1 Timothy (Latin)

1

1:1b.1TI.001.001Paulus apostolus Christi Iesu secundum imperium Dei salvatoris nostri et Christi Iesu spei nostrae

1:2b.1TI.001.002Timotheo dilecto filio in fide gratia misericordia pax a Deo Patre et Christo Iesu Domino nostro

1:3b.1TI.001.003sicut rogavi te ut remaneres Ephesi cum irem in Macedoniam ut denuntiares quibusdam ne aliter docerent

1:4b.1TI.001.004neque intenderent fabulis et genealogiis interminatis quae quaestiones praestant magis quam aedificationem Dei quae est in fide

1:5b.1TI.001.005finis autem praecepti est caritas de corde puro et conscientia bona et fide non ficta

1:6b.1TI.001.006a quibus quidam aberrantes conversi sunt in vaniloquium

1:7b.1TI.001.007volentes esse legis doctores non intellegentes neque quae loquuntur neque de quibus adfirmant

1:8b.1TI.001.008scimus autem quia bona est lex si quis ea legitime utatur

1:9b.1TI.001.009sciens hoc quia iusto lex non est posita sed iniustis et non subditis impiis et peccatoribus sceleratis et contaminatis patricidis et matricidis homicidis

1:10b.1TI.001.010fornicariis masculorum concubitoribus plagiariis mendacibus periuris et si quid aliud sanae doctrinae adversatur

1:11b.1TI.001.011quae est secundum evangelium gloriae beati Dei quod creditum est mihi

1:12b.1TI.001.012gratias ago ei qui me confortavit Christo Iesu Domino nostro quia fidelem me existimavit ponens in ministerio

1:13b.1TI.001.013qui prius fui blasphemus et persecutor et contumeliosus sed misericordiam consecutus sum quia ignorans feci in incredulitate

1:14b.1TI.001.014superabundavit autem gratia Domini nostri cum fide et dilectione quae est in Christo Iesu

1:15b.1TI.001.015fidelis sermo et omni acceptione dignus quia Christus Iesus venit in mundum peccatores salvos facere quorum primus ego sum

1:16b.1TI.001.016sed ideo misericordiam consecutus sum ut in me primo ostenderet Christus Iesus omnem patientiam ad deformationem eorum qui credituri sunt illi in vitam aeternam

1:17b.1TI.001.017regi autem saeculorum inmortali invisibili soli Deo honor et gloria in saecula saeculorum amen

1:18b.1TI.001.018hoc praeceptum commendo tibi fili Timothee secundum praecedentes in te prophetias ut milites in illis bonam militiam

1:19b.1TI.001.019habens fidem et bonam conscientiam quam quidam repellentes circa fidem naufragaverunt

1:20b.1TI.001.020ex quibus est Hymeneus et Alexander quos tradidi Satanae ut discant non blasphemare

2

2:1b.1TI.002.001obsecro igitur primo omnium fieri obsecrationes orationes postulationes gratiarum actiones pro omnibus hominibus

2:2b.1TI.002.002pro regibus et omnibus qui in sublimitate sunt ut quietam et tranquillam vitam agamus in omni pietate et castitate

2:3b.1TI.002.003hoc enim bonum est et acceptum coram salutari nostro Deo

2:4b.1TI.002.004qui omnes homines vult salvos fieri et ad agnitionem veritatis venire

2:5b.1TI.002.005unus enim Deus unus et mediator Dei et hominum homo Christus Iesus

2:6b.1TI.002.006qui dedit redemptionem semet ipsum pro omnibus testimonium temporibus suis

2:7b.1TI.002.007in quo positus sum ego praedicator et apostolus veritatem dico non mentior doctor gentium in fide et veritate

2:8b.1TI.002.008volo ergo viros orare in omni loco levantes puras manus sine ira et disceptatione

2:9b.1TI.002.009similiter et mulieres in habitu ornato cum verecundia et sobrietate ornantes se non in tortis crinibus aut auro aut margaritis vel veste pretiosa

2:10b.1TI.002.010sed quod decet mulieres promittentes pietatem per opera bona

2:11b.1TI.002.011mulier in silentio discat cum omni subiectione

2:12b.1TI.002.012docere autem mulieri non permitto neque dominari in virum sed esse in silentio

2:13b.1TI.002.013Adam enim primus formatus est deinde Eva

2:14b.1TI.002.014et Adam non est seductus mulier autem seducta in praevaricatione fuit

2:15b.1TI.002.015salvabitur autem per filiorum generationem si permanserint in fide et dilectione et sanctificatione cum sobrietate

3

3:1b.1TI.003.001fidelis sermo si quis episcopatum desiderat bonum opus desiderat

3:2b.1TI.003.002oportet ergo episcopum inreprehensibilem esse unius uxoris virum sobrium prudentem ornatum hospitalem doctorem

3:3b.1TI.003.003non vinolentum non percussorem sed modestum non litigiosum non cupidum

3:4b.1TI.003.004suae domui bene praepositum filios habentem subditos cum omni castitate

3:5b.1TI.003.005si quis autem domui suae praeesse nescit quomodo ecclesiae Dei diligentiam habebit

3:6b.1TI.003.006non neophytum ne in superbia elatus in iudicium incidat diaboli

3:7b.1TI.003.007oportet autem illum et testimonium habere bonum ab his qui foris sunt ut non in obprobrium incidat et laqueum diaboli

3:8b.1TI.003.008diaconos similiter pudicos non bilingues non multo vino deditos non turpe lucrum sectantes

3:9b.1TI.003.009habentes mysterium fidei in conscientia pura

3:10b.1TI.003.010et hii autem probentur primum et sic ministrent nullum crimen habentes

3:11b.1TI.003.011mulieres similiter pudicas non detrahentes sobrias fideles in omnibus

3:12b.1TI.003.012diacones sint unius uxoris viri qui filiis suis bene praesunt et suis domibus

3:13b.1TI.003.013qui enim bene ministraverint gradum sibi bonum adquirent et multam fiduciam in fide quae est in Christo Iesu

3:14b.1TI.003.014haec tibi scribo sperans venire ad te cito

3:15b.1TI.003.015si autem tardavero ut scias quomodo oporteat te in domo Dei conversari quae est ecclesia Dei vivi columna et firmamentum veritatis

3:16b.1TI.003.016et manifeste magnum est pietatis sacramentum quod manifestatum est in carne iustificatum est in spiritu apparuit angelis praedicatum est gentibus creditum est in mundo adsumptum est in gloria

4

4:1b.1TI.004.001Spiritus autem manifeste dicit quia in novissimis temporibus discedent quidam a fide adtendentes spiritibus erroris et doctrinis daemoniorum

4:2b.1TI.004.002in hypocrisi loquentium mendacium et cauteriatam habentium suam conscientiam

4:3b.1TI.004.003prohibentium nubere abstinere a cibis quos Deus creavit ad percipiendum cum gratiarum actione fidelibus et his qui cognoverunt veritatem

4:4b.1TI.004.004quia omnis creatura Dei bona et nihil reiciendum quod cum gratiarum actione percipitur

4:5b.1TI.004.005sanctificatur enim per verbum Dei et orationem

4:6b.1TI.004.006haec proponens fratribus bonus eris minister Christi Iesu enutritus verbis fidei et bonae doctrinae quam adsecutus es

4:7b.1TI.004.007ineptas autem et aniles fabulas devita exerce te ipsum ad pietatem

4:8b.1TI.004.008nam corporalis exercitatio ad modicum utilis est pietas autem ad omnia utilis est promissionem habens vitae quae nunc est et futurae

4:9b.1TI.004.009fidelis sermo et omni acceptione dignus

4:10b.1TI.004.010in hoc enim laboramus et maledicimur quia speravimus in Deum vivum qui est salvator omnium hominum maxime fidelium

4:11b.1TI.004.011praecipe haec et doce

4:12b.1TI.004.012nemo adulescentiam tuam contemnat sed exemplum esto fidelium in verbo in conversatione in caritate in fide in castitate

4:13b.1TI.004.013dum venio adtende lectioni exhortationi doctrinae

4:14b.1TI.004.014noli neglegere gratiam quae in te est quae data est tibi per prophetiam cum inpositione manuum presbyterii

4:15b.1TI.004.015haec meditare in his esto ut profectus tuus manifestus sit omnibus

4:16b.1TI.004.016adtende tibi et doctrinae insta in illis hoc enim faciens et te ipsum salvum facies et qui te audiunt

5

5:1b.1TI.005.001seniorem ne increpaveris sed obsecra ut patrem iuvenes ut fratres

5:2b.1TI.005.002anus ut matres iuvenculas ut sorores in omni castitate

5:3b.1TI.005.003viduas honora quae vere viduae sunt

5:4b.1TI.005.004si qua autem vidua filios aut nepotes habet discant primum domum suam regere et mutuam vicem reddere parentibus hoc enim acceptum est coram Deo

5:5b.1TI.005.005quae autem vere vidua est et desolata speravit in Deum et instat obsecrationibus et orationibus nocte ac die

5:6b.1TI.005.006nam quae in deliciis est vivens mortua est

5:7b.1TI.005.007et hoc praecipe ut inreprehensibiles sint

5:8b.1TI.005.008si quis autem suorum et maxime domesticorum curam non habet fidem negavit et est infideli deterior

5:9b.1TI.005.009vidua eligatur non minus sexaginta annorum quae fuerit unius viri uxor

5:10b.1TI.005.010in operibus bonis testimonium habens si filios educavit si hospitio recepit si sanctorum pedes lavit si tribulationem patientibus subministravit si omne opus bonum subsecuta est

5:11b.1TI.005.011adulescentiores autem viduas devita cum enim luxuriatae fuerint in Christo nubere volunt

5:12b.1TI.005.012habentes damnationem quia primam fidem irritam fecerunt

5:13b.1TI.005.013simul autem et otiosae discunt circumire domos non solum otiosae sed et verbosae et curiosae loquentes quae non oportet

5:14b.1TI.005.014volo ergo iuveniores nubere filios procreare matres familias esse nullam occasionem dare adversario maledicti gratia

5:15b.1TI.005.015iam enim quaedam conversae sunt retro Satanan

5:16b.1TI.005.016si qua fidelis habet viduas subministret illis et non gravetur ecclesia ut his quae vere viduae sunt sufficiat

5:17b.1TI.005.017qui bene praesunt presbyteri duplici honore digni habeantur maxime qui laborant in verbo et doctrina

5:18b.1TI.005.018dicit enim scriptura non infrenabis os bovi trituranti et dignus operarius mercede sua

5:19b.1TI.005.019adversus presbyterum accusationem noli recipere nisi sub duobus et tribus testibus

5:20b.1TI.005.020peccantes coram omnibus argue ut et ceteri timorem habeant

5:21b.1TI.005.021testor coram Deo et Christo Iesu et electis angelis ut haec custodias sine praeiudicio nihil faciens in aliam partem declinando

5:22b.1TI.005.022manus cito nemini inposueris neque communicaveris peccatis alienis te ipsum castum custodi

5:23b.1TI.005.023noli adhuc aquam bibere sed vino modico utere propter stomachum tuum et frequentes tuas infirmitates

5:24b.1TI.005.024quorundam hominum peccata manifesta sunt praecedentia ad iudicium quosdam autem et subsequuntur

5:25b.1TI.005.025similiter et facta bona manifesta sunt et quae aliter se habent abscondi non possunt

6

6:1b.1TI.006.001quicumque sunt sub iugo servi dominos suos omni honore dignos arbitrentur ne nomen Domini et doctrina blasphemetur

6:2b.1TI.006.002qui autem fideles habent dominos non contemnant quia fratres sunt sed magis serviant quia fideles sunt et dilecti qui beneficii participes sunt haec doce et exhortare

6:3b.1TI.006.003si quis aliter docet et non adquiescit sanis sermonibus Domini nostri Iesu Christi et ei quae secundum pietatem est doctrinae

6:4b.1TI.006.004superbus nihil sciens sed languens circa quaestiones et pugnas verborum ex quibus oriuntur invidiae contentiones blasphemiae suspiciones malae

6:5b.1TI.006.005conflictationes hominum mente corruptorum et qui veritate privati sunt existimantium quaestum esse pietatem

6:6b.1TI.006.006est autem quaestus magnus pietas cum sufficientia

6:7b.1TI.006.007nihil enim intulimus in mundum haut dubium quia nec auferre quid possumus

6:8b.1TI.006.008habentes autem alimenta et quibus tegamur his contenti sumus

6:9b.1TI.006.009nam qui volunt divites fieri incidunt in temptationem et laqueum et desideria multa inutilia et nociva quae mergunt homines in interitum et perditionem

6:10b.1TI.006.010radix enim omnium malorum est cupiditas quam quidam appetentes erraverunt a fide et inseruerunt se doloribus multis

6:11b.1TI.006.011tu autem o homo Dei haec fuge sectare vero iustitiam pietatem fidem caritatem patientiam mansuetudinem

6:12b.1TI.006.012certa bonum certamen fidei adprehende vitam aeternam in qua vocatus es et confessus bonam confessionem coram multis testibus

6:13b.1TI.006.013praecipio tibi coram Deo qui vivificat omnia et Christo Iesu qui testimonium reddidit sub Pontio Pilato bonam confessionem

6:14b.1TI.006.014ut serves mandatum sine macula inreprehensibile usque in adventum Domini nostri Iesu Christi

6:15b.1TI.006.015quem suis temporibus ostendet beatus et solus potens rex regum et Dominus dominantium

6:16b.1TI.006.016qui solus habet inmortalitatem lucem habitans inaccessibilem quem vidit nullus hominum sed nec videre potest cui honor et imperium sempiternum amen

6:17b.1TI.006.017divitibus huius saeculi praecipe non sublime sapere neque sperare in incerto divitiarum sed in Deo qui praestat nobis omnia abunde ad fruendum

6:18b.1TI.006.018bene agere divites fieri in operibus bonis facile tribuere communicare

6:19b.1TI.006.019thesaurizare sibi fundamentum bonum in futurum ut adprehendant veram vitam

6:20b.1TI.006.020o Timothee depositum custodi devitans profanas vocum novitates et oppositiones falsi nominis scientiae

6:21b.1TI.006.021quam quidam promittentes circa fidem exciderunt gratia tecum