Joel (Latin)

1

1:1b.JOE.001.001verbum Domini quod factum est ad Iohel filium Fatuhel

1:2b.JOE.001.002audite hoc senes et auribus percipite omnes habitatores terrae si factum est istud in diebus vestris aut in diebus patrum vestrorum

1:3b.JOE.001.003super hoc filiis vestris narrate et filii vestri filiis suis et filii eorum generationi alterae

1:4b.JOE.001.004residuum erucae comedit lucusta et residuum lucustae comedit bruchus et residuum bruchi comedit rubigo

1:5b.JOE.001.005expergescimini ebrii et flete et ululate omnes qui bibitis vinum in dulcedine quoniam periit ab ore vestro

1:6b.JOE.001.006gens enim ascendit super terram meam fortis et innumerabilis dentes eius ut dentes leonis et molares eius ut catuli leonis

1:7b.JOE.001.007posuit vineam meam in desertum et ficum meam decorticavit nudans spoliavit eam et proiecit albi facti sunt rami eius

1:8b.JOE.001.008plange quasi virgo accincta sacco super virum pubertatis suae

1:9b.JOE.001.009periit sacrificium et libatio de domo Domini luxerunt sacerdotes ministri Domini

1:10b.JOE.001.010depopulata est regio luxit humus quoniam devastatum est triticum confusum est vinum elanguit oleum

1:11b.JOE.001.011confusi sunt agricolae ululaverunt vinitores super frumento et hordeo quia periit messis agri

1:12b.JOE.001.012vinea confusa est et ficus elanguit malogranatum et palma et malum et omnia ligna agri aruerunt quia confusum est gaudium a filiis hominum

1:13b.JOE.001.013accingite vos et plangite sacerdotes ululate ministri altaris ingredimini cubate in sacco ministri Dei mei quoniam interiit de domo Dei vestri sacrificium et libatio

1:14b.JOE.001.014sanctificate ieiunium vocate coetum congregate senes omnes habitatores terrae in domum Dei vestri et clamate ad Dominum

1:15b.JOE.001.015a a a diei quia prope est dies Domini et quasi vastitas a potente veniet

1:16b.JOE.001.016numquid non coram oculis vestris alimenta perierunt de domo Dei nostri laetitia et exultatio

1:17b.JOE.001.017conputruerunt iumenta in stercore suo demolita sunt horrea dissipatae sunt apothecae quoniam confusum est triticum

1:18b.JOE.001.018quid ingemuit animal mugierunt greges armenti quia non est pascua eis sed et greges pecorum disperierunt

1:19b.JOE.001.019ad te Domine clamabo quia ignis comedit speciosa deserti et flamma succendit omnia ligna regionis

1:20b.JOE.001.020sed et bestiae agri quasi area sitiens imbrem suspexerunt ad te quoniam exsiccati sunt fontes aquarum et ignis devoravit speciosa deserti

2

2:1b.JOE.002.001canite tuba in Sion ululate in monte sancto meo conturbentur omnes habitatores terrae quia venit dies Domini quia prope est

2:2b.JOE.002.002dies tenebrarum et caliginis dies nubis et turbinis quasi mane expansum super montes populus multus et fortis similis ei non fuit a principio et post eum non erit usque in annos generationis et generationis

2:3b.JOE.002.003ante faciem eius ignis vorans et post eum exurens flamma quasi hortus voluptatis terra coram eo et post eum solitudo deserti neque est qui effugiat eum

2:4b.JOE.002.004quasi aspectus equorum aspectus eorum et quasi equites sic current

2:5b.JOE.002.005sicut sonitus quadrigarum super capita montium exilient sicut sonitus flammae ignis devorantis stipulam velut populus fortis praeparatus ad proelium

2:6b.JOE.002.006a facie eius cruciabuntur populi omnes vultus redigentur in ollam

2:7b.JOE.002.007sicut fortes current quasi viri bellatores ascendent murum vir in viis suis gradietur et non declinabunt a semitis suis

2:8b.JOE.002.008unusquisque fratrem suum non coartabit singuli in calle suo ambulabunt sed et per fenestras cadent et non demolientur

2:9b.JOE.002.009urbem ingredientur in muro current domos conscendent per fenestras intrabunt quasi fur

2:10b.JOE.002.010a facie eius contremuit terra moti sunt caeli sol et luna obtenebrati sunt et stellae retraxerunt splendorem suum

2:11b.JOE.002.011et Dominus dedit vocem suam ante faciem exercitus sui quia multa sunt nimis castra eius quia fortia et facientia verbum eius magnus enim dies Domini et terribilis valde et quis sustinebit eum

2:12b.JOE.002.012nunc ergo dicit Dominus convertimini ad me in toto corde vestro in ieiunio et in fletu et in planctu

2:13b.JOE.002.013et scindite corda vestra et non vestimenta vestra et convertimini ad Dominum Deum vestrum quia benignus et misericors est patiens et multae misericordiae et praestabilis super malitia

2:14b.JOE.002.014quis scit si convertatur et ignoscat et relinquat post se benedictionem sacrificium et libamen Domino Deo nostro

2:15b.JOE.002.015canite tuba in Sion sanctificate ieiunium vocate coetum

2:16b.JOE.002.016congregate populum sanctificate ecclesiam coadunate senes congregate parvulos et sugentes ubera egrediatur sponsus de cubili suo et sponsa de thalamo suo

2:17b.JOE.002.017inter vestibulum et altare plorabunt sacerdotes ministri Domini et dicent parce Domine populo tuo et ne des hereditatem tuam in obprobrium ut dominentur eis nationes quare dicunt in populis ubi est Deus eorum

2:18b.JOE.002.018zelatus est Dominus terram suam et pepercit populo suo

2:19b.JOE.002.019et respondit Dominus et dixit populo suo ecce ego mittam vobis frumentum et vinum et oleum et replebimini eo et non dabo vos ultra obprobrium in gentibus

2:20b.JOE.002.020et eum qui ab aquilone est procul faciam a vobis et expellam eum in terram inviam et desertam faciem eius contra mare orientale et extremum eius ad mare novissimum et ascendet fetor eius et ascendet putredo eius quia superbe egit

2:21b.JOE.002.021noli timere terra exulta et laetare quoniam magnificavit Dominus ut faceret

2:22b.JOE.002.022nolite timere animalia regionis quia germinaverunt speciosa deserti quia lignum adtulit fructum suum ficus et vinea dederunt virtutem suam

2:23b.JOE.002.023et filii Sion exultate et laetamini in Domino Deo vestro quia dedit vobis doctorem iustitiae et descendere faciet ad vos imbrem matutinum et serotinum in principio

2:24b.JOE.002.024et implebuntur areae frumento et redundabunt torcularia vino et oleo

2:25b.JOE.002.025et reddam vobis annos quos comedit lucusta bruchus et rubigo et eruca fortitudo mea magna quam misi in vos

2:26b.JOE.002.026et comedetis vescentes et saturabimini et laudabitis nomen Domini Dei vestri qui fecit vobiscum mirabilia et non confundetur populus meus in sempiternum

2:27b.JOE.002.027et scietis quia in medio Israhel ego sum et ego Dominus Deus vester et non est amplius et non confundetur populus meus in aeternum

2:28b.JOE.002.028et erit post haec effundam spiritum meum super omnem carnem et prophetabunt filii vestri et filiae vestrae senes vestri somnia somniabunt et iuvenes vestri visiones videbunt

2:29b.JOE.002.029sed et super servos et ancillas in diebus illis effundam spiritum meum

2:30b.JOE.002.030et dabo prodigia in caelo et in terra sanguinem et ignem et vaporem fumi

2:31b.JOE.002.031sol vertetur in tenebras et luna in sanguinem antequam veniat dies Domini magnus et horribilis

2:32b.JOE.002.032et erit omnis qui invocaverit nomen Domini salvus erit quia in monte Sion et in Hierusalem erit salvatio sicut dixit Dominus et in residuis quos Dominus vocaverit

3

3:1b.JOE.003.001quia ecce in diebus illis et in tempore illo cum convertero captivitatem Iuda et Hierusalem

3:2b.JOE.003.002congregabo omnes gentes et deducam eas in valle Iosaphat et disceptabo cum eis ibi super populo meo et hereditate mea Israhel quos disperserunt in nationibus et terram meam diviserunt

3:3b.JOE.003.003et super populum meum miserunt sortem et posuerunt puerum in prostibulum et puellam vendiderunt pro vino ut biberent

3:4b.JOE.003.004verum quid vobis et mihi Tyrus et Sidon et omnis terminus Palestinorum numquid ultionem vos redditis mihi et si ulciscimini vos contra me cito velociter reddam vicissitudinem vobis super caput vestrum

3:5b.JOE.003.005argentum enim meum et aurum tulistis et desiderabilia mea et pulcherrima intulistis in delubra vestra

3:6b.JOE.003.006et filios Iuda et filios Hierusalem vendidistis filiis Graecorum ut longe faceretis eos de finibus suis

3:7b.JOE.003.007ecce ego suscitabo eos de loco in quo vendidistis eos et convertam retributionem vestram in caput vestrum

3:8b.JOE.003.008et vendam filios vestros et filias vestras in manibus filiorum Iuda et venundabunt eos Sabeis genti longinquae quia Dominus locutus est

3:9b.JOE.003.009clamate hoc in gentibus sanctificate bellum suscitate robustos accedant ascendant omnes viri bellatores

3:10b.JOE.003.010concidite aratra vestra in gladios et ligones vestros in lanceas infirmus dicat quia fortis ego sum

3:11b.JOE.003.011erumpite et venite omnes gentes de circuitu et congregamini ibi occumbere faciet Dominus robustos tuos

3:12b.JOE.003.012consurgant et ascendant gentes in vallem Iosaphat quia ibi sedebo ut iudicem omnes gentes in circuitu

3:13b.JOE.003.013mittite falces quoniam maturavit messis venite et descendite quia plenum est torcular exuberant torcularia quia multiplicata est malitia eorum

3:14b.JOE.003.014populi populi in valle concisionis quia iuxta est dies Domini in valle concisionis

3:15b.JOE.003.015sol et luna obtenebricata sunt et stellae retraxerunt splendorem suum

3:16b.JOE.003.016et Dominus de Sion rugiet et de Hierusalem dabit vocem suam et movebuntur caeli et terra et Dominus spes populi sui et fortitudo filiorum Israhel

3:17b.JOE.003.017et scietis quia ego Dominus Deus vester habitans in Sion in monte sancto meo et erit Hierusalem sancta et alieni non transibunt per eam amplius

3:18b.JOE.003.018et erit in die illa stillabunt montes dulcedinem et colles fluent lacte et per omnes rivos Iuda ibunt aquae et fons de domo Domini egredietur et inrigabit torrentem Spinarum

3:19b.JOE.003.019Aegyptus in desolatione erit et Idumea in desertum perditionis pro eo quod inique egerint in filios Iuda et effuderint sanguinem innocentem in terra sua

3:20b.JOE.003.020et Iudaea in aeternum habitabitur et Hierusalem in generatione et generationem

3:21b.JOE.003.021et mundabo sanguinem eorum quem non mundaveram et Dominus commorabitur in Sion