1 Corinthians (Dinka)

11

11:1b.1CO.011.001 Yɛn Paulo, raan ci cɔɔl bi aa tuny e Yecu Kritho ne kede piɔn e Nhialic, woke Thothene mɛnhkeneda,

11:2b.1CO.011.002 awarek en gɛɛrku kanithɔ de Nhialic nu Korintho, kɔc wen ci tɔ ɣerpiɔth e Yecu Krithoyic, kɔc wen ci cɔɔl bik aa kɔc ɣerpiɔth, keke kɔc kedhie kɔc nu e wuot yiic ebɛn, kɔc e rin ke Yecu Kritho Bɛnydiitda cɔɔl, ee Bɛnyden keek ku ye Bɛnyda wook.

11:3b.1CO.011.003 E dhueeŋdepiɔu tɔu e weyiic, ayi mat, e ke bɔ tede Nhialic Waada keke Bɛnydit Yecu Kritho.

11:4b.1CO.011.004 Yɛn ee cool e lec Nhialicdi ne baŋdun, ne kede dhueeŋ de Nhialic piɔu dhueeŋ ci gam week e Kritho Yecuyic;

11:5b.1CO.011.005 luɔi ci en week tɔ kueth e kerieec ebɛn, ne ŋiec jam ebɛn ku ne ŋiny de kaŋ ebɛn;

11:6b.1CO.011.006 acit man ci jam tɔ ye yin e weyiic jam ci lueel e kede Kritho.

11:7b.1CO.011.007 ago cien miɔc toŋ dak week, te tiɛɛt wek nyuoth bi Bɛnydan Yecu Kritho ro nyuɔɔth;

11:8b.1CO.011.008 raan bi week muk abak riɛl a thooke piny, ke bi cien ke bi we gɔk ekool e Bɛnydan Yecu Kritho.

11:9b.1CO.011.009 Nhialic ee Raan adot, Raan ci we cɔɔl ne kede maath de Wenden Yecu Kritho Bɛnydittda.

11:10b.1CO.011.010 Ku enɔɔne, wek laŋ, wek mithekɔckuɔ, ne rin ke Bɛnydan Yecu Kritho, an, Yak jam tok lueel wedhie, ku e cin teŋ tɛk wek weyiic; ku we bi weyiic mat etok e piɔn tok ku ne loŋ tok, loŋ luɛlki.

11:11b.1CO.011.011 Ku ade jam ci lɛk ɛn e dhien e Kuloe e kedun, wek mithekɔckuɔ, yan, nu ateer e weyiic.

11:12b.1CO.011.012 Ku enɔɔne, we lɛk kene, yan, Raan ebɛn ne weyiic, aye ŋɛk lueel, yan, Yɛn ee raan e Paulo, ku lueel ŋɛk, yan, Yɛn ee raan e Apolo, ku lueel ŋɛk, yan, Yen ee raan e Kepath, ku e ŋɛk, yan, Yɛn ee raan e Kritho.

11:13b.1CO.011.013 Ci Kritho eyic tek? Ci Paulo piaat e tim ci riiu nɔm kɔu ne baŋdun? ku week, ci we baptith ne rin ke Paulo?

11:14b.1CO.011.014 Yɛn lec Nhialic luɔi cin en raan ca baptith e weyiic, ee Kirithipo ku Gayo kapac;

11:15b.1CO.011.015 ke cin raan bi e lueel, yan, ca kɔc baptith ne rinki.

11:16b.1CO.011.016 Ayi dhien e Thepana aya aca ke baptith: ku akuoc nɔn de raan daŋ ca baptith.

11:17b.1CO.011.017 Kritho aken a tooc, ba kɔc bɛn baptith, ee guieer ban welpiɛth aa guiir, en aa tooc en ɛn: ku acie pɛl pɛl ɛn nɔm en duɛɛr ɛn welpiɛth aa guiir, ke tim ci riiu nɔm cii bi aa ɣɔric tim de Kritho.

11:18b.1CO.011.018 Ku guieer e wel ke tim ci riiu nɔm ee keɣɔric tede kɔc bi maar; ku ye riɛldht e Nhialic tede wook wok kɔc kony wei.

11:19b.1CO.011.019 Ne gaar cie gɔɔr, yan, Yɛn bi pɛlenɔm e kɔc pelniim riɔɔk, Ku ŋinydekaŋ de kɔc ŋic kaŋ aba nyaai.

11:20b.1CO.011.020 Raan pelnɔm akou? raan e loŋ gɔɔr akou? raan ŋic wel teet nu nou, raan e pinye nɔm? pɛlenɔm e kɔc ke pinye nɔm kene Nhialic tɔ ye keɣɔric?

11:21b.1CO.011.021 Ku te ci kɔc ke piny nɔm Nhialic guɔ kuc ne pɛl e keniim, cit man ci Nhialic e lueel ne pɛl e yenɔm, ke Nhialic jɔ piɔu miɛt luɔi bi en kɔc gam kony wei ne keɣɔric cɔl guieer e welpiɛth.

11:22b.1CO.011.022 Judai akɔɔrki gok bi nyuoth keek, ku kɔɔr Giriki pɛlenɔm:

11:23b.1CO.011.023 ku wook, wok guiir Kritho, raan ci piaat e tim ci riiu nɔm kɔu, tede Judai, ee ke ye kɔc tɔ kɔth, ku tede Giriku ee keɣɔric;

11:24b.1CO.011.024 ku tede kɔc ci cɔɔl, Judai ayi Girikii, yen aye Kritho, riɛldiit e Nhialic, ku ye pɛlenɔm e Nhialic.

11:25b.1CO.011.025 Acakaa pial e Nhialic piɔu awar kɔc ne pɛlenɔm; ku kɔc kɔɔce Nhialic awar kɔc ne riɛl.

11:26b.1CO.011.026 Ku we ye cɔt cɔɔle we tiŋ, wek mithekɔckuɔ, yan, Acin kɔc juec ci cɔɔl, kɔc ci kɔc ke piny nɔm tɔ ye kɔc pel niim ayi kɔc ril, ayi kɔc ci dhieeth e dhien e bɛny:

11:27b.1CO.011.027 ee dhan ke piny nɔm kek e lɔc Nhialic, bi kɔc pelniim tɔ yaar: ku lɔc Nhialic kɔc kɔc, bi kɔc ril tɔ yaar;

11:28b.1CO.011.028 ayi ka youyou ka ke piny nɔm, ayi ka ci biɔɔn, aci Nhialic ke lɔc, acakaa ka liu aya, bi en ka nu tɔ cin naamden;

11:29b.1CO.011.029 ke bi cien raan toŋ bi ro leec e yenɔm.

11:30b.1CO.011.030 Ku yen aye week tɔ tɔu e Kritho Yecuyic, raan cii Nhialic tɔ ye pɛlenɔm ne baŋda, ku piathepiɔu, ku ɣɛɛrepiɔu, ku weer weere wo bei;

11:31b.1CO.011.031 abi ciet man ci e gɔɔr, yan, Raan e ro leec, ke lec rot e Bɛnyditic.

12

12:1b.1CO.012.001 Ku yɛn, mithekɔckuɔ, waan ba yɛn tede week, yɛn aa cii bɔ wo ŋiec jam ayi pɛlenɔm, waan guieer ɛn week jam ne kede Nhialic.

12:2b.1CO.012.002 Yɛn ci loŋ teem e yapiɔu, yan, Acin ke ba ŋic e weyiic, ee Yecu Kritho etok, ku pieet e pieete yen e tim ci riiu nɔm kɔu.

12:3b.1CO.012.003 Ku yɛn aa ye reer e weyiic ke ya kɔc, ku riaac, ku lɛthe yɛn aret.

12:4b.1CO.012.004 Ku jamdi ayi guieer e ya yɛn guiir aake cin yiic wel e kɔc weŋ, wel ke pɛl e raan nɔm, aake ye cath ne nyuuth ee Weidit ke nyuɔɔth ayi riɛldɛndit;

12:5b.1CO.012.005 ke gamdun cii ro bi ŋɔɔth ne pɛl e raan nɔm, abi ro ŋɔɔth ne riɛlditt e Nhialic.

12:6b.1CO.012.006 Ku wok ee jam de pɛlenɔm lueel woke kɔc ci ŋuɛn; ku acie pɛlenɔm e pinye enɔɔne, ku acie pɛlenɔm e banydit ke pinye nɔm, bany bi cien naamden rial.

12:7b.1CO.012.007 Wok ee pɛl e Nhialic nɔm lueel, pɛl ci yal kɔu bei, ee jam ci thiaan, jam cii Nhialic kɔn lueel e yepiɔu te ŋoote piny ke liu, an, bi aa kede dhueeŋde.

12:8b.1CO.012.008 Yen aye pɛlenɔm cin raan toŋ de bany ke pinye nɔm e ci e ŋic; tee cik ŋic, adi kenki Bɛnydiit e dhueeŋ piaat e tim ci riiu nɔm kɔu.

12:9b.1CO.012.009 Ku acit man ci e gɔɔr, yan, Akeneke tiŋ e raan nyin, ku akeneke piŋ e raan yic, Ku akenki lɔ e raan piɔu, Ke ka cii Nhialic guik ne kede kɔc nhiaar en.

12:10b.1CO.012.010 Ku wo cii Nhialic nyuoth keek ne Weikɛndit: Weidit ee kaŋ kɔɔr yiic kedhie, yeka, ayi kathuth ke Nhialic.

12:11b.1CO.012.011 Ku ee raanou ŋic ka ke raan, ee piɔn e raan etok, piɔn cath ke ye? Yen acit en nɔn cin en raan ŋic ka ke Nhialic aya, ee Wei ke Nhialic kapac, kek aŋic keek.

12:12b.1CO.012.012 Ku wok aa cii gɛme wei ke piny nɔm, ee wei e bɔ tede Nhialic kek aa gɛme wook, luɔi bi wo kaŋ ŋic ka cii Nhialic gam wook edhueeŋ.

12:13b.1CO.012.013 Kek ayok ke guiir ne wel ci Weidit Ɣer wo wɛɛt, ku cuku keek e guiir ne wel ci wo wɛɛt e pɛl e raan nɔm; ka ke Wei ayok ke guiir ne wel ke Wei.

12:14b.1CO.012.014 Ku raan e yepiɔu tuom ka ke piny acii ka ke Wei ke Nhialic e dɔm, aye keek tɔ ye kaɣar yiic; ku acii keek dueer ŋic, luɔi ye ke yok yiic ne Wei.

12:15b.1CO.012.015 Ku raan e yepiɔu tuom ka ke Wei, yen aye kaŋ yok yiic kedhie, ku yenguop acin raan bi ye yokic.

12:16b.1CO.012.016 Ku eeŋa e ŋic piɔn e Bɛnydit, bi en e wɛɛt? Ku wook, wok cath ne piɔn e Bɛnydit.

13

13:1b.1CO.013.001 Ku yɛn, mithekɔckuɔ, yɛn aa cii dueer jam woke week waan, cit kɔc ci kepiɔth tuom ka ke Wei, yɛn aa ye jam wo week cit kɔc ci kepiɔth tuom ka ke guop tei, cit mith thiiatetet e Krithoyic.

13:2b.1CO.013.002 We ca tɔ rueth e ca, ku acin riiŋ ca gam week; wek aa ken riŋ guɔ leu e cuet: ku acakaa enɔɔne, acaki e leu;

13:3b.1CO.013.003 we ŋoot e we tum wepiɔth ka ke piny. Ku nɔn tɔuwe tiɛɛl e weyiic ayi ateer ayi teŋ aa wek weyiic tek, caki wepiɔth e tuom ka ke piny, ku caki e reer e reer e kɔc tei?

13:4b.1CO.013.004 Ku ten e ŋɛk e lueel, yan, Yɛn ee kede Paulo, ku lueel ŋɛk, yan, Yɛn ee kede Apolo; caki e kɔc e kepiɔth tuom ka ke piny?

13:5b.1CO.013.005 Paulo ee ŋa? ku Apolo ee ŋa? Ciki e kɔc e luui tei, kɔc ci we tɔ gam, cit man ci Bɛnydit e gam ŋɛk ku gɛm ŋɛk?

13:6b.1CO.013.006 Yɛn e com, Apolo en aaye piook, ku ee Nhialic en aaye kaŋ tɔ cil.

13:7b.1CO.013.007 Yen acin raan e com naamde, ku cin raan e piook naamde, ee Nhialic raan e kaŋ tɔ cil, yen ade nɔm.

13:8b.1CO.013.008 Ku raan e com keke raan e piook ayek tok, ku raan ebɛn abi ariopde yok, ariop bi roŋ ke luɔide yenguop.

13:9b.1CO.013.009 Wok ee kɔc e luui ne Nhialic etok: wek ee dom e Nhialic, ku yak alooc de Nhialic.

13:10b.1CO.013.010 Luɔi luɔɔi ɛn ke ci taau e yacin ne dhueeŋ de Nhialic piɔu, yen aa kɛɛr ɛn keerkeer, cit man aten pelnɔm nu e ateet niim, ku ee raan daŋ yen a yik thin. Ku tɔ raan ebɛn cok e woi en yin yik en thin.

13:11b.1CO.013.011 Ku keerkeer daŋ acin raan dueer e leu e kɛɛr, ee ke ye thok e kɛɛr etok, yen aye Yecu Kritho.

13:12b.1CO.013.012 Ku na yik raan e keerkeere nɔm, ku yiŋ yik en e yenɔm, nɔn ee yen adhaap, ku nɔn ee yen ateek, nɔn ee yen kuur lak, nɔn ee yen tim, nɔn ee yen wal, nɔn ee yen anin;

13:13b.1CO.013.013 ke luɔi de raan ebɛn abi tic wadaŋ: ekoole yen abi e nyuɔɔth, ee mac en abi e nyuɔɔth; ku luɔi de raan ebɛn abii mac them, nɔn ee yen luɔi cit ŋo.

13:14b.1CO.013.014 Na dɔŋ ke e ŋɛk looi, ke ci yik e keerkeeric, ka bi ariopde yok.

13:15b.1CO.013.015 Ku te ci ke ci ŋɛk looi nyop abi lɔ kuith piny, ka bi dak e kaŋ, ku yenguop abi kony wei; ku abi poth e poth e raan e kony e macic.

13:16b.1CO.013.016 Kuocki wegup, nɔn aa wek luaŋdiit de Nhialic, ku nɔn reere Weidit ke Nhialic e weyiic?

13:17b.1CO.013.017 Raan e luaŋditt e Nhialic tɔ nhiany, en abii Nhialic tɔ nhiany: luaŋdiit e Nhialic ee keɣeric, ku yen aye week.

13:18b.1CO.013.018 Ne cin raan e ro math. Na de raan e weyiic raan e ro tɔ ye raan peinɔm e pinye nɔm, e ro tɔ ye dhɔn, luɔi bi en aa raan pelnɔm.

13:19b.1CO.013.019 Pɛl e pinye nɔm ee dhɔɔn tede Nhialic, luɔi ci e gɔɔr, yan, Aye kɔc pelniim dɔm ne rueenydenic:

13:20b.1CO.013.020 ku aye bɛ gɔɔr, yan, Bɛnydit aŋic ka ye kɔc pelniim tak e kepiɔth, nɔn ee kek kaɣaar yiic.

13:21b.1CO.013.021 Yen cin en raan e rot leec e kɔc. Kaŋ kedhie ayek kakun;

13:22b.1CO.013.022 Paulo, ayi Apolo, ayi Kepath, ayi piny nɔm, ayi piir, ayi thuɔɔu, ayi ka nu enɔɔne, ayi ka bi bɛn; ayek kakun kedhie;

13:23b.1CO.013.023 ku wek ee ka ke Kritho; ku Kritho ee kede Nhialic.

14

14:1b.1CO.014.001 Tɔ lueel raan ne kede wook nɔn ee wok kɔc e ka ke Kritho looi, kɔc cii ka ke Nhialic taau e kecin, ka ci thiaan ɣɔn.

14:2b.1CO.014.002 Ku enɔɔne, raan cii kaŋ taau e yecin, abi dhil aa raan adot.

14:3b.1CO.014.003 Ku ne yɛn, ee kecin naamde nɔn ba wek a thieec ne ka ca looi, ku nɔn bi kɔc a thieec aya: yeka, ayik ɛn guop, yɛn cii rot e thieec.

14:4b.1CO.014.004 Acin ke ŋiɛc rot; ku acie kene yen a tɔ yɛn e raan piɛthpiɔu: Raan e ya thieec, en aye Bɛnydit.

14:5b.1CO.014.005 Yen cin en ke yak jɔɔny te ŋoot akooldit wei, te ŋoote Bɛnydit ke ken bɛn, raan bi ka ci thiaan tecol bɛɛi teɣer, ku bi looŋ ee lueel e kɔc piɔth tɔ tiec; ekoole yen abii raan ebɛn lɛc yok tede Nhialic.

14:6b.1CO.014.006 Ku kake, wek mithekɔckuɔ, aca ke lueel ne kedi woke Apolo ne baŋdun week, luɔi ban week wɛɛt, an, Duoki kɔc e rieu awar ke ci gɔɔr, ku e cin raan e dit e ŋɛk tɛɛr, an, diit awar ŋɛk.

14:7b.1CO.014.007 Eeŋa e yi tɔ tɔu pei? ku eeŋo cath ke yin ke kene gam yi? Ku na ci gam yin, ka eeŋo e yin ro leec, acit man e ke kene gam yin?

14:8b.1CO.014.008 We e guɔ kuɛth etaiwei, wek juec e kakun enɔɔne, wek e piny cieŋ cit man e bany, ke wok liu thin: ku adi ya piɔu miɛt, tee we ceŋ piny eyin, ke wo dueer piny cieŋ ne week etok.

14:9b.1CO.014.009 Ku ne yapiɔu, wo cii Nhialic taau cieen wok tuuc, cit man e kɔc ci gam thuɔɔu: wo ci tɔ ye ke bi aa woi e piny nɔm, bi tuucnhial aa woi, ayi kɔc.

14:10b.1CO.014.010 Wok ee dhan ne baŋ de Kritho, ku wek ee kɔc pelniim e Krithoyic; wok kɔc gup, ku wek ril; wek de niim dhueeŋ, wok cin naamda.

14:11b.1CO.014.011 Aɣet ci enɔɔne, wok ee cɔk nɔk ayi reu, ku cinku kɔɔth lupɔɔ, ku bieke wook e kɔc cin, wok e taai, wo cin niim wut;

14:12b.1CO.014.012 wok ee cool e loi luɔi e wocin: lat wo, ke luelku, yan, Thieithieei; yɔŋ wo, ke gumku;

14:13b.1CO.014.013 leke wo kerac, ke wo laŋ kɔc: wo ci tɔ ye nuoon e piny nɔm, ku tɔ wook e ayil e kaŋ kedhie aɣet ci ekoole.

14:14b.1CO.014.014 Yɛn cii kake gaar luɔi ban we tɔ yaar, ku wek a nen cit man e mithkien nhiaar gup.

14:15b.1CO.014.015 Ku na cak dɛ agum de kɔc kathieer nu, kɔc e week wɛɛt e ka ke Kritho, ku acin warkun juec nu: we ca dhieeth e Krithoyic ne guieer e welpiɛth.

14:16b.1CO.014.016 Yen a yɔɔk ɛn week, yan, Yak taudi dɔmic.

14:17b.1CO.014.017 Yen aa tuoc ɛn Timotheo week, ee wendien nhiaar ku ee raan adot e ka ke Bɛnydit, en abi week tɔ tak weniim ne tau aa yen tɔu e Krithoyic, acit man wɛɛt ɛn baai ebɛn e kanithɔyin ebɛn.

14:18b.1CO.014.018 Ku kɔc kɔk e weyiic acik niim dham, ayek lueel, yan, ca bi bɛn tede week.

14:19b.1CO.014.019 Ku yɛn bi dap bɛn tede week, te nu en e Bɛnydit piɔu, aguɔ riɛl e kɔcke ŋic, kɔc wen ci niim dham, acie jamden tei.

14:20b.1CO.014.020 Ciɛɛŋ de Nhialic acie jam tei, ee riɛldit.

14:21b.1CO.014.021 E wepiɔth wakdi? Ba bɛn tede week ke ya muk thieny duoi ɛn week, ku ba bɛn woke nhieer ku piɔn lir?

15

15:1b.1CO.015.001 Aye lueel e raan ebɛn, an, nu dhoom e weyiic, ku dhoom yinya aliu acakaa Juoor yiic aliu, yan, bi raan tiiŋ de wun noom.

15:2b.1CO.015.002 Ku we e niim dham, ku kɛnki dhiau, ke raan ci ekene looi bi jɔt e weyiic.

15:3b.1CO.015.003 Ku yɛn, raan liu guop e weyiic, ku nu ne weike, yɛn ci loŋ de raan ci kene looi guɔ teem, cit man e kee nu,

15:4b.1CO.015.004 yan, Ne rin ke Bɛnydan Yecu Kritho, te ca wek gueer etok, week ne weiki, ku ne riɛldiit e Bɛnydit Yecu Kritho,

15:5b.1CO.015.005 ke we bi eraane yien Catan le riɔɔk guop, ke bi kony wei ekool e Bɛnydit Yecu.

15:6b.1CO.015.006 Lɛc aa wek rot leec acii piɛth. Kuocki luɔu thiinakaŋ nɔn ee yen awany dit tɔ piɔɔr ebɛn?

15:7b.1CO.015.007 Yen waak wek luɔu thɛɛr wei, ke we bi aa awany e piɛc nuaai, cit man waan cien wek yiic luɔu. Nyɔŋdan amaal de Winythok ee guɔ nɔk ne baŋda, yen Kritho.

15:8b.1CO.015.008 Yen ciɛm wok kuin e aliith, kuin cinic luɔu thɛɛr, ku cinic luɔu de anyaak, ku rɛɛcdepiɔu, yok cam e knin cinic luɔu knin e piɔn yic agɔk.

15:9b.1CO.015.009 Aca gaar week waan e awarekic, yan, Duoki e mat ne dhoom etok;

15:10b.1CO.015.010 ku akɛn lueel, yan, bak pɔk etaiwei weke dhoom ke pinye nɔm, ayi kɔc dit piɔth, ayi cuɛɛr, ayi kɔc e yieth lam; yen aduɛɛr wek dhil jal e piny nɔm.

15:11b.1CO.015.011 Ku enɔɔne, aca gaar week, yan, Duoki e mat etok ne raan ci tɔ ye mɛnhkeneda, te ee yen dhom, ku nɔn ee yen raan dit piɔu, ku nɔn ee yen raan e yieth lam, ayi raan e kɔc laat, ayi raan e ro tɔ wit e mɔu, ayi cuɛɛr; raan cit ekene, acakaa kecam, ke we duoki rom ne yen.

15:12b.1CO.015.012 Guieer e loŋ e kɔc tɔu biic eeŋodi thin? Cie kedun, an, bak loŋ de kɔc nu e kanithɔyic aa guiir?

15:13b.1CO.015.013 Ku kɔc e tɔu biic loŋden abii Nhialic guiir. Jaki raan rɛɛce bɛɛi bei e weyiic.

16

16:1b.1CO.016.001 Te de yen raan nu e weyiic raan de nɔm gɔny keke raan daŋ, dueer dhil lɔ gɔɔny e kɔc rac niim, ku cii lɔ gɔɔny e kɔc ɣerpiɔth niim?

16:2b.1CO.016.002 Kuocki kɔc ɣerpiɔth nɔn bi kek loŋ de kɔc ke piny nɔm aa gulir? Ku te bi loŋ de kɔc ke piny nɔm aa guiir e week, caki dueer roŋ ne guieer ba wek looŋ thiiakaŋ aa guiir?

16:3b.1CO.016.003 Kuocki nɔn hi wo loŋ de tuucnhial aa guiir? Ku na guieer e ka ke pinye nɔm enɔɔne, cii piɔl e kene aret?

16:4b.1CO.016.004 Ku enɔɔne, te dɛ wek niim gɔɔny ne ka ke pinye enɔɔne, jaki kɔc taau e gɔɔny niim kɔc cin naamden e kanithɔyic.

16:5b.1CO.016.005 Ee yaar ba wek yaar, en a luɛɛl ɛn ekene. Ye guop ka, cin raan toŋ pelnɔm e weyiic, raan dueer loŋ de raan keke mɛnhkene ŋiec guiir?

16:6b.1CO.016.006 Ku enɔɔne, raan ee lɔ gɔɔny ke mɛnhkene, acakaa e kɔc reec gam niim.

16:7b.1CO.016.007 Yen aya wek kedaŋ jɔ wooc alaldiite, ne goony aa wek rot gaany wapac. Eeŋo ca wek kerac e guum tei? Eeŋo ca wek rot e tɔ cam tei?

16:8b.1CO.016.008 Ku we ye kɔc luoi kerac, ku yak kɔc cam, ayi kɔckun aya.

16:9b.1CO.016.009 Kuocki kɔc racpiɔth nɔn cii kek ciɛɛŋ de Nhialic bi lɔɔk lak? Duoki rot e tɔ mɛthe: dhoom, ayi kɔc e yieth lam, ayi kɔc e dieer lei kɔɔr, ayi dieer e roor kɔɔr, ayi roor e rot tɔ ye diaar, ayi roor e nhi e roor,

16:10b.1CO.016.010 ayi cuɛɛr, ayi kɔc e weu nhiaar, ayi kɔc e rot tɔ wit e mɔu, ayi kɔc e kɔc laat, ayi kɔc e kɔc rum, keek kedhie, aciki ciɛɛŋ de Nhialic bi lɔɔk lak.

16:11b.1CO.016.011 Ku kɔc kɔk e weyiic aake ye kɔc cit keek: ku enɔɔne we ci waak, we ci tɔ ɣerpiɔth, we ci tɔ piɛthpiɔth ne rin ke Bɛnydit Yecu, ku ne Weidit ke Nhialicda.

16:12b.1CO.016.012 Kaŋ kedhie acike pal ɛn; ku kaŋ aciki e dɛ piathden kedhie; kaŋ kedhie acike pal ɛn, ku yɛn ci bi tuɛɛl e kedaŋ cok bi a cieŋ.

16:13b.1CO.016.013 Kecam ee kede yac, ku yac ee kede kecam; ku Nhialic abi keek riɔɔk kedhie. Ku guop de raan acie kede dhoom, ee kede Bɛnydit, ku Bɛnydit ee kede raan guop.

16:14b.1CO.016.014 Ku Nhialic e Bɛnydit jat nhial, ku abi wo jat nhial aya ne riɛldiit e yencin.

16:15b.1CO.016.015 Kuocki wegup, nɔn ee kek ka ke Kritho? Ku ba ka ke Kritho noom, ta keek e ka ke akɔɔrroor? Ei! Acii bi aa yen!

16:16b.1CO.016.016 Kuocki ecooke, yan, Raan e mat keke akɔɔrroor, ke ye guop tok keke ycn etok? Aa lueel, yan, Keek kaarou abik aa guop tok.

16:17b.1CO.016.017 Ku raan ci mat keke Bɛnydit kek aye wei tok.

16:18b.1CO.016.018 Yak kat ne dhoom. Kerɛɛc ebɛn ken ee raan looi anu e raan guop biic; ku raan dhom ee guopde luoi kerac.

16:19b.1CO.016.019 Ku kuocki guopdun nɔn ee yen luaŋditt e Weidit Ɣer nu e weyiic, Wei cak yok tede Nhialic, ku wek cie cath e naamdun?

16:20b.1CO.016.020 We ci ɣɔɔc e ɣooc tuc: yen aa wek Nhialic tɔ yok dhueeŋ ne guopdunic ayi weikun yiic, kek ka ke Nhialic ka.

17

17:1b.1CO.017.001 Ku ne kede ka cak gaar ɛn; yan, Apiɛth tede moc te cii en tik jak.

17:2b.1CO.017.002 Ku ne biak de bal, e moc ebɛn e ye dɛ tiiŋ de yenguop, ku e tik ebɛn e ye dɛ mony de yenguop.

17:3b.1CO.017.003 Ku moc e ye tiiŋde luooi apiɛth; ku ye tik monyde luooi apiɛth aya.

17:4b.1CO.017.004 Tik acin nɔm riɛl e yeguop, ee moc en a de nɔm riɛl: ayi moc aya, acin nɔm riɛl e yeguop, ee tik en a de nɔm riɛl.

17:5b.1CO.017.005 E ŋɛk cii rot e pɛn ŋɛk, e rom ba wek thook rɔm tei bak rot pɔl e akoolke, ke we bi cok e laŋ laŋ wek Nhialic, ku jaki rot bɛ mat etok, ke we cii Catan bi them, ne kuny kuoc wek rot muk.

17:6b.1CO.017.006 Ku kene a luɛɛl ne pal e pɛle yɛn luɛɛl, acin iiem ci yien ɛn. E yapiɔu tei adi tɔu kɔc kedhie cit man e yɛn.

17:7b.1CO.017.007 Ku raan ebɛn acath ke ke ci Nhialic gam en, ŋɛk ke kede, ku ŋɛk ke kede.

17:8b.1CO.017.008 Ku yɛn yook kɔc ken thieek, ayi dieer cin niim roor, yan, Apiɛth tede keek te reer kek cit man e yɛn.

17:9b.1CO.017.009 Ku na dhɛl keek ne muŋ bi ke rot muk, e ke thiek: thieek aŋuan ne luɔi bi ŋɔɔŋ ke nɔk.

17:10b.1CO.017.010 Ku kɔc ci thieek kek a yɔɔk, ku acie yɛn, ee Bɛnydit en a yook keek, yan, E tik cii pɔk keke monyde,

17:11b.1CO.017.011 (ku te pɔk kek, tɔ rɛɛr ke cin nɔm moc, ku na cin piɔu ekene, ke tɔ mat keke monyde); ku moc, e cii tiiŋde ciec.

17:12b.1CO.017.012 Ku kɔc kɔk kek a yɔɔk, acie Bɛnydit, ee yɛn e yook keek: yan, Na de mɛnkheneda, raan de nɔm tiiŋ ken gam, ku tik agam reer keke yen, ke du tɔ cieec.

17:13b.1CO.017.013 Ayi tiiŋ de monydɛn ken gam, ku gɛm reer keke yen, ke du tɔ jel e yelɔɔm.

17:14b.1CO.017.014 Mony ken gam aye tɔ ɣeric ne tik, ku tiiŋ ken gam aye tɔ ɣeric ne moc: tee cie yen, ke niithkun adi kenki yiic ɣɛɛr; ku acik yiic ɣɛɛr enɔɔne.

17:15b.1CO.017.015 Ku raan ken gam, te jel en, ke lɔ: na loi yen aya, ke raan ci gam, nɔn ee yen moc ku nɔn ee yen tik, acin ke ci e mac, cit man e lim: ku Nhialic aci wo cɔɔl ne kede mat.

17:16b.1CO.017.016 Ku ŋic wudi, yin tik, nɔn bi yin monydu kony? ayi yin, yin moc, ŋic wudi nɔn bi yin tiiŋdu kony?

17:17b.1CO.017.017 E ŋek e reer tei, cit man ci Nhialic kaŋ tɛk raan ebɛn, ku cit cɔt ci Bɛnydit raan cɔɔl ebɛn. Ku yen a yɔɔk ɛn kɔc e kanithɔɔ yiic ebɛn.

17:18b.1CO.017.018 De raan ci cɔɔl ke ye aŋuɛl? E cii ro tɔ ye raan cie aŋuɛl. Ee raan ci cɔɔl ke cie aŋuɛl? E cii ro tɔ ye aŋuɛl.

17:19b.1CO.017.019 Cuɛl acin naamde, ku luɔi kene raan cueel acin nɔm; ee muŋ e raan looŋ ke Nhialic muk, en ade naamde.

17:20b.1CO.017.020 E raan ebɛn e tɔu e taudɛn e tɔu en te waan cɔɔle ye.

17:21b.1CO.017.021 E yi cɔl, ke yi e lim? du diɛɛr e yipiɔu: ku na de ten, an, lony yi, ke yi tɔ ro lony tei.

17:22b.1CO.017.022 Ku raan ci cɔɔl e Bɛnyditic, ke ye lim, yen aye raanden e Bɛnydit raan e cath e kede yenhde: ayi raan ci cɔɔl ke ye raan e cath e kede yenhde, yen aye lim de Kritho.

17:23b.1CO.017.023 We ci ɣɔɔc e ɣooc tuc; duoki rot bi tɔ ye liim ke kɔc.

17:24b.1CO.017.024 Wek mithekɔckuɔ, e ŋek e tɔu keke Nhialic e taudɛn e yen tɔu te waan cɔɔle ye.

17:25b.1CO.017.025 Ku na kede dhueec, acin liem cii Bɛnydit yien ɛn: ku loŋdi yen a luɛɛl tei, ke ya ye raan ci kokepiɔu yok tede Bɛnydit, ban aa raan adot.

17:26b.1CO.017.026 Aluɛɛl e yapiɔu, ne baŋ de riaak de piny enɔɔne, yan, Apiɛth tede raan te tɔu en aya.

17:27b.1CO.017.027 Ci yi duoot e tik kɔu? Du luny e kɔɔr. Ci yi lony e tik kɔu? Du tik e kɔɔr.

17:28b.1CO.017.028 Ku te thieek yin, acin ke ci wooc; ayi dhuec, te thiɛɛke ye, acin ke ci wooc. Ku kɔcke abik ke dhal keek yok e kegup: ku yɛn de piɔu luɔi pal ɛn week.

17:29b.1CO.017.029 Ku aluɛɛl aleyɔɔ, wek mithekɔckuɔ, yan, Piny athiɔk, ku e akool ci doŋ, ke kɔc de dieerken e ke tɔu cit man e ka cin niim diaar;

17:30b.1CO.017.030 ayi kɔc e dhiau, e ke tɔu cit man e ka cii dhiau; ayi kɔc e piɔth miɛt, ne ke tɔu cit man e ka cii piɔth mit; ayi kɔc e ɣooc, cit man e ka cin niim kaŋ;

17:31b.1CO.017.031 ayi kɔc e ka ke pinye nɔm looi, e ke ye kaŋ looi ku ciki kepiɔth tum keek: tau de piny nɔm enɔɔne akɔɔr luɔi bi en jal.

17:32b.1CO.017.032 Ku yɛn de piɔu nɔn ba we tɔu ke we cie diɛɛr. Raan ken thieek ee diɛɛr e ka ke Bɛnydit, luɔi bi en Bɛnydit tɔ mit piɔu:

17:33b.1CO.017.033 ku raan ci thieek ee diɛɛr e ka ke piny nɔm, luɔi bi en tiiŋde tɔ mit piɔu.

17:34b.1CO.017.034 Ayi tik ku dhuec acik keyiic tek. Nyan kene thiaak ee diɛɛr e ka ke Bɛnydit, luɔi bi en yic ɣɛɛr ayi yepiɔu ayi weike: ku nyan ci thiaak ee diɛɛr e ka ke piny nɔm, luɔi bi en monyde tɔ mit piɔu.

17:35b.1CO.017.035 Ku kene aluɛɛl ne kede piathdun; acie pɛn pɛn ɛn week kaŋ, ee kepiɛth en kaar, ke we bi Bɛnydit aa luooi apiɛth, ke cin ke bi week gɔɔu.

17:36b.1CO.017.036 Ku na de raan luel en, yan, ci nyan bi thiaak wac kedaŋ, ne nyɔk ci en nyɔk, ku na ŋuan thieek, ke tɔ loi ke nu e yepiɔu; acin ke ci wooc; tɔ ke thiak rot.

17:37b.1CO.017.037 Ku raan e piɔnde kɔɔc aril, acin ke dhal en, ku ee raan e ro ŋiec muk, ku ci loŋ teem e yepiɔu, yan, bi nyan bi thiaak tɔu aya, yen aye kepiɛth looi.

17:38b.1CO.017.038 Yen aye tede, raan e tiiŋde thiaak aci kepiɛth looi; ku raan cii thiek, ka ci kepiɛth looi aret.

17:39b.1CO.017.039 Tik aye mac e loŋ anande te piire monyde; ku te thouwe monyde, ka ci lony, adueere raan thiaak raan nu e yepiɔu, te ee yen raan ci Bɛnydit gam tei.

17:40b.1CO.017.040 Ku ne loŋdi, te tɔu en aya, yen adueer en athiɛɛi dit yok: ku aluɛɛl, yan, cuk piɔth rɔm woke Wei ke Nhialic aya.

18

18:1b.1CO.018.001 Ku ne kede ka ci lam yieth; Aŋicku wook wodhie nɔn de wo ŋinydekaŋ. Ku ŋinydekaŋ ee raan ro tɔ dit youyou, ku nhieer en aye raan kueet.

18:2b.1CO.018.002 Ku te lueele raan en, yan, ŋic kaŋ, ke ŋoot ke kuc kaŋ ke cit ke bi dhil ŋic.

18:3b.1CO.018.003 Ku te nhiɛɛre raan Nhialic, yen aye ŋic e yen.

18:4b.1CO.018.004 Ku ne kede cam de ka ci lam yieth, yath aŋicku nɔn cin en naamde e piny nɔm, ku aŋicku nɔn cin en Nhialic daŋ ee tok tei.

18:5b.1CO.018.005 Ku na ciɛk dɛ ka ci tɔ ye Nhialic, nɔn ee yen tenhial ku nɔn ee yen e piny nɔm; cit man nu yieth juec, ku nu bany juec;

18:6b.1CO.018.006 ku tede wook ade Nhialic tok tei, yen Waada, Raan e bi kaŋ kedhie e ye, ku tɔuku ne yen; ku Bɛnydit tok, yen Yecu Kritho, raan tɔuwe kaŋ kedhie e ye, ku tɔuku ne yen.

18:7b.1CO.018.007 Ku ŋiny de ekene acii nu tede kɔc kedhie: kɔc kɔk arieuki yieth e kepiɔth, goki kedaŋ aa cam aɣet ci enɔɔne, ku tɔki e ke ci nak yath, ago piɔnden rac ne kɔc kɔɔc en.

18:8b.1CO.018.008 Ku kecam acii wo dueer tɔ piɛth e Nhialic nɔm: acakaa te ye wok cam, acin kepiɛth yok yok, ku acakaa te cii wok e cam, acin ke dak e wook.

18:9b.1CO.018.009 Yak rot tiit, duoki riɛlduone tɔ ye ke bi kɔc kɔc tɔ wac kaŋ.

18:10b.1CO.018.010 Ku te tiŋe raan yin, yin raan de ŋinydekaŋ, ke yi nyuc e kecam nɔm luaŋ de yath, cii piɔn e raan kɔc bi ŋeeny ago ka ci nak yieth aa cam?

18:11b.1CO.018.011 Ku ne ŋinyduon e kaŋ, bi mɛnhkui kɔc maar, mɛnh ci Kritho thou ne baŋde?

18:12b.1CO.018.012 Ku te luoi wek mithekɔckuɔ kerac aya, ku jɔki piɔndɛn kɔc yinkic kerac, ke Kritho en a luoiki kerac ayadaŋ.

18:13b.1CO.018.013 Yen na ye riŋ mɛnhkai tɔ wac kaŋ, ka cin riiŋ ba ya cam anandi, ke ya cii mɛnhkai bi aa tɔ wac kaŋ.

19

19:1b.1CO.019.001 Ca ye tuc? Ca ye cath e kede yenhdi? Kɛn Yecu Kritho Bɛnydiitda tiŋ? Week, caki e luɔidi e Bɛnyditic?

19:2b.1CO.019.002 Acakaa yɛn e cie tuc tede kɔc kɔk, ku tede week yɛn dhil aa tuc: ke e ŋice yen nɔn aa yɛn tuc ee tau tau wek e Bɛnyditic.

19:3b.1CO.019.003 Beer ban e pɔk nɔm kɔc thiec ɛn, ki,

19:4b.1CO.019.004 yan, Cuku niim de riɛl bi wok cam ku dek wok?

19:5b.1CO.019.005 Cuku niim de riɛl bi wok cath ne tik, nyankeneda, acit man e tuuc kɔk aya, ayi wɛɛtamathken e Bɛnydit, ayi Kepath?

19:6b.1CO.019.006 Ku wo wapac, wook woke Baranaba, cuku niim de riɛl bi wo luɔi pɔl?

19:7b.1CO.019.007 Alathkerou e lɔ tɔŋ, ku jɔ aa cam e weu ke yenguop? Eeŋa e dom com e tiim, ku cie e cam e ka ci luɔk? ku eeŋa ye thok tiit, ku cie cam e cɛk ke thok?

19:8b.1CO.019.008 Luɛɛl kake cit man e raan tei? ku cii loŋ kake lueel ayadaŋ?

19:9b.1CO.019.009 Aci gɔɔr e loŋ de Mothe, yan, Du miɔɔr e kum thok, te ciɛth en e rap yiic ke ke kɔɔm. Ee mioor kek ee Nhialic diɛɛr?

19:10b.1CO.019.010 Ku cie baŋda wook en e lueel en en? Yeka, ee baŋda wook en aa gɛɛre ye: ke raan pur ke bi pur e aŋɔth ŋɛɛth en kaŋ, ayi raan kɔm, ke ŋath kaŋ, ka bi kedɛn e ŋɛɛth yok.

19:11b.1CO.019.011 Te ci wok ka ke wei cuom week, duɛɛrki tɔ ye kedit, te tem wok kakuon e piny nɔm?

19:12b.1CO.019.012 Na cath kɔc kɔk ne riel bik we cieŋ aya, ke wook, cuku ke war? Ku riɛle aacuke ye kɔɔr; wok ee kerieec guum, ke wo cii welpiɛth ke Kritho bi aa pɛn cathden.

19:13b.1CO.019.013 Kuocki kɔc e ka ke luaŋdiit e looi, nɔn ciem kek e ka ke luaŋdiit? Ayi kɔc e kede yiŋ ee lam looi, kuocki nɔn ee kek ka ke yin ee lam rɔm?

19:14b.1CO.019.014 Yen acit luɛl ci Bɛnydit e lueel, yan, bi kɔc e welpiɛth guiir aa piir e welpiɛth.

19:15b.1CO.019.015 Ku yɛn, yɛn ken kake kɔɔr anandi: ku yɛn ken kake gɔɔr e luɔi bi e luoi yɛn aya: luɔi ban thou en aŋuan ne luɔi bi raan lɛc lɛc ɛn rot tɔ ye ɣɔric.

19:16b.1CO.019.016 Na ya cak welpiɛth aa guiir, ke yɛn cin nɔm ke ban ro leec; yɛn ci mac thok, an, ba welpiɛth dhil aa guiir; yeka, amawoou ne yɛn, te can welpiɛth e guiir.

19:17b.1CO.019.017 Ku te luɔɔi ɛn ekene ne piɔn mit, ke yɛn cath wo ariopdi: ku na luɔɔi ɛn en ke ya diu piɔu, ke yɛn ci gam thon ba dot thon e welpiɛth.

19:18b.1CO.019.018 Ariopdi jɔ aa ŋo? Ariopdi ki, yan, Ten aa yɛn welpiɛth guiir, ke yɛn bi welpiɛth ke Kritho aa guiir youyou tei, ke yɛn cii bɛɛnydi bi kuoc muk, bɛɛny ci gam ɛn e welpiɛth yiic.

19:19b.1CO.019.019 Acakaa yɛn e cath e kede yenhdi e kɔc yiic kedhie, ke yɛn ci ro tɔ ye lim de kɔc kedhie, luɔi ban kɔc juec dɔm.

19:20b.1CO.019.020 Tede Judai yɛn ci ro tɔ ye Judai, luɔi ban Judai dɔm: ku tede kɔc rɛɛr e loŋic, aguɔ ro tɔ ye raan rɛɛr e loŋic, luɔi ban kɔc rɛɛr e loŋic dɔm;

19:21b.1CO.019.021 tede kɔc cin loŋ, yɛn ci ro tɔ ye raan cit ke cin loŋ, luɔi ban kɔc cin loŋ dɔm, ku yɛn cii tɔu ke ya cin loŋ tede Nhialic, yɛn nu e loŋic tede Kritho.

19:22b.1CO.019.022 Tede kɔc kɔc, yɛn e ci ciet raan kɔc, luɔi ban kɔc kɔc dɔm: yɛn ci ro tɔ ye kaŋ kedhie tede kɔc kedhie, luɔi ban kɔc kɔk kony ne kerieec ca looi.

19:23b.1CO.019.023 Ku yɛn ee kene looi ne baŋ de welpiɛth, ke yɛn bi dɛ kedi thin.

19:24b.1CO.019.024 Ku na kɔc e woor, kuocki keek nɔn wɛɛr kek kedhie, ku raan tok tei en aye miɔɔc e kedaŋ? Yen aa wek woor wakya, ke we bi miɔɔc.

19:25b.1CO.019.025 Ku raan ebɛn raan e ro riit e luɔi bi en kɔc woor ee ro ŋiec muk e kerieec ebɛn. Ku kek aye luui aya ke ke bi gol bi riaak yok; ku wo bi gol cii bi riaak yok.

19:26b.1CO.019.026 Yen aya yɛn riŋ aya, ku acii cit ke cin naamde; ku yɛn ee biok aya, ku aci cit nɔn aa yɛn peeric biɔɔk tei:

19:27b.1CO.019.027 ku yɛn ee yaguop dui, ku ta ye limdi, ke ya cii bi cuat wei, ya ka ye raan e ci wel kɔn guieer kɔc kɔke.

110

110:1b.1CO.110.001 Ku enɔɔne, mithekɔckuɔ, yɛn kɔɔr luɔi ba wek cooke ŋic, yan, Kuarkuɔ aake nu e luat thar kedhie, ku acik abapdit teem kedhie;

110:2b.1CO.110.002 ku acike baptith kedhie ne kede Mothe e luatic ku abapditic;

110:3b.1CO.110.003 Ku aake ye cam e kecam toŋe kecam de wei;

110:4b.1CO.110.004 ku aake ye dek e piu toŋe piu ke wei: kuur e weiye kuur e ke kuany cok yen aa ye kek dek e ye: ku kuure yen aye Kritho.

110:5b.1CO.110.005 Ku tedit e keek Nhialic aa cii piɔu mii ke keek: ku acik bɛn riaar e jɔɔric.

110:6b.1CO.110.006 Ku kake acike tɔ ye ka bi wo wɛɛt, ke wo cii bi aa kɔc ci ŋɔɔŋ de karac dɔm, cit man ɣɔn dɔme ŋɔɔŋ keek.

110:7b.1CO.110.007 Ku duoki rot tɔ ye kɔc e yinth lam aya, cit man e kɔc kɔk e keek; acit man ci e gɔɔr, yan, Kɔc ayek nyuc ciemki ku dekki, na ele, ke ke jɔt rot, lek thueec.

110:8b.1CO.110.008 Ku duku diaar e kɔɔr, cit man ee kɔc kɔk e keyiic diaar kɔɔr, ago agum de kɔc kathierou ku diak wiik ekool tok.

110:9b.1CO.110.009 Ku duku Kritho them aya, cit man ci kɔc kɔk e keyiic e them, ago karac ke nɔk.

110:10b.1CO.110.010 Ku duoki e dok e weyac aya, acit man ci kɔc kɔk e keyiic dok, agoke nɔk e ke ye kɔc nɔk.

110:11b.1CO.110.011 Ku enɔɔne, kake kedhie aake yok keek, abik aa ka bi wo wɛɛt, ku cike gɔɔr ne nen bi wo nen, wok kɔc ci thok de piny guɔ ɣeet tede wook.

110:12b.1CO.110.012 Yen na de raan ŋic rot nɔn kɛɛc en apiɛth, ke ye rot tiit ke cii bi wiik.

110:13b.1CO.110.013 Acin them ci we them pei, ee yen e them toŋ e jaŋ ebɛn. Ku Nhialic ee piɔu adot, acii we bi pɔl a them e them caki dueer leu e guom, ku abi kueer looi keke them etok, kueer duɛɛr wek ban thin, luɔi ba wek e leu ne guom.

110:14b.1CO.110.014 Yen aa wek kat e lam de yieth, wek kɔckien nhiaar.

110:15b.1CO.110.015 Yɛn jam cit man e ke jam woke kɔc pelniim; yak thɔɔŋ e wepiɔth en ke luɛɛl.

110:16b.1CO.110.016 Biny de athiɛɛi, biny yok thieei, cie man mɛt wok ne riɛm de Kritho? Knin ci pam kuin yok waakic, ci en e man mɛt wok ne guop de Kritho?

110:17b.1CO.110.017 Ku wook, acakaa wok e juec, wok ee kuin tok, ku yok guop tok: ne rom e wok knin toŋe rɔm wodhie.

110:18b.1CO.110.018 Wɔiki ciɛɛŋ de Yithrael, ciɛɛŋdɛn e lam: kɔc e cam ne ka ci lam Nhialic ciki e kɔc rɔm yiŋ de lam etok?

110:19b.1CO.110.019 Eeŋo daŋ ba lueel? Yath de naamde? Ayi ke ci gam yath, lam, de naamde ayadaŋ?

110:20b.1CO.110.020 Ku ya lueel, yan, Ka ye Juoor that, ee jɔɔk rac ke yek that, ku acie Nhialic yen yek that: ku yɛn cin piɔu luɔi ba wek aa kɔc mat ne jɔɔk rac etok.

110:21b.1CO.110.021 We cii dek bi leu ne biny de Bɛnydit keke biny de jɔɔk rac etok: we cii dueer rɔm etok e pam ee kɔc cam, pam e Nhialic keke pam e jɔɔk rac.

110:22b.1CO.110.022 Yok Bɛnydit tɔ dɔm tiɛɛl enɔɔne? Rilku awarku yen?

110:23b.1CO.110.023 Kaŋ kedhie acike pal ɛn; ku kaŋ aciki de piathden kedhie; kaŋ acike pal ɛn kedhie, ku kaŋ aciki kɔc e kueet kedhie.

110:24b.1CO.110.024 E cin raan e piathde kɔɔr etok, e ŋɛk e piath de ŋɛk kɔɔr.

110:25b.1CO.110.025 Ka ci ɣaac e thuukic kedhie abak ke cam, acin ke bak luɔp ne biak de ke ci raan yok e yepiɔu;

110:26b.1CO.110.026 ne ke ye piny kede Bɛnydit, ayi ka ye piny thiɔɔŋ, ee kake ayadaŋ.

110:27b.1CO.110.027 Ku na de raan cɔl week e kede cam, ku ye raan toŋ de kɔc ken gam, ku dɛki piɔth lɔ, ka ci taau e weniim jaki ke cam kedhie, ku duoki kaŋ e luɔp ne biak de jam bi raan yok e yepiɔu.

110:28b.1CO.110.028 Ku na de raan leke week, yan, Kene aa nɛke yath, ke we duoki cam e ye, ne biak de raan e nyuth e week, ku ne biak de jam bii raan yok e yepiɔu: ne ke ye piny kede Benydit, ayi ka ye piny thiɔɔŋ, ee kake ayadaŋ:

110:29b.1CO.110.029 ku aci e biak de jam ba yok e yipiɔu yen luɛɛl, ee biak de jam bi raan daŋ yok e yepiɔu. Ku eeŋo dueere ya thieec ne ke luɔɔi ne yenhdi ne jam ci raan daŋ yok e yepiɔu?

110:30b.1CO.110.030 Te can thieithieei lueel te cam an, eeŋo leke ya kerac, ne ke can thieithieei lueel ne ye?

110:31b.1CO.110.031 Yen na yak cam, ku yak dek, ayi te de yen ke bak aa looi, yak kaŋ looi kedhie ke Nhialic bi dhueeŋ yok.

110:32b.1CO.110.032 Yak tɔu ke we cii kɔc e tɔ wac kaŋ, ayi Judai, ayi Giriki, ayi kanithɔ de Nhialic:

110:33b.1CO.110.033 acit man e yɛn, yɛn ee kɔc tɔ mit piɔth ne kerieec ebɛn, yɛn cii piathdi e kɔɔr, ee piath de kɔc juec en aa ya kɔɔr, luɔi bi ke kony wei.

111

111:1b.1CO.111.001 Yak taudi dɔmic, cit man aa yɛn taau de Kritho dɔmic aya.

111:2b.1CO.111.002 Enɔɔne, wek mithekɔckuɔ, wek lɛɛc nɔn aa wek a tak e kerieec ebɛn, ku nɔn aa wek jam ci yinn week dot, acit man can e gam week.

111:3b.1CO.111.003 Ku yɛn de piɔu luɔi ba wek e ŋic, nɔn ee yen Kritho yen ee nɔm de moc ebɛn; ku nɔm de tik yen aye moc; ku nɔm de Kritho yen aye Nhialic.

111:4b.1CO.111.004 Moc ebɛn, te lɛŋ en ayi te guiir en wel, ke kuom nɔm, ka ye yenɔm tɔ yaar.

111:5b.1CO.111.005 Ku tik ebɛn, te lɛŋ en ayi te guiir en wel, ke cii nɔm kuom, ka ye yenɔm tɔ yaar: yen akit keke ke ci muut nɔm.

111:6b.1CO.111.006 Ku tik, te cii en nɔm kuom, tɔ tem nɔm aya: ku te ee yen ayaar tede tik te teme yenɔm ayi te muute yenɔm, ke tɔ kuom nɔm.

111:7b.1CO.111.007 Acii piɛth eyic tede moc te kum en enɔm, luɔi cit en Nhialic ne taude ku ye dhueeŋde: ku tik yen aye dhueeŋ de moc.

111:8b.1CO.111.008 Moc aa cii bɔ ne tik: tik en aa bɔ ne moc.

111:9b.1CO.111.009 Ku moc ayadaŋ aa cii cak ne biak de tik, tik en aa cak ne biak de moc.

111:10b.1CO.111.010 Yen a dueere tik dhil dɛ kedaŋ e yenɔm, ke bi riɛl cath ke monyde nyuɔɔth, ne biak de tuucnhial.

111:11b.1CO.111.011 Ku moc acie reer te cin tik, ayi tik acie reer te cin moc, e Benyditic.

111:12b.1CO.111.012 Ku acit man e bi tik ne moc, ayi moc aya abɔ ne tik, ku bɔ kaŋ kedhie tede Nhialic.

111:13b.1CO.111.013 Thɔɔŋki wapac: piɛth tede tik te lɛŋ en Nhialic ke cii nɔm kuom?

111:14b.1CO.111.014 Acakaa piny guop ken week wɛɛt, nɔn ee yen ayaar tede moc, te ciɛth en ke nhim bar?

111:15b.1CO.111.015 Ku tik te ciɛth en ke nhim bar, ka ye dhueeŋ tede yen: nhim bar acike gam en ne kum bi en ro kum.

111:16b.1CO.111.016 Ku na de raan kɔɔr teer, ke wo cin ciɛɛŋ cit ekene, acakaa kanithɔɔ ke Nhialic ayadaŋ, aliu tede keek.

111:17b.1CO.111.017 Ku ne cooke cook ba lɛk week enɔɔne, we ca lec; Enɔn e ya wek gueer, acie piathdun, ee rac en aya wek gueer.

111:18b.1CO.111.018 Cook tueŋ, Enɔn e ya wek gueer e kanithɔyic, aca piŋ nɔn aa wek weyiic tek; ku aca gam e biak tok.

111:19b.1CO.111.019 Teŋ ee kɔc keyiic tek abi dhil nu e weyiic, ke kɔc ci tɔ ye kɔc piɛth ke ke bi tic egɔk e weyiic.

111:20b.1CO.111.020 Enɔn e ya wek gueer tetoŋe, acie cam ba wek kecam theen e Bɛnydit aa cam en aya wek gueer:

111:21b.1CO.111.021 raan ebɛn ee kecam de yenguop noom ku ciɛm; ku ŋɛk aci cɔk nɔk, ku wit ŋɛk e mɔu.

111:22b.1CO.111.022 Ee kaŋo? Cin ɣootkuon nu, ɣoot ba wek aa cam thin, ku dɛkki? ku yak kanithɔ de Nhialic biɔɔn, ku yak kɔc cin kaken yɔɔr? Ba week lɛk ŋo? ba week lɛc niim ne baŋ de kene? we ca lec niim.

111:23b.1CO.111.023 Ku yɛn e loŋ yok tede Bɛnydit, loŋ ca gam week aya, yan, Bɛnydit Yecu, wɛɛrwakɔu bi e nyiɛɛn thine, ke nom kuin ci pam;

111:24b.1CO.111.024 ku te ci en thieithieei lueel, ke wɛkic, lueel, yan, Ŋaki, camki; kene ee guopdien ci dhuooŋ ne baŋdun: yak kene looi ne taŋ ba wek ɛn aa tak.

111:25b.1CO.111.025 Ku yen e nɔm noom en biny aya, te ci kɔc thok e cam, ku lueel, yan, Binye ee loŋ ci piac mac e riɛmdiyic: yak kene looi, te de yen te dɛk wek e ye, ne taŋ ba wek ɛn aa tak.

111:26b.1CO.111.026 Ku te de yen te cam wek e kuine ku dɛkki e binye, ke thon e Bɛnydit en nyuɔɔthki aɣet te bi en bɛn.

111:27b.1CO.111.027 Yen raan ebɛn raan e kuine kuoc cam, ku kuc dek e biny e Bɛnydiite, ka ye yeyeth dɛɛr guop de Bɛnydit ayi riɛmde.

111:28b.1CO.111.028 E raan kɔn rot thieec, ku bi jɔ cam e kuine, ku dek e binye.

111:29b.1CO.111.029 Ku raan e kuoc cam ku kuc dek, ka ye ro cam jany bi e jɔɔny ku dek rot jany, ne kuny kuc en guop de Bɛnydit nɔn nu yen thin.

111:30b.1CO.111.030 Yen aye kɔc juec e weyiic gup kɔc, ku cin ke riɛl, ku ci kɔc juec thou.

111:31b.1CO.111.031 Ku tee wo ye rot ŋiec jɔɔny, adi cii wo ye jɔɔny.

111:32b.1CO.111.032 Ku te jeenye wo, ke wok ee Nhialic wɛɛt cit man e mithke, ke wo cii bi yiek yieth gaak ne kɔc ke piny nɔm etok.

111:33b.1CO.111.033 Yen aye tede, wek mithekɔckuɔ, te ya wek gueer bak bɛn cam, ke we e rot tiit.

111:34b.1CO.111.034 Ku na de raan ci cɔk nɔk, ke cam paanden, ke we cii bi jɔɔny e gueerduon e ya wek gueer. Ku cok kɔk aba ke bɛn guiir apiɛth miak can bɛn.

112

112:1b.1CO.112.001 Jam de ka ke Wei, wek mithekɔckuɔ, yɛn cin piɔu luɔi ba wek e kuc.

112:2b.1CO.112.002 Aŋiɛcki nɔn ee ya wek Juoor ɣɔn, kɔc e ci thɛl roor e yieth cok, yieth cin kethook te ye jam, acit man ee we cool e thele we.

112:3b.1CO.112.003 En a ta yɛn we ŋic ecooke, yen, Acin raan jam ke cath ke Weidit ke Nhialic raan bi e lueel, yan, Yecu ade guop aciɛɛn; ku acin raan dueer e lueel, yan, Yecu ee Bɛnydit, te cii en cath ke Weidit Ɣer.

112:4b.1CO.112.004 Ku miɔc akithic, ku Weidit ee tok.

112:5b.1CO.112.005 Ku luɔi ee kɔc kɔc kony akithic, ku Bɛnydit ee tok.

112:6b.1CO.112.006 Ku luɔi ee kɔc looi akithic, ku yen Nhialic toŋ mane yen e kerieec looi ebɛn e kɔc yiic kedhie.

112:7b.1CO.112.007 Ku tic ee Weidit tic aye gam raan ebɛn, luɔi bi kek kepiɛth aa yok thin.

112:8b.1CO.112.008 Ŋɛk aye Weidit miɔɔc ne jam e pɛlenɔm; ku miɔc ŋɛk ne jam de ŋinydekaŋ, ne Wei mane gup.

112:9b.1CO.112.009 Ku miɔc ŋɛk ne gam, ne Wei mane gup; ŋɛk aye miɔɔc e riɛl bi en kɔc tok tɔ dem, ne Wei mane gup;

112:10b.1CO.112.010 ŋɛk aye miɔɔc e ke bi en luɔi ril aa looi; ku miɔc ŋɛk e guieer bi en wel ŋiec aa guiir; ku ŋɛk ne pɛɛk dueer en wei paak; ku ŋek ne jam e thoŋ kithic; ku ŋɛk ne ŋiny bi en thok aa puk yiic:

112:11b.1CO.112.011 ku kake kedhie aye Weidit toŋ mane ke looi, ago raan ebɛn tɛk kaŋ, ŋɛk ke kede pei, ku ŋɛk ke kede pei, acit man nu en e yepiɔu.

112:12b.1CO.112.012 Acit man ee guop de raan tok, ku ka nu thin ajuecki, ku ka nu e guop toŋeyic, na cakaa ke ke juec, kek aye guop tok tei; yen acit Kritho aya.

112:13b.1CO.112.013 Wook wodhie, wo ci baptith e guop tokic ne Weidit toŋe, nɔn ee wok Judai, ku nɔn ee wok Girikii, nɔn ee wok liim, ku nɔn ee wok kɔc e cath e kede yenhden; ku wo ci tɔ dek ne Weidit toŋe wodhie.

112:14b.1CO.112.014 Ku raan guop acii yic de tok, adeyic ka juec.

112:15b.1CO.112.015 Te lueele cook de raan en, yan, Luɔi can e cin, ke yɛn cie ke de guop: yen cie ke de guop?

112:16b.1CO.112.016 Ku yic, te lueel en en, yan, Luɔi can e nyin, ke yɛn cie ke de guop; yen cii en e ke de guop?

112:17b.1CO.112.017 Raan guop ebɛn, te ee yen nyin etok, ke piŋ bi raan kaŋ aa piŋ adi nu nou? Ku raan guop ebɛn, te ee yen piŋ tei, ke ke bi raan aa ŋor adi nu nou?

112:18b.1CO.112.018 Ku enɔɔne, Nhialic aci kaŋ taau e raan guop kedhie, acit nɔn nu yen e yepiɔu.

112:19b.1CO.112.019 Ku te ee yen ke toŋe tei, ke raan guop adi nu nou?

112:20b.1CO.112.020 Ku enɔɔne, ka nu e guopic acik juec, ku guop ee tok tei.

112:21b.1CO.112.021 Ku nyin acii cin dueer yɔɔk, yan, Yin ca kɔɔr: ayi nɔm, acii cok dueer yɔɔk, yan, We ca kɔɔr.

112:22b.1CO.112.022 Acie yen, ku ka nu e raan guop ka yok tɔ ye ka kɔc, keek adhilki nu alaldit:

112:23b.1CO.112.023 ku ka yok tɔ ye ka cin dhueeŋ, kek ka nu e wogup, kake ayok ke gam dhueeŋ awarki kɔk; ago ka nu e wogup, ka cin lakden, agoki dɛ piathden abik kɔk woor.

112:24b.1CO.112.024 Ku ka ke wogup ka ci lakelak acin te dak e ke: ku Nhialic aci guop matic ebɛn, ago baŋ dɛk e kaŋ go jɔ ŋuak e dhueeŋ;

112:25b.1CO.112.025 ke ater cii bi nu e guopic, ku bi ka nu e guopic rot tak akit kapac.

112:26b.1CO.112.026 Ku te tooke ke toŋ e raan guop, ke ka ke guop kedhie ke ke jɔ took ne yen etok; ku te bi ke tok e raan guop gam dhueeŋ, ke ka ke guop kedhie ke ke jɔ piɔth miɛt ne yen etok.

112:27b.1CO.112.027 Ku wek ee guop de Kritho; ku yak ka nu e guopdeyic, ŋɛk ee ke toŋe ku ŋɛk ee ke toŋe.

112:28b.1CO.112.028 Ku Nhialic aye kɔc kɔk taau e kanithɔyic, kɔc tueŋ kek aye tuuc, kɔc lɔ e kecok, kek aye kɔc e wel guiir, ku lɔ kɔc e weet, ku lɔ luɔi ril, ku riɛl bi kɔc aa tɔ dem, ku kuny konye kɔc rot, ku ciɛɛŋ, ku thook mɛɛn pei.

112:29b.1CO.112.029 Yek tuuc kedhie? yek kɔc e wel guiir kedhie? yek kɔc e weet kedhie? cath kɔc ne luɔi ril kedhie?

112:30b.1CO.112.030 Ŋicki kɔc tok tɔ waar kedhie? yek jam e thook mɛɛn kedhie? ŋicki thok puk kedhie?

112:31b.1CO.112.031 Jaki ka dit e piathden aa kɔɔr, ka bi gam week. Ku wek a nyuoth kueer enɔɔne kueer piɛth alal awar kerieec.

113

113:1b.1CO.113.001 Na ya cak jam woke liep ke kɔc ayi tuucnhial, ku cien nhieer, ke yɛn ci ciet malaŋ kok, ku ciet alogor ci tɔɔŋ.

113:2b.1CO.113.002 Ku na ya cak wel ŋiec guiir, ku ŋiɛc ka ci thiaan kedhie, ku dɛ ŋiny de kaŋ kedhie; ku na ya cak dɛ gam ebɛn, gam duɛɛr ɛn kurdit tɔ nyai teden, ku cien nhieer, ke yɛn cin nɔm kedaŋ.

113:3b.1CO.113.003 Ku na ya cak kɔc miɔc e kaki kedhie, bi kek kecam yok, ku na ya cak guopdi gaam, an, bi nyop e mac, ku cien nhieer, acin piath ba yok tede ye.

113:4b.1CO.113.004 Nhieer ee kaŋ guum anande, ku apiɛth piɔu; nhieer acinic tiɛɛl; nhieer acii rot e leec, acii rot e tɔ dit,

113:5b.1CO.113.005 acii ke cii piɛth e looi, acii ka ke yenguop e kɔɔr, acie dap gɔth, acin kerɛɛc ee tak;

113:6b.1CO.113.006 acie piɔu miɛt keke luɔi de kerac, ee piɔu miɛt keke yin;

113:7b.1CO.113.007 Ee kerieec guum, ee kerieec gam, ee kerieec ŋɔɔth, ee yepiɔu ruut e kerieec.

113:8b.1CO.113.008 Nhieer acie dak anande: ku na de guieer e wel nu, ka bi aa cien naamde; ku na de liep nu, ka bik jɔ kɔɔc; ku na de ŋinydekaŋ nu, ka bi aa cien naamde.

113:9b.1CO.113.009 Enɔɔne wo ŋic kaŋ e biak tei, ku yok wel guiir e biak tei:

113:10b.1CO.113.010 ku te ci ke lɔ wop bɛn, ke ke nu e biak tei abi tɔ cin naamde.

113:11b.1CO.113.011 Ɣɔn aa yɛn meth, yɛn ee jam cit man e meth, ku yɛn ee kaŋ piŋ cit man e meth, ku yɛn ee kaŋ tak cit man e meth: ku enɔn can aa raan dit, ke ka ke mɛɛth aca ke pɔl.

113:12b.1CO.113.012 Ku enɔɔne, wok ee daai emormor, cit man e raan e daai acidhathic; ku rial, wo bi aa daai wo tuum wonyiin: enɔɔne yɛn ŋic kaŋ e biak tci; ku rial yɛn bi kaŋ ŋic cit man ci a ŋic.

113:13b.1CO.113.013 Ku enɔɔne adɔŋ gam, ku aŋɔth, ku nhieer, kake kadiak; ku ke diit e kake yiic ee nhieer.

114

114:1b.1CO.114.001 Cuɔpki nhieer cok, ku kaarki ka ke Wei aret, ku ke ŋuan e keek ee guieer ba wek wel ŋiec guiir.

114:2b.1CO.114.002 Raan e jam e thoŋ mɛɛn acie jam ke kɔc, ee jam ke Nhialic; acin raan e kede piŋ; ku ee jam ne ka ci thiaan e weike yiic.

114:3b.1CO.114.003 Ku raan e wel guiir ee guiir ke kɔc e ke bi kueet, ku bi ke riit piɔth, ku luk ke piɔth.

114:4b.1CO.114.004 Raan e jam e thoŋ mɛɛn ee ro kueet etok; ku raan e wel guiir ee kanithɔ kueet.

114:5b.1CO.114.005 Ku yɛn dueer piɔu miɛt te ya wek jam e thok mɛɛn wedhie, ku luɔi ba wek wel aa guiir yen anu e yapiɔu aret: ku raan e wel guiir yen adit awar raan e jam e thok mɛɛn, te ken en jam puk, ke kanithɔ abi kueet.

114:6b.1CO.114.006 Ku enɔɔne, wek mithekɔckuɔ, te ba yɛn tede week, ke ya jam e thok mɛɛn, ee kepiɛthou ba yien week, te kɛn ɛn jam wo week ne ke ci nyuoth ɛn, ayi ne ŋiny ŋiɛc ɛn kaŋ, ayi ne guieer guieer ɛn wel, ayi ne weet wɛɛt ɛn week?

114:7b.1CO.114.007 Acakaa ka cin piir, ka ye dhiau, nɔn ee yen kaaŋ de aruoor, ku nɔn ee yen thom, te cin en luɔi bi dhiende ro pɔɔc, ke ci kooth bi kɔc jɔ ŋic adi, ayi ke ci gut, bi kɔc ŋic adi?

114:8b.1CO.114.008 Ayi kaaŋ, te ci en erol guɛl, rol dhal kɔc, eeŋa bi ro guik e tɔŋ?

114:9b.1CO.114.009 Yen acit week ayadaŋ, te luɛɛl wek jam dhal kɔc ne thoŋ mɛɛn, bi ŋic adi yen ke ci lueel? We bi kaŋ aa lueel e peeric.

114:10b.1CO.114.010 Abi de te nu thok kith yiic e piny nɔm, ku acin thok e keyiic thoŋ cin jamden ci lueel.

114:11b.1CO.114.011 Ku te kuoc ɛn thoŋ jiɛɛme raane, ke yɛn bi aa raan e guɛl tede raan jam, ku raan wen jam abi aa raan e guɛl tede yɛn.

114:12b.1CO.114.012 Ayi week ayadaŋ, na kaarki ka ke Wei alaldiite, jaki kɔɔr luɔi ba wek woor ne kuɛt ba wek kanithɔ kueet.

114:13b.1CO.114.013 Yen raan e jam e thoŋ mɛɛn e laŋ ke bi jam ŋiec puk.

114:14b.1CO.114.014 Ku te laŋ ɛn ne thoŋ mɛɛn, weiki kek alaŋ, ku ŋiny ŋiɛc ɛn kaŋ acin ke ci yok thin.

114:15b.1CO.114.015 Jɔ aa ŋo? Yɛn bi lɔŋ woke weiki, ku ba lɔŋ woke ŋinydekaŋ aya: yɛn bi ket woke weiki, ku ba ket woke ŋinydekaŋ aya.

114:16b.1CO.114.016 Be, yan, cie looi wuya, ku jɔ Nhialic thieei weke weiku kapac, ke raan rɛɛr etɛɛn ke ye raan kene wɛɛt, bi Amen lueel adi, nɔn ken en ke luel piŋ?

114:17b.1CO.114.017 Yin e Nhialic ŋiec leec nɔm ne yic, ku raane akene kueet.

114:18b.1CO.114.018 Thieithieei Nhialicdi, yɛn e jam ne thok mɛɛn, ka week waar wedhie:

114:19b.1CO.114.019 ku ne yɛn, an, aŋuan luɔi ban wel kadhic lueel e kanithɔyin woke ŋinydekaŋ, luɔi ban kɔc kɔk wɛɛt aya, awar agum de wel kathieer ne thoŋ mɛɛn, wel dhal kɔc.

114:20b.1CO.114.020 Wek mithekɔckuɔ, duoki bi aa miththiike ne ŋinydekaŋ: yak aa miththiiatetet ne racdepiɔu tci, ku ne ŋinydekaŋ yak aa kɔc dit.

114:21b.1CO.114.021 Aye gɔɔr e loŋic, yan, Woke thok mɛɛn pei ku liep mɛɛn pei, kek a ban ke jam woke jure, ku acakaa yɛn e jam ne keek ale, ka ciki kedi bi piŋ, ke lueel Bɛnydit ki.

114:22b.1CO.114.022 Yen ka, thok mɛɛn ee gok nyuuth kɔc, ku acie kede kɔc ci gam, ee kede kɔc ken gam: ku guieerewel acie kede kɔc ken gam, ee kede kɔc ci gam.

114:23b.1CO.114.023 Yen na ci kanithɔ gueer ebɛn tetok, ku jamki e thok mɛɛn kedhie, ku bɔ kɔc kɔk ɣot kɔc kene wɛɛt, ayi kɔc wen ken gam, ke ciki bi lueel, yan, cak miɔl?

114:24b.1CO.114.024 Ku na guiir kɔc wel kedhie, ku jɔ raan ken gam bɛn ɣot, ayi raan kene wɛɛt, ka bi kaŋ yok e yepiɔu kedhie, ka ci piŋ, ku abi luɔp piɔu ne kaŋ nyiin kedhie;

114:25b.1CO.114.025 ago ka ci thiaan e yepiɔu jɔ tic, ago ro cuat piny e yenɔm, ku lɛm Nhialic, ku jɔ lueel, an, Nhialic anu e weyiic edhoc.

114:26b.1CO.114.026 Jɔ aa ŋo, wek mithekɔckuɔ? Te guɛɛr wek tetok, week wedhie, ŋɛk ade din e Dabid, ku de ŋɛk weet, ku de ŋɛk thoŋ mɛɛn, ku de ŋɛk ke ci nyuoth en, ku de ŋɛk puŋ puk en jam. Yak kaŋ tɔ loi kedhie ne kede kuɛt bi kɔc kueet.

114:27b.1CO.114.027 Ku na de kɔc jam e thoŋ mɛɛn, abik aa rou tei, ku te juec kek, abik aa diak, ku abik jam, ŋɛk e kede taau, ku tɛɛu ŋɛk kede; ku raan tok puk jam:

114:28b.1CO.114.028 ku te cin en raan e jam puk, ke raan lɔ lik e kanithɔyic; ku jɔ jam yenguop keke Nhialic.

114:29b.1CO.114.029 Ayi kɔc guiir wel e ke guiir kaarou ayi diak, ku kɔc kɔk e ke them jam.

114:30b.1CO.114.030 Ku na de ke ci nyuoth raan daŋ raan rɛɛr etɛɛn, ke raan tueŋ lɔ lik.

114:31b.1CO.114.031 We dueer wel guiir wedhie, ye ŋɛk kede taau, ku tɛɛu ŋɛk kede, ke we bi piooc wedhie, ku muk we piɔth wedhie;

114:32b.1CO.114.032 ku wei ke kɔc guiir wel aceŋ kek e kɔc guiir wel.

114:33b.1CO.114.033 Nhialic acie Nhialic de lieepekaŋ, ee Nhialic de mat; acit man tɔu en e kanithɔɔ yiic kedhie kanithɔɔ ɣerpiɔth.

114:34b.1CO.114.034 E dieerkun e ke ye lɔ lik e kanithɔɔ yiic: akene pal keek nɔn bi kek jam thiin; ne ke ye tɔu ke ke ye wel piŋ, acit man lueele loŋ en ayadaŋ.

114:35b.1CO.114.035 Ku na de ke kɔɔrki luɔi bi ke piooc e ye, e ke thiec roorken gup paanden: ee ayaar te jiɛme tik e kanithɔyic.

114:36b.1CO.114.036 Eeŋo? ee week e bii jam e Nhialic? e cii yine week tei?

114:37b.1CO.114.037 Ku na de raan ci ro tɔ ye raan ŋic wel guiir, ayi raan ŋic ka ke Wei, ke gam ka gaar week, nɔn ee kek ka cii Nhialic thɔn kɔc.

114:38b.1CO.114.038 Ku na de raan kuc jam, ke kuc tei.

114:39b.1CO.114.039 Yen ka, wek mithekɔckuɔ, kaarki guieerewel aret, ku duoki jam e thoŋ mɛɛn e peen.

114:40b.1CO.114.040 E kaŋ e ke ye looi apiɛth kedhie, ku yek kecok kuany apiɛth.

115

115:1b.1CO.115.001 Ku week, mithekɔckuɔ, wek a tɔ ŋic welpiɛth ca kɔn guieer week, wel waan cak dɔm ayadaŋ, ku yek we tɔ kaac aya,

115:2b.1CO.115.002 ku yek wel ci we kony wei e keek, te ya wek jam ca guieer week cok e mɔk wek e, te kɛn wek peer gamic tei.

115:3b.1CO.115.003 Yɛn e jam kɔn yien week ɣɔn, jam ca noom ayadaŋ, jam e thon ci Kritho thou ne biak de karɛckuɔ acit man ci kacigɔɔr e lueel;

115:4b.1CO.115.004 ku luɔi ci e tɔɔu, ku luɔi ci en ro bɛ jot ekool ee kekdiak acit man ci kacigɔɔr e lueel;

115:5b.1CO.115.005 ku luɔi ci en tic tede Kepath, na wen, ke tiec tede tuuc kathieer ku rou:

115:6b.1CO.115.006 Na wen, ke jɔ tiŋ e mithekɔckuɔ, kɔc war bot kadhic e raantok, ku te dit e keek anu aɣet ci enɔɔne, kɔc kɔk e keek acik lɔ tɔc tei.

115:7b.1CO.115.007 Na wen, ke tiec tede Jakop; ku jɔ tic tede tuuc kedhie.

115:8b.1CO.115.008 Na wen, e kɔc cok kedhie, ke jɔ tic tede yɛn ayadaŋ, acit man e ke e dhieth ke ye athɔɔrbei.

115:9b.1CO.115.009 Luɔi ee yɛn koor ee tuuc kedhie, ku yɛn cii roŋ ne luɔi bi a tɔ ye tuc, luɔi aa yɛn kanithɔ de Nhialic yɔŋ.

115:10b.1CO.115.010 Ku ee dhueeŋ de Nhialic piɔu, en a tau ɛn e taudi: ku dhueeŋ de yenpiɔu dhueeŋ ci yien ɛn, acie keɣɔric; yɛn ee luui aret, ka waar keek kedhie: ku acie yɛn e luui, ee dhueeŋ e Nhialic piɔu, en aye luui, dhueeŋ e tɔu ke yɛn.

115:11b.1CO.115.011 Ku enɔɔne, nɔn ee yen ɛn, ku nɔn ee ke keek, wok ee wel guiir ale, ku we ci gam ale.

115:12b.1CO.115.012 Ku te ci e guieer kɔc e kede Kritho nɔn ci en ro jɔt e kɔc ci thou yiic, ku na kɔc kɔk e weyiic, yek lueel adi, yan, cin jot nu jon bi kɔc ci thou ro jɔt?

115:13b.1CO.115.013 Ku te cin en jon bi kɔc ci thou ro jɔt nu, ke Kritho ayadaŋ, ka ken ro jɔt:

115:14b.1CO.115.014 ku te kene Kritho ro jɔt, ke guieer guiir wok wel ee keɣɔric, ayi gam gam wek ee keɣɔric ayadaŋ.

115:15b.1CO.115.015 Yeka, ku wo ci yok aye caatɔɔ ke Nhialic caatɔɔ aluɛth; ne luɛl ci wok e lueel e kede Nhialic, an, ci Kritho jat nhial: ku tee kɔc ci thou e ke cii ro bi jɔt, ka ken jat nhial.

115:16b.1CO.115.016 Ku te cii kɔc ci thou rot e jɔt, ke Kritho ayadaŋ ka ken ro jɔt:

115:17b.1CO.115.017 ku te kene Kritho ro jɔt, ke gamdun ee keɣɔric; wek ŋoot e wek tɔu e karɛckun yiic.

115:18b.1CO.115.018 Ku jɔ kɔc ci nin e Krithoyic maar aya.

115:19b.1CO.115.019 Te de wok aŋɔth ŋɛɛth wok Kritho ne piir enɔɔne tei, ke wok ee kɔc kuany nyiin e kɔc kedhie.

115:20b.1CO.115.020 Ku enɔɔne Kritho aci ro jɔt e kɔc ci thou yiic, ago aa ke ci kɔn luɔk e k::c ci nin yiic.

115:21b.1CO.115.021 Ku luɔi ee yen raan yen e bii thuɔɔu, ka ye raan aya yen e bii jonerot e koc ci thou.

115:22b.1CO.115.022 Acit man e thouwe kɔc kedhie ne Adam, yen acit piir bi kɔc tɔ piir kedhie ne Kritho.

115:23b.1CO.115.023 Ku raan ebɛn ŋɛk ke kooldɛn roŋ ke ye: Kritho ee ke ci kɔn luɔk; miak, ke kɔc ke Kritho abik rot lɔɔk jɔt ekool bi en bɛn.

115:24b.1CO.115.024 Ku jɔ thok e kaŋ bɛn, te ci en ciɛɛŋ de piny taau e Nhialic Wun cin; kool ci en ciɛɛŋ tɔ cin naamde ebɛn, ayi bɛɛny ebɛn, ayi riɛl ebɛn.

115:25b.1CO.115.025 Ku yen abi piny dhil cieŋ, aɣet te ci en kɔc de ater e yen tuɛl e yecok yiic piny.

115:26b.1CO.115.026 Raan de ater raan bi tɔ cin naamde e kaŋ cok cieen, yen aye thuɔɔu.

115:27b.1CO.115.027 E kerieec taau e yecok yiic piny. Ku te lueel en en, yan, ci kerieec taau e yecok yiic piny, ku cooke e dhil ŋic, yan, Raan e tɛɛu kaŋ e yecok yiic piny akene mat thin.

115:28b.1CO.115.028 Ku te ci kerieec ebɛn guɔ taau e yecok, ke Wende guop aya abi jɔ taau e Raanditt cok Raan e tɛɛu kerieec ebɛn e yecok, ago Nhialic aa kaŋ kedhie ku nu e kaŋ yiic kedhie.

115:29b.1CO.115.029 Ku te cii kɔc ci thou rot jɔt, ke kɔc ci baptith ne kede kɔc ci thou bik looi adi? ku jɔ aa ŋo ke baptith keek ne kede kɔc ci thou?

115:30b.1CO.115.030 Ku wook, eeŋo ye wo cath ke wo ye kɔc ci thou ecaŋɣɔn?

115:31b.1CO.115.031 Yeka, ne lɛc aa yɛn ro leec e kedun e Kritho Yecu Bɛnydittdayic, ee yic en luɛɛl, yan, Yɛn ee cath ke ya ci thou e akooinyiin kedhie.

115:32b.1CO.115.032 Te can piɔt woke lai roor Epetho cit man e kɔc, eeŋo ba yok thin te cii kɔc ci thou rot jɔt? Aŋuan luɔi dueer wo cam, ku dekku, ne luɔi bi wo thou miak.

115:33b.1CO.115.033 Duoki rot tɔ mɛthe: man mɛte raan ke kɔc rac, yen aye ciɛɛŋ piɛth riɔɔk.

115:34b.1CO.115.034 Jaki paac ne piɔnpiɛth, ku duoki kerac ee looi; kɔc kɔk acin ŋiny de Nhialic cath ke keek: yɛn luel cooke, ke we bi yaar.

115:35b.1CO.115.035 Ku abi dɛ raan toŋ thiec, yan, Kɔc ci thou yek rot jɔt adi? ku bik bɛn e guopou?

115:36b.1CO.115.036 Yin piɔl piɔu, na ke ci com, yin, acie piir, te ŋoot en ke ken kɔn thou:

115:37b.1CO.115.037 ku ke com, acie guop bi nu en com, ee nyin tei, nyin cin kɔu kaŋ, nɔn ee yen agamɔ, nɔn ee kek rɛp kɔk tei;

115:38b.1CO.115.038 ku Nhialic yen aye ye gam guop cit man nu yen e yepiɔu, ku gɛm kau ebɛn guop de yenguop.

115:39b.1CO.115.039 Riŋ ebɛn acii kit: riiŋ de raan pei, ku riiŋ de lai pei, ku riiŋ de rec pei, ku riiŋ de diɛt pei.

115:40b.1CO.115.040 Ku ade gup ke ka ke paannhial, ku gup ke ka ke piny nɔm: ku dhueeŋ de ka ke paannhial anu pei, ku nu dhueeŋ de ka ke piny nɔm pei.

115:41b.1CO.115.041 Dhueeŋ de akɔl pei, ku dhueeŋ de pɛɛi pei, ku dhueeŋ de kuɛl pei; ayi kuele ku kuele, ŋɛk acath ke dhueeŋde pei.

115:42b.1CO.115.042 Yen acit jonerot e kɔc ci thou aya. Aye com e ke bi dhiap; aye ro jɔt e ke cii bi dhiap:

115:43b.1CO.115.043 aye com e ke ci biɔɔn, ku jɔt rot ke cath ke dhueeŋ: aye com ne kɔcde; ku jɔt rot ne riɛl:

115:44b.1CO.115.044 aye com e guop de piny nɔm, ku jɔt rot e guop de wei. Guop de piny nɔm anu, ku guop de wei anu.

115:45b.1CO.115.045 Yen aa gɛɛre yen aya, yan, Adam raan tueŋ aci aa piɔn piir. Ku Adam raan cieen aci aa wei, wei e kɔc tɔ piir.

115:46b.1CO.115.046 Ku kede wei acii nu tueŋ, ee ke de piny nɔm en anu tueŋ; na miak ke jɔ kede wei lɔ.

115:47b.1CO.115.047 Raan tueŋ aa bɔ piny, ee kede piny: raan lɔ e yecok, ee Bɛnydit bɔ paannhial.

115:48b.1CO.115.048 Ku cit man tɔuwe ke de piny, yen aye tau tɔuwe kɔc ke piny ayadaŋ: ku cit man tɔuwe raan e paannhial, yen aye tau tɔuwe kɔc ke paannhial.

115:49b.1CO.115.049 Ku cit man e ye wo cath ne cuɛc de raan e piny, yen abi wo cath ayadaŋ ne cuɛc de raan e paannhial.

115:50b.1CO.115.050 Ku kene en aluɛɛl, wek mithekɔckuɔ, yan, Riŋ keke riɛm aciki ciɛɛŋ de Nhialic dueer lɔɔk lak; ayi ke bi dhiap, acii ke cii bi dhiap dueer lɔɔk lak.

115:51b.1CO.115.051 Wɔiki, wek nyuoth kecithiaan, yan, Wo cii bi nin wodhie, wo bi rot puk wodhie,

115:52b.1CO.115.052 ethiau, cit man anieu de nyin, te koothe kaaŋ cieen: kaaŋ abi kooth, go kɔc ci thou rot jɔt ke ke cii bi dhiap, ka wo bi ro puk.

115:53b.1CO.115.053 Ku dhiape abi ke cii bi dhiap dhil cieŋ cit man e lupɔ, ku bi kede thuɔɔuwe ke cii bi thou dhil cieŋ.

115:54b.1CO.115.054 Na miak, aci dhiape ke cii bi dhiap guɔ cieŋ, ku ci kede thuɔɔuwe ke cii bi thou guɔ cieŋ, yen abi jam aa yic jam ci gɔɔr, yan, Thuɔɔu aye guɔ liek ne tiem ci e tiaam.

115:55b.1CO.115.055 Yin thuɔɔu, winhduon ee yin kɔc moc akou? Ayik yin, yin paan e thuɔɔu, tiem tiɛɛm yin kɔc akou?

115:56b.1CO.115.056 Winh e thuɔɔu en aye kerac; ku riɛl e kerac yen aye loŋ:

115:57b.1CO.115.057 ku enɔɔne, Thieithieei ne Nhialic, Raan e wo tɔ tiam kaŋ ne Bɛnydan Yecu Kritho.

115:58b.1CO.115.058 Yen ka, wek mithekɔckuɔn nhiaar, yak kɔɔc tedun aril, duoki rot e tɔ jap tedun, yak wenyiin ŋuak ne luɔi de Bɛnydit e akoolnyiin kedhie, ne ŋiny ŋiɛc wek luɔiduon ril nɔn cii en e keɣɔric e Bɛnyditic.

116

116:1b.1CO.116.001 Ku ne kede juɛɛr aa wek kɔc ɣerpiɔth juɛɛr kaŋ, yak looi cit man can e lɛk kanithɔɔ ke Galatia.

116:2b.1CO.116.002 Ekool tueŋ ee kekdherou ebɛn, week wedhie, e ŋɛk e ye kaŋ tɔɔu abi ke kueet, acit man ci Nhialic e tɔ yok kaŋ, ku miak te can bɛn, ka cin juɛɛrekaŋ bi nu.

116:3b.1CO.116.003 Ku miak, te can bɛn, ke yɛn bi kɔc tooc, kɔc cak tɔ ye kɔc piɛth ne awareekkun yiic, bik ka cak gam e dhueeŋdun lɛɛr Jeruthalem:

116:4b.1CO.116.004 ku te ci jam roŋ, ke yɛn bi lɔ aya, aguɔ cath wo keek etok.

116:5b.1CO.116.005 Ku yɛn bi lɔ tede week, te can Makedonia kɔn caathic; yɛn bi Makedonia dhil caathic;

116:6b.1CO.116.006 Ku abi dɛ te ban reer wo week, nɔn de yen te ban mai wo week, aguɔki ya ruac kueer, te de en te la yɛn thin.

116:7b.1CO.116.007 Yɛn cin piɔu luɔi ban week tiŋ ku baaric; ee luɔi ban yok ke ya rɛɛr wo week yen a kaar, te ci Bɛnydit a pɔl.

116:8b.1CO.116.008 Ku yɛn bi reer Epetho aɣet kool e Thierdhic;

116:9b.1CO.116.009 gokdiit e bap aye liep ɛn, bap duɛɛr ɛn kaŋ leu e ye, ku kɔc de ater ajuecki.

116:10b.1CO.116.010 Te ci Timotheo bɛn, ke taki rɛɛr keke week ke cin riɔɔc; ee luɔi de Bɛnydit looi acit man e yɛn aya:

116:11b.1CO.116.011 e cin raan biɔn en. Ku abak ruac kueer apiɛth ke cin kerac, ke bi bɛn tede yɛn: en a tiɛɛt keke mithekɔckuɔ etok.

116:12b.1CO.116.012 Ku ne kede Apolo mɛnhkeneda, aca yɔɔk alal nɔn bi en lɔ tede week keke mithekɔckuɔ etok: ku luɔi bi en lɔ enɔɔne aa liu e yepiɔu; ku abi lɔ ekool ci ro yok.

116:13b.1CO.116.013 Yak rot tiit, kaacki apiɛth e gam, yak luui e luɔi e roor, yak riɛl.

116:14b.1CO.116.014 Yak kakun tɔ loi kedhie e nhieer nhiaar wek rot.

116:15b.1CO.116.015 Wek laŋ, wek mithekɔckuɔ (wek ŋic dhien e Thepana, nɔn ee kek kɔc ci kɔn gam e Akaya, ku acik rot gam luɔi de kuny de kɔc ɣerpiɔth),

116:16b.1CO.116.016 wek laŋ, yak rot taau e kɔc cok kɔc cit keek, ayi kɔc lni e luɔi ril ne wook etok kedhie.

116:17b.1CO.116.017 Ku yɛn mit piɔu ne bɛn de Thepana ku Portunato ku Akayiko: ayek keduon ci dak thiɔɔŋ thok.

116:18b.1CO.116.018 Acik piɔndi tɔ yop ayi piɔthkun: yen ŋiɛc wek kɔc cit keek abak ke rieu.

116:19b.1CO.116.019 Wek thieec kanithɔɔ ke Athia. Wek thieec alal e Bɛnyditic Akula keke Pirithila, ku kanithɔ nu ɣonden.

116:20b.1CO.116.020 Wek thieec mithekɔckuɔ kedhie. Thiecki rot wapac ne ciem ɣeric.

116:21b.1CO.116.021 Thiecdi ki, ke ca gɔɔr e yacin yɛn Paulo.

116:22b.1CO.116.022 Na de raan cii Bɛnydit Yecu Kritho nhiaar, ka bi guop dɛ aciɛɛn. Bɛnydiitda ka bɔye.

116:23b.1CO.116.023 E dhueeŋ de Bɛnydan Yecu Kritho piɔu e tɔu ke week.

116:24b.1CO.116.024 E nhieerdi e tɔu ke week wedhie, nhieer nu e Kritho Yecuyic. Amen.