1 Timothy (Dinka)

11

11:1b.1TI.011.001 Yɛn Paulo, tuny e Yecu Kritho ne loŋ de Nhialic Konyda, ku aŋɔthdan Kritho Yecu;

11:2b.1TI.011.002 ee Timotheo en gaar, ee mɛnhdien yic ne gam. E dhueeŋdepiɔu e ye tɔu ke yin, ku kokepiɔu, ku mat, ne ke bɔ tede Nhialic Waada ku Kritho Yecu Bɛnydandit.

11:3b.1TI.011.003 Acit man waan yɔɔk ɛn yin, yan, ba doŋ Epetho, waan la yɛn Makedonia, luɔi bi yin kɔc kɔk yɔɔk, yan, Duoki e weet e weet mɛɛn,

11:4b.1TI.011.004 ku duoki paarekɔɔr e piŋ, ayi jam de rɛm thɛɛr, jam cin pekde, ee kak e teer bɛɛi tei, ku aciki kɔc e tɔ kuet ne ka ke Nhialic ku ne gam: jɔ keek aa yɔɔk wuya, mɛnhdi.

11:5b.1TI.011.005 Thar e jam ci guiir en aye nhieer ee kɔc rot nhiaar ne piɔn agɔk ku ne ŋiny ee raan epiɔu ŋic nɔn piɛth en egɔk, ku ne gam cinic mɛthenyin;

11:6b.1TI.011.006 kake aci kɔc kɔk ke rot yal, ku jɔki kepiɔth wɛl jam ɣɔric;

11:7b.1TI.011.007 adeki piɔth luɔi bi kek aa kɔc e weet e loŋ, ku kucki ke luelki, ayi thar e jam ŋɛkki akucki ayadaŋ.

11:8b.1TI.011.008 Ku loŋ aŋicku nɔn piɛth en, te tiiŋe raan eyic e luɔi,

11:9b.1TI.011.009 luɔi ŋic wok kene, yan, Loŋ akene taau ne kede raan piɛthpiɔu, ee kede kɔc reec loŋ gam kɔc e loŋ yalic, yen aa tɛɛuwe ye, ayi kede kɔc reec Nhialic gam ku kɔc e kerac looi, kede kɔc cin piɔth rieeu ku cinki gup athɛɛk, kede kɔc e warken dui ku duiki marken, kede kɔc e kɔc nɔk,

11:10b.1TI.011.010 kede kɔc e diaar kɔɔr, ku roor e roor kɔɔr, ku kɔc e kɔc peec, ku kɔc e lueth toor, ku kɔc e guutguut lueel e lueth, ku na de daŋ ke de ater ke wcet piɛth,

11:11b.1TI.011.011 ke cii ram keke welpiɛth ke dhueeŋ de Nhialic de athiɛɛi, welpiɛth ci taau e yacin ba ke dot.

11:12b.1TI.011.012 Ku aluɛɛl, an, Thieithieei raan ci a gam riɛl, yen Kritho Yecu Bɛnydandit, luɔi ci en a tɔ ye raan adot, ago ya dɔm ba luɔide looi;

11:13b.1TI.011.013 acakaa yɛn e ye raan ee Nhialic laat ɣɔn, raan e kɔc yɔŋ, ku ye ke kuur: ku yɛn e kokdepiɔu yok, luɔi can e looi ke kuoc ne cien gam;

11:14b.1TI.011.014 ku dhueeŋ de Bɛnydittda piɔu aci ro ŋuak abi dit alal keke gam ku nhieer nu e Kritho Yecuyic.

11:15b.1TI.011.015 Ee jam yic ekene, jam e roŋ ne luɔi bi kɔc gam kedhie, yan, Kritho Yecu aa bɔ e piny nɔm bi kɔc e kerac looi bɛn kony wei. Ku yɛn ee raan nu e kɔc niim tueŋ ne rac:

11:16b.1TI.011.016 ku yen aa yɔk ɛn kokdepiɔu, e luɔi bi Yecu Kritho guomdepiɔu ebɛn tɔ tiec e yaguop, yɛn eraan nu tueŋe, ku luɔi ba yɛn aa raan bi kɔc woi ku dɔmki taudiyic kek kɔc bi kede gam agoki piir athɛɛr yok.

11:17b.1TI.011.017 Ku enɔɔne, Malik tɔu aɣet athɛɛr ya, ke ci dhiap, ku cii dueere tiŋ, yen Nhialic de nɔm pɛl etok, e rieeu ku dhueeŋ e ke ye tɔu ne Yen aɣet wadaŋ thɛɛr. Amen.

11:18b.1TI.011.018 Thone yen a taau e yicin, yin Timotheo mɛnhdi, ne baŋ de wel ci kɔn guiir tueŋ ne kedu, ke bi yin ke tɔŋ piɛth aa biɔk:

11:19b.1TI.011.019 ku ba gam aa muk, ku muk ŋiny ee yin yipiɔu ŋic nɔn le en gɔk; ŋinye acii kɔc kɔk cuat wei, agoki gamden tɔ riaak, acit man e abel ci pol e piu yiic:

11:20b.1TI.011.020 kɔc deyiic yi Kumenayo keke Alekandaro; kɔc ca yien Catan, luɔi bi ke wɛɛt, ke ke cii Nhialic bi aa laat.

12

12:1b.1TI.012.001 Yen a kan ɛn yi yɔɔk e kaŋ kedhie, yan, Pal, ku lɔŋ, ku kɔɔr e kedaŋ, ku thieithieei, abike ya lueel ne baŋ de raan ebɛn;

12:2b.1TI.012.002 ne baŋ de mahik, ku kɔc nu e kɔc niim kedhie; luɔi bi wo tɔu ke wo reer ke cin riɔɔc, ku reerku ediu, ne rieeu diit ee wok Nhialic rieu ku thɛk ee wo kɔc theek.

12:3b.1TI.012.003 Kene ee kepiɛth tede Nhialic Konydanewei, ku piɛth e yepiɔu,

12:4b.1TI.012.004 Raan de piɔu luɔi bi kɔc kony wei kedhie, ku yokki ŋiny de yic.

12:5b.1TI.012.005 Nhialic tok tei en anu ku ade raan toŋ e luk lueel raan nu kaam de Nhialic keke kɔc, yen aye raan cɔl Kritho Yecu,

12:6b.1TI.012.006 raan ci ro gaam bi aa ke ye kɔc wɛɛr bei kedhie, raan cii kede lueel ne caatɔɔ ekooldɛn piɛth;

12:7b.1TI.012.007 ku yɛn ci dɔm aye raan bi kede guiir, ku ya tuc (yic en aa luɛɛl e Krithoyin, yɛn cii lueth tor), ku ya raan e Juoor wɛɛt ne gam ku ne yic.

12:8b.1TI.012.008 Yen a dɛ yɛn piɔu luɔi bi roor aa lɔŋ e baai nɔm ebɛn, ke ke ye kecin jat nhial cin ɣer yiic, ke cin agɔth ku cin teer e wel.

12:9b.1TI.012.009 Ku diaar ayadaŋ, e ke ye rot kur e lupɔ roŋ e kegup, ne riɔɔcdenyin ku piathenɔm; ku ke cii keniim e nai, ku ciki adhaap e cieŋ ayi guen tuc e ɣoocde ayi lupɔ tuc e ɣoocde;

12:10b.1TI.012.010 aŋuan luɔi ee kek ro kiir e luɔi piɛth (ke roŋ ke diaar ka, dieer, an, yek Nhialic rieu).

12:11b.1TI.012.011 E tik weete ke lɔ lik, ke ye ro taau e kɔc weet en cok.

12:12b.1TI.012.012 Yɛn cii tik e pal weet weet en kɔc, ku ca pɛl ciɛɛŋ ceŋ en moc, e ye tɔu elik.

12:13b.1TI.012.013 Adam en aa kɔne cak, ku jɔ Kawa cak cieen;

12:14b.1TI.012.014 ku Adam akene math, ee tik en e mɛthe, a le en e keracic:

12:15b.1TI.012.015 ku tik abi kony te dhieeth en meth, te tɔu kek ne gamic ku nhieer ku ɣɛɛrepiɔu ku piathenɔm.

13

13:1b.1TI.013.001 Ee jam yic ekene, yan, Te kɔɔre raan luɔi de raan e kɔc gam tiit, ka ye luɔi piɛth en kɔɔr.

13:2b.1TI.013.002 Raan e kɔc gam tiit abi dhil aa raan cii dueere gɔk, abi aa mony de tiiŋ tok, raan ŋic ro muk, raan piɛth nɔm, raan ŋic reer, ku ŋic kaman, raan ŋic kɔc wɛɛt;

13:3b.1TI.013.003 raan cii mɔu e nhiaar, ku cii kɔc e dui, ku cii e wath e weu ke ayaar; raan lir piɔu, ku cin piɔu ater, ku acii weu e nhiaar.

13:4b.1TI.013.004 Abi aa raan e dhiende ŋiec cieŋ apiɛth, ee mithke tɔ piŋ jam apiɛth, ne rieeu ee kek kɔc rieu;

13:5b.1TI.013.005 ku raan kuc dhiende cieŋ apiɛth, bi kanithɔ de Nhialic ŋiec tiit adi?

13:6b.1TI.013.006 Acii bi aa raan e piac gam, ke cii ro bi tɔ dit, ago wiik ne keracic kerɛɛc ee jɔŋditt rac wiik tliin.

13:7b.1TI.013.007 Ku abi dhil aa raan piɛth rin tede kɔc nu biic aya; ke cii kedaŋ bi wooc ke bi e gɔk, ago loony e win e jɔŋditt racic win ee dep.

13:8b.1TI.013.008 Ku yen acit tau de kɔc e ka ke kanithɔ looi aya, abik dhil aa kɔc piɛth niim, ku ciki e kɔc e liep rou, ku ciki e kɔc e mau juec kɔɔr, ku ciki e wath e weu ke ayaar;

13:9b.1TI.013.009 abik aa kɔc e jam de gam dot e piɔn agɔk, jam ɣɔn ci moony.

13:10b.1TI.013.010 Ku kɔcke e ke kɔne them; na miak, ke jɔ ke tɔ loi ka ke kanithɔ, te cin en ke dueere ke gɔk.

13:11b.1TI.013.011 Ku dieerken aya abik aa dieer piɛth niim, ku ciki e mantuum, abik aa dieer ŋic ro muk, dieer e kaŋ dot apiɛth kedhie.

13:12b.1TI.013.012 Kɔc e ka ke kanithɔ looi e ke ee ya roor de niim dieer tokiook, kɔc e mithken ŋiec cieŋ apiɛth ku ŋicki dhienken cieŋ aya.

13:13b.1TI.013.013 Kɔc ci ka ke kanithɔ aa looi apiɛth ayek ciɛɛŋ piɛth yok, ku jɔki piɔth riɛl aret e gam nu e Kritho Yecuyin.

13:14b.1TI.013.014 Kake aa gaar ke yin, ke ya ŋath bɛn ban dap bɛn tede yin;

13:15b.1TI.013.015 ku na ca gaau, ke yin bi tau bi raan dhil aa tɔu ɣon e Nhialic ŋic, yen aye kanithɔ de Nhialic piir, ku ye men e yin ku ye yic thar.

13:16b.1TI.013.016 Cook yic ka, cook cii dueere jɔɔny, yan, Luɔidan ee wok Nhialic luooi ee kecimoony, ku cie dap yokic: Aci tic e guopic, Ku ci tɔ piɛtpiɔu e Wei yiic, Ku ci tiŋ e tuucnhial, Ku ci kede guieer Juoor, Ku ci gam e piny nɔm, Ku ci lɛɛr nhial e dhueeŋic.

14

14:1b.1TI.014.001 Aci Weidit lueel ne thoŋ bi kɔc piŋ, yan, Ekool wadaŋ kɔc kɔk abik loony wei e gamic, ku jɔki ka ke jɔɔk e kɔc math piŋ, ku piŋki weet e jɔɔk rac,

14:2b.1TI.014.002 ne rueeny de kɔc e lueth toor, kɔc ci jam cik yok e kepiɔth tɔ gɛɛre bei cit man e ke e gaar e wenh tuc;

14:3b.1TI.014.003 abik kɔc aa pɛn thieek, ku yookki keek, an, bik riŋ pɔl e cam, ee ke ciɛk Nhialic bi kɔc ci gam aa dɔm kɔc ŋic yic, dɔmki ku luelki, yan, Thieithieei.

14:4b.1TI.014.004 Ke cii Nhialic cak ee kepiɛth ebɛn, ku acin toŋ bi rɛɛc e kɔc, te ci e dɔm ku lueel raan, an, Thieithieei:

14:5b.1TI.014.005 aye tɔ ɣeric ne jam e Nhialic ku lɔŋ.

14:6b.1TI.014.006 Te ee yin mithekɔckuɔ tak niim e kake, ke yin bi aa raan e ka ke Yecu Kritho looi apiɛth, raan ci ŋiec muk ne wel ke gam ku weet piɛth weet ci kuany cok egɔk.

14:7b.1TI.014.007 Ye kɔɔr rɛɛc ka ye kɔc paar ne ka ke piny, ayi ka ye dɔɔc paar. Ye rot them ne rieeu ee yin Nhialic rieu:

14:8b.1TI.014.008 yir ee raan eguop yiir ade naamdɛn thiinakaŋ: ku rieeu e raan Nhialic rieu ade naamdɛn dit e kerieec ebɛn, ee raan tɔ ŋɔth ne kede piir enɔɔne, ayi kede piir bi bɛn.

14:9b.1TI.014.009 Ee jam yic ekene, ku ye jam roŋ ne luɔi bi raan gam ebɛn.

14:10b.1TI.014.010 Yen a ye wok luui alal, ku koon wook, luɔi ee wok Nhialic piir ŋɔɔth, yen aye Konydewei de raan ebɛn, ku ye Kony diit e wei tede kɔc ci gam.

14:11b.1TI.014.011 Ye kake guieer kɔc weet yin ke.

14:12b.1TI.014.012 E cin raan e yi biɔɔn ne biak de kuur koor yin; tɔ rot e raan piɛth dueere kɔc ci gam taudu aa dɔmic, ne jam, ku ne reer reer yin, ku nhieer, ku wei, ku gam, ku ɣɛɛrepiɔu.

14:13b.1TI.014.013 Aɣɔl te ban bɛn, ye cok e kuen yin, ku guiir wel, ku wɛɛte kɔc.

14:14b.1TI.014.014 Du yinɔm tɛɛk piny ne miɔc cath ke yin, miɔc waan ci gam yin ne guieerewel ku thany ci roordit yi thany e kecin.

14:15b.1TI.014.015 Ye kake thɔɔŋ e yipiɔu; ye tɔu e keyiic; ke lɔ le yin ke yi lɔ tueŋ ke bi ŋic e kɔc kedhie.

14:16b.1TI.014.016 Ye rot tiit apiɛth, ku ye weet tiit aya. Ye cok e tɔu yin e kake yiic: ten e yin e looi wuya, ke yin bi ro kony ku kony kɔc e kaku piŋ ayadaŋ.

15

15:1b.1TI.015.001 Raandiit nu e kɔc niim du ye nen alal, ye lɔŋ tei cit man e wuur; ye dhuok tɔ cit mithekɔckun;

15:2b.1TI.015.002 ye dieer dit tɔ cit markun; ku tɔ dieer kor cit nyiirekɔckun ne ɣɛɛr ee yin piɔu ɣɛɛr ewic.

15:3b.1TI.015.003 Ye diaar rieu dieer cin niim roorken ne yic.

15:4b.1TI.015.004 Ku na de tiiŋ cin nɔm monyde ku de nɔm mithke ayi mith ke mithke, tɔ ke weete abik kɔc ke dhienden kɔn rieu, ago kɔc e dhieth keek cuoot: kene ee kepiɛth, ee ken ee Nhialic tɔ mit piɔu.

15:5b.1TI.015.005 Ku tiiŋ cin nɔm monyde, ku ye thuoom egɔk, aŋɔthde ee cath ke Nhialic, ago cool e pal Nhialic ku lɛŋ wɛɛrwakɔu ku akol.

15:6b.1TI.015.006 Ku tiiŋ e kuɛth e yanyde kɔɔr tei, na ciɛk piir ka ci thou.

15:7b.1TI.015.007 Jɔ kɔc aa lɛk ekake, agoki aa tɔu ke cin gaak gɛkeke.

15:8b.1TI.015.008 Ku na de raan reec diɛɛr ne kede kɔcken, ka ye raan rac, ku na reec diɛɛr ne kede dhiende guop, ka ye raan rac alal, aci gam rɛɛc etaiwei, aŋuɛɛn e raan ken kɔn gam.

15:9b.1TI.015.009 Tiiŋ cin nɔm moc du rinke tɔ gaar e kede miɔc te ken en run kathierdhetem thol, ku abi aa tiiŋ e thiɛɛk mony tok.

15:10b.1TI.015.010 Abi dhil aa tiiŋ ci leec ne biak de luɔidɛn piɛth; tiiŋ ci mithke ŋiec muk apiɛth, ku ye kamaan ŋiec luooi ɣɔn, ku ye kɔc ɣerpiɛth waak cok, ku ye kɔc cii ketuc dhal kony, ku ye cok e kuɛny en luɔi piɛthic ebɛn.

15:11b.1TI.015.011 Ku dieer kor cin niim roorken ye ke nyɔŋ: miak, te ci kek ater gɔl ne Kritho, ka bik thieek kɔɔr;

15:12b.1TI.015.012 adeki yieth gaak, luɔi ci kek gamdɛn tueŋ cuat wei.

15:13b.1TI.015.013 Ku ayek ro wɛɛt aŋɛɛreguop, ku jɔki aa riau lek dhiene ku lek dhiene; ku aciki gup e ŋɛɛr tei, ayek kɔc e guak e keliep, kɔc e ro gap e luɔi de kɔc kɔk yiic, agoki ka cii piɛth aa lueel.

15:14b.1TI.015.014 Yen a dɛ yɛn piɔu luɔi bi dieer kor thiaak, ku dhiethki mithken, ku ceŋki dhienken apiɛth, ku ciki raan de ater e tɔ yok ke bi en lat:

15:15b.1TI.015.015 ade dieer kɔk ci ro guɔ yal te nu Catan.

15:16b.1TI.015.016 Na de raan ci gam, nɔn ee yen moc ku nɔn ee yen tik, raan de dieer cin niim roor, e kony keek, ke kanithɔ cii bi duɔɔny; luɔi bi en diaar kony dieer cin niim roorken ku yek thum egɔk.

15:17b.1TI.015.017 Roordit nu e kɔc niim roor e kɔc tiit apiɛth, tɔ ke de naamden, bike rieu e rieeu dit, ku kɔc ee luui alal e jam ku weet, kek abi dɛ rieeu ditt alal.

15:18b.1TI.015.018 Luɔi ci kecigɔɔr e lueel, yan, Du awalɔ e taau e miɔɔr thok miɔɔr e rap kɔɔm. Ku lueel aya, yan, Raan e luui ee roŋ ke ariopde.

15:19b.1TI.015.019 Du goony e gam goony cii monydiit nu e kɔc niim gaany, e caatɔ kaarou niim ayi diak, yen a dueer yin en gam tei.

15:20b.1TI.015.020 Kɔc e kerac looi, ye ke jɔɔny e kɔc niim kedhie, ke kɔc kɔk e ke bi riɔɔc aya.

15:21b.1TI.015.021 Yin yɔɔk e Nhialic nɔm, ku Bɛnydan Yecu Kritho nɔm, ku tuucnhial niim tuuc ci lɔc, yan, Ye kake dot apiɛth, ku du ŋɛk e nhiaar ku man ŋɛk, ku du kedaŋ e looi ke yi kuany kɔc yiic.

15:22b.1TI.015.022 Du yicin e dap thany e raan nɔm, ku du ye mɛt e karɛc ke kɔc kɔk yiic: ye ro muk ke yi lɔ piɔu wai.

15:23b.1TI.015.023 Du e bɛ dek e piu tei, ye dek e wany thiinakaŋ ne biak de yac, ku ne biak de tɔɔk e cool e tooke yi.

15:24b.1TI.015.024 Karɛc e looiye kɔc kɔk ayek tic e kɔc niim, ayek keek wat te nu kool e guieereloŋ; ku karɛc ke kɔc kɔk ayek ke kuany cok.

15:25b.1TI.015.025 Yen acit luɔi piɛth aya, luɔi ke kɔc kɔk ayek tic e kɔc niim, ku luɔi cie tic aya aciki dueer thiaan.

16

16:1b.1TI.016.001 Liim ebɛn liim ci mac yieth, e ke ye banyken gup tɔ de naamden, bik keek aa rieu apiɛth, ke rin ke Nhialic e ke cii bi aa laat, ku cii weet e laat aya.

16:2b.1TI.016.002 Ku liim de niim banykɛn ci gam, e ke cii keek e biɔɔn, luɔi ee kek mithekɔcken; aŋuan bi kek ke ya luooi apiɛth, luɔi ee kek kɔc ci gam kɔc nhiaar, ku yek piath e welpiɛth rɔm etok. Ye kɔc wɛɛt e kake ku guieere ke keek.

16:3b.1TI.016.003 Na de raan e weet e weet mɛɛn pei, ku reec wel piɛth gam, wel ke Bɛnydan Yecu Kritho, ku reec weet e roŋ ke rieeu de Nhialic gam;

16:4b.1TI.016.004 ka ye ro tɔ dit, acin ke ŋic, ku ye raan e jiɛɛm wei ne thiec ɣɔric ku teer e wel, ku jam cit ekene ee tiɛɛl bɛɛi, ku bii ater ku lɛɛt, ku meek rɛɛc e kɔc kɔc mɛɛk nyiin,

16:5b.1TI.016.005 ku bii looŋ ɣaar yiic looŋ ke kɔc ci piɔth riaak, kɔc cin yic cath ke keek, kɔc e ye lueel, yan, Rieeu ee raan Nhialic rieu ee ŋuaŋ bi kake ŋuak: rate ro wei e kɔc cit ekake lɔm.

16:6b.1TI.016.006 Ku rieeu de Nhialic keke ayum de piɔu yen aye ŋuaŋ de kaŋ egɔk:

16:7b.1TI.016.007 acin ke cuk bɛɛi e piny nɔm, ku aŋicku egɔk nɔn cin en ke dueerku lɛɛr;

16:8b.1TI.016.008 ku enɔɔne, te de wok kecam ku lupɔɔ ceŋku, ke wo bi piɔth a yum e keek.

16:9b.1TI.016.009 Ku kɔc kɔɔr luɔi bi kaken juec ayek loony e themic, ku lonyki e acerekic, ku ye ŋɔɔŋ ke dɔm ŋɔɔŋ e kajuec ɣaar yiic, kak e kerac bɛɛi, ku yek kɔc thɛl e riaakic tɔki ke mar etaiwei.

16:10b.1TI.016.010 Nhieer e weu ee meei de kerieec rac ebɛn: aye kɔc kɔk woi e kepiɔth, agoke cɔk niim wei e gamic, ku jɔki rot guoot e jiɛth e kajuec ci kek piɔth jiɛth.

16:11b.1TI.016.011 Ku yin, yin raan e Nhialic, ye kat e kake, ku ye piathepiɔu cop, ku cop rieeu de Nhialic, ku gam, ku nhieer, ku liɛɛrepiɔu, ku reer emaath.

16:12b.1TI.016.012 Ye biok e biok piɛth biok de gam, ye piir athɛɛr muk aril, en aa cɔɔle yi aya, ku yen aa gɛm yin e gam piɛth e yithok e caatɔɔ juec niim.

16:13b.1TI.016.013 Yin than e Nhialic nɔm, Raan e kaŋ tɔ piir kedhie, ku than yin e Kritho Yecu nɔm, raan e ro tɔ ye caatɔ e Pontio Pilato nɔm, ne gam piɛth ci gam e yethok;

16:14b.1TI.016.014 Yin than, an, Ye jam dot apiɛth, acin tethiin col, ku cin ke bi yi gɔk, aɣet tic bi Bɛnydan Yecu Kritho tic:

16:15b.1TI.016.015 tic bi Bɛnyditt cath ke athiɛɛi nyuɔɔth ekooldɛn ci lueel, Bɛnydiit ceŋ piny cin Bɛnydht ee kek rou, ku ye Malik nu e mahik niim, ku ye Bɛnydht nu e bany niim;

16:16b.1TI.016.016 yen etok, yen a cath ke cien thuɔɔu, ku ye reer teɣer te cin raan dueer thiaak ke ye; Raan cin raan cie tiŋ, ku cii dueere tiŋ aya: e ye tɔu ke rieeu ku riɛldit aɣet athɛɛr ya. Amen.

16:17b.1TI.016.017 Kɔc juec e kaken e pinye nɔm, ye ke yɔɔk, e ke cii rot e tɔ dit, ku ciki juec e kaŋ e ŋɔɔth, ka kuc raan nɔn bi kek tɔu ne yen; e ye Nhialic piir yen yek ŋɔɔth, Raan e wo miɔɔc e kaŋ kedhie ne dhueeŋ, ke wo bi piɔth aa miɛt e keek.

16:18b.1TI.016.018 Ku yook keek, bik kepiɛth aa looi, ku bik aa kɔc juec e luɔidɛn piɛth, ku yek adhueŋ e kɔc dap miɔɔc, ku yek kaken dap tɛk kɔc;

16:19b.1TI.016.019 agoki kedɛn piɛth kueet ke ril thar, ke bi doŋ ekool rial, ke ke bi piir athɛɛr muk aril.

16:20b.1TI.016.020 Yin Timotheo, ye ke ci kuɛi yin cok e tiit yin en, ku ye ro kɔl e jam e dhɔɔn jam ɣɔric cinic rieeu, ayi ater e ke ci tɔ ye ŋinydekaŋ ke ye lueth:

16:21b.1TI.016.021 ade kɔc kɔk e ye jam cit ekene guiir, agoki kueer e gam woocic. E dhueeŋdepiɔu e ye tɔu ke yin. Amen.