Lamentations (Latin)

1

1:1b.LAM.001.001ALEPH quomodo sedit sola civitas plena populo facta est quasi vidua domina gentium princeps provinciarum facta est sub tributo

1:2b.LAM.001.002BETH plorans ploravit in nocte et lacrimae eius in maxillis eius non est qui consoletur eam ex omnibus caris eius omnes amici eius spreverunt eam et facti sunt ei inimici

1:3b.LAM.001.003GIMEL migravit Iuda propter adflictionem et multitudinem servitutis habitavit inter gentes nec invenit requiem omnes persecutores eius adprehenderunt eam inter angustias

1:4b.LAM.001.004DELETH viae Sion lugent eo quod non sint qui veniant ad sollemnitatem omnes portae eius destructae sacerdotes eius gementes virgines eius squalidae et ipsa oppressa amaritudine

1:5b.LAM.001.005HE facti sunt hostes eius in capite inimici illius locupletati sunt quia Dominus locutus est super eam propter multitudinem iniquitatum eius parvuli eius ducti sunt captivi ante faciem tribulantis

1:6b.LAM.001.006VAV et egressus est a filia Sion omnis decor eius facti sunt principes eius velut arietes non invenientes pascuam et abierunt absque fortitudine ante faciem subsequentis

1:7b.LAM.001.007ZAI recordata est Hierusalem dierum adflictionis suae et praevaricationis omnium desiderabilium suorum quae habuerat a diebus antiquis cum caderet populus eius in manu hostili et non esset auxiliator viderunt eam hostes et deriserunt sabbata eius

1:8b.LAM.001.008HETH peccatum peccavit Hierusalem propterea instabilis facta est omnes qui glorificabant eam spreverunt illam quia viderunt ignominiam eius ipsa autem gemens et conversa retrorsum

1:9b.LAM.001.009TETH sordes eius in pedibus eius nec recordata est finis sui deposita est vehementer non habens consolatorem vide Domine adflictionem meam quoniam erectus est inimicus

1:10b.LAM.001.010IOTH manum suam misit hostis ad omnia desiderabilia eius quia vidit gentes ingressas sanctuarium suum de quibus praeceperas ne intrarent in ecclesiam tuam

1:11b.LAM.001.011CAPH omnis populus eius gemens et quaerens panem dederunt pretiosa quaeque pro cibo ad refocilandam animam vide Domine considera quoniam facta sum vilis

1:12b.LAM.001.012LAMED o vos omnes qui transitis per viam adtendite et videte si est dolor sicut dolor meus quoniam vindemiavit me ut locutus est Dominus in die irae furoris sui

1:13b.LAM.001.013MEM de excelso misit ignem in ossibus meis et erudivit me expandit rete pedibus meis convertit me retrorsum posuit me desolatam tota die maerore confectam

1:14b.LAM.001.014NUN vigilavit iugum iniquitatum mearum in manu eius convolutae sunt et inpositae collo meo infirmata est virtus mea dedit me Dominus in manu de qua non potero surgere

1:15b.LAM.001.015SAMECH abstulit omnes magnificos meos Dominus de medio mei vocavit adversum me tempus ut contereret electos meos torcular calcavit Dominus virgini filiae Iuda

1:16b.LAM.001.016AIN idcirco ego plorans et oculus meus deducens aquam quia longe factus est a me consolator convertens animam meam facti sunt filii mei perditi quoniam invaluit inimicus

1:17b.LAM.001.017FE expandit Sion manus suas non est qui consoletur eam mandavit Dominus adversum Iacob in circuitu eius hostes eius facta est Hierusalem quasi polluta menstruis inter eos

1:18b.LAM.001.018SADE iustus est Dominus quia os eius ad iracundiam provocavi audite obsecro universi populi et videte dolorem meum virgines meae et iuvenes mei abierunt in captivitatem

1:19b.LAM.001.019COPH vocavi amicos meos et ipsi deceperunt me sacerdotes mei et senes mei in urbe consumpti sunt quia quaesierunt cibum sibi ut refocilarent animam suam

1:20b.LAM.001.020RES vide Domine quoniam tribulor venter meus conturbatus est subversum est cor meum in memet ipsa quoniam amaritudine plena sum foris interfecit gladius et domi mors similis est

1:21b.LAM.001.021SEN audierunt quia ingemesco ego et non est qui consoletur me omnes inimici mei audierunt malum meum laetati sunt quoniam tu fecisti adduxisti diem consolationis et fient similes mei

1:22b.LAM.001.022THAU ingrediatur omne malum eorum coram te et devindemia eos sicut vindemiasti me propter omnes iniquitates meas multi enim gemitus mei et cor meum maerens

2

2:1b.LAM.002.001ALEPH quomodo obtexit caligine in furore suo Dominus filiam Sion proiecit de caelo terram inclitam Israhel et non recordatus est scabilli pedum suorum in die furoris sui

2:2b.LAM.002.002BETH praecipitavit Dominus nec pepercit omnia speciosa Iacob destruxit in furore suo munitiones virginis Iuda deiecit in terram polluit regnum et principes eius

2:3b.LAM.002.003GIMEL confregit in ira furoris omne cornu Israhel avertit retrorsum dexteram suam a facie inimici et succendit in Iacob quasi ignem flammae devorantis in gyro

2:4b.LAM.002.004DELETH tetendit arcum suum quasi inimicus firmavit dexteram suam quasi hostis et occidit omne quod pulchrum erat visu in tabernaculo filiae Sion effudit quasi ignem indignationem suam

2:5b.LAM.002.005HE factus est Dominus velut inimicus praecipitavit Israhel praecipitavit omnia moenia eius dissipavit munitiones eius et replevit in filia Iuda humiliatum et humiliatam

2:6b.LAM.002.006VAV et dissipavit quasi hortum tentorium suum demolitus est tabernaculum suum oblivioni tradidit Dominus in Sion festivitatem et sabbatum et obprobrio in indignatione furoris sui regem et sacerdotem

2:7b.LAM.002.007ZAI reppulit Dominus altare suum maledixit sanctificationi suae tradidit in manu inimici muros turrium eius vocem dederunt in domo Domini sicut in die sollemni

2:8b.LAM.002.008HETH cogitavit Dominus dissipare murum filiae Sion tetendit funiculum suum et non avertit manum suam a perditione luxitque antemurale et murus pariter dissipatus est

2:9b.LAM.002.009TETH defixae sunt in terra portae eius perdidit et contrivit vectes eius regem eius et principes eius in gentibus non est lex et prophetae eius non invenerunt visionem a Domino

2:10b.LAM.002.010IOTH sederunt in terra conticuerunt senes filiae Sion consperserunt cinere capita sua accincti sunt ciliciis abiecerunt in terra capita sua virgines Hierusalem

2:11b.LAM.002.011CAPH defecerunt prae lacrimis oculi mei conturbata sunt viscera mea effusum est in terra iecur meum super contritione filiae populi mei cum deficeret parvulus et lactans in plateis oppidi

2:12b.LAM.002.012LAMED matribus suis dixerunt ubi est triticum et vinum cum deficerent quasi vulnerati in plateis civitatis cum exhalarent animas suas in sinu matrum suarum

2:13b.LAM.002.013MEM cui conparabo te vel cui adsimilabo te filia Hierusalem cui exaequabo te et consolabor te virgo filia Sion magna enim velut mare contritio tua quis medebitur tui

2:14b.LAM.002.014NUN prophetae tui viderunt tibi falsa et stulta nec aperiebant iniquitatem tuam ut te ad paenitentiam provocarent viderunt autem tibi adsumptiones falsas et eiectiones

2:15b.LAM.002.015SAMECH plauserunt super te manibus omnes transeuntes per viam sibilaverunt et moverunt caput suum super filiam Hierusalem haecine est urbs dicentes perfecti decoris gaudium universae terrae

2:16b.LAM.002.016FE aperuerunt super te os suum omnes inimici tui sibilaverunt et fremuerunt dentibus dixerunt devoravimus en ista est dies quam expectabamus invenimus vidimus

2:17b.LAM.002.017AIN fecit Dominus quae cogitavit conplevit sermonem suum quem praeceperat a diebus antiquis destruxit et non pepercit et laetificavit super te inimicum et exaltavit cornu hostium tuorum

2:18b.LAM.002.018SADE clamavit cor eorum ad Dominum super muros filiae Sion deduc quasi torrentem lacrimas per diem et per noctem non des requiem tibi neque taceat pupilla oculi tui

2:19b.LAM.002.019COPH consurge lauda in nocte in principio vigiliarum effunde sicut aqua cor tuum ante conspectum Domini leva ad eum manus tuas pro anima parvulorum tuorum qui defecerunt in fame in capite omnium conpetorum

2:20b.LAM.002.020RES vide Domine et considera quem vindemiaveris ita ergone comedent mulieres fructum suum parvulos ad mensuram palmae si occidetur in sanctuario Domini sacerdos et propheta

2:21b.LAM.002.021SEN iacuerunt in terra foris puer et senex virgines meae et iuvenes mei ceciderunt in gladio interfecisti in die furoris tui percussisti nec misertus es

2:22b.LAM.002.022THAU vocasti quasi ad diem sollemnem qui terrerent me de circuitu et non fuit in die furoris Domini qui effugeret et relinqueretur quos educavi et enutrivi inimicus meus consumpsit eos

3

3:1b.LAM.003.001ALEPH ego vir videns paupertatem meam in virga indignationis eius

3:2b.LAM.003.002ALEPH me minavit et adduxit in tenebris et non in lucem

3:3b.LAM.003.003ALEPH tantum in me vertit et convertit manum suam tota die

3:4b.LAM.003.004BETH vetustam fecit pellem meam et carnem meam contrivit ossa mea

3:5b.LAM.003.005BETH aedificavit in gyro meo et circumdedit me felle et labore

3:6b.LAM.003.006BETH in tenebrosis conlocavit me quasi mortuos sempiternos

3:7b.LAM.003.007GIMEL circumaedificavit adversum me ut non egrediar adgravavit conpedem meam

3:8b.LAM.003.008GIMEL sed et cum clamavero et rogavero exclusit orationem meam

3:9b.LAM.003.009GIMEL conclusit vias meas lapidibus quadris semitas meas subvertit

3:10b.LAM.003.010DELETH ursus insidians factus est mihi leo in absconditis

3:11b.LAM.003.011DELETH semitas meas subvertit et confregit me posuit me desolatam

3:12b.LAM.003.012DELETH tetendit arcum suum et posuit me quasi signum ad sagittam

3:13b.LAM.003.013HE misit in renibus meis filias faretrae suae

3:14b.LAM.003.014HE factus sum in derisu omni populo meo canticum eorum tota die

3:15b.LAM.003.015HE replevit me amaritudinibus inebriavit me absinthio

3:16b.LAM.003.016VAV et fregit ad numerum dentes meos cibavit me cinere

3:17b.LAM.003.017VAV et repulsa est anima mea oblitus sum bonorum

3:18b.LAM.003.018VAV et dixi periit finis meus et spes mea a Domino

3:19b.LAM.003.019ZAI recordare paupertatis et transgressionis meae absinthii et fellis

3:20b.LAM.003.020ZAI memoria memor ero et tabescet in me anima mea

3:21b.LAM.003.021ZAI hoc recolens in corde meo ideo sperabo

3:22b.LAM.003.022HETH misericordiae Domini quia non sumus consumpti quia non defecerunt miserationes eius

3:23b.LAM.003.023HETH novae diluculo multa est fides tua

3:24b.LAM.003.024HETH pars mea Dominus dixit anima mea propterea expectabo eum

3:25b.LAM.003.025TETH bonus est Dominus sperantibus in eum animae quaerenti illum

3:26b.LAM.003.026TETH bonum est praestolari cum silentio salutare Domini

3:27b.LAM.003.027TETH bonum est viro cum portaverit iugum ab adulescentia sua

3:28b.LAM.003.028IOTH sedebit solitarius et tacebit quia levavit super se

3:29b.LAM.003.029IOTH ponet in pulvere os suum si forte sit spes

3:30b.LAM.003.030IOTH dabit percutienti se maxillam saturabitur obprobriis

3:31b.LAM.003.031CAPH quia non repellet in sempiternum Dominus

3:32b.LAM.003.032CAPH quia si abiecit et miserebitur secundum multitudinem misericordiarum suarum

3:33b.LAM.003.033CAPH non enim humiliavit ex corde suo et abiecit filios hominis

3:34b.LAM.003.034LAMED ut contereret sub pedibus suis omnes vinctos terrae

3:35b.LAM.003.035LAMED ut declinaret iudicium viri in conspectu vultus Altissimi

3:36b.LAM.003.036LAMED ut perverteret hominem in iudicio suo Dominus ignoravit

3:37b.LAM.003.037MEM quis est iste qui dixit ut fieret Domino non iubente

3:38b.LAM.003.038MEM ex ore Altissimi non egredientur nec mala nec bona

3:39b.LAM.003.039MEM quid murmuravit homo vivens vir pro peccatis suis

3:40b.LAM.003.040NUN scrutemur vias nostras et quaeramus et revertamur ad Dominum

3:41b.LAM.003.041NUN levemus corda nostra cum manibus ad Dominum in caelos

3:42b.LAM.003.042NUN nos inique egimus et ad iracundiam provocavimus idcirco tu inexorabilis es

3:43b.LAM.003.043SAMECH operuisti in furore et percussisti nos occidisti nec pepercisti

3:44b.LAM.003.044SAMECH opposuisti nubem tibi ne transeat oratio

3:45b.LAM.003.045SAMECH eradicationem et abiectionem posuisti me in medio populorum

3:46b.LAM.003.046FE aperuerunt super nos os suum omnes inimici

3:47b.LAM.003.047FE formido et laqueus facta est nobis vaticinatio et contritio

3:48b.LAM.003.048FE divisiones aquarum deduxit oculus meus in contritione filiae populi mei

3:49b.LAM.003.049AIN oculus meus adflictus est nec tacuit eo quod non esset requies

3:50b.LAM.003.050AIN donec respiceret et videret Dominus de caelis

3:51b.LAM.003.051AIN oculus meus depraedatus est animam meam in cunctis filiabus urbis meae

3:52b.LAM.003.052SADE venatione ceperunt me quasi avem inimici mei gratis

3:53b.LAM.003.053SADE lapsa est in lacu vita mea et posuerunt lapidem super me

3:54b.LAM.003.054SADE inundaverunt aquae super caput meum dixi perii

3:55b.LAM.003.055COPH invocavi nomen tuum Domine de lacis novissimis

3:56b.LAM.003.056COPH vocem meam audisti ne avertas aurem tuam a singultu meo et clamoribus

3:57b.LAM.003.057COPH adpropinquasti in die quando invocavi te dixisti ne timeas

3:58b.LAM.003.058RES iudicasti Domine causam animae meae redemptor vitae meae

3:59b.LAM.003.059RES vidisti Domine iniquitatem adversum me iudica iudicium meum

3:60b.LAM.003.060RES vidisti omnem furorem universas cogitationes eorum adversum me

3:61b.LAM.003.061SEN audisti obprobria eorum Domine omnes cogitationes eorum adversum me

3:62b.LAM.003.062SEN labia insurgentium mihi et meditationes eorum adversum me tota die

3:63b.LAM.003.063SEN sessionem eorum et resurrectionem eorum vide ego sum psalmus eorum

3:64b.LAM.003.064THAU reddes eis vicem Domine iuxta opera manuum suarum

3:65b.LAM.003.065THAU dabis eis scutum cordis laborem tuum

3:66b.LAM.003.066THAU persequeris in furore et conteres eos sub caelis Domine

4

4:1b.LAM.004.001ALEPH quomodo obscuratum est aurum mutatus est color optimus dispersi sunt lapides sanctuarii in capite omnium platearum

4:2b.LAM.004.002BETH filii Sion incliti et amicti auro primo quomodo reputati sunt in vasa testea opus manuum figuli

4:3b.LAM.004.003GIMEL sed et lamiae nudaverunt mammam lactaverunt catulos suos filia populi mei crudelis quasi strutio in deserto

4:4b.LAM.004.004DELETH adhesit lingua lactantis ad palatum eius in siti parvuli petierunt panem et non erat qui frangeret eis

4:5b.LAM.004.005HE qui vescebantur voluptuose interierunt in viis qui nutriebantur in croceis amplexati sunt stercora

4:6b.LAM.004.006VAV et maior effecta est iniquitas filiae populi mei peccato Sodomorum quae subversa est in momento et non ceperunt in ea manus

4:7b.LAM.004.007ZAI candidiores nazarei eius nive nitidiores lacte rubicundiores ebore antiquo sapphyro pulchriores

4:8b.LAM.004.008HETH denigrata est super carbones facies eorum et non sunt cogniti in plateis adhesit cutis eorum ossibus aruit et facta est quasi lignum

4:9b.LAM.004.009TETH melius fuit occisis gladio quam interfectis fame quoniam isti extabuerunt consumpti ab sterilitate terrae

4:10b.LAM.004.010IOTH manus mulierum misericordium coxerunt filios suos facti sunt cibus earum in contritione filiae populi mei

4:11b.LAM.004.011CAPH conplevit Dominus furorem suum effudit iram indignationis suae et succendit ignem in Sion et devoravit fundamenta eius

4:12b.LAM.004.012LAMED non crediderunt reges terrae et universi habitatores orbis quoniam ingrederetur hostis et inimicus per portas Hierusalem

4:13b.LAM.004.013MEM propter peccata prophetarum eius iniquitates sacerdotum eius qui effuderunt in medio eius sanguinem iustorum

4:14b.LAM.004.014NUN erraverunt caeci in plateis polluti sunt sanguine cumque non possent tenuerunt lacinias suas

4:15b.LAM.004.015SAMECH recedite polluti clamaverunt eis recedite abite nolite tangere iurgati quippe sunt et commoti dixerunt inter gentes non addet ultra ut habitet in eis

4:16b.LAM.004.016FE facies Domini divisit eos non addet ut respiciat eos facies sacerdotum non erubuerunt neque senum miserti sunt

4:17b.LAM.004.017AIN cum adhuc subsisteremus defecerunt oculi nostri ad auxilium nostrum vanum cum respiceremus adtenti ad gentem quae salvare non poterat

4:18b.LAM.004.018SADE lubricaverunt vestigia nostra in itinere platearum nostrarum adpropinquavit finis noster conpleti sunt dies nostri quia venit finis noster

4:19b.LAM.004.019COPH velociores fuerunt persecutores nostri aquilis caeli super montes persecuti sunt nos in deserto insidiati sunt nobis

4:20b.LAM.004.020RES spiritus oris nostri christus dominus captus est in peccatis nostris cui diximus in umbra tua vivemus in gentibus

4:21b.LAM.004.021SEN gaude et laetare filia Edom quae habitas in terra Hus ad te quoque perveniet calix inebriaberis atque nudaberis

4:22b.LAM.004.022THAU conpleta est iniquitas tua filia Sion non addet ultra ut transmigret te visitavit iniquitatem tuam filia Edom discoperuit peccata tua

5

5:1b.LAM.005.001recordare Domine quid acciderit nobis intuere et respice obprobrium nostrum

5:2b.LAM.005.002hereditas nostra versa est ad alienos domus nostrae ad extraneos

5:3b.LAM.005.003pupilli facti sumus absque patre matres nostrae quasi viduae

5:4b.LAM.005.004aquam nostram pecunia bibimus ligna nostra pretio conparavimus

5:5b.LAM.005.005cervicibus minabamur lassis non dabatur requies

5:6b.LAM.005.006Aegypto dedimus manum et Assyriis ut saturaremur pane

5:7b.LAM.005.007patres nostri peccaverunt et non sunt et nos iniquitates eorum portavimus

5:8b.LAM.005.008servi dominati sunt nostri non fuit qui redimeret de manu eorum

5:9b.LAM.005.009in animabus nostris adferebamus panem nobis a facie gladii in deserto

5:10b.LAM.005.010pellis nostra quasi clibanus exusta est a facie tempestatum famis

5:11b.LAM.005.011mulieres in Sion humiliaverunt virgines in civitatibus Iuda

5:12b.LAM.005.012principes manu suspensi sunt facies senum non erubuerunt

5:13b.LAM.005.013adulescentibus inpudice abusi sunt et pueri in ligno corruerunt

5:14b.LAM.005.014senes de portis defecerunt iuvenes de choro psallentium

5:15b.LAM.005.015defecit gaudium cordis nostri versus est in luctu chorus noster

5:16b.LAM.005.016cecidit corona capitis nostri vae nobis quia peccavimus

5:17b.LAM.005.017propterea maestum factum est cor nostrum ideo contenebrati sunt oculi nostri

5:18b.LAM.005.018propter montem Sion quia disperiit vulpes ambulaverunt in eo

5:19b.LAM.005.019tu autem Domine in aeternum permanebis solium tuum in generatione et generatione

5:20b.LAM.005.020quare in perpetuum oblivisceris nostri derelinques nos in longitudinem dierum

5:21b.LAM.005.021converte nos Domine ad te et convertemur innova dies nostros sicut a principio

5:22b.LAM.005.022sed proiciens reppulisti nos iratus es contra nos vehementer