1 Peter (Dinka)

11

11:1b.1PE.011.001 Yɛn Petero, tuny e Yecu Kritho, awarek en gaar kɔc ci thiei e wot lei, kɔc e tɔu e Ponto, ku Galatia, ku Kapadokia, ku Athia, ku Bithnhia,

11:2b.1PE.011.002 kɔc ci lɔc ne ŋiny ee Nhialic Waada ka ŋoot tueŋ ŋic, ku ci Weidit ke tɔ ɣerpiɔth, bik kede Yecu Kritho aa piŋ ku bike yoor ne riɛmde: E dhueeŋdepiɔu ku mat e ke ŋuak nyiin tede week.

11:3b.1PE.011.003 Thieithieei Nhialic Wun Bɛnydan Yecu Kritho, Raan e be wo tɔ dhieth ne kok kook en piɔu aret, ku yin wook aŋɔth piir ne jon ci Yecu Kritho ro jɔt e kɔc ci thou yiic,

11:4b.1PE.011.004 ke wo bi kedaŋ lɔɔk lak, ke cii bi dhiap, ku cinic acuɔl, ku cii bi yom, ke ci tɔɔu paannhial tite week,

11:5b.1PE.011.005 wek kɔc ci gel e riɛl e Nhialic ne gam, bak kunydewei yok, kuny ci thok e guiɛɛk, ke bi tic ekool rial wadaŋ.

11:6b.1PE.011.006 Ku yen a ya wek piɔth miɛt aret, acakaa wek e ye piɔth dhil jiɛth tethiinakaŋ enɔɔne ne them kithic ee we them,

11:7b.1PE.011.007 ke them cii gamdun them, luɔi ee yen kepiɛth alal awar adhaap bi riaak, acakaa yen e them e mac, ka bi yok aye kede lɛc ku dhueeŋ ku rieeu ekool bi Yecu Kritho ro nyuɔɔth.

11:8b.1PE.011.008 Ee raan nhiaarki, na cakaa yen e kɛnki tiŋ; ku ye raan cak gam, na cakaa yen e caki woi guop enɔɔne, aguɔki piɔth miɛt ne miɛt cii theme thok, ku deyin dhueeŋ dit;

11:9b.1PE.011.009 ne yoŋ aa wek ariop de gamdun yok, yen aye kuny de weikun.

11:10b.1PE.011.010 Ku kunydeweiye aa ye nebii luɔp aret, ku yek cok e kɔɔr kek en, nebii ɣɔn e kaŋ caar ne kede dhueeŋdepiɔu bi aa kedun;

11:11b.1PE.011.011 ayek cok e kɔɔr kek en, yan, Ee koolou ku nɔn ee yen kool cit ŋo, kool ci Weidit nu e keyiic nyooth, ɣɔn lueel kek ka bii Kritho guum, ku dhueeŋ bi bɛn e kecok, ke ke ŋoot wei.

11:12b.1PE.011.012 Ku aci nyuoth keek, nɔn cii en e biakden, ee biakdun yen aa ye kek kake looi, ka ci guieer week enɔɔne ne kɔc waan guiir week welpiɛth ne riɛl e Weidit Ɣer Wei e tooc paannhial; ku tuucnhial ayek kake kɔɔr luɔi woi kek keyiic.

11:13b.1PE.011.013 Yen juɔɔc wek wepiɔth, ku yak yin, ku yak cok e ŋaath wek dhueeŋdepiɔu bi yien week ekool bi Yecu Kritho ro nyuɔɔth;

11:14b.1PE.011.014 yak ciet mith e kaŋ piŋ, aguɔki cuo rɛɛr e reerduon waan ne kede ŋɔɔŋduon waan e we dɔm ne kuny aa wek kepiɛth kuc.

11:15b.1PE.011.015 ku acit man ɣeer en piɔu yen Raan e cɔl week, ke wek ayadaŋ yak reer ke we ɣerpiɔth e kerieecic ebɛn;

11:16b.1PE.011.016 luɔi ci e gɔɔr, yan, Yak piɔth ɣɛɛr ne luɔi ɣɛɛr ɛn piɔu.

11:17b.1PE.011.017 Ku te ya wek Waada cɔɔl rin, Raan e loŋ guiir ne ke roŋ ke luɔi de raan ebɛn, ku cii kɔc e kuany yiic, ke we rɛɛr e akoolkuon e kɛny wek etene ke we riɔc:

11:18b.1PE.011.018 ne ŋiny ŋiɛc wek en, an, acie ka dueer dhiap, cit ateek ku adhaap, kek e weere we bei ne tauduon ɣɔric cak yok tede kuarkun;

11:19b.1PE.011.019 ee riɛm piɛth de naamde, cit riɛm de nyɔŋ amaal lɔ guop kuiny ku cin tethiin col, en aa weere we bei; yen aye riɛm de Kritho,

11:20b.1PE.011.020 raan ci kɔn ŋic ɣɔn thɛɛr ke piny ŋoot ke kene cak, ku ci nyuɔɔth ekool e thok e piny ne biakdun,

11:21b.1PE.011.021 wek kɔc ci Nhialic gam ne yen, Nhialic waan jɔt en nhial e kɔc ci thou yiic, ku jɔ gam dhueeŋ; ke gamdun ku aŋɔthdun ke ke bi aa tɔu e Nhialicic.

11:22b.1PE.011.022 Ku nɔn ca wek wepiɔth tɔ ɣer ne gam ca wek yic gam ne riɛl e Weidit, gam ci we yiek piɔth nhieer aa wek mithekɔckun nhiaar e nhieer cinic lueth, ke we nhiaar rot aret e piɔn ɣeric ewic:

11:23b.1PE.011.023 wek e cii beye dhieeth e kɔth bi dhiap, ee kɔth cii bi dhiap kek a beye ke we dhieeth, ne jam e Nhialic jam piir ku ye tɔu athɛɛr.

11:24b.1PE.011.024 Raan ebɛn acit wal, Ku dhueeŋ de raan ebɛn acit gaak ee wal moc. Wal ee biɔɔr, ku jɔ gaak ci moc aa loony piny:

11:25b.1PE.011.025 Ku jam e Nhialic atɔu aɣet athɛɛr. Ku yen aye jam waan guiire week, jam piɛth.

12

12:1b.1PE.012.001 Yen pal wek racepiɔu ebɛn, ku rueeny ebɛn, ku piɔn deyic aguk, ku tiɛɛl, ku jam rac ebɛn.

12:2b.1PE.012.002 Taki rot cit mith ci piac dhieeth, aguɔki cɛk ke jam e Nhialic aa kɔɔr, cɛk awai, ke we bi dit e keek a konye we wei;

12:3b.1PE.012.003 te ca wek dhueeŋ de Bɛnydit piɔu yok eyic.

12:4b.1PE.012.004 Ee kuur piir, kuur cii kɔc rɛɛc eliŋliŋ eyic, ku ye kuur e lɔc Nhialic, aye kuur de naamde, ku na baki te nu yen,

12:5b.1PE.012.005 ke week aya wek e ciet kuur piir, ago we yik a ye ɣon e wei, bak aa bany ɣerpiɔth bany ke ka ke Nhialic, bany e ka ye lam ku nak keek yien Nhialic ka ke wei, kamit e Nhialic piɔu ne Yecu Kritho.

12:6b.1PE.012.006 Luɔi nu cooke e kecigɔɔric, yan, Wɔiki, yɛn tɛɛu kuur dit e Dhiɔnic, kuur nu e aguk de panyic, kuur ci lɔc, ku de naamdɛn dit: Ku raan gam en acin yaar bi en yaar.

12:7b.1PE.012.007 Yen a de en naamde tede week, wek kɔc ci gam: ku tede kɔc reec gam, Kuur ɣɔn reece yiik, Yen guop aci tɔ ye kuur diit nu e aguk de panyic;

12:8b.1PE.012.008 ku Kuur ee kɔc kɔth e ye, ku ye kuurdit e kɔc tɔ wieek; kɔc e kɔth e jam, ne reec ee kek wel rɛɛc gam: kedɛn ci mɛk keek ki.

12:9b.1PE.012.009 Ku wek ee dhien ci lɔc, bany ke ka ke Nhialic, bany ke dhien e malik, jur ɣerpiɔu, kɔc lɛɛn ke Nhialic pei, ke we bi kɔc aa guieer piath de Raan e cool week bei e cuɔlic bak aa tɔu e ɣɛɛrdɛn e pinyic ɣɛɛrdɛn e gai.

12:10b.1PE.012.010 Ɣɔn wek e cie kɔc, ku enɔɔne we ci aa kɔc ke Nhialic: wek aa ken kokdepiɔu yok ɣɔn, ku enɔɔne acak jɔ yok.

12:11b.1PE.012.011 Wek kɔc nhiaar, wek laŋ, luɔi ciet wek kamaan ku cietki kɔc ci ɣap e wot lei, ke we bi ŋɔɔŋ de ka ke piny nɔm aa pɔl, ee ke ye tɔŋ biok ne weikun.

12:12b.1PE.012.012 Yak ŋiec reer apiɛth e juooric; ku na cak aa kek e ye we tum gup, acak ciet kɔc e kerac looi, ka bik Nhialic dhil lɛc nɔm ekool bi en kɔc bɛn neem, ne luɔiduon piɛth yek tiŋ.

12:13b.1PE.012.013 Yak ciɛɛŋ ebɛn gam ne biak de Bɛnydit ciɛɛŋ ee kɔc piny cieŋ: nɔn ee yen malik, raan nu e kɔc niim kedhie;

12:14b.1PE.012.014 ku nɔn ee kek mudhiir, kɔc e tooc e yen lek kɔc e kerac looi dui ku lek kɔc e kepiɛth looi leec.

12:15b.1PE.012.015 Yen aye kede Nhialic piɔu, yen luɔi aa wek kepiɛth looi, aguɔki kɔc cin nɔm miɛɛm e kuny kuc kek kaŋ.

12:16b.1PE.012.016 Na cak aa wek e ye kɔc e cath e kede yenhden, ke we duoki cath aa wek cath e kede yenhdun tɔ ye ken e luɔi de kerac kum, yak tɔu cit him ke Nhialic.

12:17b.1PE.012.017 Yak raan theek ebɛn. Yak mithekɔckun nhiaar. Yak riɔɔc e Nhialic. Yak malik rieu.

12:18b.1PE.012.018 Wek liim, yak reer e banykun cok ne rieeu aa wek ke rieu; ku acie bany piɛth kapac, bany e jam emaath, ee bany e jam ke ke guel looŋ, kek aba wek ke reer e kecok aya.

12:19b.1PE.012.019 Ku te guume raan karac ne biak de rieeu rieu en Nhialic, ka ci duoi ɣɔric, yen aye dhueeŋdepiɔu.

12:20b.1PE.012.020 Ku na duiye week e ka cak wooc, ku jaki guum ne piɔn lir, ke bi aa dhueeŋ ŋo? ku na cakaa wek e ci kepiɛth looi, ke we dui, kene yen aye dhueeŋ tede Nhialic.

12:21b.1PE.012.021 Yen ekene yen a coole week; luɔi ci Kritho kaŋ guum aya ne biakdun ago we nyaŋ ke bak dɔmic, ke we bi taude aa kuanyic:

12:22b.1PE.012.022 raan cin kerɛɛc ci looi, ku cin rueeny ci yok e yethok:

12:23b.1PE.012.023 raan waan lɛɛte, ku cii be lat; waan guum en kerac, ke cii kɔc wai; ku ci kede taau e Raan cin Raan e loŋ ŋiec guiir egɔk.

12:24b.1PE.012.024 Yenguop e karɛckuɔ ɣaac e yeguop e tim kɔu, luɔi bi wok thou tede kerac, ku jɔku piir tede piathepiɔu; dui e duiye ye, en aa tɔ we dem.

12:25b.1PE.012.025 Waan wek e cit thok e tai; ku enɔɔne we ci weniim pɔk Tindun Raan e weikun tht.

13

13:1b.1PE.013.001 Yen acit reer ba wek aa reer e jam de roorkun yiic roorkun gup, wek diaar; ku na cak dɛ roor cii jam gam, ka dueereke tɔ gam ne tau piɛth de dieerken, na cakaa yen e cin jam;

13:2b.1PE.013.002 te ye kek taudun ɣeric egɔk woi tauduon deyic rieeu.

13:3b.1PE.013.003 Ku kieer aa wek ro kiir, duoki e tɔ ye kieer e nai de nhim, ku ciɛɛŋ de adhaap, ku ciɛɛŋ de lupɔ lak, kieer e biak biic tei;

13:4b.1PE.013.004 yak kieerdun tɔ ye raan ci thiaan e wepiɔth, raan lirpiɔu ku cin thok wel, yen aye kieer cii bi dhiap, kieer de naamdɛn dit e Nhialic nɔm.

13:5b.1PE.013.005 Yen aye kieer e ye dieer ɣerpiɔth ro kiir ɣɔn thɛɛr aya, dieer ee Nhialic ŋɔɔth, ku yek reer e jam de roorken yiic roorken gup:

13:6b.1PE.013.006 acit man ee Thara kede Abraɣam piŋ, go aa cɔɔl, yan, Bɛny: ku wek ci guɔ aa nyurke, te ya wek kepiɛth looi, ku caki e riɔɔc e kedaŋ abak piɔth a tec.

13:7b.1PE.013.007 Yen acit reer ba wek aa reer ne dieerkun etok, wek roor, abak ro ŋic apiɛth, ku yak tik theek, ku yak muk emaath, cit man e tony kɔc, luɔi aa wek kɔc bi dhueeŋ de piir lɔɔk lak ne keek etok; ke lɔŋduon aa wek lɔŋ ke cii bi gɔɔu.

13:8b.1PE.013.008 Cook cieen, yak tɔu ne piɔn tok wedhie, yak piɔth dap dhiau e rot wapac, yak rot nhiaar cit mith ke raan tok, yak piɔth dap kok, yak rot tɔ kor.

13:9b.1PE.013.009 Duoki kerac e puk nɔm e kerac, ku lɛt duoki e puk nɔm e lɛt; acie yen, athiɛɛi yen aba wek e puk nɔm; luɔi ŋiɛc wek en, yan, e luɔi ba wek athiɛɛi lɔɔk lak, yen ke e coole week ka. Luɔi ci e gɔɔr, yan,

13:10b.1PE.013.010 Raan de piɔu luɔi nhiɛɛr en piir, Ku jɔ kool piɛth tiŋ, Ke ye yeliep pɛn jam rac, Ku ye yethok pɛn jam erueeny:

13:11b.1PE.013.011 E ye ro yal e luɔi de kerac, ku ye kepiɛth jɔ looi; E ye mat kɔɔr, ku jɔ aa cop.

13:12b.1PE.013.012 Nyin ke Bɛnydit ayek kɔc piɛthpiɔth woi, Ku yithke ayek palden dap piŋ: Ku Bɛnydit ee yenyin jɔt e kɔc e kerac looi.

13:13b.1PE.013.013 Ku eeŋa bi we luoi kerac, te ya wek kɔc e kepiɛth kuanyic?

13:14b.1PE.013.014 Ku na cakaa wek e gum kerac ne biak de piathepiɔu, ke we ci thieei: ku duoki e riɔɔc e riɔcden, ku duoki wepiɔth e tɔ jeth:

13:15b.1PE.013.015 ku yak Kritho theek e wepiɔth taki e Bɛnydit. Yak cool e cɔc wek rot, ke we bi loŋ de raan ebɛn ŋiec aa bɛɛr, raan e we thieec ne kede aŋɔth ŋathki, abak aa bɛɛr ne piɔnlir ku rieeu;

13:16b.1PE.013.016 yak cath e piɔn agɔk; ku na cakaa kek e ye we tum gup, yan, yak kɔc e kerac looi, ka bik yaar kek kɔc e reerduon piɛth e Krithoyin lat.

13:17b.1PE.013.017 Te nu yen e Nhialic piɔu nɔn ba wek kaŋ guum ne biak de luɔi piɛth yak looi, yen aŋuan ne luɔi guoom wek kaŋ ne biak de luɔi de kerac.

13:18b.1PE.013.018 Luɔi ci Kritho kaŋ guum aya raantok ne kede kerac, raan piɛthpiɔu en aa gum kaŋ ne biak de kɔc racpiɔth, luɔi bi en wo lɛɛr te nu Nhialic; e tɔ thou e guopic, ku tɔ piir e wei yiic; ago lɔ aya ne wei yiic le wei ci mac guieer wel,

13:20b.1PE.013.020 wei ke kɔc e loŋ rɛɛc piŋ ɣɔn thɛɛr, ɣɔn tiite liɛɛr e Nhialic piɔu kɔc ɣɔn nu Noa, te ɣɔn looiye abeldit, abel ɣɔn ci kɔc liaakaŋ kony wei thin, kɔc kabɛt, ne piu.

13:21b.1PE.013.021 Ku yen acit kuny ee baptith wo kony wei enɔɔne aya, acie bii bi acuɔl e raan guop bɛɛi bei, ee kɔɔr ee raan kɔɔr luɔi ŋic en epiɔu nɔn le en gɔk e Nhialic nɔm, ne jon ci Yecu Kritho ro jɔt;

13:22b.1PE.013.022 raan ci lɔ paannhial, ku ye tɔu e ciin cueny de Nhialic; ku tuucnhial ku bany ku riɛl acike tɔ piŋ kede.

14

14:1b.1PE.014.001 Ku enɔn ci Kritho kaŋ guum e biakda e yeguop, ke week aya, yak wepiɔth tɔ thoŋ e piɔnde; raan ci kaŋ guum e yeguop aci guɔ pɔk ke kerac;

14:2b.1PE.014.002 ago tau tau wek e guopic e akoolkuon e piir ci doŋ tede week, ago cie kede ŋɔɔŋ e kɔc dɔm, abi aa kede piɔn e Nhialic.

14:3b.1PE.014.003 Akool waan ci wan acik dhil loi, kool waan ee wok kamit e Juoor piɔth looi, kool e ye wok cool e loi luɔi de dhoom, ku ŋɔɔŋ de kerac, ku deŋ de mɔu, ku thueec rac, ku win ee kɔc wit e mɔu, ku lam de yieth col ecut.

14:4b.1PE.014.004 Ku kɔcke ayek gai ne luɔi rɛɛc wek ro cuat e kerɛɛc gokdiiteyin cit man e kek, agoki week aa lat e lan rac:

14:5b.1PE.014.005 kɔc bi keden lueel e bɛny nɔm bɛny ci ro coc bi loŋ dap guiir loŋ de kɔc piir ayi kɔc ci thou.

14:6b.1PE.014.006 Yen aa guiire welpiɛth kɔc aɣɔl kɔc ci thou, ke loŋden bi guiir e guieer e kɔc rɛɛr e guopic, ku bik piir e wei yiic ne kede Nhialic piɔu.

14:7b.1PE.014.007 Ku thok bi kaŋ thok kedhie aci guɔ thiɔk: yen piath wek niim, ku yak ro tiit aguɔki Nhialic ŋiec aa lɔŋ:

14:8b.1PE.014.008 ku cook nu e cok niim, ee nhieer ba wek rot nhiaar alal; nhieer ee kutdiit e karac kum:

14:9b.1PE.014.009 yak rot nyuooc, e ŋɛk e ŋɛk nyuooc, ke cin dok aa wek dok e weyac:

14:10b.1PE.014.010 week wedhie, te ci raan kedaŋ yok ke ci gam en, ke teke kemane kɔc, en a ba wek ciet kɔc piɛth ci taau e dhien nɔm, kɔc ŋic dhueeŋ e Nhialic dot dhueeŋ kithic:

14:11b.1PE.014.011 raan guir wel, ke ke guiir cit man ee kek wel ke Nhialic; raan loi ka ke kɔc e ke looi ne riɛl cii Nhialic yien en: ke Nhialic bi dhueeŋ yok ne Yecu Kritho e kerieecic ebɛn, Raan de nɔm dhueeŋ ku ciɛɛŋ aɣet athɛɛr ya. Amen.

14:12b.1PE.014.012 Wek kɔc nhiaar, duoki gai e them tuc cit mac nu e weyiic, them ee we them enɔɔne, duoki e lueel, an, ee kegai mɛɛn pei ke ci tuol tede week:

14:13b.1PE.014.013 ku yak piɔth miɛt, ne rom ram wek ka ci Kritho guum ne yen etok; na miak, te ci dhueeŋde ro nyuɔɔth aya, ke we bi piɔth miɛt abak piɔth a yum.

14:14b.1PE.014.014 Ten ee we cak thook ne biak de rin ke Kritho, ka ye thieithieei week; Wei ke dhueeŋ ku Wei ke Nhialic e ke rɛɛr e wegup: ee ke bi aa laat tede keek, ku ye dhueeŋ tede week.

14:15b.1PE.014.015 Ku e cin raan e weyiic raan bi kede yok e naŋ ci en raan nɔk, ku luɔi ee yen cuɛɛr, ku luɔi ci en kerac looi, ku ne cook e ye jamde cuɔɔk e jam de kɔc kɔk yiic:

14:16b.1PE.014.016 ku na guum raan kerac ne baŋ ee yen Krithiaan, ke cii yaar; e lec Nhialic ne rinke.

14:17b.1PE.014.017 Kool bi loŋ gɔl e guieer ɣon e Nhialic ki, ci bɛne: ku te ci e kɔn gɔl e wook, ke ke bi kɔc yok rial bi ciet ŋo kek kɔc e welpiɛth ke Nhialic rɛɛc piŋ?

14:18b.1PE.014.018 Ku te ye raan piɛthpiɔu kony wei e kadhal, ke raan reec Nhialic ku raan e kerac looi bik tic tenou?

14:19b.1PE.014.019 Yen ka, e kɔc e kerac guum ne kede piɔn e Nhialic e ke ye weiken kuɛi Nhialic ne luɔiden piɛth yek looi, luɔi ee yen Aceŋdiit e kaŋ ŋiec dot.

15

15:1b.1PE.015.001 Roordit nu e weyiic kek yɔɔk, ku yɛn ee monydit aya, ku ya caatɔ de ka cii Kritho guum, ku ya raan bi dɛ kedi aya ne dhueeŋic dhueeŋ bi ro nyuɔɔth rial:

15:2b.1PE.015.002 yan, Yak luny e Nhialic tiit luny nu e weyiic, abak keek aa tiit, ke cin raan e we cieŋ, ee kede piɔndun tei; ku acie biak de weu ke ayaar, ee miɛtepiɔu yen a ba wek keek aa tht;

15:3b.1PE.015.003 ku duoki e ya bany e kɔc cieŋ, kɔc ci we taau e keniim, taki rot e kɔc bi lunydun taudun aa dɔmic.

15:4b.1PE.015.004 Na elemiak te ci Tindiit e Thok tuol, Tin nu e tiit niim, ke we bi gol e dhueeŋ yok gol cii bi biɔɔr anande.

15:5b.1PE.015.005 Ku week aya, wek kɔc kor, yak ka ke kɔc dit piŋ. Yeka, week wedhie, yak wethook pieeŋ, abak kuur aa wek ro kuɔɔr piny cieŋ cit man e lupɔ: Nhialic ee kɔc e ro tɔ dit ŋɛny, ku ye kɔc e ro kuɔɔr piny gam dhueeŋdepiɔu.

15:6b.1PE.015.006 Yen kuɔɔr wek ro piny e Nhialic cin cin ril etor, ke bi we jat nhial ekooldɛn piɛth;

15:7b.1PE.015.007 yak diɛɛrduon aa wek diɛɛr ebɛn cuat e yekɔu, luɔi ee yen diɛɛr ne kedun.

15:8b.1PE.015.008 Yak ro tiit, yak yin: raan de ater ke week, yen aye jɔŋdiit rac, ee cool e ciɛɛth piny, cit man e koor e kiu, ke ye raan bi cuaal kɔɔr:

15:9b.1PE.015.009 yak ŋɛny, abak aa kɔc ril ne gam, ne ŋiny ŋiɛc wek en, yan, mithekɔckuon nu e piny nɔm aye katuc mane ke dhal kacit ka dhal week.

15:10b.1PE.015.010 Ku enɔɔne, Nhialic de piɔu dhueeŋ ebɛn, Raan ci we cɔɔl ne kede dhueeŋdɛn e tɔu athɛɛr ne Kritho Yecu, miak, te ca wek kaŋ guɔ guum tethiinakaŋ, e we tɔ ye dikedik yen guop, ku tɔ we kaac, ku tɔ we ril, ku tɔ we lik piny.

15:11b.1PE.015.011 Ne ye tɔu keke dhueeŋ ku riɛldit aɣet athɛɛr ya. Amen.

15:12b.1PE.015.012 Yɛn e awarek ceke tɔ luethe week e Thiluano, raan ŋiɛc nɔn ee yen mɛnhkenedan adot, aca gaar week riɛɛt ɛn wepiɔth, ku ta rot e caatɔ ne cooke, yan, Kene ee dhueeŋ de Nhialic piɔu dhueeŋ yic, dhueeŋ kaac wek thin.

15:13b.1PE.015.013 Wek thieec kanithɔ nu Babulon, kɔc ci lɔc ne week etok; ku wek thieec Mak wendi aya.

15:14b.1PE.015.014 Thiecki rot wapac ne ciem de nhieer. E mat tɔu ke week wedhie wek kɔc nu e Kritho Yecuyic. Amen.