3 John (K'iche')

1

1:1b.3JO.001.001Ri in, che in riʼj winaq, chrech ri loqʼalaj Gayo, che kinloqʼoqʼej ri in pa ri saqalajtzij.

1:2b.3JO.001.002At loqʼalaj, kinweyeʼj ri in, che utz atbʼenaq pa ronojel ri jastsaq uwach, utz uwach ri abʼaqil xoqujeʼ ri awuxlabʼal.

1:3b.3JO.001.003Ri in, sibʼalaj xinkiʼkotik kukʼ ri eʼachalaxik che xepetik, e che sibʼalaj utz ubʼixik xkibʼij ri saqalaj atzij, rumal rech che ri at kʼo ri akʼaslemal pa ri saqalajtzij.

1:4b.3JO.001.004Nimalaj kinkiʼkotik, aretaq chiʼ ri in kinwetaʼmaj che ri ewalkʼuwaʼl kʼo ri kikʼaslemal pa ri saqalajtzij.

1:5b.3JO.001.005At loqʼalaj, ri at utz ri kabʼano aretaq chiʼ kabʼan ri utzil chkech ri eʼachalaxik, knebʼaʼ ri eʼareʼ ekaxlan winaq.

1:6b.3JO.001.006Ri eʼareʼ kiyaʼom ubʼixik ri loqʼoqʼebʼal akʼuʼx chkech ri ekomon tyox. Ri at, utz riʼ kabʼano aretaq chiʼ kaya chkech ri rajawaxik chkech pa ri kibʼe jeʼ jas ri kraj ri Dyos.

1:7b.3JO.001.007Rumal rech che rumal ri Bʼiʼaj, ri eʼareʼ xebʼek, e man kʼo ta jun jas uwach xkikʼamo kukʼ ri eʼareʼ che ri man eʼajjudiʼos taj.

1:8b.3JO.001.008Xa jekʼuriʼ, rajawaxik che ri uj keqakʼulaj we winaq riʼ, arech ri uj, kujtobʼan kukʼ ri eʼareʼ pa ri kichak che usukʼumaxik ri Saqalajtzij.

1:9b.3JO.001.009Ri in, xintzʼibʼaj jun wuj chrech ri komon tyox, kʼatekʼuriʼ ri Diʼotrefes che are sibʼalaj kraj ri nabʼe kʼolibʼal, man kraj taj kujukʼamo.

1:10b.3JO.001.010Rumal kʼuriʼ, aretaq chiʼ ri in kinopanik, qastzij kinnaʼtisaj riʼ chech ri uchak tajin kubʼano. Ri areʼ kubʼij sibʼalaj itzel taq tzij paqawiʼ ri uj. Kʼatekʼuriʼ, rukʼ weriʼ, xoqujeʼ man kraj taj keʼukʼulaj ri eʼachalaxik e ri jachin taq kkaj keʼkikʼulaj ri eʼareʼ, ri areʼ keroqataj e keʼukyaq ubʼik pa ri komon tyox.

1:11b.3JO.001.011At loqʼalaj, mabʼan ri itzel, are chabʼanaʼ ri utzil. Ri jun che kubʼan ri utzil, kʼo riʼ rukʼ ri Dyos. Ri jun che kubʼan ri itzel man rilom ta uwach riʼ ri Dyos.

1:12b.3JO.001.012Konojel ri winaq kkibʼij ri utzil puwiʼ ri Demetriʼo, xoqujeʼ jeriʼ neʼ kubʼij ri Saqalajtzij. Xoqujeʼ ri uj kqaya ubʼixik ri utzil puwiʼ ri areʼ, e ri at, awetaʼm che saqalajtzij ri qatzij.

1:13b.3JO.001.013Ri in sibʼalaj kʼi kinwaj kintzʼibʼaj chawech. Kʼatekʼuriʼ, man kinwaj taj che kintzʼibʼaj rukʼ jun tzʼibʼabʼal.

1:14b.3JO.001.014Kinweyeʼj che man naj ta chik kinbʼe na kʼuriʼ awukʼ, kʼatekʼuriʼ, kuya na riʼ, che ri uj kujtzijonik.

1:15b.3JO.001.015Kkʼojiʼ ta bʼaʼ ri utzil awukʼ. Ri eʼawachiʼl kkiya apan jun rutzil awach. Chayaʼaʼ apan jun rutzil kiwach ri eqawinaq, chkijujunal kaya chkech, chi rukʼ ri kibʼiʼ.