana kupu kite Atua

35

35:1b.JOB.035.001 I korero ano a Erihu, i mea

35:2b.JOB.035.002 Ki tou whakaaro he tika tenei mau, e mea ana ranei koe, Nui atu toku tika i to te Atua

35:3b.JOB.035.003 I mea ai koe, He aha te rawa ki a koe? a, He aha te painga ki ahau, hira ake i te painga me i hara ahau

35:4b.JOB.035.004 Maku e whakahoki he kupu ki a koe, ki a koutou ko ou hoa

35:5b.JOB.035.005 Kia matatau atu tau titiro ki nga rangi; matakitakina atu hoki nga kapua e tiketike ake na i a koe

35:6b.JOB.035.006 Mehemea kua hara koe, ka ahatia ia e tau mahi? A ki te whakanuia au mahi tutu, e aha ana ranei koe ki a ia

35:7b.JOB.035.007 Ki te mea he tika tou, ko te aha e hoatu ana e koe ki a ia? Ko te aha ranei a tou ringa e riro ana i a ia

35:8b.JOB.035.008 Ka mamae pea tetahi tangata pena i a koe na i tou kino; ka whai painga pea ki tetahi tama a te tangata tou tika

35:9b.JOB.035.009 He maha no nga tukinotanga i tangi ai ratou; na te ringaringa o te hunga nui i aue ai ratou kia awhinatia

35:10b.JOB.035.010 Kahore ia tetahi e mea ana, Kei hea toku Kaihanga, te Atua, e homai nei i nga waiata i te po

35:11b.JOB.035.011 E nui atu nei tana whakaako ki a tatou i tana ki nga kararehe o te whenua, nana hoki i nui ai o tatou mahara i o nga manu o te rangi

35:12b.JOB.035.012 Karanga ana ratou i reira, heoi kahore he kupu e whakahokia mai, he mea na te whakapehapeha o te hunga kino

35:13b.JOB.035.013 He pono e kore te tekateka noa e whakarangona mai e te Atua, e kore ano hoki e tirohia mai e te Kaha Rawa

35:14b.JOB.035.014 Ka iti rawa iho ki te mea koe, kahore koe e kite i a ia, kei tona aroaro te whakarite whakawa; na ka tatari koe ki a ia

35:15b.JOB.035.015 Na, kihai nei ia i tae mai i runga i tona riri, kihai ano hoki i aro nui mai ki te whakamanamana

35:16b.JOB.035.016 Koia i puaki ai te mangai o Hopa, he mea horihori kau nei; kahore he matauranga o nga kupu e whakamahatia nei e ia

36

36:1b.JOB.036.001 I korero ano a Erihu, i mea

36:2b.JOB.036.002 Tukua ahau, kia iti nei, a ka whakaatu ahau ki a koe; he kupu ano hoki aku mo ta te Atua

36:3b.JOB.036.003 Ka tikina atu e ahau toku mohio i tawhiti, ka whakatikaia e ahau ta toku Kaihanga

36:4b.JOB.036.004 E kore rawa hoki aku kupu e teka: tenei kei a koe te tangata kua tino nui tona matauranga

36:5b.JOB.036.005 Nana, he pakari te Atua, e kore ano ia e whakahawea: pakari tonu te kaha o tona matauranga

36:6b.JOB.036.006 E kore te tangata kino e whakaorangia e ia; mana te hunga mate e whiwhi ai ki nga mea e tika ana ma ratou

36:7b.JOB.036.007 E kore e mutu tana titiro ki te tangata tika; engari ka whakanohoia ngatahitia ratou e ia me nga kingi ki runga ki te torona ake ake, a ka whakanekehia ake hoki ratou

36:8b.JOB.036.008 Ki te mea kua herea ratou ki te mekameka, mau pu i te rahiri, ara i nga mate

36:9b.JOB.036.009 Na ka whakakitea e ia ki a ratou ta ratou mahi, me o ratou he, i mea ai ratou i nga mea whakapehapeha

36:10b.JOB.036.010 Ka whakapuaretia ano e ia o ratou taringa ki te ako, a ka ki kia hoki i te kino

36:11b.JOB.036.011 Ki te rongo ratou, a ka mahi ki a ia, ka pau o ratou ra i runga i te pai, o ratou tau i runga i nga ahuareka

36:12b.JOB.036.012 Otira ki te kore ratou e rongo, ka ngaro ratou i te hoari, hemo iho ratou, kahore hoki he matauranga

36:13b.JOB.036.013 Ko te hunga whakaponokore o ratou ngakau, puranga rawa i a ratou te riri; kahore a ratou karanga awhina ina herea ratou e ia

36:14b.JOB.036.014 Ka mate ratou i te taitamarikitanga, a ka ngaro to ratou ora i roto i te hunga poke

36:15b.JOB.036.015 Ko tana he whakaora i te rawakore ina mate, e whakapuaretia ana e ia o ratou taringa ina tukinotia

36:16b.JOB.036.016 Ae ra, me koe ano, tera koe e riro i a ia i roto i te kuititanga ki te wahi whanui; a ki tonu i te ngako te mea e whakatakotoria ki runga ki tau tepu

36:17b.JOB.036.017 Otiia ki tonu koe i te tikanga a te tangata kino; a mau pu koe i nga tikanga, i te whakarite whakawa

36:18b.JOB.036.018 Na i te mea he riri tenei, kia tupato kei riro koe i te nui o au rawa; aua hoki koe e whakapeautia e te nui o te utu

36:19b.JOB.036.019 E ranea ranei ou rawa, e kore ai koe e taka he? nga uaua katoa ranei o tou kaha

36:20b.JOB.036.020 Kaua e hiahiatia te po, te wa e riro ai nga tangata i runga i to ratou whai

36:21b.JOB.036.021 Kia tupato, kaua e tahuri ki te kino; ki tau hoki he pai ake tenei i nga mate

36:22b.JOB.036.022 Nana, ko te Atua, ko tona kaha hei whakanui, ko wai te kaiwhakaako hei rite mona

36:23b.JOB.036.023 Ko wai te kaitohutohu i te ara mona? Ko wai hei mea, Kua he tau mahi

36:24b.JOB.036.024 Kia mahara kia whakanuia e koe tana mahi, e waiatatia nei e te tangata

36:25b.JOB.036.025 Kua tirohia nei e nga tangata katoa e matakitakina mai nei e te tangata i tawhiti

36:26b.JOB.036.026 Nana, he nui te Atua, e kore ano e mohiotia e tatou; e kore ano hoki te maha o ona tau e taea te rapu atu

36:27b.JOB.036.027 Ko ia nei hei ngongo ake i nga pata wai, ka tauia i tona kohu hei awha

36:28b.JOB.036.028 Ka ringihia iho nei e nga kapua, a ka maturuturu nui ki runga ki te tangata

36:29b.JOB.036.029 Ae ra, e mohiotia ana ranei e tetahi nga horahanga o nga kapua, te ngangau o tona tapenakara

36:30b.JOB.036.030 Nana, e horahia ana e ia tona marama a tawhio noa i a ia; e hipokina ana hoki e ia te takere o te moana

36:31b.JOB.036.031 Ko ana mea hoki ena hei whakawa mo nga iwi, nui tonu te kai e homai ana e ia

36:32b.JOB.036.032 E hipokina ana e ia ona ringa ki te uira, a whakahaua iho e ia te wahi e pa atu ai

36:33b.JOB.036.033 Hei kaiwhakaatu i a ia tona haruru, e waitohu ana hoki ki nga kararehe i te tupuhi meake puta mai

37

37:1b.JOB.037.001 Na konei ano wiri ana toku ngakau, maunu atu ana i tona wahi

37:2b.JOB.037.002 Ata whakarangona tona reo e papa ana, te pakutanga hoki e puta mai ana i tona mangai

37:3b.JOB.037.003 E whakatikaia atu ana e ia ki nga wahi katoa i raro i te rangi, ko tona uira hoki ki nga pito o te whenua

37:4b.JOB.037.004 I muri iho ko te reo e hamama ana; papa ana te whatitiri o te reo o tona nui; e kore ano era a tauhikuhiku ina rangona tona reo

37:5b.JOB.037.005 Ko ta te Atua whatitiri he reo whakamiharo; nui atu ana mahi, e kore hoki e mohiotia

37:6b.JOB.037.006 E ki ana hoki ia ki te hukarere, Hei runga koe i te whenua; ki te ua punehunehu ano hoki, raua ko te ua ta o tona kaha

37:7b.JOB.037.007 Hiritia ake e ia te ringa o nga tangata katoa; kia mohio ai nga tangata katoa nana nei i hanga ki tana mahi

37:8b.JOB.037.008 Haere ana nga kirehe ki nga piringa, noho ana i o ratou nohoanga

37:9b.JOB.037.009 Puta mai ana te tupuhi i te whare o te tonga: te matao hoki i te hauraro

37:10b.JOB.037.010 Na te manawa o te Atua i homai te huka: a kuiti iho te whanuitanga o nga wai

37:11b.JOB.037.011 Ae ra, e utaina ana e ia te kapua matotoru ki te houku; tohatohaina ana e ia te kohu o tana uira

37:12b.JOB.037.012 E whakakopikopikoa ana ano a tawhio noa, he mea hoki na ona whakaaro: hei mea i nga mea katoa e whakahaua atu ana e ia ki te mata o te ao

37:13b.JOB.037.013 E whakaputaina ana e ia hei whiu, hei mea ranei mo tona whenua, hei atawhai ranei

37:14b.JOB.037.014 Kia whai taringa mai ki tenei, e Hopa: tu marie, ka whakaaro ki nga mea whakamiharo a te Atua

37:15b.JOB.037.015 E mohio ana ranei koe ki ta te Atua whakahautanga ki a ratou i tana, i puta ai te marama o tana kapua

37:16b.JOB.037.016 E mohio ana ranei koe ki nga paunatanga o nga kapua, ki nga mahi whakamiharo a te tino o te matauranga

37:17b.JOB.037.017 Ki ou kakahu nei ka mahana, ina whakamarietia e ia te whenua ki te hau tonga

37:18b.JOB.037.018 Ka taea ranei e koe te whakatakoto ngatahi me ia te rangi hei papatupu, ano he whakaata whakarewa

37:19b.JOB.037.019 Whakaaturia mai ki a matou ta matou e korero ai ki a ia; e kore hoki e tika i te pouri ta matou whakatakoto o te korero

37:20b.JOB.037.020 E korerotia ranei ki a ia kei te mea ahau ki te korero? Kia hiahia ranei te tangata kia horomia ia

37:21b.JOB.037.021 Na inaianei e kore nga tangata e kite ana i te marama e wheriko mai nei i te rangi: otiia ka tika atu te hau, ka whakawateatia ratou

37:22b.JOB.037.022 E ahu mai ana i te hauraro te aho ano he koura; kei te Atua te kororia whakawehi

37:23b.JOB.037.023 Ko te Kaha Rawa, e kore ia e taea te whakataki e tatou; hira rawa tona kaha; a e kore ia e tukino i tana whakarite whakawa, i te nui o te tika

37:24b.JOB.037.024 Koia ka wehi nga tangata i a ia: e kore ia e whai whakaaro ki te hunga ngakau mohio

38

38:1b.JOB.038.001 Katahi a Ihowa ka whakahoki kupu ki a Hopa i roto i te tukauati, a ka mea

38:2b.JOB.038.002 Ko wai tenei e whakapouri nei i nga whakaaro ki nga kupu kahore ona matauranga

38:3b.JOB.038.003 Tena ra, whitikiria tou hope, whakatane; ka ui hoki ahau ki a koe, a mau e whakaatu mai ki ahau

38:4b.JOB.038.004 I hea koia koe i ahau e whakatakoto ana i te turanga o te whenua? Whakaaturia mai, ki te mea e mohio ana koe ki te whakaaro

38:5b.JOB.038.005 Na wai i whakarite ona ruri? ki te mea e mohio ana koe: na wai hoki i whakamaro te aho ki runga

38:6b.JOB.038.006 I whakaukia ona turanga ki runga ki te aha? Na wai hoki i whakatakoto tona kohatu kokonga

38:7b.JOB.038.007 I te mea i waiata ngatahi nga whetu o te ata, a i hamama nga tama katoa a te Atua i te koa

38:8b.JOB.038.008 Na wai hoki i tutaki te moana ki te tatau, i a ia e puta mai ana, me te mea e whanau mai ana i roto i te kopu

38:9b.JOB.038.009 I ahau ra i mea ai i te kapua hei kakahu mona, i te pouri kerekere hei takai mona

38:10b.JOB.038.010 A whakapuakina ana e ahau taku tikanga mona, mea rawa ki nga tutaki, ki nga tatau

38:11b.JOB.038.011 Me taku ki atu ano, Ka taea mai e koe a konei, kati; hei konei ou ngaru whakakake mau ai

38:12b.JOB.038.012 Ko koe koia, i ou ra nei, te kaiwhakahau i te ata; nau ranei te puaotanga i mohio ai ki tona wahi

38:13b.JOB.038.013 Kia rurukutia e ia nga pito o te whenua, a ruperupea ake nga tangata kikino i roto

38:14b.JOB.038.014 Kua whiti ke, kua pera ano me te paru i te hiri: tu ake ana nga mea katoa ano he kakahu

38:15b.JOB.038.015 A e kaiponuhia ana to ratou marama ki te hunga kino, whati iho te ringa whakakake

38:16b.JOB.038.016 Kua tae atu ranei koe ki nga matapuna o te moana? Kua whakatakina haeretia ranei e koe te rire

38:17b.JOB.038.017 Kua whakapuaretia ranei ki a koe nga kuwaha o te mata? Kua kite ranei koe i nga kuwaha o te atarangi o te mate

38:18b.JOB.038.018 Kua oti ranei te whakaaro e koe te whanuitanga o te whenua? Korero mai, ki te mea e mohiotia katoatia ana e koe

38:19b.JOB.038.019 Kei hea te ara ki te nohoanga o te marama? Te pouri hoki, kei hea tona wahi

38:20b.JOB.038.020 Kia kawea atu ai e koe ki tona rohe, a mohio iho koe ki nga huarahi ki tona whare

38:21b.JOB.038.021 I mohio pea koe no te mea i whanau koe i taua wa, a he maha ou ra

38:22b.JOB.038.022 Kua tomo ranei koe ki nga takotoranga o te hukarere, kua kite ranei koe i nga takotoranga o te whatu

38:23b.JOB.038.023 I aku i rongoa ai mo te wa o te he, mo te ra o te tatauranga, o te pakanga

38:24b.JOB.038.024 Tena koa, te ara i marara atu ai te marama, i pakaru atu ai te marangai ki runga ki te whenua

38:25b.JOB.038.025 Na wai i wehe he awa mo te waipuke, he ara mo te uira o te whatitiri

38:26b.JOB.038.026 Kia ua ai ki te whenua, ki te wahi kahore nei he tangata; ki te koraha, kahore nei o reira tangata

38:27b.JOB.038.027 Hei whakamakona i te tuhea, i te ururua; hei mea kia pariri te tupu o te otaota hou

38:28b.JOB.038.028 He matua tane ano ranei to te ua? I whanau ranei i a wai nga pata o te tomairangi

38:29b.JOB.038.029 I puta mai i roto i to wai kopu te huka tio? Ko te huka o te rangi, he whanau tena na wai

38:30b.JOB.038.030 Me te mea he kohatu e huna ana i te wai; a whakatotoka ana te mata o te rire

38:31b.JOB.038.031 E taea ranei e koe te here te huihui o Matariki, e wewete ranei nga here o Tautoru

38:32b.JOB.038.032 E taea ranei e koe te arahi mai te Mataroto i tona wa, te taki mai ranei a Aketura ratou ko tana ropu

38:33b.JOB.038.033 E mohio ana ranei koe ki nga tikanga o te rangi? Mau ranei e whai mana ai ki runga ki te whenua

38:34b.JOB.038.034 E ara ranei i a koe tou reo ki nga kapua, kia nui ai nga wai hei taupoki i a koe

38:35b.JOB.038.035 E taea ranei e koe nga uira te unga atu, e haere ai ratou, me ta ratou ki ano ki a koe, Tenei matou

38:36b.JOB.038.036 Na wai i whakanoho nga whakaaro nunui ki nga wahi o roto? Na wai i homai nga mahara ki te ngakau

38:37b.JOB.038.037 Ko wai te mea whakaaro nui hei tatau i nga kapua? Ko wai hei tahoro i nga ipu o te rangi

38:38b.JOB.038.038 Ina ka papatupu te puehu ano he mea whakarewa, a ka piri nga pokuru ki a ratou ano

38:39b.JOB.038.039 Mau ranei e hopu he kai ma te raiona? Mau e nui ai he oranga mo nga kuao raiona

38:40b.JOB.038.040 Ina tapapa iho ratou i o ratou nohoanga, ina noho i te piringa whanga ai

38:41b.JOB.038.041 Na wai i rite ai tana kai ma te raweni, ina tangi ana pi ki te Atua, ina kopikopiko ratou i te kore kai

39

39:1b.JOB.039.001 E mohiotia ana ranei e koe te wa e whanau ai nga koati mohoao o te kamaka? E kitea putia ana ranei e koe te wa e whakamamae ai nga hata

39:2b.JOB.039.002 E taua ano ranei e koe nga marama e rite ana i a ratou? E mohio ana ranei koe ki te wa e whanau ai ratou

39:3b.JOB.039.003 Tuohu ana ratou, kua puta mai a ratou kuao, akiritia mai ana e ratou o ratou mea whakapouri

39:4b.JOB.039.004 E pai ana te ahua o a ratou kuao, e tupu ana i te parae; ka haere atu ratou, a kahore e hoki mai ano

39:5b.JOB.039.005 Na wai i tuku te kaihe mohoao kia haere noa atu; nga here o te kaihe mohoao, na wai i wewete

39:6b.JOB.039.006 Ko te whare i whakaritea nei e ahau mona, ko te koraha: ko ona nohoanga ko te wahi titiohea

39:7b.JOB.039.007 Whakahaweatia iho e ia te ngangau o te pa; e kore ia e rongo ki te reo o te kaiakiaki

39:8b.JOB.039.008 Ko tona wahi kai kei te tuahiwi o nga maunga, e rapua ana e ia nga mea matomato katoa

39:9b.JOB.039.009 E pai ranei te unikanga kia mahi ki a koe? Kei tau takotoranga kai ranei he moenga mona

39:10b.JOB.039.010 E herea ranei e koe te unikanga ki tona taura i te awa parautanga? E rakarakatia ranei e ia nga raorao me tana whai ano i a koe

39:11b.JOB.039.011 E whakawhirinaki atu ranei koe ki a ia, no te mea e nui ana tona kaha? E whakarerea atu ranei e koe tau mahi mana

39:12b.JOB.039.012 E whakapono atu ranei koe mana au hua e whakahoki mai; mana e kohikohi mai ki tau patunga witi

39:13b.JOB.039.013 E whakamanamana ana te parirau o te otereti; otira he atawhai ano ranei ta ona hou, ta ona raukura

39:14b.JOB.039.014 E whakarerea ana e ia ona hua ki te whenua, whakamahanatia iho e ia ki te puehu

39:15b.JOB.039.015 Wareware ake ia tera pea e pepe i te waewae, e takahia ranei e te kirehe o te parae

39:16b.JOB.039.016 He mea pakeke ia ki ana pi me te mea ehara i a ia: ahakoa ka maumauria tana mahi, kahore ona manawapa

39:17b.JOB.039.017 No te mea i whakakahoretia e te Atua he ngakau mahara mona, kihai hoki i homai he whakaaro ki a ia

39:18b.JOB.039.018 I te wa e maranga ai ia ki runga, whakahaweatia iho e ia te hoiho raua ko tona kaieke

39:19b.JOB.039.019 Nau ranei i hoatu tona kaha ki tae hoiho? Nau ranei tona kaki i whakakakahu ki te huruhuru

39:20b.JOB.039.020 Nau ranei ia i mea kia pekepeke, kia pera me te mawhitiwhiti? He hanga whakawehi te kororia o tona whewhengu

39:21b.JOB.039.021 E hukari ana ia ia te raorao, me te koa ano ki tona kaha: tika tonu ia ki te hunga mau patu

39:22b.JOB.039.022 Whakahawea ana ia ki te wehi, kahore ona mataku; e kore ano ia e nunumi mai i te hoari

39:23b.JOB.039.023 Papa ana te papa pere ki tona taha, te tao e rarapa ana, me te timata

39:24b.JOB.039.024 E horomia ana e ia te whenua, me te ngangau me te riri; kahore ia i te whakapono ko te reo tera o te tetere

39:25b.JOB.039.025 Ka tangi ana te tetere ka mea ia, Ha, ha! I tawhiti ano ka hongia e ia te pakanga, te whatitiri o nga rangatira, me te hamama

39:26b.JOB.039.026 He mohio nou i rere ai te kahu, i roha ai i ona parirau, i anga ai whaka te tonga

39:27b.JOB.039.027 Nau te kupu i kake ai te ekara? i hanga ai e ia tana ohanga ki te wahi tiketike

39:28b.JOB.039.028 Noho ana ia i runga i te kamaka, kei reira tona kainga, kei te kamaka keokeo, kei te pa kaha

39:29b.JOB.039.029 A rapua ana e ia he kai i reira; e kite atu ana ona kanohi i tawhiti

39:30b.JOB.039.030 Horomititia ake ana hoki nga toto e ana pi; a ko te wahi i nga tupapaku,, kei reira ano ia

40

40:1b.JOB.040.001 Korero mai ano a Ihowa ki a Hopa, i mea

40:2b.JOB.040.002 E tohe ana ranei ki te Kaha Rawa te tangata whakatohutohu? Ma te tangata e whakatupehupehu ana ki te Atua, mana e korero mai

40:3b.JOB.040.003 Ano ra ko Hopa ki a Ihowa; i mea ia

40:4b.JOB.040.004 Nana, ehara noa iho ahau. Ko te aha taku e whakahoki atu ai ki a koe? Ka kopania toku ringa ki toku mangai

40:5b.JOB.040.005 Kua kotahi taku koreotanga, a e kore ahau e whakahoki kupu atu; a tuarua rawa, otira kahore atu aku

40:6b.JOB.040.006 Katahi ka whakahokia mai e Ihowa ki a Hopa i roto i te tukauati, ka mea

40:7b.JOB.040.007 Tena ra, whakatane, whitikiria tou hope, a ka ui atu ahau ki a koe, mau ano e whakaatu mai ki ahau

40:8b.JOB.040.008 Me whakakahore ano ranei e koe taku whakawa? Me whakahe ki ahau kia whakatikaia ai tau

40:9b.JOB.040.009 He ringa pera ranei tou i to te Atua? He reo whatitiri ranei tou, he pera i tona

40:10b.JOB.040.010 Tena ra, rakai i a koe inaianei ki te rangatiratanga, ki te kororia; tatai i a koe ki te honore, ki te mana

40:11b.JOB.040.011 Ringihia atu te puhaketanga o tou riri; tirohia atu nga mea whakakake katoa, whakaititia iho

40:12b.JOB.040.012 Titiro atu ki nga mea whakakake katoa, whakapikoa iho; takahia iho ano hoki te hunga kino i te wahi e tu na ratou

40:13b.JOB.040.013 Huihuia atu ratou, huna ki te puehu, herea o ratou mata ki te wahi ngaro

40:14b.JOB.040.014 Na ko reira ahau whakaae ai ki a koe, ma tou ringa matau ano koe e whakaora

40:15b.JOB.040.015 Na whakaaroa a Pehemoto, he mea hanga ngatahi korua naku; e kai ra i te tarutaru, ano he kau

40:16b.JOB.040.016 Nana, ko tona kaha kei tona hope, ko tona pakaritanga kei nga uaua o tona kopu

40:17b.JOB.040.017 Ko tona hiawero, ano he hita e tawhiria ana e ia: powhiwhiwhi tonu nga uaua o tona huha

40:18b.JOB.040.018 Ko ona wheua, ano he korere parahi; ko ona rara, he poro rino

40:19b.JOB.040.019 Ko ia te tino mea nui o nga ara o te Atua: ko tona kaihanga anake hei whakapa i tana hoari ki a ia

40:20b.JOB.040.020 He pono ko nga maunga hei homai kai mana; kei reira ano e takaro ana nga kirehe katoa o te parae

40:21b.JOB.040.021 Ko tona takotoranga ko raro i nga rakau kouru nui, i te rake kakaho, i te repo

40:22b.JOB.040.022 Hei taupoki mona te whakamarumaru o nga rakau kouru nui, kei tetahi taha ona, kei tetahi taha, nga wirou o te awa

40:23b.JOB.040.023 Nana, ki te aki mai te waipuke, e kore ia e tuiri; u tonu tona whakaaro, ahakoa kokiri noa mai a Horano ki tona mangai

40:24b.JOB.040.024 E hopukia ranei ia e tetahi i a ia e mataara ana, e poka ranei i tona ihu ki te rore, puta noa

41

41:1b.JOB.041.001 E taea ranei a Rewiatana te kukume mai e koe ki te matau? te pehi ranei i tona arero ki te aho

41:2b.JOB.041.002 E whakanohoia ranei e koe he aho ki tona ihu? E pokaia ranei e koe tona kauae ki te matau

41:3b.JOB.041.003 E maha ranei ana inoi ki a koe? E korero ngawari ranei ia ki a koe

41:4b.JOB.041.004 E whakarite kawenata ranei ia ki a koe? e riro ai ia i a koe hei pononga oti tonu mai

41:5b.JOB.041.005 Ka rite ranei ia ki te manu hei mea takaro mau? E herea ranei ia e koe hei mea ma au kotiro

41:6b.JOB.041.006 E waiho ranei ia hei taonga hokohoko ma nga ropu tangata hi ika? E wehewehea atu ranei ma nga kaihokohoko

41:7b.JOB.041.007 E kapi ranei tona kiri i o tao? tona pane i nga wero ika

41:8b.JOB.041.008 Kia pa tou ringa ki a ia; maharatia te whawhai, a kei pena a mua

41:9b.JOB.041.009 Nana, he hori kau te manako ki a ia: e kore ranei tetahi e hinga noa ki te kite kau atu i a ia

41:10b.JOB.041.010 Kahore he tangata e maia rawa hei whakaoho i a ia: na ko wai e tu ki toku aroaro

41:11b.JOB.041.011 Ko wai te tangata nana te mea kua takoto wawe ki ahau, e whakautu ai ahau ki a ia? Ahakoa he aha te mea i raro i nga rangi, puta noa, naku katoa

41:12b.JOB.041.012 E kore e huna e ahau te korero mo ona wahi, mo tona kaha, mo te ataahua hoki o tona hanganga

41:13b.JOB.041.013 Ma wai e tihore a waho o tona kakahu? Ko wai e tae ki tana paraire rererua

41:14b.JOB.041.014 Ma wai e whakatuwhera nga tatau o tona mata? He wehi kei ona niho a taka noa

41:15b.JOB.041.015 Ko tana e whakamanamana ai ko ona unahi pakari; tutaki rawa pera i te hiri piri tonu

41:16b.JOB.041.016 Na, i te tata tonu o tetahi ki tetahi, e kore te hau e puta i waenga

41:17b.JOB.041.017 Piri tonu ratou ki a ratou ano; mau tonu, e kore ano e taea te wehe

41:18b.JOB.041.018 Ka tihe ia, ka kowha mai te marama; a ko te rite i ona kanohi kei nga kamo o te ata

41:19b.JOB.041.019 E puta ana mai i tona mangai he rama mura, mokowhiti ana nga koraahi

41:20b.JOB.041.020 Puta ana te paowa i ona pongaponga, me te mea no te kohua e koropupu ana, no te otaota e kaia ana

41:21b.JOB.041.021 Ngiha ana nga waro i tona ha, rere atu ana te mura i tona mangai

41:22b.JOB.041.022 Kei tona kaki te kaha e noho ana, e tuapa ana te pawera i tona aroaro

41:23b.JOB.041.023 Ko ona kikokiko tawerewere piri tonu: maro tonu ki runga ki a ia; e kore e taea te whakakorikori

41:24b.JOB.041.024 Pakari tonu tona ngakau ano he kamaka; ae ra, maro tonu ano ko to raro kohatu huri.

41:25b.JOB.041.025 Ka whakarewa ia i a ia ki runga, ka wehi nga tangata nunui: na te pororaru ka porangi noa iho ratou

41:26b.JOB.041.026 Ki te whai tetahi i a ia ki te hoari, e kore e taea; ahakoa e te tao, e te pere, e te koikoi ranei

41:27b.JOB.041.027 Ki tona whakaaro he kakau witi te rino, he rakau popopopo te parahi

41:28b.JOB.041.028 E kore ia e tahuti i te pere: ki a ia ka meinga noatia nga kohatu o te kotaha hei papapa

41:29b.JOB.041.029 Kiia ake e ia nga patu hei papapa: e kataina ana e ia te huhu o te tao

41:30b.JOB.041.030 Ko raro ona e rite ana ki te kohatu koikoi: e wharikitia ana e ia a runga o te paru ano he patunga witi

41:31b.JOB.041.031 E meinga ana e ia te rire kia koropupu ano he kohua, me te moana kia rite ki te hinu

41:32b.JOB.041.032 E hangaia ana e ia he huarahi kia marama i muri i a ia; tera e maharatia he hina te moana

41:33b.JOB.041.033 I te whenua nei kahore he mea hei rite mona, he mea i hanga nei kahore ona wehi

41:34b.JOB.041.034 E titiro ana ia ki nga mea tiketike katoa: he kingi ia mo nga tama katoa a te whakapehapeha

42

42:1b.JOB.042.001 A no ra ko Hopa ki a Ihowa; i mea ia

42:2b.JOB.042.002 E mohio ana ahau e taea e koe nga mea katoa, a e kore tetahi whakaaro ou e taea te pehi

42:3b.JOB.042.003 Ko wai tenei e huna nei i te whakaaro, a kahore nei he matauranga? No reira korerotia ana e ahau he mea kihai i mohiotia e ahau, he mea whakamiharo rawa, e kore nei e taea e ahau, a kihai i mohiotia e ahau

42:4b.JOB.042.004 Tena ra, whakarongo, a ka korero ahau; ka ui ahau ki a koe, a mau e whakaatu mai ki ahau

42:5b.JOB.042.005 I rongo ahau ki a koe, he rongo na te taringa; tena ko tenei, ka kite a kanohi nei ahau i a koe

42:6b.JOB.042.006 Na whakarihariha ana ahau ki ahau ano, a ka ripeneta i roto i te puehu, i te pungarehu

42:7b.JOB.042.007 Heoi i te mutunga o ta Ihowa korero i enei kupu ki a Hopa, na ka mea a Ihowa ki a Eripata Temani, Kua mura toku riri ki a koe, ki a koutou ko ou hoa tokorua: no te mea kihai koutou i korero i te mea tika moku, kihai i rite ki ta taku pononga, ki ta Hopa

42:8b.JOB.042.008 Na tikina etahi puru ma koutou kia whitu, kia whitu hoki nga hipi toa, a ka haere ki taku pononga, ki a Hopa, ka whakaeke ai i etahi tahunga tinana ma koutou; a ma taku pononga, ma Hopa, e inoi mo koutou; ka manako hoki ahau ki a ia, kia kore ai ahau e mea ki a koutou kia rite ki ta koutou mahi wairangi; kihai hoki koutou i korero i te mea tika moku, kihai i rite ki ta taku pononga, ki to Hopa

42:9b.JOB.042.009 Heoi haere ana a Eripata Temani, a Pirirara Huhi, a Topara Naamati, a meatia ana e ratou ta Ihowa i korero ai ki a ratou. A ka manako a Ihowa ki a Hopa

42:10b.JOB.042.010 A whakahokia ana a Hopa e Ihowa i te whakarau, i a ia i inoi ra mo ona hoa. Na, ko nga mea katoa i a Hopa i mua, whakanekehia ake ana e Ihowa kia pera atu ano te maha

42:11b.JOB.042.011 Katahi ka haere mai ona tuakana, ona teina katoa, ratou ko ona tuahine katoa, me te hunga katoa i mohio ki a ia i mua, hei hoa mona, ki te kai taro i roto i tona whare: tangi ana ki a ia, whakamarie ana i a ia mo te he katoa i whakaekea nei e Ih owa ki a ia; a homai ana ki a ia e tenei, e tenei, tetahi moni me tetahi whakakai koura

42:12b.JOB.042.012 Heoi manaakitia ana a Hopa e Ihowa i te whakamutunga, nui atu i to te timatanga; a kotahi tekau ma wha mano ana hipi, e ono mano nga kamera, kotahi mano topu nga kau, kotahi mano nga kaihe uha

42:13b.JOB.042.013 Tokowhitu ano ana tama, tokotoru nga tamahine

42:14b.JOB.042.014 A tapa iho e ia te ingoa o te tuatahi ko Hemaima, ko te ingoa o te tuarua ko Ketia, a ko te ingoa o te tuatoru ko Kerenehapuku

42:15b.JOB.042.015 A kihai i kitea he wahine hei rite mo nga tamahine a Hopa te ataahua i te whenua katoa; a i hoatu hoki e to ratou papa he wahi mo ratou i waenganui i o ratou tungane

42:16b.JOB.042.016 A i ora a Hopa i muri i tenei kotahi rau e wha tekau nga tau, i kite ano ia i ana tamariki, i nga tamariki ano hoki a ana tamariki, e wha nga whakatupuranga

42:17b.JOB.042.017 Heoi ka mate a Hopa, he koreheke, he maha hoki ona ra