Matthew (Hebrew)

1

1:1b.MAT.001.001 ספר תולדת ישוע המשיח בן דוד בן אברהם׃

1:2b.MAT.001.002 אברהם הוליד את יצחק ויצחק הוליד את יעקב ויעקב הוליד את יהודה ואת אחיו׃

1:3b.MAT.001.003 ויהודה הוליד את פרץ ואת זרח מתמר ופרץ הוליד את חצרון וחצרון הוליד את רם׃

1:4b.MAT.001.004 ורם הוליד את עמינדב ועמינדב הוליד את נחשון ונחשון הוליד את שלמון׃

1:5b.MAT.001.005 ושלמון הוליד את בעז מרחב ובעז הוליד את עובד מרות ועובד הוליד את ישי׃

1:6b.MAT.001.006 וישי הוליד את דוד המלך ודוד המלך הוליד את שלמה מאשת אוריה׃

1:7b.MAT.001.007 ושלמה הוליד את רחבעם ורחבעם הוליד את אביה ואביה הוליד את אסא׃

1:8b.MAT.001.008 ואסא הוליד את יהושפט ויהושפט הוליד את יורם ויורם הוליד את עזיהו׃

1:9b.MAT.001.009 ועזיהו הוליד את יותם ויותם הוליד את אחז ואחז הוליד את יחזקיהו׃

1:10b.MAT.001.010 ויחזקיהו הוליד את מנשה ומנשה הוליד את אמון ואמון הוליד את יאשיהו׃

1:11b.MAT.001.011 ויאשיהו הוליד את יכניהו ואת אחיו לעת גלות בבל׃

1:12b.MAT.001.012 ואחרי גלותם בבלה הוליד יכניה את שאלתיאל ושאלתיאל הוליד את זרבבל׃

1:13b.MAT.001.013 וזרבבל הוליד את אביהוד ואביהוד הוליד את אליקים ואליקים הוליד את עזור׃

1:14b.MAT.001.014 ועזור הוליד את צדוק וצדוק הוליד את יכין ויכין הוליד את אליהוד׃

1:15b.MAT.001.015 ואליהוד הוליד את אלעזר ואלעזר הוליד את מתן ומתן הוליד את יעקב׃

1:16b.MAT.001.016 ויעקב הוליד את יוסף בעל מרים אשר ממנה נולד ישוע הנקרא משיח׃

1:17b.MAT.001.017 והנה כל הדרות מן אברהם עד דוד ארבעה עשר דרות ומן דוד עד גלות בבל ארבעה עשר דרות ומעת גלות בבל עד המשיח ארבעה עשר דרות׃

1:18b.MAT.001.018 והלדת ישוע המשיח כה היתה מרים אמו ארשה ליוסף ובטרם יבא אליה נמצאת הרה לרוח הקדש׃

1:19b.MAT.001.019 ויוסף בעלה היה איש צדיק ולא אבה לתתה לבוז ויאמר בלבו לשלחה בסתר׃

1:20b.MAT.001.020 הוא חשב כזאת והנה מלאך יהוה נראה אליו בחלום ויאמר יוסף בן דוד אל תירא מכנוס אליך את מרים אשתך כי אשר הרה בה מרוח הקדש הוא׃

1:21b.MAT.001.021 והיא ילדת בן וקראת את שמו ישוע כי הוא יושיע את עמו מעונותיהם׃

1:22b.MAT.001.022 ותהי כל זאת למלאת את אשר דבר יהוה ביד הנביא לאמר׃

1:23b.MAT.001.023 הנה העלמה הרה וילדת בן וקראו שמו עמנואל אשר פרושו האל עמנו׃

1:24b.MAT.001.024 וייקץ יוסף משנתו ויעש כאשר צוהו מלאך יהוה ויקח אליו את אשתו׃

1:25b.MAT.001.025 ולא ידעה עד כי ילדה בן את בכורה ויקרא את שמו ישוע׃

2

2:1b.MAT.002.001 ויהי כאשר נולד ישוע בבית לחם יהודה בימי הורדוס המלך ויבאו מגושים מארץ מזרח ירושלימה לאמר׃

2:2b.MAT.002.002 איה מלך היהודים הנולד כי ראינו את כוכבו במזרח ונבא להשתחות לו׃

2:3b.MAT.002.003 ויהי כשמע הורדוס המלך את דבריהם ויבהל הוא וכל ירושלים עמו׃

2:4b.MAT.002.004 ויקהל את כל ראשי הכהנים וסופרי העם וידרש מאתם לאמר איפה יולד המשיח׃

2:5b.MAT.002.005 ויאמרו לו בבית לחם יהודה כי כן כתוב ביד הנביא׃

2:6b.MAT.002.006 ואתה בית לחם ארץ יהודה אינך צעיר באלפי יהודה כי ממך יצא מושל אשר ירעה את עמי ישראל׃

2:7b.MAT.002.007 אז קרא הורדוס למגושים בסתר ויחקר אתם לדעת עת הראות הכוכב׃

2:8b.MAT.002.008 וישלחם בית לחם ויאמר לכו חקרו היטב על דבר הילד והיה כי תמצאון אתו והגדתם לי ואבאה להשתחות לו גם אני׃

2:9b.MAT.002.009 ויהי כשמעם את דברי המלך וילכו והנה הכוכב אשר ראו במזרח דרך לפניהם עד באו אל מקום אשר שם הילד ויעמד ממעל לו׃

2:10b.MAT.002.010 ויראו את הכוכב וישמחו שמחה גדולה עד מאד׃

2:11b.MAT.002.011 ויבאו הביתה וימצאו את הילד עם מרים אמו ויפל על פניהם וישתחוו לו ויפתחו את אוצרותם ויקריבו לו מנחה זהב ולבונה ומר׃

2:12b.MAT.002.012 ויצוו בחלום לבלתי שוב אל הורדוס וילכו בדרך אחר אל ארצם׃

2:13b.MAT.002.013 הם הלכו משם והנה מלאך יהוה נראה אל יוסף בחלום לאמר קום קח את הילד ואת אמו וברח לך מצרימה והיה שם עד אשר אמר אליך כי הורדוס צדה את הילד לאבדו׃

2:14b.MAT.002.014 ויקם ויקח את הילד ואת אמו בלילה ויברח מצרימה׃

2:15b.MAT.002.015 ויהי שם עד מות הורדוס למלאת את אשר דבר יהוה ביד הנביא לאמר ממצרים קראתי לבני׃

2:16b.MAT.002.016 וירא הורדוס כי התלו בו המגושים ויקצף מאד וישלח וימת את כל הילדים אשר בבית לחם ובכל גבוליה מבן שנתים ולמטה כפי העת אשר חקרה מפי המגושים׃

2:17b.MAT.002.017 וימלא הדבר הנאמר בפי ירמיה הנביא לאמר׃

2:18b.MAT.002.018 קול ברמה נשמע נהי ובכי תמרורים רחל מבכה על בניה מאנה להנחם כי אינם׃

2:19b.MAT.002.019 ויהי אחרי מות הורדוס והנה מלאך יהוה נראה בחלום אל יוסף בארץ מצרים׃

2:20b.MAT.002.020 ויאמר אליו קום קח את הילד ואת אמו ולך שוב אל ארץ ישראל כי מתו המבקשים את נפש הילד׃

2:21b.MAT.002.021 ויקם ויקח את הילד ואת אמו ויבא ארצה ישראל׃

2:22b.MAT.002.022 וכשמעו כי ארקלוס מלך ביהודה תחת הורדוס אביו ירא ללכת שמה ויצוה בחלום וילך לו אל ארצות הגליל׃

2:23b.MAT.002.023 ויבא וישב בעיר אשר שמה נצרת למלאת הדבר הנאמר על פי הנביאים כי נצרי יקרא לו׃

3

3:1b.MAT.003.001 בימים ההם בא יוחנן המטביל ויהי קרא במדבר יהודה לאמר׃

3:2b.MAT.003.002 שובו כי מלכות השמים הגיעה׃

3:3b.MAT.003.003 הלא זה הוא אשר נבא עליו ישעיהו הנביא לאמר קול קורא במדבר פנו דרך יהוה ישרו מסלותיו׃

3:4b.MAT.003.004 והוא יוחנן לבושו שער גמלים ואזור עור במתניו ומאכלו חגבים ודבש היער׃

3:5b.MAT.003.005 ויצאו אליו ישבי ירושלים וכל יהודה וכל ככר הירדן׃

3:6b.MAT.003.006 ויטבלו על ידו בירדן מתודים את חטאתם׃

3:7b.MAT.003.007 ויהי כראותו רבים מן הפרושים והצדוקים נגשים לטבילתו ויאמר להם ילדי הצפעונים מי השכיל אתכם להמלט מן הקצף הבא׃

3:8b.MAT.003.008 לכן עשו פרי הראוי לתשובה׃

3:9b.MAT.003.009 ואל תחשבו בלבבכם לאמר אברהם הוא אבינו כי אני אמר לכם כי מן האבנים האלה יכול האלהים להקים בנים לאברהם׃

3:10b.MAT.003.010 וכבר הושם הגרזן על שרש העצים והנה כל עץ אשר איננו עשה פרי טוב יגדע וישלך באש׃

3:11b.MAT.003.011 הן אנכי טובל אתכם במים לתשובה והבא אחרי חזק הוא ממני אשר אינני כדי לשאת נעליו והוא יטבל אתכם ברוח הקדש ובאש׃

3:12b.MAT.003.012 אשר בידו המזרה וזרה את גרנו ואסף את דגנו אל אוצרו ואת המץ ישרפנו באש אשר לא תכבה׃

3:13b.MAT.003.013 ויבא ישוע מן הגליל הירדנה אל יוחנן להטבל על ידו׃

3:14b.MAT.003.014 ויוחנן חשך אותו לאמר אני צריך להטבל על ידך ואתה בא אלי׃

3:15b.MAT.003.015 ויען ישוע ויאמר אליו הניחה לי כי כן נאוה לנו למלא כל הצדקה וינח לו׃

3:16b.MAT.003.016 ויהי כאשר נטבל ישוע וימהר לעלות מן המים והנה נפתחו לו השמים וירא את רוח אלהים יורדת כיונה ונחה עליו׃

3:17b.MAT.003.017 והנה קול מן השמים אומר זה בני ידידי אשר רצתה נפשי בו׃

4

4:1b.MAT.004.001 אז נשא הרוח את ישוע המדברה למען ינסהו השטן׃

4:2b.MAT.004.002 ויהי אחרי צומו ארבעים יום וארבעים לילה וירעב׃

4:3b.MAT.004.003 ויגש אליו המנסה ויאמר אם בן האלהים אתה אמר לאבנים האלה ותהיין ללחם׃

4:4b.MAT.004.004 ויען ויאמר הן כתוב לא על הלחם לבדו יחיה האדם כי על כל מוצא פי יי׃

4:5b.MAT.004.005 וישאהו השטן אל עיר הקדש ויעמידהו על פנת בית המקדש׃

4:6b.MAT.004.006 ויאמר אליו אם בן האלהים אתה התנפל למטה כי כתוב כי מלאכיו יצוה לך ועל כפים ישאונך פן תגף באבן רגלך׃

4:7b.MAT.004.007 ויאמר אליו ישוע ועוד כתוב לא תנסה את יהוה אלהיך׃

4:8b.MAT.004.008 ויוסף השטן וישאהו אל הר גבה מאד ויראהו את כל ממלכות תבל וכבודן׃

4:9b.MAT.004.009 ויאמר אליו את כל זאת לך אתננה אם תקד ותשתחוה לי׃

4:10b.MAT.004.010 ויאמר אליו ישוע סור ממני השטן כי כתוב ליהוה אלהיך תשתחוה ואותו לבדו תעבד׃

4:11b.MAT.004.011 וירף ממנו השטן והנה נגשו אליו מלאכים וישרתוהו׃

4:12b.MAT.004.012 ויהי כשמעו כי הסגירו את יוחנן וילך לו ארץ הגליל׃

4:13b.MAT.004.013 ויעזב את נצרת ויבא וישב בכפר נחום אשר על שפת הים בגבול זבלון ונפתלי׃

4:14b.MAT.004.014 למלאת הנאמר על פי ישעיהו הנביא לאמר׃

4:15b.MAT.004.015 ארצה זבלון וארצה נפתלי דרך הים עבר הירדן גליל הגוים׃

4:16b.MAT.004.016 העם ההלכים בחשך ראו אור גדול וישבי בארץ צלמות אור נגה עליהם׃

4:17b.MAT.004.017 מן העת ההיא החל ישוע לקרא קרוא ואמור שובו כי הגיעה מלכות השמים׃

4:18b.MAT.004.018 ויהי בהתהלכו על יד ים הגליל וירא שני אנשים אחים את שמעון הנקרא פטרוס ואת אנדרי אחיו והמה משליכים מצודה בים כי דיגים היו׃

4:19b.MAT.004.019 ויאמר אליהם לכו אחרי ואשימכם לדיגי אנשים׃

4:20b.MAT.004.020 ויעזבו מהרה את המכמרות וילכו אחריו׃

4:21b.MAT.004.021 ויהי כעברו משם וירא שני אנשים אחים אחרים את יעקב בן זבדי ואת יוחנן אחיו באניה עם זבדי אביהם מתקנים את מכמרותם ויקרא אליהם׃

4:22b.MAT.004.022 ויעזבו מיד את האניה ואת אביהם וילכו אחריו׃

4:23b.MAT.004.023 ויסב ישוע בכל הגליל וילמד בבתי כנסיותיהם ויבשר בשורת המלכות וירפא כל מחלה וכל מדוה בעם׃

4:24b.MAT.004.024 ויצא שמעו בכל ארץ סוריא ויביאו אליו את כל החולים המענים בכל חלים ומכאובים ואחוזי שדים ומכי ירח ונכי אברים וירפאם׃

4:25b.MAT.004.025 וילכו אחריו המנים המנים מן הגליל ומן עשר הערים ומירושלים ויהודה ומעבר לירדן׃

5

5:1b.MAT.005.001 ויהי כראותו את המון העם ויעל ההרה וישב שם ויגשו אליו תלמידיו׃

5:2b.MAT.005.002 ויפתח את פיהו וילמד אותם לאמר׃

5:3b.MAT.005.003 אשרי עניי רוח כי להם מלכות השמים׃

5:4b.MAT.005.004 אשרי האבלים כי הם ינחמו׃

5:5b.MAT.005.005 אשרי הענוים כי המה יירשו הארץ׃

5:6b.MAT.005.006 אשרי הרעבים והצמאים לצדקה כי הם ישבעו׃

5:7b.MAT.005.007 אשרי הרחמנים כי הם ירחמו׃

5:8b.MAT.005.008 אשרי ברי לבב כי הם יחזו את האלהים׃

5:9b.MAT.005.009 אשרי רדפי שלום כי בני אלהים יקראו׃

5:10b.MAT.005.010 אשרי הנרדפים על דבר הצדקה כי להם מלכות השמים׃

5:11b.MAT.005.011 אשריכם אם יחרפו וירדפו אתכם וידברו בשקר עליכם כל רע בעבורי׃

5:12b.MAT.005.012 שמחו וגילו כי שכרכם רב בשמים כי כן רדפו את הנביאים אשר היו לפניכם׃

5:13b.MAT.005.013 אתם מלח הארץ ואם המלח היה תפל במה ימלח הן לא יצלח עוד לכל כי אם להשליך חוצה והיה מרמס לבני אדם׃

5:14b.MAT.005.014 אתם אור העולם עיר ישבת על ההר לא תוכל להסתר׃

5:15b.MAT.005.015 גם אין מדליקים נר ושמים אותו תחת האיפה כי אם על המנורה ויאר לכל אנשי הבית׃

5:16b.MAT.005.016 כן יאר אורכם לפני בני האדם למען יראו מעשיכם הטובים ושבחו את אביכים שבשמים׃

5:17b.MAT.005.017 אל תחשבו כי באתי להפר את התורה או את דברי הנביאים לא באתי להפר כי אם למלאת׃

5:18b.MAT.005.018 כי אמן אמר אני לכם עד כי יעברו השמים והארץ לא תעבר יוד אחת או קוץ אחד מן התורה עד אשר יעשה הכל׃

5:19b.MAT.005.019 לכן מי אשר יפר אחת מן המצות הקטנות האלה וכן ילמד את בני האדם קטון יקרא במלכות השמים ואשר יעשה וילמד אותן הוא גדול יקרא במלכות השמים׃

5:20b.MAT.005.020 כי אני אמר לכם אם לא תרבה צדקתכם מצדקת הסופרים והפרושים לא תבאו אל מלכות השמים׃

5:21b.MAT.005.021 שמעתם כי נאמר לקדמונים לא תרצח ואשר ירצח מחיב הוא לבית דין׃

5:22b.MAT.005.022 אבל אני אמר לכם כל אשר יקצף על אחיו חנם מחיב הוא לבית דין ואשר יאמר אל אחיו רקא מחיב הוא לסנהדרין ואשר יאמר אתה הנבל מחיב לאש גיהנם׃

5:23b.MAT.005.023 לכן אם תקריב קרבנך אל המזבח ושם תזכר כי יש לאחיך דבר עליך׃

5:24b.MAT.005.024 עזוב תעזב שם את קרבנך לפני המזבח וקדם ללכת לכפר פני אחיך ואחרי כן בוא הקרב את קרבנך׃

5:25b.MAT.005.025 מהר התרצה לאיש ריבך בעודך בדרך אתו פן יסגיר אתך איש ריבך אל השפט והשפט יסגירך לשוטר והשלכת את בית הכלא׃

5:26b.MAT.005.026 אמן אמר אני לך לא תצא משם עד אשר שלמת את הפרוטה האחרונה׃

5:27b.MAT.005.027 שמעתם כי נאמר לקדמונים לא תנאף׃

5:28b.MAT.005.028 אבל אני אמר לכם כל אשר יביט באשה לחמד אותה נאף נאפה בלבו׃

5:29b.MAT.005.029 ואם תכשילך עין ימינך נקר אותה והשלך ממך כי טוב לך אשר יאבד אחד מאבריך מרדת כל גופך אל גיהנם׃

5:30b.MAT.005.030 ואם ידך הימנית תכשילך קצץ אותה והשלך ממך כי טוב לך אשר יאבד אחד מאבריך מרדת כל גופך אל גיהנם׃

5:31b.MAT.005.031 ונאמר איש אשר ישלח את אשתו ונתן לה ספר כריתות׃

5:32b.MAT.005.032 אבל אני אמר לכם המשלח את אשתו בלתי על דבר זנות עשה אתה נאפת והלקח את הגרושה לו לאשה נאף הוא׃

5:33b.MAT.005.033 עוד שמעתם כי נאמר לקדמונים לא תשבע לשקר ושלם ליהוה שבעותיך׃

5:34b.MAT.005.034 אבל אני אמר לכם לא תשבעו כל שבועה לא בשמים כי כסא אלהים המה׃

5:35b.MAT.005.035 ולא בארץ כי הדום רגליו היא ולא בירושלים כי היא קרית מלך רב׃

5:36b.MAT.005.036 -63[ אף בראשך אל תשבע כי אין ביכלתך להפך שער אחד ללבן או לשחר אך יהי דברין הן הן לא לא והיותר מאלה מן הרע הוא׃

5:37b.MAT.005.037 -63[׃

5:38b.MAT.005.038 שמעתם כי נאמר עין תחת עין שן תחת שן׃

5:39b.MAT.005.039 אבל אני אמר לכם אל תתקוממו לרע אך המכה אותך על הלפי הימנית הטה לו גם את האחרת׃

5:40b.MAT.005.040 ואשר יחפץ לריב עמך ולקחת את כתנתך תן לו גם את חמעיל׃

5:41b.MAT.005.041 והאנס אותך ללכת עמו דרך מיל לך אתו שנים׃

5:42b.MAT.005.042 השאל מאתך תן לו והבא ללות ממך אל תשב פניו׃

5:43b.MAT.005.043 שמעתם כי נאמר ואהבת לרעך ושנאת את איבך׃

5:44b.MAT.005.044 אבל אני אמר לכם אהבו את איביכם ברכו את מקקליכם היטיבו לשנאיכם והתפללו בעד מכאיביכם ורדפיכם׃

5:45b.MAT.005.045 למען תהיו בנים לאביכם שבשמים אשר הוא מזריח שמשו לרעים ולטובים וממטיר על הצדיקים וגם על הרשעים׃

5:46b.MAT.005.046 כי אם תאהבו את אהביכם מה הוא שכרכם הלא גם המכסים יעשו זאת׃

5:47b.MAT.005.047 ואם תשאלו לשלום אחיכם בלבד מה יתרון לכם הלא גם המכסים יעשו זאת׃

5:48b.MAT.005.048 לכן היו שלמים כאשר אביכם שבשמים שלם הוא׃

6

6:1b.MAT.006.001 השמרו לכם מעשות צדקתכם לפני בני אדם למען יראו אתכם ואם לא אין לכם שכר מאת אביכם שבשמים׃

6:2b.MAT.006.002 לכן בעשותך צדקה אל תריע לפניך בשופר כמעשה החנפים בבתי הכנסיות ובחרבות למען יהללו אותם האמשים אמן אמר אני לכם כי לקחו את שכרם׃

6:3b.MAT.006.003 ואתה בעשותך צדקה אל תדע שמאלך את אשר עשה ימינך׃

6:4b.MAT.006.004 למען תהיה צדקתך בסתר ואביך הראה במסתרים הוא בגלוי יגמלך׃

6:5b.MAT.006.005 וכי תתפלל אל תהי כחנפים האהבים להתפלל בעמדם בבתי הכנסיות ואצל פנות השוקים למען יראו לבני אדם אמן אמר אני לכם כי לקחו את שכרם׃

6:6b.MAT.006.006 ואתה כי תתפלל בוא בחדרך וסגר דלתך בעדך והתפלל אל אביך אשר בסתר ואביך הראה במסתרים הוא בגלוי יגמלך׃

6:7b.MAT.006.007 ובהתפללכם אל תפטפטו כגוים החשבים כי בהרבות דבריהם ישמעו׃

6:8b.MAT.006.008 ואתם אל תדמו להם כי יודע אביכם כל צרככם בטרם תשאלו ממנו׃

6:9b.MAT.006.009 לכן כה תתפללו אבינו שבשמים יתקדש שמך׃

6:10b.MAT.006.010 תבא מלכותך יעשה רצונך כמו בשמים כן בארץ׃

6:11b.MAT.006.011 את לחם חקנו תן לנו היום׃

6:12b.MAT.006.012 וסלח לנו את חבותינו כאשר סלחנו גם אנחנו לחיבינו׃

6:13b.MAT.006.013 ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן׃

6:14b.MAT.006.014 כי אם תסלחו לבני אדם את חטאתם אביכם שבשמים יסלח גם לכם׃

6:15b.MAT.006.015 ואם לא תסלחו לבני אדם גם אביכם לא יסלח לכם את חטאתיכם׃

6:16b.MAT.006.016 וכי תצומו אל תהיו זעפים כחנפים המשנים את פניהם להראות צמים לבני אדם אמן אמר אני לכם כי לקחו את שכרם׃

6:17b.MAT.006.017 ואתה כי תצום סוך את ראשך ורחץ את פניך׃

6:18b.MAT.006.018 למען לא תראה בצומך לבני אדם כי אם לאביך אשר בסתר ואביך הראה במסתרים הוא בגלוי יגמלך׃

6:19b.MAT.006.019 אל תאצרו לכם אוצרות בארץ אשר יאכלום שם סס ורקב וגנבים יחתרו שם וגנבו׃

6:20b.MAT.006.020 אבל תאצרו לכם אוצרות בשמים אשר סס ורקב לא יאכלום שם וגנבים לא יחתרו שם ולא יגנבו׃

6:21b.MAT.006.021 כי במקום אשר אוצרכם בו שם יהיה גם לבבכם׃

6:22b.MAT.006.022 נר הגוף הוא העין ואם עינך היא תמימה כל גופך יאור׃

6:23b.MAT.006.023 ואם עינך רעה כל גופך יחשך והנה אם יחשך האור אשר בקרבך מה רב החשך׃

6:24b.MAT.006.024 לא יוכל איש לעבד שני אדנים כי אם ישנא את האחד ויאהב את האחר או ידבק באחד ויבזה את האחר לא תוכלו עבוד את האלהים ואת הממון׃

6:25b.MAT.006.025 על כן אמר אני לכם אל תדאגו לנפשכם מה תאכלו ומה תשתו ולגופכם מה תלבשו הלא הנפש היא יקרה מן המזון והגוף יקר מן המלבוש׃

6:26b.MAT.006.026 הביטו וראו את עוף השמים אשר אינם זרעים ואינם קצרים ואינם אספים לאסמים ואביכם שבשמים מכלכל אתם הלא אתם נעליתם עליהם מאד׃

6:27b.MAT.006.027 ומי זה מכם אשר בדאגתו יוכל להוסיף על קומתו אמה אחת׃

6:28b.MAT.006.028 וללבוש למה תדאגו התבוננו נא אל שושני השדה הצמחות אינן עמלות ואינן טות׃

6:29b.MAT.006.029 ואני אמר לכם כי גם שלמה בכל הדרו לא היה לבוש כאחת מהנה׃

6:30b.MAT.006.030 ואם ככה מלביש האלהים את חציר השדה אשר היום צמח ומחר ישלך לתוך התנור אף כי אתכם קטני האמונה׃

6:31b.MAT.006.031 לכן אל תדאגו לאמר מה נאכל ומה נשתה ומה נלבש׃

6:32b.MAT.006.032 כי את כל אלה מבקשים הגוים הלא ידע אביכם אשר בשמים כי אתם צריכים לכל אלה׃

6:33b.MAT.006.033 אך בקשו בראשונה את מלכות אלהים ואת צדקתו ונוסף לכם כל אלה׃

6:34b.MAT.006.034 לכן אל תדאגו ליום מחר כי יום מחר הוא ידאג לעצמו ודיו ליום צרתו׃

7

7:1b.MAT.007.001 אל תשפטו למען לא תשפטו׃

7:2b.MAT.007.002 כי במשפט אשר אתם שפטים בו תשפטו ובמדה אשר אתם מדדים בה ימד לכם׃

7:3b.MAT.007.003 ולמה זה אתה ראה את הקסם בעין אחיך ואת הקורה אשר בעינך לא תביט׃

7:4b.MAT.007.004 ואיך תאמר אל אחיך הניחה לי ואסירה את הקסם מעינך והנה הקורה בעינך׃

7:5b.MAT.007.005 החנף הסר בראשונה את הקורה מעינך ואחרי כן ראה תראה להסיר את הקסם מעין אחיך׃

7:6b.MAT.007.006 אל תתנו את הקדש לכלבים ואל תשליכו פניניכם לפני החזירים פן ירמסום ברגליהם ופנו וטרפו אתכם׃

7:7b.MAT.007.007 שאלו וינתן לכם דרשו ותמצאו דפקו ויפתח לכם׃

7:8b.MAT.007.008 כי כל השאל יקבל והדרש ימצא והדפק יפתח לו׃

7:9b.MAT.007.009 ומי זה איש מכם אשר ישאל ממנו בנו לחם ונתן לו אבן׃

7:10b.MAT.007.010 וכי ישאל ממנו דג היתן לו נחש׃

7:11b.MAT.007.011 הן אתם הרעים ידעים לתת מתנות טבות לבניכם אף כי אביכם שבשמים יתן אך טוב לשאלים מאתו׃

7:12b.MAT.007.012 לכן כל אשר תחפצו כי יעשו לכם בני האדם עשו להם גם אתם כי זאת היא התורה והנביאים׃

7:13b.MAT.007.013 באו בפתח הצר כי רחב הפתח ומרוח הדרך המביא לאבדון ורבים אשר יבאו בו׃

7:14b.MAT.007.014 ומה צר הפתח ומוצק הדרך המביא לחיים ומעטים הם אשר ימצאוהו׃

7:15b.MAT.007.015 השמרו לכם מנביאי השקר הבאים אליכם בלבוש כבשים ובקרבם זאבים טרפים המה׃

7:16b.MAT.007.016 הכר תכירו אותם בפריהם היאספו ענבים מן הקצים או תאנים מן הברקנים׃

7:17b.MAT.007.017 כן כל עץ טוב עשה פרי טוב והמשחת עשה פרי רע׃

7:18b.MAT.007.018 עץ טוב לא יוכל עשות פרי רע ועץ משחת לא יעשה פרי טוב׃

7:19b.MAT.007.019 וכל עץ אשר לא יעשה פרי טוב יגדע וישלך באש׃

7:20b.MAT.007.020 לכן בפרים תכירו אותם׃

7:21b.MAT.007.021 לא כל האמר לי אדני אדני יבוא אל מלכות השמים כי אם העשה רצון אבי שבשמים׃

7:22b.MAT.007.022 והיה ביום ההוא יאמרו רבים אלי אדנינו אדנינו הלא בשמך נבאנו ובשמך גרשנו שדים ובשמך עשינו גבורות רבות׃

7:23b.MAT.007.023 אז אענה בם לאמר מעולם לא ידעתי אתכם סורו ממני פעלי האון׃

7:24b.MAT.007.024 לכן כל השמע את דברי אלה ועשה אתם אדמהו לאיש חכם אשר בנה את ביתו על הסלע׃

7:25b.MAT.007.025 וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע׃

7:26b.MAT.007.026 וכל השמע את דברי אלה ולא יעשה אתם ידמה לאיש בער אשר בנה את ביתו על החול׃

7:27b.MAT.007.027 וירד הגשם וישטפו הנהרות וישבו הרוחות ויפגעו בבית ההוא ויפל ותהי מפלתו גדולה׃

7:28b.MAT.007.028 ויהי ככלות ישוע לדבר את הדברים האלה וישתומם המון העם על תורתו׃

7:29b.MAT.007.029 כי היה מלמד אותם כבעל גבורה ולא כסופרים׃

8

8:1b.MAT.008.001 וירד מן ההר וילך אחריו המון עם רב׃

8:2b.MAT.008.002 והנה איש מצרע בא וישתחו לו ויאמר אדני אם תרצה תוכל לטהרני׃

8:3b.MAT.008.003 וישלח ישוע את ידו ויגע בו ויאמר חפץ אנכי טהר ומיד נרפאה צרעתו׃

8:4b.MAT.008.004 ויאמר אליו ישוע ראה פן תספר לאיש כי אם לך לך והראה אל הכהן והקרב את הקרבן אשר צוה משה לעדות להם׃

8:5b.MAT.008.005 ויהי כבאו אל כפר נחום ויגש אליו שר מאה אחד ויתחנן לו לאמר׃

8:6b.MAT.008.006 אדני הנה נערי נפל למשכב בביתי והוא נכה אברים ומענה עד מאד׃

8:7b.MAT.008.007 ויאמר ישוע אליו אבא וארפאהו׃

8:8b.MAT.008.008 ויען שר המאה ויאמר אדני נקלתי מבאך בצל קורתי אך דבר נא רק דבר ונרפא נערי׃

8:9b.MAT.008.009 כי אנכי איש נתון תחת השלטון וגם יש תחת ידי אנשי צבא ואמרתי לזה לך והלך ולזה בוא ובא ולעבדי עשה זאת ועשה׃

8:10b.MAT.008.010 וישמע ישוע ויתמה ויאמר אל ההלכים אחריו אמן אמר אני לכם גם בישראל לא מצאתי אמונה גדולה כזאת׃

8:11b.MAT.008.011 ואני אמר לכם רבים יבאו ממזרח וממערב ויסבו עם אברהם ויצחק ויעקב במלכות השמים׃

8:12b.MAT.008.012 אבל בני המלכות המה יגרשו אל החשך החיצון שם תהיה היללה וחרוק השנים׃

8:13b.MAT.008.013 ויאמר ישוע אל שר המאה לך וכאמונתך כן יהיה לך וירפא נערו בשעה ההיא׃

8:14b.MAT.008.014 ויבא ישוע ביתה פטרוס וירא את חמותו נפלת למשכב כי אחזתה הקדחת׃

8:15b.MAT.008.015 ויגע בידה ותרף ממנה הקדחת ותקם ותשרתם׃

8:16b.MAT.008.016 ויהי לעת ערב ויביאו אליו רבים אחוזי שדים ויגרש את הרוחות בדבר וירפא את כל החולים׃

8:17b.MAT.008.017 למלאת את אשר דבר ישעיהו הנביא לאמר חלינו הוא נשא ומכאבינו סבלם׃

8:18b.MAT.008.018 ויהי כראות ישוע המון עם רב סביבתיו ויצו לעבר משם אל עבר הים׃

8:19b.MAT.008.019 ויגש אליו אחד הסופרים ויאמר אליו רבי אלכה אחריך אל כל אשר תלך׃

8:20b.MAT.008.020 ויאמר אליו ישוע לשועלים יש חורי עפר ולעוף השמים קנים ובן האדם אין לו מקום להניח שם את ראשו׃

8:21b.MAT.008.021 ואחר מן התלמידים אמר אליו אדני הניחה לי בראשונה ללכת ולקבר את אבי׃

8:22b.MAT.008.022 ויאמר אליו ישוע לך אחרי והנח למתים לקבר את מתיהם׃

8:23b.MAT.008.023 וירד אל האניה וירדו אתו תלמידיו׃

8:24b.MAT.008.024 והנה סער גדול היה בים ותכסה האניה בגלים והוא ישן׃

8:25b.MAT.008.025 ויגשו אליו תלמידיו ויעירו אותו לאמר הושיענו אדנינו אבדנו׃

8:26b.MAT.008.026 ויאמר אליהם קטני האמונה למה זה יראתם ויקם ויגער ברוחות ובים ותהי דממה גדולה׃

8:27b.MAT.008.027 ויתמהו האנשים ויאמרו מי אפוא הוא אמר גם הרוחות והים לו ישמעון׃

8:28b.MAT.008.028 ויהי כבאו אל עבר הים אל ארץ הגרגשים ויפגשוהו שני אנשים אחוזי שדים יצאים מבתי הקברות והמה רגונים מאד עד אשר לא יכל איש לעבר בדרך ההוא׃

8:29b.MAT.008.029 והנה הם צעקים לאמר מה לנו ולך ישוע בן האלהים הבאת הלם לענותנו בלא עתנו׃

8:30b.MAT.008.030 ועדר חזירים רבים היה שם במרעה הרחק מהם׃

8:31b.MAT.008.031 ויתחננו אליו השדים לאמר אם תגרשנו שלחנו בעדר החזירים׃

8:32b.MAT.008.032 ויאמר אליהם לכו לכם ויצאו ויבאו בעדר החזירים והנה השתער כל עדר החזירים מן המורד על הים וימותו במים׃

8:33b.MAT.008.033 וינוסו הרעים ויבאו העירה ויגידו את הכל ואת אשר נעשה לאחוזי השדים׃

8:34b.MAT.008.034 והנה כל העיר יצאה לקראת ישוע וכראותם אתו ויבקשו ממנו לעבר מגבולם׃

9

9:1b.MAT.009.001 וירד באניה ויעבר ויבא אל עירו׃

9:2b.MAT.009.002 והנה הם מביאים אליו איש נכה אברים והוא משכב על המטה ויהי כראות ישוע את אמונתם ויאמר אל נכה האברים חזק בני נסלחו לך חטאתיך׃

9:3b.MAT.009.003 והנה אנשים מן הסופרים אמרו בלבבם מגדף הוא׃

9:4b.MAT.009.004 וירא ישוע את מחשבתם ויאמר למה תחשבו רעה בלבבכם׃

9:5b.MAT.009.005 כי מה הנקל האמר נסלחו לך חטאתיך אם אמר קום התהלך׃

9:6b.MAT.009.006 אך למען תדעון כי בן האדם יש לו השלטן בארץ לסלח חטאים ויאמר אל נכה האברים קום שא את מטתך ולך לך אל ביתך׃

9:7b.MAT.009.007 ויקם וילך לביתו׃

9:8b.MAT.009.008 והמון העם כראותם זאת השתוממו וישבחו את האלהים אשר נתן שלטן כזה לבני אדם׃

9:9b.MAT.009.009 ויהי בעבר ישוע משם וירא איש ישב בבית המכס ושמו מתי ויאמר אליו לכה אחרי ויקם וילך אחריך׃

9:10b.MAT.009.010 ויהי בהסבו בביתו והנה מוכסים וחטאים רבים באו ויסבו עם ישוע ותלמידיו׃

9:11b.MAT.009.011 ויראו הפרושים ויאמרו אל תלמידיו מדוע עם המוכסים והחטאים אכל רבכם׃

9:12b.MAT.009.012 וישמע זאת ישוע ויאמר אליהם החזקים אינם צריכים לרפא כי אם החולים׃

9:13b.MAT.009.013 ואתם צאו ולמדו מה הוא חסד חפצתי ולא זבח כי לא באתי לקרא את הצדיקים כי אם את החטאים לתשובה׃

9:14b.MAT.009.014 ויגשו אליו תלמידי יוחנן ויאמרו מדוע אנחנו והפרושים צמים הרבה ותלמידיך אינם צמים׃

9:15b.MAT.009.015 ויאמר אליהם ישוע איך יוכלו בני החפה להתאבל בעוד החתן עמהם הנה ימים באים ולקח מאתם החתן ואז יצומו׃

9:16b.MAT.009.016 אין משים מטלית חדשה על שמלה בלה כי תנתק מלאתו מן השמלה ותרע הקריעה׃

9:17b.MAT.009.017 ואין נותנים יין חדש בנאדות בלים פן יבקעו הנאדות והיין ישפך והנאדות יאבדו אבל נותנים את היין החדש בנאדות חדשים ושניהם יחדו ישמרו׃

9:18b.MAT.009.018 ויהי הוא מדבר אליהם את אלה והנה אחד השרים בא וישתחו לו ויאמר עתה זה מתה בתי בא נא ושים את ידך עליה ותחיה׃

9:19b.MAT.009.019 ויקם ישוע וילך אחריו הוא ותלמידיו׃

9:20b.MAT.009.020 והנה אשה זבת דם שתים עשרה שנה נגשה מאחריו ותגע בציצת בגדו׃

9:21b.MAT.009.021 כי אמרה בלבה אך אם אגע בבגדו אושע׃

9:22b.MAT.009.022 ויפן ישוע וירא אותה ויאמר חזקי בתי אמונתך הושיעה לך ותושע האשה מן השעה ההיא׃

9:23b.MAT.009.023 ויבא ישוע אל בית השר וירא את המחללים בחלילים ואת העם ההומה ויאמר׃

9:24b.MAT.009.024 סורו מפה כי לא מתה הילדה אך ישנה היא וישחקו לו׃

9:25b.MAT.009.025 ויהי אחרי גרש העם ויבא הביתה ויאחז בידה ותקם הנערה׃

9:26b.MAT.009.026 ותצא השמועה הזאת בכל הארץ ההיא׃

9:27b.MAT.009.027 ויעבר ישוע משם וילכו אחריו שני אנשים עורים והמה צעקעם ואמרים חננו בן דוד׃

9:28b.MAT.009.028 וכבואו הביתה נגשו אליו העורים ויאמר אליהם ישוע המאמינים אתם כי יש לאל ידי לעשות זאת ויאמרו אליו כן אדנינו׃

9:29b.MAT.009.029 ויגע בעיניהם ויאמר יעשה לכם כאמונתכם׃

9:30b.MAT.009.030 ותפקחנה עיניהם ויגער בם ישוע ויאמר ראו פן יודע לאיש׃

9:31b.MAT.009.031 והמה בצאתם השמיעו את שמעו בכל הארץ ההיא׃

9:32b.MAT.009.032 המה יצאו והנה הביאו אליו איש אלם אחוז שד׃

9:33b.MAT.009.033 וכאשר גרש השד וידבר האלם ויתמה המון האנשים ויאמרו מעולם לא נראתה כזאת בישראל׃

9:34b.MAT.009.034 והפרושים אמרו על ידי שר השדים מגרש הוא את השדים׃

9:35b.MAT.009.035 ויסב ישוע בכל הערים והכפרים וילמד בבתי כנסיותיהם ויבשר בשורת המלכות וירפא כל מחלה וכל מדוה בעם׃

9:36b.MAT.009.036 ובראותו את ההמנים נכמרו רחמיו עליהם כי הם מתעלפים ונדחים כצאן אשר אין להם רעה׃

9:37b.MAT.009.037 אז ידבר לתלמדידיו ויאמר רב הקציר והפעלים מעטים׃

9:38b.MAT.009.038 לכן התחננו אל בעל הקציר לשלח פעלים לקצירו׃

10

10:1b.MAT.010.001 ויקרא אליו את שנים עשר תלמידיו ויתן להם שלטן על רוחות הטמאה לגרשם ולרפוא כל חלי וכל מדוה׃

10:2b.MAT.010.002 ואלה שמות שנים עשר השליחים הראשון שמעון הנקרא פטרוס ואנדרי אחיו יעקב בן זבדי ויוחנן אחיו׃

10:3b.MAT.010.003 פילפוס ובר תלמי תומא ומתי המוכס יעקב בן חלפי ולבי המכנה תדי׃

10:4b.MAT.010.004 שמעון הקני ויהודה איש קריות אשר גם מסר אתו׃

10:5b.MAT.010.005 את שנים העשר האלה שלח ישוע ויצו אתם לאמר אל דרך הגוים אל תלכו ואל עיר השמרונים אל תבאו׃

10:6b.MAT.010.006 כי אם לכו אל הצאן האבדות לבית ישראל׃

10:7b.MAT.010.007 ובלכתכם קראו לאמר למכות השמים קרבה לבוא׃

10:8b.MAT.010.008 רפאו את החולים טהרו את המצרעים הקימו את המתים ואת השדים גרשו חנם לקחתם חנם תתנו׃

10:9b.MAT.010.009 לא תקחו זהב ולא כסף ולא נחשת בחגוריכם׃

10:10b.MAT.010.010 ולא תרמיל לדרך ולא שתי כתנות ולא נעלים ולא מטה כי שוה הפעל די מחיתו׃

10:11b.MAT.010.011 וכל עיר וכפר אשר תבאו שמה דרשו מי הוא הראוי לזה בתוכה ושם שבו עד כי תצאו׃

10:12b.MAT.010.012 ובבואכם אל הבית שאלו לו לשלום׃

10:13b.MAT.010.013 והיה אם ראוי הבית יבוא עליו שלומכם ואם איננו ראוי שלומכם אליכם ישוב׃

10:14b.MAT.010.014 וכל אשר לא יקבל אתכם ולא ישמע לדבריכם צאו לכם מן הבית ההוא ומן העיר ההיא ונערו את עפר רגליכם׃

10:15b.MAT.010.015 אמן אמר אני לכם כי יקל לארץ סדום ועמרה ביום הדין מן העיר ההיא׃

10:16b.MAT.010.016 הנני שלח אתכם ככבשים בין הזאבים לכן היו ערומים כנחשים ותמימים כיונים׃

10:17b.MAT.010.017 והשמרו לכם מבני האדם כי ימסרו אתכם לסנהדריות ויכו אתכם בשוטים בבתי כנסיותיהם׃

10:18b.MAT.010.018 ולפני משלים ומלכים תובאו למעני לעדות להם ולגוים׃

10:19b.MAT.010.019 וכי ימסרו אתכם אל תדאגו איך ומה תדברו כי ינתן לכם בשעה ההיא את אשר תדברו׃

10:20b.MAT.010.020 כי לא אתם הם המדברים כי רוח אביכם הוא המדבר בפיכם׃

10:21b.MAT.010.021 והיה אח ימסר את אחיו למות ואב ימסר את בנו וקמו בנים באבותם וימיתו אותם׃

10:22b.MAT.010.022 והייתם שנואים לכל אדם למען שמי והמחכה עד עת קץ הוא יושע׃

10:23b.MAT.010.023 ואם ירדפו אתכם בעיר אחת נוסו לעיר אחרת כי אמן אמר אני לכם לא תכלו לעבר ערי ישראל עד כי יבוא בן האדם׃

10:24b.MAT.010.024 אין תלמיד עלה על רבו ועבד על אדניו׃

10:25b.MAT.010.025 דיו לתלמיד להיות כרבו ולעבד להיות כאדניו אם לבעל הבית קראו בעל זבוב אף לאנשי ביתו׃

10:26b.MAT.010.026 על כן לא תיראום כי אין דבר מכסה אשר לא יגלה ואין נעלם אשר לא יודע׃

10:27b.MAT.010.027 את אשר אני אמר לכם בחשך דברו באור ואשר ילחש לאזניכם השמיעו על הגגות׃

10:28b.MAT.010.028 ואל תיראי מן ההרגים את הגוף ואת הנפש לא יוכלו להרג אך תיראו את אשר יוכל לאבד גם את הנפש גם את הגוף בגיהנם׃

10:29b.MAT.010.029 הלא תמכרנה שתי צפרים באסר ואחת מהנה לא תפול ארצה מבלעדי אביכם׃

10:30b.MAT.010.030 ואתם גם שערות ראשכם נמנות כלן׃

10:31b.MAT.010.031 לכן אל תיראו הנכם יקרים מצפרים רבות׃

10:32b.MAT.010.032 הן כל אשר יודה בי לפני האדם אודה בו גם אני לפני אבי שבשמים׃

10:33b.MAT.010.033 ואשר יכחש בי לפני האדם אכחש בו גם אני לפני אבי שבשמים׃

10:34b.MAT.010.034 אל תחשבו כי באתי להטיל שלום בארץ לא באתי להטיל שלום כי אם חרב׃

10:35b.MAT.010.035 כי באתי להפריד איש מאביו ובת מאמה וכלה מחמותה׃

10:36b.MAT.010.036 ואיבי איש אנשי ביתו׃

10:37b.MAT.010.037 האהב את אביו ואת אמו יותר ממני איננו כדי לי והאהב את בנו ובתו יותר ממני איננו כדי לי׃

10:38b.MAT.010.038 ואשר לא יקח את צלבו והלך אחרי איננו כדי לי׃

10:39b.MAT.010.039 המצא את נפשו יאבדנה והמאבד את נפשו למעני הוא ימצאנה׃

10:40b.MAT.010.040 המקבל אתכם אותי הוא מקבל והמקבל אותי הוא מקבל את אשר שלחני׃

10:41b.MAT.010.041 המקבל נביא לשם נביא שכר נביא יקח והמקבל צדיק לשם צדיק שכר צדיק יקח׃

10:42b.MAT.010.042 והמשקה את אחד הקטנים האלה רק כוס מים קרים לשם תלמיד אמן אמר אני לכם כי לא יאבד שכרו׃

11

11:1b.MAT.011.001 ויהי ככלות ישוע לצות את שנים עשר תלמידיו וילך משם ללמד ולקרא בעריהם׃

11:2b.MAT.011.002 ויוחנן שמע בבית הסהר את מעשי המשיח וישלח שנים מתלמידיו׃

11:3b.MAT.011.003 ויאמר אליו האתה הוא הבא אם נחכה לאחר׃

11:4b.MAT.011.004 ויען ישוע ויאמר להם לכו הגידו ליוחנן את אשר שמעתם וראיתם׃

11:5b.MAT.011.005 עורים ראים ופסחים מתהלכים מצרעים מטהרים וחרשים שומעין ומתים קמים ועניים מתבשרי ישועה הם׃

11:6b.MAT.011.006 ואשרי אשר לא יכשל בי׃

11:7b.MAT.011.007 המה הלכו להם וישוע החל לדבר אל המון העם על אדות יוחנן ויאמר מה זה יצאתם המדברה לראות הקנה אשר ינוע ברוח׃

11:8b.MAT.011.008 ואם לא מה זה יצאתם לראות האיש לבוש בגדי עדנים הנה הלבשים עדנים בבתי המלכים המה׃

11:9b.MAT.011.009 ואם לא מה זה יצאתם לראות אם איש נביא הן אני אמר לכם כי גם גדול הוא מנביא׃

11:10b.MAT.011.010 כי זה הוא אשר כתוב עליו הנני שלח מלאכי לפניך ופנה רדכך לפניך׃

11:11b.MAT.011.011 אמן אמר אני לכם לא קם בילודי אשה איש גדול מיוחנן המטביל אך הקטן במלכות השמים גדול הוא ממנו׃

11:12b.MAT.011.012 ומימי יוחנן המטביל עד הנה מלכות השמים נתפשה בחזקה והמתחזקים יחטפוה׃

11:13b.MAT.011.013 כי כל הנביאים והתורה עדי יוחנן נבאו׃

11:14b.MAT.011.014 ואם תרצו לקבל הנה הוא אליה העתיד לבוא׃

11:15b.MAT.011.015 מי אשר אזנים לו לשמע ישמע׃

11:16b.MAT.011.016 ואל מי אדמה את הדור הזה דומה הוא לילדים הישבים בשוקים וקראים לחבריהם לאמר׃

11:17b.MAT.011.017 חללנו לכם בחלילים ולא רקדתם קוננו לכם קינה ולא ספדתם׃

11:18b.MAT.011.018 כי בא יוחנן לא אכל ולא שתה ויאמרו שד בו׃

11:19b.MAT.011.019 ויבא בן האדם והוא אכל ושתה ויאמרו הנה איש זולל וסבא ואהב מוכסים וחטאים ונצדקה החכמה מאת בניה׃

11:20b.MAT.011.020 אז החל לגער בערים אשר רב גבורותיו נעשו בתוכן ולא שבו׃

11:21b.MAT.011.021 אוי לך כורזין אוי לך בית צידה כי הגבורות אשר נעשו בקרבכן לו בצור ובצידון נעשו הלא כבר שבו בשק ואפר׃

11:22b.MAT.011.022 אבל אני אמר לכם כי ביום הדין יקל לצור וצידון יותר מכם׃

11:23b.MAT.011.023 ואת כפר נחום המרוממה עד השמים עד שאול תורדי כי הגבורות אשר נעשו בתוכך לו בסדום נעשו כי עתה עמדה על תלה עד היום הזה׃

11:24b.MAT.011.024 אבל אני אמר לכם כי ביום הדין יקל לאדמת סדום ממך׃

11:25b.MAT.011.025 בעת ההיא ענה ישוע ואמר אודך אבי אדון השמים והארץ כי הסתרת את אלה מן החכמים והנבונים וגליתם לעוללים׃

11:26b.MAT.011.026 הן אבי כי כן היה רצון לפניך׃

11:27b.MAT.011.027 הכל נמסר לי מאת אבי ואין מכיר את הבן בלתי האב ואין מכיר את האב בלתי הבן ואשר יחפץ הבן לגלותו לו׃

11:28b.MAT.011.028 לכו אלי כל העמלים והטעונים ואני אניח לכם׃

11:29b.MAT.011.029 קבלו עליכם את עלי ולמדו ממני כי ענו ושפל רוח אנכי ותמצאו מרגוע לנפשתיכם׃

11:30b.MAT.011.030 כי עלי נעים הוא וקל משאי׃

12

12:1b.MAT.012.001 בעת ההיא עבר ישוע בין הקמה ביום השבת ותלמידיו רעבו ויחלו לקטף מלילת ויאכלו׃

12:2b.MAT.012.002 ויראו הפרושים ויאמרו לו הנה תלמידיך עשים את אשר אסור לעשות בשבת׃

12:3b.MAT.012.003 ויאמר אליהם הלא קראתם את אשר עשה דוד בהיתו רעב הוא והאנשים אשר אתו׃

12:4b.MAT.012.004 כי בא אל בית האלהים ויאכל את לחם הפנים אשר איננו מתר לו ולאנשיו לאכלה רק לכהנים לבדם׃

12:5b.MAT.012.005 או הלא קראתם בתורה כי בשבתות יחללו הכהנים את השבת במקדש ואין להם עון׃

12:6b.MAT.012.006 אבל אני אמר לכם כי יש פה גדול מן המקדש׃

12:7b.MAT.012.007 ולו ידעתם מה הוא חסד חפצתי ולא זבח לא הרשעתם את הנקים׃

12:8b.MAT.012.008 כי בן האדם הוא גם אדון השבת׃

12:9b.MAT.012.009 ויעבר משם אל בית כנסתם׃

12:10b.MAT.012.010 והנה שם איש אשר ידו יבשה וישאלוהו לאמר המתר לרפא בשבת למען ימצאו עליו שטנה׃

12:11b.MAT.012.011 ויאמר אליהם מי האיש בכם אשר לו כבש אחד ונפל בבור בשבת ולא יחזיק בו ויעלנו׃

12:12b.MAT.012.012 ומה יקר אדם מן הכבש לכן מתר להיטיב בשבת׃

12:13b.MAT.012.013 ויאמר אל האיש פשט את ידך ויפשט אתה ותרפא ותשב כידו האחרת׃

12:14b.MAT.012.014 ויצא הפרושים ויתיעצו עליו לאבדו׃

12:15b.MAT.012.015 וידע ישוע ויסר משם וילך אחריו המון עם רב וירפאם כלם׃

12:16b.MAT.012.016 ויצו אתם בגערה שלא יגלהו׃

12:17b.MAT.012.017 למלאת את אשר דבר ישעיהו הנביא לאמר׃

12:18b.MAT.012.018 הן עבדי בחרתי בו ידידי רצתה נפשי נתתי רוחי עליו ומשפט לגוים יוציא׃

12:19b.MAT.012.019 לא יצעק ולא ישא ולא ישמע בחוץ קולו׃

12:20b.MAT.012.020 קנה רצוץ לא ישבור ופשתה כהה לא יכבנה עד יוציא לנצח משפט׃

12:21b.MAT.012.021 ולשמו גוים ייחלו׃

12:22b.MAT.012.022 אז הובא אליו איש עור ואלם אשר אחזו שד וירפאהו וידבר האלם וגם ראה׃

12:23b.MAT.012.023 וישתוממו כל המון העם ויאמרו הכי זה הוא בן דוד׃

12:24b.MAT.012.024 והפרושים כשמעם זאת אמרו זה איננו מגרש את השדים כי אם על ידי בעל זבוב שר השדים׃

12:25b.MAT.012.025 וישוע ידע את מחשבותם ויאמר אליהם כל ממלכה הנחלקה על עצמה תחרב וכל עיר ובית הנחלקים על עצמם לא יכונו׃

12:26b.MAT.012.026 והשטן אם יגרש את השטן נחלק על עצמו ואיככה תכון ממלכתו׃

12:27b.MAT.012.027 ואם אני מגרש את השדים בבעל זבוב בניכם במי הם מגרשים אתם על כן המה יהיו שפטיכם׃

12:28b.MAT.012.028 אך אם ברוח אלהים אני מגרש את השדים הנה הגיעה אליכם מלכות האלהים׃

12:29b.MAT.012.029 או איך יוכל איש לבוא לבית הגבור ולגזל את כליו אם לא יאסר בראשונה את הגבור ואחר ישסה את ביתו׃

12:30b.MAT.012.030 כל אשר איננו אתי הוא לנגדי ואשר איננו מכנס אתי הוא מפזר׃

12:31b.MAT.012.031 על כן אני אמר לכם כל חטא וגדוף יסלח לאדם אך גדוף הרוח לא יסלח לאדם׃

12:32b.MAT.012.032 וכל אשר ידבר דבר חרפה על בן האדם יסלח לו והמחרף את רוח הקדש לא יסלח לו לא בעולם הזה ולא בעולם הבא׃

12:33b.MAT.012.033 או עשו את העץ טוב ופריו טוב או עשו את העץ משחת ופריו משחת כי בפריו נכר העץ׃

12:34b.MAT.012.034 ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

12:35b.MAT.012.035 האיש הטוב מאוצר לבו הטוב מוציא את הטוב והאיש הרע מאוצר הרע מוציא רע׃

12:36b.MAT.012.036 ואני אמר לכם כל מלה בטלה אשר ידברו בני האדם יתנו עליה חשבון ביום הדין׃

12:37b.MAT.012.037 כי מדבריך תצדק ומדבריך תחיב׃

12:38b.MAT.012.038 ויענו מן הסופרים והפרושים ויאמרו רבי חפצנו לראות אות מידך׃

12:39b.MAT.012.039 ויען ויאמר אליהם דור רע ומנאף מבקש לו אות ואות לא ינתן לו בלתי אם אות יונה הנביא׃

12:40b.MAT.012.040 כי כאשר היה יונה במעי הדג שלשה ימים ושלשה לילות כן יהיה בן האדם בלב האדמה שלשה ימים ושלשה לילות׃

12:41b.MAT.012.041 אנשי נינוה יקומו במשפט עם הדור הזה וירשיעוהו כי הם שבו בקריאת יונה והנה פה גדול מיונה׃

12:42b.MAT.012.042 מלכת תימן תקום במשפט עם הדור הזה ותרשיענו כי באה מקצות הארץ לשמע את חכמה שלמה והנה פה גדול משלמה׃

12:43b.MAT.012.043 והרוח הטמאה אחרי צאתה מן האדם תשטט במקמות ציה לבקש לה מנוחה ולא תמצאנה׃

12:44b.MAT.012.044 אז תאמר אשובה אל ביתי אשר יצאתי משם ובאה ומצאה אתו מפנה ומטאטא ומהדר׃

12:45b.MAT.012.045 ואחר תלך ולקחה אליה שבע רוחות אחרות רעות ממנה ובאו ושכנו שם והיתה אחרית האדם ההוא רעה מראשיתו כן יהיה גם לדור הרע הזה׃

12:46b.MAT.012.046 עודנו מדבר אל המון העם והנה אמו ואחיו עמדו בחוץ מבקשים לדבר אתו׃

12:47b.MAT.012.047 ויגד אליו הנה אמך ואחיך עמדים בחוץ ומבקשים לדבר אתך׃

12:48b.MAT.012.048 ויען ויאמר אל האיש המגיד לו מי היא אמי ומי הם אחי׃

12:49b.MAT.012.049 ויט ידו על תלמידיו ויאמר הנה אמי ואחי׃

12:50b.MAT.012.050 כי כל אשר יעשה רצון אבי שבשמים הוא אחי ואחותי ואמי׃

13

13:1b.MAT.013.001 ויהי ביום ההוא ויצא ישוע מן הבית וישב על הים׃

13:2b.MAT.013.002 ויקהלו אליו המון עם רב וירד אל האניה וישב בה וכל העם עמדים על שפת הים׃

13:3b.MAT.013.003 וירב לדבר אליהם במשלים לאמר הנה הזורע יצא לזרע׃

13:4b.MAT.013.004 ובזרעו נפל מן הזרע על יד הדרך ויבא העוף ויאכלהו׃

13:5b.MAT.013.005 ויש אשר נפל על מקמות סלע אשר אין לו שם אדמה הרבה וימהר לצמח כי לא היה לו עמק אדמה׃

13:6b.MAT.013.006 ויהי כזרח השמש ויצרב וייבש כי לא היה לו שרש׃

13:7b.MAT.013.007 ויש אשר נפל בין הקצים ויעלו הקצים וימעכהו׃

13:8b.MAT.013.008 ויש אשר נפל על האדמה הטובה ויתן פרי זה מאה שערים וזה ששים וזה שלשים׃

13:9b.MAT.013.009 מי אשר אזנים לו לשמע ישמע׃

13:10b.MAT.013.010 ויגשו אליו התלמידים ויאמרו למה זה במשלים תדבר אליהם׃

13:11b.MAT.013.011 ויען ויאמר כי לכם נתן לדעת את סודות מלכות השמים ולהם לא נתן׃

13:12b.MAT.013.012 כי מי שיש לו נתן ינתן לו ויעדיף ומי שאין לו גם את אשר יש לו יקח ממנו׃

13:13b.MAT.013.013 על כן במשלים אדבר אליהם כי בראתם לא יראו ובשמעם לא ישמעו אף לא יבינו׃

13:14b.MAT.013.014 ותקים בהם נבואת ישעיהו האמרת שמעו שמוע ואל תבינו וראו ראו ואל תדעו׃

13:15b.MAT.013.015 כי השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו׃

13:16b.MAT.013.016 ואתם אשרי עיניכם כי תראינה ואזניכם כי תשמענה׃

13:17b.MAT.013.017 כי אמן אמר אני לכם נביאים וצדיקים רבים נכספו לראת את אשר אתם ראים ולא ראוהו ולשמע את אשר אתם שמעים ולא שמעוהו׃

13:18b.MAT.013.018 לכן אתם שמעו נא את משל הזורע׃

13:19b.MAT.013.019 כל איש שמע את דבר המלכות ולא יבינהו ובא הרע וחטף את הזרוע בלבבו הוא הנזרע על יד הדרך׃

13:20b.MAT.013.020 והנזרע על הסלע הוא השמע את הדבר וימהר ויקחנו בשמחה׃

13:21b.MAT.013.021 אך אין לו שרש תחתיו ורק לשעה יעמד ובהיות צרה ורדיפה על אדות הדבר מיד נכשל׃

13:22b.MAT.013.022 והנזרע בין הקצים הוא השמע את הדבר ודאגת העולם הזה ומרמת העשר ימעכו את הדבר ופרי לא יהיה לו׃

13:23b.MAT.013.023 והנזרע על האדמה הטובה הוא השמע את הדבר ומבין אתו אף יעשה פרי ונתן זה מאה שערים וזה ששים וזה שלשים׃

13:24b.MAT.013.024 וישם לפניהם משל אחר לאמר מלכות השמים דומה לאיש אשר זרע זרע טוב בשדהו׃

13:25b.MAT.013.025 ויהי בנפל תרדמה על האנשים ויבא איבו ויזרע זונין בתוך החטים וילך לו׃

13:26b.MAT.013.026 וכאשר פרח הדשא ויעש פרי ויראו גם הזונין׃

13:27b.MAT.013.027 ויגשו עבדי בעל הבית ויאמרו אליו אדנינו הלא זרע טוב זרעת בשדך ומאין לו הזונין׃

13:28b.MAT.013.028 ויאמר להם איש איב עשה זאת ויאמרו אליו העבדים היש את נפשך כי נלך ונלקט אתם׃

13:29b.MAT.013.029 ויאמר לא פן בלקטכם את הזונין תשרשו גם את החטים׃

13:30b.MAT.013.030 הניחו אתם ויגדלו שניהם יחד עד הקציר והיה בעת הקציר אמר לקוצרים לקטו בראשונה את הזונין ואגדו אתם אגדות לשרפם ואת החטים אספו לאוצרי׃

13:31b.MAT.013.031 וישם לפניהם משל אחר לאמר מלכות השמים דומה לגרגר של חרדל אשר לקחו איש ויזרעהו בשדהו׃

13:32b.MAT.013.032 והוא קטן מכל הזרועים וכאשר צמח גדול הוא מן הירקות והיה לעץ עד אשר יבאו עוף השמים וקננו בענפיו׃

13:33b.MAT.013.033 וישא עוד משלו ויאמר מלכות השמים דומה לשאר אשר לקחתו אשה ותטמנהו בשלש סאים קמח עד כי יחמץ כלו׃

13:34b.MAT.013.034 כל זאת דבר ישוע במשלים אל המון העם ובבלי משל לא דבר אליהם׃

13:35b.MAT.013.035 למלאת את אשר דבר הנביא לאמר אפתחה במשל פי אביעה חידות מני קדם׃

13:36b.MAT.013.036 אז שלח ישוע את המון העם ויבא הביתה ויגשו אליו תלמידיו ויאמרו באר נא לנו את משל זוני השדה׃

13:37b.MAT.013.037 ויען ויאמר אליהם הזורע את הזרע הטוב הוא בן האדם׃

13:38b.MAT.013.038 והשדה הוא העולם והזרע הטוב בני המלכות הם והזונין בני הרע המה׃

13:39b.MAT.013.039 והאיב אשר זרעם הוא השטן והקציר הוא קץ העולם והקצרים הם המלאכים׃

13:40b.MAT.013.040 והנה כאשר ילקטו הזונין ונשרפו באש כן יהיה בקץ העולם הזה׃

13:41b.MAT.013.041 בן האדם ישלח את מלאכיו ולקטו ממלכותו את כל המכשלות ואת כל פעלי האון׃

13:42b.MAT.013.042 והשליכו אתם אל תנור האש שם תהיה היללה וחרק השנים׃

13:43b.MAT.013.043 אז יזהירו הצדיקים כשמש במלכות אביהם מי אשר אזנים לו לשמע ישמע׃

13:44b.MAT.013.044 עוד דומה מלכות השמים לאוצר טמון בשדה אשר מצאו איש ויטמנהו ובשמחתו ילך ומכר את כל אשר לו וקנה את השדה ההוא׃

13:45b.MAT.013.045 עוד דומה מלכות השמים לסחר המבקש מרגליות טבות׃

13:46b.MAT.013.046 וכאשר מצא מרגלית אחת יקרה מאד הלך לו וימכר את כל אשר לו ויקן אתה׃

13:47b.MAT.013.047 עוד דומה מלכות השמים למכמרת אשר הורדה לים ומינים שונים יאספו לתוכה׃

13:48b.MAT.013.048 וכאשר נמלאה העלו אתה אל שפת הים וישבו וילקטו את המינים הטובים לתוך הכלים ואת המשחתים השליכו חוצה׃

13:49b.MAT.013.049 כן יהיה בקץ העולם יצאו המלאכים והבדילו את הרשעים מתוך הצדיקים׃

13:50b.MAT.013.050 והשליכום אל תנור האש שם תהיה היללה וחרק השנים׃

13:51b.MAT.013.051 ויאמר אליהם ישוע האתם הבינותם את כל זאת ויאמרו אליו כן אדנינו׃

13:52b.MAT.013.052 ויאמר אליהם על כן כל סופר המלמד למלכות השמים דומה לאיש בעל הבית המוציא מאוצרו חדשות וישנות׃

13:53b.MAT.013.053 ויהי ככלות ישוע את המשלים האלה ויעבר משם׃

13:54b.MAT.013.054 ויבא לארצו וילמד אתם בבית כנסתם עד כי השתוממו ויאמרו מאין לזה החכמה הזאת והגבורות׃

13:55b.MAT.013.055 הלא זה הוא בן החרש הלא אמו שמה מרים ואחיו יעקב ויוסי ושמעון ויהודה׃

13:56b.MAT.013.056 ואחיותיו הלא כלן אתנו הן ומאין איפוא לו כל אלה׃

13:57b.MAT.013.057 ויהי להם למכשול ויאמר ישוע אליהם אין הנביא נקלה כי אם בארצו ובביתו׃

13:58b.MAT.013.058 ולא עשה שם גבורות רבות מפני חסר אמונתם׃

14

14:1b.MAT.014.001 בעת ההיא שמע הורדוס שר רבע המדינה את שמע ישוע׃

14:2b.MAT.014.002 ויאמר אל נעריו זה הוא יוחנן המטביל והוא קם מן המתים על כן הגבורות פעלות בו׃

14:3b.MAT.014.003 כי הורדוס תפש את יוחנן ויאסרהו וישימהו בבית הסהר בגלל הורודיה אשת פילפוס אחיו׃

14:4b.MAT.014.004 כי יוחנן אמר אליו לא נכון היתה לך לאשה׃

14:5b.MAT.014.005 ויבקש המיתו אך ירא את ההמון כי לנביא חשבו אתו׃

14:6b.MAT.014.006 ויהי ביום הלדת הורדוס ותרקד בת הורודיה בתוכם ותיטב בעיני הורדוס׃

14:7b.MAT.014.007 וישבע לה ויאמר מה תשאל נפשך ואתן לך׃

14:8b.MAT.014.008 ואמה שמה את הדברים בפיה ותשאל לאמר תנה לי פה בקערה את ראש יוחנן המטביל׃

14:9b.MAT.014.009 ויעצב המלך אך בעבור השבועה והמסבים עמו צוה לתת לה׃

14:10b.MAT.014.010 וישלח וישא את ראש יוחנן מעליו בבית הסהר׃

14:11b.MAT.014.011 ויביאו את ראשו בקערה ויתנו לנערה ותביאהו אל אמה׃

14:12b.MAT.014.012 ויגשו תלמידיו וישאו את גויתו ויקברוה וילכו ויגידו לישוע׃

14:13b.MAT.014.013 ויהי כשמעו את זאת ויסר משם באניה אל מקום חרבה לבדד וישמעו המון העם וילכו אחריו ברגליהם מן הערים׃

14:14b.MAT.014.014 ויצא ישוע וירא המון עם רב ויהמו מעיו עליהם וירפא את החלשים אשר בהם׃

14:15b.MAT.014.015 ויהי לפנות ערב ויגשו אליו תלמידיו ויאמרו המקום חרב וגם נטה היום שלחה את המון העם וילכו אל הכפרים לקנות להם אכל׃

14:16b.MAT.014.016 ויאמר אליהם אינם צריכים ללכת תנו אתם להם לאכל׃

14:17b.MAT.014.017 ויאמרו אליו אין לנו פה כי אם חמשת ככרות לחם ושני דגים׃

14:18b.MAT.014.018 ויאמר הביאום אלי הלם׃

14:19b.MAT.014.019 ויצו את העם לשבת על הדשא ויקח את חמשת ככרות הלחם ואת שני הדגים וישא עיניו השמימה ויברך ויפרס ויתן את הלחם לתלמידים והתלמידים נתנו לעם׃

14:20b.MAT.014.020 ויאכלו כלם וישבעו וישאו מן הפתותים הנותרים שנים עשר סלים מלאים׃

14:21b.MAT.014.021 והאכלים היו כחמשת אלפי איש מלבד הנשים והטף׃

14:22b.MAT.014.022 ויאץ ישוע בתלמידיו לרדת באניה לעבר לפניה אל עבר הים עד אשר ישלח את העם׃

14:23b.MAT.014.023 ואחרי שלחו את העם עלה ההרה בדד להתפלל ויהי ערב והוא לבדו שמה׃

14:24b.MAT.014.024 והאניה הלכה בתוך הים ותטרף מן הגלים כי הרוח לנגדה׃

14:25b.MAT.014.025 ויהי באשמרת הרביעית ויבא אליהם ישוע מתהלך על פני הים׃

14:26b.MAT.014.026 והתלמידים בראתם אותו מתהלך על פני הים נבהלו לאמר מראה רוח הוא ויצעקו מפחד׃

14:27b.MAT.014.027 וידבר ישוע פתאם אליהם חזקו כי אני הוא אל תיראו׃

14:28b.MAT.014.028 ויען פטרוס ויאמר אליו אם אתה הוא אדני צוה נא כי אבא אליך על המים׃

14:29b.MAT.014.029 ויאמר בוא וירד פטרוס מן האניה ויתהלך על המים לבוא אל ישוע׃

14:30b.MAT.014.030 ויהי כראתו את הרוח כי חזקה היא ויירא ויחל לטבע ויצעק לאמר אדני הושיעני׃

14:31b.MAT.014.031 וימהר ישוע לשלח את ידו ויחזק בו ויאמר אליו קטן האמונה למה לחק לבך׃

14:32b.MAT.014.032 הם עלו אל האניה והרוח שככה׃

14:33b.MAT.014.033 ואנשי האניה נגשו וישתחוו לו לאמר באמת בן אלהים אתה׃

14:34b.MAT.014.034 ויעברו את הים ויבאו ארצה גניסר׃

14:35b.MAT.014.035 ויכירו אתו אנשי המקום ההוא וישלחו אל כל סביבותיהם ויביאו אליו את כל החולים׃

14:36b.MAT.014.036 ויבקשו ממנו כי יגעו רק בציצת בגדו וכל הנגעים נושעו׃

15

15:1b.MAT.015.001 אז באו אל ישוע הסופרים והפרושים אשר מירושלים׃

15:2b.MAT.015.002 ויאמרו מדוע תלמידיך עברים את קבלת הזקנים כי אינם רחצים את ידיהם באכלם לחם׃

15:3b.MAT.015.003 ויען ויאמר אליהם מדוע גם אתם עברים את מצות אלהים בעבור קבלתכם׃

15:4b.MAT.015.004 כי אלהים צוה לאמר כבד את אביך ואת אמך ומקלל אביו ואמו מות יומת׃

15:5b.MAT.015.005 ואתם אמרים האמר לאביו ולאמו קרבן כל מה שאתה נהנה לי אין עליו לכבד את אביו ואת אמו׃

15:6b.MAT.015.006 ותפרו את דבר האלהים בעבור קבלתכם׃

15:7b.MAT.015.007 חנפים היטב נבא עליכם ישעיהו לאמר׃

15:8b.MAT.015.008 העם הזה נגש בפיו ובשפתיו כבדוני ולבו רחק ממני׃

15:9b.MAT.015.009 ותהו יראתם אתי מצות אנשים מלמדים׃

15:10b.MAT.015.010 ויקרא אל העם ויאמר להם שמעו והבינו׃

15:11b.MAT.015.011 לא הבא אל הפה יטמא את האדם כי אם היוצא מן הפה הוא מטמא את האדם׃

15:12b.MAT.015.012 ויגשו אליו תלמידיו ויאמרו הידעת כי הפרושים בשמעם את הדבר הזה נכשלו בו׃

15:13b.MAT.015.013 ויען ויאמר כל מטע אשר לא נטע אבי שבשמים עקור יעקר׃

15:14b.MAT.015.014 הניחו אותם מנהלים עורים המה לעורים וכי יוליך עור את העור ונפלו שניהם בתוך הבור׃

15:15b.MAT.015.015 ויען פטרוס ויאמר אליו באר לנו את המשל הזה׃

15:16b.MAT.015.016 ויאמר ישוע עדנה גם אתם באין בינה׃

15:17b.MAT.015.017 העוד לא תשכילו כי כל הבא אל הפה יורד אל הכרש וישפך משם למוצאות׃

15:18b.MAT.015.018 אבל היוצא מן הפה יוצא מן הלב והוא מטמא את האדם׃

15:19b.MAT.015.019 כי מן הלב יוצאות מחשבות רע רציחות נאופים זנונים גנבות עדיות שקר וגדופים׃

15:20b.MAT.015.020 אלה הם המטמאים את האדם אבל אכול בלי נטילת ידים לא יטמא את האדם׃

15:21b.MAT.015.021 ויצא ישוע משם ויסר אל גלילות צור וצידון׃

15:22b.MAT.015.022 והנה אשה כנענית יצאה מן הגבולות ההם ותצעק אליו לאמר חנני אדני בן דוד כי בתי מענה מאד על ידי שד׃

15:23b.MAT.015.023 והוא לא ענה אתה דבר ויגשו תלמידיו ויבקשו ממנו לאמר שלחה כי צעקת היא אחרינו׃

15:24b.MAT.015.024 ויען ויאמר לא שלחתי כי אם אל הצאן האבדות לבית ישראל׃

15:25b.MAT.015.025 והיא באה ותשתחו לו לאמר אדני עזרני׃

15:26b.MAT.015.026 ויען ויאמר לא טוב לקחת את לחם הבנים ולהשליכו לצעירי הכלבים׃

15:27b.MAT.015.027 ותאמר כן אדני אפס כי גם צעירי הכלבים יאכלו מפרורים הנפלים מעל שלחן אדניהם׃

15:28b.MAT.015.028 ויען ישוע ויאמר אליה אשה גדלה אמונתך יהי לך כרצונך ותרפא בתה מן השעה ההיא׃

15:29b.MAT.015.029 ויעבר ישוע משם ויבא אל ים הגליל ויעל ההרה וישב שם׃

15:30b.MAT.015.030 ויבאו אליו המון עם רב ועמהם פסחים עורים חרשים קטעים ורבים כהמה ויפילום לרגלי ישוע וירפאם׃

15:31b.MAT.015.031 ויתמהו העם בראותם את האלמים מדברים והקטעים בריאים והפסחים מתהלכים והעורים ראים וישבחו את אלהי ישראל׃

15:32b.MAT.015.032 ויקרא ישוע אל תלמידיו ויאמר נכמרו רחמי על העם כי זה שלשת ימים עמדו עמדי ואין להם מה לאכל ואינני אבה לשלחם רעבים פן יתעלפו בדרך׃

15:33b.MAT.015.033 ויאמרו אליו התלמידים מאין לנו די לחם במדבר להשביע את ההמון הגדול הזה׃

15:34b.MAT.015.034 ויאמר ישוע אליהם כמה ככרות לחם לכם ויאמרו שבע ומעט דגים קטנים׃

15:35b.MAT.015.035 ויצו את המון העם לשבת לארץ׃

15:36b.MAT.015.036 ויקח את שבע ככרות הלחם ואת הדגים ויברך ויפרס ויתן אל התלמידים והתלמידים נתנו לעם׃

15:37b.MAT.015.037 ויאכלו כלם וישבעו וישאו מן הפתותים הנותרים שבעה דודים מלאים׃

15:38b.MAT.015.038 והאכלים היו ארבעת אלפי איש מלבד הנשים והטף׃

15:39b.MAT.015.039 וישלח את העם וירד באניה ויבא אל גבול מגדלא׃

16

16:1b.MAT.016.001 ויגשו הפרושים והצדוקים לנסותו וישאלו מאתו להראותם אות מן השמים׃

16:2b.MAT.016.002 ויען ויאמר להם בערב תאמרו יום צח יהיה כי אדמו השמים׃

16:3b.MAT.016.003 ובבקר תאמרו היום סער כי אדמו והתקדרו השמים חנפים אתם את פני השמים ידעתם לבחן ואתות העתים לא תוכלו׃

16:4b.MAT.016.004 דור רע ומנאף בקש לו אות ואות לא ינתן לו בלתי אם אות יונה הנביא ויעזבם וילך לו׃

16:5b.MAT.016.005 וכבוא התלמידים אל עבר הים שכחו לקחת אתם לחם׃

16:6b.MAT.016.006 ויאמר ישוע אליהם ראו והשמרו לכם משאר הפרושים והצדוקים׃

16:7b.MAT.016.007 ויחשבו בלבבם לאמר כי לא לקחנו אתנו לחם׃

16:8b.MAT.016.008 וידע ישוע ויאמר אליהם קטני האמונה מה תחשבו בלבבכם כי לא לקחתם אתכם לחם׃

16:9b.MAT.016.009 העוד לא תשכילו ולא תזכרו את חמשת ככרות הלחם לחמשת אלפי איש וכמה סלים נשאתם׃

16:10b.MAT.016.010 ואת שבע ככרות לחם לארבעת אלפי איש וכמה דודים נשאתם׃

16:11b.MAT.016.011 איך לא תבינו כי לא על הלחם אמרתי אליכם השמרו לכם משאר הפרושים והצדוקים׃

16:12b.MAT.016.012 אז הבינו כי לא אמר להשמר משאר הלחם כי אם מלמוד הפרושים והצדוקים׃

16:13b.MAT.016.013 ויהי כבוא ישוע אל גלילות קיסרין של פילפוס וישאל את תלמידיו לאמר מה אמרים האנשים עלי מי הוא בן האדם׃

16:14b.MAT.016.014 ויאמרו יש אמרים יוחנן המטביל הוא ואחרים אמרים אליהו ויש אמרים ירמיהו או אחד מן הנביאים׃

16:15b.MAT.016.015 ויאמר אליהם ואתם מה תאמרו מי אני׃

16:16b.MAT.016.016 ויען שמעון פטרוס ויאמר אתה הוא המשיח בן אלהים חיים׃

16:17b.MAT.016.017 ויען ויאמר אליו אשריך שמעון בר יונה כי בשר ודם לא גלה לך את זאת כי אם אבי שבשמים׃

16:18b.MAT.016.018 ואף אני אמר אליך כי אתה פטרוס ועל הסלע הזה אבנה את קהלתי ושערי שאול לא יגברו עליה׃

16:19b.MAT.016.019 ואתן לך את מפתחות מלכות השמים וכל אשר תאסר על הארץ אסור יהיה בשמים וכל אשר תתיר על הארץ מתר יהיה בשמים׃

16:20b.MAT.016.020 אז צוה את התלמידים בגערה לבלתי הגיד לאיש כי הוא ישוע המשיח׃

16:21b.MAT.016.021 מן העת ההיא החל ישוע להורות את תלמידיו שהוא צריך ללכת ירושלים ויענה הרבה בידי הזקנים והכהנים הגדולים והסופרים ויהרג וביום השלישי קום יקום׃

16:22b.MAT.016.022 ויקחהו פטרוס ויחל לגער בו לאמר חס לך אדני אל יהי לך כזאת׃

16:23b.MAT.016.023 ויפן ויאמר לפטרוס סור מעלי השטן למכשול אתה לי כי אין לבך לדברי אלהים כי אם לדברי בני אדם׃

16:24b.MAT.016.024 ויאמר ישוע אל תלמידיו איש כי יחפץ ללכת אחרי יכחש בנפשו ונשא את צלבו והלך אחרי׃

16:25b.MAT.016.025 כי כל אשר יחפץ להושיע את נפשו תאבד נפשו ממנו וכל אשר תאבד לו נפשו למעני הוא ימצאנה׃

16:26b.MAT.016.026 כי מה יועיל האדם כי יקנה את כל העולם ונפשו תשחת או מה יתן האדם פדיון נפשו׃

16:27b.MAT.016.027 כי עתיד בן האדם לבוא בכבוד אביו עם מלאכיו ואז ישלם לכל איש כמעשהו׃

16:28b.MAT.016.028 אמן אמר אני לכם כי יש מן העמדים פה אשר לא יטעמו מות עד כי יראו את בן האדם בא במלכותו׃

17

17:1b.MAT.017.001 ומקץ ששת ימים לקח לו ישוע את פטרוס ואת יעקב ואת יוחנן אחיו ויעלם בדד על הר גבוה׃

17:2b.MAT.017.002 וישתנה לעיניהם ויזהירו פניו כשמש ובגדיו כאור הלבינו׃

17:3b.MAT.017.003 והנה נראו אליהם משה ואליהו מדברים אתו׃

17:4b.MAT.017.004 ויען פטרוס ויאמר אל ישוע אדני טוב היותנו פה אם תחפץ נעשה נא פה שלש סכות לך אחת ולמשה אחת ולאליהו אחת׃

17:5b.MAT.017.005 עודנו מדבר והנה ענן אור הצל עליהם והנה קול מתוך הענן אמר זה בני ידידי אשר רציתי בו אליו תשמעון׃

17:6b.MAT.017.006 ויהי כשמע התלמידים ויפלו על פניהם וייראו מאד׃

17:7b.MAT.017.007 ויגש ישוע ויגע בם ויאמר קומו ואל תיראו׃

17:8b.MAT.017.008 וישאו עיניהם ולא ראו איש בלתי את ישוע לבדו׃

17:9b.MAT.017.009 וברדתם מן ההר צוה ישוע אתם לאמר לא תגידו לאיש את דבר המראה עד אם קם בן האדם מעם המתים׃

17:10b.MAT.017.010 וישאלהו תלמידיו לאמר למה זה אמרים הסופרים כי אליהו בוא יבוא בראשונה׃

17:11b.MAT.017.011 ויען ישוע ויאמר אליהם הנה אליהו בא בראשונה והשיב את הכל׃

17:12b.MAT.017.012 אבל אמר אני לכם כי אליהו כבר בא ולא הכירהו ויעשו בו כרצונם וכן גם בן האדם יענה על ידם׃

17:13b.MAT.017.013 אז הבינו התלמידים כי על יוחנן המטביל דבר אליהם׃

17:14b.MAT.017.014 ויהי כבואם אל המון העם ויגש אליו איש ויכרע על ברכיו לנגדו׃

17:15b.MAT.017.015 ויאמר אדני רחם נא על בני כי מכה ירח הוא וחליו רע כי פעמים רבות הוא נפל באש ופעמים רבות אל תוך המים׃

17:16b.MAT.017.016 ואביא אתו אל תלמידיך ולא יכלו לרפא לו׃

17:17b.MAT.017.017 ויען ישוע ויאמר הוי דור בלתי מאמין ופתלתל עד מתי אהיה עמכם עד מתי אסבל אתכם הביאו אותו אלי הנה׃

17:18b.MAT.017.018 ויגער בו ישוע ויצא השד ממנו וירפא הנער מן השעה ההיא׃

17:19b.MAT.017.019 ויגשו התלמידים אל ישוע והוא לבדו ויאמרו מדוע אנחנו לא יכלנו לגרשו׃

17:20b.MAT.017.020 ויאמר ישוע אליהם מפני אשר אינכם מאמינים כי אמן אמר אני לכם אם יש לכם אמונה כגרגר החרדל ואמרתם אל ההר הזה העתק מזה שמה ונעתק ממקומו ואין דבר אשר יבצר מכם׃

17:21b.MAT.017.021 אבל המין הזה לא יצא כי אם בתפלה ובצום׃

17:22b.MAT.017.022 ויהי בהתהלכם בארץ הגליל ויאמר אליהם ישוע עתיד בן האדם להמסר בידי אנשים׃

17:23b.MAT.017.023 ויהרגהו וביום השלישי קום יקום ויתעצבו מאד׃

17:24b.MAT.017.024 ויהי כבואם אל כפר נחום ויגשו אל פטרוס גבי מחצית השקל ויאמרו הלא יתן רבכם את מחצית השקל׃

17:25b.MAT.017.025 ויאמר הן ובבואו הביתה קדם אתו ישוע לשאל מה דעתך שמעון מלכי הארץ ממי יקחו מכס ומס מאת בניהם או מאת הזרים׃

17:26b.MAT.017.026 ויאמר פטרוס אליו מאת הזרים ויאמר לו ישוע אם כן אפוא הבנים חפשים המה׃

17:27b.MAT.017.027 אך למען לא נהיה להם למכשול לך אל הים והשלכת אל תוכו חכה ואת הדג הראשון אשר יעלה שאהו וכאשר תפתח את פיו תמצא בו אסתירא אותו קח לך ונתת להם בעדי ובעדך׃

18

18:1b.MAT.018.001 בשעה ההיא נגשו התלמידים אל ישוע ויאמרו מי אפוא גדול מחבריו במלכות השמים׃

18:2b.MAT.018.002 ויקרא ישוע אליו ילד קטן ויעמידהו בתוכם׃

18:3b.MAT.018.003 ויאמר אמן אמר אני לכם אם לא תשובו להיות כילדים לא תבוא אל מלכות השמים׃

18:4b.MAT.018.004 לכן כל המשפיל את עצמו כילד הזה הוא הגדול במלכות השמים׃

18:5b.MAT.018.005 וכל אשר יקבל ילד אחד כזה בשמי אותי הוא מקבל׃

18:6b.MAT.018.006 וכל המכשיל את אחד מן הקטנים האלה המאמינים בי נוח לו שיתלה פלח רכב על צוארו וטבע במצולות ים׃

18:7b.MAT.018.007 אוי לעולם מפני המכשלים כי המכשלים צריכים לבוא אבל אוי לאיש ההוא אשר על ידו יבוא המכשול׃

18:8b.MAT.018.008 ואם תכשילך ידך או רגלך קצץ אותה והשלך ממך טוב לך לבוא לחיים פסח או קטע מהיות לך שתי ידים או שתי רגלים ותשלך אל אש עולם׃

18:9b.MAT.018.009 ואם עינך תכשליך נקר אותה והשלך ממך טוב לך לבוא לחיים בעין אחת מהיות לך שתי עינים ותשלך אל אש גיהנם׃

18:10b.MAT.018.010 ראו פן תבזו אחד wקטנים האלה כי אמר אני לכם כי מלאכיהם ראים תמיד את פני אבי שבשמים׃

18:11b.MAT.018.011 כי בא בן האדם להושיע את האבד׃

18:12b.MAT.018.012 מה דעתכם כי יהיו לאיש מאה כבשים ותעה אחד מהם הלא יעזב את התשעים ותשעה על ההרים והלך לבקש את התעה׃

18:13b.MAT.018.013 והיה כאשר ימצאהו אמן אמר אני לכם כי ישמח עליו יותר מעל התשעים ותשעה אשר לא תעו׃

18:14b.MAT.018.014 כן איננו רצון מלפני אביכם שבשמים כי יאבד אחד מן הקטנים האלה׃

18:15b.MAT.018.015 וכי יחטא לך אחיך לך והוכחת אותו בינך ובינו לבדו ואם ישמע אליך קנית לך אחיך׃

18:16b.MAT.018.016 ואם לא ישמע קח עמך עוד אחד או שנים למען על פי שנים או שלשה עדים יקום כל דבר׃

18:17b.MAT.018.017 ואם לא ישמע אליהם הגד אל הקהל ואם לא ישמע גם אל הקהל והיה לך כגוי וכמוכס׃

18:18b.MAT.018.018 אמן אמר אני לכם כל אשר תאסרו על הארץ אסור יהיה בשמים וכל אשר תתירו על הארץ מתר יהיה בשמים׃

18:19b.MAT.018.019 ועוד אמר אני לכם שנים מכם כי יועצו יחדו בארץ על כל דבר אשר ישאלו היה יהיה להם מאת אבי שבשמים׃

18:20b.MAT.018.020 כי בכל מקום אשר שנים או שלשה נאספו בשמי שם אני בתוכם׃

18:21b.MAT.018.021 ויגש אליו פטרוס ויאמר לו אדני כמה פעמים יחטא לי אחי וסלחתי לו העד שבע פעמים׃

18:22b.MAT.018.022 ויאמר אליו ישוע לא אמר לך עד שבע פעמים כי אם עד שבעים ושבע׃

18:23b.MAT.018.023 על כן דומה מלכות השמים למלך בשר ודם אשר חפץ לעשות חשבון עם עבדיו׃

18:24b.MAT.018.024 וכאשר החל לחשב הובא לפניו איש אשר חיב לו עשרת אלפים ככרי כסף׃

18:25b.MAT.018.025 ולא היה לו לשלם ויצו אדניו למכר אותו ואת אשתו ואת בניו ואת כל אשר לו וכן ישלם׃

18:26b.MAT.018.026 ויפל העבד וישתחו לו לאמר אדני הארך לי אפך ואת כל אשלמה לך׃

18:27b.MAT.018.027 ויהמו רחמי אדוני העבד ההוא ויפטרהו וישמט לו את החוב׃

18:28b.MAT.018.028 ויצא העבד ההוא מלפניו וימצא אחד מחבריו העבדים והוא חיב לו מאה דינרים ויחזק בו ויחנקהו לאמר שלם את אשר אתה חיב לי׃

18:29b.MAT.018.029 ויפל חברו לפני רגליו ויבקש ממנו לאמר הארך לי אפך ואשלמה לך הכל׃

18:30b.MAT.018.030 והוא מאן וילך וישליכהו במשמר עד כי ישלם לו את חובו׃

18:31b.MAT.018.031 וחבריו העבדים ראו את הנעשה ויעצבו מאד ויבאו ויגידו לאדניהם את כל אשר נעשה׃

18:32b.MAT.018.032 ויקרא אליו אדניו ויאמר לו אתה העבד הרע את כל החוב ההוא השמטתי לך יען אשר בקשת ממני׃

18:33b.MAT.018.033 הלא היה לך גם אתה לרחם על העבד חברך כאשר רחמתי אני עליך׃

18:34b.MAT.018.034 ויקצף אדניו ויסגר אותו למיסרים עד כי ישלם את כל חובו׃

18:35b.MAT.018.035 ככה יעשה לכם גם אבי שבשמים אם לא תסלחו איש איש לאחיו בכל לבבכם את חטאתם׃

19

19:1b.MAT.019.001 ויהי ככלות ישוע לדבר את הדברים האלה ויסע מן הגליל ויבא אל גבול יהודה בעבר הירדן׃

19:2b.MAT.019.002 וילכו אחריו המון עם רב וירפאם שם׃

19:3b.MAT.019.003 ויגשו אליו הפרושים לנסותו לאמר היוכל איש לשלח את אשתו על כל דבר׃

19:4b.MAT.019.004 ויען ויאמר אליהם הלא קראתם כי עשה בראשית זכר ונקבה עשה אתם׃

19:5b.MAT.019.005 ואמר על כן יעזב איש את אביו ואת אמו ודבק באשתו והיו שניהם לבשר אחד׃

19:6b.MAT.019.006 אם כן אינם עוד שנים כי אם בשר אחד לכן את אשר חבר האלהים אל יפרידנו האדם׃

19:7b.MAT.019.007 ויאמרו אליו ולמה זה צוה משה לתת לה ספר כריתת ולשלחה׃

19:8b.MAT.019.008 ויאמר אליהם בעבור קשי לבבכם הניח לכם משה לשלח את נשיכם אך מראש לא היתה ככה׃

19:9b.MAT.019.009 ואני אמר לכם המשלח את אשתו בלתי על דבר זנות ולקח לו אחרת נאף הוא והלקח את הגרושה נאף הוא׃

19:10b.MAT.019.010 ויאמרו אליו התלמידים אם ככה הוא ענין איש ואשתו לא טוב לקחת אשה׃

19:11b.MAT.019.011 ויאמר אליהם לא יוכל כל אדם קבל את הדבר הזה כי אם אלה אשר נתן להם להבין׃

19:12b.MAT.019.012 יש סריסים אשר נולדו כן מבטן אמם ויש סריסים המסרסים על ידי אדם ויש סריסים אשר סרסו את עצמם למען מלכות השמים מי שיוכל לקבל יקבל׃

19:13b.MAT.019.013 אז יביאו אליו ילדים למען ישים עליהם את ידיו ויתפלל עליהם ויגערו בם התלמידים׃

19:14b.MAT.019.014 והוא ישוע אמר הניחו לילדים ואל תמנעום מבוא אלי כי לאלה מלכות השמים׃

19:15b.MAT.019.015 וישם את ידיו עליהם ויעבר משם׃

19:16b.MAT.019.016 והנה איש נגש אליו ויאמר רבי הטוב אי זה הטוב אשר אעשנו לקנות חיי עולמים׃

19:17b.MAT.019.017 ויאמר אליו מה תקראני טוב אין טוב כי אם אחד האלהים ואם חפצך לבוא אל החיים שמר את המצות׃

19:18b.MAT.019.018 ויאמר אליו מה הנה ויאמר ישוע אלה הן לא תרצח לא תנאף לא תגנב לא תענה עד שקר׃

19:19b.MAT.019.019 כבד את אביך ואת אמך ואהבת לרעך כמוך׃

19:20b.MAT.019.020 ויאמר אליו הבחור את כל אלה שמרתי מנעורי ומה חסרתי עוד׃

19:21b.MAT.019.021 ויאמר ישוע אליו אם חפצך להיות שלם לך מכר את רכשך ותן לעניים והיה לך אוצר בשמים ושוב הלם ולך אחרי׃

19:22b.MAT.019.022 ויהי כשמע הבחור את הדבר הזה וילך משם נעצב כי היו לו נכסים רבים׃

19:23b.MAT.019.023 ויאמר ישוע אל תלמידיו אמן אמר אני לכם קשה לעשיר לבוא אל מלכות השמים׃

19:24b.MAT.019.024 ועוד אני אמר לכם כי נקל לגמל לעבר דרך נקב המחט מבא עשיר אל מלכות האלהים׃

19:25b.MAT.019.025 והתלמידים כשמעם זאת השתוממו מאד ויאמרו מי אפוא יוכל להושע׃

19:26b.MAT.019.026 ויבט בן ישוע ויאמר להם מבני אדם יפלא הדבר אבל מהאלהים לא יפלא כל דבר׃

19:27b.MAT.019.027 ויען פטרוס ויאמר אליו הן אנחנו עזבנו את הכל ונלך אחריך מה יהיה לנו׃

19:28b.MAT.019.028 ויאמר ישוע אליהם אמן אמר אני לכם אתם ההלכים אחרי בהתחדש הבריאה כאשר ישב בן האדם על כסא כבודו תשבו גם אתם על שנים עשר כסאות לשפט את שנים עשר שבטי ישראל׃

19:29b.MAT.019.029 וכל איש אשר עזב את בתיו ואת אחיו ואת אחיותיו ואת אביו ואת אמו ואת אשתו ואת בניו ואת שדותיו למען שמי הוא יקח מאה שערים וחיי עולמים יירש׃

19:30b.MAT.019.030 ואולם רבים מן הראשונים אשר יהיו אחרונים ומן האחרונים יהיו ראשונים׃

20

20:1b.MAT.020.001 כי דומה מלכות השמים לאדם בעל בית אשר השכים לצאת בבקר לשכר פעלים לכרמו׃

20:2b.MAT.020.002 והתנה עם הפעלים שכר דינר ליום וישלחם אל כרמו׃

20:3b.MAT.020.003 ויצא בשעה השלישית וירא אחרים עמדים בטלים בשוק׃

20:4b.MAT.020.004 ויאמר להם לכו גם אתם אל כרמי וכישר אתן לכם וילכו׃

20:5b.MAT.020.005 ויצא גם בשעה הששית גם בתשיעית ויעש כדבר הזה׃

20:6b.MAT.020.006 ויצא בשעת עשתי עשרה וימצא אחרים עמדים ויאמר אליהם למה אתם עמדים פה בטלים כל היום׃

20:7b.MAT.020.007 ויאמרו לו כי לא שכר אותנו איש ויאמר אליהם לכו גם אתם אל הכרם וכישר יתן לכם׃

20:8b.MAT.020.008 ויהי בערב ויאמר בעל הכרם אל פקידו קרא את הפעלים ושלם להם את שכרם החל באחרונים וכלה בראשונים׃

20:9b.MAT.020.009 ויבאו הנשכרים בשעת אחת עשרה ויקחו איש איש דינר אחד׃

20:10b.MAT.020.010 ובבא הראשונים דמו בנפשם כי יקחו יותר ויקחו גם הם איש איש דינר אחד׃

20:11b.MAT.020.011 ויהי בקחתם וילונו על בעל הבית לאמר׃

20:12b.MAT.020.012 אלה האחרונים לא עשו כי אם שעה אחת ואתה השויתם אלינו אשר סבלנו את כבד היום ואת חמו׃

20:13b.MAT.020.013 ויען ויאמר אל אחד מהם רעי לא עשקתיך הלא שכר דינר התנית עמי׃

20:14b.MAT.020.014 קח את שלך ולך ואני רצוני לתת גם לזה האחרון כמו לך׃

20:15b.MAT.020.015 הלא אוכל לעשות בשלי כרצוני האם תרע עינך על אשר טוב אנכי׃

20:16b.MAT.020.016 ככה יהיו האחרונים ראשונים והראשונים יהיו אחרונים כי רבים הם הקרואים ומעטים הנבחרים׃

20:17b.MAT.020.017 ויהי כעלות ישוע ירושלים ויקח אליו את שנים העשר לבדם ויאמר להם בדרך׃

20:18b.MAT.020.018 הננו עלים ירושלימה ובן האדם ימסר לראשי הכהנים ולסופרים והרשיעהו למות׃

20:19b.MAT.020.019 ומסרו אותו לגוים להתל בו ולהכות אותו בשוטים ולצלב אותו וביום השלישי קום יקום׃

20:20b.MAT.020.020 אז נגשה אליו אם בני זבדי עם בניה ותשתחו לו לבקש ממנו דבר׃

20:21b.MAT.020.021 ויאמר אליה מה בקשתך ותאמר אליו אמר נא כי ישבו שני בני אלה אחד לימינך ואחד לשמאלך במלכותך׃

20:22b.MAT.020.022 ויען ישוע ויאמר לא ידעתם את אשר שאלתם היכל תוכלו שתות את הכוס אשר אני עתיד לשתותו והטבל בטבילה אשר אני נבטל בה ויאמרו אליו נוכל׃

20:23b.MAT.020.023 ויאמר אליהם הן את כוסי תשתו ובטבילה אשר אני נטבל בה תטבלו אך שבת לימימי ולשמאלי אין בידי לתתה בלתי לאשר הוכן להם מאת אבי׃

20:24b.MAT.020.024 ויהי כאשר שמעו זאת העשרה ויכעסו אל שני האחים׃

20:25b.MAT.020.025 וישוע קרא להם ויאמר אתם ידעתם כי שרי הגוים רדים בהם והגדולים שלטים עליהם׃

20:26b.MAT.020.026 ואתם אל יהי כן ביניכם כי אם החפז להיות גדול בכם יהי לכם למשרת׃

20:27b.MAT.020.027 והחפץ להיות בכם לראש יהי לכם עבד׃

20:28b.MAT.020.028 כאשר בן האדם לא בא למען ישרתוהו כי אם לשרת ולתת את נפשו כפר תחת רבים׃

20:29b.MAT.020.029 ויהי כצאתם מיריחו וילך אחריו המון עם רב׃

20:30b.MAT.020.030 והנה שני עורים ישבים על יד הדרך וישמעו כי ישוע עבר ויצעקו לאמר חננו נא אדנינו בן דוד׃

20:31b.MAT.020.031 ויגער בם העם להשתיקם והם הרבו לצעק ויאמרו אדנינו חננו נא בן דוד׃

20:32b.MAT.020.032 ויעמד ישוע ויקרא להם ויאמר מה תחפצו ואעשה לכם׃

20:33b.MAT.020.033 ויאמרו אליו אדנינו עשה שתפקחנה עינינו׃

20:34b.MAT.020.034 ורחמי ישוע נכמרו ויגע בעיניהם ופתאם החלו עיניהם לראות וילכו אחריו׃

21

21:1b.MAT.021.001 ויהי כאשר קרבו לירושלים ובאו אל בית פגי בהר הזיתים וישלח ישוע שנים מן התלמידים׃

21:2b.MAT.021.002 ויאמר אליהם לכו אל הכפר אשר ממולכם שם תמצאו אתון אסורה ועיר עמה התירו אתם והביאו אלי׃

21:3b.MAT.021.003 וכי יאמר איש אליכם דבר ואמרתם האדון צריך להם וברגע ישלחם׃

21:4b.MAT.021.004 וכל זאת היתה למלאת הנאמר ביד הנביא לאמר׃

21:5b.MAT.021.005 אמרו לבת ציון הנה מלכך יבוא לך עני ורכב על חמור ועל עיר בן אתנות׃

21:6b.MAT.021.006 וילכו התלמידים ויעשו כאשר צוה אתם ישוע׃

21:7b.MAT.021.007 ויביאו את האתון ואת העיר וישימו עליהם את בגדיהם וירכיבהו עליהם׃

21:8b.MAT.021.008 ורב ההמון פרשו את בגדיהם על הדרך ואחרים כרתו ענפי עצים וישטחום על הדרך׃

21:9b.MAT.021.009 והמון העם ההלכים לפניו ואחריו קראו לאמר הושע נא לבן דוד ברוך הבא בשם יהוה הושע נא במרומים׃

21:10b.MAT.021.010 ויהי בבאו ירושלים ותהם כל העיר לאמר מי הוא זה׃

21:11b.MAT.021.011 ויאמרו המני העם זה הוא הנביא ישוע מנצרת אשר בגליל׃

21:12b.MAT.021.012 ויבא ישוע אל מקדש האלהים ויגרש משם את כל המוכרים והקונים במקדש ויהפך את שלחנות השלחנים ואת מושבות מכרי היונים׃

21:13b.MAT.021.013 ויאמר אליהם הן כתוב כי ביתי בית תפלה יקרא ואתם שמתם אתו למערת פריצים׃

21:14b.MAT.021.014 ויגשו אליו עורים ופסחים במקדש וירפאם׃

21:15b.MAT.021.015 ויהי כראות הכהנים הגדולים והסופרים את הנפלאות אשר עשה ואת הילדים הצעקים במקדש ואמרים הושע נא לבן דוד ויחר להם׃

21:16b.MAT.021.016 ויאמרו אליו השמע אתה את אשר אלה אמרים ויאמר ישוע אליהם כן הכי קרא לא קראתם מפי עוללים ויונקים יסדת עז׃

21:17b.MAT.021.017 ויעזבם ויצא מחוץ לעיר אל בית היני וילן שם׃

21:18b.MAT.021.018 ובבקר שב אל העיר והוא רעב׃

21:19b.MAT.021.019 וירא תאנה אחת על הדרך ויקרב אליה ולא מצא בה מאומה מלבד העלים ויאמר אליה מעתה לא יהיה ממך פרי עד עולם ותיבש התאנה פתאם׃

21:20b.MAT.021.020 ויראו התלמידים ויתמהו לאמר איך יבשה התאנה פתאם׃

21:21b.MAT.021.021 ויען ישוע ויאמר אליהם אמן אמר אני לכם אם תהיה לכם אמונה ואינכם מסתפקים לא לבד כמעשה התאנה הזאת תעשו כי גם באמרכם אל ההר הזה הנשא והעתק אל תוך הים היו תהיה׃

21:22b.MAT.021.022 וכל אשר תשאלו בתפלה ואתם מאמינים תקחהו׃

21:23b.MAT.021.023 ויבא אל המקדש ויהי בלמדו שם ויגשו אליו ראשי הכהנים וזקני העם ויאמרו באי זו רשות אתה עשה אלה ומי נתן לך הרשות הזאת׃

21:24b.MAT.021.024 ויען יושע ויאמר אליהם גם אני אשאלה אתכם דבר אחד אשר אם תגידו אתו לי גם אני אגיד לכם באי זו רשות אני עשה אלה׃

21:25b.MAT.021.025 טבילת יוחנן מאין היתה המן השמים אם מבני אדם ויחשבו בלבבם לאמר׃

21:26b.MAT.021.026 אם נאמר מן השמים יאמר אלינו מדוע אפוא לא האמונתם לו ואם נאמר מבני אדם יראים אנחנו את המון העם כי כלם חשבים את יוחנן לנביא׃

21:27b.MAT.021.027 ויענו את ישוע ויאמרו לא ידענו ויאמר אליהם גם אני לא אמר לכם באי זו רשות אני עשה אלה׃

21:28b.MAT.021.028 אבל מה דעתכם איש היה ולו שני בנים ויגש אל הראשון ויאמר בני לך היום ועבד בכרמי׃

21:29b.MAT.021.029 ויען ויאמר אינני אבא ואחרי כן נחם וילך׃

21:30b.MAT.021.030 ויגש אל השני וידבר כזאת גם אליו ויען ויאמר הנני אדני ולא הלך׃

21:31b.MAT.021.031 מי משניהם עשה את רצון האב ויאמרו אליו הראשון ויאמר להם ישוע אמן אמר אני לכם המוכסים והזונות יקדמו אתכם לבוא אל מלכות האלהים׃

21:32b.MAT.021.032 כי יוחנן בא אליכם בדרך צדקה ולא האמנתם לו אבל המוכסים והזונות הם האמינו לו ואתם ראיתם ולא שבתם אחרי כן להאמין לו׃

21:33b.MAT.021.033 משל אחר שמעו איש בעל בית היה ויטע האיש כרם ויעש גדר סביב לו ויחצב יקב ויבן מגדל בתוכו ויתנהו אל כרמים וילך בדרך מרחוק׃

21:34b.MAT.021.034 ויהי בהגיע עת האסיף וישלח עבדיו אל הכרמים לקחת את פריו׃

21:35b.MAT.021.035 ויחזיקו הכרמים בעבדיו את זה הכו ואת זה הרגו ואת זה סקלו׃

21:36b.MAT.021.036 ויוסף שלח עבדים אחרים רבים מן הראשונים ויעשו ככה גם להם׃

21:37b.MAT.021.037 ובאחרונה שלח אליהם את בנו באמרו מפני בני יגורו׃

21:38b.MAT.021.038 ויהי כראות הכרמים את הבן ויאמרו איש אל אחיו זה הוא היורש לכו ונהרגהו ונאחזה בנחלתו׃

21:39b.MAT.021.039 ויחזיקו בו וידחפוהו אל מחוץ לכרם ויהרגו אתו׃

21:40b.MAT.021.040 והנה כבוא בעל הכרם מה יעשה לכרמים ההם׃

21:41b.MAT.021.041 ויאמרו אליו ירע לרעים ויאבדם ואת הכרם יתן לכרמים אחרים אשר ישיבו לו את הפרי בעתו׃

21:42b.MAT.021.042 ויאמר ישוע אליהם הכי קרא לא קראתם בכתובים אבן מאסו הבונים היתה לראש פנה מאת יהוה היתה זאת היא נפלאת בעינינו׃

21:43b.MAT.021.043 על כן אני אמר לכם כי תקח מכם מלכות האלהים ותנתן לגוי אשר יעשה את פריה׃

21:44b.MAT.021.044 והנפל על האבן ההיא ישבר ואשר תפל עליו תשחקהו׃

21:45b.MAT.021.045 ויהי כשמע הכהנים הגדולים והפרושים את משליו ויבינו כי עליהם דבר׃

21:46b.MAT.021.046 ויבקשו לתפשו אך יראו מפני המון העם כי לנביא חשבהו׃

22

22:1b.MAT.022.001 ויען ישוע ויסף דבר במשלים אליהם לאמר׃

22:2b.MAT.022.002 דומה מלכות השמים למלך בשר ודם אשר עשה חתנה לבנו׃

22:3b.MAT.022.003 וישלח את עבדיו לקרא הקרואים אל החתנה ולא אבו לבוא׃

22:4b.MAT.022.004 ויסף שלח עבדים אחרים לאמר אמרו אל הקרואים הנה ערכתי את סעודתי שורי ומריאי טבוחים והכל מוכן באו אל החתנה׃

22:5b.MAT.022.005 והם לא שתו לבם לזאת וילכו להם זה אל שדהו וזה אל מסחרו׃

22:6b.MAT.022.006 והנשארים תפשו את עבדיו ויתעללו בם ויהרגום׃

22:7b.MAT.022.007 ויקצף המלך וישלח צבאותיו ויאבד את המרצחים ההם ואת עירם שרף באש׃

22:8b.MAT.022.008 אז אמר אל עבדיו הן החתנה מוכנה והקרואים לא היו ראוים לה׃

22:9b.MAT.022.009 לכן לכו נא אל ראשי הדרכים וכל איש אשר תמצאו קראו אתו אל החתנה׃

22:10b.MAT.022.010 ויצאו העבדים ההם אל הדרכים ויאספו את כל אשר מצאו גם רעים גם טובים וימלא בית החתנה מסבים׃

22:11b.MAT.022.011 ויהי כבוא המלך לראות את המסבים וירא בהם איש ולא היה לבוש בגדי חתנה׃

22:12b.MAT.022.012 ויאמר אליו רעי איכה באת הנה ואין לך בגדי חתנה ויאלם׃

22:13b.MAT.022.013 ויאמר המלך למשרתים אסרו ידיו ורגליו ונשאתם והשלכתם אותו אל החשך החיצון שם תהיה היללה וחרק השנים׃

22:14b.MAT.022.014 כי רבים הם הקרואים ומעטים הנבחרים׃

22:15b.MAT.022.015 וילכו הפרושים ויתיעצו איך יכשילהו בדבר׃

22:16b.MAT.022.016 וישלחו אליו את תלמידיהם עם ההורדוסיים לאמר רבי ידענו כי איש אמת אתה ותורה באמת את דרך אלהים ולא תגור מפני איש כי אינך מכיר פני אדם׃

22:17b.MAT.022.017 לכן הגידה נא לנו את דעתך הנכון לנו לתת מס אל הקיסר אם לא׃

22:18b.MAT.022.018 וישוע ידע את רשעתם ויאמר החנפים מה תנסוני׃

22:19b.MAT.022.019 הראוני את מטבע המס ויביאו לו דינר׃

22:20b.MAT.022.020 ויאמר אליהם של מי הצורה הזאת והמכתב אשר עליו׃

22:21b.MAT.022.021 ויאמרו אליו של הקיסר ויאמר אליהם לכן תנו לקיסר את אשר לקיסר ולאלהים את אשר לאלהים׃

22:22b.MAT.022.022 וכשמעם את זאת תמהו ויעזבהו וילכו להם׃

22:23b.MAT.022.023 ביום ההוא נגשו אליו צדוקים האמרים כי אין תחית המתים וישאלו אתו לאמר׃

22:24b.MAT.022.024 רבי הן משה אמר איש כי ימות ובנים אין לו אחיו ייבם את אשתו והקים זרע לאחיו׃

22:25b.MAT.022.025 ואתנו היו שבעה אחים והראשון נשא אשה וימת וזרע אין לו ויעזב את אשתו לאחיו׃

22:26b.MAT.022.026 וכמו כן גם השני וכן גם השלישי עד השבעה׃

22:27b.MAT.022.027 ואחרי כלם מתה גם האשה׃

22:28b.MAT.022.028 ועתה בתחית המתים למי מן השבעה תהיה לאשה כי לכלם היתה׃

22:29b.MAT.022.029 ויען ישוע ויאמר להם טעים אתם באשר אינכם יודעים את הכתובים וגם את גבורת האלהים׃

22:30b.MAT.022.030 כי בתחית המתים לא ישאו נשים ולא תנשאנה כי אם כמלאכי אלהים בשמים יהיו׃

22:31b.MAT.022.031 ועל דבר תחית המתים הלא קראתם את הנאמר לכם מפי האלהים לאמר׃

22:32b.MAT.022.032 אנכי אלהי אברהם ואלהי יצחק ואלהי יעקב והוא איננו אלהי המתים כי אם אלהי החיים׃

22:33b.MAT.022.033 וישמע המון העם וישתומממו על תורתו׃

22:34b.MAT.022.034 והפרושים כשמעם כי סכר פי הצדוקים ויועדו יחדו׃

22:35b.MAT.022.035 ואחד מהם מבין בתורה שאל אתו לנסותו לאמר׃

22:36b.MAT.022.036 רבי אי זו מצוה גדולה היא בתורה׃

22:37b.MAT.022.037 ויאמר ישוע אליו ואהבת את יהוה אלהיך בכל לבבך ובכל נפשך ובכל מדעך׃

22:38b.MAT.022.038 זאת היא המצוה הגדולה והראשונה׃

22:39b.MAT.022.039 והשנית דומה לה ואהבת לרעך כמוך׃

22:40b.MAT.022.040 בשתי המצות האלה כל התורה תלויה וגם הנביאים׃

22:41b.MAT.022.041 ויהי בהקהל הפרושים וישאלם ישוע לאמר׃

22:42b.MAT.022.042 מה דעתכם על המשיח בן מי הוא ויאמרו אליו בן דוד׃

22:43b.MAT.022.043 ויאמר אליהם ואיך קרא לו דוד ברוח אדון באמרו׃

22:44b.MAT.022.044 נאם יהוה לאדני שב לימיני עד אשית איביך הדם לרגליך׃

22:45b.MAT.022.045 ועתה אם דוד קרא לו אדון איך הוא בנו׃

22:46b.MAT.022.046 ולא יכל איש לענות אתו דבר ולא ערב עוד איש את לבו מן היום ההוא לשאל אותו׃

23

23:1b.MAT.023.001 אז ידבר ישוע אל המון העם ואל תלמידיו לאמר׃

23:2b.MAT.023.002 על כסא משה ישבו הסופרים והפרושים׃

23:3b.MAT.023.003 לכן כל אשר יאמרו לכם תשמרו לעשות אך כמעשיהם לא תעשו כי אמרים הם ואינם עשים׃

23:4b.MAT.023.004 כי אסרים משאת כבדים ועמסים על שכם האנשים ולא יאבו להניעם אף באצבעם׃

23:5b.MAT.023.005 ועשים את כל מעשיהם להראות בהם לבני אדם כי מרחיבים את תפליהם ומגדילים את ציציותיהם׃

23:6b.MAT.023.006 ואהבים את הסבת הראש בסעודות ואת מושבי הראש בבתי הכנסיות׃

23:7b.MAT.023.007 ואת שאלות שלומם בשוקים ואת אשר יקראו להם בני האדם רבי רבי׃

23:8b.MAT.023.008 אולם אתם אל תקראו רבי כי אחד הוא רבכם המשיח ואתם אחים כלכם׃

23:9b.MAT.023.009 ואל תקראו אב לאיש מכם על האדמה כי אחד הוא אביכם אשר בשמים׃

23:10b.MAT.023.010 גם אל תקראו מנהיגים כי אחד הוא מנהיגכם המשיח׃

23:11b.MAT.023.011 והגדול בכם יהי לכם למשרת׃

23:12b.MAT.023.012 כל המרומם את עצמו ישפל והמשפיל את עצמו ירומם׃

23:13b.MAT.023.013 אך אוי לכם הסופרים והפרושים החנפים כי סגרים אתם לפני האדם את מלכות השמים הן אתם לא תבאו בה ואת הבאים לא תניחו לבוא׃

23:14b.MAT.023.014 אוי לכם הסופרים והפרושים החנפים כי בלעים אתם את בתי האלמנות ומאריכים בתפלה למראה עין תחת זאת משפט על יתר תקחו׃

23:15b.MAT.023.015 אוי לכם הסופרים והפרושים החנפים כי סובבים אתם בים וביבשה למען גיר גר אחד וכי יתגיר תעשו אותו לבן גיהנם כפלים יותר מכם׃

23:16b.MAT.023.016 אוי לכם מנהלים עורים האמרים הנשבע בהיכל אין זאת מאומה והנשבע בזהב ההיכל יאשם׃

23:17b.MAT.023.017 אתם הכסילים והעורים כי מה הוא הגדול אם הזהב או ההיכל המקדש את הזהב׃

23:18b.MAT.023.018 ואמרתם הנשבע במזבח אין מאומה והנשבע בקרבן אשר עליו יאשם׃

23:19b.MAT.023.019 אתם הכסילים והעורים כי מה הוא הגדול אם הקרבן או המזבח המקדש את הקרבן׃

23:20b.MAT.023.020 לכן הנשבע במזבח נשבע בו ובכל אשר עליו׃

23:21b.MAT.023.021 והנשבע בהיכל נשבע בו ובשוכן בתוכו׃

23:22b.MAT.023.022 והנשבע בשמים נשבע בכסא אלהים ובישב עליו׃

23:23b.MAT.023.023 אוי לכם הסופרים והפרושים החנפים כי מעשרים אתם את המנתא ואת השבת ואת הכמן ותניחו את החמורות בתורה את המשפט ואת החסד ואת האמונה והיה לכם לעשות את אלה ולא להניח גם את אלה׃

23:24b.MAT.023.024 מנהלים עורים המסננים את היתוש ובלעים את הגמל׃

23:25b.MAT.023.025 אוי לכם הסופרים והפרושים החנפים כי מטהרים אתם פני הכוס והקערה מחוץ ותוכן מלא גזל ופריצות׃

23:26b.MAT.023.026 פרוש עור טהר בראשונה את תוך הכוס למען תטהר גם מחוץ׃

23:27b.MAT.023.027 אוי לכם הסופרים והפרושים החנפים כי דמים אתם לקברים המסידים הנראים נאים מחוץ ותוכם מלא עצמות מתים וכל טמאה׃

23:28b.MAT.023.028 ככה גם אתם מחוץ נראים כצדיקים אל בני אדם ותוככם מלא חנפה ואון׃

23:29b.MAT.023.029 אוי לכם הסופרים והפרושים החנפים כי בונים אתם את קברי הנביאים ותיפו את מצבות קברות הצדיקים׃

23:30b.MAT.023.030 ואמרתם אם היינו בימי אבותינו לא היתה ידנו עמהם לשפך דם הנביאים׃

23:31b.MAT.023.031 ובכן תעידו על נפשכם כי בנים אתם לרוצחי הנביאים׃

23:32b.MAT.023.032 אף אתם מלאו סאת אבותיכם׃

23:33b.MAT.023.033 נחשים אתם ילדי הצפעונים איכה תמלטו מדין גיהנם׃

23:34b.MAT.023.034 לכן הנני שלח לכם נביאים וחכמים וסופרים ומהם תהרגו ותצלבו ומהם תכו בשוטים בבתי כנסיותיכם ותרדפום מעיר לעיר׃

23:35b.MAT.023.035 למען יבא עליכם כל דם נקי הנשפך בארץ מדם הבל הצדיק עד דם זכריה בן ברכיה אשר רצחתם אותו בין ההיכל ולמזבח׃

23:36b.MAT.023.036 אמן אמר אני לכם בא יבא כל אלה על הדור הזה׃

23:37b.MAT.023.037 ירושלים ירושלים ההרגת את הנביאים והסקלת את השלוחים אליה כמה פעמים רציתי לקבץ את בניך כתרנגלת המקבצת את אפרחיה תחת כנפיה ולא אביתם׃

23:38b.MAT.023.038 הנה ביתכם יעזב לכם שמם׃

23:39b.MAT.023.039 כי אני אמר לכם ראה לא תראוני מעתה עד אשר תאמרו ברוך הבא בשם יהוה׃

24

24:1b.MAT.024.001 ויצא ישוע מן המקדש ללכת לדרכו ויגשו תלמידיו להראותו את בניני המקדש׃

24:2b.MAT.024.002 ויען ישוע ויאמר אליהם הראיתם את כל אלה אמן אמר אני לכם לא תשאר פה אבן על אבן אשר לא תתפרק׃

24:3b.MAT.024.003 וישב על הר הזיתים ויגשו אליו התלמידים לבדם ויאמרו אמר נא לנו מתי תהיה זאת ומה הוא אות בואך ואות קץ העולם׃

24:4b.MAT.024.004 ויען ישוע ויאמר להם ראו פן יתעה אתכם איש׃

24:5b.MAT.024.005 כי רבים יבאו בשמי לאמר אני הוא המשיח והתעו רבים׃

24:6b.MAT.024.006 ואתם עתידים לשמע מלחמות ושמעות מלחמה ראו פן תבהלו כי היו תהיה כל זאת אך עדן אין הקץ׃

24:7b.MAT.024.007 כי יקום גוי על גוי וממלכה על ממלכה והיה רעב ודבר ורעש הנה והנה׃

24:8b.MAT.024.008 וכל אלה רק ראשית החבלים׃

24:9b.MAT.024.009 אז ימסרו אתכם לעני והמיתו אתכם והייתם שנואים לכל הגוים למען שמי׃

24:10b.MAT.024.010 ואז יכשלו רבים ומסרו איש את רעהו ושנאו איש את אחיו׃

24:11b.MAT.024.011 ונביאי שקר רבים יקומו והתעו רבים׃

24:12b.MAT.024.012 ומפני אשר ירבה הרשע תפוג אהבת רבים׃

24:13b.MAT.024.013 והמחכה עד עת קץ הוא יושע׃

24:14b.MAT.024.014 ותקרא בשורת המלכות הזאת בתבל כלה לעדות לכל הגוים ואחר יבוא הקץ׃

24:15b.MAT.024.015 לכן כאשר תראו שקוץ משמם האמור על ידי דניאל הנביא עומד במקום קדש הקרא יבין׃

24:16b.MAT.024.016 אז נוס ינוסו אנשי יהודה אל ההרים׃

24:17b.MAT.024.017 ואשר על הגג אל ירד לשאת דבר מביתו׃

24:18b.MAT.024.018 ואשר בשדה אל ישב הביתה לשאת את מלבושו׃

24:19b.MAT.024.019 ואוי להרות ולמיניקות בימים ההם׃

24:20b.MAT.024.020 אך התפללו אשר מנוסתכם לא תהיה בחרף ולא בשבת׃

24:21b.MAT.024.021 כי אז תהיה צרה גדולה אשר כמוה לא נהיתה מראשית העולם עד עתה וכמוה לא תהיה עוד׃

24:22b.MAT.024.022 ולולא נקצרו הימים ההם לא יושע כל בשר אך למען הבחירים יקצרו הימים ההם׃

24:23b.MAT.024.023 וכי יאמר אליכם איש בעת ההיא הנה פה המשיח או הנו שם אל תאמינו׃

24:24b.MAT.024.024 כי יקומו משיחי שקר ונביאי שקר ויתנו אתות גדלות ומופתים למען התעות אף את הבחירים אם יוכלו׃

24:25b.MAT.024.025 הנה מראש הגדתי לכם׃

24:26b.MAT.024.026 לכן כי יאמרו אליכם הנו במדבר אל תצאו הנו בחדרים אל תאמינו׃

24:27b.MAT.024.027 כי כברק היוצא ממזרח ומאיר עד מערב כן יהיה גם בואו של בן האדם׃

24:28b.MAT.024.028 כי באשר החלל שם יקבצו הנשרים׃

24:29b.MAT.024.029 ומיד אחרי צרת הימים ההם תחשך השמש והירח לא יגיה אורו והכוכבים יפלו מן השמים וכחות השמים יתמוטטו׃

24:30b.MAT.024.030 אז אות בן האדם יראה בשמים וספדו כל משפחות הארץ וראו את בן האדם בא עם ענני השמים בגבורה וכבוד רב׃

24:31b.MAT.024.031 וישלח את מלאכיו בקול שופר גדול ויקבצו את בחיריו מארבע הרוחות למקצה השמים ועד קצה השמים׃

24:32b.MAT.024.032 למדו נא את משל התאנה כאשר ירטב ענפה ופרחו עליה ידעתם כי קרוב הקיץ׃

24:33b.MAT.024.033 כן גם אתם בראותכם את כל אלה דעו כי קרוב הוא לפתח׃

24:34b.MAT.024.034 אמן אמר אני לכם כי לא יעבר הדור הזה עד אשר יהיו כל אלה׃

24:35b.MAT.024.035 השמים והארץ יעברו ודברי לא יעברון׃

24:36b.MAT.024.036 אך היום ההוא והשעה ההיא אין איש יודע אתה גם לא מלאכי השמים בלתי אבי לבדו׃

24:37b.MAT.024.037 וכימי נח כן יהיה גם בואו של בן האדם׃

24:38b.MAT.024.038 כי כאשר בימי המבול היו אכלים ושתים נשאים נשים ונתנים אתן לאנשים עד היום אשר בא נח אל התבה׃

24:39b.MAT.024.039 ולא ידעו עד בוא המבול וישחת את כלם כן יהיה גם בואו של בן האדם׃

24:40b.MAT.024.040 אז יהיו שנים בשדה אחד יאסף ואחד יעזב׃

24:41b.MAT.024.041 שתים טוחנות ברחים אחת תאסף ואחת תעזב׃

24:42b.MAT.024.042 לכן שקדו כי אינכם יודעים באי זו שעה יבא אדניכם׃

24:43b.MAT.024.043 ואת זאת הבינו אשר לו ידע בעל הבית באי זו אשמורה יבא הגנב כי עתה שקד ולא הניח לחתר את ביתו׃

24:44b.MAT.024.044 לכן היו נכונים גם אתם כי בשעה אשר לא תדמו יבוא בן האדם׃

24:45b.MAT.024.045 מי הוא אפוא העבד הנאמן והנבון אשר הפקידו אדניו על בני ביתו לתת להם את אכלם בעתו׃

24:46b.MAT.024.046 אשרי העבד אשר אדניו בבואו ימצאהו עשה כן׃

24:47b.MAT.024.047 אמן אמר אני לכם כי יפקידהו על כל אשר לו׃

24:48b.MAT.024.048 ואם העבד הרע יאמר בלבו בשש אדני לבוא׃

24:49b.MAT.024.049 ויחל להכות את חבריו ואכל ושתה עם הסובאים׃

24:50b.MAT.024.050 בוא יבוא אדני העבד ההוא ביום לא יצפה ובשעה לא ידע׃

24:51b.MAT.024.051 וישסף אתו וישים את חלקו עם החנפים שם תהיה היללה וחרק השנים׃

25

25:1b.MAT.025.001 אז תדמה מלכות השמים לעשר עלמות אשר לקחו את נרותיהן ותצאנה לקראת החתן׃

25:2b.MAT.025.002 חמש מהן היו חכמות וחמש כסילות׃

25:3b.MAT.025.003 הכסילות לקחו את הנרות ולא לקחו עמהן שמן׃

25:4b.MAT.025.004 והחכמות לקחו שמן בכליהן ואת נרותיהן׃

25:5b.MAT.025.005 וכאשר בשש החתן לבוא ותנמנה כלן ותרדמנה׃

25:6b.MAT.025.006 ויהי בחצות הלילה ותהי צוחה הנה החתן צאינה לקראתו׃

25:7b.MAT.025.007 אז התעוררו כל העלמות ההן ותיטבנה את נרותיהן׃

25:8b.MAT.025.008 ותאמרנה הכסילות אל החכמות תנה לנו משמנכן כי יכבו נרותינו׃

25:9b.MAT.025.009 ותענינה החכמות לאמר לא כן פן יחסר לנו ולכן כי אם לכנה אל המוכרים וקנינה לכן׃

25:10b.MAT.025.010 ויהי בעת לכתן לקנות ויבוא החתן והנכנות ללכת באו אתו אל החתנה ותסגר הדלת׃

25:11b.MAT.025.011 ואחרי כן באו גם שאר העלמות ותאמרנה אדנינו אדנינו פתח לנו׃

25:12b.MAT.025.012 ויען ויאמר אמן אמר אני לכן לא ידעתי אתכן׃

25:13b.MAT.025.013 לכן שקדו כי אינכם יודעים את היום ואת השעה אשר יבא בה בן האדם׃

25:14b.MAT.025.014 כי כמו איש נסע למרחוק אשר קרא אל עבדיו וימסר להם את רכושו׃

25:15b.MAT.025.015 ויתן לזה חמש ככרים ולזה שתים ולזה אחת לכל איש ואיש כפי ערכו וימהר ויסע משם׃

25:16b.MAT.025.016 וילך האיש הלקח חמש ככרים ויסחר בהן ויעש לו חמש ככרים אחרות׃

25:17b.MAT.025.017 וכן הלקח שתים גם הוא הרויח שתים אחרות׃

25:18b.MAT.025.018 אך לקח האחת הלך ויחפר באדמה ויטמן את כסף אדניו׃

25:19b.MAT.025.019 ואחרי ימים רבים בא אדוני העבדים ההם ויעש חשבון עמהם׃

25:20b.MAT.025.020 ויגש הלקח חמש הככרים ויבא חמש ככרים אחרות לאמר אדני חמש ככרים מסרת לי הנה חמש ככרים אחרות הרוחתי בהן׃

25:21b.MAT.025.021 ויאמר אליו אדניו כן העבד הטוב והנאמן כי במעט נאמן היית ועל הרבה אפקידך בוא אל שמחת אדניך׃

25:22b.MAT.025.022 ויגש גם לקח הככרים ויאמר אדני ככרים מסרת לי הנה ככרים הרוחתי בהן׃

25:23b.MAT.025.023 ויאמר אליו אדניו היטבת העבד הטוב והנאמן במזער נאמן היית ועל הרבה אפקידך בוא אל שמחת אדניך׃

25:24b.MAT.025.024 ויגש גם הלקח את הככר האחת ויאמר אדני ידעתיך כי איש קשה אתה קצר באשר לא זרעת וכנס מאשר לא פזרת׃

25:25b.MAT.025.025 ואירא ואלך ואטמן את ככרך באדמה ועתה הא לך את אשר לך׃

25:26b.MAT.025.026 ויען אדניו ויאמר אליו העבד הרע והעצל אתה ידעת כי קצר אנכי באשר לא זרעתי וכנס מאשר לא פזרתי׃

25:27b.MAT.025.027 לכן היה עליך לתת את כספי לשלחנים ואני בבואי הייתי לקח את אשר לי בתרבית׃

25:28b.MAT.025.028 על כן שאו ממנו את הככר ותנו אל האיש אשר לו עשר הככרים׃

25:29b.MAT.025.029 כי כל איש אשר יש לו ינתן לו ויעדיף והאיש אשר אין לו גם את אשר לו יקח ממנו׃

25:30b.MAT.025.030 ואת עבד הבליעל השליכו אל החשך החיצון שם תהיה היללה וחרק השנים׃

25:31b.MAT.025.031 והיה כי יבוא בן האדם בכבודו וכל המלאכים הקדשים עמו וישב על כסא כבודו׃

25:32b.MAT.025.032 ונאספו לפניו כל הגוים והפריד בינותם כאשר יפריד הרעה את הכבשים מן העתודים׃

25:33b.MAT.025.033 והציב את הכבשים לימינו ואת העתודים לשמאלו׃

25:34b.MAT.025.034 אז יאמר המלך אל הנצבים לימינו באו ברוכי אבי ורשו את המלכות המוכנה לכם למן הוסד העולם׃

25:35b.MAT.025.035 כי רעב הייתי ותאכילני צמא הייתי ותשקוני גר הייתי ותאספוני׃

25:36b.MAT.025.036 ערום ותכסוני חולה ותבקרוני במשמר הייתי ותבאו אלי׃

25:37b.MAT.025.037 וענו הצדיקים ואמרו אדנינו מתי ראינוך רעב ונכלכלך או צמא ונשקה אותך׃

25:38b.MAT.025.038 ומתי ראינוך גר ונאספך או ערם ונכסך׃

25:39b.MAT.025.039 ומתי ראינוך חולה או במשמר ונבא אליך׃

25:40b.MAT.025.040 והמלך יענה ויאמר אליהם אמן אמר אני לכם מה שעשיתם לאחד מאחי הצעירים האלה לי עשיתם׃

25:41b.MAT.025.041 ואז יאמר גם אל הנצבים לשמאלו לכו מעלי אתם הארורים אל אש עולם המוכנה לשטן ולמלאכיו׃

25:42b.MAT.025.042 כי רעב הייתי ולא האכלתם אותי צמא הייתי ולא השקיתם אותי׃

25:43b.MAT.025.043 גר הייתי ולא אספתם אותי ערום ולא כסיתם אותי חולה ובמשמר ולא בקרתם אותי׃

25:44b.MAT.025.044 וענו גם הם ואמרו אדנינו מתי ראינוך רעב או צמא או גר או ערום או חולה או במשמר ולא שרתנוך׃

25:45b.MAT.025.045 אז יענה אתם לאמר אמן אמר אני לכם מה שלא עשיתם לאחד מן הצעירים האלה גם לי לא עשיתם׃

25:46b.MAT.025.046 וילכו אלה למעצבת עולם והצדיקים לחיי עולם׃

26

26:1b.MAT.026.001 ויהי ככלות ישוע לדבר את כל הדברים האלה ויאמר אל תלמידיו׃

26:2b.MAT.026.002 אתם ידעתם כי אחרי יומים יהיה הפסח ובן האדם ימסר להצלב׃

26:3b.MAT.026.003 ויקהלו הכהנים הגדולים והסופרים וזקני העם אל חצר הכהן הגדול הנקרא קיפא׃

26:4b.MAT.026.004 ויועצו יחדו לתפש את ישוע בערמה ולהמיתו׃

26:5b.MAT.026.005 ויאמרו אך לא בחג פן תהיה מהומה בעם׃

26:6b.MAT.026.006 ויהי בהיות ישוע בית היני בבית שמעון המצרע׃

26:7b.MAT.026.007 ותקרב אליו אשה ובידה פך שמן יקר מאד ותצק על ראשו בהסבו על השלחן׃

26:8b.MAT.026.008 ויראו התלמידים ויתרעמו לאמר על מה האבוד הזה׃

26:9b.MAT.026.009 כי השמן הזה היה ראוי להמכר במחיר רב ולתתו לעניים׃

26:10b.MAT.026.010 וידע ישוע ויאמר אליהם למה תוגו את האשה הלא מעשה טוב עשתה עמדי׃

26:11b.MAT.026.011 כי עניים תמיד עמכם ואנכי אינני אתכם תמיד׃

26:12b.MAT.026.012 כי אשר שפכה את השמן הזה על גופי לחנט אותי עשתה זאת׃

26:13b.MAT.026.013 אמן אמר אני לכם באשר תקרא הבשורה הזאת בכל העולם גם את אשר היא עשתה יספר לזכרון לה׃

26:14b.MAT.026.014 וילך אחד משנים העשר הנקרא יהודה איש קריות אל ראשי הכהנים׃

26:15b.MAT.026.015 ויאמר מה תתנו לי ואמסרנו בידכם וישקלו לו שלשים כסף׃

26:16b.MAT.026.016 ומן העת ההיא בקש תאנה למסר אותו׃

26:17b.MAT.026.017 ויהי בראשון לחג המצות ויגשו התלמידים אל ישוע לאמר באי זה מקום תחפץ כי נכין לך לאכל את הפסח׃

26:18b.MAT.026.018 ויאמר לכו העירה אל פלני אלמני ואמרתם אליו כה אמר הרב עתי קרובה היא ובביתך אעשה את הפסח עם תלמידי׃

26:19b.MAT.026.019 ויעשו התלמידים כאשר צום ישוע ויכינו את הפסח׃

26:20b.MAT.026.020 ויהי בערב ויסב עם שנים העשר׃

26:21b.MAT.026.021 ובאכלם ויאמר אמן אמר אני לכם כי אחד מכם ימסרני׃

26:22b.MAT.026.022 ויתעצבו מאד ויחלו איש ואיש לאמר לו האנכי הוא אדני׃

26:23b.MAT.026.023 ויען ויאמר האיש אשר טבל עמי את ידו בקערה הוא ימסרני׃

26:24b.MAT.026.024 הן בן האדם הלוך ילך לו ככתוב עליו אבל אוי לאיש ההוא אשר על ידו ימסר בן האדם טוב לאיש ההוא אם לא נולד׃

26:25b.MAT.026.025 ויען יהודה המסר אותו ויאמר רבי האני הוא ויאמר אליו אתה אמרת׃

26:26b.MAT.026.026 ובאכלם ויקח ישוע את הלחם ויברך ויבצע ויתן לתלמידים ויאמר קחו ואכלו זה הוא גופי׃

26:27b.MAT.026.027 ויקח את הכוס ויברך ויתן להם לאמר שתו ממנה כלכם׃

26:28b.MAT.026.028 כי זה הוא דמי דם הברית החדשה הנשפך בעד רבים לסליחת חטאים׃

26:29b.MAT.026.029 ואני אמר לכם כי מעתה שתה לא אשתה מתנובת הגפן הזאת עד היום ההוא אשר אשתה אתה עמכם חדשה במלכות אבי׃

26:30b.MAT.026.030 ויהי אחרי גמרם את ההלל ויצאו אל הר הזיתים׃

26:31b.MAT.026.031 אז אמר אליהם ישוע אתם כלכם תכשלו בי בלילה הזה כי כתוב אכה את הרעה ותפוצין הצאן׃

26:32b.MAT.026.032 ואחרי קומי אלך לפניכם הגלילה׃

26:33b.MAT.026.033 ויען פטרוס ויאמר לו גם כי יכשלו בך כלם אני לעולם לא אכשל׃

26:34b.MAT.026.034 ויאמר אליו ישוע אמן אמר אני לך כי בלילה הזה בטרם יקרא התרנגול תכחש בי שלש פעמים׃

26:35b.MAT.026.035 ויאמר אליו פטרוס גם כי יהיה עלי למות אתך כחש לא אכחש בך וכן אמרו גם כל התלמידים׃

26:36b.MAT.026.036 אחרי כן בא אתם ישוע אל חצר הנקרא גת שמני ויאמר אל התלמידים שבו לכם פה עד אשר אלך שמה והתפללתי׃

26:37b.MAT.026.037 ויקח אתו את פטרוס ואת שני בני זבדי ויחל להעצב ולמוג׃

26:38b.MAT.026.038 ויאמר להם נפשי מרה לי עד מות עמדו פה ושקדו עמי׃

26:39b.MAT.026.039 וילך מעט האלה ויפל על פניו ויתפלל לאמר אבי אם יוכל להיות תעבר נא מעלי הכוס הזאת אך לא כרצוני כי אם כרצונך׃

26:40b.MAT.026.040 ויבא אל התלמידים וימצאם ישנים ויאמר אל פטרוס הנה לא היה ביכלתכם לשקד עמי שעה אחת׃

26:41b.MAT.026.041 שקדו והתפללו פן תבאו לידי נסיון הן הרוח היא חפצה והבשר הוא רפה׃

26:42b.MAT.026.042 ויוסף ללכת לו שנית ויתפלל לאמר אבי אם לא תוכל הכוס הזאת לעבר ממני מבלי שתותי אתה יהי כרצונך׃

26:43b.MAT.026.043 ויבא וימצאם גם בפעם הזאת ישנים כי עיניהם היו כבדות׃

26:44b.MAT.026.044 ויניחם ויוסף ללכת ויתפלל שלישית באמרו עוד הפעם כדבר הזה׃

26:45b.MAT.026.045 ויבא אל התלמידים ויאמר אליהם נומו מעתה ונוחו הנה השעה קרובה ובן האדם נמסר לידי חטאים׃

26:46b.MAT.026.046 קומו ונלכה הנה הלך וקרב המסר אותי׃

26:47b.MAT.026.047 עודנו מדבר והנה בא יהודה אחד משנים העשר ועמו המון רב ברחבות ובמקלות מאת ראשי הכהנים וזקני העם׃

26:48b.MAT.026.048 והמסר אתו נתן להם אות לאמר האיש אשר אשקהו זה הוא תפשוהו׃

26:49b.MAT.026.049 ומיד נגש אל ישוע ויאמר שלום לך רבי וינשק לו׃

26:50b.MAT.026.050 ויאמר אליו ישוע רעי על מה באת ויגשו וישלחו את ידיהם בישוע ויתפשו אתו׃

26:51b.MAT.026.051 והנה אחד מן האנשים אשר עם ישוע שלח ידו וישלף חרבו ויך את עבד הכהן הגדול ויקצץ את אזנו׃

26:52b.MAT.026.052 ויאמר אליו ישוע השב את חרבך אל תערה כי כל אחזי חרב בחרב יאבדו׃

26:53b.MAT.026.053 או היחשב לבך כי לא יכלתי לשאל עתה מאת אבי והוא יצוה לי יותר משנים עשר לגיונות של מלאכים׃

26:54b.MAT.026.054 ואיככה אפוא ימלאו הכתובים כי כן היה תהיה׃

26:55b.MAT.026.055 בשעה ההיא אמר ישוע אל המון העם כעל פריץ יצאתם בחרבות ובמקלות לתפשני ויום יום הייתי ישב ומלמד אצלכם במקדש ולא החזקתם בי׃

26:56b.MAT.026.056 וכל זאת היתה למלאת כתבי הנביאים אז עזבוהו התלמידים כלם וינוסו׃

26:57b.MAT.026.057 והאנשים אשר תפשו את ישוע הוליכהו אל קיפא הכהן הגדול אשר נקהלו שם הסופרים והזקנים׃

26:58b.MAT.026.058 ופטרוס הלך אחריו מרחוק עד לחצר הכהן הגדול ויבא פנימה וישב לו אצל המשרתים לראות את אחרית הדבר׃

26:59b.MAT.026.059 והכהנים הגדולים והסופרים וכל הסנהדרין בקשו עדות שקר בישוע להמיתו ולא מצאו׃

26:60b.MAT.026.060 ואף בעמד שם עדי שקר רבים לא מצאו ובאחרונה נגשו שני עדי שקר׃

26:61b.MAT.026.061 ויאמרו זה אמר יש ביכלתי להרס את היכל האלהים ולשוב לבנותו בשלשת ימים׃

26:62b.MAT.026.062 ויקם הכהן הגדול ויאמר אליו האינך משיב דבר על אשר ענו בך אלה׃

26:63b.MAT.026.063 וישוע החריש ויען הכהן הגדול ויאמר לו משביעך אני באלהים חיים שתאמר לנו אם אתה הוא המשיח בן האלהים׃

26:64b.MAT.026.064 ויאמר אליו ישוע אתה אמרת אבל אני אמר לכם כי מעתה תראו את בן האדם ישב לימין הגבורה ובא עם ענני השמים׃

26:65b.MAT.026.065 ויקרע הכהן הגדול את בגדיו ויאמר הוא גדף ומה לנו עוד לבקש עדים הנה עתה שמעתם את גדופו׃

26:66b.MAT.026.066 מה דעתכם ויענו ויאמרו איש מות הוא׃

26:67b.MAT.026.067 וירקו בפניו ויכהו באגרוף ואחרים הכהו על הלחי׃

26:68b.MAT.026.068 ויאמרו הנבא לנו המשיח מי הוא המכה אותך׃

26:69b.MAT.026.069 ופטרוס ישב מחוץ לבית בחצר ותגש אליו שפחה לאמר גם אתה היית עם ישוע הגלילי׃

26:70b.MAT.026.070 ויכחש בפני כלם לאמר לא ידעתי מה את אמרת׃

26:71b.MAT.026.071 ויצא אל פתח השער ותרא אותו אחרת ותאמר לאנשים אשר שם גם זה היה עם ישוע הנצרי׃

26:72b.MAT.026.072 ויוסף לכחש וישבע לאמר לא ידעתי את האיש׃

26:73b.MAT.026.073 וכמעט אחרי כן ויגשו העמדים שם ויאמרו אל פטרוס אמת כי גם אתה מהם כי גם לשונך מגלה אותך׃

26:74b.MAT.026.074 ויחל להחרים את נפשו ולהשבע לאמר לא ידעתי את האיש ומיד קרא התרנגול׃

26:75b.MAT.026.075 ויזכר פטרוס את דבר ישוע אשר אמר אליו לאמר בטרם יקרא התרנגול תכחש בי שלש פעמים ויצא החוצה וימרר בבכי׃

27

27:1b.MAT.027.001 ויהי לפנות הבקר ויתיעצו כל ראשי הכהנים וזקני העם על ישוע להמיתו׃

27:2b.MAT.027.002 ויאסרו אתו ויוליכהו משם וימסרהו אל פונטיוס פילטוס ההגמון׃

27:3b.MAT.027.003 וירא יהודה המסר אותו כי הרשיעהו וינחם וישב את שלשים הכסף אל הכהנים הגדולים והזקנים לאמר׃

27:4b.MAT.027.004 חטאתי כי דם נקי הסגרתי והם אמרו מה לנו ולזאת אתה תראה׃

27:5b.MAT.027.005 וישלך את הכסף אל ההיכל ויפן וילך ויחנק׃

27:6b.MAT.027.006 ויקחו ראשי הכהנים את הכסף ויאמרו לא נכון לנו לתתו אל ארון הקרבן כי מחיר דמים הוא׃

27:7b.MAT.027.007 ויתיעצו ויקנו בו את שדה היוצר לקבורת הגרים׃

27:8b.MAT.027.008 על כן שם השדה ההוא שדה הדם עד היום הזה׃

27:9b.MAT.027.009 אז נתמלא מה שנאמר ביד ירמיה הנביא ויקחו שלשים הכסף אדר היקר אשר יקר מעל בני ישראל׃

27:10b.MAT.027.010 ויתנו אתם אל שדה היוצר כאשר צוני יהוה׃

27:11b.MAT.027.011 וישוע העמד לפני ההגמון וישאלהו ההגמון לאמר האתה הוא מלך היהודים ויאמר ישוע אתה אמרת׃

27:12b.MAT.027.012 וידברו עליו שטנה הכהנים הגדולים והזקנים והוא לא ענה דבר׃

27:13b.MAT.027.013 ויאמר אליו פילטוס האינך שמע כמה הם מעידים בך׃

27:14b.MAT.027.014 ולא ענהו אף דבר אחד ויתמה ההגמון עד מאד׃

27:15b.MAT.027.015 ומנהג ההגמון היה לפטר לעם בכל חג אסיר אחד את אשר יחפצו׃

27:16b.MAT.027.016 ובעת ההיא היה להם אסיר ידוע ושמו בר אבא׃

27:17b.MAT.027.017 ויהי כאשר נקהלו ויאמר אליהם פילטוס את מי תחפצו כי אפטר לכם את בר אבא או את ישוע הנקרא בשם משיח׃

27:18b.MAT.027.018 כי ידע אשר רק מקנאה מסרו אתו׃

27:19b.MAT.027.019 ויהי כשבתו על כסא הדין ותשלח אליו אשתו לאמר אל יהי לך דבר עם הצדיק הזה כי בעבורו עניתי הרבה היום בחלום׃

27:20b.MAT.027.020 והכהנים הגדולים והזקנים פתו את המון העם לשאל להם את בר אבא ולאבד את ישוע׃

27:21b.MAT.027.021 ויען ההגמון ויאמר אליהם את מי משניהם תחפצו כי אפטר לכם ויאמרו את בר אבא׃

27:22b.MAT.027.022 ויאמר אליהם פילטוס ומה אעשה לישוע הנקרא בשם משיח ויענו כלם יצלב׃

27:23b.MAT.027.023 ויאמר ההגמון מה אפוא הרעה אשר עשה ויוסיפו עוד צעק לאמר יצלב׃

27:24b.MAT.027.024 ויהי כראות פילטוס כי לא יועיל מאומה ורבתה עוד המהודה ויקח מים וירחץ את ידיו לעיני העם ויאמר נקי אנכי מדם הצדיק הזה אתם תראו׃

27:25b.MAT.027.025 ויענו כל העם ויאמרו דמו עלינו ועל בנינו׃

27:26b.MAT.027.026 אז פטר להם את בר אבא ואת ישוע הכה בשוטים וימסר אותו להצלב׃

27:27b.MAT.027.027 ויקחו אנשי הצבא אשר להגמון את ישוע ויביאהו אל בית המשפט ויאספו עליו את כל הגדוד׃

27:28b.MAT.027.028 ויפשיטו אותו את בגדיו ויעטפהו מעיל שני׃

27:29b.MAT.027.029 וישרגו קצים ויעשו עטרת וישימו על ראשו וקנה בימינו ויכרעו לפניו ויתלוצצו בו לאמר שלום לך מלך היהודים׃

27:30b.MAT.027.030 וירקו בו ויקחו את הקנה ויכהו על ראשו׃

27:31b.MAT.027.031 ואחרי התלוצצם בו הפשיטו אותו את המעיל וילבישהו את בגדיו ויוליכהו לצלב׃

27:32b.MAT.027.032 ויהי בצאתם וימצאו איש קוריני ושמו שמעון ויאנסו אתו לשאת לו את צלבו׃

27:33b.MAT.027.033 ויבאו אל המקום הנקרא גלגלתא הוא מקום גלגלת׃

27:34b.MAT.027.034 ויתנו לו לשתות חמץ מזוג במרורה ויטעם ולא אבה לשתות׃

27:35b.MAT.027.035 ויהי כאשר צלבו אותו ויחלקו להם את בגדיו וגורל הפילו למלאת את אשר נאמר בפי הנביא יחלקו בגדי להם ועל לבושי יפילו גורל׃

27:36b.MAT.027.036 וישבו שמה וישמרו אותו׃

27:37b.MAT.027.037 וישימו את דבר אשמתו כתוב ממעל לראשו זה הוא ישוע מלך היהודים׃

27:38b.MAT.027.038 ויצלבו אתו שני פריצים אחד לימינו ואחד לשמאלו׃

27:39b.MAT.027.039 והעברים גדפו אותו ויניעו את ראשם׃

27:40b.MAT.027.040 ויאמרו אתה ההרס את ההיכל ובנהו בשלשת ימים הושע לנפשך ואם בן האלהים אתה רדה מן הצלב׃

27:41b.MAT.027.041 וכן הלעיגו גם ראשי הכהנים עם הסופרים והזקנים לאמר׃

27:42b.MAT.027.042 את אחרים הושיע ולעצמו לא יוכל להושיע אם מלך ישראל הוא ירד נא עתה מן הצלב ונאמין בו׃

27:43b.MAT.027.043 בטח באלהים עתה יפלטהו אם חפץ בו כי אמר בן האלהים אני׃

27:44b.MAT.027.044 וגם הפריצים הנצלבים אתו חרפהו כדברים האלה׃

27:45b.MAT.027.045 ומשעה הששית היה חשך על כל הארץ עד השעה התשיעית׃

27:46b.MAT.027.046 וכעת השעה התשיעית ויצעק ישוע בקול גדול אלי אלי למה שבקתני ותרגומו אלי אלי למה עזבתני׃

27:47b.MAT.027.047 ויאמרו מקצת העמדים שם כשמעם את זאת לאמר אל אליהו הוא קורא׃

27:48b.MAT.027.048 וימהר אחד מהם וירץ ויקח ספוג וימלא אתו חמץ וישימהו על קנה וישקהו׃

27:49b.MAT.027.049 ושאר האנשים אמרו הניחו לו ונראה אם יבוא אליהו להושיעו׃

27:50b.MAT.027.050 וישוע הוסיף לקרא בקול גדול ותצא רוחו׃

27:51b.MAT.027.051 והנה נקרעה פרכת ההיכל מלמעלה למטה לשנים קרעים והארץ נרעשה והסלעים נבקעו׃

27:52b.MAT.027.052 והקברים נפתחו ורבים מגופות הקדושים ישני אדמת עפר נעורו׃

27:53b.MAT.027.053 ויצאו מן הקברים אחרי הקיצו ויבאו אל העיר הקדושה ויראו לרבים׃

27:54b.MAT.027.054 ושר המאה והאנשים אשר אתו השמרים את ישוע כראותם את הרעש ואת אשר נהיתה נבהלו מאד ויאמרו אכן זה היה בן אלהים׃

27:55b.MAT.027.055 ותהיינה שם נשים רבות הראות מרחוק אשר הלכו אחרי ישוע מן הגליל לשרתו׃

27:56b.MAT.027.056 ובתוכן מרים המגדלית ומרים אם יעקב ויוסי ואם בני זבדי׃

27:57b.MAT.027.057 ויהי בערב ויבא איש עשיר מן הרמתים ושמו יוסף וגם הוא היה מתלמידי ישוע׃

27:58b.MAT.027.058 ויגש אל פילטוס לשאל את גוית ישוע ויצו פליטוס כי תנתן לו׃

27:59b.MAT.027.059 ויקח יוסף את הגויה ויכרך אותה בסדין טהור׃

27:60b.MAT.027.060 וישימה בקבר החדש אשר חצב לו בסלע ויגל אבן גדולה על פתח הקבר וילך לו׃

27:61b.MAT.027.061 ומרים המגדלית ומרים האחרת היו ישבות שם ממול הקבר׃

27:62b.MAT.027.062 ויהי ממחרת ערב השבת ויקהלו הכהנים הגדולים והפרושים אל פילטוס׃

27:63b.MAT.027.063 ויאמרו אדנינו זכרנו כי אמר המתעה ההוא בעודנו חי מקצה שלשת ימים קום אקום׃

27:64b.MAT.027.064 לכן צוה נא ויסכר מבוא הקבר עד היום השלישי פן יבאו תלמידיו בלילה וגנבהו ואמרו אל העם הנה קם מן המתים והיתה התרמית האחרונה רעה מן הראשונה׃

27:65b.MAT.027.065 ויאמר אליהם פילטוס הנה לכם אנשי משמר לכו סכרוהו כדעתכם׃

27:66b.MAT.027.066 וילכו ויסכרו את מבוא הקבר ויחתמו את האבן ויעמידו עליו את המשמר׃

28

28:1b.MAT.028.001 ואחרי מוצאי השבת כשהאיר לאחד בשבת באה מרים המגדלית ומרים האחרת לראות את הקבר׃

28:2b.MAT.028.002 והנה רעש גדול היה כי מלאך יהוה ירד מן השמים ויגש ויגל את האבן מן הפתח וישב עליה׃

28:3b.MAT.028.003 ויהי מראהו כברק ולבושו לבן כשלג׃

28:4b.MAT.028.004 ומפחדו נבהלו השמרים ויהיו כמתים׃

28:5b.MAT.028.005 ויען המלאך ויאמר אל הנשים אתן אל תיראן הן ידעתי כי את ישוע הנצלב אתן מבקשות׃

28:6b.MAT.028.006 איננו פה כי קם כאשר אמר באנה ראינה את המקום אשר שכב שם האדון׃

28:7b.MAT.028.007 ומהרתן ללכת ואמרתן אל תלמידיו כי קם מן המתים והנה הוא הולך לפניכם הגלילה ושם תראהו הנה אמרתי לכן׃

28:8b.MAT.028.008 ותמהרנה לצאת מן הקבר ביראה ובשמחה גדולה ותרצנה להגיד לתלמידיו׃

28:9b.MAT.028.009 הנה הלכות להגיד לתלמידיו והנה ישוע נקרה אליהן ויאמר שלום לכן ותגשנה ותאחזנה ברגליו ותשתחוין לו׃

28:10b.MAT.028.010 ויאמר אליהן ישוע אל תיראן לכנה והגדן לאחי וילכו הגלילה ושם יראוני׃

28:11b.MAT.028.011 ויהי בלכתן והנה אנשים מן המשמר באו העירה ויגידו לראשי הכהנים את כל הנעשה׃

28:12b.MAT.028.012 ויקהלו עם הזקנים ויתיעצו ויתנו כסף לרב אל אנשי הצבא לאמר׃

28:13b.MAT.028.013 אמרו כי באו תלמידיו לילה ויגנבו אותו בהיותנו ישנים׃

28:14b.MAT.028.014 ואם ישמע הדבר לפני ההגמון אנחנו נפיסהו והייתם בלי פחד׃

28:15b.MAT.028.015 ויקחו את הכסף ויעשו כאשר למדו ותצא השמועה הזאת בין היהודים עד היום הזה׃

28:16b.MAT.028.016 ועשתי עשר התלמידים הלכו הגלילה אל ההר אשר צום ישוע׃

28:17b.MAT.028.017 ויהי כראותם אתו וישתחוו לו ומקצתם נחלקו בלבם׃

28:18b.MAT.028.018 ויגש ישוע וידבר אליהם לאמר נתן לי כל שלטן בשמים ובארץ׃

28:19b.MAT.028.019 לכו ועשו לתלמידים את כל הגוים וטבלתם אתם לשם האב והבן ורוח הקדש׃

28:20b.MAT.028.020 ולמדתם אתם לשמר את כל אשר צויתי אתכם והנה אנכי אתכם כל הימים עד קץ העולם אמן׃