2 John (K'iche')

1

1:1b.2JO.001.001Ri in, ri in riʼj winaq, chech ri Nan Ajaw, e chkech ri eralkʼuwaʼl, che ri in keʼinloqʼoqʼej pa ri saqalajtzij, man in xuwi ta ri in, xane xoqujeʼ konojel ri xketaʼmaj ri Saqalajtzij,

1:2b.2JO.001.002rumal ri Saqalajtzij che kʼo qukʼ ri uj, e che kkanaj kan riʼ pa junalik qukʼ uj,

1:3b.2JO.001.003qukʼ ri uj kkanajik ri usipanik, ri loqʼoqʼebʼal ukʼuʼx, ri nimalaj utzil rech ri Dyos che Utatxel ri Jesukristo, ri Ukʼojol ri Tatxel, jeʼ jas ri saqalajtzij e jeri ʼ jas ri loqʼoqʼebʼal kʼuʼx.

1:4b.2JO.001.004Ri in sibʼalaj xinkiʼkotik aretaq chiʼ xeʼinriqo chkixoʼl ri eʼawalkʼuwaʼl, ejujun chkech che kkikʼaslemaj ri saqalajtzij, jeʼ jas ri pixabʼ che xqakʼam chi rukʼ ri Tatxel.

1:5b.2JO.001.005Kʼatekʼuriʼ kamik riʼ, kinta chawech nan; we kintzʼibʼaj chawech riʼ, man jun kʼakʼ pixabʼ taj, xane ri kʼo qukʼ ri uj xas pa ri umajibʼal uloq, chqaloqʼoqʼej bʼaʼ qibʼ chqaxoʼl ri uj.

1:6b.2JO.001.006Are waʼ riʼ ri loqʼoqʼebʼal ukʼuʼx; che kujkʼaslemanik rukʼ taq ri upixabʼ. Are waʼ ri nabʼe pixabʼ, jeriʼ jas ri iwetaʼm ri ix chi pa ri umajibʼal uloq: chixkʼasleman bʼaʼ pa ri loqʼoqʼebʼal kʼuʼx.

1:7b.2JO.001.007Sibʼalaj taq etaqchiʼnelabʼ xeʼel uloq xas waral chuwachulew, e man kkiya ta ubʼixik che ri Jesuskristo petinaq chi pa ri bʼaqilal. Are waʼ weriʼ ri ajtaqchiʼnel ri itzel kristo.

1:8b.2JO.001.008Qas chichajij bʼaʼ iwibʼ ri ix, arech man kisach ta ri uwachinik ri qachak, xane are chkʼojiʼ ta bʼaʼ jun utzalaj tojbʼal ukʼaxel.

1:9b.2JO.001.009Ri jun che naj kbʼe wi e man kkanaj ta kan pa ri utzij ri Kristo man kʼo ta riʼ ri Dyos rukʼ. Ri jun che kkanaj kan pa ri tzij kkʼojiʼ ri Tatxel e ri Kʼojolxel rukʼ.

1:10b.2JO.001.010We kʼo jun kbʼe iwukʼ ri ix, kʼatekʼuriʼ man rukʼam ta uloq we tzij riʼ, mikʼulaj bʼaʼ ri areʼ pa ri itinimit e miya jun rutzil uwach.

1:11b.2JO.001.011Ri jun che kuya rutzil uwach, xoqujeʼ junam uwach rukʼ ri jetaq itzel kubʼano.

1:12b.2JO.001.012Kneʼbʼaʼ, sibʼalaj rajawaxik kʼi kintzʼibʼaj chiwech. Kinchomaj che are utz che man kinbʼan ta weriʼ rukʼ ri tzʼibʼanik. Xane are kinweyeʼj na, che ri in, kinbʼe iwukʼ e xa jekʼuriʼ kinkowin na riʼ kinchʼaw xas in iwukʼ, arech ri uj kkʼojiʼ tzʼaqatalaj qakiʼkotemal.

1:13b.2JO.001.013¡Kkiya apan jun rutzil awach ri eralkʼuwaʼl ri chaʼomlaj awatz!