Philemon (Dinka)

1

1:1b.PHM.001.001 Yɛn Paulo, raan ci mac e kede Yecu Kritho, woke Timotheo mɛnhkeneda, awarek en gɛɛrku yin Pilemon raan nhiaarku, ku ye raan e luui ke wook etok,

1:2b.PHM.001.002 ku Apia nyankeneda, ku Arkipo raan e tɔŋ biok ke wook etok, ku kanithɔ nu ɣondu:

1:3b.PHM.001.003 E dhueeŋdepiɔu ku mat e ke ye tɔu ne week, ne ke bɔ tede Nhialic Waada keke Bɛnydit Yecu Kritho.

1:4b.PHM.001.004 Yɛn ee Nhialicdi leec, ku yin a cool e luɛɛl rin e loŋdiyic,

1:5b.PHM.001.005 piŋ can nhieerdu piŋ ku piɛŋ gamduon ci yin Bɛnydit Yecu gam, ku nhieer nhiɛɛr yin kɔc ɣerpiɔth kedhie;

1:6b.PHM.001.006 ku yɛn ee lɔŋ, ke man mɛte kɔc e gamduyic ke bi dɛ naamdɛn dit, agoki kepiɛth ebɛn ŋic egɔk kepiɛth yok yok, ne Kritho Yecu.

1:7b.PHM.001.007 Wok mit piɔth alal ku ci wo riit piɔth ne nhieerduon ee yin kɔc nhiaar, luɔi ci kɔc ɣerpiɔth tɔ lɔ piɔth guik piny ne yin, mɛwaar.

1:8b.PHM.001.008 Ku enɔɔne, acakaa yɛn e dueer yin yɔɔk aril, an, dhil kepiɛth looi,

1:9b.PHM.001.009 ku ne biak de nhieer nhiaar ɛn yin, yin laŋ tei, yɛn raan cɔl Paulo mony ci dhiɔp, ku ye raan mac enɔɔne aya ne baŋ de Yecu Kritho:

1:10b.PHM.001.010 yin laŋ ne biak de mɛnhdi Onethimo, mɛnh ca dhieeth e jothki yiic,

1:11b.PHM.001.011 ee mɛnh waan cin naamde tede yin, ku enɔɔne e dɛ naamde tede yin ku tede yɛn:

1:12b.PHM.001.012 ku aca bɛ tuoc yin yenguop, ku yin, beye dɔm, yen yanydi ki:

1:13b.PHM.001.013 ku yɛn aa de piɔu luɔi ban e peen bi reer ke yɛn le e nyinduyic, bi kaki aa looi ne mac mac ɛn ne baŋ de welpiɛth:

1:14b.PHM.001.014 ku acin ke duɛɛr looi te kɛn ɛn kede piɔndu piŋ; ke cin raan bi yi cieŋ ne luɔiduon e dhueeŋ, abi aa kede yinpiɔu etok.

1:15b.PHM.001.015 Thar e ke pak wek e akool liaakaŋ ayin aa luɔi bi yin e bɛ noom abi aa kedu anande;

1:16b.PHM.001.016 ku cii bi bɛ ciet man e iim tei, abi lim woor, ee mɛnhkui nhiaar, arek ɛn a nhiaar alal, ku yin, cii nhiaar e nhieer war nhieer nhiaar ɛn en, e yeguop ku ne Bɛnyditic aya?

1:17b.PHM.001.017 Te ci yin a tɔ ye raan ram wek kaŋ etok, ke jɔ dɔm cit man dueer yin a dɔm.

1:18b.PHM.001.018 Ku te ci en yin wac kaŋ, ku na de keduon cath ke ye, ke jɔ taau e yayeth;

1:19b.PHM.001.019 yɛn Paulo, aca gɔɔr e yacin guop, aba cool: ku yɛn aca dueer lɛk yin en yoŋ ci yin weiku yok tede yɛn aya.

1:20b.PHM.001.020 Yeka, mɛwaar, tɔ ya mit piɔu wo yin e Bɛnyditic: tɔ ya lɔ piɔu guik piny e Krithoyic.

1:21b.PHM.001.021 Aŋiɛc nɔn bi yin kedi gam, yen a gaar ɛn yin, ku aŋiɛc nɔn bi yin ke war ke luɛɛl looi ayadaŋ.

1:22b.PHM.001.022 Ku guik te ban reer aya: yɛn ŋath nɔn bi a yien week ne kede lɔŋduon aa wek lɔŋ.

1:23b.PHM.001.023 Yin thieec Epepara, raan mac wok etok ne biak de Kritho Yecu;

1:24b.PHM.001.024 ku Mak aya, ku Aritharko, ku Demath, ku Luk, kɔc e luui wok etok.

1:25b.PHM.001.025 E dhueeŋ de Bɛnydan Yecu Kritho piɔu e ye tɔu ke weikun. Amen.