2 Corinthians (K'iche')

1

1:1b.2CO.001.001Ri Pabʼlo, Apostol rech ri Kristo Jesus rumal ri urayibʼal ri Dyos; e ri Timoteʼo che jun achalaxik; chrech ri Ukomon Tyox ri Dyos che kʼo pa ri Korinto e chkech konojel ri etyoxlaj taq winaq pa ronojel ri Akaya;

1:2b.2CO.001.002chiwech ix kqaya apanoq jun rutzil iwach rech ri Dyos che Qatatxel e jun rutzil iwach rech ri Ajawxel Jesus Kristo.

1:3b.2CO.001.003Tewchiʼtalik ta bʼaʼ ri Dyos, ri Utatxel ri Qajaw Jesus Kristo, ri Tatxel rech ri loqʼoqʼebʼal kʼuʼx e Dyos rech ronojel kubʼisabʼal kʼuʼx

1:4b.2CO.001.004ri Areʼ che kubʼisabʼal qakʼuʼx pa ronojel kʼax kqariqo, arech ri uj, rukʼ ri kuʼbʼisabʼal kʼuʼx riʼ che qakʼamom xas rukʼ ri Dyos, xoqujeʼ kqakubʼisaj kikʼuʼx enikʼaj chik pa ronojel kʼax kkiriqo.

1:5b.2CO.001.005Rumal rech che jeriʼ nakʼut che kʼo sibʼalaj kʼax rech ri Kristo rumal utoqʼobʼisaxik qawach, xoqujeʼ rumal ri Kristo, ri uj kʼo nimalaj kubʼisabʼal qakʼuʼx.

1:6b.2CO.001.006¿La uj kʼo uj pa ri kʼax? Weriʼ, xa rajawaxik arech kpe kuʼbʼisabʼal ikʼuʼx e ri ikolotajem, ¿la kʼo kubʼisabʼal qakʼuʼx uj? Weriʼ, rajawaxik arech kpe ri kubʼisabʼal qakʼuʼx, che kuyaʼ ri chuqʼabʼ chiwech ri ix pa ri kʼax che xoqujeʼ kqakʼaxkʼolij ri uj.

1:7b.2CO.001.007Kʼatekʼuriʼ, qas qakubʼaʼm ri qeyeʼbʼal chiwij ix. Ri uj qetaʼm che we ix kʼo qukʼ pa ri kʼachaqijchiʼ, xoqujeʼ ix kʼo riʼ qukʼ pa ri kubʼisabʼal kʼuʼx.

1:8b.2CO.001.008Ri uj, man kqaj taj che ri ix mata kiwetaʼmaj, ix achalaxik: Ri kʼax che xqakʼulmaj pa ri Asiʼa are sibʼalaj nim chuwach ri qachuqʼabʼ kʼolik, xoqujeʼ man xqeyeʼj taj che kujkʼasiʼk.

1:9b.2CO.001.009Ri uj, qas kʼo ri qʼatbʼaltzij rech kamikal paqawiʼ, arech ri uj, qetaʼm che man kqajikibʼaʼ ta qakʼuʼx chbʼil qibʼ; are ne kqajikibʼaʼ qakʼuʼx chrij ri Dyos che kuwaʼlisaj kiwach ri ekaminaqibʼ.

1:10b.2CO.001.010Are areʼ, xutoʼ qawach chuwach ri kamikal e xoqujeʼ kutoʼ chi na qawach riʼ; rukʼ ri areʼ kʼo wi ri qeyeʼbʼal che kujutoʼ chi na jumul riʼ.

1:11b.2CO.001.011Ri ix, kixchakun na riʼ qukʼ ri uj xas rukʼ ri ichʼawem rukʼ ri Dyos paqawiʼ ri uj, arech ri utzil kqariq ri uj kumal ekʼiʼ winaq, xoqujeʼ ekʼi winaq bʼaʼ chemaltyoxinoq paqawiʼ ri uj.

1:12b.2CO.001.012Ri rumal che nimal kqabʼan uj, are ri uqʼatbʼaltzij ri qachomanik che rukʼam qabʼe pa we uwachulew; kʼatekʼuriʼ iwukʼ ix are ri tyoxil e ri utzil che petinaq uloq xas rukʼ ri Dyos, e man rukʼ ta ri unoʼjbʼal ri bʼaqilal, xane are rukʼ ri usipanik ri Dyos.

1:13b.2CO.001.013Ri uj, man kʼo ta jun jas uwach chik kqatzʼibʼaj chiwech, xane xuwi ri kixkowin che usikʼixik e che uchʼobʼik; kʼatekʼuriʼ, ri in kinweyeʼj che qas tzʼaqat uchʼobʼik na kibʼano.

1:14b.2CO.001.014Ri ix ichʼobʼom chi jubʼiqʼ, che uj nakʼut are ri nim qiqʼijil iwukʼ e ri ix are nim iqʼijil qukʼ ri uj pa ri Uqʼijil ri Qajawxel Jesus.

1:15b.2CO.001.015Rukʼ we nujikibʼam riʼ, ri in are qas xinwaj kinopan nabʼe pa ri itinimit, arech ri ix kkʼojiʼ jun ukabʼ isipanik.

1:16b.2CO.001.016Kʼatekʼuriʼ, xas pa ri itinimit welik ubʼik, kwaj kinbʼe pa ri Masedoniʼa e pa ri nutzalijik chi uloq pa ri Masedoniʼa kwaj chi kinopan pa ri itinimit e kwaj che ri ix kinikʼam ubʼik chi pa ri Judeʼa.

1:17b.2CO.001.017Aretaq chiʼ jeriʼ xinchomaj. ¿La man utz taj ri xinchomaj? On pa ri bʼaqilal petinaq wi uloq ri nuchomanik, xa jekʼuriʼ kʼo wukʼ in ri jaʼe, e ri man jaʼe taj.

1:18b.2CO.001.018Jeriʼ jacha ri Dyos che man kukʼex ta ri utzij, ri qachʼawibʼal iwukʼ man kebʼ ta uwach: jaʼe e man jaʼe taj.

1:19b.2CO.001.019Rumal rech, che ri Ukʼojol ri Dyos ri Kristo Jesus, che xqayaʼ ubʼixik ri uj chixoʼl ri ix: ri Silbʼano, ri Timoteʼo e ri in; man kebʼ ta uwach: jaʼe e man jaʼe taj; pa ri Areʼ xuwiʼ xkʼojiʼ ri «Jaʼe».

1:20b.2CO.001.020Ronojel ri tzij ujikibʼam ubʼixik ri Dyos, pa ri Areʼ uriqom wi ri Jaʼe; e rumal kʼuriʼ ri Areʼ, ri uj kqabʼij «Amen» chrech ri Dyos arech kʼo nimalaj uqʼijil.

1:21b.2CO.001.021Kʼatekʼuriʼ, are ri Areʼ ri kyaʼow qachuqʼabʼ ri uj e xoqujeʼ chiwech ri ix rukʼ ri Kristo, ri Areʼ che xujujiʼonsaj, ri Areʼ are ri Dyos.

1:22b.2CO.001.022Ri Areʼ che xujutʼiqo e xuya pa ri qanimaʼ ri nabʼe usipanik: ri Uxlabʼxel.

1:23b.2CO.001.023Ri in, kinbʼij weriʼ chiwech chuwach ri Dyos, arech man kinbʼan ta ri kʼax chiwech, che ri in, we man inbʼenaq ta chi jumul pa ri Korinto xane are rumal che ix ri kixinwil apanoq.

1:24b.2CO.001.024Ri uj, man xa ta are kqaj kujtaqan puwiʼ ri ikojonik; man jeʼ ta riʼ, ri uj xane are kujtobʼan rukʼ ri ikiʼkotemal rumal rech che kʼo ri ichuqʼabʼ pa ri ikojonik.

2

2:1b.2CO.002.001Pa wech wi ri in, xinchomaj che man rukʼ ta chik ri bʼis kintzalej pa ri itinimit.

2:2b.2CO.002.002Rumal rech che we wumal in kixbʼisonik, ¿jachin kʼu kkowin riʼ kuyaʼ nukiʼkotemal we man kʼo ta ri areʼ ri xinya ubʼis ri in?

2:3b.2CO.002.003Kʼatekʼuriʼ; we ri in xintzʼibʼaj ri jastaq chiwech che ri iwetaʼm, xinbʼano, arech ri in man kinbʼison taj aretaq chiʼ kinel ubʼik pa ri itinimit e xa rumal kech ri eʼare che xas rajawaxik wi kkiyaʼ ri nukiʼkotemal; ri in xas kinchomaj wi che ri nukiʼkotemal ri in, xoqujeʼ ikiʼkotemal iwonojel ri ix.

2:4b.2CO.002.004Jeʼ nakʼut, pa jun nimalaj kʼax e nimalaj bʼisobʼal pa wanimaʼ, ri in xixintzʼibʼaj rukʼ sibʼalaj oqʼej, e weriʼ man rumal taj arech kkʼojiʼ ibʼis ri ix, xane rumal, arech kiwetaʼmaj ri nimalaj loqʼoqʼebʼal nukʼuʼx kʼo chiwech ri ix.

2:5b.2CO.002.005We xa rumal jun winaq petinaq ri bʼis, man chwech ta ri in riʼ xuya wi ri bʼis; kʼatekʼut, waʼ weriʼ xas xiya waʼ jubʼiqʼ nubʼis iwonojel.

2:6b.2CO.002.006Chrech we jun achi riʼ xas xuwi taqal riʼ chrech ri uqʼatbʼaltzij ri winaq,

2:7b.2CO.002.007kʼatekʼut, are utz riʼ che kisach ri umak e kiyaʼ uchuqʼabʼ, arech man katzaq ta pa jun nimalaj bʼisobʼal.

2:8b.2CO.002.008Sibʼalaj kinta bʼaʼ chiwech che rajawaxik che ri ix kkʼojiʼ ri loqʼoqʼebʼal ikʼuʼx rukʼ ri areʼ.

2:9b.2CO.002.009Aretaq chiʼ xixintzʼibʼaj, xinchomaj che xa kixinnaʼbʼej arech kixinwil ri ix we kixnimanik pa ronojel jas uwach.

2:10b.2CO.002.010Kʼatekʼut, chrech ri jun che ri ix kisach ri umak, ri in xoqujeʼ kinsach ri umak; rumal rech che ri mak xinsach uwach in, –we rajawaxik che ri in kinsach makaj– xane iwumal ri ix riʼ chuwach ri Kristo.

2:11b.2CO.002.011Rajawavik che ri uj, man kujsach ta pa uqʼabʼ ri Satanas, rumal rech che ri uj qas qetaʼm ri jetaq uchomanik ri areʼ.

2:12b.2CO.002.012Ri in xinopan pa ri Troada, arech kinyaʼ ubʼixik ri Utzalaj Tzij rech ri Kristo, kneʼbʼaʼ che jaqatalik jun uchiʼja chwech pa ri Ajawxel,

2:13b.2CO.002.013ri wuxlabʼal man kʼo ta jun utzalaj uxlanem chrech, rumal rech che man xinriq ta ri wachalal Tito. Ri in xinya ri jun rutzil kiwach, kʼatekʼuriʼ, xinbʼe pa ri Masedoniʼa.

2:14b.2CO.002.014Sibʼalaj maltyox bʼaʼ chrech ri Dyos; che pa ronojel mul kujukʼam ubʼi pa ri upetibʼal e che qumal ri uj kuqʼejej pa ronojel kʼolibʼal ri utzalaj kunabʼal rech ri unojibʼal.

2:15b.2CO.002.015Chuwach ri Dyos are uj, ri uj kʼokʼalaj ruxlabʼ ri Kristo chkixoʼl ri kekoltajik e chkixoʼl ri kkisach na kibʼ;

2:16b.2CO.002.016Chkech nikʼaj jun ukʼokʼal che ekʼo pa ri kamikal e keʼukʼam ubʼi pa ri kamikal, e chkech nikʼaj chik jun kʼokʼal che ekʼo pa ri kʼaslemal e keʼukʼam chi ubʼi pa ri kʼaslemal. Kʼatekʼuriʼ, ¿jachin kakowin chrech weriʼ?

2:17b.2CO.002.017Qastzij nakʼut, che ri uj, man uj jeriʼ taj ejeʼ jas ri sibʼalaj ekʼi che kkikʼayij ri utzij ri Dyos; ¡Man je ta riʼ! Xane kqabʼan pa ri utzil, jeʼ jas ujtaqom rumal ri Dyos e chuwach ri Dyos kqabʼij wi weriʼ pa ri Kristo.

3

3:1b.2CO.003.001¿La kujok chi jumul chrech ubʼixik ri utzil paqawiʼ ri uj? On rajawaxik che ri uj kqatzʼibʼaj utzalaj taq wuj chiwach rech uwuqxaʼnik qibʼ on rajawaxik che kqata chiwech ri ix?

3:2b.2CO.003.002Ix, ri ix qawuj tzʼibʼatalik pa ri qanimaʼ, che xas etaʼmatalik e sikʼim kumal konojel ri winaq.

3:3b.2CO.003.003Qastzij nakʼut, ix, ix jun uwuj ri Kristo che ixtzʼibʼatalik man rukʼ ta tzʼajbʼal, xane rukʼ ri Uxlabʼxel rech ri kʼaslik Dyos, man ix tzʼibʼatalik ta cho taq abʼaj, xane ix tzʼibʼatalik cho ri utzʼalamal ri tiʼj e pa taq ri animaʼ.

3:4b.2CO.003.004Are waʼ ri utzalaj kubʼisabʼal qakʼuʼx kʼo chuwach ri Dyos rumal ri Kristo che naqaj kʼo wi chech ri Dyos.

3:5b.2CO.003.005Ri uj man kujkowin taj kqabʼij che qukʼ uj petinaq wi jun utz jas uwach, ¡Man je taj! ri qachuqʼabʼ petinaq rukʼ ri Dyos,

3:6b.2CO.003.006ri Areʼ che xujusukʼubʼaʼ, arech kujuxik ujajpatanel chrech jun kʼakʼ chapbʼalqʼabʼ, che man rech ta tzʼibʼ, xane tzʼibʼatalik rukʼ ri Uxlabʼxel; rumal rech che ri tzʼibʼ kkamisanik kʼatekʼuriʼ ri Uxlabʼxel kuya kʼaslemal.

3:7b.2CO.003.007Kʼatekʼut, ri upatanajik ri kamikal, che xtzʼibʼax cho ri abʼaj, kʼo sibʼalaj uqʼijil e rumal na kʼuriʼ ri eralkʼuwaʼl ri Israʼel man xekowin ta chik kkil ri upalaj ri Moʼises rumal ri uqʼijil ri upalaj che xaq kokʼowik.

3:8b.2CO.003.008¿La man are ta kʼu nim uqʼijil riʼ chuwach weriʼ ri uqʼijil ri patanajik rech ri Uxlabʼxel?

3:9b.2CO.003.009Xa jekʼuriʼ ¡we ri upatanajik ri qʼatbʼaltzij kʼo uqʼijil, nim chi na riʼ ri uqʼijil ri upatanijik ri sukʼil!

3:10b.2CO.003.010We are kqajunumaj ri nabʼe patanijik rukʼ we nimalaj qʼijil riʼ, ri uqʼijil ri nabʼe patanajik man qʼijil ta riʼ.

3:11b.2CO.003.011Rumal rech che we kʼo uqʼijil ri xa jubʼiqʼ kuchiʼjo, sibʼalaj nim chi na uqʼijil riʼ ri jun che kkanaj kan chuwach weriʼ.

3:12b.2CO.003.012Kʼatekʼuriʼ, we kʼo waʼ we qeyeʼbʼal riʼ, sibʼalaj kʼo qachuqʼabʼ riʼ pa ri qakʼaslemal,

3:13b.2CO.003.013e ri uj man uj jeriʼ taj jeʼ jas ri Moʼises che xukoj jun payuʼ cho ri upalaj arech ri eralkʼuwaʼl ri Israʼel man kkil taj ri kkʼis wi ri kʼo ukʼisik.

3:14b.2CO.003.014Kʼatekʼut, xnoj ri kichomabʼal pa ri qʼequʼm. Xa jekʼuriʼ, xas kʼateʼ pa taq we qʼij riʼ, aretaq chiʼ ksikʼix ri qʼeʼl Uchuch Wuj, we payuʼ riʼ xas kʼo na. We payuʼ riʼ majaʼ pakom; rumal rech che xuwiʼ ri Kristo kkowinik kukʼyaq ubʼi riʼ.

3:15b.2CO.003.015Xas kʼateʼ pa taq we qʼij kamik riʼ; ronojel taq mul aretaq chiʼ ksikʼix uwach ri Moʼises, xas kʼo wi jun payuʼ pa taq ri kanimaʼ.

3:16b.2CO.003.016Xuwi aretaq chiʼ jun kkojon chrech ri Ajawxel, kkʼyaqtaj ubʼi riʼ ri upayuʼ.

3:17b.2CO.003.017Rumal rech che ri Ajawxel are ri Uxlabʼxel, kʼatekʼuriʼ, jawiʼ kʼo wi ri Ruxlabʼ ri Ajawxel, chilaʼ kʼo wi riʼ ri kirbʼal ibʼ.

3:18b.2CO.003.018Kʼatekʼuriʼ; qonojel ri uj che man chʼuqatalik ta ri qawach, kqilo jacha rilik kqabʼano pa jun ilbʼal wachaj ri uqʼijil ri Ajawxel, ri uj kujkʼextajik, uj jeriʼ jacha we jun wachibʼal riʼ, kujbʼinik pa jun qʼijil e kujqʼax pa jun qʼijil chik: jeriʼ ri uchak ri Ajawxel, che Uxlabʼxel ri Areʼ.

4

4:1b.2CO.004.001Rumal kʼu waʼ weriʼ, ri uj kʼo we patanajik qukʼ riʼ, rumal riʼ ri loqʼoqʼebʼal ukʼuʼx ri Dyos, man kubʼan ta kebʼ qakʼuʼx,

4:2b.2CO.004.002kʼatekʼut, ri uj, xqakʼyaq kanoq ri jun kʼixbʼal che kqamemerisaj qibʼ, ri uj man uj kʼo ta pa ri itzel noʼjibʼal, xoqujeʼ man kʼo ta joʼs xqabʼan rukʼ ri utzij ri Dyos; xane rukʼ ri uqʼalajisaxik ri saqalaj tzij, ri uj, uj utz chuwach ri Dyos puwiʼ ronojel chomabʼal kech winaq.

4:3b.2CO.004.003Kʼatekʼuriʼ, we chʼuqutal na rukʼ jun payuʼ ri Utzalaj Qatzij, xuwiʼ chʼuqutalik riʼ chkiwach ri winaq che esachinaq.

4:4b.2CO.004.004Chʼuqutalik riʼ chkiwach ri man kekojon taj, ri eʼareʼ che ri kinoʼjbʼal xumoyrisaj ri udyos we uwachulew riʼ xuqʼequʼmaʼrisaj ri kichomanik, arech man kkil taj ri uchubʼlinik ri Utzalaj Tzij rech ri uqʼijil ri Kristo, ri Areʼ che uwachbʼal ri Dyos.

4:5b.2CO.004.005Ri uj, man kqayaʼ ta ubʼixik qibʼ uj, xuwi neʼ kqayaʼ ubʼixik ri Kristo Jesus che Ajawxel; ri uj xuwi uj ajpatanelabʼ iwech ix rumal ri Jesus.

4:6b.2CO.004.006Xane xas rumal ri Dyos che xubʼij: tza pa ri qʼequʼm kchuplin ri chäj are ri areʼ kchuplin pa ri qanimaʼ, arech kchuplin ri unoʼj ri uqʼijil ri Dyos che kʼo pa ri uwach ri Kristo.

4:7b.2CO.004.007Kʼatekʼuriʼ, we jun nimalaj qʼinomal riʼ, ri uj qakʼolom pa xoqʼol taq bʼoʼj, arech we jun nimalaj chuqʼabʼ riʼ, kqʼalajinik che uchak ri Dyos e man qachak ta ri uj.

4:8b.2CO.004.008Ri uj, uj kʼo pa ronojel uwach kʼax, kʼatekʼut man uj takʼalbʼem taj; nimalaj sachibʼal kʼuʼx ujkʼolik, kʼatekʼut, man kubʼan ta kebʼ qakʼuʼx chuwach ri qeyeʼbʼal.

4:9b.2CO.004.009Uj oqatalik, kʼatekʼut man ujwonobʼam ta kanoq; ujkʼyaqom pulew, kʼatekʼut man kʼisom ta tzij paqawiʼ.

4:10b.2CO.004.010Pa ronojel kʼolbʼal, pa ronojel qʼij, ri uj qukʼam pa qabʼaqil ri kʼax rech ri ukamikal ri Kristo, arech, ri ukʼaslemal ri Kristo xoqujeʼ kukʼut ribʼ pa ri qabʼaqil.

4:11b.2CO.004.011Knebʼaʼ, ri uj kʼo ri qakʼaslemal, pa ronojel qʼij kujyaʼtaj pa ri kamikal rumal ri Jesus, arech ri ukʼaslemal ri Jesus, xoqujeʼ kukʼut ribʼ pa ri qabʼaqil che rech kamikal,

4:12b.2CO.004.012xa jekʼuriʼ, ri kamikal kchakun paqawiʼ ri uj e ri kʼaslemal kchakun piwiʼ ri ix.

4:13b.2CO.004.013Kʼatekʼut, ri uj kʼo ri qakojonik rukʼ ri jun uxlabʼal riʼ jeʼ jas ri tzʼibʼatalik: Ri in xinkojonik e rumal kʼuriʼ xinchʼawik, xoqujeʼ ri uj kujkojonik e rumal na kʼuriʼ kujchʼawik,

4:14b.2CO.004.014qetaʼm che ri Areʼ, ri xuwaʼlisaj ri Ajawxel Jesus, xoqujeʼ kujuwaʼlajisaj riʼ ri uj rukʼ ri Jesus e junam qakojik riʼ kubʼano chunaqaj ri Are iwukʼ ri ix.

4:15b.2CO.004.015E weriʼ, ronojel iwumal ri ix, arech kyaʼ ri sipanik chiwech e xa jekʼuriʼ nimalaj maltyoxinik riʼ chrech ri uqʼijil ri Dyos.

4:16b.2CO.004.016Rumal kʼu waʼ weriʼ, man knitzʼar ta ri qachuqʼabʼ. Kneʼbʼaʼ, ri qatiʼojijal kwilij ubʼik, ri qatiʼojilal, kkʼakʼarik ronojel taq qʼij.

4:17b.2CO.004.017Ri nitzʼalaj kʼax che xa rech jubʼiqʼ, kujusukʼumaj, e kuyaʼ jun nimalaj e jun junalikalaj qaqʼijil.

4:18b.2CO.004.018Chqech ri uj, che man are ta kqil ri jastaq che kqʼalajinik, e xane are kqil ri man kqʼalajin taj; ri jastaq uwach che kqʼalajinik xa jubʼiqʼ kuchiʼjo, e ri jastaq che man kqʼalajin taj xas pa junalik riʼ.

5

5:1b.2CO.005.001Ri uj qetaʼm, che we jun chijbʼal riʼ –che are qachoch pa we uwachulew riʼ– we kwilin ubʼik, kʼo jun qachoch che xubʼan ri Dyos: jun junalikalaj ja che kʼo chikaj, che man kichak ta kiqʼabʼ ri winaq.

5:2b.2CO.005.002Jeriʼ na kʼut, ri uj kujjiqʼjatik ukamik riʼ e sibʼalaj kqaj kqatzʼyaqij ri qachoch che kʼo chikaj,

5:3b.2CO.005.003kʼatekʼut, ¿jachin retaʼm we uj kʼo na pa we qatiʼojilal riʼ che kqʼiyik on weneʼ elenaq chi chqij?

5:4b.2CO.005.004Jeʼ nakʼut, pa we jun chijbʼaʼl riʼ, ri uj kujjiqʼjatik rukʼ kʼax; rukʼ weriʼ man xa ta kqaj che kqaya kan we qatzʼyaq riʼ, xane are kqaj che kokisax ri jun atzʼyaq chik riʼ chrij we jun riʼ, arech ri kamikal xas pa ri kʼaslemal ktzaq wi.

5:5b.2CO.005.005E ri xbʼanowik arech kʼo weriʼ chqech, are ri Dyos, ri Areʼ che xyaʼow chqech ri nabʼe taq usipanik ri Uxlabʼxel.

5:6b.2CO.005.006Xa jekʼuriʼ, ronojel mul ujnojinaq che ri qachuqʼabʼ, qetaʼm che aretaq chiʼ uj kʼo na pa we qabʼaqilal riʼ, ri qakʼaslemal naj waʼ kʼo wi chrech ri Ajawxel,

5:7b.2CO.005.007rumal rech che kujbʼin pa ri qakojonik e man kujbʼin ta pa jun jas uwach che kilitajik uwach.

5:8b.2CO.005.008Ri uj, kʼo sibʼalaj qachuqʼabʼ e are kqaj kqayaʼ kan we jun bʼaqilal riʼ arech kujjeqiʼ naqaj chrech ri Ajawxel.

5:9b.2CO.005.009Kʼatekʼuriʼ, ri uj, we kujkanaj kan pa we jun qabʼaqil riʼ on we kqayaʼ kanoq, ri uj kqaj che uj utz chuwach ri Areʼ.

5:10b.2CO.005.010Rajawaxik che ri uj, uj chʼanalik kujkanaj chuwach ri uqʼatbʼaltzij ri Kristo, arech ronojel winaq chqajujunal kqakʼam ri utojbʼalil ri qachak xqabʼano aretaq chiʼ uj kʼo pa we qabʼaqil, we xqabʼan ri utzil on xqabʼan ri etzelal.

5:11b.2CO.005.011Ri uj che qetaʼm ri xibʼrikil chuwach ri Ajawxel, kqaj che utz kechoman ri winaq, rumal rech che chuwach ri Dyos, ri uj ujchʼanalik ujkʼolik, xoqujeʼ, ri in kinweyeʼj che pa ri iwuxlabʼal xoqujeʼ uj chʼanalik uj kʼolik.

5:12b.2CO.005.012Ri uj, man xa ta xqamajij chi ruqxaʼniʼxik qibʼ chiwach, ri uj xuwi are kqaj kaqaya chiwach jun bʼe arech nim kiwil wi iwibʼ qumal ri uj, xa jekʼuriʼ kixkowinik kitzalij uwach ri kitzij ri jachintaq nim kkil wi kibʼ, rumal ri jastaq che kqʼalajinik e man are ta nim kkil wi kibʼ rumal ri jastaq che kʼo pa ri kanimaʼ.

5:13b.2CO.005.013Jeriʼ nakʼut, we ri uj xsach ri qachomabʼal, waʼ weriʼ xa rumal ri utoqʼobʼ ri Dyos, e we kʼo ri qanoʼjbʼal, xa rumal toqʼobʼisabʼal iwach ri ix.

5:14b.2CO.005.014Rumal rech, che are ri loqʼoqʼebʼal ukʼuʼx ri Kristo kbʼanow chqech che nimalaj qachomaj, we xa jun chi winaq xkamik rumal utoqʼobʼisaxik kiwach nimalaj konojel, konojel na kʼuriʼ xoqujeʼ xekamik.

5:15b.2CO.005.015Ri Areʼ xkamik pakiwiʼ nimalaj konojel, arech ri kʼo ri kikʼaslemal, man kʼo ta ri kikʼaselmal xaq pa kech wi ri eʼareʼ, xaneʼ kekʼasiʼ rumal ri Are che xkamik e xkʼastaj uwach kumal ri eʼareʼ.

5:16b.2CO.005.016Ri uj xas ukamik ubʼik riʼ, man kqil ta chi apan jun winaq xuwi rukʼ uchomabʼal winaq. Kʼatekʼuriʼ, we jumul kanoq xqachomaj uwach ri Kristo rukʼ xaq uchomabʼal winaq, ukamik riʼ man jeriʼ ta chik uchomaxik kqabʼano.

5:17b.2CO.005.017Ri jun winaq che kʼo pa ri Kristo, ri areʼ jun kʼakʼ ubʼanik riʼ; ronojel ri riʼj winaq xqʼax riʼ, ri kʼakʼ winaq kʼo chik waral.

5:18b.2CO.005.018Ronojel weriʼ, xas rukʼ ri Dyos kpe wi, ri xbʼanowik che kujutzir rukʼ ri Areʼ rumal ri Kristo e xuyaʼ chqech ri patanijik rech ri kʼamow ibʼ.

5:19b.2CO.005.019Rumal rech che pa ri Kristo kʼo wi ri Dyos che xbʼanowik arech kutzir ri uwachulew rukʼ ri Areʼ. Ri areʼ man xril ta chi jumul ri kimak ri winaq, xane xukoj qukʼ ri uj ri utzij che rech kʼamow ibʼ.

5:20b.2CO.005.020Ri uj ujukʼexwach ri Kristo, je kelik che ri Dyos kubʼij ri utzij qumal ri uj. Ri uj, nimalaj kqata chiwech weriʼ pa ri ubʼiʼ ri Kristo: Chujutzir bʼaʼ rukʼ ri Dyos.

5:21b.2CO.005.021Ri Areʼ che man retaʼm ta uwach ri makaj, ri Dyos xubʼan makaj chech Areʼ rumal toqʼobʼisabʼal qawach ri uj, arech uj sukʼil rech ri Dyos pa ri Areʼ.

6

6:1b.2CO.006.001Kʼatekʼuriʼ, ri uj che kujchakun rukʼ ri Areʼ, sibʼalaj kqata chiwech, arech man rukʼ ta itzel kikʼulaj ri usipanik ri Dyos.

6:2b.2CO.006.002Ri areʼ kubʼij: Pa ri utzalaj taq qʼij xatintatabʼej; pa ri uqʼij ri kolotajem xatinkolo. Chiwilampeʼ, kamik riʼ utz ri qʼij, kamik ri uqʼij ri kolotajem.

6:3b.2CO.006.003Man kʼo ta jun winaq kqayaʼ bʼe chrech arech kuriq ri kʼax, arech man kʼo ta itzel tzij kbʼix puwiʼ ri qapatanijik,

6:4b.2CO.006.004xane nimalaj kqawuqxaʼnij qibʼ chuwach weriʼ, che ri uj, uj ajpatanijel rech ri Dyos; rukʼ jun nimalaj chuqʼabʼ pa taq ri kʼax, pa ri tuqaʼril e pa ri bʼisobʼal;

6:5b.2CO.006.005pa taq ri chʼayinem chqech, pa ri cheʼ pa taq chʼoʼj, pa ri kosibʼal, pa taq ri man kujwar ta chaqʼabʼ, pa taq ri wiʼjal;

6:6b.2CO.006.006rumal ri sukʼil, ri noʼjibʼal, ri kochʼonik, ri utzilal pa ri Tyoxlaj Uxlabʼaxel, pa ri qastzij loqʼoqʼebʼal kʼuʼx,

6:7b.2CO.006.007pa ri saqalaj tzij, pa ri uchuqʼabʼ ri Dyos, rumal ri uchukbʼal ri sukʼil arech ri uj kqatoʼ qibʼ;

6:8b.2CO.006.008pa ri nim kujilitaj wi e pa ri itzel kujilitaj wi, pa ri jalum tzij e pa ri utz taq tzij kbʼix paqawiʼ; kujilitajik jeʼ jas uj joʼs taq winaq, kʼatekʼuriʼ, ri uj xas kqabʼij wi ri saqalajtzij,

6:9b.2CO.006.009e kbʼan chqech che man chʼobʼtal ta qawach kneʼbʼaʼ konojel ketaʼm qawach; jeriʼ kbʼan chqech che uj winaq che uj kʼo chi pa ri kamikal, kʼatekʼuriʼ, ri uj, uj kʼaslik taq winaq, kʼajisam qawach, kʼatekʼut man ujkamisam taj;

6:10b.2CO.006.010uj winaqʼ che kujbʼisonik, kʼatekʼut sibʼalaj kujkiʼkotik; uj mebʼaʼibʼ kʼatekʼuriʼ sibʼalaj keqaqʼinomarisaj ekʼi winaq; uj winaq che man kʼo ta jun jas rech, kʼatekʼut ronojel kʼo qukʼ.

6:11b.2CO.006.011Ix, ix ajkorinto, ri uj rukʼ nimalaj qanimaʼ xujchʼaw iwukʼ; xqajaqo ri qanimaʼ chiwech.

6:12b.2CO.006.012Ri ix man ixyaʼl ta latzʼ pa ri qanimaʼ, ri uj xas uj yaʼl latzʼ waʼ pa ri iwech ix.

6:13b.2CO.006.013Junam bʼaʼ ukʼaxel chitzalij ix chqech uj; ri in kixinchʼabʼej ri ix jacha ix walkʼuwaʼl, xoqujeʼ bʼaʼ ri ix, chijaqaʼ bʼaʼ ri iwanimaʼ.

6:14b.2CO.006.014Mixbʼe bʼaʼ junam jacha kkibʼan kebʼ wakax che junam kiwach kibʼinik, kukʼ ri man kʼo ta ri kikojonik. ¿Jas ri ujunamtajil ri sukʼil rukʼ ri man kojonik taj? ¿Jas ujunamtajil ri chäj rukʼ ri qʼequʼm?

6:15b.2CO.006.015¿Jas ujunamtajil ri Kristo rukʼ ri Bʼeliʼar? ¿Jas ujunamtajil ri kkojonik rukʼ ri man kkojon taj?

6:16b.2CO.006.016Jas ujunamtajil ri Rachoch ri Dyos rukʼ ri rachoch ri molom taq dyos? Ri uj, uj Rachoch ri kʼaslik Dyos, jacha xubʼij ri Dyos: Ri in kkʼojiʼ na wachoch riʼ chkixoʼl ri eʼareʼ, e ri in kinbʼe na riʼ pa ri wachoch riʼ; in riʼ in Kidyos e ri eʼareʼ, eʼare enutinimit riʼ.

6:17b.2CO.006.017Rumal kʼuriʼ chixel ubʼik chkixoʼl we winaq riʼ e naj chixkʼol wi chkech ri eʼareʼ, jeriʼ kubʼij ri Ajawxel. Michap jun itzel jas uwach e ri in kixinkʼulaj riʼ.

6:18b.2CO.006.018In riʼ, in itat e ri ix, ix nukʼojol riʼ e ix numiʼal riʼ, jeriʼ kubʼij ri Ajawxel che kʼo sibʼalaj ukowinem.

7

7:1b.2CO.007.001Ix loqʼalaj taq wech in, rukʼ we taq tzij riʼ, chqachʼajchʼobʼej qibʼ chuwach ronojel itzel che rech bʼaqilal e che rech ri uxlabʼal e chqatyoxrisaj qibʼ pa ri xibʼrikil chuwach ri Dyos.

7:2b.2CO.007.002Chiyaʼaʼ bʼaʼ jun qakʼolibʼal pa ri iwanimaʼ. Ri uj, man kʼo ta itzel xqabʼan chrech jun winaq, ri uj man xqabʼan taj arech jun winaq kusach sibʼalaj upwaq, ri uj, man kʼo ta jun winaq xqelaqʼaj uchak.

7:3b.2CO.007.003Ri in, man kinbʼij ta weriʼ chiwech jacha jun qʼatbʼaltzij piwiʼ. Xane kʼateriʼ xinya ubʼixik chiwech che ri ix, ix kʼo pa ri wanimaʼ knebʼaʼ pa ri kʼaslemal on pa ri kamikal.

7:4b.2CO.007.004Ri in xas nukubʼan ri nukʼuʼx chiwij ri ix, ri in sibʼalaj nim kixinwil wi. Ri in, innojinaq che kubʼisabʼal kʼuʼx e innojinaq che sibʼalaj kiʼkotemal pa taq ri kʼax kqakʼowisaj.

7:5b.2CO.007.005Aretaq chiʼ, xujopan pa ri Masedoniʼa, ri qabʼaqil man xuxlan taj, xane pa ronojel kʼolibʼal kʼo sibʼalaj kʼax: jelaʼ kʼo taq ri chʼoʼj e waral riʼ kʼo ri xibʼrikil17.

7:6b.2CO.007.006Kʼatekʼut, ri Dyos che kukubʼisaj kikʼuʼx ri emochʼolik, kukubʼisaj qakʼuʼx ri uj rukʼ ri upetbʼal ri Tito.

7:7b.2CO.007.007Kʼatekʼut, man xuwi ta rumal ri upetbʼal ri areʼ, xane xoqujeʼ, rumal rech che xikubʼisaj ukʼuʼx ri areʼ. Ri are xubʼij chqech che ri ix, ix kʼo pa nimalaj irayibʼal pa ri ikʼuʼx, xubʼij chqech ri kʼax pa ri iwanimaʼ, ri nimalaj toqʼobʼisabʼal nuwach ri in e rukʼ weriʼ, kʼo nimalaj nukiʼkotemal.

7:8b.2CO.007.008We ri in, xinya ri bʼis chiwech rumal ri nuwuj xintzʼibʼaj, man kinoqʼ ta rumal waʼ weriʼ –ri in kinwilo, che we nuwuj riʼ, xuyaʼ jubʼiqʼ bʼisobʼal chiwech–

7:9b.2CO.007.009Kamik riʼ, sibʼalaj kinkiʼkotik rumal weriʼ; man xa ta rumal, xixbʼisonik, xane xa rumal che are we bʼisobʼal riʼ xbʼanowik che xikʼex ikʼuʼx. Xixbʼisonik pa ri Dyos; kʼatekʼut rukʼ weriʼ, ri uj, man kʼo ta kʼax xqabʼan uj chiwech.

7:10b.2CO.007.010Ri bʼisobʼal che rumal ri Dyos, are kbʼanowik che jun winaq kukʼeʼx ri ukʼuʼx pa ri kolotajem; kʼatekʼut, ri bʼisobʼal rech we uwachulew are waʼ ri kyaʼow ri kamikal.

7:11b.2CO.007.011Chiwilaʼ bʼaʼ, ri jastaq xubʼan chixoʼl ri bʼisobʼal che rumal ri Dyos. ¡Nim xiwilij wi! ¡Nimalaj sachibʼal mak! ¡Nimalaj oyowal! ¡Nimalaj xibʼrikil! ¡Nimalaj rayibʼal qanimaʼ! ¡Nimalaj kʼajasaxik wachaj! Kʼatekʼuriʼ, ri ix, xikʼut chqawach che pa ronojel weriʼ, ri ix, ix utz.

7:12b.2CO.007.012Kʼatekʼut, we ri in xixintzʼibʼaj, man rumal ta ri jun ri xbʼin ri itzel taq tzij e man rumal ta ri jun che xtow ri itzel taq tzij. Ri in are xinwaj che kukʼut ribʼ ri utzil chixoʼl chuwach ri Dyos che ri ix kitoqʼobʼisaj qawach uj.

7:13b.2CO.007.013Are waʼ weriʼ ri qas ukubʼisam qakʼuʼx. E xtzʼaqat chi na ri kubʼisabʼal nukʼuʼx rukʼ jun nimalaj kiʼkotemal rumal ri ukiʼkotemal ri Tito, che ri ruxlabʼal ri areʼ jaʼmaril xkʼojiʼk rumal nimalaj iwonojel ix.

7:14b.2CO.007.014Kʼatekʼuriʼ, we ri in, nuyaʼom nim nuqʼijil chuwach ri areʼ iwumal ri ix, man kinkʼix ta chrech weriʼ. Jeriʼ jeʼ jas ubʼixik qabʼim chiwech pa ronojel jastaq, che are qabʼim ri saqalajtzij, xoqujeʼ nakʼut, aretaq chiʼ qayaʼom qaqʼijil chuwach ri Tito, qastzij nakʼut che xukʼut ribʼ ri saqalajtzij.

7:15b.2CO.007.015Kʼatekʼuriʼ, ri loqʼoqʼebʼal ukʼuʼx chiwech ri ix are sibʼalaj nim chi na aretaq chiʼ knaʼtaj chrech che ri ix, ix nimanel chi nimalaj iwonojel; e che xikʼulaj ri areʼ rukʼ xibʼrikil e bʼirbʼitem.

7:16b.2CO.007.016Sibʼalaj kinkiʼkotik ri in che kuyaʼo qas kinjikibʼaʼ nukʼuʼx chiwij ri ix.

8

8:1b.2CO.008.001Achalaxik, ri uj kqaj arech ri ix kiwetaʼmaj ri sipanik xuyaʼ ri Dyos chkech ri Ekomon Tyox rech ri Masedoniʼa.

8:2b.2CO.008.002Knebʼaʼ, kʼo sibʼalaj kʼax xkiriqo, ri eʼareʼ kʼo sibʼalaj kikiʼkotemal, kʼatekʼut, ri eʼareʼ che sibʼalaj emebʼaʼibʼ sibʼalaj kʼi jastaq kech xkiyaʼo.

8:3b.2CO.008.003Ri in kinya ubʼixik che ri eʼareʼ, xkiyaʼo ri kekowin che uyaʼik, xoqujeʼ are nim chi na xkiyaʼo chuwach ri kekowin che uyaʼik, kʼatekʼuriʼ, rukʼ ronojel kanimaʼ,

8:4b.2CO.008.004sibʼalaj xkikʼomij chqech arech ketobʼanik pa ri patanajik: ri sipanik, che jun utzil chkech ri etyoxlaj taq winaq.

8:5b.2CO.008.005E are nim chi na chuwach ri qeyeʼbʼal, ri eʼareʼ xkijach kibʼ, nabʼe chrech ri Ajawxel e pa ukabʼ chqech ri uj, rumal che jeriʼ ri urayibʼal ri Dyos,

8:6b.2CO.008.006xa jekʼuriʼ, xqata chrech ri Tito, arech utz umolik ri pwaq kubʼan chixoʼl ri ix, jeʼ jas xubʼan chixoʼl pa ri umajibʼal uloq.

8:7b.2CO.008.007Kʼatekʼuriʼ, jeriʼ, che ri ix, ix utz pa ronojel: pa ri kojonik, pa ri tzij, pa ri noʼjinik, ri ix, ix aninaq pa ronojel, pa ri loqʼoqʼebʼal kʼuʼx che xqaqʼaxij chiwech, xoqujeʼ, utzalaj chibʼanaʼ bʼaʼ kamik riʼ aretaq chiʼ kimol ri pwaq.

8:8b.2CO.008.008Weriʼ man jun taqanik ta chiwech, xuwi are kwaj chanim riʼ ri utzil chkech ri enikʼaj chik e are kwaj kinwilo we qastzij ri loqʼoqʼebʼal ikʼuʼx.

8:9b.2CO.008.009Ri ix iwetaʼm ri usipanik ri Qajaw Jesukristo, ri Areʼ che qʼinom, rech toqʼobʼisabʼal iwach ri ix, xumebʼaʼrisaj ribʼ arech ri ix kixqʼinomarik rukʼ che mebʼaʼ ri areʼ.

8:10b.2CO.008.010Kinyaʼ jun pixbʼanik chiwech puwiʼ weriʼ; che xax are waʼ ri utz chiwech ix, rumal neʼ che junabʼir kanoq, ri ix, man xuwi taj che ix nabʼe che ubʼanik e che umolik ri pwaq, xane xoqujeʼ ix ri xixjaqow uchomaxik.

8:11b.2CO.008.011Kamik riʼ, qas utz ubʼanik chibʼanaʼ bʼaʼ, arech che pa ri ukʼisbʼalil, ri aninaq uchomaxik ubʼanik, qas jeʼ bʼaʼ che eloq, jacha ri kixkowin che uyaʼik.

8:12b.2CO.008.012Rumal rech che aretaq chiʼ aninaq kkʼiy pa ri ranimaʼ ri winaq, kkʼam riʼ ri jastaq kʼo rukʼ kukʼam uloq, e man kta ta riʼ chrech ri man loqʼ taj kuyaʼo.

8:13b.2CO.008.013Man utz ta riʼ che enikʼaj winaq chik kʼo ronojel jastaq kech, kʼatekʼuriʼ ri ix man kʼo ta chi ijastaq, are rajawaxik che junam ri ijastaq kʼolik.

8:14b.2CO.008.014Ri ukʼuʼx ri ijastaq iwech ri ix, cheʼutoʼ bʼaʼ apanoq ri kirajawaxik ri eʼareʼ pa we uchanim riʼ, arech xas jeriʼ, pa jun qʼij chi apanoq, ri ukʼuʼxal ri jastaq kech ri eʼareʼ kixutoʼ chi uloq ri ix pa ri irajawaxik e xa kʼu jeriʼ pa junamil kkʼojiʼ ri ikʼaslemal.

8:15b.2CO.008.015Jeʼ jas kubʼij ri tzʼibʼatalik: Ri jun che sibʼalaj kʼo jastaq xumolo, man kʼo ta xtoʼtaj rukʼ e ri jun che xa jubʼiqʼ xumolo, man kʼo ta xubʼan rajawaxik chrech.

8:16b.2CO.008.016Sibʼalaj maltyoxbʼal chrech ri Dyos, che kukoj pa ri ranimaʼ ri Tito ri jun nimalaj toqʼobʼisabʼal iwach ri ix,

8:17b.2CO.008.017xukʼam uqʼabʼ ri xqata chrech. Xas uchanim, pa ri uchomabʼal ri areʼ xbʼe pa ri itinimit.

8:18b.2CO.008.018Rukʼ ri areʼ, ri uj xqataq ubʼiʼ ri jun achalaxik che nim kiltaj wi pa ronojel ri Komon Tyox rumal ri Utzalaj Tzij.

8:19b.2CO.008.019E man xuwi ta weriʼ, xane xoqujeʼ eʼareʼ ri Ekomon taq Tyox xesikʼin chrech ri areʼ, arech kokik qachiʼl pa ri qabʼe pa we jun sipanik riʼ, jawiʼ ri kujpatanijik wi ri uj, arech nimalaj uqʼijil ri Ajawxel e che xkʼiy uloq pa ri qanimaʼ.

8:20b.2CO.008.020Xa jekʼuriʼ, ri uj, man kqaj taj che kujyoqʼik rumal we nimalaj pwaq riʼ che kʼo chqij kqachajij ri uj;

8:21b.2CO.008.021rumal rech, che ri uj kqaj ri utzil chuwach ri Dyos e xoqujeʼ chkiwach ri winaq.

8:22b.2CO.008.022Kukʼ ri eʼareʼ, xoqujeʼ ri uj, kqataq ubʼi ri jun qachalal; ri areʼ che kʼi taq mul e pa ri ubʼantajik, qilom chik che ri areʼ qastzij uyaʼom ri ranimaʼ; e uchanim riʼ qas rukʼ ronojel ranimaʼ kraj ktobʼanik, rumal che sibʼalaj ukubʼaʼm ukʼuʼx chiwij ri ix.

8:23b.2CO.008.023Ri Tito, ri areʼ wachiʼl ri in e wajchak chixoʼl ri ix; ri enikʼaj chik, eʼareʼ ri eʼachalaxik che etaqom ubʼik chkech ri Ekomon Tyox: Eʼare uqʼijil ri Kristo.

8:24b.2CO.008.024Chikʼutuʼ bʼaʼ chkiwach ri Ekomon Tyox ri utzalaj loqʼoqʼebʼal ikʼuʼx e chijikomaj bʼaʼ chkiwach ronojel ri utzil xintzijoj chiwech ri ix.

9

9:1b.2CO.009.001Kʼatekʼuriʼ, puwiʼ we jun patanajik riʼ che rech utoqʼobʼisaxik kiwach ri etyoxlaj taq winaq, man rajawaxik taj kixintzʼibʼaj apanoq.

9:2b.2CO.009.002Ri in, wetaʼm ri raninaqil ri iwanimaʼ, che rumal nim nuqʼijil chkiwach ri eʼajmasedoniʼa, e kinbʼij chkech ri eʼareʼ: «Ri Akaya xas junabʼir riʼ kisukʼubʼam chi kibʼ», e ri raninaqil ri iwanimaʼ ix, jun nimalaj kʼutbʼal chkiwach sibʼalaj ekʼi winaq chik.

9:3b.2CO.009.003Kʼatekʼuriʼ, xas keʼintaq ubʼik ri eʼachalaxik iwukʼ, arech ri nimalaj qaqʼij che xas iwumal ri ix, man kchup ta uwach e arech qas kisukʼubʼaʼ apan iwibʼ jeʼ jas kinbʼij chiwech.

9:4b.2CO.009.004Weneʼ kebʼe ri eʼajmasedoniʼo wukʼ ri in e we man isukʼubʼaʼm ta iwibʼ ix, kixkiriqaʼ na kʼuriʼ, xajekʼuriʼ ri nimalaj qaqʼij iwumal ix kkʼextaj bʼaʼ riʼ pa jun nimalaj qakʼixbʼal e xoqujeʼ nimalaj ikʼixbʼal na kʼuriʼ ri ix.

9:5b.2CO.009.005Xajekʼuriʼ, ri in xinchomaj che rajawaxik kenabʼejik ubʼik ri eʼachalaxik pa ri itinimit, arech kkinabʼisaj usukʼumaxik apanoq ri nimalaj isipanik jacha ri ibʼim uloq, arech qas jun utzalaj sipanik kisukʼumaj apanoq e man je ta riʼ jacha jun xuʼyalaj sipanik.

9:6b.2CO.009.006Chixchoman puwiʼ weriʼ: ri jun che ktikojonik rukʼ xuʼyal, xoqujeʼ rukʼ xuʼyal riʼ kuyak na ri uwach; ri jun che nimalaj ktikonijik, rukʼ nimalaj riʼ kuyak na ri uwach.

9:7b.2CO.009.007Ronojel winaq chuyaʼ bʼaʼ ri jastaq che xuchomaj pa ri ranimaʼ, muyaʼ bʼaʼ pa ri oqʼej on che xa chʼijejem chrech, rumal rech che ri Dyos kuloqʼoqʼej riʼ ri areʼ che kuyaʼ ri jastaq rukʼ kiʼkotemal.

9:8b.2CO.009.008Ri Dyos, kʼo sibʼalaj uchuqʼabʼ arech kuyaʼ chiwech sibʼalaj kʼi taq sipanik, arech ronojel mul ri ix kʼo ri rajawaxik chiwech e ktoʼtaj na uchʼaqataʼq riʼ arech ri ix kixkowinik kibʼan ri utzil,

9:9b.2CO.009.009jeriʼ jas tzʼibʼatalik: Nojinaq uqʼabʼ chrech ri xusipaj; sibʼalaj xuyaʼ chkech ri emebʼaʼibʼ; ri usukʼil junalik kanajinaq kanoq.

9:10b.2CO.009.010Ri Areʼ che sibʼalaj kuyaʼ ri ijaʼ chrech ri ajtikonel e kuyaʼ ri uwa kutijo, xoqujeʼ kuyaʼ na riʼ sibʼalaj ri ijaʼ chiwech ri ix e kupoqʼisaj na riʼ ri uwach e kukʼiyisaj na riʼ ri uwach ri sukʼalaj isipanik.

9:11b.2CO.009.011Ix qʼinom riʼ pa ronojel jastaq, kixkowin na riʼ che kiyaʼ ronojel uwach sipanik e weriʼ kubʼan na riʼ chqech ri uj che sibʼalaj kujmaltyoxin chuwach ri Dyos.

9:12b.2CO.009.012Rumal rech, che ri uchak we sipanik riʼ, man xuwi taj kchakun chkech ri etyoxlaj taq winaq, xane xoqujeʼ jun kʼiybʼal rech maltyoxinik chrech ri Dyos.

9:13b.2CO.009.013Rukʼ we jun patanajik riʼ, kukʼutunisaj chiwach ix, ix jachin ri ix, kemaltyoxin riʼ chrech ri Dyos rumal rech che ri ix kixniman chuwach ri ubʼixik ri Utzalaj Utzij ri Kristo e rumal ri nimalaj riqoj iwibʼ kukʼ ri eʼareʼ e kukʼ chi nimalaj konojel.

9:14b.2CO.009.014Kʼatekʼuriʼ rukʼ ri kichʼawem rukʼ ri Dyos piwiʼ ri ix, kukʼut ri loqʼoqʼebʼal kikʼuʼx kiyaʼom chiwech ri ix, rumal ri sipanik xuqʼejejej ri Dyos piwiʼ ri ix.

9:15b.2CO.009.015Maltyox bʼaʼ chrech ri Dyos rumal ri nimalaj taq usipanik.

10

10:1b.2CO.010.001Xas in wi ri in Pabʼlo, ri kintow chiwech pa ri ujeʼlal e ri ukmeʼlal ri Kristo, ri in che kinwonej wibʼ chixoʼl ri ix, ri in che sibʼalaj xintij nuchuqʼabʼ iwukʼ aretaq chiʼ man in kʼo ta iwukʼ.

10:2b.2CO.010.002Ri in kinta chiwech: aretaq chiʼ in kʼo chi pa ri itinimit, mata bʼaʼ rajawaxik che ri in kinkoj ri nuchuqʼabʼ iwukʼ, jeriʼ jas ri kinchomaj ri in kukʼ ejujun che kkichomaj che are uj nimanel chrech ri bʼaqilal.

10:3b.2CO.010.003Qastzij nakʼut che ri uj ujkʼaslik pa ri qabʼaqil, kʼatekʼuriʼ, ri uj man kujchʼojin taj chi rumal ri bʼaqilal.

10:4b.2CO.010.004¡Man jet a riʼ! ri jetaq qachukbʼal pa ri chʼoʼj man kʼo ta pa ri bʼaqilal, xane kʼo pa patanajik chech ri Dyos e kkowinik kuwilij ri kowlaj taq ja rech chʼoʼj. Ri uj kqawilij ri tzij che man utz taj,

10:5b.2CO.010.005ronojel nimal chuqʼabʼ che kkʼulelaʼn che ri retambʼal ri Dyos e ronojel chomanik, qokisaj pa qaqʼabʼ arech kqakʼam ubʼik pa ri nimanik chuwach ri Kristo.

10:6b.2CO.010.006E ri uj qasukʼumam qibʼ che ukʼajisaxik uwach ronojel ri man kniman taj, are taq chiʼ che utz ri inimanik ri ix.

10:7b.2CO.010.007Utz rilik, unikʼoxik chibʼanaʼ bʼaʼ weriʼ. We kʼo jun kuchomaj che ri areʼ rech ri Kristo; qas utz uchomanik bʼaʼ chubʼanaʼ bʼaʼ pa rech wi weriʼ: we ri areʼ, rech ri Kristo, xoqujeʼ ri uj uj rech riʼ ri Kristo.

10:8b.2CO.010.008Kʼatekʼuriʼ, kneʼbʼaʼ ri in sibʼalaj utz utzijoxik kinbʼan puwiʼ ri uqʼijil ri qakowinem che xuyaʼ ri Ajawxel chqech, arech kqayak iwach ri ix, e man xa ta rumal arech kqakʼis tzij piwiʼ; ri in man kʼo ta kinkʼix riʼ.

10:9b.2CO.010.009Ri in, man kinwaj taj kixinxibʼij rumal taq we nuwuj kintzʼibʼaj chiwech.

10:10b.2CO.010.010Kbʼix nakʼut: «Ri jetaq wuj ktzʼibʼaxik sibʼalaj kʼax ktaqik e sibʼalaj kʼo uchuqʼabʼ. Kʼatekʼuriʼ, ri ubʼantajik ri ubʼaqil aretaq chiʼ kʼo waral xas tuqaʼr wi e ri utzij xas itzel ubʼantajik».

10:11b.2CO.010.011Chuchomaj bʼaʼ pa rech wi ri jun winaq riʼ: ri uj, uj jeriʼ rukʼ ri qatzij aretaq chiʼ kqatzʼibʼaj ri jetaq qawuj, aretaq chiʼ naj uj kʼo wi, xoqujeʼ uj jeriʼ we uj kʼo naqaj, e xas uj jewi pa ri qabʼantajik.

10:12b.2CO.010.012Qastzij nakʼut, ri uj man nimal ta chqech, on man kqajunamatisaj ta qibʼ kukʼ enikʼaj winaq che xas pa kech wi eʼareʼ utz taq utzijoxik kibʼ kkibʼano. Ri eʼareʼ kketaj kibʼ rukʼ ri kichomanik eʼareʼ e kkijunamatisaj aqʼan kibʼ xas kukʼ wi eʼareʼ: ri eʼareʼ, xas man kʼo ta kinoʼj.

10:13b.2CO.010.013Kʼatekʼuriʼ, ri uj man kqakʼut ta riʼ jun nimalaj qaqʼij, xane are qetaj qibʼ riʼ rukʼ ri jun etabʼal xuyaʼ ri Dyos chqech: che xuya chqech kujopan iwukʼ ix.

10:14b.2CO.010.014Rumal rech che man kqayaʼ ta uwiʼ che ubʼixik weriʼ, weta mata xujopan iwukʼ ri ix; ri uj qastzij xujopan iwukʼ rukʼ ri Utzalaj Utzij ri Kristo.

10:15b.2CO.010.015Ri uj man nim ta qaqʼij kqakʼutu rumal kichak enikʼaj chik xkibʼano; xane are kaqeyeʼj rukʼ ri ukʼiyik ri ikojonik ix, kkʼiy chi na ri qaqʼijil uj jacha ri jun qetal xqabʼij kanoq,

10:16b.2CO.010.016che xqakʼam ubʼik ri Utzalaj Tzij chi naj chi na chrech ri itinimit ix; e man kqaj taj kujchakun pa jun kʼolbʼal jawiʼ chakuninaq chik jun chik, e man kqaj taj che kʼo qaqʼijil pa jun chak chik che sukʼumatajinaq chi rumal jun chik.

10:17b.2CO.010.017Ri jun che nimalaj uqʼij kukʼutu, chukʼutuʼ bʼaʼ ri nimalaj uqʼijil pa ri Ajawxel.

10:18b.2CO.010.018Man utz ta riʼ ri jun che nimalaj uqʼij kukʼutu chbʼil ribʼ, xane are nimalaj uqʼij riʼ ri jun che are ri Ajawxel kukʼut nimalaj uqʼij.

11

11:1b.2CO.011.001¡Kwaj neʼ che weta ri ix kixkowin che uchʼijik jubʼiqʼ che in jun winaq che kʼax nuchʼabʼexik! Kʼatekʼuriʼ, ri ix qas tzij waʼ kiniqʼiʼo20.

11:2b.2CO.011.002Ri in, inachixom chiwech jeriʼ jacha kachixonik ri Dyos chiwech; rumal rech che ri in xinbʼan jun chʼabʼ ali chiwech xuwi rech jun achajilal, arech qas ix jun sukʼalaj qʼapoj ali chuwach ri Kristo21.

11:3b.2CO.011.003Kʼatekʼuriʼ, kinxibʼij wibʼ, che jacha ri Eva, che ri Kumatz xusubʼu rukʼ ri itzel unoʼjibʼal, xoqujeʼ weneʼ ri ix ktzeletaj ri ichomanik e weneʼ kixbʼe naj e kisach ri mochʼochʼem ibʼ chuwach ri Kristo.

11:4b.2CO.011.004Rumal rech che we kpe chi jun winaq che kuya ubʼixik chi jun Jesus che man xinya ta ubʼixik in chiwech kʼatekʼuriʼ, we kikʼam jun chik Uxlabʼxel kʼextal chuwach ri ikʼamom chi ri ix, on kikʼam chi jun Utzalaj Tzij chik che kʼextal chuwach ri xkʼamtaj iwumal; ¡qastzij nakʼut che xaq jaʼe riʼ chiwech!

11:5b.2CO.011.005Kʼatekʼuriʼ, ri in kinchomaj che man in chʼutiʼn ta chkiwach we «enimalaj taq eʼapostol riʼ»22.

11:6b.2CO.011.006We ri in man qas ta kel ri nutzʼij, kʼo neʼ nimalaj taq nunoʼjibʼal, chkiwach konojel e pa ronojel jas uwach, ri uj qakʼutum weriʼ chiwach ri ix.

11:7b.2CO.011.007¿On xinmakun in waʼ, aretaq chiʼ xinyaʼ ubʼixik chiwech ri Utzalaj Utzij ri Dyos e man kʼo ta jun pwaq xinta chiwech, e xoqujeʼ xinqasaj wibʼ arech ri ix nimalaj iqʼij xinyaʼo?

11:8b.2CO.011.008Ri in, xinjol ri jastaq kech enikʼaj chik Komon Tyox, aretaq chiʼ ri in xinkʼam kebʼ oxibʼ pwaq che kech eʼareʼ, arech kixinpatanij ri ix.

11:9b.2CO.011.009E aretaq chiʼ ri in, in kʼo pa ri itinimit e ri in kʼo nurajawaxik, ri in xinwil wibʼ, man in eqaʼn ta chrech jun winaq xinbʼano; eʼareʼ ne ri eʼachalaxik che xepe pa ri Masedoniʼa ri xeyoʼw chwech ri nujastaq che rajawaxik chwech. Ri in man xwaj taj che in eqaʼn chrech jun winaq e xas man kinwaj ta wi weriʼ.

11:10b.2CO.011.010¡Weriʼ, xas rumal ri saqalaj utzij ri Kristo che kʼo wukʼ ri in! We nuqʼijil riʼ man ktoqix ta waʼ chwech pa ri tinimit Akaya.

11:11b.2CO.011.011¿Jas cheʼ? ¿La xa rumal che man kixinloqʼoj ta ri in? ¡Dyos waʼ retaʼm weriʼ!

11:12b.2CO.011.012E ri jastaq che kinbʼano, chi kintaqej na ubʼanik waʼ, arech ri in, kinwesaj ubʼi ronojel jas uwach chkech ri eʼareʼ che kkitzukuj e che are kkaj kejunamtaj qukʼ ri uj rukʼ ri knimarisaj kiqʼij.

11:13b.2CO.011.013Rumal kech, waʼ we winaq riʼ ejoʼs taq eʼapostol, eʼajsubʼunel taq ajpatanibʼ che kkikoj kibʼ jacha eʼapostol rech ri Kristo.

11:14b.2CO.011.014E weriʼ, man sachibʼal kʼuʼx taj, utz nakʼut. Ri Satanas, xoqujeʼ kukoj ribʼ jeriʼ jacha jun utzalaj anjel rech saqil.

11:15b.2CO.011.015Xa jekʼuriʼ, man sachibʼal kʼuʼx ta riʼ, che ri eʼajpataninelabʼ chrech areʼ, che kkikoj kibʼ jacha eʼajpataninelabʼ rech ri sukʼil. Kʼatekʼuriʼ, ri ukʼisbʼal kech, jeriʼ na kʼuriʼ jacha ri kichak.

11:16b.2CO.011.016Ri in, kinbʼij chi jumul chiwech, michomaj bʼaʼ che ri in kʼax nuchʼabʼexik; kʼatekʼuriʼ, kneʼbʼaʼ kʼax nuchʼabʼexik, chikʼamaʼ bʼaʼ uqʼabʼ che in jeriʼ; rajawaxik che xoqujeʼ ri in kuyaʼo kinbʼij jubʼiqʼ ri nuqʼijil.

11:17b.2CO.011.017Ri tzij kinya na ubʼixik chiwech, man kinbʼij taj jeriʼ jacha kraj ri Ajawxel, xane kinbʼij na waʼ in jeriʼ jacha in jun chʼuʼj winaq, e xa jekʼuriʼ kinjikibʼaʼ nukʼuʼx che kʼo riʼ ri rumal xas kinya ri nuqʼijil.

11:18b.2CO.011.018Ekʼi nakʼut ri kkiyaʼ ri nimalaj kiqʼijil rumal ri kibʼaqil, xoqujeʼ ri in kinyaʼ na waʼ nimalaj nuqʼijil.

11:19b.2CO.011.019¡Ri ix sibʼalaj kiwaj keʼiqʼiʼo ri echʼuʼj taq winaq, ri ix che kʼo sibʼalaj inoʼjbʼal!

11:20b.2CO.011.020Ri ix, kiqʼiʼo che kbʼan kʼax chiwech pa ri ichak, che kixtijik, che kixeleqʼaxik, che ketzelax iwach, che kixchʼay cho ipalaj.

11:21b.2CO.011.021Ri in, kinbʼij weriʼ rech ikʼixbʼal ix; kraj ne lo, che ri uj, kujchuqmaʼyik kujkaʼy chiwach ix. Kʼatekʼuriʼ, xaq pasach uwach neʼ kukʼut wi ri uchʼuqʼabʼ jun winaq –jun moxil waʼ ri kinbʼij– xoqujeʼ ri in nimal ukʼutik waʼ kinbʼano ri nuchuqʼabʼ.

11:22b.2CO.011.022¿Che ri eʼareʼ eʼajhebʼreʼo? Xoqujeʼ ri in, in ajhebʼreʼo, ¿che eʼajisraʼelita? Xoqujeʼ ri in, in ajisraʼelita, ¿che ri eʼare erijaʼlil ri Abʼraham? Xoqujeʼ ri in, in rijaʼlil ri Abʼraham.

11:23b.2CO.011.023¿Che erajpataninelabʼ ri Kristo? –Kinbʼij jun moxil waʼ– ri in, in nimalaj ajpataninel chi na chkiwach ri eʼareʼ. In nim chi na chkiwach rumal taq ri chak; in nim chi na chkiwach rumal che xintzʼapix pa cheʼ, in nim chi na chkiwach rumal taq ri chʼayinik bʼanom chwech, in nim chi na chkiwach rumal che naqaj inokʼowinaq chuwach ri kamikal.

11:24b.2CO.011.024Jobʼ mul chik, nuriqom pakiqʼabʼ ri eʼajjudiʼo juwinaq bʼelejlajuj chʼayinik rukʼ asyar.

11:25b.2CO.011.025Oxmul chik inchʼiyom rukʼ ri chʼimiʼy; jumul inkʼyaqom chech taq abʼaj; oxmul jutjubʼinaq ubʼi ri nujukubʼ pa ri jaʼ, jumul chik, xinkanaj jun qʼij rukʼ jun aqʼabʼ pa ri upanikʼajal ri polow.

11:26b.2CO.011.026Kʼilaj taq bʼinem; nim taq kʼax rumal ri nim taq jaʼ; nim kʼax kumal taq ri elaqʼomabʼ; kʼax kumal ri eʼnuwinaq; kʼax kumal ri man eʼajjudiʼo taj; kʼax pa taq ri nim taq tinimit; kʼax pa taq ri tzʼinalik taq ulew; kʼax pa taq ri polow; kʼax chkixoʼl ri ejoʼs taq achalaxik,

11:27b.2CO.011.027chak e kosik; kʼi taq aqʼabʼ che man kok ta nuwaram; xinnumik e xchaqij nuchiʼ; kʼi taq qʼij xinmewajik; xinqʼaxij tew e xinqʼaxij in sanalik.

11:28b.2CO.011.028Kʼatekʼuriʼ, man kinchʼaʼ taj ri kinchoman puwiʼ ronojel qʼij: ¡ri kinmayow pakiwiʼ konojel ri Ekomon Tyox!

11:29b.2CO.011.029We kʼo jun ktuqaʼrik, ¿la man xoqujeʼ taj kintuqaʼr ri in? We kʼo jun ktzaqik ¿la man kinporoj ta wibʼ ri in?

11:30b.2CO.011.030We rajawaxik che ri in kinkʼut nuqʼijil, kinkʼut bʼaʼ ri nuqʼijil pa ri nutuqaʼril.

11:31b.2CO.011.031Ri Udyos e ri Utatxel ri Qajawxel Jesus, sibʼalaj maltyoxibʼal chrech ri areʼ chubʼeqʼij chubʼesaq; ri areʼ retaʼm, che ri in, man xaq ta xinjoʼsnik.

11:32b.2CO.011.032Pa ri Damasko, ri uqʼatbʼaltzij ri ajawinel Aretas, xeʼukoj chajinel arech kkichajij ri kitinimit ri eʼajdamasko, arech kinkichapo ri in.

11:33b.2CO.011.033Kʼatekʼuriʼ, pa jun wantana e pa jun chakach, xinkiqasaj uloq ikim cho ri utapya ri tinimit, xa jekʼuriʼ xintoʼtaj pa kiqʼabʼ.

12

12:1b.2CO.012.001¿La rajawaxik che ri in kinkʼut nuqʼijil? –kneʼbʼaʼ, weriʼ man kʼo ta jun utz kukʼamaʼ uloq– kintzijon na waʼ puwiʼ taq ri jetaq ichiʼkʼ nubʼanom pa ri Ajawxel e ri jetaq uqʼalajisanik xubʼan ri Ajawxel chnuwach.

12:2b.2CO.012.002Ri in wetaʼm uwach jun achi pa ri Kristo, che kajlajuj junabʼ kamik riʼ –che, pa ri ubʼaqil on man pa ubʼaqil taj, man wetaʼm taj, are ri Dyos retaʼm waʼ weriʼ– we achi riʼ, xkʼam ubʼik xas pa urox kaj.

12:3b.2CO.012.003Kʼatekʼuriʼ, wetaʼm, che we achi riʼ –pa ubʼaqil on man pa ubʼaqil taj, are ri Dyos retaʼm waʼ weriʼ–

12:4b.2CO.012.004Wetaʼm che xkʼam ubʼik xas pa ri kikʼolbʼal ri esukʼ winaq che kʼastajinaq chi kiwach, kʼatekʼuriʼ xuta nimalaj taq tzij, che man yaʼtal ta chrech jun achi kubʼij we tzij riʼ.

12:5b.2CO.012.005Kinkʼut na waʼ ri uqʼijil we jun achi riʼ, kʼatekʼut, ri in, xuwiʼ kinkoj na waʼ ri nimalaj nuqʼijil puwiʼ ri nutuqaʼril.

12:6b.2CO.012.006Kʼatekʼuriʼ, we ri in kinwaj kinkʼut ri nimalaj nuqʼijil, man in jun chʼujlaj winaq bʼaʼ riʼ, qas kinya bʼaʼ ubʼixik riʼ ri saqalajtzij. Kʼatekʼut, kinqʼil wibʼ chrech weriʼ rumal rech che kinxibʼij wibʼ, weneʼ kʼo jun winaq che sibʼalaj utz chi na kuchomaj panuwiʼ chuwach ri krilo on chuwach ri nutzijoxik kbʼanik

12:7b.2CO.012.007Kʼatekʼuriʼ, arech man kkʼojiʼ ta nimalaj nuqʼijil rukʼ taq ri utzalaj taq jastaq che xqʼalajisax chnuwach, ri in xokisax jun kʼax pa ri nubʼaqil jun anjel rech ri Satanas che kinuchʼay cho nupalaj –arech ri in man kkʼojiʼ ta nim nuqʼijil.

12:8b.2CO.012.008Rumal kʼu waʼ weriʼ, oxmul, nutom chrech ri Ajawxel, arech naj kukʼyaq ubʼi weriʼ chwech ri in.

12:9b.2CO.012.009Kʼatekʼut, ri areʼ xubʼij chwech: «Kubʼan laʼ ri nusipanik nuyaʼom chawech, rumal rech, che ri uchuqʼabʼ ri Dyos, kukʼut ribʼ pa ri tuqaʼril». Xa jekʼuriʼ, rukʼ ronojel wanimaʼ, ri in, kinkʼut na waʼ ri nuqʼijil pa ri nutuqaʼril, arech kjeqiʼ wukʼ ri in ri uchuqʼabʼ ri Kristo.

12:10b.2CO.012.010Rumal kʼuwaʼ, ri in sibʼalaj utz kinnaʼo in kʼo pa taq ri nutuqaʼril, pa taq ri nuyoqʼik, pa taq ri kʼax, pa taq ri oqatanik e pa taq ri bʼis oqʼej, rumal rech che in kʼo pa ri utoqʼobʼ ri Kristo; rumal rech che aretaq chiʼ tuqaʼr inkʼolik, ri in kʼo ri nuchoqʼabʼ.

12:11b.2CO.012.011Xa jeriʼ kʼut, ¡chiniwilʼa bʼaʼ, ri in, in jun chʼuʼj winaq!; ix xixbʼanow chwech che inchʼuʼj winaq. Rajawaxik nakʼut weta xiniwuqxaʼnij ri ix che ubʼixik ri utzil panuwiʼ. Rumal rech che ri in man nitzʼ ta nubʼantajik riʼ chkiwach ri «enimalaj taq apostol». riʼ, knebʼaʼ che ri in xas man kʼo ta nubʼantajik.

12:12b.2CO.012.012Ri ubʼantajik jun apostol xas xbʼantajik wi chixoʼl wi ri ix: tzʼaqatalaj chuqʼabʼ pa taq ri kʼax, xoqujeʼ xbʼantajik pa taq ri kʼutbʼal e pa taq ri mayibʼal.

12:13b.2CO.012.013¿Jas ri man xyaʼ ta chiwech ix che xya chkech ri enikʼaj taq Komon Tyox chik? Xuwi neʼ, che ri in man xinta ta nurajil chiwech, ¡Chisachaʼ bʼaʼ we nimalaj numak riʼ!

12:14b.2CO.012.014Chiwilampeʼ, are waʼ ri uroxmul chik, che ri in, kinsukʼumaj wibʼ, arech kinbʼe pa ri itinimit, kʼatekʼuriʼ, man kʼo ta nurajil riʼ kinta chiwech; rumal rech, che man are ta kinwaj uwach ri ipwaq, xane are kinwaj iwach ri ix. Rumal rech, che man are ta taqal chkij ri eʼakʼalabʼ che eʼare kiyaʼow ri pwaq chkech ri enan tat, xane are ri enan tat keyaʼow chkech ri eʼakʼalabʼ.

12:15b.2CO.012.015Kʼatekʼuriʼ, ri in, rukʼ ronojel wanimaʼ kinya na riʼ ronojel ri nukʼaslemal piwiʼ ri ix, rumal ri utoqʼobʼisaxik ri iwuxlabʼal ix. Rukʼ sibʼalaj kixinloqʼoqʼej ri in. ¿La man jeta kʼu riʼ ri nuloqʼoqʼexik ri in?

12:16b.2CO.012.016Kʼatekʼuriʼ, qastzij nakʼut, ri in kinkowinik kinbʼij, che ri in, man kʼo ta nurajil xinta chiwech. Kʼatekʼuriʼ, chi rukʼ kebʼ nupalaj, ri in; achalaxik, xinkowinik xixinsubʼu.

12:17b.2CO.012.017¿La kʼo jun winaq che xintaq ubʼi in iwukʼ che xuta pwaq chiwech?

12:18b.2CO.012.018Ri in, xintaq ubʼi ri Tito iwukʼ e rukʼ areʼ, xintaq chi ubʼiʼ jun qachalal. ¿La kʼo pwaq xuta ri Tito chiwech? ¿La man xujbʼe ta pa xa junamlaj uxlabʼal? ¿La man junam ta ubʼanik xqabʼan ri jastaq?

12:19b.2CO.012.019Ojer chik, ri ix sibʼalaj kichomaj, che ri uj are kqaj kqatoʼ qibʼ chiwach. Kʼatekʼuriʼ, ri uj kqabʼij weriʼ, chuwach ri Dyos pa ri Kristo. E ronojel weriʼ, ixloqʼalaj taq winaq chnuwach, arech ri ix kixyakatajik.

12:20b.2CO.012.020Ri in, kinxibʼij wibʼ, che aretaq chiʼ kinopan iwukʼ ri ix, kixinriqaʼ jacha ri man kinwaj ta in, kʼatekʼuriʼ, weneʼ ri ix, kiniriqo jeriʼ je jas ri ix man kiwaj taj: che kʼo ri chʼoʼj, ri kyaqrenik, ri achixom, ri jetaq chʼakanik, ri itzel taq tzij, ri jalum taq tzij chkixoʼl taq ri juqʼat, ri jetaq man, utz taj.

12:21b.2CO.012.021Kinxibʼij wibʼ, che weneʼ aretaq chiʼ kinopan pa ri jumul chik iwukʼ, ri Dyos kubʼan chwech che kinmochʼochʼej na wibʼ iwumal ri ix, e che xas rajawaxik che kinoqʼ na kumal enikʼaj che xemakunik, kʼatekʼuriʼ man xkikʼex ta ri kikʼuʼx chuwach ri man sukʼ ta wi ri kikʼaslemal pa taq ri makunik rukʼ ixoq achi e pa ri itzelalaj kʼaslemal.

13

13:1b.2CO.013.001Oxmul chi waʼ riʼ che ri in kinbʼe pa ri itinimit. Ronojel waʼ weriʼ, kʼo uqʼatbʼaltzij waʼ rukʼ ri kitzij ekebʼ on eʼoxibʼ taq echʼawe.

13:2b.2CO.013.002Xbʼitaj weriʼ chkech ri eʼareʼ che emakuninaq chi kanoq e xoqujeʼ chkech konojel ri enikʼaj chik; e kinkamulij chi ubʼixik weriʼ, kamik riʼ che ri in inelenaq uloq iwukʼ; jeriʼ nakʼuriʼ jacha pa ri ukamul che xinkʼojiʼ chixoʼl ix, we kinopan chi na jumul iwukʼ, kinbʼan riʼ ri nuchak rukʼ chuqʼabʼ.

13:3b.2CO.013.003Rumal rech, che ri ix, xas kiwaj jun kʼutbʼal, arech kiwilo, la qas are ri Kristo kchʼaw wukʼ ri in; ri Areʼ che man tuqaʼr ta iwukʼ, xane ri Areʼ kʼo uchuqʼabʼ chixoʼl ri ix.

13:4b.2CO.013.004Qastzij neʼ, che ri Areʼ xkoj cho ri ripibʼal rumal ri utuqaʼril, kʼatekʼut, kʼaslik rumal ri uchuqʼabʼ ri Dyos. Jeriʼ kʼut, xoqujeʼ ri uj ujtuqaʼr rukʼ ri Areʼ, kʼatekʼuriʼ, kʼujkʼasiʼ riʼ rukʼ ri Areʼ rumal ri uchuqʼabʼ ri Dyos che kutoqʼobʼisaj iwach ri ix.

13:5b.2CO.013.005Chinikʼoj bʼaʼ iwibʼ ix la qas ix kʼo pa ri kojonik. ¿La man kiwil taj che ri Kristo xas kʼo iwukʼ ix? Xuwi neʼ, we ri ix, xas kiwilo che qas ix itzel taq winaq wi.

13:6b.2CO.013.006Ri in, kinweyeʼj, che ri ix kiwilo che ri uj xas utz kujilik.

13:7b.2CO.013.007Ri uj, kujchʼaw rukʼ ri Dyos, arech ri ix man kʼo ta jun itzel kibʼano; man are ta kaqeyeʼj che are kujchʼakan pa ri kʼax, xane are kqaj kqilo kibʼan ri utzil, puneʼtaj are utz kixel ix chqawach ri uj.

13:8b.2CO.013.008Rumal rech che ri uj, man kʼo ta qakowinem chuwach ri saqalaj tzij, ri uj xuwi qayaʼom qawach rukʼ ri saqalaj tzij.

13:9b.2CO.013.009Qastzij nakʼut, che ri uj, kujkiʼkotik, aretaq chiʼ ri uj, uj tuqaʼr chiwach, e ri ix are kʼo ichuqʼabʼ chqawach. Ri kaqata ri uj pa ri qachʼawem rukʼ ri Dyos, are che ri ix kʼo ichuqʼabʼ.

13:10b.2CO.013.010Rumal kuwaʼ, kintzʼibʼaj weriʼ chiwech, aretaq chiʼ ri in, inelenaq uloq chixoʼl; arech, aretaq chiʼ kinopan chixoʼl, man rajawaxik taj kinkʼut ri nuchuqʼabʼ che are ri Ajawxel xyaʼow chwech, arech ri in xa kinyakanik e man xa ta kinwilinik.

13:11b.2CO.013.011Kʼatekʼuriʼ, ix achalaxik, chixkiʼkot bʼaʼ; chiyaʼaʼ bʼaʼ ri ichuqʼabʼ chbʼil taq iwibʼ, chikubʼaʼ bʼaʼ taq ikʼuʼx; xa junam bʼaʼ chibʼanaʼ chrech ri ichomanik, chikʼaslemaj bʼaʼ ri nimalaj utzil; kʼatekʼuriʼ, ri Dyos che are ajchʼaqʼeʼ ri loqʼoqʼebʼal kʼuʼx e ajchaqʼeʼ ri nimalaj utzil, kkʼojiʼ na riʼ iwukʼ.

13:12b.2CO.013.012Chiyaʼaʼ bʼaʼ chbʼil taq iwibʼ ri jun rutzil iwach rukʼ jun tyoxlaj tzʼumanik. Konojel ri etyoxlaj taq winaq, kkiyaʼ apan jun rutzil iwach.

13:13b.2CO.013.013Ri nimalaj usipanik ri Ajawxel Jesus Kristo; ri loqʼoqʼebʼal ukʼuʼx ri Dyos e ri ukʼaslemal ri Tyoxlaj Uxlabʼxel kkʼojiʼ bʼaʼ iwukʼ nimalaj iwonojel.