2 John (Dinka)

21

21:1b.2JO.021.001 Yɛn monydit awarek en gɛɛr tiiŋ diit ci lɔc keke mithke, kɔc nhiaar ne yin; ku acie yɛn atok, ee kɔc ci yin ŋic kedhie aya;

21:2b.2JO.021.002 ne baŋ de yic, yic e tɔu ne woyiic, ku bi aa tɔu ke wook aɣet athɛɛr:

21:3b.2JO.021.003 E dhueeŋdepiɔu e ye tɔu keke week, ku kokdepiɔu, ku mat, ne ke bɔ tede Nhialic Waada, ku tede Yecu Kritho, Wen e Waada, ne yin ku ne nhieer.

21:4b.2JO.021.004 Yɛn e piɔu miɛt alal luɔi can mithkuon kɔk yok aciɛthki e yicic, acit man ci wo loŋ yok tede Waada.

21:5b.2JO.021.005 Ku yin laŋ enɔɔne, yin tiiŋdit, ku yin cii cit ke gaar loŋ ci piac bɛɛi, ee loŋ ɣɔn cath ke wook te ɣɔn gɔle jam, yen gaar, yan, buk rot aa nhiaar.

21:6b.2JO.021.006 Ku cath ee wok cath e looŋke cok, yen aye nhieer. Loŋ ki, cit man ca wek e piŋ te ɣɔn gɔle jam, yan, bak aa cath thin.

21:7b.2JO.021.007 Kɔc juec e kɔc math acik bɛn cath e piny nɔm, kɔc reec Yecu Kritho gam nɔn e bi yen ke ye raan guop. Raan e kɔc math ki, ku ye raan man Kritho.

21:8b.2JO.021.008 Yak ro tiit, ke wo cii ka cuk looi bi mɔɔr, ke wo bi ariop yok ebɛn acin ke liu.

21:9b.2JO.021.009 Raan ebɛn raan e loŋ wooc, ku reec reer e weet de Krithoyic, ka cin nɔm Nhialic: ku raan e reer e weet de Krithoyic, yen ade nɔm Waada ku Wende aya.

21:10b.2JO.021.010 Na bɔ raan tede week, ku cii weete bii, ke duoki gɛm ɣondun, ku duoki lek thieithieei.

21:11b.2JO.021.011 Raan lek en thieithieei, ka mat keke yen ne luɔidɛn rac.

21:12b.2JO.021.012 Yɛn de kajuec duɛɛr gaar week, ku yɛn cin piɔu gaar ban awarek gɔɔr ne miok e gaar: ee bɛn ban bɛn tede week, yen ŋaath, agoku jam e wo tuum woniim, ke wo bi piɔth a yum e miɛtepiɔu.

21:13b.2JO.021.013 Yin thieec mith ke nyankui ci lɔc.