Hebrews (Hebrew)

1

1:1b.HEB.001.001 האלהים אשר דבר מקדם פעמים רבות ובפנים שנים אל אבתינו ביד הנביאים דבר אלינו באחרית הימים האלה ביד בנו׃

1:2b.HEB.001.002 אשר נתנו ליורש כל וגם עשה בידו את העולמות׃

1:3b.HEB.001.003 והוא זהר כבודו וצלם ישותו ונושא כל בדבר גבורתו ואחרי עשתו בנפשו טהרת חטאתינו ישב לימין הגדלה במרומים׃

1:4b.HEB.001.004 ויגדל מאד מן המלאכים כאשר השם אשר נחלו יקר הוא משלהם׃

1:5b.HEB.001.005 כי אל מי מן המלאכים אמר מעולם בני אתה אני היום ילדתיך ועוד אני אהיה לו לאב והוא יהיה לי לבן׃

1:6b.HEB.001.006 ובהביאו את הבכור שנית לעולם אמר והשתחוו לו כל מלאכים אלהים׃

1:7b.HEB.001.007 הן על המלאכים הוא אמר עשה מלאכיו רוחות משרתיו אש להט׃

1:8b.HEB.001.008 אך על הבן אמר כסאך אלהים עולם ועד שבט מישר שבט מלכותך׃

1:9b.HEB.001.009 אהבת צדק ותשנא רשע על כן משחך אלהים אלהיך שמן ששון מחבריך׃

1:10b.HEB.001.010 ועוד אתה אדני לפנים הארץ יסדת ומעשה ידיך שמים׃

1:11b.HEB.001.011 המה יאבדו ואתה תעמד וכלם כבגד יבלו׃

1:12b.HEB.001.012 כלבוש תחליפם ויחלפו ואתה הוא ושנותיך לא יתמו׃

1:13b.HEB.001.013 ואל מי מן המלאכים אמר מעולם שב לימיני עד אשית איביך הדם לרגליך׃

1:14b.HEB.001.014 הלא הם כלם רוחות השרת שלוחים לעזרה בעד העתידים לרשת את הישועה׃

2

2:1b.HEB.002.001 לכן אנחנו חיבים ביותר להכין לבבנו אל אשר שמענו פן ילוז ויאבד ממנו׃

2:2b.HEB.002.002 כי אם הדבר הנאמר על ידי המלאכים היה קים וכל פשע ומרי נשא את ענשו כמשפט׃

2:3b.HEB.002.003 איך נמלט אנחנו אם לא נשים לב לתשועה גדולה אשר כזאת הנאמרה מתחלה בפי האדון ותקים לנו על ידי שמעיה׃

2:4b.HEB.002.004 וגם אלהים העיד עליה באתות ובמופתים ובגבורות שנות ובהאציל מרוח קדשו כרצונו׃

2:5b.HEB.002.005 כי לא תחת יד המלאכים שת את העולם הבא אשר אנחנו מדברים עליו׃

2:6b.HEB.002.006 כי אם כאשר העיד האמר במקום אחד מה אנוש כי תזכרנו ובן אדם כי תפקדנו׃

2:7b.HEB.002.007 ותחסרהו מעט מאלהים וכבוד והדר תעטרהו ותמשילהו במעשי ידיך׃

2:8b.HEB.002.008 כל שתה תחת רגליו הנה באשר שת כל תחתיו לא השאיר דבר שלא שת תחתיו ועתה זה לא ראינו עדין כי כל הושת תחתיו׃

2:9b.HEB.002.009 אבל ישוע המחסר מעט ממלאכים אותו ראינו מעטר בכבוד והדר מפני ענותו עד מות למען אשר יטעם בחסד אלהים את המות בעד כלם׃

2:10b.HEB.002.010 כי נאה היה לו אשר הכל למענו והכל על ידו בהנחתו בנים רבים לכבוד להשלים בענוים את שר ישועתם׃

2:11b.HEB.002.011 כי גם המקדש גם המקדשים כלם מאחד המה ועל כן לא בוש מקרא להם אחים׃

2:12b.HEB.002.012 באמרו אספרה שמך לאחי בתוך קהל אהללך׃

2:13b.HEB.002.013 ועוד וקויתי לו ועוד הנה אנכי והילדים אשר נתן לי יהוה׃

2:14b.HEB.002.014 ויען כי הילדים כלם יחדו בשר ודם אף הוא לבש בשר ודם כמוהם למען אשר יבטל על ידי המות את אשר לו ממשלת המות הוא השטן׃

2:15b.HEB.002.015 ולהתיר את אלה אשר מאימת המות היו נתנים לעבדות כל ימי חייהם׃

2:16b.HEB.002.016 כי אמנם לא במלאכים החזיק כי אם בזרע אברהם החזיק׃

2:17b.HEB.002.017 על כן היה עליו להדמות לאחיו בכל דבר למען אשר יהיה כהן גדול רחמן ונאמן בעניני אלהים לכפר על חטאת העם׃

2:18b.HEB.002.018 כי באשר הוא בעצמו ענה ונתנסה יכל לעזר את המנסים׃

3

3:1b.HEB.003.001 לכן אחי הקדושים חברים לקריאה של מעלה הביטו אל השליח וכהן הודיתנו הגדול אל המשיח ישוע׃

3:2b.HEB.003.002 אשר הוא נאמן לעשהו כמו גם משה בכל ביתו׃

3:3b.HEB.003.003 כי כבוד גדול ממשה נחל זה כאשר בנה הבית חשוב יותר מן הבית׃

3:4b.HEB.003.004 כי כל בית יש לו בנה אבל בונה כל הוא האלהים׃

3:5b.HEB.003.005 והן משה נאמן בכל ביתו כעבד לעדות העמדות להאמר׃

3:6b.HEB.003.006 אבל המשיח הוא הבן על ביתו ואנחנו ביתו אם נחזיק בבטחון ובתהלת התקוה ולא נרפנה עד הקץ׃

3:7b.HEB.003.007 לכן כמאמר רוח הקדש היום אם בקלו תשמעו׃

3:8b.HEB.003.008 אל תקשו לבבכם כמריבה כיום מסה במדבר׃

3:9b.HEB.003.009 אשר נסוני אבותיכם בחנוני גם ראו פעלי ארבעים שנה׃

3:10b.HEB.003.010 לכן אקוט בדור ואמר עם תעי לבב הם והם לא ידעו דרכי׃

3:11b.HEB.003.011 אשר נשבעתי באפי אם יבאון אל מנוחתי׃

3:12b.HEB.003.012 ראו עתה אחי פן יש באחד מכם לב רע וחסר אמונה לסור מאלהים חיים׃

3:13b.HEB.003.013 אך הוכח תוכיחו איש את רעהו יום יום עד שיקרא היום למען אשר לא יקשה איש מכם את לבו במדוחי פשע׃

3:14b.HEB.003.014 כי נתחברנו למשיח אם נחזיק בראשית הבטחה ולא נרפנה עד הקץ׃

3:15b.HEB.003.015 כאשר נאמר היום אם בקלו תשמעו אל תקשו לבבכם כמריבה׃

3:16b.HEB.003.016 מי אפוא אלה אשר שמעו ויריבו הלא כל יצאי מצרים ביד משה׃

3:17b.HEB.003.017 ובמי התקוטט ארבעים שנה הלא בחטאים אשר נפלו פגריהם במדבר׃

3:18b.HEB.003.018 ולמי נשבע לבלתי בא אל מנוחתו אם לא לסוררים׃

3:19b.HEB.003.019 ואנחנו ראים כי לא יכלו לבוא על אשר לא האמינו׃

4

4:1b.HEB.004.001 על כן נירא נא בהמצא עוד ההבטחה לבוא אל מנוחתו פן יראה איש מכם מאחר פעמיו׃

4:2b.HEB.004.002 כי גם אלינו באה הבשורה כמו אליהם אך לא הועיל להם דבר השמועה מפני אשר לא התערב באמונה לשמעים׃

4:3b.HEB.004.003 כי באי המונה אנחנו המאמינים כמו שאמר אשר נשבעתי באפי אם יבאון אל מנוחתי אף כי נגמרו מעשי יהוה מעת הוסד העולם׃

4:4b.HEB.004.004 כי על היום השביעי אמר במקום אחד וישבת ביום השביעי מכל מלאכתו׃

4:5b.HEB.004.005 ובמקום הזה אמר עוד אם יבאון אל מנוחתי׃

4:6b.HEB.004.006 ויען כי יש עוד מקום לבוא אליה ואשר התבשרו בראשונה המה לא באו שם בעבור המרי׃

4:7b.HEB.004.007 לכן הוסיף לקבוע יום באמרו היום על ידי דוד מקץ ימים רבים כמו שנאמר היום אם בקלו תשמעו אל תקשו לבבכם׃

4:8b.HEB.004.008 כי אלו יהושע הניח להם לא היה מדבר אחרי זאת על יום אחר׃

4:9b.HEB.004.009 על כן נשארה עוד מנוחת שבת לעם אלהים׃

4:10b.HEB.004.010 כי הבא אל מנוחתו גם הוא שבת ממלאכתו כמו האלהים משלו׃

4:11b.HEB.004.011 לכן נשקדה נא לבוא אל המנוחה ההיא למען אשר לא יכשל איש והיה ממרה כמוהם׃

4:12b.HEB.004.012 כי דבר האלהים חי הוא ופעל גבורות וחד מחרב פיפיות ונכנס עד להבדיל בין נפש לרוח ובין הדבקים למוח ובחן מחשבות לבב ומזמותיו׃

4:13b.HEB.004.013 ואין כל נברא נסתר מנגדו כי הכל חשוף וגלוי לעיני בעל דברים שלנו׃

4:14b.HEB.004.014 ועתה בהיות לנו כהן ראש גדול אשר עבר בשמים הוא ישוע בן האלהים נחזיקה בהודאתנו׃

4:15b.HEB.004.015 כי אין לנו כהן גדול אשר לא יוכל להצטער על חליינו כי אם המנסה בכל כמונו אך בלי חטא׃

4:16b.HEB.004.016 על כן נקרבה בבטחון אל כסא החסד לשאת רחמים ולמצא חסד לעזרה בעתה׃

5

5:1b.HEB.005.001 כי כל כהן גדול הלקוח מתוך בני אדם מפקד הוא בעבור בני אדם בעניני אלהים להקריב מנחה וזבח על החטאים׃

5:2b.HEB.005.002 והוא יכול לחמל על השגגים והתעים בהיותו גם הוא ידוע חלי׃

5:3b.HEB.005.003 אשר על כן חיב להקריב על החטאים גם בעד העם גם בעד נפשו׃

5:4b.HEB.005.004 ואת הגדלה הזאת לא יקח איש לעצמו רק הקרוא לה מאת האלהים כמו אהרן׃

5:5b.HEB.005.005 כן גם המשיח לא כבד את עצמו להיות כהן גדול כי אם האמר אליו בני אתה אני היום ילדתיך׃

5:6b.HEB.005.006 כמו שאמר גם במקום אחר אתה כהן לעולם על דברתי מלכי צדק׃

5:7b.HEB.005.007 אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃

5:8b.HEB.005.008 ואף כי היה הבן למד מענותו לשמוע׃

5:9b.HEB.005.009 ואחרי אשר השלם היה ממציא תשועת עולמים לכל שמעיו׃

5:10b.HEB.005.010 והאלהים קרא לו כהן גדול על דברתי מלכי צדק׃

5:11b.HEB.005.011 על זאת יש לנו לדבר הרבה וקשות לבאר לכם במלין יען כי כבדו אזניכם׃

5:12b.HEB.005.012 כי תחת אשר היה ראוי לכם לפי ארך הזמן להיות מלמדים עתה מן הצרך לשוב וללמד אתכם עקרי ראשית דברי אלהים ונצרכתם לחלב ולא למאכל בריא׃

5:13b.HEB.005.013 כי כל אשר מאכלו חלב איננו מבין בדבר צדק כי עודנו עולל׃

5:14b.HEB.005.014 אך לשלמים המאכל הבריא אשר על פי ההרגל יש להם חושים מנסים להבדיל בין טוב לרע׃

6

6:1b.HEB.006.001 על כן בעזב כעת ראשית דבר המשיח נעבר אל השלמות ולא נשוב לשית יסודי התשובה ממעשי מות והאמונה באלהים׃

6:2b.HEB.006.002 ותורת הטבילות וסמיכת ידים ותחית המתים והדין הנצחי׃

6:3b.HEB.006.003 ואת זאת נעשה אם יתן האל׃

6:4b.HEB.006.004 כי אלה אשר נגה עליהם האור וטעמו ממתנת השמים ונתן להם חלקם ברוח הקדש׃

6:5b.HEB.006.005 וטעמו את דבר אלהים הטוב וכחות העולם הבא וימעלו מעל׃

6:6b.HEB.006.006 נמנעו מהתחדש עוד לתשובה כי צלבו להם מחדש את בן האלהים ויתנוהו למשל׃

6:7b.HEB.006.007 כי האדמה השותה את הגשם הירד עליה למכביר ומוציאה עשב טוב לעבדיה תשא ברכה מאת האלהים׃

6:8b.HEB.006.008 ואשר תוציא קוץ ודרדר נמאסה היא וקרובה למארה וסופה להשרף׃

6:9b.HEB.006.009 אמנם ידידי מבטחים אנחנו בכם טבות מאלה וקרבות לישועה אף כי דברנו כזאת׃

6:10b.HEB.006.010 כי האלהים לא יעות צדק לשכח את מעשיכם ואת עמל אהבתכם אשר הראיתם לשמו ששרתם ועודכם משרתים את הקדשים׃

6:11b.HEB.006.011 אבל חפצנו שכל אחד מכם גם ישקד שקוד להחזיק בשלמות התקוה עד הקץ׃

6:12b.HEB.006.012 שלא תעצלו כי אם תלכו בעקבות היורשים באמונה וארך רוח את ההבטחות׃

6:13b.HEB.006.013 כי בהבטיח אלהים את אברהם נשבע בנפשו יען אשר אין גדול ממנו להשבע בו׃

6:14b.HEB.006.014 ויאמר כי ברך אברכך והרבה ארבה אותך׃

6:15b.HEB.006.015 ויהי בהאריך נפשו השיג את ההבטחה׃

6:16b.HEB.006.016 בני האדם ישבעו בגדול מהם והשבועה להם קץ כל ערעור לקיום הדבר׃

6:17b.HEB.006.017 על כן כאשר רצה האלהים להראות ביותר את ירשי ההבטחה כי לא תשתנה עצתו ערב אתה בשבועה׃

6:18b.HEB.006.018 למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃

6:19b.HEB.006.019 אשר היא לנפשנו לעוגין נכון וחזק ומגיע אל מבית לפרכת׃

6:20b.HEB.006.020 אשר בא שמה ישוע העבר לפנינו ויהי כהן גדול לעולם על דברתי מלכי צדק׃

7

7:1b.HEB.007.001 כי זה מלכי צדק מלך שלם כהן לאל עליון אשר יצא לקראת אברהם בשובו מהכות את המלכים ויברכהו׃

7:2b.HEB.007.002 ואשר חלק לו אברהם מעשר מכל שמו יפרש מלך הצדק ועוד מלך שלם הוא מלך השלום׃

7:3b.HEB.007.003 באין אב באין אם באין יחש ולימיו אין תחלה ולחייו אין סוף כי אם נדמה לבן האלהים הוא עומד בכהנתו לנצח׃

7:4b.HEB.007.004 ראו עתה מה גדול הוא אשר גם אברהם אבינו נתן לו מעשר מראשית השלל׃

7:5b.HEB.007.005 הן אלה מבני לוי אשר נחלי את הכהנה יש להם חק על פי התורה לקחת את המעשרות מן העם מן אחיהם אשר אף הם יצאי ירך אברהם׃

7:6b.HEB.007.006 ואשר איננו מתיחש למשפחתם הוא לקח את המעשר מן אברהם ויברך את אשר היתה לו ההבטחה׃

7:7b.HEB.007.007 והנה נכון הדבר כי הקטן יברך על ידי הגדול ממנו׃

7:8b.HEB.007.008 ופה בני אדם שימותו לקחים את המעשר אבל שם לקחו מי שהועד עליו כי הוא חי׃

7:9b.HEB.007.009 ויתכן לומר כי גם לוי הלקח את המעשרות היה מעשר בעשר אברהם׃

7:10b.HEB.007.010 כי עוד בירך האב היה בצאת מלכי צדק לקראתו׃

7:11b.HEB.007.011 על כן אלו היתה שלמות על ידי כהנת בני לוי אשר בה נתנה התורה לעם למה זה צריך לקום עוד כהן אחר על דברתי מלכי צדק ולא יאמר על דברתי אהרן׃

7:12b.HEB.007.012 כי בהשתנות הכהנה מן הצרך שתשתנה גם התורה׃

7:13b.HEB.007.013 כי אשר מדבר בו כזאת הוא משבט אחר אשר מעולם לא שרת איש ממנו את המזבח׃

7:14b.HEB.007.014 כי גלוי לכל אשר אדנינו זרח מיהודה מן השבט אשר משה לא דבר אליו דבר על הכהנה׃

7:15b.HEB.007.015 ועוד יותר ברור הוא אם יוקם על דמיון מלכי צדק כהן אחר׃

7:16b.HEB.007.016 אשר איננו על פי חקת בשר ודם אלא על פי כח חיים בלתי נפסקים׃

7:17b.HEB.007.017 כי העיד עליו אתה כהן לעולם על דברתי מלכי צדק׃

7:18b.HEB.007.018 בעבור כי המצוה הקדמת הוסרה בהיותה חלושה וקצרת יד מהועיל׃

7:19b.HEB.007.019 כי התורה לא השלימה דבר והנה נכנסה במקומה תקוה טובה ממנה אשר נקרב על ידה לאלהים׃

7:20b.HEB.007.020 וכפי אשר לא היתה זאת בלי שבועה׃

7:21b.HEB.007.021 כי המה נתכהנו בלי שבועה וזה בשבועה על ידי האמר לו נשבע יהוה ולא ינחם אתה כהן לעולם על דברתי מלכי צדק׃

7:22b.HEB.007.022 גם הברית טובה ויתרה היא אשר ישוע ערב אותה׃

7:23b.HEB.007.023 ושם נתכהנו רבים מפני אשר המות לא הניחם להותר בארץ׃

7:24b.HEB.007.024 אבל זה בעמדו לעולם יש לו כהנה אשר לא תעבר ממנו׃

7:25b.HEB.007.025 אשר על כן יוכל גם להושיע בכל וכל את הנגשים על ידו לאלהים כי חי הוא תמיד להפגיע בעדם׃

7:26b.HEB.007.026 כי נאוה לנו כהן כזה שהוא חסיד ותמים וטהור ונבדל מן החטאים ונשא מהשמים׃

7:27b.HEB.007.027 אשר איננו צריך יום יום ככהנים הגדולים ההם להקריב בראשונה על חטאתיו ואחרי כן על חטאת העם כי זאת עשה בפעם אחת בהקריבו את נפשו׃

7:28b.HEB.007.028 כי התורה העמידה לכהנים גדולים בני אדם חלשים אבל דבר השבועה הבאה אחרי התורה העמיד את הבן המשלם לעולם׃

8

8:1b.HEB.008.001 וזה ראש הנאמרים כי יש לנו כהן גדול היושב לימין כסא הגבורה בשמים׃

8:2b.HEB.008.002 והוא משרת הקדש והמשכן האמתי אשר כוננו אדני ולא אדם׃

8:3b.HEB.008.003 כי כל כהן גדול הוא מפקד להקריב מנחות וזבחים ועל כן צריך שיהיה גם לזה דבר להקריב׃

8:4b.HEB.008.004 והנה אלו היה בארץ לא היה כהן כי יש פה הכהנים המקריבים הקרבנות לפי התורה׃

8:5b.HEB.008.005 ומכהנים לדמות וצל הדברים שבשמים כדבר יהוה אל משה בבאו לכלות את המשכן כי אמר אליו ראה ועשה הכל בתבניתו אשר אתה מראה בהר׃

8:6b.HEB.008.006 ועתה הוא קבל שרות מעלה כפי מעלת הברית הנעשה על ידו אשר הוקמה על הבטחות טבות ויתרות׃

8:7b.HEB.008.007 כי אלו היתה הראשונה ההיא תמימה לא יבקש מקום לשניה׃

8:8b.HEB.008.008 כי כה אמר בהוכיח אתם הנה ימים באים נאם יהוה וכרתי את בית ישראל ואת בית יהודה ברית חדשה׃

8:9b.HEB.008.009 לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בחלתי בם נאם יהוה׃

8:10b.HEB.008.010 כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

8:11b.HEB.008.011 ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם׃

8:12b.HEB.008.012 כי אסלח לעונם ולחטאתם ולפשעיהם לא אזכר עוד׃

8:13b.HEB.008.013 הנה באמרו ברית חדשה ישן את הראשונה ומה שהוא נושן ומזקין קרוב הוא אל קצו׃

9

9:1b.HEB.009.001 הן היה גם לברית הראשונה משפטי העבודה ומקדש ארצי׃

9:2b.HEB.009.002 כי הוקם המשכן החיצון אשר בו המנורה והשלחן ומערכת הלחם והוא נקרא קדש׃

9:3b.HEB.009.003 ומבית לפרכת השנית משכן הנקרא קדש הקדשים׃

9:4b.HEB.009.004 אשר לו מזבח הזהב לקטרת וארון הברית מצפה זהב כלו ובו צנצנת זהב אשר המן בתוכו ומטה אהרן אשר פרח ולוחות הברית׃

9:5b.HEB.009.005 וממעל לו כרובי הכבוד הסככים על הכפרת לא נדבר כעת על כל אחד מהם בפרט׃

9:6b.HEB.009.006 ואחרי שהוכנו אלה ככה באו הכהנים תמיד אל המשכן החיצון לעבד שם את עבודתם׃

9:7b.HEB.009.007 ואל המשכן אשר לפנים ממנו בא שמה הכהן הגדול לבדו פעם אחת בשנה לא בבלי דם אשר יקריב בעד נפשו ובעד שגגות העם׃

9:8b.HEB.009.008 ורוח הקדש מודיע בזאת כי לא נגלה הדרך אל הקדש כל הימים אשר המשכן החיצון יש לו לעמד׃

9:9b.HEB.009.009 והוא משל על העת ההוה אשר בה מקריבים מנחות וזבחים אשר לא יוכלו להשלים את לבב העבד׃

9:10b.HEB.009.010 אך משפטי הגוף המה עם המאכלות והמשקים והטבילות השנות אשר הושמו עד עת התקון׃

9:11b.HEB.009.011 אבל המשיח בבאו להיות כהן גדול לטבות העתידות עבר בתוך המשכן המעלה בגדלה ושלמות אשר לא נעשה בידים כלומר אשר איננו בכלל הבריאה הזאת׃

9:12b.HEB.009.012 גם לא בא בדם שעירים ועגלים אלא בדם נפשו בא בפעם אחת אל הקדש פנימה וימצא גאלת עולם׃

9:13b.HEB.009.013 כי אם דם הפרים והשעירים ואפר הפרה אשר יזה על הטמאים יקדשם לטהרת גופם׃

9:14b.HEB.009.014 אף כי דם המשיח אשר הקריב את עצמו לאלהים ברוח נצחי ובלי מום יטהר לבבכם ממעשי מות לעבד את אלהים חיים׃

9:15b.HEB.009.015 ובעבור זאת הוא גם סרסר לברית חדשה למען אשר יירשו המקראים את הבטחת נחלת עולם אחרי אשר מת לפדות מן הפשעים אשר נעשו תחת הברית הראשונה׃

9:16b.HEB.009.016 כי במקום שיש דיתיקי צריך לדעת מות מקימה׃

9:17b.HEB.009.017 כי רק במות המת תכון דיתיקי ואיננה בתקפה בעוד מקימה בחיים׃

9:18b.HEB.009.018 לכן גם הראשונה לא חנכה בלא דם׃

9:19b.HEB.009.019 כי ככלות משה להגיד לכל העם את כל המצות כתורה לקח דם העגלים והשעירים עם מים ותולעת שני ואזוב ויזרק על הספר ועל כל העם׃

9:20b.HEB.009.020 ויאמר הנה דם הברית אשר צוה אלהים אליכם׃

9:21b.HEB.009.021 וכן הזה מן הדם על המשכן ועל כל כלי השרת׃

9:22b.HEB.009.022 וכמעט הכל יטהר בדם על פי התורה ואין כפרה בלי שפיכת דם׃

9:23b.HEB.009.023 לכן דמיוני הדברים שבשמים צריכים להטהר באלה והדברים שבשמים בעצמם צריכים להטהר בזבחים טובים מאלה׃

9:24b.HEB.009.024 כי המשיח לא בא אל הקדש הנעשה בידים שהוא רק דמות האמתי כי אם בא אל עצם השמים לראות עתה בעדנו את פני האלהים׃

9:25b.HEB.009.025 אף לא להקריב את נפשו פעמים רבות ככהן הגדול אשר בא שנה בשנה אל הקדש בדם אחרים׃

9:26b.HEB.009.026 כי אם כן הוא הלא היה לו לענות פעמים רבות מראשית העולם ועתה בקץ העתים נגלה בפעם אחת כדי לבטל את החטא בזבח נפשו׃

9:27b.HEB.009.027 וכאשר נגזר על בני אדם פעם אחת המות ואחריו הדין׃

9:28b.HEB.009.028 כן הקרב המשיח פעם אחת למען שאת חטאי רבים ופעם שנית יראה בלי חטא לישועה למחכים לו׃

10

10:1b.HEB.010.001 כי התורה בהיות בה צל הטבות העתידות ולא מראה עצם הדברים אין ביכלתה להשלים את הקרבים בקרבנות ההם אשר יקריבו תמיד מדי שנה בשנה׃

10:2b.HEB.010.002 כי לולא זאת חדלו מהביאם באשר המקריבים בהטהרם פעם אחת לא היתה בהם עוד רגשת חטאים׃

10:3b.HEB.010.003 אבל יש שם הזכרת החטאים שנה בשנה׃

10:4b.HEB.010.004 כי דם הפרים והשעירים לא יוכל להסיר חטאים׃

10:5b.HEB.010.005 ובעבור זאת אמר בבואו לעולם זבח ומנחה לא חפצת גוף כוננת לי׃

10:6b.HEB.010.006 עולה וחטאה לא שאלת׃

10:7b.HEB.010.007 אז אמרתי הנה באתי במגלת ספר כתוב עלי לעשות רצונך אלהי׃

10:8b.HEB.010.008 אחרי אמרו למעלה זבח ומנחה עולה וחטאה לא חפצת ולא שאלת אשר יקריבו אתם על פי התורה׃

10:9b.HEB.010.009 אז אמר הנה באתי לעשות רצונך אלהי מעביר בזה את הראשונה למען הקים את השניה׃

10:10b.HEB.010.010 וברצון הזה מקדשים אנחנו על ידי הקרבת קרבן גוף ישוע המשיח בפעם אחת׃

10:11b.HEB.010.011 וכל כהן עמד יום יום לשרת ומוסיף פעמים רבות להקריב אתן הקרבנות אשר לא יוכלו לעולם להעביר חטאים׃

10:12b.HEB.010.012 אולם זה אחרי הקריבו זבח אחד על החטאים ישב עד עולם לימין האלהים׃

10:13b.HEB.010.013 וחכה יחכה עד כי יושתו איביו הדם לרגליו׃

10:14b.HEB.010.014 כי הוא בקרבן אחת השלים לנצח את המקדשים׃

10:15b.HEB.010.015 ואף רוח הקדש מעיד לנו על זאת כי אחרי אמרו׃

10:16b.HEB.010.016 זאת הברית אשר אכרת אתם אחרי הימים ההם אמר יהוה נתתי את תורתי בקרבם ועל לבם אכתבנה׃

10:17b.HEB.010.017 ולעונם ולחטאתם לא אזכר עוד׃

10:18b.HEB.010.018 והנה באשר נסלחו החטאים אין עוד קרבן עליהם׃

10:19b.HEB.010.019 ועתה אחי בהיות לנו בטחון דרך הקדש בדם ישוע׃

10:20b.HEB.010.020 דרך חדש וחי אשר חדש לנו בפרכת היא בשרו׃

10:21b.HEB.010.021 ובהיות לנו כהן גדול על בית אלהים׃

10:22b.HEB.010.022 נקרבה נא בלבב שלם ובאמונה תמימה מטהרים בהזית לבבנו מרוח רעה ורחוצי בשר במים טהורים׃

10:23b.HEB.010.023 נחזיקה בהודית התקוה בל נמוט כי נאמן המבטיח׃

10:24b.HEB.010.024 ונתבוננה זה על זה לעורר אתנו לאהבה ולמעשים טובים׃

10:25b.HEB.010.025 ואל נעזב את כנאיתנו כמנהג קצת אנשים כי אם נוכיח איש את אחיו וביותר בראתכם כי קרוב היום׃

10:26b.HEB.010.026 כי אם נחטא בזדון אחרי אשר קבלנו דעת האמת לא ישאר עוד זבח קרבן לכפר על החטא׃

10:27b.HEB.010.027 כי אם בעותי הדין העתיד ואש קנאה אשר תאכל את הצררים׃

10:28b.HEB.010.028 הן איש כי יפר תורת משה מות ימות בלי חמלה על פי שנים עדים או שלשה׃

10:29b.HEB.010.029 מה תחשבו כמה יגדל הענש הראוי לרמס ברגלו את בן האלהים וחשב לחל את דם הברית אשר הוא מקדש בו ומחרף את רוח החסד׃

10:30b.HEB.010.030 כי ידענו את האמר לי נקם ושלם ועוד כי ידין יהוה עמו׃

10:31b.HEB.010.031 מה נורא לנפל ביד אלהים חיים׃

10:32b.HEB.010.032 אבל זכרו נא את הימים הראשונים כי אז אחרי ארו עיניכם נשאתם כבד ענוים רבים׃

10:33b.HEB.010.033 פעם בהיותכם לראי בחרפה ותוגה פעם בהשתתף לאשר הגיע אליהם כזאת׃

10:34b.HEB.010.034 כי הצטערתם על מוסרי וגזלת רכושכם סבלתם בשמחה מדעתכם בנפשכם שיש לכם בשמים קנין טוב ממנו וקים לעד׃

10:35b.HEB.010.035 לכן אל תשליכו את בטחונכם כי יש לו שכר רב׃

10:36b.HEB.010.036 כי צריכים אתם לסבלנות למען תעשו רצון אלהים ונשאתם את ההבטחה׃

10:37b.HEB.010.037 כי עוד מעט רגע והבא יבא לא יאחר׃

10:38b.HEB.010.038 הצדיק באמונתו יחיה ואם יסג אחור לא רצתה נפשי בו׃

10:39b.HEB.010.039 אמנם אנחנו איננו מן הנסוגים אחור לאבדם כי אם מן המאמינים להצלת הנפש׃

11

11:1b.HEB.011.001 כי האמונה היא חסן הבטחון במקוה והוכחת דברים לא נראים׃

11:2b.HEB.011.002 ובה נחלו האבות עדות׃

11:3b.HEB.011.003 באמונה נבין כי העולמות נעשו בדבר האלהים למען אשר יצא הנראה מן הנעלם׃

11:4b.HEB.011.004 באמונה הקריב הבל לאלהים זבח טוב מקין אשר היה לו לעדות כי צדיק הוא בהעיד אלהים על מנחתיו ובה עודנו מדבר אחרי מותו׃

11:5b.HEB.011.005 באמונה לקח חנוך לבלתי ראותו המות ואיננו כי לקח אתו אלהים והועד עליו לפני הלקחו כי את האלהים התהלך׃

11:6b.HEB.011.006 ובלי אמונה לא יוכל איש להיות רצוי אל האלהים כי כל הקרב אליו צריך להאמין כי יש אלהים וגמול הוא משיב לדרשיו׃

11:7b.HEB.011.007 באמונה בנה נח ביראת יהוה את התבה להצלת ביתו אתרי אשר צוה על דברים לא נראים עדין וירשע בה את העולם ויהי לירש הצדקה עקב האמונה׃

11:8b.HEB.011.008 באמונה שמע אברהם כאשר נקרא ללכת אל הארץ אשר יירשנה ויצא ולא ידע אנה יבוא׃

11:9b.HEB.011.009 באמונה היה גר בארץ ההבטחה כמו בנכריה וישב באהלים הוא ויצחק ויעקב אשר ירשו עמו ההבטחה ההיא׃

11:10b.HEB.011.010 כי חכה לעיר אשר יסודתה נאמנה ובונה ומכוננה האלהים׃

11:11b.HEB.011.011 באמונה שרה גם היא קבלה הכח להזריע ותלד אחרי בלתה כי חשבה לנאמן את המבטיח׃

11:12b.HEB.011.012 על כן מאחד אשר כמעט מת גופו יצאו ככוכבי השמים לרב וכחול על שפת הים אשר לא יספר׃

11:13b.HEB.011.013 כפי אמונה מתו כל אלה ולא השיגו את ההבטחות רק מרחוק ראו אותן ויבטחו וישמחו לקראתן ויודו כי גרים הם ותושבים בארץ׃

11:14b.HEB.011.014 הלא המדברים כזאת יודיעו כי הם מבקשי ארץ מושב׃

11:15b.HEB.011.015 ואם היתה דעתם על הארץ ההיא אשר יצאו ממנה הלא היה בידם לשוב אליה׃

11:16b.HEB.011.016 אכן נכספו למושב טוב ממנו והוא בשמים ועל כן לא בוש האלהים להקרא אלהיהם כי הכין להם עיר׃

11:17b.HEB.011.017 באמונה העלה אברהם את יצחק כאשר נסה ואת יחידו הקריב המקבל את ההבטחות׃

11:18b.HEB.011.018 אשר נאמר לו כי ביצחק יקרא לך זרע׃

11:19b.HEB.011.019 ויחשב בלבו כי יכול יוכל אלהים להחיות גם את המתים על כן גם הושב אליו להיות למשל׃

11:20b.HEB.011.020 באמונה ברך יצחק את יעקב ואת עשו וידבר על העתידות׃

11:21b.HEB.011.021 באמונה ברך יעקב את שני בני יוסף לפני מותו וישתחו על ראש המטה׃

11:22b.HEB.011.022 באמונה הזכיר יוסף בקרב קצו את יציאת בני ישראל ויצו על אדות עצמותיו׃

11:23b.HEB.011.023 באמונה הצפינו את משה אבותיו שלשה ירחים אהרי הולדו כראתם את הילד כי טוב הוא ולא יראו את מצות המלך׃

11:24b.HEB.011.024 באמונה מאן משה כאשר גדל להקרא בן לבת פרעה׃

11:25b.HEB.011.025 ויבחר לסבל את עני עם אלהים מלהתענג לשעה בתענוגי החטא׃

11:26b.HEB.011.026 בחשבו את חרפת המשיח לעשר גדול מאצרות מצרים כי הביט אל הגמול׃

11:27b.HEB.011.027 באמונה עזב את ארץ מצרים ולא ירא מחמת המלך כי היה כראה אשר איננו נראה ויתחזק׃

11:28b.HEB.011.028 באמונה עשה את הפסח ונתינת הדם למען אשר לא יגע המשחית בבכוריהם׃

11:29b.HEB.011.029 באמונה עברו את ים סוף ביבשה אשר נסו מצרים גם המה לעבר בו ויטבעו׃

11:30b.HEB.011.030 באמונה נפלו חומות יריחו אחרי הקיפו אותן שבעת ימים׃

11:31b.HEB.011.031 באמונה לא אבדה רחב הזונה עם הסוררים כי אספה את המרגלים אל ביתה בשלום׃

11:32b.HEB.011.032 ומה אמר עוד הן תקצר לי העת אם אספר מעשי גדעון וברק ושמשון ויפתח ודוד ושמואל והנביאים׃

11:33b.HEB.011.033 אשר באמונה כבשו ממלכות ופעלו צדק והשגו הבטחות וסכרו פי אריות׃

11:34b.HEB.011.034 וכבו גבורת האש ונמלטו מפי החרב והתחזקו מחלים ועשו חיל במלחמה והפילו מחנות זרים׃

11:35b.HEB.011.035 נשים לקחו מתחיה את מתיהן ואחרים רטשו בענוים ולא אבו להנצל למען יזכו לתחיה טובה ממנה׃

11:36b.HEB.011.036 מהם נסו בתעלולים ובמכות וגם נמסרו לכבל ומסגר׃

11:37b.HEB.011.037 נסקלו באבנים נסרו במגרה נבחנו ביסורים מתו לפי חרב וינעו עטופי עורת כבשים ועזים בחסר ובעצר רעה ויגון׃

11:38b.HEB.011.038 אשר העולם לא היה כדי להם הם תעו במדבר ובהרים ובמערות ובנקיקי הארץ׃

11:39b.HEB.011.039 וכל אלה אף היתה להם העדות בגלל אמונתם לא קבלו את ההבטחה׃

11:40b.HEB.011.040 למען אשר לא ישלמו בלעדינו כי צפה לנו אלהים מקדם טובה יתרה׃

12

12:1b.HEB.012.001 לכן גם אנחנו אשר ענן עדים רב כזה סבב אתנו נשליכה ממנו כל טרח והחטא המקיף עלינו ונרוצה בתוחלת את המרוצה הערוכה לפנינו׃

12:2b.HEB.012.002 ונביטה אל ישוע ראש האמונה ומשלימה אשר בעד השמחה השמורה לו סבל את הצלב ויבז החרפה וישב לימין כסא האלהים׃

12:3b.HEB.012.003 התבוננו אליו אשר נשא כלמת חטאים גדולה כזאת למען לא תיעפו ולא תיגעו בנפשותיכם׃

12:4b.HEB.012.004 עדין לא עמדתם עד לדם במלחמתכם עם החטא׃

12:5b.HEB.012.005 ותשכחו דבר הנחומים המדבר אליכם כמו אל בנים לאמר מוסר יהוה בני אל תמאס ואל תקץ בתוכחתו׃

12:6b.HEB.012.006 כי את אשר יאהב יהוה יוכיח יכאב את בן ירצה׃

12:7b.HEB.012.007 אם סבלים אתם מוסר דעו כי כאב עם בניו כן מתנהג אלהים עמכם כי איה הבן אשר אביו לא ייסרנו׃

12:8b.HEB.012.008 אך אם תהיו באין מוסר אשר היה מנת כלם אז ממזרים אתם ולא בנים׃

12:9b.HEB.012.009 ועוד אם אבות בשרנו היו מיסרים אתנו ונירא מהם אף כי נכנע לפני אבי הרוחות ונחיה׃

12:10b.HEB.012.010 כי המה יסרונו כטוב בעיניהם לימים מעטים אבל זה להועיל למען יהיה לנו חלק בקדשתו׃

12:11b.HEB.012.011 וכל מוסר בעת עברו עלינו איננו שמחה בעינינו כי אם יגון אולם באחריתו יתן פרי שלום לצדקה למלמדים בו׃

12:12b.HEB.012.012 על כן חזקו ידים רפות וברכים כשלות׃

12:13b.HEB.012.013 ומעגל רגליכם פלסו למען לא תטה הצלעה מן הדרך כי אם תרפא׃

12:14b.HEB.012.014 רדפו את השלום עם כל אדם ואת הקדשה אשר בלעדיה לא יראה איש את האדון׃

12:15b.HEB.012.015 והזהרו פן יש בכם איש מתאחר מחסד אלהים פן יוגיעכם שרש פרה לענה ויטמאו בו רבים׃

12:16b.HEB.012.016 פן ימצא בכם זנה או חלל כעשו אשר בנזיד אחד מכר את בכורתו׃

12:17b.HEB.012.017 הלא ידעתם כי גם נמאס אחרי כן כאשר רצה לרשת את הברכה כי לא מצא מקום לתשובה אף בקש אותה בדמעות׃

12:18b.HEB.012.018 כי לא באתם אל הר נמשש ובער באש ולא אל ענן וערפל וסערה׃

12:19b.HEB.012.019 ולא לקול שופר ולקול הדברים אשר שמעיו בקשו שלא יוסיף לדבר עמהם עוד׃

12:20b.HEB.012.020 כי לא יכלו לשאת את אשר צוו ואם בהמה תגע בהר סקל תקסל או ירה תירה בחצים׃

12:21b.HEB.012.021 והמראה היה נורא עד מאד ויאמר משה יגרתי וחרדתי׃

12:22b.HEB.012.022 כי אם באתם אל הר ציון ואל עיר אלהים חיים אל ירושלים שבשמים׃

12:23b.HEB.012.023 ואל עצרת רבבות המלאכים ועדת הבכורים הכתובים בשמים ואל אלהים שפט הכל ואל רוחות הצדיקים הנשלמים׃

12:24b.HEB.012.024 ואל ישוע סרסר הברית החדשה ואל דם ההזאה המיטיב דבר מדם הבל׃

12:25b.HEB.012.025 לכן ראו פן תמאנו לשמע אל המדבר כי הן לא נמלטו המאנים לשמע אל המדבר עמהם בארץ אף אנחנו אם נמאן לשמע בקול המדבר מן השמים׃

12:26b.HEB.012.026 אשר קולו הרעיש אז את הארץ ועתה זה הבטיח לאמר עוד אחת ואני מרעיש לא לבד את הארץ כי גם את השמים׃

12:27b.HEB.012.027 וזו עוד אחת שאמר משמיע חליפת הנרעשים אשר הם עשוים למען יעמד אשר איננו נרעש׃

12:28b.HEB.012.028 לכן אנחנו המקבלים מלכות אשר לא תמוט נבאה נא בתודה ונעבד בה את האלהים לרצון לו בצניעות וביראה׃

12:29b.HEB.012.029 כי אלהינו אש אכלה הוא׃

13

13:1b.HEB.013.001 אהבת האחים תעמד׃

13:2b.HEB.013.002 הכנסת ארחים אל תשכחו כי יש אשר הכניסו בה מלאכים ולא ידעו׃

13:3b.HEB.013.003 זכרו את האסורים כאלו אתם אסורים עמהם ואת הנלחצים באשר גם אתם בבשר׃

13:4b.HEB.013.004 האישות תיקר בכל וערש יצועכם אל יחלל את הזנים ואת המנאפים ידין אלהים׃

13:5b.HEB.013.005 רחקו מאהבת כסף ושמחו בחלקכם כי הוא אמר לא ארפך ולא אעזבך׃

13:6b.HEB.013.006 על כן נבטח ונאמר יהוה לי בעזרי לא אירא מה יעשה לי אדם׃

13:7b.HEB.013.007 זכרו את מנהיגיכם אשר הגידו לכם את דבר האלהים בינו לאחרית דרכם ולכו באמונתם׃

13:8b.HEB.013.008 ישוע המשיח גם תמול גם היום הוא הוא וגם לעולמים׃

13:9b.HEB.013.009 אל תנועו בתורות שנות וזרות כי טוב לכונן לבנו בחסד ולא בעניני מאכל אשר לא הועילו למתהלכים בהם׃

13:10b.HEB.013.010 יש לנו מזבח אשר אינם רשאים לאכל מעליו משרתי המשכן׃

13:11b.HEB.013.011 כי הבהמות אשר הובא דמן בקדש לכפרת החטא על ידי הכהן הגדול גויתיהן נשרפו מחוץ למחנה׃

13:12b.HEB.013.012 בעבור זאת גם ישוע למען קדש בדמו את העם ענה מחוץ לשער׃

13:13b.HEB.013.013 לכן נצאה נא אליו אל מחוץ למחנה ונשא את חרפתו׃

13:14b.HEB.013.014 כי פה אין לנו עיר עמדת כי את העתידה אנחנו מבקשים׃

13:15b.HEB.013.015 לכן נקריב על ידו בכל עת זבח תודה לאלהים היא פרי שפתים המודות לשמו׃

13:16b.HEB.013.016 ואל תשכחו לגמל חסד ולתת לאביונים כי זבחים כאלה יערבו לאלהים׃

13:17b.HEB.013.017 שמעו אל מנהיגיכם והכנעו מפניהם כי שקדים הם על נפשתיכם כעתידים לתת חשבון למען יעשו זאת בשמחה ולא באנחה כי זאת לא להועיל לכם׃

13:18b.HEB.013.018 התפללו בעדנו כי ידענו אשר שלמה מחשבתנו ונחפץ ללכת דרך ישרה בכל׃

13:19b.HEB.013.019 ובחזקה אבקש מכם לעשות זאת למען אושב אליכם במהרה׃

13:20b.HEB.013.020 ואלהי השלום אשר בדם ברית עולם העלה מן המתים את רעה הצאן הגדול את ישוע אדנינו׃

13:21b.HEB.013.021 הוא ישלימכם בכל מעשה טוב לעשות רצונו בפעלו בכם את הרצוי לפניו ביד ישוע המשיח אשר לו הכבוד לעולמי עולמים אמן׃

13:22b.HEB.013.022 ואבקש מכם אחי שאו נא דבר התוכחה כי כתבתי אליכם בקצרה׃

13:23b.HEB.013.023 ודעו כי טימותיוס אחינו יצא מבית האסורים והיה אם יבא במהרה אראה אתו את פניכם׃

13:24b.HEB.013.024 שאלו לשלום כל מנהיגיכם ולשלום כל הקדשים בני ארץ איטליא שאלים לשלומכם׃

13:25b.HEB.013.025 החסד עם כלכם אמן׃