1 Peter (Latin)

1

1:1b.1PE.001.001Petrus apostolus Iesu Christi electis advenis dispersionis Ponti Galatiae Cappadociae Asiae et Bithyniae

1:2b.1PE.001.002secundum praescientiam Dei Patris in sanctificatione Spiritus in oboedientiam et aspersionem sanguinis Iesu Christi gratia vobis et pax multiplicetur

1:3b.1PE.001.003benedictus Deus et Pater Domini nostri Iesu Christi qui secundum magnam misericordiam suam regeneravit nos in spem vivam per resurrectionem Iesu Christi ex mortuis

1:4b.1PE.001.004in hereditatem incorruptibilem et incontaminatam et inmarcescibilem conservatam in caelis in vobis

1:5b.1PE.001.005qui in virtute Dei custodimini per fidem in salutem paratam revelari in tempore novissimo

1:6b.1PE.001.006in quo exultatis modicum nunc si oportet contristati in variis temptationibus

1:7b.1PE.001.007ut probatum vestrae fidei multo pretiosius sit auro quod perit per ignem probato inveniatur in laudem et gloriam et honorem in revelatione Iesu Christi

1:8b.1PE.001.008quem cum non videritis diligitis in quem nunc quoque non videntes credentes autem exultatis laetitia inenarrabili et glorificata

1:9b.1PE.001.009reportantes finem fidei vestrae salutem animarum

1:10b.1PE.001.010de qua salute exquisierunt atque scrutati sunt prophetae qui de futura in vobis gratia prophetaverunt

1:11b.1PE.001.011scrutantes in quod vel quale tempus significaret in eis Spiritus Christi praenuntians eas quae in Christo sunt passiones et posteriores glorias

1:12b.1PE.001.012quibus revelatum est quia non sibi ipsis vobis autem ministrabant ea quae nunc nuntiata sunt vobis per eos qui evangelizaverunt vos Spiritu Sancto misso de caelo in quae desiderant angeli prospicere

1:13b.1PE.001.013propter quod succincti lumbos mentis vestrae sobrii perfecte sperate in eam quae offertur vobis gratiam in revelatione Iesu Christi

1:14b.1PE.001.014quasi filii oboedientiae non configurati prioribus ignorantiae vestrae desideriis

1:15b.1PE.001.015sed secundum eum qui vocavit vos sanctum et ipsi sancti in omni conversatione sitis

1:16b.1PE.001.016quoniam scriptum est sancti eritis quia ego sanctus sum

1:17b.1PE.001.017et si Patrem invocatis eum qui sine acceptione personarum iudicat secundum uniuscuiusque opus in timore incolatus vestri tempore conversamini

1:18b.1PE.001.018scientes quod non corruptibilibus argento vel auro redempti estis de vana vestra conversatione paternae traditionis

1:19b.1PE.001.019sed pretioso sanguine quasi agni incontaminati et inmaculati Christi

1:20b.1PE.001.020praecogniti quidem ante constitutionem mundi manifestati autem novissimis temporibus propter vos

1:21b.1PE.001.021qui per ipsum fideles estis in Deo qui suscitavit eum a mortuis et dedit ei gloriam ut fides vestra et spes esset in Deo

1:22b.1PE.001.022animas vestras castificantes in oboedientia caritatis in fraternitatis amore simplici ex corde invicem diligite adtentius

1:23b.1PE.001.023renati non ex semine corruptibili sed incorruptibili per verbum Dei vivi et permanentis

1:24b.1PE.001.024quia omnis caro ut faenum et omnis gloria eius tamquam flos faeni exaruit faenum et flos decidit

1:25b.1PE.001.025verbum autem Domini manet in aeternum hoc est autem verbum quod evangelizatum est in vos

2

2:1b.1PE.002.001deponentes igitur omnem malitiam et omnem dolum et simulationes et invidias et omnes detractiones

2:2b.1PE.002.002sicut modo geniti infantes rationale sine dolo lac concupiscite ut in eo crescatis in salutem

2:3b.1PE.002.003si gustastis quoniam dulcis Dominus

2:4b.1PE.002.004ad quem accedentes lapidem vivum ab hominibus quidem reprobatum a Deo autem electum honorificatum

2:5b.1PE.002.005et ipsi tamquam lapides vivi superaedificamini domus spiritalis sacerdotium sanctum offerre spiritales hostias acceptabiles Deo per Iesum Christum

2:6b.1PE.002.006propter quod continet in scriptura ecce pono in Sion lapidem summum angularem electum pretiosum et qui crediderit in eo non confundetur

2:7b.1PE.002.007vobis igitur honor credentibus non credentibus autem lapis quem reprobaverunt aedificantes hic factus est in caput anguli

2:8b.1PE.002.008et lapis offensionis et petra scandali qui offendunt verbo nec credunt in quod et positi sunt

2:9b.1PE.002.009vos autem genus electum regale sacerdotium gens sancta populus adquisitionis ut virtutes adnuntietis eius qui de tenebris vos vocavit in admirabile lumen suum

2:10b.1PE.002.010qui aliquando non populus nunc autem populus Dei qui non consecuti misericordiam nunc autem misericordiam consecuti

2:11b.1PE.002.011carissimi obsecro tamquam advenas et peregrinos abstinere vos a carnalibus desideriis quae militant adversus animam

2:12b.1PE.002.012conversationem vestram inter gentes habentes bonam ut in eo quod detractant de vobis tamquam de malefactoribus ex bonis operibus considerantes glorificent Deum in die visitationis

2:13b.1PE.002.013subiecti estote omni humanae creaturae propter Dominum sive regi quasi praecellenti

2:14b.1PE.002.014sive ducibus tamquam ab eo missis ad vindictam malefactorum laudem vero bonorum

2:15b.1PE.002.015quia sic est voluntas Dei ut benefacientes obmutescere faciatis inprudentium hominum ignorantiam

2:16b.1PE.002.016quasi liberi et non quasi velamen habentes malitiae libertatem sed sicut servi Dei

2:17b.1PE.002.017omnes honorate fraternitatem diligite Deum timete regem honorificate

2:18b.1PE.002.018servi subditi in omni timore dominis non tantum bonis et modestis sed etiam discolis

2:19b.1PE.002.019haec est enim gratia si propter conscientiam Dei sustinet quis tristitias patiens iniuste

2:20b.1PE.002.020quae enim gloria est si peccantes et colaphizati suffertis sed si benefacientes et patientes sustinetis haec est gratia apud Deum

2:21b.1PE.002.021in hoc enim vocati estis quia et Christus passus est pro vobis vobis relinquens exemplum ut sequamini vestigia eius

2:22b.1PE.002.022qui peccatum non fecit nec inventus est dolus in ore ipsius

2:23b.1PE.002.023qui cum malediceretur non maledicebat cum pateretur non comminabatur tradebat autem iudicanti se iniuste

2:24b.1PE.002.024qui peccata nostra ipse pertulit in corpore suo super lignum ut peccatis mortui iustitiae viveremus cuius livore sanati estis

2:25b.1PE.002.025eratis enim sicut oves errantes sed conversi estis nunc ad pastorem et episcopum animarum vestrarum

3

3:1b.1PE.003.001similiter mulieres subditae suis viris ut et si qui non credunt verbo per mulierum conversationem sine verbo lucri fiant

3:2b.1PE.003.002considerantes in timore castam conversationem vestram

3:3b.1PE.003.003quarum sit non extrinsecus capillaturae aut circumdatio auri aut indumenti vestimentorum cultus

3:4b.1PE.003.004sed qui absconditus cordis est homo in incorruptibilitate quieti et modesti spiritus quod est in conspectu Dei locuples

3:5b.1PE.003.005sic enim aliquando et sanctae mulieres sperantes in Deo ornabant se subiectae propriis viris

3:6b.1PE.003.006sicut Sarra oboediebat Abrahae dominum eum vocans cuius estis filiae benefacientes et non timentes ullam perturbationem

3:7b.1PE.003.007viri similiter cohabitantes secundum scientiam quasi infirmiori vaso muliebri inpertientes honorem tamquam et coheredibus gratiae vitae uti ne inpediantur orationes vestrae

3:8b.1PE.003.008in fine autem omnes unianimes conpatientes fraternitatis amatores misericordes humiles

3:9b.1PE.003.009non reddentes malum pro malo vel maledictum pro maledicto sed e contrario benedicentes quia in hoc vocati estis ut benedictionem hereditate possideatis

3:10b.1PE.003.010qui enim vult vitam diligere et videre dies bonos coerceat linguam suam a malo et labia eius ne loquantur dolum

3:11b.1PE.003.011declinet autem a malo et faciat bonum inquirat pacem et persequatur eam

3:12b.1PE.003.012quia oculi Domini super iustos et aures eius in preces eorum vultus autem Domini super facientes mala

3:13b.1PE.003.013et quis est qui vobis noceat si boni aemulatores fueritis

3:14b.1PE.003.014sed et si quid patimini propter iustitiam beati timorem autem eorum ne timueritis et non conturbemini

3:15b.1PE.003.015Dominum autem Christum sanctificate in cordibus vestris parati semper ad satisfactionem omni poscenti vos rationem de ea quae in vobis est spe

3:16b.1PE.003.016sed cum modestia et timore conscientiam habentes bonam ut in eo quod detrahunt vobis confundantur qui calumniantur vestram bonam in Christo conversationem

3:17b.1PE.003.017melius est enim benefacientes si velit voluntas Dei pati quam malefacientes

3:18b.1PE.003.018quia et Christus semel pro peccatis mortuus est iustus pro iniustis ut nos offerret Deo mortificatus carne vivificatus autem spiritu

3:19b.1PE.003.019in quo et his qui in carcere erant spiritibus veniens praedicavit

3:20b.1PE.003.020qui increduli fuerant aliquando quando expectabat Dei patientia in diebus Noe cum fabricaretur arca in qua pauci id est octo animae salvae factae sunt per aquam

3:21b.1PE.003.021quod et vos nunc similis formae salvos facit baptisma non carnis depositio sordium sed conscientiae bonae interrogatio in Deum per resurrectionem Iesu Christi

3:22b.1PE.003.022qui est in dextera Dei profectus in caelum subiectis sibi angelis et potestatibus et virtutibus

4

4:1b.1PE.004.001Christo igitur passo in carne et vos eadem cogitatione armamini quia qui passus est carne desiit a peccatis

4:2b.1PE.004.002ut iam non hominum desideriis sed voluntate Dei quod reliquum est in carne vivat temporis

4:3b.1PE.004.003sufficit enim praeteritum tempus ad voluntatem gentium consummandam qui ambulaverunt in luxuriis desideriis vinolentiis comesationibus potationibus et inlicitis idolorum cultibus

4:4b.1PE.004.004in quo peregrinantur non concurrentibus vobis in eandem luxuriae confusionem blasphemantes

4:5b.1PE.004.005qui reddent rationem ei qui paratus est iudicare vivos et mortuos

4:6b.1PE.004.006propter hoc enim et mortuis evangelizatum est ut iudicentur quidem secundum homines in carne vivant autem secundum Deum spiritu

4:7b.1PE.004.007omnium autem finis adpropinquavit estote itaque prudentes et vigilate in orationibus

4:8b.1PE.004.008ante omnia mutuam in vosmet ipsos caritatem continuam habentes quia caritas operit multitudinem peccatorum

4:9b.1PE.004.009hospitales invicem sine murmuratione

4:10b.1PE.004.010unusquisque sicut accepit gratiam in alterutrum illam administrantes sicut boni dispensatores multiformis gratiae Dei

4:11b.1PE.004.011si quis loquitur quasi sermones Dei si quis ministrat tamquam ex virtute quam administrat Deus ut in omnibus honorificetur Deus per Iesum Christum cui est gloria et imperium in saecula saeculorum amen

4:12b.1PE.004.012carissimi nolite peregrinari in fervore qui ad temptationem vobis fit quasi novi aliquid vobis contingat

4:13b.1PE.004.013sed communicantes Christi passionibus gaudete ut et in revelatione gloriae eius gaudeatis exultantes

4:14b.1PE.004.014si exprobramini in nomine Christi beati quoniam gloriae Dei Spiritus in vobis requiescit

4:15b.1PE.004.015nemo enim vestrum patiatur quasi homicida aut fur aut maledicus aut alienorum appetitor

4:16b.1PE.004.016si autem ut Christianus non erubescat glorificet autem Deum in isto nomine

4:17b.1PE.004.017quoniam tempus ut incipiat iudicium de domo Dei si autem primum a nobis qui finis eorum qui non credunt Dei evangelio

4:18b.1PE.004.018et si iustus vix salvatur impius et peccator ubi parebit

4:19b.1PE.004.019itaque et hii qui patiuntur secundum voluntatem Dei fideli creatori commendant animas suas in benefactis

5

5:1b.1PE.005.001seniores ergo qui in vobis sunt obsecro consenior et testis Christi passionum qui et eius quae in futuro revelanda est gloriae communicator

5:2b.1PE.005.002pascite qui est in vobis gregem Dei providentes non coacto sed spontanee secundum Deum neque turpis lucri gratia sed voluntarie

5:3b.1PE.005.003neque ut dominantes in cleris sed formae facti gregi et ex animo

5:4b.1PE.005.004et cum apparuerit princeps pastorum percipietis inmarcescibilem gloriae coronam

5:5b.1PE.005.005similiter adulescentes subditi estote senioribus omnes autem invicem humilitatem insinuate quia Deus superbis resistit humilibus autem dat gratiam

5:6b.1PE.005.006humiliamini igitur sub potenti manu Dei ut vos exaltet in tempore visitationis

5:7b.1PE.005.007omnem sollicitudinem vestram proicientes in eum quoniam ipsi cura est de vobis

5:8b.1PE.005.008sobrii estote vigilate quia adversarius vester diabolus tamquam leo rugiens circuit quaerens quem devoret

5:9b.1PE.005.009cui resistite fortes fide scientes eadem passionum ei quae in mundo est vestrae fraternitati fieri

5:10b.1PE.005.010Deus autem omnis gratiae qui vocavit nos in aeternam suam gloriam in Christo Iesu modicum passos ipse perficiet confirmabit solidabit

5:11b.1PE.005.011ipsi imperium in saecula saeculorum amen

5:12b.1PE.005.012per Silvanum vobis fidelem fratrem ut arbitror breviter scripsi obsecrans et contestans hanc esse veram gratiam Dei in qua state

5:13b.1PE.005.013salutat vos quae est in Babylone cumelecta et Marcus filius meus

5:14b.1PE.005.014salutate invicem in osculo sancto gratia vobis omnibus qui estis in Christo