Colossians (Hebrew)

1

1:1b.COL.001.001 פולוס שליח ישוע המשיח ברצון אלהים וטימותיוס אחינו׃

1:2b.COL.001.002 אל הקדשים והאחים הנאמנים במשיח אשר הם בקולשא חסד לכם ושלום מאת האלהים אבינו ואדנינו ישוע המשיח׃

1:3b.COL.001.003 נודה לאלהים אבי אדנינו ישוע המשיח בכל עת אשר אנחנו מתפללים בעדכם׃

1:4b.COL.001.004 אחרי אשר שמענו אמונתכם במשיח ישוע ואהבתכם אל כל הקדשים׃

1:5b.COL.001.005 בעבור התקוה הצפונה לכם בשמים ונודעתם לכם מקדם בדבר אמת הבשורה׃

1:6b.COL.001.006 אשר באה אליכם וגם לכל העולם ותפרה ותרבה כמו גם בתוככם למן היום אשר שמעתם והכרתם באמת את חסד אלהים׃

1:7b.COL.001.007 כאשר למדתם מן אפפרס חברנו החביב אשר הוא משרת נאמן בעדכם למשיח׃

1:8b.COL.001.008 והוא גם הודיע אתנו את האבתכם ברוח׃

1:9b.COL.001.009 בעבור זאת גם אנחנו למן היום אשר שמענוה לא חדלנו להתפלל בעדכם ולבקש שתמלאו דעת רצון האלהים בכל חכמה ותבונה רוחנית׃

1:10b.COL.001.010 להתהלך כטוב בעיני האדון וככל רצונו ולעשות פרי בכל מעשה טוב ולרבות בדעת אלהים׃

1:11b.COL.001.011 להתחזק בכל כח כגבורת כבודו לכל סבלנות וארך רוח עם שמחה׃

1:12b.COL.001.012 ולתת תודה לאבינו העשה אתנו ראוים לחלק נחלת הקדשים באור׃

1:13b.COL.001.013 אשר הוא חלצנו מממשלת החשך והעבירנו למלכות בן אהבתו׃

1:14b.COL.001.014 אשר יש לנו בו הפדיון בדמו סליחת החטאים׃

1:15b.COL.001.015 והוא צלם האלהים הנעלם ובכור כל נברא׃

1:16b.COL.001.016 כי בו נברא כל אשר בשמים ואשר בארץ כל הנראה וכל אשר איננו נראה הן כסאות וממשלות הן שררות ורשיות הכל נברא על ידי ולמענהו׃

1:17b.COL.001.017 והוא לפני הכל והכל קים בו׃

1:18b.COL.001.018 והוא ראש גוף העדה אשר הוא ראשית ובכור מעם המתים למען יהיה הראשון בכל׃

1:19b.COL.001.019 כי כן היה הרצון לשכן בו את כל המלוא׃

1:20b.COL.001.020 ולרצות אל עצמו את הכל על ידו בעשותו שלום בדם צלבו על ידו הן אשר בארץ הן אשר בשמים׃

1:21b.COL.001.021 וגם אתם אשר הייתם מלפנים מוזרים ואיבים בנטות לבבכם אחרי המעשים הרעים׃

1:22b.COL.001.022 עתה רצה אתכם בגוף בשרו על ידי מותו להעמידכם לפניו קדשים ובלי מום ודפי׃

1:23b.COL.001.023 אם תעמדו מיסדים ונכונים באמונה ולא תזועו מתוחלת הבשורה אשר שמעתם ואשר נשמעה לכל הנברא תחת השמים ואני פולוס הייתי לה למשרת׃

1:24b.COL.001.024 עתה הנני שמח בענויי אשר אני סבל למענכם ואמלא את החסר ביסורי המשיח בבשרי בעד גופו היא העדה׃

1:25b.COL.001.025 אשר הייתי לה למשרת כפי פקדת אלהים אשר נתנה לי עליכם למלאת את דבר האלהים׃

1:26b.COL.001.026 את הסוד אשר היה נסתר מעולמים ומדור ודור ועתה נגלה לקדושיו׃

1:27b.COL.001.027 אשר רצה האלהים להודיעם אי זה הוא עשר כבוד הסוד ההוא בגוים והוא המשיח אשר בכם אשר הוא תקות הכבוד׃

1:28b.COL.001.028 ואותו משמיעים אנחנו בהוכיחנו כל איש ובלמדנו כל איש בכל חכמה למען העמיד כל איש שלם במשיח ישוע׃

1:29b.COL.001.029 ובזאת אף אני עמל ונלחם כפי פעלת כחו הפעל בי בגבורה׃

2

2:1b.COL.002.001 הנני מודיע אתכם גדל הקרב אשר בקרבי על אדותיכם ועל אדות אנשי לודקיא ועל כל אשר לא ראו את פני בבשר׃

2:2b.COL.002.002 למען ינחמו לבותם ונקשרו יחד באהבה ולכל עשר דעת נכונה להשכיל סוד האלהים אבינו וסוד המשיח׃

2:3b.COL.002.003 אשר צפונים בו כל אצרות החכמה והדעת׃

2:4b.COL.002.004 וזאת אמר אני לכם למען אשר לא יטעה אתכם איש בשפתי חלקות׃

2:5b.COL.002.005 כי גם אם בבשרי אני רחוק מכם הנה ברוחי אני אצלכם ואשמח בראתי את תכונתכם ואמץ אמונתכם במשיח׃

2:6b.COL.002.006 לכן כאשר קבלתם את המשיח את ישוע אדנינו כן גם התהלכו בו׃

2:7b.COL.002.007 משרשים ונבנים בו וקימים באמונה כאשר למדתם ומרבים בתודה בה׃

2:8b.COL.002.008 הזהרו פן יוליך איש אתכם שולל בפילסופיה ובמדוחי שוא לפי קבלת בני האדם ויסדות העולם ולא על פי המשיח׃

2:9b.COL.002.009 כי בו בגופו שכן כל מלא האלהות ובו אתם נמלאים׃

2:10b.COL.002.010 אשר הוא ראש כל שררה ושלטן׃

2:11b.COL.002.011 ובו אתם גם נמולים מילה שלא בידים בהפשטת גוף הבשר החוטא היא מילת המשיח׃

2:12b.COL.002.012 כי נקברתם אתו בטבילה אף קמתם אתו בתחיה על ידי האמונה בגבורת אלהים אשר העירו מן המתים׃

2:13b.COL.002.013 גם אתכם המתים בפשעים ובערלת בשרכם החיה אתו בסלח לכם את כל פשעיכם׃

2:14b.COL.002.014 וימחק את השטר המעיד בנו בחקתיו אשר היה לנגדנו וישאהו מתוכנו ויתקעהו בצלב׃

2:15b.COL.002.015 ויפשט את השרים והשליטים ויתנם ביד רמה לראוה בם ויוליכם שולל בנפשו׃

2:16b.COL.002.016 על כן לא ידין איש אתכם על דבר מאכל ומשקה או בענין המועדים וראשי חדשים ושבתות׃

2:17b.COL.002.017 אשר הם צל הדברים העתידים לבא וגופם הוא במשיח׃

2:18b.COL.002.018 אל תתנו לאיש לעקב אתכם על ידי שפלות רוח ועבודה מלאכים המהלך בדברים אשר לא ראו עיניו ומלא רוח גאוה על לא דבר משכל בשרו׃

2:19b.COL.002.019 ואיננו אחז בראש אשר מחבר ממנו כל הגוף ומאחז בציריו ודבקיו יגדל גדול אלהים׃

2:20b.COL.002.020 לכן אם מתם עם המשיח ליסודת העולם למה תשתעבדו לחקים כאלו עדכם חיים בעולם׃

2:21b.COL.002.021 אל תאחז אל תטעם אל תגע׃

2:22b.COL.002.022 והם כלם לכליון בתשמישם לפי מצות אנשים ולמודיהם׃

2:23b.COL.002.023 הנראים כעין חכמה בעבודה בדויה מלב ובשפלות רוח ובענוי הגוף שלא כהגן רק להשביע הבשר׃

3

3:1b.COL.003.001 לכן אם קמתם עם המשיח בקשו את אשר למעלה אשר המשיח ישב שם לימין האלהים׃

3:2b.COL.003.002 את אשר למעלה יהגה לבבכם לא את אשר בארץ׃

3:3b.COL.003.003 כי מתם וחייכם צפונים עם המשיח באלהים׃

3:4b.COL.003.004 בעת הגלות המשיח אשר הוא חייכם גם אתם תגלו עמו בכבוד׃

3:5b.COL.003.005 על כן תמותתו את אבריכם בארץ את הזנות והטמאה והזמה והתאות הרעות ונטות אחרי הבצע אשר היא עבודת אלילים׃

3:6b.COL.003.006 כי בגלל אלה בא חרון אלהים על בני חמרי׃

3:7b.COL.003.007 אשר גם אתם הלכתם בהם מלפנים בחיותכם בתוכם׃

3:8b.COL.003.008 אך עתה הסירו מכם כל אלה את הרגז את הכעס את הרשע את הגדוף ואת דברי נבלה מפיכם׃

3:9b.COL.003.009 ואל תשקרו איש בעמיתו כי פשטתם את האדם הישן עם פעלותיו׃

3:10b.COL.003.010 ולבשתם את האדם החדש המתחדש בדעת כצלם בראו׃

3:11b.COL.003.011 אשר אין שם יוני ויהודי אין מילה וערלה אין לעז וסקותי אין עבד ובן חורין כי המשיח הוא הכל ובכל׃

3:12b.COL.003.012 לכן אתם כבחירי האלהים הקדשים והחביבים לבשו המון רחמים ונדיבות ונמיכות רוח וענוה וארך אפים׃

3:13b.COL.003.013 ותשאו איש את רעהו ותסלחו בהיות לכם ריב איש עם אחיו כאשר המשיח סלח לכם כן תסלחו גם אתם׃

3:14b.COL.003.014 ועל כל אלה לבשו האהבה היא אגדת השלמות׃

3:15b.COL.003.015 וישלט בלבבכם שלום האלהים אשר נקראתם לו בגוף אחד וזבחו תודה׃

3:16b.COL.003.016 דבר האדון ישכן בקרבכם בשפע רב בכל חכמה ותלמדו ותעוררו את נפשכם בתהלות ותשבחות ושירות רוחניות ושירו ליהוה בנעימה בלבבכם׃

3:17b.COL.003.017 וכל אשר תעשו הן במלין הן בפעל עשו בשם האדון ישוע והודו לאלהים אבינו על ידי׃

3:18b.COL.003.018 אתן הנשים הכנענה לבעליכן כראוי באדנינו׃

3:19b.COL.003.019 אתם האנשים אהבו את נשיכם ואל תתמרמרו אליהן׃

3:20b.COL.003.020 הבנים שמעו אל ילדיכם בכל דבר כי הוא לרצון לאדנינו׃

3:21b.COL.003.021 האבות אל תרגיזו את בניכם פן יחתו׃

3:22b.COL.003.022 העבדים שמעו בכל דבר אל אדניכם לפי הבשר לא בעבודה למראה העין כמבקשי חן בני אדם כי אם בתם לבב כיראי האלהים׃

3:23b.COL.003.023 כל אשר תעשו עשו בכל נפשכם כמו ליהוה ולא לבני אדם׃

3:24b.COL.003.024 וידעתם כי תקבלו מאת יהוה גמול הירשה כי את אדנינו המשיח עבדים אתם׃

3:25b.COL.003.025 וכל עשה עול הוא ישא העול אשר עשה ואין שם משא פנים׃

4

4:1b.COL.004.001 אתם האדנים תנו לעבדיכם הישר והשוה ודעו כי גם אתם יש לכם אדון בשמים׃

4:2b.COL.004.002 התמידו בתפלה ושקדו בה בתודה׃

4:3b.COL.004.003 והתפללו גם בעדנו למען יפתח לנו האלהים את שער הדבור לחות את סוד המשיח אשר בעבורו אסור אנכי׃

4:4b.COL.004.004 למען אשר אגלה אתו כמשפט עלי לחות׃

4:5b.COL.004.005 התהלכו בחכמה עם אשר בחוץ והוקירו את העת׃

4:6b.COL.004.006 דבריכם יהיו נעימים בכל עת וממלחים במלח למען תדעו להשיב דבר לכל אדם׃

4:7b.COL.004.007 את כל הקרת אותי וידיעכם טוכיקוס האח החביב והמשרת הנאמן ועבד עמיתי באדון׃

4:8b.COL.004.008 אשר לזאת שלחתיהו אליכם למען ידע את דבריכם וינחם את לבבכם׃

4:9b.COL.004.009 עם אוניסימוס האח הנאמן והחביב אשר הוא מכם המה יודיעו אתכם את כל דברינו פה׃

4:10b.COL.004.010 ארסטרכוס השבוי עמי יחד שאל לשלומכם ומרקוס בן אחות בר נבא אשר צויתם עליו אם יבוא אליכם תקבלהו׃

4:11b.COL.004.011 וישוע הנקרא יוסטוס אשר הם מן המולים אלה לבדם מן העזרים למלכות האלהים היו לי לנחמה׃

4:12b.COL.004.012 אפפרס אשר הוא מכם שאל לשלומכם משרת המשיח הנאבק בעדכם בתפלתיו בכל עת למען תעמדו שלמים ומלאים דעת בכל רצון אלהים׃

4:13b.COL.004.013 כי מעיד אני עליו כי קנאה גדולה הוא מקנא לכם ולאנשי לודקיא ולאנשי הירפוליס׃

4:14b.COL.004.014 לוקס הרופא החביב ודימס שאלים לשלומכם׃

4:15b.COL.004.015 שאלו לשלום האחים אשר בלודקיא ולשלום נומפס והקהלה אשר בביתו׃

4:16b.COL.004.016 ואחרי קראם את האגרת הזאת לפניכם עשו שתקרא גם בקהל לודקיים ואת אשר ללודקיא תקראוה גם אתם׃

4:17b.COL.004.017 ואמרו אל ארכפוס שית לבך לעבודה אשר קבלתה באדון למען תמלאנה׃

4:18b.COL.004.018 שאלת השלום מידי אני פולוס זכרו את מוסרי החסד עמכם אמן׃