2 Peter (Dinka)

21

21:1b.2PE.021.001 Yɛn Thimon Petero, lim de Yecu Kritho ku ya tunyde, wek gaar awarek wek kɔc ci gam de naamde yok, gam kit ke gamda ne piath e Nhialic piɔu keke Konydan Yecu Kritho;

21:2b.2PE.021.002 E dhueeŋdepiɔu ku mat e ke lɔ ke ke ŋuak kenyiin tede week, ne ŋiny ŋiɛc wek Nhialic keke Yecu Kritho Bɛnydiitda.

21:3b.2PE.021.003 Acit man ci riɛldɛndiit bɔ nhial wo gam kerieec ebɛn ka ke wei ayi ka ke rieeu de Nhialic, ne ŋiny ŋic wok Raan e cool wook buk dhueeŋde yok keke piath de yenpiɔu.

21:4b.2PE.021.004 Ku yen aa lek en wook kadit gook de naamden ka bi gam wook; ke ke bi we tɔ ye kɔc bi tau de Nhialic rom etok, te ca wek poth e dhiap nu e piny nɔm dhiap e biiye ŋɔɔŋ de kerac.

21:5b.2PE.021.005 Yen ecook mane yen a ba wek cok e thɛm wek en alal, bak piɔn piɛth dɔm, matki keke gamdun; ku jaki ŋinydekaŋ mat keke piɔn piɛth;

21:6b.2PE.021.006 ku matki domderot keke ŋinydekaŋ; ku matki guomdekaŋ keke domderot; ku matki rieeu de Nhialic keke guomdekaŋ;

21:7b.2PE.021.007 ku matki maath e mith ke raan tok maath keke rieeu de Nhialic; ku matki nhieer keke maath ee mith ke raan tok maath.

21:8b.2PE.021.008 Ku na nu kake e weyiic, ku lek e ke ŋuak rot, ka yek we tɔ ye kɔc cii rot e dak ku kɔc cie rool ne ŋiny ŋiɛc wek Bɛnydan Yecu Kritho.

21:9b.2PE.021.009 Ku raan cii cath ke kake ee cɔɔr, raan cii temec dueer woi, ku aci nɔm maar e wɛk waan cii e waak piɔu ne karɛckɛn thɛɛr.

21:10b.2PE.021.010 Yen aŋuɛɛn e luɔi ba wek cok e kaar wek en nɔn ba wek cɔt e cɔɔle week ku lony e lɔce week tɔ ye yin egɔk: na luɔiki kake, ke we cii bi kɔth anandun:

21:11b.2PE.021.011 ku yen abi we dap pal lɔ e ciɛɛŋ e Bɛnydiitdan Yecu Kritho Konydayin ciɛɛŋ e tɔu athɛɛr.

21:12b.2PE.021.012 Yen a can tak bi pɔl, taŋ ban aa cool e tak ɛn weniim e kake, ciɛk, an, ŋiɛcki keek, ku yak kɔɔc aril ne loŋ yicic, loŋ tɔu ke week enɔɔne.

21:13b.2PE.021.013 Yeka, e yapiɔu, an, ee kepiɛth, ten aa yɛn week jut ne taŋ aa yɛn week tak niim, nɔn ŋuɔɔt ɛn ke ya tɔu e keemɔyeyic;

21:14b.2PE.021.014 ne ŋiny ŋiɛc ɛn en, yan, kool ban dhil pɔk woke keemɔdi e guɔ thiɔk, cit man ci Bɛnydan Yecu Kritho e nyuoth ɛn.

21:15b.2PE.021.015 Ku aba ya cok e luɔi ɛn en e akooinyiin kedhie aya, na miak ca thou, ke we dueer ekake aa tak e weniim.

21:16b.2PE.021.016 Acie kɔɔr ee paar ke e kuanyku cok, kɔɔr ci cak e pɛl, waan weet wok week e riɛldiit cath ke Bɛnydit Yecu Kritho ku bɛn ci en bɛn, wok ee kɔc ci dhueeŋdɛn dit tiŋ e wonyiin.

21:17b.2PE.021.017 Aci rieeu ku dhueeŋ yok tede Nhialic Waada, kool ɣɔn bi rol yinya tede dhueeŋdiit lak, rol lueel en, an, Wendien nhiaar ki, Wen miɛt ɛn piɔu woke yen alal.

21:18b.2PE.021.018 Erole acuk piŋ wook, ke bɔ paannhial, ɣɔn nu wok ne yen etok e kuurdit nɔm kuurdit ɣeric.

21:19b.2PE.021.019 Ku wo cath ne jam de nebii aya, jam yic egɔk, jam war jame; ku apiɛth tede week te dɔt wek jame, luɔi ee yen ciet manyalath e riau tecol, a ru piny, ago cieer e runepiny ro jɔt e wepiɔth.

21:20b.2PE.021.020 Ku kanki cooke ŋic, yan, acin jam toŋ de nebi jam de kacigɔɔr jam e lueel raan e kede nɔmde.

21:21b.2PE.021.021 Jam e guiir nebi jam e bɔ ne kede piɔn e raan acinkedaŋ etaiwei: kɔc ɣerpiɔth kɔc ke Nhialic aake ye jam guiir, te ye Weidit Ɣer ke kuaath.

22

22:1b.2PE.022.001 Ku nebii aluɛth aake nu e kɔc yiic ɣɔn, acit man bi kɔc aluɛth e kɔc wɛɛt nu e weyiic, kɔc bi looŋ e weet yalic bɛɛi thin ecueer, looŋ bi kɔc riɔɔk piɔth, arek abik Bɛnydit ci ke wɛɛr bei rɛɛc, agoki rot dap gɔn riaak.

22:2b.2PE.022.002 Ku kɔc juec abik taudɛn ye kek kaŋ riɔɔk dɔmic; agoki kueer e yic tɔ lat e lan rac.

22:3b.2PE.022.003 Ku kɔɔr ee kek weu juec kɔɔr, en a bi ke week aa cam ne jam erueeny: ku guieer bi loŋden guiir atuc, guieerdɛn thɛɛr, acie gaau, ku cii riaakden e nok.

22:4b.2PE.022.004 Ku te kene Nhialic tuucnhial pɔl tuuc ɣɔn loi kerac, ku aci keek cuat e adhum thuthic mɛc kek e joth ke cuɔlepiny abik tɔu etɛɛn aɣet kool bi loŋden guiir;

22:5b.2PE.022.005 ku te ken en piny thɛɛr pɔl, ee Noa raan e jam de piathepiɔu guiir, en e both etok keke kɔc kɔk kadherou, ɣɔn bii en amool e piny de kɔc reec Nhialic nɔm;

22:6b.2PE.022.006 ku kuiith pɛɛnydit Thɔdom ku Gomora piny e mac abik aa ŋeth, guiir en loŋden, yan, bike dhuoor piny, ago ke tɔ ye ke ye kɔc bɛɛi diim, kɔc an, bik Nhialic aa rɛɛc rieu;

22:7b.2PE.022.007 ku kony Lot raan piɛthpiɔu, raan e cool e jieth piɔu ne luɔi col ecut ee kɔc rac looi

22:8b.2PE.022.008 (raan piɛthpiɔuwe ɣɔn reer en e keyiic, ago kaŋ aa tiŋ ku piŋ ke, aa ye piɔu jiɛth e akoolnyiin ne luɔiden rac ye kek loŋ yalic):

22:9b.2PE.022.009 Te ci en kaŋ looi aya, ke Bɛnydit aŋic kɔc rieu en luok te ci ke them, ku ŋic kɔc racpiɔth mac aɣet kool e guieereloŋ ke ke bi kedɛn tuc yok;

22:10b.2PE.022.010 ku kɔc bi kedɛn tuc dit yok kek aye kɔc e ka ke yac kɔɔr, ne dom ci ke dɔm e ŋɔɔŋ de luɔi col, ku yek bany baar nyiin. Ee kɔc dham gup, kɔc ril diim, ayek adhueŋ lat gup ku ciki e riɔɔc;

22:11b.2PE.022.011 ku tuucnhial gup, kɔc ŋuan e keek ne riɛl ku bɛɛny, aciki keek e gaany e gɔny deyic lɛt e Bɛnydit nɔm.

22:12b.2PE.022.012 Ku kɔcke, kɔc cit lai roor cin niim, lai ke piny tei, lai ci cak ne dom bi ke dɔm, ku ɣath bi ke ɣath, ayek ka kucki lat, ku abik maar etaiwei ne ɣathdɛn bi ke ɣath,

22:13b.2PE.022.013 ku bik ariop de racdepiɔu yok. Thiai e kek kaŋ thiɔi akol yen aye kemit e kepiɔth, ayek kathii col ku yek kak e we tɔ gak, kɔc e ro tɔ kueth e capdɛn lueth te ye kek kamit cam ne week etok;

22:14b.2PE.022.014 kɔc ci nyiin a pirpir ne kɔɔr ee kek dieer lei kɔɔr, kɔc cin nyiin pal dueer kek kerac pɔl; ayek kɔc weŋ kɔc ci piɔth alanlau ne jam; aciɛthki ne piɔn ci kajuec ŋic e kɔɔr. Mith de gup aciɛɛn ka!

22:15b.2PE.022.015 Kɔc ci kueer lɔ cit pɔl, ku mɛɛrki, agoki kueer e Balaam wen e Beor kuanyic, raan ɣɔn nhiaar ariop de luɔi de kerac;

22:16b.2PE.022.016 ku aci jɔɔny e wac ee yen loŋ woocic: mul cin thok jam aa jam e rol e raan, ago nebi pɛn luɔidɛn e miɔɔl.

22:17b.2PE.022.017 Kɔcke ayek yith cin yiic piu, ku yek luaat kuɛɛth amaŋ; kɔc ci dueer adur tau keek aɣet athɛɛr.

22:18b.2PE.022.018 Ne luɛl e ye kek jam juec ɣɔric lueel e keliep tei, ne ŋɔɔŋ de ka ke yac, ku ne luɔi e dhoom, en aye kek kɔc weŋ, kɔc, an, bɛnki eliŋliŋ ne kɔc e tɔu ke ke wac kaŋ;

22:19b.2PE.022.019 ayek keek yɔɔk, an, We bi luony bei e himic, ku kek gup ayek liim ke dhiap de kaŋ; raan e yi tiaam, yen guop yen abi yi tɔ ye lim.

22:20b.2PE.022.020 Ku na kɔc ci kɔn poth ne kacol ke piny nɔm, ne ŋiny ee kek Bɛnydit ŋic yen aye Konydan Yecu Kritho, te ci ke bɛ deep e keek ku tiam ke, ke taudɛn cieen jɔ rac awar taudɛn tueŋ waan.

22:21b.2PE.022.021 Tee ke ken kueer e piathepiɔu ŋic ananden, adi ŋuɛɛn tede keek, ne luɔi bi kek e ŋic, ku jɔki rot bɛ thɛɛr bei e loŋic loŋ ɣeric ci yien keek.

22:22b.2PE.022.022 Ku aci tic tede keek ke cit man ee kaaŋ lueel kaaŋ yic, yan, Jo e yenɔm bɛ dhuony ŋɔkke guop, ku ŋun e kudhur ci waak e bɛ lɔ dal e tiɔkic.

23

23:1b.2PE.023.001 Yɛn ci awarek kɔn gaar week, wek kɔc nhiaar, ku renden ki; ku ne keyiic kaarou piɔthkuon awai aya ke pɔɔc abik yin, ne taŋ aa yɛn we tak niim e kaŋ;

23:2b.2PE.023.002 ke we bi wel aa tak, wel ci kɔn lueel e nebii ɣerpiɔth, ku takki loŋda wok tuuc ke Bɛnydit ku ye Konydan e Wei.

23:3b.2PE.023.003 Jaki kene kɔn ŋic, yan, Te ci thok de piny thiɔk, ke kɔc de gup agɛɛt abik bɛn e agɛɛtden, kɔc cath ne kede ŋɔɔŋdɛn e ke dɔm,

23:4b.2PE.023.004 bik ku luelki, yan, Bɛndɛn, an, bi en bɛn akou? Te ɣɔn thouwe kuarkuɔ kaŋ atɔuki kedhie e taudɛn gɔle piny e cake.

23:5b.2PE.023.005 Ku cooke acik baai ke ŋicki, yan, Tenhial anu ɣɔn thɛɛr, ku nu piny nɔm aya, biak ee tɔu biic ku tɔu biak e piu yiic, ne jam de Nhialic;

23:6b.2PE.023.006 ku epiuke kek aa riak piny e nu ɣɔn ne mol ci en mol e piu.

23:7b.2PE.023.007 Ku tenhial keke piny nu enɔɔne acike tɔɔu, ne jam mane, bik mac tht, ku ayeke muk aɣet kool e guieereloŋ de kɔc reec Nhialic, kool bi kek riaak eliŋliŋ.

23:8b.2PE.023.008 Ku week, kɔc nhiaar, duoki cook toŋe bi baai, yan, Kool tok acit agum de run tede Bɛnydit, ku agum de run acit kool tok.

23:9b.2PE.023.009 Bɛnydit acie gaau ne ke ci kɔn lueel, e gaau ee kɔc kɔk tɔ ye gaau; ku alirpiɔu ethuaat keke wook, ku acin piɔu luɔi bi raan tok maar, e luɔi bi kɔc puŋdepiɔu yok kedhie en anu e yepiɔu.

23:10b.2PE.023.010 Ku kool e Bɛnydit abi bɛn cit man e cuɛɛr; ekoole tenhial abi nyai ne awuoou dit, ku lɛɛŋ kanhial ne tuoc de manydit, ku piny abi nyop keke ka ci looi thin abi lɔ kuith piny.

23:11b.2PE.023.011 Ku enɔɔne, nɔn bi kake riaar kedhie, bak dhil aa kɔc cit ŋo ne reerduon ɣeric aa wek reer ku rieeuduon aa wek Nhialie rieu,

23:12b.2PE.023.012 ku tiet aa wek bɛn de kool e Nhialic tiit, an, bak dap loor, kool bi tenhial ɣɔk mac, ago riaar, ku lɛɛŋ kanhial ne tuoc de many dɛp alal?

23:13b.2PE.023.013 Ku wook, acit man ci en e kɔn lɛk wook, wok tit tenhial bi piac cak, ku piny bi piac cak aya, piny reere piathepiɔu thin.

23:14b.2PE.023.014 Yen tede ka, wek kɔc nhiaar, ne tiet tiɛɛt wek ka cit ekake, yak cok e kaar wek luɔi bi we yok ke we rɛɛr ediu, ke we cin piɔth tethiin col, ku cin ke bi we gɔk e yenɔm.

23:15b.2PE.023.015 Ku jaki liɛɛr e Bɛnydiitda piɔu tɔ ye kunydewei; acit man ci Paulo mɛnhkenedan nhiaar e gaar week, ne kede pɛlenɔm ci yinn en;

23:16b.2PE.023.016 acit man ci e lueel e awareekke yiic kedhie, te jiɛɛm en e keyiic ne kake. Ku cok kɔk anuki thin cok cii e dap yok yiic, cok ye kɔc kene wɛɛt puk aye kerac, ayi kɔc ken lik piny e gam, cit man ee kek kacigɔɔr kɔk puk aya, lek rot gɔn riaakden.

23:17b.2PE.023.017 Ku week, wek kɔc nhiaar, ne ŋiny ca wek kake kɔn ŋic, yak ro tiit, ke we cii bi thɛl wei ne kɔc reec loŋ gam etok, ne wac ee kek kaŋ wooc, aguɔki cuo wieek te waan kan wek aa kɔɔc aril.

23:18b.2PE.023.018 Yak lɔ ke we lɔ tueŋ ne dhueeŋ de wepiɔth ku ne ŋiny ŋiɛc wek Bɛnydiitdan Yecu Kritho, yen aye Konydan e wei. E dhueeŋ e ye tɔu ke ye kede ayi enɔɔne aɣet athɛɛr. Amen.