Philemon (K'iche')

1

1:1b.PHM.001.001Ri Pabʼlo, ri tzʼapital pa cheʼ rumal ri Kristo Jesus e ri Timoteʼo ri achalaxik, chrech ri loqʼalaj qachiʼl Filemon, ri areʼ che kchakun qukʼ,

1:2b.PHM.001.002xoqujeʼ chrech ri qanabʼ Apfiʼa, chrech ri Arkipo ri areʼ che qachiʼl pa ri chʼoʼj, xoqujeʼ chrech ri Komon Tyox che kkimulij kibʼ pa ri awachoch.

1:3b.PHM.001.003Chiwech ri ix, ri nimalaj usipanik e ri rutzil ri Dyos Qatatxel, ri usipanik ri Ajawxel Jesus Kristo.

1:4b.PHM.001.004Sibʼalaj kinmaltyoxij chrech ri Dyos chi amaqʼel, aretaq chiʼ kinchoman pawiʼ pa ri nuchʼawem rukʼ ri Dyos,

1:5b.PHM.001.005rumal rech, che ri in, nutom utzijol ri uloqʼoqʼebʼal akʼuʼx e ri akojonik che ukubʼisaʼm akʼuʼx, rech ta bʼaʼ ri Ajawxel Jesus, xoqujeʼ rech ta bʼaʼ utoqʼobʼisaxik kiwach konojel ri etyoxlaj taq winaq.

1:6b.PHM.001.006Utz we kojonik riʼ, kuyaʼ waʼ chawech ri uxlabʼal e ri tzʼaqatalaj saqil arech kachʼobʼo ronojel ri utzil kʼo qukʼ ri uj e ri katkowin che ubʼanik rumal ri toqʼobʼisabʼal uwach ri Kristo.

1:7b.PHM.001.007Ri in, sibʼalaj kinkiʼkotik e kʼo ri nuchuqʼabʼ rumal rech che xinta utzijol ri loqʼoqʼebʼal akʼuʼx: bʼim chwech wachalal, che akubʼam kikʼuʼx ri etyoxlaj taq winaq.

1:8b.PHM.001.008Rumal kʼu waʼ weriʼ, puneʼtaj, rumal ri Kristo Jesus, saq wukʼ ri in ri tzij e ri rajawaxik che loqʼ kintaq ubʼixik chawech, ronojel ri taqal chawij kabʼano,

1:9b.PHM.001.009ri in are kwaj kintaʼ apan chawech pa ri ubʼiʼ ri loqʼoqʼebʼal akʼuʼx jun jas uwach. Ri jun che kbʼin weriʼ chawech, are ri Pabʼlo, ri areʼ che riʼj winaq chik e kamik riʼ tzʼapital pacheʼ xa rumal ri Kristo Jesus.

1:10b.PHM.001.010Ri kinta chawech, are puwiʼ ri walkʼuwaʼl, ri areʼ che xinwalkʼuwaʼlaj xas rukʼ taq chʼichʼ che inujatʼim pacheʼ: are ri Onesimo,

1:11b.PHM.001.011che ojer kanoq, ri areʼ man kʼo ta upatan chawech, kʼatekʼut, kamik riʼ, nimalaj upatan chawech, jacha nimalaj upatan chwech ri in kamik riʼ.

1:12b.PHM.001.012Ri in, kintzalejisaj, kintaq ubʼi ri areʼ chawech, ri areʼ che xas wanimaʼ wi ri areʼ.

1:13b.PHM.001.013Xinwaj, che ri areʼ kkanaj kan wukʼ, arech kinupatanij aretaq chiʼ injatʼilik pa taq we chʼichʼ riʼ rumal ri Utzalaj Tzij;

1:14b.PHM.001.014kʼatekʼuriʼ, ri in, man xwaj taj xinta weriʼ chawech, arech ri utzil kabʼano man xata kattoqʼix chrech, xane are utz riʼ chex xas pa ri awanimaʼ kpe wi.

1:15b.PHM.001.015Ri Onesimo, weneʼ xesax awukʼ pa kebʼ oxibʼ qʼij, arech ri at chi pa junalik kakʼulaj chi na jumul.

1:16b.PHM.001.016E ri areʼ man jun ajpataninel taj kabʼan chrech, xane are nim na chuwach jun ajpataninel, xane jun loqʼalaj achalaxik; we wachalal chnuwach ri in, are sibʼalaj nim chi na waʼ chawach ri at, e man xuwi taj cho we uwachulew riʼ xane xoqujeʼ pa ri Ajawxel.

1:17b.PHM.001.017Kʼatekʼuriʼ, we ri at nim e utz kinawil wi ri in, chakʼulaj bʼaʼ ri areʼ jacha in ri areʼ.

1:18b.PHM.001.018We xubʼan kʼax chawech, on weneʼ kʼo ukʼas awukʼ chakojoʼ bʼaʼ weriʼ chwij ri in.

1:19b.PHM.001.019Ri in, in Pabʼlo, kintzʼibʼaj rukʼ nuqʼabʼ weriʼ: In riʼ kintojow na weriʼ chawech. Ri in, man kinchʼa ta ri akʼas at wukʼ ri in, rumal neʼ che chi at wi ri at kʼasaj wukʼ ri in.

1:20b.PHM.001.020Jeʼ nakʼut wachalal, kinweyeʼj chawech ri at we jun toqʼobʼ riʼ chi pa ri Ajawxel; chajororisaj bʼaʼ ri wanimaʼ chi pa ri Kristo.

1:21b.PHM.001.021Ri in, kintzʼibʼaj weriʼ chawech rukʼ ronojel kubʼal kʼuʼx chawij e rukʼ ri nuchuqʼabʼ kinweyeʼj che katnimanik; ri in wetaʼm, che ri at, nim chi na kabʼano chuwach ri kinta chawech.

1:22b.PHM.001.022Xoqujeʼ, chasukʼumaj apan jun ja chwech; rumal rech, che ri in kinweyeʼj che rukʼ taq ri ichʼawem rukʼ ri Dyos, ri in kinkʼojiʼ chi na jumul riʼ chixoʼl.

1:23b.PHM.001.023Ri at, kutaq ubʼi rutzil awach ri Epafras, ri wachiʼl intzʼapital pa cheʼ rumal ri Kristo Jesus,

1:24b.PHM.001.024xoqujeʼ kkitaq rutzil awach ri Markos, ri Aristarko, ri Demas e ri Lukas, ri eʼareʼ che kechakun wukʼ.

1:25b.PHM.001.025¡Kkʼojiʼ bʼaʼ ri usipanik ri ajawxel Jesus Kristo rukʼ ri awuxlabʼal!