Acts (Hebrew)

1

1:1b.ACT.001.001 הן המאמר הראשון תאופילוס עשיתיהו על כל אשר החל ישוע לעשות וללמד׃

1:2b.ACT.001.002 עד היום אשר לקח למרום אחרי צותו ברוח הקדש את השליחים אשר בחר בהם׃

1:3b.ACT.001.003 ואשר גם התיצב להם חי אחרי ענותו באתות רבות בהראותו אליהם ארבעים יום וידבר על מלכות האלהים׃

1:4b.ACT.001.004 ובאכלו לחם עמהם צוה אתם לבלתי סור מירושלים כי אם להוחיל להבטחת האב אשר שמעתם ממני׃

1:5b.ACT.001.005 כי יוחנן הטביל במים ואתם תטבלו ברוח הקדש בקרוב אחרי הימים האלה׃

1:6b.ACT.001.006 ויהי כאשר נאספו יחדו וישאלהו לאמר אדנינו המשיב אתה בעת הזאת את המלוכה לישראל׃

1:7b.ACT.001.007 ויאמר אליהם לא לכם לדעת העתים והזמנים אשר יעד האב בשלטנו׃

1:8b.ACT.001.008 אבל תקבלו גבורה בבוא עליכם רוח הקדש והייתם עדי בירושלים ובכל יהודה ובשמרון ועד קצה הארץ׃

1:9b.ACT.001.009 ויהי כדברו זאת העלה והם ראים וישאהו ענן מנגד עיניהם׃

1:10b.ACT.001.010 ויביטו אחריו השמימה בעברו והנה שני אנשים לבושי בדים נצבים עליהם׃

1:11b.ACT.001.011 ויאמרו אתם אנשי הגליל מה תעמדו פה ועיניכם השמימה ישוע זה אשר לקח מאתכם השמימה כן בוא יבוא כאשר ראיתם אתו עלה השמימה׃

1:12b.ACT.001.012 ויפנו וילכו ירושלימה מן ההר הנקרא הר הזיתים והוא קרוב לירושלים דרך תחום שבת׃

1:13b.ACT.001.013 ויבאו העירה ויעלו אל העליה אשר היו ישבים בה פטרוס ויעקב ויוחנן ואנדרי פילפוס ותומא בר תלמי ומתי יעקב בן חלפי ושמעון הקנא ויהודה בן יעקב׃

1:14b.ACT.001.014 כל אלה היו שקדים יחדו בלב אחד להתפלל ולהתחנן ועמהם הנשים ומרים אם ישוע וגם אחיו׃

1:15b.ACT.001.015 ובימים האלה קם פטרוס בתוך התלמידים ומספר שמות הנקהלים יחד כמאה ועשרים ויאמר׃

1:16b.ACT.001.016 אנשים אחים מן הצרך היה כי ימלא הכתוב ההוא אשר דבר מקדם רוח הקדש בפי דוד על יהודה אשר היה מוליך את תפשי ישוע׃

1:17b.ACT.001.017 כי היה נמנה אתנו וזכה בגורל השרות הזה׃

1:18b.ACT.001.018 והנה הוא קנה לו שדה במחיר הרשעה ויפל על פניו ארצה ויבקע בתוך וישפכו כל מעיו׃

1:19b.ACT.001.019 וגם נודעה זאת לכל ישבי ירושלים ויקרא בשפתם לשדה ההוא חקל דמא הוא שדה הדם׃

1:20b.ACT.001.020 כי כתוב בספר תהלים תהי טירתו נשמה ואל יהי בה ישב ופקדתו יקח אחר׃

1:21b.ACT.001.021 ועל כן מן הצרך כי מן האנשים האלה אשר התהלכו אתנו כל ימי היות אדנינו ישוע יוצא ובא לפנינו׃

1:22b.ACT.001.022 החל מטבילת יוחנן עד יום הלקחו מאתנו כי אחד מהם יהיה לעד עמנו על קומו מן המתים׃

1:23b.ACT.001.023 ויעמידו שנים את יוסף הנקרא בר שבא והוא מכנה יוסטוס ואת מתיה׃

1:24b.ACT.001.024 ויתפללו ויאמרו אתה אדני היודע כל הלבבות הראה נא מן השנים האלה את האחד אשר בחרת בו׃

1:25b.ACT.001.025 לקחת את גורל השרות הזה והשליחות אשר סר ממנה יהודה להלך אל מקומו׃

1:26b.ACT.001.026 ויפילו גורלות ויפל הגורל על מתיה ויספח אל עשתי עשר השליחים׃

2

2:1b.ACT.002.001 וביום מלאת שבעת השבעות ויתאספו כלם לב אחד׃

2:2b.ACT.002.002 ויהי פתאם קול רעש מן השמים כקול רוח סערה וימלא את כל הבית אשר ישבו בו׃

2:3b.ACT.002.003 ותראינה אליהם לשנות נחלקות ומראיהן כאש ותנוחינה אחת אחת על כל אחד מהם׃

2:4b.ACT.002.004 וימלאו כלם רוח הקדש ויחלו לדבר בלשנות אחרות כאשר נתנם הרוח להטיף׃

2:5b.ACT.002.005 ובירושלים שכנו יהודים אנשי חסד מכל גוי וגוי אשר תחת השמים׃

2:6b.ACT.002.006 ויהי בהיות קול הרעש ההוא ויקבצו עם רב ויהיו נבכים כי איש איש שמע אתם מדברים בשפת עמו׃

2:7b.ACT.002.007 וישתוממו ויתמהו ויאמרו איש אל רעהו הנה כל אלה המדברים הלא גלילים המה׃

2:8b.ACT.002.008 ואיך אנחנו שמעים אתם איש כשפת ארץ מולדתנו׃

2:9b.ACT.002.009 פרתיים ומדים ועילמים וישבי ארם נהרים יהודה וקפודקיה פנטוס ואסיא׃

2:10b.ACT.002.010 פרוגיא ופמפוליא מצרים וחבל לוב אשר על יד קוריני והבאים מרומי גם יהודים גם גרים׃

2:11b.ACT.002.011 כרתים וערבים הנה אנחנו שמעים אתם מספרים בלשנותינו גדלות האלהים׃

2:12b.ACT.002.012 וישתוממו כלם ויבהלו ויאמרו איש אל אחיו מה תהיה זאת׃

2:13b.ACT.002.013 ואחרים לעגו ויאמרו כי מלאי עסיס המה׃

2:14b.ACT.002.014 אז יעמד פטרוס ועשתי העשר עמו וישא את קולו וידבר אליהם אנשי יהודה וישבי ירושלים כלכם זאת תודע לכם והאזינו אל דברי׃

2:15b.ACT.002.015 כי אלה לא שכורים המה כאשר חשבתם כי שעה שלישית ביום עתה׃

2:16b.ACT.002.016 אבל זה הוא האמור על ידי יואל הנביא׃

2:17b.ACT.002.017 והיה באחרית הימים נאם אלהים אשפך את רוחי על כל בשר ונבאו בניכם ובנתיכם ובחוריכם חזינות יראו וזקניכם חלמות יחלמון׃

2:18b.ACT.002.018 וגם על עבדי ועל שפחותי בימים ההמה אשפך את רוחי ונבאו׃

2:19b.ACT.002.019 ונתתי מופתים בשמים ממעל ואתות בארץ מתחת דם ואש ותימרות עשן׃

2:20b.ACT.002.020 השמש יהפך לחשך והירח לדם לפני בוא יום יהוה הגדול והנורא׃

2:21b.ACT.002.021 והיה כל אשר יקרא בשם יהוה ימלט׃

2:22b.ACT.002.022 אנשי ישראל שמעו הדברים האלה ישוע הנצרי האיש אשר נאמן לכם מאת האלהים בגבורות ובמופתים ובאתות אשר האלהים עשה על ידו בתוככם כאשר ידעתם גם אתם׃

2:23b.ACT.002.023 אתו הנמסר על פי עצת האלהים הנחרצה וידיעתו מקום לקחתם ובידי רשעים הוקעתם והרגתם אתו׃

2:24b.ACT.002.024 והאלהים הקימו מן המתים בהתיר את חבלי המות באשר נמנע מן המות לעצר אתו׃

2:25b.ACT.002.025 כי דוד אמר עליו שויתי יהוה לנגדי תמיד כי מימיני בל אמוט׃

2:26b.ACT.002.026 לכן שמח לבי ויגל כבודי אף בשרי ישכן לבטח׃

2:27b.ACT.002.027 כי לא תעזב נפשי לשאול לא תתן חסידך לראות שחת׃

2:28b.ACT.002.028 תודיעני ארחות חיים שבע שמחות את פניך׃

2:29b.ACT.002.029 אנשים אחים הניחו לי ואדברה באזני כלכם על דוד אבינו אשר גם מת גם נקבר וקבורתו אתנו היא עד היום הזה׃

2:30b.ACT.002.030 והוא בהיותו נביא ומדעתו את השבועה אשר נשבע לו האלהים להקים את המשיח כפי הבשר מפרי חלציו להושיבו על כסאו׃

2:31b.ACT.002.031 לכן בחזותו מראש דבר על תקומת המשיח כי לא נעזבה נפשו לשאול וגם בשרו לא ראה שחת׃

2:32b.ACT.002.032 את ישוע זה הקים אלהים מן המתים ואנחנו כלנו עדיו׃

2:33b.ACT.002.033 ועתה אחרי הנשאו בימין האלהים לקח מאת האב את הבטחת רוח הקדש וישפך את אשר אתם ראים ושמעים׃

2:34b.ACT.002.034 כי דוד לא עלה השמימה והנה הוא אמר נאם יהוה לאדני שב לימיני׃

2:35b.ACT.002.035 עד אשית איביך הדם לרגליך׃

2:36b.ACT.002.036 לכן ידע נא בית ישראל כלו כי לאדון ולמשיח שמו האלהים את ישוע זה אשר צלבתם׃

2:37b.ACT.002.037 ויהי כשמעם התעצבו אל לבם ויאמרו אל פטרוס ואל שאר השליחים אנשים אחים מה עלינו לעשות׃

2:38b.ACT.002.038 ויאמר פטרוס אליהם שובו מדרכיכם והטבלו כל איש מכם על שם ישוע המשיח לסליחת חטאיכם וקבלתם את מתנת רוח הקדש׃

2:39b.ACT.002.039 כי לכם ההבטחה ולבניכם ולכל הרחוקים לכל אשר קרא יהוה אלהינו׃

2:40b.ACT.002.040 ויעד עוד בהם באמרים אחרים הרבה ויזהר אתם לאמר המלטו נא מדור תהפכות הזה׃

2:41b.ACT.002.041 ויקבלו את דברו בשמחה ויטבלו וביום ההוא נוספו כשלשת אלפי נפש׃

2:42b.ACT.002.042 ויהיו שקדים על תורת השליחים ועל ההתחברות ועל בציעת הלחם ועל התפלה׃

2:43b.ACT.002.043 ותפל אימה על כל נפש ומופתים רבים ואתות נעשו על ידי השליחים בירושלים׃

2:44b.ACT.002.044 וכל המאמינים התאחדו יחד ויהי להם הכל בשתפות׃

2:45b.ACT.002.045 ואת אחזתם ואת רכושם מכרו ויחלקו אתם לכלם לאיש איש די מחסורו׃

2:46b.ACT.002.046 ויום יום היו שקדים במקדש לב אחד ויבצעו את הלחם בבית בבית׃

2:47b.ACT.002.047 ויאכלו מזונם בגילה ובתם לבב וישבחו את האלהים וימצאו חן בעיני כל העם והאדון הוסיף יום יום על העדה את הנושעים׃

3

3:1b.ACT.003.001 ופטרוס ויוחנן עלים יחדו אל המקדש לעת התפלה בשעה התשיעית׃

3:2b.ACT.003.002 ואיש אחד פסח מבטן אמו מובא שמה אשר יושיבהו יום יום שער המקדש הנקרא שער המהדר לשאל מתנות מאת באי המקדש׃

3:3b.ACT.003.003 ויהי כראותו את פטרוס ואת יוחנן באים אל המקדש ויבקש לקחת מאתם צדקה׃

3:4b.ACT.003.004 ויסתכל בו פטרוס וגם יוחנן ויאמר אליו הביטה אלינו׃

3:5b.ACT.003.005 וישם פניו אליהם בקותו לקחת מאתם דבר׃

3:6b.ACT.003.006 ויאמר פטרוס כסף וזהב אין לי אבל את אשר בידי אתננו לך בשם ישוע המשיח הנצרי קום התהלך׃

3:7b.ACT.003.007 ויאחז ביד ימינו ויקם אותו ויתחזקו פתאם רגליו וקרסליו׃

3:8b.ACT.003.008 ויקפץ ויתהלך ויבא אתם אל המקדש מתהלך ומרקד ומשבח את האלהים׃

3:9b.ACT.003.009 ויראהו כל העם מתהלך ומשבח את האלהים׃

3:10b.ACT.003.010 ויכירו אותו כי הוא אשר היה ישב לשאל צדקה בשער המקדש המהדר וימלאו שמה ושממון על הנעשה לו׃

3:11b.ACT.003.011 ויהי הוא מחזיק בפטרוס וביוחנן וירץ אליהם כל העם אל האולם הנקרא אולם של שלמה וישתוממו׃

3:12b.ACT.003.012 וירא פטרוס ויען ויאמר אל העם אנשי ישראל מה אתם תמהים על זאת ומה תסתכלו בנו כאלו אנחנו בכחנו ובחסידותנו שמנו את זה מתהלך׃

3:13b.ACT.003.013 אלהי אברהם אלהי יצחק ואלהי יעקב אלהי אבותינו הוא פאר את עבדו ישוע אשר אתם מסרתם אותו וכחשתם בו בפני פילטוס כשהיה דן לפטרו׃

3:14b.ACT.003.014 אבל אתם כחשתם בקדוש ובצדיק ובקשתם כי יחן לכם איש רצח׃

3:15b.ACT.003.015 ואת שר החיים הרגתם אשר האלהים הקימו מן המתים ואנחנו עדיו׃

3:16b.ACT.003.016 ולמען אמונת שמו חזק שמו את האיש הזה אשר אתם ראים ומכירים אתו והאמונה אשר לנו על ידו היא העלתה לו את הארכה הזאת לעיני כלכם׃

3:17b.ACT.003.017 ועתה אחי ידע אני כי בבלי דעת עשיתם גם אתם גם ראשיכם׃

3:18b.ACT.003.018 והאלהים ככה מלא את אשר הגיד מקדם בפי כל נביאיו כי יענה המשיח׃

3:19b.ACT.003.019 לכן הנחמו ושובו וימחו חטאיכם׃

3:20b.ACT.003.020 למען אשר יבאו ימי רוחה מלפני יהוה וישלח את אשר בשרו לכם מקדם את ישוע המשיח׃

3:21b.ACT.003.021 אשר צריך כי יקבלהו השמים עד ימי שוב כל הדברים לתקונם אשר דבר עליהם האלהים בפי נביאיו הקדושים מימי עולם׃

3:22b.ACT.003.022 הן משה אמר אל אבותינו נביא יקים לכם יהוה אלהיכם מקרב אחיכם כמני אליו תשמעון ככל אשר ידבר אליכם׃

3:23b.ACT.003.023 והיה כל הנפש אשר לא תשמע אל הנביא ההוא ונכרתה מעמיה׃

3:24b.ACT.003.024 וגם כל הנביאים משמואל ואשר נבאו אחריו כלם הגידו מראש את הימים האלה׃

3:25b.ACT.003.025 אתם בני הנביאים ובני הברית אשר כרת האלהים עם אבותינו באמרו אל אברהם ונברכו בזרעך כל משפחות האדמה׃

3:26b.ACT.003.026 לכם בראשונה העמיד האלהים את עבדו ישוע וישלחהו לברך אתכם בשובכם כל איש מרע מעלליכם׃

4

4:1b.ACT.004.001 ויהי בדברם אל העם ויקומו עליהם הכהנים ונגיד בית המקדש והצדוקים׃

4:2b.ACT.004.002 כי חרה להם על אשר למדו את העם והגידו בישוע את תחית המתים׃

4:3b.ACT.004.003 וישלחו בהם את ידיהם וישימום במשמר עד למחר כי כבר בא הערב׃

4:4b.ACT.004.004 ורבים מהשמעים את הדבר האמינו ויהי מספר האנשים כחמשת אלפים׃

4:5b.ACT.004.005 ויהי ממחרת ויקהלו שריהם ראשיהם וזקניהם וסופריהם ירושלים׃

4:6b.ACT.004.006 וחנן הכהן הגדול וקיפא ויוחנן ואלכסנדרוס וכל אשר ממשפחת הכהן הגדול׃

4:7b.ACT.004.007 ויעמידו אתם בתוך וישאלום באי זה כח ובאי זה שם עשיתם זאת׃

4:8b.ACT.004.008 וימלא פטרוס רוח הקדש ויאמר אליהם אתם ראשי העם וזקני ישראל׃

4:9b.ACT.004.009 אם אנחנו נחקרים היום על הטובה אשר עשינו לאיש חולה ושאלתם במה זה נושע׃

4:10b.ACT.004.010 יודע לכלכם ולכל עם ישראל כי בשם ישוע המשיח הנצרי אשר צלבתם אותו ואשר האלהים הקימו מן המתים כי בשמו עמד זה לפניכם בריא׃

4:11b.ACT.004.011 והוא האבן אשר מאסתם אתם הבונים ותהי לראש פנה׃

4:12b.ACT.004.012 ואין הישועה באחר ואין תחת השמים שם אחר הנתן לבני אדם אשר בו נושע׃

4:13b.ACT.004.013 ויהי כאשר ראו את בטחון לב של פטרוס ויוחנן והבינו כי הדיוטים ולא בעלי חכמה המה ויתמהו עליהם ויכירום כי התהלכו עם ישוע׃

4:14b.ACT.004.014 ובראותם את האיש הנרפא עמד אצלם לא מצאו לדבר נגדם דבר׃

4:15b.ACT.004.015 ויצוו אתם לצאת חוצה מן הסנהדרין ויתיעצו יחדו׃

4:16b.ACT.004.016 ויאמרו מה נעשה לאנשים האלה הנה אות גלוי נעשה על ידיהם וגם מפרסם לכל ישבי ירושלים ולא נוכל לכחש בו׃

4:17b.ACT.004.017 אך למען לא ירבה הדבר בעם ויפרץ נזהירה אתם בגערה לבלתי דבר עוד לכל אדם בשם הזה׃

4:18b.ACT.004.018 ויקראו אתם ויצוום אשר לא ידברו דבר ולא ילמדו בשם ישוע׃

4:19b.ACT.004.019 ויענו פטרוס ויוחנן ויאמרו אליהם הנכון הוא לפני האלהים שמע לכם יתר משמע לאלהים שפטו אתם׃

4:20b.ACT.004.020 כי לא נוכל אנחנו לחדל מדבר את אשר ראינו ושמענו׃

4:21b.ACT.004.021 ויוסיפו לגער בם ויפטרו אתם באשר לא מצאו דבר לענוש אתם מפני העם כי כלם מהללים את האלהים על הנעשה׃

4:22b.ACT.004.022 כי בן ארבעים שנה ומעלה היה האיש ההוא אשר נעשה עמו אות הרפואה הזאת׃

4:23b.ACT.004.023 ואחרי הפטרם באו אל אחיהם ויספרו להם את אשר אמרו אליהם הכהנים הגדולים והזקנים׃

4:24b.ACT.004.024 ויהי כאשר שמעו את זאת וישאו את קולם בלב אחד לאלהים ויאמרו אדני אתה האל העשה את השמים ואת הארץ ואת הים ואת כל אשר בם׃

4:25b.ACT.004.025 אשר אמרת בפי עבדך דוד למה רגשו גוים ולאמים יהגו ריק׃

4:26b.ACT.004.026 יתיצבו מלכי ארץ ורוזנים נוסדו יחד על יהוה ועל משיחו׃

4:27b.ACT.004.027 כי אמנם נוסדו הורדוס ופנטיוס פילטוס עם הגוים ולאמי ישראל על ישוע עבדך הקדוש אשר משחת׃

4:28b.ACT.004.028 לעשות את אשר ידך ועצתך מקדם גזרה להיות׃

4:29b.ACT.004.029 ועתה אדני ראה את גערתם ותן לעבדיך לדבר את דברך בכל בטחון לבם׃

4:30b.ACT.004.030 בנטתך את ידך למרפא ולתת אתות ומופתים בשם ישוע עבדך הקדוש׃

4:31b.ACT.004.031 ויהי כאשר התפללו וינע המקום אשר היו נקהלים שם וימלאו כלם רוח הקדש וידברו את דבר האלהים בבטחון לבב׃

4:32b.ACT.004.032 וקהל המאמינים היה להם לב אחד ונפש אחת ואין איש מהם אומר על אשר בידו לי הוא כי הכל היה להם בשתפות׃

4:33b.ACT.004.033 ובגבורה גדולה יעידו השליחים על תקומת האדון ישוע וחסד גדול נמשך לכלם׃

4:34b.ACT.004.034 כי לא היה בהם חסר דבר כי כל בעלי שדות ובתים מכרו אתם ויביאו את כסף מחירם׃

4:35b.ACT.004.035 וישימהו לרגלי השליחים ויתן לכל איש ואיש די מחסרו׃

4:36b.ACT.004.036 ויוסף אשר כנוהו השליחים בשם בר נבא פרושו בן הנחמה איש לוי אשר נולד בארץ כתים׃

4:37b.ACT.004.037 גם לו היה שדה וימכרהו ויבא את הכסף וישימהו לרגלי השליחים׃

5

5:1b.ACT.005.001 ואיש אחד ושמו חנניה עם אשתו שפירה מכר את אחזתו׃

5:2b.ACT.005.002 ויקח מן המחיר ויסתירהו ואשתו ידעת גם היא וחלק אחד הביא וישם לרגלי השליחים׃

5:3b.ACT.005.003 ויאמר פטרוס חנניה למה זה מלא השטן את לבבך לשקר ברוח הקדש ולהסתיר ממחיר השדה׃

5:4b.ACT.005.004 הלא שלך היה טרם המכרו וגם אחרי נמכר היה בידך ולמה שמת על לבבך הדבר הזה לא שקרת בבני אדם כי אם באלהים׃

5:5b.ACT.005.005 וכשמע חנניה את הדברים האלה נפל ארצה ויגוע ותהי יראה גדולה על כל השמעים׃

5:6b.ACT.005.006 ויקומו הצעירים ויאספו אתו וישאהו החוצה ויקברהו׃

5:7b.ACT.005.007 ויהי כמשלש שעות ותבא אשתו והיא לא ידעה את הנעשה׃

5:8b.ACT.005.008 ויען פטרוס ויאמר אליה אמרי לי הבמחיר הזה מכרתם את השדה ותאמר כן במחיר הזה׃

5:9b.ACT.005.009 ויאמר פטרוס אליה למה זה נועדתם לנסות את רוח יהוה הנה בפתח רגלי המקברים את אישך ונשאו אתך החוצה׃

5:10b.ACT.005.010 ותפל פתאם לרגליו ותגוע והבחורים באו והנה מתה וישאוה החוצה ויקברוה אצל אישה׃

5:11b.ACT.005.011 ותהי יראה גדולה על כל הקהל ועל כל השמעים את אלה׃

5:12b.ACT.005.012 ויעשו אתות ומופתים רבים בקרב העם על ידי השליחים וכלם נאספו לב אחד באולם של שלמה׃

5:13b.ACT.005.013 ומן האחרים אין איש אשר מלאו לבו לחלות עליהם אך הוקיר אתם העם׃

5:14b.ACT.005.014 אבל נספחו עוד יתר מאמינים אל האדון אנשים ונשים הרבה מאד׃

5:15b.ACT.005.015 עד כי נשאו את החולים אל הרחבות וישימום על מטות ומשכבות למען אשר ילך פטרוס ונפל אך צלו על אחד מהם׃

5:16b.ACT.005.016 וגם המון עם הערים אשר מסביב נקבצו ירושלים מביאים את החולים ואת הנלחצים מרוחות טמאות וירפאו כלם׃

5:17b.ACT.005.017 ויקם הכהן הגדול וכל אשר אתו והם אנשי כת הצדוקים וימלאו קנאה׃

5:18b.ACT.005.018 וישלחו יד בשליחים ויתנום במשמר העיר׃

5:19b.ACT.005.019 ויהי בלילה ויפתח מלאך יהוה את דלתי בית הכלא ויוציאם לאמר׃

5:20b.ACT.005.020 לכו והתיצבו במקדש ודברו אל העם את כל דברי החיים האלה׃

5:21b.ACT.005.021 והם כשמעם את זאת באו אל המקדש בהית הבקר וילמדו שם ויבא הכהן הגדול ואשר אתו ויקראו אל הסנהדרין ואל כל זקני בני ישראל וישלחו אל בית האסורים להביא אתם׃

5:22b.ACT.005.022 וילכו המשרתים ולא מצאום בבית הכלא וישובו ויגידו לאמר׃

5:23b.ACT.005.023 את בית האסורים מצאנו סגור ומסגר והשמרים עמדים על הדלתות וכאשר פתחנו לא נמצא בו אדם׃

5:24b.ACT.005.024 ויהי כשמע הכהן ונגיד המקדש וראשי הכהנים את הדברים האלה ויבהלו עליהם ויאמרו איך יפל הדבר הזה׃

5:25b.ACT.005.025 ואיש אחד בא ויגד להם לאמר הנה האנשים אשר שמתם במשמר עמדים הם במקדש ומלמדים את העם׃

5:26b.ACT.005.026 וילך שמה הנגיד עם משרתיו ויקחם אך לא בחזקה כי יראו מפני העם פן יסקלו׃

5:27b.ACT.005.027 ויביאו אתם ויעמידום לפני הסנהדרין וישאלם הכהן הגדול לאמר׃

5:28b.ACT.005.028 הלא צוה צוינו עליכם לבלתי למד בשם הזה והנה מלאתם את ירושלים תורתכם ותחפצו להביא עלינו את דמי האיש הזה׃

5:29b.ACT.005.029 ויען פטרוס והשליחים ויאמרו הלא עלינו להקשיב בקול אלהים מהקשיב בקול בני אדם׃

5:30b.ACT.005.030 אלהי אבותינו הקים את ישוע אשר שלחתם ידכם בו ותתלו אותו על העץ׃

5:31b.ACT.005.031 את זה נשא האלהים בימינו לשר ולמושיע לתת תשובה לישראל וסליחת החטאים׃

5:32b.ACT.005.032 ואנחנו עדיו על אלה וגם רוח הקדש אשר נתן אותו האלהים לשמעים בקולו׃

5:33b.ACT.005.033 ויהי כשמעם ויתרגזו ויתיעצו להרוג אתם׃

5:34b.ACT.005.034 ויקם בתוך הסנהדרין אחד מן הפרושים גמליאל שמו והוא מורה התורה מכבד בעיני כל העם ויצו להוציא את השליחים החוצה לזמן מעט׃

5:35b.ACT.005.035 ויאמר אליהם אנשי ישראל השמרו לכם מפני האנשים האלה במה שאתם עשים להם׃

5:36b.ACT.005.036 כי לפני הימים האלה קם תודס ויתן את נפשו כאחד הגדולים וידבקו בו כארבע מאות איש ויהרג וכל אשר שמעו אליו התפרדו ויהיו לאין׃

5:37b.ACT.005.037 ואחר כן קם יהודה הגלילי בימי הספר ויסת אחריו עם רב וגם הוא נהרג וכל אשר שמעו אליו נפצו׃

5:38b.ACT.005.038 ועתה אני אמר אליכם חדלו לכם מן האנשים האלה והניחו להם כי העצה והפעלה הזאת אם מאת אדם היא תפר׃

5:39b.ACT.005.039 ואם מאת האלהים היא לא תוכלו להפר אתה פן תמצאו נלחמים את האלהים׃

5:40b.ACT.005.040 וישמעו אליו ויקראו את השליחים וילקו אתם ויצוו אשר לא ידברו בשם ישוע ויפטרו אותם׃

5:41b.ACT.005.041 ויצאו שמחים מלפני הסנהדרין על כי זכו לשאת על שמו כלמה׃

5:42b.ACT.005.042 וכל היום לא חדלו ללמד במקדש ובבתים ולבשר את בשורת ישוע המשיח׃

6

6:1b.ACT.006.001 בימים ההם כאשר רבו התלמידים היתה תלונת היונים על העבריים על אשר העלימו עיניהם מאלמנותיהם לבלתי תת להן יום יום את ארוחתן׃

6:2b.ACT.006.002 ויקראו שנים העשר את המון התלמידים ויאמרו לא נאוה לנו כי נעזב את דבר האלהים ונשמש את השלחנות׃

6:3b.ACT.006.003 לכן אחי ברו לכם שבעה אנשים מקרבכם אשר שם טוב להם ומלאים רוח הקדש וחכמה ונפקידם על הענין הזה׃

6:4b.ACT.006.004 ואנחנו נשקד על התפלה ועל שמוש הדבר׃

6:5b.ACT.006.005 וייטב הדבר לפני כל ההמון ויבחרו את אסטפנוס איש מלא אמונה ורוח הקדש ואת פילפוס ואת פרוכורוס ואת ניקנור ואת טימון ואת פרמנס ואת ניקלס גר אנטיוכיא׃

6:6b.ACT.006.006 את אלה העמידו לפני השליחים ויתפללו ויסמכו את ידיהם עליהם׃

6:7b.ACT.006.007 ויהי דבר האלהים הולך וגדל וירב מספר התלמידים בירושלים עד מאד וגם המון רב מן הכהנים נכנעו אל האמונה׃

6:8b.ACT.006.008 ואסטפנוס מלא אמונה וגבורה ויעש אתות ומופתים גדולים בקרב העם׃

6:9b.ACT.006.009 ויקומו אנשים מבית הכנסת הנקרא על שם הליברטינים ושל קורינים ואלכסנדריים ומן בני קיליקיא ואסיא ויתוכחו עם אסטפנוס׃

6:10b.ACT.006.010 ולא יכלו עמד לנגד החכמה והרוח אשר דבר בו׃

6:11b.ACT.006.011 ויסיתו בו אנשים אמרים שמענו אתו מדבר גדופים במשה ובאלהים׃

6:12b.ACT.006.012 ויעוררו את העם ואת הזקנים והסופרים ויקומו עליו ויחטפהו ויביאהו לפני הסנהדרין׃

6:13b.ACT.006.013 ויעמידו עדי שקר אשר אמרו האיש הזה איננו חדל מהטיח דברים נגד מקום הקדש הזה ונגד התורה׃

6:14b.ACT.006.014 כי שמענהו אמר זה ישוע הנצרי יתץ את המקום הזה וישנה את החקים אשר מסר לנו משה׃

6:15b.ACT.006.015 ויסתכלו בו כל הישבים בסנהדרין ויראו את פניו כפני מלאך אלהים׃

7

7:1b.ACT.007.001 ויאמר הכהן הגדול האמת הוא אשר דברו׃

7:2b.ACT.007.002 ויען ויאמר אנשים אחים ואבות שמעו אלהי הכבוד נראה אל אברהם אבינו בהיותו בארם נהרים לפני שבתו בחרן׃

7:3b.ACT.007.003 ויאמר אליו לך לך מארצך וממולדתך ובא אל הארץ אשר אראך׃

7:4b.ACT.007.004 ויצא מארץ כשדים וישב בחרן ואחרי מות אביו העביר אתו משם אל הארץ הזאת אשר אתם ישבים בה עתה׃

7:5b.ACT.007.005 ולא נתן לו נחלה בה אף לא מדרך כף רגל ויבטח לתתה לאחזה לו ולזרעו אחריו ועוד לא היה לו בן׃

7:6b.ACT.007.006 ויאמר לו אלהים כי גר יהיה זרעו בארץ לא להם ועבדום וענו אתם ארבע מאות שנה׃

7:7b.ACT.007.007 וגם את הגוי אשר יעבדו דן אנכי אמר אלהים ואחרי כן יצאו ויעבדוני במקום הזה׃

7:8b.ACT.007.008 ויתן לו את ברית המילה ובכן הוליד את יצחק וימל אתו ביום השמיני ויצחק הוליד את יעקב ויעקב הוליד את שנים עשר האבות׃

7:9b.ACT.007.009 ויקנאו האבות ביוסף וימכרו אותו מצרימה ואלהים היה עמו׃

7:10b.ACT.007.010 ויצילהו מכל צרותיו ויתן לו חן וחכמה לפני פרעה מלך מצרים וישימהו שליט על מצרים ועל כל ביתו׃

7:11b.ACT.007.011 ויהי רעב על כל ארץ מצרים וכנען וצרה גדולה ואבותינו לא מצאו אכל׃

7:12b.ACT.007.012 וישמע יעקב כי יש שבר במצרים וישלח שמה את אבותינו בפעם הראשונה׃

7:13b.ACT.007.013 ובפעם השנית התודע יוסף אל אחיו ומולדת יוסף נגלתה לפרעה׃

7:14b.ACT.007.014 וישלח יוסף ויקרא ליעקב אביו ולכל משפחתו בשבעים וחמש נפש׃

7:15b.ACT.007.015 וירד יעקב מצרימה וימת הוא ואבותינו׃

7:16b.ACT.007.016 ויובאו שכמה ויושמו בקבר אשר קנה אברהם בכספו מיד בני חמור אבי שכם׃

7:17b.ACT.007.017 ויהי כאשר קרבה עת ההבטחה אשר נשבע אלהים לאברהם ויגדל העם וירב במצרים׃

7:18b.ACT.007.018 עד כי קם מלך אחר אשר לא ידע את יוסף׃

7:19b.ACT.007.019 וזה התחכם למשפחתנו וירע לאבותינו ויצו אתם להשליך את עלליהם אל פני השדה לבלתי החיותם׃

7:20b.ACT.007.020 בעת ההיא נולד משה ויהי טוב לאלהים ויהי אמון בבית אביו שלשה ירחים׃

7:21b.ACT.007.021 וכאשר השלך אספה אתו בת פרעה ותגדלהו לה לבן׃

7:22b.ACT.007.022 וילמד משה בכל חכמת מצרים ויהי גבור בדברים ובמעשים׃

7:23b.ACT.007.023 ובמלאת לו ארבעים שנה עלה על לבו לפקד את אחיו בני ישראל׃

7:24b.ACT.007.024 וירא איש אחד מעשק חנם ויושע לו ויקם נקמת המכה בהכותו את המצרי׃

7:25b.ACT.007.025 ויחשב בלבבו כי יבינו אחיו אשר על ידו יתן האלהים להם תשועה והם לא הבינו׃

7:26b.ACT.007.026 ויהי ביום השני ויבא בתוכם והם נצים ויבקש לעשות שלום ביניהם לאמר אנשים אחים אתם ולמה תעשקו איש את אחיו׃

7:27b.ACT.007.027 והעשק את רעהו הדפו לאמר מי שמך לאיש שר ושפט עלינו׃

7:28b.ACT.007.028 הלהרגני אתה אמר כאשר הרגת אתמל את המצרי׃

7:29b.ACT.007.029 ויברח משה על הדבר הזה ויהי גר בארץ מדין ויולד שם שני בנים׃

7:30b.ACT.007.030 ובמלאת ארבעים שנה נראה אליו מלאך יהוה במדבר הר סיני בלבת אש מתוך הסנה׃

7:31b.ACT.007.031 וירא משה ויתמה על המראה ובסורו לראות ויהי קול יהוה אליו׃

7:32b.ACT.007.032 אנכי אלהי אבותיך אלהי אברהם אלהי יצחק ואלהי יעקב ויחרד משה ויירא מהביט׃

7:33b.ACT.007.033 ויאמר אליו יהוה של נעליך מעל רגליך כי המקום אשר אתה עומד עליו אדמת קדש הוא׃

7:34b.ACT.007.034 ראה ראיתי את עני עמי אשר במצרים ואת נאקתם שמעתי וארד להצילם ועתה לכה ואשלחך מצרימה׃

7:35b.ACT.007.035 הוא משה אשר כחשו בו לאמר מי שמך לשר ושפט אתו שלח האלהים לשר וגאל ביד המלאך הנראה אליו בסנה׃

7:36b.ACT.007.036 והוא הוציאם ויעש אתות ומפתים בארץ מצרים ובים סוף ובמדבר ארבעים שנה׃

7:37b.ACT.007.037 הוא משה אשר אמר אל בני ישראל נביא מקרב אחיכם כמני יקים לכם יהוה אלהיכם אליו תשמעון׃

7:38b.ACT.007.038 הוא אשר היה בקהל במדבר עם המלאך הדבר אליו בהר סיני ועם אבותינו ואשר קבל דברים חיים לתת לנו׃

7:39b.ACT.007.039 הוא אשר אבותינו לא אבו לשמע לו כי אם מאסו אתו ולבבם פנה מצרימה׃

7:40b.ACT.007.040 ויאמרו אל אהרן עשה לנו אלהים אשר ילכו לפנינו כי זה משה אשר העלנו מארץ מצרים לא ידענו מה היה לו׃

7:41b.ACT.007.041 ויעשו עגל בימים ההם ויזבחו זבחים לאליל וישמחו במעשה ידיהם׃

7:42b.ACT.007.042 ויפן מהם האלהים ויתנם לעבד את צבא השמים כאשר כתוב בספר הנביאים הזבחים ומנחה הגשתם לי במדבר ארבעים שנה בית ישראל׃

7:43b.ACT.007.043 ונשאתם את סכת מלכם ואת כוכב אלהיכם רמפן הצלמים אשר עשיתם להשתחות להם והגליתי אתכם מהלאה לבבל׃

7:44b.ACT.007.044 משכן העדות היה לאבותינו במדבר כאשר צוה המדבר אל משה לעשות אתו כתבנית אשר ראה׃

7:45b.ACT.007.045 ואבותינו לקחהו וגם הביאהו אתם הם ויהושע ברשתם את ארצות הגוים אשר גרש אתם אלהים מפני אבותינו עד ימי דוד׃

7:46b.ACT.007.046 והוא מצא חן בעיני אלהים וישאל למצא משכנות לאלהי יעקב׃

7:47b.ACT.007.047 ושלמה בנה לו בית׃

7:48b.ACT.007.048 אבל העליון לא ישכן בהיכלות מעשי ידים כאשר אמר הנביא׃

7:49b.ACT.007.049 השמים כסאי והארץ הדם רגלי אי זה בית אשר תבנו לי אמר יהוה ואי זה מקום מנוחתי׃

7:50b.ACT.007.050 הלא את כל אלה ידי עשתה׃

7:51b.ACT.007.051 קשי ערף וערלי לב ואזנים ממרים הייתם תמיד ברוח הקדש כאבותיכם גם אתם׃

7:52b.ACT.007.052 מי מהנביאים אשר לא רדפוהו אבותיכם אף המיתו את המבשרים מקדם ביאת הצדיק אשר עתה הייתם אתם מוסריו ומרצחיו׃

7:53b.ACT.007.053 אתם אשר קבלתם את התורה על ידי מלאכות המלאכים ולא שמרתם אותה׃

7:54b.ACT.007.054 ויהי כשמעם את אלה התרגזו בלבבם ויחרקו עליו שניהם׃

7:55b.ACT.007.055 והוא מלא רוח הקדש ויבט השמימה וירא את כבוד אלהים ואת ישוע נצב לימין האלהים׃

7:56b.ACT.007.056 ויאמר הנני ראה את השמים נפתחים ואת בן האדם נצב לימין האלהים׃

7:57b.ACT.007.057 ויצעקו בקול גדול ויאטמו את אזניהם ויתנפלו עליו כלם יחד׃

7:58b.ACT.007.058 וידחפהו חוצה לעיר ויסקלו אתו באבנים והעדים פשטו את בגדיהם לרגלי בחור אחד ושמו שאול׃

7:59b.ACT.007.059 ויסקלו את אסטפנוס והוא משוע ואמר אדני ישוע קבל את רוחי׃

7:60b.ACT.007.060 ויכרע על ברכיו ויצעק בקול גדול יהוה אל תשמר להם את החטא הזה ויהי אחרי דברו כדבר הזה ויישן׃

8

8:1b.ACT.008.001 ושאול גם הוא היה רצה בהרגתו ותהי ביום ההוא רדיפה גדולה על הקהלה אשר בירושלים ויפצו כלם בערי יהודה ושמרון לבד מן השליחים׃

8:2b.ACT.008.002 וישאו אנשים חסידים את אסטפנוס ויקברהו ויספדו עליו מספד גדול׃

8:3b.ACT.008.003 ושאול החריב את הקהלה וישוטט בבתים ויסחב משם אנשים ונשים ויסגירם לכלא׃

8:4b.ACT.008.004 והנפוצים עברו בארץ ויבשרו את הדבר׃

8:5b.ACT.008.005 ופילפוס ירד אל עיר שמרון ויכרז להם את המשיח׃

8:6b.ACT.008.006 ויקשב המון העם בלב אחד אל אמרי פילפוס בשמעם ובראותם את האתות אשר עשה׃

8:7b.ACT.008.007 כי רבים היו אחוזי רוחות הטמאה והרוחות יצאו מהם צעקות בקול גדול ורבים נכי אברים ופסחים וירפאו׃

8:8b.ACT.008.008 ותהי שמחה גדולה בעיר ההיא׃

8:9b.ACT.008.009 ואיש אחד ושמו שמעון היה מלפנים בעיר מכשף ומשמים את עם שמרון באמרו על נפשו כי גדול הוא׃

8:10b.ACT.008.010 ויקשיבו אליו מקטנם ועד גדולם לאמר זה הוא גבורת האלהים הגדולה׃

8:11b.ACT.008.011 ויקשיבו אליו על היותו משמים אותם בכשפיו ימים רבים׃

8:12b.ACT.008.012 ויהי כאשר האמינו לפילפוס בבשרו את מלכות האלהים ואת שם ישוע המשיח ויטבלו אנשים ונשים׃

8:13b.ACT.008.013 ויאמן שמעון גם הוא ויטבל וידבק בפילפוס וירא את האתות והמפתים הגדלים אשר נעשו וישתומם׃

8:14b.ACT.008.014 וישמעו השליחים אשר בירושלים כי קבלה שמרון את דבר האלהים וישלחו אליהם את פטרוס ואת יוחנן׃

8:15b.ACT.008.015 וירדו שמה ויתפללו בעדם אשר יקבלו את רוח הקדש׃

8:16b.ACT.008.016 כי הרוח לא צלחה עד עתה על אחד מהם והם רק נטבלים בשם האדון ישוע׃

8:17b.ACT.008.017 ויסמכו את ידיהם עליהם ויקבלו את רוח הקדש׃

8:18b.ACT.008.018 ויהי בראות שמעון כי בסמיכות ידי השליחים נתן רוח הקדש ויבא לפניהם כסף׃

8:19b.ACT.008.019 ויאמר תנו נא גם לי את היכלת הזאת אשר יקבל את רוח הקדש כל אשר אשים עליו את ידי׃

8:20b.ACT.008.020 ויאמר אליו פטרוס כספך יהי אתך לאבדון יען חשבת לקנות במחיר את מתת האלהים׃

8:21b.ACT.008.021 אין לך חלק וגורל בדבר הזה כי לבבך איננו ישר לפני האלהים׃

8:22b.ACT.008.022 ועתה שוב מרעתך זאת והתחנן אל האלהים אולי תסלח לך מזמת לבבך׃

8:23b.ACT.008.023 כי ראה אנכי כי באת לידי מרורת רוש וחרצבות רשע׃

8:24b.ACT.008.024 ויען שמעון ויאמר העתירו אתם בעדי אל יהוה לבלתי בוא עלי דבר מכל אשר אמריתם׃

8:25b.ACT.008.025 והמה אחרי אשר העידה ודברו את דבר יהוה שבו ירושלים ויבשרו את הבשורה בכפרים רבים אשר לשמרונים׃

8:26b.ACT.008.026 וידבר מלאך יהוה אל פילפוס לאמר קום לך הנגבה על הדרך הירדת מירושלים עזתה והיא חרבה׃

8:27b.ACT.008.027 ויקם וילך והנה איש כושי והוא סריס ושליט לקנדק מלכת כוש וממנה על כל גנזיה אשר עלה אל ירושלים להשתחות׃

8:28b.ACT.008.028 ויהי בשובו והוא ישב על מרכבתו וקרא בספר ישעיה הנביא׃

8:29b.ACT.008.029 ויאמר הרוח אל פילפוס גשה והלוה על המרכבה הזאת׃

8:30b.ACT.008.030 וירץ פילפוס אליה וישמע אתו קרא בספר ישעיה הנביא ויאמר הגם תבין את אשר אתה קורא׃

8:31b.ACT.008.031 ויאמר ואיככה אוכל אם אין איש אשר יורני ויבקש מאת פילפוס לעלות ולשבת אצלו׃

8:32b.ACT.008.032 וענין הכתוב אשר קרא זה הוא כשה לטבח יובל וכרחל לפני גוזזיה נאלמה ולא יפתח פיו׃

8:33b.ACT.008.033 בעצר משפטו לקח ואת דורו מי ישוחח כי נגזרו מארץ חייו׃

8:34b.ACT.008.034 ויען הסריס ויאמר אל פילפוס אשאלה ממך על מי הנביא מדבר את זאת על נפשו או על איש אחר׃

8:35b.ACT.008.035 ויפתח פילפוס את פיו ויחל מן הכתוב הזה ויבשר אותו את ישוע׃

8:36b.ACT.008.036 ויהי בעברם בדרך ויבאו אל מקום מים ויאמר הסריס הנה מים מה ימנעני מהטבל׃

8:37b.ACT.008.037 ויאמר פילפוס אם מאמין אתה בכל לבבך מתר לך ויען ויאמר אני מאמין כי ישוע המשיח בן האלהים הוא׃

8:38b.ACT.008.038 ויצו להעמיד את המרכבה וירדו שניהם אל תוך המים פילפוס והסריס ויטבל אותו׃

8:39b.ACT.008.039 ויהי כי עלו מן המים וישא רוח יהוה את פילפוס ולא יסף הסריס לראותו כי הלך לדרכו שמח׃

8:40b.ACT.008.040 ופילפוס נמצא באשדוד ויעבר ויבשר בכל הערים עד באו לקסרין׃

9

9:1b.ACT.009.001 ושאול עודנו יפח זעם ורצח על תלמידי האדון ויבא אל הכהן הגדול׃

9:2b.ACT.009.002 וישאל מאתו מכתבים לדמשק אל בתי הכנסיות למען אשר יאסר את אשר ימצא בדרך ההיא אנשים או נשים ויביאם ירושלים׃

9:3b.ACT.009.003 ויהי הוא הלך וקרב לדמשק והנה פתאם נגה עליו מסביב אור מן השמים׃

9:4b.ACT.009.004 ויפל ארצה וישמע קול מדבר אליו שאול שאול למה תרדפני׃

9:5b.ACT.009.005 ויאמר מי אתה אדני ויאמר האדון אנכי ישוע אשר אתה רודף קשה לך לבעט בדרבנות׃

9:6b.ACT.009.006 והוא חרד ונבעת ויאמר אדני מה תחפץ ואעשה ויען האדון קום לך העירה ויאמר לך את אשר עליך לעשות׃

9:7b.ACT.009.007 והאנשים אשר הלכו אתו עמדו נאלמים כי שמעו את הקול ואיש לא הביטו׃

9:8b.ACT.009.008 ויקם שאול מן הארץ ובפתחו את עיניו לא ראה איש ויחזיקו בידו ויוליכהו לדמשק׃

9:9b.ACT.009.009 ויחשכו עיניו מראות שלשת ימים ולא אכל ולא שתה׃

9:10b.ACT.009.010 ותלמיד אחד היה בדמשק חנניה שמו ויאמר אליו האדון במחזה חנניה ויאמר הנני אדני׃

9:11b.ACT.009.011 ויאמר אליו האדון קום לך אל הרחוב הנקרא הישר ושאל בבית יהודה לאיש טרסי ושמו שאול כי הנה הוא מתפלל׃

9:12b.ACT.009.012 וירא במחזה והנה איש ושמו חנניה בא החדרה ושם עליו את ידו למען ישוב ויראה׃

9:13b.ACT.009.013 ויען חנניה ויאמר אדני שמעתי רבים מספרים על האיש הזה כמה רעות עשה לקדושיך בירושלים׃

9:14b.ACT.009.014 וגם פה רשיון יש לו מאת ראשי הכהנים לאסר את כל הקראים בשמך׃

9:15b.ACT.009.015 ויאמר אליו האדון לך כי כלי חפץ הוא לי לשאת את שמי לפני גוים ומלכים ולפני בני ישראל׃

9:16b.ACT.009.016 כי אני אראהו כמה יש לו לסבל למען שמי׃

9:17b.ACT.009.017 וילך חנניה ויבא הביתה וישם את ידיו עליו ויאמר שאול אחי האדון ישוע הנראה אליך בדרך אשר באת בה שלחני למען תשוב ותראה ותמלא רוח הקדש׃

9:18b.ACT.009.018 וכרגע נפלו מעל עיניו כמו קשקשים וישב פתאם לראות ויקם ויטבל׃

9:19b.ACT.009.019 ויאכל לחם ויחזק וישב שאול ימים אחדים עם התלמידים אשר בדמשק׃

9:20b.ACT.009.020 וימהר ויקרא בבתי הכנסיות את המשיח לאמר כי הוא הוא בן האלהים׃

9:21b.ACT.009.021 וישתוממו כל השמעים ויאמרו הלא זה הוא אשר האביד בירושלים את קראי השם הזה ולמען זאת בא הנה להביאם אסורים לפני ראשי הכהנים׃

9:22b.ACT.009.022 ושאול היה הולך וחזק ויהם את היהודים ישבי דמשק בהוכיחו כי זה הוא המשיח׃

9:23b.ACT.009.023 ויהי כי ארכו לו שם הימים ויועצו היהודים יחדו להמיתו׃

9:24b.ACT.009.024 ויודע לשאול ארבם והמה שמרו את השערים יומם ולילה למען ימיתהו׃

9:25b.ACT.009.025 ויקחו אתו התלמידים לילה ויורידהו בסל בעד החומה׃

9:26b.ACT.009.026 ויהי כבוא שאול ירושלימה ויבקש להלות אל התלמידים וייראו כלם מפניו ולא האמינו כי תלמיד הוא׃

9:27b.ACT.009.027 ויקח אתו בר נבא ויביאהו אל השליחים ויספר להם את אשר ראה בדרך את האדון וכי הוא דבר אליו ואיך בדמשק השמיע בבטחון את שם ישוע׃

9:28b.ACT.009.028 ויהי אתם יוצא ובא בירושלים׃

9:29b.ACT.009.029 ויקרא בבטחון בשם האדון ישוע וידבר ויתוכח גם עם היהודים היונים והם זממו להמיתו׃

9:30b.ACT.009.030 וישמעו האחים ויורידו אתו לקסרין וישלחהו אל טרסוס׃

9:31b.ACT.009.031 ויהי שלום לקהלות בכל מקמות יהודה והגליל ושמרון ותבנינה ותתהלכנה ביראת האדון ותרבינה בנחמת רוח הקדש׃

9:32b.ACT.009.032 ויהי בסבב פטרוס בכל המקמות וירד גם אל הקדושים אשר ישבו בלד׃

9:33b.ACT.009.033 וימצא שם איש שמו אניס והוא שכב על משכבו זה שמנה שנים והוא נכה אברים׃

9:34b.ACT.009.034 ויאמר אליו פטרוס אניס רפאך ישוע המשיח קום הצע לך אתה ויקם פתאם׃

9:35b.ACT.009.035 ויראו אותו כל ישבי לד והשרון ויפנו אל האדון׃

9:36b.ACT.009.036 ותלמידה ביפו ושמה טביתא תרגומו צביה והיא מלאה מעשים טובים וצדקות אשר עשתה׃

9:37b.ACT.009.037 ויהי בימים ההם ותחלה ותמת וירחצו אתה וישימוה בעליה׃

9:38b.ACT.009.038 ולד קרובה היא ליפו וישמעו התלמידים כי פטרוס שם וישלחו אליו שני אנשים ויפצרו בו לבלתי העצל לעבר אליהם׃

9:39b.ACT.009.039 ויקם פטרוס וילך אתם ובבאו העלהו אל העליה ותנשנה אליו כל האלמנות בוכיות ומראות לו את הכתנת ואת הבגדים אשר עשתה צביה בעודה עמהן׃

9:40b.ACT.009.040 ויוצא פטרוס את כלם החוצה ויכרע על ברכיו ויתפלל ויפן אל גויתה ויאמר טביתא קומי ותפתח את עיניה ותרא את פטרוס ותתעודד׃

9:41b.ACT.009.041 וישלח ידו ויקם אתה ויקרא את הקדושים ואת האלמנות ויעמד אתה חיה לפניהם׃

9:42b.ACT.009.042 ויודע הדבר בכל יפו ויאמינו רבים באדון׃

9:43b.ACT.009.043 ויואל לשבת ביפו ימים רבים עם בורסי אחד ושמו שמעון׃

10

10:1b.ACT.010.001 ואיש היה בקסרין ושמו קרניליוס שר מאה מן הגדוד הנקרא האיטלקי׃

10:2b.ACT.010.002 והוא חסיד וירא אלהים עם כל בני ביתו ועשה צדקות הרבה לעם ומתפלל תמיד לאלהים׃

10:3b.ACT.010.003 ומחזה נראה אליו כשעה התשיעית ליום וירא מלאך אלהים בא אליו פנימה ואמר קרניליוס׃

10:4b.ACT.010.004 ויבט אליו ויירא ויאמר מה זה אדני ויאמר אליו תפלותיך וצדקותיך עלו לזכרון לפני האלהים׃

10:5b.ACT.010.005 ועתה שלח לך אנשים אל יפו והבא אליך את שמעון המכנה פטרוס׃

10:6b.ACT.010.006 הוא מתגורר עם בורסי אחד שמעון שמו אשר ביתו על יד הים הוא יאמר לך את אשר עליך לעשות׃

10:7b.ACT.010.007 וילך לו המלאך הדבר אל קרניליוס ויקרא אל שנים מעבדי ביתו ואל איש מלחמה אחד ירא אלהים מן העמדים תמיד לפניו לשרתו׃

10:8b.ACT.010.008 ויספר להם את כל הדברים וישלחם אל יפו׃

10:9b.ACT.010.009 ויהי ממחרת והמה הלכים בדרך וקרבים לעיר ויעל פטרוס על הגג להתפלל כשעה הששית׃

10:10b.ACT.010.010 והוא רעב ויתאו לטעם לחם ובהכינם לו נפלה תרדמה עליו׃

10:11b.ACT.010.011 וירא את השמים נפתחים והנה כלי ירד אליו כדמות מטפחת בד גדולה ויורד בארבע כנפותיו על הארץ׃

10:12b.ACT.010.012 ובתוכו מכל בהמת הארץ וחיה ורמש ועוף השמים׃

10:13b.ACT.010.013 ויהי קול אליו לאמר קום פטרוס זבח ואכל׃

10:14b.ACT.010.014 ויאמר פטרוס חלילה לי אדני כי מעולם לא אכלתי כל פגול וטמא׃

10:15b.ACT.010.015 ויהי עוד קול אליו פעם שנית לאמר את אשר טהר האלהים אתה אל תטמאנו׃

10:16b.ACT.010.016 וכן היה שלש פעמים והכלי שב והעלה השמימה׃

10:17b.ACT.010.017 ויהי בהתפעם רוח פטרוס על המראה אשר ראה והנה האנשים השלוחים מאת קרניליוס שאלו לבית שמעון ויעמדו על הפתח׃

10:18b.ACT.010.018 ויקראו וידרשו היש מתגורר שם שמעון המכנה פטרוס׃

10:19b.ACT.010.019 ופטרוס עודנו חשב עם לבבו על המראה והרוח אמר אליו הנה שלשה אנשים מבקשים אותך׃

10:20b.ACT.010.020 לכן קום רד ולכה נא אתם ואל תתמהמה כי אנכי שלחתים׃

10:21b.ACT.010.021 וירד פטרוס אל האנשים הנשלחים אליו מאת קרניליוס ויאמר אנכי האיש אשר אתם מבקשים למה זה באתם הנה׃

10:22b.ACT.010.022 ויאמרו קרניליוס שר מאה איש צדיק וירא אלהים ולו שם טוב בכל עם היהודים צוה על פי מלאך קדוש לקרא לך אל ביתו ולשמע דברים מפיך׃

10:23b.ACT.010.023 ויקרא אתם אליו ויאספם הביתה ויהי ממחרת ויצא פטרוס אתם ומקצת האחים אשר ביפו הלכו עמו׃

10:24b.ACT.010.024 ולמחרתו באו אל קסרין וקרניליוס מחכה להם ועמו בני משפחתו וקרוביו ומידעיו הנקהלים אליו׃

10:25b.ACT.010.025 ויהי כבוא פטרוס ויצא קרניליוס לקראתו ויפל לרגליו וישתחו׃

10:26b.ACT.010.026 ויקם אותו פטרוס ויאמר קום כי גם אני אנוש אנכי׃

10:27b.ACT.010.027 וידבר אתו ויבא הביתה וימצא רבים נאספים שמה׃

10:28b.ACT.010.028 ויאמר אליהם אתם ידעתם כי אסור הוא לאיש יהודי להלות ולקרב אל נכרי ואתי הורה אלהים לבלתי אמר חל או טמא על כל אדם׃

10:29b.ACT.010.029 ובעבור זאת כאשר נקראתי לא נמנעתי מהלך ועתה אשאלכם מדוע קראתם לי׃

10:30b.ACT.010.030 ויאמר קרניליוס זה ארבעה ימים הייתי צם עד השעה הזאת ובשעה התשיעית התפללתי בתוך ביתי והנה איש נצב לפני בלבוש זהר׃

10:31b.ACT.010.031 ויאמר קרניליוס נשמעה תפלתך וצדקותיך היו לזכרון לפני האלהים׃

10:32b.ACT.010.032 ועתה שלח אל יפו וקרא אליך את שמעון המכנה פטרוס מתגורר הוא בבית שמעון הבורסי על הים אשר בבואו ידבר לך׃

10:33b.ACT.010.033 ואמהר ואשלח אליך ואתה היטבת לעשות אשר באת אלי והננו כלנו פה לפני האלהים לשמע את כל אשר צוית מאת יהוה׃

10:34b.ACT.010.034 ויפתח פטרוס את פיו ויאמר עתה ידעתי באמת כי האלהים איננו נשא פנים׃

10:35b.ACT.010.035 כי אם בכל עם ועם הירא אותו ועשה צדק רצוי הוא לפניו׃

10:36b.ACT.010.036 וישלח את דברו לבני ישראל ויבשר את השלום על ידי ישוע המשיח והוא אדון הכל׃

10:37b.ACT.010.037 אתם ידעתם את הדבר הנעשה בכל יהודה החל מן הגליל אחרי הטבילה אשר קרא אותה יוחנן׃

10:38b.ACT.010.038 את אשר משח האלהים את ישוע הנצרי ברוח הקדש ובגבורה ויעבר בארץ עשה חסד ורפא את כל הנכבשים תחת יד השטן כי האלהים היה עמו׃

10:39b.ACT.010.039 ואנחנו עדים על כל אשר עשה בארץ היהודים ובירושלים ואשר הרגהו בהוקיעם אתו על העץ׃

10:40b.ACT.010.040 אותו הקים האלהים ביום השלישי ויתנהו להראות בגלוי׃

10:41b.ACT.010.041 לא לכל העם כי אם לנו העדים אשר האלהים בחר בהם מראש אשר אכלנו ושתינו אתו אחרי קומו מן המתים׃

10:42b.ACT.010.042 ויצו אתנו להשמיע לעם ולהעיד כי אתו שם האלהים לשופט החיים והמתים׃

10:43b.ACT.010.043 ועליו כל הנביאים מעידים כי יקבלו סליחת החטאים בשמו כל המאמינים בו׃

10:44b.ACT.010.044 עוד פטרוס מדבר הדברים האלה ורוח הקדש צלחה על כל השמעים את הדבר׃

10:45b.ACT.010.045 והמאמינים בני המילה אשר באו את פטרוס השתוממו כי מתנת רוח הקדש נשפכה גם על הגוים׃

10:46b.ACT.010.046 כי שמעו אתם ממללים בלשנות ומגדלים את האלהים׃

10:47b.ACT.010.047 ויען פטרוס ויאמר היוכל איש למנע את המים מטבל את אלה אשר קבלו את רוח הקדש גם הם כמנו׃

10:48b.ACT.010.048 ויצו לטבל אתם בשם האדון ויבקשו ממנו לשבת אתם ימים אחדים׃

11

11:1b.ACT.011.001 וישמעו השליחים והאחים אשר ביהודה כי קבלו גם הגוים את דבר האלהים׃

11:2b.ACT.011.002 ויהי כאשר עלה פטרוס ירושלים ויריבו עמו בני המילה לאמר׃

11:3b.ACT.011.003 אל אנשים אשר להם ערלה באת ותאכל אתם לחם׃

11:4b.ACT.011.004 ויחל פטרוס ויספר להם את כל אשר קרהו לאמר׃

11:5b.ACT.011.005 מתפלל הייתי בעיר יפו וארדם וארא מראה והנה כלי כדמות מטפחת בד גדולה יורד מן השמים ותורד בארבע כנפותיה ותבא עדי׃

11:6b.ACT.011.006 והסתכלתי בה ואבין וארא את בהמת הארץ ואת החיה ורמש האדמה ועוף השמים׃

11:7b.ACT.011.007 ואשמע גם קול האמר אלי קום פטרוס זבח ואכל׃

11:8b.ACT.011.008 ואמר חלילה לי אדני כי כל פגול וטמא לא בא בפי מעולם׃

11:9b.ACT.011.009 ויענני הקול שנית מן השמים ויאמר את אשר טהר האלהים אתה אל תטמאנו׃

11:10b.ACT.011.010 וכן היה שלש פעמים והכל שב והעלה השמימה׃

11:11b.ACT.011.011 והנה כרגע שלשה אנשים עמדים על פתח הבית אשר אנכי שם והמה שלוחים אלי מקסרין׃

11:12b.ACT.011.012 ויאמר אלי הרוח ללכת אתם ולבלתי התמהמה וילכו אתי גם ששת האחים האלה ונבוא אל בית האיש׃

11:13b.ACT.011.013 ויגד לנו את אשר ראה המלאך נצב בביתו ואמר אליו שלח אל יפו אנשים וקרא אליך את שמעון המכנה פטרוס׃

11:14b.ACT.011.014 והוא ידבר אליך דברים אשר תושע בהם אתה וכל ביתך׃

11:15b.ACT.011.015 וכאשר החלותי לדבר צלחה עליהם רוח הקדש כאשר צלחה עלינו בתחלה׃

11:16b.ACT.011.016 ואזכר את דבר האדון אשר אמר יוחנן הטביל במים ואתם תטבלו ברוח הקדש׃

11:17b.ACT.011.017 ועתה אם מתנה אחת נתן האלהים להם ולנו המאמינים באדון ישוע המשיח מי אנכי כי אעצר לאלהים׃

11:18b.ACT.011.018 ויהי כשמעם זאת ויחרישו ויהללו את האלהים ויאמרו אכן גם לגוים נתן האלהים התשובה לחיים׃

11:19b.ACT.011.019 והנפוצים מפני הצרה אשר היתה על אודת אסטפנוס הלכו ובאו עד פינוקיא וקפרוס ואנטיוכיא ולא דברו את הדבר כי אם אל היהודים לבדם׃

11:20b.ACT.011.020 ויהי בתוכם אנשי קפרוס וקוריני אשר באו אל אנטיוכיא וידברו גם אל היונים ויבשרו אתם את האדון ישוע׃

11:21b.ACT.011.021 ותהי עמהם יד יהוה ומספר רב האמינו וישובו אל האדון׃

11:22b.ACT.011.022 וישמע הדבר באזני הקהלה אשר בירושלים וישלחו את בר נבא אל אנטיוכיא׃

11:23b.ACT.011.023 ויבא שמה וישמח כראתו את חסד האלהים ויזהר את כלם לדבקה באדון בלב נכון׃

11:24b.ACT.011.024 כי איש טוב היה ומלא רוח הקדש ואמונה ויאספו לאדון עם רב׃

11:25b.ACT.011.025 וילך בר נבא משם אל טרסוס לבקש את שאול וימצא אתו ויביאהו אל אנטיוכיא׃

11:26b.ACT.011.026 ויהיו ישבים יחד בקהלה שנה תמימה ומלמדים עם רב אז הוחל באנטיוכיא לקרא את התלמידים בשם משיחיים׃

11:27b.ACT.011.027 ויהי בימים ההם ויבאו נביאים מירושלים אל אנטיוכיא׃

11:28b.ACT.011.028 ויקם אחד מהם ושמו אגבוס ויגד על פי הרוח כי רעב גדול יבוא על כל ישבי תבל ויהי כן בימי קלודיוס׃

11:29b.ACT.011.029 ויועצו התלמידים לשלח איש איש מאשר תשיג ידו לעזרת האחים הישבים ביהודה׃

11:30b.ACT.011.030 וכן גם עשו וישלחו אל הזקנים על ידי בר נבא ושאול׃

12

12:1b.ACT.012.001 בעת ההיא שלח המלך הורדוס את ידו להרע לאנשים מן הקהל׃

12:2b.ACT.012.002 וימת את יעקב אחי יוחנן בחרב׃

12:3b.ACT.012.003 וירא כי טוב הדבר בעיני היהודים ויוסף לתפש גם את פטרוס והימים ימי חג המצות׃

12:4b.ACT.012.004 ויאחז אתו ויתנהו במשמר וימסרהו לארבע מחלקות של ארבעה אנשי צבא לשמרו כי אמר להעלותו אחרי הפסח לפני העם׃

12:5b.ACT.012.005 פטרוס היה עצור במשמר והקהלה העתירה בעדו בחזקה אל האלהים׃

12:6b.ACT.012.006 ויהי בלילה ההוא אשר אמר הורדוס להביאו מחר לדין ויישן פטרוס בין שני אנשי צבא והוא אסור בשנים זקים ושמרי הפתח שמרים את המשמר׃

12:7b.ACT.012.007 והנה מלאך יהוה נצב עליו ואור נגה בחדר ויספק על ירך פטרוס ויעירהו לאמר קום מהרה ויפלו מוסרותיו מעל ידיו׃

12:8b.ACT.012.008 ויאמר אליו המלאך חגר מתניך והנעל את רגליך ויעש כן ויאמר אליו עטה מעילך ולך אחרי׃

12:9b.ACT.012.009 ויצא וילך אחריו ולא ידע אם אמת הוא הנעשה לו על ידי המלאך כי כמראה היה בעיניו׃

12:10b.ACT.012.010 ויעברו דרך המשמרת הראשונה והשניה ויבאו עד שער הברזל אשר יצאו בו העירה ויפתח השער לפניהם מאליו ויצאו החוצה וילכו מהלך רחוב אחד והמלאך סר מעליו פתאם׃

12:11b.ACT.012.011 ויהי בשובו אל דעתו ויאמר פטרוס עתה זה ידעתי באמת כי האלהים שלח את מלאכו ויפלטני מיד הורדוס ומכל מזמת עם היהודים׃

12:12b.ACT.012.012 הוא חשב כזאת והוא בא עד בית מרים אם יוחנן המכנה מרקוס אשר נקהלו שם רבים והם מתפללים יחד׃

12:13b.ACT.012.013 וידפק על דלת השער ותגש נערה להקשיב ושמה רודי׃

12:14b.ACT.012.014 ותכר את קול פטרוס ומשמחתה לא פתחה לו אם דלת השער ותרץ הביתה ותגד להם כי פטרוס עמד על השער׃

12:15b.ACT.012.015 ויאמרו אליה משגעת את והיא מתאמצת כי כן הוא ויאמרו מלאכו הוא׃

12:16b.ACT.012.016 ופטרוס הרבה לדפק ויפתחו ויראהו וישתוממו׃

12:17b.ACT.012.017 והוא רמז להם בידו לחשות ויספר להם את אשר הוציאו האדון מן המשמר ויאמר הגידו את זאת ליעקב ולאחים ויצא וילך לו למקום אחר׃

12:18b.ACT.012.018 הבקר אור ומבוכה לא קטנה היתה בין אנשי הצבא על פטרוס מה היה לו׃

12:19b.ACT.012.019 ויהי כאשר בקש אותו הורדוס ולא מצאו חקר את השמרים ויצו להוציאם למות וירד מיהודה אל קסרין וישב שם׃

12:20b.ACT.012.020 ואיבה היתה בין הורדוס ובין בני צור וצידון ויבאו אליו בלב אחד ויפתו את בלסטוס אשר על חדר המלך ויבקשו שלום יען לקחו מחית ארצותם מארץ המלך׃

12:21b.ACT.012.021 ויהי ביום המועד וילבש הורדוס לבוש מלכות וישב על כסא המשפט ויטף אליהם אמרתו׃

12:22b.ACT.012.022 ויריעו לו העם לאמר קול אלהים הוא ולא קול אדם׃

12:23b.ACT.012.023 ויכהו מלאך יהוה פתאם עקב אשר לא נתן הכבוד לאלהים ויאכלהו תולעים ויגוע׃

12:24b.ACT.012.024 ודבר אלהים הולך ורב׃

12:25b.ACT.012.025 וישובו בר נבא ושאול מירושלים אחרי כלותם את השמוש ויקחו אתם את יוחנן המכנה מרקוס׃

13

13:1b.ACT.013.001 ואנשים נביאים ומלמדים היו באנטיוכיא בקהלה אשר בה בר נבא ושמעון הנקרא ניגר ולוקיוס הקוריני ומנחם אשר גדל עם הורדוס שר הרבע ושאול׃

13:2b.ACT.013.002 ויהי בשרתם את יהוה ובצומם ויאמר רוח הקדש הבדילו לי את בר נבא ואת שאול למלאכה אשר קראתים לה׃

13:3b.ACT.013.003 ויצומו ויתפללו ויסמכו את ידיהם עליהם וישלחום׃

13:4b.ACT.013.004 והמה המשלחים על ידי רוח הקדש ירדו אל סלוקיא ומשם באו באניה אל קפרוס׃

13:5b.ACT.013.005 ויבאו אל עיר סלמיס ויגידו את דבר האלהים בבתי הכנסיות אשר ליהודים ויהי להם גם יוחנן למשרת׃

13:6b.ACT.013.006 ויעברו בכל האי עד פפוס וימצאו איש מגוש אחד נביא שקר איש יהודי ושמו בר ישוע׃

13:7b.ACT.013.007 אשר היה עם סרגיוס פולוס שר המדינה איש נבון והוא קרא אליו את בר נבא ואת שאול ויתאו לשמע את דבר האלהים׃

13:8b.ACT.013.008 ויעמד לנגדם אלימא המגוש כי זה תרגום שמו ויבקש להטות את השר מן האמונה׃

13:9b.ACT.013.009 ושאול הנקרא גם פולוס מלא רוח הקדש ויסתכל בו׃

13:10b.ACT.013.010 ויאמר אתה המלא כל מרמה וכל עולה בן בליעל ושונא כל צדק הלא תחדל לסלף את דרכי יהוה הישרים׃

13:11b.ACT.013.011 ועתה הנה יד יהוה בך והיית עור ולא תראה את השמש עד עת מועד ותפל עליו פתאם אפלה וחשכה ויפן הנה והנה ויבקש איש להוליכו בידו׃

13:12b.ACT.013.012 והשר כאשר ראה את המעשה האמין וישתומם על תורת האדון׃

13:13b.ACT.013.013 ויצאו פולוס והאנשים אשר אתו מפפוס וירדו באניה ויבאו אל פרגי אשר בפמפוליא ויעזב אתם יוחנן וישב ירושלים׃

13:14b.ACT.013.014 והמה נסעו מפרגי ויבאו אל אנטיוכיא אשר בפיסדיא ויבאו אל בית הכנסת ביום השבת וישבו׃

13:15b.ACT.013.015 ויהי אחר קריאת התורה והנביאים וישלחו אליהם ראשי הכנסת לאמר אנשים אחים אם יש לכם דבר מוסר לעם דברו׃

13:16b.ACT.013.016 ויקם פולוס וינף ידו ויאמר אנשי ישראל ויראי אלהים שמעו׃

13:17b.ACT.013.017 אלהי העם הזה אלהי ישראל בחר באבותינו וירומם את העם בהיותם גרים בארץ מצרים ובזרוע רמה הוציאם משם׃

13:18b.ACT.013.018 וישא אתם ויכלכלם במדבר כארבעים שנה׃

13:19b.ACT.013.019 וישמד שבעה גוים בארץ כנען ויחלק את ארצם להם לנחלה׃

13:20b.ACT.013.020 ואחרי כן נתן להם שפטים כארבע מאות וחמשים שנה עד ימי שמואל הנביא׃

13:21b.ACT.013.021 וישאלו מלך ויתן להם אלהים את שאול בן קיש איש משבט בנימן ארבעים שנה׃

13:22b.ACT.013.022 וכהסירו אותו ויקם את דוד למלך עליהם אשר גם העיד עליו לאמר מצאתי דוד את בן ישי איש כלבבי והוא יעשה את כל חפצי׃

13:23b.ACT.013.023 וזה הוא אשר מזרעו הקים האלהים כפי ההבטחה גואל לישראל את ישוע׃

13:24b.ACT.013.024 אשר לפני בואו קדם יוחנן לקרא את טבילת התשובה אל כל עם ישראל׃

13:25b.ACT.013.025 ויהי ככלות יוחנן את מרוצתו ויאמר למי תחשבוני לא אני הוא כי הנה הוא בא אחרי ואני נקלתי מהתיר את נעלי רגליו׃

13:26b.ACT.013.026 אנשים אחים בני משפחת אברהם ויראי אלהים אשר בקרבכם לכם שלוח דבר הישועה הזאת׃

13:27b.ACT.013.027 כי ישבי ירושלים וראשיהם יען אשר לא הכירהו מלאו במשפטם אשר שפטהו את דברי הנביאים הנקראים בכל שבת׃

13:28b.ACT.013.028 ואף כי לא מצאו בו משפט מות שאלו מאת פילטוס להמיתו׃

13:29b.ACT.013.029 וכאשר השלימו את כל הדברים הכתובים עליו הורידו אותו מן העץ ויניחהו בקבר׃

13:30b.ACT.013.030 אבל האלהים הקימו מן המתים׃

13:31b.ACT.013.031 וירא ימים רבים אל העלים אתו מן הגליל ירושלימה והמה עתה עדיו אל העם׃

13:32b.ACT.013.032 ואנחנו מבשרים אתכם את בשורת ההבטחה אשר היתה לאבותינו כי אתה מלא האלהים לבנינו בהקימו את ישוע׃

13:33b.ACT.013.033 ככתוב במזמור השני בני אתה היום ילדתיך׃

13:34b.ACT.013.034 ועל אשר הקים אתו מן המתים לבלתי שוב עוד לשחת כה אמר אתן לכם חסדי דוד הנאמנים׃

13:35b.ACT.013.035 על כן הוא אמר גם במקום אחר לא תתן חסידך לראות שחת׃

13:36b.ACT.013.036 כי דוד גוע אחרי שרתו בדורו לעצת האלהים ויאסף אל אבותיו וירא את השחת׃

13:37b.ACT.013.037 ואשר האלהים הקים אותו הוא לא ראה השחת׃

13:38b.ACT.013.038 לכן אנשים אחים יודע לכם כי על ידי זה הגד לכם סליחת החטאים׃

13:39b.ACT.013.039 ובכל אשר לא יכלתם להצטדק בתורת משה כל המאמין יצדק על ידו׃

13:40b.ACT.013.040 לכן השמרו לכם פן יבוא עליכם הנאמר בנביאים׃

13:41b.ACT.013.041 ראו בגדים והתמהו ושמו כי פעל פעל אני בימיכם פעל אשר לא תאמינו כי יספר לכם׃

13:42b.ACT.013.042 ובצאת היהודים מבית הכנסת בקשו מהם הגוים לדבר אליהם את הדברים האלה בשבת הבאה׃

13:43b.ACT.013.043 ורבים מן היהודים ומגרי הצדק הלכו אחרי פולוס ובר נבא בהפרד הקהל והמה דברו על לבם ויזהירום לעמד בחסד האלהים׃

13:44b.ACT.013.044 ובשבת השנית נקהלה כמעט כל העיר לשמע את דבר יהוה׃

13:45b.ACT.013.045 ויהי כראות היהודים את המון העם וימלאו קנאה ויכחישו את דברי פולוס הכחש וגדף׃

13:46b.ACT.013.046 אז הגידו פולוס ובר נבא על פניהם לאמר בדין היה להשמיע אתכם בראשונה את דבר האלהים ועתה אחרי אשר מאסתם אותו ואינכם זכים בעיניכם לחיי העולם לכן הננו פנים אל הגוים׃

13:47b.ACT.013.047 כי כן צוה עלינו האדון נתתיך לאור גוים להיות ישועתי עד קצה הארץ׃

13:48b.ACT.013.048 וישמחו הגוים כשמעם ויהללו את דבר יהוה ויאמינו כל אשר היו מוכנים לחיי עולם׃

13:49b.ACT.013.049 ויפרץ דבר יהוה בכל המקום׃

13:50b.ACT.013.050 אך היהודים הסיתו את הנשים החסידות והחשובות ואת אצילי העיר ויעוררו רדיפה על פולוס ובר נבא ויגרשום מגבולם׃

13:51b.ACT.013.051 והמה נערו עליהם את העפר מעל רגליהם וילכו לאיקניון׃

13:52b.ACT.013.052 והתלמידים מלאו שמחה ורוח הקדש׃

14

14:1b.ACT.014.001 ויהי באיקניון ויבאו יחדו אל בית כנסת היהודים וידברו שם עד כי האמין המון רב מן היהודים ומן היונים׃

14:2b.ACT.014.002 אך היהודים אשר לא האמינו עוררו והכעיסו את נפשות הגוים על האחים׃

14:3b.ACT.014.003 וישבו שם ימים רבים וילמדו בבטחונם ביהוה העמיד על דבר חסדו בעשותו על ידם אתות ומופתים׃

14:4b.ACT.014.004 ויחלק המון העיר לחצי אלה נטו אחרי היהודים ואלה אחרי השליחים׃

14:5b.ACT.014.005 ויהי רגשת הגוים והיהודים עם ראשיהם להתעלל בהם ולסקלם׃

14:6b.ACT.014.006 ויודע להם ויברחו לערי לוקוניא אל לוסטרא ודרבי וסביבותן׃

14:7b.ACT.014.007 ויבשרו שם הבשורה׃

14:8b.ACT.014.008 ואיש נכה רגלים היה בלוסטרא והוא ישב פסח מבטן אמו ולא הלך מימיו׃

14:9b.ACT.014.009 וישמע את פולוס מדבר והוא הסתכל בו וירא כי אמונה בו להושע׃

14:10b.ACT.014.010 ויאמר בקול גדול עמד הכן על רגליך וידלג ויתהלך׃

14:11b.ACT.014.011 והמון העם כראותם את אשר עשה פולוס נשאו את קולם ויאמרו בלשון לוקונית ירדו אלינו האלהים בדמות אנשים׃

14:12b.ACT.014.012 ויקראו לבר נבא בל ולפולוס קראו הרמיס באשר הוא ראש המדברים׃

14:13b.ACT.014.013 וכהן בית בל אשר מחוץ לעירם הביא השערה שורים ועטרות ויחפץ לזבח הוא והמון העם׃

14:14b.ACT.014.014 ויהי כשמע זאת השליחים פולוס ובר נבא ויקרעו את בגדיהם וירוצו אל תוך העם׃

14:15b.ACT.014.015 ויצעקו לאמר אנשים למה תעשו כזאת גם אנחנו בני אדם חלשים כמוכם ונבשרה אתכם למען שוב תשובו מן הבליכם אלה אל אלהים חיים אשר עשה את השמים ואת הארץ ואת הים ואת כל אשר בם׃

14:16b.ACT.014.016 ואשר בדרות קדם הניח לכל הגוים ללכת בדרכיהם׃

14:17b.ACT.014.017 וגם לא חדל להעיד על עצמו וייטב לנו בתתו מטר מן השמים ועתות שבע וימלא לבותינו מזון וששון׃

14:18b.ACT.014.018 ואף בדברים האלה כמעט לא עצרו כח לכלוא את העם מזבח להם׃

14:19b.ACT.014.019 ויבאו שמה יהודים מן אנטיוכיא ומן איקניון ויסיתו את העם וירגמו את פולוס באבנים ויסחבהו חוצה לעיר בחשבם כי מת׃

14:20b.ACT.014.020 ויסבו אתו התלמידים ויקם ויבא העירה וממחרת יצא אל דרבי הוא ובר נבא׃

14:21b.ACT.014.021 ויבשרו את הבשורה בעיר ההיא ואחרי העמידם תלמידים הרבה שבו אל לוסטרא ואיקניון ואנטיוכיא׃

14:22b.ACT.014.022 ויחזקו את נפשות התלמידים ויזהירו אתם לעמד באמונה וכי רק בצרות רבות בוא נבוא אל מלכות האלהים׃

14:23b.ACT.014.023 ויבחרו להם זקנים בכל קהלה וקהלה ויתפללו ויצומו ויפקידום ביד האדון אשר האמינו בו׃

14:24b.ACT.014.024 ויעברו בפיסדיא ויבאו אל פמפוליא׃

14:25b.ACT.014.025 וישמיעו את דבר יהוה בפרגי וירדו אל אטליא׃

14:26b.ACT.014.026 ומשם באו באניה אל אנטיוכיא אשר נמסרו שם לחסד אלהים על המלאכה אשר מלאו אתה׃

14:27b.ACT.014.027 ובבאם שמה הקהילו את העדה ויגידו את כל אשר עשה אתם האלהים ואת אשר פתח לגוים פתח האמונה׃

14:28b.ACT.014.028 וישבו שם עם התלמידים ימים לא מעטים׃

15

15:1b.ACT.015.001 ואנשים ירדו מיהודה וילמדו את האחים לאמר אם לא תמולו כדת משה לא תושעון׃

15:2b.ACT.015.002 ויהי על זאת ריב ומחלקת לא קלה לפולוס ולבר נבא עמהם ויגזרו כי פולוס ובר נבא ואחרים מהם יעלו ירושלים אל השליחים והזקנים על אדות השאלה הזאת׃

15:3b.ACT.015.003 ותלוה אתם הקהלה ויעברו את פינוקיא ואת שמרון מספרים את תשובת הגוים וישמחו את כל האחים שמחה גדולה׃

15:4b.ACT.015.004 ויהי כבאם ירושלים ויקבלו אתם הקהלה והשליחים והזקנים ויגידו להם את אשר הגדיל האלהים לעשות עמהם׃

15:5b.ACT.015.005 ויקומו אנשים מאמינים מכת הפרושים ויאמרו כי חובה היא למול אתם ולצותם לשמר את תורת משה׃

15:6b.ACT.015.006 ויקהלו השליחים והזקנים לעין בדבר הזה׃

15:7b.ACT.015.007 ויהי ברבות המחלקת קם פטרוס ויאמר אליהם אנשים אחים אתם ידעתם כי מימים ראשים בי בחר האלהים מכלנו אשר ישמעו הגוים מפי את דבר הבשורה ויאמינו׃

15:8b.ACT.015.008 והאלהים ידע הלבבות העיד עליהם בתתו גם להם את רוח הקדש כאשר נתן לנו׃

15:9b.ACT.015.009 ולא הבדיל בינינו וביניהם כי טהר את לבבם על ידי האמונה׃

15:10b.ACT.015.010 ועתה מה תנסו את האלהים לשום על על צוארי התלמידים אשר גם אבותינו גם אנחנו לא יכלנו לשאת׃

15:11b.ACT.015.011 אבל בחסד ישוע המשיח אדנינו נאמין להושע כמוהם כמונו׃

15:12b.ACT.015.012 ויחרישו כל הקהל וישמעו אל בר נבא ואל פולוס מספרים את האתות והמופתים אשר הרבה האלהים לעשות על ידיהם בקרב הגוים׃

15:13b.ACT.015.013 ויכלו לדבר ויען יעקב ויאמר אנשים אחים שמעו אלי׃

15:14b.ACT.015.014 שמעון ספר איך האלהים ראה לו בראשונה לקחת מבין הגוים עם לשמו׃

15:15b.ACT.015.015 ולזאת מסכימים דברי הנביאים ככתוב׃

15:16b.ACT.015.016 אחרי זאת אשוב ואקים את סכת דויד הנפלת והרסותיה אקים ובניתיה׃

15:17b.ACT.015.017 למען ידרשו שארית אדם את יהוה וכל הגוים אשר נקרא שמי עליהם נאם יהוה עשה כל אלה׃

15:18b.ACT.015.018 נודעים לאלהים מעולם כל מעשיו׃

15:19b.ACT.015.019 ועל כן אני דן שלא להחמיר על השבים מן הגוים לאלהים׃

15:20b.ACT.015.020 רק לכתב אליהם אשר ירחקו מטמאת האלילים ומן הזנות ומבשר הנחנק ומן הדם׃

15:21b.ACT.015.021 כי משה מדרת עולם יש לו מגידיו בכל עיר ועיר ויקרא בבתי הכנסיות מדי שבת בשבתו׃

15:22b.ACT.015.022 וייטב בעיני השליחים והזקנים עם כל הקהל לבחר מהם אנשים ולשלח אתם אל אנטיוכיא עם פולוס ובר נבא את יהודה המכנה בר שבא ואת סילא אנשי שם בין האחים׃

15:23b.ACT.015.023 ויכתבו וישלחו על ידם לאמר אנחנו השליחים והזקנים והאחים שאלים לשלום האחים אשר מן הגוים באנטיוכיא ובסוריא ובקיליקיא׃

15:24b.ACT.015.024 יען וביען שמענו כי יצאו מאתנו מבלבלים אתכם ומקלקלים נפשתיכם בדברים באמרם לכם להמול ולשמר את התורה אשר לא צוינו אותם׃

15:25b.ACT.015.025 לכן טוב בעיני כלנו יחדו לבחר אנשים לשלחם אליכם עם חביבינו בר נבא ופולוס׃

15:26b.ACT.015.026 אנשים אשר מסרו נפשם על שם אדנינו ישוע המשיח׃

15:27b.ACT.015.027 על כן שלחנו את יהודה ואת סילא אשר גם המה יגידו זאת בפיהם׃

15:28b.ACT.015.028 כי טוב לפני רוח הקדש ולפנינו לבלתי שום עליכם משא אחר לבד מאלה הדברים הצריכים׃

15:29b.ACT.015.029 אשר תרחקו מזבחי אלילים ומן הדם ומבשר הנחנק ומן הזנות אם מאלה תשמרו את נפשתיכם תיטיבו לעשות ושלום לכם׃

15:30b.ACT.015.030 וישלחו האנשים ויבאו אל אנטיוכיא ויקהילו את העם ויתנו להם את האגרת׃

15:31b.ACT.015.031 ויקראו אתה וישמחו על הנחמה׃

15:32b.ACT.015.032 ויהודה וסילא אשר גם הם נביאים נחמו האחים בדברים רבים ויחזקום׃

15:33b.ACT.015.033 ויהיו שם ימים אחדים וישלחום האחים בשלום אל השליחים׃

15:34b.ACT.015.034 וייטב בעיני סילא לשבת שם׃

15:35b.ACT.015.035 ופולוס ובר נבא ישבו באנטיוכיא וילמדו ויבשרו את דבר יהוה המה וגם רבים אחרים עמם׃

15:36b.ACT.015.036 ויהי מקץ ימים ויאמר פולוס אל בר נבא לכה ונשובה ונפקדה את אחינו בכל עיר ועיר אשר קראנו שם את דבר יהוה ונראה מה המה׃

15:37b.ACT.015.037 ובר נבא יעץ לקחת אתם את יוחנן המכנה מרקוס׃

15:38b.ACT.015.038 אך פולוס לא אבה לקחת אתם את האיש אשר סר מעליהם בפמפוליא ולא הלך אתם במלאכתם׃

15:39b.ACT.015.039 ויהי רגז עד אשר נפרדו איש מאחיו ויקח בר נבא את מרקוס ויסע באניה אל קפרוס׃

15:40b.ACT.015.040 ופולוס בחר לו את סילא וימסרהו האחים אל חסד יהוה ויצא׃

15:41b.ACT.015.041 ויעבר בסוריא ובקיליקיא ויחזק את הקהלות׃

16

16:1b.ACT.016.001 ויבא אל דרבי ואל לוסטרא והנה שם תלמיד אחד ושמו טימותיוס והוא בן אשה יהודית מאמנת ואביו יוני׃

16:2b.ACT.016.002 ויהי לו שם טוב בין האחים אשר בלוסטרא ובאיקניון׃

16:3b.ACT.016.003 בו בחר פולוס אשר יצא אתו ויקח וימל אתו בעבור היהודים אשר במקמות ההם כי כלם ידעו את אביו כי יוני הוא׃

16:4b.ACT.016.004 ויהי בעברם בערים וימסרו להם לשמר את הפקודים אשר גזרו השליחים והזקנים אשר בירושלים׃

16:5b.ACT.016.005 ותתחזקנה הקהלות באמונה וירב מספרן יום יום׃

16:6b.ACT.016.006 ויעברו בפרוגיא ובארץ גלטיא כי מנעם רוח הקדש מהשמיע את הדבר באסיא׃

16:7b.ACT.016.007 וכבאם אל מוסיא הואילו ללכת אל ביתוניא ולא הניח להם הרוח׃

16:8b.ACT.016.008 ויחלפו ממוסיא וירדו אל טרואס׃

16:9b.ACT.016.009 וחזון נראה אל פולוס בלילה והנה איש מוקדון נצב והוא מבקש ממנו לאמר עבר אל מקדוניא ועזרנו׃

16:10b.ACT.016.010 וכראתו את המחזה מיד בקשנו ללכת אל מקדוניא בהביננו כי האלהים קראנו שמה לבשר אתם הבשורה׃

16:11b.ACT.016.011 ונצא מן טרואס ונרד באניה ונבא דרך ישרה אל סמותרקיא וממחרת אל נפוליס׃

16:12b.ACT.016.012 ומשם אל פילפי ראשית ערי הפלך של מקדוניא והיא בת חורין ונשב בעיר הזאת ימים אחדים׃

16:13b.ACT.016.013 וביום השבת יצאנו אל מחוץ לעיר אל יד הנהר אשר שם מקום תפלה כמנהגם ונשב ונדבר אל הנשים הנקהלות שמה׃

16:14b.ACT.016.014 ואשה יראת אליהם ושמה לודיא מכרת ארגמן מעיר תיאטירא שמעה ויפתח יהוה את לבה להקשיב אל דברי פולוס׃

16:15b.ACT.016.015 ותטבל היא ובני ביתה ותבקש ממנו לאמר אם חשבתם אתי נאמנה לאדון באו נא אל ביתי ושבו בו ותפצר בנו׃

16:16b.ACT.016.016 ויהי בלכתנו למקום התפלה ותפגע בנו שפחה בעלת אוב אשר עשתה הון רב לאדניה בקסמיה׃

16:17b.ACT.016.017 ותלך אחרי פולוס ואחרינו הלוך וקרוא לאמר האנשים האלה עבדי אל עליון המה המודיעים אתנו ארח הישועה׃

16:18b.ACT.016.018 וכן עשתה ימים רבים וירע בעיני פולוס הדבר הזה ויפן ויאמר אל הרוח אנכי מצוך בשם ישוע המשיח לצאת ממנה ויצא בשעה ההיא׃

16:19b.ACT.016.019 ויראו אדניה כי אזלה תוחלת בצעם ויתפשו את פולוס ואת סילא ויסחבום אל הרחוב לפני זקני העיר׃

16:20b.ACT.016.020 ויביאום אל השרים ויאמרו האנשים האלה עכרים את עירנו והם יהודים׃

16:21b.ACT.016.021 ומודיעים חקות אשר לא נכון לנו לקבלם ולעשתם כי רומיים אנחנו׃

16:22b.ACT.016.022 ויקם גם העם עליהם והשרים קרעו את בגדיהם מעליהם ויצוו להכותם בשוטים׃

16:23b.ACT.016.023 ויהי אחרי הכות אתם מכה רבה וישליכום במשמר ויצוו את שומר האסורים לשמרם היטב׃

16:24b.ACT.016.024 והוא כאשר צוה כן השליכם בחדר המשמר הפנימי וישם את רגליהם בסד׃

16:25b.ACT.016.025 ויהי כחצות הלילה ויתפללו פולוס וסילא ויזמרו לאלהים והאסורים מקשיבים אליהם׃

16:26b.ACT.016.026 ופתאם היה רעש גדול עד אשר זעו מוסדות בית הכלא וכרגע נפתחו כל הדלתות ומוסרות כלם נתקו׃

16:27b.ACT.016.027 ושומר האסורים נעור משנתו ויהי כראתו את דלתות המשמר נפתחות וישלף חרבו ויבקש לאבד את עצמו בחשבו כי ברחו האסורים׃

16:28b.ACT.016.028 ויקרא פולוס בקול גדול לאמר אל תעש לך מאומה רע כי פה אנחנו כלנו׃

16:29b.ACT.016.029 וישאל נרות וידלג פנימה והוא מרעיד ויפל לרגלי פולוס וסילא׃

16:30b.ACT.016.030 ויוציאם החוצה ויאמר אדני מה עלי לעשות למען אושע׃

16:31b.ACT.016.031 ויאמרו האמן באדון ישוע המשיח ותושע אתה וביתך׃

16:32b.ACT.016.032 ויגידו לו את דבר יהוה ולכל אשר בביתו׃

16:33b.ACT.016.033 ויקחם בלילה בשעה ההיא וירחץ את חבורתיהם וימהר להטבל הוא וכל אשר לו׃

16:34b.ACT.016.034 ויעלם אל ביתו וישם שלחן לפניהם ויגל עם כל ביתו על היותו מאמין באלהים׃

16:35b.ACT.016.035 ובחית הבקר שלחו השרים את השוטרים לאמר שלח את האנשים ההם׃

16:36b.ACT.016.036 ויגד שמר האסורים לפולוס את הדברים האלה לאמר שלחו השרים לפטר אתכם ועתה צאו ולכו בשלום׃

16:37b.ACT.016.037 ויאמר פולוס אליהם הכה הכונו נגד כל העם בלא דין ומשפט ואנחנו אנשים רומיים וישליכו אתנו במשמר ועתה נסתר יגרשונו אל נא כי אם יבאו המה ויוציאונו׃

16:38b.ACT.016.038 ויגידו השטרים לשרים את הדברים האלה ויהי כשמעם כי רומיים הם וייראו׃

16:39b.ACT.016.039 ויבאו ויחלו פניהם ויוציאום וישאלו מהם לצאת מן העיר׃

16:40b.ACT.016.040 ויצאו מן המשמר ויבאו אל בית לודיא ויראו את האחים ויזהירום וילכו לדרכם׃

17

17:1b.ACT.017.001 ויהי אחרי עברם באמפפוליס ובאפלוינא ויבאו אל תסלוניקי אשר שם בית כנסת היהודים׃

17:2b.ACT.017.002 ופולוס נכנס אליהם כמשפטו ושלש שבתות דבר עמהם בדברי הכתובים׃

17:3b.ACT.017.003 פתוח והוכח להם כי צריך היה אשר יענה המשיח ויקום מן המתים וכי זה הוא המשיח ישוע אשר אני מגיד לכם׃

17:4b.ACT.017.004 ויאמינו מקצתם ויספחו על פולוס וסילא וגם יראי אלהים מן היונים לרב וגם נשים חשובות מספר לא מעט׃

17:5b.ACT.017.005 ויקנאו הסוררים שביהודים ויקחו להם אנשי בליעל מבטלני השוק ויקבצו המון ויהמו את העיר ויסבו על בית יסון ויבקשו להביאם חוצה אל העם׃

17:6b.ACT.017.006 וכאשר לא מצאו אותם סחבו את יסון ואנשים מן האחים לפני ראשי העיר ויצעקו לאמר הנה המדיחים את כל ישבי תבל באו גם הלום׃

17:7b.ACT.017.007 ויסון אסף אתם אל ביתו והם כלם עשים נגד דתי הקיסר באמרם כי יש מלך אחר והוא ישוע׃

17:8b.ACT.017.008 ויחרידו את העם ואת ראשי העיר אשר שמעו את זאת׃

17:9b.ACT.017.009 ויקחו ערבון מידי יסון ומידי האחרים ואחרי כן פטרום׃

17:10b.ACT.017.010 והאחים מהרו לשלח את פולוס ואת סילא לילה לברואה והם בבאם שמה הלכו לבית כנסת היהודים׃

17:11b.ACT.017.011 ואלה היו נדיבים מאנשי תסלוניקי ויקבלו את הדבר בכל לב וידרשו בכתובים יום יום לדעת אם כן הוא הדבר׃

17:12b.ACT.017.012 ויאמינו הרבה מהם וגם מן הנשים החשובות היוניות ומן האנשים לא מעט׃

17:13b.ACT.017.013 ויהי כאשר שמעו היהודים אשר מתסלוניקי כי מגיד פולוס את דבר אלהים גם בברואה ויבאו ויעררו את העם גם שמה׃

17:14b.ACT.017.014 וימהרו האחים וישלחו את פולוס ללכת עד הים וסילא וטימותיוס נשארו שם׃

17:15b.ACT.017.015 והמלוים את פולוס הוליכהו עד אתינס ויקבלו מצותו אל סילא וטימותיוס כי בוא יבאו אליו במהרה וילכו׃

17:16b.ACT.017.016 ויהי באתינס ופולוס מהכה להם ותתחמץ רוחו בקרבו בראתו את העיר מלאה אלילים׃

17:17b.ACT.017.017 על כן בבית הכנסת דבר עם היהודים ועם יראי אלהים ובשוק יום יום עם הנקרים אליו׃

17:18b.ACT.017.018 וגם מקצת הפילוסופים מתלמידי אפיקורוס ומחברת האסטוא התגרו בו ויש אשר אמרו מה יאמר המפטפט הלז ואחרים אמרים כפי הנראה הוא מגיד אלהי נכר יען כי בשר אתם את ישוע ואת התחיה׃

17:19b.ACT.017.019 ויאחזוהו ויביאהו אל גבעת המשפט הנקראה בשם אריופגוס ויאמרו הנוכל לדעת מה היא זו התורה החדשה אשר אתה משמיע׃

17:20b.ACT.017.020 כי דברים זרים אתה מביא באזנינו והננו חפצים לדעת מה ענינם׃

17:21b.ACT.017.021 כי האתיניים כלם וגם הנכרים הגרים שם לא חשו לדבר אחר כי אם לספר או לשמע חדשות׃

17:22b.ACT.017.022 ויעמד פולוס בתוך ועד השפטים ויאמר אנשי אתינס הנני ראה בכל כי יראי אלים אתם מאד׃

17:23b.ACT.017.023 כי אני עבר ומתבונן אל עבדות אלהיכם ואמצא מזבח אחד כתוב עליו לאל הנעלם ועתה את אשר עבדתם ואינכם ידעים אתו אני מגיד לכם׃

17:24b.ACT.017.024 האל אשר עשה את העולם וכל אשר בו לא ישכן בהיכלות מעשה ידים כי הוא אדון השמים והארץ׃

17:25b.ACT.017.025 גם לא ישרתוהו ידי בני אדם כאלו יצטרך לדבר כי הוא הנתן לכל חיים ונשמה וכל דבר׃

17:26b.ACT.017.026 ויושב כל עממי בני אדם על כל פני האדמה מדם אחד ויצב מועדים קבועים וגבולת מושבם׃

17:27b.ACT.017.027 למען יבקשו את האלהים אולי ימששהו וימצאהו אף כי איננו רחוק מכל אחד ממנו׃

17:28b.ACT.017.028 כי בו אנחנו חיים ומתנועעים וקימים כאשר גם מקצת משורריכם אמרו אף ילידיו אנחנו׃

17:29b.ACT.017.029 והנה בהיותנו ילידי האלהים לא נכון לנו לחשב כי האלהות תדמה לזהב או לכסף או לאבן מעשה חרש ומחשבת בני אדם׃

17:30b.ACT.017.030 לכן עתה אחרי עבר אלהים על ימות הסכלות מצוה הוא את כל בני האדם בכל אפסי ארץ כי שוב ישובו׃

17:31b.ACT.017.031 יען אשר שת יום לשפט תבל בצדק על ידי איש אשר הפקידו ויתן עדות נאמנה לכלם בהקימו אתו מן המתים׃

17:32b.ACT.017.032 וכאשר שמעו תחית מתים אלה הלעיגו לו ואלה אמרו על זאת נשמעך בעת אחרת׃

17:33b.ACT.017.033 ובכן יצא פולוס מתוכם׃

17:34b.ACT.017.034 ומקצתם דבקו בו ויאמינו ובהם דיונוסיוס מן השפטים של אריופגוס ואשה אחת שמה דמריס ועוד אחרים עמהם׃

18

18:1b.ACT.018.001 אחר כן סר פולוס מאתינס ויבא אל קורנתוס׃

18:2b.ACT.018.002 וימצא יהודי נולד בפונטוס ומשו עקילס אשר בא מקרוב מן איטליא הוא ואשתו פריסקלה מפני אשר צוה קלודיוס את כל היהודים לסור מעיר רומי׃

18:3b.ACT.018.003 ויבא אליהם ויהי בהיתם בני אמנות אחת וישב אתם ויעש מלאכתו ואמנותם עשות יריעות אהלים׃

18:4b.ACT.018.004 וידבר בבית הכנסת בכל שבת ושבת ויוכח את היהודים ואת היונים׃

18:5b.ACT.018.005 וכבוא סילא וטימותיוס ממקדוניא היה פולוס נגש ברוח להעיד אל היהודים כי ישוע הוא המשיח׃

18:6b.ACT.018.006 ויהי כהמרותם וכגדפם וינער את בגדיו ויאמר אליהם דמכם בראשיכם ואנכי נקי מעתה אלכה לי אל הגוים׃

18:7b.ACT.018.007 וילך משם ויבא אל בית איש ושמו יוסטוס איש ירא אלהים וביתו סמוך לבית הכנסת׃

18:8b.ACT.018.008 וקריספוס ראש הכנסת האמין באדון הוא וכל ביתו וגם קורנתים רבים בשמעם האמינו ויטבלו׃

18:9b.ACT.018.009 ודבר האדון היה אל פולוס במחזה בלילה לאמר אל תירא כי אם דבר ואל תחשה׃

18:10b.ACT.018.010 כי עמך אנכי ואיש אל יגע בך להרע לך כי גוי גדול לי בעיר הזאת׃

18:11b.ACT.018.011 וישב שם שנה וששה חדשים וילמד בהם את דבר האלהים׃

18:12b.ACT.018.012 ויהי בהיות גליון שר מדינת אכיא ויקומו היהודים כלם וחדו על פולוס ויביאהו אל כסא המשפט׃

18:13b.ACT.018.013 ויאמרו האיש הזה מפתה את בני האדם לעבד את אלהים בלא כתורה׃

18:14b.ACT.018.014 ויהי אך בקש פולוס לפתח את פיו וגליון אמר אל היהודים לאמר אם היה דבר פשע או מעשה נבלה כי עתה נשאתי ושמעתי אתכם היהודים כמשפט׃

18:15b.ACT.018.015 אבל אם היא שאלה על מלין ושמות והדת שלכם ראו אתם ואני אין רצוני להיות שפט על דברים כאלה׃

18:16b.ACT.018.016 ויגרש אתם מלפני כסא המשפט׃

18:17b.ACT.018.017 ויאחזו כל היונים את סוסתנים ראש הכנסת ויכוהו לפני כסא המשפט וגליון לא שת לבו גם לזאת׃

18:18b.ACT.018.018 ופולוס ישב שם עוד ימים רבים ויפטר מן האחים וירד באניה ללכת אל סוריא ואתו פריסקלה ועקילס ויגלח את ראשו בקנכרי כי נדר עליו׃

18:19b.ACT.018.019 ויבאו אל אפסוס ויעזב אתם שם והוא הלך לבית הכנסת וידבר עם היהודים׃

18:20b.ACT.018.020 ויבקשו ממנו להאריך ימי שבתו אתם ולא אבה׃

18:21b.ACT.018.021 כי אם נפטר מהם באמרו מחיב אני לחג את החג הבא בירושלים ואחרי כן אשובה אליכם אם ירצה יהוה וילך לו באניה מן אפסוס׃

18:22b.ACT.018.022 ויבא אל קסרין ויעל וישאל לשלום הקהלה וירד אל אנטיוכיא׃

18:23b.ACT.018.023 וישב שם ימים אחדים וילך למסעיו ויעבר בארץ גלטיא ופרוגיא ויחזק את כל התלמידים׃

18:24b.ACT.018.024 ואיש יהודי בא אל אפסוס ועיר מולדתו אלכסנדריא ושמו אפולוס איש דברים ותקיף בכתובים׃

18:25b.ACT.018.025 הוא היה מלמד דרך האדון והוא מדבר כחם רוחו ומלמד היטב על אדות ישוע ולא ידע כי אם טבילת יוחנן לבדה׃

18:26b.ACT.018.026 והוא החל לקרא בבית הכנסת בבטחון לבב וישמעו אתו עקילס ופריסקלה ויקחהו אליהם ויוסיפו להגיד לו את דרך האלהים באר היטב׃

18:27b.ACT.018.027 ויחפץ ללכת לאכיא ויכתבו האחים אל התלמידים ויעררו אתם לקבלו ויבא שמה ויעזר הרבה את המאמינים על ידי החסד׃

18:28b.ACT.018.028 כי בחזקה התוכח עם היהודים לפני כל העם ויראם מן המקראות כי ישוע הוא המשיח׃

19

19:1b.ACT.019.001 ויהי בהיות אפולוס בקורנתוס ויעבר פולוס במדינות העליונת וירד אל אפסוס וימצא שם תלמידים׃

19:2b.ACT.019.002 ויאמר אליהם הקבלתם את רוח הקדש אחרי אשר האמנתם ויאמרו אליו אף לא שמענו כי ישנו רוח הקדש׃

19:3b.ACT.019.003 ויאמר אליהם על מה אפוא הטבלתם ויאמרו על טבילת יוחנן׃

19:4b.ACT.019.004 ויאמר פולוס יוחנן הטביל בטבילת התשובה ואמר אל העם כי האמן יאמינו באשר יבוא אחריו והוא המשיח ישוע׃

19:5b.ACT.019.005 ויהי כשמעם זאת ויבאו להטבל בשם ישוע האדון׃

19:6b.ACT.019.006 ויסמך פולוס את ידיו עליהם ויבא עליהם רוח הקדש וימללו בלשנות ויתנבאו׃

19:7b.ACT.019.007 ויהיו כלם כשנים עשר איש׃

19:8b.ACT.019.008 ויבא אל בית הכנסת ויקרא שם בבטחון לבב וידבר עמם כשלשה חדשים ויט את לבם אל דברי מלכות האלהים׃

19:9b.ACT.019.009 אך מקצתם הקשו את לבבם ולא האמינו וידברו סרה על הדרך הזה לפני הקהל ויסר מהם ויבדל מתוכם את התלמידים וידבר אתם יום יום בבית המדרש של טורנוס׃

19:10b.ACT.019.010 וכן היתה כשנתים ימים עד כי שמעו כל ישבי אסיא גם יהודים גם יונים את דבר ישוע האדון׃

19:11b.ACT.019.011 וגבורות גדלות עשה האלהים על ידי פולוס׃

19:12b.ACT.019.012 עד כי גם הניחו סודרים וחגרת מעל עור בשרו על החולים ויסורו מהם תחלאיהם וגם הרוחות הרעות יצאו׃

19:13b.ACT.019.013 ואנשים מן היהודים הסבבים ומלחשים הואילו להזכיר את שם ישוע האדון על אחוזי הרוחות הרעות לאמר משביע אני אתכם בישוע אשר פולוס קרא אותו׃

19:14b.ACT.019.014 והעשים ככה היו שבעת בני סקוה אחד מגדולי כהני היהודים׃

19:15b.ACT.019.015 ויען הרוח ויאמר את ישוע אני מכיר ואת פולוס אני ידע ומי אתם׃

19:16b.ACT.019.016 ויקפץ עליהם בעל הרוח הרעה ויגבר עליהם ויכבשם עד כי נסו מן הבית ההוא עירמים ופצועים׃

19:17b.ACT.019.017 ויודע הדבר לכל היהודים והיונים ישבי אפסוס ויפל פחד על כלם ויגדל שם האדון ישוע׃

19:18b.ACT.019.018 ורבים מן המאמינים באו ויתודו ויודיעו את אשר עשו׃

19:19b.ACT.019.019 ורבים אשר עשקו במעשי כשפים הביאו את ספריהם וישרפום לעיני כל ויחשבו את ערכם וימצאהו חמשת רבבות דינרים׃

19:20b.ACT.019.020 ודבר יהוה גבר מאד וילך הלך וחזק׃

19:21b.ACT.019.021 ויהי ככלות הדברים האלה יעץ פולוס ברוחו לעבר בתוך מקדוניא ואכיא וללכת ירושלים ויאמר אחרי היותי שמה ראה אראה גם את רומי׃

19:22b.ACT.019.022 וישלח שנים מן המשרתים אתו את טימותיוס ואת ארסטוס אל מקדוניא והוא התמהמה עוד ימים באסיא׃

19:23b.ACT.019.023 ותהי בעת ההיא מהומה לא קטנה על אדות דרך יהוה׃

19:24b.ACT.019.024 כי צורף כסף אחד דמטריוס שמו עשה היכלות כסף של ארטמיס המציא לחרשים משכרת לא מעט׃

19:25b.ACT.019.025 ויקהל אתם ואת שאר העסקים במלאכה ההיא ויאמר אנשים אתם ידעים כי מן המלאכה הזאת עשינו כבוד׃

19:26b.ACT.019.026 ואתם ראים ושמעים אשר לא באפסוס לבדה כי גם כמעט באסיא כלה זה פולוס פתה והדיח המון עם רב לאמר לא אלהים אלה הנעשים בידים׃

19:27b.ACT.019.027 ועתה עוד מעט ולא לבד חלקנו זה יהיה לבוז כי אם גם היכל ארטמיס המלכת הגדולה יחשב לאין ותכלה תפארתה אשר כל אסיא וכל ישבי תבל מכבדים אותה׃

19:28b.ACT.019.028 ויהי כשמעם את דבריו וימלאו חמה ויצעקו לאמר גדולה ארטמיס של האפסיים׃

19:29b.ACT.019.029 ותמלא כל העיר מבוכה ויסערו כלם יחדו אל התאטרון ויחטפו אתם את גיוס ואת ארסטרכוס אנשים מקדונים וחברי פולוס במסעיו׃

19:30b.ACT.019.030 ויאל פולוס לבוא אל תוך העם ולא הניחו לו התלמידים׃

19:31b.ACT.019.031 וגם מקצת ראשי אסיא אשר היו אהביו שלחו אליו ויזהירו אתו אשר לא ימלאהו לבו לבוא אל התאטרון׃

19:32b.ACT.019.032 ויצעקו שם אלה בכה ואלה בכה כי מבוכה גדולה היתה בקהל ורבם לא ידעו על מה זה נאספו׃

19:33b.ACT.019.033 וימשכו מתוך ההמון את אלכסנדר והיהודים דחו אתו עד צאתו וינף אלכסנדר את ידו ויבקש להצטדק לפני העם׃

19:34b.ACT.019.034 והמה כהכירם כי הוא יהודי נשאו כלם קול ויצעקו כשתי שעות לאמר גדולה ארטמיס של האפסיים׃

19:35b.ACT.019.035 ויהס סופר העיר את העם ויאמר אנשי אפסוס מי הוא האיש אשר לא ידע כי העיר אפסוס סכנת היא להיכל של ארטמיס המלכת הגדולה ולצלמה היורד מן השמים׃

19:36b.ACT.019.036 ויען אשר אין לכחש בדברים האלה ראוי לכם להיות שקטים ולא לעשות דבר נמהר׃

19:37b.ACT.019.037 כי הבאתם את האנשים האלה אשר אינם גזלי מקדש גם אינם מגדפי מלכתכם׃

19:38b.ACT.019.038 לכן אם לדמטריוס ולחרשים אשר אתו דבר ריב עם איש הנה לנו ימי בית דין ושרי המדינה ויביאו אליהם את ריבם׃

19:39b.ACT.019.039 ואם תבקשו דבר אחר שפוט ישפט בקהל כפי החק׃

19:40b.ACT.019.040 כי הלא בסכנה אנחנו להתחיב במרד בעבור היום הזה ודבר אין לנו לתת דין וחשבון על הרגשה הזאת׃

19:41b.ACT.019.041 ויהי כאשר כלה לדבר כדברים האלה וישלח את הקהל׃

20

20:1b.ACT.020.001 ואחרי אשר שקטה המהומה קרא פולוס לתלמידים ויברכם ויצא ללכת אל מקדוניא׃

20:2b.ACT.020.002 ויעבר במדינות ההן ויזהר אתם בדברים רבים ויבא אל ארץ יון׃

20:3b.ACT.020.003 וישב שם שלשה חדשים ויהי באמרו ללכת אל סוריא ויארבו לו היהודים ויגמר בלבו לשוב דרך מקדוניא׃

20:4b.ACT.020.004 וילכו אתו עד לאסיא סופטרוס הברואי ומן התסלוניקים ארסטרכוס וסקונדוס וגיוס הדרבי וטימותיוס ומן אסיא טוכיקוס וטרופימוס׃

20:5b.ACT.020.005 ואלה הלכו לפנינו ויוחילו לנו בטרואס׃

20:6b.ACT.020.006 ואנחנו יצאנו מן פילפי אחרי ימי חג המצות ומקץ חמשה ימים באנו באניה אליהם אל טרואס ונשב שם שבעת ימים׃

20:7b.ACT.020.007 ויהי באחד בשבת כאשר נאספו התלמידים לבצע הלחם וידבר אתם פולוס כי אמר ללכת משם למחרת היום ויארך הדבר עד חצות הלילה׃

20:8b.ACT.020.008 ונרות רבים היו בעליה אשר נאספנו שם׃

20:9b.ACT.020.009 ובחור אחד שמו אבטוכוס ישב בחלון וירדם בהאריך פולוס את אמרתו ותגבר עליו שנתו ויפל מהמדור השלישי למטה וישאהו מת׃

20:10b.ACT.020.010 וירד פולוס ויגהר עליו ויחבקהו ויאמר אל תבהלו כי נשמתו בו׃

20:11b.ACT.020.011 ואחר עלה ויבצע הלחם ויטעם וירב לשיח אתם עד אור הבקר ויצא ללכת לדרכו׃

20:12b.ACT.020.012 והם הביאו את הנער חי וינחמו עד מאד׃

20:13b.ACT.020.013 ואנחנו קדמנו לרדת באניה ונעבר אסוסה למען נקח שם אתנו את פולוס כי כן צוה והוא חשב בלבו ללכת שמה ברגליו׃

20:14b.ACT.020.014 ויפגש אתנו באסוס ונקח אתו ונבא אל מיטוליני׃

20:15b.ACT.020.015 ומשם יצאנו באניה ונפגע ממחרת אל מול כיוס וביום השלישי עברנו אל סמוס ונלן בטרוגוליון ולמחרתו באנו אל מיליטוס׃

20:16b.ACT.020.016 כי פולוס אמר לעבר מעל פני אפסוס פן יצטרך להתמהמה באסיא כי אץ לבוא אם יוכל עד חג השבועות ירושלים׃

20:17b.ACT.020.017 וממיליטוס שלח אל אפסוס ויקרא את זקני הקהלה׃

20:18b.ACT.020.018 ויבאו אליו ויאמר להם אתם ידעתם איך הייתי עמכם בכל עת מן היום הראשון אשר דרכה רגלי באסיא׃

20:19b.ACT.020.019 אשר עבדתי את האדון בכל ענוה ובדמעות הרבה ובמסות המצאות אתי בנכלי היהודים׃

20:20b.ACT.020.020 איך לא כחדתי מכם כל דבר תועלת והגדתיו לכם ולמדתי אתכם ברבים ובכל בית ובית׃

20:21b.ACT.020.021 ואעיד ליהודים וליונים את התשובה לאלהים ואת האמונה באדנינו ישוע המשיח׃

20:22b.ACT.020.022 ועתה הנני אסיר הרוח ללכת ירושלים ואינני יודע מה יקרני שם׃

20:23b.ACT.020.023 אפס כי רוח הקדש מעיד בכל עיר ועיר לאמר כי מוסרות וצרות נכונו לי׃

20:24b.ACT.020.024 אבל לא אחוש לאחת מהנה וגם נפשי לא יקרה בעיני למען אשלים בשמחה את מרוצתי ואת השרות אשר קבלתי מאת האדון ישוע להעיד על בשורת חסד אליהם׃

20:25b.ACT.020.025 ועתה הנה ידע אנכי כי אתם כלכם אשר התהלכתי בקרבכם הלוך והשמע את מלכות יהוה כי לא תוסיפו עוד ראות פני׃

20:26b.ACT.020.026 על כן מעיד אני בכם היום הזה כי נקי אנכי מדמי כלכם׃

20:27b.ACT.020.027 כי לא כחדתי מהגיד לכם את עצת האלהים כלה׃

20:28b.ACT.020.028 לכן שמרו את נפשותיכם ואת כל העדר אשר הקים אתכם רוח הקדש לפקידים בו לרעות את עדת האלהים אשר קנה לו בדם נפשו׃

20:29b.ACT.020.029 כי ידע אני אשר אחרי צאתי יבואו בתוככם זאבים עזים אשר לא יחוסו על העדר׃

20:30b.ACT.020.030 וגם מקרבכם יקומו אנשים דברי תהפכות להטות אחריהם את התלמידים׃

20:31b.ACT.020.031 על כן שקדו וזכרו כי שלש שנים יומם ולילה לא חדלתי לדבר על לב כל אחד מכם בדמעות׃

20:32b.ACT.020.032 ועתה אחי אני מסר אתכם לאלהים ולדבר חסדו אשר לו היכלת לבנות אתכם ולתת לכם נחלה בקרב כל המקדשים׃

20:33b.ACT.020.033 לא חמדתי כסף איש או זהבו או לבושו׃

20:34b.ACT.020.034 ואתם ידעתם כי ידי אלה עבדו בעד צרכי ובעד צרכי ההלכים אתי׃

20:35b.ACT.020.035 ובכל הראיתי אתכם כי כן עלינו לעמל ולתמך את החלשים ולזכר את דברי האדון ישוע כי הוא אמר טוב אשר תתן משתקח׃

20:36b.ACT.020.036 ואחרי דברו את הדברים האלה כרע על ברכיו ויתפלל עם כלם׃

20:37b.ACT.020.037 ויבכו כלם בכי גדול ויפלו על צוארי פולוס וינשקו לו׃

20:38b.ACT.020.038 וביותר התעצבו על הדבר אשר דבר כי לא יוסיפו עוד לראות פניו וילוהו אל האניה׃

21

21:1b.ACT.021.001 ויהי כאשר נפרדנו מהם ונרד באניה ונבוא דרך ישרה אל קוס וממחרת אל רודוס ומשם אל פטרה׃

21:2b.ACT.021.002 שם מצאנו אניה עברת אל פינוקיא ונרד בה ונעבר׃

21:3b.ACT.021.003 ונרא את פני קפרוס ונעזבנה לשמאל ונעבר אל סוריא ונגיע אל צור כי שמה יוציאו את מעמסת האניה׃

21:4b.ACT.021.004 ונמצא את התלמידים ונשב שם שבעת ימים והם אמרו אל פולוס על פי הרוח לבלתי עלות ירושלים׃

21:5b.ACT.021.005 ויהי אחרי מלאת לנו הימים האלה ונצא ללכת לדרכנו וילוו אתנו כלם עם נשיהם ועם טפם עד מחוץ לעיר ונכרע על ברכינו על חוף הים ונתפלל׃

21:6b.ACT.021.006 ונברך איש את רעהו ונעל אל האניה והמה שבו איש לביתו׃

21:7b.ACT.021.007 ואנחנו כלינו את דרך הים ונרד מצור אל עכו ונשאל לשלום האחים ונשב אתם יום אחד׃

21:8b.ACT.021.008 וממחרת נסענו פולוס ואשר אתו ונבא אל קסרין ונלך אל בית פילפוס המבשר אשר הוא אחד מן השבעה ונשב עמו׃

21:9b.ACT.021.009 ולו היו ארבע בנות בתולות מתנבאות׃

21:10b.ACT.021.010 ויהי בהיותנו שם ימים רבים וירד נביא אחד מיהודה ושמו אגבוס׃

21:11b.ACT.021.011 ויבא אצלנו ויקח את אזור פולוס ויאסר בו את ידיו ואת רגליו ויאמר כה אמר רוח הקדש ככה יאסרו היהודים בירושלים את האיש אשר לו האזור הזה ויסגירהו בידי הגוים׃

21:12b.ACT.021.012 ויהי כאשר שמענו את זאת ונבקש ממנו אנחנו ואנשי המקום אשר לא יעלה ירושלים׃

21:13b.ACT.021.013 ויען פולוס ויאמר מה לכם אשר תבכו ותשברו לבבי כי נכון אנכי לא לבד להאסר כי גם למות בירושלים על שם ישוע האדון׃

21:14b.ACT.021.014 ולא אבה שמע ונרף ממנו לאמר רצון יהוה יעשה׃

21:15b.ACT.021.015 ואחרי הימים האלה נשאנו את כלינו ונעל ירושלים׃

21:16b.ACT.021.016 וילכו אתנו גם תלמידים מקסרין ויביאו אתנו ללון בבית איש כתי ושמו מנסון והוא תלמיד ישן׃

21:17b.ACT.021.017 ויהי כבאנו ירושלים ויקבלו אתנו האחים בשמחה׃

21:18b.ACT.021.018 וממחרת היום נכנס פולוס עמנו אל יעקב ויבאו שמה כל הזקנים׃

21:19b.ACT.021.019 וישאלם לשלום ויספר אחת לאחת את אשר עשה האלהים לגוים בשרותו׃

21:20b.ACT.021.020 וישמעו ויהללו את האלהים ויאמרו אליו הנך ראה אחינו כמה רבבות יהודים באו להאמין וכלם מקנאים לתורה׃

21:21b.ACT.021.021 והם שמעו עליך שמועה כי תלמד את כל היהודים אשר בקרב הגוים לסור ממשה באמרך כי אין עליהם למול את בניהם וללכת בחקות התורה׃

21:22b.ACT.021.022 ועתה מה לעשות הנה האסף יאסף המון העם כי ישמעו כי באת׃

21:23b.ACT.021.023 לכן עשה זאת אפוא אשר נאמר אליך׃

21:24b.ACT.021.024 הנה יש אתנו ארבעה אנשים אשר נדר עליהם אתם קח לך והטהר אתם ושלם ההוצאות בעדם למען אשר יגלחו את ראשם וידעו כלם כי שמועת שוא שמעו עליך וכי אתה בעצמך מתהלך בחקות התורה׃

21:25b.ACT.021.025 ועל דבר המאמינים בגוים כתבנו וגזרנו אשר לא ישמרו דבר מאלה רק להשמר מזבחי אלילים ומן הדם ומבשר הנחנק ומן הזנות׃

21:26b.ACT.021.026 ויקח פולוס את האנשים ויטהר אתם וממחרת בא אל המקדש ויגד כי מלאו ימי טהרתם עד כי הקרב קרבן כל אחד מהם׃

21:27b.ACT.021.027 ויהי כאשר קרבו שבעת הימים לכלות והיהודים אשר מאסיא ראו אתו במקדש ויעוררו את כל ההמון וישלחו בו את ידיהם׃

21:28b.ACT.021.028 ויצעקו לאמר אנשי ישראל עזרו זה הוא האיש המלמד את כל אדם אשר בכל הארץ סרה על העם הזה ועל התורה ועל המקום הזה וגם הביא אל המקדש אנשים יונים ויחלל את המקום הקדוש הזה׃

21:29b.ACT.021.029 כי היו ראים את טרופימוס האפסי בעיר אתו ויחשבו כי פולוס הביא אתו אל המקדש׃

21:30b.ACT.021.030 ותהם כל העיר וירץ העם ויקבץ ויאחזו את פולוס וימשכהו אל מחוץ למקדש ופתאם סגרו הדלתות׃

21:31b.ACT.021.031 והמה מבקשים להמיתו והשמועה באה אל שר האלף של הגדוד כי כל ירושלים נבוכה׃

21:32b.ACT.021.032 וימהר ויקח אתו אנשי צבא ושרי מאות וירץ אליהם ויהי כראותם את שר האלף ואת אנשי הצבא ויחדלו מהכות את פולוס׃

21:33b.ACT.021.033 ויגש שר האלף ויחזק בו ויצו לאסרו בנחשתים וישאל מי הוא זה ומה עשה׃

21:34b.ACT.021.034 ויענו מן העם אלה בכה ואלה בכה ולא יכל לדעת מאומה אל נכון מרב השאון ויצו להוליכו אל המצד׃

21:35b.ACT.021.035 ויהי כבואו עד המעלות וישאהו אנשי הצבא מפני חמת העם׃

21:36b.ACT.021.036 כי עם רב הלך אחריו והם צעקים ואמרים הסר אתו׃

21:37b.ACT.021.037 וכאשר הקריב פולוס להאסף אל המצד אמר אל שר האלף התניח לי לדבר אליך דבר ויאמר הידעת יונית׃

21:38b.ACT.021.038 האם אינך המצרי אשר לפני הימים האלה העיר מרד והוציא המדברה ארבעת אלפים אנשי דמים׃

21:39b.ACT.021.039 ויאמר פולוס איש יהודי אנכי מטרסוס בן עיר קיליקיא אשר איננה בלי שם ועתה אשאלה מאתך הניחה לי לדבר אל העם׃

21:40b.ACT.021.040 וינח לו ויעמד פולוס על המעלות הניף ידו אל העם ותהי דממה רבה וידבר בלשון עברית ויאמר׃

22

22:1b.ACT.022.001 אנשים אחים ואבות שמעו נא את דברי התנצלותי אליכם׃

22:2b.ACT.022.002 ויהי כשמעם כי הוא מדבר אליהם בלשון עברית ויחשו עוד יותר׃

22:3b.ACT.022.003 ויאמר איש יהודי אנכי נולד בטרסוס אשר בקיליקיא ומגדל בעיר הזאת לרגלי גמליאל ומלמד לפי דקדוקי תורת אבותינו ואהי מקנא לאלהים כמוכם כלכם היום׃

22:4b.ACT.022.004 וארדף את הדרך הזאת עד מות ואהי אסר ומסגיר לכלא אנשים ונשים׃

22:5b.ACT.022.005 כאשר גם יעיד עלי הכהן הגדול וכל בית הזקנים אשר מהם לקחתי מכתבים ואלך אל האחים לדמשק לאסר אף את הנמצאים שמה להביאם ירושלים למען יוסרו׃

22:6b.ACT.022.006 ויהי אנכי הלך וקרב לדמשק כעת צהרים ופתאם נגה עלי מסביב אור גדול מן השמים׃

22:7b.ACT.022.007 ואפל ארצה ואשמע קול מדבר אלי שאול שאול למה תרדפני׃

22:8b.ACT.022.008 ואען ואמר מי אתה אדני ויאמר אלי אני ישוע הנצרי אשר אתה רדפו׃

22:9b.ACT.022.009 והאנשים אשר אתי ראו את האור וייראו ואת קול המדבר אלי לא שמעו׃

22:10b.ACT.022.010 ואמר מה אעשה אדני ויאמר אלי האדון קום לך אל דמשק ושם יאמר לך את כל אשר צוית לעשות׃

22:11b.ACT.022.011 ואני לא יכלתי לראות מפני זהר האור ההוא והאנשים אשר אתי הוליכוני ביד ואבא לדמשק׃

22:12b.ACT.022.012 ואיש חסיד כפי התורה ושמו חנניה אשר קנה לו שם טוב בקרב כל היהודים הישבים שם׃

22:13b.ACT.022.013 ויבא אלי ויעמד ויאמר אלי שאול אחי שוב ראה ובשעה ההיא נפקחו עיני וראיתיהו׃

22:14b.ACT.022.014 ויאמר אלהי אבותינו בחר בך לדעת את רצונו ולראות את הצדיק ולשמע קול מפיהו׃

22:15b.ACT.022.015 כי היו תהיה לו לעד אל כל בני האדם על כל אשר ראית ושמעת׃

22:16b.ACT.022.016 ועתה למה תתמהמה קום והטבל והתרחץ מחטאתיך בקראך בשמו׃

22:17b.ACT.022.017 ויהי בשובי אל ירושלים ואתפלל במקדש ותהי עלי יד יהוה׃

22:18b.ACT.022.018 וארא אותו מדבר אלי חושה צא במהרה מירושלים כי לא יקבלו את עדותך עלי׃

22:19b.ACT.022.019 ואמר הלא הם יודעים את אשר השלכתי אל הכלא והלקיתי בבתי הכנסיות את המאמינים בך׃

22:20b.ACT.022.020 ובהשפך דם אסטפנוס עדך אף אני עמדתי שם חפץ בהרגתו ושומר את בגדי הרגיו׃

22:21b.ACT.022.021 ויאמר אלי לך כי אני אל הגיום עד למרחוק אשלחך׃

22:22b.ACT.022.022 וישמעו אליו עד הדבר הזה וישאו את קולם ויאמרו הסירו איש כזה מעל האדמה כי איננו ראוי כי יחיה׃

22:23b.ACT.022.023 ויהי בהיותם צעקים ומשליכים את בגדיהם מעליהם וזרקים עפר השמימה׃

22:24b.ACT.022.024 ויצו שר האלף להוליכו אל המצד ויאמר לבדקו במלקות למען ידע מדוע המה ככה צעקים עליו׃

22:25b.ACT.022.025 ויהי כאשר אסר להכותו ברצועות ויאמר אל שר המאה העמד עליו האף רשיון לכם להכות איש רומי בלא דין ומשפט׃

22:26b.ACT.022.026 וילך שר המאה כשמעו את הדבר הזה ויגד לשר האלף לאמר ראה מה תעשה כי האיש הזה רומי הוא׃

22:27b.ACT.022.027 ויבא שר האלף ויאמר אמר לי הרומי אתה ויאמר הן׃

22:28b.ACT.022.028 ויען שר האלף אני בכסף רב קניתי לי משפט האזרחות הזאת ויאמר פולוס ואני אף נולדתי בה׃

22:29b.ACT.022.029 אז הרפו ממנו האנשים אשר באו לבדקו וגם שר האלף ירא בדעתו כי רומי הוא והוא אסר אותו׃

22:30b.ACT.022.030 וממחרת בקש לדעת אל נכון על מה שטנים אותו היהודים ויתר מוסרותיו ויצו להביא את ראשי הכהנים ואת כל הסנהדרין ויורד את פולוס ויעמידהו בתוכם׃

23

23:1b.ACT.023.001 ויבט פולוס אל הסנהדרין ויאמר אנשים אחים בכל תמת לבבי התהלכתי לפני אלהים עד היום הזה׃

23:2b.ACT.023.002 ויצו חנניה הכהן הגדול את העמדים עליו להכותו על פיו׃

23:3b.ACT.023.003 ויאמר אליו פולוס יככה אלהים הקיר המסיד האמנם ישב אתה לדין אתי כתורה ואתה מצוה להכותי שלא כתורה׃

23:4b.ACT.023.004 ויאמרו העמדים שם את הכהן הגדול לאלהים תחרף׃

23:5b.ACT.023.005 ויאמר פולוס אחי לא ידעתי אשר הוא הכהן הגדול כי כתוב נשיא בעמך לא תאר׃

23:6b.ACT.023.006 ופולוס ידע כי מקצתם צדוקים ומקצתם פרושים ויצעק בתוך הסנהדרין אנשים אחים פרוש בן פרוש אנכי ועל תקות המתים ותחיתם אני נדין׃

23:7b.ACT.023.007 ובדברו הדבר הזה היה ריב בין הצדוקים ובין הפרושים ויחלק ההמון׃

23:8b.ACT.023.008 כי הצדוקים אמרים אין תחיה ואין מלאך ורוח והפרושים מודים בשניהם׃

23:9b.ACT.023.009 ותהי המלה גדולה ויקומו הסופרים אשר מכת הפרושים ויתוכחו לאמר לא מצאנו דבר רע באיש הזה ואם רוח דבר אליו או מלאך אל נלחמה באלהים׃

23:10b.ACT.023.010 והריב הולך וחזק ושר האלף דאג פן ישסעו את פולוס ויצו את אנשי הצבא לרדת ולחטף אתו מתוכם ולהכיאו אל המצד׃

23:11b.ACT.023.011 ובלילה ההוא נצב עליו האדון ויאמר חזק פולוס כי כאשר העידות לי בירושלים כן העד תעיד ברומי׃

23:12b.ACT.023.012 ויהי לפנות הבקר ויתחברו היהודים ויאסרו אסר על נפשם לאמר כי לא יאכלו ולא ישתו עד אם יהרגו את פולוס׃

23:13b.ACT.023.013 ומספר הבאים באלה הזאת היה יותר מארבעים׃

23:14b.ACT.023.014 ויגשו לא ראשי הכהנים ואל הזקנים לאמר אסר אסרנו על נפשנו לבלתי טעם מאומה עד אם הרגנו את פולוס׃

23:15b.ACT.023.015 ועתה הודיעו אתם והסנהדרין את שר האלף ויורידהו מחר אליכם כאלו תחפצו לדרש היטב את ענינו ואנחנו נכונים להמיתו בטרם יקרב אליכם׃

23:16b.ACT.023.016 וישמע בן אחות פולוס את ארבם וילך ויבא אל המצד ויגד לפולוס׃

23:17b.ACT.023.017 ויקרא פולוס לאחד משרי המאות ויאמר אליו הולך את הבחור הזה אל שר האלף כי דבר לו להודיעו׃

23:18b.ACT.023.018 ויקחהו ויוליכהו אל שר האלף ויאמר פולוס האסיר קראני אליו ויבקש ממני להוליך אליך את הבחור הזה כי דבר לו להגיד לך׃

23:19b.ACT.023.019 ויאחז שר האלף בידו ויסר עמו לבדו וישאלהו מה הוא זה אשר לך להודיעני׃

23:20b.ACT.023.020 ויאמר כי נועצו היהודים יחדו לבקש ממך כי מחר תוריד את פולוס לפני הסנהדרין והמה כאלו חפצים לדעת היטב את ענינו׃

23:21b.ACT.023.021 ואתה אל תשמע להם כי ארבים לו מהם יותר מארבעים איש אשר אסרו אסר על נפשם לבלתי אכל ושתות בטרם יהרגוהו והמה עתה עמדים ומחכים להבטחתך׃

23:22b.ACT.023.022 וישלח שר האלף את הבחור ויצוהו לבלתי אמר לאיש כי גלה לו את הדבר הזה׃

23:23b.ACT.023.023 ויקרא לשני שרי מאות ויאמר החלצו מאתכם אנשי צבא מאתים ללכת לקסרין ופרשים שבעים ומשכי קשת מאתים מן השעה השלישית בלילה׃

23:24b.ACT.023.024 ובהמות יכינו להרכיב את פולוס למען הביאו שלם אל פיליכס ההגמון׃

23:25b.ACT.023.025 ויכתב אגרת וזה תכן דבריה׃

23:26b.ACT.023.026 קלודיוס לוסיאס אל פיליכס ההגמון האדיר שלום׃

23:27b.ACT.023.027 את האיש הזה תפשו היהודים ויבקשו המיתו ואבא עם אנשי הצבא ואפלטהו מתוכם בשמעי כי רומי הוא׃

23:28b.ACT.023.028 ובאשר חפצתי לדעת על מה שמנו אתו הורדתיו אל הסנהדרין שלהם׃

23:29b.ACT.023.029 ואמצא כי שטנו אתו על דברי שאלות דתם ולא על דבר אשר יהיה עליו חיב מיתה או מוסרות׃

23:30b.ACT.023.030 ועתה הנה הגד לי שהיהודים מתנכלים באיש הזה ואשלחהו אליך מיד וגם את שטניו צויתי לבוא ולהגיש שטנתם לפניך ואתה שלום׃

23:31b.ACT.023.031 ויקחו אנשי הצבא את פולוס כאשר צוו ויביאהו לילה אל אנטפטריס׃

23:32b.ACT.023.032 וממחרת הניחו את הפרשים ללכת אתו וישובו למצד׃

23:33b.ACT.023.033 והמה באו אל קסרין ויתנו את האגרת בידי ההגמון ויעמידו לפניו גם את פולוס׃

23:34b.ACT.023.034 ויהי כקרא ההגמון את האגרת וישאל מאי זה מדינה הוא ויהי כשמעו כי הוא מקיליקיא ויאמר׃

23:35b.ACT.023.035 אשמע את דבריך בבוא גם שטניך הנה ויצו לשמרו בבית המשפט אשר להורדוס׃

24

24:1b.ACT.024.001 וירד חנניה הכהן הגדול אחרי חמשת ימים ואתו הזקנים וטרטלוס איש דברים ויודיעו את ההגמון את דבר ריבם עם פולוס׃

24:2b.ACT.024.002 ויהי כאשר קראו לו ויחל טרטלוס לשטנו ויאמר׃

24:3b.ACT.024.003 את אשר ישבנו על ידך בשלום רב ואשר נעשו תקנות רבות לעם הזה בהשגחתך נקבל על כל פנים ובכל מקום בכל תודה פיליכס האדיר׃

24:4b.ACT.024.004 אך לבלתי הלאותך הרבה אתחנן אליך אשר תשמענו בקצר דברינו כחמלתך׃

24:5b.ACT.024.005 כי מצאנו את האיש הזה כקטב ומגרה מדינים בין כל היהודים על פני תבל והוא ראש כת הנצרים׃

24:6b.ACT.024.006 והוא גם נסה לחלל את המקדש ונתפש אותו ונחפץ לשפטו על פי תורתנו׃

24:7b.ACT.024.007 ויבא עלינו לוסיאס שר האלף ברב כח ויחטפהו מידינו׃

24:8b.ACT.024.008 ויצו את שטניו כי בוא יבאו לפניך ואתה כי תחקר אתו תוכל לדעת מפיהו את כל הדברים האלה אשר אנחנו טענים עליו׃

24:9b.ACT.024.009 וימלאו היהודים את דבריו לאמר כי כן הוא׃

24:10b.ACT.024.010 וירמז ההגמון אל פולוס לדבר ויען ויאמר יען אשר ידעתי כי זה כמה שנים שופט אתה לעם הזה הנני מצטדק בלב בטוח על עניני׃

24:11b.ACT.024.011 אתה תוכל לדעת אשר לא עברו יותר משנים עשר יום מעת עלותי ירושלים להשתחות׃

24:12b.ACT.024.012 ולא במקדש מצאוני מתוכח עם איש או מעורר מהומה בעם ולא בבתי הכנסיות ולא בעיר׃

24:13b.ACT.024.013 גם אין ביכלתם להוכיח עלי את אשר עתה הם שטנים אותי׃

24:14b.ACT.024.014 אבל את זאת מודה אני לפניך כי בדרך ההיא אשר יקראוה בשם כת בה אני עבד את אלהי אבותינו בהאמיני בכל הכתוב בתורה ובנביאים׃

24:15b.ACT.024.015 ותקותי לאלהים אשר גם הם יחכו לה זאת היא כי עתידה להיות תחית המתים לצדיקים ולרשעים׃

24:16b.ACT.024.016 ובזאת גם עמלתי להיות תמים לב לאלהים ולאדם תמיד׃

24:17b.ACT.024.017 ומקץ שנים רבות באתי להביא נדבות לעמי ולהקריב קרבן׃

24:18b.ACT.024.018 ואהי מטהר במקדש לא בהמון עם ולא במהומה וכן מצאוני אנשים יהודים מאסיא׃

24:19b.ACT.024.019 אשר עליהם היה לעמד הנה לפניך ולענות בי אם היה להם דבר נגדי׃

24:20b.ACT.024.020 או אלה ידברו נא המה מה מצאו בי עול בעמדי לפני הסנהדרין׃

24:21b.ACT.024.021 בלתי אם הדבר האחד ההוא אשר קראתי בעמדי בתוכם כי על תחית המתים אני נדון היום לפניכם׃

24:22b.ACT.024.022 ויהי כשמע פיליכס את הדרים האלה ויאחר את דינם לעת אחרת כי עניני הדרך הזאת נודעו לו היטב ויאמר ברדת אלי לוסיאס שר האלף אשפט על דברכם׃

24:23b.ACT.024.023 ויצו את שר המאה לשום אתו במשמר ולתת לו רוחה ולבלתי מנע איש ממידעיו משרת אתו ומבוא אליו׃

24:24b.ACT.024.024 ואחרי ימים אחדים בא פיליכס עם אשתו דרוסלה והיא יהודית וישלח לקרא לפולוס וישמע אתו על דבר האמונה במשיח׃

24:25b.ACT.024.025 ויהי כדברו על הצדק והפרישות ועל הדין העתיד לבוא ויחרד פיליכס ויען עתה זה לך ולכשאפנה אשוב לקרא לך׃

24:26b.ACT.024.026 והוא מקוה כי פולוס יתן לו שחד למען יתירהו ובעבור זה קרא לו פעמים הרבה וידבר עמו׃

24:27b.ACT.024.027 ויהי מקץ שנתים ימים ויקם פרקיוס פסטוס תחת פיליכס ופיליכס חפץ להתרצות אל היהודים ויעזב את פולוס חבוש בבית האסורים׃

25

25:1b.ACT.025.001 ויבא פסטוס אל המדינה ויעל אחרי שלשת ימים מקסרין לירושלים׃

25:2b.ACT.025.002 והכהן הגדול וראשי היהודים הודיעהו את ריבם עם פולוס׃

25:3b.ACT.025.003 ויפצרו בו וישאלו ממנו לעשות חסד עמהם להביאו ירושלים והמה מתנכלים אתו להמיתו בדרך׃

25:4b.ACT.025.004 ויען אותם פסטוס כי עצור פולוס בקסרין וכי גם הוא ישוב שמה בקרוב׃

25:5b.ACT.025.005 ויאמר לכן ירדו אתי העצומים שבכם ואם יש מאום באיש הזה יענו בו׃

25:6b.ACT.025.006 וישב בתוכם יותר מימים עשרה וירד אל קסרין וממחרת ישב על כסא המשפט ויצו להביא את פולוס׃

25:7b.ACT.025.007 הוא בא והיהודים אשר ירדו מירושלים סבבהו ויאשימו את פולוס באשמות רבות וקשות אשר לא יכלו להוכיח׃

25:8b.ACT.025.008 והוא הצטדק לאמר לא חטאתי במאומה לא לדת היהודים ולא למקדש ולא לקיסר׃

25:9b.ACT.025.009 ופסטוס חפץ להתרצות אל היהודים ויען את פולוס ויאמר התחפץ לעלות ירושלים להשפט על אלה לפני שמה׃

25:10b.ACT.025.010 ויאמר פולוס לפני כסא משפט הקיסר אני עמד ושם נכון לי להשפט לא הרעתי ליהודים כאשר ידעת היטב גם אתה׃

25:11b.ACT.025.011 אם הרעתי ויש בי דבר משפט מות בל אחשך נפשי ממות ואם אין בי מאומה מכל אשר הם ענים בי איש לא יוכל להסגירני אל ידם את הקיסר אני קורא לדיני׃

25:12b.ACT.025.012 ויועץ פסטוס עם יועציו ויען אתו לאמר את הקיסר קראת אל הקיסר תלך׃

25:13b.ACT.025.013 ויהי אחרי ימים וירדו המלך אגרפס וברניקה אל קסרין לשאל לשלום פסטוס׃

25:14b.ACT.025.014 ויהי כי ארכו להם הימים שם ויספר פסטוס למלך את ריב פולוס לאמר יש פה איש אשר פיליכס הניחו אסור׃

25:15b.ACT.025.015 ובהיותי בירושלים דברו אלי ראשי הכהנים וזקני היהודים על אדותיו ויבקשו ממני לחרץ משפטו׃

25:16b.ACT.025.016 ואען אותם כי אין מנהג הרומיים למגן איש לאבד בטרם יעמד הנשטן לנכח שטניו ונתן לו מקום להצטדק מן השטנה׃

25:17b.ACT.025.017 ולכן כאשר באו הנה יחד חשתי ולא התמהמהתי כי ממחרת היום ישבתי על כסא המשפט ואצוה להביא את האיש׃

25:18b.ACT.025.018 ויעמדו עליו שטניו ולא הביאו עליו דבר רע מאשר הייתי חשד אתו׃

25:19b.ACT.025.019 רק היו להם דברי ריבת לנגדו על עבודת אלהיהם ועל מת אחד ישוע שמו אשר אמר עליו פולוס כי הוא חי׃

25:20b.ACT.025.020 ותכבד בעיני השאלה הזאת ואמר החפץ אתה ללכת ירושלים ולהשפט שם על אלה׃

25:21b.ACT.025.021 אבל פולוס שאל להניחו במשמר עד צאת משפטו מלפני אגוסטוס ואצוה לשמרו עד אשר אשלח אתו אל הקיסר׃

25:22b.ACT.025.022 ויאמר אגרפס אל פסטוס גם אני חפץ לשמע את האיש ויאמר מחר תשמענו׃

25:23b.ACT.025.023 ויהי ממחרת כבוא אגרפס וברניקה בהוד גדול ויבאו אל אלם המשמעת המה ושרי האלף ונגידי העיר ויצו פסטוס ויביאו את פולוס׃

25:24b.ACT.025.024 ויאמר פסטוס אגרפס המלך וכל האישים אשר אתם פה אתנו הנכם ראים את האיש אשר בעבורו פגעו בי כל המון היהודים גם בירושלים וגם פה ויצעקו כי אינו בדין שיחיה עוד׃

25:25b.ACT.025.025 ואני כאשר הכרתי כי לא עשה דבר לחיבו מיתה והוא גם הוא קרא את אגוסטוס לדינו יעצתי לשלח אתו שמה׃

25:26b.ACT.025.026 אך אין לי לכתב עליו דבר נכון לאדנינו ובעבור זאת הביאתיו לפניכם וביותר לפניך המלך אגרפס למען יחקר וידעתי מה אכתב׃

25:27b.ACT.025.027 כי לא יתכן בעיני לשלוח אסיר מבלי הודיע גם את עלילת הדברים אשר שמו לו׃

26

26:1b.ACT.026.001 ויאמר אגרפס אל פולוס נתן לך לדבר בעד נפשך אז יצטדק פולוס ויושט את ידו ויאמר׃

26:2b.ACT.026.002 מאשר אני את נפשי המלך אגרפס כי לפניך אצטדק היום על כל אשר שטנים אתי היהודים׃

26:3b.ACT.026.003 כי אתה ידע היטב כל המנהגים והשאלות אשר בין היהודים ועל כן אשאלה מאתך לשמע אתי כארך רוחך׃

26:4b.ACT.026.004 הנה את דרכי מנעורי אשר התהלכתי בה מאז בתוך עמי ובירושלים ידעים אותה כל היהודים׃

26:5b.ACT.026.005 כי מימים ראשונים ידעוני אם ירצו להעיד כי כפרוש התנהגתי על פי הכת המקפדת ביותר בעבודתנו׃

26:6b.ACT.026.006 ועתה אני עמד להשפט על תקות ההבטחה אשר הבטיחה האלהים את אבותינו׃

26:7b.ACT.026.007 ואשר שנים עשר שבטינו מיחלים להגיע לה בעבדם את יהוה תמיד יומם ולילה על דבר התקוה הזאת אגרפס המלך שטנים אותי היהודים׃

26:8b.ACT.026.008 מדוע יפלא בעיניכם כי האלהים יחיה מתים׃

26:9b.ACT.026.009 הן לפנים אני חשבתי צדקה לצרר את שם ישוע הנצרי עד מאד׃

26:10b.ACT.026.010 כאשר עשיתי בירושלים וגם קדושים רבים אני הסגרתי לבתי כלאים ברשיון אשר קבלתי מאת הכהנים הגדולים וכשנהרגו הסכמתי׃

26:11b.ACT.026.011 ובכל בתי הכנסיות יסרתי אתם פעמים רבות ואנסתים לגדף ואתהוללה בם עד מאד וארדפם עד לערים אשר חוצה לארץ׃

26:12b.ACT.026.012 ויהי בלכתי על זאת לדמשק ברשיון הכהנים הגדולים ובמצותם׃

26:13b.ACT.026.013 והנה אדני המלך בצהרים בדרך ראיתי אור צח מזהר השמש אשר משמים נגה עלי מסביב ועל ההלכים אתי׃

26:14b.ACT.026.014 ונפל כלנו ארצה ואשמע קול מדבר אלי בלשון עברית לאמר שאול שאול למה תרדפני קשה לך לבעט בדרבנות׃

26:15b.ACT.026.015 ואמר מי אתה אדני ויאמר אנכי ישוע אשר אתה רדף׃

26:16b.ACT.026.016 אבל קום ועמד על רגליך כי לבעבור זאת נראיתי אליך לבחר בך למשרת ולעד על אשר ראית ועל אשר אראך׃

26:17b.ACT.026.017 בהצילי אותך מן העם ומן הגוים אשר אשלחך עתה אליהם׃

26:18b.ACT.026.018 לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃

26:19b.ACT.026.019 על כן המלך אגרפס לא המריתי את המראה אשר ראיתי מן השמים׃

26:20b.ACT.026.020 כי אם קראתי ראשונה לישבי דמשק וירושלים ובכל ארץ יהודה וגם לגוים כי ינחמו וישובו אל האלהים ויעשו מעשים ראוים לתשובה׃

26:21b.ACT.026.021 ובגלל הדבר הזה תפשו אתי היהודים במקדש ויבקשו להמיתני׃

26:22b.ACT.026.022 והאלהים היה בעזרי ועד היום הזה עמד אני ומעיד לפני קטן וגדול ואינני מדבר דבר זולתי אשר דברו הנביאים ומשה כי עתידות הנה להיות׃

26:23b.ACT.026.023 כי המשיח מענה הוא וכי ראשון הוא לקמים מן המתים להפיץ אור בעם ובגוים׃

26:24b.ACT.026.024 ויהי הוא מצטדק כזאת ויען פסטוס בקול גדול לאמר הנך משתגע פולוס רב הלמוד הביאך לידי שגעון׃

26:25b.ACT.026.025 ויאמר פולוס אינני משגע פסטוס האדיר כי אם דברי אמת וטעם אביע׃

26:26b.ACT.026.026 כי המלך יודע את אלה ועל זאת גם בבטחון אני מדבר אליו יען אשר לא אאמין כי נעלם ממנו דבר מן הדברים האלה כי לא בקרן זוית נעשתה זאת׃

26:27b.ACT.026.027 המלך אגרפס המאמין אתה בנביאים ידעתי כי מאמין אתה׃

26:28b.ACT.026.028 ויאמר אגרפס אל פולוס עוד מעט ופתיתני להיות נצרי׃

26:29b.ACT.026.029 ויאמר פולוס אבקשה מאלהים אשר אם במעט ואם בהרבה לא אתה לבדך כי גם כל השמעים אותי יהיו כמוני זולתי המוסרות האלה׃

26:30b.ACT.026.030 ויהי בדברו הדבר הזה ויקם המלך וההגמון וברניקה והישבים אתם׃

26:31b.ACT.026.031 ויסורו החדרה וידברו איש אל רעהו לאמר האיש הזה לא עשה דבר אשר יהיה עליו חיב מיתה או מוסרות׃

26:32b.ACT.026.032 ויאמר אגרפס אל פסטוס האיש הזה יוכל להפטר לולא קרא את הקיסר לדינו׃

27

27:1b.ACT.027.001 וכאשר נגמר הדין כי נעבר באניה אל איטליא מסרו את פולוס ומקצת אסירים אחרים אל שר המאה לגדוד אגוסטוס ושמו יוליוס׃

27:2b.ACT.027.002 ונרד אל אניה אדרמטית נכנים לבוא על פני חוף אסיא ונעבר הימה ויהי אתנו ארסטרכוס מוקדון מן תסלוניקי׃

27:3b.ACT.027.003 וממחרת הגענו אל צידון ויוליוס עשה עם פולוס חסד וינח לו ללכת אל מידעיו להעזר בידם׃

27:4b.ACT.027.004 ונלך משם ונעבר בסביבות קפרוס כי הרוחות היו לנגדנו׃

27:5b.ACT.027.005 ונעבר את הים אשר לפני קיליקיא ופמפוליא ונבא אל מורא אשר בלוקיא׃

27:6b.ACT.027.006 וימצא שם שר המאה אניה אלכסנדרית באה לאיטליא ויעבירנו לתוכה׃

27:7b.ACT.027.007 והאניה הלכה בכבדות ימים רבים ואחרי אשר יגענו ובאנו אל מול קנידוס לא הניחנו הרוח לחתר אל היבשה ונעבר מצד לקריטי על פני הר סלמוני׃

27:8b.ACT.027.008 ואחרי אשר עברנו בתלאות באנו למקום אחד נקרא קלילמני אשר קרובה לו עיר ושמה לסיא׃

27:9b.ACT.027.009 ויהי מקץ ימים רבים כאשר באה עת הסכנה לירדי הים כי גם הצום כבר עבר ויזהר אתם פולוס׃

27:10b.ACT.027.010 ויאמר אליהם אנשים ראה אני כי הליכתנו תהיה אך מרי ונזק גדול לא לבד למעמסה ולאניה כי אם גם לנפשותינו׃

27:11b.ACT.027.011 ושר המאה לא שמע אל דברי פולוס כי אם אל רב החבל ואל בעל האניה׃

27:12b.ACT.027.012 ובאשר החוף איננו טוב לעמד בו בימי הסתיו יעצו הרבים לעבר משם לאמר אולי נוכל הגיע לפיניכס וישבנו שם בימי הסתו והוא חוף בקריטי פונה דרך הדרום מערבה ודרך הצפון מערבה׃

27:13b.ACT.027.013 ורוח נשבת לאט מדרום ויחשבו כי תצלח עצתם בידם ויעלו העוגין ויעברו לעמת שפת קריטי׃

27:14b.ACT.027.014 ויהי כמעט אחרי כן ותפגע בה רוח נחשל הנקראה אוריקלידון׃

27:15b.ACT.027.015 ותטרף האניה ולא יכלה לעמד נגד הרוח ונרף ידינו ממנה וננדף׃

27:16b.ACT.027.016 ותרץ האניה אל עבר אי קטן הנקרא קלודה וכמעט לא יכלנו לאחז העברה׃

27:17b.ACT.027.017 ואחרי משכם אותה אליהם ויקחו לעזר את כל אשר השיגה ידם ויחשבו את דפני האניה ומיראתם פן יפלו אל בין רכסי החול הורידו את כלי המפרש וכה נדפו׃

27:18b.ACT.027.018 ויהי הסער הולך וסער עלינו וממחרת הטילו את המעמסה אל הים׃

27:19b.ACT.027.019 וביום השלישי הטלנו בידינו את כלי האניה אל הים׃

27:20b.ACT.027.020 ויהי ימים רבים גם השמש גם הכוכבים לא נראו והסערה חזקה עלינו עד מאד ותכרת ממנו כל תקות ישועה׃

27:21b.ACT.027.021 ופולוס עמד בתוכם אחרי האריכם בצום ויאמר אנשים לו שמעתם אלי ולא יצאתם מקריטי כי אז לא קרנו הנזק הזה במריכם׃

27:22b.ACT.027.022 ועתה אני אמר אליכם חזקו ואמצו כי לא תאבד נפש מכם בלתי הספינה לבדה׃

27:23b.ACT.027.023 כי בלילה הזה נצב עלי מלאך האלהים אשר לו אנכי ואשר אני עבד אתו׃

27:24b.ACT.027.024 ויאמר אל תירא פולוס עליך עוד לעמד לפני הקיסר ועתה הנה נתן לך האלהים את כל ההלכים אתך באניה׃

27:25b.ACT.027.025 על כן אנשים חזקו ואמצו כי מאמין אני לאלהים כי כן יהיה כאשר נאמר אלי׃

27:26b.ACT.027.026 אך השלך נשלך אל אחד האיים׃

27:27b.ACT.027.027 ויהי כבוא ליל ארבעה עשר לטלטולנו בים אדריה כחצות הלילה ויחשבו המלחים כי קרבה להם יבשת׃

27:28b.ACT.027.028 ויורידו את האנך וימצאו עמק הים עשרים קומה ויעברו מעט ויוסיפו להוריד את האנך וימצאו קומות חמש עשרה׃

27:29b.ACT.027.029 וייראו פן יפגעו בשני הסלעים וישליכו מעל אחורי האניה ארבעה עוגינים אל הים ויכספו לאור היום׃

27:30b.ACT.027.030 והמלחים בקשו לברח מן האניה ויורידו את העברה אל הים באמרם כי יש את נפשם לשלח עוגינים גם מראש האניה׃

27:31b.ACT.027.031 ויאמר פולוס אל שר המאה ואל אנשי הצבא לאמר אם אלה לא ישבו אתנו באניה לא תוכלו אתם להושע׃

27:32b.ACT.027.032 ויקצצו אנשי הצבא את חבלי העברה ויתנוה לנפול׃

27:33b.ACT.027.033 והבקר טרם יאור ופולוס מבקש מכלם לטעם לחם לאמר היום יום ארבעה עשר אשר חכיתם צמים ולא טעמתם מאומה׃

27:34b.ACT.027.034 על כן קרא אני אתכם לטעם לחם כי הוא למחיתכם כי איש איש מכם לא יפל משערת ראשו ארצה׃

27:35b.ACT.027.035 הוא דבר את הדברים האלה והוא לקח את הלחס ויודה לאלהים לפני כלם ויבצע ויחל לאכל׃

27:36b.ACT.027.036 ויאמץ לב כלם ויטעמו אכל גם המה׃

27:37b.ACT.027.037 ואנחנו כל נפש אשר באניה מאתים ושבעים ושש׃

27:38b.ACT.027.038 ויאכלו לשבעה ויקלו מעל האניה ויטילו את הצדה אל הים׃

27:39b.ACT.027.039 הבקר אור ולא הכירו את הארץ אבל ראו כמפרץ וחוף לו ויועצו לנהג אליו את האניה אם יוכלו׃

27:40b.ACT.027.040 ויגדעו את העוגינים ויעזבום לים ויתירו גם את מיתרי המנהיג ויפרשו מפרש התרן אל פני הרוח ויבקשו לבא אל החוף׃

27:41b.ACT.027.041 ויפגעו במקום אשר הים משני עבריו ותדבק בו האניה ותעמד ראשה לא ינוע ואחוריה נשברו משאון הגלים׃

27:42b.ACT.027.042 ותהי עצת אנשי הצבא להמית את האסירים פן ישחה איש מהם וימלט׃

27:43b.ACT.027.043 ושר המאה חפץ להציל את פולוס וינא את עצתם ויאמר מי ידע לשחות ירד ויעבר ליבשה בראשנה והנשארים אלה על קרשים ואלה על שברי האניה׃

27:44b.ACT.027.044 ויהי כן וימלטו כלם אל היבשה׃

28

28:1b.ACT.028.001 וכאשר נמלטנו נודע לנו כי שם האי מליטי׃

28:2b.ACT.028.002 והנכרים לא המעיטו חסדם עמנו כי בערו אש ויאספו את כלנו אליהם מפני הגשם היורד ומפני הקר׃

28:3b.ACT.028.003 ופולוס אסף לו ערמת קצים וישם על המוקד ומן החם יצא אפעה ויאחז בידו׃

28:4b.ACT.028.004 ויראו הנכרים את החיה תלויה על ידו ויאמרו איש אל רעהו אכן רצח האיש הזה אשר הנקמה לא הניחה לו לחיות אף כי נמלט מן הים׃

28:5b.ACT.028.005 והוא נער את החיה מעל ידו אל תוך האש ולא הרעה לו מאומה׃

28:6b.ACT.028.006 והם הוחילו אשר יצבה גופו או אשר יפל מת פתאם ויחילו עד בוש והנה לא קרהו כל אסון ויהפך לבם ויאמרו כי אלהים הוא׃

28:7b.ACT.028.007 ובסביבו המקום ההוא היו שדות אשר לראש אנשי האי ושמו פובליוס הוא הביא אתנו לביתו ויכלכל אתנו בטובו שלשת ימים׃

28:8b.ACT.028.008 ואבי פובליוס מוטל למשכב בקדחת ובמחלה המעים ויבא אליו פולוס ויתפלל וישם עליו את ידיו וירפאהו׃

28:9b.ACT.028.009 ואחרי המעשה הזה באו גם החלים האחרים אשר באי וירפאו׃

28:10b.ACT.028.010 ויכבדנו כבוד גדול ובלכתנו משם ספקו לנו די צרכנו׃

28:11b.ACT.028.011 ואחרי שלשת חדשים עברנו משם באניה אלכסנדרית אשר ישבה באי בימי הסתו ואות דגלה התאומים׃

28:12b.ACT.028.012 ונבא אל סרקוסא ונשב שם שלשת ימים׃

28:13b.ACT.028.013 משם סבנו ונבא אל רגיון ובנשב רוח דרומית ביום המחרת באנו ביום השני אל פוטיולי׃

28:14b.ACT.028.014 ושם מצאנו אחים ויבקשו ממנו לשבת אתם שבעת ימים ובכן הלכנו אל רומי׃

28:15b.ACT.028.015 וישמעו האחים את בואנו ויצאו משם לקראתנו עד לשוק אפיוס ועד לשלשת החניות וירא אתם פולוס ויודה לאלהים ויתחזק׃

28:16b.ACT.028.016 ואחר באנו אל רומי העביר שר המאה את האסירים אל שר הצבא ולפולוס הניחו לשבת לבדו עם איש הצבא השמר אותו׃

28:17b.ACT.028.017 ויהי אחרי שלשת ימים ויקרא פולוס אליו את ראשי היהודים ויקהלו אליו ויאמר אליהם אנשים אחים אף כי לא מעלתי מעל בעמנו ובחקות אבותינו אסרוני בירושלים וימסרוני לידי הרומיים׃

28:18b.ACT.028.018 והם אחרי חקרם אתי אמרו לפטרני כי לא נמצא בי משפט מות׃

28:19b.ACT.028.019 והיהודים קמו בי ואאנס לקרא את הקיסר לדיני אך אין נפשי לשטון את עמי בדבר׃

28:20b.ACT.028.020 ובעבור זאת קראתי לכם לראותכם ולדבר עמכם כי בגלל תקות ישראל אסור אני בכבל הזה׃

28:21b.ACT.028.021 ויאמרו אליו לא קבלנו על אדותיך אגרות מארץ יהודה ולא בא הנה אחד מן האחים אשר הגיד או דבר עליך דבר רע׃

28:22b.ACT.028.022 אמנם חפצים אנחנו לשמע את אשר בלבבך כי נודע לנו אשר בכל מקום יריבו אל הכת הזאת׃

28:23b.ACT.028.023 וישימו לו יום מועד ויבאו אליו רבים אל מלונו ויעד בהם ויבאר את מלכות אלהים ויוכח להם עניני ישוע מתורת משה ומן הנביאים מבקר עד ערב׃

28:24b.ACT.028.024 ויש אשר שמעו אל דבריו ויש אשר לא האמינו׃

28:25b.ACT.028.025 ויחלקו בדעתם ויסורו ללכת לדרכם בדבר פולוס הדבר האחד הזה היטב דבר רוח הקדש לאבותינו בפי ישעיהו הנביא לאמר׃

28:26b.ACT.028.026 לך ואמרת לעם הזה שמעו שמוע ואל תבינו וראו ראו ואל תדעו׃

28:27b.ACT.028.027 כי שמן לב העם הזה ואזניו כבדו ואת עיניו השע פן יראה בעיניו ובאזניו ישמע ולבבו יבין ושב ורפאתיו׃

28:28b.ACT.028.028 לכן דעו כי לגוים נשלחה תשועת אלהים והמה ישמעו׃

28:29b.ACT.028.029 ויהי בדברו זאת הלכו מאתו היהודים ויתוכחו הרבה איש עם רעהו׃

28:30b.ACT.028.030 ופולוס ישב שנתים ימים בביתו אשר שכר לו ויקבל את כל הבאים אליו׃

28:31b.ACT.028.031 ויקרא את מלכות האלהים וילמד את דרכי ישוע המשיח אדנינו בכל בטחון לבו ואין מנע׃