Mark (Latin)

1

1:1b.MAR.001.001initium evangelii Iesu Christi Filii Dei

1:2b.MAR.001.002sicut scriptum est in Esaia propheta ecce mitto angelum meum ante faciem tuam qui praeparabit viam tuam

1:3b.MAR.001.003vox clamantis in deserto parate viam Domini rectas facite semitas eius

1:4b.MAR.001.004fuit Iohannes in deserto baptizans et praedicans baptismum paenitentiae in remissionem peccatorum

1:5b.MAR.001.005et egrediebatur ad illum omnis Iudaeae regio et Hierosolymitae universi et baptizabantur ab illo in Iordane flumine confitentes peccata sua

1:6b.MAR.001.006et erat Iohannes vestitus pilis cameli et zona pellicia circa lumbos eius et lucustas et mel silvestre edebat

1:7b.MAR.001.007et praedicabat dicens venit fortior me post me cuius non sum dignus procumbens solvere corrigiam calciamentorum eius

1:8b.MAR.001.008ego baptizavi vos aqua ille vero baptizabit vos Spiritu Sancto

1:9b.MAR.001.009et factum est in diebus illis venit Iesus a Nazareth Galilaeae et baptizatus est in Iordane ab Iohanne

1:10b.MAR.001.010et statim ascendens de aqua vidit apertos caelos et Spiritum tamquam columbam descendentem et manentem in ipso

1:11b.MAR.001.011et vox facta est de caelis tu es Filius meus dilectus in te conplacui

1:12b.MAR.001.012et statim Spiritus expellit eum in desertum

1:13b.MAR.001.013et erat in deserto quadraginta diebus et quadraginta noctibus et temptabatur a Satana eratque cum bestiis et angeli ministrabant illi

1:14b.MAR.001.014postquam autem traditus est Iohannes venit Iesus in Galilaeam praedicans evangelium regni Dei

1:15b.MAR.001.015et dicens quoniam impletum est tempus et adpropinquavit regnum Dei paenitemini et credite evangelio

1:16b.MAR.001.016et praeteriens secus mare Galilaeae vidit Simonem et Andream fratrem eius mittentes retia in mare erant enim piscatores

1:17b.MAR.001.017et dixit eis Iesus venite post me et faciam vos fieri piscatores hominum

1:18b.MAR.001.018et protinus relictis retibus secuti sunt eum

1:19b.MAR.001.019et progressus inde pusillum vidit Iacobum Zebedaei et Iohannem fratrem eius et ipsos in navi conponentes retia

1:20b.MAR.001.020et statim vocavit illos et relicto patre suo Zebedaeo in navi cum mercennariis secuti sunt eum

1:21b.MAR.001.021et ingrediuntur Capharnaum et statim sabbatis ingressus synagogam docebat eos

1:22b.MAR.001.022et stupebant super doctrina eius erat enim docens eos quasi potestatem habens et non sicut scribae

1:23b.MAR.001.023et erat in synagoga eorum homo in spiritu inmundo et exclamavit

1:24b.MAR.001.024dicens quid nobis et tibi Iesu Nazarene venisti perdere nos scio qui sis Sanctus Dei

1:25b.MAR.001.025et comminatus est ei Iesus dicens obmutesce et exi de homine

1:26b.MAR.001.026et discerpens eum spiritus inmundus et exclamans voce magna exivit ab eo

1:27b.MAR.001.027et mirati sunt omnes ita ut conquirerent inter se dicentes quidnam est hoc quae doctrina haec nova quia in potestate et spiritibus inmundis imperat et oboediunt ei

1:28b.MAR.001.028et processit rumor eius statim in omnem regionem Galilaeae

1:29b.MAR.001.029et protinus egredientes de synagoga venerunt in domum Simonis et Andreae cum Iacobo et Iohanne

1:30b.MAR.001.030decumbebat autem socrus Simonis febricitans et statim dicunt ei de illa

1:31b.MAR.001.031et accedens elevavit eam adprehensa manu eius et continuo dimisit eam febris et ministrabat eis

1:32b.MAR.001.032vespere autem facto cum occidisset sol adferebant ad eum omnes male habentes et daemonia habentes

1:33b.MAR.001.033et erat omnis civitas congregata ad ianuam

1:34b.MAR.001.034et curavit multos qui vexabantur variis languoribus et daemonia multa eiciebat et non sinebat loqui ea quoniam sciebant eum

1:35b.MAR.001.035et diluculo valde surgens egressus abiit in desertum locum ibique orabat

1:36b.MAR.001.036et persecutus est eum Simon et qui cum illo erant

1:37b.MAR.001.037et cum invenissent eum dixerunt ei quia omnes quaerunt te

1:38b.MAR.001.038et ait illis eamus in proximos vicos et civitates ut et ibi praedicem ad hoc enim veni

1:39b.MAR.001.039et erat praedicans in synagogis eorum et omni Galilaea et daemonia eiciens

1:40b.MAR.001.040et venit ad eum leprosus deprecans eum et genu flexo dixit si vis potes me mundare

1:41b.MAR.001.041Iesus autem misertus eius extendit manum suam et tangens eum ait illi volo mundare

1:42b.MAR.001.042et cum dixisset statim discessit ab eo lepra et mundatus est

1:43b.MAR.001.043et comminatus ei statim eiecit illum

1:44b.MAR.001.044et dicit ei vide nemini dixeris sed vade ostende te principi sacerdotum et offer pro emundatione tua quae praecepit Moses in testimonium illis

1:45b.MAR.001.045at ille egressus coepit praedicare et diffamare sermonem ita ut iam non posset manifeste in civitatem introire sed foris in desertis locis esse et conveniebant ad eum undique

2

2:1b.MAR.002.001et iterum intravit Capharnaum post dies

2:2b.MAR.002.002et auditum est quod in domo esset et convenerunt multi ita ut non caperet neque ad ianuam et loquebatur eis verbum

2:3b.MAR.002.003et venerunt ferentes ad eum paralyticum qui a quattuor portabatur

2:4b.MAR.002.004et cum non possent offerre eum illi prae turba nudaverunt tectum ubi erat et patefacientes submiserunt grabattum in quo paralyticus iacebat

2:5b.MAR.002.005cum vidisset autem Iesus fidem illorum ait paralytico fili dimittuntur tibi peccata

2:6b.MAR.002.006erant autem illic quidam de scribis sedentes et cogitantes in cordibus suis

2:7b.MAR.002.007quid hic sic loquitur blasphemat quis potest dimittere peccata nisi solus Deus

2:8b.MAR.002.008quo statim cognito Iesus spiritu suo quia sic cogitarent intra se dicit illis quid ista cogitatis in cordibus vestris

2:9b.MAR.002.009quid est facilius dicere paralytico dimittuntur tibi peccata an dicere surge et tolle grabattum tuum et ambula

2:10b.MAR.002.010ut autem sciatis quia potestatem habet Filius hominis in terra dimittendi peccata ait paralytico

2:11b.MAR.002.011tibi dico surge tolle grabattum tuum et vade in domum tuam

2:12b.MAR.002.012et statim ille surrexit et sublato grabatto abiit coram omnibus ita ut admirarentur omnes et honorificarent Deum dicentes quia numquam sic vidimus

2:13b.MAR.002.013et egressus est rursus ad mare omnisque turba veniebat ad eum et docebat eos

2:14b.MAR.002.014et cum praeteriret vidit Levin Alphei sedentem ad teloneum et ait illi sequere me et surgens secutus est eum

2:15b.MAR.002.015et factum est cum accumberet in domo illius multi publicani et peccatores simul discumbebant cum Iesu et discipulis eius erant enim multi qui et sequebantur eum

2:16b.MAR.002.016et scribae et Pharisaei videntes quia manducaret cum peccatoribus et publicanis dicebant discipulis eius quare cum publicanis et peccatoribus manducat et bibit magister vester

2:17b.MAR.002.017hoc audito Iesus ait illis non necesse habent sani medicum sed qui male habent non enim veni vocare iustos sed peccatores

2:18b.MAR.002.018et erant discipuli Iohannis et Pharisaei ieiunantes et veniunt et dicunt illi cur discipuli Iohannis et Pharisaeorum ieiunant tui autem discipuli non ieiunant

2:19b.MAR.002.019et ait illis Iesus numquid possunt filii nuptiarum quamdiu sponsus cum illis est ieiunare quanto tempore habent secum sponsum non possunt ieiunare

2:20b.MAR.002.020venient autem dies cum auferetur ab eis sponsus et tunc ieiunabunt in illa die

2:21b.MAR.002.021nemo adsumentum panni rudis adsuit vestimento veteri alioquin aufert supplementum novum a veteri et maior scissura fit

2:22b.MAR.002.022et nemo mittit vinum novellum in utres veteres alioquin disrumpet vinum utres et vinum effunditur et utres peribunt sed vinum novum in utres novos mitti debet

2:23b.MAR.002.023et factum est iterum cum sabbatis ambularet per sata et discipuli eius coeperunt praegredi et vellere spicas

2:24b.MAR.002.024Pharisaei autem dicebant ei ecce quid faciunt sabbatis quod non licet

2:25b.MAR.002.025et ait illis numquam legistis quid fecerit David quando necessitatem habuit et esuriit ipse et qui cum eo erant

2:26b.MAR.002.026quomodo introiit in domum Dei sub Abiathar principe sacerdotum et panes propositionis manducavit quos non licet manducare nisi sacerdotibus et dedit eis qui cum eo erant

2:27b.MAR.002.027et dicebat eis sabbatum propter hominem factum est et non homo propter sabbatum

2:28b.MAR.002.028itaque dominus est Filius hominis etiam sabbati

3

3:1b.MAR.003.001et introivit iterum synagogam et erat ibi homo habens manum aridam

3:2b.MAR.003.002et observabant eum si sabbatis curaret ut accusarent illum

3:3b.MAR.003.003et ait homini habenti manum aridam surge in medium

3:4b.MAR.003.004et dicit eis licet sabbatis bene facere an male animam salvam facere an perdere at illi tacebant

3:5b.MAR.003.005et circumspiciens eos cum ira contristatus super caecitatem cordis eorum dicit homini extende manum tuam et extendit et restituta est manus illi

3:6b.MAR.003.006exeuntes autem statim Pharisaei cum Herodianis consilium faciebant adversus eum quomodo eum perderent

3:7b.MAR.003.007et Iesus cum discipulis suis secessit ad mare et multa turba a Galilaea et Iudaea secuta est eum

3:8b.MAR.003.008et ab Hierosolymis et ab Idumea et trans Iordanen et qui circa Tyrum et Sidonem multitudo magna audientes quae faciebat venerunt ad eum

3:9b.MAR.003.009et dixit discipulis suis ut navicula sibi deserviret propter turbam ne conprimerent eum

3:10b.MAR.003.010multos enim sanabat ita ut inruerent in eum ut illum tangerent quotquot habebant plagas

3:11b.MAR.003.011et spiritus inmundi cum illum videbant procidebant ei et clamabant dicentes

3:12b.MAR.003.012tu es Filius Dei et vehementer comminabatur eis ne manifestarent illum

3:13b.MAR.003.013et ascendens in montem vocavit ad se quos voluit ipse et venerunt ad eum

3:14b.MAR.003.014et fecit ut essent duodecim cum illo et ut mitteret eos praedicare

3:15b.MAR.003.015et dedit illis potestatem curandi infirmitates et eiciendi daemonia

3:16b.MAR.003.016et inposuit Simoni nomen Petrus

3:17b.MAR.003.017et Iacobum Zebedaei et Iohannem fratrem Iacobi et inposuit eis nomina Boanerges quod est Filii tonitrui

3:18b.MAR.003.018et Andream et Philippum et Bartholomeum et Mattheum et Thomam et Iacobum Alphei et Thaddeum et Simonem Cananeum

3:19b.MAR.003.019et Iudam Scarioth qui et tradidit illum

3:20b.MAR.003.020et veniunt ad domum et convenit iterum turba ita ut non possent neque panem manducare

3:21b.MAR.003.021et cum audissent sui exierunt tenere eum dicebant enim quoniam in furorem versus est

3:22b.MAR.003.022et scribae qui ab Hierosolymis descenderant dicebant quoniam Beelzebub habet et quia in principe daemonum eicit daemonia

3:23b.MAR.003.023et convocatis eis in parabolis dicebat illis quomodo potest Satanas Satanan eicere

3:24b.MAR.003.024et si regnum in se dividatur non potest stare regnum illud

3:25b.MAR.003.025et si domus super semet ipsam dispertiatur non poterit domus illa stare

3:26b.MAR.003.026et si Satanas consurrexit in semet ipsum dispertitus est et non potest stare sed finem habet

3:27b.MAR.003.027nemo potest vasa fortis ingressus in domum diripere nisi prius fortem alliget et tunc domum eius diripiet

3:28b.MAR.003.028amen dico vobis quoniam omnia dimittentur filiis hominum peccata et blasphemiae quibus blasphemaverint

3:29b.MAR.003.029qui autem blasphemaverit in Spiritum Sanctum non habet remissionem in aeternum sed reus erit aeterni delicti

3:30b.MAR.003.030quoniam dicebant spiritum inmundum habet

3:31b.MAR.003.031et veniunt mater eius et fratres et foris stantes miserunt ad eum vocantes eum

3:32b.MAR.003.032et sedebat circa eum turba et dicunt ei ecce mater tua et fratres tui foris quaerunt te

3:33b.MAR.003.033et respondens eis ait quae est mater mea et fratres mei

3:34b.MAR.003.034et circumspiciens eos qui in circuitu eius sedebant ait ecce mater mea et fratres mei

3:35b.MAR.003.035qui enim fecerit voluntatem Dei hic frater meus et soror mea et mater est

4

4:1b.MAR.004.001et iterum coepit docere ad mare et congregata est ad eum turba multa ita ut in navem ascendens sederet in mari et omnis turba circa mare super terram erat

4:2b.MAR.004.002et docebat eos in parabolis multa et dicebat illis in doctrina sua

4:3b.MAR.004.003audite ecce exiit seminans ad seminandum

4:4b.MAR.004.004et dum seminat aliud cecidit circa viam et venerunt volucres et comederunt illud

4:5b.MAR.004.005aliud vero cecidit super petrosa ubi non habuit terram multam et statim exortum est quoniam non habebat altitudinem terrae

4:6b.MAR.004.006et quando exortus est sol exaestuavit et eo quod non haberet radicem exaruit

4:7b.MAR.004.007et aliud cecidit in spinas et ascenderunt spinae et offocaverunt illud et fructum non dedit

4:8b.MAR.004.008et aliud cecidit in terram bonam et dabat fructum ascendentem et crescentem et adferebat unum triginta et unum sexaginta et unum centum

4:9b.MAR.004.009et dicebat qui habet aures audiendi audiat

4:10b.MAR.004.010et cum esset singularis interrogaverunt eum hii qui cum eo erant cum duodecim parabolas

4:11b.MAR.004.011et dicebat eis vobis datum est mysterium regni Dei illis autem qui foris sunt in parabolis omnia fiunt

4:12b.MAR.004.012ut videntes videant et non videant et audientes audiant et non intellegant nequando convertantur et dimittantur eis peccata

4:13b.MAR.004.013et ait illis nescitis parabolam hanc et quomodo omnes parabolas cognoscetis

4:14b.MAR.004.014qui seminat verbum seminat

4:15b.MAR.004.015hii autem sunt qui circa viam ubi seminatur verbum et cum audierint confestim venit Satanas et aufert verbum quod seminatum est in corda eorum

4:16b.MAR.004.016et hii sunt similiter qui super petrosa seminantur qui cum audierint verbum statim cum gaudio accipiunt illud

4:17b.MAR.004.017et non habent radicem in se sed temporales sunt deinde orta tribulatione et persecutione propter verbum confestim scandalizantur

4:18b.MAR.004.018et alii sunt qui in spinis seminantur hii sunt qui verbum audiunt

4:19b.MAR.004.019et aerumnae saeculi et deceptio divitiarum et circa reliqua concupiscentiae introeuntes suffocant verbum et sine fructu efficitur

4:20b.MAR.004.020et hii sunt qui super terram bonam seminati sunt qui audiunt verbum et suscipiunt et fructificant unum triginta et unum sexaginta et unum centum

4:21b.MAR.004.021et dicebat illis numquid venit lucerna ut sub modio ponatur aut sub lecto nonne ut super candelabrum ponatur

4:22b.MAR.004.022non enim est aliquid absconditum quod non manifestetur nec factum est occultum sed ut in palam veniat

4:23b.MAR.004.023si quis habet aures audiendi audiat

4:24b.MAR.004.024et dicebat illis videte quid audiatis in qua mensura mensi fueritis remetietur vobis et adicietur vobis

4:25b.MAR.004.025qui enim habet dabitur illi et qui non habet etiam quod habet auferetur ab illo

4:26b.MAR.004.026et dicebat sic est regnum Dei quemadmodum si homo iaciat sementem in terram

4:27b.MAR.004.027et dormiat et exsurgat nocte ac die et semen germinet et increscat dum nescit ille

4:28b.MAR.004.028ultro enim terra fructificat primum herbam deinde spicam deinde plenum frumentum in spica

4:29b.MAR.004.029et cum se produxerit fructus statim mittit falcem quoniam adest messis

4:30b.MAR.004.030et dicebat cui adsimilabimus regnum Dei aut cui parabolae conparabimus illud

4:31b.MAR.004.031sicut granum sinapis quod cum seminatum fuerit in terra minus est omnibus seminibus quae sunt in terra

4:32b.MAR.004.032et cum seminatum fuerit ascendit et fit maius omnibus holeribus et facit ramos magnos ita ut possint sub umbra eius aves caeli habitare

4:33b.MAR.004.033et talibus multis parabolis loquebatur eis verbum prout poterant audire

4:34b.MAR.004.034sine parabola autem non loquebatur eis seorsum autem discipulis suis disserebat omnia

4:35b.MAR.004.035et ait illis illa die cum sero esset factum transeamus contra

4:36b.MAR.004.036et dimittentes turbam adsumunt eum ita ut erat in navi et aliae naves erant cum illo

4:37b.MAR.004.037et facta est procella magna venti et fluctus mittebat in navem ita ut impleretur navis

4:38b.MAR.004.038et erat ipse in puppi supra cervical dormiens et excitant eum et dicunt ei magister non ad te pertinet quia perimus

4:39b.MAR.004.039et exsurgens comminatus est vento et dixit mari tace obmutesce et cessavit ventus et facta est tranquillitas magna

4:40b.MAR.004.040et ait illis quid timidi estis necdum habetis fidem et timuerunt magno timore et dicebant ad alterutrum quis putas est iste quia et ventus et mare oboediunt ei

5

5:1b.MAR.005.001et venerunt trans fretum maris in regionem Gerasenorum

5:2b.MAR.005.002et exeunti ei de navi statim occurrit ei de monumentis homo in spiritu inmundo

5:3b.MAR.005.003qui domicilium habebat in monumentis et neque catenis iam quisquam eum poterat ligare

5:4b.MAR.005.004quoniam saepe conpedibus et catenis vinctus disrupisset catenas et conpedes comminuisset et nemo poterat eum domare

5:5b.MAR.005.005et semper nocte ac die in monumentis et in montibus erat clamans et concidens se lapidibus

5:6b.MAR.005.006videns autem Iesum a longe cucurrit et adoravit eum

5:7b.MAR.005.007et clamans voce magna dicit quid mihi et tibi Iesu Fili Dei summi adiuro te per Deum ne me torqueas

5:8b.MAR.005.008dicebat enim illi exi spiritus inmunde ab homine

5:9b.MAR.005.009et interrogabat eum quod tibi nomen est et dicit ei Legio nomen mihi est quia multi sumus

5:10b.MAR.005.010et deprecabatur eum multum ne se expelleret extra regionem

5:11b.MAR.005.011erat autem ibi circa montem grex porcorum magnus pascens

5:12b.MAR.005.012et deprecabantur eum spiritus dicentes mitte nos in porcos ut in eos introeamus

5:13b.MAR.005.013et concessit eis statim Iesus et exeuntes spiritus inmundi introierunt in porcos et magno impetu grex praecipitatus est in mare ad duo milia et suffocati sunt in mare

5:14b.MAR.005.014qui autem pascebant eos fugerunt et nuntiaverunt in civitatem et in agros et egressi sunt videre quid esset facti

5:15b.MAR.005.015et veniunt ad Iesum et vident illum qui a daemonio vexabatur sedentem vestitum et sanae mentis et timuerunt

5:16b.MAR.005.016et narraverunt illis qui viderant qualiter factum esset ei qui daemonium habuerat et de porcis

5:17b.MAR.005.017et rogare eum coeperunt ut discederet de finibus eorum

5:18b.MAR.005.018cumque ascenderet navem coepit illum deprecari qui daemonio vexatus fuerat ut esset cum illo

5:19b.MAR.005.019et non admisit eum sed ait illi vade in domum tuam ad tuos et adnuntia illis quanta tibi Dominus fecerit et misertus sit tui

5:20b.MAR.005.020et abiit et coepit praedicare in Decapoli quanta sibi fecisset Iesus et omnes mirabantur

5:21b.MAR.005.021et cum transcendisset Iesus in navi rursus trans fretum convenit turba multa ad illum et erat circa mare

5:22b.MAR.005.022et venit quidam de archisynagogis nomine Iairus et videns eum procidit ad pedes eius

5:23b.MAR.005.023et deprecabatur eum multum dicens quoniam filia mea in extremis est veni inpone manus super eam ut salva sit et vivat

5:24b.MAR.005.024et abiit cum illo et sequebatur eum turba multa et conprimebant illum

5:25b.MAR.005.025et mulier quae erat in profluvio sanguinis annis duodecim

5:26b.MAR.005.026et fuerat multa perpessa a conpluribus medicis et erogaverat omnia sua nec quicquam profecerat sed magis deterius habebat

5:27b.MAR.005.027cum audisset de Iesu venit in turba retro et tetigit vestimentum eius

5:28b.MAR.005.028dicebat enim quia si vel vestimentum eius tetigero salva ero

5:29b.MAR.005.029et confestim siccatus est fons sanguinis eius et sensit corpore quod sanata esset a plaga

5:30b.MAR.005.030et statim Iesus cognoscens in semet ipso virtutem quae exierat de eo conversus ad turbam aiebat quis tetigit vestimenta mea

5:31b.MAR.005.031et dicebant ei discipuli sui vides turbam conprimentem te et dicis quis me tetigit

5:32b.MAR.005.032et circumspiciebat videre eam quae hoc fecerat

5:33b.MAR.005.033mulier autem timens et tremens sciens quod factum esset in se venit et procidit ante eum et dixit ei omnem veritatem

5:34b.MAR.005.034ille autem dixit ei filia fides tua te salvam fecit vade in pace et esto sana a plaga tua

5:35b.MAR.005.035adhuc eo loquente veniunt ab archisynagogo dicentes quia filia tua mortua est quid ultra vexas magistrum

5:36b.MAR.005.036Iesus autem verbo quod dicebatur audito ait archisynagogo noli timere tantummodo crede

5:37b.MAR.005.037et non admisit quemquam sequi se nisi Petrum et Iacobum et Iohannem fratrem Iacobi

5:38b.MAR.005.038et veniunt in domum archisynagogi et videt tumultum et flentes et heiulantes multum

5:39b.MAR.005.039et ingressus ait eis quid turbamini et ploratis puella non est mortua sed dormit

5:40b.MAR.005.040et inridebant eum ipse vero eiectis omnibus adsumit patrem et matrem puellae et qui secum erant et ingreditur ubi erat puella iacens

5:41b.MAR.005.041et tenens manum puellae ait illi talitha cumi quod est interpretatum puella tibi dico surge

5:42b.MAR.005.042et confestim surrexit puella et ambulabat erat autem annorum duodecim et obstipuerunt stupore maximo

5:43b.MAR.005.043et praecepit illis vehementer ut nemo id sciret et dixit dari illi manducare

6

6:1b.MAR.006.001et egressus inde abiit in patriam suam et sequebantur illum discipuli sui

6:2b.MAR.006.002et facto sabbato coepit in synagoga docere et multi audientes admirabantur in doctrina eius dicentes unde huic haec omnia et quae est sapientia quae data est illi et virtutes tales quae per manus eius efficiuntur

6:3b.MAR.006.003nonne iste est faber filius Mariae frater Iacobi et Ioseph et Iudae et Simonis nonne et sorores eius hic nobiscum sunt et scandalizabantur in illo

6:4b.MAR.006.004et dicebat eis Iesus quia non est propheta sine honore nisi in patria sua et in cognatione sua et in domo sua

6:5b.MAR.006.005et non poterat ibi virtutem ullam facere nisi paucos infirmos inpositis manibus curavit

6:6b.MAR.006.006et mirabatur propter incredulitatem eorum

6:7b.MAR.006.007et circumibat castella in circuitu docens et convocavit duodecim et coepit eos mittere binos et dabat illis potestatem spirituum inmundorum

6:8b.MAR.006.008et praecepit eis ne quid tollerent in via nisi virgam tantum non peram non panem neque in zona aes

6:9b.MAR.006.009sed calciatos sandaliis et ne induerentur duabus tunicis

6:10b.MAR.006.010et dicebat eis quocumque introieritis in domum illic manete donec exeatis inde

6:11b.MAR.006.011et quicumque non receperint vos nec audierint vos exeuntes inde excutite pulverem de pedibus vestris in testimonium illis

6:12b.MAR.006.012et exeuntes praedicabant ut paenitentiam agerent

6:13b.MAR.006.013et daemonia multa eiciebant et unguebant oleo multos aegrotos et sanabant

6:14b.MAR.006.014et audivit Herodes rex manifestum enim factum est nomen eius et dicebat quia Iohannes Baptista resurrexit a mortuis et propterea inoperantur virtutes in illo

6:15b.MAR.006.015alii autem dicebant quia Helias est alii vero dicebant propheta est quasi unus ex prophetis

6:16b.MAR.006.016quo audito Herodes ait quem ego decollavi Iohannem hic a mortuis resurrexit

6:17b.MAR.006.017ipse enim Herodes misit ac tenuit Iohannem et vinxit eum in carcere propter Herodiadem uxorem Philippi fratris sui quia duxerat eam

6:18b.MAR.006.018dicebat enim Iohannes Herodi non licet tibi habere uxorem fratris tui

6:19b.MAR.006.019Herodias autem insidiabatur illi et volebat occidere eum nec poterat

6:20b.MAR.006.020Herodes enim metuebat Iohannem sciens eum virum iustum et sanctum et custodiebat eum et audito eo multa faciebat et libenter eum audiebat

6:21b.MAR.006.021et cum dies oportunus accidisset Herodes natalis sui cenam fecit principibus et tribunis et primis Galilaeae

6:22b.MAR.006.022cumque introisset filia ipsius Herodiadis et saltasset et placuisset Herodi simulque recumbentibus rex ait puellae pete a me quod vis et dabo tibi

6:23b.MAR.006.023et iuravit illi quia quicquid petieris dabo tibi licet dimidium regni mei

6:24b.MAR.006.024quae cum exisset dixit matri suae quid petam et illa dixit caput Iohannis Baptistae

6:25b.MAR.006.025cumque introisset statim cum festinatione ad regem petivit dicens volo ut protinus des mihi in disco caput Iohannis Baptistae

6:26b.MAR.006.026et contristatus rex propter iusiurandum et propter simul recumbentes noluit eam contristare

6:27b.MAR.006.027sed misso speculatore praecepit adferri caput eius in disco et decollavit eum in carcere

6:28b.MAR.006.028et adtulit caput eius in disco et dedit illud puellae et puella dedit matri suae

6:29b.MAR.006.029quo audito discipuli eius venerunt et tulerunt corpus eius et posuerunt illud in monumento

6:30b.MAR.006.030et convenientes apostoli ad Iesum renuntiaverunt illi omnia quae egerant et docuerant

6:31b.MAR.006.031et ait illis venite seorsum in desertum locum et requiescite pusillum erant enim qui veniebant et rediebant multi et nec manducandi spatium habebant

6:32b.MAR.006.032et ascendentes in navi abierunt in desertum locum seorsum

6:33b.MAR.006.033et viderunt eos abeuntes et cognoverunt multi et pedestre et de omnibus civitatibus concurrerunt illuc et praevenerunt eos

6:34b.MAR.006.034et exiens vidit multam turbam Iesus et misertus est super eos quia erant sicut oves non habentes pastorem et coepit docere illos multa

6:35b.MAR.006.035et cum iam hora multa fieret accesserunt discipuli eius dicentes desertus est locus hic et iam hora praeterivit

6:36b.MAR.006.036dimitte illos ut euntes in proximas villas et vicos emant sibi cibos quos manducent

6:37b.MAR.006.037et respondens ait illis date illis manducare et dixerunt ei euntes emamus denariis ducentis panes et dabimus eis manducare

6:38b.MAR.006.038et dicit eis quot panes habetis ite et videte et cum cognovissent dicunt quinque et duos pisces

6:39b.MAR.006.039et praecepit illis ut accumbere facerent omnes secundum contubernia super viride faenum

6:40b.MAR.006.040et discubuerunt in partes per centenos et per quinquagenos

6:41b.MAR.006.041et acceptis quinque panibus et duobus piscibus intuens in caelum benedixit et fregit panes et dedit discipulis suis ut ponerent ante eos et duos pisces divisit omnibus

6:42b.MAR.006.042et manducaverunt omnes et saturati sunt

6:43b.MAR.006.043et sustulerunt reliquias fragmentorum duodecim cofinos plenos et de piscibus

6:44b.MAR.006.044erant autem qui manducaverunt quinque milia virorum

6:45b.MAR.006.045et statim coegit discipulos suos ascendere navem ut praecederent eum trans fretum ad Bethsaidam dum ipse dimitteret populum

6:46b.MAR.006.046et cum dimisisset eos abiit in montem orare

6:47b.MAR.006.047et cum sero esset erat navis in medio mari et ipse solus in terra

6:48b.MAR.006.048et videns eos laborantes in remigando erat enim ventus contrarius eis et circa quartam vigiliam noctis venit ad eos ambulans super mare et volebat praeterire eos

6:49b.MAR.006.049at illi ut viderunt eum ambulantem super mare putaverunt fantasma esse et exclamaverunt

6:50b.MAR.006.050omnes enim eum viderunt et conturbati sunt et statim locutus est cum eis et dixit illis confidite ego sum nolite timere

6:51b.MAR.006.051et ascendit ad illos in navem et cessavit ventus et plus magis intra se stupebant

6:52b.MAR.006.052non enim intellexerant de panibus erat enim cor illorum obcaecatum

6:53b.MAR.006.053et cum transfretassent pervenerunt in terram Gennesareth et adplicuerunt

6:54b.MAR.006.054cumque egressi essent de navi continuo cognoverunt eum

6:55b.MAR.006.055et percurrentes universam regionem illam coeperunt in grabattis eos qui se male habebant circumferre ubi audiebant eum esse

6:56b.MAR.006.056et quocumque introibat in vicos vel in villas aut civitates in plateis ponebant infirmos et deprecabantur eum ut vel fimbriam vestimenti eius tangerent et quotquot tangebant eum salvi fiebant

7

7:1b.MAR.007.001et conveniunt ad eum Pharisaei et quidam de scribis venientes ab Hierosolymis

7:2b.MAR.007.002et cum vidissent quosdam ex discipulis eius communibus manibus id est non lotis manducare panes vituperaverunt

7:3b.MAR.007.003Pharisaei enim et omnes Iudaei nisi crebro lavent manus non manducant tenentes traditionem seniorum

7:4b.MAR.007.004et a foro nisi baptizentur non comedunt et alia multa sunt quae tradita sunt illis servare baptismata calicum et urceorum et aeramentorum et lectorum

7:5b.MAR.007.005et interrogant eum Pharisaei et scribae quare discipuli tui non ambulant iuxta traditionem seniorum sed communibus manibus manducant panem

7:6b.MAR.007.006at ille respondens dixit eis bene prophetavit Esaias de vobis hypocritis sicut scriptum est populus hic labiis me honorat cor autem eorum longe est a me

7:7b.MAR.007.007in vanum autem me colunt docentes doctrinas praecepta hominum

7:8b.MAR.007.008relinquentes enim mandatum Dei tenetis traditionem hominum baptismata urceorum et calicum et alia similia his facitis multa

7:9b.MAR.007.009et dicebat illis bene irritum facitis praeceptum Dei ut traditionem vestram servetis

7:10b.MAR.007.010Moses enim dixit honora patrem tuum et matrem tuam et qui maledixerit patri aut matri morte moriatur

7:11b.MAR.007.011vos autem dicitis si dixerit homo patri aut matri corban quod est donum quodcumque ex me tibi profuerit

7:12b.MAR.007.012et ultra non dimittitis eum quicquam facere patri suo aut matri

7:13b.MAR.007.013rescindentes verbum Dei per traditionem vestram quam tradidistis et similia huiusmodi multa facitis

7:14b.MAR.007.014et advocans iterum turbam dicebat illis audite me omnes et intellegite

7:15b.MAR.007.015nihil est extra hominem introiens in eum quod possit eum coinquinare sed quae de homine procedunt illa sunt quae communicant hominem

7:16b.MAR.007.016si quis habet aures audiendi audiat

7:17b.MAR.007.017et cum introisset in domum a turba interrogabant eum discipuli eius parabolam

7:18b.MAR.007.018et ait illis sic et vos inprudentes estis non intellegitis quia omne extrinsecus introiens in hominem non potest eum communicare

7:19b.MAR.007.019quia non introit in cor eius sed in ventrem et in secessum exit purgans omnes escas

7:20b.MAR.007.020dicebat autem quoniam quae de homine exeunt illa communicant hominem

7:21b.MAR.007.021ab intus enim de corde hominum cogitationes malae procedunt adulteria fornicationes homicidia

7:22b.MAR.007.022furta avaritiae nequitiae dolus inpudicitia oculus malus blasphemia superbia stultitia

7:23b.MAR.007.023omnia haec mala ab intus procedunt et communicant hominem

7:24b.MAR.007.024et inde surgens abiit in fines Tyri et Sidonis et ingressus domum neminem voluit scire et non potuit latere

7:25b.MAR.007.025mulier enim statim ut audivit de eo cuius habebat filia spiritum inmundum intravit et procidit ad pedes eius

7:26b.MAR.007.026erat autem mulier gentilis Syrophoenissa genere et rogabat eum ut daemonium eiceret de filia eius

7:27b.MAR.007.027qui dixit illi sine prius saturari filios non est enim bonum sumere panem filiorum et mittere canibus

7:28b.MAR.007.028at illa respondit et dicit ei utique Domine nam et catelli sub mensa comedunt de micis puerorum

7:29b.MAR.007.029et ait illi propter hunc sermonem vade exiit daemonium de filia tua

7:30b.MAR.007.030et cum abisset domum suam invenit puellam iacentem supra lectum et daemonium exisse

7:31b.MAR.007.031et iterum exiens de finibus Tyri venit per Sidonem ad mare Galilaeae inter medios fines Decapoleos

7:32b.MAR.007.032et adducunt ei surdum et mutum et deprecantur eum ut inponat illi manum

7:33b.MAR.007.033et adprehendens eum de turba seorsum misit digitos suos in auriculas et expuens tetigit linguam eius

7:34b.MAR.007.034et suspiciens in caelum ingemuit et ait illi eppheta quod est adaperire

7:35b.MAR.007.035et statim apertae sunt aures eius et solutum est vinculum linguae eius et loquebatur recte

7:36b.MAR.007.036et praecepit illis ne cui dicerent quanto autem eis praecipiebat tanto magis plus praedicabant

7:37b.MAR.007.037et eo amplius admirabantur dicentes bene omnia fecit et surdos facit audire et mutos loqui

8

8:1b.MAR.008.001in illis diebus iterum cum turba multa esset nec haberent quod manducarent convocatis discipulis ait illis

8:2b.MAR.008.002misereor super turba quia ecce iam triduo sustinent me nec habent quod manducent

8:3b.MAR.008.003et si dimisero eos ieiunos in domum suam deficient in via quidam enim ex eis de longe venerunt

8:4b.MAR.008.004et responderunt ei discipuli sui unde istos poterit quis hic saturare panibus in solitudine

8:5b.MAR.008.005et interrogavit eos quot panes habetis qui dixerunt septem

8:6b.MAR.008.006et praecepit turbae discumbere supra terram et accipiens septem panes gratias agens fregit et dabat discipulis suis ut adponerent et adposuerunt turbae

8:7b.MAR.008.007et habebant pisciculos paucos et ipsos benedixit et iussit adponi

8:8b.MAR.008.008et manducaverunt et saturati sunt et sustulerunt quod superaverat de fragmentis septem sportas

8:9b.MAR.008.009erant autem qui manducaverunt quasi quattuor milia et dimisit eos

8:10b.MAR.008.010et statim ascendens navem cum discipulis suis venit in partes Dalmanutha

8:11b.MAR.008.011et exierunt Pharisaei et coeperunt conquirere cum eo quaerentes ab illo signum de caelo temptantes eum

8:12b.MAR.008.012et ingemescens spiritu ait quid generatio ista quaerit signum amen dico vobis si dabitur generationi isti signum

8:13b.MAR.008.013et dimittens eos ascendens iterum abiit trans fretum

8:14b.MAR.008.014et obliti sunt sumere panes et nisi unum panem non habebant secum in navi

8:15b.MAR.008.015et praecipiebat eis dicens videte cavete a fermento Pharisaeorum et fermento Herodis

8:16b.MAR.008.016et cogitabant ad alterutrum dicentes quia panes non habemus

8:17b.MAR.008.017quo cognito Iesus ait illis quid cogitatis quia panes non habetis nondum cognoscitis nec intellegitis adhuc caecatum habetis cor vestrum

8:18b.MAR.008.018oculos habentes non videtis et aures habentes non auditis nec recordamini

8:19b.MAR.008.019quando quinque panes fregi in quinque milia et quot cofinos fragmentorum plenos sustulistis dicunt ei duodecim

8:20b.MAR.008.020quando et septem panes in quattuor milia quot sportas fragmentorum tulistis et dicunt ei septem

8:21b.MAR.008.021et dicebat eis quomodo nondum intellegitis

8:22b.MAR.008.022et veniunt Bethsaida et adducunt ei caecum et rogabant eum ut illum tangeret

8:23b.MAR.008.023et adprehendens manum caeci eduxit eum extra vicum et expuens in oculos eius inpositis manibus suis interrogavit eum si aliquid videret

8:24b.MAR.008.024et aspiciens ait video homines velut arbores ambulantes

8:25b.MAR.008.025deinde iterum inposuit manus super oculos eius et coepit videre et restitutus est ita ut videret clare omnia

8:26b.MAR.008.026et misit illum in domum suam dicens vade in domum tuam et si in vicum introieris nemini dixeris

8:27b.MAR.008.027et egressus est Iesus et discipuli eius in castella Caesareae Philippi et in via interrogabat discipulos suos dicens eis quem me dicunt esse homines

8:28b.MAR.008.028qui responderunt illi dicentes Iohannem Baptistam alii Heliam alii vero quasi unum de prophetis

8:29b.MAR.008.029tunc dicit illis vos vero quem me dicitis esse respondens Petrus ait ei tu es Christus

8:30b.MAR.008.030et comminatus est eis ne cui dicerent de illo

8:31b.MAR.008.031et coepit docere illos quoniam oportet Filium hominis multa pati et reprobari a senioribus et a summis sacerdotibus et scribis et occidi et post tres dies resurgere

8:32b.MAR.008.032et palam verbum loquebatur et adprehendens eum Petrus coepit increpare eum

8:33b.MAR.008.033qui conversus et videns discipulos suos comminatus est Petro dicens vade retro me Satana quoniam non sapis quae Dei sunt sed quae sunt hominum

8:34b.MAR.008.034et convocata turba cum discipulis suis dixit eis si quis vult post me sequi deneget se ipsum et tollat crucem suam et sequatur me

8:35b.MAR.008.035qui enim voluerit animam suam salvam facere perdet eam qui autem perdiderit animam suam propter me et evangelium salvam eam faciet

8:36b.MAR.008.036quid enim proderit homini si lucretur mundum totum et detrimentum faciat animae suae

8:37b.MAR.008.037aut quid dabit homo commutationem pro anima sua

8:38b.MAR.008.038qui enim me confusus fuerit et mea verba in generatione ista adultera et peccatrice et Filius hominis confundetur eum cum venerit in gloria Patris sui cum angelis sanctis

8:39b.MAR.008.039et dicebat illis amen dico vobis quia sunt quidam de hic stantibus qui non gustabunt mortem donec videant regnum Dei veniens in virtute

9

9:1b.MAR.009.001et post dies sex adsumit Iesus Petrum et Iacobum et Iohannem et ducit illos in montem excelsum seorsum solos et transfiguratus est coram ipsis

9:2b.MAR.009.002et vestimenta eius facta sunt splendentia candida nimis velut nix qualia fullo super terram non potest candida facere

9:3b.MAR.009.003et apparuit illis Helias cum Mose et erant loquentes cum Iesu

9:4b.MAR.009.004et respondens Petrus ait Iesu rabbi bonum est hic nos esse et faciamus tria tabernacula tibi unum et Mosi unum et Heliae unum

9:5b.MAR.009.005non enim sciebat quid diceret erant enim timore exterriti

9:6b.MAR.009.006et facta est nubes obumbrans eos et venit vox de nube dicens hic est Filius meus carissimus audite illum

9:7b.MAR.009.007et statim circumspicientes neminem amplius viderunt nisi Iesum tantum secum

9:8b.MAR.009.008et descendentibus illis de monte praecepit illis ne cui quae vidissent narrarent nisi cum Filius hominis a mortuis resurrexerit

9:9b.MAR.009.009et verbum continuerunt apud se conquirentes quid esset cum a mortuis resurrexerit

9:10b.MAR.009.010et interrogabant eum dicentes quid ergo dicunt Pharisaei et scribae quia Heliam oporteat venire primum

9:11b.MAR.009.011qui respondens ait illis Helias cum venerit primo restituet omnia et quomodo scriptum est in Filium hominis ut multa patiatur et contemnatur

9:12b.MAR.009.012sed dico vobis quia et Helias venit et fecerunt illi quaecumque voluerunt sicut scriptum est de eo

9:13b.MAR.009.013et veniens ad discipulos suos vidit turbam magnam circa eos et scribas conquirentes cum illis

9:14b.MAR.009.014et confestim omnis populus videns eum stupefactus est et adcurrentes salutabant eum

9:15b.MAR.009.015et interrogavit eos quid inter vos conquiritis

9:16b.MAR.009.016et respondens unus de turba dixit magister adtuli filium meum ad te habentem spiritum mutum

9:17b.MAR.009.017qui ubicumque eum adprehenderit adlidit eum et spumat et stridet dentibus et arescit et dixi discipulis tuis ut eicerent illum et non potuerunt

9:18b.MAR.009.018qui respondens eis dicit o generatio incredula quamdiu apud vos ero quamdiu vos patiar adferte illum ad me

9:19b.MAR.009.019et adtulerunt eum et cum vidisset illum statim spiritus conturbavit eum et elisus in terram volutabatur spumans

9:20b.MAR.009.020et interrogavit patrem eius quantum temporis est ex quo hoc ei accidit at ille ait ab infantia

9:21b.MAR.009.021et frequenter eum et in ignem et in aquas misit ut eum perderet sed si quid potes adiuva nos misertus nostri

9:22b.MAR.009.022Iesus autem ait illi si potes credere omnia possibilia credenti

9:23b.MAR.009.023et continuo exclamans pater pueri cum lacrimis aiebat credo adiuva incredulitatem meam

9:24b.MAR.009.024et cum videret Iesus concurrentem turbam comminatus est spiritui inmundo dicens illi surde et mute spiritus ego tibi praecipio exi ab eo et amplius ne introeas in eum

9:25b.MAR.009.025et clamans et multum discerpens eum exiit ab eo et factus est sicut mortuus ita ut multi dicerent quia mortuus est

9:26b.MAR.009.026Iesus autem tenens manum eius elevavit illum et surrexit

9:27b.MAR.009.027et cum introisset in domum discipuli eius secreto interrogabant eum quare nos non potuimus eicere eum

9:28b.MAR.009.028et dixit illis hoc genus in nullo potest exire nisi in oratione et ieiunio

9:29b.MAR.009.029et inde profecti praetergrediebantur Galilaeam nec volebat quemquam scire

9:30b.MAR.009.030docebat autem discipulos suos et dicebat illis quoniam Filius hominis tradetur in manus hominum et occident eum et occisus tertia die resurget

9:31b.MAR.009.031at illi ignorabant verbum et timebant eum interrogare

9:32b.MAR.009.032et venerunt Capharnaum qui cum domi esset interrogabat eos quid in via tractabatis

9:33b.MAR.009.033at illi tacebant siquidem inter se in via disputaverant quis esset illorum maior

9:34b.MAR.009.034et residens vocavit duodecim et ait illis si quis vult primus esse erit omnium novissimus et omnium minister

9:35b.MAR.009.035et accipiens puerum statuit eum in medio eorum quem cum conplexus esset ait illis

9:36b.MAR.009.036quisquis unum ex huiusmodi pueris receperit in nomine meo me recipit et quicumque me susceperit non me suscipit sed eum qui me misit

9:37b.MAR.009.037respondit illi Iohannes dicens magister vidimus quendam in nomine tuo eicientem daemonia qui non sequitur nos et prohibuimus eum

9:38b.MAR.009.038Iesus autem ait nolite prohibere eum nemo est enim qui faciat virtutem in nomine meo et possit cito male loqui de me

9:39b.MAR.009.039qui enim non est adversum vos pro vobis est

9:40b.MAR.009.040quisquis enim potum dederit vobis calicem aquae in nomine meo quia Christi estis amen dico vobis non perdet mercedem suam

9:41b.MAR.009.041et quisquis scandalizaverit unum ex his pusillis credentibus in me bonum est ei magis si circumdaretur mola asinaria collo eius et in mare mitteretur

9:42b.MAR.009.042et si scandalizaverit te manus tua abscide illam bonum est tibi debilem introire in vitam quam duas manus habentem ire in gehennam in ignem inextinguibilem

9:43b.MAR.009.043ubi vermis eorum non moritur et ignis non extinguitur

9:44b.MAR.009.044et si pes tuus te scandalizat amputa illum bonum est tibi claudum introire in vitam aeternam quam duos pedes habentem mitti in gehennam ignis inextinguibilis

9:45b.MAR.009.045ubi vermis eorum non moritur et ignis non extinguitur

9:46b.MAR.009.046quod si oculus tuus scandalizat te eice eum bonum est tibi luscum introire in regnum Dei quam duos oculos habentem mitti in gehennam ignis

9:47b.MAR.009.047ubi vermis eorum non moritur et ignis non extinguitur

9:48b.MAR.009.048omnis enim igne sallietur et omnis victima sallietur

9:49b.MAR.009.049bonum est sal quod si sal insulsum fuerit in quo illud condietis habete in vobis sal et pacem habete inter vos

10

10:1b.MAR.010.001et inde exsurgens venit in fines Iudaeae ultra Iordanen et conveniunt iterum turbae ad eum et sicut consueverat iterum docebat illos

10:2b.MAR.010.002et accedentes Pharisaei interrogabant eum si licet viro uxorem dimittere temptantes eum

10:3b.MAR.010.003at ille respondens dixit eis quid vobis praecepit Moses

10:4b.MAR.010.004qui dixerunt Moses permisit libellum repudii scribere et dimittere

10:5b.MAR.010.005quibus respondens Iesus ait ad duritiam cordis vestri scripsit vobis praeceptum istud

10:6b.MAR.010.006ab initio autem creaturae masculum et feminam fecit eos Deus

10:7b.MAR.010.007propter hoc relinquet homo patrem suum et matrem et adherebit ad uxorem suam

10:8b.MAR.010.008et erunt duo in carne una itaque iam non sunt duo sed una caro

10:9b.MAR.010.009quod ergo Deus iunxit homo non separet

10:10b.MAR.010.010et in domo iterum discipuli eius de eodem interrogaverunt eum

10:11b.MAR.010.011et dicit illis quicumque dimiserit uxorem suam et aliam duxerit adulterium committit super eam

10:12b.MAR.010.012et si uxor dimiserit virum suum et alii nupserit moechatur

10:13b.MAR.010.013et offerebant illi parvulos ut tangeret illos discipuli autem comminabantur offerentibus

10:14b.MAR.010.014quos cum videret Iesus indigne tulit et ait illis sinite parvulos venire ad me et ne prohibueritis eos talium est enim regnum Dei

10:15b.MAR.010.015amen dico vobis quisque non receperit regnum Dei velut parvulus non intrabit in illud

10:16b.MAR.010.016et conplexans eos et inponens manus super illos benedicebat eos

10:17b.MAR.010.017et cum egressus esset in viam procurrens quidam genu flexo ante eum rogabat eum magister bone quid faciam ut vitam aeternam percipiam

10:18b.MAR.010.018Iesus autem dixit ei quid me dicis bonum nemo bonus nisi unus Deus

10:19b.MAR.010.019praecepta nosti ne adulteres ne occidas ne fureris ne falsum testimonium dixeris ne fraudem feceris honora patrem tuum et matrem

10:20b.MAR.010.020et ille respondens ait illi magister omnia haec conservavi a iuventute mea

10:21b.MAR.010.021Iesus autem intuitus eum dilexit eum et dixit illi unum tibi deest vade quaecumque habes vende et da pauperibus et habebis thesaurum in caelo et veni sequere me

10:22b.MAR.010.022qui contristatus in verbo abiit maerens erat enim habens possessiones multas

10:23b.MAR.010.023et circumspiciens Iesus ait discipulis suis quam difficile qui pecunias habent in regnum Dei introibunt

10:24b.MAR.010.024discipuli autem obstupescebant in verbis eius at Iesus rursus respondens ait illis filioli quam difficile est confidentes in pecuniis regnum Dei introire

10:25b.MAR.010.025facilius est camelum per foramen acus transire quam divitem intrare in regnum Dei

10:26b.MAR.010.026qui magis admirabantur dicentes ad semet ipsos et quis potest salvus fieri

10:27b.MAR.010.027et intuens illos Iesus ait apud homines inpossibile est sed non apud Deum omnia enim possibilia sunt apud Deum

10:28b.MAR.010.028coepit Petrus ei dicere ecce nos dimisimus omnia et secuti sumus te

10:29b.MAR.010.029respondens Iesus ait amen dico vobis nemo est qui reliquerit domum aut fratres aut sorores aut matrem aut patrem aut filios aut agros propter me et propter evangelium

10:30b.MAR.010.030qui non accipiat centies tantum nunc in tempore hoc domos et fratres et sorores et matres et filios et agros cum persecutionibus et in saeculo futuro vitam aeternam

10:31b.MAR.010.031multi autem erunt primi novissimi et novissimi primi

10:32b.MAR.010.032erant autem in via ascendentes in Hierosolyma et praecedebat illos Iesus et stupebant et sequentes timebant et adsumens iterum duodecim coepit illis dicere quae essent ei ventura

10:33b.MAR.010.033quia ecce ascendimus in Hierosolyma et Filius hominis tradetur principibus sacerdotum et scribis et senioribus et damnabunt eum morti et tradent eum gentibus

10:34b.MAR.010.034et inludent ei et conspuent eum et flagellabunt eum et interficient eum et tertia die resurget

10:35b.MAR.010.035et accedunt ad illum Iacobus et Iohannes filii Zebedaei dicentes magister volumus ut quodcumque petierimus facias nobis

10:36b.MAR.010.036at ille dixit eis quid vultis ut faciam vobis

10:37b.MAR.010.037et dixerunt da nobis ut unus ad dexteram tuam et alius ad sinistram tuam sedeamus in gloria tua

10:38b.MAR.010.038Iesus autem ait eis nescitis quid petatis potestis bibere calicem quem ego bibo aut baptismum quo ego baptizor baptizari

10:39b.MAR.010.039at illi dixerunt ei possumus Iesus autem ait eis calicem quidem quem ego bibo bibetis et baptismum quo ego baptizor baptizabimini

10:40b.MAR.010.040sedere autem ad dexteram meam vel ad sinistram non est meum dare sed quibus paratum est

10:41b.MAR.010.041et audientes decem coeperunt indignari de Iacobo et Iohanne

10:42b.MAR.010.042Iesus autem vocans eos ait illis scitis quia hii qui videntur principari gentibus dominantur eis et principes eorum potestatem habent ipsorum

10:43b.MAR.010.043non ita est autem in vobis sed quicumque voluerit fieri maior erit vester minister

10:44b.MAR.010.044et quicumque voluerit in vobis primus esse erit omnium servus

10:45b.MAR.010.045nam et Filius hominis non venit ut ministraretur ei sed ut ministraret et daret animam suam redemptionem pro multis

10:46b.MAR.010.046et veniunt Hierichum et proficiscente eo de Hiericho et discipulis eius et plurima multitudine filius Timei Bartimeus caecus sedebat iuxta viam mendicans

10:47b.MAR.010.047qui cum audisset quia Iesus Nazarenus est coepit clamare et dicere Fili David Iesu miserere mei

10:48b.MAR.010.048et comminabantur illi multi ut taceret at ille multo magis clamabat Fili David miserere mei

10:49b.MAR.010.049et stans Iesus praecepit illum vocari et vocant caecum dicentes ei animaequior esto surge vocat te

10:50b.MAR.010.050qui proiecto vestimento suo exiliens venit ad eum

10:51b.MAR.010.051et respondens illi Iesus dixit quid vis tibi faciam caecus autem dixit ei rabboni ut videam

10:52b.MAR.010.052Iesus autem ait illi vade fides tua te salvum fecit et confestim vidit et sequebatur eum in via

11

11:1b.MAR.011.001et cum adpropinquarent Hierosolymae et Bethaniae ad montem Olivarum mittit duos ex discipulis suis

11:2b.MAR.011.002et ait illis ite in castellum quod est contra vos et statim introeuntes illuc invenietis pullum ligatum super quem nemo adhuc hominum sedit solvite illum et adducite

11:3b.MAR.011.003et si quis vobis dixerit quid facitis dicite quia Domino necessarius est et continuo illum dimittet huc

11:4b.MAR.011.004et abeuntes invenerunt pullum ligatum ante ianuam foris in bivio et solvunt eum

11:5b.MAR.011.005et quidam de illic stantibus dicebant illis quid facitis solventes pullum

11:6b.MAR.011.006qui dixerunt eis sicut praeceperat illis Iesus et dimiserunt eis

11:7b.MAR.011.007et duxerunt pullum ad Iesum et inponunt illi vestimenta sua et sedit super eo

11:8b.MAR.011.008multi autem vestimenta sua straverunt in via alii autem frondes caedebant de arboribus et sternebant in via

11:9b.MAR.011.009et qui praeibant et qui sequebantur clamabant dicentes osanna benedictus qui venit in nomine Domini

11:10b.MAR.011.010benedictum quod venit regnum patris nostri David osanna in excelsis

11:11b.MAR.011.011et introivit Hierosolyma in templum et circumspectis omnibus cum iam vespera esset hora exivit in Bethania cum duodecim

11:12b.MAR.011.012et alia die cum exirent a Bethania esuriit

11:13b.MAR.011.013cumque vidisset a longe ficum habentem folia venit si quid forte inveniret in ea et cum venisset ad eam nihil invenit praeter folia non enim erat tempus ficorum

11:14b.MAR.011.014et respondens dixit ei iam non amplius in aeternum quisquam fructum ex te manducet et audiebant discipuli eius

11:15b.MAR.011.015et veniunt Hierosolymam et cum introisset templum coepit eicere vendentes et ementes in templo et mensas nummulariorum et cathedras vendentium columbas evertit

11:16b.MAR.011.016et non sinebat ut quisquam vas transferret per templum

11:17b.MAR.011.017et docebat dicens eis non scriptum est quia domus mea domus orationis vocabitur omnibus gentibus vos autem fecistis eam speluncam latronum

11:18b.MAR.011.018quo audito principes sacerdotum et scribae quaerebant quomodo eum perderent timebant enim eum quoniam universa turba admirabatur super doctrina eius

11:19b.MAR.011.019et cum vespera facta esset egrediebatur de civitate

11:20b.MAR.011.020et cum mane transirent viderunt ficum aridam factam a radicibus

11:21b.MAR.011.021et recordatus Petrus dicit ei rabbi ecce ficus cui maledixisti aruit

11:22b.MAR.011.022et respondens Iesus ait illis habete fidem Dei

11:23b.MAR.011.023amen dico vobis quicumque dixerit huic monti tollere et mittere in mare et non haesitaverit in corde suo sed crediderit quia quodcumque dixerit fiat fiet ei

11:24b.MAR.011.024propterea dico vobis omnia quaecumque orantes petitis credite quia accipietis et veniet vobis

11:25b.MAR.011.025et cum stabitis ad orandum dimittite si quid habetis adversus aliquem ut et Pater vester qui in caelis est dimittat vobis peccata vestra

11:26b.MAR.011.026quod si vos non dimiseritis nec Pater vester qui in caelis est dimittet vobis peccata vestra

11:27b.MAR.011.027et veniunt rursus Hierosolymam et cum ambularet in templo accedunt ad eum summi sacerdotes et scribae et seniores

11:28b.MAR.011.028et dicunt illi in qua potestate haec facis et quis tibi dedit hanc potestatem ut ista facias

11:29b.MAR.011.029Iesus autem respondens ait illis interrogabo vos et ego unum verbum et respondete mihi et dicam vobis in qua potestate haec faciam

11:30b.MAR.011.030baptismum Iohannis de caelo erat an ex hominibus respondete mihi

11:31b.MAR.011.031at illi cogitabant secum dicentes si dixerimus de caelo dicet quare ergo non credidistis ei

11:32b.MAR.011.032sed dicemus ex hominibus timebant populum omnes enim habebant Iohannem quia vere propheta esset

11:33b.MAR.011.033et respondentes dicunt Iesu nescimus respondens Iesus ait illis neque ego dico vobis in qua potestate haec faciam

12

12:1b.MAR.012.001et coepit illis in parabolis loqui vineam pastinavit homo et circumdedit sepem et fodit lacum et aedificavit turrem et locavit eam agricolis et peregre profectus est

12:2b.MAR.012.002et misit ad agricolas in tempore servum ut ab agricolis acciperet de fructu vineae

12:3b.MAR.012.003qui adprehensum eum ceciderunt et dimiserunt vacuum

12:4b.MAR.012.004et iterum misit ad illos alium servum et illum capite vulneraverunt et contumeliis adfecerunt

12:5b.MAR.012.005et rursum alium misit et illum occiderunt et plures alios quosdam caedentes alios vero occidentes

12:6b.MAR.012.006adhuc ergo unum habens filium carissimum et illum misit ad eos novissimum dicens quia reverebuntur filium meum

12:7b.MAR.012.007coloni autem dixerunt ad invicem hic est heres venite occidamus eum et nostra erit hereditas

12:8b.MAR.012.008et adprehendentes eum occiderunt et eiecerunt extra vineam

12:9b.MAR.012.009quid ergo faciet dominus vineae veniet et perdet colonos et dabit vineam aliis

12:10b.MAR.012.010nec scripturam hanc legistis lapidem quem reprobaverunt aedificantes hic factus est in caput anguli

12:11b.MAR.012.011a Domino factum est istud et est mirabile in oculis nostris

12:12b.MAR.012.012et quaerebant eum tenere et timuerunt turbam cognoverunt enim quoniam ad eos parabolam hanc dixerit et relicto eo abierunt

12:13b.MAR.012.013et mittunt ad eum quosdam ex Pharisaeis et Herodianis ut eum caperent in verbo

12:14b.MAR.012.014qui venientes dicunt ei magister scimus quoniam verax es et non curas quemquam nec enim vides in faciem hominis sed in veritate viam Dei doces licet dari tributum Caesari an non dabimus

12:15b.MAR.012.015qui sciens versutiam eorum ait illis quid me temptatis adferte mihi denarium ut videam

12:16b.MAR.012.016at illi adtulerunt et ait illis cuius est imago haec et inscriptio dicunt illi Caesaris

12:17b.MAR.012.017respondens autem Iesus dixit illis reddite igitur quae sunt Caesaris Caesari et quae sunt Dei Deo et mirabantur super eo

12:18b.MAR.012.018et venerunt ad eum Sadducaei qui dicunt resurrectionem non esse et interrogabant eum dicentes

12:19b.MAR.012.019magister Moses nobis scripsit ut si cuius frater mortuus fuerit et dimiserit uxorem et filios non reliquerit accipiat frater eius uxorem ipsius et resuscitet semen fratri suo

12:20b.MAR.012.020septem ergo fratres erant et primus accepit uxorem et mortuus est non relicto semine

12:21b.MAR.012.021et secundus accepit eam et mortuus est et nec iste reliquit semen et tertius similiter

12:22b.MAR.012.022et acceperunt eam similiter septem et non reliquerunt semen novissima omnium defuncta est et mulier

12:23b.MAR.012.023in resurrectione ergo cum resurrexerint cuius de his erit uxor septem enim habuerunt eam uxorem

12:24b.MAR.012.024et respondens Iesus ait illis non ideo erratis non scientes scripturas neque virtutem Dei

12:25b.MAR.012.025cum enim a mortuis resurrexerint neque nubent neque nubentur sed sunt sicut angeli in caelis

12:26b.MAR.012.026de mortuis autem quod resurgant non legistis in libro Mosi super rubum quomodo dixerit illi Deus inquiens ego sum Deus Abraham et Deus Isaac et Deus Iacob

12:27b.MAR.012.027non est Deus mortuorum sed vivorum vos ergo multum erratis

12:28b.MAR.012.028et accessit unus de scribis qui audierat illos conquirentes et videns quoniam bene illis responderit interrogavit eum quod esset primum omnium mandatum

12:29b.MAR.012.029Iesus autem respondit ei quia primum omnium mandatum est audi Israhel Dominus Deus noster Deus unus est

12:30b.MAR.012.030et diliges Dominum Deum tuum ex toto corde tuo et ex tota anima tua et ex tota mente tua et ex tota virtute tua hoc est primum mandatum

12:31b.MAR.012.031secundum autem simile illi diliges proximum tuum tamquam te ipsum maius horum aliud mandatum non est

12:32b.MAR.012.032et ait illi scriba bene magister in veritate dixisti quia unus est et non est alius praeter eum

12:33b.MAR.012.033et ut diligatur ex toto corde et ex toto intellectu et ex tota anima et ex tota fortitudine et diligere proximum tamquam se ipsum maius est omnibus holocaustomatibus et sacrificiis

12:34b.MAR.012.034Iesus autem videns quod sapienter respondisset dixit illi non es longe a regno Dei et nemo iam audebat eum interrogare

12:35b.MAR.012.035et respondens Iesus dicebat docens in templo quomodo dicunt scribae Christum Filium esse David

12:36b.MAR.012.036ipse enim David dicit in Spiritu Sancto dixit Dominus Domino meo sede a dextris meis donec ponam inimicos tuos scabillum pedum tuorum

12:37b.MAR.012.037ipse ergo David dicit eum Dominum et unde est filius eius et multa turba eum libenter audivit

12:38b.MAR.012.038et dicebat eis in doctrina sua cavete a scribis qui volunt in stolis ambulare et salutari in foro

12:39b.MAR.012.039et in primis cathedris sedere in synagogis et primos discubitus in cenis

12:40b.MAR.012.040qui devorant domos viduarum sub obtentu prolixae orationis hii accipient prolixius iudicium

12:41b.MAR.012.041et sedens Iesus contra gazofilacium aspiciebat quomodo turba iactaret aes in gazofilacium et multi divites iactabant multa

12:42b.MAR.012.042cum venisset autem una vidua pauper misit duo minuta quod est quadrans

12:43b.MAR.012.043et convocans discipulos suos ait illis amen dico vobis quoniam vidua haec pauper plus omnibus misit qui miserunt in gazofilacium

12:44b.MAR.012.044omnes enim ex eo quod abundabat illis miserunt haec vero de penuria sua omnia quae habuit misit totum victum suum

13

13:1b.MAR.013.001et cum egrederetur de templo ait illi unus ex discipulis suis magister aspice quales lapides et quales structurae

13:2b.MAR.013.002et respondens Iesus ait illi vides has omnes magnas aedificationes non relinquetur lapis super lapidem qui non destruatur

13:3b.MAR.013.003et cum sederet in montem Olivarum contra templum interrogabant eum separatim Petrus et Iacobus et Iohannes et Andreas

13:4b.MAR.013.004dic nobis quando ista fient et quod signum erit quando haec omnia incipient consummari

13:5b.MAR.013.005et respondens Iesus coepit dicere illis videte ne quis vos seducat

13:6b.MAR.013.006multi enim venient in nomine meo dicentes quia ego sum et multos seducent

13:7b.MAR.013.007cum audieritis autem bella et opiniones bellorum ne timueritis oportet enim fieri sed nondum finis

13:8b.MAR.013.008exsurget autem gens super gentem et regnum super regnum et erunt terraemotus per loca et fames initium dolorum haec

13:9b.MAR.013.009videte autem vosmet ipsos tradent enim vos conciliis et in synagogis vapulabitis et ante praesides et reges stabitis propter me in testimonium illis

13:10b.MAR.013.010et in omnes gentes primum oportet praedicari evangelium

13:11b.MAR.013.011et cum duxerint vos tradentes nolite praecogitare quid loquamini sed quod datum vobis fuerit in illa hora id loquimini non enim estis vos loquentes sed Spiritus Sanctus

13:12b.MAR.013.012tradet autem frater fratrem in mortem et pater filium et consurgent filii in parentes et morte adficient eos

13:13b.MAR.013.013et eritis odio omnibus propter nomen meum qui autem sustinuerit in finem hic salvus erit

13:14b.MAR.013.014cum autem videritis abominationem desolationis stantem ubi non debet qui legit intellegat tunc qui in Iudaea sunt fugiant in montes

13:15b.MAR.013.015et qui super tectum ne descendat in domum nec introeat ut tollat quid de domo sua

13:16b.MAR.013.016et qui in agro erit non revertatur retro tollere vestimentum suum

13:17b.MAR.013.017vae autem praegnatibus et nutrientibus in illis diebus

13:18b.MAR.013.018orate vero ut hieme non fiant

13:19b.MAR.013.019erunt enim dies illi tribulationes tales quales non fuerunt ab initio creaturae quam condidit Deus usque nunc neque fient

13:20b.MAR.013.020et nisi breviasset Dominus dies non fuisset salva omnis caro sed propter electos quos elegit breviavit dies

13:21b.MAR.013.021et tunc si quis vobis dixerit ecce hic est Christus ecce illic ne credideritis

13:22b.MAR.013.022exsurgent enim pseudochristi et pseudoprophetae et dabunt signa et portenta ad seducendos si potest fieri etiam electos

13:23b.MAR.013.023vos ergo videte ecce praedixi vobis omnia

13:24b.MAR.013.024sed in illis diebus post tribulationem illam sol contenebrabitur et luna non dabit splendorem suum

13:25b.MAR.013.025et erunt stellae caeli decidentes et virtutes quae sunt in caelis movebuntur

13:26b.MAR.013.026et tunc videbunt Filium hominis venientem in nubibus cum virtute multa et gloria

13:27b.MAR.013.027et tunc mittet angelos suos et congregabit electos suos a quattuor ventis a summo terrae usque ad summum caeli

13:28b.MAR.013.028a ficu autem discite parabolam cum iam ramus eius tener fuerit et nata fuerint folia cognoscitis quia in proximo sit aestas

13:29b.MAR.013.029sic et vos cum videritis haec fieri scitote quod in proximo sit in ostiis

13:30b.MAR.013.030amen dico vobis quoniam non transiet generatio haec donec omnia ista fiant

13:31b.MAR.013.031caelum et terra transibunt verba autem mea non transibunt

13:32b.MAR.013.032de die autem illo vel hora nemo scit neque angeli in caelo neque Filius nisi Pater

13:33b.MAR.013.033videte vigilate et orate nescitis enim quando tempus sit

13:34b.MAR.013.034sicut homo qui peregre profectus reliquit domum suam et dedit servis suis potestatem cuiusque operis et ianitori praecipiat ut vigilet

13:35b.MAR.013.035vigilate ergo nescitis enim quando dominus domus veniat sero an media nocte an galli cantu an mane

13:36b.MAR.013.036ne cum venerit repente inveniat vos dormientes

13:37b.MAR.013.037quod autem vobis dico omnibus dico vigilate

14

14:1b.MAR.014.001erat autem pascha et azyma post biduum et quaerebant summi sacerdotes et scribae quomodo eum dolo tenerent et occiderent

14:2b.MAR.014.002dicebant enim non in die festo ne forte tumultus fieret populi

14:3b.MAR.014.003et cum esset Bethaniae in domo Simonis leprosi et recumberet venit mulier habens alabastrum unguenti nardi spicati pretiosi et fracto alabastro effudit super caput eius

14:4b.MAR.014.004erant autem quidam indigne ferentes intra semet ipsos et dicentes ut quid perditio ista unguenti facta est

14:5b.MAR.014.005poterat enim unguentum istud veniri plus quam trecentis denariis et dari pauperibus et fremebant in eam

14:6b.MAR.014.006Iesus autem dixit sinite eam quid illi molesti estis bonum opus operata est in me

14:7b.MAR.014.007semper enim pauperes habetis vobiscum et cum volueritis potestis illis benefacere me autem non semper habetis

14:8b.MAR.014.008quod habuit haec fecit praevenit unguere corpus meum in sepulturam

14:9b.MAR.014.009amen dico vobis ubicumque praedicatum fuerit evangelium istud in universum mundum et quod fecit haec narrabitur in memoriam eius

14:10b.MAR.014.010et Iudas Scariotis unus de duodecim abiit ad summos sacerdotes ut proderet eum illis

14:11b.MAR.014.011qui audientes gavisi sunt et promiserunt ei pecuniam se daturos et quaerebat quomodo illum oportune traderet

14:12b.MAR.014.012et primo die azymorum quando pascha immolabant dicunt ei discipuli quo vis eamus et paremus tibi ut manduces pascha

14:13b.MAR.014.013et mittit duos ex discipulis suis et dicit eis ite in civitatem et occurret vobis homo laguenam aquae baiulans sequimini eum

14:14b.MAR.014.014et quocumque introierit dicite domino domus quia magister dicit ubi est refectio mea ubi pascha cum discipulis meis manducem

14:15b.MAR.014.015et ipse vobis demonstrabit cenaculum grande stratum et illic parate nobis

14:16b.MAR.014.016et abierunt discipuli eius et venerunt in civitatem et invenerunt sicut dixerat illis et praeparaverunt pascha

14:17b.MAR.014.017vespere autem facto venit cum duodecim

14:18b.MAR.014.018et discumbentibus eis et manducantibus ait Iesus amen dico vobis quia unus ex vobis me tradet qui manducat mecum

14:19b.MAR.014.019at illi coeperunt contristari et dicere ei singillatim numquid ego

14:20b.MAR.014.020qui ait illis unus ex duodecim qui intinguit mecum in catino

14:21b.MAR.014.021et Filius quidem hominis vadit sicut scriptum est de eo vae autem homini illi per quem Filius hominis traditur bonum ei si non esset natus homo ille

14:22b.MAR.014.022et manducantibus illis accepit Iesus panem et benedicens fregit et dedit eis et ait sumite hoc est corpus meum

14:23b.MAR.014.023et accepto calice gratias agens dedit eis et biberunt ex illo omnes

14:24b.MAR.014.024et ait illis hic est sanguis meus novi testamenti qui pro multis effunditur

14:25b.MAR.014.025amen dico vobis quod iam non bibam de genimine vitis usque in diem illum cum illud bibam novum in regno Dei

14:26b.MAR.014.026et hymno dicto exierunt in montem Olivarum

14:27b.MAR.014.027et ait eis Iesus omnes scandalizabimini in nocte ista quia scriptum est percutiam pastorem et dispergentur oves

14:28b.MAR.014.028sed posteaquam resurrexero praecedam vos in Galilaeam

14:29b.MAR.014.029Petrus autem ait ei et si omnes scandalizati fuerint sed non ego

14:30b.MAR.014.030et ait illi Iesus amen dico tibi quia tu hodie in nocte hac priusquam bis gallus vocem dederit ter me es negaturus

14:31b.MAR.014.031at ille amplius loquebatur et si oportuerit me simul conmori tibi non te negabo similiter autem et omnes dicebant

14:32b.MAR.014.032et veniunt in praedium cui nomen Gethsemani et ait discipulis suis sedete hic donec orem

14:33b.MAR.014.033et adsumit Petrum et Iacobum et Iohannem secum et coepit pavere et taedere

14:34b.MAR.014.034et ait illis tristis est anima mea usque ad mortem sustinete hic et vigilate

14:35b.MAR.014.035et cum processisset paululum procidit super terram et orabat ut si fieri posset transiret ab eo hora

14:36b.MAR.014.036et dixit Abba Pater omnia possibilia tibi sunt transfer calicem hunc a me sed non quod ego volo sed quod tu

14:37b.MAR.014.037et venit et invenit eos dormientes et ait Petro Simon dormis non potuisti una hora vigilare

14:38b.MAR.014.038vigilate et orate ut non intretis in temptationem spiritus quidem promptus caro vero infirma

14:39b.MAR.014.039et iterum abiens oravit eundem sermonem dicens

14:40b.MAR.014.040et reversus denuo invenit eos dormientes erant enim oculi illorum ingravati et ignorabant quid responderent ei

14:41b.MAR.014.041et venit tertio et ait illis dormite iam et requiescite sufficit venit hora ecce traditur Filius hominis in manus peccatorum

14:42b.MAR.014.042surgite eamus ecce qui me tradit prope est

14:43b.MAR.014.043et adhuc eo loquente venit Iudas Scarioth unus ex duodecim et cum illo turba cum gladiis et lignis a summis sacerdotibus et a scribis et a senioribus

14:44b.MAR.014.044dederat autem traditor eius signum eis dicens quemcumque osculatus fuero ipse est tenete eum et ducite

14:45b.MAR.014.045et cum venisset statim accedens ad eum ait rabbi et osculatus est eum

14:46b.MAR.014.046at illi manus iniecerunt in eum et tenuerunt eum

14:47b.MAR.014.047unus autem quidam de circumstantibus educens gladium percussit servum summi sacerdotis et amputavit illi auriculam

14:48b.MAR.014.048et respondens Iesus ait illis tamquam ad latronem existis cum gladiis et lignis conprehendere me

14:49b.MAR.014.049cotidie eram apud vos in templo docens et non me tenuistis sed ut adimpleantur scripturae

14:50b.MAR.014.050tunc discipuli eius relinquentes eum omnes fugerunt

14:51b.MAR.014.051adulescens autem quidam sequebatur illum amictus sindone super nudo et tenuerunt eum

14:52b.MAR.014.052at ille reiecta sindone nudus profugit ab eis

14:53b.MAR.014.053et adduxerunt Iesum ad summum sacerdotem et conveniunt omnes sacerdotes et scribae et seniores

14:54b.MAR.014.054Petrus autem a longe secutus est eum usque intro in atrium summi sacerdotis et sedebat cum ministris et calefaciebat se ad ignem

14:55b.MAR.014.055summi vero sacerdotes et omne concilium quaerebant adversum Iesum testimonium ut eum morti traderent nec inveniebant

14:56b.MAR.014.056multi enim testimonium falsum dicebant adversus eum et convenientia testimonia non erant

14:57b.MAR.014.057et quidam surgentes falsum testimonium ferebant adversus eum dicentes

14:58b.MAR.014.058quoniam nos audivimus eum dicentem ego dissolvam templum hoc manufactum et per triduum aliud non manufactum aedificabo

14:59b.MAR.014.059et non erat conveniens testimonium illorum

14:60b.MAR.014.060et exsurgens summus sacerdos in medium interrogavit Iesum dicens non respondes quicquam ad ea quae tibi obiciuntur ab his

14:61b.MAR.014.061ille autem tacebat et nihil respondit rursum summus sacerdos interrogabat eum et dicit ei tu es Christus Filius Benedicti

14:62b.MAR.014.062Iesus autem dixit illi ego sum et videbitis Filium hominis a dextris sedentem Virtutis et venientem cum nubibus caeli

14:63b.MAR.014.063summus autem sacerdos scindens vestimenta sua ait quid adhuc desideramus testes

14:64b.MAR.014.064audistis blasphemiam quid vobis videtur qui omnes condemnaverunt eum esse reum mortis

14:65b.MAR.014.065et coeperunt quidam conspuere eum et velare faciem eius et colaphis eum caedere et dicere ei prophetiza et ministri alapis eum caedebant

14:66b.MAR.014.066et cum esset Petrus in atrio deorsum venit una ex ancillis summi sacerdotis

14:67b.MAR.014.067et cum vidisset Petrum calefacientem se aspiciens illum ait et tu cum Iesu Nazareno eras

14:68b.MAR.014.068at ille negavit dicens neque scio neque novi quid dicas et exiit foras ante atrium et gallus cantavit

14:69b.MAR.014.069rursus autem cum vidisset illum ancilla coepit dicere circumstantibus quia hic ex illis est

14:70b.MAR.014.070at ille iterum negavit et post pusillum rursus qui adstabant dicebant Petro vere ex illis es nam et Galilaeus es

14:71b.MAR.014.071ille autem coepit anathematizare et iurare quia nescio hominem istum quem dicitis

14:72b.MAR.014.072et statim iterum gallus cantavit et recordatus est Petrus verbi quod dixerat ei Iesus priusquam gallus cantet bis ter me negabis et coepit flere

15

15:1b.MAR.015.001et confestim mane consilium facientes summi sacerdotes cum senioribus et scribis et universo concilio vincientes Iesum duxerunt et tradiderunt Pilato

15:2b.MAR.015.002et interrogavit eum Pilatus tu es rex Iudaeorum at ille respondens ait illi tu dicis

15:3b.MAR.015.003et accusabant eum summi sacerdotes in multis

15:4b.MAR.015.004Pilatus autem rursum interrogavit eum dicens non respondes quicquam vide in quantis te accusant

15:5b.MAR.015.005Iesus autem amplius nihil respondit ita ut miraretur Pilatus

15:6b.MAR.015.006per diem autem festum dimittere solebat illis unum ex vinctis quemcumque petissent

15:7b.MAR.015.007erat autem qui dicebatur Barabbas qui cum seditiosis erat vinctus qui in seditione fecerant homicidium

15:8b.MAR.015.008et cum ascendisset turba coepit rogare sicut semper faciebat illis

15:9b.MAR.015.009Pilatus autem respondit eis et dixit vultis dimittam vobis regem Iudaeorum

15:10b.MAR.015.010sciebat enim quod per invidiam tradidissent eum summi sacerdotes

15:11b.MAR.015.011pontifices autem concitaverunt turbam ut magis Barabban dimitteret eis

15:12b.MAR.015.012Pilatus autem iterum respondens ait illis quid ergo vultis faciam regi Iudaeorum

15:13b.MAR.015.013at illi iterum clamaverunt crucifige eum

15:14b.MAR.015.014Pilatus vero dicebat eis quid enim mali fecit at illi magis clamabant crucifige eum

15:15b.MAR.015.015Pilatus autem volens populo satisfacere dimisit illis Barabban et tradidit Iesum flagellis caesum ut crucifigeretur

15:16b.MAR.015.016milites autem duxerunt eum intro in atrium praetorii et convocant totam cohortem

15:17b.MAR.015.017et induunt eum purpuram et inponunt ei plectentes spineam coronam

15:18b.MAR.015.018et coeperunt salutare eum have rex Iudaeorum

15:19b.MAR.015.019et percutiebant caput eius harundine et conspuebant eum et ponentes genua adorabant eum

15:20b.MAR.015.020et postquam inluserunt ei exuerunt illum purpuram et induerunt eum vestimentis suis et educunt illum ut crucifigerent eum

15:21b.MAR.015.021et angariaverunt praetereuntem quempiam Simonem Cyreneum venientem de villa patrem Alexandri et Rufi ut tolleret crucem eius

15:22b.MAR.015.022et perducunt illum in Golgotha locum quod est interpretatum Calvariae locus

15:23b.MAR.015.023et dabant ei bibere murratum vinum et non accepit

15:24b.MAR.015.024et crucifigentes eum diviserunt vestimenta eius mittentes sortem super eis quis quid tolleret

15:25b.MAR.015.025erat autem hora tertia et crucifixerunt eum

15:26b.MAR.015.026et erat titulus causae eius inscriptus rex Iudaeorum

15:27b.MAR.015.027et cum eo crucifigunt duos latrones unum a dextris et alium a sinistris eius

15:28b.MAR.015.028et adimpleta est scriptura quae dicit et cum iniquis reputatus est

15:29b.MAR.015.029et praetereuntes blasphemabant eum moventes capita sua et dicentes va qui destruit templum et in tribus diebus aedificat

15:30b.MAR.015.030salvum fac temet ipsum descendens de cruce

15:31b.MAR.015.031similiter et summi sacerdotes ludentes ad alterutrum cum scribis dicebant alios salvos fecit se ipsum non potest salvum facere

15:32b.MAR.015.032Christus rex Israhel descendat nunc de cruce ut videamus et credamus et qui cum eo crucifixi erant conviciabantur ei

15:33b.MAR.015.033et facta hora sexta tenebrae factae sunt per totam terram usque in horam nonam

15:34b.MAR.015.034et hora nona exclamavit Iesus voce magna dicens Heloi Heloi lama sabacthani quod est interpretatum Deus meus Deus meus ut quid dereliquisti me

15:35b.MAR.015.035et quidam de circumstantibus audientes dicebant ecce Heliam vocat

15:36b.MAR.015.036currens autem unus et implens spongiam aceto circumponensque calamo potum dabat ei dicens sinite videamus si veniat Helias ad deponendum eum

15:37b.MAR.015.037Iesus autem emissa voce magna exspiravit

15:38b.MAR.015.038et velum templi scissum est in duo a sursum usque deorsum

15:39b.MAR.015.039videns autem centurio qui ex adverso stabat quia sic clamans exspirasset ait vere homo hic Filius Dei erat

15:40b.MAR.015.040erant autem et mulieres de longe aspicientes inter quas et Maria Magdalene et Maria Iacobi minoris et Ioseph mater et Salome

15:41b.MAR.015.041et cum esset in Galilaea sequebantur eum et ministrabant ei et aliae multae quae simul cum eo ascenderant Hierosolyma

15:42b.MAR.015.042et cum iam sero esset factum quia erat parasceve quod est ante sabbatum

15:43b.MAR.015.043venit Ioseph ab Arimathia nobilis decurio qui et ipse erat expectans regnum Dei et audacter introiit ad Pilatum et petiit corpus Iesu

15:44b.MAR.015.044Pilatus autem mirabatur si iam obisset et accersito centurione interrogavit eum si iam mortuus esset

15:45b.MAR.015.045et cum cognovisset a centurione donavit corpus Ioseph

15:46b.MAR.015.046Ioseph autem mercatus sindonem et deponens eum involvit sindone et posuit eum in monumento quod erat excisum de petra et advolvit lapidem ad ostium monumenti

15:47b.MAR.015.047Maria autem Magdalene et Maria Ioseph aspiciebant ubi poneretur

16

16:1b.MAR.016.001et cum transisset sabbatum Maria Magdalene et Maria Iacobi et Salome emerunt aromata ut venientes unguerent eum

16:2b.MAR.016.002et valde mane una sabbatorum veniunt ad monumentum orto iam sole

16:3b.MAR.016.003et dicebant ad invicem quis revolvet nobis lapidem ab ostio monumenti

16:4b.MAR.016.004et respicientes vident revolutum lapidem erat quippe magnus valde

16:5b.MAR.016.005et introeuntes in monumento viderunt iuvenem sedentem in dextris coopertum stola candida et obstipuerunt

16:6b.MAR.016.006qui dicit illis nolite expavescere Iesum quaeritis Nazarenum crucifixum surrexit non est hic ecce locus ubi posuerunt eum

16:7b.MAR.016.007sed ite et dicite discipulis eius et Petro quia praecedit vos in Galilaeam ibi eum videbitis sicut dixit vobis

16:8b.MAR.016.008at illae exeuntes fugerunt de monumento invaserat enim eas tremor et pavor et nemini quicquam dixerunt timebant enim

16:9b.MAR.016.009surgens autem mane prima sabbati apparuit primo Mariae Magdalenae de qua eiecerat septem daemonia

16:10b.MAR.016.010illa vadens nuntiavit his qui cum eo fuerant lugentibus et flentibus

16:11b.MAR.016.011et illi audientes quia viveret et visus esset ab ea non crediderunt

16:12b.MAR.016.012post haec autem duobus ex eis ambulantibus ostensus est in alia effigie euntibus in villam

16:13b.MAR.016.013et illi euntes nuntiaverunt ceteris nec illis crediderunt

16:14b.MAR.016.014novissime recumbentibus illis undecim apparuit et exprobravit incredulitatem illorum et duritiam cordis quia his qui viderant eum resurrexisse non crediderant

16:15b.MAR.016.015et dixit eis euntes in mundum universum praedicate evangelium omni creaturae

16:16b.MAR.016.016qui crediderit et baptizatus fuerit salvus erit qui vero non crediderit condemnabitur

16:17b.MAR.016.017signa autem eos qui crediderint haec sequentur in nomine meo daemonia eicient linguis loquentur novis

16:18b.MAR.016.018serpentes tollent et si mortiferum quid biberint non eos nocebit super aegrotos manus inponent et bene habebunt

16:19b.MAR.016.019et Dominus quidem postquam locutus est eis adsumptus est in caelum et sedit a dextris Dei

16:20b.MAR.016.020illi autem profecti praedicaverunt ubique Domino cooperante et sermonem confirmante sequentibus signis