3 John (Icelandic)

1

1:1b.3JO.001.001 Öldungurinn heilsar elskuðum Gajusi, sem ég ann í sannleika.

1:2b.3JO.001.002 Ég bið þess, minn elskaði, að þér vegni vel í öllum hlutum og að þú sért heill heilsu, eins og sálu þinni vegnar vel.

1:3b.3JO.001.003 Ég varð mjög glaður, þegar bræður komu og báru vitni um tryggð þína við sannleikann, hversu þú lifir í sannleika.

1:4b.3JO.001.004 Ég hef enga meiri gleði en þá að heyra, að börnin mín lifi í sannleikanum.

1:5b.3JO.001.005 Þú breytir dyggilega, minn elskaði, í öllu sem þú vinnur fyrir bræðurna og jafnvel ókunna menn.

1:6b.3JO.001.006 Þeir hafa vitnað fyrir söfnuðinum um kærleika þinn. Þú gjörir vel, er þú greiðir för þeirra eins og verðugt er fyrir Guði.

1:7b.3JO.001.007 Því að sakir nafnsins lögðu þeir af stað og þiggja ekki neitt af heiðnum mönnum.

1:8b.3JO.001.008 Þess vegna ber oss að taka þvílíka menn að oss, til þess að vér verðum samverkamenn sannleikans.

1:9b.3JO.001.009 Ég hef ritað nokkuð til safnaðarins, en Díótrefes, sem vill vera fremstur meðal þeirra, tekur eigi við oss.

1:10b.3JO.001.010 Þess vegna ætla ég, ef ég kem, að minna á verk þau er hann vinnur. Hann lætur sér ekki nægja að ófrægja oss með vondum orðum, heldur tekur hann ekki sjálfur á móti bræðrunum og hindrar þá, er það vilja gjöra, og rekur þá úr söfnuðinum.

1:11b.3JO.001.011 Breyttu ekki eftir því, sem illt er, minn elskaði, heldur eftir því, sem gott er. Sá sem gott gjörir heyrir Guði til, en sá sem illt gjörir hefur ekki séð Guð.

1:12b.3JO.001.012 Demetríusi er borið gott vitni af öllum og af sannleikanum sjálfum. Það gjörum vér líka, og þú veist að vitnisburður vor er sannur.

1:13b.3JO.001.013 Ég hef margt að rita þér, en vil ekki rita þér með bleki og penna.

1:14b.3JO.001.014 En ég vona að sjá þig bráðum og munum við þá talast við munnlega. Friður sé með þér. Vinirnir biðja að heilsa þér. Heilsa þú vinunum hverjum fyrir sig.